Search by property

This page provides a simple browsing interface for finding entities described by a property and a named value. Other available search interfaces include the page property search, and the ask query builder.

List of results

• Dictionaries/sngas rgyas chos gzhung tshig mdzod/9162  + (སྔ་དུས་ལྷ་ལྡན་ཚོགས་མཆོད་ཀྱི་ཚོགས་དབུས་སུ་མཚན་ཉིད་དམ་བཅའ་འཇོག་མཁན་གྱི་དགེ་བཤེས་ལ་ཟེར། ཚིག་འདི་གསར་དུ་བཅོས་པ་ཡིན།)
• Dictionaries/Brda dkrol gser gyi me long/2265  + (སྔ་དྲོའི་མིང་སྟེ།《དབྱངས་ཅན་དགའ་བློའི་བརྡ་ད … སྔ་དྲོའི་མིང་སྟེ།《དབྱངས་ཅན་དགའ་བློའི་བརྡ་དཀྲོལ》ལས། དྲོ་སྐྱོར་ནི་སྔ་དྲོ་དང་། ཞེས་གསུངས། དཔེར་ན། 《དཔེ་ཆོས་རིན་ཆེན་སྤུངས་པའི་འབུམ་འགྲེལ》ལས། དབུས་ཀྱི་མལ་གྲོའི་བུད་མེད་གཅིག་གིས་བསྙེན་གནས་བསྲུངས་པའི་ཉིན་མོ་དྲོ་སྐྱོར་དང་། དུས་གནོན་ལ་ཟས་སྣ་མང་པོ་གཡོས་ནས་ཟོས་པས། བུ་ན་རེ། ཨ་མ་དང་བསྙེན་གནས་འདི་བྱ་བྱ་ནས། དོ་ནུབ་ཕོ་བ་གནོད་ནས་འགྲོ་ན་ཟེར། ཞེས་པ་ལྟ་བུའོ།།བ་ཕོ་བ་གནོད་ནས་འགྲོ་ན་ཟེར། ཞེས་པ་ལྟ་བུའོ།།)
• Dictionaries/Bod rgya shen sjar gyi shes jai rnam drangs kun btus tshig mdzod/1374  + (སྔར་བོད་ཡུལ་རུ་ཆེན་ལྟར་འབྱེད་པ་དང༌། ཡུལ་གྱ … སྔར་བོད་ཡུལ་རུ་ཆེན་ལྟར་འབྱེད་པ་དང༌། ཡུལ་གྱི་དབང་རིས་རྣམ་པ་བཅོ་བརྒྱད་དུ་གཅོད་པ། རྒོད་ཀྱི་སྟོང་སྡེ་དྲུག་ཅུ་རེ་གཅིག་ཏུ་འབྱེད་པ། གཡུང་གི་མི་སྡེ་ཁེང་དང་ཡང་ཁེང་དུ་འབྱེད་པ། ཞང་གསུམ་བློན་བཅས་ཀྱིས་དབུས་ཀྱི་འདུས་ས་འཛིན་བ། དཔལ་སྡེ་གསུམ་གྱིས་མཐའི་སོ་ཁ་སྲུང་བ་སྟེ་སྲོང་བཙན་སྒམ་པོའི་སྐབས་བོད་དུ་ལག་ལེན་བསྟར་བའི་བྱ་བཞག་གི་རིགས་ཤིག་བོད་དུ་ལག་ལེན་བསྟར་བའི་བྱ་བཞག་གི་རིགས་ཤིག)
• Dictionaries/sngas rgyas chos gzhung tshig mdzod/831  + (སྔོན་དུས་བཀའ་གདམས་པའོ་དགེ་བཤེས་སྦལ་ཏི་དགྲ་ … སྔོན་དུས་བཀའ་གདམས་པའོ་དགེ་བཤེས་སྦལ་ཏི་དགྲ་བཅོམ་པས་ཐོག་མར་བཏབ་ཅིང་། རྗེས་སུ་ཙོང་ཁ་པའི་དུས་སུ་དགེ་ལུགས་པར་གྱུར་པ་ཡིན། དེང་སང་བོད་རང་སྐྱོང་ལྗོངས་སྟོད་ལུང་བདེ་ཆེན་རྫོང་གི་ཁུངས་་སུ་ཡོད། སྔར་བོད་དབུས་་ཁུལ་དུ་གདན་ས་སེ་འབྲས་དགེ་གསུམ་མ་བྱུང་གོང་དུ་དབུས་ཁུལ་དུ་ཡོད་པའི་གདན་ས་ཆེན་པོ་དྲུག་གི་གྲས་ཤིག་ཡིན།་ཡོད་པའི་གདན་ས་ཆེན་པོ་དྲུག་གི་གྲས་ཤིག་ཡིན།)
• Dictionaries/sngas rgyas chos gzhung tshig mdzod/7746  + (སྔོན་སེ་འབྲས་དགེ་གསུམ་མ་བྱུང་གོང་དུ། བོད་ཀྱི་མཚན་ཉིད་གྲྭ་ས་ཆེན་པོ་ནི་དབུས་ཀྱི་གདན་ས་ཆེན་པོ་དྲུག་སྟེ། གསང་ཕུ། བདེ་བ་ཅན་ར་བ་སྟོད། ཚལ་གུང་ཐང་། དགའ་གདོང་། སྐྱོར་མོ་ལུང་། ཟུལ་ཕུ་བཅས་ལ་ཡོངས་གྲགས་སུ་གསང་བདེ་གུང་གསུམ་དགའ་སྐྱོར་ཟུལ་གསུམ་ཟེར།)
• Dictionaries/Bod rgya shen sjar gyi shes jai rnam drangs kun btus tshig mdzod/1389  + (སྔོན་སེ་འབྲས་དགེ་གསུམ་མ་བྱུང་གོང་དུ། བོད་ཀྱི་མཚན་ཉིད་གྲྭ་ས་ཆེན་པོ་ནི་དབུས་ཀྱི་གདན་ས་ཆེན་པོ་དྲུག་སྟེ། 1. གསང་ཕུ། 2. བདེ་བ་ཅན་རྭ་བ་སྟོད། 3. ཚལ་གུང་ཐང་། 4. དགའ་གདོང༌། 5. སྐྱོར་མོ་ལུང་། 6. ཟུལ་ཕུ་བཅས་ལ་ཡོངས་གྲགས་སུ་གསང་བདེ་གུང་གསུམ་དགའ་སྐྱོར་ཟུལ་གསུམ་ཟེར།)
• Dictionaries/sngas rgyas chos gzhung tshig mdzod/10170  + (སྙིང་དབུས་མི་ཤིག་པའི་ཐིག་ལེ་ལ་ཟེར། ཚིག་འདི་གསར་དུ་བཅོས་པ་ཡིན།)
• Dictionaries/bod rgya nang don rig pai tshig mdzod/7319  + (སྙིང་དབུས་མི་ཤིགས་པའི་ཐིག་ལེ།)
• Dictionaries/chos rnam kun btus/3512  + (སྡོམ་པ་གསུམ་རྣམ་པར་ངེས་པའི་འགྲེལ་པ་ལེགས་བཤ … སྡོམ་པ་གསུམ་རྣམ་པར་ངེས་པའི་འགྲེལ་པ་ལེགས་བཤད་ངོ་མཚར་དཔག་བསམ་གྱི་སྙེ་མ་ལས་བྱུང་བ་ཁག་གཅིག་སྟེ། </br>བསྟན་བཤད་མཇུག་གསུམ་ལས། དང་པོ་ནི་སྡོམ་པའི་རྩ་བ་བཞི་ཞེས་པ། ཞེས་པས་བཅས་ལྡན་དགེ་སློང་གིས་འདི་བཞི་གང་རུང་ལ་སྤྱད་ནས་སྐད་ཅིག་མ་གཅིག་བཅབས་ཀྱང་སྡོམ་པ་ལྷག་མ་མེད་པར་གཅོད་པར་བྱེད་པས་ན་རྩ་བའི་ལྟུང་བ་ཞེས་བྱ་སྟེ། མི་མཐུན་ཕྱོགས་ཀྱིས་གཉེན་པོ་མཐུ་མེད་པར་བཅོམ་པའི་ཕྱིར་ཕམ་པ་ཞེས་བྱའོ། མཚན་ཉིད་ནི། བསྙེན་པར་རྫོགས་པའི་རྒྱུད་ཀྱི་བཅས་འགལ་གྱི་ལྟུང་བ་གང་ཞིག རང་གི་དག་བྱེད་བསླབ་པ་བྱིན་ནས་སྤྱོད་པའི་རིགས་གནས་ཕམ་པ་ཙམ་གྱི་མཚན་ཉིད། ཕམ་པ་གང་ཞིག རྟེན་དེ་ལ་རྒྱུད་གསོར་རུང་དུ་བྱས་པ་འཆབ་མེད་དང་། སོར་ཆུད་པ་མི་སྲིད་པ་ཕའི་འཆབ་བཅས་ཀྱི་མཚན་ཉིད་དོ། ། </br>གཉིས་པ་རྒྱས་པར་བཤད་པ་བཞི་ལས། </br>1.མི་ཚངས་སྤྱོད་ཀྱི་ཕམ་པ་ནི། གཞི་ཡི་ཡན་ལག་ཆ་ཀུན་བཟུང་འོས་པ། ། སྐྱེ་གནས་ལམ་དུ་ཕོ་དབང་ལས་རུང་ནི། ། བསམ་པ་ངོ་ཚ་འཇིགས་མེད་ཆགས་སེམས་ཀྱིས། ། སྦྱོར་བ་དྲུད་པ་མཐར་ཐུག་སིམ་པ་ཐོབ། ། དེས་ནི་ཚངས་པར་སྤྱོད་ལས་རྣམ་པར་ཉམས། ། ཞེས་པ་སྟེ། གླེང་གཞི་སྟོན་པ་མངོན་པར་རྫོགས་པ་སངས་རྒྱས་ནས་ལོ་བཅུ་གསུམ་པ་ལ་ཡུལ་སྤོང་བྱེད་དུ་གང་ཟག་དགེ་སློང་བཟང་བྱིན་གྱིས་ཉོན་མོངས་པ་འདོད་ཆགས་ཀྱིས་ཉེས་པ་སྔར་གྱི་ཁྱིམ་ཐབ་ལ་མི་ཚངས་སྤྱོད་སྤྱད་པ་ལ་བརྟེན་ནས་བཅས་པ་མཛད་དོ། ། དེ་ཡང་གཞི་བསམ་སྦྱོར་བ་མཐར་ཐུག་གི་ཡན་ལག་བཞི་ལས། གཞི་ནི། བརྟེན་བྱ་ཡུལ་འཁྲིག་པའི་རོའི་བདེ་བ་བསྐྱེད་ནུས་ཀྱི་ཡན་ལག་དེ་ཉིད་ཚང་བ་ནི་ཡན་ལག་གི་ཆ་ཀུན་བཟུང་བར་འོས་པ་སྟེ། ལུས་ཕྱེད་དུ་ལོངས་པ་ཡན་ཆད་ཀྱི་སྐྱེ་གནས་སུ་གཏོགས་པའི་ཁའམ་གཤང་ལམ་མམ་ཆུ་ལམ་གསུམ་པོ་གང་ཡང་རུང་བ་མ་ཉམས་པ་དོན་བྱེད་ནུས་པའོ། ། རྟེན་བྱེད་རང་གི་ཕོ་དབང་ནད་མེད་ལས་སུ་རུང་བའོ། ། བསམ་པ་ངོ་ཚ་དང་འཇིགས་སྐྲག་མེད་ཅིང་ཆགས་པར་གྱུར་པས་ཀུན་སློང་རེག་བདེ་ཉམས་སུ་མྱོང་འདོད་ཀྱིས། སྦྱོར་བ་བརྟེན་བྱར་སྩལ་ཞིང་དྲུད་པས། མཐར་ཐུག་ལམ་གསུམ་གྱི་མཚམས་ལས་འདས་ནས་སིམ་པ་ཐོབ་པ་སྟེ། བདེ་བ་ལུས་ཀྱིས་མྱོང་ཞིང་ཡིད་ཀྱིས་བདག་གིར་བྱས་པའོ། ། དེ་ལྟ་བུའི་ཡན་ལག་ཚང་ན་མི་ཚངས་སྤྱོད་ཀྱི་ཕམ་པའི་དངོས་གཞིར་འགྱུར་ཏེ། ས་གའི་ལྷས། ཁ་ཤུན་སོ་དང་པགས་པ་ལས། ། ནོར་བུ་འདས་ན་ཕས་ཕམ་སྟེ། ། ཕྱི་རོལ་ཆར་ནི་ཅི་རིགས་པར། ། སྦོམ་པོའམ་དགེ་འདུན་ལྷག་མའོ། ། ཞེས་སོ། །</br>2.མ་བྱིན་ལེན་གྱི་ཕམ་པ་ནི། བརྐུ་བའི་གཞི་ནི་མི་གཞན་ནོར་ཡིན་པ། ། བསམ་པ་རང་ཉིད་འཚོ་ཕྱིར་བརྐུ་སེམས་ཀྱིས། ། ཡུལ་དུས་རིན་ཐང་ཚང་བ་སྦྱོར་བས་བརྐུས། ། མཐར་ཐུག་བརྐུས་སམ་བརྐུར་བཅུག་རྩོད་ནས་ཐོབ། ། ཅེས་པ་སྟེ། གླེང་གཞི་རྒྱལ་པོའི་ཁབ་ཏུ་དགེ་སློང་ནོར་ཅན་གྱིས་རང་གི་ཁང་པ་བརྩིག་པའི་ཕྱིར་མ་སྐྱེས་དགྲའི་ཤིང་བརྐུས་པ་ལ་བརྟེན་ནས་བཅས་སོ། ། ཡན་ལག་ལ་བཞི་ལས། གཞི་ནི། ཡུལ་རང་དང་ནོར་མི་གཅིག་པའི་མིའི་འགྲོ་བ་པས་བདག་ཏུ་བཟུང་བའི་རྫས། དངོས་པོ་ཁ་ཟས་དང་དུར་ཁྲོད་ཀྱི་རྗེས་སོགས་དམན་པ་མ་ཡིན་པ། ཡུལ་གང་དུ་དུས་དེར་སྦྱོར་བ་གཅིག་གི་ནང་དུ་བརྐུ་བྱ་རྐུ་བྱེད་གཉིས་ཀ་ལ་ལྟོས་པའི་རིན་ཐང་ཚང་བ་སྟེ། དེའི་ཚད་ནི། ཀཱ་རི་ཀཱ་ལྔ་བཅུ་པ་ལས། ཀརྞ་པ་ནུའི་བཞི་ཆ་བརྐུས། ། དེ་བརྐུས་ཚུལ་ཁྲིམས་ཞིག་པར་འགྱུར། ། ཞེས་པས་ཀརྵ་པ་ནའི་བཞི་ཆ་རིན་ཐང་གི་ཚད་ཡིན་ལ། དེ་ཡང་རྒྱ་གར་དུ་མགྲོན་བུ་བསྲེགས་པའི་ཐལ་བ་ལ་རྩིས་པོ་ཆེར་བྱེད་པས་མགྲོན་བུའི་རིན་ཐང་དང་སྦྱར་ན། ཀ་ཀ་ནི་རེ་ལ་མགྲོན་བུ་ཉི་ཤུ། ཀ་ཀ་ནི་བཞི་ལ་མ་ཤ་ཀ་གཅིག་སྟེ་མགྲོན་བུ་བརྒྱད་ཅུ། མ་ཤ་ཀ་ཉི་ཤུ་ལ་ཀཎ་པ་ན་གཅིག་སྟེ་མགྲོན་བུ་སྟོང་དྲུག་བརྒྱ་ཡིན། དེའི་བཞི་ཆ་མགྲོན་བུ་བཞི་བརྒྱའི་ཚད་མ་ཤ་ཀ་ལྔ་རིན་ཐང་གི་ཚད་དེ། སྤྱིར་མ་ཤ་ཀ་ཇི་ཙམ་ལ་ཀརྵ་པ་ནར་བྱེད་པའི་ཚད་མཐའ་གཅིག་དུ་མ་ངེས་ཀྱང་། འདིར་མདོ་རྩ་བ་ལས་འབྲིང་ཚད་མ་ཤ་ཀ་ལྔ་ལ་མཛད་པ་ལྟར་རོ། ། དེ་གསེར་གྱི་ཐང་དུ་རྩིས་ན། ཀ་ཀ་ནི་ཞེས་གུཉྩ་སྟེ་མ་རུ་མགོ་ནག དེ་བཞི་ལ་མ་ཤ་ཀ་སྟེ་གསེར་སེ་བ་དོ། དེ་ལྔ་ལ་ཀརྵ་པ་ནའི་བཞི་ཆ་སྟེ་གསེར་སེ་བ་བཅུ་ཡིན་པས། འདིར་ནས་ཁལ་ལྔ་ཙམ་རིན་ཐང་གི་ཚད་དུ་རིགས་ཏེ། མུ་གེ་མེད་པའི་དུས་སུ་གསེར་སེ་བ་ཉི་ཤུ་ལ་དབུས་ཞོ་གང་དུ་བྱས་པའི་ཞོ་རེ་ལ་ནས་ཁལ་བཅུ་མ་བྱེད་པའི་ཕྱིར། བསམ་པ་མིའི་རྫས་ལ་དེ་ཡིན་པར་འདུ་ཤེས་པའམ་ཡིད་གཉིས་ཟ་བས་ཀུན་སློང་རང་འཚོ་བའི་ཆེད་དུ་བརྐུ་འདོད་ཀྱིས། སྦྱོར་བ་རིན་ཐང་ཚང་བའི་དངོས་པོ་ལུས་ངག་གི་རིག་བྱེད་དུ་གྲུབ་པས་རྐུ་བར་རྩོམ་པ། མཐར་ཐུག་རང་གིས་བརྐུས་སམ་གཞན་བརྐུར་བཅུག་པའམ་རྩོད་པ་གང་ཡང་རུང་བས་བརྐུ་བྱའི་རྫས་བདག་པོ་དང་ཕྲལ་ནས་བདག་གིར་བྱས་པའི་ཚུལ་གྱིས་ཐོབ་བློ་སྐྱེས་པའོ། །</br>3.སྲོག་གཅོད་ཀྱི་ཕམ་པ་ནི། སྲོག་གཅོད་གཞི་ནི་མི་གཞན་མ་འཁྲུལ་བར། ། བསམ་པ་གསོད་སེམས་གསད་བྱ་དེར་ཤེས་པ། ། སྦྱོར་བ་གསོད་པར་བརྩམས་ནས་མ་བཟློག་པ། ། མཐར་ཐུག་སྲོག་གི་དབང་པོ་འགགས་པ་དང་། ། གསོད་བཅུག་ཡི་རང་བསྔགས་སོགས་རྐྱེན་བྱས་ཀྱང་། ། ཞེས་པ་སྟེ། གླེང་གཞི་ཡུལ་སྤོང་བྱེད་དུ་དགེ་སློང་མང་པོ་མི་སྡུག་པའི་ཏིང་ངེ་འཛིན་བསྒོམས་པས་ལུས་མི་གཙང་བས་ཡིད་བྱུང་ནས་དགེ་སྦྱོང་སྦེད་གསོད་དུ་བཅུག་པ་ལ་བརྟེན་ནས་བཅས་སོ། ། ཡན་ལག་ལ་བཞི་ལས། གཞི་ནི་མིའམ་མིར་ཆགས་པ་རང་ལས་རྒྱུད་གཞན་པ། བསད་དོ་བསམ་པ་དེ་ཉིད་མ་འཁྲུལ་པའོ། ། བསམ་པ་བསད་བྱ་དེར་འདུ་ཤེས་པས་ཀུན་སློང་གསོད་སེམས་རྒྱུན་མ་ཆད་པ། སྦྱོར་བ་དུག་མཚོན་སོགས་ཀྱིས་གསོད་པར་བརྩམས་པ་ལས་མ་བཟློག་པས། མཐར་ཐུག་དེའི་ཚེའམ་མི་གཞན་གྱི་ཚེ་གསོད་པ་པོ་རང་ཉིད་མ་ཤི་བའི་སྔ་རོལ་ཏུ་བསད་བྱའི་སྲོག་འགགས་པ་སྟེ། སུམ་བརྒྱ་པར། གང་ཞིག་རང་བཞིན་གནས་ལ་བསླབ་བཅས་པས། ། མི་གཞན་ཡིན་ལ་མིར་ནི་འདུ་ཤེས་དང་། ། བསད་པའི་བསམ་པས་འཁྲུལ་མེད་གསོད་བྱེད་ཅིང་། ། མི་ཤི་རྨི་ལམ་མ་གཏོགས་དེ་བརླག་འགྱུར། ། ཞེས་སོ། ། དེ་ཡང་རང་གིས་བསད་པ་ཙམ་དུ་མ་ཟད། གཞན་གསོད་དུ་བཅུག་པ་དང་གསོད་པ་ལ་ཡི་རང་བའི་བསྔགས་པ་བརྗོད་པ་ལ་སོགས་པས་རྐྱེན་བྱས་ཏེ་ཤི་ནའང་འདྲ་ཞིང་། དགེ་སློང་མང་པོས་གྲོས་བྱས་ནས་གཅིག་གིས་བསོད་ཀྱང་ཐམས་ཅད་ལ་ཕམ་པ་འབྱུང་སྟེ། མཛོད་ལས། དམག་ལ་སོགས་པ་དོན་གཅིག་ཕྱིར། ། ཐམས་ཅད་བྱེད་པ་པོ་བཞིན་ལྡན། ། ཞེས་གསུངས་པའི་ཕྱིར། །</br>4.རྫུན་སྨྲའི་ཕམ་པ་ནི། རྫུན་གྱི་གཞི་ནི་སྨྲ་ཤེས་དོན་གོའི་མིར། ། བསམ་པ་འདུ་ཤེས་བསྒྱུར་ནས་བརྗོད་བློ་སྐྱེས། ། སྦྱོར་བ་མངོན་ཤེས་ལ་སོགས་ཡོན་ཏན་ཚོགས། ། མེད་ཀྱང་ཡོད་ཅེས་བླ་མའི་རྫུན་སྨྲས་པ། ། མཐར་ཐུག་གཞན་གྱིས་རྫུན་དེ་གོ་ན་ཉམས། ། ཞེས་པ་སྟེ། གླེང་གཞི་ཡུལ་ཡངས་པ་ཅན་དུ་ཉ་པ་ལས་རབ་ཏུ་བྱུང་བའི་དགེ་སློང་ལྔ་བརྒྱས་མི་ཆོས་བླ་མའི་རྫུན་སྨྲས་པ་ལ་བརྟེན་ནུས་བཅས་སོ། ། ཡན་ལག་ལ་བཞི་ལས། གཞི་ནི་གང་ལ་སྨྲ་བའི་ཡུལ་རང་ལས་རྒྱུད་གཞན་པའི་མི་ཐ་སྙད་ལྔ་ལྡན་ཏེ། སྨྲ་ཤེས་པ། དོན་གོ་བ། ཤེས་པ་རང་བཞིན་དུ་གནས་པ། མ་ནིང་དང་མཚན་གཉིས་པ་མ་ཡིན་པའོ། ། གང་སྨྲ་བའི་དངོས་པོ་ནི་འདོད་ཁམས་ལས་གོང་དུ་འཕགས་པ་བསམ་གཏན་དང་པོ་ནས་སངས་རྒྱས་ཀྱི་བར་གྱི་འཇིག་རྟེན་དང་འཇིག་རྟེན་ལས་འདས་པའི་ཡོན་ཏན་གང་རུང་སྟེ། ས་གའི་ལྷས། འདིར་ནི་སྒྲིབ་པ་རྣམ་པ་ལྔ། ། མི་རྣམས་ཀྱི་ནི་ཆོས་སུ་ཐོས། ། དེ་ཟད་བླ་མའི་ཆོས་སུ་འདོད། ཅེས་སོ། ། བསམ་པ་འདུ་ཤེས་བསྒྱུར་ནས་རྫུན་བརྗོད་འདོད་ཀྱི་བློ་སྐྱེས་པ། སྦྱོར་བ་མངོན་ཤེས་སོགས་གཞན་ལས་ཁྱད་པར་དུ་གྱུར་པའི་ཡོན་ཏན་གྱི་ཚོགས་མེད་ཀྱང་ཡོད་ཅེས་ངག་མཚན་ཉིད་དྲུག་ལྡན་གྱིས་མི་ཆོས་བླ་མའི་རྫུན་མངོན་པའི་ང་རྒྱལ་མེད་པར་སྨྲ་བའམ། གཞན་གྱིས་སྨྲས་པ་དང་དུ་ལེན་པར་རྩོམ་པའོ། །</br>ངག་མཚན་ཉིད་དྲུག་ལྡན་ནི། ངག་ཡིན་པ། རང་གི་ཡིན་པ། བདག་ཉིད་དང་འབྲེལ་བ། མ་ནོར་བ། གསལ་པོར་དང་། མངོན་སུམ་དུ་སྨྲ་བའོ། །</br>གསུམ་པ་དོན་བསྡུ་བ་ནི། འདི་བཞི་གང་སྤྱད་དགེ་སློང་དེ་ཕམ་ཕྱིར། ། པས་ཕམ་བཞི་ཞེས་ཐམས་ཅད་མཁྱེན་དེས་གསུངས། ། ཞེས་པ་སྟེ། དེ་ལྟར་བཤད་མ་ཐག་པའི་ཆོས་བཞི་པོ་འདི་གང་ལ་སྤྱད་ཀྱང་རང་རང་གི་རྒྱུ་ཚོགས་སུ་བཤད་པ་ལྟར་ཡན་ལག་མཐའ་དག་མ་ཚང་ན་སྦོམ་པོ་དང་། ཚང་ན་ཕམ་པ་དངོས་གཞི་སྟེ། མི་མཐུན་ཕྱོགས་ཀྱིས་གཉེན་པོ་བཅོམ་པས་དགེ་སློང་དེ་ཐམ་པར་བྱས་པའི་ཕྱིར། ཕས་ཕམ་པ་བཞི་ཞེས་སྟོན་པ་ཐམས་ཅད་མཁྱེན་པ་དེས་གསུངས་སོ། །་ཞེས་སྟོན་པ་ཐམས་ཅད་མཁྱེན་པ་དེས་གསུངས་སོ། །)
• Dictionaries/sngas rgyas chos gzhung tshig mdzod/5983  + (སྣོད་ཀྱི་སྐད་དོད་པི་ཊ་ཀ་ཞེས་འབྲུ་བྲེ་བཅུ་ཤ … སྣོད་ཀྱི་སྐད་དོད་པི་ཊ་ཀ་ཞེས་འབྲུ་བྲེ་བཅུ་ཤོང་བའི་ཡུལ་དབུས་ཀྱི་བྲེ་ཆེན་པོའི་མིང་ཡིན་པས། འབྲུ་མང་པོ་ཤོང་ཞིང་འདུ་བའི་སྣོད་ལ་པི་ཊ་ཀ་ཞེས་བརྗོད་པ་བཞིན་ནོ། སྡེ། གསུང་རབ་ཀྱི་ཚིག་དོན་ཐམས་ཅད་དམ། གཏན་ལ་དབབ་པའི་གཞི་ཕུང་ཁམས་སྐྱེ་མཆེད་ནས་འབྲས་བུ་སངས་རྒྱས་ཀྱི་སྐུ་དང་ཡེ་ཤེས་ཀྱི་བར་གྱི་ཤེས་བྱའི་དོན་གྱི་སྡེ་སྟེ། ཚོགས་སམ་རིགས་ཐམས་ཅད་འདུས་པའི་ཕྱིར་ན་སྡེ་སྣོད་ཅེས་བྱའོ། དེ་ལྟ་བུའི་སྡེ་སྣོད་ནི། མདོ་སྡེ་དང་། འདུལ་བ་དང་། མངོན་པའི་སྡེ་སྣོད་དེ་གསུམ་སམ། ཐེག་པ་ཆེ་ཆུང་གི་སྡེ་སྣོད་དེ་གཉིས་སུ་མཆིས་པ། སྡེ་སྣོད་གསུམ་ལ་ཐོས་བསམ་སྒོམ་གསུམ་གྱི་སྒོ་ནས་རྒྱུད་རིམ་གྱིས་སྦྱངས་ཏེ་ལམ་བསླབ་པ་གསུམ་གྱིས་ཐར་བ་དང་། ཐམས་ཅད་མཁྱེན་པ་སྒྲུབ་པ། དགེ་ལྡན་པའི་རིང་ལུགས་འདི་ལ། མདོ་སྡེའི་སྡེ་སྣོད་ལ་ཐོས་བསམ་བགྱིས་ཏེ་ཐེག་གོང་འོག་གི་བསླབ་པ་གསུམ་ཀ་གཏན་ལ་ཕབ། འདུལ་བའི་སྡེ་སྣོད་ལ་ཐོས་བསམ་བགྱིས་ཏེ་ཚུལ་ཁྲིམས་དང་ཏིང་ངེ་འཛིན་གཉིས་སྒྲུབ་པར་བྱེད། མངོན་པའི་སྡེ་སྣོད་ལ་ཐོས་བསམ་བགྱིས་ཏེ་ཆོས་རྣམས་ཀྱི་མཚན་ཉིད་མ་ནོར་བར་རིག་པའི་ཤེས་རབ་བསྐྱེད་ནས་ཤེས་རབ་ཀྱི་བསླབ་པ་སྒྲུབ་པར་བྱེད་ཅིང་མངོན་སུམ་དུ་ཐོབ་པ།སླབ་པ་སྒྲུབ་པར་བྱེད་ཅིང་མངོན་སུམ་དུ་ཐོབ་པ།)
• Dictionaries/sngas rgyas chos gzhung tshig mdzod/6610  + (སྤ་ཚབ་ཉི་མ་གྲགས་ཀྱི་ཐུགས་སྲས། གཙང་པ་སར་སྤོས་དང་། རྨ་བྱ་བྱང་ཆུབ་ཡེ་ཤེས། དར་ཡོན་ཏན་གྲགས། ཞང་ཐང་སག་པ་ཡེ་ཤེས་འབྱུང་གནས་ཏེ། དེ་རྣམས་ལ་བརྟེན་ནས་དབུས་གཙང་དུ་དབུ་མའི་བཤད་རྒྱུན་འཛུགས། ཚིག་འདི་གསར་དུ་བཅོས་པ་ཡིན།)
• Dictionaries/sngas rgyas chos gzhung tshig mdzod/8829  + (སྤྱི་བོ་བདེ་ཆེན་གྱི་འཁོར་ལོ་དང་། མགྲིན་པ་ལོངས་སྤྱོད་ཀྱི་འཁོར་ལོ། སྙིང་ག་ཆོས་ཀྱི་འཁོར་ལོ། ལྟེ་བ་སྤྲུལ་པའི་འཁོར་ལོ། གསང་གནས་བདེ་སྐྱོང་གི་འཁོར་ལོ། ནོར་བུའི་དབུས་ཀྱི་འཁོར་ལོ་བཅས་དྲུག་གོ། ཚིག་འདི་གསར་དུ་བཅོས་པ་ཡིན།)
• Dictionaries/Brda dkrol gser gyi me long/6  + (སྤྲོས་བྲལ་ལམ། གདོད་མ་ནས་དག་པའམ། སྟོང་པ་ཉིད … སྤྲོས་བྲལ་ལམ། གདོད་མ་ནས་དག་པའམ། སྟོང་པ་ཉིད་ཀྱི་དོན་ཏེ། 《བོད་ཀྱི་བརྡ་སྐད་མིང་གཞི་གསལ་བར་སྟོན་པའི་བསྟན་བཅོས》ལས། ཀ་དག་ནི་སྤྲོས་བྲལ། ཞེས་དང་། 《ངག་སྒྲོན་གྱི་འགྲེལ་པ》ལས། ཀ་དག་ཅེས་པ། ཀ་གདོད་མ་ནས་དང་། དག་པ་སྟོང་པ་ཉིད། ཅེས་དང་། 《དྲན་པ་བཀའ་ཐང》ལས། ཡུལ་ཤེས་གཟུང་འཛིན་དྲི་བྲལ་འགྱུར་མེད་ལ།། ཀ་དག་སངས་རྒྱས་ཞེས་པའི་མིང་དུ་བཏགས།། ཞེས་གསུངས། 《བསྟན་འགྱུར་དཀར་ཆག》ལས། ཀ་དག་ཆོས་དབྱིངས་ཆུ་གཏེར་ཆེན་པོར་སྐྱོན་བྲལ་པད་མའི་ཁང་བཟང་དབུས།། ཞེས་པ་ལྟ་བུའོ།།ན་བྲལ་པད་མའི་ཁང་བཟང་དབུས།། ཞེས་པ་ལྟ་བུའོ།།)
• Dictionaries/Brda dkrol gser gyi me long/644  + (སྨད་པའམ་ཟུར་ཟ་བྱེད་པའི་དོན་ཏེ། 《གྲུབ་མཐའ་ … སྨད་པའམ་ཟུར་ཟ་བྱེད་པའི་དོན་ཏེ། 《གྲུབ་མཐའ་རྩ་འགྲེལ་གྱི་ཟིན་བྲིས》ལས། གཞོགས་དྲུད་ནི་ཟུར་དྲུད་པ་སྟེ་ཟུར་འདྲ་བར་བཅོས་པ་ལ་དབལ་མང་གསུངས། ཞེས་དང་། དཔེར་ན། 《དབུས་པ་བློ་གསལ་གྱི་གྲུབ་མཐའི་རྣམ་བཤད》ལས། གལ་ཏེ་ངེས་མདོ་ལ་གཞོགས་དྲུད་ནས་དེ་ལྟར་སྨྲས། ཞེས་དང་། 《མི་ཆོས་དགའ་སྟོན》ལས། གཞན་གྱི་མཚང་འབྲུ་གཞོགས་དྲུད་ཉུང་ན་མཛེས། ཞེས་པ་ལྟ་བུའོ། །ུ་གཞོགས་དྲུད་ཉུང་ན་མཛེས། ཞེས་པ་ལྟ་བུའོ། །)
• Dictionaries/sngas rgyas chos gzhung tshig mdzod/7751  + (སྨད་འདུལ་གྱི་བརྒྱུད་པའི་ཁུངས་ཏེ། ཀླུ་མེས་ཚ … སྨད་འདུལ་གྱི་བརྒྱུད་པའི་ཁུངས་ཏེ། ཀླུ་མེས་ཚུལ་ཁྲིམས་ཤེས་རབ་དང། འབྲིང་ཡེ་ཤེས་ཡོན་ཏན། རག་ཤི་ཚུལ་ཁྲིམས་འབྱུང་གནས། རྦ་ཚུལ་ཁྲིམས་བློ་གྲོས། སུམ་པ་ཡེ་ཤེས་བློ་གྲོས་ཏེ་དབུས་ཀྱི་མི་ལྔ་དང། ལོ་སྟོན་རྡོ་རྗེ་དབང་ཕྱུག ཚོང་བཙུན་ཤེས་རབ་སེང་གེ། བོ་དོང་པ་ཨུ་པ་དེ་ཀར་ཏེ་གཙང་གི་མི་གསུམ་དང། མངའ་རིས་པ་འོ་བརྒྱད་སྤུན་གཉིས་བཅས་མདོ་སྨད་དུ་ཕེབས་ཏེ་བླ་ཆེན་དགོངས་པ་རབ་གསལ་ལས་བསྙེན་རྫོགས་ཞུས། དེ་ནས་རིམ་བཞིན་འདུལ་བའི་སྡོམ་རྒྱུན་སྤེལ་ཏེ་བསྟན་པའི་མེ་རོ་ཁམས་སྨད་ནས་སླར་གསོ་བར་མཛད་མཁན་རྣམས་སོ། ཚིག་འདི་གསར་དུ་བཅོས་པ་ཡིན།ཛད་མཁན་རྣམས་སོ། ཚིག་འདི་གསར་དུ་བཅོས་པ་ཡིན།)
