Search by property

This page provides a simple browsing interface for finding entities described by a property and a named value. Other available search interfaces include the page property search, and the ask query builder.

List of results

• Dictionaries/sgom sde tshig mdzod chenmo/5619  + (སད་དུས་སུ་སྐུ་གསུམ་དང་བསྲེ་བ། གཉིད་དུས་སུ་ … སད་དུས་སུ་སྐུ་གསུམ་དང་བསྲེ་བ། གཉིད་དུས་སུ་སྐུ་གསུམ་དང་བསྲེ་བ། འཆི་དུས་སུ་སྐུ་གསུམ་དང་བསྲེ་བ་དང་དགུའོ། །དང་པོ་ལ་སད་དུས་ཀྱི་འོད་གསལ་ཆོས་སྐུ་དང་བསྲེ་བ། སད་དུས་ཀྱི་སྒྱུ་ལུས་ལོངས་སྐུ་དང་བསྲེ་བ། སད་དུས་ཀྱི་ལོངས་སྐུ་ལས་ལངས་པ་སྤྲུལ་སྐུ་དང་བསྲེ་བ་དང་གསུམ། གཉིས་པ་ལ་གཉིད་དུས་ཀྱི་འོད་གསལ་ཆོས་སྐུ་དང་བསྲེ་བ། རྨི་ལམ་ལོངས་སྐུ་དང་བསྲེ་བ། གཉིད་སད་པ་སྤྲུལ་སྐུ་དང་བསྲེ་བ་དང་གསུམ་མོ། །གསུམ་པ་ལ་འཆི་བ་འོད་གསལ་ཆོས་སྐུ་དང་བསྲེ་བ། བར་དོ་ལོངས་སྐུ་དང་བསྲེ་བ། སྐྱེ་བ་སྤྲུལ་སྐུ་དང་བསྲེ་བ་དང་གསུམ་མོ། ། (དང་པོ་སད་དུས་ཀྱི་བསྲེ་བ་སྐོར་གསུམ) དང་པོ་སད་དུས་ཀྱི་འོད་གསལ་ཆོས་སྐུ་དང་བསྲེ་བ་ནི། རྡོ་རྗེའི་ལུས་ལ་གནད་དུ་བསྣུན་པ་ལ་བརྟེན་ནས་རླུང་སྙིང་གའི་དྷཱུ་ཏཱིའི་ནང་དུ་ཞུགས་གནས་ཐིམ་གསུམ་བྱས་པ་ལས་སྨིག་སྒྱུ་དུ་བ་ལ་སོགས་པའི་རྟགས་རྣམས་འཆར་ཞིང༌། དེའི་རྗེས་སུ་སྣང་བ། མཆེད་པ། ཉེར་ཐོབ། འོད་གསལ་རྣམས་འཆར་ལ། དེ་རྣམས་ཀྱི་དུས་སུ་ལྟ་བ་དྲན་པར་བྱེད་ཅིང༌། ཁྱད་པར་འོད་གསལ་གྱི་དུས་སུ་གདམངས་ངག་དང་སྦྱར་ནས་སྒོམ་པར་བྱེད་པ་ནི་སད་དུས་ཀྱི་འོད་གསལ་ཆོས་སྐུ་དང་བསྲེ་བ་ཡིན་ནོ། །གཉིས་པ་སད་དུས་ཀྱི་སྒྱུ་ལུས་ལོངས་སྐུ་དང་བསྲེ་བ་ནི། གོང་དུ་བཤད་པ་ལྟར་གྱི་འོད་གསལ་ཆོས་སྐུ་དང་བསྲེ་བ་དེ་ལས་ལྡང་བར་རྩོམ་པ་ན། ཤིན་ཏུ་ཕྲ་བའི་རླུང་སེམས་ཙམ་ལས་རྣམ་སྨིན་གྱི་ཕུང་པོ་ལས་ལོགས་སུ་བྱེ་སྟེ། གསང་འདུས་ཀྱི་སྐབས་སུ་ཡིན་ན། ལོངས་སྐུ་དང་པོའི་མགོན་པོ་དང༌། འཇིགས་བྱེད་ཀྱི་སྐབས་ཡིན་ན། རྒྱུ་རྡོ་རྗེ་འཛིན་པ་འཇམ་དཔལ་གཞོན་ནུས་གྱུར་པ་འཇའ་ཚོན་ལྟ་བུའི་སྐུར་སྐད་ཅིག་གིས་ལྡང་བ་ནི་སད་དུས་ཀྱི་སྒྱུ་མ་ལོངས་སྐུ་དང་བསྲེ་བ་ཡིན་ནོ། །གསུམ་པ་སད་དུས་ཀྱི་ལོངས་སྐུ་ལས་ལངས་པ་སྤྲུལ་སྐུ་དང་བསྲེ་བ་ནི། གོང་དུ་བཤད་པ་ལྟར་གྱི་སྒྱུ་མའི་སྐུ་ལས་ལྡང་བར་རྩོམ་པ་ན། རྣམ་སྨིན་གྱི་ལུས་འདི་གསང་འདུས་ཀྱི་སྐབས་ཡིན་ན་སྤྲུལ་སྐུ་རྡོ་རྗེ་སེམས་དཔའམ་རྡོ་རྗེ་འཆང་གི་སྐུར་ལྡང་བ་དང༌། འཇིགས་བྱེད་ཀྱི་སྐབས་ཡིན་ན། སྤྲུལ་སྐུ་འབྲས་བུ་རྡོ་རྗེ་འཛིན་པ་དཔལ་རྡོ་རྗེ་འཇིགས་བྱེད་ཀྱི་སྐུར་ལངས་ལ། གོང་དུ་བཤད་པ་ལྟར་གྱི་ཤིན་ཏུ་ཕྲ་བའི་རླུང་སེམས་ལས་གྲུབ་པའི་ལོངས་སྐུ་དེ་ཡང༌། སྤྲུལ་སྐུའི་ཐུགས་ཀར་ཡེ་ཤེས་སེམས་དཔའི་ཚུལ་གྱིས་བཞུགས་པའི་སྤྲུལ་སྐུར་ལྡང་བ་ནི། སད་དུས་ཀྱི་ལོངས་སྐུ་ལས་ལངས་པ་སྤྲུལ་སྐུ་དང་བསྲེ་བ་སྟེ། སད་དུས་བསྲེ་བ་སྐོར་གསུམ་མོ། ། (གཉིས་པ་གཉིད་དུས་ཀྱི་བསྲེ་བ་སྐོར་གསུམ) གཉིས་པ་གཉིད་དུས་སུ་སྐུ་གསུམ་དང་བསྲེ་བ་ལ་གསུམ་ལས། གཉིད་དུས་ཀྱི་འོད་གསལ་ཆོས་སྐུ་དང་བསྲེ་བ། རྨི་ལམ་ལོངས་སྐུ་དང་བསྲེ་བ། གཉིད་སད་པ་སྤྲུལ་སྐུ་དང་བསྲེ་བ་དང་གསུམ་མོ། །དང་པོ་ནི། སད་དུས་སུ་སྙིང་གར་ཞུགས་གནས་ཐིམ་གསུམ་བྱེད་པ་ལ་གོམས་པའི་གང་ཟག་གིས། གཉིད་དུ་འགྲོ་ཁར་རླུང་སྡུད་པའི་དམིགས་པ་བྱས་ན། གཉིད་དུ་འགྲོ་བའི་ཚེ། ཡན་ལག་གི་རླུང་རྣམས་རང་ཤུགས་ཀྱིས་སྙིང་གར་འདུ་བའི་གནད་ཀྱིས་སྙིང་གར་རླུང་གཞན་པས་འདུ་ཚབས་ཆེ་བ་ཞིག་འོང་ཞིང༌། དེའི་དུས་སུ་རྨི་ལམ་གྱི་ལུས་གནས་ལ། དེའི་སྟོབས་ཀྱིས་གཉིད་དུ་སོང་བ་ན། སྣང་མཆེད་ཐོབ་གསུམ་འོད་གསལ་དང་བཅས་པ་འཆར་ལ། དེའི་འོད་གསལ་གྱི་དུས་སུ་སྟོང་པ་ཉིད་ཀྱི་ལྟ་བ་དྲན་པར་བྱས་ནས་འོད་གསལ་ལ་ཇི་ཙམ་གནས་གནས་ཀྱི་བར་དུ་འཇོག་པ་ནི། གཉིད་ཀྱི་འོད་གསལ་ཆོས་སྐུ་དང་བསྲེ་བའོ། །གཉིས་པ་རྨི་ལམ་ལོངས་སྐུ་དང་བསྲེ་བ་ནི། གོང་དུ་བཤད་པ་ལྟར་གྱི་འོད་གསལ་ལས་ལྡང་བར་རྩོམ་པ་དང༌། རྨི་ལམ་འཆར་བས་དེའི་དུས་སུ་རྨི་ལམ་གྱི་ལུས་དེ་རྣམ་སྨིན་གྱི་ལུས་ལས་ལོགས་སུ་བྱེ་བའི་ལོངས་སྐུ་དང་པོའི་མགོན་པོའམ། འཇིགས་བྱེད་ལྟར་ན། ལོངས་སྐུ་རྒྱུ་རྡོ་རྗེ་འཛིན་པ་འཇམ་དཔལ་གཞོན་ནུར་གྱུར་པའི་སྐུར་འཇའ་མཚོན་ལྟ་བུར་སྐད་ཅིག་གིས་ལངས་ཏེ། ཇི་ཙམ་གནས་གནས་ཀྱི་བར་དུ་སྒྱུ་མ་ལྟ་བུའི་ཏིང་ངེ་འཛིན་ལ་མཉམ་པར་འཇོག་པ་ནི། རྨི་ལམ་ལོངས་སྐུ་དང་བསྲེ་བའོ། །གསུམ་པ་སད་པ་སྤྲུལ་སྐུ་དང་བསྲེ་བ་ནི། གོང་དུ་བཤད་པ་ལྟར་གྱི་སྒྱུ་མ་ལྟ་བུའི་ཏིང་ངེ་འཛིན་དེ་ལས་ལྡང་བར་རྩོམ་པ་ན། རྣམ་སྨིན་གྱི་ལུས་འདི་སྤྲུལ་སྐུ་རྡོ་རྗེ་སེམས་དཔའ་དང༌། རྡོ་རྗེ་འཆང་གང་རུང་དང༌། འཇིགས་བྱེད་ལྟར་ན། སྤྲུལ་སྐུ་འབྲས་བུ་རྡོ་རྗེ་འཛིན་པ་དཔལ་རྡོ་རྗེ་འཇིགས་བྱེད་ཀྱི་སྐུར་བསྒོམ་ལ། དེའི་ཐུགས་ཀར་རྨི་ལམ་གྱི་ལོངས་སྐུ་དེ་ཡེ་ཤེས་སེམས་དཔའི་ཚུལ་གྱིས་བཞུགས་པར་བསྒོམ་པའམ། སྤྲུལ་སྐུར་བསྒོམ་པ་ནི། སད་པ་སྤྲུལ་སྐུ་དང་བསྲེ་བ་སྟེ། དེ་ལྟར་ན་གཉིད་དུས་ཀྱི་བསྲེ་བ་སྐོར་གསུམ་མོ། ། (གསུམ་པ་འཆི་དུས་ཀྱི་བསྲེ་བ་སྐོར་གསུམ) གསུམ་པ་འཆི་བའི་དུས་སུ་སྐུ་གསུམ་དང་བསྲེ་བ་གསུམ་ནི། འཆི་བ་འོད་གསལ་ཆོས་སྐུ་དང་བསྲེ་བ། བར་དོ་ལོངས་སྐུ་དང་བསྲེ་བ། སྐྱེ་བ་སྤྲུལ་སྐུ་དང་བསྲེ་བ་དང་གསུམ་མོ། །དང་པོ་ནི། འཛམ་བུ་གླིང་པའི་མི་མངལ་སྐྱེས་ཁམས་དྲུག་ལྡན་ཅིག་རིམ་གྱིས་འཆི་བའི་ཚེ་སྙིང་གར་རང་ཤུགས་ཀྱིས་རླུང་འདུ་བའི་གནས་ཀྱིས། འཆི་བའི་ཚེ་སྣང་མཆེད་ཐོབ་གསུམ་འོད་གསལ་དང་བཅས་པ་ཡོངས་སུ་རྫོགས་པར་འཆར་ཞིང༌། དུས་དེར་ཤར་བའི་འོད་གསལ་ནི། མའི་འོད་གསལ་ཡིན་ལ། སྙིང་ག་ལ་སོགས་པའི་གནས་རྣམས་སུ་གནད་དུ་བསྣུན་པ་ལ་བརྟེན་ནས། སྣང་མཆེད་ཐོབ་གསུམ་འོད་གསལ་དང་བཅས་པ་ཤར་བའི་འོད་གསལ་ནི། བུའི་འོད་གསལ་ཡིན་ཞིང༌། འཆི་བའི་ཚེ་རླུང་སྡུད་པར་རྩོམ་པ་ན་སྙིང་གའི་སྡུད་རིམ་ལེགས་པར་བསྒོམས་ཏེ། འོད་གསལ་མ་བུ་འདྲེས་པའི་འོད་གསལ་ཤར་བའི་ཚེ། ལྟ་ཐོག་ཏུ་ལེགས་པར་བཞག་སྟེ། འོད་གསལ་ལ་ཇི་ཙམ་གནས་གནས་ཀྱི་བར་འཇོག་པ་ནི་འཆི་བ་ཆོས་སྐུ་དང་བསྲེ་བའོ། །གཉིས་པ་བར་དོ་ལོངས་སྐུ་དང་བསྲེ་བ་ནི། གོང་དུ་བཤད་པ་ལྟར་གྱི་འཆི་བའི་འོད་གསལ་དེ་ལས་ལངས་ན། བར་དོ་འཆར་བར་རྩོམ་པ་ན། བར་དོའི་ལུས་ཤིན་ཏུ་ཕྲ་བའི་རླུང་སེམས་ཙམ་ལས་ལོངས་སྐུ་དང་པོའི་མགོན་པོའམ། རྡོ་རྗེ་འཆང་གི་སྐུ་གང་རུང་དུ་ལྡང་ཞིང༌། འཇིགས་བྱེད་ལྟར་ན་ལོངས་སྐུ་རྒྱུ་རྡོ་རྗེ་འཛིན་པ་ཟུང་འཇུག་འཇའ་ཚོན་ལྟ་བུའི་སྐུར་ལྡང་བར་བྱའོ། །འདི་ནི་ཐ་མལ་པ་ལ་བར་དོ་འོངས་བའི་དོད་ལ། སྒྱུ་མའི་ལོངས་སྐུར་ལྡང་བ་ཡིན་པས། འདི་ནི་བར་དོ་ལོངས་སྐུ་དང་བསྲེ་བའོ། །གསུམ་པ་སྐྱེ་བ་སྤྲུལ་སྐུ་དང་བསྲེ་བ་ནི། མངལ་དུ་སྐྱེ་བ་ལེན་པར་རྩོམ་པ་ན། སྐྱེ་བ་ལེན་རྒྱུའི་རྣམ་སྨིན་གྱི་ལུས་དེ་སྤྲུལ་སྐུ་རྡོ་རྗེ་སེམས་དཔའམ། སྤྲུལ་སྐུ་རྡོ་རྗེ་འཛིན་པ་དཔལ་རྡོ་རྗེ་འཇིགས་བྱེད་ཀྱི་སྐུར་བསྒོམས་པའི་སྙིང་གའི་དབུས་སུ་ཤིན་ཏུ་ཕྲ་བའི་རླུང་སེམས་ཙམ་ལས་གྲུབ་པའི་ལོངས་སྐུ་དེ་ཉིད་བཞུགས་པར་བསྒོམ་སྟེ། སྐྱེ་གནས་སུ་སྐྱེ་བ་ལེན་པ་ནི་སྐྱེ་བ་སྤྲུལ་སྐུ་དང་བསྲེ་བ་ཡིན་ཏེ། དེ་ལྟར་ན་འཆི་བའི་དུས་ཀྱི་བསྲེ་བ་སྟེ་བསྲེ་བ་སྐོར་གསུམ་མོ། །དེ་ལྟར་བསྲེ་བ་རྣམས་ཀྱི་སྐབས་སུ་ལོངས་སྐུ་དང་པོའི་མགོན་པོ་དང༌། འཇམ་དཔལ་གྱི་སྐུར་ལངས་པའི་དགོས་པ་ནི་བསྐྱེད་རིམ་གྱི་སྐབས་ཀྱི་བར་དོ་སྦྱོང་བྱེད་དང༌། བར་དོ་ལོངས་སྐུར་སྐུར་འཁྱེར་བའི་ལམ་འཁྱེར་དང་པོའི་མགོན་པོ་དང༌། རྒྱུ་རྡོ་རྗེ་འཛིན་པ་འཇམ་དཔལ་ཡིན་པས་སོ། །བསྐྱེད་རིམ་གྱི་སྐབས་ཀྱི་སྐྱེ་བ་སྤྲུལ་སྐུར་འཁྱེར་བའི་ལམ་འཁྱེར་དང༌། སྐྱེ་བ་སྦྱོང་བྱེད་སྤྲུལ་སྐུ་རྡོ་རྗེ་སེམས་དཔའ་དང༌། འཇིགས་བྱེད་ཀྱི་སྐབས་སུ་འབྲས་བུ་རྡོ་རྗེ་འཛིན་པ་དཔལ་རྡོ་རྗེ་འཇིགས་བྱེད་ཡིན་པས། སྤྲུལ་སྐུ་དང་བསྲེ་བའི་སྐབས་སུ་རྡོ་རྗེ་སེམས་དཔའ་དང༌། རྡོ་རྗེ་འཇིགས་བྱེད་དུ་ལྡང་དགོས་པའི་རྒྱུ་མཚན་དེ་ལྟར་ཡིན་པར་ཤེས་པར་བྱའོ། །རྗེའི་གསུང་ཟིན་བྲིས་ཞལ་ཤེས་གནད་ཀྱི་ཐིམ་ཡིག་དང་། རྗེའི་གསུང་གསང་འདུས་ཡིག་ཆུང་ཉེར་གཅིག་སོགས་ལས་ཀྱང་དེ་བཞིན་དུ་གསལ་ལོ། །་ཉེར་གཅིག་སོགས་ལས་ཀྱང་དེ་བཞིན་དུ་གསལ་ལོ། །)
• Dictionaries/sgom sde tshig mdzod chenmo/10139  + (སེམས་ཅན་ལ་མི་འཚེ་བ་དང་མི་འཚེ་བའི་བསམ་པ་བསྟ … སེམས་ཅན་ལ་མི་འཚེ་བ་དང་མི་འཚེ་བའི་བསམ་པ་བསྟེན་པ། མར་མེ་ལ་སོགས་པའི་སྣང་བ་དང་གོས་གསར་པ་སྦྱིན་པ། ང་རྒྱལ་བཅོམ་ནས་བླ་མ་ལ་སོགས་པ་ལ་ཕྱག་ལ་སོགས་པ་དང་གཞན་ལ་བྲན་ལྟར་གུས་པར་བྱས་པ། ཟས་གོས་ལ་སོགས་པ་སློང་བ་ལ་དེ་དག་སྦྱིན་པ་དང་མི་སློང་ཡང་ཕན་འདོགས་པ་དང༌། སྡུག་བསྔལ་དང་ཡོན་ཏན་གྱི་ཞིང་ཡོ་བྱད་མེད་པ་ལ་ཕར་སྦྱིན་པ། ངག་གི་མི་དགེ་བ་བཞི་སྤོང་བ་ལ་གོམས་པ། ཕྱི་མ་ལ་རང་ལ་ཡོན་ཏན་སྣ་ཚོགས་བསྒྲུབ་པར་སྨོན་ལམ་འདེབས་ཤིང་དཀོན་མཆོག་གསུམ་ལ་མཆོད་པ་དང་ཕ་མ་དང་ཉན་རང་དང་མཁན་སློབ་དང་བླ་མ་ལ་མཆོད་པར་བྱེད་པ། སྐྱེས་པའི་ཡོན་ཏན་ལ་དགའ་བ་དང་བུད་མེད་ཀྱི་དངོས་པོ་ལ་མི་དགའ་ཞིང་ཉེས་དམིགས་སུ་ལྟ་བ་དང་བུད་མེད་ཀྱི་ལུས་འདོད་པ་རྣམས་འདུན་པ་བཟློག་པ་དང་ཕོའི་དབང་པོ་གཅོད་པ་རྣམས་ཐར་བར་བྱེད་པ། གཞན་གྱི་གཏན་མི་ནུས་པ་རང་གིས་བྱེད་པ་དང་རང་དང་བསྡོམས་པས་ནུས་པ་ལ་གྲོགས་བྱེད་པ་དང་བཟའ་བ་དང་གཏུང་བ་སྟེར་བའོ། །ལམ་རིམ་ཆེན་མོར་གསུངས་པ་ལྟར་རོ། །ྟེར་བའོ། །ལམ་རིམ་ཆེན་མོར་གསུངས་པ་ལྟར་རོ། །)
• Dictionaries/sgom sde tshig mdzod chenmo/11734  + (སེམས་དགེ་བའི་དམིགས་པར་གཏོད་པ་ལ་དགའ་མགུར་འཇུག་ཏུ་མི་རུང་བ་དང་བྲལ་ནས་དམིགས་པ་ལ་ཐོགས་པ་མེད་པར་འཇུག་པའི་དོན། འདི་སེམས་བྱུང་ལྔ་བཅུ་ང་གཅིག་གི་ནང་ཚན་དགེ་བ་བཅུ་གཅིག་གི་ཤིན་སྦྱངས་ཞེས་པ་དེ་ཡིན།)
• Dictionaries/sgom sde tshig mdzod chenmo/11701  + (སེམས་དབེན་པ་དེས་ལས་རྒྱ་དང་སྐྱིལ་ཀྲུང་བཞི་ལ … སེམས་དབེན་པ་དེས་ལས་རྒྱ་དང་སྐྱིལ་ཀྲུང་བཞི་ལྡན་གྱིས་སྙོམས་པར་ཞུགས་པའི་ངང་ནས་ཁྱབ་བྱེད་ལ་དམིགས་པའི་རྡོར་བཟླས་སོགས་བསྐྱངས་པས། བསྒོམ་སྟོབས་ཀྱིས་ཁྱབ་བྱེད་སོགས་རླུང་ཕྲ་མོ་མ་ལུས་པ་མི་ཤིགས་པ་ལ་ལྷག་མེད་དུ་ཐིམ་པས་རྟགས་དང་རྟགས་ཅན་བརྒྱད་ཆ་འདྲ་མ་ཡིན་པར་འཆི་རིམ་ཇི་ལྟ་བ་བཞིན་ཤར་ཏེ་གཉུག་སེམས་བདེ་ཆེན་གྱི་ངོ་བོར་སྐྱེས། དེས་སྟོང་ཉིད་ལ་རྩེ་གཅིག་ཏུ་མཉམ་པར་བཞག་པའི་འོད་གསལ་ལ། སེམས་དབེན་མཐར་ཐུག་གི་དཔེའི་འོད་གསལ་ཟེར་རོ། །དེ་དང་ཤིན་ཏུ་ཕྲ་བའི་སེམས་ཀྱིས་སྟོང་ཉིད་དོན་སྤྱིའི་ཚུལ་གྱིས་རྟོགས་པའི་བློ་དང་། དོན་གྱི་འོད་གསལ་མཚོན་པའི་དཔེར་འགྲོ་བས་དཔེའི་འོད་གསལ་དང་། ཐ་མལ་གྱི་འཆི་བ་ཁེགས་ནས་ཆོས་སྐུའི་བསྲེ་བ་དངོས་སུ་གྲུབ་པས་ལམ་དུས་ཀྱི་ཆོས་སྐུ་ཞེས་ཀྱང་བྱའོ། །གྲུབ་པས་ལམ་དུས་ཀྱི་ཆོས་སྐུ་ཞེས་ཀྱང་བྱའོ། །)
• Dictionaries/sgom sde tshig mdzod chenmo/4004  + (སེམས་དམིགས་པ་ལ་རྒྱུན་ལྡན་དུ་ལྷིང་ངེར་སྡོད་ … སེམས་དམིགས་པ་ལ་རྒྱུན་ལྡན་དུ་ལྷིང་ངེར་སྡོད་པའི་སེམས་བྱུང་ལ། ཏིང་ངེ་འཛིན་ཟེར་ཞིང་། སེམས་རྩ་བའི་དམིགས་པ་དེ་ལས་མི་འཕྲོ་བར་བྱེད་པའི་ཐབས་ལ། དྲན་པ་ཞེས་བྱ་ལ། གལ་ཏེ་སེམས་དམིགས་པ་དེ་ལས་འཕྲོས་ན་དེ་མ་ཐག་ཏུ་ཤེས་པར་བྱེད་པའི་ཐབས་ལ། ཤེས་བཞིན་ཞེས་ཟེར་རོ། །རྗེའི་ལམ་རིམ་ཆེན་མོ་ལས། འདི་ལ་ཏིང་ངེ་འཛིན་ནི་སེམས་དམིགས་པ་ལ་རྩེ་གཅིག་ཏུ་གནས་པའི་ཆ་ཡིན་ལ་དེ་ཡང་དམིགས་པ་ལ་རྒྱུན་ལྡན་དུ་སྡོད་པ་ཞིག་དགོས་སོ། །དེ་ལ་ནི་སེམས་རྩ་བའི་དམིགས་པ་གང་ཡིན་པ་དེ་ལས་གཡེང་བར་མི་བྱེད་པའི་ཐབས་གཅིག་དང༌། གཡེངས་མ་གཡེངས་དང་གཡེང་བར་འགྱུར་མི་འགྱུར་ཇི་ལྟ་བ་བཞིན་ཤེས་པ་གཉིས་དགོས་པའི་དང་པོ་ནི་དྲན་པ་དང་གཉིས་པ་ནི་ཤེས་བཞིན་ཡིན་ཏེ། མདོ་སྡེའི་རྒྱན་གྱི་འགྲེལ་པ་ལས། དྲན་པ་དང་ཤེས་བཞིན་ནི་ཉེ་བར་གཏོད་པར་བྱེད་པ་སྟེ་གཅིག་གིས་སེམས་དམིགས་པ་ལས་མི་འཕྲོ་བར་བྱེད་པའི་ཕྱིར་དང༌། གཉིས་པས་སེམས་འཕྲོ་བ་རབ་ཏུ་ཤེས་པའི་ཕྱིར་རོ། །ཞེས་གསུངས་སོ། །ཞེས་གསུངས། ཏིང་ངེ་འཛིན་དང་དྲན་པ་གཉིས་ཧ་ཅང་འདྲ་བས། དེ་གཉིས་ཀྱི་ཁྱད་པར་ཇི་ལྟར་ཡིན་ཞེ་ན། ཏིང་ངེ་འཛིན་གོང་དུ་བཤད་པ་ལྟར། སེམས་དམིགས་པ་ལ་རྒྱུན་ལྡན་དུ་ལྷིང་ངེར་སྡོད་པའི་སེམས་ཤིག་ཡིན་ལ། དྲན་པ་ནི་སེམས་དམིགས་པ་ལ་རྒྱུན་ལྡན་དུ་སྡོད་པ་དེ་ལས་མི་འཕྲོ་བར་བྱེད་པ་ལ་ཟེར་བས་ཁྱད་པར་ཆེའོ། །་མི་འཕྲོ་བར་བྱེད་པ་ལ་ཟེར་བས་ཁྱད་པར་ཆེའོ། །)
• Dictionaries/sgom sde tshig mdzod chenmo/11704  + (སེམས་པས་སེམས་སྤྱིར་ཡུལ་ལ་གཡོ་བར་བྱེད་པ་ཡིན་ལ། ཡིད་ལ་བྱེད་པས་དམིགས་པ་བྱེ་བྲག་པ་ལ་ཡང་དང་ཡང་དུ་གཏོད་པ་ཡིན་ནོ། །)
• Dictionaries/sgom sde tshig mdzod chenmo/1469  + (སེམས་ཤིན་ཏུ་གསལ་བའི་གསལ་ཆའི་ངར་དང་ལྡན་པ་དང … སེམས་ཤིན་ཏུ་གསལ་བའི་གསལ་ཆའི་ངར་དང་ལྡན་པ་དང༌། དམིགས་པ་ལ་རྩེ་གཅིག་ཏུ་གནས་པའི་མི་རྟོག་པའི་གནས་ཆ་དང་ལྡན་པ་ལ་ཟེར། ཞི་གནས་ཀྱི་སྐབས་གསལ་ཆ་ཞེས་པ་ཡུལ་གྱི་གསལ་ཆའམ་དྭངས་ཆ་ཡོད་པ་ཙམ་ལ་མི་ཟེར་གྱི། ཡུལ་ཅན་སེམས་ཀྱིས་དམིགས་པ་འཛིན་པའི་འཛིན་སྟངས་མ་ལྷོད་པར་གསལ་བར་རམ་དམ་པར་འཛིན་པ་ལ་ཟེར། སེམས་ལ་མུན་པ་བབས་པ་ལྟ་བུའི་ཡུལ་མི་གསལ་བ་དང༌། བློའི་འཛིན་སྟངས་དམའ་རུ་སོང་བ་བཀག་ནས། དམིགས་པ་གསལ་བ་དང༌། འཛིན་སྟངས་ཀྱི་གྲིམས་ཆ་གཉིས་ཀ་དགོས་སོ། །ཡུལ་གྱི་གསལ་ཆའམ་དྭངས་ཆ་ནི་བྱིང་བ་ཕྲ་མོའི་སྐབས་སུ་ཡང་ཡོད་པར་མངོན་ནོ། །ྱིང་བ་ཕྲ་མོའི་སྐབས་སུ་ཡང་ཡོད་པར་མངོན་ནོ། །)
• Dictionaries/sgom sde tshig mdzod chenmo/1586  + (སོག་པོའི་རྒྱལ་པོ་འདིས་༡༦༤༢ལོར་གཙང་པ་སྡེ་སྲ … སོག་པོའི་རྒྱལ་པོ་འདིས་༡༦༤༢ལོར་གཙང་པ་སྡེ་སྲིད་ཀྱི་སྲིད་གཞུང་གཏོར་ཕམ་བཏང་ནས། བོད་ཀྱི་སྲིད་དབང་ཡོངས་རྫོགས་༸གོང་ས་ལྔ་པ་ཆེན་པོའི་ཕྱག་ཏུ་ཕུལ་ཏེ། བོད་གཞུང་དགའ་ལྡན་ཕོ་བྲང་གི་སྲིད་དབང་བཙུགས་ཤིང་། ཏཱ་ལའི་བླ་མ་དང་དགེ་ལུགས་པའི་ཕྱོགས་ལ་དད་ཞེན་ཧ་ཅང་ཆེ་བའི་རྒྱལ་པོ་ཞིག ཏཱ་ལའི་བླ་མ་ལྔ་པ་ཆེན་པོས་གུ་ཤྲཱི་ཧན་ལ་བསྟན་འཛིན་ཆོས་ཀྱི་རྒྱལ་པོ་ཞེས་མཚན་བསྟོད་གནང་། ལོ་རྒྱུས་རྒྱས་པ་ནི། ཨོ་རོད་ཚོ་བཞིར་གྲགས་པའི་ནང་ཚན། ཧོ་ཤོད་ཀྱི་དཔོན་ཧ་ནའི་སྲས། གུ་ཤྲཱི་ཧན་བསྟན་འཛིན་ཆོས་རྒྱལ་ཀྱི་རྒྱལ་པོར་གྲགས་པ་ནི། རབ་བྱུང་བཅུ་པའི་ཆུ་ཕོ་རྟའི་ལོ། ཕྱི་ལོ་༡༥༨༢ལོར་འཁྲུངས། མཚན་ཐོ་རོལ་བའི་ཧུར་ཞེས་བཏགས། གཏེར་སྟོན་དྲི་མེད་ལྷུན་པོའི་ལུང་བསྟན་ལས་ཕྱག་ན་རྡོ་རྗེའི་རྣམ་འཕྲུལ་དུ་བཤད་ཅིང་། སར་གནས་ཀྱི་བྱང་སེམས་ཆོས་རྒྱལ་པོའི་རྣམ་པར་བྱོན་པ་ཞིག་སྟེ། དགུང་ལོ་བཅུ་གསུམ་ལོན་པའི་ཚེ། མགོ་དཀར་གྱི་དམག་ཁྲི་ཕྲག་ཙམ་གྱི་སྟེང་དམག་དཔོན་བྱས་ཏེ་བྱོན་པས་ཕ་རོལ་གྱི་དཔུང་ཚོགས་ཐམས་ཅད་བཅོམ་སྟེ་གཡུལ་ལས་རྣམ་པར་རྒྱལ་བའི་སྙན་པ་ཐོབ། དེ་སྐབས་ཡུལ་དེར་ཆོས་མ་དར་བར་ཡོད་པ་ལས། སོག་པོའི་ཡུལ་གྲུ་གཞན་དག་ཏུ་རྒྱལ་དབང་བསོད་ནམས་རྒྱ་མཚོ་དང་། གསེར་གྱི་རྒྱལ་པོ་མཆོད་ཡོན་ཟུང་གི་བཀའ་དྲིན་ལ་བརྟེན་ནས་དམ་པའི་ཆོས་དར་ཞེས་པའི་ཆོས་ཀྱི་མིང་ཙམ་ཐོས་པར་བརྟེན་དད་པ་ལྷག་པར་འཁྲུངས་ཏེ། ཕྱོགས་དེར་ཕྱག་ཡང་དང་ཡང་དུ་བཙལ་བས་དཔྲལ་བ་སྐྲངས་པ་ཙམ་དུ་གྱུར་ཅེས་གྲགས། དགུང་ལོ་ཉེར་ལྔ་བཞེས་པའི་ཚེ། ཡུམ་གཤེགས་ཏེ་དེའི་དགོངས་རྫོགས་སུ་དབུལ་ཕོངས་རྣམས་ལ་སྦྱིན་གཏོང་རྒྱ་ཆེར་མཛད། བར་སྐབས་ཤིག་ཧལ་ཧ་དང་ཨོ་རོད་གཉིས་ཕན་ཚུན་མ་མཐུན་པར་འཁྲུགས་པ་ཆེན་པོ་བྱུང་བའི་ཚེ། སྙིང་རྗེའི་གཞན་དབང་དུ་གྱུར་ཏེ། ཧལ་ཧའི་ཁྲོད་དུ་ཚམ་ཚོམ་མེད་པར་བྱོན་ནས་ཕན་ཚུན་གྱི་བར་དུ་འདུམ་པར་མཛད། དེ་ལ་སྟོང་འཁོར་ཆོས་རྗེ་དང་། ཧལ་ཧའི་རྒྱལ་བློན་རྣམས་ཤིན་ཏུ་མགུ་སྟེ། ཏའི་ཀཽ་ཤྲཱི་ཞེས་པའི་ཆོ་ལོ་བྱིན། སླར་རང་ཡུལ་དུ་བྱོན། རྒྱལ་བ་བསོད་ནམས་རྒྱ་མཚོ་ལ་ཨོ་རོད་ཀྱི་མི་ཞིག་གིས་མདོ་སྡེ་གསེར་འོད་དམ་པ་ལ་ཕྱག་ནས་ཞུས་པའི་ཚེ། མིང་དྲིས་པར། ཨལ་ཐན་ཀེ་རེ་ལ་ཟེར་ཞུས་པར། དེ་ན་མི་ལོ་ཉི་ཤུ་ན་ཁྱོད་ཀྱི་ཡུལ་དུ་ཆོས་འདི་དར་བར་འགྱུར་རོ་ལུང་བསྟན་པར་ལྟར་སྦྱིན་བདག་མཛད་དེ། གསེར་འོད་དམ་པ་སོགས་ཆོས་མང་དུ་བསྒྱུར་ཅིང་བསྟན་པའི་སྲོལ་བཏོད། ཆ་ཧར་རྒྱལ་པོས་སོག་པོ་ཚོ་ཆེན་དྲུག་གི་ནང་དུ་དུས་འཁྲུག་བསླངས་པར་བརྟེན། ཧལ་ཧའི་ཁྲོད་དུ་འགའ་ཞིག་བྲོས་པར། དབོན་པོ་ཕན་ཚུན་ནང་མ་འཆམས་པའི་རྐྱེན་གྱི་ཧལ་ཧ་ཆོག་ཐུ་རང་ཡུལ་ནས་སྤྱུགས་པ་མཚོ་ཁར་འོངས་ནས། ཨ་མདོའི་ས་ཆ་ནས་མངའ་འོག་ཏུ་བཅུག་སྟེ། རེ་ཞིག་མངའ་ཐང་ཆེ་བར་བྱུང་བས་བསྟན་པ་སྤྱི་དང་། ཁྱད་པར་རི་བོ་དགེ་ལྡན་པའི་བསྟན་པ་ལ་གནོད་པ་ཅི་འཁྱོལ་བྱས་པའི་རྒྱུ་མཚན་རྒྱལ་པོ་འདིའི་སྙན་དུ་སོན་ཏེ། རྗེ་རིན་པོ་ཆེའི་བསྟན་པ་འབའ་ཞིག་གཅེས་པར་དགོངས་ནས་དམག་གི་དཔུང་ཆེན་པོ་དང་བཅས་རང་ཡུལ་ནས་མེ་གླང་ཟླ་བ་དང་པོར་མཚོ་ཁར་བྱོན་ཏེ། གཡུལ་བཀྱེས་པས་ཆོག་ཐུའི་དམག་ཁྲི་ཕྲག་བཞི་དང་བཅས་པ་ལྷག་མ་མེད་པར་བཅོམ་སྟེ། མདོ་སྨད་ཀྱི་ཕྱོགས་མཐའ་དག་མངའ་འོག་ཏུ་བསྡུས། དེ་ནས་རྒྱལ་བ་ཡབ་སྲས་མཇལ་བའི་ཆེད་དུ་དབུས་སུ་བྱོན། ༸རྒྱལ་མཆོག་ལྔ་པ་ཆེན་པོ་དང་། པཎ་ཆེན་བློ་བཟང་ཆོས་ཀྱི་རྒྱལ་མཚན་གཉིས་ཞལ་མཇལ་ཏེ་གཙུག་ཏུ་རྒྱན་དུ་བསྟེན། དགའ་ལྡན་དུ་མཇལ་བར་བྱོན་པའི་ཚེ། དེ་དགོང་ཉེར་བདུན་ཡིན་ནའང་སྲོད་ཀྱི་དུས་རྡེའུ་ཕྲ་མོ་ཡང་མཐོང་བའི་འདུན་ས་ཤིན་ཏུ་དཀར་བ་བྱུང་བས་བསྟན་སྲིད་མཐའ་དག་དཀར་འཇམ་དུ་འགྱུར་བའི་རྟེན་འབྲེལ་འགྲིག