39257

བཀའ་ (1)

Part of speech	མིང་ཚིག
Definition	མདོ། ཕར་ཕྱིན། བཀྲས་ལྷུན་ཐོས་གླིང་ཡིག་ཆར། ཁྱད་ཆོས་བཞི་ལྡན་གྱི་གསུང་རབ་ཏུ་དམིགས་པ་དེ་ཡིན་ཏེ། རྒྱུད་བླ་ལས། གང་ཞིག་དོན་ལྡན་ཆོས་དང་ཉེ་འབྲེལ་ཞིང༌། །ཁམས་གསུམ་ཀུན་ནས་ཉོན་མོངས་སྤོང་ཕྱིར་གསུངས། །ཞི་བའི་ཕན་ཡོན་སྟོན་པར་མཛད་པ་གང༌། དེ་ནི་དྲང་སྲོང་གསུང་ཡིན་བཟློག་པ་གཞན། ཞེས་གསུངས་པའི་ཕྱིར། བཀའ་བརྒྱད་སྟོང་པ་ཆོས་ཅན། ཁྱད་ཆོས་བཞི་དང་ལྡན་ཏེ། བདག་རྐྱེན་གྱི་ཁྱད་པར། བརྗོད་བྱའི་ཁྱད་པར། ཕན་ཡོན་གྱི་ཁྱད་པར། ངོ་བོའི་ཁྱད་པར་བཞི་དང་ལྡན་པའི་ཕྱིར། དང་པོ་གྲུབ་སྟེ། རང་གིས་བདག་རྐྱེན་དུ་གྱུར་བའི་འབྲས་བུ་ཤེར་ཕྱིན་ལས་འཁྲུངས་པའི་ཕྱིར། གཉིས་པ་གྲུབ་སྟེ། སྡུག་བསྔལ་དང་ཉོན་མོངས་མཐའ་དག་སྤོང་བའི་གཉེན་པོ་རྫོགས་པར་སྟོན་པའི་ཕྱིར། གསུམ་པ་གྲུབ་སྟེ། སྒྲིབ་གཉིས་མཐའ་དག་ཞི་བར་བྱེད་པའི་ཕན་ཡོན་དང་ལྡན་པའི་ཕྱིར། བཞི་པ་གྲུབ་སྟེ། སྒྲ་སྐྱོན་མཐའ་དག་དང་བྲལ་བའི་གསུང་རབ་ཡིན་པའི་ཕྱིར། དབྱེ་བ་ལ། གཉེན་པོ་སྟོན་ཚུལ་གྱི་སྒོ་ནས་དབྱེ་ན། ཆོས་ཀྱིས་ཕུང་པོ་བརྒྱད་ཁྲི་བཞི་སྟོང༌། ཡན་ལག་གི་སྒོ་ནས་དབྱེ་ན། གསུངས་དབྱངས་ཡན་ལག་དྲུག་ཅུ་རྩ་བཞི། ངོ་བོའི་སྒོ་ནས་དབྱེ་ན། གསུང་རབ་ཡན་ལག་བཅུ་གཉིས། བྱེད་ལས་ཀྱི་སྒོ་ནས་དབྱེ་ན། སྡེ་སྣོདརིན་པོ་ཆེ་རྣམ་པ་གསུམ། བརྗོད་བྱའི་སྒོ་ནས་དབྱེ་ན། དྲང་ངེས་ཀྱི་མདོ་གཉིས། གདུལ་བྱའི་སྒོ་ནས་དབྱེ་ན། ཐེག་པ་ཆེ་ཆུང་གི་སྡེ་སྣོད་གཉིས་ཡོད་དོ། །
Domain	ཆོས་ལུགས།

{{#arraymap:བཀའ་

|; |@@@ | | }}

བཀའ་ (2)

Part of speech	མིང་ཚིག
Definition	བཀྲས་ལྷུན་དཀྱིལ་ཁང་ཡིག་ཆར། ཁྱད་ཆོས་བཞི་དང་ལྡན་པའི་རྒྱལ་བའི་གསུང་རབ། དེ་ལ་དབྱེ་ན། ཞལ་ནས་གསུང་པའིི་བཀའ། བྱིན་གྱིས་བརླབས་པའི་བཀའ། རྗེས་སུ་གནང་བའི་བཀའ།

