Search by property

This page provides a simple browsing interface for finding entities described by a property and a named value. Other available search interfaces include the page property search, and the ask query builder.

List of results

• Dictionaries/Brda dkrol gser gyi me long/359  + (རྒྱབ་བྱེད་པའི་མིང་སྟེ།《བརྡ་ཡིག་རེག་གཟིགས་གསར་བུའི་ཉེར་མཁོ》ལས། གཉའ་བྱེད་པ་ནི་རྒྱབ་བྱེད་པ། ཞེས་གསུངས་པ་ལྟར་རོ།།)
• Dictionaries/Brda dkrol gser gyi me long/5832  + (རྒྱབ་རྟེན་དང་དོན་གཅིག་སྟེ། 《དེབ་ཐེར་དམར་པོ》ལས། དེང་སང་གི་བདག་པོ་འདིའི་རིང་སྣེ་གདོང་རྩེ་ནས་རྒྱབ་སྙེར་མཛད་པས་མངའ་ཞབས་རྙིང་ཁུངས་ཚག་ཏུ་ཚུད་ཅིང་། ཞེས་པ་ལྟ་བུའོ། །)
• Dictionaries/Brda dkrol gser gyi me long/5798  + (རྒྱབ་ཤའམ་རྟེན་གྱི་མིང་སྟེ། 《བཀའ་གདམས་གཅེས་བཏུས་ཀྱི་དཀའ་མིང》ལས། རྒབ་ཤ་ནི་རྒྱབ་ཤའམ་རྟེན། ཞེས་གསུངས། དཔེར་ན། 《ལེགས་བཤད་ནོར་བུའི་བང་མཛོད》ལས། འཇིག་རྟེན་ཆོས་བརྒྱད་འདི་འོ་སྐོལ་ལ་གལ་ཆེ། དེ་ཅི་སྟེ་སྙམ་ན་ཆོས་ཀྱི་རྒབ་ཤ་འདི་ནས་འབྱེད་པ་ཡིན། ཞེས་པ་ལྟ་བུའོ། །)
• Dictionaries/Brda dkrol gser gyi me long/5931  + (རྒྱབ་སྐྱོར་གྱི་དོན་ཏེ། 《སྦ་བཞེད》ལས། བློན་ཆེན་པོ་འགོས་ཁྲི་བཟང་ཡབ་ལྷག་ན་རེ། དེ་ལ་ཐབས་བགྱི་བར་རྔོ་ཐོག་གིས་ཁོ་བོའི་རྗེས་སུ་རྟིང་གནོན་མཛོད། སླད་ནས་རྗེའི་དགོངས་པ་སྒྲུབ་པོ་ཟེར། ཞེས་པ་ལྟ་བུའོ།།)
• Dictionaries/Brda dkrol gser gyi me long/3065  + (རྒྱས་པར་བྱ་བའི་དོན་ཏེ།《དག་ཡིག་ཤེས་བྱ་རབ་གས … རྒྱས་པར་བྱ་བའི་དོན་ཏེ།《དག་ཡིག་ཤེས་བྱ་རབ་གསལ》ལས། བརྟ་བ་རྒྱས་པར་བྱ་བ་དང་།། བརྟས་པ་རྒྱས་པ་ཞེས་པའོ།། ཞེས་གསུངས། དཔེར་ན། 《ལམ་རིམ་ཆེན་མོ》ལས། ལོང་ཀའི་སྟེང་ན་ཁ་ནི་སྒལ་ཚིགས་ལ་བལྟས། རྒྱབ་ནི་ལྟོ་བའི་པགས་པ་ལ་བརྟེན་ཏེ། ཟླ་བ་རེ་རེ་བཞིན་ཟླ་མཚན་འབྱུང་བས་ནི་བརྟ། ཞེས་པ་ལྟ་བུའོ།།ིན་ཟླ་མཚན་འབྱུང་བས་ནི་བརྟ། ཞེས་པ་ལྟ་བུའོ།།)
• Dictionaries/Brda dkrol gser gyi me long/6885  + (རྒྱུ་རིན་པོ་ཆེ་ལས་གྲུབ་པའི་དོ་ཤལ་ཕྱེད་པའི་ … རྒྱུ་རིན་པོ་ཆེ་ལས་གྲུབ་པའི་དོ་ཤལ་ཕྱེད་པའི་མིང་སྟེ། 《ངག་སྒྲོན་གྱི་འགྲེལ་པ》ལས། སེ་མོ་ནུ་མ་གཉིས་ཀྱི་དབུས་ཐད་དུ་སླེབ་པའི་དོ་ཤལ་ཏེ་དོ་ཤལ་ཕྱེད་པ་རྒྱན་ཆ་ཞིག ཅེས་དང་། 《བརྡ་ཡིག་བློ་གསལ་མགྲིན་རྒྱན》ལས། སེ་མོ་དོ་ནི་རིན་པོ་ཆེའི་འཁོར་ལོ་སྙིང་ཁ་དང་རྒྱབ་ལ་གནས་པའི་གྲྭ་བཞི་ནས་རིན་པོ་ཆེའི་ཕྲེང་བ་ཕྲག་པ་དང་མཆན་ཁུང་གཡས་གཡོན་ནས་རྒྱུ་བ་རྒྱབ་མདུན་སྦྲེལ་བ་ཡིན་ཞིང་འདི་ལ་དོ་ཤལ་ཕྱེད་པ་ཟེར་བ་ཡང་ཡོད་ལ། རུས་པའི་མཆོད་ཕྱིར་ཐོགས་དང་རིན་པོ་ཆེའི་སེ་མོ་དོ་གཉིས་རྒྱུ་རུས་པ་དང་རིན་པོ་ཆེ་ལས་གྲབ་པ་ཙམ་ལས་ཁྱད་པར་མེད། ཅེས་གསུངས། དཔེར་ན། 《ཟ་མ་ཏོག་བཀོད་པའི་མདོ》ལས། མུ་ཏིག་གི་སེ་མོ་དོ་རིན་བརྒྱ་སྟོང་རི་བ་ཕུལ་ལོ། ། ཞེས་པ་ལྟ་བུའོ། །བརྒྱ་སྟོང་རི་བ་ཕུལ་ལོ། ། ཞེས་པ་ལྟ་བུའོ། །)
• Dictionaries/Brda dkrol gser gyi me long/6405  + (རྟེན་དང་རྒྱལ་བློན་སོགས་ཀྱི་དྲུང་ནས་ཕྱིར་བྱ … རྟེན་དང་རྒྱལ་བློན་སོགས་ཀྱི་དྲུང་ནས་ཕྱིར་བྱུང་བའི་ཚེ་ལུས་ཀྱི་མདུན་བསྟན་ཏེ་རྒྱབ་འགྲོས་བྱེད་པའི་མིང་སྟེ། 《དཔེ་ཆོས་རིན་ཆེན་སྤུངས་པའི་བརྡ་དཀྲོལ》ལས། ལུས་ཀྱི་རྒྱ་འགྲོས་ནི་རྟེན་གྱི་དྲུང་ནས་ཕྱིར་བྱུང་བའི་ཚེ་རྟེན་ལ་ལུས་ཀྱི་མདུན་བསྟན་ཏེ་རྒྱབ་འགྲོས་བྱེད་པ། ཞེས་གསུངས། དཔེར་ན། 《དཔེ་ཆོས་རིན་ཆེན་སྤུངས་པ》ལས། གཉེན་པོ་ཀུན་ཏུ་སྤྱོད་པའི་སྟོབས་ནི། ལུས་ཀྱི་རྒྱབ་འགྲོས་ལ་སོགས་དང་། བག་གི་སྨྲེ་སྔགས་ལ་སོགས་པ་དང་། ཡིད་ཀྱི་འགྱོད་པ་དང་། ཞེས་པ་ལྟ་བུའོ། །་། ཡིད་ཀྱི་འགྱོད་པ་དང་། ཞེས་པ་ལྟ་བུའོ། །)
• Dictionaries/Brda dkrol gser gyi me long/2646  + (ལག་གཉིས་རྒྱབ་ཏུ་བཅིངས་བའི་དོན་ཏེ། 《འདུལ་བ་གཞི་གླེགས་བམ་དང་པོ》ལས། དེས་ནས་མི་བཟོད་པའི་ཚིག་སྨྲས་ཀྱང་། སྐྱེ་བོ་ཚོགས་ཆེན་པོ་དེས་དེའི་ལག་པ་ཕྱིང་ཀ་ལོག་ཏུ་དམ་དུ་བཅིངས་ནས་རྒྱལ་པོ་ལ་ཕུལ། ཞེས་པ་ལྟ་བུའོ། ། འདི་ལ་ཕྱིན་ཀ་ལོག་ཅེས་བྲིས་པའང་སྣང་ངོ་། །)
• Dictionaries/sngas rgyas chos gzhung tshig mdzod/5419  + (ལག་པ་གཉིས་ཀྱི་མཐེའུ་ཆུང་དང་སྲིན་ལག་དང་གུང་མོ་རྣམས་ཀྱི་སོར་མོ་རྣམས་ཕན་ཚུན་སྦྱར་ཏེ། སྔ་མ་སྔ་མའི་རྒྱབ་ཀྱི་སེན་མོའི་དྲུང་དུ་བཀུག་ནས་མཛུབ་མོ་གཉིས་ལོགས་ཤིག་ཏུ་བརྐྱངས། མཐེ་བོང་གཉིས་གློར་བཞག་པ་བདུག་སྤོས་ཀྱི་ཕྱག་རྒྱ།)
• Dictionaries/Bod rgya shen sjar gyi shes jai rnam drangs kun btus tshig mdzod/1029  +
• Dictionaries/Brda dkrol gser gyi me long/2465  + (ལྐོག་ཏུའམ་རྒྱབ་ཏུ་ཞེས་པའི་དོན་ཏེ།《བཀའ་གདམས … ལྐོག་ཏུའམ་རྒྱབ་ཏུ་ཞེས་པའི་དོན་ཏེ།《བཀའ་གདམས་གཅེས་བཏུས་ཀྱི་དཀའ་མིང》ལས། ཕག་ཏུ་ནི་ལྐོག་ཏུ། ཞེས་གསུངས། དཔེར་ན། 《མི་ལ་རས་པའི་རྣམ་ཐར》ལས། གདོན་གྱིས་ཕག་ཏུ་ཁྱུང་པོ་ཇོ་སྲས་གདན་འདྲེན་པའི་གྲོས་བཏབ་པས། ཁོ་ན་རེ་རྨ་ལ་ཕན་ན་ཁྱིའི་ཚིལ་ནའང་ཚིལ་གྱིས་བོས་ཤོག་ཅིག་ཟེར་སྐད། ཅེས་པ་ལྟ་བུའོ།།་གྱིས་བོས་ཤོག་ཅིག་ཟེར་སྐད། ཅེས་པ་ལྟ་བུའོ།།)
• Dictionaries/Brda dkrol gser gyi me long/5920  + (ལྟག་ཀོང་ཞེས་པ་སྟེ།《ཏུན་ཧོང་གཏེར་ཡིག་བོད་ཀྱི་གསོ་རིག་ཡིག་ཆ》ལས། ཕྱེ་དེ་ནང་པར་ཁེའུ་སུགས་སུ་འཚལ་བ་དང་། རྟག་ཁོངས་དང་ཕྲག་བར་ཚིགས་སུ། མྱེ་བཙའ་བསྲེགས་རྒྱབ། ཅེས་པ་ལྟ་བུའོ།།)
• Dictionaries/Brda dkrol gser gyi me long/6539  + (ལྟོ་ཟས་དང་རྒྱབ་གྱོན་པ་མི་འབྱོར་བར་སྡུག་ཅེས … ལྟོ་ཟས་དང་རྒྱབ་གྱོན་པ་མི་འབྱོར་བར་སྡུག་ཅེས་པའི་དོན་ཏེ།《དཔེ་ཆོས་རིན་ཆེན་སྤུངས་པའི་བརྡ་དཀྲོལ》ལས། ལྟོ་རྒྱབ་མི་ཕྱིད་སྦྱོང་ནི་ལྟོ་གོས་མི་འབྱོར་བར་སྡུག་ཅེས་པའི་དོན་ཏེ། ཕྱིད་ནི་ཕུལ་ཐབས་ཞེས་པ་ལའང་འཇུག ཅེས་གསུངས་པ་དང་། 《 བློ་སྦྱོང་བརྡ་དོན》ལས། ད་ལྟ་མི་ནག་པ་ཀུན་གྱིས་རྐང་བྲག་རྡོ་ལག་ཁྲག་ཤིང་བྱས་ནས། ལ་བླན་ལུང་བཀུག་བྱས་ཀྱང་ལྟོ་རྒྱབ་མི་ཕྱིད་སྦྱོང་ཆོས་མཛད་ཀུན་གྱིས་ཞེ་འདོད་སྐྱུངས་དམན་ས་བཟུང་ནས་དབེན་པར་བསྟེན་ཀྱང་ཅི་ཟ་ཅི་འཐུང་ཡོང་བ་འདི། ཞེས་པ་ལྟ་བུའོ།།ྱང་ཅི་ཟ་ཅི་འཐུང་ཡོང་བ་འདི། ཞེས་པ་ལྟ་བུའོ།།)
• Dictionaries/bod rgya nang don rig pai tshig mdzod/8816  + (ལྷའི་བཞུགས་ཁྲིའི་རྒྱབ་ཡོལ།)
• Dictionaries/Brda dkrol gser gyi me long/2700  + (ཤིང་རིང་གི་སྣེ་ལ་ཁུར་པོ་བཏགས་ནས་ཁུར་བའི་མི … ཤིང་རིང་གི་སྣེ་ལ་ཁུར་པོ་བཏགས་ནས་ཁུར་བའི་མིང་སྟེ། 《གནམ་རྩེ་ལྡེང་མའི་བརྡ་དོན》ལས། ཕྲག་རྡང་གི་ཁུར་འཁུར་བ་ནི་ཤིང་རིང་པོའི་སྣེ་ལ་ཁུར་པོ་བཏགས་ནས་ཁུར་བ་ལ་བྱའོ། ། ཞེས་གསུངས། དཔེར་ན། 《གནམ་རྩེ་ལྡེང་མ》ལས། ལུས་ཕྲག་རྡང་གིས་ཁུར་འཁུར་བ་དང་གློ་དང་རྒྱབ་དང་རྐེད་པ་དང་མགོ་བོས་ཁུར་བ་དང་། ཞེས་པ་ལྟ་བུའོ།ེད་པ་དང་མགོ་བོས་ཁུར་བ་དང་། ཞེས་པ་ལྟ་བུའོ།)
• Dictionaries/sngas rgyas chos gzhung tshig mdzod/11512  + (སེ་ར་དགོན་པའི་རྒྱབ་ཀྱི་རི་རྐེད་དུ་ཡོད་པ་ཙོང་ཁ་པའི་སྒྲུབ་གནས་ཆུང་ཆུང་ཞིག)
• Dictionaries/bod rgya nang don rig pai tshig mdzod/8184  + (སེ་ར་དགོན་པའི་རྒྱབ་ཀྱི་རི་སྐེད་དུ་ཡོད་པའི་ཙོང་ཁ་པའི་སྒྲུབ་གནས་ཆུང་ཆུང་ཞིག)
• Dictionaries/Brda dkrol gser gyi me long/3455  + (སོར་མོས་བེམ་ཏོལ་བྱས་པ་ལྟ་བུའི་མིང་སྟེ། 《དག་ཡིག་ཤེས་བྱ་དགའ་གསལ》ལས། བེམ་ཏོལ་གུང་ལྟག་མཐེབ་སྦྱར་རྒྱབ། ཅེས་གསུངས་པ་ལྟར་རོ། །)
• Dictionaries/Brda dkrol gser gyi me long/5830  + (སྒལ་པ་བཤུལ་ཤའི་མིང་སྟེ། 《ངག་སྒྲོན་གྱི་འགྲེལ་པ》ལས། རྒྱབ་ཀྱི་བཤུལ་ནི་རྒྱབ་གཞུང་ངམ་སྒལ་པ་བཤུལ་ཤ་ལྟ་བུ། ཞེས་གསུངས་པ་ལྟར་རོ། །)
• Dictionaries/Bod rgya shen sjar gyi shes jai rnam drangs kun btus tshig mdzod/974  + (སྔར་རྒྱལ་པོའི་གཡས་གཡོན་མདུན་རྒྱབ་ཏུ་འགྲོ་བའི་དམག་གི་སྐོར་ཚོའི་ཐོག་མར་འགྲོ་མཁན།)
• Dictionaries/bod rgya nang don rig pai tshig mdzod/981  + (སྟེང་འོག་གམ། རྒྱབ་མདུན་ཁ་སྦྱར་གྱི་སྣོད་སྒྲོམ་མམ་པར་བུ།)
• Dictionaries/bod rgya nang don rig pai tshig mdzod/1155  + (ཧོར་ཟླ་དང་པོའི་ཚེས་ཉེར་གསུམ་ཉིན། སྨོན་ལམ་གཏོར་རྒྱབ་རྟ་དམག་ལྔ་བརྒྱ་དང་། གཟིམས་པ་སོགས་ཚང་མིན་གྲངས་བཤེར་གཏོང་བའི་བརྩི་གཞག་གི་བྱེད་སྒོ་ཞིག)
• Dictionaries/Brda dkrol gser gyi me long/2651  + (（2）འཕུལ་ཐབས་ཞེས་པའི་དོན་ཏེ། 《དཔེ་ཆོས་རིན་ཆ … （2）འཕུལ་ཐབས་ཞེས་པའི་དོན་ཏེ། 《དཔེ་ཆོས་རིན་ཆེན་སྤུངས་པའི་བརྡ་དཀྲོལ》ལས། ཕྱིད་ནི་འཕུལ་ཐབས་ཞེས་པ་ལའང་འཇུག ཅེས་གསུངས། དཔེར་ན། 《དཔེ་ཆོས་རིན་ཆེན་སྤུངས་པའི་འབུལ་འགྲེལ》ལས། ད་ལྟ་མི་ནག་པ་ཀུན་གྱིས་རྐང་བྲག་རྡོ་ལག་ཕྲག་ཤིང་བྱས་ནས། ལ་བླན་ལུང་བཀུག་བྱས་ཀྱང་ལྟོ་རྒྱབ་མི་ཕྱིད་སྦྱོང་། ཞེས་པ་ལྟ་བུའོ། །་ལྟོ་རྒྱབ་མི་ཕྱིད་སྦྱོང་། ཞེས་པ་ལྟ་བུའོ། །)
• Dictionaries/Brda dkrol gser gyi me long/4892  + (（2）འཛིན་པའམ་བཟུང་བ་ལ་འཇུག་སྟེ། 《བཀའ་གདམས་གཅེས་བཏུས་ཀྱི་དཀའ་མིང》ལས། འཇུར་འཇུར་ནི་བཟུང་བ། ཞེས་གསུངས། དཔེར་ན། 《བཀའ་ཆེམས་ཀ་ཁོལ་མ》ལས། བོད་བློན་མགར་གྱིས་ཟླ་བོ་ཚོའི་ལག་པ་རྒྱབ་ལ་འཇུར་དུ་བཅུག་ནས་ཁྲིད་དེ། ཞེས་པ་ལྟ་བུའོ།།)
• Dictionaries/Brda dkrol gser gyi me long/3186  + (（2）རྒྱབ་ཤ་མཐུག་པོའི་མིང་སྟེ། 《དཔེ་ཆོས་རིན … （2）རྒྱབ་ཤ་མཐུག་པོའི་མིང་སྟེ། 《དཔེ་ཆོས་རིན་ཆེན་སྤུངས་པའི་བརྡ་དཀྲོལ》ལས། བཤུལ་ནི་རྒྱབ་ཤ་འཐུག་པོ ། ཞེས་གསུངས། དཔེར་ན། 《དཔེ་ཆོས་རིན་ཆེན་སྤུངས་པ》ལས། ཝ་མོ་གཅིག་བཟའ་འཚོལ་དུ་ཕྱིན་པས། རྩིག་ཕག་གཅིག་ན་རམས་ཚོས་བྱེད་པའི་ཕྲུ་བའི་ནང་དུ་ལྷུང་བས་ཤིན་ཏུ་མཛེས་པ་ཅིག་བྱུང་སྟེ་དེར་དུད་འགྲོ་ཀུན་གྱི་དཔོན་དུ་ཁུར་ནས་གླང་པོ་ཆེའི་བཤུལ་སྟངས་སུ་བཞག་ནས་བསྙེན་བཀུར་བྱེད་ཙ་ན། ཞེས་པ་ལྟ་བུའོ། །་ནས་བསྙེན་བཀུར་བྱེད་ཙ་ན། ཞེས་པ་ལྟ་བུའོ། །)

• Dictionaries/Bod rgya shen sjar gyi shes jai rnam drangs kun btus tshig mdzod/1029  + (ལུས་ཀྱི་གློ་བའི་རྒྱབ་ཀྱི་ལོ་མ་ལྔ།)

• Dictionaries/Brda dkrol gser gyi me long/3456  + ((1) གོས་ཧྲལ་པོའི་མིང་སྟེ། 《བཀའ་གདམས་གཅེས་བཏུས་ཀྱི་དཀའ་མིང》ལས། བེམ་པོ་ནི་གོས་ཧྲལ་པོ། ཞེས་གསུངས། དཔེར་ན། 《བཀའ་གདམས་གཅེས་བཏུས》ལས། ཚེ་འདི་འདྲ་དག་སྨྲོས་པ་ཆུ་འཐུང་ཞིང་རྒྱབ་ཏུ་བེམ་པོ་གྱོན་ནས་སྒོ་ཕུག་ཏུ་ཉལ་ནའང་ཉལ་ལགས་ཏེ། ཞེས་པ་ལྟ་བུའོ། །)
• Dictionaries/Brda dkrol gser gyi me long/6751  + ((1) ན་རེའམ་སྨྲས་པ་ཞེས་པའི་དོན་ལ་འཇུག་སྟེ། … (1) ན་རེའམ་སྨྲས་པ་ཞེས་པའི་དོན་ལ་འཇུག་སྟེ། 《དག་ཡིག་ལེགས་བཤད་ཚིག་གཏེར》ལས། ཤེད་ནི་ན་རེའམ་སྨྲས་པ་ཞེས་པའི་དོན་ལ་འཇུག་པ་ཡོད་དེ། བྲག་རྒྱབ་པའི་རྒན་པོ་གཅིག་ཤེད་ཅེས་པ་ལྟ་བུ་དང་གཞན་ཡང་ཤེད་ནི་སྟོབས་ལའང་འཇུག་གོ ། ཞེས་གསུངས། དཔེར་ན། 《བཀའ་གདམས་གཅེས་བཏུས》ལས། དགེ་བཤེས་སྟོན་པས་ཤེད། ཇོ་བོ་ཝ། ཤེས་པ་ཉལ་ཉོག་མང་པོས་ཅི་བྱེད། ཅེས་པ་ལྟ་བུའོ། །པ་ཉལ་ཉོག་མང་པོས་ཅི་བྱེད། ཅེས་པ་ལྟ་བུའོ། །)
• Dictionaries/Brda dkrol gser gyi me long/2652  + ((1) ཕྱིས་དེ་ཞེས་པའི་དོན་ལ་གོ་དགོས་པ་ཡོད་དེ། 《བཀའ་གདམས་གཅེས་བསྡུས་ཀྱི་བཀའ་མིང》ལས། ཕྱིད་དེ་ནི་ཕྱིས་ཏེ། ཞེས་གསུངས། དཔེར་ན། 《ལེགས་བཤད་ནོར་བུའི་བང་མཛོད》ལས། ཚེ་ལ་ལོང་མེད་ཡུན་རིང་མི་སྡོད་ངེས། ། འཇིག་རྟེན་ལྟོ་རྒྱབ་སྤྲད་ཀྱང་ཕྱིད་དེ་མཆིས། ། ཞེས་པ་ལྟ་བུའོ། །)
• Dictionaries/Brda dkrol gser gyi me long/6758  + ((1) བློ་བྱང་བར་སོམ་མམ་བརྡ་དོན་བྱང་བར་སོམ་ཞ … (1) བློ་བྱང་བར་སོམ་མམ་བརྡ་དོན་བྱང་བར་སོམ་ཞེས་པའི་དོན་ཏེ། 《ལམ་རིམ་ཆེན་མོའི་བརྡ་དཀྲོལ》ལས། དམར་མཆན་དུ། ཤེད་དབྱེ་སོམ་གཞིག་ནི་བློ་བྱང་བར་སོམ་ཞེས་པའི་དོན་ཡིན་གསུང་། ཞེས་གསུངས། དཔེར་ན། 《ལམ་རིམ་ཆེན་མོ》ལས། ཆོས་དང་བསྟན་ཙ་ན་རོ་ཁུར་བ་ལྟར་རྒྱབ་བསྣོལ་དུ་སོང་བ་ལ་ཆོས་པ་དང་མཁས་བཙུན་གྱི་ཡང་རྩེར་རེ་ན་བྱིས་པ་ཐ་ཆད་ཡིན་ཏེ་ཚོམས་ལས། བྱིས་པ་གང་ཞིག་མཁས་སེམས་པ། ། དེ་ནི་བྱིས་པ་ཞེས་བརྗོད་དོ། ། ཞེས་གསུངས་པས། མ་ཐ་ནའང་ཆོས་ལ་ཤེད་དབྱེ་སོམ་གཞིག་གསུངས་སོ། ། ཞེས་པ་ལྟ་བུའོ། །བྱེ་སོམ་གཞིག་གསུངས་སོ། ། ཞེས་པ་ལྟ་བུའོ། །)
• Dictionaries/Brda dkrol gser gyi me long/7907  + ((1) རྒྱབ་རུས་དང་པོའི་མིང་སྟེ།《བརྡ་ཡིག་རེག་གཟིགས་གསར་བུའི་ཉེར་མཁོ》ལས།ཨན་ནི་རྒྱབ་རུས་དང་པོའི་མིང་།།ཞེས་གསུངས་པ་ལྟར་རོ།།)
• Dictionaries/chos rnam kun btus/10083  + (1. མ་རིག་པ་ཡི་ཉི་མ་ལ། ། མཆོད་རྟེན་མཁར་རྩིག … 1. མ་རིག་པ་ཡི་ཉི་མ་ལ། ། མཆོད་རྟེན་མཁར་རྩིག་མཆོད་སྦྱིན་དང་། །ཞིང་ཁང་ས་བཙལ་མགོ་ལུས་བཀྲུ། ། གོས་བཟོ་དོན་གཉེར་འདུ་ལོང་བཟང་། ། མི་ཆེན་མཇལ་ཕྲད་མོ་འདེབས་དང་། ། གོས་གསར་བྱོན་པ་ངན་པས་སྤང་། ། དོན་གཉེར་ཤར་དུ་བཀྲ་ཤིས་ལ། ། ལྷོ་རུ་རྩོད་ཕྲད་དོན་མི་འགྲུབ། ། ནུབ་ཏུ་སྙིང་མི་དགའ་བའི་གཏམ། ། ཐོས་ཤིང་དོན་མི་འགྲུབ་པ་དང་། ། བྱང་གི་ཕྱོགས་ཕྱིན་གཏམ་སྙན་ཐོས། ། བུ་བཙས་ལོ་ཟླ་ཞག་དགུ་ལ། ། མི་ཤི་ནོར་དང་སྨྲ་བ་མང་། ། ཉེ་བ་དང་འཐབ་རྩོད་པ་ལྡང་། ། སེམས་སྡུག་འཁྲིག་ལ་སྲེད་པ་དང་། ། ཡིག་རྩིས་གཙུག་ལག་ཤེས་པ་འབྱུང་། ལོ་ནི་བརྒྱད་ཅུ་རྩ་གཅིག་འཚོ། ། ཐ་མ་འདུ་བྱེད་ཉི་མར་འཆི། ། བོར་སྟོར་བྱུང་ན་བྱང་ནས་འོངས། ། མི་ནི་སྐྲ་ངན་འཆམས་ལ་དགའ། ། དེ་འབྲས་ཤར་ཕྱོགས་ཐག་རིང་ཁྱེར། ། ཞག་དགུ་ཚུན་ལ་རྙེད་པར་འགྱུར། །ནད་བཏབ་ཟླ་བ་ཕྱེད་ཚུན་ལ། ། མ་ཤི་དེ་ནས་ཞག་གསུམ་ན། ། གསོས་པར་འགྱུར་བས་གཟབ་པར་གཅེས། ། སྒྲིབ་ན་འབྲུ་ལྔར་རྒན་མོའི་གཟུགས། ། ལོང་བུའི་རྒྱབ་ཏུ་ཤོག་བུ་ལ། ། མ་རིག་པ་ཡི་གནོད་པ་དང་། ། ཆགས་ཆེ་ཉམ་ང་དགྲ་ལ་བསྒྱུར། ། བྱ་བ་བྲིས་ལ་བསྒྱུར་བྱ་ཞིང་། ། དཀར་གཏོར་མདའ་དར་དཀར་པོ་དང་། འབྲུ་སྣ་བཅས་པ་ཤར་དུ་འཛུགས། །</br>2. འདུ་བྱེད་ཀྱི་ནི་ཉི་མ་ལ། ། རིག་པ་ཡིག་སློབ་རྒྱུན་སྤྲོས་པ། ། བག་མ་དགེ་ལས་ཁྲུས་བྱ་བ། ། ཁང་པ་བརྩིག་དང་ལུས་བཀྲུ་བ། ། དགྲ་བོ་ཚར་གཅོད་ལས་རྣམས་བཟང་། ། མགོ་བཀྲུས་གོས་གསར་གྱོན་པ་ན། ། ནད་དང་གློ་བུར་ཡེ་འབྲོག་ཡོང་། ། དོན་གཉེར་ཤར་ཕྱིན་ནོར་རྙེད་ཅིང་། ། བདེ་བར་ལྡོག་ལ་ལྷོར་ཕྱིན་ན། ། མྱ་ངན་སངས་ཤིང་ཉེས་མེད་ལྡོག ། ནུབ་ཏུ་བཙས་སྟོན་ཟས་རྙེད་ཅིང་། ། བྱང་ དུ་བསམས་པའི་དོན་འགྲུབ་འགྱུར། ། བཙས་ན་ལོ་ཟླ་ཞག་བརྒྱད་ལ། ། གློ་བུར་མ་ཤི་ཕྱུག་པོར་འགྱུར། ། སྤུན་གཉིས་ནད་དཀོན་ཚེ་རིང་ཞིང་། ། གྲོགས་མང་གྱུར་ཀྱང་ཚངས་པར་སྤྱོད། ། མཁས་པ་བཟོ་རིགས་ཤེས་པ་དར། ། ཚེ་ལོ་བརྒྱད་ཅུ་རྩ་གཅིག་འཚོ། ། ཐ་མ་རྣམ་ཤེས་ཉི་མ་འཆི། ། ནོར་སྟོར་རྐུན་མ་མདོག་སེར་སྐྱ། ། གོས་དུག་གྱོན་པ་ཞིག་གིས་ཁྱེར། ། རྟག་ཏུ་རྐུར་དགའ་ཤར་ཕྱོགས་སོང་། ། ནོར་དེ་རང་དང་མི་འབྲལ་ལོ། ། ནད་ཐེབས་ཉིན་བདུན་མ་ཤི་ན། ། དེ་ནས་ཞག་པོ་གསུམ་ན་འཚོ། ། སྒྲིབ་ན་བག་ཕྱེར་རྫ་མཁན་གཟུགས། ། དར་འབྲུ་སྣ་དང་མདའ་དར་སེར། ། སྟེང་འཕྱར་ཕྱེ་མར་གསུར་བཏང་ཐུབ། །</br>3. རྣམ་ཤེས་ཉི་མ་རྟེན་བཞེང་བ། ། དབང་བསྐུར་སྒྲུབ་མཆོད་བྱ་བ་དང་། ། སྨན་དཔྱད་མཆོད་སྦྱིན་དགྲ་འདུལ་མོ། ། གྲོང་ཁྱེར་གཞོམ་དང་གོས་གསར་གྱོན། ། འདུ་ལོང་བག་མ་རྒྱལ་སར་བསྐོ། ། མགོ་བཀྲུས་ཡིད་དུ་འོང་ལ་བཟང་། ། ལུས་བཀྲུས་དངངས་པ་འབྱུང་བས་ངན། ། དོན་གཉེར་ཤར་དུ་ཉོན་མོངས་ཤིང་། ལྷོ་རུ་ཉེས་མེད་ནུབ་རྩོད་དང་། ། བྱང་དུ་ཕྱི་ནད་ནོར་རྙེད་འགྱུར། ། བཙས་ན་ལོ་ཟླ་ཞག་ལྔ་ལ། ། གློ་བུར་མ་ཤི་སྤྲོ་རིང་ཞིང་། ། མཁས་ཤིང་ང་རྒྱལ་ཆེ་བ་དང་། ། སྡིག་དགའ་ཚིག་རྩུབ་དཔའ་ཞིང་དབུལ། ། བྱང་སེམས་ཆུང་བར་འགྱུར་བ་ཡིན། ། དྲུག་ཅུ་རྩ་གཉིས་འཚོ་བ་དང་། ། མཚོན་གྱིས་མིང་གཟུགས་ཉི་མར་འཆི། ། སྟོར་ན་རྐུན་མ་རང་ཁྱིམ་མི། ། སེར་སྐྱ་བོངས་ཆུང་ཞིག་གིས་ཁྱེར། ། གཞན་ལ་ཁས་མི་ལེན་པས་རྙེད། ། འདི་ལ་ནད་ཀྱིས་བཏབ་པ་ན། ། ཉི་མ་གསུམ་སྔར་མ་ཤི་ན། །དེ་ནས་ཞག་བདུན་བརྒྱུད་ལ་འཚོ། ། སྒྲིབ་ན་ལྔ་ལ་སྤྲེལ་གཟུགས་བཟོས། ། ཁོང་དུ་བཟློག་སྔགས་བཛངས་བྱས་ལ། ། སྨན་འབྲུ་སྣ་བཅས་ལམ་གསུམ་མདོར། ། བསྐྱལ་ལ་དར་དམར་གནམ་ལ་འཕྱར།། །</br>4. མིང་གཟུགས་ཀྱི་ནི་ཉི་མ་ལ། ། བཀྲ་ཤིས་བརྗོད་དང་སྐྲ་སེན་འབྲེག ། དཀར་ཆོས་འཇལ་ལེན་བླ་མ་མཇལ། ། འཇིགས་ལ་ཁྲོས་པ་སྨན་སྦྱོར་བཟང་། ། མགོ་བཀྲུས་སྐྲ་དཀར་ལུས་བཀྲུས་ན། ། གཉེན་སྐྲག་གོས་གྱོན་མྱུར་འཛད་ངན། ། དོན་གཉེར་ཤར་དཔལ་ལྷོར་བསམ་འགྲུབ། ། ནུབ་ཏུ་མི་རྙེད་བྱང་སྟོར་རྨོངས། ། བཙས་ན་ལོ་ནི་བཅུ་གཉིས་དང་། ། ཟླ་ཞག་དྲུག་ལ་མ་ཤི་ན། ། ནད་ཉུང་འཚོ་དཀོན་སྣང་བ་མང་། ༑ བུ་ཡིན་མི་འཚོ་རྟག་འཇིགས་མང་། ། གཏུམ་ཞིང་ང་རྒྱལ་ཚེ་སྨད་ཕྱུག ། ཆུང་མ་གསུམ་ཡོང་ཚོང་གིས་འཚོ། ། ཚེ་ལོ་བརྒྱད་ཅུ་རྩ་གཅིག་ཐུབ། ། གཅོང་གིས་སྐྱེ་མཆེད་ཉི་མར་འཆི། །ནོར་སྟོར་རྐུན་མ་སྤུན་གཉིས་ཡོད། ། གཅིག་ནི་བཞིན་མི་སྡུག་པ་དང་། ། བཀྲག་ནག་ལག་པ་བཟོ་བ་ཡོད། ། ཞག་པོ་ཉི་ཤུ་གཅིག་ན་རྙེད། ། ནད་ཐེབས་ཉི་མ་བ་གསུམ་མམ་ལྟར། ། མ་ཤི་དེ་ནས་བདུན་ནས་གྲོལ། ། བརྒྱད་པར་ཐལ་ནས་བསོས་མི་འགྱུར། ། སྒྲིབ་ན་བག་ཕྱེར་མཉམ་པ་དང་། ། ལྷ་བཟོའི་གཟུགས་བཅོས་དེར་སྨན་འབྲུའི། ། སྣ་དང་དཀར་གསུམ་མདའ་དར་སྔོ། ། ལྷོར་བསྟན་སྤོས་དཀར་དུད་པས་ཐུབ།</br>5. སྐྱེ་མཆེད་རྒྱལ་ས་བྱ་བ་དང་། ། བག་མ་བཟློག་རིམ་རྟེན་བཞེང་བ། ། རྒྱལ་པོ་ཁྲུས་བྱེད་གྲོང་ཁྱེར་བཟུང་། ། དགེ་ལས་གཏེར་སྦེད་མགོ་བཀྲུས་ན། ། གཟི་བརྗིད་གོས་གྱོན་མཛེས་འགྱུར་་བཟང་། ། ཁྱིམ་དུ་ཞུགས་ནས་སླར་འབྱུང་དང་། ། གཞན་ལ་ཕྱག་བྱ་སྡིག་པའི་ལས། ་། ལུས་བཀྲུས་ཕ་མ་སྐྲག་པས་ངན། ། དོན་གཉེར་ཤར་དུ་དོན་རྙེད་ཅིང་། ། ལྷོ་རུ་དཔལ་ཕྲད་ཡིད་དགའ་ལ། ། ནུབ་དང་བྱང་དུ་རེ་བ་རྫོགས། ། བཙས་ན་ལོ་བརྒྱུད་ཡང་ན་བཅུ། ། ཟླ་གསུམ་ཉིན་ལྔར་མ་ཤི་ན། ། སེར་སྣ་ཆེ་ཞིང་ནད་མོད་ལ། ། དཔའ་ཞིང་འཕོངས་ལ་སྲེད་པ་ཆེ། ། ལྷོར་འདུ་དྲུག་ཅུ་རྩ་བཞི་འཚོ། ། རང་ཁྱིམ་རེག་པའི་ཉི་མར་འཆི། ། ནོར་སྟོར་ཁྱིམ་མཚེས་མདོག་སེར་སྐྱ། །གསུས་པ་དང་ནི་མིག་ཆེ་བས། ། ཆུ་འགྲམ་གྲོང་ཡོད་ས་རུ་ཁྱེར།། ། དེ་སར་ཉིན་གཉིས་ཚུན་ཆད་དུ། ། མ་གཏུགས་ཕྱིས་སུ་སྙེད་མི་འགྱུར། ། ནད་འཕོག་ཉི་མ་གསུམ་བཞི་ལ། ། མ་ཤི་ཉི་མ་བཅུ་ན་འཚོ། ། སྒྲིབ་ན་ཕྱེ་ནག་མཁར་གཟུགས་བཟོས། ། དར་སྨན་འབྲུ་སྣ་དར་ལྗང་རྣམས། ། གནམ་འཕྱུར་མདའ་ཆག་ལམ་དུ་བསྒྱུར། །</br>6. རེག་པའི་ཉི་མ་ཤར་བ་ན། །རྐུ་འཕྲོག་སྤོག་གཅོད་ཆད་པ་གཅོད། ། མནན་བསྲེག་དྲག་རྩུབ་ལས་རྣམས་དང་། ། མགོ་བཀྲུས་རྩོད་པ་ཉུང་བས་བཟང་། །བཟོ་བྱེད་ལུས་བཀྲུས་ཕ་མ་སྐྱུག ། གོས་གྱོན་མཛའ་བོས་འཚེ་བས་ངན། ། གལ་ཏེ་གྱོན་ན་དགེ་སློང་གི ། མདུན་དུ་ཕྱག་བྱས་གྱོན་ན་འཇམ། ། ཤར་སོང་ནོད་ཐེབས་ལྷོ་རུ་མཛེས། ། ནུབ་ཏུ་ཅ་ཅོ་དངངས་སྐྲག་འོང་། ། བྱང་དུ་རྙེད་ཀྱང་ཡུན་རིང་འགོར། ། བཙས་ན་ལོ་དགུ་ཞག་ལྔ་དང་། ། ཟླ་བ་དགུ་ལྔ་གསུམ་གྲངས་ལ། ། མ་ཤི་རྟག་ཏུ་ནད་ཀྱིས་འཛིན། ། བཤེས་གཉེན་ཆེ་ལ་སྨྲ་བ་མཁས། ། བློ་གྲོས་ལྡན་ཞིང་ང་རྒྱལ་ཆེ། ། ལག་རྐུ་ཆོས་དགའ་ཕྲག་དོག་ཆེ། ཕྱུག་ཅིང་འཁྲིག་ལ་སྲེད་པ་ད་། ལོ་ནི་དྲུག་ཅུ་རྩ་གསུམ་འཚོ། ། ཆད་པས་ཚོར་བའི་ཉི་མར་འཆི། ། ནོར་སྟོར་རང་གི་ཁྱིམ་མཚེས་པ། ། སྐྲ་ནག་ཉམས་ཚོ་ཀླག་ཅོར་ཆེ། ། ངོ་བསྟོད་རྟག་ཏུ་དེར་གནས་པ། ། ཡིན་ཏེ་དེར་བཙུགས་ཤིན་ཏུ་བསྙོན། ། བསྡོངས་ཟླ་བཞི་ཡོད་གྲོང་གཞན་དུ།། ་། ནོར་ལ་འཐབ་རྩོད་བྱེད་པ་འབྱུང་། ། ཡུན་རིང་སོང་ན་ཁུངས་ཙམ་ཆོད། ། ནད་ཐེབས་ཉིན་གསུམ་མ་ཤི་ན། ། བརྒྱུད་ནས་འཚོ་ལ་ཚེ་རིང་འགྱུར། ། སྒྲིབ་ན་བག་ཕྱེར་ཤ་བ་དང་། ། ཤ་ཁྱི་སྔོན་པོའི་གཟུགས་བཟོས་ལ། ། དར་སྨན་འབྲུ་སྣ་མི་ཁ་ཡི། ། རྫས་བཅས་ཕྱིར་བསྒྱུར་དར་སྨན་དང་། ་། རིན་ཆེན་ལྕགས་ཙལ་རྣམས་གཏུམས་ལོ། ། རྟེན་གྱི་ཞབས་ཀྱི་འོག་ཏུ་འཇུག ། སྒྲུང་སྒྱུར་དུད་པ་བཏང་བས་ཐུབ། །</br>7. ཚོར་བ་ཞེས་བྱའི་ཉི་མ་ལ། ། མཛའ་བོ་ཕྲད་དང་ཆོས་བྱེད་པ། ། ཚོང་དང་ཆུ་བརྒལ་ཞི་བའི་ལས། ། འཁོར་འདུ་དབང་མོ་དཀྱིལ་འཁོར་བཞེང་། །ཟས་ནོར་བསྡུ་དང་དགེ་ལས་བཟང་། ། མགོ་བཀྲུས་སྐྲ་བྱི་ལུས་བཀྲུས་ན། ། ཡིད་མི་བདེ་ཞིང་གོས་གྱོན་ན། ། དངང་ངོ་ཡོང་བས་ངན་པར་བཤད།. ། ཤར་ཕྱིན་མྱ་ངན་སངས་ཤིང་མགུ། ། ལྷོ་རུ་ཕྱིན་ན་ནད་ཀྱིས་འདེབས། ། ནུབ་ཕྱིན་ཤི་ཚད་གཏམ་ངན་ཐོས། །བྱང་དུ་གཏམ་སྙན་ཡིད་བདེ་འབྱུང་། ། བཙས་ན་ལོ་བརྒྱད་ཟླ་་བ་བརྒྱད། ། ཡང་ན་ཟླ་གཉིས་ཞག་བཅུ་གཉིས། ། མ་ཤི་གཞན་གྱི་བསྙེན་བཀུར་དང་། ། མཆོད་པའི་གནས་འགྱུར་གཡོ་སྡིག་དགའ། ། ནད་ལྡང་འབྲུ་ནོར་ཕྱུག་པ་དང་། ། བཟོ་མཁས་ཆུང་མ་གཉིས་དང་ལྡན། ། ཚེ་ལོ་དྲུག་ཅུ་ཐམ་པ་འཚོ། } ཚད་པས་སྲེད་པའི་ཉི་མར་འཆི། ། སྟོར་ན་རྐུན་མ་ལམ་རིང་ཡོང་། །ཁྱི་ནི་རྐང་ལག་ནག་པོ་ལ། ། ལུས་ཁྲ་ཕྱི་ནས་འབྲངས་པས་ཁྱེར། ། ཞག་པོ་ཉེར་གཅིག་ལ་རྙེད་འགྱུར། ། ནད་ཕོག་ཉིན་ལྔ་མ་ཤི་ན། ། དགུར་ལྡང་བཅུ་ལ་གསོས་པར་འགྱུར། ། སྒྲིབ་ན་ཟན་ལ་མདའ་མཁན་གྱི། ། གཟུགས་བཟོས་འབྲུ་སྣ་གྱི་ཆུང་དང་། ། མདའ་དར་ལྷན་གཅིག་སྟེང་དུ་འཕྱུར། །གུ་གུལ་དུད་པ་བཏང་བས་ཐུབ། །</br>8. སྲིད་པའི་ཉི་མར་བག་མ་དང་། ། ནོར་རྫས་བསྡུ་དང་ནོར་དཔུས་བསྒྱུར། ། ཚོང་བྱེད་འདུ་ལོང་དགེ་བའི་ལས། ། མོ་འདེབས་མྱུར་སྤང་ལས་རྣམས་བཟང་། ། གོས་གྱོན་རྟག་ཏུ་འགྲུབ་ན་ཡང་། ། དེ་ཉིན་བགོ་བར་མི་བྱ་ཞིང་། ། མགོ་བཀྲུས་སྐྲ་འབྱི་ལུས་བཀྲུས་ན། །འཇིགས་པ་ཆེ་ཞིང་ཤར་ཕྱིན་ན། ། དོགས་པ་བསྐྱེད་ཅིང་ལྷོ་རུ་ཕྱིན། ། ནོར་རྙེད་མྱ་ངན་ཕྲན་ཚེགས་འབྱུང་། ། ནུབ་ཏུ་ཤི་ཆད་གཏམ་ཐོས་ཤིང་། །བྱང་དུ་ཕྱིན་ན་ཡིད་མི་བདེ། ། བྱིས་པ་ལོ་དགུ་ཟླ་བ་ལྔ། ། ཞག་པོ་གསུམ་དང་བཅུར་མ་ཤི། ། གྲོང་ཁྱེར་གྱི་ནི་དཔོན་དུ་འགྱུར། ། བུ་ཚ་མང་ལ་ལོངས་སྤྱོད་ཆེ། ། ནད་དཀོན་གཟུགས་བཟང་དགྲ་སྒྲོགས་མང་། །ལོ་ནི་བརྒྱད་ཅུ་རྩ་བཞི་འཚོ། ། དུག་གིས་ལེན་པའི་ཉི་མར་འཆི། ། བོར་སྟོར་རྐུན་མ་ནུབ་ཕྱོགས་ཡོང་། ། གཟུགས་བཟང་འཕོངས་པའི་མི་ཞིག་སྟེ། ། རྐང་ལག་ནག་པོའི་ཁྱི་ཡི་བདག ། དེར་བབས་དེ་ཐབས་རྙེད་པར་འགྱུར། ། ནད་ཐེབས་བརྒྱུད་ལ་མ་ཤི་ན། ། བཅུར་འཚོ་དེ། ལ་མ་གསོས་འཆི། ། སྒྲིབ་ན་ཤོག་བུར་འདོད་སྤྱོད་བྲིས། ། དེ་ནི་འཇག་མའི་མགལ་བར་བཅུག ། འབྲུ་དང་སྣ་དང་མཉམ་བྱས་ལ། ། ལམ་གྱི་བཞི་མདོར་བསྐྱལ་བ་དང་། ། དར་དམར་གནམ་འཕྱར་ཚིལ་དུད་བཏང་། །</br>9. ལེན་པ་ཡི་ནི་ཉི་མ་ལ། སྨན་སྦྱོར་དགྲ་བྱེད་ཕོ་ཉ་གཏོང་། ། གཞན་གྱི་བུད་མེད་ལ་བགྲོད་དང་། ཁ་སྤུ་འབྲེག་དང་མི་སྨྲ་བཟང་། །.མགོ་བཀྲུས་སྐལ་པ་བཟང་བ་དང་། ། ལུས་བཀྲུས་ནོར་རྙེད་བཟང་བ་ཡིན། ། གཞན་མ་གང་བརྩམས་འབྲས་བུ་མེད། ། གོས་གྱོན་ཚེ་ཐུང་ཕན་མི་ཐོགས། ། ཤར་སོང་འཇིགས་ཤིང་ལྷོ་རུ་མཛེས། ། ནུབ་ཏུ་ཅུང་འཇིགས་བྱུང་བསམ་འགྲུབ། ། བཙས་ན་ཞག་དགུ་ཟླ་བ་གཉིས། ། ལོ་བརྒྱད་དགུ་ལ་མ་ཤི་ན། ། ལྟ་བར་མི་སྡུག་སེམས་ཆུང་ཞིང་། ་། གཏིང་རིང་མཛའ་བོའི་གཟུགས་ཀྱི་ནི། ། གཡོ་བྱེད་ལ་དགའ་འདོད་ཆགས་ཆེ། ། ཚུལ་ཁྲིམས་འཆལ་ཞིང་ལོ་དྲུག་ཅུ། ། རྩ་བཞིར་འཚོ་ཞིང་ཐ་མ་རུ། ། སྲིད་པའི་ཉི་མར་ཚུའམ་མཛེས། ། རང་གི་ཡུལ་དུ་འཆི་བར་འགྱུར། ། ནོར་སྟོར་ཤར་ཡོང་མི་གཉིས་ཡོད། ། ནོར་ཕྱིར་གཉིས་པོ་ནུབ་ཕྱོགས་འཐབ། ། ངེས་པར་རྙེད་པར་འགྱུར་བ་ཡིན། ༑ ནད་འཕོག་ཉིན་བརྒྱད་མ་ཤི་ན། ། བཅུར་གསོས་དེར་ཡང་ཅུང་ ཟད་ལ། ། མ་ཤི་བ་ན་འཚོ་བ་ཡིན། ། སྒྲིབ་ན་སྣམ་སྟེང་ཆོས་ཤིག་བཞག །ནས་དཀར་བྲེ་གང་སྟེང་དུ་ནི། ། མར་མེ་བདུན་དུ་སྤོས་སྤར་ཐུབ། །</br>10. སྲིད་པའི་ཉི་མ་ཤར་བ་ནི། ། བུད་མེད་མཛའ་པོ་བསུ་བ་དང་། ། གཞན་ཡང་ལས་ཀུན་འགྲུབ་འགྱུར་ཞིང་། ། མགོ་བཀྲུས་བཟང་དང་བཅའ་བ་རྙེད། ། ལུས་བཀྲུས་ཡིད་འོང་མཛེས་པར་འགྱུར། ། གོས་གྱོན་མཛེས་ཀྱང་བགོ་མི་བྱ། ། འཐབ་རྩོད་བྱ་བ་འདི་ལ་སྤང་། ། ཤར་སོང་དོན་མེད་འཇིགས་དང་ཕྲད། ། ལྷོ་རུ་ཅི་བསམ་ཐམས་ཅད་འགྲུབ། ། ནུབ་ཏུ་འཇིགས་ཆེ་བྱང་ནོར་རྙེད། ། བཙས་ན་ཉིན་དགུ་ཟླ་གཉིས་སམ། ་། གསུམ་དང་ལོ་དགུར་་བསམ་ཐམས་མ་ཤི་ན། ། གཞན་གྱི་ཆུང་མར་འཁྲིག་པ་སྲེད། ། གཉིད་ཆུང་གཙོ་བོ་དམག་དཔོན་འགྱུར། ། བཙན་ཕྱུག་བཟོ་ཡི་གནས་ལ་མཁས། །ཆུང་མ་གཉིས་ལྡན་དྲུག་ཅུ་འཚོ། ། ཐ་མ་སྐྱེ་བའི་ཉི་མ་ལ། ། མཚོན་གྱིས་གཞན་ཡུལ་དག་ཏུ་འཆི། ། འདི་ལ་ནོར་སྟོར་ཤར་ནས་ཡོང་། ། གཡེང་བག་ཆེ་ཞིང་སྦྱང་བ་ཡི། ། བཤེས་གཉེན་ཆེ་བ་ཞིག་ཡིན་ཏེ། ། དེ་ཉིད་སུ་ལ་བློ་མི་གཏོད། ། རིང་མོར་སོང་ནས་ནང་ཉམས་རྙེད། ། ནད་འཕོག་ཉི་མ་གསུམ་དགུ་ལ། ། མ་ཤི་བ་ན་གསོས་པར་འགྱུར། ། སྒྲིབ་ན་ཟན་ལ་ཆང་འཐུང་མི། ། གཟུགས་བཟོས་སྤང་མ་འབྲུ་སྣ་དང་། ། དར་དང་རིན་ཆེན་གོས་ནག་ཁ། ། གང་དང་ཤུག་ཤིང་འཕྱར་བས་ཐུབ། །</br>11. སྐྱེ་བ་ཡི་ནི་ཉི་མ་ལ། ། བཟློག་རིམ་ཁྱིམ་བཅོས་ཁང་འཛིན་སོགས། ། ཁྱིམ་བདག་གི་ནི་ལས་རྣམས་དང་། ། རྒྱལ་དང་ བློན་པོའི་ལས་རྣམས་བཟང་། ། མགོ་བཀྲུས་བཀུར་སྟི་རིམ་གྲོ་རྙེད། ། ལུས་པོ་བཀྲུས་ན་མཛའ་བོ་རྙེད། ། གོས་གྱོན་རིང་དུ་མི་གནས་པ། ། བགོ་བར་མི་བྱ་ཤར་དུ་ཕྱིན། ། ནོར་རྙེད་མོད་ཀྱིས་བརླག་པར་འགྱུར། ། ལྷོ་རུ་གཏམ་སྙན་ནུབ་ཉེས་མེད། ། བྱང་དུ་ནོར་རྙེད་བཙས་པ་ན། ། ཉིན་དགུ་ཟླ་དགུ་ལོ་བཅུ་ལ། ། མ་ཤི་རྟག་པར་ནད་བུ་ཅན། ། ཕྱུགས་དང་ཡུལ་འཁོར་མི་སྐྱོང་ལ། ། གཞན་གྱིས་མཆོད་པའི་གནས་སུ་འགྱུར། ། དྲུག་ཅུ་འཚོ་ཞིང་རྒ་ཤི་ལ། །ཆུ་ཡི་གནོད་པས་འཆི་བར་འགྱུར། ། ནོར་སྟོར་རྐུན་མ་མི་གསུམ་གྱི། ། གཉིས་ནི་ཕྱི་མི་གཅིག་ནང་མི། ། ཁུངས་ནི་དལ་བུས་ཤེར་བ་མ། ། ཡུན་རིང་ཞིག་ན་རྙེད་པར་འགྱུར། ། ནད་འཕོག་ཉིན་ལྔར་མ་ཤི་ན། ། བརྒྱུད་ལ་གསོས་པོར་འགྱུར་བ་ཡིན། ། སྒྲིབ་ན་འཇིམ་པར་བྱིས་བཙས་ཀྱི། ། གཟུགས་བྱས་དེ་འབྲུ་སྨན་གྱི་སྣ། ། བལ་ཚོན་བསྒྲིལ་ལ་མདའ་དར་ལྔ། ། མཉམ་དུ་སྟེང་ནས་འཕྱུར་བ་དང་། ། བུ་རམ་གསུར་ནི་བཏང་བས་ཐུབ། །</br>12. རྒ་ཤི་ཡི་ནི་ཉི་མ་ལ། ། ཕྱུག་པོའི་ནོར་བརྐུ་ཚུར་བླང་རིགས། ། མགོ་བཀྲུས་གོས་དང་བཟའ་བཏུང་རྙེད། ། དེ་དག་བཟང་ཞིང་མཆོད་སྦྱིན་གཏོང་། ། བཟོ་བྱེད་མོ་འདེབས་ལ་སོགས་དང་། ། རྩོད་པའི་རིགས་རྣམས་སྤང་བར་བྱ། ། ལུས་བཀྲུས་གོད་མང་གོས་གསར་པ། ། གྱོན་ན་གནས་པར་མི་འགྱུར་རོ། ། ཤར་དུ་སོང་ན་མྱུར་དུ་ལྡོག ། ལྷོ་རུ་གྲོགས་དང་གཏམ་སྙན་འོང་། ། ནུབ་ཏུ་དངངས་སྐྲག་བྱང་དུ་བདེ། ། བཙས་པ་ཉིན་གཉིས་ཟླ་བ་གཅིག་་། ལོ་དགུར་མ་ཤི་བྱིས་པའི་དུས། ། ནད་མང་ཆེར་སྐྱེས་ནད་བྱུང་ཞིང་། ཡིད་གཞུངས་གཉེན་འདུན་བྱམས་པ་དང་། ། དགྲ་མང་དྲུག་ཅུ་རྩ་བཞི་འཚོ། ། མཚོན་གྱིས་མ་རིག་ཉི་མར་འཆི། ། རྐུན་མ་བྱང་ཡོང་སྐད་འཛེར་བ། ། སྐྱེ་ལུས་རིང་ཞིང་མཆུ་ཡང་དམར། ། མགོ་སྐྱ་སོ་ཆག་ཞིག་གིས་ཁྱེར།་། ཞག་ནི་ཉི་ཤུ་ལྔ་ནས་རྙེད། ། ནད་ཐེབས་ཉི་མ་གསུམ་བདུན་ལ། ། མ་ཤི་བཅོས་ཀྱིས་ནད་ལས་གྲོལ། ། སྒྲིབ་ན་ཟན་ལ་དགྲ་གཟུགས་བྱས། ། དེ་ཁོང་རྒ་ཤི་ཞེས་པ་བཅུག ། རེ་ནག་གཏུམས་ལ་རིན་ཆེན་ལྔས། ། བཅིངས་ལ་རང་འཐག་འོག་ཏུ་མནན། །དར་སེར་ནམ་མཁའ་འཕྱོར་བ་དང་། །སྟོབས་ཆེན་གཟུངས་སྔགས་བཀླགས་པས་ཐུབ། །དང་། །སྟོབས་ཆེན་གཟུངས་སྔགས་བཀླགས་པས་ཐུབ། །)