• Dictionaries/bod rgya nang don rig pai tshig mdzod/6088  + (སྨད་འདུལ་གྱི་བརྒྱུད་པའི་ཁུངས་སྟེ། ཀླུ་མེས་ … སྨད་འདུལ་གྱི་བརྒྱུད་པའི་ཁུངས་སྟེ། ཀླུ་མེས་ཚུལ་ཁྲིམས་ཤེས་རབ་དང་། འབྲིང་ཡེ་ཤེས་ཡོན་ཏན། རག་ཤི་ཚུལ་ཁྲིམས་འབྱུང་གནས། རྦ་ཚུལ་ཁྲིམས་བློ་གྲོས། སུམ་པ་ཡེ་ཤེས་བློ་གྲོས་ཏེ་དབུས་ཀྱི་མི་ལྔ་དང་། ལོ་སྟོན་རྡོ་རྗེ་དབང་ཕྱུག ཚོང་བཙུན་ཤེས་རབ་སེང་གེ། བོ་དོང་པ་ཨུ་པ་དེ་ཀར་ཏེ་གཙང་གི་མི་གསུམ་དང་། མངའ་རིས་པ་འོ་བརྒྱད་སྤུན་གཉིས་བཅས་མདོ་སྨད་དུ་ཕེབས་ཏེ་བླ་ཆེན་དགོངས་པ་རབ་གསལ་ལས་བསྙེན་རྫོགས་ཞུས། དེ་ནས་རིམ་བཞིན་འདུལ་བའི་སྡོམ་རྒྱུན་སྤེལ་ཏེ་བསྟན་པའི་མེ་རོ་མདོ་ཁམས་སྨད་ནས་སླར་གསོ་བར་མཛད་མཁན་རྣམས་སོ།།དོ་ཁམས་སྨད་ནས་སླར་གསོ་བར་མཛད་མཁན་རྣམས་སོ།།)
• Dictionaries/Bod rgya shen sjar gyi shes jai rnam drangs kun btus tshig mdzod/1230  + (སྲོང་བཙན་སྒམ་པོས་བོད་ཡུལ་གཙང་ལ་གཡས་རུ་དང་རུ་ལག དབུས་ལ་དབུ་རུ་དང་གཡོ་རུ། དེ་མིན་རྣམས་ཡན་ལག་གསུམ་པའི་རུ་སྟེ་རུ་ཆེན་ཁག་ལྔར་ཕྱེ་བ་དེ་དག་གི་སྤྱི་མིང་ཡིན་ཞིང་། སྔ་མ་གཉིས་ལ་བར་དབུས་གཙང་རུ་བཞིའང་ཟེར།)
• Dictionaries/Bod rgya shen sjar gyi shes jai rnam drangs kun btus tshig mdzod/1694  + (སློབ་དཔོན་དབྱིག་གཉེན་གྱིས་མཛད་པའི་བྱཱ་ཀ་ར་ … སློབ་དཔོན་དབྱིག་གཉེན་གྱིས་མཛད་པའི་བྱཱ་ཀ་ར་ཎ་སྡེ་བརྒྱད་ནི། མདོ་སྡེ་རྒྱན་གྱི་འགྲེལ་བ། དབུས་མཐའ་རྣམ་འབྱེད་ཀྱི་འགྲེལ་བ། ཆོས་དང་ཆོས་ཉིད་རྣམ་འབྱེད་ཀྱི་འགྲེལ་བ། རྣམ་བཤད་རིག་པ། ལས་གྲུབ་པའི་རབ་ཏུ་བྱེད་པ། ཕུང་བོ་ལྔའི་རབ་ཏུ་བྱེད་པ། ཉི་ཤུ་པ། སུམ་ཅུ་པའི་རབ་བྱེད་རྣམས་སོ། ཁ་ཅིག་ཆོས་དང་ཆོས་ཉིད་རྣམ་འབྱེད་ཀྱི་འགྲེལ་བ་མི་འདྲེན་པར་རྟེན་འབྲེལ་གྱི་མདོ་འགྲེལ་འདྲེན་ནོ།དྲེན་པར་རྟེན་འབྲེལ་གྱི་མདོ་འགྲེལ་འདྲེན་ནོ།)
• Dictionaries/sngas rgyas chos gzhung tshig mdzod/8134  + (ཨོཾ་ཤྲུ་ཏི་སྨྲཾ་ཏི་དྷ་རི་ནི་ཧཱུཾ་ཧ། ཞེས་བརྗོད་ཅིང་ལག་པ་གཡས་པའི་ཐལ་མོ་བཀན་པ་ལས་མཛུབ་མོ་མཐེ་བའོ་དྲུང་དུ་བཞག་ཅིང་མཐེ་བོང་ཡང་མཛུབ་མོའི་ཚིགས་དབུས་མར་བྱས་པའི་དབྱངས་ཅན་གྱི་ཕྱག་རྒྱ་ཟེར།)
• Dictionaries/Bod rgya shen sjar gyi shes jai rnam drangs kun btus tshig mdzod/714  + (《མངོན་པ་མཛོད》ལས་བཤད་སྲོལ་ལ་གླིང་བཞི་པོའི་ད … 《མངོན་པ་མཛོད》ལས་བཤད་སྲོལ་ལ་གླིང་བཞི་པོའི་དབུས་སུ་རི་ཡི་རྒྱལ་པོ་ལྷུན་པོ་ཞེས་བྱ་བ། ངོས་བཞི་དང་བང་རིམ་བཞི་ཡོད་པ། བང་རིམ་བཞི་པོ་དེའི་ཤར་ཕྱོགས་སུ་རྒྱལ་པོ་ཆེན་པོ་ཡུལ་འཁོར་སྲུང་། (མདོག་དཀར་པོ། པི་ཝང་འཛིན་པ།) ལྷོ་ཕྱོགས་སུ་རྒྱལ་པོ་འཕགས་སྐྱེས་པོ། （མདོག་སྔོན་པོ། རལ་གྲི་འཛིན་པ། ནུབ་ཕྱོགས་སུ་རྒྱལ་པོ་སྤྱན་མི་བཟང (མདོག་དམར་པོ། སྦྲུལ་ཞགས་དང་མཆོད་རྟེན་འཛིན་པ）། བྱང་ཕྱོགས་སུ་རྒྱལ་པོ་རྣམ་ཐོས་སྲས (མདོག་སེར་པོ། རྒྱལ་མཚན་དང་ནེའུ་ལེ་འཛིན་པ) བཞི་པོ་དེ་དག་རང་རང་གི་འཁོར་མང་པོ་དང་བཅས་པས་འཇིག་རྟེན་ཁམས་འདིའི་ཕྱོགས་བཞིར་སངས་རྒྱས་ཆོས་ལུགས་སྲུང་སྐྱོབ་བྱེད་པ་ཡིན་ཟེར་སྲོལ་ཡོད།ས་ལུགས་སྲུང་སྐྱོབ་བྱེད་པ་ཡིན་ཟེར་སྲོལ་ཡོད།)
• Dictionaries/Brda dkrol gser gyi me long/4867  + (（2）དབུས་སམ་དཀྱིལ་གྱི་དོན་ཏེ། པཎ་ཆེན་ཆོས་རྒྱན་གྱིས།། དེ་ནས་རྡོ་རྗེ་འཛིན་པའི་དེད་དཔོན་གྱི།། དྲིན་ལས་རྒྱུད་སྡེ་རྒྱ་མཚོའི་འཇིང་བརྒལ་ཏེ།། ཞེས་གསུངས་པ་ལྟར་རོ།།)
• Dictionaries/Brda dkrol gser gyi me long/3885  + (（2）དབུས་སམ་དཀྱིལ་གྱི་དོན་ལ་འཇུག་སྟེ།《ངག་སྒྲོན་གྱི་འགྲེལ་པ》ལས། རྒྱ་མཚོ་ལ་སོགས་པའི་མཆིང་དཀྱིལ་ལམ་དབུས། ཞེས་གསུངས། དཔེར་ན།《དཔག་བསམ་འཁྲི་ཤིང》ལས། སློབ་དཔོན་གྱིས་ནི་རྨོངས་པ་ཡི།། རྒྱ་མཚོའི་མཆིང་ལས་ཕ་རོལ་སྒྲོལ།། ཞེས་པ་ལྟ་བུའོ།།)
• Dictionaries/Brda dkrol gser gyi me long/1386  + (（2）རྐང་ལག་བཀྲུ་བའི་སྣོད་ཀྱི་མིང་སྟེ།《འདུལ་ … （2）རྐང་ལག་བཀྲུ་བའི་སྣོད་ཀྱི་མིང་སྟེ།《འདུལ་བའི་གླེང་འབུམ་གྱི་མིང་བརྡའི་རྣམ་བཤད》ལས། ཆོལ་ཟངས་ནི་རྐང་ལག་བཀྲུ་བའི་སྣོད་ཅེས་རྒྱ་ཆེར་འགྲེལ་དུ་གསུངས་ཏེ། དེ་ནི་ས་དང་ཟངས་ལྕགས་སོགས་ལས་བྱས་པ་དབྱིབས་གླང་པོ་ཆེའི་རྨིག་མཐིལ་འདྲ་བ་ནང་གི་དབུས་མཐོ་བ་ཀ་དམ་པའི་མེ་ཏོག་ལྟར་ལྕོག་ལྕོག་པོ་རྩུབ་པ་ཞེས་བཤད་དོ།། ཞེས་གསུངས།ྕོག་ལྕོག་པོ་རྩུབ་པ་ཞེས་བཤད་དོ།། ཞེས་གསུངས།)
• Dictionaries/Brda dkrol gser gyi me long/7667  + (（2）སྨྱུག་ཆུང་ངམ་སྨྱུག་ཕྲན་གྱི་མིང་སྟེ། 《ཏུན་ཧོང་གཏེར་ཡིག་གནའ་བོའི་བོད་ཡིག་ཤོག་དྲིལ》ལས། འཇི་བའི་ཁང་བུ་བགྱིས་ཏེ་སྨྱི་གུ་བཙུགས་ཏེ་དབུས་ནས་སོ་ལ་འདུགས་ན་རྩི། ཞེས་པ་ལྟ་བུའོ། །)
• Dictionaries/Brda dkrol gser gyi me long/5742  + (（2）སྨྱུག་མའི་ལྷས་མའི་མིང་སྟེ། 《འདུལ་བའི་ག … （2）སྨྱུག་མའི་ལྷས་མའི་མིང་སྟེ། 《འདུལ་བའི་གླེང་འབུམ་གྱི་མིང་བརྡའི་རྣམ་བཤད》ལས། རེ་ལྡེ་ནི་རྩིད་པ་ལས་བྱས་པའི་སྣམ་བུ་དང་སྨྱུག་མའི་ལྷས་མ་ལའང་ཟེར། ཞེས་དང་། 《དབྱངས་ཅན་དགའ་བློའི་བརྡ་དཀྲོལ》ལས། རེ་ལྡེ་ནི་རྩིད་པ་ལས་བྱས་པའི་སྦྲ་གུར་ལྟ་བུའོ། ། ཡང་སྨྱུག་མ་ལ་སོགས་པས་ལྷས་པའི་སྨྱུག་གདན་གྲུ་བཞི་ལ་བཤད་པའང་ཡོད། ཅེས་གསུངས། དཔེར་ན། 《འདུལ་བ་ལུང་ཕྲན་ཚེགས་ཀྱི་གཞི》ལས། དེ་གཉིད་ཀྱིས་ཤིན་ཏུ་ལོག་པ་དང་མོས་རེ་ལྡེའི་ནང་དུ་དཀྲིས་ཏེ་ཚོང་འདུས་ཀྱི་དབུས་སུ་བོར་རོ། ། ཞེས་པ་ལྟ་བུའོ། །དུས་ཀྱི་དབུས་སུ་བོར་རོ། ། ཞེས་པ་ལྟ་བུའོ། །)

• Dictionaries/Bod rgya shen sjar gyi shes jai rnam drangs kun btus tshig mdzod/1449  + (ཤར་མཐོ་ན་ནུབ་དམའ་བ། ནུབ་མཐོ་ན་ཤར་དམའ་བ། ལྷོ་མཐོ་ན་བྱང་དམའ་བ། བྱང་མཐོ་ན་ལྷོ་དམའ་བ། མཐའ་མཐོ་ན་དབུས་དམའ་བ། དབུས་མཐོ་ན་མཐའ་དམའ་བའོ།)

• Dictionaries/chos rnam kun btus/9920  + ("ལུགས་སོ་སོའི་མིང་། ཇོ་བོ་རྗེ་ཨ་ཏི་ཤའི་ལུག … "ལུགས་སོ་སོའི་མིང་།</br>ཇོ་བོ་རྗེ་ཨ་ཏི་ཤའི་ལུགས།</br>ས་སྐྱ་པའི་ལུགས།</br>ཙན་དན་ཇོ་བོའི་ལོ་རྒྱུས་ཀྱི་ལུགས</br>ཕུག་པའི་ལུགས</br>གཡུང་སྟོན་དང་སྟག་ལོའི་ལུགས</br>མཚུར་ཕུའི་ལུགས</br>རྩིས་ཀུན་བཏུས་པའི་རྒྱས་འགྲེལ་ལུཊ</br>བུ་སྟོན་རིན་ཆེན་གྲུབ་ཀྱི་ལུགས</br>ཊཱིཀ་ཆེན་དེ་ཉིད་སྣང་བའི་ལུཊ</br>རྗེ་རང་བྱུང་རྡོ་རྗེའི་གཏན་རྩིས་ལུཊཾ</br>གནས་བརྟེན་སྡེ་སྡེ་པའི་ལུགས"</br>"འཁྲུངས་ལོ། (སྤྱི་སྔོན་ལོ་ཚིཊ)</br>ཤིང་གླང 2216</br>ས་འབྲུག 2213</br>ཤིང་སྟག་1027</br>ལྕགས་སྤྲེལ 961</br>ཤིང་བྱི 957</br>ཤིང་བྱི 957</br>ཤིང་གླང 956</br>མེ་རྟ 915</br>མེ་རྟ 915</br>མེ་ཡོས 774</br>མེ་སྤྲེལ 625"</br>"སངས་རྒྱུས་ལོ། (སྤྱི་སྔོན་ལོ་ཚིཊ)</br>ས་ཕོག 2182</br>ཆུ་སྟག 2179</br>མེ་ཕག་994</br>ཤིང་རྟ 927</br>ས་ཕག 922</br>ས་ཁྱི 923</br>ས་ཕག 922</br>ལྕཊ་སྦྲུལ 880</br>ཆུ་རྟ 879"</br>"མྱ་ངན་འདས་ལོ། (སྤྱི་སྔོན་ལོ་ཚིཊ)</br>ཤིང་སྤྲེལ 2137</br>ས་བྱི 2133</br>ཆུ་བྱ 948</br>ལྕཊ་འབྲུག 881</br>ཆུ་ལུག 878</br>ཆུ་ལུག 878</br>ཤིང་སྤྲེལ 877</br>མེ་སྟག 835</br>མེ་སྟག 835</br>མེ་ཁྱི 695</br>མེ་འབྲུག 545"</br>བསྟན་བཅོས་བཅུ་གཅིག</br>1. རྣལ་འབྱོར་སྤྱོད་པའི་ས།</br>2. གསུང་རབ་རབ་ཏུ་འབྱེད་པ།</br>3. མངོན་རྟོགས་རྒྱུན།</br>4. ཚད་མ་ཀུན་ལས་བཏུས་པ།</br>5. ས་བཅུ་པའི་རྣམ་བཤད།</br>6. དམིགས་བྱའི་རྐྱེན་བརྟག་པ།</br>7. ཉི་ཤུ་པ།</br>8. དབུས་དང་མཐའ་རྣམ་པར་འབྱེད་པའི་འགྲེལ་པ།</br>9. ཆོས་མངོན་པར་ཀུན་ལས་བཏུས་པ།</br>10. ཐེག་པ་ཆེན་པོ་བསྡུས་པ།</br>11. རྣལ་འབྱོར་བསྟན་པ་བཅས་སོ། །པོ་བསྡུས་པ། 11. རྣལ་འབྱོར་བསྟན་པ་བཅས་སོ། །)
• Dictionaries/chos rnam kun btus/10282  + ("སྔོན་བྱོན་མཁས་པ། ལོ་ཆེན་ནམ་མཁའ་བཟང་པོ། རྣ … "སྔོན་བྱོན་མཁས་པ།</br>ལོ་ཆེན་ནམ་མཁའ་བཟང་པོ།</br>རྣམ་གླིང་པཎ་ཆེན།</br>སྨན་ལུང་པ་བློ་གྲོས་མཆོག་གི་སྡེ།</br>ཚོགས་གསོག་པ་བློ་བཟང་ཆོས་གྲགས།</br>སུམ་པ་མཁན་ཆེན་ཡེ་ཤེས་དཔལ་འབྱོར།</br>དབུས་པ་བློ་གསལ་འབུམ།</br>ཤཱཀྱ་མཆོག་ལྡན་པ།</br>འགྲེལ་བ་མཁས་(ངོ་བོའི་སྒོ་ནས་)</br>པའི་ཡིད་འཕྲོག (གྲོགས་ཀྱི་སྒོ་ནས་)</br>ལྕང་སྐྱ་རོལ་པའི་རྡོ་རྗེ།</br>ཟུར་མཁར་བློ་གྲོས་རྒྱལ་པོ།</br>ཞ་ལུ་ལོ་ཙཱ་བ།</br>འ་བོ་གཙུག་ལག་ཕྲེང་བ།</br>པྲ་ཏི་རིན་ཆེན་དོན་གྲུབ།"</br>བཞེད་པ།</br>"ཕོ</br>ས བ ག ད</br>ས བ ག ད</br>ས བ ག ད</br>ས བ ག ད</br>ས བ ག ད</br>ས བ ད</br>ས བ ད</br>ད ས</br>ས བ ད</br>ད ས བ</br>ད ས བ</br>ད ས བ</br>ད ས བ</br>ས ད བ"</br>"མོ་</br>ར་ལ་ང་ན་མ་</br>ར་ལ་ང་ན་མ་</br>ར ལ ང</br>ལ འ</br>ར་ལ་ང་ན་མ་</br>འ ར</br>ལ འ</br>འ</br>འ</br>འ ར</br>ག ང མ</br>འ ར</br>འ ར</br>ག་ར་ལ་ང་ན་མ་"</br>"མ་ནིང་</br>འ</br>འ</br>ན མ འ</br>ང ན མ ར</br>འ</br>ག་ན་ང་མ་ལ་</br>ག་ང་ན་མ་ར་</br>ག ང ན བ མ ར ལ</br>ག་ང་ན་མ་ར་ལ་</br>ག་ང་ན་མ་ར་ལ་</br>ན ར ལ འ</br>ག་ན་ང་མ་ལ་</br>ག་ན་ང་མ་ལ་</br>འ"་ན་མ་ར་ལ་ ན ར ལ འ ག་ན་ང་མ་ལ་ ག་ན་ང་མ་ལ་ འ")
• Dictionaries/Brda dkrol gser gyi me long/5030  + ((1) འགྲོ་བའམ་བསྐྱོད་པའི་དོན་ལ་འཇུག་སྟེ།《འད … (1) འགྲོ་བའམ་བསྐྱོད་པའི་དོན་ལ་འཇུག་སྟེ།《འདུལ་བའི་གླེང་འབུམ་གྱི་མིང་བརྡའི་རྣམ་བཤད》ལས། འཕགས་པ་ནི་འགྲོ་བའམ་འཕགས་སོ་ནི་སོང་ངོ་ཞེས་པའོ། ། ཞེས་དང་། 《བརྡ་ཡིག་བློ་གསལ་མགྲིན་རྒྱན》ལས། འཕགས་པ་ནི་གནས་དང་བསྐྱོད་པའི་དོན་ལའང་འཇུག ཅེས་གསུངས། ། དཔེར་ན། 《འདུལ་བ་ལུང་རྣམ་འབྱེད》ལས། ཇི་ཙམ་དུས་གཞན་ཞིག་ན་དགའ་འདུན་ལྔ་བརྒྱ་སྐྱེད་མོས་ཚལ་དུ་འཕགས་པ་དང་དེ་དག་གིས་གྲོས་བྱ་བར་བརྩམས་པ། ཞེས་དང་། ཡང་དེ་ཉིད་ལས། མཉམ་ཡོད་དུ་འདོང་ངོ་སྙམ་དུ་རིག་ནས་ཚོང་བ་ལྔ་བརྒྱ་བྱང་ལམ་ནས་ཟོང་དག་ཐོགས་ཏེ་ཡུལ་དབུས་སུ་འཕགས་སོ། ། ཞེས་པ་ལྟ་བུའོ། །་ཡུལ་དབུས་སུ་འཕགས་སོ། ། ཞེས་པ་ལྟ་བུའོ། །)
• Dictionaries/bod rgya nang don rig pai tshig mdzod/100  + ((3) གསང་སྔགས་རྙིང་མའི་རྒྱུད་སྡེ་ཞིག་གི་བསྡུས་མིང་སྟེ། རྒྱས་པར་བྱས་ན་བྱང་ཆུབ་ཀྱི་སེམས་ཀུན་བྱེད་རྒྱལ་པོ་ལྟ་བ་ནམ་མཁའ་ལྟར་མཐའ་དབུས་མེད་པའི་རྒྱུད་ལེའུ་བརྒྱད་ཅུ་རྩ་བཞི་པ། ཤྲི་སེདྷ་ཀ་ལ་དང་། བཻ་རོ་ཙ་ནས་བསྒྱུར་བ།)
• Dictionaries/chos rnam kun btus/10310  + ((མངོན་པའི་ལུགས) 1. རྡུལ་ཕྲ་རབ་བདུན་ལ་རྡུལ་ … (མངོན་པའི་ལུགས)</br>1. རྡུལ་ཕྲ་རབ་བདུན་ལ་རྡུལ་གཅིག</br>2. དེ་བདུན་ལ་ལྕགས་འདུལ་གཅིག</br>3. དེ་བདུན་ལ་གླང་རྡུལ་གཅིག</br>4. དེ་བདུན་ལ་ཉི་ཟེར་གྱི་རྡུལ་གཅིག</br>5. དེ་བདུན་ལ་སྲོ་མ་གཅིག</br>6. དེ་བདུན་ལ་ཤིག་གཅིག</br>7. དེ་བདུན་ལ་ནས་གཅིག</br>8. དེ་བདུན་ལ་སོར་མོ་དབུས་མའི་ཚིགས་གཅིག</br>9. སོར་མོ་ཉི་ཤུ་རྩ་བཞི་ལ་ཁྲུ་གང་ངོ་། །</br>10. ཁྲུ་བཞི་ལ་གཞུ་གང་སྟེ་འདོམ་ག་ང་ངོ་། །</br>11. གཞུ་འདོམ་ལྔ་བརྒྱ་ལ་རྒྱང་གྲགས་གཅིག་སྟེ་དེ་གྲོང་ལས་དེ་སྲིད་འཕགས་པ་ལ་དགོན་པ་ཞེས་བྱའོ། །</br>12. དེ་ལས་ཉེ་བ་རྒྱང་གྲགས་ཕྱེད་ལ་བས་མཐའ་ཞེས་བྱའོ། །</br>13. རྒྱང་གྲགས་བརྒྱད་ལ་དཔག་ཚད་གཅིག་སྟེ་གཞུ་འདོམ་བཞི་སྟོང་ངོ་། །ལ་དཔག་ཚད་གཅིག་སྟེ་གཞུ་འདོམ་བཞི་སྟོང་ངོ་། །)
• Dictionaries/Bod rgya shen sjar gyi shes jai rnam drangs kun btus tshig mdzod/2134  + (1. ཀོང་པོ། 2. ཕོ་ཁང་། 3. ཚ་བ། 4. ཀྲེ་བོ། 5 … 1. ཀོང་པོ། 2. ཕོ་ཁང་། 3. ཚ་བ། 4. ཀྲེ་བོ། 5. སྤོ་འབོར། 6. མི་ཉག 7. ལྡན་མ། 8. གླིང་བ། 9. གཙང་པ། 10. དབུས་སྟོད། 11. རོང་པོ་ཤར། 12. རོང་པོ་ནུབ། 13. གོ་བོ། 14. ཉག་རེ། 15. ལྷོ་པ། 16. མངའ་རིས་དཔེ་ཐུབ། 17. རྒྱལ་བ། 18. ཉང་པོ། 19. འཕའ་ར། 20. སྡིངས་ཁ། 21. ཚུལ་ཁང༌། 22. རྩེད་ཐང་། 23. མངའ་རིས། 24. གུ་གེ 25. རྒྱ། 26. གྲགས་པ་བཅས་ཉེར་དྲུག་གོ གུ་གེ 25. རྒྱ། 26. གྲགས་པ་བཅས་ཉེར་དྲུག་གོ)
• Dictionaries/chos rnam kun btus/9944  + (1. གཞུང་བཀའ་པོད་ལྔའི་སློབ་གཉེར་ཐབས་ལམ་གསར་ … 1. གཞུང་བཀའ་པོད་ལྔའི་སློབ་གཉེར་ཐབས་ལམ་གསར་དུ་གཏོད་པ།</br>2. སློབ་རྩོད་གཉིས་དུས་གཅིག་ཏུ་སྤེལ་བའི་ལམ་སྲོལ་གཏོད་པ།</br>3. དགེ་རྒན་སོ་སོའི་ཁྱད་ཆོས་ལ་གཞིགས་ཏེ་སློབ་ཁྲིད་ཀྱི་ལས་འགན་གཏན་འཁེལ་གནང་ནས་དགེ་རྒན་སོ་སོའི་ཁྱད་ནུས་འདོན་སྤེལ་གང་ལེགས་བྱེད་དུ་བཅུག་པ།</br>4. འཛིན་གྲྭ་བགོ་བའི་ལམ་ལུགས་གསར་ཏུ་གཏོད་ཅིང་། འཛིན་གྲྭ་སོ་སོའི་སློབ་ཡུན་གྱི་ལོ་ཚད་གཏན་འཁེལ་གནང་བ།</br>5. ལོ་གཅིག་གམ་སློབ་དུས་སོ་སོའི་ཆོས་ཐོག་གི་སློབ་ཚན་ནང་དོན་གཏན་འབེབས་གནང་བ།</br>6. འཛིན་གྲྭ་ཕན་ཚུན་གཏུགས་རེས་(འགྲན་བསྡུར་)བྱས་པའི་ཐབས་ལམ་གསར་དུ་གཏོད་པ།</br>7. ཆོས་ཐོག་སྐབས་བགྲོ་གླེང་གཙོ་བོ་དང་སློབ་ཁྲིད་ཞར་བྱུང་། ཆོས་མཚམས་སྐབས་སློབ་ཁྲིད་གཙོ་བོ་དང་བགྲོ་གླེང་ཞར་བྱུང་བྱ་རྒྱུའི་སྲོལ་གཏོད་པ།</br>8. སློབ་གཉེར་ལེགས་གྲས་རྣམས་རང་མོས་ཐོག་དགོན་པ་གཞན་དང་གྲྭ་ཚང་གཞན་ལ་གྲྭ་སྐོར་དམ་བཅའ་འགྲོ་བའི་སྲོལ་གསར་དུ་གཏོད་པ།</br>9. སློབ་གཉེར་ཐོན་པའི་རིགས་ལ་སློབ་གཉེར་གྱི་སྦྱངས་འབྲས་ལེགས་ཉེས་ལ་གཞིགས་ནས་མཚན་གནས་སྤྲོད་པའི་སྲོལ་གཏོད་པ།</br>10. ཚད་མ་རིག་པའི་གཞུང་རྣམས་ཀྱི་སྙིང་བཅུད་བསྡུས་པའི་《བསྡུས་གྲྭ》ཤ་ཆུང་འབྲིང་ཆེ་གསུམ་གསར་རྩོམ་མཛད་ཅིང་ དེ་ལྟར་སློབ་སྦྱོང་བྱེད་དགོས་རྒྱུའི་གཏན་འབེབས་གནང་བ།</br>11. མཚན་ཉིད་རྩོད་སྐབས་ཀྱི་དྲི་བ་དྲིས་ལན་འདེབས་ཚུལ་དང་། རྩོད་གླེང་བ།ཏོང་མཁན་གྱིས་འཛིན་གྲྭའི་དབུས་སུ་ལངས་ཏེ་ཐོག་མར་ཁས་ལེན་བཟུང་མཁན་ལ་གུས་འདུད་ཀྱི་རྣམ་འགྱུར་དང་བཅས་ཏེ། གཟན་སྐྱུར་འབེབས་ནས་སྐད་གསང་མཐོན་པོས་བགྲོ་གླེང་འགོ་ཚུགས་པའི་དྷི་སྐད་གཏོང་བ་དང་། དེ་ནས་གཟན་སྐེད་པར་དཀྲིས་ཏེ་སྐབས་སུ་བབས་པའི་གཞུང་ལས་འཕྲོས་པའི་ཁས་ལེན་དྲི་བ་དང་། ཐལ་འགྱུར་འཕེན་པ་དང་ཆབས་ཅིག་ལག་པས་ཐལ་མོ་རྡེབ་པ། ཁྱབ་མཐའ་འགོད་པ། རྒྱུ་མཚན་འདྲི་བ། འཁོར་གསུམ་བསྐོར་བ་སོགས་ཀྱི་དམ་བཅའ་ཁས་ལེན་དང་མཚན་ཉིད་རྩོད་པའི་ཐ་སྙད་དང་བྱ་ཐབས་བཅས་པའི་ངོ་མཚར་ཁྱད་དུ་འཕགས་པའི་སློབ་གཉེར་སྲོལ་ལམ་ཞིག་གཏོད་གནང་སྟབས་བོད་ཀྱི་གདན་ས་ཁག་ཏུ་ཁོང་གི་སྲོལ་གཏོད་དེ་དར་ཁྱབ་གོང་འཕེལ་ཤུགས་ཆེན་བྱུང་བ་མ་ཟད། ད་ལྟ་ཡང་ཁོང་གི་སློབ་གཉེར་ལམ་ལུགས་མ་ཉམས་གོང་འཕེལ་འགྲོ་བཞིན་ཡོད་པ་བཅས་ཡིན།གས་མ་ཉམས་གོང་འཕེལ་འགྲོ་བཞིན་ཡོད་པ་བཅས་ཡིན།)
