From Rangjung Yeshe Wiki - Dharma Dictionary
Jump to navigation
Jump to search
| མྱ་ངན་ལས་འདས་པ་ཆེན་པོའི་མདོ
|
| Tibetan Definition
|
བཅོམ་ལྡན་འདས་ཇི་ལྟར་མྱ་ངན་ལས་འདའ་ཚུལ་སྟོན་པའི་སྐོར་གྱི་མདོ། འདི་ཐེག་ཆེན་གྱི་མདོ་ཡིན་ཞིང་། འདི་ལ་གླེགས་བམ་གསུམ་ཡོད། གླེགས་བམ་༼ཉ་པ༽དང་༼ཏ་པ༽གཉིས་རྒྱ་ནག་ནས་བོད་སྐད་དུ། རྒྱ་ནག་གི་མཁན་པོ་ཝང་ཕབ་ཞུན་དང་། དྷརྨའི་གཞི་འཛིན་དགེ་བའི་བློ་གྲོས། ལོ་ཙཱ་བ་རྒྱ་མཚོའི་སྡེས་བསྒྱུར། དབུར་རྒྱ་གར་སྐད་དུ་ཞེས་པའང་མེད། གླེགས་བམ་ཐ་མ་༼ཐ་པ༽འདི་བཞིན་རྒྱ་གར་སྐད་ནས་བོད་སྐད་དུ་བསྒྱུར། འདི་ལ་དབུར་རྒྱ་གར་སྐད་དང་། བོད་སྐད་གཉིས་ཀ་བཞུགས་སོ། །དེ་ཡང་མདོ་སྡེ་༼ཉ་པ་ལ༽ མྱ་ངན་ལས་འདས་པ་ཆེན་པོའི་མདོ། བམ་པོ་ལྔ་བཅུ་རྩ་དྲུག་དང་ལེའུ་བཅོ་ལྔ་པ་རྒྱ་ནག་གི་མཁན་པོ་ཝང་ཕབ་ཞུན་དང་། དྷརྨའི་གཞི་འཛིན་དགེ་བའི་བློ་གྲོས། ལོ་ཙཱ་བ་རྒྱ་མཚོའི་སྡེས་བསྒྱུར་བ་ལས་བམ་པོ་ཉེར་བརྒྱད་དང་ལེའུ་དགུ་པ་ཡན་བཞུགས། ༼ ཏ་པ་ལ ༽ དེའི་འཕྲོས་ཡོངས་སུ་རྫོགས་པ་བཞུགས་སོ། །༼ ཐ་པ་ལ ༽ འཕགས་པ་ཡོངས་སུ་མྱ་ངན་ལས་འདས་པ་ཆེན་པོའི་མདོ། ལེའུ་ཉི་ཁྲི་ལྔ་སྟོང་པ་ལས། ལྷ་དང་མི་ལ་སོགས་པས་ཞུས་པའི་ལེའུ་ཉི་ཚེ་བམ་པོ་བཅུ་གསུམ་དང༌། ལེའུ་ལྔ་པ་རྒྱ་གར་གྱི་མཁན་པོ་ཛི་ན་མི་ཏྲ་དང༌། ཛྙཱ་ན་གརྦྷ་དང༌། ལོ་ཙཱ་བ་བནྡེ་དེ་བ་ཙནྡྲས་བསྒྱུར་ཏེ་གཏན་ལ་ཕབ་པ། འཕགས་པ་མྱ་ངན་ལས་འདས་པའི་མདོ་ཆུང་བ་ཤློ་ཀ་དྲུག་ཅུའི་ཚད་ཙམ་པ། པཎྜི་ཏ་ཀ་མ་ལ་གུཔྟ་དང༌། ལོ་ཙཱ་བ་དགེ་སློང་རིན་ཆེན་བཟང་པོའི་འགྱུར། འདི་ལ་ཤོག་གྲངས་༡༥༡ཡོད་ཅིང་། ཤོག་གྲངས་༡༥༡ན༣ན་མཇུག་རྫོགས་སོ། །འདིའི་མཇུག་ཏུ་༡༥༡ན༤ནས་མྱང་འདས་ཀྱི་མདོ་ཆུང་བ་ཞེས་བྱ་བ་དེ་བཞུགས་སོ། །
|