Property:definition
Jump to navigation
Jump to search
This is a property of type Text.
D
ཀ་བ་ཞེས་པའི་མིང་མཐའ་བསྡུས་པ་སྟེ། +
གཅིག་གཉིས་སོགས་གྲངས་ཀྱི་མཐའ་ལ་སྦྱར་ན། ཚང་མའམ་ཐམས་ཅད་ཅེས་པའི་དོན་སྟོན་པའི་ཆ་ཤས་ཤིག་ཡིན། +
རྟགས་མཚུངས་འདྲེན་པའི་སྐབས། ག་ད་བ་ས་བཞི་སྟེ་རྗེས་འཇུག་ཕོ་ཡིག་གིས་དྲངས་པའི་མིང་གི་ཆ་ཤས་ཤིག་ཡིན། +
བོད་ཡིག་གི་གསལ་བྱེད་དང་པོ་སྟེ། འདིའི་ང་རོ་འདོན་ཚུལ་ནི། སྐྱེ་གནས་མགྲིན་པ་དང༌། བྱེད་པ་ལྕེའི་རྩ་བ། སྒྲ་འབྱིན་ཚུལ་དམ་པ། མིང་གཞིའི་རྟགས་ཀྱི་དབྱེ་བའི་ཕོ་ཡིག་ཅིག། +
བ་ལང་གི་རྒྱབ་ཀྱི་ཤ་འབུར་ཏེ་ནོག་གི་མིང་། +
སོ་སོར་ཐར་པའི་མདོ་ལས་བྱུང་བ་སྟེ། ༡ གོས་ལྷག་འཆང་བའི་སྤང་བ། ༢ བྲལ་བའི་སྤང་བ། ༣ ཟླ་འཇོག་གི་སྤང་བ། ༤ ཆོས་གོས་འཁྲུར་འཇུག་པའི་སྤང་བ། ༥ གོས་ལེན་པའི་སྤང་བ། ༦ སློང་པའི་སྤང་བ། ༧ སྟོད་གཡོགས་སྨད་གཡོགས་བཅས་པའི་སྤང་བ། ༨ རིན་ཐང་གི་སྤང་བ། ༩ སོ་སོར་སྤང་བ། ༡༠ བསྐུར་བའི་སྤང་བ། ༡༡ སྲིན་བལ་གྱི་སྟན་སྤང་བ། ༡༢ བལ་ནག་གི་སྟན་སྤང་བ། ༡༣ ཆ་གཉིས་བསྲེས་པའི་སྟན་སྤང་བ། ༡༤ ལོ་དྲུག་གི་སྤང་བ། ༡༥ མཐོ་གང་གི་སྤང་བ། ༡༦ ལམ་དུ་བལ་ཐོགས་པའི་སྤང་བ། ༡༧ བལ་འཁྲུར་འཇུག་པའི་སྤང་བ། ༡༨ གསེར་དངུལ་ལེན་པའི་སྤང་བ། ༡༩ མངོན་ཚན་ཅན་གྱི་སྤང་བ། ༢༠ ཉོ་ཚོང་བྱེད་པའི་སྤང་བ། ༢༡ ལྷུང་བཟེད་འཆང་བའི་སྤང་བ། ༢༢ ལྷུང་བཟེད་ལྷག་པོ་འཚོལ་བའི་སྤང་བ། ༢༣ བལ་འཐག་ཏུ་འཇུག་པའི་སྤང་བ། ༢༤ འཐག་པ་བསྐྱེད་པའི་སྤང་བ། ༢༥ བྱིན་འཕྲོག་གི་སྤང་བ། ༢༦ སྟོན་ཟླ་ཐ་ཆུང་ལ་ཐལ་བའི་སྤང་བ། ༢༧ དགོན་པ་བའི་སྤང་བ། ༢༨ དབྱར་གྱི་རས་ཆེན་དུས་མ་ཡིན་པར་འཚོལ་བ་དང་འཆང་བའི་སྤང་བ། ༢༩ བསྔོས་པ་གཞན་དུ་བསྒྱུར་བའི་སྤང་བ། ༣༠ གསོག་འཇོག་གི་སྤང་བ། +
