Search by property

This page provides a simple browsing interface for finding entities described by a property and a named value. Other available search interfaces include the page property search, and the ask query builder.

List of results

• Dictionaries/sgom sde tshig mdzod chenmo/889  + (ལྟག་འོག་གི་སྣེ་གཉིས་ཟླུམ་ལ་སྐེད་པ་ཉག་པའི་འབྲས་སོགས་རྡུང་བྱེད་ཤིང་བུ། རྟུན་ཤིང་ཞེས་བྲིས་པའང་སྣང་། གཏུན་ཤིང་ངམ་རྟུན་ཤིང་། ཞེས་པ་སྣུན་ཤིང་ངམ་སྣུན་བྱེད་ཀྱི་ཤིང་ལ་ཟེར་བ་ཡིན་འདུག་སྙམ། ལྷ་ཡི་ཕྱག་མཚན་དུའང་ཡོད།)
• Dictionaries/sgom sde tshig mdzod chenmo/7765  + (སེར་བྱེས་ཨེ་པ་འཁོན་སྟོན་མཁས་པ་དཔལ་འབྱོར་ལྷ … སེར་བྱེས་ཨེ་པ་འཁོན་སྟོན་མཁས་པ་དཔལ་འབྱོར་ལྷུན་གྲུབ་ནི། ༸རྒྱལ་མཆོག་ལྔ་པ་ཆེན་པོས་བཀའ་དྲིན་ཆེ་ཤོས་སུ་བརྩི་བའི་བླ་མའི་གཙོ་བོ་ཞིག་ཡིན། དེ་ཡང་༸རྒྱལ་མཆོག་ལྔ་པ་ཆེན་པོའི་རང་རྣམ་དུ་ཀཱུ་ལའི་གོས་བཟང་གླེགས་བམ་དང་པོ་༡༤༡ལས། ཐོག་མར་ཞལ་ངོའི་བསླབ་སྟོན་དང་བསྟུན་པ་ལས་མོས་པ་ཆེ་བ་མེད་ཀྱང་ཉེ་བར་བརྟགས་ཚེ་བླ་མ་དེ་ཉིན་མཚན་ཆོས་ཀྱིས་འདའ་བའི་མཛད་པ་དང་། གསུང་འཕྲོས་གང་ལ་བརྟགས་ཀྱང་དད་པ་མི་འགྲོ་བའི་རང་དབང་མི་འདུག བསླབ་སྟོན་དང་ཕེབས་སྒོ་མཐའ་དག་ཆོས་ལ་བསྐུལ་བ་ཁོ་ནར་སྣང་བས་སྔོན་ཆད་ཐོས་བསམ་བྱེད་རྒྱུའི་ལུགས་རྣམས་ཀྱང་སྣང་ཤས་ཀྱི་མཁས་འདོད་གྲགས་འདོད་ཁོ་ནར་སོང་བའི་རང་རྒྱུད་ཐ་རྒོད་ལྟར་རེངས་པ་འདི་ནས་བཟུང་ཐར་པ་སྒྲུབ་པའི་ཆོས་ཤིག་བྱེད་དགོས་རྒྱུ་ཡིན་འདུག་སྙམ་པའི་བློ་སྣ་ཅུང་ཟད་ནང་དུ་ཁུགས་པའང་རྗེ་བླ་མ་རྡོ་རྗེ་འཆང་ (རྗེ་ཕ་བོང་ཁ་པའམ་འཁོན་སྟོན་དཔལ་འབྱོར་ལྷུན་གྲུབ) འདི་ཉིད་ཀྱི་བཀའ་དྲིན་ཡིན་ནོ། །ཞེས་གསུངས། ཡང་ (༡༥༦) ལས། སྔོན་ཆད་རྟོག་གེ་ཕྱི་ལྟས་ཀྱི་ཤེས་པས་སངས་རྒྱས་ལའང་དག་མི་སྟེར་ཞིང་མིག་ཏུ་སྒོག་ཆུ་སོང་ཡང་མཆི་མ་མི་འཆོར་བ་ཞིག་ཡིན་རུང་འདི་ནས་བཟུང་སྟེ་ཆོས་རྣམ་དག་ཅིག་བྱེད་འདོད་ལྷན་སྐྱེས་སུ་ཤར་ཞིང་ཆོས་ལ་བརྟེན་པའི་སྡིག་པ་གསོག་པའི་འཕྲོ་ཆད་པས་བཀའ་དྲིན་འཁོར་ཐབས་མ་མཆིས། ཞེས་གསུངས། ལྔ་པ་ཆེན་པོས་དམ་པ་དེ་ཉིད་ལས་རྫོགས་ཆེན་གྱིས་གཙོས་པའི་གསང་སྔགས་རྙིང་མའི་ཆོས་འཁོར་སོགས་མང་དུ་གསན། རྣམ་ཐར་དུ་ཀཱུ་ལའི་གོས་བཟང་ནང་། རྗེ་ཕ་བོང་ཁ་པ་ཞེས་ཡང་ཡང་གསུང་བ་ཡང་རྗེ་དེ་ཉིད་ལ་ཞུ་བ་ཡིན། ཁོང་གིས་མཛད་པའི་འཇིགས་བྱེད་ཆོས་འབྱུང་དང་། ཕར་ཕྱིན་གྱི་ཊཱི་ཀ་«འཁོན་སྟོན་འགྲེལ་ཊཱིཀ»ཞེས་བྱ་བ་ཤིན་ཏུ་ལེགས་པ་ཞིག་ཀྱང་ཡོད། འགྲེལ་ཊཱིཀ་འདི་བཞིན་ཁོ་བོའི་རྩ་བའི་བླ་མ་མཚན་བརྗོད་པར་དཀའ་བ་དགེ་བའི་བཤེས་གཉེན་ཆེན་པོ་བཀྲ་ཤིས་འབུམ་གྱི་ཞལ་སྔ་ནས་ཀྱིས་ཡང་ནས་ཡང་དུ་ལུང་འདྲེན་དང་བསྔགས་བརྗོད་མཛད་ཀྱི་ཡོད།ང་དུ་ལུང་འདྲེན་དང་བསྔགས་བརྗོད་མཛད་ཀྱི་ཡོད།)
• Dictionaries/sgom sde tshig mdzod chenmo/12150  + (སྒོག་གཏུན་དོན་འདྲ་ཞེས་བོད་རྒྱ་ཚིག་མཛོད་ཆེན་མོར་བཤད་ཀྱང་། དེ་ནི་རྡོའམ་ཤིང་ལས་བཟོས་པའི་སྒོག་པ་དང་སི་པན་བརྡུང་སའི་སྣོད་སྤྱད་ཅིག་ལ་ཡོངས་སུ་གྲགས་སོ། །སྒོག་པ་རྡུང་བྱེད་ཀྱི་རྡོ་དེ་ལ་གཏུན་རྡོ་ཟེར།)
• Dictionaries/sgom sde tshig mdzod chenmo/12149  + (སྒོག་པ་རྡུང་བྱེད་རྡོའི་ཡས་གཏུན་མས་གཏུན། ཞེས་བོད་རྒྱ་ཚིག་མཛོད་ཆེན་མོར་གསུངས།)
• Dictionaries/sgom sde tshig mdzod chenmo/240  + (སྒོག་པའི་སྤྱིའི་མིང་།)
• Dictionaries/sgom sde tshig mdzod chenmo/12151  + (སྒོག་སྐྱ་ལ་གཟིགས།)

• Dictionaries/sgom sde tshig mdzod chenmo/10425  + (1 རྡུང་བ། འཐག་པ། ཞིབ་མོར་བཟོ་བ། སྒོག་པ་རྫོག་ཅེས་པ་ལྟ་བུ།)

• Dictionaries/sgom sde tshig mdzod chenmo/10946  + ((ཕར་ཕྱིན) 1 མངལ་གྱི་གནས་སྐབས་ལྔའམ་མིར་ཆགས་ … (ཕར་ཕྱིན) 1 མངལ་གྱི་གནས་སྐབས་ལྔའམ་མིར་ཆགས་པའི་གནས་སྐབས་ལྔའི་གསུམ་པ་སྟེ། མའི་མངལ་དུ་ཕྲུག་གུ་ཆགས་ནས་བདུན་ཕྲག་གསུམ་སོང་བའི་མཚམས་ཀྱི་མིར་ཆགས་བཞིན་པའི་གནས་སྐབས་ཀྱི་མིང་སྟེ། ཤར་གྱུར་ཀྱང་མནན་མི་བཟོད་པའོ། །སྒྲ་བཤད་ནི། དབྱིབས་སྨན་རྡུང་བྱེད་ཀྱི་གཏུན་བུ་དང་འདྲ་བར་ཐུང་ཞིང་ཆུང་ལ་ནར་ནར་པོ་ཡིན་པས་ན་དེ་སྐད་ཅེས་བྱའོ། །དགའ་བོ་མངལ་འཇུག་གི་མདོ་ (འདི་དཀོན་བརྩེགས་༼ ག ༽ ༢༣༧ན་བཞུགས) དང་མཐུན་པར་བཀོད་དོ། །འདི་ལ་ནར་ནར་པོ་ཞེས་ཀྱང་བྱའོ། །2 དབྱིབས་ནར་ནར།་ལ་ནར་ནར་པོ་ཞེས་ཀྱང་བྱའོ། །2 དབྱིབས་ནར་ནར།)
• Dictionaries/sgom sde tshig mdzod chenmo/2797  + ((བརྡ་རྙིང) 1 མང་པོ་མཉམ་དུ་རྒྱ་ཆེན་པོར་བཀྲམ … (བརྡ་རྙིང) 1 མང་པོ་མཉམ་དུ་རྒྱ་ཆེན་པོར་བཀྲམ་སྟེ་བཞག་པའི་ཕུང་པོའི་མིང་། €འདུལ་བ་གཞིི་རྒྱ་ཆེར་འགྲེལ་པལས།ཐང་མཞེས་བྱ་བ་ནི་བཀྲམ་པའི་ཕུང་པོའོ། །ཚོམས་ཞེས་བྱ་བ་ནི་བཤིག་པའི་ཕུང་པོའོ། །བུངས་ཞེས་བྱ་བ་ནི་ཚོམས་དག་གི་ཕུང་པོའོ། །ཕུང་པོ་ཞེས་བྱ་བ་ནི་ཟླུམ་པོ་ལས་གཞན་པའི་ཚོམས་སོ། །ཞེས་གསུངས་སོ། །ཡང་དེའི་ཐད་ཀྱི་€འདུལ་བ་ལུང་གཞིལས། ས་གཞི་ཆེན་པོ་འདི་ལ་སེམས་ཅན་གང་དག་ཡོད་པ་དེ་དག་ཐམས་ཅད་འཁོར་ལོའི་མཐའ་སྤུ་གྲི་ལ་བྱས་པས་དེ་དག་ཐམས་ཅད་ཀུན་ཏུ་གཅོད་པར་བྱེད། ཀུན་ཏུ་འཆེག་པར་བྱེད། ཀུན་ཏུ་རྡུང་བར་བྱེད། ཀུན་ཏུ་འདྲལ་བར་བྱེད་ཅིང་དེ་དག་ཐམས་ཅད་ཀུན་ཏུ་བཅད། ཀུན་ཏུ་གཤེགས། ཀུན་ཏུ་བརྡུངས། ཀུན་ཏུ་དྲལ་ནས་ཤའི་ཐང་མགཅིག་ཏུ་བྱེད། ཤའི་ཚོམས་གཅིག་ཏུ་བྱེད། ཤའི་བུངས་གཅིག་ཏུ་བྱེད། ཤའི་ཕུང་པོ་གཅིག་ཏུ་བྱེད་ཅིང་ཤའི་ཐང་མགཅིག་ཏུ་བྱས། ཤའི་ཚོམས་གཅིག་ཏུ་བྱས། ཤའི་བུངས་གཅིག་ཏུ་བྱས། ཤའི་ཕུང་པོ་གཅིག་ཏུ་བྱས་ནས་དེ་ལྟར་ཀུན་ཏུ་སྒྲུབ་པར་བྱེད་པ་ལས་གཞི་དེ་ལས་སྡིག་པ་ཡང་མེད། གཞི་དེ་ལས་སྡིག་པར་འགྱུར་བ་ཡང་མེད་དོ། །ཞེས་གསུངས་སོ། །འདུལ་བ་རྣམ་པར་འབྱེད་པའི་ཚིག་རྣམ་པར་བཤད་པ་༩༦ན༡ལས་ཀྱང་། དེ་བཞིན་དུ་གསུངས་སོ། །2 ཡང་། ཞིང་ཁ་ནས་བསྡུས་ཏེ་གཡུལ་ཁའི་ནང་སྤུངས་པའི་སྟོན་ཐོག ཞིབ་པར་བཤད་ན། ཞིང་ཁ་ནས་སྟོན་ཐོག་བསྡུས་ནས་མི་རུལ་བའི་ཕྱིར་གཡུལ་ཐང་དུ་སྲབ་མོར་ཉི་མར་བཀྲམ་པའི་ཕུང་པོ་ལ་ཟེར། ང་ཚོ་རྒྱ་གར་ལྷོ་ཕྱོགས་སེ་ར་དགོན་པར་ཡོད་དུས་ཞིང་ཁ་ནས་སྟོན་ཐོག་བསྡུས་ཚར་ན་ཐང་སྟོན་མར་ཁུ་ཟེར་བའི་ཞལ་ལག་ཞིམ་པོ་ཞིག་ཀྱང་གཏོང་སྲོལ་ཡོད། 2 བདེ་པོ་དང་། སྐྱོན་ཆག་མེད་པ། མ་ཞིག་པར་ཧྲིལ་པོར་གནས་ཐུབ་པ་བཅས་ཀྱི་དོན། བར་ལམ་སྐུ་གཟུགས་ཐང་མ་ཡིན་ཤག་ཅེས་པ་ལྟ་བུ།། བར་ལམ་སྐུ་གཟུགས་ཐང་མ་ཡིན་ཤག་ཅེས་པ་ལྟ་བུ།)
• Dictionaries/sgom sde tshig mdzod chenmo/8101  + ((བརྡ་སྤྲོད) 1 སྒྲ་འཇུག་ཡུལ་གཅིག་པ། སྒྲ་འཇུ … (བརྡ་སྤྲོད) 1 སྒྲ་འཇུག་ཡུལ་གཅིག་པ། སྒྲ་འཇུག་ཡུལ་འདྲ་བ། སི་ཏུ་འགྲེལ་ཆེན་༨༡ལས། རྣམ་གྲངས་དང་རྣམ་པ་དོན་གཅིག་ཏུ་གྲུབ་པའི་ཕྱིར་ཏེ། དཔེར་ན་མིང་གི་རྣམ་གྲངས་གཞན་མེད་དོ། །དོན་གྱི་རྣམ་གྲངས་མང་པོའོ། །དོན་གྱི་རྣམ་གྲངས་གཅིག་གོ། འདི་ནི་རྣམ་གྲངས་ཙམ་མོ། །རྣམ་གྲངས་ཀྱི་དོན་དམ་བདེན་པའོ། །ཞེས་པ་ལྟ་བུ་རྣམས་གྲངས་མང་ཉུང་གི་ཁྱད་པར་མེད་པར། མིང་གི་རྣམ་པ་གཞན་མེད་དོ། །དོན་གྱི་རྣམ་པ་མང་པོའོ། །དོན་གྱི་རྣམ་པ་གཅིག་གོ། འདི་ནི་རྣམ་པ་ཙམ་མོ། །རྣམ་པའི་དོན་དམ་བདེན་པའོ། །ཞེས་ཐམས་ཅད་དུ་རྣམ་པའི་སྒྲ་དང་འཇུག་པ་གཅིག་པརསྣང་བའི་ཕྱིར་རོ། །ཞེས་གསུངས་པ་ལྟར་རོ། །2 ཕྱོགས་མཐུན་ནམ་ཕྱོགས་མཚུངས། རྔ་རོལ་རྡུང་སྟངས་དང་གར་འཆམ་འཁྲབ་ཚུལ་འཇུག་པ་གཅིག་པ། ཞེས་སོགས་བོད་རྒྱ་ཚིག་མཛོད་ཆེན་མོར་གསུངས།། ཞེས་སོགས་བོད་རྒྱ་ཚིག་མཛོད་ཆེན་མོར་གསུངས།)
