From Rangjung Yeshe Wiki - Dharma Dictionary
< Dictionaries(diff) ← Older revision | Latest revision (diff) | Newer revision → (diff)
Jump to navigation
Jump to search
ཁྲེ་རྒོད
|
Tibetan Definition
|
རི་སོགས་སུ་བདག་མེད་དུ་སྐྱེ་བའི་ཁྲེའི་རིགས། འདི་ཁྲེ་ཞེས་པའི་འབྲུ་དེའི་རིགས་ཞན་པ་ཞིག་ཡིན། ཕྱི་རྒྱལ་བས་wild millet ཟེར། འགྲེལ་པ་ཟླ་ཟེར་༼ གསོ་རིག་ཀོ་པ ༽༦༨ན༢ལས། ཁྲེ་རྒོད་མཆོག་ཏུ་འཁྲུ་གཅོད་ཅིང་། །རེག་ན་བསིལ་ལ་དུག་སེལ་ཡིན། །ཞེས་བྱ་བ་ནི། རྩ་ཅན་གྱི་འབྲུའི་ནང་ཁྲེ་རྒོད་དེ། ཀོ་ཏྲ་བ་ནི་ཤིན་ཏུ་ཡང་འཁྲུ་བ་གཅོད་ཅིང་། སྡུད་པའི་ངང་ཚུལ་དང་། རེག་ན་བསིལ་བ་སྟེ། ཕྱི་རོལ་དུ་བསྐུ་བ་ལ་སོགས་པ་ལ་སྦྱར་ན། རེག་ན་བསིལ་བ་ཉིད་ཀྱིས་ཚ་བ་སེལ་བར་བྱེད་དོ། །དུག་སེལ་ཞིང་འཇོམས་པ་ཡིན་པས་ན། དུག་སེལ་ཡིན་ཞེས་བྱའོ། །ཞེས་གསུངས་སོ། །ཁྲེ་རྒོད་ནི། འབྲུ་རིགས་སྤུས་ཀ་ཞན་པ་ཞིག་ཡིན་ཏེ། མདོ་སྡེ་༼ ཧ་པ ༽ལས་བརྒྱ་པ་ཀུན་དགའ་བོའི་ལོ་རྒྱུས་འཆད་པའི་སྐབས་༢༦༧ན༧ལས། འབྲུ་རྣམས་ཀྱང་མ་རུང་བར་གྱུར་པས་མུ་གེ་འབྱུང་བར་འགྱུར་རོ། །མུ་གེ་བྱུང་ནས་མི་རྣམས་ཟས་སུ་ཁྲེ་རྒོད་ཟ་བར་འགྱུར་ཏེ། ཉམ་སྟོབས་ཆུང་ཞིང་གཟི་བརྗིད་ཆུང་བར་འགྱུར་རོ། །ཞེས་གསུངས་སོ། །དྲི་མེད་ཤེལ་ཕྲེང་༥༩ལས་ཀྱང་། ཁྲེ་རྒོད་འཁྲུ་གཅོད་དུག་སེལ་རེག་ན་བསིལ། །ཞེས་གསུངས།
|