སྤང་ངོས་སུ་སྐྱེས་པའི་ཤ་མོ། +
མདོ། འདུལ་བ། གང་ཟག་ཁྱད་པར་ཅན་མ་ཡིན་པའི་རྒྱུད་ཀྱི་རང་གིས་དྲན་ནུས་ཀྱི་སྤང་ལྟུང་དང་སྤང་ལྟུང་བྱུང་བའི་ཕྱིས་ནས་རྙེད་ཅིང་ད་ལྟ་སྤང་འོས་ཀྱི་གོས་རུང་བ་ཞིག་ལའོ། །དེའི་དབྱེ་བ་སོགས་གོ་དོན་རྒྱས་པར་ནི། པཎ་ཆེན་གྱི་འདུལ་བ་ལུང་རིགས་ཉི་མ་ལས། སྤང་ཤན་ལ་ཡང་རྡེག་བྱེད་དང་བརྡེག་བྱ་གཉིས་སུ་ཡོད་ཅིང་། དེ་གཉིས་ཀྱི་ངོ་བོ་ཡོད་དེ། གང་ཟག་ཁྱད་པར་ཅན་མ་ཡིན་པའི་རྒྱུད་ཀྱི་སྤང་ལྟུང་ཡིན་པ་གཞིར་བཅས་ལ། ངོ་བོ་ཤེས་ཤིང་དྲན་པར་ནུས་པ་དེ་དང་པོ་དང་། སྤང་ལྟུང་འབྱུང་བའི་ཕྱིས་ནས་རྙེད་པའི་ཡོ་བྱད་ཡིན་པ་གཞིར་བཅས་ལ། ད་ལྟ་སྤང་འོས་སུ་གནས་པ་གཉིས་པའི་ངོ་བོ་ཡིན་པའི་ཕྱིར། སྐབས་འདིའི་གང་ཟག་ཁྱད་པར་ཅན་དང་ཁྱད་པར་ཅན་མིན་པའི་ངོས་འཛིན་ཡོད་དེ། སྤང་ལྟུང་ཕྱིར་བཅོས་བྱེད་པའི་ཚེ་དངོས་པོ་མ་སྤངས་པར་དགེ་སློང་གཅིག་གི་དྲུང་དུ་བཤགས་པས་འདག་པའི་དགེ་སློང་དེ་དང་པོ་དང་། སྤང་ལྟུང་ཕྱིར་བཅོས་བྱེད་པའི་ཚེ་དངོས་པོ་སྤངས་དགོས་པའི་དགེ་སློང་དེ་གཉིས་པ་ཡིན་པའི་ཕྱིར། དང་པོ་དེར་ཐལ། སྤོ་མགུ་སྤྱད་མི་དགོས་པར་དགེ་འདུན་ལྷག་མ་གང་ཟག་གཅིག་གི་མདུན་དུ་བཤགས་པས་འདག་པའི་དགེ་སློང་དེ་ལྷག་མ་ཕྱིར་བཅོས་བྱེད་པའི་སྐབས་སུ་གང་ཟག་ཁྱད་པར་ཅན་དུ་གསུངས་པ་དང་འདྲ་བའི་ཕྱིར། དེ་ལྟར་ན་དགེ་སློང་གིས་གོས་བྱིན་བརླབས་ལ་བརྩོན་པར་བྱེད་དགོས་ཏེ། འདིར་དེ་ཡོད་ན་དངོས་པོ་དེ་ལྟ་བུ་གཞན་ལ་ཡང་འབྱུང་བ་ཉིད་དོ། །ཞེས་གསུངས་པའི་དགོངས་པས་བྱིན་གྱིས་མ་བརླབས་པའི་ཆོས་གོས་གཅིག་ཡོད་ན། ཕྱིས་རྙེད་ཀྱི་བཅས་པ་རིགས་མཐུན་པའི་ཡོ་བྱད་ཀྱི་དངོས་པོ་རྣམས་ལ་སྤང་ཤན་འབྱུང་བའི་ཕྱིར། མཐའ་གཅིག་ཏུ་བཅས་པ་རིགས་མཐུན་ཙམ་ལ་ཤན་འབྱུང་བས་ཁྱབ་པ་མ་ཡིན་ཏེ། མར་དང་བུ་རམ་གཉིས་ཞག་བདུན་པའི་སྨན་སོགས་སུ་བྱིན་གྱིས་བརླབ་ཏུ་རུང་བའི་བཅས་པ་རིགས་མཐུན་གང་ཞིག ། མར་ཞག་བདུན་པར་བྱིན་གྱིས་བརླབས་པས་ཕྱིས་རྙེད་བུ་རམ་བྱིན་གྱིས་བརླབས་པ་ལ་ཤན་མི་འབྱུང་བའི་ཕྱིར། འདིར་ཞག་བདུན་པ་ལ་ནི་རིགས་མཐུན་པ་ལའོ། །ཞེས་གསུངས་པའི་དགོངས་པ་ཡིན་པས་སོ། །སྤང་ལྟུང་བྱུང་བའི་ཚེ་ཕྱིར་བཅོས་བྱེད་པ་ལ་ཡང་བརྩོན་པར་བྱ་དགོས་ཏེ། དེ་མ་བཤགས་པར་ཡོད་ན་ཕྱིས་རྙེད་ཀྱི་ཡོ་བྱད་རིགས་མཐུན་པ་དང་། མི་མཐུན་པ་ཐམས་ཅད་སྤང་དགོས་པས་ཚེགས་ཤིག་ཏུ་ཆེ་བ་ནི་འདིར་ལྟུང་བ་དེ་ཡོད་ན་ཡོ་བྱད་ཙམ་བདག་གིར་བྱས་པ་ལ་སྤང་བ་ཉིད་དོ། །ཞེས་གསུངས་པའི་དགོངས་པ་ཡིན་པས་སོ། །ཞེས་གསུངས། +
ལྗང་སྐྱ་ལས་དཀར་ཤས་ཅུང་ཟད་ཆུང་བ། +
བོད་རྗེ་ལྷ་ཐོ་ཐོ་རི་གཉན་བཙན་གྱི་དུས་སུ་པཎ་ཌི་ཏ་བློ་སེམས་འཚོ་དང་ལོ་ཙཱ་བ་ལི་ཐི་ཤེས་བོད་དུ་བསྣམས་ནས་ཕེབས་པའི་སངས་རྒྱས་ཀྱི་ཆོས་ཚན་ཞིག་སྟེ། འདི་ལ་ཤོག་ལྡེབས་དཔེ་རིང་ལྔ་ལྷག་ཙམ་དང་ཤོག་ངོས་བཅུ་ལྷག་ཙམ་ཞིག་ཡོད། འདི་ལ་མདོ་སྡེ་གཞན་དག་ལྟར་འགོར་རྒྱ་སྐད་སྨོས་པ་དང་། མཇུག་ཏུ་འགྱུར་བྱང་སོགས་མི་སྣང་། འོན་ཀྱང་འདི་ཐུ་མི་སཾ་བྷོ་ཊའི་འགྱུར་ཡིན་པར་བཀའ་འགྱུར་དཀར་ཆག་ཏུ་གསལ་ལོ། །འདིའི་བརྗོད་བྱ་ནི། དཀོན་མཆོག་གསུམ་ལ་ཕྱག་འཚལ་བ་དེ་ཡིན། དེ་ཡང་ཕྱོགས་བཅུའི་དེ་བཞིན་གཤེགས་པ་ལ་ཕྱག་འཚལ་བ་དང་། དམ་པའི་ཆོས་ལ་ཕྱག་འཚལ་བ། བྱང་ཆུབ་སེམས་དཔའི་དགེ་འདུན་དང་། ཉན་ཐོས་ཀྱི་དགེ་འདུན་རྣམས་ལ་ཕྱག་འཚལ་བ། སྡིག་པ་བཤགས་པ། བསྔོ་བ་དང་སྨོན་ལམ་བཅས་ནི་འདིའི་བརྗོད་བྱའོ། །འདི་སྡེ་དགེ་སྤར་མའི་མདོ་སྡེ་༼ ཡ་པ ༽ཤོག་ལྡེབས་དང་པོ་ནས་དྲུག་པའི་བར་བཞུགས་ཤིང་། གཟུངས་བསྡུས་ཀྱི་ནང་དུའང་བཞུགས་སོ། །འདི་ལ་དཔང་སྐོང་ཕྱག་བརྒྱ་པ་ཞེས་བྲིས་པའང་སྣང་། +
