Search by property

This page provides a simple browsing interface for finding entities described by a property and a named value. Other available search interfaces include the page property search, and the ask query builder.

List of results

• Dictionaries/sgom sde tshig mdzod chenmo/6536  + (སེམས་རྒྱུད་འཇམ་ཞིང་བཟང་བའི་དོན། དེ་ཡང་མཉེས … སེམས་རྒྱུད་འཇམ་ཞིང་བཟང་བའི་དོན། དེ་ཡང་མཉེས་ནི་གཉེད་པའི་འདས་པ་སྟེ། ཞི་བའམ་དུལ་བའམ་འཇམ་པའམ་སྙི་བའི་དོན་ཡིན། དཔེར་ན་ཀོ་བ་མཉེས་ལྟ་བུ། གཤིན་ནི་བཟང་པོའམ་མཛའ་བའམ་མཐུན་པའམ་གྲོགས་སམ་ལས་རུང་གི་མིང་སྟེ། ཞིང་ས་གཤིན་པོ་ཟེར་བ་ལྟ་བུ། དེས་ན་སེམས་འཇམ་ཞིང་མཛའ་བའམ་བཟང་པོའི་དོན་ཡིན། བསྡུས་ཏེ་བཤད་ན། མཉེས་ནི་འཇམ་པ། གཤིན་ནི་བཟང་པོའི་དོན་ནོ། །རྗེའི་བྱམས་བསྟོད་ཚངས་པའི་ཅོད་པན་མ་ལས། མཉེས་གཤིན་བྱམས་པས་རྟག་ཏུ་བརླན་ཡང་ནག་པོའི་རྩ་ལག་སྲེག །ཤིན་ཏུ་བཅད་དཀའི་འཆིང་བ་བཅད་ཀྱང་སྙིང་རྗེས་དམ་དུ་བཅིངས། །ཞི་བའི་བཏང་སྙོམས་རྒྱུན་དུ་ལྡན་ཡང་བདག་པས་གཞན་ལ་གཅེས། །འཇམ་དབྱངས་ཞབས་ལ་གུས་པས་བཏུད་ནས་མི་ཕམ་མགོན་ལ་བསྟོད། །ཅེས་པ་ལྟ་བུ།་བཏུད་ནས་མི་ཕམ་མགོན་ལ་བསྟོད། །ཅེས་པ་ལྟ་བུ།)
• Dictionaries/sgom sde tshig mdzod chenmo/1586  + (སོག་པོའི་རྒྱལ་པོ་འདིས་༡༦༤༢ལོར་གཙང་པ་སྡེ་སྲ … སོག་པོའི་རྒྱལ་པོ་འདིས་༡༦༤༢ལོར་གཙང་པ་སྡེ་སྲིད་ཀྱི་སྲིད་གཞུང་གཏོར་ཕམ་བཏང་ནས། བོད་ཀྱི་སྲིད་དབང་ཡོངས་རྫོགས་༸གོང་ས་ལྔ་པ་ཆེན་པོའི་ཕྱག་ཏུ་ཕུལ་ཏེ། བོད་གཞུང་དགའ་ལྡན་ཕོ་བྲང་གི་སྲིད་དབང་བཙུགས་ཤིང་། ཏཱ་ལའི་བླ་མ་དང་དགེ་ལུགས་པའི་ཕྱོགས་ལ་དད་ཞེན་ཧ་ཅང་ཆེ་བའི་རྒྱལ་པོ་ཞིག ཏཱ་ལའི་བླ་མ་ལྔ་པ་ཆེན་པོས་གུ་ཤྲཱི་ཧན་ལ་བསྟན་འཛིན་ཆོས་ཀྱི་རྒྱལ་པོ་ཞེས་མཚན་བསྟོད་གནང་། ལོ་རྒྱུས་རྒྱས་པ་ནི། ཨོ་རོད་ཚོ་བཞིར་གྲགས་པའི་ནང་ཚན། ཧོ་ཤོད་ཀྱི་དཔོན་ཧ་ནའི་སྲས། གུ་ཤྲཱི་ཧན་བསྟན་འཛིན་ཆོས་རྒྱལ་ཀྱི་རྒྱལ་པོར་གྲགས་པ་ནི། རབ་བྱུང་བཅུ་པའི་ཆུ་ཕོ་རྟའི་ལོ། ཕྱི་ལོ་༡༥༨༢ལོར་འཁྲུངས། མཚན་ཐོ་རོལ་བའི་ཧུར་ཞེས་བཏགས། གཏེར་སྟོན་དྲི་མེད་ལྷུན་པོའི་ལུང་བསྟན་ལས་ཕྱག་ན་རྡོ་རྗེའི་རྣམ་འཕྲུལ་དུ་བཤད་ཅིང་། སར་གནས་ཀྱི་བྱང་སེམས་ཆོས་རྒྱལ་པོའི་རྣམ་པར་བྱོན་པ་ཞིག་སྟེ། དགུང་ལོ་བཅུ་གསུམ་ལོན་པའི་ཚེ། མགོ་དཀར་གྱི་དམག་ཁྲི་ཕྲག་ཙམ་གྱི་སྟེང་དམག་དཔོན་བྱས་ཏེ་བྱོན་པས་ཕ་རོལ་གྱི་དཔུང་ཚོགས་ཐམས་ཅད་བཅོམ་སྟེ་གཡུལ་ལས་རྣམ་པར་རྒྱལ་བའི་སྙན་པ་ཐོབ། དེ་སྐབས་ཡུལ་དེར་ཆོས་མ་དར་བར་ཡོད་པ་ལས། སོག་པོའི་ཡུལ་གྲུ་གཞན་དག་ཏུ་རྒྱལ་དབང་བསོད་ནམས་རྒྱ་མཚོ་དང་། གསེར་གྱི་རྒྱལ་པོ་མཆོད་ཡོན་ཟུང་གི་བཀའ་དྲིན་ལ་བརྟེན་ནས་དམ་པའི་ཆོས་དར་ཞེས་པའི་ཆོས་ཀྱི་མིང་ཙམ་ཐོས་པར་བརྟེན་དད་པ་ལྷག་པར་འཁྲུངས་ཏེ། ཕྱོགས་དེར་ཕྱག་ཡང་དང་ཡང་དུ་བཙལ་བས་དཔྲལ་བ་སྐྲངས་པ་ཙམ་དུ་གྱུར་ཅེས་གྲགས། དགུང་ལོ་ཉེར་ལྔ་བཞེས་པའི་ཚེ། ཡུམ་གཤེགས་ཏེ་དེའི་དགོངས་རྫོགས་སུ་དབུལ་ཕོངས་རྣམས་ལ་སྦྱིན་གཏོང་རྒྱ་ཆེར་མཛད། བར་སྐབས་ཤིག་ཧལ་ཧ་དང་ཨོ་རོད་གཉིས་ཕན་ཚུན་མ་མཐུན་པར་འཁྲུགས་པ་ཆེན་པོ་བྱུང་བའི་ཚེ། སྙིང་རྗེའི་གཞན་དབང་དུ་གྱུར་ཏེ། ཧལ་ཧའི་ཁྲོད་དུ་ཚམ་ཚོམ་མེད་པར་བྱོན་ནས་ཕན་ཚུན་གྱི་བར་དུ་འདུམ་པར་མཛད། དེ་ལ་སྟོང་འཁོར་ཆོས་རྗེ་དང་། ཧལ་ཧའི་རྒྱལ་བློན་རྣམས་ཤིན་ཏུ་མགུ་སྟེ། ཏའི་ཀཽ་ཤྲཱི་ཞེས་པའི་ཆོ་ལོ་བྱིན། སླར་རང་ཡུལ་དུ་བྱོན། རྒྱལ་བ་བསོད་ནམས་རྒྱ་མཚོ་ལ་ཨོ་རོད་ཀྱི་མི་ཞིག་གིས་མདོ་སྡེ་གསེར་འོད་དམ་པ་ལ་ཕྱག་ནས་ཞུས་པའི་ཚེ། མིང་དྲིས་པར། ཨལ་ཐན་ཀེ་རེ་ལ་ཟེར་ཞུས་པར། དེ་ན་མི་ལོ་ཉི་ཤུ་ན་ཁྱོད་ཀྱི་ཡུལ་དུ་ཆོས་འདི་དར་བར་འགྱུར་རོ་ལུང་བསྟན་པར་ལྟར་སྦྱིན་བདག་མཛད་དེ། གསེར་འོད་དམ་པ་སོགས་ཆོས་མང་དུ་བསྒྱུར་ཅིང་བསྟན་པའི་སྲོལ་བཏོད། ཆ་ཧར་རྒྱལ་པོས་སོག་པོ་ཚོ་ཆེན་དྲུག་གི་ནང་དུ་དུས་འཁྲུག་བསླངས་པར་བརྟེན། ཧལ་ཧའི་ཁྲོད་དུ་འགའ་ཞིག་བྲོས་པར། དབོན་པོ་ཕན་ཚུན་ནང་མ་འཆམས་པའི་རྐྱེན་གྱི་ཧལ་ཧ་ཆོག་ཐུ་རང་ཡུལ་ནས་སྤྱུགས་པ་མཚོ་ཁར་འོངས་ནས། ཨ་མདོའི་ས་ཆ་ནས་མངའ་འོག་ཏུ་བཅུག་སྟེ། རེ་ཞིག་མངའ་ཐང་ཆེ་བར་བྱུང་བས་བསྟན་པ་སྤྱི་དང་། ཁྱད་པར་རི་བོ་དགེ་ལྡན་པའི་བསྟན་པ་ལ་གནོད་པ་ཅི་འཁྱོལ་བྱས་པའི་རྒྱུ་མཚན་རྒྱལ་པོ་འདིའི་སྙན་དུ་སོན་ཏེ། རྗེ་རིན་པོ་ཆེའི་བསྟན་པ་འབའ་ཞིག་གཅེས་པར་དགོངས་ནས་དམག་གི་དཔུང་ཆེན་པོ་དང་བཅས་རང་ཡུལ་ནས་མེ་གླང་ཟླ་བ་དང་པོར་མཚོ་ཁར་བྱོན་ཏེ། གཡུལ་བཀྱེས་པས་ཆོག་ཐུའི་དམག་ཁྲི་ཕྲག་བཞི་དང་བཅས་པ་ལྷག་མ་མེད་པར་བཅོམ་སྟེ། མདོ་སྨད་ཀྱི་ཕྱོགས་མཐའ་དག་མངའ་འོག་ཏུ་བསྡུས། དེ་ནས་རྒྱལ་བ་ཡབ་སྲས་མཇལ་བའི་ཆེད་དུ་དབུས་སུ་བྱོན། ༸རྒྱལ་མཆོག་ལྔ་པ་ཆེན་པོ་དང་། པཎ་ཆེན་བློ་བཟང་ཆོས་ཀྱི་རྒྱལ་མཚན་གཉིས་ཞལ་མཇལ་ཏེ་གཙུག་ཏུ་རྒྱན་དུ་བསྟེན། དགའ་ལྡན་དུ་མཇལ་བར་བྱོན་པའི་ཚེ། དེ་དགོང་ཉེར་བདུན་ཡིན་ནའང་སྲོད་ཀྱི་དུས་རྡེའུ་ཕྲ་མོ་ཡང་མཐོང་བའི་འདུན་ས་ཤིན་ཏུ་དཀར་བ་བྱུང་བས་བསྟན་སྲིད་མཐའ་དག་དཀར་འཇམ་དུ་འགྱུར་བའི་རྟེན་འབྲེལ་འགྲིག དེ་ནས་གླང་ལོའི་དགུན་ཕྱིར་མཚོ་ཁར་བྱོན། བར་ཁམས་སུ་བེ་རི་རྒྱལ་པོ་དོན་ཡོད་སངས་རྒྱས་བསྟན་པ་ལ་ཤིན་ཏུ་གནག་ཅིང་། བོན་གྱི་རིང་ལུགས་ཁོ་ན་གཙོ་བོར་མཆོད་པའི་རྒྱུ་མཚན་གསན་ཏེ། ས་ཡོས་ཧོར་ཟླ་ལྔ་པའི་ནང་དཔུང་གི་ཚོགས་དང་བཅས་པ་བེ་རིའི་སྟེང་དུ་བྱོན། མངའ་འབངས་སུ་ཕལ་ཆེར་བླངས། བེ་རི་རྒྱལ་པོ་ཕྱོགས་གཞན་དུ་བྲོས་པ་ལྕགས་འབྲུག་ཟླ་བ་བཅུ་གཅིག་པའི་ཉེར་ལྔ་ལ་བཟུང་སྟེ་ཁྲི་མོན་དུ་བཅུག ས་དགེ་ཀར་འབྲུག་སྟག་ལུང་སོགས་ཀྱི་བླ་དཔོན་བཙོན་དུ་ཆུད་པ་རྣམས་ཀྱང་བཏོན་ཏེ་རང་གནས་སུ་བསྐྱལ། འཇང་རྒྱལ་པོ་ཚུན་ཆད་ཀྱི་སྐྱེ་དགུ་རྣམས་ཀྱིས་དཔྱ་ཁྲལ་འབུལ་ཞིང་གུས་འདུད་ལྷུར་བླངས། དེའི་ཚེ་དབུས་གཙང་གི་རྒྱལ་པོ་ནི་སྡེ་སྲིད་གཙང་པ་ཡིན་ཞིང་། དེས་ཀརྨ་པ་བླ་མཆོད་ཀྱི་གཙོ་བོར་བཟུང་སྟེ། དགེ་ལུགས་ཕྱོགས་ལ་བསམ་སྦྱོར་ལོག་པ་མང་དུ་བྱས་པར་བརྟེན། རྒྱལ་པོ་འདི་དཔུང་གི་ཚོགས་ཆེན་པོ་དང་བཅས་ཏེ་དབུས་གཙང་གི་ཕྱོགས་སུ་བཏེག གཙང་པའི་དཔུང་དམག་མཐའ་དག་བཅོམ་སྟེ་གཙང་པ་རྒྱ་བློན་བཟུང་ནས་དབུས་ཀྱི་སྣེའུ་གཞིས་ཁར་བཙོན་ཁང་དུ་བཅུག་ཅིང་དབུས་གཙང་གི་ཕྱོགས་ཀུན་མངའ་འོག་ཏུ་བསྡུས། བོད་ཆོལ་ཁ་གསུམ་གྱི་རྒྱལ་པོར་གྱུར་ཏེ་བཀའ་ཁྲིམས་ཀྱི་གདུགས་དཀར་པོ་སྲིད་རྩེའི་བར་དུ་འཁོར། དགེ་ལུགས་ལ་ལོག་པར་འཁུ་བའི་མི་བསྲུན་སྐྱེ་བོ་ཐམས་ཅད་ཚར་བཅད། རྒྱ་གར་གྱི་རྒྱལ་པོ་ཁོ་ཞིང་། བལ་པོ་ཡུམ་བུའི་རྒྱལ་པོ། མངའ་རིས་རྒྱལ་པོ་སོགས་མཐའ་ཕྲན་མང་པོས་ཀྱང་ཡུལ་ལུགས་ཀྱི་སྐྱེས་ཕུལ་ཏེ། གནམ་བསྐོས་དགའ་ལྡན་ཕོ་བྲང་གི་ཆབ་སྲིད་ཀྱི་དབུ་འཕང་དགུང་ལ་རེག་པར་གྱུར་ཏེ། ད་ལྟའི་བར་དུས་དགའ་ལྡན་གནམ་དགའ་ལྡན་དུ་གྲགས་པ་འདི་ཡང་རྒྱལ་པོ་འདིའི་དྲིན་དུ་ཁུམས་སོ། །འདི་ལ་སྲས་བཅུ་ཡོད་པ་ལས། ཏ་ཡན་ཧན་དང་། དེའི་ཚ་བོ་ལྷ་བཟང་གཉིས་ཀྱིས་རིམ་པར་བོད་ཀྱི་རྒྱལ་པོ་བྱས། སྲས་ཐ་ཆུང་ཨ་ཁུ་བཀྲ་ཤིས་པཱ་ཐུར་གྱིས་མཚོ་སྔོན་པོའི་རྒྱལ་པོ་བྱས། དེ་ལྟར་ཀཽ་ཤྲཱི་ཧན་གྱི་བརྒྱུད་པ་དཔོན་ཁག་སོ་སོར་གྱེས་པ་རྣམས་ཀྱང་སྟོབས་འབྱོར་མངའ་ཐང་དང་ལྡན་ཞིང་། གཞན་ལ་ལྟོས་མི་དགོས་པའི་རང་ཚུགས་ཐུབ་པར་ཡོད་ཀྱང་། ཕྱིས་སུ་བསྟན་འཛིན་ཝང་གིས་འཁྲུགས་པ་བསླངས་པར་བརྟེན། ཐམས་ཅད་འཇམ་དབྱངས་གོང་མའི་མངའ་ཞབས་སུ་ཚུད། གོང་ནས་སོ་སོར་ཐོབ་དང་བདག་རྐྱེན་གནང་ཞིང་། ཡབ་མེས་གོང་མའི་སྲོལ་བཞིན་རི་བོ་དགེ་ལྡན་པའི་བསྟན་པ་བསྟན་འཛིན་དང་བཅས་པ་ལ་གུས་མཆོད་དང་རང་རང་གནས་སུ་དགེ་འདུན་གྱི་སྡེ་འཛུགས་པ་སོགས་ཀྱིས་བསྟན་པའི་ཞབས་འདེགས་ལྷུར་ལེན་པར་བྱེད་དོ། །ཞེས་ཐུའུ་བཀྭན་བློ་བཟང་ཆོས་ཀྱི་ཉི་མའི་གྲུབ་མཐར་གསལ་བ་ལྟར་བཀོད། གོང་གསལ་གནས་ཚུལ་ནང་ཐུའུ་བཀྭན་རིན་པོ་ཆེས་སྲིད་དོན་ཐོག་ཞིབ་ཚགས་མ་བྱས་པའི་གནས་ཚུལ་ལྟ་བུར་འགའ་རེ་སྣང་མོད་བཅས་བཅོས་མེད་པར་རང་སོར་བཞག་འགའ་རེ་སྣང་མོད་བཅས་བཅོས་མེད་པར་རང་སོར་བཞག)
• Dictionaries/sgom sde tshig mdzod chenmo/11814  + (སོག་ཡུལ་དུ་སངས་རྒྱས་ཀྱི་བསྟན་པ་དར་བའི་ཚུལ་ … སོག་ཡུལ་དུ་སངས་རྒྱས་ཀྱི་བསྟན་པ་དར་བའི་ཚུལ་ནི། ཡུལ་འདིར་རྒྱ་གར་གྱི་པཎ་གྲུབ་སོགས་བྱོན་ནས་བསྟན་པའི་སྲོལ་ཕྱེ་བའི་ལོ་རྒྱུས་མི་སྣང་བས། ཆོས་ནི་ཐོག་མ་བོད་ནས་བྱུང་བ་ཡིན་ལ། དེ་ཡང་དང་པོ་བྱུང་བ་ནི། ས་སྐྱ་བའི་ཆོས་ལུགས་ཡིན་ཏེ། སྟོབས་ཀྱིས་འཁོར་ལོས་བསྒྱུར་བ་ཆིང་གི་སི་བོད་དུ་བྱོན། མངའ་རིས་སྐོར་གསུམ། དབུས་གཙང་རུ་བཞི། ལྷོ་ཁམས་སྒང་གསུམ་ཐམས་ཅད་དབང་དུ་བསྡུས། གཙང་དུ་མི་སྣ་བཏང་སྟེ་ས་ཆེན་ཀུན་དགའ་སྙིང་པོ་ལ་འབུལ་ནོད་སོགས་བགྱིས་ཤིང་མཆོད་ཡོན་དུ་གྱུར། སླད་ནས་སོག་ཡུལ་དུ་གདན་འདྲེན་པའི་ཞུ་བ་ཕུལ། རྟེན་གསུམ་འགའ་ཞིག་གདན་དྲངས། དེ་ལ་བརྟེན་ནས་སོག་པོ་ཐམས་ཅད་བསྟན་པ་ལ་དད་པར་གྱུར་ཏེ་དཀོན་མཆོག་མཆོད་པའི་མགོ་ཚུགས། དགེ་བསྙེན་སོགས་ཀྱི་སྡོམ་པ་ལེན་པའང་བྱུང་ནས་སངས་རྒྱས་ཀྱི་བསྟན་པའི་དབུ་བརྙེས་སོ། །འདི་སངས་རྒྱས་འདས་ལོ་ལྕགས་འབྲུག་ལ་འདོད་པའི་ལུགས་ལྟར་ན། ལོ་དེ་ནས་ཉིས་སྟོང་གྱ་བདུན་དང༌། མེ་ཡོས་ལ་འདོད་པ་ལྟར་ན་ལོ་ཉིས་སྟོང་ཞེ་གཅིག་པ་རབ་བྱུང་བཞི་པའི་མེ་ཡོས་ལོ་ཡིན་ལ། ལོ་དེ་ནས་རབ་བྱུང་བཅུ་གསུམ་པའི་ལྕགས་འབྲུག་བར་ལོ་ལྔ་བརྒྱ་དང་གསུམ་འདས་སོ། །ཆིང་གི་ཚ་བོ་གུ་ཡུག་དང་གུ་ཏན་སྤུན་གཉིས་ཀྱིས་ལང་གྲུའུ་ཕྱོགས་སུ་ཁམས་ཀྱི་རྒྱལ་པོ་བྱེད་སྐབས། གུ་ཏན་གྱིས་ས་སྐྱ་པཎ་ཆེན་གྱི་སྙན་པ་ཐོས་ནས་བོད་དུ་མི་སྣ་བཏང་སྟེ་སོག་ཡུལ་དུ་གདན་འདྲེན་པའི་ཞུ་བ་ཕུལ་བས། ས་པཎ་ལ་སྔ་མ་རྗེ་བཙུན་གྲགས་རྒྱལ་གྱིས། ཁྲའི་ཞྭ་དང་ཕག་སྣའི་ལྷམ་གྱོན་པའི་ས་མཐའི་མི་གདན་འདྲེན་པ་འོང་ཚེ། དེར་བྱོན་ན་བསྟན་འགྲོའི་དོན་འབྱུང་བའི་ལུང་བསྟན་ཡོད་པ་དང་འགྲིགས་པས་ཞལ་བཞེས་མཛད་དེ། དབོན་པོ་འཕགས་པ་དང་ཕྱག་ན་བཅས་བྱོན་པ་པ་རབ་བྱུང་བཞི་པའི་མེ་འབྲུག་ལོ་རྒྱལ་པོ་གུ་ཏན་དང་ཞལ་འཛོམས། རྒྱལ་པོ་ས་བདག་གི་ནད་ཀྱིས་ཐེབས་པ་ས་པཎ་གྱིས་སེང་གེ་སྒྲའི་སྒོ་ནས་ནད་ལས་སྒྲོལ་བར་མཛད། རྒྱལ་པོ་འཁོར་བཅས་ལ་དགྱེས་པ་རྡོ་རྗེའི་དབང་གནང་ཞིང༌། དེ་ཡན་ཆད་སོག་པོ་ལ་ཡི་གེ་མེད་པ་ལ། ས་པཎ་གྱིས་ཡི་གེ་གསར་པ་བཟོ་བར་བཞེད་པ་ན། བུད་མེད་ཅིག་གིས། པགས་པ་མཉེད་བྱེད་ཀྱི་ཤིང་སོག་ལེའི་ཁ་ལྟ་བུ་ཞིག་ཐོགས་པ་གཟིགས་ནས། སོག་ཡིག་དེའི་དབྱིབས་ཅན་བཟོས་ཏེ། ཨ་ཨེ་ཨི། ན་ནེ་ནི། ས་སེ་སི། ཧ་ཀེ་ཁི། གྷ་གྷེ་གྷི། མ་མེ་མི། ལ་ལེ་ལི། ར་རེ་རི། འ་འེ་འི། ཏ་ཏེ་ཏི། ཐ་ཐེ་ཐི། ཙ་ཙེ་ཙི། ཚ་ཚེ་ཚི། ཡ་ཡེ་ཡི། ཝ་ཝེ་ཝི་རྣམས་ཕོ་མོ་མ་ནིང་ངམ་སྒྲིམ་ལྷོད་ཞན་གསུམ་དུ་བསྡུས་ནས་ཀློག་པའི་སྲོད་བཏོད། ལྕགས་ཕག་ལོར་ས་པཎ་དང་རྒྱལ་པོ་གཉིས་ཀ་གཤེགས་པས། ས་པཎ་གྱི་སྐུ་གདུང་ལང་གྲུའི་མཁར་གྱི་ཕྱིའི་སྤྲུལ་པ་སྡེའི་མཆོད་རྟེན་གྱི་ནང་ན་བཞུགས་ཞེས་གྲགས་སོ། །བཀའ་བརྒྱུད་པ་དར་ཚུལདེ་རྗེས་མུང་ཁེ་རྒྱལ་པོའི་དུས་ཀརྨ་པཀྵི་སོགས་བྱོན། མུང་ཁེའི་གཅུང་ཧུ་པ་ལིའི་སྐབས་ས་པཎ་གྱི་དབོན་པོ་འགྲོ་དགོན་ཆོས་རྒྱལ་འཕགས་པ་བྱོན་ནས་ཆོས་དར་བར་མཛད་ཅིང༌། རྒྱལ་པོ་ཡང་ཐུགས་དགྱེས་ཤིང་དད་པས། རྒྱ་ནག་གི་སྐད་དུ་ཤིང་ཤིང་ཏཱ་ཀཽ་ཤྲཱི་སྟེ་ཁམས་གསུམ་ཆོས་ཀྱི་རྒྱལ་པོ་ཞེས་པའི་མཚན་གསོལ། གྲོང་ཁྱེར་ལི་ཤིམ་གྱི་ས་ཆ་ཡུལ་མི་དང་བཅས་པ་དང༌། ཕྱིས་སུ་རིམ་པས་བོད་ཆོལ་ཁ་གསུམ་ཡོངས་སུ་རྫོགས་པ་འབངས་སུ་ཕུལ། རྒྱལ་པོས་བོད་ཀྱི་བནྡེ་ཐམས་ཅད་ཆོས་ལུགས་ས་སྐྱ་པ་བྱེད་དགོས་པའི་ལུང་སྒྲོག་ཟེར་བ་ལ། འཕགས་པ་རིན་པོ་ཆེས། རང་རང་གི་སྔོན་ནས་དར་བའི་ཆོས་ལུགས་སུ་གནས་ན་ལེགས་ཚུལ་གསུངས་པས་བཏང་སྙོམས་སུ་བཞག་གོ། འཕགས་པ་རིན་པོ་ཆེ་ཤིང་གླང་ལོར་བོད་དུ་བྱོན། རབ་བྱུང་ལྡ་པའི་ས་སྦྲུལ་ལོར་སླར་ཡང་ཧོར་ཡུལ་དུ་ཕེབས། ལྕགས་རྟ་ལོར་སོག་ཡིག་འཁོར་མ་གྲུ་བཞི་བཟོས་ཤིང༌། འཆད་ཉན་དང་སྒོམ་སྒྲུབ་སོགས་བྱེད་པའི་སྲོལ་བཙུགས་ཏེ་བསྟན་འགྲོའི་དོན་རྒྱ་ཆེར་མཛད། རྒྱལ་པོས་རྒྱ་གར་ནས་སངས་རྒྱས་ཀྱི་རིང་བསྲེལ་སོགས་རྟེན་གསུམ་མང་པོ་སྤྱན་དྲངས་ཏེ་གཙུག་ལག་ཁང་བཞེངས་ཤིང་དགེ་འདུན་གྱི་སྡེ་བཙུགས་ནས་བསྟན་པ་དར་བར་བྱས་སོ། །འོན་ཀྱང་འཁོར་ཡིག་གི་སོག་སྐད་དུ་ཆོས་བསྒྱུར་མ་ཐུབ་པས། སོག་པོ་རྣམས་ཀྱིས་ཆོས་འདོན་པའི་ཚེ་ཡུ་གུར་སྐད་ཀྱིས་འདོན་པ་ལ། ཨོལ་རྗེའི་རྒྱལ་པོའི་དུས་སུ་ས་སྐྱ་པ་ཆོས་ཀྱི་འོད་ཟེར་བྱ་བ་བྱོན་ནས་སྔར་ས་པཎ་གྱིས་བཟོས་པའི་ཡི་གེ་ལ་ཡི་གེ་མཇུག་མ་ཅན་མང་པོ་བསྣན་ནས་ཆོས་བསྒྱུར་ཐུབ་པ་མཛད། ཕྱིས་སུ་ཧའི་སན་ཁུ་ལུག་རྒྱལ་པོའི་དུས་གཟུངས་གྲྭ་ལྔ་སོགས་བཀའ་བསྟན་སོག་སྐད་དུ་བསྒྱུར། དེ་རྗེས་ཞིག་ཀརྨ་པ་རང་བྱུང་རྡོ་རྗེ་བྱོན་ནས་ཧོར་གྱི་རྒྱལ་པོ་ཞིག་ལ་དབང་བསྐུར་ཟེར་ཏེ། ཅི་ཡ་ཐུ་རྒྱལ་པོ་ཡིན་ནམ་སྙམ། ཐོ་གྭན་ཐུ་མེར་གྱིས་ཀརྨ་པ་རོལ་པའི་རྡོ་རྗེ་གདན་དྲངས། ཆིང་གིར་ནས་ཨེརྟེ་ནི་ཆོག་ཐུའི་བར་རྒྱལ་པོ་བཅུ་བཞིའི་རིང་ལ་ས་སྐྱ་པ་དང་བཀའ་བརྒྱུད་པའི་བླ་མ་མང་དུ་བྱོན་འདུག་ཅིང༌། རྒྱལ་པོས་ཏིའི་ཤྲཱིར་བཀུར་བའང་ཁ་ཤས་བྱུང་འདུག (དགེ་ལྡན་པ་དར་ཚུལ) དེ་ནས་དགེ་ལྡན་པ་དང་མཆོད་ཡོན་དུ་འབྲེལ་ཚུལ་ནི། ཐུ་མེད་ཀྱི་ཨ་ལ་ཐན་ཧན་གྱི་དུས་རྒྱལ་དབང་བསོད་ནམས་རྒྱ་མཚོ་སོག་ཡུལ་དུ་བྱོན། སོག་པོ་རྣམས་ཀྱིས་ཨོ་གོྭང་མཆོད་པའི་ཆེད་དུ་སྲོག་གཅོད་མང་པོ་བྱེད་པའི་སྲོད་བཅད། ཞྭ་སེར་གྱི་བསྟན་པའི་སྲོལ་བཙུགས། རྒྱལ་དབང་དེ་ཉིད་སོག་ཡུལ་དུ་མྱ་ངན་ལས་འདས་པའི་སྤྲུལ་སྐུ་རྒྱལ་དབང་བཞི་པ་ཡོན་ཏན་རྒྱ་མཚོ་སོག་ཡུལ་དུ་སྐུ་འཁྲུངས་པས་ལྷག་པར་སོག་ཡུལ་དུ་བསྟན་པ་དར་བ་ལ་སྨན་པར་གྱུར། སོག་པོ་ཐམས་ཅད་དགེ་ལྡན་པའི་སྦྱིན་བདག་ཏུ་གྱུར། དེ་རྗེས་ཤི་རེ་ཐུ་གུ་ཤྲིས་ཡུམ་གསུམ་སོག་སྐད་དུ་བསྒྱུར། ཆ་ཧར་ལེགས་ལྡན་ཧུ་ཐོག་ཐུའི་དུས་ཀུན་དགའ་འོད་ཟེར་གྱིས་གཙོས་པའི་ལོ་ཙཱ་བ་མང་པོས་བཀའ་འགྱུར་ཡོངས་རྫོགས་སོག་སྐད་དུ་བསྒྱུར། སོག་པོའི་རྒྱལ་ཕྲན་ཐ་མ་ལེགས་ལྡན་གྱིས་རང་སྲིད་རང་གིས་ཉམས་པར་བྱས་ཏེ་ཧོར་གྱི་རྒྱལ་རབས་རྫོགས་པར་གྱུར་ནའང༌། བདེ་སྐྱིད་རྒྱལ་པོའི་དུས་སོག་ཡིག་གི་བཀའ་འགྱུར་ཞུ་དག་མཛད་ནས་སྤར་དུ་བསྒྲུབས། འཇམ་དབྱངས་གོང་མ་ཆེན་ལུང་རྒྱལ་པོའི་བཀས་བསྟན་འགྱུར་ཡོངས་རྫོགས་སོག་སྐད་དུ་བསྒྱུར་ནས་སྤར་དུ་བསྒྲུབས། འདི་དུས་ལྕང་སྐྱ་ཐམས་ཅད་མཁྱེན་པ་རོལ་པའི་རྡོ་རྗེས་སོག་སྐད་དུ་ཆོས་བསྒྱུར་བ་ལ་མེད་མི་རུང་གི་དག་ཡིག་མཁས་པའི་འབྱུང་གནས་ལྗགས་རྩོམ་མཛད་པ་ཕྱིས་ཀྱི་སྒྱུར་བྱེད་རྣམས་ལ་གསུང་རབ་ཀྱི་བརྡ་དོན་བལྟ་བའི་མིག་ཏུ་གྱུར་ཏོ། །ཡང་པཎ་ཆེན་བློ་བཟང་ཆོས་ཀྱི་རྒྱལ་མཚན་དང༌། རྒྱལ་དབང་ལྔ་པའི་སློབ་མ་ཛ་ཡ་པཎྜི་ཏ་བློ་བཟང་འཕྲིན་ལས་དང༌། ཨེར་ཏེ་ནི་པཎྜི་ཏ་བློ་བཟང་བསྟན་འཛིན་གཉིས་ཀྱིས་ཀྱང་དགོན་པ་བཙུགས་ནས་བསྟན་པའི་བྱ་བ་རྒྱ་ཆེར་མཛད། ཐུའུ་བཀྭན་བློ་བཟང་ཆོས་ཀྱི་ཉི་མའི་གསུང་ལྟར་བཀོད།བཀྭན་བློ་བཟང་ཆོས་ཀྱི་ཉི་མའི་གསུང་ལྟར་བཀོད།)
