Search by property
Jump to navigation
Jump to search
This page provides a simple browsing interface for finding entities described by a property and a named value. Other available search interfaces include the page property search, and the ask query builder.
List of results
- Dictionaries/bod rgya nang don rig pai tshig mdzod/4654 + (སྡེ་བཞིའི་ཡ་གྱལ་ཞིག་སྟེ། ལྷ་མིའི་ཡུལ་ལ་ལོངས་སྤྱོད་པའོ།།)
- Dictionaries/chos rnam kun btus/3512 + (སྡོམ་པ་གསུམ་རྣམ་པར་ངེས་པའི་འགྲེལ་པ་ལེགས་བཤ … སྡོམ་པ་གསུམ་རྣམ་པར་ངེས་པའི་འགྲེལ་པ་ལེགས་བཤད་ངོ་མཚར་དཔག་བསམ་གྱི་སྙེ་མ་ལས་བྱུང་བ་ཁག་གཅིག་སྟེ། </br>བསྟན་བཤད་མཇུག་གསུམ་ལས། དང་པོ་ནི་སྡོམ་པའི་རྩ་བ་བཞི་ཞེས་པ། ཞེས་པས་བཅས་ལྡན་དགེ་སློང་གིས་འདི་བཞི་གང་རུང་ལ་སྤྱད་ནས་སྐད་ཅིག་མ་གཅིག་བཅབས་ཀྱང་སྡོམ་པ་ལྷག་མ་མེད་པར་གཅོད་པར་བྱེད་པས་ན་རྩ་བའི་ལྟུང་བ་ཞེས་བྱ་སྟེ། མི་མཐུན་ཕྱོགས་ཀྱིས་གཉེན་པོ་མཐུ་མེད་པར་བཅོམ་པའི་ཕྱིར་ཕམ་པ་ཞེས་བྱའོ། མཚན་ཉིད་ནི། བསྙེན་པར་རྫོགས་པའི་རྒྱུད་ཀྱི་བཅས་འགལ་གྱི་ལྟུང་བ་གང་ཞིག རང་གི་དག་བྱེད་བསླབ་པ་བྱིན་ནས་སྤྱོད་པའི་རིགས་གནས་ཕམ་པ་ཙམ་གྱི་མཚན་ཉིད། ཕམ་པ་གང་ཞིག རྟེན་དེ་ལ་རྒྱུད་གསོར་རུང་དུ་བྱས་པ་འཆབ་མེད་དང་། སོར་ཆུད་པ་མི་སྲིད་པ་ཕའི་འཆབ་བཅས་ཀྱི་མཚན་ཉིད་དོ། ། </br>གཉིས་པ་རྒྱས་པར་བཤད་པ་བཞི་ལས། </br>1.མི་ཚངས་སྤྱོད་ཀྱི་ཕམ་པ་ནི། གཞི་ཡི་ཡན་ལག་ཆ་ཀུན་བཟུང་འོས་པ། ། སྐྱེ་གནས་ལམ་དུ་ཕོ་དབང་ལས་རུང་ནི། ། བསམ་པ་ངོ་ཚ་འཇིགས་མེད་ཆགས་སེམས་ཀྱིས། ། སྦྱོར་བ་དྲུད་པ་མཐར་ཐུག་སིམ་པ་ཐོབ། ། དེས་ནི་ཚངས་པར་སྤྱོད་ལས་རྣམ་པར་ཉམས། ། ཞེས་པ་སྟེ། གླེང་གཞི་སྟོན་པ་མངོན་པར་རྫོགས་པ་སངས་རྒྱས་ནས་ལོ་བཅུ་གསུམ་པ་ལ་ཡུལ་སྤོང་བྱེད་དུ་གང་ཟག་དགེ་སློང་བཟང་བྱིན་གྱིས་ཉོན་མོངས་པ་འདོད་ཆགས་ཀྱིས་ཉེས་པ་སྔར་གྱི་ཁྱིམ་ཐབ་ལ་མི་ཚངས་སྤྱོད་སྤྱད་པ་ལ་བརྟེན་ནས་བཅས་པ་མཛད་དོ། ། དེ་ཡང་གཞི་བསམ་སྦྱོར་བ་མཐར་ཐུག་གི་ཡན་ལག་བཞི་ལས། གཞི་ནི། བརྟེན་བྱ་ཡུལ་འཁྲིག་པའི་རོའི་བདེ་བ་བསྐྱེད་ནུས་ཀྱི་ཡན་ལག་དེ་ཉིད་ཚང་བ་ནི་ཡན་ལག་གི་ཆ་ཀུན་བཟུང་བར་འོས་པ་སྟེ། ལུས་ཕྱེད་དུ་ལོངས་པ་ཡན་ཆད་ཀྱི་སྐྱེ་གནས་སུ་གཏོགས་པའི་ཁའམ་གཤང་ལམ་མམ་ཆུ་ལམ་གསུམ་པོ་གང་ཡང་རུང་བ་མ་ཉམས་པ་དོན་བྱེད་ནུས་པའོ། ། རྟེན་བྱེད་རང་གི་ཕོ་དབང་ནད་མེད་ལས་སུ་རུང་བའོ། ། བསམ་པ་ངོ་ཚ་དང་འཇིགས་སྐྲག་མེད་ཅིང་ཆགས་པར་གྱུར་པས་ཀུན་སློང་རེག་བདེ་ཉམས་སུ་མྱོང་འདོད་ཀྱིས། སྦྱོར་བ་བརྟེན་བྱར་སྩལ་ཞིང་དྲུད་པས། མཐར་ཐུག་ལམ་གསུམ་གྱི་མཚམས་ལས་འདས་ནས་སིམ་པ་ཐོབ་པ་སྟེ། བདེ་བ་ལུས་ཀྱིས་མྱོང་ཞིང་ཡིད་ཀྱིས་བདག་གིར་བྱས་པའོ། ། དེ་ལྟ་བུའི་ཡན་ལག་ཚང་ན་མི་ཚངས་སྤྱོད་ཀྱི་ཕམ་པའི་དངོས་གཞིར་འགྱུར་ཏེ། ས་གའི་ལྷས། ཁ་ཤུན་སོ་དང་པགས་པ་ལས། ། ནོར་བུ་འདས་ན་ཕས་ཕམ་སྟེ། ། ཕྱི་རོལ་ཆར་ནི་ཅི་རིགས་པར། ། སྦོམ་པོའམ་དགེ་འདུན་ལྷག་མའོ། ། ཞེས་སོ། །</br>2.མ་བྱིན་ལེན་གྱི་ཕམ་པ་ནི། བརྐུ་བའི་གཞི་ནི་མི་གཞན་ནོར་ཡིན་པ། ། བསམ་པ་རང་ཉིད་འཚོ་ཕྱིར་བརྐུ་སེམས་ཀྱིས། ། ཡུལ་དུས་རིན་ཐང་ཚང་བ་སྦྱོར་བས་བརྐུས། ། མཐར་ཐུག་བརྐུས་སམ་བརྐུར་བཅུག་རྩོད་ནས་ཐོབ། ། ཅེས་པ་སྟེ། གླེང་གཞི་རྒྱལ་པོའི་ཁབ་ཏུ་དགེ་སློང་ནོར་ཅན་གྱིས་རང་གི་ཁང་པ་བརྩིག་པའི་ཕྱིར་མ་སྐྱེས་དགྲའི་ཤིང་བརྐུས་པ་ལ་བརྟེན་ནས་བཅས་སོ། ། ཡན་ལག་ལ་བཞི་ལས། གཞི་ནི། ཡུལ་རང་དང་ནོར་མི་གཅིག་པའི་མིའི་འགྲོ་བ་པས་བདག་ཏུ་བཟུང་བའི་རྫས། དངོས་པོ་ཁ་ཟས་དང་དུར་ཁྲོད་ཀྱི་རྗེས་སོགས་དམན་པ་མ་ཡིན་པ། ཡུལ་གང་དུ་དུས་དེར་སྦྱོར་བ་གཅིག་གི་ནང་དུ་བརྐུ་བྱ་རྐུ་བྱེད་གཉིས་ཀ་ལ་ལྟོས་པའི་རིན་ཐང་ཚང་བ་སྟེ། དེའི་ཚད་ནི། ཀཱ་རི་ཀཱ་ལྔ་བཅུ་པ་ལས། ཀརྞ་པ་ནུའི་བཞི་ཆ་བརྐུས། ། དེ་བརྐུས་ཚུལ་ཁྲིམས་ཞིག་པར་འགྱུར། ། ཞེས་པས་ཀརྵ་པ་ནའི་བཞི་ཆ་རིན་ཐང་གི་ཚད་ཡིན་ལ། དེ་ཡང་རྒྱ་གར་དུ་མགྲོན་བུ་བསྲེགས་པའི་ཐལ་བ་ལ་རྩིས་པོ་ཆེར་བྱེད་པས་མགྲོན་བུའི་རིན་ཐང་དང་སྦྱར་ན། ཀ་ཀ་ནི་རེ་ལ་མགྲོན་བུ་ཉི་ཤུ། ཀ་ཀ་ནི་བཞི་ལ་མ་ཤ་ཀ་གཅིག་སྟེ་མགྲོན་བུ་བརྒྱད་ཅུ། མ་ཤ་ཀ་ཉི་ཤུ་ལ་ཀཎ་པ་ན་གཅིག་སྟེ་མགྲོན་བུ་སྟོང་དྲུག་བརྒྱ་ཡིན། དེའི་བཞི་ཆ་མགྲོན་བུ་བཞི་བརྒྱའི་ཚད་མ་ཤ་ཀ་ལྔ་རིན་ཐང་གི་ཚད་དེ། སྤྱིར་མ་ཤ་ཀ་ཇི་ཙམ་ལ་ཀརྵ་པ་ནར་བྱེད་པའི་ཚད་མཐའ་གཅིག་དུ་མ་ངེས་ཀྱང་། འདིར་མདོ་རྩ་བ་ལས་འབྲིང་ཚད་མ་ཤ་ཀ་ལྔ་ལ་མཛད་པ་ལྟར་རོ། ། དེ་གསེར་གྱི་ཐང་དུ་རྩིས་ན། ཀ་ཀ་ནི་ཞེས་གུཉྩ་སྟེ་མ་རུ་མགོ་ནག དེ་བཞི་ལ་མ་ཤ་ཀ་སྟེ་གསེར་སེ་བ་དོ། དེ་ལྔ་ལ་ཀརྵ་པ་ནའི་བཞི་ཆ་སྟེ་གསེར་སེ་བ་བཅུ་ཡིན་པས། འདིར་ནས་ཁལ་ལྔ་ཙམ་རིན་ཐང་གི་ཚད་དུ་རིགས་ཏེ། མུ་གེ་མེད་པའི་དུས་སུ་གསེར་སེ་བ་ཉི་ཤུ་ལ་དབུས་ཞོ་གང་དུ་བྱས་པའི་ཞོ་རེ་ལ་ནས་ཁལ་བཅུ་མ་བྱེད་པའི་ཕྱིར། བསམ་པ་མིའི་རྫས་ལ་དེ་ཡིན་པར་འདུ་ཤེས་པའམ་ཡིད་གཉིས་ཟ་བས་ཀུན་སློང་རང་འཚོ་བའི་ཆེད་དུ་བརྐུ་འདོད་ཀྱིས། སྦྱོར་བ་རིན་ཐང་ཚང་བའི་དངོས་པོ་ལུས་ངག་གི་རིག་བྱེད་དུ་གྲུབ་པས་རྐུ་བར་རྩོམ་པ། མཐར་ཐུག་རང་གིས་བརྐུས་སམ་གཞན་བརྐུར་བཅུག་པའམ་རྩོད་པ་གང་ཡང་རུང་བས་བརྐུ་བྱའི་རྫས་བདག་པོ་དང་ཕྲལ་ནས་བདག་གིར་བྱས་པའི་ཚུལ་གྱིས་ཐོབ་བློ་སྐྱེས་པའོ། །</br>3.སྲོག་གཅོད་ཀྱི་ཕམ་པ་ནི། སྲོག་གཅོད་གཞི་ནི་མི་གཞན་མ་འཁྲུལ་བར། ། བསམ་པ་གསོད་སེམས་གསད་བྱ་དེར་ཤེས་པ། ། སྦྱོར་བ་གསོད་པར་བརྩམས་ནས་མ་བཟློག་པ། ། མཐར་ཐུག་སྲོག་གི་དབང་པོ་འགགས་པ་དང་། ། གསོད་བཅུག་ཡི་རང་བསྔགས་སོགས་རྐྱེན་བྱས་ཀྱང་། ། ཞེས་པ་སྟེ། གླེང་གཞི་ཡུལ་སྤོང་བྱེད་དུ་དགེ་སློང་མང་པོ་མི་སྡུག་པའི་ཏིང་ངེ་འཛིན་བསྒོམས་པས་ལུས་མི་གཙང་བས་ཡིད་བྱུང་ནས་དགེ་སྦྱོང་སྦེད་གསོད་དུ་བཅུག་པ་ལ་བརྟེན་ནས་བཅས་སོ། ། ཡན་ལག་ལ་བཞི་ལས། གཞི་ནི་མིའམ་མིར་ཆགས་པ་རང་ལས་རྒྱུད་གཞན་པ། བསད་དོ་བསམ་པ་དེ་ཉིད་མ་འཁྲུལ་པའོ། ། བསམ་པ་བསད་བྱ་དེར་འདུ་ཤེས་པས་ཀུན་སློང་གསོད་སེམས་རྒྱུན་མ་ཆད་པ། སྦྱོར་བ་དུག་མཚོན་སོགས་ཀྱིས་གསོད་པར་བརྩམས་པ་ལས་མ་བཟློག་པས། མཐར་ཐུག་དེའི་ཚེའམ་མི་གཞན་གྱི་ཚེ་གསོད་པ་པོ་རང་ཉིད་མ་ཤི་བའི་སྔ་རོལ་ཏུ་བསད་བྱའི་སྲོག་འགགས་པ་སྟེ། སུམ་བརྒྱ་པར། གང་ཞིག་རང་བཞིན་གནས་ལ་བསླབ་བཅས་པས། ། མི་གཞན་ཡིན་ལ་མིར་ནི་འདུ་ཤེས་དང་། ། བསད་པའི་བསམ་པས་འཁྲུལ་མེད་གསོད་བྱེད་ཅིང་། ། མི་ཤི་རྨི་ལམ་མ་གཏོགས་དེ་བརླག་འགྱུར། ། ཞེས་སོ། ། དེ་ཡང་རང་གིས་བསད་པ་ཙམ་དུ་མ་ཟད། གཞན་གསོད་དུ་བཅུག་པ་དང་གསོད་པ་ལ་ཡི་རང་བའི་བསྔགས་པ་བརྗོད་པ་ལ་སོགས་པས་རྐྱེན་བྱས་ཏེ་ཤི་ནའང་འདྲ་ཞིང་། དགེ་སློང་མང་པོས་གྲོས་བྱས་ནས་གཅིག་གིས་བསོད་ཀྱང་ཐམས་ཅད་ལ་ཕམ་པ་འབྱུང་སྟེ། མཛོད་ལས། དམག་ལ་སོགས་པ་དོན་གཅིག་ཕྱིར། ། ཐམས་ཅད་བྱེད་པ་པོ་བཞིན་ལྡན། ། ཞེས་གསུངས་པའི་ཕྱིར། །</br>4.རྫུན་སྨྲའི་ཕམ་པ་ནི། རྫུན་གྱི་གཞི་ནི་སྨྲ་ཤེས་དོན་གོའི་མིར། ། བསམ་པ་འདུ་ཤེས་བསྒྱུར་ནས་བརྗོད་བློ་སྐྱེས། ། སྦྱོར་བ་མངོན་ཤེས་ལ་སོགས་ཡོན་ཏན་ཚོགས། ། མེད་ཀྱང་ཡོད་ཅེས་བླ་མའི་རྫུན་སྨྲས་པ། ། མཐར་ཐུག་གཞན་གྱིས་རྫུན་དེ་གོ་ན་ཉམས། ། ཞེས་པ་སྟེ། གླེང་གཞི་ཡུལ་ཡངས་པ་ཅན་དུ་ཉ་པ་ལས་རབ་ཏུ་བྱུང་བའི་དགེ་སློང་ལྔ་བརྒྱས་མི་ཆོས་བླ་མའི་རྫུན་སྨྲས་པ་ལ་བརྟེན་ནུས་བཅས་སོ། ། ཡན་ལག་ལ་བཞི་ལས། གཞི་ནི་གང་ལ་སྨྲ་བའི་ཡུལ་རང་ལས་རྒྱུད་གཞན་པའི་མི་ཐ་སྙད་ལྔ་ལྡན་ཏེ། སྨྲ་ཤེས་པ། དོན་གོ་བ། ཤེས་པ་རང་བཞིན་དུ་གནས་པ། མ་ནིང་དང་མཚན་གཉིས་པ་མ་ཡིན་པའོ། ། གང་སྨྲ་བའི་དངོས་པོ་ནི་འདོད་ཁམས་ལས་གོང་དུ་འཕགས་པ་བསམ་གཏན་དང་པོ་ནས་སངས་རྒྱས་ཀྱི་བར་གྱི་འཇིག་རྟེན་དང་འཇིག་རྟེན་ལས་འདས་པའི་ཡོན་ཏན་གང་རུང་སྟེ། ས་གའི་ལྷས། འདིར་ནི་སྒྲིབ་པ་རྣམ་པ་ལྔ། ། མི་རྣམས་ཀྱི་ནི་ཆོས་སུ་ཐོས། ། དེ་ཟད་བླ་མའི་ཆོས་སུ་འདོད། ཅེས་སོ། ། བསམ་པ་འདུ་ཤེས་བསྒྱུར་ནས་རྫུན་བརྗོད་འདོད་ཀྱི་བློ་སྐྱེས་པ། སྦྱོར་བ་མངོན་ཤེས་སོགས་གཞན་ལས་ཁྱད་པར་དུ་གྱུར་པའི་ཡོན་ཏན་གྱི་ཚོགས་མེད་ཀྱང་ཡོད་ཅེས་ངག་མཚན་ཉིད་དྲུག་ལྡན་གྱིས་མི་ཆོས་བླ་མའི་རྫུན་མངོན་པའི་ང་རྒྱལ་མེད་པར་སྨྲ་བའམ། གཞན་གྱིས་སྨྲས་པ་དང་དུ་ལེན་པར་རྩོམ་པའོ། །</br>ངག་མཚན་ཉིད་དྲུག་ལྡན་ནི། ངག་ཡིན་པ། རང་གི་ཡིན་པ། བདག་ཉིད་དང་འབྲེལ་བ། མ་ནོར་བ། གསལ་པོར་དང་། མངོན་སུམ་དུ་སྨྲ་བའོ། །</br>གསུམ་པ་དོན་བསྡུ་བ་ནི། འདི་བཞི་གང་སྤྱད་དགེ་སློང་དེ་ཕམ་ཕྱིར། ། པས་ཕམ་བཞི་ཞེས་ཐམས་ཅད་མཁྱེན་དེས་གསུངས། ། ཞེས་པ་སྟེ། དེ་ལྟར་བཤད་མ་ཐག་པའི་ཆོས་བཞི་པོ་འདི་གང་ལ་སྤྱད་ཀྱང་རང་རང་གི་རྒྱུ་ཚོགས་སུ་བཤད་པ་ལྟར་ཡན་ལག་མཐའ་དག་མ་ཚང་ན་སྦོམ་པོ་དང་། ཚང་ན་ཕམ་པ་དངོས་གཞི་སྟེ། མི་མཐུན་ཕྱོགས་ཀྱིས་གཉེན་པོ་བཅོམ་པས་དགེ་སློང་དེ་ཐམ་པར་བྱས་པའི་ཕྱིར། ཕས་ཕམ་པ་བཞི་ཞེས་སྟོན་པ་ཐམས་ཅད་མཁྱེན་པ་དེས་གསུངས་སོ། །་ཞེས་སྟོན་པ་ཐམས་ཅད་མཁྱེན་པ་དེས་གསུངས་སོ། །)
- Dictionaries/chos rnam kun btus/831 + (སྡོམ་པ་གསུམ་རྣམ་པར་ངེས་པའི་འགྲེལ་པ་ལེགས་བཤ … སྡོམ་པ་གསུམ་རྣམ་པར་ངེས་པའི་འགྲེལ་པ་ལེགས་བཤད་ངོ་མཚར་དཔག་བསམ་གྱི་སྙེ་མ་ལས་བྱུང་བ་ཁག་གཅིག་སྟེ། </br>1.བཀའ་བསྡུ་བ་དང་པོ་ནི། གནས་རྒྱལ་པོའི་ཁབ་ཀྱི་ནྱ་གྲོ་དྷའི་ཕུག་ཏུ། མ་སྐྱེས་དགྲས་གནས་མལ་དང་ཡོ་བྱད་ཐམས་ཅད་སྦྱར་ཏེ། དགྲ་བཅོམ་པ་ལྔ་བརྒྱ་འདུས་ནས་དབྱར་གནས་པའི་དུས་སུ། འཕགས་པ་ཀུན་དགའ་བོས་མདོ་སྡེ། ཉེ་བར་འཁོར་གྱིས་འདུལ་བ། འོད་སྲུངས་ཆེན་པོས་མངོན་པའི་སྡེ་སྣོད་མཐའ་དག་བསྡུས་པས། ལྷ་རྣམས་ནི་འཕེལ། ལྷ་མིན་རྣམས་ནི་འགྲིབ། སངས་རྒྱས་ཀྱི་བསྟན་པ་ཡུན་རིང་བར་གནས་སོ་ཞེས། ལྷ་རྣམས་ཀྱིས་འོག་མིན་གྱི་བར་དུ་གོ་བར་བྱས་ཤིང་ཆེད་དུ་བརྗོད་དོ། །</br>2.བསྡུ་བ་གཉིས་པ་ནི། སྟོན་པ་མྱ་ངན་ལས་འདས་ནས་ལོ་བརྒྱ་དང་བཅུ་ལོན་པ་ན། ཡངས་པ་ཅན་གྱི་དགེ་སློང་རྣམས་ཀྱིས་རུང་བ་མ་ཡིན་པའི་གཞི་བཅུ་བྱས་པ་དེ། གྲགས་པ་ལ་སོགས་པ་དགྲ་བཅོམ་པ་བདུན་བརྒྱས་སུན་ཕྱུངས་ཤིང་། སྡེ་སྣོད་གསུམ་ག་ཚང་བ་ཚར་གཅིག་ལེགས་པར་བཏོན་མཐུན་པ་དང་བཀྲ་ཤིས་པའི་གསོ་སྦྱོང་ཡང་མཛད་པའོ། །</br>3.བསྡུ་བ་གསུམ་པ་ནི། རྒྱལ་པོ་མྱ་ངན་བྲལ་གྱི་བུ་རྒྱལ་པོ་དཔའ་བོའི་སྡེའི་དུས་ནས་བརྩམས་ཏེ། བདུད་ཀྱིས་བྱིན་གྱིས་བརླབས་པའི་དགེ་སློང་ལྷ་ཆེན་པོ་དང་། བཟང་པོ་དང་། གནས་བརྟན་ཀླུ་དང་། ཡིད་བརྟན་རྣམས་རིམ་པར་བྱུང་བས་གཞི་ལྔ་ (གཞན་ལན་གདབ་དང་མི་ཤེས་པ་། ། ཡིད་གཉིས་དང་ནི་ཡོངས་སུ་བརྟག ། བདག་ཉིད་གསོ་བར་བྱེད་པ་སྟེ། ། འདི་ནི་སྟོན་པའི་བསྟན་པ་ཡིན། ཞེས་སོ།) བསྒྲུགས་ཏེ་ཆོས་ལོག་བསྟན་པས། རྒྱལ་པོ་དཔའ་བོའི་སྡེའི་ཚེ་སྨད། དགའ་བོ་དང་། པདྨ་ཆེན་པོའི་ཚེ་རིལ་པོ། ཀ་ནིཥྐའི་ཚེ་སྟོད་ཡན་ཏེ་རྒྱལ་པོ་བཞིའི་རིང་དགེ་འདུན་རྣམས་རྩོད་པར་གྱུར་ཅིང་། སྟོན་པས་འདུལ་བ་ཡི་གེར་འབྲི་བར་མ་གནང་བས་ཡུན་རིང་སོང་བ་ན་སོ་སོ་ཐར་པའི་མདོའི་འདོན་ཚུལ་མ་མཐུན་པའི་དབང་གིས་སྡེ་པ་བཅོ་བརྒྱད་དུ་གྱེས་ཏེ། ཇི་ལྟར་ན་གནས་བརྟན་ཀླུས་རྩོད་པ་སྤེལ་བའི་རྒྱུས་རྩ་བའི་སྡེ་པ་བཞིར་གྱེས། དེ་རྗེས་ཡིད་བརྟན་གྱིས་རྩོད་པ་རྒྱ་ཆེར་སྤེལ་བས་སྡེ་པ་བཞི་ཡང་བཅོ་བརྒྱད་དུ་རིམ་གྱིས་གྱེས་རྗེས། ཕན་ཚུན་རྩོད་པ་ཅུང་ཟད་ཞི་ནས་སོ་སོར་གནས་པའི་དུས་སུ། རྒྱལ་པོ་ཀ་ནིཥྐས་སྦྱིན་བདག་བྱས་ནས་བཀའ་བསྡུ་བ་གསུམ་པ་མཛད། དེ་ཡང་ཁ་ཆེའི་ཡུལ་རྣ་རྒྱུན་གྱི་གཙུག་ལག་ཁང་དུ། འཕགས་པ་རྩིབས་ལོགས་སོགས་དགྲ་བཅོམ་པ་ལྔ་བརྒྱ་དང་། བ་སུ་མི་ཏྲ་སོགས་བཙུན་པ་ཆེན་པོ་བཞི་བརྒྱ་དང་། བྱང་ཆུབ་སེམས་དཔའ་ལྔ་བརྒྱ་རྣམས་ཀྱིས་བསྡུས་ཞེས་ཁ་ཆེ་བ་རྣམས་འདོད། ཛ་ལནྡྷ་རའི་དགོན་པ་ཀུ་བ་ནའི་གཙུག་ལག་ཁང་དུ་དགྲ་བཅོམ་པ་ལྔ་བརྒྱ་དང་། བཙུན་པ་ཆེན་པོ་ལྔ་སྟོང་གིས་བསྡུས་སོ། ། ཞེས་འཕགས་ཡུལ་གྱི་པཎྜི་ཏ་ཕལ་ཆེར་བཞེད་གསུངས། དེང་སང་བོད་དུ་གྲགས་པ་ལྟར་ན། སྟོན་པ་མྱ་ངན་ལས་འདས་ནས་ལོ་བཞི་བརྒྱར་ཉེ་བར་དགྲ་བཅོམ་ལྔ་བརྒྱ་དང་། བྱང་ཆུབ་སེམས་དཔའ་ལྔ་བརྒྱ་དང་། སོ་སྐྱེའི་བཙུན་པ་ལྔ་བརྒྱའམ་ཁྲི་དྲུག་སྟོང་འདུས་ནས་བསྡུས་ཟེར། ། གང་ལྟར་ཡང་གསེར་ཕྲེང་ཅན་གྱི་རྟོགས་བརྗོད་ཅེས་པ་རྒྱལ་པོ་ཀྲི་ཀྲིའི་རྨི་ལམ་ལུང་བསྟན་པའི་མདོ་དྲངས་ནས་གྱེས་པ་བཅོ་བརྒྱད་པོ་ཐམས་ཅད་སངས་རྒྱས་ཀྱི་བཀར་བསྒྲུབས་ཤིང་། འདུལ་བའི་ཚོགས་ཡི་གེར་བཀོད། མདོ་སྡེ་དང་མངོན་པ་སྔར་ཡི་གེར་མ་འཁོད་པ་རྣམས་ཀྱང་དུས་དེར་ཡི་གེར་བྲིས་པ་ཡིན་ནོ། །པ་རྣམས་ཀྱང་དུས་དེར་ཡི་གེར་བྲིས་པ་ཡིན་ནོ། །)
- Dictionaries/bod rgya nang don rig pai tshig mdzod/3897 + (སྤང་ལྟུང་སུམ་ཅུའི་ནང་གསེས། གདིང་བ་གསར་པ་དྲུབ་པའི་ཚེ། རྙིང་པ་ནས་བདེ་བར་གཤེགས་པའི་མཐོ་གང་གི་ཚད་དེ་མིའི་ཁྲུ་ཕྱེད་དོ་མ་གླན་པར་ལོངས་སྤྱད་པའོ།།)
- Dictionaries/sngas rgyas chos gzhung tshig mdzod/4979 + (སྤང་ལྟུང་སུམ་ཅུའི་ནང་གསེས། གདིང་བ་གསར་པ་དྲུབ་པའི་ཚེ། རྙིང་པ་ནས་བདེ་བར་གཤེགས་པའི་མཐོ་གང་གི་ཚད་དེ་མིའི་ཁྲུ་ཕྱེད་དོ་མ་གླན་པར་ལོངས་སྤྱད་པའོ།)
- Dictionaries/sngas rgyas chos gzhung tshig mdzod/2081 + (སྤྱི་ལོའི་དུས་རབས་བརྒྱད་པར་ཁ་ཆེའི་ཡུལ་དུ་བྱུང་བའི་ནང་པའི་པཎྜི་ཏ་ཆེན་པོ་ཞིག་ཡིན་ཞིང་། བོད་རྒྱལ་ཁྲི་སྲོང་ལྡེ་བཙན་གྱིས་ཁོང་བོད་ལ་གདན་ལ་དྲངས་ཏེ་བཀའ་དང་བསྟན་བཅོས་མང་དུ་བསྒྱུར་པ་དང་། འདུལ་བའི་བསྟན་པ་སྤེལ་བ་སོགས་བོད་ལ་དྲིན་ཅན་ལོ་པཎ་གསུམ་གྱི་ཡ་གྱལ་དུ་གྱུར་པའོ།)
- Dictionaries/Brda dkrol gser gyi me long/5671 + (སྤྱིར་རིགས་བཞི་ཞེས་པ་སྔར་རྒྱ་གར་གྱི་མིའི་ར … སྤྱིར་རིགས་བཞི་ཞེས་པ་སྔར་རྒྱ་གར་གྱི་མིའི་རིགས་རིམ་པ་བཞི་རུ་ཕྱེ་བ་དེར་གོ་ཞིང་། བོད་ལའང་རིགས་བཞི་ཕྱེ་ཚུལ་ཡོད་པར་སྣང་སྟེ། 《མི་དབང་རྟོགས་བརྗོད》 ལས། རིགས་ཆེན་པོ་བགྲང་བ་བཞི་སྟེ། རྒྱལ་རིགས་ཤིང་སཱ་ལ་ཆེན་པོ་ལྟ་བུ་དང་། མངའ་རོལ་ལས་དཔྱ་ཁྲལ་གྱི་སྐྱེས་བསྡུ་བར་བྱེད་པ་རྗེ་བོའི་རིགས་དང་། སོ་ནམ་ཞིང་ལས་ཀྱི་འདུ་འགོད་མཁན་དམངས་ཀྱི་རིགས་དང་། སེམས་ཅན་གྱི་སྲོག་ལ་རྒོལ་བའི་བཤན་པ་སོགས་གདོལ་པའི་རིགས་སུ་སྒྲོགས་པ་ལས། ཞེས་གསུངས་པ་ལྟར་རོ། །ིགས་སུ་སྒྲོགས་པ་ལས། ཞེས་གསུངས་པ་ལྟར་རོ། །)
- Dictionaries/bod rgya nang don rig pai tshig mdzod/7582 + (སྤྱོད་རྒྱུད་དུ་བསྒོམ་བཟླས་ཚུལ་བཞིན་བྱས་པའི་མཐར་འབྲས་མི་ཚེ་ལྔ་ན་རིགས་གསུམ་རྡོ་རྗེ་འཛིན་པའི་སྟེང་དུ་རིན་པོ་ཆེའི་རིགས་བསྣན་པས་རིགས་བཞི་རྡོ་རྗེ་འཛིན་པའི་ས་ཐོབ་པར་འདོད་པའོ།།)
- Dictionaries/bod rgya nang don rig pai tshig mdzod/6241 + (སྦྲང་རྩིའི་བློ་གྲོས་ཀྱིས་ཁ་ཆེའི་ཆོས་ལུགས་ཐོག་མར་འཛུགས་སའི་ཡུལ་དུ་བཤད།)