ལོ་རེ་བཞིན་སྐྱེ་བའི་སྔོ་སྨན་རིགས་ཀྱི་སྐྱེ་དངོས་ཤིག་སྟེ། རྩ་བ་སྙུང་རིལ་འདྲ་ལ་ཕྱི་པགས་རྫ་མདོག་ནང་སྐྱ་ཞིང་དྲི་ཞིམ་པ་སྨད་ཆར་ཨ་ར་འདྲ་བའི་རྩ་ཕྲན་སེར་ནག་མང་ལ་རྩ་བའི་སྟོད་ཆ་དང་གཞི་རྩར་ཁ་དོག་རྫ་མདོག་གི་ཚི་སྣའམ་པགས་པ་མཉེན་ཞིང་སྤ་ལྟ་བུའི་གསོག་འཁྱིལ་ཡོད། ལོ་མ་སྔོ་ལྗང་རྒྱབ་སྐྱ་འཇམ་ལ་དབྱིབས་ནར་མོ་སྟོད་ཞེང་ཆེ་ལ་སྨད་ཕྲ་བ་མཐའ་མཉམ་ལ་གཞུང་རྒྱུག་རྩ་རིས་གསུམ་ཡོད་ཅིང་ངར་པ་ཧ་ལམ་མེད་པ་གཞི་རྩ་ནས་ཁ་ཤས་སྐྱེས་ཡོད། སྡོང་པོ་སྨུག་པོ་ཕྲ་ལ་ཐུང་བ་གསུམ་བཞི་ཙམ་སྐྱེ་ཞིང༌། ཡལ་ག་མེད་ཅིང་སྡོང་པོའི་ལོ་མ་ཐུང་ཞིང་རྩེ་རྣོ་བ་ཁ་སྤྲོད་དུ་སྐྱེ་བ། མེ་ཏོག་དམར་སྐྱ་ཆུང་ལ་དྲིལ་དབྱིབས་ཟུར་ཡོད་པ་མང་པོ་མཉམ་དུ་སྡོང་པོའི་རྩེར་འཆར་བ་སྟེ། བོད་ཀྱི་རི་མཐོའི་སྲིབ་ཀྱི་སྤང་ལ་སྐྱེ་བ། རྩ་ལོ་མེ་འབྲས་ལྷན་ཅིག་བོད་ཟླ་བདུན་པར་བཏུས་ཏེ་གཙང་མ་བཟོས་རྗེས་བསིལ་སར་བསྐམས་ནས་སྨན་དུ་སྤྱོད་རྒྱུ། རོ་ཁ་བ། ཞུ་རྗེས་ཁ་བ། ནུས་པ་བསིལ་ལ་རྩུབ་པས་ཚད་རྙིང་ལུས་ལ་ཞེན་པ་དང༌། དུག་ཚད་རྒྱས་པ། མཆེར་བའི་ནད། ཁོང་སྲིན། ཤ་སྐྲངས་སོགས་ལ་ཕན་པ་ཡིན། +
སྤོང་གི་འདས་པ། +
རིག་པ་གཅེར་བུ་རང་ངོ་ཟིན་པར་བྱ། །སེམས་ཀྱི་གནས་ལུགས་གཏན་ལ་དབབ་པར་བྱ། །ཤེས་པ་སྙམ་བྱེད་འདུན་མ་བྲལ་བར་བྱ། །དངོས་འཛིན་གཟའ་གཏད་ཆེད་དུ་གཟུང་མི་བྱ། །བརྩོན་འགྲུས་འདོད་བློ་རང་སར་ཆོད་པར་བྱ། །བྱེད་མཁན་ངོ་བོ་ཟད་སར་སྐྱོལ་བར་བྱ། ། +