• Dictionaries/Bod rgya shen sjar gyi shes jai rnam drangs kun btus tshig mdzod/2166  + (1. མཚལ། 2. ལི་ཁྲི། 3. བཙག 4. སྡོང་རོས། 5. … 1. མཚལ། 2. ལི་ཁྲི། 3. བཙག 4. སྡོང་རོས། 5. རྡོ་དྲེག་སྟེ་སའི་རཀྟ་ལྔ། 6. ཙན་དན་དམར་པོ། 7. སེང་ལྡེང༌། 8.མཛོ་མོ་ཤིང་། 9. གོཤིརྵ། 10. བཤེར་ཤིང་དམར་པོ་སྟེ་ཤིང་གི་རཀྟ་ལྔ། རྗེས་ཀྱི་གཉིས་པོ་མ་བརྙེད་ན། སྟར་བུ། ཀནྚ་ཀ་རི་དམར་པོས་རུང་བར་བཤད། 11. པདྨ་རཱ་ག 12. བྱུ་རུ། 13. མཚུར་དམར། 14. མེ་ཤེལ། 15. རྡོ་རྒྱུས་དམར་པོའམ་སྦལ་རྒྱབ་གང་རུང་སྟེ་རྡོའི་རཀྟ་ལྔ། 16. ཧ་ལོ། 17. ཁུག་ཆུང་། 18. གླང་སྣ། 19.སེ་རྒོད། 20. ལུག་རུ་དམར་པོ་སྟེ་མེ་ཏོག་གི་རཀྟ་ལྔ། 21. ར་མོ་ཤག 22. ཉེ་ཤིང་། 23. སྙ་ལོ། 24. གྲོ་མ། 25. སྙུག་མ་དམར་པོ་སྟེ་རྩྭའི་རཀྟ་ལྔ། ཕྱི་མ་དེ་དངོས་ནི་མདོ་ཁམས་ཀློང་ཐང་སོགས་སུ་སྐྱེས་པའི་ཁྲག་སྙུག་ཞེས་པ་དེའོ། 26. རྒུན་འབྲུམ། 27. རམ་བུ། 28. (ཁ་སུར) བྲེའོ། 29. བ་མཁལ་སྨུག་པོ། 30. སྐྱུ་རུ་ར་སྟེ་འབྲུའི་རཀྟ་ལྔ། 31. རྒྱ་སྐྱེགས། 32. སིན་དྷཱུུ་ར།33. འབྲི་མོག 34. བུ་རམ། 35. བྲག་ཞུན་སྟེ་རྩིའི་རཀྟ་ལྔ་རྣམས་ཐམས་ཅད་དྲིལ་བས་རཀྟ་སུམ་ཅུ་རྩ་ལྔ་པོ་ནི་རྩ་བ་ལྟ་བུ་ཡིན་ལ། དེའི་ཡན་ལག་ཏུ་རྫས་སོགས་གང་དམར་གྱི་རིགས་སུ་གྱུར་ཚད་ཐམས་ཅད་དང༌། རིན་པོ་ཆེ་ཟངས་སོགས་རྡོ་རིགས་དམར་པོ་ཐམས་ཅད། ཨུཏྤལ་དམར་པོ་དང་ཤང་དྲིལ་དམར་པོ་སོགས་མེ་ཏོག་དམར་པོ་ཐམས་ཅད། གཙང་དམར་དང་ས་འདྲེས་དམར་པོའི་རིགས་ཐམས་ཅད། སྣ་མའི་འབྲས་བུ་དང་འོལ་མོ་སེ་སོགས་འབྲས་བུ་དམར་པོ་ཐམས་ཅད། འབྲས་དམར་དང་ཁྲེ་དམར་སོགས་འབྲུའི་རིགས་དམར་པོ་ཐམས་ཅད། གཞན་ཡང་སྲོག་ཆགས་ལས་བྱུང་བའི་རཀྟའི་རིགས་མཐའ་དག་པའོ།ྲོག་ཆགས་ལས་བྱུང་བའི་རཀྟའི་རིགས་མཐའ་དག་པའོ།)
• Dictionaries/chos rnam kun btus/11082  + (1.ཀ་ནི། མགོ་རིང་དེའི་ཕྱེད་ཚད་མཆེ་བ་གཉིས། བ … 1.ཀ་ནི། མགོ་རིང་དེའི་ཕྱེད་ཚད་མཆེ་བ་གཉིས། བར་མ་བར་གཉིས་མཉམ་ཞིང་ཚག་གང་རིང་བ། རྐང་པ་མགོའི་ཕྱེད་གཉིས་སོ། ། ཞེས་ཞིབ་ཏུ་ཞེང་ལ་སྨྱུག་ཁམ་བརྒྱད་ཀྱི་མགོར་སྟོད་ནས་ཆ་གཅིག་དོར། ཆ་བདུན་མཆེ་བའི་ཡས་སུ་དཀར་ཆ་གཉིས། མས་སུ་གཅིག་མཆེ་བའི་རྩ་བའི་སྣག་ཆ་དང་བཞི། རྐང་པའི་དཀར་ཆ་གཉིས། དབུས་ལག་གི་སྣག་ཆ་དང་གསུམ། རྐང་ཆ་དང་བཞི། དེ་བརྒྱད་དཔངས་སུ་ཆ་བཅུ་གཉིས། མཆེ་བའི་སྣེའི་གོང་དཀར་ཆ་གསུམ། མགོ་ནག་ཆ་དང་བཞི། འོག་དཀར་གཉིས་ཀྱི་ཐད་དབུས་ལག་གི་རྩེ་དེ་འོག་ཆ་དྲུག་པར་རྐང་པའི་མཐའ་ཚད་དོ། །</br>2.ཁ་ནི། ལེབ་འཇོག་ཀ་དང་འདྲ་བ་ལས་ལག་པ་ཀ་རྐང་སུམ་གཉིས་སྙེག་དཔུང་པ་དཀྱིལ་ཆུང་བ་ལ་ཁོག་པའི་ཟག་མཆུ་མིག་དང་མཉམ་པ། ཞེས་ཞིབ་པར་དཔངས་ཆ་བརྒྱད། ཞེང་ཆ་ཕྱེད་བརྒྱད། མགོ་ཆ་ཕྱེད་བརྒྱད། རྐང་པའི་དཀར་ཆ་སྟོད་གསུམ་སྨད་གཉིས་དཔུང་ཆར་གཅིག་སོག་པའི་སྟོད་ཀྱི་དཀར་ཆ་ཕྱེད་གསུམ། སྨད་ཕྱེད་བཞི་ཡར་འཕུལ་ཆ་གཅིག དཔངས་སུ་མཉེན་གྱི་གོང་དཀར་གསུམ་མགོ་ཆ་དང་བཞི། མཉེན་གྱི་སྣག་ཆ་གཅིག མཉེན་གྱི་འོག་ཟག་མཆུའི་སྣ་བར་དཀར་ཆ་གཉིས་རྐང་པ་ལ་གཅིག་གོ།</br>3.ག་ནི། དུམ་བུ་བདུན་པ་ཞེས་གོང་མ་གཉིས་དང་ཆིས་ཟུར་མཉམ་ཞིང་དཀྱིལ་དུ་བསྐྱལ། ཞེས་ཞིབ་པར་ཞེང་བརྒྱད་དཔངས་སུ་བཅུ་གཉིས་ཡོད་པ་ལས་མགོ་ཆ་བདུན། སོག་པའི་སྟོད་ཀྱི་དཀར་ཆ་ཕྱེད་གཉིས། སྨད་ཕྱེད་བཞི་ལྷག་ཙམ། དཔུང་པའི་རྩ་བའི་སྣག་ཆོ་གཅིག་སྟོད་ཀྱི་དཀར་ཆ་གཉིས། དབུས་ལག་རྩ་བ་ཆ་གཅིག་རྐང་པའི་བར་དཀར་ཚ་གཉིས། རྐང་པའི་སྣག་ཆ་གཅིག་དཔངས་མཉེན་གྱི་གོང་དཀར་གསུམ་མགོ་ཆ་དང་བཞི། འོག་ཟག་མཆུ་སྣའི་བར་དཀར་གཅིག་མཉེན་ཆ་གཅིག་རྐང་པའི་མས་ཚ་དྲུག་གོ།</br>4.ང་ནི། མགོ་གོང་བས་ཚེག་དོས་ཐུང་བ། གསུམ་པོ་མཉམ་ཞིང་རྐེད་པ་དྲང་བ། མགོ་རྒྱས་དཔུང་ཐུང་ཐོན་པ་བྱ། ཟགས་མཆུའི་སྣར་ཚག་ཟུར་བསྟན་པ། ཞེས་ཞིབ་པར་ཞེང་དྲུག་དཔངས་བརྒྱད་ཡོད་པའི་མགོ་ཞེང་ལྔ་མས་སུ་དཀར་ཁ་གང་། སྟོད་ཀྱི་ཆ་གཉིས་ནས་རྐེད་པ་འདོན། སྦོའི་མཉེན་གྱི་གདས་དཀར་གསུམ་མགོ་དང་བཞི། འོག་དཀར་གསུམ་སྦོའི་སྣག་ཆ་དང་བཞི། སྦོ་ཞེང་གསུམ་ནས་བགས་ཀྱིས་གཞོལ་བའི་ཟག་མཆུ་འདོན་ནོ། །</br>5.ཅ་ནི། དུམ་བུ་བདུན་པ་ཆ་གསུམ་དྲང་ལ་ཆ་གཉིས་སྐུར་བ། ཕྱི་རུ་བརྒྱངས་ལ་ནང་དུ་བསད་(ཟད)། ཐིག་བཞི་ཟུར་གསུམ་ཟླ་ཚེས་ཚང་། ཞེས་ཀྱང་ཞིབ་པར་ཞེང་བདུན་དཔངས་ཕྱེད་དང་བརྒྱད་ཡོད་པ་ལས། ཞེང་མགོར་ཕྱེད་ལྔ་ཡས་དཀར་གཅིག མས་དཀར་ཕྱེད་གཉིས་དང་། མཆུ་གོང་དཀར་ཆ་གསུམ་མགོ་ཆ་དང་བཞི། འོག་དཀར་ཕྱེད་གསུམ་འབྱུང་པའི་ཆ་དང་ཕྱེད་བཞི། མགོའི་ཆ་ཕྱེད་བཞིའི་ཐོག་ནས་སྐེ་གཏོད། མཆུ་གོང་དཀར་ཆ་གསུམ་གྱི་དཀྱིལ་དཔངས་བཞི་ཞེང་ལྔའོ། ། </br>6.ཆ་ནི། གྲུ་བཞི་ཟླུམ་པོ་ཐིག་བརྒྱུད་བསྣོལ་བའི་ལིང་ཚེ་བཞི་པ། མགོ་འོག་དཀར་གཉིས་མིག་དང་མཉམ། མགོ་ཟུར་དཔུང་ཐིག་མིག་དཀར་མཉམ། ། ཞེས་ཞིབ་པར་ཞེང་བརྒྱད་དཔངས་ཕྱེད་བརྒྱད་དེ། མགོ་ཞེང་ལྔ་གཡས་གཡོན་དཀར་ཆ་ཕྱེད་གཉིས་མིག་གཉིས་ལ་དཀར་ཕྱེད་བཞི་དམན་ཙམ་རེ། གང་ཆགས་ཀྱི་ཆ་ཞེང་དྲུག་མིག་གོང་དཀར་ཆ་གཉིས་མགོ་དང་གསུམ། མིག་དཔངས་དཀར་ཆ་ཕྱེད་གསུམ། གོང་ཆགས་སྣག་ཆ་གཅིག འོག་འཛུམ་སྨད་ཆ་ཕྱེད་གཉིས་སོ། །</br>7.ཇ་ནི། རྐེད་པ་རིང་ཐུང་ཆ་དང་མཉམ། རྐེད་ཟུར་དང་མགོ་ཟུར་མཉམ། དཔུང་ཐུང་ཐོན་ཞིང་རྐེད་ལྟེམ་དྲང་། ནག་གསུམ་མཉམ། ནང་དཀར་གཉིས་མཉོམ། ཞེས་ཞིབ་པར་ཞེང་དྲུག་དཔངས་བརྒྱད་དེ་མགོ་ཞིང་ལྔ། མས་དཀར་གཅིག སྦོ་ཞེང་ལྔ། ཡས་དཀར་གཅིག ལེ་གུའམ་ལག་ཞེང་བཞི་ཡས་མས་སུ་དཀར་རེ་དང་། མགོ་ནས་ཆ་གཉིས་པའི་དཀྱིལ་ནས་དང་པོའི་མས་ཟུར་བར་དཔུང་ཐུང་ལ་འདོན། ལེ་གུའི་གོང་དཀར་གཉིས། མགོ་ཆ་དང་གསུམ། ལེ་གུ་དང་བཞི། སྦོའི་གོང་དཀར་གཉིས། སྦོ་ཆ་དང་གསུམ། འོག་དཀར་གཅིག དཀྱིལ་ཚད་ཚུན་སྦོའི་དྲང་འཐེན་དང་དེ་ནས་ཇེ་གཞོན་ཟག་མཆུ་ཡིན་ནོ། །</br>8.ཉ་ནི། མགོ་འབྲིང་ཟླུམ་པོ། ཁ་གང་བླངས་ལ་ཆ་གཅིག་དགྱེལ་བ། དཔུང་དབུས་ལག་དྲང་ཞིང་དཀར་གཉིས་མཉམ་པ། གཞུང་ཐིག་ཚང་ཞིང་ཕྱི་སྒྲོས་མཉམ་ཞེས་ཞིབ་པར་ཞེང་བརྒྱུད་དཔངས་བཅུ་གཉིས། མགོ་ཕྱེད་བཞི་སྟོད་དཀར་ཕྱེད་གསུམ། མས་དཀར་གཉིས། ཉ་མགོའི་སྟོད་ཞེང་ཕྱེད་བཞི། དེ་འོག་བཞི་ལྷག་ཙམ་ཁ་ཞེང་གཉིས་ཕུབས་སྟོད་དཀར་ཆ་ཕྱེད་གསུམ། དེའི་འོག་གསུམ་ལྷག་ཙམ། དེ་འོག་བདུན། དེ་འོག་ཕྱེད་བདུན། དེ་འོག་དྲུག་ཕྱེད་དྲུག་ལྔ་ཕྱེད་ལྔ་རྣམས་ཡས་དཀར་དང་མས་ཤུགས་རྟོགས། དཔངས་སུ་སྟོད་ཕུགས་སྨད་ཕུགས་ཀྱི་མཚམས་ཉག་ཀེ་ཡན་ལ་གསུམ་དབུས་ལག་གི་སྣ་མན་ལ་གསུམ། དཀྱིལ་ཚད་སྟོད་ཕུགས་སྣག་གིས་སྨད་ཕུགས་དཀར་ནོན། །</br>9.ཏ་ནི། དཔུང་ཐུང་ཐོན་ཞིང་རྐེད་ལྟེམ་དྲང་། རིང་ཐུང་ཟགས་མཆུའི་དཀར་དང་མཉམ་པ། ཕྱི་སྒྲོས་གཞུང་ཐིག་ཁོག་འདྲེན་ཟླུམ་པ། དཔུང་གང་ཕུབ་ཀྱི་སྣག་ལམ་དཀྱིལ་ལོ། ། ཞེས་ཀྱང་ཞེང་དྲུག་དཔངས་བཅུ་གཉིས་མགོ་ལྔ་མས་དཀར་གཅིག་མགོ་ནས་གཉིས་པའི་དཀྱིལ་དཔུང་ཆུང་ཐིག་སྟེང་འདོན། གཞུང་ཤིང་སྟོད་དུ་དཀར་ཕྱེད་ལྷག མས་ཕྱེད་ལྔ་ལྷག་སྨད་ཕུབས་སྟོད་དཀར་གསུམ་ལྷག་ཙམ་དེ་ནས་བཞི། ལས་ཐ་ཐིག་དང་བསྟུན་ཏེ་འོག་དེ་ནས་ཕྱེད་ལྔ་ཕྱེད་བཞི་གསུམ་ཕྱེད་གསུམ་ཕྱེད་གཉིས་དང་སྨད་ཕུབས་ཀྱི་རྩེ་གཞུང་ཤིང་ལ་ལྔ། མགོ་དང་དྲུག་གཞུང་ཤིང་མན་ལ་དྲུག་གོ ། </br>10.ཐ་ནི། ཆ་བཞི་ཟུར་བཞི་མ་འཛོལ་གཡས་ཕྱོགས་དྲང་། ཐ་སྟོད་ཟུར་གསུམ་གྲུ་བཞི་སྟེ། གཞུང་ཐིག་རྐེད་ཐེམ་ཉ་མོ་འཁྱུར། ཞེས་ཞིབ་པར་ཞེང་དྲུག་དཔངས་བརྒྱད་དེ། མགོ་ཞེང་ལྔ། ཐ་སྟོད་དཀར་བཞི། དེ་འོག་བཞི་ལྷག དེ་འོག་གསུམ། སྨད་ཁྱུག་ཆ་ཕྱེད་ལྔ། སྟོད་ཕྱེད་བཞི། ཆིས་འོག་དཀར་གཉིས། འོག་མཉེན་ཕྱེད་བཞིའི་བར་དྲང་ཐད་དང་དེ་ནས་ཆ་གཅིག་གཞོལ་སྟབས་ཟགས་མཆུ། མཉེན་ནག་ལ་ཆ་གཅིག་ཐགས་མཆུའི་སྣེས་ཟིན་པའི་དཀར་དཀྱིལ་ཚད་དོ། །</br>11.ད་ནི། དཔུང་པ་དཀྱིལ་ནས་སུམ་ཆར་ཕྱུང་། རིང་ཐུང་མགོ་དང་མཉམ་པ། མགོ་ཕྱེད་སྦོའི་དྲང་འཐེན། ལག་པ་སུམ་གཉིས་མགོ་ཟུར་མནན་པ་ཞེས་ཞིབ་པར་ཞེང་དྲུག་དཔངས་བཅུ་གཉིས། མགོ་ཞེང་ཕྱེད་ལྔ་ཕྱི་དཀར་ཆ་ཕྱེད། ཡས་སུ་དཀར་ཆ་གཅིག དཔངས་སྦོ་གོང་དཀར་ཆ་གསུམ། མགོ་སྣག་དང་བཞི། སྒོ་འོག་དཀར་ཆ་བདུན། སྦོ་སྣག་དང་བརྒྱད། སྟོད་ནས་ཕྱེད་གསུམ་སྐེ་མཚམས། དེ་ནས་ཕྱེད་ན་དཀྱིལ་ཚད་དཀྱིལ་ཐད་ཚུན་སྦོ་སྣག་དྲང་པོ། སྦོ་ལྡིར་ནས་སྨྱུག་ཁམ་ཕྲ་བ་བཅས་ཟགས་མཆུའོ། །</br>12.ན་ནི། མགོ་དཀྱིལ་རྐེད་པ་དྲང་བ། རྐེད་པ་ཕྱེད་ཚད་མིག་ཏུ་སྒྲིལ་བ། མགོ་ཟུར་མིག་གིས་ནང་དཀར་ནོན། ལག་པ་ད་དང་འདྲ་ཞེས་ཞིབ་པར་ཞེང་དྲུག་དཔངས་བཅུ་གཉིས། མགོ་བཞི་ཡས་མས་དཀར་ཆ་རེ། སྟོད་དུ་གཡས་དཀར་ཕྱེད་གསུམ་ལྷག་ཙམ། དེ་ལྟར་གཡོན་དཀར། རྐང་ཆ་ཕྱེད་བཞི་པ་དྲང་པོ་དང་། དེ་ནས་སྐེ་ཚད་ཕྱེད། གཡོན་ཕྱོགས་ཀྱི་སྒོར་མོར་འཐེན་པའི་མིག་གི་གོང་། དཔངས་གོང་དཀར་གཉིས། མགོ་དང་གསུམ། མིག་གོང་སྣག་ཆ་དང་བཞི། མིག་གི་དཀར་ཆ་ཕྱེད་གསུམ་འོག་གི་ནག་ཆ་ཕྱེད། དེ་མན་དཀར་ཆ་ཕྱེད་ལྔ་ཙམ་རྐེད་ཚད་ནས་ཆུ་བབས་ཀྱི་ཟགས་མཆུ་བཏོན་པའི་ཡས་ཐིག་རྣམས་དེས་རྟོགས་སོ། ། </br>13.པ་ནི། མགོ་ཐུང་དཔུང་ཅན། དཀྱིལ་འཛིན་མགོ་ཟུར་དཔུང་ཟུར་མཉམ། སྦོ་ཐག་ཐུང་ཞིང་ཆུ་བབས་དྲང་། དཔུང་པའི་ཟུར་དང་དཀར་རྩེ་མཉམ། ཞེས་པ་ཞེང་ཕྱེད་བདུན་དཔངས་བརྒྱད། མགོ་ཞེང་བཞི། སྔ་ཕྱིར་དཀར་ཆོ་གཅིག་རེ། ཡས་འཕུལ་ཆ་གཅིག་སྟོད་ནས་ཆ་གསུམ་པའི་དཀྱིལ་ནས་ཡས། ཕྱེད་བར་སྦོའི་དཔུང་པ་སྦོ་གོང་དཀར་ཆ་གསུམ་མགོ་དང་བཞི། སྦོ་འོག་དཀར་ཆ་གསུམ། སྦོ་ནག་དང་བཞི། སྦོའི་ཡས་ནས་ཆ་གསུམ་མཐར་དཀྱིལ་ཚད་དང་དཀྱིལ་བར་སྦོ་ནག་དྲང་པོ་དེ་ནས་ཇེ་ཕྲ་ཟགས་མཆུའོ། །</br>14.ཕ་ནི། མགོ་ཐུང་དཔུང་ཅན། རྐེད་པ་དྲང་ཞིང་ནང་ནས་ཟད། སྦོ་མགོའི་སུམ་གཉིས་དྲང་བ། འཕྲེད་ཆོད་མགོའི་འོག་སྒྲོས་བཟུང་བ་ནི། དཔུང་པ་དཀྱིལ་ནས་སུམ་ཆར་ཕྱུང་། ཕྱི་ཟུར་བརྟུལ་ལ་རྐེ་དགུ་རྣོ། ཟུར་གསུམ་ཐོན་ལ་ཧ་གཉིས་རྒྱང་། ཡར་འཕུལ་དྲང་ཞིང་ཕྱི་སྒྲོས་རྒྱས་པ་ཞེས་ཞིབ་པར་ཞེང་བདུན་དཔངས་བརྒྱུད་དེ་མགོར་བཞི། ཁ་དཀར་གཉིས། ཡར་འཕུལ་དང་གསུམ། སྦོ་ཞེང་དཀར་ཆ་གསུམ། མགོ་ནག་དང་བཞི། སྒོ་འོག་དཀར་ཆ་གསུམ། སྦོ་ནག་དང་བཞི། ཕྱི་དཀར་རམ་འཕྲེད་ལག་ཡར་འཕུལ་སྟོད་དུ་ཆ་གཉིས་བཞག འོག་ནས་སྦོའི་ཕྱེད་སར་འཐེན། དཀྱིལ་ཐིག་ཚུན་ཆད་སྦོ་སྣག་དྲང་པོ། དེ་ནས་མགོ་ཇེ་ཕྲ་ཟགས་མཆུ་ཅན་ནོ། །</br>15.བ་ནི། མགོ་འབྲིང་། མཁར་གྱི་འོག་འདྲ་བད་ཆུང་དག་དང་ལྡན། སྦོ་ཐུ་ཆུ་བབས་དྲང་བ་ལ། སྟེམ་ནི་བག་ག་ཞོན་ཡར་འཕུལ་དྲང་ལ་རྒྱས་པ་སྟེ་ཞེས། ཞིབ་པར་ཞེང་བདུན་དཔངས་བརྒྱད་དེ་མགོ་ཕྱེད་བདུན། ཡས་ཟུར་དཀར་ཕྱེད། ཡས་གསུམ་དཀྱིལ་ནས་དཔུང་མགོ་དང་དཔུང་ཐུར་ཡས་སུ་ཕྱེད་དཀར་བཞག སྦོ་གོང་དཀར་གསུམ་མགོ་དང་བཞི། སྒོ་འོག་དཀར་གསུམ་སྦོ་ནག་དང་བཞི། སྦོ་དཀྱིལ་ཚུན་དྲུང་པོ་དང་དེ་ནས་ཇེ་ཕྲ་ཟགས་མཆུའོ། །</br>16.མ་ནི། མགོ་ཐུང་མིག་ཟླུམ་ཅན་། རྐེད་པ་ཕྱེད་ཚད་མིག་ཏུ་དྲིལ་བ། ཟགས་མཆུའི་སྣར་ཚག་ཟུར་བསྟད་དཔུང་ཁ། མིག་གི་བསྣོལ་མཚམས་ཡོད་པ་ཞེས་པའི་ཞེང་བདུན་དཔངས་བརྒྱུད། མགོ་བཞི་ཡས་དཀར་གཅིག བར་དཀར་གཅིག་ཡར་འཕུལ་ཆ་གཅིག་རྐང་ཕྱེད་བཞི་བར་དྲང་པོ་དང་དེ་ནས་སྐེ་ཚད་ཕྱེད་གཡས་ཕྱོགས་ལ་འཁྱོགས་ནས་སྒོར་མོར་མིག་བཏོན་པའི་གོང་དཀར་གཉིས། མགོ་ཆ་དང་གསུམ། མིག་གོང་སྣག་དང་བཞི། མིག་གི་ནང་དཀར། དཔངས་ཞེང་གཉིས་ཀར་གསུམ། འོག་སྣག་ཕྱེད་དམན་ཙམ། འོག་དཀར་གཅིག་རྐང་པའི་འཛོམས་སར་དཀྱིལ། ཟགས་མཆུའི་སྟོད་སྦོམ་སྨད་ཕྲ་བའོ། ། </br>17-19.ཙ་ཚ་ཛ་ནི། གསུམ་རགས་ཞིབ་ཐམས་ཅད་ཅ་ཆ་ཇ་གསུམ་ལ་ཕོད་བཏགས་པའོ། །</br>20.ཝ་ནི། བར་མགོ་བཏགས་པའི་ཁྱད་པར་ཙམ་ཞིབ་པར་ཞེང་བདུན་དཔངས་བཅུ་ལས་ཕུབས་ཀྱི་མགོ་ཞེང་གསུམ། སྣག་ལ་གཉིས་ཏེ་ལྔ། མགོ་གོང་དཀར་ཆ་གསུམ་མགོ་ནག་དང་བཞི། སྤྲོ་གོང་དཀར་ཆོ་གཉིས་མགོ་ཆ་དང་གསུམ། སྦོ་འོག་དཀར་ཆ་གཉིས་སྦོ་ཆ་དང་གསུམ། བ་མགོ་ཞེང་ལྔ། གོང་ནས་བཞི་ཡིས་དཀྱིལ་ཐད་ནས་དཔུང་མགོ་དེ་སྟེང་མགོ་ཕུབས་ཀྱི་སྣག་སྣེ་བ་ཡི་དཀྱིལ་བར་སྤོ་སྣག་དྲང་པོ་དང་དེ་ནས་ཇེ་ཕྲ་ཟགས་མཆུའོ། །</br>21.ཞ་ནི། ཕུབས་དང་སྣག་མཆུ་མཉམ་པ་སྟེ། སྟོད་ཕུབས་ནང་དཀར་ན་དང་མཉམ། སྐེད་པའི་དྲང་འཐེན་ཚག་གང་སྟེ། རྐེད་པ་ཕྱེད་ཚད་མིག་ཏུ་དྲིལ་ཞེས་ཞིབ་པར་ཞེང་བརྒྱད་དཔངས་བཅུ་གཉིས། ཁུགས་ཀྱི་མགོ་ཞེང་བཞི་དཀར་ཕྱེད་ལྔ། ཕུགས་ལག་དཀར་ཕྱེད་དོ། ། སྣག་ཕྱེད་མིག་དཀར་ཞེང་ཕྱེད་བཞི། སྣག་ཕྱེད་རེ། དཔངས་ཕུགས་སྟོད་དཀར་ཆ་ཕྱེད་གཉིས། མིག་སྣག་ཕྱེད། ཕུགས་མགོའི་ནག་ཆ་གཅིག་མིག་དཀར་གསུམ། མས་ནག་ཚ་ཕྱེད། འོག་དཀར་ཕྱེད་དྲུག མགོའི་གཡས་དཀར་ཕྱེད་དོ། ། གཡོན་དཀར་ཕྱེད་གསུམ། ཕུབས་ལག་གི་སྣེ་ཆ་བདུན། དེ་མན་དཀར་ཆ་ལྔ། ཟགས་མཆུ་དང་ཞེང་སོགས་དཀྱུས་ལྟར་རོ། །</br>22.ཟ་ནི། ནག་གསུམ་དཀར་གཉིས་མཉམ་ལ་རྐེད་པ་དྲང་ཞིང་མཐར་རྒྱས། ནག་སྣ་སྦོམ་ཕྲ་རིམ་གྱིས་གཞོལ་བ། འཕྲེད་འདྲེན་འོག་མ་སྦོ་དང་འདྲ་ཞེས་ཞིབ་པར་ཞེང་དྲུག་དཔངས་བརྒྱུད། མགོ་ཞེང་ཕྱེད་དྲུག་ལེ་གུའམ་དཀྱིལ་ལག་གི་གོང་དཀར་གཉིས། མགོ་ཆ་དང་གསུམ། ལེ་ཆ་དང་བཞི། སྒོ་གོང་དཀར་ཆ་གཉིས། སྦོ་ཆ་དང་གསུམ། སྦོའི་འོག་ཆ་དང་བཞི། ལེ་གུའི་འོག་དཀར་ནག་མཚམས་ན་དཀྱིལ་ཚད། དཀྱིལ་ཐད་མཉེན་འདོན་ནོ། །</br>23.འ་ནི། སྟོད་ཕུབས་སྒབ་མེད་ཐིག་ཁར་ཟླུམ། མགོ་བོའི་ཟུར་གསེགས་ཁ་ཕྱེད་ཡན་ཕུབས་ཀྱི་ཕྱེད་ཚད་བ་ཡི་ལེ་གུའི་ཟུར་དང་ཚག་ཟུར་མཉམ་ཞེས་ཞིབ་པར་ཞེང་བདུན་དཔངས་བརྒྱད། ཕུབས་ཀྱི་དཀར་ཆ་བཞི། ནག་ཆ་གཉིས། ཡས་མས་སུ་དཀར་ཕྱེད་གཉིས། ཕུབས་མགོ་བཞི་ལེ་གུའི་གོང་དཀར་གསུམ། ཕུབས་མགོ་དང་བཞི། ལེ་གུའི་འོག་དཀར་གསུམ། ལེ་གུའི་ཆ་དང་བཞི། ལེ་གུའི་ཆ་དོ་དྲང་པོ་དང་། དེ་ནས་ཇེ་ཞོལ་གྱི་ཟགས་མཆུའོ། །</br>24.ཡ་ནི། ཕུབས་ཅན་མགོ་ཐུང་གསུམ་པོ་མཉམ་ཞིང་དབུས་ལག་དྲང་། ཕུབ་ཀྱི་དཀར་དང་དབུས་དཀར་མཉམ། ལེབ་འཇོག་ལ་དང་འདྲ་བ་ཡིན་ཞེས་ཞིབ་པར་ཞེང་བརྒྱུད་དཔངས་བརྒྱུད། དཀར་ཆ་གཡས་གཡོན་ཕྱེད་གསུམ་རེ། སྣག་གསུམ་སྟེ་བརྒྱད། སྒོ་ངའི་དཀར་ཆོ་དཔངས་བཞི། སྒོང་སྣག་དང་ལྔ། མས་ལ་དཀར་གསུམ། ཡས་ནས་ཕྱེད་གསུམ་ན་ཟགས་མཆུའི་དཔངས་རྐང་དང་བསྟུན་ཏེ་གསུམ་བཞི་ལྔ་རིམ་པས་སོ། །</br>25.ར་ནི། དུམ་བུ་བཞི་པ་མཉམ་ཞིང་རྐེད་པ་དྲང་། སུམ་ཆ་ནས་བཟུང་དཀྱིལ་དུ་ཕྱུང་ནས་དྲང་པོར་བཏབ་ལ་སྔ་ཟུར་འཐེན་ཞེས་ཞིབ་པར་ཞེང་བརྒྱད་དཔངས་བརྒྱུད། མགོ་ཞེང་ལྔ། གཡས་གཡོན་དཀར་ཕྱེད་གཉིས་རེ། སྤོ་གོང་དཀར་ཆ་གསུམ་སྒོ་ཆ་དང་བཞི། འོག་དཀར་གསུམ་བཞི་གཉིས་མཚམས་ན་དཀྱིལ་ཚད་དེ་ནས་ཟགས་མཆུ་རིམ་གྱིས་འདོན། །</br>26.ལ་ནི། ཕུབས་ཅན་མགོ་ཐུང་བ། ཐིག་ལྔ་བསྣོལ་བའི་གྲུ་བཞི་ཕོ་དྲང་ཞིང་འཕྲེད་འདྲེན་མཉེན། གཡས་ཕྱོགས་དྲང་ཞིང་ནང་དུ་རྒྱས་པ་ཞེས། ཞིབ་པར་ཞིང་དཔངས་ཆ་བརྒྱད་རེ། ཕུབས་དཀར་གསུམ་ལྷག་ཙམ། སྣག་ཆ་རགས་པ་གསུམ། ཁ་ཞེང་ཕྱེད་གསུམ། སྦོ་གོང་དཀར་ཆ་གསུམ། ཕུབས་སྣག་དང་བཞི། སྒོ་འོག་དཀར་ཆ་གསུམ། སྦོ་ཆ་དང་བཞི། སྦོའི་གོང་ཕུབས་སྣ་ན་དཀྱིལ་ལོ། ། དཀྱིལ་ཚད་སྦོ་བགས་ཀྱིས་གཞོལ་བ་ཟགས་མཆུའོ། ། </br>27.ཤ་ནི། མིག་ཅན་མགོ་ཐུང་། ལེ་གུའི་ལེའི་འཕྲེད་འདྲེན་འདྲ་བ་ཡར་འཕུལ་དྲང་ཞིང་མིག་ཤུ་ཟླུམ་པ། རྐང་པ་ཕྱི་ནང་མི་འཁྱོར་དྲང་བ་ཞེས་ཞིབ་པ་ནི་ཞེང་བཅུ་དཔངས་བཅུ་གཉིས། ལེ་གུ་ལག་པའི་ཞེང་ལྔ། མིག་གི་དཀར་ཕྱེད་བཞི། མགོ་སྣག་དང་བཞི་མས་ནག་ཕྱེད། ལེ་གུའི་གོང་དཀར་བཞི། འོག་དཀར་བདུན། ལེ་གུའི་སྣག་ཆ་དང་བརྒྱད། ལེ་གུ་ནས་ཞེང་རྐང་པའི་བར་དཀར་ཆ་བཞི། རྐང་སྣགུ་ཆ་གཅིག་ལེ་གུའི་སྣ་ནི་དཀྱིལ་ཚད་དོ། །</br>28.ས་ནི། ཐིག་བརྒྱུད་གྲུ་བཞི་པ། དཀར་གཉིས་མཉམ་ཞིང་གྲུ་བཞི་འཇོག ལེ་གུའི་མཉེན་ནི་བསྣོལ་མཚམས་དང་རྒྱབ་ལག་འཕྱོས་ཤིང་དབུས་དཀར་གཙང་བ་ཞེས་ཞིབ་པར་ཞེང་དཔངས་བརྒྱད་རེ། མགོ་ཞེང་བཞི་ཡས་སུ་དཀར་གཅིག་ཁ་དཀར་གཉིས། ཡར་འཕུལ་སྣག་ཆ་གཅིག མགོ་ནས་ཆ་གསུམ་པའི་དཀྱིལ་ནས་འཕྲེད་གསུམ་གཞུང་གསུམ་ཟུར་སྟེང་གསེགས་སུ་དཔུང་པ་འདོན། དེ་ནས་འཕྲེད་གཞུང་ཐིག་བཞི་པ་དང་དཔངས་གཉིས་ཀྱི་སར། ལེ་གུས་དབུས་ལག་བཏོན་མཚམས་ནས་བགས་ཀྱིས་གཞོལ་བའི་ཟགས་ཆ་ཇེ་ཕྲ་ཟགས་མཆུ་ཅན། དབུས་ལག་བར་རྐང་གི་མཚམས་ནས་དཀྱིལ་ཚད་དོ། །</br>29.ཧ་ནི། མགོ་འབྲིང་སྨད་ཕུབས་ཅན། དཔུང་པ་ས་འདྲ་བ་ཨེན་ཙམ་མཐོ། ལེ་གུ་མཉེན་ལ་མགོ་དཀྱིལ་བཞག་སྨད་ཕུབས་ཟླུམ་ལ་མགོ་དཀྱིལ་བསྐྱལ་ཞེས། ཞིབ་པར་ཞིང་བདུན། དཔངས་བཅུ་གཉིས། མགོ་ལྔ། ཡས་མས་དཀར་ཆ་རེ། ཡས་ནས་བཞི་གཞལ་བ་ནས་ལག་བཏོན། དཔུང་པ་ཐ་ཐིག་དཔངས་གསུམ་པ་དང་ཐུག དེ་ནས་གསུམ་ཇེ་སྒྱུར་གྱི་ཡོས་འཕྲེད་དུ་གཞལ་བའི་གསུམ་མགོའི་ས་ནས་ཆ་དྲུག་པར་ཕྲད་ས་དབུས་ལག་གི་མཆུ་ཕུབས་ཀྱི་ཞེང་དཀར་ཕྱེད། གསུམ་པ་གཉིས་དེ་ནས་ཕྱེད་དྲུག་ལྔ་ལྷག་ཙམ་ཕྱེད་ལྔ་བཞི་ལྷག་ཙམ་ཕྱེད་བཞི་གསུམ་རྣམས་དང་། ཕུབས་ཆིས་བོ་གཅིག་མན་ལ་དཀར་བརྒྱད་ལྷག་ཙམ་མོ། །</br>30.ཨ་ནི། མགོ་ཐུང་ཐུ་བ་ཅན། ཐུ་བའི་གསེགས་སྦྱོར་ཟླུམ་པར་བྱ། འཛིན་པོ་དང་ལྡོག་པོ་མཉམ་པ། ཐུ་བའི་སྒྲོས་དང་དཀར་རྩེ་མཉམ་པ། ཚག་ནི་མ་འབྱར། གོང་མའི་རྩར་ཟུར་གསུམ་བྲ་བོའི་དབྱིབས་སུ་བཞག་པའོ་ཞེས་ཞིབ་པར་ཞེང་དགུ་དང་དཔངས་བརྒྱུད། མགོ་ཞེང་ཕྱེད་བཞི། ལག་ཡས་ནས་བཞི་པའི་དཀྱིལ་ནས་ཡས་གཉིས་ཐུར་གསུམ་དཀྱིལ་ཐད་དཔུང་ཟུར་དང་། དེ་ནས་ཐུ་བ་ཟུར་གསུམ་འཕྲེད་ཕྱེད་བཞིའི་སར་བཀུག་པའི་ཡས་འཕུལ་ཆ་གཅིག་དཔུང་རྩ་དང་མས་ཕྱིའི་ཟུར་ལ་ཟགས་མཆུ་བགས་ཀྱིས་བཏོན། དེ་ནས་ཡས་འཕུལ་སྣག་ཆ་གཅིག་པོ་སྦྱར། ཡས་ཀྱི་ཁ་དཀར་ཕྱེད་གཉིས་མས་ཀྱི་གཉིས། དཔུང་སྟོད་དཀར་གསུམ། ཐུང་དཀར་གཉིས་ཐུང་སྣག་ཆ་གཅིག་མས་དཀར་དོ། ཟུར་དཀར་བདུན་ནོ་ཞེས་གསལ་བྱེད་སུམ་ཅུའི་ཐིག་ཚད་རགས་ཞིབ་གཉིས་ཏེ། དེ་ལའང་ཁྱུང་པོ་སྔ་ཕྱི་རྡོ་དུས་གསུམ་གྱི་བཞེད་པ་ཅུང་ཟད་མི་འདྲ་བ་དང་། ལྡན་མ་རྩེ་མང་ལུགས་སུ་གྲགས་པ་སོགས་དུ་མ་སྣང་བ་ལས་གཡུ་ཁྲིའི་ཕྱག་རྒྱུན་གཡའ་སེལ་ལྟར་བཀོད་པའོ། །ཡུ་ཁྲིའི་ཕྱག་རྒྱུན་གཡའ་སེལ་ལྟར་བཀོད་པའོ། །)