• Dictionaries/sgom sde tshig mdzod chenmo/12956  + (སོར་སྡུད། བསམ་གཏན། སྲོག་རྩོལ། འཛིན་པ། རྗེས … སོར་སྡུད། བསམ་གཏན། སྲོག་རྩོལ། འཛིན་པ། རྗེས་དྲན། ཏིང་ངེ་འཛིན་གྱི་ཡན་ལག་དང་དྲུག རྗེའི་གསང་འདུས་སྨོན་ལམ་ལས། སོ་སོར་སྡུད་དང་བསམ་གཏན་སྲོག་རྩོལ་དང༌། །འཛིན་པ་རྗེས་དྲན་ཏིང་འཛིན་ཡན་ལག་དྲུག །ཅེས་གསུངས་པ་ལྟར་རོ། །སྦྱོར་བ་ཡན་ལག་ཅེས་པ་དང༌། རྫོགས་རིམ་རིམ་པ་དྲུག་གམ། ལྔའམ། བཞིར་གསུངས་པ་རྣམས་དབྱེ་བསྡུ་ཙམ་ལས་དོན་ལ་ཁྱད་པར་མེད་དེ། སོར་བསམ་གཉིས་ལུས་དབེན། སྲོག་རྩོལ་ངག་དབེན། འཛིན་པ་དོན་གྱི་འོད་གསལ། རྗེས་དྲན་ཏིང་ངེ་འཛིན་གཉིས་ཟུང་འཇུག་གིས་བསྡུས་པའོ། །འདི་སྐོར་རྗེའི་རིམ་ལྔ་གསལ་སྒྲོན་སོགས་ན་ཤིན་ཏུ་རྒྱས་པ་ཡོད་པས་དེར་གཟིགས་པར་ཞུ། འཇམ་མགོན་ཀོང་སྤྲུལ་རིན་པོ་ཆེའི་ཤེས་བྱ་མཛོད་འགྲེལ་སྨད་ཆ་༢༣༢ནའང་དེའི་སྐོར་བཞུགས་པས་དེར་གཟིགས།སྨད་ཆ་༢༣༢ནའང་དེའི་སྐོར་བཞུགས་པས་དེར་གཟིགས།)
• Dictionaries/sgom sde tshig mdzod chenmo/11850  + (སྐད་གསར་བཅད་ཅེས་པའི་གོ་དོན་ནི། སྐད་གསར་པ་ག … སྐད་གསར་བཅད་ཅེས་པའི་གོ་དོན་ནི། སྐད་གསར་པ་གཏན་ལ་ཕབ་པའི་དོན་ཡིན། བཅད་ཅེས་པ་ཐག་བཅད་པའམ་གཏན་ལ་ཕབ་པའི་དོན་ཡིན། དེ་ཡང་ཡི་གེའི་འབྲི་ཀློག་མི་བདེ་བའི་བརྡ་རྙིང་གི་འབྲི་སྲོལ་འགའ་ཞིག་ལ་བཅོས་འགྱུར་བཏང་སྟེ་གཏན་ལ་ཕབ་པ་ལ་སྐད་གསར་བཅད་ཟེར། དཔེར་ན་ཀུནད། ཅེས་པའི་ད་དྲག་བསྡུས་ནས། ཀུན་ཞེས་གཏན་ལ་ཕབ་པ་དང་། འགྱོ་ནི་འགྲོ་དང་། མྱིག་ནི་མིག སྩོགས་ནི་སོགས་ཞེས་པར་གཏན་ལ་ཕབ་པ་ལྟ་བུའོ། །སྐད་གསར་བཅད་དུས་ནམ་གྱི་ཚེ་བྱུང་བ་སོགས་ཞིབ་པར་ “སྐད་གསར་བཅད་ཐེངས་གསུམ” ཞེས་པའི་ཐད་དུ་གཟིགས། སྐད་གསར་བཅད་ལ་སྐྱོན་བརྗོད་བྱེད་མཁན་ཡང་འདུག་པ་འདི་ལྟར། སྐ་ཅོག་ཞང་གསུམ་སོགས་སྐད་གསར་བཅད་མཁན་པོ་དག་ལ་གནའ་དེང་གི་མཁས་པ་དུ་མས་ཞུས་དག་མང་དྲགས་པའི་སྐྱོན་གྱིས་བརྡ་རྙིང་མང་པོ་ཞིག་ནུབ་ནས་མི་སྣང་བར་གྱུར་ལ། གསར་བཅད་དེའི་དབང་གིས་བརྡ་གསར་རྙིང་ངམ་ཡིག་སྐད་དང་ཕལ་སྐད་ཀྱི་བར་ཁྱད་ཆེ་རུ་བཏང་བའི་སྐྱོན་བརྗོད་བྱེད་མཁན་ཡང་ཡོད་དེ། སི་ཏུ་འགྲེལ་ཆེན་ལས། རྒྱ་ནག་གི་ཟླས་དྲངས་པའི་རྒྱ་དཀར་པོ་ཞེས་བོད་དུ་གྲགས་པར་ཟད་མོད། འོན་ཀྱང་མིང་མཐའ་འདྲེན་ཚུལ་གྱིས་སྔོན་འཇུག་མ་ནིང་ད་ཡིག་ཕྱིས། མིང་གཞི་རང་སྡེའི་མོ་ཡིག་ཏུ་བསྒྱུར་བས་རྒྱ་གར་ཞེས་གྲུབ་པར་འཁུམས་པས་སོ། །དེ་བཞིན་དུ་ཀླད་ཀོར་དང་། སྟོད་ཀོར་དང་། པད་ཀོར་སོགས་ཀྱང་སྐོར་བའི་དོན་ལ། སྔ་མའི་རྗེས་འཇུག་གི་དབང་ལས་ས་མགོ་མོ་ཡིག་ཡིན་པས་ཕྱིས་པ་སྟེ་སྐོར་བའི་སྐད་དོད་ཡོད་མེད་རྩད་མི་དགོས་ཤིང་ཐོ་སྐོར་ཉེ་སྐོར་སོགས་ལ་ས་མགོ་ངེས་པར་སྦྱར་དགོས་པ་ལྟ་བུའང་གོ་བར་བྱའོ། །དེས་ན་འདི་འདྲའི་རིགས་མིང་མཐའ་རྟགས་མཚུངས་འདྲེན་ཚུལ་སྔོན་གྱི་བརྡ་རྙིང་ལ་ཤིན་ཏུ་མང་བ་ཞིག་ཡོད་པ་འདྲའང་གསར་བཅད་ཀྱི་ཞུ་དག་མངས་པས་ད་ལྟ་ཕལ་ཆེར་ནུབ་པར་གདོན་མི་ཟ་བས་དཔེར་བརྗོད་ཀྱང་ཆེར་མི་སྣང་ལ། འདིས་ཐམས་ཅད་ལ་རིགས་འགྲེ་སྦྱར་ཆོག་པའང་མིན་པར་མངོན་ཏེ། འདི་རིགས་མིང་མཐའ་འདྲེན་ཚུལ་རྟགས་མཚུངས་བརྗོད་བདེ་མི་བདེ་སོགས་དང་བསྟུན་པའི་ཚིག་སྡུད་ལས་བྱུང་བའི་དམིགས་བསལ་གྱི་ཡི་གེའི་རྣམ་འགྱུར་ཞིག་ཏུ་སྣང་བའི་ཕྱིར་རོ། །ཞེས་སོགས་གསུངས་སོ། །མྱི་དང་། འགྱོ་བ་ཞེས་པའི་བརྡ་རྙིང་ལྟ་བུ་སྐད་གསར་བཅད་ཀྱི་སྐབས་སུ་དོར་ཏེ་བོད་ཡིག་གི་བཞུགས་གྲལ་ནས་ཕུད་པ་ལྟ་བུས་ད་ཆ་མདོ་ཁམས་ཀྱི་ལུང་ཚན་འགའ་ཙམ་ལས་གཞན་སུས་ཀྱང་མི་གོ་བའི་གནས་སུ་བསྐྱེལ་འདུག་འདི་ཡང་སྐད་གསར་བཅད་ཀྱི་སྐྱོན་ནོ། །ངེད་ལ་ཁམས་ཛ་ཆུ་ཁ་ནས་ཡིན་པ་ཞིག་ཡོད་པ་ཁོ་པས་ད་ལྟ་ཡང་འགྲོ་བ་ལ་འགྱོ་བ་ཟེར་གྱི་འདུག མ་ཟད་འཕན་པོའི་སྐད་དུའང་འགྲོ་བ་ལ་འགྱོ་བ་ཟེར་བར་ཐོས། དེ་བཞིན་དུ་མི་ལ་མྱི་ཟེར་མཁན་ནི་མང་དག་ཅིག་ད་ལྟ་ཡང་ཡོད་དོ། །མྱི་ཟེར་མཁན་ནི་མང་དག་ཅིག་ད་ལྟ་ཡང་ཡོད་དོ། །)
• Dictionaries/sgom sde tshig mdzod chenmo/11019  + (སྐད་ཅིག་དཀྲོང་བསྐྱེད། ཆོ་ག་གསུམ་བསྐྱེད། མང … སྐད་ཅིག་དཀྲོང་བསྐྱེད། ཆོ་ག་གསུམ་བསྐྱེད། མངོན་བྱང་ལྔ་བསྐྱེད། ཞུ་བ་གླུ་བསྐུལ་བྱེད་ཚུལ་དང་བཞི། དེ་ཡང་ཀློང་རྡོལ་བླ་མས། ལྷ་ནི་བསྐྱེད་ལུགས་རྣམ་བཞི་པོ། །མཁའ་ལ་སྤྲིན་ཕུང་རྡོལ་བ་བཞིན། ། སྐད་ཅིག་དཀྲོང་བསྐྱེད་བྱེད་ཚུལ་ཡིན། །ས་བོན་ཕྱག་མཚན་སྐུ་རྫོགས་པ། །ཆོ་ག་གསུམ་བསྐྱེད་བྱེད་ཚུལ་ཡིན། །སྟོང་ཉིད་སྟོང་ཉིད་དམ་དེ་བཞིན་ཉིད་ལས་བྱང་ཆུབ་པ་ནི། འཆི་བ་ཆོས་སྐུའི་ལམ་ཁྱེརཉི་ཟླ་གང་རུང་གཉིས། །ཕྱག་མཚན་ས་བོན་སྐུ་རྫོགས་གསུམ། །ཡེ་ཤེས་ལྔ་རུ་སྦྱར་ནས་བསྐྱེད། །མངོན་བྱང་ལྔ་བསྐྱེད་བྱེད་ཚུལ་ཡིན། །གཙོ་བོ་ཆོས་ཀྱི་དབྱིངས་སུ་བཞུད། །ཚད་མེད་ལྷ་མོ་བཞི་ཡིས་བསྐུལ། །སླར་ཡང་ཆོས་ཀྱི་དབྱིངས་ལས་ལྡང༌། །ཞུ་བ་གླུ་བསྐུལ་བྱེད་ཚུལ་ཡིན། །དེ་བཞི་མ་གཏོགས་བསྐྱེད་ཚུལ་མེད། །ཅེས་ཀློང་རྡོལ་བླ་མས་གསུངས་པ་ལྟར་རོ། །ལྷ་བསྐྱེད་ཚུལ་མི་འདྲ་བ་བཞི་གསུངས་པའི་དགོས་པ་ནི པཎ་ཆེན་བློ་བཟང་ཆོས་རྒྱན་གྱི་འདུས་པའི་བསྐྱེད་རིམ་གྱི་རྣམ་བཤད་དངོས་གྲུབ་རྒྱ་མཚོའི་སྙིང་པོར། བོད་ཀྱི་བླ་མ་ཁ་ཅིག་གི་བཞེད་ཚུལ་བསྐྱར་བ་ལས། བཅོམ་ལྡན་འདས་ཀྱིས་སྐྱེ་གནས་བཞི་སྦྱོང་བྱེད་དུ་ལྷའི་སྐྱེད་ཆོག་བཞི་གསུངས་ཏེ། དེ་ཡང་སྒོང་སྐྱེས་སྦྱོང་བྱེད་དུ་ཟླ་བར་དཀར་དམར་རམ། ཉི་ཟླ་ཁ་སྦྱོར་གྱི་དབུས་སུ་ས་བོན་ཆུང་བ་ལས་སྐྱེད་པ་ཡིན་ཏེ། མངོན་བརྗོད་བླ་མ་ལས། སྒོང་སྐྱེས་གླུ་ནི་མེད་པ་སྟེ། །སྒྲ་དང་སྒྲ་མིན་སྤངས་པའོ། །ཞེས་གསུངས་པའི་ཕྱིར། མངལ་སྐྱེས་སྦྱོང་བྱེད་དུ་ལྷ་ཡབ་ཡུམ་གྱི་མངལ་དུ་ས་བོན་ལས་སྐྱེད་པ་ཡིན་ཏེ། མངལ་སྐྱེས་གླུ་ཡི་སྦྱོར་བ་ཡིས། །སྒོམ་པ་རྣམས་ནི་ཡོངས་སུ་བརྟག །ཅེས་ཞུ་བ་གླུས་བསྐུལ་ཏེ་སྐྱེད་པར་གསུངས་པའི་ཕྱིར། དྲོད་གཤེད་སྐྱེས་སྦྱོང་བྱེད་དུ་ས་བོན་ལས་སྐྱེད་པ་ཡིན་ཏེ། སྡོམ་འབྱུང་འགྲོལ་བར། ཟླ་བ་དང་ས་བོན་ལས་སྐྱེས་པའི་སྐྱེ་གནས་དྲོད་གཤེར་ལས་སྐྱེས་པའོ། །ཞེས་གསུངས་པའི་ཕྱིར། རྫུས་སྐྱེས་སྦྱོང་བྱེད་དུ་སྐད་ཅིག་གིས་དཀྲོང་སྐྱེད་སྦྱོང་བྱེད་ཡིན་ཏེ། རྡོ་རྗེ་དྲིལ་བུ་བས། རྫུས་ཏེ་སྐྱེས་པའི་སེམས་ཅན་བཞིན། །ས་བོན་མེད་པར་རྣམ་སྣང་བསྒོམ། །ཞེས་གསུངས་པའི་ཕྱིར། དེས་ན་འདིར་བསྐལ་པ་དང་པོའི་མི་རྫུས་སྐྱེས་ཀྱི་སྐྱེ་གནས་སྦྱོང་བའི་ཕྱིར་ལྷག་མོས་ཀྱི་ལྷ་དཀྲོང་སྐྱེད་བྱེད་པ་ཡིན་ནོ། །དེས་ན་གོང་གི་བོད་ཀྱི་བླ་མ་ཁ་ཅིག་གི་བཞེད་པ་མདོར་བསྡུས་ཏེ་བཀོད་ན། བཅོམ་ལྡན་འདས་ཀྱིས་སྐྱེ་གནས་བཞི་སྦྱོང་བྱེད་དུ་ལྷའི་སྐྱེད་ཆོག་བཞི་གསུངས་ཏེ། དེ་ཡང་རྫུས་སྐྱེས་སྦྱོང་བྱེད་དུ་སྐད་ཅིག་དཀྲོང་སྐྱེད། སྒོང་སྐྱེས་སྦྱོང་བྱེད་དུ་མངོན་བྱང་ལྔ་བསྐྱེད། མངལ་སྐྱེས་སྦྱོང་བྱེད་དུ་ཞུ་བ་གླུ་སྐུལ། དྲོད་གཤེར་སྐྱེས་སྦྱོང་བྱེད་དུ་ཆོ་ག་གསུམ་བསྐྱེད་ཡིན་པས་སེམས་སོ། །ཞེས་པ་ལྟར་ཡིན་ནམ་སྙམ་མོ། །ིན་པས་སེམས་སོ། །ཞེས་པ་ལྟར་ཡིན་ནམ་སྙམ་མོ། །)
• Dictionaries/sgom sde tshig mdzod chenmo/11877  + (སྐལ་བ་ཞེས་པའི་བསྡུས་ཚིག སྐལ་བ་ལ་གཟིགས།)
• Dictionaries/sgom sde tshig mdzod chenmo/12051  + (སྐྱེད་མོས་ཚལ་གྱི་བསྡུས་མིང་།)
• Dictionaries/sgom sde tshig mdzod chenmo/9967  + (སྔགས་ཆེན་རྡོ་རྗེ་འཛིན་པ་དཀོན་མཆོག་རྒྱལ་མཚན … སྔགས་ཆེན་རྡོ་རྗེ་འཛིན་པ་དཀོན་མཆོག་རྒྱལ་མཚན་གྱི་གསུང་འབུམ་མཚན་ཐོ་ནི། བདེ་མཆོག་ལྷ་ལྔའི་བདག་མདུན་བུམ་བསྐྱེད་བདག་འཇུག་དང་བཅས་པ། བདེ་མཆོག་དྲིལ་བུ་ལུས་དཀྱིལ་གྱི་མངོན་རྟོགས་དགོས་འདོད་ཀུན་འབྱུང༌། འདི་ནི་འགྲན་ཟླ་ཀུན་དང་བྲལ་བ་རྒྱལ་དབང་སྐལ་བཟང་རྒྱ་མཚོས་རྒྱུན་དུ་གསུང་ཆོག་མཛད། འཇམ་དབྱངས་ཆོས་སྐོར་གྱི་ལྷ་རྣམས་ཀྱི་རྗེས་གནང་བྱ་ཚུལ་སྟོད་ཆ་རྗེ་ཉིད་དང་སྨད་ཆ་རྗེ་ཉིད་ཀྱི་གསུང་བཞིན་བློ་བཟང་མགོན་པོས་མཛད་པ། ལྷོ་སྒོའི་ཆོ་ག་ངན་སོང་རྒྱུན་གཅོད་ཐར་པའི་སྒོ་འབྱེད། སོ་སྐྱེ་ཐ་མལ་པའི་རུས་ཆོག་གཅོད་དབང་ནམ་མཁའ་སྒོ་འབྱེད་ཀྱི་བྱིན་རླབས་བྱ་ཚུལ། ཐུབ་པ་དམ་ཚིག་གསུམ་བཀོད་ཀྱི་སྒྲུབ་དཀྱིལ། ཀླུ་ཡི་བུམ་པ་འཇུག་པའི་ཆོ་ག་འཇིག་རྟེན་གཏེར་མཛོད། གསང་འདུས་ཀྱི་རྡུལ་ཚོན་ཆུ་ལ་གདན་དྲངས་ཇི་ལྟར་བྱ་བའི་ཚུལ། རབ་གནས་མདོར་བསྡུས་བྱ་ཚུལ། བདུད་རྩི་རིལ་བུ་སྒྲུབ་ཚུལ་ཉུང་ངུ། བློ་སྦྱོང་དོན་བདུན་མའི་འགྲེལ་པ། བློ་སྦྱོང་སྡུག་བསྔལ་ལམ་ཁྱེར། ལས་དང་པོ་བ་ལ་ཉེ་བར་མཁོ་བའི་བྱང་ཆུབ་བགྲོད་པའི་བདེ་ལམ་རྣམས་སོ། །ཁོ་བའི་བྱང་ཆུབ་བགྲོད་པའི་བདེ་ལམ་རྣམས་སོ། །)
• Dictionaries/sgom sde tshig mdzod chenmo/3265  + (སྟོན་པ་ཤཱཀྱ་ཐུབ་པའི་འཁོར་ཉན་ཐོས་དགྲ་བཅོམ་པ … སྟོན་པ་ཤཱཀྱ་ཐུབ་པའི་འཁོར་ཉན་ཐོས་དགྲ་བཅོམ་པ་ཞིག འདིས་སངས་རྒྱས་བཅོམ་ལྡན་ཞལ་བཞུགས་པའི་སྐབས་ཉིད་ན་ཆེད་དུ་བརྗོད་པའི་ཚོམས་སམ་ཚོམས་ཞེས་བྱ་བ་ཡང་དག་པར་བསྡུས་སོ། །ཞེས་སློབ་དཔོན་ཤེས་རབ་གོ་ཆས་ཆེད་དུ་བརྗོད་པའི་ཚོམས་ཀྱི་རྣམ་པར་འགྲེལ་པ་ལས་གསུངས་སོ། །འདིའི་ལོ་རྒྱུས་རྒྱས་པར་གོང་དུ་བཤད་པའི་སློབ་དཔོན་ཤེས་རབ་གོ་ཆའི་འགྲེལ་པར་བལྟ་བར་བྱའོ། །དཔོན་ཤེས་རབ་གོ་ཆའི་འགྲེལ་པར་བལྟ་བར་བྱའོ། །)
• Dictionaries/sgom sde tshig mdzod chenmo/12569  + (སྡིག་པ་དང་སྒྲིབ་པའི་བསྡུས་ཚིག སྒྲ་བཤད་ནི། རྣམ་སྨིན་ཡིད་དུ་མི་འོང་བ་འབྱིན་པས་སྡིག་པ། ཡོན་ཏན་གོང་མ་སྐྱེ་བ་ལ་སྒྲིབ་པས་སྒྲིབ་པ་ཞེས་བྱ།)
• Dictionaries/sgom sde tshig mdzod chenmo/1972  + (སྡིག་པའི་ཆོས་ཀུན་ནས་སློང་ཞིང་། ཡང་སྲིད་ཕྱི་མ་འཕེན་བྱེད་ཀྱི་རྣམ་པར་གནག་པའི་ཆོས་སོ། །འདོད་པའི་སས་བསྡུས་ཀྱི་ཉོན་མོངས་དང་ཉེ་ཉོན་ལྟ་བུའོ། །)
• Dictionaries/sgom sde tshig mdzod chenmo/1306  + (སྣང་ཆུང༌། མཐོང་ཆུང༌། རྡོ་རྗེའི་གསུང་རྣམས་ལ་དགོས་པ་སོ་སོར་མཆིས་པས་གཡས་ཆུང་དུ་མི་བོར་བར་རགས་བསྡུས་སུ་འགོད་ན་ཞེས་པ་ལྟ་བུ།)
• Dictionaries/sgom sde tshig mdzod chenmo/12680  + (སྣང་བ་དང་ཞེན་པའི་བསྡུས་ཚིག ཡུལ་དེ་ཇི་ལྟར་སྣང་བ་ལྟར་ཞེན་པའོ། །ཐ་མལ་གྱི་སྣང་ཞེན་ཞེས་པ་ལྟ་བུ།)
• Dictionaries/sgom sde tshig mdzod chenmo/12634  + (སྣའི་ཨི་ཁུང་། སྣའི་ཁུང་བུ། སྣའི་བུ་ག སྒྲ་བཤད་ནི། སྣ་བུག་ཅེས་པའི་བུག་ནི་བུ་ག་ཞེས་པའི་ཚིག་བསྡུས་པའོ། །)
• Dictionaries/sgom sde tshig mdzod chenmo/7524  + (སྤྱི་ལོའི་དུས་རབས་བཅུ་གཉིས་པའི་འགོར་ཕ་དམ་པ … སྤྱི་ལོའི་དུས་རབས་བཅུ་གཉིས་པའི་འགོར་ཕ་དམ་པ་སངས་རྒྱས་ཀྱིས་སྲོད་བཏོད་པའི་ཤེར་ཕྱིན་ཉམས་ལེན་གྱིས་སྲིད་ཞིའི་སྡུག་བསྔལ་ལམ་སྐྱོན་ཐམས་ཅད་ཞི་བར་བྱེད་པའི་བོད་ཀྱི་ཆོས་ལུགས་གྲུབ་མཐའ་ཞིག སྒྲ་བཤད་ནི། ཆོས་འདིས་ཚེ་རབས་སྔ་མའི་ལས་དབང་གིས་ཚེ་འདིར་ལུས་དམན་པར་གྱུར་པ་དང༌། ནད་བུ་ཅན་དང༌། དབུལ་ཕོངས་དང༌། མི་མ་ཡིན་པས་གཙེས་པ་དག་གི་སྡུག་བསྔལ་རྣམས་འཕྲལ་དུ་ཞི་བར་བྱེད་ནས་རྣལ་འབྱོར་ལ་སྦྱོར་བར་བྱེད་པས་དམ་ཆོས་སྡུག་བསྔལ་ཞི་བྱེད་ཅེས་མིང་དུ་ཐོགས་སོ། །ཞི་བྱེད་ཀྱི་སྙིང་པོར་གྱུར་པ་ནི། ཤེས་རབ་ཀྱི་ཕ་རོལ་ཏུ་ཕྱིན་པ་ཡུམ་རྒྱས་འབྲིང་བསྡུས་གསུམ་གྱི་དོན་མ་ལུས་པ་ཉམས་སུ་ལེན་པའི་མན་ངག་ཀུན་ལ་མ་གྲགས་པའི་ཁྱད་ཆོས་ཤེས་རབ་ཀྱི་ཕ་རོལ་ཏུ་ཕྱིན་པའི་ལམ་གྱི་རིམ་པ་ཞེས་བྱ་བ་འདི་ཉིད་ཡིན་ནོ། །གཅོད་ཀྱི་གདམས་པའང་ཞི་བྱེད་པའི་ཆོས་ཚན་ཞིག་ཡིན་པར་བཤད་དོ། །འང་ཞི་བྱེད་པའི་ཆོས་ཚན་ཞིག་ཡིན་པར་བཤད་དོ། །)
• Dictionaries/sgom sde tshig mdzod chenmo/10567  + (སྤྱིར་བཏང་ལམ་རིམ་ཆུང་ངུ་ཞེས་པ་ལམ་རིམ་འབྲིང་པོར་གོ་ཞིང་། ལམ་རིམ་ཆེ་འབྲིང་ཆུང་གསུམ་གྱི་ནང་གསེས་ཀྱི་ཆུང་ངུ་ནི། ལམ་རིམ་བསྡུས་དོན་ལ་གོའོ། །)
• Dictionaries/sgom sde tshig mdzod chenmo/5314  + (སྤྱོད་པའི་མིང༌། སྒྲ་བཤད་ནི། སྔར་གྱི་རྩིང་སྤྱོད་རྣམས་བརྟུལ་བའམ་བསྡུས་ནས་བཟུང་པོའི་སྤྱོད་པ་ལ་ཞུགས་པས་ན་དེ་སྐད་ཅེས་བྱའོ། །རྟུལ་ཞུགས་ཀྱང་འཐད།)
• Dictionaries/sgom sde tshig mdzod chenmo/12851  + (སྤྱོད་བསྡུས་སྒྲོན་མ་དང་འདྲ།)
• Dictionaries/sgom sde tshig mdzod chenmo/11905  + (སྤྲུལ་སྐུ། ལོངས་སྐུ། ཆོས་སྐུ་དང་གསུམ་མོ། །སྐུ་གསུམ་ལ་འཇུག་པའི་སྒོ་ལས། སྤྲུལ་དང་ལོངས་སྤྱོད་རྫོགས་པ་དང་། །དེ་བཞིན་གཞན་ནི་ཆོས་སྐུ་སྟེ། །གསུམ་པོ་འདི་དག་ཐུབ་པའི་སྐུ། །དེ་ཡིས་དེ་ཡི་བྱང་ཆུབ་བསྡུས། །ཞེས་གསུངས་པ་ལྟར་རོ། །)
