From Rangjung Yeshe Wiki - Dharma Dictionary
Jump to navigation
Jump to search
| བླ་མ་བློ་བཟང་ཐུབ་དབང་རྡོ་རྗེ་འཆང
|
| Tibetan Definition
|
(གསང་སྔགས) བླ་མ་མཆོད་པའི་ཚོགས་ཞིང་གི་གཙོ་བོ་སྟེ། དེ་ཡང་བླ་མ་ཞེས་པ་རང་གི་རྩ་བའི་བླ་མ་དང་། བློ་བཟང་ཞེས་པ་རྒྱལ་བ་ཙོང་ཁ་པ་བློ་བཟང་གྲགས་པའི་དཔལ། ཐུབ་དབང་ཞེས་པ་སྟོན་པ་ཐུབ་པའི་དབང་པོ། རྡོ་རྗེ་འཆང་ཞེས་པ་རྒྱལ་བ་རྡོ་རྗེ་འཆང་དང་བཞིའོ། །དེ་དག་གསལ་འདེབས་ཚུལ་ནི། བདེ་སྟོང་དབྱེར་མེད་ཅེས་སོགས་བླ་མཆོད་ནས་གསུངས་པ་ལྟར། བཀའ་དྲིན་གསུམ་ལྡན་གྱི་རང་གི་དྲིན་ཅན་རྩ་བའི་བླ་མ་དེ་ཉིད། རྣམ་པ་རྗེ་བཙུན་ཙོང་ཁ་པ་ཆེན་པོར་གསལ་བཏབ། དེའི་ཐུགས་ཀར་རྒྱལ་བ་ཤཱཀྱ་ཐུབ་པ། དེའི་ཐུགས་ཀར་རྒྱལ་བ་རྡོ་རྗེ་འཆང་། དེའི་ཐུགས་ཀར་ཏིང་ངེ་འཛིན་སེམས་དཔའ་ཧཱུྃ་ཡིག་བཅས་གསལ་བཏབ། དེ་དག་རྣམ་པ་ཐ་དད་དུ་སྣང་ཡང་། ངེས་དོན་དུ་རང་གི་རྩ་བའི་བླ་མ་ཉིད། རྒྱལ་བ་ཙོང་ཁ་པ་དང་། སྟོན་པ་ཐུབ་དབང་པོ། རྒྱལ་བ་རྡོ་རྗེ་འཆང་བཅས་ཀྱི་ངོ་བོར་ཤེས་པའི་ཆེད་དུ་ཡིན་ནོ། །
|