From Rangjung Yeshe Wiki - Dharma Dictionary
Jump to navigation
Jump to search
| འདུལ་བ་རྣམ་པར་འབྱེད་པའི་ཚིག་རྣམ་པར་བཤད་པ་༦༩ན༡ལས་ཀྱང་དེ་བཞིན་དུ་གསུངས་སོ
|
| Tibetan Definition
|
།དོགས་གཅོད། གཞུང་འགའ་ཞིག་ཏུ། བརྩམ་པར་བྱ་ཞིང་འབྱུང་བར་བྱ་ཞེས་འབྱུང་ལ། གཞན་དུ། བརྩམ་པར་བྱ་ཞིང་དབྱུང་བར་བྱ་ཞེས་འབྱུང་བས། དེ་གཉིས་ཀྱི་ཁྱད་པར་གང་ཡིན་ནམ་ཞེ་ན། འདུལ་བ་ལུང་གཞི་༼ ང་པ ༽དང་། ལུང་རྣམ་འབྱེད་༼ ཇ་པ ༽༡༩༣ ན༡། སོ་ཐར་གྱི་མདོ། ལུང་ཕྲན་ཚེགས་ཀྱི་འགྲེལ་པ། སོ་སོར་ཐར་པའི་མདོའི་གཞུང་འགྲེལ་བཅས་ལས། འབྱུང་བར་བྱ་ཞེས་གསལ་ལ། ཡང་། འདུལ་བ་ལུང་རྣམ་འབྱེད་༼ ཇ ༽༡༡༥ན༢ དང་། སློབ་དཔོན་ཆོས་བཤེས་ཀྱི་འདུལ་བ་མདོའི་འགྲེལ་པ་སྨད་ཆ་༼ ཡུ ༽༣༦༩ན༢བཅས་ལས། བརྩམ་པར་བྱ་ཞིང་དབྱུང་བར་བྱ། །ཞེས་འབྱུང་ངོ་། །ལུགས་དེ་གཉིས་ལས་གང་འཐད་ཅེ་ན། གཉིས་ཀ་འཐད་ཀྱང་། འབྱུང་བར་བྱ་ཞེས་པ་ལེགས་པ་ཡིན་ཏེ། དེ་གོ་བདེ་བའི་ཕྱིར་ཏེ། ངེས་པར་འབྱུང་བར་བྱ་ཞེས་པའི་དོན་གསལ་བར་སྟོན་པའི་ཕྱིར་རོ། །འབྱུང་བ་ནི། འཐོབ་པ་དང་སྐྱེ་བ་དང་འགྲོ་བ་སོགས་ཀྱི་དོན་ཡིན་ལ། འབྱུང་བ་ད་ལྟ། བྱུང་བ་འདས་པ། འབྱུང་མ་འོངས། དབྱུང་བ་ནི། འདོན་པའི་དོན། འབྱིན་པ་ད་ལྟ། ཕྱུང་བ་འདས། དབྱུང་བ་མ་འོངས། ཕྱུང་ནི་སྐུལ་ཚིག་གོ །གོང་ཚིགས་བཅད་གཉིས་པོ་དེ། འདུལ་བ་ལུང་གཞི་༼ ང་པ ༽དང་། འདུལ་བ་ལུང་ཕྲན་ཚེགས་སྟོད་ཆ་༼ ཐ ༽༡༥ན༢དང་། སོ་སོར་ཐར་པའི་མདོ་སོགས་ན་གསལ་ལོ། །
|