• Dictionaries/sgom sde tshig mdzod chenmo/11281  + (སྲོག་དབང་འགགས་པ། ཤི་བའི་མཚན་ཉིད་ཡིན། མིང་ག … སྲོག་དབང་འགགས་པ། ཤི་བའི་མཚན་ཉིད་ཡིན། མིང་གི་རྣམ་གྲངས་ནི། སྐུ་མྱ་ངན་ལས་འདས་པ། སྐུ་ཚེའི་འདུ་བྱེད་གཏོང་བ། སྐུ་ཚེའི་འདུ་བྱེད་རྫོགས་པ། སྐུ་ཚེའི་འཕེན་པ་རྫོགས་པ། སྐུ་གཤེགས་པ། སྐུའི་བཀོད་པ་བསྡུས་པ། སྐྱེ་བོ་རྣམས་ཆོས་ལ་བསྐུལ་བའི་ཕྱིར་གཟུགས་སྐུ་རགས་པའི་བཀོད་པ་བསྡུས་ཏེ། ཡིད་ཀྱི་ལུས་བྱང་ཕྱོགས་ལྕང་ལོ་ཅན་གྱི་ཕོ་བྲང་དུ་གཤེགས་པ། ཁམས་མ་འཚོ་བ། དགོངས་པ་ཆོས་དབྱིངས་སུ་གཤེགས་པ། དགོངས་པ་ཞི་དབྱིངས་སུ་གཤེགས་པ། དགོངས་པ་གཞན་དོན་དུ་གཤེགས་པ། དགོངས་པ་རྫོགས་པ། (དགོངས་པ་རྫོགས་པ་ཞེས་པའི་ཆེ་བརྗོད་ཀྱི་ཐ་སྙད་འདི་དེང་སང་གསར་ཤོག་དང་རླུང་འཕྲིན་སོགས་སུ་རབ་བྱུང་མ་ཡིན་པའི་སྐྱ་བོའི་རིགས་ལ་སྦྱོར་བ་མཐོང་ཞིང་། དེ་ནི་བླ་མ་སྐྱེས་ཆེན་དམ་པ་མ་གཏོགས། སྲིད་འཛིན་དང་སྲིད་བློན་ལའང་མི་རན་ཞིང་མི་འཚམ་པས་སྦྱོར་མི་རིགས་ལ་སྦྱར་ན་མི་མཛེས་ཏེ། དགོངས་པ་རྫོགས་ཞེས་པ་བསྟན་འགྲོའི་དོན་བྱེད་པའི་ཐུགས་བཞེད་ཟབ་མོ་རྣམས་ཡོངས་སུ་གྲུབ་ནས་རང་དབང་གིས་སྐྱེ་འཆི་བྱེད་པ་ལ་གོ་བའི་ཕྱིར་རོ) གྲོངས་པ། འཆི་འཕོས་པ། འཆི་བ། འཇིག་རྟེན་འདི་ནས་ཁ་གྱེས་པ། འཇིག་རྟེན་ཕྱི་མའི་ལྔ་ལམ་དུ་གྱུར་པ། འཇིག་རྟེན་འདི་ནས་ཞལ་གྱེས་པ། དག་ཞིང་དུ་གཤེགས་པ། དུས་ཀྱི་ཆོས་དང་ལྡན་པར་གྱུར་པ། (གོང་གི་ཐ་སྙད་འདི་འདུལ་བ་ལུང་གི་ནང་མང་དུ་སྣང) དུས་བྱས་པ། (ལུང་ཕྲན་ཚེགས་ལས། ང་ལ་དད་པས་དུས་བྱས་པ་དེ་ཐམས་ཅད་ཀྱང་བདེ་འགྲོ་མཐོ་རིས་ཀྱི་འཇིག་རྟེན་དུ་འགྲོའོ། །ཞེས་གསུངས་པ་ལྟར་རོ) དུས་ལས་འདས་པ། འདས། འདས་པ། (དུས་ཀྱི་ཆོས་ད་ལྡན་པར་གྱུར་པ། དུས་བྱས་པ། དུས་ལས་འདས་པ། འདས། འདས་པ་རྣམས། དུས་ལ་བབས་ནས་འཆི་བའི་མིང་སྟེ། འདུལ་བ་རྣམ་པར་འབྱེད་པའི་ཚིག་རྣམ་པར་བཤད་པ་༼ ཚུ ༽༡༦བ༤ལས། དུས་ལས་འདས་པ་ཞེས་བྱ་བ་ནི་ཚེ་ཟད་ཅིང་འཆི་བས་ཤི་བའོ། །ཞེས་གསུངས་པས་ཤེས་སོ) ཕྱི་མའི་ལྔ་ལམ་དུ་གྱུར་པ། ཕྱི་མའི་ལམ་ཆེན་དུ་ཐེགས་པ། དབུགས་ཆད་པ། མྱ་ངན་ལས་འདས་པ། ཚེ་བརྗེས་པ། ཚེ་འདིའི་སྣང་བ་ནུབ་པ། ཚེ་ལས་འདས་པ། ཚེའི་འདུ་བྱེད་རྫོགས་པ། ཞལ་དབུགས་ཀྱི་རྒྱུ་བ་འགགས་ཏེ་རགས་པའི་སྐུ་ལུས་མ་དག་པའི་ཞིང་འདིར་ཡོངས་སུ་བོར་ནས། དགའ་ལྡན་ཡིད་དགའ་ཆོས་འཛིན་དུ་རྒྱལ་བ་མི་ཕམ་མགོན་པོའི་མདུན་སར་གཤེགས་པ། ཞི་བའི་དབྱིངས་སུ་གཞོལ། ཞི་བར་གཤེགས་པ། ཞི་དབྱིངས་སུ་གཤེགས་པ། ཞིང་འཕོས། གཟུགས་སྐུའི་བཀོད་པ་ཉེ་བར་བསྡུས་པ། གཟུགས་སྐུའི་བཀོད་པ། གཟུགས་སྐུའི་བཀོད་པ་བསྡུས་ཏེ་ཆོས་དབྱིངས་སུ་གཤེགས། ལུས་བརྗེས། ལུས་སྤངས། ལུས་ཞིག་པ། སྲོག་གི་རྒྱུན་ནུབ་པ། སྲོག་ཆད་པ། སྲོག་དོར་བ། སྲོག་དབང་འགགས་པ་སོགས་ཤིན་ཏུ་མང་ངོ་། །ཐ་སྙད་སྤྱོད་ཚུལ་ནི། མི་དཀྱུས་མ་ཞིག་ཡིན་ན་ཤི་བ། དེ་ལས་ཅུང་ཟད་དྲག་པར་གྲོངས། སྐུ་དྲག་དང་རྒྱལ་ཁབ་ཁག་གི་དབུ་འཛིན་རྣམ་པར་སྐུ་གཤེགས། བླ་མ་སྐྱེས་ཆེན་དམ་པར་དགོངས་པ་རྫོགས་ཞེས་ཐ་སྙད་སྦྱར་ན་ཤིན་ཏུ་འོས་ཤིང་མཛེས་པར་མཐོང་ངོ་། །་སྦྱར་ན་ཤིན་ཏུ་འོས་ཤིང་མཛེས་པར་མཐོང་ངོ་། །)
• Dictionaries/sgom sde tshig mdzod chenmo/10663  + (སླུ་བ་མེད་པའི་གསུང༌། སངས་རྒྱས་ཀྱི་གསུང༌། ཡུམ་རྒྱས་འབྲིང་བསྡུས་གསུམ་ལྟ་བུ།)
• Dictionaries/sgom sde tshig mdzod chenmo/12629  + (སློབ་དཔོན་ཐོགས་མེད་ཀྱིས་མཛད་པའི་སྡོམ་རྣམ་པ་གཉིས་ནི། ཐེག་པ་ཐུན་མོང་བའི་སྡོམ་མངོན་པ་གོང་མ་ཀུན་བཏུས་དང༌། ཐེག་ཆེན་ཐུན་མོང་མ་ཡིན་པའི་སྡོམ་ཐེག་བསྡུས་གཉིས་སོ། །)
• Dictionaries/sgom sde tshig mdzod chenmo/5603  + (སློབ་མ་བསྡུ་བའི་ཐབས་བཞི་སྟེ། མཁོ་བ་སྦྱིན་པ … སློབ་མ་བསྡུ་བའི་ཐབས་བཞི་སྟེ། མཁོ་བ་སྦྱིན་པ། སྙན་པར་སྨྲ་བ། དོན་སྤྱོད་པ། དོན་མཐུན་པ་དང་བཞིའོ། །ཇོ་བོའི་བསྟོད་པ་ལས། མཁོ་བ་སྦྱིན་དང་སྙན་པར་སྨྲ་བ་དང༌། །འཇིག་རྟེན་དོན་མཐུན་གདུལ་བྱའི་དོན་ལ་སྤྱོད། །བསྡུ་བའི་དངོས་པོ་བཞི་ཡི་དཔལ་འབྱོར་གྱིས། །གཞན་དོན་ལྷུར་མཛད་ཁྱེད་ལ་གསོལ་བ་འདེབས། །ཞེས་གསུངས། མཁོ་བ་སྦྱིན་པ་ནི། ཐོག་མར་གཞན་ལ་མཁོ་བའི་ཡོ་བྱད་སོགས་བྱིན་ནས་གདུལ་བྱ་རྣམས་འཁོར་དུ་བསྡུས་པའོ། །སྙན་པར་སྨྲ་བ་ནི། ཐབས་མཁས་ཀྱི་སྒོ་ནས་ཆོས་ཀྱི་གཏམ་བཤད་དེ་སྙན་པར་སྨྲ་བའོ། །དོན་སྤྱོད་པ་ནི། ཇི་ལྟར་བསྟན་པའི་དོན་དེ་རྣམས་ལ་གདུལ་བྱ་རྣམ་སྤྱོད་དུ་འཇུག་པའོ། །དོན་མཐུན་པ་ནི། གཞན་རྣམས་དོན་གང་ལ་སྦྱར་བ་དེ་ལ་རང་ཡང་གནས་ནས་དེ་དང་མཐུན་པར་སློབ་པའོ། །སློབ་དཔོན་རྟ་དབྱངས་ཀྱིས། སྦྱིན་པའི་གཡབ་མོས་ལེགས་བོས་ནས། །སྙན་པར་སྨྲ་བའི་གཏམ་བྱས་ནས། །དོན་སྤྱོད་པ་ཡིས་བག་ཕབ་སྟེ། །དོན་མཐུན་གྲོས་ཆེན་གདབ་པར་བགྱི། །ཞེས་གསུངས་པ་ལྟར་རོ། །གོང་གི་སློབ་དཔོན་རྟ་དབྱངས་ཀྱི་གསུང་འདི། བུ་སྟོན་རིན་པོ་ཆེའི་དུས་འཁོར་གྱི་འགྲེལ་པ་འདོད་འཇོ་དང་། རིགས་པའི་དབང་ཕྱུག་སེ་ར་རྗེ་བཙུན་ཆོས་ཀྱི་རྒྱལ་མཚན་གྱི་ཕར་ཕྱིན་སྤྱི་དོན་གཉིས་ཀར་སྣང་། རྗེའི་ལམ་རིམ་ཆེན་མོ་ལས། སྦྱིན་པ་འདུ་བ་ནི་སླ་ལ། ཚིག་སྙན་པ་ནི་ཕྱིན་དྲུག་ལས་བརྩམས་ཏེ་གདུལ་བྱ་ལ་འདོམས་པ་ཡིན་ཞིང༌། དོན་སྤྱོད་པ་ནི་གདམས་པའི་དོན་དེ་ལ་གཞན་བཀོད་པ་ཡིན་ལ། དོན་མཐུན་པ་ནི་རང་གིས་ཀྱང་གདུལ་བྱ་དང་འདྲ་བར་བསྒྲུབ་པ་ཡིན་པའི་ཕྱིར་རོ། །ཞེས་གསུངས། དེབ་སྔོན་སྨད་ཆ་༡༠༡༥ལས་ཀྱང་། བླ་མས་སློབ་མ་འཁྲིད་པ་ན་བསྡུ་བའི་དངོས་པོ་བཞིས་འཁྲིད་པར་གསུངས་པ་ལ་དོན་སྤྱོད་པ་ནི་སློབ་མ་ཐབས་ཇི་ལྟ་བུས་ལས་ལ་འཛུད་པའི་ཐབས་དེ་ལ་བྱ་ལ། དོན་མཐུན་པ་ནི་སློབ་མ་ལ་ལམ་གང་བསྟན་པའི་ལམ་དེ་ཉིད་ལ་བླ་མ་ཡང་གནས་པ་ལ་བྱ་བ་ཡིན་པའི་ཕྱིར། ཞེས་གསུངས།མ་ཡང་གནས་པ་ལ་བྱ་བ་ཡིན་པའི་ཕྱིར། ཞེས་གསུངས།)
• Dictionaries/sgom sde tshig mdzod chenmo/11964  + (“པཱཎ་ཌཝ” (पाण्डव) སྟེ་སྐྱ་སེང་བུ་ལྔ་མདོར་བ … “པཱཎ་ཌཝ” (पाण्डव) སྟེ་སྐྱ་སེང་བུ་ལྔ་མདོར་བསྡུས་ཏེ་བཤད་ན། ༡ “ཡུ་དྷིཥ་ཊར” युधिष्ठिर, yudhiṣṭhira (གཡུལ་བརྟན) (གཡུལ་ངོར་བརྟན་པས་མིང་དེ་ལྟར་ཐོགས) ༢ “བྷིམ་སེ་ན” भीमसेन, Bhimasena (འཇིགས་སྡེ) ༣ “ཨརྫུ་” अर्जुन, Arjun (སྲིད་སྒྲུབ) (འདི་རྣམ་འགྲེལ་གྱི་འགྲེལ་པ་རྣམས་སུ་སྲིད་སྒྲུབ་འཕོང་སྐྱེན་ཞེས་པའི་སྲིད་སྒྲུབ་དེ་རེད) ༤ “ན་ཀུ་ལ” नकुल, naküla (ནེའུ་ལེ། སྲེ་མོང་། འདི་ལ་རྒྱ་ཆེར་རོལ་པའི་མདོར། རིགས་མེད་ཅེས་བསྒྱུར་ཡོད། དེ་ཡང་ “ན” ཞེས་པ་ལེགས་སྦྱར་གྱི་དགག་ཚིག “ཀུ་ལ” རིགས་ཀྱི་དོན་ཡིན་པས། རིགས་མེད་ཅེས་སོ) ༥ “སཧ་དེ་ཝ” सहदेव, sahadéva (ལྷར་བཅས) སོ། །རྒྱས་པར་བཤད་ན། “མཧཱ་བྷ་ར་ཏ” Mahābhārata महाभारत ནི་རགས་འགྱུར་བྱས་ན། “བྷ་ར་ཏ་ཆེན་པོའི་གཏམ་རྒྱུད” ཞེས་པའི་དོན་ནོ། ། “མཧཱ་བྷ་ར་ཏའི་བྱུང་བ” ནི། “ཀཱཽ་ར་ཝ” (कौरव) འམ་དམག་བརྒྱ་པའི་བུ་དང་། “པཱཎ་ཌཝ” (पाण्डव) འམ་སྐྱ་སེང་བུ་ལྔ་སྟེ། ཕ་མ་རྒན་གཞོན་གྱི་བུ་སྤུན་ cousins གྱི་དབར་རྒྱལ་སྲིད་ཀྱི་དོན་དུ་ཁ་མ་འཆམས་པར་རྩོད་པ་བྱུང་སྟེ། མཐར་དམག་འཐབ་བྱུང་བའི་དཔའ་བོའི་ལོ་རྒྱུས་ཀྱི་མིང་ཞིག་རེད། སྤྱིར་བཏང་ “མཧཱ་བྷ་ར་ཏ” ཞེས་པ་ནི། བྷ་ར་ཏ་ཆེན་པོ་ཟེར་བའི་དོན་དང་། དེ་ཡང་རྒྱལ་བརྒྱུད་འདིའི་རྒྱལ་པོ་དང་པོའི་མིང་ཡིན། དེང་སང་རྒྱ་གར་ལ་མིང་གཞན་བྷ་ར་ཏ་ཞེས་པའང་རྒྱལ་པོ་འདིའི་མིང་ཡུལ་ལ་ཐོགས་པ་ཡིན། དམག་བརྒྱ་པ་དང་སྐྱ་སེང་བུ་ལྔ་པོ་ཡང་རྒྱལ་པོ་བྷ་ར་ཏའི་རྒྱལ་རྒྱུད་ཉིད་དོ། །གཡུལ་འཐབ་འདི་ལ་ནག་ཕྱོགས་པ་དང་དཀར་ཕྱོགས་པ་གཉིས་ཡོད་ཅིང་། ནག་ཕྱོགས་པ་ནི། ཡབ་རྒྱལ་པོ་ “དྷཏ་རཱཥྚྲ” धृतराष्ट्र dhritarāshtra (དམག་བརྒྱ་པ) དང་། བཙུན་མོའི་མིང་ལ། “གཱཾ་དྷཱ་རཱི” गांधारी, Gāndhārī ཟེར། རྒྱལ་པོ་འདི་མིག་ལོང་བ་ཡིན་ལ། འདི་ལ་ “འཐབ་དཀའ” ལ་སོགས་པ་སྲས་བརྒྱ་བྱུང་ཞིང་། འདི་སྐྱ་སེང་བུ་ལྔའི་ཨ་ཁུ་ཡང་ཡིན། འདི་ལ་བུ་བརྒྱ་ཡོད་པས་དམག་བརྒྱ་པ་ཞེས་མིང་ཐོགས། བུ་རྒན་ཤོས་ཀྱི་མིང་ལ། “དུརྱཱོ་དྷན” दुर्योधन, Duryodhana (འཐབ་དཀའ) ཟེར། འདི་སྐྱ་སེང་བུ་ལྔའི་དགྲ་ཟླའི་གཙོ་བོ་དང་རྙོག་ཁྲ་སློང་མཁན་གྱི་གཏེ་དཔོན་ཡིན། དེའི་འོག་མ་དེར། “དུཿཤཱ་སན” दुःशासन; Duḥśāsana ཟེར་རོ། །དཀར་ཕྱོགས་པ་ནི། “པཱཎ་ཌུ” पांडु Pandu (སྐྱ་སེང) དང་། བཙུན་མོའི་མིང་ལ། “ཀུཾ་ཏཱི” कुंती, Kunti ཟེར། རྒྱལ་པོ་འདི་ “དྷཏ་རཱཥྚྲ” གྱི་གཅུང་པོ་ཡིན་ཞིང་། འདི་ལ་བུ་ལྔ་ཡོད། དེ་དག་ལ་ “སྐྱ་སེང་བུ་ལྔ” ཟེར། གོང་གི་བུ་སྤུན་བརྒྱ་པོ་རྣམས་དང་། སྐྱ་སེང་བུ་ལྔའི་དབར་གཡུལ་འཐབ་བྱུང་ཞིང་། ཐ་མ་དམག་བརྒྱ་པ་ཕམ་ནས་ཐམས་ཅད་སྐྱ་སེང་བུ་ལྔའི་མཚོན་འོག་ཏུ་ཤོར་རོ། །སྔོན་གྱི་བྱུང་བ་འདིའི་ཐོག་ནས་བློ་སྐྱེད་ཆེན་པོ་མང་པོ་བླང་རྒྱུ་ཡོད་མོད། འོན་ཀྱང་དེ་དག་འདིར་སྐབས་སུ་མ་བབས་པས་བཤད་པར་མི་སྤྲོ་ལ། ཁོ་བོས་བཤད་འདོད་པ་ནི་ “གཉའ་ཁྲི་བཙན་པོ་ནི་སྐྱ་སེང་བུ་ལྔའི་ “གཡུལ་བརྟན” ཞེས་པ་དེ་ཡིན” པར་འདོད་དེ། “བྷ་ར་ཏ་ཆེན་པོའི་གཏམ་རྒྱུད” འདི་ལ་གླེགས་བམ་བཅོ་བརྒྱད་ཙམ་ཡོད་པའི་ནང་ནས། འདིའི་མཇུག་བསྡུའི་ལེའུར་ “འགྲུལ་བཞུད་ཆེན་མོ” (The Great Journey) ཟེར་བ་ཞིག་དང་། “ལྷ་ཡུལ་དུ་གཤེགས་པ” (Ascent to Heaven) ཞེས་པའི་ལེའུ་གཉིས་ཡོད་པའི་ནང་ནས་ཕྱི་མ་དེ་ཡིན། སྐྱ་སེང་བུ་ལྔ་གཡུལ་ལས་རྒྱལ་ཏེ་མཐར་ “གཡུལ་བརྟན” གྱིས་རྒྱལ་སྲིད་བསྐྱངས་ནའང་། སྔར་གྱི་སྡིག་པ་ལ་ཡིད་ཕྱུང་ནས་རྒྱལ་སྲིད་རང་གི་གཅུང་པོ་སྲིད་སྒྲུབ་ཀྱི་བུ་ལ་བཏད་དེ་हिमालय,ཧི་མཱ་ལ་ཡའི་རི་བོ་བརྒྱུད་དེ་ལྷ་ཡུལ་དུ་གཤེགས་པའི་ལོ་རྒྱུས་ཡོད་པ་དེ་ཡིན། དངོས་ཡོད་གནས་ཚུལ་ལ་ “གཡུལ་བརྟན” ལྷ་ཡུལ་དུ་ཕྱིན་ཡོད་མེད་བཤད་པར་དཀའ་ཡང་། རི་བོ་གངས་ཅན་ཅན་གྱི་ཕྱོགས་སུ་བསྐྱོད་པ་ནི་དངོས་ཡོད་གནས་ཚུལ་ཡིན་པར་འདོད་ཅིང་། བོད་ཀྱི་རྒྱལ་རབས་རྣམས་སུ་ཕྱུགས་རྫི་རྣམས་ཀྱིས་གཉའ་ཁྲི་བཙན་པོ་ཐོག་མར་མཐོང་བ་ན། གང་འོང་ཞེས་དྲིས་པ་ན། མཛུབ་མོ་གནམ་ལ་ཀེར་ཟེར་བ་དང་ཡང་འགྲིག་སྟེ། ཁོང་རྒྱ་གར་བ་ཡིན་པས་སྐད་བརྡ་མ་འཕྲོད་པར་མཛུབ་མོ་གནམ་ལ་ཀེར་བ་ཡིན་པ་ངེས་སོ། །དེས་ན་སྐྱ་སེང་བུ་ལྔའི་བུ་རྒན་ཤོས་རྒྱལ་པོ་ “ཡུ་དྷིཥ་ཊར” རམ་ “གཡུལ་བརྟན” ཉིད་ངེད་ཅག་བོད་ཀྱི་རྒྱལ་པོ་དང་པོ་གཉའ་ཁྲི་བཙན་པོ་ཡིན་ནོ་ཞེས་སྐད་གསང་མཐོན་པོས་སྨྲ་བར་འདོད་དོ། །ལུང་རིགས་ཀྱི་ལམ་ནས་གནོད་བྱེད་རྣམ་དག་ཅིག་མ་བྱུང་གི་བར་ཁོ་བོ་ནི་འདི་རང་ལ་ཡིད་རྟོན་བྱེད་དོ། །ཧིནྡཱུའི་ལོ་རྒྱུས་ནི་ང་ཚོ་བོད་པ་དང་ནང་པས་འོལ་ཚོད་བྱེད་པ་ལས་ཁོང་ཅག་གི་གཞུང་ལུགས་ཉིད་ལ་ཁུངས་བཅོལ་ན་ལེགས་ཤིང་། ལོ་རྒྱུས་འདི་ནི་ཞལ་ནས་ཞལ་བརྒྱུད་དང་སྙན་ནས་སྙན་བརྒྱུད་མིན་པར་མི་ལོ་སུམ་སྟོང་ཙམ་གྱི་སྔོན་ནས་ཁོང་ཅག་གི་ཡིག་ཐོག་ཏུ་འཁོད་ནས་ཡོད་པས་སོ། །སྤྱིར་བཏང་ང་ཚོ་བོད་པ་ཚོ་དགུ་ཐུག་ལ་མཉེས་ཤིང་། བོད་ཀྱི་ལོ་རྒྱུས་སྨྲ་བ་ཚོས་ཀྱང་འདིའི་སྐོར་ལ་དགུ་ཐུག་མགོ་ཡུ་འཁོར་ཞིང་གྲོད་ཁོག་ན་དགོས་པ་ཞིག་བསྐོལ་འདུག་གོ། ༼ སྐྱ་སེང་བུ་ལྔའི་སྐོར་རྒྱ་ཆེར་རོལ་པའི་མདོར་ཡང་ཟུར་ཙམ་གསལ་ཏེ ༽དེ་ཉིད་ལས། ལ་ལ་ན་རེ། གྲོང་ཁྱེར་ཧསྟི་ན་པུ་ར་འདིའི་རྒྱལ་པོ་ནི་སྐྱ་བསེང་གི་བུའི་རིགས་ཀྱི་རྒྱུད་ལས་སྐྱེས་པ། དཔའ་ཞིང་རྟུལ་ཕོད་པ་དང་ལྡན་པ། ཡན་ལག་མཆོག་གི་གཟུགས་ཕུན་སུམ་ཚོགས་པ་གཞན་གྱི་སྡེ་འཇོམས་པ་སྟེ། རིགས་དེ་ནི་བྱང་ཆུབ་སེམས་དཔའ་དེ་ཡུམ་གྱི་ལྷུམས་སུ་འཇུག་པའི་གནས་ཀྱི་འོས་ཡིན་ནོ་ཞེས་ཟེར་རོ། །ལ་ལ་ན་རེ། དེའང་ཚུལ་དང་མཐུན་པ་མ་ཡིན་ཏེ། དེ་ཅིའི་ཕྱིར་ཞེ་ན། འདི་ལྟར་སྐྱ་བསེང་གི་བུའི་རིགས་སུ་སྐྱེས་པ་དག་གིས་ནི་རིགས་ཀྱི་རྒྱུད་རྣམ་པར་འཁྲུགས་པར་བྱས་ཏེ། གཡུལ་ངོར་བརྟན་པ་ལ་ནི་ཆོས་ཀྱི་བུ་ཞེས་ཟེར། འཇིགས་སྡེ་ལ་ནི་རླུང་གི་བུ་ཞེས་ཟེར། སྲིད་སྒྲུབ་ལ་ནི་དབང་པོའི་བུ་ཞེས་ཟེར། རིགས་མེད་དང༌། ལྷར་བཅས་ལ་ནི་ཐ་སྐར་གྱི་བུ་ཞེས་ཟེར་ཏེ། དེའི་ཕྱིར་རིགས་དེའང་བྱང་ཆུབ་སེམས་དཔའ་དེ་ལྷུམས་སུ་འཇུག་པའི་གནས་ཀྱི་འོས་མ་ཡིན་ནོ་ཞེས་ཟེར་རོ། །ཞེས་གསལ་ལོ། །ྱི་འོས་མ་ཡིན་ནོ་ཞེས་ཟེར་རོ། །ཞེས་གསལ་ལོ། །)

• Dictionaries/sgom sde tshig mdzod chenmo/10143  + (1 རྣལ་མའི་བསྡུས་ཚིག་སྟེ། ཡང་དག་པ།)

