File:ParoTaksang-01.jpg

kung tu bzang po'i dgongs nyams,, ,, klong klong chen snying gi thig le las, kun tu bzang po'i dgongs nyams bzhugs, dran pa kun tu bzang po la phyag 'tshal lo, rtsa ba chod pa'i sems nyid nam mkha' 'dra, nam mkha'i rang bzhin nam mkha' dmigs su med, de bzhin rig pa dpe yis mi mtshon yang, thabs la brten nas gnad kyi man ngag bshad, ji ltar dbul po'i khyim gyi gter bzang po, rang la yod kyang de nyid ma rig pas, dbul po'i rang bzhin 'gyur ba med pa ltar, ma rig rtog pa'i dra bar 'thums ches pa'i, ma rtogs 'khor ba'i sems can snying re rje, ji ltar rnal ma'i lam la rgyab phyogs nas, log pa'i 'du shes shin tu mi bzad pas, rtag chad kha na ma thos grub pa'i mtha', phyogs gcig kho nar 'dzin pa'i dka' thub can, log rtogs mu stegs can dag nyon re mongs, gdod nas dag pa'i sems nyid nam mkha'i khams, shes bya'i chos kyis ji ltar btsal byas kyang, srin bu'i kha chus de nyid 'ching ba ltar, don la rgyab kyis phyogs pa'i mngon zhen can, nyan thos 'gog pa'i blo can a thang chad, 'khor 'das kun gyi rtsa ba rang gi sems, bcas bcos med pa'i ngang du sangs rgyas pa, ma rig rten 'brel 'khor ba'i chos 'khor la, 'du shes gcig tu gzhungs pa'i phyogs 'dzin can, rang rgyal bcas ma'i sangs rgyas nyams re dga', gdod nas rang rtsal rdzogs pa'i sems nyid de, ma bcos gnyug ma'i lhums su zhugs pa la, bden gnyis tshig la 'chel ba'i rtog dpyod kyis, yin tshul bcos mar gtong ba'i tshul 'chos can, byang chub sems dpa'i grub mtha' phyi thag ring, bzang ngan blang dor med pa'i sems nyid la, gtsang btsog spong len sgrin po'i lhad kyis bslad, gnyis med don la gnyis 'dzin gzugs kyis bcos, thob bya med la go 'phang don gnyer ba'i, bya rgyud kri ya'i grub mtha' nyams re mtshar, bzang ngan 'phel 'grib med pa'i gnas lugs la, lta sgom spyod pa'i tha snyad 'gags na yang, thabs dang shes rab spyod pa'i dngos 'dzin blos, byar med bya bar gyel ba'i grub mthar can,

spyod rgyud u pa'i brtul zhugs thang re chad phyi nang bar mtshams med pa dran pa'i gshis bcos ma'i blo dang bral ba'i sems nyid la zab gsal phyag rgyar bcos pa'i rnam rtog can rnam 'byor yo ga'i grub mtha' chod re chung 'bad rtsol rgyu la ma ltos sems kyi ngang 'bras bu lam du byed pa'i chos nyid la rtsa rlung sems kyi ngal bsos dbugs 'byin pa'i spros bcas a nu'i grub mtha' thang re chad zhal phyag mtshan ma bral ba'i sems nyid la snang srid lha skur lta ba'i gol sa dang sgrar grags sngags su gol ba'i 'dzin rtog can ma h'a yo ga'i lam gyis 'di mi mthong kun tu bzang po'i dgongs nyams las theg brgyad blo yi grub mtha' gzhag pa'i le'u ste dang po'o kye ho nga yi rang bzhin rdzogs pa chen po la 'khor 'das chos rnams spangs thob bral bar rdzogs man ngag gnad rnams rang grol chen por rdzogs lta ba'i gnad rnams rtag chad med par rdzogs sgom pa'i lam rnams 'bad rtsol med par rdzogs spyod pa'i chos rnams gnang bkag med par rdzogs 'bras bu'i ngo yid smon bral bar rdzogs rdzogs zhes bya ba'ang blos btags tsam du zad chos rnams kun gyi ngo bo byang chub sems sangs rgyas kun gyi thugs kyang byang chub sems sems can yongs kyi srog kyang byang chub sems byang chub sems la kun rdzob don dam med med ces smra nas stong par rgyas mi gdab yod ces bzung nas rtag par blo mi 'chos ma bzung ma btang rang gar blo 'das dbyings bsam yul spros pa kun dang bral ba'i klong nga la bcos ma'i rnam rtog med pa'i phyir dge sdig las dang 'bras bu gtan nas zad lha sngags ting nge 'dzin gyis ci zhig bya bsgrubs pas 'grub pa'i sangs rgyas nga ma yin nga yi rang bzhin kun khyab chen po la sa lam bgrod pas mthong ba ga la srid de phyir re dogs 'jur bur mi 'ching bar lta ba bzang po'i ngar dang phrol la zhog sgom pa zab mo'i shubs nas thon la zhog spyod pa 'jur bu'i tshul 'chos shig la zhog 'bras bu chen po'i re dogs bsgyur la zhog sgom dang mi sgom las 'das dran pa'i ngang bya dang mi bya'i rtsis gdab dbyings su yal stong dang mi stong las 'das byang chub sems yod dang med pa'i phyogs zhig gnyug ma'i klong smra bsam brjod du med pa'i rig pa la der 'dzin gnyen po med pa'i srog shing can gcer bu lhing pa rang grol so ma'i gshis 'bad rtsol spros pa kun dang bral ba'i klong,

