From Rangjung Yeshe Wiki - Dharma Dictionary
Jump to navigation
Jump to search
| ཟེ་ཚྭ
|
| Tibetan Definition
|
(གསོ་རིག) ཟེ་ཚྭས་རྡོ་འཇུ་རྡེའུ་རྡོ་སྐྲན་བཤིག ཅེས་པ་ལ། རང་བྱུང་རྡོ་རྗེས། ཟེ་ཚྭས་སྲིན་གསོད་རྡོ་སྐྲན་བཤིག ཅེས་གསུངས། མིང་ནི། སའི་ཤེལ། ཚ་ཧྲག་ཅན། མེ་འབར་ཚྭ་ཟེར། འདི་རང་བྱུང་ཡིན་པ་འདྲ་ཡང་ལས་ཀྱི་ཆོ་གས་གཙང་བར་བགྲུངས་དགོས་ལ། དེར་ཡང་རྒྱུའི་ཁྱད་པར་ལས་རིགས་གསུམ་སྟེ། བྲག་སྲུབ་སོགས་ལས་འཁྱག་པ་ལྟར་ཆགས་པ་ལས་བགྲུངས་པ་ཤེལ་ཁབ་ལྟ་བུ་རབ། ས་བྲག་གང་ལ་ཡང་བྱ་སྤུ་ལྟར་ཆགས་པ་ལས་བགྲུངས་པ་ཆུར་ཕྱེ་ལྟ་བུ་འབྲིང་། གྱང་རྨང་གད་པ་སོགས་ལས་སྣུམ་འབོལ་དུ་ཆགས་པ་ལས་བགྲུངས་པ་ཙམ་པའམ་ཡོས་ཚིག་གི་ཕྱེ་མ་འདྲ་བ་ཐ་མའོ། །གང་ཡང་དང་པོའི་རྒྱུ་དང་རྗེས་གཙང་བར་བྱས་པ་གང་ཡང་རོ་ཚ་ལ་རེག་བྱ་བསིལ་བ། མེ་ལ་བཏབ་ན་ཁོལ་ཞིང་ཚ་ཚ་འཕྲོ་བའོ། །སྨན་གཞུང་དྲི་མེད་ཤེལ་ཕྲེང་ལས་གསུངས་པ་ལྟར་རོ། །
|