From Rangjung Yeshe Wiki - Dharma Dictionary
Jump to navigation
Jump to search
| ཟག་པའི་སྒོ་དྲུག
|
| Tibetan Definition
|
(ཕར་ཕྱིན) ༡ ཟག་པའི་བདག་ཉིད། ༢ ཟག་པ་དང་འབྲེལ་བ། ༣ ཟག་པས་བཅིངས་པ། ༤ ཟག་པའི་རྗེས་སུ་འབྲེལ་་བ། ༥ ཟག་པའི་རྗེས་སུ་མཐུན་པ། ༦ ཟག་པའི་རྒྱུ་ལས་བྱུང་བ་དང་དྲུག་གོ། །ཞིབ་ཏུ་བཤད་ན། མཆིམས་མཛོད་༢༡ལས། ཀུན་བཏུས་ལས། ༡ ཟག་པ་དེའི་བདག་ཉིད་ནི། རྩ་ཉོན་དང་ཉེ་ཉོན་རྣམས་ཟག་པའི་ངོ་བོ་དང༌། ༢ ཟག་པ་དང་འབྲེལ་བ་ནི། ཟག་པ་དང་ལྷན་ཅིག་འབྱུང་བའི་སེམས་སེམས་བྱུང་དང༌། བདག་རྐྱེན་མིག་ལ་སོགས་པ་རྣམས་དེ་དང་མཚུངས་པར་ལྡན་པ་དང་རྟེན་ཡིན་པ་དང༌། ༣ ཟག་པས་བཅིངས་པ་ནི། ཁམས་གསུམ་གྱི་དགེ་བ་ཟག་བཅས་རྣམས་དེས་སྲིད་པའི་རྒྱུར་ཀུན་ནས་བཅིངས་པ་དང༌། ༤ ཟག་པའི་རྗེས་སུ་འབྲེལ་བ་ནི། ཟག་པའི་གནས་ངན་ལེན་དང་ལྡན་པ་དང༌། ༥ ཟག་པའི་རྗེས་སུ་མཐུན་པ་ནི། ཟག་པའི་གཉེན་པོ་མ་ཡིན་པར་དེ་ལ་འཕྲོད་པའམ། ཡང་ན་གཟུགས་ལ་སོགས་པ་ནི་ཟག་པ་རྩ་བ་དང་ཉེ་བའི་ཉོན་མོངས་པའི་ཡུལ་དུ་གྱུར་པས་དེ་དག་ལ་དམིགས་ནས་ཟག་པ་རྒྱས་པར་འགྱུར་པས་ཟག་པའི་དམིགས་པ་ཡིན་པ་དང༌། ༦ ཟག་པའི་རྒྱུ་ལས་བྱུང་བ་ནི། དེའི་འབྲས་བུ་ཡིན་པ་བཅས་སོ། །ཀུན་བཏུས་དར་ཊཱིཀ་ཏུ་དེ་དང་འདྲ་བར་གསུངས་སོ། །
|