From Rangjung Yeshe Wiki - Dharma Dictionary
Jump to navigation
Jump to search
| གཅན་གཟན
|
| Tibetan Definition
|
མཆེ་བ་དང་སྡེར་མོ་ཡོད་པའི་དུད་འགྲོའི་རིགས། སྒྲ་བཤད་ནི། གཅན་ནི་གཅན་པ་སྟེ་མིག་ཧུར་རེར་བལྟས་ཏེ་སྲུང་བའི་དོན་ཡིན་ལ། གཟན་ནི་གཟན་པ་སྟེ་དུད་འགྲོའི་ཟས་སོ། །མདོར་ན་རང་གི་གསད་བྱ་ (དབྱིན་སྐད་དུ་ prey ཟེར) རྣམས་གསོད་པའི་ཚེ་འཇབ་ཅིང་གསོད་ལ། བསད་པའི་ཤ་དེ་ཉིད་ཟས་སུ་བྱེད་པས་ན་གཟན་ནོ། །གཅན་པ་དང་ལ་གཅན་ཞེས་པ་རྣམས་དོན་འདྲ་བར་སེམས་ཏེ། འདུལ་བ་གཞི་རྒྱ་ཆེར་འགྲེལ་པ་ལས། དགྲ་བོས་འོང་བར་དོགས་པ་ཉམ་ང་བའི་གནས་ལ་སྐྱེས་བུ་ངེས་པར་སྦྱར་བ་ (འདིའི་སྦྱར་བ་ཞེས་པ་ནི་བཞག་པའི་དོན་ཡིན་པར་སྙམ) ནི་གཅན་པའོ། །ཞེས་གསུངས། ཡང་། ལུང་ཕྲན་ཚེགས་ཀྱི་འགྲེལ་པ་ལས། ཕ་རོལ་གྱི་དཔུང་གི་ཚོགས་འོང་བ་རིག་པར་བྱ་བའི་ཕྱིར་དང། ལམ་ཉམ་ང་བ་ཡོངས་སུ་བསྲུང་བའི་ཕྱིར་བཞག་པའི་སྐྱེས་བུ་ནི་ལ་གཅན་ནོ། །ཞེས་གསུངས་པ་ལྟར་རོ། །རང་གི་གསད་བྱ་ལ་མིག་ (སྤྱན) ཅེར་རེ་ལྟ་བའི་ཆ་ནས་གཅན་ཞེས་བརྗོད་པས། གཅན་ནི་སྤྱན་གྱི་འབྲི་ཚུལ་གཞན་ཡིན་ཏེ། དག་ཡིག་ལི་ཤིའི་གུར་ཁང་ལས། སྤྱན་པ་ནི་བྱ་ར་བ། ཞེས་གསུངས་པས་ཀྱང་ཤེས་སོ། །རི་དྭགས་དང་གཅན་གཟན་གྱི་ཁྱད་པར་ནི། མཆེ་སྡེར་ཅན་ལ་གཅན་གཟན་དང༌། རྨིག་པ་ཅན་ལ་རི་དྭགས་ཟེར་བ་དང༌། ཡང་ཆུ་ལྕེས་འདག་པ་ལ་གཅན་གཟན་དང༌། མཆུས་འཐུང་བ་ལ་རི་དྭགས་ཀྱི་ཐ་སྙད་བྱེད་ཅེས་མཁས་པ་འགའ་གསུང་ངོ༌། །
|