- Dictionaries/chos rnam kun btus/10475 + (སྨན་སྤྱད་ཟླ་ཟེར་ལས་བསྟན་པ་ལྟར་ན་ཁག་གཉིས་ཡོ … སྨན་སྤྱད་ཟླ་ཟེར་ལས་བསྟན་པ་ལྟར་ན་ཁག་གཉིས་ཡོད་པ་སྟེ།</br>1.འཇམ་པ་པོ་ནི་བ་གླང་གཟུགས། </br>2.བརྗེད་བྱེད་པ་ནི་ཝ་འདྲའོ། </br>3.ཁུ་ཚུར་ཅན་ནི་བྱ་རོག་གཟུགས། </br>4.མ་མོ་མི་ཡི་གཟུགས་སུ་སྣང་། </br>5.ཛ་མི་ཀ་ནི་རྟའི་གཟུགས། </br>6.འདོད་པ་ཅན་ནི་རྡོ་རྗེའི་གཟུགས།</br>7.ནམ་གྲུ་ཁྱི་ཡི་གཟུགས་སུ་སྣང་། </br>8.སྲུལ་པོ་ཕག་གི་གཟུགས་སུ་སྣང་། </br>9.མ་དགའ་བྱེད་ནི་བྱི་ལའི་གཟུགས། </br>10.བྱ་ནི་འདབ་ཆགས་བྱའི་གཟུགས། </br>11.གཉའ་ནག་ཅན་ནི་བྱ་གག་གཟུགས། </br>12.བཞིན་རྒྱས་པ་ནི་འུག་པའི་གཟུགས། </br>13.མིག་འཕྱང་པོ་ནི་ཕ་ཝང་གཟུགས།</br>14.རི་དྭགས་རྒྱལ་པོ་རི་དྭགས་གཟུགས།</br>15.སྐེམ་བྱེད་པ་ནི་གཞོན་ནུའི་གཟུགས་སུ་སྣང་བ་བཅས་སོ། །</br>ཡང་ན་སྟོང་ཆེན་རབ་འཇོམས་ལས། </br>1.འཇམ་པ་པོ་ནི་བ་གླང་གཟུགས། །</br>2.རི་དྭགས་རྒྱལ་པོ་རི་དྭགས་གཟུགས། །</br>3.སྐེམ་བྱེད་པ་ནི་གཞོན་ནུ་གཟུགས། །</br>4.བརྗེད་བྱེད་པ་ནི་ཝ་འདྲའོ། །</br>5.ཁུ་ཚུར་ཅན་ནི་བྱ་རོག་གཟུགས། །</br>6.མ་མོ་མི་ཡི་གཟུགས་སུ་སྣང་། །</br>7.ཛ་མི་ཀ་ནི་རྟ་ཡི་གཟུགས། ། </br>8.འདོད་པ་ཅན་ནི་རྡོ་རྗེ་གཟུགས། ། </br>9.ནམ་གྲུ་ཁྱིའི་གཟུགས་སུ་སྣང་། ། </br>10.སྲུལ་པོ་ཕག་གི་གཟུགས་སུ་སྣང་། །</br>11.མ་དགའ་བྱེད་པ་བྱི་ལའི་གཟུགས། ། </br>12.བྱ་ནི་འདབ་ཆགས་བྱའི་གཟུགས། ། </br>13.གཉའ་ལག་ཅན་ནི་བྱ་གག་གཟུགས། ། </br>14.བཞིན་བརྒྱུད་པ་ནི་འུག་པའི་གཟུགས། ། </br>15.མིག་འཕྱང་པོ་ནི་ཕ་ཝང་གཟུགས་བཅས་སོ། ། ། 15.མིག་འཕྱང་པོ་ནི་ཕ་ཝང་གཟུགས་བཅས་སོ། །)
- Dictionaries/Brda dkrol gser gyi me long/285 + (སྨྱོ་བའམ་ཚབ་ཚུབ་ཅན་གྱི་མིའི་མིང་སྟེ། 《དག་ཡིག་ལེགས་བཤད་ཚིག་གཏེར》ལས། ཁྲོག་ཁྲོག་ནི་མི་བརྟན་པོ་མེད་པ་ཁ་ཚིག་དོན་ལ་མི་གནས་ཤིང་སྐད་ཆ་མི་འདྲ་བ་མང་པོ་ལབ་པས་ཆ་བཞག་ས་མེད་པ་སྨྱོ་བ་དང་ཚབ་ཚུབ་བྱེད་པའི་མིང་། ཞེས་གསུངས་པ་ལྟར་རོ། །)
- Dictionaries/Brda dkrol gser gyi me long/7689 + (སྨྲ་བའི་སྙིང་སྟོབས་གང་ཆེའི་དོན་ཏེ། 《ལམ་རིམ་ཆེན་མོའི་བརྡ་དཀྲོལ》ལས། སྨྲ་ཁམ་གང་ཆེ་ནི་སྨྲ་བའི་དཔའ་གང་ཆེ། ཞེས་གསུངས་པ་ལྟར་རོ། །)
- Dictionaries/sngas rgyas chos gzhung tshig mdzod/12418 + (སློབ་དཔོན་པདྨ་འབྱུང་གནས་ཏེ། ཨོ་རྒྱན་རིན་པོ་ཆེའི་མཚན་གཞན་ཞིག ། ཚིག་འདི་གསར་དུ་བཅོས་པ་ཡིན།)
- Dictionaries/sngas rgyas chos gzhung tshig mdzod/7733 + (སློབ་མ་ཡང་ཨཱརྱ་དེ་བ་དང། དཔའ་བོ་དང་། ལེགས་ལ … སློབ་མ་ཡང་ཨཱརྱ་དེ་བ་དང། དཔའ་བོ་དང་། ལེགས་ལྡན་འབྱེད་དང་། སངས་རྒྱས་བསྐྱངས་དང། ཟླ་བ་གྲགས་པ་ལ་སོགས་ཟླ་བྲལ་གྱི་མཁས་པ་མང་དུ་བྱོན། རྩ་བ་ཤེས་རབ་ཀྱི་སྒོ་ནས་དབུ་མའི་ཤིང་རྟའི་སྲོལ་ཕྱེ་བ་ལ་བརྟེན་ནས་ཀླུ་སྒྲུབ་ཀྱི་རྗེས་འབྲངས་རྣམས་ལ་དབུ་མ་བ་དང་ངོ་པོ་ཉིད་མེད་པར་སྨྲ་བ་ཞེས་ཟེར་རོ། ཚིག་འདི་གསར་དུ་བཅོས་པ་ཡིན།ྲ་བ་ཞེས་ཟེར་རོ། ཚིག་འདི་གསར་དུ་བཅོས་པ་ཡིན།)
- Dictionaries/Brda dkrol gser gyi me long/6829 + ((2)གསེར་རྡོག་པོ་ཆེའི་མིང་སྟེ། 《དབྱངས་ཅན་དགའ་བློའི་བརྡ་དཀྲོལ》ལས། ས་ལེ་སྦྲམ་ནི་ས་ལས་ཐོན་པའི་གསེར་རྡོག་ནོ་ཆེ་ཙམ་པ་ལ་བཤད་པར་སྣང་། ཞེས་གསུངས་པ་ལྟར་རོ ། །)
- Dictionaries/Brda dkrol gser gyi me long/3161 + ((2)དུལ་བའམ་བརྟན་པའི་དོན་ལ་འཇུག་སྟེ། 《བརྡ་ཡིག་རེག་གཟིགས་གསར་བུའི་ཉེར་མཁོ》ལས། བརླིང་བ་ཞེས་པ་དུལ་བའམ་བརྟན་པའོ། ། ཞེས་གསུངས། དཔེར་ན། ཇི་སྐད་དུ། མི་ཤིགས་རྡོ་རྗེ་རིན་པོ་ཆེའི་ཁམས་སུ་བརླིང་བར་བྱས་པའི་གནས་སུ་གྱུར། ཅེས་པ་ལྟ་བུའོ། །)
- Dictionaries/Brda dkrol gser gyi me long/2550 + ((2)བསོད་ནམས་མེད་པའི་མིའི་མིང་སྟེ། 《ཚོམས》ལས། ཕོ་ཤལ་བཀུར་སྟིས་ཕུང་བར་འགྱུར།། ཞེས་པ་ལྟ་བུའོ།།)
- Dictionaries/Brda dkrol gser gyi me long/6779 + ((2)འགྲོ་བ་མིའི་མེས་པོའི་མིང་སྟེ། 《བརྡ་སྤྲོད་དཔག་བསམ་ལྗོན་པའི་སྙེ་མ》ལས། ཤེས་ལས་སྐྱེས་ཞེས་པའི་མཆན་དུ་ལྷོ་དང་གླིང་བཞིའི་མེས་པོ། ཞེས་གསུངས་པ་ལྟར་རོ། །)
- Dictionaries/Brda dkrol gser gyi me long/1386 + ((2)རྐང་ལག་བཀྲུ་བའི་སྣོད་ཀྱི་མིང་སྟེ།《འདུལ་ … (2)རྐང་ལག་བཀྲུ་བའི་སྣོད་ཀྱི་མིང་སྟེ།《འདུལ་བའི་གླེང་འབུམ་གྱི་མིང་བརྡའི་རྣམ་བཤད》ལས། ཆོལ་ཟངས་ནི་རྐང་ལག་བཀྲུ་བའི་སྣོད་ཅེས་རྒྱ་ཆེར་འགྲེལ་དུ་གསུངས་ཏེ། དེ་ནི་ས་དང་ཟངས་ལྕགས་སོགས་ལས་བྱས་པ་དབྱིབས་གླང་པོ་ཆེའི་རྨིག་མཐིལ་འདྲ་བ་ནང་གི་དབུས་མཐོ་བ་ཀ་དམ་པའི་མེ་ཏོག་ལྟར་ལྕོག་ལྕོག་པོ་རྩུབ་པ་ཞེས་བཤད་དོ།། ཞེས་གསུངས།ྕོག་ལྕོག་པོ་རྩུབ་པ་ཞེས་བཤད་དོ།། ཞེས་གསུངས།)
- Dictionaries/Brda dkrol gser gyi me long/6270 + ((2)རྒྱ་ཆེ་བའི་དོན་ལ་འཇུག་སྟེ། 《བརྡ་སྤྲོད་དཔག་བསམ་ལྗོན་པའི་སྙེ་མ》ལས། རླིབས་པ་རླིངས་པ་རྒྱ་ཆེའི་དོན། ཞེས་དང་། རླིངས་པ་ཞེས་པའི་མཆན་དུ་འབྱམས་ཀླས། ཞེས་གསུངས་པ་ལྟར་རོ། །)
- Dictionaries/Brda dkrol gser gyi me long/3186 + ((2)རྒྱབ་ཤ་མཐུག་པོའི་མིང་སྟེ། 《དཔེ་ཆོས་རིན … (2)རྒྱབ་ཤ་མཐུག་པོའི་མིང་སྟེ། 《དཔེ་ཆོས་རིན་ཆེན་སྤུངས་པའི་བརྡ་དཀྲོལ》ལས། བཤུལ་ནི་རྒྱབ་ཤ་འཐུག་པོ ། ཞེས་གསུངས། དཔེར་ན། 《དཔེ་ཆོས་རིན་ཆེན་སྤུངས་པ》ལས། ཝ་མོ་གཅིག་བཟའ་འཚོལ་དུ་ཕྱིན་པས། རྩིག་ཕག་གཅིག་ན་རམས་ཚོས་བྱེད་པའི་ཕྲུ་བའི་ནང་དུ་ལྷུང་བས་ཤིན་ཏུ་མཛེས་པ་ཅིག་བྱུང་སྟེ་དེར་དུད་འགྲོ་ཀུན་གྱི་དཔོན་དུ་ཁུར་ནས་གླང་པོ་ཆེའི་བཤུལ་སྟངས་སུ་བཞག་ནས་བསྙེན་བཀུར་བྱེད་ཙ་ན། ཞེས་པ་ལྟ་བུའོ། །་ནས་བསྙེན་བཀུར་བྱེད་ཙ་ན། ཞེས་པ་ལྟ་བུའོ། །)
- Dictionaries/Brda dkrol gser gyi me long/6582 + ((2)ལེན་པའི་དོན་ཏེ།《བེའུ་བུམ་སྔོན་པོའི་མིང་བརྡ་བཤད་པ》ལས། ལྡོན་པ་ནི་ལེན་པ། ཞེས་གསུངས། དཔེར་ན།《བཀའ་གདམས་བུ་ཆོས》ལས། ང་ནི་ཕྱིའི་རྒྱ་མཚོ་ཆེན་པོ་ལ་ལོ་དང་ཟླ་བར་བརྒལ་ནས། རིན་ཆེན་པོ་ཆེའི་གླིང་ནས་རིན་པོ་ཆེ་ལྡོན་དུ་འགྲོ ཞེས་པ་ལྟ་བུའོ།།)
- Dictionaries/Brda dkrol gser gyi me long/1943 + ((3)ཤུགས་ཀྱི་མིང་སྟེ། 《ངག་སྒྲོན་གྱི་འགྲེལ་ … (3)ཤུགས་ཀྱི་མིང་སྟེ། 《ངག་སྒྲོན་གྱི་འགྲེལ་པ》ལས། དབལ་ཞེས་པ་ནི་ཤ་ཉམས་ཤེད་མོ་དང་རྩེ་མོའམ་ཟུར་དང་དྲོད་དང་ཏོག་ལ་འཇུག་སྟེ་རིམ་བཞིན་རྟའི་དབལ་ཕུར་པའི་དབལ་མེའི་དབལ་རྒྱལ་མཚན་གྱི་དབལ་ལྟ་བུ་དང་ཤུགས་ཀྱང་ཡིན་སྙམ། ཞེས་དང་། 《དག་ཡིག་ཤེས་བྱ་རབ་གསལ》ལས། དབལ་ནི་ཤ་ཉམས་རྒྱས་པ་དང་། ཕུར་བའི་རྩེ་སོགས་མཚོན་གྱི་དབལ། དབལ་ནི་མེ་དྲོད་དབལ་ནི་ཏོག ཅེས་གསུངས། དཔེར་ན། 《རྒྱལ་དབང་ལྔ་པའི་རང་རྣམ་དུ་ཀཱུ་ལའི་གོས་བཟང》ལས། ལྷ་སྲིན་གདུག་པའི་ཚ་ངར་དབལ་བཅག་ཐེག་དགུའི་བགྲོད་ལམ་ཚུལ་བཞིན་སྟོན་མཁས་སངས་རྒྱས་གཉིས་པ་ཐོད་འཕྲེང་རྩལ། ། ཞེས་པ་ལྟ་བུའོ། །གཉིས་པ་ཐོད་འཕྲེང་རྩལ། ། ཞེས་པ་ལྟ་བུའོ། །)
- Dictionaries/Brda dkrol gser gyi me long/5693 + ((3)ཨ་ལོང་ངམ་བཞི་ཡོད་པའི་ཟངས་ཀྱི་སླ་ང་ལ་ཟངས … (3)ཨ་ལོང་ངམ་བཞི་ཡོད་པའི་ཟངས་ཀྱི་སླ་ང་ལ་ཟངས་རུ་བཞི་མ་ཞེས་བརྗོད་དེ། 《མི་ལ་རས་པའི་རྣམ་ཐར》ལས། ལྷོ་བྲག་གི་ཕུ་མདའ་ཀུན་ལ་བསོད་སྙོམས་བྱས་པས། ལྷོ་བྲག་བྱེ་བོ་ཆེའི་ནས་ཁལ་ཉེར་གཅིག་རྙེད་པ་ལས་བཅུ་བཞི་ལ་ཟངས་རུ་བཞི་མ་ཕྱི་ནང་གཉིས་ལ་དྲེག་དང་གཡའ་སོགས་སྐྱོན་གྱིས་མ་གོས་པ་ཅིག་ཉོད། ཞེས་པ་ལྟ་བུའོ། །ོན་གྱིས་མ་གོས་པ་ཅིག་ཉོད། ཞེས་པ་ལྟ་བུའོ། །)
- Dictionaries/sngas rgyas chos gzhung tshig mdzod/5387 + ((མངོན་)སངས་རྒྱས། ས་སྐྱ་བདག་ཆེན། རིན་པོ་ཆེའི་ཆེ་མིང་། ཚིག་འདི་གསར་དུ་བཅོས་པ་ཡིན།)
- Dictionaries/Bod rgya shen sjar gyi shes jai rnam drangs kun btus tshig mdzod/1102 + (མིའི་ཤ། གླང་པོ་ཆེའི་ཤ། བ་གླང་གི་ཤ། ཁྱིའི་ཤ། རྟའི་ཤའོ།)
- Dictionaries/chos rnam kun btus/10187 + ("ཧོར་གྱི་ཐ་སྙད། འཕགས་ཡུལ་གྱི་ཐ་སྙད། ཁྱིམ་ཟ … "ཧོར་གྱི་ཐ་སྙད།</br>འཕགས་ཡུལ་གྱི་ཐ་སྙད།</br>ཁྱིམ་ཟླའི་མིང་།"</br>"ཧོར་ཟླ་བདུན་པ།</br>གྲོ་བཞིན་ཟླ།</br>སེང་གེའི་ཁྱིམ།"</br>"ཧོར་ཟླ་བརྒྱད་པ།</br>ཁྲུམས་སྟོད་ཟླ།</br>བུ་མོའི་ཁྱིམ།"</br>"ཧོར་ཟླ་དགུ་པ།</br>དབྱུག་ཟླ།</br>སྲུང་ཁྱིམ།"</br>"ཧོར་ཟླ་བཅུ་པ།</br>སྨིན་དྲུག་ཟླ།</br>སྡིག་ཁྱིམ།"</br>"ཧོར་ཟླ་བཅུ་གཅིག་པ་།</br>མགོ་ཟླ།</br>གཞུ་ཁྱིམ།"</br>"ཧོར་ཟླ་བཅུ་གཉིས་པ།</br>རྒྱལ་ཟླ།</br>ཆུ་སྲིན་ཁྱིམ།"</br>ཟླ་བ་བཅུ་གཉིས་ནི་འབྱུང་རྩིས་ཟླ་བའི་འོད་ཟེར་ལས། དཔྱིད་ཟླ་ར་བ་བཅུ་གཅིག་སྟག ། བཅུ་གཉིས་དཔྱིད་འབྲིང་ཡོས་སུ་བརྩི། ། ཟླ་བ་དང་པོ་དཔྱིད་ཐ་འབྲུག ། དེ་བཞིན་དབྱར་ར་ག་ཉིས་པ་སྦྲུལ། ། དབྱར་འབྲིང་གསུམ་པ་རྟའི་ཟླ་བ། ། བཞི་པ་དབྱར་ཟླ་ཐ་ཆུང་ལུག ། ལྔ་པ་སྟོན་ཟླ་ར་བ་སྤྲེལ། ། དྲུག་པ་སྟོན་འབྲིང་བྱའི་ཟླ་བ། ། བདུན་པ་སྟོན་ཟླ་ཐ་ཆུང་ཁྱི། ། བརྒྱུད་པ་དགུན་ཟླ་ར་བ་ཕག ། དགུན་འབྲིང་དགུ་པ་བྱི་བའོ། ། བཅུ་པ་དགུན་ཐ་གླང་དུ་འདོད། ། ཅེས་འབྱུང་བ་དང་། བེ་དཀར་ཡང་འདི་དང་མཐུན་ནོ། ། བོད་དུ་དར་བའི་ནག་རྩིས་ཕལ་ཆེར་སྟག་ཟླ་དཔྱིད་ཟླ་ར་བར་བྱེད་པ་གཅིག་མཐུན་ཡིན་ཡང་། དེ་ཟླ་བ་གང་ལ་ངོས་འཛིན་བྱེད་སྟངས་ཐད་མི་འདྲ་བ་དུ་མ་འབྱུང་བ་གཙོ་བོ་ཁག་གསུམ་དུ་འདུ། སྟག་ཟླ་དེ་བཅུ་གཅིག་པ་མགོ་ཟླ་བར་བྱེད་པ་ནི་གོང་གསལ་སྡེ་སྲིད་སངས་རྒྱུས་རྒྱུ་མཚོ་དང་ལོ་ཆེན་དྷརྨ་ཤྲཱི་རྗེས་འབྲང་དང་བཅས་པ་འདོད།</br>བེ་དཀར་དང་འབྱུང་རྩིས་ཟླ་ཟེར་ལུགས་ཀྱི་ཟླ་བ་བཅུ་གཉིས།</br>"དུས་བཞི།</br>ཟླ་གྲངས།</br>ཟླ་བའི་མིང་།</br>ཉ་སྐར།"</br>"དཔྱིད་ཟླ་གསུམ།</br>11 12 1</br>སྟག ཡོས། འབྲུག</br>མགོ རྒྱལ། མཆུ།"</br>"དབྱར་ཟླ་གསུམ།</br>2 3 4</br>སྦྲུལ། རྟ། ལུག</br>དབོ། ནག་པ། ས་ག"</br>"སྟོན་ཟླ་གསུམ།</br>5 6 7</br>སྤྲེལ། བྱ། ཁྱི།</br>སྣོན། ཆུ་སྟོད། གྲོ་བཞིན།"</br>"དགུན་ཟླ་གསུམ།</br>8 9 10</br>ཕག བྱི་བ། གླང་།</br>ཁྲུམས་སྟོད། དབྱུ་གུ། སྨིན་དྲུག"</br>རྩིས་ཀྱི་བསྟན་བཅོས་བི་དཀར་དང་འབྱུང་རྩིས་ཟླ་བའི་འོད་ཟེར་གྱི་ལུགས་ཡིན། སྟག་ཟླ་དེ་བཅུ་གཉིས་པ་རྒྱལ་ཟླ་བར་བྱེད་པ་ནི་འབྲི་གུང་ཆོས་ཀྱི་གྲགས་པ་དང་། མཁས་མཆོག་ཀརྨ་ཆགས་མེད། དགེ་རྩེ་འགྱུར་མེད་བསྟན་པ་རྒྱ་མཚོ་རྗེས་འབྲང་དང་བཅས་པ་འདོད། ནག་རྩིས་ཨུཏྤལ་སྔོན་པོའི་དོ་ཤལ་སོགས་ཀྱི་ལུགས་ཡིན། སྟག་ཟླ་དེ་ཟླ་བ་དང་པོ་མཆུ་ཟླར་བྱེད་པ་ནི་ཀརྨ་ངེས་ལེགས་བསྟན་འཛིན་རྗེས་འབྲང་དང་བཅས་པ་འདོད། ནག་རྩིས་ཉེར་མཁོ་བུམ་བཟང་སོགས་ཀྱི་ལུགས་སོ། ། ཟླ་བ་དེ་དག་གི་ཁམས་བརྩི་སྟངས་ནི། གནམ་ལོ་མ་ལ་ཟླ་བ་བུ་ཞེས་པ་ལྟར་སྦྲགས་མར་བརྩི་དགོས། དེ་ཡང་ནག་རྩིས་ཉེར་མཁོ་བུམ་བཟང་ལས། དཔྱིད་ཟླ་ར་འབྲིང་གནམ་ལོའི་བུ། ། དཔྱིད་ཐ་དབྱར་ར་གནམ་ལོའི་མ། ། སྟོན་ཐ་དགུན་ར་གནམ་ལོ་རང་། ། དགུན་འབྲིང་དགུན་ཐ་གནམ་ལོའི་བུ། །ཞེས་པ་དང་དོན་གཅིག་གོ །གུན་ཐ་གནམ་ལོའི་བུ། །ཞེས་པ་དང་དོན་གཅིག་གོ །)
- Dictionaries/Brda dkrol gser gyi me long/7799 + ((1) བཙུན་མོའི་འཁོར་རམ་འཁོར་ནང་མའི་མིང་སྟེ། … (1) བཙུན་མོའི་འཁོར་རམ་འཁོར་ནང་མའི་མིང་སྟེ། 《གསར་རྙིང་བརྡའི་རྣམ་དབྱེ》ལས། སླས་ནི་བཙུན་མོའི་འཁོར། ཞེས་དང་། 《བརྡ་ཡིག་བློ་གསལ་མགྲིན་རྒྱན》ལས། སླས་ནི་འཁོར་ནང་མ་ཞེས་ཀྱང་བྱུང་། ཞེས་གསུངས། དཔེར་ན། 《མགོན་པོ་མི་ཕམ་པའི་སྐྱེས་རབས》ལས། དེ་ནས་རྒྱལ་པོ་བྱང་ཆུབ་སེམས་དཔའ་དེས་སྲས་ཐུ་བོ་རྒྱལ་སྲིད་ལ་བསྐོས་ཏེ། རང་ཉིད་སྲས་དང་སླས་དང་བློན་པོ་དང་ཡུལ་མིའི་གཙོ་བོ་རབ་ཏུ་མང་པོ་དག་དང་། ཞེས་པ་ལྟ་བུའོ། །ོ་བོ་རབ་ཏུ་མང་པོ་དག་དང་། ཞེས་པ་ལྟ་བུའོ། །)
- Dictionaries/Brda dkrol gser gyi me long/2155 + ((1) མྱུར་བའི་མིང་སྟེ།《བརྡ་གསར་རྙིང་གི་རྣམ་གཞག་བློ་གསལ་ཡིད་འཕྲོག》ལས། དེའུ་ཞེས་པ་མྱུར་བའི་མིང་།། ཞེས་གསུངས། དཔེར་ན། 《ཕལ་པོ་ཆེའི་མདོ》ལས། རིགས་ཀྱི་བུ་ཡུད་ཙམ་ཞིག་སྡོད་དང་དེའུ་རེ་མངོན་སུམ་དུ་འགྱུར་རོ།། ཞེས་པ་ལྟ་བུའོ།།)
- Dictionaries/Brda dkrol gser gyi me long/4990 + ((1) རྟའི་མིང་སྟེ།《བརྡ་གསར་རྙིང་གི་བྱེ་བྲག་རྟོགས་བྱེད》ལས། འདོ་བ་རྟ་ཡི་མིང་དུ་བཤད་པ་ཡོད།། ཅེས་གསུངས།)
- Dictionaries/bod rgya nang don rig pai tshig mdzod/1548 + ((ཀྲོཤ)སྔར་རྒྱ་གར་གྱི་རིང་ཚད་ཅིག་སྟེ། ཚེ་ལོ་བརྒྱ་པའི་མིའི་གཞུ་འདོམ་ལྔ་བརྒྱ།)
- Dictionaries/bod rgya nang don rig pai tshig mdzod/7945 + ((པཱུརྦྰབིདེཧ:)རི་རབ་ཀྱི་ཤར་ངོས་རྒྱ་མཚོར་ཆག … (པཱུརྦྰབིདེཧ:)རི་རབ་ཀྱི་ཤར་ངོས་རྒྱ་མཚོར་ཆགས་པའི་གླིང་ཆེན་འདིར་ཡོད་པའི་མིའི་ལུས་འཛམ་གླིང་པ་ལས་ཉིས་འགྱུར་གྱིས་ཚེར་འཕགས་པས་ན་ལུས་འཕགས་དང་། དབྱིབས་ཟླ་གམ་ཁ་ནང་དུ་བསྟན་པ་ལྟ་བུ། ནང་དང་གཡས་གཡོན་གྱི་ངོས་གསུམ་འཛམ་གླིང་དང་འདྲ་བར་དཔག་ཚད་སྟོང་ཕྲག་གཉིས་གཉིས་ཡོད་ཅིང་ལྕགས་རིའི་ཕྱོགས་ཀྱི་ངོས་གཅིག་ལ་དཔག་ཚད་སུམ་བརྒྱ་ལྔ་བཅུ་ཡོད་པ།ི་ངོས་གཅིག་ལ་དཔག་ཚད་སུམ་བརྒྱ་ལྔ་བཅུ་ཡོད་པ།)
- Dictionaries/Bod rgya shen sjar gyi shes jai rnam drangs kun btus tshig mdzod/2131 + ((བསྐྱེད་པ་མ་ཧཱ་ཡོ་ག་ལ) འདོད་ཆགས། ཞེ་སྡང་། … (བསྐྱེད་པ་མ་ཧཱ་ཡོ་ག་ལ) འདོད་ཆགས། ཞེ་སྡང་། གཏི་མུག ང་རྒྱལ། ཕྲག་དོག་སྟེ་མི་སྤང་པའི་དམ་ཚིག་ལྔ། དྲི་ཆེན། དྲི་ཆུང་། ར་ཀྵ། བྱང་སེམས་དཀར་དམར་ཏེ་དང་དུ་བླངས་པ་ལྔ། སྲོག་གཅོད། མ་བྱིན་པར་བླངས་པ། མི་གཙང་སྤྱོད་པ། རྫུན་དུ་སྨྲ་བ། ངག་འཁྱལ་བ་སྟེ་སྤང་པར་བྱ་བ་ལྔ། ཕུང་པོ་འབྱུང་བ་རྣམ་ཤེས་ལྔ་རྣམས་ཡབ་ལྔ་ཡུམ་ལྔར་གསལ་བོར་ཤེས་པར་བྱ་བ་ལྔ། དེ་བཞིན་གཤེགས་པའི་རིགས། རྡོ་རྗེ་རིགས། རིན་པོ་ཆེའི་རིགས། པདྨའི་རིགས། ལས་ཀྱི་རིགས་ཏེ་བསྒྲུབ་པར་བྱ་བ་ལྔ་དང་ཉི་ཤུ་རྩ་ལྔའོ།ིགས་ཏེ་བསྒྲུབ་པར་བྱ་བ་ལྔ་དང་ཉི་ཤུ་རྩ་ལྔའོ།)
- Dictionaries/bod rgya nang don rig pai tshig mdzod/5083 + ((བེེཤྲབཎཿ)རྒྱལ་ཆེན་རིགས་བཞིའི་ནང་གསེས་རི་ར … (བེེཤྲབཎཿ)རྒྱལ་ཆེན་རིགས་བཞིའི་ནང་གསེས་རི་རབ་ཀྱི་བྱང་ངོས་ཀྱི་རྒྱལ་ཆེན་ནམ་བྱང་གི་ཕྱོགས་སྐྱོང་། མིང་གི་རྣམ་གྲངས་ལ་རྐང་པ་གསུམ་ལྡན་དང་། རྒྱལ་པོའི་རྒྱལ། ངལ་བསོས་པོ། གཏེར་གྱི་བདག རྟག་བདེ་བྱེད། ནོར་གྱི་བདག ནོར་སྦྱིན་རྒྱལ། ནོར་སྦྱིན་འདྲེན་པ། ནོར་རྩེན། གནས་སྲུང་པོ། གནོད་སྦྱིན་རྒྱལ། རྣ་རྒྱན་གཅིག་པ། རྣམ་སྲས། དཔལ་གཏེར། བྱང་གི་ཕྱོགས་སྐྱོང་། བྱང་ཕྱོགས་བདག་པོ། དབྱིག་གི་ཆར་འབེབས། མི་ལ་ཞོན། མིག་སྐྱ། མིག་ཡ། མིག་གསུམ་གྲོགས་པོ། མིའི་ཆོས་ལྡན། རྩ་གསུམ་པ། འོད་ཡངས་ཚ་བོ། རིན་ཆེན་སྙིང་པོ། ལུས་ངན། གསང་བདག་བཅས་སོ།། རིན་ཆེན་སྙིང་པོ། ལུས་ངན། གསང་བདག་བཅས་སོ།།)
- Dictionaries/bod rgya nang don rig pai tshig mdzod/7973 + ((མནབ:)(མནུ)མིའི་གང་ཟག་སྤྱི་དང༌། གཙོ་བོ་བསྐལ་པ་དང་པོའི་མིའི་མིང་།)