འདུ་འཛི་གཡེང་བའི་ཡུལ་སྤངས་དབེན་པར་སྡོད། །སྡེ་ཚན་ཕྱོགས་རིས་སྤངས་ལ་འདྲིས་མེད་སྡོད། །འཇིག་རྟེན་སོ་ནམ་འབྲེལ་སྤངས་བདེ་བར་སྡོད། །མང་པོའི་ཚོགས་སྤངས་གཅིག་ཏུ་དབེན་པར་སྡོད། ། དོན་དང་བྱ་བ་མང་སྤངས་དབེན་པར་སྡོད། །མི་དགེ་ལུང་མ་བསྟན་སྤངས་དགེ་བར་སྡོད། ། +
རྒྱུའི་རྒྱན་གྱི་ནང་གསེས་བཅུ་པ་སྟེ། རྒྱུ་གང་ཞིག་ལ་ཡིད་བྱུང་ནས་གཏན་དུ་སྤངས་པས། འབྲས་བུ་དངོས་པོ་གཞན་ཐོབ་པར་སྟོན་པ་ཞིག་ཡིན། +
ཆོས་མངོན་པ་མཛོད་ཀྱི་འགྲེལ་བཤད་ཉེ་བར་མཁོ་བའི་མཛོད་གནས་བཞི་པ་ལས་བྱུང་བ་སྟེ། གཟུགས་ནི་དབུ་བ་རྔོས་པ་འདྲ། ཚོར་བ་ཆུའི་ཆུ་བུར་བཞིན། འདུ་ཤེས་སྨིག་རྒྱུ་ལྟ་བུ། འདུ་བྱེད་ཆུ་ཤིང་ལྟ་བུ། རྣམ་ཤེས་སྒྱུ་མ་ལྟ་བུ། +
བཅོལ་བའི་དོན་ལ་འཇུག་སྟེ། བརྡ་གསར་རྙིང་གི་རྣམ་གཞག་བློ་གསལ་ཡིད་འཕྲོག་ལས། སྤངས་པ་ཞེས་པ་བཅོལ་བའི་མིང༌ཞེས་གསུངས། +
སྐྱོན་སོགས་དོར་བའི་དོན་གྱི་བྱ་མིང་། +
ཐོབ་ཀྱི་དོན་ལ་འཇུག་པ་ནི། བརྡ་ཡིག་བློ་གསལ་མགྲིན་རྒྱན་ལས། གཞོན་ནུའི་སྤངས་པ་སྦྱིན་པ་ནི་སྲས་ཀྱི་ཐོབ་གནང་བ་ཞེས་གསུངས། +
མདོ། ཚད་མ། རང་བཞིན་མིན་ཕྱིར་ཐབས་ཡོད་ཕྱིར། །རྒྱུ་སྤོང་ཕྱིར་ན་རྣམ་གྲོལ་འཐད། །དྲི་མ་ཕྱིན་ཅི་ལོག་གིས་སྒྲོ་བཏགས་པ་གློ་བུར་བ་ཡིན་པས་རང་བཞིན་མ་ཡིན་ཏེ། སེམས་རང་བཞིན་གྱིས་འོད་གསལ་བ་ཡིན་པའི་ཕྱིར་རོ། །ཉོན་མོངས་པའི་རྒྱུ་བདག་འཛིན་ཡིན་ལ་དེ་དང་འགལ་བ་བདག་མེད་ཡོད་པའི་ཕྱིར་དང་། རྒྱུ་སྤངས་པ་ཉིད་ཀྱིས་སླར་མི་ལྡོག་སྟེ་བུད་ཤིང་ཟད་པའི་མེ་བཞིན་དུ་འབྲས་བུ་སྐྱེད་མི་ནུས་པའི་ཕྱིར་རོ། །དེ་དག་རྣམ་འགྲེལ་ལས། སེམས་འདི་རང་བཞིན་འོད་གསལ་ཏེ། །དྲི་མ་རྣམས་ནི་གློ་བུར་བ། །ཞེས་འཇམ་མགོན་ས་པཎ་གྱི་རིགས་གཏེར་རང་འགྲེལ་ལས་སོ། ། +