From Rangjung Yeshe Wiki - Dharma Dictionary
Jump to navigation
Jump to search
| མི་བཟད་པ
|
| Tibetan Definition
|
(བརྡ་རྙིང) 1 དྲག་ཤུལ། དྲག་ཤུལ་ཆེ་བ། མི་སྡུག་པ། རྩུབ་མོ། དང་པོ་གསུམ་དག་ཡིག་ལི་ཤིའི་གུར་ཁང་དུ་གསུངས་པ་ལྟར་བཀོད། 2 འཇིགས་སུ་རུང་བ། འཇིགས་སུ་རུང་བ་ལ་འཇུག་པ་ནི། ཁྱད་པར་དུ་འཕགས་པའི་བསྟོད་པའི་རྒྱ་ཆེར་བཤད་པ་ལས། མི་བཟད་པས་ཞེས་བྱ་བ་སྟེ། འཇིགས་སུ་རུང་བས་སོ། །ཞེས་དང་། སློབ་སྤྲིང་གི་དཀའ་འགྲེལ་༡༡༨བ༥ལས། མི་བཟད་པ་ནི་འཇིགས་སུ་རུང་བའོ། །ཞེས་གསུངས་པ་ལྟར་རོ། །3 བཟོད་གླགས་མེད་པ། བསྲན་དཀའ་བ། བཟོད་པར་དཀའ་བ། བཻ་རོ་ཙ་ན་རཀྵི་ཏའི་སྤྱོད་འཇུག་འགྲེལ་པ་ལས། མི་བཟད་པ་ཅེས་པ་ནི་བསྲན་དཀའ་བའི་སྡུག་བསྔལ་གྱིས་གཟིར་བའོ། །ཞེས་དང་། སློབ་སྤྲིང་གི་དཀའ་འགྲེལ་༡༡༤ན༥ལས། མི་བཟད་པ་ནི་བཟོད་པར་དཀའ་བའོ། །ཞེས་གསུངས་ས། །4 ཆེན་པོ། བརྒྱད་སྟོང་པའི་དཀའ་འགྲེལ་སྙིང་པོ་མཆོག་ལས། མི་བཟད་པ་དང་ནད་ཅེས་པ་ནི་ཆེན་པོ་དང་ནད་དོ་ཞེས་གསུངས། 5 རྣོ་བའམ་རྣོན་པོ། བཤེས་སྤྲིངས་ལས། སེན་མོ་མི་བཟད་ལྡན་པའི་ཁྭ་རྣམས་འཐོག །ཅེས་གསུངས་པ་ལྟར་རོ། །6 མཐུག་པའི་དོན་ལའང་བཤད། སློབ་སྤྲིང་༤༨ན༥ལས། ཤིན་ཏུ་མི་བཟད་མུན་རུམ་འཇུག་པར་འགྱུར། །ཞེས་གསུངས། དེའི་ཐད་ཀྱི་སློབ་སྤྲིང་གི་དཀའ་འགྲེལ་༡༡༥ན༥ལས། ཤིན་ཏུ་མི་བཟད་པ་ནི་ཤིན་ཏུ་མཐུག་པའོ། །ཞེས་གསུངས་སོ། །
|