Search by property

This page provides a simple browsing interface for finding entities described by a property and a named value. Other available search interfaces include the page property search, and the ask query builder.

List of results

• Dictionaries/Monlam Grand/105741  + (ཨར་འདམ་གྱི་ཞལ་བ་ཞེས་པའི་བསྡུས་ཚིག་སྟེ། ཁང་པ་སོགས་ཀྱི་ཨར་ཀའི་ཞལ་བའི་དོན།)
• Dictionaries/Monlam Grand/42266  + (ཨར་ལས་སོགས་ལས་དོན་རྒྱ་ཆེན་པོ་བྱེད་སྐབས་བར་གྱི་སྟོན་མོ།)
• Dictionaries/Monlam Grand/19195  + (ཨརྒེ་སྐུ་ཕྲེང་དང་པོ་ཉི་མ་འོད་ཟེར་མཆོག་གིས། … ཨརྒེ་སྐུ་ཕྲེང་དང་པོ་ཉི་མ་འོད་ཟེར་མཆོག་གིས། དྲུང་རཏྣ་ཤྲི་དགེ་བའི་བཤེས་གཉེན་རྡོ་རྗེ་འཛིན་པ་བཀའ་དྲིན་གསུམ་ལྡན་གྱི་བླ་མར་བསྟེན་ནས་མདོ་སྔགས་ཀྱི་གཞུང་ལུགས་ཟབ་བཀའ་དུ་མ་ལ་ཐོས་བསམ་གྱིས་གསན་སྦྱང་ཉམས་ལེན་བཅས་ཀྱིས་མཁས་གྲུབ་གཉིས་ལྡན་གྱི་སྐྱེས་ཆེན་དམ་པར་གྱུར་ཅིང་། ཚུལ་དེ་ལུགས་ལྟར་གྱིས་གདུལ་བྱ་རྗེས་སུ་བཟུང་སྟེ་གཞན་ལ་ཕན་པའང་རྒྱ་ཆེར་མཛད་བཞིན་བཞུགས་ཤིང་། ཁྱད་པར་ནང་རླུང་སེམས་ལ་དབང་ཐོབ་ནས་ཕྱི་ཡུལ་སྣང་ཅི་དགར་བསྒྱུར་ནུས་པའི་མཐུ་དང་ལྡན་ཏེ་ཁོང་གི་ཆོས་ཀྱི་མཆེད་ཚེས་བཅུ་རཏྣ་ཀཱིརྟིས་མཆོད་རྟེན་བཀྲ་ཤིས་སྒོ་མང་བཞེངས་སྐབས་ལེགས་པར་གྲུབ་པ་ལ་ཉེ་བའི་དུས་ཤིག་གི་ཚེ་དེའི་ཉིན་གྱི་ཉི་མ་དགོང་མོར་ནུབ་ལ་ཆས་ཚེ་ཨརྒེ་ཁོང་གིས་ཕྱག་གྲི་ཉི་གྲིབ་མཚམས་སུ་འཛེར་ནས་ཉི་མ་རང་སར་སྡོད་དུ་བཅུག་ནས་ལས་ཀའི་མཇུག་མ་ཟིན་གྱི་བར་ནུབ་ཁའི་ཉི་མ་ཕྱིར་ཡོལ་བར་བྱས་ཤིང་། དེ་ནས་མཆོད་རྟེན་གྱི་ལས་མཇུག་གྲུབ་པ་ན་ཕྱག་གྲི་ཉི་གྲིབ་མཚམས་ནས་ཕྱུང་ཚེ་མཚན་མོའི་ཕྱེད་ཙམ་སོང་ཞིང་ཕྱག་གྲི་ཕྱུང་ཤུལ་གྲུབ་ཆུ་བཏོན་པ་ད་ལྟའི་བར་ཡོད་པ་སོགས་ཆེས་ངོ་མཚར་བའི་གྲུབ་རྟགས་ལ་ཐོགས་པ་མི་མངའ་བས་དེ་ལུགས་ལྟར་གྱི་ཁོང་གི་མཚན་ལའང་ཉི་མ་འོད་ཟེར་ཞེས་གྲགས་སྐད།་ཁོང་གི་མཚན་ལའང་ཉི་མ་འོད་ཟེར་ཞེས་གྲགས་སྐད།)
• Dictionaries/Monlam Grand/13791  + (ཨརྱ་དེ་ཝའི་སྤྲུལ་པ་གྷ་རུང་བ་ལྷའི་རྒྱལ་མཚན་ … ཨརྱ་དེ་ཝའི་སྤྲུལ་པ་གྷ་རུང་བ་ལྷའི་རྒྱལ་མཚན་ཕྱི་ལོ་ ༡༣༡༩ ས་མོ་ལུག་གི་ལོར་ཡུལ་སྡེ་ཐང་དུ་སྐུ་འཁྲུངས། ཆུང་ངུ་ནས་སྐྱེས་ཆེན་མང་པོ་བསྟེན་ནས་ཕར་ཚད་མངོན་འདུལ་སོགས་གཞུང་ལུགས་ལ་མཁས་པར་སྦྱངས་ནས་དགུང་ལོ་ཉི་ཤུ་སྐོར་ནས་དོན་ཀུན་ཁོང་དུ་ཆུད། དེ་ནས་གུང་ཐང་དུ་མཁས་པ་མང་པོ་དང་རྩོད་པ་མཛད་པས་ཕ་རོལ་སྨྲ་བ་ཟིལ་གྱིས་མནན། གཞན་ཡང་མཁས་གྲུབ་མང་པོ་ལ་ཆོས་གསན་མཐར་ཀུན་མཁྱེན་ཆེན་པོའི་སྙན་གྲགས་གསན་པས་དེར་གུས་པས་ཞབས་ལ་གཏུགས་ནས་མདོ་སྔགས་ཀྱི་ཆོས་མང་པོ་ཞུས་པས་དག་སྣང་དཔག་མེད་འཕེལ། ཆོས་གྲགས་དཔལ། ལོ་ཙཱ་བ་བློ་གྲོས་དཔལ། ས་བཟང༌མ་ཏི་པཎ་ཆེན། ཆོས་རྗེ་ཕྱོགས་རྒྱལ་བ། ཉ་དབོན་པ་རྣམས་ལའང་ཆོས་མང་དུ་གསན། གྷ་རུང་ཆོས་སྡེར་སློབ་དཔོན་ཆོས་གྲགས་ཀྱིས་གདན་ས་གཏད་དེར་ལོ་མང་འཆད་ཉན་མཛད། དེ་ནས་མཁན་བྱང་ཆུབ་བཟང་པོས་གནས་ཆེན་ནམ་མཁའ་མཛོད་ཀྱི་དགོན་ཕུལ་ནས་དེར་བཞུགས་ཏེ་རྟེན་གསུམ་བཞེངས། རྒྱུད་འགྲེལ་སོགས་ཆོས་མང་དུ་གསུངས། དགུང་ལོ་གྱ་གཅིག་ཕྱི་ལོ་ ༡༣༣༧ མེ་སྦྲུལ་ལོའི་དྲུག་པའི་ཚེས་བརྒྱད་དུ་རྟགས་དང་བཅས་གཤེགས་སོ། །ག་པའི་ཚེས་བརྒྱད་དུ་རྟགས་དང་བཅས་གཤེགས་སོ། །)
• Dictionaries/Monlam Grand/106004  + (ཨཱ་ཙཱརྻ་ཀུ་ཀུ་རཱ་ཛ་ནི་སློབ་དཔོན་ཀུཀུརཱཛ་འམ … ཨཱ་ཙཱརྻ་ཀུ་ཀུ་རཱ་ཛ་ནི་སློབ་དཔོན་ཀུཀུརཱཛ་འམ་དགེ་སློང་ཀུ་ཀུ་རཱ་ཛར་གྲགས་པ་དེ་ཉིད་ལགས་ཤིང་། རྒྱལ་པོ་ཛཿདང་དུས་མཉམ་པར་བྱུང་བའི་ཡུལ་དབུས་ཀྱི་དགེ་སློང་རིག་པ་འཛིན་པ་ཞིག་སྟེ། རྒྱུད་འབུམ་རིན་པོ་ཆེའི་རྟོགས་བརྗོད་ལྷའི་རྔ་བོ་ཆེ་ལས། ཡུལ་གྱི་དབུས་སུ་ཡུལ་མལབ་ན་ཨཱ་ཙཱརྻ་ཀུ་ཀུ་རཱ་ཛ་ཉིན་ཞིང་ཁྱི་སྟོང་ཙམ་ལ་ཆོས་འཆད། མཚན་ཞིང་ཁྱི་དེ་དག་ལ་དམ་ཚིག་གི་ལོངས་སྤྱོད་མཛད་ཅིང་ཁྱིའི་སློབ་དཔོན་མཛད་པ་ཞིག་བཞུགས། ཞེས་དང་། སློབ་དཔོན་ཀུ་ཀུ་རཱ་ཛ་ཁྱིའི་རྒྱལ་པོ་ཞེས་པར་གྲགས་ཤིང་། ལོ་རྒྱུས་འགའ་ཞིག་ཏུ་ཀུཏརཱཛ་ཞེས་ཀྱང་འབྱུང་སྟེ། ཉིན་མོ་ཁྱིའི་རྣམ་པ་ཅན་གྱི་དཔའ་བོ་དང་རྣལ་འབྱོར་མ་སྟོང་ཕྲག་རེ་ལ་ཆོས་སྟོན་ཅིང་། མཚན་མོ་དེ་དག་དང་ལྷན་ཅིག་ཏུ་དུར་ཁྲོད་ཀྱི་གནས་རྣམས་སུ་གཤེགས་ནས་ཚོགས་ཀྱི་འཁོར་ལོ་ལ་སོགས་པ་དམ་ཚིག་གི་ཀུན་ཏུ་སྤྱོད་པ་ལ་གནས་ཤིང་། དེ་ལྟར་ལོ་བཅུ་གཉིས་སུ་སྤྱད་པས་མཐར་ཕྱག་རྒྱ་ཆེན་པོའི་དངོས་གྲུབ་བརྙེས་པ་ཡིན་ལ། ཡང་ཁ་ཅིག་གིས། སློབ་དཔོན་འདིས་སྤྱོད་པ་ལ་གནས་པའི་ཚེ། ཨུ་རྒྱན་དུ་བྱོན་ནས་སླར་ཡང་རྒྱུད་སྡེ་ཆེན་པོ་བཅོ་བརྒྱད་ཀྱི་ནང་ནས་སངས་རྒྱས་མཉམ་སྦྱོར་ལ་སོགས་པའི་ནང་རྒྱུད་སྡེ་ལྔ་རྒྱ་ཆེར་བཤད་ཅིང་། མཐར་གྱིས་ཟླ་གསང་ཐིག་ལེ་ལ་བརྟེན་ནས་མཆོག་གི་དངོས་གྲུབ་བརྙེས་པ་ཡིན་ནོ་ཞེས་ཀྱང་ཟེར། སློབ་དཔོན་འདིས་མཉམ་སྦྱོར་ལ་རྩལ་དུ་བཏོན་ཅིང་གསང་དོན་རྣམ་པར་དགོད་པ་དྲུག་དང་། དཀྱིལ་འཁོར་ཐམས་ཅད་ཀྱི་རྗེས་སུ་འཇུག་པའི་ཆོ་ག་ལྔ་པ་སོགས་བསྟན་བཅོས་དུ་མ་མཛད་དོ། །ཞེས་གསུངས།་པ་སོགས་བསྟན་བཅོས་དུ་མ་མཛད་དོ། །ཞེས་གསུངས།)
• Dictionaries/Monlam Grand/71040  + (ཨཱ་ལི་སོགས་དོན་མི་སྟོན་པའི་སྒྲ་སྤྱི་ནི་ཡི་ … ཨཱ་ལི་སོགས་དོན་མི་སྟོན་པའི་སྒྲ་སྤྱི་ནི་ཡི་གེའོ། །ཚོགས་ནི་དུ་མའོ། །མིང་ཚིག་སོགས་གསུམ་པོ་ཡང་རྣ་བས་ཐོས་པའི་སྒྲ་མ་ཡིན་གྱི་ཉན་ཤེས་ཀྱི་རྗེས་སུ་སྐྱེས་པའི་ཡིད་ལ་སྣང་བ་སྒྲ་ལས་རྫས་གཞན་ལྡན་མིན་འདུ་བྱེད་དོ། །སྒྲ་མ་ཡིན་ཏེ། དེའི་དུས་སུ་སྒྲ་འགགས་པའི་ཕྱིར། ཉན་ཤེས་དང་ཡིད་ཀྱང་མ་ཡིན་ཏེ། ཤེས་པ་མ་ཡིན་པའི་ཕྱིར། དེས་ན་གཟུགས་སེམས་གཉིས་ཀ་མ་ཡིན་པའི་འདུས་བྱས་དོན་གཞན་ནོ། །མདོ་སྡེ་པ་ནི་ཉན་ཤེས་ཀྱིས་ཐོས་པའི་སྒྲ་ཡིན་པས་གཟུགས་ཕུང་གིས་བསྡུས་པར་འདོད་དོ། །དེ་རྣམས་འདོད་པ་དང་གཟུགས་ཁོ་ནར་གཏོགས་ཏེ། སྒྲ་སྤྱི་ཡིན་པའི་ཕྱིར། རྒྱུད་ཀྱིས་བསྡུས་པས་སེམས་ཅན་དུ་སྟོན་པ་དང་། བྱུང་བ་གསུམ་ལས་སྐལ་མཉམ་གྱི་རྒྱུ་ལས་བྱུང་བས་རྒྱུ་མཐུན་དང། འདོད་རྒུར་འབྱུང་བས་རྣམ་སྨིན་མ་ཡིན་ཞིང་། གཟུགས་ཅན་མ་ཡིན་པས་རྒྱས་བྱུང་མ་ཡིན་ནོ། །དགེ་རྩ་ཆད་པ་དང་ཉོན་མོངས་སྤངས་པ་ལ་ཡང་ལྡན་པས་དགེ་མི་དགེ་ལུང་མ་བསྟན་པ་མ་ཡིན་པའི་ཕྱིར་མ་བསྒྲིབས་པ་ཁོ་ནའོ་ཞེས་ཀུན་མཁྱེན་རོང་སྟོན་གྱི་མངོན་མཛོད་རྣམ་བཤད་ཤེས་བྱ་རབ་གསལ་ལས་སོ། ། ཀུན་བཏུས་ལུགས་ལ། ཡི་གེའི་ཚོགས་ནི་མིང་ཚིག་གཉིས་ཀའི་གནས་ཡི་གེ་རྣམས་ལ་བཏགས་པའི་འདུ་བྱེད་དོ་ཞེས་ཀུན་མཁྱེན་གོ་རམས་པའི་ཇི་སྙེད་ཤེས་བྱའི་སྒོ་འབྱེད་ལས་སོ། ། ཡི་གེ་ནི་མིང་དང་ཚིག་གི་གཞིར་གྱུར་པའམ་ཆ་ཤས་ཏེ་ཀ་ལ་སོགས་པའོ། །ངེས་ཚིག་ནི་ཨཀྵར་ཞེས་བྱ་མི་འགྱུར་བ་སྟེ། བརྡའི་དབང་གིས་རྣམ་གྲངས་གཞན་དུ་མི་འགྱུར་བའི་ཕྱིར་ཏེ་ཀ་ཞེས་བྱ་བའི་ཡི་གེ་ནི་བརྡ་མི་མཐུན་པའི་སྐྱེ་བོ་དུ་མ་ལ་འགྱུར་བ་མེད་པ་བཞིན་ནོ། །བྱ་ཉྫ་ན་ཞེས་པ་གསལ་བར་བྱེད་པ་སྟེ། མིང་དང་ཚིག་གི་གསལ་བྱེད་ཡིན་པའི་ཕྱིར་རོ། །ཡང་ན་རྒྱུད་ནས་དོན་རྗོད་པར་བྱེད་པའི་ཕྱིར་ཡི་གེའོ། །དེའི་ཕྱིར་སྒྲ་པ་དག་གིས། རྣམ་གྲངས་དུ་མ་མེད་པ་དང། །མིང་ཚིག་གསལ་བར་བྱེད་པ་དང། །དོན་རྣམས་རྗོད་པར་བྱེད་པའི་ཕྱིར། །ཡི་གེ་ཞེས་ནི་བརྗོད་པ་ཡིན་ཞེས་བཤད་དོ། །མིང་དང་ཚིག་ནི་བརྡའི་དབང་གིས་གཞན་དང་གཞན་དུ་འགྱུར་ཏེ་ལྟོ་ལྡིར་ལ་སོགས་པ་ལ་བུམ་པ་དང། གྷཊ་ལ་སོགས་པ་བཞིན་ནོ། །ཚོགས་ནི་འདུས་པ་སྟེ་ཕྲེང་བ་ལ་སོགས་པ་བཞིན་ནོ། །དོན་སྟོན་པའང་བྱེ་བྲག་ཏུ་སྨྲ་བ་ནི་ངག་མིང་ལ་འཇུག་ལ་མིང་གིས་དོན་རྗོད་པར་བྱེད་དོ་ཞེས་འདོད་དོ་ཞེས་མཛོད་འགྲེལ་མངོན་པའི་རྒྱན་ལས་སོ། །ད་དོ་ཞེས་མཛོད་འགྲེལ་མངོན་པའི་རྒྱན་ལས་སོ། །)
• Dictionaries/Monlam Grand/6977  + (ཨི་ཁུང་སོགས་ཀྱི་སྣེའམ་རྩ་བ་རིང་པོ་ཡོད་པའི་དོན་ཏེ།)
• Dictionaries/Monlam Grand/28642  + (ཨི་ཁུང༌དང་བུ་ག་སོགས་ཀྱི་དོན།)
• Dictionaries/Monlam Grand/5  + (ཨིནྡྲ་ནཱི་ལ་དང་ནཱི་ལ་གཉིས་ལས་མདོག་ཅུང་ཟད་ན … ཨིནྡྲ་ནཱི་ལ་དང་ནཱི་ལ་གཉིས་ལས་མདོག་ཅུང་ཟད་ནག་པའི་རྡོ་སྨན་ཁ་དོག་ཅུང་ཟད་ནག་པ། ཉི་མ་ཤར་བའི་ཕྱོགས་སུ་རང་གི་འོད་འབྱུང་ལ་ཆེ་ཆུང་མ་ངེས་པ་ཁ་དོག་སྔོ་ཞིང་ཤིན་ཏུ་དྭངས་པ་དང་དབྱིབས་སྐེད་རྔ་ཅན་ནམ། ལེབ་མོ་ངོས་མང་སོགས་སྣ་ཚོགས་ཆེ་ཆུང་མ་ངེས་ཤིང་སྲ་ལ་མཁྲེགས་པ་ཞིག འདིས་ནད་མ་ལུས་སེལ་བར་བཤད།ྲ་ལ་མཁྲེགས་པ་ཞིག འདིས་ནད་མ་ལུས་སེལ་བར་བཤད།)
