6219

མ་འདྲིས་པའི་མཛའ་བཤེས་ཆེན་པོ
Tibetan Definition	སྟོན་པ་སངས་རྒྱས་ཀྱི་མཚན་གྱི་རྣམ་གྲངས་ཤིག་སྟེ། སྤྱིར་འཇིག་རྟེན་ན་སྔར་རང་ལ་ཕན་བཏགས་ཤིང་རང་དང་འགྲོགས་འདྲིས་ཆེ་བའི་ཕ་མ་དང་ཉེ་དུ་སོགས་ལ་བློ་ཐག་ཉེ་བས་མཛའ་བཤེས་དང༌། མ་འདྲིས་པའི་བར་མའི་སེམས་ཅན་ལྟ་བུ་ཡལ་བར་འདོར་ལ། སྟོན་པ་སངས་རྒྱས་ནི་དེ་ལས་ལྡོག་སྟེ་ཕན་བཏགས་མ་བཏགས་དང་འདྲིས་མ་འདྲིས་ཀྱི་སེམས་ཅན་ཐམས་ཅད་ལ་ཐུགས་རྗེ་ཆེན་པོ་ཉེ་རིང་མེད་པར་མངའ་བས་མ་འདྲིས་པའི་མཛའ་བཤེས་ཆེན་པོ་ཞེས་བྱའོ། །