From Rangjung Yeshe Wiki - Dharma Dictionary
Jump to navigation
Jump to search
| ཝེན་ཚེག
|
| Tibetan Definition
|
(ཕར་ཕྱིན) འཕགས་པ་དགོངས་པ་ཟབ་མོ་ངེས་པར་འགྲེལ་པའི་མདོའི་རྒྱ་ཆེར་འགྲེལ་པ་རྒྱའི་སློབ་དཔོན་མཁན་པོ་ཝེན་ཚེག་གིས་མཛད་པ། ཞུ་ཆེན་གྱི་ལོ་ཙཱ་བ་འགོས་ཆོས་གྲུབ་ཀྱིས་རྒྱའི་དཔེ་ལས་བསྒྱུར་ཅིང་ཞུས་ཏེ་གཏན་ལ་ཕབ་པ། བསྟན་འགྱུར་མདོ་ཕྱོགས་༼ཏི་ཐི་དི༽གསུམ་ན་བཞུགས། བོད་རྒྱ་ཚིག་མཛོད་ཆེན་མོར། འདི་སྔར་ཐང་ཟན་བླ་མའི་སློབ་མ་ཁྲའོ་ཞན་གྱི་སློབ་དཔོན་ཡིན་ཞེས་གསལ། ཝེན་ཚེག་ནི་བོད་དུ་རྒྱའི་བཙུན་པ་ཡིན་པ་ཡོངས་སུ་གྲགས་ཀྱང་། ༸གོང་ས་༸སྐྱབས་མགོན་རྒྱལ་བའི་དབང་པོ་བསྟན་འཛིན་རྒྱ་མཚོས་དྷ་ས་ཐེག་ཆེན་ཆོས་གླིང་གཙུག་ལག་ཁང་དུ་ཕྱི་ལོ་༢༠༠༨-༨-༣ ཉིན་ཀོ་རི་ཡའི་སློབ་མ་རྣམས་ལ་བྱང་ཆུབ་ལམ་སྒྲོན་གྱི་གསུང་ཆོས་བཀའ་དྲིན་ཆེ་སྐབས། ཝེན་ཚེག་འདི་བཞིན་བོད་ལ་རྒྱའི་བཙུན་པ་ཡིན་པར་གྲགས་ཀྱང་རྗེས་སུ་བྱས་ཚེ་ཀོ་རི་ཡའི་མི་རིགས་རེད་འདུག་གསུངས། ཝེན་ཚེག་གིས་མཛད་པའི་མདོ་སྡེ་དགོངས་འགྲེལ་གྱི་འགྲེལ་པ་རྒྱ་ནག་ནས་བོད་སྐད་དུ་བསྒྱུར་བ་ཞིག་ཡོད་པ་རྗེའི་ལེགས་བཤད་སྙིང་པོ་སོགས་ལས་ཀྱང་ཤེས་ནུས་ཤིང་། ཁོང་གི་འདོད་ཚུལ་འགའ་ཞིག་རྗེའི་ལེགས་བཤད་སྙིང་པོའི་ནང་དྲངས་ཏེ་དགག་པ་ཡང་མཛད་ཡོད། འཁྲུངས་འདས་ལོ་ཚིགས་ (༦༡༣-༦༩༦)
|