དེ་ནས་གླང་ལོའི་དགུན་ཕྱིར་མཚོ་ཁར་བྱོན། བར་ཁམས་སུ་བེ་རི་རྒྱལ་པོ་དོན་ཡོད་སངས་རྒྱས་བསྟན་པ་ལ་ཤིན་ཏུ་གནག་ཅིང་། བོན་གྱི་རིང་ལུགས་ཁོ་ན་གཙོ་བོར་མཆོད་པའི་རྒྱུ་མཚན་གསན་ཏེ། ས་ཡོས་ཧོར་ཟླ་ལྔ་པའི་ནང་དཔུང་གི་ཚོགས་དང་བཅས་པ་བེ་རིའི་སྟེང་དུ་བྱོན། མངའ་འབངས་སུ་ཕལ་ཆེར་བླངས། བེ་རི་རྒྱལ་པོ་ཕྱོགས་གཞན་དུ་བྲོས་པ་ལྕགས་འབྲུག་ཟླ་བ་བཅུ་གཅིག་པའི་ཉེར་ལྔ་ལ་བཟུང་སྟེ་ཁྲི་མོན་དུ་བཅུག ས་དགེ་ཀར་འབྲུག་སྟག་ལུང་སོགས་ཀྱི་བླ་དཔོན་བཙོན་དུ་ཆུད་པ་རྣམས་ཀྱང་བཏོན་ཏེ་རང་གནས་སུ་བསྐྱལ། འཇང་རྒྱལ་པོ་ཚུན་ཆད་ཀྱི་སྐྱེ་དགུ་རྣམས་ཀྱིས་དཔྱ་ཁྲལ་འབུལ་ཞིང་གུས་འདུད་ལྷུར་བླངས། དེའི་ཚེ་དབུས་གཙང་གི་རྒྱལ་པོ་ནི་སྡེ་སྲིད་གཙང་པ་ཡིན་ཞིང་། དེས་ཀརྨ་པ་བླ་མཆོད་ཀྱི་གཙོ་བོར་བཟུང་སྟེ། དགེ་ལུགས་ཕྱོགས་ལ་བསམ་སྦྱོར་ལོག་པ་མང་དུ་བྱས་པར་བརྟེན། རྒྱལ་པོ་འདི་དཔུང་གི་ཚོགས་ཆེན་པོ་དང་བཅས་ཏེ་དབུས་གཙང་གི་ཕྱོགས་སུ་བཏེག གཙང་པའི་དཔུང་དམག་མཐའ་དག་བཅོམ་སྟེ་གཙང་པ་རྒྱ་བློན་བཟུང་ནས་དབུས་ཀྱི་སྣེའུ་གཞིས་ཁར་བཙོན་ཁང་དུ་བཅུག་ཅིང་དབུས་གཙང་གི་ཕྱོགས་ཀུན་མངའ་འོག་ཏུ་བསྡུས། བོད་ཆོལ་ཁ་གསུམ་གྱི་རྒྱལ་པོར་གྱུར་ཏེ་བཀའ་ཁྲིམས་ཀྱི་གདུགས་དཀར་པོ་སྲིད་རྩེའི་བར་དུ་འཁོར། དགེ་ལུགས་ལ་ལོག་པར་འཁུ་བའི་མི་བསྲུན་སྐྱེ་བོ་ཐམས་ཅད་ཚར་བཅད། རྒྱ་གར་གྱི་རྒྱལ་པོ་ཁོ་ཞིང་། བལ་པོ་ཡུམ་བུའི་རྒྱལ་པོ། མངའ་རིས་རྒྱལ་པོ་སོགས་མཐའ་ཕྲན་མང་པོས་ཀྱང་ཡུལ་ལུགས་ཀྱི་སྐྱེས་ཕུལ་ཏེ། གནམ་བསྐོས་དགའ་ལྡན་ཕོ་བྲང་གི་ཆབ་སྲིད་ཀྱི་དབུ་འཕང་དགུང་ལ་རེག་པར་གྱུར་ཏེ། ད་ལྟའི་བར་དུས་དགའ་ལྡན་གནམ་དགའ་ལྡན་དུ་གྲགས་པ་འདི་ཡང་རྒྱལ་པོ་འདིའི་དྲིན་དུ་ཁུམས་སོ། །འདི་ལ་སྲས་བཅུ་ཡོད་པ་ལས། ཏ་ཡན་ཧན་དང་། དེའི་ཚ་བོ་ལྷ་བཟང་གཉིས་ཀྱིས་རིམ་པར་བོད་ཀྱི་རྒྱལ་པོ་བྱས། སྲས་ཐ་ཆུང་ཨ་ཁུ་བཀྲ་ཤིས་པཱ་ཐུར་གྱིས་མཚོ་སྔོན་པོའི་རྒྱལ་པོ་བྱས། དེ་ལྟར་ཀཽ་ཤྲཱི་ཧན་གྱི་བརྒྱུད་པ་དཔོན་ཁག་སོ་སོར་གྱེས་པ་རྣམས་ཀྱང་སྟོབས་འབྱོར་མངའ་ཐང་དང་ལྡན་ཞིང་། གཞན་ལ་ལྟོས་མི་དགོས་པའི་རང་ཚུགས་ཐུབ་པར་ཡོད་ཀྱང་། ཕྱིས་སུ་བསྟན་འཛིན་ཝང་གིས་འཁྲུགས་པ་བསླངས་པར་བརྟེན། ཐམས་ཅད་འཇམ་དབྱངས་གོང་མའི་མངའ་ཞབས་སུ་ཚུད། གོང་ནས་སོ་སོར་ཐོབ་དང་བདག་རྐྱེན་གནང་ཞིང་། ཡབ་མེས་གོང་མའི་སྲོལ་བཞིན་རི་བོ་དགེ་ལྡན་པའི་བསྟན་པ་བསྟན་འཛིན་དང་བཅས་པ་ལ་གུས་མཆོད་དང་རང་རང་གནས་སུ་དགེ་འདུན་གྱི་སྡེ་འཛུགས་པ་སོགས་ཀྱིས་བསྟན་པའི་ཞབས་འདེགས་ལྷུར་ལེན་པར་བྱེད་དོ། །ཞེས་ཐུའུ་བཀྭན་བློ་བཟང་ཆོས་ཀྱི་ཉི་མའི་གྲུབ་མཐར་གསལ་བ་ལྟར་བཀོད། གོང་གསལ་གནས་ཚུལ་ནང་ཐུའུ་བཀྭན་རིན་པོ་ཆེས་སྲིད་དོན་ཐོག་ཞིབ་ཚགས་མ་བྱས་པའི་གནས་ཚུལ་ལྟ་བུར་འགའ་རེ་སྣང་མོད་བཅས་བཅོས་མེད་པར་རང་སོར་བཞག་འགའ་རེ་སྣང་མོད་བཅས་བཅོས་མེད་པར་རང་སོར་བཞག)
• Dictionaries/sgom sde tshig mdzod chenmo/11850  + (སྐད་གསར་བཅད་ཅེས་པའི་གོ་དོན་ནི། སྐད་གསར་པ་ག … སྐད་གསར་བཅད་ཅེས་པའི་གོ་དོན་ནི། སྐད་གསར་པ་གཏན་ལ་ཕབ་པའི་དོན་ཡིན། བཅད་ཅེས་པ་ཐག་བཅད་པའམ་གཏན་ལ་ཕབ་པའི་དོན་ཡིན། དེ་ཡང་ཡི་གེའི་འབྲི་ཀློག་མི་བདེ་བའི་བརྡ་རྙིང་གི་འབྲི་སྲོལ་འགའ་ཞིག་ལ་བཅོས་འགྱུར་བཏང་སྟེ་གཏན་ལ་ཕབ་པ་ལ་སྐད་གསར་བཅད་ཟེར། དཔེར་ན་ཀུནད། ཅེས་པའི་ད་དྲག་བསྡུས་ནས། ཀུན་ཞེས་གཏན་ལ་ཕབ་པ་དང་། འགྱོ་ནི་འགྲོ་དང་། མྱིག་ནི་མིག སྩོགས་ནི་སོགས་ཞེས་པར་གཏན་ལ་ཕབ་པ་ལྟ་བུའོ། །སྐད་གསར་བཅད་དུས་ནམ་གྱི་ཚེ་བྱུང་བ་སོགས་ཞིབ་པར་ “སྐད་གསར་བཅད་ཐེངས་གསུམ” ཞེས་པའི་ཐད་དུ་གཟིགས། སྐད་གསར་བཅད་ལ་སྐྱོན་བརྗོད་བྱེད་མཁན་ཡང་འདུག་པ་འདི་ལྟར། སྐ་ཅོག་ཞང་གསུམ་སོགས་སྐད་གསར་བཅད་མཁན་པོ་དག་ལ་གནའ་དེང་གི་མཁས་པ་དུ་མས་ཞུས་དག་མང་དྲགས་པའི་སྐྱོན་གྱིས་བརྡ་རྙིང་མང་པོ་ཞིག་ནུབ་ནས་མི་སྣང་བར་གྱུར་ལ། གསར་བཅད་དེའི་དབང་གིས་བརྡ་གསར་རྙིང་ངམ་ཡིག་སྐད་དང་ཕལ་སྐད་ཀྱི་བར་ཁྱད་ཆེ་རུ་བཏང་བའི་སྐྱོན་བརྗོད་བྱེད་མཁན་ཡང་ཡོད་དེ། སི་ཏུ་འགྲེལ་ཆེན་ལས། རྒྱ་ནག་གི་ཟླས་དྲངས་པའི་རྒྱ་དཀར་པོ་ཞེས་བོད་དུ་གྲགས་པར་ཟད་མོད། འོན་ཀྱང་མིང་མཐའ་འདྲེན་ཚུལ་གྱིས་སྔོན་འཇུག་མ་ནིང་ད་ཡིག་ཕྱིས། མིང་གཞི་རང་སྡེའི་མོ་ཡིག་ཏུ་བསྒྱུར་བས་རྒྱ་གར་ཞེས་གྲུབ་པར་འཁུམས་པས་སོ། །དེ་བཞིན་དུ་ཀླད་ཀོར་དང་། སྟོད་ཀོར་དང་། པད་ཀོར་སོགས་ཀྱང་སྐོར་བའི་དོན་ལ། སྔ་མའི་རྗེས་འཇུག་གི་དབང་ལས་ས་མགོ་མོ་ཡིག་ཡིན་པས་ཕྱིས་པ་སྟེ་སྐོར་བའི་སྐད་དོད་ཡོད་མེད་རྩད་མི་དགོས་ཤིང་ཐོ་སྐོར་ཉེ་སྐོར་སོགས་ལ་ས་མགོ་ངེས་པར་སྦྱར་དགོས་པ་ལྟ་བུའང་གོ་བར་བྱའོ། །དེས་ན་འདི་འདྲའི་རིགས་མིང་མཐའ་རྟགས་མཚུངས་འདྲེན་ཚུལ་སྔོན་གྱི་བརྡ་རྙིང་ལ་ཤིན་ཏུ་མང་བ་ཞིག་ཡོད་པ་འདྲའང་གསར་བཅད་ཀྱི་ཞུ་དག་མངས་པས་ད་ལྟ་ཕལ་ཆེར་ནུབ་པར་གདོན་མི་ཟ་བས་དཔེར་བརྗོད་ཀྱང་ཆེར་མི་སྣང་ལ། འདིས་ཐམས་ཅད་ལ་རིགས་འགྲེ་སྦྱར་ཆོག་པའང་མིན་པར་མངོན་ཏེ། འདི་རིགས་མིང་མཐའ་འདྲེན་ཚུལ་རྟགས་མཚུངས་བརྗོད་བདེ་མི་བདེ་སོགས་དང་བསྟུན་པའི་ཚིག་སྡུད་ལས་བྱུང་བའི་དམིགས་བསལ་གྱི་ཡི་གེའི་རྣམ་འགྱུར་ཞིག་ཏུ་སྣང་བའི་ཕྱིར་རོ། །ཞེས་སོགས་གསུངས་སོ། །མྱི་དང་། འགྱོ་བ་ཞེས་པའི་བརྡ་རྙིང་ལྟ་བུ་སྐད་གསར་བཅད་ཀྱི་སྐབས་སུ་དོར་ཏེ་བོད་ཡིག་གི་བཞུགས་གྲལ་ནས་ཕུད་པ་ལྟ་བུས་ད་ཆ་མདོ་ཁམས་ཀྱི་ལུང་ཚན་འགའ་ཙམ་ལས་གཞན་སུས་ཀྱང་མི་གོ་བའི་གནས་སུ་བསྐྱེལ་འདུག་འདི་ཡང་སྐད་གསར་བཅད་ཀྱི་སྐྱོན་ནོ། །ངེད་ལ་ཁམས་ཛ་ཆུ་ཁ་ནས་ཡིན་པ་ཞིག་ཡོད་པ་ཁོ་པས་ད་ལྟ་ཡང་འགྲོ་བ་ལ་འགྱོ་བ་ཟེར་གྱི་འདུག མ་ཟད་འཕན་པོའི་སྐད་དུའང་འགྲོ་བ་ལ་འགྱོ་བ་ཟེར་བར་ཐོས། དེ་བཞིན་དུ་མི་ལ་མྱི་ཟེར་མཁན་ནི་མང་དག་ཅིག་ད་ལྟ་ཡང་ཡོད་དོ། །མྱི་ཟེར་མཁན་ནི་མང་དག་ཅིག་ད་ལྟ་ཡང་ཡོད་དོ། །)
• Dictionaries/sgom sde tshig mdzod chenmo/12067  + (སྐྱེས་བུ་ཆེན་པོའི་སྲུང་མ་མྱུར་མཛད་ཡེ་ཤེས་ཀ … སྐྱེས་བུ་ཆེན་པོའི་སྲུང་མ་མྱུར་མཛད་ཡེ་ཤེས་ཀྱི་མགོན་པོ། སྐྱེས་བུ་འབྲིང་གི་སྲུང་མ་རྣམ་སྲས། སྐྱེས་བུ་ཆུང་ངུའི་སྲུང་མ་ལས་གཤིན་དང་གསུམ་མོ། །དེ་གསུམ་སྐྱེས་བུ་གསུམ་གྱི་སྲུང་མར་འཇོག་པའི་རྒྱུ་མཚན་ནི། མྱུར་མཛད་ཡེ་ཤེས་ཀྱི་མགོན་པོ་རྒྱལ་ཀུན་སྙིང་རྗེའི་རང་གཟུགས་འཕགས་མཆོག་སྤྱན་རས་གཟིགས་དངོས་ཡིན་པས་དེ་ཉིད་ཆོས་སྐྱོང་དུ་བསྟེན་ན་སྐྱེས་བུ་ཆེན་པོའི་སྐབས་བྱམས་སྙིང་རྗེ་མྱུར་དུ་སྐྱེ་བ་ལ་གནད་ཆེ་བ་དང་། འབྲིང་གི་སྐབས་བསླབ་པ་གསུམ་དང་། ལྷག་པར་ཚུལ་ཁྲིམས་ཀྱི་བསླབ་པ་གཙོ་བོར་ཉམས་སུ་ལེན་དགོས་ཤིང་། རྒྱལ་ཆེན་རྣམ་ཐོས་སྲས་ཀྱིས་སྔོན་སྟོན་པའི་སྤྱན་སྔར་འདུལ་བ་དང་དེའི་བརྗོད་བྱ་ཚུལ་ཁྲིམས་ཀྱི་བསླབ་པ་སྲུང་བར་ཞལ་གྱིས་བཞེས་པས་དེ་ཉིད་བསྟེན་ན་དེ་ལྟ་བུའི་ལམ་རྒྱུད་ལ་སྐྱེ་བའི་གནད་ཆེ། ཆོས་རྒྱལ་གཤིན་རྗེ་ནི་སྐྱེས་འགྲོ་ཀུན་ལ་མི་རྟག་པ་སྟོན་ཅིང་དགེ་སྡིག་གི་སྟངས་འཛིན་ལས་འབྲས་ཀྱི་རྣམ་དབྱེ་སྟོན་པ་པོ་ཡིན་པས་དེ་ཉིད་ཆོས་སྐྱོང་དུ་བསྟེན་ན་འཆི་བ་མི་རྟག་པ་དང་ལས་འབྲས་སོགས་སྐྱེས་བུ་ཆུང་ངུའི་རྟོགས་པ་རང་རྒྱུད་ལ་སྐྱེ་སླ་བའི་དགོས་པ་ཡོད་པས། སྐྱེས་བུ་གསུམ་གྱི་སྲུང་མ་ཞེས་བརྗོད་དོ། །རྗེ་ཙོང་ཁ་པ་ཆེན་པོའི་གསུང་ཐོར་བུ་༢༠༧ན༡ལས། སྒྲུབ་པི་ཆོས་སྐྱོང་ལ་མདོ་རྒྱུད་གཞན་ནས་གསུངས་པའི་བཀའ་སྡོད་ཁྱད་པར་ཅན་ཤིན་ཏུ་མང་ཞིང་འགངས་ཆེ་མོད། དེ་ལྟ་ནའང་གོང་དུ་བཤད་པ་མྱུར་བའི་དབང་དུ་བྱས་པའི་སྐྱེས་བུ་གསུམ་གྱི་ལམ་གྱི་རིམ་པ་དང་མཐུན་པ་ཞིག་ངེས་པར་དགོས་པ་ཡིན་ལ། དེ་ལ་སྐྱེས་བུ་སྐྱེས་བུ་ཆུང་ངུའི་བསམ་པ་ནི་འཇིག་རྟེན་འདིར་ཡུན་རིང་དུ་མི་གནས་པ་དང་། འཆི་བ་མི་རྟག་པ། ལས་འབྲས། འཁོར་བའི་ཉེས་དམིགས་བསམ་ཞིང་། དེ་ལས་བསྐྱབ་པའི་སྐྱབས་འགྲོ་བསླབ་བྱ་དང་བཅས་པ་བསམ་ཞིང་རྒྱུད་ལ་སྐྱེ་དགོས་པས། འདི་རྒྱུད་ལ་བསྐྱེད་པ་ལ་གཤིན་རྗེ་ཆོས་ཀྱི་རྒྱལ་པོ་བསྟེན་དགོས་ཏེ། འདི་ནི་འཆི་བདག་གམ། དགེ་སྡིག་གི་དཔང་པོའམ། སྡིག་པ་ཅན་གྱི་ཆད་ལས་མཁན་ནམ། དགེ་བ་ཅན་གྱི་སྟངས་འཛིན་པའམ། ལས་རྒྱུ་འབྲས་གསལ་བྱེད་ཀྱི་མེ་ལོང་། ལེགས་ཉེས་ཚུལ་བཞིན་དུ་སྤྱོད་པའམ་ཆོས་བཞིན་དུ་སྤྱོད་པས་ཆོས་རྒྱལ་ཞེས་བྱ་ཞིང་། ལས་དཀར་ནག་གི་རྗེས་སུ་འཇུག་པས་ན། ལས་ཀྱི་གཤིན་རྗེ་ཞེས་བྱའོ། །དེས་ན་སྐྱེས་བུ་ཆུང་ངུའི་ཆོས་སྐོར་འདི་རྣམས་ལམ་གསུམ་གའི་རྩ་ཡིན་པས། འདི་རྒྱུད་ལ་བསྐྱེད་པའི་ཕྱིར་དུ་ལས་གཤིན་བསྟེན་པར་བྱའོ། །སྐྱེས་བུ་འབྲིང་གི་བསམ་པ་ནི། འཇིག་རྟེན་ཕྱི་མ་བདེ་བའི་ཐབས་སུ་མ་ཟད། འཁོར་བ་མཐའ་དག་མེ་འོབས་ལྟ་བུར་མཐོང་ནས། དེ་འབྲལ་འོདད་ཀྱི་ཐར་པ་དོན་གཉེར་གྱི་བློ་ངེས་འབྱུང་གི་བསམ་པ་ཅན་ཡིན་ལ། འཁོར་བ་མཐའ་དག་ལ་སྙིང་པོ་མེད་པར་མཐོང་ནས། དེ་ལ་ཡིད་སྐྱོ་ཞིང་ངེས་པར་འབྱུང་བའི་བསམ་པ་ནི་ཚུལ་ཁྲིམས་བསླབ་པའི་གཙོ་བོ་ཡིན་ཞིང་། འདི་གཉིས་དོན་གཅིག་པས་སོ། །དེས་ན་རྒྱལ་པོ་ཆེན་པོ་རྣམ་ཐོས་སྲས་བསྟེན་དགོས་ཏེ། འདི་སྡེ་སྣོད་གསུམ་གྱི་ནང་ནས་འདུལ་བའི་སྡེ་སྣོད་ཀྱི་སྲུང་མའམ། བསླབ་པ་གསུམ་གྱི་ནང་ནས་ཚུལ་ཁྲིམས་ཀྱི་བསླབ་པ་བསྲུང་བའོ། །སྐྱེས་བུ་ཆེན་པོའི་བསམ་པ་ནི། རང་ཉིད་འཁོར་བ་ལས་ཐར་པ་ཙམ་གྱིས་མི་ཆོག་པར། མར་གྱུར་སེམས་ཅན་ཐམས་ཅད་འཁོར་བ་སྡུག་བསྔལ་གྱི་རྒྱ་མཚོ་ལས་ཐར་པའི་བྱང་ཆུབ་ཀྱི་སེམས་སྐྱེས་པ་ཡིན་ལ། དེ་རྒྱུད་ལ་སྐྱེ་བའི་ཕྱིར་དུ་འཕགས་པ་སྤྱན་རས་གཟིགས་ཀྱི་རྣམ་པར་སྤྲུལ་པ་མྱུར་མཛད་ཡེ་ཤེས་ཀྱི་མགོན་པོ་ཕྱག་དྲུག་པ་བསྟེན་པར་བྱའོ། །ཞེས་གསུངས་སོ། །ལོ་རྒྱུས་ཀྱི་བཤད་སྲོལ་ལ། རྒྱུད་སྟོད་པས་ཆོས་སྐྱོང་མགོན་པོ་བསྟེན་པས་དགེ་འདུན་པ་རྣམས་ཐུགས་རྒྱུད་འཇམ་པོ་འོང་ཞེས་བགྲེས་པ་དག་གི་ཞལ་ལས་ཐོས་ཤིང་། ངེད་རང་ཕྱི་ལོ་༡༩༩༣ལོར་རྒྱུད་སྟོད་དུ་ཆོས་གྲྭ་འགྲིམ་སྐབས་ཡང་དངོས་སུ་ཉམས་མྱོང་བྱུང་ཞིང་། རྒྱུད་སྟོད་པའི་བསྐྱེད་རིམ་པ་དང་དགེ་བཤེས་རྣམས་ཧ་ཅང་ཐུགས་ནང་ཧ་ཅང་མཐུན་པོ་ཡོད་པའང་དེ་འདྲ་ཞིག་གི་འཕྲུལ་ཡིན་པར་སྣང་ངོ་། །་པའང་དེ་འདྲ་ཞིག་གི་འཕྲུལ་ཡིན་པར་སྣང་ངོ་། །)
• Dictionaries/sgom sde tshig mdzod chenmo/12185  + (སྒེར་རམ་དམིགས་བསལ་གྱི་མཛད་པ་སྟེ། མི་བསྐྱོད་པ་ཞེ་སྡང་རྣམ་དག་གི་ལྷ་ཡིན་པས་སེམས་ཅན་གྱི་ཞེ་སྡང་རྒྱུ་དང་བཅས་པ་སྦྱངས་པ་ལྟ་བུ་ལ་སྒོས་མཛད་ཟེར།)
• Dictionaries/sgom sde tshig mdzod chenmo/12162  + (སྒོམ་ཐོག་ནས་ལྟ་བ་འཚོལ་ཞེས་པའི་དོན་ནི། སྤྱོ … སྒོམ་ཐོག་ནས་ལྟ་བ་འཚོལ་ཞེས་པའི་དོན་ནི། སྤྱོད་འཇུག་ལས། ཞི་གནས་རབ་ཏུ་ལྡན་པའི་ལྷག་མཐོང་གིས། །ཞེས་སོགས་གསུངས་པ་ལྟར། དང་པོར་ཞི་གནས་བསྒྲུབས། དེ་རྗེས་མཚན་ཉིད་སོ་སོར་རིག་པ་ཡིད་བྱེད་ཀྱིས་དཔྱད་ནས་ལྟ་བ་འཚོལ་བ་ལ་ཟེར། བཀའ་བརྒྱུད་སོགས་གྲུབ་མཐའ་གཞན་གྱིས་སྒོམ་ཐོག་ནས་ལྟ་བ་འཚོལ་བ་ཞེས་པའི་དོན་ནི། རྗེ་གུང་ཐང་པའི་རྗེའི་བསྟོད་པ་དོན་ལྡན་མའི་འགྲེལ་པ་༨༥དེབ་གཟུགས་ལས། ཁྱད་པར་དུ་འཕགས་པ་ཆོས་ཀུན་འགྲོ་བའི་མདོ་ལས། སེམས་མཉམ་པར་བཞག་ན་ཡང་དག་པ་ཇི་ལྟ་བ་བཞིན་ཤེས་པར་འགྱུར་རོ། །ཞེས་གསུངས་པ་འདི་སྔ་མ་རྣམས་གནས་ལུགས་བསྒོམ་པའི་ཚེ་དཔྱད་པ་མི་གཙོ་བོར། སེམས་རྩེ་གཅིག་ཏུ་མཉམ་པར་འཇོག་པ་ཁོ་ན་ལྷུར་བྱས་ན་ལྟ་བ་རྙེད་འོང་བའི་ཤེས་བྱེད་མཐར་ཐུག་ཏུ་རྩིའང་། དེའི་དགོངས་པ་མ་ནོར་བ་ནི་རྗེ་བླ་མས། སེམས་རྩེ་གཅིག་པ་ལ་འཇོག་པ་ཙམ་ཞིག་གོམས་ན་ཡང་དག་པའི་དོན་རྟོགས་པར་འགྱུར་རོ་ཞེས་པའི་དོན་མ་ཡིན་གྱི། མཉམ་པར་བཞག་པའི་སེམས་ཀྱིས་ཞེས་སྦྱོར་རྒྱུ་ཡིན་ལ་དེའི་དོན་ཡང་མཉམ་པར་བཞག་པའི་ཞི་གནས་ཀྱིས་དམིགས་པ་ལ་སེམས་བརྟན་པར་བྱས་པའི་འོག་ཏུ། ཤེས་རབ་ཀྱིས་དེ་ཁོ་ན་ཉིད་ལ་བརྟགས་ན་ཡང་དག་པའི་དོན་རྟོགས་པའི་ཡེ་ཤེས་སྐྱེ་བ་གསལ་བར་བཤད་པ་ཡིན་ཏེ།ོགས་པའི་ཡེ་ཤེས་སྐྱེ་བ་གསལ་བར་བཤད་པ་ཡིན་ཏེ།)
• Dictionaries/sgom sde tshig mdzod chenmo/1877  + (སྒྲ་གདངས། དེའི་ཐད་ཀྱི་བོད་རྒྱ་ཚིག་མཛོད་ཆེན … སྒྲ་གདངས། དེའི་ཐད་ཀྱི་བོད་རྒྱ་ཚིག་མཛོད་ཆེན་མོར། སྒྲ་གདངས་ལ་ “སྦྱར” བར་བྱའོ། །ཞེས་སྣང་ཡང་ “སྦྱང” བར་བྱའོ། །ཞེས་ཞུ་བཅོས་དགོས། ཚིག་མཛོད་ཆེན་མོའི་ང་རོའི་འགྲེལ་བཤད་དེ། ཀོང་སྤྲུལ་ཡོན་ཏན་རྒྱ་མཚོའི་ཤེས་བྱ་མཛོད་འགྲེལ་གླེགས་བམ་བར་ཆ་ (༢༡༦) ནས་གསུངས་པ་ལྟར་བཀོད་པ་ཡིན་འདུག་པས། དེ་ལས་ནི་ “ཡི་གེ་རེ་རེ་ནས་ཀློག་པའི་སྒྲ་གདངས་ལ་སྦྱང་བར་བྱ་ཞིང” ། ཞེས་གསུངས་ཤིང་དོན་ལ་ཡང་གནས་སོ། །བྱ་ཞིང” ། ཞེས་གསུངས་ཤིང་དོན་ལ་ཡང་གནས་སོ། །)
• Dictionaries/sgom sde tshig mdzod chenmo/12221  + (སྒྲ་གནས་ཀྱི་དེ་ཉིད་དམ་བསམ་གཏན་ནི། བྱ་རྒྱུད … སྒྲ་གནས་ཀྱི་དེ་ཉིད་དམ་བསམ་གཏན་ནི། བྱ་རྒྱུད་ཀྱི་བསམ་གཏན་གྱི་དེ་ཁོ་ན་ཉིད་ཀྱི་ནང་གསེས་ཤིག་སྟེ། སྙིང་གར་ཟླ་དཀྱིལ་གྱི་སྟེང་མེ་ལྕེའི་དབུས་སུ་ལྷའི་གཞིའམ། ཟླ་དཀྱིལ་སྔགས་འཕྲེང་གིས་བསྐོར་བ་ལ་གསལ་བར་དམིགས་ལ། དེ་ནས་དེ་ཡང་སྤངས་ལ་དྲིལ་བུའི་སྒྲ་ལྟ་བུའི་རང་བྱུང་གི་སྔགས་སྒྲའི་དབྱངས་ཙམ་གྲགས་པ་འབའ་ཞིག་ལ་བསམས་ལ་སྲོག་རྩོལ་བསྡོམས་ཏེ་བསྒོམ་པའི་བསམ་གཏན་ནོ། །ྲོག་རྩོལ་བསྡོམས་ཏེ་བསྒོམ་པའི་བསམ་གཏན་ནོ། །)