- Dictionaries/Bod rgya shen sjar gyi shes jai rnam drangs kun btus tshig mdzod/2096 + ((ཨ་ནུ་ཡོ་ག་ལ། ) གཅན་གཟན་རྒྱལ་པོ་སེང་གེ་མི་ … (ཨ་ནུ་ཡོ་ག་ལ། ) གཅན་གཟན་རྒྱལ་པོ་སེང་གེ་མི་བསད་ཅེས་སློབ་དཔོན་ལ་མི་བསྔོ། རིན་པོ་ཆེའི་ཟ་མ་ཏོག་གི་ནང་དུ་དུག་མི་བྱོ་ཅེས་པ་སློབ་དཔོན་གྱི་ཡུམ་ལ་མི་སྤྱད། རིན་པོ་ཆེའི་ལྕུག་ཕྲན་མི་བྲེག་ཅེས་པ་དད་པ་ཅན་གྱི་ཚོགས་དང་དུས་མཆོད་མི་བཅག གངས་ཀྱི་ཞུན་ཆུ་ཁོལ་མ་མི་བཏུང་ཅེས་པ་དཀོན་མཆོག་གི་དཀོར་དང་བླ་མའི་རྫས་མི་སྤྱད། པདྨའི་ཟེའུ་འབྲུ་ཁ་མི་དབྱེ་ཅེས་པ་མཆེད་ཀྱི་ཡུམ་མི་སྤྱད། སྣོད་བུག་རྡོལ་ནང་དུ་བཅུད་མི་བླུག་ཅེས་པ་གཟུངས་མ་མཚན་ངན་ལ་མི་སྤྱད། མ་བརྟགས་པའི་རྫས་མི་འཆང་ཞེས་པ་སློབ་མ་ངན་པ་དང་བཀྲ་མི་ཤིས་པའི་རྫས་མི་འཆང་། ཤེལ་གོང་དཀར་པོ་འདེམ་དུ་མི་འཇུག་ཅེས་པ་ཤེས་རབ་ཅན་གྱི་གང་ཟག་སྨད་པར་མི་བྱ། སེང་གེའི་འོ་མ་སྣོད་ངན་དུ་མི་བླུག་ཅེས་སྔགས་ཀྱི་དབང་ཆོས་དམ་ཉམས་ལ་མི་བཤད། ཡིད་བཞིན་ནོར་བུ་མི་སྲེག་ཅེས་པ་གསང་སྔགས་ཀྱི་བཀའ་ལོག་སྟེ་ཐེག་དམན་དུ་མི་འཇུག བྱ་ཁྱུང་གི་གཤོག་པ་མི་བཅག་ཅེས་པ་ཐབས་ཤེས་བསྐྱེད་རྫོགས་ཡ་མི་བྲལ། གནམ་ལྕགས་ཨུར་མོ་ས་ལ་མི་བརྡབ་ཅེས་པ་རྣལ་འབྱོར་པ་ནང་དུ་དམེ་མི་བྱ། སྟག་གཟིག་རོལ་པའི་ཟས་ལྷག་མི་ཟ་ཅེས་དམ་ཉམས་དང་ཡུག་པའི་ཟས་མི་ཟ། རྡོ་རྗེ་གདམས་པའི་བྲག་མི་གཤག་ཅེས་པ་སློབ་དཔོན་གྱི་སྟན་མི་འགེང་། མུན་པ་སེལ་བའི་སྒྲོན་མི་བསད་ཅེས་པ་བསྐྱེད་རྫོགས་དུས་བྱིང་རྨུགས་སྤང་། རྡོ་རྗེ་ར་བའི་སྒོ་མི་ཧྲལ་ཞེས་པ་བསྒྲུབ་པའི་མཚམས་མི་ཧྲལ། རྡོ་རྗེའི་ལམ་བར་མི་གཅོད་ཅེས་པ་འཛབ་རྒྱུན་མི་བཅད། རྒྱལ་པོའི་བཀའ་རྟགས་ཀྱི་ཕྱག་རྒྱ་མི་སྦྱིན་ཞེས་པ་བསྒྲུབ་རྫས་མི་སྦྱིན། རྡོ་རྗེ་མཁར་རྫོང་རྨང་ནས་མི་བཤིག་ཅེས་པ་རྩ་བ་དང་ཡན་ལག་གི་དམ་ཚིག་ཉམས་པར་མི་བྱ། ནོར་བུ་རིན་པོ་ཆེ་རྒྱལ་མཚན་གྱི་རྩེ་ནས་མི་འབེབས་ཅེས་པ་སློབ་དཔོན་ལ་མ་གུས་པ་སྤང་ཞིང་། སྤྱི་བོར་བསྒོམ་ལ་ལུས་ངག་ཡིད་གསུམ་གུས་པར་བྱའོ།ི་བོར་བསྒོམ་ལ་ལུས་ངག་ཡིད་གསུམ་གུས་པར་བྱའོ།)
- Dictionaries/bod rgya nang don rig pai tshig mdzod/3344 + ((ཨཤཱཀཎ:)གསེར་གྱི་རི་བདུན་གྱི་ནང་གསེས་ལྔ་པ་རིའི་རྩེ་མོ་ན་རྟའི་རྣ་བ་ལྟ་བུ་ཡོད་པ་ངོས་སུ་དཔག་ཚད་ལྔ་འབུམ་བཞི་ཁྲི་ལྔ་སྟོང་རེ་དང་མཐའ་སྐོར་དུ་ས་ཡ་གཉིས་དང་ཆིག་འབུམ་བརྒྱད་ཁྲི་ཡོད་པ་ཞིག)
- Dictionaries/Bod rgya shen sjar gyi shes jai rnam drangs kun btus tshig mdzod/2157 + (1. (ཡབ་ཉི་མའི་འོད་དང་ཡུམ་ལྷ་མོ་རྣམ་རྒྱལ་མའ … 1. (ཡབ་ཉི་མའི་འོད་དང་ཡུམ་ལྷ་མོ་རྣམ་རྒྱལ་མའི་སྲས) ཟླ་བ་བཟང་པོ། 2. ལྷ་དབང་། 3. གཟི་བརྗིད་ཅན་སྣ་ཚོགས་གཟུགས། 4. ལྷའི་དབང་ཕྱུག 5. ཟླ་བས་བྱིན། 6. ལྷའི་དབང་ལྡན་སྟེ་ཆོས་རྒྱལ་དྲུག 7. པད་དཀར་བྱིན། 8. བཟང་པོ། 9. རྣམ་རྒྱལ། 10. བཤེས་གཉེན་བཟང་པོ། 11. ཕྱག་དམར། 12.ཁྱབ་འཇུག་སྦས་པ། 13. ཉི་མ་གྲགས། 14. ཤིན་ཏུ་བཟང་། 15. རྒྱ་མཚོ་རྣམ་རྒྱལ། 16. རྒྱལ་དཀའ། 17. ཉི་མ། 18. སྣ་ཚོགས་གཟུགས། 19. ཟླ་བའི་འོད། 20. མཐའ་ཡས། 21. ས་སྐྱོང་། 22. དཔལ་སྐྱོང་། 23. སེང་གེ 24. རྣམ་པར་གནོན (གཏེར་སྟོན་ཞིག་གླིང་དུས་བྱོན)། 25. སྟོབས་ཆེན། 26. མ་འགགས་པ། 27. མིའི་སེང་གེ 28. དབང་ཕྱུག་ཆེན་པོ། 29. མཐའ་ཡས། 30. རྣམ་རྒྱལ། 31. དྲག་པོ། 32. འཁོར་ལོ་ཅན་ཏེ་ཉེར་དྲུག་དང་རིགས་ལྡན་སོ་གཉིས་སོ།་ལོ་ཅན་ཏེ་ཉེར་དྲུག་དང་རིགས་ལྡན་སོ་གཉིས་སོ།)
- Dictionaries/Bod rgya shen sjar gyi shes jai rnam drangs kun btus tshig mdzod/2082 + (1. ཉེ་བར་མ་བསྟན་པའི་སྦྱིན་པ་ཅན་རྣམས། 2. ཉེ … 1. ཉེ་བར་མ་བསྟན་པའི་སྦྱིན་པ་ཅན་རྣམས། 2. ཉེ་བར་མ་བསྟན་པའི་ཚུལ་ཁྲིམས་ཅན་རྣམས། 3. ཉེ་བར་མ་བསྟན་པའི་བཟོད་པ་ཅན་རྣམས། 4. ཉེ་བར་མ་བསྟན་པའི་བརྩོན་འགྲུས་ཅན་རྣམས། 5. ཉེ་བར་མ་བསྟན་པའི་བསམ་གཏན་ཅན་རྣམས། 6. ཉེ་བར་མ་བསྟན་པའི་ཤེས་རབ་ཅན་རྣམས། 7. བསྡུ་བའི་དངོས་པོས་སེམས་ཅན་ཐམས་ཅད་སྡུད་པ་རྣམས། 8. ཡོངས་སུ་བསྔོ་བའི་ཆོག་ཤེས་པ་རྣམས། 9. ཐབས་ལ་མཁས་པས་སེམས་ཅན་ཐམས་ཅད་ཀྱི་སྤྱོད་པའི་དབང་གིས་ཐེག་པའི་མཆོག་གིས་འབྱུང་བ་བསྟན་པ་རྣམས། 10. ཐེག་ཆེན་ལས་མ་ཉམས་པ་རྣམས། 11. འཁོར་བ་དང་མྱ་ངན་ལས་འདས་པའི་སྒོ་སྟོན་པ་རྣམས། 12. ཟུང་དང་སེལ་ཞིའི་རྒྱུད་ལ་མཁས་པ་རྣམས། 13. ཡེ་ཤེས་ཀྱི་སྔོན་དུ་འགྲོ་བས་མངོན་པར་འདུ་མི་བྱེད་ཅིང་ཁ་ན་མ་ཐོ་བ་མེད་པའི་ཚེ་རབས་ཐམས་ཅད་དུ་མངོན་དུ་བཞུགས་པ་རྣམས། 14. ལུས་དང་ངག་དང་ཡིད་ཀྱི་ལས་ཀྱི་མཐའ་དགེ་བ་བཅུ་ལྡན་པ་རྣམས། 15. སྡུག་བསྔལ་གྱི་ཕུང་པོ་ཐམས་ཅད་བཟོད་པའི་ལུས་ལེན་པས་སེམས་ཅན་གྱི་ཁམས་ཐམས་ཅད་ཡོངས་སུ་མི་གཏོང་བ་རྣམས། 16. འགྲོ་བ་ཐམས་ཅད་མངོན་པར་དགའ་བར་སྟོན་པ་རྣམས། 17. བྱིས་པ་དང་ཉན་ཐོས་མི་བཟད་པ་ཇི་སྙེད་ཅིག་གི་ནང་ན་ཡང་དགེ་བ་མང་པོའི་རིན་པོ་ཆེའི་ཤིང་དཔག་བསམ་ལྟར་བརྟན་པའི་ཐམས་ཅད་མཁྱེན་པ་ཉིད་ཀྱི་སེམས་ཡོངས་སུ་མ་ཉམས་པ་རྣམས། 18. ཆོས་ཐམས་ཅད་ཀྱི་ཐབས་སྦྱིན་པའི་དབང་བསྐུར་བ་ཐོབ་པར་བྱ་བའི་ཕྱིར་སངས་རྒྱས་ཀྱི་ཆོས་རྩོལ་བ་བསྟན་པ་ལས་ཕྱིར་མི་ལྡོག་པ་རྣམས།་ཆོས་རྩོལ་བ་བསྟན་པ་ལས་ཕྱིར་མི་ལྡོག་པ་རྣམས།)
- Dictionaries/chos rnam kun btus/10092 + (1. དགའ་ལྡན་གནས་སུ་དམ་པ་ཏོག་དཀར་པོས། ཆོས་སྒ … 1. དགའ་ལྡན་གནས་སུ་དམ་པ་ཏོག་དཀར་པོས། ཆོས་སྒོ་བརྒྱ་བསྟན་གཟིགས་པ་རྣམ་ལྔས་འཕོས་ཞེས་བདག་ཅག་གི་སྟོན་པ་འདི་སངས་རྒྱས་འོད་སྲུང་གི་སྤྱན་སྔར་བྲམ་ཟེའི་ཁྱེའུ་བླ་མར་གྱུར་ནས་ཚངས་པར་སྤྱོད་པར་སྤྱད་དེ། དགའ་ལྡན་གྱི་གནས་སུ་ལྷའི་བུ་དམ་པ་ཏོག་དཀར་པོ་ཞེས་བྱ་བར་སྐྱེ་བ་གཅིག་གིས་ཐོགས་པའི་བྱང་ཆུབ་སེམས་དཔར་སྐུ་འཁྲུངས་པ་ཡན་ཆད་སྐྱེ་བ་མངོན་པར་སྐྱེ་བའི་སྤྲུལ་པའི་སྐུས་བྱང་ཆུབ་ཀྱི་སྤྱོད་པ་རྫོགས་ནས། མཆོད་པའི་རོལ་མོ་ལས་གཞན་དོན་དུ་བསྐུལ་བའི་སྒྲ་གསན་པ་ན། ཆོས་ཀྱིས་མཐོ་བ་ཞེས་བྱ་བའི་ཁང་བཟང་དུ་བྱང་ཆུབ་སེམས་དཔའ་རང་དང་སྐལ་བ་མཉམ་པ་རྣམས་དང་བཀའི་བགྲོ་བ་མཛད་ཅིང་ཆོས་སྟོན་པའི་གནས་སུ། དད་པ་ནི་ཆོས་སྣང་བའི་སྒོ་སྟེ། བསམ་པ་མི་ཕྱེད་པར་འགྱུར་རོ་ཞེས་པ་ལ་སོགས་པ་ཆོས་སྣང་བའི་སྒོ་བརྒྱ་རྩ་བརྒྱད་བསྟན་ནས་ལ་ཐོད་དང་ཅོད་པན་བྱམས་པའི་དབུ་ལ་བཞག་ནས་ཁྱོད་ནི་ངའི་འོག་ཏུ་མངོན་པར་རྫོགས་པར་འཚང་རྒྱ་བར་འགྱུར་རོ་ཞེས་ལུང་བསྟན་ཅིང་དགའ་ལྡན་དུ་ཆོས་སྟོན་པ་པོའི་རྒྱལ་ཚབ་ཏུ་དབང་བསྐུར་རོ། ། དེ་ནས་གཟིགས་པ་རྣམ་པ་བཞིའམ་ལྔ་ཡིས་འཇིག་རྟེན་ལ་གཟིགས་ནས་དཔྱིད་ཟླ་ཐ་ཆུང་སྐར་མ་ས་ག་ཉ་བའི་ཚེས་བཅོ་ལྔ་རྒྱུ་སྐར་རྒྱལ་དང་ལྡན་པའི་དུས་སྦྱོར་ལ་དགའ་ལྡན་གྱི་གནས་ནས་འཕོས་པར་མཛད་དོ། །</br>2. འཛམ་གླིང་ཚེ་ལོ་བརྒྱ་པར་ཡུལ་དབུས་སུ་རྒྱལ་རིགས་ཡབ་དང་སྒྱུ་འཕྲུལ་ལྷུམས་སུ་ཞུགས་ཞེས་དེའང་མིའི་གླིང་གཞན་གསུམ་ལས་ཁྱད་དུ་འཕགས་པ་འཛམ་བུའི་གླིང་ཚེ་ལོ་བརྒྱད་ཁྲི་པ་ཡན་ཆད་ལོངས་སྤྱོད་ཀྱི་འབྱོར་བ་ཆེ་བས་ཡིད་འབྱུང་བར་དཀའ་ཞིང་། ལོ་བརྒྱ་པ་མན་ཆད་ཀྱང་སྙིགས་མ་ལྔ་ཧ་ཅང་བདོ་བས་མི་ཁོམ་པར་སྣང་བ་དེ་དག་གི་སྐྱོན་མེད་པས་སྐྱེ་དགུ་གདུལ་སླ་བར་གྱུར་པའི་དུས་ཚེ་ལོ་བརྒྱ་པ། རྩོད་དུས་ལ་ལྟོས་ཏེ་ཡུལ་གྱི་སྐྱོན་གྱི་ཆ་ནས་སྨད་དུ་མེད་པ་དབུས་འགྱུར་འཆང་གི་ཡུལ། འཇིག་རྟེན་འདིར་རེས་འགའ་རྒྱལ་རིགས་དང་རེས་འགའ་བྲམ་ཟེའི་རིགས་གཙོ་བོར་བཀུར་བ་ལས་སྐབས་དེར་རྒྱལ་རིགས་བཀུར་བས་མང་བཀུར་གྱི་རྒྱལ་བརྒྱུད་རིགས་ཕུན་སུམ་ཚོགས་པའི་ཡོན་ཏན་དྲུག་ཅུ་རྩ་བཞིས་བརྒྱན་པ་ཡབ་རྒྱལ་པོ་ཟས་གཙང་མ་དང་། ཡུམ་བུད་མེད་ཀྱི་ཡོན་ཏན་སུམ་ཅུ་རྩ་གཉིས་ཀྱིས་བརྒྱན་པའི་ལྷ་མོ་སྒྱུ་འཕྲུལ་ཆེན་མོ་ལ་གཟིགས་ནས། གླང་པོ་ཆེའི་ཕྲུ་གུ་ཐལ་དཀར་མཆེ་བ་དྲུག་པའི་ཚུལ་གྱིས་ཡུམ་གསོ་སྦྱོང་བླངས་པའི་གློ་གཡས་པར་ཞུགས་ནས་ལྷུམས་སུ་ཙན་དན་གྱི་ཁང་བུ་བརྩེགས་པར་བྱིས་པ་ཟླ་དྲུག་ལོན་པའི་ཚད་ཙམ་པ་ན་བཟའ་དང་བཅས་པ་སྐྱིལ་མོ་ཀྲུང་གིས་བཞུགས་ཏེ་སྟོང་གསུམ་གྱི་ཟིལ་དང་རོ་བཅུད་ཚངས་པ་ཆེན་པོས་ཕུལ་བ་བཞེས་ནས་སྐུ་ལུས་བརྟས་པར་མཛད་དོ། ། དེ་ལ་གཟིགས་པ་བཞི་ནི། གླིང་དང་། དུས་དང་། ཡུམ་དང་རིགས་ཏེ་གོང་དུ་སྨྲས་པ་ལྟར་ལ། ། གཟིགས་པ་ལྔ་ནི། རྒྱལ་རིགས་དང་། ཡུལ་དབུས་དང་། ཚེ་ལོ་བརྒྱ་པའི་དུས། ཤཱཀྱའི་རིགས་བརྒྱུད། བྱང་ཆུབ་སེམས་དཔའ་ཟླ་བ་བཅུར་ལྷུམས་སུ་འཛིན་པར་ནུས་པའི་ཡུམ་སྟེ་ལྔ་ལ་གཟིགས་པ་ལུང་དང་མངོན་འབྱུང་ནས་གསུངས་སོ། ། </br>3. ངོ་མཚར་མཚན་མ་བྱེ་བ་སྙེད་དང་བཅས། །ལུམྦི་ནི་ཡི་ཚལ་དུ་དོན་གྲུབ་བལྟམས། ། ཞེས་ལྷུམས་སུ་ཟླ་བ་བཅུ་ཚང་བར་བཞུགས་པའི་ཚེ་ལྷ་མི་ཁྲག་ཁྲིག་སུམ་ཅུ་རྩ་དྲུག་ཐེག་པ་གསུམ་ལ་སྨིན་པར་མཛད་དེ་བལྟམས་པའི་སྔ་ལྟས་སུམ་ཅུ་རྩ་གཉིས་དང་། གླིང་ཆེན་པོ་བྱེ་བ་ཕྲག་བཞིའི་·དབུས་སུ་ཨ་ཤཱཐའི་ལྗོན་པ་སྐྱེ་བ་དང་གླིང་ཕྲན་རྣམས་སུ་ཙན་དན་གྱི་ཚལ་སྐྱེ་བ་དང་། སེར་སྐྱའི་གྲོང་གི་ཁོར་ཡུག་ཏུ་བདེ་བའི་འབྱོར་པ་ཚད་མེད་པ་རང་བཞིན་གྱིས་འབྱུང་བ་སོགས་ངོ་མཚར་བའི་མཚན་མ་བྱེ་བ་ཁྲག་ཁྲིག་འབུམ་ཕྲག་སྙེད་ཀྱིས་ཞིང་ཐམས་ཅད་ཡོངས་སུ་གཏམས་པ་དང་བཅས་ལུམྦི་ནིའི་སྐྱེད་མོའི་ཚལ་དུ་དབོ་ཟླ་བའི་ཚེས་བརྒྱད་རྒྱུ་སྐར་རྒྱལ་དང་ལྡན་པའི་དུས་སུ་ཡུམ་ལ་གནོད་པ་མེད་པར་དཀུ་གཡས་བརྟོལ་ཏེ་མཚན་དཔེའི་དཀྱིལ་འཁོར་གསལ་མ་ཐག་ཚངས་པ་་པ་དང་། བརྒྱ་བྱིན་ལ་སོགས་ལྷ་ཀླུ་རྣམས་ཀྱིས་མཆོད་ཅིང་བསྙེན་བཀུར། ཕྱོགས་བཞིར་ཞབས་ཀྱིས་གོམས་པ་བདུན་བདུན་བོར་ཏེ་སྟོང་ཆེན་པོའི་སེམས་ཅན་ཐམས་ཅད་དབུགས་་དབྱུང་ བའི་གསུང་དབྱངས་ཕྱུང་། ཡབ་རྒྱལ་པོས་བལྟམས་པའི་ངོ་མཚར་ལས་བརྩམས་ཏེ་གཞོན་ནུ་དོན་ཐམས་ཅད་གྲུབ་པ་ཞེས་བྱ་བའི་མཚན་ཕུལ། སེར་སྐྱའི་གཞིར་མ་མ་སུམ་ཅུ་རྩ་གཉིས་ཀྱིས་བསྐྱེད་བསྲིངས། ཤཱཀྱ་གཏུམ་པོ་གཟུ་ལུམ་ཅན་རྣམས་ཀྱི་ནང་དུ་ཐུབ་པ་བཞིན་གནས་པས་མཚོན་གཉིས་པ་ཤཱཀྱ་ཐུབ་པ་ཞེས་བཏེགས། ཤཱཀྱ་རྣམས་ཀྱི་ལྷ་གནོད་སྦྱིན་ཤཱཀྱ་འཕེལ་སོགས་འཇིག་རྟེན་སྐྱོང་བ་ཐམས་ཅད་ཀྱིས་ཞབས་ལ་ཕྱག་བྱས་པས་ཡབ་ཀྱིས་མཚན་གསུམ་པ་ལྷའི་ཡང་ལྷ་ཞེས་བཏགས། དྲང་སྲོང་ནག་པོ་ཉོན་མོངས་མེད་ཀྱིས་སངས་རྒྱས་སུ་འགྱུར་བར་ལུང་བསྟན་ཏོ། །</br>4. ཡིག་རྩིས་རི་མོ་འཕོང་སྟོབས་བརྟག་དཔྱད་གཏམ། ། ལུགས་མང་སྒྱུ་རྩལ་བཟོ་ཡི་གནས་ལ་མཁས། ། ཞེས་བྱང་ཆུབ་སེམས་དཔའ་ཤེས་བྱའི་གནས་ཐམས་ཅད་ཀྱི་མཐར་སོན་ཀྱང་འདུལ་བྱ་གྲངས་མེད་པ་སྨིན་པའི་སླད་དུ་ཡི་གེ་སློབ་པའི་གྲྭར་བྱོན་ཏེ་ཡིག་མཁན་ཀུན་གྱི་བཤེས་གཉེན་ལས་སློབ་པ་ལྟར་མཛད་ཅིང་དེས་མིང་ཙམ་ཡང་མ་ཐོས་པ་མང་པོ་བསྟན་པ་དང་། དགུང་ལོ་བཅུ་དྲུག་རྫོགས་པ་ན་ཤཱཀྱ་ལག་ན་བེ་ཅོན་གྱི་བུ་མོ་དཔལ་ཆེན་མོའི་སྤྲུལ་པ་ས་འཚོ་མ་རྒྱལ་བའི་རུ་མཚན་དུ་བཞག་ནས་ཤཱཀྱ་གཞོན་ནུ་ལྔ་བརྒྱ་དང་རྩལ་འགྲན་པའི་ཐོག་མར་རྩིས་པ་ཆེན་པོ་ཤཱཀྱ་སྲིད་སྒྲུབ་དཔང་དུ་བཙུགས་ཏེ་གྲངས་ཀྱི་གནས་འགྲན་པ་ལ་དབང་པོ་དང་བཅས་པ་ཀུན་གྱིས་བྱང་ཆུབ་སེམས་དཔའི་ཆ་ཙམ་ལའང་འགྲན་པར་མ་ནུས་ཤིང་། དེ་བཞིན་དུ་རི་མོ་འདུ་བྱེད་དང་། ། འཕོང་དང་། སྟོབས་དང་བརྟག་དཔྱད་དང་། གཏམ་དང་། རྐྱལ་དང་། བང་དང་། འདེགས་མཆོངས་ལ་སོགས་པ་ལུགས་སྲོལ་ཤིན་ཏུ་མང་པོའི་སྒྱུ་རྩལ་དང་བཟོའི་གནས་ཡོད་དོ་ཅོག་ལ་ཤིན་ཏུ་མཁས་པས་སུས་ཀྱང་འགྲན་ཟླ་མེད་པར་གྱུར་ཏེ། ལྷས་བྱིན་ལ་སོགས་པ་རིགས་པ་དང་སྟོབས་ཀྱི་ང་རྒྱལ་ཅན་རྣམས་ཀྱང་དུལ་བར་མཛད་དོ། །</br>5. ཡོན་ཏན་ཀུན་ཚང་ས་འཚོ་གྲགས་འཛིན་སོགས། ། བཙུན་མོ་དྲུག་ཁྲིའི་འཁོར་རོལ་སྨིན་པར་མཛད། ། གཟུགས་བཟང་དར་བབ་དྲེགས་པ་དང་བྲལ་ཞིང་གཏོང་ལ་དགའ་བ་སོགས་བུད་མེད་རིན་པོ་ཆེའི་ཡོན་ཏན་ཀུན་ཚང་བ་ས་འཚོ་གྲགས་འཛིན། རི་དྭགས་སྐྱེས་ཏེ་སོ་སོ་འཁོར་ཉི་ཁྲི་དང་བཅས་པ་བཙུན་མོ་དྲུག་ཁྲིའམ་བརྒྱད་ཁྲི་བཞི་སྟོང་གི་ཚོགས་ཀྱིས་འཆི་མེད་འདུན་ས་ལྟ་བུའི་གླུ་དབྱངས་རོལ་མོའི་སྒྲ་ལ་སོགས་པ་བཀོད་པ་ཕུལ་དུ་བྱུང་བས་མཆོད་ཅིང་། དེ་དག་གི་ནང་དུ་རྩེ་ཞིང་རོལ་པ་ལ་སོགས་ཐབས་ལ་མཁས་པའི་མཛད་པས་བཙུན་མོའི་འཁོར་དེ་དག་ཐམས་ཅད་ཀྱང་བྱང་ཆུབ་ཏུ་ཡོངས་སུ་སྨིན་པར་མཛད་དོ། །</br>6. རྒ་ན་འཆི་དང་ཚངས་སྤྱོད་གཟིགས་སོགས་ཀྱིས། ། ངེས་འབྱུང་རབ་ཏུ་བྱུང་ནས་ངུར་སྨྲིག་བཞེས། ། ཞེས་དགུང་ལོ་ཉེར་དགུ་པ་ལ་གྲོང་ཁྱེར་གྱི་སྒོ་བཞིར་རྒས་པ་དང་། ན་བ་དང་། འཆི་བ་དང་། ཚངས་སྤྱོད་རབ་ཏུ་བྱུང་བ་རྣམས་གཟིགས་ཤིང་ཕྱོགས་བཅུའི་རྒྱལ་བ་རྣམས་ཀྱིས་གླུ་པ། དབྱངས་སིལ་སྙན་གྱི་སྒྲས་བསྐུལ་ཞིང་བྱིན་གྱིས་བརླབས་པ་དང་། རང་ཉིད་ཀྱི་སྨོན་ལམ་གྱི་མཐུས་རྒྱལ་སྲིད་བཙུན་མོ་འཁོར་རྣམས་ལ་སྐྱོ་བའི་ཚུལ་བསྟན་ཏེ་ངེས་པར་འབྱུང་བའི་ཐུགས་སྐྱེས་པ་ན། དེ་ནི་ཞག་བདུན་ལ་རབ་ཏུ་མ་བྱུང་ན་འཁོར་ལོས་བསྒྱུར་བའི་རྒྱལ་པོར་འགྱུར་རོ་ཞེས་མཚན་མཁན་རྣམས་ཀྱིས་ལུང་བསྟན་པ་ཐོས་ནས་ཤཱཀྱ་རྣམས་ཀྱིས་སྟོབས་ཅི་ཡོད་པས་མེལ་ཚེ་བྱས་ཏེ་བསྲུངས་པ་ན། ཐ་སྐར་ཟླ་བའི་ཉའི་མཚན་མོར་གྲགས་འཛིན་མའི་མངལ་དུ་རྡོ་རྗེ་སེམས་དཔའི་སྤྲུལ་པ་སྲས་སྒྲ་གཅན་འཛིན་བཟང་པོ་བྱིན་གྱིས་བརླབས་ཏེ། ནམ་ཕྱེད་ན་ཆིབས་པ་སྔགས་ལྡན་ལ་ཆིབས་ཞིམ་འབྲིང་བ་འདུན་པ་དང་བརྒྱ་བྱིན་ལ་སོགས་ལྷ་བྱེ་བ་ཕྲོག་སྟོང་མང་པོས་མཆོད་ཅིང་ནམ་མཁའི་ལམ་ནས་དཔག་ཚད་བཅུ་གཉིས་ཀྱི་ཤར་ཕྱོགས་འདས་པ་ཡངས་པ་ཅན་དུ་གཤེགས་ནས་གཙུག་ཕུད་རང་ཉིད་ཀྱིས་བཅད་དེ་རབ་ཏུ་བྱུང་།། ལྷ་ཡིས་ཕུལ་བའི་ན་བཟའ་ངུར་སྨྲིག་བཞེས། འདུན་པ་ཆིབས་བཅས་སླར་ལོག་ནས་ཡབ་དང་བཙུན་མོ་རྣམས་ཀྱི་མྱ་ངན་བསང་། གཙུག་ཕུད་དང་ཀཱ་ཤི་ཀཱའི་ན་བཟའ་ལྷ་རྣམས་ཀྱིས་ཁྱེར་ཏེ་མཆོད་པ་ཆེན་པོས་མཆོད་དོ། །</br>7. སྲིད་རྩེའི་སྙོམས་འཇུག་མངོན་མཛད་ཆུ་ཀླུང་ངོགས། ། ལོ་དྲུག་སྐྱིལ་ཀྲུང་གཅིག་གིས་དཀའ་བ་སྤྱད། ། ཅེས་བྱང་ཆུབ་སེམས་དཔའ་ཁྱིམ་ནས་ཁྱིམ་མེད་པར་རབ་ཏུ་བྱུང་བའི་རྗེས་སུ་ཡངས་པ་ཅན་དུ་གཤེགས་ཏེ། སྒྱུ་རྩལ་ཤེས་ཀྱི་བུ་རིང་འཕུར་དང་།་རྒྱལ་པོའི་ཁབ་ཏུ་རངས་བྱེད་པའི་བུ་ལྷས་སྤྱོད་གཉིས་ལས་བསམ་གཏན་གྱི་གདམ་ངག་ནོད་ཅིང་། དེ་དག་གི་རྟོགས་པའི་མཐར་ཐུག་ཅིའང་མེད་པ་དང་ཡོད་མིན་མེད་མིན་གྱི་སྐྱེ་མཆེད་དེ་སྲིད་རྩེའི་སྙོམས་འཇུག་མཐར་ཐུག་པ་ཚེགས་ཆུང་ངུས་མངོན་པར་མཛད་ཀྱང་། ཟག་བཅས་ཉེར་ལེན་དང་བཅས་པའི་བསམ་གཏན་སྙོམས་འཇུག་ཏིང་ངེ་འཛིན་རྣམ་སུམ་དབྱུང་ཞིང་དེས་མི་གྲོལ་བ་བསྟན་པ་དང་། ལུས་ཀྱི་རྒྱུའི་ལུང་བསྟན་ཅིང་ལོག་པའི་བརྟུལ་ཞུགས་ཅན་རྣམས་ཀྱང་འདུན་ཅིང་དེས་མི་གྲོལ་བ་བསྟན་པ་ལ་སོགས་པ་དགོས་པ་མང་པོར་ཉེ་བར་གཟིགས་ནས་ཆུ་ཀླུང་ནེརཉྫ་ནའི་ངོགས་སུ་ལོ་དྲུག་སྐྱིལ་མོ་ཀྲུང་གཅིག་གིས་འདས། ཉིན་རེར་རྒྱ་ཤུག་གི་འབྲུ་གཅིག་ནས་འབྲུ་གཅིག་རིལ་བུ་གཅིག་རྣམས་ལས་མི་གསོལ་བ་དང་། ཆུ་ཐིགས་གཅིག་ཀྱང་མི་གསོལ་བ་ལ་སོགས་པའི་དཀའ་བ་སྤྱད་ཅིང་། ལུས་ངག་གི་དཀའ་ཐུབ་ཁོ་ན་སྤྱད་པ་ན་སྙིང་པོ་མེད་པ་སྤྱོད་པ་དེས་ཀྱང་བྱང་ཆུབ་རྫོགས་པར་མི་ནུས་པར་བསྟན་པའི་ཕྱིར། སླར་ཁ་ཟས་རགས་པ་གསོལ་བས་སྐུ་སྟོབས་སླར་རྒྱས་ཤིང་མཛེས་པ་གྱུར་པས་དགེ་སྤྱོང་མཛེས་པ་ཞེས་པའི་མཚན་དུ་གྲགས་སོ། །</br>8. འོ་ཐུག་གསོལ་ནས་མཚན་དཔེ་འོད་དུ་འབར། ། རྩྭ་ཡི་སྟན་བསྣམས་བྱང་ཆུབ་སྙིང་པོར་གཤེགས། ། ཞེས་དེ་ནས་ཕྱག་དར་ཁྲོད་ཀྱི་གོས་ལས་ཆོས་གོས་སྦྱར་མར་མཛད་པ་བཞེས་ཤིང་། གྲོང་མི་དགའ་བྱེད་མའི་བུ་མོ་ལེགས་སྐྱེས་མ་ལ་ལྷས་ལུང་བསྟན་པ་བཞིན། བ་སྟོང་གི་འོ་མ་ལ་ལན་བདུན་དུ་ཉིང་ཁུར་བྱས་པའི་འོ་ཐུག་སྦྲང་རྩི་ཅན་གསོལ་མ་ཐག་ཏུ་གསེར་གྱི་མདོག་དང་། འོད་འདོམ་གང་ལ་སོགས་མཚན་དཔེ་རྣམས་རབ་ཏུ་གསལ་ཞིང་འོད་དུ་འབར་བར་གྱུར་ཅིང་། རྩྭ་འཚོང་བཀྲ་ཤིས་ལས་རྩྭ་བསླངས་ཏེ་སྟན་གྱི་ཕྱིར་བསྣམས་ནས། མི་བསྐྱེད་སྟོབས་དང་དབང་པོའི་མཆོད་སྡོང་འདྲ། ། ཞེས་པ་ལ་སོགས་པའི་ལྔ་བཅུ་རྩ་གཅིག་གིས་བྱང་ཆུབ་སྙིང་པོར་གཤེགས་པ་ན། ས་གཞི་ཐམས་ཅད་འཁར་བའི་སྣོད་བཞིན་དུ་སྒྲ་འབྱིན། སྟོང་གསུམ་གྱི་བདག་པོ་ཚངས་པ་དབང་བསྒྱུར་གྱི་འཇིག་རྟེན་འདི་བཀོད་པ་ཆེན་པོ་ཀུན་བརྒྱན་པ་ལ་སོགས་ལྷ་རྣམས་དང་ཕྱོགས་བཅུའི་བྱང་ཆུབ་སེམས་དཔའི་རྣམས་ཀྱིས་ཕྱོགས་བཅུའི་སངས་རྒྱས་ཀྱི་ཞིང་མང་པོར་རང་རང་གི་ཚོགས་གཉིས་ཀྱི་སྟོབས་ཚད་མེད་པའི་བཀོད་པས་བརྒྱན། སངས་རྒྱས་ཀྱི་ཞིང་ཐམས་ཅད་སྐྱོད་པའི་འོད་ཟེར་དཔག་ཏུ་མེད་པས་དམྱལ་བ་ལ་སོགས་པའི་འགྲོ་བ་རྣམས་དབུགས་དབྱུང་ཞིང་ཀླུ་ནག་པོ་བྱ་བ་ཚེ་བསྐལ་པར་གནས་ཞིང་དམུས་ལོང་དུ་གྱུར་པ། སངས་རྒྱས་འཇིག་རྟེན་དུ་བྱོན་པའི་ཚེ་མིག་ཐོབ་པ་དེའང་མིག་ཕྱེ་ཞིང་སྣང་བ་མཐོང་། ཙཱ་ཤའི་ཁྱུ་རྣམས་སྙན་པར་སྒྲོགས་ཤིང་མཁའ་ལ་གཡས་སུ་བསྐོར། ཐུབ་མཆོག་ཉིད་ཀྱིས་ཀྱང་དུས་གསུམ་གྱི་སངས་རྒྱས་ཀྱི་ཞིང་ཡོད་དོ་ཅོག་གི་བྱང་ཆུབ་སྙིང་པོའི་རྒྱན་བཀོད་པ་ཇི་སྙེད་པ་རྣམས་དེ་ཉིད་དུ་སྣང་བར་མཛད། རྩྭ་ཡི་རྩེ་མོ་རྣམས་ནང་དུ་བསྟན་ནས་བཏིང་བའི་སྟེང་དུ་སྐྱིལ་མོ་ཀྲུང་བཅས་ཞལ་ཤར་དུ་གཟིགས་སྐུ་དྲང་པོར་བསྲང་། དྲན་པ་མངོན་དུ་བཞག་ནས་བཞུགས་སོ། །</br>9. ཤིན་ཏུ་མི་བཟད་གཡོན་ཅན་བདུད་ཀྱི་སྡེ། ། ཉོན་མོངས་དང་བཅས་བྱམས་པའི་མཐུ་ཡིས་བཅོམ། ། ཞེས་དེ་ནས་བདུད་ལས་རྒྱལ་བ་དང་། བདུད་རིགས་ཀྱི་ལྷའི་བུ་དགེ་རྩ་ཅན་རྣམ་པར་སྨིན་པར་མཛད་པའི་སླད་དུ། སྨིན་མཚམས་ནས་འོད་ཟེར་སྤྲོས་ཏེ་བདུད་ཀྱི་གནས་གཡོས་ཤིང་བསྐུལ་བས། སྡིག་ཅན་རང་ཉིད་ཀྱི་རྨི་ལྟས་མི་བཟད་པ་མཐོང་བ་སོགས་འཇིགས་སྐྲག་དངངས་ཤིང་ ཤིན་ཏུ་མི་བཟད་པའི་སེམས་སྐྱེས་ཏེ། དཔག་ཚད་བརྒྱད་ཅུའི་ཁོར་ཡུག་གང་བའི་དཔུང་གི་ཚོགས་དྲན་པ་ཙམ་གྱིས་སྙིང་འགས་པར་བྱས་པའི་བཀོད་པ་འཇིགས་སུ་རུང་བ་དང་སྟོང་གསུམ་་ཀུན་ནས་གཡོན་ཅན་དེ་འདྲ་བྱེ་བ་ཕྲག་བརྒྱ་རྣམས་ཀྱང་ལྷན་ཅིག་ཏུ་ལྷགས་ཏེ་མཚོན་ཆའི་ཆར་ཕབ་ཅིང་། གདུག་པའི་དབུགས་སྤྲོས་པས། དེ་དག་ཐམས་ཅད་བྱང་ཆུབ་སྙིང་པོ་.