dus gsum 'phel 'grib med pa'i ngang la gnas kun tu bzang po'i dgongs nyams las rdzog pa chen po ye grol sor gzhag tu bstan pa'i le'u ste gnyis pa'o kya'i ho de ltar spangs thob bral ba'i byang chub sems bde bar gshegs pa rig pa'i snying po can rgyud la gnas kyang bcos ma'i gzeb kyis bcings ji ltar bsgoms bzhin snying po'i don la sgrib rtsa bral ngo bo med pa'i chos nyid la shes bya skye 'gag med par sgro btags pas gzugs med gzugs su bcos pa ji bzhin du rnal ma'i don las g.yel ba nyon re mongs 'ga' zhig dran bsam 'phro 'du chad pa'i rjes ched 'dzin gnyen pos bslad pa'i stong sgom gzugs 'bad pas gcur,

gyis sgom pas a thang chad srog rtsar las rlung 'jug pa'i gegs su che la la rnal ma'i ngo bo ma mthong bzhin rnal ma'i tshig gis bslus pa'i lung ma bstan dran bsam lkog tu gyur pa'i gti mug la sgom gyi ngo bor 'dzin pa shin tu 'khrul kha cig 'gyu dran sems su shes pa'i blos dran bsam 'phro 'du'i phyi la rnam rtog cing skye 'gag grangs su 'debs pa'i bsam gtan des lo brgyar bsgoms kyang 'khrul pa'i 'khor lor 'phyan phal cher rtsol sgrub kho na dgrar langs te bsgoms na mi bde sna tshogs zug rngu ldang ma bsgoms rang ngo ma shes 'khrul bar 'byams des kyang ma bcos rnal ma'i don la g.yel kya'i ho de kun so skye'i nyams las mi 'da' bas da ni sgom dang mo sgom gnyis ka'i blo bcos ma'i rnam rtog yin par nges byas te da lta'i sems la bsgyur bkod med par zhog de yang 'du byed blo yis 'tshol 'phro dang btang bzhag ched 'dzin mtha' dag spangs byas nas thad ka'i shes pa rtsis med rang yan 'di bcas bcos phri bsnan spangs la rang sor zhog de tsha mtshan ma'i rnam rtog ci shar yang gang shar mi lta shar mkhan ngos bzung la spang la be phur btab pa ji bzhin du shes rig rang tsho bzung ba gnad tu zab ji ltar gshis kyi gnas tshul rjen pa la 'gro 'ong 'phel 'grib med par gnas na yang der 'dzin gnyen po'i gzeb dang ma bral na yid dpyod theg pa'i gnas lugs dag tu gol de phyir lta sgom spyod pa'i tha snyad kun rnal ma'i don la blo yis sbun pa ste dran 'dzin rtsol ba'i gnyen po dbyings su nub yengs dang ma yengs med pa'i brtul zhugs can spro bsdu bas bsal bzhag med pa'i rang yin pa 'bad rtsol spros pa kun las 'das pa'i dbyings bsam dang bsam byed med pa'i gter chen po gdod nas sangs rgyas med par shes pa de 'dod pa ye nas zad pa'i chos nyid can 'khor ba'i rtsa ba rul ba'i khyad chos kyi mya ngan dbyings su sangs pa'i gu yangs pa bden rdzun mtha' las 'das pa'i stong pa nyid shar grol rang grol cer grol chen po'i don rtogs na sangs rgyas kun dang gnyis su med nga dang tha dad med par sangs rgya'o rtsod dus gsang ba chen po'i man ngag gnad yid dpyod theg pa'i gzhung dang 'gres pa'i tshe nga dang gnyis su med pa'i rig 'dzin gyi nga yi dgongs pa gtan la 'bebs par byed rigs gsum sems dpa' rnam sprul chos 'di'i bdag las 'phro skal pa can gyis spyod par shog kun tu bzang po'i dgongs nyams las, gol sa bcad pa'i le'u ste gsum pa'i bdag nyid can gyis rdzog so, sa ma ya, dha thim,