• Dictionaries/sgom sde tshig mdzod chenmo/3580  + (སྔོ་སྨན་གྱི་རིགས་ཤིག་སྟེ། རོ་མངར། ཞུ་རྗེས་ … སྔོ་སྨན་གྱི་རིགས་ཤིག་སྟེ། རོ་མངར། ཞུ་རྗེས་སྙོམས། ནུས་པས་མཁལ་རྐེད་ན་བ་དང་། ལུས་སྨད་དུ་དྲོད་མི་ཁུག་པ། ཁུ་བ་ཟད་པ། ལུས་སྟོབས་ཉམས་པ་བཅས་ལ་ཕན་པར་བཤད། ཕྱི་རྒྱལ་བས་འདིའི་མིང་ལ་A caterpillar fungus: botanical name cordayceps sinensis ཟེར། དབྱར་རྩྭ་དགུན་འབུ་ཞེས་པ་ནི་རྩ་ཆེའི་སྨན་རྩྭ་རིན་ཐང་ཆེན་པོ་ཞིག་ཡིན་ཞིང་། ས་མཐོའི་བོད་དང་རི་བོ་ཧི་མ་ལ་ཡའི་རི་རྒྱུད་བལ་ཡུལ་དང་འབྲས་ལྗོངས་དང་འབྲོག་ས་སོགས་སུ་སྐྱེ་གི་ཡོད། སྨན་རྩྭ་འདི་གཙོ་ཆེ་བ་བོད་ནང་སྐྱེ་ཞིང་། དེ་ཡང་རྒྱ་མཚོའི་ངོས་ནས་མི་ཊར་༤༣༠༠ནས་༥༠༠བར་གྱི་ས་འབབ་མཐོ་ཚད་ལ་སྐྱེ་གི་ཡོད་པ་འཁྲུངས་དཔེ་ཤེལ་གྱི་མེ་ལོང་ནང་གསལ་འདུག དབྱར་རྩྭ་དགུན་འབུ་ནི་དོན་དངོས་ཐོག་དབྱར་ཁ་རྩྭ་དང་དགུན་ཁ་སྲོག་ལྡན་འབུ་ཞིག་ཡིན་ཞིང་། དེ་ཡང་འཁྲུངས་དཔེ་ཤེལ་གྱི་མེ་ལོང་ལས། ལོ་གཅིག་ལ་སྐྱེ་བའི་རྩྭ་རིགས་ཏེ་ཐོག་མར་དགུན་དུས་འབུ་མེ་ལྕེ་བ་ཕྱེ་ལེབ་རིགས་ཀྱི་འབུ་ཕྲུག་སའི་གཏིང་དུ་ཡོད་པའི་ལུས་ལ་འབུ་ཕྲ་ཞུགས་ནས་ཤི་བའི་ལུས་སླར་ཡང་སྐྱེ་དངོས་ཀྱི་རྩྭ་རུ་གྱུར་ནས་སྐྱེས་པ་ཡིན་པས། ཤ་རྒྱུའི་རྩ་བ་ཕྱི་སེར་ལ་ནང་དཀར་བ་འཕྲེད་གཉེར་དང་ལྡན་པ། མགོ་དང་ཁ་ཡོད་པ་མ་ཟད་ལྟོ་བར་རྐང་ལག་ཆ་བརྒྱད་ཡོད་པ་སོགས་འབུ་ཡི་ལུས་ཇི་ལྟར་བ་ལ། ལྟག་པའི་རྒྱུད་དུ་སྤུ་ཐུང་ནག་ཞིབ་ཐར་ཐོར་ཡོད་པ། ལུས་ཚད་ཕལ་ཆེར་སྨི་༠་༠༥ ནས༠་༠༦ཙམ་ཟིན་པ་སའི་ནང་ཐད་ཀར་ཟུག་པ་དང་། ཟླ་༥ནས་༦པར་ས་ངོས་སུ་སྡོང་པོ་རྒྱ་སྨུག་གམ་ཁམ་ནག་སྟོད་སྦོམ་ཞིང་སྨད་ཕྲ་བ་ནང་ཤ་དཀར་པོ་ཅན། ཁོག་སྟོང་རིང་ཚད་སྨི་༠་༠༣ནས་༠་༠༦ཙམ་ཟིན་པ་མངོན་པ་དེ་འབུ་ལ་རྭ་སྐྱེས་པ་དང་འདྲ་བས་ཕལ་གྱིས་བེའུ་རྭ་ཟེར་ཡང་དོན་དུ་ཤ་མོའི་རིགས་ཡིན། དེ་རིམ་བཞིན་ཆེ་རུ་རྒྱས་པ་དང་། རྩ་བའི་བཅུད་དམ་ནུས་པ་ཞན་དུ་ཕྱིན་ནས་ཟླ་བ་༧པ་ཙམ་ནས་ཕལ་ཆེར་རྩ་བ་རུལ་ཏེ་མེད་པར་འགྲོ་བ་སོགས་གསལ་འདུག དབྱར་རྩྭ་དགུན་འབུ་ནི་གནའ་དུས་ནས་ཡོད་པའི་སྨན་རྩྭ་ཞིག་ཡིན་ཀྱང་། སྤྱི་ཚོགས་ནང་དཔལ་འབྱོར་གྱི་རིན་ཐང་ལྡན་ཡོད་པ་དུས་རབས་ཉི་ཤུ་པའི་དུས་དཀྱིལ་ཙམ་ནས་གཞི་ནས་ཤེས་རྟོགས་དང་དར་སྲོལ་བྱུང་བར་མངོན། དེ་ནས་ལོ་ལྟར་ཕྱི་ཟླ་༤ནས་༧བར་ལ་བོད་རིགས་ཞིང་འབྲོག་མི་མང་ཆེ་བས་རྩ་ཆེན་སྨན་རྩྭ་འདི་བརྐོ་རུ་རི་ཀླུང་དང་། སྤང་གཤོང་སོགས་ལ་ཉིན་མཚན་བསྒྲིལ་ནས་ཟླ་བ་ཁ་ཤས་རིང་ཕྱོགས་སྐྱོད་བྱེད་ཀྱི་ཡོད་པ་དང་། ཁྱིམ་ཚང་འགའ་ཤས་ཀྱི་ནང་མི་ཚང་མ་བརྐོ་རུ་འགྲོ་གི་ཡོད། དབྱར་རྩྭ་དགུན་འབུ་བརྐོ་བ་དང་ཉོ་ཚོང་བྱས་པར་བརྟེན་ནས་བོད་རིགས་འབྱོར་ལྡན་ཆགས་མཁན་གང་མང་བྱུང་ཡོད། དབྱར་རྩྭ་དགུན་འབུ་ནི་བོད་ཀྱི་ས་གཤིས་བཟང་ས་དང་ཐོན་ཁུངས་ཡོད་ས་མང་ཆེ་བར་ཡོད་པ་དང་། འདི་བརྐོ་དུས་སྔོ་ལྗང་ཅན་གྱི་སྤང་གཤོང་མང་པོས་ས་དོང་དྲུས་ཏེ་རང་བྱུང་ཁོར་ཡུག་ལ་གཏོར་སྐྱོན་ཚབས་ཆེན་ཡོང་གི་ཡོད་པ་མ་ཟད། གཞི་རྒྱ་ཆེ་བའི་སྤང་དང་རྩྭ་ཐང་མང་པོ་ཉམས་རྒུད་འགྲོ་གི་ཡོད། དཔེར་ན་དབྱར་རྩྭ་དགུན་འབུ་རྐང་གཅིག་བརྐོ་དགོས་ན་སྤང་ལ་མི་ཊར་གསུམ་ཙམ་བརྐོ་སློག་བྱེད་དགོས་ཀྱི་ཡོད། རྩ་ཆེའི་སྨན་རྩྭ་འདི་རིགས་ཚད་ལས་བརྒལ་བ་སྔོག་འདོན་བྱས་པའི་རྐྱེན་གྱིས་རྩ་སྟོངས་སུ་འགྲོ་བའི་ཉེན་ཁའི་མཚམས་སུ་སླེབས་ཡོད་པ་དང་། ལྷག་པར་དུ་རྨ་ཆུ་དང་། རྫ་ཆུ། འབྲི་ཆུ་གསུམ་གྱི་རྒྱུད་དུ་ཡོད་པའི་དབྱར་རྩྭ་དགུན་འབུ་ནི་ཆེས་ཡག་ཤོས་སུ་བརྩི་གི་ཡོད་ཅིང་། ཆུ་བོ་འདི་གསུམ་གྱི་རྒྱུད་དུ་གནས་པའི་མི་འབུམ་གཅིག་ལྷག་གི་ལོ་རེར་སྨན་རྩྭ་འདི་སྔོན་འདོན་བྱེད་ཀྱི་ཡོད་པས། ཆུ་ལོག་བརྒྱབ་པའི་གནས་ཚུལ་མང་པོ་བྱུང་སྟེ་འགྲོ་བ་མི་གཙོས་པའི་སེམས་ཅན་མང་པོ་འཚོ་གནས་ལ་གནོད་འཚེ་ཡོང་གི་ཡོད། མདོ་དབུས་མཐོ་སྒང་གི་སྐྱེ་ཁམས་ཁོར་ཡུག་ལ་སྲུང་སྐྱོབ་བྱེད་པའི་སྐོར་བརྗོད་པ་ལྷག་བསམ་པདྨ་དཀར་པོའི་ཆུན་པོ་ཞེས་པའི་ནང་གསལ་བ་ལྟར་ན་དབྱར་རྩྭ་དགུན་འབུ་སྨིན་པའི་དུས་སུ་མཚོ་སྔོན་ཞིང་ཆེན་མཚོ་ལྷོ་ཁུལ་གྱི་ཁྲི་ཀ་རྫོང་སྒོ་མེ་གཡུ་ཚ་སྡེ་བའི་མཐའ་འཁོར་དུ་ཧོང་ཡོན་དང་། ཧྭ་ལུང་གི་ཞིང་པ་རྣམས་ཀྱིས་གུར་༦༠༠ཕུབ་སྟེ་གུར་གཅིག་གི་ནང་ཉུང་མཐར་མི་གྲངས་དྲུག་རེ་ཡོད་པ་དང་། ད་དུང་རྫོང་ཁག་གཞན་ནས་ཡོང་བའི་མི་སོགས་བསྡོམས་ཉིན་རེར་མི་གྲངས་ཆིག་ཁྲི་ལྷག་གིས་སྒོ་མེ་གཡུ་ཚའི་ས་ཐོག་ཏུ་དབྱར་རྩྭ་དགུན་འབུ་བརྐོས་ཏེ་རྩྭ་ཐང་ལ་གཏོར་སྐྱོན་གཏོང་གི་ཡོད་པ་སོགས་གསལ་ཡོད། སྐྱེ་ཁམས་རིག་པ་བ་ཚོས་དབྱར་རྩྭ་དགུན་འབུ་བརྐོ་རྒྱུ་ལ་དོ་དམ་མ་བྱས་ན་འབྱུང་འགྱུར་རང་བྱུང་ཁམས་ལ་ད་ལྟ་ལས་ལྷག་པའི་གནས་ཚུལ་ཚབས་ཆེན་ལྷག་རྒྱུ་ཡིན་པ་ཚོད་དཔག་བྱེད་ཀྱི་ཡོད། ལྷག་པར་དུ་བོད་རིགས་ནང་ཁུལ་སྡེ་དང་མི་སྒེར་བཅས་ཀྱི་བར་ལ་མི་འཆམ་པའི་གནད་དོན་འབྱུང་རྩ་ཞིག་ཀྱང་ཆགས་ཡོད། དབྱར་རྩྭ་དགུན་འབུ་གནའ་དུས་བོད་ཀྱི་སྲོལ་རྒྱུན་སྨན་རྫས་ནང་མ་གཏོགས་བེད་སྤྱོད་མེད་ཅིང་། དེང་དུས་མཚན་རིག་ཤེས་བྱ་འཕེལ་རྒྱས་འགྲོ་བ་དང་བསྟུན། ཕྱི་ལུགས་སྨན་དང་བྱུག་རྫས་སོགས་ནང་ཆེས་དགོས་མཁོ་ཆེན་པོ་ཡོད་པ་མ་ཟད། ཕན་ནུས་ཡང་ཚད་མཐོ་པོ་ཡོད་པས། ཁྲོམ་རའི་ཐོག་རིན་གོང་ཆེས་ཆེན་པོ་ཆགས་ཡོད། རྒྱ་ནག ཐེ་ཝན། ཧོང་ཀོང་སོགས་ལ་ཕྱི་ཚོང་བྱས་ཏེ་སྤྱི་རྒྱ་རེ་ལ་ཨ་སྒོར་༣༥༠༠ནས་༥༠༠བར་རག་གི་ཡོད། དབྱར་རྩྭ་དགུན་འབུ་ཡག་ཤོས་གྲངས་༩༠༠ཙམ་གྱིས་རྒྱ་མ་གཅིག་ཆགས་ཀྱི་ཡོད་པ་དང་། དུས་རབས་ཉི་ཤུ་པའི་ལོ་རབས་བདུན་ཅུ་ཙམ་ནས་བཟུང་རྒྱ་གཞུང་གི་བོད་རིགས་མང་ཚོགས་ལ་ཁྲལ་འདེད་ཀྱིས་སྒོས་བོད་ཀྱི་རྩ་ཆེན་སྨན་རྩྭ་རིགས་ཆེས་མང་པོ་འཐུ་བརྐོ་བྱས་བཅུག་ཡོད་པས། དབྱར་རྩྭ་དགུན་འབུ་ཡང་ཨ་སྒོར་དུང་ཕྱུར་ལྷག་གི་རིན་ཐང་ལྡན་པའི་རྒྱ་ནག་ལ་དབོར་འདྲེན་བྱས་ཡོད་པ་བརྗོད་མི་དགོས། འབྱུང་འགྱུར་རྒྱ་ནག་གཞུང་གིས་སྟོངས་ལ་ཉེ་བའི་སྐྱེ་དངོས་རྩི་ཤིང་སྲུང་སྐྱོབ་ཀྱི་ཁྲིམས་གཞི་བཟུང་དབྱར་རྩྭ་དགུན་འབུ་སྔོག་འདོན་ལ་བཀག་འགོག་དོ་དམ་བྱེད་དགོས་པ་དང་། ལྷག་པར་བོད་མི་རྣམས་ཀྱིས་ཀྱང་རང་མི་རིགས་ཀྱི་ཆོས་རིགས་གོམས་གཤིས་དང་མཐུན་པའི་ཁོར་ཡུག་སྲུང་སྐྱོབ་ལ་འགན་ཁུར་གྱི་ཐོག་ནས་དབྱར་རྩྭ་དགུན་འབུ་སྔོན་འདོན་ལ་ཚོད་འཛིན་བྱེད་དགོས་པ་དང་། དམིགས་བསལ་བོད་རིགས་རྣམས་ལ་འོས་འགན་ཆེན་པོ་ཡོད། མི་གྲངས་ཉུང་ཤས་ཤིག་དང་། སྒེར་གྱི་ཁེ་ཕན་ལ་མ་གཟིགས་པར། ཕུགས་རྒྱང་རིང་པོ་དང་སའི་གོ་ལའི་ཁོར་ཡུག་སྲུང་སྐྱོབ་ལ་འགན་ཁུར་དང་། རང་རྒྱལ་ཁབ་ཀྱི་ཐོན་རྫས་དང་རྒྱུ་ནོར་ལ་རང་ཉིད་ཀྱིས་ཚོད་འཛིན་མ་བྱས་ན་ཕྱིའི་མི་རིགས་ཀྱིས་ཚོད་འཛིན་དང་དོ་དམ་བྱེད་པར་དཀའ། འདི་བོད་ཀྱི་དྲ་རྒྱ་ཞིག་ཏུ་འཁོད་པ་ལྟར་བཀོད།འདི་བོད་ཀྱི་དྲ་རྒྱ་ཞིག་ཏུ་འཁོད་པ་ལྟར་བཀོད།)
• Dictionaries/sgom sde tshig mdzod chenmo/10058  + (སྙོམས་འཇུག་གི་སྒྲིབ་པ་དང་དོན་གཅིག ལེ་ལོ་དང … སྙོམས་འཇུག་གི་སྒྲིབ་པ་དང་དོན་གཅིག ལེ་ལོ་དང༌། དམིགས་པ་བརྗེད་པ། བྱིང་བ་དང་རྒོད་པ། རྩོལ་བ་དང་མི་རྩོལ་བའི་ཉེས་པ་ལྔ་ལ་སོགས་པ་སྟེ། ཊཱིཀ་བྱེད་དག་གིས་རྣམ་པར་ཐར་པའི་སྒྲིབ་པ་ནི་གང་གིས་རྣམ་པར་ཐར་པ་དང༌། བསམ་གཏན་དག་སྐྱེད་པར་མི་ནུས་པ་སྟེ་ལུས་དང་སེམས་ལས་སུ་མི་རུང་བ་ཉིད་དོ། །ཞེས་མཆིམས་མཛོད་ན་གསལ། མཆིམས་མཛོད་དུ་རྣམ་པར་ཐར་པའི་སྒྲིབ་པ་དང༌། སྙོམས་འཇུག་གི་སྒྲིབ་པ་གཉིས་ཁྱད་པར་ཕྲན་བུའི་ཡོད་པ་ལྟ་བུར་གསུངས་པས་དཔྱད་དོ། །་ཕྲན་བུའི་ཡོད་པ་ལྟ་བུར་གསུངས་པས་དཔྱད་དོ། །)
• Dictionaries/sgom sde tshig mdzod chenmo/6946  + (སྟོང་ཉིད་རྟོགས་པའི་ཡེ་ཤེས། རྣམ་པར་མི་རྟོག་པའི་ཡེ་ཤེས་དང་དོན་འདྲ། སྐུ་གསུམ་ལ་འཇུག་པའི་སྒོའི་འགྲེལ་པ་རྒྱ་གར་གྱི་སློབ་དཔོན་ཡེ་ཤེས་ཟླ་བས་མཛད་པ་ལས། མི་རྟོག་ཡེ་ཤེས་ཞེས་བྱ་བ་ནི་དེ་བཞིན་ཉིད་ལ་དམིགས་པ་སྟེ། ཞེས་གསུངས་པ་ལྟར་རོ། །)
• Dictionaries/sgom sde tshig mdzod chenmo/8623  + (སྟོང་པར་སྦྱང་བ། སྟོང་སྦྱང་བྱེད་པ། བསྒོམ་བྱ … སྟོང་པར་སྦྱང་བ། སྟོང་སྦྱང་བྱེད་པ། བསྒོམ་བྱའི་ཆོས་དེ་ཉིད་སྟོང་པར་བསྒོམ་པའི་དོན་ཡིན། འདི་ལ་དོན་དམ་དུ་བཅུག་པ་ཞེས་ཀྱང་བྱ། མཁས་གྲུབ་ཆོས་རྗེའི་གསུང་ཐོར་བུ་༦༣ན༢ལས། མདོ་བསྲེ་ལས། ལྷག་མོས་དོན་དམ་དུ་བཅུག་པ་དང་། ལྡང་བ་དང་ཉི་མའི་དཀྱིལ་འཁོར་ལ་དམིགས་པ་དང་། ཞེས་གསུངས་སོ། །་དཀྱིལ་འཁོར་ལ་དམིགས་པ་དང་། ཞེས་གསུངས་སོ། །)
• Dictionaries/sgom sde tshig mdzod chenmo/552  + (སྡུག་བསྔལ་དང་ཉོན་མོངས་སྐྱེད་པའི་ནུས་པ་བརྟན … སྡུག་བསྔལ་དང་ཉོན་མོངས་སྐྱེད་པའི་ནུས་པ་བརྟན་ཆགས་པར་ཡོད་པའི་ཕུང་པོ་ལྔ་ལ་ཟེར། ཕལ་སྐད་ཐོག་བཤད་ན། ད་ལྟ་སྡུག་བསྔལ་དངོས་སུ་་མེད་ཀྱང་རྐྱེན་དང་ཕྲད་ན་སྡུག་བསྔལ་སྐྱེ་ཆོག་ཆོག་བྱས་ནས་ཡོད་པའི་ཕུང་པོ་ལྔ་པོ་དེ་ལ། ཁྱབ་པ་འདུ་བྱེད་ཀྱི་སྡུག་བསྔལ་ཟེར། དཔེར་ན་མི་ཞིག་ཉིལ་ལ་ཉེ་བའི་གད་ཀ་ཞིག་ཏུ་ངལ་གསོ་བྱེད་དེ་ལྷོད་ཀྱིས་སྡོད་པ་དང་མཚུངས་སོ། །འདུ་བྱེད་ཀྱི་སྡུག་བསྔལ་ཞེས་པ་ནི། མདོ་ཧྲིལ་གྱིས་དྲིལ་ཏེ་བཤད་ན། ལས་དང་ཉོན་མོངས་པ་སྔ་མའི་གཞན་དབང་དུ་གྱུར་ཅིང་། སྡུག་བསྔལ་དང་ཉོན་མོངས་ཕྱི་མ་རྣམས་སྐྱེ་བའི་ས་བོན་བརྟན་ཆགས་པར་ཡོད་པས། འདུ་བྱེད་ཀྱི་སྡུག་བསྔལ་ཞེས་བྱའོ། །རྗེའི་ལམ་རིམ་ཆེན་མོ་ལས། དཔེར་ན། ཁུར་ཆེན་པོ་ཁྱེར་བ་ནི་ཁུར་དེ་ཇི་ཙམ་འཁུར་དགོས་པ་དེ་ཙམ་དུ་བདེ་བ་མེད་པ་བཞིན་དུ། ཉེ་བར་ལེན་པའི་ཕུང་པོའི་ཁུར་ཡང་ཇི་སྲིད་བཟུང་དགོས་པ་དེ་སྲིད་དུ་སྡུག་བསྔལ་བར་འགྱུར་ཏེ། ཕུང་པོ་འདི་ལ་སྡུག་བསྔལ་དང་ཉོན་མོངས་ཀྱི་གནས་ངན་ལེན་བརྟན་ཆགས་པར་ཡོད་པས་འདུ་བྱེད་ཀྱི་སྡུག་བསྔལ་དེ་ཡོད་ན། ཚོར་བ་སྡུག་བསྔལ་ད་ལྟ་མེད་པའི་སྐབས་རེ་འབྱུང་ཡང་དེ་མ་ཐག་ཡང་སྒོ་སྣ་ཚོགས་ནས་སྡུག་བསྔལ་དུ་མ་བསྐྱེད་པས་ན། འདུ་བྱེད་ཀྱི་སྡུག་བསྔལ་ནི་སྡུག་བསྔལ་ཐམས་ཅད་ལ་ཁྱབ་པ་དང་སྡུག་བསྔལ་གཞན་གཉིས་ཀྱི་རྩ་བ་ཡིན་པས་འདི་ལ་སྐྱོ་བ་མང་དུ་བསྒོམ་མོ། །ཞེས་དང་། ཡང་དེ་ཉིད་ལས། འདི་ལྟར་ལྷ་མིའི་གོ་འཕང་ཐོབ་ཀྱང་འདུ་བྱེད་ཀྱི་སྡུག་བསྔལ་ལས་མ་འདས་པས་དེ་ལ་རང་བཞིན་གྱིས་བདེ་བར་འཛིན་པ་ཕྱིན་ཅི་ལོག་ཡིན་པས་ཡང་དག་པར་ན་བདེ་བ་མེད་ལ་སླར་ཡང་ངན་འགྲོར་ངེས་པར་ལྟུང་བས་མཐའ་ངན་པའི་ཕྱིར་རོ། །དཔེར་ན་དེ་མ་ཐག་གཡང་སར་ལྟུང་བ་འགའ་གཡང་ཁ་ན་ངལ་བསོ་བ་བཞིན་ཏེ། སྤྱོད་པ་ལ་འཇུག་པ་ལས། བདེ་འགྲོར་ཡང་དང་ཡང་འོངས་ཏེ། །བདེ་བ་མང་པོ་སྤྱད་སྤྱད་ནས། །ཤི་ནས་ངན་སོང་སྡུག་བསྔལ་ནི། །ཡུན་རིང་མི་བཟད་རྣམས་སུ་ལྟུང༌། །ཞེས་དང༌། སློབ་མ་ལ་སྤྲིངས་པ་ལས་ཀྱང༌། གང་ཞིག་འཁོར་བའི་འཁོར་ལོ་རྟག་ཏུ་འགྱུར་བ་ཡི། །ནང་དུ་ཞུགས་ནས་བསྟི་བ་ཙམ་ལ་བདེར་སེམས་པ། །དེ་ནི་ངེས་པར་དབང་མེད་རིམ་གྱིས་བརྒྱ་ཕྲག་ཏུ། །འགྲོ་བ་མཉམ་དང་མི་མཉམ་ཀུན་ཏུ་འཁྱམ་བར་འགྱུར། །ཞེས་གསུངས་སོ། །དེའི་ཕྱིར་བདེ་འགྲོ་ལ་ཡང་ངན་འགྲོ་དང་འདྲ་བར་ཤིན་ཏུ་སྐྱོ་བར་བྱ་དགོས་ཏེ། བཞི་བརྒྱ་པ་ལས། མཁས་པ་རྣམས་ལ་མཐོ་རིས་ཀྱང༌། །དམྱལ་བ་དང་མཚུངས་འཇིགས་བསྐྱེད་འགྱུར། །རྣམ་པ་ཀུན་ཏུ་དེ་རྣམས་ལ། །སྲིད་གང་འཇིགས་པ་མི་བསྐྱེད་དཀོན། །ཞེས་དང༌། ཡོན་ཏན་རིན་པོ་ཆེ་སྡུད་པ་ལས་ཀྱང༌། འཁོར་བར་ཆགས་པའི་ཡིད་དང་ལྡན་རྣམས་རྟག་ཏུ་འཁོར། །ཞེས་དང༌། སློབ་མ་ལ་སྤྲིངས་པ་ལས་ཀྱང༌། ཇི་ལྟ་ཇི་ལྟར་འགྲོ་བ་ཀུན་ལ་བདེ་བའི་འདུ་ཤེས་སྐྱེས། །དེ་ལྟ་དེ་ལྟར་གཏི་མུག་མུན་པ་ཤིན་ཏུ་འཐུག་པོར་འགྱུར། །ཇི་ལྟ་ཇི་ལྟར་འགྲོ་བ་ཀུན་ལ་སྡུག་བསྔལ་འདུ་ཤེས་སྐྱེས། །དེ་ལྟ་དེ་ལྟར་གཏི་མུག་མུན་པ་ཤིན་ཏུ་སྲབ་མོར་འགྱུར། །ཇི་ལྟ་ཇི་ལྟར་སྡུག་པ་བསྒོམ་པ་ཤིན་ཏུ་རྣམ་འཕེལ་བ། །དེ་ལྟ་དེ་ལྟར་འདོད་ཆགས་མེ་ལྕེ་ཤིན་ཏུ་འཕྲོ་བར་འགྱུར། །ཇི་ལྟ་ཇི་ལྟར་མི་སྡུག་བསྒོམ་པ་ཤིན་ཏུ་འཕེལ་གྱུར་པ། །དེ་ལྟ་དེ་ལྟར་འདོད་ཆགས་མེ་ལྕེ་ཤིན་ཏུ་རྩེ་གཞིལ་འགྱུར། །ཞེས་ཐོག་མ་མེད་པ་ནས་སྲིད་པའི་ཕུན་ཚོགས་ལ་བདེ་བར་འཛིན་པ་དང༌། སྡུག་པའི་རྣམ་པར་སྒྲོ་འདོགས་པ་གོམས་པའི་གཉེན་པོར་སྡུག་བསྔལ་དང༌། མི་སྡུག་པ་བསྒོམ་པ་གོམས་པར་བྱས་ན་དེ་དག་ལྡོག་ལ། མ་བསྒོམས་ན་གཏི་མུག་དང་འདོད་ཆགས་འཕེལ་ནས་སྲིད་པའི་འཁོར་ལོ་བསྐོར་བར་གསུངས་པས་སྲིད་པའི་ཉེས་དམིགས་བསྒོམ་པ་གནད་དུ་ཆེའོ། །ཞེས་དང་། ཡང་དེ་ཉིད་ལས། ལྔ་པ་ནི་ཉེར་ལེན་གྱི་ཕུང་པོ་གྲུབ་ཙམ་གྱིས་འདུ་བྱེད་ཀྱི་སྡུག་བསྔལ་གྱི་རང་བཞིན་དུ་སྐྱེ་སྟེ། ལས་དང་ཉོན་མོངས་པ་སྔ་མའི་གཞན་གྱི་དབང་དུ་གྱུར་པའི་འདུ་བྱེད་ཐམས་ཅད་འདུ་བྱེད་ཀྱི་སྡུག་བསྔལ་ཡིན་པའི་ཕྱིར་རོ། །ཞེས་དང་། རེག་པ་དེ་གཉིས་ཀ་དང་མ་ཕྲད་པའི་དུས་ཀྱི་འབྲས་ཚ་བ་ལྟ་བུ་ནི། ཟག་པ་དང་བཅས་པའི་ཚོར་བ་བཏང་སྙོམས་ཏེ། གནས་ངན་ལེན་རྗེས་སུ་འབྲེལ་བས་འདུ་བྱེད་ཀྱི་སྡུག་བསྔལ་ལོ། །འདི་ཡང་ཚོར་བ་གཅིག་པུ་ལ་མི་བྱ་བ་ནི་སྔར་ལྟར་རོ། །འདི་ནི་ལས་དང་ཉོན་མོངས་པ་སྔ་མའི་གཞན་དབང་དུ་གྱུར་ཅིང༌། སྡུག་བསྔལ་དང་ཉོན་མོངས་པ་ཕྱི་མ་རྣམས་སྐྱེ་བའི་ས་བོན་རྗེས་སུ་འབྲེལ་བས་ན་ཀུན་ཏུ་འགྲོ་བའི་གནས་ངན་ལེན་དང་ལྡན་པའོ། །ཞེས་གསུངས་སོ། །ཞེས་གསུངས་སོ། །མཁས་གྲུབ་ཆོས་རྗེའི་གསུང་ཐོར་བུ་༨༩བ༢ལས་ཀྱང་། འཁོར་བའི་སྡུག་བསྔལ་སེམས་པའི་སྒོ་མཐའ་ཡས་ཀྱང་། གཙོ་བོར་ཁྱབ་པ་འདུ་བྱེད་ཀྱི་སྡུག་བསྔལ་ཉེར་ལེན་གྱི་ཕུང་པོ་འདི་གནས་སྲིད་རྩེ་ནས་དམྱལ་བའི་བར་གང་དུ་གྲུབ་ཀྱང་གྲུབ་ཙམ་ནས་སྡུག་བསྔལ་གྱི་རང་བཞིན་དུ་གྲུབ་པའི་ཚུལ་ལ་ངེས་པ་གཏིང་ནས་རྙེད་ཀྱི་བར་དཔྱད་ནས། ངེས་པ་རྙེད་པ་ན་དཔྱད་སྒོམ་ལ་ལེགས་པར་འབད་པས་ཕུང་པོ་འདི་ལ་ནད་དང་འབྲས་དང་ཟུག་རྔུ་ལྟར་མཐོང་ནས། ལྷའི་ལུས་ལ་ཡང་འདོད་པ་རྨི་ལམ་དུ་ཡང་མི་སྐྱེ་བའི་བློ་གོ་ཡུལ་ཙམ་དུ་མ་ལུས་པ་ཞིག་མ་སྐྱེས་ན། ངེས་འབྱུང་མཚན་ཉིད་ཚང་བའི་དོན་མེད་ཅིང་། བློ་དེ་འདྲ་གཅིག་མ་སྐྱེས་བར་དུ་ཐར་པ་དོན་གཉེར་ཚིག་ཙམ་ཡིན། ཞེས་གསུངས་སོ། །དེས་ན་ཁྱབ་པ་འདུ་བྱེད་ཀྱི་སྡུག་བསྔལ་ནི་ཡབ་སྲས་གཉིས་ཀས་ཉེར་ལེན་གྱི་ཕུང་པོ་ལྔ་ལ་ངོས་འཛིན་མཛད་དོ། །མཛོད་འགྲེལ་ལས། ལག་མཐིལ་སྤུ་ཉག་གཅིག་འདུག་པ། །དེ་ནི་མིག་ཏུ་སོང་བ་ན། །མི་བདེ་བ་དང་སྡུག་བསྔལ་སྐྱེད། །བྱིས་པ་ལག་མཐིལ་འདྲ་བ་ཡིས། །འདུ་བྱེད་སྡུག་བསྔལ་སྤུ་མི་རྟོགས། །འཕགས་པ་མིག་དང་འདྲ་བ་ཡིས། །འདུ་བྱེད་ལ་ནི་སྡུག་བསྔལ་གཟིགས། །ཞེས་གསུངས་པ་ལྟར་རོ། །སྒྲ་བཤད་ནི། སྲིད་རྩེ་ནས་མནར་མེད་ཀྱི་བར་ཁྱབ་པས་ན་ཁྱབ་པ། ཡང་ན་བདེ་སྡུག་བཏང་སྙོམས་ཐམས་ཅད་འབྱུང་བས་ཁྱབ་པ། སྡུག་བསྔལ་གཞན་གཉིས་འདུ་བྱེད་པ་སྟེ་སྐྱེད་པར་བྱེད་པས་འདུ་བྱེད། ཚོར་བ་སྡུག་བསྔལ་དངོས་མིན་ཡང་དེའི་རང་བཞིན་དུ་གནས་པས་སྡུག་བསྔལ་ཞེས་བརྗོད་དོ། །ཚོར་བ་སྡུག་བསྔལ་ནི་འདོད་ཁམས་ཁོ་ནར་ཡོད་ལ། ཚོར་བ་བདེ་བ་ནི་བསམ་གཏན་གསུམ་པའི་བར་ཡོད་ཅིང་། ཚོར་བ་བཏང་སྙོམས་ནི་ཁམས་གསུམ་གར་ཡོད་པས་སྲིད་རྩེ་ནས་མནར་མེད་ཀྱི་བར་ཁྱབ་པ་ཞེས་བརྗོད་ཀྱང་རིགས། ཡང་ན། རྗེའི་ལམ་རིམ་ཆེན་མོ་ལས། ལས་ཉོན་སྔ་མའི་གཞན་དབང་དུ་གྱུར་པའི་འདུ་བྱེད་ཐམས་ཅད་འདུ་བྱེད་ཀྱི་སྡུག་བསྔལ་ཡིན་པའི་ཕྱིར་རོ། །ཞེས་དོན་ཕལ་ཆེར་གོང་དང་འདྲ་བ་ལ་ཚིག་རིས་ཅུང་ཟད་མི་འདྲ་བར་ཡང་གསུངས་སོ། །་ལ་ཚིག་རིས་ཅུང་ཟད་མི་འདྲ་བར་ཡང་གསུངས་སོ། །)
• Dictionaries/sgom sde tshig mdzod chenmo/3619  + (སྦྱོར་བ་དམ་པ་སེམས་བསྐྱེད། དངོས་གཞི་དམ་པ་དམིགས་པ་མེད་པ་སྟེ་སྟོད་ཉིད། མཇུག་དམ་པ་བསྔོ་སྨོན་གྱིས་བརྒྱན་པ་དང་གསུམ། དམ་པ་རིགས་བརྒྱ། རིགས་བརྒྱ་དང་དོན་འདྲ།)
• Dictionaries/sgom sde tshig mdzod chenmo/10076  + (སྲིན་བུས་ཟོས་ནས་ཞིག་པའམ་འབུས་གང་ལ་དམིགས་པའི་འདུ་ཤེས། ལུང་ཕྲན་ཚེགས་ཀྱི་འགྲེལ་པ་ལས། རྣམ་པར་འབུས་ཞིག་པའི་འདུ་ཤེས་ནི་འབུས་གང་བར་དམིགས་པ་ཡིན་ནོ། །ཞེས་གསུངས།)
• Dictionaries/sgom sde tshig mdzod chenmo/13124  + (སྲེད་མེད་ཀྱི་བུ་ནི་ཁྱབ་འཇུག་ཡིན་ལ་དེའི་སྟོ … སྲེད་མེད་ཀྱི་བུ་ནི་ཁྱབ་འཇུག་ཡིན་ལ་དེའི་སྟོབས་ཤུགས་ཀྱི་ཚད་ཅེས་པའི་དོན་ནོ། །འདི་ལ་གླང་ཆེན་ཕལ་པ་ས་ཡ་གཅིག་གི་ཤུགས་ཚད་ཡོད་པར་བཤད་དོ། །དེ་ཡང་གླང་ཆེན་ཕལ་པ་དང༌། སྤོས་ཀྱི་གླང་པོ་ཆེ། ཚན་པོ་ཆེ་ཆེན་པོ། རབ་གནོན། ཡན་ལག་མཆོག སྟོབས་མཆོག སྲེད་མེད་ཀྱི་བུ་རྣམས་ཏེ་བདུན་པོ་དེ་དག་སྔ་མ་སྔ་མ་ལས་ཕྱི་མ་ཕྱི་མ་བཅུ་བསྒྱུར་གྱིས་ལྷག་པའོ། །སངས་རྒྱས་ཀྱི་སྐུའི་རུས་པའི་ཚིགས་རེ་རེ་ལའང་སྲེད་མེད་ཀྱི་བུའི་སྟོབས་མངའ་བར་གསུངས་སོ། །མཛོད་རྩ་འགྲེལ་གྱི་གསུང་ཚུལ་ལོ། །ཡང་། འདུལ་བ་ལུང་གཞི་༼ ཁ་པ ༽༥༩བ༣ ལས། གནས་འཇོག་དག་མི་བཅུའི་སྟོབས་གང་ཡིན་པ་དེ་ནི་གླང་ཕལ་པ་ (འདི་གླང་ཞེས་པ་བ་གླང་ལ་གོ་དགོས) གཅིག་གི་ཡིན་ནོ། །གླང་ཕལ་པ་བཅུའི་སྟོབས་གང་ཡིན་པ་དེ་ནི་བ་མེན་སྔོན་པོ་གཅིག་གི་ཡིན་ནོ། །བ་མེན་སྔོན་པོ་བཅུའི་སྟོབས་གང་ཡིན་པ་དེ་ནི་གླང་པོ་ཆེ་ཕྲུ་གུ་གཅིག་གི་ཡིན་ནོ། །གླང་པོ་ཆེ་ཕྲུ་གུ་བཅུའི་གང་ཡིན་པ་དེ་ནི་གླང་པོ་ཆེ་མོ་གཅིག་གི་ཡིན་ནོ། །གླང་པོ་ཆེ་མོ་བཅུའི་གང་ཡིན་པ་དེ་ནི་གླང་པོ་ཆེ་ཕལ་གཅིག་གི་ཡིན་ནོ། །གླང་པོ་ཆེ་ཕལ་བཅུའི་གང་ཡིན་པ་དེ་ནི་གླང་པོ་ཆེ་མཆེ་བ་མེད་གཅིག་གི་ཡིན་ནོ། །གླང་པོ་ཆེ་མཆེ་བ་མེད་བཅུའི་གང་ཡིན་པ་དེ་ནི་སྔོན་པོ་གཅིག་གི་ཡིན་ནོ། །སྔོན་པོ་བཅུའི་གང་ཡིན་པ་དེ་ནི་སེར་པོ་གཅིག་གི་ཡིན་ནོ། །སེར་པོ་བཅུའི་གང་ཡིན་པ་དེ་ནི་དམར་པོ་གཅིག་གི་ཡིན་ནོ། །དམར་པོ་བཅུའི་གང་ཡིན་པ་དེ་ནི་དཀར་པོ་གཅིག་གི་ཡིན་ནོ། །དཀར་པོ་བཅུའི་གང་ཡིན་པ་དེ་ནི་འབིགས་བྱེད་ཀྱི་གླང་པོ་ཆེ་གཅིག་གི་ཡིན་ནོ། །འབིགས་བྱེད་ཀྱི་གླང་པོ་ཆེ་བཅུའི་གང་ཡིན་པ་དེ་ནི་སྤོས་ཀྱི་གླང་པོ་ཆེ་གཅིག་གི་ཡིན་ནོ། །སྤོས་ཀྱི་གླང་པོ་ཆེ་བཅུའི་གང་ཡིན་པ་དེ་ནི་ཚན་པོ་ཆེ་གཅིག་གི་ཡིན་ནོ། །ཚན་པོ་ཆེ་བཅུའི་གང་ཡིན་པ་དེ་ནི་ཚན་པོ་ཆེ་ཆེན་པོ་གཅིག་གི་ཡིན་ནོ། །ཚན་པོ་ཆེ་ཆེན་པོ་བཅུའི་གང་ཡིན་པ་དེ་ནི་རབ་གནོན་གཅིག་གི་ཡིན་ནོ། རབ་གནོན་བཅུའི་གང་ཡིན་པ་དེ་ནི་སྟོབས་མཆོག་གཅིག་གི་ཡིན་ནོ། །སྟོབས་མཆོག་བཅུའི་གང་ཡིན་པ་དེ་ནི་སྲེད་མེད་ཀྱི་བུའི་སྟོབས་ཕྱེད་དོ། །སྲེད་མེད་ཀྱི་བུའི་སྟོབས་ཕྱེད་གཉིས་གང་ཡིན་པ་དེ་ནི་སྲེད་མེད་ཀྱི་བུའི་སྟོབས་ཡིན་ཏེ། དེ་དེ་བཞིན་གཤེགས་པའི་ཚིགས་ཕྲན་དག་ན་ཡོད་པས་གནས་འཇོག་དག་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་ནི་སྲེད་མེད་ཀྱི་བུའི་སྟོབས་ཀྱི་ཚོགས་ཅན་ཡིན་ནོ། །བར་སྡོམ་ལ། མི་དང་གླང་དང་བ་མེན་དང་ནི་དེ་བཞིན་གླང་ཆེན་ཕྲུ་གུ་དང༌། །གླང་ཆེན་མོ་དང་ཕལ་དང་མཆེ་བ་མེད་དང་དེ་བཞིན་བཞི་ཚན་དང༌། །འབིགས་བྱེད་གླང་ཆེན་སྦོས་ཀྱི་གླང་ཆེན་དང་ནི་ཚན་པོ་ཆེ་གཉིས་དང༌། །རབ་གནོན་དང་ནི་སྟོབས་མཆོག་དག་དང་སྲེད་མེད་བུ་ཡི་སྟོབས་གཉིས་སོ། །ཞེས་གསུངས་སོ། །་མེད་བུ་ཡི་སྟོབས་གཉིས་སོ། །ཞེས་གསུངས་སོ། །)