• Dictionaries/sgom sde tshig mdzod chenmo/4879  + (( འདུལ་བ) བཀའ་བསྡུ་གསུམ་པ་འདི་ལུང་ཕྲན་ཚེགས … ( འདུལ་བ) བཀའ་བསྡུ་གསུམ་པ་འདི་ལུང་ཕྲན་ཚེགས་ན་མ་གསུངས་པས། འདི་ལ་བཤད་ཚུལ་མི་མཐུན་པ་ཅི་རིགས་སུ་བྱུང་ངོ་། །འོན་ཀྱང་རང་ལུགས་ནི། སྟོན་པ་མྱ་ངན་ལས་འདས་ནས་ལོ་བརྒྱ་དང་དྲུག་ཅུ་ལོན་པ་ན་གྲོང་ཁྱེར་མེ་ཏོག་གིས་རྒྱས་པ་ཞེས་བྱ་བར་དགེ་འདུན་གནས་བརྟན་བཞི་སྐད་རིགས་མི་མཐུན་པ་ལེགས་སྦྱར་དང་། ཟུར་ཆག་དང་། ཡུལ་གྲུ་རང་བཞིན་པ་དང་། ཤ་ཟའི་སྐད་ཀྱིས་ལུང་འདོན་པ་ན་སློབ་མ་རྣམས་མི་མཐུན་པར་གྱུར་ཏེ་རྩ་བའི་སྡེ་བཞིར་གྱེས་སོ། །དེ་དག་ཀྱང་ནང་གསེས་ཀྱི་དབྱེ་བས་སྡེ་པ་བཅོ་བརྒྱད་དུ་གྱེས་ནས་ཕན་ཚུན་རྩོད་པར་གྱུར་ཏེ། ནམ་ཞིག་ན་རྒྱལ་པོ་ཀྲྀ་ཀྲྀའི་རྨི་ལྟས་ལུང་བསྟན་པའི་མདོ་རྙེད་ནས་བལྟས་པས་སྡེ་པ་བཅོ་བརྒྱད་དུ་གྱུར་ཀྱང་རྣམ་པར་གྲོལ་བའི་འབྲས་བུ་ཉམས་པ་མེད་པར་གསུངས་པ་མཐོང་ནས་ཕན་ཚུན་མཐུན་པར་གྱུར་ཅིང་། སངས་རྒྱས་ཀྱི་བསྟན་པར་གཅིག་ཏུ་བསྡུས་པ་ལ་བསྡུ་བ་གསུམ་པ་ཞེས་བྱའོ། །བཀའ་བསྡུ་གསུམ་པའི་ལོ་ཚིགས་ནི་བུ་སྟོན་ཆོས་འབྱུང་དུ། འདི་ལ་ཁ་ཅིག་གིས་ལོ་བརྒྱ་དང་སུམ་ཅུ་རྩ་བདུན་ལོན་པ་ན་བསྡུས་ཟེར་བ་དང་། ཡང་གཞན་དག་གིས་ལོ་བརྒྱ་དང་དྲུག་ཅུ་ན་བསྡུས་ཟེར། ཡང་ཁ་ཅིག་གིས་སུམ་བརྒྱ་ལོན་པ་ན་བསྡུས་ཞེས་གཞན་ལུགས་བསྐྱར་བ་མ་གཏོགས་བུ་སྟོན་རང་ལུགས་ཀྱི་གསལ་ཁ་མ་མཛད་དོ། །མཆིམས་མཛོད་དེབ་གཟུགས་༧༦༣ལས་བཀའ་བསྡུ་གསུམ་པ་ལོ་བརྒྱ་དང་དྲུག་ཅུ་ན་བསྡུས་པར་གསུངས་སོ། །ཡང་ས་པཎ་གྱི་སྡོམ་གསུམ་རབ་དབྱེ་ལས། ལྷ་ཆེན་ཞེས་བྱའི་དགེ་སློང་ཞིག །བསྟན་པ་འདི་ཡི་ཆོམ་རྐུན་བྱུང་། །དེ་ཡིས་རང་གི་ཕ་མ་བསད། །སློབ་དཔོན་ཡིན་པའི་དགྲ་བཅོམ་བཀྲོངས། །མཁན་སློབ་མེད་པའི་དགེ་སློང་བྱས། །ཕྱི་ནས་དགོན་པར་བསྡད་ནས་ནི། །སྦྱིན་བདག་རྣམས་ཀྱི་དད་རྫས་ཟོས། །བླུན་པོ་རྣམས་ཀྱི་མཁན་སློབ་བྱས། །བླུན་པོ་ལོངས་སྤྱོད་ཅན་རྣམས་ཀྱིས། །ཕུལ་བའི་ཟས་ནོར་ཆར་བཞིན་བབ། །སྐལ་མེད་དད་ཅན་འདུས་པ་ཡི། །དགེ་འདུན་འབུམ་ཕྲག་དུ་མས་བསྐོར། །དེ་ནས་བརྫུན་རླབས་ཆེན་པོ་དེ། །དགྲ་བཅོམ་ཡིན་པར་ཁས་བླངས་སོ། །འཁོར་གྱིས་རྫུ་འཕྲུལ་ཞུས་པ་ན། །རྫུ་འཕྲུལ་ཐོ་རངས་ཉམས་ཞེས་ཟེར། །རང་གི་སྡིག་པ་དྲན་པ་ཡིས། །སྨྲེ་སྔགས་ཆེན་པོ་བཏོན་པ་ལ། །སྡུག་བསྔལ་བདེན་པ་བོས་ཞེས་བསྒྲགས། །དེ་ལ་སོགས་པའི་བརྫུན་ཚིག་གིས། །ཚོགས་པ་རྣམས་ཀྱི་མགོ་བོ་བསྐོར། །འཕགས་པ་རྣམས་ལ་འབུལ་རྒྱུ་ཡི། །དད་རྫས་རྣམས་ཀྱང་དེ་ལ་འགྱུར། །རབ་བྱུང་བླུན་པོ་ཕལ་ཆེར་གྱིས། །དགྲ་བཅོམ་བོར་ནས་དེ་ལ་འདུད། །སངས་རྒྱས་མྱ་ངན་འདས་འོག་ཏུ། །སོ་སོ་སྐྱེ་བོས་འཁོར་བསྡུས་པ། །དེ་ལས་མང་བ་མེད་ཅེས་གྲགས། །དེ་ཡི་ཆོས་ལོག་བཤད་པ་ཡི། །རྗེས་སུ་སློབ་མ་རྣམས་འབྲངས་ནས། །འཁྲུལ་བའི་གྲུབ་མཐའ་དུ་མ་བྱུང་། །ལྷ་ཆེན་བླུན་པོ་དེ་ཤི་ནས། །སེམས་ཅན་དམྱལ་བར་གྱུར་ཅེས་གྲག །དེ་ཡི་ལོག་པའི་ཆོས་དེ་དག །དགྲ་བཅོམ་རྣམས་ཀྱིས་སུན་ཕྱུང་ནས། །བསྡུ་བ་གསུམ་པ་བྱས་ཞེས་ཐོས། །འོན་ཀྱང་དེ་ཡི་ལེ་ལན་གྱིས། །སྡེ་པ་བཅོ་བརྒྱད་རྣམས་ལ་ཡང་། །ཅུང་ཟད་བསླད་པ་ཡོད་ཅེས་ཟེར། །མཁས་པའི་གཙུག་རྒྱན་དབྱིག་གཉེན་གྱིས། །ཡང་དག་བསྡུས་པའི་གཞི་ཉམས་ཕྱིར། །མཐའ་དག་མིན་པར་རྟོགས་པ་ཡིན། །ཞེས་གསུངས་པ་ཡང་དེ་ལ་དགོངས། །ཞེས་གསུངས་སོ། །བཀའ་བསྡུ་གསུམ་པའི་སྐོར་གོང་དང་བཤད་ཚུལ་མི་འདྲ་བ། ཏཱ་ར་ནཱ་ཐའི་རྒྱ་གར་ཆོས་འབྱུང་༦༦ན་གཟིགས།བ། ཏཱ་ར་ནཱ་ཐའི་རྒྱ་གར་ཆོས་འབྱུང་༦༦ན་གཟིགས།)
• Dictionaries/sgom sde tshig mdzod chenmo/4880  + (( འདུལ་བ) སྟོན་པ་མྱ་ངན་ལས་འདས་པའི་ཕྱི་ལོ་ད … ( འདུལ་བ) སྟོན་པ་མྱ་ངན་ལས་འདས་པའི་ཕྱི་ལོ་དེར་གནས་རྒྱལ་པོའི་ཁབ་ཀྱི་བདེ་ཅན་མའི་ཕུག་ཏུ་རྒྱལ་པོ་མ་སྐྱེས་དགྲས་སྦྱིན་བདག་བྱས་ནས། འཕགས་པ་འོད་སྲུང་ཆེན་པོས་དགེ་འདུན་གྱི་གནས་བརྟན་མཛད་དེ་དགྲ་བཅོམ་པ་ལྔ་བརྒྱས་དབྱར་གནས་པར་ཁས་བླངས་སོ། །དེའི་ཚེ་སེངྒའི་ཁྲི་ལ་དགྲ་བཅོམ་པ་ལྔ་བརྒྱས་སྣམ་སྦྱར་བཏིང་བའི་སྟེང་དུ་འཕགས་པ་ཀུན་དགའ་བོས་བཞུགས། ཞལ་མཉན་ཡོད་དུ་ཕྱོགས་ཏེ་ཐལ་མོ་སྦྱར་གདོང་མཆི་མས་གང་བཞིན་དུ་སྙན་པའི་གདངས་དང་བཅས། འདི་སྐད་བདག་གིས་ཐོས་པ་དུས་གཅིག་ན། ཞེས་བྱ་བ་ལ་སོགས་པས་མདོ་སྡེའི་སྡེ་སྣོད་བསྡུས་སོ། །དེ་ནས་ཀུན་དགའ་བོ་སྟན་ལས་བབས་ཏེ་འཁོད་པ་དང་། འཕགས་པ་ཉེ་བར་འཁོར་གྱིས་སྔ་མ་བཞིན་དུ་བྱས་ཏེ་འདུལ་བའི་སྡེ་སྣོད་བསྡུས་སོ། །དེ་ནས་འཕགས་པ་འོད་སྲུང་ཆེན་པོས་མངོན་པའི་སྡེ་སྣོད་བསྡུས་སོ། །བཀའ་བསྡུ་མཛད་སའི་རྒྱལ་པོའི་ཁབ་ཀྱི་བདེ་ཅན་མའི་ཕུག་ཅེས་པ་ “འོད་སྲུང་ཕུག” ཅེས་པ་འདི་ཡིན་ལ། དེ་ནི་བྱ་རྒོད་ཕུང་པོའི་རིར་འགྲོ་བའི་ལམ་དུ་ཆུ་ཚན་ཞིག་ཡོད་པ་དེའི་ཐག་ཉེ་ལ་ཡོད་པར། དགེ་འདུན་ཆོས་འཕེལ་གྱི་རྒྱ་གར་གནས་ཆེན་ཁག་གི་གནས་ཡིག་ན་གསལ་བ་ལྟར་རོ། །གར་གནས་ཆེན་ཁག་གི་གནས་ཡིག་ན་གསལ་བ་ལྟར་རོ། །)
• Dictionaries/sgom sde tshig mdzod chenmo/2886  + ((གསང་སྔགས) 1 དམ་བཅའ། ཐུགས་དམ་བརྟན་པོ་ཞེས་པ་ལྟ་བུ། 2 དགེ་སྦྱོར། ཉམས་ལེན། ཐུགས་དམ་གྱི་མཐིལ་ཞེས་པ་ལྟ་བུ། 3 མོ། བརྟག་པ། ཐུགས་དམ་ཞུ་ཞེས་པ་ལྟ་བུ། 4 ཐུགས་དགོངས་དམ་པ་ཞེས་པའི་བསྡུས་ཚིག ཐུགས་དམ་སྐོང་ཞེས་པ་ལྟ་བུ། 5 ཏིང་ངེ་འཛིན། ཐུགས་དམ་ལ་བཞུགས་ཞེས་པ་ལྟ་བུ།)
• Dictionaries/sgom sde tshig mdzod chenmo/1265  + ((གསང་སྔགས) 1 ལྷ་ཉིད་བཟླ་བྱའི་སྔགས་ཀྱི་ཡིག་ … (གསང་སྔགས) 1 ལྷ་ཉིད་བཟླ་བྱའི་སྔགས་ཀྱི་ཡིག་འབྲུའི་རྣམ་པར་ཤར་བ་ལ་གཟུངས་སྔགས་ཟེར། རྗེའི་འགྲེལ་པ་བཞི་སྦྲགས་ལས། ལྷ་དང་དབྱེར་མེད་པའི་སྔགས་སྒྲའི་རྣམ་པར་ཕྱུང་བ། ཞེས་དང༌། གཟུངས་སྔགས་དེ་རྡོ་རྗེ་འཆང་ཉིད་ཀྱི་སྐུ་དང་གསུང་དང་ཐུགས་རྡོ་རྗེ་བསྡུས་པ་ལས་སྒྲའི་ཚུལ་དུ་ཕྱུང་ཞིང་བཀའ་སྩལ་བའོ། །ཞེས་གསུངས་པ་ལྟར་རོ། །2 གཟུངས་སྔགས་ཀྱི་གོ་དོན་གོང་དུ་བཤད་པ་ལྟར་ཡིན་མོད། འོན་ཀྱང་ཕྱིས་བཟླ་བྱའི་སྔགས་ཡོད་ཚད་ལ་གཟུངས་སྔགས་ཀྱི་མིང་ཆགས་སོ། །སྔགས་ཡོད་ཚད་ལ་གཟུངས་སྔགས་ཀྱི་མིང་ཆགས་སོ། །)
• Dictionaries/sgom sde tshig mdzod chenmo/1438  + ((གསང་སྔགས) ༡ རྒྱལ་བ་རྡོ་རྗེ་འཆང༌། (འདི་རྒྱ … (གསང་སྔགས) ༡ རྒྱལ་བ་རྡོ་རྗེ་འཆང༌། (འདི་རྒྱུད་གསུང་པ་པོ་ཡིན། དེས་གསང་འདུས་རྩ་རྒྱུད་ལེའུ་བཅུ་བདུན་པ། རྒྱུད་ཕྱི་མ་ལེའུ་བཅོ་བརྒྱད་པ། བཤད་རྒྱུད་རྡོ་རྗེ་འཕྲེང་བ། དགོངས་པ་ལུང་སྟོན། ཡེ་ཤེས་རྡོ་རྗེ་ཀུན་ལས་བཏུས་པ། ལྷ་མོ་བཞིས་ཞུས་པ། རྡོ་རྗེ་སྙིང་པོ་རྒྱན་གྱི་རྒྱུད། དཔལ་གསང་བ་འདུས་པའི་བཤད་རྒྱུད་གཉིས་སུ་མེད་པ་མཉམ་པ་ཉིད་རྣམ་པར་རྒྱལ་བ། ཐམས་ཅད་གསང་བ་བཅས་གསུངས) ༢ གསང་བདག (འདི་རྒྱུད་སྡུད་པ་པོ་ཡིན) ༣ ཨིནྡྲ་བྷུ་ཏི། (འདིས་གཞུང་མཛད་པ་མི་སྣང་ཞེས་རྗེ་ཙོང་ཁ་པ་ཆེན་པོ་གསུང) ༤ ཀླུའི་མཁའ་འགྲོ་མའམ། ཀླུའི་རྣལ་འབྱོར་མ་ཡང་ཟེར། (འདིས་གཞུང་མཛད་པ་མི་སྣང་གསུང) ༥ ས་བདག་བི་སུ་ཀལྤ། (འདིས་གཞུང་མཛད་པ་མི་སྣང་གསུང) ༦ དཔལ་ལྡན་ས་ར་ཧ། (འདིས་གཞུང་མཛད་པ་མི་སྣང་གསུང) ༧ སློབ་དཔོན་ཀླུ་སྒྲུབ། (འདིས་བསྐྱེད་རིམ་སྟོན་པ། འདུས་པའི་སྒྲུབ་ཐབས། མདོ་བསྲེ། དཀྱིལ་ཆོག་ཉི་ཤུ་པ། རྫོགས་རིམ་སྟོན་པ། རིམ་པ་ལྔ་པ་ལ་སོགས་པ་མཛད་དོ། །ཞེས་རྗེ་ཙོང་ཁ་པ་ཆེན་པོ་དང་བུ་སྟོན་རིན་པོ་ཆེ་གཉིས་ཀ་གསུང) ༨ འཕགས་པ་ལྷ། (འདིས་རིམ་ལྔའི་དོན་འགྲེལ་སྤྱོད་བསྡུས་སྒྲོན་མ། བདག་བྱིན་གྱིས་བརླབ་པའི་རིམ་པ་གཉིས་མཛད) ༩ ཀླུའི་བྱང་ཆུབ། (འདིས་རྣམ་གཞག་རིམ་པ་མཛད། འདི་བསྐྱེད་རིམ་གཙོ་བོ་དང་རྫོགས་རིམ་ཡང་སྟོན་ཞེས་རྗེ་རིན་པོ་ཆེའི་རིམ་ལྔ་གསལ་སྒྲོན་དུ་གསུངས་སོ) ༡༠ ཤཱཀྱ་བཤེས་གཉེན། ༡༡ མ་ཏང་གི། ༡༢ དཔལ་ལྡན་ཟླ་བ་གྲགས་པ། (འདིས་གསང་འདུས་འགྲེལ་པ་སྒྲོན་གསལ་མཛད) ༡༣ སློབ་དཔོན་སྒེག་པའི་རྡོ་རྗེ། (འདིས་རྒྱུད་ཀྱི་གླེང་གཞིའི་བཤད་པ་ཙམ་མཛད་ཅེས་རྗེ་ཙོང་ཁ་པ་ཆེན་པོ་གསུང) ༡༤ སྒེག་རྡོར་གྱི་སློབ་མ་སློབ་དཔོན་སངས་རྒྱས་ཡེ་ཤེས་ཞབས། (སློབ་དཔོན་འདིས་གསང་འདུས་བསྐྱེད་རིམ་གྱི་སྐོར་ལ། སྒྲུབ་ཐབས་ཀུན་བཟང་དང༌། བཞི་བརྒྱ་ལྔ་བཅུ་པ་གཉིས། རྫོགས་རིམ་གྱི་སྐོར་ལ། གྲོལ་བའི་ཐིག་ལེ་བཅས་གསུངས་སོ)་གྱི་སྐོར་ལ། གྲོལ་བའི་ཐིག་ལེ་བཅས་གསུངས་སོ))
• Dictionaries/sgom sde tshig mdzod chenmo/9937  + ((གསང་སྔགས) ཀྱེ་རྡོར་གྱི་རྒྱུད་ཅིག་སྟེ། བརྟ … (གསང་སྔགས) ཀྱེ་རྡོར་གྱི་རྒྱུད་ཅིག་སྟེ། བརྟག་གཉིས་ལ་ལྟོས་ནས་བཤད་རྒྱུད་དང༌། འབུམ་ལྔར་ལྟོས་ནས་བསྡུས་རྒྱུད་དུ་བཞེད་པ། མཁའ་འགྲོ་མ་དྲ་བ་རྡོ་རྗེ་གུར་ཞེས་བྱ་བའི་རྒྱུད་ཀྱི་རྒྱལ་པོ་ལེའུ་བཅོ་ལྔ་པ། རྒྱ་གར་གྱི་མཁན་པོ་ག་ཡ་དྷ་ར་དང་འབྲོག་མིའི་འགྱུར། རྒྱུད་༼ ང་པར ༽བཞུགས་སོ། །བྲོག་མིའི་འགྱུར། རྒྱུད་༼ ང་པར ༽བཞུགས་སོ། །)
• Dictionaries/sgom sde tshig mdzod chenmo/1437  + ((གསང་སྔགས) དཔལ་གསང་བ་འདུས་པའི་བསྐྱེད་རིམ་ག … (གསང་སྔགས) དཔལ་གསང་བ་འདུས་པའི་བསྐྱེད་རིམ་གྱི་ཆོ་ག་རྒྱས་པ་ལ་ཆིངས་བཞི། བསྐྱེད་རིམ་གྱི་ཆོ་ག་བསྡུས་པ་ལ་ཆིངས་གཉིས་ཏེ་ཆིངས་དྲུག་གོ། དང་པོ་ཆིངས་བཞི་ནི། ༡ བསྙེན་སྒྲུབ་ཡན་ལག་བཞིའི་ཆིངས། ༢ རྣལ་འབྱོར་དྲུག་གི་ཆིངས། ༣ ཏིང་ངེ་འཛིན་གསུམ་གྱི་ཆིངས། ༤ དེ་ཉིད་ཞེ་དགུའི་ཆིངས་ཏེ་བཞིའོ། །བསྙེན་སྒྲུབ་ཡན་ལག་བཞི་ནི། བསྙེན་པ། ཉེར་སྒྲུབ། སྒྲུབ་པ། སྒྲུབ་ཆེན་དང་བཞིའོ། །རྣལ་འབྱོར་དྲུག་ནི། རྣལ་འབྱོར། རྗེས་སུ་རྣལ་འབྱོར། ཤིན་ཏུ་རྣལ་འབྱོར། རྣལ་འབྱོར་ཆེན་པོ། དཀྱིལ་འཁོར་རྒྱལ་མཆོག ལས་རྒྱལ་མཆོག་གི་རྣལ་འབྱོར་དང་དྲུག་གོ། ཏིང་ངེ་འཛིན་གསུམ་ནི། དང་པོ་སྦྱོར་བའི་ཏིང་ངེ་འཛིན། དཀྱིལ་འཁོར་རྒྱལ་མཆོག་གི་ཏིང་ངེ་འཛིན། ལས་རྒྱལ་མཆོག་གི་ཏིང་ངེ་འཛིན་དང་གསུམ་རྣམས་སོ། །དེ་ཉིད་ཞེ་དགུ་ནི། ༡ གང་དུ་བསྒོམ་པ་གནས་ཀྱི་དེ་ཉིད། ༢ ཚོགས་ཞིང་སྤྱན་དྲངས་ནས་སྡོམ་པ་བཟུང་བ་སྙིང་རྗེ་ཆེན་པོ་ལ་དམིགས་པའི་དེ་ཉིད། ༣ སྲུང་འཁོར་གྱི་གཙོ་བོ་བསྐྱེད་པའི་དེ་ཉིད། ༤ འཁོར་གྱི་ཁྲོ་བོ་བསྐྱེད་པའི་དེ་ཉིད། ༥ བགེགས་ལ་ཕུར་བུ་གདབ་པའི་དེ་ཉིད། ༦ ར་བ་སོགས་བསྲུང་བའི་དེ་ཉིད། ༧ ཡེ་ཤེས་ཀྱི་ས་བསྒོམ་པའི་དེ་ཉིད། ༨ རྡོ་རྗེའི་ས་ཡི་ཆ་བསྐྱེད་པའི་དེ་ཉིད། ༩ རྟེན་གཞལ་ཡས་ཁང་བསྐྱེད་པའི་དེ་ཉིད། ༡༠ བརྟེན་པ་ལྷག་མོས་ཀྱི་ལྷ་ཡི་འཁོར་ལོ་འགོད་པའི་དེ་ཉིད། ༡༡ ལྷག་མོས་ཀྱི་དཀྱིལ་འཁོར་ལུས་ལ་སྡུད་པའི་དེ་ཉིད། ༡༢ འཆི་བ་ཆོས་སྐུར་འཁྱེར་བའི་ལམ་འཁྱེར་ལྷག་མོས་འོད་གསལ་དུ་འཇུག་པའི་དེ་ཉིད། ༡༣ ཉི་མ་སོགས་ལ་དམིགས་པ་ལྡང་བའི་དེ་ཉིད། ༡༤ ཟླ་བ་ལ་ང་རྒྱལ་འཛིན་ནས་ཟླ་བ་ལ་དམིགས་པའི་དེ་ཉིད། ༡༥ ཡེ་ཤེས་ཙམ་ལ་སྙོམས་པར་འཇུག་པའི་དེ་ཉིད། ༡༦ ཟླ་ཉི་ས་བོན་ཕྱག་མཚན་སྐུ་རྫོགས་པ་སྟེ་མངོན་བྱང་ལྔ་ལས་བར་དོ་ལོངས་སྐུར་འཁྱེར་བ་དང་པོའི་མགོན་པོ་བསྐྱེད་པའི་དེ་ཉིད། ༡༧ སྐྱེ་བ་སྤྲུལ་སྐུར་འཁྱེར་བའི་ལམ་འཁྱེར་དང་པོའི་མགོན་པོ་སྤྲུལ་སྐུ་རྡོར་སེམས་སུ་བསྒྱུར་བའི་དེ་ཉིད། ༡༨ ལུས་རྟེན་གཞལ་ཡས་ཁང་དུ་བསྒོམ་པའི་དེ་ཉིད། ༡༩ ཕུང་པོ་ལྔ་གཤེགས་པར་བསྒོམ་པའི་དེ་ཉིད། ༢༠ ཁམས་བཞི་གཤེགས་མར་བསྒོམ་པའི་དེ་ཉིད། ༢༡ མིག་སོགས་སེམས་པར་བསྒོམ་པའི་དེ་ཉིད། ༢༢ གཟུགས་སོགས་སེམས་མར་བསྒོམ་པའི་དེ་ཉིད། ༢༣ ཡན་ལག་ཁྲོ་བོར་བསྒོམ་པའི་དེ་ཉིད། ༢༤ སྐུ་བྱིན་གྱིས་བརླབས་པའི་དེ་ཉིད། ༢༥ གསུང་བྱིན་གྱིས་བརླབས་པའི་དེ་ཉིད། ༢༦ ཐུགས་བྱིན་གྱིས་བརླབས་པའི་དེ་ཉིད། ༢༧ སྐུ་གསུང་ཐུགས་ཐུན་མོང་དུ་བྱིན་གྱིས་བརླབས་པའི་དེ་ཉིད། ༢༨ དམ་ཚིག་སེམས་དཔའི་ཐུགས་ཀར་ཡེ་ཤེས་སེམས་དཔའ་བསྒོམ་པའི་དེ་ཉིད། ༢༩ དེ་ཡི་ཐུགས་ཀར་ཏིང་ངེ་འཛིན་སེམས་དཔའ་བསྒོམ་པའི་དེ་ཉིད། ༣༠ རིག་མ་འདུ་བྱ་བའི་དེ་ཉིད། ༣༡ རྗེས་སུ་ཆགས་པའི་དེ་ཉིད། ༣༢ མཆོད་པའི་དེ་ཉིད། (འདི་ཡན་དེ་ཉིད་སུམ་ཅུ་སོ་གཉིས་དང་པོའི་སྦྱོར་བའི་ཏིང་ངེ་འཛིན་ནོ) བསྐྱེད་པའི་སྒོ། སྤྲོ་བའི་སྒོ། སྤྱི་སྒོས་ཀྱི་མཛད་པ་མཛད་པའི་སྒོ། བསྡུ་བའི་སྒོ། དབྱེར་མེད་དུ་འདྲེས་པའི་སྒོ། དབང་བསྐུར་བའི་སྒོ། ༣༣ རང་གནས་སུ་འཁོད་པའི་སྒོ་སྟེ་སྒོ་བདུན་གྱིས་གཤེགས་པ་དབྱུང་བའི་དེ་ཉིད། ༣༤ གཤེགས་མ་དབྱུང་བའི་དེ་ཉིད། ༣༥ སེམས་མ་དབྱུང་བའི་དེ་ཉིད། ༣༦ སེམས་དཔའ་དབྱུང་བའི་དེ་ཉིད། ༣༧ ཁྲོ་བོ་དབྱུང་བའི་དེ་ཉིད། (འདི་ཡན་དེ་ཉིད་ལྔ་དཀྱིལ་འཁོར་རྒྱལ་མཆོག་གི་ཏིང་ངེ་འཛིན་ནོ) ༣༨ སྟེང་སྒོར་ཕྱག་མཚན་བསྒོམ་པའི་དེ་ཉིད། ༣༩ འོག་སྒོར་ཐིག་ལེ་ཕྲ་མོ་བསྒོམ་པའི་དེ་ཉིད། ༤༠ ཡིད་བཟླས་ཀྱི་དེ་ཉིད། ༤༡ ངག་བཟླས་ཀྱི་དེ་ཉིད། ༤༢ གཙོ་བོ་འོད་གསལ་དུ་ཞུགས་པའི་དེ་ཉིད། ༤༣ འོད་གསལ་ལས་ལྡང་བའི་དེ་ཉིད། ༤༤ མཆོད་བསྟོད་ཀྱི་དེ་ཉིད། ༤༥ ཉེ་བར་བསྡུ་བའི་དེ་ཉིད། ༤༦ ཁ་ཟས་ཀྱི་དེ་ཉིད། ༤༧ ལུས་བརྟས་པར་བྱེད་པའི་དེ་ཉིད། ༤༨ དངོས་གྲུབ་ཆུང་ངུ་ཞི་རྒྱས་དབང་དྲག་གི་ལས་བཞི་སྒྲུབ་པའི་དེ་ཉིད་དང་དེ་ཉིད་ཞེ་དགུའོ། ། (འདི་ཡན་གྱི་དེ་ཉིད་བཅུ་གཉིས་ནི་ལས་རྒྱལ་མཆོག་གི་ཏིང་ངེ་འཛིན་ནོ) ཆོ་ག་བསྡུས་པའི་ཆིངས་གཉིས་ནི། ༡ རྡོ་རྗེ་བཞི་ཡི་ཆིངས། ༢ རྣལ་འབྱོར་བཞི་ཡི་ཆིངས་ཏེ་གཉིས་སོ། །རྡོ་རྗེ་བཞི་ནི། སྟོང་ཉིད་བྱང་ཆུབ་རྡོ་རྗེ། ས་བོན་བསྡུས་པའི་རྡོ་རྗེ། གཟུགས་ཉིད་རྫོགས་པའི་རྡོ་རྗེ། ཡི་གེ་འགོད་པའི་རྡོ་རྗེ་དང་བཞིའོ། །རྣལ་འབྱོར་བཞི་ནི། རྣལ་འབྱོར། རྗེས་སུ་རྣལ་འབྱོར། ཤིན་ཏུ་རྣལ་འབྱོར། རྣལ་འབྱོར་ཆེན་པོ་དང་བཞིའོ། །དངོས་གྲུབ་ཆེན་པོ་མཆོག་གི་དངོས་གྲུབ་སྒྲུབ་པའི་ཐབས་ནི་གསང་འདུས་རྫོགས་རིམ་ཡོངས་རྫོགས་ལ་བྱེད་པ་ཡིན་ནོ། །གོང་གི་དེ་གསང་འདུས་འཕགས་ལུགས་ཀྱི་བསྐྱེད་རིམ་གཞིར་བཞག་བྱས་སོ། །ཕགས་ལུགས་ཀྱི་བསྐྱེད་རིམ་གཞིར་བཞག་བྱས་སོ། །)