• Dictionaries/chos rnam kun btus/10092  + (1. དགའ་ལྡན་གནས་སུ་དམ་པ་ཏོག་དཀར་པོས། ཆོས་སྒ … 1. དགའ་ལྡན་གནས་སུ་དམ་པ་ཏོག་དཀར་པོས། ཆོས་སྒོ་བརྒྱ་བསྟན་གཟིགས་པ་རྣམ་ལྔས་འཕོས་ཞེས་བདག་ཅག་གི་སྟོན་པ་འདི་སངས་རྒྱས་འོད་སྲུང་གི་སྤྱན་སྔར་བྲམ་ཟེའི་ཁྱེའུ་བླ་མར་གྱུར་ནས་ཚངས་པར་སྤྱོད་པར་སྤྱད་དེ། དགའ་ལྡན་གྱི་གནས་སུ་ལྷའི་བུ་དམ་པ་ཏོག་དཀར་པོ་ཞེས་བྱ་བར་སྐྱེ་བ་གཅིག་གིས་ཐོགས་པའི་བྱང་ཆུབ་སེམས་དཔར་སྐུ་འཁྲུངས་པ་ཡན་ཆད་སྐྱེ་བ་མངོན་པར་སྐྱེ་བའི་སྤྲུལ་པའི་སྐུས་བྱང་ཆུབ་ཀྱི་སྤྱོད་པ་རྫོགས་ནས། མཆོད་པའི་རོལ་མོ་ལས་གཞན་དོན་དུ་བསྐུལ་བའི་སྒྲ་གསན་པ་ན། ཆོས་ཀྱིས་མཐོ་བ་ཞེས་བྱ་བའི་ཁང་བཟང་དུ་བྱང་ཆུབ་སེམས་དཔའ་རང་དང་སྐལ་བ་མཉམ་པ་རྣམས་དང་བཀའི་བགྲོ་བ་མཛད་ཅིང་ཆོས་སྟོན་པའི་གནས་སུ། དད་པ་ནི་ཆོས་སྣང་བའི་སྒོ་སྟེ། བསམ་པ་མི་ཕྱེད་པར་འགྱུར་རོ་ཞེས་པ་ལ་སོགས་པ་ཆོས་སྣང་བའི་སྒོ་བརྒྱ་རྩ་བརྒྱད་བསྟན་ནས་ལ་ཐོད་དང་ཅོད་པན་བྱམས་པའི་དབུ་ལ་བཞག་ནས་ཁྱོད་ནི་ངའི་འོག་ཏུ་མངོན་པར་རྫོགས་པར་འཚང་རྒྱ་བར་འགྱུར་རོ་ཞེས་ལུང་བསྟན་ཅིང་དགའ་ལྡན་དུ་ཆོས་སྟོན་པ་པོའི་རྒྱལ་ཚབ་ཏུ་དབང་བསྐུར་རོ། ། དེ་ནས་གཟིགས་པ་རྣམ་པ་བཞིའམ་ལྔ་ཡིས་འཇིག་རྟེན་ལ་གཟིགས་ནས་དཔྱིད་ཟླ་ཐ་ཆུང་སྐར་མ་ས་ག་ཉ་བའི་ཚེས་བཅོ་ལྔ་རྒྱུ་སྐར་རྒྱལ་དང་ལྡན་པའི་དུས་སྦྱོར་ལ་དགའ་ལྡན་གྱི་གནས་ནས་འཕོས་པར་མཛད་དོ། །</br>2. འཛམ་གླིང་ཚེ་ལོ་བརྒྱ་པར་ཡུལ་དབུས་སུ་རྒྱལ་རིགས་ཡབ་དང་སྒྱུ་འཕྲུལ་ལྷུམས་སུ་ཞུགས་ཞེས་དེའང་མིའི་གླིང་གཞན་གསུམ་ལས་ཁྱད་དུ་འཕགས་པ་འཛམ་བུའི་གླིང་ཚེ་ལོ་བརྒྱད་ཁྲི་པ་ཡན་ཆད་ལོངས་སྤྱོད་ཀྱི་འབྱོར་བ་ཆེ་བས་ཡིད་འབྱུང་བར་དཀའ་ཞིང་། ལོ་བརྒྱ་པ་མན་ཆད་ཀྱང་སྙིགས་མ་ལྔ་ཧ་ཅང་བདོ་བས་མི་ཁོམ་པར་སྣང་བ་དེ་དག་གི་སྐྱོན་མེད་པས་སྐྱེ་དགུ་གདུལ་སླ་བར་གྱུར་པའི་དུས་ཚེ་ལོ་བརྒྱ་པ། རྩོད་དུས་ལ་ལྟོས་ཏེ་ཡུལ་གྱི་སྐྱོན་གྱི་ཆ་ནས་སྨད་དུ་མེད་པ་དབུས་འགྱུར་འཆང་གི་ཡུལ། འཇིག་རྟེན་འདིར་རེས་འགའ་རྒྱལ་རིགས་དང་རེས་འགའ་བྲམ་ཟེའི་རིགས་གཙོ་བོར་བཀུར་བ་ལས་སྐབས་དེར་རྒྱལ་རིགས་བཀུར་བས་མང་བཀུར་གྱི་རྒྱལ་བརྒྱུད་རིགས་ཕུན་སུམ་ཚོགས་པའི་ཡོན་ཏན་དྲུག་ཅུ་རྩ་བཞིས་བརྒྱན་པ་ཡབ་རྒྱལ་པོ་ཟས་གཙང་མ་དང་། ཡུམ་བུད་མེད་ཀྱི་ཡོན་ཏན་སུམ་ཅུ་རྩ་གཉིས་ཀྱིས་བརྒྱན་པའི་ལྷ་མོ་སྒྱུ་འཕྲུལ་ཆེན་མོ་ལ་གཟིགས་ནས། གླང་པོ་ཆེའི་ཕྲུ་གུ་ཐལ་དཀར་མཆེ་བ་དྲུག་པའི་ཚུལ་གྱིས་ཡུམ་གསོ་སྦྱོང་བླངས་པའི་གློ་གཡས་པར་ཞུགས་ནས་ལྷུམས་སུ་ཙན་དན་གྱི་ཁང་བུ་བརྩེགས་པར་བྱིས་པ་ཟླ་དྲུག་ལོན་པའི་ཚད་ཙམ་པ་ན་བཟའ་དང་བཅས་པ་སྐྱིལ་མོ་ཀྲུང་གིས་བཞུགས་ཏེ་སྟོང་གསུམ་གྱི་ཟིལ་དང་རོ་བཅུད་ཚངས་པ་ཆེན་པོས་ཕུལ་བ་བཞེས་ནས་སྐུ་ལུས་བརྟས་པར་མཛད་དོ། ། དེ་ལ་གཟིགས་པ་བཞི་ནི། གླིང་དང་། དུས་དང་། ཡུམ་དང་རིགས་ཏེ་གོང་དུ་སྨྲས་པ་ལྟར་ལ། ། གཟིགས་པ་ལྔ་ནི། རྒྱལ་རིགས་དང་། ཡུལ་དབུས་དང་། ཚེ་ལོ་བརྒྱ་པའི་དུས། ཤཱཀྱའི་རིགས་བརྒྱུད། བྱང་ཆུབ་སེམས་དཔའ་ཟླ་བ་བཅུར་ལྷུམས་སུ་འཛིན་པར་ནུས་པའི་ཡུམ་སྟེ་ལྔ་ལ་གཟིགས་པ་ལུང་དང་མངོན་འབྱུང་ནས་གསུངས་སོ། ། </br>3. ངོ་མཚར་མཚན་མ་བྱེ་བ་སྙེད་དང་བཅས། །ལུམྦི་ནི་ཡི་ཚལ་དུ་དོན་གྲུབ་བལྟམས། ། ཞེས་ལྷུམས་སུ་ཟླ་བ་བཅུ་ཚང་བར་བཞུགས་པའི་ཚེ་ལྷ་མི་ཁྲག་ཁྲིག་སུམ་ཅུ་རྩ་དྲུག་ཐེག་པ་གསུམ་ལ་སྨིན་པར་མཛད་དེ་བལྟམས་པའི་སྔ་ལྟས་སུམ་ཅུ་རྩ་གཉིས་དང་། གླིང་ཆེན་པོ་བྱེ་བ་ཕྲག་བཞིའི་·དབུས་སུ་ཨ་ཤཱཐའི་ལྗོན་པ་སྐྱེ་བ་དང་གླིང་ཕྲན་རྣམས་སུ་ཙན་དན་གྱི་ཚལ་སྐྱེ་བ་དང་། སེར་སྐྱའི་གྲོང་གི་ཁོར་ཡུག་ཏུ་བདེ་བའི་འབྱོར་པ་ཚད་མེད་པ་རང་བཞིན་གྱིས་འབྱུང་བ་སོགས་ངོ་མཚར་བའི་མཚན་མ་བྱེ་བ་ཁྲག་ཁྲིག་འབུམ་ཕྲག་སྙེད་ཀྱིས་ཞིང་ཐམས་ཅད་ཡོངས་སུ་གཏམས་པ་དང་བཅས་ལུམྦི་ནིའི་སྐྱེད་མོའི་ཚལ་དུ་དབོ་ཟླ་བའི་ཚེས་བརྒྱད་རྒྱུ་སྐར་རྒྱལ་དང་ལྡན་པའི་དུས་སུ་ཡུམ་ལ་གནོད་པ་མེད་པར་དཀུ་གཡས་བརྟོལ་ཏེ་མཚན་དཔེའི་དཀྱིལ་འཁོར་གསལ་མ་ཐག་ཚངས་པ་་པ་དང་། བརྒྱ་བྱིན་ལ་སོགས་ལྷ་ཀླུ་རྣམས་ཀྱིས་མཆོད་ཅིང་བསྙེན་བཀུར། ཕྱོགས་བཞིར་ཞབས་ཀྱིས་གོམས་པ་བདུན་བདུན་བོར་ཏེ་སྟོང་ཆེན་པོའི་སེམས་ཅན་ཐམས་ཅད་དབུགས་་དབྱུང་ བའི་གསུང་དབྱངས་ཕྱུང་། ཡབ་རྒྱལ་པོས་བལྟམས་པའི་ངོ་མཚར་ལས་བརྩམས་ཏེ་གཞོན་ནུ་དོན་ཐམས་ཅད་གྲུབ་པ་ཞེས་བྱ་བའི་མཚན་ཕུལ། སེར་སྐྱའི་གཞིར་མ་མ་སུམ་ཅུ་རྩ་གཉིས་ཀྱིས་བསྐྱེད་བསྲིངས། ཤཱཀྱ་གཏུམ་པོ་གཟུ་ལུམ་ཅན་རྣམས་ཀྱི་ནང་དུ་ཐུབ་པ་བཞིན་གནས་པས་མཚོན་གཉིས་པ་ཤཱཀྱ་ཐུབ་པ་ཞེས་བཏེགས། ཤཱཀྱ་རྣམས་ཀྱི་ལྷ་གནོད་སྦྱིན་ཤཱཀྱ་འཕེལ་སོགས་འཇིག་རྟེན་སྐྱོང་བ་ཐམས་ཅད་ཀྱིས་ཞབས་ལ་ཕྱག་བྱས་པས་ཡབ་ཀྱིས་མཚན་གསུམ་པ་ལྷའི་ཡང་ལྷ་ཞེས་བཏགས། དྲང་སྲོང་ནག་པོ་ཉོན་མོངས་མེད་ཀྱིས་སངས་རྒྱས་སུ་འགྱུར་བར་ལུང་བསྟན་ཏོ། །</br>4. ཡིག་རྩིས་རི་མོ་འཕོང་སྟོབས་བརྟག་དཔྱད་གཏམ། ། ལུགས་མང་སྒྱུ་རྩལ་བཟོ་ཡི་གནས་ལ་མཁས། ། ཞེས་བྱང་ཆུབ་སེམས་དཔའ་ཤེས་བྱའི་གནས་ཐམས་ཅད་ཀྱི་མཐར་སོན་ཀྱང་འདུལ་བྱ་གྲངས་མེད་པ་སྨིན་པའི་སླད་དུ་ཡི་གེ་སློབ་པའི་གྲྭར་བྱོན་ཏེ་ཡིག་མཁན་ཀུན་གྱི་བཤེས་གཉེན་ལས་སློབ་པ་ལྟར་མཛད་ཅིང་དེས་མིང་ཙམ་ཡང་མ་ཐོས་པ་མང་པོ་བསྟན་པ་དང་། དགུང་ལོ་བཅུ་དྲུག་རྫོགས་པ་ན་ཤཱཀྱ་ལག་ན་བེ་ཅོན་གྱི་བུ་མོ་དཔལ་ཆེན་མོའི་སྤྲུལ་པ་ས་འཚོ་མ་རྒྱལ་བའི་རུ་མཚན་དུ་བཞག་ནས་ཤཱཀྱ་གཞོན་ནུ་ལྔ་བརྒྱ་དང་རྩལ་འགྲན་པའི་ཐོག་མར་རྩིས་པ་ཆེན་པོ་ཤཱཀྱ་སྲིད་སྒྲུབ་དཔང་དུ་བཙུགས་ཏེ་གྲངས་ཀྱི་གནས་འགྲན་པ་ལ་དབང་པོ་དང་བཅས་པ་ཀུན་གྱིས་བྱང་ཆུབ་སེམས་དཔའི་ཆ་ཙམ་ལའང་འགྲན་པར་མ་ནུས་ཤིང་། དེ་བཞིན་དུ་རི་མོ་འདུ་བྱེད་དང་། ། འཕོང་དང་། སྟོབས་དང་བརྟག་དཔྱད་དང་། གཏམ་དང་། རྐྱལ་དང་། བང་དང་། འདེགས་མཆོངས་ལ་སོགས་པ་ལུགས་སྲོལ་ཤིན་ཏུ་མང་པོའི་སྒྱུ་རྩལ་དང་བཟོའི་གནས་ཡོད་དོ་ཅོག་ལ་ཤིན་ཏུ་མཁས་པས་སུས་ཀྱང་འགྲན་ཟླ་མེད་པར་གྱུར་ཏེ། ལྷས་བྱིན་ལ་སོགས་པ་རིགས་པ་དང་སྟོབས་ཀྱི་ང་རྒྱལ་ཅན་རྣམས་ཀྱང་དུལ་བར་མཛད་དོ། །</br>5. ཡོན་ཏན་ཀུན་ཚང་ས་འཚོ་གྲགས་འཛིན་སོགས། ། བཙུན་མོ་དྲུག་ཁྲིའི་འཁོར་རོལ་སྨིན་པར་མཛད། ། གཟུགས་བཟང་དར་བབ་དྲེགས་པ་དང་བྲལ་ཞིང་གཏོང་ལ་དགའ་བ་སོགས་བུད་མེད་རིན་པོ་ཆེའི་ཡོན་ཏན་ཀུན་ཚང་བ་ས་འཚོ་གྲགས་འཛིན། རི་དྭགས་སྐྱེས་ཏེ་སོ་སོ་འཁོར་ཉི་ཁྲི་དང་བཅས་པ་བཙུན་མོ་དྲུག་ཁྲིའམ་བརྒྱད་ཁྲི་བཞི་སྟོང་གི་ཚོགས་ཀྱིས་འཆི་མེད་འདུན་ས་ལྟ་བུའི་གླུ་དབྱངས་རོལ་མོའི་སྒྲ་ལ་སོགས་པ་བཀོད་པ་ཕུལ་དུ་བྱུང་བས་མཆོད་ཅིང་། དེ་དག་གི་ནང་དུ་རྩེ་ཞིང་རོལ་པ་ལ་སོགས་ཐབས་ལ་མཁས་པའི་མཛད་པས་བཙུན་མོའི་འཁོར་དེ་དག་ཐམས་ཅད་ཀྱང་བྱང་ཆུབ་ཏུ་ཡོངས་སུ་སྨིན་པར་མཛད་དོ། །</br>6. རྒ་ན་འཆི་དང་ཚངས་སྤྱོད་གཟིགས་སོགས་ཀྱིས། ། ངེས་འབྱུང་རབ་ཏུ་བྱུང་ནས་ངུར་སྨྲིག་བཞེས། ། ཞེས་དགུང་ལོ་ཉེར་དགུ་པ་ལ་གྲོང་ཁྱེར་གྱི་སྒོ་བཞིར་རྒས་པ་དང་། ན་བ་དང་། འཆི་བ་དང་། ཚངས་སྤྱོད་རབ་ཏུ་བྱུང་བ་རྣམས་གཟིགས་ཤིང་ཕྱོགས་བཅུའི་རྒྱལ་བ་རྣམས་ཀྱིས་གླུ་པ། དབྱངས་སིལ་སྙན་གྱི་སྒྲས་བསྐུལ་ཞིང་བྱིན་གྱིས་བརླབས་པ་དང་། རང་ཉིད་ཀྱི་སྨོན་ལམ་གྱི་མཐུས་རྒྱལ་སྲིད་བཙུན་མོ་འཁོར་རྣམས་ལ་སྐྱོ་བའི་ཚུལ་བསྟན་ཏེ་ངེས་པར་འབྱུང་བའི་ཐུགས་སྐྱེས་པ་ན། དེ་ནི་ཞག་བདུན་ལ་རབ་ཏུ་མ་བྱུང་ན་འཁོར་ལོས་བསྒྱུར་བའི་རྒྱལ་པོར་འགྱུར་རོ་ཞེས་མཚན་མཁན་རྣམས་ཀྱིས་ལུང་བསྟན་པ་ཐོས་ནས་ཤཱཀྱ་རྣམས་ཀྱིས་སྟོབས་ཅི་ཡོད་པས་མེལ་ཚེ་བྱས་ཏེ་བསྲུངས་པ་ན། ཐ་སྐར་ཟླ་བའི་ཉའི་མཚན་མོར་གྲགས་འཛིན་མའི་མངལ་དུ་རྡོ་རྗེ་སེམས་དཔའི་སྤྲུལ་པ་སྲས་སྒྲ་གཅན་འཛིན་བཟང་པོ་བྱིན་གྱིས་བརླབས་ཏེ། ནམ་ཕྱེད་ན་ཆིབས་པ་སྔགས་ལྡན་ལ་ཆིབས་ཞིམ་འབྲིང་བ་འདུན་པ་དང་བརྒྱ་བྱིན་ལ་སོགས་ལྷ་བྱེ་བ་ཕྲོག་སྟོང་མང་པོས་མཆོད་ཅིང་ནམ་མཁའི་ལམ་ནས་དཔག་ཚད་བཅུ་གཉིས་ཀྱི་ཤར་ཕྱོགས་འདས་པ་ཡངས་པ་ཅན་དུ་གཤེགས་ནས་གཙུག་ཕུད་རང་ཉིད་ཀྱིས་བཅད་དེ་རབ་ཏུ་བྱུང་།། ལྷ་ཡིས་ཕུལ་བའི་ན་བཟའ་ངུར་སྨྲིག་བཞེས། འདུན་པ་ཆིབས་བཅས་སླར་ལོག་ནས་ཡབ་དང་བཙུན་མོ་རྣམས་ཀྱི་མྱ་ངན་བསང་། གཙུག་ཕུད་དང་ཀཱ་ཤི་ཀཱའི་ན་བཟའ་ལྷ་རྣམས་ཀྱིས་ཁྱེར་ཏེ་མཆོད་པ་ཆེན་པོས་མཆོད་དོ། །</br>7. སྲིད་རྩེའི་སྙོམས་འཇུག་མངོན་མཛད་ཆུ་ཀླུང་ངོགས། ། ལོ་དྲུག་སྐྱིལ་ཀྲུང་གཅིག་གིས་དཀའ་བ་སྤྱད། ། ཅེས་བྱང་ཆུབ་སེམས་དཔའ་ཁྱིམ་ནས་ཁྱིམ་མེད་པར་རབ་ཏུ་བྱུང་བའི་རྗེས་སུ་ཡངས་པ་ཅན་དུ་གཤེགས་ཏེ། སྒྱུ་རྩལ་ཤེས་ཀྱི་བུ་རིང་འཕུར་དང་།་རྒྱལ་པོའི་ཁབ་ཏུ་རངས་བྱེད་པའི་བུ་ལྷས་སྤྱོད་གཉིས་ལས་བསམ་གཏན་གྱི་གདམ་ངག་ནོད་ཅིང་། དེ་དག་གི་རྟོགས་པའི་མཐར་ཐུག་ཅིའང་མེད་པ་དང་ཡོད་མིན་མེད་མིན་གྱི་སྐྱེ་མཆེད་དེ་སྲིད་རྩེའི་སྙོམས་འཇུག་མཐར་ཐུག་པ་ཚེགས་ཆུང་ངུས་མངོན་པར་མཛད་ཀྱང་། ཟག་བཅས་ཉེར་ལེན་དང་བཅས་པའི་བསམ་གཏན་སྙོམས་འཇུག་ཏིང་ངེ་འཛིན་རྣམ་སུམ་དབྱུང་ཞིང་དེས་མི་གྲོལ་བ་བསྟན་པ་དང་། ལུས་ཀྱི་རྒྱུའི་ལུང་བསྟན་ཅིང་ལོག་པའི་བརྟུལ་ཞུགས་ཅན་རྣམས་ཀྱང་འདུན་ཅིང་དེས་མི་གྲོལ་བ་བསྟན་པ་ལ་སོགས་པ་དགོས་པ་མང་པོར་ཉེ་བར་གཟིགས་ནས་ཆུ་ཀླུང་ནེརཉྫ་ནའི་ངོགས་སུ་ལོ་དྲུག་སྐྱིལ་མོ་ཀྲུང་གཅིག་གིས་འདས། ཉིན་རེར་རྒྱ་ཤུག་གི་འབྲུ་གཅིག་ནས་འབྲུ་གཅིག་རིལ་བུ་གཅིག་རྣམས་ལས་མི་གསོལ་བ་དང་། ཆུ་ཐིགས་གཅིག་ཀྱང་མི་གསོལ་བ་ལ་སོགས་པའི་དཀའ་བ་སྤྱད་ཅིང་། ལུས་ངག་གི་དཀའ་ཐུབ་ཁོ་ན་སྤྱད་པ་ན་སྙིང་པོ་མེད་པ་སྤྱོད་པ་དེས་ཀྱང་བྱང་ཆུབ་རྫོགས་པར་མི་ནུས་པར་བསྟན་པའི་ཕྱིར། སླར་ཁ་ཟས་རགས་པ་གསོལ་བས་སྐུ་སྟོབས་སླར་རྒྱས་ཤིང་མཛེས་པ་གྱུར་པས་དགེ་སྤྱོང་མཛེས་པ་ཞེས་པའི་མཚན་དུ་གྲགས་སོ། །</br>8. འོ་ཐུག་གསོལ་ནས་མཚན་དཔེ་འོད་དུ་འབར། ། རྩྭ་ཡི་སྟན་བསྣམས་བྱང་ཆུབ་སྙིང་པོར་གཤེགས། ། ཞེས་དེ་ནས་ཕྱག་དར་ཁྲོད་ཀྱི་གོས་ལས་ཆོས་གོས་སྦྱར་མར་མཛད་པ་བཞེས་ཤིང་། གྲོང་མི་དགའ་བྱེད་མའི་བུ་མོ་ལེགས་སྐྱེས་མ་ལ་ལྷས་ལུང་བསྟན་པ་བཞིན། བ་སྟོང་གི་འོ་མ་ལ་ལན་བདུན་དུ་ཉིང་ཁུར་བྱས་པའི་འོ་ཐུག་སྦྲང་རྩི་ཅན་གསོལ་མ་ཐག་ཏུ་གསེར་གྱི་མདོག་དང་། འོད་འདོམ་གང་ལ་སོགས་མཚན་དཔེ་རྣམས་རབ་ཏུ་གསལ་ཞིང་འོད་དུ་འབར་བར་གྱུར་ཅིང་། རྩྭ་འཚོང་བཀྲ་ཤིས་ལས་རྩྭ་བསླངས་ཏེ་སྟན་གྱི་ཕྱིར་བསྣམས་ནས། མི་བསྐྱེད་སྟོབས་དང་དབང་པོའི་མཆོད་སྡོང་འདྲ། ། ཞེས་པ་ལ་སོགས་པའི་ལྔ་བཅུ་རྩ་གཅིག་གིས་བྱང་ཆུབ་སྙིང་པོར་གཤེགས་པ་ན། ས་གཞི་ཐམས་ཅད་འཁར་བའི་སྣོད་བཞིན་དུ་སྒྲ་འབྱིན། སྟོང་གསུམ་གྱི་བདག་པོ་ཚངས་པ་དབང་བསྒྱུར་གྱི་འཇིག་རྟེན་འདི་བཀོད་པ་ཆེན་པོ་ཀུན་བརྒྱན་པ་ལ་སོགས་ལྷ་རྣམས་དང་ཕྱོགས་བཅུའི་བྱང་ཆུབ་སེམས་དཔའི་རྣམས་ཀྱིས་ཕྱོགས་བཅུའི་སངས་རྒྱས་ཀྱི་ཞིང་མང་པོར་རང་རང་གི་ཚོགས་གཉིས་ཀྱི་སྟོབས་ཚད་མེད་པའི་བཀོད་པས་བརྒྱན། སངས་རྒྱས་ཀྱི་ཞིང་ཐམས་ཅད་སྐྱོད་པའི་འོད་ཟེར་དཔག་ཏུ་མེད་པས་དམྱལ་བ་ལ་སོགས་པའི་འགྲོ་བ་རྣམས་དབུགས་དབྱུང་ཞིང་ཀླུ་ནག་པོ་བྱ་བ་ཚེ་བསྐལ་པར་གནས་ཞིང་དམུས་ལོང་དུ་གྱུར་པ། སངས་རྒྱས་འཇིག་རྟེན་དུ་བྱོན་པའི་ཚེ་མིག་ཐོབ་པ་དེའང་མིག་ཕྱེ་ཞིང་སྣང་བ་མཐོང་། ཙཱ་ཤའི་ཁྱུ་རྣམས་སྙན་པར་སྒྲོགས་ཤིང་མཁའ་ལ་གཡས་སུ་བསྐོར། ཐུབ་མཆོག་ཉིད་ཀྱིས་ཀྱང་དུས་གསུམ་གྱི་སངས་རྒྱས་ཀྱི་ཞིང་ཡོད་དོ་ཅོག་གི་བྱང་ཆུབ་སྙིང་པོའི་རྒྱན་བཀོད་པ་ཇི་སྙེད་པ་རྣམས་དེ་ཉིད་དུ་སྣང་བར་མཛད། རྩྭ་ཡི་རྩེ་མོ་རྣམས་ནང་དུ་བསྟན་ནས་བཏིང་བའི་སྟེང་དུ་སྐྱིལ་མོ་ཀྲུང་བཅས་ཞལ་ཤར་དུ་གཟིགས་སྐུ་དྲང་པོར་བསྲང་། དྲན་པ་མངོན་དུ་བཞག་ནས་བཞུགས་སོ། །</br>9. ཤིན་ཏུ་མི་བཟད་གཡོན་ཅན་བདུད་ཀྱི་སྡེ། ། ཉོན་མོངས་དང་བཅས་བྱམས་པའི་མཐུ་ཡིས་བཅོམ། ། ཞེས་དེ་ནས་བདུད་ལས་རྒྱལ་བ་དང་། བདུད་རིགས་ཀྱི་ལྷའི་བུ་དགེ་རྩ་ཅན་རྣམ་པར་སྨིན་པར་མཛད་པའི་སླད་དུ། སྨིན་མཚམས་ནས་འོད་ཟེར་སྤྲོས་ཏེ་བདུད་ཀྱི་གནས་གཡོས་ཤིང་བསྐུལ་བས། སྡིག་ཅན་རང་ཉིད་ཀྱི་རྨི་ལྟས་མི་བཟད་པ་མཐོང་བ་སོགས་འཇིགས་སྐྲག་དངངས་ཤིང་ ཤིན་ཏུ་མི་བཟད་པའི་སེམས་སྐྱེས་ཏེ། དཔག་ཚད་བརྒྱད་ཅུའི་ཁོར་ཡུག་གང་བའི་དཔུང་གི་ཚོགས་དྲན་པ་ཙམ་གྱིས་སྙིང་འགས་པར་བྱས་པའི་བཀོད་པ་འཇིགས་སུ་རུང་བ་དང་སྟོང་གསུམ་་ཀུན་ནས་གཡོན་ཅན་དེ་འདྲ་བྱེ་བ་ཕྲག་བརྒྱ་རྣམས་ཀྱང་ལྷན་ཅིག་ཏུ་ལྷགས་ཏེ་མཚོན་ཆའི་ཆར་ཕབ་ཅིང་། གདུག་པའི་དབུགས་སྤྲོས་པས། དེ་དག་ཐམས་ཅད་བྱང་ཆུབ་སྙིང་པོ་.མཛད་པའི་མཆོད་སྤྲིན་གྱི་བཀོད་པ་ཤ་སྟག་ཏུ་གྱུར་ནས་མཐུ་རྡུགས་ཏེ། བསོད་ནམས་དེ་ཙམ་གྱིས་ཐར་པ་ཐོབ་པས་བཞེངས་སུ་གསོལ་བ་ན། བསྐལ་པ་དཔག་ཏུ་མེད་པར་ཚོགས་གཉིས་བསྒྲུབས་ཤིང་མཐར་སོན་པའི་དཔང་པོ་སའི་ལྷ་མོ་འཁོར་དང་ བཅས་པས་ཞུས། སླར་སྲིད་མ་དང་དགའ་མ་སོགས་བདུད་ཀྱི་བུ་མོ་རྣམས་ཀྱིས་ཀྱང་འདོད་པའི་གཡོ་སྒྱུས་བསླུ་བར་བརྩམས་ཀྱང་ཐུགས་གཡོ་བར་མི་ནུས་ཏེ། གཡོན་ཅན་བདུད་ཀྱི་སྡེ་འཁོར་དང་བཅས་པ་རྣམས་ཚར་བཅད་ཅིང་། དེ་དག་ལས་དགེ་རྩ་སྨིན་པའི་ལྷའི་བུ་ཚད་མེད་པ་དག་གི་ཉོན་མོངས་པ་རྣམ་པར་བཅོམ་སྟེ་བྱང་ཆུབ་ཏུ་སྨིན་པར་མཛད་པ་སོགས། མདོར་ན་བྱམས་པའི་ཏེང་ངེ་འཛིན་ཁོ་ནས་བདུད་ཀྱི་དམག་བྱེ་བ་ཕྲག་སུམ་ཅུ་རྩ་དྲུག་བྱང་ཆུབ་ཀྱི་སྙིང་པོར་བཞུགས་པའི་ནམ་སྲོད་འཁོར་དེ་ཉིད་དུ་བཏུལ་བར་མཛད་དོ། །</br>10. བསམ་གཏན་བདེན་བཞི་རྟེན་འབྲེལ་རིམ་གཟིགས་ནས། ། རྡོ་རྗེ་ལྟ་བུས་མངོན་པར་རྫོགས་བྱང་ཆུབ། ། ཅེས་ནམ་གྱི་གུང་ལ་བསམ་གཏན་བཞི་པོར་རིམ་གྱིས་སྙོམས་པར་བཞུགས། ལྷའི་སྤྱན་སོགས་མངོན་པར་ཤེས་པས་བདེན་པ་བཞི་དང་རྟེན་འབྲེལ་ལུགས་འབྱུང་ལུང་ལྡོག་གི་རིམ་པ་ལེགས་པར་གཟིགས་ནས། ནམ་གྱི་ཆ་སྨད་སྐྱ་རེངས་འཆར་ཀ་རྔ་རྡུང་བའི་དུས་སུ་སྐྱེས་བུའི་ཁྱུ་མཆོག་ཁ་ལོ་བསྒྱུར་བ་བླ་ན་མེད་པ་དེས་འཕགས་པའི་ཡེ་ཤེས་ཀྱི་སྟོབས་བསྐྱེད་པས་ཤེས་པར་བྱ་བ་དང་མངོན་དུ་བྱ་བ་གང་ཅིའང་རུང་། དེ་ཐམས་ཅད་སེམས་ཀྱི་སྐད་ཅིག་གཅིག་དང་ལྡན་པའི་ཤེས་རབ་ཀྱིས་རིག་པ་གསུམ་ཐོབ་ཅིང་། སྤང་བྱ་ཕྲ་ཞིང་ཕྲ་བའང་རྡོ་རྗེ་ལྟ་བུའི་ཏིང་ངེ་འཛིན་གྱིས་བཅོམ་ནས་ཆོས་ཀུན་གྱི་དབྱིངས་སུ་བླ་ན་མེད་པ་ཡང་ཡང་དག་པར་རྫོགས་པའི་བྱང་ཆུབ་ཏུ་མངོན་པར་རྫོགས་པར་སངས་རྒྱས་སོ། ། དེའི་ནུབ་མོར་གྲགས་འཛིན་མ་ལ་སྲས་སྒྲ་གཅན་འཛིན་དང་བདུད་རྩི་ཟས་ཀྱི་བུ་ཀུན་དགའ་བོའང་བཙས་ཤིང་ཟླ་བ་སྒྲ་གཅན་གྱིས་ཟིན་ཏོ།། དེ་ནས་དེ་བཞིན་གཤེགས་པ་ཤིང་ཏཱ་ལ་བདུན་སྲིད་ཀྱི་ནམ་མཁའ་ལ་འཕགས་ཏེ། ལམ་གྱི་རྒྱུན་ནི་ཆད་དོ་ཞེས་བྱ་བ་ལ་སོགས་པས་ཆེད་དུ་བརྗོད་པར་མཛད། སྟོང་གསུམ་འདིའང་རྣམ་པ་དྲུག་ཏུ་གཡོས་ཤིང་ཕྱོགས་བཅུའི་འདྲེན་པ་རྣམས་ཀྱིས་ལེགས་སོ་གསུངས་ནས་ཆོས་ཀྱི་དགའ་བ་བསྐུར། སྟོང་གསུམ་ཀྱི་ལྷ་རྣམས་ཀྱིས་མཆོད་ཅིང་བསྟོད་དེ་ཞག་བདུན་དུ་སྐྱིལ་ཀྲུང་མ་བཤིགས་པར་བྱང་ཆུབ་ཀྱི་ཤིང་ལ་གཟིགས་ནས་བསམ་གཏན་གྱི་བདེ་བས་དགྱེས་པར་མཛད། བདུན་ཕྲག་གཉིས་པར་སྟོང་གསུམ་རྒྱང་རིང་དུ་འཆག ་བདུན་ཕྲག་གསུམ་པར་བྱང་ཆུབ་ཀྱི་སྙིང་པོ་ལ་སྤྱན་མི་འཛུམ་པར་གཟིགས། བདུན་ཕྲག་བཞི་པར་ཤར་ནུབ་ཀྱི་རྒྱ་མཚོའི་བར་དུ་མི་རིང་བར་འཆག བདུན་ཕྲག་ལྔ་པར་ཀླུ་བཏང་བཟུང་གི་གནས་སུ་བཞུགས། བདུན་ཕྲག་དྲུག་པ་ལ་དེ་ནས་ཤིང་ནྱ་གྲོ་དྷའི་དྲུང་དུ་བཞུད། བདུན་པའི་ཚེ་ཤིང་སྒྲོལ་རྒྱུའི་དྲུང་དུ་བཞུགས་པ་ན་ལྷས་བསྐུལ་ཏེ་ཚོང་པ་ག་གོན་དང་བཟང་པོ་གཉིས་ཀྱིས་བསོད་སྙོམས་ཀྱི་ཐོག་མ་ཕུལ་བ་ལ་རྒྱལ་ཆེན་བཞིས་རྡོའི་ལྷུང་བཟེད་བཞི་ཕུལ་བ་གཅིག་ཏུ་བྱིན་གྱིས་བརླབས་པར་བླངས་ནས་གསོལ་ཏེ་ལྷའི་བཀྲ་ཤིས་དོན་གྲུབ་ཅིང་། ། སོགས་ཀྱི་བཀྲ་ཤིས་མཛད་ནས་སངས་རྒྱས་སུ་ལུང་བསྟན་ཏོ། །</br>11. ཚངས་སོགས་གསོལ་བཏབ་ངེས་དང་མ་ངེས་གནས། ། དྲང་ངེས་ཆོས་ཀྱི་འཁོར་ལོ་རིམ་གསུམ་བསྐོར། ། ཞེས་རྫོགས་པའི་སངས་རྒྱས་ཤིང་སྒྲོལ་རྒྱུའི་དྲུང་དུ་བཞུགས་པའི་ཚེ་རང་གིས་བརྙེས་པའི་ཆོས་ཟབ་མོ་དེ་འཇིག་རྟེན་པ་ཀུན་གྱིས་མི་རྟོགས་པར་དགོངས་ཏེ་ཟབ་ཞི་སྤྲོས་བྲལ་འོད་གསལ་འདུས་མ་བྱས། ། བདུད་རྩི་ལྟ་བུའི་ཆོས་ཤིག་བདག་གིས་རྙེད། ། སུ་ལ་བསྟན་ཀྱང་གོ་བར་མི་ནུས་པས། །མི་སྨྲ་ནགས་འདབ་ཉིད་དུ་གནས་པར་བྱ། ། ཞེས་གསུངས་ཏེ་ཐུགས་ལས་ཆུང་ངུར་བཞུགས་པ་ན། སངས་རྒྱས་ཀྱི་མཐུས་ཚངས་པ་གཙུག་ཕུད་ཅན་འཁོར་འབུམ་ཕྲག་དྲུག་ཅུ་རྩ་བརྒྱད་ཀྱི་འཁོར་དང་ལྷན་ཅིག་ཏུ་འོངས་ནས་ཆོས་སྟོན་པར་གསོལ་བར་བཏབ་ཀྱང་མ་གནང་བས་ན་བརྒྱ་བྱིན་གྲོགས་སུ་སྦྲན་ཏེ་ལན་གསུམ་དུ་གསོལ་བ་བཏབ་པས་གདུལ་བྱ་རྣམས་ཀྱི་དབང་པོའི་རིམ་པར་ལེགས་པ་གཟིགས་ཏེ། མ་ངེས་པའི་སེམས་ཅན་ལས་བརྩམས་ཏེ་བདུད་རྩིའི་སྒོ་དབྱེ་བར་ཞལ་གྱིས་བཞེས་པ་ན་དེ་བཞིན་གཤེགས་པས་ཆོས་ཀྱི་འཁོར་ལོ་བསྐོར་རོ་ཞེས་པའི་སྒྲ་ཚངས་རིས་ཀྱི་བར་དུ་གྲགས་སོ། ། དེ་ནས་ཝ་ར་ཎ་སིར་བསོད་སྙོམས་མཛད་ཅིང་དྲང་སྲོང་ལྷུང་པ་རི་དྭགས་ཀྱི་ནགས་སུ་གཤེགས་པའི་ཚེ་ལྔ་སྡེ་བཟང་པོས་མདུན་བསུས་ཏེ། དེ་དག་ཚུར་ཤོག་གིས་དགེ་སློང་གི་དངོས་པོར་གྱུར་ནས་ས་ཕྱོགས་དེར་སེང་གེའི་ཁྲི་ཆེན་པོ་སྟོང་བྱུང་བ་དང་། ཁྲི་དང་པོ་གསུམ་ལ་བསྐོར་བ་མཛད་ཅིང་ཁྲི་བཞི་པ་ལ་སྐྱིལ་མོ་ཀྲུང་གིས་བཞུགས་པའི་ཚེ་ཕྱོགས་བཅུའི་འཇིག་རྟེན་དུ་སྣང་བ་ཆེན་པོས་ཁྱབ་པ་དང་། ཆོས་ཉན་པར་སྐུལ་བའི་སྒྲ་ཡང་བྱུང་བ་ན་ལྷའི་བུ་བྱང་ཆུབ་སེམས་དཔའ་སེམས་བསྐྱེད་མ་ཐག་ཏུ་ཆོས་ཀྱི་འཁོར་ལོ་བསྐོར་བ་ཞེས་བྱ་བས་ཛམྦུ་ཆུ་བོའི་གསེར་ལས་གྲུབ་པའི་འཁོར་ལོ་རྩིབས་སྟོང་པ་ཕུལ་བ་སོགས་བྱང་ཆུབ་སེམས་དཔའ་དང་ལྷ་དཔག་ཏུ་མེད་པ་དག་ཀྱང་འདུས་པ་ལ་ཆུ་སྟོད་ཟླ་བའི་ཚེས་བཞིར་བདེན་པ་བཞིའི་ངོ་བོ་དང་བྱ་བ་དང་འབྲས་བུའི་ཚུལ་གྱིས་ལན་གསུམ་དུ་བཟླས་ཏེ་རྣམ་པ་བཅུ་གཉིས་སུ་བསྐོར་བའི་ཆོས་བསྟན་པས་ལྔ་སྡེ་བཟང་པོས་དགྲ་བཅོམ་ཐོབ་སྟེ་འཇིག་རྟེན་ན་དཀོན་མཆོག་གསུམ་གྱི་ཐོག་མ་བྱུང་། དེ་ནས་རིམ་པར་རི་བོ་ག་ཡ་དང་སྤོས་ངད་ལྡང་། རྒྱལ་པོའི་ཁབ། བྱ་རྒོད་ཕུང་པོའི་རི། མཉན་ཡོད་རྒྱལ་བྱེད་ཀྱི་ཚལ། ཀོ་ས་ལ་སེར་སྐྱའི་གཞི། ཡངས་པ་ཅན་གྱི་གྲོང་ཁྱེར་ལ་སོགས་པ་ངེས་པ་དང་། ལྷ་དང་ཀླུའི་གནས། རྡོ་རྗེ་རིན་པོ་ཆེའི་