From Rangjung Yeshe Wiki - Dharma Dictionary
Jump to navigation
Jump to search
| རྟུལ
|
| Tibetan Definition
|
(བརྟུལ་བའི་ད་ལྟ་བ) 1 སྡུད་པ། དཔེར་ན་གནས་མལ་རྣམས་ཕྱོགས་གཅིག་ཏུ་རྟུལ་བར་བྱེད་ཅེས་པ་ལྟ་བུ། རྟུལ་ཞུགས་ཞེས་པ་ལྟ་བུ། 2 བརྩོན་འགྲུས། རྩོལ་བ། སོ་སོར་ཐར་པའི་མདོ་ལས། ཚེ་དང་ལྡན་པ་ཁྱོད་དགེ་འདུན་མཐུན་པ་དབྱེ་བའི་ཕྱིར་རྟུལ་བ་མ་བྱེད་ཅིག་ཅེས་པ་ལྟ་བུ། 3 རྣོན་པོ་མ་ཡིན་པ། དབང་རྟུལ་དང་། ཏོག་ཙེ་རྟུལ་པོ་ཞེས་པ་ལྟ་བུ། སི་ཏུ་འགྲེལ་ཆེན་ལས། ཐུ་མིའིགཞུང་ལུགས་རྟོགས་པར་དཀའ་བ་རིན་པོ་ཆེ་ཡི་གཏེར་གྱི་སྒོ། །ཕྱི་དུས་འདི་ན་བློ་མིག་མི་གསལ་བློ་ལྡན་ཚུལ་ཅན་དུ་མ་ཡིས། །དབྱེ་བར་རློམ་ནས་དོན་མིན་ཚིག་ཕྲེང་ཏོག་རྩེ་རྟུལ་པོས་གནས་མིན་དུ། །ལན་བརྒྱར་བརྡེགས་ཀྱང་རང་ཉིད་ངལ་ལས་གཞུང་དོན་རིན་ཆེན་རྙེད་འོས་ཅི། །དེང་དུས་ལེགས་བཤད་གཏེར་སྟོན་འདི་བྱུང་ནས། །གཞན་གཞུང་ཚར་གཅོད་རིགས་པའི་ཞུགས་ཆེན་གྱིས། །ལོག་བཤད་ཚང་ཚིང་སྟུག་པོ་རྣམ་པར་བསྲེགས། །ཞེས་གསུངས་པ་ལྟར་རོ། །4 སྙིང་སྟོབས། བརྟུལ་ཞེས་པའི་ཐད་དུ་གཟིགས།
|