• Dictionaries/chos rnam kun btus/5386  + (1.གནའ་བོའི་རོའོ་མའི་ལོ་རྩིས་བྱུང་ཚུལ། སྤྱི … 1.གནའ་བོའི་རོའོ་མའི་ལོ་རྩིས་བྱུང་ཚུལ། སྤྱི་ལོའམ་ཕྱི་ལོ་ཞེས་པའི་རྩིས་ལུགས་འདི་ནི་ཉིན་ཞག་མའི་ལོ་རྩིས་ཀྱི་རིགས་ཤིག་ཡིན་པ་དང་། དེང་སྐབས་འཛམ་གླིང་ཐོག་སྤྱི་མཐུན་དུ་བཀོལ་སྤྱོད་བྱེད་པའི་ལོ་རྩིས་ཤིག་ཏུ་ཆགས་ཡོད། འོ་ན་སྤྱི་ལོ་ཞེས་པའི་རྩི་སྟངས་དེ་གནའ་སྔ་མོའི་དུས་སུ་ད་ལྟ་ང་ཚོས་བེད་སྤྱོད་བྱེད་བཞིན་པའི་བཟོ་དབྱིབས་འདི་ལྟ་བུ་ཞིག་ཡིན་ནམ་ཞེ་ན་མིན་ཏེ། དེ་ལ་འཕེལ་རིམ་ལོ་རྒྱུས་ཅུང་ཟད་ཡོད་དེ་ཆེ་ལོང་ཙམ་བརྗོད་ན་འདི་ལྟར། སྤྱི་ལོའི་རྩི་སྟངས་འདི་དང་ཐོག་རོའོ་མ་ཞེས་པའི་གནའ་དུས་ཀྱི་རྒྱལ་ཁབ་ཆེན་པོ་ཞིག་ཏུ་བྱུང་བ་རེད། སྤྱི་ལོའི་སྔོན་གྱི་དུས་རབས་བརྒྱད་པའི་དུས་སྐབས་སུ་ལོ་གཅིག་ལ་ཟླ་བ་བཅུ་དང་ཉིན་ཞག་སུམ་བརྒྱ་བཅུ་མེད་བཞི་མ་གཏོགས་མེད་པ་དང་དགུན་དུས་ཀྱི་ཉིན་ཞག་དྲུག་ཅུ་ཐམ་པ་ཟླ་བའི་ཁོངས་སུ་མི་བརྩི་བར་ལོ་མཇུག་གི་ངལ་གསོའི་དུས་ལ་བརྩི་བའི་ལོ་རྩིས་ཤིག་ཡོད་པར་གྲགས། རོའོ་མའི་ལོ་རྩིས་ལུགས་ཀྱི་ཟླ་བ་བཅུ་སོ་སོའི་མིང་དང་ཉིན་གྲངས་ནི་གཤམ་གསལ། །</br>2.ནོའུ་མའི་ལོ་རྩིས་བྱུང་ཚུལ། སྤྱི་ལོའི་སྔོན་གྱི་ལོ་713ལ་སླེབས་པའི་ཚེ་རོའོ་མའི་རྒྱལ་པོ་གཉིས་པ་ནོའུ་མ་ཞེས་པ་བྱུང་སྟེ་རྩི་ལུགས་དེའི་སྟེང་དུ་ཟླ་བ་གཉིས་བསྣན་ཏེ་ལོ་གཅིག་ལ་ཟླ་བ་བཅུ་གཉིས་ཀྱི་གྲངས་ཡོད་པར་བཅོས། དེ་ལ་ནོའུ་མའི་ལོ་རྩིས་ཟེར། འོན་ཀྱང་སྐབས་དེའི་མི་ཚོས་ཨང་ཀི་ཆ་གྲངས་ཅན་བཀྲ་མི་ཤིས་པར་བརྩི་བའི་རྣམ་རྟོག་གིས་ཟླ་བ་རེའི་ཉིན་གྲངས་ནི་ཕལ་ཆེ་བ་ཡ་གྲངས་ཡིན་པ་གཤམ་གསལ་རེའུ་མིག་ནང་བཀོད་པ་ལྟར་རོ། </br></br>དེ་ལྟར་བརྩིས་པས་ལོ་གཅིག་ལ་ཉིན་ཞག་355མ་གཏོགས་མེད། ཉི་ལྡོག་གི་ལོ་གཅིག་གི་རིང་ཚད་དེ་ཉིན་ཞག་365རྗེས་འབྲངས་བཅས་དང་བསྡུར་ན་ཉིན་ཞག་10ཙམ་གྱི་ཉུང་སྐྱོན་འབྱུང་བས། ཁོང་ཚོས་ལོ་བཞི་རེའི་ནང་དུ་Makkedoniusཞེས་པ་ཁ་སྣོན་གྱི་ཟླ་བ་གཉིས་བསྣོན་རྒྱུ་བྱས། དེའི་སྣོན་སྟངས་དང་ཟླ་བའི་ཉིན་ཞག་གི་གྲངས་ནི་ལོ་གཉིས་པའི་ལོ་མཇུག་ཏུ་ཉིན་22ཅན་གྱི་ཟླ་བ་ཞིག་ཁ་སྣོན་རྒྱག་པ་དང་། ལོ་བཞི་པའི་ལོ་མཇུག་ཏུ་ཉིན་ཞག་23ཅན་གྱི་ཟླ་བ་ཞིག་ཁ་སྣོན་རྒྱག་པའི་གཏན་འབེབས་བྱས། དེ་ལྟར་བརྩིས་པས་ནོའུ་མའི་ལོ་རྩིས་ལུགས་ལ་ལོ་བཞི་རེའི་ནང་ལོ་སོ་སོའི་རིང་ཚད་ནི་འདི་ལྟར། </br>ལོ་དང་པོར། ཉིན་གྲངས་355</br>ལོ་གཉིས་པར། ཉིན་གྲངས་355+ཉིན་གྲངས་22(སྣོན་ཟླ་)=ཉིན་གྲངས་377 </br>ལོ་གསུམ་པར། ཉིན་གྲངས་355 </br>ལོ་བཞི་པར། ཉིན་གྲངས་355+ཉིན་གྲངས་23(སྣོན་ཟླ་)=ཉིན་གྲངས་378(355X4+23)÷4=366.25</br>དེས་ན་ལུགས་འདིའི་ལོ་གཅིག་གི་ཆ་སྙོམས་རིང་ཚད་དངོས་ནི་ཉིན་གྲངས་366.25ཡིན། ཉི་ལྡོག་གི་ལོ་གཅིག་གི་རིང་ཚད་དངོས་ཉིན་ཞག་365.2422དང་བསྡུར་ན་མང་སྐྱོན་ཡོད། དེ་ལྟར་བརྩིས་པས་ལོ་སུམ་ཅུ་ལྷག་ཙམ་སོང་ཚེ་དུས་ཚིགས་སོགས་ཟླ་བ་གཅིག་གིས་ཁྱད་ཞུགས་འགྲོ་བ་དང་། ལོ་མང་སོང་ཚེ་མང་སྐྱོན་ཆེ་རུ་གྱུར་ཏེ་དུས་ཚིགས་ལ་ནོར་འཁྲུལ་འབྱུང་ངེས་ཡིན།</br>3.འཇུ་ལེའི་ལོ་རྩིས། དེ་རྗེས་ཀྱི་དུས་རབས་ནང་རྩིས་མཁན་ཁ་ཤས་ཀྱིས་སྲིད་དབང་གི་དགོས་མཁོ་དང་བསྟུན་ནས་སྣོན་ཟླ་གང་བྱུང་གིས་བཏོན་པས་རྙོག་འཛིང་ཆེན་པོ་བྱུང་སྟེ་སྤྱི་ལོའི་སྔོན་གྱི་59ལོར་འཇུ་ལེ་ཁེ་ས་(Julius Caesarསྤྱི་ལོའི་སྔོན་གྱི་100─44 ) ཞེས་པའི་རྒྱལ་པོ་གསར་པ་ཞིག་གིས་སྲིད་དབང་བསྒྱུར་བའི་དུས་ཀྱི་ཚེ་དབྱར་དགུན་གོ་ལྡོག་པ་སོགས་དུས་ཚིགས་འཁྲུགས་པའི་གནས་ཚུལ་ཆེན་པོ་ལྷགས་ཡོད་པར་མངོན། དེར་བརྟེན་ཁོང་གིས་ཨེ་ཇིའི་གནམ་རིག་པ་སོ་སེ་ཇན་ནི་སི་(Sosigenes)སོགས་གདན་ཞུས་ཀྱིས་སྤྱི་ལོའི་སྔོན་གྱི་46ལོར་ལོ་རྩིས་སྒྱུར་བཅོས་དང་གཏན་འཁེལ་གསར་པ་བྱས་པའི་ནང་དོན་གཙོ་བོ་ནི་འདི་ལྟར། </br>(1)ལོ་གཅིག་གི་ཆ་སྙོམས་ཀྱི་རིང་ཚད་དངོས་ནི་ཉིན་ཞག་365.25ཡིན་པར་གཏན་འཁེལ་བྱས། ལོ་བཞི་རིའི་ནང་དུ་བཤོལ་བའི་ལོ་གཅིག་རེ་བརྩི་བ་དང་། བཤོལ་བའི་ལོ་ལ་ཉིན་ཞག་366གི་ཚད་དང་རྒྱུན་ལྡན་གྱི་ལོ་ལ་ཉིན་ཞག་365ཡི་ཚད་བྱེད་རྒྱུ་གཏན་འཁེལ་བྱས།</br>(2)Januariusཞེས་པའི་ཟླ་བ་དེ་ལོ་གཅིག་གི་ལོ་མགོ་སྟེ་ཟླ་བ་དང་པོར་བཞག སྒྱུར་བཅོས་མ་བྱས་གོང་གི་ཟླ་བ་དང་པོ་སྟེ་Martiusཞེས་པའི་ཟླ་བ་དེ་ཟླ་བ་གསུམ་པར་ཆགས། རྒྱུ་མཚན་དེས་སྤྱི་ལོའི་སྔོན་གྱི་ལོ་222ནས་བཟུང་རོའོ་མའི་སྲིད་འཛིན་དཔོན་ཆེན་གསར་པ་གདན་སར་འགོད་པའི་དུས་ཚོད་ནི་Martiusཟླ་བའི་ཚེས་15ཉིན་ཡིན་པར། སྤྱི་ལོའི་སྔོན་གྱི་153ལོ་ནས་བཟུང་Januariusཟླ་བའི་ཚེས་1ལ་བྱེད་པའི་སྲོལ་བྱུང་བ་ལོ་མགོ་དེ་ལྟར་བསྒྱུར་བས་ཟླ་བ་དང་པོའི་ཚེས་གཅིག་ཉིན་ལ་ཏག་ཏག་འཁེལ་ལོ། །</br>(3)ལོ་གཅིག་ལ་ཟླ་བ་བཅུ་གཉིས་ཡོད་པ་དང་། ཟླ་བ་གཉིས་པ་མ་གཏོགས་པའི་ཟླ་བ་བཞི་པ་དང་དྲུག་པ་སོགས་ཟླ་བ་ཆ་གྲངས་རྣམས་ཀྱི་ཉིན་གྲངས་ནི་ཉིན་ཞག་31དང་། ཟླ་བ་དང་པོ་དང་གསུམ་པ་སོགས་ཟླ་བ་ཡ་གྲངས་རྣམས་ཀྱི་ཉིན་གྲངས་ནི་ཉིན་ཞག་30ཟླ་བ་གཉིས་པའི་ཉིན་ཞག་གི་གྲངས་ནི་རྒྱུན་ལྡན་གྱི་ལོ་ལ་ཉིན་ཞག་29དང་བཤོལ་བའི་ལོ་ལ་ཉིན་ཞག་30རེ་བྱེད་རྒྱུའི་གཏན་འཁེལ་བྱས། སྒྱུར་བཅོས་དེ་ལྟར་བྱས་པའི་མཛད་རྗེས་དེ་དྲན་གསོ་བྱ་ཆེད་འཇུ་ལེ་ཡི་འཁྲུངས་ཟླ་སྟེ་ཟླ་བ་བདུན་པའི་མིང་Quintilisཞེས་པ་དེ་རྒྱལ་པོ་ཁོ་རང་གི་མིང་Juliusཞེས་པ་ཟླ་བའི་མིང་དུ་བསྒྱུར།</br>(4)ལོ་རྩིས་གསར་པ་དེ་རོའོ་མའི་ལོ་709སྟེ་སྤྱི་ལོའི་སྔོན་གྱི་45ལོའི་ཟླ་བ་དང་པོའི་ཚེས་གཅིག་ནས་ལག་ལེན་བསྟར་རྒྱུ་བྱས།</br>(5)དེ་ལྟར་བརྩིས་པས་སྒྱུར་བཅོས་བྱས་པའི་ཕྱི་ལོ་སྟེ་སྤྱི་ལོའི་སྔོན་གྱི་45ལོ་ནི་བཤོལ་བའི་ལོ་རུ་བྱས། སྒྱུར་བཅོས་མཛད་པའི་ལོ་སྟེ་སྤྱི་ལོའི་སྔོན་གྱི་46ལོ་ནི་རྙོག་འཛིང་ཆེན་པོའི་ལོ་ཞིག་ཏུ་ཆགས། རྒྱུ་མཚན་ནི་སྐབས་དེར་ལོ་ཐོའི་ཚེས་གྲངས་དང་ཉིན་ཞག་མའི་ལོའི་དཀྱིལ་འཁོར་བར་དུ་ཉིན་ཞག་90ཙམ་གྱི་ཁྱད་ཤོར་པས་དུས་ཚིགས་གོ་ལོག དེས་ན་སྤྱི་ཟླ་3ཚེས་23ཉིན་དཔྱིད་ཚུགས་ཀྱི་ཉིན་མོར་འཁེལ་བར་བྱས་ཏེ་ཚེས་གྲངས་དང་དུས་ཚིགས་མཐུན་པར་འབྱུང་བའི་ཆེད་དུ་ཐབས་ཤེས་བཏང་བ་ནི་འདི་ལྟར། ལོ་དེའི་ཉིན་ཞག་གྲངས་355དང་ལོ་མཇུག་གི་ཉིན་ཞུག་23ཅན་གྱི་ཟླ་སྣོན་དང་བསྡོམས་པས་ཉིན་ཞག་378ཀྱི་ཁར། ཟླ་བ་བཅུ་གཅིག་པ་དང་བཅུ་གཉིས་པ་གཉིས་ཀྱི་བར་དུ་ཟླ་བ་ལྷག་མ་གཉིས་བཅུག་སྟེ་ཟླ་བ་གཅིག་ལ་ཉིན་ཞག་33དང་ཟླ་བ་གཅིག་ལ་ཉིན་ཞག་34ཡོད་པ་བཟོས། དེ་ལྟར་བཟོས་པས་ལོ་དེར་ཉིན་ཞག་445ཡོད་པར་ཆགས་སོ། ། ལོ་དེ་ནི་ལོ་རྒྱུས་སྟེང་གི་རྙོག་འཛིང་ཅན་གྱི་ལོ་རུ་གྲགས་པ་དེ་ཡིན།</br>དེ་ལྟར་སྒྱུར་བཅོས་བྱས་པའི་ལོ་རྩིས་ལུགས་དེ་ལ་འཇུ་ལེའི་ལོ་རྩིས་ཞེས་གྲགས་པ་དང་དེའང་ཉིན་ཞག་མའི་ལོ་རྩིས་ཁོ་ན་ཡིན། དེའི་ལུགས་ཀྱི་ཟླ་བ་སོ་སོའི་མིང་དང་ཉིན་ཞག་གི་གྲངས་ནི་གཤམ་གསལ་རེའུ་མིག་ལྟར་རོ། །</br>4.མོ་གྷོ་ཨོ་སི་ཐིས་ལོ་རྩིས་བསྒྱུར་བཅོས་བྱས་པའི་ཚུལ། གོང་དུ་བཤད་པའི་འཇུ་ལེའི་ལོ་རྩིས་ནི་དེང་རབས་འཛམ་གླིང་སྟེང་སྤྱི་ཁྱབ་བཀོལ་སྤྱོད་བྱེད་བཞིན་པའི་སྤྱི་ལོའི་རྩིས་ཀྱི་ཐོག་མའི་དབྱིབས་གཟུགས་དེ་ཡིན། དེའི་ལུགས་ལ་ཟླ་བ་གཉིས་པ་མ་གཏོགས་ཟླ་བ་གཞན་རྣམས་ཟླ་གྲངས་ཡ་ཅན་ལ་འཁེལ་དུས་ཉིན་ཞག་31དང་། ཆ་གྲངས་ལ་འཁེལ་དུས་ཉིན་ཞག་30ཡིན་པ་སོགས་ཡིད་ལ་ངེས་བདེ་བ་སོགས་ཀྱི་ཁྱད་ཆོས་ཡོད་མོད་ད་ལྟ་དེ་ལྟར་གནས་མེད་པའི་གནས་ཚུལ་གང་ལ་ཐུག་ཅེ་ན། དེ་ལ་ཡང་རྙོག་འཛིང་ཞིག་བྱུང་ཡོད་དེ། འཇུ་ལེ་ཡིས་ལོ་རྩིས་སྒྱུར་བཅོས་མཛད་ནས་ལོ་གཅིག་འགོར་རྗེས་ཁོ་རང་གཞན་གྱིས་བཀུམ། དེ་རྗེས་ཁོང་གིས་གཏན་འབེབས་བྱས་པའི་ལོ་རྩིས་ལུགས་ནི་མུ་མཐུད་ལག་ལེན་དུ་བསྟར་བ་ཡིན་མོད། འཇུ་ལེའི་ལོ་རྩིས་ལུགས་ཀྱི་ཉིན་བཤོལ་འདོན་ཚུལ་དངོས་ནི་ལོ་གསུམ་རེའི་རྗེས་ལ་ཉིན་བཤོལ་རེ་འདོན་པ་སྟེ་ལོ་བཞི་རེའི་ནང་དུ་ཉིན་བཤོལ་འདོན་པའི་གཏན་འཁེལ་བཟོས་ཡོད་པར། རྗེས་འཛིན་ལག་ལེན་བསྟར་མཁན་རྣམས་གྱིས་གོ་བ་ལེན་སྟངས་ནོར་ཏེ་ལོ་གསུམ་རེའི་ནང་དུ་ཉིན་བཤོལ་རེ་བཏོན། དེ་ལྟར་སྤྱི་ལོའི་སྔོན་གྱི་45ལོ་ནས་མགོ་བརྩམས་སྟེ་སྤྱི་ལོའི་སྔོན་གྱི་ལོ་9ལ་སླེབས་ཚེ་གཞི་ནས་ནོར་འཛོལ་ཡོད་པ་ཚོར་ཏེ་སླར་ཡང་སྒྱུར་བཅོས་བྱེད་དགོས་བྱུང་། དེའི་ལོ་རྒྱུས་ནི། འཇུ་ལེའི་ཞལ་ཆེམས་ནང་དུ་རྗེས་འཛིན་པ་ཨང་དང་པོ་ནི་ཁོང་གི་གཅེན་མོའི་བུ་ཨོ་ཏེ་ཁྲི་འབོད་པ་དེ་བཞག་ཡོད། ཁོང་གྲོངས་པའི་སྐབས་ཨོ་ཏེ་ཁྲི་ལོ་ཉི་ཤུ་ཟིན་མེད་པས་སྲིད་དབང་སྒྱུར་བའི་བྱ་གཞག་ལ་འགོག་རྐྱེན་ཆེན་པོ་འཕྲད་མོད་རིམ་གྱིས་སྟོབས་ཤུགས་ཆེན་པོར་ཆགས། ཁོང་ལྷག་པར་དུ་ཐབས་ལ་མཁས་ཤིང་བློ་རིག་དང་ལྡན་པས་སྤྱི་ལོའི་སྔོན་གྱི་30ལོར་སླེབས་དུས་རྒྱལ་ཁམས་ཡོངས་ལ་དབང་བསྒྱུར། སྤྱི་ལོའི་སྔོན་གྱི་27ལོ་ལ་ཨོ་གྷི་སི་ཐི་ཞེས་པའི་མཚན་གསོལ། ཨོ་གྷི་སི་ཐི་ཞེས་པ་ནི་ཆོས་ཀྱི་གོ་གནས་ཤིག་སྟེ་བླ་ན་མཐོ་བའམ་ཆེས་ཁྱད་དུ་འཕགས་པ་སོགས་ཀྱི་དོན་ཡིན་པར་བཤད། དུས་དེ་ནས་བཟུང་སྟེ་རྒྱལ་ཁབ་ཀྱི་སྲིད་དབང་མངའ་ཐང་ཆེས་ཆེར་རྒྱས་པར་གྱུར་ཏོ། </br>གོང་དུ་བཤད་པ་བཞིན་རྗེས་འཛིན་རྣམས་ཀྱིས་གོ་བ་ལེན་སྟངས་ནོར་ནས་བརྩིས་པས་སྤྱི་ལོའི་སྔོན་གྱི་ལོ་9ལ་སླེབས་དུས་ཉིན་བཤོལ་ལྷག་མ་གསུམ་བཏོན། གཏན་འབེབས་ལྟར་བརྩིས་ན་སྤྱི་ལོའི་སྔོན་གྱི་ལོ་45ནས་སྤྱི་ལོའི་སྔོན་གྱི་ལོ་9བར་དུ་ཉིན་བཤོལ་འདོན་དགོས་པའི་ལོ་ནི་འདི་ལྟར་ཡིན། 45ལོ་དང་། 41ལོ། 37ལོ། 33ལོ། 29ལོ། 25ལོ། 21ལོ། 17ལོ། 13ལོ། 9ལོ་བཅས་ཁྱོན་བསྡོམས་ལོ་བཅུ་ནི་བཤོལ་བའི་ལོ་ཡིན། འོན་ཀྱང་ཁོང་ཚོས་ དངོས་སུ་ལག་བསྟར་བྱས་ཏེ་ཉིན་བཤོལ་བཏོན་པའི་བཤོལ་བའི་ལོ་ནི་འདི་ལྟར་45ལོ་དང་། 42ལོ། 39ལོ། 36ལོ། 33ལོ། 30ལོ། 27ལོ། 24ལོ། 21ལོ། 18ལོ། 15ལོ། 12ལོ། 9ལོ་བཅས་ཁྱོན་བསྡོམས་བཤོལ་བའི་ལོ་ནི་བཅུ་གསུམ་བྱུང་། དེ་ལྟར་ཞག་བཤོལ་ལྷག་མ་གསུམ་བཏོན་པའི་རྐྱེན་གྱིས་རྒྱལ་པོ་ཨོ་གྷི་སི་ཐིས་བཀའ་ཕབ་སྟེ་སྤྱི་ལོའི་སྔོན་གྱི་ལོ་8དང་1གཉིས། སྤྱི་ལོའི་རྗེས་ཀྱི་ལོ་4བཅས་ལོ་གསུམ་ནི་གཏན་འབེབས་ལྟར་ན་བཤོལ་བའི་ལོ་ཡིན་མོད་སྐྱོན་སེལ་བྱེད་ཆེད་བཤོལ་མེད་རྒྱུན་ལྡན་གྱི་ལོ་རུ་བསྒྱུར། དེ་རྗེས་མུ་མཐུད་ལོ་བཞི་རེའི་ནང་དུ་ཞག་བཤོལ་རེ་འདོན་རྒྱུ་བྱས། ཁོང་གིས་སྐྱོན་སེལ་དེ་ལྟར་བགྱིས་པའི་མཛད་རྗེས་དྲན་གསོ་བྱ་བའི་ཆེད་དུ། རྒྱལ་པོ་གོང་མ་འཇུ་ལེའི་བྱེད་སྟངས་ལྟར་རོའོ་མའི་རྒན་གྲོས་ཚོགས་པས་གྲོས་འཆམ་བཞུག་པ་ནི། ཟླ་བ་བརྒྱད་པ་སྟེ་ཨོ་གྷི་སི་ཐིས་རྒྱལ་ཁ་ཆེན་པོ་ཐོབ་པའི་ཟླ་བ་དེའི་མིང་དེ་Sextilisནས་Augusttusཨོ་གྷ་སི་ཐིར་བསྒྱུར། དེ་ལ་ཞག་གྲངས་30ལས་མེད་པས་ཟླ་བ་གཉིས་པ་ནས་གཞག་གཅིག་ཁ་སྣོན་རྒྱབ་སྟེ་ཉིན་ཞག་31ཡོད་པ་བཟོས། ཟླ་བ་གཉིས་པར་ཉིན་ཞག་28མ་གཏོགས་མེད་པ་ཆགས་(བཤོལ་བའི་ལོ་ལ་ཉིན་ཞག་29)དེ་ལྟར་བྱས་པས་ཟླ་བ་བདུན་པ་དང་བརྒྱད་པ་དགུ་པ་བཅས་ཟླ་བ་གསུམ་བསྟུད་མར་ཟླ་བ་ཆེ་བ་སྟེ་ཉིན་ཞག་31ཡིན་པས་མི་མཛེས་པའམ་སྟབས་མི་བདེ་བར་བསམ་སྟེ་ཟླ་བ་དགུ་པར་ཞག་གྲངས་30དང་། བཅུ་པར་31བཅུ་གཅིག་པར་30བཅུ་གཉིས་པར་31བཅས་སུ་བསྒྱུར་བ་ཡིན་ནོ། ། དེ་ལྟར་ཟླ་བའི་ཆ་གྲངས་ཡ་གྲངས་ཀྱི་གོ་རིམ་རྣམས་དཀྲུགས་པ་ལ་དགོས་མཁོ་མེད་པར་མ་ཟད་ཡིད་ལ་འཛིན་མི་བདེ་བ་སོགས་ཀྱི་སྐྱོན་ཡོད་མོད་རྒྱུན་འབྱམས་སུ་གྱུར་སྟེ་ལོ་ཉིས་སྟོང་ཕྱིན་རྗེས་ཀྱི་ད་ལྟའི་དུས་སུའང་དེ་ལྟར་བཀོལ་སྤྱོད་བྱེད་པའི་གནས་སུ་མཆིས་སོ། ། དེ་ལྟར་སྒྱུར་བཅོས་བྱས་རྗེས་ཀྱི་འཇུ་ལེའི་ལོ་རྩིས་ལུགས་ཀྱི་གནས་བབས་ནི་གཤམ་གསལ་རེའུ་མིག་ནང་དུ་བཀོད་པ་ལྟར་རོ། །</br>5.ཀི་རུས་ཀོ་རིན་གྱིས་སྒྱུར་བཅོས་བྱས་པའི་ཚུལ།</br>གོང་དུ་བརྗོད་པ་ལྟར་གྱི་འཇུ་ལེའི་ལོ་རྩིས་ལུགས་དེའི་ལོ་གཅིག་གི་ཚ་སྙོམས་རིང་ཚད་ནི་ཉིན་ཞག་365.25ཡིན། འོན་ཀྱང་ཉི་ལྡོག་གི་ལོ་གཅིག་གི་རིང་ཚད་དངོས་ནི་ཉིན་ཞག་365.2422ཡིན་པས་ལོ་རེར་ཉིན་ཞག་0.0078སྟེ་སྐར་མ་11དང་སྐར་ཆ་14ཙམ་གྱི་མང་སྐྱོན་འབྱུང་། མང་སྐྱོན་དེ་བསགས་ན་ལོ་128རེའི་ནང་ཉིན་ཞག་གཅིག་གིས་མང་སྐྱོན་འབྱུང་ཞིང་དཔྱིད་མཉམ་གྱི་ཉིན་མོ་དེ་ཉིན་ཞག་གཅིག་གིས་འཕྱི་འགྲོ། ལོ་བཞི་བརྒྱ་རེའི་ནང་ཉིན་ཞག་གསུམ་ཙམ་(0.0078= 3.12)གྱིས་མང་སྐྱོན་འབྱུང་བས་དེ་ཙམ་གྱིས་འཕྱི་འགྲོ་བ་ཡིན་ནོ། །</br>སྤྱི་ལོ་325ལོར་ཡོ་རོབ་གླིང་གི་ཡེ་ཤི་མ་ཤི་ཀའི་ཆོས་ལུགས་ཚོགས་ཆེན་དེ་ནི་སི་ཞེས་པའི་སའི་ཆར་འཚོགས་པ་དང་། སྐབས་དེར་འཇུ་ལེའི་རྩིས་ལུགས་དེ་ཐུན་མོང་དུ་བཀོལ་སྤྱོད་བྱ་རྒྱུར་གྲོས་མཐུན་བྱུང་བ་ནས་བཟུང་ཏེ་སྤྱི་ལོའི་དུས་རབས་བཅུ་དྲུག་པའི་མཇུག་ལ་སླེབས་དུས་ལོ་ཆིག་སྟོང་ཉིས་བརྒྱ་ཙམ་སོང་ཟིན་པ་དང་། དུས་ཡུན་དེ་ཙམ་གྱི་རིང་ལ་སྐྱོན་སེལ་མ་བྱས་པས་སྐྱོན་ཕྲ་མོ་རིམ་གྱིས་བསགས་པས་ཉིན་ཞག་བཅུ་ཙམ་གྱིས་མང་སྐྱོན་བྱུང་བས་དཔྱིད་ཉིན་མཚན་མཉམ་པའི་ཉིན་མོ་དེ་ལོ་ཐོའི་ནང་བཀོད་པའི་དུས་ཚིགས་ལས་ཉིན་བཅུ་ཙམ་གྱི་སྔོན་ལ་བྱུང་བས་ཕྱི་རོལ་ཡུལ་གྱི་གནས་བབས་དང་མི་མཐུན་པ་བྱུང་། སྐབས་དེའི་རོའོ་མའི་ཆོས་གཙོ་ཀི་རུས་ཀོ་རིན་(Gregorian)སྐུ་ཕྲེང་བཅུ་གསུམ་པས་ལོ་རྩིས་སྒྱུར་བཅོས་ཀྱི་ཨུ་ཡོན་ལྷན་ཁང་ཆེད་བཙུགས་བྱས་ནས་སྒྱུར་བཅོས་ཀྱི་ཐབས་ལམ་འཆར་བཀོད་སྣ་ཚོགས་བཏོན་ནས་ཞིབ་དཔྱད་བྱས། མཐའ་མར་ཨི་ཏ་ལིའི་སྨན་པ་དང་ལས་ཞོར་གནུམ་རིག་མཁས་ཅན་ལི་ལི་ཨོ་ཡིས་སྤྱི་ལོ་1576ལོར་བཏོན་པའི་ལོ་བཞི་བརྒྱ་རེའི་ནང་བཤོལ་བའི་ལོ་གསུམ་ཉུང་དུ་གཏོང་བའི་འཆར་བཀོད་དེ་ལག་ལེན་བསྟར་རྒྱུ་གཏན་འཁེལ་བྱུང་སྟེ་སྤྱི་ལོ་1582ལོའི་ཟླ་3ཚེས་1ཉིན་ལོ་རྩིས་སྒྱུར་བཅོས་བྱེད་རྒྱུའི་བཀའ་ཕབ་ནས་བསྒྱུར་བཅོས་མཛད། དེ་ལྟར་སྒྱུར་བཅོས་བྱས་པའི་ལོ་རྩིས་ལུགས་ལ་ཀོ་རིན་ལོ་རྩིས་ཞེས་གྲགས་སོ། ། སྐབས་དེར་སྒྱུར་བཅོས་བྱས་པའི་ནང་དོན་མདོར་བསྡུས་ནི་འདི་ལྟར།</br>(1)སྤྱི་ལོ་1582ལོའི་ཟླ་10ཚེས་4ཉིན་གྱི་ཉིན་རྗེས་མ་ནི་ཚེས་5མིན་པར་ཟླ་10ཚེས་15ཡིན་པར་བཅོས། དེ་ལྟར་བསྒྱུར་བས་སྤྱི་ལོ་325ལོ་ནས་སྤྱི་ལོ་1582བར་ཁྱོན་བསྡོམས་ལོ་1257ནང་བསགས་པའི་མང་ སྐྱོན་རྣམས་སྡེབས་གཅིག་ཏུ་སེལ་ཏེ་དཔྱིད་ཚུགས་ཀྱི་ཉིན་མོ་དེ་སླར་ཡང་ཟླ་3ཚེས་21ལ་འཁེལ་བར་བྱས་སོ། སྐབས་དེར་ཉིན་ཞག་བཅུ་མཆོངས་ཀྱང་རེས་གཟའ་རྒྱུན་ལྡན་ལྟར་དེད་པས་ཟླ་10ཚེས་4ཉིན་རེས་གཟའ་ཕུར་བུ་ཡིན་པ་དང་དེའི་ཕྱི་ཉིན་ཏེ་ཟླ་10ཚེས་15ཉིན་ནི་རེས་གཟའ་པ་སངས་ཡིན། དེའི་བར་གྱི་ཞག་བཅུ་ནི་ལོ་རྒྱུས་སྟེང་གཏན་ནས་མེད་པའི་ཚེས་གྲངས་འབའ་ཞིག་ཏུ་ཆགས་སོ། །</br>(2)དེ་རྗེས་མ་འོངས་པའི་དུས་རབས་ནང་མང་སྐྱོན་སེལ་ཐབས་གཏན་འཁེལ་བྱས་པ་ནི། སྔར་བཞིན་མུ་མཐུད་ལོ་བཞི་རེའི་ནང་ཞག་བཤོལ་རེ་འདོན་རྒྱུའི་རྨང་གཞིའི་ཐོག འཇུ་ལེ་ལུགས་དང་མི་མཐུན་པའི་ཆ་ནི་སྤྱི་ལོའི་གྲངས་དེ་ཨང་ཀི་100ཡིས་བགོས་ན་ལྷག་མེད་འཆར་བའི་ལོ་ལ་འཁེལ་དུས་སུ་ཨང་ཀི་400ཡིས་བགོས་ནའང་ལྷག་མེད་འཆར་ཚེ་གཞི་ནས་བཤོལ་བའི་ལོར་འཇོག་དགོས་པར་གཏན་འཁེལ་བྱས། དེ་ལྟར་བྱས་པས་སྤྱི་ལོའི་གྲངས་1600ལོ་དང་། 1700ལོ། 1800ལོ། 1900ལོ། 2000ལོ་སོགས་ནི་འཇུ་ལེའི་ལོ་རྩིས་ལུགས་སུ་བཤོལ་བའི་ལོ་ཤ་སྟག་ཡིན་མོད། ཀོ་རིན་ལོ་རྩིས་ལུགས་ལ་1600ལོ་དང་2000ལོ་གཉིས་མ་གཏོགས་བཤོལ་བའི་ལོར་མི་བརྩི། དེ་ལྟར་བརྩིས་པས་སྤྱི་ལོ་1600ལོ་ནས་སྤྱི་ལོ་2000ལོ་བར་གྱི་ལོ་བཞི་བརྒྱ་ལ་མཚོན་ན་འཇུ་ལེའི་ལུགས་ལྟར་བརྩིས་པས་རྒྱུན་ལྡན་གྱི་ལོ་300དང་བཤོལ་བའི་ལོ་100འབྱུང་མོད། ཀོ་རིན་ལུགས་བཞིན་བརྩིས་པས་རྒྱུན་ལྡན་གྱི་ལོ་303དང་བཤོལ་བའི་ལོ་97འབྱུང་བ་ཡིན། དོན་གྱིས་ལོ་བཞི་བརྒྱ་རེའི་ནང་གི་བཤོལ་བའི་ལོ་གསུམ་མེད་པར་བཟོས་པས་ཕྱི་མ་ནི་སྔ་མ་ལས་ཞིབ་ཆ་ཆེ་བ་ཡིན་ནོ། །</br>དེ་བཞིན་བརྩིས་པས་ཀོ་རིན་ལུགས་ཀྱི་ལོ་གཅིག་གི་ཆ་སྙོམས་རིང་ཚད་ནི་འདི་ལྟར། །</br>ཉིན་ཞག་(365x303)+(366x97)÷400=ཉིན་ཞག་365.2425དེ་ལྟར་བརྩིས་པས་ལོ་གཅིག་གི་རིང་ཚད་ནི་ཉིན་ཞག་365དང་ཆུ་ཚོད་5སྐར་མ་49སྐར་ཆ་12བཅས་ཡིན། ཉི་མ་ལྡོག་པའི་ལོ་གཅིག་གི་རིང་ཚད་དངོས་དང་བསྡུར་ན་ད་དུང་ཉིན་ཞག་0.0003སྟེ་སྐར་ཆ་26ཙམ་གྱི་མང་སྐྱོན་ཡོད་ཀྱང་། སྐྱོན་དེ་ཆེས་ཕྲ་བའི་རྐྱེན་གྱིས་ལོ་3300རེའི་ཡུན་ལ་གཞི་ནས་ཉིན་ཞག་གཅིག་གིས་མང་ཁྱད་འབྱུང་བས་སྔར་གྱི་འཇུ་ལེ་ལུགས་ཀྱི་ལོ་རྩིས་དང་བསྡུར་ན་ཆེས་ཞིབ་ཏུ་ཕྱིན་པ་ཡིན་ནོ། ། དེ་ལྟར་སྒྱུར་བཅོས་མང་པོ་མཛད་དེ་བྱུང་བའི་ཀོ་རིན་ལུགས་ཀྱི་ལོ་རྩིས་དེ་ནི་ད་ལྟ་འཛམ་གླིང་སྟེང་ཡོངས་སུ་གྲགས་པའི་ཕྱི་ལོའམ་སྤྱི་ལོ་ཟེར་བའི་ལུགས་འདི་ཉིད་རང་ཡིན་ནོ། ། རྩིས་ལུགས་དེ་ནི་ཕྱི་ཕྱོགས་རྒྱལ་ཁབ་སྟེ་དེང་སང་ནུབ་ཕྱོགས་རྒྱལ་ཁབ་ཏུ་འབོད་པ་ལས་ཚུར་དར་འོང་བ་ཡིན་པས་རྩིས་ལུགས་དེ་ལ་ཕྱི་ལོ་ཞེས་གྲགས་པ་དང་། ཡང་ན་འཛམ་གླིང་སྤྱི་ཁྱབ་ཏུ་བེད་སྤྱོད་བྱེད་པའི་ལོ་རྩིས་ཤིག་ཏུ་ཆགས་པས་སྤྱི་ལོ་ཞེས་ཕར་བཏགས་པར་མངོན། འོན་ཀྱང་རྩིས་ལུགས་དེའི་མིང་དངོས་སམ་དབྱིན་ཇིའི་མིང་ངོ་མ་ནི་ཀོ་རིན་རྩིས་ལུགས་ཡིན་པ་ངེས་པར་དུ་མཁྱེན་དགོས་སོ། ། དེ་ལྟར་རོའོ་མའི་ཆོས་གཙོའི་བཀའ་བསྒྲགས་པ་བཞིན་རོའོ་མ་རྒྱལ་ཁབ་དང་། ཨི་ཏ་ལི། ཧྥ་རན་སི། སི་པན། པོ་ལན་རྒྱལ་ཁབ་བཅས་ཀྱིས་ལོ་དེ་གར་ཀོ་རིན་ལོ་རྩིས་སུ་གྲགས་པའི་རྩིས་ལུགས་གསར་པ་དེ་བེད་སྤྱོད་བཏང་བ་དང་། ཡོ་རབ་གླིང་གི་རྒྱལ་ཁབ་ཁག་ཅིག་གིས་ཀྱང་སྔ་ཕྱིར་ལག་བསྟར་མཛད། དབྱིན་ཇི་སོགས་ཆོས་ཀྱི་གྲུབ་མཐའ་མི་གཅིག་པའི་རྒྱལ་ཁབ་ཁག་ཅིག་གིས་དུས་ཕྱིས་བར་དུ་རྩིས་ལུགས་རྙིང་པ་འཇུ་ལེའི་ལོ་རྩིས་རང་སྤྱད་པ་རེད། དབྱིན་ཇི་ལ་མཚོན་ན་སྤྱི་ལོ་1752ལོར་སླེབ་དུས་གཞི་ནས་ཀོ་རིན་རྩིས་ལུགས་དེ་བེད་སྤྱོད་བྱེད་མགོ་བརྩམས་པ་རེད། སྐབས་དེ་དུས་ལུགས་གཉིས་ཀྱི་བར་ཉིན་ཞག་བཅུ་གཅིག་ཙམ་གྱི་ཁྱད་ཞུགས་ཡོད་པས་ལོ་དེའི་ཟླ་བ་དགུ་པའི་ཚེས་གསུམ་དེ་ཚེས་བཅུ་བཞི་རུ་བསྒྱུར་ནས་སྐྱོན་སེལ་བྱས་པ་ཡིན་ནོ། ། སུའུ་ལན་(དེང་གི་ར་ཞི་ཡ་)རྒྱལ་ཁབ་ལ་མཚོན་ན་1917ལོའི་ཟླ་བ་བཅུ་པའི་གསར་བརྗེའི་བར་དུ་རྩིས་ལུགས་རྙིང་པ་ཁོ་ན་བེད་སྤྱོད་བྱས། བཅུ་པའི་གསར་བརྗེའི་རྒྱལ་ཁ་ཐོབ་པའི་ཉིན་མོ་དེ་ལུགས་རྙིང་འཇུ་ལེའི་ལོ་རྩིས་ཀྱི་ཟླ་བ་10ཚེས་25ལ་འཁེལ་བ་དང་། ལུགས་གསར་ཀོ་རིན་ལོ་རྩིས་ཀྱི་ཟླ་བ་11ཚེས་7ཉིན་ལ་འཁེལ་འདུག་པས་དོན་གྱིས་ཟླ་བ་བཅུ་གཅིག་པའི་གསར་བརྗེ་ཐོབ་མོད་སྐབས་དེར་ད་དུང་རྩིས་ལུགས་རྙིང་པ་སྤྱོད་པའི་དུས་ཡིན་པས་ཡོངས་གྲགས་སུ་བཅུ་པའི་གསར་བརྗེ་ཟེར་བ་ཡིན། དེ་ནས་ཁོང་ཚོས་1918ལོ་ནས་བཟུང་ལུགས་གསར་ལྟར་བརྩི་མགོ་བརྩམས་པ་དང་དུས་དེར་སླེབ་དུས་ལུགས་གཉིས་ཀྱི་བར་ཉིན་གྲངས་བཅུ་གསུམ་ཙམ་གྱི་ཁྱད་ཞུགས་འདུག་པས་1918ལོའི་ཟླ་བ་2ཚེས་1དེ་ཚེས་བཅུ་བཞི་རུ་བསྒྱུར་བས་ཉིན་ཞག་བཅུ་གསུམ་གྱི་སྐྱོན་སེལ་སྡེབས་གཅིག་ལ་བྱས་པ་ཡིན། རྗེས་སོར་ལོ་རེ་བཞིན་བཅུ་པའི་གསར་བརྗེ་ལ་དྲན་གསོ་རྟེན་འབྲེལ་ཞུ་བའི་དུས་ཀྱང་ཟླ་བ་11ཚེས་7ཉིན་ལ་བྱེད་པ་ཡིན་ནོ། །དུས་ཀྱང་ཟླ་བ་11ཚེས་7ཉིན་ལ་བྱེད་པ་ཡིན་ནོ། །)
• Dictionaries/chos rnam kun btus/4687  + (1.གོ་ལ་གློག་བརྩེགས་མའི་ལུགས་ནི། འཕགས་པའི་ཡ … 1.གོ་ལ་གློག་བརྩེགས་མའི་ལུགས་ནི། འཕགས་པའི་ཡུལ་ལ་སོགས་པར་མུ་སྟེགས་པ་ཁ་ཅིག་གི་གོ་ལའི་འདོད་པ་ཡིན་པར་འགྲེལ་ཆེན་དྲི་མེད་འོད་ལས་གསུངས་ཤིང་། འདིའི་ལུགས་ཀྱི་གོ་ལའི་འཁོར་ཚུལ་ནི། ཁྱིམ་སྐར་རྣམས་ལྷོ་བགྲོད་དང་བྱང་བགྲོད་གཉིས་ཀ་མི་བྱེད་པ་མངོན་སུམ་གྱིས་གྲུབ་པ་ལྟར་དུ་ཉི་ཟླ་གཟའ་ལྔ་སྒྲ་གཅན་སོགས་ཁྱིམ་ཅན་རྣམས་ཀྱང་ལྷོ་བགྲོད་དང་བྱང་བགྲོད་གཉིས་ཀ་མི་བྱེད་པར། ཁྱིམ་རྣམས་རྨོག་བརྩེགས་པ་ལྟར་གནས་པ་ལ་གཟའ་རྣམས་མདུན་རྒྱབ་ཏུ་རྒྱུ་བ་མ་ཡིན་པར་སྟེང་འོག་ཏུ་རྒྱུ་བ་དང་། ཞི་གཟའ་འགའ་ཞིག་རི་རབ་ལ་ཉེ་བར་རྒྱུ་བ་དང་། དྲག་གཟའ་འགའ་ཞིག་རི་རབ་ལ་རིང་བར་རྒྱུ་བས་གཟའ་བརྒྱད་པོ་དག་འགྲོས་མྱུར་དལ་ཡོད་ཀྱང་། ཁྱིམ་བཅུ་གཉིས་ལ་ལོངས་སྤྱད་ནས་རི་རབ་འཁོར་བར་མཉམ་སྟེ། དཔེར་ན་སོ་བའི་སྤུན་པ་འཆག་པའི་ཕྱིར་སོ་བའི་སྟེང་དུ་བ་ལང་ཀ་བ་ལ་འཁོར་དུ་བཅུག་པ་རྣམས་ལས་ཀ་བའི་ཉེ་ཕྱོགས་སུ་གནས་པ་རྣམས་དལ་བར་འགྲོ་ཞིང་གོམ་པ་ཉུང་ངུས་ཀ་བར་འཁོར་ལ། ཀ་བའི་རིང་ཕྱོགས་སུ་གནས་པ་རྣམས་མགྱོགས་པར་འགྲོ་བའི་གོམ་པ་མང་པོས་ཀ་བ་འཁོར་བ་ལྟར། གཟའ་རྣམས་ཀྱང་འབྲུ་སྙིལ་བ་དེ་ལྟར་རི་རབ་ལ་ཉེ་རིང་དུ་གནས་པའི་དབང་གིས་འགྲོས་མྱུར་བུལ་དུ་སྣང་བ་ཡིན་ཏེ་རྒྱུ་སྐར་འཁོར་ལོ་ཡོངས་རྫོགས་སྤྱད་ནས་རི་རབ་འཁོར་བ་ལ་ཁྱད་མེད་པར་འདོད་ཅིང་། ཁྱིམ་རྣམས་ཀྱང་རྒྱ་མཉམ་པར་སྟེང་འོག་ཏུ་བརྩེགས་པར་འཁོར་བ་ལས། ས་དུམ་བུ་བཅུ་གཉིས་སུ་ནག་པ་སོགས་ཟླ་བ་བཅུ་གཉིས་དུས་མཉམ་དུ་འབྱུང་བར་འདོད་པ་དང་། དྲག་གཟའ་རྣམས་གནས་མཐོ་བས་འདི་ནས་བལྟས་པའི་ཚེ་སྐར་མ་གཟུགས་ཆུང་བ་དང་། ཞི་གཟའ་རྣམས་གནས་དམའ་བས་སྐར་མའི་གཟུགས་ཆེ་བ་དང་། སྟེང་འོག་བརྩེགས་ཀྱང་འོག་མས་སྟེང་མ་མི་སྒྲིབ་པར་འདོད་པ་དང་། ཁྱིམ་རེ་རེའི་ནང་རི་རབ་ལ་རེག་པ་དང་། ཕྱི་མཐའ་མེ་ལ་རེག་པར་འདོད་ཅིང་། ཉི་ཟླ་སོགས་གཟའ་རྣམས་ཀྱང་ཁྱིམ་སྟེང་ཤོད་ལ་ཁང་པའི་སྟེང་ཏུ་བགྲོད་པ་ན་འབབ་འཛེག་བྱས་ནས་རྒྱུ་བ་ལྟ་བུར་འདོད་དོ། ། </br>2.གོ་ལ་སྟེང་བསྐྱེད་མའི་ལུགས་ནི། ཉི་མའི་རྒྱུ་ལམ་ཁྱིམ་བཅུ་གཉིས་ནི་ལྷོ་བྱང་དུ་ཕྱི་ནང་དུ་གནས་པ་མ་ཡིན་པར་རྒྱུ་ལམ་མཐོ་དམན་གྱི་ཁྱད་པར་གྱིས་དབྱར་དགུན་སྟོན་དཔྱིད་དུས་བཞི་འབྱུང་བ་ཡིན་ལ། གཞུ་དང་ཆུ་སྲིན་གཉིས་དམའ་བ་དང་། འཁྲིག་པ་དང་ཀརྚ་གཉིས་མཐོ་བ་དང་། ཁྱིམ་དེ་ལས་གཞན་པ་རྣམས་མཐོ་དམན་བར་མར་གནས་ཀྱང། ལྷོ་བྱང་དུ་མེད་པས་རི་རབ་དང་མེ་རིའི་དབུས་དྲང་པོའི་རི་རབ་ཀྱི་ཁ་ཁྱེར་ནས་དཔག་ཚད་སྟོང་ཕྲག་ཕྱེད་བཅས་སོ་བདུན་གྱི་མཚམས་དུས་ཐམས་ཅད་དུ་ཉི་མའི་རྒྱུ་ལམ་ཡིན་པ་ལ་ཁྱད་པར་མེད་ཀྱང་། གཞུ་ཆུ་སྲིན་གྱི་ཁྱིམ་གཉིས་སུ་རྒྱུ་བ་ན་དམའ་བས་ལྷོར་བགྲོད་པ་ལྟར་སྣང་བ་དང་། དེ་ནས་སྡིག་བུམ་གཉིས་དེ་ལས་མཐོ་ཞིང་། དེ་ལས་ཀྱང་སྲང་དང་ཉ་མཐོ་ཞིང་། དེ་ལས་ཀྱང་བུ་མོ་དང་ལུག་མཐོ་ཞིང་། དེ་བས་ཀྱང་གླང་དང་སེང་གེ་མཐོ། དེ་བས་ཀྱང་འཁྲིག་པ་དང་ཀརྔུ་མཐོ་བ་ལ་རྒྱུ་བ་ན་བྱང་དུ་བགྲོད་པ་ལྟར་སྣང་བ་དང་། གཞུ་དང་ཆུ་སྲིན་གྱི་མཚམས་སུ་གླིང་ཀུན་གྱི་དགུན་ཉི་ལྡོག་ནས་ཞག་རེ་བཞིན་མཐོ་རུ་འགྲོ་བ་དང་། དཀྱིལ་མཚམས་སུ་ཀུན་གྱི་དཔྱིད་མཉམ། འཁྲིག་ཀར་གྱི་མཚམས་སུ་གླིང་ཀུན་གྱི་དབྱར་ཉི་ལྡོག་ནས་ཞག་རེ་བཞིན་དམའ་རུ་འགྲོ་བ་དང་། དཀྱིལ་མཚམས་སུ་ཀུན་གྱི་སྟོན་མཉམ་འབྱུང་ངོ་། ཁྱིམ་དེ་དག་རེ་རེའང་ལྷོ་བྱང་དུ་རི་རབ་དང་མེ་རིའི་བར་ཁྱབ་པར་ཡོད་ཀྱང་། ཉི་མ་ལྷོ་བྱང་གི་དབུས་ཁོ་ནར་རྒྱུ་བར་བཞེད། དེ་ལྟར་གླིང་བཞི་ཀུན་ཏུ་དབྱར་དགུན་གྱི་བགྲོད་པ་གཉིས་དང་། སྟོན་དཔྱིད་ཀྱི་མཉམ་གཉིས་ཏེ་དུས་བཞི་པོ་མཉམ་པོར་འཁོར་བར་འདོད་དོ། ། ལུགས་འདི་ནི་གཡུང་སྟོན་ཆེན་པོ་རྡོ་རྗེ་དཔལ་གྱི་བཞེད་པ་ཡིན་ནོ། །</br>3.གོ་ལ་ཕྱིར་བསྐྱེད་མའི་ལུགས་ནི། ཁྱིམ་བཅུ་གཉིས་ཀྱི་ཁྱིམ་གཉིས་གཉིས་རེ་རྒྱུ་ལམ་གཅིག་པས། རི་རབ་ཀྱི་ཁ་ཁྱེར་ནས་མེ་རིའི་བར་གྱི་དཔག་ཚད་སྟོང་ཕྲག་དོན་ལྔ་ལ་དྲུག་ཏུ་བགོས་པས་སྟོང་ཕྲག་ཕྱེད་དང་བཅས་པའི་བཅུ་གཉིས་རེ་འབྱུང་བ་ནི་ཁྱིམ་རྣམས་ཀྱི་ཞེང་གི་ཚད་ཡིན་ཞིང་། རྒྱུ་ལམ་དྲུག་པོ་དེ་ཟླུམ་འཁོར་གྱི་ཚད་ལ་བཅུ་གཉིས་སུ་བགོས་པའི་ཆ་རེ་རེ་ནི་ཁྱིམ་རེ་ཡིན་ལ། བཅུ་གཉིས་ཀྱི་ཆ་དེ་ནི་ཁྱིམ་དེ་དག་གི་ཤར་ནུབ་ཀྱི་ཚད་ཡིན་ལ། འཁྲིག་ཁྱིམ་དུ་ཉི་མ་གནས་པའི་ཚེ་གླིང་ཐམས་ཅད་དུ་དབྱར་ར་བ་འབྱུང་། ཁྱིམ་དེ་རྫོགས་མཚམས་སུ་དབྱར་ཉི་ལྡོག དེ་ནས་ཀར་ཁྱིམ་དུ་ཉི་མ་བགྲོད་པ་ནི་གླིང་ཐམས་ཅད་དབྱར་འབྲིང་འབྱུང་། ཁྱིམ་དེ་གཉིས་རི་རབ་ལ་ཉེ་བ་མཐར་ཐུག་པར་རྒྱུ་ལམ་གཅིག ཁྱིམ་དེ་གཉིས་ཀྱི་ཕྱི་རོལ་དུ་གླང་དང་སེང་གེའི་ཁྱིམ་གཉིས་སུ་ཉི་མ་བགྲོད་པ་ན་གླིང་ཐམས་ཅད་དུ་དཔྱིད་ཐ་དང་དབྱར་ཐ་འབྱུང་ཞིང་ཁྱིམ་དེ་གཉིས་ཀྱི་རྒྱུ་ལམ་ཡང་གཅིག ཁྱིམ་དེ་གཉིས་ཀྱི་ཕྱི་རོལ་དུ་ལུག་དང་བུ་མོ་གཉིས་སུ་ཉི་མ་བགྲོད་པ་ན་གླིང་ཐམས་ཅད་དུ་དཔྱིད་འབྲིང་སྟོན་ར་འབྱུང་ཞིང་། ཁྱིམ་དེ་གཉིས་ཀྱི་རྒྱུ་ལམ་ཡང་གཅིག ཁྱིམ་དེ་གཉིས་ཀྱི་ཕྱི་རོལ་དུ་བུམ་པ་དང་སྡིག་པ་ལ་ཉི་མ་བགྲོད་པ་ན་དགུན་ཐ་དང་སྟོན་ཐ་འབྱུང་ཞིང་། ཁྱིམ་དེ་གཉིས་ཀྱི་རྒྱུ་ལམ་ཡང་གཅིག ཁྱིམ་དེ་གཉིས་ཀྱི་ཕྱི་རོལ་དུ་མེ་རི་ལ་ཉེ་བ་མཐར་ཐུག་པར་གཞུ་དང་ཆུ་སྲིན་ལ་ཉི་མ་བགྲོད་པ་ན་དགུན་འབྲིང་འབྱུང་ལ། ཁྱིམ་དེ་གཉིས་ཀྱི་རྒྱུ་ལམ་ཡང་གཅིག་གོ ། གཞུ་ཁྱིམ་ནས་ཆུ་སྲིན་ཁྱིམ་དུ་འཕོ་བའི་མཚམས་སུ་གླིང་ཐམས་ཅད་དུ་དགུན་ཉི་ལྡོག་པར་བྱེད་ལ། དེས་ན་རི་རབ་ལ་ཉེ་བའི་ཁྱིམ་རྒྱ་ཆུང་བའི་སར་ཉི་མ་བགྲོད་པ་ན་ཉི་མ་རིང་བ་དང་། མེ་རི་ལ་ཉེ་བའི་ཁྱིམ་རྒྱུ་ཆེ་བའི་སར་ཉི་མ་བགྲོད་པ་ན་ཉི་མ་ཐུང་བར་འགྱུར་བ་ཡིན་ཏེ། མེ་རི་ལ་ཉི་མ་ཉེ་བ་ན་མེ་རླུང་གིས་ཉི་མ་ལ་རེག་པས་ན་ཉི་མ་འགྲོས་མགྱོགས་པ་དང་། རི་རབ་ལ་ཉེ་བ་ན་ཉི་མ་ལ་མེ་རླུང་གིས་རེག་པའི་འཕུལ་བྱེད་མེད་པས་འགྲོས་དལ། དབྱར་ཉི་མ་འཆར་བའི་ཁྱིམ་མཐོ་བས་གླིང་གང་ནས་ཀྱང་མཐོང་སྔ་ཞིང་ནུབ་ཕྱི་བ་དང་། མེ་ལ་ཉེ་བར་རྒྱུ་བའི་ཁྱིམ་དེ་དམའ་བས། གླིང་གང་ནས་ཀྱང་མཐོང་ཕྱི་ཞིང་ནུབ་སྔ་བར་སྣང་བ་ཡིན་ཞེས་འདོད་དོ། ། ལུགཙའདི་གཙོ་བོ་འཇམ་དབྱངས་མཚུར་ཕུ་དོན་གྲུབ་འོད་ཟེར་གྱི་བཞེད་པ་ཡིན་ཞིང་། དེའི་རྗེས་སུ་ཟི་ལུང་པ་པཎ་ཆེན་ཤཱཀྱ་མཆོག་ལྡན་གྱིས་ཀྱང་སྐབས་རེ་འགར་འབྲངས་པ་ཡིན་ཞེས་ཀརྨ་མི་བསྐྱོད་རྡོ་རྗེས་གསུངས་སོ། ། ལོ་ཆེན་དྷརྨ་ཤྲཱིས་འདི་ནི་འཕན་ཡུལ་གྲོ་སའི་འདུལ་འཛིན་ཆེན་པོ་དམར་སྟོན་སོགས་ཀྱི་བཞེད་པ་ཡིན་པར་ཡང་གསུངས་སོ། ། </br>4.