From Rangjung Yeshe Wiki - Dharma Dictionary
Jump to navigation
Jump to search
| འདུལ་བའི་རྩ་བཤད་ཕྱོགས་མཐུན་གྱི་མདོ
|
| Tibetan Definition
|
(འདུལ་བ) འདུལ་བའི་མདོ་ལ། རྩ་བའི་མདོ། བཤད་པའི་མདོ། ཕྱོགས་མཐུན་གྱི་མདོ་དང་གསུམ། རྩ་བའི་མདོ་ནི། དགེ་སློང་ཕ་མའི་སོ་ཐར་གྱི་མདོ་ལྟ་བུ། བཤད་པའི་མདོ་ནི། ལུང་རྣམ་འབྱེད། ལུང་གཞི། ལུང་ཕྲན་ཚེགས། གཞུང་དམ་པ་སྟེ་འདུལ་བ་ལུང་སྡེ་བཞི་ལྟ་བུ། ཕྱོགས་མཐུན་གྱི་མདོ་ནི། དགེ་སློང་ལ་རབ་ཏུ་གཅེས་པའི་མདོ། ཚུལ་ཁྲིམས་ཡང་དག་པར་ལྡན་པའི་མདོ། ལྟུང་བ་སོ་སོའི་ལྕི་ཡང་སྟོན་པའི་མདོ། ཚུལ་ཁྲིམས་ལས་ཉམས་པའི་ལྟུང་བའི་ལྕི་ཡང་སྟོན་པའི་མདོ། སྦྱངས་པའི་ཡོན་ཏན་སྟོན་པའི་མདོ། འཁར་བསིལ་དང་དེ་འཆང་བའི་མདོ། གཎྜིའི་མདོ་ལ་སོགས་པ་རྣམས་སོ། །དོགས་གཅོད། དགེ་སློང་ཕ་མའི་སོ་ཐར་གྱི་མདོ་གཉིས་པོ་རྩ་བ་དང་། འདུལ་བ་ལུང་གཞི་སྡེ་བཞི་པོ་དེ་གཉིས་ཀྱི་འགྲེལ་པ་ཡིན་མིན་ལ་དཔྱད་པར་བྱའོ། །
|