From Rangjung Yeshe Wiki - Dharma Dictionary
Jump to navigation
Jump to search
| རལ་གར་ལྷགས་པ
|
| Tibetan Definition
|
རལ་གྲིའི་འཐབ་མོ་བྱེད་པའི་ཕྱིར་གཡུལ་དུ་སླེབས་པ་ཞེས་པའི་དོན། དེ་ལ་རལ་ག་འགྱེད་པའི་ཕྱིར་གཡུལ་དུ་སླེབས་པ་ཞེས་ཀྱང་བྱའོ། །དེ་ཡང་རལ་ག་ནི་རལ་གྲིའི་འཐབ་མོའི་མིང་ཡིན་ལ། རལ་གར་ཞེས་པའི་ར་སྒྲ་ནི་དགོས་ཆེད་ཀྱི་སྒྲ་དང་། ལྷགས་པ་ནི་སླེབས་པའི་དོན་ནོ། །རྗེའི་ལམ་རིམ་ཆེན་མོ་ལས། དེ་ལ་སྤང་བྱ་སྤོང་བའི་བརྩོན་འགྲུས་རྩོམ་པའི་ཚེ་ཇི་ལྟར་བྱ་བ་ནི། འཐབ་རྙིང་དགྲ་དང་ལྷན་ཅིག་ཏུ། །གཡུལ་ངོར་རལ་གར་ལྷགས་པ་བཞིན། །ཉོན་མོངས་མཚོན་ལས་བཟུར་བྱ་ཞིང༌། །ཉོན་མོངས་དགྲ་རྣམས་འཇེབས་པར་བཏང༌། །ཅེས་གསུངས་པ་ལྟར། དཔེར་ན། འཐབ་མོ་བ་རྙིང་པ། ལས་དེ་ལ་གོམས་པའི་མཁས་པ་ནི་དགྲ་དང་རལ་ག་སོགས་འགྱེད་པའི་ཚེ་ཕ་རོལ་འཇོམས་པ་གཅིག་པུའི་རྩིས་མི་བྱེད་ཀྱི། རང་ལ་ཚུར་མཚོན་གྱི་གནོད་པ་འབབ་པ་ལས་བཟུར་བ་ལ་མཁས་པ་དང༌། ཕར་ལ་འཇོམས་པ་གཉིས་ཀའི་ལས་བསྒྲུབ་པ་བཞིན་དུ། ཞེས་གསུངས་པ་ལྟར་རོ། །
|