From Rangjung Yeshe Wiki - Dharma Dictionary
Jump to navigation
Jump to search
| བླ་ན་མེད་པའི་མཆོད་པ
|
| Tibetan Definition
|
བྱང་ཆུབ་སེམས་དཔའ་ལ་སོགས་པ་མཐུ་ཆེན་རྣམས་ཀྱིས་བཟང་དགུ་སྤྲུལ་པའི་མཆོད་པ་ལ་ཟེར། རྗེའི་ལམ་རིན་ཆེན་མོ་ལས། བླ་ན་མེད་པ་ནི། མཆོད་པ་གང་རྣམས་ཞེས་པའི་ཚིག་བཅད་གཅིག་སྟེ། བླ་ན་ཡོད་པ་ནི་འཇིག་རྟེན་པའི་མཆོད་པ་ཡིན་པས། འདིར་ནི་བྱང་ཆུབ་སེམས་དཔའ་ལ་སོགས་པ་མཐུ་ཅན་རྣམས་ཀྱིས་བཟང་དགུ་སྤྲུལ་པའོ། །ཞེས་གསུངས་སོ། །ཡང༌། གུང་ཐང་རིན་པོའི་མཎྜལ་གྱི་ཁྲིད་ཡིག་ལས། སྤྱོད་འཇུག་ལས། ནམ་མཁའ་རབ་འབྱམས་ཁམས་ཀྱི་མཐས་གཏུགས་པར། །ཡོངས་སུ་བཟུང་བ་མེད་པ་དེ་དག་ཀུན། །བློ་ཡིས་བསླངས་ནས་ཐུབ་པ་སྐྱེས་ཀྱི་མཆོག །སྲས་དང་བཅས་པ་རྣམས་ལ་ལེགས་འབུལ་ན། །ཞེས་པ་ལྟར་རོ། །མདོ་ལུགས་ལ་འདི་ལས་གོང་མར་གྱུར་པའམ་རྒྱ་ཆེ་བའི་མཆོད་པ་འབུལ་ཚུལ་མེད་པས་བླ་ན་མེད་པའི་མཆོད་པ་ཞེས་བྱ་ལ། ཞེས་ཀྱང་གསུངས་སོ། །
|