29298

དུག་སྨན་ (1)

Part of speech	མིང་ཚིག
Definition	དུག་ནད་རིགས་སེལ་བྱེད་ཀྱི་སྨན།
Example	དུག་ནད་སེལ་བྱེད་ལ་དུག་སྨན་སྟེན།

དུག་སྨན་ (2)

Part of speech	མིང་ཚིག
Definition	དུག་རིགས་ལས་སྦྱར་བའི་སྨན།
Example	དུག་སྨན་བསྟེན་ནས་ནད་དྲག

དུག་སྨན་ (3)

Part of speech	མིང་ཚིག
Definition	བཙན་དུག་གམ་བོང་ང་ནག་པོ་སྟེ། ལོ་རེ་བཞིན་སྐྱེ་བའི་སྔོ་སྨན་རིགས་ཀྱི་སྐྱེ་དངོས་ཤིག་སྟེ། རྩ་བའི་ཕྱི་པགས་དུད་མདོག་ལ་ཆེ་ཆུང་མཐེ་བོང་ཙམ་ཡོད་པའམ་རེ་འགའ་དེ་ལས་ཆེ་བའང་ཡོད་ཅིང༌། ནང་དཀར་སེར་ནག་ཤས་ཅན་གྱི་སྟོད་ཆ་སྦོམ་པ་ནས་རིམ་བཞིན་ཕྲ་རུ་སོང་བ་དང་རྩ་བ་གསར་རྙིང་མགོ་སྦྲེལ་ནས་ཡོད་པ། ལོ་མ་སྔོ་ལྗང་སྣུམ་ལ་འཇམ་ཞིང་སྒོར་བར་རྒྱབ་ལྗང་སྐྱ་སྦར་དབྱིབས་ལྟ་བུའི་ཉག་ཆེན་ཡོད་ཅིང༌། ཉག་ག་རེ་རེའི་མཐར་ཉག་ཅུང་སོག་ལེའི་སོ་འདྲ་བ་སྐྱེས་ཤིང་ངར་པ་རིང་བ་ཁ་ཤས་གཞི་རྩ་ནས་མཉམ་དུ་སྐྱེ་བ། སྡོང་པོ་སྔོན་པོ་ཅུང་སྦོམ་ལ་རིང་ཞིང་འདྲོང་བ་སྤྱིར་བཏང་ཆིག་སྐྱེས་ཡལ་ག་མེད་པ་གཞི་རྩའི་མེ་ཏོག་གི་ཁ་དོག་ལ་སྔོ་ཤས་དང༌། སེར་ཤས། དཀར་ཤས། ནག་ཤས་བཅས་ལ་དབྱིབས་པུ་ཤུད་ཀྱི་མགོའམ་བྱ་མགོ་འདྲ་བ་སྡོང་པོའི་རྩེར་བརྩེགས་པའི་མེ་ཏོག་བང་རིམ་དུ་འཆར་ཞིང༌། སྐམ་ཚགས་འབྲས་བུ་ཟུར་ཡོད་པའི་ནང་འབྲུ་སེར་ནག་ཆུང་ལ་ཞིབ་པ་མང་པོ་ཡོད་པ་སྟེ། བོད་ཀྱི་ས་གནས་ཕལ་ཆེ་བའི་རི་ལྡེབས་དང༌། ཆུ་འགྲམ། རི་ཐང་མཚམས་སོགས་སུ་སྐྱེ་བ་མང་བ། ལོ་མ་བོད་ཟླ་ལྔ་པའི་ནང་བཏུས་ཏེ་གཙང་མ་བཟོས་རྗེས་སྔོ་ཆོལ་རྨ་ཕབ་ཐོག་བསིལ་སར་བསྐམས་ནས་སྨན་དུ་སྤྱོད་རྒྱུ་དང༌། རྩ་བ་བོད་ཟླ་བརྒྱད་པ་སྟེ་ནུས་པ་གཏིང་འགྲོའི་སྐབས་བཏུས་ཏེ་གཙང་མ་བཀྲུས་རྗེས་སྨན་གཞན་དང་མ་འདྲེས་པར་བསྐམས་ནས་སྤྱོད་རྒྱུ། རོ་མངར་ལ་ཅུང་ཁ་བ། ཞུ་རྗེས་མངར་བ། ནུས་པ་དྲོ་བས་དྲེག་གྲུམ་ནད་ཀྱིས་རུས་ཚིགས་སྐྲངས་ནས་ཟུག་གཟེར་གཏོང་བ་དང༌། གཉན་རིགས་ཀྱིས་སྐྲངས་པ་དང་གཟེར་ཟུག་གི་རིགས། ཆུ་སེར་གྱི་ནད་རིགས། རྒྱུ་སྲིན་སོགས་སྲིན་ནད་ཀྱི་རིགས། སྙིང་རླུང་གི་ནད། མཛེ་ནད་སོགས་ལ་ཕན་པ་ཡིན། འདི་དུག་ཤས་ཆེ་བས་སྨན་དུ་གཏོང་སྐབས་སྦྱོར་སྡེབ་བྱས་ནས་གཏོང་བ་ལས་རྐྱང་པ་གཏོང་མི་རུང་བ་ཤིན་ཏུ་གནད་ཆེ་བའོ། །
Domain	གསོ་རིག