• Dictionaries/sgom sde tshig mdzod chenmo/8426  + ((འདུལ་བ) གནོད་སྦྱིན་མ་འཕྲོག་མ་འདིས་རྒྱལ་པོ … (འདུལ་བ) གནོད་སྦྱིན་མ་འཕྲོག་མ་འདིས་རྒྱལ་པོའི་ཁབ་ན་ཕྲུག་གུ་སྐྱེས་སོ་ཅོག་ཕྲོགས་ཤིང་ཕྲོགས་ནས་ཟ་བར་བྱེད་པས་ན་འཕྲོག་མ་ཞེས་མིང་ཐོགས་ཤིང་། འདིའི་ཐོག་མའི་མིང་ལ་དགའ་བྱེད་མ་ཟེར། བཅོམ་ལྡན་འདས་ཀྱིས་གནོད་སྦྱིན་མ་འཕྲོག་མ་ཐབས་མཁས་ཀྱིས་བཏུལ་ནས་གཞན་ལ་འཚེ་བ་སྤོང་དུ་བཅུག་སྟེ་སྐྱབས་འགྲོ་ལ་བཀོད། བཅོམ་ལྡན་འདས་ཀྱིས་འཕྲོག་མ་ལ། གལ་ཏེ་ཁྱོད་ཀྱིས་སེམས་ཅན་ལ་འཚེ་བ་སྤངས་ན་ང་དང་ངའི་རྗེས་འཇུག་རྣམས་ཀྱིས་དུས་ནམ་ཡང་ཁྱོད་དང་ཁྱོད་ཀྱི་བུ་ཕྲུག་རྣམས་ལ་གཏོར་མ་ཆག་མེད་དུ་སྦྱིན་པར་ཁོ་བོས་ཁས་བླང་ངོ་ཞེས་ཐུགས་དམ་བཅས་པར་མཛད་ཅེས་བཤད་སྒྲོས་ལ་ཡོད་དོ། །འཕྲོག་མ་དང་དེའི་བུ་རྣམས་ལ་གཏོར་མའམ་ཆང་བུ་སྦྱིན་པའི་སྲོལ་འདི་དེ་དུས་དར་བར་སྙམ། འུ་ཅག་བཅོམ་ལྡན་འདས་ཀྱི་རྗེས་འཇུག་ཡིན་པའི་ཆ་ནས་གང་གིས་དམ་བཅའ་མཛད་པ་མི་ཉམས་པར་བྱ་རྒྱུ་ཤིན་ཏུ་གལ་ཆེ་བས། ཟས་མཆོད་ཀྱི་སྐབས་འཕྲོག་མ་དེའི་བུ་ལ་ཆང་བུ་གཉིས་འབུལ་རྒྱུ་མ་བརྗེད་པ་གནང་གལ་ཤིན་ཏུ་ཆེའོ། །ཉིན་དགུང་གསོལ་ཚིགས་ཀྱི་ཚེ་དཀོན་མཆོག་རྗེས་དྲན་གྱི་མདོ་འདོན་ཞིང་ཟས་མཆོད་འབུལ་སྐབས། མཆིལ་ལྷམ་ཕུད་ནས་ཚུལ་མཐུན་གྱིས་སྔ་ཆབ་བླངས་ལ། གཙང་སྦྲ་ཆེན་པོས་ཕུད་ཀྱི་ཞལ་ཟས་སྐེད་པར་མཐེབ་སྐྱུ་བཞི་ཡོད་པའམ། ཟས་སྐམ་པས་མི་འབྱར་བ་བྱུང་ན་ཞལ་ཟས་ཀྱི་འོག་གི་ཕྱོགས་བཞིར་འཇོག་གནང་མཛད་པ་གང་བདེ་དང་། མཐའ་སྐོར་དུ་མཛུབ་མོ་ལྔའི་རྗེས་དོད་པའི་ཆང་བུ་གསུམ་བཅས་ལེགས་པར་བཤགས་པའི་ཕྱག་སྲོལ་ཡོད་ཅིང་། ཆང་བུ་གསུམ་ལས་ཕུད་ལ་དབང་བའི་འབྱུང་པོ་ལ་གཅིག་དང་། འཕྲོག་མ་ལ་གཅིག འཕྲོག་མའི་བུ་ལྔ་བརྒྱ་ལ་ཆང་བུ་གཅིག་སྟེ་གསུམ་ཡིན་ནོ། །འདུལ་བ་ལུང་ཕྲན་ཚེགས་༼ ད ༽༡༤༥ན ༤ན་ལས། སངས་རྒྱས་བཅོམ་ལྡན་འདས་རྒྱལ་ པོའི་ཁབ་ཀྱི་འོད་མའི་ཚལ་བྱ་ཀ་ལན་ད་ཀ་གནས་པ་ན་བཞུགས་སོ། །དེའི་ཚེ་ན་རྒྱལ་པོའི་ཁབ་ཀྱི་ གྲོང་ཁྱེར་ན་ས་ཏ་ཞེས་བྱ་བའི་གནོད་སྦྱིན་ཞིག་གནས་ཏེ། དེས་ཡུལ་མཉམ་དགའི་རྒྱལ་པོ་མཁས་པ་ཅན་གཟུགས་ཅན་སྙིང་པོ་བཙུན་མོ་དང་། གཞོན་ནུ་དང་། བློན་པོ་དང་། གྲོང་ཁྱེར་དང་། ཡུལ་གྱི་མི་རྣམས་ལ་སྲུང་བ་དང་། སྐྱོང་བ་དང་། སྐྱོབ་པར་བྱེད་དོ། །དེའི་མཐུས་ཡུལ་མཉམ་དགའི་རྒྱལ་པོ་མཁས་པ་ཅན་གཟུགས་ཅན་སྙིང་པོ་བཙུན་མོ་དང་། གཞོན་ནུ་དང་། བློན་པོ་དང་། གྲོང་ཁྱེར་དང་། ཡུལ་གྱི་མི་རྣམས་ལ་ལོངས་སྤྱོད་འཕེལ་བར་གྱུར་ཅིང་། དེ་དག་ལ་རྟག་ཏུ་ཤིང་གི་མེ་ཏོག་དང་འབྲས་བུར་ལྡན། ཆར་པ་ནི་དུས་དུས་སུ་འབབ། ས་ནི་འབྲུ་དང་ལྡན་པར་གྱུར་ཏེ། ཟས་བསླང་བ་རྣམས་ནི་མོད་པས་གྲོང་དང་། གྲོང་ཁྱེར་དང་། ཡུལ་དང་། ཕོ་བྲང་འཁོར་དེ་དང་དེ་དག་གི་དང་། ཡུལ་སོ་སོ་ན་གནས་པའི་དགེ་སྦྱོང་དང་། བྲམ་ཟེ་དང་། བཀྲེན་པ་དང་། ཕོངས་པ་ཐམས་ཅད་ཡུལ་མཉམ་དགར་ལྷགས་ཏེ་དེ་དག་ལ་ཡང་གནོད་སྦྱིན་ས་ཏས་སྲུང་བ་དང་། སྐྱོང་བ་དང་། སྐྱོབ་པར་བྱེད་དོ། །དེས་རིགས་མཉམ་པ་ལས་ཆུང་མ་བླངས་ཏེ་དེ་དང་ལྷན་ཅིག་རྩེ་དགའ་ཡོངས་སུ་སྤྱོད་དོ། །ཡུལ་གན་དྷ་ར་ན་ཡང་པཉྩ་ལ་ཞེས་བྱ་བའི་གནོད་སྦྱིན་ཞིག་གནས་ཏེ། དེས་ཀྱང་ཡུལ་གན་དྷ་རའི་རྒྱལ་པོ་དང་། བཙུན་མོ་དང་། གཞོན་ནུ་དང་། བློན་པོ་དང་། གྲོང་ཁྱེར་དང་། ཡུལ་གྱི་མི་རྣམས་ལ་སྲུང་བ་དང་། སྐྱོང་བ་དང་། སྐྱོབ་པར་བྱེད་དོ། །དེའི་མཐུས་ཡུལ་གན་དྷ་རའི་རྒྱལ་པོ་དང་། བཙུན་མོ་དང་། གཞོན་ནུ་དང་། བློན་པོ་དང་། གྲོང་ཁྱེར་དང་། ཡུལ་གྱི་མི་རྣམས་ལ་ལོངས་སྤྱོད་འཕེལ་བར་གྱུར་ཅིང་། དེ་དག་ལ་རྟག་ཏུ་ཤིང་གི་མེ་ཏོག་དང་འབྲས་བུར་ལྡན། ཆར་པ་ནི་དུས་དུས་སུ་འབབ། ས་ནི་འབྲུ་དང་ལྡན་པར་གྱུར་ཏེ། ཟས་བསླང་བ་རྣམས་ནི་མོད་པས་ན་དེར་ཡང་གྲོང་དང་། གྲོང་ཁྱེར་དང་། ཡུལ་དང་། ཕོ་བྲང་འཁོར་དེ་དང་དེ་དག་གི་དང་། ཡུལ་སོ་སོ་ན་གནས་པའི་དགེ་སྦྱོང་དང་། བྲམ་ཟེ་དང་། བཀྲེན་པ་དང་། ཕོངས་པ་ཐམས་ཅད་ཡུལ་གན་དྷ་རར་ལྷགས་ཏེ། དེ་དག་ལ་ཡང་གནོད་སྦྱིན་པཉྩ་ལས་སྲུང་བ་དང་། སྐྱོང་བ་དང་། སྐྱོབ་པར་བྱེད་དོ། །དེས་ཀྱང་རིགས་མཉམ་པ་ལས་ཆུང་མ་ཞིག་བླངས་ཏེ། དེ་ཡང་དེ་དང་ལྷན་ཅིག་རྩེ་དགའ་ཡོངས་སུ་སྤྱོད་དོ། །དེ་ནས་དུས་ཕྱི་ཞིག་ན་གནོད་སྦྱིན་ས་ཏ་དང་། གནོད་སྦྱིན་པཉྩ་ལ་གཉིས་གནོད་སྦྱིན་རྣམས་ཀྱི་གནོད་སྦྱིན་འདུས་པར་དོང་ནས། དེར་དེ་གཉིས་ ཕན་ཚུན་མཛའ་བོར་གྱུར་ཏེ། གནོད་སྦྱིན་ས་ཏས་དེ་ལ་དུས་དུས་སུ་ཡུལ་མཉམ་དགའི་མེ་ཏོག་དང་འབྲས་བུ་ལ་སོགས་པ་སྐྱེས་སུ་བསྐུར་རོ། །གནོད་སྦྱིན་པཉྩ་ལས་ཀྱང་གནོད་སྦྱིན་ས་ཏ་ལ་ཡུལ་གན་དྷ་རའི་མེ་ཏོག་དང་འབྲས་བུ་སྐྱེས་སུ་བསྐུར་རོ། །དེ་གཉིས་འདི་བཞིན་ཕན་ཚུན་དུ་རབ་ཏུ་མཛའ་བར་གྱུར་ནས། དེ་གཉིས་ཕྱིར་གནོད་སྦྱིན་འདུས་པར་དོང་སྟེ། གནོད་སྦྱིན་ས་ཏས་གྲོགས་པོ་ཡུ་བུ་གཉིས་དུས་ལས་འདས་ཀྱང་བུ་དང་། ཚ་བོ་དང་། ཡང་ཚ་དང་། སུམ་ཚ་རྣམས་མཛའ་བ་རྒྱུན་མི་ཆད་པར་བྱ་བའི་ཐབས་ཅི་ཡོད་ཅེས་སྨྲས་པ་དང་། གནོད་སྦྱིན་པཉྩ་ལས་སྨྲས་པ། གྲོགས་པོ་ལེགས་སོ། །བདག་ཀྱང་འདི་སྙམ་སེམས་ཏེ། དེ་ལྟ་བས་ན་མ་སྐྱེས་པ་ལས་གཉེན་དུ་བྱས་ཏེ། དེ་སྟེ་བདག་ལ་བུ་ཕོ་ཞིག་བཙས་ལ་ཁྱོད་ལ་བུ་མོ་ཞིག་ཡོད་པ་དང་། ཁྱོད་ཀྱིས་བདག་གི་བུ་ལ་བྱིན་ཅིག ། འོན་ཏེ་ཁྱོད་ལ་བུ་ཕོ་ཞིག་སྟེ་བདག་ལ་བུ་མོ་ཞིག་ན་བདག་གིས་ཁྱོད་ཀྱི་བུ་ལ་སྦྱིན་ནོ།། དེས་སྨྲས་པ། གྲོགས་པོ་ལེགས་ཀྱིས་དེ་བཞིན་བྱའོ། །དེ་གཉིས་ཕན་ཚུན་དུ་མ་བཙས་པར་གཉེན་བྱས་ཏེ་དོང་ངོ་། །དེ་ནས་དུས་ཕྱི་ཞིག་ན་གནོད་སྦྱིན་ས་ཏའི་ཆུང་མ་སེམས་ཅན་དང་ལྡན་པར་གྱུར་ཏེ། དེ་ཟླ་བ་དགུ་འདས་པ་དང་བུ་མོ་ཞིག་བཙས་ཏེ། དབྱིབས་ལེགས་ཤིང་བལྟ་ན་སྡུག་པ་བཟང་མོ་ཞིག་སྟེ། དེ་བཙས་པ་དང་གནོད་སྦྱིན་གྱི་རིགས་ཐམས་ཅད་དགའ་བར་གྱུར་ཏོ། །དེ་བདག་གི་རིགས་དང་འདྲ་བ་དང་རྒྱུད་གཅིག་པ་རྣམས་ཀྱིས་བཙས་པའི་བཙས་སྟོན་ཆེན་པོ་བྱས་ཏེ་མིང་འདོགས་པ་ལ་ཞུགས་སོ། །བུ་མོ་འདི་མིང་ཅིར་གདགས་ཞེས་གྲོས་བྱས་ན་གཉེན་བཤེས་དག་གིས་འདི་བཙས་པའི་ཚེ་གནོད་སྦྱིན་གྱི་རིགས་ཐམས་ཅད་དགའ་བར་གྱུར་གྱིས་དེ་བས་ན་བུ་མོ་འདི་མིང་དགའ་བྱེད་མར་གདགས་སོ་ཞེས་སྨྲས་ཏེ། དེའི་མིང་དགའ་བྱེད་མར་བཏགས་སོ། །ཡུལ་གན་དྷ་རའི་གནོད་སྦྱིན་པཉྩ་ལས་འདི་ལྟར་རྒྱལ་པོའི་ཁབ་ཏུ་གནོད་སྦྱིན་ས་ཏ་ལས་བུ་མོ་ཞིག་བཙས་སོ་ཞེས་ཐོས་ནས་དེས་བསམས་པ། བདག་གི་གྲོགས་པོ་ལ་བུ་མོ་ཞིག་བཙས་ཏེ་བུ་མོ་དེ་བདག་གི་མནའ་མར་འགྱུར་ཡང་བདག་གིས་རྒྱན་རྣམས་བསྐུར་བའི་རིགས་སོ་སྙམ་ནས། དེས་གནོད་སྦྱིན་ས་ཏ་ལ་གྲོགས་པོ་མཛའ་བོ་བདག་གིས་ཁྱོད་ཀྱི་བུ་མོ་བཙས་པར་ཐོས་ནས་ཤིན་ཏུ་དགའ་སྟེ། བདག་གིས་གྲོགས་པོའི་བུ་མོ་ལ་གོས་དང་རྒྱན་རྣམས་བསྐུར་བ་འདི་བླང་བའི་རིགས་སོ་ཞེས་ཡི་གེ་སྤྲིང་ངོ་། །དེས་ཡི་གེ་བཀླགས་ཏེ་སླར་ཡང་གྲོགས་པོ་བདག་ཅག་ནི་གཉེན་ཡིན་གྱིས་དེ་སྟེ་ཁྱོད་ལ་བུ་ཕོ་ཞིག་བཙས་ན་འདི་ནི་དེ་ཉིད་ཀྱི་ཡིན་ནོ་ཞེས་སྤྲིང་ངོ་། །གནོད་སྦྱིན་པཉྩ་ལས་དེ་བཀླགས་ནས་བུ་ནམ་རྙེད་ཅེས་རྟག་ཏུ་སེམས་ཤིང་ཆུང་མ་དང་ལྷན་ཅིག་ཏུ་རྩེ་དགའ་སྟེ་ཡོངས་སུ་སྤྱོད་དོ། །དེ་ལ་རྩེ་དགའ་ཡོངས་སུ་སྤྱད་པས་བུ་ཕོ་ཞིག་བཙས་ཏེ། དེ་ཡང་བདག་གི་རིགས་དང་མཐུན་པ་རྒྱུད་གཅིག་པ་དག་གིས་བཙས་པའི་བཙས་སྟོན་ཆེར་བྱས་ཏེ། མིང་འདོགས་པ་ལ་ཞུགས་སོ། །ཁྱེའུ་འདི་མིང་ཅིར་གདགས་ཞེས་བགྲོས་པ་ལས་གཉེན་བཤེས་དག་གིས་ཁྱེའུ་འདི་གནོད་སྦྱིན་པཉྩ་ལའི་བུ་སྟེ། དེ་བས་ན་ཁྱེའུ་འདིའི་མིང་པཱཉྩི་ཀར་གདགས་སོ་ཞེས་སྨྲས་ནས་དེའི་མིང་པཱཉྩི་ཀར་བཏགས་སོ། །རྒྱལ་པོའི་ཁབ་ཀྱི་གནོད་སྦྱིན་ས་ཏས་འདི་ལྟར་ཡུལ་གན་དྷ་རའི་གནོད་སྦྱིན་པཉྩ་ལའི་བུ་ཕོ་ཞིག་བཙས་པར་ཐོས་ཏེ། དེས་བདག་གི་གྲོགས་པོ་ལས་བུ་ཕོ་གཅིག་བཙས་ཏེ་གདོན་མི་ཟ་བར་བདག་གི་མག་པར་འགྱུར་རོ་སྙམ་བསམས་ནས། དེས་དེ་ལ་གོས་དང་རྒྱན་རྣམས་བསྐུར་ཏེ། གྲོགས་པོ་བདག་གིས་ཁྱོད་ཀྱི་བུ་ཞིག་བཙས་སོ་ཞེས་ཐོས་ནས་ཤིན་ཏུ་དགའ་སྟེ། བདག་གི་གྲོགས་པོའི་བུ་ལ་གོས་དང་རྒྱན་ཞིག་བསྐུར་གྱིས་དེ་བླང་བའི་རིགས་སོ་ཞེས་ཡི་གེ་སྤྲིང་ངོ་། །དེས་ཡི་གེ་བཀླགས་ཏེ་སླར་གྱི་ལན་བག་མ་བླང་བའི་སྟོན་མོའི་སྟ་གོན་གྱིས་ཤིག་ཅེས་སྤྲིང་བ་དང་། གནོད་སྦྱིན་ས་ཏས་ཡི་གེ་བཀླགས་ཏེ་ལེགས་ཀྱིས་བུ་མོ་དགའ་བྱེད་མ་ནི་བདག་གིས་སྔར་བྱིན་ནོ་སྙམ་བསམས་ནས། དེས་དེ་སྐྱེད་ཅིང་ཆུང་མ་དང་ལྷན་ཅིག་ཏུ་རྩེ་དགའ་ཡོངས་སུ་སྤྱོད་དོ། །དེ་ལ་རྩེ་དགའ་ཡོངས་སུ་སྤྱད་པས་ཆུང་མ་སེམས་ཅན་དང་ལྡན་པར་གྱུར་ཏེ། གང་གི་ཚེ་སེམས་ཅན་དང་ལྡན་པར་གྱུར་པ་དེའི་ཉིན་མོ་ཉིད་དུ་རི་ལ་ཁྲུང་ཁྲུང་གིས་སྐད་ཕྱུང་ངོ་། །དེ་ཟླ་བ་དགུ་འདས་པ་དང་བུ་ཁྱེའུ་ཞིག་བཙས་ཏེ་གཟུགས་ལེགས་ཤིང་