From Rangjung Yeshe Wiki - Dharma Dictionary
Jump to navigation
Jump to search
| རིམ་པ་བཞི་པའི་འོད་གསལ
|
| Tibetan Definition
|
དོན་གྱི་འོད་གསལ་མངོན་དུ་འགྱུར་བའི་ཐབས་ཉེ་བའི་རྒྱུ་ནས་བཟུང་སྟེ་ཟུང་འཇུག་མ་ཐོབ་པའི་བར་གྱི་རྫོགས་རིམ་ནི། བཞི་པ་འོད་གསལ་གྱི་རིམ་པའི་ངོ་བོ་ཡིན། རིམ་པ་བཞི་པའི་དོན་གྱི་འོད་གསལ་ནི། ཕྱིའི་ཟླ་ཉི་སྲོད་ཀྱི་སྨག་གསུམ་འདས་པའི་ཐོ་རངས་ཀྱི་དུས་སུ་མངོན་དུ་བྱས་པའི་ལྡོག་ཆ་ནས་ཕྱིའི་མངོན་བྱང་དང༌། ནང་གི་སྣང་མཆེད་ཐོབ་གསུམ་ཐིམ་པའི་འོད་གསལ་ཐམས་ཅད་སྟོང་པ་ཡིན་པའི་ལྡོག་ཆ་ནས་ནང་གི་མངོན་བྱང་དུ་བཤད་དོ། །རིམ་པ་བཞི་པའི་དོན་གྱི་འོད་གསལ་ཐོབ་པ། ལྷན་སྐྱེས་ཀྱི་བདེ་བ་ཆེན་པོས་སྟོང་པ་ཉིད་མངོན་སུམ་དུ་རྟོགས་པ། སྔགས་བླ་མེད་ཀྱི་མཐོང་ལམ་ཐོབ་པ། དེའི་ས་དང་པོ་ཐོབ་པ་རྣམས་དུས་མཉམ་མོ། །སེམས་དབེན་མཐར་ཐུག་དཔེའི་འོད་གསལ་དང་དོན་གྱི་འོད་གསལ་གཉིས་ཀ་གཉུག་སེམས་ཤིན་ཏུ་ཕྲ་བ་ཡིན་པ་མཚུངས་ཀྱང་རྟོག་པ་རྟོག་མེད་ཀྱི་ཁྱད་པར་ཡོད་ལ། དོན་གྱི་འོད་གསལ་གྱི་ཚེ་རྟོག་པ་ཕྲ་རགས་ཐམས་ཅད་རླུང་དང་བཅས་པ་ཐིམ་དགོས་པས། རྟོག་པའི་བཞོན་པར་གྱུར་པའི་རླུང་གི་དངོས་ཀྱི་ཉེར་ལེན་བྱེད་པའི་སྒྱུ་ལུས་ཀྱང་ཐིམ་དགོས་པ་ཡིན་ནོ། །
|