75424

རོ་ (1)

Part of speech	མིང་ཚིག
Definition	གཟུགས་པོའམ་ལུས་ཕུང་གི་མིང་སྟེ།
Keyword	True
Example	རོ་སྟོད་ན་ནས་སྨན་པ་བསྟེན་ལྟ་བུ།

རོ་ (2)

Part of speech	མིང་ཚིག
Definition	རོ་མ་ཡི་ཚིག་བསྡུས་པ།

རོ་ (3)

Part of speech	མིང་ཚིག
Definition	སྙིང་པོ་བཏོན་ཟིན་པའམ་བེད་མེད་དུ་གྱུར་པའི་དངོས་པོ་སྟེ།
Keyword	True
Example	ཇ་རོ། གྱང་རོ་ལྟ་བུ།

རོ་ (4)

Part of speech	མིང་ཚིག
Definition	ཚེ་སྲོག་བྲལ་བའི་མི་དང་སྲོག་ཆགས་ཀྱི་བེམ་པོའི་དོན་ཏེ།
Keyword	True
Example	སྲོག་གི་དབང་པོས་མ་བཟུང་བའི། །མི་རོ་བཟང་ཡང་སུ་ཡིས་ལེན། །

རོ་ (5)

Part of speech	མིང་ཚིག
Definition	ངོ་བོའམ། གཤིས་ལུགས་སམ། རང་བཞིན་གྱི་དོན་ལ་འཇུག་སྟེ།
Example	བདེ་སྟོང་རོ་གཅིག་པ། ཆུ་ཀུན་བརླན་ཞིང་གཤེར་བར་རོ་གཅིག་པ་ཡིན་ལྟ་བུ།

རོ་ (6)

Part of speech	མིང་ཚིག
Definition	རོའི་མཚན་ཉིད་ནི། འབྱུང་གྱུར་གང་ཞིག ལྕེའི་དབང་པོའི་སྤྱོད་ཡུལ་དུ་གྱུར་པའི་ཕྱི་དོན་ནོ། །རོ་ལ་དབྱེ་ན། མངར་སྐྱུར་ལན་ཚྭ་ཚ་བ་དང། ཁ་བ་དང་ནི་བསྐ་བ་སྟེ་དྲུག་གསུངས་ལ། ཀུན་བཏུས་ལས། དེའི་སྟེང་དུ། ཡིད་དུ་འོང་བ་དང། ཡིད་དུ་མི་འོང་བ་དང། དེ་གཉིས་ཀ་མ་ཡིན་པ་དང། ལྷན་སྐྱེས་སོགས་གསུམ་སྟེ་བཅུ་གཉིས་སུ་གསུངས་སོ་ཞེས་ཀུན་མཁྱེན་གོ་རམས་པའི་ཇི་སྙེད་ཤེས་བྱའི་སྒོ་འབྱེད་ལས་སོ། ། དོན་ལྔ་ཡི་ནང་ཚན་དུ་གྱུར་པའི་རོ་དང། རོའི་སྐྱེ་མཆེད་དང། ཁམས་བཅོ་བརྒྱད་ཀྱི་ནང་ཚན་དུ་གྱུར་པའི་རོའི་ཁམས་རྣམས་དོན་གཅིག་གོ ། ཞེས་པཎ་ཆེན་ངག་ཆོས་ཀྱི་ཆོས་མངོན་པ་མཛོད་ཀྱི་སྤྱི་དོན་ལས་སོ། །
Domain	ཆོས་ལུགས།

རོ་ (1)

Part of speech	ཕྲད་ཚིག
Definition	འདི་ཉིད་ཚིག་མཐར་སྦྱར་བས། སྐབས་བབ་ཀྱི་བརྗོད་དོན་དེ་ཉིད་རེ་ཞིག་རྫོགས་པར་སྟོན་པས་རྫོགས་ཚིག་གམ། རྗོད་བྱེད་ཚིག་གང་གི་རྗེེས་སུ་སླར་ཡོང་བའི་ཚིག་གྲོགས་དག་བསྡུ་བར་བྱེད་པས་ན་སླར་བསྡུའང་ཟེར་ཏེ། སྦྱོར་ཚུལ་ནི་རྗེས་འཇུག་ར་ཡིག་གི་མཐར་རོ་སྦྱོར་དགོས།
Keyword	True
Example	འགྱུར་རོ། གདོང་དམར་ཅན་གྱི་ཡུལ་དུ་དམ་པའི་ཆོས་དར་བར་འགྱུར་རོ་ལྟ་བུ།