• Dictionaries/sgom sde tshig mdzod chenmo/1420  + ((གསང་སྔགས) དཔལ་གསང་བ་འདུས་པའི་རྒྱུད་ཀྱི་འག … (གསང་སྔགས) དཔལ་གསང་བ་འདུས་པའི་རྒྱུད་ཀྱི་འགྲེལ་པ་རྒྱ་གར་མཁས་པའི་མཛད་པ་ལ། (སློབ་དཔོན་ཀླུ་སྒྲུབ་ཀྱིས་མཛད་པའི་འདུས་པའི་འགྲེལ་པ་བརྒྱད་ནི) གསང་བ་འདུས་པའི་རྒྱུད་ཀྱི་འགྲེལ་པ། (མནྟྲ་ཀ་ལ་ཤའི་རང་འགྱུར) སྒྲུབ་ཐབས་མདོར་བྱས། མདོ་བསྲེ། དཀྱིལ་འཁོར་ཆོ་ག་ཉི་ཤུ་པ། (གཞོན་ནུ་བུམ་པའི་རང་འགྱུར) རིམ་ལྔ། (རིན་ཆེན་བཟང་པོའི་འགྱུར) བྱང་ཆུབ་སེམས་ཀྱི་འགྲེལ་པ་ཚིགས་བཅད་མ། (པ་ཚབ་ཀྱི་འགྱུར) ཚིག་ལྷུག (མདོ་སྡེ་འབར་གྱི་འགྱུར) བཅས་བརྒྱད་པོ་རྣམས་སོ། ། (སློབ་དཔོན་འཕགས་པ་ལྷས་མཛད་པའི) སྤྱོད་པ་བསྡུས་པའི་སྒྲོན་མ། (རིན་ཆེན་བཟང་པོའི་འགྱུར) དེའི་བཤད་པ། (སློབ་དཔོན་ཤཱཀྱ་བཤེས་གཉེན་གྱི་མཛད་པ། པ་ཚབ་ཀྱི་འགྱུར) (སློབ་དཔོན་ཀླུའི་བྱང་ཆུབ་ཀྱིས་མཛད་པའི) དཀྱིལ་ཆོག (པ་ཚབ་ཀྱི་འགྱུར) (སློབ་དཔོན་འཕགས་པ་ལྷས་མཛད་པའི) སེམས་ཀྱི་སྒྲིབ་སྦྱོང་། (ནག་ཚོའི་འགྱུར) བདག་བྱིན་གྱིས་བརླབ་པའི་རིམ་པ་དང༌། མངོན་པར་བྱང་ཆུབ་པའི་རིམ་པ། (རིན་ཆེན་བཟང་པོའི་འགྱུར) ཡ་ར་ལ་ཝ་ལ་སོགས་པ་ཚུལ་བཞིར་བཤད་པ། གསང་བ་འདུས་པའི་རོ་སྲེག་གི་ཆོ་ག (རིན་ཆེན་བཟང་པོའི་འགྱུར) (སློབ་དཔོན་སྒྲ་གཅན་འཛིན་དཔལ་བཤེས་གཉེན་གྱིས་མཛད་པའི) དཀྱིལ་འཁོར་ཆོག་ག་ཟུང་འཇུག་གསལ་བ། (ས་ལོའི་འགྱུར) (སློབ་དཔོན་ཀླུའི་བློས་མཛད་པའི) བསྐྱེད་རིམ་རྣམ་གཞག་རིམ་པ། (རིན་ཆེན་བཟང་པོའི་འགྱུར) ལས་ཀྱི་མཐའ་རྣམ་པར་འབྱེད་པ། (ཆོས་རྗེ་དཔལ་གྱི་འགྱུར) (སློབ་དཔོན་སྒྲ་དབྱངས་བཅུ་གཅིག་པས་མཛད་པའི) རྡོ་རྗེ་འཆང་ཆེན་པོའི་ལམ་གྱི་རིམ་པ། (རིན་ཆེན་བཟང་པོའི་འགྱུར) (སློབ་དཔོན་ཀླུའི་བྱང་ཆུབ་ཀྱིས་མཛད་པའི) རིམ་ལྔའི་འགྲེལ་པ་ནོར་བུའི་ཕྲེང་བ། (ནག་ཚོའི་འགྱུར) (སློབ་དཔོན་ཀླུའི་བློས་མཛད་པའི) རིམ་པ་ལྔ་ཁོངས་སུ་བསྡུ་བ། (པ་ཚབ་ཀྱི་འགྱུར) (ནག་པོ་དམ་ཚིག་རྡོ་རྗེས་མཛད་པའི) རིམ་ལྔའི་དཀའ་འགྲེལ། (ནག་ཚོའི་འགྱུར) (སློབ་དཔོན་ཀླུའི་བྱང་ཆུབ་ཀྱིས་མཛད་པའི) རིམ་ལྔའི་དཀའ་འགྲེལ་དོན་གསལ་བ། (འདི་ཐེ་ཚོམ་གྱི་གཞིའོ་གསུང) (སློབ་དཔོན་བྷ་བྱ་ཀིརྟིའམ་སྐལ་ལྡན་གྲགས་པས་མཛད་པའི) རིམ་ལྔའི་དཀའ་འགྲེལ། (ཤཱཀྱ་བརྩོན་འགྲུས་ཀྱི་འགྱུར) (སློབ་དཔོན་ཨ་བྷྱ་ཀ་རས་མཛད་པའི) རིམ་ལྔའི་འགྲེལ་པ་ཟླ་བའི་འོད་ཟེར། (བི་བྷཱུ་ཏི་ཙནྡྲའི་རང་འགྱུར) (སློབ་དཔོན་བརྩོན་འགྲུས་བཟང་པོས་མཛད་པའི་) རིམ་ལྔའི་དཀའ་འགྲེལ་དོན་གསལ་བ། (ཤེས་རབ་བརྩོན་འགྲུས་ཀྱི་འགྱུར) (སློབ་དཔོན་ཟླ་བ་གྲགས་པས་མཛད་པའི) གསང་འདུས་འགྲེལ་པ་སྒྲོན་མ་གསལ་བ། (རིན་ཆེན་བཟང་པོའི་འགྱུར) རྡོ་རྗེ་སེམས་དཔའི་སྒྲུབ་ཐབས། (གཞོན་ནུ་འབར་དང་བ་རིའི་འགྱུར) (སློབ་དཔོན་ལེགས་ལྡན་འབྱེད་ཀྱིས་མཛད་པའི) སྒྲོན་གསལ་གྱི་དཀའ་གནད་བཤད་པ། (ཤཱཀྱ་བརྩོན་འགྲུས་ཀྱི་འགྱུར) (སློབ་དཔོན་སྒེག་པའི་རྡོ་རྗེས་མཛད་པའི) གསང་འདུས་གླེང་གཞིའི་བཤད་པ། བདེ་བ་ཆེན་པོའི་སྒྲུབ་ཐབས། (སློབ་དཔོན་ནག་པོ་པས་མཛད་པའི) གསང་འདུས་ཀྱི་དཀྱིལ་ཆོག་དང་རབ་གནས་གཉིས། (འགོས་འགྱུར) (ཤྲདྡྷཱ་ཀ་ར་ཝརྨས་མཛད་པའི) རྒྱན་བདུན་རྣམ་པར་དགྲོལ་བ། (རིན་ཆེན་བཟང་པོའི་འགྱུར) (ནག་པོ་པའི) རྡོ་རྗེ་སེམས་དཔའི་མཆོད་ཆོག (འགོས་འགྱུར) གསང་འདུས་གཏོར་ཆོག སྒྲུབ་ཐབས་མདོར་བྱས་ཀྱི་འགྲེལ་པ། (སློབ་དཔོན་ཤཱནྟི་པས་མཛད་པའི) རིན་ཆེན་ཕྲེང་བ་ (ཀརྨ་བཛྲའི་རང་འགྱུར) (སློབ་དཔོན་ཤྲདྡྷཱ་ཀ་ར་ཝརྨས་མཛད་པའི) དགོངས་པ་ལུང་སྟོན་གྱི་རྡོ་རྗེ་བཟླས་པའི་འགྲེལ་པ་དང༌། རྒྱུད་ཀྱི་དོན་ལ་འཇུག་པ་གཉིས། (རིན་ཆེན་བཟང་པོའི་འགྱུར) (སློབ་དཔོན་བྷ་བྱ་ཀིརྟིས་མཛད་པའི) སྒྲོན་གསལ་གྱི་ཊཱི་ཀ་དགོངས་པ་རབ་གསལ་སྟོང་ཕྲག་བཅུ་དང་དྲུག་པ། (ཀུ་མཱ་རའི་རང་འགྱུར) (སློབ་དཔོན་ཀུ་མཱ་རས་མཛད་པའི) སྒྲོན་མ་གསལ་བ་མདོར་བཤད་པ་སྙིང་གི་མེ་ལོང་། (ཤཱཀྱ་བློ་གྲོས་ཀྱི་འགྱུར) (སློབ་དཔོན་ཟླ་བ་གྲགས་པས་མཛད་པའི) གསང་བ་འདུས་པའི་མངོན་པར་རྟོགས་པ་རྒྱན་གྱི་འགྲེལ་པ་དང༌། སྒྲོན་གསལ་གྱི་འགྲེལ་བཤད། (སློབ་དཔོན་འཕགས་པ་ལྷས་མཛད་པ་འདི་གཉིས་ཐེ་ཚོམ་གྱི་གཞིའོ་གསུང) གསང་འདུས་འགྲེལ་པ། (སྨྲ་ཏིས་མཛད་ཅིང་རང་འགྱུར) སངས་རྒྱས་ཡེ་ཤེས་ཞབས་ཀྱི་འཇམ་དཔལ་གྱི་ཞལ་གྱི་ལུང་། (ལྷ་ཡེ་ཤེས་རྒྱལ་མཚན་གྱི་འགྱུར) ཞལ་ལུང་ཆུང་ངུ་དང༌། སྒྲུབ་ཐབས་ཀུན་བཟང་གཉིས། (རིན་ཆེན་བཟང་པོའི་འགྱུར) ཀུན་ཏུ་བཟང་མོའི་སྒྲུབ་ཐབས། (སྨྲ་ཏིའི་རང་འགྱུར) བདག་གྲུབ་པ་ལ་འཇུག (འགོས་འགྱུར) གྲོལ་བའི་ཐིག་ལེ། (ལྷ་ཡེ་ཤེས་རྒྱལ་མཚན་གྱི་འགྱུར) ཧེ་རུ་ཀའི་སྒྲུབ་ཐབས། (ཏེ་བདུན་སློབ་དཔོན་སངས་རྒྱས་ཡེ་ཤེས་ཞབས་ཀྱིས་མཛད་དོ) འཇམ་དཔལ་ཞལ་ལུང་གི་འགྲེལ་པ། (སློབ་དཔོན་སྨན་པའི་ཞབས་ཀྱིས་མཛད་པ) མཛེས་པའི་མེ་ཏོག (ལྷ་ཡེ་ཤེས་རྒྱལ་མཚན་གྱི་འགྱུར) སྒྲུབ་ཐབས་ཀུན་བཟང་གི་འགྲེལ་པ། (སློབ་དཔོན་དཔལ་འབྲས་རྡོ་རྗེ་དང༌། ཐ་ག་ནས་མཛད་པ་གཉིས་ རིན་ཆེན་བཟང་པོའི་འགྱུར) ཀུན་ཏུ་བཟང་པོའི་སྒྲུབ་ཐབས་ཀྱི་འགྲེལ་པ། (སློབ་དཔོན་ཀུན་ཏུ་བཟང་པོས་མཛད་པའི) སྙིང་པོའི་སྙེ་མ། (བློ་ལྡན་ཤེས་རབ་ཀྱི་འགྱུར) གྲོལ་བའི་ཐིག་ལེའི་འགྲེལ་པ། (སྨན་ཞབས་ཀྱིས་མཛད་པ་དང༌། དེས་མཛད་པའི) སྒྲུབ་ཐབས་དངོས་གྲུབ་འབྱུང་གཏེར་གཉིས། (ལྷ་ཡེ་ཤེས་རྒྱལ་མཚན་གྱི་འགྱུར) (སློབ་དཔོན་སྣང་མཛད་རྡོ་རྗེའི) སྦྱོར་བ་ཡན་ལག་དྲུག་གི་སྣང་བའི་རིམ་པ། (གཡུང་དྲུང་འོད་ཀྱི་འགྱུར) ཧེ་རུ་ཀའི་སྒྲུབ་ཐབས་ཀྱི་འགྲེལ་པ། (སློབ་དཔོན་མར་མེ་མཛད་བཟང་པོས་མཛད་པའི) དཀྱིལ་འཁོར་གྱི་ཆོ་ག (བཞི་བརྒྱ་ལྔ་བཅུ་པ་དང) དེའི་འགྲེལ་པ། (སློབ་དཔོན་དྲི་མེད་དཔལ་གྱིས་མཛད་པ་གཉིས་རིན་ཆེན་བཟང་པོའི་འགྱུར) (སློབ་དཔོན་སྨན་པའི་བུ་རྒྱལ་བས་བྱིན་གྱིས་མཛད་པའི) གསང་བ་འདུས་པའི་དཀའ་འགྲེལ། (སློབ་དཔོན་དྲི་མེད་སྦས་པས་མཛད་པའི) གསང་བ་འདུས་པའི་རྒྱུད་ལེའུ་བཅུ་བདུན་གྱི་འགྲེལ་པ་དང༌། (དེའི་སློབ་མ་སློབ་དཔོན་ཟླ་འོད་ཀྱིས་མཛད་པའི) ལེའུ་བཅོ་བརྒྱད་པའི་འགྲེལ་པ་དང༌། (དཔལ་རྒྱན་པས་མཛད་པའི) དེ་ཉིད་བཅུ་པ་དང་གསུམ། (དར་མ་གྲགས་ཀྱི་འགྱུར) (སློབ་དཔོན་རབ་ཏུ་ཞི་བའི་ཡེ་ཤེས་ཀྱིས་མཛད་པའི) གསང་འདུས་ཀྱི་འགྲེལ་པ་སློབ་མ་ལ་ཕན་པ། (སློབ་དཔོན་ཟླ་བའི་འོད་ཟེར་གྱིས་མཛད་པའི) རབ་ཏུ་གནས་པའི་ཆོ་ག (བསོད་ནམས་རྒྱལ་བའི་འགྱུར) (སློབ་དཔོན་སྣང་བྱེད་ཟླ་བས་མཛད་པའི) ཨརྐའི་ཆོ་ག་སྙིང་པོ་བསྡུས་པ་དང་རབ་ཏུ་གནས་པའི་ཆོ་ག་ཡེ་ཤེས་སྣང་བ་དང༌། (དཔལ་ཏིང་ངེ་འཛིན་རྡོ་རྗེས་མཛད་པའི) དུས་ཐ་མའི་ཆོ་ག་དང༌། གཤིན་པོ་བདེ་བར་གཤེགས་པའི་གནས་ལ་འགོད་པ་དང་གསུམ། (ཤེས་རབ་གྲགས་ཀྱི་འགྱུར) (སློབ་དཔོན་ཤཱནྟི་པས་མཛད་པའི) གསང་འདུས་བཤད་སྦྱར་སྙིམ་པའི་མེ་ཏོག (འགོས་འགྱུར) (སློབ་དཔོན་བི་ཤྭ་མི་ཏྲས་མཛད་པའི) ལེའུ་བཅོ་བརྒྱད་པའི་འགྲེལ་པ། (སློབ་དཔོན་ཙི་ལུ་པས་མཛད་པའི) གསང་འདུས་འགྲེལ་པ་རིན་པོ་ཆེའི་ལྗོན་ཤིང་། (ལྷ་ཡེ་ཤེས་རྒྱལ་མཚན་གྱི་འགྱུར) (སློབ་དཔོན་ཐ་ག་ནས་མཛད་པའི) གསང་འདུས་འགྲེལ་པ། (རིན་ཆེན་བཟང་པོའི་འགྱུར) (སློབ་དཔོན་རྡོ་རྗེ་བཞད་པས་མཛད་པའི) གསང་འདུས་ལེའུ་བཅུ་བདུན་གྱི་འགྲེལ་པ། (བཻ་རོ་ཙ་ནའི་འགྱུར) གསང་འདུས་རྒྱུད་ཕྱི་མ་དང་བཅས་པའི་འགྲེལ་པ། (སློབ་དཔོན་ཀུན་དགའ་སྙིང་པོས་མཛད་པའི) གསང་འདུས་དཀའ་འགྲེལ། (རིན་ཆེན་བཟང་པོའི་འགྱུར) འགྲེལ་ཆེན། (ཕྲ་རིང་གི་རང་འགྱུར་དུ་གྲགས་པ) ལྷ་མོ་བཞིས་ཞུས་ཀྱི་འགྲེལ་པ། (སློབ་དཔོན་ཡེ་ཤེས་སྙིང་པོས་མཛད་པ། སྨྲ་ཏིའི་རང་འགྱུར) ཀུན་ཏུ་བཟང་པོའི་སྦྱིན་སྲེག་གི་ཆོ་ག (མར་མེ་མཛད་ཡེ་ཤེས་ཀྱིས་མཛད་པའི) གསང་འདུས་སྒྲུབ་ཐབས། (རིན་ཆེན་བཟང་པོའི་འགྱུར) དེའི་རྣམ་བཤད། (ཀུན་ཏུ་བཟང་པོས་མཛད་པ། སུ་ག་ཏའི་རང་འགྱུར) (སློབ་དཔོན་བསོད་སྙོམས་པས་མཛད་པའི) གསང་འདུས་ཀྱི་དཀྱིལ་ཆོག་དང་སྒྲུབ་ཐབས་དང༌། (ཁ་ཆེ་རིན་ཆེན་རྡོ་རྗེས་མཛད་པའི) མི་བསྐྱོད་རྡོ་རྗེའི་སྒྲུབ་ཐབས་རྣམས། (རིན་ཆེན་བཟང་པོའི་འགྱུར) (སློབ་དཔོན་ངག་གི་དབང་ཕྱུག་གྲགས་པས་མཛད་པའི) གསང་འདུས་ཀྱི་དཀྱིལ་ཆོག་མདོར་བསྡུས། (ཆོས་ཀྱི་དབང་ཕྱུག་གི་འགྱུར) (སློབ་དཔོན་རྒྱལ་བས་བྱིན་གྱིས་མཛད་པའི) དཔལ་དགའ་བའི་སྒྲུབ་ཐབས། (སུ་ནྱ་ཤྲཱིས་མཛད་པའི) འཇམ་དཔལ་རྡོ་རྗེའི་སྒྲུབ་ཐབས་ (གཞོན་ནུ་འབར་གྱི་འགྱུར) གསང་འདུས་མི་བསྐྱོད་པའི་སྒྲུབ་ཐབས། (སྨྲ་ཏིའི་རང་འགྱུར) དཔལ་དགའ་བའི་རྡོ་རྗེའི་དབང་རབ་བྱེད། (བ་རིའི་འགྱུར) (སློབ་དཔོན་ངག་གི་དབང་ཕྱུག་གྲགས་པས་མཛད་པའི) ཡན་ལག་བདུན་ལྡན་དེ་ཁོ་ཉིད་རིན་པོ་ཆེ་སྣང་བ་རྩ་འགྲེལ། (འགོས་འགྱུར) (སློབ་དཔོན་འཕགས་པ་ལྷས་མཛད་པའི) དུག་ལྔ་སྦས་པའི་ལམ་མཆོག་ཏུ་གསང་བ་བསམ་གྱིས་མི་ཁྱབ་པ། རྡོ་རྗེ་སེམས་དཔའི་སྒྲུབ་ཐབས་ (ཨནྡྲི་བྷཱུ་ཏིས་མཛད་པ) དཔལ་བདེ་མཆོག་ཆེན་པོ་རྡོ་རྗེ་སེམས་དཔའི་སྒྲུབ་ཐབས། (སློབ་དཔོན་ཐུ་བོ་རཱ་ཧ་ཏིས་མཛད་པའི) རྡོ་རྗེ་སེམས་དཔའ་རྗེས་སུ་དྲན་པའི་ཆོ་ག (སློབ་དཔོན་རབ་འཇིགས་རྡོ་རྗེས་མཛད་པའི) སྦྱིན་སྲེག་གི་ཆོ་ག (རིན་ཆེན་བཟང་པོའི་འགྱུར) (སློབ་དཔོན་རཏྣ་ཀིརྟིས་མཛད་པའི) བསྟན་པའི་ནོར་ཐམས་ཅད་པའི་སྒྲུབ་ཐབས། རྡོ་རྗེ་སེམས་དཔའི་གསང་དོན། རྣམ་པར་སྣང་མཛད་ཀྱི་གསང་དོན། ཧེ་རུ་ཀའི་གསང་དོན། པདྨ་གར་དབང་གི་གསང་དོན། རིན་ཆེན་ཉི་མའི་གསང་དོན། རྟ་མཆོག་རོལ་པའི་གསང་དོན་རྣམ་པར་འགོད་པ་རྣམས། (སློབ་དཔོན་ཀུ་ཀུ་རཱ་ཛས་མཛད་པར་གྲགས་པ། ལྷ་རིན་པོ་ཆེའི་འགྱུར) (སྨྲ་ཏིས་མཛད་པའི) ལྷ་མོ་བཞིས་ཞུས་ཀྱི་འགྲེལ་པ། (དེའི་རང་འགྱུར) (སློབ་དཔོན་སྨན་པའི་ཞབས་ཀྱིས་མཛད་པའི) གསང་འདུས་ལེའུ་བཅོ་བརྒྱད་པའི་འགྲེལ་པ་ཡང་དག་རིག་བྱེད། (ལྷ་ཡེ་ཤེས་རྒྱལ་མཚན་གྱི་འགྱུར) སྦྱོར་བ་ཡན་ལག་དྲུག་པའི་འགྲེལ་པ། (སློབ་དཔོན་ཟླ་བ་གྲགས་པས་མཛད་པ་རིན་ཆེན་བཟང་པོའི་འགྱུར) སངས་རྒྱས་ཡེ་ཤེས་ཞབས་ཀྱི་སྦྱོར་བ་ཡན་ལག་དྲུག་གི་འགྲེལ་པ། (སྨྲ་ཏིས་མཛད་པ) ཡེ་ཤེས་ཞབས་ལུགས་ཀྱི་སྦྱོར་བ་ཡན་ལག་དྲུག་པ། (སློབ་དཔོན་མི་གནས་རྡོ་རྗེས་མཛད་པའི) གསང་འདུས་ལྷ་སུམ་ཅུ་རྩ་གཉིས་ཀྱི་བསྟོད་པ། (རིན་ཆེན་བཟང་པོའི་འགྱུར) (མར་མེ་མཛད་ཡེ་ཤེས་ཀྱིས་མཛད་པའི) གསང་བ་འདུས་པའི་བསྟོད་པ་ (རིན་ཆེན་བཟང་པོའི་འགྱུར) (སློབ་དཔོན་དགའ་བའི་རྡོ་རྗེས་མཛད་པའི) དབང་གི་བྱ་བ་མདོར་བསྡུས་པ་ལ། (མཻ་ཏྲི་པས་མཛད་པ) བཞི་པ་བཏགས་པ། (མཚུར་གྱི་འགྱུར) དབང་དེར་གཏད་པ་མདོར་བསྡུས་པ་སྟེ་ (བརྒྱ་དང་བཅུ་བཞིའོ) ཕྱི་མ་གཉིས་མ་ཚུད་དོ། །སློབ་དཔོན་སངས་རྒྱས་ཡེ་ཤེས་ཀྱིས་མཛད་པའི་ཡན་ལག་བཞི་པའི་སྒྲུབ་ཐབས་དང༌། དེའི་འགྲེལ་པ་གནས་ལྡན་དང༌། ཀུན་ཏུ་བཟང་པོས་སྦྱར་བ་དང་གསུམ་རྔོག་འགྱུར་མ་རྙེད་དོ། །ཞེས་བུ་སྟོན་རིན་པོ་ཆེའི་ཆོས་འབྱུང་ལས་གསུངས་པ་ལྟར་བཀོད།རིན་པོ་ཆེའི་ཆོས་འབྱུང་ལས་གསུངས་པ་ལྟར་བཀོད།)
• Dictionaries/sgom sde tshig mdzod chenmo/1421  + ((གསང་སྔགས) དཔལ་གསང་བ་འདུས་པའི་རྫོགས་རིམ་ལ་ … (གསང་སྔགས) དཔལ་གསང་བ་འདུས་པའི་རྫོགས་རིམ་ལ་ལྔ། སྡིག་སྒྲིབ་དག་པར་བྱེད་པ་རྡོ་རྗེ་སེམས་དཔའི་སྒོམ་བཟླས་ཀྱི་ཁྲིད། བྱིན་རླབས་འཇུག་པར་བྱེད་པ་བླ་མའི་རྣལ་འབྱོར་གྱི་ཁྲིད། གཞི་དངོས་པོའི་གནས་ཚུལ། ལམ་བགྲོད་པའི་རིམ་པ། འབྲས་བུ་མངོན་དུ་བྱེད་ཚུལ་དང་ལྔའོ། །གཞི་དངོས་པོའི་གནས་ཚུལ་ལ། ལུས་ཀྱི་གནས་ཚུལ། སེམས་ཀྱི་གནས་ཚུལ། ལུས་སེམས་ཐུན་མོང་བའི་གནས་ཚུལ་དང་གསུམ། ལུས་དངོས་པོའི་གནས་ཚུལ་ལ། རགས་པ། ཕྲ་བ། ཤིན་ཏུ་ཕྲ་བ་དང་གསུམ། ཕྲ་བ་ལ། གནས་པ་རྩ། གཡོ་བ་རླུང་། བཀོད་པ་བྱང་ཆུབ་ཀྱི་སེམས་རྣམས་སོ། །ལམ་བགྲོད་པའི་རིམ་པ་ལ་དྲུག་སྟེ། (བསྐྱེད་རིམ་ནི་སྔགས་ལམ་གྱི་ཚོགས་ལམ་ཡིན་ལ) ༡ ལུས་དབེན་སྐུ་རྡོ་རྗེའི་ཏིང་ངེ་འཛིན། (ལུས་དབེན་སྔགས་ལམ་གྱི་སྦྱོར་ལམ་དྲོད) ༢ ངག་དབེན་གསུང་རྡོ་རྗེའི་ཏིང་ངེ་འཛིན། (ངག་དབེན་སྦྱོར་ལམ་རྩེ་མོ) ༣ སེམས་དབེན་ཐུགས་རྡོ་རྗེའི་ཏིང་ངེ་འཛིན། (སེམས་དབེན་སྦྱོར་ལམ་བཟོད་པ) ༤ ཀུན་རྫོབ་སྒྱུ་ལུས་ཀྱི་རྫོགས་རིམ། (མ་དག་པའི་སྒྱུ་ལུས་སྦྱོར་ལམ་ཆོས་མཆོག) ༥ དོན་དམ་འོད་གསལ་གྱི་རྫོགས་རིམ། (དོན་གྱི་འོད་གསལ་ཐེག་ཆེན་གྱི་མཐོང་ལམ) ༦ དབྱེར་མེད་ཟུང་འཇུག་གི་རྫོགས་རིམ་དང་དྲུག་གོ། (སློབ་པའི་ཟུང་འཇུག་སྒོམ་ལམ་དང་། མི་སློབ་པའི་ཟུང་འཇུག་མི་སློབ་ལམ་ཡིན་པ་བཅས་སོ) རྫོགས་རིམ་རིམ་ལྔ་ནི་ལུས་དབེན་ངག་དབེན་དུ་བསྡུས་ནས་ལྷག་མ་ལྔ་ལ་རིམ་ལྔ་ཟེར་རོ། །ལུས་དབེན་ལ་བསྐྱེད་རིམ་པའི་ལུས་དབེན་དང་། རྫོགས་རིམ་པའི་ལུས་དབེན་གཉིས་ཡོད། བསྲེ་བ་སྐོར་དགུ་ནི། སད་དུས་ཀྱི་བསྲེ་བ་སྐོར་གསུམ། གཉིད་དུས་ཀྱི་བསྲེ་བ་སྐོར་གསུམ། འཆི་དུས་ཀྱི་བསྲེ་བ་སྐོར་གསུམ་དང་དགུའོ། །དེ་ཡང་སད་དུས་ཀྱི་འོད་གསལ་ཆོས་སྐུ་དང་བསྲེ་བ། སད་དུས་ཀྱི་སྒྱུ་ལུས་ལོངས་སྐུ་དང་བསྲེ་བ། སད་དུས་ཀྱི་ལོངས་སྐུ་ལས་ལངས་པ་སྤྲུལ་སྐུ་དང་བསྲེ་བ་དང་གསུམ། གཉིས་པ་ལ་གཉིད་དུས་ཀྱི་འོད་གསལ་ཆོས་སྐུ་དང་བསྲེ་བ། རྨི་ལམ་ལོངས་སྐུ་དང་བསྲེ་བ། གཉིད་སད་པ་སྤྲུལ་སྐུ་དང་བསྲེ་བ་དང་གསུམ་མོ། །གསུམ་པ་ལ་འཆི་བ་འོད་གསལ་ཆོས་སྐུ་དང་བསྲེ་བ། བར་དོ་ལོངས་སྐུ་དང་བསྲེ་བ། སྐྱེ་བ་སྤྲུལ་སྐུ་དང་བསྲེ་བ་དང་གསུམ་མོ། །༼རིམ་པ་དང་པོ་ལུས་དབེན་ནི༽ སྙིང་གའི་སྣ་རྩེར་ (སྙིང་གའི་སྣ་རྩེ་ཞེས་པ་སྙིང་གའི་རྩ་འཁོར་གྱི་རྩ་མདུད་ཀྱི་དབུས་ལ་ཟེར) སྔགས་ཀྱི་ཐིག་ལེའི་སྲོག་རྩོལ། གདོང་གི་སྣ་རྩེར་ (གདོང་གི་སྣ་རྩེ་ཞེས་པ་སྨིན་མཚམས་ཀྱི་དབུས་ཀྱི་རྩ་དབུ་མའི་ཡར་སྣེ་ལ་ཟེར) འོད་ཀྱི་ཐིག་ལེའི་སྲོག་རྩོལ། གསང་བའི་སྣ་རྩེར་ (གསང་བའི་སྣ་རྩེ་ནི་རྩ་དབུ་མའི་མར་སྣེའམ་ཕོ་མོའི་རྟགས་ཀྱི་རྩེ་ལ་ཟེར) རྫས་ཀྱི་ཐིག་ལེའི་སྲོག་རྩོལ་དང་གསུམ་མོ། །༼ རིམ་པ་གཉིས་པ་ངག་དབེན་ནི ༽ ཕྱིའི་རྐྱེན་ལས་རྒྱ་དང་། ནང་གི་རྐྱེན་ཁྱབ་བྱེད་ཀྱི་རླུང་ལ་རྡོར་བཟླས་དང་། རྗེས་གཞིག་འདྲ་བའི་རླུང་གི་དུས་རིམ་དང་སྙིང་ཁའི་བུམ་པ་ཅན་ནོ། །༼ རིམ་པ་གསུམ་པ་སྒྱུ་ལུས་ནི ༽ ཀུན་རྫོབ་སྒྱུ་ལུས་ཀྱི་དཔེ་བཅུ་གཉིས་ཏེ། སྒྱུ་མ་ཆུ་ཟླ་མིག་ཡོར་གསུམ། །རྨི་ལམ་སྨིག་སྒྱུ་བྲག་ཆ་དྲུག །དྲི་ཟ་མིག་འཕྲུལ་འཇའ་མཚོན་དགུ། །ཆུ་བུར་གློག་དང་སྐུ་བརྙན་ཏེ། །སྒྱུ་མའི་དཔེ་ནི་བཅུ་གཉིས་སོ། །རིམ་པ་བཞི་པ་དོན་གྱི་འོད་གསལ་གྱི་རྫོགས་རིམ་ཐོབ་པ། མ་དག་པའི་སྒྱུ་མའི་སྐུ་འོད་གསལ་དུ་དག་པ། གང་ཟག་དེ་འཕགས་པར་སོང་བ། ས་དང་པོའམ་ཐེག་ཆེན་མཐོང་ལམ་ཐོབ་པ། ཉོན་སྒྲིབ་ཀུན་བཏགས་ལྷན་སྐྱེས་གཉིས་ཀའི་དངོས་གཉེན་བར་ཆད་མེད་ལམ་ཐོབ་པ། འོད་གསལ་ཕྱག་རྒྱ་ཆེན་པོའི་ཡེ་ཤེས་ཐོབ་པ་དྲུག་དུས་མཉམ་པ་ཡིན་ནོ། །རིམ་པ་བཞི་པའི་དོན་གྱི་འོད་གསལ་དེ་ལས་ལུགས་ལྡོག་གི་ཉེར་ཐོབ་གྲུབ་པ། དག་པའི་སྒྱུ་མའི་སྐུ་ཐོབ་པ། ཉོན་སྒྲིབ་སྤངས་པའི་སྤངས་པ་ཟུང་འཇུག་ཐོབ་པ། གང་ཟག་དེ་དགྲ་བཅོམ་པར་གྱུར་པནམ་མཁའ་ཇི་སྲིད་བར་དུ་གནས་པའི་འཇའ་ལུས་རྡོ་རྗེའི་སྐུ་ཐོབ་པ་དྲུག་དུས་མཉམ་མོ། །༼ རིམ་པ་ལྔ་པ་ཟུང་འཇུག་ནི ༽ དེ་འདྲའི་མཉམ་བཞག་དེ་ལས་ལྡང་ནས། ཡང་སྨིག་སྒྱུ་དེ་ནས་འོད་གསལ་བར་དུ་འཆར། འོད་གསལ་དེ་ནི་རྟོགས་པ་ཟུང་འཇུག་ཡིན་པས། སྐུ་དག་པ་སྒྱུ་མའི་སྐུ་དང་ཐུགས་དག་པ་དོན་གྱི་འོད་གསལ་གཉིས་སྐུ་ཐུགས་ངོ་བོ་ཟུང་དུ་འཇུག་པའི་སློབ་པའི་ཟུང་འཇུག་ཕྱག་རྒྱ་ཆེན་པོ་མཆོག་གི་དངོས་གྲུབ་པའོ། །དེ་ནས་སྤྲོས་བཅས། སྤྲོས་མེད། ཤིན་ཏུ་སྤྲོས་མེད་ཀྱི་སྤྱོད་པ་གང་རུང་ཞིག་ཟླ་བ་དྲུག་གསུམ་བཅོ་བརྒྱད་གང་རུང་སྤྱོད་ཅིང་། སློབ་པ་མཐའ་ཡི་དོན་གྱི་འོད་གསལ་གྱིས་ཤེས་སྒྲིབ་སྤངས་ཏེ། ཁ་སྦྱོར་ཡན་ལག་བདུན་ལྡན་ནམ། དབང་ཕྱུག་བརྒྱད་ལྡན་མི་སློབ་པའི་ཟུང་འཇུག་གི་གོ་འཕང་མངོན་དུ་བྱེད་པ་ཡིན་ནོ། །ཡན་ལག་བདུན་ནི། ལོངས་སྤྱོད་རྫོགས་དང་ཁ་སྦྱོར་བདེ་ཆེན་རང་བཞིན་མེད། །སྙིང་རྗེས་ཡོངས་གང་རྒྱུན་མི་ཆད་དང་འགོག་པ་མེད། །ཅེས་གསུངས་སོ། །དབང་ཕྱུག་བརྒྱད་ནི། སྐུ་དང་གསུང་དང་ཐུགས་ཀྱི་དབང་ཕྱུག་དང་། །རྫུ་འཕྲུལ་ཀུན་འགྲོ་གནས་ཀྱི་དབང་ཕྱུག་དང་། །ཅི་འདོད་བསྐྱེད་དང་ཡོན་ཏན་དབང་ཕྱུག་བརྒྱད། །ཅེས་གསུངས་སོ། །དཔལ་གསང་འདུས་འཕགས་ལུགས་ཀྱི་རྫོགས་རིམ་གྱི་ས་བཅད་བསྡུས་དོན་རྫོགས་སོ། །་རྫོགས་རིམ་གྱི་ས་བཅད་བསྡུས་དོན་རྫོགས་སོ། །)