{{#arraymap:བཀའ་

|; |@@@ | | }}

བཀའ་ (3)

Part of speech

མིང་ཚིག

Definition

བཀྲས་ལྷུན་ཤར་རྩེའི་ཡིག་ཆར། བརྗོད་བྱ་དོན་དང་ལྡན་པ་སོགས་ཁྱད་ཆོས་བཞི་པོ་གང་རུང་དང་ལྡན་པའི་སངས་རྒྱས་ཀྱི་གསུང། དེ་ལ་དབྱེ་ན། ཞལ་ནས་གསུངས་པའི་བཀའ། བྱིན་གྱིས་བརླབས་པའི་བཀའ། རྗེས་སུ་གནང་བའི་བཀའ་དང་གསུམ་ལས། དང་པོ་གཉིས་འགལ་ཏེ། ཞལ་ནས་གསུངས་པའི་བཀའ་དང། སངས་འཕགས་རང་རྒྱུད་ཀྱི་བསྡུས་པའི་བཀའ་དོན་གཅིག གཉིས་པ་དང་གདུལ་བྱའི་རྒྱུད་ཀྱི་བསྡུས་པའི་བཀའ་དོན་གཅིག་པའི་ཕྱིར། དང་པོ་དང་གསུམ་པ་མི་འགལ་ཏེ། ཤེས་རབ་སྙིང་པོའི་མདོ་ཚིག་ཏུ་གྱུར་པའི་རིགས་ཀྱི་བུ་དེ་དེ་བཞིན་ནོ་ཞེས་སོགས་ཀྱི་མདོ་དེ། དེ་གཉིས་ཀ་ཡིན་པའི་ཕྱིར། མཚན་གཞི་ནི། ལང་དཀར་གཤེགས་པའི་མདོ་དེ་དང་པོ་ཡིན། གཉིས་པ་ལ་གསུམ་ལས། ས་བཅུ་པའི་མདོ་དེ་སྐུས་བྱིན་གྱིས་བརླབས་པའི་དེ་ཡིན། རྒྱལ་པོ་མ་སྐྱེས་དགྲའི་འགྱོད་པ་བསལ་བའི་མདོ་དེ་གསུང་གི་བྱིན་གྱིས་བརླབས་པའི་བཀའ་ཡིན། ཤེས་རབ་སྙིང་པོའི་མདོ་དེ་ཐུགས་ཀྱི་བྱིན་གྱི་རླབས་པའི་བཀའ་ཡིན།

{{#arraymap:བཀའ་

|; |@@@ | | }}

བཀའ་ (4)

Part of speech

མིང་ཚིག

Definition

སངས་རྒྱས་བཅོམ་ལྡན་འདས་ཀྱི་གསུང་རབ་ལ་བཀའ་ཞེས་བརྗོད། མཚན་ཉིད་ནི། པཎ་ཆེན་ཕར་ཕྱིན་སྤྱི་དོན་ལས། ཆེ་བ་བཞི་ལྡན་གྱི་གསུང་རབ་མཐར་ཐུག་དེ་བཀའི་ངོ་བོར་འཇོག ཆེ་བ་བཞི་ནི། བརྗོད་བྱ་དོན་དང་ལྡན་པ། དགེ་བའི་ཆོས་དང་འབྲེལ་བ། ཁམས་གསུམ་གྱི་ཉོན་མོངས་སྤོང་དོན་དུ་གསུངས་པ། ཞི་བ་མྱང་འདས་ཀྱི་ཕན་ཡོན་སྟོན་པར་བྱེད་པ་དང་བཞིའོ། །ཞེས་གསུངས། དབྱེ་ན། ཞལ་ནས་གསུངས་པའི་བཀའ། ཡུམ་རྒྱས་འབྲིང་བསྡུས་གསུམ་ལྟ་བུ། རྗེས་སུ་གནང་བའི་བཀའ་ཤེས་རབ་སྙིང་པོ་ལྟ་བུ། བྱིན་གྱིས་རླབས་པའི་བཀའ་མདོ་སྡེ་ས་བཅུ་པ་ལྟ་བུ་གསུམ་དུ་ཡོད་དོ། །

{{#arraymap:བཀའ་

|; |@@@ | | }}