From Rangjung Yeshe Wiki - Dharma Dictionary
Jump to navigation
Jump to search
| ཚ་ལ
|
| Tibetan Definition
|
2 (གསོ་རིག) ཚྭ་རིགས་ཤིག་སྟེ། ཚ་ལས་རྨ་འདྲུབ་ཁྲག་འཇུ་སྦྱོང་བར་བྱེད། ཅེས་པར། རང་བྱུང་པས། ཚ་ལ་དཀར་པོ་དྲག་པོར་སྦྱོང་། ཞེས་གསུངས། མིང་། ཏིཀྵ་ཁ་ཏྲ། ཧིངྒུ་། དར་ཚུར། ཟངས་རྩི། རྨ་སྦྱོར། ཤེལ་རྩི། རྒྱུག་བྱེད། འཇུ་བྱེད། བཞུ་རྩི་ཟེར། འདི་རྒྱ་གར་ཁ་ཆེ་མངའ་རིས་མཚམས་སོགས་ནས་བྱུང་། ཆུ་ལས་བྱུང་བ་སྟེ་རིགས་གསུམ། ས་འོག་སོགས་སུ་འཁྱག་ལྟར་ཆགས་པ་སྔོ་དཀར་དྭངས་ལ་འོད་ཟེར་ཆགས་པ་བཟང་། སྐྱ་ཧྲུག་བྱི་བྲུན་མ་འབྲིང་། བུལ་ཏོག་འདྲ་བའི་དཀར་ཉོབ་ནི་རྒྱུ་ངན་པ་དང་། བཟང་ཡང་རྙིང་ནས་ཡལ་སོང་བ་ཡིན་པས་ངན། གང་ཡང་རོ་མངར་བ་ཡིན། བསྲེགས་ཚེ་འཇུ་ཞིང་ཁོལ་ལ་ཝུ་བ་དཀར་པོར་བྲ་བོའི་ཡོས་ལྟར་འཕེལ་བ་བཟང་། འཇུ་ཡང་མི་འཕེལ་བ་འབྲིང་། མི་འཇུ་བ་ངན་པའོ། །སྨན་གཞུང་དྲི་མེད་ཤེལ་ལས་གསུངས་སོ། །ས་སྐྱ་ལེགས་བཤད་ལས། བློ་གྲོས་ལྡན་པ་གཉིས་བགྲོས་ན། །བློ་གྲོས་ལེགས་པ་གཞན་འབྱུང་སྲིད། །ཡུང་བ་དང་ནི་ཚ་ལ་ལས། །ཁ་དོག་གཞན་ཞིག་སྐྱེ་བར་འགྱུར། །ཞེས་པ་ལྟ་བུའོ། །དཔེ་དེའི་དོན་ནི། ཡུང་བ་ནི་སྒ་སེར། ཚ་ལ་ནི་ཚྭའི་རིགས་ཤིག་སྟེ། དེ་གཉིས་བསྲེ་བསྲེ་བཏང་ན་ཁ་དོག་གཞན་ཞིག་འབྱུང་ངོ་། །ཞེས་པའོ། །
|