གོ་ལ་ལྕགས་སྒྲོགས་མའི་ལུགས་ནི། རྨ་བྱ་ཆེན་མོ་ལས། མཚོན་ཆའི་འཁོར་ལོ་བཞིན་དུ་རྒྱུ། ། ཞེས་པའི་ལུང་གིས་ལྷོ་བྱང་གི་གླིང་རྣམས་སུ་དབྱར་ནམ་ཡོད་པའི་དུས་ལ་ཤར་ནུབ་ཀྱི་གླིང་རྣམས་སུ་དགུན་ཡོད་པ་དང་། ཤར་ནུབ་ཏུ་སྟོན་ཡོད་པ་ན། ལྷོ་བྱང་དུ་དཔྱིད་ཡོད་པ་དང་། ཤར་ནུབ་ཏུ་དཔྱིད་ཡོད་པ་ན། ལྷོ་བྱང་དུ་སྟོན་ཡོད་པ་དང་། ཤར་ནུབ་ཏུ་དབྱེར་ཡོད་པ་ན། ལྷོ་བྱང་དུ་དགུན་ཡོད་པར་བཞེད། དེ་ཡང་ཀརྚ་ཁྱིམ་དུ་ཉི་མ་ཡོད་པའི་ཚེ། ལྷོ་བྱང་གི་གླིང་དུ་དབྱར་ཉི་ལྡོག་ལ། ཤར་ནུབ་ཀྱི་གླིང་དུ་དགུན་ཉི་ལྡོག་ཅིང་ཁྱིམ་དེ་ལྷོ་བྱང་དུ་རི་རབ་ལ་ཉེ་བ་དང་། ཤར་ནུབ་ཏུ་མེ་རི་ལ་ཉེ་བ་མཐར་ཐུག་གོ ། འཁྲིག་པ་དང་སེང་གེ་གཉིས་ལ་ཉི་མ་གནས་པའི་ཚེ། ལྷོ་བྱང་གི་གླིང་དུ་དབྱར་ར་ཐ། ཤར་ནུབ་ཏུ་དགུན་ར་ཐའི་དུས་ཀྱི་ཉི་མ་གནས་པའི་ཁྱིམ་ཡིན་པས། ལྷོ་བྱང་དུ་ཀར་ཁྱིམ་རི་རབ་ལ་ཉེ་བའི་ཕྱི་རོལ་དང་། ཤར་ནུབ་ཏུ་ཀར་ཁྱིམ་མེ་རི་ལ་ཉེ་བའི་ནང་ཕྱོགས་ཀྱི་ཆར་བགྲོད་དོ། ། ཆུ་སྲིན་གྱི་ཁྱིམ་དུ་ཉི་མ་གནས་པའི་ཚེ་ཤར་ནུབ་ཀྱི་གླིང་དུ་དབྱར་ཉི་ལྡོག་ཅིང་། ལྷོ་བྱང་གི་གླིང་དུ་དགུན་ཉི་ལྡོག་ལ། ཁྱིམ་དེ་ཤར་ནུབ་ཏུ་རི་རབ་ལ་ཉེ་བ་དང་། ལྷོ་བྱང་དུ་མེ་རི་ལ་ཉེ་བ་མཐར་ཐུག་གོ ། གཞུ་དང་བུམ་པའི་ཁྱིམ་གཉིས་ལ་ཉི་མ་གནས་པའི་ཚེ། ཤར་ནུབ་ཀྱི་གླིང་དུ་དབྱར་ཐ་ར། ལྷོ་བྱང་གི་གླིང་དུ་དགུན་ཐ་རའི་དུས་ཀྱི་ཉི་མ་གནས་པའི་ཁྱིམ་ཡིན་པས། ཤར་ནུབ་ཏུ་ཆུ་སྲིན་གྱི་ཁྱིམ་རི་རབ་ལ་ཉེ་བའི་ཕྱི་རོལ་དང་། ལྷོ་བྱང་དུ་ཆུ་སྲིན་གྱི་ཁྱིམ་དེ་མེ་རི་ལ་ཉེ་བའི་ནང་ཕྱོགས་ཀྱི་ཚོར་བགྲོད་དོ། ། ལུག་ཁྱིམ་ལ་ཉི་མ་གནས་པའི་ཚེ། ལྷོ་བྱང་གི་གླིང་དུ་དཔྱིད་འབྲིང་། ཤར་ནུབ་ཀྱི་གླིང་དུ་སྟོན་འབྲིང་གི་དུས་ཡིན་པ་དང་། སྲང་གི་ཁྱིམ་ལ་ཉི་མ་གནས་པའི་ཚེ། ཤར་ནུབ་ཀྱི་གླིང་དུ་དཔྱིད་འབྲིང་། ལྷོ་བྱང་གི་གླིང་དུ་སྟོན་འབྲིང་གི་དུས་ཡིན་ནོ། ། ཁྱིམ་འདི་གཉིས་ཀྱི་རྒྱུ་ལམ་ནི་གཅིག་ཡིན་ཞིང་གླིང་ཐམས་ཅད་དུ་རི་རབ་དང་མེ་རིའི་དབུས་དྲང་པོའི་ཟླུམ་སྐོར་དུ་བགྲོད་པ་ཡིན་ནོ། ། བུ་མོ་དང་གླང་གི་ཁྱིམ་ལ་ཉི་མ་གནས་པའི་ཚེ། ལྷོ་བྱང་གི་གླིང་དུ་དཔྱིད་ཐ་དང་སྟོན་ར། ཤར་ནུབ་ཀྱི་གླིང་དུ་སྟོན་ཐ་དང་དཔྱིད་རའི་དུས་ཡིན་པས་ལྷོ་བྱང་དུ་ལུག་སྤང་གི་རྒྱུ་ལམ་གྱི་ནང་ཕྱོགས་སུ་རྒྱུ་ཞིང་། ཤར་ནུབ་ཏུ་ལུག་སྲང་གི་ཕྱི་རོལ་དུ་རྒྱུའོ། ། ཉ་དང་སྡིག་པའི་ཁྱིམ་གཉིས་ལ་ཉི་མ་གནས་པའི་ཚེ། ལྷོ་བྱང་དུ་དཔྱིད་ར་དང་སྟོན་ཐ། ཤར་ནུབ་ཏུ་སྟོན་ར་དང་དཔྱིད་ཐའི་དུས་ཡིན་པས། ལྷོ་བྱང་དུ་ལུག་སྤང་གི་རྒྱུ་ལམ་གྱི་ཕྱི་རོལ་དང་། ཤར་ནུབ་ཏུ་ལུག་སྲང་གི་ནང་ཕྱོགས་སུ་རྒྱུའོ། ། ཁྱིམ་བཅུ་གཉིས་དུས་གཅིག་ཏུ་དུམ་བུ་བཅུ་གཉིས་ནམ་མཁར་བཀོད་པ་ན། བྱང་གླིང་དབུས་མའི་ནམ་མཁར་རི་རབ་ལ་ཉེ་བར་ཀར་ཁྱིམ། དེའི་ཕྱི་རོལ་དུ་བྱང་གླིང་ཤར་མའི་ནམ་མཁར་སེང་གེ དེའི་ཕྱི་ཕྱེད་ཕན་དུ་ནུབ་གླིང་ནུབ་མའི་ནམ་མཁར་བུ་མོ། དེའི་ནང་རི་རབ་དང་མེ་རིའི་དབུས་དྲང་པོའི་ནུབ་གླིང་དབུས་མའི་ནམ་མཁར་སྲང་། དེའི་ནང་ནུབ་གླིང་ཤར་མའི་ནམ་མཁོར་སྡིག་པ། དེའི་ཕྱི་ནང་མའི་ནང་ཚུན་དུ་ལྷོ་གླིང་ནུབ་མའི་ནམ་མཁར་གཞུ། དེའི་ཕྱི་མཐར་ལྷོ་གླིང་དབུས་མའི་ནམ་མཁར་ཆུ་སྲིན། དེའི་ནང་མཐར་ལྷོ་གླིང་ཤར་མའི་ནམ་མཁར་བུམ་པ། དེའི་ཕྱེད་ཕྱི་ཕན་དུ་ཤར་གླིང་ནུབ་མའི་ནམ་མཁར་ཉ། དེའི་ཕྱི་མཐར་གླིང་དབུས་མའི་ནམ་མཁར་ལུག དེའི་ཕྱི་མཐར་ཤར་གླིང་ཤར་མའི་ནམ་མཁར་གླིང་། དེའི་ནང་ཚུན་དུ་བྱང་གླིང་ནུབ་མའི་ནམ་མཁར་འཁྲིགུ་ཁྱིམ་གནས་སོ། ། དེ་ཡང་སོ་སོར་རྒྱུ་བ་ན་སྔར་བཤད་པ་ལྟར། ཆུ་སྲིན་དང་ཀརྚའི་ཁྱིམ་གཉིས་རྒྱུ་ལམ་གཞན་དང་ཐུན་མོང་མིན་པར་སོ་སོར་རྒྱུ་ཞིང་། གཞན་ལ་འཁྲིག་སེང་གཉིས། གླང་དང་བུ་མོ་གཉིས། ལུག་དང་སྲང་གཉིས། ཉ་དང་སྡིག་པ་གཉིས། གཞུ་དང་བུམ་པ་རྣམ་པ་གཉིས་གཉིས་རེ་རྒྱུ་ལམ་ཐུན་མོང་བ་རེ་ལ་རྒྱུ་བས་ཁྱིམ་བཅུ་ལ་རྒྱུ་ལམ་ལྔ་དང་། ཆུ་སྲིན་དང་ཀཊའི་རྒྱུ་ལམ་གཉིས་བཅས་རྒྱུ་ལམ་བདུན་ཡོད་པར་འདོད་དོ། ། ལུགས་འདི་ནི་འཕན་ཡུལ་དུ་གྲུབ་མཆོག་བརྙེས་པའི་སྒོམ་པ་དཀོན་མཆོག་སྲུང་གི་ཐུགས་ལ་འཁྲུངས་ཤིང་། དེ་དང་མཐུན་པར་མཆིམས་ནམ་མཁའ་གྲགས་ཀྱིས་ཀྱང་བཞེད། ཕྱི་མའི་དུས་ཟི་ལུང་ཤཱཀ་མཆོག་ཆེན་པོས་ཀྱང་དེ་དང་ཕྱོགས་མཐུན་དུ་སྨྲ་བར་སྣང་ཞེས་ཀརྨ་མི་བསྐྱོད་རྡོ་རྗེས་གསུངས་སོ། ། ལོ་ཆེན་དྷརྨ་ཤྲཱིའི་རྣམ་འགྲེལ་གསེར་ཤིང་དུ་སྣར་ཐང་པ་སོགས་ཀྱིས་ལུགས་འདི་བཞེད་ཅེས་འབྱུང་ངོ་། །</br>5.ཡོངས་སུ་གྲགས་པའི་གོ་ལ་དྲུ་འཛིངས་མའི་ལུགས་ནི། དུས་ཕྱིས་བོད་ཀྱི་རྩིས་རིག་སྨྲ་བའི་དབང་པོ་ཕལ་ཆེ་བའི་བཞེད་པ་སྟེ། འདིའི་ལུགས་ལ་གླིང་བཞི་ཀུན་ཏུ་དུས་བཞི་འཁོར་བར་འདོད་དོ། ། འདི་ལའང་ནང་གསེས་བཞེད་པ་མི་འདྲ་བ་གསུམ་བྱུང་བ་ནི། མཁའ་ལ་སྐར་ཁྱིམ་གྱི་གོ་ལ་དང་ས་ལ་དུས་བཞི་གཉིས་ཀ་གཡོན་བསྐོར་ཁོ་ནར་འདོད་པ་དང་། དུས་བཞི་གཡོན་བསྐོར་དང་ཁྱིམ་ནི་གཡས་སུ་འཁོར་བར་འདོད་པ། གནམ་སའི་གོ་ལ་གཉིས་ཀ་གཡས་སུ་འཁོར་བར་འདོད་པ་བཅས་གསུམ་ཡིན་ཞིང་། རྗེས་སོར་ལུགས་འདིའི་རྗེས་འབྲང་མཁས་པ་ཕལ་ཆེར་གྱིས་གནམ་སའི་གོ་ལ་གཉིས་ཀ་གཡས་བསྐོར་དུ་འདོད་པའི་ལུགས་འདི་ཁོ་ན་བཞེད་པར་སྣང་ངོ་། ། འདིའི་ལུགས་ལ། གོ་ལ་ལེབ་ཆགས་གཅིག་གི་སྟེང་ན་ཁྱིམ་བཅུ་གཉིས་ཕྲེང་བ་བཞིན་དུ་བསྒྲིག་པ་མ་ཡིན་ལ། གོ་ལ་བཅུ་གཉིས་པོ་ནང་ནས་ཕྱིར་མུ་ཁྱུད་བཞིན་དུ་རིམ་པར་ཡོད་པའམ་སྟེང་ནས་སྟེང་དུ་རྨོག་བརྩེགས་པ་ལྟ་བུ་མ་ཡིན་པར། དྲུ་གུ་འཛིངས་པ་བཞིན་དུ་ཁྱིམ་བཅུ་གཉིས་པོ་སོ་སོ་ནས་ལྷས་མ་ལྟ་བུར་ཕན་ཚུན་སྟེང་འོག་ཏུ་འཛིང་བར་ཡོད་པར་འདོད་པས་ན་དྲུ་འཛིངས་མའི་ལུགས་ཞེས་བརྗོད་དོ། ། ལ་ལར། གྲུ་འཛིངས་མའི་ལུགས་སམ། གྲུ་ཆགས་མའི་ལུགས་ཞེས་ཀྱང་འབྱུང་མོད་ཚིག་དོན་འབྲེལ་དཀའ་བས་ཡི་གེ་མ་དག་པར་མངོན། འདིའི་ལུགས་ཀྱི་ཁྱིམ་བཅུ་གཉིས་ཀྱི་ཐིག་ནི། རྩིས་ཀྱི་མན་ངག་ཉིན་བྱེད་སྣང་བ་ལས། གླིང་རྣམས་ཀུན་གྱི་ནང་མཐའ་ཡི། ། ཟླུམ་ཐིག་སོ་སོའི་དབུས་དྲང་སྟེང་། ། བཟུང་སྟེ་དུམ་བུ་བདུན་པ་ཡི། ། ཕྱེད་མཚམས་ནས་བསྐོར་རང་རང་གི ། ལྷོ་བགྲོད་གཞན་ཕྱོགས་བྱང་བགྲོད་དང་། ། ཕན་ཚུན་དཔྱིད་སྟོན་མཉམ་པ་སྟེ། ། དེ་བཞིན་བསྐོར་ཐེངས་བཅུ་གཉིས་ཀྱིས། ། ཁྱིམ་ཟླ་བཅུ་གཉིས་འཁོར་ཚུལ་སྟོན། ། ཞེས་འབྱུང་བ་ལྟར། དེ་འདྲའི་ཟླུམ་ལེབ་ཀྱི་ཐིག་བཅུ་གཉིས་གདུ་བུ་བཞིན་དུ་རི་རབ་ཀྱི་མགུལ་བར་བསྐོན་ནས་ལྷོ་རུ་མེ་རིའི་ཕྱོགས་སུ་དཔྱངས་པ་བཅུ་གཉིས་པོ་རྟག་པར་རྒྱུན་དུ་འགྲོས་མཉམ་པར་གཡས་སུ་འཁོར་བ་ཡིན་ལ། ཟླུམ་ལེབ་བཅུ་གཉིས་པོའི་རེ་རེ་ཡང་ཁྱུད་སྐོར་དུ་དུམ་བུ་བཅུ་ཉིས་སུ་བགོས་པའི་ཆ་གཅིག་ལ་གཟའ་དགུ་པོའི་རྒྱུ་ལམ་རྒྱུ་སྐར་ཉེར་བདུན་གྱིས་ཚད་ཀྱི་རྐང་པ་ཡོད་ཅིང་། ཆ་གཞན་བཅུ་གཅིག་པོ་སྐར་མ་ཕལ་བ་མང་པོས་གང་བའི་གནས་ཡིན་ནོ། ། དེ་ལྟར་ཁྱིམ་ཟླུམ་སྐོར་བཅུ་གཉིས་པོ་སོ་སོ་ནས་དྲུ་གུ་འཛིངས་པ་ལྟར་གནས་ཤིང་རྟག་པར་གཡས་སུ་འཁོར་ཡང་། དེ་ཐམས་ཅད་ཀྱི་རླུང་འགྲོས་ལ་མགྱོགས་བུལ་གྱི་ཁྱུད་ཅུང་ཟད་མེད་པར་རྟག་ཏུ་མཉམ་པས། རྒྱུ་སྐར་རྐང་པ་ཡོད་པ་གཟའ་ཡི་རྒྱུ་ལམ་གྱི་ཆ་དེ་རྣམས་རྟག་ཏུ་གཅིག་རྗེས་གཅིག་མཐུད་ལུ་གུ་རྒྱུད་དུ་མི་འབྲལ་བར་འཁོར་བ་དེ་ཁོ་ནར་གཟའ་བཅུ་པོ་དལ་མྱུར་གྱི་རྐང་པའི་རང་འགྲོས་ཀྱིས་རྒྱུ་སྐར་ནས་རྒྱུ་སྐར་དང་ཁྱིམ་ནས་ཁྱིམ་དུ་འཕོ་ཞིང་རྒྱུའོ། ། དེ་ཡང་འདི་ལྟར་ལྷུན་པོའི་ཕྱོགས་ཀྱི་ཆ་ཐམས་ཅད་དུ་ཁྱིམ་གྱི་འཁོར་ལོ་འཁོར་བའི་དབང་གིས་དུམ་བུ་སོ་སོའི་མེ་ལ་རེག་པ་ཡིན་ན་དེ་ནི་མདུན་ཐད་ཀྱི་སའི་དུམ་བུ་བདུན་པའི་ཕྱོགས་སུ་བགྲོད་པ་ཐོབ་པ་ན་ལྷུན་པོའི་རྭ་ལ་རེག་ཅིང་གངས་ཀྱི་རིའི་སྟེང་དུ་འགྲོའོ་ཞེས་པའི་རིགས་པས་ཉི་མ་ཁྱིམ་སོ་སོའི་གནས་པའི་དབང་གིས་དཔྱིད་ལ་སོགས་པའི་དུས་ཀྱི་ཚོགས་མཐའ་དག་འབྱུང་བར་རིག་པར་བྱ་སྟེ། ལྷོ་གླིང་དབུས་མ་ལ་མཚོན་ན་ལུག་ཁྱིམ་ལ་ཉི་མ་གནས་པས་གླིང་འདིར་དཔྱིད་ཀྱི་དུས་ས་གའི་ཟླ་བ་བྱེད་དོ། ། ས་གའི་ཟླ་བ་དེ་ནི་རང་རེའི་དཔྱིད་ཐ་ཆུང་ཡིན་ཡང་མདུན་གྱི་གླིང་བདུན་པ་བྱང་གླིང་དབུས་མར་སྨིན་དྲུག་གི་ཟླ་བ་སྟོན་ཐ་ཆུང་དུས་འཆར་རོ། ། དེ་བཞིན་དུ་ཉི་མ་ལུག་ཁྱིམ་ལ་གནས་ཚེ་གླིང་འདི་ཉིད་ནས་གཡོན་སྐོར་གྱིས་བརྩིས་པའི་དུམ་བུ་གཉིས་པ་གླིང་འདིའི་ཕྱོགས་བཞིའི་དབང་དུ་བྱས་པའི་རི་རབ་ཀྱི་ཤར་ལྷོའི་ཟུར་ན་གནས་པ་ལྷོ་གླིང་ཤུར་མ་ལ་དབྱར་ར་བ་སྣྲོན་གྱི་ཟླ་བ་འཆར། དུམ་བུ་གསུམ་པ་ཤར་གླིང་ནུབ་མ་མེའི་ཟུར་གྱི་ཕྱེད་གཞན་པ་ལ་དབྱར་འབྲིང་པོ་ཚུ་སྟོད་ཀྱི་ཟླ་པ་བྱེད་དོ། ། དུམ་བུ་བཞི་པ་ཤར་གླིང་དབུས་མ་ལུས་འཕགས་པོའི་གླིང་དུ་ནི་དབྱར་ཐ་ཆུང་གྲོ་བཞིན་གྱི་ཟླ་བ་བྱེད་དོ། ། དུམ་བུ་ལྔ་པ་རི་རབ་ཀྱི་བྱང་ཤར་གྱི་ཕྱེད་ཀྱི་དུམ་བུ་ལ་གནས་པ་ཤར་གླིང་ཤར་མ་དེར་སྟོན་ར་བ་ཁྲུམས་སྟོད་ཀྱི་ཟླ་བ་བྱེད་དོ། ། དུམ་བུ་དྲུག་པ་དབང་ལྡན་གྱི་ཟུར་ཕྱེད་ལ་གནས་པ་བྱང་གླིང་ནུབ་མར་སྟོན་འབྲིང་ཐ་སྐར་གྱི་ཟླ་བ་བྱེད་དོ། ། དུམ་བུ་བདུན་པ་བྱང་གླིང་དབུས་མ་སྒྲ་མི་སྙན་ལ་སྟོན་ཐ་ཆུང་སྨིན་དྲུག་གི་ཟླ་བ་བྱེད་དོ། ། དུམ་བུ་བརྒྱུད་པ་རླུང་གི་ཟུར་ཕྱེད་བྱང་གླིང་ཤར་མར་དགུན་ར་བ་མགོའི་ཟླ་བ་བྱེད་དོ། དུམ་བུ་བརྒྱུད་པ་རླུང་གི་ཟུར་ཕྱེད་བྱང་གླིང་ཤར་མར་དགུན་ར་བ་མགོའི་ཟླ་བ་བྱེད་དོ། ། དུམ་བུ་དགུ་པ་རླུང་གི་ཕྱེད་གཞན་ལ་གནས་པ་ནུབ་གླིང་ནུབ་མར་དགུན་འབྲིང་རྒྱལ་གྱི་ཟླ་བ་བྱེད་དོ། ། དུམ་བུ་བཅུ་པ་ནུབ་གླིང་དབུས་མ་བ་ལང་སྤྱོད་དུ་དགུན་ཐ་ཆུང་མཆུའི་ཟླ་བ་བྱེད་དོ། ། དུམ་བུ་བཅུ་གཅིག་པ་བདེན་བྲལ་གྱི་ཟུར་ཕྱེད་ནུབ་གླིང་ཤར་མར་དཔྱིད་ར་བ་དབོའི་ཟླ་བ་བྱེད་དོ། ། དུམ་བུ་བཅུ་ཉིས་པ་ལྷོ་གླིང་ནུབ་མ་སྲིན་པོའི་ཟུར་ཕྱེད་གཞན་ལ་གནས་པ་དེར་དཔྱིད་འབྲིང་པོ་ནག་པའི་ཟླ་བ་བྱེད་དོ། ། དེ་ལྟར་དུམ་བུ་སོ་སོར་ཟླ་བ་གསུམ་གསུམ་དུས་གཅིག་དུ་བརྩིས་པའི་དུས་བཞི་དང་། ཟླ་བ་གཉིས་གཉིས་དུས་གཅིག་ཏུ་བརྩིས་པའི་དུས་དྲུག ། ཟླ་བ་བཅུ་གཉིས། ཕྱོགས་ཉི་ཤུ་རྩ་བཞི་རྣམས་ས་དུམ་བུ་བཅུ་གཉིས་ལ་འཁོར་ལོའི་རྣམ་པས་འཁོར་བར་བཞེད་དོ། ། གླིང་འདིར་ལུག་གི་ཁྱིམ་ལ་ཉི་མ་གནས་པས་དཔྱིད་ཐ་ཆུང་གང་ཡིན་པའི་དུས་དེ་ནི་ཉི་ཁྱིམ་འཕོ་བའི་ཚེ་གཡས་སྐོར་གྱིས་ལྷོ་གླིང་ནུབ་མ་རྔ་ཡབ་ཏུ་འགྲོ་ཞིང་། ལྷོ་གླིང་ཤར་མའི་དབྱར་ར་བ་དེ་གླིང་འདིར་འཕོ་བ་དེ་ལྟར་ཟླ་བ་བཅུ་གཉིས་དང་དུས་བཞི་སོགས་ཐམས་ཅད་གཡས་བསྐོར་གྱིས་ས་དུམ་བུ་བཅུ་གཉིས་སུ་རིམ་བཞིན་འཁོར་བར་འདོད་དོ། །བུ་བཅུ་གཉིས་སུ་རིམ་བཞིན་འཁོར་བར་འདོད་དོ། །)
• Dictionaries/chos rnam kun btus/7534  + (1.ངོ་བོ་ནི། ཡི་གེའི་ངོ་བོ་སྐད་གདངས་མིག་འཛུ … 1.ངོ་བོ་ནི། ཡི་གེའི་ངོ་བོ་སྐད་གདངས་མིག་འཛུམ་ཚད། གཅིག་གཉིས་གསུམ་ཡུན་ཐུང་རིང་ཤིན་ཏུ་རིང་། ། ཆ་ཤས་སྐད་ཅིག་རེ་རེ་གཞན་རྣམས་རྒྱུན། ། ལྡན་མིན་འདུ་བྱེད་ཉིད་དུ་མཛོད་ལས་བཤད། ། ཡི་གེའི་ངོ་བོ་སྐད་ཀྱི་གདངས་འབའ་ཞིག་ཡིན་ཏེ། རྣམ་འགྲེལ་ལས། ཡི་གེ་ཀུན་སློང་ཤེས་པ་ལས། ། སྐྱེ་ལ་ཤེས་པས་སྒྲ་སྐྱེའོ། ། ཞེས་སོ། ། དེའང་བརྗོད་འདོད་ཀྱི་དབང་གིས་རླུང་གཡོས། དེ་ལས་ཡི་གེའི་གདངས་སྐྱེ། དེ་ཉིད་མིག་འཛུམ་གྱི་ཚད་གཅིག་དང་། གཉིས་དང་། གསུམ་གྱི་ཡུན་ལ་རིམ་པར་ཐུང་ངུ་། རིང་པོ། ཤིན་ཏུ་རིང་པོའི་ཐ་སྙད་སྦྱར་བ་སྟེ། སྔ་མ་ལས། ཡི་གེའི་བདག་ཉིད་ཀུན་མཐའ་ཡང་། ། མིག་འཛུམ་ཚད་དུ་གནས་པ་ཡིན། ། ཞེས་སོ། ། དེ་ལ་ཡི་གེའི་ཆ་ཤས་ནི་སྐད་ཅིག་རེ་རེ་བ་ཡིན་ལ་གཞན་རྣམས་དེ་ཉིད་འདུས་པའི་རྒྱུན་ཏེ་བྱེ་མདོ་རྣམས་ཤེས་བྱའི་གཞི་རྣམས་ལས་ལྡན་མིན་འདུ་བྱེད་ཉིད་དུ་འདོད་པར་མཛོད་ལས་བཤད་དོ། །</br>2. ངེས་ཚིག་ནི། ངེས་ཚིག་རང་བཞིན་འགྱུར་མེད་གསལ། ། དོན་རྣམས་རྗོད་བྱེད། ། ཅེས་པ་སྟེ། ཡི་གེའི་ངེས་ཚིག་ལེགས་སྦྱར་ལ་སྐད་དོད་གསུམ་ཡོད་པའི་ཨཀྵ་ར་ནི་མི་འགྱུར་བ་སྟེ། ཡུལ་སོ་སོའི་སྐད་འགྱུར་ཀྱང་དབྱངས་གསལ་གྱི་རང་བཞིན་འགྱུར་བ་མེད་པའམ། ཨའམ་ཀ་ལྟ་བུའི་གཟུགས་གཅིག་རྣམ་གྲངས་གཞན་དུ་མི་འགྱུར་བ་དང་། བྱཉྫ་ན་གསལ་བྱེད་དེ་མིང་ཚིག་ཐམས་ཅད་གསལ་བར་བྱེད་པ་དང་། བརྞ་རྗོད་བྱེད་དེ་དོན་ཐམས་ཅད་རྗོད་པར་བྱེད་པས་སོ། །</br>3. རྣམ་པ་ནི། ཡིག་གཟུགས་ལཱཉྫ་སོགས་ཞེས་པ་སྟེ། ཡི་གེའི་གཟུགས་ནི་ཚངས་པའི་ཡི་གེ་ལཱཉྫ་སོགས་ཡིག་རིགས་དྲུག་ཅུ་རྩ་བཞི་གཙོ་བོར་གྱུར་པའི་ཡི་གེའི་དབྱེ་བ་མཐའ་ཡས་པ་རྣམས་སོ། །</br>4. དབྱེ་བ་ལ་གཉིས་ཏེ། </br>(1)ལེགས་སྦྱར་གྱི་ལུགས་ནི། དབྱེ་བ་ཐུན་མོང་ཙམ་དུ་འཕགས་ཡུལ་གྱི། ། སྐད་རིགས་བཞི་ཡི་གཙོ་བོ་ལེགས་སྦྱར་ལ། ། དབྱངས་ཡིག་མཚུངས་དང་མཚམས་སྦྱོར་གསལ་ བྱེད་ནི། ། སྡེ་པ་མཐར་གནས་དྲོ་བ་རྩ་བ་ཉིད། །ཨཱ་ལི་བརྒྱ་དང་སོ་གཉིས་ཀཱ་ཡི་ལ། ། རྐྱང་པ་སོ་བདུན་དབྱངས་བཅས་བཞི་སྟོང་དང་། ། སུམ་བརྒྱ་ང་དྲུག་དེ་དག་གནས་བརྒྱད་དང་། བྱེད་པ་རྩོལ་བ་ཕྱི་ནང་དག་ལས་སྐྱེ། ། ཡི་གེའི་དབྱེ་བ་སྒྲ་མདོ་སོ་སོའི་ལུགས་དང་ཐུན་མོང་མ་ཡིན་པའི་རྒྱུད་སྡེ་ལས་གསུངས་པའི་རྣམ་གཞག་མང་ཡང་ཐུན་མོང་ཙམ་དུ་འཕགས་ཡུལ་གྱི་སྐད་རིགས་ཆེན་པོ་བཞིར་གྲགས་པའི་གཙོ་བོ་ལེགས་པར་སྦྱར་བ་ལ་དབྱངས་དང་གསལ་བྱེད་གཉིས། དབྱངས་ལ་ཨ་ཨཱ་ནས་ལྀ་ལཱྀའི་བར་མཚུངས་པའི་ཡི་གེ་བཅུ། ཨེ་ཨཻ་ཨོ་ཨཽ་སྟེ་མཚམས་སྦྱོར་གྱི་ཡི་གེ་བཞི་བསྡོམས་པས་དབྱངས་བཅུ་དྲུག གསལ་བྱེད་ལ་ནི། ཀ་སྡེ་སོགས་སྡེ་པ་ལྔ། ཡ་ར་ལ་ཝ་སྟེ་མཐར་གནས་བཞི། ཤ་སོགས་དྲོ་བའི་ཡི་གེ་བཞི་སྟེ་སུམ་ཅུ་རྩ་གསུམ་དུ་བཤད་པ་ནི་རྩ་བ་ཉིད་ཡིན་ལ། དེ་ལས་འཕྲོས་པའི་དབྱེ་བ་ཙནྡྲ་པ་ལྟར་ན། ཨ་ཨི་ཨུ་རི་བཞི་ལ་ཐུང་ངུ་རིང་པོ་ཤིན་ཏུ་རིང་པོ་སྟེ་གསུམ་གསུམ། དེ་དག་རེ་རེ་ལའང་སྐད་གདངས་མཐོ་བས་བརྗོད་པ་ཨུ་དཱཏྟ། དམའ་བས་བརྗོད་པ་ཨ་དཱཏྟ། བར་མས་བརྗོད་པ་སྭ་རི་ཏ་གསུམ་གསུམ་སྟེ་སུམ་ཅུ་སོ་དྲུག་དེ་རྣམས་ལ་རྗེས་སུ་སྣ་ལྡན་ཅན་དང་རྗེས་སུ་སྣ་ལྡན་ཅན་མ་ཡིན་པ་གཉིས་གཉིས་ཕྱེ་བས་བདུན་ཅུ་རྩ་གཉིས། མཚམས་སྦྱོར་བཞི་ལ་ཐུང་ངུ་མེད་པས་རིང་པོ་དང་ཤིན་ཏུ་རིང་པོ་གཉིས་གཉིས། ལྀ་ལ་རིང་པོ་མེད་པས་ཐུང་ངུ་དང་ཤིན་ཏུ་རིང་པོ་གཉིས། དེ་དག་ལྔ་པོ་རེ་རེ་ལའང་། ཨུ་དཱཏྟ། ཨ་ནུ་དཱཏྟ། སྭ་རི་ཏ་དང་གསུམ་གསུམ་དུ་ཕྱེ་བས་སུམ་ཅུ། དེ་རྣམས་སྣ་ལྡན་སུམ་ཅུ། སྣ་མེད་སུམ་ཅུ་དང་བཅས་པས་དྲུག་ཅུ་སྟེ་གོང་དང་བསྡོམས་པས་ཨ་ལི་ལ་བརྒྱ་དང་སོ་གཉིས། ཀཱ་ལི་ལ་རྐྱང་པ་སུམ་ཅུ་རྩ་གསུམ། དེ་སྟེང་རྣམ་བཅད་ང་རོ། ལྕེ་རྩ་ཅན། མཆུ་ཅན་བཞི་བསྣན་པས་སུམ་ཅུ་སོ་བདུན། རྩ་བའི་གསལ་བྱེད་སོ་གསུམ་ལ། ཀ་གཅིག་པུ་ལའང་དབྱངས་བརྒྱ་དང་སུམ་ཅུ་སོ་གཉིས་ཞུགས་པ་སྟེ་བསྡོམས་པས་གསལ་བྱེད་བཞི་སྟོང་སུམ་བརྒྱ་ང་དྲུག་ཡོད་དོ། ། ཡི་གེ་དེ་རྣམས་ཀྱང་གནས་དང་བྱེད་པ་དང་རྩོལ་བ་རྣམས་ལ་བརྟེན་ནས་སྐྱེ་བ་ལས།</br>ཡི་གེའི་གནས་དང་བྱེད་པ་རྩོལ་བ་གསུམ་ལས། གནས་ལ་ཡང་བརྒྱད་ལས། ། </br>[1]བྲང་། </br>[2]མགྲིན་པ། </br>[3]སྤྱི་བོ།</br>[4]ལྕེ་རྩ། </br>[5]སོ། </br>[6]སྣ། </br>[7]མཆུ།</br>[8]ཀན་དང་བརྒྱད་དོ། ། དེ་ཡང་། ཨ་དང་ཀ་སྡེ་དང་ཧ་ཡིག་དང་རྣམ་བཅད་རྣམས་མགྲིན་པའི་སྐྱེ་གནས་ཅན་ནོ། ཨི་ཨེ་ཨཻ་མགྲིན་པ་དང་རྐན་ནོ། ཨུ་ཨོ་ཨཽ་རྣམས་མགྲིན་པ་དང་མཆུའོ། རྀ་དང་ཊ་སྡེ་དང་ར་ཡིག་དང་ཥ་ཡིག་རྣམས་སྤྱི་བོའོ། ། ལྕེ་རྩ་ཅན་ནི་ལྕེ་ཡི་རྩ་བའོ། ། ལྀ་དང་ཏ་སྡེ་དང་ལ་ཡིག་དང་ས་ཡིག་རྣམས་སོའོ། ། རྗེས་སུ་ང་རོ་ནི་སྣའོ། ། ང་ཉ་ཎ་ན་མ་རྣམས་ནི་རང་རང་གི་མགྲིན་པ་སོགས་ཀྱི་རྗེས་སུ་སྣའོ། ། ཨི་དང་ཙ་སྡེ་དང་ཡ་ཡིག་དང་ཤ་ཡིག་རྣམས་རྐན་ནོ། ། ཨུ་དང་པ་སྡེ་དང་མཆུ་ཅན་གྱི་ཡི་གེ་ནི་མཆུའོ། ། ཝ་ཡིག་ནི་སོ་དང་མཆུ་དག་གོ ། འདིར་བྲང་ཞེས་པ་མགྲིན་བྱུང་གི་ཡི་གེ་རྣམས་བྲང་གི་གནས་ལ་ལྟོས་པ་དང་། ཡི་གེ་གཞན་རྣམས་ཀྱང་མགྲིན་པ་ལ་ལྟོས་ཤིང་དེ་ཉིད་ཀྱིས་བྲང་གི་གནས་ལ་ལྟོས་དགོས་པར་གྲུབ་པའི་ཕྱིར་བརྗོད་པའོ། ། བྱེད་པ་ལ། ལྕེ་རྩ་ཅན་རྣམས་ཀྱི་བྱེད་པ་ནི་ལྕེའི་རྩ་བའོ། ། རྐན་བྱུང་རྣམས་ཀྱི་བྱེད་པ་ནི་ལྕེའི་དབུས་སོ། ། སྤྱི་བྱུང་རྣམས་ཀྱི་ལྕེའི་རྩེ་མོ་དང་ཉེ་བའོ། ། སོ་བྱུང་རྣམས་ཀྱི་ལྕེ་རྩེའོ། ། ལྷག་མ་རྣམས་ནི་རང་གནས་ཀྱི་བྱེད་པ་ཅན་ནོ། ། རྩོལ་བ་ནི་ནང་དང་ཕྱི་རོལ་གཉིས་ཏེ། ནང་གི་རྩོལ་བ་ལའང་བཙུམས་པ་དང་། ཕྱེ་བ་དང་། ཕྲད་པ་དང་། ཅུང་ཟད་ཕྲད་པ་སྟེ་བཞིའོ། ། དེ་ལས་བཙུམས་པའི་རྩོལ་བ་ ཅན་ནི་ཨ་ཡིག་གོ ། ཕྱེ་བ་ནི་དབྱངས་གཞན་རྣམས་དང་དྲོ་བ་རྣམས་སོ། ། འདིར་དྲོ་བ་ཞེས་པ་ནི་འོག་ནས་འཆད་པ་ལྟར་རོ། ཕྲད་པ་ནི། སྡེ་པའི་ཡི་གེ་རྣམས་ཏེ་རྩོལ་བ་ཆེན་པོས་བཙིར་ནས་མཐོན་པོར་བརྗོད་པ་རྣམས་སོ། ། ཅུང་ཟད་ཕྲད་པ་ནི་མཐར་གནས་རྣམས་སོ། ། ཕྱིའི་རྩོལ་བ་ལའང་། སྒྲ་མེད་དང་། སྲོག་ཆུང་དང་། སྲོག་ཆེན་དང་། སྒྲ་ལྡན་དང་། དྲོ་བ་སྟེ་ལྔ་ལས་སྒྲ་མེད་པ་རྣམས་ནི་སྡེ་པ་རྣམས་ཀྱི་དང་པོ་དང་གཉིས་པ་རྣམས་དང་ཤ་ཥ་ས་རྣམས་དང་ལྕེ་རྩ་ཅན་མཆུ་ཅན་རྣམས་སོ། ། སྲོག་ཆུང་བ་ནི་སྡེ་པ་རྣམས་ཀྱི་དང་པོ་དང་གསུམ་པ་དང་ལྔ་པ་རྣམས་དང་མཐར་གནས་རྣམས་སོ། ། སྲོག་ཆེ་བ་རྣམས་ནི་སྡེ་པ་རྣམས་ཀྱི་གཉིས་པ་དང་བཞི་པ་རྣམས་དང་ཤ་ཥ་ས་ཧ་རྣམས་སོ། ། སྒྲ་ལྡན་ནི་སྡེ་པ་རྣམས་ཀྱི་གསུམ་པ་བཞི་པ་ལྔ་པ་རྣམས་དང་རྗེས་སུ་ང་རོ་ཅན་དང་བཅས་པ་རྣམས་དང་མཐར་གནས་དང་ཧ་ཡིག་རྣམས་སོ། ། དྲོ་བ་ནི་སྡེ་པ་རྣམས་ཀྱི་གཉིས་པ་དང་བཞི་པ་དང་ཤ་ཥ་ས་ཧ་རྣམས་ཏེ་གཞུང་གཞན་དུ་ཤ་ཥ་ས་ཧ་རྣམས་ཁོ་ན་ལ་དྲོ་བའི་ཡི་གེར་བཤད་དོ། ། སྐབས་འདིར་སྔགས་ཀྱི་བཀླག་ཐབས་ཉེ་བར་མཁོ་ཡང་ཚིག་ཉུང་ངུས་དོན་ལེགས་པར་སྟོན་མི་ནུས་པས་དམ་པ་སྔ་མ་རྣམས་ཀྱིས་མཛད་པ་ལས་རྟོགས་པར་བྱ་བ་ཁོ་ནའོ། །</br>(2)བོད་སྐད་ཀྱི་ལུགས་ནི། བོད་སྐད་ཨཱ་ལི་མཚོན་བྱེད་ཨི་སོགས་བཞི། ། ཀཱ་ལི་སུམ་ཅུར་སྔོན་རྗེས་མིང་གཞི་དབྱེ། ། རྐྱང་འཕུལ་མགོ་ཅན་བརྩེགས་འདོགས་འཇུག་དང་བཅས། ། བོད་སྐད་དང་སྦྱར་བའི་བོད་ཀྱི་ཡི་གེ་ནི་རྩ་བ་ཨཱ་ལི་ཀཱ་ལི་སྟེ་ཨ་ཕྲེང་ཀ་ཕྲེང་གཉིས། དེ་ལ་ཨཱ་ལིའི་བྱ་བ་གསལ་བར་མཚོན་པར་བྱེད་པ་ཨི་སོགས་ཏེ་གི་གུ་ཞབས་ཀྱུ་འགྲེང་བུ་རྣ་རུ་བཞི། འདི་རྣམས་ཨ་ལ་སྦྱར་བ་ནི་རྐྱང་པ་བརྗོད་དུ་མེད་པས་སོ། ། ཀཱ་ལི་ཀ་ནས་ཨའི་བར་སུམ་ཅུ་ཐམ་པ་ཡོད་ཅིང་དེ་ལས་ག་ད་བ་མ་འ་སྟེ་སྔོན་འཇུག་ལྔ། ག་ང་ད་ན་བ་མ་འ་ར་ལ་ས་སྟེ་རྗེས་འདུག་བཅུ། འཕྲོས་མིང་གཞིའི་ཡི་གེ་ཉི་ཤུ་རྣམས་སུ་དབྱེར་ཡོད་ལ། དེའང་སྔོན་འཇུག་རྣམས་ནི་མིང་གི་སྔོན་དུ་འཇུག་ཅིང་། རྗེས་འཇུག་རྣམས་ནི་རྗེས་ཁོ་ནར་འཇུག་པ་དང་། མིང་གཞི་རྣམས་ནི་སྔོན་རྗེས་གང་དུའང་མི་འཇུག་པར་འཇུག་པ་རྣམས་ཀྱི་གཞིར་གྱུར་པའོ། ། ཡི་གེ་དེ་དག་གི་མིང་དུ་བསྒྲུབ་པ་ན་རྐྱང་པ་ཁོ་ན་ཡིན་པ་ཀ་བ་ལྟ་བུ། སྔོན་འཇུག་གིས་འཕུལ་བ་མགོ་བོ་ལྟ་བུ་རྐྱང་འཕུལ། དབྱེ་བ་ལྟ་བུ་འདོགས་འཕུལ། བསྒྲུབ་བྱ་ལྟ་བུ་བརྩེགས་འཕུལ་རྣམས་དང་། ར་ལ་སའི་མགོ་ཅན་གསུམ། ཡི་གེ་གསུམ་རེ་བརྩེགས་པ་སྒྲ་ལྟ་བུ། ཡ་ར་ལ་ཝའི་འདོགས་བཞི། རྗེས་འཇུག་བཅུ་ཞུགས་པ་རྟག་ལྟ་བུ་རྐྱང་འཇུག་དང་། རྟགས་ལྟ་བུ་ཡང་འཇུག་དང་བཅས་པ་རྣམས་སུ་ཡོད་དོ། །</br>5. སྦྱོར་ཚུལ་ནི། རྣམ་དབྱེ་ཕྲད་སོགས་སྦྱོར་བས་དོན་སྟོན་ལ། ། བདག་གཞན་དུས་གསུམ་བྱ་བྱེད་སྒོ་ནས་འཇུག ། མིང་དེ་ལས་ཚིག་ཏུ་སྒྲུབ་པ་ན་སླར་བསྡུ་དང་ལ་དོན་ཨི་ལྡན་སོགས་རྗེས་འཇུག་ལ་ལྟོས་པའི་ཕྲད་རྣམ་དབྱེ་དང་བཅས་པ། དགར་དང་བརྣན་པ་ལ་འཇུག་པའི་ནིའི་སྒྲ་སོགས་ཕྲད་རང་དབང་ཅན་དྲུག་པོ་རྣམས་སྦྱོར་བས་དོན་དང་དོན་གྱི་ཁྱད་པར་སྟོན་པའི་ཚིག་ཏུ་གྲུབ་ལ། སྔོན་རྗེས་ཀྱི་སྦྱོར་བ་རྣམས་ནི་བདག་གཞན་དང་དུས་གསུམ་དང་བྱ་བྱེད་སྟོན་པའི་སྒོ་ནས་འཇུག་གོ ། དེའང་ཡི་གེ་དུ་མ་འདུས་པ་ལས་མིང་། མིང་དུ་མ་འདུས་པ་ལས་ཚིག་ཏུ་གྲུབ་སྟེ། དེ་དག་གི་བྱེད་ལས་ཀྱང་སློབ་དཔོན་བློ་གྲོས་བརྟན་པས། དོན་གྱི་ངོ་བོ་བརྗོད་པ་མིང་། ། དེ་ཡི་ཁྱད་པར་སྟོན་པ་ཚིག གང་ཡང་མི་སྟོན་ཡི་གེའོ། ། ཞེས་གསུངས་ཏེ། དཔེར་ན་བུམ་པ་བ་ལང་ཞེས་པ་ལྟ་བུ་དོན་གྱི་ངོ་བོ་སྟོན་པའི་མིང་། འདུས་བྱས་མི་རྟག་ཅེས་པ་དང་། ཟག་བཅས་སྡུག་བསྔལ་ཞེས་པ་ལྟ་བུ་དེའི་ཁྱད་པར་སྟོན་པའི་ཚིག་གོ ། ཨ་ཨཱ་ཀ་ཁ་ག་གྷ་ང་ཞེས་སོགས་གང་ཡང་མི་སྟོན་པ་ཡི་གེ་ཡིན་ནོ། ། ཚིག་གི་མཐར་རྣམ་དབྱེ་དང་ཕྲད་གང་རུང་མ་ཞུགས་པར་དོན་གྱི་ཁྱད་པར་རྫོགས་པར་སྟོན་མི་ནུས་ལ། རྣམ་དབྱེ་ཞེས་པའང་ལས་དང་བྱེད་པ་སོགས་དོན་དང་། གཅིག་གཉིས་མང་པོ་སྟེ་ཚིག་གི་རྣམ་གྲངས་རྣམ་པར་དབྱེ་བར་བྱེད་པས་དེར་བརྗོད། དེའང་རྣམ་དབྱེ་དང་ངོ་བོ་བརྗོད་པ་ནི། སངས་རྒྱས། ཆོས། ལྷ། བདག་ལྟ་བུ་དོན་གྱི་ངོ་བོ་ཙམ་ལས་ཁྱད་པར་མི་སྟོན་ཅིང་ལེགས་སྦྱར་ལ་རྣམ་དབྱེ་དང་པོའི་རྐྱེན་སྦྱོར་དུ་ཡོད་ཀྱང་བོད་སྐད་ལ་རྣམ་དབྱེ་དང་པོ་དང་མིང་རྐྱང་གཉིས་ལ་ཁྱད་པར་མེད་ལ། སངས་རྒྱས་ཞེས་པས་གཅིག་ཚིག སངས་རྒྱས་དག་ཅེས་པས་གཉིས་ཚིག སངས་རྒྱས་རྣམས་ཞེས་པས་མང་པོའི་ཚིག་མཚོན་ཏེ་གཞན་ལའང་དེས་འགྲེ་བར་ནུས་སོ། ། </br>གཉིས་པ་ལས་སུ་བྱ་བ་ནི། སངས་རྒྱས་ལ་ཕྱག་འཚལ་ལོ། རྒྱ་གར་དུ་འགྲོ་ལྟ་བུ་ལ་དང་དུའི་སྒྲས་བྱ་བའི་ཡུལ་མཚོན་པ་དང་། </br>གསུམ་པ་བྱེད་པ་པོ། སངས་རྒྱས་ཀྱིས་ཆོས་གསུངས། བདག་གིས་ལས་བྱ། ལྟ་བུ་ཀྱིས་དང་གིས་དག་གིས་བྱེད་པ་པོ་མཚོན་པ་དང་། </br>བཞི་པ་ཆེད་དུ་བྱ་བ། སློང་མོ་ལ་ཟས་སྦྱིན། ཞིང་ལ་ཆུ་འདྲེན་ལྟ་བུ་བྱ་བ་དེས་ཡུལ་དེ་ལ་ཕན་འདོགས་པོ་ལའི་སྒྲས་གོ་བ་དང་། </br>ལྔ་པ་འབྱུང་ཁུངས་སམ་གང་ལས་འབྲལ་བ། སངས་རྒྱས་ལས་ཆོས། རྒྱ་མཚོ་ནས་རིན་པོ་ཆེ་ལྟ་བུ་དངོས་པོ་དེ་བྱུང་བའི་ཁུངས་ལས་ནས་ཀྱི་སྒྲས་མཚོན་པ་དང་།</br>དྲུག་པ་འབྲེལ་བ། སངས་རྒྱས་ཀྱི་སྐུ། སེམས་ཅན་གྱི་ཁམས་ལྟ་བུ་ཕན་ཚུན་རྟེན་བརྟེན་པ་སོགས་སུ་འབྲེལ་བའི་དོན་ཀྱི་དང་གྱི་སྒྲས་སྟོན་པ་དང་།</br>བདུན་པ་གནས་གཞི། བརྟན་པར་བཞུགས། ཁྱིམ་དུ་མི་ལྟ་བུ་གནས་པའམ་རྟེན་པའི་གཞི་ར་དང་དུའི་སྒྲས་མཚོན་པའོ། ། དེ་ལ་གཉིས་པ། བཞི་པ། བདུན་པ་རྣམས་མཚོན་བྱེད་ཀྱི་སྒྲ་ནི་ལ་དོན་དྲུག་ཅེས་བྱ་སྟེ། ལ་ན་ཏུ་དུ་སུ་རུ་རྣམས་དང་། བྱེད་སྒྲ་ཀྱིས་གྱིས་ཡིས་འིས་ལྔ། འབྱུང་ཁུངས་ལས་ནས། འབྲེལ་སྒྲ་ཀྱི་གྱི་གི་ཡི་འི་རྣམས་སོ། ། དེ་དག་ལས་སྐབས་རེར་རྣམ་དབྱེའི་དོན་མི་སྟོན་པར་ཕྲད་ཙམ་ལ་འཇུག་པའང་ཡོད་ཅིང་། སླར་བསྡུའི་གོ་ངོ་སོགས་སྦྱོར་ཡུལ་ལ་ལྟོས་པའི་ཕྲད་རྣམས་སྦྱོར་ཚུལ་དང་བཅས་དཔེར་བརྗོད་པ་ནི། དག་ལ་གསལ་ན་ལེགས་མོད་ཀྱི། ། བསྟན་གྱི་འཇུག་གི་འཆད་བྱ་ཡི། ། མཁས་པར་བྱས་ནས་ཚུལ་བརྟག་གོ ། བྱ་བ་བཟང་པོ་ལེགས་བཀོད་དོ། ། འབྱོན་ནོ་གྲུབ་བོ་དོན་བསམ་མོ། ། བྱའོ་ཕྱར་རོ་ལྷ་རྒྱལ་ལོ། ། བལྟས་སོ་བསྟན་ཏོ་ལྷ་ཆོས་པ། ། སྒྲུབ་པོ་དགའ་བོ་གསར་མ་པ། ། མ་རྙོག་མི་ལྷུང་དགེ་བ་ཅན། ། ད་ནི་ཅི་ཕྱིར་ཀྱེ་ཀྱེ་བུ། ། ཀྭ་ཡི་གྲོགས་དག་བགྲོད་ཅིང་མཆིས། ། བདེ་ཞིང་དགྱེས་ཞེས་ཡོད་ཅེས་ཐོས། ། གསལ་ཞེས་མཛེས་ཞེས་ཞད་ཅིག་གདའ། ། ནམ་ཞིག་གྲོས་ཤིག་གདབ་ཅེའོ། ། སུ་ཡོད་ཅེ་ན་གང་ཞེ་ན། ། མ་བྱས་ཞེ་ན་བྱོས་ཤིག་གུ། ། འཁོད་ཀྱང་འགྲོ་བའང་དྲན་ན་ཡང་། ། རྒྱུག་གམ་འདོང་ངམ་སྡོད་དམ་ཅི། ། མདུན་ནམ་རྒྱབ་བམ་ལེགས་བསམ་མམ། ། བྱའམ་འཆར་རམ་ཅང་ཐལ་ལམ། ། རྒྱས་སམ་དེ་དག་དཔལ་འབྱོར་རྣམས། ། མཁས་ཏེ་འཆད་དེ་ཀུན་ཆུབ་སྟེ། ། ཇི་སྙེད་བདེ་དང་ལྡན་ནོ་ལོ། ། ལྟ་བུ་དང་།</br>ཡང་སྦྱར་ཡུལ་ལ་མི་ལྟོས་པར་ཡང་རང་ཉིད་ཀྱི་བརྗོད་དོན་གསལ་བར་མཚོན་པ་ཅན་གྱི་ཕྲད་ནི། གང་། ཅི། འདི། སུ། ཡང་། ནམ། སླར། འོ་ན། ལ་ལ། ཇི། ཞེས་པ་ལྟ་བུ་ཕྲད་རྐྱང་པ་རྣམས་དང་། ཕྲད་གཉིས་གསུམ་སོགས་འདུས་པ། གང་དག དེ་དག གང་རྣམས། དེ་རྣམས། ཇི་སྙེད། དེ་སྙེད། ཅི་ནས་ཀྱང་ལྟ་བུ་མང་པོ་རྣམས་སོ། །</br>ཡང་ལས་གང་ཞིག་བྱེད་པོ་གཞན་དང་དངོས་སུ་འབྲེལ་བའི་དབང་དུ་བྱས་ནས་བྱེད་པ་པོའི་དངོས་པོ་དེ་ཉིད་དང་དེའི་བྱེད་པ་དང་བཅས་པ་ལ་ནི་བདག་ཅེས་བྱ་ཞིང་། དེས་བསྒྲུབ་པར་བྱ་བའི་ཡུལ་གྱི་དངོས་པོ་བྱ་བ་དང་བཅས་པ་ལ་ནི་གཞན་ཞེས་བྱའོ། །</br>དེ་བཞིན་དུ་བྱེད་པོ་གཞན་དང་དངོས་སུ་འབྲེལ་མ་འབྲེལ་ཇི་ལྟར་ཡང་རུང་བྱ་བ་བྱས་ཟིན་པ་ནི་དུས་འདས་པ་དང་། བྱ་བ་བྱེད་པར་འགྱུར་བ་ནི་དུས་མ་འོངས་པ་དང་། བྱ་བ་བྱེད་བཞིན་པ་ནི་དུས་ད་ལྟ་བ་ཡིན་ནོ། ། གཞན་དུ་བྱེད་པའི་ལས་དང་བྱ་བའི་ལས་ཞེས་ལས་ཀྱི་ཚིག་ལ་གཉིས་སུ་དབྱེ་བའང་དབྱེ་བ་དེ་དག་ཏུ་འདུས་ཏེ་དུས་གསུམ་གྱི་དབང་གིས་བྱེད་པའི་ལས་ནི་དུས་ད་ལྟ་བ་དང་། བྱ་བའི་ལས་ནི་དུས་མ་འོངས་པར་འདུ་ཞིང་བདག་གཞན་གྱི་དབང་གིས་བྱེད་པ་པོ་གཞན་དང་དངོས་སུ་འབྲེལ་བའི་བྱེད་པ་བདག་དང་བྱ་བ་གཞན་ཡིན་པ་བཤད་མ་ཐག་པར་ལྟར་རོ། ། དེས་ན་དུས་གསུམ་གྱི་དབྱེ་བས་ནི་བྱེད་ལས་དང་འབྲེལ་བའི་ངག་གི་སྦྱོར་བ་ཐམས་ཅད་ལ་ཁྱབ་ཅིང་། བདག་གཞན་གྱི་དབྱེ་བས་ནི་དེ་ཙམ་དུ་ཁྱབ་པ་མ་ཡིན་ཀྱང་། བྱེད་པ་པོ་དང་བྱ་བའི་ཡུལ་གྱི་སྒྲ་རྣམས་བསྡུ་བའི་ཕྱིར་བདག་གཞན་གྱི་དབྱེ་བ་ཟུར་དུ་བྱུང་བ་ཡིན་ནོ། །</br>དེ་ལ་བྱེད་པ་པོ་བདག་གི་དངོས་པོའི་སྒྲ་ནི། སྒྲུབ་པ་པོ། ། སྟོན་པ་པོ། སྒྲུབ་བྱེད། སྟོན་བྱེད་ལྟ་བུ། དེའི་བྱེད་པའི་ཚིག་གསལ་བར་བྱེད་པ། སྒྲུབ་པར་བྱེད་པ། སྟོན་པར་བྱེད་པ། སྒྲུབ་བོ། སྟོན་ཏོ། ལྟ་བུ།</br>བྱ་བའི་ཡུལ་གཞན་གྱི་དངོས་པོའི་སྒྲ། བསྒྲུབ་པར་བྱ་བ། བསྟན་པར་བྱ་བ། བསྒྲུབ་བྱ། བསྟན་བྱ་ལྟ་བུ། དེའི་བྱ་བའི་ཚིག་བསྒྲུབ་པར་བྱ། བསྟན་པར་བྱ། བསྒྲུབ་བོ། བསྟན་ནོ་ལྟ་བུ་དང་། དེར་མ་འདུས་པ་དུས་གསུམ་ལས་འདས་པའི་སྒྲ། བསྒྲུབས། བསྟན། གྲུབ་ལྟ་བུ། ད་ལྟ་བའི་སྒྲ། སྒྲུབ་བཞིན་པ། སྟོན་བཞིན་པ། འགྲུབ་པར་བྱེད། འཆད་པར་བྱེད་ལྟ་བུ། མ་འོངས་པའི་སྒྲ། འགྲུབ་པར་འགྱུར། འཆད་པར་འགྱུར། འགྲུབ་བོ། འཆད་དོ། འགྲུབ་པར་བྱ། འཆད་པར་བྱ་ལྟ་བུ་མང་པོ་རྣམས་སོ། ། དེ་ལ་ལྕགས་གསེར་དུ་བསྒྱུར་ལྟ་བུ་བྱེད་པ་པོ་དང་དངོས་སུ་འབྲེལ་བ་དང་། ལྕགས་གསེར་དུ་གྱུར་ལྟ་བུ་བྱེད་པ་པོ་དང་དངོས་སུ་མ་འབྲེལ་བའོ། །</br>6. བཀླག་ཐབས་ནི། ཐོག་མར་ང་རོ་ཕྱིས་ནས་སྦྱོར་ཀློག་སྦྱང་། ། གནས་དང་བྱེད་རྩོལ་རང་མཐུན་དབྱུང་ཞིང་བརྗོད། ། བྱང་ནས་གང་ལ་གང་གིས་ཇི་ལྟ་བུར། ཅི་ཕྱིར་འཇུག་སོགས་ཐུ་མིའི་གཞུང་བཟང་བསླབ། ། བརྗོད་པའི་ཕྱི་མོ་སངས་རྒྱས་ཕྲིན་ལས་སོ། ། བསླབ་ཚུལ་གྱི་གོ་རིམ་ཡང་ཐོག་མར་ང་རོ་ལ་སྦྱང་བར་བྱ་སྟེ། ང་རོ་ཞེས་པ་སྒྲ་ཙམ་ལ་འཇུག་པས་ཡི་གེ་རྐྱང་པ་རྣམས་རང་རང་གི་སྐྱེ་གནས་དང་མཐུན་པ་དང་། དབྱངས་ལྡན་རྣམས་ཀྱང་སོ་སོའི་ང་རོ་དབྱུང་ཚུལ་བཅས་ཡི་གེ་རེ་རེ་ནས་ཀློག་པའི་སྒྲ་གདངས་ལ་སྦྱང་བར་བྱ་ཞིང་། དེ་ལ་གོམས་ནས་སྔོན་རྗེས་མིང་གཞི་གསུམ་ཚེག་བར་གཅིག་ཏུ་སྦྱོར་བའི་ཀློག་ཚུལ་སྦྱང་། དེ་དག་ཀྱང་གོང་སྨོས་ལེགས་སྦྱར་གྱི་རིགས་འདྲེས་ཏེ་སོ་སོའི་སྐྱེ་གནས་བྱེད་པ། ཕྱི་ནང་གི་རྩོལ་བ་རང་རང་དང་མཐུན་པར་དབྱུང་ཞིང་བརྗོད་དེ་ཞིབ་པར་རྗེ་བཙུན་བསོད་ནམས་རྩེ་མོའི་གསུང་རབ་ལ་སོགས་ལས་རྟོགས་པར་བྱའོ། ། ཀློག་ལེགས་པར་བྱང་ནས་སྔོན་རྗེས་ཀྱི་འཇུག་པ་རྣམས་ཡུལ་གང་ལ་འཇུག