From Rangjung Yeshe Wiki - Dharma Dictionary
Jump to navigation
Jump to search
| རིག་པ
|
| Tibetan Definition
|
<བིདྱཱ> 1 (ཡུལ་ཅན) ཤེས་པ། 2 (ཡུལ) རིག་བྱ། (རིག་བྱ་ལ་རིག་པ་ཟེར་བ་དང༌། བསླབ་བྱ་ལ་བསླབ་པ་དང༌། བཟའ་བྱ་ལ་བཟའ་བ་ཟེར་བ་རྣམས་འདྲའོ) ཤེས་བྱ། ཤེས་ཡོན། རྒྱ་གར་གྱི་སྐད་དུ་ “विद्या” ཟེར། ཀླུ་སྒྲུབ་ཀྱི་ཤེས་རབ་སྡོང་བུ་ལས། མཁས་པས་རིག་པ་རྣམ་ཀུན་དུ། །ན་ཚོད་ཡོལ་ཡང་བསླབ་པར་བྱ། །གལ་ཏེ་འདིར་འབྲས་མི་སྟེར་ཡང་། །སྐྱེ་བ་གཞན་དུ་རྙེད་པ་སླ། །ཞེས་གསུངས། ས་པཎ་གྱིས། རིག་པ་ནངས་པར་འཆི་ཡང་བསླབ། ཚེ་འདིར་མཁས་པར་མ་གྱུར་ཀྱང༌། །སྐྱ་བ་ཕྱི་མར་བཅོལ་བ་ཡི། །ནོར་ལ་རང་ཉིད་ལེན་པ་འདྲ། །ཞེས་གསུངས། 3 (བྱ་བ) མཐོང་བ། རྟོགས་པ། བློས་ཡུལ་རིག་པའི་བྱ་བའི་མིང༌། 4 (གཞུང) ཤེས་ཡོན་སྟོན་པའི་གཞུང༌། གསོ་བ་རིག་པ་ཞེས་པ་གཞུང་ལའང་གོ་རུང་བ་ལྟ་བུ། 5 བློ་གྲོས། རྣམ་དཔྱོད། རིག་པའམ་རྣམ་རིག་བཀྲ་བ་ཞེས་པ་ལྟ་བུ། 6 (གསང་སྔགས) འོད་གསལ། རྗེའི་འགྲེལ་པ་བཞི་སྦྲགས་ལས། རིག་པ་ནི་ཤེས་རབ་ཀྱི་ཕ་རོལ་ཏུ་ཕྱིན་པ་འོད་གསལ་ལོ། །ཞེས་གསུངས། 7 (བཀའ་བརྒྱུད) སེམས་ངོ་མཐོང་བ། (རྙིང་མ) མ་རིག་པས་བསླད་པ་མ་ཞུགས་པའི་དབང་གིས་གཟུང་འཛིན་གྱི་སྤྲོས་པ་དང་བྲལ་ཞིང༌། གསལ་སྟོང་འཛིན་མེད་ཀྱི་སྟོང་པ་ངོས་ཤེས་པ་ལ་རིག་པ་ཟེར། ཞེས་ཐུའུ་བཀྭན་བློ་བཟང་ཆོས་ཀྱི་ཉི་མ་གསུང༌།
|