From Rangjung Yeshe Wiki - Dharma Dictionary
Jump to navigation
Jump to search
| བི་ཀྲ་མ་པུ་ར
|
| Tibetan Definition
|
(ལེགས་སྦྱར) ཇོ་བོ་རྗེ་དཔལ་ལྡན་ཨ་ཏི་ཤ་འཁྲུངས་ཡུལ་གྱི་གྲོང་ཁྱེར། བི་ཀྲ་མ་པུ་ར་ཞེས་པ་བོད་སྐད་དུ་བསྒྱུར་ན། རྣམ་པར་རིམ་པའི་གྲོང་ཁྱེར་ཞེས་པའི་དོན་ཡིན་པར། དབྱངས་ཅན་དགའ་བློའི་ལམ་རིམ་བརྡ་བཀྲོལ་དང་། སཾ་བོད་སྐད་གཉིས་ཤན་སྦྱར་རྣམས་སུའང་གསལ་ཞིང་། དེ་ཡང་། བི་ཞེས་པ་རྣམ་པར། ཀྲ་མ་ནི་ཞེས་པ་རིམ་པ། པུ་ར་གྲོང་ཁྱེར་ཞེས་པའོ། །ཞེས་འབྱུང་ཞིང་། ཀྲ་མ་ཞེས་པ་རིམ་པ་ལ་བསྒྱུར་བ་འཐད་ཀྱང་། ཁོ་བོ་ལྟར་ན། “Vikrampur” བི་ཀྲ་མ་ཞེས་པ་རྣམ་གནོན་དང་། པུ་ར་གྲོང་ཁྱེར་ཡིན་པས། རྣམ་གནོན་གྲོང་ཁྱེར་ཞེས་པའི་དོན་ཡིན་པར་སེམས་སོ། །ནག་ཚོའི་བསྟོད་པ་བརྒྱ་བཅུ་པ་ལས། ཤར་ཕྱོགས་ཟ་ཧོར་ཡུལ་མཆོག་ན། །དེ་ན་གྲོང་ཁྱེར་ཆེན་པོ་ཡོད། །བི་ཀྲ་མ་ནི་པུ་ར་ཡིན། །ཞེས་བི་ཀྲ་མ་ “ནི” ཞེས་འབྱུང་བའི་ “ནི” སྒྲ་དེ་ནི་བོད་སྐད་ཡིན་ཞིང་། དེ་ཡང་ཚིགས་བཅད་ཀྱི་ཁ་སྐོང་ཙམ་ཡིན་པར་མངོན་ནོ། །ཡ་མཚན་པ་ཞིག་ལ། དེང་སང་གསར་དུ་དབྱིན་སྐད་དུ་བསྒྱུར་བའི་ལམ་རིམ་ཆེན་མོར་ཡང་“Vikramnipur” ཞེས་ནོར་བ་བྲིས་འདུག་གོ། དེར་མ་ཟད་གྲོང་ཁྱེར་དེ་ལ་དེང་སང་ཡང་ “Vikrampur” བི་ཀྲ་མ་པུ་ར་ཞེས་ཟེར་གྱི། བི་ཀྲ་མ་“ནི” པུ་ར་ཞེས་མི་བརྗོད་པའི་ཕྱིར་རོ། །སྙམ་ཡང་ད་དུང་དཔྱད་དོ། །
|