འཇུག་པོ་གང་གིས་འཇུག ཚུལ་ཇི་ལྟར་འཇུག་དགོས་པ་ཅིའི་ཕྱིར་འཇུག་པ་ལ་སོགས་པའི་རྣམ་གཞག་ཞིབ་མོ་ཐུ་མི་སཾ་བྷོ་ཊའི་གཞུང་བཟང་སུམ་ཅུ་པ་དང་རྟགས་ཀྱི་འཇུག་པ་ཐམས་ཅད་འབྱུང་བའི་ཕྱི་མོའམ་རྩ་བ་སངས་རྒྱས་ཀྱི་ཕྲིན་ལས་སུ་གྲུབ་པ་ཡིན་གྱི་གང་ཟག་གི་བློས་རྣམ་པར་བརྟག་པ་ཙམ་ནི་མ་ཡིན་ནོ། །</br>7. འཇུག་པའི་གནས་བརྒྱད་ནི། ཀུན་ཀྱང་ཟིན་པའི་སྒྲ་དང་ཡུལ་གྱི་སྐད། ། ངོ་བོའི་མིང་དང་མཚོན་བྱེད་མཚན་མ་སྟེ། ། གོ་བྱེད་བརྡ་དང་ཐ་སྙད་ཤེས་བརྗོད་འཇུག ། ཚིག་དོན་གནས་བརྒྱད་སྒྲ་དོན་འདྲེས་འཛིན་བློ། ། དོན་དམིགས་སྒྲ་བྱུང་མཐུན་སྣང་ཐུན་མོང་གྲགས། ། མངོན་ཞེན་རིམ་པའི་ཆོས་ལྔ་ལྡན་པར་སྐྱེ། ། ཡི་གེས་དོན་སྟོན་པར་བྱེད་པ་ཀུན་ཀྱང་འཇུག་པའི་གནས་བརྒྱད་ལ་བརྟེན་པ་ཡིན་ཏེ། གནས་བརྒྱད་ནི། སྒྲ། སྐད། མིང་། མཚན་མ། བརྡ། ཐ་སྙད། ཚིག དོན་དང་བརྒྱད་དོ། ། དེ་ལས། </br>(1)སྒྲ་ནི། འདིར་ཟིན་པའི་སྒྲ་སེམས་ཅན་དུ་སྟོན་ཅིང་ལུང་སྟོན་པའོ། །</br>(2)སྐད་ནི། འཕགས་བོད་རྒྱ་ནག་ལ་སོགས་པ་རང་རང་གི་ཡུལ་གྱི་བརྡ་གོ་བར་བྱེད་པའོ། །</br>(3)མིང་ནི་། ངོ་བོ་ཉིད་ཀྱི་ཚིག་བླ་དྭགས། ཆོས་མངོན་པའི་ལུགས་ཀྱི་ཡི་གེ་འདུས་པའི་བདག་ཉིད་ཅན་དང་། བརྡ་སྤྲོད་པའི་ལུགས་ཀྱི་རྣམ་དབྱེའི་མཐའ་ཅན། བུམ་པ། སེང་གེ་ལ་སོགས་པ་བརྗོད་པ་དེས་དོན་ལ་བློ་གཞོལ་བར་བྱེད་པས་ནཱ་མ་སྟེ་མིང་ཞེས་བྱ་ལ།</br>(4)དོན་དེ་མཚོན་པར་བྱེད་ཅིང་སྣང་བར་ནུས་པའི་ཆ་ནས་མཚན་མ་ཞེས་བྱའོ། །</br>(5)བརྡ་ནི། དོན་དེ་ལ་ཐ་སྙད་བྱ་བའི་ཕྱིར་ཐོག་མར་མིང་དུ་བཏགས་པ་སྟེ། གོ་བར་བྱེད་པ་དང་སྨྲ་བར་བྱེད་པའི་དུས་ཅན་ནོ། །</br>(6)ཐ་སྙད་ནི། འཇུག་པར་བྱེད་པའི་བདག་ཉིད་ཤེས་བརྗོད་འཇུག་གསུམ་གྱི་རང་བཞིན་ཅན་ཏེ། དེའང་འདི་ཀ་བ་ཡིན་ནོ་སྙམ་པའི་ཤེས་པ་ནི་བཏགས་པའི་ཤེས་པ་དང་། ཀ་བ་ཞེས་སྨྲ་བར་བརྗོད་པ་ནི་བརྗོད་པ་དང་། ཀ་བ་ཡིན་པས་ཁང་ཁྱིམ་བྱེད་པར་རྩོམ་པ་ནི་འཇུག་པ་སྟེ། སྤྱི་དངོས་ལ་མེད་ཀྱང་འཇུག་ལྡོག་བྱེད་པའི་ཕྱིར་ནན་གྱིས་བཏགས་པ་སྟེ། གདུང་འདེགས་ཀྱི་ཤིང་ལ་ཀ་བ་ཞེས་བཏགས་པ་ལྟ་བུའོ། ། དེ་དག་ཀྱང་དོན་དེའི་ངོ་བོ་ཙམ་བརྗོད་པའི་ཆ་ནས་མིང་དང་། དོན་དེ་མཚོན་པར་བྱེད་པས་མཚན་མ་ཐ་སྙད་ཀྱི་ཕྱིར་སྔར་མེད་པ་གློ་བུར་དུ་འདོད་པས་སྦྱར་བ་བརྡ་དང་། དེ་ཉིད་འཇུག་ལྡོག་བྱེད་པའི་ཕྱིར་བརྗོད་པས་ཐ་སྙད་དོ། །</br>(7)ཚིག་ནི་ཆོས་མངོན་པའི་ལུགས་ཀྱིས། མིང་འདུས་ནས་དོན་གྱི་ཁྱད་པར་བརྗོད་པ་སྟེ། འདུས་བྱས་མི་རྟག་ཅེས་པ་ལ་སོགས་པ་ལྟ་བུའོ། ། བརྡ་སྤྲོད་པའི་ལུགས་ཀྱིས་རྣམ་དབྱེ་ཏིདྲ་སུཔྲ་གང་རུང་གི་མཐའ་ཅན་དོན་གྱི་ངོ་བོ་དང་ཁྱད་པར་ཅི་རིགས་པ་བརྗེད་པའོ། །</br>(8)དོན་ནི། ཆོས་རྣམས་ཀྱི་གནས་ལུགས་ཇི་ལྟར་གནས་པ་ཉིད་དོ། ། དེ་ལྟར་གནས་བརྒྱད་པོ་དེ་དག་ལ་ཡི་གེ་དག་ཇི་ལྟར་འཇུག་ན་སྒྲ་དང་དོན་གཅིག་ཏུ་བསྲེས་ནས་འཛིན་པའི་བློའི་དབང་གིས་འཇུག་སྟེ། བློ་དེ་སྐྱེ་བ་ལ་ཡང་། བརྡ་བྱེད་པའི་དུས་ན་ཤེས་པ་གཞན་ལས་ཁྱད་པར་བྱེད་པའི་ཆོས་ལྔ་དང་ལྡན་པ་དགོས་ཏེ། དོན་ལ་དམིགས་པ་དང་། སྒྲ་ལས་བྱུང་བ་དང་། མཐུན་པར་སྣང་བ་དང་། ཐུན་མོང་དུ་གྲགས་པ་དང་། མངོན་པར་ཞེན་པ་རྣམས་སོ། ། དེ་དག་སོ་སོའི་ནུས་པ་ཡང་། དོན་ལ་དམིགས་པས་ནི་དོན་སྤྱིའི་ནུས་པ་སྐྱེད་པར་བྱེད་དོ། ། སྒྲ་ལས་བྱུང་བ་ནི་སྒྲ་སྤྱིའི་རྣམ་པ་སྐྱེད་པར་བྱེད་དོ། ། མཐུན་པར་སྣང་བ་དང་། ཐུན་མོང་དུ་གྲགས་པས་ནི་ཞེན་པ་སྐྱེ་ཞིང་གཞན་ལ་གོ་བར་ནུས་སོ། ། མངོན་པར་ཞེན་པས་ནི་མིང་དང་མིང་ཅན་འབྲེལ་བར་བྱེད་དོ། ། དེ་ལྟར་རིམ་པར་སྐྱེ་བའི་ཆོས་དང་ལྡན་པ་ལས་མིང་ལ་སོགས་པ་སྐྱེ་བ་དང་། མངོན་པར་ཞེན་པའི་རིམ་པ་ལའང་བཞི་ལ་སོགས་པ་དབྱེ་བའི་ཚུལ་ཞིབ་མོ་ནི་གནས་བརྒྱད་རྩ་འགྲེལ་སོགས་ལས་རྟོགས་པར་བྱའོ། །ནས་བརྒྱད་རྩ་འགྲེལ་སོགས་ལས་རྟོགས་པར་བྱའོ། །)
• Dictionaries/chos rnam kun btus/10849  + (1.ཆད་དོན་བཙན་པར་བྱ་ཞིང་ཚིག་རྗེས་དོན་གྱིས་བ … 1.ཆད་དོན་བཙན་པར་བྱ་ཞིང་ཚིག་རྗེས་དོན་གྱིས་བསབ། ། ཅེས་པ་ནི། དུས་གང་དུའང་རུང་། བྱ་བ་གང་ཞིག་ཡིན་ཡང་འདི་དང་འདི་བྱའོ་ཞེས་རང་དོན་དང་། མི་ཕན་ཚུན་བར་ཁ་ཆད་བྱས་པ་སྟེ། ཁས་བླང་བའི་དོན་དེ་མི་བསླུ་བར་དབང་བཙན་པར་བྱས་ཏེ་ཆད་ཕུལ་བ་དེ་ལྟར་བསྒྲུབ་པར་བྱ་བ་ལས་གཞན་དུ་འདོར་བར་མི་བྱ་ཞིང་། སྔར་སྨྲས་པའི་ཚིག་གི་རྗེས་དེ་དོན་གྱིས་བསབ་ཐུབ་པ་བྱེད་དགོས། དེ་ནི་སྐྱེས་བུ་དམ་པ་ཡ་རབས་ཀྱི་སྤྱོད་ཚུལ་ཡིན་པས་དེ་ལྟར་དོན་ཐོག་ཏུ་སྨིན་ངེས་བྱེད་དགོས། ཤེས་རབ་སྡོང་བུ་ལས། དམ་པས་མང་པོ་ཁས་འཆེ་མི་བྱ་ཞིང་། ། གལ་ཏེ་དཀའ་བའི་ཁས་ནི་བླང་གྱུར་ན། ། རྡོ་ལ་རི་མོ་བྲིས་པ་ཇི་བཞིན་དུ། ། ཤི་ཡང་གཞན་དུ་འདོར་བ་མ་ཡིན་ནོ། ། ཞེས་གསུངས་པ་ལྟར་རོ། །</br>2.ངན་ལས་ཆད་ཀྱང་བཟློག་ཅིང་བཟང་ལས་བཤོལ་ཡང་བརྩམ། ། ཞེས་པ་ནི། ངན་པའི་ལས་འཇིག་རྟེན་དུ་སྨད་པར་འོས་པའི་བྱ་བ་གསོད་རྐུ་སོགས་བྱེད་པར་ཆད་ཟིན་ཀྱང་མི་འཇུག་པར་ཐབས་ཀྱིས་ཟློག་པར་བྱེད། བཟང་པོའི་ལས་གཞན་གྱིས་བཤོལ་བཏབ་ཅིང་གནས་སྐབས་ཕྱིར་བཤོལ་བྱ་དགོས་བྱུང་ན་ཡང་། ཐབས་དང་འབད་པ་དུ་མས་སླར་བཟང་པོའི་ལས་ཀྱི་འཕྲོ་དེ་རྩོམ་པར་བྱའོ། ། ཞེས་སོ། །</br>3.གཞིག་པ་སྔོན་ལ་བཏང་ཞིང་ཕྱིས་ཀྱི་ལེགས་འཕེན་བྱ། ། ཞེས་པ་ནི། བྱ་བ་གང་དང་གང་ལའང་། ལས་དང་བྱ་བ་གང་ཞིག་བྱེད་ན་ཡང་རང་ཉིད་ཀྱིས་བསམ་གཞིག་སྔོན་དུ་བཏང་ཞིང་བླང་དོར་ཤེས་པ་དང་། གཙོ་བོར་གནས་སྐབས་ཙམ་མ་ཡིན་པར་ཕྱིས་འབྱུང་ལེགས་འཕེན་གྱི་ཆ་གང་ཡིན་པ་དེ་བརྩམ་པར་དམ་བཅའོ། །ཞེས་སོ། །</br>4.ཟེར་རྒྱུ་བདེན་པར་མི་བཟུང་ལེགས་པར་དཔྱད་ནས་བཟུང་། ། ཞེས་པ་ནི། གཞན་གྱི་ཕྲ་མ་དང་མགོ་སྐོར་འོག་ཚུད་པའི་ཆེད་དུ་གཞན་གྱིས་ཟེར་རོ་ཅོག་ལ་བདེན་པར་མི་བཟུང་བར་ལེགས་པར་བརྟགས་ཤིང་དཔྱད་དེ་བདེན་པའི་ངེས་པ་ཐོབ་ན་གཞི་ནས་དོན་དུ་བཟུང་ངོ་། ། ཞེས་སོ། །</br>5.སྨྲ་དགུ་བསམ་ལ་སྨྲ་ཞིང་རང་གི་མདོ་དོན་བསྡམ། ། ཞེས་པ་ནི། རང་ཉིད་ཀྱིས་སྨྲ་ཆུ་སྟེ་གཏམ་སྨྲ་བའི་ཚེ། རྫུན་ཕྲ་ཚིག་རྩུབ་སོགས་ངག་གི་ཉེས་པ་མི་འབྱུང་ཕྱིར་ལེགས་པར་བསམས་ལ་སྨྲ་ཞིང་། རང་གི་མདོ་དོན་གྱི་ཚིག་“གསང་དགོས་སྲོག་ལ་བབས་ཀྱང་བསྲུང་”ཞེས་པ་ལྟར་ནམ་ཡང་མི་སྨྲ་བར་བསྡམ་དགོས། ། ཞེས་སོ། །</br>6.བུད་མེད་ངག་ལ་མི་ཉན་རྦད་ཁ་ལྕི་བར་བྱ། ། ཞེས་པ་ནི། ཁྱད་པར་དུ་བུད་མེད་ངན་མ་སྟེ་ཤེས་རྒྱུ་དང་། བརྟན་ཚུགས་ཆུང་ཞིང་། གཡོ་སྒྱུ་དང་ཕྲག་དོག་ཆེ་བས་གཞན་ལ་གནོད་པ་སྐྱེད་པའི་ཕྲ་མའི་ངག་ལ་ནམ་ཡང་མི་ཉན། རང་གིས་ཀྱང་། དོན་མེད་བྲེ་མོ་ངག་འཆལ་གྱི་རིགས་མི་སྨྲ་བར་རྦད་ཁ་ལྕི་བར་བྱ། །ཞེས་སོ། ། </br>7.བྱམས་ལྟོས་མི་ལ་ཚིག་དྲོན་མིག་གཞུག་ལྷུག་པར་སྨྲ། ། ཞེས་པ་ནི། རང་ལ་ཁ་ཞེ་མེད་པར་བྱམས་ཤིང་རེ་ལྟོས་འཆའ་བའི་མི་ལ་གཡོ་ཚིག་རྫུན་གཏམ་ཚིག་དྲོན་བསླུ་བ་ཅན་མི་བྱིན་པར་ཟོལ་མེད་ལྷུག་པོའི་གཏམ་གྱིས་ཡིད་མགུ་བར་བྱའོ། ། ཞེས་སོ། །</br>8.ཅམ་ལ་བརླིང་ཞིང་འཕྲལ་ལ་འགྲོགས་པ་བདེ་བར་བྱ། ། ཞེས་པ་ནི། ཅམ་ལ་བརླིང་བ་སྟེ། ཁ་ཞེ་མེད་པར་བབ་ཆགས་པ་བརླིང་བ་འཆལ་བར་མི་སྤྱོད་པ། འཕྲལ་ཡུན་ཀུན་ཏུ་རང་དང་འགྲོགས་དགོས་ཀྱི་མིར་རང་ཚུགས་ཐུབ་པོ་སེམས་དང་བསྟུན་འབྲེལ་བ་གང་བཟང་ལ་འགྲོགས་གཤིབ་བདེ་བར་བྱའོ། ། ཞེས་སོ། །</br>9.དགྲ་བོ་ཡན་པར་མི་གཏོང་འདམ་རིང་ཐབས་ཀྱིས་འདུལ། ། ཞེས་པ་ནི། རང་ལ་གནོད་པའི་དགྲ་བོ་སུ་འདྲ་ཞིག་ཡིན་རུང་གཉའ་རེངས་སུ་མི་གཏོང་བ་སྟེ་ཡན་པོར་མི་གཏོང་བ། དགའ་སྡུག་གི་རྣམ་འགྱུར་ཕྱིར་མི་མངོན་པའམ་བསམ་པའི་གཏིང་དཔོག་དཀའ་བས་འདམ་རིང་པོས་ཐབས་ཀྱིས་ནོན་པར་བྱེད་མཁས་པ། ། ཞེས་སོ། །</br>10.ཉེ་འཁོར་ཤ་ཚས་བསྐྱང་ཞིང་སྔར་དྲིན་མིག་རིང་བལྟ། ཞེས་པ་ནི། རང་ལ་རུས་ཉེ་བའི་གཉེན་ཉེ་དང་། བྲན་འཁོར་ལ་སོགས་པ་རྣམས་ནི། ཤ་ཚས་བསྐྱང་ཞིང་། རང་ལ་སྔར་དྲིན་ཆེ་བའི་མི་ལ་མིག་རིང་དུ་བལྟས་ཏེ་ནམ་ཡང་མི་བརྗེད་པར་དྲིན་གཟོ་བ། ཞེས་སོ། །</br>11.སློབ་དཔོན་པ་ཁུ་ལ་སོགས་རྒན་རིགས་ཕུད་དུ་ཁུར། ། ཞེས་པ་ནི། ཁྱད་པར་སློབ་དཔོན་དང་ཕ་ཁུ་ལ་སོགས་པ་བཀུར་བར་འོས་པའི་རྒན་རིགས་རྣམས་གུས་པས་ཕུད་དུ་ཁུར་བ་སྟེ་གོང་དུ་བཀུར་བ་དང་། སོགས་སྒྲས་དགེ་སྦྱོང་དང་། རྒྱལ་པོ་ལ་སོགས་པའང་བསྡུས་ཏེ། འདུལ་བ་ལས། མི་གང་ནོར་གྱིས་རྒན་པ་དང་། ། རིགས་ཀྱིས་རྒན་དང་ན་ཚོད་རྒན། ། དེ་དག་ཐོས་པས་རྒན་པ་ཡི། ། སྒོ་ནས་དོན་དུ་གཉེར་བས་སྡོད། ། ཅེས་པས། ཡང་རབ་ཐོས་པས་རྒན་པ། རབ་རིགས་ཀྱིས་རྒན་པ། འབྲིང་ནོར་གྱིས་རྒན་པ། ཐ་མ་ན་ཚོད་རྒན་པ་སྟེ་དེ་རྣམས་གུས་པས་བཀུར་རོ། ། ཞེས་སོ། །</br>12.ཡུལ་མི་མཛའ་བཤེས་འགྲོགས་དགོས་རྣམས་དང་བློ་སེམས་བསྟུན། ། ཞེས་པ་ནི ཡུལ་མི་དང་མཛའ་བཤེས་སམ་དུས་རྟག་ཏུ་འགྲོགས་དགོས་རྣམས་དང་བློ་སེམས་ལྷག་པར་བསྟུན་པར་བྱའོ། ། མདོར་ན་མཐོ་བ་རྣམས་ནི་ཞྭ་བཞིན་བཀུར། ། དམའ་བ་རྣམས་ནི་ས་གཞི་བཞིན་དུ་སྐྱོང་། ། མཉམ་ཉིད་རྨོན་དོར་བཞིན་དུ་དགའ་བས་འགྲོགས། ། ཞེས་པའི་དོན་བཞིན་ནོ། །</br>13.སོ་ནམ་ཞིབ་མོར་བྱ་ཞིང་དགོས་དུས་རྩིང་པོར་སྤྱད། །ཅེས་པ་ནི། སོ་ནམ་བྱ་གཞག་སོགས་འཇིག་རྟེན་ན་ནོར་སྤེལ་ལོངས་སྤྱོད་རྒྱས་པ་བྱེད་པའི་བྱ་བ་རྣམས་སླ་བཅོས་སུ་མ་སོང་བར་ཞིབ་ཚགས་པོའི་སྒོ་ནས་བསྒྲུབ་དགོས་པ་ཡིན་ལ། དེ་ལྟར་བསགས་པའི་རྒྱུ་ནོར་རྣམས་དགོས་ངེས་ཀྱི་དུས་ཤིག་བྱུང་ཚེ། དཔེར་ན་སྦྱིན་པ་གཏོང་བ་ལ་སོགས་པའི་ཚེ་སེར་སྣས་མ་བཅིང་བར་རྩིང་པོར་སྤྱོད་དེ་ཟས་ནོར་ལ་སྙིང་པོ་ལེན་ཤེས་པ། ཞེས་སོ། །</br>14.མི་བདེན་འཕམ་ངོས་བླང་ཞིང་རྒྱལ་ན་ཚོད་ཟིན་བྱ། ། ཞེས་པ་ནི། རང་གིས་བཤད་པ་དང་། བྱས་པའི་བྱ་བ་གང་ལའང་རང་ཉིད་ནོར་བ་དང་མི་བདེན་པའི་ཆ་མཐོང་ན་འཕམ་ངོས་བླངས་ཤིང་། རྒྱལ་བར་ཤེས་ན་ཡང་ཚོད་ཟིན་པར་བྱའོ། ། ཞེས་སོ། །</br>15.མཁས་ན་དྲེགས་པ་བསྐྱུང་ཞིང་ཕྱུག་ན་ཆོག་ཤེས་བྱ། །ཞེས་པ་ནི། མཁས་པའི་བློ་གྲོས་དང་ལྡན་ན་ངའོ་སྙམ་པའི་དྲེགས་པ་བསྐྱུངས་ཤིང་། ལོངས་སྤྱོད་ཀྱིས་ཕྱུག་ནའང་ཆོག་ཤེས་བྱའོ། ། ཞེས་སོ། །</br>16.མི་བྲན་ཁྱད་དུ་མི་གསོད་མཐོ་ལ་ཕྲག་དོག་སྤང་། ། ཞེས་པ་ནི། རང་ལས་དམན་པའི་རིགས་མི་བྲན་རྣམས་ལ་བརྙས་བཅོས་དང་ཁྱད་གསོད་མི་བྱེད། རང་ལས་ཆེ་ཞིང་མཐོ་བའི་རིགས་རྣམས་ལའང་ཕྲག་དོག་དང་། འགྲན་སེམས་ཀྱི་རྟོག་པ་ངན་པ་སྤོང་དགོས། ། ཞེས་སོ། །</br>17.མི་ངན་བསྟེན་རྫི་མི་བྱ་བན་བོན་དགྲར་མི་བསླངས། ། ཞེས་པ་ནི། རྐུན་པོ་དང་། ཁྲམ་པ་གཡོ་ཅན་སོགས་རང་གི་འཁོར་དུ་བསྟེན་པའམ་ཡང་ན་དེ་དག་གི་རྒྱབ་གནོན་ནམ་རྒྱབ་རྫི་བྱས་ན་རང་ལའང་དྲང་པོ་མིན་པའི་གྲགས་པ་ངན་པ་འཕོག་པས་བྱ་བ་དེ་དག་མི་བྱ་བར་སྤང་དགོས། གཞན་ཡང་མཐུ་གཏད་སོགས་བྱེད་མཁན་གྱི་བན་བོན་རྣམས་ནམ་ཡང་དགྲར་མི་བཟུང་ལ་གཉེན་དུའང་མི་བརྩི་བར་བཏང་སྙོམས་སུ་འཇོག་ཤེས་པ། ཞེས་སོ། །</br>18.གཞན་གྱི་ནོར་ལ་མི་འབགས་ལ་ཡོག་མནའ་ལ་འཛེམས། ། ཞེས་པ་ནི། རང་ཉིད་དབུལ་པོར་གྱུར་ཀྱང་གཞན་གྱི་ནོར་ལ་རློམ་སེམས་ཀྱིས་མི་འབགས། གཞན་ལ་མ་བྱས་པའི་ལ་ཡོག་བཀལ་ནི་ངན་འབྲས་རང་ཐོག་ལ་འཁོར་བས་སྨྱོན་འཛུགས་དེ་རིགས་དང་། ཡེ་ཤེས་དང་། འཇིག་རྟེན་གྱི་ལྷ་སོགས་དཔང་དུ་བཙུགས་པའི་མནའ་སོགས་ལ་འཛེམ་དགོས། ། ཞེས་སོ། །</br>19.མི་འགྱོད་རྡོག་གཏད་བྱ་ཞིང་ངན་ལ་དབང་མི་བསྐུར། ཞེས་པ་ནི། བྱ་བ་གང་ཞིག་ཡིན་རུང་ཐོག་མ་ནས་མནོ་བསམ་ཞིབ་མོར་བཏང་ནས། ལེགས་ཉེས་དང་། རྒྱལ་ཕམ་ག་རེ་བྱུང་ཡང་འགྱོད་མེད་རྡོག་གཏད་ཡོང་བ་བྱ་དགོས། ། སེམས་རྒྱུད་མ་རུངས་པ། ཉེ་རིང་ཀུན་ལ་གཡོ་ཁྲམ་དང་ངན་སེམས་ཁོ་ན་བྱེད་མཁན་གྱི་མི་ངན་པའི་རིགས་ལ་དབང་བསྐུར་བར་མི་བྱའོ། ། ཞེས་སོ། །</br>20.སེམས་ཀྱི་སྟོབས་དྲང་ངང་རིང་ཡངས་ཤིང་གཞི་བསྐྱེད་ལ། ། ཞེས་པ་ནི། སེམས་ཀྱི་སྟོབས་ཤིན་ཏུ་དྲང་ཞིང་ངང་རྒྱུད་རིང་ལ་ཁོང་ཡངས་པ། བསྒྲུབ་དགོས་ཀྱི་བྱ་བའི་རིགས་ལ། བསམ་བློའི་དོན་དངོས་དང་བསྟུན་ཏེ། འཆོར་གཞིའི་རྒྱ་ཁྱོན་གུ་དོག་པོ་མིན་པར་སྐྱེད་དགོས། ཞེས་སོ། །</br>21.ལས་རྣམས་ཕལ་ཆེར་ཟླ་ཚོད་དུས་སུ་བླང་བ་གཅེས། ། ཞེས་པ་ནི། ལས་རྣམས་གོ་རིམ་དང་། གདེང་ཚོད་ཡོད་པའི་སྒོ་ནས་ཟླ་བ་དང་། ཞག་གྲངས་ཀྱི་དུས་ཕྱི་བཤོལ་མེད་པར་བསྒྲུབ་པ་གཅེས་སོ། ། ཞེས་སོ། །་བཤོལ་མེད་པར་བསྒྲུབ་པ་གཅེས་སོ། ། ཞེས་སོ། །)
• Dictionaries/chos rnam kun btus/11468  + (1.ཆབ་མདོ་བྱམས་པ་གླིང་ནི། འཇམ་མགོན་བླ་མ་བཙོ … 1.ཆབ་མདོ་བྱམས་པ་གླིང་ནི། འཇམ་མགོན་བླ་མ་བཙོང་ཁ་པ་ཆེན་པོའི་དངོས་སློབ་ཆོས་རྗེ་ཤེས་རབ་བཟང་པོས་རབ་བྱུང་བདུན་པའི་ཤིང་བྱ་དང་མེ་སྦྲུལ་གཉིས་ཚོམ་བྱུང་ཡང་གྲགས་ཆེ་བ་ཕྱི་མའི་ལོ་ལ་བཏབ། ཚོགས་པ་སྟོང་ཕྲག་གཅིག་དང་ཉིས་བརྒྱ་སྐོར།</br>2.ཆབ་མདོའི་དགོན་ལག་རྫོང་གློ་དགོན་ནི། གནས་པོ་བཏབ། དགེ་འདུན་སྐོར། </br>3.ཆབ་མདོའི་དགོན་ལག་རོ་ཁྲུ་ཕུའི་དགོན་ནི། རྗེ་དྲུང་ཤེས་རབ་དབང་པོའི་སློབ་མ་རྒྱ་ར་ཤེས་རབ་ཕུན་ཚོགས་ཀྱིས་བཏབ། དགེ་འདུན་བརྒྱད་ཅུ་སྐོར།</br>4.ཆབ་མདོའི་དགོན་ལག་གཡོ་མདའ་དགོན་ནི། ཐོག་མ་སུས་བཏབ་དང་བླ་རབས་མ་བྱུང་། དགེ་འདུན་བཞི་བཅུ་སྐོར།</br>5.ཆབ་མདོའི་དགོན་ལག་ས་སྒང་དགོན་ནི། འཇམ་མགོན་ཆོས་ཀྱི་རྒྱལ་པོའི་དངོས་སློབ་མཁའ་སྤྱོད་ནམ་མཁའ་རྒྱལ་མཚན་གྱིས་བཏབ། དགེ་འདུན་བརྒྱ་དང་ཉི་ཤུ་སྐོར།</br>6.ཆབ་མདོའི་དགོན་ལག་རྨོ་མདའ་དགོན་ནི། འཛམ་མགོན་ཆོས་ཀྱི་རྒྱལ་པོའི་སློབ་མ་ཟླ་བ་གྲགས་པས་ཉ་ཁམས་དགོན་ཞེས་བཏབ་ཀྱང་ལོག་སྨོན་རྣམ་པར་བདོ་བའི་བསྟན་དགྲ་བེ་རི་དོན་ཡོད་ལ་བརྟེན་ནས་སྟོངས་པ་ཞི་བ་བཟང་པོས་རྨོ་མདར་སྤོས། དགེ་འདུན་བརྒྱ་དང་ཉི་ཤུ་སྐོར།</br>7.ཆབ་མདོའི་དགོན་ལག་གྱང་སྟོད་དགོན་ནི། སྔར་ཀར་ལུགས། ཕྱིས་ཞལ་སྔ་བཀའ་བརྒྱུད་དུ་འགྱུར་ཞིང་གསང་འཇིགས་སོགས་དགེ་ལུགས་ཀྱི་ཆོས་སྤྱོད་འདོན་པར་གྲགས།</br>8.ཆབ་མདོའི་དགོན་ལག་གཏེར་ཡོ་དགོན་ནི། སྔར་སུས་བཏབ་དང་བླ་རབས་མ་བྱུང་། དགེ་འདུན་ཉི་ཤུ་སྐོར། </br>9.ཆབ་མདོའི་དགོན་ལག་རྫོང་ཁ་དགོན་ནི། དགེ་འདུན་ཉི་ཤུ་སྐོར།</br>10.སྤོ་བོ་ཆུ་མདོ་དགོན་ནི། རྩ་བའི་དགོན་པ་མགར་དམ་པས་རྨང་བཏིང་བ་ཕུ་ལུང་དུ་གྲགས། དེ་རྗེས་ཆུ་མོ་ཕག་གི་ལོ་ལ་འཕགས་པ་ལྷས་སྤོ་སྟོད་དང་ཡར་ལུང་གི་ཆུ་གཉིས་འདུས་པའི་མདོར་ཆོས་སྡེ་འདི་ཉིད་ས་གཞི་ལེགས་བཏིང་བས་སྤོ་བོ་ཆུ་མདོར་གྲགས། དགེ་འདུན་བདུན་བརྒྱ་སྐོར། </br>11.དཔག་ཤོད་དགའ་ལྡན་བསམ་གྲུབ་གླིང་དགོན་ནི། གཞོན་ནུ་དཔག་ཤོད་དུ་བླ་མ་རྒྱལ་མཚན་སེང་གེས་བཏབ། དགེ་འདུན་སུམ་བརྒྱ་སྐོར།</br>12.སྤོ་བོ་ཆོས་རྫོང་དགོན་ནི། མཚུངས་མེད་ཆོས་རྗེ་རྒྱལ་མཚན་བཟང་པོའི་སློབ་མ་ཆོས་གྲགས་པས་བཏབ། དགེ་འདུན་ཕྱེད་ཉིས་བརྒྱ་སྐོར། </br>13.སྤོ་བོ་གསུམ་འཛོམ་དགོན་ནི། འབྲུ་ལ་བ་བྱང་ཆུབ་རྒྱལ་མཚན་གྱིས་བཏབ། དགེ་འདུན་བརྒྱ་དང་སུམ་ཅུ་སྐོར།</br>14.དཔག་ཤོད་གནས་ཐང་དགོན་ནི། ལྷོ་པ་རྒྱལ་མཚན་སེང་གེས་བཏབ། དགེ་འདུན་བཞི་བཅུ་སྐོར། </br>15.གུང་རུ་དཔལ་འབར་ནི། རྗེ་བླ་མའི་ཡང་སྲིད་གོང་མ་འགྲོ་བའི་མགོན་པོ་ཆོས་རྒྱལ་འཕགས་པའམ་འཁོན་སྟོན་བློ་གློས་རྒྱལ་མཚན་དཔལ་བཟང་པོ་ཤར་རྒྱལ་པོའི་ཏི་ཤིར་བྱོན་སྐབས་ཞལ་བཀོད་ནང་ནས་གཙུག་ལག་ཁང་ཀུན་དགའ་ར་བ་དང་བཅས་བཏབ་ཅིང་། དཔལ་ལྡན་ས་སྐྱ་པའི་ཆོས་རྒྱུད་བཟུང་ནས་བླ་རབས་ཁ་ཤས་བར་སོང་བའི་ཚེ་གུང་རུ་རིན་ཆེན་བྱང་ཆུབ་པས་འཇམ་མགོན་བླ་མའི་རིང་ལུགས་རྨ་མེད་པ་འདི་ཉིད་ལ་ལྕགས་དང་གསེར་འགྱུར་གྱི་དཔེ་བཞིན་ལེགས་པར་བརྒྱུར། གྲྭ་པ་བརྒྱ་དང་སུམ་ཅུ་སྐོར།</br>16.གུང་རུ་ཆོས་སྡེ་པུསྟི་མ་ནི། ཐམས་ཅད་མཁྱེན་པ་དགེ་འདུན་གྲུབ་པའི་དཔལ་གྱི་ཞལ་སློབ་དྲུང་རམས་པ་བསྟན་པའི་ཉི་མར་གྲགས་པས་ཐོག་མར་སེང་གེ་སྒང་དུ་མདོ་སྔགས་ཤུང་འབྲེལ་གྱི་གྲྭ་ཚང་བཙུགས། གྲྭ་པ་བརྒྱ་དང་ལྔ་བཅུ།</br>17.བྱ་ཕུད་མདོ་སྔགས་དར་རྒྱས་གླིང་ནི། རོང་པོ་འབྲིང་ཚང་པ་གོ་ལས་ཕྱོགས་དེར་བཀའ་བརྒྱུད་པའི་བྱ་བྲལ་མང་པོ་ཡོད་པ་ཕུད་དེ་ཁམས་གསུམ་ཆོས་ཀྱི་རྒྱལ་པོ་བཙོང་ཁ་པ་ཆེན་པོའི་རིང་ལུགས་པ་བསྟན་པ་དཔལ་གྲུབ་སྤྱི་བོར་བཀུར་ནས་ཆོས་སྡེ་འདི་བཏབ། དགེ་འདུན་བརྒྱ་དང་བཅུ་སྐོར།</br>18.རྫི་ཐོ་དགོན་ནི། ས་དགེ་འགལ་མེད་ཀྱི་རིང་ལུགས་འཆང་བ་རཏྣའི་མཚན་ཅན་གྱིས་བཏབ། དགེ་འདུན་ཕྱེད་སུམ་བརྒྱ་སྐོར། </br>19.ངོ་འདུ་དགོན་ནི། རྒྱ་ར་བ་སངས་རྒྱས་ཡེ་ཤེས་ཀྱིས་བཏབ། དགེ་འདུན་བརྒྱ་དང་སུམ་ཅུ་སྐོར། </br>20.ཆོས་ཁྲི་ཐང་དགོན་ནི། རོང་པོ་ཆུང་ཚང་གིས་སྦྱིན་བདག་བྱས་ཏེ་འཕགས་པ་ལྷས་བཏབ། དགེ་འདུན་ལྔ་བཅུ་སྐོར།</br>21.ཇུ་ཤོད་དར་རྒྱས་དགོན་ནི། ཆབ་མདོའི་མཁན་ཐོག་བཅུ་པ་རྗེ་དྲུང་ཤེས་རབ་དབང་པོས་བཏབ། དགེ་འདུན་བརྒྱ་སྐོར། </br>22.དབྱར་ལྷས་དགོན་ནི། སློབ་དཔོན་གཞོན་ནུ་འོད་ཟེར་གྱིས་བཏབ། དགེ་འདུན་བཞི་བཅུ་སྐོར།</br>23.སྣ་ཁོ་དགོན་ནི། སྔོན་ས་སྐྱ་པའི་དགོན་རོ་ཞིག་ལ་ཐམས་ཅད་མཁྱེན་པ་དགེ་འདུན་རྒྱ་མཚོའི་དངོས་སློབ་ཆབ་མདོའི་མཁན་ཐོག་བཅུ་པ་རྗེ་དྲུང་ཤེས་རབ་དབང་པོས་ཉམས་གསོ་མཛད་དེ་ཅི་བསམས་དགོན་དུ་བཏགས། དགེ་འདུན་སུམ་ཅུ་སྐོར།</br>24.ལ་ཁ་དགོན་ནི། རྗེ་དྲུང་ཤེས་རབ་དབང་པོའི་སློབ་བུ་བསུ་རོང་པ་བཀྲ་ཤིས་རབ་བརྟན་གྱིས་བཏབ། འཕགས་པ་ལྷ་སྐྱེ་འཕྲེང་གཉིས་པས་དགོན་མིང་རི་བོ་ཆོས་འཕེལ་དུ་བཏགས། དགེ་འདུན་སུམ་ཅུ་སྐོར།</br>25.ཀྱི་རོག་སྣང་ཁ་དགོན་ནི། ཀྱི་རིན་ཆེན་སྒང་ཞེས་ལོ་རྒྱུས་རྙིང་པ་འགར་བྱུང་ནའང་སྟོངས་པའམ་མིང་དོན་ངོ་མ་འཕྲོད་པ་ཇི་ལྟར་ཡིན་རུང་ད་ལྟ་འདི་ཡིན་མ་བྱུང་།</br>26.སྟག་རྩེ་དགོན་ནི། ལྷ་སྟག་དཔལ་གསུམ་སོགས་ཀྱི་སྐབས་དར་རྒྱས་ཙམ་བྱུང་འདྲ་ཡང་། མདང་ནང་དཔལ་འབར་ནང་སོའི་མི་སེར་ཁྱིམ་པ་ཤ་སྟག་འདུག །</br>27.ཟུར་ལྕམ་དགོན་ནི། དྲུང་དཔལ་གྲུབ་བཟང་པོས་བཏབ། དགེ་འདུན་བཅོ་ལྔ་སྐོར། </br>28.གླིང་ལིང་དགོན་ནི། འཇམ་མགོན་ཆོས་ཀྱི་རྒྱལ་པོའི་སློབ་མ་ཞང་ཞུང་པ་ཆོས་དབང་གྲགས་པས་བཏབ། དགེ་འདུན་བཞི་བཅུ་སྐོར། </br>29.ར་ཚག་དགོན་ནི། ཀར་དགོན་ཚ་རག་དགོན་ཡིན་ཚུལ་དང་། འགའ་ཞིག་ནས་དཔལ་འབར་དང་དོན་གཅིག་ཟེར་མི་སྣང་ཡང་། མཁར་ལོ་དཔལ་འབྱོར་རྒྱ་མཚོས་ཆོས་འབྱུང་བསྒྲིགས་སྐབས་ཚ་རག་དགོན་ཀར་ལུགས་ཤ་སྟག་དང་། གུང་རུ་དཔལ་འབར་གྲགས་ཆེ་ཞིང་ལོ་ཙཱ་བ་རང་ངོས་ཀྱི་བྱོན་པ་བཅས་འཁྲུལ་གཞི་དེ་ཙམ་ཡོང་དོན་མི་འདུག་ཅིང་། ཆོས་འབྱུང་དུ་དགོན་འདེབས་པ་པོ་རྗེ་དྲུང་ཤེར་དབང་། ས་ཡུལ་རྡོ་ཤོད་དུ་ཡོད་པར་བྱས་འདུག་པས། དོན་ཁམས་དབུས་ཀྱི་སྐད་བརྡ་ཅུང་ཟད་མ་གཅིག་པའི་ཚིག་ཟུར་ཕྲན་བུ་ཉམས་པ་ལས། དེང་སང་རྡོ་ཤོད་སྲིབས་བརྒྱུད་དུ་ཡོད་པའི་དགེ་དགོན་རྙིང་པ་ཡུལ་སྐད་དུ་ར་ཐག་ཟེར་བ་འདི་ཡིན། དགེ་འདུན་བཞི་བཅུ་སྐོར།</br>30.རོང་པོ་དགོན་ནི། ཟླ་དཀར་སྟོང་དཔོན་གྱིས་སྦྱིན་བདག་བྱས་ཏེ་རྗེ་དྲུང་ཤེས་རབ་དབང་པོས་བཏབ་པ་ཡིན་ཀྱང་། ཡུན་ཧ་ཅང་མ་ལོན་པ་ནས་སྟོང་དཔོན་གྱིས་མངའ་རིས་རྣམས་བོན་ལུགས་ཀར་རུ་བས་བདག་པའི་རྐྱེན་ལས་དེང་སང་མི་ནག་གི་གྲོང་དུ་སོང་། </br>31.དབྱར་མ་དགོན་ནི་སྔར་གུང་རུའི་ས་ཁོག་ཏུ་ཡོད་ངེས་ཡིན་འདུག་ཀྱང་ཕྱིས་དེ་འཕྲོད་པ་མ་བྱུང་། </br>32.དགོན་ལུང་དགོན་ནི། འཇམ་མགོན་ཆོས་ཀྱི་རྒྱལ་པོའི་སློབ་མ་གཙང་པ་བརྩོན་འགྲུས་བཟང་པོས་བཏབ། དགེ་འདུན་བཞི་བཅུ་སྐོར།</br>33.སྒོ་ཤར་དགོན་ནི། ས་སྐྱ་པ་དྲུང་ཀུན་དགའ་རྒྱལ་མཚན་གྱིས་བཏབ། ཕྱིས་ཤོ་མདོར་སྤོས་པ་འོག་ཏུ་གསལ། </br>34.རི་ཁྲོད་དགོན་ནི། དྲུང་བྱང་ཆུབ་བཟང་པོས་བཏབ། གཞན་མའི་རྒྱུ་མཚན་སྒོ་ཤར་དང་མཚུངས།</br>35.ཀ་མཐོ་དགོན་ནི། གུང་རུ་སྟེང་པ་ཆོས་རྒྱལ་བཟང་པོས་བཏབ། དགེ་འདུན་སུམ་བརྒྱ་སྐོར།</br>36.གོང་གི་དགོན་ལག་ལྟ་བུ་དཔའ་མགོ་དགོན་དང་། བྲག་ལུང་གཉིས་བར་སྐབས་ཉག་ཕྲ་ཡང་ཕྱིས་ཇེ་འཕེལ་གྱིས་ད་ལྟ་ལྷ་དབང་མགོན་པོས་སྐྱོང་། དགོན་ཁག་གཉིས་སྤྱིར་དགེ་འདུན་དྲུག་ཅུ་སྐོར།</br>37.རྫོང་དཀར་དགོན་ནི། རྒྱ་སྟོན་པའི་ཆོས་ལུགས་འཛིན་པ་འཇིགས་མེད་གྲགས་པས་བཏབ། དགེ་འདུན་དྲུག་ཅུ་སྐོར།</br>38.རྒྱང་ཤོད་ཆམ་རྫོང་དགོན་ནི། མཁན་ཆེན་ཆོས་ལེགས་པར་གྲགས་པས་བཏབ། དགེ་འདུན་དྲུག་ཅུ་སྐོར།</br>39.དིལ་མགོ་དགོན་ནི། མཁན་ཆེན་ཆོས་ལེགས་པར་གྲགས་པས་བཏབ། དགེ་འདུན་བདུན་ཅུ་སྐོར།</br>40.རྫོང་ཆུང་དགོན་ནི། མཁན་ཆེན་ཆོས་ལེགས་པར་གྲགས་པས་བཏབ། དགེ་འདུན་བདུན་ཅུ་སྐོར།</br>41.མཛའ་ཤོད་དགོན་གསར། མཁན་ཆེན་བསོད་ནམས་པས་བཏབ།</br>42.མོད་རོད་མག་དགོན་ནི། མཁན་ཆེན་བསོད་ནམས་པས་བཏབ།</br>43.རས་རིས་དགོན་ནི། མཁན་ཆེན་བསོད་ནམས་པས་བཏབ། གོང་གསལ་དགོན་གསུམ་སྤྱིར་དགེ་འདུན་དགུ་བཅུ་སྐོར།</br>44.དིང་ཐང་དགོན་ནི། དགོན་གསར་འདེབས་མི་དང་གཅིག་ཀྱང་། འབའ་རུ་དང་བྱ་ཆོས་པ་ནང་འཁྲུགས་སྐབས་སྟོངས། </br>45.བོང་དགོན་ནི། ཇོ་གྲོང་པ་བྱམས་མགོན་གྱིས་བཏབ། </br>46.ཇོ་དགོན་ནི། ཇོ་གྲོང་པ་བྱམས་མགོན་གྱིས་བཏབ། གོང་གསལ་དགོན་པ་གཉིས་ལ་དགེ་འདུན་བཞི་བཅུ་སྐོར།</br>47.རྨེ་རུ་དཀྱིལ་མཁར་དགོན་ནི། དཀའ་བཅུ་པ་བསམ་གཏན་སེང་གེས་བཏབ། དགེ་འདུན་བརྒྱ་སྐོར།</br>48.རྨེ་རུ་བསམ་གྲུབ་དགོན་ནི། བསམ་གཏན་སེང་གེས་བཏབ། དགེ་འདུན་དྲུག་ཅུ་སྐོར།</br>49.ས་ཤོད་ལྷ་རྩེ་དགོན་ནི། རྒྱབ་སྣེ་བ་ཚུལ་ཁྲིམས་དབང་ཕྱུག་གིས་བཏབ། དགེ་འདུན་ལྔ་བཅུ་སྐོར།</br>50.ལིག་ཆོས་རྫོང་དགོན་ནི། མངའ་རིས་པ་ཞང་ཞུང་ཆོས་དབང་གྲགས་པས་བཏབ། དགེ་འདུན་བཞི་བཅུ་སྐོར།</br>51.བ་གྱོང་དགོན་ནི། འདེབས་མི་གོང་དང་མཚུངས། དགེ་འདུན་དྲུག་ཅུ་སྐོར།</br>52.ལྕགས་ར་དགོན་ནི། བྲེས་གསར་རྙིང་དང་ཕུ་ཡུལ་བསུ་ས་ཡུལ་དང་མི་སྡེ་བཅས་འཕགས་པ་ལྷ་མཐོང་བ་དོན་ལྡན་ལ་ཕུལ་བས་གཞི་བྱས་སྦྱིན་བདག་སྡེ་པ་དབང་དྲག་གིས་བགྱིས་ཏེ་བཏབ། དགེ་འདུན་བརྒྱ་སྐོར།</br>53.སྤར་ཆུ་མདོ་དགོན་ནི། སྔར་སུས་བཏབ་མ་བྱུང་། དགེ་འདུན་ལྔ་བཅུ་སྐོར།</br>54.དབང་དགོན་ནི། དགེ་དགོན་ཕྱིས་འབྱུང་ཞིག་ཡིན་སྙམ། དགེ་འདུན་བཞི་བཅུ་སྐོར།</br>55.ཡུལ་བཞིའི་དགོན་གསུམ་ནི། གསེར་པ་བ་རང་གི་གོང་མ་ཞིག་གིས་བཏབ་བམ། དགེ་འདུན་བཞི་བཅུ་སྐོར།</br>56.འོ་ཆུང་དང་སམ་དབྲ་དགོན་གཉིས་ནི། ད་ལྟ་ལ་རྒྱུའི་ཁ་འཛིན་རྟ་ཚག་རྗེ་དྲུང་གིས་མཛད། དགེ་འདུན་དྲུག་ཅུ་སྐོར།</br>57.ཧོར་འདྲ་ཁོག་ཡུལ་སྟེང་དགོན་གྱི་བླ་མ་ཆོས་སྤྱོད་གོང་དང་མཚུངས། དགེ་འདུན་སུམ་ཅུ་སྐོར།</br>58.ཁྱུང་པོ་གྲོང་དཔལ་དགོན་ནི། ཚ་འཕོང་བླ་མ་ན་རིམ་གྱིས་སྐྱོང་། དགེ་འདུན་བཞི་བཅུ་སྐོར།</br>59.རག་ཉག་ཕུན་ཚོགས་ཐེག་ཆེན་གླིང་དགོན་ནི། ལྡན་མ་ཤ་ཁྲིད་པས་ལུང་བསྟན་ཅིང་ཆོས་སྐྱོང་རྣམ་རྒྱལ་གྱིས་བཏབ། དགེ་འདུན་དྲུག་ཅུ་སྐོར།</br>60.འགའ་ར་དགོན་ནི། མཁར་པ་བསོད་ནམས་རྒྱ་མཚོས་བཏབ། དགེ་འདུན་ལྔ་བཅུ་སྐོར།</br>61.འབུམ་དིལ་དགོན་ནི། ཤེས་རབ་འོད་ཟེར་གྱིས་བཏབ། དགེ་འདུན་ལྔ་བཅུ་སྐོར།</br>62.ཡུལ་ཤུལ་ཤ་ར་དགོན་ནི། དཀོན་ཅོག་གྲགས་པས་བཏབ། དགེ་འདུན་བཞི་བཅུ་ཞེ་དགུ་སྐོར།</br>63.ཕུན་ཚོགས་ཐེག་ཆེན་གླིང་དགོན་ནི། ཆེ་ཆེན་ཆོས་རྗེས་བཏབ། དགེ་འདུན་ལྔ་བཅུ་སྐོར།</br>64.ངོམ་ཚ་སྒང་སྐྱོགས་གདེང་དགོན་ནི། བསེད་སྦས་ཀྱིས་བཏབ། དགེ་འདུན་དྲུག་ཅུ་སྐོར།</br>65.འབར་རྟ་དགོན་ནི། གླང་ཇོ་བཟང་པས་བཏབ། དགེ་འདུན་བཞི་བཅུ་སྐོར།</br>66.གྲི་པ་དགོན་ནི། ཤེས་རབ་རྒྱལ་མཚན་གྱིས་བཏབ། དགེ་འདུན་ཉི་ཤུ་སྐོར།</br>67.རྨ་འགྲིལ་དགོན་ནི། སྔར་གྱི་དགོན་རྙིང་ཞིག་རལ་དུ་སོང་བ་ཕྱིས་རབ་འབྱམས་པ་དགེ་འདུན་རྒྱལ་མཚན་གྱིས་ཞིག་གསོ་དར་རྒྱས་སུ་བགྱིས། དགེ་འདུན་སུམ་ཅུ་སྐོར།</br>68.ཀར་ཕུ་དགོན་ནི། བཀའ་བཞི་པ་བྱང་ཆུབ་སེམས་དཔས་བཏབ། དགེ་འདུན་ཉི་ཤུ་སྐོར།</br>69.ལྡན་མ་ཐུབ་བསྟན་ཆོས་འཁོར་གླིང་དགོན་ནི། ཉག་རོ་རྡོ་རྗེ་རྒྱལ་མཚན་གྱིས་བཏབ། དགེ་འདུན་ལྔ་བརྒྱ་སྐོར།</br>70.ལྡན་ལུང་ཡུལ་དགོན་ནི། དགེ་འདུན་བརྒྱད་ཅུ་སྐོར།</br>71.ག་ཤེ་ནང་དཀར་བུ་དགོན་མ་ལག་གཉིས་ལ། དགེ་འདུན་བདུན་ཅུ་སྐོར།</br>72.གདོང་འཛོམ་དགོན་དགེ་འདུན་དྲུག་ཅུ།</br>73.སྲིབས་སྨད་རྣམ་རྒྱལ་གླིང་དགོན་དགེ་འདུན་དྲུག་ཅུ།</br>74.དམར་འགྲམ་བྱང་ཆུབ་གླིང་པ་དགོན་དགེ་འདུན་དྲུག་ཅུ། </br>75.ཟིན་ཞི་ཡུལ་དགའ་དགོན་དགེ་འདུན་བཞི་བཅུ། </br>76.རབ་ནང་དགོན་ཡགས་དགེ་འདུན་བཞི་བཅུ། </br>77.