Search by property

This page provides a simple browsing interface for finding entities described by a property and a named value. Other available search interfaces include the page property search, and the ask query builder.

List of results

• Dictionaries/sgom sde tshig mdzod chenmo/11901  + (སྐུའི་ཉེ་འགྲམ། གམ་ནི་འཁྲིས་སམ་འགྲམ་དང་མདུན … སྐུའི་ཉེ་འགྲམ། གམ་ནི་འཁྲིས་སམ་འགྲམ་དང་མདུན་གྱི་དོན། སྐུ་གམ་དུ་བཅར་ལྟ་བུ། འདིའི་ཐད་ཀྱི་བོད་རྒྱ་ཚིག་མཛོད་ཆེན་མོར། སང་གནངས་ལས་” མི་འགྱངས་པར” སྐུ་གམ་དུ་ངོ་བཅར་ཞུས་ཆོག ཅེས་གསུངས་འདུག་པར་དོགས་པ་འདི་ལྟར། ཡང་ན་” མ་འགྱངས་པར” ཞེས་འདས་ཚིག་སྦྱོར་དགོས། ཡང་ན་” མི་འགྱང་བར” ཞེས་ད་ལྟ་བའི་ཚིག་སྦྱར་དགོས་པར་སྙམ།གྱང་བར” ཞེས་ད་ལྟ་བའི་ཚིག་སྦྱར་དགོས་པར་སྙམ།)
• Dictionaries/sgom sde tshig mdzod chenmo/4699  + (སྐྱེས་པ་བསྟེན་པའི་དུས་ལ་བབས་པའི་གཞོན་ནུ་མ་ལ་ཟེར། མོ་གསར། འདུལ་བ་རྣམ་པར་འབྱེད་པའི་ཚིག་རྣམ་པར་བཤད་པ་༼ ཚུ ༽༡༧༣ན༤ལས། ཕྱུགས་ཆུང་ཞེས་བྱ་བ་ནི་ལང་ཚོ་ལ་འབབ་པའི་གཞོན་ནུ་མའོ། །ཞེས་གསུངས། བོད་རྒྱ་ཚིག་མཛོད་ཆེན་མོར། ཕྱུགས་ཕྱུང་ཞེས་ཀྱང་བྲིས་སྣང་ཡང་དཔྱད།)
• Dictionaries/sgom sde tshig mdzod chenmo/12066  + (སྐྱེས་བུ་ཆུང་འབྲིང་ཆེ་གསུམ་ལ་ཟེར། སྒྲ་བཤད་ … སྐྱེས་བུ་ཆུང་འབྲིང་ཆེ་གསུམ་ལ་ཟེར། སྒྲ་བཤད་ནི། འདི་གསུམ་ལ་གང་ཟག་གསུམ་མི་ཟེར་བར་སྐྱེས་བུ་གསུམ་ཟེར་བ་ནི། སྐྱེས་བུའི་སྐད་དོད་པུ་རུ་ཥ་ཞེས་པ་ནུས་ལྡན་ལ་འཇུག་པས་འདི་གསུམ་བློའི་ནུས་པ་ཆེ་ཆུང་གི་སྒོ་ནས་བཞག་པ་གོ་བའི་ཆེད་དུ་ཡིན་པར། ཡོངས་འཛིན་ཡེ་ཤེས་རྒྱལ་མཚན་གསུང་ངོ་། །ཞེས་རྗེ་གུང་ཐང་པའི་སྐབས་དང་པོའི་མཆན་འགྲེལ་ན་གསལ། སྐྱེས་བུ་གསུམ་ལ་འཇོག་ཚུལ་མི་འདྲ་བ་གཞན་ཡང་ཡོད་པ། རྗེ་གུང་ཐང་པའི་སྐབས་དང་པོའི་མཆན་འགྲེལ་ལས་ཤེས་པར་བྱའོ། །སྐྱེས་བུ་གསུམ་གྱི་མཚན་ཉིད་ཇོ་བོའི་ལམ་སྒྲོན་ཙམ་དུ་མ་ཟད། དབྱིག་གཉེན་གྱི་མཛོད་འགྲེལ་ལས་ཀྱང་གསུངས་ཞེས་ལམ་རིམ་ཆེན་མོར་གསུངས་ཏེ། དེ་ཉིད་ལས། ལམ་སྒྲོན་བཞིན་དུ་མཛོད་འགྲེལ་ལས། སློབ་དཔོན་དབྱིག་གཉེན་གྱིས་ཀྱང་སྐྱེས་བུ་གསུམ་གྱི་མཚན་ཉིད་གསུངས་སོ། །ཞེས་གསུངས་སོ། །སུམ་གྱི་མཚན་ཉིད་གསུངས་སོ། །ཞེས་གསུངས་སོ། །)
• Dictionaries/sgom sde tshig mdzod chenmo/12150  + (སྒོག་གཏུན་དོན་འདྲ་ཞེས་བོད་རྒྱ་ཚིག་མཛོད་ཆེན་མོར་བཤད་ཀྱང་། དེ་ནི་རྡོའམ་ཤིང་ལས་བཟོས་པའི་སྒོག་པ་དང་སི་པན་བརྡུང་སའི་སྣོད་སྤྱད་ཅིག་ལ་ཡོངས་སུ་གྲགས་སོ། །སྒོག་པ་རྡུང་བྱེད་ཀྱི་རྡོ་དེ་ལ་གཏུན་རྡོ་ཟེར།)
• Dictionaries/sgom sde tshig mdzod chenmo/12149  + (སྒོག་པ་རྡུང་བྱེད་རྡོའི་ཡས་གཏུན་མས་གཏུན། ཞེས་བོད་རྒྱ་ཚིག་མཛོད་ཆེན་མོར་གསུངས།)
• Dictionaries/sgom sde tshig mdzod chenmo/1877  + (སྒྲ་གདངས། དེའི་ཐད་ཀྱི་བོད་རྒྱ་ཚིག་མཛོད་ཆེན … སྒྲ་གདངས། དེའི་ཐད་ཀྱི་བོད་རྒྱ་ཚིག་མཛོད་ཆེན་མོར། སྒྲ་གདངས་ལ་ “སྦྱར” བར་བྱའོ། །ཞེས་སྣང་ཡང་ “སྦྱང” བར་བྱའོ། །ཞེས་ཞུ་བཅོས་དགོས། ཚིག་མཛོད་ཆེན་མོའི་ང་རོའི་འགྲེལ་བཤད་དེ། ཀོང་སྤྲུལ་ཡོན་ཏན་རྒྱ་མཚོའི་ཤེས་བྱ་མཛོད་འགྲེལ་གླེགས་བམ་བར་ཆ་ (༢༡༦) ནས་གསུངས་པ་ལྟར་བཀོད་པ་ཡིན་འདུག་པས། དེ་ལས་ནི་ “ཡི་གེ་རེ་རེ་ནས་ཀློག་པའི་སྒྲ་གདངས་ལ་སྦྱང་བར་བྱ་ཞིང” ། ཞེས་གསུངས་ཤིང་དོན་ལ་ཡང་གནས་སོ། །བྱ་ཞིང” ། ཞེས་གསུངས་ཤིང་དོན་ལ་ཡང་གནས་སོ། །)
• Dictionaries/sgom sde tshig mdzod chenmo/12251  + (སྒྲ་སྒྲོག་དང་འདྲ། མངོན་བརྗོད་འཆི་མེད་མཛོད་ཀྱི་འགྲེལ་པ་འདོད་འཇོ་བ་མོ་སོགས་གཞུང་མང་པོའི་ནང་སྒྲ་སྒྲོགས་ས་མཐའི་ཡང་འཇུག་འབྱུང་ངོ་། །)
• Dictionaries/sgom sde tshig mdzod chenmo/1046  + (སྒྲ། སྐད། མིང༌། མཚན་མ། བརྡ། ཐ་སྙད། ཚིག དོན … སྒྲ། སྐད། མིང༌། མཚན་མ། བརྡ། ཐ་སྙད། ཚིག དོན་རྣམས་སོ། ༡ (སྒྲ) ནི་འདིར་ཟིན་པའི་སྒྲ་སེམས་ཅན་དུ་སྟོན་ཅིང་ལུང་སྟོན་པའོ། །༢ (སྐད) ནི་འཕགས་བོད་རྒྱ་ནག་ལ་སོགས་པ་རང་རང་གི་ཡུལ་གྱི་བརྡོ་གོ་བར་བྱེད་པའོ། །༣ (མིང) ནི་ངོ་བོ་ཉིད་ཀྱི་ཚིག་བླ་དྭགས། ཆོས་མངོན་པའི་ལུགས་ཀྱི་ཡི་གེ་འདུས་པའི་བདག་ཉིད་ཅན་དང༌། བརྡ་སྤྲོད་པའི་ལུགས་ཀྱི་རྣམ་དབྱེའི་མཐའ་ཅན། བུམ་པ། སེང་གེ་ལ་སོགས་པ་བརྗོད་པ་དེས་དོན་ལ་བློ་གཞོལ་བར་བྱེད་པས་ནཱ་མ་སྟེ་མིང་ཞེས་བྱ་ལ། ༤ (མཚན་མ) ནི་དོན་དེ་མཚོན་པར་བྱེད་ཅིང་སྣང་བར་ནུས་པའི་ཆ་ནས་མཚན་མ་ཞེས་བྱའོ། །༥ (བརྡ) ནི་དོན་དེ་ལ་ཐ་སྙད་བྱ་བའི་ཕྱིར་ཐོག་མར་མིང་དུ་བཏགས་པ་སྟེ། གོ་བར་བྱེད་པ་དང་སྨྲ་བར་བྱེད་པའི་དུས་ཅན་ནོ། ༦ (ཐ་སྙད) ནི་འཇུག་པར་བྱེད་པའི་བདག་ཉིད་ཤེས་བརྗོད་འཇུག་གསུམ་གྱི་རང་བཞིན་ཅན་ཏེ། དེའང་འདི་ཀ་བ་ཡིན་ནོ་སྙམ་པའི་ཤེས་པ་ནི་བཏགས་པའི་ཤེས་པ་དང༌། ཀ་བ་ཞེས་སྨྲ་བར་བརྗོད་པ་ནི་བརྗོད་པ་དང༌། ཀ་བ་ཡིན་པས་ཁང་ཁྱིམ་བྱེད་པར་རྩོམ་པ་ནི་བཏགས་པ་སྟེ། གདུང་འདེགས་ཀྱི་ཤིང་ལ་ཀ་བ་ཞེས་བཏགས་པ་ལྟ་བུའོ། །༧ (ཚིག) ནི་ཆོས་མངོན་པའི་ལུགས་ཀྱིས། མིང་འདུས་ནས་དོན་གྱི་ཁྱད་པར་བརྗོད་པ་སྟེ། འདུས་བྱས་མི་རྟག་ཅེས་པ་ལ་སོགས་པ་ལྟ་བུའོ། །༨ (དོན) ནི་ཆོས་རྣམས་ཀྱི་གནས་ལུགས་ཇི་ལྟར་གནས་པ་ཉིད་དོ། །ཞེས་གསུངས་པ་ལྟར་རོ། །ཤེས་བྱ་མཛོད་དེབ་དང་པོ་༢༡༧ ན་གསལ།་ལྟར་རོ། །ཤེས་བྱ་མཛོད་དེབ་དང་པོ་༢༡༧ ན་གསལ།)
• Dictionaries/sgom sde tshig mdzod chenmo/9295  + (སྒྲོམ་ཤིང་། རུ་ཤིང་ནི་སྒྲོམ་ཤིང་དུ་དོན་དུ་བོད་རྒྱ་ཚིག་མཛོད་ཆེན་མོར་གསལ་ཏེ། བོད་རྒྱ་ཚིག་མཛོད་ཆེན་མོའི་” བྱིལ་བྱིལ” ཞེས་པའི་ཐད་ལས། སྒེ་ཁུང་གི་རུ་ཤིང་ལ་བཀྲག་རྩི་བྱིལ་བྱིལ་གྱིས་འབྱུག་པ། ཞེས་གསལ།)
• Dictionaries/sgom sde tshig mdzod chenmo/12270  + (སྔ་འགྱུར་རྙིང་མ། བཀའ་གདམས་པ། ལམ་འབྲས་པ། མར … སྔ་འགྱུར་རྙིང་མ། བཀའ་གདམས་པ། ལམ་འབྲས་པ། མར་པའི་བཀའ་བརྒྱུད། ཤངས་པ་བཀའ་བརྒྱུད། ཞི་བྱེད་ཡན་ལག་དང་བཅས་པ། སྦྱོར་དྲུག་པ། རྡོ་རྗེ་གསུམ་གྱི་བསྙེན་སྒྲུབ་པའི་ལུགས་དང་བརྒྱད་དོ། །ཀོང་སྤྲུལ་ཡོན་ཏན་རྒྱ་མཚོའི་ཤེས་བྱ་མཛོད་འགྲེལ་གླེགས་བམ་སྟོད་ཆ་༥༠༨ལས། བོད་ཡུལ་སྒྲུབ་བརྒྱུད་ཤིང་རྟ་ཆེན་པོ་བརྒྱད། །རྙིང་མ་བཀའ་གདམས་ལམ་འབྲས་བཀའ་བརྒྱུད་པ། །ཤངས་པ་ཞི་བྱེད་སྦྱོར་དྲུག་བསྙེན་སྒྲུབ་བོ། །བོད་ཀྱི་ཡུལ་འདིར་སྒྲུབ་བརྒྱུད་ཀྱི་རིང་ལུགས་འདྲེན་པ་ཆེ་ཕྲ་དུ་མ་བྱུང་ཡང་གཙོ་བོའི་རིགས་སུ་བསྡུ་ན་ཤིང་རྟ་ཆེན་པོ་བརྒྱད་དེ། སྔ་འགྱུར་རྙིང་མ། བཀའ་གདམས་པ། ལམ་འབྲས་པ། མར་པའི་བཀའ་བརྒྱུད། ཤངས་པ་བཀའ་བརྒྱུད། ཞི་བྱེད་ཡན་ལག་དང་བཅས་པ། སྦྱོར་དྲུག་པ། རྡོ་རྗེ་གསུམ་གྱི་བསྙེན་སྒྲུབ་པའི་ལུགས་རྣམས་སོ། །ཞེས་གསུངས་པ་ལྟར་རོ། །སྒྲུབ་བརྒྱུད་ཤིང་རྟ་ཆེན་པོ་བརྒྱད་ཀྱི་ཐ་སྙད་འདི་བྱུང་དུས་དགེ་ལྡན་རིང་ལུགས་སྲོལ་བཏོད་མེད་ན་ནི་དེར་ཟད། དེ་མིན་དེའི་གྲངས་འདྲེན་ལ་བོད་གངས་ཅན་གྱི་ལྗོངས་ཀྱི་ཆོས་བརྒྱུད་ཁྱབ་བརྡལ་ཆེ་ཤོས་དང་གྲགས་ཆེ་ཤེས་དེ་ (དགེ་ལྡན་པ) མ་དྲངས་པར་གྲལ་ནས་ཕུད་པ་ནི་ལེགས་པར་མ་མཐོང་ངོ་། །སྒྲུབ་བརྒྱུད་ཤིང་རྟ་ཆེན་པོ་བརྒྱད་ཀྱི་ཐ་སྙད་འདི་ཐོག་མར་རྙིང་མའི་བླ་ཆེན་ཞིག་གིས་བཟོས་པར་ཐོས་ཤིང་། དགེ་ལྡན་པ་སྒྲུབ་བརྒྱུད་ཤིང་རྟ་ཆེན་པོ་བརྒྱད་ཀྱི་བཞུགས་གྲལ་ནས་འབུད་སྟངས་ལ་བལྟས་ན་འདི་ལ་ཕྱོགས་རིས་ཀྱི་དྲི་ངན་ཅུང་ཟད་འཐུལ་ལོ། །ཁ་ཅིག་ན་རེ། དེ་དེ་ལྟར་མིན་ཏེ། དེ་ནི་སྒྲུབ་པ་གཙོ་མི་གཙོའི་ཆ་ནས་ཡིན་ནོ་ཞེ་ན། ས་སྐྱ་པ་དང་དགེ་ལྡན་པ་གཉིས་སྒྲུབ་པ་གཙོ་ན་གཙོ་མཉམ་དང་མི་གཙོ་ན་མི་གཙོ་མཉམ་ཡིན་པའི་ཕྱིར་སྐྱོན་སོ་ན་གནས་སོ། །་གཙོ་མཉམ་ཡིན་པའི་ཕྱིར་སྐྱོན་སོ་ན་གནས་སོ། །)
• Dictionaries/sgom sde tshig mdzod chenmo/9967  + (སྔགས་ཆེན་རྡོ་རྗེ་འཛིན་པ་དཀོན་མཆོག་རྒྱལ་མཚན … སྔགས་ཆེན་རྡོ་རྗེ་འཛིན་པ་དཀོན་མཆོག་རྒྱལ་མཚན་གྱི་གསུང་འབུམ་མཚན་ཐོ་ནི། བདེ་མཆོག་ལྷ་ལྔའི་བདག་མདུན་བུམ་བསྐྱེད་བདག་འཇུག་དང་བཅས་པ། བདེ་མཆོག་དྲིལ་བུ་ལུས་དཀྱིལ་གྱི་མངོན་རྟོགས་དགོས་འདོད་ཀུན་འབྱུང༌། འདི་ནི་འགྲན་ཟླ་ཀུན་དང་བྲལ་བ་རྒྱལ་དབང་སྐལ་བཟང་རྒྱ་མཚོས་རྒྱུན་དུ་གསུང་ཆོག་མཛད། འཇམ་དབྱངས་ཆོས་སྐོར་གྱི་ལྷ་རྣམས་ཀྱི་རྗེས་གནང་བྱ་ཚུལ་སྟོད་ཆ་རྗེ་ཉིད་དང་སྨད་ཆ་རྗེ་ཉིད་ཀྱི་གསུང་བཞིན་བློ་བཟང་མགོན་པོས་མཛད་པ། ལྷོ་སྒོའི་ཆོ་ག་ངན་སོང་རྒྱུན་གཅོད་ཐར་པའི་སྒོ་འབྱེད། སོ་སྐྱེ་ཐ་མལ་པའི་རུས་ཆོག་གཅོད་དབང་ནམ་མཁའ་སྒོ་འབྱེད་ཀྱི་བྱིན་རླབས་བྱ་ཚུལ། ཐུབ་པ་དམ་ཚིག་གསུམ་བཀོད་ཀྱི་སྒྲུབ་དཀྱིལ། ཀླུ་ཡི་བུམ་པ་འཇུག་པའི་ཆོ་ག་འཇིག་རྟེན་གཏེར་མཛོད། གསང་འདུས་ཀྱི་རྡུལ་ཚོན་ཆུ་ལ་གདན་དྲངས་ཇི་ལྟར་བྱ་བའི་ཚུལ། རབ་གནས་མདོར་བསྡུས་བྱ་ཚུལ། བདུད་རྩི་རིལ་བུ་སྒྲུབ་ཚུལ་ཉུང་ངུ། བློ་སྦྱོང་དོན་བདུན་མའི་འགྲེལ་པ། བློ་སྦྱོང་སྡུག་བསྔལ་ལམ་ཁྱེར། ལས་དང་པོ་བ་ལ་ཉེ་བར་མཁོ་བའི་བྱང་ཆུབ་བགྲོད་པའི་བདེ་ལམ་རྣམས་སོ། །ཁོ་བའི་བྱང་ཆུབ་བགྲོད་པའི་བདེ་ལམ་རྣམས་སོ། །)
• Dictionaries/sgom sde tshig mdzod chenmo/2323  + (སྔར་དགོན་པ་གྲྭ་ཚང་ཁག་གིས་བདག་ཏུ་འཛིན་པའི་གཞིས་ཀ། ཞེས་ཚིག་མཛོད་རྣམས་སུ་འབྱུང་བ་ལྟར་རོ། །ལམ་རིམ་བླ་མ་བརྒྱུད་པའི་རྣམ་ཐར་སོགས་སུ་མཆོད་གཞིས་ཞེས་ཀྱང་སྣང་ངོ་། །)
• Dictionaries/sgom sde tshig mdzod chenmo/287  + (སྙིང་རྗེས་མ་བཟོད་པ་དང་། ཡིད་ཤིན་ཏུ་སྡུག་པ་ … སྙིང་རྗེས་མ་བཟོད་པ་དང་། ཡིད་ཤིན་ཏུ་སྡུག་པ་དང་། ཉམ་ཐག་པ་སོགས་ཀྱི་ཚིག་གོ། ཞེས་བོད་རྒྱ་ཚིག་མཛོད་ཆེན་མོར་འབྱུང་བ་ནི། དབྱངས་ཅན་དགའ་བློའི་ལམ་རིམ་བརྡ་བཀྲོལ་༣༢ན༢ན་གསལ་བ་ལྟར་བཀོད་འདུག་ཅིང་། འདི་ “ཀྱི་ཧུད” དང་དོན་གཅིག་ཡིན་མིན་དང་། ཡི་གེ་དག་མ་དག་སོགས་ལ་དཔྱད་པར་བྱའོ། །ལམ་རིམ་ཆེན་མོ་ཞོལ་སྤར་མ་དང་། སྐུ་འབུམ་སྤར་མ། བཀྲ་ཤིས་ལྷུན་པོ་སྤར་མ་གསུམ་གར་ཡང་ (༡༧༠བ༥ན) “ཀྱི་ཧུད” ཅེས་སྣང་བས། “ཀྱེ་ཧུ” ཐ་སྙད་འདི་མ་དག་རྒྱུན་འབྱམས་སུ་སོང་བ་ཞིག་ཡིན་མིན་ལ་དོགས་སོ། །ུན་འབྱམས་སུ་སོང་བ་ཞིག་ཡིན་མིན་ལ་དོགས་སོ། །)
• Dictionaries/sgom sde tshig mdzod chenmo/10058  + (སྙོམས་འཇུག་གི་སྒྲིབ་པ་དང་དོན་གཅིག ལེ་ལོ་དང … སྙོམས་འཇུག་གི་སྒྲིབ་པ་དང་དོན་གཅིག ལེ་ལོ་དང༌། དམིགས་པ་བརྗེད་པ། བྱིང་བ་དང་རྒོད་པ། རྩོལ་བ་དང་མི་རྩོལ་བའི་ཉེས་པ་ལྔ་ལ་སོགས་པ་སྟེ། ཊཱིཀ་བྱེད་དག་གིས་རྣམ་པར་ཐར་པའི་སྒྲིབ་པ་ནི་གང་གིས་རྣམ་པར་ཐར་པ་དང༌། བསམ་གཏན་དག་སྐྱེད་པར་མི་ནུས་པ་སྟེ་ལུས་དང་སེམས་ལས་སུ་མི་རུང་བ་ཉིད་དོ། །ཞེས་མཆིམས་མཛོད་ན་གསལ། མཆིམས་མཛོད་དུ་རྣམ་པར་ཐར་པའི་སྒྲིབ་པ་དང༌། སྙོམས་འཇུག་གི་སྒྲིབ་པ་གཉིས་ཁྱད་པར་ཕྲན་བུའི་ཡོད་པ་ལྟ་བུར་གསུངས་པས་དཔྱད་དོ། །་ཕྲན་བུའི་ཡོད་པ་ལྟ་བུར་གསུངས་པས་དཔྱད་དོ། །)
• Dictionaries/sgom sde tshig mdzod chenmo/8837  + (སྟོང་ཉིད་རྟོགས་པའི་བློ། (བཀའ་བརྒྱུད) གཞི་ཆོས་ཉིད་རྟག་ཆད་སོགས་ཀྱི་མཐའ་དང་བྲལ་བ་དེ་ཉིད་ཇི་ལྟ་བ་བཞིན་དུ་རྟོགས་པ། ཤེས་བྱ་མཛོད་འགྲེལ་གསུང༌།)