• Dictionaries/sgom sde tshig mdzod chenmo/429  + (སློབ་དཔོན་ངག་གི་དབང་ཕྱུག་གྲགས་པས། ལོངས་སྤྱ … སློབ་དཔོན་ངག་གི་དབང་ཕྱུག་གྲགས་པས། ལོངས་སྤྱོད་རྫོགས་དང་ཁ་སྦྱོར་བདེ་ཆེན་རང་བཞིན་མེད། །སྙིང་རྗེ་ཡོངས་གང་རྒྱུན་མི་ཆད་དང་འགོག་པ་མེད། །ཡན་ལག་བདུན་བཤད་དོན་དང་ལྡན་པ་བསྒྲུབ་བྱ་འདར།། བདག་འདོད་ཚད་མས་ཡོངས་སྒོམ་བློ་ཆེན་གྱིས་ཀྱང་སྔགས། །ཞེས་གསུངས་པ་ལྟར། ༡ མཚན་དཔེས་བརྒྱན་པའི་ལོངས་སྤྱོད་རྫོགས་པའི་སྐུའི་ཡན་ལག་དང་། ༢ རང་སྣང་གི་ལྷ་མོ་དང་མཉམ་པར་སྦྱོར་བར་ཁ་སྦྱོར་གྱི་ཡན་ལག་དང་། ༣ གྱ་ནོམ་པ་དང་། ཟག་པ་མེད་པ་དང་། འཁོར་བ་ཇི་སྲིད་པའི་བདེ་བ་ཆེན་པོའི་ཡན་ལག་དང་། ༤ ནམ་མཁའི་པདྨོ་ལྟར་ཡེ་མེད་ཀྱི་སྟོང་པ་མ་ཡིན། བུམ་པ་བདེན་སྟོང་ལྟར་ཐབས་དང་བྲལ་བའི་སྟོང་པ་མ་ཡིན་པའི་རང་བཞིན་མེད་པའི་ཡན་ལག་དང་། ༥ དམིགས་པ་མེད་པའི་བརྩེ་བ་ཆེན་པོས་རྣམ་པར་མི་རྟོག་བཞིན་དུ་སེམས་ཅན་གྱི་དོན་བྱེད་པའི་སྙིང་རྗེ་ཡོངས་སུ་གང་བའི་ཡན་ལག་དང་། ༦ སྲིད་ཞིའི་མཐའ་ལ་མི་གནས་པས་རྒྱུན་མི་ཆད་པའི་ཡན་ལག་དང་། ༧ སྐུ་གཅིག་པུ་དེའི་རྣམ་པ་ནམ་མཁའ་ཇི་སྲིད་གནས་ཀྱི་བར་དུ་མྱ་ངན་ལས་འདའ་ཚུལ་མི་སྟོན་པར་བཞུགས་པའི་འགོག་པ་མེད་པའི་ཡན་ལག་བདུན་དང་ལྡན་པའི་གོ་འཕང་མངོན་དུ་བྱེད་པའོ། །རྗེ་ཙོང་ཁ་པ་ཆེན་པོའི་རིམ་ལྔ་གསལ་སྒྲོན་ལས། རྨད་བྱུང་མཚན་དཔེའི་དཔལ་འབར་ལོངས་སྤྱོད་རྫོགས། །ཁ་སྦྱོར་བདེ་སྟོང་རོ་ལ་རྟག་རོལ་ཞིང༌། །དམིགས་མེད་ཐུགས་རྗེས་ཞི་བའི་མཐའ་སྤངས་པ། །རྒྱལ་བ་ཡན་ལག་བདུན་ལྡན་ལ་ཕྱག་འཚལ། །ཞེས་གསུངས་པ་ལྟར་རོ། །བདུན་ལྡན་ལ་ཕྱག་འཚལ། །ཞེས་གསུངས་པ་ལྟར་རོ། །)
• Dictionaries/sgom sde tshig mdzod chenmo/7166  + (སློབ་མ་སྒྲུབ་ཁང་གི་ཉེ་སྐོར་ཕན་ཚུན་དུ་བཞག་ནས་དམིགས་སྐོར་རེ་རེ་བསྟན་ཅིང་དེའི་མྱོང་བ་མ་སྐྱེས་ཀྱི་བར་དམིགས་སྐོར་ཕྱི་མ་མི་སྟོན་པར་བསྒོམ་དུ་འཇུག་ཅིང་དེ་སྐྱེས་པ་ན་དམིགས་སྐོར་ཕྱི་མ་སྟོན་པ་ལ་ཟེར།)
• Dictionaries/sgom sde tshig mdzod chenmo/3574  + (ཨི། ཨུ། ཨེ། ཨོ་དང་བཞིའོ། །ཡང་ན། གི་གུ། ཞབས … ཨི། ཨུ། ཨེ། ཨོ་དང་བཞིའོ། །ཡང་ན། གི་གུ། ཞབས་ཀྱུ། འགྲེང་བུ། རྣ་རུའམ་གནའ་རུ་ད་བཞིའོ། །སུམ་ཅུ་པའི་རྩ་བར། ཡི་གེ་ཨཱ་ལི་ཀཱ་ལི་གཉིས། །ཨཱ་ལི་གསལ་བྱེད་ཨི་སོགས་བཞི། །ཀཱ་ལི་སུམ་ཅུ་ཐམ་པ་འོ། །ཞེས་གསུངས་སོ། །༼ གི་གུ ༽ ( ི ) བོད་ཡིག་དབྱངས་བཞིའི་དང་པོ་ཨི་ཡིག་མཚོན་བྱེད་ཡིན། དབྱངས་ཀྱི་གོ་དོན་ནི། ང་རོའི་རྣམ་པ་ཅན་གྱི་ཆ་ནས་བཞག་པའི་ཡི་གེ་དེ། དབྱངས་ཀྱི་མཚན་ཉིད། གསེར་ཏོག་སུམ་འགྲེལ་༢༩ལས། གནས་དང་བྱེད་པའི་རྣམ་འགྱུར་མི་གསལ་ཞིང་སྒྲའི་གདངས་ཙམ་དང་ང་རོ་ཙམ་ཤས་ཆེ་བའི་ཆ་ནས་བཞག་པས། ཡི་གེ་གཞན་ལ་མ་ཞུགས་པར་རང་སྟོབས་ཀྱིས་བརྗོད་པ་གསལ་བར་མི་ནུས་པས་ན་འདིར་བསྟན་དབྱངས་རྐྱང་ཞེས་བྱའོ། །ཞེས་གསུངས་སོ། །སྒྲ་བཤད་ནི། དབྱིབས་གུག་གུག་ཡིན་པའི་ཆ་ནས་གི་གུ་ཞེས་བཏགས། འདི་ལ་ “གི་གུ” དང་ “གུ་གུ” “གུག་གུ” ཞེས་ཀྱང་བྲིས་པ་ཡོད། ༼ ཞབས་ཀྱུ ༽ ( ུ ) བོད་ཡིག་གི་དབྱངས་གཉིས་པ་ཨུ་ཡིག་མཚོན་བྱེད། དབྱིབས་ལྕགས་ཀྱུ་ལྟར་གུག་ནས་ཡོད་པའི་ཆ་ནས་ཞབས་ཀྱུ་ཟེར། སྒྲ་བཤད་ནི། ཞབས་ནི་རྐང་པ། ཀྱུ་ནི་ཀྱོག་ཀྱོག་གི་དོན་ནོ། །ཀྱུ་དང་། ཀྱོ། ཀྱོག་ཀྱོག་རྣམས་དོན་གཅིག དཔེར་ན་ལྕགས་ཀྱུའམ། ལྕགས་ཀྱོ་ཞེས་པ་ལྟ་བུའོ། །༼ འགྲེང་བུ ༽ ( ེ ) བོད་ཡིག་གི་དབྱངས་གསུམ་པ་ཨེ་ཡིག་མཚོན་བྱེད། དབྱིབས་འགྲེང་བའམ་ཀེ་རེར་ལངས་ནས་ཡོད་པའི་རྣམ་པར་ཡོད་པས། འགྲེང་བུའམ་འགྲེང་པོ་ཟེར། འགྲེང་པོ་ཞེས་བྲིས་པའང་ཡོད།༼ རྣ་རུ ༽ ( ོ ) བོད་ཡིག་གི་དབྱངས་བཞི་པ་ཨོ་ཡིག་མཚོན་བྱེད། འདི་ལ་ཡོངས་གྲགས་སུ་ “ན་རོ” ཞེས་འབྲི་བར་བྱེད་ཀྱང་ “རྣ་རུ” དང་ “གནའ་རུ” ཞེས་བྲིས་ན་བཟང་ངོ་། །རྣ་རུའམ་གནའ་རུ་ཞེས་པ་ནི། རི་དྭགས་གནའ་བའི་རྭ་ཅོ་དང་དབྱིབས་འདྲ་བས་ན་དེ་སྐད་ཅེས་བཏགས་པའོ། །དེ་ཡང་ “རྣ” ནི་གནའ་ཡི་འབྲི་ཚུལ་གཞན་ཡིན་ལ། “རུ” རྭ་ཅོའི་མིང་ངོ་། །དཔེར་ན་བ་གླང་གི་རྭ་ཅོ་ལ། གླང་རུ་ཞེས་པ་ལྟ་བུའོ། །བསྟན་དར་ལྷ་རམས་པས། དེ་བཞིན་དུ་དབྱངས་བཞིའི་ཐ་མ་ན་རོ་ཞེས་བྲིས་པ་ལས་གནའ་རུའམ་རྣ་རུ་ཞེས་བྲིས་ན་སྒྲ་བཤད་དང་ལྡན་ནོ། །ཞེས་གསུངས་སོ། །དབྱངས་ལ་བཞིར་གྲངས་ངེས་པའི་ཁུངས་ནི། སུམ་ཅུ་པའི་རྩ་བ་ལས། ཡི་གེ་ཨཱ་ལི་ཀཱ་ལི་གཉིས། །ཨཱ་ལི་གསལ་བྱེད་ཨི་སོགས་བཞི། །ཞེས་གསུངས་ཤིང་། སི་ཏུ་འགྲེལ་ཆེན་ལས་ཀྱང་། འདི་སྐབས་འགྲེལ་བྱེད་སྔ་མ་ཁ་ཅིག་གིས། ཨ་ཡིག་ཨཱ་ལིར་བགྲངས་པའི་ཨཱ་ལི་ལྔ་དང་ཀཱ་ལི་ཉེར་དགུར་འདོད་པ་བྱུང་མོད་ཀྱི་མཁན་པོའི་དགོངས་པ་མ་རྟོགས་པར་གཟུ་ལུམ་བྱས་པར་སྣང་སྟེ་རྩ་བ་ལས་དངོས་འགལ་དུ་སྨྲས་པའི་ཕྱིར། ཞེས་གསུངས་སོ། །ལེགས་བཤད་ལྗོན་དབང་ལས་ཀྱང་། །དབྱངས་ཀྱི་བྱ་བ་གསལ་པོ་རུ། །བྱེད་པ་ཨི་ཨུ་ཨེ་ཨོ་བཞི། །ཞེས་གསུངས་པའི་ཕྱིར་རོ། །ས་པཎ་དང་དཔལ་ཁང་ལོ་ཙཱ་བ་སོགས་ཀྱིས་ཨ་ཡིག་བསྣན་ནས་དབྱངས་ལྔ་རུ་བཞེད་པའང་ཡོད་དེ། དེའི་སྐོར་གོང་དུ་དབྱངས་ལྔ་ཞེས་པའི་ཐད་དུ་གཟིགས།་སྐོར་གོང་དུ་དབྱངས་ལྔ་ཞེས་པའི་ཐད་དུ་གཟིགས།)

• Dictionaries/sgom sde tshig mdzod chenmo/10063  + (རོའི་ལུས་སྐྲངས་ཤིང་སྦོས་པ་ལ་དམིགས་པའི་འདུ་ཤེས།)

• Dictionaries/sgom sde tshig mdzod chenmo/993  + ((གསང་སྔགས) 1 གནད་གསང་ལ་ཕོག་པར་བྱེད་པའམ་འཁེ … (གསང་སྔགས) 1 གནད་གསང་ལ་ཕོག་པར་བྱེད་པའམ་འཁེལ་བར་བྱེད་པའི་དོན། 2 ལུས་ཀྱི་གནད་ཆེ་སར་དམིགས་པ་དྲག་ཏུ་གཏད་དེ་སེམས་མ་ཡེངས་པར་བསྒོམ་པ་ལ་ཟེར། ལུས་ཀྱི་གནད་ཆེ་ས་ནི་སྙིང་གའི་རྩ་འཁོར་གྱི་དྷཱུ་ཏཱིའི་དབུས་ལྟ་བུ་ཡིན་ལ། བསྣུན་ཞེས་པ་ནི་དམིགས་པ་ལ་སེམས་གཏད་དེ་བསྒོམ་པའི་དོན་ནོ། །རྗེའི་དགོངས་པ་ལྟར་རོ། །ལུས་ལ་གནད་དུ་བསྣུན་པ་དང་འདྲ། 3 དམིགས་པ་གཏད་པ། དམིགས་པ་གཏད་པའི་གཞི་ལ་གནད་དུ་བསྣུན་པའི་གཞི་ཞེས་པ་ལྟ་བུ།འི་གཞི་ལ་གནད་དུ་བསྣུན་པའི་གཞི་ཞེས་པ་ལྟ་བུ།)
• Dictionaries/sgom sde tshig mdzod chenmo/3475  + ((གསང་སྔགས) 1 སྔགས་བཟླ་བ་དང་ལྷ་བསྒོམ་པ་སོགས … (གསང་སྔགས) 1 སྔགས་བཟླ་བ་དང་ལྷ་བསྒོམ་པ་སོགས་ལ་དབང་བར་བྱེད་ཅིང་གསང་སྔགས་ཀྱི་སྒོར་བཅུག་ནས་རྒྱུད་སྨིན་པར་བྱེད་པ་ལ་ཟེར། དམ་ཚིག་དང་སྡོམ་པ་ལེགས་པར་མ་བསྲུངས་ན་དབང་བསྐུར་བྱེད་པ་དང་དབང་ཞུ་བ་གཉིས་ཉེས་དམིགས་ཤིན་ཏུ་ཆེ་སྟེ། རྒྱུད་སྡེ་ནས་རྒྱ་ཆེར་གསུངས་པ་རྣམས་དང་། འབྲུག་པ་ཀུན་ལེགས་ཀྱིས་ཀྱང་མཚར་གཏམ་འདི་ལྟར་བཤད་དེ། དབང་བསྐུར་ཆོས་བཤད་མཛད་ལགས་སམ། །དམ་ཉམས་མང་པོ་བསགས་ལགས་སམ། །དམྱལ་བའི་ས་བོན་བཏབ་ལགས་སམ། །ལོག་ལྟའི་ལྗང་པ་སྐྱེས་ལགས་སམ། །ཉོན་མོངས་མྱུ་གུ་འཁྲུངས་ལགས་སམ། །བར་དོའི་འབྲས་བུ་སྨིན་ལགས་སམ། །ཞེས་སོགས་༦༠བ༥ལས་བཤད་པ་ལྟར་འགྱུར་རོ། །2 འཁོར་སྒྱུར་གྱི་རྒྱལ་སར་འཇོག་དུས་གླང་ཆེན་ལ་བསྐྱོན་པ་དང་། བྲམ་ཟེས་སྤྱི་བོར་བུམ་ཆུ་ལྡུག་པའི་ཆོ་ག་བྱེད་པ་སོགས་ཀྱིས་མཚོན། ཞེས་ཚེ་ཏན་ཞབས་དྲུང་གསུང་བ་ལྟར་རོ། །སྤྱི་བོར་དབང་བསྐུར་ཞེས་ཀྱང་ཟེར་རོ། །་རོ། །སྤྱི་བོར་དབང་བསྐུར་ཞེས་ཀྱང་ཟེར་རོ། །)
• Dictionaries/sgom sde tshig mdzod chenmo/9974  + ((གསང་སྔགས) 1 སྡིག་སྒྲིབ་སྦྱོང་བ་ལ་ས་ཕྱོད་ཤ … (གསང་སྔགས) 1 སྡིག་སྒྲིབ་སྦྱོང་བ་ལ་ས་ཕྱོད་ཤིན་ཏུ་ཆེ་བའི་ཡི་དམ་ཞིག ཕྱག་གཡས་རྡོ་རྗེ་སྙིང་གར་གསོར་ཤིང༌། གཡོན་པའི་དྲིལ་བུ་དཀུ་ལ་བརྟེན་པ། ཞབས་གཉིས་སྐྱིལ་མོ་ཀྲུང་གིས་བཞུགས་པ། སྐུ་མདོག་དཀར་གསལ་ཟླ་བའི་མདོག་ཅན། དེ་ལ་ལྷ་ཡབ་རྐྱང་དང༌། ཡུམ་བཅས་གཉིས་ཡོད། 2 རྒྱལ་བ་རྡོ་རྗེ་འཆང་ལའང་འཇུག་པའི་སྐབས་མང་པོ་ཡོད། རྗེའི་གསང་འདུས་བསྐྱེད་རིམ་གྱི་ཟིན་བྲིས་ལས། མདོར་བྱས་སུ། རེག་བྱ་རྡོ་རྗེ་ཉིད་དང་ནི། །རྡོ་རྗེ་སེམས་དཔའ་དང་ལྡན་གནས། །ཞེས་གསུངས་ཤིང་རྡོ་རྗེ་སེམས་དཔའ་ནི་རྡོ་རྗེ་འཆང་ངོ༌། །ཞེས་གསུངས་པ་དང་། མཁས་གྲུབ་ཆོས་རྗེའི་བསྐྱེད་རིམ་དངོས་གྲུབ་རྒྱ་མཚོ་༡༧བ༤ལས། བླ་མ་རྡོ་རྗེ་སེམས་དཔའ་ལྟར་འགྱིང་བག་ཅན་རྒྱན་ཐམས་ཅད་ཀྱིས་བརྒྱན་ནས་བཞུགས་པ་གསལ་བར་བལྟས་ལ། ཞེས་བླ་མ་རྡོ་རྗེ་འཆང་དུ་བསྒོམ་པར་གསུངས་པས། ཞེས་གསུངས་སོ། །སྒྲ་བཤད་ནི། བདེ་སྟོང་དབྱེར་མེད་ཀྱི་ཡེ་ཤེས་ཀྱི་དཔལ་དང་ལྡན་པའི་ཟུང་འཇུག་ནི་ངེས་དོན་གྱི་རྡོ་རྗེ་དང༌། དེ་ཉིད་གཟུགས་སྐུའི་རྣམ་པར་ཤར་བས་ན་སེམས་དཔའོ། །གཞན་ཡང་། བདེ་མཆོག་རྫོགས་རིམ་དངོས་གྲུབ་སྙེ་མ་༦༡ན༢ལས། འགྲོ་བའི་འདྲེན་མཆོག་རྡོ་རྗེ་སེམས་དཔའ་དེ། །དམིགས་མེད་བརྩེ་བས་ཀུན་ནས་བསྐྱེད་པ་ཡིས། །གདུལ་བྱའི་དབང་པོའི་རིམ་པ་ཇི་བཞིན་དུ། །མདོ་དང་བྱ་བ་སྤྱོད་པ་རྣལ་འབྱོར་དང་། གསང་མཐའ་རྣལ་འབྱོར་བླ་མེད་རྒྱུད་རྣམས་གསུངས། །ཞེས་གསུངས་པ་ལྟར་རོ། །ད་རྒྱུད་རྣམས་གསུངས། །ཞེས་གསུངས་པ་ལྟར་རོ། །)
• Dictionaries/sgom sde tshig mdzod chenmo/1415  + ((གསང་སྔགས) <གུཧྱ་ས་མཱ་ཛ> 1 བླ་མེད་ཀྱ … (གསང་སྔགས) <གུཧྱ་ས་མཱ་ཛ> 1 བླ་མེད་ཀྱི་ཡང་རྩེའི་རྒྱུད་སྡེ་ཞིག འདིའི་བླ་བརྒྱུད་ནི། རྗེའི་རིམ་ལྔ་གསལ་སྒྲོན་ལས། །རྨད་བྱུང་མཚན་དཔེའི་དཔལ་འབར་ལོངས་སྤྱོད་རྫོགས། །ཁ་སྦྱོར་བདེ་སྟོང་རོ་ལ་རྟག་རོལ་ཞིང༌། །དམིགས་མེད་ཐུགས་རྗེས་ཞི་བའི་མཐའ་སྤངས་པ། །རྒྱལ་བ་ཡན་ལག་བདུན་ལྡན་ (རྒྱལ་བ་རྡོ་རྗེ་འཆང) ལ་ཕྱག་འཚལ། །གསང་བ་ཀུན་འདུས་སྡུད་མཛད་གསང་བའི་བདག །རྒྱུད་རྒྱལ་འདུས་པའི་ལམ་གྱིས་མཆོག་བརྙེས་པ། །ཨིནྡྲ་བྷུ་ཏི་ཀླུ་ཡི་མཁའ་འགྲོ་མ། །བི་སུ་ཀལྤ་དཔལ་ལྡན་ས་ར་ཧ། །ཀླུ་སྒྲུབ་རྡོ་རྗེ་ཅན་དང་འཕགས་པ་ལྷ། །ཀླུ་བྱང་ཤཱཀྱ་བཤེས་གཉེན་མ་ཏང་གི། ཟླ་བའི་ཞབས་སོགས་བླ་མ་བརྒྱུད་པ་ལ། །ཤུགས་དྲག་དང་བའི་ཡིད་ཀྱིས་ཕྱག་འཚལ་ལོ། །ཞེས་གསུངས་པ་ལྟར་རོ། །2 བླ་མེད་ཀྱི་ཡི་དམ་ཞིག་སྟེ། ཞེ་སྡང་རྡོ་རྗེ་ཡང་ཟེར། དགེ་ལྡན་པའི་ཡི་དམ་གྲགས་ཆེ་གསུམ་གྱི་ཡ་གྱལ་ཞིག 3 རྒྱལ་བ་རྡོ་རྗེ་འཆང༌། སྒྲ་བཤད་ནི། རྡོ་རྗེ་འཆང་ནི་སངས་རྒྱས་ཐམས་ཅད་ཀྱི་གསང་གསུམ་དབྱེར་མི་ཕྱེད་པའམ་འདུས་པའི་ངོ་བོ་ཡིན་པས་དེ་སྐད་ཅེས་བྱའོ། །རྗེའི་རྣམ་གཞག་རིམ་པའི་རྣམ་བཤད་ལ་གཞི་བྱས་ཏེ་བཀོད།རྗེའི་རྣམ་གཞག་རིམ་པའི་རྣམ་བཤད་ལ་གཞི་བྱས་ཏེ་བཀོད།)
• Dictionaries/sgom sde tshig mdzod chenmo/1437  + ((གསང་སྔགས) དཔལ་གསང་བ་འདུས་པའི་བསྐྱེད་རིམ་ག … (གསང་སྔགས) དཔལ་གསང་བ་འདུས་པའི་བསྐྱེད་རིམ་གྱི་ཆོ་ག་རྒྱས་པ་ལ་ཆིངས་བཞི། བསྐྱེད་རིམ་གྱི་ཆོ་ག་བསྡུས་པ་ལ་ཆིངས་གཉིས་ཏེ་ཆིངས་དྲུག་གོ། དང་པོ་ཆིངས་བཞི་ནི། ༡ བསྙེན་སྒྲུབ་ཡན་ལག་བཞིའི་ཆིངས། ༢ རྣལ་འབྱོར་དྲུག་གི་ཆིངས། ༣ ཏིང་ངེ་འཛིན་གསུམ་གྱི་ཆིངས། ༤ དེ་ཉིད་ཞེ་དགུའི་ཆིངས་ཏེ་བཞིའོ། །བསྙེན་སྒྲུབ་ཡན་ལག་བཞི་ནི། བསྙེན་པ། ཉེར་སྒྲུབ། སྒྲུབ་པ། སྒྲུབ་ཆེན་དང་བཞིའོ། །རྣལ་འབྱོར་དྲུག་ནི། རྣལ་འབྱོར། རྗེས་སུ་རྣལ་འབྱོར། ཤིན་ཏུ་རྣལ་འབྱོར། རྣལ་འབྱོར་ཆེན་པོ། དཀྱིལ་འཁོར་རྒྱལ་མཆོག ལས་རྒྱལ་མཆོག་གི་རྣལ་འབྱོར་དང་དྲུག་གོ། ཏིང་ངེ་འཛིན་གསུམ་ནི། དང་པོ་སྦྱོར་བའི་ཏིང་ངེ་འཛིན། དཀྱིལ་འཁོར་རྒྱལ་མཆོག་གི་ཏིང་ངེ་འཛིན། ལས་རྒྱལ་མཆོག་གི་ཏིང་ངེ་འཛིན་དང་གསུམ་རྣམས་སོ། །དེ་ཉིད་ཞེ་དགུ་ནི། ༡ གང་དུ་བསྒོམ་པ་གནས་ཀྱི་དེ་ཉིད། ༢ ཚོགས་ཞིང་སྤྱན་དྲངས་ནས་སྡོམ་པ་བཟུང་བ་སྙིང་རྗེ་ཆེན་པོ་ལ་དམིགས་པའི་དེ་ཉིད། ༣ སྲུང་འཁོར་གྱི་གཙོ་བོ་བསྐྱེད་པའི་དེ་ཉིད། ༤ འཁོར་གྱི་ཁྲོ་བོ་བསྐྱེད་པའི་དེ་ཉིད། ༥ བགེགས་ལ་ཕུར་བུ་གདབ་པའི་དེ་ཉིད། ༦ ར་བ་སོགས་བསྲུང་བའི་དེ་ཉིད། ༧ ཡེ་ཤེས་ཀྱི་ས་བསྒོམ་པའི་དེ་ཉིད། ༨ རྡོ་རྗེའི་ས་ཡི་ཆ་བསྐྱེད་པའི་དེ་ཉིད། ༩ རྟེན་གཞལ་ཡས་ཁང་བསྐྱེད་པའི་དེ་ཉིད། ༡༠ བརྟེན་པ་ལྷག་མོས་ཀྱི་ལྷ་ཡི་འཁོར་ལོ་འགོད་པའི་དེ་ཉིད། ༡༡ ལྷག་མོས་ཀྱི་དཀྱིལ་འཁོར་ལུས་ལ་སྡུད་པའི་དེ་ཉིད། ༡༢ འཆི་བ་ཆོས་སྐུར་འཁྱེར་བའི་ལམ་འཁྱེར་ལྷག་མོས་འོད་གསལ་དུ་འཇུག་པའི་དེ་ཉིད། ༡༣ ཉི་མ་སོགས་ལ་དམིགས་པ་ལྡང་བའི་དེ་ཉིད། ༡༤ ཟླ་བ་ལ་ང་རྒྱལ་འཛིན་ནས་ཟླ་བ་ལ་དམིགས་པའི་དེ་ཉིད། ༡༥ ཡེ་ཤེས་ཙམ་ལ་སྙོམས་པར་འཇུག་པའི་དེ་ཉིད། ༡༦ ཟླ་ཉི་ས་བོན་ཕྱག་མཚན་སྐུ་རྫོགས་པ་སྟེ་མངོན་བྱང་ལྔ་ལས་བར་དོ་ལོངས་སྐུར་འཁྱེར་བ་དང་པོའི་མགོན་པོ་བསྐྱེད་པའི་དེ་ཉིད། ༡༧ སྐྱེ་བ་སྤྲུལ་སྐུར་འཁྱེར་བའི་ལམ་འཁྱེར་དང་པོའི་མགོན་པོ་སྤྲུལ་སྐུ་རྡོར་སེམས་སུ་བསྒྱུར་བའི་དེ་ཉིད། ༡༨ ལུས་རྟེན་གཞལ་ཡས་ཁང་དུ་བསྒོམ་པའི་དེ་ཉིད། ༡༩ ཕུང་པོ་ལྔ་གཤེགས་པར་བསྒོམ་པའི་དེ་ཉིད། ༢༠ ཁམས་བཞི་གཤེགས་མར་བསྒོམ་པའི་དེ་ཉིད། ༢༡ མིག་སོགས་སེམས་པར་བསྒོམ་པའི་དེ་ཉིད། ༢༢ གཟུགས་སོགས་སེམས་མར་བསྒོམ་པའི་དེ་ཉིད། ༢༣ ཡན་ལག་ཁྲོ་བོར་བསྒོམ་པའི་དེ་ཉིད། ༢༤ སྐུ་བྱིན་གྱིས་བརླབས་པའི་དེ་ཉིད། ༢༥ གསུང་བྱིན་གྱིས་བརླབས་པའི་དེ་ཉིད། ༢༦ ཐུགས་བྱིན་གྱིས་བརླབས་པའི་དེ་ཉིད། ༢༧ སྐུ་གསུང་ཐུགས་ཐུན་མོང་དུ་བྱིན་གྱིས་བརླབས་པའི་དེ་ཉིད། ༢༨ དམ་ཚིག་སེམས་དཔའི་ཐུགས་ཀར་ཡེ་ཤེས་སེམས་དཔའ་བསྒོམ་པའི་དེ་ཉིད། ༢༩ དེ་ཡི་ཐུགས་ཀར་ཏིང་ངེ་འཛིན་སེམས་དཔའ་བསྒོམ་པའི་དེ་ཉིད། ༣༠ རིག་མ་འདུ་བྱ་བའི་དེ་ཉིད། ༣༡ རྗེས་སུ་ཆགས་པའི་དེ་ཉིད། ༣༢ མཆོད་པའི་དེ་ཉིད། (འདི་ཡན་དེ་ཉིད་སུམ་ཅུ་སོ་གཉིས་དང་པོའི་སྦྱོར་བའི་ཏིང་ངེ་འཛིན་ནོ) བསྐྱེད་པའི་སྒོ། སྤྲོ་བའི་སྒོ། སྤྱི་སྒོས་ཀྱི་མཛད་པ་མཛད་པའི་སྒོ། བསྡུ་བའི་སྒོ། དབྱེར་མེད་དུ་འདྲེས་པའི་སྒོ། དབང་བསྐུར་བའི་སྒོ། ༣༣ རང་གནས་སུ་འཁོད་པའི་སྒོ་སྟེ་སྒོ་བདུན་གྱིས་གཤེགས་པ་དབྱུང་བའི་དེ་ཉིད། ༣༤ གཤེགས་མ་དབྱུང་བའི་དེ་ཉིད། ༣༥ སེམས་མ་དབྱུང་བའི་དེ་ཉིད། ༣༦ སེམས་དཔའ་དབྱུང་བའི་དེ་ཉིད། ༣༧ ཁྲོ་བོ་དབྱུང་བའི་དེ་ཉིད། (འདི་ཡན་དེ་ཉིད་ལྔ་དཀྱིལ་འཁོར་རྒྱལ་མཆོག་གི་ཏིང་ངེ་འཛིན་ནོ) ༣༨ སྟེང་སྒོར་ཕྱག་མཚན་བསྒོམ་པའི་དེ་ཉིད། ༣༩ འོག་སྒོར་ཐིག་ལེ་ཕྲ་མོ་བསྒོམ་པའི་དེ་ཉིད། ༤༠ ཡིད་བཟླས་ཀྱི་དེ་ཉིད། ༤༡ ངག་བཟླས་ཀྱི་དེ་ཉིད། ༤༢ གཙོ་བོ་འོད་གསལ་དུ་ཞུགས་པའི་དེ་ཉིད། ༤༣ འོད་གསལ་ལས་ལྡང་བའི་དེ་ཉིད། ༤༤ མཆོད་བསྟོད་ཀྱི་དེ་ཉིད། ༤༥ ཉེ་བར་བསྡུ་བའི་དེ་ཉིད། ༤༦ ཁ་ཟས་ཀྱི་དེ་ཉིད། ༤༧ ལུས་བརྟས་པར་བྱེད་པའི་དེ་ཉིད། ༤༨ དངོས་གྲུབ་ཆུང་ངུ་ཞི་རྒྱས་དབང་དྲག་གི་ལས་བཞི་སྒྲུབ་པའི་དེ་ཉིད་དང་དེ་ཉིད་ཞེ་དགུའོ། ། (འདི་ཡན་གྱི་དེ་ཉིད་བཅུ་གཉིས་ནི་ལས་རྒྱལ་མཆོག་གི་ཏིང་ངེ་འཛིན་ནོ) ཆོ་ག་བསྡུས་པའི་ཆིངས་གཉིས་ནི། ༡ རྡོ་རྗེ་བཞི་ཡི་ཆིངས། ༢ རྣལ་འབྱོར་བཞི་ཡི་ཆིངས་ཏེ་གཉིས་སོ། །རྡོ་རྗེ་བཞི་ནི། སྟོང་ཉིད་བྱང་ཆུབ་རྡོ་རྗེ། ས་བོན་བསྡུས་པའི་རྡོ་རྗེ། གཟུགས་ཉིད་རྫོགས་པའི་རྡོ་རྗེ། ཡི་གེ་འགོད་པའི་རྡོ་རྗེ་དང་བཞིའོ། །རྣལ་འབྱོར་བཞི་ནི། རྣལ་འབྱོར། རྗེས་སུ་རྣལ་འབྱོར། ཤིན་ཏུ་རྣལ་འབྱོར། རྣལ་འབྱོར་ཆེན་པོ་དང་བཞིའོ། །དངོས་གྲུབ་ཆེན་པོ་མཆོག་གི་དངོས་གྲུབ་སྒྲུབ་པའི་ཐབས་ནི་གསང་འདུས་རྫོགས་རིམ་ཡོངས་རྫོགས་ལ་བྱེད་པ་ཡིན་ནོ། །གོང་གི་དེ་གསང་འདུས་འཕགས་ལུགས་ཀྱི་བསྐྱེད་རིམ་གཞིར་བཞག་བྱས་སོ། །ཕགས་ལུགས་ཀྱི་བསྐྱེད་རིམ་གཞིར་བཞག་བྱས་སོ། །)