ཚེ་སྨན་ཡར་འགག་དགོན་དགེ་འདུན་སུམ་ཅུ། </br>78.ལྡང་ཆུ་ཁ་ཁྲ་མ་དགོན་དགེ་འདུན་སུམ་ཅུ། </br>79.ཟལ་དཀར་དགོན་མ་ལག་གསུམ་ནི། མཁར་ནག་ཆོས་འབྱུང་དུ་ཆོས་རྗེ་རྣམ་རྒྱལ་གྲགས་པས་ལྡན་སྟོང་ཚེ་དཀར་ཆོས་སྡེ་བཏབ་ནས་གཞུང་བཤད་མཛད་ཅེས་པ་དང་དོན་གཅིག་སྙམ། དགེ་འདུན་སུམ་བརྒྱ་སྐོར།</br>80.ལབ་ཆོས་སྡེ་ནི། སྔར་སུས་བཏབ་མ་བྱུང་། དགེ་འདུན་བརྒྱ་དང་ཉི་ཤུ།</br>81.ལབ་ཆོས་སྡེའི་དགོན་ལག་ཡུང་ཤུལ་ཕུན་ཚོགས་གླིང་ལ་དགེ་འདུན་བརྒྱད་ཅུ།</br>82.ལབ་ཆོས་སྡེའི་དགོན་ལག་ཤ་རུ་དགོན་ལ་དགེ་འདུན་བརྒྱ།</br>83.ལབ་ཆོས་སྡེའི་དགོན་ལག་ཇོ་གདན་དགོན་ལ་དགེ་འདུན་བདུན་ཅུ།</br>84.བྱ་མོ་སྣ་དགོན་ནི། སྔར་སུས་བཏབ་མ་བྱུང་། དགེ་འདུན་བདུན་ཅུ་སྐོར། </br>85.ནགས་ཤོད་སྤུས་མདའ་རྣམ་རྒྱལ་དཔལ་འབར་དགོན་ནི། ཞང་ཞུང་ཆོས་དབང་གྲགས་པས་བཏབ། དགེ་འདུན་བདུན་ཅུ་སྐོར།</br>86.རྟ་སྨོས་ཆོས་འཁོར་གླིང་དགོན་ནི། མཁར་ནག་ཆོས་འབྱུང་སོགས་སུ་ཆོས་རྒྱལ་སྲོང་བཙན་སྒམ་པོའི་བཙུན་མོ་རྒྱ་བཟའ་ཨོང་ཆུང་མདོ་ཁམས་བརྒྱུད་བྱོན་པའི་ཡར་ལམ་བཏབ་པར་བཞེད་ཀྱང་། ཆོས་རྒྱལ་དུས་ཕ་བོང་ཁ་དང་ཡེར་པར་གོས་དཀར་ལྕང་ལོའི་ཕྲེང་བ་ཅན་གྱི་སྒོམ་གྲྭ་ཚུགས་ཞེས་ལོ་རྒྱུས་རེ་གཉིས་མཆིས་ནའང་། གཞན་འདུས་སྡེ་ལ་སོགས་པ་བྱུང་བར་མ་བཤད་པས་ཐེ་ཚོམ་གྱི་གཞི། དགེ་འདུན་བརྒྱ་དང་སུམ་ཅུ་སྐོར།</br>87.ར་ཁྱིམ་དགའ་ལྡན་དར་རྒྱས་གླིང་དགོན་ནི། ནགས་ཤོད་ལྷ་རྩེ་བ་བཀའ་བཞི་གྲགས་པ་རྒྱ་མཚོས་བཏབ། དགེ་འདུན་སུམ་ཅུ་སྐོར།</br>88.འབྲོང་ང་དགོན་ནི། དྲུང་བློ་གྲོས་བཀྲ་ཤིས་ཀྱིས་བཏབ། དགེ་འདུན་ལྔ་བཅུ་སྐོར།</br>89.ཤུག་ཐང་དགོན་ནི། འཇམ་མགོན་ཆོས་ཀྱི་རྒྱལ་པོའི་དངོས་སློབ་རྒྱ་སྟོན་བློ་བཟང་གྲགས་པས་བཏབ། དགེ་འདུན་དྲུག་ཅུ་སྐོར།</br>90.སྟག་ལྡང་རི་བོ་དཔལ་འབར་དང་། གཡབ་བཀྲབ་རི་བོ་མདངས་ཅན་དགོན་གཉིས་ནི། སྟག་ཕུ་གུ་ཤྲི་དཔལ་ལྡན་དོན་གྲུབ་ཀྱིས་བཏབ། དགེ་འདུན་བདུན་ཅུ་སྐོར།</br>91.རྨ་ལུག་དགོན་ནི། དགེ་བའི་བཤེས་གཉེན་སྣེའུ་ཟུར་པས་བཏབ། དགེ་འདུན་རྟ་སྨོས་ཀྱི་ཁོངས་སུ་འཐུས།</br>92.ཀར་ཤོད་གོང་དགོན་ནི། འཇམ་མགོན་ཆོས་ཀྱི་རྒྱལ་པོའི་ཞལ་སློབ་བཀྲ་ཤིས་རྒྱ་མཚོས་བཏབ། དགེ་འདུན་བཞི་བཅུ་སྐོར།</br>93.རྔུ་ཆུ་བརྒྱུད་ཁྲི་རྡོ་དགོན་ནི། ཞང་ཞུང་པ་ཆོས་དབང་གྲགས་པས་བཏབ། དགེ་འདུན་དྲུག་ཅུ་སྐོར།</br>94.ངོམ་ཆུ་བརྒྱུད་སྐྱིད་པ་དགེ་འདུན་སྒང་དགོན་ནི། མཁར་ལོའི་ཆོས་འབྱུང་དུ་ཁྱིམ་བར་རིན་ཆེན་སྒང་ཞེས་པ་དང་དོན་གཅིག དགེ་འདུན་སུམ་ཅུ་སྐོར།</br>95.གཡས་རུ་རེ་རྒྱབ་དགོན་དགེ་འདུན་བཅོ་ལྔ་སྐོར།</br>96.ལྕམ་མདའ་དགོན་ནི། འཇམ་མགོན་ཆོས་ཀྱི་རྒྱལ་པོའི་དངོས་སློབ་མཁན་ཆེན་བཀྲ་ཤིས་རྒྱ་མཚོས་བཏབ། དགེ་འདུན་བརྒྱད་ཅུ་སྐོར།</br>97.ཆ་འབོང་དགོན་ནི། ཐོག་མར་ཀར་ལུགས། དེ་རྗེས་དྲུང་དཔལ་ལྡན་བཟང་པོས་དགེ་ལུགས་སུ་བསྒྱུར་བར་གྲགས། དགེ་འདུན་བདུན་ཅུ་སྐོར། </br>98.སྒང་སྡེ་དགོན་ནི། འཇམ་དབྱངས་བཀྲ་ཤིས་དཔལ་ལྡན་གྱི་དངོས་སློབ་འབའ་རུ་བ་དགེ་འདུན་བཟང་པོས་བཏབ། དགེ་འདུན་བརྒྱད་ཅུ་སྐོར།</br>99.རྗོད་ཨ་རིག་ཐང་དགོན་ནི། ཐམས་ཅད་མཁྱེན་པ་བསོད་ནམས་རྒྱ་མཚོའི་སྡེ་ལུང་བསྟན། རུ་ཤོད་པས་སྦྱིན་བདག་བགྱིས་ཏེ་བཏབ། དགེ་འདུན་བརྒྱ་དང་སུམ་ཅུ་སྐོར།</br>100.བྱང་ལྷ་རི་འགོ་བདེ་ཆེན་གླིང་དགོན་ནི། གུ་ཤྲཱི་དཔལ་ལྡན་དོན་གྲུབ་པས་བཏབ། དགེ་འདུན་བརྒྱ་དང་བཅུ་སྐོར།</br>101.འཇམ་སྣེ་འཛམ་གླིང་རྫོང་ཁ་དགོན་ནི། རྒྱུད་སྟོད་སྔགས་རམས་པ་རྒྱ་བོར་གྲགས་པས་བཏབ། དགེ་འདུན་དྲུག་ཅུ་སྐོར།</br>102.སྐུ་འབུམ་བྱམས་པ་གླིང་དགོན་ནི། རྒྱལ་བའི་དབང་པོ་བསོད་ནམས་རྒྱ་མཚོའི་དཔལ་གྱིས་འདུས་སྡེ་གསར་སྐྲུན་གྱི་ཞལ་བཀོད་གནང་། དགེ་འདུན་སྟོང་ཕྲག་བརྒལ་བ།</br>103.སྐུ་འབུམ་སྔགས་གྲྭ་ནི། ཟི་ན་ལེགས་པ་རྒྱལ་མཚན་གྱིས་བཏབ། དགེ་འདུན་སུམ་བརྒྱ་སྐོར།</br>104.བྱ་ཁྱུང་བཤད་སྒྲུབ་གླིང་དགོན་ནི། རྩ་བའི་འདེབས་པ་པོ་འདི་ཞེས་དངོས་སུ་མ་བྱུང་། དགེ་འདུན་ཉིས་བརྒྱ་སྐོར།</br>105.བྱམས་པ་འབུམ་གླིང་དགོན་ནི། རྒྱལ་བ་བྱམས་པའི་སྐུ་ཤིན་ཏུ་ཆེ་བ་བཞུགས་པའི་ལྷ་ཁང་གི་མདུན་དུ་དགེ་འདུན་གྱི་སྡེ་རིམ་པར་ཆགས། དགེ་འདུན་ལྔ་བརྒྱ་སྐོར།</br>106.ཐང་རིང་བཤད་སྒྲུབ་གླིང་དགོན་ནི། དགེ་འདུན་རིན་ཆེན་པས་བཏབ། དགེ་འདུན་དགུ་བརྒྱ་སྐོར།</br>107.གྲོ་ཚང་དགོན་ནི། འབྲས་སྤུངས་བསམ་བློ་རབས་འབྱམས་པ་ཤེས་རབ་མཆོག་ལྡན་པས་བཏབ། དགེ་འདུན་ལྔ་བརྒྱ་སྐོར།</br>108.རྒྱལ་མཚན་བྲག་བཤད་སྒྲུབ་ཆོས་འཁོར་གླིང་དགོན་ནི། བསམ་བློ་ཨ་ཞང་མཉྫ་བྷིས་བཏབ། དགེ་འདུན་ལྔ་བརྒྱ་སྐོར།</br>109.མཛོ་མོ་མཁར་ནི། སེ་ར་བྱམས་ཆེན་ཆོས་རྗེ་རྒྱུ་ནག་རྒྱལ་པོས་གདན་དྲངས་པའི་མར་ལམ་གཞི་འདིར་དགོན་པ་ཐེབས་ན་ལེགས་ཞེས་ལུང་བསྟན་ཅིང་། རྗེས་སོར་རྒྱ་ནག་ཏུ་ཞིང་ཁམས་འཕོས་ པའི་སྐུ་གདུང་ཡར་གདན་དྲངས་པའི་ཚེ། འདི་ཐད་ཤིང་རྟ་འདམ་དུ་ཟུག་པ་ལྟར་འགྲོར་མ་ཉན་པས་མར་ལམ་གྱི་གསུང་དྲན་ཏེ་རྒྱ་ནག་གཡུང་ལོ་རྒྱལ་པོས་ཁྲི་རྐྱེན་ཉུང་ཧྭ་ཞེས་པའི་མཁར་བརྩིགས་ཤིང་། གསེར་གདུང་ལ་སོགས་པའི་རྟེན་མང་པོ་བཞེངས། བུ་ཆེན་སེང་གེ་བཟང་པོ་གདན་སར་བཞག་ཅེས་གྲགས།</br>110.དགོན་ཀླུངས་བྱམས་པ་གླིང་ནི། ཐམས་ཅད་མཁྱེན་པ་བསོད་ནམས་རྒྱ་མཚོས་ལུང་བསྟན་ཅིང་། རྒྱལ་སྲས་དོན་ཡོད་ཆོས་ཀྱི་རྒྱ་མཚོས་བཏབ། དགེ་འདུན་ཕྱེད་ཉིས་སྟོང་སྐོར།</br>111.ཁ་ཐི་ཀ་ནི། རྒྱ་ནག་རྒྱལ་པོ་ཧུམ་ཨུ་ལུས་དྲུང་ཆེན་ཆོས་རྒྱལ་ལ་ཏ་གུ་ཤིའི་ལུང་ལས་དང་དགོན་གནས་འདེབས་ཡུལ་ཤེས་སུ་བཅུག་པ་ལྟར་བཏབ་པར་གྲགས། དགེ་འདུན་སུམ་བརྒྱ་སྐོར།</br>112.དགའ་ལྡན་དམ་ཆོས་གླིང་ནི། སེ་ཆེན་ཆོས་རྗེ་ཤེས་རབ་རྒྱལ་མཚན་ལ་རྗེ་བླ་མ་མཆོག་གི་བཀའ་ཕེབས་ཏེ་བཏབ། དགེ་འདུན་ཉིས་བརྒྱ་སྐོར།</br>113.ཆོས་ལུང་ཐོས་བསམ་གླིང་ནི། རྗེ་བླ་མ་སྲིད་ཞིའི་གཙུག་རྒྱན་དམ་པས་ལུང་བསྟན་པ་ལྟར་ཧོར་རབ་འབྱམས་པ་བློ་བཟང་དོན་གྲུབ་ཀྱིས་བཏབ། དགེ་འདུན་བདུན་ཅུ་སྐོར།</br>114.བཤད་སྒྲུབ་གླིང་ནི། ཧོར་རབ་འབྱམས་པས་བཏབ། དགེ་འདུན་བཞི་བཅུ་སྐོར།</br>115.ཆུ་བཟང་དགོན་མི་འགྱུར་གླིང་ནི། སྟོད་ལུང་ཆུ་བཟང་དཀར་ལེབ་པ་རྣམ་རྒྱལ་དཔལ་འབྱོར་གྱིས་བཏབ། དགེ་འདུན་བརྒྱ་སྐོར། </br>116.བཙན་པོ་དགོན་དགའ་ལྡན་དམ་ཆོས་གླིང་ནི། ཆོས་རྗེ་དོན་གྲུབ་རྒྱ་མཚོས་རབ་བྱུང་བཅུ་གཅིག་པའི་ས་གླང་ལོར་བཏབ། དགེ་འདུན་སྟོང་དང་སུམ་བརྒྱ་སྐོར།</br>117.བཙན་པོའི་དགོན་ལག་འབྲི་གུ་དགོན་ནི། འདེབས་མི་གོང་དང་མཚུངས། དགེ་འདུན་ཉིས་བརྒྱ་སྐོར།</br>118.བཙན་པོའི་དགོན་ལས་ཀུན་ཆེན་དགོན་ནི། འདེབས་མི་གོང་དང་མཚུངས། དགེ་འདུན་བརྒྱ་སྐོར། </br>119.ཅུའི་ཆོས་སྡེ་དང་། བསྐྱེད་རྫོགས་གླིང་གཉིས་ནི། ངག་དབང་འཕྲིན་ལས་ལྷུན་གྲུབ་པས་བཏབ། དགེ་འདུན་བརྒྱད་ཅུ་སྐོར།</br>120.བསྟན་ལུང་དར་རྒྱས་དགོན་ནི། གཅན་ཚ་བཟང་པོ་བཀྲ་ཤིས་པས་བཏབ། དགེ་འདུན་བརྒྱ་དང་ལྔ་བཅུ་སྐོར།</br>121.ཇ་གར་བྱང་ཆུབ་གླིང་ནི། ཐོག་མར་སུས་བཏབ་ངེས་པ་མ་བྱུང་། དགེ་འདུན་སུམ་བརྒྱ་སྐོར།</br>122.གུར་དགོན་དགའ་ལྡན་རྣམ་རྒྱལ་གླིང་ནི། ལ་མོ་སྐུ་སྐྱེ་བློ་གྲོས་རྒྱ་མཚོས་ས་ཕོ་སྟག་གི་ལོར་བཏབ། དགེ་འདུན་ལྔ་བཅུ་སྐོར།</br>123.བྱམས་པ་ཆོས་གླིང་ནི། ཚ་གན་ནོ་མིན་ཧན་ངག་དབང་བློ་བཟང་བསྟན་རྒྱུན་པས་བཏབ། དགེ་འདུན་ཉི་ཤུ་སྐོར།</br>124.དགོན་རུང་རི་ཁྲོད་ནི། ཐོག་མར་རོང་པ་བློ་བཟང་བསྟན་རྒྱུན་པས་བཏབ། དགེ་འདུན་ཉི་ཤུ་སྐོར། </br>125.རོང་པོ་དགོན་གོང་ནི། དང་ཐོག་ས་ལུགས་ཕྱིས་དཀའ་བཅུ་པ་སྐལ་ལྡན་རྒྱ་མཚོས་འཆད་ཉན་བཙུགས། </br>126.ༀ་མདོའི་དགོན་ནི། བསམ་བློ་གྲགས་པ་རྒྱ་མཚོས་བཏབ།</br>127.བཀྲ་ཤིས་འཁྱིལ་སྒྲུབ་སྡེ་ནི། རོང་ཆོས་པས་བཏབ། གཞན་ཡང་དེ་དང་ཁད་ཧ་ཅང་མི་རིང་བའི་སར་ཅོག་རོང་ཏྲེ་བོས་བཏབ་པའི་དགོན་པ་དང་། གོང་པ་དགོན། ཁ་སྐྱ། རྒན་རྒྱ་སོགས་དགོན་པ་ཆེས་མང་ངོ་། ། </br>128.ཀ་མ་ལོག་གི་དགོན་བསམ་གཏན་གླིང་ནི། རྗེ་བླ་མ་མཆོག་གི་བཀའ་བཞིན་སྐྱུར་པོ་བས་བཀོད་པས་ཁྱབ་པར་བྱས་ཏེ་དར་རྒན་ཆོས་རྗེ་ངག་དབང་དཔལ་འབྱོར་སོགས་ཀྱིས་སྟག་ལོར་བཏབ། དགེ་འདུན་སུམ་བརྒྱ་སྐོར།</br>129.སྟོང་འཁོར་བ་ནི། དགོན་ཁག་རྣམས་ཀྱི་མིང་དང་འདོད་ཆོས་སོགས་ཀྱི་ས་བོན་མ་བྱུང་བས་འབྲི་བར་མ་སྤོབས་སོ། །</br>130.ཐེག་ཆེན་ཆོས་འཁོར་གླིང་ནི། ཐམས་ཅད་མཁྱེན་པ་བསོད་ནམས་རྒྱ་མཚོས་བཏབ། </br>131.གཞན་ཡང་འོར་དུས་ཀྱི་རྒྱལ་པོ་བིན་དུས་ཡོན་བདག་བགྱིས་ཏེ་བཏབ་པའི་ཕུན་ཚོགས་གཞན་ཕན་བདེ། ཨལ་དཔལ་ནོ་ཡོན་གྱི་ས་ཆར་ཕུན་ཚོགས་རྣམ་རྒྱལ་གླིང་། སེ་ཆེན་དའི་ཆིང་གི་མངའ་ཞབས་སུ་ཕུན་ཚོགས་དར་རྒྱས་གླིང་ལ་སོགས་པ་དགེ་འདུན་གྱི་སྡེ་བསམ་གྱིས་མི་ཁྱབ་པ་བྱུང་བ་བཅས་སོ། ། (སྐབས་འདིར་གཅིག་ཆད་པ་དཔྱད།)ུང་བ་བཅས་སོ། ། (སྐབས་འདིར་གཅིག་ཆད་པ་དཔྱད།))
• Dictionaries/chos rnam kun btus/6977  + (1.ཆོས་ཕྱིར་དཀའ་སྤྱད་ཤི་ཡང་འགྱོད་པ་མེད། ། 2. དམན་པའི་ས་བཟུང་ཁ་ཉེན་འགྱོད་པ་མེད། ། 3. ཕ་ཡུལ་རྒྱབ་སྐྱུར་མདོ་ཆུང་འགྱོད་པ་མེད། ། 4. ཆོས་ཕྱིར་ནོར་བཏང་ལྟོགས་ཀྱང་འགྱོད་པ་མེད། ། 5. སྡིག་སྤངས་ངན་སོང་སོང་ཡང་འགྱོད་པ་མེད། ། (སྐབས་འདིར་དོན་ཚན་གཅིག་ཆད))
• Dictionaries/chos rnam kun btus/10705  + (1.ཆོས་རྒྱལ་སྒྲུབ་ཕུག དེ་ནི་སྤྱི་ལོའི་དུས་ར … 1.ཆོས་རྒྱལ་སྒྲུབ་ཕུག དེ་ནི་སྤྱི་ལོའི་དུས་རབས་བདུན་པར་བསྐྲུན་པའི་བྲག་ཕུག་གི་རྣམ་པའི་ལྷ་ཁང་ཞིག་ཡིན་པ་དེ་དམར་པོ་རིའི་རྩེ་མོར་ཆགས། ལྷ་ཁང་དེའི་ནང་དུ་སྲོང་བཙན་སྒམ་པོ་དང་། རྒྱ་བཟའ་ཀོང་ཇོ། བལ་བཟའ་ཁྲི་བཙུན་བཅས་ཀྱི་སྣང་བརྙན་བཞུགས་སུ་གསོལ་ཞིང་། ལྷ་ཁང་དེའི་རྒྱབ་ཏུ་མཆོད་རྟེན་དཀར་པོ་ཆུང་བ་ཞིག་ཡོད་པ་དེའི་གནས་ས་ནི་ཕོ་བྲང་པོ་ཏ་ལ་ཆགས་སའི་རི་རྩེ་མཐོ་ཤོས་ཀྱི་ལ་ཚད་ཡིན། །</br>2.འཕགས་པ་ལྷ་ཁང་། ལྷ་ཁང་དེའི་ནང་དུ་ཏཱ་ལའི་བླ་མ་སྐུ་ཕྲེང་ལྔ་པ་སྐུ་མཚམས་ལ་བཞུགས་མྱོང་བ་དང་། རྟེན་གཙོ་སྐུ་རྒྱུ་ཙནྡན་ལས་གྲུབ་པའི་འཕགས་པ་ལོ་ཀེ་ཤྭ་རའི་སྐུ་བརྙན་དེ་ནི་དུས་རབས་བདུན་པའི་སྐབས་སུ་སྲོང་བཙན་སྒམ་པོའི་ཐུགས་དམ་གྱི་རྟེན་ཡིན། ལྷ་ཁང་གི་སྒོ་ཐོད་དུ་མན་ཆིང་གོང་མ་ཐུང་ཀྲིས་བྲིས་པའི་བསོད་ནམས་ཞིང་གི་ངོ་མཚར་འབྲས་བུ་ཞེས་འཁོད་པའི་སྒོ་བན་བཀལ་ཡོད། །</br>3.ཚོམས་ཆེན་ཤར་ནི། དུས་རབས་བཅུ་བདུན་པའི་དུས་དཀྱིལ་དུ་བཞེངས་ཤིང་། ཕོ་བྲང་དཀར་པོའི་ནང་གི་ཚོམས་ཆེན་ཆེ་ཤོས་དེ་ཡིན། ཚོམས་ཆེན་འདིའི་ནང་ཏཱ་ལའི་བླ་མ་གསེར་ཁྲི་མངའ་གསོལ་དང་། ཆབ་སྲིད་ཕྱག་བཞེས་སོགས་ཀྱི་མཛད་སྒོ་ཆེན་མོ་གནང་མྱོང་བ་དང་། གསེར་ཁྲིའི་བདུན་གྱི་ཀ་བའི་ཐོད་དུ་མན་ཆིང་གོང་མ་ཐུང་ཀྲེས་རབ་བྱུང་བཅོ་ལྔ་པའི་མེ་ཡོས་(1876)ལོར་ཏཱ་ལའི་བླ་མ་སྐུ་ཕྲེང་བཅུ་གཉིས་པར་ཕུལ་བའི་སྒོ་བན་བོད་ཡིག་ལ་འདྲེན་མཆོག་འཕྲིན་ལས་འོད་ཀྱིས་ཕྱོགས་ཀུན་ཁྱབ་ཅེས་འཁོད་པ་ཞིག་བཀལ་ཡོད།</br>4.ཚོམས་ཆེན་ནུབ་ལ་སྲིད་ཞི་ཕུན་ཚོགས་སུ་འབོད་ཅིང་རྒྱ་ཁྱོན་སྤྱི་ཁྲེ་གྲུ་བཞི་མ་680ལྷག་ཙམ་ཡོད་པ་དེ་ནི་ཕོ་བྲང་དམར་པོའི་ནང་གི་ཚོམས་ཆེན་ཆེ་ཤོས་དེ་ཡིན། ཆོས་ལུགས་ཀྱི་མཛད་སྒོ་གལ་ཆེན་རྣམས་ཚོམས་ཆེན་འདིའི་ནང་དུ་ཚོགས་པ་དང་། ལྡེབས་རིས་སུ་ཏཱ་ལའི་བླ་མ་སྐུ་ཕྲེང་ལྔ་པའི་སྐུ་ཚེ་ཧྲིལ་བུའི་མཛད་པ་རྣམ་ཐར་བཀོད་ཡོད། ཚོམས་ཆེན་ནང་དུ་མན་ཆིང་གོང་མ་ཆན་ལུང་ཁྲི་ལོ་ཉེར་ལྔ་པར་བྲིས་པའི་སྒོ་བན་བོད་ཡིག་ལ་པད་མ་རྒྱས་པའི་འབྱུང་གནས་ཞེས་འཁོད་པ་ཞིག་བཀལ་ཡོད།</br>5.ས་གསུམ་རྣམ་རྒྱལ་ནི། ཕོ་བྲང་དམར་པོའི་ནང་གི་གཟིམ་ཆུང་མཐོ་ཤོས་དེ་ཡིན་པ་དང་། དེའི་ནང་དུ་གོང་མ་ཆན་ལུང་གིས་ཏཱ་ལའི་བླ་མ་སྐུ་ཕྲེང་བརྒྱད་པར་ཕུལ་བའི་འདྲ་ཐང་དང་། བོད་རྒྱ་མན་སོག་བཞིའི་ཡི་གེའི་ཐོག་ནས་སྐལ་པའི་མངའ་བདག་ཧོང་དེའི་སྐུ་ཚེ་ཁྲི་ཕྲག་སྐུ་ཚེ་ཁྲི་ཕྲག་ཅེས་བཀོད་པའི་གོང་མ་ཁང་ཤིས་ཀྱི་མཚན་བྱང་མཆོད་ཤིང་བསྒྲིགས་ཡོད། །</br>6.བློས་བསླངས་ཁང་གི་ནང་དུ་རབ་བྱུང་བཅུ་གསུམ་པའི་ལྕགས་ལུག་(1751)ལོར་ཏཱ་ལའི་བླ་མ་སྐུ་ཕྲེང་བདུན་པས་ལྗགས་བཀོད་གནང་བ་ལྟར་བཞེངས་པའི་གསེར་ཟངས་ཀྱི་གསང་བདེ་འཇིགས་གསུམ་གྱི་བློས་བསླངས་དཀྱིལ་འཁོར་ཆེན་པོ་གསུམ་ཡོད་པ་དེ་ལ་མན་ཆིང་གོང་མ་ཀའོ་ཙུང་གིས་ཕུལ་བའི་གསེར་གྱི་རྟ་བབ་བཅུ་གཉིས་དཀྱིལ་འཁོར་གསུམ་པོའི་སྒོ་བཞིར་བསྒྲིགས་ཡོད།</br>7.གཟིམ་ཆུང་ཉི་འོད་ཤར་ནུབ་གཉིས་ནི། ཕོ་བྲང་དཀར་པོའི་རྩེ་ཐོག་ཏུ་ཆགས་ཤིང་གཟིམ་ཆུང་དེ་གཉིས་ཀྱི་ནང་དུ་མཆོད་ཁང་དང་། མཇལ་ཕྲད་གནང་ས། ཕྱག་དཔེ་ཁང་། མཚན་གཟིམ་ཁང་བཅས་ཆ་ཚང་ལ་སྤྲོས་པ་རྒྱས་པ་ཡོད། གཟིམ་ཆུང་ཉི་འོད་ནུབ་མ་ནི་མཇལ་དམངས་གནང་ས་དང་སྔ་དྲོའི་དྲུང་ཇ་ཚོགས་ཡུལ་ཡིན་ཅིང་། གཟིམ་ཆུང་ནང་དུ་རྩེ་དྲུང་རིམ་པ་བཞི་པ་ཡན་ཆོད་ལས་འཛུལ་མི་ཆོག་ལ་ཤོད་དྲུང་རྣམས་ལ་དེ་བས་དམ་དྲག་ཚེ། གཟིམ་ཆུང་གི་སྒོའི་ཕྱིར་ཐོག་ཡངས་ཆེན་པོ་ཞིག་ཡོད་པ་དེའི་སྟེང་ནས་བལྟས་ན་ལྷ་སའི་གྲོང་ཁྱེར་ཡོངས་དང་ཐག་རིང་རི་རྒྱུད་བཅས་པ་གསལ་པོར་མཐོང་ཐུབ།</br>8.བླ་མ་ལྷ་ཁང་གི་ནང་དུ་བོད་ཀྱི་གྲགས་ཅན་བླ་མ་གསུམ་བརྒྱ་ལྷག་ཙམ་གྱི་སྣང་བརྙན་ཡོད་པ་དེའི་ནང་ཏཱ་ལའི་བླ་མ་སྐུ་ཕྲེང་གསུམ་པ་དང་། ལྔ་པ། དྲུག་པ། ཙོང་ཁ་པ་སོགས་དང་དེ་བཞིན་སློབ་དཔོན་པད་མ་འབྱུང་གནས་སོགས་བོད་ཀྱི་ཆོས་ལུགས་ཁག་གི་གྲགས་ཅན་མི་སྣ་རྣམས་ཀྱི་སྣང་བརྙན་ཡོད།</br>9.ལི་མ་ལྷ་ཁང་གི་ནང་དུ་སྐུ་བརྙན་བརྒྱད་བརྒྱ་ལྷག་ཙམ་ཡོད་པ་དེའི་ནང་གི་ཁག་གཅིག་ནི་རྒྱ་གར་དང་བལ་ཡུལ་ནས་ཐོན་པ་ཡིན།</br>10.བཀའ་འགྱུར་ལྷ་ཁང་ནི། བཀའ་འགྱུར་ཆ་ཚང་བཞུགས་ཡོད་པ་མ་ཟད་ད་དུང་གསེར་ཆུས་བྲིས་པའི་སྐར་རྩིས་ཀྱི་དཔེ་ཆ་དང་། ཙོང་ཁ་པ་དང་ཏཱ་ལའི་བླ་མའི་རྣམ་ཐར་སོགས་བོད་དཔེ་བསྟན་བཅོས་མང་པོ་བཞུགས།</br>11.སྨན་བླ་ཁང་གི་ནང་དུ་རྟེན་གཙོ་སྨན་བླ་བདེ་གཤེགས་བརྒྱུད་དང་། དེ་མིན་བོད་དང་། རྒྱ་ནག རྒྱ་གར། བལ་པོ་བཅས་ཀྱི་སྨན་པ་གྲགས་ཅན་གྱི་སྣང་བརྙན་སུམ་བརྒྱ་ལྷག་ཙམ་བཞུགས།</br>12.དུས་འཁོར་ལྷ་ཁང་གི་ནང་དུ་གསེར་ཟངས་ལས་གྲུབ་པའི་དུས་འཁོར་བློས་བསླངས་དཀྱིལ་འཁོར་ཆེན་པོ་གཅིག་དང་དུས་འཁོར་གྱི་ལྷ་བརྒྱད། དེ་བཞིན་འཇིམ་པ་ལས་གྲུབ་པའི་དུས་འཁོར་བླ་རྒྱུད་ཀྱི་སྣང་བརྙན་བཅས་བཞུགས། །</br>13.ལམ་རིམ་ལྷ་ཁང་གི་ནང་དུ་རྟེན་གཙོ་བོ་སྐུ་རྒྱུ་དངུལ་ལས་གྲུབ་པའི་དགེ་ལུགས་བསྟན་པའི་སྲོལ་འབྱེད་ཙོང་ཁ་པའི་འདྲ་སྐུ་དཔངས་སུ་སྤྱི་ཁྲེ2.4ཡོད་པ་དང་དེའི་གཞོགས་གཉིས་སུ་གསེར་ཟངས་ལས་གྲུབ་པའི་ལམ་རིམ་བརྒྱུད་པའི་བླ་མ་རིམ་བྱོན་གྱི་སྣང་བརྙན་བདུན་ཅུ་ལྷག་ཙམ་བཞུགས།</br>14.རིག་འཛིན་ལྷ་ཁང་ནང་དུ་རྟེན་གཙོ་དངུལ་ལས་གྲུབ་པའི་སློབ་དཔོན་པད་མ་འབྱུང་གནས་ཀྱི་སྣང་བརྙན་དཔངས་སུ་སྤྱི་ཁྲེ་2.3ཡོད་པ་དང་དེའི་གཡས་གཡོན་དུ་གུ་རུ་མཚན་བརྒྱད་བཞུགས་ཤིང་། བཞུགས་ཁྲི་དང་རྒྱབ་ཡོལ་གྱི་ཐོག་ཏུ་རྨ་བྱ་དང་། སེང་གེ ཅང་ཤེས། གླང་པོ་ཆེ་ལ་སོགས་པའི་བརྐོས་བཀྲོལ་གྱིས་མཛེས་པར་རྒྱན། ལྷ་ཁང་དེའི་ནང་དུ་ད་དུང་གསེར་ཟངས་ལས་བཞེངས་པའི་བདེ་གཤེགས་མཆོད་རྟེན་བརྒྱད་བཞུགས།</br>15.འཁྲུངས་རབས་ལྷ་ཁང་ནང་དུ་རྟེན་གཙོ་ཤཱཀྱ་མུ་ནེ་དགུང་ལོ་བཅུ་གཉིས་པའི་སྐུ་ཚད་ཅན་དཔངས་སུ་སྤྱི་ཁྲེ་2.28ཡོད་པ་དང་། ཏཱ་ལའི་བླ་མ་སྐུ་ཕྲེང་དང་པོ་ནས་ལྔ་པའི་བར་གྱི་སྣང་བརྙན། སྨན་བླ་བདེ་གཤེགས་བརྒྱད། དུས་གསུམ་སངས་རྒྱས་བཅས་ཀྱི་སྐུ་བརྙན། ཏཱ་ལའི་བླ་མ་སྐུ་ཕྲེང་བཅུ་གཅིག་པ་མཁས་གྲུབ་རྒྱ་མཚོའི་གདུང་རྟེན་བཅས་བཞུགས།</br>16.མཆོད་ཁང་དགའ་ལྡན་འཁྱིལ་ནི་ཏཱ་ལའི་བླ་མ་སྐུ་ཕྲེང་དྲུག་པ་ཚངས་དབྱངས་རྒྱ་མཚོའི་གཟིམ་ཆུང་གནང་མྱོང་བ་དང་། མཆོད་ཁང་འདིའི་ནང་དུ་ཏཱ་ལའི་བླ་མ་སྐུ་ཕྲེང་བརྒྱད་པས་བཞེངས་གནང་བའི་ཚེ་དཔག་མེད་ཀྱི་སྐུ་བརྙན་ཆིག་སྟོང་བཞུགས་པས་ཚེ་དཔག་ལྷ་ཁང་དུའང་འབོད།</br>17.འཛམ་གླིང་རྒྱན་གཅིག་ནི་ཏཱ་ལའི་བླ་མ་སྐུ་ཕྲེང་ལྔ་པའི་གསེར་གདུང་ཡིན་ཞིང་། གསེར་གདུང་གི་གཡས་གཡོན་དུ་དངུལ་ལས་གྲུབ་པའི་བདེ་གཤེགས་མཆོད་རྟེན་བརྒྱད་(པད་སྤུངས་མཆོད་རྟེན་དང་། བྱང་ཆུབ་མཆོད་རྟེན། ཆོས་འཁོར་མཆོད་རྟེན། ཆོ་འཕྲུལ་མཆོད་རྟེན། ལྷ་བབ་མཆོད་རྟེན། དབྱེན་ཟླུམ་མཆོད་རྟེན། རྣམ་རྒྱལ་མཆོད་རྟེན། མྱང་འདས་མཆོད་རྟེན་) བཞུགས། དེའི་ནང་ད་དུང་ཏཱ་ལའི་བླ་མ་སྐུ་ཕྲེང་བཅུ་པ་ཚུལ་ཁྲིམས་རྒྱ་མཚོ་དང་། སྐུ་ཕྲེང་བཅུ་གཉིས་པ་འཕྲིན་ལས་རྒྱ་མཚོའི་སྐུ་གདུང་ཁག་གཉིས་ཀྱང་བཞུགས།</br>18.དགེ་ལེགས་འདོད་འཇོ་ནི། ཏཱ་ལའི་བླ་མ་སྐུ་ཕྲེང་བཅུ་གསུམ་པ་ཐུབ་བསྟན་རྒྱ་མཚོའི་གསེར་གདུང་ཡིན། གསེར་གདུང་ཁང་ལ་ཐོག་བརྩེགས་གསུམ་ཡོད་པ་དང་། སྟེང་ཐོག་ཕྱོགས་བཞིའི་གྱང་ངོས་སུ་ཏཱ་ལའི་བླ་མ་སྐུ་ཕྲེང་བཅུ་གསུམ་པའི་སྐུ་ཚེ་ཧྲིལ་བུའི་མཛད་རྣམ་ལྡེབས་རིས་བཀོད་ཡོད་པ་དང་། གསེར་གདུང་མདུན་གྱི་མཆོད་སྟེགས་ཐོག་དཀར་ཡོལ་དང་། གུ་གུ་ཤའི་མཆོད་རྫས་དང་། གསེར་ཀོང་། དངུལ་ཏིང་སོགས་བཟོ་སྤུས་དག་ལ་བཀོད་པ་ལེགས་པའི་རིག་དངོས་དང་སྒྱུ་རྩལ་ཐོན་རྫས་མང་པོ་སྒྲིག་གཤོམ་བྱས་ཡོད། གསེར་གདུང་གི་འགྲམ་དུ་མུ་ཏིག་དང་བྱུ་རུ་བསྟར་དུ་བརྒྱུས་པ་ལས་གྲུབ་པའི་མཎྜལ་དང་། ཀ་གདུང་གི་ཐོག་ཚོན་མདངས་རྣམ་པར་བཀྲ་བའི་ཀ་འཕན། གདུང་ཁེབས། རྒྱལ་མཚན་ལ་སོགས་པའི་མཆོད་རྫས་ཀྱི་ལེགས་པར་སྤྲས་ནས་མཛེས་ཤིང་བརྗིད་ཆགས་པ་ཡོད། ཕོ་བྲང་པོ་ཏ་ལའི་ནང་དུ་ད་དུང་ཏཱ་ལའི་བླ་མ་སྐུ་ཕྲེང་བདུན་པ་དང་། བརྒྱད་པ། དགུ་པ་བཅས་ཀྱི་གདུང་རྟེན་ཁང་ལ་སོགས་པའི་མཆོད་ཁང་དུ་མ་ཡོད།་གདུང་རྟེན་ཁང་ལ་སོགས་པའི་མཆོད་ཁང་དུ་མ་ཡོད།)
• Dictionaries/chos rnam kun btus/11018  + (1.ཆོས་སྐུའི་ཆོས་སྐུ་ཞིང་ཁམས་བསམ་གྱིས་མི་ཁྱ … 1.ཆོས་སྐུའི་ཆོས་སྐུ་ཞིང་ཁམས་བསམ་གྱིས་མི་ཁྱབ་པ། གནས་བསམ་ངོ་ལས་འདས་པའི་ཆོས་ཉིད། ཏིང་ངེ་འཛིན་མི་གཡོ་བ་ཆེན་པོ། འཁོར་སྣ་ཚོགས་རང་བཞིན་མི་གཉིས་པ། སྟོན་པ་བརྗོད་དུ་མེད་པའི་ཆོས་ཉིད། དུས་གང་དུའང་འགྱུར་བ་མེད་པའི་ཆོས་ཉིད། །</br>2.ཆོས་སྐུའི་ལོངས་སྐུ་ཞིང་ཁམས་རྡུལ་དང་བྲལ་ཞིང་དྲི་མ་མེད་པ། གནས་དྲན་པ་ཡིད་ཀྱི་རྟོགས་པ་ཆོད་པ། ཏིང་ངེ་འཛིན་སེམས་དང་སེམས་བྱུང་དབྱིངས་སུ་དག་པ། དུས་དག་པ་མ་ཡིན་པ། །</br>3.ཆོས་སྐུའི་སྤྲུལ་སྐུ་ཞིང་ཁམས་སྟོང་ཉིད་རྒྱ་མ་ཆད་པ། གནས་ཐམས་ཅད་ཀྱི་འཆར་གཞིར་གྱུར་པ། ཏིང་ངེ་འཛིན་འགག་མེད་ཆེན་པོར་རང་གསལ་བ། འཁོར་རིས་མེད་ཀྱི་སངས་རྒྱས་དང་ཡེ་ཤེས་རྒྱ་མཚོའི་ཚོགས། བསྟན་པ་རང་བཞིན་མ་བཅོས་པ། དུས་སྙིང་པོ་མངོན་པར་བྱང་ཆུབ་ཏུ་རང་སྣང་བའོ། །</br>4.ལོངས་སྐུའི་ཆོས་སྐུ་རྣམ་པར་སྣང་མཛད་གང་ཆེན་མཚོ་དེའི་བཞུགས་ཚུལ་ཕྱི་ནས་བལྟས་ན་ནང་གསལ་བ། ནང་ནས་བལྟས་ན་ཕྱི་གསལ་བ། སྐུ་མདུན་དང་རྒྱབ་མེད་པ། ཞལ་ཕྱོགས་བཅུ་ཀུན་ཏུ་ཐལ་ལེ་བ། དེའི་ཞིང་ཁམས་ཕྱག་གི་མཐིལ་ན་འཇིག་རྟེན་གྱི་ཁམས་ཉི་ཤུ་རྩ་ལྔ་ལ་མངའ་མཛད་པ། བསྟན་པ་རང་བྱུང་གི་ཡེ་ཤེས་སྣང་བ། དུས་རྟོགས་པ་མངོན་དུ་འགྱུར་བ།</br>5.ལོངས་སྐུའི་ལོངས་སྐུ་རིགས་ཀྱི་གཙོ་བོ། དེའི་མཚན་ཉིད་ངོ་བོ་ཐ་དད་པ་ལ་རང་བཞིན་གཅིག་པ། ཞིང་ཁམས་སོ་སོའི་རིགས་ཀྱི་དཀྱིལ་འཁོར་གྲངས་མེད་པ། གནས་འོག་མིན། འཁོར་སོ་སོའི་རིགས་ལྔ། བསྟན་པ་མཁྱེན་པའི་ཡེ་ཤེས་ལྔ་ལ་ལོངས་སྤྱོད་པ། ་དུས་སྣང་བ་འདུ་བ་མཆེད་པ། །</br>6.ལོངས་སྐུའི་སྤྲུལ་སྐུ་རིགས་ལྔའི་སངས་རྒྱས་དང་སོ་སོའི་གཙོ་འཁོར། དེའི་མཚན་ཉིད་སྣང་ལ་རང་བཞིན་མེད་པ་གསལ་ལ་རྟོག་པ་མེད་པ། དེའི་ཞིང་ཁམས་ལྷ་དང་ལྷ་མོ་འབུམ་ཕྲག་བསམ་གྱིས་མི་ཁྱབ་པ་ལ་ལོངས་སྤྱོད། གནས་ལྕང་ལོ་ཅན་ཡེ་ཤེས་ལྔ་ལྷུན་གྱིས་གྲུབ་པ། འཁོར་སངས་རྒྱས་དང་བྱང་ཆུབ་སེམས་དཔའ་དཔག་ཏུ་མེད་པ། དུས་རིག་པ་རང་སྣང་གི་དུས་སོ། །</br>7.སྤྲུལ་སྐུའི་ཆོས་སྐུ་དཔལ་རྡོ་རྗེ་འཆང་ཆེན་པོ། དེའི་མཚན་ཉིད་སྐྱེ་བ་བཞིའི་ལུས་སུ་བྱུང་ཞིང་མཛད་པ་སུམ་ཅུ་རྩ་དྲུག་མཐར་ཕྱིན་པར་ཞལ་གྱིས་བཞེས་པ། དེའི་ཞིང་ཁམས་སྟོང་གསུམ་བྱེ་བ་ཕྲག་བརྒྱས་བསྐོར་བ་ཚངས་ཆེན་གྱི་ཞིང་ཁམས། དེའི་གནས་མེ་ཏོག་པདྨ་ཁ་སྟོང་དང་ལྡན་པ། འཁོར་སྐྱེ་བ་བཞིས་བསྡུས་པའི་འགྲོ་བ། བསྟན་པ་སྡེ་སྣོད་ཀུན་གྱི་རྩ་བ་སྒྲ་ཐལ་འགྱུར། དུས་ཚེ་ལོ་དཔག་ཏུ་མེད་པ་ཐུབ་པའི་དུས། །</br>8.སྤྲུལ་སྐུའི་ལོངས་སྐུ་དཔལ་རྡོ་རྗེ་སེམས་དཔའ། དེའི་ཞིང་ཁམས་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་བྱེ་བ་བརྒྱ་ཕྲག གནས་གདུལ་བྱའི་ངོ་དང་སྦྱར་བ། འཁོར་ས་བརྒྱད་པའི་བྱང་ཆུབ་སེམས་དཔའ། བསྟན་པ་ངེས་དོན་གྱི་ཐེག་པ། དུས་ངེས་པ་མེད་པ། །</br>9.སྤྲུལ་པའི་སྤྲུལ་སྐུ་ཤཱཀྱ་ཐུབ་པ། དེའི་མཚན་ཉིད་ཁྱིམ་ནས་ཁྱིམ་མེད་པར་རབ་ཏུ་བྱུང་བ་ལ་སོགས་པ་མཛད་པ་བཅུ་གཉིས་ལ་ལོངས་སྤྱོད། ཞིང་ཁམས་འཛམ་གླིང་བྱེ་བ་ཕྲག་བརྒྱ་ལ་སོགས་པ་སྟོང་གསུམ་གྱི་སྟོང་ཆེན་པོ་མི་མཇེད་ཀྱི་འཇིག་རྟེན་ཆེན་པོ་གཅིག་ལ་མངའ་མཛད། གནས་བྱ་རྒོད་ཕུང་པོའི་རི་ལ་སོགས་པ། འཁོར་ཐུན་མོང་བ་དགེ་སློང་ཕ་མ་གཉིས། དགེ་བསྙེན་ཕ་མ་གཉིས་ཏེ་རྣམ་པ་བཞི། ཐུན་མོང་མ་ཡིན་པ་བྱང་ཆུབ་སེམས་དཔའ་ཆེན་པོ་ས་ཐོབ་པ་གྲངས་མེད་བརྗོད་ཀྱིས་མི་ལང་བ་སྣ་ཚོགས། མ་ངེས་པའི་འཁོར་ལྷ་དང་མི་དང་ལྷ་མ་ཡིན་པ་སོགས་དཔག་ཏུ་མེད་པ། བསྟན་པ་རྒྱུ་འབྲས་ཀྱི་ཐེག་པ་སྣ་ཚོགས། དུས་ངེས་པ་ཆེན་པོ་རྣམ་པར་གཅོད་པ་སྟེ། གདུལ་བྱ་སོ་སོ་ལ་ཕན་པར་མཛད་པའི་དུས་སོ། ། ཞེས་གསུངས་སོ། །་ལ་ཕན་པར་མཛད་པའི་དུས་སོ། ། ཞེས་གསུངས་སོ། །)
• Dictionaries/chos rnam kun btus/8385  + (1.ཉང་བྲན་གྲོང་སྨད་ཀྱི་རྒྱབ་རི་ཕ་བོང་ཁ་དང་ཆ … 1.ཉང་བྲན་གྲོང་སྨད་ཀྱི་རྒྱབ་རི་ཕ་བོང་ཁ་དང་ཆུ་བཟང་གཉིས་ཀྱི་བར་དུ་ཡོད་པའི་རི་གདོང་གདུགས་ཀྱི་ཤམ་བུ་གསུམ་དང་ཏོག་བཅས་ཀྱི་བཟོ་དབྱིབས་ཅན་ནི་གདུགས།</br>2. མལ་གྲོང་གི་རིའམ་རི་སྐྱའི་བྲག་ཉ་རིས་ཀྱི་དབྱིབས་ཅན་ནི་གསེར་ཉ།</br>3. གྲིབ་རྫོང་བཙན་གྱི་རིའི་རྩེ་མོ་བུམ་པའི་གཟུགས་དབྱིབས་ཅན་ནི་བུམ་པ།</br>4. དོག་བདེ་ར་ཁ་བྲག་གི་རི་རྒྱུད་མེ་ཏོག་པདྨའི་དབྱིབས་གསལ་བར་དོད་པ་ནི་པདྨ།</br>5. ཕ་བོང་ཁའི་རྒྱབ་རི་སྲོང་བཙན་སྒམ་པོའི་ཞལ་འབག་ཏུ་གྲགས་པའི་རི་དབྱིབས་དུང་དཀར་གཡས་འཁྱིལ་གྱི་གཟུགས་དོད་པ་ནི་དུང་དཀར།</br>6. ལྷ་སའི་ལྷོ་ཕྱོགས་སྡིག་རག་གི་རྒྱབ་ཀྱི་ཡུག་མའི་རི་ཁ་ཤར་དུ་ལྟ་བའི་རྩེ་མོ་ལྔ་སྒྲོམ་གྱི་རྣམ་པར་ཐོན་པ་ནི་དཔལ་བེའུ།</br>7. གདུགས་རིའི་བྱང་ཤར་ངོས་སུ་ཡོད་པའི་རྨོག་ལྕོག་ཟེར་བ་རི་དབྱིབས་རྒྱལ་མཚན་ཤམ་བུ་ཅན་དང་ཏོག་གི་རྣམ་པ་གསལ་བར་དོད་པ་ནི་རྒྱལ་མཚན། </br>8. སྟོད་ལུང་བྲང་བུའི་རིའི་ཉེ་འདབས་སུ་འཁོར་ལོའི་རྩིབས་རྣམས་བྲག་དང་རྩིབས་ཤུན་རྣམས་སྤང་གཤོང་དུ་ཡོད་པ་ཡོངས་གྲགས་སུ་ཧ་ལ་སྤང་ཁར་འབོད་པ་ནི་འཁོར་ལོ་སྟེ། ལྷ་སའི་ཕྱོགས་མཚམས་སུ་ཡོད་པའི་བཀྲ་ཤིས་རྟགས་བརྒྱད་ཀྱི་ས་དབྱིབས་བཤད་ཚུལ་ཡིན།ྲ་ཤིས་རྟགས་བརྒྱད་ཀྱི་ས་དབྱིབས་བཤད་ཚུལ་ཡིན།)