ཁང་པ་སོགས་མ་ངེས་པའི་གནས་ཅི་རིགས་པ་རྣམས་སུ་དྲང་བ་དང་ངེས་པའི་དོན་ལས་བརྩམས་ཏེ་ཐོག་མཐའ་བར་དུ་དགེ་བའི་ཆོས་ཀྱི་འཁོར་ལོ་རིམ་པ་གསུམ་དུ་བསྐོར། མཆོག་ཟུང་ལ་སོགས་པའི་འཁོར་རྣམ་པ་བཞི་བགྲང་ལས་འདས་པ་འབྲས་བུ་རྣམ་པ་བཞི་ལ་བཀོད། ཐེག་པ་ཆེན་པོའི་རིགས་ཅན་གྱི་ལྷ་དང་མི་གྲངས་མེད་པ་བྱང་ཆུབ་ཏུ་ལུང་བསྟན། མཉན་དུ་ཡོད་པར་འཇིག་རྟེན་དང་འཇིག་རྟེན་ལས་འདས་པའི་ཆོ་འཕྲུལ་ཆེན་པོ་བསྟན། སུམ་ཅུ་རྩ་གསུམ་དུ་ཡུམ་སྒྱུ་འཕྲུལ་ཆེན་པོའི་ཆེད་དུ་དབྱར་གནས་པར་མཛད་ཅིང་གྲོང་ཁྱེར་གསལ་ལྡན་དུ་ལྷ་ལས་བབས། དཔལ་ལྡན་འབྲས་སྤུངས་ཀྱི་མཆོད་རྟེན་ལ་སོགས་པར་གདུལ་བྱ་ཐུན་མོང་མ་ཡིན་པ་རྣམས་ལ་སྔགས་ཀྱི་ཐེག་པ་བསྟན་པ་སོགས་འདུལ་བཞིའི་ཆོ་འཕྲུལ་བསམ་བརྗོད་ཀྱི་ཡུལ་ལས་འདས་པ་བསྟན་པ་མཛད་དོ། །</br>12. མི་གནས་མྱ་ངན་འདས་པའི་ཚུལ་བསྟན་ཅིང་། ། སྐུ་གདུང་འཇིག་རྟེན་ཀུན་ཏུ་རྒྱས་པར་མཛད།། ཅེས་དེ་ལྟར་མཛད་པ་མཐར་ཕྱིན་པའི་སྐབས་སྐུ་ཚེའི་འདུ་བྱེད་ནི་བཏང་། འཚོ་བའི་འདུ་བྱེད་ནི་བྱིན་གྱིས་བརླབས་ནས་ལྟས་ཆེན་པོ་སྣང་བར་གྱུར་པ་དང་ལྷན་ཅིག་གྲོང་ཁྱེར་ཡངས་པ་ཅན་ལ་སོགས་པར་རིམ་གྱིས་གཤེགས་ཏེ་སླད་མའི་དུས། ཆོས་དང་ཆོས་མ་ཡིན་པ་རྣམ་པར་དབྱེ་བ་ན། མདོ་སྡེ་དང་མཐུན། འདུལ་བ་ལ་སྣང་། ཆོས་ཉིད་དང་མི་འགལ་ན་སྟོན་པའི་བསྟན་པ་ཟུངས་ཤིག་པ་སོགས་གདམས་ནས་མགར་བའི་བུ་ཙུན་ད་ལས་བཤོས་ཀྱི་ཐ་མ་གསོལ་ཏེ་གྲོང་ཁྱེར་རྩྭ་ཅན་དུ་ཤིང་སཱ་ལ་ཟུང་གི་བར། ཐ་མའི་གཟིམས་ཁྲི་ལ་སེང་གེའི་ཉལ་སྟབས་ཀྱིས་བཞུགས་ཏེ་སྣང་བའི་འདུ་ཤེས་དང་། དྲན་པ་དང་ཤེས་བཞིན་གྱི་འདུ་ཤེས་དང་། མྱ་ངན་ལས་འདས་པའི་འདུ་ཤེས་ཐུགས་ལ་མཛད། ཀུན་དགའ་བོ་ལ་ངོ་མཚར་རྨད་དུ་བྱུང་བའི་ཆོས་བཞི་ཚན་གསུམ་བསྟན་ཅིང་ཞལ་གྱི་གདམས་པ་བསྩལ། དྲི་ཟའི་རྒྱལ་པོ་རབ་དགའོ་དང་ཀུན་ཏུ་རྒྱུ་རབ་བཟང་སོགས་བཏུལ། ཟླ་བ་ཕྱེད་ཕྱེད་དུ་སོ་སོ་ཐར་པའི་མདོ་འདོན་པས་སྟོན་པའི་མཛད་པ་སོགས་གདམས་ནས། ལུགས་འབྱུང་དང་ལུགས་ལྡོག་གི་བསམ་གཏན་ལ་སྙོམས་པར་ཞུགས་ནས། སླར་བསམ་གཏན་བཞི་པའི་རབ་མཐའ་ལ་བརྟེན་ནས་ཞི་བ་མི་གཡོ་བའི་སྤྱན་དང་ལྡན་པ་བརྙེས་ཏེ་མི་གནས་པའི་དབྱིངས་སུ་མྱ་ངན་ལས་ས་འདས་པའི་ཚུལ་བསྟན། ཞག་བདུན་དུ་ལྷ་དང་མིའི་མཆོད་པ་རྒྱུ་ཆེན་པོས་མཆོད་ཅིང་སྐུ་གདུང་གྱུད་ཀྱིས་དབུ་རྒྱུན་བཏགས་པའི་མཆོད་རྟེན་གྱི་དྲུང་དུ་སྤྱན་དྲངས་ཏེ་སའི་སྟེང་དུ་ཟླ་མེད་ཀྱི་ཉན་ཐོས་ཆེན་པོ་བཞི་ལ་སོགས་པས་མཆོད་ཅིང་མེ་རང་འབར་དུ་གྱུར་པས་གདུང་རྣམས་ཡུངས་འབྲུ་ལྟ་བུའི་རིང་བསྲིལ་གྱི་ཕུང་པོར་གྱུར་པ་མ་ག་དྷཱའི་རྒྱལ་པོ་མ་སྐྱེས་དགྲ་དང་ཡངས་པ་ཅན་ངས་པ་ཅན་གྱི་ལིཙྪ་བཱི་ལ་སོགས་པ་རྣམས་ཀྱིས་ཆ་བརྒྱད་དུ་བགོས་ཏེ་སོ་སོའི་ཡུལ་དུ་མཆོད་རྟེན་བརྩིགས་ཤིང་དུས་སྟོན་ཆེན་པོ་བཙུགས་ནས་མཆོད་པ་རྒྱ་ཆེན་པོས་མཆོད། ཚེམས་མཆེ་བ་བཞི་པོ་སུམ་ཅུ་རྩ་གསུམ་དང་གྲོང་ཁྱེར་སྒྲ་སྒྲོགས་ཀླུའི་རྒྱལ་པོ་སོགས་ཀྱིས་སོ་སོར་ཐོབ་ནས་མཆོད། མ་སྐྱེས་དགྲའི་གདུང་སྐལ་རྣམས་ཕྱེས༑ ཆོས་རྒྱལ་མྱ་ངན་མེད་ཀྱིས་བླངས་ཏེ་ཛམྦུའི་གླིང་དུ་མཆོད་རྟེན་བྱེ་བ་ནུབ་གཅིག་ལ་བཞེངས་པ་དང་། ་མ་འོངས་པ་ན་སྐུ་གདུང་ཡང་འཇིག་རྟེན་ཀུན་ཏུ་འཕེལ་ཞིང་རྒྱས་པ་སོགས་སངས་རྒྱས་ཀྱི་མཛད་པ་མཐའ་ཡས་པ་མཛད་པར་གསུངས་སོ། །</br>མདོར་ན་དགུང་ལོ་ཉེར་དགུ་ཁབ་ཏུ་བཞུགས། ལོ་དྲུག་ཏུ་དཀའ་བ་སྤྱད། སོ་ལྔ་སངས་རྒྱས་ནས་དགུང་ལོ་བརྒྱད་ཅུ་ཐམ་པའི་བར་དབྱར་གནས་པ་བཞི་བཅུ་རྩ་ལྔ་མཛད་ནས་ཆོས་ཀྱི་འཁོར་ལོ་བླ་ན་མེད་པ་བསྐོར་ཏེ། མཐར་རྩྭ་མཆོག་གྲོང་དུ་མྱ་ངན་ལས་འདས་པའི་ཚུལ་བསྟན་ཏོ། །ོག་གྲོང་དུ་མྱ་ངན་ལས་འདས་པའི་ཚུལ་བསྟན་ཏོ། །)
• Dictionaries/chos rnam kun btus/10069  + (1. དགའ་ལྡན་གྱི་གནས་ནས་འཕོ་བའི་མཛད་པ་ནི། དག … 1. དགའ་ལྡན་གྱི་གནས་ནས་འཕོ་བའི་མཛད་པ་ནི། དགའ་ལྡན་གནས་སུ་དམ་པ་ཏོག་དཀར་པོས། ། ཆོས་སྒོ་བརྒྱ་བསྟན་གཟིགས་པ་རྣམ་ལྔས་འཕོས། ། བདག་ཅག་གི་སྟོན་པ་འདི་སངས་རྒྱས་འོད་སྲུང་གི་སྤྱན་སྔར་བྲམ་ཟེའི་ཁྱེའུ་བླ་མར་གྱུར་ནས་ཚངས་པར་སྤྱོད་པ་སྤྱད་དེ་དགའ་ལྡན་གྱི་གནས་སུ་ལྷའི་བུ་དམ་པ་ཏོག་དཀར་པོ་ཞེས་བྱ་བ་སྐྱེ་བ་གཅིག་གིས་ཐོགས་པའི་བྱང་ཆུབ་སེམས་དཔར་སྐུ་འཁྲུངས་པ་ཡན་ཆད་སྐྱེ་བ་མངོན་པར་སྐྱེ་བའི་སྤྲུལ་པའི་སྐུས་བྱུང་ཆུབ་ཀྱི་སྤྱོད་པ་རྫོགས་ནས། མཆོད་པའི་རོལ་མོ་ལས་གཞན་དོན་དུ་བསྐུལ་བའི་སྒྲ་གསན་པ་ན་ཆོས་ཀྱིས་མཐོ་བ་ཞེས་བྱ་བའི་ཁང་བཟང་དུ་བྱང་ཆུབ་སེམས་དཔའ་རང་དང་ སྐལ་བ་མཉམ་པ་རྣམས་དང་བཀའི་བགྲོ་བ་མཛད་ཅིང་ཆོས་སྟོན་པའི་གནས་སུ། དད་པ་ནི་ཆོས་སྣང་བའི་སྒོ་སྟེ་བསམ་པ་མི་ཕྱེད་པར་འགྱུར་རོ་ཞེས་པ་ལ་སོགས་པ་ཆོས་སྣང་བའི་སྒོ་བརྒྱ་རྩ་བརྒྱད་བསྟན་ནས་ལ་ཐོད་དང་ཅོད་པན་བྱམས་པའི་དབུ་ལ་བཞག་ནས་ཁྱོད་ནི་ངའི་འོག་ཏུ་མངོན་པར་རྫོགས་པར་འཚང་རྒྱ་བར་འགྱུར་རོ་ཞེས་ལུང་བསྟན་ཅིང་དགའ་ལྡན་དུ་ཆོས་སྟོན་པ་པོའི་རྒྱལ་ཚབ་ཏུ་དབང་བསྐུར་ནས་གཟིགས་པ་རྣམ་པ་བཞིའམ་ལྔ་ཡིས་འཇིག་རྟེན་ལ་གཟིགས་ནས་དཔྱིད་ཟླ་ཐ་ཆུང་སྐར་མ་ས་གས་ཉ་བའི་ཚེས་བཅོ་ལྔ་རྒྱུ་སྐར་རྒྱལ་དང་ལྡན་པའི་དུས་སྦྱོར་ལ་དགའ་ལྡན་གྱི་གནས་ནས་འཕོ་བར་མཛད་དོ། །</br>2. ལྷུམས་སུ་ཞུགས་པའི་མཛད་པ་ནི། འཛམ་གླིང་ཚེ་ལོ་བརྒྱ་པར་ཡུལ་དབུས་སུ། ། རྒྱལ་རིགས་ཡབ་དང་སྒྱུ་འཕྲུལ་ལྷུམས་སུ་ཞུགས། ། དེའང་མིའི་གླིང་གཞན་གསུམ་ལས་ཁྱད་པར་དུ་འཕགས་པ་ཛམྦུའི་གླིང་། ཚེ་ལོ་བརྒྱད་ཁྲི་པ་ཡན་ཆད་ལོངས་སྤྱོད་ཀྱི་འབྱོར་པ་ཆེ་བས་ཡིད་འབྱུང་བར་དཀའ་ཞིང་། ལོ་བརྒྱ་པ་མན་ཆད་ཀྱང་སྙིགས་མ་ལྔ་ཧ་ཅང་བདོ་བས་མི་ཁོམ་པར་སྣང་བས་དེ་དག་གི་སྐྱོན་མེད་པས་སྐྱེ་དགུ་གདུལ་སླ་བར་གྱུར་པའི་དུས་ཚེ་ལོ་བརྒྱ་པ། རྩོད་དུས་ལ་ལྟོས་ཏེ་ཡུལ་གྱི་སྐྱོན་གྱི་ཆ་ནས་སྨད་དུ་མེད་པ་དབུས་འགྱུར་འཆང་གི་ཡུལ། འཇིག་རྟེན་འདིར་རེས་འགའ་རྒྱལ་རིགས་དང་རེས་འགའ་བྲམ་ཟེའི་རིགས་གཙོ་བོར་བཀུར་བ་ལས་ད་ལྟ་རྒྱལ་རིགས་བཀུར་བས་མང་བཀུར་གྱི་རྒྱལ་བརྒྱུད་རིགས་ཕུན་སུམ་ཚོགས་པའི་ཡོན་ཏན་དྲུག་ཅུ་རྩ་བཞིས་པ་བརྒྱན་པ་ཡབ་རྒྱལ་པོ་ཟས་གཙང་མ་དང་། ཡུམ་ཡང་བུད་མེད་ཀྱི་ཡོན་ཏན་སུམ་ཅུ་རྩ་གཉིས་ཀྱིས་བརྒྱན་པ་ལྷ་མོ་སྒྱུ་འཕྲུལ་ཆེན་མོ་ལ་གཟིགས་ནས། གླང་པོ་ཆེའི་ཕྲུ་གུ་ཐལ་ཀར་མཆེ་བ་དྲུག་པའི་ཚུལ་གྱིས་ཡུམ་གསོ་སྦྱོང་བླངས་པའི་གློ་གཡས་པར་ཞུགས་ནས་ལྷུམས་སུ་ཙནྡན་གྱི་ཁང་བུ་བརྩེགས་པར་བྱིས་པ་ཟླ་དྲུག་ལོན་པའི་ཚད་ཙམ་པ་ན་བཟའ་དང་བཅས་པ་སྐྱིལ་མོ་ཀྲུང་གིས་བཞུགས་ཏེ་སྟོང་གསུམ་གྱི་ཟིལ་དང་རོ་བཅུད་ཚངས་པ་ཆེན་པོས་ཕུལ་བ་བཞེས་ནས་སྐུ་ལུས་བརྟས་པར་མཛད་དོ། ། དེ་ལ་གཟིགས་པ་བཞི་ནི། གླིང་དང་དུས་དང་ཡུམ་དང་རིགས་ཏེ་གོང་དུ་སྨོས་པ་ལྟར་ལ། གཟིགས་པ་ལྔ་ནི། རྒྱལ་རིགས་དང་། ཡུལ་དབུས་དང་། ཚེ་ལོ་བརྒྱ་པའི་དུས། ཤཱཀྱའི་རིགས་བརྒྱུད། བྱང་ཆུབ་སེམས་དཔའ་ཟླ་བ་བཅུར་ལྷུམས་སུ་འཛིན་པར་ནུས་པའི་ཡུམ་སྟེ་ལྔ་ལ་གཟིགས་པ་ལུང་དང་མངོན་འབྱུང་ནས་གསུངས་ཤིང་། སྙིགས་མ་ལྔ་ནི། ཚེ་དང་། དུས་དང་། ལྟ་བ་དང་། སེམས་ཅན་དང་། ཉོན་མོངས་པའོ། ། དེ་ཡང་ཚེའི་སྙིགས་མ་དང་དུས་ཀྱི་སྙིགས་མས་སྲོག་དང་ཡོ་བྱད་རྒུད་པར་བྱེད། ཉོན་མོངས་པ་དང་ལྟ་བའི་སྙིགས་མས་དགེ་བའི་ཕྱོགས་རྒུད་པར་བྱེད། སེམས་ཅན་གྱི་སྙིགས་མས་གཟུགས་རྒུད་པར་བྱེད་ཅིང་། གཞན་ཡང་ནད་མེད་པ་དང་། སྟོབས་དང་། བློ་དང་། བརྩོན་འགྲུས་དང་། བསམ་གཏན་ཉམས་པར་བྱེད་པའོ། །</br>3. སྐུ་བལྟམས་པའི་མཛད་པ་ནི། ངོ་མཚར་མཚན་མ་བྱེ་བ་སྙེད་དང་བཅས། ། ལུམྦི་ནི་ཡི་ཚལ་དུ་དོན་གྲུབ་བལྟམས། ། ལྷུམས་སུ་ཟླ་བ་བཅུ་ཚང་བར་བཞུགས་པའི་ཚེ་ལྷ་མི་ཁྲག་ཁྲིག་སུམ་ཅུ་རྩ་དྲུག་ཐེག་པ་གསུམ་ལ་སྨིན་པར་མཛད་དེ་བལྟམས་པའི་སྔ་ལྟས་སུམ་ཅུ་རྩ་གཉིས་དང་། གླིང་ཆེན་པོ་བྱེ་བ་ཕྲག་བཞིའི་དབུས་སུ་ཨ་ཤུཐའི་ལྗོན་པ་སྐྱེ་བ་དང་། གླིང་ཕྲན་རྣམས་སུ་ཙནྡན་གྱི་ཚལ་སྐྱེ་བ་དང་། སེར་སྐྱའི་གྲོང་གི་ཁོར་ཡུག་ཏུ་བདེ་བའི་འབྱོར་པ་ཚད་མེད་པ་རང་བཞིན་གྱིས་འབྱུང་བ་སོགས་ངོ་མཚར་བའི་མཚན་མ་བྱེ་བ་ཁྲག་ཁྲིག་འབུམ་ཕྲག་སྙེད་ཀྱིས་ཞིང་ཐམས་ཅད་ཡོངས་སུ་གཏམས་པ་དང་བཅས། ལུམྦི་ནཱིའི་སྐྱེད་མོས་ཚལ་དུ་དབོ་ཟླའི་ཚེས་བརྒྱུད་རྒྱུ་སྐར་རྒྱལ་དང་ལྡན་པའི་དུས་སུ་ཡུམ་ལ་གནོད་པ་མེད་པར་དཀུ་གཡས་བརྟོལ་ཏེ་མཚན་དཔེའི་་དཀྱིལ་འཁོར་གསལ་མ་ཐག་ཚངས་པ་དང་ བརྒྱ་བྱིན་ལ་སོགས་པ་ལྷ་ཀླུ་རྣམས་ཀྱིས་མཆོད་ཅིང་བསྙེན་བཀུར། ཕྱོགས་བཞིར་ཞབས་ཀྱིས་གོམས་པ་བདུན་བདུན་བོར་ཏེ་སྟོང་ཆེན་པོའི་སེམས་ཅན་ཐམས་ཅད་དབུགས་དབྱུང་བའི་གསུང་དབྱངས་ཕྱུང་། ཡབ་རྒྱལ་པོས་་བལྟམས་པའི་ངོ་མཚར་ལས་བརྩམས་ཏེ་གཞོན་ནུ་དོན་ཐམས་ཅད་གྲུབ་པ་ཞེས་བྱ་བའི་མཚན་ཕུལ།་སེར་སྐྱའི་གཞིར་མ་མ་སུམ་ཅུ་རྩ་གཉིས་ཀྱིས་བསྐྱེད་བསྲིངས། ཤཱཀྱ་གཏུམ་པོ་གཟུ་ལུམ་ཅན་རྣམས་ཀྱི་ནང་དུ་ཐུབ་པ་བཞིན་གནས་པས་མཚན་གཉིས་པ་ཤཱཀྱ་ཐུབ་པ་ཞེས་བཏགས། ཤཱཀྱ་རྣམས་ཀྱི་ལྷ་གནོད་སྦྱིན་ཤཱཀྱ་འཕེལ་སོགས་འཇིག་རྟེན་སྐྱོང་བ་ཐམས་ཅད་ཀྱིས་ཞབས་ལ་ཕྱག་བྱས་པས་ཡབ་ཀྱིས་མཚན་གསུམ་པ་ལྷའི་ཡང་ལྷ་ཞེས་པ་བཏགས། དྲང་སྲོང་ནག་པོ་ཉོན་མོངས་མེད་ཀྱིས་སངས་རྒྱས་སུ་འགྱུར་བ་ལུང་བསྟན་ཏོ། །</br>4. བཟོ་ཡི་གནས་ལ་མཁས་པའི་མཛད་པ་ནི། ཡིག་རྩིས་རི་མོ་འཕོང་སྟོབས་བརྟག་དཔྱད་གཏམ། ། ལུགས་མང་སྒྱུ་རྩལ་བཟོ་ཡི་གནས་ལ་མཁས། ། བྱང་ཆུབ་སེམས་དཔའ་ཤེས་བྱའི་གནས་ཐམས་ཅད་ཀྱིས་མཐར་སོན་ཀྱང་གདུལ་བྱ་གྲངས་མེད་པ་སྨིན་པའི་སླད་དུ་ཡི་གེ་སློབ་པའི་གྲྭར་བྱོན་ཏེ་ཡིག་མཁན་ཀུན་གྱི་བཤེས་གཉེན་ལས་སློབ་པ་ལྟར་མཛད་ཅིང་དེས་མིང་ཙམ་ཡང་མ་ཐོས་པ་མང་པོ་བསྟན་པ་དང་། དགུང་ལོ་བཅུ་དྲུག་རྫོགས་པ་ན་ཤཱཀྱ་ལག་ན་བེ་ཅོན་གྱི་བུ་མོ་ལྷ་མོ་དཔལ་ཆེན་མོའི་སྤྲུལ་པ་ས་འཚོ་མ་རྒྱལ་བའི་རུ་མཚོན་ཏུ་བཞིག་ནས་ཤཱཀྱ་གཞོན་ནུ་ལྔ་བརྒྱ་དང་རྩལ་འགྲན་པའི་ཐོག་མར་རྩིས་པ་ཆེན་པོ་ཤཱཀྱ་སྲིད་སྒྲུབ་དཔང་དུ་བཙུགས་ཏེ་གྲངས་ཀྱི་གནས་འགྲན་པ་ལ་དབང་པོ་དང་བཅས་པ་ཀུན་གྱིས་བྱང་ཆུབ་སེམས་དཔའི་ཆ་ཙམ་ལའང་འགྲན་པར་མ་ནུས་ཤིང་། དེ་བཞིན་དུ་རི་མོའི་འདུ་བྱེད་དང་། འཕོང་དང་སྟོབས་དང་བརྟག་དཔྱད་དང་གཏམ་དང་རྒྱལ་དང་བང་དང་འདེགས་མཆོངས་ལ་སོགས་པ་ལུགས་སྲོལ་ཤིན་ཏུ་མང་པོའི་སྒྱུ་རྩལ་དང་བཟོའི་གནས་ཡོད་དོ་ཅོག་ལ་ཤིན་ཏུ་མིཁས་པས་སུས་ཀྱང་འགྲན་ཟླ་མེད་པར་གྱུར་ཏེ། ལྷས་བྱིན་ལ་སོགས་པ་རིགས་པ་དང་སྟོབས་ཀྱི་ང་རྒྱལ་ཅན་རྣམས་ཀྱང་དུལ་བར་མཛད་དོ། །</br>5. བཙུན་མོའི་འཁོར་ལ་རོལ་པའི་མཛད་པ་ནི། ཡོན་ཏན་ཀུན་ཚང་ས་འཚོ་གྲགས་འཛིན་སོགས། ། བཙུན་མོ་དྲུག་ཁྲིའི་འཁོར་རོལ་སྨིན་པར་མཛད། ། གཟུགས་བཟང་དེར་བབ་དྲེགས་པ་དང་བྲལ་ཞིང་གཏོང་ལ་དགའ་བ་སོགས་བུད་མེད་རིན་པོ་ཆེའི་ཡོན་ཏན་ཀུན་ཚང་བ་ས་འཚོ་གྲགས་འཛིན། རི་དྭགས་སྐྱེས་ཏེ་སོ་སོ་འཁོར་ཉི་ཁྲི་དང་བཅས་པ་བཙུན་མོ་དྲུག་ཁྲིའམ་བརྒྱད་ཁྲི་བཞི་སྟོང་གི་ཚོགས་ཀྱིས་འཆི་མེད་འདུན་ས་ལྟ་བུའི་གླུ་དབྱངས་རོལ་མོའི་སྒྲ་ལ་སོགས་པ་བཀོད་པ་ཕུལ་དུ་བྱུང་བས་མཆོད་ཅིང་། དེ་དག་གི་ནང་དུ་རྩེ་ཞིང་རོལ་པ་ལ་སོགས་ཐབས་ལ་མཁས་པའི་མཛད་པས་བཙུན་མོའི་འཁོར་དེ་དག་ཐམས་ཅད་ཀྱང་བྱང་ཆུབ་ཏུ་ཡོངས་སུ་སྨིན་པར་མཛད་དོ། །</br>6. རབ་ཏུ་བྱུང་བའི་མཛད་པ་ནི། རྒ་ན་འཆི་དང་ཚངས་སྤྱོད་གཟིགས་སོགས་ཀྱིས། ། ངེས་འབྱུང་རབ་ཏུ་བྱུང་ནས་ངུར་སྨྲིག་བཞེས། དགུང་ལོ་ཉེར་དགུ་པ་ལ་གྲོང་ཁྱེར་གྱི་སྒོ་བཞིར་རྒས་པ་དང་། ན་བ་དང་། འཆི་བ་དང་། ཚངས་སྤྱོད་རབ་ཏུ་བྱུང་བ་རྣམས་གཟིགས་ཤིང་ཕྱོགས་བཅུའི་རྒྱལ་བ་རྣམས་ཀྱིས་གླུ་དབྱངས་སིལ་སྙན་གྱི་སྒྲས་བསྐུལ་ཞིང་བྱིན་གྱིས་བརླབས་པ་དང་།། རང་ཉིད་ཀྱི་སྨོན་ལམ་གྱི་མཐུས་རྒྱལ་སྲིད་བཙུན་མོའི་འཁོར་རྣམས་ལ་སྐྱོ་བའི་ཚུལ་བསྟན་ཏེ་ངེས་པར་འབྱུང་བའི་ཐུགས་སྐྱེས་པ་ན། ད་ནི་ཞག་བདུན་ལ་རབ་ཏུ་མ་བྱུང་ན་འཁོར་ལོས་སྒྱུར་བའི་རྒྱལ་པོར་འགྱུར་རོ་ཞེས་མཚན་མཁན་རྣམས་ཀྱིས་ལུང་བསྟན་པ་ཐོས་ནས། ཤཱཀྱ་རྣམས་ཀྱིས་སྟོབས་ཅི་ཡོད་པས་མེལ་ཚེ་བྱས་ཏེ་བསྲུངས་པ་ན། ཐ་སྐར་ཟླ་བའི་ཉའི་མཚན་མོར་གྲགས་འཛིན་མའི་མངལ་དུ་རྡོ་རྗེ་སེམས་དཔའི་སྤྲུལ་པ་སྲས་སྒྲ་གཅན་འཛིན་བཟང་པོ་བྱིན་གྱིས་བརླབས་ཏེ། ནམ་ཕྱེད་ན་ཆིབས་པ་སྔགས་ལྡན་ལ་ཆིབས། ཞམ་འབྲིང་བ་འདུན་པ་དང་བརྒྱ་བྱིན་ལ་སོགས་ལྷ་བྱེ་བ་ཕྲག་སྟོང་མང་པོས་མཆོད་ཅིང་ནམ་མཁའི་ལམ་ནས་དཔག་ཚད་བཅུ་གཉིས་ཀྱི་ཤར་ཕྱོགས་འདས་པ་ཡངས་པ་ཅན་ཏུ་གཤེགས་ནས་གཙུག་ཕུད་རང་ཉིད་ཀྱིས་བཅད་དེ་རབ་ཏུ་བྱུང་། ལྷ་ཡིས་ཕུལ་བའི་ན་བཟའ་ངུར་སྨྲིག་བཞེས། འདུན་པ་ཆིབས་བཅས་སླར་ལོག་ནས་ཡབ་དང་བཙུན་མོ་རྣམས་ཀྱི་མྱ་ངན་བསང་། གཙུག་ཕུད་དང་ཀཱ་ཤི་ཀཱའི་ན་བཟའ་ལྷ་རྣམས་ཀྱིས་ཁྱེར་ཏེ་མཆོད་པ་ཆེན་པོས་མཆོད་དོ། །</br>7. དཀའ་བ་སྤྱད་པའི་མཛད་པ་ནི། སྲིད་རྩེའི་སྙོམས་འཇུག་མངོན་མཛད་ཆུ་ཀླུང་ངོགས། ། ལོ་དྲུག་སྐྱིལ་ཀྲུང་གཅིག་གིས་དཀའ་བ་སྤྱད༑ ། བྱང་ཆུབ་སེམས་དཔའ་ཁྱིམ་ནས་ཁྱིམ་མེད་པར་རབ་ཏུ་བྱུང་བའི་རྗེས་སུ་ཡངས་པ་ཅན་དུ་གཤེགས་ཏེ་སྒྱུ་རྩལ་ཤེས་ཀྱི་བུ་རིང་འཕུར་དང་། རྒྱལ་པོའི་ཁབ་ཏུ་རངས་བྱེད་ཀྱི་བུ་ལྷས་སྤྱོད་གཉིས་ལས་བསམ་གཏན་གྱི་གདམས་ངག་ནོད་ཅིང་དེ་དག་གི་རྟོགས་པའི་མཐར་ཐུག་ཅིའང་མེད་པ་དང་ཡོད་མིན་མེད་མིན་གྱི་སྐྱེ་མཆེད་དེ་སྲིད་རྩེའི་སྙོམས་འཇུག་མཐར་ཐུག་པ་ཚེགས་ཆུང་དུས་མངོན་པར་མཛད་ཀྱང་ཟག་བཅས་ཉེར་ལེན་དང་ བཅས་པའི་བསམ་ག། གཏན་སྙོམས་འཇུག་ཏིང་ངེ་འཛིན་རྣམས་སུན་དབྱུང་ཞིང་དེས་མི་གྲོལ་བར་བསྟན་པ་དང་། ལུས་ཀྱི་རྒྱུའི་ལུང་བསྟན་ཅིང་ལོག་པའི་བརྟུལ་ཞུགས་ཅན་རྣམས་ཀྱང་འདུན་ཅིང་དེས་མི་གྲོལ་བར་བསྟན་པ་ལ་སོགས་པ་དགོས་པ་མང་པོ་་ཉེ་བར་གཟིགས་ནས།། ཆུ་ཀླུང་ནེ་རཉྫ་ནའི་ངོགས་སུ་ལོ་དྲུག་ཏུ་སྐྱིལ་མོ་ཀྲུང་གཅིག་གིས་འདས། རྒྱུ་ཤུག་གི་འབྲུ། ནས་འབྲུ་གཅིག ་ཏིལ་འབྲུ་གཅིག་རྣམས་ཉིན་རེར་གསོལ་བ་དང་ཆུ་ཐིགས་གཅིག་ཀྱང་མི་གསོལ་བ་ལ་སོགས་པའི་དཀའ་བ་སྤྱད་ཅིང་། ལུས་ངག་གི་དཀའ་ཐུབ་ལ་སྙིང་པོ་མེད་པས་སྤྱོད་པ་དེས་ཀྱང་བྱང་ཆུབ་རྫོགས་པར་མི་ནུས་པར་བསྟན་པའི་ཕྱིར། སླར་ཁ་ཟས་རགས་པ་གསོལ་བས་སྐུ་སྟོབས་དང་ལྡན་ཅིང་མཛེས་པར་གྱུར་པས་དགེ་སྦྱོང་མཛེས་པར་མཚན་ཏུ་གྲགས་སོ། །</br>8. བྱང་ཆུབ་སྙིང་པོར་གཤེགས་པའི་མཛད་པ་ནི། འོ་ཐུག་གསོལ་ནས་མཚན་དཔེ་འོད་དུ་འབར། ་རྩྭ་ཡི་སྟན་བསྣམས་བྱང་ཆུབ་སྙིང་པོར་གཤེགས། ། དེ་ནས་ཕྱག་དར་ཁྲོད་ཀྱི་གོས་ལས་ཆོས་གོས་སྦྱར་མར་མཛད་པ་བཞེས་ཤིང་གྲོང་མི་དགའ་བྱེད་མའི་བུ་མོ་ལེགས་སྐྱེས་མ་ལ་ལྷས་ལུང་བསྟན་པ་བཞིན་བ་སྟོང་གི་འོ་མ་ལན་བདུན་དུ་ཉིང་ཁུར་བྱས་པའི་འོ་ཐུག་སྦྲང་རྩི་ཅན་གསོལ་མ་ཐག་ཏུ་གསེར་གྱི་མདོག་དང་། འོད་འདོམ་གང་ལ་སོགས་མཚན་དཔེ་རྣམས་རབ་ཏུ་གསལ་ཞིང་འོད་དུ་འབར་བར་གྱུར་ཅིང་། རྩྭ་འཚོང་བཀྲ་ཤིས་ལས་རྩྭ་བསླངས་ཏེ་སྟན་གྱི་ཕྱིར་བསྣམས་ནས། མི་བསྐྱོད་སྟབས་དང་དབང་པོའི་མཆོད་སྡོང་འདྲ། །ཞེས་པ་ལ་སོགས་པའི་ལྔ་བཅུ་རྩ་གཅིག་གིས་བྱང་ཆུབ་སྙིང་པོར་གཤེགས་པ་ན། ས་གཞི་ཐམས་ཅད་འཁར་བའི་སྣོད་བཞིན་དུ་སྒྲ་འབྱིན། སྟོང་གསུམ་གྱི་བདག་པོ་ཚངས་པ་དབང་སྒྱུར་གྱིས་འཇིག་རྟེན་འདི་བཀོད་པ་ཆེན་པོས་ཀུན་ནས་བརྒྱན་པ་ལ་སོགས་པ་ལྷ་རྣམས་དང་ཕྱོགས་བཅུའི་བྱང་ཆུབ་སེམས་དཔའ་རྣམས་ཀྱིས་ཕྱོགས་བཅུའི་སངས་རྒྱས་ཀྱི་ཞིང་མང་པོར་རང་རང་གི་ཚོགས་གཉིས་ཀྱི་སྟོབས་ཚད་མེད་པའི་བཀོད་པས་བརྒྱན། སངས་རྒྱས་ཀྱི་ཞིང་ཐམས་ཅད་སྐྱོད་པའི་འོད་ཟེར་དཔག་ཏུ་མེད་པས་དམྱལ་བ་ལ་སོགས་པའི་འགྲོ་བ་རྣམས་དབུགས་དབྱུང་ཞིང་ཀླུ་ནག་པོ་བྱ་བ་ཚེ་བསྐལ་པར་གནས་ཤིང་དམུས་ལོང་དུ་གྱུར་པ། སངས་རྒྱས་འཇིག་རྟེན་དུ་བྱོན་པའི་ཚེ་མིག་ཐོབ་པ་དེའང་མིག་བྱེ་ཞིང་སྣང་བ་མཐོང་། ཙཱ་ཤའི་ཁྱུ་རྣམས་སྙན་པར་སྒྲོགས་ཤིང་མཁའ་ལ་གཡས་སུ་བསྐོར། ཐུབ་མཆོག་ཉིད་ཀྱིས་ཀྱང་དུས་གསུམ་གྱི་སངས་རྒྱས་ཀྱི་ཞིང་ཡོད་དོ་ཅོག་གི་བྱང་ཆུབ་སྙིང་པོའི་རྒྱུན་བཀོད་པ་ཇི་སྙེད་པ་རྣམས་དེ་ཉིད་དུ་སྣང་བར་མཛད། རྩྭའི་རྩེ་མོ་རྣམས་ནང་དུ་བསྟན་ནས་བཏིང་བའི་སྟེང་དུ་སྐྱིལ་མོ་ཀྲུང་བཅས་ནས་ཞལ་ཤར་དུ་གཟིགས། སྐུ་དྲང་པོར་བསྲང་། དྲན་པ་མངོན་དུ་བཞག་ནས་བཞུགས་སོ། །</br>9. བདུད་བཏུལ་བའི་མཛད་པ་ནི། ཤིན་ཏུ་མི་བཟད་གཡོན་ཅན་བདུད་ཀྱི་སྡེ། ། ཉོན་མོངས་དང་བཅས་བྱམས་པའི་མཐུ་ཡིས་བཅོམ། ། དེ་ནས་བདུད་ལས་རྒྱལ་བ་དང་བདུད་རིས་ཀྱི་ལྷའི་བུ་དགེ་རྩ་ཅན་རྣམ་སྨིན་པར་མཛད་པའི་སླད་དུ་སྨིན་མཚམས་ནས་འོད་ཟེར་སྤྲོས་ཏེ་བདུད་ཀྱི་གནས་གཡོས་ཤིང་བསྐུལ་བས། སྡིག་ཅན་རང་ཉིད་ཀྱིས་རྨི་ལྟས་མི་བཟད་པ་མཐོང་བ་སོགས་འཇིགས་སྐྲག་སྔངས་ཤིང་ཤིན་ཏུ་མི་བཟད་པའི་སེམས་སྐྱེས་ཏེ། དཔག་ཚད་བརྒྱད་ཅུའི་ཁོར་ཡུག་གང་བའི་དཔུང་གི་ཚོགས་དྲན་པ་ཙམ་གྱིས་སྙིང་འགས་པར་ནུས་པའི་བཀོད་པ་འཇིགས་སུ་རུང་བ་དང་། སྟོང་གསུམ་ཀུན་ནས་གཡོན་ཅན་དེ་འདྲ་བྱེ་བ་ཕྲག་བརྒྱ་རྣམས་ཀྱང་ལྷན་ཅིག་ཏུ་ལྷགས་ཏེ་མཚོན་ཆའི་ཆར་ཕབ་ཅིང་གདུག་པའི་དབུགས་སྤྲོས་པས། དེ་དག་ཐམས་ཅད་བྱང་ཆུབ་སྙིང་པོ་མཛེས་པའི་མཆོད་སྤྲིན་གྱི་བཀོད་པ་ཤ་སྟག་ཏུ་གྱུར་ནས་མཐུ་རྡུགས་ཏེ། བསོད་ནམས་དེ་ཙམ་གྱིས་ཐར་པ་མི་ཐོབ་པས་བཞེངས་སུ་གསོལ་བ་ན། བསྐལ་པ་དཔག་ཏུ་མེད་པར་ཚོགས་གཉིས་བསྒྲུབས་ཤིང་མཐར་སོན་པའི་དཔང་པོ་སའི་ལྷ་མོ་འཁོར་དང་བཅས་པས་ཞུས། ་སླར་སྲེད་མ་དང་དགའ་མ་སོགས་བདུད་ཀྱི་བུ་མོ་རྣམས་ཀྱིས་ཀྱང་འདོད་པའི་གཡོ་སྒྱུས་བསླུ་བར་བརྩམས་ཀྱང་ ཐུགས་གཡོ་བར་མ་ནུས་ཏེ་གཡོན་ཅན་བདུད་ཀྱི་སྡེ་འཁོར་དང་བཅས་པ་རྣམས་ཚར་བཅད་ཅིང་། དེ་དག་ལས་དགེ་རྩ་སྨིན་པའི་ལྷའི་བུ་ཚད་མེད་པ་དག་གི་ཉོན་མོངས་པ་རྣམ་པར་བཅོམ་སྟེ་བྱང་ཆུབ་ཏུ་སྨིན་པར་མཛད་པ་སོགས་མདོར་ན་བྱམས་པའི་ཏིང་ངེ་འཛིན་ཁོ་ནས་བདུད་ཀྱི་དམག་མི་འཁྲུགས་ཕྲག་གཅིག་བྱུང་ཆུབ་ཀྱི་སྙིང་པོར་བཞུགས་པའི་ནམ་སྲོད་འཁོར་དེ་ཉིད་དུ་བཏུལ་བར་མཛད་དོ། །</br>10. མངོན་པར་སངས་རྒྱས་པའི་མཛད་པ་ནི། བསམ་གཏན་བདེན་བཞི་རྟེན་འབྲེལ་རིམ་གཟིགས་ནས། ། རྡོ་རྗེ་ལྟ་བུས་མངོན་པར་རྫོགས་བྱང་ ཆུབ། ། ནམ་གྱི་གུང་ལ་བསམ་གཏན་བཞི་པོར་རིམ་གྱིས་སྙོམས་པར་ཞུགས། ལྷའི་སྤྱན་སོགས་མངོན་པར་ཤེས་པས་བདེན་པ་བཞི་དང་། རྟེན་འབྲེལ་ལུགས་འབྱུང་ལུགས་ལྡོག་གི་རིམ་པ་ལེགས་པར་གཟིགས་ནས། ནམ་གྱི་ཆ་སྨད་སྐྱ་རེངས་འཆར་ཀ་རྔ་རྡུང་བའི་དུས་སུ་སྐྱེས་བུའི་ཁྱུ་མཆོག་ཁ་ལོ་སྒྱུར་བ་བླ་ན་མེད་པ་དེས་འཕགས་པའི་ཡེ་ཤེས་ཀྱི་སྟོབས་བསྐྱེད་པས་ཤེས་པར་བྱ་་བ་དང་མངོན་དུ་བྱ་བ་གང་ཅིའང་རུང་། དེ་ཐམས་ཅད་སེམས་ཀྱི་སྐད་ཅིག་གཅིག་དང་ལྡན་པའི་ཤེས་རབ་ཀྱིས་རིག་པ་གསུམ་ཐོབ་ཅིང་། སྤང་བྱ་ཕྲ་ཞིང་ཕྲ་བའང་རྡོ་རྗེ་ལྟ་བུའི་ཏིང་ངེ་འཛིན་གྱིས་བཅོམ་ནས་ཆོས་ཀུན་གྱི་དབྱིངས་སུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་མངོན་པར་རྫོགས་པར་སངས་རྒྱས་སོ། ། དེའི་ནུབ་མོ་ཁོ་ནར་གྲགས་འཛིན་མ་ལ་སྲས་སྒྲ་གཅན་འཛིན་དང་། བདུད་རྩི་ཟས་ཀྱི་བུ་ཀུན་དགའ་བོའང་བཙས་ཤིང་ཟླ་བ་སྒྲ་གཅན་གྱིས་ཟིན་ཏེ། །དེ་ནས་དེ་བཞིན་གཤེགས་པ་ཤིང་ཏཱ་ལ་བདུན་སྲིད་ཀྱི་ནམ་མཁའ་ལ་འཕགས་ཏེ། ལམ་གྱི་རྒྱུན་ནི་ཆད་དོ་ཞེས་བྱ་བ་ལ་སོགས་པས་ཆེད་དུ་བརྗོད་པར་མཛད། སྟོང་གསུམ་འདིའང་རྣམ་པ་དྲུག་ཏུ་གཡོས་ཤིང་ཕྱོགས་བཅུའི་འདྲེན་པ་རྣམས་ཀྱིས་ལེགས་སོ་གསུངས་ནས་ཆོས་ཀྱི་དགའ་བ་བསྐུར། སྟོང་གསུམ་གྱི་ལྷ་རྣམས་ཀྱིས་མཆོད་ཅིང་བསྟོད་དེ་ཞག་བདུན་དུ་སྐྱིལ་ཀྲུང་མ་བཤིགས་པར་བྱང་ཆུབ་ཀྱི་ཤིང་ལ་གཟིགས་ནས་བསམ་གཏན་གྱི་བདེ་བས་དགྱེས་པར་མཛད། བདུན་ཕྲག་གཉིས་པར་སྟོང་གསུམ་རྒྱང་རིང་དུ་འཆག ། བདུན་ཕྲག་གསུམ་པར་བྱང་ཆུབ་ཀྱི་སྙིང་པོ་ལ་སྤྱན་མི་འཛུམ་པར་གཟིགས། བདུན་ཕྲག་བཞི་པར་ཤར་ནུབ་ཀྱི་རྒྱ་མཚོའི་བར་དུ་མི་རིང་བར་འཆག ། བདུན་ཕྲག་ལྔ་པར་ཀླུ་བཏང་་བཟུང་གི་གནས་སུ་བཞུགས། བདུན་ཕྲག་དྲུག་པ་ལ་དེ་ནས་ཤིང་ནྱ་གྲོ་དྷའི་དྲུང་དུ་བཞུད། བདུན་པའི་ཚེ་ཤིང་སྒྲོལ་རྒྱུའི་དྲུང་དུ་བཞུགས་པ་ན་ལྷས་བསྐུལ་ཏེ་ཚོང་པ་ག་གོན་དང་བཟང་པོ་གཉིས་ཀྱིས་བསོད་སྙོམས་ཀྱི་ཐོག་མར་ཕུལ་བ་ལ་རྒྱལ་ཆེན་བཞིས་རྡོའི་ལྷུང་བཟེད་བཞི་ཕུལ་བ་གཅིག་ཏུ་བྱིན་གྱིས་བརླབས་པར་བླངས་ནས་གསོལ་ཏེ། ལྷ་ཡི་བཀྲ་ཤིས་དོན་གྲུབ་ཅིང་། ། སོགས་ཀྱི་བཀྲ་ཤིས་མཛད་ནས་སངས་རྒྱུས་སུ་ལུང་བསྟན་ཏོ། ། ཐེག་པ་ཆེན་པོའི་ལུགས་སུ་འདི་དག་གི་སྐབས་སུ་བཀོད་པ་བསམ་གྱིས་མི་ཁྱབ་པ་དང་། ཞག་བདུན་ཕྲག་བདུན་གྱི་སྐབས་སུ་སངས་རྒྱས་ཕལ་པོ་ཆེའི་ཆོས་ཀྱི་སྒོ་འབྱེད་པ་སོགས་ཐུན་མོང་མ་ཡིན་པའི་ཚུལ་ཆེས་མང་ངོ་། །</br>11. ཆོས་ཀྱི་འཁོར་ལོ་བསྐོར་བའི་མཛད་པ་ནི། ཚངས་སོགས་གསོལ་བཏབ་ངེས་དང་མ་ངེས་གནས། ། དྲང་ངེས་ཆོས་ཀྱི་འཁོར་ལོ་རིམ་གསུམ་བསྐོར། ། རྫོགས་པའི་སངས་རྒྱས་ཤིང་སྒྲོལ་རྒྱུའི་དྲུང་དུ་བཞུགས་པའི་ཚེ་རང་གིས་བརྙེས་ པའི་ཆོས་ཟབ་མོ་དེ་འཇིག་རྟེན་པ་ཀུན་གྱིས་མི་རྟོགས་པར་དགོངས་ཏེ། ཟབ་ཞི་སྤྲོས་བྲལ་འོད་གསལ་འདུས་མ་བྱས། ། བདུད་རྩི་ལྟ་བུའི་ཆོས་ཤིག་བདག་གིས་རྙེད། ། སུ་ལ་བསྟན་ཀྱང་གོ་བར་མི་ནུས་པས། ། མི་སྨྲ་ནགས་འདབ་ཉིད་དུ་གནས་པར་བྱ། ། ཞེས་གསུངས་ཏེ་ཐུགས་ལས་ཆུང་ངུར་བཞུགས་པ་ན། སངས་རྒྱས་ཀྱི་མཐུས་མཐུས་ཚངས་པ་གཙུག་ཕུད་ཅན་འཁོར་འབུམ་ཕྲག་དྲུག་ཅུ་རྩ་བརྒྱུད་ཀྱི་འཁོར་དང་ལྷན་ཅིག་ཏུ་འོངས་ནས་རོངས་ནས་ཆོས་སྟོན་པར་གསོལ་བ་བཏབ་ཀྱང་མ་གནང་བ་ན་བརྒྱ་བྱིན་གྲོགས་སུ་སྦྲན་ཏེ་ལན་གསུམ་དུ་གསོལ་བ་བཏབ་པས་གདུལ་བྱ་རྣམས་ཀྱི་དབང་པོའི་རིམ་པ་ལེགས་པར་གཟིགས་ཏེ་མ་ངེས་པའི་སེམས་ཅན་རྣམས་ལས་བརྩམས་ཏེ་བདུད་རྩིའི་སྒོ་དབྱེ་བར་ཞལ་གྱིས་བཞེས་པ་ན་དེ་བཞིན་གཤེགས་པས་ཆོས་ཀྱི་འཁོར་ལོ་བསྐོར་རོ་ཞེས་པའི་སྒྲ་ཚངས་རིས་ཀྱི་བར་དུ་གྲགས་སོ། ། དེ་ནས་ཝ་ར་ཎ་སིར་བསོད་སྙོམས་མཛད་ཅིང་དྲུང་སྲོང་ལྷུང་བ་རི་དྭགས་ཀྱི་ནགས་སུ་གཤེགས་པའི་ཚེ་ལྔ་སྡེ་བཟང་པོས་མདུན་བསུས་ཏེ་དེ་དག་ཚུར་ཤོག་གིས་དགེ་སློང་གི་དངོས་པོར་གྱུར་ནས་ས་ཕྱོགས་དེར་སེང་གེའི་ཁྲི་ཆེན་པོ་སྟོང་བྱུང་བ་དང་ཁྲི་དང་པོ་གསུམ་ལ་བསྐོར་བ་མཛད་ཅིང་ཁྲི་བཞི་པ་ལ་སྐྱིལ་མོ་ཀྲུང་གིས་བཞུགས་པའི་ཚེ་ཕྱོགས་བཅུའི་འཇིག་རྟེན་ཏུ་སྣང་བ་ཆེན་པོས་ཁྱབ་པ་དང་ཆོས་ཉན་པར་སྐུལ་བའི་སྒྲའང་བྱུང་བ་ན་ལྷའི་བུ་བྱང་ཆུབ་སེམས་དཔའ་སེམས་བསྐྱེད་མ་ཐག་ཏུ་ཆོས་ཀྱི་འཁོར་ལོ་བསྐོར་བ་ཞེས་བྱ་བས་ཛམྦུ་ཆུ་གསེར་ལས་གྲུབ་པའི་འཁོར་ལོ་རྩིབས་སྟོང་པ་ཕུལ་བ་སོགས་བྱང་ཆུབ་སེམས་དཔའ་དང་ལྷ་དཔག་ཏུ་མེད་པ་དག་ཀྱང་འདུས་པ་ལ་ཆུ་སྟོད་ཟླ་བའི་ཚེས་བཞིར་བདེན་པ་བཞིའི་ངོ་བོ་དང་། བྱ་བ་དང་འབྲས་བུའི་ཚུལ་གྱིས་ལན་གསུམ་དུ་བཟླས་ཏེ་རྣམ་པ་བཅུ་གཉིས་སུ་བསྐོར་བའི་ཆོས་བསྟན་པས་ལྔ་སྡེ་བཟང་པོས་དག་བཅོམ་ཐོབ། འཇིག་རྟེན་ན་དཀོན་མཆོག་གསུམ་གྱི་ཐོག་མ་བྱུང་། དེ་ནས་རིམ་པར་རི་བོ་ག་ཡ་དང་སྤོས་ངད་ལྡང་། རྒྱལ་པོའི་ཁབ། བྱ་རྒོད་ཕུང་པོའི་རི། མཉན་ཡོད་རྒྱལ་བྱེད་ཀྱི་ཚལ། ཀོ་ས་ལ། སེར་སྐྱའི་གཞི། ཡངས་པ་ཅན་གྱི་གྲོང་ཁྱེར་ལ་སོགས་པ་ངེས་པ་དང་། ལྷ་དང་ཀླུའི་གནས། རྡོ་རྗེ་རིན་པོ་ཆེའི་ཁང་པ་སོགས་མ་ངེས་པའི་གནས་ཅི་རིགས་པ་རྣམས་སུ་དྲང་བ་དང་ངེས་པའི་དོན་ལས་བརྩམས་ཏེ་ཐོག་མཐའ་བར་དུ་དགེ་བའི་ཆོས་ཀྱི་འཁོར་ལོ་ཆེན་པོ་རིམ་པ་གསུམ་དུ་བསྐོར། མཆོག་ཟུང་ལ་སོགས་པ་འཁོར་རྣམ་པ་བཞི་བགྲང་བ་ལས་འདས་པ་འབྲས་བུ་རྣམ་པ་བཞི་ལ་བཀོད། ཐེག་པ་ཆེན་པོའི་རིགས་ཅན་གྱི་ལྷ་དང་མི་གྲངས་མེད་པ་བྱུང་ཆུབ་ཏུ་ལུང་བསྟན། མཉན་དུ་ཡོད་པར་འཇིག་རྟེན་དང་འཇིག་རྟེན་ལས་འདས་པའི་ཆོ་འཕྲུལ་ཆེན་པོ་བསྟན། སུམ་ཅུ་རྩ་གསུམ་དུ་ཡུམ་སྒྱུ་འཕྲུལ་ཆེན་པོའི་ཆེད་དུ་དབྱར་གནས་པར་མཛད་ཅིང་གྲོང་ཁྱེར་གསལ་ལྡན་དུ་ལྷ་ལས་བབས། དཔལ་ལྡན་འབྲས་སྤུངས་ཀྱི་མཆོད་རྟེན་ལ་སོགས་པར་འདུལ་བྱ་ཐུན་མོང་མ་ཡིན་པ་རྣམས་ལ་སྔགས་ཀྱི་ཐེག་པ་བསྟན་པ་སོགས་འདུལ་བཞིའི་ཆོ་འཕྲུལ་བསམ་བརྗོད་ཀྱི་ཡུལ་ལས་འདས་ཤིང་། མདོར་ན་དགུང་ལོ་ཉེར་དགུར་ཁབ་ཏུ་བཞུགས། ལོ་དྲུག་ཏུ་དཀའ་བ་སྤྱད། དགུང་ལོ་སོ་ལྔ་པར་སངས་རྒྱས་ནས་དགུང་ལོ་བརྒྱད་ཅུ་ཐམ་པའི་བར་དབྱར་གནས་པ་གཞི་བཅུ་རྩ་ལྔ་མཛད་ནས་ཆོས་ཀྱི་འཁོར་ལོ་བླ་ན་མེད་པ་བསྐོར་ཏོ། །</br>12. མྱ་ངན་ལས་འདས་པའི་མཛད་པ་ནི། མི་གནས་མྱ་ངན་འདས་པའི་ཚུལ་བསྟན་ཅིང་། ། སྐུ་གདུང་འཇིག་རྟེན་ཀུན་ཏུ་རྒྱས་པར་མཛད། ། དེ་ལྟར་མཛད་པ་མཐར་ཕྱིན་པའི་སྐབས་སྐུ་ཚེའི་འདུ་བྱེད་ནི་བཏང་། འཚོ་བའི་འདུ་བྱེད་ནི་བྱིན་གྱིས་བརླབས་ནས་ལྟས་ཆེན་པོ་སྣང་བར་གྱུར་པ་དང་ལྷན་ཅིག་གྲོང་ཁྱེར་ཡངས་པ་ཅན་ལ་སོགས་པར་རིམ་གྱིས་གཤེགས་ཏེ་སླད་མའི་དུས་ཆོས་དང་ཆོས་མ་ཡིན་པ་རྣམ་པར་དབྱེ་བ་ན། མདོ་སྡེ་དང་མཐུན། འདུལ་བ་ལ་སྣང་། ཆོས་ཉིད་དང་མི་འགལ་ན་སྟོན་པའི་བསྟན་པར་ཟུངས་ཤིག་པ་སོགས་གདམས་ནས་མགར་བའི་བུ་ཙུནྡ་ལས་བཤོས་ཀྱི་ཐ་མ་གསོལ་ཏེ་གྲོང་ཁྱེར་རྩྭ་ཅན་དུ་ཤིང་སཱ་ལ་ཟུང་གི་བར་ཐ་མའི་གཟིམས་ཁྲི་ལ་སེང་གེའི་ཉལ་སྟབས་ཀྱིས་བཞུགས་ཏེ་སྣང་བའི་འདུ་ཤེས་དང་། དྲན་པ་དང་ཤེས་བཞིན་གྱི་འདུ་ཤེས་དང་། མྱ་ངན་ལས་འདས་པའི་འདུ་ཤེས་ཐུགས་ལ་མཛད། ཀུན་དགའ་བོ་ལ་ངོ་མཚར་རྨད་དུ་བྱུང་བའི་ཆོས་བཞི་ཚན་གསུམ་བསྟན་ཅིང་ཞལ་གྱི་གདམས་པ་བསྩལ། དྲི་ཟའི་རྒྱལ་པོ་རབ་དགའ་དང་ཀུན་ཏུ་རྒྱུ་རབ་བཟང་སོགས་བཏུལ། ཟླ་བ་ཕྱེད་ཕྱེད་དུ་སོ་སོར་ཐར་པའི་མདོ་འདོན་པས་སྟོན་པའི་མཛད་པ་སོགས་གདམས་ནས་ལུགས་འབྱུང་དང་ལུགས་ལྡོག་གི་བསམ་གཏན་ལ་སྙོམས་པར་ཞུགས་ནས། སླར་བསམ་གཏན་བཞི་པའི་རབ་མཐའ་ལ་བརྟེན་ནས་ཞི་བ་མི་གཡོ་བའི་སྤྱན་དང་ལྡན་པ་བརྙེས་ཏེ་མི་གནས་པའི་དབྱིངས་སུ་མྱ་ངན་ལས་འདས་པའི་ཚུལ་བསྟན། ཞག་བདུན་དུ་ལྷ་དང་མིའི་མཆོད་པ་རྒྱ་ཆེན་པོས་མཆོད་ཅིང་སྐུ་གདུང་རྒྱུད་ཀྱིས་དབུ་རྒྱུན་བཏགས་པའི་མཆོད་རྟེན་གྱི་དྲུང་དུ་སྤྱན་དྲངས་ཏེ་སའི་སྟེང་དུ་ཟླ་མེད་པའི་ཉན་ཐོས་ཆེན་པོ་བཞི་ལ་སོགས་པས་མཆོད་ཅིང་མེ་རང་འབར་དུ་གྱུར་པས་གདུང་རྣམས་ཡུངས་འབྲུ་ལྟ་བུའི་རིང་བསྲེལ་གྱི་ཕུང་པོར་གྱུར་པ་མ་ག་དྷཱའི་རྒྱལ་པོ་མ་སྐྱེས་དགྲ་དང་། ཡངས་པ་ཅན་གྱི་ལི་ཙྪ་བཱི་ལ་སོགས་པ་རྣམས་ཀྱིས་ཆ་བརྒྱུད་དུ་བགོས་ཏེ་སོ་སོའི་ཡུལ་དུ་མཆོད་རྟེན་བརྩིགས་ཤིང་དུས་སྟོན་ཆེན་པོར་བཙུགས་ནས་མཆོད་པ་རྒྱ་ཆེན་པོས་མཆོད། – ཚེམས་མཆེ་བ་བཞི་པོ་སུམ་ཅུ་རྩ་གསུམ་པ་དང་། གྲོང་ཁྱེར་སྒྲ་སྒྲོགས་ཀླུའི་རྒྱལ་པོ་སོགས་ཀྱིས་སོ་སོར་ཐོབ་ནས་མཆོད། མ་སྐྱེས་དགྲའི་གདུང་སྐལ་རྣམས་ཕྱིས་ཆོས་རྒྱལ་མྱ་ངན་མེད་ཀྱིས་བླངས་ཏེ་ཛམྦུའི་གླིང་དུ་མཆོད་རྟེན་བྱེ་བ་ནུབ་གཅིག་ལ་བཞེངས་པ་དང་། མ་འོངས་པ་ན་དེ་དག་ནོར་བུ་ཏོག་གི་བློ་གྲོས་སུ་གྱུར་ནས་དོན་མཛད་པ་སོགས་མདོར་ན་སྐུ་གདུང་ཡང་འཇིག་རྟེན་ཀུན་ཏུ་རྒྱས་ཤིང་འཕེལ་བས་སངས་རྒྱས་ཀྱི་མཛད་པ་མཐའ་ཡས་པ་མཛད་དོ། །ལ་བས་སངས་རྒྱས་ཀྱི་མཛད་པ་མཐའ་ཡས་པ་མཛད་དོ། །)
• Dictionaries/Bod rgya shen sjar gyi shes jai rnam drangs kun btus tshig mdzod/1086  + (1. དབུས་སུ་ཟུག་པ་རྩ་བའི་སྐོར་སངས་རྒྱས་གླིང་པ། 2. ཤར་དུ་འདྲིལ་བ་སྡོང་པོའི་སྐོར་རྡོ་རྗེ་གླིང་པ། 3. ནུབ་ཏུ་གསལ་བ་མེ་ཏོག་གི་སྐོར་པདྨ་གླིང་པ། 4. ལྷོར་སྨིན་པ་འབྲུའི་སྐོར་རཏྣ་གླིང་པ། 5. བྱང་དུ་གྱེས་པ་ཡལ་གའི་སྐོར་ཀརྨ་གླིང་པ་སྟེ་ལྔའོ།)
• Dictionaries/Bod rgya shen sjar gyi shes jai rnam drangs kun btus tshig mdzod/1790  + (1. དབུས་སུ་འཇིགས་བྱེད་ཆེན་པོ། 2. ཤར་དུ་ལྷ་ཆེན་ཁྲོས་པ། 3. ལྷོར་འཇིགས་བྱེད་སྔོ་ནག 4. ནུབ་ཏུ་ཚངས་པ་ཁྲོས་པ། 5. བྱང་དུ་ཁྱབ་འཇུག་ཁྲོས་པ། 6. ཤར་ལྷོར་འདོད་ལྷ་ཁྲོས་པ། 7. ལྷོ་ནུབ་ཏུ་ཚོགས་བདག་ཁྲོས་པ། 8. ནུབ་བྱང་དུ་འབྲིང་གི་རི་ཏི་ཁྲོས་པ། 9. བྱང་ཤར་སྨིན་དྲུག་ཁྲོས་པའོ།)
• Dictionaries/Bod rgya shen sjar gyi shes jai rnam drangs kun btus tshig mdzod/1782  + (1. དབུས་སུ་ཤེལ་གིང་དཀར་པོ། 2. ཤར་དུ་དཀར་པོ་མི་གཅིག 3. ཤར་ལྷོར་གཟའ་ཐེའུ་དམར་པོ། 4. ལྷོའི་བྱེ་བ་རྐང་རིང་། 5. ལྷོ་ནུབ་ཀྱི་གནམ་ཐེའུ་དཀར་པོ། 6. ནུབ་ཀྱི་ཡམ་ཤུད་དམར་པོ། 7. ནུབ་བྱང་གི་ས་ཐེའུ་ནག་པོ། 8. བྱང་གི་ཁུ་ལེ་ལག་དགུ 9. བྱང་ཤར་གྱི་བར་ཐེའུ་ཁྲ་བོ།)
• Dictionaries/Bod rgya shen sjar gyi shes jai rnam drangs kun btus tshig mdzod/1795  + (1. དབུས་སུ་སངས་རྒྱས་གླིང་དང་། 2. ཤར་དུ་རྡོ་རྗེ་གླིང་། 3. ལྷོར་རཏྣ་གླིང་། 4. ནུབ་ཏུ་པདྨ་གླིང་། 5. བྱང་དུ་ཀརྨཱ་གླིང་། 6. ཤར་ལྷོར་ཨོ་རྒྱན་གླིང་། 7. དེ་བཞིན་བསམ་གཏན་གླིང༌། 8. ཞིག་པོ་གླིང་། 9. ཀུན་སྐྱོང་གླིང་ཞེས་རིན་ཆེན་གཏེར་སྙིང་གླིང་།)
• Dictionaries/chos rnam kun btus/10297  + (1. བྱ། 2. གཅན་གཟན། 3. རི་དྭགས། 4. ཕྱུགས་ལུག 5. ཆུ་གནས་སྲོག་གཅོད། 6. རྟ་གླང་སོགས་བཀོལ་ཆོགས། 7. ཕུ་འབྲོག 8. མདའ་མཁར། 9. བར་དགོན་གནས། 10. དབུས་སུ་ལྷ་ཁང་། 11. རྒྱལ་པོའི་ཕོ་བྲང་། 12. ཆོས་འཆད་ཉན། 13. ཡུལ་འབངས་མཐུན་སྒྲིལ་བཅས་སོ། །)
• Dictionaries/Bod rgya shen sjar gyi shes jai rnam drangs kun btus tshig mdzod/1197  + (1. འཛམ་བུའི་གླིང་འདིའི་དབུས་ན་ཐུབ་པའི་བཞུགས་གནས་རྡོ་རྗེ་གདན། 2. ཤར་ན་འཇམ་དབྱངས་ཀྱི་བཞུགས་གནས་རི་བོ་རྩེ་ལྔ། 3. ལྷོ་ན་སྤྱན་རས་གཟིགས་ཀྱི་བཞུགས་གནས་རི་བོ་གྲུ་འཛིན། 4. ནུབ་ན་མཁའ་འགྲོའི་བཞུགས་གནས་ཨུ་རྒྱན། 5. བྱང་ན་རིགས་ལྡན་གྱི་བཞུགས་གནས་ཤམ་བྷ་ལའོ།)
• Dictionaries/Bod rgya shen sjar gyi shes jai rnam drangs kun btus tshig mdzod/1834  + (1. འོ་དེ་གུང་རྒྱལ་ལ་བུ་བརྒྱད་བྱུང་སྟེ། 2. … 1. འོ་དེ་གུང་རྒྱལ་ལ་བུ་བརྒྱད་བྱུང་སྟེ། 2. ཡར་ལྷ་ཤམ་པོ། 3. གཉན་ཆེན་ཐང་ལྷ། 4. རྨ་ཆེན་སྦོམ་ར། 5. སྒྲོགས་ཆེན་ལྡོད་ར། 6. སྒམ་པོ་ལྷ་རྗེ། 7. ཞོགས་ལྷ་རྒྱུག་པོ། 8. ཇོ་བོ་གཡུལ་རྒྱལ། 9. ཤེའུ་ཁ་རག་རྣམས་སོ། འདི་དག་སྟོད་མངའ་རིས་སྐོར་གསུམ་དང་། བར་དབུས་གཙང་རུ་བཞི། སྨད་མདོ་ཁམས་སྒང་དྲུག་སྟེ་བོད་ཀྱི་སྟོད་སྨད་བར་གསུམ་ལ་གནས་པའོ།ུག་སྟེ་བོད་ཀྱི་སྟོད་སྨད་བར་གསུམ་ལ་གནས་པའོ།)
• Dictionaries/chos rnam kun btus/10287  + (1. ཡུལ་དབུས་སུ་སྐྱེས་པ། 2. དབང་པོ་ཚང་བ། 3. … 1. ཡུལ་དབུས་སུ་སྐྱེས་པ།</br>2. དབང་པོ་ཚང་བ།</br>3. སྨོན་ལམ་དག་པ།</br>4. སྡིག་གྲོགས་དང་མ་ཕྲད་པ།</br>5. ལས་མཐའ་མ་ལོག་པ།</br>6. ལྟ་བ་ངན་པས་མི་འཕྲོག་པ་སྟེ་བདག་གི་འབྱོར་པ་དྲུག</br>7. སངས་རྒྱས་འཇིག་རྟེན་དུ་བྱོན་པ།</br>8. དམ་ཆོས་བསྟན་པ།</br>9. བསྟན་པ་གནས་པ།</br>10. ཟང་ཟིང་ལ་མི་བལྟ་ཞིང་ཆོས་གྲོགས་དང་ཕྲད་པ།</br>11. བཤེས་གཉེན་སྙིང་རྗེ་ཆེ་བ་དང་ཕྲད་པ།</br>12. ཆོས་བྱེད་པ་ལ་བྱམས་པའི་གྲོང་ཁྱེར་དང་ཉེ་བར་སྐྱེས་པ།</br>13. རྒྱལ་པོ་ཆོས་བཞིན་དུ་བྱེད་པའི་ཡུལ་དུ་སྐྱེས་པ་སྟེ་གཞན་འབྱོར་བདུན་བཅས་སོ། །ུལ་དུ་སྐྱེས་པ་སྟེ་གཞན་འབྱོར་བདུན་བཅས་སོ། །)
• Dictionaries/chos rnam kun btus/10039  + (1. ལུག་ཁྱིམ་ནི། བོད་ཟླ་གསུམ་པར་ཉི་མ་ཤར་ཕྱོ … 1. ལུག་ཁྱིམ་ནི། བོད་ཟླ་གསུམ་པར་ཉི་མ་ཤར་ཕྱོགས་ཀྱི་ཁྱིམ་དབུས་མ་དེར་སླེབས་སྐབས་ལུག་རྣམས་བལ་འབྲེག་པའི་དུས་ཡིན་པས་ཁྱིམ་དེ་ལ་ལུག་ཁྱིམ་ཞེས་བརྗོད།</br>2. གླང་ཁྱིམ་ནི། བོད་ཟླ་བཞི་པར་ཉི་མ་བྱང་ཤར་གྱི་ཁྱིམ་དེར་སླེབས་སྐབས་གླང་རྣམས་ཞིང་རྨོ་བའི་དུས་ཡིན་པས་ཁྱིམ་དེ་ལ་གླིང་ཁྱིམ་ཞེས་བརྗོད།</br>3. འཁྲིག་པའི་ཁྱིམ་ནི། བོད་ཟླ་ལྔ་པར་ཉི་མ་བྱང་གི་ཁྱིམ་དཀྱིལ་ལ་སླེབས་སྐབས་སྲོག་ཆགས་རྣམས་འཁྲིག་པ་སྤྱོད་པའི་དུས་ཡིན་པས་ཁྱིམ་དེ་ལ་འཁྲིག་ཁྱིམ།</br>4. ཀརྐ་ཊའི་ཁྱིམ་ནི། བོད་ཟླ་དྲུག་པར་ཉི་མ་བྱང་སྟོད་ཀྱི་ཁྱིམ་ལ་སླེབས་སྐབས་ཆར་དུས་ཚུགས་ཤིང་སྦལ་པ་སྐད་འབྱིན་པའི་དུས་ཡིན་སྟབས་ཁྱིམ་དེ་ལ་ཀརྞ་ཀའི་ཁྱིམ།</br>5. སེང་གེ་ཁྱིམ་ནི། བོད་ཟླ་བདུན་པ་ཉི་མ་ནུབ་སྨད་ཀྱི་ཁྱིམ་དེར་སླེབས་སྐབས་ཚ་བ་ཆེ་ཞིང་སེང་གེ་འཁྲིག་པ་སྤྱོད་པའི་དུས་ཡིན་པས་ཁྱིམ་དེ་ལ་སེང་གེའི་ཁྱིམ།</br>6. བུ་མོའི་ཁྱིམ་ནི། བོད་ཟླ་བརྒྱད་པ་ཉི་མ་ནུབ་ཕྱོགས་ཀྱི་ཁྱིམ་དབུས་མ་དེར་སླེབས་སྐབས་བུ་མོ་གཞོན་ནུ་རྣམས་བཞིན་གྱི་མདངས་གསལ་བའི་དུས་ཡིན་པས་ཁྱིམ་དེ་ལ་བུ་མོའི་ཁྱིམ།</br>7. སྲང་གི་ཁྱིམ་ནི། བོད་ཟླ་དགུ་པ་ཉི་མ་ནུབ་སྟོད་ཀྱི་ཁྱིམ་དེར་སླེབས་སྐབས་འབྲུ་དང་མར་སྲང་ལ་བཏེག་ནས་བརྗེ་འཚོང་བྱེད་པའི་དུས་ཡིན་པས་ཁྱིམ་དེ་ལ་སྲང་གི་ཁྱིམ།</br>8. སྡིག་པའི་ཁྱིམ་ནི། བོད་ཟླ་བཅུ་པ་ཉི་མ་ལྷོ་སྨད་ཀྱི་ཁྱིམ་དེར་སླེབས་སྐབས་གཅན་གཟན་རྣམས་གྲ་ལེགས་ཤིང་རྔོན་པ་རྣམས་ཀྱིས་རི་དྭགས་དང་གཅན་གཟན་བསད་ནས་སྡིག་པ་ཤུགས་ཆེར་བསགས་པའི་དུས་ཡིན་པས་ཁྱིམ་དེ་ལ་སྡིག་པའི་ཁྱིམ།</br>9. གཞུའི་ཁྱིམ་ནི། བོད་ཟླ་བཅུ་གཅིག་པ་ཉི་མ་ལྷོ་ཕྱོགས་ཀྱི་ཁྱིམ་དྲུང་པོར་སླེབས་སྐབས་ས་གནས་འདིར་གནམ་གཤིས་ཧ་ཅང་གྲང་བས་གཞུ་རྒྱུད་ཀྱང་འཐེན་མི་ཐུབ་པའི་དུས་ཡིན་པས་ཁྱིམ་དེ་ལ་གཞུ་ཁྱིམ།</br>10. ཆུ་སྲིན་གྱི་ཁྱིམ་ནི། བོད་ཟླ་བཅུ་གཉིས་པ་ཉི་མ་བྱང་སྟོད་ཀྱི་ཁྱིམ་དེར་སླེབས་སྐབས་རྒྱ་མཚོ་ཆེན་པོའི་ཆུ་ཧ་ཅང་གྲང་བར་བརྟེན་ཆུ་སྲིན་ཡང་ཁ་ཉི་མ་ལ་བལྟས་ནས་ཉི་མ་སྲོ་བའི་དུས་ཡིན་པས་ཁྱིམ་དེ་ལ་ཆུ་སྲིན་གྱི་ཁྱིམ།</br>11. བུམ་པའི་ཁྱིམ་ནི། བོད་ཟླ་དང་པོ་ཉི་མ་ཤར་སྨད་ཀྱི་ཁྱིམ་དེ་ལ་སླེབས་སྐབས་བུམ་པའི་ནང་གི་ཆུ་འཁྱགས་པ་དྲོས་པའི་དུས་ཡིན་པས་ཁྱིམ་དེ་ལ་བུམ་པའི་ཁྱིམ།</br>12. ཉའི་ཁྱིམ་ནི། བོད་ཟླ་གཉིས་པ་ཉི་མ་ཤར་ཕྱོགས་དྲང་པོའི་ཁྱིམ་དེ་ལ་སླེབས་སྐབས་ས་ལ་དྲོད་སླེབས་པའི་དུས་སུ་རྒྱུ་མཚོའི་ནང་གི་ཉ་ལྡང་བའི་དུས་ཡིན་པས་ཁྱིམ་དེ་ལ་ཉ་ཡི་ཁྱིམ་ཞེས་བརྗོད་པ་ཡིན།ིན་པས་ཁྱིམ་དེ་ལ་ཉ་ཡི་ཁྱིམ་ཞེས་བརྗོད་པ་ཡིན།)