• Dictionaries/sgom sde tshig mdzod chenmo/9952  + ((གསང་སྔགས) དཔལ་གསང་བ་འདུས་པའི་སྒྲུབ་ཐབས་ཀྱ … (གསང་སྔགས) དཔལ་གསང་བ་འདུས་པའི་སྒྲུབ་ཐབས་ཀྱི་ཆིངས་སམ་སྡོམ་བཞི་ནི། སྟོང་ཉིད་བྱང་ཆུབ་ཀྱི་རྡོ་རྗེ། ས་བོན་བསྡུས་པའི་དེ་ཉིད། གཟུགས་ཉིད་རྫོགས་པའི་དེ་ཉིད། ཡི་གེ་འགོད་པའི་རྡོ་རྗེ་དང་བཞིའོ། །དེ་ཡང་གནས་ཀྱི་དེ་ཉིད་ནས། དེ་བཞིན་ཉིདམི་ལས་བྱང་ཆུབ་པའི་དེ་ཉིད་ཀྱི་བར་ནི། སྟོང་ཉིད་བྱང་ཆུབ་ཀྱི་རྡོ་རྗེ་དང༌། ཉི་མ་སོགས་ལ་དམིགས་ནས་ལྡང་བའི་དེ་ཉིད་ནས། ཕྱག་མཚན་ལས་བྱང་ཆུབ་པའི་དེ་ཉིད་ཀྱི་བར་ནི། ས་བོན་བསྡུས་པའི་རྡོ་རྗེ། སྐུ་རྫོགས་པ་ལས་བྱང་ཆུབ་པའི་དེ་ཉིད་ནས། ཡག་ལག་ཁྲོ་བོར་བསྐྱེད་པའི་དེ་ཉིད་ཀྱི་བར་ནི། གཟུགས་ཉིད་རྫོགས་པའི་རྡོ་རྗེ། སྒྲུབ་ཐབས་བསྡུས་པ་ལྟར་ན། སྐུ་བྱིན་གྱིས་རློབ་པ་ནས། མཆོད་པའི་དེ་ཉིད་ཀྱི་བར་དང༌། རྒྱས་པ་ལྟར་ན། སྐུ་བྱིན་གྱི་རློབ་པ་ནས། སྟེང་སྒོར་ཕྱག་མཚན་ཕྲ་མོའི་དེ་ཉིད་ཀྱི་བར་ནི། ཡི་གེ་འགོད་པའི་རྡོ་རྗེ་ཡིན་ནོ། །རྗེའི་གསང་འདུས་ཀྱི་གསུང་ཟིན་བློ་གསལ་བུང་བའི་རེ་སྐོང་ལས་གསུངས་པ་ལྟར་བཀོད།ོ་གསལ་བུང་བའི་རེ་སྐོང་ལས་གསུངས་པ་ལྟར་བཀོད།)
• Dictionaries/sgom sde tshig mdzod chenmo/5911  + ((གསང་སྔགས) ཞི་ལྷག་གི་སྐབས་སུ་བྱིང་རྒོད་གཅོ … (གསང་སྔགས) ཞི་ལྷག་གི་སྐབས་སུ་བྱིང་རྒོད་གཅོད་པ་ཤིན་ཏུ་གལ་ཆེ་བས། བྱིང་རྒོད་བཙན་ཐབས་སུ་སེལ་ཚུལ་ནི། བྱིང་རྒོད་ཤས་ཆུང་ཞིང་ལན་རེ་ཙམ་ལས་མི་འབྱུང་ན། སྐབས་གཞན་ནས་འབྱུང་བ་ལྟར་དྲན་ཤེས་བསྟེན་ཚུལ་ལ་མཁས་པས་སེལ་ལ། བྱིང་རྒོད་ཤིན་ཏུ་ཆེ་ཞིང་ཡང་ཡང་འབྱུང་བ་ལ་ནི། འདི་ལྟར་བྱིང་དང་རྨུགས་པ་ཡང་ཡང་བྱུང་བ་ན། རང་གི་སེམས་དང་ནམ་མཁའ་གསལ་སྟོང་གཉིས་དབྱེར་མེད་དུ་བསྲེས་ནས་བསྒོམས་ན་སེམས་གསལ་ལ་དྭངས་ཤིང་དམིགས་པ་ལ་འདོད་པ་བཞིན་གནས་པ་ཞིག་འོང་བ་ཡིན་ནོ། །རྒོད་པ་ལ་ནི་རླུང་སྦྱོར་བྱས་ཏེ་ནང་དུ་བཟུང་བས། སེམས་ཡང་གནས་ཤིང་རིག་པ་དྭངས་སྙིགས་ཕྱེ་ནས་འོང་བ་ཡིན་ཏེ། བྱིང་རྒོད་བཙན་ཐབས་སུ་གཅོད་པའི་ཞལ་ཤེས་སོ། །ཞེས་འབྱུང་བ་ལྟར་རོ། །གཅོད་པའི་ཞལ་ཤེས་སོ། །ཞེས་འབྱུང་བ་ལྟར་རོ། །)
• Dictionaries/sgom sde tshig mdzod chenmo/1457  + ((གསང་སྔགས) ལོ་ཙཱ་བ་རིན་ཆེན་བཟང་པོ་་ཡན་ཆོད་ … (གསང་སྔགས) ལོ་ཙཱ་བ་རིན་ཆེན་བཟང་པོ་་ཡན་ཆོད་དུ་བསྒྱུར་བའི་རྒྱུད་རྣམས་ལ་གསང་སྔགས་རྙིང་མ་ཞེས་བྱའོ། །དེབ་སྔོན་སྟོད་ཆ་༢༥༥ལས། གསང་སྔགས་གསར་མའི་འགྱུར་གྱི་འགོ་ཇོ་བོ་སྨྲྀ་ཏིས་བཙུགས་སོ་ཞེས་བྱ་བ་ཡོད་མོད་ཀྱི། དེས་དབུས་གཙང་དུ་ནི་འགྱུར་མ་མཛད་ལ། ཁམས་སུ་ཕྱིས་མཚན་ཡང་དག་པར་བརྗོད་པ་སྒེག་པ་རྡོ་རྗེའི་སྐོར་དང་། དཔལ་ལྡན་གདན་བཞི་པ་དང་། གསང་བ་འདུས་པའི་སྐོར་ལ་སོགས་པ་མང་དུ་བསྒྱུར་མོད་ཀྱི། དེ་བས་ལོ་ཆེན་རིན་ཆེན་བཟང་པོས་གསང་སྔགས་ཀྱི་འགྱུར་མཛད་པ་སྔ་བར་སྣང་སྟེ། འབྲོམ་སྟོན་པ་ཇོ་བོ་སེ་བཙུན་གྱི་གཡོག་བྱེད་པའི་དུས་སྨྲྀ་ཏི་ལ་ལོ་ཙཱ་བསླབས་སོ་ཞེས་འབྱུང་ལ། དེ་དང་ཉེ་བར་འབྲོམ་གྱིས་མངའ་རིས་སུ་བྱོན་པའི་ཚེ། ལོ་ཆེན་གྱིས་ལོ་བརྒྱད་ཅུ་རྩ་ལྔ་བཞེས་པའི་ཕྱིར་རོ། །ལོ་ཆེན་གྱིས་དེ་ཉིད་བསྡུས་པ་དང་གསང་བ་འདུས་པ་སོགས་རྣལ་འབྱོར་ཕའི་རྒྱུད་ཤས་ཆེར་བསྒྱུར་ལ། རྣལ་འབྱོར་མའི་རྒྱུད་རྣམས་ནི་ལོ་ཆེན་གྱི་ལོ་ལྔ་བཅུ་ཉེ་བ་ན་བླ་ཆེན་འབྲོམ་མི་བྱུང་སྟེ། དེ་ནས་ནི་རྣལ་འབྱོར་མའི་རྒྱུད་རྣམས་ཀྱང་ཤིན་ཏུ་དར་བར་གྱུར་ཏོ། །ཞེས་གསང་སྔགས་རྙིང་མའི་འགོ་ལོ་ཆེན་རིན་ཆེན་བཟང་པོ་ནས་ཚུགས་ཟེར་བཞིན་དུ་ཡང་། དེབ་སྔོན་༡༣༥ལས། པཎྜི་ཏ་སྨྲྀ་ཏི་བྱོན་པའི་གོང་ཡན་ཆོད་ལ་གསང་སྔགས་རྙིང་མ་ཞེས་བརྗོད་དེ། ཞེས་ཀྱང་གསུངས་པས་ཚིག་སྔ་ཕྱི་ལ་འགལ་བའི་ཆ་ཅུང་ཟད་རེ་ཡོད་པའང་འདུག་གོ། གསང་སྔགས་རྙིང་མ་འདི་བསྟན་པ་རྣམ་དག་ཡིན་ནམ་མིན་ཞེ་ན། མཁས་གྲུབ་ཆོས་རྗེའི་གསུང་ཐོར་བུ་༡༧༥བ༡ ལས། དྲི་བ་གསུམ་པ། གསང་སྔགས་རྙིང་མ་པ་འདི་ལ། སྔ་རབས་ཀྱི་མཁས་པ་རྣམས་ཀྱིས་ཀྱང་དགག་འདུག་ཅིང་། ད་ལྟ་ཡང་སྐུར་བ་འདེབས་པ་མང་དུ་འདུག་པ། འདི་ཇི་འདྲ་ཞིག་ཡིན་ཟེར་བ་ལ། གསང་སྔགས་བསྟན་པ་སྔ་དར་གྱི་དུས་འགྱུར་བ་ལ་རྙིང་མ་དང་། ཕྱི་དར་གྱི་དུས་འགྱུར་བ་ལ་གསར་མ་ཞེས་འབྱུང་བ་ཡིན། རྙིང་མ་ལ་སྐུར་བ་འདེབས་པ་མང་བའི་རྒྱུ་མཚན། སྔོན་གླང་དར་མས་བསྟན་པ་བསྣུབས་ནས་བར་སྟོངས་བྱུང་དུས་གསང་སྔགས་པ་རྣམས་སྦྱོར་སྒྲོལ་ལ་སོགས་པ་སྤྱོད་པ་ཕྱིན་ཅི་ལོག་བྱེད་པ་བྱུང་བ་དང་། འདི་སང་ཡང་ཁྱིམ་པ་ལྕང་ལོ་ཅན་གྱི་སྤྱོད་པ་མང་བས། གང་ཟག་གི་སྤྱོད་པ་ལ་དཔགས་ནས་ཆོས་ལ་སྨོད་པ་འདི་བྱུང་བ་འདྲ། དེ་མིན་སྔགས་རྙིང་མ་འདི་དང་པོ་ཆོས་རྒྱལ་དམ་པ་རྣམས་ཀྱིས་བཻ་རོ་ཙ་ན་དང་། རྨ་སྙེགས་གཉིས་དགེ་སློང་མི་ལྔ་ལ་སོགས་པའི་ཚད་མའི་སྐྱེས་བུར་གྱུར་པ་ལོ་ཙྪ་བ་རྣམས་ལ་གསེར་བྲེས་བཤར་མ་ཡོན་དུ་བསྐུར་ནས། རྒྱ་གར་དུ་བརྫངས་ཏེ། རྫོགས་པ་ཆེན་པོ་ལ་སོགས་པའི་གསང་སྔགས་བླ་ན་མེད་པའི་ཆོས་རྣམས་པཎྜི་ཏ་དང་། གྲུབ་པ་བརྙེས་པ་རྩོད་མེད་དུ་གྲགས་པ་རྣམས་ལ་ཞུས་ཤིང་བསྒྱུར། གཞན་ཡང་པདྨ་འབྱུང་གནས་དང་། བཱི་མ་ལ་མི་ཏྲ་དང་། སངས་རྒྱས་གསང་བ་ལ་སོགས་པའང་བོད་དུ་སྤྱན་དྲངས་ནས་དེ་དག་གིས་ཀྱང་གསུངས་པའི་ཆོས། ཐེག་པ་བླ་ན་མེད་པའི་ཆོས་ཟབ་སྐྱོན་དང་བྲལ་བ་ཡིན་ཏེ། འདིའི་ཚུལ་ཉམས་སུ་བླངས་པས་གྲོལ་བ་དང་། གྲུབ་པ་བརྙེས་པ་དཔག་ཏུ་མེད་པ་བྱུང་བ་ཚད་མས་གྲུབ་བོ། །བསམ་ཡས་ན་ཡང་ད་དུང་སྔ་འགྱུར་གྱི་རྒྱ་དཔེ་མང་དུ་ཡོད་པར་འདུག་ཅིང་། བོད་པ་ལོ་ཙྪ་བས་ཀྱང་རྒྱ་གར་དུ་བྱོན་པས། ཡུལ་དབུས་འགྱུར་ཚལ་ན་གསང་སྙིང་། ལུང་གི་མདོ་ལྔ་ལ་སོགས་པ་རྒྱ་དཔེ་འདུག་ཟེར། དེས་ན་འདི་ལྟ་བུའི་ཐེག་ཆེན་བླ་ན་མེད་པའི་ཆོས་ཟབ་མོ་ལ་སྐུར་བ་འདེབས་པ་རྣམས་དམྱལ་བའི་རྒྱུ་ཁོ་ནར་བས་སོ། །ཞེས་གསུངས་སོ། །བུ་སྟོན་ཆོས་འབྱུང་དེབ་གཟུགས་༢༦༦ལས། སྔ་འགྱུར་གསང་སྔགས་རྙིང་མ་ནི། ལོ་ཙཱ་བ་ཆེན་པོ་རིན་ཆེན་བཟང་པོ་དང་ལྷ་བླ་མ་ཡེ་ཤེས་འོད་དང་ཕོ་བྲང་ཞི་བ་འོད་དང་འགོས་ཁུག་པ་ལྷས་བཙས་ལ་སོགས་པ་རྣམས་ཡང་དག་པ་མ་ཡིན་པར་སྨྲ་ལ། ཁོ་བོའི་བླ་མ་སྐད་གཉིས་སྨྲ་བའི་ཉི་མའི་མཚན་ཅན་དང་རིགས་རལ་ལ་སོགས་པ། བསམ་ཡས་ནས་རྒྱ་དཔེ་རྙེད་པའི་ཕྱིར་དང་། ཕུར་པ་རྩ་བའི་དུམ་བུའི་རྒྱ་དཔེ་བལ་པོར་ཡང་སྣང་བས་རྒྱུད་ཡང་དག་གོ་ཞེས་གསུང་ངོ་། །ཁོ་བོས་ནི། ཡིད་ཀྱི་ཉེས་པ་རང་བཞིན་གདུག་པ་སྟེ། །མི་རིགས་པ་ཡི་གཟུགས་ལའང་མི་རིགས་ན། །ཐེ་ཚོམ་ཟ་བའི་ཆོས་ལ་སྨོས་ཅི་དགོས། །དེ་ཕྱིར་བཏང་སྙོམས་བཞག་ལེགས་ཉེས་པ་མེད། །ཅེས་འབྱུང་བ་དང་། ཆོས་ཡིན་པ་ལ་མ་ཡིན་ཟེར་བ་དང་། མ་ཡིན་པ་ལ་ཡིན་ཟེར་བ་ལས་འབྲས་མཉམ་པར་བཤད་པས་དང་། ཆོས་ཀྱི་མཚན་ཉིད་གང་ལ་ཡོད་མེད་དག །མི་ཤེས་མཐོང་བ་མེད་པར་རྒྱུ་བཞི་ཡིས། །རྣམ་དབྱེ་སྨྲ་བའི་ཁ་ནི་བདུད་ཀྱིས་ཕྱེ། །ཆོས་ལ་ཉེས་སྨོད་ཐུབ་པའི་གཞུང་ལས་བཀག །ཅེས་ཟེར་བ་བཞིན་དུ་བཏང་སྙོམས་སུ་བཞག་གོ། བློ་དང་ལྡན་པ་རྣམས་ཀྱིས་རྟོག་པ་བཞི་དང་བརྟག་པ་གསུམ་ལ་བརྟེན་ནས་དཔྱད་པར་བྱའོ། །ཞེས་གསུངས། ཡང་ཐུའུ་བཀྭན་གྲུབ་མཐའ་དེབ་གཟུགས་༧༣ལས། རྙིང་མ་པའི་གྲུབ་མཐའ་ལ་ཅུང་ཟད་དཔྱད་པ། རྙིང་མའི་ཆོས་ལུགས་འདི་མཐའ་གཅིག་ཏུ་རྣམ་པར་དག་པ་དང་། མ་དག་པ་དང་། འདྲེས་མར་གྱུར་པ་གང་ཡིན་སྙམ་ན། ལྷ་བླ་མ་ཡེ་ཤེས་འོད་དང་ཞི་བ་འོད། ཙ་མི་ལོ་ཙཱ། ཆག་ལོ་རྣམས་ཀྱི་སྤྲིངས་ཡིག་དང་། རྔོག་གི་གཟེ་མ་ར་མགོ། ས་པཎ་གྱི་སྡོམ་གསུམ་རབ་དབྱེ་རྣམས་སུ་རྙིང་མ་ལ་དམིགས་ཕུག་པའི་སྐྱོན་བརྗོད་མི་གསལ་ཡང་། བོད་དུ་དར་བའི་ཆོས་ལུགས་མ་དག་པ་རིས་མེད་ལ་དགག་པ་མཛད་པའི་གསེབ་ཏུ་རྙིང་མ་པ་ལ་དབུ་ཕོག་ཞབས་ཕོག་གི་གསུང་རེ་གཉིས་ཡོད་པར་སྣང་། འགོས་ཁུག་པ་ལྷས་བཙས་དང་། འབྲི་གུང་དཔལ་འཛིན་གཉིས་ཀྱིས་སྒྲུབ་བྱེད་མང་དུ་བཀོད་ནས་རྙིང་མ་ཆོས་རྣམ་དག་མ་ཡིན་པར་སྒྲུབ་ཅིང་། ཤཱཀྱ་མཆོག་ལྡན་དང་། ཀརྨ་པ་མི་བསྐྱོད་རྡོ་རྗེས་ཀྱང་དེའི་རྗེས་ཟློས་བྱས་འདུག ཅེས་དང་། ལོ་ཙཱ་བ་རོང་ཟོམ་ཆོས་བཟང་། ཀུན་སྤངས་ཐུགས་རྗེ་བརྩོན་འགྲུས། ཀརྨ་པ་རང་བྱུང་རྡོ་རྗེ། གྲུབ་ཐོབ་ཨུ་རྒྱན་པ། བཅོམ་ལྡན་རལ་གྲི། ཐར་ལོ་ཉི་མ་རྒྱལ་མཚན། ཕྱིས་ཀྱི་འབྲུག་པ་པདྨ་དཀར་པོ། དཔའ་བོ་གཙུག་ལག་ཕྲེང་བ་སོགས་གྲུབ་མཐའ་གཞན་གྱི་མཁས་པར་གྲགས་པ་དང་། འཁོན་སྟོན་དཔལ་འབྱོར་ལྷུན་གྲུབ་དང་། ༸གོང་ས་ལྔ་པ་ཆེན་པོ་སོགས་རང་ཕྱོགས་པ་འགའ་ཞིག་གིས་ཀྱང་ཆོས་རྣམ་དག་ཏུ་འཆད། བུ་སྟོན་རིན་པོ་ཆེ། རྒྱལ་བ་ཙོང་ཁ་པ་ཡབ་སྲས་སོགས་ཚད་མའི་སྐྱེས་བུ་མང་པོ་ཞིག་གིས་ནི་བཏང་སྙོམས་སུ་འཇོག་པར་མཛད་དོ། །ཞེས་གསུངས་སོ། །ཡང་། ཕ་བོང་ཁ་པ་བདེ་ཆེན་སྙིང་པོའི་མདོ་སྔགས་ཀྱི་དྲིས་ལན་༣༤བ༢ལས། བར་ཁམས་སོག་ཤོད་གཡག་འདའ་དང་མཁར་དམར་གྲོང་ཚོ་གཉིས་ཀྱི་ཞི་ཁྲོའི་སྔགས་འཆང་རྣམས་ནས་ནན་གྱིས་ཞུས་ངོར་སྩལ་བ་ཞེས་པའི་ནང་གསང་སྔགས་རྙིང་མའི་སྐོར་ལ་དོགས་སློང་ལྟ་བུ་མང་ཙམ་འདུག་ཀྱང་དགག་དགོས་ཀྱི་དབང་གིས་འདིར་མ་བཀོད། གཞན་ཡང་ཀརྨ་པ་མི་བསྐྱོད་རྡོ་རྗེའི་རྙིང་མ་པ་རྣམས་ལ་དོགས་འདྲིའི་ཚུལ་དུ་གནང་བར་གྲགས་པའི་ཆབ་ཤོག་དང་། དེའི་དྲིས་ལན་ལུང་དང་རིགས་པའི་འབྲུག་སྒྲ་ཞེས་བྱ་བ་དང་། ཡང་། མཁས་པ་དཔལ་ཁང་ལོ་ཙཱ་བས་རྙིང་མ་པ་ལ་རྩོད་པའི་ཡི་གེ་དང་། དེའི་རྩོད་ལན་གངྒཱའི་ཆུ་རྒྱུན་རྣམས་ལ་བློ་གཟུ་བོར་གནས་པས་གཟིགས་ན་བློ་སྐྱེད་ཧ་ཅང་ཆེན་པོ་འདུག་གོ།་པས་གཟིགས་ན་བློ་སྐྱེད་ཧ་ཅང་ཆེན་པོ་འདུག་གོ།)
• Dictionaries/sgom sde tshig mdzod chenmo/2889  + ((གསང་སྔགས) སྐྱེས་ཆེན་དམ་པ་རྣམས་སྐུ་གཤེགས་ད … (གསང་སྔགས) སྐྱེས་ཆེན་དམ་པ་རྣམས་སྐུ་གཤེགས་དུས་འཆི་བ་འོད་གསལ་གྱི་ཏིང་ངེ་འཛིན་ལ་སྙོམས་པར་ཞུགས་པ་ལ་ཐུགས་དམ་ལ་བཞུགས་ཟེར། རྗེ་ཤེས་རབ་རྒྱ་མཚོའི་གསང་འདུས་རྫོགས་རིམ་གྱི་ཁྲིད་མི་བསྐྱོད་ཞལ་གྱི་བདུད་རྩི་༢༠བ་ལས། ནོར་བུའི་དབུས་ཀྱི་དམིགས་རྟེན་སྙིང་གར་དྲངས་ཏེ་སྙིང་གའི་མི་ཤིགས་པ་དང་དབྱེར་མེད་དུ་བྱས། དེ་ལ་དམིགས་པ་གཏད་ནས་སྟོང་པ་ཉིད་ལ་མཉམ་པར་བཞག་པས་རླུང་དབུ་མར་ཞུགས་གནས་ཐིམ་པས་རྟགས་དང་རྟགས་ཅན་བརྒྱད་དངོས་སུ་འཆར་བ་དེ་མ་ཡིག་ལྟ་བུ་དང་། རང་གིས་སྔར་བསྒོམ་པ་དེ་བུ་ཡིག་ལྟ་བུར་ངོ་སྤྲད་ནས་བསྒོམ་སྟེ་འཆི་བ་འོད་གསལ་གྱི་སེམས་ཕྲ་བ་དེས་སྟོང་ཉིད་ལ་རྩེ་གཅིག་ཏུ་མཉམ་པར་འཇོག་པར་ནུས་ན་འོད་གསལ་མ་བུ་འཕྲོད་པ་དང་། ད་ལྟ་ཐུགས་དམ་ལ་བཞུགས་ཞེས་གྲགས་པ་སྟེ་འཆི་བ་ཆོས་སྐུའི་བསྲེ་བའོ། །ཞེས་གསུངས་པ་ལྟར་རོ། །འདི་ལ་དོགས་གཅོད། རྗེ་ཤེས་རབ་རྒྱ་མཚོའི་འཇིགས་རྫོགས་ལས། སྔར་རྒྱུད་སྟོད་སྨད་དུ་རགས་པ་ཉེར་ལྔའི་གྲངས་འདྲེན་ཙམ་ཡང་མི་ཐོན་པ་མང་པོ་འདའ་དུས་ཐུགས་དམ་ལ་སྡོད་པ་དང༌། པུར་ལ་འཇའ་ཟུག་པ་སོགས་འདུག་པ་ཅི་ཡིན་ཞེས་ཀུན་མཁྱེན་གོང་མས་སྲད་རྒྱུད་རྡོ་རྗེ་འཆང་ལ་ཞུས་པར། དེ་དག་རང་སྟོབས་ཀྱིས་ཐུགས་དམ་ལ་སྡོད་མི་ནུས་ཀྱང་རྒྱུད་ཀྱི་རྡོ་རྗེའི་ཚིག་ཟབ་མོ་ངག་འདོན་ཚུན་ཆད་ཀྱིས་བསྒྲགས་པས་དཔའ་བོ་མཁའ་འགྲོས་འོད་གསལ་བཙན་ཐབས་སུ་འཛིན་འཇུག་པ་བདེ་མཆོག་སྨོན་ལམ་དུ། དེར་ནི་འཆི་བའི་འོད་གསལ་ཟིན་མཛད་ཅིང༌། །ཞེས་པ་ལྟར་ཡིན་ཞེས་གསུངས་པ་སྔགས་ཀྱི་དམ་ཚིག་དག་པ་གཞིར་བཟུང་ནས་ཉམས་ལེན་ལ་ཅི་ནུས་ཀྱིས་འབད་ན་དེ་འདྲའང་སྲིད་པ་རེད། ཅེས་གསུངས་པའི་ལོ་རྒྱུས་འདུག སྒྲ་བཤད་ནི། ཐུགས་སམ་ཡིད་དགེ་བའི་དམིགས་པ་ལ་དམ་དུའང་རྩེ་གཅིག་ཏུ་གནས་པས་ན་དེ་སྐད་ཅེས་བྱའོ། །འང་རྩེ་གཅིག་ཏུ་གནས་པས་ན་དེ་སྐད་ཅེས་བྱའོ། །)
• Dictionaries/sgom sde tshig mdzod chenmo/2856  + ((གསང་སྔགས) སྔགས་ཐིག འོད་ཐིག རྫས་ཐིག་དང་གསུ … (གསང་སྔགས) སྔགས་ཐིག འོད་ཐིག རྫས་ཐིག་དང་གསུམ་མོ། །སྔགས་ཐིག་ནི་རང་གི་ཤིན་ཏུ་ཕྲ་བའི་རླུང་སེམས་མི་ཤིགས་པའི་ཐིག་ལེ་ཨ་ཐུང་ཤད་ཀྱི་རྣམ་པ་ཅན་ཟླ་ཚེས་ཐིག་ལེ་ནཱ་ད་དང་བཅས་པའམ་སྙིང་གའི་སྔགས་འཁོར། འོད་ཐིག་ནི་ཨ་ཐུང་ཤད་ཀྱི་རྣམ་པ་ཅན་ཐིག་ལེ་ནཱ་ད་དང་བཅས་པ་དེའི་ནཱ་ད་ལས་འཕྲོས་པའི་འོད་དཀར་པོ་སྤོས་རིང་གི་དུ་བ་འདྲ་བ་ཞིག་ཡོད་པ་དེ་ལ་ཟེར། རྫས་ཐིག་ནི་ཁམས་དཀར་དམར་གའུ་ཁ་སྦྱོར་གྱི་ཚུལ་དུ་གནས་པ་ཆེ་ཆུང་ཡུངས་འབྲུ་ཙམ་པ་དེའོ། །ཐིག་ལེ་ཞེས་པ་ནི། ཟླུམ་པོའམ་གྲྭ་ཟུར་མེད་པའི་དོན་ཏེ། དེ་ལ་དམིགས་ནས་བདེན་འཛིན་བག་ཆགས་དང་བཅས་པའི་གྲྭ་ཟུར་འཇོམས་པས་སོ། །ན་བག་ཆགས་དང་བཅས་པའི་གྲྭ་ཟུར་འཇོམས་པས་སོ། །)
• Dictionaries/sgom sde tshig mdzod chenmo/5068  + ((གསང་སྔགས) སྔགས་ལུགས་ལ་མདོ་ཕྱོགས་ཀྱི་ཡན་ལག … (གསང་སྔགས) སྔགས་ལུགས་ལ་མདོ་ཕྱོགས་ཀྱི་ཡན་ལག་བདུན་པའི་དོད་ལྟ་བུ་ཡིན། བདུན་ནི། དང་པོ་མཆོད་པ་འབུལ་བ། གཉིས་པ་ཕྱག་འཚལ་བ། གསུམ་པ་སྡིག་པ་བཤགས་པ། བཞི་པ་རྗེས་སུ་ཡི་རང་བ། ལྔ་པ་སྐྱབས་སུ་འགྲོ་བ། དྲུག་པ་བྱང་ཆུབ་དུ་སེམས་བསྐྱེད་པ། (སྨོན་འཇུག་གི་སེམས་གཉིས་བསྐྱེད་པ) བདུན་པ་ལམ་ལ་བརྟེན་པ་དང་བདུན་ནོ། ། (ལམ་ནི་སྦྱིན་སོགས་ཕར་ཕྱིན་བཅུའོ) འདི་རྗེའི་གསང་འདུས་བསྐྱེད་རིམ་གྱི་ཟིན་བྲིས་ལས་གསུངས་པ་ལྟར་བཀོད། སྒྲ་བཤད་ནི། འཁོར་གསུམ་མི་དམིགས་པ་བདེན་པའི་སྟོང་པ་སྒྱུ་མ་ལྟ་བུར་རྟོགས་པའི་ཤེས་རབ་ཀྱིས་ཟིན་པའི་སྒོ་ནས་སྦྱོར་བ་མཆོད་པ་སོགས་བདུན་པོའི་ཚོགས་བསག་ལ་འཇུག་པར་བྱ་བ་ཡིན་པས་ན་བདུན་རྣམ་དག་ཅེས་བྱའོ། །རྗེའི་གསང་འདུས་སྨོན་ལམ་ལས། ཞིང་གི་ཕུང་བྱུང་ཐུགས་ཀྱི་དཀྱིལ་འཁོར་ལ། །བརྟེན་ནས་འཁོར་གསུམ་དག་པའི་མཆོད་སྦྱིན་སོགས། །སྦྱོར་བ་ཚོགས་བསག་ཆོ་ག་བཞིན་བྱས་པས། །རང་གི་རྒྱུད་ནི་ཡོངས་སུ་དག་པར་ཤོག །ཅེས་པའི་འཁོར་གསུམ་དག་པའི་མཆོད་སྦྱིན་སོགས་ཟེར་བ་བདུན་རྣམ་དག་ལ་གསུངས་པ་ཡིན་ཟེར་བའང་ཡོད།ར་བ་བདུན་རྣམ་དག་ལ་གསུངས་པ་ཡིན་ཟེར་བའང་ཡོད།)
• Dictionaries/sgom sde tshig mdzod chenmo/12374  + ((གསང་སྔགས) སྙིང་གའི་འབྲི་ཚུལ་གཞན། སྤྱིར་བཏ … (གསང་སྔགས) སྙིང་གའི་འབྲི་ཚུལ་གཞན། སྤྱིར་བཏང་རྟགས་མཚུངས་འདྲེན་ཚུལ་ལྟར་བྱས་ན། རྗེས་འཇུག་གི་མོ་ཡིག་ང་ཡི་རྗེས་སུ་མིང་གཞིའི་མོ་ཡིག་ག་འཇུག་དགོས་པ་ཡིན་ཀྱང༌། སྙིང་ཁ་ཞེས་མོ་ཡིག་གིས་མ་ནིང་འདྲེན་པ་ནི་བརྗོད་བདེ་འདྲེན་པའི་ཕྱིར་ཡིན་པས་དམིགས་གསལ་དུ་བྱས་ཀྱང་རུང་ངོ༌། །སྙིང་ག་ལ་གཟིགས།ས་གསལ་དུ་བྱས་ཀྱང་རུང་ངོ༌། །སྙིང་ག་ལ་གཟིགས།)