• Dictionaries/sgom sde tshig mdzod chenmo/552  + (སྡུག་བསྔལ་དང་ཉོན་མོངས་སྐྱེད་པའི་ནུས་པ་བརྟན … སྡུག་བསྔལ་དང་ཉོན་མོངས་སྐྱེད་པའི་ནུས་པ་བརྟན་ཆགས་པར་ཡོད་པའི་ཕུང་པོ་ལྔ་ལ་ཟེར། ཕལ་སྐད་ཐོག་བཤད་ན། ད་ལྟ་སྡུག་བསྔལ་དངོས་སུ་་མེད་ཀྱང་རྐྱེན་དང་ཕྲད་ན་སྡུག་བསྔལ་སྐྱེ་ཆོག་ཆོག་བྱས་ནས་ཡོད་པའི་ཕུང་པོ་ལྔ་པོ་དེ་ལ། ཁྱབ་པ་འདུ་བྱེད་ཀྱི་སྡུག་བསྔལ་ཟེར། དཔེར་ན་མི་ཞིག་ཉིལ་ལ་ཉེ་བའི་གད་ཀ་ཞིག་ཏུ་ངལ་གསོ་བྱེད་དེ་ལྷོད་ཀྱིས་སྡོད་པ་དང་མཚུངས་སོ། །འདུ་བྱེད་ཀྱི་སྡུག་བསྔལ་ཞེས་པ་ནི། མདོ་ཧྲིལ་གྱིས་དྲིལ་ཏེ་བཤད་ན། ལས་དང་ཉོན་མོངས་པ་སྔ་མའི་གཞན་དབང་དུ་གྱུར་ཅིང་། སྡུག་བསྔལ་དང་ཉོན་མོངས་ཕྱི་མ་རྣམས་སྐྱེ་བའི་ས་བོན་བརྟན་ཆགས་པར་ཡོད་པས། འདུ་བྱེད་ཀྱི་སྡུག་བསྔལ་ཞེས་བྱའོ། །རྗེའི་ལམ་རིམ་ཆེན་མོ་ལས། དཔེར་ན། ཁུར་ཆེན་པོ་ཁྱེར་བ་ནི་ཁུར་དེ་ཇི་ཙམ་འཁུར་དགོས་པ་དེ་ཙམ་དུ་བདེ་བ་མེད་པ་བཞིན་དུ། ཉེ་བར་ལེན་པའི་ཕུང་པོའི་ཁུར་ཡང་ཇི་སྲིད་བཟུང་དགོས་པ་དེ་སྲིད་དུ་སྡུག་བསྔལ་བར་འགྱུར་ཏེ། ཕུང་པོ་འདི་ལ་སྡུག་བསྔལ་དང་ཉོན་མོངས་ཀྱི་གནས་ངན་ལེན་བརྟན་ཆགས་པར་ཡོད་པས་འདུ་བྱེད་ཀྱི་སྡུག་བསྔལ་དེ་ཡོད་ན། ཚོར་བ་སྡུག་བསྔལ་ད་ལྟ་མེད་པའི་སྐབས་རེ་འབྱུང་ཡང་དེ་མ་ཐག་ཡང་སྒོ་སྣ་ཚོགས་ནས་སྡུག་བསྔལ་དུ་མ་བསྐྱེད་པས་ན། འདུ་བྱེད་ཀྱི་སྡུག་བསྔལ་ནི་སྡུག་བསྔལ་ཐམས་ཅད་ལ་ཁྱབ་པ་དང་སྡུག་བསྔལ་གཞན་གཉིས་ཀྱི་རྩ་བ་ཡིན་པས་འདི་ལ་སྐྱོ་བ་མང་དུ་བསྒོམ་མོ། །ཞེས་དང་། ཡང་དེ་ཉིད་ལས། འདི་ལྟར་ལྷ་མིའི་གོ་འཕང་ཐོབ་ཀྱང་འདུ་བྱེད་ཀྱི་སྡུག་བསྔལ་ལས་མ་འདས་པས་དེ་ལ་རང་བཞིན་གྱིས་བདེ་བར་འཛིན་པ་ཕྱིན་ཅི་ལོག་ཡིན་པས་ཡང་དག་པར་ན་བདེ་བ་མེད་ལ་སླར་ཡང་ངན་འགྲོར་ངེས་པར་ལྟུང་བས་མཐའ་ངན་པའི་ཕྱིར་རོ། །དཔེར་ན་དེ་མ་ཐག་གཡང་སར་ལྟུང་བ་འགའ་གཡང་ཁ་ན་ངལ་བསོ་བ་བཞིན་ཏེ། སྤྱོད་པ་ལ་འཇུག་པ་ལས། བདེ་འགྲོར་ཡང་དང་ཡང་འོངས་ཏེ། །བདེ་བ་མང་པོ་སྤྱད་སྤྱད་ནས། །ཤི་ནས་ངན་སོང་སྡུག་བསྔལ་ནི། །ཡུན་རིང་མི་བཟད་རྣམས་སུ་ལྟུང༌། །ཞེས་དང༌། སློབ་མ་ལ་སྤྲིངས་པ་ལས་ཀྱང༌། གང་ཞིག་འཁོར་བའི་འཁོར་ལོ་རྟག་ཏུ་འགྱུར་བ་ཡི། །ནང་དུ་ཞུགས་ནས་བསྟི་བ་ཙམ་ལ་བདེར་སེམས་པ། །དེ་ནི་ངེས་པར་དབང་མེད་རིམ་གྱིས་བརྒྱ་ཕྲག་ཏུ། །འགྲོ་བ་མཉམ་དང་མི་མཉམ་ཀུན་ཏུ་འཁྱམ་བར་འགྱུར། །ཞེས་གསུངས་སོ། །དེའི་ཕྱིར་བདེ་འགྲོ་ལ་ཡང་ངན་འགྲོ་དང་འདྲ་བར་ཤིན་ཏུ་སྐྱོ་བར་བྱ་དགོས་ཏེ། བཞི་བརྒྱ་པ་ལས། མཁས་པ་རྣམས་ལ་མཐོ་རིས་ཀྱང༌། །དམྱལ་བ་དང་མཚུངས་འཇིགས་བསྐྱེད་འགྱུར། །རྣམ་པ་ཀུན་ཏུ་དེ་རྣམས་ལ། །སྲིད་གང་འཇིགས་པ་མི་བསྐྱེད་དཀོན། །ཞེས་དང༌། ཡོན་ཏན་རིན་པོ་ཆེ་སྡུད་པ་ལས་ཀྱང༌། འཁོར་བར་ཆགས་པའི་ཡིད་དང་ལྡན་རྣམས་རྟག་ཏུ་འཁོར། །ཞེས་དང༌། སློབ་མ་ལ་སྤྲིངས་པ་ལས་ཀྱང༌། ཇི་ལྟ་ཇི་ལྟར་འགྲོ་བ་ཀུན་ལ་བདེ་བའི་འདུ་ཤེས་སྐྱེས། །དེ་ལྟ་དེ་ལྟར་གཏི་མུག་མུན་པ་ཤིན་ཏུ་འཐུག་པོར་འགྱུར། །ཇི་ལྟ་ཇི་ལྟར་འགྲོ་བ་ཀུན་ལ་སྡུག་བསྔལ་འདུ་ཤེས་སྐྱེས། །དེ་ལྟ་དེ་ལྟར་གཏི་མུག་མུན་པ་ཤིན་ཏུ་སྲབ་མོར་འགྱུར། །ཇི་ལྟ་ཇི་ལྟར་སྡུག་པ་བསྒོམ་པ་ཤིན་ཏུ་རྣམ་འཕེལ་བ། །དེ་ལྟ་དེ་ལྟར་འདོད་ཆགས་མེ་ལྕེ་ཤིན་ཏུ་འཕྲོ་བར་འགྱུར། །ཇི་ལྟ་ཇི་ལྟར་མི་སྡུག་བསྒོམ་པ་ཤིན་ཏུ་འཕེལ་གྱུར་པ། །དེ་ལྟ་དེ་ལྟར་འདོད་ཆགས་མེ་ལྕེ་ཤིན་ཏུ་རྩེ་གཞིལ་འགྱུར། །ཞེས་ཐོག་མ་མེད་པ་ནས་སྲིད་པའི་ཕུན་ཚོགས་ལ་བདེ་བར་འཛིན་པ་དང༌། སྡུག་པའི་རྣམ་པར་སྒྲོ་འདོགས་པ་གོམས་པའི་གཉེན་པོར་སྡུག་བསྔལ་དང༌། མི་སྡུག་པ་བསྒོམ་པ་གོམས་པར་བྱས་ན་དེ་དག་ལྡོག་ལ། མ་བསྒོམས་ན་གཏི་མུག་དང་འདོད་ཆགས་འཕེལ་ནས་སྲིད་པའི་འཁོར་ལོ་བསྐོར་བར་གསུངས་པས་སྲིད་པའི་ཉེས་དམིགས་བསྒོམ་པ་གནད་དུ་ཆེའོ། །ཞེས་དང་། ཡང་དེ་ཉིད་ལས། ལྔ་པ་ནི་ཉེར་ལེན་གྱི་ཕུང་པོ་གྲུབ་ཙམ་གྱིས་འདུ་བྱེད་ཀྱི་སྡུག་བསྔལ་གྱི་རང་བཞིན་དུ་སྐྱེ་སྟེ། ལས་དང་ཉོན་མོངས་པ་སྔ་མའི་གཞན་གྱི་དབང་དུ་གྱུར་པའི་འདུ་བྱེད་ཐམས་ཅད་འདུ་བྱེད་ཀྱི་སྡུག་བསྔལ་ཡིན་པའི་ཕྱིར་རོ། །ཞེས་དང་། རེག་པ་དེ་གཉིས་ཀ་དང་མ་ཕྲད་པའི་དུས་ཀྱི་འབྲས་ཚ་བ་ལྟ་བུ་ནི། ཟག་པ་དང་བཅས་པའི་ཚོར་བ་བཏང་སྙོམས་ཏེ། གནས་ངན་ལེན་རྗེས་སུ་འབྲེལ་བས་འདུ་བྱེད་ཀྱི་སྡུག་བསྔལ་ལོ། །འདི་ཡང་ཚོར་བ་གཅིག་པུ་ལ་མི་བྱ་བ་ནི་སྔར་ལྟར་རོ། །འདི་ནི་ལས་དང་ཉོན་མོངས་པ་སྔ་མའི་གཞན་དབང་དུ་གྱུར་ཅིང༌། སྡུག་བསྔལ་དང་ཉོན་མོངས་པ་ཕྱི་མ་རྣམས་སྐྱེ་བའི་ས་བོན་རྗེས་སུ་འབྲེལ་བས་ན་ཀུན་ཏུ་འགྲོ་བའི་གནས་ངན་ལེན་དང་ལྡན་པའོ། །ཞེས་གསུངས་སོ། །ཞེས་གསུངས་སོ། །མཁས་གྲུབ་ཆོས་རྗེའི་གསུང་ཐོར་བུ་༨༩བ༢ལས་ཀྱང་། འཁོར་བའི་སྡུག་བསྔལ་སེམས་པའི་སྒོ་མཐའ་ཡས་ཀྱང་། གཙོ་བོར་ཁྱབ་པ་འདུ་བྱེད་ཀྱི་སྡུག་བསྔལ་ཉེར་ལེན་གྱི་ཕུང་པོ་འདི་གནས་སྲིད་རྩེ་ནས་དམྱལ་བའི་བར་གང་དུ་གྲུབ་ཀྱང་གྲུབ་ཙམ་ནས་སྡུག་བསྔལ་གྱི་རང་བཞིན་དུ་གྲུབ་པའི་ཚུལ་ལ་ངེས་པ་གཏིང་ནས་རྙེད་ཀྱི་བར་དཔྱད་ནས། ངེས་པ་རྙེད་པ་ན་དཔྱད་སྒོམ་ལ་ལེགས་པར་འབད་པས་ཕུང་པོ་འདི་ལ་ནད་དང་འབྲས་དང་ཟུག་རྔུ་ལྟར་མཐོང་ནས། ལྷའི་ལུས་ལ་ཡང་འདོད་པ་རྨི་ལམ་དུ་ཡང་མི་སྐྱེ་བའི་བློ་གོ་ཡུལ་ཙམ་དུ་མ་ལུས་པ་ཞིག་མ་སྐྱེས་ན། ངེས་འབྱུང་མཚན་ཉིད་ཚང་བའི་དོན་མེད་ཅིང་། བློ་དེ་འདྲ་གཅིག་མ་སྐྱེས་བར་དུ་ཐར་པ་དོན་གཉེར་ཚིག་ཙམ་ཡིན། ཞེས་གསུངས་སོ། །དེས་ན་ཁྱབ་པ་འདུ་བྱེད་ཀྱི་སྡུག་བསྔལ་ནི་ཡབ་སྲས་གཉིས་ཀས་ཉེར་ལེན་གྱི་ཕུང་པོ་ལྔ་ལ་ངོས་འཛིན་མཛད་དོ། །མཛོད་འགྲེལ་ལས། ལག་མཐིལ་སྤུ་ཉག་གཅིག་འདུག་པ། །དེ་ནི་མིག་ཏུ་སོང་བ་ན། །མི་བདེ་བ་དང་སྡུག་བསྔལ་སྐྱེད། །བྱིས་པ་ལག་མཐིལ་འདྲ་བ་ཡིས། །འདུ་བྱེད་སྡུག་བསྔལ་སྤུ་མི་རྟོགས། །འཕགས་པ་མིག་དང་འདྲ་བ་ཡིས། །འདུ་བྱེད་ལ་ནི་སྡུག་བསྔལ་གཟིགས། །ཞེས་གསུངས་པ་ལྟར་རོ། །སྒྲ་བཤད་ནི། སྲིད་རྩེ་ནས་མནར་མེད་ཀྱི་བར་ཁྱབ་པས་ན་ཁྱབ་པ། ཡང་ན་བདེ་སྡུག་བཏང་སྙོམས་ཐམས་ཅད་འབྱུང་བས་ཁྱབ་པ། སྡུག་བསྔལ་གཞན་གཉིས་འདུ་བྱེད་པ་སྟེ་སྐྱེད་པར་བྱེད་པས་འདུ་བྱེད། ཚོར་བ་སྡུག་བསྔལ་དངོས་མིན་ཡང་དེའི་རང་བཞིན་དུ་གནས་པས་སྡུག་བསྔལ་ཞེས་བརྗོད་དོ། །ཚོར་བ་སྡུག་བསྔལ་ནི་འདོད་ཁམས་ཁོ་ནར་ཡོད་ལ། ཚོར་བ་བདེ་བ་ནི་བསམ་གཏན་གསུམ་པའི་བར་ཡོད་ཅིང་། ཚོར་བ་བཏང་སྙོམས་ནི་ཁམས་གསུམ་གར་ཡོད་པས་སྲིད་རྩེ་ནས་མནར་མེད་ཀྱི་བར་ཁྱབ་པ་ཞེས་བརྗོད་ཀྱང་རིགས། ཡང་ན། རྗེའི་ལམ་རིམ་ཆེན་མོ་ལས། ལས་ཉོན་སྔ་མའི་གཞན་དབང་དུ་གྱུར་པའི་འདུ་བྱེད་ཐམས་ཅད་འདུ་བྱེད་ཀྱི་སྡུག་བསྔལ་ཡིན་པའི་ཕྱིར་རོ། །ཞེས་དོན་ཕལ་ཆེར་གོང་དང་འདྲ་བ་ལ་ཚིག་རིས་ཅུང་ཟད་མི་འདྲ་བར་ཡང་གསུངས་སོ། །་ལ་ཚིག་རིས་ཅུང་ཟད་མི་འདྲ་བར་ཡང་གསུངས་སོ། །)
• Dictionaries/sgom sde tshig mdzod chenmo/2751  + (སྡུག་ཤོས། དམན་ཤོས། ཆུང་ཤོས། མ་མཐར། མ་མཐའ་ན … སྡུག་ཤོས། དམན་ཤོས། ཆུང་ཤོས། མ་མཐར། མ་མཐའ་ན། ཆུང་མཐའ་ན། ཆུང་ངུ་ན། ཆུང་ས་ན། དམའ་ས་ན། ཆུང་བ་དང་དམན་པ་སོགས་ཀྱི་མ་མཐའི་ཚད་གཞི་སྟོན་པའི་ཚིག་ཅིག བརྒྱད་སྟོང་པའི་འགྲེལ་པ་གནད་ཀྱི་ཟླ་འོད་ལས། ཐ་ན་ཞེས་པ་ནི་ལྷག་པ་མེད་པའོ། །ཞེས་གསུངས་པ་ཡང་གོང་དང་གནད་གཅིག་གོ། ལྷག་པ་མེད་པའམ་ལྷག་མ་མེད་པ་ཞེས་པ་ནི། དེའི་རྗེས་སུ་གང་ཡང་ལྷག་མ་ལུས་པ་སྟེ་སྡུག་ཤོས་ཀྱི་དོན་ནོ། །བརྒྱད་སྟོང་པའི་དཀའ་འགྲེལ་སྙིང་པོ་མཆོག་ལས། ཐ་ན་ཞེས་བྱ་བ་ནི་ཆུང་ངུ་ན་ཞེས་བྱ་བའི་དོན་ཏོ། །ཞེས་གསུངས་སོ། །བོད་རྒྱ་ཚིག་མཛོད་ཆེན་མོས། ཐ་ནའི་དོན་ལ། མ་མཐར་ཞེས་པ་དང་། དག་གསར་ལས། ཚད་ལས་འདས་པར་སྟོན་ཏེ། ཞེས་དང་། ངག་སྒྲོན་འགྲེལ་པར། ཆུང་ངུ་ན་ཞེས་བཤད་དོ། ། ངག་སྒྲོན་འགྲེལ་པར། ཆུང་ངུ་ན་ཞེས་བཤད་དོ། །)
• Dictionaries/sgom sde tshig mdzod chenmo/12945  + (སྦྱིན་པ་ཕུན་སུམ་ཚོགས་པའི་དོན་ནི། ཀུན་བཏུས་ … སྦྱིན་པ་ཕུན་སུམ་ཚོགས་པའི་དོན་ནི། ཀུན་བཏུས་མཆིམས་མཛོད་དུ་༤༥༧དྲངས་པ་ལས། ཀུན་ལས་བཏུས་ལས་ཀྱང་། ཇི་ལྟར་ན་སྦྱིན་པ་ཕུན་སུམ་ཚོགས་པ་ཡིན་ཞེ་ན། ཕྱིར་ཞིང་སྦྱིན་པ་དང་། ཕྱོགས་མི་འབྱེད་པར་སྦྱིན་པ་དང་། འདོད་པ་ཡོངས་སུ་རྫོགས་པར་སྦྱིན་པ་དང་། མི་གནས་པར་སྦྱིན་པ་དང་། རྒྱ་ཆེར་སྦྱིན་པ་དང་། དགའ་བས་སྦྱིན་པ་དང་། སྣོད་ལ་སྦྱིན་པ་དང་། འཁོར་དང་གློ་བུར་དུ་འོངས་པ་ལ་ལེགས་པར་བགོས་ཏེ་སྦྱིན་པས་སྦྱིན་པ་ཕུན་སུམ་ཚོགས་པར་རིག་པར་བྱའོ། །ཞེས་གསུངས་པ་ལྟར་རོ། །ོགས་པར་རིག་པར་བྱའོ། །ཞེས་གསུངས་པ་ལྟར་རོ། །)
• Dictionaries/sgom sde tshig mdzod chenmo/8925  + (སྦྱོར་བའི་ཆོས་དྲུག་གི་གཉིས་པ་མཆོད་པ་གཡོ་མེ … སྦྱོར་བའི་ཆོས་དྲུག་གི་གཉིས་པ་མཆོད་པ་གཡོ་མེད་ཅིང་བཀོད་པ་མཛེས་པར་བཤམ་པ་ལ། དང་པོ་ (ཡོན་ཆབ་ཀྱི་ངོ་བོ) ནི། ཡོན་ཆབ་ནི་ཆུའི་མཆོད་པ་ལ་ཟེར། གཉིས་པ་ (སྒྲ་བཤད) ནི། ཡོན་ནི་འདིར་འབུལ་བའམ་མཆོད་པའི་དོན་དང་། ཆབ་ནི་ཆུའི་ཞེ་ས་སྟེ། སྐྱབས་ཡུལ་ལ་དྭངས་ཤིང་གཙང་བའི་ཆུའི་མཆོད་པ་འབུལ་བ་ལ་ཟེར་རོ། །དྭངས་ཤིང་བསིལ་བའི་ཡོན་ཆབ་གཙང་མ་ཕུལ་ན་ཤེས་རྒྱུད་ཀྱི་སྡིག་ལྟུང་སྦྱངས་ཏེ་ས་ལམ་གྱི་རྟོགས་པ་སྐྱེ་བའི་དགོས་པ་ཆེ་ཞིང་བསྒྲུབ་སླ་ལ་སེར་སྣ་སོགས་ཀྱི་ཉེས་པ་མི་འཇུག་པས་བླ་མ་གོང་མ་རྣམས་ཀྱིས་གཙོ་བོར་མཛད། ཅེས་རྗེ་གུང་ཐང་པ་གསུང་། གསུམ་པ་ (ཡོན་ཆབ་འབུལ་བའི་སྲོལ་དར་ཚུལ) ནི། ཇོ་བོ་རྗེ་དཔལ་ལྡན་ཨ་ཏི་ཤ་བོད་དུ་ཕེབས་དུས། ཇོ་བོ་ཆེན་པོས། བོད་ཀྱི་ཆུ་འདི་ཐམས་ཅད་ཡན་ལག་བརྒྱད་ལྡན་ཡིན་པས་བོད་ན་མཆོད་པ་ཡོན་ཆབ་གཅིག་པུས་ཆོག་པར་འདུག་ཅེས་གསུངས་པ་ལ་བརྟེན་ནས་བོད་དུ་ཡོན་ཆབ་འབུལ་བའི་སྲོལ་དར་བར་བཤད། སྤྱིར་བཏང་མཆོད་ཏིང་མང་པོ་སྟར་བསྒྲིགས་ནས་ཆུའི་མཆོད་པ་འབུལ་བའི་སྲོལ་འདི་སྔོན་རྒྱ་གར་དུ་ཐེག་པ་ཆེན་པོའི་བསྟན་པ་དར་བའི་སྐབས་དར་བ་ཡིན་མོད། ཕྱིས་སུ་ཉམས་སོ། །བྷར་མའི་གཙུག་ལག་ཁང་རྣམས་སུ་ཡང་རང་རེ་བོད་ཀྱི་ཡུལ་ལྟར་ཉིན་ལྟར་ཏིང་བརྒྱ་ཕྲག་ཁ་ཤས་ནང་དུ་ཡོན་ཆབ་འབུལ་བའི་སྲོལ་ཡོད་པར་དགེ་འདུན་ཆོས་འཕེལ་གྱིས་གཏམ་རྒྱུད་གསེར་གྱི་ཐང་མ་ལས་བཤད་དེ། བྷར་མའི་གཙུག་ལག་ཁང་རྣམས་སུ་ཉིན་རེ་བཞིན་ཏིང་བརྒྱ་ཕྲག་རེ་གཉིས་ཀྱི་ནང་དུ་ཆུའི་མཆོད་པ་བོད་བཞིན་དུ་འབུལ་བའི་སྲོལ་མཆིས། འདི་སིདྒ་ལ་སོགས་ཉེ་བའི་ཡུལ་གང་ན་ཡང་མེད་པས་སྔོན་ཐེག་ཆེན་པའི་དུས་སུ་དར་བ་ཞིག་ཡིན་ཟེར། རང་རེ་རྣམས་ཀྱིས་ཡོན་ཆབ་ཀྱི་སྲོལ་ཇོ་བོ་བྱོན་ནས་བོད་ཀྱི་ཆུ་གཟིགས་ཏེ་གསར་དུ་མཛད་པ་འདྲ་བ་ཞིག་བཤད་མོད། དོན་ལ་རྒྱ་གར་ལ་སྔ་མོ་ནས་དར་བར་མངོན། ཞེས་དགེ་འདུན་ཆོས་འཕེལ་གསུང་ངོ་། །བཞི་པ་ (ཡོན་ཆབ་འབུལ་ཚུལ) ནི། ཡོན་ཆབ་འབུལ་བའི་ཚེ་ཐོག་མར་གནས་ཁང་བྱི་དོར་བྱ་བ་སོགས་སྤྱི་འགྲེ་ལྟར་སྔོན་དུ་བཏང་། དེ་ནས་ལག་པ་ལེགས་པར་བཀྲུས་ལ་གཙང་སྦྲ་དང་ལྡན་པའི་སྒོ་ནས་ཏིང་རྣམས་ལེགས་པར་ཕྱིས། ཏིང་ཆེ་ཆུང་ལ་གཞིགས་ཏེ་བར་ཐག་ཀྱང་ཆེ་ཆུང་འཚམ་པ་ཞིག་བཞག ཏིང་ཆུང་ཆུང་ཡིན་ན་ནས་འབྲུ་ཞིག་འཕྲད་སྟབས་སུ་བཞག་པའི་བར་ཐག་འཇོག བར་ཐག་རིང་ན་བླ་མ་དང་འབྲལ་བ་དང༌། ཅིག་གིས་ཅིག་ལ་ཐུག་ན་དབང་པོ་རྟུལ་བ་དང༌། སྒྲ་འབྱིན་ན་སྨྱོ་བ་སོགས་འབྱུང་བར་ཡང་བཤད། དེ་ཡང་སྣོད་སྟོང་པ་བསྒྲིགས་ན་རྟེན་འབྲེལ་འཕྱུག་པས་ཏིང་རྣམས་བརྩེགས་པའི་སྟེང་མར་ཆུ་ཅུང་ཟད་བླུགས། ཆུ་དེ་འོག་མ་འོག་མར་བགོ་བཞིན་དུ་སྟོང་པ་མིན་པར་རིམ་བཞིན་མཆོད་ཁྲིའི་སྟེང་འགྲེམས། དེ་ནས་འབུལ་བའི་ཚེ་ལག་པ་ཡ་གཅིག་གིས་འབུལ་བར་བྱེད་པ་སོགས་མ་གུས་པ་མི་བྱ་བར་རྒྱལ་པོ་ཆེན་པོ་ཞིག་ལ་གསོལ་ཇ་ཞུ་བ་ལྟར་བྱེད་དགོས། དེ་ཡང་ནས་འདྲ་མ་ཞེས་ནས་འབྲུའི་དབྱིབས་ལྟར་ཐོག་མཐའ་གཉིས་ཕྲ་ཞིང་དཀྱིལ་སྦོམ་པ་བྱས་ནས་འབུལ། ཕྱིར་བོ་ཞིང་ལུད་ན་ཚུལ་ཁྲིམས་འཆལ་ཞིང༌། མ་ཁེངས་ན་ལོངས་སྤྱོད་དབུལ་བ། ཡ་ཡོར་སོང་ན་ལམ་ལོག་པར་གོལ་བ་སོགས་ཀྱི་ཉེས་པ་འབྱུང་བར་བཤད། རྩྭ་ཀུ་ཤ་ལྟ་བུའི་རྩེར་ཡོན་ཆབ་ཀྱི་ཆུ་ལས་ཆུའི་གཟེགས་མ་བླངས་ཤིང་། ངག་ནས་ༀ་ཨཱཿཧཱུྃ་ལན་གསུམ་བརྗོད་པ་དང་མཉམ་དུ། ཡོན་ཆབ་ལ་སིལ་གཏོར་བྱས་ཏེ་བྱིན་གྱིས་བརླབ་དགོས། ལྔ་པ་ (ཡོན་ཆབ་བྱིན་གྱིས་རློབ་ཚུལ) རྡོ་རྗེ་གསུམ་སྟེ་སངས་རྒྱས་ཀྱི་སྐུ་གསུང་ཐུགས་ཀྱི་ངོ་བོ་མཚོན་པའི་ༀ་ཨཱ་ཧཱུྂ་གསུམ་གྱི་ཡིག་འབྲུའི་ཚོགས་དཔག་ཏུ་མེད་པ་གནམ་མཁའ་ལས་ཁ་བ་འབབ་པ་ལྟར་བབས་ཏེ་དངོས་སུ་བཤམས་པ་དང་ཡིད་ཀྱིས་སྤྲུལ་པའི་ཡོན་ཆབ་སོགས་ཡིད་དུ་འོང་བའི་མཆོད་པའི་དངོས་པོ་ནམ་མཁའི་མཐའ་ཀླས་པ་དེ་དག་ལ་སིམས་ཏེ་བྱིན་གྱིས་བརླབས་པར་མོས། དེ་ཡང་ཧཱུྂ་ཡིག་ཐུགས་རྡོ་རྗེའི་ས་བོན་ཡིན་པས་ཁ་དོག་དང་དྲི་དང་ནུས་པ་སོགས་ཀྱི་སྐྱོན་ཐམས་ཅད་སྦྱངས་པར་བསམ། ཨཱ་ཡིག་གསུང་རྡོ་རྗེའི་ས་བོན་ཡིན་པས་ཐ་མལ་གྱི་ཆུ་དེ་ཉིད་བདུད་རྩིར་བསྒྱུར་བར་བསམ། ༀ་ཡིག་སྐུ་རྡོ་རྗེའི་ས་བོན་ཡིན་པས་ཡེ་ཤེས་ཀྱི་བདུད་རྩི་དེ་ཉིད་མང་པོར་སྦར་ཞིང་སྤེལ་བའི་མོས་པ་བྱའོ། །དེ་ནས་ༀ་ན་མོ་བྷ་ག་ཝ་ཏེ། བཛྲ་སཱ་ར་པྲ་མརྡྷ་ནི། ཏ་ཐཱ་ག་ཏཱ་ཡ། ཨརྷ་ཏྱེ་ས་མྱཀ་སཾ་བུདྡྷ་ཡ། ཏདྱ་ཐཱ། ༀ་བཛྲེ་བཛྲེ་མཧཱ་བཛྲེ། མཧཱ་ཏེ་ཛ་བཛྲེ། མཧཱ་བིདྱཱ་བཛྲེ། མཧཱ་བོ་དྷི་ཙིཏྟ་བཛྲེ། མཧཱ་བོདྷི་མཎྜོ་པ་སཾ་ཀྲ་མཎ་བཛྲེ། སརྦ་ཀརྨྨ་ཨ་ཝ་ར་ཎཱ་བི་ཤོ་དྷ་ན་བཛྲེ་སྭཱཧཱ། ཞེས་དེ་བཞིན་གཤེགས་པ་རྡོ་རྗེ་རབ་འཇོམས་ཀྱི་གཟུངས་སམ་མཆོད་པའི་སྤྲིན་གྱི་གཟུངས་བརྗོད་བཞིན་པར་ཕུལ་ན་ཕྱོགས་བཅུའི་སངས་རྒྱས་ཐམས་ཅད་ཀྱི་སྤྱན་སྔར་མཆོད་པའི་སྤྲིན་གྱི་ཕུང་པོ་ནམ་མཁའ་གང་བ་འབྱུང་བར་གསུངས་པས་ཤིན་ཏུ་ཕན་ཡོན་ཆེའོ། །དྲུག་པ་ (མཆོད་ཏིང་གི་རྒྱུའི་ཁྱད་པར) མཆོད་ཏིང་ལ་རྫ་ཁོག་སོགས་རུང་ངམ་ཞེ་ན། བྱ་བྲལ་བ་ལྟ་བུའི་དབུལ་ཕོངས་ལ་ནི་རུང་ངོ་། །དབུལ་པོ་བྱ་བྲལ་བ་ལྟ་བུ་སྦྱོར་བ་མེད་ན་རང་གི་ཕོར་པ་ཡང་རུང་བར་གསུངས་ཏེ། རྗེ་སྒྲུབ་ཁང་པ་དགེ་ལེགས་རྒྱ་མཚོ་དེ་ཉིད་ཐོག་མར་སེ་ར་རྩེར་རྗེའི་སྒྲུབ་ཁང་དུ་ཕེབས་འཕྲལ་སྐབས་སྐུ་ཆས་དང་ཡོ་བྱད་བཀྲེན་པས། ཡོན་ཆབ་འབུལ་བའི་ཏིང་ཙམ་ཡང་མེད་པར། ཡོན་ཆབ་འབུལ་སྐབས་ཁོང་རང་གི་བཞེས་སྤྱད་ཆུས་ཡག་པོ་བཀྲུས་ནས་དེ་ལ་ཡོན་ཆབ་འབུལ་བར་གསུངས་པའི་ལོ་རྒྱུས་ཡོད་དོ། །འོ་ན་གསེར་དངུལ་ཟངས་སོགས་བྱེད་པ་རྒྱུ་མཚན་ཅི་ཡིན་ཞེ་ན། རང་གི་སྦྱོར་བས་ལྕོགས་ན་སྣོད་ཇི་ཙམ་རིན་ཆེ་བ་དེ་ཙམ་གྱིས་ཕན་ཡོན་ཡང་ཆེ་བ་ཡིན་ནོ། །བདུན་པ་ (ཡོན་ཆབ་ཕུལ་བའི་ཕན་ཡོན) ཕན་ཡོན་བཤད་པ་བཤད་པ་ལ། ཐོག་མར་ཡན་ལག་བརྒྱད་ལྡན་གྱི་ཆུ་ངོས་གཟུང་བ་ནི། མཆིམས་མཛོད་ལས། བསིལ་དང་ཞིམ་དང་ཡང་བ་དང༌། །འཇམ་དང་དྭངས་དང་དྲི་ང་མེད། །འཐུངས་ན་མགྲིན་དང་ལྟོ་བ་ལ། མི་གནོད་ཡན་ལག་བརྒྱད་ལྡན་ཆུ། །ཞེས་གསུངས་པ་ལྟར་རོ། །ཡན་ལག་བརྒྱད་ལྡན་གྱི་ཆུ་འབུལ་བའི་ཕན་ཡོན་ནི། དྭངས་ཤིང་བསིལ་བའི་ཡོན་ཆབ་གཙང་མ་ཕུལ་ན་ཤེས་རྒྱུད་ཀྱི་སྡིག་ལྟུང་སྦྱངས་ཏེ་ས་ལམ་གྱི་རྟོགས་པ་སྐྱེ་བའི་དགོས་པ་ཡོད་པར་གསུངས་ཤིང་། ཁྱད་པར་དུ་ཡན་ལག་བརྒྱད་ལྡན་གྱི་ཆབ་ཕུལ་བས་ནི། ཆུ་བསིལ་བ་ཕུལ་བས་ཚུལ་ཁྲིམས་དག་པ་དང༌། ཆུ་ཞིམ་པ་ཕུལ་བས་ཟས་ཀྱི་རོ་མཆོག་རྙེད་པ་དང༌། ཆུ་ཡང་བ་ཕུལ་བས་ལུས་སེམས་ལས་སུ་རུང་བ་དང༌། ཆུ་འཇམ་པ་ཕུལ་བས་ཤེས་རྒྱུད་འཇམ་པ་དང༌། ཆུ་དྭངས་བ་ཕུལ་བས་རིག་པ་དྭང་བར་འགྱུར་བ་དང༌། ཆུ་དྲི་མི་ང་བ་ཕུལ་བས་སྒྲིབ་པ་སྦྱོང་བ་དང༌། ཆུ་ལྟོ་ལ་མི་གནོད་པ་ཕུལ་བས་ལུས་ལ་ནད་མི་འབྱུང་བ་དང༌། ཆུ་མགྲིན་པ་ལ་མི་གནོད་པ་ཕུལ་བས་ངག་སྙན་པ་བཅས་ཀྱི་ཕན་ཡོན་བརྒྱད་འབྱུང་བར་གསུངས་སོ། །གཞན་ཡང་ཆུ་ཕུལ་བས་ཕན་ཡོན་ཅི་ཐོབ་སྙམ་པ་སྲིད་ཀྱང་། དེ་ནི་དེ་ལྟར་མ་ཡིན་ཏེ། དབུལ་ཞིང་ཕོངས་པའི་བྲན་མོ་རྒན་མོ་ཞིག་གིས་འཕགས་པ་ཀཱ་ཏྱཱ་ཡ་ན་ལ་ཆུ་གཙང་མ་ལྷུང་བཟེད་གང་ཕུལ་བའི་དགེ་བའི་རྩ་བས་སུམ་ཅུ་རྩ་གསུམ་དུ་སྐྱེས་པའི་ལོ་རྒྱུས་ཡོད་དེ། མདོ་མཛངས་བླུན་༼མདོ་སྡེ་ཨ་པ༽༡༩༢བ༥ལས། བཙུན་པ་ཀཱ་ཏྱཱ་ཡ་ན་ཆེན་པོ་ཡུལ་ཨ་པ་དེ་ན་འདུག་པ་ལས། ཡུལ་དེ་ན་ཁྱིམ་བདག་ལོངས་སྤྱོད་དང་ལྡན་པ་སེར་སྣ་ཅན་སྙིང་རྗེ་མེད་པ་ཞིག་ལ་བྲན་མོ་རྒན་མོ་ཞིག་ཡོད་དེ། བྲན་མོ་དེ་ངན་ལས་ཐམས་ཅད་བྱེད་ཀྱང་གོས་ནི་ལུས་ལ་མི་གཡོགས། ཟས་ནི་ཁར་མི་མྱོང་སྟེ། རྟག་ཏུ་བརྡུང་བཙོགས་པས་རྒན་མོས་མ་བཟོད་ནས། སྲོག་འདོར་དུ་འགྲོའོ་སྙམ་ནས་བུམ་པ་ཐོགས་ཏེ་ཆུ་འཆུར་སོང་བ་དང་། ཆུ་འགྲམ་དུ་སྐད་ཆེན་པོ་ཕྱུང་སྟེ་ངུས་སོ། །ཀཱ་ཏྱཱ་ཡ་ན་དེར་འོངས་ཏེ། རྒན་མོ་ཅིའི་ཕྱིར་འདི་ལྟར་མི་དགའ་ཞེས་དྲིས་པ་དང་། འཕགས་པ་བདག་རྒས་པའི་སྟེང་དུ་ལས་ནི་ཆེ། བགོ་བ་དང་བཟའ་བ་ནི་མེད། དབུལ་ཕོངས་པས་ཅིའི་ཕྱིར་མི་འགུམ་སྙམ་བསམས་མི་དགའ་སྟེ་ངུའོ། །ཀཱ་ཏྱཱ་ཡ་ནས་སྨྲས་པ། རྒན་མོ་ཁྱོད་དབུལ་པོ་བཙོང་ན་ཅི་ཉེས། རྒན་མོས་སྨྲས་པ། དབུལ་ཇི་ལྟར་བཙོང་སུ་ཞིག་དབུལ་ཉོ་ཞེས་སྨྲས་པ་དང་། ཀཱ་ཏྱཱ་ཡ་ནས་དབུལ་བཙོང་དུ་རུང་ངོ་། །ཞེས་ལན་གསུམ་གྱི་བར་དུ་བསྒོ་བ་དང་། དབུལ་འདི་ཇི་ལྟར་བཙོང་དྲིའོ་སྙམ་ནས། དབུལ་ཇི་ལྟར་བཙོང་དུ་རུང་ཞེས་དྲིས་པ་དང་། ཀཱ་ཏྱཱ་ཡ་ནས་སྨྲས་པ། ཇི་སྟེ་དབུལ་བཙོང་བར་འདོད་ན་ངས་བསྟན་པ་བཞིན་དུ་གྱིས་ཤིག ཅེས་བསྒོ་བ་དང་། འཕགས་པ་དེ་བཞིན་དུ་བགྱིའོ་ཞེས་གསོལ་ཏོ། །ཀཱ་ཏྱཱ་ཡ་ནས་སྨྲས་པ། ཁྱོད་སྔར་ཁྲུས་གྱིས་ཤིག་བཀྲུས་པའི་འོག་ཏུ་སྦྱིན་པ་གྱིས་ཤིག རྒན་མོས་སྨྲས་པ། བདག་ལ་ལྷན་པ་ཙམ་གྱི་རྒྱུ་ཡང་མེད་ན་ཅི་ཞིག་སྦྱིན་པར་བྱ་བུམ་པ་འདི་ནི་ཇོ་མོའི་ཡིན་ཏེ། དབང་མ་མཆིས་སོ། །ཀཱ་ཏྱཱ་ཡ་ནས་སྨྲས་པ། ཁྱོད་ལྷུང་བཟེད་ཀྱི་ནང་ན་ཆུ་གཙང་མ་ཁོང་ལ་ང་ལ་ཕུལ་ཅིག ངས་སྦྱིན་པའི་ཚིགས་སུ་བཅད་པར་བྱའོ། །ཀཱ་ཏྱཱ་ཡ་ནས་ཆུ་བླངས་ཏེ་སྦྱིན་པའི་ཚིགས་བཅད་ཀྱང་བྱས་བསླབ་ཚིག་ཀྱང་བྱིན། སངས་རྒྱས་ཀྱི་མཚན་བརྗོད་དུ་བཅུག་སྟེ། ཡོན་ཏན་རྣམ་པ་སྣ་ཚོགས་བསྔགས་ནས་རྒན་མོ་ཁྱོད་ལ་འདུག་པའི་གནས་ཡོད་དམ། རྒན་མོས་སྨྲས་པ། བདག་ལ་འདུག་པའི་གནས་མ་མཆིས་ཏེ། འཐག་པ་དང་གཏུན་བརྡུངས་པ་དང་། ལས་བྱེད་པའི་གནས་ཉིད་ལ་ཉལ་ལོ། །བར་འགའ་ནི་ལུད་ཕུང་གི་སྟེང་དུ་ཡང་ཉལ་ལོ། །ཀཱ་ཏྱཱ་ཡ་ནས་སྨྲས་པ། ཁྱོད་ངན་ལས་བྱེད་པ་ལ་འགྱོད་པ་དང་། མི་དགའ་བར་མ་བྱེད་པར་བརྩོན་འགྲུས་སུ་ལས་བྱོས་ལ། ཇོ་མོ་བསྙལ་བའི་འོག་ཏུ་དལ་གྱིས་ཇོ་མོའི་སྒོ་ཕྱེ་སྟེ། སྒོ་ཕག་གམ་གྲབ་གཙང་ཞིག་ཏུ་རྩྭ་གཙང་མ་བཏིང་བ་ལ་འདུག་ནས་གཞན་མ་སེམས་པར་སངས་རྒྱས་ཡིད་ལ་བྱོས་ལ་དྲན་པར་གྱིས་ཤིག དེ་ནས་རྒན་མོས་ཀྱང་བསྟན་པ་བཞིན་དུ་བྱས་ནས་རིང་པོ་མ་ལོན་པར་མཚན་མོ་འདུག་བཞིན་དུ། ཚེ་འཕོས་ནས་སུམ་ཅུ་རྩ་གསུམ་གྱི་ལྷར་སྐྱེས་ནས། དེའི་ཇོ་མོ་ནང་པར་སྔར་ལངས་ནས། ཁྱིམ་གྱི་ནང་ན་བྲན་མོ་ཚེ་འཕོས་པ་མཐོང་ནས། ཁྲོས་ཏེ་རྒན་མོ་འདི་ཁྱིམ་གྱི་ནང་དུ་མ་བཏང་ན་ཅིའི་ཕྱིར་འདིར་ཚེ་འཕོས། ཞེས་གཤེ་ནས་རྐང་པ་ལ་རྩྭ་ཐག་གིས་བཏགས་ཏེ་བཤལ་ནས་དུར་ཁྲོད་དུ་བསྐྱལ་ལོ། །དེའི་ཚེ་ལྷའི་སྲས་པོ་ཞིག་ལ་ལྷའི་བུ་མོ་ལྔ་བརྒྱས་བསྐོར་ཏེ་རྩེ་བར་དགའ་བ་ལས་ཚེ་འདས་ནས་རྒན་མོ་དེ་ལྷའི་སྲས་མོ་དེའི་གནས་སུ་སྐྱེས་སོ། །ལྷར་སྐྱེས་པ་དག་དབང་པོ་རྣོན་པོས་ནི་བདག་ཅིའི་རྐྱེན་གྱིས་ལྷར་སྐྱེས་པ་ཤེས་སོ། །དབང་པོ་རྟུལ་པོ་དེ་དག་གིས་མི་ཤེས་ཏེ། རྒན་མོ་དེས་ཅིའི་ཕྱིར་ལྷར་སྐྱེས་པ་མི་ཤེས་ཀྱི་བདེ་བ་འབའ་ཞིག་ལ་ཆགས་སོ། །དེའི་ཚེ་ཤཱ་རིའི་བུ་སུམ་ཅུ་རྩ་གསུམ་ན་འདུག་པ་དེས་ཁྱོད་ཅིའི་རྐྱེན་གྱིས་ལྷར་སྐྱེས་པ་ཤེས་སམ་ཞེས་དྲིས་པ་དང་། བདག་གིས་མི་ཤེས་སོ་ཞེས་སྨྲས་ནས། ཤཱ་རིའི་བུས་ལྷའི་མིག་གིས་བལྟས་ཏེ། ཇི་ལྟར་ལྷར་གྱུར་པ་མཐོང་བར་བྱས་སོ། །དེ་ནས་ལྷའི་སྲས་མོ་ལྔ་བརྒྱ་ཙམ་དང་། དུར་ཁྲོད་དུ་ལྷགས་ཏེ། རུས་བུ་ལ་ལྷའི་མེ་ཏོག་གིས་གཏོར། སྤོས་ཀྱི་མཆོད་པ་བྱས་སོ། །ལྷའི་འོད་ཀྱིས་གྲོང་ཁྱེར་དེ་དག་སྣང་བ་ཆེན་པོས་སྣང་བར་གྱུར་ནས། དེའི་ཇོ་མོ་ལ་སོགས་པ་ཡ་མཚན་དུ་གྱུར་ཏེ། མི་མང་པོ་ཡང་བལྟར་དོང་བ་ལས། ལྷ་མང་པོ་རྒན་མོའི་རུས་བུ་ལ་མཆོད་པ་བྱེད་པར་མཐོང་ནས་ལྷ་རྣམས་ལ་ཁྱོད་ཅིའི་ཕྱིར་རུས་བུ་འདི་ལ་མཆོད་པ་བྱེད། འདི་ནི་གསོན་པོའི་ཚེ་ན་ཡང་བཙོག་པས་ཀུན་གྱིས་མི་འདོད་ན། ད་ཚེ་འཕོས་པའི་རུས་བུ་ལྟ་ཅི་སྨྲོས་ཞེས་སྨྲས་སོ། །དེའི་ཚེ་ན་ལྷའི་སྲས་མོ་རྣམས་ཀྱིས་ཇི་ལྟར་ལྷར་སྐྱེས་པའི་གཏམ་རྒྱས་པར་བྱས་ནས། ཀཱ་ཏྱཱ་ཡ་ན་གང་ན་བ་དེར་སོང་ངོ་། །ཀཱ་ཏྱཱ་ཡ་ནས་ལྷའི་སྲས་མོ་དེ་དག་ལ་སྦྱིན་པ་དང་། ཚུལ་ཁྲིམས་དང་། མཐོ་རིས་སུ་སྐྱེས་པ་ལ་སོགས་ཏེ། དམ་པའི་ཆོས་ཀྱི་གཏམ་རྒྱས་པར་བྱས་ནས། མི་གཙང་བའི་ཆོས་དང་འབྱུང་བའི་ཆོས་བསྟན་པས། ལྷའི་སྲས་མོ་དེ་དག་རྡུལ་དང་བྲལ། དྲི་མ་དང་བྲལ་ཏེ་ཆོས་ལ་ཆོས་ཀྱི་མིག་རྣམ་པར་དག་པར་གྱུར་ནས་ཕྱིར་ལྷའི་གནས་སུ་དོང་ངོ་། །འཁོར་མང་པོ་རྣམས་ཀྱང་ཆོས་བསྟན་པ་ཐོས་ནས་སོ་སོ་ནས་འབྲས་བུ་དང་པོ་ནས་འབྲས་བུ་བཞི་པའི་བར་དུ་ཐོབར་གྱུར་ནས། རྗེས་སུ་ཡི་རངས་ནས་མངོན་པར་དགའོ། །བྲན་མོ་དབུལ་མོས་ཀཱ་ཏྱཱ་ཡ་ན་ལ་དབུལ་བཙོངས་པའི་ལེའུ་སྟེ་བཅུ་དགུ་པའོ། །ཞེས་གསུངས་སོ། །བརྒྱད་པ་ (ཡོན་ཆབ་ལ་བདུན་ཚར་རམ་བདུན་ཚར་རམ་བདུན་ཚན་དུ་བྱེད་པའི་རྒྱུ་མཚན) ནི། ཆུ་གཉིས་དང༌། ཉེར་སྤྱོད་ལྔ་སྟེ་བདུན་མཚོན་བྱེད་ཡིན། ཆུ་གཉིས་ནི། མཆོད་ཡོན་དང་ཞབས་བསིལ་ལོ། །ཉེར་སྤྱོད་ལྔ་ནི། མེ་ཏོག བདུག་སྤོས། མར་མེ། དྲི་ཆབ། ཞལ་ཟས་དང་ལྔའོ། །དེ་ལྟ་བུའི་མཆོད་པ་བདུན་པོ་དེ་འབུལ་བའི་དོད་དུ་ཡོན་ཆབ་ལ་བདུན་ཚར་བྱེད་པ་རེད། དེ་ཡང་། ༡ (མཆོད་ཡོན) ནི། ཞལ་ལ་འཐུང་རྒྱུའི་ཆུ། ༢ (ཞབས་བསིལ) ཞབས་འཁྲུད་བྱེད་ཀྱི་ཆུ། ༣ དབུ་ལ་འབུལ་རྒྱུའི་ (མེ་ཏོག) ༤ ཤངས་ལ་འབུལ་རྒྱུའི་ (བདུག་སྤོས) ༥ སྤྱན་ལ་འབུལ་རྒྱུའི་ (མར་མེ) ༦ ཐུགས་སམ་སྙིང་ཁར་འབུལ་རྒྱུའི་ (དྲི་ཆབ) ཞལ་ལ་འབུལ་རྒྱུའི་ (ཞལ་ཟས) སོ། །འདི་ནི་སྔར་རྒྱ་གར་འཕགས་པའི་ཡུལ་དུ་དར་བའི་གོམས་སྲོལ་ཞིག་སྟེ། ཚ་བ་ཆེ་བས་ཐོག་མར་འགྲོན་པོར་སྐོམ་པ་བསལ་བའི་ཕྱིར་ཆབ་འབུལ་བ་དང་། དེ་ནས་ (སྔོན་རྒྱ་གར་བ་མང་ཆེ་བ་ཞབས་རྗེན་མར་ཕེབས་པས) ཞབས་དཀྲུ་བ། དེ་ནས་མེ་ཏོག་འབུལ་བ། དེ་ནས་བདུག་སྤོས་ཀྱིས་བདུག་པ། མར་མེ་འབུལ་བ། (རྒྱ་གར་བ་རྣམས་སྡེར་མའི་མཆོད་རྫས་དང་མར་མེ་འགྲོན་པོ་སོགས་ཀྱི་མདུན་དུ་སྐོར་ཙམ་བྱེད་པ་དེའི་དོད་ལྟ་བུ་ཡིན་ནམ་སྙམ) དེ་ནས་ལུས་པོའི་ནང་ནས་ཚ་དྲོད་ཆེ་ཤོས་སྙིང་ཁའི་ཐད་ཡིན་པས། དེ་ལ་ཙནྡ་གྱི་ལྡེ་གུ་བསིལ་བ་སྟེར་བའི་བྱུག་པའི་རིགས་སྙིང་ཁར་བྱུག་པ། དེ་ནས་ཞལ་ཟས་སམ་གསོལ་སྟོན་འབུལ་བ་ཡིན་ནོ། །མདོར་ན་ཆུ་གཉིས་ཉེར་སྤྱོད་ཀྱི་རིམ་པ་འདི་ཡང་རྒྱ་གར་བའི་ཡུལ་སྲོལ་དང་མཐུན་པར་བྱས་སོ། །ཇོ་བོ་ཆེན་པོ་སྐུ་ན་ཤིན་ཏུ་མཐོ་བའི་སྐབས་ཀྱང་སྒྱིད་པ་འདར་ཕྲི་ལི་ལི་ཡོན་ཆབ་འབུལ་བར་མཛད་པས། གཞན་གྱིས་ཇོ་བོ་འོ་བརྒྱལ་བར་འདུག་པས་བདག་ཅག་གིས་འབུལ་ཞེས་ཞུས་པ་ན། ཇོ་བོ་ཆེན་པོས། འོ་ན་ངས་ཟས་ཟ་བའི་ཚེ་ནའང་ཇོ་བོ་འོ་བརྒྱལ་བར་འདུག་ཅེས་ངོས་ཀྱི་ཟས་སྐལ་ཁྱོད་ཚོས་ཟའམ་ཞེས་གསུངས་པའི་ལོ་རྒྱུས་ཡོད་པས་འུ་ཅག་སོ་སོའི་སྐྱེ་བོ་ཐ་མལ་པ་དག་གིས་ཅིས་ཀྱང་འབད་པར་རིགས་སོ། །དགུ་པ་ (ཡོན་ཆབ་འབུལ་བའི་རྒྱུ་མཚན) ཇ་དང་འོ་མ་སོགས་མི་འབུལ་བར་ཆུ་འབུལ་བའི་རྒྱུ་མཚན་གང་ཡིན་ནམ་སྙམ་ན། དེ་ལ་རྒྱུ་མཚན་མང་དུ་ཡོད་ཀྱང་གཙོ་བོ་ནི། ཆུ་ནི་རིན་སྤྲད་ནས་ཉོ་སྒྲུབ་བྱེད་མི་དགོས་པས་དབུལ་ཕྱུག་ཀུན་གྱིས་བསྒྲུབ་ནུས་ཤིང་། ཆུ་འབུལ་བའི་ཚེ་སེར་སྣ་དང་ང་རྒྱལ་སོགས་ཀྱི་སྐྱོན་གྱིས་གོས་པའི་ཉེས་པ་མི་འབྱུང་བས། ཀུན་སློང་གི་ཆ་ནས་མཆོད་པ་རྣམ་པར་དག་པ་ཞིག་ཏུ་འགྱུར་བས། རྒྱུ་མཚན་དེ་དག་ལ་བརྟེན་ནས་ཡོན་ཆབ་བམ་ཆུའི་མཆོད་པ་འབུལ་བ་ཡིན་ནོ། །བཅུ་པ་ (ཏིང་གི་སྒྲ་བཤད) སྒྲ་ཡི་ཁྱད་པར་གྱི་སྒོ་ནས་བཏགས་པར་སེམས་ཏེ། ལི་ཏིང་ལྟ་བུར་དབྱུག་གུས་བསྣུན་པའམ་ཕུ་བརྒྱབ་ན་ཏིང་ཞེས་པའི་སྒྲ་འབྱུང་བས་དེའི་ཆ་ནས་བཏགས་པར་སེམས་སོ། །་སྒྲ་འབྱུང་བས་དེའི་ཆ་ནས་བཏགས་པར་སེམས་སོ། །)
