From Rangjung Yeshe Wiki - Dharma Dictionary
Jump to navigation
Jump to search
| མུ་ཏོ་བ
|
| Tibetan Definition
|
སྤྲང་པོའམ་སློང་མཁན་གྱི་མིང་། མུ་ལྟོ་བ་དང་དོན་གཅིག སྒྲ་བཤད་ནི། ལྷག་མ་བཟའ་བ་ཞེས་བྱ་བ་སྟེ། མུ་ནི་མཐའམ་ལྷག་མའི་དོན་དང་། ཏོ་ནི་ལྟོ་སྟེ་ཟས་ཀྱི་དོན་ཡིན་པས། གཞན་གྱི་ཟས་ཀྱི་མཐའམ་ལྷག་མ་ལ་ལོངས་སྤྱོད་པས་ན་དེ་སྐད་ཅེས་བྱའོ། །འདུལ་བ་རྣམ་པར་འབྱེད་པའི་ཚིག་རྣམ་པར་བཤད་པ་༼ ཚུ ༽༡༢༩ན༦ལས། མུ་ཏོ་བ་ཞེས་བྱ་བ་ནི་ལྷག་མ་བཟའ་བའོ། །ཞེས་གསུངས་པས་ཀྱང་ཤེས་ནུས་སོ། །འདི་ཡང་སྐད་གསར་བཅད་ཀྱིས་བྱས་ཉེས་ཀྱིས་དོ་ཕོག་བྱུང་བའི་ཚིག་ཅིགཏེ། གསར་བཅད་མཁན་པོས་ཡིག་ཟོར་ཡང་བ་ཙམ་གྱི་དོན་དུ། ལྟོ་ཞེས་པའི་ལ་མགོ་བཀོག་ནས་མུ་ཏོ་བ་བཟོས། གཤམ་ཞེས་པའི་སྔོན་བཀོག་ནས་ཤམ་ཐབས་བཅོས། ཡིད་ཅེས་པའི་རྗེས་འཇུག་བཀོག་ནས་ཡི་དྭགས་བཟོས་ཏེ་གོ་རྒྱུ་ཡོད་པ་ཐམས་ཅད་གོ་རྒྱུ་མེད་པར་བཟོས་པའི་བྱས་ཉེས་མཐའ་ཡས་སོ། །མི་ཞིག་གི་སྣ་དང་རྣ་བ་ལག་པ་སོགས་བཀོག་ནས་ངོ་མི་ཤེས་པར་བཟོས་པ་དང་འདྲའོ། །འདི་ལ་མུལ་ལྟོ་བ་དང་། དམུ་ལྟོ་བ་ཞེས་ཀྱང་བྲིས་པར་སྣང་ངོ་། །
|