• Dictionaries/Monlam Grand/14074  + (ཨུ་རུ་སི་དང་རྒྱ་ནག་སོགས་སུ་དར་བའི་སྤྱི་ཚོག … ཨུ་རུ་སི་དང་རྒྱ་ནག་སོགས་སུ་དར་བའི་སྤྱི་ཚོགས་ཀྱི་ལམ་ལུགས་ཤིག་ཡིན། དེ་འཕེལ་རྒྱས་འགྲོ་བའི་དུས་རིམ་གཉིས་སུ་ཕྱེ། དུས་རིམ་དམའ་བ་ནི་སྤྱི་ཚོགས་རིང་ལུགས་དང༌། དུས་རིམ་མཐོ་བ་ནི་གུང་ཁྲན་རིང་ལུགས་ཡིན། དུས་རྒྱུན་དུ་བཤད་པའི་གུང་ཁྲན་རིང་ལུགས་ནི་གུང་ཁྲན་རིང་ལུགས་ཀྱི་དུས་རིམ་མཐོ་བ་དེར་ཟེར། དུས་རིམ་དེའི་རིང་ལ་ཐོན་སྐྱེད་ནུས་ཤུགས་འཕེལ་རྒྱས་ཆེན་པོ་བྱུང་བ་དང༌། སྤྱི་ཚོགས་ཀྱི་ཐོན་རྫས་ཆེས་ཕུན་སུམ་ཚོགས་པ་བྱུང་བ། མི་རྣམས་ལ་བསམ་པའི་གོ་རྟོགས་མཐོན་པོ་དང་ལྡན་པ། ངལ་རྩོལ་བྱ་རྒྱུ་དེ་འཚོ་བའི་ནང་ལ་མེད་དུ་མི་རུང་བར་གྱུར་པ། ཁྱད་པར་ཆེན་པོ་གསུམ་རྩ་མེད་དུ་གྱུར་པ། གུང་ཁྲན་རིང་ལུགས་ཀྱི་སྤྱི་ལ་དབང་བའི་ལམ་ལུགས་ལག་ཏུ་ལེན་པ། བགོ་བཤའི་རྩ་དོན་ནི་གང་ནུས་དེ་སྒྲུབ་དང་མཁོ་བསྟུན་ཐོབ་སྤྲོད་བྱ་རྒྱུ་དེ་ཡིན།ྲུབ་དང་མཁོ་བསྟུན་ཐོབ་སྤྲོད་བྱ་རྒྱུ་དེ་ཡིན།)
• Dictionaries/Monlam Grand/103675  + (ཨུ་རྒྱན་གྱི་རྒྱལ་པོ་ན་བ་ལ་ལྟས་མཁན་གྱིས་རྒྱ … ཨུ་རྒྱན་གྱི་རྒྱལ་པོ་ན་བ་ལ་ལྟས་མཁན་གྱིས་རྒྱ་མཚོའི་ཆུ་དགོས་ཟེར་བ་ལ། སུས་ནུས་དྲིལ་བསྒྲགས་པས། རྣལ་འབྱོར་མ་བི་ན་ས་བཛྲས། དེ་འདུལ་བའི་དུས་ཡིན་པར་དགོངས་ཏེ། ངས་ནུས་ཞེས་སྨྲས་ཏེ། རྒྱལ་པོའི་ཡང་ཐོག་ན་འདུག་བཞིན་བུམ་པ་ཆུས་བཀང་ནས་རྒྱལ་པོ་ལ་ཕུལ་བས། དེ་ནད་ལས་དྲག རྒྱལ་པོས་འདི་ནི་མཁའ་འགྲོ་མ་སྟེ། འདི་དང་འབྲེལ་ན་འཁོར་བ་ལས་ཐར་རོ་སྙམ་ནས། དེ་ལ་དགའ་མགུར་སྤྱད་པས་སྲས་ཞིག་སྦྲུམ་པ་དེ་ལཨིནྡྲ་བྷཱུ་ཏི་ཆུང་བ་ཟེར། འདིའི་ཨ་ཅེ་དགེ་སློང་མ་དཔལ་མོའམ་མཚན་གཞན་དཔལ་གྱི་བློ་གྲོས་མ་ཡིན། དེས་བསྐུལ་ནས་རབ་ཏུ་བྱུང་དུ་བཅུག རིིག་པའི་གནས་ལ་སྦྱངས། དེར་ཡང་ཐབས་ཀྱིས་ཡང་དག་པའི་གདམས་ངག་བཏབ་སྟེ་ལོ་བཅུ་གཉིས་ཀྱི་བར་དུ་མནལ་ལོག་པས་གྲུབ་པ་ཐོབ། དུར་ཁྲོད་དུ་སྒོམ་གྱིན་བཞུགས་པས། ཡུལ་དེའི་རྒྱལ་པོས་སློབ་དཔོན་གྱི་སྦྱིན་བདག་བྱེད་པ་དེ་ལ་བཙུན་མོ་ལྔ་བཅུ་རྩ་གཅིག་ཡོད་པས། ལྔ་བཅུ་ནི་ཕྱི་པ་ལ་མོས། ཆུང་ཤོས་ནི་སངས་རྒྱས་པ་ལ་མོས་པས་རྒྱལ་པོ་དེ་ལ་རྩི་བས། བཙུན་མོ་གཞན་རྣམས་ན་རེ། རྒྱལ་པོ་འདི་ལ་རྩི་བ་སངས་རྒྱས་པའི་རྣལ་འབྱོར་པ་འདི་ལ་ལན་པས། འདི་གསད་པར་བྱའོ་ཞེས་བགྲོས་ཏེ། མཚན་མོ་སློབ་དཔོན་དུར་ཁྲོད་དུ་སྒོམ་པའི་རྩར་སོང་བས། སློབ་དཔོན་གྱི་སྐུ་མི་སྣང་ཡང་སངས་རྒྱས་པའི་རྣལ་འབྱོར་པ་བྱ་བ་གཡོ་ཆེ་བ་ཡིན་པས་བེམ་པོར་བརྫུས་སོ་སྙམ། དེ་དུམ་བུར་བྱས་ཏེ་ཟོས་ནས་ལོག་པས་ཀུན་ལུག་ཏུ་གྱུར། ནང་པར་སློབ་དཔོན་གཅེར་བུར་རྒྱལ་པོའི་མདུན་སར་བྱོན། རྒྱལ་པོས་དྲིས་པས། ཇི་ལྟར་གྱུར་པ་བཤད་དོ། དེ་ནས་བཙུན་མོ་ལུག་ཏུ་གྱུར་པ་རྣམས་བཀུག་སྟེ། སློབ་དཔོན་གྱིས། དེ་དག་གི་མགོར་ཐལ་ལྕག་རེ་བསྣུན་པས། ལྭ་བའི་དུམ་བུ་རེ་སྐྱུགས་པས་ན་བཟའ་སྔར་བཞིན་འགྲིག་པས། དེའི་ཕྱིན་མཚན་ལྭ་བ་པ་ཞེས་ཐོགས་སོ། བཙུན་མོ་རྣམས་ཀྱིས་བཟོད་པར་གསོལ་བས་ལུས་སྔར་ལྟར་གྱུར། སྦྱིན་བདག་རྒྱལ་པོ་དེའང་དངོས་གྲུབ་བརྙེས་ཤིང་། དེའི་མཚན་ཡང་ཨིནྡྲ་བྷཱུ་ཏི་ཟེར། ཨུ་རྒྱན་གྱི་རྒྱལ་པོ་ལ་མཚན་དེ་ལྟར་ཐོགས་པ་དགུ་བྱུང་ཞེས་གྲགས། དེ་ལྕམ་སྲིང་གིས་ལྷན་ཅིག་སྐྱེས་གྲུབ་རྩ་འགྲེལ་སོགས་མཛད། སློབ་དཔོན་ཏཻ་ལོ་པས་ཨུ་རྒྱན་དུ་སློབ་དཔོན་ལྭ་བའི་ན་བཟའ་ཅན་དང་མཇལ་ཏེ། གྲུབ་པ་དང་སྙིང་པོའི་སྐོར་གྱི་གདམས་ངག་རྣམས་གསན་པས། དེ་ལས་འོད་གསལ་གྱི་བཀའ་བབ་པར་གྲགས་སོ། །པས། དེ་ལས་འོད་གསལ་གྱི་བཀའ་བབ་པར་གྲགས་སོ། །)
• Dictionaries/Monlam Grand/79420  + (ཨུ་རྒྱན་པ་རིན་ཆེན་དཔལ་གྱི་སློབ་མ་རྟོགས་ལྡན … ཨུ་རྒྱན་པ་རིན་ཆེན་དཔལ་གྱི་སློབ་མ་རྟོགས་ལྡན་ཟླ་བ་སེང་གེ་ནི། གྲུབ་ཆེན་ཨུ་རྒྱན་པའི་གསུང་ལ་འདྲིས་པས་ཟིན་བྲིས་ཕལ་ཆེར་ཁོང་གིས་བཏབ་ནས་ཕྲེང་བ་སྐོར་གསུམ་དུ་གྲགས་པ་བྱུང་། རྡོ་རྗེའི་ཚིག་ལ་རྣམ་བཤད་དང་། ཁྲིད་རིམ་གྱི་ཡིག་ཆ་དང་གེགས་སེལ་དང་ངོ་སྤྲོད་སོགས་བསྟན་བཅོས་མང་པོ་མཛད། ཐེངས་ཤིག་འདས་ལ་ཁད་དུས། བུ་སྟོན་རིན་པོ་ཆེས་བཞུགས་པར་གསོལ་བ་བཏབ་པས། ལོ་གསུམ་བཞུགས་པར་ཞལ་གྱིས་བཞེས་ནས་སྙུན་དེ་མ་ཐག་གྲོལ་ཅིང་། ལོ་གསུམ་བཞུགས་པས་སྐྱེ་འཆི་ལ་རང་དབང་ཐོབ་པའི་གྲུབ་ཐོབ་ཆེན་པོ་བྱུང་ངོ་། །རང་དབང་ཐོབ་པའི་གྲུབ་ཐོབ་ཆེན་པོ་བྱུང་ངོ་། །)
• Dictionaries/Monlam Grand/309  + (ཨུཎ་ལ་སོགས་པར་རྐང་པ་བཞི་པ། དུརྒ་སིང་ཧས་མཛད། ལོ་ཙཱ་བ་ནམ་མཁའ་བཟང་པོས་དཔལ་ཨེའི་གཙུག་ལག་ཁང་དུ་བསྒྱུར། བསྟན་འགྱུར་སྣ་ཚོགས་ནོ་པར་བཞུགས།)
• Dictionaries/Monlam Grand/98204  + (ཨུཏྤལ་ཏེ། སྟེང་ནས་ཉི་འོད་སོགས་སྐྱེ་བྱེད་ཀྱི་བཅུད་འཐུང་བས་ནའོ། །)
• Dictionaries/Monlam Grand/86334  + (ཨུཏྤལ་སེར་བོའམ་སྲོ་ལོ་དམར་པོ་ཞེས་བྱ་བ། །རྫ … ཨུཏྤལ་སེར་བོའམ་སྲོ་ལོ་དམར་པོ་ཞེས་བྱ་བ། །རྫ་བྲག་གཡའ་སྤང་ཆུ་ལ་སོགས། །གར་ཡང་སྐྱེ་ལ་སྤྲུལ་བ་མང་། །སྡོང་བོ་དམར་གྱོང་རབ་ཏུ་མང་། །ལོ་མ་མཐུག་སྤུན་དངུལ་ཟིལ་ཅན། །སྡོང་བུ་ཡོངས་ལ་ལོ་མས་ཁྱབ། །སྟོན་དུས་དམར་བས་བན་བཙུན་འདྲ། །མེ་ཏོག་གང་འབྲས་དམར་ལ་རྩུབ། །རྩ་མོ་རྦད་ཀྱིས་བཅད་པ་འདྲ། །རྩ་བ་མི་ཡི་གློ་བ་འདྲ། །པགས་པ་ནད་མཐུག་དྲི་ངན་ཆེ། །མངར་ཁ་བསྐ་ལ་ནུས་པ་བསིལ། །ནུས་པས་གློ་གསོ་ཚད་པ་འཇོམས། །བཅུད་དུ་བླངས་ན་ལུས་ཟུངས་འཕེལ། །མཁུར་བ་བཀང་ན་ཁ་དྲི་སྦྱོང་། །མཆོད་པ་བྱས་ན་ལྷ་རྣམས་མཉེས། །ཆུར་སྦྱངས་བཀྲུས་ན་ཉེས་ཀུན་འདག ། ཅེས་མངོན་རྟོགས་ལས་གསུངས། ཡུལ་སྐད་དུ་འདི་ལ་གློ་སྨན་ཟེར།གས་ལས་གསུངས། ཡུལ་སྐད་དུ་འདི་ལ་གློ་སྨན་ཟེར།)
• Dictionaries/Monlam Grand/21883  + (ཨེ་ཡིག་ཐེག་ལེ་སྟོང་པ་འགྱུར་མེད་དྲུག་གི་བདག … ཨེ་ཡིག་ཐེག་ལེ་སྟོང་པ་འགྱུར་མེད་དྲུག་གི་བདག་ཉིད་དེ། ཐེག་ལེ་སྟོང་པ་དང་པོ་རྣམ་ཤེས་ཀྱི་ཕུང་པོ་སོགས་དྲུག་རང་བཞིན་སྒྲིབ་མེད་ཀྱི་ཆ། ཙ་སྡེའི་བདག་ཉིད་བརྗོད་དུ་མེད་པའི་རི་མོས་མཚོན་པ་དབུས་ཀྱི་གྲི་གུག་སྟོང་དུའོ། །ཐིག་སྟོང་གཉིས་པ་འདུ་བྱེད་ཀྱི་ཕུང་སྡེའོ་རི་མོ་ལྷོའི་ཚེག་དྲག་གི་ལྷོ་རུའོ། །ཐིག་སྟོང་བཞི་པ་འདུ་ཤེས་ཀྱི་ཕུང་པོ་སོགས་དྲུག་གི་སྒྲིབ་མེད་ཀྱི་ཆ། བ་སྡེའི་རི་མོ་བྱང་གི་ཐེག་ལེ་བྱང་དུའོ། །ཐིག་སྟོང་ལྔ་པ་གཟུགས་ཕུང་སོགས་དྲུག་གི་སྒྲིབ་མེད་ཀྱི་ཆ། ཏ་སྡེའི་རི་མོ་ནུབ་ཀྱི་ཐོང་བའི་ནུབ་ཏུའོ། །ཐིག་སྟོང་དྲུག་པ་ཡེ་ཤེས་ཀྱི་ཕུང་པོ་སོགས་དྲུག་གི་སྒྲིབ་མེད་ཆ། པ་སྡེའི་བདག་ཉིད་བརྗོད་དུ་མེད་པའི་རི་མོས་མཚོན་པ་དབུས་ཀྱི་གྲི་གུག་གི་རྣམ་པའི་འོག་ཏུའོ། །་པ་དབུས་ཀྱི་གྲི་གུག་གི་རྣམ་པའི་འོག་ཏུའོ། །)
• Dictionaries/Monlam Grand/106879  + (ཨེ་ཡིག་ཤེས་རབ་སྟོང་པ་ཉིད་དང༌། ཝཾ་ཡིག་ཐབས་བ … ཨེ་ཡིག་ཤེས་རབ་སྟོང་པ་ཉིད་དང༌། ཝཾ་ཡིག་ཐབས་བདེ་བ་ཆེན་པོ་མཚོན་པར་བྱེད་པ་སྟེ། གང་དེ་བཞིན་ཉིད་ནི་ཆོས་ཉིད་ཀྱི་སེམས་ཡིན་པའི་གནད་ཀྱི་རྣམ་པའམ་སྣང་བ་དང་བཅས་པ་ཡིན་ཞིང༌། རྣམ་པ་སྣ་ཚོགས་པའི་རང་བཞིན་ཅན་དེ་ཉིད་ལ་རྣམ་པ་ཀུན་གྱི་མཆོག་དང་ལྡན་པའི་སྟོང་པ་ཉིད། རྣམ་པ་ཐམས་ཅད་པ། དབང་པོ་ཐམས་ཅད་པ་ཞེས་སོགས་ཀྱི་མིང་དུ་བཏགས་པ་ཨེ་ཡིག་གི་དོན་ཡིན་ནོ། །སེམས་ཀྱི་རང་བཞིན་གྱི་ཚུལ་དེ་ཉིད་སེམས་ཅན་ནས་སངས་རྒྱས་ཀྱི་བར་དུ་འགྱུར་བ་མེད་པ། སོ་སོ་རང་གི་རིག་པའི་མཚན་ཉིད་ཅན་གྱི་ནང་གི་རིག་པ་ཡིན་ལ། མཆོག་ཏུ་མི་འགྱུར་བའི་བདེ་བ་ཆེན་པོ་སྟེ་ཆོས་གསུམ་ལྡན་དེ་ལ་དེ་བཞིན་ཉིད། རྒྱུའི་རྡོ་རྗེ་འཛིན་པ། དང་པོའི་སངས་རྒྱས་སོགས་ཀྱི་མིང་དུ་བརྗོད་པ་ཝཾ་ཡིག་གི་དོན་ཡིན་ནོ། །ཀྱི་མིང་དུ་བརྗོད་པ་ཝཾ་ཡིག་གི་དོན་ཡིན་ནོ། །)
• Dictionaries/Monlam Grand/106908  + (ཨེན་འཛི་ཚ་ཁོ་དགོན་བཀྲ་ཤིས་ཆོས་འཕེལ་གླིང༌། … ཨེན་འཛི་ཚ་ཁོ་དགོན་བཀྲ་ཤིས་ཆོས་འཕེལ་གླིང༌། མདོ་སྨད་ཐེ་བོ་ཁ་པ་ཡུལ་ཚོའི་ཁོངས་སུ་ཡོད། ཆོས་བརྒྱུད་དགེ་ལུགས། དུས་རབས་བཅོ་བརྒྱད་པའི་ནང་ཀིརྟི་སྐུ་ཕྲེང་ལྔ་པ་བསྟན་པའི་རྒྱལ་མཚན་ལ་དཔོན་བཀྲ་ཤིས་བཟང་པོས་དགོན་པ་གསར་འདེབས་དགོས་པའི་གསོལ་བ་བཏབ་པ་ལྟར་འོད་ཟེར་རི་ཁྲོད་དང༌། བླ་རི་རི་ཁྲོད་ཟེར་བ་གཉིས་ལྷན་དུ་བསྡོམས་ནས་དགོན་པ་འདི་ཕྱག་བཏབ། ལུང་བཟང་ནང་བ་སྐུ་ཕྲེང་གསུམ་པས་བདེ་མཆོག་ཚོགས་འདོན་དུ་བཙུགས་པ་ལྟར་འཁོར་ལོ་སྡོམ་པ་དང་གསང་འདུས་སོགས་ཀྱི་སྒྲུབ་མཆོད་གཙོ་བོར་བྱེད། ཕྱི་ལོ་ ༡༩༥༠ གོང་གྲྭ་གྲངས་ ༥༠ ཙམ་བཞུགས།ད། ཕྱི་ལོ་ ༡༩༥༠ གོང་གྲྭ་གྲངས་ ༥༠ ཙམ་བཞུགས།)