• Dictionaries/sgom sde tshig mdzod chenmo/1963  + (སྦྱོར་ལམ། སྒྲ་བཤད་ནི། མཆིམས་མཛོད་ལས། ངེས་འ … སྦྱོར་ལམ། སྒྲ་བཤད་ནི། མཆིམས་མཛོད་ལས། ངེས་འབྱེད་ནི་མཐོང་ལམ་ཡིན་ཞིང་། དེའི་ཆ་ནི་དེའི་ཕྱོགས་གཅིག་སྡུག་བསྔལ་ཆོས་བཟོད་ཡིན་ལ། དེ་ཉིད་སྦྱོར་ལམ་དྲོད་སོགས་བཞིས་དངོས་དང་བརྒྱུད་ནས་འདྲེན་པར་བྱེད་པ་ཉིད་ཀྱིས་དེ་ལ་ཕན་འདོགས་པའི་ཕྱིར་མཐུན་པ་ཞེས་བྱའོ། །མཐོང་ལམ་ལ་ངེས་འབྱེད་ཅེས་པ་ནི། བདེན་པ་བཞི་པོ་རྣམས་ངེས་ཤིང་། སོ་སོར་རྣམ་པར་འབྱེད་པའི་ཕྱིར་ངེས་འབྱེད་དོ། །ཞེས་གསུངས། སེ་ར་རྗེ་བཙུན་པས། མཐོང་ལམ་གྱིས་སྤང་བྱ་མཐོང་སྤང་ལས་ངེས་པར་འབྱེད་པས་ན་ངེས་འབྱེད་ཅེས་བྱ་ལ། སྦྱོར་ལམ་ནི་དེ་ཐོབ་པ་དང་རྗེས་སུ་མཐུན་པའམ་འདྲ་བ་ཡིན་པའི་ཕྱིར་དེ་སྐད་ཅེས་བྱའོ། །ཞེས་གསུངས།་ཡིན་པའི་ཕྱིར་དེ་སྐད་ཅེས་བྱའོ། །ཞེས་གསུངས།)
• Dictionaries/sgom sde tshig mdzod chenmo/11047  + (སྨན་པའི་མིང༌། སྒྲ་བཤད་ནི། ལྷ་ཞེས་པ་རྒྱལ་པོ … སྨན་པའི་མིང༌། སྒྲ་བཤད་ནི། ལྷ་ཞེས་པ་རྒྱལ་པོའང་འཇུག་པས། དེས་ཀྱང་གོང་དུ་བཀུར་བས་ལྷ་རྗེ་ཞེས་གྲགས་སོ། །འདིའི་སྐོར་རྒྱས་པ་ཀོང་སྤྲུལ་ཡོན་ཏན་རྒྱ་མཚོའི་ཤེས་བྱ་མཛོད་འགྲེལ་སྟོད་ཆ་༥༨༧དང༌། དཔའ་བོ་གཙུག་ལག་ཕྲེང་བའི་ཆོས་འབྱུང་མཁས་པའི་དགའ་སྟོན་གླེགས་བམ་སྨད་ཆ་༡༥༡༩ནའང༌། རྒྱལ་པོའི་རྗེ་ཡིན་ཞེས་ལྷ་རྗེར་བཏགས་ཏེ་ཞེས་གསལ་ལོ། །་རྗེ་ཡིན་ཞེས་ལྷ་རྗེར་བཏགས་ཏེ་ཞེས་གསལ་ལོ། །)
• Dictionaries/sgom sde tshig mdzod chenmo/12122  + (སྲིད་དབང་གཞན་གྱི་དབང་འོག་ཏུ་བསྡད་འདོད་མེད་ … སྲིད་དབང་གཞན་གྱི་དབང་འོག་ཏུ་བསྡད་འདོད་མེད་པར་སོ་སོའི་རང་དབང་གི་ཆེད་དུ་ངོ་ལོག་རྒྱག་པའི་དོན་ནོ། །སྒྲ་བཤད་ནི། སྒེར་ནི་རང་ངམ་སོ་སོའི་ཆེད་དུ་ཞེས་པའི་དོན་ཡིན་ལ། ལངས་ནི་ངོ་རྒོལ་བྱས་པའི་དོན་ཡིན་པས། སོ་སོའི་རང་དབང་གི་ཆེད་དུ་ངོ་རྒོལ་བྱས་པའི་དོན་ནོ། །བོད་རྒྱ་ཚིག་མཛོད་ཆེན་མོར། རྒྱལ་ཁབ་བམ་སྲིད་དབང་ཞིག་རྒྱལ་ཁབ་བམ་སྲིད་དབང་གཞན་ཞིག་གི་དབང་སྒྱུར་དུ་འོག་ཏུ་མ་ཚུད་པར་རང་བཙན་དུ་གནས་པ། ཞེས་པ་འདི་ལ་གོ་རྒྱུ་དེ་ཙམ་མི་འདུག་པས་འགྱུར་བཅོས་གཏོང་དགོས་པ་འདུག་གོ།མི་འདུག་པས་འགྱུར་བཅོས་གཏོང་དགོས་པ་འདུག་གོ།)
• Dictionaries/sgom sde tshig mdzod chenmo/13124  + (སྲེད་མེད་ཀྱི་བུ་ནི་ཁྱབ་འཇུག་ཡིན་ལ་དེའི་སྟོ … སྲེད་མེད་ཀྱི་བུ་ནི་ཁྱབ་འཇུག་ཡིན་ལ་དེའི་སྟོབས་ཤུགས་ཀྱི་ཚད་ཅེས་པའི་དོན་ནོ། །འདི་ལ་གླང་ཆེན་ཕལ་པ་ས་ཡ་གཅིག་གི་ཤུགས་ཚད་ཡོད་པར་བཤད་དོ། །དེ་ཡང་གླང་ཆེན་ཕལ་པ་དང༌། སྤོས་ཀྱི་གླང་པོ་ཆེ། ཚན་པོ་ཆེ་ཆེན་པོ། རབ་གནོན། ཡན་ལག་མཆོག སྟོབས་མཆོག སྲེད་མེད་ཀྱི་བུ་རྣམས་ཏེ་བདུན་པོ་དེ་དག་སྔ་མ་སྔ་མ་ལས་ཕྱི་མ་ཕྱི་མ་བཅུ་བསྒྱུར་གྱིས་ལྷག་པའོ། །སངས་རྒྱས་ཀྱི་སྐུའི་རུས་པའི་ཚིགས་རེ་རེ་ལའང་སྲེད་མེད་ཀྱི་བུའི་སྟོབས་མངའ་བར་གསུངས་སོ། །མཛོད་རྩ་འགྲེལ་གྱི་གསུང་ཚུལ་ལོ། །ཡང་། འདུལ་བ་ལུང་གཞི་༼ ཁ་པ ༽༥༩བ༣ ལས། གནས་འཇོག་དག་མི་བཅུའི་སྟོབས་གང་ཡིན་པ་དེ་ནི་གླང་ཕལ་པ་ (འདི་གླང་ཞེས་པ་བ་གླང་ལ་གོ་དགོས) གཅིག་གི་ཡིན་ནོ། །གླང་ཕལ་པ་བཅུའི་སྟོབས་གང་ཡིན་པ་དེ་ནི་བ་མེན་སྔོན་པོ་གཅིག་གི་ཡིན་ནོ། །བ་མེན་སྔོན་པོ་བཅུའི་སྟོབས་གང་ཡིན་པ་དེ་ནི་གླང་པོ་ཆེ་ཕྲུ་གུ་གཅིག་གི་ཡིན་ནོ། །གླང་པོ་ཆེ་ཕྲུ་གུ་བཅུའི་གང་ཡིན་པ་དེ་ནི་གླང་པོ་ཆེ་མོ་གཅིག་གི་ཡིན་ནོ། །གླང་པོ་ཆེ་མོ་བཅུའི་གང་ཡིན་པ་དེ་ནི་གླང་པོ་ཆེ་ཕལ་གཅིག་གི་ཡིན་ནོ། །གླང་པོ་ཆེ་ཕལ་བཅུའི་གང་ཡིན་པ་དེ་ནི་གླང་པོ་ཆེ་མཆེ་བ་མེད་གཅིག་གི་ཡིན་ནོ། །གླང་པོ་ཆེ་མཆེ་བ་མེད་བཅུའི་གང་ཡིན་པ་དེ་ནི་སྔོན་པོ་གཅིག་གི་ཡིན་ནོ། །སྔོན་པོ་བཅུའི་གང་ཡིན་པ་དེ་ནི་སེར་པོ་གཅིག་གི་ཡིན་ནོ། །སེར་པོ་བཅུའི་གང་ཡིན་པ་དེ་ནི་དམར་པོ་གཅིག་གི་ཡིན་ནོ། །དམར་པོ་བཅུའི་གང་ཡིན་པ་དེ་ནི་དཀར་པོ་གཅིག་གི་ཡིན་ནོ། །དཀར་པོ་བཅུའི་གང་ཡིན་པ་དེ་ནི་འབིགས་བྱེད་ཀྱི་གླང་པོ་ཆེ་གཅིག་གི་ཡིན་ནོ། །འབིགས་བྱེད་ཀྱི་གླང་པོ་ཆེ་བཅུའི་གང་ཡིན་པ་དེ་ནི་སྤོས་ཀྱི་གླང་པོ་ཆེ་གཅིག་གི་ཡིན་ནོ། །སྤོས་ཀྱི་གླང་པོ་ཆེ་བཅུའི་གང་ཡིན་པ་དེ་ནི་ཚན་པོ་ཆེ་གཅིག་གི་ཡིན་ནོ། །ཚན་པོ་ཆེ་བཅུའི་གང་ཡིན་པ་དེ་ནི་ཚན་པོ་ཆེ་ཆེན་པོ་གཅིག་གི་ཡིན་ནོ། །ཚན་པོ་ཆེ་ཆེན་པོ་བཅུའི་གང་ཡིན་པ་དེ་ནི་རབ་གནོན་གཅིག་གི་ཡིན་ནོ། རབ་གནོན་བཅུའི་གང་ཡིན་པ་དེ་ནི་སྟོབས་མཆོག་གཅིག་གི་ཡིན་ནོ། །སྟོབས་མཆོག་བཅུའི་གང་ཡིན་པ་དེ་ནི་སྲེད་མེད་ཀྱི་བུའི་སྟོབས་ཕྱེད་དོ། །སྲེད་མེད་ཀྱི་བུའི་སྟོབས་ཕྱེད་གཉིས་གང་ཡིན་པ་དེ་ནི་སྲེད་མེད་ཀྱི་བུའི་སྟོབས་ཡིན་ཏེ། དེ་དེ་བཞིན་གཤེགས་པའི་ཚིགས་ཕྲན་དག་ན་ཡོད་པས་གནས་འཇོག་དག་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་ནི་སྲེད་མེད་ཀྱི་བུའི་སྟོབས་ཀྱི་ཚོགས་ཅན་ཡིན་ནོ། །བར་སྡོམ་ལ། མི་དང་གླང་དང་བ་མེན་དང་ནི་དེ་བཞིན་གླང་ཆེན་ཕྲུ་གུ་དང༌། །གླང་ཆེན་མོ་དང་ཕལ་དང་མཆེ་བ་མེད་དང་དེ་བཞིན་བཞི་ཚན་དང༌། །འབིགས་བྱེད་གླང་ཆེན་སྦོས་ཀྱི་གླང་ཆེན་དང་ནི་ཚན་པོ་ཆེ་གཉིས་དང༌། །རབ་གནོན་དང་ནི་སྟོབས་མཆོག་དག་དང་སྲེད་མེད་བུ་ཡི་སྟོབས་གཉིས་སོ། །ཞེས་གསུངས་སོ། །་མེད་བུ་ཡི་སྟོབས་གཉིས་སོ། །ཞེས་གསུངས་སོ། །)
• Dictionaries/sgom sde tshig mdzod chenmo/11405  + (སློབ་དཔོན་ཀླུ་སྒྲུབ་ཀྱིས་མཛད་པའི་རྒྱལ་པོ་ལ་གདམས་པའི་བསྟན་བཅོས་ཤིག དུང་དཀར་ཚིག་མཛོད་ནང་རྒྱལ་པོའི་བློན་པོ་ལ་གདམས་པ་ཤེས་རབ་བརྒྱ་པ་ཞེས་ཀྱང་གསལ།)
• Dictionaries/sgom sde tshig mdzod chenmo/13301  + (སློབ་དཔོན། ཨ་ཙ་ར་ནི་ལེགས་སྦྱར་གྱི་ཨ་ཙརྱ་ཟུ … སློབ་དཔོན། ཨ་ཙ་ར་ནི་ལེགས་སྦྱར་གྱི་ཨ་ཙརྱ་ཟུར་ཆག་པའོ། །བོད་པས་འདི་རྒྱ་གར་གྱི་ཧིནྡཱུའི་ཆོས་ལུགས་ཀྱི་ “साधु” “སཱ་དྷུ” འམ་སྔགས་པ་ལུས་གཅེར་རམ་ཡང་ན་གོས་དམར་སེར་གྱོན་པ། སྐྲ་དང་ཨོག་ཚོམ་རིང་ལ། ལག་ན་རིལ་བ་སྤྱི་བླུགས་ཐོགས་པའི་རྣལ་འབྱོར་པ་ཞིག་ལ་ངོས་འཛིན་བྱེད། རྒྱ་གར་བས་དེ་ལ་ཛོ་གི་ཟེར། (ཛོ་གིའི་འགྲེལ་བཤད་དང་དོགས་གཅོད་སོགས་ཛོ་གི་ཞེས་པའི་ཐད་དུ་གཟིགས) བོད་རྒྱ་ཚིག་མཛོད་ཆེན་མོར་འདི་ལེགས་སྦྱར་ཡིན་པར་བྱས་མོད། དོན་ལ་གོང་དུ་བཤད་པ་ལྟར་ལེགས་སྦྱར་ཟུར་ཆག་པའོ། །བོད་རྒྱ་ཚིག་མཛོད་ཆེན་མོར། འདི་སློབ་གཉེར་བ་དང་། རྒྱ་གར་གྱི་སྔགས་མཁན་རྣལ་འབྱོར་པ། བཞད་གད་སློང་མཁན་བཅས་ཀྱི་དོན་ལ་བཤད་ཀྱང་། དང་པོ་དང་ཐ་མ་ལ་དཔྱད་དོ། །་དོན་ལ་བཤད་ཀྱང་། དང་པོ་དང་ཐ་མ་ལ་དཔྱད་དོ། །)

• Dictionaries/sgom sde tshig mdzod chenmo/10318  + (6 ཡང༌། བོད་རྒྱ་ཚིག་མཛོད་མོར། ཚེར་མ།)

• Dictionaries/sgom sde tshig mdzod chenmo/4879  + (( འདུལ་བ) བཀའ་བསྡུ་གསུམ་པ་འདི་ལུང་ཕྲན་ཚེགས … ( འདུལ་བ) བཀའ་བསྡུ་གསུམ་པ་འདི་ལུང་ཕྲན་ཚེགས་ན་མ་གསུངས་པས། འདི་ལ་བཤད་ཚུལ་མི་མཐུན་པ་ཅི་རིགས་སུ་བྱུང་ངོ་། །འོན་ཀྱང་རང་ལུགས་ནི། སྟོན་པ་མྱ་ངན་ལས་འདས་ནས་ལོ་བརྒྱ་དང་དྲུག་ཅུ་ལོན་པ་ན་གྲོང་ཁྱེར་མེ་ཏོག་གིས་རྒྱས་པ་ཞེས་བྱ་བར་དགེ་འདུན་གནས་བརྟན་བཞི་སྐད་རིགས་མི་མཐུན་པ་ལེགས་སྦྱར་དང་། ཟུར་ཆག་དང་། ཡུལ་གྲུ་རང་བཞིན་པ་དང་། ཤ་ཟའི་སྐད་ཀྱིས་ལུང་འདོན་པ་ན་སློབ་མ་རྣམས་མི་མཐུན་པར་གྱུར་ཏེ་རྩ་བའི་སྡེ་བཞིར་གྱེས་སོ། །དེ་དག་ཀྱང་ནང་གསེས་ཀྱི་དབྱེ་བས་སྡེ་པ་བཅོ་བརྒྱད་དུ་གྱེས་ནས་ཕན་ཚུན་རྩོད་པར་གྱུར་ཏེ། ནམ་ཞིག་ན་རྒྱལ་པོ་ཀྲྀ་ཀྲྀའི་རྨི་ལྟས་ལུང་བསྟན་པའི་མདོ་རྙེད་ནས་བལྟས་པས་སྡེ་པ་བཅོ་བརྒྱད་དུ་གྱུར་ཀྱང་རྣམ་པར་གྲོལ་བའི་འབྲས་བུ་ཉམས་པ་མེད་པར་གསུངས་པ་མཐོང་ནས་ཕན་ཚུན་མཐུན་པར་གྱུར་ཅིང་། སངས་རྒྱས་ཀྱི་བསྟན་པར་གཅིག་ཏུ་བསྡུས་པ་ལ་བསྡུ་བ་གསུམ་པ་ཞེས་བྱའོ། །བཀའ་བསྡུ་གསུམ་པའི་ལོ་ཚིགས་ནི་བུ་སྟོན་ཆོས་འབྱུང་དུ། འདི་ལ་ཁ་ཅིག་གིས་ལོ་བརྒྱ་དང་སུམ་ཅུ་རྩ་བདུན་ལོན་པ་ན་བསྡུས་ཟེར་བ་དང་། ཡང་གཞན་དག་གིས་ལོ་བརྒྱ་དང་དྲུག་ཅུ་ན་བསྡུས་ཟེར། ཡང་ཁ་ཅིག་གིས་སུམ་བརྒྱ་ལོན་པ་ན་བསྡུས་ཞེས་གཞན་ལུགས་བསྐྱར་བ་མ་གཏོགས་བུ་སྟོན་རང་ལུགས་ཀྱི་གསལ་ཁ་མ་མཛད་དོ། །མཆིམས་མཛོད་དེབ་གཟུགས་༧༦༣ལས་བཀའ་བསྡུ་གསུམ་པ་ལོ་བརྒྱ་དང་དྲུག་ཅུ་ན་བསྡུས་པར་གསུངས་སོ། །ཡང་ས་པཎ་གྱི་སྡོམ་གསུམ་རབ་དབྱེ་ལས། ལྷ་ཆེན་ཞེས་བྱའི་དགེ་སློང་ཞིག །བསྟན་པ་འདི་ཡི་ཆོམ་རྐུན་བྱུང་། །དེ་ཡིས་རང་གི་ཕ་མ་བསད། །སློབ་དཔོན་ཡིན་པའི་དགྲ་བཅོམ་བཀྲོངས། །མཁན་སློབ་མེད་པའི་དགེ་སློང་བྱས། །ཕྱི་ནས་དགོན་པར་བསྡད་ནས་ནི། །སྦྱིན་བདག་རྣམས་ཀྱི་དད་རྫས་ཟོས། །བླུན་པོ་རྣམས་ཀྱི་མཁན་སློབ་བྱས། །བླུན་པོ་ལོངས་སྤྱོད་ཅན་རྣམས་ཀྱིས། །ཕུལ་བའི་ཟས་ནོར་ཆར་བཞིན་བབ། །སྐལ་མེད་དད་ཅན་འདུས་པ་ཡི། །དགེ་འདུན་འབུམ་ཕྲག་དུ་མས་བསྐོར། །དེ་ནས་བརྫུན་རླབས་ཆེན་པོ་དེ། །དགྲ་བཅོམ་ཡིན་པར་ཁས་བླངས་སོ། །འཁོར་གྱིས་རྫུ་འཕྲུལ་ཞུས་པ་ན། །རྫུ་འཕྲུལ་ཐོ་རངས་ཉམས་ཞེས་ཟེར། །རང་གི་སྡིག་པ་དྲན་པ་ཡིས། །སྨྲེ་སྔགས་ཆེན་པོ་བཏོན་པ་ལ། །སྡུག་བསྔལ་བདེན་པ་བོས་ཞེས་བསྒྲགས། །དེ་ལ་སོགས་པའི་བརྫུན་ཚིག་གིས། །ཚོགས་པ་རྣམས་ཀྱི་མགོ་བོ་བསྐོར། །འཕགས་པ་རྣམས་ལ་འབུལ་རྒྱུ་ཡི། །དད་རྫས་རྣམས་ཀྱང་དེ་ལ་འགྱུར། །རབ་བྱུང་བླུན་པོ་ཕལ་ཆེར་གྱིས། །དགྲ་བཅོམ་བོར་ནས་དེ་ལ་འདུད། །སངས་རྒྱས་མྱ་ངན་འདས་འོག་ཏུ། །སོ་སོ་སྐྱེ་བོས་འཁོར་བསྡུས་པ། །དེ་ལས་མང་བ་མེད་ཅེས་གྲགས། །དེ་ཡི་ཆོས་ལོག་བཤད་པ་ཡི། །རྗེས་སུ་སློབ་མ་རྣམས་འབྲངས་ནས། །འཁྲུལ་བའི་གྲུབ་མཐའ་དུ་མ་བྱུང་། །ལྷ་ཆེན་བླུན་པོ་དེ་ཤི་ནས། །སེམས་ཅན་དམྱལ་བར་གྱུར་ཅེས་གྲག །དེ་ཡི་ལོག་པའི་ཆོས་དེ་དག །དགྲ་བཅོམ་རྣམས་ཀྱིས་སུན་ཕྱུང་ནས། །བསྡུ་བ་གསུམ་པ་བྱས་ཞེས་ཐོས། །འོན་ཀྱང་དེ་ཡི་ལེ་ལན་གྱིས། །སྡེ་པ་བཅོ་བརྒྱད་རྣམས་ལ་ཡང་། །ཅུང་ཟད་བསླད་པ་ཡོད་ཅེས་ཟེར། །མཁས་པའི་གཙུག་རྒྱན་དབྱིག་གཉེན་གྱིས། །ཡང་དག་བསྡུས་པའི་གཞི་ཉམས་ཕྱིར། །མཐའ་དག་མིན་པར་རྟོགས་པ་ཡིན། །ཞེས་གསུངས་པ་ཡང་དེ་ལ་དགོངས། །ཞེས་གསུངས་སོ། །བཀའ་བསྡུ་གསུམ་པའི་སྐོར་གོང་དང་བཤད་ཚུལ་མི་འདྲ་བ། ཏཱ་ར་ནཱ་ཐའི་རྒྱ་གར་ཆོས་འབྱུང་༦༦ན་གཟིགས།བ། ཏཱ་ར་ནཱ་ཐའི་རྒྱ་གར་ཆོས་འབྱུང་༦༦ན་གཟིགས།)
• Dictionaries/sgom sde tshig mdzod chenmo/9992  + ((གསང་སྔགས) 1 དྭངས་མའི་མི་ཤིགས་པའི་ཐིག་ལེ། … (གསང་སྔགས) 1 དྭངས་མའི་མི་ཤིགས་པའི་ཐིག་ལེ། དེ་ལ་རྡོ་རྗེ་བརྗོད་པའི་རྒྱུ་མཚན་ནི། རྡོ་རྗེ་ནི་མི་ཕྱེད་པའམ་སོ་སོར་འབྱེད་དུ་མེད་པ་དང་། བརྟན་པ་སོགས་ལ་འཇུག་པས། དྭངས་མའི་མི་ཤིགས་པའི་ཐིག་ལེ་ནི་ལས་དབང་གིས་འཆི་དུས་མ་གཏོགས་སུས་ཀྱང་བཤིག་ཏུའམ་སོ་སོར་འབྱེད་དུ་མེད་པའི་ཕྱིར་དེ་སྐད་ཅེས་བྱའོ། །2 རང་ཡི་དམ་གྱི་ལྷར་བསྒོམས་པའི་ལྷ་སྐུ། སྒྲ་བཤད་ནི། རྡོ་རྗེ་ནི་མི་ཕྱེད་པའི་དོན་ཡིན་པས། བདེ་བ་དང་སྟོང་པ་མི་ཕྱེད་པའམ་དབྱེར་མེད་པའི་རང་བཞིན་གྱི་ལུས་ཡིན་པས་དེ་སྐད་ཅེས་བྱའོ། །3 ཤིན་ཏུ་ཕྲ་བའི་རྩ་རླུང་ཐིག་ལེ་གསུམ། རྗེའི་གསུང་ཐོར་བུ་༢༢༨ན༡ལས། གང་ལ་གནད་དུ་བསྣུན་པའི་རྩ་འཁོར་སོགས། །རྡོ་རྗེ་ལུས་ཀྱི་གནས་ལུགས་རྟོགས་པར་ཤོག །ཅེས་གསུངས་པ་ལྟར་རོ། །4 ཕུང་ཁམས་སོ་དྲུག་གི་ཚོགས་པ་ལ་རྡོ་རྗེའི་ལུས་ཟེར། ཕུང་ཁམས་སོ་དྲུག་ནི། ཕུང་པོ་དྲུག ཁམས་དྲུག དབང་པོ་དྲུག ཡུལ་དྲུག ཁ་དང་ལག་པ་སོགས་ལས་ཀྱི་དབང་པོ་དྲུག སྨྲ་བ་དང་ལེན་པ་དང་འགྲོ་བ་སོགས་ལས་ཀྱི་དབང་པོའི་བྱ་བ་དྲུག་སྟེ་སོ་དྲུག་གོ། འདི་ནི་ཀོང་སྤྲུལ་ཡོན་ཏན་རྒྱ་མཚོའི་ཤེས་བྱ་ཀུན་ཁྱབ་མཛོད་གླེགས་བམ་བར་མ་༦༣༣ན་གསལ་བ་ལྟར་རོ། །5 (མདོ་ལུགས) སངས་རྒྱས་ཀྱི་སྐུ་ལུས་ལ་ཟེར། འདི་ལ་རྡོ་རྗེ་ལུས་ཞེས་བརྗོད་པའི་རྒྱུ་མཚན་ནི། འདི་ལ་ཕྱི་འབྱུང་བ་དང་ནང་ཆགས་སོགས་ཀྱི་གནོད་པ་གང་གིས་ཀྱང་མི་ཚུགས་པས་ན་དེ་སྐད་ཅེས་བྱ་སྟེ། སློབ་དཔོན་དབྱིག་གཉེན་གྱིས་མཛད་པའི་བློ་གྲོས་མི་ཟད་པས་བསྟན་པའི་མདོའི་རྒྱ་ཆེར་འགྲེལ་པ་༼ ཅི ༽༡༨༠ན༡ལས། རྡོ་རྗེའི་ལུས་འཐོབ་པ་ལས་བྱུང་བས་ན་ཞེས་བྱ་བ་ལ། དེ་བཞིན་གཤེགས་པའི་སྐུ་ཕྱིའི་གནོད་པ་རླུང་དང་ཚ་བ་ལ་སོགས་པ་དང་མཚོན་ཆ་ལ་སོགས་པས་ཀྱང་མི་ཚུགས་པ་དང་། ནང་གི་གནོད་པ་འདོད་ཆགས་དང་ཞེ་སྡང་ལ་སོགས་པ་དང་། ན་བ་དང་ཚ་བ་ལ་སོགས་པས་མི་ཚུགས་པར་བྱེད་པའི་སྐུ་དེ་འཐོབ་པར་བྱ་བའི་ཕྱིར། ཞེས་གསུངས་སོ། །ྐུ་དེ་འཐོབ་པར་བྱ་བའི་ཕྱིར། ཞེས་གསུངས་སོ། །)