• Dictionaries/chos rnam kun btus/9694  + (1. ས་དང་པོ་ཆོས་ཀྱི་དབྱིངས་ཀྱིས་ཤེས་བྱ་ཐམས་ … 1. ས་དང་པོ་ཆོས་ཀྱི་དབྱིངས་ཀྱིས་ཤེས་བྱ་ཐམས་ཅད་ལ་ཁྱད་པར་ཤེས་པས་ཆོས་ཉིད་ཀུན་འགྲོའི་དོན་དུ་རྟོགས།</br>2. ས་གཉིས་པ་རང་བཞིན་གྱིས་འོད་གསལ་བར་མཐོང་བས་ཆོས་ཉིད་དེ་ཆོས་རྣམས་ཀྱི་ནང་ནས་མཆོག་གི་དོན།</br>3. ས་གསུམ་པ་བསྟན་པའི་ཆོས་རྟོགས་པའི་རྒྱུ་མཐུན་པའི་དོན།</br>4. ས་བཞི་པ་གང་ལའང་བདག་གི་བར་ཡོངས་སུ་འཛིན་པ་མེད་པའི་དོན།</br>5. ས་ལྔ་པ་རྣམ་པར་དག་པའི་དབྱིངས་སུ་རང་གཞན་གྱི་རྒྱུད་ཐ་དད་པ་མེད་པའི་དོན།</br>6. ས་དྲུག་པ་དྲི་མ་གློ་བུར་བ་ཡིན་པས་པས་ཀུན་ནས་ཉོན་རྨོངས་པ།</br>7. ས་བདུན་པ་མདོ་ལ་སོགས་པའི་ཆོས་ཀྱི་མཚན་མ་ཐ་དད་མེད་པའི་དོན།</br>8. ས་བརྒྱད་པ་མི་སྐྱེ་བའི་ཆོས་ལ་བཟོད་པ་ཐོབ་པས་ཉོན་མོངས་པ་བྲི་བ། རྣམ་པར་བྱང་བ་འཕེལ་བ་མེད་པའི་དོན།</br>9. ས་དགུ་པ་ཡེ་ཤེས་གནས་གྱུར་པས་སོ་སོ་ཡང་དག་པར་རིག་པའི་ཡེ་ཤེས་ལ་དབང་བའི་དོན།</br>10 . ས་བཅུ་པ་ཇི་ལྟར་བཞེད་པ་བཞིན་སྤྲུལ་ནས་སེམས་ཅན་གྱི་དོན་བྱེད་པས་འཕྲིན་ལས་ལ་དབང་བའི་གནས་ཀྱི་དོན། ཞེས་མདོ་རྒྱུད་དང་དབུས་མཐའ་ལས་གསུངས་སོ། །། ཞེས་མདོ་རྒྱུད་དང་དབུས་མཐའ་ལས་གསུངས་སོ། །)
• Dictionaries/chos rnam kun btus/9764  + (1. སངས་རྒྱས་ཀྱི་སྐུ་ནི་ཕ་རོལ་གྱི་གནོད་པ་ཐམ … 1. སངས་རྒྱས་ཀྱི་སྐུ་ནི་ཕ་རོལ་གྱི་གནོད་པ་ཐམས་ཅད་ཀྱིས་མི་ཤིགས་མི་ཆོད་པའོ། ། འཇིག་རྟེན་གྱི་ཡུལ་ཐམས་ཅད་ཀྱིས་སྐུ་ཚེའི་དབང་པོ་ཉམས་པར་མི་ནུས་པའོ། ། འཇིག་རྟེན་གྱི་ཁམས་ཐམས་ཅད་ཀྱི་བསྐལ་པའི་མེའི་གདུང་བས་འཚིག་པར་མི་ནུས་པའོ། ། འཇིག་རྟེན་གྱི་ཁམས་ཐམས་ཅད་འཇིག་པར་གཏོགས་པའི་ཆུའི་ཕུང་པོར་འགྲོངས་པར་མི་འགྱུར་བའོ། ། བདུད་ཐམས་ཅད་དང་།བདུད་ཀྱི་སྡེ་ཐམས་ཅད་དང་། ལྷ་ཐམས་ཅད་ཀྱི་དཔུང་དང་། ཀླུ་དང་། གནོད་སྦྱིན་དང་། དྲི་ཟ་དང་། ལྷ་མ་ཡིན་དང་། ནམ་མཁའ་ལྡིང་དང་། མིའམ་ཅི་དང་། ལྟོ་འཕྱེ་ཆེན་པོ་དང་། མི་དང་མི་མ་ཡིན་པ་ཐམས་ཅད་ཀྱི་དཔུང་དང་། ཤ་ཟ་དང་། སྲིན་པོ་ཐམས་ཅད་ཀྱི་དཔུང་དང་། སེམས་ཅན་མ་ལུས་པ་ཐམས་ཅད་ཀྱི་དཔུང་གིས་བརྒལ་བར་དཀའོ། ། རྡོ་རྗེ་རི་རབ་ཙམ་གྱི་ཆར་པ་དང་། ཁོར་ཡུག་གི་རི་ཆེན་པོ་ཙམ་དང་། སྟོང་གསུམ་གྱི་སྟོང་ཆེན་པོ་ཙམ་གྱི་རྡོ་རྗེའི་ཆར་བབ་ཀྱང་། བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡོང་དག་པར་རྫོགས་པའི་སངས་རྒྱས་ཀྱི་བ་སྤུ་གཅིག་ཀྱང་འགྲུལ་བར་མི་འགྱུར། གཡོ་བར་མི་འགྱུར་ཏེ། བག་ཚ་བའི་ཤས་མི་མངའ་བའོ། ། བཞུགས་སམ། བཞེངས་སམ། བཞུད་དམ། གཟིམས་ཀྱང་རུང་སྟེ། སྤྱོད་ལམ་འགྱུར་བ་མེད་དོ། ། དེ་བཞིན་གཤེགས་པ་གང་ན་བཞུགས་པའི་ཡུལ་དེ་དང་། དེའི་འཁོར་དག་ཏུ་ཡང་དེ་བཞིན་གཤེགས་པ་དགྱེས་ན་ཀུན་ཏུ་འབབ་པར་མི་འགྱུར་རོ། ། སངས་རྒྱས་ཀྱི་ཞབས་འབྲིང་རྣམས་ལ་ཡང་གནོད་པར་མི་འགྱུར་རོ། ། སངས་རྒྱས་ཀྱི་བྱིན་གྱིས་བརླབས་པའི་སེམས་ཅན་རྣམས་ལ་ཡང་གནོད་པར་མི་འགྱུར་ཞིང་མི་གཡོ་ན། དེ་བཞིན་གཤེགས་པའི་སྐུ་ལྟ་ལ་སྨོས་ཀྱང་ཅི་དགོས་ཏེ། འདི་ནི་སངས་རྒྱས་བཅོམ་ལྡན་འདས་རྣམས་ཀྱི་མཐུ་བོ་ཆེན་པོའི་སྟོབས་སངས་རྒྱས་ཀྱི་སྤྱོད་པའི་རྒྱལ་མཚན་གྱི་ཆོས་དང་པོའོ། །</br>2. གཞན་ཡང་སངས་རྒྱས་བཅོམ་ལྡན་འདས་རྣམས་དགྱེས་ན། ཆོས་ཀྱི་དབྱིངས་ཐམས་ཅད་ཀྱིས་ཀླས་པའི་འཇིག་རྟེན་གྱི་ཁམས་ཐམས་ཅད་རི་རབ་ཀྱི་རི་དང་བཅས་པ། ཁོར་ཡུག་གི་ཁོར་ཡུག་ཆེན་པོའི་རི་དང་བཅས་པ། རྒྱ་མཚོ་དང་རི་དང་ནགས་ཚལ་ཐིབས་པོ་དང་། སེམས་ཅན་གནས་པའི་གནས་ཐ་དད་པ་ཀུན་དང་བཅས་པ། དེ་ལྟ་བུའི་འཇིག་རྟེན་གྱི་ཁམས་ཐམས་ཅད་དེ་བཞིན་གཤེགས་པའི་བ་སྤུའི་བུ་ག་གཅིག་ཏུ་བཙུད་དེ། ཕྱི་མའི་མཐའི་བསྐལ་པའི་མུར་ཐུག་པར་བཞག་ཀྱང་དེ་བཞིན་གཤེགས་པའི་བྱིན་གྱི་རླབས་མ་གཏོགས་པར་སེམས་ཅན་རྣམས་ཀྱི་ཤེས་པར་མི་ནུས་སོ། ། དེ་བཞིན་གཤེགས་པ་དེ་དག་ནི་དེ་སྙེད་ཀྱི་འཇིག་རྟེན་གྱི་ཁམས་སྐུའི་བ་སྤུའི་ཁུང་བུ་གཅིག་གིས་བཟུང་སྟེ། ཕྱི་མའི་མཐའི་བསྐལ་པའི་མུར་ཐུག་པར་བསྣམས་ཤིང་། གཤེགས་སམ། བཞུགས་སམ། བཞེངས་སམ། གཟིམས་ཀྱང་རུང་སྟེ། དེ་བཞིན་གཤེགས་པའི་ཐུགས་སྐད་ཅིག་ཙམ་ཡང་སྐྱོ་བ་མི་མངའོ། ། ཆད་ཅིང་དུབ་པར་མི་འགྱུར་རོ། ། མཐུ་དང་སྟོབས་ལ་ཡོངས་སུ་ཉམས་པར་འགྱུར་བ་མི་མངའོ། ། སྤྱོད་ལམ་རྣམ་པར་འགྱུར་བ་མི་མངའོ། ། འདི་ལྟ་སྟེ། དཔེར་ན། ནམ་མཁའ་ནི་ཆོས་ཀྱི་དབྱིངས་མ་ལུས་པའི་འཇིག་རྟེན་གྱི་ཁམས་ཐམས་ཅད་འཛིན་ཀྱང་སྐྱོ་བ་མེད་དོ། ། དུབ་པ་མེད་དོ། ། གནོད་པ་མེད་དོ། ། མེད་པར་མི་འགྱུར་རོ། ། མི་གཡོ། མི་འབྱུང་། མི་འཇིག་གོ། ། དེ་བཞིན་དུ་སངས་རྒྱས་བཅོམ་ལྡན་འདས་རྣམས་ཀྱང་བ་སྤུའི་ཁུང་བུ་གཅིག་ཏུ་འཇིག་རྟེན་གྱི་ཁམས་མ་ལུས་པ་ཐམས་ཅད་བསྣམས་ཀྱང་། དེའི་རྒྱུས་ཐུགས་སྐད་ཅིག་ཙམ་དུ་ཡང་མི་བདེ་བའི་སྐུ་ཉམས་མི་འབྱུང་སྟེ། འདི་ནི་སངས་རྒྱས་བཅོམ་ལྡན་འདས་རྣམས་ཀྱི་མཐུ་བོ་ཆེན་པོའི་སྟོབས་སངས་རྒྱས་ཀྱི་སྤྱོད་པའི་རྒྱལ་མཚན་གྱི་ཆོས་གཉིས་པའོ། །</br>3. གཞན་ཡང་སངས་རྒྱས་བཅོམ་ལྡན་འདས་རྣམས་གཤེགས་སྟབས་གཅིག་ཏུ་བཞུད་པས་སངས་རྒྱས་ཀྱི་ཞིང་བརྗོད་དུ་མེད་པའི་ཡང་བརྗོད་དུ་མེད་པའི་རྡུལ་ཤིན་ཏུ་ཕྲ་བ་སྙེད་ཀྱི་འཇིག་རྟེན་གྱི་ཁམས་ཡོངས་སུ་འདའ་ཞིང་ཐུགས་བསྐྱེད་པ་གཅིག་གིས་བསྐལ་པ་ཐ་དད་པའི་རིམ་པས་སངས་རྒྱུས་ཀྱི་ཞིང་བརྗོད་དུ་མེད་པའི་ཡང་བརྗོད་དུ་མེད་པའི་རྡུལ་ཤིན་ཏུ་ཕྲ་བ་སྙེད་འབྱུང་བར་མཛད་དོ། ། དེ་ལྟ་བུར་གཤེགས་པས་བསྐལ་པ་འཇིག་རྟེན་གྱི་ཁམས་ཐམས་ཅད་དུ་རྡུལ་ཤིན་ཏུ་ཕྲ་བ་སྙེད་དུ་དུ་གཤེགས་ཤིང་། འཇིག་རྟེན་གྱི་ཁམས་ཐམས་ཅད་ཀྱི་སེམས་ཀྱི་རྒྱུད་ཇི་སྙེད་པའི་བསྐལ་པར་བཞུད་དེ། འཇིག་རྟེན་གྱི་ཁམས་ཐམས་ཅད་ཀྱི་རྡུལ་ཕྲ་བ་སྙེད་ཀྱི་འཇིག་རྟེན་གྱི་ཁམས་ཙམ་དུ་འཁོར་ཀུན་ཏུ་རྒྱ་ཆེ་ཞིང་ཡངས་པའི་ཁོར་ཡུག་ཆེན་པོའི་རྡོ་རྗེའི་རི་དང་། སངས་རྒྱས་ཀྱི་ཞིང་གི་རྣམ་པ་བརྗོད་དུ་མེད་པའི་ཡང་བརྗོད་དུ་མེད་པ་ལ་བསྒྲེས་པ་སྙེད་ཀྱི་རྡུལ་ཤིན་ཏུ་ཕྲ་བ་སྙེད་ཀྱང་དེ་ལ་བསྒྲེས་པ་དེ་སྙེད་བ་སྤུའི་ཁུང་བུ་གཅིག་ཏུ་བཙུད་དེ། བ་སྤུའི་ཁུང་བུ་གཅིག་ཏུ་ཇི་ལྟ་བ་བཞིན་དུ་སྐུའི་བ་སྤུའི་ཁུང་བུ་ཐམས་ཅད་དུ་བཙུད་དེ། བ་སྤུའི་ཁུང་བུ་ཡང་སེམས་ཅན་ཐམས་ཅད་སྙེད་དུ་གྱུར་ལ་དེ་དག་ཐམས་ཅད་བསྣམས་ཏེ། དེ་སྙེད་ཀྱི་བ་སྤུའི་ཁུང་བུར་ཚུལ་དེ་བཞིན་དུ་བཤམས་ཏེ། ཐུགས་བསྐྱེད་པ་དེ་ལྟ་བུས་དེ་བཞིན་གཤེགས་པ་འཇིག་རྟེན་གྱི་ཁམས་ཐམས་ཅད་དུ་རྒྱུ་ཞིང་གཤེགས་སམ། ཕྱོགས་ཀྱི་དྲ་བ་ཐམས་ཅད་དུ་རྒྱུ་ཞིང་གཤེགས་སམ། ། ནམ་མཁའི་དབྱིངས་སུ་ཐམས་ཅད་དུ་རྒྱུ་ཞིང་གཤེགས་སམ། འཇིག་རྟེན་གྱི་ཁམས་ཀྱི་རྒྱུད་འགྲུངས་པ་སྔོན་གྱི་མཐར་གཏོགས་པ་ནས་བཟུང་སྟེ། ཕྱི་མའི་མཐའི་བསྐལ་པའི་མུར་ཐུག་པར་དེ་བཞིན་དུ་གཤེགས་པས་བསྐལ་པ་ཐམས་ཅད་ཟད་པར་གྱུར་ཀྱང་དེ་བཞིན་གཤེགས་པ་བཞུད་པ་ལ་བརྩོན་པ་ནི་ཉམས་་པར་མི་འགྱུར་རོ། ། སྐུ་ཉམ་ཆུང་བར་མི་འགྱུར་རོ། ། ཐུགས་རྣམ་པར་འཁྲུག་པར་མི་འགྱུར་རོ། ། ཏིང་ངེ་འཛིན་ཉམས་པར་མི་འགྱུར་རོ། ། དེ་བཞིན་གཤེགས་པའི་སྐུ་ཡོངས་སུ་ཉམས་པར་མི་འགྱུར་ཏེ། འདི་ནི་སངས་རྒྱས་བཅོམ་ལྡན་འདས་རྣམས་ཀྱི་མཐུ་བོ་ཆེན་པོའི་སྟོབས་སངས་རྒྱས་ཀྱི་སྤྱོད་པའི་རྒྱལ་མཚན་གྱི་ཆོས་གསུམ་པའོ། །</br>4. གཞན་ཡང་སངས་རྒྱས་བཅོམ་ལྡན་འདས་རྣམས་ནི་བསོད་སྙོམས་གཅིག་བཞེས་ནས་བསྐལ་པ་བརྗོད་དུ་མེད་པར་སྐྱིལ་མོ་ཀྲུང་གཅིག་བཅས་པས་ཉིན་མཚན་གྱི་རྒྱུད་དུ་སྔོན་གྱི་མཐའ་དང་། ཕྱི་མའི་མཐའི་མུར་གཏོགས་པའི་བསྐལ་པ་འདས་པར་བཞུགས་ཀྱང་སྐུ་མི་གཡོ་ཞིང་བདེ་བའི་དམ་པ་ལ་སྤྱོད་པ་དང་། སངས་རྒྱས་ཀྱི་རྣམ་པར་སྤྱོད་པ་བསམ་གྱིས་མི་ཁྱབ་པས་རྣམ་པར་སྤྱོད་ཀྱང་སེམས་འགའ་ཙམ་ལའང། སངས་རྒྱས་ཀྱི་འཕྲིན་ལས་རྒྱུན་འཆད་པར་མི་འགྱུར་རོ། ། དེ་བཞིན་གཤེགས་པའི་སྐུ་དེ་ལ་འཇིག་རྟེན་གྱི་ཁམས་ཐམས་ཅད་ཡོངས་སུ་བཀོད་དོ། ། འཇིག་རྟེན་གྱི་ཁམས་དེ་དག་གི་སེམས་ཅན་གཅིག་གི་ལུས་ཀྱང་འཇིག་རྟེན་གྱི་ཁམས་སངས་རྒྱས་ཀྱི་ཞིང་བརྗོད་དུ་མེད་པའི་ཡང་བརྗོད་དུ་མེད་པའི་རྡུལ་ཤིན་ཏུ་ཕྲ་བ་སྙེད་ཙམ་དུ་ཆེ་བ་དེ་ལྟ་བུར་གྱུར་ལ། སེམས་ཅན་གཅིག་གི་ལུས་ཇི་ཙམ་པ་དེ་ཙམ་གྱི་ལུས་སུ་སེམས་ཅན་ཐམས་ཅད་གྱུར་ལ། སེམས་ཅན་དེ་དག་རེ་རེའི་གཟུགས་ཀྱང་འཇིག་རྟེན་གྱི་ཁམས་ཐམས་ཅད་ཀྱི་ལྕིད་ཇི་ཙམ་པ་ཡོད་པ་དེ་ཙམ་དུ་གྱུར་ཏེ། སེམས་ཅན་གཅིག་ཇི་ལྟར་ལྕི་བ་དེ་བཞིན་དུ་སེམས་ཅན་ཐམས་ཅད་ཙན་རེ་རེའི་ལྗིད་ཀྱང་དེ་ཙམ་དུ་འགྱུར་ཏེ། སེམས་ཅན་དེ་དག་ཐམས་ཅད་དེ་བཞིན་གཤེགས་པའི་ཕྱག་སོར་གྱི་རྩེ་མོ་གཅིག་ལ་ཕྱི་མའི་མཐའི་བསྐལ་པའི་མུར་ཐུག་པར་བསྣམས་ཏེ། ཕྱག་སོར་གྱི་རྩེ་མོ་གཅིག་གིས་ཇི་ལྟར་བསྣམས་པ་དེ་བཞིན་དུ་ཕྱག་སོར་ཐམས་ཅད་ཀྱི་རྩེ་མོ་ལའང་དེ་ཙམ་རེ་རེ་བསྣམས་ཀྱང་། དེའི་ཕྱིར་དེ་བཞིན་གཤེགས་པ་ལ་སྐུ་མཉེལ་བའམ། ཐུགས་དུབ་པར་མི་འགྱུར་ཏེ། ཐུགས་བསྐྱེད་པའི་ཆ་ཤས་ཤིན་ཏུ་ཕྲ་བ་གཅིག་དུ་ཡང་སྡུག་བསྔལ་མི་བདེ་བ་སྐྱེ་བར་མི་འགྱུར་རོ། ། དེ་བཞིན་དུ་འཇིག་རྟེན་གྱི་ཁམས་ལ་འཇུག་པ་དང་། ནམ་མཁའི་དབྱིངས་ལ་འཇུག་པ་དང་། ཕྱོགས་ཀྱི་དྲ་བའི་རྣམ་པ་ལ་འཇུག་པ་རེ་རེ་དང་། དེ་ལྟ་བུ་ལ་འཇུག་པ། ནམ་མཁའི་ཁམས་མ་ལུས་པའི་དབྱིངས་ཀྱིས་ཀླས་པ། ཆོས་ཀྱི་དབྱིངས་མཐའ་གཏུགས་པ། སྐུའི་རྩེ་མོའི་ཆ་ཤས་ཀྱིས་གཞལ་བའི་འཇིག་རྟེན་གྱི་ཁམས་ལ་འཇུག་པ་ཐམས་ཅད་རེ་རེ་ཞིང་ཡང་སྐྲའི་རྩེ་མོའི་ཆ་ཤས་ཀྱིས་གཞོལ་ཏེ། ནམ་མཁའི་དབྱིངས་ཀྱི་ཀུན་ཏུ་ཁྱབ་པ་ཐམས་ཅད་མ་ལུས་པའི་སྐྲའི་རྩེ་མོའི་ཚད་ཀྱིས་ནམ་མཁའི་དབྱིངས་ལ་འཇུག་པ་ཐམས་ཅད་དུ་ཞུགས་ཏེ། དེ་བཞིན་གཤེགས་པའི་སྤྱོད་ལམ་འདིའི་ཚུལ་དང་། སྐྱིལ་མོ་ཀྲུང་གཅིག་ཏུ་བཞུགས་པའི་སྤྱོད་པས་སྔོན་གྱི་མཐའ་དང་། ཕྱི་མའི་མཐའི་མུར་ཐུག་པའི་བསྐལ་པ་བཟོད་པོར་མཛད་དེ། བསྐལ་པ་འདས་བར་མཛད་ཅིང་བསྐལ་པ་ལ་རབ་ཏུ་འཇུག་སྟེ། འདི་ནི་སངས་རྒྱས་བཅོམ་ལྡན་འདས་རྣམས་ཀྱི་མཐུ་བོ་ཆེན་པོའི་སྟོབས་སངས་རྒྱས་ཀྱི་སྤྱོད་པའི་རྒྱལ་མཚན་གྱི་ཆོས་བཞི་པའོ། །</br>5. གཞན་ཡང་སངས་རྒྱས་བཅོམ་ལྡན་འདས་རྣམས་ནི་སྐུ་གཅིག་ལ་དབུ་སངས་རྒྱས་ཀྱི་བརྗོད་དུ་མེད་པའི་ཡང་བརྗོད་དུ་མེད་པའི་རྡུལ་ཤིན་ཏུ་ཕྲ་བ་སྙེད་བྱིན་གྱིས་བརླབས་ཏེ། དབུ་རེ་རེར་ལྗགས་སངས་རྒྱས་ཀྱི་ཞིང་བརྗོད་དུ་མེད་པའི་ཡང་བརྗོད་དུ་མེད་པའི་རྡུལ་ཤིན་ཏུ་ཕྲ་བ་སྙེད་བྱིན་གྱིས་བརླབས་ནས། ་དེ་དག་རེ་རེས་ཀྱང་དབྱངས་ཀྱི་ཡན་ལག་དང་། སྒྲ་སྐད་ཀྱི་གསུང་སངས་རྒྱས་ཀྱི་ཞིང་བརྗོད་དུ་མེད་པའི་ཡང་བརྗོད་དུ་མེད་པའི་རྡུལ་ཤིན་ཏུ་ཕྲ་བ་སྙེད་རེ་རེ་བརྗོད་དེ། ཆོས་ཀྱི་དབྱིངས་མ་ལུས་པའི་སེམས་ཅན་གྱི་ཁམས་ཐམས་ཅད་གོ་བར་མཛད་ཅིང་དབྱངས་ཀྱི་ཡན་ལག་དང་། སྒྲ་སྐད་ཀྱི་གསུང་རེ་རེས་ཀྱང་མདོ་སྡེ་སངས་རྒྱས་ཀྱི་ཞིང་བརྗོད་དུ་མེད་པའི་ཡང་བརྗོད་དུ་མེད་པའི་རྡུལ་ཤིན་ཏུ་ཕྲ་བ་སྙེད་བཤད་ལ། མདོ་སྡེ་རེ་རེ་ལ་ཡང་ཆོས་བསྟན་པ། སངས་རྒྱས་ཀྱི་ཞིང་བརྗོད་དུ་མེད་པའི་ཡང་བརྗོད་དུ་མེད་པའི་རྡུལ་ཤིན་ཏུ་ཕྲ་བ་སྙེད་རབ་ཏུ་གཞོལ་བར་མཛད་དེ། ཆོས་བསྟན་པ་གཅིག་ལས་ཀྱང་ཆོས་ཀྱི་ཚིག་དང་། ཡི་གེ་སངས་རྒྱས་ཀྱི་ཞིང་བརྗོད་དུ་མེད་པའི་ཡང་བརྗོད་དུ་མེད་པའི་རྡུལ་ཤིན་ཏུ་ཕྲ་བ་སྙེད་བརྗོད་པར་གྱུར་ལ། ཆོས་བསྟན་པ་གཅིག་ལས་ཇི་ལྟ་བ་བཞིན་དུ་ཆོས་བསྟན་པ་ཐམས་ཅད་ལས་ཀྱང་དེ་སྙེད་ཀྱི་ཆོས་ཀྱི་ཚིག་དང་། ཡི་གེ་བརྗོད་དེ། དེ་ལྟར་བརྗོད་པས་བསྐལ་པ་སངས་རྒྱས་ཀྱི་ཞིང་བརྗོད་དུ་མེད་པའི་ཡང་བརྗོད་དུ་མེད་པའི་རྡུལ་ཤིན་ཏུ་ཕྲ་བ་སྙེད་དུ་རབ་ཏུ་བསྟན་ལ། བསྐལ་པ་སངས་རྒྱས་ཀྱི་ཞིང་བརྗོད་དུ་མེད་་པའི་ཡང་བརྗོད་དུ་མེད་པའི་རྡུལ་ཤིན་ཏུ་ཕྲ་བ་སྙེད་ཟད་པར་གྱུར་ཀྱང་། ད་དུང་གཞན་ཡང་བསྐལ་པ་སངས་རྒྱས་ཀྱི་ཞིང་བརྗོད་དུ་མེད་པའི་ཡང་བརྗོད་དུ་མེད་པའི་རྡུལ་ཤིན་ཏུ་ཕྲ་བ་སྙེད་དུ་བརྒྱུད་ཅིང་རབ་ཏུ་སྟོན་པའི་ཚུལ་གྱི་རྣམ་གྲངས་འདིས་བསྐལ་པ་འཇིག་རྟེན་གྱི་ཁམས་ཐམས་ཅད་ཀྱི་རྡུལ་ཤིན་ཏུ་ཕྲ་བ་སྙེད་དུ་རབ་ཏུ་བསྟན་ལ། རྣམ་གྲངས་འདི་འདྲ་བས་བསྐལ་པ་འཇིག་རྟེན་གྱི་ཁམས་ཐམས་ཅད་ཀྱི་རྡུལ་ཤིན་ཏུ་ཕྲ་བ་སྙེད་ཟད་ལ་སེམས་ཅན་ཐམས་ཅད་ཀྱི་སེམས་ཀྱི་སྤྱོད་པ་སྙེད་ཀྱི་བསྐལ་པ་འདས་པར་གྱུར་ཏེ། ཕྱི་མའི་མཐའི་མུར་ཐུག་པའི་བསྐལ་པ་ཟད་ཅིང་འདས་པར་བྱས་ཀྱང་དེ་བཞིན་གཤེགས་པའི་སྤྲུལ་པ་ཆོས་ཐམས་ཅད་སྣང་བའི་འཁོར་ལོ་བསྐོར་བ་དང་། ཆོས་ཐམས་ཅད་རབ་ཏུ་ཤེས་པར་བསྟན་ཅིང་ལུང་བསྟན་པ་དང་། ཐེ་ཚོམ་ཐམས་ཅད་རབ་ཏུ་གཅོད་པའི་ཆོས་ཀྱི་འཁོར་ལོ་བསྐོར་བ་དང་། ། ཆོས་ཐམས་ཅད་སྣང་བར་བྱེད་པའི་ཆོས་ཀྱི་འཁོར་ལོ་བསྐོར་བ་དང་། བྱང་ཆུབ་སེམས་དཔའི་སྤྱོད་པ་ཐམས་ཅད་བརྗོད་པའི་རྒྱུན་དང་ལྡན་པའི་ཆོས་ཀྱི་འཁོར་ལོ་བསྐོར་བ་དང་། ཡེ་ཤེས་ཀྱི་ཉི་མའི་དཀྱིལ་འཁོར་ཆེན་པོའི་རྒྱུན་དང་ལྡན་པའི་ཆོས་ཀྱི་འཁོར་ལོ་བསྐོར་བ་དང་། འགྲོ་བ་ཐམས་ཅད་མ་ལུས་པའི་ཡེ་ཤེས་ཀྱི་སྒྲོན་མ་ཆེན་པོས་བརྒྱན་པའི་ཆོས་ཀྱི་འཁོར་ལོ་བསྐོར་བ་དང་། ཐ་དད་པ་ཡང་དག་པར་མཁྱེན་པ་དང་། མི་འཇིགས་པ་ཆེན་པོས་བརྒྱན་པའི་ཆོས་ཀྱི་འཁོར་ལོ་བསྐོར་བ་རྒྱུན་མི་འཆད་དེ། སངས་རྒྱས་ཀྱི་སྐུ་གཅིག་གི་བྱིན་གྱི་རླབས་ཀྱིས་ཇི་ལྟ་བ་དེ་བཞིན་དུ་ཆོས་ཀྱི་འཁོར་ལོའི་སྤྲིན་ཆེན་པོ། དཔེ་ཐམས་ཅད་ལ་དཔེ་མེད་པར་རབ་ཏུ་འབྱུང་བར་འགྱུར་རོ། ། དེ་བཞིན་དུ་ཆོས་ཀྱི་དབྱིངས་མ་ལུས་པ་ཐམས་ཅད་ཀྱི་ནམ་མཁའི་དབྱིངས་ཀྱི་མཐས་གཏུགས་པ་སྐྲའི་རྩེ་མོའི་ཆ་ཤས་ཀྱིས་གཞལ་བ་མ་ལུས་པ་ཐམས་ཅད་ཚོགས་པ་མེད་པར་རྣམ་པར་དབྱེ་བས། སངས་རྒྱས་ཀྱི་ཞིང་བརྗོད་དུ་མེད་པའི་ཡང་བརྗོད་དུ་མེད་པ་སྙེད་ཀྱི་སངས་རྒྱས་ཀྱི་སྤྲུལ་པ་དེ་སྙེད་དེ་སྙེད་དུ་ཐུགས་ཀྱི་སྐད་ཅིག་རེ་རེ་ལ་ཕྱི་མའི་མཐའི་མུར་ཐུག་པའི་བསྐལ་པར་སྤྲུལ་པ་མཛད་ཅིང་། དེ་བཞིན་གཤེགས་པའི་སྤྲུལ་པའི་སྐུ་ཐམས་ཅད་ལས་དེ་བཞིན་གཤེགས་པའི་སྐུ་རེ་རེ་ལའང་དེ་སྙེད་དེ་སྙེད་ཀྱི་དབུ་མངའ་བར་གྱུར་ལ། གཞུང་དེ་བཞིན་དུ་སྐུ་རེ་རེ་ལའང་དེ་སྙེད་དེ་སྙེད་ཀྱི་ལྗགས་མངའ་བར་གྱུར་ཏེ། ལྗགས་རེ་རེ་ལས་ཀྱང་དེ་སྙེད་དེ་སྙེད་ཀྱི་དབྱངས་ཀྱི་ཡན་ལག་དང་། སྒྲ་སྐད་ཀྱི་གསུང་ཆོས་ཀྱི་དབྱིངས་མ་ལུས་པའི་སེམས་ཅན་གྱི་ཁམས་ཐམས་ཅད་གོ་བར་མཛད་པ་བྱུང་ལ། དབྱངས་ཀྱི་ཡན་ལག་དང་། སྒྲ་སྐད་ཀྱི་གསུང་དེ་དག་རེ་རེས་ཀྱང་དེ་སྙེད་དེ་སྙེད་ཀྱི་མདོ་སྡེ་བཤད་པར་གྱུར་ལ། མདོ་སྡེ་དེ་དག་རེ་རེ་ལ་ཡང་དེ་སྙེད་དེ་སྙེད་ཀྱི་ཆོས་བསྟན་པ་ལ་རབ་ཏུ་གཞོལ་བ་མཛད་དེ། ཆོས་བསྟན་པ་དེ་དག་རེ་རེ་ལས་ཀྱང་དེ་སྙེད་དེ་སྙེད་ཀྱི་ཆོས་ཀྱི་ཚིག་དང་། ཡི་གེ་བརྗོད་པར་གྱུར་ལ། ཆོས་ཀྱི་ཚིག་དང་ཡི་གེ་དེ་དག་རེ་རེས་ཀྱང་ཆོས་ཀྱི་དབྱིངས་མ་ལུས་པ་ཐམས་ཅད་དབྱངས་ཀྱིས་རྒྱས་པར་བཀང་སྟེ། སེམས་ཅན་གྱི་ཁམས་མ་ལུས་པ་ཐམས་ཅད་གོ་བར་མཛད་ཀྱང་། དེ་བཞིན་གཤེགས་པའི་དབྱངས་ལ་དུབ་པ་མི་་མངའ་སྟེ། ཉམས་པར་མི་འགྱུར་ལ་ཐོགས་པ་མི་མངའ་ཞིང་དམའི་བར་མི་འགྱུར་ཏེ། དེ་ལྟ་བུའི་ཆོས་ཀྱི་འཁོར་ལོ་བསྐོར་ཡང་བསྐལ་པ་ཕྱི་མའི་མཐའི་མུར་ཐུག་པའི་བར་དུ་རྒྱུན་འཆད་པར་མི་འགྱུར་ཏེ། འདི་ནི་སངས་རྒྱས་བཅོམ་ལྡན་འདས་རྣམས་ཀྱི་མཐུ་བོ་ཆེ་ཆེན་པོའི་སྟོབས། སངས་རྒྱས་ཀྱི་སྤྱོད་པའི་རྒྱལ་མཚན་གྱི་ཆོས་ལྔ་པའོ། །</br>6. གཞན་ཡང་སངས་རྒྱས་བཅོམ་ལྡན་འདས་རྣམས་ནི་་ཐུགས་དཔལ་གྱི་བེའུས་བརྒྱན་པ་རྡོ་རྗེ་ཆེན་པོ་ལྟར་ཤིན་ཏུ་བསྟན་པར་གྲུབ་པ་མངའ་བདག་སྟེ། དེ་དག་བྱང་ཆུབ་ཀྱི་ཤིང་དྲུང་དུ་བྱོན་ན་བདུད་སྡིག་ཏོ་ཅན་གྱིས་སེམས་ཅན་ཐམས་ཅད་སྙེད་ཀྱི་བདུད་ཀྱི་སྡེ་གཟུགས་སྣ་ཚོགས་ཅན་ཤིན་ཏུ་མི་སྡུག་པ། འཇིགས་འཇིགས་ལྟར་འདུག་པ་རབ་ཏུ་སྡང་བའི་གཟུགས་ཅན། འཇིག་རྟེན་ཐམས་ཅད་ཤིན་ཏུ་འཇིགས་པའི་གཟུགས་ཅན། རབ་ཏུ་སྐྱི་གཡའ་བ་སྐྱེད་པའི་གཟུགས་ཅན། བདུད་ཤིན་ཏུ་མི་སྡུག་པའི་གཟུགས་འཆང་བ། རབ་མཆོག་པོར་འཇིགས་པ་འཇིགས་པ་ཆེན་པོ་སྐྱེད་པ། འགྲོ་བ་ཐམས་ཅད་གསོད་པ། འཇིག་རྟེན་ཐམས་ཅད་ཕུང་བར་བྱེད་པ། དེ་ལྟ་བུ་ཤ་སྟག་གིས་བྱང་ཆུབ་ཀྱི་ཤིང་དྲུང་དང་། ཆོས་ཀྱི་དབྱིངས་ཐམས་ཅད་དང་། ནམ་མཁའི་དབྱིངས་ཀྱི་མཐར་ཐུག་པར་གང་བོར་གཟིགས་ཀྱང་བྱང་རྩུབ་ཀྱི་ཤིང་ དྲུང་ན་བཞུགས་པའི་དེ་བཞིན་གཤེགས་པ་རྣམས་ལ་བསྙེངས་པ་མི་མངའོ། །བག་ཚ་བ་མི་མངའོ། ། བ་སྤུ་གཅིག་ཀྱང་གཡོ་བ་མེད་དོ། །ཐུགས་ཀྱི་ཆ་ཤས་ཤིན་ཏུ་ཕྲུ་བ་འགའ་ཙམ་གྱིས་ཀྱང་དེ་ལྟར་རྣམ་པ་ཐ་དད་པའི་གཟུགས་ལ་མཚན་མ་རྣམ་པ་ཐ་དད་པ་འཛིན་པ་མི་མངའ་སྟེ། ཤིན་ཏུ་བརྟན་ནོ། ། གཡོ་བ་མེད་དོ། ། མི་སྒུལ་ཏོ། ། འགྱུར་བ་མེད་དོ། ། རྣམ་པར་རྟོག་པ་མེད་དོ། ། ཤིན་ཏུ་ཞི་བའོ། ། བསྙེངས་པ་དང་། བག་ཚ་བ་ཐམས་ཅད་དང་ཤིན་ཏུ་བྲལ་ལོ། ། སྡུག་པ་དང་ཁོང་ཁྲོ་བ་ཤིན་ཏུ་སྤངོས་སོ། ། སངས་རྒྱས་ཀྱི་སྤྱོད་པ་རྒྱུན་མི་འཆད་དོ། ། བྱམས་པ་ཆེན་པོའི་སྟོབས་དང་ལྡན་པའོ། ། ཐུགས་རྗེ་ཆེན་པོའི་གནས་ཀྱིས་དབང་པོ་ཤིན་ཏུ་དབེན་པའོ། ། བག་ཚ་བ་མི་མངའ་བའི་ཐུགས་དང་ལྡན་པའོ། ། ཐུགས་ཤིན་ཏུ་བརྟེན་ཞིང་ཉམས་པ་མི་མངའ་བའོ། ་། ཚུར་ཟིལ་གྱིས་མི་གནོན་ལ་ཕར་ཟིལ་གྱིས་གནོན་པའི་ཐུགས་དང་ལྡན་པ་སྟེ། བདུད་ཐམས་ཅད་དང་། བདུད་ཀྱི་རིས་སུ་གཏོགས་པའི་ལྷ་ཐམས་ཅད་དང་། བདུད་ཀྱི་སྡེ་ཐམས་ཅད་ཤིན་ཏུ་ཟིལ་གྱིས་གནོན་ཏོ། ། ཤིན་ཏུ་སྤ་གོང་ངོ་ ། ། དེ་ལྟར་ཟིལ་གྱིས་མནན་ཏེ་སྤ་གོང་བ་དང་། དེ་བཞིན་གཤེགས་པ་ལ་སྐྱབས་ཚོལ་ལོ། ། དེ་དག་ལའང་བཅོམ་ལྡན་འདས་དེ་དག་ཆོ་འཕྲུལ་ཆེན་པོ་གསུམ་གྱིས་དེ་བཞིན་གཤེགས་པའི་འདུལ་བ་མཛད་པ་ཉེ་བར་སྒྲུབ་སྟེ། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལས་ཕྱིར་མི་ལྡོག་པར་འགྱུར་རོ། ། འདི་ནི་སངས་རྒྱས་བཅོམ་ལྡན་འདས་རྣམས་ཀྱི་མཐུ་བོ་ཆེ་ཆེན་པོའི་སྟོབས། སངས་རྒྱས་ཀྱི་སྤྱོད་པའི་རྒྱལ་མཚན་གྱི་ཆོས་དྲུག་པའོ། །</br>7. གཞན་ཡང་སངས་རྒྱས་བཅོམ་ལྡན་འདས་རྣམས་ཀྱི་གསུང་ཐོགས་པ་མེད་པ་ནི། འཇིག་རྟེན་གྱི་ཁམས་མ་ལུས་པ་དེ་དང་དེ་དག་ཐམས་ཅད་དུ་སེམས་ཅན་རྣམས་འདུལ་བའི་དོན་གྱིས་རྣམ་པར་དམིགས་པར་ཀུན་ཏུ་ཁྱབ་པར་འབྱུང་སྟེ། དེ་བཞིན་གཤེགས་པའི་གསུང་དེ་ནི་རི་རྣམས་ལ་ཐོགས་པ་མེད་དོ། །རི་རབ་ལ་ཐོགས་པ་མེད་དོ། ། རིན་པོ་ཆེའི་རི་ལ་ཐོགས་པ་མེད་དོ། ། ཁོར་ཡུག་དང་ཁོར་ཡུག་ཆེན་པོ་ལ་ཐོགས་པ་མེད་དོ། ། ལྷའི་ཁྱིམ་ལ་ཐོགས་པ་མེད་དོ། ། ཀླུའི་ཁྱིམ་ལ་ཐོགས་པ་མེད་དོ། ། གནོད་སྦྱིན་གྱི་ཁྱིམ་ལ་ཐོགས་པ་མེད་དོ། ། དྲི་ཟའི་ཁྱིམ་ལ་ཐོགས་པ་མེད་དོ། །ལྷ་མ་ཡིན་གྱི་ཁྱིམ་ལ་ཐོགས་པ་མེད་དོ། ། ནམ་མཁའ་ལྡིང་གི་ཁྱིམ་ལ་ཐོགས་པ་མེད་དོ། །མིའམ་ཅིའི་ཁྱིམ་ལ་ཐོགས་པ་མེད་དོ། ། ལྟོ་འཕྱེ་ཆེན་པོའི་ཁྱིམ་ལ་ཐོགས་པ་མེད་དོ། ། མི་དང་མི་མ་ཡིན་པའི་ཁྱིམ་ལ་ཐོགས་པ་མེད་དོ། ། གལ་ཏེ་བརྒྱ་ལ་འཇིག་རྟེན་གྱི་ཁམས་ཐམས་ཅད་ན་ཡོད་པའི་སྒྲ་ཆེན་པོ་འཇིག་རྟེན་རྣམ་པ་ཐ་དད་པའི་སྒྲས་འཇིག་རྟེན་གྱི་ཁམས་ཐམས་ཅད་གང་སྟེ། ཅ་ཅོ་འདྲེས་པར་གྱུར་ཀྱང་དེ་ལ་དེ་བཞིན་གཤེགས་པའི་གསུང་ནི་འདུལ་བའི་སེམས་ཅན་རྣམས་ཀྱི་རྣ་བའི་རྣམ་པར་དམིགས་པ་ལ་བསྒྲིབས་པ་མེད་པ་ཡིན་ཏེ། དེ་བཞིན་གཤེགས་པའི་གསུང་འབའ་ཞིག་དེ་དག་གི་རྣ་བའི་རྣམ་པར་དམིགས་པ་ལ་ལྷང་ངེ་ལྷམ་མེ་ལྷན་ནེ་སྟེ་གོ་བར་མཛད་པའི་ཚིག་དང་། ཡི་གེ་རྣམས་ཀྱང་རླག་པར་མི་འགྱུར་ཏེ། འདི་ནི་སངས་རྒྱས་བཅོམ་ལྡན་འདས་རྣམས་ཀྱི་མཐུ་བོ་ཆེ་ཆེན་པོའི་སྟོབས། སངས་རྒྱས་ཀྱི་སྤྱོད་པའི་རྒྱལ་མཚན་གྱི་ཆོས་བདུན་པའོ། །</br>8. གཞན་ཡང་སངས་རྒྱས་བཅོམ་ལྡན་འདས་རྣམས་ཀྱི་ཐུགས་ནི་ཆགས་པ་མི་མངའ་བ་སྟེ། བསྐལ་པ་བྱེ་བ་ཁྲག་ཁྲིག་བརྒྱ་སྟོང་བརྗོད་དུ་མེད་པའི་ཡང་བརྗོད་དུ་མེད་པར་ཡོངས་སུ་སྦྱངས་པའོ། ། འདས་པ་དང་། མ་བྱོན་པ་དང་། ད་ལྟར་བྱུང་བའི་སངས་རྒྱས་ཐམས་ཅད་དང་རྒྱན་གཅིག་ཏུ་གྱུར་པའོ། ། རྙོག་པ་མེད་ཅིང་རྣམ་པར་དང་སྟེ་ཤིན་ཏུ་གསལ་བའོ། ། བདག་གི་ཞེས་བྱ་བ་མི་མངའ་བའོ། ། ཆོས་་ཐམས་ཅད་ལ་མི་གནས་པའོ། ། ནང་ན་གནས་པ་མ་ཡིན་པའོ་། ། ཕྱི་རོལ་ན་གནས་པ་མ་ཡིན་པའོ། ། མ་སྐྱེས་པའོ། ། དམིགས་པ་ཐམས་ཅད་ཀྱིས་དབེན་པའོ། ། ཞི་ཞིང་གནས་པ་མེད་པའོ། ། རྩོམ་པ་མེད་པའོ། ། འདུ་ཤེས་སྣ་ཚོགས་ཐམས་ཅོད་ལ་མི་གནས་པའོ། ། དངོས་པོའི་རྣམ་པར་རྟོག་པ་ཐམས་ཅད་འགགས་པའོ། ། རང་བཞིན་གྱིས་འོད་དང་ཞིང་གསལ་བའོ། ༑ ཡོངས་སུ་དག་པའོ། ། དམིགས་པ་དང་། ཡིད་ལ་བྱ་བ་ཐམས་ཅད་དང་མ་འདྲེས་པའོ། ། ཆོས་ཐམས་ཅད་ཉོན་མོངས་པ་མེད་པའི་ཡུལ་དང་ལྡན་པའོ། ། ཡང་དག་པའི་མཐའ་འདོད་ཆགས་དང་བྲལ་བས་དག་པའོ། ། ། ཆོས་ཀྱི་དབྱིངས་ཤིན་ཏུ་བསྟན་པའི་མཐར་ཐུག་པའོ། ། ཆོས་ཀྱི་དབྱིངས་ཀུན་ནས་མི་ཟད་པ་དང་ལྡན་པའོ། ། འདུ་ཤེས་ཀྱི་རྣམ་པ་ཐམས་ཅད་ཀྱི་ཚད་དང་ཚད་མེད་པ་དང་བྲལ་བའོ། ། འདུས་བྱས་དང་འདུས་མ་བྱས་ཀྱི་བརྗོད་པ་ཐམས་ཅད་འགགས་པའོ། ། ཚིག་གི་ལམ་གྱིས་བརྗོད་དུ་མེད་པའི་མཐར་ཐུག་པའི་ཡུལ་ལོ། ། ། མི་ཟད་པ་དང་ ཆགས་པ་མེད་པའི་དབྱིངས་ཀྱི་མཐར་ཐུག་བའོ། ། ཡེ་ཤེས་སྔོན་དུ་འགྲོ་བའོ། ། སྟོབས་བཅུའི་རྒྱན་དུ་གྱུར་པའོ། །ཆོས་ཐམས་ཅད་ཀྱིས་རྣམ་པར་དག་པའོ། ། ཐབས་མཁས་པས་བྱུང་བའོ། ། ཆོས་སྣ་ཚོགས་དང་། ཆོས་དུ་མ་དང་། ། ཆོས་ཐམས་ཅད་ཤིན་ཏུ་བསྟན་བ་དང་མི་འགལ་བའོ། ། དུས་གསུམ་དུ་ཐ་དད་པ་མེད་པའོ། ། ཆོས་ཀྱི་དབྱིངས་ཐམས་ཅད་དུ་ཆོས་གཞི་མེད་པ་ཐམས་ཅད་ཀྱི་མངའ་བའི་ཕ་རོལ་ཏུ་ཕྱིན་པ་གཉིས་པའོ། ། ཆོས་ཐམས་ཅད་ལ་མངའ་བའི་འབྱུང་གནས་དང་ མཛོད་དུ་གྱུར་པའོ། །ཆོས་ཀྱི་ཚུལ་ཐམས་ཅད་ལ་དགོངས་པ་ཁྱད་པར་དུ་རྨོངས་པ་མེད་པའོ། ། ཞིང་གི་རྒྱུད་དུ་གཏོགས་པ་ཐམས་ཅད་དང་། ཕྱོགས་ཀྱི་དྲི་བ་དང་། རྒྱུད་འབྱམས་ཀློས་པ་མ་ལུས་པ་ཐམས་ཅད་ལ་མི་གནས་པ་བརྟན་ཞིང་མི་གཡོ་ལ། ཉམས་པ་མེད་པའི་ཡེ་ཤེས་ཀྱིས་རབ་ཏུ་གཟིགས་པ་ཆོས་མ་ལུས་པ་ཐམས་ཅད་ཀྱི་མཐར་ཐུག་པ། ཟག་པ་ཐམས་ཅད་ཡོངས་སུ་ཟད་པ་ཐུགས་རྣམ་པར་གྲོལ་ཞིང་ཟག་པ་མི་མངའ་བ་དང་། ཤེས་རབ་རྣམ་པར་གྲོལ་བས་ཤིན་ཏུ་རྣམ་པར་གྲོལ་བ་ཡང་དག་པའི་མཐའ་མི་ཟད་པས་ཀླས་པ། ཆགས་པ་མེད་པར་རྣམ་པར་སྤྱོད་པ་རྟག་ཏུ་མཉམ་པར་བཞག་པ། དུས་གསུམ་ཐམས་ཅད་ཀྱི་བསྒྲུབས་པ་མེད་པར་འབྱུང་བ། སེམས་ཅན་ཐམས་ཅད་ཀྱི་དུས་གསུམ་གྱི་སེམས་དང་སྤྱོད་པ་ཐམས་ཅད་མ་ལུས་པར་ཐུགས་སྐད་ཅིག་གིས་རབ་ཏུ་མཁྱེན་པ་སྟེ། འདི་ནི་སངས་རྒྱས་བཅོམ་ལྡན་འདས་རྣམས་ཀྱི་མཐུ་བོ་ཆེན་པོའི་སྟོབས་སངས་རྒྱས་ཀྱི་སྤྱོད་པའི་རྒྱལ་མཚན་གྱི་ཆོས་བརྒྱད་པའོ། །</br>9. གཞན་ཡང་སངས་རྒྱས་བཅོམ་ལྡན་འདས་རྣམས་ཀྱི་ཆོས་ཀྱི་སྐུ་ནི་སྐུ་མི་མངའ་བ་སྟེ། རང་བཞིན་གཅིག་ཏུ་གྱུར་པ་སངས་རྒྱས་ཐམས་ཅད་ཀྱི་ཡུལ་ཚད་མེད་པའི་སྐུའོ། ། མཐའ་དང་དབུས་མེད་པར་ཡོངས་སུ་གྲུབ་པའི་སྐུའོ། ། འཇིག་རྟེན་ཐམས་ཅད་ཀྱིས་ཟད་པར་མི་ནུས་པའི་སྐུའོ། ། ཁམས་གསུམ་པས་གོས་པ་མེད་པའི་སྐུའོ། ། བརྟེན་པའི་སྐུས་རྣམ་པ་དམིགས་པའོ། ། ལྷག་པའི་བསམ་པ་དང་རྗེས་སུ་དྲན་པའི་བྱིན་གྱི་རླབས་ཀྱིས་སྐུའི་རང་བཞིན་ཡང་དག་པར་སྟོན་པའོ། ། བདེན་པ་མེད་པ་དང་། རྫུན་པ་མེད་པའི་སྐུ་མཉམ་པ་ཉིད་ཀྱིས་ཡོངས་སུ་དག་པའོ། ། ཆོས་ཀྱི་སྐུ་བཞུད་པ་དང་། བྱོན་པ་མེད་པའི་སྐུའོ། ། འདུས་མ་བྱས་པས་འཇིག་པ་མེད་པའི་སྐུའོ། ། མཚན་ཉིད་མེད་པས་མཚན་ཉིད་གཅིག་པའི་ཆོས་ཀྱི་སྐུའི་རང་བཞིན་ནོ། །ཡུལ་ན་མི་གནས་པ་དང་། ཕྱོགས་ན་མི་གནས་པའི་སྐུའོ། ། མ་ལུས་པ་ཐམས་ཅད་ཀྱི་ལུས་ཀྱི་སྐུའོ། ། སངས་རྒྱས་ཀྱི་ཁྱུ་མཆོག་གི་མཐུ་ཕྱུང་བ་དང་། རྣམ་པར་འཕྲུལ་པ་མཐའ་ཡས་པའི་སྐུའི་རང་བཞིན་ནོ། ། ལུས་ཐམས་ཅད་དུ་ཡོངས་སུ་གཞོལ་བའི་སྐུ་སྣ་ཚོགས་སུ་རྣམ་པར་དམིགས་པ་མཛད་ཀྱང་ཆོས་ཀྱི་སྐུའི་ཚུལ་གྱི་རྗེས་སུ་འབྲང་བའོ། །ཡེ་ཤེས་ཀུན་ཏུ་སྣང་བའི་སྙིང་པོ་ཅན་ནོ།སྐུ་ཡོངས་ཀྱི་མཛོད་དུ་གྱུར་པའོ། ། ཆོས་ཀྱི་དབྱིངས་རྣམ་པ་ཐ་དད་པ་མེད་པ་ཤིན་ཏུ་བསྟན་པའི་སྐུའོ། ། ཁམས་གསུམ་མ་ལུས་པ་ཐམས་ཅད་རྒྱས་པར་འགེངས་པས་ཀུན་ཏུ་ཁྱབ་པའི་སྐུའི་རང་བཞིན་ནོ། །མི་གཡོ་མི་དགོངས་པའི་སྐུ་རྣམ་པར་དག་པའོ། ། ཡོད་པ་ཡང་མ་ཡིན།། མེད་པ་ཡང་མ་ཡིན་པའི་ཚུལ་དང་ཚུལ་མ་ཡིན་པར་རབ་ཏུ་བརྗོད་པའི་སྐུའོ། ། སེམས་ཅན་གྱི་མོས་པ་རྣམ་པ་སྣ་ཚོགས་འདུལ་བར་གྱུར་པའི་སྐུའོ། ། འགགས་པ་ཡང་མ་ཡིན། མ་འགགས་པོ་ཡང་མ་ཡིན་པས་འདུལ་བ་སྟོན་པའི་སྐུའོ། ། ཡོན་ཏན་རིན་པོ་ཆེ་ཐམས་ཅད་ཡང་དག་པར་འབྱུང་བས་ཤིན་ཏུ་འཕགས་པའི་སྐུའོ། ། ཆོས་ཐམས་ཅད་སངས་རྒྱས་ཀྱི་ཆོས་ཀྱི་དེ་བཞིན་ཉིད་དུ་ཡང་དག་པར་བསྒྲུབས་པའི་སྐུའོ། ། རང་བཞིན་གྱིས་རབ་ཏུ་ཞི་ཞིང་བསྒྲིབས་པ་མེད་པའི་མཐར་ཐུག་པའི་སྐུའོ། ། ཐོགས་པ་མི་མངའ་བས་ཆོས་ཐམས་ཅད་ཐུགས་སུ་ཆུད་པའི་སྐུའོ། ། ཐམས་ཅད་ཀྱི་རྗེས་སུ་སོང་བའི་ཆོས་ཀྱི་དབྱིངས་ཀྱིས་རྣམ་པར་དག་ཅིང་། འཇིག་རྟེན་ཐམས་ཅད་དུ་ཤིན་ཏུ་རྣམ་པར་ཕྱེ་བའི་སྐུའོ། ། ཕྱིར་མི་ལྡོག་ཅིང་བསྒྲིབས་པ་མི་་མངའ་ལ། སངས་རྒྱས་ཀྱི་རྣམ་པར་ཐར་པས་ཡེ་ཤེས་ཐམས་ཅད་རྗེས་སུ་འབྲང་ཞིང་ཡང་དག་པར་གཞོལ་བས་ཐུགས་སུ་ཆུད་པའི་སྐུ་སྟེ། འདི་ནི་སངས་རྒྱས་བཅོམ་ལྡན་འདས་རྣམས་ཀྱི་མཐུ་བོ་ཆེ་ཆེན་པོའི་སྟོབས་སངས་རྒྱས་ཀྱི་སྤྱོད་པའི་རྒྱལ་མཚན་གྱི་ཆོས་དགུ་པའོ། །</br>10. གཞན་ཡང་སངས་རྒྱས་བཅོམ་ལྡན་འདས་རྣམས་ཀྱི་ཡེ་ཤེས་མཉམ་པ་མེད་པ་དང་མཉམ་པ་ནི་དེ་བཞིན་གཤེགས་པ་ཐམས་ཅད་ཀྱི་ཐུགས་སུ་ཆུད་པ་སྟེ། བྱང་ཆུབ་སེམས་དཔའི་སྤྱོད་པ་ཐམས་ཅད་ཀྱིས་བྱུང་བའོ། མངོན་པར་འགྲུབ་པའི་སྤྱོད་པ་ཁྱད་པར་དུ་འཕགས་པའི་སྨོན་ལམ་དང་། བྱང་ཆུབ་སེམས་དཔའི་སྤྱོད་པས་རྣམ་པར་དག་པའོ། ། བྱང་ཆུབ་སེམས་དཔའི་སྤྱོད་པ་ཐམས་ཅད་ཀྱིས་ཡོངས་སུ་རྫོགས་པར་བྱས་པའོ། ། ཐ་དད་པ་མེད་པའོ། ། རྒྱུས་ཐམས་ཅད་ཀྱི་བྱང་ཆུབ་སེམས་དཔའི་སྤྱོད་པ་ཐམས་ཅད་ཀྱིས་བཟུང་པའོ། ། བྱང་ཆུབ་སེམས་དཔའི་སྤྱོད་པ་རྒྱ་མཚོའི་སྤྱོད་པའི་ཚུལ་ཐམས་ཅད་ཐུགས་སུ་ཆུད་པའོ། ། སྨོན་ལམ་དང་སྤྱོད་པ་ཆེན་པོས་ཡོངས་སུ་མི་དོག་པའོ། ། སྦྱོད་པ་ཐམས་ཅད་མི་མཉམ་པ་མེད་པས་ཡོངས་སུ་རྫོགས་པར་བྱས་པའོ། ། སྦྱོད་པའི་སྟོབས་ལ་ཐུབ་པར་དཀའ་བའི་སྤྱོད་པ་ཐམས་ཅད་ཀྱིས་མངོན་པར་བྱུང་བའོ། ། སྤྱོད་པ་ཐམས་ཅད་ཀྱི་རྣམ་པར་དག་པའོ། ། བྱང་ཆུབ་སེམས་དཔའི་སྤྱོད་པ་ལེགས་པར་སྤྱོད་པས་རྒྱུད་དམའ་བ་མེད་པའོ། ། སངས་རྒྱས་ཐམས་ཅད་ཀྱིས་ཚད་མེད་པར་སྤྱོད་པའོ། ། ཏིང་ངེ་འཛིན་ཐམས་ཅད་ཀྱི་སྤྱོད་ཡུལ་མཐའ་ཡས་པའོ། ། ལམ་ཐམས་ཅད་ཀྱིས་རབ་ཏུ་བརྗོད་པ་མ་ཡིན་པའོ། །ལམ་གྱི་ཡུལ་མེད་པའོ། ། ལམ་ཐམས་ཅད་ལ་རབ་ཏུ་ཞུགས་པའོ། ། ཡེ་ཤེས་དམ་པའི་སྟོབས་ཀྱི་ཚུལ་མཁྱེན་པའོ། ། བག་ཚ་བ་མི་མངའ་བས་ཆོས་ཀྱི་ཆར་འབེབས་པའི་འཁོར་ལོ་དང་ལྡན་པའོ། ། དགེ་བ་དྲིས་པ་དང་མ་དྲིས་པ་ལ་རྗེས་སུ་མཐུན་པའི་ཆོས་ཀྱི་ཚུལ་སྟོན་པ་མཁྱེན་པའོ། ། སངས་མཉམ་པ་མེད་པ་དང་མཉམ་པས་ཤིན་ཏུ་དག་པའོ། ། སྐུ་དང་། ཐུགས་དང་། གསུང་་གི་ཡང་དག་པར་སྤྱོད་པ་རྣམས་ལ་འཕྲིན་ལས་གསུམ་ཡོངས་སུ་དག་པ་དང་། སངས་རྒྱས་ཀྱི་བསྒོམ་པས་བརྙེས་པའོ། ། སངས་རྒྱས་ཀྱི་རྣམ་པར་སྤྱོད་པས་བརྙེས་པའོ། ། དེ་བཞིན་གཤེགས་པའི་རིགས་ཐམས་ཅད་བསྐྱེད་པའི་དོན་དུ་སངས་རྒྱས་ཀྱི་ཡེ་ཤེས་ཀྱི་མཛད་པ་ཐམས་ཅད་རབ་ཏུ་འབྱུང་བའོ། ། ཐམས་ཅད་མཁྱེན་པའི་གནས་ཀྱི་བསྟན་པ་ཚད་མེད་པའི་གནས་རྩ་བ་མེད་པ་དང་ལྡན་པའོ། ། མངོན་པར་ཤེས་པའི་ཡེ་ཤེས་ཐམས་ཅད་ཀྱིས་མཐར་ཐུག་པར་མི་འགྱུར་བའོ། ། འཇིག་རྟེན་གྱི་སེམས་ཀྱིས་སྤྱོད་པའི་ཤེས་པ་ཐམས་ཅད་ཀྱིས་བསམ་གྱིས་མི་ཁྱབ་པའོ། ཆོས་ཐམས་ཅད་མ་ལུས་པར་མཁྱེན་ཅིང་གཟིགས་པས་སེམས་ཅན་ཐམས་ཅད་ཡོངས་སུ་སྐྱོབ་པའོ། ། དུས་གསུམ་ཡངས་པ་ཐམས་ཅད་ཀྱི་ཚུལ་ཤིན་ཏུ་ཕྲ་བ་མཐའ་དང་དབུས་མེད་པ་མ་ལུས་པར་མཁྱེན་པའོ། ། འཇིག་རྟེན་ལས་འདས་པའི་དོན་མཁྱེན་པའི་ཕྱིར་ཕྲ་བའི་ཡེ་ཤེས་ཐུགས་སུ་ཆུད་པས་འཇིག་རྟེན་གྱི་ཁམས་མ་ལུས་པ་ཐམས་ཅད་རྣམ་པར་དག་པ། ཕྱིར་མི་ལྡོག་པའི་ཡེ་ཤེས་ཀྱིས་སངས་རྒྱས་ཀྱི་འཕྲིན་ལས་བརྗོད་དུ་མེད་པ་འཇིག་རྟེན་ཐམས་ཅད་སྦྱོར་བའོ། ། སངས་རྒྱས་ཀྱི་སྐུ་འགྲངས་པ་ཐམས་ཅད་ཐུགས་སུ་ཆུད་པའི་ཡེ་ཤེས་ཀྱིས་ཡི་གེ་མེད་པའི་ཆོས་ཐུགས་སུ་ཆུད་པའོ། ། ཡི་གེ་སྣ་ཚོགས་རྣམ་པར་ཕྱེ་བ་དང་། ཡི་གེ་ཐམས་ཅད་སྨོས་ཤིང་བརྗོད་པ་མཁྱེན་པས་བརྗོད་དུ་མེད་པ་ཐུགས་སུ་ཆུད་པའོ། ། ཀུན་ཏུ་བཟང་པོའི་ཡེ་ཤེས་ཀྱི་དགེ་བའི་རྩ་བའི་ཆོས་སྤྱོད་པ་ཐམས་ཅད་རྣམ་པར་དག་པའོ། ། དམ་བཅས་པའི་ཚུལ་བཞིན་དུ་སེམས་ཅན་ཐམས་ཅད་ཀྱི་ལུས་དང་། སྐྱེ་མཆེད་ཇི་ལྟ་བར་ཐུགས་སྐད་ཅིག་དང་ལྡན་པའི་ཤེས་རབ་ཀྱིས་ཆོས་ཐམས་ཅད་ཁོང་དུ་ཆུད་པར་སྟོན་པ་མཁྱེན་པའོ། ། ཆོས་ཐམས་ཅད་ཀྱི་དོན་དུ་ཆོས་ཡོངས་སུ་བཏང་ཞིང་རིམ་གྲོར་བྱ་བས་ཐུགས་སུ་ཆུད་པའོ། ། འཇིག་རྟེན་གྱི་ཁམས་ཐམས་ཅད་མ་ལུས་པར་ཡུལ་དུ་གྱུར་པའོ། ། ཆོས་ཀྱི་དབྱིངས་མ་ལུས་པ་ཐམས་ཅད་ཡུལ་དུ་གྱུར་པའོ། ། དུས་གསུམ་ཐམས་ཅད་ལ་ཐུགས་སྐུད་ཅིག་གིས་ཆགས་པ་མེད་པར་མཁྱེན་ཅིང་ཐུགས་སུ་ཆུད་པའི་ཡུལ་དང་ལྡན་པའོ། ། དེ་བཞིན་གཤེགས་པ་ཐམས་ཅད་ཀྱི་སངས་རྒྱས་འབྱུང་བ་མ་ལུས་པར་ཡུལ་དུ་གྱུར་་པའོ། ། འཇིག་པ་་མེད་པར་འདུལ་བ་ཐམས་ཅད་ཡུལ་དུ་གྱུར་བའོ། ། ཐམས་ཅད་ཀྱི་རྗེས་སུ་སོང་ཞིང་རྣམ་པར་དག་པའི་ཡུལ་ཐམས་ཅད་མངོན་པར་སངས་རྒྱས་པའོ། ། ས་མཚམས་མེད་ཅིང་ཐུག་པ་མེད་པའི་མངོན་པར་ཤེས་པ་རྣམ་པར་སངས་རྒྱས་པའོ། ། སེམས་ཅན་ཐམས་ཅད་ཀྱི་སེམས་དང་། ཡིད་དང་། རྣམ་པར་ཤེས་པའི་རྣམ་པ་དུས་གསུམ་དུ་བརྗོད་པ་མ་ལུས་པ་ཐམས་ཅད་ཐུགས་སྐད་ཅིག་གིས་མཁྱེན་ཅིང་ཐུགས་སུ་ཆུད་པའོ། ། སེམས་ཅན་གྱི་རྣམ་པ་ཐམས་ཅད་ལས་མཚམས་མ་བཅད་པའོ། ། འཇིག་རྟེན་གྱི་ཁམས་ཀྱི་རྣམ་པ་ཐམས་ཅད་ལ་མུ་མེད་པའོ། ། དུས་གསུམ་གྱི་རྣམ་པ་ཐམས་ཅད་ལ་མཐའ་ཡས་པའོ། ། སངས་རྒྱས་ཀྱི་ཁྱུ་མཆོག་གི་མཐུ་ཕྱུང་བའི་རྣམ་པ་ཐམས་ཅད་ལ་ཚད་མེད་པའི་ཤེས་བྱའི་རྣམ་པ་ཐམས་ཅད་ལ་ལྷག་མ་མ་ལུས་པ་སྟེ། དེ་དག་ཐམས་ཅད་ལྷག་མ་མེད་པར་མངོན་པར་སངས་རྒྱས་པས་སངས་རྒྱས་ཀྱི་ཡེ་ཤེས་སངས་རྒྱས་ཀྱི་རྫུ་འཕྲུལ་དང་། རྣམ་པར་འཕྲུལ་པས་བྱུང་བ་ཐམས་ཅད་ཐུགས་སུ་ཆུད་པ་དང་། མཁྱེན་པ་ཐམས་ཅད་རྒྱུན་ཆད་པ་མེད་དེ། དེ་ལ་སངས་རྒྱས་བཅོམ་ལྡན་འདས་རྣམས་སངས་རྒྱས་ཀྱི་ཁྱུ་མཆོག་གི་མཐུ་ཕྱུང་བའི་སྐུས་མཐའ་དང་དབུས་མེད་པར་སྤྱོད་པ་ཡིན། ཆགས་པ་མེད་པའི་ཐུགས་ཀྱིས་སྤྱོད་པས་མཐའ་དང་དབུས་མེད་པར་སྤྱོད་པ་ཡིན། ཐུགས་རྗེ་ཆེན་པོའི་སྦྱོར་བས་དུས་ཐམས་ཅད་དུ་རྟག་ཏུ་རྒྱུན་མི་འཆད་པར་ཆོས་བསྟན་པ་ལ་སྤྱོད་པས་མཐའ་དང་དབུས་མེད་པར་སྤྱོད་པ་ཡིན་ཏེ། འདི་ནི་སངས་རྒྱས་བཅོམ་ལྡན་འདས་ཀྱི་སངས་སངས་རྒྱས་ཀྱི་མཐུ་བོ་ཆེ་ཆེན་པོའི་སྟོབས་སངས་རྒྱས་ཀྱི་སྤྱོད་པའི་རྒྱལ་མཚན་གྱི་ཆོས་བཅུ་པའོ། །་ཀྱི་སྤྱོད་པའི་རྒྱལ་མཚན་གྱི་ཆོས་བཅུ་པའོ། །)
• Dictionaries/Bod rgya shen sjar gyi shes jai rnam drangs kun btus tshig mdzod/1250  + (1. སྐུ་ངེས་པ། མཚན་བཟང་པོ་སོ་གཉིས་དང་། དཔེ་ … 1. སྐུ་ངེས་པ། མཚན་བཟང་པོ་སོ་གཉིས་དང་། དཔེ་བྱད་བཟང་པོ་བརྒྱད་ཅུས་སྤྲས་པ། 2. འཁོར་ངེས་པ། བྱང་སེམས་འཕགས་པ་ཤ་སྟག་གི་དབུས་སུ་བཞུགས་པ། 3. གནས་ངེས་པ། སངས་རྒྱས་ཀྱི་ཞིང་འོག་མིན་ཁོ་ནར་བཞུགས་པ། 4. ཆོས་ངེས་པ། ཐེག་པ་ཆེན་པོའི་ཆོས་ཁོ་ན་གསུངས་པ། 5. དུས་ངེས་པ། འཁོར་བ་མ་སྟོངས་ཀྱི་བར་དུ་སེམས་ཅན་གྱི་འགྲོ་དོན་མཛད་པ་བཅས་ལྔའོ། ལོངས་སྐུ་ངེས་པ་ལྔ་ལྡན་ཡང་ཟེར།་པ་བཅས་ལྔའོ། ལོངས་སྐུ་ངེས་པ་ལྔ་ལྡན་ཡང་ཟེར།)
• Dictionaries/Bod rgya shen sjar gyi shes jai rnam drangs kun btus tshig mdzod/1808  + (1. སྟོད་ན་གུ་གེ 2. པུ་ཧྲངས། 3. མང་ཡུལ་ཏེ་གསུམ། 4. སྨད་ན་རབ་སྒང་། 5. སྨད་ཁམས་སྒང་། 6. ཚ་བ་སྒང་སྟེ་གསུམ། 7. བར་ན་དབུས། 8. གཙང་གཉིས། 9. དྭགས་ཀོང་ཡེ་མྱལ་བཞི་གཅིག་ཏུ་བསྒྲངས་པས་བོད་ཡུལ་གླིང་དགུའོ།།)