• Dictionaries/Monlam Grand/50724  + (ཨོ་རྒྱན་གྱི་ཛོ་ཀི་ཆེན་མོ། བོད་དུ་ཆོས་རྗེ་ར … ཨོ་རྒྱན་གྱི་ཛོ་ཀི་ཆེན་མོ། བོད་དུ་ཆོས་རྗེ་རྒོད་ཚང་པ་ཡབ་སྲས་ཀྱི་ཕྲིན་ལས་སྒྲུབ་ཏུ་བྱོན་ནས། འདིས་ཞབས་བརྟན་དུ་ཕུལ་བར། ཤར་རྡོ་རྗེ་རིགས་ཀྱི་མཁའ་འགྲོ་མ་སོགས་ད་ལྟའང་ཡོད། རྗེ་རྒོད་ཚང་པ་གཤེགས་རྗེས་གྲུབ་ཐོབ་ཨོ་རྒྱན་པས་མཇལ། ཁྱེད་ཆོས་རྗེ་བུ་ཆེན་རྣམས་ཀྱི་སྐུ་ཚེ་དང་ཕྲིན་ལས་ངའི་ལག་ཏུ་ཡོད་པས། བཞུགས་ཞུ་མཛོད་གསུངས་པས། ཞུ་བ་མི་བྱེད། ནམ་འབྱོན་ཙ་ན་བྱོན་ཅིག་ཞུས་པས། དེ་མ་ཐག་ཏུ་སྤྲུལ་པའི་སྐུ་བསྡུས་ནས་གཤེགས། སླར་ཕྱག་འཚལ་ནས་བཞུགས་ཞུ་བྱས་ཀྱང་། ད་ཕྱིས་ངས་ལུས་ཤིག་བླངས་ཚར་སོང་གསུངས། དེ་སྐད་ལ་སྐུ་ཤ་འགྱུར་ཚར། དུས་ཕྱིས་རི་ཆུང་གི་ཀུན་ལྡན་རས་མ་དེ། ཨོ་རྒྱན་པས་འདིའི་སྐྱེ་བ་ཡིན་པར་གསུངས་སོ། །ཨོ་རྒྱན་པས་འདིའི་སྐྱེ་བ་ཡིན་པར་གསུངས་སོ། །)
• Dictionaries/Monlam Grand/8141  + (ཨོ་རྒྱན་པདྨས་ཟླ་གསུམ་བསྒྲུབས་ཅིང་རྗེ་འབངས་ … ཨོ་རྒྱན་པདྨས་ཟླ་གསུམ་བསྒྲུབས་ཅིང་རྗེ་འབངས་འཁོར་གྱིས་བྱིན་གྱིས་རླབས། ཏི་ཤྲི་རས་པ་དང་ཡོང་དགེ་མི་འགྱུར་རྡོ་རྗེ་སོགས་ཀྱིས་གནས་ཞལ་ཕྱེས། འབམ་རོམ་པའི་བླ་ཆེན་སྐྱོ་བྲག་ཆོས་རྗེ་སོགས་སྐྱེས་ཆེན་རིམ་བྱོན་རྣམས་ཀྱིས་གདན་ས་མཛད། རང་བྱུང་གི་སྐྱེ་དངོས་རྩི་ཤིང་གཏེར་རྫས་རི་དྭགས་བྱ་བྱིའུ་ཆུ་གནས་ཆུ་ཚན་ཆུ་བྱ་སྣ་ཚོགས་འཛོམས་པས་བཀོད་པ་ཕུན་སུམ་ཚོགས་པའི་ཞིང་ཞིགས་འཛོམས་པས་བཀོད་པ་ཕུན་སུམ་ཚོགས་པའི་ཞིང་ཞིག)
• Dictionaries/Monlam Grand/69996  + (ཨོ་རྒྱན་བསམ་གཏན་བསྟན་འཛིན་གྱིས་དགོན་པ་བཏབ་ … ཨོ་རྒྱན་བསམ་གཏན་བསྟན་འཛིན་གྱིས་དགོན་པ་བཏབ་ནས་མཚན་ལ་གསང་སྔགས་འོད་ཕུང་བཀྲ་ཤིས་ཆོས་གླིང་ཞེས་གསོལ། གྲྭ་བ་ ༨༠ ཙམ་ཡོད། སྟག་ཤམ་པའི་རྟ་མགྲིན་སྒྲུབ་མཆོད་དང་། བཀའ་བརྒྱད་བདེར་འདུས་ཀྱི་དགུ་གཏོར་སོགས་ཡོད། ད་ལྟའང་དགོན་སྡེ་འདི་གཉིས་སྟག་ཤམ་པའི་ཆོས་བརྒྱུད་ཡིན། སྟོད་ན་གསང་སྔགས་འོད་ཕུང་གླིང་། བར་ན་མཚོ་ཁ་ཨཱརྱ་གླིང་། སྨད་ན་སྒྲེ་བོ་རབ་རྒྱས་གླིང་། དགོན་པ་གསུམ་ལ་ཁྱད་པར་མེད། དེ་སྐབས་དགོན་པ་རང་ཉིད་ལ་ཡོན་བདག་གཞིས་ཁག་ཆེན་པོ་ ༡༨ ཡོད། དུས་ཁག་ཆེན་པོ་ ༡༨ དུད་གྲངས་སུམ་བརྒྱ་ལྷག་ཡོད། དུས་འ༷གྱུར་སྐབས་སུ་དགོན་འདིའི་སྣོད་བཅུད་གཉིས་ལ་ཆགས་འཇིག་ཆེན་པོ་བྱུང་། འདི་སྐབས་གྲྭ་ ༢༨༠ ཙམ་ཡོད། ད་སྐབས་དུས་མཆོད་ལ་དབྱར་གནས། སྒྲུབ་གྲྭ། རྟ་མགྲིན་སྒྲུབ་མཆོད། ཚེས་བཅུ། དགུ་གཏོར། སྨྱུང་གནས་སོགས་དང་འདུལ་བ་གཞི་གསུམ་མཉམ་ལེན་མཛད།ང་གནས་སོགས་དང་འདུལ་བ་གཞི་གསུམ་མཉམ་ལེན་མཛད།)
• Dictionaries/Monlam Grand/106954  + (ཨོ་རྒྱན་བསྙེན་སྒྲུབ་ཀྱི་ཟབ་ཁྲིད་འདི་ཉིད་ཇོ … ཨོ་རྒྱན་བསྙེན་སྒྲུབ་ཀྱི་ཟབ་ཁྲིད་འདི་ཉིད་ཇོ་ནང་ཀུན་དགའ་གྲོལ་མཆོག་གིས་འཕགས་བོད་ཀྱི་རིས་སུ་མ་ཆད་པའི་མཁས་གྲུབ་རྣམས་ཀྱི་ཟབ་ཁྲིད་བརྒྱ་དང་བརྒྱད་ཕྱོགས་གཅིག་ཏུ་བསྡུས་པའི་ཟབ་ཁྲིད་ཀྱི་རིམ་པ་ཞེ་གཅིག་་པ་ཡིན། བརྗོད་བྱ། གྲུབ་ཆེན་ཨོ་རྒྱན་པ་ནས་བརྒྱུད་པའིི་དུས་འཁོར་སྦྱོར་དྲུག་གི་རྣལ་འབྱོར་ཉམས་སུ་ལེན་ཚུལ་མདོར་བསྡུས་ཏེ་གསལ་བར་བསྟན་ཡོད། བརྒྱུད་རིམ་ནི། རྡོ་རྗེ་འཆང་ཆེན་རྡོ་རྗེ་ཕག་མོ་དང་། །མཁས་གྲུབ་ཨོ་རྒྱན་པ་དང་བསོད་ནམས་འོད། །རྒྱལ་མཚན་དཔལ་བཟང་ནམ་མཁའ་སེང་གེ་དང་། །འཁྲུལ་ཞིག་ཆོས་རྒྱལ་མོན་རས་ཟླ་རྒྱལ་མཚན། །མཁྱེན་རབ་ཆོས་ཀྱི་རྗེ་དང་སྦྱང་ལུང་པ། །ཞེས་སོགས་བྱུང་ངོ་། །རྗེ་བཙུན་གྲོལ་མཆོག་ཆོས་སྐུ་ལྷ་དབང་གྲགས། །སྒྲོལ་བའི་མགོན་པོ་རྗེ་བཙུན་འཕྲིན་ལས་དབང་། །རིན་ཆེན་རྒྱ་མཚོ་སྙིང་པོ་མཐའ་ཡས་དང་། །ཀུན་བཟང་དབང་པོ་རྣམས་ལ་གསོལ་བ་འདེབས། །ཆོས་དབྱིངས་ཆོས་འབྱོར་མཐུ་སྟོབས་དཔའ་བཟང་དང་། །ལྕགས་ཟམ་སྤྲུལ་སྐུ་བསྟན་སྐྱོང་མཁྱེན་བརྩེའི་དབང་། །ཡོན་ཏན་རྒྱ་མཚོ་འཁོར་ལོ་བདེ་ཆེན་མཚན། །སྟོབས་ལྡན་རྡོ་རྗེ་རྣམས་ལ་གསོལ་བ་འདེབས། །ཚེ་ནོར་ཆོས་འབྱོར་ཀརྨ་འགྱུར་མེད་དང་། །ཚེ་དབང་པད་སྤྲུལ་བློ་གྲོས་མཐའ་ཡས་དང་། །ངག་དབང་བློ་གྲོས་བདེ་ཆེན་རྡོ་རྗེ་དང་། །བློ་བཟང་ཕྱོགས་གླང་རྣམས་ལ་གསོལ་བ་འདེབས། །མཁྱེན་རབ་རྒྱ་མཚོ་བློ་གྲོས་རྣམ་པར་རྒྱལ། །ཡོན་ཏན་བཟང་པོ་མཁན་ཆེན་ཤེས་རབ་གསལ། །ཐུགས་རྗེ་དཔལ་བཟང་པདྨ་རྣམ་པར་རྒྱལ། །འཇིགས་མེད་རྡོ་རྗེ་རྣམས་ལ་གསོལ་བ་འདེབས། །ཟབ་ཁྲིད་འདི་ནི་གཞུང་དེ་ཉིད་ལས། ཟླ་སེང་གེ་ཁྲིད་ཡིག་ལས་བཏུས་སོ། །ཞེས་འབྱུང་ངོ་། །་གེ་ཁྲིད་ཡིག་ལས་བཏུས་སོ། །ཞེས་འབྱུང་ངོ་། །)
• Dictionaries/Monlam Grand/78027  + (ཨོ་རྒྱན་ཚངས་དབྱངས་རྒྱ་མཚོས་མེ་བྱི་ལོར་བཏབ་ … ཨོ་རྒྱན་ཚངས་དབྱངས་རྒྱ་མཚོས་མེ་བྱི་ལོར་བཏབ་སྟེ་མཐོང་གྲོལ་གླིང་ཞེས་མཚན་གསོལ། བླ་མ་གྲགས་པ་ཤེས་རབ་དང་བསྟན་པའི་ཉི་མ་སོགས་ཀྱིས་སྔ་ཕྱིར་བསྐྱངས། ༡༩༨༠ ལོར་བླ་མ་ཨོ་རྒྱན་ཕྲིན་ལས་རྒྱ་མཚོ་དང་བླ་མ་པདྨ་ཀློང་ཡངས་རྣམ་གཉིས་ཀྱི་བཀའ་ལྟར་། ཀུན་བཟང་འོད་ཟེར་གྱིས་འགན་ཁུར་ནས་འདུ་ཁང་གསར་བཞེངས་བྱས། ཚེས་བཅུ་ཉེར་ལྔ། དགུན་དུས་དགུ་ཆུང་ལ་སྒྲོལ་མའི་གཡུལ་བཟློག དགུ་ཆེན་ལ་ཕྱག་རྡོར་སྒྲུབ་པ་སོགས་སྔར་ཡོད་རྣམས་ད་ལྟ་ལེགས་གྲུབ་ཡོད།ུབ་པ་སོགས་སྔར་ཡོད་རྣམས་ད་ལྟ་ལེགས་གྲུབ་ཡོད།)
• Dictionaries/Monlam Grand/54683  + (ཨོང་མེ་དང་མེ་རོའི་སྟེང་ལ་མར་བསྲེགས་ནས་འབྱུ … ཨོང་མེ་དང་མེ་རོའི་སྟེང་ལ་མར་བསྲེགས་ནས་འབྱུང་པོ་དང་ཡི་དྭགས་སོགས་ལ་ཟས་ཀྱི་སྦྱིན་པ་གཏོང་བའི་རིགས་ཤིག་སྟེ། ཀུན་བཟང་བླ་མའི་ཞལ་ལུང་དུ། སེམས་ཅན་ལ་གནོད་འཚེ་བྱེད་མཁན་གྱི་འབྱུང་པོ་མི་མ་ཡིན་པའི་རིགས་རྣམས། གནས་སྐབས་སུ་དྲི་གསུར་གྱི་ཟས་ཀྱིས་ཚིམས་པ་དང་། ཆོས་ཀྱི་སྦྱིན་པས་རྒྱུད་གྲོལ་བ་སོགས་ལ་བརྟེན་ནས་སེམས་ཅན་གྱི་ཚེ་སྲོག་ལ་གནོད་པ་མི་བྱེད་པས། སེམས་ཅན་མང་པོ་འཆི་བའི་འཇིགས་པ་ལས་སྐྱོབ་པས། སྐྱབས་ཀྱི་སྦྱིན་པ་ཡང་ཡིན་ཏེ། དོན་དུ་སྦྱིན་པ་རྣམ་པ་གསུམ་ཀ་ཚང་བ་ཡིན་ཞེས་གསུངས་སོ། །ིན་པ་རྣམ་པ་གསུམ་ཀ་ཚང་བ་ཡིན་ཞེས་གསུངས་སོ། །)
• Dictionaries/Monlam Grand/73124  + (ཨོཾ་མ་ཎི་པདྨེ་ཧཱུཾ་ཞེས་པའི་སྤྱན་རས་གཟིགས་ཀྱི་སྙིང་པོ་ཡི་གེ་དྲུག་མ་འདི་བྲག་ངོས་སོགས་ལ་མ་བརྐོས་པར་ངང་གིས་གྲུབ་པ།)

• Dictionaries/Monlam Grand/100010  + (སྐྱོན་སོགས་དོར་བའི་དོན་གྱི་བྱ་མིང་།)

• Dictionaries/Monlam Grand/78203  + ((འབྲུག་པ་རིན་པོ་ཆེ་ངག་དབང་ཆོས་རྒྱལ་གྱི་ཞལ་ … (འབྲུག་པ་རིན་པོ་ཆེ་ངག་དབང་ཆོས་རྒྱལ་གྱི་ཞལ་སློབ་ཡིན་པས། འདིའི་འཁྲུངས་ལོ་རབ་བྱུང་བརྒྱད་པའི་ཤིང་བྱ་ ༡༤༦༥ ལོར་ཡིན) སྤ་མོ་ཆོས་སྡིངས་སུ་སྨད་འབྲུག་གི་མཁན་པོ་ཡེ་ཤེས་དབང་ཕྱུག་གི་དྲུང་དུ་རབ་ཏུ་བྱུང་སྟེ། མཚན་ཡོན་ཏན་ཡེ་ཤེས་གསོལ། ཆེན་པོ་རྩེ་ཉག་པ་ལས་ཕར་ཕྱིན། རྔོག་བྱང་ཆུབ་དཔལ་གྲུབ་ལ་རྔོག་དཀྱིལ་སྐོར། དུས་ཞབས་ཤཱཀྱ་དབང་ཕྱུག་ལས་ཡོ་ག་དང་དུས་འཁོར། གསང་འདུས་སོགས་ཀྱི་དབང་བསྐྱེད་རྫོགས། རྒྱུད་ཀྱི་བཤད་པ་ཇི་སྙེད་གསན་ཅིང་སྦྱངས་པ་ཕུལ་ཕྱིན་མཛད། ཁྱད་པར་འབྲུག་ཆེན་ངག་དབང་ཆོས་རྒྱལ་དང༌། འཇམ་དབྱངས་ཆོས་གྲགས། མཐུ་ཆེན་རྒྱལ་མཚན་ལྷུན་གྲུབ་རྣམས་ཀྱི་མདུན་ནས། བདེ་མཆོག་མཻ་ཏྲི་ལུགས་ཀྱི་སྨིན་གྲོལ་གདམས་སྐོར་སོགས། མཐའ་ཡས་པ་གསན། ཆོས་འཁོར་ལྷུན་པོར། བསྙེན་པར་རྫོགས། དཔལ་ལྷ་རྩེར་འཆད་ཉན་གྱི་གདན་ས་བཟུང་ནས། ལོ་བཅུ་བདུན་ཙམ་རྒྱུད་ཀྱི་བཤད་པ་དང་ཕྱག་ལེན་ཞིབ་མོར་བསྙད་པས། གདུལ་བྱ་བགྲང་ཡས་པ་མཁས་པའི་གོ་སར་བཀྲི་བར་མཛད། དེ་ནས་འཆད་ཉན་བཞག་སྟེ། རྡོ་རྗེ་གླིང་གི་ནགས་ཁྲོད་དུ་ལོ་བཞི་བཅུ་ཞེ་གཅིག་ཙམ་སྒྲུབ་པ་མཛད་པས་རྡོ་རྗེ་གླིང་པར་གྲགས། གཞན་ཡང་མོག་པ་རི་ཁྲོད་སོགས་སུ། ཡི་དམ་དང་ཆོས་སྐྱོང་མང་པོའི་བསྙེན་སྒྲུབ་མཐར་ཕྱིན་མཛད། རྡོ་རྗེ་རྣམ་པར་འཇོམས་པས་མངོན་སུམ་དུ་རྗེས་སུ་བཟུང་སྟེ་དབང་བསྐུར། ཁྱོད་ནི་ལས་ཀྱི་རྡོ་རྗེ་གསུམ་པའོ་ཞེས་ལུང་བྱིན། མཆོག་གི་དངོས་གྲུབ་བརྙེས། པདྨ་སཾ་བྷ་ཝས་ཕྱག་ཐོད་ཀྱི་བདུད་རྩི་གནང་བ་བཞེས་པས་སྐུ་འཕར་གཡོ་དང་ཉིན་ཞག་ཕྲུགས་གཅིག་ཏུ་ཟག་པ་མེད་པའི་ཏིང་ངེ་འཛིན་ལ་འབྱམས་ཤིང་བདུད་བཞིའི་གཡུལ་ལས་རྒྱལ་བའི་མཆོག་ཐོབ། ཁྱད་པར་དཔལ་ལྡན་འདོད་དབང་མས་དངོས་སུ་རྫོགས་པའི་རིམ་པ་སོགས་མན་ངག་བསྩལ། དྲེགས་པ་ཐམས་ཅད་བྲན་དུ་བཀོལ་ཞིང་། ཞལ་གཟིགས་མངོན་ཤེས་མཐའ་ཡས། རྫོགས་རིམ་མཐར་ཕྱིན་ཏེ། དཀར་དམར་གྱི་འཕོ་བ་དག་པའི་ཡེ་ཤེས་ཀྱི་སྐུ་བརྙེས་པའི་རྟགས་སུ། སྔར་དབུ་སྐྲ་ཞལ་རྒྱན་སྤྱན་སྨིན་ཐམས་ཅད་ནག་པོར་གྱུར་པ། ཚེམས་སླར་སྐྱེས་པ། ཆབ་གུར་གུམ་གྱི་ཁུ་བ་ལྟར་འབྱུང་བས། སྦྲང་མ་སེར་པོ་ཐིབ་ཐིབ་འདུ་བ། གཤང་བ་སྟར་ཀའི་སྙིང་པོ་ཙམ་ལན་རེ་ལས་མི་འཛག་ཅིང༌། གཟིམས་ཁང་ཐམས་ཅད་དུ། མི་ཡི་སྤོས་ལས་འདས་པའི་དྲི་བཟང་པོས་ཁོར་ཡུག་ཏུ་ཁྱབ་པ་སོགས་གར་བཞུགས་ལ། ངོ་མཚར་བའི་གཏམ་ཅི་ཡང་མངའ་བས་མཚན་མཐུ་སྟོབས་ཞབས་ཞེས་བསྔགས། དགུང་ལོ་གོ་ལྔ་པ་ལ་ལྕང་ལོ་ཅན་དུ་དཔའ་བོ་དང་མཁའ་འགྲོ་ནམ་མཁའ་གང་བས་བསུས་ཏེ་གཤེགས་སོ། ཞལ་སློབ་ཀྱི་གཙོ་བོར། ཀུན་མཁྱེན་པུཎྜ་རཱི་ཀ་ལ་དུས་ཀྱི་འཁོར་ལོའི་དབང་རྒྱུད་སོགས་གསར་རྙིང་གི་དཀྱིལ་འཁོར་དུ་མས་དབང་བསྐུར་ཞིང༌། ཟབ་མོའི་གདམས་པ་དང༌། ཆོས་སྐྱོང་གི་བཀའ་བབ་གཏད་པར་མཛད། གཞན་བྱ་པཎྜི་ཏ། ཀུན་སྤངས་སྒྱུ་མའི་གར་མཁན། བྱ་ཞབས་དྲུང་སྐུ་མཆེད། མཐུ་ཆེན་དཔའ་བོ་སོགས་བསམ་ལས་འདས་པ་ཞིག་སྨིན་གྲོལ་དུ་མཛད་དོ། །གས་བསམ་ལས་འདས་པ་ཞིག་སྨིན་གྲོལ་དུ་མཛད་དོ། །)