• Dictionaries/sgom sde tshig mdzod chenmo/12467  + ((དབུ་མ) 1 ཆོས་རྣམས་ཀྱི་གནས་ལུགས་མཐར་ཐུག 2 … (དབུ་མ) 1 ཆོས་རྣམས་ཀྱི་གནས་ལུགས་མཐར་ཐུག 2 སྟོང་ཉིད་རྟོགས་པའི་ལྟ་བ། སྔགས་ཀྱི་སྐབས་སུ་སྟོང་ཉིད་ཅེས་པ། ཡུལ་སྟོང་པ་ཉིད་དང༌། ཡུལ་ཅན་སྟོང་ཉིད་རྟོགས་པའི་ཤེས་རབ་གཉིས་ཀ་ལ་འཇུག་སྟེ། རྗེ་ཙོང་ཁ་པ་ཆེན་པོའི་སྦས་དོན་ལྟ་བའི་མིག་འབྱེད་ལས། དེ་ལ་སྟོང་པ་ནི་དེ་ཁོ་ན་ཉིད་ཀྱི་ལྟ་བའམ། དེ་ཁོ་ན་ཉིད་དོ། །ཞེས་དང༌། ཀྱེ་རྡོ་རྗེའི་རྒྱུད་ལས། སྟོང་ཉིད་སྙིང་རྗེ་དབྱེར་མེད་པ། །བྱང་ཆུབ་སེམས་ཞེས་རབ་ཏུ་བརྗེོད། །ཅེས་གསུངས་པ་ལྟར་རོ། །མིང་གི་རྣམ་གྲངས་ནི། ཀ་དག ཀུན་གཞི། ཀུན་བཟང༌། ཀུན་ཏུ་བཟང་པོ། སྐྱེ་མེད། སྐྱེ་བ་མེད་པ། ངེས་དོན། ངོ་བོ་ཉིད་མེད་པ། མངོན་པར་འདུ་བྱེད་པ་མེད་པ། མངོན་པར་འདུ་མི་བྱེད་པ། ཆོས་ཉིད། ཆོས་དབྱིངས། བརྗོད་བྲལ། གཉིས་མེད། མཉམ་ཉིད། རྙེད་དོན་མཐར་ཐུག བསྟན་པའི་སྙིང་པོ། སྟོང་ཉིད། མཐར་ཐུག་དཔྱོད་པའི་རིགས་ཤེས་ཀྱི་རྙེད་དོན། མཐའ་བྲལ། འདུས་མ་བྱས། (གང་གིས་ཀྱང་འདུ་མ་བྱས་པར་གདོད་མ་ནས་ཆོས་རྣམས་ཀྱི་གནས་ལུགས་སུ་གནས་པའི་ཕྱིར་འདུས་མ་བྱས) དེ་ཁོ་ན་ཉིད། དེ་ཉིད། དེ་བཞིན་ཉིད། བདེན་པ། བདེན་སྟོང༌། བདེན་མེད། བདེན་འཛིན་གྱི་ཞེན་ཡུལ་མེད་པ། དོན་དམ་བདེན་པ། དོན་དམ་པའི་བཙུན་མོ། འདུག་ལུགས། འདུག་སྟངས། འདུག་ཚུལ། རྡོ་རྗེ། (རྡོ་རྗེ་ལ་སྟོང་ཉིད་ཅེས་པ་ནི། རྗེའི་འགྲེལ་པ་བཞི་སྦྲགས་ལས། མཉམ་སྦྱོར་ལས། རྡོ་རྗེ་སྟོང་པ་ཉིད་དུ་བརྗོད། །སེམས་དཔའ་ཡེ་ཤེས་ཙམ་ཉིད་དེ། །དེ་དག་བདག་ཉིད་གྲུབ་པ་ནི། རྡོ་རྗེ་སེམས་དཔའ་ཞེས་བརྗོད་དོ། །ཞེས་གསུངས་པ་ལྟར། རྡོ་རྗེ་སྟོང་པ་ཉིད་མཐར་ཐུག་པ་དང༌། སེམས་དཔའ་ཡེ་ཤེས་གཉིས་རོ་གཅིག་ཏུ་ཞུགས་པ་གྲུབ་པ་ལའོ། །ཞེས་གསུངས) སྡོད་ལུགས། ནམ་མཁའ། (ནམ་མཁའ་ཞེས་པ་སྟོང་ཉིད་ཀྱི་མིང་དུ་འཇུག་པའང་ཡོད་དེ། རྗེའི་འགྲེལ་པ་བཞི་སྦྲགས་ལས། ནམ་མཁའ་ནི་དེ་བཞིན་ཉིད་དེ་འོད་གསལ་ལོ། །ཞེས་དང༌། ཀུན་མཁྱེན་འཇམ་དབྱངས་བཞད་པའི་འཇིགས་བྱེད་ཆོས་འབྱུང་ལས་ཀྱང༌། ནམ་མཁའ་ནི་འོད་གསལ་ལ་བླ་མེད་ཀྱི་རྒྱུད་དུ་གྲགས་ཆེ་ཞིང༌། ཞེས་གསུངས) གནས་སྟངས། གནས་ལུགས། རྣམ་དག རྣམ་དག་ལམ་གྱི་དམིགས་པ་མཐར་ཐུག སྤྲོས་བྲལ། ཕྱག་ཆེན། བློ་འདས། (བློ་འདས་ནི་བོད་སྔ་རབས་པ་རྣམས་ཀྱིས་སྟོང་ཉིད་ཀྱི་མིང་དུ་བཤད) བྷ་ག (རྗེ་བཙུན་ཀུན་དགའ་དོན་གྲུབ་ཀྱི་རྒྱུད་ཊཱིཀ་ལས། ཡང་ཡུལ་སྟོང་པ་ཉིད་དེ་ལ་བྷ་ག་ཞེས་ཀྱང་བརྗོད་དེ། དེ་ལ་དམིགས་པས་སྒྲིབ་གཉིས་བག་ཆགས་དང་བཅས་པ་འཇོམས་པར་བྱེད་པའི་ཕྱིར། ཞེས་གསུངས) དབུ་མ། མ་སྐྱེས་པ། མ་འགག་པ། མ་བཅོས་གཉུག་མའི་གཤིས་ལུགས། མྱ་ངན་ལས་འདས་པ། མྱང་འདས། (ལང་གཤེགས་ཀྱི་མདོ་ལས། སྟོང་ཉིད་དང༌། མཚན་མ་མེད་པ་དང༌། མྱ་ངན་ལས་འདས་པ་ཞེས་སོགས་མྱ་ངན་ལས་འདས་པ་སྟོང་ཉིད་ཀྱི་མིང་གི་རྣམ་གྲངས་སུ་གསུངས) དམིགས་མེད། སྨོན་པ་མེད་པ། སྨྲ་བསམ་བརྗོད་མེད། མཚན་མ་མེད་པ། རྫོགས་ཆེན། ཞི་བ། ཟབ་པ། ཟབ་མོའི་དོན། གཟོད་མ་ནས་ཞི་བ། (གཟོད་མ་ནས་ཞི་བ་ནི་བོད་སྔ་རབས་པ་དག་གིས་སྟོང་ཉིད་ཀྱི་མིང་དུ་བཤད) འོད་གསལ། ཡང་དག ཡང་དག་མཐའ། ཡིན་ལུགས། ཡེ་འབྱམས། (ཡེ་བྱམས་ནི་བོད་སྔ་མ་དག་གིས་སྟོང་ཉིད་ཀྱི་མིང་དུ་བཤད) ཡོངས་གྲུབ། ཡོད་ལུགས། རང་སྟོང༌། རང་བཞིན་གྱིས་ཡོངས་སུ་མྱ་ངན་ལས་འདས་པ། རང་བཞིན་རྣམ་དག རང་བཞིན་མེད་པ། རང་བཞིན་མྱང་འདས། རང་བཞིན་ཤེར་ཕྱིན། གཤིས་ལུགས། སེམས་ཀྱི་རྡོ་རྗེ། (སེམས་ཀྱི་རྡོ་རྗེ་ནི་སྔགས་ལུགས་ཀྱི་སྟོང་ཉིད་ཀྱི་མིང་གི་རྣམ་གྲངས་ཤིག) གསང་བ། ཨ་མ། ཨ་ཧཾ། (ཨ་ཧཾ་ནི་སྟོང་ཉིད་ཀྱི་མིང་གི་རྣམས་གྲངས་སུ་ཀོང་སྤྲུལ་ཡོན་ཏན་རྒྱ་མཚོའི་གཞན་སྟོང་གི་ལྟ་ཁྲིད་ཤོག་གྲངས་༦རྒྱབ་ན་གསལ) ༼དཔལ་བཀའ་བརྒྱུད་པའི་སྟོང་ཉིད་ཀྱི་མིང་གི་རྣམ་གྲངས་འགའ་ཞིག༽ ཀུན་ཏུ་བཟང་པོ། ཀུན་ཏུ་བཟང་པོའི་སེམས། ཀུན་གཞིའི་ཡེ་ཤེས། མཁའ་ཁྱབ་ནམ་མཁའི་རྡོ་རྗེ། རྒྱུད་རྒྱུད། རྒྱུ་རྡོ་རྗེ་འཛིན་པ། ཆོས་ཀྱི་སྐུ། ཆོས་སྐུ་ཀུན་ཏུ་བཟང་པོ། ཆོས་ཉིད་ཀྱི་སེམས། མཆོག་ཏུ་མི་འགྱུར་བའི་བདེ་བ། གཉུག་མའི་ཡེ་ཤེས། ཐ་མལ་གྱི་ཤེས་པ། དང་པོའི་སངས་རྒྱས། བདག་གི་དེ་ཁོ་ན་ཉིད། བདེ་སྟོང་དབྱེར་མེད། བདེ་བ་ཆེན་པོ། གདོད་མའི་མགོན་པོ། གདོད་མའི་བྱང་ཆུབ་ཆེན་པོ། གདོད་མའི་མི་ཤིགས་པའི་ཐིག་ལེ་ཆེན་པོ། གདོད་མའི་སངས་རྒྱས། ནཱ་ད། ནང་གི་རིག་པ། རྣམ་ཀུན་མཆོག་ལྡན། སྣང་སྟོང་དབྱེར་མེད། རྣམ་གྲོལ་ཆེན་པོ། རྣམ་པ་ཐམས་ཅད་པ། དབང་པོ་ཐམས་ཅད་པ། བྱང་ཆུབ་ཀྱི་སེམས། ཕྱག་རྒྱ་ཆེན་པོ། གཞན་སྟོང༌། གཞིའི་ལྷན་སྐྱེས། གཞོམ་མེད་ཀྱི་ཧཾ་དང་ཐིག་ལེ། ཡིད་བྱེད་བྲལ་བ། ཡིད་བཞིན་ནོར་འདྲའི་སེམས། ཡེ་ཤེས་ཀྱི་རྩ་དང་རླུང༌། རིག་སྟོང་དབྱེར་མེད། རང་རིག རང་རིག་པ། རང་གིས་རང་རིག རང་བྱུང་ཡེ་ཤེས། རང་རིག་ཡེ་ཤེས། སེམས་ཉིད། སེམས་ཉིད་ལྷན་ཅིག་སྐྱེས་པ། གསལ་སྟོང་དབྱེར་མེད། ལྷན་སྐྱེས་ཡེ་ཤེས། ལྷན་ཅིག་སྐྱེས་པ། ཨེ་ཝཾ། ཨེ་ཝཾ་ཟུང་འཇུག་སོགས་བརྗོད་ཀྱིས་མི་ལང་བ་ཞིག་ཡོད་དོ། །གོང་གི་དེ་དག་ལས་བཀའ་རྙིང་ཐུན་མོང་བའི་ཐ་སྙད་ཀྱང་མང་དུ་སྣང༌། སྟོང་ཉིད་ཀྱི་སྒྲ་བཤད་ནི། དགག་བྱ་བདེན་གྲུབ་ཀྱིས་སྟོང་ཞིང་། རང་གི་གདོད་མའི་ངོ་བོ་ཇི་ལྟ་བ་ཁོ་ནར་གནས་པས་ན་ཉིད་ཅེས་བྱ་སྟེ། པཎ་ཆེན་དཔལ་ལྡན་ཡེ་ཤེས་ཀྱི་དམིགས་བརྩེ་མའི་ལས་ཚོགས་བཅུ་གཅིག་གི་དོན་ཞིབ་ཏུ་བཤད་པ་ཤོག་གྲངས་༥ན༦ལས། སྟོང་པ་ཉིད་ཅེས་པའི་སྟོང་པ་དང་ཉིད་ཀྱི་ཚིག་ལ་བརྟགས་ན། སྟོང་རྒྱུ་ནི་མི་མཐུན་ཕྱོགས་དང་དགག་བྱ་སྟོང་ཞིང་། དེ་ངོ་བོ་ཉིད་ལ་གནས་པས་ན་སྟོང་ཉིད་ཅེས་བྱ་ལ། ཞེས་གསུངས་སོ། །ཡང་ན། སྟོང་པ་ནི་མེད་པའམ་དབེན་པའི་དོན་ཡིན་ལ། གང་མེད་ན། ཆོས་དང་གང་ཟག་གི་བདག་གཉིས་སོ། །ཉིད་ནི་ཁོ་ནའམ་ཙམ་ཞེས་པའི་དོན་ཏེ། བདག་གཉིས་བཀག་ཙམ་མམ་མེད་ཙམ་ཞེས་པའི་དོན་ནོ། །སྤྱིར་སྟོང་པ་ཞེས་པ་མིན་པ་ལའང་འཇུག་སྟེ། དཔེར་ན་བུམ་མིན་པ་ལ་བུམ་པས་སྟོང་ཞེས་པ་ལྟ་བུའོ། །ཟབ་མོ་སྟོང་པ་ཉིད་ལ་མོས་པའི་ཕན་ཡོན་སྐོར། མཁས་གྲུབ་ཐམས་ཅད་མཁྱེན་པའི་སྟོང་ཐུན་སྐལ་བཟང་མིག་འབྱེད་༦ན༦ན་རྒྱས་པར་གསུངས་ཡོད་པས་དེར་བལྟ་བར་བྱའོ། །༦ན་རྒྱས་པར་གསུངས་ཡོད་པས་དེར་བལྟ་བར་བྱའོ། །)
• Dictionaries/sgom sde tshig mdzod chenmo/3677  + ((དབུ་མ) 1 དུས་འཁོར་གྱི་ལུགས་ལ་སྟོང་གཟུགས་ཞ … (དབུ་མ) 1 དུས་འཁོར་གྱི་ལུགས་ལ་སྟོང་གཟུགས་ཞེས་གྲགས་པའི་རྡུལ་ཕྲ་རབ་བསགས་པའི་བེམ་པོས་སྟོང་པ་ལ་སྟོང་པ་ཉིད་ཀྱི་ཐ་སྙད་བྱེད་པ་དེ་ལ་ཟེར། དམིགས་བཅས་ཞེས་པ་ནི། གཉིས་སྣང་དང་བཅས་པ་ལ་ཟེར་རོ། །མཁས་གྲུབ་ཆོས་རྗེའི་སྟོང་ཐུན་སྐལ་བཟང་མིག་འབྱེད་༦ན༣ལས། འོ་ན་རྒྱུད་དེ་ལས། སྟོང་པ་ཉིད་དམིགས་བཅས་སུ་བཤད་པ་མ་ཡིན་ནམ་ཞེ་ན། བཤད་མོད་ཀྱི། དེ་ནི་དགག་བྱ་རྡུལ་ཕྲ་རབ་བསགས་པའི་བེམ་པོས་སྟོང་པ་ལ་སྟོང་པ་ཉིད། ཅེས་ཐ་སྙད་མཛད་པ། རྣམ་པ་ཐམས་ཅད་པའི་གཟུགས་ཀུན་རྫོབ་པ་སྟེ། དགག་བྱ་བདེན་གྲུབ་བཀག་པའི་ཆ་ནས་བཞག་པའི་དེ་ཁོ་ན་ཉིད་ནི་མ་ཡིན་ལ། དེ་ལྟ་བུའི་གཟུགས་ལས་སྐྱེས་པའི་བདེ་བ་ཆེན་པོའི་ཡེ་ཤེས་ནི་དེ་ཁོ་ན་ཉིད་ལ་དམིགས་པའི་ཕྱིར་བདེ་བ་དམིགས་མེད་དུ་ལན་ཅིག་མ་ཡིན་པར་བཤད་དོ། །ཞེས་གསུངས་སོ། །དམིགས་བཅས་དམིགས་མེད་ཀྱི་སྐོར་ལྕང་སྐྱའི་གྲུབ་མཐའ་དབུ་མ་པའི་སྐབས་སུ་བལྟ་བར་བྱའོ། །2 (བཀའ་བརྒྱུད) སྟོང་ཉིད་དང་དོན་གཅིག སྒྲ་བཤད་ནི། སྟོང་ཉིད་ལ་དམིགས་བཅས་ཀྱི་སྟོང་ཉིད་ཅེས་གསུངས་པའི་དམིགས་བཅས་ནི་སྤྲོས་པ་དང་བཅས་པ་དང༌། མཚན་མ་དང་བཅས་པ་དང༌། རྟོག་པ་དང་བཅས་པ་དང༌། རྩོལ་བཅས་རྣམས་མ་ཡིན་གྱི་དམིགས་པ་དངོས་སུ་མཐོང་ཞིང་མྱོང་བའི་དོན་ཡིན་པས་ཡེ་ཤེས་མ་འཁྲུལ་བ་ལ་མངོན་སུམ་དུ་སྣང་བའི་དོན་ནོ། །་མ་འཁྲུལ་བ་ལ་མངོན་སུམ་དུ་སྣང་བའི་དོན་ནོ། །)
• Dictionaries/sgom sde tshig mdzod chenmo/12471  + ((དབུ་མ) ༡ ནང་སྟོང་པ་ཉིད། ༢ ཕྱི་སྟོང་པ་ཉིད། … (དབུ་མ) ༡ ནང་སྟོང་པ་ཉིད། ༢ ཕྱི་སྟོང་པ་ཉིད། ༣ ཕྱི་ནང་སྟོང་པ་ཉིད། ༤ སྟོང་པ་ཉིད་སྟོང་པ་ཉིད། ༥ ཆེན་པོ་སྟོང་པ་ཉིད། ༦ དོན་དམ་པ་སྟོང་པ་ཉིད། ༧ འདུས་བྱས་སྟོང་པ་ཉིད། ༨ འདུས་མ་བྱས་སྟོང་པ་ཉིད། ༩ མཐའ་ཡས་འདས་པ་སྟོང་པ་ཉིད། ༡༠ ཐོག་མ་དང་ཐ་མ་མེད་པའི་སྟོང་པ་ཉིད། ༡༡ དོར་བ་མེད་པ་སྟོང་པ་ཉིད། ༡༢ རང་བཞིན་སྟོང་པ་ཉིད། ༡༣ ཆོས་ཐམས་ཅད་སྟོང་པ་ཉིད། ༡༤ རང་གི་མཚན་ཉིད་སྟོང་པ་ཉིད། ༡༥ མི་དམིགས་པ་སྟོང་པ་ཉིད། ༡༦ དངོས་པོ་མེད་པའི་ངོ་བོ་ཉིད་སྟོང་པ་ཉིད་དོ། །སྟོང་ཉིད་བཅུ་དྲུག་ཞིབ་ཏུ་བཤད་ན། ༡ ༼ ནང་སྟོང་པ་ཉིད ༽ རྗེའི་འཇུག་པའི་རྣམ་བཤད་ཆེན་མོ་དགོངས་པ་རབ་གསལ་ལས། ནང་གི་ཆོས་མིག་ལ་སོགས་པ་དྲུག་པོ། རང་བཞིན་གྱིས་གྲུབ་པ་མེད་པ་ཉིད་གང་ཡིན་པ་དེ་ནི་ནང་སྟོང་པ་ཉིད་དུ་འདོད་དོ། །དེ་ཡང་མིག་ནི་མིག་རང་གི་ངོ་བོ་ཉིད་ཀྱིས་གྲུབ་པས་སྟོང་སྟེ། མིག་དེའི་རང་བཞིན་ནི་རང་གི་ངོ་བོ་ཉིད་ཀྱིས་གྲུབ་བས་སྟོང་པ་དེ་ཡིན་པའི་ཕྱིར་རོ། །མིག་ལ་བཤད་པ་དེ་བཞིན་དུ་རྣ་བ་དང་སྣ་དང་ལྕེ་དང་ལུས་དང་ཡིད་ཀྱང་བསྙད་པར་བྱའོ། །༢ ༼ ཕྱི་སྟོང་པ་ཉིད ༽ རྒྱུད་ཀྱིས་མ་བསྡུས་པའི་གཟུགས་ལ་སོགས་པའི་ཡུལ་དྲུག་རང་བཞིན་གྱིས་གྲུབ་པས་སྟོང་པའི་རང་བཞིན་མེད་པ་ཉིད་ནི། ཕྱི་རོལ་གྱི་སྟོང་པ་ཉིད་དུ་འདོད་དོ། །ཞེས་གསུངས། ༣ ༼ ཕྱི་ནང་སྟོང་པ་ཉིད ༽ ཤེས་རྒྱུད་ཀྱིས་བསྡུས་པའི་དབང་རྟེན་ཁོག་པ་ལྟ་བུ་ནི་ཤེས་རྒྱུད་ཀྱིས་བསྡུས་ཤིང། དབང་པོས་མ་བསྡུས་པས་ན་ཕྱི་ནང་གཉིས་ཆར་ཡིན་ལ། དེ་རང་གི་ངོ་བོ་ཉིད་ཀྱིས་གྲུབ་པའི་རང་བཞིན་མེད་པ་ཉིད་ནི། ཕྱི་ནང་གི་སྟོང་པ་ཉིད་དེ་ལྷག་མ་སྔར་བཞིན་ནོ། །༤ ༼ སྟོང་པ་ཉིད་སྟོང་པ་ཉིད ༽ ཕྱི་ནང་གི་ཆོས་ཀྱི་རང་བཞིན་སྟོང་པ་ཉིད་དེ་ཡང་སྟོང་ཉིད་ཀྱི་ངོ་བོས་གྲུབ་པའམ་བདེན་པས་སྟོང་པར་འདོད་པ་ཡིན་ནོ། །དེ་ལྟར་ན་སྟོང་གཞི་སྟོང་ཉིད་ཅེས་བྱ་བའི་སྟོང་ཉིད་གང་ཡིན་པ་དེ་ནི། སྟོང་པ་ཉིད་སྟོང་པ་ཉིད་དུ་འདོད་པ་སྟེ། སྟོང་པ་ཉིད་བདེན་པས་སྟོང་པར་གསུངས་པ་ནི་སྟོང་ཉིད་དམ་ཆོས་ཉིད་ལ་དངོས་པོ་སྟེ་བདེན་པར་འཛིན་པའི་བློ་ཅན་གྱི་བདེན་པར་འཛིན་པ་བཟློག་པར་བྱ་བའི་ཕྱིར་རྒྱལ་བའི་ཡུམ་ལས་གསུངས་པ་ཡིན་ནོ། ། ༥ ༼ཆེན་པོ་སྟོང་པ་ཉིད༽ ཤར་ལ་སོགས་པའི་ཕྱོགས་ལས་ལོགས་ཤིག་ཏུ་སྣོད་བཅུད་གཉིས་མེད་པས། སེམས་ཅན་དང་སྣོད་ཀྱི་འཇིག་རྟེན་ནི་མི་ལུས་པ་ལ་ཁྱབ་པར་བྱེད་པ་ཉིད་ཡིན་པའི་ཕྱིར་དང། བྱམས་སོགས་ཚད་མེད་བཞི་སྒོམ་པ་ན་ཕྱོགས་ཀྱིས་ཁྱབ་པའི་སེམས་ཅན་ཀུན་ལ་སྒོམ་པས། དམིགས་པའི་སྒོ་ནས་ཚད་མེད་པར་བཞག་པའི་ཕྱིར། ཕྱོགས་ཚད་མེད་པའི་དཔེ་ཡིས་ཏེ་ཚད་མེད་པ་བཞིན་དུ། དེ་ལྟར་སྒོམ་པ་ལ་ཡང་མུ་མཐའ་ནི་མེད་པ་སྟེ་ཚད་མེད་པར་བཞག་པའི་ཕྱིར་ཕྱོགས་བཅུ་ནི་ཆེན་པོ་ཉིད་དོ། །ཤར་ལ་སོགས་པ་འདི་དག་བཅུ་ཆར་ཕྱོགས་རྣམས་ཀྱི་ངོ་བོ་ཉིད་ཀྱིས་གྲུབ་པས་སྟོང་པ་ཉིད་ནི་གང་ཡིན་པ་དེ་ནི་ཆེན་པོ་སྟོང་པ་ཉིད་ཡིན་ཏེ། ཕྱོགས་རྣམས་ཆེན་པོར་རང་བཞིན་གྱིས་གྲུབ་པར་འཛིན་པ་བཟློག་པའི་ཕྱིར་དུ་གསུངས་ཏེ། ཕྱོགས་ལ་ཕྱིན་ཅི་ལོག་ཏུ་འཛིན་པ་ནི་མུ་སྟེགས་བྱེ་བྲག་པས་ཕྱོགས་རྣམས་རྟག་པའི་རྫས་ཉིད་དུ་འཛིན་པ་ལྟ་བུའོ། །༦༼ དོན་དམ་པ་སྟོང་པ་ཉིད ༽ དོན་དམ་ཞེས་པའི་དོན་གྱི་སྒྲ་ནི་འདི་ལ་དོན་ཡོད་དེ་ཞེས་པ་ལྟ་བུ་དགོས་པ་ལ་བྱེད་པ་དང། དོན་ལྔ་ཞེས་པ་ལྟ་བུ་ཤེས་བྱ་ཡུལ་ལ་བྱེད་པ་གཉིས་ལས་འདིར་ནི་མྱ་ངན་ལས་འདས་པ་ཆོས་ཀྱི་སྐུ་ཡིན་ཏེ། མྱང་འདས་དེ་ནི་ཐོབ་པར་བྱ་བའི་དགོས་པ་མཆོག་ཡིན་པས་སོ། །ཆོས་སྐུ་དེ་ནི་དེ་ཡི་རང་གི་ངོ་བོ་ཉིད་ཀྱིས་གྲུབ་པས་སྟོང་པ་ཉིད་གང་ཡིན་པ་དེ་ནི། དོན་དམ་པ་སྟོང་པ་ཉིད་དེ། དེ་ཡང་མྱ་ངན་འདས་པ་ཆོས་སྐུ་དེ་ལ་དངོས་པོ་སྟེ་བདེན་པར་འཛིན་པའི་བློ་ཅན་གྱི་བདེན་པར་འཛིན་པ་བཟློག་པར་བྱ་བའི་ཕྱིར་དོན་དམ་མཁྱེན་པ་སངས་རྒྱས་ཀྱིས་དོན་དམ་པ་སྟོང་པ་ཉིད་ནི་བསྟན་པར་མཛད་དོ། །༧ ༼ འདུས་བྱས་སྟོང་པ་ཉིད ༽ རྒྱུ་རྐྱེན་ལས་བྱུང་བ་སྟེ་སྐྱེས་པའི་ཕྱིར་ཁམས་གསུམ་པོ་ནི་འདུས་བྱས་ཡིན་པར་ངེས་པར་བསྙད་དོ། །ཁམས་གསུམ་པོ་དེ་ནི་དེ་ཡི་རང་བཞིན་གྱིས་གྲུབ་པས་སྟོང་པ་ཉིད་གང་ཡིན་པ་དེ་ནི། འདུས་བྱས་སྟོང་པ་ཉིད་དུ་གསུངས་སོ། །༨༼ འདུས་མ་བྱས་སྟོང་པ་ཉིད ༽ ཆོས་གང་ལ་སྐྱེ་བ་དང་མི་རྟག་པ་སྟེ་འགག་པའམ་འཇིག་པ་དང། གནས་པ་ལས་གཞན་དུ་འགྱུར་བ་དེ་དག་མེད་པ་ནི་འདུས་མ་བྱས་སོ། །དེ་ནི་དེ་ཡི་རང་བཞིན་གྱིས་གྲུབ་པས་སྟོང་པ་ཉིད་གང་ཡིན་པ་དེ་ནི་འདུས་མ་བྱས་སྟོང་པ་ཉིད་དུ་གསུངས་སོ། །༩༼ མཐའ་ལས་འདས་པར་སྟོང་པ་ཉིད ༽ མཐའ་ནི་རྟག་པ་དང་ཆད་པ་གང་དུ་བཟུང་ན་ལོག་པའི་གཡང་དུ་ལྟུང་བ་ཡིན་གྱི། འདུས་མ་བྱས་རྟག་པ་དང་དགྲ་བཅོམ་པ་ལ་ལས་དབང་གི་སྐྱེ་འཆི་བརྒྱུད་པ་ཆད་པར་འཛིན་པ་ལྟ་བུ་ནི་མ་ཡིན་པས། གང་དུ་བཟུང་ན་མི་མཐུན་ཕྱོགས་ཀྱི་གཡང་དུ་ལྟུང་བའི་རྟག་ཆད་དང། རྟག་ཆད་ཙམ་གྱི་ཁྱད་པར་ཕྱེད་པར་བྱའོ། །གཞི་གང་ལ་མཐར་འཛིན་དུ་ལྟུང་བའི་རྟག་ཆད་ཀྱི་མཐའ་ནི་ཡོད་པ་མིན་པ་དེ་ནི། འདིར་མཐའ་ལས་འདས་པར་བརྗོད་དོ། །མཐའ་བྲལ་དེ་ནི་མཐའ་བྲལ་དེའི་རང་བཞིན་གྱིས་གྲུབ་པ་ཁོ་ནས་སྟོང་པ་ཉིད་དེ་ནི།་མཐའ་ལས་འདས་པ་སྟོང་པ་ཉིད་དུ་བསྙད་དོ། །འདི་ནི་ཏིང་འཛིན་རྒྱལ་པོ་ལས། ཡོད་མེད་དང་གཙང་མི་གཙང་གི་མཐའ་གཉིས་སྤངས་ནས། དབུས་ལའང་གནས་པར་མི་བྱེད་དོ། །ཞེས་གསུངས་པ་ལྟར་མཐའ་སྤངས་པའི་དབུས་བདེན་ནམ་སྙམ་པའི་བདེན་འཛིན་བཟློག་པའི་ཕྱིར་དུ་གསུངས་པ་སྟེ། དཔེར་ན་སེམས་ཙམ་པས་རང་གི་ལུགས་ཀྱི་རྟག་ཆད་སོགས་ཀྱི་མཐའ་དང་བྲལ་བའི་དབུས་སེམས་བདེན་གྲུབ་ཏུ་འདོད་པ་ལྟ་བུའོ། །༡༠༼ ཐོག་མ་དང་ཐ་མ་མེད་པའི་སྟོང་པ་ཉིད ༽ འདི་ཡན་ཆད་དུ་མ་བྱུང་ལ་འདི་ནས་བྱུང་ཞེས་པའི་ཐོག་མ་སྟེ་དང་པོ་དང། འདི་ཕྱིན་ཆད་དུ་མི་འབྱུང་ཞེས་པའི་ཐ་མའི་མཐའ་དེ་དག་མེད་པས་འཁོར་བ་ནི་ཐོག་མ་དང། ཐ་མ་མེད་པར་བརྗོད་དོ། །འགྲོ་འོང་རང་བཞིན་གྱིས་གྲུབ་པ་དང་བྲལ་བའི་ཕྱིར་རྨི་ལམ་ལྟ་བུའི་སྲིད་པ་འདི། སྲིད་པ་དེ་ཡི་རང་བཞིན་གྱིས་གྲུབ་པས་དབེན་པ་ཉིད་གང་ཡིན་པ་དེ་ནི། ཐོག་མ་དང་ཐ་མ་མེད་པའི་སྟོང་པ་ཉིད་དོ་ཞེས་བསྟན་བཅོས་ཆེན་པོ་རྒྱལ་བའི་ཡུམ་ལས་ནི་ངེས་པར་བསྙད་དོ། །༡༡༼ དོར་བ་མེད་པའི་སྟོང་པ་ཉིད ༽ དོར་བ་ཞེས་བྱ་བ་ནི་འཐོར་བ་དང་འབོར་བ་ལ་ནི་ངེས་པར་བརྗོད་ལ། དོར་བ་དེ་མེད་པ་ནི་ཕར་ལ་གཏོང་བ་མེད་པ་སྟེ་རང་གི་ངོ་བོ་འགའ་དང་དུས་འགར་ཡང་དོར་དུ་མེད་པ་སྟེ་དོར་དུ་མི་རུང་བ་ཐེག་ཆེན་གང་ཡིན་པའོ། །དོར་བ་མེད་པ་ནི་དོར་བ་མེད་པ་དེ་ཉིད་ཀྱི་རང་བཞིན་གྱིས་གྲུབ་པས་སྟོང་པ་དེ་ཉིད་ཀྱི་སྟོང་པ་ཉིད་གང་ཡིན་པ་དེ་ནི། དོར་བ་མེད་པ་སྟོང་པ་ཉིད་ཅེས་བྱ་བར་བརྗོད་དེ། སྟོང་ཉིད་དེ་དོར་པ་མེད་པའི་རང་བཞིན་ཡིན་པ་དེའི་ཕྱིར་ནའོ། །༡༢ ༼ རང་བཞིན་སྟོང་པ་ཉིད ༽ འདུས་བྱས་ལ་སོགས་པ་རྣམས་ཀྱི་ངོ་བོ་ཆོས་ཉིད་ནི། རང་བཞིན་ཉིད་དུ་བསྙད་ཅིང་བརྗོད་པ་སྟེ། རྒྱུ་མཚན་གང་གི་ཕྱིར་ན་འདུས་བྱས་ལ། སོགས་པ་རྣམས་ཀྱི་ངོ་བོ་ཆོས་ཉིད་ནི།་སློབ་མ་ཉན་ཐོས་དང། རང་སངས་རྒྱས་དང། རྒྱལ་སྲས་བྱང་སེམས་དང་དེ་བཞིན་གཤེགས་པ་རྣམས་ཀྱིས་མ་མཛད་ཅིང། དེ་གསལ་བར་བྱེད་པ་ཡིན་ལ། གདོད་མ་ནས་དེ་དག་གི་གཤིས་སུ་གནས་པ་དེའི་ཕྱིར་རོ། །རང་བཞིན་དེ་ཉིད་དེ་ཉིད་ཀྱི་ངོ་བོ་ཉིད་ཀྱིས་གྲུབ་པས་སྟོང་པ་ཉིད་གང་ཡིན་པ་དེ་ནི་རང་བཞིན་སྟོང་པ་ཉིད་དོ། །འོ་ན་དོན་འདི་སྟོང་པ་ཉིད་སྟོང་པ་ཉིད་ཀྱི་སྐབས་སུ་ཡང་བརྗོད་པ་མ་ཡིན་ནམ་ཞེ་ན། བདེན་མོད་འོན་ཀྱང་སྐབས་སྔ་མར་ནི་ཕྱི་ནང་གི་ཆོས་རྣམས་ཀྱི་སྟོང་ཉིད་དེ། དེ་ཁོ་ན་ཉིད་འཇལ་བའི་རིགས་ཤེས་ཀྱིས་གྲུབ་པས་བདེན་པར་གྲུབ་བམ་སྙམ་པ་བསལ་བའི་ཕྱིར་ཡིན་ལ། འདིར་ནི་སུས་ཀྱང་མ་བྱས་པར་གཤིས་སུ་གྲུབ་པའི་རང་བཞིན་ཡིན་ན། བདེན་པར་གྲུབ་བམ་སྙམ་པ་བསལ་བའི་ཕྱིར་གསུངས་པས་མི་ཟློས་སོ། །དོགས་པའི་རྒྱུ་མཚན་འདི་གཉིས་ཀ་ཆོས་ཉིད་ལ་ཡོད་ཀྱང་བདེན་པར་གྲུབ་པ་འགོག་ནུས་པ་མི་འགལ་བ་འདི་ཤེས་ན། དོན་དམ་བདེན་པ་བློ་གང་གིས་ཀྱང་མི་རྟོགས་པར་འཛིན་པའི་ལོག་པར་རྟོག་པ་རྣམས་ལྡོག་པར་འགྱུར་རོ། །༡༣༼ ཆོས་ཐམས་ཅད་སྟོང་པ་ཉིད ༽ ཆོས་ཐམས་ཅད་ནི་མིག་སོགས་རྟེན་དབང་པོའི་ཁམས་དྲུག་དང། མིག་གི་རྣམ་ཤེས་སོགས་བརྟེན་པ་རྣམ་ཤེས་ཀྱི་ཁམས་དྲུག་དང། གཟུགས་ལ་སོགས་པ་དམིགས་པ་ཡུལ་གྱི་ཁམས་དྲུག་སྟེ་ཁམས་བཅོ་བརྒྱད་དང། མིག་གི་འདུས་ཏེ་རེག་པ་ནས་ཡིད་ཀྱི་འདུས་ཏེ་འདུས་ཏེ་རེག་པའི་བར་རེག་པ་དྲུག་དང། རེག་པ་དེ་དྲུག་ལས་བྱུང་པའི་ཚེར་བ་དྲུག་དང། གཟུགས་ཅན་དང་གཟུགས་ཅན་མིན་པ་ཉིད་དང། དེ་བཞིན་དུ་འདུས་བྱས་དང། འདུས་མ་བྱས་ཀྱི་ཆོས་རྣམས་སོ། །ཆོས་དེ་དག་ཐམས་ཅད་ནི་དེ་དག་གི་ངོ་བོ་ཉིད་ཀྱིས་གྲུབ་པས་དབེན་པའི་སྟོང་པ་ཉིད་གང་ཡིན་པ་འདི་ནི། ཆོས་ཐམས་ཅད་ཀྱི་སྟོང་པ་ཉིད་དོ། ། ༡༤༼ རང་གི་མཚན་ཉིད་སྟོང་པ་ཉིད ༽ གཟུགས་ཕུང་གི་མཚན་ཉིད་ནི་གཟུགས་སུ་རུང་བ་དང་ལ་སོགས་པས་བསྡུས་པ་རྣམ་མཁྱེན་གྱི་བར་གྱི་ཀུན་བྱང་གི་ཆོས་རྣམས་ཀྱི་རང་རང་གི་མཚན་ཉིད་དངོས་པོ་སྟེ་རང་གི་ངོ་བོ་ཉིད་ཀྱིས་གྲུབ་པ་མེད་པ་གང་ཡིན་པ་དེ་ནི་རང་གི་མཚན་ཉིད་སྟོང་པ་ཉིད་དོ། །ཞེས་དང་མཇུག་ཏུ་མདོར་བསྟན་གྱི་སྐབས་ཀྱི་དེ་ཉིད་ལས། གང་ཞིག་འདུས་བྱས་ཀྱི་ཆོས་རྣམས་ཀྱི་མཚན་ཉིད་དང། འདུས་མ་བྱས་ཀྱི་ཆོས་རྣམས་ཀྱི་རང་མཚོན་བྱེད་ཀྱི་མཚན་ཉིད་གང་ཡིན་པ་དེ་རྣམས། དེའི་རང་བཞིན་གྱིས་གྲུབ་པ་དེ་ཁོ་ནས་སྟོང་པ་ཉིད་དེ་ནི་རང་གི་མཚན་ཉིད་སྟོང་པ་ཉིད་དོ། །ཞེས་གསུངས་སོ། །༡༥༼ མི་དམིགས་པ་སྟོང་པ་ཉིད ༽ དེ་ལྟར་བྱུང་བ་འདི་རང་གྲུབ་པའི་དུས་ཕན་ཆད་དུ་མི་གནས་ཤིང། བྱུང་ཟིན་འདས་པ་ནི་བྱུང་བ་དེ་ཞིག་པ་ཡིན་པ་དང་འབྱུང་འགྱུར་མ་འོངས་པ་ནི་འབྱུང་འགྱུར་དེ་ད་ལྟར་མ་སྐྱེས་པའི་ཕྱིར། གསུམ་པོ་དེར་ཡོད་པ་མ་ཡིན་ནོ། །བྱུང་ཟིན་དང་འབྱུང་འགྱུར་དང་ད་ལྟར་བ་དེ་དག་རིམ་པ་བཞིན་དུ་ཞིག་པ་དང་མ་སྐྱེས་པའི་དུས་གཉིས་དང། རང་གྲུབ་པའི་འོག་གང་དུ་མི་དམིགས་པ་དེ་ལ་ནི་མི་དམིགས་པ་ཞེས་བརྗོད་དོ། །མི་དམིགས་པ་དེ་རང་གི་ངོ་བོ་ཉིད་ཀྱིས་གྲུབ་པ་དེ་ཡིས་དབེན་པ་ཉིད་གང་ཡིན་པ་དེ་ནི། ཐེར་ཟུག་ཏུ་གནས་པ་མིན་པ་དང། འཇིག་པ་མིན་པས་ན་མི་དམིགས་པ་ཞེས་བྱ་བའི་སྟོང་པ་ཉིད་དོ། །༡༦ ༼ དངོས་པོ་མེད་པའི་ངོ་བོ་སྟོང་པ་ཉིད ༽ རྒྱུ་དང་རྐྱེན་ལས་བྱུང་བའི་ཕྱིར་ན། དངོས་པོ་རྣམས་ལ་འདུས་པ་སྟེ་རྒྱུ་རྐྱེན་འདུས་པ་ལས་བྱུང་བའི་ངོ་བོ་རང་བཞིན་གྱིས་གྲུབ་པ་མེད་པས། དེ་རྣམས་ལ་དངོས་པོ་མེད་པ་ཞེས་བྱ་ལ། འདུས་པ་ལས་བྱུང་བ་དེ་ཉིད་ཀྱི་ངོ་བོ་ཉིད་ཀྱིས་གྲུབ་པས་སྟོང་པ་ཉིད་ནི། དངོས་པོ་མེད་པའི་ངོ་བོ་ཉིད་ཀྱི་སྟོང་པ་ཉིད་དོ། །ཞེས་གསུངས་པ་ལྟར་རོ། །དོགས་གཅོད། གོང་གི་དེ་ནི་དབུ་མ་འཇུག་པའི་གསུང་ཚུལ་རྗེའི་དགོངས་པ་རབ་གསལ་ལས་གསུངས་པ་ལྟར་བཀོད་པ་ཡིན་ལ། འོན་ཀྱང་རྗེའི་ལེགས་བཤད་གསེར་ཕྲེང་ལས། སྟོང་ཉིད་བཅུ་དྲུག་ལ་རང་གི་མཚན་ཉིད་སྟོང་པ་ཉིད་ཀྱི་སྟེང་དུ་དངོས་པོ་མེད་པ་སྟོང་པ་ཉིད་དང་དངོས་པོ་མེད་པའི་ངོ་བོ་ཉིད་སྟོང་པ་ཉིད་བགྲང་རྒྱུ་ཡིན་པ་ལ་དང་པོ་དོར་ནས་མི་དམིགས་པ་སྟོང་པ་ཉིད་བགྲངས་པ་ནི་རྩ་བ་དང་འགལ་ལོ། །ཞེས་ཀྱང་གསུངས་པས་ད་དུང་དཔྱད་པར་འཚལ་ལོ། ། །ཞེས་ཀྱང་གསུངས་པས་ད་དུང་དཔྱད་པར་འཚལ་ལོ། །)