བལྟ་ན་སྡུག་པ་བཟང་བ་ཞིག་སྟེ་བཙས་མ་ཐག་ཏུ་ཡང་རི་ལས་ཁྲུང་ཁྲུང་གིས་སྐད་ཕྱུང་ངོ་། །དེ་བདག་གི་རིགས་དང་མཐུན་པ་རྒྱུད་གཅིག་པ་བཙས་པའི་བཙས་སྟོན་ཆེར་བྱས་ཏེ་མིང་འདོགས་པ་ལ་ཞུགས་སོ། །ཁྱེའུ་འདི་མིང་ཅིར་གདགས་ཞེས་བགྲོས་ན་གཉེན་བཤེས་དག་གིས་འདི་མངལ་དུ་ཞུགས་པ་ན་ཡང་རི་ལས་ཁྲུང་ཁྲུང་གི་སྐད་ཕྱུང་། བཙས་པ་ན་ཡང་ཁྲུང་ཁྲུང་གི་སྐད་ཕྱུང་ལ་ཕ་ཡང་ས་ཏ་ཞེས་བྱ་སྟེ། དེ་བས་ན་ཁྱེའུ་འདི་མིང་ཡང་ས་ཏ་གི་རིར་གདགས་སོ་ཞེས་སྨྲས་ནས། དེའི་མིང་ས་ཏ་གི་རིར་བཏགས་སོ། །ཁྱེའུ་ས་ཏ་གི་རི་དེ་གསོས་སྐྱེད་དེ་ཆེར་གྱུར་པ་དང་ཇི་ཙམ་དུས་ཕྱི་ཞིག་ན་གནོད་སྦྱིན་ས་ཏ་ཆུང་མ་དང་བཅས་པར་དུས་ལས་འདས་ནས་ས་ཏ་གི་རི་ཁྱིམ་གྱི་བདག་པོར་གྱུར་པ་དང་། གནོད་སྦྱིན་གྱི་བུ་མོ་དགའ་བྱེད་མས་ས་ཏ་གི་རི་ལ་མིང་པོ་རྒྱལ་པོའི་ཁབ་ན་གནས་པའི་སྐྱེ་བོ་མང་པོ་དག་གིས་བུ་བཙས་ཤིང་བཙས་པ་དག་ཕྲོགས་ཤིང་ཕྲོགས་ནས་བཟའ་བར་འདོད་དོ་ཞེས་སྨྲས་པ་དང་། དེས་སྨྲས་པ། སྲིང་མོ་ཡུ་བུ་ཅག་གི་ཕས་ཡུལ་མཉམ་དགའི་རྒྱལ་པོ་མཁས་པ་ཅན་གཟུགས་ཅན་སྙིང་པོ་དང་། བཙུན་མོ་དང་། གཞོན་ནུ་དང་། བློན་པོ་དང་། གྲོང་དང་། གྲོང་ཁྱེར་དང་། ཡུལ་གྱི་མི་རྣམས་ལ་རྟག་ཏུ་སྲུང་བ་དང་། སྐྱོང་བ་དང་། སྐྱོབ་པར་བྱེད་དོ་ཞེས་ཐོས་ནས་ཡུ་བུ་ཅག་གིས་རབ་ཏུ་བསྲུང་བར་བྱ་བའི་རིགས་ཏེ། འདི་ནི་ཡུ་བུ་ཅག་གི་སྤྱོད་ཡུལ་ཡིན་གྱིས་འདི་ལ་གཞན་དག་ཅིག་ཀྱལ་ཀ་བྱེད་ན་ཡང་དེ་ལ་ཡུ་བུ་ཅག་གིས་ དགག་པའི་རིགས་ན་ཅིའི་ཕྱིར་ཁྱོད་ཀྱིས་དེ་བཞིན་བྱ་མི་རིགས་པར་ཁྱོད་ཀྱིས་སེམས་བསྐྱེད་པ་དེ་སླར་ཟློག་ཅེས་བསྒོའོ། །དེ་ལོག་པའི་སྨོན་ལམ་གྱི་བག་ཆགས་ཀྱིས་བགོས་པས་གཅུགས་སུ་མ་བཏུབ་སྟེ། ཡང་ས་ཏ་གི་རི་ལ་མིང་པོ་རྒྱལ་པོའི་ཁབ་ན་གནས་པའི་སྐྱེ་བོ་མང་པོ་དག་གི་བུ་བཙས་ཤིང་བཙས་པ་དག་ཕྲོགས་ཤིང་ཕྲོགས་ནས་བཟའ་བར་འཚལ་ལོ་ཞེས་སྨྲས་པ་དང་། ས་ཏ་གི་རིས་དེའི་དུས་ཀྱིས་རྟེན་པ་ལས་ན་གཅུགས་སུ་མི་བཏུབ་པར་ཤེས་ཏེ། འདི་ཕྱི་ཕྱིར་རྟག་ཏུ་དགག་མི་ནུས་ཀྱི་འདི་ཕས་ཀྱང་སྔར་བྱིན་ཏེ་བག་མར་གཏང་ངོ་སྙམ་བསམས་ནས་དེས་གནོད་སྦྱིན་པཉྩ་ལ་ལ་བུ་མོ་དགའ་བྱེད་མ་ནི་ན་ཆུང་དུ་གྱུར་གྱིས་ཚུར་ཤེག་ལ་བག་མ་ལོང་ཤིག་ཅེས་ཡི་གེ་སྤྲིང་བ་དང་། གནོད་སྦྱིན་པཉྩ་ལ་དེས་གནོད་སྦྱིན་གཞོན་ནུ་པཱཉྩི་ཀ་ལ་དཔལ་ཆེན་པོ་དང་སྦྱར་ཏེ་བག་མ་བླངས་ནས་ཡུལ་གན་དྷ་རར་ཁྲིད་དོ། །གནོད་སྦྱིན་གཞོན་ནུ་པཱཉྩི་ཀ་དེ་དང་ལྷན་ཅིག་ཏུ་རྩེ་དགའ་ཡོངས་སུ་སྤྱོད་དོ། །མོ་ནམ་མཛའ་ཞིང་སྤོབས་པ་དང་དགའ་ཞིང་ཡིད་བདེ་བ་མང་པོར་གྱུར་པ་དེའི་ཚེ་མོས་ཇོ་བོ་རྒྱལ་པོའི་ཁབ་ན་གནས་པའི་སྐྱེ་བོ་མང་པོ་དག་གི་བུ་བཙས་ཤིང་བཙས་པ་དག་འཕྲོག་ཅིང་ཕྲོགས་ཏེ་བཟའ་བར་འཚལ་ལོ་ཞེས་སྨྲས་པ་དང་། དེས་སྨྲས་པ། བཟང་མོ་དེ་ནི་ཁྱོད་ཀྱི་གཉེན་གྱི་གནས་ཡིན་ཏེ། དེར་གཞན་དག་ཅིག་ཀྱལ་ཀ་བྱེད་ན་ཡང་དེ་བདག་ཅག་གིས་དགག་པའི་རིགས་ན་ཁྱོད་ཀྱིས་ཅིའི་ཕྱིར་དེ་ལྟར་བྱ། ཁྱོད་ཀྱིས་མི་རིགས་པ་སེམས་བསྐྱེད་པ་དེ་སླར་ཟློག་ཤིག་ཅེས་བསྒོ་ན་དེ་སྔོན་གྱི་ལོག་པའི་སྨོན་ལམ་གྱིས་བག་ཆགས་བསྒོས་པས་སྡོད་ཅིག་ཅེས་སྨྲས་ཏེ་ཅང་མི་ཟེར་བར་འདུག་གོ །དེ་གནོད་སྦྱིན་གཞོན་ནུ་པཱཉྩི་ཀ་དང་ལྷན་ཅིག་ཏུ་རྩེ་དགའ་ཡོངས་སུ་སྤྱད་པས་བུ་ཕོ་ཞིག་བཙས་ཏེ་དེའི་བཙས་སྟོན་ཆེན་པོ་རྒྱ་ཆེར་བྱས་ཏེ་རིགས་དང་མཐུན་པའི་མིང་བཏགས་སོ། །དེ་བཞིན་ལན་གཉིས་ལན་གསུམ་ནས་བུ་ལྔ་ བརྒྱའི་བར་དུ་བཙས་ཏེ་དེ་དག་ཐམས་ཅད་ཀྱི་ཐ་ཆུངས་ནི་མིང་དགའ་བྱེད་དུ་བཏགས་སོ། །དེ་ནས་བུ་ལས་མཐུ་རྙེད་པར་གྱུར་པ་དེ་ན་པཱཉྩི་ཀས་བཟློག་ཀྱང་མ་ཟློགས་ནས་དེ་མི་དགའ་བར་གྱུར་ཏེ་མི་སྨྲ་བར་འདུག་གོ །དེ་ནས་གནོད་སྦྱིན་མོ་དགའ་བྱེད་མ་གར་དགའ་བར་རང་ཉམ་དུ་འགྲོ་ཞིང་རྒྱུ་བ་དང་གནས་པར་གྱུར་ཏོ། །དེས་རྒྱལ་པོའི་ཁབ་ན་སྐྱེ་བོ་མང་པོ་དག་གི་བུ་བཙས་ཤིང་བཙས་པ་དག་ཕྲོགས་ཤིང་ཕྲོགས་ནས་བཟའ་བར་བརྩམས་པ་དང་། རྒྱལ་པོའི་ཁབ་ན་གནས་པའི་སྐྱེ་བོ་མང་པོ་དག་གིས་རྒྱལ་པོ་གཟུགས་ཅན་སྙིང་པོ་ལ་ལྷ་བདག་ཅག་གི་བུ་བཙས་ཤིང་བཙས་པ་དག་ཅིག་གིས་ཕྲོགས་ན་སུ་ཞིག་བདག་ཅག་ལ་གནོད་པར་བགྱིད་པ་རྨ་བའི་རིགས་སོ་ཞེས་གསོལ་བ་དང་། རྒྱལ་པོས་གནས་ཐམས་ཅད་དབང་བ་རྣམས་ལ་ཀྱེ་རྒྱལ་པོའི་ཁབ་ན་གནས་པའི་སྐྱེ་བོ་མང་པོ་དག་གི་བུ་བཙས་ཤིང་བཙས་པ་དག་སུས་ཕྲོགས་པ་རྨོས་ཤིག་ཅེས་བསྒོ་ནས། དེ་དག་གིས་ནན་ཏན་དུ་བག་ཡོད་པར་རྨེད་པ་ལ་ཞུགས་པ་དང་། ཇི་ཙམ་ན་དེ་དག་གིས་ཡང་ཕྲོགས་པར་གྱུར་ནས་གནོད་པ་ཆེར་གྱུར་ནས་གནོད་པ་ཆེར་གྱུར་ཏེ་སུ་གང་གི་བུད་མེད་སེམས་ཅན་དང་ལྡན་པར་གྱུར་པ་དེས་ཡུལ་གཞན་དུ་ཕྱུང་སྟེ་བཞག་པ་དང་། བློན་པོ་དག་གིས་རྒྱལ་པོ་གཟུགས་ཅན་སྙིང་པོ་ལ་ལྷ་གནོད་པ་ཆེར་གྱུར་ཏེ་སུ་གང་གི་བུད་མེད་དག་སེམས་ཅན་དང་ལྡན་པར་གྱུར་ན་དེས་ཡུལ་གཞན་དུ་ཕྱུང་སྟེ་བཞག་གོ་ཞེས་གསོལ་པ་དང་། རྒྱལ་པོས་ལྟས་པ་བཀུག་སྟེ་སྨྲས་ན། དེ་དག་གིས་ལྷ་གནོད་སྦྱིན་ཁྲོས་ཀྱིས་གནོད་སྦྱིན་གྱི་གནས་སུ་གཏོར་མ་སྩལ་ལ་མཆོད་པ་དང་བཀུར་སྟི་མཛོད་ཅིག་ཅེས་གསོལ་ཏོ། །རྒྱལ་པོས་བློན་པོ་རྣམས་ལ་ཀྱེ་སོང་ལ་རྒྱལ་པོའི་ཁབ་ཀྱི་གྲོང་ཁྱེར་དུ་དྲིལ་བསྒྲགས་པ་བྱོས་ཤིག །རྒྱལ་པོའི་ཁབ་ན་སྐྱེ་བོ་མང་པོ་ཐམས་ཅད་དང་། ཡུལ་སོ་སོ་ནས་ལྷགས་པ་ཐམས་ཅད་ཀྱིས་གནོད་སྦྱིན་གྱི་གནས་སུ་གཏོར་མ་བྱིན་ལ་མཆོད་པ་དང་བཀུར་སྟི་བྱོས་ཤིག་ཅེས་བསྒོ་བ་དང་། དེ་དག་གིས་ཀྱང་དེ་བཞིན་དྲིལ་བསྒྲགས་ཏེ། ཀྱེ་རྒྱལ་པོའི་ཁབ་དང་། གྲོང་ཁྱེར་དང་། ཡུལ་སོ་སོ་ནས་ལྷགས་པའི་སྐྱེ་བོ་དག་ཉོན་ཅིག ། ལྷས་འདི་སྐད་བཀའ་སྩལ་ཏོ། །བདག་གི་ཡུལ་ན་གྲོང་ཁྱེར་དང་། ཡུལ་སོ་སོ་ནས་ལྷགས་པའི་སྐྱེ་བོ་མང་པོ་གནས་པ་ཐམས་ཅད་ཀྱིས་གནོད་སྦྱིན་གྱི་གནས་ཐམས་ཅད་དུ་གཏོར་མ་བྱིན་ལ་མཆོད་པ་དང་བཀུར་སྟི་བྱོས་ཤིག་ཅེས་བསྒོ་བ་དང་། རྒྱལ་པོའི་ཁབ་ན་གནས་པའི་སྐྱེ་བོ་མང་པོ་དག་གིས་གྲོང་ཁྱེར་དེ་དག་རྡོ་བ་དང་། གྱོ་མོ་དང་། ས་རྡོ་དག་ཕྱགས་ཏེ་ཙན་དན་གྱི་ཆུས་ཆག་ཆག་བཏབ་ནས་དྲི་ཞིམ་པོའི་པོག་ཕོར་དག་སོ་སོར་དཔྱངས། རྒྱལ་མཚན་དང་། ལྷའི་འཕན་སྒྲེང་། དར་གྱི་ལྡ་ལྡི་མང་པོ་ནི་དཔྱངས་ཏེ་མེ་ཏོག་སྣ་ཚོགས་ཀྱིས་གཏོར་ནས་ལྷ་རྣམས་ཀྱི་སྐྱེད་མོས་ཚལ་དགའ་ལྡན་བཞིན་དུ་མཛེས་པར་བྱས་སོ། །དེ་ནས་གནོད་སྦྱིན་གྱི་གནས་ཐམས་ཅད་གཏོར་མ་བྱིན་ཞིང་མཆོད་པ་དང་བཀུར་སྟི་བྱས་ཏེ་འོན་ཀྱང་དགའ་བྱེད་མ་ཞི་བར་མ་གྱུར་ཏོ། །དེ་ནས་རྒྱལ་པོའི་ཁབ་ན་གནས་པའི་ལྷ་དག་གིས་རྒྱལ་པོའི་ཁབ་ན་གནས་པའི་སྐྱེ་བོ་མང་པོ་དག་ཀྱེ་ཁྱེད་ལ་གནོད་སྦྱིན་མོ་དགའ་བྱེད་མས་ཁྱོད་ཀྱི་བུ་རྣམས་ཕྲོགས་ཀྱིས་ཁྱེད་ཐམས་ཅད་བཅོམ་ལྡན་འདས་ཀྱི་དྲུང་དུ་དོང་བ་དང་། བཅོམ་ལྡན་འདས་ཀྱིས་དེ་གདུལ་བར་མཛད་དོ་ཞེས་བསྟན་ ཏོ། །དེ་དག་གིས་ཀྱེ་དེ་ནི་དགའ་བྱེད་མ་མ་ཡིན་གྱི་དེ་ནི་འཕྲོག་མ་སྟེ། དེས་བདག་ཅག་གི་བུ་བཙས་ཤིང་བཙས་པ་རྣམས་ཕྲོགས་ཞེས་སྨྲས་པ་དང་། དེའི་མིང་དགའ་བྱེད་མ་ཞེས་བྱ་བ་ལྡོག་སྟེ་གནོད་སྦྱིན་མ་འཕྲོག་མར་མིང་དུ་གྱུར་ཏོ། །དེ་ནས་རྒྱལ་པོའི་ཁབ་ན་གནས་པའི་སྐྱེ་བོ་མང་པོ་དག་བཅོམ་ལྡན་འདས་ག་ལ་བ་དེར་དོང་སྟེ་ཕྱིན་པ་དང་། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ། བཅོམ་ལྡན་འདས་གནོད་སྦྱིན་མོ་འཕྲོག་མ་འདི་རྒྱལ་པོའི་ཁབ་ན་སྐྱེ་བོ་མང་པོ་ལ་ཡུན་རིང་པོ་ནས་མ་འཁོན་པ་དང་ནི་འཁོན། དགྲར་མ་གྱུར་པ་དང་ནི་དགྲར་གྱུར། སྙིང་མ་རིངས་པ་ལ་ནི་སྙིང་རིང་བར་གྱུར། དེས་བུ་བཙས་ཤིང་བཙས་པའི་རྣམས་ཕྲོགས་ན། བཅོམ་ལྡན་འདས་ཐུགས་རྗེ་ཅན་ཐུགས་བརྩེ་བའི་ཕྱིར་གནོད་སྦྱིན་མ་འཕྲོག་མ་གདུལ་བར་ཅི་གནང་ཞེས་གསོལ་པ་དང་། བཅོམ་ལྡན་འདས་ཀྱིས་ཅང་མི་གསུང་བ་བཞིན་རྒྱལ་པོའི་ཁབ་ན་གནས་པའི་སྐྱེ་བོ་མང་པོ་དག་ལ་གནང་ངོ་། །དེ་ནས་རྒྱལ་པོའི་ཁབ་ན་གནས་པའི་སྐྱེ་བོ་མང་པོ་དག་གིས་བཅོམ་ལྡན་འདས་ཅང་མི་གསུང་བ་བཞིན་གནང་བར་ཤེས་ནས་བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ་བཅོམ་ལྡན་འདས་ཀྱི་དྲུང་ནས་སོང་ངོ་། །དེ་ནས་སྔ་དྲོ་བཅོམ་ལྡན་འདས་ཀྱིས་ཤམ་ཐབས་དང་ཆོས་གོས་མནབས། ལྷུང་བཟེད་བསྣམས་ནས་རྒྱལ་པོའི་ཁབ་ཏུ་བསོད་སྙོམས་ཀྱི་ཕྱིར་གཤེགས་ཏེ་རྒྱལ་པོའི་ཁབ་ནས་བསོད་སྙོམས་ལས་སླར་བསྐོར་ནས་ཟས་ཀྱི་བྱ་བ་བྱས་ཏེ། བསོད་སྙོམས་ཕྱིས་ལེན་པ་སྤངས་ཏེ་གཤེགས་ནས་གནོད་སྦྱིན་མོ་འཕྲོག་མའི་གནས་གང་ན་བ་དེར་གཤེགས་ཏེ། དེའི་ཚེ་ན་གནོད་སྦྱིན་མོ་འཕྲོག་མས་བུ་དགའ་བྱེད་ཁྱིམ་དུ་བཞག་སྟེ་སྤྱོད་ཡུལ་དུ་སོང་བ་དང་། བཅོམ་ལྡན་ འདས་ཀྱིས་དེ་ལྷུང་བཟེད་ཀྱིས་བཀབ་སྟེ་བཞག་ནས། ཇི་ལྟར་བུ་ཕོ་དག་གིས་ནི་དེ་མི་མཐོང་གིས། དེས་དེ་དག་ཐམས་ཅད་མཐོང་བར་འགྱུར་བ་དེ་ལྟར་བྱིན་གྱིས་བརླབས་སོ། །དེ་མ་ཐག་ཏུ་གནོད་སྦྱིན་མོ་འཕྲོག་མ་སྤྱོད་ཡུལ་ནས་འོངས་པ་དང་བུ་དགའ་བྱེད་མི་སྣང་ནས་དེ་སྤངས་ཏེ་དེ་ཕན་ ཚུན་ཁྱིམ་ཁོ་ར་ཁོར་ཡུག་ཏུ་བལྟས་ན་འོན་ཀྱང་མི་སྣང་ནས་བུ་དག་དགའ་བྱེད་མི་སྣང་ན་ག་རེ། དེ་དག་གིས་ཀྱང་མ་མཐོང་། བདག་ཅག་གིས་ཀྱང་མ་མཐོང་ངོ་ཞེས་སྨྲས་པ་དང་། དེས་བྲང་བརྡུངས་ནས་མདོག་ཉམས་ཤིང་མི་དགའ་སྟེ་མིག་མཆི་མས་གང་ནས་འགྲོས་མྱུར་བར་བརྒྱུགས་ཏེ་རྒྱལ་པོའི་ཁབ་ཀྱི་གྲོང་དང་། ཚོང་དུས་དང་། སྲང་དང་། ལམ་གྱི་བཞི་མདོ་དང་། ལམ་གྱི་སུམ་མདོ་དང་། ཀུན་དགའ་ར་བ་དང་། སྐྱེད་མོས་ཚལ་དང་། མཚོ་དང་། ལྟེང་ཀ་དང་། རྫིང་དང་། ལྷ་ཁང་དང་། འདུན་ཁང་དང་། གཞན་ཡང་ཁྱིམ་དོག་པའི་གནས་དག་ཏུ་བཙལ་ན་འོན་ཀྱང་མ་རྙེད་དོ། །དེ་ནས་བླ་གོས་མེད་པར་སྨྱོས་ནས་ངུ་ཞིང་སྨྲེ་བ་ཀྱི་ཧུད་བུ། ཀྱི་ཧུད་ཕ། ཀྱི་ཧུད་དགའ་བྱེད་ཅེས་ཡང་དང་ཡང་སྒྲ་འབྱིན་ཅིང་གྲོང་དང་། གྲོང་ཁྱེར་དང་། གྲོང་འདབ་དང་། ཕོ་བྲང་དང་། ཕོ་བྲང་འཁོར་རྣམས་སུ་བལྟས་ཏེ་འོན་ཀྱང་མ་རྙེད་དོ། །དེ་ནས་ཤར་ཕྱོགས་ཀྱི་རྒྱ་མཚོ་ཆེན་པོར་སོང་ངོ་། །ལྷོ་ཕྱོགས་དང་། ནུབ་ཕྱོགས་དང་། བྱང་ཕྱོགས་ཀྱི་རྒྱ་མཚོར་སོང་ངོ་། །ཤར་ཕྱོགས་དང་། ལྷོ་ཕྱོགས་དང་། ནུབ་ཕྱོགས་དང་། བྱང་ཕྱོགས་དེ་དག་ན་ཡང་མི་སྣང་ངོ་། །དེ་ནས་སྐྲ་ཞིག་ཅིང་སྒྲེན་མོར་གྱུར། འགྲོས་ཀྱང་འཁྱམ། ཡར་མཆོང་མར་ལྷུང་ས་ལ་འགྲེའོ། །པུས་མོས་འགྲོ་ཙོག་པུར་འདུག་པ་དེ་ལྟ་བུའི་ཐབས་ཀྱིས་འཛམ་བུའི་གླིང་གི་རི་ནག་པོ་བདུན་རྒལ་ནས་གསེར་ལྟ་བུའི་རི་བདུན་དང་། གངས་ཀྱི་རི་དང་། མ་དྲོས་པའི་མཚོ་ཆེན་དང་། རི་དྲི་རྒྱས་དག་ཏུ་ཡང་བཙལ་ཏེ་དེ་ནས་སྐད་ཆེར་ངུ་ཞིང་ཤར་གྱི་ལུས་འཕགས་གླིང་དང་། ནུབ་ཀྱི་བ་ལང་སྤྱོད་དང་། བྱང་གི་སྒྲ་མི་སྙན་རྣམས་ཀུན་ཏུ་བཙལ་ན་ཡང་མ་རྙེད་དེ། དེ་ནས་ཡང་སོས་དང་། ཐིག་ནག་པོ་དང་། འདུས་གཏུབ་དང་། འོ་དོད་འབོད་པ་དང་། འོ་དོད་ཆེར་འབོད་པ་དང་། སྲེག་པ་དང་། རབ་ཏུ་སྲེག་པ་དང་། མནར་མེད་པ་དང་། ཆུ་བུར་དང་། ཤིན་ཏུ་ཆུ་བུར་དང་། ཨ་ཧ་ཧ་ཞེས་ཟེར་བ་དང་། ཧ་ཧ་པ་དང་། ཧུ་ཧུ་པ་དང་། ཨུཏྤལ་ལྟ་བུ་དང་། པད་མ་ཆེན་པོ་ལྟ་བུ་ལ་སོགས་པ་དང་སེམས་ཅན་དམྱལ་བ་དག་ཏུ་ཡང་བཙལ་ན་མ་རྙེད་དོ། །དེ་ནས་རི་རབ་ཀྱི་བང་རིམ་དང་པོར་འཛེགས། དེས་གཉིས་པ་དང་། གསུམ་པར་འཛེགས། དེ་ནས་གནོད་སྦྱིན་གྱི་བདག་པོ་ངལ་བསོ་པོ་ལ་མ་དྲིས་པར་སུམ་བཅུ་རྩ་གསུམ་ལྷའི་གནས་སུ་བཙལ་ཏེ་སྐྱེད་མོས་ཚལ་ཤིང་རྟ་སྣ་ཚོགས་ཞེས་བྱ་བ་དང་། རྩུབ་པོར་འགྱུར་བ་དང་། འདྲེས་པ་དང་། དགའ་བ་ཞེས་བྱ་བའི་ སྐྱེད་མོས་ཚལ་དུ་ཡང་བཙལ། པ་རི་ཡ་ཏྲ་ཀོ་བི་དཱ་རའི་དྲུང་དུ་ཡང་སོང་ངོ་། །དེ་ནས་ལྷའི་འདུ་བ་ཆོས་བཟངས་ཞེས་བྱ་བ་གྲོང་ཁྱེར་བཟང་པོར་སྣང་དུ་ཞུགས་ཏེ། དེ་ནས་བརྒྱ་བྱིན་ལྷའི་དབང་པོའི་ཁང་པ་རྣམ་པར་རྒྱལ་དུ་འགྲོ་བར་བརྩམས་པ་དང་། དེར་གནོད་སྦྱིན་ལག་ན་རྡོ་རྗེ་ལ་སོགས་པ་གནོད་སྦྱིན་དུ་མ་དང་། ལྷ་སྟོང་གིས་བཟུང་བ་དང་། དེ་མྱུར་དུ་མགྱོགས་པར་གྲོང་ཁྱེར་བཟང་པོར་སྣང་ནས་བྱུང་སྟེ། ཕྱོགས་གཞན་ཞིག་ཏུ་རིང་ཞིག་ངུས་ནས་མདོར་ན་ཡི་ཆད་པར་གྱུར་ཏེ་གནོད་སྦྱིན་རྣམས་ཀྱི་བདག་པོ་ངལ་བསོ་པོའི་དྲུང་དུ་སོང་ནས་རྡོ་ལེབ་ལ་བདག་གི་ལུས་བརྡབས་ནས་ཀྱི་ཧུད་བུ། ཀྱི་ཧུད་ཕ། ཀྱི་ཧུད་དགའ་བྱེད་ཅེས་སྨྲེ་ཞིང་སྨྲ་བ་སྟེ། སྡེ་དཔོན་ཆེན་པོ་སུས་ཕྲོགས་མི་དགའ་ན་བུ་སློང་ན་སྩལ་དུ་གསོལ་ཞེས་སྨྲས་པ་དང་། གནོད་སྦྱིན་གྱི་རྒྱལ་པོ་ཆེན་པོ་ངལ་བསོ་པོས་སྨྲས་པ། ཆེ་ཞེ་མྱ་ངན་ཐོང་ལ་མཆི་མ་ཕྱིས་ཤིག ། ཁྱོད་ཀྱི་གནས་སུ་ཉིན་པར་གནས་ཤིང་སུ་འོངས་པ་སོམས་ཤིག་ཅེས་སྨྲས་པ་དང་། དེས་སྨྲས་པ། སྡེ་དཔོན་དགེ་སྦྱོང་གཽ་ཏ་མ་ལགས་སོ། །དེས་དེ་སོང་ལ་བཅོམ་ལྡན་འདས་ལ་སྐྱབས་སུ་སོང་ཤིག་དང་ཁྱོད་ལ་བུ་དགའ་བྱེད་དེ་བཅོམ་ལྡན་འདས་ཀྱིས་སྟོན་ཏོ་ཞེས་སྨྲས་པ་དང་། དེ་སྲོག་སྟོར་བ་ལས་སླར་རྙེད་པ་བཞིན་དུ་རིངས་ཤིང་མྱུར་དུ་རང་གི་གནས་སུ་སོང་བ་དང་། གནོད་སྦྱིན་མ་འཕྲོག་མས་སངས་རྒྱས་བཅོམ་ལྡན་འདས་སྐྱེས་བུ་ཆེན་པོའི་མཚན་སུམ་བཅུ་རྩ་ གཉིས་ཀྱིས་བརྒྱན། དཔེ་བྱད་བཟང་པོས་སྐུ་སྤྲས། ཉི་ཟེར་སྟོང་ལས་འདས་པའི་འོད་འདོམ་གང་གིས་བརྒྱན་པ། རིན་པོ་ཆེའི་རི་འགྲོ་བ་བཞིན་ཁོ་ར་ཁོར་ཡུག་ནས་བཟང་བ་མཐོང་མ་ཐག་ཏུ་དགའ་བ་སྐྱེས་ཏེ་བུ་དགའ་བྱེད་རྙེད་དོ་སྙམ་ནས་བཅོམ་ལྡན་འདས་ག་ལ་བ་དེར་སོང་སྟེ་ཕྱིན་པ་དང་། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ་ཕྱོགས་གཅིག་ཏུ་འདུག་གོ །ཕྱོགས་གཅིག་ཏུ་འདུག་ནས་གནོད་སྦྱིན་མོ་འཕྲོག་མས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །ཀྱེ་གཽ་ཏ་མ་ཁྱོད་ཀྱིས་བདག་གི་བུ་དགའ་བྱེད་བསྟན་དུ་གསོལ། བདག་གི་བུ་དགའ་བྱེད་མ་མཐོང་ནས་རིང་ཞིག་ལོན་ནོ་ཞེས་སྨྲས་པ་དང་། བཅོམ་ལྡན་འདས་ཀྱིས་གནོད་སྦྱིན་མོ་འཕྲོག་མ་ལ་འཕྲོག་མ་ཁྱོད་ལ་བུ་མང་ཞེ་ན་ཇི་སྙེད་ཡོད་ཅེས་སྨྲས་པ་དང་། དེས་སྨྲས་པ། བཅོམ་ལྡན་འདས་བུ་ལྔ་བརྒྱ་མཆིས་སོ། །བཅོམ་ལྡན་འདས་ཀྱིས་འཕྲོག་མ་དེ་སྟེ་ཁྱོད་ཀྱི་བུ་ལྔ་བརྒྱ་ལས་གཅིག་ཅིག་མེད་པ་ལྟ་ཅི་ཉེས། ཞེས་གསུངས་པ་དང་། བཅོམ་ལྡན་འདས་བདག་ གི་དགའ་བྱེད་མ་མཐོང་ན་ཁྲག་དྲོན་པོར་སྐྱུགས་ཏེ་གདོན་མི་ཟ་བར་དུས་བགྱིད་དོ་ཞེས་གསོལ་པ་དང་། འཕྲོག་མ་ཁྱོད་ཀྱི་བུ་ལྔ་བརྒྱ་ལས་གཅིག་མ་མཐོང་ན་ཡང་འདི་འདྲ་བར་སྡུག་བསྔལ་ན་གང་ལ་བུ་གཅིག་པུ་ཡོད་པ་ཡང་ཁྱོད་ཀྱིས་བསད་དེ་ཟོས་ན་དེའི་སྡུག་བསྔལ་ཇི་འདྲ་བར་འགྱུར། དེས་བཅོམ་ལྡན་འདས་དེ་བས་སྡུག་བསྔལ་བ་རབ་ཏུ་ཆེའོ་ཞེས་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། འཕྲོག་མ་ཁྱོད་བུ་དང་བྲལ་བའི་སྡུག་བསྔལ་འདི་འདྲ་བ་ཤེས་བཞིན་དུ་གཞན་གྱི་བུ་ཅི་ཕྱིར་བཟའ། དེས་བཅོམ་ལྡན་འདས་བདག་གིས་ཇི་ལྟར་བགྱི་བ་བཀའ་སྩོལ་ཅིག་ཅེས་གསོལ་པ་དང་། བཅོམ་ལྡན་འདས་ཀྱིས་ཚུར་ཤོག་ང་ལ་སྐྱབས་སུ་སོང་སྟེ་བསླབ་པའི་གཞི་ཟུང་ལ་རྒྱལ་པོའི་ཁབ་ན་གནས་པའི་སྐྱེ་བོ་མང་པོ་ལ་མི་འཇིགས་པ་བྱིན་ཅིག་དང་། གལ་ཏེ་འདི་ཉིད་ན་འདུག་བཞིན་དུ་བུ་དགའ་བྱེད་མཐོང་བར་གདོན་མི་ཟའོ་ཞེས་བཀའ་སྩལ་པ་དང་། དེས་བཙུན་པ་འདི་ལྟར་དེང་ཕན་ཆད་བཅོམ་ལྡན་འདས་ལ་སྐྱབས་སུ་མཆི་བ་དང་བསླབ་པའི་གཞི་བཟུང་སྟེ་རྒྱལ་པོའི་ཁབ་ན་གནས་པའི་སྐྱེ་བོ་མང་པོ་ལ་ཡང་མི་འཇིགས་པ་སྩལ་ཏོ། །དེ་ནས་བཅོམ་ལྡན་འདས་ཀྱིས་དེའི་བུ་དགའ་བྱེད་བསྟན་ནས་དེས་ཀྱང་བཅོམ་ལྡན་འདས་ལ་སྐྱབས་སུ་སོང་ནས་བསླབ་པའི་གཞི་བཟུང་སྟེ་རྒྱལ་པོའི་ཁབ་ན་གནས་པའི་སྐྱེ་བོ་མང་པོ་ལ་མི་འཇིགས་པ་བྱིན་ནོ། །ནམ་གྱི་ཚེ་འཕྲོག་མ་བཅོམ་ལྡན་འདས་ལ་སྐྱབས་སུ་སོང་སྟེ་བསླབ་པའི་གཞི་བཟུང་ནས་རྒྱལ་པོའི་ཁབ་ན་གནས་པའི་སྐྱེ་བོ་མང་པོ་དག་ལ་མི་འཇིགས་པ་བྱིན་པ་དེའི་ཚེ་དགེ་སློང་དག་ཐེ་ཚོམ་སྐྱེས་ཏེ་ཐེ་ཚོམ་ཐམས་ཅད་གཅོད་པ་སངས་རྒྱས་བཅོམ་ལྡན་འདས་ལ་ཞུས་པ། བཙུན་པ་གནོད་སྦྱིན་མོ་འཕྲོག་མས་ལས་ཅི་བགྱིས། ལས་གང་གི་རྣམ་པར་སྨིན་པས་ན་མདངས་འཕྲོག་མའི་གནོད་སྦྱིན་མོར་སྐྱེས་ལ་འདི་ལས་བུ་ལྔ་བརྒྱ་བཙས་ཞེས་ཞུས་པ་དང་། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་གནོད་སྦྱིན་མོ་འཕྲོག་མས་ལས་བྱས་ཤིང་བསགས་པས་ཚོགས་རྙེད་པ་དང་། རྐྱེན་སྨིན་པ་ནི་ཆུ་བོ་བཞིན་ཉེ་བར་གནས་ཏེ་གདོན་མི་ཟ་བར་འགྱུར་རོ། །འཕྲོག་མས་ལས་བྱས་ཤིང་བསགས་པ་ནི་གཞན་གྱིས་མྱོང་བར་མི་འགྱུར་རོ། །དགེ་སློང་རྣམས་ལས་བྱས་ཤིང་བསགས་པ་ནི་ཕྱི་རོལ་གྱི་སའི་ཁམས་ལ་རྣམ་པར་མི་སྨིན། ཆུའི་ཁམས་ལ་མ་ཡིན། མེའི་ཁམས་ལ་མ་ཡིན། རླུང་གི་ཁམས་ལ་མ་ཡིན་གྱི། ཟིན་པའི་ཕུང་པོ་དང་། ཁམས་དང་། སྐྱེ་མཆེད་འདི་ཉིད་ལ་དགེ་བ་དང་མི་དགེ་བའི་ལས་བྱས་པ་ནི་རྣམ་པར་སྨིན་ཏོ། །ལས་