• Dictionaries/Monlam Grand/33254  + (.བཙན་པོས་ཁྲལ་སོགས་བཀལ་བ།)
• Dictionaries/Monlam Grand/4772  + (། ཆ་སྒམ་དང་ཅོག་ཙེ་སོགས་ཀྱི་ལོགས་ངོས་ཀྱི་དངོས་པོ་འཇུག་སྣོད།)
• Dictionaries/Monlam Grand/31680  + (། རླུང་ལས་གྱུར་པའི་དྲི་མ་འགགས་པ། མཁྲིས་པ་ལ … ། རླུང་ལས་གྱུར་པའི་དྲི་མ་འགགས་པ། མཁྲིས་པ་ལས་གྱུར་པའི་དྲི་མ་འགགས་པ། བད་ཀན་ལས་གྱུར་པའི་དྲི་མ་འགགས་པ། སྲིན་ནད་ཀྱིས་དྲི་མ་འགགས་པ། ཐུར་སེལ་རླུང་གི་རྒྱུ་བ་ལོག་པའི་དབང་གིས་དྲི་མ་འགགས་པའོ། །དྲི་མ་འགགས་པའི་རྒྱུ་རྐྱེན་གཞི་མཐུན་དུ་བསྟན་པ་ནི། ཟས་དང་སྤྱོད་ལམ་མི་མཐུན་པར་བསྟེན་པའམ། གདོན་གློ་བུར་བའི་རྐྱེན་གྱིས་འདུ་བ་འཕེལ་ཟད་འཁྲུགས་པར་གྱུར་ནས་ལོང་ག་སོགས་བཤང་བའི་ལམ་དུ་རླན་གཤེར་གྱི་ཁམས་ཉུང་དྲགས་པར་བརྟེན་བཤང་བ་སྐམ་པོ་ཆགས་ཏེ་དྲི་མ་ནང་དུ་སྡོམ་ནས་ཕྱིར་ཐོན་མི་ཐུབ་པའོ། །དྲི་མ་ནང་དུ་སྡོམ་ནས་ཕྱིར་ཐོན་མི་ཐུབ་པའོ། །)
• Dictionaries/Monlam Grand/104143  + (། ཧོང་ལེན་མཆོག་དམན་དང་ཕོ་མོ་སོགས་ཀྱི་སྤྱི་མིང་ཡིན་པས་དེར་ལྟོས།)
• Dictionaries/Monlam Grand/27482  + (༡ ཀུན་གཞིའི་རྣམ་ཤེས་མི་འདོད་པ། རང་རིག་འགོག … ༡ ཀུན་གཞིའི་རྣམ་ཤེས་མི་འདོད་པ། རང་རིག་འགོག་ལུགས་ཐུན་མོང་བ་ཡིན་པ། ༢ སྔ་རྒོལ་དང་ཕྱི་རྒོལ་གཉིས་ཀ་ལ་རྩོད་གཞི་ཆོས་ཅན་མཐུན་སྣང་དུ་གྲུབ་པའི་སྟེང་བསྒྲུབ་བྱ་སྒྲུབ་མི་དགོས་པས། རྣམ་འགྲེལ་སོགས་ལས་བཤད་པའི་རང་རྒྱུད་ཀྱི་རྟགས་ཀྱི་རྟགས་སྦྱོར་མི་འདོད་ཅིང། ཐལ་འགྱུར་བ་རང་ལུགས་ལ་གཞན་གྲགས་ཀྱི་གཏན་ཚིགས་རང་གྲགས་ཀྱི་གཏན་ཚིགས་ཟེར་བ་དོན་གཅིག་པས། གཞན་གྱི་ཁས་བླང་ལ་འཁྲིས་ནས་བསྒྲུབ་བྱ་སྒྲུབ་པའི་སྦྱོར་ངག་གམ་ཐལ་འགྱུར་ཏེ་རེ་རེས་ཀྱང་དེ་ཁོ་ན་ཉིད་གང་ཟག་གི་བདག་མེད་དང་ཆོས་ཀྱི་བདག་མེད་ཕྲ་མོ་རྟོགས་པའི་རྗེས་དཔག་བསྐྱེད་ནུས་སུ་བཞེད་པ། ༣ དོན་དམ་དཔྱོད་པའི་རིགས་ངོར་མི་དམིགས་ཤིང་ཐ་སྙད་དཔྱོད་པའི་བློ་ངོར་ཇི་བྱས་ཀྱང་འགོག་མི་ནུས་པས་བློས་ཕར་བཏགས་ཙམ་གྱི་ཕྱི་དོན་ཡོད་པར་འདོད་པ། ༤ ཐེག་པ་གསུམ་པོ་ཐམས་ཅད་ཀྱི་རང་གི་ཚོགས་ལམ་འབྲིང་ཐོབ་ནས་ཐལ་འགྱུར་བའི་ལུགས་ལ་ཆོས་ཐམས་ཅད་རང་བཞིན་མེད་པར་ལྟ་བའི་ལྟ་བརྒྱུད་ལ་སྐྱེས་ཤིང་། རང་རང་གི་འཕགས་ལམ་ཐོབ་ནས་གང་ཟག་དང་ཆོས་གཉིས་རང་བཞིན་མེད་པ་སྟེ། གང་ཟག་གི་བདག་མེད་དང་ཆོས་ཀྱི་བདག་མེད་མངོན་དུ་ཅིག་ཅར་བྱས་པ་ཞིག་འདོད་པ། བློ་ལ་སྦྱར་ན་མངོན་དུ་བྱས་པ་ནི་མངོན་སུམ་རྟོགས་པ་ལ་ཟེར། ༥ རང་རྒྱུད་པ་མན་གྱི་མི་འདོད་ཀྱང་ཐལ་འགྱུར་བས་དུག་གསུམ་ཆར་གྱི་ངོ་བོ་བདེན་འཛིན་ཡིན་པའི་ཉོན་མོངས་ཕྲ་མོ་དང་གྲུབ་མཐའ་འོག་མས་ཤེས་སྒྲིབ་ཏུ་འདོད་པའི་བདེན་འཛིན་གང་ཡིན་ཉོན་སྒྲིབ་ཏུ་འདོད་པ། ༦ ཞིག་པ་རྒྱུས་སྐྱེས་པས་ཞིག་པ་དངོས་པོར་འདོད་པ། ༧ མདོ་སྡེ་པ་སེམས་ཙམ་དབུ་མ་རང་རྒྱུད་པ་རྣམས་ཀྱིས་འདས་མ་འོངས་གཉིས་འདུས་མ་བྱས་དང་མེད་དགག་ཏུ་འདོད། ད་ལྟ་བ་སྒྲུབ་པ་དང་དངོས་པོར་འདོད། བྱེ་བྲག་སྨྲ་བ་དང་། ཐལ་འགྱུར་བས་ཞིག་པ་དངོས་པོར་འདོད་པའི་རྒྱུ་མཚན་གྱིས་འདས་མ་འོངས་གཉིས་འདུས་བྱས་དང་མ་ཡིན་དགག་དང་། ད་ལྟ་བ་སྒྲུབ་པ་དང་དངོས་པོ་འདོད་པ། ༨ མཐའ་ཡི་སོགས་ཁོངས་ནས་ཐོན་པ་ནི་བདག་མེད་གཉིས་སྟོང་ཚུལ་གྱི་སྒོ་ནས་རང་རྒྱུད་པ་མན་གྱིས་འཇོག་ཀྱང་ཐལ་འགྱུར་བས་སྟོང་གཞི་ཆོས་ཅན་གྱི་སྒོ་ནས་འཇོག་པས་གང་ཟག་རང་བཞིན་གྱིས་གྲུབ་པས་སྟོང་པ་གང་ཟག་གི་བདག་མེད་ཕྲ་མོར་འདོད་པ། ༩ མངོན་པ་གོང་འོག་གཉིས་ནས་བཤད་པའི་ཉོན་མོངས་རྣམས་ཉོན་མོངས་རགས་པ་ཡིན་པས་རེ་ཞིག་སྤངས་པའི་ལམ་མ་ཞུགས་དང་ལམ་ཞུགས་ཚོགས་ལམ་པ་གང་རུང་ཡོད་ཀྱང་། ཚོགས་ལམ་འབྲིང་ཡན་གྱི་ལམ་བགྲོད་མི་ནུས་པས་མངོན་པ་གཉིས་ནས་བཤད་པའི་དགྲ་བཅོམ་དགྲ་བཅོམ་མ་ཡིན་པར་འདོད་པ། ༡༠ ཐལ་འགྱུར་བས་མི་རྟག་པའི་བློ་ལ་གྲུབ་མཐའ་འོག་མའི་འདོད་པ་ལྟར་མ་གཏོགས་ཕྲ་རགས་གཉིས་མི་འབྱེད་ཀྱང་མི་རྟག་སོགས་བཅུ་དྲུག་གི་བཅོ་ལྔ་ལ་ཕྲ་རགས་གཉིས་ཕྱེ་བའི་རགས་པའི་མི་རྟགས་པ་སོགས་བཅུ་དྲུག་རྟོགས་པའི་རྣལ་འབྱོར་མངོན་སུམ། ལམ་མ་ཞུགས་དང་། ལམ་ཞུགས་ཚོགས་ལམ་གྱི་འབྲིང་མན་ཆད་ལ་ཡང་ཡོད་པར་འདོད་པ། ༡༡ སངས་རྒྱས་ཕལ་པོ་ཆེ་ཡི་མདོ་ཚན་མདོ་སྡེ་ས་བཅུ་པའི་རྗེས་སུ་འབྲངས་ཏེ། དམན་ལམ་སྔོན་དུ་མ་སོང་བས་ས་བརྒྱད་པ་ནས་ཉོན་སྒྲིབ་སྤངས་པ་དང་། ཤེས་སྒྲིབ་ཉོན་སྒྲིབ་ཀྱིས་བཞག་པའི་བག་ཆགས་ལྡན་མིན་འདུ་བྱེད་ཀུན་བཏགས་དང་ལྷན་སྐྱེས་གཉིས་མེད་པར་སྒྲིབ་ལུང་མ་བསྟན་དུ་འདོད་པ། ༡༢ མངོན་སུམ་ལ་རྟོག་པ་དང་བྲལ་མི་དགོས་ཏེ། སོ་སོ་སྐྱེ་བོའི་རྒྱུད་ཀྱི་ཀུན་རྫོབ་ཀྱི་ཆོས་དངོས་ཡུལ་དུ་བྱེད་པའི་ཡིད་ཤེས་ཚོར་བ་བདེ་སྡུག་བཏང་སྙོམས་གསུམ་མངོན་སུམ་ཚད་མ་ཡིན། སྔོ་འཛིན་མིག་ཤེས་ཀྱིས་དྲངས་པའི་སྔོན་པོ་དོན་མཐུན་ངེས་པའི་ངེས་ཤེས་མངོན་སུམ་ཚད་མ་ཡིན། འདི་གཉིས་ནི་རྟོག་པ་ཡིན་པའི་མངོན་སུམ་ཚད་མ་ཡིན། སོ་སྐྱེའི་རྒྱུད་ཀྱི་རྟོག་མེད་མངོན་སུམ་ཚད་མ་ནི། གཞན་སེམས་ཤེས་པའི་མངོན་ཤེས་དང་མངོན་པ་གཉིས་ནས་བཤད་པའི་དགྲ་བཅོམ་པའི་རྒྱུད་ཀྱི་མི་རྟག་སོགས་བཅུ་དྲུག་རྟོགས་པའི་བློ་ལྟ་བུར་འདོད་པ། ༡༣ རྗེས་དཔག་ཚད་མས་དྲངས་པའི་རྟོག་པ་དཔྱད་ཤེས་དང་། མངོན་སུམ་ཚད་མས་དྲངས་པའི་མངོན་སུམ་དཔྱད་ཤེས་གཉིས་ཀ་ཚད་མར་འདོད་པ། ༡༤ ཕྱི་རོལ་པ་ནས་བཟུང་རང་རྒྱུད་པ་མན་ཆད་ཀྱི་སྣང་བས་ཆད་ལྟའམ་མེད་མཐའ་སེལ། སྟོང་པས་རྟག་མཐའ་འམ་ཡོད་མཐའ་སེལ་ཟེར་བ་ཡིན་ཀྱང་། ཐལ་འགྱུར་བའི་སྐབས་སུ་སྔ་མ་དེ་གོ་ས་བརྗེས་ནས། སྣང་བས་རྟག་མཐའ་འམ་ཡོད་མཐའ་སེལ། སྟོང་པས་ཆད་ལྟ་འམ་མེད་མཐའ་སེལ་བར་འདོད་པ། ༡༥ འགོག་བདེན་གང་ཡིན་ཐམས་ཅད་དང་། འདུས་བྱས་འདུས་མ་བྱས་ཐམས་ཅད་ཀྱི་དབྱིངས་སམ་ཆོས་ཉིད་གང་ཡིན་དོན་དམ་བདེན་པར་འདོད་པ། ༡༦ ཉན་རང་དགྲ་བཅོམ་གང་ཡིན་ཐམས་ཅད་སྟོང་ཉིད་ལ་རྩེ་གཅིག་ཏུ་མཉམ་པར་བཞག་པའི་ཚེ་ལྷག་མ་མེད་པ་དང་དེ་ཡི་རྒྱུད་ཀྱི་མྱང་འདས་ནི་ལྷག་མེད་མྱང་འདས་དང་། མཉམ་བཞག་ལས་ལྡང་ཚེ་ལྷག་བཅས་པ་དང་། དེ་ཡི་རྒྱུད་ཀྱི་མྱང་འདས་ལྷག་བཅས་མྱང་འདས་ཡིན་པ། ཤཱ་རིའི་བུ་ལ་རྗེས་སུ་ཟློས་པའི་མདོ་ཡི་རྗེས་སུ་འབྲང་ནས་ཐལ་འགྱུར་བས་འདོད་པའོ། ། ༡༧ ཁ་ནང་ལྟའི་ཤེས་པ་དང་། ཁ་ཕྱི་ལྟའི་ཤེས་པ་གཉིས་པ་གཉིས་མི་འདོད་དེ། རང་མྱོང་རང་རིག་མི་འདོད་པས། གཞན་མྱོང་གཞན་རིག་གི་ཤེས་པ་མི་འདོད་པ། བློ་རིག་ཤེས་གསུམ་མངོན་འགྱུར་དུ་སྐྱེ་བ་དང་། དེས་ཡུལ་མངོན་སུམ་དུ་རྟོགས་ཀྱང་གང་ཡིན་མངོན་ལྐོག་གཉིས་ཀྱི་ནང་ནས་ལྐོག་གྱུར་དུ་འདོད། ༡༨ རྟོག་པས་ཕར་བཏགས་ཙམ་མ་ཡིན་པས་ཡོད་པ་གཅིག་བྱུང་ཕྱིན་ཆད་དེ་རང་ངོས་ནས་གྲུབ་པའི་དོན་དང་། རང་བཞིན་གྱིས་གྲུབ་པའི་དོན་དང་། རང་གི་མཚན་ཉིད་ཀྱིས་གྲུབ་པའི་དོན་ཡིན་པས། སྟོང་ཉིད་གཏན་ལ་འབེབས་བྱེད་ཀྱི་དགག་བྱ་ཕྲ་མོར་འདོད་པའོ། ། ༡༩ བྱས་བསགས་ཀྱི་ལས་ཞིག་ནས་བསྐལ་པ་དུ་མ་སོང་བས་ཀྱང་འབྲས་བུ་འབྱིན་པ། ༢༠ ཐལ་འགྱུར་བའི་ལུགས་ཀྱི་བདེན་པ་གཉིས་ནི། མཐར་ཐུག་དཔྱོད་པའི་རིག་ཤེས་ཚད་མ་དེ་ཁྱོད་ལ་མཐར་ཐུག་དཔྱོད་པའི་རིག་ཤེས་སུ་སོང་བའི་རྙེད་དོན། དོན་དམ་པའི་མཚན་ཉིད། མཚན་གཞི་ནི་གང་ཟག་གི་བདག་མེད་ཕྲ་མོ་དང་། ཆོས་ཀྱི་བདག་མེད་ཕྲ་མོ། སྟོང་ཉིད་བཅོ་བརྒྱད་རྣམས་སོ། །ཐ་སྙད་དཔྱོད་བྱེད་ཚད་མའི་རྙེད་དོན་གང་ཞིག དེ་ཁྱོད་ལ་ཚད་མར་སོང་བ། ཀུན་རྫོབ་བདེན་པའི་མཚན་ཉིད། མཚན་གཞི་ནི། དོན་དམ་བདེན་པ་མ་ཡིན་པའི་རྟག་པ་དང་དངོས་པོ་ཐམས་ཅད་ཡིན་ནོ། །ཡང་ན། ལྕང་སྐྱ་རོལ་པའི་རྡོ་རྗེས། ཤེས་བྱ་རྫུན་པ་བསླུ་བའི་དོན་འཇལ་བའི་ཐ་སྙད་པའི་ཚད་པའི་རྙེད་དོན་གང་ཞིག ཚད་མ་དེ་ཁྱོད་ལ་ཐ་སྙད་དཔྱོད་བྱེད་དུ་སོང་བ་ནི། ཀུན་རྫོབ་བདེན་པའི་མཚན་ཉིད། དོན་དམ་དཔྱོད་བྱེད་ཀྱི་རིག་ཤེས་ཚད་མའི་རྙེད་དོན་གང་ཞིག དོན་དམ་བདེན་པའི་མཚན་ཉིད། དོན་དམ་བདེན་པའི་ཚད་གཞི་ནི། ངོ་བོ་ཉིད་སྐུ། རང་བཞིན་རྣམ་དག་གི་ཆར་གྱུར་པའི་ངོ་བོ་ཉིད་སྐུ། མྱང་འདས་བྲལ་བའི་འབྲས་བུ། ཐར་པ། ཞི་བ། འགོག་བདེན་ཕྲ་མོ། ཉིད། ཆོས་དབྱིངས། ཕྱག་རྒྱ་ཆེན་པོ། ཆོས་རྣམས་ཀྱི་གནས་ལུགས། དོན་དམ་པའི་གནས་ལུགས། རང་བཞིན། ངོ་བོ་ཉིད་སྐུ། དེ་བཞིན་ཉིད། དེ་ཁོ་ན་ཉིད་རྣམས་སོ། །བུམ་པའི་གཤིས་ལུགས། བུམ་པའི་གནས་ལུགས། བུམ་པའི་རང་བཞིན། བུམ་པའི་ཆོས་ཉིད་རྣམས་དོན་གཅིག ཡང་ན་སྟོང་ཉིད་ཉི་ཤུ། བཅོ་བརྒྱད། བཅུ་དྲུག་དང་བཞིའོ། །དེ་ཐམས་ཅད་ཆོས་ཀྱི་བདག་མེད་དང་། གང་ཟག་གི་བདག་མེད་གཉིས་སུ་ངེས་སོ། །གཞི་བདེན་པ་གཉིས་ལ་ཀུན་རྫོབ་ཀྱི་བདེན་པ། ཐ་སྙད་བདེན་པ། ཐབས་ཀྱི་བདེན་པ། ཚུ་རོལ་གྱི་བདེན་པ་རྣམས་དོན་གཅིག དོན་དམ་བདེན་པ། མཆོག་གི་བདེན་པ། ཐབས་བྱུང་གི་བདེན་པ། ཡང་དག་པའི་བདེན་པ་རྣམས་དོན་གཅིག་ཅེས། བླ་མ་ལྕང་སྐྱས་གསུངས་སོ། །མས་དོན་གཅིག་ཅེས། བླ་མ་ལྕང་སྐྱས་གསུངས་སོ། །)