མཛད་པའི་མཆོད་སྤྲིན་གྱི་བཀོད་པ་ཤ་སྟག་ཏུ་གྱུར་ནས་མཐུ་རྡུགས་ཏེ། བསོད་ནམས་དེ་ཙམ་གྱིས་ཐར་པ་ཐོབ་པས་བཞེངས་སུ་གསོལ་བ་ན། བསྐལ་པ་དཔག་ཏུ་མེད་པར་ཚོགས་གཉིས་བསྒྲུབས་ཤིང་མཐར་སོན་པའི་དཔང་པོ་སའི་ལྷ་མོ་འཁོར་དང་ བཅས་པས་ཞུས། སླར་སྲིད་མ་དང་དགའ་མ་སོགས་བདུད་ཀྱི་བུ་མོ་རྣམས་ཀྱིས་ཀྱང་འདོད་པའི་གཡོ་སྒྱུས་བསླུ་བར་བརྩམས་ཀྱང་ཐུགས་གཡོ་བར་མི་ནུས་ཏེ། གཡོན་ཅན་བདུད་ཀྱི་སྡེ་འཁོར་དང་བཅས་པ་རྣམས་ཚར་བཅད་ཅིང་། དེ་དག་ལས་དགེ་རྩ་སྨིན་པའི་ལྷའི་བུ་ཚད་མེད་པ་དག་གི་ཉོན་མོངས་པ་རྣམ་པར་བཅོམ་སྟེ་བྱང་ཆུབ་ཏུ་སྨིན་པར་མཛད་པ་སོགས། མདོར་ན་བྱམས་པའི་ཏེང་ངེ་འཛིན་ཁོ་ནས་བདུད་ཀྱི་དམག་བྱེ་བ་ཕྲག་སུམ་ཅུ་རྩ་དྲུག་བྱང་ཆུབ་ཀྱི་སྙིང་པོར་བཞུགས་པའི་ནམ་སྲོད་འཁོར་དེ་ཉིད་དུ་བཏུལ་བར་མཛད་དོ། །</br>10. བསམ་གཏན་བདེན་བཞི་རྟེན་འབྲེལ་རིམ་གཟིགས་ནས། ། རྡོ་རྗེ་ལྟ་བུས་མངོན་པར་རྫོགས་བྱང་ཆུབ། ། ཅེས་ནམ་གྱི་གུང་ལ་བསམ་གཏན་བཞི་པོར་རིམ་གྱིས་སྙོམས་པར་བཞུགས། ལྷའི་སྤྱན་སོགས་མངོན་པར་ཤེས་པས་བདེན་པ་བཞི་དང་རྟེན་འབྲེལ་ལུགས་འབྱུང་ལུང་ལྡོག་གི་རིམ་པ་ལེགས་པར་གཟིགས་ནས། ནམ་གྱི་ཆ་སྨད་སྐྱ་རེངས་འཆར་ཀ་རྔ་རྡུང་བའི་དུས་སུ་སྐྱེས་བུའི་ཁྱུ་མཆོག་ཁ་ལོ་བསྒྱུར་བ་བླ་ན་མེད་པ་དེས་འཕགས་པའི་ཡེ་ཤེས་ཀྱི་སྟོབས་བསྐྱེད་པས་ཤེས་པར་བྱ་བ་དང་མངོན་དུ་བྱ་བ་གང་ཅིའང་རུང་། དེ་ཐམས་ཅད་སེམས་ཀྱི་སྐད་ཅིག་གཅིག་དང་ལྡན་པའི་ཤེས་རབ་ཀྱིས་རིག་པ་གསུམ་ཐོབ་ཅིང་། སྤང་བྱ་ཕྲ་ཞིང་ཕྲ་བའང་རྡོ་རྗེ་ལྟ་བུའི་ཏིང་ངེ་འཛིན་གྱིས་བཅོམ་ནས་ཆོས་ཀུན་གྱི་དབྱིངས་སུ་བླ་ན་མེད་པ་ཡང་ཡང་དག་པར་རྫོགས་པའི་བྱང་ཆུབ་ཏུ་མངོན་པར་རྫོགས་པར་སངས་རྒྱས་སོ། ། དེའི་ནུབ་མོར་གྲགས་འཛིན་མ་ལ་སྲས་སྒྲ་གཅན་འཛིན་དང་བདུད་རྩི་ཟས་ཀྱི་བུ་ཀུན་དགའ་བོའང་བཙས་ཤིང་ཟླ་བ་སྒྲ་གཅན་གྱིས་ཟིན་ཏོ།། དེ་ནས་དེ་བཞིན་གཤེགས་པ་ཤིང་ཏཱ་ལ་བདུན་སྲིད་ཀྱི་ནམ་མཁའ་ལ་འཕགས་ཏེ། ལམ་གྱི་རྒྱུན་ནི་ཆད་དོ་ཞེས་བྱ་བ་ལ་སོགས་པས་ཆེད་དུ་བརྗོད་པར་མཛད། སྟོང་གསུམ་འདིའང་རྣམ་པ་དྲུག་ཏུ་གཡོས་ཤིང་ཕྱོགས་བཅུའི་འདྲེན་པ་རྣམས་ཀྱིས་ལེགས་སོ་གསུངས་ནས་ཆོས་ཀྱི་དགའ་བ་བསྐུར། སྟོང་གསུམ་ཀྱི་ལྷ་རྣམས་ཀྱིས་མཆོད་ཅིང་བསྟོད་དེ་ཞག་བདུན་དུ་སྐྱིལ་ཀྲུང་མ་བཤིགས་པར་བྱང་ཆུབ་ཀྱི་ཤིང་ལ་གཟིགས་ནས་བསམ་གཏན་གྱི་བདེ་བས་དགྱེས་པར་མཛད། བདུན་ཕྲག་གཉིས་པར་སྟོང་གསུམ་རྒྱང་རིང་དུ་འཆག ་བདུན་ཕྲག་གསུམ་པར་བྱང་ཆུབ་ཀྱི་སྙིང་པོ་ལ་སྤྱན་མི་འཛུམ་པར་གཟིགས། བདུན་ཕྲག་བཞི་པར་ཤར་ནུབ་ཀྱི་རྒྱ་མཚོའི་བར་དུ་མི་རིང་བར་འཆག བདུན་ཕྲག་ལྔ་པར་ཀླུ་བཏང་བཟུང་གི་གནས་སུ་བཞུགས། བདུན་ཕྲག་དྲུག་པ་ལ་དེ་ནས་ཤིང་ནྱ་གྲོ་དྷའི་དྲུང་དུ་བཞུད། བདུན་པའི་ཚེ་ཤིང་སྒྲོལ་རྒྱུའི་དྲུང་དུ་བཞུགས་པ་ན་ལྷས་བསྐུལ་ཏེ་ཚོང་པ་ག་གོན་དང་བཟང་པོ་གཉིས་ཀྱིས་བསོད་སྙོམས་ཀྱི་ཐོག་མ་ཕུལ་བ་ལ་རྒྱལ་ཆེན་བཞིས་རྡོའི་ལྷུང་བཟེད་བཞི་ཕུལ་བ་གཅིག་ཏུ་བྱིན་གྱིས་བརླབས་པར་བླངས་ནས་གསོལ་ཏེ་ལྷའི་བཀྲ་ཤིས་དོན་གྲུབ་ཅིང་། ། སོགས་ཀྱི་བཀྲ་ཤིས་མཛད་ནས་སངས་རྒྱས་སུ་ལུང་བསྟན་ཏོ། །</br>11. ཚངས་སོགས་གསོལ་བཏབ་ངེས་དང་མ་ངེས་གནས། ། དྲང་ངེས་ཆོས་ཀྱི་འཁོར་ལོ་རིམ་གསུམ་བསྐོར། ། ཞེས་རྫོགས་པའི་སངས་རྒྱས་ཤིང་སྒྲོལ་རྒྱུའི་དྲུང་དུ་བཞུགས་པའི་ཚེ་རང་གིས་བརྙེས་པའི་ཆོས་ཟབ་མོ་དེ་འཇིག་རྟེན་པ་ཀུན་གྱིས་མི་རྟོགས་པར་དགོངས་ཏེ་ཟབ་ཞི་སྤྲོས་བྲལ་འོད་གསལ་འདུས་མ་བྱས། ། བདུད་རྩི་ལྟ་བུའི་ཆོས་ཤིག་བདག་གིས་རྙེད། ། སུ་ལ་བསྟན་ཀྱང་གོ་བར་མི་ནུས་པས། །མི་སྨྲ་ནགས་འདབ་ཉིད་དུ་གནས་པར་བྱ། ། ཞེས་གསུངས་ཏེ་ཐུགས་ལས་ཆུང་ངུར་བཞུགས་པ་ན། སངས་རྒྱས་ཀྱི་མཐུས་ཚངས་པ་གཙུག་ཕུད་ཅན་འཁོར་འབུམ་ཕྲག་དྲུག་ཅུ་རྩ་བརྒྱད་ཀྱི་འཁོར་དང་ལྷན་ཅིག་ཏུ་འོངས་ནས་ཆོས་སྟོན་པར་གསོལ་བར་བཏབ་ཀྱང་མ་གནང་བས་ན་བརྒྱ་བྱིན་གྲོགས་སུ་སྦྲན་ཏེ་ལན་གསུམ་དུ་གསོལ་བ་བཏབ་པས་གདུལ་བྱ་རྣམས་ཀྱི་དབང་པོའི་རིམ་པར་ལེགས་པ་གཟིགས་ཏེ། མ་ངེས་པའི་སེམས་ཅན་ལས་བརྩམས་ཏེ་བདུད་རྩིའི་སྒོ་དབྱེ་བར་ཞལ་གྱིས་བཞེས་པ་ན་དེ་བཞིན་གཤེགས་པས་ཆོས་ཀྱི་འཁོར་ལོ་བསྐོར་རོ་ཞེས་པའི་སྒྲ་ཚངས་རིས་ཀྱི་བར་དུ་གྲགས་སོ། ། དེ་ནས་ཝ་ར་ཎ་སིར་བསོད་སྙོམས་མཛད་ཅིང་དྲང་སྲོང་ལྷུང་པ་རི་དྭགས་ཀྱི་ནགས་སུ་གཤེགས་པའི་ཚེ་ལྔ་སྡེ་བཟང་པོས་མདུན་བསུས་ཏེ། དེ་དག་ཚུར་ཤོག་གིས་དགེ་སློང་གི་དངོས་པོར་གྱུར་ནས་ས་ཕྱོགས་དེར་སེང་གེའི་ཁྲི་ཆེན་པོ་སྟོང་བྱུང་བ་དང་། ཁྲི་དང་པོ་གསུམ་ལ་བསྐོར་བ་མཛད་ཅིང་ཁྲི་བཞི་པ་ལ་སྐྱིལ་མོ་ཀྲུང་གིས་བཞུགས་པའི་ཚེ་ཕྱོགས་བཅུའི་འཇིག་རྟེན་དུ་སྣང་བ་ཆེན་པོས་ཁྱབ་པ་དང་། ཆོས་ཉན་པར་སྐུལ་བའི་སྒྲ་ཡང་བྱུང་བ་ན་ལྷའི་བུ་བྱང་ཆུབ་སེམས་དཔའ་སེམས་བསྐྱེད་མ་ཐག་ཏུ་ཆོས་ཀྱི་འཁོར་ལོ་བསྐོར་བ་ཞེས་བྱ་བས་ཛམྦུ་ཆུ་བོའི་གསེར་ལས་གྲུབ་པའི་འཁོར་ལོ་རྩིབས་སྟོང་པ་ཕུལ་བ་སོགས་བྱང་ཆུབ་སེམས་དཔའ་དང་ལྷ་དཔག་ཏུ་མེད་པ་དག་ཀྱང་འདུས་པ་ལ་ཆུ་སྟོད་ཟླ་བའི་ཚེས་བཞིར་བདེན་པ་བཞིའི་ངོ་བོ་དང་བྱ་བ་དང་འབྲས་བུའི་ཚུལ་གྱིས་ལན་གསུམ་དུ་བཟླས་ཏེ་རྣམ་པ་བཅུ་གཉིས་སུ་བསྐོར་བའི་ཆོས་བསྟན་པས་ལྔ་སྡེ་བཟང་པོས་དགྲ་བཅོམ་ཐོབ་སྟེ་འཇིག་རྟེན་ན་དཀོན་མཆོག་གསུམ་གྱི་ཐོག་མ་བྱུང་། དེ་ནས་རིམ་པར་རི་བོ་ག་ཡ་དང་སྤོས་ངད་ལྡང་། རྒྱལ་པོའི་ཁབ། བྱ་རྒོད་ཕུང་པོའི་རི། མཉན་ཡོད་རྒྱལ་བྱེད་ཀྱི་ཚལ། ཀོ་ས་ལ་སེར་སྐྱའི་གཞི། ཡངས་པ་ཅན་གྱི་གྲོང་ཁྱེར་ལ་སོགས་པ་ངེས་པ་དང་། ལྷ་དང་ཀླུའི་གནས། རྡོ་རྗེ་རིན་པོ་ཆེའི་ཁང་པ་སོགས་མ་ངེས་པའི་གནས་ཅི་རིགས་པ་རྣམས་སུ་དྲང་བ་དང་ངེས་པའི་དོན་ལས་བརྩམས་ཏེ་ཐོག་མཐའ་བར་དུ་དགེ་བའི་ཆོས་ཀྱི་འཁོར་ལོ་རིམ་པ་གསུམ་དུ་བསྐོར། མཆོག་ཟུང་ལ་སོགས་པའི་འཁོར་རྣམ་པ་བཞི་བགྲང་ལས་འདས་པ་འབྲས་བུ་རྣམ་པ་བཞི་ལ་བཀོད། ཐེག་པ་ཆེན་པོའི་རིགས་ཅན་གྱི་ལྷ་དང་མི་གྲངས་མེད་པ་བྱང་ཆུབ་ཏུ་ལུང་བསྟན། མཉན་དུ་ཡོད་པར་འཇིག་རྟེན་དང་འཇིག་རྟེན་ལས་འདས་པའི་ཆོ་འཕྲུལ་ཆེན་པོ་བསྟན། སུམ་ཅུ་རྩ་གསུམ་དུ་ཡུམ་སྒྱུ་འཕྲུལ་ཆེན་པོའི་ཆེད་དུ་དབྱར་གནས་པར་མཛད་ཅིང་གྲོང་ཁྱེར་གསལ་ལྡན་དུ་ལྷ་ལས་བབས། དཔལ་ལྡན་འབྲས་སྤུངས་ཀྱི་མཆོད་རྟེན་ལ་སོགས་པར་གདུལ་བྱ་ཐུན་མོང་མ་ཡིན་པ་རྣམས་ལ་སྔགས་ཀྱི་ཐེག་པ་བསྟན་པ་སོགས་འདུལ་བཞིའི་ཆོ་འཕྲུལ་བསམ་བརྗོད་ཀྱི་ཡུལ་ལས་འདས་པ་བསྟན་པ་མཛད་དོ། །</br>12. མི་གནས་མྱ་ངན་འདས་པའི་ཚུལ་བསྟན་ཅིང་། ། སྐུ་གདུང་འཇིག་རྟེན་ཀུན་ཏུ་རྒྱས་པར་མཛད།། ཅེས་དེ་ལྟར་མཛད་པ་མཐར་ཕྱིན་པའི་སྐབས་སྐུ་ཚེའི་འདུ་བྱེད་ནི་བཏང་། འཚོ་བའི་འདུ་བྱེད་ནི་བྱིན་གྱིས་བརླབས་ནས་ལྟས་ཆེན་པོ་སྣང་བར་གྱུར་པ་དང་ལྷན་ཅིག་གྲོང་ཁྱེར་ཡངས་པ་ཅན་ལ་སོགས་པར་རིམ་གྱིས་གཤེགས་ཏེ་སླད་མའི་དུས། ཆོས་དང་ཆོས་མ་ཡིན་པ་རྣམ་པར་དབྱེ་བ་ན། མདོ་སྡེ་དང་མཐུན། འདུལ་བ་ལ་སྣང་། ཆོས་ཉིད་དང་མི་འགལ་ན་སྟོན་པའི་བསྟན་པ་ཟུངས་ཤིག་པ་སོགས་གདམས་ནས་མགར་བའི་བུ་ཙུན་ད་ལས་བཤོས་ཀྱི་ཐ་མ་གསོལ་ཏེ་གྲོང་ཁྱེར་རྩྭ་ཅན་དུ་ཤིང་སཱ་ལ་ཟུང་གི་བར། ཐ་མའི་གཟིམས་ཁྲི་ལ་སེང་གེའི་ཉལ་སྟབས་ཀྱིས་བཞུགས་ཏེ་སྣང་བའི་འདུ་ཤེས་དང་། དྲན་པ་དང་ཤེས་བཞིན་གྱི་འདུ་ཤེས་དང་། མྱ་ངན་ལས་འདས་པའི་འདུ་ཤེས་ཐུགས་ལ་མཛད། ཀུན་དགའ་བོ་ལ་ངོ་མཚར་རྨད་དུ་བྱུང་བའི་ཆོས་བཞི་ཚན་གསུམ་བསྟན་ཅིང་ཞལ་གྱི་གདམས་པ་བསྩལ། དྲི་ཟའི་རྒྱལ་པོ་རབ་དགའོ་དང་ཀུན་ཏུ་རྒྱུ་རབ་བཟང་སོགས་བཏུལ། ཟླ་བ་ཕྱེད་ཕྱེད་དུ་སོ་སོ་ཐར་པའི་མདོ་འདོན་པས་སྟོན་པའི་མཛད་པ་སོགས་གདམས་ནས། ལུགས་འབྱུང་དང་ལུགས་ལྡོག་གི་བསམ་གཏན་ལ་སྙོམས་པར་ཞུགས་ནས། སླར་བསམ་གཏན་བཞི་པའི་རབ་མཐའ་ལ་བརྟེན་ནས་ཞི་བ་མི་གཡོ་བའི་སྤྱན་དང་ལྡན་པ་བརྙེས་ཏེ་མི་གནས་པའི་དབྱིངས་སུ་མྱ་ངན་ལས་ས་འདས་པའི་ཚུལ་བསྟན། ཞག་བདུན་དུ་ལྷ་དང་མིའི་མཆོད་པ་རྒྱུ་ཆེན་པོས་མཆོད་ཅིང་སྐུ་གདུང་གྱུད་ཀྱིས་དབུ་རྒྱུན་བཏགས་པའི་མཆོད་རྟེན་གྱི་དྲུང་དུ་སྤྱན་དྲངས་ཏེ་སའི་སྟེང་དུ་ཟླ་མེད་ཀྱི་ཉན་ཐོས་ཆེན་པོ་བཞི་ལ་སོགས་པས་མཆོད་ཅིང་མེ་རང་འབར་དུ་གྱུར་པས་གདུང་རྣམས་ཡུངས་འབྲུ་ལྟ་བུའི་རིང་བསྲིལ་གྱི་ཕུང་པོར་གྱུར་པ་མ་ག་དྷཱའི་རྒྱལ་པོ་མ་སྐྱེས་དགྲ་དང་ཡངས་པ་ཅན་ངས་པ་ཅན་གྱི་ལིཙྪ་བཱི་ལ་སོགས་པ་རྣམས་ཀྱིས་ཆ་བརྒྱད་དུ་བགོས་ཏེ་སོ་སོའི་ཡུལ་དུ་མཆོད་རྟེན་བརྩིགས་ཤིང་དུས་སྟོན་ཆེན་པོ་བཙུགས་ནས་མཆོད་པ་རྒྱ་ཆེན་པོས་མཆོད། ཚེམས་མཆེ་བ་བཞི་པོ་སུམ་ཅུ་རྩ་གསུམ་དང་གྲོང་ཁྱེར་སྒྲ་སྒྲོགས་ཀླུའི་རྒྱལ་པོ་སོགས་ཀྱིས་སོ་སོར་ཐོབ་ནས་མཆོད། མ་སྐྱེས་དགྲའི་གདུང་སྐལ་རྣམས་ཕྱེས༑ ཆོས་རྒྱལ་མྱ་ངན་མེད་ཀྱིས་བླངས་ཏེ་ཛམྦུའི་གླིང་དུ་མཆོད་རྟེན་བྱེ་བ་ནུབ་གཅིག་ལ་བཞེངས་པ་དང་། ་མ་འོངས་པ་ན་སྐུ་གདུང་ཡང་འཇིག་རྟེན་ཀུན་ཏུ་འཕེལ་ཞིང་རྒྱས་པ་སོགས་སངས་རྒྱས་ཀྱི་མཛད་པ་མཐའ་ཡས་པ་མཛད་པར་གསུངས་སོ། །</br>མདོར་ན་དགུང་ལོ་ཉེར་དགུ་ཁབ་ཏུ་བཞུགས། ལོ་དྲུག་ཏུ་དཀའ་བ་སྤྱད། སོ་ལྔ་སངས་རྒྱས་ནས་དགུང་ལོ་བརྒྱད་ཅུ་ཐམ་པའི་བར་དབྱར་གནས་པ་བཞི་བཅུ་རྩ་ལྔ་མཛད་ནས་ཆོས་ཀྱི་འཁོར་ལོ་བླ་ན་མེད་པ་བསྐོར་ཏེ། མཐར་རྩྭ་མཆོག་གྲོང་དུ་མྱ་ངན་ལས་འདས་པའི་ཚུལ་བསྟན་ཏོ། །ོག་གྲོང་དུ་མྱ་ངན་ལས་འདས་པའི་ཚུལ་བསྟན་ཏོ། །)
- Dictionaries/chos rnam kun btus/10069 + (1. དགའ་ལྡན་གྱི་གནས་ནས་འཕོ་བའི་མཛད་པ་ནི། དག … 1. དགའ་ལྡན་གྱི་གནས་ནས་འཕོ་བའི་མཛད་པ་ནི། དགའ་ལྡན་གནས་སུ་དམ་པ་ཏོག་དཀར་པོས། ། ཆོས་སྒོ་བརྒྱ་བསྟན་གཟིགས་པ་རྣམ་ལྔས་འཕོས། ། བདག་ཅག་གི་སྟོན་པ་འདི་སངས་རྒྱས་འོད་སྲུང་གི་སྤྱན་སྔར་བྲམ་ཟེའི་ཁྱེའུ་བླ་མར་གྱུར་ནས་ཚངས་པར་སྤྱོད་པ་སྤྱད་དེ་དགའ་ལྡན་གྱི་གནས་སུ་ལྷའི་བུ་དམ་པ་ཏོག་དཀར་པོ་ཞེས་བྱ་བ་སྐྱེ་བ་གཅིག་གིས་ཐོགས་པའི་བྱང་ཆུབ་སེམས་དཔར་སྐུ་འཁྲུངས་པ་ཡན་ཆད་སྐྱེ་བ་མངོན་པར་སྐྱེ་བའི་སྤྲུལ་པའི་སྐུས་བྱུང་ཆུབ་ཀྱི་སྤྱོད་པ་རྫོགས་ནས། མཆོད་པའི་རོལ་མོ་ལས་གཞན་དོན་དུ་བསྐུལ་བའི་སྒྲ་གསན་པ་ན་ཆོས་ཀྱིས་མཐོ་བ་ཞེས་བྱ་བའི་ཁང་བཟང་དུ་བྱང་ཆུབ་སེམས་དཔའ་རང་དང་ སྐལ་བ་མཉམ་པ་རྣམས་དང་བཀའི་བགྲོ་བ་མཛད་ཅིང་ཆོས་སྟོན་པའི་གནས་སུ། དད་པ་ནི་ཆོས་སྣང་བའི་སྒོ་སྟེ་བསམ་པ་མི་ཕྱེད་པར་འགྱུར་རོ་ཞེས་པ་ལ་སོགས་པ་ཆོས་སྣང་བའི་སྒོ་བརྒྱ་རྩ་བརྒྱད་བསྟན་ནས་ལ་ཐོད་དང་ཅོད་པན་བྱམས་པའི་དབུ་ལ་བཞག་ནས་ཁྱོད་ནི་ངའི་འོག་ཏུ་མངོན་པར་རྫོགས་པར་འཚང་རྒྱ་བར་འགྱུར་རོ་ཞེས་ལུང་བསྟན་ཅིང་དགའ་ལྡན་དུ་ཆོས་སྟོན་པ་པོའི་རྒྱལ་ཚབ་ཏུ་དབང་བསྐུར་ནས་གཟིགས་པ་རྣམ་པ་བཞིའམ་ལྔ་ཡིས་འཇིག་རྟེན་ལ་གཟིགས་ནས་དཔྱིད་ཟླ་ཐ་ཆུང་སྐར་མ་ས་གས་ཉ་བའི་ཚེས་བཅོ་ལྔ་རྒྱུ་སྐར་རྒྱལ་དང་ལྡན་པའི་དུས་སྦྱོར་ལ་དགའ་ལྡན་གྱི་གནས་ནས་འཕོ་བར་མཛད་དོ། །</br>2. ལྷུམས་སུ་ཞུགས་པའི་མཛད་པ་ནི། འཛམ་གླིང་ཚེ་ལོ་བརྒྱ་པར་ཡུལ་དབུས་སུ། ། རྒྱལ་རིགས་ཡབ་དང་སྒྱུ་འཕྲུལ་ལྷུམས་སུ་ཞུགས། ། དེའང་མིའི་གླིང་གཞན་གསུམ་ལས་ཁྱད་པར་དུ་འཕགས་པ་ཛམྦུའི་གླིང་། ཚེ་ལོ་བརྒྱད་ཁྲི་པ་ཡན་ཆད་ལོངས་སྤྱོད་ཀྱི་འབྱོར་པ་ཆེ་བས་ཡིད་འབྱུང་བར་དཀའ་ཞིང་། ལོ་བརྒྱ་པ་མན་ཆད་ཀྱང་སྙིགས་མ་ལྔ་ཧ་ཅང་བདོ་བས་མི་ཁོམ་པར་སྣང་བས་དེ་དག་གི་སྐྱོན་མེད་པས་སྐྱེ་དགུ་གདུལ་སླ་བར་གྱུར་པའི་དུས་ཚེ་ལོ་བརྒྱ་པ། རྩོད་དུས་ལ་ལྟོས་ཏེ་ཡུལ་གྱི་སྐྱོན་གྱི་ཆ་ནས་སྨད་དུ་མེད་པ་དབུས་འགྱུར་འཆང་གི་ཡུལ། འཇིག་རྟེན་འདིར་རེས་འགའ་རྒྱལ་རིགས་དང་རེས་འགའ་བྲམ་ཟེའི་རིགས་གཙོ་བོར་བཀུར་བ་ལས་ད་ལྟ་རྒྱལ་རིགས་བཀུར་བས་མང་བཀུར་གྱི་རྒྱལ་བརྒྱུད་རིགས་ཕུན་སུམ་ཚོགས་པའི་ཡོན་ཏན་དྲུག་ཅུ་རྩ་བཞིས་པ་བརྒྱན་པ་ཡབ་རྒྱལ་པོ་ཟས་གཙང་མ་དང་། ཡུམ་ཡང་བུད་མེད་ཀྱི་ཡོན་ཏན་སུམ་ཅུ་རྩ་གཉིས་ཀྱིས་བརྒྱན་པ་ལྷ་མོ་སྒྱུ་འཕྲུལ་ཆེན་མོ་ལ་གཟིགས་ནས། གླང་པོ་ཆེའི་ཕྲུ་གུ་ཐལ་ཀར་མཆེ་བ་དྲུག་པའི་ཚུལ་གྱིས་ཡུམ་གསོ་སྦྱོང་བླངས་པའི་གློ་གཡས་པར་ཞུགས་ནས་ལྷུམས་སུ་ཙནྡན་གྱི་ཁང་བུ་བརྩེགས་པར་བྱིས་པ་ཟླ་དྲུག་ལོན་པའི་ཚད་ཙམ་པ་ན་བཟའ་དང་བཅས་པ་སྐྱིལ་མོ་ཀྲུང་གིས་བཞུགས་ཏེ་སྟོང་གསུམ་གྱི་ཟིལ་དང་རོ་བཅུད་ཚངས་པ་ཆེན་པོས་ཕུལ་བ་བཞེས་ནས་སྐུ་ལུས་བརྟས་པར་མཛད་དོ། ། དེ་ལ་གཟིགས་པ་བཞི་ནི། གླིང་དང་དུས་དང་ཡུམ་དང་རིགས་ཏེ་གོང་དུ་སྨོས་པ་ལྟར་ལ། གཟིགས་པ་ལྔ་ནི། རྒྱལ་རིགས་དང་། ཡུལ་དབུས་དང་། ཚེ་ལོ་བརྒྱ་པའི་དུས། ཤཱཀྱའི་རིགས་བརྒྱུད། བྱང་ཆུབ་སེམས་དཔའ་ཟླ་བ་བཅུར་ལྷུམས་སུ་འཛིན་པར་ནུས་པའི་ཡུམ་སྟེ་ལྔ་ལ་གཟིགས་པ་ལུང་དང་མངོན་འབྱུང་ནས་གསུངས་ཤིང་། སྙིགས་མ་ལྔ་ནི། ཚེ་དང་། དུས་དང་། ལྟ་བ་དང་། སེམས་ཅན་དང་། ཉོན་མོངས་པའོ། ། དེ་ཡང་ཚེའི་སྙིགས་མ་དང་དུས་ཀྱི་སྙིགས་མས་སྲོག་དང་ཡོ་བྱད་རྒུད་པར་བྱེད། ཉོན་མོངས་པ་དང་ལྟ་བའི་སྙིགས་མས་དགེ་བའི་ཕྱོགས་རྒུད་པར་བྱེད། སེམས་ཅན་གྱི་སྙིགས་མས་གཟུགས་རྒུད་པར་བྱེད་ཅིང་། གཞན་ཡང་ནད་མེད་པ་དང་། སྟོབས་དང་། བློ་དང་། བརྩོན་འགྲུས་དང་། བསམ་གཏན་ཉམས་པར་བྱེད་པའོ། །</br>3. སྐུ་བལྟམས་པའི་མཛད་པ་ནི། ངོ་མཚར་མཚན་མ་བྱེ་བ་སྙེད་དང་བཅས། ། ལུམྦི་ནི་ཡི་ཚལ་དུ་དོན་གྲུབ་བལྟམས། ། ལྷུམས་སུ་ཟླ་བ་བཅུ་ཚང་བར་བཞུགས་པའི་ཚེ་ལྷ་མི་ཁྲག་ཁྲིག་སུམ་ཅུ་རྩ་དྲུག་ཐེག་པ་གསུམ་ལ་སྨིན་པར་མཛད་དེ་བལྟམས་པའི་སྔ་ལྟས་སུམ་ཅུ་རྩ་གཉིས་དང་། གླིང་ཆེན་པོ་བྱེ་བ་ཕྲག་བཞིའི་དབུས་སུ་ཨ་ཤུཐའི་ལྗོན་པ་སྐྱེ་བ་དང་། གླིང་ཕྲན་རྣམས་སུ་ཙནྡན་གྱི་ཚལ་སྐྱེ་བ་དང་། སེར་སྐྱའི་གྲོང་གི་ཁོར་ཡུག་ཏུ་བདེ་བའི་འབྱོར་པ་ཚད་མེད་པ་རང་བཞིན་གྱིས་འབྱུང་བ་སོགས་ངོ་མཚར་བའི་མཚན་མ་བྱེ་བ་ཁྲག་ཁྲིག་འབུམ་ཕྲག་སྙེད་ཀྱིས་ཞིང་ཐམས་ཅད་ཡོངས་སུ་གཏམས་པ་དང་བཅས། ལུམྦི་ནཱིའི་སྐྱེད་མོས་ཚལ་དུ་དབོ་ཟླའི་ཚེས་བརྒྱུད་རྒྱུ་སྐར་རྒྱལ་དང་ལྡན་པའི་དུས་སུ་ཡུམ་ལ་གནོད་པ་མེད་པར་དཀུ་གཡས་བརྟོལ་ཏེ་མཚན་དཔེའི་་དཀྱིལ་འཁོར་གསལ་མ་ཐག་ཚངས་པ་དང་ བརྒྱ་བྱིན་ལ་སོགས་པ་ལྷ་ཀླུ་རྣམས་ཀྱིས་མཆོད་ཅིང་བསྙེན་བཀུར། ཕྱོགས་བཞིར་ཞབས་ཀྱིས་གོམས་པ་བདུན་བདུན་བོར་ཏེ་སྟོང་ཆེན་པོའི་སེམས་ཅན་ཐམས་ཅད་དབུགས་དབྱུང་བའི་གསུང་དབྱངས་ཕྱུང་། ཡབ་རྒྱལ་པོས་་བལྟམས་པའི་ངོ་མཚར་ལས་བརྩམས་ཏེ་གཞོན་ནུ་དོན་ཐམས་ཅད་གྲུབ་པ་ཞེས་བྱ་བའི་མཚན་ཕུལ།་སེར་སྐྱའི་གཞིར་མ་མ་སུམ་ཅུ་རྩ་གཉིས་ཀྱིས་བསྐྱེད་བསྲིངས། ཤཱཀྱ་གཏུམ་པོ་གཟུ་ལུམ་ཅན་རྣམས་ཀྱི་ནང་དུ་ཐུབ་པ་བཞིན་གནས་པས་མཚན་གཉིས་པ་ཤཱཀྱ་ཐུབ་པ་ཞེས་བཏགས། ཤཱཀྱ་རྣམས་ཀྱི་ལྷ་གནོད་སྦྱིན་ཤཱཀྱ་འཕེལ་སོགས་འཇིག་རྟེན་སྐྱོང་བ་ཐམས་ཅད་ཀྱིས་ཞབས་ལ་ཕྱག་བྱས་པས་ཡབ་ཀྱིས་མཚན་གསུམ་པ་ལྷའི་ཡང་ལྷ་ཞེས་པ་བཏགས། དྲང་སྲོང་ནག་པོ་ཉོན་མོངས་མེད་ཀྱིས་སངས་རྒྱས་སུ་འགྱུར་བ་ལུང་བསྟན་ཏོ། །</br>4. བཟོ་ཡི་གནས་ལ་མཁས་པའི་མཛད་པ་ནི། ཡིག་རྩིས་རི་མོ་འཕོང་སྟོབས་བརྟག་དཔྱད་གཏམ། ། ལུགས་མང་སྒྱུ་རྩལ་བཟོ་ཡི་གནས་ལ་མཁས། ། བྱང་ཆུབ་སེམས་དཔའ་ཤེས་བྱའི་གནས་ཐམས་ཅད་ཀྱིས་མཐར་སོན་ཀྱང་གདུལ་བྱ་གྲངས་མེད་པ་སྨིན་པའི་སླད་དུ་ཡི་གེ་སློབ་པའི་གྲྭར་བྱོན་ཏེ་ཡིག་མཁན་ཀུན་གྱི་བཤེས་གཉེན་ལས་སློབ་པ་ལྟར་མཛད་ཅིང་དེས་མིང་ཙམ་ཡང་མ་ཐོས་པ་མང་པོ་བསྟན་པ་དང་། དགུང་ལོ་བཅུ་དྲུག་རྫོགས་པ་ན་ཤཱཀྱ་ལག་ན་བེ་ཅོན་གྱི་བུ་མོ་ལྷ་མོ་དཔལ་ཆེན་མོའི་སྤྲུལ་པ་ས་འཚོ་མ་རྒྱལ་བའི་རུ་མཚོན་ཏུ་བཞིག་ནས་ཤཱཀྱ་གཞོན་ནུ་ལྔ་བརྒྱ་དང་རྩལ་འགྲན་པའི་ཐོག་མར་རྩིས་པ་ཆེན་པོ་ཤཱཀྱ་སྲིད་སྒྲུབ་དཔང་དུ་བཙུགས་ཏེ་གྲངས་ཀྱི་གནས་འགྲན་པ་ལ་དབང་པོ་དང་བཅས་པ་ཀུན་གྱིས་བྱང་ཆུབ་སེམས་དཔའི་ཆ་ཙམ་ལའང་འགྲན་པར་མ་ནུས་ཤིང་། དེ་བཞིན་དུ་རི་མོའི་འདུ་བྱེད་དང་། འཕོང་དང་སྟོབས་དང་བརྟག་དཔྱད་དང་གཏམ་དང་རྒྱལ་དང་བང་དང་འདེགས་མཆོངས་ལ་སོགས་པ་ལུགས་སྲོལ་ཤིན་ཏུ་མང་པོའི་སྒྱུ་རྩལ་དང་བཟོའི་གནས་ཡོད་དོ་ཅོག་ལ་ཤིན་ཏུ་མིཁས་པས་སུས་ཀྱང་འགྲན་ཟླ་མེད་པར་གྱུར་ཏེ། ལྷས་བྱིན་ལ་སོགས་པ་རིགས་པ་དང་སྟོབས་ཀྱི་ང་རྒྱལ་ཅན་རྣམས་ཀྱང་དུལ་བར་མཛད་དོ། །</br>5. བཙུན་མོའི་འཁོར་ལ་རོལ་པའི་མཛད་པ་ནི། ཡོན་ཏན་ཀུན་ཚང་ས་འཚོ་གྲགས་འཛིན་སོགས། ། བཙུན་མོ་དྲུག་ཁྲིའི་འཁོར་རོལ་སྨིན་པར་མཛད། ། གཟུགས་བཟང་དེར་བབ་དྲེགས་པ་དང་བྲལ་ཞིང་གཏོང་ལ་དགའ་བ་སོགས་བུད་མེད་རིན་པོ་ཆེའི་ཡོན་ཏན་ཀུན་ཚང་བ་ས་འཚོ་གྲགས་འཛིན། རི་དྭགས་སྐྱེས་ཏེ་སོ་སོ་འཁོར་ཉི་ཁྲི་དང་བཅས་པ་བཙུན་མོ་དྲུག་ཁྲིའམ་བརྒྱད་ཁྲི་བཞི་སྟོང་གི་ཚོགས་ཀྱིས་འཆི་མེད་འདུན་ས་ལྟ་བུའི་གླུ་དབྱངས་རོལ་མོའི་སྒྲ་ལ་སོགས་པ་བཀོད་པ་ཕུལ་དུ་བྱུང་བས་མཆོད་ཅིང་། དེ་དག་གི་ནང་དུ་རྩེ་ཞིང་རོལ་པ་ལ་སོགས་ཐབས་ལ་མཁས་པའི་མཛད་པས་བཙུན་མོའི་འཁོར་དེ་དག་ཐམས་ཅད་ཀྱང་བྱང་ཆུབ་ཏུ་ཡོངས་སུ་སྨིན་པར་མཛད་དོ། །</br>6. རབ་ཏུ་བྱུང་བའི་མཛད་པ་ནི། རྒ་ན་འཆི་དང་ཚངས་སྤྱོད་གཟིགས་སོགས་ཀྱིས། ། ངེས་འབྱུང་རབ་ཏུ་བྱུང་ནས་ངུར་སྨྲིག་བཞེས། དགུང་ལོ་ཉེར་དགུ་པ་ལ་གྲོང་ཁྱེར་གྱི་སྒོ་བཞིར་རྒས་པ་དང་། ན་བ་དང་། འཆི་བ་དང་། ཚངས་སྤྱོད་རབ་ཏུ་བྱུང་བ་རྣམས་གཟིགས་ཤིང་ཕྱོགས་བཅུའི་རྒྱལ་བ་རྣམས་ཀྱིས་གླུ་དབྱངས་སིལ་སྙན་གྱི་སྒྲས་བསྐུལ་ཞིང་བྱིན་གྱིས་བརླབས་པ་དང་།། རང་ཉིད་ཀྱི་སྨོན་ལམ་གྱི་མཐུས་རྒྱལ་སྲིད་བཙུན་མོའི་འཁོར་རྣམས་ལ་སྐྱོ་བའི་ཚུལ་བསྟན་ཏེ་ངེས་པར་འབྱུང་བའི་ཐུགས་སྐྱེས་པ་ན། ད་ནི་ཞག་བདུན་ལ་རབ་ཏུ་མ་བྱུང་ན་འཁོར་ལོས་སྒྱུར་བའི་རྒྱལ་པོར་འགྱུར་རོ་ཞེས་མཚན་མཁན་རྣམས་ཀྱིས་ལུང་བསྟན་པ་ཐོས་ནས། ཤཱཀྱ་རྣམས་ཀྱིས་སྟོབས་ཅི་ཡོད་པས་མེལ་ཚེ་བྱས་ཏེ་བསྲུངས་པ་ན། ཐ་སྐར་ཟླ་བའི་ཉའི་མཚན་མོར་གྲགས་འཛིན་མའི་མངལ་དུ་རྡོ་རྗེ་སེམས་དཔའི་སྤྲུལ་པ་སྲས་སྒྲ་གཅན་འཛིན་བཟང་པོ་བྱིན་གྱིས་བརླབས་ཏེ། ནམ་ཕྱེད་ན་ཆིབས་པ་སྔགས་ལྡན་ལ་ཆིབས། ཞམ་འབྲིང་བ་འདུན་པ་དང་བརྒྱ་བྱིན་ལ་སོགས་ལྷ་བྱེ་བ་ཕྲག་སྟོང་མང་པོས་མཆོད་ཅིང་ནམ་མཁའི་ལམ་ནས་དཔག་ཚད་བཅུ་གཉིས་ཀྱི་ཤར་ཕྱོགས་འདས་པ་ཡངས་པ་ཅན་ཏུ་གཤེགས་ནས་གཙུག་ཕུད་རང་ཉིད་ཀྱིས་བཅད་དེ་རབ་ཏུ་བྱུང་། ལྷ་ཡིས་ཕུལ་བའི་ན་བཟའ་ངུར་སྨྲིག་བཞེས། འདུན་པ་ཆིབས་བཅས་སླར་ལོག་ནས་ཡབ་དང་བཙུན་མོ་རྣམས་ཀྱི་མྱ་ངན་བསང་། གཙུག་ཕུད་དང་ཀཱ་ཤི་ཀཱའི་ན་བཟའ་ལྷ་རྣམས་ཀྱིས་ཁྱེར་ཏེ་མཆོད་པ་ཆེན་པོས་མཆོད་དོ། །</br>7. དཀའ་བ་སྤྱད་པའི་མཛད་པ་ནི། སྲིད་རྩེའི་སྙོམས་འཇུག་མངོན་མཛད་ཆུ་ཀླུང་ངོགས། ། ལོ་དྲུག་སྐྱིལ་ཀྲུང་གཅིག་གིས་དཀའ་བ་སྤྱད༑ ། བྱང་ཆུབ་སེམས་དཔའ་ཁྱིམ་ནས་ཁྱིམ་མེད་པར་རབ་ཏུ་བྱུང་བའི་རྗེས་སུ་ཡངས་པ་ཅན་དུ་གཤེགས་ཏེ་སྒྱུ་རྩལ་ཤེས་ཀྱི་བུ་རིང་འཕུར་དང་། རྒྱལ་པོའི་ཁབ་ཏུ་རངས་བྱེད་ཀྱི་བུ་ལྷས་སྤྱོད་གཉིས་ལས་བསམ་གཏན་གྱི་གདམས་ངག་ནོད་ཅིང་དེ་དག་གི་རྟོགས་པའི་མཐར་ཐུག་ཅིའང་མེད་པ་དང་ཡོད་མིན་མེད་མིན་གྱི་སྐྱེ་མཆེད་དེ་སྲིད་རྩེའི་སྙོམས་འཇུག་མཐར་ཐུག་པ་ཚེགས་ཆུང་དུས་མངོན་པར་མཛད་ཀྱང་ཟག་བཅས་ཉེར་ལེན་དང་ བཅས་པའི་བསམ་ག། གཏན་སྙོམས་འཇུག་ཏིང་ངེ་འཛིན་རྣམས་སུན་དབྱུང་ཞིང་དེས་མི་གྲོལ་བར་བསྟན་པ་དང་། ལུས་ཀྱི་རྒྱུའི་ལུང་བསྟན་ཅིང་ལོག་པའི་བརྟུལ་ཞུགས་ཅན་རྣམས་ཀྱང་འདུན་ཅིང་དེས་མི་གྲོལ་བར་བསྟན་པ་ལ་སོགས་པ་དགོས་པ་མང་པོ་་ཉེ་བར་གཟིགས་ནས།། ཆུ་ཀླུང་ནེ་རཉྫ་ནའི་ངོགས་སུ་ལོ་དྲུག་ཏུ་སྐྱིལ་མོ་ཀྲུང་གཅིག་གིས་འདས། རྒྱུ་ཤུག་གི་འབྲུ། ནས་འབྲུ་གཅིག ་ཏིལ་འབྲུ་གཅིག་རྣམས་ཉིན་རེར་གསོལ་བ་དང་ཆུ་ཐིགས་གཅིག་ཀྱང་མི་གསོལ་བ་ལ་སོགས་པའི་དཀའ་བ་སྤྱད་ཅིང་། ལུས་ངག་གི་དཀའ་ཐུབ་ལ་སྙིང་པོ་མེད་པས་སྤྱོད་པ་དེས་ཀྱང་བྱང་ཆུབ་རྫོགས་པར་མི་ནུས་པར་བསྟན་པའི་ཕྱིར། སླར་ཁ་ཟས་རགས་པ་གསོལ་བས་སྐུ་སྟོབས་དང་ལྡན་ཅིང་མཛེས་པར་གྱུར་པས་དགེ་སྦྱོང་མཛེས་པར་མཚན་ཏུ་གྲགས་སོ། །</br>8. བྱང་ཆུབ་སྙིང་པོར་གཤེགས་པའི་མཛད་པ་ནི། འོ་ཐུག་གསོལ་ནས་མཚན་དཔེ་འོད་དུ་འབར། ་རྩྭ་ཡི་སྟན་བསྣམས་བྱང་ཆུབ་སྙིང་པོར་གཤེགས། ། དེ་ནས་ཕྱག་དར་ཁྲོད་ཀྱི་གོས་ལས་ཆོས་གོས་སྦྱར་མར་མཛད་པ་བཞེས་ཤིང་གྲོང་མི་དགའ་བྱེད་མའི་བུ་མོ་ལེགས་སྐྱེས་མ་ལ་ལྷས་ལུང་བསྟན་པ་བཞིན་བ་སྟོང་གི་འོ་མ་ལན་བདུན་དུ་ཉིང་ཁུར་བྱས་པའི་འོ་ཐུག་སྦྲང་རྩི་ཅན་གསོལ་མ་ཐག་ཏུ་གསེར་གྱི་མདོག་དང་། འོད་འདོམ་གང་ལ་སོགས་མཚན་དཔེ་རྣམས་རབ་ཏུ་གསལ་ཞིང་འོད་དུ་འབར་བར་གྱུར་ཅིང་། རྩྭ་འཚོང་བཀྲ་ཤིས་ལས་རྩྭ་བསླངས་ཏེ་སྟན་གྱི་ཕྱིར་བསྣམས་ནས། མི་བསྐྱོད་སྟབས་དང་དབང་པོའི་མཆོད་སྡོང་འདྲ། །ཞེས་པ་ལ་སོགས་པའི་ལྔ་བཅུ་རྩ་གཅིག་གིས་བྱང་ཆུབ་སྙིང་པོར་གཤེགས་པ་ན། ས་གཞི་ཐམས་ཅད་འཁར་བའི་སྣོད་བཞིན་དུ་སྒྲ་འབྱིན། སྟོང་གསུམ་གྱི་བདག་པོ་ཚངས་པ་དབང་སྒྱུར་གྱིས་འཇིག་རྟེན་འདི་བཀོད་པ་ཆེན་པོས་ཀུན་ནས་བརྒྱན་པ་ལ་སོགས་པ་ལྷ་རྣམས་དང་ཕྱོགས་བཅུའི་བྱང་ཆུབ་སེམས་དཔའ་རྣམས་ཀྱིས་ཕྱོགས་བཅུའི་སངས་རྒྱས་ཀྱི་ཞིང་མང་པོར་རང་རང་གི་ཚོགས་གཉིས་ཀྱི་སྟོབས་ཚད་མེད་པའི་བཀོད་པས་བརྒྱན། སངས་རྒྱས་ཀྱི་ཞིང་ཐམས་ཅད་སྐྱོད་པའི་འོད་ཟེར་དཔག་ཏུ་མེད་པས་དམྱལ་བ་ལ་སོགས་པའི་འགྲོ་བ་རྣམས་དབུགས་དབྱུང་ཞིང་ཀླུ་ནག་པོ་བྱ་བ་ཚེ་བསྐལ་པར་གནས་ཤིང་དམུས་ལོང་དུ་གྱུར་པ། སངས་རྒྱས་འཇིག་རྟེན་དུ་བྱོན་པའི་ཚེ་མིག་ཐོབ་པ་དེའང་མིག་བྱེ་ཞིང་སྣང་བ་མཐོང་། ཙཱ་ཤའི་ཁྱུ་རྣམས་སྙན་པར་སྒྲོགས་ཤིང་མཁའ་ལ་གཡས་སུ་བསྐོར། ཐུབ་མཆོག་ཉིད་ཀྱིས་ཀྱང་དུས་གསུམ་གྱི་སངས་རྒྱས་ཀྱི་ཞིང་ཡོད་དོ་ཅོག་གི་བྱང་ཆུབ་སྙིང་པོའི་རྒྱུན་བཀོད་པ་ཇི་སྙེད་པ་རྣམས་དེ་ཉིད་དུ་སྣང་བར་མཛད། རྩྭའི་རྩེ་མོ་རྣམས་ནང་དུ་བསྟན་ནས་བཏིང་བའི་སྟེང་དུ་སྐྱིལ་མོ་ཀྲུང་བཅས་ནས་ཞལ་ཤར་དུ་གཟིགས། སྐུ་དྲང་པོར་བསྲང་། དྲན་པ་མངོན་དུ་བཞག་ནས་བཞུགས་སོ། །</br>9. བདུད་བཏུལ་བའི་མཛད་པ་ནི། ཤིན་ཏུ་མི་བཟད་གཡོན་ཅན་བདུད་ཀྱི་སྡེ། ། ཉོན་མོངས་དང་བཅས་བྱམས་པའི་མཐུ་ཡིས་བཅོམ། ། དེ་ནས་བདུད་ལས་རྒྱལ་བ་དང་བདུད་རིས་ཀྱི་ལྷའི་བུ་དགེ་རྩ་ཅན་རྣམ་སྨིན་པར་མཛད་པའི་སླད་དུ་སྨིན་མཚམས་ནས་འོད་ཟེར་སྤྲོས་ཏེ་བདུད་ཀྱི་གནས་གཡོས་ཤིང་བསྐུལ་བས། སྡིག་ཅན་རང་ཉིད་ཀྱིས་རྨི་ལྟས་མི་བཟད་པ་མཐོང་བ་སོགས་འཇིགས་སྐྲག་སྔངས་ཤིང་ཤིན་ཏུ་མི་བཟད་པའི་སེམས་སྐྱེས་ཏེ། དཔག་ཚད་བརྒྱད་ཅུའི་ཁོར་ཡུག་གང་བའི་དཔུང་གི་ཚོགས་དྲན་པ་ཙམ་གྱིས་སྙིང་འགས་པར་ནུས་པའི་བཀོད་པ་འཇིགས་སུ་རུང་བ་དང་། སྟོང་གསུམ་ཀུན་ནས་གཡོན་ཅན་དེ་འདྲ་བྱེ་བ་ཕྲག་བརྒྱ་རྣམས་ཀྱང་ལྷན་ཅིག་ཏུ་ལྷགས་ཏེ་མཚོན་ཆའི་ཆར་ཕབ་ཅིང་གདུག་པའི་དབུགས་སྤྲོས་པས། དེ་དག་ཐམས་ཅད་བྱང་ཆུབ་སྙིང་པོ་མཛེས་པའི་མཆོད་སྤྲིན་གྱི་བཀོད་པ་ཤ་སྟག་ཏུ་གྱུར་ནས་མཐུ་རྡུགས་ཏེ། བསོད་ནམས་དེ་ཙམ་གྱིས་ཐར་པ་མི་ཐོབ་པས་བཞེངས་སུ་གསོལ་བ་ན། བསྐལ་པ་དཔག་ཏུ་མེད་པར་ཚོགས་གཉིས་བསྒྲུབས་ཤིང་མཐར་སོན་པའི་དཔང་པོ་སའི་ལྷ་མོ་འཁོར་དང་བཅས་པས་ཞུས། ་སླར་སྲེད་མ་དང་དགའ་མ་སོགས་བདུད་ཀྱི་བུ་མོ་རྣམས་ཀྱིས་ཀྱང་འདོད་པའི་གཡོ་སྒྱུས་བསླུ་བར་བརྩམས་ཀྱང་ ཐུགས་གཡོ་བར་མ་ནུས་ཏེ་གཡོན་ཅན་བདུད་ཀྱི་སྡེ་འཁོར་དང་བཅས་པ་རྣམས་ཚར་བཅད་ཅིང་། དེ་དག་ལས་དགེ་རྩ་སྨིན་པའི་ལྷའི་བུ་ཚད་མེད་པ་དག་གི་ཉོན་མོངས་པ་རྣམ་པར་བཅོམ་སྟེ་བྱང་ཆུབ་ཏུ་སྨིན་པར་མཛད་པ་སོགས་མདོར་ན་བྱམས་པའི་ཏིང་ངེ་འཛིན་ཁོ་ནས་བདུད་ཀྱི་དམག་མི་འཁྲུགས་ཕྲག་གཅིག་བྱུང་ཆུབ་ཀྱི་སྙིང་པོར་བཞུགས་པའི་ནམ་སྲོད་འཁོར་དེ་ཉིད་དུ་བཏུལ་བར་མཛད་དོ། །</br>10. མངོན་པར་སངས་རྒྱས་པའི་མཛད་པ་ནི། བསམ་གཏན་བདེན་བཞི་རྟེན་འབྲེལ་རིམ་གཟིགས་ནས། ། རྡོ་རྗེ་ལྟ་བུས་མངོན་པར་རྫོགས་བྱང་ ཆུབ། ། ནམ་གྱི་གུང་ལ་བསམ་གཏན་བཞི་པོར་རིམ་གྱིས་སྙོམས་པར་ཞུགས། ལྷའི་སྤྱན་སོགས་མངོན་པར་ཤེས་པས་བདེན་པ་བཞི་དང་། རྟེན་འབྲེལ་ལུགས་འབྱུང་ལུགས་ལྡོག་གི་རིམ་པ་ལེགས་པར་གཟིགས་ནས། ནམ་གྱི་ཆ་སྨད་སྐྱ་རེངས་འཆར་ཀ་རྔ་རྡུང་བའི་དུས་སུ་སྐྱེས་བུའི་ཁྱུ་མཆོག་ཁ་ལོ་སྒྱུར་བ་བླ་ན་མེད་པ་དེས་འཕགས་པའི་ཡེ་ཤེས་ཀྱི་སྟོབས་བསྐྱེད་པས་ཤེས་པར་བྱ་་བ་དང་མངོན་དུ་བྱ་བ་གང་ཅིའང་རུང་། དེ་ཐམས་ཅད་སེམས་ཀྱི་སྐད་ཅིག་གཅིག་དང་ལྡན་པའི་ཤེས་རབ་ཀྱིས་རིག་པ་གསུམ་ཐོབ་ཅིང་། སྤང་བྱ་ཕྲ་ཞིང་ཕྲ་བའང་རྡོ་རྗེ་ལྟ་བུའི་ཏིང་ངེ་འཛིན་གྱིས་བཅོམ་ནས་ཆོས་ཀུན་གྱི་དབྱིངས་སུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་མངོན་པར་རྫོགས་པར་སངས་རྒྱས་སོ། ། དེའི་ནུབ་མོ་ཁོ་ནར་གྲགས་འཛིན་མ་ལ་སྲས་སྒྲ་གཅན་འཛིན་དང་། བདུད་རྩི་ཟས་ཀྱི་བུ་ཀུན་དགའ་བོའང་བཙས་ཤིང་ཟླ་བ་སྒྲ་གཅན་གྱིས་ཟིན་ཏེ། །དེ་ནས་དེ་བཞིན་གཤེགས་པ་ཤིང་ཏཱ་ལ་བདུན་སྲིད་ཀྱི་ནམ་མཁའ་ལ་འཕགས་ཏེ། ལམ་གྱི་རྒྱུན་ནི་ཆད་དོ་ཞེས་བྱ་བ་ལ་སོགས་པས་ཆེད་དུ་བརྗོད་པར་མཛད། སྟོང་གསུམ་འདིའང་རྣམ་པ་དྲུག་ཏུ་གཡོས་ཤིང་ཕྱོགས་བཅུའི་འདྲེན་པ་རྣམས་ཀྱིས་ལེགས་སོ་གསུངས་ནས་ཆོས་ཀྱི་དགའ་བ་བསྐུར། སྟོང་གསུམ་གྱི་ལྷ་རྣམས་ཀྱིས་མཆོད་ཅིང་བསྟོད་དེ་ཞག་བདུན་དུ་སྐྱིལ་ཀྲུང་མ་བཤིགས་པར་བྱང་ཆུབ་ཀྱི་ཤིང་ལ་གཟིགས་ནས་བསམ་གཏན་གྱི་བདེ་བས་དགྱེས་པར་མཛད། བདུན་ཕྲག་གཉིས་པར་སྟོང་གསུམ་རྒྱང་རིང་དུ་འཆག ། བདུན་ཕྲག་གསུམ་པར་བྱང་ཆུབ་ཀྱི་སྙིང་པོ་ལ་སྤྱན་མི་འཛུམ་པར་གཟིགས། བདུན་ཕྲག་བཞི་པར་ཤར་ནུབ་ཀྱི་རྒྱ་མཚོའི་བར་དུ་མི་རིང་བར་འཆག ། བདུན་ཕྲག་ལྔ་པར་ཀླུ་བཏང་་བཟུང་གི་གནས་སུ་བཞུགས། བདུན་ཕྲག་དྲུག་པ་ལ་དེ་ནས་ཤིང་ནྱ་གྲོ་དྷའི་དྲུང་དུ་བཞུད། བདུན་པའི་ཚེ་ཤིང་སྒྲོལ་རྒྱུའི་དྲུང་དུ་བཞུགས་པ་ན་ལྷས་བསྐུལ་ཏེ་ཚོང་པ་ག་གོན་དང་བཟང་པོ་གཉིས་ཀྱིས་བསོད་སྙོམས་ཀྱི་ཐོག་མར་ཕུལ་བ་ལ་རྒྱལ་ཆེན་བཞིས་རྡོའི་ལྷུང་བཟེད་བཞི་ཕུལ་བ་གཅིག་ཏུ་བྱིན་གྱིས་བརླབས་པར་བླངས་ནས་གསོལ་ཏེ། ལྷ་ཡི་བཀྲ་ཤིས་དོན་གྲུབ་ཅིང་། ། སོགས་ཀྱི་བཀྲ་ཤིས་མཛད་ནས་སངས་རྒྱུས་སུ་ལུང་བསྟན་ཏོ། ། ཐེག་པ་ཆེན་པོའི་ལུགས་སུ་འདི་དག་གི་སྐབས་སུ་བཀོད་པ་བསམ་གྱིས་མི་ཁྱབ་པ་དང་། ཞག་བདུན་ཕྲག་བདུན་གྱི་སྐབས་སུ་སངས་རྒྱས་ཕལ་པོ་ཆེའི་ཆོས་ཀྱི་སྒོ་འབྱེད་པ་སོགས་ཐུན་མོང་མ་ཡིན་པའི་ཚུལ་ཆེས་མང་ངོ་། །</br>11. ཆོས་ཀྱི་འཁོར་ལོ་བསྐོར་བའི་མཛད་པ་ནི། ཚངས་སོགས་གསོལ་བཏབ་ངེས་དང་མ་ངེས་གནས། ། དྲང་ངེས་ཆོས་ཀྱི་འཁོར་ལོ་རིམ་གསུམ་བསྐོར། ། རྫོགས་པའི་སངས་རྒྱས་ཤིང་སྒྲོལ་རྒྱུའི་དྲུང་དུ་བཞུགས་པའི་ཚེ་རང་གིས་བརྙེས་ པའི་ཆོས་ཟབ་མོ་དེ་འཇིག་རྟེན་པ་ཀུན་གྱིས་མི་རྟོགས་པར་དགོངས་ཏེ། ཟབ་ཞི་སྤྲོས་བྲལ་འོད་གསལ་འདུས་མ་བྱས། ། བདུད་རྩི་ལྟ་བུའི་ཆོས་ཤིག་བདག་གིས་རྙེད། ། སུ་ལ་བསྟན་ཀྱང་གོ་བར་མི་ནུས་པས། ། མི་སྨྲ་ནགས་འདབ་ཉིད་དུ་གནས་པར་བྱ། ། ཞེས་གསུངས་ཏེ་ཐུགས་ལས་ཆུང་ངུར་བཞུགས་པ་ན། སངས་རྒྱས་ཀྱི་མཐུས་མཐུས་ཚངས་པ་གཙུག་ཕུད་ཅན་འཁོར་འབུམ་ཕྲག་དྲུག་ཅུ་རྩ་བརྒྱུད་ཀྱི་འཁོར་དང་ལྷན་ཅིག་ཏུ་འོངས་ནས་རོངས་ནས་ཆོས་སྟོན་པར་གསོལ་བ་བཏབ་ཀྱང་མ་གནང་བ་ན་བརྒྱ་བྱིན་གྲོགས་སུ་སྦྲན་ཏེ་ལན་གསུམ་དུ་གསོལ་བ་བཏབ་པས་གདུལ་བྱ་རྣམས་ཀྱི་དབང་པོའི་རིམ་པ་ལེགས་པར་གཟིགས་ཏེ་མ་ངེས་པའི་སེམས་ཅན་རྣམས་ལས་བརྩམས་ཏེ་བདུད་རྩིའི་སྒོ་དབྱེ་བར་ཞལ་གྱིས་བཞེས་པ་ན་དེ་བཞིན་གཤེགས་པས་ཆོས་ཀྱི་འཁོར་ལོ་བསྐོར་རོ་ཞེས་པའི་སྒྲ་ཚངས་རིས་ཀྱི་བར་དུ་གྲགས་སོ། ། དེ་ནས་ཝ་ར་ཎ་སིར་བསོད་སྙོམས་མཛད་ཅིང་དྲུང་སྲོང་ལྷུང་བ་རི་དྭགས་ཀྱི་ནགས་སུ་གཤེགས་པའི་ཚེ་ལྔ་སྡེ་བཟང་པོས་མདུན་བསུས་ཏེ་དེ་དག་ཚུར་ཤོག་གིས་དགེ་སློང་གི་དངོས་པོར་གྱུར་ནས་ས་ཕྱོགས་དེར་སེང་གེའི་ཁྲི་ཆེན་པོ་སྟོང་བྱུང་བ་དང་ཁྲི་དང་པོ་གསུམ་ལ་བསྐོར་བ་མཛད་ཅིང་ཁྲི་བཞི་པ་ལ་སྐྱིལ་མོ་ཀྲུང་གིས་བཞུགས་པའི་ཚེ་ཕྱོགས་བཅུའི་འཇིག་རྟེན་ཏུ་སྣང་བ་ཆེན་པོས་ཁྱབ་པ་དང་ཆོས་ཉན་པར་སྐུལ་བའི་སྒྲའང་བྱུང་བ་ན་ལྷའི་བུ་བྱང་ཆུབ་སེམས་དཔའ་སེམས་བསྐྱེད་མ་ཐག་ཏུ་ཆོས་ཀྱི་འཁོར་ལོ་བསྐོར་བ་ཞེས་བྱ་བས་ཛམྦུ་ཆུ་གསེར་ལས་གྲུབ་པའི་འཁོར་ལོ་རྩིབས་སྟོང་པ་ཕུལ་བ་སོགས་བྱང་ཆུབ་སེམས་དཔའ་དང་ལྷ་དཔག་ཏུ་མེད་པ་དག་ཀྱང་འདུས་པ་ལ་ཆུ་སྟོད་ཟླ་བའི་ཚེས་བཞིར་བདེན་པ་བཞིའི་ངོ་བོ་དང་། བྱ་བ་དང་འབྲས་བུའི་ཚུལ་གྱིས་ལན་གསུམ་དུ་བཟླས་ཏེ་རྣམ་པ་བཅུ་གཉིས་སུ་བསྐོར་བའི་ཆོས་བསྟན་པས་ལྔ་སྡེ་བཟང་པོས་དག་བཅོམ་ཐོབ། འཇིག་རྟེན་ན་དཀོན་མཆོག་གསུམ་གྱི་ཐོག་མ་བྱུང་། དེ་ནས་རིམ་པར་རི་བོ་ག་ཡ་དང་སྤོས་ངད་ལྡང་། རྒྱལ་པོའི་ཁབ། བྱ་རྒོད་ཕུང་པོའི་རི། མཉན་ཡོད་རྒྱལ་བྱེད་ཀྱི་ཚལ། ཀོ་ས་ལ། སེར་སྐྱའི་གཞི། ཡངས་པ་ཅན་གྱི་གྲོང་ཁྱེར་ལ་སོགས་པ་ངེས་པ་དང་། ལྷ་དང་ཀླུའི་གནས། རྡོ་རྗེ་རིན་པོ་ཆེའི་ཁང་པ་སོགས་མ་ངེས་པའི་གནས་ཅི་རིགས་པ་རྣམས་སུ་དྲང་བ་དང་ངེས་པའི་དོན་ལས་བརྩམས་ཏེ་ཐོག་མཐའ་བར་དུ་དགེ་བའི་ཆོས་ཀྱི་འཁོར་ལོ་ཆེན་པོ་རིམ་པ་གསུམ་དུ་བསྐོར། མཆོག་ཟུང་ལ་སོགས་པ་འཁོར་རྣམ་པ་བཞི་བགྲང་བ་ལས་འདས་པ་འབྲས་བུ་རྣམ་པ་བཞི་ལ་བཀོད། ཐེག་པ་ཆེན་པོའི་རིགས་ཅན་གྱི་ལྷ་དང་མི་གྲངས་མེད་པ་བྱུང་ཆུབ་ཏུ་ལུང་བསྟན། མཉན་དུ་ཡོད་པར་འཇིག་རྟེན་དང་འཇིག་རྟེན་ལས་འདས་པའི་ཆོ་འཕྲུལ་ཆེན་པོ་བསྟན། སུམ་ཅུ་རྩ་གསུམ་དུ་ཡུམ་སྒྱུ་འཕྲུལ་ཆེན་པོའི་ཆེད་དུ་དབྱར་གནས་པར་མཛད་ཅིང་གྲོང་ཁྱེར་གསལ་ལྡན་དུ་ལྷ་ལས་བབས། དཔལ་ལྡན་འབྲས་སྤུངས་ཀྱི་མཆོད་རྟེན་ལ་སོགས་པར་འདུལ་བྱ་ཐུན་མོང་མ་ཡིན་པ་རྣམས་ལ་སྔགས་ཀྱི་ཐེག་པ་བསྟན་པ་སོགས་འདུལ་བཞིའི་ཆོ་འཕྲུལ་བསམ་བརྗོད་ཀྱི་ཡུལ་ལས་འདས་ཤིང་། མདོར་ན་དགུང་ལོ་ཉེར་དགུར་ཁབ་ཏུ་བཞུགས། ལོ་དྲུག་ཏུ་དཀའ་བ་སྤྱད། དགུང་ལོ་སོ་ལྔ་པར་སངས་རྒྱས་ནས་དགུང་ལོ་བརྒྱད་ཅུ་ཐམ་པའི་བར་དབྱར་གནས་པ་གཞི་བཅུ་རྩ་ལྔ་མཛད་ནས་ཆོས་ཀྱི་འཁོར་ལོ་བླ་ན་མེད་པ་བསྐོར་ཏོ། །</br>12. མྱ་ངན་ལས་འདས་པའི་མཛད་པ་ནི། མི་གནས་མྱ་ངན་འདས་པའི་ཚུལ་བསྟན་ཅིང་། ། སྐུ་གདུང་འཇིག་རྟེན་ཀུན་ཏུ་རྒྱས་པར་མཛད། ། དེ་ལྟར་མཛད་པ་མཐར་ཕྱིན་པའི་སྐབས་སྐུ་ཚེའི་འདུ་བྱེད་ནི་བཏང་། འཚོ་བའི་འདུ་བྱེད་ནི་བྱིན་གྱིས་བརླབས་ནས་ལྟས་ཆེན་པོ་སྣང་བར་གྱུར་པ་དང་ལྷན་ཅིག་གྲོང་ཁྱེར་ཡངས་པ་ཅན་ལ་སོགས་པར་རིམ་གྱིས་གཤེགས་ཏེ་སླད་མའི་དུས་ཆོས་དང་ཆོས་མ་ཡིན་པ་རྣམ་པར་དབྱེ་བ་ན། མདོ་སྡེ་དང་མཐུན། འདུལ་བ་ལ་སྣང་། ཆོས་ཉིད་དང་མི་འགལ་ན་སྟོན་པའི་བསྟན་པར་ཟུངས་ཤིག་པ་སོགས་གདམས་ནས་མགར་བའི་བུ་ཙུནྡ་ལས་བཤོས་ཀྱི་ཐ་མ་གསོལ་ཏེ་གྲོང་ཁྱེར་རྩྭ་ཅན་དུ་ཤིང་སཱ་ལ་ཟུང་གི་བར་ཐ་མའི་གཟིམས་ཁྲི་ལ་སེང་གེའི་ཉལ་སྟབས་ཀྱིས་བཞུགས་ཏེ་སྣང་བའི་འདུ་ཤེས་དང་། དྲན་པ་དང་ཤེས་བཞིན་གྱི་འདུ་ཤེས་དང་། མྱ་ངན་ལས་འདས་པའི་འདུ་ཤེས་ཐུགས་ལ་མཛད། ཀུན་དགའ་བོ་ལ་ངོ་མཚར་རྨད་དུ་བྱུང་བའི་ཆོས་བཞི་ཚན་གསུམ་བསྟན་ཅིང་ཞལ་གྱི་གདམས་པ་བསྩལ། དྲི་ཟའི་རྒྱལ་པོ་རབ་དགའ་དང་ཀུན་ཏུ་རྒྱུ་རབ་བཟང་སོགས་བཏུལ། ཟླ་བ་ཕྱེད་ཕྱེད་དུ་སོ་སོར་ཐར་པའི་མདོ་འདོན་པས་སྟོན་པའི་མཛད་པ་སོགས་གདམས་ནས་ལུགས་འབྱུང་དང་ལུགས་ལྡོག་གི་བསམ་གཏན་ལ་སྙོམས་པར་ཞུགས་ནས། སླར་བསམ་གཏན་བཞི་པའི་རབ་མཐའ་ལ་བརྟེན་ནས་ཞི་བ་མི་གཡོ་བའི་སྤྱན་དང་ལྡན་པ་བརྙེས་ཏེ་མི་གནས་པའི་དབྱིངས་སུ་མྱ་ངན་ལས་འདས་པའི་ཚུལ་བསྟན། ཞག་བདུན་དུ་ལྷ་དང་མིའི་མཆོད་པ་རྒྱ་ཆེན་པོས་མཆོད་ཅིང་སྐུ་གདུང་རྒྱུད་ཀྱིས་དབུ་རྒྱུན་བཏགས་པའི་མཆོད་རྟེན་གྱི་དྲུང་དུ་སྤྱན་དྲངས་ཏེ་སའི་སྟེང་དུ་ཟླ་མེད་པའི་ཉན་ཐོས་ཆེན་པོ་བཞི་ལ་སོགས་པས་མཆོད་ཅིང་མེ་རང་འབར་དུ་གྱུར་པས་གདུང་རྣམས་ཡུངས་འབྲུ་ལྟ་བུའི་རིང་བསྲེལ་གྱི་ཕུང་པོར་གྱུར་པ་མ་ག་དྷཱའི་རྒྱལ་པོ་མ་སྐྱེས་དགྲ་དང་། ཡངས་པ་ཅན་གྱི་ལི་ཙྪ་བཱི་ལ་སོགས་པ་རྣམས་ཀྱིས་ཆ་བརྒྱུད་དུ་བགོས་ཏེ་སོ་སོའི་ཡུལ་དུ་མཆོད་རྟེན་བརྩིགས་ཤིང་དུས་སྟོན་ཆེན་པོར་བཙུགས་ནས་མཆོད་པ་རྒྱ་ཆེན་པོས་མཆོད། – ཚེམས་མཆེ་བ་བཞི་པོ་སུམ་ཅུ་རྩ་གསུམ་པ་དང་། གྲོང་ཁྱེར་སྒྲ་སྒྲོགས་ཀླུའི་རྒྱལ་པོ་སོགས་ཀྱིས་སོ་སོར་ཐོབ་ནས་མཆོད། མ་སྐྱེས་དགྲའི་གདུང་སྐལ་རྣམས་ཕྱིས་ཆོས་རྒྱལ་མྱ་ངན་མེད་ཀྱིས་བླངས་ཏེ་ཛམྦུའི་གླིང་དུ་མཆོད་རྟེན་བྱེ་བ་ནུབ་གཅིག་ལ་བཞེངས་པ་དང་། མ་འོངས་པ་ན་དེ་དག་ནོར་བུ་ཏོག་གི་བློ་གྲོས་སུ་གྱུར་ནས་དོན་མཛད་པ་སོགས་མདོར་ན་སྐུ་གདུང་ཡང་འཇིག་རྟེན་ཀུན་ཏུ་རྒྱས་ཤིང་འཕེལ་བས་སངས་རྒྱས་ཀྱི་མཛད་པ་མཐའ་ཡས་པ་མཛད་དོ། །ལ་བས་སངས་རྒྱས་ཀྱི་མཛད་པ་མཐའ་ཡས་པ་མཛད་དོ། །)
- Dictionaries/chos rnam kun btus/10240 + (1. དུས་དེ་ཙ་ན་ཚན་བཅུ་སྡེ་བཅུ་ལེགས་པའི་ཁྲིམ … 1. དུས་དེ་ཙ་ན་ཚན་བཅུ་སྡེ་བཅུ་ལེགས་པའི་ཁྲིམས་ཆོས་ནི་བོད་ཀྱི་སྤྱི་ཆིངས་བྱས།།</br>2. ཞལ་མཆུ་རྣམ་པ་ལྔས་ནང་གི་འཁོན་སྦྱངས།</br>3. དམག་རྣམ་པ་ལྔས་ཕྱིའི་དགྲ་འདུལ།</br>4. གོ་རྣམ་པ་དྲུག་གིས་ནང་གི་སྲོག་སྐྱབས།</br>5. ཚིག་དྲུག་དྲུག་སུམ་ཅུ་རྩ་དྲུག་གིས་བོད་བདེ་ལ་བཀོད།</br>6. བླའི་རྐྱེན་དྲུག་གིས་འགྲོ་བའི་དོན་བྱེད།</br>7. འབྲོག་ཐུལ་གྱིས་བགོས།</br>8. ཞིང་ཐེ་གུས་བཅལ།</br>9. གུང་བློན་ཆེན་པོ་བ་བདུན་གྱིས་རིང་ལ། ཆུ་ལ་གྲུ་བཙུགས། ལ་ལ་ལབ་རྩིས་བརྩིགས། དམག་མིའི་དཔོན་བསྡུས།</br>10. མཐའི་རྒྱ་དྲུག་བཏུལ་ནས་བོད་ཀྱི་སྟོང་སྐྱེད།</br>11. བཀའ་ཁྲིམས་ཀྱི་ནན་བསྡོམས།</br>12. རྗེའི་བཀའ་བསྩལ་ལ་གྲོས་ཀྱི་རྒྱུ་བྱས། འབངས་ཀྱི་མཆིད་ཚིག་ལ་གྲོས་ཀྱི་སྤུན་བྱ་བགྱིས་པ་བཅས་སོ།</br>དེ་ལ་ཚན་བཅུ་ནི། བོད་རུ་རེ་རེ་ན་ཡུལ་དཔོན་ཚན་བཅུ་དྲུག་བཅུ་དྲུག་ཡོད་པ་བྱ། སྡེ་བཅུ་ནི། བོད་རུ་རེ་རེ་ལ་སྡེ་བརྒྱད་བརྒྱད། སྟོང་བུ་ཆུང་དང་དགུ། སྐུ་སྲུང་རེ་རེ་དང་བཅུའོ། །་བུ་ཆུང་དང་དགུ། སྐུ་སྲུང་རེ་རེ་དང་བཅུའོ། །)
- Dictionaries/Bod rgya shen sjar gyi shes jai rnam drangs kun btus tshig mdzod/2146 + (1. ཡི་གེ 2. ལག་རྩིས། 3. གྲངས། 4. རྩིས་ཆེན། … 1. ཡི་གེ 2. ལག་རྩིས། 3. གྲངས། 4. རྩིས་ཆེན། 5. ཐོར་ཚུགས། 6. ཤོམ་སྟབས། 7. ལྕགས་ཀྱུས་བསྒྱུར་བ། 8. རལ་གྲིའི་ཐབས། 9. ཞགས་པས་གདབ་པ། 10. མདའ་བོ་ཆེ་འཕེན་པ། 11. མདུན་དུ་བསྣུར་བ། 12. ཕྱིར་བསྣུར་བ། 13. བཅད་པ། 14. དྲལ་བ།15. དབུག་པ། 16. རྒྱང་ནས་འཕོག་པ། 17. གྲི་གྲག་པར་འཕོག་པ། 18. གནད་དུ་འཕོག་པ། 19. མི་འཆོར་བར་འཕོག་པ། 20. ཚབས་ཆེ་བར་འཕོག་པ། 21. མཆོངས་པ། 22. གྱད་ཀྱི་འཛིན་སྟངས། 23. བང་འགྲོས། 24. རྐྱལ་བ། 25. བརྒལ་བ། 26. གླང་པོ་ཆེའི་གཉར་ཞོན་པ། 27. རྟ་ཞོན་པ། 28. ཤིང་རྟའི་ཐབས། 29. མདའ་གཞུ། 30. གྱད་སྟོབས། ཤིང་རྟའི་ཐབས། 29. མདའ་གཞུ། 30. གྱད་སྟོབས།)
- Dictionaries/Bod rgya shen sjar gyi shes jai rnam drangs kun btus tshig mdzod/1899 + (1. རྒྱ་བྱིའུ་ལྕགས་ཀྱི་རྒྱལ་མཚན། 2. གདུལ་བྱ … 1. རྒྱ་བྱིའུ་ལྕགས་ཀྱི་རྒྱལ་མཚན། 2. གདུལ་བྱ་ཤ་བའི་རྒྱལ་མཚན། 3. གཅན་གཟན་གཟིག་གི་རྒྱལ་མཚན། 4. སྤྲུལ་སྐུ་རྡོ་རྗེའི་རྒྱལ་མཚན། 5. རིན་ཆེན་སྦྲུལ་ནག་གི་རྒྱལ་མཚན། 6. དཔའ་བོ་སྟག་གི་རྒྱལ་མཚན། 7. གཟི་མདངས་མིའི་རྒྱལ་མཚན། 8. དམར་གསལ་ཁྲག་གི་རྒྱལ་མཚན། 9. རྩལ་ཆེན་སེང་གེའི་རྒྱལ་མཚན། 10. གཏུམ་པ་དོམ་གྱི་རྒྱལ་མཚན།ེའི་རྒྱལ་མཚན། 10. གཏུམ་པ་དོམ་གྱི་རྒྱལ་མཚན།)
- Dictionaries/chos rnam kun btus/9764 + (1. སངས་རྒྱས་ཀྱི་སྐུ་ནི་ཕ་རོལ་གྱི་གནོད་པ་ཐམ … 1. སངས་རྒྱས་ཀྱི་སྐུ་ནི་ཕ་རོལ་གྱི་གནོད་པ་ཐམས་ཅད་ཀྱིས་མི་ཤིགས་མི་ཆོད་པའོ། ། འཇིག་རྟེན་གྱི་ཡུལ་ཐམས་ཅད་ཀྱིས་སྐུ་ཚེའི་དབང་པོ་ཉམས་པར་མི་ནུས་པའོ། ། འཇིག་རྟེན་གྱི་ཁམས་ཐམས་ཅད་ཀྱི་བསྐལ་པའི་མེའི་གདུང་བས་འཚིག་པར་མི་ནུས་པའོ། ། འཇིག་རྟེན་གྱི་ཁམས་ཐམས་ཅད་འཇིག་པར་གཏོགས་པའི་ཆུའི་ཕུང་པོར་འགྲོངས་པར་མི་འགྱུར་བའོ། ། བདུད་ཐམས་ཅད་དང་།བདུད་ཀྱི་སྡེ་ཐམས་ཅད་དང་། ལྷ་ཐམས་ཅད་ཀྱི་དཔུང་དང་། ཀླུ་དང་། གནོད་སྦྱིན་དང་། དྲི་ཟ་དང་། ལྷ་མ་ཡིན་དང་། ནམ་མཁའ་ལྡིང་དང་། མིའམ་ཅི་དང་། ལྟོ་འཕྱེ་ཆེན་པོ་དང་། མི་དང་མི་མ་ཡིན་པ་ཐམས་ཅད་ཀྱི་དཔུང་དང་། ཤ་ཟ་དང་། སྲིན་པོ་ཐམས་ཅད་ཀྱི་དཔུང་དང་། སེམས་ཅན་མ་ལུས་པ་ཐམས་ཅད་ཀྱི་དཔུང་གིས་བརྒལ་བར་དཀའོ། ། རྡོ་རྗེ་རི་རབ་ཙམ་གྱི་ཆར་པ་དང་། ཁོར་ཡུག་གི་རི་ཆེན་པོ་ཙམ་དང་། སྟོང་གསུམ་གྱི་སྟོང་ཆེན་པོ་ཙམ་གྱི་རྡོ་རྗེའི་ཆར་བབ་ཀྱང་། བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡོང་དག་པར་རྫོགས་པའི་སངས་རྒྱས་ཀྱི་བ་སྤུ་གཅིག་ཀྱང་འགྲུལ་བར་མི་འགྱུར། གཡོ་བར་མི་འགྱུར་ཏེ། བག་ཚ་བའི་ཤས་མི་མངའ་བའོ། ། བཞུགས་སམ། བཞེངས་སམ། བཞུད་དམ། གཟིམས་ཀྱང་རུང་སྟེ། སྤྱོད་ལམ་འགྱུར་བ་མེད་དོ། ། དེ་བཞིན་གཤེགས་པ་གང་ན་བཞུགས་པའི་ཡུལ་དེ་དང་། དེའི་འཁོར་དག་ཏུ་ཡང་དེ་བཞིན་གཤེགས་པ་དགྱེས་ན་ཀུན་ཏུ་འབབ་པར་མི་འགྱུར་རོ། ། སངས་རྒྱས་ཀྱི་ཞབས་འབྲིང་རྣམས་ལ་ཡང་གནོད་པར་མི་འགྱུར་རོ། ། སངས་རྒྱས་ཀྱི་བྱིན་གྱིས་བརླབས་པའི་སེམས་ཅན་རྣམས་ལ་ཡང་གནོད་པར་མི་འགྱུར་ཞིང་མི་གཡོ་ན། དེ་བཞིན་གཤེགས་པའི་སྐུ་ལྟ་ལ་སྨོས་ཀྱང་ཅི་དགོས་ཏེ། འདི་ནི་སངས་རྒྱས་བཅོམ་ལྡན་འདས་རྣམས་ཀྱི་མཐུ་བོ་ཆེན་པོའི་སྟོབས་སངས་རྒྱས་ཀྱི་སྤྱོད་པའི་རྒྱལ་མཚན་གྱི་ཆོས་དང་པོའོ། །</br>2. གཞན་ཡང་སངས་རྒྱས་བཅོམ་ལྡན་འདས་རྣམས་དགྱེས་ན། ཆོས་ཀྱི་དབྱིངས་ཐམས་ཅད་ཀྱིས་ཀླས་པའི་འཇིག་རྟེན་གྱི་ཁམས་ཐམས་ཅད་རི་རབ་ཀྱི་རི་དང་བཅས་པ། ཁོར་ཡུག་གི་ཁོར་ཡུག་ཆེན་པོའི་རི་དང་བཅས་པ། རྒྱ་མཚོ་དང་རི་དང་ནགས་ཚལ་ཐིབས་པོ་དང་། སེམས་ཅན་གནས་པའི་གནས་ཐ་དད་པ་ཀུན་དང་བཅས་པ། དེ་ལྟ་བུའི་འཇིག་རྟེན་གྱི་ཁམས་ཐམས་ཅད་དེ་བཞིན་གཤེགས་པའི་བ་སྤུའི་བུ་ག་གཅིག་ཏུ་བཙུད་དེ། ཕྱི་མའི་མཐའི་བསྐལ་པའི་མུར་ཐུག་པར་བཞག་ཀྱང་དེ་བཞིན་གཤེགས་པའི་བྱིན་གྱི་རླབས་མ་གཏོགས་པར་སེམས་ཅན་རྣམས་ཀྱི་ཤེས་པར་མི་ནུས་སོ། ། དེ་བཞིན་གཤེགས་པ་དེ་དག་ནི་དེ་སྙེད་ཀྱི་འཇིག་རྟེན་གྱི་ཁམས་སྐུའི་བ་སྤུའི་ཁུང་བུ་གཅིག་གིས་བཟུང་སྟེ། ཕྱི་མའི་མཐའི་བསྐལ་པའི་མུར་ཐུག་པར་བསྣམས་ཤིང་། གཤེགས་སམ། བཞུགས་སམ། བཞེངས་སམ། གཟིམས་ཀྱང་རུང་སྟེ། དེ་བཞིན་གཤེགས་པའི་ཐུགས་སྐད་ཅིག་ཙམ་ཡང་སྐྱོ་བ་མི་མངའོ། ། ཆད་ཅིང་དུབ་པར་མི་འགྱུར་རོ། ། མཐུ་དང་སྟོབས་ལ་ཡོངས་སུ་ཉམས་པར་འགྱུར་བ་མི་མངའོ། ། སྤྱོད་ལམ་རྣམ་པར་འགྱུར་བ་མི་མངའོ། ། འདི་ལྟ་སྟེ། དཔེར་ན། ནམ་མཁའ་ནི་ཆོས་ཀྱི་དབྱིངས་མ་ལུས་པའི་འཇིག་རྟེན་གྱི་ཁམས་ཐམས་ཅད་འཛིན་ཀྱང་སྐྱོ་བ་མེད་དོ། ། དུབ་པ་མེད་དོ། ། གནོད་པ་མེད་དོ། ། མེད་པར་མི་འགྱུར་རོ། ། མི་གཡོ། མི་འབྱུང་། མི་འཇིག་གོ། ། དེ་བཞིན་དུ་སངས་རྒྱས་བཅོམ་ལྡན་འདས་རྣམས་ཀྱང་བ་སྤུའི་ཁུང་བུ་གཅིག་ཏུ་འཇིག་རྟེན་གྱི་ཁམས་མ་ལུས་པ་ཐམས་ཅད་བསྣམས་ཀྱང་། དེའི་རྒྱུས་ཐུགས་སྐད་ཅིག་ཙམ་དུ་ཡང་མི་བདེ་བའི་སྐུ་ཉམས་མི་འབྱུང་སྟེ། འདི་ནི་སངས་རྒྱས་བཅོམ་ལྡན་འདས་རྣམས་ཀྱི་མཐུ་བོ་ཆེན་པོའི་སྟོབས་སངས་རྒྱས་ཀྱི་སྤྱོད་པའི་རྒྱལ་མཚན་གྱི་ཆོས་གཉིས་པའོ། །</br>3. གཞན་ཡང་སངས་རྒྱས་བཅོམ་ལྡན་འདས་རྣམས་གཤེགས་སྟབས་གཅིག་ཏུ་བཞུད་པས་སངས་རྒྱས་ཀྱི་ཞིང་བརྗོད་དུ་མེད་པའི་ཡང་བརྗོད་དུ་མེད་པའི་རྡུལ་ཤིན་ཏུ་ཕྲ་བ་སྙེད་ཀྱི་འཇིག་རྟེན་གྱི་ཁམས་ཡོངས་སུ་འདའ་ཞིང་ཐུགས་བསྐྱེད་པ་གཅིག་གིས་བསྐལ་པ་ཐ་དད་པའི་རིམ་པས་སངས་རྒྱུས་ཀྱི་ཞིང་བརྗོད་དུ་མེད་པའི་ཡང་བརྗོད་དུ་མེད་པའི་རྡུལ་ཤིན་ཏུ་ཕྲ་བ་སྙེད་འབྱུང་བར་མཛད་དོ། ། དེ་ལྟ་བུར་གཤེགས་པས་བསྐལ་པ་འཇིག་རྟེན་གྱི་ཁམས་ཐམས་ཅད་དུ་རྡུལ་ཤིན་ཏུ་ཕྲ་བ་སྙེད་དུ་དུ་གཤེགས་ཤིང་། འཇིག་རྟེན་གྱི་ཁམས་ཐམས་ཅད་ཀྱི་སེམས་ཀྱི་རྒྱུད་ཇི་སྙེད་པའི་བསྐལ་པར་བཞུད་དེ། འཇིག་རྟེན་གྱི་ཁམས་ཐམས་ཅད་ཀྱི་རྡུལ་ཕྲ་བ་སྙེད་ཀྱི་འཇིག་རྟེན་གྱི་ཁམས་ཙམ་དུ་འཁོར་ཀུན་ཏུ་རྒྱ་ཆེ་ཞིང་ཡངས་པའི་ཁོར་ཡུག་ཆེན་པོའི་རྡོ་རྗེའི་རི་དང་། སངས་རྒྱས་ཀྱི་ཞིང་གི་རྣམ་པ་བརྗོད་དུ་མེད་པའི་ཡང་བརྗོད་དུ་མེད་པ་ལ་བསྒྲེས་པ་སྙེད་ཀྱི་རྡུལ་ཤིན་ཏུ་ཕྲ་བ་སྙེད་ཀྱང་དེ་ལ་བསྒྲེས་པ་དེ་སྙེད་བ་སྤུའི་ཁུང་བུ་གཅིག་ཏུ་བཙུད་དེ། བ་སྤུའི་ཁུང་བུ་གཅིག་ཏུ་ཇི་ལྟ་བ་བཞིན་དུ་སྐུའི་བ་སྤུའི་ཁུང་བུ་ཐམས་ཅད་དུ་བཙུད་དེ། བ་སྤུའི་ཁུང་བུ་ཡང་སེམས་ཅན་ཐམས་ཅད་སྙེད་དུ་གྱུར་ལ་དེ་དག་ཐམས་ཅད་བསྣམས་ཏེ། དེ་སྙེད་ཀྱི་བ་སྤུའི་ཁུང་བུར་ཚུལ་དེ་བཞིན་དུ་བཤམས་ཏེ། ཐུགས་བསྐྱེད་པ་དེ་ལྟ་བུས་དེ་བཞིན་གཤེགས་པ་འཇིག་རྟེན་གྱི་ཁམས་ཐམས་ཅད་དུ་རྒྱུ་ཞིང་གཤེགས་སམ། ཕྱོགས་ཀྱི་དྲ་བ་ཐམས་ཅད་དུ་རྒྱུ་ཞིང་གཤེགས་སམ། ། ནམ་མཁའི་དབྱིངས་སུ་ཐམས་ཅད་དུ་རྒྱུ་ཞིང་གཤེགས་སམ། འཇིག་རྟེན་གྱི་ཁམས་ཀྱི་རྒྱུད་འགྲུངས་པ་སྔོན་གྱི་མཐར་གཏོགས་པ་ནས་བཟུང་སྟེ། ཕྱི་མའི་མཐའི་བསྐལ་པའི་མུར་ཐུག་པར་དེ་བཞིན་དུ་གཤེགས་པས་བསྐལ་པ་ཐམས་ཅད་ཟད་པར་གྱུར་ཀྱང་དེ་བཞིན་གཤེགས་པ་བཞུད་པ་ལ་བརྩོན་པ་ནི་ཉམས་་པར་མི་འགྱུར་རོ། ། སྐུ་ཉམ་ཆུང་བར་མི་འགྱུར་རོ། ། ཐུགས་རྣམ་པར་འཁྲུག་པར་མི་འགྱུར་རོ། ། ཏིང་ངེ་འཛིན་ཉམས་པར་མི་འགྱུར་རོ། ། དེ་བཞིན་གཤེགས་པའི་སྐུ་ཡོངས་སུ་ཉམས་པར་མི་འགྱུར་ཏེ། འདི་ནི་སངས་རྒྱས་བཅོམ་ལྡན་འདས་རྣམས་ཀྱི་མཐུ་བོ་ཆེན་པོའི་སྟོབས་སངས་རྒྱས་ཀྱི་སྤྱོད་པའི་རྒྱལ་མཚན་གྱི་ཆོས་གསུམ་པའོ། །</br>4. གཞན་ཡང་སངས་རྒྱས་བཅོམ་ལྡན་འདས་རྣམས་ནི་བསོད་སྙོམས་གཅིག་བཞེས་ནས་བསྐལ་པ་བརྗོད་དུ་མེད་པར་སྐྱིལ་མོ་ཀྲུང་གཅིག་བཅས་པས་ཉིན་མཚན་གྱི་རྒྱུད་དུ་སྔོན་གྱི་མཐའ་དང་། ཕྱི་མའི་མཐའི་མུར་གཏོགས་པའི་བསྐལ་པ་འདས་པར་བཞུགས་ཀྱང་སྐུ་མི་གཡོ་ཞིང་བདེ་བའི་དམ་པ་ལ་སྤྱོད་པ་དང་། སངས་རྒྱས་ཀྱི་རྣམ་པར་སྤྱོད་པ་བསམ་གྱིས་མི་ཁྱབ་པས་རྣམ་པར་སྤྱོད་ཀྱང་སེམས་འགའ་ཙམ་ལའང། སངས་རྒྱས་ཀྱི་འཕྲིན་ལས་རྒྱུན་འཆད་པར་མི་འགྱུར་རོ། ། དེ་བཞིན་གཤེགས་པའི་སྐུ་དེ་ལ་འཇིག་རྟེན་གྱི་ཁམས་ཐམས་ཅད་ཡོངས་སུ་བཀོད་དོ། ། འཇིག་རྟེན་གྱི་ཁམས་དེ་དག་གི་སེམས་ཅན་གཅིག་གི་ལུས་ཀྱང་འཇིག་རྟེན་གྱི་ཁམས་སངས་རྒྱས་ཀྱི་ཞིང་བརྗོད་དུ་མེད་པའི་ཡང་བརྗོད་དུ་མེད་པའི་རྡུལ་ཤིན་ཏུ་ཕྲ་བ་སྙེད་ཙམ་དུ་ཆེ་བ་དེ་ལྟ་བུར་གྱུར་ལ། སེམས་ཅན་གཅིག་གི་ལུས་ཇི་ཙམ་པ་དེ་ཙམ་གྱི་ལུས་སུ་སེམས་ཅན་ཐམས་ཅད་གྱུར་ལ། སེམས་ཅན་དེ་དག་རེ་རེའི་གཟུགས་ཀྱང་འཇིག་རྟེན་གྱི་ཁམས་ཐམས་ཅད་ཀྱི་ལྕིད་ཇི་ཙམ་པ་ཡོད་པ་དེ་ཙམ་དུ་གྱུར་ཏེ། སེམས་ཅན་གཅིག་ཇི་ལྟར་ལྕི་བ་དེ་བཞིན་དུ་སེམས་ཅན་ཐམས་ཅད་ཙན་རེ་རེའི་ལྗིད་ཀྱང་དེ་ཙམ་དུ་འགྱུར་ཏེ། སེམས་ཅན་དེ་དག་ཐམས་ཅད་དེ་བཞིན་གཤེགས་པའི་ཕྱག་སོར་གྱི་རྩེ་མོ་གཅིག་ལ་ཕྱི་མའི་མཐའི་བསྐལ་པའི་མུར་ཐུག་པར་བསྣམས་ཏེ། ཕྱག་སོར་གྱི་རྩེ་མོ་གཅིག་གིས་ཇི་ལྟར་བསྣམས་པ་དེ་བཞིན་དུ་ཕྱག་སོར་ཐམས་ཅད་ཀྱི་རྩེ་མོ་ལའང་དེ་ཙམ་རེ་རེ་བསྣམས་ཀྱང་། དེའི་ཕྱིར་དེ་བཞིན་གཤེགས་པ་ལ་སྐུ་མཉེལ་བའམ། ཐུགས་དུབ་པར་མི་འགྱུར་ཏེ། ཐུགས་བསྐྱེད་པའི་ཆ་ཤས་ཤིན་ཏུ་ཕྲ་བ་གཅིག་དུ་ཡང་སྡུག་བསྔལ་མི་བདེ་བ་སྐྱེ་བར་མི་འགྱུར་རོ། ། དེ་བཞིན་དུ་འཇིག་རྟེན་གྱི་ཁམས་ལ་འཇུག་པ་དང་། ནམ་མཁའི་དབྱིངས་ལ་འཇུག་པ་དང་། ཕྱོགས་ཀྱི་དྲ་བའི་རྣམ་པ་ལ་འཇུག་པ་རེ་རེ་དང་། དེ་ལྟ་བུ་ལ་འཇུག་པ། ནམ་མཁའི་ཁམས་མ་ལུས་པའི་དབྱིངས་ཀྱིས་ཀླས་པ། ཆོས་ཀྱི་དབྱིངས་མཐའ་གཏུགས་པ། སྐུའི་རྩེ་མོའི་ཆ་ཤས་ཀྱིས་གཞལ་བའི་འཇིག་རྟེན་གྱི་ཁམས་ལ་འཇུག་པ་ཐམས་ཅད་རེ་རེ་ཞིང་ཡང་སྐྲའི་རྩེ་མོའི་ཆ་ཤས་ཀྱིས་གཞོལ་ཏེ། ནམ་མཁའི་དབྱིངས་ཀྱི་ཀུན་ཏུ་ཁྱབ་པ་ཐམས་ཅད་མ་ལུས་པའི་སྐྲའི་རྩེ་མོའི་ཚད་ཀྱིས་ནམ་མཁའི་དབྱིངས་ལ་འཇུག་པ་ཐམས་ཅད་དུ་ཞུགས་ཏེ། དེ་བཞིན་གཤེགས་པའི་སྤྱོད་ལམ་འདིའི་ཚུལ་དང་། སྐྱིལ་མོ་ཀྲུང་གཅིག་ཏུ་བཞུགས་པའི་སྤྱོད་པས་སྔོན་གྱི་མཐའ་དང་། ཕྱི་མའི་མཐའི་མུར་ཐུག་པའི་བསྐལ་པ་བཟོད་པོར་མཛད་དེ། བསྐལ་པ་འདས་བར་མཛད་ཅིང་བསྐལ་པ་ལ་རབ་ཏུ་འཇུག་སྟེ། འདི་ནི་སངས་རྒྱས་བཅོམ་ལྡན་འདས་རྣམས་ཀྱི་མཐུ་བོ་ཆེན་པོའི་སྟོབས་སངས་རྒྱས་ཀྱི་སྤྱོད་པའི་རྒྱལ་མཚན་གྱི་ཆོས་བཞི་པའོ། །</br>5. གཞན་ཡང་སངས་རྒྱས་བཅོམ་ལྡན་འདས་རྣམས་ནི་སྐུ་གཅིག་ལ་དབུ་སངས་རྒྱས་ཀྱི་བརྗོད་དུ་མེད་པའི་ཡང་བརྗོད་དུ་མེད་པའི་རྡུལ་ཤིན་ཏུ་ཕྲ་བ་སྙེད་བྱིན་གྱིས་བརླབས་ཏེ། དབུ་རེ་རེར་ལྗགས་སངས་རྒྱས་ཀྱི་ཞིང་བརྗོད་དུ་མེད་པའི་ཡང་བརྗོད་དུ་མེད་པའི་རྡུལ་ཤིན་ཏུ་ཕྲ་བ་སྙེད་བྱིན་གྱིས་བརླབས་ནས། ་དེ་དག་རེ་རེས་ཀྱང་དབྱངས་ཀྱི་ཡན་ལག་དང་། སྒྲ་སྐད་ཀྱི་གསུང་སངས་རྒྱས་ཀྱི་ཞིང་བརྗོད་དུ་མེད་པའི་ཡང་བརྗོད་དུ་མེད་པའི་རྡུལ་ཤིན་ཏུ་ཕྲ་བ་སྙེད་རེ་རེ་བརྗོད་དེ། ཆོས་ཀྱི་དབྱིངས་མ་ལུས་པའི་སེམས་ཅན་གྱི་ཁམས་ཐམས་ཅད་གོ་བར་མཛད་ཅིང་དབྱངས་ཀྱི་ཡན་ལག་དང་། སྒྲ་སྐད་ཀྱི་གསུང་རེ་རེས་ཀྱང་མདོ་སྡེ་སངས་རྒྱས་ཀྱི་ཞིང་བརྗོད་དུ་མེད་པའི་ཡང་བརྗོད་དུ་མེད་པའི་རྡུལ་ཤིན་ཏུ་ཕྲ་བ་སྙེད་བཤད་ལ། མདོ་སྡེ་རེ་རེ་ལ་ཡང་ཆོས་བསྟན་པ། སངས་རྒྱས་ཀྱི་ཞིང་བརྗོད་དུ་མེད་པའི་ཡང་བརྗོད་དུ་མེད་པའི་རྡུལ་ཤིན་ཏུ་ཕྲ་བ་སྙེད་རབ་ཏུ་གཞོལ་བར་མཛད་དེ། ཆོས་བསྟན་པ་གཅིག་ལས་ཀྱང་ཆོས་ཀྱི་ཚིག་དང་། ཡི་གེ་སངས་རྒྱས་ཀྱི་ཞིང་བརྗོད་དུ་མེད་པའི་ཡང་བརྗོད་དུ་མེད་པའི་རྡུལ་ཤིན་ཏུ་ཕྲ་བ་སྙེད་བརྗོད་པར་གྱུར་ལ། ཆོས་བསྟན་པ་གཅིག་ལས་ཇི་ལྟ་བ་བཞིན་དུ་ཆོས་བསྟན་པ་ཐམས་ཅད་ལས་ཀྱང་དེ་སྙེད་ཀྱི་ཆོས་ཀྱི་ཚིག་དང་། ཡི་གེ་བརྗོད་དེ། དེ་ལྟར་བརྗོད་པས་བསྐལ་པ་སངས་རྒྱས་ཀྱི་ཞིང་བརྗོད་དུ་མེད་པའི་ཡང་བརྗོད་དུ་མེད་པའི་རྡུལ་ཤིན་ཏུ་ཕྲ་བ་སྙེད་དུ་རབ་ཏུ་བསྟན་ལ། བསྐལ་པ་སངས་རྒྱས་ཀྱི་ཞིང་བརྗོད་དུ་མེད་་པའི་ཡང་བརྗོད་དུ་མེད་པའི་རྡུལ་ཤིན་ཏུ་ཕྲ་བ་སྙེད་ཟད་པར་གྱུར་ཀྱང་། ད་དུང་གཞན་ཡང་བསྐལ་པ་སངས་རྒྱས་ཀྱི་ཞིང་བརྗོད་དུ་མེད་པའི་ཡང་བརྗོད་དུ་མེད་པའི་རྡུལ་ཤིན་ཏུ་ཕྲ་བ་སྙེད་དུ་བརྒྱུད་ཅིང་རབ་ཏུ་སྟོན་པའི་ཚུལ་གྱི་རྣམ་གྲངས་འདིས་བསྐལ་པ་འཇིག་རྟེན་གྱི་ཁམས་ཐམས་ཅད་ཀྱི་རྡུལ་ཤིན་ཏུ་ཕྲ་བ་སྙེད་དུ་རབ་ཏུ་བསྟན་ལ། རྣམ་གྲངས་འདི་འདྲ་བས་བསྐལ་པ་འཇིག་རྟེན་གྱི་ཁམས་ཐམས་ཅད་ཀྱི་རྡུལ་ཤིན་ཏུ་ཕྲ་བ་སྙེད་ཟད་ལ་སེམས་ཅན་ཐམས་ཅད་ཀྱི་སེམས་ཀྱི་སྤྱོད་པ་སྙེད་ཀྱི་བསྐལ་པ་འདས་པར་གྱུར་ཏེ། ཕྱི་མའི་མཐའི་མུར་ཐུག་པའི་བསྐལ་པ་ཟད་ཅིང་འདས་པར་བྱས་ཀྱང་དེ་བཞིན་གཤེགས་པའི་སྤྲུལ་པ་ཆོས་ཐམས་ཅད་སྣང་བའི་འཁོར་ལོ་བསྐོར་བ་དང་། ཆོས་ཐམས་ཅད་རབ་ཏུ་ཤེས་པར་བསྟན་ཅིང་ལུང་བསྟན་པ་དང་། ཐེ་ཚོམ་ཐམས་ཅད་རབ་ཏུ་གཅོད་པའི་ཆོས་ཀྱི་འཁོར་ལོ་བསྐོར་བ་དང་། ། ཆོས་ཐམས་ཅད་སྣང་བར་བྱེད་པའི་ཆོས་ཀྱི་འཁོར་ལོ་བསྐོར་བ་དང་། བྱང་ཆུབ་སེམས་དཔའི་སྤྱོད་པ་ཐམས་ཅད་བརྗོད་པའི་རྒྱུན་དང་ལྡན་པའི་ཆོས་ཀྱི་འཁོར་ལོ་བསྐོར་བ་དང་། ཡེ་ཤེས་ཀྱི་ཉི་མའི་དཀྱིལ་འཁོར་ཆེན་པོའི་རྒྱུན་དང་ལྡན་པའི་ཆོས་ཀྱི་འཁོར་ལོ་བསྐོར་བ་དང་། འགྲོ་བ་ཐམས་ཅད་མ་ལུས་པའི་ཡེ་ཤེས་ཀྱི་སྒྲོན་མ་ཆེན་པོས་བརྒྱན་པའི་ཆོས་ཀྱི་འཁོར་ལོ་བསྐོར་བ་དང་། ཐ་དད་པ་ཡང་དག་པར་མཁྱེན་པ་དང་། མི་འཇིགས་པ་ཆེན་པོས་བརྒྱན་པའི་ཆོས་ཀྱི་འཁོར་ལོ་བསྐོར་བ་རྒྱུན་མི་འཆད་དེ། སངས་རྒྱས་ཀྱི་སྐུ་གཅིག་གི་བྱིན་གྱི་རླབས་ཀྱིས་ཇི་ལྟ་བ་དེ་བཞིན་དུ་ཆོས་ཀྱི་འཁོར་ལོའི་སྤྲིན་ཆེན་པོ། དཔེ་ཐམས་ཅད་ལ་དཔེ་མེད་པར་རབ་ཏུ་འབྱུང་བར་འགྱུར་རོ། ། དེ་བཞིན་དུ་ཆོས་ཀྱི་དབྱིངས་མ་ལུས་པ་ཐམས་ཅད་ཀྱི་ནམ་མཁའི་དབྱིངས་ཀྱི་མཐས་གཏུགས་པ་སྐྲའི་རྩེ་མོའི་ཆ་ཤས་ཀྱིས་གཞལ་བ་མ་ལུས་པ་ཐམས་ཅད་ཚོགས་པ་མེད་པར་རྣམ་པར་དབྱེ་བས། སངས་རྒྱས་ཀྱི་ཞིང་བརྗོད་དུ་མེད་པའི་ཡང་བརྗོད་དུ་མེད་པ་སྙེད་ཀྱི་སངས་རྒྱས་ཀྱི་སྤྲུལ་པ་དེ་སྙེད་དེ་སྙེད་དུ་ཐུགས་ཀྱི་སྐད་ཅིག་རེ་རེ་ལ་ཕྱི་མའི་མཐའི་མུར་ཐུག་པའི་བསྐལ་པར་སྤྲུལ་པ་མཛད་ཅིང་། དེ་བཞིན་གཤེགས་པའི་སྤྲུལ་པའི་སྐུ་ཐམས་ཅད་ལས་དེ་བཞིན་གཤེགས་པའི་སྐུ་རེ་རེ་ལའང་དེ་སྙེད་དེ་སྙེད་ཀྱི་དབུ་མངའ་བར་གྱུར་ལ། གཞུང་དེ་བཞིན་དུ་སྐུ་རེ་རེ་ལའང་དེ་སྙེད་དེ་སྙེད་ཀྱི་ལྗགས་མངའ་བར་གྱུར་ཏེ། ལྗགས་རེ་རེ་ལས་ཀྱང་དེ་སྙེད་དེ་སྙེད་ཀྱི་དབྱངས་ཀྱི་ཡན་ལག་དང་། སྒྲ་སྐད་ཀྱི་གསུང་ཆོས་ཀྱི་དབྱིངས་མ་ལུས་པའི་སེམས་ཅན་གྱི་ཁམས་ཐམས་ཅད་གོ་བར་མཛད་པ་བྱུང་ལ། དབྱངས་ཀྱི་ཡན་ལག་དང་། སྒྲ་སྐད་ཀྱི་གསུང་དེ་དག་རེ་རེས་ཀྱང་དེ་སྙེད་དེ་སྙེད་ཀྱི་མདོ་སྡེ་བཤད་པར་གྱུར་ལ། མདོ་སྡེ་དེ་དག་རེ་རེ་ལ་ཡང་དེ་སྙེད་དེ་སྙེད་ཀྱི་ཆོས་བསྟན་པ་ལ་རབ་ཏུ་གཞོལ་བ་མཛད་དེ། ཆོས་བསྟན་པ་དེ་དག་རེ་རེ་ལས་ཀྱང་དེ་སྙེད་དེ་སྙེད་ཀྱི་ཆོས་ཀྱི་ཚིག་དང་། ཡི་གེ་བརྗོད་པར་གྱུར་ལ། ཆོས་ཀྱི་ཚིག་དང་ཡི་གེ་དེ་དག་རེ་རེས་ཀྱང་ཆོས་ཀྱི་དབྱིངས་མ་ལུས་པ་ཐམས་ཅད་དབྱངས་ཀྱིས་རྒྱས་པར་བཀང་སྟེ། སེམས་ཅན་གྱི་ཁམས་མ་ལུས་པ་ཐམས་ཅད་གོ་བར་མཛད་ཀྱང་། དེ་བཞིན་གཤེགས་པའི་དབྱངས་ལ་དུབ་པ་མི་་མངའ་སྟེ། ཉམས་པར་མི་འགྱུར་ལ་ཐོགས་པ་མི་མངའ་ཞིང་དམའི་བར་མི་འགྱུར་ཏེ། དེ་ལྟ་བུའི་ཆོས་ཀྱི་འཁོར་ལོ་བསྐོར་ཡང་བསྐལ་པ་ཕྱི་མའི་མཐའི་མུར་ཐུག་པའི་བར་དུ་རྒྱུན་འཆད་པར་མི་འགྱུར་ཏེ། འདི་ནི་སངས་རྒྱས་བཅོམ་ལྡན་འདས་རྣམས་ཀྱི་མཐུ་བོ་ཆེ་ཆེན་པོའི་སྟོབས། སངས་རྒྱས་ཀྱི་སྤྱོད་པའི་རྒྱལ་མཚན་གྱི་ཆོས་ལྔ་པའོ། །</br>6. གཞན་ཡང་སངས་རྒྱས་བཅོམ་ལྡན་འདས་རྣམས་ནི་་ཐུགས་དཔལ་གྱི་བེའུས་བརྒྱན་པ་རྡོ་རྗེ་ཆེན་པོ་ལྟར་ཤིན་ཏུ་བསྟན་པར་གྲུབ་པ་མངའ་བདག་སྟེ། དེ་དག་བྱང་ཆུབ་ཀྱི་ཤིང་དྲུང་དུ་བྱོན་ན་བདུད་སྡིག་ཏོ་ཅན་གྱིས་སེམས་ཅན་ཐམས་ཅད་སྙེད་ཀྱི་བདུད་ཀྱི་སྡེ་གཟུགས་སྣ་ཚོགས་ཅན་ཤིན་ཏུ་མི་སྡུག་པ། འཇིགས་འཇིགས་ལྟར་འདུག་པ་རབ་ཏུ་སྡང་བའི་གཟུགས་ཅན། འཇིག་རྟེན་ཐམས་ཅད་ཤིན་ཏུ་འཇིགས་པའི་གཟུགས་ཅན། རབ་ཏུ་སྐྱི་གཡའ་བ་སྐྱེད་པའི་གཟུགས་ཅན། བདུད་ཤིན་ཏུ་མི་སྡུག་པའི་གཟུགས་འཆང་བ། རབ་མཆོག་པོར་འཇིགས་པ་འཇིགས་པ་ཆེན་པོ་སྐྱེད་པ། འགྲོ་བ་ཐམས་ཅད་གསོད་པ། འཇིག་རྟེན་ཐམས་ཅད་ཕུང་བར་བྱེད་པ། དེ་ལྟ་བུ་ཤ་སྟག་གིས་བྱང་ཆུབ་ཀྱི་ཤིང་དྲུང་དང་། ཆོས་ཀྱི་དབྱིངས་ཐམས་ཅད་དང་། ནམ་མཁའི་དབྱིངས་ཀྱི་མཐར་ཐུག་པར་གང་བོར་གཟིགས་ཀྱང་བྱང་རྩུབ་ཀྱི་ཤིང་ དྲུང་ན་བཞུགས་པའི་དེ་བཞིན་གཤེགས་པ་རྣམས་ལ་བསྙེངས་པ་མི་མངའོ། །བག་ཚ་བ་མི་མངའོ། ། བ་སྤུ་གཅིག་ཀྱང་གཡོ་བ་མེད་དོ། །ཐུགས་ཀྱི་ཆ་ཤས་ཤིན་ཏུ་ཕྲུ་བ་འགའ་ཙམ་གྱིས་ཀྱང་དེ་ལྟར་རྣམ་པ་ཐ་དད་པའི་གཟུགས་ལ་མཚན་མ་རྣམ་པ་ཐ་དད་པ་འཛིན་པ་མི་མངའ་སྟེ། ཤིན་ཏུ་བརྟན་ནོ། ། གཡོ་བ་མེད་དོ། ། མི་སྒུལ་ཏོ། ། འགྱུར་བ་མེད་དོ། ། རྣམ་པར་རྟོག་པ་མེད་དོ། ། ཤིན་ཏུ་ཞི་བའོ། ། བསྙེངས་པ་དང་། བག་ཚ་བ་ཐམས་ཅད་དང་ཤིན་ཏུ་བྲལ་ལོ། ། སྡུག་པ་དང་ཁོང་ཁྲོ་བ་ཤིན་ཏུ་སྤངོས་སོ། ། སངས་རྒྱས་ཀྱི་སྤྱོད་པ་རྒྱུན་མི་འཆད་དོ། ། བྱམས་པ་ཆེན་པོའི་སྟོབས་དང་ལྡན་པའོ། ། ཐུགས་རྗེ་ཆེན་པོའི་གནས་ཀྱིས་དབང་པོ་ཤིན་ཏུ་དབེན་པའོ། ། བག་ཚ་བ་མི་མངའ་བའི་ཐུགས་དང་ལྡན་པའོ། ། ཐུགས་ཤིན་ཏུ་བརྟེན་ཞིང་ཉམས་པ་མི་མངའ་བའོ། ་། ཚུར་ཟིལ་གྱིས་མི་གནོན་ལ་ཕར་ཟིལ་གྱིས་གནོན་པའི་ཐུགས་དང་ལྡན་པ་སྟེ། བདུད་ཐམས་ཅད་དང་། བདུད་ཀྱི་རིས་སུ་གཏོགས་པའི་ལྷ་ཐམས་ཅད་དང་། བདུད་ཀྱི་སྡེ་ཐམས་ཅད་ཤིན་ཏུ་ཟིལ་གྱིས་གནོན་ཏོ། ། ཤིན་ཏུ་སྤ་གོང་ངོ་ ། ། དེ་ལྟར་ཟིལ་གྱིས་མནན་ཏེ་སྤ་གོང་བ་དང་། དེ་བཞིན་གཤེགས་པ་ལ་སྐྱབས་ཚོལ་ལོ། ། དེ་དག་ལའང་བཅོམ་ལྡན་འདས་དེ་དག་ཆོ་འཕྲུལ་ཆེན་པོ་གསུམ་གྱིས་དེ་བཞིན་གཤེགས་པའི་འདུལ་བ་མཛད་པ་ཉེ་བར་སྒྲུབ་སྟེ། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལས་ཕྱིར་མི་ལྡོག་པར་འགྱུར་རོ། ། འདི་ནི་སངས་རྒྱས་བཅོམ་ལྡན་འདས་རྣམས་ཀྱི་མཐུ་བོ་ཆེ་ཆེན་པོའི་སྟོབས། སངས་རྒྱས་ཀྱི་སྤྱོད་པའི་རྒྱལ་མཚན་གྱི་ཆོས་དྲུག་པའོ། །</br>7. གཞན་ཡང་སངས་རྒྱས་བཅོམ་ལྡན་འདས་རྣམས་ཀྱི་གསུང་ཐོགས་པ་མེད་པ་ནི། འཇིག་རྟེན་གྱི་ཁམས་མ་ལུས་པ་དེ་དང་དེ་དག་ཐམས་ཅད་དུ་སེམས་ཅན་རྣམས་འདུལ་བའི་དོན་གྱིས་རྣམ་པར་དམིགས་པར་ཀུན་ཏུ་ཁྱབ་པར་འབྱུང་སྟེ། དེ་བཞིན་གཤེགས་པའི་གསུང་དེ་ནི་རི་རྣམས་ལ་ཐོགས་པ་མེད་དོ། །རི་རབ་ལ་ཐོགས་པ་མེད་དོ། ། རིན་པོ་ཆེའི་རི་ལ་ཐོགས་པ་མེད་དོ། ། ཁོར་ཡུག་དང་ཁོར་ཡུག་ཆེན་པོ་ལ་ཐོགས་པ་མེད་དོ། ། ལྷའི་ཁྱིམ་ལ་ཐོགས་པ་མེད་དོ། ། ཀླུའི་ཁྱིམ་ལ་ཐོགས་པ་མེད་དོ། ། གནོད་སྦྱིན་གྱི་ཁྱིམ་ལ་ཐོགས་པ་མེད་དོ། ། དྲི་ཟའི་ཁྱིམ་ལ་ཐོགས་པ་མེད་དོ། །ལྷ་མ་ཡིན་གྱི་ཁྱིམ་ལ་ཐོགས་པ་མེད་དོ། ། ནམ་མཁའ་ལྡིང་གི་ཁྱིམ་ལ་ཐོགས་པ་མེད་དོ། །མིའམ་ཅིའི་ཁྱིམ་ལ་ཐོགས་པ་མེད་དོ། ། ལྟོ་འཕྱེ་ཆེན་པོའི་ཁྱིམ་ལ་ཐོགས་པ་མེད་དོ། ། མི་དང་མི་མ་ཡིན་པའི་ཁྱིམ་ལ་ཐོགས་པ་མེད་དོ། ། གལ་ཏེ་བརྒྱ་ལ་འཇིག་རྟེན་གྱི་ཁམས་ཐམས་ཅད་ན་ཡོད་པའི་སྒྲ་ཆེན་པོ་འཇིག་རྟེན་རྣམ་པ་ཐ་དད་པའི་སྒྲས་འཇིག་རྟེན་གྱི་ཁམས་ཐམས་ཅད་གང་སྟེ། ཅ་ཅོ་འདྲེས་པར་གྱུར་ཀྱང་དེ་ལ་དེ་བཞིན་གཤེགས་པའི་གསུང་ནི་འདུལ་བའི་སེམས་ཅན་རྣམས་ཀྱི་རྣ་བའི་རྣམ་པར་དམིགས་པ་ལ་བསྒྲིབས་པ་མེད་པ་ཡིན་ཏེ། དེ་བཞིན་གཤེགས་པའི་གསུང་འབའ་ཞིག་དེ་དག་གི་རྣ་བའི་རྣམ་པར་དམིགས་པ་ལ་ལྷང་ངེ་ལྷམ་མེ་ལྷན་ནེ་སྟེ་གོ་བར་མཛད་པའི་ཚིག་དང་། ཡི་གེ་རྣམས་ཀྱང་རླག་པར་མི་འགྱུར་ཏེ། འདི་ནི་སངས་རྒྱས་བཅོམ་ལྡན་འདས་རྣམས་ཀྱི་མཐུ་བོ་ཆེ་ཆེན་པོའི་སྟོབས། སངས་རྒྱས་ཀྱི་སྤྱོད་པའི་རྒྱལ་མཚན་གྱི་ཆོས་བདུན་པའོ། །</br>8. གཞན་ཡང་སངས་རྒྱས་བཅོམ་ལྡན་འདས་རྣམས་ཀྱི་ཐུགས་ནི་ཆགས་པ་མི་མངའ་བ་སྟེ། བསྐལ་པ་བྱེ་བ་ཁྲག་ཁྲིག་བརྒྱ་སྟོང་བརྗོད་དུ་མེད་པའི་ཡང་བརྗོད་དུ་མེད་པར་ཡོངས་སུ་སྦྱངས་པའོ། ། འདས་པ་དང་། མ་བྱོན་པ་དང་། ད་ལྟར་བྱུང་བའི་སངས་རྒྱས་ཐམས་ཅད་དང་རྒྱན་གཅིག་ཏུ་གྱུར་པའོ། ། རྙོག་པ་མེད་ཅིང་རྣམ་པར་དང་སྟེ་ཤིན་ཏུ་གསལ་བའོ། ། བདག་གི་ཞེས་བྱ་བ་མི་མངའ་བའོ། ། ཆོས་་ཐམས་ཅད་ལ་མི་གནས་པའོ། ། ནང་ན་གནས་པ་མ་ཡིན་པའོ་། ། ཕྱི་རོལ་ན་གནས་པ་མ་ཡིན་པའོ། ། མ་སྐྱེས་པའོ། ། དམིགས་པ་ཐམས་ཅད་ཀྱིས་དབེན་པའོ། ། ཞི་ཞིང་གནས་པ་མེད་པའོ། ། རྩོམ་པ་མེད་པའོ། ། འདུ་ཤེས་སྣ་ཚོགས་ཐམས་ཅོད་ལ་མི་གནས་པའོ། ། དངོས་པོའི་རྣམ་པར་རྟོག་པ་ཐམས་ཅད་འགགས་པའོ། ། རང་བཞིན་གྱིས་འོད་དང་ཞིང་གསལ་བའོ། ༑ ཡོངས་སུ་དག་པའོ། ། དམིགས་པ་དང་། ཡིད་ལ་བྱ་བ་ཐམས་ཅད་དང་མ་འདྲེས་པའོ། ། ཆོས་ཐམས་ཅད་ཉོན་མོངས་པ་མེད་པའི་ཡུལ་དང་ལྡན་པའོ། ། ཡང་དག་པའི་མཐའ་འདོད་ཆགས་དང་བྲལ་བས་དག་པའོ། ། ། ཆོས་ཀྱི་དབྱིངས་ཤིན་ཏུ་བསྟན་པའི་མཐར་ཐུག་པའོ། ། ཆོས་ཀྱི་དབྱིངས་ཀུན་ནས་མི་ཟད་པ་དང་ལྡན་པའོ། ། འདུ་ཤེས་ཀྱི་རྣམ་པ་ཐམས་ཅད་ཀྱི་ཚད་དང་ཚད་མེད་པ་དང་བྲལ་བའོ། ། འདུས་བྱས་དང་འདུས་མ་བྱས་ཀྱི་བརྗོད་པ་ཐམས་ཅད་འགགས་པའོ། ། ཚིག་གི་ལམ་གྱིས་བརྗོད་དུ་མེད་པའི་མཐར་ཐུག་པའི་ཡུལ་ལོ། ། ། མི་ཟད་པ་དང་ ཆགས་པ་མེད་པའི་དབྱིངས་ཀྱི་མཐར་ཐུག་བའོ། ། ཡེ་ཤེས་སྔོན་དུ་འགྲོ་བའོ། ། སྟོབས་བཅུའི་རྒྱན་དུ་གྱུར་པའོ། །ཆོས་ཐམས་ཅད་ཀྱིས་རྣམ་པར་དག་པའོ། ། ཐབས་མཁས་པས་བྱུང་བའོ། ། ཆོས་སྣ་ཚོགས་དང་། ཆོས་དུ་མ་དང་། ། ཆོས་ཐམས་ཅད་ཤིན་ཏུ་བསྟན་བ་དང་མི་འགལ་བའོ། ། དུས་གསུམ་དུ་ཐ་དད་པ་མེད་པའོ། ། ཆོས་ཀྱི་དབྱིངས་ཐམས་ཅད་དུ་ཆོས་གཞི་མེད་པ་ཐམས་ཅད་ཀྱི་མངའ་བའི་ཕ་རོལ་ཏུ་ཕྱིན་པ་གཉིས་པའོ། ། ཆོས་ཐམས་ཅད་ལ་མངའ་བའི་འབྱུང་གནས་དང་ མཛོད་དུ་གྱུར་པའོ། །ཆོས་ཀྱི་ཚུལ་ཐམས་ཅད་ལ་དགོངས་པ་ཁྱད་པར་དུ་རྨོངས་པ་མེད་པའོ། ། ཞིང་གི་རྒྱུད་དུ་གཏོགས་པ་ཐམས་ཅད་དང་། ཕྱོགས་ཀྱི་དྲི་བ་དང་། རྒྱུད་འབྱམས་ཀློས་པ་མ་ལུས་པ་ཐམས་ཅད་ལ་མི་གནས་པ་བརྟན་ཞིང་མི་གཡོ་ལ། ཉམས་པ་མེད་པའི་ཡེ་ཤེས་ཀྱིས་རབ་ཏུ་གཟིགས་པ་ཆོས་མ་ལུས་པ་ཐམས་ཅད་ཀྱི་མཐར་ཐུག་པ། ཟག་པ་ཐམས་ཅད་ཡོངས་སུ་ཟད་པ་ཐུགས་རྣམ་པར་གྲོལ་ཞིང་ཟག་པ་མི་མངའ་བ་དང་། ཤེས་རབ་རྣམ་པར་གྲོལ་བས་ཤིན་ཏུ་རྣམ་པར་གྲོལ་བ་ཡང་དག་པའི་མཐའ་མི་ཟད་པས་ཀླས་པ། ཆགས་པ་མེད་པར་རྣམ་པར་སྤྱོད་པ་རྟག་ཏུ་མཉམ་པར་བཞག་པ། དུས་གསུམ་ཐམས་ཅད་ཀྱི་བསྒྲུབས་པ་མེད་པར་འབྱུང་བ། སེམས་ཅན་ཐམས་ཅད་ཀྱི་དུས་གསུམ་གྱི་སེམས་དང་སྤྱོད་པ་ཐམས་ཅད་མ་ལུས་པར་ཐུགས་སྐད་ཅིག་གིས་རབ་ཏུ་མཁྱེན་པ་སྟེ། འདི་ནི་སངས་རྒྱས་བཅོམ་ལྡན་འདས་རྣམས་ཀྱི་མཐུ་བོ་ཆེན་པོའི་སྟོབས་སངས་རྒྱས་ཀྱི་སྤྱོད་པའི་རྒྱལ་མཚན་གྱི་ཆོས་བརྒྱད་པའོ། །</br>9. གཞན་ཡང་སངས་རྒྱས་བཅོམ་ལྡན་འདས་རྣམས་ཀྱི་ཆོས་ཀྱི་སྐུ་ནི་སྐུ་མི་མངའ་བ་སྟེ། རང་བཞིན་གཅིག་ཏུ་གྱུར་པ་སངས་རྒྱས་ཐམས་ཅད་ཀྱི་ཡུལ་ཚད་མེད་པའི་སྐུའོ། ། མཐའ་དང་དབུས་མེད་པར་ཡོངས་སུ་གྲུབ་པའི་སྐུའོ། ། འཇིག་རྟེན་ཐམས་ཅད་ཀྱིས་ཟད་པར་མི་ནུས་པའི་སྐུའོ། ། ཁམས་གསུམ་པས་གོས་པ་མེད་པའི་སྐུའོ། ། བརྟེན་པའི་སྐུས་རྣམ་པ་དམིགས་པའོ། ། ལྷག་པའི་བསམ་པ་དང་རྗེས་སུ་དྲན་པའི་བྱིན་གྱི་རླབས་ཀྱིས་སྐུའི་རང་བཞིན་ཡང་དག་པར་སྟོན་པའོ། ། བདེན་པ་མེད་པ་དང་། རྫུན་པ་མེད་པའི་སྐུ་མཉམ་པ་ཉིད་ཀྱིས་ཡོངས་སུ་དག་པའོ། ། ཆོས་ཀྱི་སྐུ་བཞུད་པ་དང་། བྱོན་པ་མེད་པའི་སྐུའོ། ། འདུས་མ་བྱས་པས་འཇིག་པ་མེད་པའི་སྐུའོ། ། མཚན་ཉིད་མེད་པས་མཚན་ཉིད་གཅིག་པའི་ཆོས་ཀྱི་སྐུའི་རང་བཞིན་ནོ། །ཡུལ་ན་མི་གནས་པ་དང་། ཕྱོགས་ན་མི་གནས་པའི་སྐུའོ། ། མ་ལུས་པ་ཐམས་ཅད་ཀྱི་ལུས་ཀྱི་སྐུའོ། ། སངས་རྒྱས་ཀྱི་ཁྱུ་མཆོག་གི་མཐུ་ཕྱུང་བ་དང་། རྣམ་པར་འཕྲུལ་པ་མཐའ་ཡས་པའི་སྐུའི་རང་བཞིན་ནོ། ། ལུས་ཐམས་ཅད་དུ་ཡོངས་སུ་གཞོལ་བའི་སྐུ་སྣ་ཚོགས་སུ་རྣམ་པར་དམིགས་པ་མཛད་ཀྱང་ཆོས་ཀྱི་སྐུའི་ཚུལ་གྱི་རྗེས་སུ་འབྲང་བའོ། །ཡེ་ཤེས་ཀུན་ཏུ་སྣང་བའི་སྙིང་པོ་ཅན་ནོ།སྐུ་ཡོངས་ཀྱི་མཛོད་དུ་གྱུར་པའོ། ། ཆོས་ཀྱི་དབྱིངས་རྣམ་པ་ཐ་དད་པ་མེད་པ་ཤིན་ཏུ་བསྟན་པའི་སྐུའོ། ། ཁམས་གསུམ་མ་ལུས་པ་ཐམས་ཅད་རྒྱས་པར་འགེངས་པས་ཀུན་ཏུ་ཁྱབ་པའི་སྐུའི་རང་བཞིན་ནོ། །མི་གཡོ་མི་དགོངས་པའི་སྐུ་རྣམ་པར་དག་པའོ། ། ཡོད་པ་ཡང་མ་ཡིན།། མེད་པ་ཡང་མ་ཡིན་པའི་ཚུལ་དང་ཚུལ་མ་ཡིན་པར་རབ་ཏུ་བརྗོད་པའི་སྐུའོ། ། སེམས་ཅན་གྱི་མོས་པ་རྣམ་པ་སྣ་ཚོགས་འདུལ་བར་གྱུར་པའི་སྐུའོ། ། འགགས་པ་ཡང་མ་ཡིན། མ་འགགས་པོ་ཡང་མ་ཡིན་པས་འདུལ་བ་སྟོན་པའི་སྐུའོ། ། ཡོན་ཏན་རིན་པོ་ཆེ་ཐམས་ཅད་ཡང་དག་པར་འབྱུང་བས་ཤིན་ཏུ་འཕགས་པའི་སྐུའོ། ། ཆོས་ཐམས་ཅད་སངས་རྒྱས་ཀྱི་ཆོས་ཀྱི་དེ་བཞིན་ཉིད་དུ་ཡང་དག་པར་བསྒྲུབས་པའི་སྐུའོ། ། རང་བཞིན་གྱིས་རབ་ཏུ་ཞི་ཞིང་བསྒྲིབས་པ་མེད་པའི་མཐར་ཐུག་པའི་སྐུའོ། ། ཐོགས་པ་མི་མངའ་བས་ཆོས་ཐམས་ཅད་ཐུགས་སུ་ཆུད་པའི་སྐུའོ། ། ཐམས་ཅད་ཀྱི་རྗེས་སུ་སོང་བའི་ཆོས་ཀྱི་དབྱིངས་ཀྱིས་རྣམ་པར་དག་ཅིང་། འཇིག་རྟེན་ཐམས་ཅད་དུ་ཤིན་ཏུ་རྣམ་པར་ཕྱེ་བའི་སྐུའོ། ། ཕྱིར་མི་ལྡོག་ཅིང་བསྒྲིབས་པ་མི་་མངའ་ལ། སངས་རྒྱས་ཀྱི་རྣམ་པར་ཐར་པས་ཡེ་ཤེས་ཐམས་ཅད་རྗེས་སུ་འབྲང་ཞིང་ཡང་དག་པར་གཞོལ་བས་ཐུགས་སུ་ཆུད་པའི་སྐུ་སྟེ། འདི་ནི་སངས་རྒྱས་བཅོམ་ལྡན་འདས་རྣམས་ཀྱི་མཐུ་བོ་ཆེ་ཆེན་པོའི་སྟོབས་སངས་རྒྱས་ཀྱི་སྤྱོད་པའི་རྒྱལ་མཚན་གྱི་ཆོས་དགུ་པའོ། །</br>10. གཞན་ཡང་སངས་རྒྱས་བཅོམ་ལྡན་འདས་རྣམས་ཀྱི་ཡེ་ཤེས་མཉམ་པ་མེད་པ་དང་མཉམ་པ་ནི་དེ་བཞིན་གཤེགས་པ་ཐམས་ཅད་ཀྱི་ཐུགས་སུ་ཆུད་པ་སྟེ། བྱང་ཆུབ་སེམས་དཔའི་སྤྱོད་པ་ཐམས་ཅད་ཀྱིས་བྱུང་བའོ། མངོན་པར་འགྲུབ་པའི་སྤྱོད་པ་ཁྱད་པར་དུ་འཕགས་པའི་སྨོན་ལམ་དང་། བྱང་ཆུབ་སེམས་དཔའི་སྤྱོད་པས་རྣམ་པར་དག་པའོ། ། བྱང་ཆུབ་སེམས་དཔའི་སྤྱོད་པ་ཐམས་ཅད་ཀྱིས་ཡོངས་སུ་རྫོགས་པར་བྱས་པའོ། ། ཐ་དད་པ་མེད་པའོ། ། རྒྱུས་ཐམས་ཅད་ཀྱི་བྱང་ཆུབ་སེམས་དཔའི་སྤྱོད་པ་ཐམས་ཅད་ཀྱིས་བཟུང་པའོ། ། བྱང་ཆུབ་སེམས་དཔའི་སྤྱོད་པ་རྒྱ་མཚོའི་སྤྱོད་པའི་ཚུལ་ཐམས་ཅད་ཐུགས་སུ་ཆུད་པའོ། ། སྨོན་ལམ་དང་སྤྱོད་པ་ཆེན་པོས་ཡོངས་སུ་མི་དོག་པའོ། ། སྦྱོད་པ་ཐམས་ཅད་མི་མཉམ་པ་མེད་པས་ཡོངས་སུ་རྫོགས་པར་བྱས་པའོ། ། སྦྱོད་པའི་སྟོབས་ལ་ཐུབ་པར་དཀའ་བའི་སྤྱོད་པ་ཐམས་ཅད་ཀྱིས་མངོན་པར་བྱུང་བའོ། ། སྤྱོད་པ་ཐམས་ཅད་ཀྱི་རྣམ་པར་དག་པའོ། ། བྱང་ཆུབ་སེམས་དཔའི་སྤྱོད་པ་ལེགས་པར་སྤྱོད་པས་རྒྱུད་དམའ་བ་མེད་པའོ། ། སངས་རྒྱས་ཐམས་ཅད་ཀྱིས་ཚད་མེད་པར་སྤྱོད་པའོ། ། ཏིང་ངེ་འཛིན་ཐམས་ཅད་ཀྱི་སྤྱོད་ཡུལ་མཐའ་ཡས་པའོ། ། ལམ་ཐམས་ཅད་ཀྱིས་རབ་ཏུ་བརྗོད་པ་མ་ཡིན་པའོ། །ལམ་གྱི་ཡུལ་མེད་པའོ། ། ལམ་ཐམས་ཅད་ལ་རབ་ཏུ་ཞུགས་པའོ། ། ཡེ་ཤེས་དམ་པའི་སྟོབས་ཀྱི་ཚུལ་མཁྱེན་པའོ། ། བག་ཚ་བ་མི་མངའ་བས་ཆོས་ཀྱི་ཆར་འབེབས་པའི་འཁོར་ལོ་དང་ལྡན་པའོ། ། དགེ་བ་དྲིས་པ་དང་མ་དྲིས་པ་ལ་རྗེས་སུ་མཐུན་པའི་ཆོས་ཀྱི་ཚུལ་སྟོན་པ་མཁྱེན་པའོ། ། སངས་མཉམ་པ་མེད་པ་དང་མཉམ་པས་ཤིན་ཏུ་དག་པའོ། ། སྐུ་དང་། ཐུགས་དང་། གསུང་་གི་ཡང་དག་པར་སྤྱོད་པ་རྣམས་ལ་འཕྲིན་ལས་གསུམ་ཡོངས་སུ་དག་པ་དང་། སངས་རྒྱས་ཀྱི་བསྒོམ་པས་བརྙེས་པའོ། ། སངས་རྒྱས་ཀྱི་རྣམ་པར་སྤྱོད་པས་བརྙེས་པའོ། ། དེ་བཞིན་གཤེགས་པའི་རིགས་ཐམས་ཅད་བསྐྱེད་པའི་དོན་དུ་སངས་རྒྱས་ཀྱི་ཡེ་ཤེས་ཀྱི་མཛད་པ་ཐམས་ཅད་རབ་ཏུ་འབྱུང་བའོ། ། ཐམས་ཅད་མཁྱེན་པའི་གནས་ཀྱི་བསྟན་པ་ཚད་མེད་པའི་གནས་རྩ་བ་མེད་པ་དང་ལྡན་པའོ། ། མངོན་པར་ཤེས་པའི་ཡེ་ཤེས་ཐམས་ཅད་ཀྱིས་མཐར་ཐུག་པར་མི་འགྱུར་བའོ། ། འཇིག་རྟེན་གྱི་སེམས་ཀྱིས་སྤྱོད་པའི་ཤེས་པ་ཐམས་ཅད་ཀྱིས་བསམ་གྱིས་མི་ཁྱབ་པའོ། ཆོས་ཐམས་ཅད་མ་ལུས་པར་མཁྱེན་ཅིང་གཟིགས་པས་སེམས་ཅན་ཐམས་ཅད་ཡོངས་སུ་སྐྱོབ་པའོ། ། དུས་གསུམ་ཡངས་པ་ཐམས་ཅད་ཀྱི་ཚུལ་ཤིན་ཏུ་ཕྲ་བ་མཐའ་དང་དབུས་མེད་པ་མ་ལུས་པར་མཁྱེན་པའོ། ། འཇིག་རྟེན་ལས་འདས་པའི་དོན་མཁྱེན་པའི་ཕྱིར་ཕྲ་བའི་ཡེ་ཤེས་ཐུགས་སུ་ཆུད་པས་འཇིག་རྟེན་གྱི་ཁམས་མ་ལུས་པ་ཐམས་ཅད་རྣམ་པར་དག་པ། ཕྱིར་མི་ལྡོག་པའི་ཡེ་ཤེས་ཀྱིས་སངས་རྒྱས་ཀྱི་འཕྲིན་ལས་བརྗོད་དུ་མེད་པ་འཇིག་རྟེན་ཐམས་ཅད་སྦྱོར་བའོ། ། སངས་རྒྱས་ཀྱི་སྐུ་འགྲངས་པ་ཐམས་ཅད་ཐུགས་སུ་ཆུད་པའི་ཡེ་ཤེས་ཀྱིས་ཡི་གེ་མེད་པའི་ཆོས་ཐུགས་སུ་ཆུད་པའོ། ། ཡི་གེ་སྣ་ཚོགས་རྣམ་པར་ཕྱེ་བ་དང་། ཡི་གེ་ཐམས་ཅད་སྨོས་ཤིང་བརྗོད་པ་མཁྱེན་པས་བརྗོད་དུ་མེད་པ་ཐུགས་སུ་ཆུད་པའོ། ། ཀུན་ཏུ་བཟང་པོའི་ཡེ་ཤེས་ཀྱི་དགེ་བའི་རྩ་བའི་ཆོས་སྤྱོད་པ་ཐམས་ཅད་རྣམ་པར་དག་པའོ། ། དམ་བཅས་པའི་ཚུལ་བཞིན་དུ་སེམས་ཅན་ཐམས་ཅད་ཀྱི་ལུས་དང་། སྐྱེ་མཆེད་ཇི་ལྟ་བར་ཐུགས་སྐད་ཅིག་དང་ལྡན་པའི་ཤེས་རབ་ཀྱིས་ཆོས་ཐམས་ཅད་ཁོང་དུ་ཆུད་པར་སྟོན་པ་མཁྱེན་པའོ། ། ཆོས་ཐམས་ཅད་ཀྱི་དོན་དུ་ཆོས་ཡོངས་སུ་བཏང་ཞིང་རིམ་གྲོར་བྱ་བས་ཐུགས་སུ་ཆུད་པའོ། ། འཇིག་རྟེན་གྱི་ཁམས་ཐམས་ཅད་མ་ལུས་པར་ཡུལ་དུ་གྱུར་པའོ། ། ཆོས་ཀྱི་དབྱིངས་མ་ལུས་པ་ཐམས་ཅད་ཡུལ་དུ་གྱུར་པའོ། ། དུས་གསུམ་ཐམས་ཅད་ལ་ཐུགས་སྐུད་ཅིག་གིས་ཆགས་པ་མེད་པར་མཁྱེན་ཅིང་ཐུགས་སུ་ཆུད་པའི་ཡུལ་དང་ལྡན་པའོ། ། དེ་བཞིན་གཤེགས་པ་ཐམས་ཅད་ཀྱི་སངས་རྒྱས་འབྱུང་བ་མ་ལུས་པར་ཡུལ་དུ་གྱུར་་པའོ། ། འཇིག་པ་་མེད་པར་འདུལ་བ་ཐམས་ཅད་ཡུལ་དུ་གྱུར་བའོ། ། ཐམས་ཅད་ཀྱི་རྗེས་སུ་སོང་ཞིང་རྣམ་པར་དག་པའི་ཡུལ་ཐམས་ཅད་མངོན་པར་སངས་རྒྱས་པའོ། ། ས་མཚམས་མེད་ཅིང་ཐུག་པ་མེད་པའི་མངོན་པར་ཤེས་པ་རྣམ་པར་སངས་རྒྱས་པའོ། ། སེམས་ཅན་ཐམས་ཅད་ཀྱི་སེམས་དང་། ཡིད་དང་། རྣམ་པར་ཤེས་པའི་རྣམ་པ་དུས་གསུམ་དུ་བརྗོད་པ་མ་ལུས་པ་ཐམས་ཅད་ཐུགས་སྐད་ཅིག་གིས་མཁྱེན་ཅིང་ཐུགས་སུ་ཆུད་པའོ། ། སེམས་ཅན་གྱི་རྣམ་པ་ཐམས་ཅད་ལས་མཚམས་མ་བཅད་པའོ། ། འཇིག་རྟེན་གྱི་ཁམས་ཀྱི་རྣམ་པ་ཐམས་ཅད་ལ་མུ་མེད་པའོ། ། དུས་གསུམ་གྱི་རྣམ་པ་ཐམས་ཅད་ལ་མཐའ་ཡས་པའོ། ། སངས་རྒྱས་ཀྱི་ཁྱུ་མཆོག་གི་མཐུ་ཕྱུང་བའི་རྣམ་པ་ཐམས་ཅད་ལ་ཚད་མེད་པའི་ཤེས་བྱའི་རྣམ་པ་ཐམས་ཅད་ལ་ལྷག་མ་མ་ལུས་པ་སྟེ། དེ་དག་ཐམས་ཅད་ལྷག་མ་མེད་པར་མངོན་པར་སངས་རྒྱས་པས་སངས་རྒྱས་ཀྱི་ཡེ་ཤེས་སངས་རྒྱས་ཀྱི་རྫུ་འཕྲུལ་དང་། རྣམ་པར་འཕྲུལ་པས་བྱུང་བ་ཐམས་ཅད་ཐུགས་སུ་ཆུད་པ་དང་། མཁྱེན་པ་ཐམས་ཅད་རྒྱུན་ཆད་པ་མེད་དེ། དེ་ལ་སངས་རྒྱས་བཅོམ་ལྡན་འདས་རྣམས་སངས་རྒྱས་ཀྱི་ཁྱུ་མཆོག་གི་མཐུ་ཕྱུང་བའི་སྐུས་མཐའ་དང་དབུས་མེད་པར་སྤྱོད་པ་ཡིན། ཆགས་པ་མེད་པའི་ཐུགས་ཀྱིས་སྤྱོད་པས་མཐའ་དང་དབུས་མེད་པར་སྤྱོད་པ་ཡིན། ཐུགས་རྗེ་ཆེན་པོའི་སྦྱོར་བས་དུས་ཐམས་ཅད་དུ་རྟག་ཏུ་རྒྱུན་མི་འཆད་པར་ཆོས་བསྟན་པ་ལ་སྤྱོད་པས་མཐའ་དང་དབུས་མེད་པར་སྤྱོད་པ་ཡིན་ཏེ། འདི་ནི་སངས་རྒྱས་བཅོམ་ལྡན་འདས་ཀྱི་སངས་སངས་རྒྱས་ཀྱི་མཐུ་བོ་ཆེ་ཆེན་པོའི་སྟོབས་སངས་རྒྱས་ཀྱི་སྤྱོད་པའི་རྒྱལ་མཚན་གྱི་ཆོས་བཅུ་པའོ། །་ཀྱི་སྤྱོད་པའི་རྒྱལ་མཚན་གྱི་ཆོས་བཅུ་པའོ། །)
- Dictionaries/chos rnam kun btus/10106 + (1. སྒྲོགས་ཀྱི་འཕྲུལ་འཁོར། 2. གྲུ། 3. གྲི་གུག 4. གུར། 5. ལྕགས་མདའ། 6. རལ་གྲི། 7. མེའི་འཕྲུལ་འཁོར། 8. རླུང་གི་འཕྲུལ་འཁོར། 9. ཤིང་རྟའི་ཚད། 10. ཁང་བཟང་། 11. ཁྱོགས་ཀྱི་མཚན་ཉིད། 12. ཆུ་གྱེན་དུ་འདྲེན་པའི་འཕྲུལ་འཁོར་བཅས་སོ། །)
- Dictionaries/chos rnam kun btus/10058 + (1. སྒྲོགས། 2. གྲུ། 3. གི། 4. གུག 5. གུར། 6. ལྕགས་མདའ། 7. རལ་གྲི། 8. མེ། 9. རླུང་གི་འཕྲུལ་འཁོར། 10. ཤིང་རྟའི་ཚང་། 11. ཁང་བཟང་། 12. ཁྱོགས་ཀྱི་མཚན་ཉིད་དང་། ཆུ་གྱེན་འདྲེན་འཕྲུལ་འཁོར་བཅས་སོ། །)
- Dictionaries/Bod rgya shen sjar gyi shes jai rnam drangs kun btus tshig mdzod/2153 + (1. སྔོན་བླ་མ་རྣམས་ལ་བསྐྱལ་བ་དང་བསུ་བ་སོགས་ … 1. སྔོན་བླ་མ་རྣམས་ལ་བསྐྱལ་བ་དང་བསུ་བ་སོགས་བྱས་པས་ཕྱག་དང་ཞབས་འཁོར་ལོའི་རྩིབས་སྟོང་མུ་ཁྱུད་བཅས་པ་རྫོགས་པ་དང༌། 2. སྡོན་སྡོམ་པ་ཡང་དག་པར་བླངས་པ་བརྟན་པོར་བསྲུང་བས། ཞབས་རུས་སྦལ་བཞིན་དུ་མཉམ་པ། 3. སྔོན་བསྡུ་དངོས་བཞི་བརྟེན་པར་བྱས་པས་ཕྱག་དང་ཞབས་ཀྱི་སོར་མོ་ངང་པའི་རྒྱལ་པོ་ལྟ་བུར་རིན་པོ་ཆེའི་དྲ་བས་འབྲེལ་བ། 4. སྔོན་བཟའ་བ་དང་བཅའ་བ་བྱིན་པས། ཕྱག་དང་ཞབས་ཤིང་བལ་ལྟར་འཇམ་ཞིང་གཞོན་ཤ་ཆགས་པ། 5. བདུན་མཐོ་བ་ནི་ཕྱག་གི་བོལ་གཉིས། ཞབས་ཀྱི་བོལ་གཉིས་དཔུང་མགོ་གཉིས། ལྟག་པའི་ཕྱོགས་མཐོ་བའོ། 6. སོར་མོ་རིང་བ་ནི་ཞབས་མཐིལ་གྱི་དཀྱུས་དང་མཐོ་མཉམ་པའོ། 7. རྟིང་པ་ཡངས་པ་ནི་ཞབས་ཀྱི་བཞི་ཆ་ཕྱིར་འཕགས་པའོ། 8. སྟོན་པའི་སྐུའི་མཐོ་དམན་ནི། འཛམ་བུ་གླིང་པའི་ཁྲུ་ཕྱེད་དང་བཅུ་གཅིག་ཡོད་དོ། འཛམ་བུ་གླིང་པའི་མི་ལས་ཁྲུ་བདུན་ལྷག་པས་ན་སྐུ་ཆེ་ཞིང་དྲང་བའོ། 9. ཞབས་ཀྱི་ལོང་བུ་འབུར་བ་ཕྱིར་མི་མངོན་པའོ། 10. སྐུའི་སྤུ་གྱེན་དུ་འཁྱིལ་ཞིང་གཡས་སུ་ཕྱོགས་པ་དང་། 11. བྱིན་པ་རི་དྭགས་ཨེ་ན་ཡའི་ལྟ་བུ་ནི་ཡོངས་སུ་མཉམ་ཞིང་རིམ་པར་མཚམས་ལ་རྒྱས་ཤིང་བལྟམས་པའོ། 12.ཕྱག་རིང་བ་ནི། མ་བཅུད་པར་ཕྱག་གིས་པུས་མོའི་སླ་ངར་སླེབས་པའོ། 13. འདོམས་ཀྱི་སྦ་བ་སྦུབས་སུ་ནུབ་པ་ནི། གླང་པོ་ཆེའི་ལྟ་བུའོ། 14. གསེར་གྱི་མདངས་ལྟར་ཤིན་ཏུ་དྭངས་པའོ། 15. ལྤགས་པ་འཇམ་པ་ནི་གསེར་སྦྱངས་པ་ལྟར་སྙོམས་ལ་རྡུལ་གྱིས་མི་གོས་པའོ། 16. བ་སྤུའི་བུ་ག་གཅིག་ལ་གཉིས་མེད་པར་དོར་ན་གཡས་སུ་ལེགས་པར་འཁྲུངས་པ་དང་། 17. མཛོད་སྤུ་ནི་སྨིན་མཚམས་སུ་ས་དཀར་འཇམ་གཡས་སུ་འཁྱིལ་བ་ཉི་ཟླ་ལས་ལྷག་པའི་འོད་དང་ལྡན་པའོ། 18. སྐུའི་རོ་སྟོད་འཕེལ་ཁ་ཆེ་བས་སེང་གེ་དང་འདྲ་བའོ། 19. དཔུང་པའི་མགོ་མགྲིན་པ་དང་འབྲེལ་ཞིང་ཟླུམ་པའོ། 20. ཐལ་གོང་རྒྱས་པ་ནི་བྲང་ངོ་ཞེས་ཤན་ཏི་སས་གསུངས་སོ། 21. རོ་བྲོ་བའི་མཆོག་མཁྱེན་པ་ནི། རྟ་ཆས་རུལ་བ་གསོལ་ཀྱང་རོ་མཆོག་ཏུ་སྣང་བའོ། 22. ཆུ་ཞེང་གབ་པ་ནི། སྐུའི་ཁྲུན་དང༌། འདོམ་གྱི་ཚད་དུ་མཉམ་པའོ། 23. སྐུ་སྨད་དང༌སྐུ་སྟོད་མཉམ་པ་སྟེ། ལྟེ་བ་ནས་བཟུང་སྟེ་སྐུ་སྟོད་སྐུ་སྨད་མཉམ་པའོ། 24. དབུ་གཙུག་ཏོར་དང་ལྡན་པ་ནི། ཕལ་པའི་ངོར་སོར་བཞི་འཕགས་པའོ། 25. ལྗགས་རིང་མཛེས་པ་ནི་ཞལ་གྱི་དཀྱིལ་འཁོར་ཁེབས་པའོ། 26. ཚངས་པའི་དབྱངས་ནི་ཉེ་རིང་ཐམས་ཅད་ལ་མཉམ་པར་གསལ་བའོ། 27. ཡང་ན་ཡན་ལག་ལྔ་དང་ལྡན་པ་སྟེ། ཤེས་ཤིང་རྣམ་པར་ཤེས་པར་འགྱུར་བ་དང་མཉམ་པར་འོས་ཤིང་མི་མཐུན་མེད་པ་དང་། ཟབ་ཅིང་རྗེས་སུ་སྒྲོག་པ་དང༌། མཚུངས་ཤིང་སྣང་བ་དང༌། རིག་ཅིང་རྣམ་པར་རིག་པར་བྱེད་པའོ། 28. འགྲམ་པ་སེང་གེ་འདྲ་བ་ནི་མེ་ལོང་ལྟར་མཐའ་བཟླུམ་ཞིང་རྒྱས་པའོ། 29. ཚེམས་ཐག་བཟང་བ་ནི་བར་མཚམས་མེད་པའོ། 30. བཞི་ཅུ་མངའ་བ་ནི། ཡས་མན་ཉི་ཤུ་རེ་མཉམ་པའོ། 31. སྤྱན་མཐོན་མཐིང་སྔོ་ནག་ཏུ་ཡོད་པའོ། 32. རྫི་མ་བའི་རྫི་མ་ལྟ་བུ་ནི་སྟེང་འོག་རྫི་མ་རྣམས་མ་འདྲེས་པའོ།་ལྟ་བུ་ནི་སྟེང་འོག་རྫི་མ་རྣམས་མ་འདྲེས་པའོ།)
- Dictionaries/chos rnam kun btus/10072 + (1. སྟག་ལ་ལྷ་གསོལ་ཇག་ཆོམས་སྐྱས། ། གཉེན་བྱེད … 1. སྟག་ལ་ལྷ་གསོལ་ཇག་ཆོམས་སྐྱས། ། གཉེན་བྱེད་སྨན་སྦྱོར་དབང་བསྐུར་ཁྲུས། ། གླུད་དང་བོན་ཆོག་མདོས་གཏོར་སྤང་། ། གཡང་ལོན་མཁར་ལས་བ་གུམ་གདགས། དམག་དྲང་བསད་ལས་དྲག་ཤུལ་ལས། ། དྲག་པོའི་མཚོན་བཟོ་མནན་པ་དང་། ། དོན་གཉེར་ཤར་དང་ནུབ་གཉིས་དགེ། ། བྱང་འབྲིང་རྒྱལ་ས་རྟེན་བཞེང་བ། ། ཧོམ་སྤོར་སྦྱིན་སྲེག་རབ་གནས་བཟང་། །ལྟད་མོ་སྒོ་གནས་ཐོན་བུར་ངན། ། སྒོ་བཏོན་ཡུལ་ལྷ་གནས་པའི་སར། ། མདའ་ལ་ལྷམ་སྐུད་བཏགས་ལ་འཛུགས། །</br>2. ཡོས་ལ་དམག་མཚོན་མཁར་ལས་གཉེན། ། ས་རྐོ་རྡོ་རློག་རྫིང་ཡུར་འཆོས། ། སྟོན་མོ་གཡང་སློན་རིམ་གྲོ་ཤིང་། ། ས་ཁ་འབྱེད་དང་ གླང་འདུལ་བ། ། འགྲམ་འདིང་ས་བོན་ཆུ་མིག་འདྲུ། ། རྨོས་བྱ་རྟ་འདུལ་དྲག་ཤུལ་ལྷས། །ཆུ་འགསོ་སྐྱས་དང་ཡོ་ལང་སྤང་། ། དོན་གཉེར་ལྷོར་ངན་གཞན་རུང་ཙམ། ། གཤིན་ལས་སྤྱི་དང་གླང་ལུག་ལས། ། ཞུ་གསོལ་རྒྱལ་ས་བཟུང་བ་བཟང་། ། མནན་པ་བྱེད་པ་ངན་པ་དང་། །གཡག་ཤིང་ལ་གནས་བུ་མོར་ངན། ། གཙོད་རུ་གཅིག་ལ་སྤྲང་པོའི་ཞྭ། ། བཏགས་ལ་སྦྱིན་བདག་ན་བཟའ་ཡང་། ། བོང་བུ་ལ་བཀལ་ཐུབ་པའོ། །</br>3. འབྲུག་ལ་གྲུ་རྫིངས་ཟམ་འཕྲད་འཆོས། ། གཏར་ག་མེ་བཙའ་རང་འཐག་འཛུགས། ། བརྐོ་རློག་བྱས་ན་ཀླུ་གཉན་གནོད། ། ཆར་དབབ་རོ་འདོན་མྱ་ངན་སྐད། ། ཕྱོགས་ནི་གང་དུ་ངན་པ་ལ། ། རྒྱལ་ས་དགེ་ལས་ཐོག་སེར་ནམ་འབེབས། ། རྟེན་བཞེང་དྲག་རིམ་སྲི་མནན་པ། ། ལྷ་གསོལ་དྲག་ལས་དགྲ་འདྲེ་འདུལ། ། རབ་བྱུང་སྒྲུབ་མཆོད་རབ་གནས་དབང་། ། ཡུལ་འཕྲོག་རྔ་ལྤགས་འབུབས་པ་བཟང་། ། རང་འཐག་ལ་གནས་ཞང་ཉེར་ངན། ། ལྟེ་ཕྱེ་གནམ་ལ་གཏོར་བས་ཐུབ། ། བག་ཟན་མི་ལུས་འབྲུག་མགོ་བཅོས། ། ནས་བྲེ་གང་དང་ཟོར་བ་དང་། ། མདའ་དར་སེར་པོ་དང་བཅས་པ། ། དེ་དག་འབྲུག་གི་ཐོག་ཏུ་འཛུགས། །</br>4. སྦྲུལ་ལ་ཤིང་ནགས་གཅོད་འདྲེན་གཤིན། ། སྨན་དཔྱད་ཧོམ་སྦྱར་དྲག་ལས་སྐྱེས། ། ནོར་འཇལ་རྒྱལ་པོ་བརྗེ་བོན། ། འཁོན་བྱེད་གཏར་བསྲེག་ཚེའུ་ལུམ། ། ཆུ་བསུབ་འཐབ་བཅའ་ས་ཁ་འབྱེད། – །་རྒྱལ་ས་བག་གཏོང་ལེན་དང་། ། མནན་པ་ཉོ་ཚོང་རིམ་གྲོ་འཛེམ། ། མྱ་ངན་བྱས་ན་རོ་ཟླ་ཡོང་། །ནད་པ་ཕྱོགས་འདོན་བསྐྱེལ་བསུ་བྱེད། །བུ་ལོན་ཕྱི་ལ་གཏོང་བ་དང་། །ཕྱུགས་གཏོང་ཀླུ་ཆོག་བྱ་བ་བཟང་། ། དོན་གཉེར་ལྷོར་བཟང་གཞན་རྣམས་ངན། ། ཐག་པ་ལ་གནས་རོ་ཁུར་ངན། ། གྲིས་གཏུབས་བག་མ་བྱ་དགོས་ན། ། བག་མའི་ཞྭ་ནང་ཁྱི་ལུད་བཅུག ། རྩིས་མཁན་གདན་འོག་མནན་པས་ཐུབ། །</br>5. རྟ་ལ་མཁར་ཁྱིམ་འབུབས་པ་དང་། ། དྲག་པོའི་མཚོན་བཟོ་གཤིན་གྱི་ལས། ། འཐབ་རྩོད་ཞལ་ཆེ་དོན་་གཉེར་སྨྱུང་། ། ཟེ་བ་འབྲེག་དང་རྟ་འདུལ་རྒྱུག ། ཆར་དབབ་རང་རྟའི་ཉོ་ཚོང་དང་། ་། བག་མ་གཏོང་ལེན་ངན་པ་ཡིན། ། རྩེ་ལྷ་གསོལ་དང་གསང་གྲོས་བྱེད། ། སྟོབས་འགྲན་གྲོས་གཞི་ལྟད་མོ་རྒྱུན། །གྲོགས་བཙལ་རྒྱལ་ས་མནའ་སྐར་བཟང་། ། སྒར་གནས་བང་ཆེན་ལ་ངན་པས། ། སྒ་མེད་ཞོན་ཅིང་ཡུལ་དཔོན་གྱི། །རྐང་རྗེས་ས་བླང་མལ་འོག་མནན། །</br>6. ལུག་ལ་སྡོམ་ལེན་གཏེར་སྲེག་དྲག ། འདུལ་ཁྲིམས་བསྣོན་པ་དམག་འདྲེན་སྐྱས།་། སྨན་སྦྱོར་དབྱུག་དཔྱད་དོན་གཉེར་བ། ། ཆར་དབབ་ལ་སོགས་སྤང་བ་ཡིན། ། ལྷ་གསོལ་མཁར་ལས་ལུག་རྫི་འཛུགས། ། ཟས་སྦྱོར་ལུག་རྫི་བཙལ་བོག་མ། ། ཕྱུགས་གཏོང་ཕྲུ་རློག་ལས་སྦྱོར་བརྟེན། ། བང་མཛོད་བཅའ་བ་བཟང་བ་ཡིན། ། གཞོན་པ་ཐོ་ཆས་་པ་ལ་གནས་ཟིན་རྫིར་ངན། ། སླ་ངར་རྫི་ཞིང་སྨན་གྱི་ཕུད། ། ལྷ་རྗེ་ལ་ངན་སྨན་ནད་པའི། ། འཕོངས་འོག་བཏོན་པས་ཉེས་པ་ཞི། །</br>7. སྤྲེལ་ལ་གོས་གསར་དྲ་གྱོན་མཚོན། ། སྦྲུ་བཙེམ་སྐྱེས་ས་གཞུག ། བཟོ་རིགས་མདུན་གྲོས་ཇག་སོགས་སྤང་། ། རྒྱན་སྤྲོས་བག་མ་སྐྱེ་ཤིང་འཛུགས། ། ཆོ་ལོ་མི་མངས་རྒྱུན་ཚོམས་རྒྱུག ། ལྟད་མོ་དོན་གཉེར་ཤར་བྱང་བགྲོད། ། ཆར་དབབ་མནན་པ་གཤིན་གྱི་ལས། ། ལྡུམ་ར་སྐྱེད་དང་རོལ་རྩེད་བཟང་། ། རྒྱལ་ས་ཆེ་འདོན་བྱ་བ་འཛེམ། ། གྲིར་གནས་མཁར་དང་ཤན་པར་ངན། ། མེ་ཡིས་བསྲེག་ཚུལ་ལན་གསུམ་བྱ། ། སྣམ་ནང་ཁྱི་ལུད་སྐམ་པོ་བཏགས། ། ནུབ་སྨད་ཕྱོགས་སུ་བསྐྱུར་བས་ཐུབ། །</br>8. བྱ་ལ་གསང་བགྲོས་སྟོན་མོ་དང་། །དྲག་པོའི་མཚོན་བཟོ་མནན་པ་བརྒྱག །དགེ་རྩ་སྦྱིན་གཏོང་ལྟད་མོ་ངན། ། ཚོང་བྱེད་ནད་པ་སྲི་འུ་ཡི། ། སྨན་དཔྱད་བྱས་ན་བདུད་རྩིར་འགྱུར། ། ཧོམ་དང་སྦྱིན་སྲེག་བྱ་བ་དང་། ། ཤིང་འཛུགས་ཆར་དབབ་དོན་གཉེར་བཟང་། ། སྡེར་མ་ལ་གནས་གློ་བུར་ཡོས། ། པད་སྡེར་བྱ་ཞིང་སྤང་ཐན་གཏད། ། སྒོམ་ཆེན་ཞྭ་ནང་དེ་ཕོ་བཅུག ། བཅུ་གཉིས་ལོ་ཡི་འཁོར་ལོ་གདགས། ། གྲལ་དཔོན་ཡས་ཟུར་བཞག་པས་ཐུབ། །</br>9. ཁྱི་ལ་བག་མ་དོན་གཉེར་བསྐྱས། ། གསར་གྲོས་བྱི་གཤོར་སྐྱེད་བུ་འཛུགས། ། སྐྲ་འཁྲུ་རྐུ་འཕྲོག་ཐབ་མཁར་ལས། ། ཆར་དབང་དྲག་པོའི་ལས་རྣམས་ངན། ། མགོ་བཀྲུས་བྱས་ན་་ཁ་སྨྲས་དང་། ། སེམས་ལ་སྡུག་བསྔལ་འབྱུང་བ་སྤང་། ། བཟོ་རིག་བུ་འབོགས་ཡོ་ལ་བརྟེན། ། བུ་མོ་བཛངས་དང་རི་དྭགས་རྔོན། ། རི་ལྟང་བསེ་རགས་ཁ་བཅིངས་སྨན། ། ཞལ་ཆེ་ཞུ་བ་གསོལ་གདབ་པ། ། བང་མཛོད་བཅའ་བ་བཟང་བ་ཡིན། ། མ་ཐེམ་ལ་གནས་མ་རེག་འགྲོ། ། ཁྱི་གཅིག་ལ་ནི་སླང་ཟན་བྱིན། ། གཅིག་ལ་མི་ཁའི་རྫས་བཀལ་ལ། ། གར་འགྲོའི་ཕྱོགས་སུ་ཁ་བསྟན་ཐུབ། །</br>10. ཕག་ལ་དུར་གདབ་རྡོ་སློག་དང་།་། བོན་ཆོག་མཁར་ལས་ས་ཁ་དབྱེ། ། མནན་པ་རིག་ཆོས་བསླབ་གླག་པ། ། རི་མོ་ཤིང་དང་ཁྲོན་འབྲུ་འཛེམ། ་། དགའ་སྟོན་བལ་སྐུད་བྱེད་དང་ཆོས་སྟོན་འདྲེན།། དབང་ལས་དབང་བསྐུར་བྱ་བ་དང་། ། ཁྲིམས་ནོད་བཙུན་པ་སྲི་མནན་པ། ། ཆར་པ་དཔོབ་པ་བཟང་བའོ། ། འཇོར་ལ་གནས་པས་ས་མི་བརྐོ། ། སྔ་མ་ཤ་རུས་བརྐོས་ན་ཐུབ། ། སྤེན་མི་ཉག་མ་གཅིག་དང་ནི། ། འཇིག་མ་གསུམ་པོ་བུད་མེད་ཀྱི། ། དོར་རྟ་ཚལ་པས་སྒྲིལ་བྱས་པ། །རྒྱུ་གྲུམ་ལམ་དུ་མནན་བྱས་ལ། ། དེ་ཁར་ཐོ་བརྩིགས་ཕ་ཚན་གྱི། །ཞྭ་མོ་གཡོགས་པས་ཐུབ་པའོ། །</br>11. བྱི་ཉིར་མོ་འདེབས་རྟ་རྒྱུག་པ། ། དྲག་པོའི་མཚོན་བཟོ་མནན་པ་རྒྱུག ། མི་བཙའ་རྒན་མིན་ཐག་རིང་དོན། ། དམར་ལས་བུ་སྲིང་རྫོངས་པ་ངན། ༈ སྒོ་འཛུགས་རྐུ་ཇག་བྱིས་པ་གསོ། ། དོན་གཉེར་བྱི་གཤོར་ནལ་ཕྲུག་བླང་། ། མཛོད་བཅའ་བུད་མེད་འཕྲོག་པ་དང་། ། ཚོང་བྱ་ཆར་དབབ་བཟང་བ་ཡིན། ། ཆང་རྫ་ལ་གནས་བྱིས་པར་ངན། ། ཡོལ་བ་བཏང་བས་ཉེས་པ་ཞི། ། ཁྱི་སྐེར་བཏགས་པས་ཐུབ། །</br>12. གླང་ལ་ཁ་སྨྲས་ཚོང་རིག་སློབ། ། རབ་བྱུང་འཆད་ཉན་མནན་པ་དང་། ། བག་མ་ནས་བང་ཁ་འབྱེད་པ། ། ཆར་པ་དབབ་པ་ངན་པ་ཡིན། །ཡུགས་ས་ཚུར་ལེན་བཟོ་དམག་འདྲེན། ། མཚོ་བཟོ་ཞལ་ཆེ་མགར་ཐབ་བཅའ། ། སེམས་ལས་ལུས་ཀྱི་སྡུག་བསྔལ་བཅོས། ། ཕྱུགས་ཉེ་མཁར་ལས་རྨང་འདིང་བཟང་། ། བང་བ་ལ་གནས་བྱན་ནོང་ངན། ། གཤམ་ལ་བུག་པ་བྱས་པས་ཐུབ། ། ས་སེར་བྲེ་གང་གསེབ་ཏུ་ནི། ། རང་ཉོའི་དངོས་པོ་སྤུ་མིང་གཞུག ། སྟག་སྤྲེལ་གཉིས་ལ་མདུན་ཁྲོམ་སྤང་། །བྱ་ཡོས་གཉིས་ལ་གཏད་སྟོན་སྤང་། །ཁྱི་འབྲུག་གཉིས་ལ་དམག་ཇག་སྤང་། ། ཕག་སྦྲུལ་ཤིད་དང་ས་བརྐོ་སྤང་། ། བྱི་རྟ་རྟ་རྒྱུག་དམར་བཤེས་སྤང་། ། གླང་ལུག་ཁྲི་བརྩིག་དར་འཕྱར་སྤང་། །ཉི་མའི་བཅོས་སྒྲིབ་རིམ་པ་རྣམས། ། ལས་དམིགས་གཙོ་བོར་ཤེས་པ་དགོས། །མ་པ་རྣམས། ། ལས་དམིགས་གཙོ་བོར་ཤེས་པ་དགོས། །)
- Dictionaries/bod rgya nang don rig pai tshig mdzod/3078 + (1.(ཡུགནྡྷརཿ)གསེར་གྱི་རི་བདུན་གྱི་ནང་གསེས་ཤིག་སྟེ། ཉི་ཟླ་འཆར་སའི་རྩེ་མོ་ན་བྲག་ཤིང་རྟའི་གཉའ་ཤིང་ལྟ་བུ་ཡོད་ལ། ངོས་སུ་དཔག་ཚད་སུམ་འབུམ་ཉི་ཁྲི་དང་། མཐའ་སྐོར་དུ་ས་ཡ་གཅིག་དང་ཉིས་འབུམ་དང་བརྒྱད་ཁྲི་ཡོད།)
- Dictionaries/bod rgya nang don rig pai tshig mdzod/7670 + (1.ཀླུང་རྟའི་གཟུངས་ཡིག་པར་རྒྱག་ཡུལ་གྱི་རས།)