• Dictionaries/chos rnam kun btus/7450  + (1.ཉམས་ནི། མཚན་དཔེ་ཞི་ཆགས་ཁྲོ་སྒེག་གར་གྱི་ཉ … 1.ཉམས་ནི། མཚན་དཔེ་ཞི་ཆགས་ཁྲོ་སྒེག་གར་གྱི་ཉམས། ། སྐུ་གཟུགས་དེ་དག་ཀྱང་སངས་རྒྱས་ལོངས་སྐུ་དང་སྤྲུལ་སྐུ་དག་ལ་མཚན་བཟང་སོ་གཉིས་དང་དཔེ་བྱད་བརྒྱད་ཅུ་ལས་དངོས་སུ་ཇི་ལྟར་འབྲིར་རུང་བ་ཐམས་ཅད་གསལ་ལ་རྫོགས་པ་དང་། གཤེགས་པ་སོགས་ལ་ཞི་ཞིང་འཛུམ་པའི་མདངས་ཅན། ལྷ་མོ་ཕལ་ཆེར་ཆགས་ཤིང་གཞོན་པའི་ཚུལ། ཁྲོ་བོ་རྣམས་རྔམས་ཤིང་མི་སྡུག་པ། རོལ་པའི་ཁྲོ་བོ་སོགས་ ཁྲོ་འཛུམ་སྒེག་པའི་ཉམས་ཅན། གཞན་ཡང་གར་གྱི་ཉམས་དགུ་དང་ལྡན་པ་ཞེས་འབྱུང་བ་ལྟར། </br>(1)རྒྱན་དང་མདངས་ཀྱིས་སྒེག་པ། </br>(2)འགྱིང་ལ་རོལ་པས་དཔའ་བ། </br>(3)སྤྱན་ལོག་ཁྲོ་གཉེར་གྱིས་མི་སྡུག་པ།</br>(4)འཛུམ་ཞིང་ཧ་ཧའི་སྒྲས་དགོད་པ། </br>(5)ཧི་ཧི་ཧཱུཾ་ཕཊ་སྒྲོག་པས་དྲག་ཤུལ་དང་ལྡན་པ།</br>(6)སོ་ཐམ་པ་དང་མགོ་གུག་ཅིང་མཚོན་ཆ་ཕྱིར་གདེངས་ཀྱིས་འཇིགས་སུ་རུང་བ།</br>(7)སྤྱན་དམར་ཟིམ་ཟིམ་དང་གཞོན་ཤས་སྙིང་རྗེ།</br>(8)ཞལ་གདངས་རྐན་རྡེབ་པས་རྔམ་པ།</br>(9)གཉེན་ལྕུག་འཇམ་པའི་མིག་སྣ་རྩེར་བལྟས་པས་ཞི་བ་སྟེ། དེ་ལྟ་བུའི་གར་གྱི་ཉམས་དགུ་ལས་བཟོ་བོས་བསྒྲུབ་ཏུ་རུང་བ་རྣམས་དང་ལྡན་པར་བྱའོ། ། གཞན་ཡང་། ཞལ་གྱི་དབྱིབས་ནི་རྣམ་པ་བཞི། ། སྐྱེས་བུ་ཆེ་དང་ལྷ་མོ་ཡི། ། ཁྱིམ་བྱའི་སྒོ་ང་ཏིལ་གྱི་དབྱིབས། ། ཞེས་དང་། ཁྲོ་བོ་རྣམས་ཀྱི་རྣམ་འགྱུར་དབྱིབས། ། ཟླུམ་པོ་དག་དང་གྲུ་བཞི་སྟེ། ། ཞེས་གསུངས་པ་ལྟར་ཞལ་དབྱིབས་ཐ་དད་པ་དང་། ། སངས་རྒྱས་མཉམ་གཞག་སྤྱན་ནི་གཞུ་ཡི་དབྱིབས། ། མགྲོན་བུའམ་ནི་པདྨ་འདབ་མའི་དབྱིབས། ། པུཏྤ་ལ་འདྲ་ཞི་མ་ཁྲོ་ཡི་སྤྱན། ལྷ་མོ་ཞི་བའི་སྤྱན་ནི་ཉ་ལྟོ་འདྲ། ། གཡེམས་མའི་མིག་ནི་འོད་མའི་གཞུ་འདྲ་སྟེ། ། ཤིན་ཏུ་ཁྲོས་སྤྱན་ཟླུམ་དང་གྲུ་བཞིའོ། ། ཞེས་སྤྱན་གྱི་དབྱིབས་མི་འདྲ་བ་རྣམས་དང་། རྡོ་རྗེ་སྐྱིལ་ཀྲུང་ཡོངས་སུ་གྲགས། ། བྱིན་པ་གཡས་སྟེང་གཡོན་པ་བཞག ། པུས་མོ་སྨད་པ་པདྨའི་སྟབས། ། ལོང་བུ་བསྣོལ་ཏེ་མཐེ་བོང་དག ། རྩེ་མོ་སྤྲད་པ་ལ་ཡང་ཟེར། ། གཡས་པ་རྡོར་སྐྱིལ་ལྟ་བུ་ལ། ། གཡོན་པ་གཡས་པའི་བརླ་འོག་བཞག ། སེམས་དཔའི་སྐྱིལ་མོ་ཀྲུང་ཞེས་བྱ། ། གཡོན་པ་བཀན་པའི་སོར་མོ་རྣམས། ། གཡས་པའི་བརླ་ལ་མ་རེག་ཙམ། ། གཡས་པ་འགྱིང་སྟབས་བརྐྱང་བ་ནི། ། སྐྱིལ་ཀྲུང་ཕྱེད་པ་ཞེས་བྱའོ། ། གཡོན་བརྐྱང་བྲང་བ་གདན་ལ་བཙུགས། ། དེ་ཡི་བརླ་ལ་གཡས་མཐིལ་སྦྱར། ། བཞེངས་པའི་ཕྱེད་སྐྱིལ་གར་སྟབས་སོ། ། གཡོན་པའི་བྱིན་པ་བསྐུམ་པ་ལས། ། གཡས་པ་འགྱིང་བཅས་དོར་སྟབས་ཅན། ། གཡས་བརྐྱང་བཟློག་པ་གཡོན་བརྐྱང་ངོ་། ། སོར་མོ་མདུན་བསྟན་རྟིང་བར་དུ། ། ཁྲུ་གང་སོརགཉིས་བརླ་བྱིན་པ། ། དྲང་པོར་བསྲང་བ་ས་གའི་སྟབས། ། དེ་བས་ལུས་སྨད་པུས་མོའི་བར། ། ཁྲུ་དོ་ངང་པའི་གཤོག་པ་ལྟར། ལོགས་སུ་བརྐྱངས་པ་ཟླུམ་པོ་ཟེར། ། སོར་མོ་བཅུ་པོ་མདུན་དུ་བསྒྲིགས། ། དྲང་པོར་བཞེངས་པ་མཉམ་པའི་སྟབས། ། རྐང་གཉིས་ཁྲི་ལས་ཐུར་དུ་བརྐྱང་། ། སོར་མོ་མདུན་བསྟན་བཟང་པོའི་སྟབས། ། ཞབས་མཐིལ་ཁ་སྦྱར་བདེ་ལེགས་ཅན། ། ཙོག་པུར་རྐང་གཉིས་མཐོ་གང་བར། ། སྟན་ལ་བཀོད་པ་ཙོག་པུའི་སྟབས། ། གཡས་པའི་ཕྱེད་ཀྲུང་སོར་མོ་རྣམས། ། གཡོན་པའི་ལོང་བུར་གཏད་པ་ན། ། གཡོན་རོལ་ཡིན་ཞིང་གཡས་རོལ་བཟློག ། འདི་ནི་བཞེངས་པ་ལ་ཡང་སྦྱར། ། གཡོན་པའི་སྐྱིལ་ཀྲུང་ཕྱེད་པ་ལ། ། དེ་དང་ཉེ་བར་གཡས་པ་ཡི། ། པུས་མོ་དྲང་པོར་བཞག་པ་ནི། ། དཔའ་བོའི་འདུག་སྟངས་ཞེས་བྱའོ། ། གཡོན་པ་དེ་བཞིན་བྱས་པའི་སྟེང་། ། པུས་མོ་གཡས་པ་བསྙལ་བ་ལས། ། རྐང་གཡས་གཡོན་པའི་བརླ་མཐིལ་དུ། ། བཞག་པ་དཔའ་མོའི་འདུག་སྟངས་སོ། ། མི་མཉམ་རུས་སྦལ་བུང་བའི་སྟབས། ། དེ་སོགས་འདིར་ནི་མ་སྤྲོས་སོ། ། ཞེས་ཞབས་ཀྱི་སྟངས་སྟབས་ཁྱད་པར་སོགས་ཤིན་ཏུ་མང་པོ་རྣམས་ཀྱང་ཁོང་དུ་ཆུད་པར་བྱའོ། །</br>2. རྒྱན་ནི། ཆོས་གོས་རིན་ཆེན་རྒྱན་བརྒྱད་དར་གོས་གཉིས། ། ཕྱག་རྒྱ་དུར་ཁྲོད་དཔལ་ཆས་བརྒྱད་དམ་བཅུ། ། སྤྲུལ་པའི་སྐུ་ཆགས་བྲལ་གྱི་རྣམ་པ་ཅན་རྣམས་ལ་ཆོས་གོས་རྣམ་པ་གསུམ། ། ལོངས་སྐུ་རྣམས་ལ་རིན་པོ་ཆེའི་རྒྱན་བརྒྱད་དེ།</br>(1)དབུ་རྒྱན། </br>(2)སྙན་རྒྱན།</br>(3)མགུལ་རྒྱན། </br>(4)དཔུང་རྒྱན། </br>(5)དོ་ཤལ།</br>(6)སེ་མོ་དོ། </br>(7)གདུ་བུ། </br>(8)སྐ་རགས་སམ་འོག་པགས་རྣམས་ལ་རྩ་བའི་རྒྱན་ཡང་ཟེར། དེ་སྟེང་སྙན་གོང་པུཏྤ་ལ། རྐང་གདུབ་གཡེར་ཁ་སོགས་ཉེ་བའི་རྒྱན་དུ་གྲགས་པ་རྣམས་ཏེ། དེ་དག་ཀྱང་སྔོན་གྱི་མཁས་པས། རྣ་རྒྱན་མགུལ་རྒྱན་ལག་གདུབ་གསུམ། ། ལྗི་ལྗི་འདྲ་ཞིག་དགོས་པ་ཡིན། ། དབུ་རྒྱན་དཔུང་རྒྱན་རྐང་གདུབ་སྐེད། ། ཡང་ཡང་འདྲ་ཞིག་འདོད་པ་ཡིན། ། ཅེས་སྨྲའོ། ། དར་གོས་གཉིས་ནི་སྟོད་གཡོགས་དང་སྨད་ཤམ་ཡིན་ལ། རྙིང་མ་བཀའ་མར་དར་གྱི་ཆས་གོས་ལྔར་གྲགས་ཏེ། </br>(1)ཟི་ལྡིར།</br>(2)ཅོད་པན།</br>(3)གར་གྱི་ཕུ་རུང་།</br>(4)གསང་ཁེབས།</br>(5)ཚི་གུའི་སྨད་དཀྲིས་རྣམས་སོ། ། མ་རྒྱུད་གཙོ་བོར་གྱུར་པའི་རྒྱུད་སྡེའི་ལྷ་ཡབ་རྣམས་ལ།</br>(1)སྤྱི་བོར་རུས་པའི་འཁོར་ལོ་རྡོ་རྗེ་ཕྱེད་པའི་ཏོག་དང་བཅས་པ།</br>(2)རྣ་རྒྱན།</br>(3)མགུལ་རྒྱན།</br>(4)གདུ་བུ།</br>(5)སྐ་རགས།</br>(6)ཚངས་སྐུད་དམ་མཆོད་ཕྱིར་ཐོགས་ཏེ་ཕྱག་རྒྱ་དྲུག་དང་། དེའི་ཡུམ་རྣམས་ལ་ཚངས་སྐུད་སྤངས་པའི་ཕྱག་རྒྱ་ལྔའི་རྒྱན་བྱ་དགོས་ཤིང་། འདི་དག་གི་ཚད་དང་དག་པ་རྣལ་འབྱོར་མ་ཀུན་སྤྱོད་ཀྱི་རྒྱུད་དང་། རྡོ་རྗེ་མཁའ་འགྲོ་ནས་ཀྱང་གསུངས་སོ། །</br>ཁྲོ་བོ་སྤྱི་ལ་དུར་ཁྲོད་ཀྱི་ཆས་བརྒྱད་དེ། དེ་ཡང་བགོ་བའི་གོས་གསུམ་ནི།</br>(1)མི་ལྤགས་ཀྱི་གཡང་གཞི། </br>(2)གླང་ཆེན་གྱི་ཀོ་རློན།</br>(3)སྟག་ལྤགས་ཀྱི་ཤམ་ཐབས་རྣམས་སོ། ། </br>གདགས་པའི་རྒྱན་གཉིས་ནི། </br>(1)སྦྲུལ།</br>(2)ཐོད་པ།</br>རྒྱལ་རིགས་དཀར་ཁྲའི་དབུ་རྒྱན། རྗེའུ་རིགས་སེར་ཁྲའི་སྙན་རྒྱན། བྲམ་ཟེར་དམར་ཁྲའི་མགུལ་རྒྱན། བྲམ་ཟེར་དམར་ཁྲའི་མགུལ་རྒྱན། དམངས་རིགས་ནག་ཁྲའི་སྐ་རགས། ། གདོལ་རིགས་ལྗང་ཁྲས་ཕྱག་གདུབ་ཞབས་གདུབ་བྱས་པ་དང་། ཐོད་པ་སྐམ་པོས་དབུ་རྒྱན། རློན་པས་སེ་རལ་ཁ། ཚལ་བུས་དཔུང་རྒྱན་བྱས་པའོ། ། བྱུག་པའི་རྫས་གསུམ་ནི། སྨིན་མཚམས་ཐལ་ཆེན་གྱི་ཚོམ་བུ། མཁུར་ཚོས་ལ་རཀྟའི་ཐིག་ལེ། ལྐོག་མར་ཞག་གི་ཟོ་རིས་རྣམས་སོ། །</br>རྙིང་མ་ལ་དཔལ་གྱི་ཆས་བརྒྱད་དུ་གྲགས་པ་ནི། ཇི་སྐད་དུ། གཟི་བརྗིད་འབར་བ་ཆུ་སྲིན་བརྗིད་པའི་ཆས། ། ཐབས་དང་ཤེས་རབ་ཟུང་འབྲེལ་ཉི་ཟླའི་ཆས། ། གདུག་པ་ཅན་སྲེག་ཡེ་ཤེས་མེ་ཡི་ཆས། ། སྐྱེ་ཤི་རྩད་གཅོད་མཆེ་བ་ཟླ་ཚེས་ཆས། ། ཁྱབ་མཛད་རེ་སྐོང་རྡོ་རྗེ་གཤོག་པའི་ཆས། ། མངའ་ཐང་ཡོངས་རྫོགས་རྡོ་རྗེ་གླག་པའི་ཆས། ། སངས་རྒྱས་སར་བགྲོད་དབང་གི་བསེ་ཁྲབ་ཆས། ། གནོད་གདུག་ཟློག་བྱེད་རྒྱ་བྱེའུ་ལྕགས་ཀྱི་ཆས། ། ཞེས་པ་ལྟར་བརྒྱད་དམ།</br>མི་འགྱུར་སྤྱི་གཙུག་རྡོ་རྗེ་ཕྱེད་པ། གདུག་པ་ཐལ་འབྱིན་ཕུར་བུའི་ཤམ་ཐབས་གཉིས་བསྣན་པའི་དཔལ་གྱི་ཆས་བཅུར་ཡང་བཞེད་དེ། སྔ་མ་ནི་རྒྱུད་ཡེ་ཤེས་རྔམ་གློག་སོགས་དང་། ཕྱི་མ་བཀའ་བརྒྱད་ལས་གཙོ་བོར་བཤད་པ་སྟེ། འདི་དག་ལ་ཅུང་ཟད་འདྲ་མིན་འགའ་རེ་འབྱུང་ངོ་། །</br>3. ཕྱག་མཚན་ནི། ཕྱག་མཚན་དང་པོའི་རྡོ་རྗེ་ཁ་ཊྭཱཾ་སོགས། ། མཁའ་འགྲོ་རྒྱ་མཚོ་སོགས་དཀྱིལ་འཁོར་གྱི་གཙོ་བོ་ཕྱག་མང་རྣམས་ལ་ཕྱག་མཚན་གྱི་དབྱེ་བའང་དུ་མར་བཤད་པ་ལས་གཙོ་བོར་གྱུར་པ་དང་པོའི་རྡོ་རྗེ་དང་། ཁ་ཊྭཱཾ་ག་ལ་སོགས་པ་སྟེ། ཕྱག་མཚན་ཅུང་ཟད་བསྡུ་ན། ཕྱག་མཚན་དང་པོའི་རྡོ་རྗེ་ནི། ། རྭ་བཞི་དབུས་ལ་མ་རེག་ཙམ། ། མདོག་དམར་ཁྲོ་བོའི་རྡོ་རྗེ་རྭ། ། ཕྱོགས་བཞིར་ཤིན་ཏུ་གྱེས་པའོ། ། ཁ་ཊྭཱཾ་རྡོ་རྗེ་མི་མགོ་གསུམ། ། བུམ་པ་རྒྱ་གྲམ་ཡུ་བ་བཅས། ། སྐུ་ཡི་སྲིད་ཚད་ཉིད་དང་མཉམ། ། དར་དཔྱངས་དྲིལ་བུ་ཅང་ཏེའུ་འཕྱང་། ། ག་དའི་དབྱུག་པ་དཔག་ཆེན་མདའི། ། ཝ་གཞུ་ཉིད་དང་མཚུངས་པའོ། ། བི་དྷི་པཱ་ལ་མདུང་རྩེ་རྣོ། ། རྨ་བྱའི་སྒྲོ་ཕོན་ཡུ་བར་ལྡན། ། རྡོ་རྗེ་རྩེ་ལྔའི་རྭ་བཞི་སྤངས། ། ཨ་ཀ་པུ་ཙི་ཀ་བཛྲ། ། མདུང་ཐུང་ཀ་ཎྵ་ཡ་ཞེས་པ། ། འདི་གཉིས་རྡོ་རྗེ་རྩེ་གཅིག་པ། ། ཐོད་ཚལ་རྩེ་ཐོད་ཌཱ་མ་རུ། ། དྲྭ་བ་ཅན་དང་དྲྭ་བ་མེད། ། རལ་གྲི་ཆུ་གྲི་པེ་ཊ་ཀ ། གྲི་གུག་དགྲ་སྟ་གཏུན་ཤིང་དང་། ། མདུང་རིང་མདུང་ཐུང་ཕུབ་རིགས་གསུམ། ། བྷོ་ཀེ་རྫ་རྔ་རྔ་ཟླུམ་དང་། ། རྔ་ཆེན་ཌཱ་ཀ་པ་ཊ་ཧ། ། རྡོ་རྗེ་དྲིལ་བུ་ལ་སོགས་པའོ། །</br>4. ཁྲི་རྒྱབ་ནི།</br>བྱང་ཕྱོགས་དག་པའི་ཁྲི་འགྱོགས་ལེ་ཚན་བདུན། ། ཕྱིན་དྲུག་ངོ་བོ་རྒྱབ་ཡོལ་རྒྱན་དྲུག་སོགས། ། བླ་མའི་ཡོན་ཏན་ཡོངས་གཟུང་གི་རྒྱུད་དོན་བཞིན་གདན་ཁྲི་རྒྱབ་ཡོལ་དང་བཅས་པ་ལ། བྱང་ཕྱོགས་ཀྱི་ཆོས་ཀྱི་སྡེ་ཚན་བདུན་དག་པའི་ཆོས་དང་སྦྱར་བ་ཁྲི་འགྱོགས་ལེ་ཚན་བདུན་དུ་གྲགས་པ་ནི། ཁྲི་གདན་ཁྲི་གདོང་ཁྲི་ཡི་རྐང་ཁྲི་རྨང་གཉིས་དང་བ་གམ་དང་ལན་ཀན་ཏེ་རྣམ་པ་བདུན་ནོ། ། འདེགས་བྱེད་སེང་གེ་གླང་པོ་རྨ་བྱ་ཤང་ཤང་རྣམས་དང་། ཉི་ཟླ་པདྨའི་གདན་རྣམས་ནི་རིམ་བཞིན་སྟོབས་དང་དབང་བཅུ། ། སྨོན་ནས་ཤེས་པ། བྱང་ཆུབ་ཀྱི་ཕྱོགས། དོན་དམ་ཨེ། ཀུན་རྫོབ་ཝྃ། སྒྲིབ་གསུམ་གྱིས་མ་གོས་པའི་ཡོན་ཏན་རྣམས་དང་སྦྱར་རོ། ། ཕྱིན་དྲུག་གི་ངོ་བོ་རྒྱབ་ཡོལ་ལ་རྒྱན་སྣ་དྲུག་ སྟེ། མཁའ་ལྡིང་། ཆུ་སྲིན་དང་། བྱིས་པ་དང་། གླང་པོ་ཆེ་དང་། ཤ་ར་བྷ་སྟེ་བསེ་ཁ་སྒོ་དང་། ཀླུ་ཕྲུག་རྣམས་ཀྱང་རིམ་བཞིན་ཤེས་རབ་དང་། བསམ་གཏན་དང་། བརྩོན་ འགྲུས་དང་། བཟོད་པ་དང་། ཚུལ་ཁྲིམས་དང་། སྦྱིན་པ་བཅས་ཕ་རོལ་ཏུ་ཕྱིན་པ་དྲུག་ལུགས་ལྡོག་པ་དང་སྦྱར་བའོ། ། སོགས་ཁོངས་ནས་ཁྲི་ལ་བརྩེགས་ཉི་ཤུ་རྩ་གཅིག་ལ་སོགས་པའི་སྤྲོས་པ་དང་། རྒྱབ་ཡོལ་རྒྱས་པ་ཕུབ་ལ་ཞོལ་བཏགས་པ་ལྟ་བུ། འབྲིང་པོ་ལ་པད་འདབ་ལྟ་བུ། བསྡུས་པ་ལྕགས་རྩེ་མ་དང་སྒང་གཟུགས་མ་ལ་སོགས་པ་རྒྱས་འབྲིང་བསྡུས་པའི་རྣམ་གཞག་མང་ཞིང་། འབྲིང་པོའི་ཚད་སྟག་ཚང་ལོ་ཙཱའི་དཔལ་འབྱོར་རྒྱ་མཚོ་ལས་ཞིབ་པར་འབྱུང་བ་དང་། ཕྱིས་སུ་ཁྲི་རྒྱབ་བྲིས་འབུར་གཉིས་ཀ་ལ་བཞེངས་པ་ཉུང་ཡང་གྲུབ་ན་བསོད་ནམས་རླབས་ཆེན་གྱི་རྒྱུར་འགྱུར་བ་ཡིན་ནོ། ། བོད་ཀྱི་མཁས་པ་མང་པོས་ཁྲི་དྲུག་འགྱོགས་འདི་རྒྱ་གར་ན་ལྷ་ཁང་གི་སྒོ་རྒྱན་དུ་ཡོད་པས་ལྷའི་རྒྱབ་ཡོལ་དུ་འཁྲུལ་ནས་བོད་དུ་དེའི་རྒྱུན་འབྱམས་པ་ཙམ་ལས་ཁུངས་ཡང་དག་མེད་པར་འདོད་ཅིང་། དེ་བཤད་པའི་ཁུངས་བླ་མའི་ཡོན་ཏན་ཡོངས་གཟུང་སོགས་ཙ་མིའི་རྒྱུད་གསུམ་པོ་ཡང་རྒྱུད་ཡང་དག་མ་ཡིན་པར་འཆད་མོད། འོན་ཀྱང་ཁྲི་རྒྱན་གྱི་བཀོད་པ་འདི་ལྟ་བུ་རྒྱ་གར་གྱི་བཟོ་ཡིན་ངེས་འགའ་ལའང་མཐོང་ཞིང་ཁུངས་ཀྱི་རྒྱུད་དེ་རྒྱུད་ཡང་དག་ཏུ་རང་བྱུང་ཞབས་བཞེད་པའི་ཕྱིར་ཁོ་བོ་ཅག་ནི་དེ་ལ་ཚད་མར་བྱེད་ཅེས་ཀུན་མཁྱེན་དྷརྨཱ་ཀ་རས་གསུངས་སོ། །</br>5. སྐྱོན་སེལ་ནི། རིང་ཐུང་སྦོམ་ཕྲ་ཡོ་སོགས་སྐྱོན་མི་ལྡན། ། རྒྱུད་སྡོམ་པ་ལས། རིང་བ་གསུམ་ནི་སྐྱོན་ཆེ་སྟེ། ། ཨོས་ཀོ་མགྲིན་པ་བྱིན་པའོ། ། སྣ་དང་རྣ་བ་སོར་མོ་སོགས། ། གསུམ་པོ་ཐུང་བ་ཉེས་པ་ཆེ། ། བྱིན་པ་ཞབས་སོགས་མཁུར་བ་དག ། གསུམ་པོ་སྦོམ་པ་སྐྱོན་ཆེན་ཏེ། ། འགྲམ་པ་བྲང་དང་རྩིབས་ལོགས་གསུམ། ། ཞོམ་པ་ཉེས་པ་ཆེན་པོའོ། ། ནུ་མ་རྣ་བ་དཔྲལ་བ་གསུམ། ། འཁྱོག་པ་ཉེས་པ་ཆེན་པོ་སྟེ། ། བརླ་དང་དཀུ་དང་ནམ་ཚོང་གཉིས། ། གསུམ་པོ་ཞོམ་པ་སྐྱོན་ཆེའོ། ། ཞེས་སོགས་སྐྱོན་རེ་རེས་ཉེས་པ་ཆེན་པོ་སོ་སོར་སྐྱེད་པའི་ཚུལ་དང་། འདིར་ནི་སྤྱན་སོགས་ཡོ་བའམ། ། ཕྱག་རྒྱ་ཕྱག་མཚན་ནོར་གྱུར་ན། ། མྱ་ངན་སྡུག་བསྔལ་གྱིས་རབ་གདུང་། ། གཟུགས་བརྙན་སྐྱོན་སོགས་མཚན་ཉིད་དེ། ། དེ་ཕྱིར་སྐྱོན་བརྟགས་བཅོས་པར་བྱ། ། རྒྱབ་ཡོལ་གདུགས་དང་གདན་རྣམས་ཏེ། ། གསུམ་པོ་ཆུང་ཞིང་དོག་པའི་སྐྱོན། ། མཛའ་བོས་མི་སྙན་བརྗོད་པ་དང་། ། དཔལ་ཉམས་འཆི་བར་འགྱུར་བ་ཡིན། ། འདི་དག་ཉེས་པ་ཆེན་པོ་སྟེ། ། མཁས་པས་ལེགས་པར་བརྟག་པར་བྱ། ། ཞེས་སོགས་གསུངས་པའི་སྐྱོན་རྣམས་དང་མི་ལྡན་པ་ཤིན་ཏུ་གལ་ཆེ་ཞིང་། གཞན་ཡང་ཚད་དང་མི་ལྡན་པའི་ལྷར་ཡེ་ཤེས་སེམས་དཔའི་མི་འཇུག་པ་དང་། སྐྱོན་ཅན་གྱི་སྐུ་གཟུགས་དེ་གང་དུ་ཡོད་པའི་ས་ཕྱོགས་ཀྱི་བཟང་པོའི་དཔྱད་རྣམས་ཀྱང་ཉམས་པར་འགྱུར་བ་སོགས་མི་དགེ་བ་འབའ་ཞིག་འབྱུང་བར་གསུངས་པས་དེ་ལྟ་བུ་ནི་གཙང་མའི་སར་དོར་བར་བྱའོ། །</br>6. ཚོན་མདངས་ནི། རྩ་བ་ཡན་ལག་ཚོན་སྦྱོར་མདངས་དང་བཅས། ཚོན་སྦྱོར་ལའང་རྩ་བའི་ཚོན། དཀར། སེར། དམར། སྔོ། ལྗང་གུ་ལྔ། ཡན་ལག་གི་ཚོན་འབྲིང་པོ། ། ལི་ཁྲི་ཤ་ཁ་ན་རོས་གསུམ། ། མོན་མ་དུད་ཁ་ས་ཁ་གསུམ། ། སྨུག་པོ་རུས་ཁ་གཡུ་ཁའོ། ། དེ་དག་རེ་རེ་ལའང་ནང་གསེས་མང་དུ་བྱར་ཡོད་ཅིང་། ། ཡན་ལག་རྒྱས་པ་སུམ་ཅུ་རྩ་གཉིས་ནི། ། དཀར་པོ་དཀར་སེར་དཀར་དམར་ཆུ་ཤེལ་མདོག ། སེར་པོ་སེར་སྐྱ་དམར་སེར་ལེ་ཁྲི་མདོག དམར་པོ་དམར་སྐྱ་དམར་སྨུག་རྒྱ་སྐག་མདོག ། སྔོན་པོ་སྔོ་སྐྱ་མཐིང་ནག་གཡུ་ཁ་མདོག ། ལྗང་གུ་ལྗང་སེར་ལྗང་སྐྱ་ལྗང་ནག་གོ ། ཤ་ཁ་ཇ་ཁ་མོན་ཁ་ཐལ་ཁ་དང་། ། སྨུག་པོ་སྨུག་ནག་ན་རོས་གློ་བ་ཁ། ། དུད་ཁ་རེ་ཁ་རུས་ཁ་མུན་མདོག་གོ ། ཞེས་པ་ཡོངས་གྲགས་ཀྱི་སྦྱོར་ཚུལ་ཏེ་ཚོན་གྱི་ཁྱད་པར་སོགས་ལས་ཀྱང་མཐའ་ཡས་པར་འགྱུར་རོ། ། གང་ལྟར་སྣུམ་བརྗིད་བཀྲག་གསུམ་འཛོམ་ན་ཚོན་སྦྱོར་ལེགས་པའི་ཚད་དུ་བཤད་དོ། ། མདངས་ལའང་བཙག་མདངས་ཡུངས་ཞི་བརྡལ་འདྲ། འབར་མདངས་ཀུ་ཤའི་རྩེ་འདྲེ། བཤལ་མདངས་འཇའ་ཚོན་ཡལ་འདྲ་རྣམས་དང་། བཅད་ཀྱི་ཚུལ་དང་བཅས་པ་རྣམས་ཀྱང་རེ་རེས་རེ་རེ་མ་བསླད་པར་དགོས་སོ། །</br>7. རྣམ་འགྱུར་ནི། རྣམ་འགྱུར་ཡུལ་བཀོད་སོ་སོའི་ལུགས་མཐུན་ནོ། ། རྩ་བའི་པ་ཏྲ་རིགས་བརྒྱད། ། མེ་རི་རིགས་གསུམ་གྱིས་མཚོན་གཟུགས་དང་རྣམ་འགྱུར་མི་འདྲ་བའི་ཁྱད་པར་དུ་མ་རྣམས་དང་། ལྷག་པར་འཕགས་ཡུལ་རྒྱ་ནག་བོད་ཡུལ་སོགས་ཡུལ་བཀོད་སོ་སོའི་ལུགས་དང་མཐུན་པར་བྱ་སྟེ། ཇི་སྐད་དུ། ཁང་བཟང་ལ་སོགས་བྱང་ཆུབ་ཤིང་། ། མེ་ཏོག་སྣ་ཚོགས་མཆོད་པའི་སྤྲིན། ། རྟེན་འབྲེལ་རི་མོ་རིན་ཆེན་ཕྲེང་། ། བཟོ་མཐོའ་མ་འདྲེས་རང་རང་བརྒྱུད། ། རྒྱ་གར་བཟོ་ཡི་ཁྱད་ཆོས་ཡིན། ། མཛེས་ལྡན་རི་མོ་མདངས་ལྡན་པར། ། བཀྲ་ཤིས་གཟུགས་བརྙན་གོས་ཀྱི་རྒྱུད། ། ཁྲི་དང་མཚར་བའི་བྱེ་བྲག་རྣམས། ། རྒྱ་ནག་བཟོ་ཡི་ཁྱད་ཆོས་ཡིན། ། ཆུ་གནས་སྲོག་ཆགས་མཚོ་དང་རྫིང་། ། དྲི་ཞིམ་ནགས་ཚལ་ཀླུ་ཡི་རྫས། ། སྨན་སྤོས་ལྷབ་ལྷུབ་རི་མོ་རྣམས། ། ཁ་ཆེ་བཟོ་ཡི་ཁྱད་ཆོས་ཡིན། ། འབྱུང་བཞི་པ་ཏྲ་འཇའ་དང་སྤྲིན། ཤིང་ལྗོན་རིན་ཆེན་སྣལ་རིས་རྒྱན། ། ནམ་མཁའི་སྲོག་ཆགས་ལྷ་ཡི་རྫས། ། བལ་པོ་བཟོ་ཡི་ཁྱད་ཆོས་ཡིན། ། བྲག་དང་སྤང་རི་རི་དྭགས་དང་། ། བླ་བྲེ་ཆུན་འཕྱང་མཛེས་པའི་རྒྱན། ། སྣ་ཚོགས་གཟུགས་དང་གངས་རིའི་ཁྲོད། ། གངས་ཅན་བཟོ་ཡི་ཁྱད་ཆོས་ཡིན། ། ཅེས་བཤད་པ་སོགས་ཀྱི་རྣམ་འགྱུར་ལག་ཏུ་ལོངས་པ་དགོས་སོ། །སོགས་ཀྱི་རྣམ་འགྱུར་ལག་ཏུ་ལོངས་པ་དགོས་སོ། །)
• Dictionaries/chos rnam kun btus/8380  + (1.ཐིག་ཆེན་དང་པོ། སངས་རྒྱས་བཅོམ་ལྡན་འདས་སྤྲ … 1.ཐིག་ཆེན་དང་པོ། སངས་རྒྱས་བཅོམ་ལྡན་འདས་སྤྲུལ་སྐུའི་རྣམ་པ་ཅན་ལ་བྲིས་སྐུ་དང་འབུར་སྐུའི་ཚད་མི་འདྲ་བ་གཉིས།</br>2. ཐིག་ཆེན་གཉིས་པ། དྲང་སྲོང་ཁྲོས་པའི་རྣམ་པ་ཅན་གྱི་ལྷ་སྐུ་འཁོར་ལོ་བདེ་མཆོག་ལ་སོགས་པའི་རིགས་ལ་བྲིས་སྐུ་དང་། འབུར་སྐུ་རིགས་མི་འདྲ་བ་གཉིས།</br>3. ཐིག་ཆེན་གསུམ་པ། སྤྱན་རས་གཟིགས་ཞི་བའི་རྣམ་པ་ཅན་སོགས་བྱང་ཆུབ་སེམས་དཔའ་རྣམས་ཀྱི་སྐུ་ལ་བྲིས་སྐུ་དང་འབུར་སྐུའི་ཚད་མི་འདྲ་བ་གཉིས།</br>4. ཐིག་ཆེན་བཞི་པ། རྗེ་བཙུན་སྒྲོལ་མ་ལྟ་བུའི་ལྷ་མོའི་རྣམ་པ་ཅན་གྱི་སྐུ་ལ་བྲིས་སྐུ་དང་འབུར་སྐུའི་ཚད་མི་འདྲ་བ་གཉིས།</br>5. ཐིག་ཆེན་ལྔ་པ། གཤིན་རྗེ་གཤེད་དམར་ནག་ལ་སོགས་པའི་ཁྲོ་བོ་དང་ཁྲོ་མོའི་རྣམ་པ་ཅན་གྱི་ལྷ་སྐུ་ལ་བྲིས་སྐུ་དང་འབུར་སྐུའི་ཚད་མི་འདྲ་བ་གཉིས།</br>6. ཐིག་ཆེན་དྲུག་པ། ཕྱག་རྡོར་འབྱུང་པོ་འདུལ་བྱེད་དང་ར་ཧུ་ལ་སོགས་པའི་མིའུ་ཐུང་ཁྲོས་པའི་རྣམ་པ་ཅན་གྱི་ལྷ་སྐུའི་རིགས་ལ་བྲིས་སྐུ་དང་། འབུར་སྐུའི་ཚད་མི་འདྲ་བ་གཉིས།</br>7. ཐིག་ཆེན་བདུན་པ། སྤྱིར་བཏང་གི་མི་ཐ་མལ་པའི་རིགས་དང་། ཉན་ཐོས་དང་། རང་རྒྱལ་སོགས་ལ་བྲིས་དང་འབུར་གྱི་ཚད་མི་འདྲ་བ་གཉིས།</br>8. ཐིག་ཆེན་བརྒྱད་པ། ལྷ་སྐུ་རྣམས་ཀྱི་བཞུགས་སྟངས་མི་འདྲ་བ་བཅུ་དྲུག་དང་། རིགས་ལྔའི་དབུ་རྒྱན་དང་། རུས་པའི་རྒྱན། རིན་པོ་ཆེའི་རྒྱན། ཕྱག་མཚན་ན་བཟའ། བཞུགས་ཁྲི། རྒྱབ་ཡོལ་བཅས་ཀྱི་ཐིག་ཚད་རྣམས་ཡིན།ུགས་ཁྲི། རྒྱབ་ཡོལ་བཅས་ཀྱི་ཐིག་ཚད་རྣམས་ཡིན།)
• Dictionaries/chos rnam kun btus/7611  + (1.དགུང་ལོ་ཆུང་ངུར་རྒྱལ་སྲིད་བཞེས་ཤིང་ཕྱི་ན … 1.དགུང་ལོ་ཆུང་ངུར་རྒྱལ་སྲིད་བཞེས་ཤིང་ཕྱི་ནང་དུས་ཟིང་ལྷིང་འཇགས་སུ་བཏང་བ་སྟེ། སྲོང་བཙན་གྱི་ཡབ་མེས་སྟག་རི་གཉན་གཟིགས་ཀྱིས་སྲིད་དབང་བཟུང་རྗེས་བན་པ་རྗེ་དང་། འ་ཞ་རྗེ། བྲང་གར་རྗེ་སོགས་རུས་རྒྱུད་ཚོ་པའི་རྒྱལ་ཕྲན་འགའ་ཞིག་མངའ་འོག་ཏུ་བསྡུས་པའི་འགོ་ཚུགས་ཤིང་། དེའི་སྲས་གནམ་རི་སྲོང་བཙན་གྱི་དུས་སུ་འཕན་ཡུལ་གྱི་ཟིང་པོ་རྗེ་དང་། གཙང་གི་རྒྱལ་པོ་མར་མུན། དྭགས་པོ་ས་ཁུལ་བཅས་མངའ་ཞབས་སུ་བསྡུས་ཏེ། བོད་ས་གནས་ཀྱི་རུས་རྒྱུད་ཚོ་པ་རྣམས་གཅིག་གྱུར་བྱེད་པའི་རྨང་གཞི་བཟང་པོ་བཏིང་། འོན་ཀྱང་དབང་སྒྱུར་གྲལ་རིམ་ནང་ཁུལ་གྱི་སྲིད་དབང་འཕྲོག་རྩོད་ཀྱི་འཐབ་རྩོད་དེ་རྣོ་ངར་ཆེ་རྐྱེན། བོད་མེ་ཕག་(627) ལོར་སྲོང་བཙན་དགུང་ལོ་བཅུ་གསུམ་ཐོག་སྲིད་དབང་བཞེས་མ་ཐག་བློན་པོ་འགའ་ཞིག་གིས་ཡབ་གནམ་རི་སྲོང་བཙན་དུག་གིས་བཀྲོངས་ཤིང་འབངས་གྱེན་ལོག་ཚབས་ཆེན་བྱུང་། དེའང་ཏུན་ཧོང་ནས་ཐོན་པའི་བོད་ཡིག་གི་ལོ་རྒྱུས་ཤོག་དྲིལ་ནང་འཁོད་དོན། བཙན་པོ་སྲོང་བཙན་སྒམ་པོའི་རིང་ལ་ཡབ་འབངས་ཀྱིས་ནི་འཁུས། ཡུམ་འབངས་ནྱི་ངོ་ལོག གཉེན་ཞང་ཞུང་། འཛོ་སུམ་བྷ། ཉ་གཉི་དྭགས་པོ། ཀོང་པོ། ཉང་པོ་ཀུན་ངོ་ལོག ཡབ་གནམ་རི་སྲོང་བཙན་ལ་དུག་བོར་ནས་བཀྲོངས་སོ་ཞེས་གསལ་བ་ལྟར་སྲོང་བཙན་རྒྱལ་སྲིད་བཞེས་པའི་དུས་སྐུ་ན་ཕྲ་བའི་ཐོག་རྒྱལ་བློན་བར་གྱི་འཐབ་རྩོད། བློན་དང་བློན་བར་གྱི་འཐབ་རྩོད་བཅས་རྣོ་ངར་ཆེ་བའི་དུས་ལ་སླེབས་ཤིང་། ཡབ་གནམ་རི་སྲོང་བཙན་གྱིས་བཙུགས་པའི་རྨང་གཞི་བཟང་པོ་དེ་ཐོར་ལ་ཉེ་བའི་དུས་སུ་མཆིས་རུང་། ཤེས་རིག་ལྡན་ལ་བློ་སྟོབས་ཆེ་བའི་མི་རྗེ་འདིས། དང་ཐོག་རང་ཉིད་ལ་བློ་ཉེ་བའི་བློན་པོ་ཁག་དང་མནའ་འབྲེལ་བཙུགས་ནས་ཡབ་ལ་དུག་བཏང་མཁན་གྱི་བློན་པོ་རྣམས་ཚར་བཅད་ཅིང་དེ་དག་གི་ཁ་རྗེ་དབང་ཐང་ཡོངས་རྫོགས་མེད་པ་བཟོས་ཐོག དེ་སྔ་ཡབ་ཀྱིས་སྲིད་བསྐྱངས་པའི་རིང་ཡར་ལུང་ཁུལ་དང་སྐྱིད་ཆུའི་ཁུལ་ལ་སོགས་པའི་རྒྱལ་ཕྲན་ཁག་དང་རུས་རྒྱུད་ཚོ་པ་ཁག་དང་ལྷན་དུ་མནའ་སྐྱེལ་དམ་བཅའི་ཐོག་ནས་མངའ་ཞབས་སུ་བསྡུས་ཏེ་གཅིག་གྱུར་བྱུང་ཡོད་རུང་། དོན་དུ་ས་གནས་སོ་སོར་ཁ་འཐོར་དབང་བསྒྱུར་གྱི་ངོ་བོ་རང་སོར་གནས་པ་ལ་བརྟེན་ནས་ཕམ་ཉེས་བྱུང་བའི་དབང་བསྒྱུར་གྲལ་རིམ་གྱིས་གཅིག་གྱུར་མ་བྱུང་བའི་རྒྱལ་ཕྲན་དང་རུས་རྒྱུད་ཚོ་པ་ཁག་གཅིག་དང་ངན་འབྲེལ་བྱས་ཏེ་སླར་ཡང་བཙན་པོའི་སྲིད་དབང་ཐོར་ཞིག་ཏུ་གཏོང་རྒྱུའི་ཉེན་ཁའི་རང་བཞིན་གནས་ཡོད་པ་མཁྱེན་ནས། རྒྱལ་ཕྲན་ཁག་དང་། རུས་རྒྱུད་ཚོ་པ། རྒྱལ་བློན་བཅས་ཀྱི་བདག་དབང་ཇེ་ཆུང་དུ་བཏང་བ་དང་དབང་བསྒྱུར་རྙིང་པའི་སྟོབས་ཤུགས་མེད་པ་བཟོས་ཐོག མྱང་དབའས་མནོན་བཅས་ཀྱི་གཙོ་བོ་བྱས་པའི་དབང་བསྒྱུར་གསར་པའི་སྟོབས་ཤུགས་ལ་བརྟེན་པ་དང་། དེའི་གནས་བབས་ཇེ་མཐོར་བཏང་ནས་རུས་རྒྱུད་ཚོ་པའི་སྒེར་བཙན་དབང་བསྒྱུར་སྟོབས་ཤུགས་རྩ་བརླག་ཏུ་བཏང་བ་དེར་འབངས་མི་སེར་གྱི་རྒྱབ་སྐྱོར་མཐའ་གཅིག་ཏུ་ཐོབ་ཅིང་། མཐའ་བཞིའི་རྒྱལ་ཕྲན་ཚོ་ཡང་རིམ་བཞིན་དབང་འོག་ཏུ་བསྡུས་ཏེ་ཕྱི་ནང་ལྷིང་འཇགས་སུ་གྱུར་པ་དང་བོད་མི་རིགས་ཀྱི་ཁྱད་ཆོས་ཚང་བའི་པུར་རྒྱལ་དུས་སྐབས་ཀྱི་རྒྱལ་རབས་གསར་པ་ཞིག་རྩོམ་འགོ་ཚུགས།</br>2. རྒྱལ་ས་ལྷ་སར་སྤོས་ནས་འཛུགས་སྐྲུན་རྒྱ་ཆེ་མཛད་པ་སྟེ། སྲོང་བཙན་སྒམ་པོས་ཕྱི་ནང་གི་དུས་ཟིང་ལྷིང་འཇགས་སུ་བཏང་ཟིན་རྗེས་རྒྱལ་ས་ལྷ་སར་སྤོས་གནང་བ་དེ་ནི་ཁོང་གི་རླབས་ཆེའི་མཛད་རྗེས་ཤིག་ཡིན། བོད་ཀྱི་མཁས་དབང་མང་ཆེ་བས་སྲོང་བཙན་གྱིས་བོད་ཆུ་སྦྲུལ་(633)ལོ་རྒྱལ་ས་ལྷ་སར་སྤོས་པར་བཞེད་པ་དེ་ཁུངས་དང་ལུང་བཙན་པར་སྣང་། སྲོང་བཙན་གྱིས་རྒྱལ་ས་ལྷ་སར་བཙུགས་པའི་དགོས་པ་ནི། བོད་ཀྱི་ལོ་རྒྱུས་མང་ཆེ་བའི་ནང“ཡང་མེས་ཐོ་ཐོ་རི་གཉན་བཙན་གྱིས་བསྟེན་པར་དབུ་རུ་ཤོད་ཆེན་ལྷ་ས་དམར་པོ་རི། གནས་དེར་བདག་གིས་འགྲོ་དོན་བྱུང་ཞེས་དགོངས་ནས་ཕོ་བྲང་གི་གདན་བཏེགས”ཞེས་དང་ཡང་རྒྱལ་པོའི་ཐུགས་ལ་ངའི་ཡི་དམ་གྱི་ལྷ་སྐུ་དངོས་བོད་ཁ་བ་ཅན་དུ་སྤྱན་འདྲོངས་པས། དེས་སེམས་ཅན་གྱི་དོན་མཛད་པ་ལ་ཚེགས་མེད་སྙམ་ནས་ཐུགས་རབ་ཏུ་དགྱེས་པར་གྱུར་ཏོ། ། དེ་ནས་ཡོང་ས་ཕྱོགས་གང་དུ་བསྡད་ན་སེམས་ཅན་གྱི་དོན་སྒྲུབ་དགོངས་ནས་བརྟག་ཞིབ་གནང་བར་ཡུལ་དབུ་རུ་སྐྱིད་ཤོད་ན་སྔོན་གྱི་མེས་པོ་ལྷ་ཐོ་ཐོ་རི་གཉན་བཙན་གྱིས་ལྷ་ས་དམར་པོ་རིའི་རྩེ་མོར་ཡུན་རིང་བཞུགས་པ་དང་། ཡབ་མེས་ཀྱིས་ཞབས་བཅགས་ནས་ས་གཞི་བྱིན་གྱིས་བརླབས་པ་བཀྲ་ཤིས་དགེ་མཚན་ལྡན་པའི་གནས་དེར། ངས་ཀྱང་ཕྱིན་ནས་སེམས་ཅན་གྱི་དོན་རྒྱ་ཆེན་པོ་འགྲུབ་པར་མཁྱེན་ནས་མཆོད་པའི་རྟེན་རྣམས་གྲུ་ལ་སྤྱན་དྲངས་ཞེས་ཐོ་ཐོ་རི་གཉན་བཙན་གྱིས་ཞབས་བཅགས་མྱོང་བར་བརྟེན་གནས་འདིར་སྤོས་པའི་སྐོར་འཁོད་འདུག་ཀྱང་། ཡབ་གནམ་རིའི་དུས་ཀྱི་ཕོ་བྲང་ལྟེ་བ་ནི་རྒྱ་མ་ཁྲི་སྒང་གི་ཕོ་བྲང་བྱམས་པ་མི་འགྱུར་གླིང་ཡིན་ཅིང་། དེར་སྲོང་བཙན་ཡང་སྐུ་འཁྲུངས་པ་བཅས་རྒྱ་མ་ནས་ལྷ་སར་ཕོ་བྲང་སྤོ་བར་མཛད་པ་པོ་ནི་སྲོང་བཙན་ཡིན་ལ་དུས་སྐབས་ནི་སྲོང་བཙན་གྱིས་སྲིད་དབང་བཞེས་ནས་ཡབ་འདས་རྗེས་སུ་ཡིན་པར་ངེས། དེའི་རྒྱུ་མཚན་ནི། ལྷ་ས་ནི་སྐྱིད་ཤོད་དུ་གནས་ཁར་སྐབས་དེར་བོད་ཡོངས་ཀྱི་དཀྱིལ་དབུས་སུ་གནས་ཤིང་། ཁུལ་དེ་དེ་སྔ་ཟིང་པོ་རྗེའི་གནས་གཞི་འཕན་ཡུལ་གྱི་ཁོངས་སུ་གཏོགས་པ་དང་། གནམ་རི་སྲོང་བཙན་གྱིས་བོད་ཡོངས་གཅིག་གྱུར་མ་བྱས་གོང་། ཟིང་པོ་རྗེའི་སྟོབས་འབྱོར་ནི་གཞན་ལས་ལྷག་ཅིང་རྒྱལ་ཕྲན་གཞན་མང་པོ་ཞིག་ཀྱང་དེའི་མངའ་ཞབས་སུ་བསྡུས་ཡོད་པས་ཆབ་སྲིད་དཔལ་འབྱོར་གྱི་རྨང་གཞི་བརྟན་པོ་ཡོད། ཡབ་གནམ་རི་སྲོང་བཙན་གྱིས་དེ་དག་མངའ་ཞབས་སུ་བསྡུས་རྗེས། བློན་འབངས་ཚང་མས་བཙན་པོར་བློ་རྩེ་གཅིག་གཏད་དང་བརྩི་བཀུར་མཐའ་གཅིག་ཏུ་ཞུས་ཀྱི་ཡོད་པས། སྲོང་བཙན་སྒམ་པོས་ནང་ཁུལ་གྱི་དུས་ཟིང་ལྷིང་འཇགས་གཏོང་སྐབས་གཙོ་བོ་ཁོང་ཚོའི་སྟོབས་ཤུགས་ལ་བརྟེན་པ་དང་དམག་ཤུགས་ཀྱི་ཡོང་ཁུངས་གཙོ་བོ་ཡང་དེ་དག་ཡིན། སྲོང་བཙན་གྱིས་སྲིད་དབང་བཞེས་རྗེས་འཕན་ཡུལ་བརྒྱུད་དུ་གཟིགས་ཞིབ་གནང་སྐབས་སྐྱིད་ཆུའི་གཡས་གཡོན་གྱི་ས་བབས་ཤིན་ཏུ་ལེགས་ཤིང་རྩྭ་ཆུ་བཟང་ལ་ཡངས་ཤིང་རྒྱ་ཆེ་ བའི་ཁར་དམར་པོ་རི་ནི་རྒྱ་མཚོ་ཆེན་པོའི་ཐོག་གི་གླིང་ཕྲན་ལྟ་བུ་བརྗིད་ཆགས་ཡིད་དུ་འོང་བ་དང་། ཕུ་འབྲོག་མདའ་ཞིང་གཉིས་ཀ་འཕེལ་རྒྱས་གཏོང་རྒྱུར་དགེ་མཚན་ཆེན་པོ་ཡོད་པ་གཟིགས་ནས་རྒྱལ་ས་འདིར་སྤོ་རྒྱུའི་གཏན་འབེབས་གནང་། ལྷ་སར་སྤོས་མ་ཐག་ལྷ་སའི་རྣམ་པ་གསར་ དུ་ཐོན་འགོ་ཚུགས་ཏེ་ལུང་པའི་མདར་མུ་མཐའ་མེད་པའི་ས་ཞིང་ཐོག་ལོ་ལེགས་ཀྱི་རྣམ་པས་ཁེངས་པ་དང་། རྩྭ་ཆུ་འཛོམས་པའི་རྩྭ་ཐང་ཐོག་དང་། ལུང་པའི་ཕུར་ཕྱུགས་རིགས་ཤ་ཤེད་ ཅན་གྱིས་ཁེངས་བཞིན་ཡོད། ལྷ་སར་སྤོས་རྗེས་དང་ཐོག་དམར་པོ་རི་སྟེང་དུ་ཕོ་བྲང་མ་བཞེངས་གོང་དུ་ཕ་བོང་ཁར་ཕོ་བྲང་དགུ་ཐོག་བསྐྲུན། བལ་བཟའ་དང་རྒྱ་བཟའ་བཙུན་མོར་གདན་དྲངས་རྗེས་དམར་པོ་རིའི་སྟེང་གི་ཕོ་བྲང་ཤུལ་དུ་སླར་ཡང་ཐོག་བརྩེགས་དགུ་ཡོད་པའི་བར་རྒྱ་ཆེར་བཏང་བ་དང་། ཇོ་ཁང་དང་། ར་མོ་ཆེ། དེ་བཞིན་མཐའ་འདུལ་ཡང་འདུལ་གྱི་གཙུག་ལག་ཁང་སོགས་དང་གྲོང་མིའི་གྲོང་བརྡལ་བཅས་རིམ་བཞིན་རྒྱ་སྐྱེད་བྱུང་བ་དེ་དག་ད་བར་ལོ་ངོ་ཆིག་སྟོང་སུམ་བརྒྱ་ལྷག་འདས་ཟིན་ཀྱང་། ངོ་མཚར་ཅན་གྱི་གནའ་བོའི་འཛུགས་སྐྲུན་གྱི་ཆ་ཤས་འགའ་ཞིག་དེང་གི་དུས་སུ་ཡང་ང་ཚོའི་མིག་ལམ་དུ་མཐོང་རྒྱུ་ཡོད་པ་དང་རྒྱལ་ཁབ་ཕྱི་ནང་གི་ཡུལ་བསྐོར་སྤྲོ་འཆམ་དང་ལྟ་སྐོར་ཕེབས་མཁན་ཚང་མས་གནའ་རབས་ཀྱི་ལོ་རྒྱུས་ཡུན་རིང་ལྡན་པའི་གྲོང་ཁྱེར་འདིར་ཕེབས་སྐབས་སྲོང་བཙན་སྒམ་པོའི་མཛད་རྗེས་རླབས་ཆེན་ལ་བསྟོད་བསྔགས་མི་བྱེད་མཁན་གཅིག་ཀྱང་མེད།</br>3. འཛམ་གླིང་ཐོག་ཆེས་སྔོན་ཐོན་གྱི་གྲས་སུ་སླེབས་པའི་བོད་ཡིག་གསར་གཏོད་མཛད་པ་སྟེ། དེང་སྐབས་ང་ཚོས་བེད་སྤྱོད་བྱེད་མུས་ཡིན་པའི་བོད་ཡིག་འདིའི་གསར་གཏོད་མཛད་པ་པོ་ནི་ཐོན་མི་ཡིན་མོད། འོན་ཀྱང་ཐོན་མིས་སྲོང་བཙན་གྱི་དགོངས་པ་ལྟར་རྒྱ་གར་འཕགས་པའི་ཡུལ་དུ་ཕེབས་ནས་སྔོན་ཐོན་ཡིག་རིགས་མང་པོར་ཞིབ་འཇུག་བརྟག་དཔྱད་མཛད་རྗེས། བོད་རང་ཉིད་ཀྱི་སྐད་དང་མཐུན་པའི་སྒྲ་སྦྱོར་གྱི་བོད་ཡིག་འདི་གསར་གཏོད་མཛད་པ་ནི་རྒྱལ་པོ་སྲོང་བཙན་སྒམ་པོའི་རྒྱབ་སྐྱོར་དང་བསྐུལ་མ་རང་ལ་བརྟེན་ནས་བྱུང་བ་ཞིག་ཡིན་སྟབས་རྗེ་བློན་འདི་གཉིས་ཀྱི་བཀའ་དྲིན་ལ་བརྟེན་ནས་དེང་གི་བོད་ཡིག་འདི་བྱུང་བ་བཤད་མ་དགོས། སྐབས་དེར་བོད་ཡིག་གསར་གཏོད་མཛད་དགོས་པའི་རྒྱུ་རྐྱེན་ནི་རྒྱལ་པོ་སྲོང་བཙན་སྒམ་པོས་རྒྱལ་ས་ལྷ་སར་སྤོས་ནས་དམར་པོ་རིའི་སྟེང་ཕོ་བྲང་བཏབ་པས་དེ་ཡི་གྲགས་པ་ཡུལ་གྲུ་གང་སར་ཁྱབ་ནས་མཐའ་བཞིའི་རྒྱལ་པོ་མང་པོས་འབུལ་བ་དང་འཕྲིན་ཡིག་དུ་མ་འབྱོར་ཀྱང་སྐབས་དེར་ཆོས་སྲིད་གང་སར་ཁྱབ་ཆེ་ཞིང་ཆ་ཡོངས་སུ་ཚང་བའི་ཡོངས་གྲགས་ཀྱི་ཡི་གེ་གཅིག་མེད་སྟབས་མཐའ་ཡི་རྒྱལ་ཁབ་ཁག་གི་སྔོན་ཐོན་ལེགས་ཆ་ལེན་པར་བོད་མི་སྤྱིའི་སྐད་དང་འཚམས་པའི་བོད་ཡིག་ཅིག་མེད་ན་འགྲིག་ཐབས་མེད་པར་དགོངས་ནས་བློན་པོ་བློ་རིག་རྣོ་བ་འགའ་བཏང་ཡང་དོན་དེ་བསྒྲུབ་མ་ཐུབ་པས། རྒྱལ་པོས་སླར་ཡང་བློ་རིག་གཞན་ལས་ཁྱད་དུ་འཕགས་པའི་ཐོན་མི་སམ་བྷོ་ཊ་འཁོར་འགའ་ཞིག་དང་བཅས་པར་གསེར་མང་དུ་བསྐུར་ནས་རྒྱ་གར་དུ་མངགས་པ་ལ་ཁོང་རྣམ་པས་ཀྱང་དཀའ་བ་དུ་མ་ཁྱད་གསོད་དང་། ཐ་ན་རང་གི་སྲོག་ལའང་མི་འཛེམས་པར་རྒྱལ་པོའི་བཀའ་མངགས་བཞིན་དུ་བསྒྲུབས། དེ་དག་གི་ནང་ནས་སློབ་དཔོན་ཐོན་མིས་སྐབས་དེར་ཡོད་པའི་རྒྱལ་ཁབ་མང་པོའི་ཡིག་རིགས་ཁོང་དུ་ཆུད་པའི་རྨང་གཞིའི་ཐོག་བོད་རང་གི་སྐད་དང་མཐུན་པའི་བོད་ཡིག་གསར་དུ་གཏོད། རྒྱལ་པོ་སྲོང་བཙན་རང་ཉིད་ཀྱིས་དང་ཐོག་རང་དཔེ་གཞན་སྟོན་གྱིས་ཐོན་མི་སློབ་དཔོན་དུ་བསྟེན་ནས་བོད་ཡིག་དང་རིག་པའི་གནས་ཁག་ཚང་མ་ལེགས་པར་སློབ་སྦྱོང་མཛད་ཅིང་། བོད་ཡོངས་ཀྱི་བློན་འབངས་ལ་སྐུལ་སློང་གིས་སློབ་ཏུ་བཅུག