27564

དབུ་མའི་རྣམ་གྲངས་བཅུ་བཞི་ (1)

Part of speech	མིང་ཚིག
Definition	དབུ་མ་ཆེན་པོ། ཇོ་ནང་། དབུ་མ་གཞན་སྟོང་། འཚོ་བའི་དབུ་མ། སྤྱོད་པའི་དབུ་མ། ཞི་ལྷག་ཟུང་འཇུག་གི་དབུ་མ། གང་ཟག་གི་བདག་མེད་ཙམ་ལ་བརྟེན་པའི་དབུ་མ། ཀུན་རྫོབ་ཙམ་ལ་ལྟོས་པའི་དབུ་མ། ཀུན་རྫོབ་དབུ་མ། རྣམ་གྲངས་ཙམ་གྱི་དོན་དམ་དབུ་མ། དོན་དམ་པའི་དབུ་མ། ཡོངས་གྲུབ་ཁོ་ན་ལ་བརྟེན་པའི་དབུ་མ། བདེན་པ་གཉིས་ཀ་ལ་བརྟེན་པའི་དབུ་མ། དོན་གཉིས་ལ་བརྟེན་པའི་དབུ་མ། སྐུ་གཉིས་ལ་བརྟེན་པའི་དབུ་མ། ཡོན་ཏན་གཉིས་ལ་བརྟེན་པའི་དབུ་མ། འཕྲིན་ལས་གཉིས་ལ་བརྟེན་པའི་དབུ་མ་སྟེ་དབུ་མའི་རྣམ་གྲངས་བཅུ་བཞི་འདོད་དེ། ཇོ་ནང་ཏཱ་ར་ནཱ་ཐའི་ཐེག་མཆོག་དབུ་མའི་རྩ་བ་ལས། འཚོ་བ་མཐའ་གཉིས་སྤངས་པ་དབུ་མའི་ལམ། །སྤྱོད་པའང་བླང་དོར་མ་ནོར་དབུ་མ་སྟེ། །སྒོམ་པའི་ཞི་ལྷག་ཟུང་འཇུག་དབུ་མ་ཡིན། །ལྟ་བའི་གནས་སྐབས་ཀུན་ཏུ་དབུ་མ་སྦྱར། །བདག་དང་བྱེད་པོས་སྟོང་པས་ཡོད་མཐའ་སྤངས། །རྒྱུ་འབྲས་མི་བསླུ་ཆད་པའི་མཐའ་དང་བྲལ། །སེམས་རྒྱུད་ཙམ་ལས་ང་བདག་གཞན་མེད་ཕྱིར། །རྟག་པར་གནས་དང་སྔར་བྱུང་ཆད་པ་མེད། །ཀུན་བརྟགས་ནམ་ཡང་མེད་མོད་འཁྲུལ་ངོར་སྣང་། །ཀུན་རྫོབ་ཙམ་ལ་ལྟོས་པའི་དབུ་མའོ། །ཕྱི་རོལ་དོན་སྤང་སེམས་ནི་སྣ་ཚོགས་སྣང་། །རྣལ་འབྱོར་པ་ཡི་ཀུན་རྫོབ་དབུ་མ་ཡིན། །སེམས་དེ་གསལ་བར་འཆར་ཡང་རང་བཞིན་མེད། །རྣམ་གྲངས་ཙམ་གྱི་དོན་དམ་དབུ་མར་འདོད། །ཡོངས་གྲུབ་ཁོ་ན་གཉིས་ཀྱི་ཆོས་བྲལ་བ། །དོན་དམ་དབུ་མ་ཞེས་བྱར་རྒྱལ་རྣམས་བཞེད། །རྣམ་པ་ཐམས་ཅད་ཉིད་ཀྱང་མི་འགྱུར་བ། །དེ་ནི་དབུ་མའི་མཚན་ཉིད་མཐར་ཐུག་ཡིན། །མཁས་དང་གྲུབ་པར་རློམ་ཞིང་ཁས་ལེན་པ། །ཕལ་ཆེར་ཟབ་དོན་འདི་ལ་རབ་ཏུ་འཁྲུལ། །ཀུན་རྫོབ་སྣང་བ་རྟེན་འབྲེལ་མི་འགལ་ཡང་། །ངེས་པའི་དོན་དུ་འདི་དག་གང་ཡང་མེད། །དེ་ལྟར་སྟོང་པའང་བདེན་པ་གཉིས་ཀ་ལ། །བརྟེན་པའི་དབུ་མ་ཡིན་ཏེ་ཐུན་མོང་ལགས། །འབྲས་བུ་དོན་དང་སྐུ་གཉིས་ཡོན་ཏན་ལས། །ཁྱབ་དང་རྟག་པའི་དོན་གྱི་དབུ་མའོ། །ཞེས་འབྱུང་ངོ་། །
Domain	ཆོས་ལུགས།