• Dictionaries/chos rnam kun btus/11082  + (1.ཀ་ནི། མགོ་རིང་དེའི་ཕྱེད་ཚད་མཆེ་བ་གཉིས། བ … 1.ཀ་ནི། མགོ་རིང་དེའི་ཕྱེད་ཚད་མཆེ་བ་གཉིས། བར་མ་བར་གཉིས་མཉམ་ཞིང་ཚག་གང་རིང་བ། རྐང་པ་མགོའི་ཕྱེད་གཉིས་སོ། ། ཞེས་ཞིབ་ཏུ་ཞེང་ལ་སྨྱུག་ཁམ་བརྒྱད་ཀྱི་མགོར་སྟོད་ནས་ཆ་གཅིག་དོར། ཆ་བདུན་མཆེ་བའི་ཡས་སུ་དཀར་ཆ་གཉིས། མས་སུ་གཅིག་མཆེ་བའི་རྩ་བའི་སྣག་ཆ་དང་བཞི། རྐང་པའི་དཀར་ཆ་གཉིས། དབུས་ལག་གི་སྣག་ཆ་དང་གསུམ། རྐང་ཆ་དང་བཞི། དེ་བརྒྱད་དཔངས་སུ་ཆ་བཅུ་གཉིས། མཆེ་བའི་སྣེའི་གོང་དཀར་ཆ་གསུམ། མགོ་ནག་ཆ་དང་བཞི། འོག་དཀར་གཉིས་ཀྱི་ཐད་དབུས་ལག་གི་རྩེ་དེ་འོག་ཆ་དྲུག་པར་རྐང་པའི་མཐའ་ཚད་དོ། །</br>2.ཁ་ནི། ལེབ་འཇོག་ཀ་དང་འདྲ་བ་ལས་ལག་པ་ཀ་རྐང་སུམ་གཉིས་སྙེག་དཔུང་པ་དཀྱིལ་ཆུང་བ་ལ་ཁོག་པའི་ཟག་མཆུ་མིག་དང་མཉམ་པ། ཞེས་ཞིབ་པར་དཔངས་ཆ་བརྒྱད། ཞེང་ཆ་ཕྱེད་བརྒྱད། མགོ་ཆ་ཕྱེད་བརྒྱད། རྐང་པའི་དཀར་ཆ་སྟོད་གསུམ་སྨད་གཉིས་དཔུང་ཆར་གཅིག་སོག་པའི་སྟོད་ཀྱི་དཀར་ཆ་ཕྱེད་གསུམ། སྨད་ཕྱེད་བཞི་ཡར་འཕུལ་ཆ་གཅིག དཔངས་སུ་མཉེན་གྱི་གོང་དཀར་གསུམ་མགོ་ཆ་དང་བཞི། མཉེན་གྱི་སྣག་ཆ་གཅིག མཉེན་གྱི་འོག་ཟག་མཆུའི་སྣ་བར་དཀར་ཆ་གཉིས་རྐང་པ་ལ་གཅིག་གོ།</br>3.ག་ནི། དུམ་བུ་བདུན་པ་ཞེས་གོང་མ་གཉིས་དང་ཆིས་ཟུར་མཉམ་ཞིང་དཀྱིལ་དུ་བསྐྱལ། ཞེས་ཞིབ་པར་ཞེང་བརྒྱད་དཔངས་སུ་བཅུ་གཉིས་ཡོད་པ་ལས་མགོ་ཆ་བདུན། སོག་པའི་སྟོད་ཀྱི་དཀར་ཆ་ཕྱེད་གཉིས། སྨད་ཕྱེད་བཞི་ལྷག་ཙམ། དཔུང་པའི་རྩ་བའི་སྣག་ཆོ་གཅིག་སྟོད་ཀྱི་དཀར་ཆ་གཉིས། དབུས་ལག་རྩ་བ་ཆ་གཅིག་རྐང་པའི་བར་དཀར་ཚ་གཉིས། རྐང་པའི་སྣག་ཆ་གཅིག་དཔངས་མཉེན་གྱི་གོང་དཀར་གསུམ་མགོ་ཆ་དང་བཞི། འོག་ཟག་མཆུ་སྣའི་བར་དཀར་གཅིག་མཉེན་ཆ་གཅིག་རྐང་པའི་མས་ཚ་དྲུག་གོ།</br>4.ང་ནི། མགོ་གོང་བས་ཚེག་དོས་ཐུང་བ། གསུམ་པོ་མཉམ་ཞིང་རྐེད་པ་དྲང་བ། མགོ་རྒྱས་དཔུང་ཐུང་ཐོན་པ་བྱ། ཟགས་མཆུའི་སྣར་ཚག་ཟུར་བསྟན་པ། ཞེས་ཞིབ་པར་ཞེང་དྲུག་དཔངས་བརྒྱད་ཡོད་པའི་མགོ་ཞེང་ལྔ་མས་སུ་དཀར་ཁ་གང་། སྟོད་ཀྱི་ཆ་གཉིས་ནས་རྐེད་པ་འདོན། སྦོའི་མཉེན་གྱི་གདས་དཀར་གསུམ་མགོ་དང་བཞི། འོག་དཀར་གསུམ་སྦོའི་སྣག་ཆ་དང་བཞི། སྦོ་ཞེང་གསུམ་ནས་བགས་ཀྱིས་གཞོལ་བའི་ཟག་མཆུ་འདོན་ནོ། །</br>5.ཅ་ནི། དུམ་བུ་བདུན་པ་ཆ་གསུམ་དྲང་ལ་ཆ་གཉིས་སྐུར་བ། ཕྱི་རུ་བརྒྱངས་ལ་ནང་དུ་བསད་(ཟད)། ཐིག་བཞི་ཟུར་གསུམ་ཟླ་ཚེས་ཚང་། ཞེས་ཀྱང་ཞིབ་པར་ཞེང་བདུན་དཔངས་ཕྱེད་དང་བརྒྱད་ཡོད་པ་ལས། ཞེང་མགོར་ཕྱེད་ལྔ་ཡས་དཀར་གཅིག མས་དཀར་ཕྱེད་གཉིས་དང་། མཆུ་གོང་དཀར་ཆ་གསུམ་མགོ་ཆ་དང་བཞི། འོག་དཀར་ཕྱེད་གསུམ་འབྱུང་པའི་ཆ་དང་ཕྱེད་བཞི། མགོའི་ཆ་ཕྱེད་བཞིའི་ཐོག་ནས་སྐེ་གཏོད། མཆུ་གོང་དཀར་ཆ་གསུམ་གྱི་དཀྱིལ་དཔངས་བཞི་ཞེང་ལྔའོ། ། </br>6.ཆ་ནི། གྲུ་བཞི་ཟླུམ་པོ་ཐིག་བརྒྱུད་བསྣོལ་བའི་ལིང་ཚེ་བཞི་པ། མགོ་འོག་དཀར་གཉིས་མིག་དང་མཉམ། མགོ་ཟུར་དཔུང་ཐིག་མིག་དཀར་མཉམ། ། ཞེས་ཞིབ་པར་ཞེང་བརྒྱད་དཔངས་ཕྱེད་བརྒྱད་དེ། མགོ་ཞེང་ལྔ་གཡས་གཡོན་དཀར་ཆ་ཕྱེད་གཉིས་མིག་གཉིས་ལ་དཀར་ཕྱེད་བཞི་དམན་ཙམ་རེ། གང་ཆགས་ཀྱི་ཆ་ཞེང་དྲུག་མིག་གོང་དཀར་ཆ་གཉིས་མགོ་དང་གསུམ། མིག་དཔངས་དཀར་ཆ་ཕྱེད་གསུམ། གོང་ཆགས་སྣག་ཆ་གཅིག འོག་འཛུམ་སྨད་ཆ་ཕྱེད་གཉིས་སོ། །</br>7.ཇ་ནི། རྐེད་པ་རིང་ཐུང་ཆ་དང་མཉམ། རྐེད་ཟུར་དང་མགོ་ཟུར་མཉམ། དཔུང་ཐུང་ཐོན་ཞིང་རྐེད་ལྟེམ་དྲང་། ནག་གསུམ་མཉམ། ནང་དཀར་གཉིས་མཉོམ། ཞེས་ཞིབ་པར་ཞེང་དྲུག་དཔངས་བརྒྱད་དེ་མགོ་ཞིང་ལྔ། མས་དཀར་གཅིག སྦོ་ཞེང་ལྔ། ཡས་དཀར་གཅིག ལེ་གུའམ་ལག་ཞེང་བཞི་ཡས་མས་སུ་དཀར་རེ་དང་། མགོ་ནས་ཆ་གཉིས་པའི་དཀྱིལ་ནས་དང་པོའི་མས་ཟུར་བར་དཔུང་ཐུང་ལ་འདོན། ལེ་གུའི་གོང་དཀར་གཉིས། མགོ་ཆ་དང་གསུམ། ལེ་གུ་དང་བཞི། སྦོའི་གོང་དཀར་གཉིས། སྦོ་ཆ་དང་གསུམ། འོག་དཀར་གཅིག དཀྱིལ་ཚད་ཚུན་སྦོའི་དྲང་འཐེན་དང་དེ་ནས་ཇེ་གཞོན་ཟག་མཆུ་ཡིན་ནོ། །</br>8.ཉ་ནི། མགོ་འབྲིང་ཟླུམ་པོ། ཁ་གང་བླངས་ལ་ཆ་གཅིག་དགྱེལ་བ། དཔུང་དབུས་ལག་དྲང་ཞིང་དཀར་གཉིས་མཉམ་པ། གཞུང་ཐིག་ཚང་ཞིང་ཕྱི་སྒྲོས་མཉམ་ཞེས་ཞིབ་པར་ཞེང་བརྒྱུད་དཔངས་བཅུ་གཉིས། མགོ་ཕྱེད་བཞི་སྟོད་དཀར་ཕྱེད་གསུམ། མས་དཀར་གཉིས། ཉ་མགོའི་སྟོད་ཞེང་ཕྱེད་བཞི། དེ་འོག་བཞི་ལྷག་ཙམ་ཁ་ཞེང་གཉིས་ཕུབས་སྟོད་དཀར་ཆ་ཕྱེད་གསུམ། དེའི་འོག་གསུམ་ལྷག་ཙམ། དེ་འོག་བདུན། དེ་འོག་ཕྱེད་བདུན། དེ་འོག་དྲུག་ཕྱེད་དྲུག་ལྔ་ཕྱེད་ལྔ་རྣམས་ཡས་དཀར་དང་མས་ཤུགས་རྟོགས། དཔངས་སུ་སྟོད་ཕུགས་སྨད་ཕུགས་ཀྱི་མཚམས་ཉག་ཀེ་ཡན་ལ་གསུམ་དབུས་ལག་གི་སྣ་མན་ལ་གསུམ། དཀྱིལ་ཚད་སྟོད་ཕུགས་སྣག་གིས་སྨད་ཕུགས་དཀར་ནོན། །</br>9.ཏ་ནི། དཔུང་ཐུང་ཐོན་ཞིང་རྐེད་ལྟེམ་དྲང་། རིང་ཐུང་ཟགས་མཆུའི་དཀར་དང་མཉམ་པ། ཕྱི་སྒྲོས་གཞུང་ཐིག་ཁོག་འདྲེན་ཟླུམ་པ། དཔུང་གང་ཕུབ་ཀྱི་སྣག་ལམ་དཀྱིལ་ལོ། ། ཞེས་ཀྱང་ཞེང་དྲུག་དཔངས་བཅུ་གཉིས་མགོ་ལྔ་མས་དཀར་གཅིག་མགོ་ནས་གཉིས་པའི་དཀྱིལ་དཔུང་ཆུང་ཐིག་སྟེང་འདོན། གཞུང་ཤིང་སྟོད་དུ་དཀར་ཕྱེད་ལྷག མས་ཕྱེད་ལྔ་ལྷག་སྨད་ཕུབས་སྟོད་དཀར་གསུམ་ལྷག་ཙམ་དེ་ནས་བཞི། ལས་ཐ་ཐིག་དང་བསྟུན་ཏེ་འོག་དེ་ནས་ཕྱེད་ལྔ་ཕྱེད་བཞི་གསུམ་ཕྱེད་གསུམ་ཕྱེད་གཉིས་དང་སྨད་ཕུབས་ཀྱི་རྩེ་གཞུང་ཤིང་ལ་ལྔ། མགོ་དང་དྲུག་གཞུང་ཤིང་མན་ལ་དྲུག་གོ ། </br>10.ཐ་ནི། ཆ་བཞི་ཟུར་བཞི་མ་འཛོལ་གཡས་ཕྱོགས་དྲང་། ཐ་སྟོད་ཟུར་གསུམ་གྲུ་བཞི་སྟེ། གཞུང་ཐིག་རྐེད་ཐེམ་ཉ་མོ་འཁྱུར། ཞེས་ཞིབ་པར་ཞེང་དྲུག་དཔངས་བརྒྱད་དེ། མགོ་ཞེང་ལྔ། ཐ་སྟོད་དཀར་བཞི། དེ་འོག་བཞི་ལྷག དེ་འོག་གསུམ། སྨད་ཁྱུག་ཆ་ཕྱེད་ལྔ། སྟོད་ཕྱེད་བཞི། ཆིས་འོག་དཀར་གཉིས། འོག་མཉེན་ཕྱེད་བཞིའི་བར་དྲང་ཐད་དང་དེ་ནས་ཆ་གཅིག་གཞོལ་སྟབས་ཟགས་མཆུ། མཉེན་ནག་ལ་ཆ་གཅིག་ཐགས་མཆུའི་སྣེས་ཟིན་པའི་དཀར་དཀྱིལ་ཚད་དོ། །</br>11.ད་ནི། དཔུང་པ་དཀྱིལ་ནས་སུམ་ཆར་ཕྱུང་། རིང་ཐུང་མགོ་དང་མཉམ་པ། མགོ་ཕྱེད་སྦོའི་དྲང་འཐེན། ལག་པ་སུམ་གཉིས་མགོ་ཟུར་མནན་པ་ཞེས་ཞིབ་པར་ཞེང་དྲུག་དཔངས་བཅུ་གཉིས། མགོ་ཞེང་ཕྱེད་ལྔ་ཕྱི་དཀར་ཆ་ཕྱེད། ཡས་སུ་དཀར་ཆ་གཅིག དཔངས་སྦོ་གོང་དཀར་ཆ་གསུམ། མགོ་སྣག་དང་བཞི། སྒོ་འོག་དཀར་ཆ་བདུན། སྦོ་སྣག་དང་བརྒྱད། སྟོད་ནས་ཕྱེད་གསུམ་སྐེ་མཚམས། དེ་ནས་ཕྱེད་ན་དཀྱིལ་ཚད་དཀྱིལ་ཐད་ཚུན་སྦོ་སྣག་དྲང་པོ། སྦོ་ལྡིར་ནས་སྨྱུག་ཁམ་ཕྲ་བ་བཅས་ཟགས་མཆུའོ། །</br>12.ན་ནི། མགོ་དཀྱིལ་རྐེད་པ་དྲང་བ། རྐེད་པ་ཕྱེད་ཚད་མིག་ཏུ་སྒྲིལ་བ། མགོ་ཟུར་མིག་གིས་ནང་དཀར་ནོན། ལག་པ་ད་དང་འདྲ་ཞེས་ཞིབ་པར་ཞེང་དྲུག་དཔངས་བཅུ་གཉིས། མགོ་བཞི་ཡས་མས་དཀར་ཆ་རེ། སྟོད་དུ་གཡས་དཀར་ཕྱེད་གསུམ་ལྷག་ཙམ། དེ་ལྟར་གཡོན་དཀར། རྐང་ཆ་ཕྱེད་བཞི་པ་དྲང་པོ་དང་། དེ་ནས་སྐེ་ཚད་ཕྱེད། གཡོན་ཕྱོགས་ཀྱི་སྒོར་མོར་འཐེན་པའི་མིག་གི་གོང་། དཔངས་གོང་དཀར་གཉིས། མགོ་དང་གསུམ། མིག་གོང་སྣག་ཆ་དང་བཞི། མིག་གི་དཀར་ཆ་ཕྱེད་གསུམ་འོག་གི་ནག་ཆ་ཕྱེད། དེ་མན་དཀར་ཆ་ཕྱེད་ལྔ་ཙམ་རྐེད་ཚད་ནས་ཆུ་བབས་ཀྱི་ཟགས་མཆུ་བཏོན་པའི་ཡས་ཐིག་རྣམས་དེས་རྟོགས་སོ། ། </br>13.པ་ནི། མགོ་ཐུང་དཔུང་ཅན། དཀྱིལ་འཛིན་མགོ་ཟུར་དཔུང་ཟུར་མཉམ། སྦོ་ཐག་ཐུང་ཞིང་ཆུ་བབས་དྲང་། དཔུང་པའི་ཟུར་དང་དཀར་རྩེ་མཉམ། ཞེས་པ་ཞེང་ཕྱེད་བདུན་དཔངས་བརྒྱད། མགོ་ཞེང་བཞི། སྔ་ཕྱིར་དཀར་ཆོ་གཅིག་རེ། ཡས་འཕུལ་ཆ་གཅིག་སྟོད་ནས་ཆ་གསུམ་པའི་དཀྱིལ་ནས་ཡས། ཕྱེད་བར་སྦོའི་དཔུང་པ་སྦོ་གོང་དཀར་ཆ་གསུམ་མགོ་དང་བཞི། སྦོ་འོག་དཀར་ཆ་གསུམ། སྦོ་ནག་དང་བཞི། སྦོའི་ཡས་ནས་ཆ་གསུམ་མཐར་དཀྱིལ་ཚད་དང་དཀྱིལ་བར་སྦོ་ནག་དྲང་པོ་དེ་ནས་ཇེ་ཕྲ་ཟགས་མཆུའོ། །</br>14.ཕ་ནི། མགོ་ཐུང་དཔུང་ཅན། རྐེད་པ་དྲང་ཞིང་ནང་ནས་ཟད། སྦོ་མགོའི་སུམ་གཉིས་དྲང་བ། འཕྲེད་ཆོད་མགོའི་འོག་སྒྲོས་བཟུང་བ་ནི། དཔུང་པ་དཀྱིལ་ནས་སུམ་ཆར་ཕྱུང་། ཕྱི་ཟུར་བརྟུལ་ལ་རྐེ་དགུ་རྣོ། ཟུར་གསུམ་ཐོན་ལ་ཧ་གཉིས་རྒྱང་། ཡར་འཕུལ་དྲང་ཞིང་ཕྱི་སྒྲོས་རྒྱས་པ་ཞེས་ཞིབ་པར་ཞེང་བདུན་དཔངས་བརྒྱུད་དེ་མགོར་བཞི། ཁ་དཀར་གཉིས། ཡར་འཕུལ་དང་གསུམ། སྦོ་ཞེང་དཀར་ཆ་གསུམ། མགོ་ནག་དང་བཞི། སྒོ་འོག་དཀར་ཆ་གསུམ། སྦོ་ནག་དང་བཞི། ཕྱི་དཀར་རམ་འཕྲེད་ལག་ཡར་འཕུལ་སྟོད་དུ་ཆ་གཉིས་བཞག འོག་ནས་སྦོའི་ཕྱེད་སར་འཐེན། དཀྱིལ་ཐིག་ཚུན་ཆད་སྦོ་སྣག་དྲང་པོ། དེ་ནས་མགོ་ཇེ་ཕྲ་ཟགས་མཆུ་ཅན་ནོ། །</br>15.བ་ནི། མགོ་འབྲིང་། མཁར་གྱི་འོག་འདྲ་བད་ཆུང་དག་དང་ལྡན། སྦོ་ཐུ་ཆུ་བབས་དྲང་བ་ལ། སྟེམ་ནི་བག་ག་ཞོན་ཡར་འཕུལ་དྲང་ལ་རྒྱས་པ་སྟེ་ཞེས། ཞིབ་པར་ཞེང་བདུན་དཔངས་བརྒྱད་དེ་མགོ་ཕྱེད་བདུན། ཡས་ཟུར་དཀར་ཕྱེད། ཡས་གསུམ་དཀྱིལ་ནས་དཔུང་མགོ་དང་དཔུང་ཐུར་ཡས་སུ་ཕྱེད་དཀར་བཞག སྦོ་གོང་དཀར་གསུམ་མགོ་དང་བཞི། སྒོ་འོག་དཀར་གསུམ་སྦོ་ནག་དང་བཞི། སྦོ་དཀྱིལ་ཚུན་དྲུང་པོ་དང་དེ་ནས་ཇེ་ཕྲ་ཟགས་མཆུའོ། །</br>16.མ་ནི། མགོ་ཐུང་མིག་ཟླུམ་ཅན་། རྐེད་པ་ཕྱེད་ཚད་མིག་ཏུ་དྲིལ་བ། ཟགས་མཆུའི་སྣར་ཚག་ཟུར་བསྟད་དཔུང་ཁ། མིག་གི་བསྣོལ་མཚམས་ཡོད་པ་ཞེས་པའི་ཞེང་བདུན་དཔངས་བརྒྱུད། མགོ་བཞི་ཡས་དཀར་གཅིག བར་དཀར་གཅིག་ཡར་འཕུལ་ཆ་གཅིག་རྐང་ཕྱེད་བཞི་བར་དྲང་པོ་དང་དེ་ནས་སྐེ་ཚད་ཕྱེད་གཡས་ཕྱོགས་ལ་འཁྱོགས་ནས་སྒོར་མོར་མིག་བཏོན་པའི་གོང་དཀར་གཉིས། མགོ་ཆ་དང་གསུམ། མིག་གོང་སྣག་དང་བཞི། མིག་གི་ནང་དཀར། དཔངས་ཞེང་གཉིས་ཀར་གསུམ། འོག་སྣག་ཕྱེད་དམན་ཙམ། འོག་དཀར་གཅིག་རྐང་པའི་འཛོམས་སར་དཀྱིལ། ཟགས་མཆུའི་སྟོད་སྦོམ་སྨད་ཕྲ་བའོ། ། </br>17-19.ཙ་ཚ་ཛ་ནི། གསུམ་རགས་ཞིབ་ཐམས་ཅད་ཅ་ཆ་ཇ་གསུམ་ལ་ཕོད་བཏགས་པའོ། །</br>20.ཝ་ནི། བར་མགོ་བཏགས་པའི་ཁྱད་པར་ཙམ་ཞིབ་པར་ཞེང་བདུན་དཔངས་བཅུ་ལས་ཕུབས་ཀྱི་མགོ་ཞེང་གསུམ། སྣག་ལ་གཉིས་ཏེ་ལྔ། མགོ་གོང་དཀར་ཆ་གསུམ་མགོ་ནག་དང་བཞི། སྤྲོ་གོང་དཀར་ཆོ་གཉིས་མགོ་ཆ་དང་གསུམ། སྦོ་འོག་དཀར་ཆ་གཉིས་སྦོ་ཆ་དང་གསུམ། བ་མགོ་ཞེང་ལྔ། གོང་ནས་བཞི་ཡིས་དཀྱིལ་ཐད་ནས་དཔུང་མགོ་དེ་སྟེང་མགོ་ཕུབས་ཀྱི་སྣག་སྣེ་བ་ཡི་དཀྱིལ་བར་སྤོ་སྣག་དྲང་པོ་དང་དེ་ནས་ཇེ་ཕྲ་ཟགས་མཆུའོ། །</br>21.ཞ་ནི། ཕུབས་དང་སྣག་མཆུ་མཉམ་པ་སྟེ། སྟོད་ཕུབས་ནང་དཀར་ན་དང་མཉམ། སྐེད་པའི་དྲང་འཐེན་ཚག་གང་སྟེ། རྐེད་པ་ཕྱེད་ཚད་མིག་ཏུ་དྲིལ་ཞེས་ཞིབ་པར་ཞེང་བརྒྱད་དཔངས་བཅུ་གཉིས། ཁུགས་ཀྱི་མགོ་ཞེང་བཞི་དཀར་ཕྱེད་ལྔ། ཕུགས་ལག་དཀར་ཕྱེད་དོ། ། སྣག་ཕྱེད་མིག་དཀར་ཞེང་ཕྱེད་བཞི། སྣག་ཕྱེད་རེ། དཔངས་ཕུགས་སྟོད་དཀར་ཆ་ཕྱེད་གཉིས། མིག་སྣག་ཕྱེད། ཕུགས་མགོའི་ནག་ཆ་གཅིག་མིག་དཀར་གསུམ། མས་ནག་ཚ་ཕྱེད། འོག་དཀར་ཕྱེད་དྲུག མགོའི་གཡས་དཀར་ཕྱེད་དོ། ། གཡོན་དཀར་ཕྱེད་གསུམ། ཕུབས་ལག་གི་སྣེ་ཆ་བདུན། དེ་མན་དཀར་ཆ་ལྔ། ཟགས་མཆུ་དང་ཞེང་སོགས་དཀྱུས་ལྟར་རོ། །</br>22.ཟ་ནི། ནག་གསུམ་དཀར་གཉིས་མཉམ་ལ་རྐེད་པ་དྲང་ཞིང་མཐར་རྒྱས། ནག་སྣ་སྦོམ་ཕྲ་རིམ་གྱིས་གཞོལ་བ། འཕྲེད་འདྲེན་འོག་མ་སྦོ་དང་འདྲ་ཞེས་ཞིབ་པར་ཞེང་དྲུག་དཔངས་བརྒྱུད། མགོ་ཞེང་ཕྱེད་དྲུག་ལེ་གུའམ་དཀྱིལ་ལག་གི་གོང་དཀར་གཉིས། མགོ་ཆ་དང་གསུམ། ལེ་ཆ་དང་བཞི། སྒོ་གོང་དཀར་ཆ་གཉིས། སྦོ་ཆ་དང་གསུམ། སྦོའི་འོག་ཆ་དང་བཞི། ལེ་གུའི་འོག་དཀར་ནག་མཚམས་ན་དཀྱིལ་ཚད། དཀྱིལ་ཐད་མཉེན་འདོན་ནོ། །</br>23.འ་ནི། སྟོད་ཕུབས་སྒབ་མེད་ཐིག་ཁར་ཟླུམ། མགོ་བོའི་ཟུར་གསེགས་ཁ་ཕྱེད་ཡན་ཕུབས་ཀྱི་ཕྱེད་ཚད་བ་ཡི་ལེ་གུའི་ཟུར་དང་ཚག་ཟུར་མཉམ་ཞེས་ཞིབ་པར་ཞེང་བདུན་དཔངས་བརྒྱད། ཕུབས་ཀྱི་དཀར་ཆ་བཞི། ནག་ཆ་གཉིས། ཡས་མས་སུ་དཀར་ཕྱེད་གཉིས། ཕུབས་མགོ་བཞི་ལེ་གུའི་གོང་དཀར་གསུམ། ཕུབས་མགོ་དང་བཞི། ལེ་གུའི་འོག་དཀར་གསུམ། ལེ་གུའི་ཆ་དང་བཞི། ལེ་གུའི་ཆ་དོ་དྲང་པོ་དང་། དེ་ནས་ཇེ་ཞོལ་གྱི་ཟགས་མཆུའོ། །</br>24.ཡ་ནི། ཕུབས་ཅན་མགོ་ཐུང་གསུམ་པོ་མཉམ་ཞིང་དབུས་ལག་དྲང་། ཕུབ་ཀྱི་དཀར་དང་དབུས་དཀར་མཉམ། ལེབ་འཇོག་ལ་དང་འདྲ་བ་ཡིན་ཞེས་ཞིབ་པར་ཞེང་བརྒྱུད་དཔངས་བརྒྱུད། དཀར་ཆ་གཡས་གཡོན་ཕྱེད་གསུམ་རེ། སྣག་གསུམ་སྟེ་བརྒྱད། སྒོ་ངའི་དཀར་ཆོ་དཔངས་བཞི། སྒོང་སྣག་དང་ལྔ། མས་ལ་དཀར་གསུམ། ཡས་ནས་ཕྱེད་གསུམ་ན་ཟགས་མཆུའི་དཔངས་རྐང་དང་བསྟུན་ཏེ་གསུམ་བཞི་ལྔ་རིམ་པས་སོ། །</br>25.ར་ནི། དུམ་བུ་བཞི་པ་མཉམ་ཞིང་རྐེད་པ་དྲང་། སུམ་ཆ་ནས་བཟུང་དཀྱིལ་དུ་ཕྱུང་ནས་དྲང་པོར་བཏབ་ལ་སྔ་ཟུར་འཐེན་ཞེས་ཞིབ་པར་ཞེང་བརྒྱད་དཔངས་བརྒྱུད། མགོ་ཞེང་ལྔ། གཡས་གཡོན་དཀར་ཕྱེད་གཉིས་རེ། སྤོ་གོང་དཀར་ཆ་གསུམ་སྒོ་ཆ་དང་བཞི། འོག་དཀར་གསུམ་བཞི་གཉིས་མཚམས་ན་དཀྱིལ་ཚད་དེ་ནས་ཟགས་མཆུ་རིམ་གྱིས་འདོན། །</br>26.ལ་ནི། ཕུབས་ཅན་མགོ་ཐུང་བ། ཐིག་ལྔ་བསྣོལ་བའི་གྲུ་བཞི་ཕོ་དྲང་ཞིང་འཕྲེད་འདྲེན་མཉེན། གཡས་ཕྱོགས་དྲང་ཞིང་ནང་དུ་རྒྱས་པ་ཞེས། ཞིབ་པར་ཞིང་དཔངས་ཆ་བརྒྱད་རེ། ཕུབས་དཀར་གསུམ་ལྷག་ཙམ། སྣག་ཆ་རགས་པ་གསུམ། ཁ་ཞེང་ཕྱེད་གསུམ། སྦོ་གོང་དཀར་ཆ་གསུམ། ཕུབས་སྣག་དང་བཞི། སྒོ་འོག་དཀར་ཆ་གསུམ། སྦོ་ཆ་དང་བཞི། སྦོའི་གོང་ཕུབས་སྣ་ན་དཀྱིལ་ལོ། ། དཀྱིལ་ཚད་སྦོ་བགས་ཀྱིས་གཞོལ་བ་ཟགས་མཆུའོ། ། </br>27.ཤ་ནི། མིག་ཅན་མགོ་ཐུང་། ལེ་གུའི་ལེའི་འཕྲེད་འདྲེན་འདྲ་བ་ཡར་འཕུལ་དྲང་ཞིང་མིག་ཤུ་ཟླུམ་པ། རྐང་པ་ཕྱི་ནང་མི་འཁྱོར་དྲང་བ་ཞེས་ཞིབ་པ་ནི་ཞེང་བཅུ་དཔངས་བཅུ་གཉིས། ལེ་གུ་ལག་པའི་ཞེང་ལྔ། མིག་གི་དཀར་ཕྱེད་བཞི། མགོ་སྣག་དང་བཞི་མས་ནག་ཕྱེད། ལེ་གུའི་གོང་དཀར་བཞི། འོག་དཀར་བདུན། ལེ་གུའི་སྣག་ཆ་དང་བརྒྱད། ལེ་གུ་ནས་ཞེང་རྐང་པའི་བར་དཀར་ཆ་བཞི། རྐང་སྣགུ་ཆ་གཅིག་ལེ་གུའི་སྣ་ནི་དཀྱིལ་ཚད་དོ། །</br>28.ས་ནི། ཐིག་བརྒྱུད་གྲུ་བཞི་པ། དཀར་གཉིས་མཉམ་ཞིང་གྲུ་བཞི་འཇོག ལེ་གུའི་མཉེན་ནི་བསྣོལ་མཚམས་དང་རྒྱབ་ལག་འཕྱོས་ཤིང་དབུས་དཀར་གཙང་བ་ཞེས་ཞིབ་པར་ཞེང་དཔངས་བརྒྱད་རེ། མགོ་ཞེང་བཞི་ཡས་སུ་དཀར་གཅིག་ཁ་དཀར་གཉིས། ཡར་འཕུལ་སྣག་ཆ་གཅིག མགོ་ནས་ཆ་གསུམ་པའི་དཀྱིལ་ནས་འཕྲེད་གསུམ་གཞུང་གསུམ་ཟུར་སྟེང་གསེགས་སུ་དཔུང་པ་འདོན། དེ་ནས་འཕྲེད་གཞུང་ཐིག་བཞི་པ་དང་དཔངས་གཉིས་ཀྱི་སར། ལེ་གུས་དབུས་ལག་བཏོན་མཚམས་ནས་བགས་ཀྱིས་གཞོལ་བའི་ཟགས་ཆ་ཇེ་ཕྲ་ཟགས་མཆུ་ཅན། དབུས་ལག་བར་རྐང་གི་མཚམས་ནས་དཀྱིལ་ཚད་དོ། །</br>29.ཧ་ནི། མགོ་འབྲིང་སྨད་ཕུབས་ཅན། དཔུང་པ་ས་འདྲ་བ་ཨེན་ཙམ་མཐོ། ལེ་གུ་མཉེན་ལ་མགོ་དཀྱིལ་བཞག་སྨད་ཕུབས་ཟླུམ་ལ་མགོ་དཀྱིལ་བསྐྱལ་ཞེས། ཞིབ་པར་ཞིང་བདུན། དཔངས་བཅུ་གཉིས། མགོ་ལྔ། ཡས་མས་དཀར་ཆ་རེ། ཡས་ནས་བཞི་གཞལ་བ་ནས་ལག་བཏོན། དཔུང་པ་ཐ་ཐིག་དཔངས་གསུམ་པ་དང་ཐུག དེ་ནས་གསུམ་ཇེ་སྒྱུར་གྱི་ཡོས་འཕྲེད་དུ་གཞལ་བའི་གསུམ་མགོའི་ས་ནས་ཆ་དྲུག་པར་ཕྲད་ས་དབུས་ལག་གི་མཆུ་ཕུབས་ཀྱི་ཞེང་དཀར་ཕྱེད། གསུམ་པ་གཉིས་དེ་ནས་ཕྱེད་དྲུག་ལྔ་ལྷག་ཙམ་ཕྱེད་ལྔ་བཞི་ལྷག་ཙམ་ཕྱེད་བཞི་གསུམ་རྣམས་དང་། ཕུབས་ཆིས་བོ་གཅིག་མན་ལ་དཀར་བརྒྱད་ལྷག་ཙམ་མོ། །</br>30.ཨ་ནི། མགོ་ཐུང་ཐུ་བ་ཅན། ཐུ་བའི་གསེགས་སྦྱོར་ཟླུམ་པར་བྱ། འཛིན་པོ་དང་ལྡོག་པོ་མཉམ་པ། ཐུ་བའི་སྒྲོས་དང་དཀར་རྩེ་མཉམ་པ། ཚག་ནི་མ་འབྱར། གོང་མའི་རྩར་ཟུར་གསུམ་བྲ་བོའི་དབྱིབས་སུ་བཞག་པའོ་ཞེས་ཞིབ་པར་ཞེང་དགུ་དང་དཔངས་བརྒྱུད། མགོ་ཞེང་ཕྱེད་བཞི། ལག་ཡས་ནས་བཞི་པའི་དཀྱིལ་ནས་ཡས་གཉིས་ཐུར་གསུམ་དཀྱིལ་ཐད་དཔུང་ཟུར་དང་། དེ་ནས་ཐུ་བ་ཟུར་གསུམ་འཕྲེད་ཕྱེད་བཞིའི་སར་བཀུག་པའི་ཡས་འཕུལ་ཆ་གཅིག་དཔུང་རྩ་དང་མས་ཕྱིའི་ཟུར་ལ་ཟགས་མཆུ་བགས་ཀྱིས་བཏོན། དེ་ནས་ཡས་འཕུལ་སྣག་ཆ་གཅིག་པོ་སྦྱར། ཡས་ཀྱི་ཁ་དཀར་ཕྱེད་གཉིས་མས་ཀྱི་གཉིས། དཔུང་སྟོད་དཀར་གསུམ། ཐུང་དཀར་གཉིས་ཐུང་སྣག་ཆ་གཅིག་མས་དཀར་དོ། ཟུར་དཀར་བདུན་ནོ་ཞེས་གསལ་བྱེད་སུམ་ཅུའི་ཐིག་ཚད་རགས་ཞིབ་གཉིས་ཏེ། དེ་ལའང་ཁྱུང་པོ་སྔ་ཕྱི་རྡོ་དུས་གསུམ་གྱི་བཞེད་པ་ཅུང་ཟད་མི་འདྲ་བ་དང་། ལྡན་མ་རྩེ་མང་ལུགས་སུ་གྲགས་པ་སོགས་དུ་མ་སྣང་བ་ལས་གཡུ་ཁྲིའི་ཕྱག་རྒྱུན་གཡའ་སེལ་ལྟར་བཀོད་པའོ། །ཡུ་ཁྲིའི་ཕྱག་རྒྱུན་གཡའ་སེལ་ལྟར་བཀོད་པའོ། །)
• Dictionaries/chos rnam kun btus/11016  + (1.ཀོང་པོ། 2.ཕོ་ཁང་། 3.ཚ་བ། 4.ཏྲེ་བོ། 5 … 1.ཀོང་པོ། </br>2.ཕོ་ཁང་། </br>3.ཚ་བ། </br>4.ཏྲེ་བོ། </br>5.སྤོ་འབོར། </br>6.མི་ཉག</br>7.ལྡན་མ། </br>8.གླིང་བ། </br>9.གཙང་པ། </br>10.དབུས་སྟོད། </br>11.རོང་པོ་ཤར། </br>12.རོང་པོ་ནུབ། </br>13.གོ་བོ། </br>14.ཉག་རེ། </br>15.ལྷོ་པ། </br>16.མངའ་རིས་དཔེ་ཐུབ། </br>17.རྒྱལ་པ། </br>18.ཉང་པོ། </br>19.འཕའ་ར། </br>20.སྡིངས་ཁ།</br>21.ཚུལ་ཁང་། </br>22.རྩེད་ཐང་། </br>23.མངའ་རིས། </br>24.གུ་གེ། </br>25.རྒྱུ། </br>26.གྲགས་པ་བཅས་སོ། ། 24.གུ་གེ། 25.རྒྱུ། 26.གྲགས་པ་བཅས་སོ། །)
• Dictionaries/chos rnam kun btus/9383  + (1.ཀླུ་མེས་ཤེས་རབ། 2. འབྲིང་ཡེ་ཤེས། 3. རག … 1.ཀླུ་མེས་ཤེས་རབ། </br>2. འབྲིང་ཡེ་ཤེས། </br>3. རག་ཤི་ཚུལ་ཁྲིམས་འབྱུང་གནས།</br>4. རྦ་ཚུལ་ཁྲིམས་བློ་གྲོས། </br>5. སུམ་པ་ཡེ་ཤེས་བློ་གྲོས་བཅས་དབུས་པ་མི་ལྔ། </br>6. ལོ་སྟོན་རྡོ་རྗེ་དབང་ཕྱུག </br>7. ཚོང་བཙུན་ཤེས་རབ་སེང་གེ །</br>8. བོ་དོང་པ་ཨུ་པ་དེ་ཀར་བཅས་གཙང་པ་མི་གསུམ།</br>9. 10.མངའ་རིས་པ་འོ་བརྒྱད་སྤུན་གཉིས་བཅས་སོ། །</br>(སྐབས་འདིར་ཤེས་བྱ་ཀུན་ཁྱབ་ནང་དབུས་ནས་ཀླུ་མེས་ཚུལ་ཁྲིམས་ཤེས་རབ་སོགས་ལྔ། གཙང་ནས་ལོ་སྟོན་རྡོ་རྗེ་དབང་ཕྱུག་སོགས་ལྔ་ཞེས་སོགས་སྒྲའི་ཁོངས་སུ་བསྡུ་བ་མཛད་པ་འདིར་ཞིབ་ཆ་ཡོང་ཆེད་ཡོངས་གྲགས་ལྟར་ཁ་སྐོང་བྱས་པ་ལགས་སོ། །)་ཆེད་ཡོངས་གྲགས་ལྟར་ཁ་སྐོང་བྱས་པ་ལགས་སོ། །))