From Rangjung Yeshe Wiki - Dharma Dictionary
Jump to navigation
Jump to search
| རྡོ་རྗེ་སྤུན
|
| Tibetan Definition
|
(གསང་སྔགས) རྡོ་རྗེ་སློབ་དཔོན་གཅིག་ལས་དཀྱིལ་འཁོར་དུ་དབང་བསྐུར་བ་ཐོབ་པའི་ཆོས་གྲོགས་ལ་ཟེར། སྤུན་ཞེས་པ་ནི་བླ་མ་གཅིག་གི་གསུང་ལས་སྐྱེས་པས། སྐྱེ་གནས་གཅིག་པས་སྤུན་ཞེས་བྱའོ། །རྡོ་རྗེ་སྤུན་ལ་དབྱེ་ན། ཁྱད་པར་གྱི་རྡོ་རྗེ་སྤུན། བྱེ་བྲག་གི་རྡོ་རྗེ་སྤུན། ཉེ་བའི་རྡོ་རྗེ་སྤུན་དང་གསུམ་དུ་བཤད་དེ། རྗེའི་གསང་སྔགས་ཀྱི་ཚུལ་ཁྲིམས་ཀྱི་རྣམ་བཤད་དངོས་གྲུབ་ཀྱི་སྙེ་མ་ལས། འདིའི་གཉིས་ལས་ཡུལ་ནི། རྡོ་རྗེ་ཐེག་པའི་སྒོ་ནས་སྐྱེ་གནས་གཅིག་པས་སྤུན་དུ་གྱུར་པའོ། །འདི་ལ་ནག་པོ་དམ་ཚིག་རྡོ་རྗེས་སློབ་དཔོན་དང་དཀྱིལ་འཁོར་དང་རིག་པའམ་རིག་མ་རྣམས་གཅིག་ལས་དམ་ཚིག་ཐོབ་པ་ནི་ཁྱད་པར་གྱི་རྡོ་རྗེ་སྤུན་དང་དེ་རྣམས་ལ་བྱེ་བྲག་སྟེ་སོ་སོར་ཐོབ་པ་ནི་བྱེ་བྲག་གི་རྡོ་རྗེ་སྤུན་དང་ཐེག་པ་ཆེན་པོ་ལ་ཞུགས་པ་རྣམས་ནི་ཉེ་བའི་སྤུན་ནོ། །ཞེས་གསུངས། 2 ས་པཎ་གྱིས་རྡོ་རྗེ་ཐེག་པར་ཞུགས་ཚད་ལ། རྡོ་རྗེ་སྤུན་ཞེས་བཤད་དོ། །དེ་ཡང་ས་པཎ་གྱི་རྡོ་རྗེ་ཐེག་པའི་རྩ་བ་དང་ཡན་ལག་གི་དམ་ཚིག་བཤད་པ་༢ལས། རྡོ་རྗེ་ཐེག་པ་ལ་ཞུགས་པ་ཐམས་ཅད་རྡོ་རྗེ་སྤུན་ཞེས་ཟེར་ལ། ཞེས་གསུངས་སོ། །
|