From Rangjung Yeshe Wiki - Dharma Dictionary
Jump to navigation
Jump to search
| རྡུལ་ཁྲུ
|
| Tibetan Definition
|
སོར་མོ་ཉི་ཤུ་རྩ་བཞིའི་ཚད་ལ་རྡུལ་ཁྲུ་ཟེར། དེ་ལ་རྡུལ་ཁྲུ་ཞེས་བརྗོད་པའི་རྒྱུ་མཚན་ནི། རྡུལ་ཕྲ་རབ་རྩོམ་གཞིར་བྱས་ཏེ་དེ་ཉིད་གོང་ནས་གོང་དུ་བདུན་འགྱུར་དུ་བརྩིས་ནས་གྲུབ་པའི་ཁྲུ་ཡིན་པའི་ཕྱིར་རོ། །དེ་ཡང་མཛོད་རྩ་བ་ལས། སྐད་ཅིག་ཕྲ་རབ་རྡུལ་དང་ནི། །རྡུལ་ཕྲན་དང་ནི་དེ་བཞིན་དུ། །ལྕགས་ཆུ་རི་བོང་ལུག་དང་གླང༌། །ཉི་ཟེར་རྡུལ་དང་སྲོ་མ་དང༌། །དེ་ལས་བྱུང་དང་དེ་བཞིན་དུ། །སོར་ཚིགས་ཞེས་བྱ་གོང་བདུན་བསྒྱུར། །སོར་མོ་ཉི་ཤུ་བཞི་ལ་ཁྲུ། །ཞེས་གསུངས་པ་ལྟར་རོ།། རྡུལ་ཁྲུས་གཞལ་བར་བྱ་བ་ནི། །ཁང་པའི་ཚད་དང་ཁྲི་རྐང་ཚད། །གདིང་བ་གཡན་དགབ་རས་ཆེན་ནོ། །ཞེས་མཚོ་ཊཱིཀ་ལས་གསུངས་པ་ལྟར་རོ། །སྤྱིར་ཁྲུ་ལ། རྡུལ་ཁྲུ། ལུས་ཁྲུ། ལག་ཁྲུ་དང་གསུམ་ཡོད། རྒྱས་པར་ཁྲུ་ཞེས་པའི་ཐད་དུ་གཟིགས།
|