• Dictionaries/sgom sde tshig mdzod chenmo/10431  + ((གསང་སྔགས) ༡ གསང་བ་འདུས་པའི་རྫོགས་རིམ་རིམ་ … (གསང་སྔགས) ༡ གསང་བ་འདུས་པའི་རྫོགས་རིམ་རིམ་ལྔ་གདན་རྫོགས་ཀྱི་དམར་ཁྲིད། ༢ སྦྱོར་བ་ཡན་ལག་དྲུག་གི་ཁྲིད་ཡིག ༣ ནཱ་རོ་ཆོས་དྲུག་གི་ཁྲིད་ཡིག ༤ འཁོར་ལོ་སྡོམ་པའི་རྫོགས་རིམ་རྣལ་འབྱོར་ཆེན་པོའི་ཁྲིད་ཡིག ༥ འཁོར་ལོ་སྡོམ་པའི་རྫོགས་རིམ་རིམ་ལྔའི་ཁྲིད་ཡིག ༦ རྡོ་རྗེ་འཇིགས་བྱེད་ཀྱི་རྫོགས་རིམ་རྣལ་འབྱོར་བཞིའི་ཁྲིད་ཡིག་བཅས་སོ། །སྤྱིར་བཏང་རྫོགས་རིམ་ཁྲིད་ཆེན་བརྒྱད་ཅེས་པ་གྲགས་ཆེ་བ་ཡིན་ནོ། །རྒྱུད་སྨད་གྲྭ་ཚང་ཞེས་པའི་ཐད་ཀྱི་དུང་དཀར་བློ་བཟང་འཕྲིན་ལས་ལགས་ཀྱི་ཚིག་མཛོད་ཆེན་མོར་བཞུགས།ང་འཕྲིན་ལས་ལགས་ཀྱི་ཚིག་མཛོད་ཆེན་མོར་བཞུགས།)
• Dictionaries/sgom sde tshig mdzod chenmo/11137  + ((གསང་སྔགས) བྱིན་པ་གཡས་སྟེང་གཡོན་པ་བཞག །པུས … (གསང་སྔགས) བྱིན་པ་གཡས་སྟེང་གཡོན་པ་བཞག །པུས་མོ་སྨད་པ་པད་མའི་སྟབས། །ལོང་བུ་བསྣོལ་ཏེ་མཐེ་བོང་དག །རྩེ་མོ་སྤྲད་པ་ལ་ཡང་ཟེར། །གཡས་པ་རྡོར་སྐྱིལ་ལྟ་བུ་ལ། །གཡོན་པ་གཡས་པའི་བརླ་འོག་བཞག །སེམས་དཔའི་སྐྱིལ་མོ་ཀྲུང་ཞེས་བྱ། །གཡོན་པ་བཀན་པའི་སོར་མོ་རྣམས། །གཡས་པའི་བརླ་ལ་མ་རེག་ཙམ། །གཡས་པ་འགྱིང་སྟབས་བརྐྱང་བ་ནི། །སྐྱིལ་ཀྲུང་ཕྱེད་པ་ཞེས་བྱའོ། །གཡོན་བརྐྱང་དྲང་བ་གདན་ལ་བཙུགས། །དེ་ཡི་བརླ་ལ་གཡས་མཐིལ་སྦྱར། །བཞེངས་པའི་ཕྱེད་སྐྱིལ་གར་སྟབས་སོ། །གཡོན་པའི་བྱིན་པ་བསྐུམ་པ་ལས། །གཡས་པ་འགྱིང་བཅས་དོར་སྟབས་ཅན། །གཡས་བརྐྱང་བཟློག་པ་གཡོན་བརྐྱང་ངོ༌། །སོར་མོ་མདུན་བསྟན་རྟིང་བར་དུ། །ཁྲུ་གང་སོར་གཉིས་བརླ་བྱིན་པ། །དྲང་པོར་བསྲང་བ་ས་གའི་སྟབས། །དེ་བས་ལུས་སྨད་པུས་མོའི་བར། །ཁྲུ་དོ་ངང་པའི་གཤོག་པ་ལྟར། །ལོགས་སུ་བརྐྱངས་པ་ཟླུག་པོ་ཟེར། །སོར་མོ་བཅུ་པོ་མདུན་དུ་བསྒྲིགས། །དྲང་པོར་བཞེངས་པ་མཉམ་པའི་སྟབས། །རྐང་གཉིས་ཁྲི་ལས་ཐུར་དུ་བརྐྱང༌། །སོར་མོ་མདུན་བསྟན་བཟང་པོའི་སྟབས། །ཞབས་མཐིལ་ཁ་སྦྱར་བདེ་ལེགས་ཅན། །ཙོག་པུར་རྐང་གཉིས་མཐོ་གང་བར། །སྟན་ལ་བཀོད་པ་ཙོག་པུའི་སྟབས། །གཡས་པའི་ཕྱེད་ཀྲུང་སོར་མོ་རྣམས། །གཡོན་པའི་ལོང་བུར་གཏད་པ་ན། །གཡོན་རོལ་ཡིན་ཞིང་གཡས་རོལ་བཟློག །འདི་ནི་བཞེངས་པ་ལ་ཡང་སྦྱར། །གཡོན་པའི་སྐྱིལ་ཀྲུང་ཕྱེད་པ་ལ། །དེ་དང་ཉེ་བར་གཡས་པ་ཡི། །པུས་མོ་དྲང་པོར་བཞག་པ་ནི། །དཔའ་བོའི་འདུག་སྟངས་ཞེས་བྱའོ། །གཡོན་པ་དེ་བཞིན་བྱས་པའི་སྟེང༌། །པུས་མོ་གཡས་པ་བསྙལ་བ་ལས། །རྐང་གཡས་གཡོན་པའི་བརླ་མཐིལ་དུ། །བཞག་པ་དཔའ་མོའི་འདུག་སྟངས་སོ། །མི་མཉམ་རུས་སྦལ་བུང་བའི་སྟབས། །དེ་སོགས་འདིར་ནི་མ་སྨོས་སོ། །ཞེས་ཞབས་ཀྱི་སྟངས་སྟབས་ཁྱད་པར་སོགས་ཤིན་ཏུ་མང་པོ་རྣམས་ཀྱང་ཁོང་དུ་ཆུད་པར་བྱའོ། །ཞེས་ཤེས་བྱ་ཀུན་ཁྱབ་མཛོད་དེབ་དང་པོ་༢༥༨ ན་གསལ།ས་ཤེས་བྱ་ཀུན་ཁྱབ་མཛོད་དེབ་དང་པོ་༢༥༨ ན་གསལ།)
• Dictionaries/sgom sde tshig mdzod chenmo/9954  + ((གསང་སྔགས) ཛཿཧཱུྃ་བྃ་ཧོ། ཞེས་པ་འདིའོ། །སྒྲ … (གསང་སྔགས) ཛཿཧཱུྃ་བྃ་ཧོ། ཞེས་པ་འདིའོ། །སྒྲ་བཤད་ནི། རྡོ་རྗེ་ནི་འདིར་སངས་རྒྱས་ཀྱི་སྐུ་གསུང་ཐུགས་ཏེ་རྡོ་རྗེ་གསུམ་ཡིན་ལ། དེ་ཉིད་རང་གི་སྤྱི་གཙུག་སོགས་ནས་སྙིང་ཁར་སྡུད་པར་བྱེད་པའི་སྔགས་ཡིན་པས་དེ་སྐད་ཅེས་བྱ། རྗེའི་གསུང་བླ་མའི་རྣལ་འབྱོར་ཞིག་ལ་གསལ། ཁོ་བོའི་ཚིག་མཛོད་ཀྱི་”བླ་མའི་རྣལ་འབྱོར”ཞེས་པའི་ཐད་དུའང་ཟུར་ཙམ་ཡོད་པས་དེར་གཟིགས།ར”ཞེས་པའི་ཐད་དུའང་ཟུར་ཙམ་ཡོད་པས་དེར་གཟིགས།)
• Dictionaries/sgom sde tshig mdzod chenmo/3104  + ((གསང་སྔགས) ཡོན་ཏན་དྲན་པ། ཕན་ཡོན་དྲན་པ། སྒྲ … (གསང་སྔགས) ཡོན་ཏན་དྲན་པ། ཕན་ཡོན་དྲན་པ། སྒྲ་བཤད་ནི། སྐྱོན་གྱིས་དག་པས་ན་དག་པ། དྲན་པ་ནི་བསམ་པའོ། །དག་པ་དྲན་པའི་དགོས་པ་ནི། རྗེའི་སྔགས་རིམ་ཆེན་མོ་ལས། དག་པ་དྲན་པ་ནི་ཕལ་ཆེར་མི་ཐུབ་ཟླ་བས་གསུངས་པ་བཞིན་དུ་བསམ་གཏན་མི་ནུས་ན་དག་པ་དྲན་པར་གསུངས་པས་ལྷའི་རྣལ་འབྱོར་གྱིས་སྐྱོ་བའི་ཚེ་བྱ་ལ་དེ་ཡང་ཤཱནྟི་པ་དང་མི་ཐུབ་ཟླ་བ་དང་ཌོཾ་བི་པས་བཤད་པ་བཞིན་དུ་ཐུན་གྱི་དངོས་གཞིའི་སྐབས་སུ་བཤད་པ་མང་བར་སྣང་ངོ་། །མཚོ་སྐྱེས་དང་ཛ་ཡ་སེ་ནས་གཏོར་མའི་རྗེས་སུ་དག་པ་དྲན་པ་བཤད་དེ་དེའི་ལྟར་ན་ཐུན་མཚམས་སུ་བྱེད་དོ། །ཞེས་གསུངས་པ་ལྟར། ལྷའི་རྣལ་འབྱོར་གྱིས་སྐྱོ་ཞིང་ངལ་བའི་ཚེ་བྱ་བར་གསུངས་སོ། །ཀོང་སྤྲུལ་ཡོན་ཏན་རྒྱ་མཚོའི་ཤེསས་བྱ་མཛོད་འགྲེལ་སྨད་ཆ་༡༩༧ལས་ཀྱང་། ལྷ་བསྒོམ་པས་སྐྱོ་ན་དག་པ་དྲན་པ་གྲུབ་ཆེན་གྱི་གཞུང་མཐའ་དག་ཏུ་གསུངས་ཏེ། རིན་ཆེན་འབར་བར། བསམ་གཏན་མི་ནུས་རྣལ་འབྱོར་གང༌། །དེས་ནི་དག་པ་རྗེས་སུ་དྲན། །ཞེས་པ་ལྟར་རོ། །ཞེས་གསུངས།་པ་རྗེས་སུ་དྲན། །ཞེས་པ་ལྟར་རོ། །ཞེས་གསུངས།)
• Dictionaries/sgom sde tshig mdzod chenmo/6566  + ((གསང་སྔགས) རྒྱུད་ཀྱི་སྟོན་པས་རྩ་རྒྱུད་འཆད་ … (གསང་སྔགས) རྒྱུད་ཀྱི་སྟོན་པས་རྩ་རྒྱུད་འཆད་ཚུལ་ཞིག་སྟེ། སྐབས་འདིར་མཐའ་དྲུག་ཅེས་པའི་མཐའི་དོན་ནི། མཐའི་སྐད་དོད་ཀོ་ཊྀནི་རྩེ་མོ་དང་སྒོ་ལའང་འཇུག་པས་རྩ་རྒྱུད་བཤད་པའི་སྒོའམ་ཐབས་དྲུག་ཅེས་པའི་དོན་ཡིན། རྗེའི་འགྲེལ་པ་བཞི་སྦྲགས་ལ་གཞི་བྱས། ཀོང་སྤྲུལ་ཡོན་ཏན་རྒྱ་མཚོས་འདིའི་མཐའ་ཞེས་པ་མི་འདའ་བའི་དོན་ལ་བཤད་དེ། ཤེས་བྱ་མཛོད་འགྲེལ་སྨད་ཆ་༡༥ལས། གསང་བའི་ཚིག་དང་དོན་ཐམས་ཅད་འདི་ལས་མི་འདའ་བས་མཐའ་དྲུག་ཅེས་བྱའོ། །ཞེས་གསུངས། དེ་ཡང་མཐའ་དྲུག་ནི། དྲང་ངེས་གཉིས། དགོངས་དགོངས་མིན་གཉིས། སྒྲ་ཇི་བཞིན་པ་ཡིན་མིན་གཉིས་ཏེ་དྲུག་གོ། དྲང་ངེས་ཀྱི་བཤད་པ་ནི་རྗོད་བྱེད་ཀྱི་གཞུང་གཅིག་གིས་བརྗོད་བྱའི་དོན་མི་མཐུན་པ་གཉིས་སྟོན་པ་ལ་བཞག དགོངས་དགོངས་མིན་གཉིས་ནི་བརྗོད་བྱའི་དོན་གཅིག་ཉིད་རྗོད་བྱེད་ཀྱི་གཞུང་འགལ་བ་གཉིས་ཀྱིས་སྟོན་པ་ལ་བཞག སྒྲ་ཇི་བཞིན་པ་ཡིན་མིན་གཉིས་ནི་བརྗོད་བྱའི་དོན་འགལ་བ་གཉིས་རྗོད་བྱེད་ཀྱི་གཞུང་འགལ་བ་གཉིས་ཀྱིས་སྟོན་པ་ལ་བཞག་པར་གསུངས་སོ། ། (དྲང་དོན) དངོས་ཟིན་གྱི་དོན་ལ་དྲང་དོན། (ངེས་དོན) དངོས་སུ་མི་སྟོན་པར་སྦས་ནས་སྟོན་རྒྱུ་དེ་ལ་ངེས་དོན་ཞེས་བྱ་སྟེ། དཔེར་ན་དེ་བཞིན་གཤེགས་པ་མི་བསྐྱོད་པ་ཞེས་པའི་རྡོ་རྗེའི་ཚིག་གིས་དངོས་ཟིན་ལ་བཞིན་ལག་གི་རྣམ་པ་ཅན་གྱི་མི་བསྐྱོད་པ་བཤད་པ་ལྟ་བུ་དྲང་དོན་དང༌། དེ་བཞིན་དེ་བཞིན་གཤེགས་པ་མི་བསྐྱོད་པ་ཞེས་པས་སྲོག་འཛིན་གྱི་རླུང་སྟོན་པ་ལྟ་བུ་ངེས་དོན་གྱི་དོན་ནོ། །འདིར་བཤད་པའི་དྲང་ངེས་དང༌། ཕར་ཕྱིན་ཐེག་པ་ནས་བཤད་པའི་དྲང་ངེས་གཉིས་མིང་ཙམ་འདྲ་ཡང་དོན་མི་འདྲ་སྟེ། འདིར་ནི་གཞུང་གཅིག་གི་དོན་ལ་བརྗོད་བྱའི་དོན་ཐ་དད་པ་གཉིས་སུ་བྱས་པའི་སྒོ་ནས་དྲང་ངེས་སུ་བཞག་པ་དང༌། ཕར་ཕྱིན་ཐེག་པར་ནི་མྱུ་གུ་སྐྱེ་བ་གཙོ་བོར་སྟོན་པ་ལྟ་བུ་དྲང་དོན་དང༌། མྱུ་གུ་རང་བཞིན་གྱིས་སྐྱེ་བ་མེད་པ་གཙོ་བོར་སྟོན་པ་ལྟ་བུ་ངེས་དོན་དུ་བཞག་པའི་སྒོ་ནས་དྲང་ངེས་ཀྱི་གཞུང་གཉིས་འགལ་བར་འདོད་པའི་ཕྱིར། (དགོངས་པ་ཅན) གདུལ་བྱ་དབང་པོ་རྣོན་པོ་རྣམས་ལ་འོད་གསལ་དང་ཟུང་འཇུག་སྟོན་པ་ན། དོན་ལ་སྒྲ་འགལ་བའི་ཚིག་གིས་གསུངས་པ་གང་ཡིན་པ་དེ་ནི་དོན་གཞན་ལ་དགོངས་ནས་སྒྲ་འགལ་བ་གཞན་གྱིས་བཤད་པའི་ཕྱིར་དགོངས་པས་བཤད་པའོ། །དཔེར་ན་ཟུང་འཇུག་སྟོན་པ་ན། ལེའུ་བརྒྱད་པ་ལས། ན་ཆུང་གཞོན་ནུ་མིག་ཡངས་མ། །ཞེས་སོགས་གསུངས་པ་ལྟ་བུའོ། །དགོངས་མིན སྣོད་རུང་གི་གདུལ་བྱ་དབང་པོ་དམན་པ་རྣམས་ཀྱིས་རྟོགས་པར་བྱ་བའི་ཕྱིར་ཤིན་ཏུ་གསལ་བར་སྟོན་པ་ནི། དོན་གཞན་ལ་དགོངས་ནས་སྒྲ་འགལ་བའི་མི་སྟོན་པར་སྒྲ་ཐད་དྲང་དུ་གསལ་པོར་སྟོན་པའི་ཕྱིར་དགོངས་པ་མིན་པས་བཤད་པའོ། །དཔེར་ན་འོད་གསལ་སྟོན་པ་ན། ལེའུ་གཉིས་པར་ཡང་དག་མཐའ་ཞེས་གསུངས་པ་ལྟ་བུའོ། ། (སྒྲ་ཇི་བཞིན་པ) གསང་བའི་སྐད་ཀྱི་བརྡ་ཡིས་བཅིངས་པ་མིན་པར་ཡོངས་གྲགས་ལྟར་གསལ་བར་བཤད་པ། དཔེར་ན་རྒྱུད་སྡེ་འོག་མ་གསུམ་དུ་དཀྱིལ་འཁོར་བྲི་བའི་ཚུལ། ལྷ་མཆོད་པ། གཏོར་མའི་ཆོ་ག་དང༌། སྨན་གྱི་ཆོ་ག་སོགས་གསལ་བར་བཤད་པ་གང་ཡིན་པ་དེ་དང་དེ་ནི་སྒྲ་ཇི་བཞིན་པའོ། ། (སྒྲ་ཇི་བཞིན་པ་མིན་པ) ཀོ་ཊཱ་ཁྱ། ཀོ་ཊཱ་ཝ། ཀོ་ནཱ། ཀོ་ཊཱ་ཝ། ཀོ་ཊཱར་ག ཀོ་ལ་ཁྱ། ཀོ་ལ་ཝ། ཀོ་ལ། ཀོ་ལ་ཝ། ཀོ་ལ་སྟ་བ་ཞེས་པ་ལྟ་བུའི་སྒྲ་བཅུ་པོ་དེ་འཇིག་རྟེན་པ་དང་སྒྲའི་བསྟན་བཅོས་ལས་རླུང་བཅུའི་དངོས་མིང་དུ་མ་གྲགས་ཀྱང༌། དེ་བཞིན་གཤེགས་པས་དེ་ལྟར་བརྡ་མཛད་པ་དེ་ལ་སྒྲ་ཇི་བཞིན་པ་མིན་པའི་བཤད་པ་ཞེས་བྱའོ། །མདོར་ན་སྒྲ་ཇི་བཞིན་པ་དང་ཇི་བཞིན་པ་མིན་པ་ཞེས་པ། ཡོངས་གྲགས་དང་ཡོངས་གྲགས་མིན་པ་ཞེས་བྱ་བའི་དོན་ཏེ། འཇིག་རྟེན་ཡོངས་གྲགས་དང་མཐུན་པའི་བཤད་ཚུལ་དེ་ལ་སྒྲ་ཇི་བཞིན་པ་དང༌། འཇིག་རྟེན་ཡོངས་གྲགས་དང་མི་མཐུན་པའི་བཤད་ཚུལ་དེ་ལ་སྒྲ་ཇི་བཞིན་པ་མིན་པ་ཞེས་བྱའོ། ། (ཚུལ་བཞི་ནི) ཡིག་དོན་གྱི་བཤད་པ། སྤྱི་དོན་གྱི་བཤད་པ། སྦས་དོན་གྱི་བཤད་པ། མཐར་ཐུག་གི་བཤད་པ་དང་བཞིའོ། །ཚུལ་བཞི་ནི་བཤད་ཚུལ་བཞི་ཞེས་པའོ། །ཞིབ་ཏུ་བཤད་ན། (ཡིག་དོན་གྱི་བཤད་པ་ནི) སྒྲའི་བསྟན་བཅོས་ལ་བརྟེན་ནས་སྒྲ་པའི་ཐོབ་ཚོད་ཀྱི་བཤད་པ་དེ་ལ་ཡིག་དོན་གྱི་བཤད་པ་ཞེས་བྱའོ། །འདི་དང་གོང་གི་མཐའ་དྲུག་གི་སྒྲ་ཇི་བཞིན་པའི་བཤད་པ་གཉིས་མི་འགལ་བར་གཞི་མཐུན་དུ་ཡང་བཤད་དོ། ། (སྤྱི་དོན་གྱི་བཤད་པ་ནི) རྒྱུད་སྡེ་འོག་མ་གསུམ་གྱིས་གདུལ་བྱས་བླ་མེད་ཀྱི་རྒྱུད་སྡེ་འདི་ལ་སྨོད་པ་བཟློག་པའི་ཕྱིར་དུ་དེ་དག་དང་མཐུན་པར་བཤད་པ་རྣམས་ལ་སྤྱི་དོན་གྱི་བཤད་པ་ཞེས་བྱའོ། ། (སྦས་དོན་གྱི་བཤད་པ་ནི) རིག་མ་དང་མཉམ་པར་སྦྱོར་བའི་ཚུལ་སོགས་ཚོགས་སུ་བསྟན་དུ་མི་རུང་བར་སྣོད་རུང་གི་གདུལ་བྱ་ལ་སྦས་ནས་སྟོན་པ་ལ་སྦས་དོན་གྱི་བཤད་པ་ཞེས་བྱའོ། །སྦས་ནས་སྟོན་རྒྱུ་དེ་ལ་འདོད་ཆགས་ཆོས་སྦས། ཀུན་རྫོབ་སྒྱུ་སྦས། སྣང་བ་སེམས་སྦས་དང་གསུམ་མོ། །མཐར་ཐུག་གི་བཤད་པ་ནི བཤད་བྱའི་མཐར་ཐུག་རིམ་པ་བཞི་པའི་འོད་གསལ་དང༌། ཟུང་འཇུག་བཤད་པ་ལ་མཐར་ཐུག་གི་བཤད་པ་ཞེས་བྱ་སྟེ། དེ་གཉིས་ལས་ཁྱད་པར་དུ་གྱུར་པའི་བཤད་བྱ་ཞིག་མེད་པའི་ཕྱིར། ཚུལ་བཞི་པོ་དེ་གོ་བདེ་བར་བཤད་ན། ཡོངས་གྲགས་ཀྱི་བཤད་པ་ལ་ཡིག་དོན་གྱི་བཤད་པ། གཞན་དང་ཐུན་མོང་བའི་བཤད་པ་ལ་སྤྱི་དོན་གྱི་བཤད་པ། ཡོངས་གྲགས་དང་ཐུན་མོང་དུ་མ་བཤད་པར་སྦས་ནས་བཤད་པ་ལ་སྦས་དོན་གྱི་བཤད་པ། བཤད་བྱ་མཐར་ཐུག་བཤད་པ་དང་བཞིའོ། །རྗེའི་འགྲེལ་པ་བཞི་སྦྲགས། རྗེ་བཙུན་ཀུན་དགའ་དོན་གྲུབ་རྒྱུད་ཊཱིཀ་དང༌། ཀོང་སྤྲུལ་ཡོན་ཏན་རྒྱ་མཚོའི་ཤེས་བྱ་མཛོད་འགྲེལ་བཅས་ལ་གཞི་བྱས།རྒྱ་མཚོའི་ཤེས་བྱ་མཛོད་འགྲེལ་བཅས་ལ་གཞི་བྱས།)
