From Rangjung Yeshe Wiki - Dharma Dictionary
Jump to navigation
Jump to search
| བྱམས་པ
|
| Tibetan Definition
|
(ཕར་ཕྱིན) 1 དམིགས་པ་སེམས་ཅན་ལ་དམིགས་ནས་རྣམ་པ་བདེ་བ་དང་ཕྲད་ན་ཅི་མ་རུང་ཕྲད་པར་གྱུར་ཅིག་ཕྲད་པར་བདག་གིས་བྱའོ་སྙམ་པའི་བློ་ཞིག་གོ། བྱམས་པ་བསྒོམ་པའི་རིམ་པ་ནི། རྗེའི་ལམ་རིམ་ལས། ཐོག་མར་མཛའ་བཤེས་ལ་བསྒོམ། དེ་ནས་བར་མ་དང་དེ་ནས་དགྲ་ལ་བསྒོམ་པར་བྱ་ཞིང་། དེ་ནས་སེམས་ཅན་ཐམས་ཅད་ལ་རིམ་པ་བཞིན་དུ་བསྒོམ་མོ། །བསྒོམ་བའི་ཚུལ་ནི་ཇི་ལྟར་སེམས་ཅན་སྡུག་བསྔལ་བས་སྡུག་བསྔལ་བའི་ཚུལ་ཡང་ཡང་བསམས་ན་སྙིང་རྗེ་སྐྱེ་བ་ལྟར། སེམས་ཅན་ལ་ཟག་བཅས་དང་ཟག་པ་མེད་པའི་བདེ་བ་མེད་ཅིང་བདེ་བས་ཕོངས་ལུགས་རྣམས་ཡང་ཡང་བསམ་པར་བྱ་སྟེ། དེ་གོམས་པ་ན་བདེ་བ་དང་ཕྲད་འདོད་ངང་གིས་འབྱུང་ལ། དེ་ཡང་བདེ་བ་སྣ་ཚོགས་པ་རྣམས་ཡིད་ལ་བྱས་ནས་དེ་དག་སེམས་ཅན་རྣམས་ལ་བསྟབ་པར་བྱའོ། །ཞེས་གསུངས་སོ། །ཕལ་སྐད་དུ་བཤད་ན། གཞན་དག་ལ་ཕན་འདོགས་པའི་སེམས། བརྩེ་བ། བརྩེ་གདུང༌། གདུང་སེམས་རྣམས་ཕལ་ཆེར་དོན་འདྲ་ཡང་། བྱམས་པ་བརྩེ་བ་གདུང་སེམས་རྣམས་ལ་ནང་གསེས་ཀྱི་ཁྱད་པར་ཅུང་ཟད་ཡོད་པ་ནི། རྗེའི་འགྲེལ་པ་བཞི་སྦྲགས་ལས། མ་ལྟར་བྱམས་པ། སྲིང་མོ་ལྟར་བརྩེ་བ། (རང་གི) བུ་མོ་ལྟར་གདུང་སེམས་ཆེ་བ་ཞེས་གསུངས་པ་ལྟར་རོ། །2 རང་གི་དགའ་རོགས་ཀྱི་མིང༌། ཕྱི་རྒྱལ་བས་girlfriendཟེར་བ་དེའོ། །
|