From Rangjung Yeshe Wiki - Dharma Dictionary
Jump to navigation
Jump to search
| མི་ཆོས་གཙང་མ་བཅུ་དྲུག
|
| Tibetan Definition
|
ཆོས་རྒྱལ་སྲོང་བཙན་སྒམ་པོས་གཏན་འབེབས་བྱས་པའི་ཁྲིམས་སྲོལ་མི་ཆོས་གཙང་མ་བཅུ་དྲུག་ནི། ༡ སྲོག་གཅོད། མ་བྱིན་ལེན། ལོག་གཡེམ། རྫུན་སྨྲ་བ་སྟེ་རྩ་བ་བཞི་སྤང་པ་དང་པོ། ༢ མཆོག་གསུམ་ལ་དད་ཅིང་དམ་པའི་ཆོས་སྒྲུབ་པ་གཉིས་པ། ༣ ཕ་མ་ལ་དྲིན་ལན་ལོག་འཇལ་མི་བྱེད་པ་གསུམ་པ། ༤ ཡོན་ཏན་ཅན། རིགས་མཐོ་བ། རྒན་པ་རྣམས་ལ་བཀུར་སྟི་བྱེད་པ་བཞི་པ། ༥ ཉེ་དུ་མཛའ་བཤེས་ལ་གཞུང་བཟང་བ་ལྔ་པ། ༦ ཡུལ་མི་ཁྱིམ་མཚེས་ལ་ཕན་གདགས་པ་དྲུག་པ། ༧ རྒྱུད་དྲང་ཞིང་སེམས་ཆུང་བ་བདུན་པ། ༨ ཡ་རབས་ཀྱི་རྗེས་སྙེག་ཅིང་ཕྱི་ཐག་རིང་བ་བརྒྱད་པ། ༩ ཟས་ནོར་ལ་ཚོད་ཟིན་པ་དགུ་པ། ༡༠ སྔར་འདྲིས་ཀྱི་མི་ཡི་ཞེ་མི་གཅོད་པ་བཅུ་པ། ༡༡ བུ་ལོན་དུས་སུ་འཇལ་བ་བཅུ་གཅིག་པ། ༡༢ བྲེ་སྲང་ལ་གཡོ་སྒྱུ་མེད་པ་བཅུ་གཉིས་པ། ༡༣ ཀུན་ལ་སྙོམས་ཤིང་ཕྲག་དོག་མེད་པ་བཅུ་གསུམ་པ། ༡༤ གྲོགས་ངན་གྱི་ངག་ལ་མི་ཉན་ཅིང་རང་ཚུགས་ཟིན་པ་བཅུ་བཞི་པ། ༡༥ ངག་འཇམ་ལ་བདེན་པར་སྨྲ་བ་བཅོ་ལྔ་པ། ༡༦ ཁྱག་པའམ་ཐེག་པ་ཆེ་ཞིང་བློ་ཁོག་ཡངས་པ་དང་བཅུ་དྲུག་གོ། ཀློང་རྡོལ་བླ་མའི་གསུང་གླེགས་བམ་གཉིས་པ་༤༣༢ན་གསལ་བ་ལྟར་བཀོད། ཚིག་རེ་ཟུང་མ་གཏོགས་བོད་རྒྱ་ཚིག་མཛོད་ཆེན་མོ་དང་འདྲ།
|