From Rangjung Yeshe Wiki - Dharma Dictionary
Jump to navigation
Jump to search
| བླ་བྲེ
|
| Tibetan Definition
|
<ཨུལློ་ཙ> བླ་བྲེ་ནི་དབུ་གདུགས་ཀྱི་དོད་དེ། བླ་མ་སོགས་ཀྱི་བཞུགས་ཁྲིའི་སྟེང་གི་མཁའ་དབྱིངས་སུ་འདོགས་རྒྱུའི་སྟེང་གཡོགས་ལ་ཟེར། ལེགས་སྦྱར་གྱི་ཨུལློ་ཙ་ཞེས་པ་བླ་རེའམ་སྟེང་གཡོགས་ལ་ཟེར། བླ་རེའི་དགོས་པའམ་མཚོན་དོན་ནི། མདོ་རྩ་བ་ལས། བླ་གབ་མེད་པར་ཆོས་ཉན་ན་བླ་རེ་གདགས་སོ། །ཞེས་གསུངས་པ་ལྟར། བླ་གབ་མེད་པའི་གནས་སུ་ཉི་ཆར་སོགས་ལས་སྐྱོབ་པ་དང་གུས་ཞབས་མཚོན་པའི་ཕྱིར། བླ་རེ་འདོགས་པར་བྱེད་པ་ཡིན་ནོ། །སྒྲ་བཤད་ནི། བླ་ནི་སྟེང༌། བྲེ་ནི་འདོགས་པའི་དོན། མིང་གི་རྣམ་གྲངས་ལ། ཐོག་ཡོལ། གནམ་རྒྱན། བླ་རེ་སོགས་ཟེར། འདི་ལ་བླ་བྲེ་དང་། བླ་བྲེས། བླ་རེ་བཅས་འབྲི་ཚུལ་གསུམ་ཙམ་ཡོད།
|