From Rangjung Yeshe Wiki - Dharma Dictionary
Jump to navigation
Jump to search
| མཁན་སློབ་བདུན
|
| Tibetan Definition
|
(འདུལ་བ) འདུལ་བ་ནས་བཤད་པའི་མཁན་པོ་གཉིས་དང་། སློབ་དཔོན་ལྔ་དང་བདུན་ནོ། །མཁན་པོ་གཉིས་ནི། རབ་བྱུང་གི་མཁན་པོ་དང་། བསྙེན་རྫོགས་ཀྱི་མཁན་པོ་གཉིས་སོ། །སློབ་དཔོན་ལྔ་ནི། དགེ་ཚུལ་གྱི་སློབ་དཔོན། གསང་སྟེ་སྟོན་པའི་སློབ་དཔོན། ལས་བྱེད་པའི་སློབ་དཔོན། གནས་སྦྱིན་པའི་སློབ་དཔོན། ཀློག་པའི་སློབ་དཔོན་དང་ལྔའོ། །དགེ་ཚུལ་གྱི་སློབ་དཔོན་གང་ཞེ་ན། །གང་གིས་སྐྱབས་སུ་འགྲོ་བ་དང༌། བསླབ་པའི་གཞི་དག་བྱིན་པ་ཡིན་ནོ། །གསང་སྟེ་སྟོན་པ་གང་ཞེ་ན། གང་གིས་གསང་སྟེ་བསྟན་པ་ཡིན་ནོ། །ལས་བྱེད་པ་གང་ཞེ་ན། གང་གིས་གསོལ་བ་དང་བཞིའི་ལས་ཀྱིས་ལས་བྱས་པ་ཡིན་ནོ། །གནས་སྦྱིན་པའི་སློབ་དཔོན་གང་ཞེ་ན། གང་གི་དྲུང་དུ་ཞག་གཅིག་ཙམ་ཡང་གནས་པས་འདུག་པ་ཡིན་ནོ། །ཀློག་པའི་སློབ་དཔོན་གང་ཞེ་ན། གང་ལས་ཚིག་བཞི་པའི་ཚིགས་སུ་བཅད་པ་ཙམ་ཡང་ལན་གསུམ་དུ་བཟླས་ཏེ་བཟུང་བ་ཡིན་ནོ། །མཁན་སློབ་བྱུང་ཚུལ་ནི། སྔོན་ཆོག་གི་སྐབས་སུ་རབ་བྱུང་དང་བསྙེན་རྫོགས་བསྒྲུབ་པ་ན་མཁན་སློབ་མེད་པར་དགེ་འདུན་ཙམ་གྱིས་བསྒྲུབས་པར་བྱས་པས། དགེ་སློང་རྣམས་ལེགས་པར་མ་སྦྱངས་པ་དང་། གོས་ལེགས་པར་མ་བགོས་པ་དང་། སྤྱོད་ལམ་ཚུལ་བཞིན་མ་བྱས་པ་ལ་སོགས་པས་ཁྱིམ་པ་རྣམས་མ་དད་པར་གྱུར་ནས་འཕྱ་བར་བྱས་པ་དང་། དེ་བཞིན་དུ་དགེ་སློང་ནད་པ་ནད་གཡོག་མེད་པར་ཤི་བ་ལ་བརྟེན་ནས་ད་ལྟར་གྱི་ཆོ་གའི་སྐབས་སུ་མཁན་སློབ་གྱིས་རབ་བྱུང་དང་བསྙེན་རྫོགས་བསྒྲུབ་པར་གནང་ངོ་། །འདུལ་བ་ལུང་གཞི་ལ་གཞི་བྱས་ཏེ་བཀོད་དོ། །
|