• Dictionaries/sgom sde tshig mdzod chenmo/9952  + ((གསང་སྔགས) དཔལ་གསང་བ་འདུས་པའི་སྒྲུབ་ཐབས་ཀྱ … (གསང་སྔགས) དཔལ་གསང་བ་འདུས་པའི་སྒྲུབ་ཐབས་ཀྱི་ཆིངས་སམ་སྡོམ་བཞི་ནི། སྟོང་ཉིད་བྱང་ཆུབ་ཀྱི་རྡོ་རྗེ། ས་བོན་བསྡུས་པའི་དེ་ཉིད། གཟུགས་ཉིད་རྫོགས་པའི་དེ་ཉིད། ཡི་གེ་འགོད་པའི་རྡོ་རྗེ་དང་བཞིའོ། །དེ་ཡང་གནས་ཀྱི་དེ་ཉིད་ནས། དེ་བཞིན་ཉིདམི་ལས་བྱང་ཆུབ་པའི་དེ་ཉིད་ཀྱི་བར་ནི། སྟོང་ཉིད་བྱང་ཆུབ་ཀྱི་རྡོ་རྗེ་དང༌། ཉི་མ་སོགས་ལ་དམིགས་ནས་ལྡང་བའི་དེ་ཉིད་ནས། ཕྱག་མཚན་ལས་བྱང་ཆུབ་པའི་དེ་ཉིད་ཀྱི་བར་ནི། ས་བོན་བསྡུས་པའི་རྡོ་རྗེ། སྐུ་རྫོགས་པ་ལས་བྱང་ཆུབ་པའི་དེ་ཉིད་ནས། ཡག་ལག་ཁྲོ་བོར་བསྐྱེད་པའི་དེ་ཉིད་ཀྱི་བར་ནི། གཟུགས་ཉིད་རྫོགས་པའི་རྡོ་རྗེ། སྒྲུབ་ཐབས་བསྡུས་པ་ལྟར་ན། སྐུ་བྱིན་གྱིས་རློབ་པ་ནས། མཆོད་པའི་དེ་ཉིད་ཀྱི་བར་དང༌། རྒྱས་པ་ལྟར་ན། སྐུ་བྱིན་གྱི་རློབ་པ་ནས། སྟེང་སྒོར་ཕྱག་མཚན་ཕྲ་མོའི་དེ་ཉིད་ཀྱི་བར་ནི། ཡི་གེ་འགོད་པའི་རྡོ་རྗེ་ཡིན་ནོ། །རྗེའི་གསང་འདུས་ཀྱི་གསུང་ཟིན་བློ་གསལ་བུང་བའི་རེ་སྐོང་ལས་གསུངས་པ་ལྟར་བཀོད།ོ་གསལ་བུང་བའི་རེ་སྐོང་ལས་གསུངས་པ་ལྟར་བཀོད།)
• Dictionaries/sgom sde tshig mdzod chenmo/12366  + ((གསང་སྔགས) དབང་གི་ཆུ་བོ་མ་ནུབ་པ། བྱིན་རླབས … (གསང་སྔགས) དབང་གི་ཆུ་བོ་མ་ནུབ་པ། བྱིན་རླབས་ཀྱི་བརྒྱུད་པ་མ་ཉམས་པ། གདམས་ངག་གི་སརྒ་མ་ལོག་པ། མོས་གུས་ཀྱིས་བསམ་པ་ཚིམ་པ་སྟེ་བཞིའོ། །དེ་ཡང་དབང་གི་ཆུ་བོ་མ་ནུབ་པ། (གསང་སྔགས) དབང་གི་ཆུ་བོ་མ་ནུབ་པ་ནི། བླ་མ་ལས་དབང་བཞི་ནོད་ཉིན་ནས་བརྩམས་ཏེ་ཉིན་རེ་བཞིན་ཏིང་ངེ་འཛིན་གྱི་དབང་བཞི་བྱིན་རླབས་རེ་མ་ཆག་པར་བགྱིས་ན་དབང་གི་བྱིན་རླབས་མི་ཡལ་བར་གནས་པའི་དོན་ཡིན། དཔེར་ན་ཚེས་གཅིག་ཉིན་དབང་ནོད་ན་ཚེས་གཉིས་ཀྱི་སྐྱ་རེངས་ཤར་བ་ནས་ཚེས་གསུམ་གྱི་སྐྱ་རེངས་ཤར་ཁ་ཚུན་ལ་དབང་བཞི་རེ་མ་བྱུང་ན་བྱིན་རླབས་ཡལ་བར་འགྱུར་བས། ཉིན་རེ་བཞིན་ཏིང་ངེ་འཛིན་གྱི་དབང་བཞི་རེ་བླང་བར་བྱས་ན་དབང་གི་ཆུ་བོ་མ་ནུབ་པར་འགྱུར་ལ། དེ་ཡང་དབང་བཞི་རྒྱས་པར་མི་དགོས་པར་སྤྱི་འགྲེ་བསྡུས་པ་དེ་གས་རུང་བར་གསུང་ངོ༌། །ཁོ་བོ་ལྟར་ན་དེའི་དོན་ནི། བླ་མའི་དྲུང་ནས་བླ་མེད་ཀྱི་དབང་ཞུས་ཏེ་དེའི་བརྒྱུད་པ་མ་ཉམས་པ་ཡོད་པ་ལ་ཟེར་ཏེ། མཁས་གྲུབ་རིན་པོ་ཆེའི་གསུང་འཐོར་བུ་༡༤༣བ༦ལས། དང་པོ་ལྟར་ན། དེ་དག་ལ་རྒྱུ་དུས་ཀྱི་དབང་གི་ཆུ་བོ་ནུབ་བམ་མ་ནུབ། མ་ནུབ་ན་དབང་གི་ཆུ་བོ་ནུས་པ་འགལ། གྲུབ་ཆེན་བི་ར་ཝ་པ་ལ་སྙན་བརྒྱུད་བཞིས་གདམས་པའི་དོན་འཆད་པ་ན། བདག་མེད་ལྷ་མོ་བཅོ་ལྔས་རྒྱུ་དུས་ཀྱི་དབང་བཞི་རྫོགས་པར་བསྐུར་བ་ལ་དབང་གི་ཆུ་བོ་མ་ནུབ་པར་གསུངས་གདའ། དེ་དག་ལ་རྒྱུ་དུས་ཀྱི་དབང་གི་ཆུ་བོ་ནུབ་ན། གསང་འདུས། བདེ་མཆོག དུས་འཁོར་སོགས་ཐམས་ཅད་ཀྱི་དབང་གི་བརྒྱུད་པ་ཆད་ནས་མེད་པར་ཁས་ལོངས་ཤིག །ཅེས་གསུངས་པ་ལྟར་རོ། །བྱིན་རླབས་ཀྱི་བརྒྱུད་པ་མ་ཉམས་པ་ནི། བླ་མ་སྔ་མ་སྔ་མའི་བྱིན་རླབས་ཀྱིས་རྒྱུད་སྡེ་དང་མཐུན་པའི་རྟོགས་པ་སྐྱེས་པ་ལ་ཟེར། མཁས་གྲུབ་ཐམས་ཅད་མཁྱེན་པའི་གསུང་འཐོར་བུ་༡༤༤ན་༣ལས། གཉིས་པ་ལྟར་ན་བོད་ཀྱི་མཁས་གྲུབ་ཁྱད་པར་ཅན་དེ་དག་སུ་ལའང་། བླ་མ་སྔ་མ་སྔ་མའི་བྱིན་རླབས་ཀྱིས་ཕྱི་མ་ཕྱི་མའི་ཐུགས་རྒྱུད་ལ་རྒྱུད་སྡེ་དང་མཐུན་པའི་རྟོགས་པ་སྣ་གཅིག་ཀྱང་མ་སྐྱེས་པར་འགྱུར་བས། མར་པ་ལོ་ཙཱ་བ་དང་མིད་ལ་རས་པ་དང་། ལོ་ཆེན་རིན་བཟང་སོགས་དེ་དག་ལ། རྒྱུད་སྡེ་དང་མཐུན་པའི་རྟོགས་པ་སྣ་གཅིག་ཀྱང་ཐུགས་རྒྱུད་ལ་འཁྲུངས་མ་མྱོང་ངོ་ཞེས་སྨྲ་བ་འདི་ལྟ་བུ་ལས་འཆལ་གཏམ་ཆེ་བ་གང་ཞིག་སྨྲ་རྒྱུ་ཡོད། ཅེས་གསུངས་པ་ལྟར་རོ། །གདམས་ངག་གི་སརྐ་མ་ལོག་པ་ནི། ཏིང་ངེ་འཛིན་གྱི་བྲོད་རྟགས་ལ་བྲོད་རྟགས་སུ་ངོ་ཤེས་པ་ལ་ཟེར། མཁས་གྲུབ་ཐམས་ཅད་མཁྱེན་པའི་གསུང་འཐོར་བུ་༡༤༤ན་༥ལས། གདམས་ངག་གི་སརྐ་མ་ལོག་པ་བྱ་བ། ཏིང་ངེ་འཛིན་གྱི་བྲོད་རྟགས་ལ་བྲོད་རྟགས་སུ་ངོ་ཤེས་པ་ལ་ཟེར་བ་ཡིན། ཞེས་གསུངས་སོ། །མོས་གུས་ཀྱི་བསམ་པ་ཚིམ་པ་ནི། རྒྱུད་སྡེ་དང་མཐུན་པའི་རང་རྒྱུད་ཀྱི་རྟོགས་པ་ལ་ཉམས་མྱོང་གི་སྟོབས་ཀྱིས་ངེས་ཤེས་ཁྱད་པར་ཅན་སྐྱེས་པ་ལ་ཟེར། མཁས་གྲུབ་རིན་པོ་ཆེའི་གསུང་འཐོར་བུ་༡༤༣བ༦ལས། མོས་གུས་ཀྱིས་བསམ་པ་ཚིམ་པ་བྱ་བ། རང་རྒྱུད་ལ་ཉམས་སུ་མྱོང་བའི་རྒྱུད་སྡེ་དང་མཐུན་པའི་རྟོགས་པ་ལ་ཉམས་མྱོང་གི་སྟོབས་ཀྱིས་ངེས་ཤེས་ཁྱད་པར་སྐྱེས་པ་ལ་ཟེར་བ་ཡིན། ཞེས་གསུངས་སོ། །ྱད་པར་སྐྱེས་པ་ལ་ཟེར་བ་ཡིན། ཞེས་གསུངས་སོ། །)
• Dictionaries/sgom sde tshig mdzod chenmo/3448  + ((གསང་སྔགས) དབང་བཞི་ལེགས་པར་ཐོབ་སྟེ་དེའི་བར … (གསང་སྔགས) དབང་བཞི་ལེགས་པར་ཐོབ་སྟེ་དེའི་བརྒྱུད་པ་མ་ཉམས་པར་ཡོད་པ་ལ་ཟེར་ཏེ། མཁས་གྲུབ་རིན་པོ་ཆེའི་གསུང་འཐོར་བུ་༡༤༣བ༦ལས། དང་པོ་ལྟར་ན། དེ་དག་ལ་རྒྱུ་དུས་ཀྱི་དབང་གི་ཆུ་བོ་ནུབ་བམ་མ་ནུབ། མ་ནུབ་ན་དབང་གི་ཆུ་བོ་ནུས་པ་འགལ། གྲུབ་ཆེན་བི་ར་ཝ་པ་ལ་སྙན་བརྒྱུད་བཞིས་གདམས་པའི་དོན་འཆད་པ་ན། བདག་མེད་ལྷ་མོ་བཅོ་ལྔས་རྒྱུ་དུས་ཀྱི་དབང་བཞི་རྫོགས་པར་བསྐུར་བ་ལ་དབང་གི་ཆུ་བོ་མ་ནུབ་པར་གསུངས་གདའ། དེ་དག་ལ་རྒྱུ་དུས་ཀྱི་དབང་གི་ཆུ་བོ་ནུབ་ན། གསང་འདུས། བདེ་མཆོག དུས་འཁོར་སོགས་ཐམས་ཅད་ཀྱི་དབང་གི་བརྒྱུད་པ་ཆད་ནས་མེད་པར་ཁས་ལོངས་ཤིག །ཅེས་གསུངས་པ་ལྟར་རོ། །གཞན་དག་གིས། བླ་མ་ལས་དབང་བཞི་ནོད་ཉིན་ནས་བརྩམས་ཏེ་ཉིན་རེ་བཞིན་ཏིང་ངེ་འཛིན་གྱི་དབང་བཞི་བྱིན་རླབས་རེ་མ་ཆག་པར་བགྱིས་ན་དབང་གི་བྱིན་རླབས་མི་ཡལ་བར་གནས་པའི་དོན་ཡིན། དཔེར་ན་ཚེས་གཅིག་ཉིན་དབང་ནོད་ན་ཚེས་གཉིས་ཀྱི་སྐྱ་རེངས་ཤར་བ་ནས་ཚེས་གསུམ་གྱི་སྐྱ་རེངས་ཤར་ཁ་ཚུན་ལ་དབང་བཞི་རེ་མ་བྱུང་ན་བྱིན་རླབས་ཡལ་བར་འགྱུར་བས། ཉིན་རེ་བཞིན་ཏིང་ངེ་འཛིན་གྱི་དབང་བཞི་རེ་བླང་བར་བྱས་ན་དབང་གི་ཆུ་བོ་མ་ནུབ་པར་འགྱུར་ལ། དེ་ཡང་དབང་བཞི་རྒྱས་པར་མི་དགོས་པར་སྤྱི་འགྲེ་བསྡུས་པ་དེ་གས་རུང་བར་གསུང་ངོ༌། །སྤྱི་འགྲེ་བསྡུས་པ་དེ་གས་རུང་བར་གསུང་ངོ༌། །)
• Dictionaries/sgom sde tshig mdzod chenmo/1442  + ((གསང་སྔགས) འཕགས་པ་ཀླུ་སྒྲུབ་ཞབས་ཀྱི་མན་ངག་ … (གསང་སྔགས) འཕགས་པ་ཀླུ་སྒྲུབ་ཞབས་ཀྱི་མན་ངག་ལས་བྱུང་བའི་གསང་བ་འདུས་པའི་ཆོས་སྐོར་དང༌། དེའི་ཡི་དམ་བཅས་ཀྱི་མིང་། གསང་འདུས་འཕགས་ལུགས་ནི་ཡོངས་གྲགས་ཀྱི་གསང་བ་འདུས་པ་དེ་ཡིན། འདི་ལ་ཡབ་ཡུམ་སོ་སོར་བགྲངས་ན་ལྷ་སོ་གཉིས་ཡོད། སྐུ་མདོག་ཕྱག་མཚན་སོགས་ཀྱི་མཚོན་དོན་ནི། ཞལ་ལ་ནག་དཀར་དམར་བའི་ཁ་དོག་སྣ་ཚོགས་པ་ཡོད་པ་དེས། སྲོག་འཛིན་གྱི་རླུང་ལ་ཁ་དོག་སྣ་ཚོགས་ཡོད་པ་དེ་མཚོན་ཞིང༌། སྒྱུ་ལུས་རྩལ་དུ་འདོན་པས་རྩ་ཞལ་ནག་པོ་བྱས། གཡས་ཞལ་གྱིས་སྒྱུ་ལུས་དང་རོ་མ་དཀར་མོ་སྟེ་ར་ས་ནཱ། གཡོན་གྱིས་འོད་གསལ་དང་རྐྱང་མ་དམར་མོ་སྟེ་ལ་ལཱ་ན། རྩ་ཞལ་གྱིས་ཟུང་འཇུག་དང་རྩ་དབུ་མ་མཚོན། ཡང་དཀར་པོས་སྣང་བ། དམར་པོས་མཆེད་པ། ནག་པོས་ཉེར་ཐོབ། གསུམ་ཀས་ཟུང་འཇུག་མཚོན། གསང་འདུས་ཀྱི་ལྷ་ཐམས་ཅད་ཞལ་གསུམ་པར་ཡོད་པའི་མཚོན་དོན་ནི། གཡས་ཞལ་གྱིས་ཐབས་བདེ་བ་ཆེན་པོའི་ཡེ་ཤེས། གཡོན་ཞལ་གྱིས་སྟོང་ཉིད་རྟོགས་པའི་ཤེས་རབ། རྩ་ཞལ་གྱིས་བདེ་བ་དང་སྟོང་པ་དབྱེར་མེད་པ་མཚོན་པ་ཡིན། ཡང་ན་གཡས་ཞལ་གྱིས་ཀུན་རྫོབ་བདེན་པ་སྒྱུ་མའི་སྐུ་དང༌། གཡོན་ཞལ་གྱིས་ཤེས་རབ་དོན་དམ་བདེན་པ་བདེ་བ་ཆེན་པོའི་ཡེ་ཤེས། རྩ་ཞལ་གྱིས་དེ་གཉིས་སྐུ་དང་ཐུགས་སུ་ཟུང་དུ་འཇུག་པའི་ཟུང་འཇུག་མཚོན་ནོ། །མཚོན་དོན་དེ་དག་དྲན་པའི་སྒོ་ནས་ཞལ་གསུམ་པར་བསྒོམ་པ་ཡིན་ནོ། །ཞེས་རྗེའི་གསང་འདུས་བསྐྱེད་རིམ་བློ་གསལ་བུང་བའི་རེ་སྐོང་གསུང༌། ཕྱག་དྲུག་གིས་གཡས་པ་གསུམ་གྱིས་ལུགས་འབྱུང་གིས་སྟོང་པ་གསུམ་དང༌། གཡོན་པ་གསུམ་གྱིས་ལུགས་ལྡོག་གི་སྣང་བ་གསུམ་བཞོན་པའི་རླུང་དང་བཅས་པ་མཚོན། ཕྱག་གཡས་ཀྱི་དང་པོས་རྡོ་རྗེ་རྩེ་ལྔ་པ་ཐུགས་ཀར་འཛིན་པ་མི་བསྐྱོད་པ་དང༌། གཉིས་པས་འཁོར་ལོ་རྩིབས་བརྒྱད་པའམ་བཅུ་གཉིས་པ་རྣམ་སྣང༌། གསུམ་པས་པདྨ་དམར་པོ་འོད་དཔག་མེད། གཡོན་གྱི་ཕྱག་དང་པོས་ཐུགས་ཀར་དྲིལ་བུ་འཛིན་པ་རྡོ་རྗེ་འཆང༌། གཉིས་པས་རིན་པོ་ཆེ་རིན་འབྱུང༌། གསུམ་པས་རལ་གྲི་དོན་གྲུབ་ཀྱི་ཕྱག་མཚན་དང༌། དེ་བཞིན་དུ་རྣམ་སྣང་ལ་གཡས་འཁོར་ལོ་རྡོ་རྗེ་པདྨ་སོགས་རང་རང་གི་རིགས་ཀྱི་ཕྱག་མཚན་དང་པོ་མཛད་པ་མ་གཏོགས་ལྷ་རེ་རེས་ཀྱང་རིགས་དྲུག་གི་ཕྱག་མཚན་བསྣམས་པ་ནི། རྣམ་པ་རིགས་སོ་སོའི་ལྷར་སྣང་ཡང་དོན་ལ་ཐམས་ཅད་ཀྱང་རིགས་ཀུན་གྱི་ཁྱབ་བདག་དང༌། རིགས་དྲུག་ཀ་བསྡུས་པའི་བདག་ཉིད་ཡིན་པ་མཚོན་ནོ། །་དྲུག་ཀ་བསྡུས་པའི་བདག་ཉིད་ཡིན་པ་མཚོན་ནོ། །)
• Dictionaries/sgom sde tshig mdzod chenmo/1423  + ((གསང་སྔགས) འཕགས་ལུགས་ཀྱི་ཡི་དམ་གསང་བ་འདུས་ … (གསང་སྔགས) འཕགས་ལུགས་ཀྱི་ཡི་དམ་གསང་བ་འདུས་པའི་ཞལ་ཕྱག་གི་མཚོན་དོན་ནི། ཞལ་ལ་ནག་དཀར་དམར་བའི་ཁ་དོག་སྣ་ཚོགས་ཡོད་པ་དེས་སྲོག་འཛིན་གྱི་རླུང་ལ་ཁ་དོག་སྣ་ཚོགས་ཡོད་པ་དེ་མཚོན། སྒྱུ་ལུས་རྩལ་དུ་འདོན་པས་རྩ་ཞལ་ནག་པོར་ཡོད། གཡས་ཞལ་གྱིས་སྒྱུ་ལུས་དང་རོ་མ་དཀར་མོ་སྟེ་ར་ས་ནཱ། གཡོན་ཞལ་གྱིས་འོད་གསལ་དང་རྐྱང་མ་དམར་མོ་སྟེ་ལ་ལཱ་ན། རྩ་ཞལ་གྱིས་ཟུང་འཇུག་དང་རྩ་དབུ་མ་མཚོན། ཡང་དཀར་པོས་སྣང་བ། དམར་པོས་མཆེད་པ། ནག་པོས་ཉེར་ཐོབ། གསུམ་ཀས་ཟུང་འཇུག་མཚོན། ཕྱག་དྲུག་གིས་གཡས་པ་གསུམ་གྱིས་ལུགས་འབྱུང་གིས་སྟོང་པ་གསུམ་དང༌། གཡོན་པ་གསུམ་གྱིས་ལུགས་ལྡོག་གི་སྣང་བ་གསུམ་བཞོན་པའི་རླུང་དང་བཅས་པ་མཚོན། ཕྱག་གཡས་ཀྱི་དང་པོས་རྡོ་རྗེ་རྩེ་ལྔ་པ་ཐུགས་ཀར་འཛིན་པ་མི་བསྐྱོད་པ་དང༌། གཉིས་པས་འཁོར་ལོ་རྩིབས་བརྒྱད་པའམ་བཅུ་གཉིས་པ་རྣམ་སྣང༌། གསུམ་པས་པདྨ་དམར་པོ་འོད་དཔག་མེད། གཡོན་གྱི་ཕྱག་དང་པོས་ཐུགས་ཀར་དྲིལ་བུ་འཛིན་པ་རྡོ་རྗེ་འཆང༌། གཉིས་པས་རིན་པོ་ཆེ་རིན་འབྱུང༌། གསུམ་པས་རལ་གྲི་དོན་གྲུབ་ཀྱི་ཕྱག་མཚན་དང༌། དེ་བཞིན་དུ་རྣམ་སྣང་ལ་གཡས་འཁོར་ལོ་རྡོ་རྗེ་པདྨ་སོགས་རང་རང་གི་རིགས་ཀྱི་ཕྱག་མཚན་དང་པོ་མཛད་པ་མ་གཏོགས་ལྷ་རེ་རེས་ཀྱང་རིགས་དྲུག་གི་ཕྱག་མཚན་བསྣམས་པ་ནི། རྣམ་པ་རིགས་སོ་སོའི་ལྷར་སྣང་ཡང་དོན་ལ་ཐམས་ཅད་ཀྱང་རིགས་ཀུན་གྱི་ཁྱབ་བདག་དང༌། རིགས་དྲུག་ཀ་བསྡུས་པའི་བདག་ཉིད་ཡིན་པ་མཚོན། རིགས་དྲུག་ཀ་བསྡུས་པའི་བདག་ཉིད་ཡིན་པ་མཚོན།)
• Dictionaries/sgom sde tshig mdzod chenmo/1448  + ((གསང་སྔགས) རྗེ་ཙོང་ཁ་པ་ཆེན་པོས་མཛད་པའི་དཔལ … (གསང་སྔགས) རྗེ་ཙོང་ཁ་པ་ཆེན་པོས་མཛད་པའི་དཔལ་གསང་འདུས་སྨོན་ལམ་ཞེས་བྱ་བ་མདོ་སྔགས་ཀྱི་ལམ་གྱི་གནད་ཆ་ཚང་བར་སྟོན་པའི་སྨོན་ལམ་ཉུང་བསྡུས་བྱིན་རླབས་ཅན་ཞིག འདི་རྒྱུན་དུ་ཞལ་འདོན་བྱེད་ཐུབ་ན་ཕན་ཐོགས་ཆེན་པོ་ཡོད། འདི་ལ་གོ་བ་ལམ་ཙམ་ཆགས་པས་ཀྱང་མདོ་སྔགས་སྤྱི་དང་ལྷག་པར་སྔགས་ཀྱི་བསྐྱེད་རྫོགས་ཀྱི་ལམ་ལ་གོ་བ་རགས་རིམ་ཙམ་ཞིག་ཆགས་ཐུབ། གསང་འདུས་སྨོན་ལམ་འདི་རྗེའི་གསུང་ཐོར་བུ་༢༡༨ན༤ན་བཞུགས་སོ། །མ་འདི་རྗེའི་གསུང་ཐོར་བུ་༢༡༨ན༤ན་བཞུགས་སོ། །)