རྣམས་སྟོར་བར་མི་འགྱུར་བ། །བསྐལ་པ་དག་ནི་བརྒྱ་ལོན་ཀྱང་། །དུས་དང་འཕྲོད་ནས་ཐོབ་པ་ནི། །ལུས་ཅན་རྣམས་ལ་འབྲས་བུར་སྨིན། །དགེ་སློང་དག་སྔོན་འདས་པའི་དུས་ན་བྱུང་བ་ནི་རྒྱལ་པོའི་ཁབ་འདི་ཉིད་ན་གྲོང་ཁྱེར་གཞན་ཞིག་ཏུ་བ་ལང་རྫི་ཞིག་གནས་པ་དེས་རིགས་མཉམ་པ་ལས་ཆུང་མ་ཞིག་བླངས་ཏེ། དེ་དེ་དང་ལྷན་ཅིག་ཏུ་རྩེ་དགའ་ཡོངས་སུ་སྤྱོད་དོ། །དེ་ལ་རྩེ་དགའ་ཡོངས་སུ་སྤྱད་པས་དུས་ཕྱི་ཞིག་ན་ཆུང་མ་སེམས་ཅན་དང་ལྡན་པར་གྱུར་ཏོ། །སངས་རྒྱས་མི་འབྱུང་བ་ན་རང་སངས་རྒྱས་འཇིག་རྟེན་དུ་འབྱུང་སྟེ། ཉམས་ཤིང་དམན་པ་ལ་ཐུགས་བརྩེ་བ་གནས་པས་མཐར་ཚ་བ་འཇིག་རྟེན་པའི་ཡོན་གནས་གཅིག་པའོ། །ཇི་ཙམ་ན་རང་སངས་རྒྱས་གཞན་ཞིག་ཡུལ་རྒྱུ་ཞིང་རྒྱལ་པོའི་ཁབ་ཏུ་གཤེགས་ཏེ་དེའི་ཚེ་ན་རྒྱལ་པོའི་ཁབ་ཀྱི་གྲོང་དུ་དུས་སྟོན་ཉེ་བར་གྱུར་ཏོ། །དེར་སྔོན་ཟན་པ་ལྔ་བརྒྱ་ཙམ་ཞིག་གཙང་ཞིང་བསོད་པའི་བཟའ་བ་དང་བཅའ་བ་ཁྱེར་ཏེ་གོས་སྣ་ཚོགས་ཀྱིས་ནི་བཀླུབས། མེ་ཏོག་ཀུ་སུ་མ་དྲི་ཞིམ་པོས་བརྒྱན་ཏེ་གར་བྱེད་གླུ་ལེན་རྔ་རྡུང་ཞིང་སྐྱེད་མོས་ཚལ་གྱི་སར་དོང་བའི་བར་དུ་བ་ལང་རྫི་མོ་ཞིག་དར་བ་བུམ་པ་གང་ཐོགས་ཏེ་ལམ་དེ་ནས་མར་སོང་བ་དང་། སྔོན་ཟན་པ་དེ་དག་གིས་དེ་མཐོང་ནས་གྲོགས་མོ་ཚུར་ཤོག ། གླུ་བླང་ངོ་ཞེས་སྨྲས་པ་དང་། དེས་ཀྱང་དེ་དག་གར་ཇི་ལྟ་ཇི་ལྟར་བྱེད་པ་དེ་ལྟ་དེ་ལྟར་བྱས་པས་དེའི་མངལ་ཞིག་པར་གྱུར་ཏོ། །དེ་ཁྲོས་ནས་རང་སངས་རྒྱས་ལ་ཨ་མྲའི་འབྲས་བུ་སྨིན་པ་ལྔ་བརྒྱ་ཕུལ་ནས་སྨོན་ལམ་བཏབ་པ། དགེ་བའི་རྩ་བ་ འདིས་བདག་གང་དང་གང་དུ་སྐྱེས་པ་དེ་དང་དེར་མདངས་འཕྲོག་མའི་གནོད་སྦྱིན་མོ་ཞིག་ཏུ་སྐྱེས་ལ་རྒྱལ་པོའི་ཁབ་ཀྱི་མི་རྣམས་ཀྱི་བུ་དང་བུ་མོ་བདག་གིས་ཕྲོགས་ཏེ་ཟ་བར་གྱུར་ཅིག །བདག་ལ་བུ་ཡང་ལྔ་བརྒྱ་བཙའ་བར་གྱུར་ཅིག་ཅེས་སྨྲས་སོ། །དགེ་སློང་དག་དེའི་ཚེ་བ་ལང་རྫིའི་ཆུང་མར་གྱུར་པ་ནི་ད་ལྟར་གྱི་འཕྲོག་མ་ཡིན་ཏེ་སྨོན་ལམ་བཏབ་པའི་དབང་གིས་འདི་ལྟ་བུར་སྐྱེས་པ་ཡིན་ནོ།། །།པའི་དབང་གིས་འདི་ལྟ་བུར་སྐྱེས་པ་ཡིན་ནོ།། །།)
• Dictionaries/sgom sde tshig mdzod chenmo/3220  + ((འདུལ་བ) དགེ་སློང་མའི་ཁྲིམས་སུམ་བརྒྱ་དྲུག་ … (འདུལ་བ) དགེ་སློང་མའི་ཁྲིམས་སུམ་བརྒྱ་དྲུག་ཅུ་རྩ་བཞི་ནི། མི་ཚངས་སྤྱོད་སོགས་ཕམ་པ་བརྒྱད་དང༌། སྨྱན་བྱེད་པ་སོགས་ལྷག་མ་ཉི་ཤུ་དང༌། འཆང་བ་སོགས་སྤང་བའི་ལྟུང་བྱེད་སུམ་ཅུ་རྩ་གསུམ་དང༌། རྫུན་སྨྲ་བ་སོགས་ལྟུང་བྱེད་འབའ་ཞིག་པ་བརྒྱ་དང་བརྒྱད་ཅུ་དང༌། གཞན་གྱི་ཁྱིམ་ནས་འོ་མ་བསླངས་ཏེ་འཐུང་བ་སོགས་སོ་སོར་བཤགས་པར་བྱ་བ་བཅུ་གཅིག་དང༌། ཤམ་ཐབས་ཟླུམ་པོར་མི་བགོ་བ་སོགས་ཉེས་བྱས་བརྒྱ་དང་བཅུ་གཉིས་ཏེ་ལྟུང་བ་སུམ་བརྒྱ་དང་དྲུག་ཅུ་རྩ་བཞིའོ། །རྗེའི་འདུལ་བ་རྒྱ་མཚོའི་སྙིང་པོ་ལས། ཕམ་བརྒྱད་ལྷག་མ་ཉི་ཤུ་དང༌། །སྤང་བའི་ལྟུང་བྱེད་སུམ་ཅུ་གསུམ། །ལྟུང་བྱེད་འབའ་ཞིག་བརྒྱ་བརྒྱད་ཅུ། །སོ་སོར་བཤགས་པ་བཅུ་གཅིག་དང༌། །ཉེས་བྱས་བརྒྱ་དང་བཅུ་གཉིས་ཏེ། །སུམ་བརྒྱ་དྲུག་ཅུ་རྩ་བཞི་རྣམས། །སྤོང་བར་བྱེད་པ་དགེ་སློང་མ། ཞེས་གསུངས་པ་ལྟར་རོ། ། (དགེ་སློང་མའི་ཕམ་པ་བརྒྱད་ནི) དགེ་སློང་མའི་སོ་སོར་ཐར་པའི་མདོ་༼ ཏ ༽༣བ༣ལས། སྡོམ་ལ། མི་ཚངས་སྤྱོད་དང་རྐུ་བ་དང་། །མི་གསོད་བརྫུན་དུ་སྨྲ་བ་དང་། །ས་གའི་བུ་དང་སྤོས་འཚོང་ཁྱེའུ། །མཛའ་མོ་དང་ནི་གྲེ་སྐྱེས་པའོ། །ཞེས་གསུངས། (དགེ་སློང་མའི་ལྷག་མ་ཉི་ཤུ་ནི) སྨྱན་བྱེད་པ་དང་གཞི་མེད་དང་། །གསུམ་པ་བག་ཙམ་ཆ་ལས་ལེན། །བཞི་པ་ཅི་ཡང་རུང་བར་བྱ། །ལྔ་པ་ཆགས་པ་མེད་པ་སྟེ། །མཚན་མོ་ཉིན་མོ་ལམ་འགྲོ་དང་། །ཆུ་ཀླུང་ཕ་རོལ་ཡིད་མཐུན་ནོ། །ཤི་བའི་ནོར་རྫས་ལེན་པ་དང་། །དགེ་སློང་མ་ལ་བཟོད་བྱེད་དང་། །སྤོང་དང་འཐབ་ཀྲོལ་བྱེད་པ་དང་། །སྟེན་དང་སྟེན་དུ་འཇུག་པ་དང་། །དགེ་འདུན་དབྱེན་དང་དེ་རྗེས་ཕྱོགས། །སུན་འབྱིན་བཀའ་བློ་མི་བདེ་བའོ། ། (དགེ་སློང་མའི་སྤང་ལྟུང་སུམ་ཅུ་རྩ་གསུམ་ནི) འཆང་བ་འབྲལ་བ་འཇོག་པ་དང་། །འཁྲུ་བ་དང་ནི་ལེན་པ་དང་། །སློང་དང་སྟོད་གཡོགས་སྨད་གཡོགས་བཅས། །རིན་ཐང་སོ་སོར་བསྐུར་བའོ། །གསེར་དངུལ་མངོན་ཚན་ཉོ་ཚོང་དང་། །ཚོལ་དང་འཐག་པ་བསྐྱེད་པ་དང་། །བྱིན་ཕྲོགས་བསྔོས་དང་གསོག་འཇོག་དང་། །འཆང་དང་བྱིན་གྱིས་མི་རློབ་པའོ། །འབྱིན་དང་མི་འབྱིན་སློང་བ་དང་། །གོས་དང་གོས་རྒྱུ་མལ་ཆ་རྒྱུ། །དབྱར་ཁང་རྒྱུ་དང་སྐྱེ་བོ་དང་། །དགེ་འདུན་བཅིངས་བཀྲོལ་ལྕི་ཡང་ངོ་། །སྲིན་བལ་འབའ་ཞིག་ཆ་གཉིས་དང་། །དྲུག་དང་མཐོ་གང་ལམ་དང་ནི། །འཁྲུ་དང་འཆང་དང་རྟ་དང་དགོན། །རས་ཆེན་མ་གཏོགས་ལྷག་མ་ཡིན། ། (ལྟུང་བྱེད་འབའ་ཞིག་བརྒྱ་བརྒྱད་ཅུ་ནི) (བཅུ་ཚན་དང་པོ) བརྫུན་སྐྱོན་དགེ་སློང་ཕྲ་མ་དང་། །སྐྱོ་སྔོགས་བྱེད་དང་སྟོན་པ་དང་། །འདོན་དང་གནས་ངན་ལེན་དང་ཆོས། །བཤེས་ངོར་བྱེད་དང་ཁྱད་དུ་གསོད། ། (བཅུ་ཚན་གཉིས་པ) ས་བོན་འཕྱ་བ་བསྒོ་བ་དང་། །ཁྲི་དང་གདིང་དང་ཕྱིས་གནོན་དང་། །འབྱུང་བ་དང་ནི་འདེབས་པ་དང་། །རིམ་པ་གཉིས་སུ་རྩིག་པའོ། ། (བཅུ་ཚན་གསུམ་པ) འདུག་གནས་གཅིག་དང་ཕྱེ་དང་ནི། །བཅའ་བ་དང་ནི་སྟོབས་པ་དང་། །འདུས་པ་དང་ནི་དུས་མིན་དང་། །གསོག་འཇོག་དང་ནི་ཁ་ནས་མིད། ། (བཅུ་ཚན་བཞི་པ) སྲོག་ཆགས་བཅས་དང་གཅེར་བུ་དང་། །དམག་ལ་ལྟ་དང་ཞག་གཉིས་དང་། །བཤམས་པ་འཁྲུག་དང་རྡེག་པ་དང་། །གཟས་པ་དང་ནི་གནས་ངན་ལེན། ། (བཅུ་ཚན་ལྔ་པ) བདེ་དང་མེ་དང་འདུན་པ་དང་། །བསྙེན་པར་མ་རྫོགས་ཆོས་དང་སྨྲ། །དགེ་ཚུལ་ཁ་དོག་བསྒྱུར་བ་དང་། །རིན་པོ་ཆེ་དང་ཚ་བའི་དུས། ། (བཅུ་ཚན་དྲུག་པ) དུད་འགྲོ་འགྱོད་པ་སོར་མོ་དང་། །རྩེ་དང་ལྷན་ཅིག་སྔངས་བྱེད་དང་། །སྦེད་པ་དང་ནི་གཞི་མེད་དང་། །བུད་མེད་མེད་པར་ལམ་འགྲོ་བའོ། ། (བཅུ་ཚན་བདུན་པ) ཟས་བཅས་སྐྱ་རེངས་ད་གདོད་དང་། །ཁབ་རལ་དང་ནི་ཁྲི་རྐང་དང་། །བདལ་དང་གདིང་དང་གཡན་པ་དང་། །བདེ་བར་གཤེགས་པའི་ཆོས་གོས་སོ། ། (བཅུ་ཚན་བརྒྱད་པ) མ་ལོན་དང་འཁོར་དང་འཁོར་མང་པོ། །བཅུ་གཉིས་ཉི་ཤུ་ཁྱིམ་སོ་གཉིས། །མ་བསླབས་པ་དང་བསླབས་པ་དང་། །ཆོས་འཚོང་སྡེ་ཚན་བསྡུས་པ་ཡིན། ། (བཅུ་ཚན་དགུ་པ) འདྲིད་དང་ལོ་རེ་མ་གནང་དང་། །འཁྲུལ་སྦྲུམ་མྱ་ངན་རྩ་བཀྲོལ་དང་། །ཕན་མི་འདོགས་དང་མི་འདྲེན་དང་། །བསླབ་པ་དག་ལ་མི་སློབ་པའོ། ། (བཅུ་ཚན་བཅུ་པ) ནད་གཡོག་རྒྱ་སྐྱེགས་སོར་མོ་དང་། །ཐལ་མོ་སྤུ་དང་དབེན་གཉིས་དང་། །བླ་གབ་མེད་པ་གཉིས་དང་ནི། །རྣ་བར་བཤུབ་ཅིང་སྨྲ་བའོ། ། (བཅུ་ཚན་བཅུ་གཅིག་པ) ཉན་དང་དགེ་སློང་རྣམ་གཉིས་དང་། །རིག་པ་གཉིས་དང་རྨ་འགྲོལ་དང་། །བུ་དང་ཁྱིམ་དང་མ་བརྟགས་དང་། །མཚན་མོ་གཅིག་པུ་ཉལ་བའོ། ། (བཅུ་ཚན་བཅུ་གཉིས་པ) ཁྲི་གཅིག་ལ་ནི་ཉལ་བ་དང་། །དྲིལ་ཕྱི་བྱེད་པ་རྣམ་ལྔ་དང་། །བཀྲུ་བཤལ་བྱེད་དང་དྲི་ཞིམ་དང་། །འབྲུ་མར་དང་ནི་ཆུ་ཁྲུས་སོ། ། (བཅུ་ཚན་བཅུ་གསུམ་པ) པུ་ཤེལ་ཙི་དང་སོ་མངས་དང་། །སྨིག་ཤད་གསུམ་དང་སྐྲ་བརྙན་དང་། །རྒྱན་དང་བྲོ་རྡུང་གླུ་ལེན་དང་། །རོལ་མོ་བྱེད་དང་གདུགས་ཐོགས་པའོ། ། (བཅུ་ཚན་བཅུ་བཞི་པ) མཆིལ་ལྷམ་ཁྲིའུ་ཕྱིས་གནོན་དང་། །སྟན་དང་སྐུད་པ་ཁྱིམ་ལས་དང་། །རྗེན་པ་འཚོད་དང་གོས་དང་ནི། །ཟས་འཚོང་བ་དང་ལྟོ་འདུན་ནོ། ། (བཅུ་ཚན་བཅོ་ལྔ་པ) སྒོག་སྐྱ་སྨེ་གབ་ཆུ་གོས་དང་། །འཁྲུར་འཇུག་པ་དང་དགེ་སྦྱོང་གོས། །རྗེ་དང་བསྔགས་པ་ཁྱིམ་དང་ནི། །གནས་དང་རྙེད་པའི་སེར་སྣའོ། ། (བཅུ་ཚན་བཅུ་དྲུག་པ) ཆོས་དང་སྐྲོད་པ་རྣམ་གཉིས་དང་། །གླེང་དང་མནའ་འདོར་རྡེག་པ་དང་། །བརྙས་ཐབས་སྤྱོད་དང་ཆུ་འཐོར་དང་། །འཁྲུག་ལོང་ཡལ་བར་འདོར་བའོ། ། (བཅུ་ཚན་བཅུ་བདུན་པ) འདུན་པ་གདམས་ངག་དབྱར་གནས་དང་། །དགག་དབྱེ་གསོ་སྦྱོང་སྲ་བརྐྱང་དང་། །དབྱུང་དང་གོས་འགྱེད་དབྱར་ཁང་དང་། །དབྱར་གྱི་ནང་དུ་ལྗོངས་རྒྱུ་བའོ། ། (བཅུ་ཚན་བཅོ་བརྒྱད་པ) མི་འགྲོ་དོགས་པ་མི་མཐུན་དང་། །འཐབ་ཀྲོལ་བྱེད་དང་འདྲི་བ་དང་། །གཅིག་པུ་སྔོ་དང་མ་བལྟས་པའི། །སྡེ་ཚན་ཐ་མར་བྱས་པ་ཡིན། །བར་སྡོམ་ལ། ཐུན་མོང་མིན་པ་བརྒྱ་རྩ་བརྒྱད། །དགེ་སློང་ཐུན་མོང་བདུན་བཅུ་གཉིས། །བརྒྱ་དང་བརྒྱད་བཅུར་གནས་པ་དག །ལྟུང་བྱེད་འབའ་ཞིག་གྱུར་པ་ཡིན། །སྐྲོད་དང་མ་བསྐོས་ཉི་ནུབ་དང་། །ཟས་དང་ཆོས་གོས་གཉིས་དག་དང་། །དོན་མཐུན་གྲུ་དང་དབེན་པ་གཉིས། །སྦྱོར་བཅུག་ཡང་ཡང་བསོད་པ་དང་། །ཉལ་སར་འདུག་དང་འགྲེང་བ་དང་། །གདེང་མེད་ཉི་ཤུ་མ་ལོན་དང་། །རས་ཆེན་ལྟུང་བ་བཅོ་བརྒྱད་པོ། །བཀོལ་བའི་ལྷག་མ་འདིར་འདོད་དོ། ། (སོར་བཤགས་བཅུ་གཅིག་ནི) འོ་མ་ཞོ་དང་མར་དང་ནི། །ཞུན་མར་འབྲུ་མར་སྦྲང་རྩི་དང་། །དབུ་བ་ཉ་ཤ་ཤ་དང་ནི། །ཤ་སྐམ་བསླབ་སྡོམ་བྱིན་པའོ། ། (ཉེས་བྱས་བརྒྱ་དང་བཅུ་གཉིས་ནི) ཉེས་བྱས་ཀྱི་སྡེ་ཚན་ལ་བརྒྱད་ལས་དང་པོ་གོས་བགོ་བ་ལས་གྱུར་པའི་སྡེ་ཚན་གྱི་སྡོམ་ནི། ཤམ་ཐབས་ལ་ནི་རྣམ་བརྒྱད་དང་། །སྟོད་གཡོགས་ལ་ནི་རྣམ་གསུམ་དང༌། །གཉིས་པ་ཁྱིམ་དུ་འགྲོ་བའི་སྡེ་ཚན་གྱི་སྡོམ་ནི། ཤིན་ཏུ་བསྡམས་ལ་སོགས་པ་དྲུག །མགོ་གཡོགས་ལ་སོགས་རྣམ་པ་ལྔ། །མཆོད་ལ་སོགས་པ་རྣམ་པ་ལྔ། །འདུས་ལ་སོགས་པ་རྣམ་པ་ལྔ། །གསུམ་པ་ཁྱིམ་དུ་འདུག་པའི་སྡེ་ཚན་གྱི་སྡོམ་ནི། འདུག་པར་བྱ་བ་བརྒྱད་དག་དང༌། །བྱིན་ལེན་བྱ་བ་བརྒྱད་རྣམས་སོ། །ལྔ་པ་ཟས་བཟའ་བའི་སྡེ་ཚན་གྱི་སྡོམ་ནི། ཟས་ལ་ལེགས་པར་བྱ་བ་དྲུག །ཙུག་ཙུག་ལ་སོགས་རྣམ་པ་ལྔ། །འབྲུ་ནས་ཐ་དད་བྱེད་པ་ལྔ། །ལག་པ་བལྡག་ལ་སོགས་པ་ལྔ། །དྲུག་པ་ལྷུང་བཟེད་དུ་སྤྱད་པའི་སྡེ་ཚན་གྱི་སྡོམ་ནི། འཕྱ་བ་ལ་སོགས་རྣམ་པ་བཞི། །ལྷུང་བཟེད་ལ་ཡང་རྣམ་པ་བཅུ། །བདུན་པ་ཆོས་བསྟན་པའི་སྡེ་ཚན་གྱི་སྡོམ་ནི། འགྲེང་བར་བྱེད་ལ་སོགས་པ་ལྔ། །མགོ་གཡོགས་ལ་སོགས་རྣམ་པ་ལྔ། །དོ་ཀེར་ཅན་ལ་སོགས་པ་ལྔ། །གླང་ཆེན་ལ་སོགས་བཞོན་པ་ལྔ། །ལག་ན་མཁར་བ་ལ་སོགས་དྲུག །བརྒྱད་པ་སྒྲུབ་པའི་སྡེ་ཚན་གྱི་སྡོམ་ནི། ན་བ་རྣམ་པ་གསུམ་རྣམས་སོ། །མདོར་བསྡུས་ཏེ་བཤད་ན། ཕམ་པ་བརྒྱད། ༨ ལྷག་མ་ཉི་ཤུ། ༢༠ སྤང་ལྟུང་སུམ་ཅུ་རྩ་གསུམ། ༣༣ འབའ་ཞིག་བརྒྱ་དང་བརྒྱད་ཅུ། ༡༨༠ སོར་བཤགས་བཅུ་གཅིག ༡༡ ཉེས་བྱས་བརྒྱ་དང་བཅུ་གཉིས་ཏེ་ལྟུང་བ་སུམ་བརྒྱ་དང་དྲུག་ཅུ་རྩ་བཞིའོ། །་ཏེ་ལྟུང་བ་སུམ་བརྒྱ་དང་དྲུག་ཅུ་རྩ་བཞིའོ། །)
• Dictionaries/sgom sde tshig mdzod chenmo/6379  + ((འདུལ་བ) འདི་ལ་མིར་ཆགས་པའི་གནས་སྐབས་ལྔ་ཡང་ … (འདུལ་བ) འདི་ལ་མིར་ཆགས་པའི་གནས་སྐབས་ལྔ་ཡང་ཟེར། (མཚོ་ཊཱིཀ) ༡ མེར་མེར་པོ། ༢ ནུར་ནུར་པོ། ༣ ལྟར་ལྟར་པོ། ༤ མཁྲང་འགྱུར། ༥ རྐང་ལག་འགྱུས་པ་དང་ལྔའོ། །དང་པོ་མེར་མེར་པོ་ནི། ཕ་མའི་ཁུ་ཁྲག་གཉིས་ཚོགས་པའི་བདུན་ཕྲག་དང་པོ་ལ་ཕྱི་སྤྲིས་མ་ལྟ་བུས་གཡོགས་ལ་ནང་ཤིན་ཏུ་སླ་བའི་མེར་མེར་པོར་འདུག་པའོ། །གཉིས་པ་ནུར་ནུར་པོ་ནི། བདུན་ཕྲག་གཉིས་པ་ལ་ཕྱི་ནང་གཉིས་ཀ་ཞོ་ལྟར་འདུག་ལ་ཤར་མ་གྱུར་པའོ། །གསུམ་པ་ལྟར་ལྟར་པོ་ (ནར་ནར་པོ་ཞེས་པ་དང་དོན་འདྲ་བ་ཡིན) ནི། བདུན་ཕྲག་གསུམ་པ་ལ་ཤར་གྱུར་ཀྱང་མནན་མི་བཟོད་པ་དང་། བཞི་པ་མཁྲང་འགྱུར་ནི། བདུན་ཕྲག་བཞི་པ་ནས་བསྐ་བར་གྱུར་ཏེ་མནན་ཀྱང་བཟོད་པའོ། །ལྔ་པ་རྐང་ལག་འགྱུས་པ་ནི། ཤ་ལྟ་བུར་གྱུར་ཏེ་ཡན་ལག་གི་མཚན་མ་འབུར་པོ་ལྔ་དོད་པའི་གནས་སྐབས་ཡིན་ནོ། །དོགས་གཅོད། མངལ་གྱི་གནས་སྐབས་ལྔའི་གོ་རིམ་ལ་བཤད་ཚུལ་མི་འདྲ་བ་འདི་ལྟར། (དགའ་བོ་མངལ་འཇུག་གི་མདོ) ༡ མེར་མེར་པོ། (བདུན་དང་པོའི་སྐབས། ཞོ་མ་ཆགས་པ་དང་འདྲ) ༢ ནུར་ནུར་པོ། (བདུན་གཉིས་པའི་སྐབས། ཞོ་སྐ་བའམ། མར་འཁྱགས་པ་དང་འདྲ) ལྟར་ལྟར་པོ། (བདུན་གསུམ་པའི་སྐབས། དབྱིབས་ནི་སྨན་རྡུང་བའི་གཏུན་བུ་འདྲ་བ་ཐུང་ཞིང་ཆུང་བར་བཤད) མཁྲང་འགྱུར། (བདུན་བཞི་པའི་སྐབས་སུ། དབྱིབས་མཆི་གུ་དང་འདྲ) རྐང་ལག་འགྱུས་པ་ (བདུན་ལྔ་པའི་སྐབས། དབྱར་དུས་སུ་ལྗོང་ཤིང་རྣམས་ཡལ་ག་དང་འདབ་མ་སྐྱེ་བ་དང་འདྲ) དང་ལྔ་ཞེས་སྣང་ངོ་། ། (འདུལ་བ་ལུང་ཕྲན་ཚེགས) ༡ ནུར་ནུར་པོ། (བདུན་དང་པོར། འབྲས་ཁུའམ་ཞོའི་ཞོ་ཁ་ཆུ་ལྟ་བུ) ༢ མེར་མེར་པོ། (བདུན་གཉིས་པར། ཞོའམ་མར་མཁྲང་པོ་ལྟ་བུ) ༣ ནར་ནར་པོ། (བདུན་གསུམ་པར། ཟངས་ཀྱི་ཐུར་མ་ཕྲ་མོའམ་སྲིན་ཁྲོལ་མ་ལྟ་བུ) ༤ གོར་གོར་པོ། (བདུན་བཞི་པར། གདར་རམ་མཆི་གུ་ལྟ་བུ) ༥ རྐང་ལག་འགྱུས་པ་ (བདུན་ལྔ་པར། དབྱར་དུས་སུ་ཤིང་ཕུང་དག་ལས་མྱུ་གུ་འབྱུང་བ་ལྟ་བུའོ) ལྔ་ཞེས་གསལ་ལོ། །དགའ་བོ་མངལ་འཇུག་གི་མདོ་དང་འོད་ལྡན་ལས། མེར་མེར་པོ། ནུར་ནུར་པོ་ཞེས་སྣང་ལ། ཡང་ལུང་ཕྲན་ཚེགས་དང་མཛོད་ཊཱིཀ་རྒྱལ་སྲས་མ་ལས། ནུར་ནུར་པོ། མེར་མེར་པོ་ཞེས་སྣང་བ་སྒྱུར་བྱེད་ལོ་ཙཱ་བས་མིང་ཐ་དད་དུ་བརྡ་བཏགས་པའི་སྒྱུར་ཁྱད་ཙམ་ལས་དོན་ལ་འགལ་བ་མེད་ཚུལ་མཚོ་ཊཱིཀ་མཆན་བུར་གསལ་ལོ། །(རྗེ་ཙོང་ཁ་པ་སོགས)མེར་མེར་པོ་དང་། ལྟར་ལྟར་པོ། གོར་གོར་པོ། མཁྲང་འགྱུར། རྐང་ལག་འགྱུས་པའི་གནས་སྐབས་དང་ལྔའོ། །རྗེའི་གསུང་ཟིན་བྲིས་དང་གསང་འདུས་བསྐྱེད་རིམ་བློ་གསལ་བུང་བའི་རེ་སྐོང་ལས་གསུངས་པ་ལྟར་བཀོད། མངལ་གྱི་གནས་སྐབས་ལྔ་གྲངས་འདྲེན་ཚུལ་འདི་ལ་ཚིག་རིས་མི་འདྲ་བ་འགའ་ཞིག་སྣང་ཡང་། དོན་ལ་ཁྱད་པར་མེད། མཁྲང་འགྱུར་དང་། འཁྲང་འགྱུར་ཞེས་དག་ཆ་མི་འདྲ་བ་གཉིས་འབྱུང་ཡང་། གཉིས་ཀ་དག་པ་ཡིན་ནོ། །དྲ་བ་གཉིས་འབྱུང་ཡང་། གཉིས་ཀ་དག་པ་ཡིན་ནོ། །)
• Dictionaries/sgom sde tshig mdzod chenmo/12146  + ((འདུལ་བ) སྒོ་གླེགས་དང་དོན་འདྲ། ལེབ་དང་གླེགས་གཉིས་དོན་གཅིག ལུང་ཞུ་བ་༼ པ ༽༢༨༣ན༦ལས། སྒོ་ལེབ་ཀྱི་བྱ་བ་གང་ཞེ་ན། སྒོ་ལེབ་ཅེས་བྱ་བ་ནི་སྒོའི་འཕར་མ་སྟེ། དགེ་སློང་གིས་དེ་ལ་རྡུང་ན་ཡུན་རིང་དུ་བརྡུང་བར་མི་བྱ། ཞེས་སོགས་གསུངས་སོ། །)
• Dictionaries/sgom sde tshig mdzod chenmo/12152  + ((འདུལ་བ) སྒོག་པའི་མིང་། དབྱིན་ཇིས་ garlic  … (འདུལ་བ) སྒོག་པའི་མིང་། དབྱིན་ཇིས་ garlic ཟེར་བ་དེའོ། །ལུང་ཞུ་བ་༼ པ་པ ༽༢༧༣ན༣ ལས། སྒོག་སྐྱའི་རབ་ཏུ་ལྡན་པ་གང་ཞེ་ན། བཅོམ་ལྡན་འདས་ཀྱིས་དགེ་སློང་ན་བ་རླུང་ནད་ཅན་ལ་སྒོག་སྐྱ་རྗེས་སུ་གནང་སྟེ། ཇི་ལྟར་ཚེ་དང་ལྡན་པ་ཤཱ་རིའི་བུ་ལ་གནང་བ་བཞིན་ནོ། །དགེ་སློང་མི་ན་བར་སྒོག་སྐྱ་མ་ཟ་ཞིག (མ་ཕྱི་ལ། མ་ཟ་ཤིག་ཅེས་སྣང) ཟ་ན་འདས་པ་དང་བཅས་པར་འགྱུར་རོ། །ཞེས་གསུངས་སོ། །འདས་པ་དང་བཅས་པར་འགྱུར་རོ། །ཞེས་གསུངས་སོ། །)
• Dictionaries/sgom sde tshig mdzod chenmo/5730  + ((ལེགས་སྦྱར) 1 ནང་དུ་ཆུ་མངར་ལ་བསིལ་བ་འཐུང་ར … (ལེགས་སྦྱར) 1 ནང་དུ་ཆུ་མངར་ལ་བསིལ་བ་འཐུང་རྒྱུ་ཡོད་པའི་ “ཀོ་ཀོ་ན་ཊི” coconut ཞེས་པའི་ཤིང་འབྲས་དེའི་མིང་། ཕྱི་རྒྱལ་གྱི་སྐད་དུ་ “ཀོ་ཀོ་ན་ཊི” coconut དང་རྒྱ་གར་ཡུལ་སྐད་དུ་ “ནཱ་རི་ཡལ” नारियल ཟེར། ནཱ་རི་ཡལ་ཞེས་པ་ལེགས་སྦྱར་གྱི་ “ནཱ་རི་ཀེ་ལཱ” ཟུར་ཆག་པ་འདྲ། ནཱ་རི་ཀེ་ལཱ་ཞེས་པ་ནི་བུད་མེད་རྩེན་ཞེས་པའི་དོན་ཡིན། རྒྱ་གར་ལྷོ་ཕྱོགས་ཀར་ཎ་ཊ་ཀའི་ཡུལ་སྐད་ལ་ཤ་ལ་ “མཱཾ་ས” ཟེར་བ་དང་། མཚན་མོ་ལ་ “རཱཏྲི” ཟེར་བ་སོགས་ལེགས་སྦྱར་ཆེས་མང་བས། དེང་སང་ཡང་ཡུལ་མི་འགས་ཀོ་ཀོ་ན་ཊི་ལ། བེ་ཏ་ཞེས་འབོད་པ་རང་གིས་དངོས་སུ་ཐོས་སོ། །ཤིང་འབྲས་དེ་ནི་མ་སྨིན་པའི་དུས་སུ་ནང་དུ་ཆུ་མངར་བསིལ་འཐུང་རྒྱུ་ཡོད་ལ། འདི་ཆེ་ཆུང་མིའི་མགོ་ལས་ཅུང་ཟད་ཆུང་ཙམ་པ་ཞིག་ལ་ཧ་ཅང་ལྕི་བ་ཤིང་སྡོང་ནས་ལྷུངས་ཏེ་མགོ་ཐོག་ཏུ་ཕོག་ན་རྐྱེན་ལམ་དུ་གཏོང་རྒྱུ་ཉེན་ཁ་ཡོད། དེའི་ནང་འབྲས་དེ་སྨིན་པ་ན་ཞག་ཚི་ཤིན་ཏུ་ཆེ་ལ་ཆེ་ཆུང་རྫོག་མགོའི་ཚད་ཙམ་པ་ཞིག་ལ་མདོག་ནག་པོའམ་རྒྱ་སྨུག་ལྟ་བུ་ཞིག་ཏུ་འགྱུར། བེ་ཏའི་འབྲས་བུ་ནི་ཀོ་ཀོ་ན་ཊི་རང་ལ་ཟེར་བ་ཁུ་ནུ་བླ་མའི་ངག་སྒྲོན་འགྲེལ་པར་ཡང་ཟུར་ཙམ་གསལ་ཏེ། ནཱ་རི་ཀེ་ལཱའི་འགྲེལ་བཤད་ལ་བེ་ཏའི་འབྲས་བུ་ཞེས་གསུངས་པས་ཀྱང་ཤེས་ནུས་སོ། །མཁས་དབང་དགེ་འདུན་ཆོས་འཕེལ་གྱི་རྒྱལ་ཁམས་རིག་པས་བསྐོར་བའི་གཏམ་རྒྱུད་གསེར་གྱི་ཐང་མ་ལས་ཀྱང་ཏ་ལ་དང་བེ་ཏ་ཞེས་པ་ཀོ་ཀོ་ན་ཊིའི་འབྲས་བུ་རང་ལ་ངོས་འཛིན་མཛད་འདུག 2 ཀོ་ཀོ་ན་ཊིའི་ཤིང་སྡོང་། 3 ཤིང་ཏ་ལ་སྟེ་ཆུ་མངར་འཐོན་རྒྱུ་ཡོད་པའི་ཤིང་སྡོང་རིང་པོ་དབྱིབས་ཀོ་ཀོ་ན་ཊིའི་སྡོང་པོ་དང་ཕལ་ཆེར་འདྲ་བ་ཞིག ཆུ་མངར་དེ་ཤིང་ཆང་བཟོ་བྱེད་དུ་བེད་སྤྱོད་བྱེད། ཤིང་སྡོང་ལ་གྲིས་ཉག་ཀ་བཏོད་ནས་ཤིང་ཆུ་འདོན་ཞིང་། དེ་ཤིང་ཆང་བཟོ་བྱེད་ཡིན། རྒྱ་གར་ལྷོ་ཕྱོགས་སོགས་སུ་སྡོང་པོ་ལ་རྫ་ཁོག་མང་པོ་བཏགས་པ་མཐོང་རྒྱུ་ཡོད་པ་དེ་རྒྱུ་མཚན་དེ་ཡིན། རྒྱ་གར་ལྷོ་ཕྱོགས་ལ་ཆེར་མང་། ཁོང་ཚོའི་ཡུལ་སྐད་ལ་ཤིང་འདིའི་མིང་ལ་ “ཏལ” ཟེར། 4 བེ་ཏ་ནི་རྩྭ་འཇག་མའི་མིང་དུ། རྗེའི་འགྲེལ་པ་བཞི་སྦྲགས་ན་གསལ། བྷཻ་ཏ་ཞེས་བྲིས་པའང་སྣང་།་བཞི་སྦྲགས་ན་གསལ། བྷཻ་ཏ་ཞེས་བྲིས་པའང་སྣང་།)