• Dictionaries/sgom sde tshig mdzod chenmo/8752  + ((གསང་སྔགས) རྡོ་རྗེ་སེམས་དཔའི་སྔགས། འདི་ཐེང … (གསང་སྔགས) རྡོ་རྗེ་སེམས་དཔའི་སྔགས། འདི་ཐེངས་ཉེར་གཅིག་རེ་བཏོན་ན་ལྟུང་བའི་འཕེལ་ཁ་ཆག་ཅིང་འབུམ་ཕྲག་བཟླས་ན་ལྟུང་བ་དག་པར་གསུངས་ཏེ། སྙིང་པོ་རྒྱན་བསྐྱེད་རིམ་དངོས་གྲུབ་རྒྱ་མཚོ་༡༦བ༡ཏུ་དྲངས་པ་ལས། ཡི་གེ་བརྒྱ་པ་ཆོ་ག་བཞིན། །ཉི་ཤུ་རྩ་ནི་རེ་རེ་བཟླས། །ལྟུང་སོགས་བྱིན་གྱིས་བརླབས་གྱུར་པས། །འཕེལ་བ་རུ་ནི་མི་འགྱུར་ཞེས། །གྲུབ་པ་མཆོག་རྣམས་ཀྱིས་བཤད་པས། །ཐུན་མཚམས་རྣམས་སུ་སྤྱད་པར་བྱ། །འབུམ་ཕྲག་ཏུ་ནི་བཟླས་གྱུར་ན། །རྣམ་པར་དག་པའི་བདག་ཉིད་འགྱུར། །ཞེས་དང་། ཡང་མཁས་གྲུབ་ཆོས་རྗེའི་གསུང་ཐོར་བུ་༡༨༥ན༣ལས། ཡི་གེ་བརྒྱ་པའི་བཟླས་པ་གཙོ་བོར་ཐུན་མཚམས་སུ་བྱེད་པ་སྙིང་པོ་རྒྱན་ལ་སོགས་པའི་རྒྱ་གཞུང་ཚད་ལྡན་དུ་མའི་དགོངས་པ་ཡིན། ཐུན་འགོ་ལ་བྱེད་པ་ཕུན་སུམ་ཚོགས་པའི་ཡན་ལག་ཙམ་མ་གཏོགས་ངེས་པར་དགོས་པའི་ཡན་ལག་ཏུ་མི་བཞེད་པས་རྒྱུན་ལྡན་གྱི་ཉམས་ལེན་ལ་ཡོད་མེད་ཇི་ལྟར་བྱས་ཀྱང་། ལྟུང་བ་འཕེལ་བ་འགོག་པ་དང་། སྔར་ཡོད་སྦྱང་བའི་ཕྱིར་ཐུན་མཚམས་སུ་ཡི་གེ་བརྒྱ་པ་བཟླས་པ་ལ་འབད་པ་གལ་ཆེ་བ་ཡིན། ཞེས་གསུངས་སོ། །ལེགས་སྦྱར་གྱི་སྐད་དུ། བཛྲ་སཏྭ་ས་མ་ཡ། མ་ནུ་པཱ་ལ་ཡ། བཛྲ་སཏྭ་ཏྭེ་ནོ་པ་ཏིཥྛ། དྲཌྷོ་མེ་བྷཱ་བ། སུ་ཏོ་ཥྱོ་མེ་བྷཱ་བ། ཨ་ནུ་རཀྟོ་མེ་བྷཱ་བ། སུ་པོ་ཥྱོ་མེ་བྷཱ་བ། སརྦ་སིད་དྷི་མེ་པྲ་ཡཙྪ། སརྦ་ཀརྨ་སུ་ཙ་མེ། ཙིཏྟཾ་ཤྲཱི་ཡ་ཀུ་རུ། བྷ་ག་ཝཱན་སརྦ་ཏ་ཐཱ་ག་ཏ། བཛྲ་མ་མེ་མུཉྪ། བཛྲཱི་བྷཱ་བ། མཧཱ་ས་མ་ཡ་སཏྭ། (དོགས་གཅོད། ཞལ་རྒྱུན་ལ་ཡིག་བརྒྱའི་མཇུག་ཏུ། ཧཱུྃ་ཕཊ་གཉིས་སྦྱར་ནས་འདོན་པར་བྱེད་པས་བརྒྱ་དང་གཉིས་སུ་འགྱུར་བས། ཡིག་བརྒྱ་ཞེས་པ་ཡིག་འབྲུ་བརྒྱ་ཡོད་པའི་རྒྱུ་མཚན་གྱིས་མིན་ནམ་ཞེ་ན། དངུལ་ཆུའི་གསུང་དྲིས་ལན་༡༡༤ལས། འོ་ན་གཉིས་ལྷག་པ་དེ་སྐྱོན་ཡིན་ནམ་ཞེ་ན། ངེས་པ་མེད་དོ། །བཀྲས་ལྷུན་སྔགས་ཆེན་དམ་ཆོས་དཔལ་འབྱོར་གྱི་རྡོར་སེམས་བསྒོམ་བཟླས་འཁྲིད་ཡིག་ལས། ཧཱུྃ་དང་ཕཊ་གཉིས་ཡི་གེ་བརྒྱ་པའི་གྲངས་སུ་མི་འགྲོ་ཡང་སྦྱར་བ་ལེགས་ལ། དོན་གྱི་ཧཱུྃ་གིས་སྤང་བྱ་ཉོན་མོངས་པ་དེས་ཀུན་ནས་བསླངས་པ་ལས་འཇོམས་པར་མཚོན་ཞིང་། ཕཊ་ཀྱིས་རྒྱུ་ལས་ཉོན་གྱིས་བསྐྱེད་པའི་འབྲས་བུ་སྡུག་བསྔལ་འཇོམས་པར་མཚོན་ཏེ། ཞེས་སོགས་གསུངས་པས་སོ། །ཞེས་གསུངས) བོད་སྐད་དུ་བསྒྱུར་ན། རྡོ་རྗེ་སེམས་དཔའ་དམ་ཚིག་རྗེས་སུ་སྐྱོངས་ཤིག རྡོ་རྗེ་སེམས་དཔའ་ཉིད་ཀྱིས་ཉེ་བར་གནས་པར་མཛོད། བདག་ལ་བརྟན་པའི་དངོས་པོར་མཛོད། བདག་ལ་ཤིན་ཏུ་དགྱེས་པའི་དངོས་པོར་མཛོད། བདག་ལ་རྗེས་སུ་ཆགས་པའི་དངོས་པོར་མཛོད། དངོས་གྲུབ་ཐམས་ཅད་བདག་ལ་རབ་ཏུ་སྩོལ། ལས་ཐམས་ཅད་ལ་ཡང་བདག་གི་སེམས་དགེ་བར་མཛོད། བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་རྡོ་རྗེ་བདག་མ་གཏོང་ཞིག རྡོ་རྗེ་ཅན་གྱི་དངོས་པོར་མཛོད་དམ་ཚིག་སེམས་དཔའ་ཆེན་པོ། ཞེས་པའོ། །དེ་ཡང་ཐོག་མཐའ་བར་གསུམ་གྱི་ༀ་ཨཱཿཧཱུྃ་གསུམ་དང༌། ཧ་བཞི་དང་ཧོ་སྟེ་ལྔ་ནི། བོད་སྐད་དུ་བསྒྱུར་རྒྱུ་མེད་ཀྱང་རྡོ་རྗེ་གསུམ་དང་ཡེ་ཤེས་ལྔའི་མཚོན་བྱེད་ཡིན་པར་གསུངས། ལྷག་མ་ཡི་གེ་གོ་གཉིས་ལའང་བསྒྱུར་ལུགས་མང་དུ་ཡོད་ཀྱང་ལེགས་ཆ་བསྡུས་ནས་བསྒྱུར་ན། བཛྲ་རྡོ་རྗེ། སཏྭ་སེམས་དཔའ། ས་མ་ཡ་དམ་ཚིག མ་ནུ་རྗེས་སུ། པཱ་ལ་ཡ་སྐྱོངས་ཤིག་ཅེས་དང༌། བཛྲ་རྡོ་རྗེ། སཏྭ་སེམས་དཔའ། ཏྭེ་ནོ་ཉིད་ཀྱིས། ཨུ་པ་ཉེ་བར། ཏིཥྛ་གནས་པར་མཛོད་དེ། རྡོ་རྗེ་སེམས་དཔའ་ཉིད་ཀྱིས་ཉེ་བར་གནས་པར་མཛོད། ཅེས་དང༌། དྲཌྷོ་བརྟན་པ། མེ་བདག་ལ། བྷཱ་བ་དངོས་པོར་མཛོད་དེ། བདག་ལ་བརྟན་པའི་དངོས་པོར་མཛོད། ཅེས་དང༌། སུ་ཤིན་ཏུ། ཏོ་ཥྱོ་དགྱེས་པ། མེ་བདག་ལ། བྷཱ་བ་དངོས་པོར་མཛོད་དེ། བདག་ལ་ཤིན་ཏུ་དགྱེས་པའི་དངོས་པོར་མཛོད། ཨ་ནུ་རྗེས་སུ། རཀྟོ་ཆགས་པ། མེ་བདག་ལ། བྷཱ་བ་དངོས་པོར་མཛོད། བདག་ལ་རྗེས་སུ་ཆགས་པའི་དངོས་པོར་མཛོད། ཅེས་དང༌། སུ་ཤིན་ཏུ། པོ་ཥྱོ་རྒྱས་པ། མེ་བདག་ལ། བྷཱ་བ་དངོས་པོར་མཛོད་དེ། བདག་ལ་ཤིན་ཏུ་རྒྱས་པའི་དངོས་པོར་མཛོད། ཅེས་དང༌། སརྦ་ཐམས་ཅད། སིད་དྷི་དངོས་གྲུབ། མེ་བདག་ལ། པྲ་རབ་ཏུ། ཡཙྪ་སྩོལ་ཏེ། དངོས་གྲུབ་ཐམས་ཅད་བདག་ལ་རབ་ཏུ་སྩོལ། ཅེས་དང༌། སརྦ་ཐམས་ཅད། ཀརྨ་ལས། སུ་ཙ་ལ་ཡང༌། མེ་བདག་གི ཙིཏྟཾ་སེམས། ཤྲཱི་ཡ་དགེ་བར། ཀུ་རུ་མཛོད་དེ། ལས་ཐམས་ཅད་ལ་ཡང་བདག་གི་སེམས་དགེ་བར་མཛོད། ཅེས་དང༌། བྷ་ག་ཝཱན་བཅོམ་ལྡན་འདས། སརྦ་ཐམས་ཅད། ཏ་ཐཱ་དེ་བཞིན། ག་ཏ་གཤེགས་པ། བཛྲ་རྡོ་རྗེ། མ་མེ་མུཉྪ་བདག་མ་གཏོང་ཞིག་སྟེ། བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་རྡོ་རྗེ་བདག་མ་གཏོང་ཞིག ཅེས་དང༌། བཛྲཱི་རྡོ་རྗེ་ཅན། བྷཱ་བ་དངོས་པོར་མཛོད། མཧཱ་ཆེན་པོ། ས་མ་ཡ་དམ་ཚིག སཏྭ་སེམས་དཔའ་སྟེ། རྡོ་རྗེ་ཅན་གྱི་དངོས་པོར་མཛོད་དམ་ཚིག་སེམས་དཔའ་ཆེན་པོ། ཞེས་པའོ། །པཎ་ཆེན་བློ་བཟང་ཆོས་ཀྱི་རྒྱལ་མཚན་གྱི་གསུང་བཞིན་བཀོད། ལྕང་སྐྱ་ངག་དབང་བློ་བཟང་ཆོས་ལྡན་གྱི་རྡོ་རྗེ་སེམས་དཔའི་སྒོམ་བཟླས་བྱ་ཚུལ་ལས་ཀྱང་དེའི་སྔགས་དོན་གསུངས་ཡོད།ཟླས་བྱ་ཚུལ་ལས་ཀྱང་དེའི་སྔགས་དོན་གསུངས་ཡོད།)
• Dictionaries/sgom sde tshig mdzod chenmo/5482  + ((གསང་སྔགས) <ཨུཏྱཱ་ཏྲི་ཀྲ་མ> བསྒོམས་ས … (གསང་སྔགས) <ཨུཏྱཱ་ཏྲི་ཀྲ་མ> བསྒོམས་སྟོབས་ཀྱིས་རླུང་དབུ་མར་ཞུགས་གནས་ཐིམ་གསུམ་བྱས་པ་ལས་མ་བྱུང་ཞིང་། རང་འབྲས་རྫོགས་རིམ་གྱི་རྒྱུད་སྨིན་བྱེད་གང་ཞིག སྐྱེ་ཤི་བར་དོ་གསུམ་པོ་ཅི་རིགས་དང་རྣམ་པ་མཐུན་པར་བློས་གསར་དུ་བརྟགས་ནས་སྒོམ་པའི་རྣལ་འབྱོར་དེ། བསྐྱེད་རིམ་གྱི་མཚན་ཉིད་དུ་པཎ་ཆེན་བློ་བཟང་ཆོས་ཀྱི་རྒྱལ་མཚན་གསུང་ངོ་། །དཔལ་ལྡན་ཆོས་རྗེས་མཚན་ཉིད་དེ་བསྐྱེད་རིམ་གྱི་གཙོ་བོའི་དབང་དུ་བྱས་པ་ཡིན་གསུང་། གཞན་ཡང་། དངོས་གནས་ལ་གྲུབ་པ་མེད་ཅིང་། བློས་ཡི་གེ་དང་ཉི་ཟླ་མཚན་མ་སོགས་གང་རུང་ལས་རང་ཉིད་ལྷར་བསྐྱེད་པའི་རྣམ་པ་ཡིན་པས་བསྐྱེད་རིམ་སྟེ། རིམ་པ་ནི་རྣམ་པའི་དོན་ནོ། །ཞེས་མཁས་གྲུབ་ཆོས་རྗེའི་དངོས་སློབ་འདུལ་འཛིན་དཔལ་ལྡན་བཟང་པོའི་གསུང་གསང་འདུས་རྩ་རྒྱུད་ཀྱི་འགྲེལ་པ་རིན་ཆེན་གཏེར་མཛོད་ལས་གསུངས། རྗེའི་སྔགས་རིམ་ཆེན་མོར་ཡང་དེ་བཞིན་དུ་གསུངས། སྒྲ་བཤད་ནི། བློས་བཅོས་ནས་བསྐྱེད་པའི་རྣམ་པ་ཡིན་པས་ན་བསྐྱེད་རིམ་ཞེས་བྱ་སྟེ། དེ་ཡང་བློས་བཅོས་ནས་བསྐྱེད་པས་ནས་བསྐྱེད། རིམ་པ་ནི་རྣམ་པ་དང་ཆ་དང་ཕྱོགས་ཞེས་བྱ་བའི་མིང་གི་རྣམ་གྲངས་ཡིན་པར། ཤཱནྟི་པས་གསུངས་ཞེས་རྗེའི་སྔགས་རིམ་ཆེན་མོར་གསལ་ལོ། །དབྱེ་ན། རགས་པ་དྲན་པ་གཅིག་པའི་རྣལ་འབྱོར་དང་། (བསྐྱེད་རིམ་རགས་པ་དང་དོན་གཅིག) ཕྲ་བ་རྟོག་པའི་རྣལ་འབྱོར་གཉིས། (བསྐྱེད་རིམ་ཕྲ་མ་དང་དོན་གཅིག) མིང་གི་རྣམ་གྲངས་ནི། རིམ་པ་དང་པོ། བསྐྱེད་རིམ། རྟོག་པའི་རྣལ་འབྱོར། བརྟགས་པའི་རིམ་པ། བཅོས་མའི་རྣལ་འབྱོར་རྣམས་སོ། །རྗེའི་སྔགས་རིམ་ཆེན་མོར་གཞི་བྱས་ཏེ་བཀོད། བསྐྱེད་རིམ་གྱི་སྐད་དོད་ལ། ཨུཏྱཱ་ཏྲི་ཀྲ་མ་ཞེས་འབྱུང་ཞིང་། ཡང་སཾ་བོད་སྐད་གཉིས་ཤན་སྦྱར་གསེར་གྱི་ཕྲེང་མཛེས་ལས། ཨུཏྱཱ་ཏ་ཀྲ་མ་ཞེས་འབྱུང་བས་དཔྱད་དོ། །ེང་མཛེས་ལས། ཨུཏྱཱ་ཏ་ཀྲ་མ་ཞེས་འབྱུང་བས་དཔྱད་དོ། །)
• Dictionaries/sgom sde tshig mdzod chenmo/6624  + ((དགེ་ལུགས) གཞན་འཕྲུལ་དབང་བྱེད་ཀྱི་བདག་པོ་བ … (དགེ་ལུགས) གཞན་འཕྲུལ་དབང་བྱེད་ཀྱི་བདག་པོ་བདུད་དགའ་རབ་དབང་ཕྱུག་གི་མདའ་ལྔ་ནི། དྲེགས་བྱེད་ཀྱི་མདའ། རྨོངས་བྱེད་ཀྱི་མདའ། ཀུན་ཏུ་རྨོངས་བྱེད་ཀྱི་མདའ། བརྒྱལ་བྱེད་ཀྱི་མདའ། སེམས་མེད་པར་བྱེད་པའི་མདའ་སྟེ་ལྔའོ། །དྲེགས་པར་བྱེད་པའི་མདའ་ནི། འདོད་ཆགས་རྒྱས་ཤིང་མྱོས་པར་བྱེད་པའོ། །རྨོངས་བྱེད་ཀྱི་མདའ་ནི། འདོད་པའི་དགའ་བས་མྱོས་ནས་རྨོངས་པར་བྱེད་པའོ། །ཀུན་ཏུ་རྨོངས་པར་བྱེད་པའི་མདའ་ནི། ཆགས་པའི་དབང་གིས་དྲན་པ་མེད་པར་བྱེད་པའོ། །བརྒྱལ་བྱེད་ཀྱི་མདའ་ནི། ཡུལ་དབང་རྣམ་ཤེས་ཉམས་པས་ཤིང་བཞིན་ས་ལ་ལྟུང་བར་བྱེད་པའོ། །སེམས་མེད་པར་བྱེད་པའི་མདའ་ནི། མི་གཡོ་བས་རོ་བཞིན་དུ་བྱེད་པའོ། །རྗེའི་འགྲེལ་པ་བཞི་སྦྲགས་ལ་གཞི་བྱས་ཏེ་བཀོད། སྒྲ་བཤད་ནི། དེ་དག་གི་བྱེད་པ་སེམས་ལ་ཞུགས་པ་ལ་མདའ་ཞེས་ཐ་སྙད་བཏགས་སོ། ། (རྙིང་མ) འདོད་ལྷ་བདུད་སྡིག་ཅན་ཆུང་མ་པདྨའི་ཕྲེང་བ་དང་བཅས་པའི་སྤྱི་བོ་ན་མེ་ཏོག་གི་མདའ་ལྔ་ཡོད་པ་འདི་ལྟ་སྟེ། དྲེགས་པར་བྱེད་པ་དང༌། རྨོངས་པར་བྱེད་པ་དང༌། ཀུན་ཏུ་རྨོངས་པར་བྱེད་པ་དང༌། བརྒྱལ་བར་བྱེད་པ་དང༌། སེམས་པར་བྱེད་པ་སྟེ་ལྔའོ། །ཀུན་མཁྱེན་འཇིགས་མེད་གླིང་པའི་ཡོན་ཏན་མཛོད་འགྲེལ་ན་གསལ།ཇིགས་མེད་གླིང་པའི་ཡོན་ཏན་མཛོད་འགྲེལ་ན་གསལ།)
• Dictionaries/sgom sde tshig mdzod chenmo/8517  + ((དགེ་ལུགས) ཟུང་འཇུག་གི་གོ་འཕང༌། (བཀའ་བརྒྱུད) དག་པ་གཉིས་ལྡན་གྱི་ངོ་བོ་ཉིད་སྐུ། སྒྲ་བཤད་ནི། འདོད་བྱའི་འབྲས་བུ་མཐར་ཐུག་ཡིན་པས་འབྲས་བུ་དང༌། དེ་ཉིད་ཇི་སྲིད་ནམ་མཁའ་མ་ཟད་ཀྱི་བར་རྒྱུན་མི་འཆད་པར་འཇུག་པས་རྒྱུད་ཅེས་བྱའོ། །ཤེས་བྱ་མཛོད་འགྲེལ་ལ་གཞི་བྱས།)
• Dictionaries/sgom sde tshig mdzod chenmo/9168  + ((དགེ་ལུགས) རིམ་གཉིས་ལ་བོགས་འདོན་པའི་ཡན་ལག་ … (དགེ་ལུགས) རིམ་གཉིས་ལ་བོགས་འདོན་པའི་ཡན་ལག་ཏུ་རིག་མའི་འདོད་ཡོན་ལ་སྤྱོད་པ་ལ་ཟེར། འདི་ལ་རིག་པ་བརྟུལ་ཞུགས་ཀྱི་སྤྱོད་པ་ཞེས་མི་ཟེར་བར། རིག་མའི་བརྟུལ་ཞུགས་ཀྱི་སྤྱོད་པ་ཞེས་བརྗོད་ན་གོ་བ་སྟེར་བ་ལ་ཁྱད་ཆེ། ཞིབ་པར་བཤད་ན། སྤྲོས་བཅས། སྤྲོས་མེད། ཤིན་ཏུ་སྤྲོས་མེད་ཀྱི་སྤྱོད་པ་རྣམ་པ་གསུམ་ལ་རིག་པ་བརྟུལ་ཞུགས་ཀྱི་སྤྱོད་པ་ལ་ཟེར། (སྤྱོད་པ་གསུམ་གྱི་སྐོར་ “སྤྱོད་པ་གསུམ” ཞེས་པའི་ཐད་དུ་གཟིགས) རྗེའི་རིམ་ལྔ་གསལ་སྒྲོན་དང་སྔགས་རིམ་ཆེན་མོ་རྣམས་སུ་དེ་དག་གི་སྐོར་ཤིན་ཏུ་རྒྱས་པར་གསུངས་ཡོད་པས་དེ་དག་ལ་བལྟ་བར་བྱའོ། །རྗེའི་ལམ་རིམ་ཆེན་མོར། ཇོ་བོ་རྗེས་རིག་པ་བརྟུལ་ཞུགས་ཀྱི་སྤྱོད་པ་ལོ་དྲུག་གམ་གསུམ་དུ་མཛད་ཅེས་གསུངས་པ་ནི། ཇོ་བོ་རྗེ་རབ་ཏུ་མ་བྱུང་བའི་གོང་རོལ་དུ་ཡིན་གྱི། (ཤིན་ཏུ་སྤྲོས་མེད་ཀྱི་སྤྱོད་པ་ལ་རིག་མ་དངོས་དང་འདོད་ཡོན་ལམ་དུ་བྱེད་པ་མི་དགོས་ཀྱང་། འདིར་རིག་པ་བརྟུལ་ཞུགས་ཀྱི་སྤྱོད་པ་ལོ་དྲུག་གམ་གསུམ་དུ་མཛད་ཅེས་པ་ནི་སྤྱོད་པ་གོང་མ་གཉིས་པོ་གང་རུང་དུ་ངེས་ཤིང་། དེ་གཉིས་ལ་ནི་ངེས་པར་རིག་མ་དང་དངོས་དང་འདོད་ཡོན་ལམ་དུ་བྱེད་པ་ཞིག་དགོས་སོ། །ཡོངས་གྲགས་སུ་རིག་པ་བརྟུལ་ཞུགས་ཀྱི་སྤྱོད་པ་ཞེས་པ་རིག་མ་དངོས་དང་སྙོམས་པར་འཇུག་པའི་སྤྱོད་པ་ལ་གོ་བའི་ཕྱིར་རོ) ཁོང་བཀའ་གདམས་ཀྱི་བསྟན་པའི་བདག་པོ་འདུལ་བའི་ཉེས་ལྟུང་ཕྲ་མོས་ཀྱང་མ་གོས་པའི་དགེ་སློང་ཚུལ་ཁྲིམས་རྣམ་དག་ཅིག་གིས་བུད་མེད་ག་ལ་བསྟེན། དེའི་ཁུངས་ནི། དེབ་སྔོན་སྟོད་ཆ་༢༩༨ལས། རི་ནག་པོའི་རྣལ་འབྱོར་པ་སྒྲ་གཅན་གསང་བའི་རྡོ་རྗེ་ལ་ཀྱེའི་རྡོ་རྗེའི་དཀྱིལ་འཁོར་དུ་དབང་བསྐུར་བ་ཞུས། རྒྱུད་མན་ངག་དང་བཅས་པ་གསན། རིམ་པ་གཉིས་ལ་བརྟན་པ་ཐོབ་པ་ན། ཡུལ་གཞན་དང་གཞན་དུ་བྱོན་ཞིང་། ཨ་བ་དྷཱུ་ཏཱི་པ་ཞེས་བྱ་བའི་མཆོག་གི་གྲུབ་པ་བརྙེས་པ་དེའི་ཕྱགས་ཕྱིར་ལོ་བདུན་འབྲེངས། རིག་པ་བརྟུལ་ཞུགས་ཀྱི་སྤྱོད་པ་ཡང་ལོ་གསུམ་དུ་མཛད། ཨུ་རྒྱན་གྱི་ཡུལ་དུ་མཁའ་འགྲོ་མ་རྣམས་དང་ལྷན་ཅིག་ཏུ་ཚོགས་ལ་སྤྱོད་པ་ན། རྡོ་རྗེའི་གླུ་མང་པོ་གསན་ཏེ། དུས་ཕྱིས་ཡི་གེར་བཏབ་པའི་རྡོ་རྗེའི་གླུ་དེ་ལ་སོགས་པ་ལགས། དེ་ལྟར་གསང་སྔགས་ཀྱི་གྲུབ་པ་མཆོག་ལ་གནས་པའི་ཚེ། བཅོམ་ལྡན་འདས་ཤཱཀྱ་ཐུབ་པ་འཁོར་ཉན་ཐོས་མང་པོ་དང་ཐབས་ཅིག་ཏུ་བཞུགས་པའི་གསུང་གིས། ཁྱོད་ཅི་ལ་ཆགས་ནས་རབ་ཏུ་མི་འབྱུང་ཞེས་བྱ་བ་མནལ་ལམ་དུ་གསན་ནས། རབ་ཏུ་བྱུང་ན་བསྟན་པ་ལ་ཕན་པ་ཆེན་པོར་འགྱུར་བར་དགོངས་ཏེ། རྡོ་རྗེ་གདན་གྱི་མ་ཏི་ཝི་ཧཱ་རར་སངས་རྒྱས་ཡེ་ཤེས་ཞབས་ཀྱི་བཀའ་བརྒྱུད། ཕལ་ཆེན་སྡེ་པའི་གནས་བརྟན་ཆེན་པོ་སྦྱོར་བའི་ལམ་གྱི་ཕྱོགས་གཅིག་ལ་གནས་པ་ཤཱི་ལ་རཀྵི་ཏ་ཞེས་བྱ་བ་ལས་དགུང་ལོ་ཉེར་དགུ་པ་ལ་རབ་ཏུ་བྱུང་ཞིང་བསྙེན་པར་རྫོགས། ཞེས་དོགས་པ་ཙམ་ཡང་མི་དགོས་པར་གསལ་བར་གསུངས་ཡོད་དོ། ། (བཀའ་བརྒྱུད) ཀོང་སྤྲུལ་ཡོན་ཏན་རྒྱ་མཚོའི་ཤེས་བྱ་མཛོད་འགྲེལ་དུ་རིག་པ་བརྟུལ་ཞུགས་ཀྱི་སྤྱོད་པའི་ངོ་བོ་གསུང་བ་ན། སྤྱོད་པ་གསུམ་ལ་སྦྱར་ནས་གོང་དང་འདྲ་བར་གསུང་། ཡང་གཞན་དག་གིས། སྤྱོད་པ་ལྔའི་ནང་གསེས། ལུས་གཅེར་བུར་བྱས་རྒྱན་དྲུག་གི་བརྒྱན་ཕྱག་རྒྱ་མོ་དང་ལྷན་ཅིག་གྲོང་དུ་རྒྱུ་བའི་སྤྱོད་པ་ལ་བཤད། སྤྱོད་པ་གསུམ་ལ་གཟིགས།ུ་བའི་སྤྱོད་པ་ལ་བཤད། སྤྱོད་པ་གསུམ་ལ་གཟིགས།)