• Dictionaries/Monlam Grand/67848  + (༡ ཀུན་དགའ་ལ་ནི་ནོར་རྙེད་འགྱུར། ། ༢ དུས་ཀྱི … ༡ ཀུན་དགའ་ལ་ནི་ནོར་རྙེད་འགྱུར། ། ༢ དུས་ཀྱི་དབྱིག་ལ་འཇིགས་པ་ཆེ། ། ༣ དུལ་བ་ལ་ནི་ནོར་མང་ཕྱུག ། ༤ སྐྱེ་རྒུ་གནས་སུ་བུད་མེད་སྐྱིད། ། ༥ གཞོན་ལ་བྱ་བ་ཐམས་ཅད་འགྲུབ། ། ༦ བྱ་རོག་ཁ་འཐབ་འཇིགས་ཤིང་བཀྲེས། །༧ རྒྱལ་མཚན་གོས་སོགས་ཕུན་སུམ་ཚོགས། ༨ དཔལ་བེའུ་ལ་ནི་རིན་ཆེན་འདུ། ། ༩ རྡོ་རྗེ་ཐོག་དང་དེ་བཞིན་འཇིགས། ། ༡༠ ཐོ་བས་འཆི་བའི་འཇིགས་པ་འབྱུང༌། ། ༡༡ གདུགས་ལ་དགྲ་བོ་གཞོམ་པར་འགྱུར། ༡༢ གྲོགས་པོ་ལ་ནི་གྲོགས་དང་ཕྲད། ༡༣ ཡིད་ལ་དཔལ་ནི་ཐོབ་པའོ། ། ༡༤ འདོད་པས་བྱ་བ་ཡིད་སྨོན་འགྲུབ། ། ༡༥ མགལ་མེད་ལ་ནི་འཐབ་རྩོད་འབྱུང༌། ། ༡༦ རྩ་ཐོན་ལ་ནི་ཚེ་ཟད་འགྱུར། ། ༡༧ འཆི་བདག་ལ་ནི་འཆི་བ་འོང༌། ། ༡༨ མདའ་ལ་སྣ་དང་ཡན་ལག་ཉམས། ། ༡༩ གྲུབ་པ་བརྩམ་པའི་བྱ་བ་འགྲུབ། ། ༢༠ མདུང་ལ་ནད་ཀྱི་འཇིགས་པ་འབྱུང༌། ། ༢༡ བདུད་རྩི་ལ་ནི་དགྲ་ཕུང་ངོ༌། ། ༢༢ གཏུན་ལ་གཏུན་ཤིང་རིག་པར་བྱ། །༢༣ གླང་པོས་དོན་ཀུན་གྲུབ་པ་སྟེ། ། ༢༤ སྟག་མྱོས་ལ་ནི་བཞོན་པ་རྙེད། ། ༢༥ ཟད་ལ་ནོར་དང་སྐྱེ་བོ་འཛད། ༢༦ གཡོ་ལ་རྒྱལ་པོའི་བྱ་བ་འགྲུབ། །༢༧ བརྟན་ལ་སྲིད་སྡེ་འཕུང་བར་བྱེད། ། ༢༨ འཕེལ་བ་ལ་ནི་ནོར་འཕེལ་ལོ། །ཞེས་སོ། །། ། ༢༨ འཕེལ་བ་ལ་ནི་ནོར་འཕེལ་ལོ། །ཞེས་སོ། །)
• Dictionaries/Monlam Grand/95384  + (༡ ཁུ་བ་ཟད་པ་དང༌། ཧ་ཅང་མང་བ་སོགས་ཀྱིས་རླུགས … ༡ ཁུ་བ་ཟད་པ་དང༌། ཧ་ཅང་མང་བ་སོགས་ཀྱིས་རླུགས་པའི་ནད་གཉིས། ༢ རླིག་རླུགས་ཀྱི་ནད་ལ། རླུང་མཁྲིས་བད་ཀན་ཚིལ་གྱུར་དང༌། གཅིན་ལས་གྱུར་དང་རྒྱུ་རླུགས་དྲུག་ཏུ་བཤད། ༣ ཕོ་མཚན་གྱི་ནད་འབྲུམ་པ་ཅན་དང༌། མདུད་པ་འདྲ་བ། སྦུབས་སྦྱར། གྲ་མ་ཅན། སོས་ཟིན་ལ་རླུང་མཁྲིས་ཁྲག་དང་བད་ཀན་འདུས་པ་ལས་གྱུར་པ་ལྔ་དང་དགུ་བཅས་སོ། །བད་ཀན་འདུས་པ་ལས་གྱུར་པ་ལྔ་དང་དགུ་བཅས་སོ། །)
• Dictionaries/Monlam Grand/77796  + (༡ ཁྲུས་དང་གཙང་སྦྲ་ལ་སོགས་ཕྱིའི་བྱ་བ་མང་པོ་ … ༡ ཁྲུས་དང་གཙང་སྦྲ་ལ་སོགས་ཕྱིའི་བྱ་བ་མང་པོ་ལ་མོས་པའི་གདུལ་བྱར་བྱ་བའི་རྒྱུད་བསྟན་པ། ༢ དེ་ཁོ་ན་ཉིད་ལ་མོས་ཤིང་ཕྱིའི་བྱ་བ་མང་པོ་མ་ཡིན་པ་ལ་དགའ་བའི་གདུལ་བྱར་སྤྱོད་རྒྱུད་བསྟན་པ། ༣ ཕྱིའི་བྱ་བ་མང་པོ་གཡེང་བར་ཤེས་ནས་དེ་ཁོ་ན་ཉིད་སྒོམ་པ་ལ་གཅིག་ཏུ་མོས་པའི་གདུལ་བྱར་རྣལ་འབྱོར་རྒྱུད་བསྟན་པ། ༤ ཐབས་ཤེས་གཉིས་སུ་མེད་པའི་ཡེ་ཤེས་ཀྱི་ངང་ནས་ཐམས་ཅད་ལ་ལོངས་སྤྱོད་པར་མོས་པའི་གདུལ་བྱར་རྣལ་འབྱོར་བླ་ན་མེད་པའི་རྒྱུད་བསྟན་པའོ། །གཞུག་བྱ་ལོག་པའི་གང་ཟག་བཞི་སོ་སོའི་སྤྱོད་ཚུལ་དང་སྒོ་བསྟུན་པའི་ཆོས་བསྟན་པས་རྗེས་སུ་བཟུང་ནས་ཡང་དག་པའི་ལམ་ལ་གཞུག་ཕྱིར་རྒྱུད་སྡེ་བཞི་གསུངས་ཏེ། འདོད་ཆགས་ཅན་དབང་ཕྱུག་གི་རྗེས་སུ་འབྲང་བ་རྣམས་གཞུག་ཕྱིར་རྣལ་འབྱོར་བླ་ན་མེད་པའི་རྒྱུད། ཞེ་སྡང་ཅན་ཁྱབ་འཇུག་གི་རྗེས་སུ་འབྲང་བ་རྣམས་གཞུག་ཕྱིར་སྤྱོད་རྒྱུད། གཏི་མུག་ཅན་ཚངས་པའི་རྗེས་སུ་འབྲང་བ་རྣམས་གཞུག་ཕྱིར་བྱ་རྒྱུད། མ་ངེས་པ་དེ་གསུམ་གང་རུང་དང་ཕྲད་ན་དེ་དག་གི་གྲུབ་མཐའ་འཛིན་པ་རྣམས་གཞུག་ཕྱིར་རྣལ་འབྱོར་རྒྱུད་གསུངས་པ་ནི། དེ་ཉིད་འདུས་པའི་དགོངས་པ་སློབ་དཔོན་ཀླུ་སྒྲུབ་དང་རབ་འབྱོར་བསྐྱངས་སོགས་བཞེད་པར་གྲགས་སོ། །དང་རབ་འབྱོར་བསྐྱངས་སོགས་བཞེད་པར་གྲགས་སོ། །)
• Dictionaries/Monlam Grand/88591  + (༡ གཙགས་བུ་བྱེའུ་སྦུ་གུའི་སྒྲོ་འདྲ་བ་སྟེ། ད … ༡ གཙགས་བུ་བྱེའུ་སྦུ་གུའི་སྒྲོ་འདྲ་བ་སྟེ། དབྱིབས་བྱེའུ་སྦུ་གུའམ་མཆིལ་པའི་སྒྲོ་དབྱིབས་དང་འདྲ་བར་རིང་ཚད་སྲིད་སོར་དྲུག་ཡོད་པར་རྩེ་སྒོར་མོའི་དབྱིབས་ཅན་ཁ་ཞེང་ནས་འབྲུ་ཆེ་བའི་སྙུག་གང་ཞམ་ཡོད་པས་ཤ་གསེབ་ཏུ་གནས་པའི་ཁྲག་རྩ་རྐྱང་པ་འདེབས་པའམ་གཏར་བ་ལ་སྦྱར་བར་བྱ་བ། ༢ གཙགས་བུ་ལྟག་ཉལ་རྩེ་རྣོ་སྟེ་ལྟག་པ་གསེགས་འགྲོས་སུ་སྨྱུག་གྲིའི་རྩེ་ལྟར་ཉལ་བར་རྣོ་མེད་ཅིང་། མདུན་ངོས་ཀྱི་རྩེ་མོ་རྣོ་བར་བྱས་པའི་སྲིད་སོར་དྲུག་པས་ནི་སྣོད་ཀ་དང་རྩེ་ཆུང་སོགས་འཕར་རྩ་དང་ཉེ་བ་རྣམས་སུ་འཕར་རྩར་ལྟག་པ་བསྟེན་ཅིང་གཏར་བར་བྱ་བ། ༣ གཙགས་བུ་སྟ་རེ་ཁ་འདྲ་སྟེ། རྐང་ཟླུམ་ལ་རྐེད་དུ་ལག་པས་བཟུང་བདེ་ཞིང་མི་འགྱུར་བའི་འདབ་མ་དང་ལྡན་པར་རྩེ་མོ་སྟ་རེའི་ཁ་འདྲ་བ་སྟེ་རིང་ཐུང་སྲིད་མོར་དྲུག་དང་ལྡན་པས་རུས་པའི་སྟེང་དུ་གནས་པའི་རྩ་རྣམས་ལ་གཏར་བར་བྱ་བ། ༤ གཙགས་བུ་ཆུ་གྲི་འདྲ་བ་སྟེ། དབྱིབས་ཆུ་གྲི་ཞེས་སྤུ་གྲི་འདྲ་བས་སྐྲངས་པོའི་སྟེང་གི་པགས་པ་ལ་ཞལ་ཞལ་གྱིས་འོག་གི་ནད་རོ་འདོན་པར་བྱའོ། །འདི་ལ་བཀླག་པར་ཆུ་གྲིའི་སོ་དང་འདྲ་བའི་ཆ་བྱད་ཀྱིས་སྐྲངས་འབུར་ཡོད་པའི་རིགས་རྣམས་ལ་འབྲས་འདོན་པར་བྱ་བའམ་བཤིགས་པའི་ཆེད་དུ་ཕྱིའི་པགས་པ་རལ་ཙམ་ཞལ་ཞལ་བྱའོ་ཞེས་གསུངས་སོ། །༥ གག་པའི་ལྕེ་ཟེར་ཏེ། རྐང་རིང་ཐུང་སྲིད་སོར་བརྒྱད་ཡོད་པ་ལ་རྩེ་ཟོར་བའི་དབྱིབས་ཅན་ལྟག་པར་ཡང་ནས་གང་ཙམ་གྱི་རྣོ་ཡོད་པའི་གཙག་བུས་ལྕེ་སྐྲངས་རྣག་ཏུ་རྨིན་པ་གཤག་པར་བྱ་བ། ༦ གཙགས་འདྲ་བྲང་བ་ཅན་ཏེ། དྲས་རྒྱག་པའི་གཙགས་བུ་འདྲ་བ་ལ་དེ་ལས་ཆེ་ཞིང་གྲི་དབལ་ལམ་སྨྱུག་གྲིའི་དབྱིབས་ལྟར་འབུར་དུ་དོད་པ་ནི་མགོ་རྨ་སླར་ཡང་འདྲ་དགོས་པ་རྣམས་ལ་བྱ་བར་བྱའོ། །་རྨ་སླར་ཡང་འདྲ་དགོས་པ་རྣམས་ལ་བྱ་བར་བྱའོ། །)
• Dictionaries/Monlam Grand/38694  + (༡ གཞུང་བཀའ་པོད་ལྔའི་སློབ་གཉེར་ཐབས་ལམ་གསར་ད … ༡ གཞུང་བཀའ་པོད་ལྔའི་སློབ་གཉེར་ཐབས་ལམ་གསར་དུ་གཏོད་པ། ༢ སློབ་རྩོད་གཉིས་དུས་གཅིག་ཏུ་སྤེལ་བའི་ལམ་སྲོལ་གཏོད་པ། ༣ དགེ་རྒན་སོ་སོའི་ཁྱད་ཆོས་ལ་གཞིགས་ཏེ་སློབ་ཁྲིད་ཀྱི་ལས་འགན་གཏན་འཁེལ་གནང་ནས་དགེ་རྒན་སོ་སོའི་ཁྱད་ནུས་འདོན་སྤེལ་གང་ལེགས་བྱེད་དུ་བཅུག་པ། ༤ འཛིན་གྲྭ་བགོ་བའི་ལམ་ལུགས་གསར་དུ་གཏོད་ཅིང༌། འཛིན་གྲྭ་སོ་སོའི་སློབ་ཡུན་གྱི་ལོ་ཚད་གཏན་འཁེལ་གནང་བ། ༥ ལོ་གཅིག་གམ་སློབ་དུས་སོ་སོའི་ཆོས་ཐོག་གི་སློབ་ཚན་ནང་དོན་གཏན་འབེབས་གནང་བ། ༦ འཛིན་གྲྭ་ཕན་ཚུན་གཏུགས་རེས་འགྲན་བསྡུར་བྱས་པའི་ཐབས་ལམ་གསར་དུ་གཏོད་པ། ༧ ཆོས་ཐོག་སྐབས་བགྲོ་གླེང་གཙོ་བོ་དང་སློབ་ཁྲིད་ཞར་བྱུང༌། ཆོས་མཚམས་སྐབས་སློབ་ཁྲིད་གཙོ་བོ་དང་བགྲོ་གླེང་ཞར་བྱུང་བྱ་རྒྱུའི་སྲོལ་གཏོད་པ། ༨ སློབ་གཉེར་ལེགས་གྲས་རྣམས་རང་མོས་ཐོག་དགོན་པ་གཞན་དང་གྲྭ་ཚང་གཞན་ལ་གྲྭ་སྐོར་དམ་བཅའ་འགྲོ་བའི་སྲོལ་གསར་དུ་གཏོད་པ། ༩ སློབ་གཉེར་ཐོན་པའི་རིགས་ལ་སློབ་གཉེར་གྱི་སྦྱངས་འབྲས་ལེགས་ཉེས་ལ་གཞིགས་ནས་མཚན་གནས་སྤྲོད་པའི་སྲོལ་གཏོད་པ། ༡༠ ཚད་མ་རིག་པའི་གཞུང་རྣམས་ཀྱི་སྙིང་བཅུད་བསྡུས་པའི་བསྡུས་གྲྭ་ཆུང་འབྲིང་ཆེ་གསུམ་གསར་རྩོམ་མཛད་ཅིང་དེ་ལྟར་སློབ་སྦྱོང་བྱེད་དགོས་རྒྱུའི་གཏན་འབེབས་གནང་བ། ༡༡ མཚན་ཉིད་རྩོད་སྐབས་ཀྱི་དྲི་བ་དྲིས་ལན་འདེབས་ཚུལ་དང༌། རྩོད་གླེང་གཏོང་མཁན་གྱིས་འཛིན་གྲྭའི་དབུས་སུ་ལངས་ཏེ་ཐོག་མར་ཁས་ལེན་བཟུང་མཁན་ལ་གུས་འདུད་ཀྱི་རྣམ་འགྱུར་དང་བཅས་ཏེ། གཟན་སྐྱུར་འབེབས་ནས་སྐད་གསང་མཐོན་པོས་བགྲོ་གླེང་འགོ་ཚུགས་པའི་དྷཱི་སྐད་གཏོང་བ་དང༌། དེ་ནས་གཟན་སྐེད་པར་དཀྲིས་ཏེ་སྐབས་སུ་བབས་པའི་གཞུང་ལས་འཕྲོས་པའི་ཁས་ལེན་དྲི་བ་དང༌། ཐལ་འགྱུར་འཕེན་པ་དང་ཆབས་ཅིག་ལག་པས་ཐལ་མོ་རྡེབ་པ། ཁྱབ་མཐའ་འགོད་པ། རྒྱུ་མཚན་འདྲི་བ། འཁོར་གསུམ་བསྐོར་བ་སོགས་ཀྱི་དམ་བཅའ་ཁས་ལེན་དང་མཚན་ཉིད་རྩོད་པའི་ཐ་སྙད་དང་བྱ་ཐབས་བཅས་པའི་ངོ་མཚར་ཁྱད་དུ་འཕགས་པའི་སློབ་གཉེར་སྲོལ་ལམ་ཞིག་གསར་གཏོད་གནང་།ས་པའི་སློབ་གཉེར་སྲོལ་ལམ་ཞིག་གསར་གཏོད་གནང་།)
• Dictionaries/Monlam Grand/22566  + (༡ གཟུགས་སོགས་ལ་མི་གནས་པའི་སྦྱོར་བ། ༢ གནས་པ … ༡ གཟུགས་སོགས་ལ་མི་གནས་པའི་སྦྱོར་བ། ༢ གནས་པ་བཀག་པའི་སྦྱོར་བ། ༣ ཟབ་པའི་སྦྱོར་བ། ༤ གཏིང་དཔག་དཀའ་བའི་སྦྱོར་བ། ༥ ཚད་མེད་པའི་སྦྱོར་བའོ། །༦ ཐེག་ཆེན་ཚོགས་ལམ་ཆུང་ངུ་བའི་རྒྱུད་ཀྱི་ཚོགས་ཆེན་ཡུན་རིང་རྟོགས་དཀའ་བའི་སྦྱོར་བ། ༧ སྦྱོར་ལམ་དྲོད་ལ་གནས་པའི་སེམས་དཔའི་རྒྱུད་ཀྱི་ལུང་བསྟན་ཐོབ་པའི་སྦྱོར་བ། ༨ རྩེ་མོ་བའི་རྒྱུད་ཀྱི་ཕྱིར་མི་ལྡོག་པའི་སྦྱོར་བ། ༩ བཟོད་པའི་ཉན་རང་སོགས་སུ་མི་ལྟུང་བའི་ངེས་པར་འབྱུང་བའི་སྦྱོར་བ། ༡༠ ཆོས་མཆོག་པའི་རྒྱུད་ཀྱི་ཆོས་དབྱིངས་རྒྱ་མཚོར་འཇུག་པ་ལ་བར་ཆད་མེད་པའི་སྦྱོར་བ། ༡༡ བྱང་སེམས་མཐོང་ལམ་པའི་རྒྱུད་ཀྱི་བྱང་ཆུབ་ཏུ་ཉེ་བར་སྦྱོར་བ། ༡༢ ས་གཉིས་པ་ནས་ས་བདུན་པའི་བར་གྱི་མྱུར་དུ་འཚང་རྒྱ་བའི་སྦྱོར་བ། ༡༣ ས་བརྒྱད་པ་བའི་རྒྱུད་ཀྱི་གཞན་དུ་ཆོས་ཀྱི་འཁོར་ལོ་བསྐོར་བའི་སྦྱོར་བ་བཅས་ནི་རྟེན་གྱི་སྒོ་ནས་འཇོག་པའོ། །༡༤ ཐ་སྙད་དུ་སྐྱོན་ཡོན་རྣམས་འཕེལ་འགྲིབ་བྱེད་ཀྱང་དོན་དམ་པར་འཕེལ་འགྲིབ་མེད་པར་རྟོགས་པའི་སྦྱོར་བ། ༡༥ དོན་དམ་པར་དཀར་ནག་སོགས་དང་ཆོས་དང་ཆོས་མིན་སོགས་མི་མཐོང་བའི་སྦྱོར་བ། ༡༦ གཟུགས་སོགས་བསམ་མི་ཁྱབ་མི་མཐོང་བའི་སྦྱོར་བ། ༡༧ གཟུགས་སོགས་མཚན་ཉིད་དང་དེ་ཡི་མཚོན་བྱའི་ངོ་བོར་རྣམ་པར་མི་རྟོག་པའི་སྦྱོར་བའོ། །༡༨ ས་དགུ་པ་བའི་རྒྱུད་ཀྱི་ཡོན་ཏན་འཕེལ་བར་བྱེད་པ་འབྲས་བུ་རིན་ཆེན་སྦྱིན་བྱེད་ཀྱི་སྦྱོར་བ། ༡༩ ས་བཅུ་པ་བའི་རྒྱུད་ཀྱི་རྣམ་པར་དག་པའི་སྦྱོར་བའོ། །༢༠ དུས་ཀྱི་སྒོ་ནས་དབྱེ་བ་གཅིག་ནི་ལོ་ཟླ་ཞག་དུས་ཚིགས་སུ་བཅད་ནས་ཤེར་ཕྱིན་སྒོམ་པའི་སྦྱོར་བ་དང་ཉི་ཤུའོ། །ནས་ཤེར་ཕྱིན་སྒོམ་པའི་སྦྱོར་བ་དང་ཉི་ཤུའོ། །)
• Dictionaries/Monlam Grand/81110  + (༡ གཡོན་པའི་ཀུན་སྤྱོད་ཡིན་ཏེ། རྒྱུན་གྱི་དུས … ༡ གཡོན་པའི་ཀུན་སྤྱོད་ཡིན་ཏེ། རྒྱུན་གྱི་དུས་སུ་དུས་བཞིར་མ་དྲན་པ་དང་། ཚོགས་དང་ལག་མཆོད་སོགས་ཁྱད་པར་གྱི་དུས་སུ་མ་བྱས་ན་ལྟུང་བའོ། ། ༢ ལམ་སྒོམ་པ་དང་། དབང་བསྐུར་བ་དང་། བཅུད་ལེན་དང་། དམ་ཚིག་གི་རྫས་ལ་སོགས་པ་མ་ཡིན་པར་འཛག་པ་དོན་གཉེར་གྱིས་བུད་མེད་ལ་སྲེད་པའི་དབང་འབའ་ཞིག་གིས་ཕྱག་རྒྱ་ལ་བགྲོད་ན་ལྟུང་བའོ། ། ༣ རང་གཞན་ཐ་དད་དུ་འཛིན་པ་སྟེ། ཆོས་ཐམས་ཅད་རང་བཞིན་སྟོང་པ་ཉིད་དུ་མཉམ་པར་རྣམ་པར་མི་རྟོག་པའི་ཚལ་གྱིས་སྐྱོང་དགོས་པ་ཡིན་ལ། ཐུན་བཞིར་དེ་ཉིད་མ་དྲན་ན་ལྟུང་བའོ། ། ༤ ལམ་གཞན་ལ་མོས་པས་ལམ་འདི་ལ་གུས་པ་ལྷོད་པའམ་སྐྱོན་དུ་འཛིན་པས་ཐེ་ཚོམ་སྐྱེས་ཏེ་སྒྲུབ་པ་ལ་ཆེད་ཆེར་མི་འཛིན་ན་ལྟུང་བའོ། ། ༥ ཐིག་ལེ་འཆིང་བ་དང་བདེ་སྟོང་དུ་སྐྱོང་བའི་ནུས་པ་དང་ལྡན་པས་ཕྱག་རྒྱ་བརྟེན་པར་བྱ་སྟེ་མི་བརྟེན་ན་ལྟུང་བའོ། ། ༦ ལས་རྒྱ་ལ་བརྟེན་ཏེ་ཡེ་ཤེས་སྒྲུབ་པའི་འགོ་བརྩམས་ནས་བདེ་བ་ཆེན་པོའི་ཡེ་ཤེས་བརྟན་པར་མ་བྱས་པ་དང་། སྤྱོད་པ་ལ་སོགས་པའི་ལམ་གྱི་འབྲས་བུ་མངོན་དུ་མ་གྱུར་བར་དུ་གྲོགས་ཕྱག་རྒྱ་དང་མི་འབྲལ་བར་བྱ་སྟེ་བྲལ་ན་ལྟུང་བའོ། ། ༧ ཕྱག་རྒྱའི་ལམ་ལས་བྱང་ཆུབ་ཀྱི་སེམས་ཀུནྡ་དབབ་བཟློག་གི་སྦྱོང་བས་ཕྱིར་མི་ལྟུང་ཞིང་སྤྱི་བོར་མི་གཡོ་བར་བརྟན་པར་བྱེད་པ་ལས། གསང་དབང་བསྐུར་བ་སོགས་དམིགས་བསལ་གྱི་དུས་མ་ཡིན་པར་ཐིག་ལེ་འཛག་པར་བྱེད་ན་ལྟུང་བའོ། ། ༨ ཤེས་རབ་མའི་བྷ་ག་ལས་བྱུང་བའི་སིཧླ་ག་པུར་དྲི་ཆུ་ལ་སོགས་པ་བཟའ་ཞིང་བསྟེན་པར་བྱ་བ་ཡིན་པ་ལ། མི་གཙང་བའི་སེམས་ཀྱིས་མི་བཟའ་ཞིང་ཡིད་ཀྱིས་སྤོང་ན་ལྟུང་བའོ། །དེ་རྣམས་སྔགས་སྐྱེས་ཞིང་སྐྱེས་ལྷན་སྐྱེས་ཏེ་ཕོ་ཉ་གསུམ་གྱི་ལམ་སྒྲུབ་པ་ལ་གནས་པ་ཙམ་གྱིས་གཙོ་བོར་བསྒྲུབ་པར་བྱ་དགོས་པས་རིག་མ་ལ་བརྟེན་པའི་བརྟུལ་ཞུགས་སོ། །དགོས་པས་རིག་མ་ལ་བརྟེན་པའི་བརྟུལ་ཞུགས་སོ། །)
• Dictionaries/Monlam Grand/78615  + (༡ གོས་སམ་གནས་དང་ཕྱག་རྒྱ་ལྔ་ལ་སོགས་པའི་དེ་ཉ … ༡ གོས་སམ་གནས་དང་ཕྱག་རྒྱ་ལྔ་ལ་སོགས་པའི་དེ་ཉིད། ༢ ཤེས་རབ་ཀྱི་ཡན་ལག་གི་དེ་ཉིད། ༣ ཕུར་བུ་དང་གུར་གྱི་དེ་ཉིད། ༤ ཨཱ་ལིའི་དེ་ཉིད། ༥ ཀཱ་ལིའི་དེ་ཉིད། ༦ རྒྱུ་སོགས་སྟོང་སྔོན་དུ་འགྲོ་བའི་དེ་ཉིད། ༧ འཇུག་པ་སྒྲ་ལ་སོགས་པའི་དེ་ཉིད། ༨ བསྡུས་པའི་སྦྱོར་བ་དང་ལྡན་པའི་དེ་ཉིད། ༩ བདུད་རྩིས་ཚིམས་པར་བྱེད་པའི་དེ་ཉིད། ༡༠ མྱ་ངན་ལས་འདས་པའི་དེ་ཉིད། ༡༡ ལག་མཆོད་ཀྱི་དེ་ཉིད། ༡༢ དབང་བསྐུར་བའི་དེ་ཉིད། ༡༣ གོ་ཆ་ཆེན་པོས་ཡང་དག་པར་སྲུང་བའི་དེ་ཉིད། ༡༤ སྔགས་རྣམས་ཀུན་གྱིས་མཆོད་པའི་དེ་ཉིད་བཅས་སོ། །གས་རྣམས་ཀུན་གྱིས་མཆོད་པའི་དེ་ཉིད་བཅས་སོ། །)
• Dictionaries/Monlam Grand/29799  + (༡ གྱི་ཇོ་ལུགས་ནི། པཎྜི་ཏ་ཤྲཱི་བྷ་དྲ་བི་དྷི … ༡ གྱི་ཇོ་ལུགས་ནི། པཎྜི་ཏ་ཤྲཱི་བྷ་དྲ་བི་དྷི་ལས་ཀྱི་ཇོ་ལོ་ཙཱ་བ་ཟླ་བའི་འོད་ཟེར་གྱིས་ཞུས། དེས་ཕྲོམ་ལོ་ཙཱ་བ་པདྨ་འོད་ཟེར་ལ་གནང་། དེས་ཟིན་བྲིས་སྦྱོར་དྲུག་གི་ཡི་གེ་མཛད་དེ་མུག་སྟོན་བཻ་ཌཱུརྱ་ལ་གནང་། དེ་ནས་ལྷོ་པ་ཆོས་ལྡན་དང་། དོལ་པོ་མགོན་པོ། ཀུན་སྤངས་ཆེན་པོ། ཀུན་མཁྱེན་འཕགས་འོད། བུ་སྟོན་རིན་པོ་ཆེ། རྗེ་བཙུན་དཔལ་ཆེན་པ་སོགས་ལ་རིམ་པར་བརྒྱུད་པའོ། ། ༢ རྭ་ལུགས་ནི། རྭ་ཆོས་རབ་ཀྱིས་པཎྜི་ཏ་ས་མནྟ་ཤྲཱི་ལས་དབང་རྒྱུད་བཤད་མན་ངག་ཆ་ཚང་ཞུས་ཤིང་བོད་དུ་སྤྱན་དྲངས་ནས་རྒྱུད་འགྲེལ་མན་ངག་དང་བཅས་པ་བསྒྱུར་བཤད་གཏན་ལ་ཕབ། དེ་ལ་ཉིད་ཀྱི་སྲས་རྭ་ཡེ་ཤེས་སེང་གེས་གསན། དེ་ལས་ཉིད་ཀྱི་སྲས་རྭ་འབུམ་སེང་གེས་ཞུས། དེ་ལ་རྗེ་བཙུན་རྒ་ལོས་གསན། དེ་ལས་ཉིད་ཀྱི་སྲས་བླ་མ་ཤེས་རབ་སེང་གེས་ཞུས། དེ་ལས་སྲས་བླ་མ་རྡོ་རྗེ་རྒྱལ་མཚན་དང་ཀུན་མཁྱེན་དོལ་པོ་བས་གསན། བླ་མ་རྡོ་རྗེ་རྒྱལ་མཚན་ནས་བུ་སྟོན་རིན་པོ་ཆེས་རྒྱུད་འགྲེལ་ཡན་ལག་དང་བཅས་པ་ཞུས་ཏེ་རིམ་པར་བརྒྱུད་པའོ། ། ༣ འབྲོ་ལུགས་ནི། ཁ་ཆེ་ཟླ་བ་མགོན་པོ་ལས་འབྲོ་ལོ་ཙཱ་བ་ཤེས་རབ་གྲགས་དང་ལྷ་རྗེ་སྒོམ་པ་དཀོན་མཆོག་བསྲུངས་ཀྱིས་ཞུས། འབྲོ་ལོས་མཆོག་མི་འགྱུར་གྱི་ལེའུ་མ་གཏོགས་རྒྱུད་འགྲེལ་རྫོགས་པར་བསྒྱུར། ཕྱིས་པཎྜི་ཏས་མཆོག་མི་འགྱུར་ལ་རང་འགྱུར་ཡང་མཛད། ལྷ་རྗེ་སྒོམ་པ་ལས་སྒྲོ་སྟོན་གནམ་ལ་བརྩེགས་ཀྱིས་གསན། དེས་གྲུབ་ཆེན་ཡུ་མོ་བ་ལ་གནང། དེས་སྲས་དྷརྨ་ཤྭ་ར། དེས་སྲས་གྲུབ་ཐོབ་སེ་མོ་ཆེ་བ། དེས་ཆོས་རྗེ་འཇམ་གསར་བ་ཤེས་རབ་འོད་ཟེར། དེས་སྲས་གྲུབ་ཐོབ་སེ་མོ་ཆེ་བ། དེས་ཆོས་རྗེ་འཇམ་གསར་བ་ཤེས་རབ་འོད་ཟེར། ཀུན་མཁྱེན་ལས་ཞང་ཀུན་སྤངས་པ་ཐུགས་རྗེ་བརྩོན་འགྲུས་དང་། ཀུན་སྤངས་པ་ནས་མང་དུ་གྱེས་པའི་ཀུན་མཁྱེན་འཕགས་འོད་བརྒྱུད་བུ་སྟོན་རིན་པོ་ཆེས་གསན་པ་དང་། ཀུན་སྤངས་བུ་བཞིའི་ནང་ཚན་ལ་སྟོད་པ་དབང་ཕྱུག་རྒྱལ་མཚན་དང་། མུན་མེ་བྲག་ཁ་བ་གྲགས་པ་སེང་གེ་སོགས་བརྒྱུད་བླ་མ་དམ་པ་བསོད་ནམས་རྒྱལ་མཚན་གྱིས་གསན་པ་དང་། མཁས་བཙུན་ཡོན་ཏན་རྒྱ་མཚོ་བརྒྱུད་ཀུན་མཁྱེན་དོལ་པོ་བས་གསན་ཞིང་སློབ་བརྒྱུད་རྣལ་འབྱོར་གྱི་དབང་ཕྱུག་མང་དུ་བྱོན། ༤ ཙ་མི་ལུགས་ནི། ཙ་མི་སངས་རྒྱས་གྲགས་ནི་མི་ཉག་གི་ཡུལ་དུ་འཁྲུངས་ཤིང་རྒྱ་གར་འཕགས་པའི་ཡུལ་དུ་ཡུན་རིང་བཞུགས་པ། རྡོ་རྗེ་གདན་དང་ནཱ་ལེནྡྲའི་མཁན་པོ་མཛད་མྱོང་ཞིང་རྒྱ་གར་ཤར་ནུབ་ཀུན་ཏུ་མཁས་པར་གྲགས་པ་ཞིག་ཡིན། དེས་དུས་ཞབས་པ་དང་ཨ་བྷ་ཡ་ལས་གསན་པ་དང་། སློབ་མ་བོད་ཀྱི་ལོ་ཙཱ་བ་མང་དུ་བྱུང་བའི་དཔལ་ཆེན་རྒ་ལོ་ནས། ས་སྐྱ་པཎྜི་ཏ་དང་། རྒྱུས་པ་གཞོན་ནུ་སེང་གེ དོལ་པོ་ཡེ་ཤེས་མགོན་པོ། ཀུན་སྤངས་ཆེན་པོ་རྣམས་ལ་བརྒྱུད་དེ་སྦྱོར་དྲུག་ས་ལུགས་ཞེས་པ་བྱུང་། སེ་ལོ་ཙཱ་བ་གཞོན་ནུ་ཚུལ་ཁྲིམས་བརྒྱུད་སྙེ་མདོ་ཀུན་དགའ་དོན་གྲུབ་དང་ཀརྨ་རང་བྱུང་རྡོ་རྗེ་ལ་བྱུང་། ཀརྨ་རང་བྱུང་རྡོ་རྗེ་ནས་བཀའ་བརྒྱུད་ཀྱི་ཕྱོགས་སུ་ཆེས་ཆེར་དར། ༥ པཎ་ཆེན་ཤཱཀྱ་ཤྲཱིའི་ལུགས་ནི། པཎ་ཆེན་ཤཱཀྱ་ཤྲཱི་དེ་དགུང་ལོ་དོན་བརྒྱད་ལ་ཕེབས་པའི་ཚེ་འཁོར་པཎྜི་ཏ་དགུ་དང་བཅས་ཁྲོ་ཕུ་ལོ་ཙཱ་བས་གདན་དྲངས་ཏེ་བོད་དུ་ཕེབས། བོད་དུ་སློབ་མ་མང་དུ་བྱུང་བའི་ཆོས་འདིའི་སྲས་ཀྱི་ཐུ་བོ་དཔྱལ་ཆག་ས་གསུམ་ཡིན། དཔྱལ་ལོ་ཙཱ་བ་ཆོས་བཟང་ནས་རིམ་པར་བརྒྱུད་དེ་འགོས་ལོ་གཞོན་ནུ་དཔལ་དང་ཞྭ་དམར་ཅོད་པན་འཛིན་པ་སོགས་ལ་བྱུང་། ཆག་ལོ་ཙཱ་བ་དགྲ་བཅོམ་པ་བརྒྱུད་སྦྱོར་དྲུག་གི་ཁྲིད་ཆག་ལོ་ཆོས་རྗེ་དཔལ་སོགས་ནས་རིམ་པར་བྱུང་། ས་སྐྱ་པཎྜི་ཏ་ཀུན་དགའ་རྒྱལ་མཚན་བརྒྱུད་ས་སྐྱའི་ཕྱོགས་སུ་དར་བ་ལ་ས་ལུགས་ཞེས་ཀྱང་གྲགས། སྟེང་པ་ལོ་ཙཱ་བ་ཚུལ་ཁྲིམས་འབྱུང་གནས་དང་། རོང་གླིང་ལོ་ཙཱ་བ་རྡོ་རྗེ་དབང་ཕྱུག ཤེའུ་ལོ་ཙཱ་བ་བྱམས་པ་ཆོས་གྲགས། སེ་ལོ་ཙཱ་བ་གཞོན་ནུ་ཚུལ་ཁྲིམས་སོ་སོས་ཀྱང་ཙ་མི་དང་ཨ་བྷ་ཡ་སོགས་ལ་ཞུས་ཏེ་སྤེལ་བ་ཡིན་ནོ། ། ༦ ཆག་ལུགས་ནི། ཆག་ལོ་ཆོས་རྗེ་དཔལ་གྱིས་རྒྱ་གར་གྱི་པཎ་ཆེན་གནས་བརྟན་རཱ་ཧུ་ལ་ཤྲཱི་བྷ་དྲ་སོགས་བསྟེན་ནས་དུས་འཁོར་གྱི་ཆོས་ཆ་ཚང་ནོས། དེ་ལ་ཉིད་ཀྱི་དབོན་པོ་བསྟན་འཛིན་དཔལ་བཟང་པོ་བརྒྱུད་དེ་ལུང་དང་། དབང་། ཁྲིད་ཀྱི་བརྒྱུད་པ་སོ་སོར་བྱུང་ངོ་། ། ༧ ཤྭ་བ་རི་དབང་ཕྱུག་གི་ལུགས་ནི། རྡོ་རྗེ་འཆང་ངམ་སྤྱན་རས་གཟིགས་དབང་ཕྱུག་ལ་གྲུབ་ཆེན་ཤྭ་བ་རི་དབང་ཕྱུག་གིས་གསན། དེ་ལ་པཎ་ཆེན་བི་བྷུ་ཏི་ཙནྡྲས་གསན། དེ་ལ་གྲུབ་ཐོབ་དུམ་བུ་ཀོ་བྲག་པས་གསན། དེ་ལ་སློབ་མ་མང་དུ་བྱུང་བའི་དཔྱལ་ཨ་མོ་གྷ་དང་གོ་ལུང་པ་གཞོན་ནུ་དཔལ་བརྒྱུད་ཐར་ལོ་ཉི་མ་རྒྱལ་མཚན་ལ་བྱུང་། དེ་ནས་བུ་སྟོན་རིན་པོ་ཆེར་བརྒྱུད་པའོ། །ཡང་པཎ་ཆེན་བི་བྷུ་ཏི་ཙནྡྲ་དང་། དཔྱལ་ལོ་ཨ་མོ་གྷ་གཉིས་ཀ་ལ་ཀུན་མཁྱེན་ཆོས་སྐུ་འོད་ཟེར་གྱིས་གསན་ཏེ་ཀུན་སྤངས་པ་ལས་བརྒྱུད་པའོ། །ཡང་ཤྭ་ཝ་རི་དབང་ཕྱུག་གི་ཐུགས་སྲས་པཎ་ཆེན་ནགས་ཀྱི་རིན་ཆེན་ནས་རིམ་བཞིན་ལོ་ཆེན་བསོད་ནམས་རྒྱ་མཚོ་སོགས་བརྒྱུད་དེ་བྱུང་ངོ་། །ལུགས་དེ་དག་ལས་རྭ་འབྲོ་ཆག་གསུམ། ཙ་མོ་དང་ཤྭ་ཝ་རི་དབང་ཕྱུག་གི་ལུགས་བཅས་ལ་དབང་བཤད་མན་ངག་གི་བཀའ་ཚང་བར་བཞུགས་ཞེས་གསུངས་སོ།བཤད་མན་ངག་གི་བཀའ་ཚང་བར་བཞུགས་ཞེས་གསུངས་སོ།)
• Dictionaries/Monlam Grand/71024  + (༡ ངོ་བོ་ནི། ཡི་གེའི་ངོ་བོ་སྐད་གདངས་མིག་འཛུ … ༡ ངོ་བོ་ནི། ཡི་གེའི་ངོ་བོ་སྐད་གདངས་མིག་འཛུམ་ཚད། །གཅིག་གཉིས་གསུམ་ཡུན་ཐུང་རིང་ཤིན་ཏུ་རིང་། །ཆ་ཤས་སྐད་ཅིག་རེ་རེ་གཞན་རྣམས་རྒྱུན། །ལྡན་མིན་འདུ་བྱེད་ཉིད་དུ་མཛོད་ལས་བཤད། །ཅེས་ཡི་གེའི་ངོ་བོ་སྐད་ཀྱི་གདངས་འབའ་ཞིག་ཡིན་ཏེ། རྣམ་འགྲེལ་ལས། ཡི་གེ་ཀུན་སློང་ཤེས་པ་ལས། །སྐྱེ་ལ་ཤེས་པས་སྒྲ་སྐྱེའོ། །ཞེས་སོ། །དེའང་བརྗོད་འདོད་ཀྱི་དབང་གིས་རླུང་གཡོས། དེ་ལས་ཡི་གེའི་གདངས་སྐྱེ། དེ་ཉིད་མིག་འཛུམ་གྱི་ཚད་གཅིག་དང་། གཉིས་དང་། གསུམ་གྱི་ཡུན་ལ་རིམ་པར་ཐུང་ངུ་། རིང་པོ། ཤིན་ཏུ་རིང་པོའི་ཐ་སྙད་སྦྱར་བ། ༢ ངེས་ཚིག་ནི། ངེས་ཚིག་རང་བཞིན་འགྱུར་མེད་གསལ། །དོན་རྣམས་རྗོད་བྱེད། ཅེས་པ་སྟེ། ཡི་གེའི་ངེས་ཚིག་ལེགས་སྦྱར་ལ་སྐད་དོད་གསུམ་ཡོད་པའི་ཨཀྵ་ར་ནི་མི་འགྱུར་བ་སྟེ། ཡུལ་སོ་སོའི་སྐད་འགྱུར་ཀྱང་དབྱངས་གསལ་གྱི་རང་བཞིན་འགྱུར་བ་མེད་པའམ། ཨའམ་ཀ་ལྟ་བུའི་གཟུགས་གཅིག་རྣམ་གྲངས་གཞན་དུ་མི་འགྱུར་བ་དང་། བྱཉྫ་ན་གསལ་བྱེད་དེ་མིང་ཚིག་ཐམས་ཅད་གསལ་བར་བྱེད་པ་དང་། བརྞ་རྗོད་བྱེད་དེ་དོན་ཐམས་ཅད་རྗོད་པར་བྱེད་པས་སོ། །༣ ཡིག་གཟུགས་ལཱཉྫ་སོགས་ཞེས་པ་སྟེ། ཡི་གེའི་གཟུགས་ནི་ཚངས་པའི་ཡི་གེ་ལཱཉྫ་སོགས་ཡིག་རིགས་དྲུག་ཅུ་རྩ་བཞི་གཙོ་བོར་གྱུར་པའི་ཡི་གེའི་དབྱེ་བ་མཐའ་ཡས་པ་རྣམས་སོ། །ྱུར་པའི་ཡི་གེའི་དབྱེ་བ་མཐའ་ཡས་པ་རྣམས་སོ། །)
• Dictionaries/Monlam Grand/73985  + (༡ ཆོས་ཀྱི་འཁོར་ལོའི་གྲུབ་ཆ་ནི། འཁོར་ལོ་འཛི … ༡ ཆོས་ཀྱི་འཁོར་ལོའི་གྲུབ་ཆ་ནི། འཁོར་ལོ་འཛིན་བྱེད་ཀྱི་ལྟེ་བ་དང་། གཅོད་བྱེད་ཀྱི་རྩིབས། ལྡུད་བྱེད་ཀྱི་མུ་འཁྱུད་གསུམ་སྟེ། དེ་ལས་མང་མི་དགོས་ཤིང་ཉུང་ནའང་མིན་ཏེ། འདིས་མཚོན་བྱ་ནི། སྔོན་སངས་རྒྱས་བཅོམ་ལྡན་འདས་ཀྱིས་རྡོ་རྗེ་གདན་དང་ཡངས་པ་ཅན་སོགས་ཀྱི་གནས་མཆོག་ཏུ་སྲིད་པའི་ནད་ཐམས་ཅད་འཇོམས་ཤིང་བླ་ན་མེད་པའི་བྱང་ཆུབ་ཐོབ་པའི་ཐབས་དང་སྨན་མཆོག་དམ་པ་སྟེ། གདུལ་བྱ་རིགས་ཅན་གསུམ་ལ་རང་རང་གི་སྐལ་པ་དང་འཚམས་པའི་ཆོས་ཀྱི་འཁོར་ལོ་རིམ་པ་གསུམ་དུ་བསྐོར། དེའང་ཚུལ་ཁྲིམས་དང་། ཏིང་ངེ་འཛིན་དང་། ཤེས་རབ་སྟེ་ལམ་བསླབ་པ་རིན་པོ་ཆེ་རྣམ་པ་གསུམ་དང་། ཐབས་ཅད་བསྡུས་ན་འདུལ་བ་དང་། མདོ་སྡེ་དང་། མངོན་པ་བཅས་ཆོས་སྡེ་སྣོད་གསུམ་དུ་འདུས་ཤིང་། གདུལ་བྱའི་རྒྱུད་ཀྱི་ཉོན་མོངས་པ་ཐམས་ཅད་རྩད་ནས་འབྱིན་པའི་གཉེན་པོའང་འདི་གསུམ་ཁོ་ན་ཡིན་པ་མཚོན། ༢ རི་དྭགས་ཕོ་མོ་གཉིས་ཀྱིས་ཆོས་འཁོར་གྱི་རྩེ་མོ་གཅིག་ཏུ་ལྟ་བ་ནི། ཕྱི་ནང་གི་གྲུབ་མཐའ་འཛིན་པ་ལ་སོགས་སྐྱེ་བོ་མཆོག་དམན་སུ་ལྟ་བུ་ཡིན་ཡང་། མཐར་ཐུག་འབྲས་བུ་སྐུ་གསུམ་ལ་དམིགས་ཤིང་བགྲོད་པའི་ལམ་ནི་སངས་རྒྱས་བཅོམ་ལྡན་འདས་ཀྱིས་བསྟན་པའི་ལམ་མཆོག་བསླབ་པ་གསུམ་ལས་གཞན་དུ་མ་མཆིས་པ་མཚོན་པ་ཡིན་ནོ། །པ་གསུམ་ལས་གཞན་དུ་མ་མཆིས་པ་མཚོན་པ་ཡིན་ནོ། །)
• Dictionaries/Monlam Grand/18100  + (༡ ཆོས་ལུགས་སྤྱིའི་ཆོས་འབྱུང་ནི། ས་གནས་དང་ཆ … ༡ ཆོས་ལུགས་སྤྱིའི་ཆོས་འབྱུང་ནི། ས་གནས་དང་ཆོས་ལུགས་སོ་སོའི་དབྱེ་བ་མ་ཕྱེ་བར་སངས་རྒྱས་ཆོས་ལུགས་སོགས་ཆོས་ལུགས་མི་འདྲ་བ་རྣམས་ཀྱི་བྱུང་ཚུལ་སྤྱིར་བཤད་པ་ཞིག་སྟེ། དཔེར་ན་བུ་སྟོན་རིན་པོ་ཆེས་མཛད་པའི་གསུང་རབ་རིན་པོ་ཆེའི་མཛོད་དང་། འགོས་ལོ་གཞོན་ནུ་དཔལ་གྱིས་མཛད་པའི་དེབ་ཐེར་སྔོན་པོ། དཔའ་བོ་གཙུག་ལག་ཕྲེང་བས་མཛད་པའི་ཆོས་འབྱུང་མཁས་པའི་དགའ་སྟོན། སུམ་པ་མཁན་ཆེན་ཡེ་ཤེས་དཔལ་འབྱོར་གྱིས་མཛད་པའི་ཆོས་འབྱུང་དཔག་བསམ་ལྗོན་བཟང་སོགས་ལྟ་བུ་ཡིན། ༢ ཆོས་ལུགས་སོ་སོའི་ཆོས་འབྱུང་ནི། བོད་དུ་ནང་པའི་གྲུབ་མཐའ་མི་འདྲ་བ་མང་དུ་བྱུང་སྟེ། དེ་ཚོ་སོ་སོའི་ལོ་རྒྱུས་གཙོ་བོར་བཤད་པ་ཞིག་ཡིན། དཔེར་ན་བོན་གྱི་མཁས་པ་ཤར་རྫ་བཀྲ་ཤིས་རྒྱལ་མཚན་གྱིས་མཛད་པའི་བོན་གྱི་ཆོས་ལེགས་བཤད་མཛོད། ཀུན་མཁྱེན་འཇིགས་མེད་གླིང་པས་མཛད་པའི་རྙིང་མ་རྒྱུད་འབུམ་གྱི་ཆོས་འབྱུང་། ལས་ཆེན་ཀུན་དགའ་རྒྱལ་མཚན་གྱིས་མཛད་པའི་བཀའ་གདམས་ཆོས་འབྱུང་། ས་སྐྱའི་བླ་མ་མང་པོས་མཛད་པའི་ས་སྐྱའི་ལམ་འབྲས་ཆོས་འབྱུང་། གཞན་ཡང་འབྲི་གུང་བཀའ་བརྒྱུད། ཀརྨ་བཀའ་བརྒྱུད། སྟག་ལུང་བཀའ་བརྒྱུད། འབྲུག་པ་བཀའ་བརྒྱུད། ཤངས་པ་བཀའ་བརྒྱུད། དགེ་ལུགས་པ་བཅས་སོ་སོའི་ཆོས་འབྱུང་ལོགས་སུ་ཡོད་པ་ལྟ་བུ་ཡིན། ༣ ས་གནས་སོ་སོའི་ཆོས་འབྱུང་ནི། ས་གནས་བྱེ་བྲག་པ་ཞིག་ལ་ནང་ཆོས་དར་ཚུལ་གཙོ་བོར་བཤད་པ་ཞིག་སྟེ། དཔེར་ན་ཇོ་ནང་ཏཱ་ར་ནཱ་ཐས་མཛད་པའི་རྒྱ་གར་ཆོས་འབྱུང་། གུ་ཤྲི་བློ་བཟང་ཚེ་འཕེལ་གྱིས་མཛད་པའི་ཆེན་པོ་ཧོར་གྱི་ཆོས་འབྱུང་། བྲག་སྒོམ་པ་བསྟན་པ་རབ་རྒྱས་ཀྱིས་མཛད་པའི་མདོ་སྨད་ཆོས་འབྱུང་ལྟ་བུ་དང་། གཞན་ཡང་མངའ་རིས། དྭགས་པོ། སྤོ་བོ། ཀོང་པོ། ཆབ་མདོ། ལྷོ་རོང་། འོད་ཁ། རྒྱལ་རྩེ། མི་ཉག་བཅས་ཀྱི་ཆོས་འབྱུང་ལོགས་སུ་ཡོད་པ་ལྟ་བུ་ཡིན། ༤ རིག་གནས་ཆེ་ཆུང་སོ་སོའི་ཆོས་འབྱུང་ནི། བོད་དུ་དར་རྒྱས་ཆེ་བའི་རིག་གནས་ཆེ་བ་ལྔ་དང་ཆུང་བ་ལྔ་སོ་སོའི་བྱུང་ཚུལ་གཙོ་བོར་བཤད་པའི་ཆོས་འབྱུང་ཞིག་སྟེ། དཔེར་ན་པཎ་ཆེན་བསོད་ནམས་གྲགས་པས་མཛད་པའི་འདུལ་བའི་ཆོས་འབྱུང་། ས་སྐྱའི་པཎ་ཆེན་ཤཱཀྱ་མཆོག་ལྡན་གྱིས་མཛད་པའི། དབུ་མའི་ཆོས་འབྱུང་། བོད་གྱི་སྨན་པ་མཁས་པ་མང་པོས་མཛད་པའི་གསོ་བ་རིག་པའི་ཆོས་འབྱུང་། བུ་སྟོན་རིན་པོ་ཆེ་སོགས་མཁས་པ་མང་པོས་མཛད་པའི་གསང་འདུས། བདེ་མཆོག འཇིགས་བྱེད། ཀྱཻ་རྡོར། དུས་འཁོར་སོགས་ཀྱི་ཆོས་འབྱུང་ཁག་མང་པོ་ཡོད་པ་ལྟ་བུའོ། །གས་ཀྱི་ཆོས་འབྱུང་ཁག་མང་པོ་ཡོད་པ་ལྟ་བུའོ། །)
• Dictionaries/Monlam Grand/92908  + (༡ ཉན་ཐོས་ཀྱི་རིགས་ནི། ཐོག་མ་མེད་པ་ནས་དབང་པ … ༡ ཉན་ཐོས་ཀྱི་རིགས་ནི། ཐོག་མ་མེད་པ་ནས་དབང་པོ་རྟུལ་བ་གཞན་ཞིག་གི་སློབ་མ་བྱས་ཏེ། མྱུར་དུ་མྱ་ངན་ལས་འདའ་བ་ལ་དགའ་བའི་རིགས་ཅན་རྣམས་སོ། །༢ རང་སངས་རྒྱས་ཀྱི་རིགས་ནི། རང་བཞིན་གྱིས་དབང་པོ་འབྲིང་བདག་གཅིག་པུ་ཐར་པར་འདོད་པས་དབེན་པ་ལ་དགའ་ཞིང་མྱུར་དུ་མྱ་ངན་ལས་འདའ་བར་དགའ་བའི་རིགས་ཅན་རྣམས་སོ། །༣ བྱང་ཆུབ་སེམས་དཔའི་རིགས་ནི། དབང་པོ་རྣོན་པོ་སེམས་ཅན་ཐམས་ཅད་ལ་སྙིང་རྗེ་ཆེ་བ་ཆོས་བདག་མེད་པ་དང་། འགྲོ་དོན་རྒྱ་ཆེན་པོ་དང་སངས་རྒྱས་དང་བྱང་ཆུབ་སེམས་དཔའི་སྤྱོད་པ་རླབས་པོ་ཆེ་ཐོས་པ་ལ་མི་སྐྲག་ཅིང་། ཕ་རོལ་ཏུ་ཕྱིན་པ་དྲུག་སྤྱོད་པ་ལ་སྤྲོ་བའི་རིགས་ཅན་རྣམས་སོ། ། ༤ མ་ངེས་པའི་རིགས་ནི། རྐྱེན་གང་དང་འཕྲད་པའི་ལམ་ལ་མོས་པ་སྐྱེ་བའི་རིགས་ཅན་རྣམས་ཏེ། ཉན་ཐོས་པ་དག་བཟོད་པ་ཆུང་ངུ་མན་ཆད་དུ་སྲིད་པར་འདོད་ཀྱང། ཐེག་ཆེན་པས་གཞལ་ན་དགྲ་བཅོམ་ཐོབ་ཀྱང་འགྱུར་བའི་ཕྱིར་རོ། ། ༥ རིགས་ཆད་པའི་རིགས་ནི། ཆོས་དང་ཐར་པའི་ཕན་ཡོན་འཁོར་བའི་ཉེས་དམིགས། བདེ་འགྲོའི་བསྔགས་པ། ངན་སོང་གི་སྡུག་བསྔལ་ཅི་ཐོས་ཀྱང་སེམས་མི་འགྱུར་ཞིང་ཡང་དག་པར་དགེ་བའི་བཤེས་གཉེན་དང་། རྟེན་གསུམ་ངོ་མཚར་ཅན་ལ་སོགས་པ་མཐོང་ཡང་དད་པ་ཏིལ་འབྲུ་ཙམ་མེད་པ། བསྟན་པ་ལ་འཇུག་པའི་བློ་ཙམ་མི་སྐྱེ་བའམ་སྐྱེས་ན་ཡང་འཚེ་བ་འབའ་ཞིག་གམ། འཚོ་བ་ལ་སོགས་པའི་ཕྱིར་རབ་ཏུ་བྱུང་བས། དད་པ་མེད་ཅིང་ཆོས་སྤོང་བའི་ལས་བསོག་པ། སློབ་པ་དང་པོ་ནས་ལེན། སེམས་རྣལ་མ་མེད་པས་མ་ཆགས་པའམ། ཆགས་ནའང་རལ་བས་ཆ་ལུགས་ཙམ་དུ་གྱུར་པ་ནི། ལོག་སྲེད་ཅན་གཏམ་ཡོངས་སུ་མྱ་ངན་ལས་མི་འདའ་བའི་ཆོས་ཅན་ཞེས་འདོད་དེ་ཀུན་ལས་བཏུས་ལས། ཀུན་ནས་ཉོན་མོངས་པ་དང་གཏན་དུ་ལྡན་པ་ནི་ཡོངས་སུ་མྱ་ངན་ལས་མི་འདའ་བའི་ཆོས་ཅན། འདོད་ཆེན་པ་རྣམས་ཀྱི་ཡིན་པར་ལྟ་སྟེ། དེ་དག་ལ་ཐར་པ་རྒྱུ་མེད་པའི་ཕྱིར། གཏན་དུ་རྒྱུ་དང་མི་ལྡན་པའི་ཕྱིར་རོ། །ཞེས་གསུངས་སོ། །ྱུ་དང་མི་ལྡན་པའི་ཕྱིར་རོ། །ཞེས་གསུངས་སོ། །)
• Dictionaries/Monlam Grand/95934  + (༡ ཉལ་བ་ལ་སོགས་པ་ལུས་ཀྱི་གནས་ངན་ལེན། ༢ རྩེད་མོ། ༣ ཀྱལ་ཀ། ༤ ཞེ་སྡང་བའི་བརྒལ་ལན། ༥ ཅ་ཅོ། ༦ ཧ་ཅང་རྟོག་གེ་ལ་དགའ་བས་གཏན་ཚིགས་དང་འགྱུར་གྱི་རྣམ་གཞག་ཐལ་བ། ༧ མན་ངག་མེད་པ། ༨ རྫུན་གྱི་མན་ངག ༩ མ་སྨིན་པའི་སྐྱེ་བོས་ཐོས་པ། ༡༠ འགྲན་པ། ༡༡ རྙེད་པའི་སེམས་བཅས་སོ། །)