• Dictionaries/sgom sde tshig mdzod chenmo/10425  +
• Dictionaries/sgom sde tshig mdzod chenmo/4526  + (1 རྡུང་འོས་ཀྱི་རོལ་མོ་སྤྱིའི་མིང་དུ་བཤད།)
• Dictionaries/sgom sde tshig mdzod chenmo/10426  + (2 ཉེས་རྡུང་གཏོང་བ། རྡུང་རྡེག་གཏོང་བ་ལ་གོ། … 2 ཉེས་རྡུང་གཏོང་བ། རྡུང་རྡེག་གཏོང་བ་ལ་གོ། པོ་ཏོ་བའི་དཔེ་ཆོས་རྩ་བར། ཁྱི་རྫོག་འདྲ། ཞེས་པའི་ཐད་ཀྱི་དཔེ་ཆོས་རིན་ཆེན་སྤུངས་པའི་འབུམ་འགྲེལ་ལས། མི་གཤིས་ངན་ཅིག་ལ་གཞན་གྱིས་ཁྱིས་རྨུགས་པ་ན། རང་གི་སྒོ་རྩར་སླེབ་པ་དང༌། རང་གི་སྒོ་ཁྱི་ལ་རྫོག་གིན། ཁྱེད་ཀྱི་རིགས་ཀྱིས་དེ་རིང་ང་ལ་ཅི་མ་བྱས་ཟེར་ལོ། ཞེས་གསུངས་པ་ལྟར་རོ། །ཏྲེ་བོ་ཁམས་པའི་ཡུལ་སྐད་ལའང་ཡོད།པ་ལྟར་རོ། །ཏྲེ་བོ་ཁམས་པའི་ཡུལ་སྐད་ལའང་ཡོད།)
• Dictionaries/sgom sde tshig mdzod chenmo/6434  + (2 སྒོག་གཏུན་གྱི་གཏུན་རྡོ།)
• Dictionaries/sgom sde tshig mdzod chenmo/7235  + (3 ཚ་དམྱལ་བརྒྱད་ཀྱི་དྲུག་པ། ཚ་བ་ནི་སེམས་ཅན་ … 3 ཚ་དམྱལ་བརྒྱད་ཀྱི་དྲུག་པ། ཚ་བ་ནི་སེམས་ཅན་དེ་དག་དམྱལ་སྲུང་རྣམས་ཀྱིས་ལྕགས་ཟངས་དཔག་ཚད་དུ་མ་ཡོད་པ་ཤིན་ཏུ་ཚ་ཞིང་འབར་བར་བཅུག་སྟེ་ཉ་བཞིན་བསྲེག་ཅིང༌། ལྕགས་ཀྱི་གསལ་ཤིང་རབ་ཏུ་འབར་བས་འཕོངས་ནས་ཕུག་སྟེ་སྤྱི་བོར་འབྱིན་པ་དང༌། ཁ། མིག སྣ། རྣ་བའི་བུ་ག་གཉིས་གཉིས་དང་བ་སྤུའི་ཁུང་བུ་ཐམས་ཅད་ནས་མེ་རབ་ཏུ་འབར་བ་དང༌། ལྕགས་ཀྱི་ས་གཞི་འབར་བ་ལ་གན་རྐྱལ་ལམ་ཁ་སྦུབ་ཏུ་བཞག་སྟེ་ལྕགས་ཀྱི་ཐོ་བ་མེ་རབ་ཏུ་འབར་བས་རྡུང་ཞིང་དམྱལ་བར་བྱེད་དོ། །ེ་རབ་ཏུ་འབར་བས་རྡུང་ཞིང་དམྱལ་བར་བྱེད་དོ། །)
• Dictionaries/sgom sde tshig mdzod chenmo/1540  + (3 ཞལ་སྐྱེམས་པའམ་སྐོམ་པའི་དུས་སུ་འཐུང་རྒྱུའ … 3 ཞལ་སྐྱེམས་པའམ་སྐོམ་པའི་དུས་སུ་འཐུང་རྒྱུའི་བཏུང་བའི་རིགས་ལ་གསེར་སྐྱེམས་ཟེར། གསེར་ཞེས་པ་ནི་གསེར་ལྟར་རིན་ཐང་ཆེ་བའམ་རྩ་བ་ཆེ་བའི་དོན་ཏེ་ཞེ་སའི་ཚིག་ཅིག་གོ། དཔེར་ན་རྣམ་མཆོག་ལ་གསེར་སྙན་ཞེས་པ་དང་། གདོང་ལ་གསེར་ཞལ་ཞེས་པ་ལྟ་བུ་རྣམས་སོ། །ཀློང་རྡོལ་བླ་མས་ཀྱང་དེ་དང་འདྲ་བར་བཤད་དེ། རྒྱལ་པོ་ཞལ་སྐོམ་པའི་སྐབས་སུ་བཏུང་བ་ཆ་ལྟ་བུ་བཞེས་རྒྱུ་ལ་གསེར་སྐྱེམས་ཟེར་ཞིང་ཞེ་ས་བྱས་པ་ཡིན། ད་ལྟ་ཆང་གི་ནང་དུ་འབྲུ་དང་གསེར་བླུག་སྟེ་ཕུལ་བ་གསེར་སྐྱེམས་སུ་བྱས་པ་བརྡ་མ་གོ་བའི་བབས་ཅོལ་ཡིན་ནོ། །ཞེས་གསུངས་ཀྱང་། རྒྱ་གར་དུ་བཟའ་བའི་རིགས་ལ་གསེར་ཤོག་དང་དངུལ་ཤོག་བླུག་པའི་ལུགས་སྲོལ་ཡོད་ཅིང་། དེང་སང་ཡང་རྒྱ་གར་གྱི་མངར་ཆའི་རིགས་ལ་དངུལ་ཤོག་སྦྱར་བ་མཐོང་རྒྱུ་ཡོད་ཅིང་། གསེར་ཤོག་དང་དངུལ་ཤོག་བླུག་པའི་རྒྱུ་མཚན་ཡང་ཟས་དུག་སེལ་བའི་ཆེད་ཡིན་ལ། དེའི་སྲོལ་བོད་དུ་བྱུང་བར་ཡང་སྲིད་དོ། །ཆོས་འབྱུང་མཁས་པའི་དགའ་སྟོན་༡༦༨ལས་ཀྱང་། གསེར་སྐྱེམས་དང་གཡུ་སྔོན་སོགས་ཀྱིས་མཆོད་དོ། །གསེར་སྐྱེམས་ཞེས་བཏུང་བར་གསེར་བླུག་པ་དང་། གཡུ་སྔོན་སྒོག་པ་ཡིན་ཟེར་ཡང་མ་དག་པ་སྟེ་བཟའ་བའི་སྟེང་དུ་གཡུ་བཟང་པོ་བཞག་པར་སྣང་ངོ་། །ཞེས་གསུངས་སོ། །ཡུ་བཟང་པོ་བཞག་པར་སྣང་ངོ་། །ཞེས་གསུངས་སོ། །)
• Dictionaries/sgom sde tshig mdzod chenmo/9374  + (4 སྒོག་པ།)
• Dictionaries/sgom sde tshig mdzod chenmo/3261  + (<ཧེ་བཛྲ> ཀྱེ་རྡོ་རྗེ། དགྱེས་པ་རྡོ་རྗ … <ཧེ་བཛྲ> ཀྱེ་རྡོ་རྗེ། དགྱེས་པ་རྡོ་རྗེ། རོལ་པའི་རྡོ་རྗེ་ཞེས་མཚན་མི་འདྲ་བ་གསུམ་འབྱུང་བ་ནི། སྐད་དོད། ཧེ་བཛྲ་ལ། དོན་མི་འདྲ་བ་གསུམ་དང་། དེ་ལ་བརྟེན་ནས་འགྱུར་མི་འདྲ་བ་གསུམ་བྱུང་བའི་གནད་ཀྱིས་ཡིན་ཏེ། དེ་ཡང་ཧེ་ནི། འབོད་ཅིང་བསྐུལ་བའམ། དགྱེས་པའི་དོན་དུ་བསྒྱུར་ཞིང་། ཡང་ན། ཧེ་ལ་ལ་བསྣན་པས་ཧེ་ལ་རོལ་པ་སྟེ་སེམས་ཅན་གྱི་དོན་ལ་རོལ་པའི་སྐུར་སྟོན་པས་ན་རོལ་པ་ཞེས་སྒྲ་འཇུག་པར་བཤད། ལྷའི་ཞལ་ཕྱག་གི་གྲངས་དང་སྐུ་མདོག་ཕྱག་མཚན་སོགས་ཀྱི་ཁྱད་པར་ནི། སྐུ་མདོག་མཐིང་ག་ཞལ་བརྒྱད་ཕྱག་བཅུ་དྲུག །རྩ་ཞལ་མཐིང་ག་གཡས་སྔོ་གཡོན་དམར་ཞིང་། །གཡས་གཡོན་ལྷག་མ་གཉིས་གཉིས་ནག་པོ་སྟེ། །སྟེང་ཞལ་དུད་ཁ་ཞལ་རྣམས་སྤྱན་གསུམ་པ། །བཅུ་དྲུག་ཕྱག་གིས་ཐོད་པ་གཟུང་བའི་ནང་། །གཡས་ན་གླང་ཆེན་རྟ་བོང་གླང་རྔ་མོང་། །མི་དང་ཤ་ར་བྷ་དང་བྱི་ལ་དང་། །གཡོན་ན་ས་ཆུ་རླུང་མེ་ཟླ་ཉིའི་ལྷ། །གཤིན་རྗེ་གནོད་སྦྱིན་བསྣམས་ཤིང་རྩ་ཕྱག་གཉིས། །སྐུ་གདོག་སྔོན་པོ་ཕྱག་གཉིས་གྲི་ཐོད་དང་། །ཁ་ཊཱཾ་འཛིན་ཅིང་ཞབས་གཡས་ཡབ་ལ་འཁྲིལ། །གཡོན་པ་བརྐྱང་ཞིང་ཕྱག་རྒྱ་ལྔ་ཡིས་བརྒྱན། །སྟག་ཤམ་གསོལ་བའི་བདག་མེད་མ་ལ་འཁྱུད། །དབུ་སྐྲ་གྱེན་བརྫེས་སྣ་ཚོགས་རྡོ་རྗེས་མཚན། །ཐོད་པ་སྐམ་རློན་ཕྱག་རྒྱ་དྲུག་གིས་བརྒྱན། །ཞབས་བཞི་མདུན་མ་གཡས་བརྐྱང་གཡོན་བསྐུམ་ཞིང་། །རྒྱབ་མ་སྐྱིལ་ཀྲུང་ཕྱེད་པའི་གར་སྟབས་ཀྱིས། །སྣ་ཚོགས་པད་ཉིའི་སྟེང་དུ་བདུད་བཞི་ཡི། །ངོ་བོ་ཚངས་པ་དབང་པོ་ཉེ་དབང་དང་། །དྲག་པོ་གན་བརྐྱལ་བསྒྱེལ་བའི་སྟེང་བཞུགས་པའི། །དགྱེས་པ་རྡོ་རྗེ་ཡབ་ཡུམ་ལ་ཕྱག་འཚལ། །ཨོཾ་དེ་བ་པི་ཙུ་བཛྲ་ཧཱུྃ་ཧཱུྃ་ཧཱུྃ་ཕཊ་སྭཱཧཱ། །ནི་སྙིང་པོའོ། །ཞེས་གསུངས་པ་ལྟར་རོ། །དགྱེས་རྡོར་གྱི་འཁོར་གྱི་ལྷ་མོ་བརྒྱད་ནི། ༡ གཽ་རཱིའམ་དཀར་མོས་རི་དྭགས་རི་བོང་གི་མཚན་མ་ཅན་ཟླ་བས་སྒྲས་བསྟན་པའི་བྱང་སེམས་དཀར་པོས་གང་བའི་ཐོད་པ་འཛིན་པ། ༢ ཙཽ་རཱི་སྟེ་ཆོས་རྐུམ་མས་མུན་པའི་བདུད་ལས་རྒྱལ་བ་ཉི་མའི་སྒྲས་བསྟན་པའི་བྱང་སེམས་དམར་པོས་གང་བའི་ཐོད་པ་འཛིན་པ། ༣ བཻ་ཏཏ་ལཱི་སྟེ་རོ་ལངས་མས་དྲི་ཆུས་གང་བའི་ཐོད་པ་འཛིན་པ། ༤ གྷསྨ་རཱི་སྟེ་ཟ་ཕོད་མས་སྨན་གྱིས་སྒྲས་བསྟན་པའི་ཤ་ལྔས་གང་བའི་ཐོད་པ་འཛིན་པ། ༥ པུཀྐ་སཱི་སྤོས་མས་རྡོ་རྗེའི་སྒྲས་བསྟན་པའི་དྲི་ཆེན་གྱིས་གང་བའི་ཐོད་པ་འཛིན་པ། ༦ ཤ་ཝ་རཱི་སྟེ་རི་ཁྲོད་མས་སྦྲང་ཆང་གིས་གང་བའི་ཐོད་པ་འཛིན་པ། ༧ ཙཎྜ་ལཱི་སྟེ་གདོལ་མོའམ་གཏུམ་མོས་ཅང་ཏེའུ་རྡུང་བར་བྱེད་པ། ༨ ཌོམྦྷི་ནཱི་སྟེ་གཡུང་མོས་གཙོ་བོའི་སྐུ་འཁྱུད་དེ་བདེ་སྟོང་སྐྱེད་པ་དེ་ཁོ་ན་ཉིད་ཀྱི་མཆོད་པས་མཆོད་པར་བྱེད། དགྱེས་རྡོར་གྱི་རྒྱུད་ནི་འབྲས་བུའི་ཧེ་རུ་ཀ་མི་བསྐྱོད་དགྱེས་པ་རྡོ་རྗེར་བཞེངས་པས་རྒྱུད་བསྟན་པ་སྟེ། ཕྱག་ནི་བཅུ་དྲུག་ཞབས་བཞི་པ། །ཞེས་སོགས་གོང་དུ་བཤད་པ་བཞིན་ནོ། །ཆོས་ནི། རྒྱས་པ་འབུམ་བདུན། འབྲིང་འབུམ་ལྔ། བསྡུས་པ་བརྟག་གཉིས་ཏེ་རྩ་བའི་རྒྱུད། རྒྱུད་ཕྱི་མ་ཕྱག་ཐིག་ཕྱི་མའི་ཕྱི་མ་ཡེ་ཤེས་སྙིང་པོ་ཡེ་ཤེས་ཐིག་ལེ་བཤད་རྒྱུད་སྙིང་པོའི་རྒྱུད། གྲུབ་པ་ངེས་བསྟན་འབྲས་བུའི་རྒྱུད་དེ་ཁོ་ན་ཉིད་ཀྱི་སྒྲོན་མེ་རྣམས་ལས་རྩ་རྒྱུད་རྒྱས་པ་འབུམ་བདུན་དང་འབྲིང་འབུམ་ལྔའི་བརྟག་པ་ཕྱི་མ་རྣམས་དང་གྲུབ་པ་ངེས་བསྟན་བོད་དུ་མ་འགྱུར་ལ། གཞན་རྣམས་དང་ཐུན་མོང་མ་ཡིན་པའི་བཤད་རྒྱུད་རྡོ་གུར་དང་བཅས་པ་ཕེབས་སོ། །བརྟག་གཉིས་འདི་མིང་མཐུན་དུ་འདོད་པ། རྩ་རྒྱུད་བསྡུས་པར་འདོད་པ། ཕྱུང་བའི་རྒྱུད་དུ་འདོད་པ་སྟེ་གསུམ་ལས་རྡོ་རྗེ་སྙིང་འགྲེལ་དུ་རྩ་རྒྱུད་བསྡུས་པར་བཤད་པ་ལ་རིན་ཆེན་རྒྱན་འདྲར་དེ་བཀའ་ནས་ཕྱུང་རྒྱུད་དུ་འཆད་མོད་ཀྱང་འབུམ་ལྔའི་བརྟག་པ་དང་པོ་གཉིས་བརྟག་པ་སུམ་ཅུ་པོའི་མདོར་བསྟན་ནམ་དོན་བསྡུར་གནས་པས། རྡོ་རྗེ་སྙིང་པོ་མངོན་བྱང་ཆུབ། །བརྟག་པའི་རྒྱལ་པོ་དང་པོ་སྟེ། །སྒྱུ་མའི་བརྟག་པ་གཉིས་པ་ཡིན། །ཞེས་པ་ལྟར་བརྟག་པ་དང་པོ་གཉི་ག་ཕྱུང་བ་ཡིན་ལ། ཡེ་ཤེས་ཐིག་ལེར་རྩ་རྒྱུད་བརྟག་གཉིས་མ་བཤད་པའང་འབུམ་ལྔ་བཤད་པས་ཟློས་པ་སྤོང་བའི་ཕྱིར་ཡིན་ལ། གོང་དུ་བརྟག་པ་གཉིས་པར། རྒྱས་པར་གསུངས་པ་མདོ་རུ་བསྡུ། །ཞེས་དང་། ཅི་གསུངས་སྦྱིན་སྲེག་བྱས་ནས་ནི། །ཞེས་པ་ནི་བར་འབུམ་བདུན་དུ་བསྟན་པ་བཞིན་ཞེས་པ་སྟེ་རྩ་རྒྱུད་བསྡུས་པ་ཡིན་པས་རྡོ་རྗེ་སྙིང་འགྲེལ་དང་མི་འགལ་ཞིང་ལེའུ་དང་པོ་གཉིས་ཕྱུང་བ་ཡིན་པས་ན་རོ་ཡབ་སྲས་ཀྱི་བཞེད་པ་གྲུབ་བོ་ཞེས་ཁོ་བོ་ (དཔའ་བོ་གཙུག་ལག་ཕྲེང་བ) སེམས་སོ། ། (རྗེ་ཙོང་ཁ་ཆེན་པོའི་བཞེད་པ་ལྟར་ན) རྒྱུད་བརྟག་པ་གཉིས་པ་འདི་ལ། རྒྱ་གར་དུ་རྒྱུད་རྒྱས་པ་ལས་ཕྱུང་བར་བཞེད་པ་དང་། རྒྱུད་ལོགས་པ་བསྡུས་རྒྱུད་དུ་འདོད་ཚུལ་གཉིས་འབྱུང་ཡང་། རྗེ་བདག་ཉིད་ཆེན་པོས་ནི། འདི་རྒྱུད་ལོགས་པ་བསྡུས་རྒྱུད་ཡིན་པར་བརྟག་གཉིས་ཀྱི་ཟིན་བྲིས་ལས་གསུངས་ཏེ། དེ་ཉིད་ལས། དེས་ན་བརྟག་པ་སོ་གཉིས་པ་ལས་ཕྱུང་ཞེས་པའི་དོན་ནི། རྒྱུད་རྒྱས་པ་དེ་ལས་བསྡུས་ནས་གསུངས་པའི་བསྡུས་རྒྱུད་ཡིན་པ་ལ་དགོངས་སོ། །ཞེས་གསུངས། རྡོ་རྗེ་སྙིང་འགྲེལ་དང་། སྤྱད་དཀའ་ཟླ་བའི་འགྲེལ་པ་སུ་མུ་དེ་དང་། ཤཱནྟི་པའི་མེ་ཏོག་ཕྲེང་བ་སོགས་རྩ་རྒྱུད་ཀྱི་འགྲེལ་པ་བཅུ་གསུམ་ཙམ་དང་། ཨིནྡྲ་བྷཱུ་ཏིའི་གུར་གྱི་དཀའ་འགྲེལ་སོགས་དགྱེས་རྡོར་གྱི་རྒྱུད་འགྲེལ་རྒྱ་གཞུང་པོ་ཏི་བཅུ་གཉིས་ཙམ་བཞུགས་ལ་བོད་དུའང་ས་རྔོག་གཉིས་སོགས་སྒོ་དུ་མ་ནས་དར་རོ། །རྗེ་ཙོང་ཁ་པ་ཆེན་པོའི་བརྟག་གཉིས་ཀྱི་གསུང་ཟིན་བྲིས་དང་། ལྕང་སྐྱ་ངག་དབང་བློ་བཟང་ཆོས་ལྡན་གྱི་ལྷ་མང་པོའི་སྐུ་མདོག་ཕྱག་མཚན་སོགས་གསལ་བར་བཀོད་པ་དང་། ཀོང་སྤྲུལ་ཡོན་ཏན་རྒྱ་མཚོ་དང་། དཔའ་བོ་གཙུག་ལག་ཕྲེང་བ་སོགས་ཀྱི་གསུང་ལ་གཞི་བྱས་ཏེ་བཀོད།་གཙུག་ལག་ཕྲེང་བ་སོགས་ཀྱི་གསུང་ལ་གཞི་བྱས་ཏེ་བཀོད།)
• Dictionaries/sgom sde tshig mdzod chenmo/5762  + (༧རྒྱལ་དབང་སྐུ་ཕྲེང་བཅུ་གསུམ་པ་ཆེན་པོའི་སྐབ … ༧རྒྱལ་དབང་སྐུ་ཕྲེང་བཅུ་གསུམ་པ་ཆེན་པོའི་སྐབས་བོད་ལ་དབྱིན་ཇི་དང་རྒྱ་ནག་མན་ཇུའི་དྲག་པོའི་དམག་མིས་དཔུང་འཇུག་བྱས་ཏེ་དང་པོ་སོག་ཡུལ་དང༌། དེ་ནས་རྒྱ་ནག་པེ་ཅིང༌། དེ་ནས་རྒྱ་གར་བཅས་ལ་བྲོས་བྱོལ་དུ་ཕེབས་དགོས་བྱུང་བ་དང༌། དེའི་རྐྱེན་བྱས་ཏེ་ྋགོང་ས་མཆོག་གི་དགོངས་པར་བོད་འདི་བཞིན་ད་བར་འཛམ་གླིང་གཞན་དང་འབྲེལ་བ་མ་བྱས་པར་གཅིག་པུར་བསྡད་པའི་སྐྱོན་དང༌། ཕྱི་རྒྱལ་གྱི་སྐད་ཡིག་སོགས་གལ་གནད་ཆེན་པོ་ཡིན་པ་མཁྱེན་ཏེ་དབྱིན་ཇིའི་གཞུང་གི་མཐུན་རྐྱེན་རོགས་རམ་འོག་གཞུང་ཞབས་ཀྱི་ཕྲུག་གུ་བཞི་ཨིང་ལེན་རག་སྦིའི་RUGBY, ENGLAND ཞེས་པའི་སློབ་གྲྭར་གཏོང་གནང་མཛད་འདུག དེ་ནི་བོད་མི་ཕྱི་རྒྱལ་དུ་སློབ་སྦྱོང་དུ་ཐོན་པ་དང་པོ་རེད། དང་པོ། སྨོན་གྲོང་མཁྱེན་རབ་ཀུན་བཟང་ནས་ས་གཏེར་འདོན་ལས་སློབ་སྦྱོང་བྱས་ཏེ། འོན་དང༌། དག་པོ། བྱང་ཁུལ་ནས་ས་གཏེར་མི་འདྲ་བ་འགའ་ཤས་ཡོད་པའི་སྙན་སེང་ཞུས་པར་བསམ་མེད་འགའ་ཤས་ནས་ས་གཏེར་འདོན་ལས་བྱས་ན་ཡུལ་གྱི་ས་བཅུད་ལ་གནོད་གཞི་ཡོང་ཚུལ་འགོག་རྐྱེན་ཞུས་རྐྱེན་འདོན་ལས་མ་ཐུབ་པར། སྐུ་སྒེར་གསུང་བསྒྱུར་དང༌། རྗེས་སུ་ལྷ་སའི་སྐོར་སྲུང་པའི་འགོ་བྱེད། དེ་ནས་ཞོལ་གཉེར་བཅས་བྱས་པ་རེད། སྐུ་ངོ་ཞྭ་སྒབ་པ་མཆོག་གིས་བོད་མི་བསམ་མེད་འགས་ས་གཏེར་སྔོག་འདོན་བྱས་ན་ས་བཅུད་ལ་གནོད་གཞི་ཡོང་ཚུལ་བཤད་དེ་འགོག་རྐྱེན་བྱས་ཚུལ་གོང་དུ་འཁོད་པ་ལྟར་གསུངས་འདུག་ཀྱང༌། ད་ལྟ་ཕྱི་ལོ་༢༠༠༧ལོའི་སྣོད་བཅུད་ཀྱི་གནས་བབས་ལ་བལྟས་ན་སྔོན་མ་བོད་མི་བསམ་མེད་ཚོས་བཤད་པ་དེ་བདེན་པ་ཡིན་པ་ར་འཕྲོད་གསལ་པོ་འདུག་སྙམ གཉིས་པ། སྒོག་མཁར་བ་བསོད་ནམས་མགོན་པོ་དྲག་པོའི་སློབ་སྦྱོང་བྱས་ཏེ་དམག་ཆེན་དང་པོའི་སྐབས་འཇར་མན་ཡུལ་དུའང་ཕྱིན་པ་དང༌། རྗེས་སུ་ལྷ་སར་འབྱོར་ཏེ་སྐུ་སྲུང་དམག་སྒར་ཁོངས་གཏོགས་འཇོག་གནང་མཛད་ཀྱང༌། ཡུན་རིང་མ་སོང་བར་ཚེ་མ་ཟིན་པ་རེད། གསུམ་པ། བྱང་ངོས་པ།རི་སྒང་པརིག་འཛིན་རྡོ་རྗེས་གློག་གི་ལས་ཀ་སློབ་སྦྱོང་བྱས་ཏེ་ལྷ་སའི་གྲོང་ཁྱེར་དང༌། ནོར་གླིང་སྤྱན་བསལ་ཕོ་བྲང་བཅས་པར་ཆུ་གློག་གསར་འཛུགས་དང༌། གྲ་བཞི་གློག་འཕྲུལ་ཁོངས་མེ་མདའ་དང༌། དངུལ་པར། ཤོག་དངུལ་པར་འདེབས་ཚང་མར་གློག་ཤུགས་དེས་ཕན་ཐོགས་ཆེན་པོ་བྱུང་བར་བརྟེན་ལྷ་གཉེར་ཐོག དམིགས་བསལ་རིམ་བཞིའི་གོ་གནས་སྩལ་ཏེ། ༧གོང་ས་ཆེན་པོའི་གལ་ཆེའི་གསུང་བསྒྱུར་དང༌། བོད་གཞུང་ཕྱི་རྒྱལ་ལས་ཁུངས་སོགས་སུའང་ཕྱག་ལས་གནང་བ་རེད། བཞི་པ། སྐྱིད་སྦུག་པ་དབང་འདུད་ནོར་བུས་ས་ཚད་ལེན་ཡག་དང་ཏར་འཕྲིན་གཏོང་ལེན་གྱི་ལས་ཀ་སློབ་སྦྱོང་བྱས་ཏེ་ལྷ་སའི་ཏར་འཕྲིན་གྱི་ལས་ཁུངས་ཡར་རྒྱས་བཏང་བ་དང༌། ཕྱི་ལོ་༡༩༢༢ ལོར་ལྷ་ས་ནས་རྒྱལ་རྩེ་བར་ལྕགས་སྐུད་འཕྲིན་གཏོང་གཙུགས་པ་རྒྱ་གར་གཞུང་གི་ལས་བྱེད་རོ་སེ་མེ་ཡར་Rose Meyer བྱ་བས་ཐོག་མར་འཛུགས་གཏོང་གི་རོགས་རམ་གནང་འདུག ལྷ་སའི་མི་དཔོན་གྲོང་ཁྱེར་སྤྱི་ཁྱབ་རྗེས་སུ་རིམ་བཞིའི་གོ་གནས་དང་བཅས་ཕྱི་རྒྱལ་ལས་ཁུངས་སུའང་ཕྱག་ལས་གནང་བ་རེད། ཁོང་ཚོ་བཞི་ཨིང་ལེན་དུ་སྐྱེལ་མི་རྩིས་པ་ལུང་ཤར་རྡོ་རྗེ་རྣམ་རྒྱལ་ཟེར་བ་མི་འཇོན་ཐང་ཅན་ཞིག་ཀྱང་འདུག ཞིབ་པ་སྐུ་ངོ་ཞྭ་སྒབ་པའི་རྒྱལ་རབས་ལ་གཟིགས། ༸གོང་ས་ཏཱ་ལའི་བླ་མ་སྐུ་ཕྲེང་བཅུ་བཞི་པ་ཆེན་པོས་ཕྱི་ལོ་༢༠༠༧།༦།༡ཉིན་རྡ་སྟེང་བོད་ཁྱིམ་སློབ་གྲྭར་གཉུག་མར་གནས་པ་དང་ཕྱོགས་འདུས་བཅས་ཀྱི་སློབ་ཕྲུག་སུམ་སྟོང་ལྔ་བརྒྱ་ལྷག་ཙམ་ལ་ནང་ཆོས་ངོ་སྤྲོད་ཀྱི་གསུང་ཆོས་གནང་སྐབས། སྐུ་ཕྲེང་བཅུ་གསུམ་པ་ཆེན་པོའི་སྐབས་སློབ་ཕྲུག་ཕྱི་རྒྱལ་དུ་གཏོང་རྒྱུའི་སྲོལ་བཏོད་པ་དེ། མུ་འཐུད་མ་ཐུབ་པ་དེ་ནོར་འཁྲུལ་ཆེན་པོ་བྱུང་བ་རེད་ཅེས་ཐུགས་འགྱོད་དང་བཅས་ཏེ་གསུངས།བྱུང་བ་རེད་ཅེས་ཐུགས་འགྱོད་དང་བཅས་ཏེ་གསུངས།)
• Dictionaries/sgom sde tshig mdzod chenmo/11393  + (ཁྱབ་ལོག་སྒྲོག་པའི་དོན་ཡིན། དཔེར་ན་་ཤེས་བྱ་རྫོག་རྒྱུ་ཡོད་པར་ཐལ། སྒོག་པ་རྫོག་རྒྱུ་ཡོད་པ་གང་ཞིག སྒོག་པ་ཤེས་བྱ་ཡིན་པའི་ཕྱིར་ཞེས་པའི་ཐལ་བ་འཕེན་པ་ལྟ་བུ་ལ། ཤེས་བྱ་སྒོག་རྫོག་ཟེར།)
• Dictionaries/sgom sde tshig mdzod chenmo/9599  + (གཡུལ་འགྱེད་པའི་ཚེ་གཞན་དག་ཕམ་ནས་རང་ཕྱོགས་རྒྱལ་བ་ན་ངེད་ཅག་རྒྱལ་ལོ་ཞེས་པའི་བརྡར་རྔ་རྡུང་བ་དེའོ། །)
• Dictionaries/sgom sde tshig mdzod chenmo/1994  + (ངོམ་ངོམ་བྱེད་པའི་དོན་དུ་བཤད། ས་སྐྱ་ལེགས་བཤད་ལས། གཏིང་ནས་ཉམས་པའི་ཁྲེལ་འདས་རྣམས། །རང་གི་གཏམ་ངན་ངོ་སོར་འཁྱེར། །ཀཉྩའི་ཡུལ་གྱི་རྒྱལ་རིགས་འགའ། །ཕ་བསད་པ་ལ་རྒྱལ་རྔ་རྡུང༌། །ཞེས་གསུངས་པ་ལྟར་རོ། །)
• Dictionaries/sgom sde tshig mdzod chenmo/1313  + (ཟས་ཀྱི་སྟེང་དུ་གཡུ་བཞག་ནས་འབུལ་བའི་དོན། སྔོན་དུས་ཟས་ཀྱི་སྟེང་དུ་གཡུ་བཞག་ནས་འབུལ་བའི་ལུགས་སྲོལ་ཞིག་ཡོད་འདུག ཡང་འགའ་ཞིག་གིས་གཡུ་སྔོན་སྒོག་པ་ཡིན་ཟེར། ཞིབ་པ་ཆོས་འབྱུང་མཁས་པའི་དགའ་སྟོན་སྨད་ཆ་༡༦༨ན་གཟིགས།)
• Dictionaries/sgom sde tshig mdzod chenmo/10504  + (རི་ལ་སྐྱེས་པའི་སྒོག་པ།)
• Dictionaries/sgom sde tshig mdzod chenmo/9917  + (རྡོ་དཀར་པོ་མེར་བསྲེགས་པའི་རྡོ་ཐལ་ལམ་ས་དཀར་ … རྡོ་དཀར་པོ་མེར་བསྲེགས་པའི་རྡོ་ཐལ་ལམ་ས་དཀར་གྱི་མིང་། དེ་ལ་ཆུ་གྲང་མོ་བླུགས་ཏེ་དཀྲུགས་ན་དྲོད་ལངས་ནས་ཁོལ་བར་བྱེད་དོ། །ཞེས་དབྱངས་ཅན་དགའ་བློ་གསུང་ངོ་། །རྒྱ་གར་དུ་དཀར་རྩིས་གཏོང་བྱེད་ཉ་ཕྱིས་ཞིབ་མོར་རྫོག་པའི་ས་དཀར་ཡང་ཆུ་བླུགས་ན་ཁོལ་བར་བྱེད་དོ། །རྗེ་གུང་ཐང་པའི་ཆུའི་བསྟན་བཅོས་ལས། མ་རབས་གཅེས་པར་བསྐྱངས་ན་ཡང་། །དྲིན་དུ་མི་ཚོར་འཁྲུག་པར་བྱེད། །བསིལ་བའི་ཆུ་ཡིས་བྲན་ན་ཡང་། །རྡོ་ཞུན་ལྷག་པར་ཁོལ་ཞིང་ཚ། །ཞེས་གསུངས་པ་ལྟར་རོ། །ན་ལྷག་པར་ཁོལ་ཞིང་ཚ། །ཞེས་གསུངས་པ་ལྟར་རོ། །)
• Dictionaries/sgom sde tshig mdzod chenmo/1851  + (ལེབ་ལེབ། ལེབ། ལེབ་མོ། གླེགས་ཞེས་པའི་ཐད་ཀའི … ལེབ་ལེབ། ལེབ། ལེབ་མོ། གླེགས་ཞེས་པའི་ཐད་ཀའི་ཚིག་གི་གོ་དོན་ནི་ལེབ་ལེབ་བམ་ལེབ་མོའམ་ལེབ་ཅེས་པའི་དོན་ཡིན། འོན་ཀྱང་སྐབས་རེར་སྤང་ལེབ་ལའང་གོ་རུང་ངོ་། །རང་གི་རྣམ་བཤད་ལས། སྒོ་གླེགས་ཞེས་བྱ་བ་ནི་སྒོ་ལེབ་ལ་བྱ་སྟེ། ཞེས་དང་། འདུལ་བ་གཞི་རྒྱ་ཆེར་འགྲེལ་པ་ལས་ཀྱང་། སྒོ་གླེགས་ཞེས་བྱ་བ་ནི་སྤང་ལེབ་ཅེས་བྱ་བའི་ཤིང་སྟེ། དེས་སྒོ་དང་སྐར་ཁུང་གཅོད་པར་བྱེད་པའོ། །ཞེས་གསུངས་སོ། །ལུང་ཞུ་བ་༼ པ ༽༢༨༣ན༦ལས། སྒོ་ལེབ་ཀྱི་བྱ་བ་གང་ཞེ་ན། སྒོ་ལེབ་ཅེས་བྱ་བ་ནི་སྒོའི་འཕར་མ་སྟེ། དགེ་སློང་གིས་དེ་ལ་རྡུང་ན་ཡུན་རིང་དུ་བརྡུང་བར་མི་བྱ། ཞེས་སོགས་གསུངས་སོ། །ིང་དུ་བརྡུང་བར་མི་བྱ། ཞེས་སོགས་གསུངས་སོ། །)