• Dictionaries/sgom sde tshig mdzod chenmo/2845  + ((དབུ་མ) ༡ རང་རིག་འགོག་ལུགས་ཐུན་མོང་མ་ཡིན་པ … (དབུ་མ) ༡ རང་རིག་འགོག་ལུགས་ཐུན་མོང་མ་ཡིན་པ། ༢ སྔ་རྒོལ་ཕྱི་རྒོལ་གཉིས་ཀ་ལ་རྩོད་གཞི་ཆོས་ཅན་མཐུན་སྣང་དུ་གྲུབ་པའི་སྟེང་ནས་བསྒྲུབ་བྱ་སྒྲུབ་མི་དགོས་པས། རྣམ་འགྲེལ་སོགས་ལས་བཤད་པའི་རང་རྒྱུད་ཀྱི་རྟགས་ཀྱི་རྟགས་སྦྱོར་མི་འདོད་ཅིང༌། ཐལ་འགྱུར་བ་རང་ལུགས་ལ་གཞན་གྲགས་ཀྱི་གཏན་ཚིགས་རང་གྲགས་ཀྱི་གཏན་ཚིགས་ཟེར་བ་དོན་གཅིག་པས། གཞན་གྱི་ཁས་བླང་ལ་འཁྲིས་ནས་བསྒྲུབ་བྱ་སྒྲུབ་པའི་སྦྱོར་ངག་གམ་ཐལ་འགྱུར་ཏེ་དེ་རེས་ཀྱང་དེ་ཁོ་ན་ཉིད་གང་ཟག་གི་བདག་མེད་དང་ཆོས་ཀྱི་བདག་མེད་ཕྲ་མོ་རྟོགས་པའི་རྗེས་དཔག་བསྐྱེད་ནུས་སུ་བཞེད་པ། ༣ དོན་དམ་དཔྱོད་པའི་རིགས་ངོར་མི་དམིགས་ཤིང་ཐ་སྙད་དཔྱོད་པའི་བློ་ངོར་ཇི་ལྟར་བྱས་ཀྱང་དགག་མི་ནུས་པས་བློས་ཕར་བཏགས་ཙམ་གྱི་ཕྱི་དོན་ཡོད་པར་འདོད་པ། ༤ ཐེག་པ་གསུམ་པོ་ཐམས་ཅད་ཀྱི་རང་རང་གི་ཚོགས་ལམ་འབྲིང་ཐོབ་ནས་ཐལ་འགྱུར་བའི་ལུགས་ལ་ཆོས་ཐམས་ཅད་རང་བཞིན་མེད་པར་ལྟ་བའི་ལྟ་བ་རྒྱུད་ལ་སྐྱེས་ཤིང༌། རང་རང་གི་འཕགས་ལམ་ཐོབ་ནས་གང་ཟག་དང་ཆོས་གཉིས་རང་བཞིན་མེད་པ་སྟེ། གང་ཟག་གི་བདག་མེད་དང་ཆོས་ཀྱི་བདག་མེད་ཅིག་ཅར་མངོན་དུ་བྱས་པ་ཞིག་འདོད་པ། བློ་ལ་མངོན་དུ་བྱས་པ་ནི་མངོན་སུམ་དུ་རྟོགས་པ་ལ་ཟེར། ༥ རང་རྒྱུད་པ་མན་གྱིས་མི་འདོད་ཀྱང་ཐལ་འགྱུར་བས་དུག་གསུམ་ཆར་གྱི་ངོ་བོ་བདེན་འཛིན་ཡིན་པས་ཉོན་མོངས་ཕྲ་མོ་དང་གྲུབ་མཐའ་འོག་མས་ཤེས་སྒྲིབ་ཏུ་འདོད་པའི་བདེན་འཛིན་གང་ཡིན་ཉོན་སྒྲིབ་ཏུ་འདོད་པ། ༦ ཞིག་པ་རྒྱུས་སྐྱེད་པས་ཞིག་པ་དངོས་པོར་འདོད་པ། ༧ མདོ་སྡེ་སེམས་ཙམ་དབུ་མ་རང་རྒྱུད་པ་རྣམས་ཀྱིས་འདས་མ་འོངས་གཉིས་འདུས་མ་བྱས་དང་མེད་དགག་ཏུ་འདོད། ད་ལྟ་བ་སྒྲུབ་པ་དང་དངོས་པོར་འདོད། བྱེ་བྲག་སྨྲ་བ་དང༌། ཐལ་འགྱུར་བས་ཞིག་པ་དངོས་པོར་འདོད་པའི་རྒྱུ་མཚན་གྱིས་འདས་མ་འོངས་གཉིས་འདུས་བྱས་དང་མ་ཡིན་དགག་དང༌། ད་ལྟ་བ་སྒྲུབ་པ་དངོས་པོར་འདོད་པ། ༨ མཐའ་ཡི་སོགས་ཁོངས་ནས་ཐོན་པ་ནི་བདག་མེད་གཉིས་སྟོང་ཚུལ་གྱི་སྒོ་ནས་རང་རྒྱུད་པ་མན་གྱིས་འཇོག་པས་གང་ཟག་རང་བཞིན་གྱིས་གྲུབ་པས་སྟོང་པ་གང་ཟག་གི་བདག་མེད་ཕྲ་མོར་འདོད་པ། འདི་ཡན་གྱི་འདོད་ཚུལ་བརྒྱད་ནི་རྗེ་ཙོང་ཁ་པའི་ཊཱིཀ་ཆེན་དགོངས་པ་རབ་གསལ་ལྟར་ཡིན། དགག་ཕྱོགས་གསུམ་དང༌། སྒྲུབ་ཕྱོགས་ནས་ལྔ་སྟེ་ཐལ་འགྱུར་བའི་གྲུབ་མཐའ་ཆེན་པོ་བརྒྱད་ཀྱང་ཟེར། ༩ མངོན་པ་གོང་འོག་གཉིས་ནས་བཤད་པའི་ཉོན་མོངས་རྣམས་རགས་པ་ཡིན་པས་དེ་རྣམས་རེ་ཞིག་སྤངས་པའི་ལམ་མ་ཞུགས་དང་ལམ་ཞུགས་ཚོགས་ལམ་པ་གང་རུང་ཡོད་ཀྱང༌། ཚོགས་ལམ་འབྲིང་ཡན་གྱི་ལམ་བགྲོད་མི་ནུས་པས་མངོན་པ་གཉིས་ནས་བཤད་པའི་དགྲ་བཅོམ་དགྲ་བཅོམ་མ་ཡིན་པར་འདོད་པ། ༡༠ ཐལ་འགྱུར་བས་མི་རྟག་པ་རྟོགས་པའི་བློ་ལ་གྲུབ་མཐའ་འོག་མས་འདོད་པ་ལྟར་མ་གཏོགས་ཕྲ་རགས་གཉིས་མི་འབྱེད་ཀྱང་མི་རྟགས་སོགས་བཅུ་དྲུག་གི་བཅོ་ལྔ་ལ་ཕྲ་རགས་གཉིས་ཕྱེ་བའི་རགས་པའི་མི་རྟག་སོགས་བཅུ་དྲུག་རྟོགས་པའི་རྣལ་འབྱོར་མངོན་སུམ། ལམ་མ་ཞུགས་དང་ལམ་ཞུགས་ཚོགས་ལམ་འབྲིང་མན་ཆད་ལ་ཡང་ཡོད་པར་འདོད་པ། ༡༡ སངས་རྒྱས་ཕལ་པོ་ཆེ་ཡི་མདོ་ཚན་མདོ་སྡེ་ས་བཅུ་པའི་རྗེས་སུ་འབྲངས་ཏེ། དམན་ལམ་སྔོན་དུ་མ་སོང་བས་ས་བརྒྱད་པ་ནས་ཉོན་སྒྲིབ་སྤང་བ་དང༌། ཤེས་སྒྲིབ་ཉོན་སྒྲིབ་ཀྱིས་བཞག་པའི་བག་ཆགས་ལྡན་མིན་འདུ་བྱེད། ཀུན་བཏགས་དང་ལྷན་སྐྱེས་གཉིས་མེད་པ་སྒྲིབ་ལུང་མ་བསྟན་དུ་འདོད་པ། ༡༢ མངོན་སུམ་ལ་རྟོག་པ་དང་བྲལ་མི་དགོས་ཏེ། སོ་སོ་སྐྱེ་བོའི་རྒྱུད་ཀྱི་ཀུན་རྫོབ་ཀྱི་ཆོས་དངོས་ཡུལ་དུ་བྱེད་པའི་ཡིད་ཤེས་ཚོར་བ་བདེ་སྡུག་བཏང་སྙོམས་གསུམ་མངོན་སུམ་ཚད་མ་ཡིན། སྔོ་འཛིན་མིག་ཤེས་ཀྱིས་དྲངས་པའི་སྔོན་པོ་དོན་མཐུན་ངེས་པའི་ངེས་ཤེས་མངོན་སུམ་ཚད་མ་ཡིན། འདི་གཉིས་ནི་རྟོག་པ་ཡིན་པའི་མངོན་སུམ་ཚད་མ་ཡིན། སོ་སྐྱེའི་རྒྱུད་ཀྱི་རྟོག་མེད་མངོན་སུམ་ཚད་མ་ནི། གཞན་སེམས་ཤེས་པའི་མངོན་ཤེས་དང་མངོན་པ་གཉིས་ནས་བཤད་པའི་དགྲ་བཅོམ་པའི་རྒྱུད་ཀྱི་མི་རྟག་སོགས་བཅུ་དྲུག་རྟོགས་པའི་བློ་ལྟ་བུར་འདོད་པ། ༡༣ རྗེས་དཔག་ཚད་མས་དྲངས་པའི་རྟོག་པ་བཅད་ཤེས་དང༌། མངོན་སུམ་ཚད་མས་དྲངས་པའི་མངོན་སུམ་བཅད་ཤེས་གཉིས་ཀ་ཚད་མར་འདོད་པས་བཅད་ཤེས་ཚད་མར་འདོད་པ། ༡༤ ཕྱི་རོལ་པ་ནས་བཟུང་རང་རྒྱུད་པ་མན་ཆད་ཀྱིས་སྣང་བས་ཆད་མཐའམ་མེད་མཐའ་སེལ་ཟེར་བ་ཡིན་ཀྱང༌། ཐལ་འགྱུར་བའི་སྐབས་སུ་སྔ་མ་དེ་གོ་ས་བརྗེས་ནས། སྣང་བས་རྟག་མཐའམ་ཡོད་མཐའ་སེལ། སྟོང་པས་ཆད་མཐའམ་མེད་མཐའ་སེལ་བར་འདོད་པ། ༡༥ འགོག་བདེན་གང་ཡིན་ཐམས་ཅད་དང༌། འདུས་བྱས་འདུས་མ་བྱས་ཐམས་ཅད་ཀྱི་དབྱིངས་སམ་ཆོས་ཉིད་གང་ཡིན་དོན་དམ་བདེན་པར་འདོད་པ། ༡༦ ཉན་རང་དགྲ་བཅོམ་གང་ཡིན་ཐམས་ཅད་སྟོང་ཉིད་ལ་རྩེ་གཅིག་ཏུ་མཉམ་པར་བཞག་པའི་ཚེ་ལྷག་མེད་པ་དང༌། དེའི་རྒྱུད་ཀྱི་མྱང་འདས་ནི་ལྷག་མེད་མྱང་འདས་དང༌། མཉམ་བཞག་ལས་ལྡང་ཚེ་ལྷག་བཅས་པ་དང༌། དེ་ཡི་རྒྱུད་ཀྱི་མྱང་འདས་ལྷག་བཅས་མྱང་འདས་ཡིན་པ། ཤཱ་རིའི་བུ་ལ་རྗེས་སུ་ཟློས་པའི་མདོ་ཡི་རྗེས་སུ་འབྲང་ནས་ཐལ་འགྱུར་བས་འདོད་དོ། །༡༧ ཁ་ནང་ལྟའི་ཤེས་པ་དང་ཁ་ཕྱི་ལྟའི་ཤེས་པ་གཉིས་པ་མི་འདོད་དེ། རང་མྱོང་རང་རིག་མི་འདོད་པས། གཞན་མྱོང་གཞན་རིག་གི་ཤེས་པ་མི་འདོད་པ། བློ་རིག་ཤེས་གསུམ་མངོན་འགྱུར་དུ་སྐྱེ་བ་དང༌། དེས་ཡུལ་མངོན་སུམ་དུ་རྟོགས་ཀྱང༌། བློ་གང་ཡིན་མངོན་ལྐོག་གཉིས་ཀྱི་ནང་ནས་ལྐོག་གྱུར་དུ་འདོད། ༡༨ རྟོག་པས་ཕར་བཏགས་ཙམ་མ་ཡིན་པའི་ཡོད་པ་ཅིག་བྱུང་ཕྱིན་ཆད་དེ་རང་ངོས་ནས་གྲུབ་པའི་དོན་དང༌། རང་བཞིན་གྱིས་གྲུབ་པའི་དོན་དང༌། རང་གི་མཚན་ཉིད་ཀྱིས་གྲུབ་པའི་དོན་ཡིན་པས། སྟོང་ཉིད་གཏན་ལ་འབེབས་བྱེད་ཀྱི་དགག་བྱ་ཕྲ་མོར་འདོད་པའོ། །༡༩ བྱས་བསགས་ཀྱི་ལས་ཞིག་ནས་ལས་བསྐལ་པ་དུ་མ་སོང་བས་ཀྱང་འབྲས་བུ་འབྱིན་པ། ༢༠ ཐལ་འགྱུར་བའི་ལུགས་ཀྱི་བདེན་པ་གཉིས་ནི། མཐར་ཐུག་དཔྱོད་པའི་རིག་ཤེས་ཚད་མ་དེ་ཁྱོད་ལ་མཐར་ཐུག་དཔྱོད་པའི་རིག་ཤེས་སུ་སོང་བའི་རྙེད་པའི་དོན། དོན་དམ་བདེན་པའི་མཚན་ཉིད། མཚན་གཞི་ནི། གང་ཟག་གི་བདག་མེད་ཕྲ་མོ་དང༌། ཆོས་ཀྱི་བདག་མེད་ཕྲ་མོ། སྟོང་ཉིད་བཅོ་བརྒྱད་རྣམས་སོ། །ཐ་སྙད་དཔྱོད་བྱེད་ཀྱི་ཚད་མས་རྙེད་དོན་གང་ཞིག དེ་ཁྱོད་ལ་ཐ་སྙད་པའི་ཚད་མར་སོང་བ། ཀུན་རྫོབ་བདེན་པའི་མཚན་ཉིད། མཚན་གཞི་ནི། དོན་དམ་བདེན་པ་མ་ཡིན་པའི་རྟག་པ་དང་དངོས་པོ་ཐམས་ཅད་ཡིན་ནོ། །ཞེས་ཀློང་རྡོལ་བླ་མ་གསུང༌།་ཐམས་ཅད་ཡིན་ནོ། །ཞེས་ཀློང་རྡོལ་བླ་མ་གསུང༌།)
• Dictionaries/sgom sde tshig mdzod chenmo/3676  + ((དབུ་མ) གཉིས་སྣང་དང་བཅས་པ་ལ་ཟེར། དཔེར་ན་དམིགས་བཅས་ཀྱི་སྟོང་ཉིད་ཅེས་པ་ལྟ་བུ།)
• Dictionaries/sgom sde tshig mdzod chenmo/3672  + ((དབུ་མ) དམིགས་པའི་གཏད་སོ་དང་དོན་འདྲ།)
• Dictionaries/sgom sde tshig mdzod chenmo/12470  + ((དབུ་མ) དམིགས་བཅས་ཀྱི་སྟོང་ཉིད་ཅེས་པའི་ཐད་དུ་གཟིགས།)
• Dictionaries/sgom sde tshig mdzod chenmo/10305  + ((དབུ་མ) བྱང་སེམས་ཀྱི་རྩ་ལྟུང་བཅོ་བརྒྱད་ནི། … (དབུ་མ) བྱང་སེམས་ཀྱི་རྩ་ལྟུང་བཅོ་བརྒྱད་ནི། ༡ བདག་བསྟོད་གཞན་སྨོད་ཀྱི་རྩ་ལྟུང༌། ༢ ཆོས་ནོར་མི་སྟེར་བའི་རྩ་ལྟུང༌། ༣ སེམས་ཅན་ལ་འཚོག་པ་(རྡེག་པ)དང་ཤད་སྦྱང་མི་ལེན་པའི་རྩ་ལྟུང་། ༤ དམ་པའི་ཆོས་སྤོང་བ་དང་ཆོས་ལྟར་སྣང་སྟོན་པའི་རྩ་ལྟུང་། ༥ དཀོན་མཆོག་གི་དཀོར་མ་བྱིན་པར་ལེན་པའི་རྩ་ལྟུང་། ༦ དམ་ཆོས་སྤོང་བའི་རྩ་ལྟུང་། ༧ རབ་བྱུང་ལ་འཚེ་བའི་རྩ་ལྟུང་། ༨ མཚམས་མེད་བྱེད་པའི་རྩ་ལྟུང་། ༩ ལོག་ལྟ་འཛིན་པའི་རྩ་ལྟུང་། ༡༠ གནས་འཇིག་པའི་རྩ་ལྟུང་། ༡༡ སྣོད་མིན་ལ་ཟབ་མོ་བཤད་པའི་རྩ་ལྟུང་། ༡༢ ཐེག་ཆེན་ལས་བཟློག་པའི་རྩ་ལྟུང་། ༡༣ སོ་ཐར་སྤོང་བའི་རྩ་ལྟུང་། ༡༤ ཉན་ཐོས་ཀྱི་ཐེག་པ་ལ་སྐུར་བ་འདེབས་པའི་རྩ་ལྟུང་། ༡༥ (བརྫུན་གྱིས) བདག་བསྟོད་གཞན་སྨོད་ཀྱི་རྩ་ལྟུང་། ༡༦ མི་ཆོས་བླ་མ་བརྫུན་སྨྲའི་རྩ་ལྟུང་། ༡༧ དཀོན་མཆོག་གི་དཀོར་ལེན་པའི་རྩ་ལྟུང་། ༡༨ ཁྲིམས་ངན་འཆའ་བའི་རྩ་ལྟུང་དང་བཅོ་བརྒྱད་དོ། །འདི་ནི་སྡོམ་པ་ཉི་ཤུ་པ་དང་། རྗེའི་བྱང་ཆུབ་སེམས་དཔའི་ཚུལ་ཁྲིམས་ཀྱི་རྣམ་བཤད་བྱང་ཆུབ་གཞུང་ལམ་༤༧བ༦ལས་གསུངས་པ་ལྟར་བཀོད་དོ། །དོགས་གཅོད། འདིར་རྩ་ལྟུང་ཞེས་ཐ་སྙད་བྱེད་ཀྱང་རྗེའི་བྱང་ཆུབ་གཞུང་ལམ་ལས་ཕམ་པའི་ཐ་སྙད་མཛད་ཡོད་དོ། །ཅུང་ཟད་ཞིབ་ཏུ་བཤད་ན།༡ བདག་ལ་བསྟོད་པ་དང་གཞན་ལ་སྨོད་པ། རྙེད་དང་བཀུར་སྟི་ལ་ལྷག་པར་ཞེན་ཏེ་བདག་ལ་བསྟོད་པ་དང་གཞན་ལ་སྨོད་པ་བྱང་སེམས་ཀྱི་ཕམ་པ་ལྟ་བུའི་གནས་དང་པོའོ། །༢ ཆོས་མི་སྟེར་བ་དང་ནོར་མི་སྟེར་བ། ལོངས་སྤྱོད་དག་ཡོད་དེ་བདོག་བཞིན་དུ་ཆགས་པའི་རང་བཞིན་ཅན་གྱིས་སྡུག་བསྔལ་བ་དང་བཀྲེན་པ་དང་མགོན་མེད་པ་དང་། རྟེན་མེད་པའི་སློང་བ་པོ་ལེགས་པར་འོངས་པ་རྣམས་ལ་སྙིང་སྲ་བས་ཟང་ཟིང་མི་གཏོང་བ་དང་སེར་སྣ་བྱེད་པའི་ཕྱིར་དོན་དུ་གཉེར་བ་ལེགས་པར་འོངས་པ་རྣམས་ལ་ཆོས་ཀྱི་བགོ་བཤའ་མི་བྱེད་པ་བྱང་སེམས་ཀྱི་ཕམ་པའི་གནས་ལྟ་བུའི་ཆོས་གཉིས་པའོ། །༣ སེམས་ཅན་ལ་འཚོག་པ་དང་ཤད་སྦྱང་མི་ལེན་པ། གང་གིས་བྱང་ཆུབ་སེམས་དཔའི་ཚིག་རྩུབ་མོ་སྨྲས་པ་ཙམ་གྱིས་གཏོང་བར་མི་བྱེད་དེ་ཁྲོ་བའི་ཀུན་ནས་དཀྲིས་པ་དེ་ལྟ་བུ་འཕེལ་བར་བྱེད་ལ་ཁྲོ་བས་ཟིལ་གྱིས་ནོན་ནས་ལག་པའམ་བོང་བའམ་དབྱུགས་པས་སེམས་ཅན་རྣམས་ལ་རྡེག་པར་བྱེད་རྣམ་པར་འཚེ་བར་བྱེད་རྣམ་པར་མཐོ་འཚམ་པར་བྱེད་ཅིང་། ཁྲོ་བའི་བསམ་པ་བདོ་བ་ཁོན་ཞེ་ལ་བཟུང་སྟེ་གཞན་དག་གིས་ཤད་ཀྱིས་སྦྱངས་ཀྱང་མི་ཉན་ཞིང་མི་བཟོད་ལ་བསམ་པས་མི་གཏོང་བ་འདི་ཡང་བྱང་སེམས་ཀྱི་ཕམ་པའི་གནས་ལྟ་བུའི་ཆོས་གསུམ་པའོ། །༤ དམ་པའི་ཆོས་སྤོང་བ་དང་ཆོས་ལྟར་སྣང་སྟོན་པ། བྱང་སེམས་ཀྱི་སྡེ་སྣོད་ལ་སྐུར་བ་འདེབས་པ་དང་བདག་ཉིད་དམ་གཞན་དག་གི་གཡམ་ལ་དམ་པའི་ཆོས་ལྟར་བཅོས་པ་ལ་མོས་ནས་དེ་ལ་དགའ་བ་དང་སྟོན་པ་དང་འཇོག་པ་ནི་བྱང་སེམས་ཀྱི་ཕམ་པའི་གནས་ལྟ་བུའི་ཆོས་བཞི་པའོ། །སྡོམ་པ་ཉི་ཤུ་པ་ལས། ༡ རྙེད་དང་བཀུར་སྟིར་ཆགས་པ་ཡིས། །བདག་བསྟོད་གཞན་ལ་སྨོད་པ་དང་། །༢ སྡུག་བསྔལ་མགོན་མེད་འགྱུར་བ་ལ། །སེར་སྣས་ཆོས་ནོར་མི་སྟེར་དང་། །༣ གཞན་གྱིས་བཤགས་ཀྱང་མི་ཉན་པར། །ཁྲོས་ནས་གཞན་ལ་འཚོག་པ་དང་། །ཐེག་པ་ཆེན་པོ་སྤོང་བྱེད་ཅིང་། །དམ་ཆོས་འདྲར་སྣང་སྟོན་པའོ། །ཞེས་གསུངས་སོ། །སྡོམ་ནི། བདག་བསྟོད་གཞན་སྨོད་ཆོས་ནོར་མི་སྟེར་ཞིང་། །གཞན་ལ་རྡེག་ཅིང་བཤགས་ཀྱང་མི་ཉན་དང་། །ཐེག་ཆེན་སྤོང་དང་ལྟར་སྣང་ཆོས་སྟོན་པ། །བཞི་པོ་འདི་དག་ཕམ་འདྲའི་ཆོས་བཞི་ཡིན། །ཞེས་འབྱུང་བ་ལྟར་རྩ་ལྟུང་བཞི་པོ་རྣམས་སོ་སོར་ཕྲལ་ན་བདག་ལ་བསྟོད་པ་དང་གཞན་ལ་སྨོད་པ་སོགས་བརྒྱད་དུ་འགྱུར་བ་ཡིན་ནོ། །སྡོམ་པ་ཉི་ཤུ་པ་དང་རྗེའི་བྱང་ཆུབ་གཞུང་ལམ་གཉིས་ཀར་དེ་ལྟར་གསུངས་སོ། །༥ དཀོན་མཆོག་གི་དཀོར་མ་བྱིན་པར་ལེན་པའི་ཕམ་པ།(འདིའི་དཀོན་མཆོག་ནི་དཀོན་མཆོག་གསུམ་ག་དང་། དེ་ཡང་སངས་རྒྱས་ནི་སངས་རྒྱས་དངོས་སམ་སྐུ་གཟུགས་སོགས་གང་རུང་། ཆོས་ནི་ལུང་རྟོགས་གཉིས། དགེ་འདུན་ནི་ཕྱོགས་བཅུའི་དགེ་འདུན་ནོ) ༦ དམ་ཆོས་སྤོང་བའི་ཕམ་པ། (འདིའི་དམ་ཆོས་ནི། རྗེའི་བྱང་ཆུབ་གཞུང་ལམ་༥༨བ༢ལས། ཐེག་པ་གསུམ་དང་ལྡན་པའི་མདོ་སྡེ་གང་རུང་ངོ་། །ཞེས་གསུངས་པ་ལྟར་རོ། །སྤོང་ཚུལ་ནི། དེ་བཞིན་གཤེགས་པས་གསུངས་པ་མ་ཡིན་ནོ། །ཞེས་སྐུར་བ་འདེབས་པའོ) ༧ རབ་བྱུང་ལ་འཚེ་བའི་ཕམ་པ། (རྗེའི་བྱང་ཆུབ་གཞུང་ལམ་༥༩ན༥ལས། འཚེ་བའི་ཡུལ་ནི། མདོ་ལས་སངས་རྒྱས་ཀྱི་རྗེས་སུ་རབ་ཏུ་བྱུང་བ་བྱས་པ་བསླབ་པའི་གཞི་བཟུང་མ་བཟུང་དང་ཚུལ་ཁྲིམས་འཆལ་བ་དང་ཚུལ་ལྡན་གང་རུང་ལ་གསུངས་ཤིང་། ཚིགས་བཅད་དེ་ལའང་འང་གི་སྒྲ་ཡོད་པས་ཚུལ་ཁྲིམས་འཆལ་བའི་དགེ་སློང་ཞེས་པ་མཚོན་པ་ཙམ་མོ། །འཚེ་བ་ཇི་ལྟར་བྱས་པ་ལ་ཀུན་སློང་ནི། ཡུལ་དེ་ལ་གནོད་ཅིང་འཚེ་བའི་བསམ་པ་སྟེ་ཉོན་མོངས་ཅན་ནོ། །སྦྱོར་བ་ནི། གོས་ངུར་སྨྲིག་འཕྲོག་པ་དང་རབ་བྱུང་ལས་ཕབ་སྟེ་ཁྱིམ་ན་གནས་པ་བྱེད་དུ་འཇུག་པ་གང་རུང་བྱས་པའོ། །ཞེས་གསུངས་སོ) ༨ མཚམས་མེད་བྱེད་པའི་ཕམ་པ། ༩ ལོག་ལྟ་འཛིན་པའི་ཕམ་པ། ༡༠ གནས་འཇིག་པའི་ཕམ་པ། ༡༡ སྣོད་མིན་ལ་ཟབ་མོ་བཤད་པའི་ཕམ་པ། ༡༢ ཐེག་ཆེན་ལས་བཟློག་པའི་ཕམ་པ། (ཐེག་ཆེན་ལ་ཞུགས་པ་ལ་ཁྱོད་ཀྱིས་ཕྱིན་དྲུག་སྤྱད་པར་མི་ནུས་ཤིང་འཚང་རྒྱ་བར་མི་ནུས་ཀྱིས་ཉན་རང་ལ་གཞུག་པར་རིགས་སོ་ཞེས་སེམས་ཤུགས་ཉམས་སུ་བཅུག་སྟེ་ཐེག་ཆེན་ལས་བཟློག་ཏུ་འཇུག་པའོ) ༡༣ སོ་ཐར་སྤོང་བའི་ཕམ་པ། (རྗེའི་བྱང་ཆུབ་གཞུང་ལམ་༦༠བ༣ལས། འདུལ་བའི་ཚུལ་ཁྲིམས་དག་པས་ཅི་ཞིག་བྱ་རྫོགས་བྱང་དུ་སེམས་བསྐྱེད་ལ་ཐེག་ཆེན་ལྷོགས་ཤིག་དང་ཉོན་མོངས་པའི་རྐྱེན་གྱིས་བྱུང་བའི་སྒོ་གསུམ་གྱི་ཉེས་སྤྱོད་ཐམས་ཅད་དག་པར་འགྱུར་རོ་ཞེས་སེམས་བསྐྱེད་དང་ཐེག་ཆེན་བཀླགས་པ་ཙམ་གྱིས་འདག་པར་སྨྲ་བའོ། །ཞེས་གསུངས) ༡༤ ཉན་ཐོས་ཀྱི་ཐེག་པ་ལ་སྐུར་བ་འདེབས་པའི་ཕམ་པ། (རྗེའི་བྱང་ཆུབ་གཞུང་ལམ་༦༡ན༢ལས། སྐུར་བ་འདེབས་པའི་ཚུལ་ནི། ཐེག་པ་དེ་དག་ལ་ཇི་ཙམ་བསླབས་ཀྱང་ཉོན་མོངས་པ་མཐར་འབྱིན་པའམ་མ་ལུས་པར་སྤོང་མི་ནུས་སོ་ཞེས་བསམ་པ་ཐག་པ་ནས་སྐུར་བ་འདེབས་པའོ། །ཞེས་དང་། ཡང་དེ་ཉིད་ལས། ཕམ་པ་འདི་དང་ཕམ་པ་གཉིས་པའི་ཉན་རང་གི་ཆོས་སྤངས་པ་གཉིས་ནི་མི་འདྲ་སྟེ། སྔ་མ་ལུང་ཡིན་ལ་འདི་རྟོགས་པ་ཡིན་པ་དང་སྔ་མ་ནི་རྒྱལ་བས་མ་གསུངས་ཞེས་སྤོང་ལ་འདི་ནི་སྲིད་པའི་རྩ་བ་གཅོད་མི་ནུས་པས་འཁོར་བ་ལས་འབྱུང་བར་མི་ནུས་ཞེས་སྤོང་བའི་ཕྱིར་རོ། །ཞེས་གསུངས) ༡༥ (བརྫུན་གྱིས)བདག་བསྟོད་གཞན་སྨོད་ཀྱི་ཕམ་པ། (བྱང་ཆུབ་གཞུང་ལམ་༥༡བ༤ལས། རྙེད་བཀུར་དང་ཚིགས་བཅད་ཀྱི་ཆེད་དུ་ཐེག་ཆེན་འདོན་པ་དང་ཀློག་པ་དང་སྟོན་པ་སོགས་བྱེད་བཞིན་དུ་བདག་ནི་རྙེད་བཀུར་སོགས་ལ་མི་ལྟ་བའི་ཐེག་ཆེན་པ་ཡིན་གྱི་གཞན་ནི་མིན་ནོ་ཞེས་ལྕེ་གཉིས་བྱེད་པའོ། །ཞེས་གསུངས།) ༡༦ མི་ཆོས་བླ་མ་བརྫུན་སྨྲའི་ཕམ་པ།(བྱང་ཆུབ་གཞུང་ལམ་༦༢ན༦ལས། སྟོང་པ་ཉིད་ཀྱི་ཆོས་བསྟན་ནས་འདི་ནི་ཁོ་བོས་མངོན་སུམ་དུ་བྱས་ནས་ཁྱོད་ལ་སྙིང་བརྩེ་བས་བསྟན་གྱི་ཁྱོད་ཀྱིས་ཀྱང་འདི་མངོན་སུམ་དུ་འགྱུར་བ་དེ་ལྟར་སྒོམས་ཤིག་དང་ཁོ་བོ་དང་འདྲ་བར་འགྱུར་རོ། །ཞེས་སྨྲ་བའོ། །ཞེས་གསུངས་པ་ལྟར་རོ) ༡༧ དཀོན་མཆོག་གི་དཀོར་ལེན་པའི་ཕམ་པ། (རྗེའི་བྱང་ཆུབ་གཞུང་ལམ་༦༦བ༣ལས། འདི་ནི་མདུན་ན་འདོན་དང་བློན་པོ་སོགས་ཀྱིས་རྒྱལ་རིགས་རྣམས་ལ་བརྟེན་ནས་དགེ་སྦྱོང་ལ་ནོར་གྱི་ཆད་པས་གཅོད་ལ། དེ་ལྟར་བྱས་པ་ན་དེ་དག་གིས་གང་ཟག་གིའམ་དགེ་འདུན་གྱིའམ་ཕྱོགས་བཞིའི་དགེ་འདུན་གྱིའམ་མཆོད་རྟེན་གྱི་ཡོ་བྱད་དག་རྐུར་བཅུག་ནས་དེ་དག་ལ་གསུག་ཏུ་འབུལ་ལོ། །དེ་དག་གིས་ཀྱང་རྒྱལ་རིགས་ལ་འབུལ་ཏེ་རྒྱལ་པོ་དང་བློན་པོ་སོགས་ལ་རྩ་ལྟུང་ངོ་། །ཞེས་གསུངས) ༡༨ ཁྲིམས་ངན་འཆའ་བའི་ཕམ་པ། (རྗེའི་བྱང་ཆུབ་གཞུང་ལམ་༦༧ན༡ལས། ཁྲིམས་འཆའ་བའི་ཡུལ་ནི། ཆོས་སྤྱོད་པའི་དགེ་སློང་རྣམས་སོ། །ཁྲིམས་ཇི་ལྟར་བཅས་པ་ནི། དེ་དག་རྣམས་ལ་བརྩེ་བའི་བསམ་པས་(འདིའི་བརྩེ་བ་ནི་བྱམས་སྙིང་རྗེའི་བརྩེ་བ་ལ་མི་གོ་བར་མི་བཟོད་པའམ་འཚེ་བའི་བསམ་པ་ལ་གོ་དགོས)ཞི་གནས་དང་ལྷག་མཐོང་དང་མཐུན་པའི་ཡིད་བྱེད་འདོར་བ་དང་ཉོན་མོངས་པ་མང་དུ་འགྱུར་བའི་ཁྲིམས་བཅས་པའོ། །ཞེས་གསུངས) ༧སྐྱབས་རྗེ་ཕ་བོང་ཁ་རིན་པོ་ཆེའི་ཐུན་དྲུག་བླ་མའི་རྣལ་འབྱོར་ལས། བྱང་སེམས་ཀྱི་རྩ་ལྟུང་བཅོ་བརྒྱད་ལ་བསྔོ་བགྲང་བྱ་བ་ནི། བདག་བསྟོད་གཞན་སྨོད་༡ཆོས་ནོར་མི་སྟེར་༢ཞིང༌། །བཤགས་ཀྱང་མི་ཉན་༣ཐེག་ཆེན་སྤོང་བ་༤དང༌། (དོགས་གཅོད། བྱང་སེམས་ཀྱི་རྩ་ལྟུང་བཅོ་བརྒྱད་ལས་དང་པོ་བཞི་ལ་ཕྱེ་ན་བརྒྱད་དུ་འགྱུར་དགོས་པས། སྐྱབས་རྗེ་ཕ་བོང་ཁ་རིན་པོ་ཆེའི་ཐུན་དྲུག་བླ་མའི་རྣལ་འབྱོར་ལས། གཞན་ལ་འཚོག་པ་དང་། དམ་ཆོས་འདྲར་སྣང་སྟོན་པ་གཉིས་མི་འབྱུང་བས། སྡོམ་པ་ཉི་ཤུ་པ་དང་རྗེའི་བྱང་ཆུབ་གཞུང་ལམ་གཉིས་ཀ་དང་མི་མཐུན་པས་ནོར་བའི་སྐྱོན་དུ་མཐོང་ངོ་། །དེ་ཡང་སྡོམ་པ་ཉི་ཤུ་པ་ལས། གཞན་གྱིས་བཤགས་ཀྱང་མི་ཉན་པར། །ཁྲོས་ནས་གཞན་ལ་འཚོག་པ་དང་། །ཐེག་པ་ཆེན་པོ་སྤོང་བྱེད་ཅིང་། །དམ་ཆོས་འདྲར་སྣང་སྟོན་པའོ། །ཞེས་གསལ་བར་གསུངས་སོ། །དེས་ན། བདག་བསྟོད་གཞན་སྨོད་ཆོས་ནོར་མི་སྟེར་ཞིང་། །བཤགས་ཀྱང་མི་ཉན་གཞན་ལ་རྡེག་པ་དང་། །ཐེག་ཆེན་སྤོང་དང་ལྟར་སྣང་ཆོས་སྟོན་པའོ། །ཞེས་འདོན་དགོས་སོ) །དཀོན་མཆོག་དཀོར་འཕྲོག་༥ཆོས་སྤོང་༦ངུར་སྨྲིག་འཕྲོག ༧།མཚམས་མེད་ལྔ་༨་དང་ལོག་ལྟ་༩གྲོང་སོགས་འཇོམས་༡༠། །མ་སྦྱངས་སྟོང་ཉིད་་བསྟན་༡༡དང་རྫོགས་བྱང་བཟློག༡༢ །སོ་ཐར་སྤོང་༡༣དང་ཉན་སྨོད་༡༤ཟབ་བརྫུན་སྨྲ༡༥། །མཆོག་གསུམ་དཀོར་ལེན་༡༦ཁྲིམས་ངན་འཆའ་༡༧སེམས་གཏོང༌༡༨། །(གོང་དུ་བཤད་པའི་རྩ་ལྟུང་བཅོ་བརྒྱད་ལས། ལོག་ལྟ་དང་སེམས་གཏོང་བ་གཉིས་མ་གཏོགས་པ། གཞན་བཅུ་དྲུག་ལ་ཀུན་དཀྲིས་བཞི་པོ་གང་རུང་ཞིག་ཚང་དགོས་སོ) ཉེས་དམིགས་མི་བལྟ་༡སྤྱོད་འདོད་མ་ལོག་༢དང༌། །དགའ་མགུ་༣ངོ་ཚ་ཁྲེལ་མེད་༤ ཀུན་དཀྲིས་བཞི། །ཚང་དགོས་བཅུ་དྲུག་མི་དགོས་ལོག་ལྟ་དང༌། །སེམས་འདོར་གཉིས་བཅས་རྩ་ལྟུང་བཅོ་བརྒྱད་བསྲུང༌། །(རྩ་ལྟུང་བཅོ་བརྒྱད་ཀྱི་གྲངས་འདྲེན་ལ་དོགས་གཅོད) སློབ་དཔོན་ཙནྡྲ་གོ་མིའི་སྡོམ་པ་ཉི་ཤུ་པ་དང་རྗེའི་བྱང་སེམས་ཀྱི་རྩ་ལྟུང་གི་རྣམ་བཤད་ལས་རྩ་ལྟུང་བཅོ་བརྒྱད་འདྲེན་པའི་ཚེ་བྱང་སེམས་འདོར་བ་མི་འབྱུང་བར་དེའི་དོད་ལ་བདག་བསྟོད་གཞན་སྨོད་གོང་འོག་ཏུ་ལན་གཉིས་འབྱུང་ལ། འོན་ཀྱང་སྐྱབས་རྗེ་ཕ་བོང་ཁ་པའི་ཐུན་དྲུག་བླ་མའི་རྣལ་འབྱོར་དུ། བདག་བསྟོད་གཞན་སྨོད་དང་པོ་དང་བཅུ་བཞི་པ་གཉིས་ཀར་འབྱུང་བ་དེ་གཉིས་ཟློས་སྐྱོན་ལྟ་བུར་གཟིགས་ནས། དེ་གཉིས་ལས་གཅིག་དོར་ནས། བྱང་སེམས་འདོར་བ་བསྣན་ཏོ། །དེ་ཡང་ཁུངས་མེད་པ་མ་ཡིན་པར་ཐབས་ལ་མཁས་པའི་མདོ་ལས་འདི་རྩ་ལྟུང་དུ་གསུངས་པས་དེ་ལ་བསམས་ནས་བཀོད་པར་སེམས་སོ། །(ཀུན་དཀྲིས་གསུམ་གྱི་ཁྱད་པར) ཀུན་དཀྲིས་ཆེ་འབྲིང་ཆུང་གསུམ་གྱི་ཁྱད་པར་ནི། ཉེས་དམིགས་མི་བལྟ་བ། སྤྱོད་འདོད་མ་ལོག་པ། དགའ་ཞིང་མགུ་བ། ངོ་ཚ་ཁྲེལ་མེད་བཅས་བཞི་པོ་ཐམས་ཅད་ཚང་ན། ཀུན་དཀྲིས་ཆེན་པོ། ཉེས་དམིགས་སུ་མི་བལྟ་བ་འདི་ཀུན་དཀྲིས་བཞི་ལས་ཚབས་ཆེ་ཤོས་ཡིན་པས་འདི་ཡོད་ན། གཞན་གསུམ་ག་མེད་ཀྱང་། ཀུན་དཀྲིས་འབྲིང་། ཉེས་དམིགས་སུ་བལྟ་བ་མེད་ན། གཞན་གསུམ་ག་ཚང་ཡང་། ཀུན་དཀྲིས་ཆུང་ངུ་ཞེས་བྱའོ། །རྗེའི་བྱང་སེམས་ཀྱི་རྩ་ལྟུང་གི་རྣམ་བཤད་༦༥ན༣ལས། ཀུན་དཀྲིས་ཆེན་པོ་ངོས་གཟུང་བ་ནི་ཕམ་པའི་གནས་ལྟ་བུའི་ཆོས་བཞི་པོ་འདི་དག་རྒྱུན་མ་ཆད་པར་ཀུན་ཏུ་སྤྱོད་པ་དང་ངོ་ཚ་ཤེས་པ་དང་ཁྲེལ་ཡོད་པ་ཆུང་ངུ་ཙམ་ཡང་མི་སྐྱེད་པ་དང་དེས་མགུ་བར་བྱེད་ཅིང་དེ་ལ་དགའ་བ་དང་དེ་ཉིད་ལ་ཡོན་ཏན་དུ་ལྟ་བ་ཅན་དུ་གྱུར་པ་འདི་ནི་ཀུན་ནས་དཀྲིས་པ་ཆེན་པོ་ཡིན་པར་རིག་པར་བྱའོ། །ཞེས་དང་། ཡང་དེ་ཉིད་༧༢ན༡ལས། དེས་ན་ཀུན་དཀྲིས་ཆེན་པོའི་ཡན་ལག་མ་ཚང་བའི་ཉེས་དམིགས་སུ་ལྟ་བ་འདུག་ན་ལྷག་མ་ཐམས་ཅད་ཚང་ཡང་ཆུང་ངུར་ཤེས་པར་བྱ་ལ་ཉེས་དམིགས་སུ་ལྟ་བ་མི་འདུག་ན་འབྲིང་དུ་ཤེས་པར་བྱའོ། །ཞེས་གསུངས་སོ། །ག་ན་འབྲིང་དུ་ཤེས་པར་བྱའོ། །ཞེས་གསུངས་སོ། །)
• Dictionaries/sgom sde tshig mdzod chenmo/9847  + ((དབུ་མ) རྗེ་ཙོང་པ་ཆེན་པོས་མཛད་པའི་བསྟན་བཅོ … (དབུ་མ) རྗེ་ཙོང་པ་ཆེན་པོས་མཛད་པའི་བསྟན་བཅོས་ཤིག་སྟེ། སྟོན་པ་ཐུབ་པའི་དབང་པོ་ལ་ཟབ་མོ་རྟེན་འབྱུང་གསུངས་པའི་སྒོ་ནས་བསྟོད་པ་ལེགས་བཤད་སྙིང་པོ་ཆུང་བ་ཞེས་བྱ་བ་དེའོ། །འདི་ལ་ལོ་རྒྱུས་སྙན་པོ་ཞིག་ཡོད་པ་འདི་ལྟར། འདི་སྔོན་སྤྲང་པོ་གནས་སྐོར་བ་ཞིག་གིས་ངག་ནས་སྐྱོར་བཞིན་འགྲོ་བ་བོ་དོང་ཕྱོགས་ལས་རྣམ་རྒྱལ་གྱིས་གསན་ནས། དང་པོར་ཀླུ་སྒྲུབ་ཀྱིས་མཛད་དམ་སྙམ་པ་དང་། དེ་ནས་ཟླ་གྲགས་ཀྱིས་མཛད་སྙམ་པ་སོགས་བྱུང་བ་ན། མཇུག་ནས་རིམ་པར་ཀླུ་སྒྲུབ་དང་ཟླ་བའི་གཞུང་ལ་བརྟེན་ཚུལ་གྱི་གཞུང་ཚིག་ཐོས་པ་ན། དེ་དག་མིན་པར་མཁྱེན་ཏེ་སྤྲང་པོ་དེ་ལ་དྲི་བ་མཛད་པར། རྗེ་ཙོང་ཁ་པ་ཆེན་པོས་མཛད་ཅེས་ཟེར་བས་རྗེ་བླ་མ་ལ་དད་པ་ལྡོག་ཏུ་མེད་པ་སྐྱེས་ནས་མཇལ་བར་བྱོན་ཀྱང་རྗེ་བླ་མ་གཞན་དོན་དུ་དག་ཞིང་ལ་གཤེགས་ཟིན་པ་དང་ཐུག་སྟེ་མཇལ་མ་ཐུབ་ཀྱང་། མཇལ་རྟེན་གསེར་དངུལ་སོགས་ནམ་མཁར་གཏོར་ཏེ་སྨོན་ལམ་བཏབ་པས། དེ་དག་དགའ་ལྡན་གྱི་གདན་སར་བབས་པ་སོགས་ཀྱི་རྣམ་ཐར་ངོ་མཚར་བ་ཡོད་ཚུལ། ལམ་རིམ་རྣམ་གྲོལ་ལག་བཅངས་སུ་གསལ་ལོ། །མཁས་གྲུབ་ཆོས་རྗེས་མཛད་པའི་༼ རྗེའི་གསང་བའི་རྣམ་ཐར་རིན་པོ་ཆེའི་སྙེ་མ་ལས ༽ གཉལ་ཕྱོགས་སུ་བསྟན་པ་དང་སེམས་ཅན་གྱི་དོན་རྨད་དུ་བྱུང་བ་རྣམས་ལེགས་པར་མཛད་ནས་སླར་ཡང་འོལ་ཁར་ཕེབས། དེ་ནས་འོ་དེ་གུང་རྒྱལ་གྱི་ལྷ་ཞོལ་དབེན་གནས་ལྷ་སྡིངས་སུ་ལོ་གཅིག་བཞུགས་ཆོས་མང་དུ་གསུངས། དེ་ཡང་ཐལ་རང་གི་ལྟ་བའི་གནད་རྣམས་ལ། བྱ་བྲལ་ལ་འབྱོན་པའི་གོང་ཉིད་ནས་དེ་བར་དུ་དཔྱད་པ་ནར་མར་མཛད་ནའང༌། མཐར་ཐུག་པའི་གནད་ལ་མི་བདེ་བ་གཏན་ནས་ལོག་པའི་ངེས་པ་འདྲེན་མ་ཐུབ། གནས་དེར་བླ་མ་དང་རྗེ་བཙུན་འཇམ་པའི་དབྱངས་ཐ་མི་དད་དུ་བྱས་ཤིང་གསོལ་བ་དྲག་ཏུ་འདེབས་པ་དང༌། རིགས་པའི་དཔྱད་པ་ཞིབ་པར་མཛད་པས། བྱིན་གྱིས་བརླབས་པའི་མཚན་མ་ཁྱད་པར་ཅན་ཡང་བྱུང༌། སློབ་དཔོན་སངས་རྒྱས་བསྐྱངས་ཀྱི་འགྲེལ་པ་བུདྡྷ་པཱ་ལི་ཏ་ལ་ལེགས་པར་གཟིགས་པས་ཀྱང་མཚམས་སྦྱར་ཏེ། མགོན་པོ་ཀླུ་སྒྲུབ་ཡབ་སྲས་ཀྱི་ལྟ་བའི་གནད་མཐར་ཐུག་པ་དང་དགག་བྱའི་མཚམས་འཛིན་སོགས་ལ་སྔར་དང་མི་འདྲ་བའི་ངེས་པ་གཏིང་ཚུགས་པ་འཁྲུངས་ཤིང༌། མཚན་འཛིན་གྱི་དམིགས་གཏད་ཐམས་ཅད་ཞིག དེ་ཁོ་ན་ཉིད་ཀྱི་དོན་ལ་མཐའ་གཞན་དུ་དོགས་པའི་སྒྲོ་འདོགས་ལྷག་མ་མེད་པར་དྲུངས་ཕྱུང་བར་གྱུར་ཏེ། སྟོན་པ་ལ་ཤེས་ནས་དད་པ་ཐོབ་པའི་ཤུགས་ཀྱིས་དྲངས་པ། ཟབ་མོ་རྟེན་ཅིང་འབྲེལ་པར་འབྱུང་བ་གསུང་བའི་སྒོ་ནས་བསྟོད་པ་ལེགས་པར་བཤད་པའི་སྙིང་པོ་ཞེས་བྱ་བའང་མཛད་དོ། །ཞེས་གསུངས།པའི་སྙིང་པོ་ཞེས་བྱ་བའང་མཛད་དོ། །ཞེས་གསུངས།)
• Dictionaries/sgom sde tshig mdzod chenmo/3686  + ((དབུ་མ) སེམས་ཅན་བདེན་སྟོང་དུ་ཚད་མས་གྲུབ་པའ … (དབུ་མ) སེམས་ཅན་བདེན་སྟོང་དུ་ཚད་མས་གྲུབ་པའི་གང་ཟག་གི་རྒྱུད་ཀྱི་སྙིང་རྗེ་ཡིན་པ་གང་ཞིག བདེན་སྟོང་གིས་ཁྱད་པར་བྱས་ནས། སེམས་ཅན་ལ་དམིགས་ནས་སྡུག་བསྔལ་དང་བྲལ་བར་འདོད་པའི་རྣམ་པ་ཅན་གྱི་བརྩེ་བ་དེ། དམིགས་མེད་ལ་དམིགས་པའི་སྙིང་རྗེའི་མཚན་ཉིད། དབུ་མ་ལ་འཇུག་པ་ལས། རང་བཞིན་ཉིད་ཀྱིས་སྟོང་པར་མཐོང་བ་ཡིས། །ཞེས་པས་བསྟན། ཞིབ་པར་སྙིང་རྗེ་གསུམ་ཞེས་པའི་ཐད་དུ་གཟིགས། ཞིབ་པར་སྙིང་རྗེ་གསུམ་ཞེས་པའི་ཐད་དུ་གཟིགས།)
• Dictionaries/sgom sde tshig mdzod chenmo/13030  + ((དབུ་མ) སེམས་བསྐྱེད་ལ་མྱོང་བའི་རྣམ་པ་ཐན་ཐུ … (དབུ་མ) སེམས་བསྐྱེད་ལ་མྱོང་བའི་རྣམ་པ་ཐན་ཐུན་རྒྱུད་ལ་སྐྱེས་པའི་མཚམས་ནས་སྨོན་སེམས་དམ་བཅའ་ཅན་ཆོ་གས་གཟུང་བ་ཡིན་ནོ། །འདི་ལ་དམ་བཅའ་ཅན་ཟེར་བའི་རྒྱུ་མཚན་ནི། སྨོན་སེམས་ཆོ་གས་བླངས་པའི་ཚེ་རང་རྒྱུད་ལ་གང་སྐྱེས་པའི་སེམས་བསྐྱེད་ལ་དམིགས་ནས་དུས་ནམ་དུ་ཡང་མ་གཏང་ངོ་སྙམ་དུ་ཡི་དམ་བརྟན་པོ་གཟུང་བས་ན་དེ་སྐད་ཅེས་བྱའོ། །སྨོན་སེམས་དམ་བཅའ་ཅན་གཟུང་བའི་ཆོ་ག་ནི། གོང་དུ་སེམས་བསྐྱེད་ལེན་པའི་ཆོ་ག་དང་དོན་གཅིག་ཡིན་ནོ། །་བསྐྱེད་ལེན་པའི་ཆོ་ག་དང་དོན་གཅིག་ཡིན་ནོ། །)
• Dictionaries/sgom sde tshig mdzod chenmo/12403  + ((དབུ་མ) སེམས་ཙམ་ལ་དམིགས་པའི་སྙིང་རྗེ་དང་། … (དབུ་མ) སེམས་ཙམ་ལ་དམིགས་པའི་སྙིང་རྗེ་དང་། ཆོས་ལ་དམིགས་པའི་སྙིང་རྗེ་དང་། དམིགས་མེད་ལ་དམིགས་པའི་སྙིང་རྗེ་དང་གསུམ་མོ། །དེ་ལ་མི་རྟག་པ་དང་བདག་མེད་སོགས་ཀྱིས་ཁྱད་པར་དུ་མ་བྱས་པའི་སེམས་ཙམ་ལ་དམིགས་པའི་སྙིང་རྗེ་ལ། སེམས་ཙམ་ལ་དམིགས་པའི་སྙིང་རྗེ་དང་། སྐད་ཅིག་གིས་འཇིག་པའི་སེམས་ཅན་ལ་དམིགས་པའི་སྙིང་རྗེ་ལ། ཆོས་ལ་དམིགས་པའི་སྙིང་རྗེ། རང་བཞིན་གྱིས་གྲུབ་པས་སྟོང་པའི་སེམས་ཅན་ལ་དམིགས་པའི་སྙིང་རྗེ་ལ། དམིགས་མེད་ལ་དམིགས་པའི་སྙིང་རྗེ་ཞེས་བྱའོ། །དབུ་མ་ལ་འཇུག་པ་ལས། དང་པོར་ང་ཞེས་བདག་ལ་ཞེན་གྱུར་ཅིང་། །བདག་གི་འདི་ཞེས་དངོས་ལ་ཆགས་བསྐྱེད་པ། །ཟོ་ཆུན་འཕྱན་ལྟར་རང་དབང་མེད་པ་ཡི། །འགྲོ་ལ་སྙིང་རྗེར་གྱུར་གང་དེ་ལ་འདུད། །ཞེས་པས་སེམས་ཅན་ཙམ་ལ་དམིགས་པའི་སྙིང་རྗེ་བསྟན་ལ། འགྲོ་བ་གཡོ་བའི་ཆུ་ཡི་ནང་གི་ཟླ་བ་ལྟར། །གཡོ་དང་ (ཞེས་པས་ཆོས་ལ་དམིགས་པའི་སྙིང་རྗེ་བསྟན) རང་བཞིན་ཉིད་ཀྱིས་སྟོང་པར་མཐོང་བ་ཡིས། །ཞེས་པས་དམིགས་མེད་ལ་དམིགས་པའི་སྙིང་རྗེ་བསྟན་ཏོ། །ཅུང་ཟད་རྒྱས་པར་བཤད་ན། སེ་ར་རྗེ་བཙུན་ཆོས་ཀྱི་རྒྱལ་མཚན་གྱི་དབུ་མའི་སྤྱི་དོན་སྐལ་བཟང་མགུལ་རྒྱན་ལས། སྙིང་རྗེ་གསུམ་པོ་གང་རུང་གང་ཞིག མི་རྟག་པ་དང་བདེན་སྟོང་གང་གི་ཡང་ཁྱད་པར་དུ་མ་བྱས་པར་སེམས་ཅན་ལ་དམིགས་ནས་སྡུག་བསྔལ་དང་བྲལ་བར་འདོད་པའི་རྣམ་པ་ཅན་གྱི་བརྩེ་བ་དེ། སེམས་ཅན་ཙམ་ལ་དམིགས་པའི་སྙིང་རྗེའི་མཚན་ཉིད། སེམས་ཅན་མི་རྟག་པར་ཚད་མས་གྲུབ་པའི་གང་ཟག་གི་རྒྱུད་ཀྱི་སྙིང་རྗེ་གང་ཞིག མི་རྟག་པས་ཁྱད་པར་དུ་བྱས་ནས་སེམས་ཅན་ལ་དམིགས་ནས་སྡུག་བསྔལ་དང་བྲལ་བར་འདོད་པའི་རྣམ་པ་ཅན་གྱི་བརྩེ་བ་དེ། སྙིང་རྗེ་གཉིས་པའི་མཚན་ཉིད། སེམས་ཅན་བདེན་སྟོང་དུ་ཚད་མས་གྲུབ་པའི་གང་ཟག་གི་རྒྱུད་ཀྱི་སྙིང་རྗེ་ཡིན་པ་གང་ཞིག བདེན་སྟོང་གིས་ཁྱད་པར་བྱས་ནས། སེམས་ཅན་ལ་དམིགས་ནས་སྡུག་བསྔལ་དང་བྲལ་བར་འདོད་པའི་རྣམ་པ་ཅན་གྱི་བརྩེ་བ་དེ། སྙིང་རྗེ་གསུམ་པའི་མཚན་ཉིད། ཡང་ན། སྙིང་རྗེ་གསུམ་པོ་གང་རུང་གང་ཞིག །སེམས་ཅན་མི་རྟག་པར་རྟོགས་པའི་ཤེས་རབ་དང༌། སེམས་ཅན་བདེན་སྟོང་དུ་རྟོགས་པའི་ཤེས་རབ། གང་རུང་གི་དངོས་སུ་མ་ཟིན་པའི་བརྩེ་བ་དེ། སྙིང་རྗེ་དང་པོའི་མཚན་ཉིད། དེ་གང་ཞིག །སེམས་ཅན་མི་རྟག་པར་རྟོགས་པའི་ཤེས་རབ་ཀྱིས་དངོས་སུ་ཟིན་པ་དེ། སྙིང་རྗེ་གཉིས་པའི་མཚན་ཉིད། དེ་གང་ཞིག །སེམས་ཅན་བདེན་སྟོང་དུ་རྟོགས་པའི་ཤེས་རབ་ཀྱིས་དངོས་སུ་ཟིན་པ་དེ། སྙིང་རྗེ་གསུམ་པའི་མཚན་ཉིད། སྒྲ་བཤད་པ་ལ་སྙིང་རྗེ་དང་པོ་ཆོས་ཅན། ཁྱོད་ལ་སེམས་ཅན་ཙམ་ལ་དམིགས་པའི་སྙིང་རྗེ་ཞེས་བརྗོད་པའི་རྒྱུ་མཚན་ཡོད་དེ། ཁྱོད་མི་རྟག་པ་དང་བདེན་སྟོང་གང་གིས་ཀྱང་ཁྱད་པར་དུ་མ་བྱས་པར་རང་གི་དམིགས་ཡུལ་དུ་གྱུར་པའི་སེམས་ཅན་ཙམ་ལ་དམིགས་པའི་སྙིང་རྗེ་ཡིན་པ་ལ། ཙམ་ཞེས་པ་ལ་སོགས་པའི་བར་གྱི་ཚིག་རྣམས་མི་མངོན་པར་བྱས་ནས། དེ་ལྟར་བརྗོད་པའི་ཕྱིར། དེ་སྐད་དུ་ཡང༌། ཊིཀ་ཆེན་ལས། སྙིང་རྗེ་དང་པོ་ལ། དེ་འདྲའི་ཁྱད་པར་གྱིས་ཁྱད་པར་དུ་བྱས་པ་མ་ཡིན་པའི་ཕྱིར། སེམས་ཅན་ཙམ་ཞིག་དམིགས་པར་གསུངས་པས། དེ་ལ་དགོངས་ནས་སེམས་ཅན་ལ་དམིགས་པའི་སྙིང་རྗེ་ཞེས་པ་ལ་ཡང་ཐ་སྙད་བདེ་བའི་ཕྱིར། ཉེར་བསྡུའི་མིང་ངོ། ཞེས་གསུངས་པའི་ཕྱིར། སྙིང་རྗེ་གཉིས་པ་ཆོས་ཅན། ཁྱོད་ལ་ཆོས་ལ་དམིགས་པའི་སྙིང་རྗེ་ཞེས་བརྗོད་པའི་རྒྱུ་མཚན་ཡོད་དེ། སྐབས་འདིར་གང་ཟག་གི་གདགས་གཞིར་གྱུར་པའི་ཕུང་སོགས་ལ་ཆོས་ཞེས་བྱ་བ་ལ་ཁྱོད་ཕུང་སོགས་ཀྱི་ཆོས་ལ་བརྟེན་ནས། བཏགས་པའི་སེམས་ཅན་ལ་དམིགས་པའི་སྙིང་རྗེ་ཡིན་པ་ལ། བཏགས་པ་ཞེས་པ་ལ་སོགས་པའི་བར་གྱི་ཚིག་མི་མངོན་པར་བྱས་ནས། ཁྱོད་ལ་དེ་ལྟར་དུ་བརྗོད་པའི་ཕྱིར། དེ་སྐད་དུ་ཡང༌། ཊིཀ་ཆེན་ལས། དེས་ན་ཆོས་ཙམ་ལ་བཏགས་པའི་སེམས་ཅན་ལ་དམིགས་པ་ལ་ཆོས་ལ་དམིགས་པ་ཞེས་པ་ནི། བར་གྱི་ཚིག་མི་མངོན་པར་བྱས་པའོ། ཞེས་གསུངས་པའི་ཕྱིར། སྙིང་རྗེ་གསུམ་པ་ཆོས་ཅན། ཁྱོད་ལ་དམིགས་མེད་ལ་དམིགས་པའི་སྙིང་རྗེ་ཞེས་བརྗོད་པའི་རྒྱུ་མཚན་ཡོད་དེ། སྐབས་འདིར་དམིགས་པ་བདེན་གྲུབ་དང༌། དམིགས་པ་མེད་པ་བདེན་མེད་ཡིན་ལ། ཁྱོད་བདེན་མེད་ཀྱིས་ཁྱད་པར་དུ་བྱས་པའི་སེམས་ཅན་ལ་དམིགས་པའི་སྙིང་རྗེ་ཡིན་པ་ལ། སེམས་ཅན་ཞེས་པ་ལ་སོགས་པ་བར་གྱི་ཚིག་མི་མངོན་པར་བྱས་ནས། ཁྱོད་ལ་དེ་ལྟར་དུ་བརྗོད་པའི་ཕྱིར། དེ་སྐད་དུ་ཡང༌། ཊིཀ་ཆེན་ལས། དམིགས་པ་མེད་པ་ནི། མཚན་འཛིན་གྱི་བཟུང་བ་ལྟར་གྱི་ཞེན་ཡུལ་མེད་པ་བདེན་མེད་དོ། བདེན་མེད་ཀྱིས་ཁྱད་པར་དུ་བྱས་པའི་སེམས་ཅན་ལ་དམིགས་པ་ལ། དམིགས་པ་མེད་པ་ལ་དམིགས་པ་ཞེས་སམ། དམིགས་པ་མེད་པའི་སྙིང་རྗེ་ཞེས་བར་གྱི་ཚིག་མི་མངོན་པར་བྱས་པའོ། །ཞེས་གསུངས་པའི་ཕྱིར། ཞེས་གསུངས་པ་ལྟར་རོ། །ཆོས་ལ་དམིགས་པའི་སྙིང་རྗེ་ལ་དོགས་གཅོད་ནི། རྗེའི་དབུ་མ་དགོངས་པ་རབ་གསལ་ལས། མི་རྟག་པའི་སེམས་ཅན་ཞེས་པ་ནི་མཚོན་པ་ཙམ་སྟེ། རང་རྐྱ་ཐུབ་པའི་རྫས་སུ་མེད་པའི་སེམས་ཅན་དམིགས་པར་བྱེད་པ་ལྟ་བུ་ལ་ཡང། ཆོས་ལ་དམིགས་པ་ཞེས་བྱའོ། །ཞེས་གསུངས་སོ། །བྱང་ས་ལས་ཀྱང་སྙིང་རྗེ་གསུམ་གྱི་ཁྱད་པར་དང་། སྙིང་རྗེ་ལ་གསུམ་ཡོད་པ་བཞིན་དུ། བྱམས་པ་དང་། དགའ་བ། བཏང་སྙོམས་ཚད་མེད་ལའང་རྣམ་པ་གསུམ་གསུམ་ཡོད་པར་གསུངས་ཏེ། བྱང་ས་སྡེ་དགེ་བསྟན་འགྱུར་སེམས་ཙམ་༼ ཝི་པ ༽༡༢༨ བ༦ལས། འདི་ལ་བྱང་ཆུབ་སེམས་དཔའ་ནི་ཚད་མེད་པ་བཞི་རྣམ་པ་གསུམ་དུ་སྒོམ་པར་བྱེད་དེ། སེམས་ཅན་ལ་དམིགས་པ་དང་། ཆོས་ལ་དམིགས་པ་དང་། དམིགས་པ་མེད་པའོ། །བྱང་ཆུབ་སེམས་དཔའ་སེམས་ཅན་ཐམས་ཅད་བདེ་བ་དང་ལྡན་པ་དང་། སྡུག་བསྔལ་དང་ལྡན་པ་དང་། སྡུག་བསྔལ་བ་ཡང་མ་ཡིན། བདེ་བ་ཡང་ཡིན་པ་དང་ལྡན་པའི་ཚོགས་གསུམ་དུ་རྣམ་པར་བཞག་ནས། སེམས་ཅན་བདེ་བའི་འདོད་པ་རྣམས་ཀྱི་དབང་དུ་བྱས་ཏེ། བདེ་བ་སྒྲུབ་པའི་ལྷག་པའི་བསམ་པ་དང་ལྡན་པའི་བྱམས་པའི་སེམས་ཀྱིས་ཕྱོགས་བཅུ་ཁྱབ་པར་བྱས་ནས། སེམས་ཅན་ལ་མོས་པས་གནས་པ་དེ་ནི་དེའི་སེམས་ཅན་ལ་དམིགས་པའི་བྱམས་པ་ཡིན་པར་རིག་པར་བྱའོ། །ཆོས་ཙམ་དུ་འདུ་ཤེས་པ་དང་ལྡན་པ། ཆོས་ཙམ་ལ་སེམས་ཅན་དུ་འདོགས་པར་བསམ་པ་ཐག་པ་ནས་མཐོང་སྟེ། བྱམས་པ་དེ་ཉིད་སྒོམ་པར་བྱེད་པ་དེ་ནི་དེའི་ཆོས་ལ་དམིགས་པའི་བྱམས་པ་ཡིན་པར་རིག་པར་བྱའོ། །ཆོས་སུ་རྣམ་པར་མི་རྟོག་པ་ཡང་མེད་པར་བྱམས་པ་དེ་ཉིད་སྒོམ་པར་བྱེད་པ་དེ་ནི་དམིགས་པ་མེད་པའི་བྱམས་པ་ཡིན་པར་རིག་པར་བྱའོ། །སེམས་ཅན་ལ་དམིགས་པ་དང་། ཆོས་ལ་དམིགས་པ་དང་། དམིགས་པ་མེད་པའི་བྱམས་པ་ཇི་ལྟ་བ་བཞིན་དུ་སྙིང་རྗེ་དང་། དགའ་བ་དང་། བཏང་སྙོམས་ཀྱང་དེ་དང་འདྲ་བར་རིག་པར་བྱའོ། ། བཏང་སྙོམས་ཀྱང་དེ་དང་འདྲ་བར་རིག་པར་བྱའོ། །)
• Dictionaries/sgom sde tshig mdzod chenmo/11684  + ((དབུ་མ) སྙིང་རྗེ་གསུམ་པོ་གང་རུང་གང་ཞིག མི་ … (དབུ་མ) སྙིང་རྗེ་གསུམ་པོ་གང་རུང་གང་ཞིག མི་རྟག་པ་དང་བདེན་སྟོང་གང་གི་ཡང་ཁྱད་པར་དུ་མ་བྱས་པར་སེམས་ཅན་ལ་དམིགས་ནས་སྡུག་བསྔལ་དང་བྲལ་བར་འདོད་པའི་རྣམ་པ་ཅན་གྱི་བརྩེ་བ་དེ། སེམས་ཅན་ཙམ་ལ་དམིགས་པའི་སྙིང་རྗེའི་མཚན་ཉིད། དབུ་མ་ལ་འཇུག་པ་ལས། དང་པོར་ང་ཞེས་བདག་ལ་ཞེན་གྱུར་ཅིང་། །བདག་གི་འདི་ཞེས་དངོས་ལ་ཆགས་བསྐྱེད་པ། །ཟོ་ཆུན་འཕྱན་ལྟར་རང་དབང་མེད་པ་ཡི། །འགྲོ་ལ་སྙིང་རྗེར་གྱུར་གང་དེ་ལ་འདུད། །ཅེས་པས་བསྟན། ཞིབ་པར་སྙིང་རྗེ་གསུམ་ཞེས་པའི་ཐད་དུ་གཟིགས། ཞིབ་པར་སྙིང་རྗེ་གསུམ་ཞེས་པའི་ཐད་དུ་གཟིགས།)