• Dictionaries/Monlam Grand/50802  + (༡ ཉལ་བའི་རྣལ་འབྱོར། ༢ ལྡང་བའི་རྣལ་འབྱོར། ༣ … ༡ ཉལ་བའི་རྣལ་འབྱོར། ༢ ལྡང་བའི་རྣལ་འབྱོར། ༣ བདུད་རྩི་མྱང་བའི་རྣལ་འབྱོར། ༤ ཚད་མེད་སོགས་ཀྱི་རྣལ་འབྱོར། ༥ བླ་མའི་རྣལ་འབྱོར། ༦ བདག་ཉིད་ལྷར་སྐྱེས་པའི་རྣལ་འབྱོར། ༧ འགྲོ་བ་དག་པའི་རྣལ་འབྱོར། ༨ དཔའ་བོ་དཔའ་མོས་བྱིན་གྱིས་བརླབས་པའི་རྣལ་འབྱོར། ༩ བཟླས་པའི་རྣལ་འབྱོར། ༡༠ བསམ་མི་ཁྱབ་ཀྱི་རྣལ་འབྱོར། ༡༡ སྤྱོད་ལམ་གྱི་རྣལ་འབྱོར་བཅས་སོ། །འབྱོར། ༡༡ སྤྱོད་ལམ་གྱི་རྣལ་འབྱོར་བཅས་སོ། །)
• Dictionaries/Monlam Grand/61611  + (༡ ཐབས་ལམ་བདེ་དྲོད་རང་འབར་ནི། འདི་ལ་སྔོན་འག … ༡ ཐབས་ལམ་བདེ་དྲོད་རང་འབར་ནི། འདི་ལ་སྔོན་འགྲོ་དང་དངོས་གཞི་རྗེས་གསུམ་ཡོད། སྤྱིར་གཏུམ་མོ་ནི་རང་ཉིད་ལྷ་སྐུར་གསལ་བའི་ལུས་ནང་ལ་སེམས་གཏད་པས་ནང་ཤ་ཁྲག་རུས་གསུམ་སོགས་གང་ཡང་མེད་པ་སྟོང་སང་ངེ་བ་དེ་ལྟེ་བའི་རྩ་འཁོར་ལ་གནད་དུ་སྣུན་པས་བདེ་དྲོད་ཡེ་ཤེས་རྒྱུད་ལ་འདྲེན་པར་བྱེད་པའི་ཤེས་རབ་ཡེ་ཤེས་ཨ་ཐུང་མེ་ཡི་རྣམ་པ་ཅན་ཞིག་སྟེ། ངོ་བོ་ཐིག་ལེ། རྣམ་པ་མེ། ཁ་དོག་དམར་བ། རིག་བྱ་ཚ་བ་སྟེ་མཚན་ཉིད་བཞི་དང་ལྡན་པའི་སྤང་བྱ་སྤོང་བ་དང་གཉེན་པོ་གཉུག་མ་ལྷན་ཅིག་སྐྱེས་པའི་ཡེ་ཤེས་རྒྱུད་ལ་སྐྱེད་པའི་ཐབས་ལམ་ཁྱད་པར་བ་ཞིག་ལ་ཟེར། ། ༢ སྒྱུ་ལུས་ཆགས་སྡང་རང་གྲོལ། སྒྱུ་ལུས་ཆགས་སྡང་རང་གྲོལ་ནི་སྣང་སྲིད་སྣོད་བཅུད་ཀྱི་ཆོས་ཐམས་ཅད་སྒྱུ་མའི་དཔེ་བརྒྱད་སོགས་ཀྱི་དག་དང་མ་དག་པའི་ཆོས་སྒྱུ་མར་སྦྱངས་ནས་ཆགས་སྡང་རང་སར་གྲོལ་བར་བྱེད་པའི་མན་ངག་སྤང་བྱ་སྤོང་བར་བྱེད་པ་དང་གཉེན་པོ་ཡེ་ཤེས་རྒྱུད་ལ་སྐྱེ་བའི་ཐབས་ལམ་ཁྱད་པར་ཅན་ཞིག་ལ་ཟེར། དེ་ལ་དབང་པོ་རབ་བླ་མ་དམ་པ་གྲོགས་སུ་བསྟེན་པ། འབྲིང་ཚིག་གཞན་གྱིས་བར་མ་ཆོད་པར་འཁྲིད་པ། ཐ་མ་གནས་མལ་གཅིག་ཏུ་ཏིང་ངེ་འཛིན་བསྐྱེད་པ་ཞིག་དགོས། ༣ རྨི་ལམ་ཉིན་འཁྲུལ་རང་དག། དུས་གནད་གཉིད་ཀྱི་དུས་སུ། ཡུལ་གནད་མགྲིན་པའི་རྩ་འཁོར་ལ་དམིགས་ནས་ཉིན་འཁྲུལ་རྨི་ལམ་སྤྲུལ་སྦྱངས་སྒྱུར་གསུམ་སོགས་ལ་བརྟེན་ནས་རྨི་ལམ་གྱི་སྣང་བ་བདེན་མེད་སྒྱུ་མར་སྦྱངས་ནས་འོད་གསལ་ཟུང་འཇུག་ཏུ་འཕོ་བའི་གདམས་ངག་ཞིག་ལ་ཟེར། ༤ འོད་གསལ་གཏི་མུག་རང་སངས། འོད་གསལ་གཏི་མུག་རང་སངས་ནི་དུས་གནད་གཉིད་དང་ཉིན་པར་གཉིས་ཀར། ཡུལ་གནད་སྙིང་ཀ་ཆོས་ཀྱི་འཁོར་ལོའི་རྩ་འཁོར་ལ་དམིགས་ནས་ཉིན་པར་སྣང་བ་ཐམས་ཅད་སེམས་ཀྱི་ཆོ་འཕྲུལ་སྣང་ལ་རང་བཞིན་མེད་པ་གསལ་སྟོང་ཟུང་འཇུག་འོད་གསལ་ཕྱག་རྒྱ་ཆེན་པོའི་ངང་ལ་མཉམ་པར་འཇོག་ཅིང་མཚན་མོར་གཉིད་མཐུག་བདེ་སྟོང་དང་གསལ་སྟོང་འདྲེས་མའི་ངང་ལ་མཉམ་པར་འཇོག་པའི་གདམས་ངག་ཁྱད་པར་ཅན་ཞིག་ལ་ཟེར། ༥ འཕོ་བ་མ་སྒོམ་སངས་རྒྱས་ནི། རབ་འོད་གསལ་ལ་འཕོ་བ། འབྲིང་སྒྱུ་ལུས་ལ་འཕོ་བ། ཐ་མ་ལྷ་སྐུ་ལ་འཕོ་བ་སྟེ་དུས་ཡུན་རིང་པོར་སྒོམ་མི་དགོས་པའི་འཕོ་བའི་ཐབས་ལམ་ཁྱད་པར་ཅན་ལ་བརྟེན་ནས་མྱུར་བར་ཡེ་ཤེས་འཆར་ཐུབ་པའི་ལམ་ཁྱད་པར་ཅན་ཞིག་ལ་ཟེར། ༦ བར་དོ་རྒྱལ་བ་ལོངས་སྐུ། བར་དོ་རྒྱལ་བ་ལོངས་སྐུ་ནི་འཆི་བ་ཆོས་སྐུ་ལམ་ཁྱེར། བར་དོ་ལོངས་སྐུ་ལམ་ཁྱེར། སྐྱེ་བ་སྤྲུལ་སྐུ་ལམ་ཁྱེར་ཏེ་ལམ་ཁྱེར་གསུམ་ལ་བརྟེན་ནས། རབ་འཆི་བ་འོད་གསལ་ངོས་ཟིན་པ། འབྲིང་བར་དོ་སྒྱུ་ལུས་ལྷ་སྐུ་རུ་རྩལ་སྦྱངས་བ། ཐ་མ་མངལ་གྱི་སྒོ་འགག་ཅིང་འོད་གསལ་ཟུང་འཇུག་ཕྱག་རྒྱ་ཆེན་པོའི་རྟོགས་པ་མངོན་དུ་འགྱུར་བར་བྱེད་པའི་མན་ངག་ཁྱད་པར་ཅན་ཞིག་ཡིན།འགྱུར་བར་བྱེད་པའི་མན་ངག་ཁྱད་པར་ཅན་ཞིག་ཡིན།)
• Dictionaries/Monlam Grand/51004  + (༡ ཐེག་པ་ཆེ་ཆུང་གི་རིགས་ཐ་དད་པ་གང་དང་གང་ཡིན … ༡ ཐེག་པ་ཆེ་ཆུང་གི་རིགས་ཐ་དད་པ་གང་དང་གང་ཡིན་པ་ཐུགས་སུ་ཆུད་པ་ནི་ཁམས་མཁྱེན་པ། ༢ སེམས་ཅན་དབང་པོ་རྣོན་པོ་དང་། དབང་པོ་རྟུལ་པོ་དང་། དབང་པོ་འབྲིང་པོ་དག་གི་བྱེ་བྲག་ཐུགས་སུ་ཆུད་པ་ནི་རང་བཞིན་མཁྱེན་པའོ། ། ༣ སྦྱིན་པ་ལ་སོགས་པ་ཕ་རོལ་ཏུ་ཕྱིན་པ་དྲུག་དང་། བཅུ་དག་ལ་སོགས་པ་གང་དང་གང་དག་ལ་དགའ་བ་ཐུགས་སུ་ཆུད་པ་ནི་བསམ་པ་མཁྱེན་པའོ། ། ༤ འདོད་ཆགས་དང་ཞེ་སྡང་ལ་སོགས་པའི་ཤས་ཆེ་ཆུང་ཅི་ཡོད་པ་ཐུགས་སུ་ཆུད་པ་ནི་བག་ལ་ཉལ་མཁྱེན་པའོ། །ོད་པ་ཐུགས་སུ་ཆུད་པ་ནི་བག་ལ་ཉལ་མཁྱེན་པའོ། །)
• Dictionaries/Monlam Grand/68856  + (༡ ཐོག་མར་སྨིན་ལམ་དབང་། ༢ གྲོལ་ལམ་ལ་རིམ་གྱི … ༡ ཐོག་མར་སྨིན་ལམ་དབང་། ༢ གྲོལ་ལམ་ལ་རིམ་གྱིས་པའི་བསྐྱེད་རིམ། ༣ གཏུམ་མོ་ལམ་གྱི་དངོས་གཞི། ༤ ཅིག་ཅར་བས་འོད་གསལ། ༥ རང་རིག་ལྷག་པར་གནས་པ་གྲོང་འཇུག། ༦ འཕོ་བ། ༧ རྨི་ལམ། ༨ བར་དོ་རྣམས་ཆ་ལག་སྟེ། ༩ དེ་རྣམས་བསྒོམ་པས་གནས་སྐབས་ཀྱི་འབྲས་བུ་རྟགས་ལྔ། ཡོན་ཏན་བརྒྱད། གྲུབ་ཆེན་བརྒྱད། འཕྲིན་ལས་རྣམ་བཞི་སོགས་ཐུན་མོང་གི་དངོས་གྲུབ། ༡༠ རང་དོན་ཆོས་སྐུ་དང་། གཞན་དོན་གཟུགས་སྐུ་གཉིས་འགྲུབ་པ་མཐར་ཐུག་གི་འབྲས་བུ་ཞེས་གསུངས་སོ། །འགྲུབ་པ་མཐར་ཐུག་གི་འབྲས་བུ་ཞེས་གསུངས་སོ། །)
• Dictionaries/Monlam Grand/89907  + (༡ ཐོས་པ་ཚོལ་བས་མི་ངོམས་པས་མང་དུ་ཐོས་པ། ༢ ཚ … ༡ ཐོས་པ་ཚོལ་བས་མི་ངོམས་པས་མང་དུ་ཐོས་པ། ༢ ཚུལ་བཞིན་ཡིད་ལ་བྱེད་པས་ཆོས་རྣམས་ལ་དཔྱོད་པའི་ཤེས་པ་ལ་མཁས་པ། ༣ བྱང་ཆུབ་མངོན་སུམ་དུ་བྱེད་པའི་བདག་ཉིད་ཆོས་སྒྲུབ་པ་ཤེས་པ། ༤ ཕུང་པོ་ལ་མཁས་པ་ལ་འཇུག་པས་རྣམ་པར་གྲོལ་བ་ཤེས་པ་དང༌། ༥ ཆོས་ཀྱི་དབྱིངས་ལ་མཁས་པའི་ཤེས་པ། ༦ སྐྱེ་མཆེད་ལ་མཁས་པའི་ཤེས་པ། ༧ རྒྱུ་དང་བྱ་བ་ཁོང་དུ་ཆུད་པས་སྟོང་པའི་རྣམ་པར་རྟེན་ཅིང་འབྲེལ་བར་འབྱུང་བ་ལ་མཁས་པ། ༨ བདེན་པ་ལ་མཁས་པའི་ཤེས་པ། ༩ དེར་མི་ལྟུང་བར་སྐྱོན་མེད་པ་ལ་འཇུག་པ་ཤེས་པ། ༡༠ བསམ་བཞིན་དུ་སྐྱེ་བས་སྐྱེ་བ་ལ་སོ་སོར་མི་རྟོག་པའི་ཤེས་པ། ༡༡ གཟོད་མ་ནས་རྣམ་པར་དག་པས་ཆོས་ཐམས་ཅད་མི་སྐྱེ་བར་ཤེས་པ། ༡༢ ཕྱིན་ཅི་ལོག་ཏུ་གྱུར་པ་ཡོངས་སུ་སྨིན་པར་བྱེད་པས་སེམས་ཅན་ཐམས་ཅད་བདག་མེད་པར་ཤེས་པ་དང༌། ༡༣ འདོད་ཆགས་དང་བྲལ་བའི་མཐའི་ཕྱིར་ཆོས་ཐམས་ཅད་ཆོས་གཅིག་ཏུ་ཤེས་པ། ༡༤ ནམ་མཁའ་དང་མཚུངས་པའི་ཕྱིར་ཞིང་ཐམས་ཅད་ཞིང་གཅིག་ཏུ་ཤེས་པ། ༡༤ ཆོས་ཀྱི་དབྱིངས་བསམ་གྱིས་མི་ཁྱབ་པ་ལ་ཞུགས་པས་སངས་རྒྱས་ཐམས་ཅད་སངས་རྒྱས་གཅིག་ཏུ་ཤེས་པ། ༡༦ ཡི་གེ་ཤེས་པ་ལ་མཁས་པས་ཆོས་ཀྱི་ཚིག་རབ་ཏུ་དབྱེ་བ་བསྟན་པ་ཤེས་པ། ༡༧ ལེགས་པར་བཤད་པས་སེམས་ཅན་ཐམས་ཅད་ཚིམ་པར་བྱེད་པའི་ཕྱིར་ཆགས་པ་མེད་པའི་སྤོབས་པས་ཆོས་རྒྱ་ཆེར་ཤེས་པ། ༡༨ ཐོས་པ་ཐམས་ཅད་འཛིན་པས་གཟུངས་བརྗེད་པ་མེད་པའི་ཤེས་པ། ༡༩ བདུད་དེ་དག་བྱང་ཆུབ་ཏུ་ཡོངས་སུ་སྨིན་པར་བྱེད་པས་བདུད་ཀྱི་ལས་ཐམས་ཅད་ཁོང་དུ་ཆུད་པའི་ཤེས་པ། ༢༠ རྣམ་པར་བསྒྲུབས་ཏེ་སོ་སོར་ཉེ་བར་གནས་པར་ཤེས་པས་ཆོས་ཐམས་ཅད་སྒྱུ་མ་ལྟ་བུར་རྟོག་པའི་ཤེས་པ། ༢༡ ཤིན་ཏུ་ཡོངས་སུ་གྲུབ་པ་མེད་པའི་ཚུལ་གྱིས་ཆོས་ཐམས་ཅད་རྨི་ལམ་དང༌། སྨིག་རྒྱུ་དང༌། ཆུ་ཟླ་དང༌། མིག་ཡོར་དང༌། བྲག་ཅ་ལྟ་བུའི་ཚུལ་དུ་སྟོན་པ་ཤེས་པ། ༢༢ ཤེས་པ་རྣམ་པར་དག་པའི་ཕྱིར་སེམས་ཅན་གྱི་སེམས་ཀྱི་སྤྱོད་པ་ཐམས་ཅད་ཁོང་དུ་ཆུད་པའི་ཤེས་པ། ༢༣ ཤིན་ཏུ་བསླབ་པའི་ཕྱིར་འཁོར་བ་དང་མྱ་ངན་ལས་འདས་པ་བརྟགས་པར་ཤེས་པའི་ཐབས་ལ་མཁས་པ། ༢༤ རྣམ་པར་ཐར་པའི་སྒོའི་ཕྱིར་སྟོང་པ་ཉིད་དང༌། མཚན་མ་མེད་པ་དང༌། སྨོན་པ་མེད་པའི་རྣམ་པའི་ཆོས་ཤེས་པ། ༢༥ གཟོད་མ་ནས་བྲལ་བ་མེད་པའི་ཕྱིར་ཆོས་ཐམས་ཅད་རང་བཞིན་གྱིས་ཞི་བ་དང༌། རབ་ཏུ་ཞི་བ་དང༌། ཉེ་བར་ཞི་བར་ཤེས་པ། ༢༦ མ་རིག་པ་དང༌། གཏི་མུག་གི་མུན་པ་ཀུན་ཏུ་བཅོམ་པའི་ཕྱིར་ཆོས་ཐམས་ཅད་ལ་རབ་རིབ་མེད་ཅིང་སྣང་བ་ཐོབ་པ། ༢༧ ཆོས་ཐམས་ཅད་གར་ཡང་མི་འགྲོ། གང་ནས་ཀྱང་མི་འོང་བར་ཤེས་པས་ཤེས་རབ་ཀྱི་འོད་དང་ལྡན་ཞིང་སེམས་ཅན་ཐམས་ཅད་ལ་རྣམ་པར་ཐར་པའི་ཆོས་སྟོན་པ། ༢༨ ལས་དང་བྱ་བ་ཁོང་དུ་ཆུད་པས་སེམས་ཅན་རྣམས་ཀྱི་འཆི་འཕོ་དང་འགྲོ་བར་སྐྱེ་བ་སྟོན་པ། ༢༩ དོན་དང༌། ཆོས་དང༌། ངེས་པའི་ཚིག་དང༌། སྤོབས་པའི་ཚུལ་ལ་མཁས་ཏེ་ཁྱད་པར་དེ་ཁོ་ནའི་ལུང་སྟོན་པས་སོ་སོ་ཡང་དག་པར་རིག་པ་བཞི་ཐོབ་པ། ༣༠ བདག་དུལ་བ་དང༌། ཞི་བ་དང༌། གྲོལ་བ་དང༌། སྦས་པ་དང༌། བྱང་བས་ཡོངས་སུ་མྱ་ངན་ལས་བཟླ་བའི་ཕྱིར་དོན་ཡོད་པའི་ཆོས་སྟོན་པ། ༣༡ དམ་པའི་ཆོས་ཡོངས་སུ་འཛིན་པས་སངས་རྒྱས་བཅོམ་ལྡན་འདས་རྣམས་ཀྱིས་དེ་ཤེས་རབ་ལས་ངེས་པར་འབྱུང་བར་རིག་ནས་ཆོས་ཀྱི་གྲོང་ཁྱེར་ཐམས་ཅད་ཡོངས་སུ་སྐྱོང་བར་བྱིན་གྱིས་རློབ་པ། ༣༢ ཕྱིར་མི་ལྡོག་པའི་བྱང་ཆུབ་སེམས་དཔའི་ས་ལ་ཡང་དག་པར་གཞོལ་ཏེ་མཐའ་ལ་གནས་པའི་ཚུལ་ངེས་པར་བྱས་པས་ལུང་བསྟན་པའི་ས་རབ་ཏུ་ཐོབ་པ་ཡིན་ཏེ། མི་འམ་ཅིའི་བདག་པོ། །རྣམ་པ་སུམ་ཅུ་རྩ་གཉིས་པོ་འདི་དག་གིས་བྱང་ཆུབ་སེམས་དཔའི་ཤེས་རབ་ཀྱི་ཕ་རོལ་ཏུ་ཕྱིན་པ་ཡོངས་སུ་དག་པ་ཡིན་ནོ། །ཀྱི་ཕ་རོལ་ཏུ་ཕྱིན་པ་ཡོངས་སུ་དག་པ་ཡིན་ནོ། །)