From Rangjung Yeshe Wiki - Dharma Dictionary
Jump to navigation
Jump to search
| འབྱུང་འགྱུར་གྱི་རེག་བྱ་ཉེར་གཉིས
|
| Tibetan Definition
|
དྭངས་མ་དང༌། དྭངས་མ་མ་ཡིན་པའི་གནས་སྐབས། དབང་པོ་སྤྲད་བཟོད་པ་དང༌། སྤྲད་བཟོད་དཀའ་བ་འཇམ་རྩུབ་དང༌། འདེགས་སླ་བ་དང་དཀའ་བའི་སྒོ་ནས་ཡང་ལྕི་དང་སྲིན་བལ་ལྟར་ནེམ་ནེམ་པོར་སྣང་བ་མཉེན་པ་ཉིད་དང་འདུས་འཁྲེགས་དང་འདུས་འཁྲེགས་མ་ཡིན་པའི་གནས་སྐབས་བཙིར་བ་ན་སྲ་བ་མ་ཡིན་པའི་བལ་གྱི་རེག་བྱ་ལྟ་བུ་དང༌། བཙིར་ན་ཞུམ་པར་མི་འགྱུར་བ་ལྕགས་ཀྱི་རེག་བྱ་ལྟ་བུ། ལྷོད་པ་ཉིད་དང་ལྷོད་པ་མ་ཡིན་པ་ཉིད་དྲོ་བ་འདོད་པ་སྐྱེ་བའི་རེག་བྱའི་ཁྱད་པར་གྲང་བ་དང་ཟས་དང་བཏུང་བ་དོན་གཉེར་སྐྱེད་པའི་རླུང་ཁམས་དང༌། མིའི་ཁམས་ཤས་ཆེར་འཕེལ་བ་ལས་བྱུང་བ་བཀྲེས་སྐོམ་དང་འགྲངས་པར་ཟོས་ཤིང་ངོམས་པར་འཐུངས་པ་ན་དེས་ཚིམ་པའི་རེག་བྱ་ཚིམ་པ་དང་ཁམས་མ་སྙོམས་པའི་གནས་སྐབས་ཀྱིས་ཚིམ་པ་ཡང་ཡོད་དོ། །ལུས་ཀྱི་སྟོབས་རྒྱས་ཤིང་ཚོད་པོའི་གནས་སྐབས་ཀྱི་རེག་བྱ་དང༌། ལུས་རིང་བའི་གནས་སྐབས་ཀྱི་རེག་བྱ་ཉམས་ཡོད་པ་དང༌། ཉམས་ཆུང་བ་དང༌། བསྡུ་བ་ལྟ་ན་ཉེས་པར་ཟོས་པས་འཁྲུགས་པའི་གནས་སྐབས་དང༌། འཇིག་རྟེན་གྱི་གྲགས་པ་ལྟར་ན། གནད་དུ་བསྣུན་པ་ལ་རེ་ཤིག་སེམས་སེམས་བྱུང་གི་འཇུག་པ་འགགས་པའི་གནས་སྐབས་སྐྱེད་པའི་རེག་བྱ་བརྒྱལ་བ་དང་བརྒྱལ་བ་སྐྱེད་པའི་རེག་བྱ་ལ་བརྒྱལ་པ་ཞེས་བཏགས་སོ། །ཁྲག་ལ་གནོད་པས་མི་བཟོད་པའི་སྐབས་ཀྱི་རེག་བྱ་གཡའ་བ་དང་ཆུ་དྭངས་འདུས་པ་ལས་བྱུང་བའི་རེག་བྱའི་ཁྱད་པར་འགྲེལ་པ་དང་ནད་གསུམ་ཆ་མི་མཉམ་པའི་གནས་སྐབས་ཀྱི་རེག་བྱ་དང༌། ན་ཚོད་གཏུགས་པའི་གནས་སྐབས་ཀྱི་རེག་བྱ་དང༌། གནད་གཅོད་པའི་གནས་སྐབས་ཀྱི་རེག་བྱ་ན་བ་དང་རྒ་བ་དང་འཆི་བ་དང་བྱ་བ་ལ་རྩལ་གྲགས་པས་ལུས་ལས་སུ་མི་རུང་བའི་སྐབས་ཀྱི་རེག་བྱ་དང༌། དེ་དང་བྲལ་བའི་ལུས་བརྟས་པའི་རེག་བྱ་ངལ་བ་དང༌། ངལ་བསོས་པ་དང་ལུས་སྟོབས་ཆེ་ཞིང་ལུས་ཀྱི་མདངས་བཟང་བའི་གནས་སྐབས་ཀྱི་རེག་བྱ་སྤུངས་ཆེ་བའི་མདོར་ན་འབྱུང་འགྱུར་གྱི་རེག་བྱ་ཉེར་གཉིས་ཡོད་དེ། རེག་བྱ་འཇམ་པ་དང་སྤུངས་ཆེ་བའི་བར་རྣམས་ཡོད་པའི་ཕྱིར་ཅེས་པའོ། །ཞེས་ཀུན་བཏུས་དར་ཊཱིཀ་ལས་གསུངས།
|