From Rangjung Yeshe Wiki - Dharma Dictionary
Jump to navigation
Jump to search
| མ་ནིང་ལྔ
|
| Tibetan Definition
|
(འདུལ་བ) སྐྱེས་ནས་མ་ནིང༌། ཟླ་ཕྱེད་མ་ནིང༌། འཁྱུད་ལྡང་མ་ནིང༌། ཕྲག་དོག་མ་ནིང༌། ཉམས་པ་མ་ནིང་དང་ལྔའོ། །འཕགས་པ་ཐོགས་མེད་ཀྱི་རྣམ་པར་གཏན་ལ་དབབ་པ་བསྡུ་བ་༣༥ན༣ལས་ནི། ཡོངས་མ་ནིང་དང་། ཕྱོགས་གཅིག་མ་ནིང་དང་། ཉམས་པའི་མ་ནིང་དང་གསུམ་དུ་གསུངས་སོ། །འདིའི་ཡོངས་མ་ནིང་དང་སྐྱེས་ཙམ་མ་ནིང་གཉིས་དོན་གཅིག་ཡིན། འདི་སྡེ་དགེ་བསྟན་འགྱུར་སེམས་ཙམ་གླེགས་བམ་༼ ཞི་པར ༽བཞུགས་སོ། །འདུལ་བ་ལུང་གཞི་༼ ཀ ༽༩༥བ༥ལས། དགེ་སློང་དག་མ་ནིང་ནི་ལྔ་པོ་འདི་དག་ཡིན་ཏེ། ལྔ་གང་ཞེ་ན། སྐྱེས་ནས་མ་ནིང་དང༌། ཟླ་བ་ཕྱེད་པའི་མ་ནིང་དང༌། འཁྱུད་ནས་ལྡང་བའི་མ་ནིང་དང༌། ཕྲག་དོག་ཅན་གྱི་མ་ནིང་དང༌། ཉམས་པའི་མ་ནིང་ངོ་། །དེ་ལ་སྐྱེས་ནས་མ་ནིང་གང་ཞེ་ན། གང་སྐྱེས་ནས་བུད་མེད་ཀྱང་མ་ཡིན་སྐྱེས་པ་ཡང་མ་ཡིན་པའོ། །ཟླ་བ་ཕྱེད་པའི་མ་ནིང་གང་ཞེ་ན། གང་ཟླ་བ་ཕྱེད་ནི་བུད་མེད་ཟླ་བ་ཕྱེད་ནི་སྐྱེས་པར་འགྱུར་བའོ། །འཁྱུད་ནས་ལྡང་བའི་མ་ནིང་གང་ཞེ་ན། གང་ལ་གཞན་དག་གིས་འཁྱུད་ན་དབང་པོ་འབྱུང་བར་འགྱུར་བའོ། །ཕྲག་དོག་ཅན་གྱི་མ་ནིང་གང་ཞེ་ན། གང་ལ་གཞན་དག་རྩོལ་བ་མཐོང་ན་དབང་པོ་འབྱུང་བར་འགྱུར་བའོ། །ཉམས་པའི་མ་ནིང་གང་ཞེ་ན། གང་གི་དབང་པོ་ནད་ཀྱིས་ཉམས་པའམ་མཚོན་གྱིས་བཅད་པའོ། །དེ་ལ་མ་ནིང་སྔ་མ་བཞི་པོ་སྐྱེས་ནས་མ་ནིང་དང༌། ཟླ་བ་ཕྱེད་པའི་མ་ནིང་དང༌། འཁྱུད་ནས་ལྡང་བའི་མ་ནིང་དང༌། ཕྲག་དོག་ཅན་གྱི་མ་ནིང་གང་དག་ཡིན་པ་དེ་དག་ནི་རབ་ཏུ་མ་བྱུང་ན་ནི་རབ་ཏུ་དབྱུང་བར་མི་བྱ་ལ། རབ་ཏུ་བྱུང་ན་ནི་བསྙིལ་བར་བྱའོ། །དེ་ལ་ཉམས་པའི་མ་ནིང་གང་ཡིན་པ་དེ་ནི་རབ་ཏུ་མ་བྱུང་ན་ནི་རབ་ཏུ་དབྱུང་བར་མི་བྱ་ལ། རབ་ཏུ་བྱུང་ན་ནི་གལ་ཏེ་འགྱུར་བ་མི་སྟེན་ན་བཏང་སྙོམས་སུ་བྱའོ། །གལ་ཏེ་འགྱུར་བ་བསྟེན་ན་བསྙིལ་བར་བྱའོ། །ཞེས་གསུངས་པ་ལྟར་རོ། །
|