From Rangjung Yeshe Wiki - Dharma Dictionary
Jump to navigation
Jump to search
| ཝཱ་རཱ་ཎ་སཱི
|
| Tibetan Definition
|
(ཕར་ཕྱིན) (ལེགས་སྦྱར) སྟོན་པས་བདེན་བཞིའི་ཆོས་འཁོར་ཐོག་མར་བསྐོར་བའི་ཡུལ། ལེགས་སྦྱར་དུ་ वाराणसी ཞེས་འབྲི་བར་བྱེད། སྒྲ་བཤད་ནི། ཀུན་གཟིགས་ལྔ་པ་ཆེན་པོའི་གསུང་ལས། ཝཱ་རཱ་ཎ་ཕུབ་དང་ཨ་སཱི། རལ་གྲི་སྟེ་སྔོན་ཡུལ་དེར་འཁྲུགས་པ་ཤིན་ཏུ་དར་བས་གོ་མཚོན་རྒྱུན་དུ་བསྟེན་པས་ཕུབ་རལ་ཅན་ནམ། ཡང་ན་ཝཱ་རཱ་འཁོར་མོ་དང་ཎ་སཱི་འཇིག་པར་བཞེད་པ་དང༌། པཎྜི་ཏ་འགའ་ཞིག་ཆུ་བོ་ཝཱ་རཱ་ཎ་དང༌། ཨ་སཱིའི་བར་གྱི་ཡུལ་ཡིན་པས་མཚམས་སྦྱར་བས་ཝཱ་རཱ་ཎ་སཱི་ཡིན་གསུངས། ཞེས་འབྱུང་སྟེ། ཕྱི་མ་ནི་བྱེ་བྲག་བཤད་མཛོད་ལས། ཅིའི་ཕྱིར་ཝཱ་རཱ་ཎ་སཱི་ཞེས་བྱ་ཞེ་ན། སྨྲས་པ། འདི་ནི་ཆུ་ཀླུང་གི་མིང་ཡིན་ཏེ། དེ་ལས་མི་རིང་བ་ན་རྒྱལ་པོའི་གྲོང་ཁྱེར་བརྩིགས་པས་དེའི་ཕྱིར་གྲོང་ཁྱེར་འདིའང་ཝཱ་རཱ་ཎ་སཱི་ཞེས་བྱའོ། །ཞེས་གསུངས་པ་རྒྱ་ནག་གི་འགྲེལ་ཆེན་དུ་དྲངས་པ་དང་མཐུན་ནོ། །འདུལ་བ་གཞི་རྒྱ་ཆེར་འགྲེལ་ལས། ཝཱ་རཱ་ཎ་སཱི་ཞེས་བྱ་བ་ནི་ཆུ་ཀླུང་ཝཱ་རཱ་ཀས་མཚོན་པའི་ཕྱིར་རོ། །ཞེས་གསུངས་སོ། །
|