• Dictionaries/sgom sde tshig mdzod chenmo/5089  + ((དགེ་ལུགས) སེམས་ཅན་གྱི་རྒྱུད་ཀྱི་དྲི་མ་དང་ … (དགེ་ལུགས) སེམས་ཅན་གྱི་རྒྱུད་ཀྱི་དྲི་མ་དང་བཅས་པའི་སེམས་ཀྱི་ཆོས་ཉིད། (བཀའ་བརྒྱུད) དབྱིངས་དང་ཡེ་ཤེས་དབྱེར་མེད་པའི་རང་བཞིན་ཆུ་ཟླ་ལྟར་བདེན་བརྫུན་དང་བྲལ་ཞིང་ངོས་བཟུང་དང་མཚན་མ་ལས་འདས་པའི་ཐ་མལ་གྱི་ཤེས་པ་ཉིད་ལ་བདེ་བར་གཤེགས་པའི་སྙིང་པོར་བཞེད། ཟབ་མོ་ནང་དོན་གྱི་འགྲེལ་པ་དང་ཤེས་བྱ་མཛོད་འགྲེལ་གཉིས་ཀར་གསལ། (རྙིང་མ) ཡེ་ནས་འདུས་མ་བྱས་པའི་སོ་སོ་རང་གི་ཡེ་ཤེས་སྟོང་གསལ་སྤྲོས་པ་དང་བྲལ་བ་ལ་བདེ་བར་གཤེགས་པའི་སྙིང་པོར་བཞེད། (ས་སྐྱ་པ) སེམས་ཉིད་རང་བཞིན་གྱིས་རྣམ་པར་དག་པ་ལ་འཇོག) སེམས་ཉིད་རང་བཞིན་གྱིས་རྣམ་པར་དག་པ་ལ་འཇོག)
• Dictionaries/sgom sde tshig mdzod chenmo/2782  + ((དབུ་མ) 1 ཐ་སྙད་པའི་ཚད་མས་ཇི་ལྟར་བཞག་པ་ལྟར … (དབུ་མ) 1 ཐ་སྙད་པའི་ཚད་མས་ཇི་ལྟར་བཞག་པ་ལྟར་གྲུབ་པ་ལ། ཐ་སྙད་ཚད་གྲུབ་ཟེར། དཔེར་ན། བུམ་པ་ངེས་པའི་ཚད་མས་བུམ་པ་ཇི་ལྟར་གཞལ་བ་བཞིན་དུ་གྲུབ་པ་ལྟ་བུའོ། །དེ་བཞིན་དུ་བུམ་པ་ལ་བུམ་པ་ཞེས་པའི་ཐ་སྙད་དེ་ཚད་མའམ་མི་བསླུ་བའམ་ཡང་དག་པ་ཡིན་པ་དང་། དེས་ཇི་ལྟར་བཞག་པ་ལྟར་གྲུབ་པའོ། །སྤྱིར་བཏང་། ཐ་སྙད་ཚད་གྲུབ། ཚད་གྲུབ། ཚད་མས་གྲུབ་པ། ཡོད་པ། ཐ་སྙད་དུ་ཡོད་པ་རྣམས་དོན་གཅིག འདི་ལ་དཔྱད་པར་བྱ་བ་འདི་འདྲ་ཞིག་ཡོད་དེ། གཞན་ཕྱོགས་པ་མང་པོ་ཞིག་གིས་ཐ་སྙད་ཚད་གྲུབཅེས་པ་འདི། རྗེ་ཙོང་ཁ་པ་ཆེན་པོའི་སྒེར་གྱི་ཐ་སྙད་ལྟ་བུ་ཞིག་ཏུ་ངོས་འཛིན་བྱས་ཏེ། ཤ་ཐང་ཐང་དུ་འགོག་ཅི་ཐུབ་བྱེད་ཀྱང་། ཐ་སྙད་འདི་རྗེ་ཙོང་པ་ཆེན་པོས་ཕྱག་གིས་བསྟར་ནས་བྲིས་པའི་ལེགས་བཤད་ཆེན་པོ་རྣམས་སུ་ནི་མི་སྣང་སྟེ། རྗེའི་དབུ་མའི་ཊཱི་ཀ་ཆེན་པོ་དགོངས་པ་རབ་གསལ། རྗེའི་ལམ་རིམ་ཆེ་འབྲིང་ཆུང་གསུམ། ལེགས་བཤད་སྙིང་པོ། ལེགས་བཤད་གསེར་ཕྲེང་། སྔགས་ཕྱོགས་ནས། རྗེའི་རིམ་ལྔ་གསལ་སྒྲོན། རིམ་ལྔ་གདན་རྫོགས། སྔགས་རིམ་ཆེན་མོ། འགྲེལ་པ་བཞི་སྦྲགས། མཐའ་གཅོད་མྱུ་གུ། སྦས་དོན་ཀུན་གསལ། བདེ་མཆོག་འགྲེལ་པ་འདོད་འཇོ། གསང་སྔགས་ཀྱི་ཚུལ་ཁྲིམས་ཀྱི་རྣམ་བཤད་དངོས་གྲུབ་སྙེ་མ་སོགས་སུ་ཟུར་ཙམ་ཡང་མི་འབྱུང་བས། ད་ཁྱེད་ཅག་ལ་བསྟན་རྒྱུ་ཡོད་ན་སྟོན་ཅིག 2 ཐ་སྙད་དམ་ཆོས་ཅན་ཀུན་རྫོབ་ཀྱི་ཆོས་རྣམས་ཚད་མས་གྲུབ་ཅིང་གཏན་ལ་ཕབ་པ་ལ། ཐ་སྙད་ཚད་གྲུབ་ཟེར་ཏེ། མཁས་གྲུབ་ཆོས་རྗེས་མཛད་པའི་རྗེའི་གསང་བའི་རྣམ་ཐར་རིན་པོ་ཆེའི་སྙེ་མ་ལས། མདོར་ན་ཐ་སྙད་ཚད་མས་གྲུབ་པ་བཞག་ས་མེད་པར་འཁྲུལ་ངོ་ཙམ་ལ་བསྙད་ནས་གཞན་ངོར་འཇོག་པ་མ་གཏོགས། རང་ལུགས་ལ་གང་ཡང་བཞག་ས་མེད་པར་ལས་འབྲས་ལ་སྐུར་འདེབས་ཀྱི་ཆད་ལྟ་ཆེན་པོ་ལ་དབུ་མའི་ལྟ་བའི་མཆོག་ཏུ་འཛིན་པ་དེ་ཉིད་འགག་པའི་ཆེད་དུ། རྗེ་བཙུན་གྱིས་ནན་ཏུར་ཆེ་བར་མཛད་དོ། །ཞེས་གསུངས་ཤིང་། གུང་ཐང་བསྟན་པའི་སྒྲོན་མེའི་རྗེའི་བསྟོད་པའི་དོན་ལྡན་མའི་འགྲེལ་པ་༤༠ལས་ཀྱང་། ཐ་སྙད་ཚད་གྲུབ་སྔོན་དུ་མ་སོང་བར་རང་བཞིན་མེད་པར་བཟུང་བར་རློམ་པ་ཡང་རང་བཞིན་མེད་དོ་ཞེས་པའི་ཚིག་ཙམ་ལ་ཡིད་བཟླས་བྱས་པའམ། ཡེ་མེད་དུ་བཟུང་བར་འགྲོ་ཡི། རང་བཞིན་མེད་རྟོགས་ཀྱི་བློར་མི་འགྱུར་ཏེ། བྱང་ཆུབ་སེམས་འགྲེལ་ལས། ཆོས་ཅན་ཡོད་ན་ཆོས་རྣམས་ལ། །འཇིག་རྟེན་ན་ནི་དཔྱོད་པ་འཇུག །ཅེས་དང་། དབུ་མ་ལུང་རིགས་གཏེར་མཛོད་ལས། ཐ་སྙད་ཚད་གྲུབ་འཇོག་མི་ཤེས་པར་རང་བཞིན་མེད་པ་རྟོགས་མི་སྲིད་པར་ཐལ། ཚད་གྲུབ་འཇོག་མི་ཤེས་པར་རང་བཞིན་མེད་པར་བཟུང་བས་སྟོང་ཉིད་རྟོགས་མི་ཐུབ་པའི་ཕྱིར། ཞེས་གསུངས་པའི་ཕྱིར། ཞེས་སོགས་གསུངས། 3 ཡང་། དོན་དམ་པར་མེད་ཀྱང་ཐ་སྙད་ཀྱི་དབང་གིས་བྱ་བྱེད་ཀྱི་རྣམ་གཞག་འཐད་པའམ་འཇོག་ཐུབ་པ་ལ་ཐ་སྙད་ཚད་གྲུབ་ཟེར། 4 ཡང་། ཐ་སྙད་བདེན་པ་སྟེ་ཀུན་རྫོབ་བདེན་པ་ཚད་མས་གྲུབ་པ་ལའང་ཐ་སྙད་ཚད་གྲུབ་ཟེར་རོ། །5 ཡང་། ཐ་སྙད་པའི་བློས་ཕར་བཏགས་ཙམ་མིན་པར་གདགས་གཞིའི་ངོས་ནས་གྲུབ་པ་ལའང་། ཐ་སྙད་ཚད་གྲུབ་ཟེར་བ་ཡང་ཡོད། རྒྱུ་མཚན་དེ་ལ་བརྟེན་ནས་དགེ་ལྡན་པའི་མཁས་པ་འགའ་རེས་ཐ་སྙད་ཚད་གྲུབ་མེད་ཅེས་སྨྲ་མཁན་ཡང་ཡོད་དོ། །དེ་ནི་རང་ངོས་ནས་གྲུབ་པ། རང་བཞིན་གྱིས་གྲུབ་པ། ཐ་སྙད་བཏགས་པའི་བཏགས་དོན་བཙལ་བའི་ཚེ་ན་རྙེད་པ་ཞེས་བྱ་བ་དང་དོན་འདྲའོ། །ཐ་སྙད་ཚད་གྲུབ་འདོད་ཚུལ་ཐ་མ་འདི་ནི་ནོར་བར་སེམས་སོ། །གྲུབ་འདོད་ཚུལ་ཐ་མ་འདི་ནི་ནོར་བར་སེམས་སོ། །)
• Dictionaries/sgom sde tshig mdzod chenmo/6747  + ((དབུ་མ) <ཙི་ཏྲ་ཀཱ་ར> 1 ཡུལ་གྱི་སྤུ་ར … (དབུ་མ) <ཙི་ཏྲ་ཀཱ་ར> 1 ཡུལ་གྱི་སྤུ་རིས་སམ་ཁྱད་པར་སོ་སོར་འབྱེད་པའི་སེམས་བྱུང་ཞིག་ལ་ཟེར། ལེགས་སྦྱར་གྱི་ཙི་ཏྲ་ཀཱ་ར་ཞེས་པའི་ཙི་ཏྲ་ནི་རི་མོ་དང་། ཀཱ་ར་ནི་བྱེད་པ་སྟེ་རི་མོ་བྱེད་པ་སྟེ་རི་མོ་མཁན་གྱི་མིང་དུ་གྲགས་ཆེ་མོད། །མཚན་མར་འཛིན་པ་ལའང་བསྒྱུར་རོ། །ཚིག་འདིའི་ཐད་ཀའི་དོན་ནི། བཀྲ་བར་འཛིན་པའམ། གསལ་བར་འཛིན་པས་ན། མཚན་མར་འཛིན་པ་ཟེར་རོ། །རྗེའི་ལམ་རིམ་ཆེན་མོ་ལས། མཚན་མར་འཛིན་པ་ནི་བདེན་འཛིན་མ་ཡིན་གྱི། ཡུལ་གྱི་སྤུ་རིས་འབྱེད་པའོ། །ཞེས་གསུངས། དབྱིག་གཉེན་གྱི་མཛོད་རང་འགྲེལ་ལས། འདུ་ཤེས་ནི། མཚན་མར་འཛིན་པའི་བདག་ཉིད་དོ། །གང་སྔོན་པོ་དང༌། སེར་པོ་དང༌། རིང་པོ་དང༌། ཐུང་དུ་དང༌། ཕོ་དང༌། མོ་དང༌། མཛའ་བཤེས་དང༌། མཛའ་བཤེས་མ་ཡིན་པ་དང༌། བདེ་བ་དང༌། སྡུག་བསྔལ་བ་ལ་སོགས་པའི་རང་བཞིན་གྱི་ཁྱད་པར་ལ་མཚན་མར་འཛིན་པ་དེ་ནི་འདུ་ཤེས་ཀྱི་ཕུང་པོའོ། །ཞེས་གསུངས་སོ། །སྒྲ་བཤད་ནི། མཚན་མར་འཛིན་པ་ཞེས་པའི་མཚན་མའི་སྐད་དོད་ནི། ཅི་ཏྲ་ चित्र ་ཞེས་པ་དེ་ཡིན་ལ། དེ་ནི་བཀྲ་བ་དང་། བཀྲག་མདངས། འོད་འཚེར་བ། གསལ་བ། རི་མོ། གཟུགས་བརྙན། བཀྲ་ཤིས། སྣ་ཚོགས། ཚོན་རྩི་སོགས་ལ་འཇུག་པར་M. Monier Williams གྱི་ལེགས་སྦྱར་གྱི་ཚིག་མཛོད་རྣམས་སུ་བཤད་པས། འདིར་གསལ་བ་ལ་འཇུག་པའི་དབང་དུ་བྱས་ནས། གསལ་བར་འཛིན་པས་ན་མཚན་མར་འཛིན་པ་ཟེར་ཞིང་། དེའི་དོན་ཡང་། ཡུལ་གྱི་ཁྱད་པར་གསལ་བར་ཕྱེ་ནས་འཛིན་པས་ན། མཚན་མར་འཛིན་པ་ཞེས་བརྗོད་དོ། །ཡང་ན། ཡུལ་གྱི་རི་མོའམ་གཟུགས་བརྙན་གསལ་བར་འཛིན་པས་ན་དེ་སྐད་ཅེས་བྱའོ། །2 བདེན་འཛིན། རྗེའི་ལམ་རིམ་ཆེན་མོ་ལས། བཤེས་གཉེན་ལ་མ་གུས་པ་ནས་བདག་གཉིས་སུ་མཚན་མར་འཛིན་པའི་བར་གྱི་ཕྱིན་ཅི་ལོག་གི་བློ་སྣ་མཐའ་དག་མྱུར་དུ་འགག་པ་དང༌། ཞེས་གསུངས་པ་ལྟར་རོ། །མཚན་འཛིན་ལ་གཟིགས། སྒྲ་བཤད་ནི། མཚན་མ་སྟེ་ཕྱིན་ཅི་ལོག་ཏུ་འཛིན་པས་ན་དེ་སྐད་ཅེས་བྱ་སྟེ། མདོ་སྡུད་པ་༼ ཤེར་ཚོགས་ཀ་པ ༽༢བ༡ལས། ཕུང་འདི་སྟོང་ཞེས་རྟོག་ན་བྱང་ཆུབ་སེམས་དཔའ་ནི། །མཚན་མ་ལ་སྤྱོད་སྐྱེ་མེད་གནས་ལ་དད་མ་ཡིན། །ཞེས་པའི་ཐད་ཀྱི་སྡུད་པ་ཚིགས་སུ་བཅད་པའི་དཀའ་འགྲེལ་༼ ཉ ༽༡༢༧བ༡ལས། མཚན་མ་ལ་ཞེས་བྱ་བ་ནི་མཚན་མ་ལ་སྟེ། ཕྱིན་ཅི་ལོག་ལ་ཞེས་བྱ་བའི་དོན་ཏོ། །ཞེས་གསུངས་པ་ལྟར་རོ། །3 ཆགས་ཡུལ་མངོན་སུམ་དུ་མཐོང་ནས་དེའི་རྣམ་པ་གསལ་པོར་ཡིད་ལ་བྱེད་པ་ལྟ་བུ་ལ་ཟེར། རྗེའི་ལམ་རིམ་ཆེན་མོ་༤༢ན༡ལས། མཚན་མར་འཛིན་པ་ནི། བལྟ་བར་མི་བྱ་བའི་གཟུགས་ལ་སོགས་པ་ཡུལ་དུ་བྱས་པའམ་ཡུལ་སྣང་བ་རྣམས་དེ་དག་འབྱུང་བ་ཡིད་ལ་བྱེད་པ་མངོན་སུམ་དུ་བྱས་ནས་མཐོང་བའོ། །ུང་བ་ཡིད་ལ་བྱེད་པ་མངོན་སུམ་དུ་བྱས་ནས་མཐོང་བའོ། །)
• Dictionaries/sgom sde tshig mdzod chenmo/3121  + ((དབུ་མ) རང་བཞིན་ཁྱད་པར་གསུམ་ལྡན་ལྟ་བུ་དགག་ … (དབུ་མ) རང་བཞིན་ཁྱད་པར་གསུམ་ལྡན་ལྟ་བུ་དགག་བྱ་ཕྲ་མོར་ངོས་བཟུང་ན། དགག་བྱ་ངོས་འཛིན་ཁྱབ་ཆུངས་པ་ཡིན་ནོ། །འདི་དགག་བྱ་ངོས་འཛིན་ཁྱབ་ཆུངས་པས་རྒྱུ་མཚན་གང་ཡིན་ཞེ་ན། དགག་བྱ་འདི་བཀག་ཀྱང་ད་དུང་ཡང་དགག་བྱ་ཕྲ་མོ་མ་ཁེགས་པར་ཤུལ་དུ་ལུས་པས་རང་བཞིན་མེད་རྟོགས་ཀྱི་དབུ་མའི་ལྟ་བ་རྒྱུད་ལ་སྐྱེས་པ་མེད་པས་སོ། །དགག་བྱ་ངོས་འཛིན་ཁྱབ་ཆུངས་པས་སྐྱོན་འདི་ཡོང་གཞི་ནི། གལ་ཏེ་ཆོས་ཐམས་ཅད་རང་བཞིན་གྱིས་གྲུབ་པ་བཀག་ན་ཡེ་མེད་དུ་སོང་ནས་ཆད་མཐར་ལྟུང་བར་དོགས་ཏེ་བྱུང་བ་ཡིན་ནོ། །རང་བཞིན་ཁྱད་པར་གསུམ་ལྡན་ནི། ༡ ངོ་བོ་རྒྱུ་རྐྱེན་གྱིས་མ་བསྐྱེད་པ། ༢ གནས་སྐབས་གཞན་དུ་མི་འགྱུར་བ། ༣ རྣམ་འཇོག་གཞན་ལ་མི་ལྟོས་པ་དང་གསུམ་མོ། །མྱུ་གུ་ལྟ་བུའི་སྟེང་དུ་རང་བཞིན་ཁྱད་པར་གསུམ་ལྡན་ཁེགས་ཀྱང་མྱུ་གུ་རང་བཞིན་མེད་པ་རྟོགས་མི་དགོས་པ་ནི། བྱེ་མདོ་ལྟ་བུའོ། །རང་བཞིན་ཞེས་པ་འདིར་དགག་བྱ་ལ་གོ་དགོས། གཞི་མྱུ་གུ་ལྟ་བུ་ (༡) རྒྱུ་རྐྱེན་གྱིས་བསྐྱེད་པ། (༢) སྐད་ཅིག་གིས་འཇིག་པ། (༣) ཚུ་རོལ་ལ་ལྟོས་ཏེ་ཕ་རོལ། རིང་པོ་ལ་ལྟོས་ཏེ་ཐུང་ངུ་འཇོག་པ་ལྟ་བུའི་ཐ་སྙད་རྣམ་འཇོག་གི་རྟེན་འབྲེལ་དུ་རྟོགས་པ་ཙམ་གྱིས་གནས་ལུགས་མཐར་ཐུག་རྟོགས་པར་མི་འཇོག་ཅེས་པའི་དོན་ནོ། །ཆུངས་པ་དང་ཆུང་བའི་ཁྱད་པར། ཆུངས་པ་ནི་ཆུང་དྲགས་པའི་དོན་དང་། ཆུང་བ་ནི་ཆེ་བའི་ལྡོག་ཕྱོགས་ཙམ་མོ། །ཆུངས་པ་ཞེས་པའི་ཡང་འཇུག་ཅན་འདི་ཚིག་མཛོད་རྣམས་སུ་ཡང་མི་གསལ་ལ། འདི་ལ་ཆུང་བ་ཞེས་པའི་ཚིག་གིས་མ་ཐོན་པའི་གནད་ཕྲ་མོ་ཀྱང་ཞིག་ཡོད་དེ། ཆུངས་པ་ནི་གོང་དུ་བཤད་པ་ལྟར་ཆུང་དྲགས་པའི་དོན་དང་། ཆུང་བ་ནི་ཆེ་བའི་ལྡོག་ཕྱོགས་ཙམ་ལ་ཟེར་རོ། །དཔེར་ན། ཆེས་པ་དང་ཆེ་བ། ཉུངས་པ་དང་ཉུང་བ། མངས་པ་དང་མང་བ་ཞེས་སོགས་ཤིན་ཏུ་མང་ངོ་། །རྗེའི་ལམ་རིམ་ཆེན་མོ་ལས་དགག་བྱ་ངོས་འཛིན་ཁྱབ་ཆེས་པ་དང་ཆུངས་པ། ཞེས་འབྱུང་བ་ལྟ་བུའོ། །དེ་སང་འདི་འདྲའི་གནད་ཕྲ་མོ་ལ་ཁྱད་པར་འབྱེད་ཤེས་མཁན་དང་དོ་སྣང་བྱེད་མཁན་ནི་ཉིན་མོའི་སྐར་མ་ལྟར་སྣང་ངོ་། །་བྱེད་མཁན་ནི་ཉིན་མོའི་སྐར་མ་ལྟར་སྣང་ངོ་། །)
• Dictionaries/sgom sde tshig mdzod chenmo/7460  + ((ཕར་ཕྱིན) (ལེགས་སྦྱར) སྟོན་པས་བདེན་བཞིའི་ཆ … (ཕར་ཕྱིན) (ལེགས་སྦྱར) སྟོན་པས་བདེན་བཞིའི་ཆོས་འཁོར་ཐོག་མར་བསྐོར་བའི་ཡུལ། ལེགས་སྦྱར་དུ་ वाराणसी ཞེས་འབྲི་བར་བྱེད། སྒྲ་བཤད་ནི། ཀུན་གཟིགས་ལྔ་པ་ཆེན་པོའི་གསུང་ལས། ཝཱ་རཱ་ཎ་ཕུབ་དང་ཨ་སཱི། རལ་གྲི་སྟེ་སྔོན་ཡུལ་དེར་འཁྲུགས་པ་ཤིན་ཏུ་དར་བས་གོ་མཚོན་རྒྱུན་དུ་བསྟེན་པས་ཕུབ་རལ་ཅན་ནམ། ཡང་ན་ཝཱ་རཱ་འཁོར་མོ་དང་ཎ་སཱི་འཇིག་པར་བཞེད་པ་དང༌། པཎྜི་ཏ་འགའ་ཞིག་ཆུ་བོ་ཝཱ་རཱ་ཎ་དང༌། ཨ་སཱིའི་བར་གྱི་ཡུལ་ཡིན་པས་མཚམས་སྦྱར་བས་ཝཱ་རཱ་ཎ་སཱི་ཡིན་གསུངས། ཞེས་འབྱུང་སྟེ། ཕྱི་མ་ནི་བྱེ་བྲག་བཤད་མཛོད་ལས། ཅིའི་ཕྱིར་ཝཱ་རཱ་ཎ་སཱི་ཞེས་བྱ་ཞེ་ན། སྨྲས་པ། འདི་ནི་ཆུ་ཀླུང་གི་མིང་ཡིན་ཏེ། དེ་ལས་མི་རིང་བ་ན་རྒྱལ་པོའི་གྲོང་ཁྱེར་བརྩིགས་པས་དེའི་ཕྱིར་གྲོང་ཁྱེར་འདིའང་ཝཱ་རཱ་ཎ་སཱི་ཞེས་བྱའོ། །ཞེས་གསུངས་པ་རྒྱ་ནག་གི་འགྲེལ་ཆེན་དུ་དྲངས་པ་དང་མཐུན་ནོ། །འདུལ་བ་གཞི་རྒྱ་ཆེར་འགྲེལ་ལས། ཝཱ་རཱ་ཎ་སཱི་ཞེས་བྱ་བ་ནི་ཆུ་ཀླུང་ཝཱ་རཱ་ཀས་མཚོན་པའི་ཕྱིར་རོ། །ཞེས་གསུངས་སོ། །ཱ་རཱ་ཀས་མཚོན་པའི་ཕྱིར་རོ། །ཞེས་གསུངས་སོ། །)
• Dictionaries/sgom sde tshig mdzod chenmo/8202  + ((ཕར་ཕྱིན) 1 (མངོན་པ་ཀུན་བཏུས) འཇུག་ཤེས་དྲུ … (ཕར་ཕྱིན) 1 (མངོན་པ་ཀུན་བཏུས) འཇུག་ཤེས་དྲུག་འགགས་པའི་གནས་སྐབས་ལ་ཐར་པར་འདུ་ཤེས་ནས་འཁོར་བས་ཡིད་འབྱུང་བའི་ཡིད་འབྱུང་གིས་ཀུན་ནས་བསླངས་ཏེ། བསམ་གཏན་གསུམ་པ་ལས་འདོད་ཆགས་དང་བྲལ་ལ་བཞི་པ་ལས་འདོད་ཆགས་དང་མ་བྲལ་བའི་རྩེ་གཅིག་པ་གང་ཞིག ཚོགས་དྲུག་འཁོར་བཅས་མངོན་གྱུར་འགགས་པ་ཙམ་གྱིས་རབ་ཏུ་ཕྱེ་བའི་ཀུན་གཞིའི་གནས་སྐབས་ལ་བཏགས་པའི་འདུ་བྱེད་དོ། །འདི་ནི་མངོན་པ་ཀུན་བཏུས་ལས་བཤད་པ་ལྟར་རོ། །2 (མངོན་པ་མཛོད) མངོན་པར་མཛོད་ལས་ནི། སྙོམས་པར་ཞུགས་ནས་མ་ལྡང་གི་བར་དུ་སེམས་སེམས་བྱུང་འགོག་པར་བྱེད་པའི་རྫས་ལ་བཤད་དོ། །སེམས་བྱུང་འགོག་པར་བྱེད་པའི་རྫས་ལ་བཤད་དོ། །)