རྒྱ་དཀར་ནག་དང་ཁ་ཆེ་བལ་པོ་སོགས་ཀྱི་པཎྜི་ཏ་དང་ལོ་ཙཱ་བ་འགའ་ཞིག་གདན་དྲངས་ནས་ནང་བསྟན་དང་། སྒྲ་རིག བཟོ་རིག གསོ་རིག སྐར་རྩིས་ལ་སོགས་པ་མང་དུ་བསྒྱུར་བཅུག་པ་དང་། བོད་མི་རིགས་རང་ཉིད་ཀྱི་མཁས་ཅན་དུ་མ་གསོ་སྐྱོང་མཛད་པས་སྐབས་དེའི་བོད་ཀྱི་ཤེས་རིག་དེ་ཐང་རྒྱལ་རབས་དང་འདྲ་བའི་གྲལ་དུ་སླེབས་ཐུབ་པ་དེ་དེང་གི་དུས་སུའང་སྤོབས་པ་བྱེད་འོས་པ་ཞིག་ཡིན་པ་དང་། མི་རིགས་རང་ཉིད་ཀྱི་སྐད་ཡིག་ལ་བརྟེན་ནས་འོད་སྟོང་འཕྲོ་བའི་བོད་ཀྱི་རིག་གནས་ཕུལ་བྱུང་གི་སྲོལ་རྒྱུན་བཟང་པོ་ཐོག་མར་འཛུགས་པར་མཛད་པའི་རྒྱུན་བཟང་པོ་ད་ལྟ་ཡང་གནས་ཐུབ་པ་འདི་ནི་མི་རྗེ་བཀའ་དྲིན་ཅན་འདི་ཉིད་རང་གི་མཛད་རྗེས་ལ་བརྟེན་ནས་བྱུང་བ་ཞིག་ཡིན་པ་ལོ་རྒྱུས་དེབ་ཐེར་ཡོངས་སུ་གྲགས་པ་ལྟར་རོ། །</br>4. ཁྲིམས་སྲོལ་གཏན་ལ་ཕབ་ནས་རྒྱལ་ཁམས་བདེ་བར་བསྐྱངས་པ་སྟེ། སྲོང་བཙན་སྒམ་པོའི་གོང་དུ་རྗེ་བློན་འབངས་བཅས་ཕན་ཚུན་མནའ་དོན་འཇོག་པའི་སྲོལ་ལས་ཞིབ་ཆའི་ཁྲིམས་སྲོལ་གསལ་པོ་གཏན་འཁེལ་མེད་པའི་རྐྱེན་གྱིས་མངའ་འབངས་ཀྱི་གཅིག་གྱུར་དང་བདེ་འཇགས་ལ་སྐྱོན་ཚབས་ཆེན་པོ་ཕོག་གི་ཡོད། སྲོང་བཙན་གྱིས་རུས་རྒྱུས་ཚོ་པ་ཁག་གཅིག་གྱུར་མཛད་རྗེས་གསར་དུ་བཙུགས་པའི་སྲིད་དབང་སྲ་བརྟན་དང་། མངའ་ཁོངས་བདེ་འཇགས་སུ་འཁོད་ཆེད་ཆབ་སྲིད་དང་། དཔལ་འབྱོར། དམག་དོན་བཅས་ཀྱི་ཁྲིམས་སྲོལ་ཅུང་ཆ་ཚང་ཞིང་གོ་རིམ་ལྡན་པ་ཞིག་གཏན་འབེབས་མཛད་ཡོད་ཅིང་། སྐབས་དེར་ཐོག་མར་གཏན་འབེབས་མཛད་པའི་ཁྲིམས་སྲོལ་སྤྱིའི་མིང་ལ་ཁོད་སུམ་ཅུ་སོ་དྲུག་ཟེར། དེའང་བཀའ་ཡི་ཁྲིམས་ཡིག་ཆེན་པོ་དྲུག བཀའ་གྲོས་ཆེན་པོ་དྲུག ཡིག་ཚང་དྲུག་བཀའ་ཡི་ཕྱག་རྒྱ་དྲུག རྐྱེན་དྲུག དཔའ་མཚན་དྲུག་བཅས་ཡིན། བཀའ་ཡི་ཁྲིམས་ཡིག་ཆེན་པོ་དྲུག་པོ་སོ་སོར་ནང་གསེས་ཞིབ་ཕྲའི་དོན་ཆེན་ཁག་ཤིན་ཏུ་མང་བས་འདིར་གོ་བདེའི་དོན་གཙོ་བོར་བཀོད་པ་ལས། </br>(1)ཁྲི་རྩེ་འབུམ་བཞེར་གྱི་ཁྲིམས་ནི་དམག་དོན་དང་སྲིད་འཛིན་ཟུང་འབྲེལ་གྱི་ལམ་ལུགས་དང་། སྒྲིག་གཞི། དཔོན་རིགས་ཁག་གི་གོ་གནས་བཅས་གཏན་འབེབས་བྱས་པའི་ཁྲིམས།</br>(2)འབུམ་གསེར་ཐོག་ཤ་བ་ཅན་གྱི་ཁྲིམས་ནི་ཞིང་འབྲོག་ས་གནས་ཁག་གི་ཚོང་ལས་གོང་འཕེལ་དང་དེར་སྟབས་བདེ་ཡོང་ཆེད་བྲེ་སྲང་ཞོ་ཆ་སོགས་འཇལ་གཤོར་འདེགས་གསུམ་གྱི་ཚད་གཞི་གཅིག་གྱུར་བྱེད་པ།</br>(3)རྒྱལ་ཁམས་དཔེར་བླངས་ཀྱི་ཁྲིམས་ནི་བྱེད་དགོས་པ་གསུམ་དང་། བྱེད་མི་ཆོག་པ་གསུམ། བསྟོད་བསྔགས་བྱེད་དགོས་པ་གསུམ། སྨ་འབེབས་བྱེད་དགོས་པ་གསུམ། མནར་གཅོད་བྱེད་མི་རུང་བ་གསུམ་བཅས་རྒྱལ་ཁྲིམས་བཅོ་ལྔ། ལྷ་ཆོས་དགེ་བ་བཅུ་དང་། མི་ཆོས་གཙང་མ་བཅུ་དྲུག་བཅས་ཏེ་བོད་འབངས་སྤྱིས་བསྔགས་བརྗོད་བྱ་མུས་ཀྱི་ཡུལ་སྲོལ་སྤྱོད་བཟང་དར་སྤེལ་གཏོང་རྒྱུའི་ཁྲིམས།</br>(4)མདོ་ལོན་ཞུ་བཅད་ཀྱི་ཁྲིམས་ནི། ཕྱོགས་གཅིག་བདེན་པ་ཡོད་ལ་ཕྱོགས་གཅིག་བདེན་པ་མེད་པའི་གྱོད་གཞི་ཐག་གཅོད་བྱ་ཚུལ་ཁྲིམས།</br>(5)དབང་ཆེན་བཅད་ཀྱི་ཁྲིམས་ནི་གྱོད་ཡ་ཕྱོགས་གཉིས་ཀར་ཉེས་པ་ཡོད་མཉམ་ཡིན་ཀྱང་རིམ་གྲས་མི་འདྲ་བར་གཞིགས་ནས་ཐག་གཅོད་བྱ་ཚུལ་གྱི་ཁྲིམས།</br>(6)ཁབ་སོ་ནང་པའི་ཁྲིམས་ནི། ཕྱོགས་གཉིས་ཀར་ཉེས་པ་ཆེ་ཆུང་དང་ཡོད་མེད་འདྲ་བའི་ཉེས་ཅན་ལ་ཁྲིམས་གཅོད་བྱ་ཚུལ་བཅས་ཡིན། </br>5. སྲིད་འཛིན་ས་ཁུལ་གསལ་པོར་དབྱེ་བའི་ཁར། སྲིད་དང་དམག་གི་སྒྲིག་གཞི་དང་། དཔོན་རིགས་ཁག་གི་འགན་དབང་གཏན་ལ་ཕབ་པ་སྟེ། བོད་ས་གནས་ཀྱི་མངའ་ཁོངས་རྣམས་སྤྱི་ཁྱབ་སྲིད་འཛིན་ས་ཁུལ་རྣམས་རུ་སྡེ་ཆེན་པོ་ལྔར་དབྱེ་བ་ནི་དབུ་རུ། གཡོན་རུ། གཡས་རུ། རུ་ལག སུམ་པའི་རུ་བཅས་སྤྱི་ཁྱབ་རིམ་པའི་སྲིད་འཛིན་ས་ཁུལ་དུ་དབྱེ་ཞིང་། དེ་རྣམས་ལ་དབང་བསྒྱུར་བྱེད་པའི་དཔོན་རིགས་གོ་གནས་མཐོ་ཤོས་ནི་བློན་ཆེན་ཡིན། དེའི་འོག་ཏུ་དམག་དཔོན་རྒན་གཞོན་བཞི་དང་། དེའི་འོག་ཏུ་དམག་དཔོན་རྒན་གཞོན་བཞི་དང་། རུ་དཔོན་སྡེ་དཔོན། སྟོང་དཔོན། སྟོང་བུ་ཆུང་གི་རྗེ། ལྔ་བརྒྱ་ཆེན་པོ་སོགས་དཔོན་རིགས་རིམ་པ་ཤིན་ཏུ་མང་། སྤྱི་ཁྱབ་རིམ་པའི་སྲིད་འཛིན་ས་ཁུལ་ལྔ་པོ་ནི་དམག་སྲིད་གཅིག་གྱུར་གྱིས་དོ་དམ་བྱེད་པའི་ས་ཁུལ་ཡིན་ཅིང་། བྱ་ཐབས་དེ་ནི་གསར་དུ་བཙུགས་མ་ཐག་པའི་སྲིད་དབང་ལ་མཚོན་ན་དམག་སྲིདགཅིག་གྱུར་གྱིས་དོ་དམ་བྱེད་བདེ་བ་དང་། ལྷག་དོན་དུ་ས་རྒྱ་ཆེ་ལ་མི་གྲངས་ཉུང་བའི་ས་ཁུལ་ལ་འཚམས་པའི་བྱ་ཐབས་ཤིག་ཡིན་པར་སྣང་། ཡུལ་གྱི་དབང་རིས་རྣམ་པ་བཅོ་བརྒྱད་དུ་ཕྱེ་ཚུལ་ནི་རྒྱལ་བློན་དང་རིས་རྒྱུད་མི་འདྲ་བའི་དཔོན་རིགས་རྙིང་པ་རྣམས་སྒེར་བདག་ས་ཞིང་དང་། བྲན་གཡོག ནོར་ཕྱུགས་སོགས་འོས་འཚམས་ཤིག་དབང་ཆོག་པར་བྱས་པ་སྟེ། དེ་ནི་སྲོང་བཙན་སྒམ་པོས་བོད་ས་ཁུལ་གཅིག་གྱུར་མ་བྱས་གོང་དུ་རུས་རྒྱུད་ཚོ་པ་ཁག་གི་དཔོན་རིགས་མང་པོས་ས་ཁུལ་དུམ་བུར་བགོས་ནས་དབང་བསྒྱུར་བྱས་ཏེ། ཕན་ཚུན་གཅིག་འོག་གཅིག་ལ་མི་འདུས་པའི་ནང་འཁྲུག་རྒྱུན་མི་ཆད་པར་བྱུང་བར་བརྟེན། རུས་རྒྱུད་ཚོ་པ་ཁག་གཅིག་གྱུར་བཟོས་གནང་བ་དང་སྦྲགས། ཁོང་ཚོར་སྔར་ནས་དབང་བའི་ས་ཞིང་ནོར་ཕྱུགས་སོགས་སྒེར་བཟུང་གི་དབང་ཆ་ཚད་ངེས་ཅན་ཞིག་རྒྱུན་འཛིན་མ་བྱས་ན་སླར་ཡང་ཁོ་ཚོས་འཁྲུག་རྐྱེན་བསླངས་སྲིད་པ་དེ་རིགས་སྔོན་འགོག་བྱེད་ཆེད་ཁོ་ཚོས་སྲིད་གཞུང་གིས་གཏན་འབེབས་བྱས་པའི་ཁྲིམས་ལུགས་ལ་བརྩི་སྲུང་དང་། དཔྱ་ཁྲལ་མི་ཉུང་ཙམ་འབུལ་རྒྱུ་ཁས་ལེན་བྱེད་པའི་ཆ་རྐྱེན་འོག ས་ཞིང་དང་། ནོར་ཕྱུགས། བྲན་གཡོག་བཅས་སྒེར་བཟུང་གི་དབང་ཆ་འོས་འཚམས་ཤིག་སྤྲད་པ་མ་ཟད། གལ་ཏེ་ཁོ་ཚོས་བཙན་པོར་གྱེན་ལོག་བྱེད་པ་དང་། དཔོན་གཞན་འཚོལ་བྱེད་པ། ལྐོག་གཡོ་བཤམས་པ་སོགས་བྱུང་ན་ས་ཞིང་དང་། ནོར་ཕྱུགས། བྲན་གཡོག་བཅས་དབང་ཐང་ཡོངས་རྫོགས་གཞུང་བཞེས་བཏང་བའི་དབང་ཆ་ཡོད་པའི་གཏན་འབེབས་ཡོད། སྲིད་འཛིན་ལམ་ལུགས་ཐད། སྲིད་འཛིན་སྤྱི་ཁྱབ་རིམ་པའི་བློན་ཆེན་དགུར་ཕྱེ་བ་སྟེ། དགུང་བློན་ཆེ་འབྲིང་ཆུང་གསུམ་དང་། ནང་བློན་ཆེ་འབྲིང་ཆུང་གསུམ། བཀའ་ཡོ་གལ་འཆོས་པ་ཆེ་འབྲིང་ཆུང་གསུམ་བཅས་ཡིན་ཞིང་། དགུང་བློན་ནི་བློན་ཆེན་ནང་གི་གོ་གནས་མཐོ་ཤོས་ཡིན་ལ། ཞི་དྲག་གཉིས་ཀར་དབང་ཆ་ཡོད་པའི་སྤྱི་ཁྱབ་བློན་ཆེན་ཞིག་ཡིན། དེའི་ལས་འགན་ནི་བཙན་པོའི་བཀའ་ལྟར་གལ་ཆེའི་ཚོགས་འདུ་སྐོང་འཚོགས་དང་། ཚོགས་འདུའི་དབུ་བཞུགས་ཀྱི་འགན་ཁུར་བ། གཤམ་འོག་གི་བློན་པོ་གསར་བསྐོ་དང་། གནས་དབྱུང་། དོ་དམ་བཙོན་འཇུག་བྱེད་པ། དམག་གི་བཀའ་བརྡ་བསྒྲགས་པ། ས་ཁུལ་གྱི་དབྱེ་མཚམས་དང་དམག་དཔུང་བཅོས་སྒྲིག་བྱེད་པ། བཀའ་ཁྲིམས་གསར་པ་ཁྱབ་བསྒྲགས་བྱ་རྒྱུ་བཅས་ཀྱི་འགན་དབང་ཡོད། དགུང་བློན་གྱི་མི་གྲངས་མང་ཉུང་ངེས་པ་མེད་པ་སྟེ་རྒྱལ་པོ་སྲོང་བཙན་སྐབས་མགར་སྟོང་བཙན་དང་། ཐོན་མི་སམ་བྷོ་ཊ། འབྲི་སེ་རུ་གུང་སྟོན། ཉང་ཁྲི་བཟང་ཡང་སྟོན་བཅས་བཞི་དང་། ཁྲི་སྲོང་ལྡེ་བཙན་སྐབས་སུ་དགུང་བློན་དགུ། ཁྲི་ལྡེ་སྲོང་བཙན་སད་ན་ལེགས་ཀྱི་སྐབས་སུ་དགུང་བློན་ཆེན་པོ་དྲུག་བཅས་བྱུང་བ་ལྟར་རོ། ། ནང་བློན་ནི་སྲིད་གཞུང་ནང་ཁུལ་གྱི་གལ་ཆེའི་ལས་དོན་ཁག་ལ་བདག་གཉེར་བྱེད་མཁན་ཞིག་ སྟེ། དེའི་ནང་གསེས་ལ་ཆེ་འབྲིང་ཆུང་གསུམ་ཡོད། དེ་དག་གི་གོ་གནས་ནི་ནང་བློན་ཆེ་བ་དང་དགུང་བློན་འབྲིང་བའི་གོ་གནས་མཉམ་པ་དང་ནང་བློན་འབྲིང་བ་དང་དགུང་བློན་ཆུང་བའི་གོ་གནས་མཉམ་པ། ནང་བློན་ཆུང་བ་དང་བཀའ་བློན་འབྲིང་བའི་གོ་གནས་མཉམ་པ་བཅས་ཡིན། བཀའ་བློན་(བཀའ་ཡོ་གལ་འཆོས་པ་)ནི། རྒྱལ་བློན་གྱི་བཀའ་ལ་ཡོ་བསྲང་བྱེད་མཁན་ཞིག་སྟེ་དེ་ལ་ནང་གསེས་ཆེ་འབྲིང་ཆུང་གསུམ་ཡོད་ཅིང་། དེའི་ལས་འགན་ནི་རྒྱལ་པོ་དང་བློན་ཆེན་ཚོས་བཀའ་ཕབ་པ་རྣམས་ཁྲིམས་དང་མཐུན་མིན་དང་། ལག་ཆེན་དུ་བསྟར་འོས་མིན་བཅས་ལེགས་པར་བརྟགས་ནས་གལ་ཏེ་མི་འོས་པ་ཡོད་ཚེ། རྒྱལ་བློན་གྱི་ཚོགས་འདུ་ཆེན་པོའི་ཐོག་ཐད་ཀར་ཡོ་བསྲང་དང་སྐྱོན་བརྗོད་བྱེད་ཆོག་པའི་དབང་ཆ་ཡོད། ཕྱི་བློན་ནི་སྲིད་གཞུང་གི་ཕྱི་ཕྱོགས་ཀྱི་ལས་དོན་གལ་ཆེའི་རིགས་བདག་གཉེར་བྱེད་མཁན་ཞིག་སྟེ། དེའི་ལས་འགན་ནི། དགུང་བློན་ཆེ་འབྲིང་ཆུང་གསུམ་ལ་རོགས་རམ་བྱས་ཏེ་ས་མཚམས་ཀྱི་ཡུལ་སྡེ་དང་དམག་དཔུང་ལ་བཀོད་འདོམས་བྱེད་པ་དང་ཁྲིམས་ལུགས་ལག་ལེན་བསྟར་མཁན་ཡིན། སྲིད་འཛིན་ལས་ཚན་དམའ་བའི་དཔོན་རིམས་རིམ་པ་བཅུ་གཉིས་སུ་ཕྱེ་ཡོད་པ་སྟེ། ཡུལ་དཔོན་(རྩེ་རྗེ་)ནི་སྤྱི་ཁྱབ་སྲིད་འཛིན་ས་ཁུལོ་ལྔ་སོ་སོའི་མངའ་འོག་ཏུ་གཏོགས་པའི་ཡུལ་སྡེ་ཁག་གི་རྫོང་དཔོན་ལྟ་བུ་ཞིག་སྟེ། ལི་ཡུལ་ནས་ཐོན་པའི་ཤོག་དྲིལ་ནས་རྩེ་རྗེ་ཞེས་འཁོད་འདུག དམག་དཔོན་ནི་སྤྱི་ཁྱབ་བློན་ཆེན་གྱི་བཀོད་འདོམས་འོག་རུ་ཆེན་ལྔའི་དམག་དཔུང་ལ་བདག་གཉེར་བྱེད་མཁན་ཞིག་སྟེ། དེའི་ལས་འགན་ནི་རང་གི་ས་མཚམས་སུ་བདེ་འཇགས་སྲུང་སྐྱོབ་དང་། གཞན་གྱི་བཙན་འཛུལ་འགོག་རྒྱུ། རྒྱུན་དུ་ཞིང་འབྲོག་ཐོན་སྐྱེད་ལ་བཀོད་འདོམས་བྱ་རྒྱུ། དམག་མི་བསྡུ་ལེན་བྱ་རྒྱུ་བཅས་ཡིན། དེའི་གོ་གནས་རིམ་པ་ལ་རུ་དཔོན་དང་། སྟོང་དཔོན། སྟོང་བུ་ཆུང་གི་རྗེ། ལྔ་བརྒྱ་ཆེན་པོ་བཅས་བཞི་ཡོད་སྟེ། རུ་དཔོན་ནི་རུ་ཆེན་གཅིག་གི་དམག་དཔུང་ལ་བཀོད་འདོམས་བྱེད་མཁན་ཞིག་སྟེ། རུ་སྡེ་རུ་དཔོན་རྒན་པ་གཅིག་དང་གཞན་པ་གཉིས། རུ་སྡེ་རེར་དམག་མིའི་འབོར་གྲངས་སྟོང་སྡེ་བཅུ། སྟོང་སྟེ་རེར་དམག་མི་སྟོང་ཕྲག་བཅུ་དང་། རུ་སྡེ་གཅིག་ལ་དམག་མི་ཁྲི་བཅུ་ཡོད་པས། རུ་དཔོན་ནི་དོན་དུ་དམག་མི་འབུམ་གཅིག་གི་དམག་དཔོན་ཡིན། དེའི་རྒྱུ་མཚན་དང་ཁུངས་ནི་ཐང་བོད་སྔ་རྗེས་སུ་དམག་འཁྲུག་ཆེ་བ་ཐེངས་གསུམ་འཐབ་པའི་སྐོར་གྱི་བོད་ཀྱི་ལོ་རྒྱུས་དང་《ཐང་》དེབ་ནང་གསལ་ཡོད། སྟོང་དཔོན་ནི་རུ་དཔོན་གྱི་འོག་ཏུ་ཡོད་ཅིང་སྟོང་སྡེ་གཅིག་གི་དམག་དཔོན་ཡིན། དེའི་ཁོངས་སུ་དམག་མི་སྟོང་ཕྲག་བཅུ་ཡོད་པས་དོན་དུ་དམག་མི་ཁྲི་གཅིག་གི་ཁྲི་དཔོན་ཡིན། སྟོང་བུ་ཆུང་གི་རྗེ་ནི་སྟོང་དཔོན་གྱི་འོག་ཏུ་ཡོད་ཅིང་། དམག་མི་སྟོང་ཕྲག་འགའ་ཞིག་གི་དམག་དཔོན་ཡིན། སྟོང་བུ་ཆུང་ཟེར་བའི་གོ་དོན་ནི་དམག་དཔུང་སྟོང་སྡེའི་ཚད་གཞི་མ་ལོངས་ཤིང་། སྟོང་ཕྲག་ཁ་ཤས་ལས་མེད་པས་མིང་དེ་ལྟར་བཏགས། ལྔ་བརྒྱ་ཆེན་པོ་ནི། དམག་མིའི་འབོར་གྲངས་ལྔ་བརྒྱ་ཡས་མས་ཀྱི་དམག་དཔོན་ཞིག་སྟེ། ལི་ཡུལ་ནས་ཐོན་པའི་ཤོག་དྲིལ་ནང་བཤད་པ་ལྟར་ན། སྐབས་དེར་ལྔ་བརྒྱ་ཆེན་པོ་བསྐོས་པ་དང་སྐབས་རེ་ལྔ་བརྒྱ་ཆེན་པོ་དེ་སྟོང་བུ་རྗེར་བཅོས་ཞེས་འཁོད་འདུག རྒྱ་བོད་ལོ་རྒྱུས་ཀྱི་ཡིག་ ཆའི་ནང་འཁོད་པར་གཞིགས་ན་སྐབས་དེར་བོད་སྤྱིར་ཁྱོན་དམག་མི་ཁྲི་དྲུག་ཅུ་རེ་གཅིག་ཡོད་པར་སྣང་། དམག་དཔོན་ཕུད་ད་དུང་མངན་དཔོན་དང་། ཁྲུ་དཔོན། ཞིང་དཔོན། རྩིས་དཔོན། ཆིབས་དཔོན། ཁྲལ་དཔོན། གཟིམ་དཔོན། དྲང་དཔོན། ཁྲིམས་དཔོན་བཅས་སུ་ཕྱེ་ཡོད་པ་སྟེ། མངན་དཔོན་(རྔན་དཔོན་)ནི་འབྲུ་རིགས་དང་གསེར་དངུལ་སོགས་ནོར་སྲིད་དོ་དམ་མཁན་དང་། ཁྲུ་དཔོན་ནི་འབྲོག་ལས་ཐོན་སྐྱེད་ཀྱི་དཔྱ་ཁྲལ་དོ་དམ་མཁན། རྩིས་དཔོན་ནི་ནོར་སྲིད་གཏོང་ཡོང་དང་དཔྱ་ཁྲལ་བསྡུ་འབབ་ལ་ཞིབ་བཤེར་རྩིས་རྒྱག་བྱེད་མཁན། ཆིབས་དཔོན་ནི་རྒྱལ་བློན་གྱི་ཆིབས་རྟ་དང་དམག་རྟ་གཏོང་བསྡུ་དང་འགྲིམ་འགྲུལ་བདེ་འཇགས་བཅས་ལ་དོ་དམ་བྱེད་མཁན། ཁྲལ་དཔོན་ནི་སྲིད་གཞུང་གིས་ཆེད་མངགས་ས་གནས་ཁག་ལ་དཔྱ་ཁྲལ་བསྡུ་བར་བཏང་བའི་དཔོན་རིགས་ཤིག་སྟེ་བཀར་རྒྱ་ཡོང་སྡུད་པ་ཟེར་བ་དང་འདྲ། གཟིམ་དཔོན་ནི། བཙན་པོ་སྒེར་གྱི་ཕོ་བྲང་དང་། རྒྱུན་མཁོའི་འཚོ་བ། ཁོར་ཡུག་བདེ་འཇགས་བཅས་ལ་དོ་དམ་བྱེད་མཁན། སྣམ་ཕྱི་པ་ནི་བཙན་པོའི་སྐུ་སྲུང་མཁན། དྲང་དཔོན་ནི་ཞུ་གཏུགས་མཁན་དང་གྱོད་ཡའི་བར་ཉེས་པ་ཡོད་མེད་ལ་ཞིབ་དཔྱོད་བྱེད་མཁན་སྟེ་ལྕེ་པ་ཡང་ཟེར། ཁྲིམས་དཔོན་ནི་ཞལ་ལྕེ་པས་ཐག་བཅད་པའི་ཁྲིམས་ལྟར་ཁྲིམས་གཅོད་གཏོང་མཁན་ཡིན།</br>6. ཞིང་འབྲོག་ཐོན་སྐྱེད་གོང་དུ་སྤེལ་བའི་བྱ་ཐབས་ལག་བསྟེར་བྱས་པ་སྟེ། རྒྱལ་པོ་སྲོང་བཙན་སྒམ་པོས་ཞིང་འབྲོག་ཐོན་སྐྱེད་གོང་དུ་སྤེལ་བའི་བྱ་ཐོབས་གཙོ་བོ་ནི་རུས་རྒྱུད་ཚོ་པར་དབང་བའི་ལམ་ལུགས་བསྒྱུར་བཅོས་བྱ་རྒྱུ་དེ་ཡིན། སྲོང་བཙན་གྱིས་སྐབས་དེའི་གནས་ཚུལ་དངོས་ལ་དམིགས་ཏེ་ཞིང་འབྲོག་གི་དབང་བའི་ལམ་ལུགས་ཐད། རྒྱལ་པོ་ལ་དབང་བའི་རིགས་གཉིས། བློན་པོ་ལ་དབང་བའི་རིགས་གཉིས། རུས་རྒྱུད་ཚོ་པ་ཚོར་དབང་བའི་རིགས་གཉིས་བཅས་དྲུག་ཏུ་དབྱེ་ཡོད། རྒྱལ་པོར་དབང་བའི་རིགས་དང་པོ་ནི་རྗེ་ཞིང་སྟེ་སྤྲོད་ལེན་གྱི་དབང་ཆ་བཙན་པོར་ཡོད་ཀྱང་དེའི་ཐོན་འབབ་དཔྱ་ཁྲལ་རྣམས་སྲིད་གཞུང་ལ་དབང་ཞིང་སྲིད་གཞུང་གི་ཡོང་འབབ་ཀྱི་ཁོངས་སུ་གཏོགས་པ་དང་། ས་ཞིང་བགོས་པའི་ཚད་གཞི་ནི་ཁྱིམ་མི་རེར་ས་ཞིང་དོར་གཅིག་(དོར་གཅིག་གི་ཚད་ནི་སྨོས་མཛོ་ཆ་གཅིག་གིས་ཉིན་གཅིག་རྨོ་ཐུབ་པའི་ས་ཞིང་རྒྱ་ཁྱོན་ལ་ཟེར་ཞིང་ཕལ་ཆེར་མུའུ་བཅུ་ལ་ཉེ་བ་ཡོད་)ཞིང་པའི་དཔྱ་ཁྲལ་འཇལ་ཚད་ནི་སྤྱིའི་ཐོན་ཚད་ཀྱི་དྲུག་ཆ་གཅིག་ཡིན་པར་སྣང་། འབྲོག་ཁུལ་དུ་ནོར་ཕྱུགས་རྣམས་སྲིད་གཞུང་དང་། བཙན་པོ། བློན་པོ། རུས་རྒྱུད་ཚོ་པ། འབྲོག་པ་སྒེར་བཅས་སོ་སོར་དབང་བའི་ཚད་གཞི་གསལ་པོ་མེད་ཀྱང་ཤ་ཁྲལ་བསྡུ་ལུགས་དང་། ནོར་ཕྱུགས་བརྗེ་ཚོང་བྱེད་པའི་རིན་ཐང་ནོར་ཕྱུགས་དང་འབྲུ་རིགས་བརྗེ་ཚོང་སྐོར་སོགས་ལི་ཡུལ་ནས་ཐོན་པའི་འཛིན་ཡིག་ལ་བལྟས་ན་འབྲོག་ཁུལ་དུའང་བཀས་བཀོད་རྒྱུད་འཛིན་གྱི་འབྲོག་ལས་དཔལ་འབྱོར་གྱི་མྱུ་གུ་ཐོན་འགོ་ཚུགས་ཟིན་པ་གསལ་པོ་བསྟན་ཡོད། བཙན་པོ་ལ་དབང་བའི་རིགས་གཉིས་པ་ནི། ས་ཞིང་རྣམས་བཙན་པོ་སྒེར་གྱི་ཁོངས་གཏོགས་བྲན་གཡོག་རྣམས་ལ་བགོས་ཏེ་འདེབས་ལས་བྱེད་དུ་བཅུག་ཐོག་དེའི་ཡོང་འབབ་རྣམས་བཙན་པོ་རང་ཉིད་ལ་དབང་ཞིང་། དེ་དག་རུ་སྡེ་ལྔ་ཀར་ཡོད་ཀྱང་གཙོ་བོ་དབུ་རུ་ཤོད་ཆེན་ཏེ་སྐྱིད་ཤོད་སྟོད་སྨད་ཀྱི་ས་ཞིང་དང་འབྲོག་སྡེ་རྣམས་ཡིན། བློན་པོར་དབང་བའི་ས་ཞིང་ལ་ཡང་རིགས་གཉིས་ཡོད་པ་སྟེ། དང་པོ་ནི་བློན་པོ་མཛད་རྗེས་ཆེ་བར་དམིགས་བསལ་གྱི་བྱ་དགར་སྤྲད་པ་རྣམས་ཕ་ཚ་བུ་རྒྱུད་དུ་སྒེར་ལ་དབང་ཞིང་སྲིད་གཞུང་ལ་དཔྱ་ཁྲལ་འབུལ་མི་དགོས། བློན་པོ་ལ་དབང་བ་གཉིས་པ་ནི་རྔན་ཞིང་ཟེར་ཞིང་། དེ་ནི་བློན་གྱི་གོ་གནས་བཟུང་རིང་ཐོན་འབབ་དཔྱ་ཁྲལ་མེད་པར་སྒེར་ལ་དབང་བ་ལས། གོ་གནས་བརྗེས་པའམ་གནས་དབྱུང་བཏང་རྗེས་གོ་གནས་གསར་པ་འཛིན་མཁན་ལ་རྩིས་སྤྲོད་དགོས་པས་དེ་ནི་བཀས་བཀོད་རྒྱུད་འཛིན་གྱི་དཔལ་འབྱོར་ལམ་ལུགས་ཀྱི་མྱུ་གུ་གསར་པ་ཞིག་གཏོད་པའི་མཚོན་རྟགས་ཡིན། རུས་རྒྱུད་ཚོ་པར་དབང་བའི་ས་ཞིང་དེ་ལའང་རིགས་གཉིས་ཏེ། དེའང་དང་པོ་རུས་རྒྱུད་ཚོ་པ་ཁག་ཐུན་མོང་ལ་དབང་བའི་ས་ཞིང་སྟེ། རུས་རྒྱུད་ཚོ་པ་དེ་རྣམས་ས་ཁུལ་གཅིག་ཏུ་འདུས་སྡོད་བྱེད་ཀྱི་ཡོད་པས་རྒྱལ་པོ་སྲོང་བཙན་སྒམ་པོས་ཁོ་ཚོར་དབང་བའི་ས་ཞིང་རྣམས་རང་འཇགས་སུ་གནས་པ་བྱས་ཐོག་དཔྱ་ཁྲལ་འོས་འཚམས་ཤིག་སྲིད་གཞུང་ལ་འབུལ་དགོས་པ། རུས་རྒྱུད་ཚོ་པར་དབང་བའི་ས་ཞིང་གི་རིགས་གཉིས་པ་ནི། རུས་རྒྱུད་ཚོ་པའི་ཁོངས་གཏོགས་ཞིང་པ་སྒེར་ལ་དབང་བའི་ས་ཞིང་ཏེ་ཁོང་ཚོ་རང་ཉིད་ཀྱིས་གསར་སྦོལ་བྱས་པའི་ས་ཞིང་དང་། ཚལ་ཞིང་། ལྡུམ་ར་སོགས་ས་ཞིང་གི་ཐོར་བཀོད་ནས་ལོ་རེ་དུས་ཚོད་ངེས་ཅན་གྱི་དཔྱ་ཁྲལ་(ལོ་ཐང་བླ་སྐྱེས་)མི་ཉུང་བ་ཞིག་ཕུལ་རྗེས་ས་ཞིང་དེ་དག་གི་ཐོན་འབབ་ཁོ་ཚོ་སྒེར་ལ་དབང་བ་ཡིན་པས་དེ་ནི་བཀས་བཀོད་རྒྱུད་འཛིན་གྱི་ས་ཞིང་དབང་བའི་ལམ་ལུགས་ཡིན་པ་དང་། ཁོང་ཚོ་ནི་རང་དབང་དང་དཔལ་འབྱོར་ཡོད་པའི་འབངས་མི་ཡིན། གོང་གསལ་ས་ཞིང་དབང་བའི་ལམ་ལུགས་རིགས་དྲུག་གི་ཐོག་ནས་བཀས་བཀོད་རྒྱུད་འཛིན་གྱི་མྱུ་གུ་ཐོན་ཟིན་པ་སྨོས་མེད་དང་། སྐབས་དེར་སྲོང་བཙན་གྱི་དཔལ་འབྱོར་སྲིད་ཇུས་དེས་ལྷག་ལུས་རུས་རྒྱུད་ཚོ་པ་དང་བྲན་གཡོག་བདག་པོ་རྣམས་ཀྱི་ཁེ་ཕན་ལ་ཕྱོགས་གཅིག་ནས་སྲུང་སྐྱོབ་དང་གཉིས་ནས་ཚོད་འཛིན་ཡོད་པའི་བྱ་ཐབས་ལ་བརྟེན་ནས་ཞིང་འབྲོག་རྣམས་ལ་སྒེར་གྱི་དཔལ་འབྱོར་དབང་བར་ཁས་ལེན་བྱས་ཏེ། དཔྱ་ཁྲལ་བསྡུ་བའི་ལམ་ལུགས་ལག་ལེན་བསྟར་བ་དེས་ཞིང་འབྲོག་ཐོན་སྐྱེད་ལ་གོང་འཕེལ་གསར་པ་བྱུང་བ་དང་། དེ་དང་ཆབས་ཅིག་ཏུ་མི་རིགས་རང་ཉིད་ཀྱི་ལག་ཤེས་བཟོ་ལས་དང་ཚོང་ལས་ལ་ཡང་སྔར་བས་ཡར་རྒྱས་བྱུང་ཡོད། །</br>7. སྤུན་ཟླའི་མི་རིགས་དང་ཁྱིམ་མཚེས་རྒྱལ་ཁབ་བར་མཛའ་མཐུན་གྱི་འབྲེལ་བ་བཙུགས་ནས་མི་རིགས་རང་ཉིད་ཀྱི་དཔལ་འབྱོར་རིག་གནས་ཆོས་ལུགས་བཅས་གོང་དུ་སྤེལ་བ་སྟེ། རྒྱལ་པོ་སྲོང་བཙན་སྒམ་པོས་བོད་ཀྱི་དཔལ་འབྱོར་དང་། རིག་གནས། ནང་བསྟན་བཅས་དར་སྤེལ་གཏོང་བའི་ཆེད་དུ་སྔ་རྗེས་སུ་བལ་པོའི་རྒྱལ་པོའི་སྲས་མོ་བལ་བཟའ་ཁྲི་བཙུན་དང་། ཐང་རྒྱལ་རབས་ཀྱི་གོང་མ་ཐང་ཐའི་ཙུང་གི་ཚ་མོ་ཝུན་ཁྲེན་ཀོང་ཇོ་སོགས་སྤུན་ཟླའི་མི་རིགས་དང་ཁྱིམ་མཚེས་རྒྱལ་ཁབ་ནས་བཙུན་མོ་བླངས་ཏེ་ཁོང་ཚོའི་སྔོན་ཐོན་གྱི་ཉམས་མྱོང་དང་། རིན་ཐང་བྲལ་བའི་སྐུ་གསུང་ཐུགས་རྟེན་སོགས་རིག་དངོས་རྣམས་བོད་དུ་གདན་དྲངས་པ་དེས་གཅིག་ནས་མི་རིགས་ཕན་ཚུན་བར་དང་རྒྱལ་ཁབ་ཕན་ཚུན་བར་མཐུན་སྒྲིལ་མཛའ་བཤེས་ཀྱི་འབྲེལ་བ་བཙུགས་པ་དང་། གཉིས་ནས་བོད་ཀྱི་ཆབ་སྲིད་དང་། དཔལ་འབྱོར། ཆོས་ལུགས། རིག་གནས་བཅས་གང་གི་ཐད་ལའང་སྔར་ལས་ལྷག་པའི་གོང་འཕེལ་གསར་པ་ཞིག་ཡོང་རྒྱུར་སྐུལ་མ་ཐེབས་ཡོད།་འཕེལ་གསར་པ་ཞིག་ཡོང་རྒྱུར་སྐུལ་མ་ཐེབས་ཡོད།)
• Dictionaries/chos rnam kun btus/6236  + (1.དལ་འབྱོར་མི་ལུས་ལྟོ་རྒྱབ་དགྲར་མ་བསྐུར། ། … 1.དལ་འབྱོར་མི་ལུས་ལྟོ་རྒྱབ་དགྲར་མ་བསྐུར། །</br>2. གཞན་དོན་སེམས་བསྐྱེད་ཐེག་དམན་དགྲར་མ་བསྐུར། ། </br>3. སེམས་ཉིད་ནོར་བུ་འཁྲུལ་བའི་དགྲར་མ་བསྐུར། །</br>4. ཚོགས་གཉིས་ཡིད་བཞིན་ཚེ་འདིའི་དགྲར་མ་བསྐུར། ། </br>5. སྙིང་པོའི་སྒྲུབ་པ་ལེ་ལོའི་དགྲར་མི་བསྐུར། །</br>6. མོས་གུས་གདུང་སེམས་ལོག་ལྟའི་དགྲར་མ་བསྐུར། ། ཞེས་སོ། །ུང་སེམས་ལོག་ལྟའི་དགྲར་མ་བསྐུར། ། ཞེས་སོ། །)
• Dictionaries/chos rnam kun btus/6365  + (1.ནང་ནས་ཉོན་མོངས་དགྲ་རུ་མ་མཐོང་ན། ། ཕྱི་ནས … 1.ནང་ནས་ཉོན་མོངས་དགྲ་རུ་མ་མཐོང་ན། ། ཕྱི་ནས་བླ་མའི་གདམས་པ་རྡུགས་པར་གདའ། །</br>2. ཚེ་འདིའི་བྱ་བ་རྒྱབ་ཏུ་མ་བོར་ན། ། ཉམས་ལེན་འགྲུབ་པའི་དུས་ཤིག་རྡུགས་པར་གདའ། །</br>3. རྒས་ཀའི་ཕྱི་ཚིས་སྡུག་དོགས་མ་སྤངས་ན། ། སྙིང་ནས་བརྩོན་པའི་དམ་ཆོས་རྡུགས་པར་གདའ། །</br>4. ནང་ནས་རང་ལ་ངེས་ཤེས་མ་སྐྱེས་ན། ། ཆོས་དང་བླ་མའི་མོས་གུས་རྡུགས་པར་གདའ། །</br>5. འཁོར་བའི་སྡིག་སྤྱོད་མི་དགེ་མ་སྤངས་ན། ། འཕགས་པའི་ཐུགས་རྗེས་འདྲེན་པ་རྡུགས་པར་གདའ། །</br>6. གཅིག་ཏུ་ཨ་འཐས་བདེན་ཞེན་མི་འདོར་ན། ། ཕྱོགས་རིས་མེད་པའི་གདམས་པ་རྡུགས་པར་གདའ། ། ཞེས་སོ། །ས་མེད་པའི་གདམས་པ་རྡུགས་པར་གདའ། ། ཞེས་སོ། །)
• Dictionaries/chos rnam kun btus/4566  + (1.ནུབ་ཏུ་གཎྜིའི་སྟེང་དུ་དུང་ཕོར་བཞག་པ་ལྟ་བ … 1.ནུབ་ཏུ་གཎྜིའི་སྟེང་དུ་དུང་ཕོར་བཞག་པ་ལྟ་བུ་ཞེས་པ་དེ་སྟག་བྲག་རི་ཁྲོད་གནས་ཡུལ་བྲང་ཕུའི་བྱང་ངོས་རི་སྟེང་དུ་ཡོད་པ། </br>2.བྲང་ཕུའི་བྲག་ལ་འཁོར་ལོ་ཞེས་གསོལ་བ་ཡང་གོང་གསལ་དུང་གི་རི་མོ་ཡོད་པའི་ནུབ་ངོས་ཀྱི་བྲག་ལྡེབས་སུ་ཁ་ཤར་ལ་བལྟས་ནས་ཡོད་པ།</br>3.གདོང་དཀར་གྱི་བྲག་ལ་པདྨ་ཞེས་པ་དེ་ཡང་གདོང་དཀར་གྲོང་ཚོའི་རྒྱབ་ཀྱི་རིའི་ལྡེབས་སུ་ཡོད་པ། </br>4.ཡུག་པའི་རི་ལ་དཔལ་བེའུ་ཞེས་པ་ནི་ར་མ་སྒང་གི་ལྷོ་ནུབ་ཀྱི་རི་ངོས་སུ་གསལ་བའོ། །་མ་སྒང་གི་ལྷོ་ནུབ་ཀྱི་རི་ངོས་སུ་གསལ་བའོ། །)
• Dictionaries/chos rnam kun btus/11019  + (1.ཕ་བ་ཐག་རིང་རྩེ་དགུ་ལ་དགུ། འཚེ་མིས་འཚེ་བཙ … 1.ཕ་བ་ཐག་རིང་རྩེ་དགུ་ལ་དགུ། འཚེ་མིས་འཚེ་བཙུགས། དུང་འཕར་པོ་འཕར་ཆུང་གིས་སྒྲ་བསྒྲགས་གླུ་འབྲང་ཟངས་ཡག་ལ་ཕྱག་འཇུས། རྨུ་སྐས་རིམ་དགུ་ལ་ཞབས་བརྟེན་ནས། ནམ་མཁའ་འཕྲུལ་ཙམ་དུ་གཤེགས། །</br>2.དེ་ནས་གནམ་གྱི་མཐོངས་ཕྱེ། སྤྲིན་གྱི་གོ་བསལ་ནས་ས་དོག་མོ་ལ་གཟིགས་པས། རི་གཟིགས་ཀྱི་ནང་ནས་ལྷ་རི་གྱང་དོ་ལས་མཐོ་ཞིང་བཙན་པ་མ་མཆིས། ཐང་གཟིགས་ཀྱི་ནང་ནས། ཀོང་ཡུལ་སེ་མོ་གྲུ་བཞི་ལས་རྒྱ་ཆེ་ཞིང་བཤམས་ལེགས་པ་མ་གཟིགས། ཡུལ་གཟིགས་ནང་ནས་ཡར་མོ་རྣམ་བཞི་ལས་བཟང་ཞིང་གཤིན་པ་མ་གཟིགས། འབྲོག་གཟིགས་ནང་ནས་ཡམ་འབྲོག་རྣམ་གསུམ་ལས་བཟང་བ་མ་གཟིགས། ཆབ་གཟིགས་ཀྱི་ནང་ནས་གཙང་ཆབ་སྔོན་མོ་དང་ཤམ་ཆུ་ལས་གཙང་བ་མ་མཆིས་པར་གཟིགས་ནས། གཡུ་ཡུལ་གཡམ་ཁང་དུ་གཤེགས།</br>3.དེ་ས་གཡུ་ཡུལ་དྲང་བར་གཤེགས། </br>4.དེ་ནས་གཡུ་ཡུལ་བར་དོར་གཤེགས། </br>5.དེ་ནས་ཤར་ཕྱོགས་ལ་དོར་གཤེགས། </br>6.དེ་ནས་གྱང་ཐོག་ཐོག་ཡངས་སུ་གཤེགས། </br>7.དེ་ནས་བླ་འབྲུམ་གྱང་མདོར་གཤེགས། </br>8.དེ་ནས་ནགས་མ་བྱ་ཚང་ཅན་དུ་གཤེགས། </br>9.དེ་ནས་ཤིང་མུ་ལེ་གྲུམ་ཤིང་གི་རྩེར་གཤེགས། </br>10.དེ་ནས་མི་ཡུལ་གྱི་འཐིང་དུ་གཤེགས།</br>11.དེ་ནས་མཚོ་དང་སྒོའི་འགྲམ་དུ་གཤེགས།</br>12.དེ་ནས་བྲག་གི་བྲག་དམར་པོར་གཤེགས། </br>13.དེ་ནས་བླ་མ་དྭངས་མ་འབྲིང་བཅུར་གཤེགས། </br>14.དེ་ནས་དོགས་མོ་དོག་མོ་དོག་ཉེན་དུ་གཤེགས། </br>15.དེ་ནས་ཉག་ཉི་རྒྱབ་དམར་དུ་གཤེགས། </br>16.དེ་ནས་དྭགས་ཡེན་མཁར་དུ་གཤེགས། </br>17.དེ་ནས་ང་ལ་གཡའ་མ་གོང་དུ་གཤེགས། </br>18.དེ་ནས་དྭགསས་ཡུལ་ཤིང་ནག་ཏུ་གཤེགས། </br>19.དེ་ནས་བྲ་ལ་སྒོ་དྲུག་ཏུ་གཤེགས། </br>20.དེ་ནས་ཤར་ལ་འབྲིང་ལུང་དུ་གཤེགས། </br>21.དེ་ནས་དྲི་ང་བྲམ་སྣར་གཤེགས། </br>22.དེ་ནས་ལྷ་ལུང་སྟག་པར་གཤེགས། </br>23.དེ་ནས་ཀླུ་མོ་སྦྱང་པར་གཤེགས། </br>24.དེ་ནས་ཡར་ཁྱིམ་སོག་ཁར་གཤེགས། </br>25.དེ་ནས་ཁྱིམ་བུ་གོར་གོར་དུ་གཤེགས། </br>26.དེ་ནས་རྩང་ཐུད་གསུམ་དུ་གཤེགས། </br>27.དེ་ནས་ཙན་དང་སྒོ་བཞིར་གཤེགས། དེ་ནས་འཕར་པོ་ཟོ་བྲང་དུ་གཤེགས་སོ། ། དེ་ནས་སྐུ་མཁར་ཡུན་བུ་བླ་སྒྲུང་བརྩིགས་ཏེ། སུམ་པ་ཤང་གི་རྒྱལ་པོ་བཏུལ་ཏེ་རྫུ་འཕྲུལ་དང་ལྡན་ནོ། ། དེ་ལྟར་གཤེགས་རབས་ཉི་ཤུ་རྩ་བདུན་གྱིས་བྱོན་ཏེ། དེ་ནི་ཡོ་ག་ལྷ་གྱེས་ཅན་གྱི་ལོ་རྒྱུས་རྫོགས་ཏེ་སྟོད་ལྷ་རབས་སོ། ། ཞེས་སོ། །རྒྱུས་རྫོགས་ཏེ་སྟོད་ལྷ་རབས་སོ། ། ཞེས་སོ། །)
• Dictionaries/chos rnam kun btus/11208  + (1.བཀའ་གྲོས་ཆེན་པོ་དྲུག་ནི། (1)རྗེའི་སྐུ་བ … 1.བཀའ་གྲོས་ཆེན་པོ་དྲུག་ནི། </br>(1)རྗེའི་སྐུ་བཙའ་ཞིང་ཞོ་ཤ་འབུལ་བ། </br>(2)ལྡོང་སྟོང་གི་གཉའ་གནོན་ཞིང་། ཡང་ཁེང་གི་སྒབ་རྟེན་པ།</br>(3)ཁེང་རྒོད་དུ་མི་བཏང་ཞིང་མོ་བཙུན་བཀའ་ལ་མི་ གདགས་པ།</br>(4)སོ་མཚམས་སུ་སོ་བཟུང་ཞིང་། འབངས་ཞིང་རྟ་དཀྱུས་ཀྱིས་མི་གཅོད་པ།</br>(5)ཕྱིའི་དགྲ་འདུལ་ཞིང་ནང་གི་ཚིས་བྱེད་པ།</br>(6)དགེ་བ་དང་དུ་ལེན་ཞིང་མི་དགེ་བ་རྒྱབ་ཏུ་བོར་བའོ། །</br>2.བཀའ་ཁྲིམས་དྲུག་ནི། </br>(1)ཁྲི་རྩེ་འབུམ་བཞེར་གྱི་ཁྲིམས། </br>(2)འབུམ་གསེར་ཐང་ཤ་བ་ཅན་གྱི་ཁྲིམས།</br>(3)རྒྱལ་ཁམས་དཔེ་བླངས་ཀྱི་ཁྲིམས། </br>(4)མདོ་ལོན་ཞུ་བཅད་ཀྱི་ཁྲིམས། </br>(5)ཁབ་སོ་ནན་ཁྲིམས། </br>(6)བཀའ་ལུང་རྒྱལ་ཁྲིམས་སོ། ། </br>3.ཁོད་དྲུག་ནི། </br>(1)བོད་ཀྱི་ཁོད། </br>(2)ཞང་ཞུང་གི་ཁོད། </br>(3)མོན་གྱི་ཁོད། </br>(4)ཆིབས་དཔོན་གྱི་ཁོད། </br>(5)འདི་ཆད། </br>(6)མཐོང་ཁྱབ་ཀྱི་ཁོད་དོ། ། </br>4.ཡིག་ཚང་དྲུག་ནི། </br>(1)གསེར་གཡུ་གཉིས། </br>(2)འཕྲ་མེན་གཉིས། </br>(3)ཟངས་ལྕགས་གཉིས་སོ། ། </br>5.ཕྱག་རྒྱ་དྲུག་ནི། </br>(1)བཀའ་རྟགས་ཀྱི་ཕྱག་རྒྱ་སྒྲོམ་བུ། </br>(2)ཁྲིམས་རྟགས་ཀྱི་ཕྱག་རྒྱ་རུ་མཚོན། </br>(3)ཡུལ་རྟགས་ཀྱི་ཕྱག་རྒྱ་སྐུ་མཁར། </br>(4)ཆོས་རྟགས་ཀྱི་ཕྱག་རྒྱ་ལྷ་ཁང་། </br>(5)དཔའ་རྟགས་ཀྱི་ཕྱག་རྒྱ་སྟག་གཟིག་ </br>(6)མཛངས་རྟགས་ཀྱི་ཕྱག་རྒྱ་ཡིག་ཚང་ངོ་། ། </br>6.དཔའ་རྟགས་དྲུག་ནི། ། </br>(1)སྟག་གཟིག་སྟག་སྨད་གཉིས། </br>(2)ཟར་ཆེན་ཟར་ཆུང་གཉིས། </br>(3)སྟག་སླག་གཟིག་སླག་གཉིས་བཅས་སོ། །་གཉིས། (3)སྟག་སླག་གཟིག་སླག་གཉིས་བཅས་སོ། །)