From Rangjung Yeshe Wiki - Dharma Dictionary
Jump to navigation
Jump to search
| མཉེས་གཤིན
|
| Tibetan Definition
|
སེམས་རྒྱུད་འཇམ་ཞིང་བཟང་བའི་དོན། དེ་ཡང་མཉེས་ནི་གཉེད་པའི་འདས་པ་སྟེ། ཞི་བའམ་དུལ་བའམ་འཇམ་པའམ་སྙི་བའི་དོན་ཡིན། དཔེར་ན་ཀོ་བ་མཉེས་ལྟ་བུ། གཤིན་ནི་བཟང་པོའམ་མཛའ་བའམ་མཐུན་པའམ་གྲོགས་སམ་ལས་རུང་གི་མིང་སྟེ། ཞིང་ས་གཤིན་པོ་ཟེར་བ་ལྟ་བུ། དེས་ན་སེམས་འཇམ་ཞིང་མཛའ་བའམ་བཟང་པོའི་དོན་ཡིན། བསྡུས་ཏེ་བཤད་ན། མཉེས་ནི་འཇམ་པ། གཤིན་ནི་བཟང་པོའི་དོན་ནོ། །རྗེའི་བྱམས་བསྟོད་ཚངས་པའི་ཅོད་པན་མ་ལས། མཉེས་གཤིན་བྱམས་པས་རྟག་ཏུ་བརླན་ཡང་ནག་པོའི་རྩ་ལག་སྲེག །ཤིན་ཏུ་བཅད་དཀའི་འཆིང་བ་བཅད་ཀྱང་སྙིང་རྗེས་དམ་དུ་བཅིངས། །ཞི་བའི་བཏང་སྙོམས་རྒྱུན་དུ་ལྡན་ཡང་བདག་པས་གཞན་ལ་གཅེས། །འཇམ་དབྱངས་ཞབས་ལ་གུས་པས་བཏུད་ནས་མི་ཕམ་མགོན་ལ་བསྟོད། །ཅེས་པ་ལྟ་བུ།
|