• Dictionaries/sgom sde tshig mdzod chenmo/7625  + ((ཕར་ཕྱིན) 1 (མཛོད་ལུགས་ལ) ཟག་པ་དམིགས་པ་དང་ … (ཕར་ཕྱིན) 1 (མཛོད་ལུགས་ལ) ཟག་པ་དམིགས་པ་དང་མཚུངས་ལྡན་གང་རུང་གི་སྒོ་ནས་རྒྱས་སུ་མི་རུང་བ་ལ། ཟག་མེད་ཟེར། དཔེར་ན་འགོག་ལྡན་དང་ལམ་བདེན་ལྟ་བུ། ཟག་པ་ཉོན་མོངས་ལ་བཞག་ནས་དེ་དང་བྲལ་བ་ལ། ཟག་མེད་ཟེར། 2 (དབུ་མ་ཐལ་འགྱུར་བ) བདེན་འཛིན་གྱི་མ་རིག་པ་དང། དེའི་བག་ཆགས་གང་རུང་གིས་མ་བསླད་པ་ལ། ཟག་མེད་ཟེར། རྗེའི་དགོངས་པ་རབ་གསལ་ལས། ཟག་པ་མེད་པའི་ཡེ་ཤེས་ཞེས་པའི་ངོ་བོ་ནི། ཁ་ཅིག་མཛོད་ནས་བཤད་པ་ལྟར་གྱི་ཟག་པ་རྒྱས་སུ་མི་རུང་བ་ལ་ཟག་མེད་དུ་འཆད་པ་ནི། ལུགས་འདིའི་ཟག་མེད་དུ་འཇོག་པའི་དོན་ཐུན་མོང་མ་ཡིན་པ་མ་རྟོགས་པར་སྣང་བས། རང་གི་ལུགས་ནི་བདེན་འཛིན་གྱི་མ་རིག་པ་དང། དེའི་བག་ཆགས་གང་རུང་གིས་བསླད་པ་ནི་ཟག་བཅས་དང། བསླད་པ་དེ་དང་བྲལ་བའི་ཡེ་ཤེས་ནི་ཟག་པ་མེད་པ་ཡིན་ཏེ། ཚིག་གསལ་ལས། མ་རིག་པའི་རབ་རིབ་དང་བྲལ་བ་དག་གི་ཡེ་ཤེས་ཟག་པ་མེད་པའི་ཡུལ་གྱི་རང་བཞིན་ལ་ལྟོས་ནས་ནི་མ་ཡིན་ནོ། །ཞེས་གསུངས། 3 རྟོགས་མེད་ཀྱི་ཤེས་པའམ་མངོན་སུམ་ལ། ཟག་མེད་ཟེར། དཔེར་ན་ཟག་མེད་སྒོམ་ལམ་ཞེས་པ་ལྟ་བུ། དབུ་མ་རང་རྒྱུད་པ་སོགས་ཀྱིས། ཟག་པ་རྟོག་པ་ལ་བཞག་ནས་དེ་དང་བྲལ་བ་ལ། ཟག་མེད་ཀྱི་ཐ་སྙད་བྱེད་པའི་སྐབས་ཀྱང་ཡོད།ལ། ཟག་མེད་ཀྱི་ཐ་སྙད་བྱེད་པའི་སྐབས་ཀྱང་ཡོད།)
• Dictionaries/sgom sde tshig mdzod chenmo/12887  + ((ཕར་ཕྱིན) 1 (མིང་ཚིག) སངས་རྒྱས་བྱང་སེམས་སོ … (ཕར་ཕྱིན) 1 (མིང་ཚིག) སངས་རྒྱས་བྱང་སེམས་སོགས་ཀྱི་རྣམ་འཕྲུལ། མཆོག་སྤྲུལ། 2 (འདུལ་བ) (མིང་ཚིག) ཀླུ་ལ་སོགས་པ་མིའི་གཟུགས་སུ་བརྫུས་པ་གང་ཡིན་པ། འདིའི་ལོ་རྒྱུས་དང་བཅས་པ་འདུལ་བ་ལུང་གཞི་༼ ཀ ༽༩༥བ༣ན་གསལ་ཞིང་། གཞན་ཡང་ཁོ་བོས་བྲིས་པའི་འདུལ་བའི་ཚིག་མཛོད་ལ་གཟིགས། 3 (བྱ་ཚིག) བསྒྱུར་བ། འཕྲུལ་དུ་འཇུག་པ། བོད་རྒྱ་ཚིག་མཛོད་ཆེན་མོར། སྤྲུལ་བ་བྱ་ཚིག་ཏུ་བཤད་ལ། མདོ་སྔགས་གཞུང་ཆེན་མོ་མང་པོ་དང༌། ངག་སྒྲོན་རྩ་འགྲེལ་སོགས་སུ་ནི། སྤྲུལ་པ་བྱ་ཚིག་ཏུ་བཤད་པས། སྤྲུལ་བ་དང་སྤྲུལ་པ་གཉིས་ལ་ཞིབ་འཇུག་དང་དོགས་གཅོད་དགོས་པ་འདུག་གོ། 4 (བྱ་ཚིག) སྤྲོ་བ། བསྐྱེད་པ། བཟོས་པ། བཅོས་པ། བསྐྲུན་པ། བདེ་ཆེན་བསྐྱེད་པའི་ལྟེ་བའི་རྩ་འཁོར་ལ་ལྟེ་བ་སྤྲུལ་པའི་འཁོར་ལོ་ཞེས་པ་ལྟ་བུ། སྤྲོ་བ་ལ་འཇུག་པ་ནི། རྗེའི་རྣམ་གཞག་རིམ་པའི་རྣམ་བཤད་ལས། སེམས་ཀྱིས་སྤྲོ་བ་སྟེ་ཡིད་ཀྱིས་སྤྲུལ་པ། ཞེས་གསུངས། 5 (བྱ་ཚིག) སྦྱིན་པ། སྟོབ་པ་སོགས་ལ་འཇུག་པར་ཁུ་ནུ་བླ་མ་བསྟན་འཛིན་རྒྱལ་མཚན་གསུང་ངོ༌། །་ཁུ་ནུ་བླ་མ་བསྟན་འཛིན་རྒྱལ་མཚན་གསུང་ངོ༌། །)
• Dictionaries/sgom sde tshig mdzod chenmo/5820  + ((ཕར་ཕྱིན) 1 (རྒྱུད་བླ་མ) སངས་རྒྱས་ཀྱི་ཐུགས … (ཕར་ཕྱིན) 1 (རྒྱུད་བླ་མ) སངས་རྒྱས་ཀྱི་ཐུགས་རྒྱུད་ཀྱི་སྤངས་རྟོགས་ཕུན་སུམ་ཚོགས་པ་ལ་བྱང་ཆུབ་ཟེར། གོ་སླ་བར་བཤད་ན། སངས་རྒྱས་ཀྱི་ཐུགས་རྒྱུད་ཀྱི་འགོག་ལམ་གཉིས་ལ་བྱང་ཆུབ་ཟེར་ཞིང་། དེ་ཡང་དེའི་ཐུགས་རྒྱུད་ཀྱི་འགོག་བདེན་ལ་སྤངས་པ་བྱང་ཆུབ་དང་། ཡེ་ཤེས་ཆོས་སྐུ་ལ་རྟོགས་པ་བྱང་ཆུབ་ཟེར། བྱང་ས་སྡེ་དགེ་བསྟན་འགྱུར་སེམས་ཙམ་༼ ཝི་པ ༽༤༧བ༥ལས། དེ་ལ་བྱང་ཆུབ་གང་ཞེ་ན། མདོར་བསྡུ་ན་སྤངས་པ་རྣམ་པ་གཉིས་དང་། ཡེ་ཤེས་རྣམ་པ་གཉིས་ལ་ནི་བྱང་ཆུབ་ཅེས་བྱ་སྟེ། དེ་ལ་སྤངས་པ་རྣམ་པ་གཉིས་ནི་ཉོན་མོངས་པའི་སྒྲིབ་པ་སྤངས་པ་དང་། ཤེས་བྱའི་སྒྲིབ་པ་སྤངས་པའོ། །ཡེ་ཤེས་རྣམ་པ་གཉིས་ནི་ཉོན་མོངས་པའི་སྒྲིབ་པ་སྤངས་ནས་དྲི་མ་མེད་ཅིང་ཉོན་མོངས་པ་ཐམས་ཅད་དང་འབྲེལ་བ་མེད་པའི་ཡེ་ཤེས་གང་ཡིན་པ་དང་། ཤེས་བྱའི་སྒྲིབ་པ་སྤངས་ནས་ཤེས་བྱ་ཐམས་ཅད་ཐོགས་པ་མེད་ཅིང་སྒྲིབ་པ་མེད་པའི་ཡེ་ཤེས་གང་ཡིན་པའོ། །ཞེས་གསུངས་པ་ལྟར་རོ། །སྒྲ་བཤད་ནི། སྒྲིབ་པ་བྱང་ཞིང་ཤེས་བྱའི་རྣམ་པ་མ་ལུས་པ་ཁོང་དུ་ཆུད་པའམ་ཆུབ་པས་ན་བྱང་ཆུབ་ཅེས་བྱའོ། །མདོར་ན་བྱང་ཞེས་པས་སྤངས་པ་བྱང་ཆུབ་དང་། ཆུབ་ཅེས་པས་རྟོགས་པ་བྱང་ཆུབ་བསྟན་ཏོ། །ནམ་མཁའ་སྤྲིན་དང་བྲལ་བ་དེ་སྤངས་པ་བྱང་ཆུབ་ཀྱི་དཔེ་དང་། ཉི་མ་འོད་གསལ་བ་དེ་རྟོགས་པ་བྱང་ཆུབ་ཀྱི་དཔེར་རྒྱུད་བླ་མ་ལས་གསུངས་སོ། །གཞན་ཡང་རྒྱུད་བླ་མ་ལས། སངས་རྒྱས་ཉིད་ནི་དབྱེར་མེད་པས། །ནམ་མཁའ་བཞིན་ཏེ་ཡེ་ཤེས་དང༌། །སྤངས་པ་གཉིས་ཀྱི་མཚན་ཉིད་དོ། །ཞེས་དང༌། དེའི་ཐད་ཀྱི་རྒྱུད་བླ་མའི་དར་ཊཱིཀ་ལས། བྱང་ཆུབ་ཉིད་ནི་སངས་རྒྱས་ཀྱི་ཡོན་ཏན་ཐམས་ཅད་དང་རང་གི་ངོ་བོའི་སྒོ་ནས་དབྱེར་མེད་པའི་ཡེ་ཤེས་དང་རང་བཞིན་གྱིས་དག་པ་དང་གློ་བུར་གྱི་དྲི་མས་དག་པའི་ཆོས་ཀྱིས་རབ་ཏུ་ཕྱེ་བ་སྟེ། སྤངས་པ་དང་རྟོགས་པ། ཞེས་གསུངས་པ་ལྟར་མཉམ་རྗེས་དབྱེར་མེད་པས་བདེན་གཉིས་ཅིག་ཅར་མངོན་སུམ་དུ་གཟིགས་པ་རྣམ་པ་ཐམས་ཅད་མཁྱེན་པའི་ཡེ་ཤེས་རྟོགས་པ་བྱང་ཆུབ་དང༌། སྒྲིབ་གཉིས་ཟད་པར་སྤངས་པའི་དག་པ་གཉིས་ལྔན་གྱི་དབྱིངས་སྤངས་པ་བྱང་ཆུབ་གཉིས་ཡོད་དོ། །2 (མངོན་རྟོགས་རྒྱན) དྲི་མ་དོན་དམ་པར་སྐྱེ་འགག་མེད་པར་མངོན་སུམ་དུ་རྟོགས་པའི་ཡེ་ཤེས་མཐར་ཐུག་ལ་བྱང་ཆུབ་ཅེས་བྱ། མངོན་རྟོགས་རྒྱན་ལས། དྲི་མ་ཟད་དང་མི་སྐྱེ་བའི། །ཡེ་ཤེས་བྱང་ཆུབ་ཅེས་བརྗོད་དོ། །ཞེས་གསུངས། དེའི་ཐད་ཀྱི་རྒྱལ་ཚབ་ཆོས་རྗེའི་རྣམ་བཤད་སྙིང་པོའི་རྒྱན་ལས། དོན་དམ་པར་ཟད་སྐྱེ་མེད་པ་མངོན་སུམ་དུ་ཤེས་པའི་ཡེ་ཤེས་མཐར་ཐུག་དེ་དག་གོ་རིམ་བཞིན་དུ་ཟད་མི་སྐྱེ་ཤེས་པའི་བྱང་ཆུབ་ཆེན་པོར་ཤེས་པར་བྱ་སྟེ། དོན་དམ་པར་དྲི་མ་ཟད་དང་མི་སྐྱེ་བ་མངོན་སུམ་དུ་ཤེས་པའི་ཡེ་ཤེས་མཐར་ཐུག་པ་བྱང་ཆུབ་ཆེན་པོ་ཞེས་མདོ་ལས་བརྗོད་ཅིང༌། ཞེས་གསུངས། བརྒྱད་སྟོང་པའི་འགྲེལ་པ་གནད་ཀྱི་ཟླ་འོད་༼ ད ༽༥༨ བ༦ལས་ཀྱང་། ཟད་པ་དང་མི་སྐྱེ་བ་ཤེས་པ་ནི་བྱང་ཆུབ་ལ་དེའི་ཕྱོགས་ཏེ། རྗེས་སུ་མཐུན་ཞེས་པ་ནི་བྱང་ཆུབ་ཀྱི་ཕྱོགས་སོ། །ཞེས་གསུངས་སོ། །3 (མཛོད) རང་རྒྱུད་ལ་དྲི་མ་ཟད་ཅིང་སླར་ཡང་མི་སྐྱེ་བར་ཤེས་པ་ལ་བྱང་ཆུབ་ཅེས་གསུངས་པ་ལྟར། བདེན་བཞིའི་རྣམ་པ་བཅུ་དྲུག་ཡང་དག་པར་ཇི་ལྟ་བ་བཞིན་དུ་རྟོགས་པར་ཤེས་པ་ནི། ཟད་པ་ཤེས་པ་ཡིན་ལ། རྣམ་པ་དེ་དག་ཡོངས་སུ་ཤེས་ཏེ་དེ་ལས་ལྷག་པ་ཤེས་པར་བྱར་མེད་པར་རྟོགས་པ་ནི་མི་སྐྱེ་བར་ཤེས་པ་ཡིན་ནོ། །སྒྲ་བཤད་ནི། སྒྲིབ་པ་ཟད་ཅིང་སླར་ཡང་རང་རྒྱུད་ལ་མི་སྐྱེ་བར་ཤེས་པས་ན་དེ་སྐད་ཅེས་བྱའོ། །གོང་གི་བཤད་ཚུལ་གསུམ་ལས་རྒྱུད་བླ་མའི་བཤད་ཚུལ་ཉིད་ལེགས་པར་སྣང་ངོ༌། །ྒྱུད་བླ་མའི་བཤད་ཚུལ་ཉིད་ལེགས་པར་སྣང་ངོ༌། །)
• Dictionaries/sgom sde tshig mdzod chenmo/8201  + ((ཕར་ཕྱིན) 1 འདུ་ཤེས་མེད་པའི་སྙོམས་འཇུག་ལ་ག … (ཕར་ཕྱིན) 1 འདུ་ཤེས་མེད་པའི་སྙོམས་འཇུག་ལ་གནས་པའི་གང་ཟག་ལ་ཟེར། དེ་ནི་བསམ་གཏན་བཞི་པའི་གནས་འབྲས་བུ་ཆེ་བའི་ཕྱོགས་གཅིག་ན་གྲོང་ལས་དགོན་པའི་ཚུལ་དུ་ཡོད་ཅིང་དེར་སྐྱེས་མ་ཐག་དང་འཆི་བའི་ཚེ་མ་གཏོགས་པ་སེམས་དང་སེམས་བྱུང་གི་རྒྱུ་བ་འགགས་ནས་བསྐལ་ཆེན་མང་པོར་གནས་པར་མངོན་པ་ནས་གསུངས་སོ། །ཞེས་ལམ་རིམ་ཆེན་མོར་གསུངས་པ་ལྟར་རོ། །2 མཛོད་ཊཱིཀ་ཐར་ལམ་གསལ་བྱེད་དུ། འདུ་ཤེས་མེད་པ་བ་ནི། འདུ་ཤེས་མེད་པར་སྐྱེས་པའི་གང་ཟག་གི་རྒྱུད་ལ་སེམས་སེམས་བྱུང་རྣམས་འགོག་པར་བྱེད་པའི་རྫས་སོ། །ཞེས་ཀྱང་གསུངས་སོ། །ག་པར་བྱེད་པའི་རྫས་སོ། །ཞེས་ཀྱང་གསུངས་སོ། །)
• Dictionaries/sgom sde tshig mdzod chenmo/8192  + ((ཕར་ཕྱིན) <སཾ་ཛྙ> ཡུལ་གྱི་ཁྱད་པར་རམ་ … (ཕར་ཕྱིན) <སཾ་ཛྙ> ཡུལ་གྱི་ཁྱད་པར་རམ་སྤུ་རིས་རྣམས་མ་ནོར་བར་ལེགས་པར་སོ་སོར་ཕྱེ་ནས་འཛིན་པའི་སེམས་བྱུང་ཞིག་ལ་ཟེར། དེ་ལ་མཚན་མར་འཛིན་པ་ཞེས་ཀྱང་བྱ་སྟེ། ཡུལ་གྱི་ཐུན་མོང་མ་ཡིན་པའི་མཚན་མའམ་ཁྱད་པར་མ་ནོར་བར་སོ་སོར་ཕྱེ་ནས་འཛིན་པས་ན་དེ་སྐད་ཅེས་བྱ་སྟེ། མཛོད་རྩ་བ་ལས། ཚོར་བ་མྱོང་བའོ་འདུ་ཤེས་ནི། །མཚན་མར་འཛིན་པའི་བདག་ཉིད་དོ། །ཞེས་གསུངས་པ་ལྟར་རོ། །མཚན་མར་འཛིན་ཞེས་པ་ནི། ཁྱད་པར་འཛིན་ཞེས་པ་དང་དོན་གཅིག སྒྲ་བཤད་ནི། ཕྱིའི་དམིགས་རྐྱེན་དང་ནང་གི་དེ་མ་ཐག་རྐྱེན་ལ་སོགས་པའི་རྐྱེན་མང་པོའི་འདུ་བའམ་ཚོགས་པ་ལས་ཤེས་པ་འབྱུང་བས་ན་འདུ་ཤེས་ཞེས་བྱའོ། །སྒྲ་སྦྱོར་བམ་གཉིས་བསྟན་འགྱུར་༼ ཅོ་པ ༽༡༥༢ན་༥ལས། སཾཛྙ་སྐནྡྷ་ནི་ནི་མིཏྟ་ཛྙ་གྲ་ཞེས་བྱ་སྟེ། གཟུགས་ལ་སོགས་པ་དག་ལ་འདི་ནི་དཀར་པོའོ། །འདི་ནི་སྔོན་པོའོ། །འདི་ནི་བཟང་ངོ་། །འདི་ནི་ངན་ནོ་ཞེས་མཚན་མར་འཛིན་པའི་དམིགས་ཡུལ་དང་། དེ་མ་ཐག་པའི་རྐྱེན་ལ་སོགས་པའི་འདུ་བ་ལས་ཤེས་པ་འབྱུང་ཞིང་འདི་ཡིན་ནོ་སྙམ་དུ་མཚན་མར་འཛིན་པ་ལ་བྱ་བས་ན་སྙམ་ཤེས་ཞེས་སུ་ཡང་དྲང་དུ་རུང་གིས་ཀྱང་མིང་སྔར་བཏགས་པ་བཞིན་དུ་འདུ་ཤེས་སུ་བཏགས། ཞེས་གསུངས་སོ། །རྣམ་པ་གཅིག་ཏུ་ན་ལེགས་སྦྱར་གྱི་སཾ་ཛྙ་ཞེས་པ་བོད་ཀྱི་ལོ་ཙཱ་བ་ཆེན་པོ་རྣམས་ཀྱིས་འདུ་ཤེས་སུ་བསྒྱུར་མོད། འོན་ཀྱང་སཾ་ཞེས་པ་ལེགས་པ་དང་ཡང་དག་པའི་དོན་ལའང་འཇུག་པས། ཡུལ་གྱི་སྤུ་རིས་ལེགས་པར་རམ་ཡང་དག་པར་འབྱེད་པའི་ཤེས་པ་ཡིན་པས་ཡང་དག་ཤེས་ཞེས་བསྒྱུར་ཡོད་ན་གོ་བ་བླང་བདེ་བར་ཡོད་ཚོད་འདུག་གོ།ེས་བསྒྱུར་ཡོད་ན་གོ་བ་བླང་བདེ་བར་ཡོད་ཚོད་འདུག་གོ།)
• Dictionaries/sgom sde tshig mdzod chenmo/8179  + ((ཕར་ཕྱིན) <སཾསྐཱར་སྐནྡྷ་> གཟུགས་དང༌། … (ཕར་ཕྱིན) <སཾསྐཱར་སྐནྡྷ་> གཟུགས་དང༌། ཚོར་བ། འདུ་ཤེས། རྣམ་ཤེས་ཀྱི་ཕུང་པོ་ལས་གཞན་པའི་འདུས་བྱས་ཀྱི་ཆོས་ལ་ཟེར་ཏེ། མཛོད་ལས། འདུ་བྱེད་ཕུང་པོ་བཞི་ལས་གཞན། །ཞེས་གསུངས་པ་ལྟར་རོ། །སྒྲ་སྦྱོར་བམ་གཉིས་བསྟན་འགྱུར་༼ ཅོ་པ ༽༡༥༢ན་༥ལས། སཾསྐཱར་སྐནྡྷ་ནི་ཨ་བྷི་སཾསྐཱར་ལཀྵན་ཞེས་བྱ་སྟེ། སེམས་པ་ལ་སོགས་པའི་ལས་ཀྱིས་འཕངས་ནས་འདུ་བྱེད་ཕྱི་མ་འབྱུང་ཞིང་མངོན་པར་འདུ་བྱེད་པའི་མཚན་ཉིད་ཡིན་པས་ན་འདུ་བྱེད་ཀྱི་ཕུང་པོ་ཞེས་བྱ། ཞེས་གསུངས་སོ། །སྒྲ་བཤད་ནི། རང་དང་མཚུངས་ལྡན་གྱི་རྣམ་ཤེས་དགེ་མི་དགེའི་ཡུལ་ལ་གཡོ་བའི་བྱ་བ་བྱེད་པས་འདུ་བྱེད་དང༌། དུ་མ་སྤུངས་པས་ན་ཕུང་པོའོ། །འདུ་བྱེད་ཀྱི་ཕུང་པོ་ཞེས་པ་འདི་གཙོ་བོར་སེམས་བྱུང་སེམས་པའམ་ལས་ལ་གོ་དགོས།ས་པ་འདི་གཙོ་བོར་སེམས་བྱུང་སེམས་པའམ་ལས་ལ་གོ་དགོས།)
• Dictionaries/sgom sde tshig mdzod chenmo/7622  + ((ཕར་ཕྱིན) ༡ ཟག་པའི་བདག་ཉིད། ༢ ཟག་པ་དང་འབྲེ … (ཕར་ཕྱིན) ༡ ཟག་པའི་བདག་ཉིད། ༢ ཟག་པ་དང་འབྲེལ་བ། ༣ ཟག་པས་བཅིངས་པ། ༤ ཟག་པའི་རྗེས་སུ་འབྲེལ་་བ། ༥ ཟག་པའི་རྗེས་སུ་མཐུན་པ། ༦ ཟག་པའི་རྒྱུ་ལས་བྱུང་བ་དང་དྲུག་གོ། །ཞིབ་ཏུ་བཤད་ན། མཆིམས་མཛོད་༢༡ལས། ཀུན་བཏུས་ལས། ༡ ཟག་པ་དེའི་བདག་ཉིད་ནི། རྩ་ཉོན་དང་ཉེ་ཉོན་རྣམས་ཟག་པའི་ངོ་བོ་དང༌། ༢ ཟག་པ་དང་འབྲེལ་བ་ནི། ཟག་པ་དང་ལྷན་ཅིག་འབྱུང་བའི་སེམས་སེམས་བྱུང་དང༌། བདག་རྐྱེན་མིག་ལ་སོགས་པ་རྣམས་དེ་དང་མཚུངས་པར་ལྡན་པ་དང་རྟེན་ཡིན་པ་དང༌། ༣ ཟག་པས་བཅིངས་པ་ནི། ཁམས་གསུམ་གྱི་དགེ་བ་ཟག་བཅས་རྣམས་དེས་སྲིད་པའི་རྒྱུར་ཀུན་ནས་བཅིངས་པ་དང༌། ༤ ཟག་པའི་རྗེས་སུ་འབྲེལ་བ་ནི། ཟག་པའི་གནས་ངན་ལེན་དང་ལྡན་པ་དང༌། ༥ ཟག་པའི་རྗེས་སུ་མཐུན་པ་ནི། ཟག་པའི་གཉེན་པོ་མ་ཡིན་པར་དེ་ལ་འཕྲོད་པའམ། ཡང་ན་གཟུགས་ལ་སོགས་པ་ནི་ཟག་པ་རྩ་བ་དང་ཉེ་བའི་ཉོན་མོངས་པའི་ཡུལ་དུ་གྱུར་པས་དེ་དག་ལ་དམིགས་ནས་ཟག་པ་རྒྱས་པར་འགྱུར་པས་ཟག་པའི་དམིགས་པ་ཡིན་པ་དང༌། ༦ ཟག་པའི་རྒྱུ་ལས་བྱུང་བ་ནི། དེའི་འབྲས་བུ་ཡིན་པ་བཅས་སོ། །ཀུན་བཏུས་དར་ཊཱིཀ་ཏུ་དེ་དང་འདྲ་བར་གསུངས་སོ། །ན་བཏུས་དར་ཊཱིཀ་ཏུ་དེ་དང་འདྲ་བར་གསུངས་སོ། །)