52462

མཉམ་གཞག་གི་ལྔ་པ་ (1)

Part of speech	མིང་ཚིག
Definition	མདོ། འདུལ་བ། ལྔ་ཕྲུགས་ཉེར་གཅིག་གི་ནང་ཚན་ཞིག དེའི་ཡན་ལག་དང་གྲངས་འདྲེན་དང་བཅས་པ་ནི། པཎ་ཆེན་གྱི་འདུལ་བ་ལུང་རིགས་ཉི་མ་ལས། བསྟན་ཚུལ་གྱི་དབང་དུ་བྱས་ན། བརྩོན་འགྲུས་བརྩམས་པ་ཉིད་དང་། ཤེས་རབ་དང་ལྡན་པ་ཉིད་དང་ཡང་སྦྱར་རོ། །དྲན་པ་དང་ལྡན་པ་ཉིད་དང་། ནང་དུ་ཡང་དག་པར་བཞག་པ་ཉིད་དང་། མཉམ་པར་བཞག་པ་ཉིད་དོ། །ཞེས་པའི་མདོ་ལས་བསྟན་ཅིང་། བསྟན་དོན་ཡང་། དྲན་པ་དང་ལྡན་པ་དང། བརྩོན་འགྲུས་བརྩམས་པ་དང་། ཤེས་རབ་དང་ལྡན་པ་གསུམ་གྱི་སྟེང་དུ་མང་ཚུལ་གཉིས་བསྣན་པ་དང་པོ་དང་། ནང་དུ་ཡང་དག་པར་འཇོག་པ་སོགས་གསུམ་གྱི་སྟེང་དུ་མང་ཚུལ་གཉིས་བསྣན་པ་གཉིས་པ་དང་། མཉམ་པར་བཞག་པ་དང་ལྡན་པ་སོགས་གསུམ་གྱི་སྟེང་དུ་མང་ཚུལ་གཉིས་བསྣན་པ་གསུམ་པ་ཡིན་པའི་ཕྱིར། ནང་དུ་ཡང་དག་པར་བཞག་པ་དང་། མཉམ་པར་བཞག་པ་གཉིས་ཀྱི་ཁྱད་པར་ཡོད་དེ། གཉིས་ཀ་ཏིང་ངེ་འཛིན་ལ་སེམས་རྩེ་གཅིག་ཏུ་བཞག་པར་འདྲ་ཡང་། བྱིང་རྒོད་ཕྲ་མོའི་སྐྱོན་དང་མ༌བྲལ་བའི་ཚེ་དང་པོ་དང་། བྲལ་བའི་ཚེ་གཉིས་པ་ཡིན་པའི་ཕྱིར། མང་དུ་ཐོས་པ་ཞེས་གསུངས་པ་རྣམས་ཀྱི་དོན་ཡོད་དེ། ལྔ་པ་རང་གི་ཡན་ལག་ཏུ་སྡེ་སྣོད་གསུམ་ཤེས་ཀྱི་ཡོན་ཏན་མ་བགྲངས་ན་དེ་གསུམ་གྱི་ཚིག་དོན་མང་དུ་ཐོས་པ་ལ་བྱེད། བགྲངས་ན་ཕྱི་རིག་པའི་བསྟན་བཅོས་མང་དུ་ཐོས་པ་ལ་བྱེད་པའི་ཕྱིར། ཞེས་གསུངས།
Domain	ཆོས་ལུགས།