• Dictionaries/sgom sde tshig mdzod chenmo/8752  + ((གསང་སྔགས) རྡོ་རྗེ་སེམས་དཔའི་སྔགས། འདི་ཐེང … (གསང་སྔགས) རྡོ་རྗེ་སེམས་དཔའི་སྔགས། འདི་ཐེངས་ཉེར་གཅིག་རེ་བཏོན་ན་ལྟུང་བའི་འཕེལ་ཁ་ཆག་ཅིང་འབུམ་ཕྲག་བཟླས་ན་ལྟུང་བ་དག་པར་གསུངས་ཏེ། སྙིང་པོ་རྒྱན་བསྐྱེད་རིམ་དངོས་གྲུབ་རྒྱ་མཚོ་༡༦བ༡ཏུ་དྲངས་པ་ལས། ཡི་གེ་བརྒྱ་པ་ཆོ་ག་བཞིན། །ཉི་ཤུ་རྩ་ནི་རེ་རེ་བཟླས། །ལྟུང་སོགས་བྱིན་གྱིས་བརླབས་གྱུར་པས། །འཕེལ་བ་རུ་ནི་མི་འགྱུར་ཞེས། །གྲུབ་པ་མཆོག་རྣམས་ཀྱིས་བཤད་པས། །ཐུན་མཚམས་རྣམས་སུ་སྤྱད་པར་བྱ། །འབུམ་ཕྲག་ཏུ་ནི་བཟླས་གྱུར་ན། །རྣམ་པར་དག་པའི་བདག་ཉིད་འགྱུར། །ཞེས་དང་། ཡང་མཁས་གྲུབ་ཆོས་རྗེའི་གསུང་ཐོར་བུ་༡༨༥ན༣ལས། ཡི་གེ་བརྒྱ་པའི་བཟླས་པ་གཙོ་བོར་ཐུན་མཚམས་སུ་བྱེད་པ་སྙིང་པོ་རྒྱན་ལ་སོགས་པའི་རྒྱ་གཞུང་ཚད་ལྡན་དུ་མའི་དགོངས་པ་ཡིན། ཐུན་འགོ་ལ་བྱེད་པ་ཕུན་སུམ་ཚོགས་པའི་ཡན་ལག་ཙམ་མ་གཏོགས་ངེས་པར་དགོས་པའི་ཡན་ལག་ཏུ་མི་བཞེད་པས་རྒྱུན་ལྡན་གྱི་ཉམས་ལེན་ལ་ཡོད་མེད་ཇི་ལྟར་བྱས་ཀྱང་། ལྟུང་བ་འཕེལ་བ་འགོག་པ་དང་། སྔར་ཡོད་སྦྱང་བའི་ཕྱིར་ཐུན་མཚམས་སུ་ཡི་གེ་བརྒྱ་པ་བཟླས་པ་ལ་འབད་པ་གལ་ཆེ་བ་ཡིན། ཞེས་གསུངས་སོ། །ལེགས་སྦྱར་གྱི་སྐད་དུ། བཛྲ་སཏྭ་ས་མ་ཡ། མ་ནུ་པཱ་ལ་ཡ། བཛྲ་སཏྭ་ཏྭེ་ནོ་པ་ཏིཥྛ། དྲཌྷོ་མེ་བྷཱ་བ། སུ་ཏོ་ཥྱོ་མེ་བྷཱ་བ། ཨ་ནུ་རཀྟོ་མེ་བྷཱ་བ། སུ་པོ་ཥྱོ་མེ་བྷཱ་བ། སརྦ་སིད་དྷི་མེ་པྲ་ཡཙྪ། སརྦ་ཀརྨ་སུ་ཙ་མེ། ཙིཏྟཾ་ཤྲཱི་ཡ་ཀུ་རུ། བྷ་ག་ཝཱན་སརྦ་ཏ་ཐཱ་ག་ཏ། བཛྲ་མ་མེ་མུཉྪ། བཛྲཱི་བྷཱ་བ། མཧཱ་ས་མ་ཡ་སཏྭ། (དོགས་གཅོད། ཞལ་རྒྱུན་ལ་ཡིག་བརྒྱའི་མཇུག་ཏུ། ཧཱུྃ་ཕཊ་གཉིས་སྦྱར་ནས་འདོན་པར་བྱེད་པས་བརྒྱ་དང་གཉིས་སུ་འགྱུར་བས། ཡིག་བརྒྱ་ཞེས་པ་ཡིག་འབྲུ་བརྒྱ་ཡོད་པའི་རྒྱུ་མཚན་གྱིས་མིན་ནམ་ཞེ་ན། དངུལ་ཆུའི་གསུང་དྲིས་ལན་༡༡༤ལས། འོ་ན་གཉིས་ལྷག་པ་དེ་སྐྱོན་ཡིན་ནམ་ཞེ་ན། ངེས་པ་མེད་དོ། །བཀྲས་ལྷུན་སྔགས་ཆེན་དམ་ཆོས་དཔལ་འབྱོར་གྱི་རྡོར་སེམས་བསྒོམ་བཟླས་འཁྲིད་ཡིག་ལས། ཧཱུྃ་དང་ཕཊ་གཉིས་ཡི་གེ་བརྒྱ་པའི་གྲངས་སུ་མི་འགྲོ་ཡང་སྦྱར་བ་ལེགས་ལ། དོན་གྱི་ཧཱུྃ་གིས་སྤང་བྱ་ཉོན་མོངས་པ་དེས་ཀུན་ནས་བསླངས་པ་ལས་འཇོམས་པར་མཚོན་ཞིང་། ཕཊ་ཀྱིས་རྒྱུ་ལས་ཉོན་གྱིས་བསྐྱེད་པའི་འབྲས་བུ་སྡུག་བསྔལ་འཇོམས་པར་མཚོན་ཏེ། ཞེས་སོགས་གསུངས་པས་སོ། །ཞེས་གསུངས) བོད་སྐད་དུ་བསྒྱུར་ན། རྡོ་རྗེ་སེམས་དཔའ་དམ་ཚིག་རྗེས་སུ་སྐྱོངས་ཤིག རྡོ་རྗེ་སེམས་དཔའ་ཉིད་ཀྱིས་ཉེ་བར་གནས་པར་མཛོད། བདག་ལ་བརྟན་པའི་དངོས་པོར་མཛོད། བདག་ལ་ཤིན་ཏུ་དགྱེས་པའི་དངོས་པོར་མཛོད། བདག་ལ་རྗེས་སུ་ཆགས་པའི་དངོས་པོར་མཛོད། དངོས་གྲུབ་ཐམས་ཅད་བདག་ལ་རབ་ཏུ་སྩོལ། ལས་ཐམས་ཅད་ལ་ཡང་བདག་གི་སེམས་དགེ་བར་མཛོད། བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་རྡོ་རྗེ་བདག་མ་གཏོང་ཞིག རྡོ་རྗེ་ཅན་གྱི་དངོས་པོར་མཛོད་དམ་ཚིག་སེམས་དཔའ་ཆེན་པོ། ཞེས་པའོ། །དེ་ཡང་ཐོག་མཐའ་བར་གསུམ་གྱི་ༀ་ཨཱཿཧཱུྃ་གསུམ་དང༌། ཧ་བཞི་དང་ཧོ་སྟེ་ལྔ་ནི། བོད་སྐད་དུ་བསྒྱུར་རྒྱུ་མེད་ཀྱང་རྡོ་རྗེ་གསུམ་དང་ཡེ་ཤེས་ལྔའི་མཚོན་བྱེད་ཡིན་པར་གསུངས། ལྷག་མ་ཡི་གེ་གོ་གཉིས་ལའང་བསྒྱུར་ལུགས་མང་དུ་ཡོད་ཀྱང་ལེགས་ཆ་བསྡུས་ནས་བསྒྱུར་ན། བཛྲ་རྡོ་རྗེ། སཏྭ་སེམས་དཔའ། ས་མ་ཡ་དམ་ཚིག མ་ནུ་རྗེས་སུ། པཱ་ལ་ཡ་སྐྱོངས་ཤིག་ཅེས་དང༌། བཛྲ་རྡོ་རྗེ། སཏྭ་སེམས་དཔའ། ཏྭེ་ནོ་ཉིད་ཀྱིས། ཨུ་པ་ཉེ་བར། ཏིཥྛ་གནས་པར་མཛོད་དེ། རྡོ་རྗེ་སེམས་དཔའ་ཉིད་ཀྱིས་ཉེ་བར་གནས་པར་མཛོད། ཅེས་དང༌། དྲཌྷོ་བརྟན་པ། མེ་བདག་ལ། བྷཱ་བ་དངོས་པོར་མཛོད་དེ། བདག་ལ་བརྟན་པའི་དངོས་པོར་མཛོད། ཅེས་དང༌། སུ་ཤིན་ཏུ། ཏོ་ཥྱོ་དགྱེས་པ། མེ་བདག་ལ། བྷཱ་བ་དངོས་པོར་མཛོད་དེ། བདག་ལ་ཤིན་ཏུ་དགྱེས་པའི་དངོས་པོར་མཛོད། ཨ་ནུ་རྗེས་སུ། རཀྟོ་ཆགས་པ། མེ་བདག་ལ། བྷཱ་བ་དངོས་པོར་མཛོད། བདག་ལ་རྗེས་སུ་ཆགས་པའི་དངོས་པོར་མཛོད། ཅེས་དང༌། སུ་ཤིན་ཏུ། པོ་ཥྱོ་རྒྱས་པ། མེ་བདག་ལ། བྷཱ་བ་དངོས་པོར་མཛོད་དེ། བདག་ལ་ཤིན་ཏུ་རྒྱས་པའི་དངོས་པོར་མཛོད། ཅེས་དང༌། སརྦ་ཐམས་ཅད། སིད་དྷི་དངོས་གྲུབ། མེ་བདག་ལ། པྲ་རབ་ཏུ། ཡཙྪ་སྩོལ་ཏེ། དངོས་གྲུབ་ཐམས་ཅད་བདག་ལ་རབ་ཏུ་སྩོལ། ཅེས་དང༌། སརྦ་ཐམས་ཅད། ཀརྨ་ལས། སུ་ཙ་ལ་ཡང༌། མེ་བདག་གི ཙིཏྟཾ་སེམས། ཤྲཱི་ཡ་དགེ་བར། ཀུ་རུ་མཛོད་དེ། ལས་ཐམས་ཅད་ལ་ཡང་བདག་གི་སེམས་དགེ་བར་མཛོད། ཅེས་དང༌། བྷ་ག་ཝཱན་བཅོམ་ལྡན་འདས། སརྦ་ཐམས་ཅད། ཏ་ཐཱ་དེ་བཞིན། ག་ཏ་གཤེགས་པ། བཛྲ་རྡོ་རྗེ། མ་མེ་མུཉྪ་བདག་མ་གཏོང་ཞིག་སྟེ། བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་རྡོ་རྗེ་བདག་མ་གཏོང་ཞིག ཅེས་དང༌། བཛྲཱི་རྡོ་རྗེ་ཅན། བྷཱ་བ་དངོས་པོར་མཛོད། མཧཱ་ཆེན་པོ། ས་མ་ཡ་དམ་ཚིག སཏྭ་སེམས་དཔའ་སྟེ། རྡོ་རྗེ་ཅན་གྱི་དངོས་པོར་མཛོད་དམ་ཚིག་སེམས་དཔའ་ཆེན་པོ། ཞེས་པའོ། །པཎ་ཆེན་བློ་བཟང་ཆོས་ཀྱི་རྒྱལ་མཚན་གྱི་གསུང་བཞིན་བཀོད། ལྕང་སྐྱ་ངག་དབང་བློ་བཟང་ཆོས་ལྡན་གྱི་རྡོ་རྗེ་སེམས་དཔའི་སྒོམ་བཟླས་བྱ་ཚུལ་ལས་ཀྱང་དེའི་སྔགས་དོན་གསུངས་ཡོད།ཟླས་བྱ་ཚུལ་ལས་ཀྱང་དེའི་སྔགས་དོན་གསུངས་ཡོད།)
• Dictionaries/sgom sde tshig mdzod chenmo/1457  + ((གསང་སྔགས) ལོ་ཙཱ་བ་རིན་ཆེན་བཟང་པོ་་ཡན་ཆོད་ … (གསང་སྔགས) ལོ་ཙཱ་བ་རིན་ཆེན་བཟང་པོ་་ཡན་ཆོད་དུ་བསྒྱུར་བའི་རྒྱུད་རྣམས་ལ་གསང་སྔགས་རྙིང་མ་ཞེས་བྱའོ། །དེབ་སྔོན་སྟོད་ཆ་༢༥༥ལས། གསང་སྔགས་གསར་མའི་འགྱུར་གྱི་འགོ་ཇོ་བོ་སྨྲྀ་ཏིས་བཙུགས་སོ་ཞེས་བྱ་བ་ཡོད་མོད་ཀྱི། དེས་དབུས་གཙང་དུ་ནི་འགྱུར་མ་མཛད་ལ། ཁམས་སུ་ཕྱིས་མཚན་ཡང་དག་པར་བརྗོད་པ་སྒེག་པ་རྡོ་རྗེའི་སྐོར་དང་། དཔལ་ལྡན་གདན་བཞི་པ་དང་། གསང་བ་འདུས་པའི་སྐོར་ལ་སོགས་པ་མང་དུ་བསྒྱུར་མོད་ཀྱི། དེ་བས་ལོ་ཆེན་རིན་ཆེན་བཟང་པོས་གསང་སྔགས་ཀྱི་འགྱུར་མཛད་པ་སྔ་བར་སྣང་སྟེ། འབྲོམ་སྟོན་པ་ཇོ་བོ་སེ་བཙུན་གྱི་གཡོག་བྱེད་པའི་དུས་སྨྲྀ་ཏི་ལ་ལོ་ཙཱ་བསླབས་སོ་ཞེས་འབྱུང་ལ། དེ་དང་ཉེ་བར་འབྲོམ་གྱིས་མངའ་རིས་སུ་བྱོན་པའི་ཚེ། ལོ་ཆེན་གྱིས་ལོ་བརྒྱད་ཅུ་རྩ་ལྔ་བཞེས་པའི་ཕྱིར་རོ། །ལོ་ཆེན་གྱིས་དེ་ཉིད་བསྡུས་པ་དང་གསང་བ་འདུས་པ་སོགས་རྣལ་འབྱོར་ཕའི་རྒྱུད་ཤས་ཆེར་བསྒྱུར་ལ། རྣལ་འབྱོར་མའི་རྒྱུད་རྣམས་ནི་ལོ་ཆེན་གྱི་ལོ་ལྔ་བཅུ་ཉེ་བ་ན་བླ་ཆེན་འབྲོམ་མི་བྱུང་སྟེ། དེ་ནས་ནི་རྣལ་འབྱོར་མའི་རྒྱུད་རྣམས་ཀྱང་ཤིན་ཏུ་དར་བར་གྱུར་ཏོ། །ཞེས་གསང་སྔགས་རྙིང་མའི་འགོ་ལོ་ཆེན་རིན་ཆེན་བཟང་པོ་ནས་ཚུགས་ཟེར་བཞིན་དུ་ཡང་། དེབ་སྔོན་༡༣༥ལས། པཎྜི་ཏ་སྨྲྀ་ཏི་བྱོན་པའི་གོང་ཡན་ཆོད་ལ་གསང་སྔགས་རྙིང་མ་ཞེས་བརྗོད་དེ། ཞེས་ཀྱང་གསུངས་པས་ཚིག་སྔ་ཕྱི་ལ་འགལ་བའི་ཆ་ཅུང་ཟད་རེ་ཡོད་པའང་འདུག་གོ། གསང་སྔགས་རྙིང་མ་འདི་བསྟན་པ་རྣམ་དག་ཡིན་ནམ་མིན་ཞེ་ན། མཁས་གྲུབ་ཆོས་རྗེའི་གསུང་ཐོར་བུ་༡༧༥བ༡ ལས། དྲི་བ་གསུམ་པ། གསང་སྔགས་རྙིང་མ་པ་འདི་ལ། སྔ་རབས་ཀྱི་མཁས་པ་རྣམས་ཀྱིས་ཀྱང་དགག་འདུག་ཅིང་། ད་ལྟ་ཡང་སྐུར་བ་འདེབས་པ་མང་དུ་འདུག་པ། འདི་ཇི་འདྲ་ཞིག་ཡིན་ཟེར་བ་ལ། གསང་སྔགས་བསྟན་པ་སྔ་དར་གྱི་དུས་འགྱུར་བ་ལ་རྙིང་མ་དང་། ཕྱི་དར་གྱི་དུས་འགྱུར་བ་ལ་གསར་མ་ཞེས་འབྱུང་བ་ཡིན། རྙིང་མ་ལ་སྐུར་བ་འདེབས་པ་མང་བའི་རྒྱུ་མཚན། སྔོན་གླང་དར་མས་བསྟན་པ་བསྣུབས་ནས་བར་སྟོངས་བྱུང་དུས་གསང་སྔགས་པ་རྣམས་སྦྱོར་སྒྲོལ་ལ་སོགས་པ་སྤྱོད་པ་ཕྱིན་ཅི་ལོག་བྱེད་པ་བྱུང་བ་དང་། འདི་སང་ཡང་ཁྱིམ་པ་ལྕང་ལོ་ཅན་གྱི་སྤྱོད་པ་མང་བས། གང་ཟག་གི་སྤྱོད་པ་ལ་དཔགས་ནས་ཆོས་ལ་སྨོད་པ་འདི་བྱུང་བ་འདྲ། དེ་མིན་སྔགས་རྙིང་མ་འདི་དང་པོ་ཆོས་རྒྱལ་དམ་པ་རྣམས་ཀྱིས་བཻ་རོ་ཙ་ན་དང་། རྨ་སྙེགས་གཉིས་དགེ་སློང་མི་ལྔ་ལ་སོགས་པའི་ཚད་མའི་སྐྱེས་བུར་གྱུར་པ་ལོ་ཙྪ་བ་རྣམས་ལ་གསེར་བྲེས་བཤར་མ་ཡོན་དུ་བསྐུར་ནས། རྒྱ་གར་དུ་བརྫངས་ཏེ། རྫོགས་པ་ཆེན་པོ་ལ་སོགས་པའི་གསང་སྔགས་བླ་ན་མེད་པའི་ཆོས་རྣམས་པཎྜི་ཏ་དང་། གྲུབ་པ་བརྙེས་པ་རྩོད་མེད་དུ་གྲགས་པ་རྣམས་ལ་ཞུས་ཤིང་བསྒྱུར། གཞན་ཡང་པདྨ་འབྱུང་གནས་དང་། བཱི་མ་ལ་མི་ཏྲ་དང་། སངས་རྒྱས་གསང་བ་ལ་སོགས་པའང་བོད་དུ་སྤྱན་དྲངས་ནས་དེ་དག་གིས་ཀྱང་གསུངས་པའི་ཆོས། ཐེག་པ་བླ་ན་མེད་པའི་ཆོས་ཟབ་སྐྱོན་དང་བྲལ་བ་ཡིན་ཏེ། འདིའི་ཚུལ་ཉམས་སུ་བླངས་པས་གྲོལ་བ་དང་། གྲུབ་པ་བརྙེས་པ་དཔག་ཏུ་མེད་པ་བྱུང་བ་ཚད་མས་གྲུབ་བོ། །བསམ་ཡས་ན་ཡང་ད་དུང་སྔ་འགྱུར་གྱི་རྒྱ་དཔེ་མང་དུ་ཡོད་པར་འདུག་ཅིང་། བོད་པ་ལོ་ཙྪ་བས་ཀྱང་རྒྱ་གར་དུ་བྱོན་པས། ཡུལ་དབུས་འགྱུར་ཚལ་ན་གསང་སྙིང་། ལུང་གི་མདོ་ལྔ་ལ་སོགས་པ་རྒྱ་དཔེ་འདུག་ཟེར། དེས་ན་འདི་ལྟ་བུའི་ཐེག་ཆེན་བླ་ན་མེད་པའི་ཆོས་ཟབ་མོ་ལ་སྐུར་བ་འདེབས་པ་རྣམས་དམྱལ་བའི་རྒྱུ་ཁོ་ནར་བས་སོ། །ཞེས་གསུངས་སོ། །བུ་སྟོན་ཆོས་འབྱུང་དེབ་གཟུགས་༢༦༦ལས། སྔ་འགྱུར་གསང་སྔགས་རྙིང་མ་ནི། ལོ་ཙཱ་བ་ཆེན་པོ་རིན་ཆེན་བཟང་པོ་དང་ལྷ་བླ་མ་ཡེ་ཤེས་འོད་དང་ཕོ་བྲང་ཞི་བ་འོད་དང་འགོས་ཁུག་པ་ལྷས་བཙས་ལ་སོགས་པ་རྣམས་ཡང་དག་པ་མ་ཡིན་པར་སྨྲ་ལ། ཁོ་བོའི་བླ་མ་སྐད་གཉིས་སྨྲ་བའི་ཉི་མའི་མཚན་ཅན་དང་རིགས་རལ་ལ་སོགས་པ། བསམ་ཡས་ནས་རྒྱ་དཔེ་རྙེད་པའི་ཕྱིར་དང་། ཕུར་པ་རྩ་བའི་དུམ་བུའི་རྒྱ་དཔེ་བལ་པོར་ཡང་སྣང་བས་རྒྱུད་ཡང་དག་གོ་ཞེས་གསུང་ངོ་། །ཁོ་བོས་ནི། ཡིད་ཀྱི་ཉེས་པ་རང་བཞིན་གདུག་པ་སྟེ། །མི་རིགས་པ་ཡི་གཟུགས་ལའང་མི་རིགས་ན། །ཐེ་ཚོམ་ཟ་བའི་ཆོས་ལ་སྨོས་ཅི་དགོས། །དེ་ཕྱིར་བཏང་སྙོམས་བཞག་ལེགས་ཉེས་པ་མེད། །ཅེས་འབྱུང་བ་དང་། ཆོས་ཡིན་པ་ལ་མ་ཡིན་ཟེར་བ་དང་། མ་ཡིན་པ་ལ་ཡིན་ཟེར་བ་ལས་འབྲས་མཉམ་པར་བཤད་པས་དང་། ཆོས་ཀྱི་མཚན་ཉིད་གང་ལ་ཡོད་མེད་དག །མི་ཤེས་མཐོང་བ་མེད་པར་རྒྱུ་བཞི་ཡིས། །རྣམ་དབྱེ་སྨྲ་བའི་ཁ་ནི་བདུད་ཀྱིས་ཕྱེ། །ཆོས་ལ་ཉེས་སྨོད་ཐུབ་པའི་གཞུང་ལས་བཀག །ཅེས་ཟེར་བ་བཞིན་དུ་བཏང་སྙོམས་སུ་བཞག་གོ། བློ་དང་ལྡན་པ་རྣམས་ཀྱིས་རྟོག་པ་བཞི་དང་བརྟག་པ་གསུམ་ལ་བརྟེན་ནས་དཔྱད་པར་བྱའོ། །ཞེས་གསུངས། ཡང་ཐུའུ་བཀྭན་གྲུབ་མཐའ་དེབ་གཟུགས་༧༣ལས། རྙིང་མ་པའི་གྲུབ་མཐའ་ལ་ཅུང་ཟད་དཔྱད་པ། རྙིང་མའི་ཆོས་ལུགས་འདི་མཐའ་གཅིག་ཏུ་རྣམ་པར་དག་པ་དང་། མ་དག་པ་དང་། འདྲེས་མར་གྱུར་པ་གང་ཡིན་སྙམ་ན། ལྷ་བླ་མ་ཡེ་ཤེས་འོད་དང་ཞི་བ་འོད། ཙ་མི་ལོ་ཙཱ། ཆག་ལོ་རྣམས་ཀྱི་སྤྲིངས་ཡིག་དང་། རྔོག་གི་གཟེ་མ་ར་མགོ། ས་པཎ་གྱི་སྡོམ་གསུམ་རབ་དབྱེ་རྣམས་སུ་རྙིང་མ་ལ་དམིགས་ཕུག་པའི་སྐྱོན་བརྗོད་མི་གསལ་ཡང་། བོད་དུ་དར་བའི་ཆོས་ལུགས་མ་དག་པ་རིས་མེད་ལ་དགག་པ་མཛད་པའི་གསེབ་ཏུ་རྙིང་མ་པ་ལ་དབུ་ཕོག་ཞབས་ཕོག་གི་གསུང་རེ་གཉིས་ཡོད་པར་སྣང་། འགོས་ཁུག་པ་ལྷས་བཙས་དང་། འབྲི་གུང་དཔལ་འཛིན་གཉིས་ཀྱིས་སྒྲུབ་བྱེད་མང་དུ་བཀོད་ནས་རྙིང་མ་ཆོས་རྣམ་དག་མ་ཡིན་པར་སྒྲུབ་ཅིང་། ཤཱཀྱ་མཆོག་ལྡན་དང་། ཀརྨ་པ་མི་བསྐྱོད་རྡོ་རྗེས་ཀྱང་དེའི་རྗེས་ཟློས་བྱས་འདུག ཅེས་དང་། ལོ་ཙཱ་བ་རོང་ཟོམ་ཆོས་བཟང་། ཀུན་སྤངས་ཐུགས་རྗེ་བརྩོན་འགྲུས། ཀརྨ་པ་རང་བྱུང་རྡོ་རྗེ། གྲུབ་ཐོབ་ཨུ་རྒྱན་པ། བཅོམ་ལྡན་རལ་གྲི། ཐར་ལོ་ཉི་མ་རྒྱལ་མཚན། ཕྱིས་ཀྱི་འབྲུག་པ་པདྨ་དཀར་པོ། དཔའ་བོ་གཙུག་ལག་ཕྲེང་བ་སོགས་གྲུབ་མཐའ་གཞན་གྱི་མཁས་པར་གྲགས་པ་དང་། འཁོན་སྟོན་དཔལ་འབྱོར་ལྷུན་གྲུབ་དང་། ༸གོང་ས་ལྔ་པ་ཆེན་པོ་སོགས་རང་ཕྱོགས་པ་འགའ་ཞིག་གིས་ཀྱང་ཆོས་རྣམ་དག་ཏུ་འཆད། བུ་སྟོན་རིན་པོ་ཆེ། རྒྱལ་བ་ཙོང་ཁ་པ་ཡབ་སྲས་སོགས་ཚད་མའི་སྐྱེས་བུ་མང་པོ་ཞིག་གིས་ནི་བཏང་སྙོམས་སུ་འཇོག་པར་མཛད་དོ། །ཞེས་གསུངས་སོ། །ཡང་། ཕ་བོང་ཁ་པ་བདེ་ཆེན་སྙིང་པོའི་མདོ་སྔགས་ཀྱི་དྲིས་ལན་༣༤བ༢ལས། བར་ཁམས་སོག་ཤོད་གཡག་འདའ་དང་མཁར་དམར་གྲོང་ཚོ་གཉིས་ཀྱི་ཞི་ཁྲོའི་སྔགས་འཆང་རྣམས་ནས་ནན་གྱིས་ཞུས་ངོར་སྩལ་བ་ཞེས་པའི་ནང་གསང་སྔགས་རྙིང་མའི་སྐོར་ལ་དོགས་སློང་ལྟ་བུ་མང་ཙམ་འདུག་ཀྱང་དགག་དགོས་ཀྱི་དབང་གིས་འདིར་མ་བཀོད། གཞན་ཡང་ཀརྨ་པ་མི་བསྐྱོད་རྡོ་རྗེའི་རྙིང་མ་པ་རྣམས་ལ་དོགས་འདྲིའི་ཚུལ་དུ་གནང་བར་གྲགས་པའི་ཆབ་ཤོག་དང་། དེའི་དྲིས་ལན་ལུང་དང་རིགས་པའི་འབྲུག་སྒྲ་ཞེས་བྱ་བ་དང་། ཡང་། མཁས་པ་དཔལ་ཁང་ལོ་ཙཱ་བས་རྙིང་མ་པ་ལ་རྩོད་པའི་ཡི་གེ་དང་། དེའི་རྩོད་ལན་གངྒཱའི་ཆུ་རྒྱུན་རྣམས་ལ་བློ་གཟུ་བོར་གནས་པས་གཟིགས་ན་བློ་སྐྱེད་ཧ་ཅང་ཆེན་པོ་འདུག་གོ།་པས་གཟིགས་ན་བློ་སྐྱེད་ཧ་ཅང་ཆེན་པོ་འདུག་གོ།)
• Dictionaries/sgom sde tshig mdzod chenmo/1453  + ((གསང་སྔགས) ལོ་ཙཱ་བ་རིན་ཆེན་བཟང་པོ་ཕྱིན་ཆད་ … (གསང་སྔགས) ལོ་ཙཱ་བ་རིན་ཆེན་བཟང་པོ་ཕྱིན་ཆད་དུ་བསྒྱུར་བའི་རྒྱུད་རྣམས་ལ་གསང་སྔགས་གསར་མའི་ཐ་སྙད་བྱེད་དོ། །གསང་སྔགས་གསར་མའི་འགོ་གང་ནས་བཙུགས་མ་བཙུགས་ལ་འདོད་ཚུལ་མི་འདྲ་བ་ཡོད་ཀྱང་། ལོ་ཆེན་རིན་ཆེན་བཟང་པོ་ནས་གསང་སྔགས་གསར་མའི་འགོ་ཚུགས་པ་ཡིན་ཏེ། དེབ་སྔོན་སྟོད་ཆ་༢༥༥ལས། གསང་སྔགས་གསར་མའི་འགྱུར་གྱི་འགོ་ཇོ་བོ་སྨྲྀ་ཏིས་བཙུགས་སོ་ཞེས་བྱ་བ་ཡོད་མོད་ཀྱི། དེས་དབུས་གཙང་དུ་ནི་འགྱུར་མ་མཛད་ལ། ཁམས་སུ་ཕྱིས་མཚན་ཡང་དག་པར་བརྗོད་པ་སྒེག་པ་རྡོ་རྗེའི་སྐོར་དང་། དཔལ་ལྡན་གདན་བཞི་པ་དང་། གསང་བ་འདུས་པའི་སྐོར་ལ་སོགས་པ་མང་དུ་བསྒྱུར་མོད་ཀྱི། དེ་བས་ལོ་ཆེན་རིན་ཆེན་བཟང་པོས་གསང་སྔགས་ཀྱི་འགྱུར་མཛད་པ་སྔ་བར་སྣང་སྟེ། འབྲོམ་སྟོན་པ་ཇོ་བོ་སེ་བཙུན་གྱི་གཡོག་བྱེད་པའི་དུས་སྨྲྀ་ཏི་ལ་ལོ་ཙཱ་བསླབས་སོ་ཞེས་འབྱུང་ལ། དེ་དང་ཉེ་བར་འབྲོམ་གྱིས་མངའ་རིས་སུ་བྱོན་པའི་ཚེ། ལོ་ཆེན་གྱིས་ལོ་བརྒྱད་ཅུ་རྩ་ལྔ་བཞེས་པའི་ཕྱིར་རོ། །ལོ་ཆེན་གྱིས་དེ་ཉིད་བསྡུས་པ་དང་གསང་བ་འདུས་པ་སོགས་རྣལ་འབྱོར་ཕའི་རྒྱུད་ཤས་ཆེར་བསྒྱུར་ལ། རྣལ་འབྱོར་མའི་རྒྱུད་རྣམས་ནི་ལོ་ཆེན་གྱི་ལོ་ལྔ་བཅུ་ཉེ་བ་ན་བླ་ཆེན་འབྲོམ་མི་བྱུང་སྟེ། དེ་ནས་ནི་རྣལ་འབྱོར་མའི་རྒྱུད་རྣམས་ཀྱང་ཤིན་ཏུ་དར་བར་གྱུར་ཏོ། །ཞེས་གསུངས།རྣམས་ཀྱང་ཤིན་ཏུ་དར་བར་གྱུར་ཏོ། །ཞེས་གསུངས།)
• Dictionaries/sgom sde tshig mdzod chenmo/1424  + ((གསང་སྔགས) སྐུ་རྡོ་རྗེ་རྣམ་སྣང༌། གསུང་རྡོ་ … (གསང་སྔགས) སྐུ་རྡོ་རྗེ་རྣམ་སྣང༌། གསུང་རྡོ་རྗེ་འོད་དཔག་མེད། ཐུགས་རྡོ་རྗེ་མི་བསྐྱོད་པ་དང་གསུམ་མོ། །སྐུ་རྡོ་རྗེ་རྣམ་སྣང་གི་རིགས་ཀྱི་ནང་དུ་རིན་འབྱུང༌། གསུང་རྡོ་རྗེ་འོད་དཔག་མེད་ཀྱི་རིགས་ཀྱི་ནང་དུ་དོན་གྲུབ། ཐུགས་རྡོ་རྗེ་མི་བསྐྱོད་པའི་རིགས་ཀྱི་ནང་དུ་དྲུག་པ་རྡོ་རྗེ་འཆང་བསྡུས་པའོ། །རིགས་གསུམ་དང་འདྲ། རྗེའི་རིམ་ལྔ་གསལ་སྒྲོན་ལྟར་རོ། །མ་དང་འདྲ། རྗེའི་རིམ་ལྔ་གསལ་སྒྲོན་ལྟར་རོ། །)
• Dictionaries/sgom sde tshig mdzod chenmo/9951  + ((གསང་སྔགས) སྟོང་ཉིད་བྱང་ཆུབ་ཀྱི་རྡོ་རྗེ། ས་བོན་བསྡུས་པའི་དེ་ཉིད། གཟུགས་ཉིད་རྫོགས་པའི་དེ་ཉིད། ཡི་གེ་འགོད་པའི་རྡོ་རྗེ་དང་བཞིའོ། །ཞིབ་པར་རྡོ་རྗེ་བཞིའི་ཆིངས་ལ་གཟིགས།)
• Dictionaries/sgom sde tshig mdzod chenmo/8716  + ((གསང་སྔགས) སྦྱིན་སྲེག་གི་བུད་ཤིང་། སྒྲ་བཤད … (གསང་སྔགས) སྦྱིན་སྲེག་གི་བུད་ཤིང་། སྒྲ་བཤད་ནི། ཡམ་ཤིང་ཞེས་པའི་ཡམ་ནི་ལེགས་སྦྱར་གྱི་ “ཡ་མ་ལཾ” यमलं ཞེས་པ་ཚིག་བསྡུས་པ་སྟེ། དེ་ནི་ཆའམ་ཟུང་དང་ཕྲུགས་སོགས་ཀྱི་དོན་དུ་བཤད་པས། སྦྱིན་སྲེག་འབུལ་བའི་ཚེ་ཤིང་བུ་གཉིས་རེ་ཆ་བསྒྲིགས་ཏེ་འབུལ་པའི་རྒྱུ་མཚན་གྱིས་དེ་ལྟར་བརྟགས་པར་སེམས་སོ། །ཡང་ན། ཡམ་ཞེས་པ་མི་མ་ཡིན་དང་སྲིན་པོ་སོགས་གནོད་བྱེད་ཀྱི་རིགས་ལ་བྱས་ནས། དེ་དག་འཇོགས་ཤིང་སྲེག་པའི་ཤིང་ལ། ཡམ་ཤིང་ཟེར་བ་ཡིན་པའང་སྲིད་སྙམ་སྟེ། འདུལ་བ་རྣམ་པར་འབྱེད་པའི་ཚིག་རྣམ་པར་བཤད་པ་༼ ཚུ ༽༣༠ན༣ལས། བདེ་ལེགས་སུ་གྱུར་པ་ཞེས་བྱ་བ་ནི་མེའི་སྦྱིན་སྲེག་དང་བྲམ་ཟེའི་འདོན་པ་ལ་སོགས་པ་སྲིན་པོ་འཇོམས་པའོ། །ཞེས་གསུངས་སོ། །ཡམས་ནད་ཅེས་པའི་ཐད་དུ་གཟིགས། ཡམ་ཤིང་ལ་འདུལ་བ་ལུང་གཞི་ལས་ཡམ་སྲེག་ཤིང་ཞེས་ཀྱང་བཤད།འདུལ་བ་ལུང་གཞི་ལས་ཡམ་སྲེག་ཤིང་ཞེས་ཀྱང་བཤད།)
• Dictionaries/sgom sde tshig mdzod chenmo/12143  + ((གསང་སྔགས) ལྷ་བསྐྱེད་ཚུལ་ཞིག་སྟེ། ༡ བསྐྱེད … (གསང་སྔགས) ལྷ་བསྐྱེད་ཚུལ་ཞིག་སྟེ། ༡ བསྐྱེད་པའི་སྒོ། ༢ སྤྲོ་བའི་སྒོ། ༣ མཛད་པའི་སྒོ། ༤ བསྡུ་བའི་སྒོ། ༥ འདྲེས་པའི་སྒོ། ༦ དབང་བསྐུར་བའི་སྒོ། ༧ གནས་པའི་སྒོའམ་གདན་ལ་འཁོད་པའི་སྒོ་དང་བདུན་ནོ། །ཞིབ་ཏུ་བཤད་ན། ཆོ་ག་གསུམ་གྱི་སྒོ་ནས་བསྐྱེད་པ་ནི། བསྐྱེད་པའི་སྒོ། ཐུགས་ཀར་དྲངས་ནས་ཕྱོགས་བཅུར་འཕྲོས་པ་ནི། སྤྲོ་བའི་སྒོ། ཆོས་འཁོར་བསྐོར་བ་ལ་སོགས་པའི་འཕྲིན་ལས་མཛད་པ་ནི། མཛད་པའི་སྒོ། སྤྲུལ་པ་རྣམས་གཅིག་ཏུ་བསྡུས་པ་ནི། བསྡུ་བའི་སྒོ། ལྷ་རྣམས་རང་གི་ཡེ་ཤེས་པ་དང་དབྱེར་མེད་དུ་འདྲེས་པ་ནི། འདྲེས་པ་སྒོ། རང་གི་རིགས་བདག་ཡབ་ཡུམ་གྱི་བྱང་ཆུབ་ཀྱི་སེམས་ཀྱི་དབང་བསྐུར་བ་ནི། དབང་བསྐུར་བའི་སྒོའོ། །སླར་བྱོན་ནས་རང་གནས་སུ་འཁོད་པ་ནི། གནས་པའི་སྒོ་སྟེ། ལྷ་ཐམས་ཅད་སྒོ་བདུན་དང་ལྡན་པ་ཡིན་ནོ། །ཞེས་རྗེའི་གསང་འདུས་བསྐྱེད་རིམ་བློ་གསལ་བུང་བའི་རེ་སྐོང་ལས་གསུངས། རྗེ་ཤེས་རབ་རྒྱ་མཚོའི་གསང་འདུས་བསྐྱེད་རིམ་༨༦ཏུའང་དེ་དང་འདྲ་བར་གསལ།ང་འདུས་བསྐྱེད་རིམ་༨༦ཏུའང་དེ་དང་འདྲ་བར་གསལ།)
• Dictionaries/sgom sde tshig mdzod chenmo/5490  + ((གསང་སྔགས)བསྐྱེད་རིམ་དང་རྫོགས་རིམ་གྱི་བསྡུས་མིང་།)
• Dictionaries/sgom sde tshig mdzod chenmo/12471  + ((དབུ་མ) ༡ ནང་སྟོང་པ་ཉིད། ༢ ཕྱི་སྟོང་པ་ཉིད། … (དབུ་མ) ༡ ནང་སྟོང་པ་ཉིད། ༢ ཕྱི་སྟོང་པ་ཉིད། ༣ ཕྱི་ནང་སྟོང་པ་ཉིད། ༤ སྟོང་པ་ཉིད་སྟོང་པ་ཉིད། ༥ ཆེན་པོ་སྟོང་པ་ཉིད། ༦ དོན་དམ་པ་སྟོང་པ་ཉིད། ༧ འདུས་བྱས་སྟོང་པ་ཉིད། ༨ འདུས་མ་བྱས་སྟོང་པ་ཉིད། ༩ མཐའ་ཡས་འདས་པ་སྟོང་པ་ཉིད། ༡༠ ཐོག་མ་དང་ཐ་མ་མེད་པའི་སྟོང་པ་ཉིད། ༡༡ དོར་བ་མེད་པ་སྟོང་པ་ཉིད། ༡༢ རང་བཞིན་སྟོང་པ་ཉིད། ༡༣ ཆོས་ཐམས་ཅད་སྟོང་པ་ཉིད། ༡༤ རང་གི་མཚན་ཉིད་སྟོང་པ་ཉིད། ༡༥ མི་དམིགས་པ་སྟོང་པ་ཉིད། ༡༦ དངོས་པོ་མེད་པའི་ངོ་བོ་ཉིད་སྟོང་པ་ཉིད་དོ། །སྟོང་ཉིད་བཅུ་དྲུག་ཞིབ་ཏུ་བཤད་ན། ༡ ༼ ནང་སྟོང་པ་ཉིད ༽ རྗེའི་འཇུག་པའི་རྣམ་བཤད་ཆེན་མོ་དགོངས་པ་རབ་གསལ་ལས། ནང་གི་ཆོས་མིག་ལ་སོགས་པ་དྲུག་པོ། རང་བཞིན་གྱིས་གྲུབ་པ་མེད་པ་ཉིད་གང་ཡིན་པ་དེ་ནི་ནང་སྟོང་པ་ཉིད་དུ་འདོད་དོ། །དེ་ཡང་མིག་ནི་མིག་རང་གི་ངོ་བོ་ཉིད་ཀྱིས་གྲུབ་པས་སྟོང་སྟེ། མིག་དེའི་རང་བཞིན་ནི་རང་གི་ངོ་བོ་ཉིད་ཀྱིས་གྲུབ་བས་སྟོང་པ་དེ་ཡིན་པའི་ཕྱིར་རོ། །མིག་ལ་བཤད་པ་དེ་བཞིན་དུ་རྣ་བ་དང་སྣ་དང་ལྕེ་དང་ལུས་དང་ཡིད་ཀྱང་བསྙད་པར་བྱའོ། །༢ ༼ ཕྱི་སྟོང་པ་ཉིད ༽ རྒྱུད་ཀྱིས་མ་བསྡུས་པའི་གཟུགས་ལ་སོགས་པའི་ཡུལ་དྲུག་རང་བཞིན་གྱིས་གྲུབ་པས་སྟོང་པའི་རང་བཞིན་མེད་པ་ཉིད་ནི། ཕྱི་རོལ་གྱི་སྟོང་པ་ཉིད་དུ་འདོད་དོ། །ཞེས་གསུངས། ༣ ༼ ཕྱི་ནང་སྟོང་པ་ཉིད ༽ ཤེས་རྒྱུད་ཀྱིས་བསྡུས་པའི་དབང་རྟེན་ཁོག་པ་ལྟ་བུ་ནི་ཤེས་རྒྱུད་ཀྱིས་བསྡུས་ཤིང། དབང་པོས་མ་བསྡུས་པས་ན་ཕྱི་ནང་གཉིས་ཆར་ཡིན་ལ། དེ་རང་གི་ངོ་བོ་ཉིད་ཀྱིས་གྲུབ་པའི་རང་བཞིན་མེད་པ་ཉིད་ནི། ཕྱི་ནང་གི་སྟོང་པ་ཉིད་དེ་ལྷག་མ་སྔར་བཞིན་ནོ། །༤ ༼ སྟོང་པ་ཉིད་སྟོང་པ་ཉིད ༽ ཕྱི་ནང་གི་ཆོས་ཀྱི་རང་བཞིན་སྟོང་པ་ཉིད་དེ་ཡང་སྟོང་ཉིད་ཀྱི་ངོ་བོས་གྲུབ་པའམ་བདེན་པས་སྟོང་པར་འདོད་པ་ཡིན་ནོ། །དེ་ལྟར་ན་སྟོང་གཞི་སྟོང་ཉིད་ཅེས་བྱ་བའི་སྟོང་ཉིད་གང་ཡིན་པ་དེ་ནི། སྟོང་པ་ཉིད་སྟོང་པ་ཉིད་དུ་འདོད་པ་སྟེ། སྟོང་པ་ཉིད་བདེན་པས་སྟོང་པར་གསུངས་པ་ནི་སྟོང་ཉིད་དམ་ཆོས་ཉིད་ལ་དངོས་པོ་སྟེ་བདེན་པར་འཛིན་པའི་བློ་ཅན་གྱི་བདེན་པར་འཛིན་པ་བཟློག་པར་བྱ་བའི་ཕྱིར་རྒྱལ་བའི་ཡུམ་ལས་གསུངས་པ་ཡིན་ནོ། ། ༥ ༼ཆེན་པོ་སྟོང་པ་ཉིད༽ ཤར་ལ་སོགས་པའི་ཕྱོགས་ལས་ལོགས་ཤིག་ཏུ་སྣོད་བཅུད་གཉིས་མེད་པས། སེམས་ཅན་དང་སྣོད་ཀྱི་འཇིག་རྟེན་ནི་མི་ལུས་པ་ལ་ཁྱབ་པར་བྱེད་པ་ཉིད་ཡིན་པའི་ཕྱིར་དང། བྱམས་སོགས་ཚད་མེད་བཞི་སྒོམ་པ་ན་ཕྱོགས་ཀྱིས་ཁྱབ་པའི་སེམས་ཅན་ཀུན་ལ་སྒོམ་པས། དམིགས་པའི་སྒོ་ནས་ཚད་མེད་པར་བཞག་པའི་ཕྱིར། ཕྱོགས་ཚད་མེད་པའི་དཔེ་ཡིས་ཏེ་ཚད་མེད་པ་བཞིན་དུ། དེ་ལྟར་སྒོམ་པ་ལ་ཡང་མུ་མཐའ་ནི་མེད་པ་སྟེ་ཚད་མེད་པར་བཞག་པའི་ཕྱིར་ཕྱོགས་བཅུ་ནི་ཆེན་པོ་ཉིད་དོ། །ཤར་ལ་སོགས་པ་འདི་དག་བཅུ་ཆར་ཕྱོགས་རྣམས་ཀྱི་ངོ་བོ་ཉིད་ཀྱིས་གྲུབ་པས་སྟོང་པ་ཉིད་ནི་གང་ཡིན་པ་དེ་ནི་ཆེན་པོ་སྟོང་པ་ཉིད་ཡིན་ཏེ། ཕྱོགས་རྣམས་ཆེན་པོར་རང་བཞིན་གྱིས་གྲུབ་པར་འཛིན་པ་བཟློག་པའི་ཕྱིར་དུ་གསུངས་ཏེ། ཕྱོགས་ལ་ཕྱིན་ཅི་ལོག་ཏུ་འཛིན་པ་ནི་མུ་སྟེགས་བྱེ་བྲག་པས་ཕྱོགས་རྣམས་རྟག་པའི་རྫས་ཉིད་དུ་འཛིན་པ་ལྟ་བུའོ། །༦༼ དོན་དམ་པ་སྟོང་པ་ཉིད ༽ དོན་དམ་ཞེས་པའི་དོན་གྱི་སྒྲ་ནི་འདི་ལ་དོན་ཡོད་དེ་ཞེས་པ་ལྟ་བུ་དགོས་པ་ལ་བྱེད་པ་དང། དོན་ལྔ་ཞེས་པ་ལྟ་བུ་ཤེས་བྱ་ཡུལ་ལ་བྱེད་པ་གཉིས་ལས་འདིར་ནི་མྱ་ངན་ལས་འདས་པ་ཆོས་ཀྱི་སྐུ་ཡིན་ཏེ། མྱང་འདས་དེ་ནི་ཐོབ་པར་བྱ་བའི་དགོས་པ་མཆོག་ཡིན་པས་སོ། །ཆོས་སྐུ་དེ་ནི་དེ་ཡི་རང་གི་ངོ་བོ་ཉིད་ཀྱིས་གྲུབ་པས་སྟོང་པ་ཉིད་གང་ཡིན་པ་དེ་ནི། དོན་དམ་པ་སྟོང་པ་ཉིད་དེ། དེ་ཡང་མྱ་ངན་འདས་པ་ཆོས་སྐུ་དེ་ལ་དངོས་པོ་སྟེ་བདེན་པར་འཛིན་པའི་བློ་ཅན་གྱི་བདེན་པར་འཛིན་པ་བཟློག་པར་བྱ་བའི་ཕྱིར་དོན་དམ་མཁྱེན་པ་སངས་རྒྱས་ཀྱིས་དོན་དམ་པ་སྟོང་པ་ཉིད་ནི་བསྟན་པར་མཛད་དོ། །༧ ༼ འདུས་བྱས་སྟོང་པ་ཉིད ༽ རྒྱུ་རྐྱེན་ལས་བྱུང་བ་སྟེ་སྐྱེས་པའི་ཕྱིར་ཁམས་གསུམ་པོ་ནི་འདུས་བྱས་ཡིན་པར་ངེས་པར་བསྙད་དོ། །ཁམས་གསུམ་པོ་དེ་ནི་དེ་ཡི་རང་བཞིན་གྱིས་གྲུབ་པས་སྟོང་པ་ཉིད་གང་ཡིན་པ་དེ་ནི། འདུས་བྱས་སྟོང་པ་ཉིད་དུ་གསུངས་སོ། །༨༼ འདུས་མ་བྱས་སྟོང་པ་ཉིད ༽ ཆོས་གང་ལ་སྐྱེ་བ་དང་མི་རྟག་པ་སྟེ་འགག་པའམ་འཇིག་པ་དང། གནས་པ་ལས་གཞན་དུ་འགྱུར་བ་དེ་དག་མེད་པ་ནི་འདུས་མ་བྱས་སོ། །དེ་ནི་དེ་ཡི་རང་བཞིན་གྱིས་གྲུབ་པས་སྟོང་པ་ཉིད་གང་ཡིན་པ་དེ་ནི་འདུས་མ་བྱས་སྟོང་པ་ཉིད་དུ་གསུངས་སོ། །༩༼ མཐའ་ལས་འདས་པར་སྟོང་པ་ཉིད ༽ མཐའ་ནི་རྟག་པ་དང་ཆད་པ་གང་དུ་བཟུང་ན་ལོག་པའི་གཡང་དུ་ལྟུང་བ་ཡིན་གྱི། འདུས་མ་བྱས་རྟག་པ་དང་དགྲ་བཅོམ་པ་ལ་ལས་དབང་གི་སྐྱེ་འཆི་བརྒྱུད་པ་ཆད་པར་འཛིན་པ་ལྟ་བུ་ནི་མ་ཡིན་པས། གང་དུ་བཟུང་ན་མི་མཐུན་ཕྱོགས་ཀྱི་གཡང་དུ་ལྟུང་བའི་རྟག་ཆད་དང། རྟག་ཆད་ཙམ་གྱི་ཁྱད་པར་ཕྱེད་པར་བྱའོ། །གཞི་གང་ལ་མཐར་འཛིན་དུ་ལྟུང་བའི་རྟག་ཆད་ཀྱི་མཐའ་ནི་ཡོད་པ་མིན་པ་དེ་ནི། འདིར་མཐའ་ལས་འདས་པར་བརྗོད་དོ། །མཐའ་བྲལ་དེ་ནི་མཐའ་བྲལ་དེའི་རང་བཞིན་གྱིས་གྲུབ་པ་ཁོ་ནས་སྟོང་པ་ཉིད་དེ་ནི།་མཐའ་ལས་འདས་པ་སྟོང་པ་ཉིད་དུ་བསྙད་དོ། །འདི་ནི་ཏིང་འཛིན་རྒྱལ་པོ་ལས། ཡོད་མེད་དང་གཙང་མི་གཙང་གི་མཐའ་གཉིས་སྤངས་ནས། དབུས་ལའང་གནས་པར་མི་བྱེད་དོ། །ཞེས་གསུངས་པ་ལྟར་མཐའ་སྤངས་པའི་དབུས་བདེན་ནམ་སྙམ་པའི་བདེན་འཛིན་བཟློག་པའི་ཕྱིར་དུ་གསུངས་པ་སྟེ། དཔེར་ན་སེམས་ཙམ་པས་རང་གི་ལུགས་ཀྱི་རྟག་ཆད་སོགས་ཀྱི་མཐའ་དང་བྲལ་བའི་དབུས་སེམས་བདེན་གྲུབ་ཏུ་འདོད་པ་ལྟ་བུའོ། །༡༠༼ ཐོག་མ་དང་ཐ་མ་མེད་པའི་སྟོང་པ་ཉིད ༽ འདི་ཡན་ཆད་དུ་མ་བྱུང་ལ་འདི་ནས་བྱུང་ཞེས་པའི་ཐོག་མ་སྟེ་དང་པོ་དང། འདི་ཕྱིན་ཆད་དུ་མི་འབྱུང་ཞེས་པའི་ཐ་མའི་མཐའ་དེ་དག་མེད་པས་འཁོར་བ་ནི་ཐོག་མ་དང། ཐ་མ་མེད་པར་བརྗོད་དོ། །འགྲོ་འོང་རང་བཞིན་གྱིས་གྲུབ་པ་དང་བྲལ་བའི་ཕྱིར་རྨི་ལམ་ལྟ་བུའི་སྲིད་པ་འདི། སྲིད་པ་དེ་ཡི་རང་བཞིན་གྱིས་གྲུབ་པས་དབེན་པ་ཉིད་གང་ཡིན་པ་དེ་ནི། ཐོག་མ་དང་ཐ་མ་མེད་པའི་སྟོང་པ་ཉིད་དོ་ཞེས་བསྟན་བཅོས་ཆེན་པོ་རྒྱལ་བའི་ཡུམ་ལས་ནི་ངེས་པར་བསྙད་དོ། །༡༡༼ དོར་བ་མེད་པའི་སྟོང་པ་ཉིད ༽ དོར་བ་ཞེས་བྱ་བ་ནི་འཐོར་བ་དང་འབོར་བ་ལ་ནི་ངེས་པར་བརྗོད་ལ། དོར་བ་དེ་མེད་པ་ནི་ཕར་ལ་གཏོང་བ་མེད་པ་སྟེ་རང་གི་ངོ་བོ་འགའ་དང་དུས་འགར་ཡང་དོར་དུ་མེད་པ་སྟེ་དོར་དུ་མི་རུང་བ་ཐེག་ཆེན་གང་ཡིན་པའོ། །དོར་བ་མེད་པ་ནི་དོར་བ་མེད་པ་དེ་ཉིད་ཀྱི་རང་བཞིན་གྱིས་གྲུབ་པས་སྟོང་པ་དེ་ཉིད་ཀྱི་སྟོང་པ་ཉིད་གང་ཡིན་པ་དེ་ནི། དོར་བ་མེད་པ་སྟོང་པ་ཉིད་ཅེས་བྱ་བར་བརྗོད་དེ། སྟོང་ཉིད་དེ་དོར་པ་མེད་པའི་རང་བཞིན་ཡིན་པ་དེའི་ཕྱིར་ནའོ། །༡༢ ༼ རང་བཞིན་སྟོང་པ་ཉིད ༽ འདུས་བྱས་ལ་སོགས་པ་རྣམས་ཀྱི་ངོ་བོ་ཆོས་ཉིད་ནི། རང་བཞིན་ཉིད་དུ་བསྙད་ཅིང་བརྗོད་པ་སྟེ། རྒྱུ་མཚན་གང་གི་ཕྱིར་ན་འདུས་བྱས་ལ། སོགས་པ་རྣམས་ཀྱི་ངོ་བོ་ཆོས་ཉིད་ནི།་སློབ་མ་ཉན་ཐོས་དང། རང་སངས་རྒྱས་དང། རྒྱལ་སྲས་བྱང་སེམས་དང་དེ་བཞིན་གཤེགས་པ་རྣམས་ཀྱིས་མ་མཛད་ཅིང། དེ་གསལ་བར་བྱེད་པ་ཡིན་ལ། གདོད་མ་ནས་དེ་དག་གི་གཤིས་སུ་གནས་པ་དེའི་ཕྱིར་རོ། །རང་བཞིན་དེ་ཉིད་དེ་ཉིད་ཀྱི་ངོ་བོ་ཉིད་ཀྱིས་གྲུབ་པས་སྟོང་པ་ཉིད་གང་ཡིན་པ་དེ་ནི་རང་བཞིན་སྟོང་པ་ཉིད་དོ། །འོ་ན་དོན་འདི་སྟོང་པ་ཉིད་སྟོང་པ་ཉིད་ཀྱི་སྐབས་སུ་ཡང་བརྗོད་པ་མ་ཡིན་ནམ་ཞེ་ན། བདེན་མོད་འོན་ཀྱང་སྐབས་སྔ་མར་ནི་ཕྱི་ནང་གི་ཆོས་རྣམས་ཀྱི་སྟོང་ཉིད་དེ། དེ་ཁོ་ན་ཉིད་འཇལ་བའི་རིགས་ཤེས་ཀྱིས་གྲུབ་པས་བདེན་པར་གྲུབ་བམ་སྙམ་པ་བསལ་བའི་ཕྱིར་ཡིན་ལ། འདིར་ནི་སུས་ཀྱང་མ་བྱས་པར་གཤིས་སུ་གྲུབ་པའི་རང་བཞིན་ཡིན་ན། བདེན་པར་གྲུབ་བམ་སྙམ་པ་བསལ་བའི་ཕྱིར་གསུངས་པས་མི་ཟློས་སོ། །དོགས་པའི་རྒྱུ་མཚན་འདི་གཉིས་ཀ་ཆོས་ཉིད་ལ་ཡོད་ཀྱང་བདེན་པར་གྲུབ་པ་འགོག་ནུས་པ་མི་འགལ་བ་འདི་ཤེས་ན། དོན་དམ་བདེན་པ་བློ་གང་གིས་ཀྱང་མི་རྟོགས་པར་འཛིན་པའི་ལོག་པར་རྟོག་པ་རྣམས་ལྡོག་པར་འགྱུར་རོ། །༡༣༼ ཆོས་ཐམས་ཅད་སྟོང་པ་ཉིད ༽ ཆོས་ཐམས་ཅད་ནི་མིག་སོགས་རྟེན་དབང་པོའི་ཁམས་དྲུག་དང། མིག་གི་རྣམ་ཤེས་སོགས་བརྟེན་པ་རྣམ་ཤེས་ཀྱི་ཁམས་དྲུག་དང། གཟུགས་ལ་སོགས་པ་དམིགས་པ་ཡུལ་གྱི་ཁམས་དྲུག་སྟེ་ཁམས་བཅོ་བརྒྱད་དང། མིག་གི་འདུས་ཏེ་རེག་པ་ནས་ཡིད་ཀྱི་འདུས་ཏེ་འདུས་ཏེ་རེག་པའི་བར་རེག་པ་དྲུག་དང། རེག་པ་དེ་དྲུག་ལས་བྱུང་པའི་ཚེར་བ་དྲུག་དང། གཟུགས་ཅན་དང་གཟུགས་ཅན་མིན་པ་ཉིད་དང། དེ་བཞིན་དུ་འདུས་བྱས་དང། འདུས་མ་བྱས་ཀྱི་ཆོས་རྣམས་སོ། །ཆོས་དེ་དག་ཐམས་ཅད་ནི་དེ་དག་གི་ངོ་བོ་ཉིད་ཀྱིས་གྲུབ་པས་དབེན་པའི་སྟོང་པ་ཉིད་གང་ཡིན་པ་འདི་ནི། ཆོས་ཐམས་ཅད་ཀྱི་སྟོང་པ་ཉིད་དོ། ། ༡༤༼ རང་གི་མཚན་ཉིད་སྟོང་པ་ཉིད ༽ གཟུགས་ཕུང་གི་མཚན་ཉིད་ནི་གཟུགས་སུ་རུང་བ་དང་ལ་སོགས་པས་བསྡུས་པ་རྣམ་མཁྱེན་གྱི་བར་གྱི་ཀུན་བྱང་གི་ཆོས་རྣམས་ཀྱི་རང་རང་གི་མཚན་ཉིད་དངོས་པོ་སྟེ་རང་གི་ངོ་བོ་ཉིད་ཀྱིས་གྲུབ་པ་མེད་པ་གང་ཡིན་པ་དེ་ནི་རང་གི་མཚན་ཉིད་སྟོང་པ་ཉིད་དོ། །ཞེས་དང་མཇུག་ཏུ་མདོར་བསྟན་གྱི་སྐབས་ཀྱི་དེ་ཉིད་ལས། གང་ཞིག་འདུས་བྱས་ཀྱི་ཆོས་རྣམས་ཀྱི་མཚན་ཉིད་དང། འདུས་མ་བྱས་ཀྱི་ཆོས་རྣམས་ཀྱི་རང་མཚོན་བྱེད་ཀྱི་མཚན་ཉིད་གང་ཡིན་པ་དེ་རྣམས། དེའི་རང་བཞིན་གྱིས་གྲུབ་པ་དེ་ཁོ་ནས་སྟོང་པ་ཉིད་དེ་ནི་རང་གི་མཚན་ཉིད་སྟོང་པ་ཉིད་དོ། །ཞེས་གསུངས་སོ། །༡༥༼ མི་དམིགས་པ་སྟོང་པ་ཉིད ༽ དེ་ལྟར་བྱུང་བ་འདི་རང་གྲུབ་པའི་དུས་ཕན་ཆད་དུ་མི་གནས་ཤིང། བྱུང་ཟིན་འདས་པ་ནི་བྱུང་བ་དེ་ཞིག་པ་ཡིན་པ་དང་འབྱུང་འགྱུར་མ་འོངས་པ་ནི་འབྱུང་འགྱུར་དེ་ད་ལྟར་མ་སྐྱེས་པའི་ཕྱིར། གསུམ་པོ་དེར་ཡོད་པ་མ་ཡིན་ནོ། །བྱུང་ཟིན་དང་འབྱུང་འགྱུར་དང་ད་ལྟར་བ་དེ་དག་རིམ་པ་བཞིན་དུ་ཞིག་པ་དང་མ་སྐྱེས་པའི་དུས་གཉིས་དང། རང་གྲུབ་པའི་འོག་གང་དུ་མི་དམིགས་པ་དེ་ལ་ནི་མི་དམིགས་པ་ཞེས་བརྗོད་དོ། །མི་དམིགས་པ་དེ་རང་གི་ངོ་བོ་ཉིད་ཀྱིས་གྲུབ་པ་དེ་ཡིས་དབེན་པ་ཉིད་གང་ཡིན་པ་དེ་ནི། ཐེར་ཟུག་ཏུ་གནས་པ་མིན་པ་དང། འཇིག་པ་མིན་པས་ན་མི་དམིགས་པ་ཞེས་བྱ་བའི་སྟོང་པ་ཉིད་དོ། །༡༦ ༼ དངོས་པོ་མེད་པའི་ངོ་བོ་སྟོང་པ་ཉིད ༽ རྒྱུ་དང་རྐྱེན་ལས་བྱུང་བའི་ཕྱིར་ན། དངོས་པོ་རྣམས་ལ་འདུས་པ་སྟེ་རྒྱུ་རྐྱེན་འདུས་པ་ལས་བྱུང་བའི་ངོ་བོ་རང་བཞིན་གྱིས་གྲུབ་པ་མེད་པས། དེ་རྣམས་ལ་དངོས་པོ་མེད་པ་ཞེས་བྱ་ལ། འདུས་པ་ལས་བྱུང་བ་དེ་ཉིད་ཀྱི་ངོ་བོ་ཉིད་ཀྱིས་གྲུབ་པས་སྟོང་པ་ཉིད་ནི། དངོས་པོ་མེད་པའི་ངོ་བོ་ཉིད་ཀྱི་སྟོང་པ་ཉིད་དོ། །ཞེས་གསུངས་པ་ལྟར་རོ། །དོགས་གཅོད། གོང་གི་དེ་ནི་དབུ་མ་འཇུག་པའི་གསུང་ཚུལ་རྗེའི་དགོངས་པ་རབ་གསལ་ལས་གསུངས་པ་ལྟར་བཀོད་པ་ཡིན་ལ། འོན་ཀྱང་རྗེའི་ལེགས་བཤད་གསེར་ཕྲེང་ལས། སྟོང་ཉིད་བཅུ་དྲུག་ལ་རང་གི་མཚན་ཉིད་སྟོང་པ་ཉིད་ཀྱི་སྟེང་དུ་དངོས་པོ་མེད་པ་སྟོང་པ་ཉིད་དང་དངོས་པོ་མེད་པའི་ངོ་བོ་ཉིད་སྟོང་པ་ཉིད་བགྲང་རྒྱུ་ཡིན་པ་ལ་དང་པོ་དོར་ནས་མི་དམིགས་པ་སྟོང་པ་ཉིད་བགྲངས་པ་ནི་རྩ་བ་དང་འགལ་ལོ། །ཞེས་ཀྱང་གསུངས་པས་ད་དུང་དཔྱད་པར་འཚལ་ལོ། ། །ཞེས་ཀྱང་གསུངས་པས་ད་དུང་དཔྱད་པར་འཚལ་ལོ། །)
• Dictionaries/sgom sde tshig mdzod chenmo/3522  + ((དབུ་མ) དབུ་མའི་དོན་བསྡུས་པ་ནི། སློབ་དཔོན་ལེགས་ལྡན་འབྱེད་ཀྱིས་མཛད། ནག་ཚོའི་འགྱུར།)