26622

དཔལ་སྤུངས་གསུང་རྟེན་ (1)

Part of speech

མིང་ཚིག

Definition

ཕྱི་ལོ་ ༡༩༥༩ རྗེས་སུ་ཡོད་པའི་བཞེངས་པའི་གསུང་རྟེན་སྐོར། རྒྱ་གར་གློག་སྤར་བཀའ་འགྱུར་ཚར་གསུམ། སྡེ་དགེའི་པར་མའི་བཀའ་འགྱུར་ཚར་ལྔ་། སྡེ་དགེའི་སྤར་མ་བསྟན་འགྱུར་ཚར་གསུམ། སྡེ་དགེའི་པར་མ་འབུམ་ཚར་གསུམ། བེེ་རོ་ཙ་ནའི་བཀའ་འབུམ་པོད་སུམ་ཅུ་སོ་གཉིས་ཚར་གཅིག། སྡེ་དགེའི་སྤར་མ་རྒྱུད་སྡེ་ཀུན་བཏུས་ཚར་གསུམ། སྡེ་དགེའི་པར་མ་སྒྲུབ་ཐབས་ཀུན་བཏུས་ཚར་བཞི། སྡེ་དགེའི་པར་མ་ལམ་འབྲས་ཚར་གཅིག། སྡེ་དགེའི་སྤར་མ་བརྒྱད་སྟོང་སུམ་བིད་ཚར་བཞི། བརྒྱད་སྟོང་དེབ་ཐུང་ཚར་གཅིག། བརྒྱད་སྟོང་ལྡེབ་རིང་ཅན་ཚར་གསུམ། སྡེ་དགེའི་པར་མ་ན་ནི་བཀའ་འབུམ་ཚར་གཉིས། སྡེ་དགེའི་སྤར་མ་ངོར་ཆེན་ཀུན་དགའ་བཟང་པོ་དང་དཀོན་མཆོག་ལྷུན་གྲུབ་གཉིས་ཀྱི་བཀའ་འབུམ་ཚར་རེ། ས་སྐྱའི་བཀའ་འབུམ་ཚར་གཅིག། མི་ཕམ་བཀའ་འབུམ་ཚར་གཉིས། ཞུ་ཆེན་བཀའ་འབུམ་ཚར་གཅིག། རྗེ་ཙོང་ཁ་པའི་བཀའ་འབུམ་ཚར་གཅིག། དྭགས་པོའི་བཀའ་འབུམ་ཚར་གསུམ། ཀོང་སྤྲུལ་བཀའ་འབུམ་རྒྱ་གར་གློག་སྤར་ཅན་ཚར་གཅིག། གདམས་ངག་མཛོད་གློག་སྤར་ཅན་ཚར་གཅིག། རིན་ཆེན་གཏེར་མཛོད་གློག་སྤར་ཅན་ཚར་གཅིག། ཤངས་ཆོས་རང་ལུགས་པོད་གསུམ་ཅན་ཚར་གཅིག ཤངས་པའི་གསེར་ཆོས་རྒྱ་གར་གློག་པར་པོད་ལྔ་ཅན་ཚར་གཅིག། སྡེ་དགེའི་པར་མ་འཇིགས་གླིང་བཀའ་འབུམ་ཚར་གཉིས། སྡེ་དགེེའི་པར་མ་ཀློང་ཆེན་མཛོད་བདུན། སྙིང་ཐིག་ཡ་བཞི། ངལ་གསོ་སྐོར་གསུམ་བཅས་སོ་སོ་ཚར་རེ། དེ་མིན་དུས་འགྱུར་སྔོན་ཡོད་པའི་དཔལ་སྤུངས་སྤར་གཞིའི་གསུང་རབ་ཕལ་ཆེར་དེང་སྐབས་རྒྱལ་ཁབ་དཔེ་མཛོད་ཁང་པེ་ཅིན་དཔེ་མཛོད་ཁང་དུ་བསྡུ་ཉར་བྱས་ཡོད་པའི་མ་དཔེ་ལས་བཤུས་པའི་གློག་རྡུལ་འཁོར་ལོ་གཅིག་ད་ལྟ་གདན་སར་ཡོད་པ་བཅས་སོ། །