Search by property

This page provides a simple browsing interface for finding entities described by a property and a named value. Other available search interfaces include the page property search, and the ask query builder.

List of results

Dictionaries/sngas rgyas chos gzhung tshig mdzod/3822 + (སངས་རྒྱས་ཤཱཀྱ་ཐུབ་པའི་ཐུགས་ཀྱི་སྲས། བྱང་ཆུབ་སེམས་དཔའི་འཁོར་གྱི་གཙོ་བོའོ།)
Dictionaries/sngas rgyas chos gzhung tshig mdzod/4092 + (སི་ཁྲོན་ཞིང་ཆེན་ཁོངས་དཀར་མཛེས་བོད་རིགས་རང་སྐྱོང་ཁུལ་གྱི་སྡེ་དགེ་རྫོང་དུ་ཡོད།)
Dictionaries/bod rgya nang don rig pai tshig mdzod/3245 + (སི་ཁྲོན་ཞིང་ཆེན་ཁོངས་དཀར་མཛེས་བོད་རིགས་རང་སྐྱོང་ཁུལ་གྱི་སྡེ་དགེ་རྫོང་དུ་ཡོད།)
Dictionaries/bod rgya nang don rig pai tshig mdzod/6819 + (སི་ཁྲོན་ཞིང་ཆེན་ཁོངས་ཛམ་ཐང་རྫོང་གི་ཇོ་ནང་དགོན་ཆེན་གཉིས་ཀྱི་ཡ་གྱལ་ཞིག ཐོག་མར་ཏཱ་ར་ན་ཐའི་དངོས་སློབ་ཆ་ལུང་བ་ངག་དབང་ཕྲིན་ལས་ཚ་བོ་ངག་དབང་བསྟན་འཛིན་རྣམ་རྒྱལ་གྱིས་གཟིམ་ཁང་བརྩིགས་ཤིང་རྗེས་སུ་རིམ་གྱིས་དགོན་པ་ཆགས་པ་ཞིག་གོ།)
Dictionaries/bod rgya nang don rig pai tshig mdzod/6818 + (སི་ཁྲོན་ཞིང་ཆེན་ཁོངས་ཛམ་ཐང་རྫོང་གི་ཇོ་ནང་དགོན་ཆེན་གཉིས་ཀྱི་ཡ་གྱལ། ཇོ་ནང་དྲུང་བཀའ་བཞི་རིན་ཆེན་དཔལ་གྱིས་བཏབ་པ་ཞིག)
Dictionaries/bod rgya nang don rig pai tshig mdzod/5222 + (སི་ཁྲོན་ཞིང་ཆེན་ཁོངས་རྔ་བ་རྫོང་གི་བོན་དགོན་ཆེ་གྲས་ཤིག)
Dictionaries/bod rgya nang don rig pai tshig mdzod/8697 + (སི་ཁྲོན་ཞིང་ཆེན་གྱི་ཆུ་ཆེན་རྫོང་གི་ཁོངས་སུ་ཡོད་ཅིང་། སྔར་བོན་དགོན་ཡིན་ལ། ཆན་ལུང་སྐབས་དགེ་ལུགས་པར་བསྒྱུར་པའི་རྒྱལ་རོང་གི་དགོན་ཆེན་ཞིག)
Dictionaries/bod rgya nang don rig pai tshig mdzod/11 + (སི་ཁྲོན་ཞིང་ཆེན་གྱི་དཀར་མཛེས་བོད་རིགས་རང་སྐྱོང་ཁུལ་དཔལ་ཡུལ་རྫོང་ཁོངས་ཀྱི་དགོན་པ་ཞིག་སྟེ་དུས་རབས་བཅུ་གཉིས་པར་ཕག་མོ་གྲུ་པའི་གཅུང་པོ་ཀ་དམ་པ་བདེ་གཤེགས་ཀྱིས་བཏབ་པ།)
Dictionaries/sngas rgyas chos gzhung tshig mdzod/8667 + (སི་ཁྲོན་ཞིང་ཆེན་ཟུང་ཆུ་རྫོང་གི་ཁོངས་གཏོགས་། རྗེ་ཙོང་ཁ་པའི་སློབ་མ་སྔ་ཚལ་བཞིའི་ཡ་གྱལ་ཚ་ཁོ་ངག་དབང་གྲགས་པས་དགོན་བརྒྱ་རྩ་བརྒྱད་བཏབ་པའི་ནང་གསེས་ཀྱི་དགོན་ཆེན་ཞིག)
Dictionaries/bod rgya nang don rig pai tshig mdzod/6433 + (སི་ཁྲོན་ཞིང་ཆེན་ཟུང་ཆུ་རྫོང་གི་ཁོངས་གཏོགས། རྗེ་ཙོང་ཁ་པའི་སློབ་མ་སྔ་ཚལ་བཞིའི་ཡ་གྱལ་ཚ་ཁོ་ངག་དབང་གྲགས་པས་དགོན་བརྒྱ་རྩ་བརྒྱད་བཏབ་པའི་ནང་གསེས་ཀྱི་དགོན་ཆེན་ཞིག)
Dictionaries/bod rgya nang don rig pai tshig mdzod/3944 + (སི་ཁྲོན་ཞིང་ཆེན་འབར་ཁམས་རྫོང་གི་ཁོངས། རྗེ་ཙོང་ཁ་པའི་སློབ་མ་ཚ་ཁོ་ངག་དབང་གྲགས་པས་དགོན་པ་བརྒྱ་དང་བརྒྱད་བཏབ་པའི་ཐ་མ་འདི་ཡིན་པས། དགོན་བརྒྱ་རྩ་བརྒྱད་ད་ཚང་སོང་གསུངས་ནས་ད་ཚང་དུ་མིང་ཆགས།)
Dictionaries/Brda dkrol gser gyi me long/6902 + (སེམས་སྡུག་གམ་ཡིད་མི་བདེ་བའི་མིང་སྟེ། 《མངོ … སེམས་སྡུག་གམ་ཡིད་མི་བདེ་བའི་མིང་སྟེ། 《མངོན་བརྗོད་མཁས་པའི་མགུལ་རྒྱན》ལས། སེམས་སྡུག་སེམས་གཡེངས་སེམས་ཁོང་ཆུད། ། ཡིད་གདུངས་མྱ་ངན་གདུང་བའོ། ། ཞེས་དང་། 《བརྡ་ཡིག་བློ་གསལ་མགྲིན་རྒྱན》ལས། སེམས་ཁོང་དུ་ཆུད་པ་ནི་ཡིད་མི་བདེ་བ་དང་ཐབས་ཟད་པ། ཞེས་གསུངས། དཔེར་ན། 《འདུལ་བ་ལུང་གཞི》ལས། ཁྱིམ་བདག་ཁྱོད་ཅིའི་ཕྱིར་ལག་པ་འགྲམ་པ་ལ་གཏད་དེ་སེམས་ཁོང་དུ་ཆུད་ཅིང་འདུག ཅེས་པ་ལྟ་བུའོ། ། འདི་ལ་སེམས་ཁོངས་སུ་ཆུད་པ་བྲིས་པའང་སྣང་སྟེ། 《མཛངས་བླུན་ཞེས་བྱ་བའི་མདོ》ལས། རྒྱལ་པོ་དེ་མི་དགའ་ཞིང་། སེམས་ཁོངས་སུ་ཆུད་པ་མཐོང་ནས། རྒྱལ་པོ་དེའི་གམ་དུ་སོང་སྟེ། རྒྱལ་པོ་ཁྱོད་ནི་ཅིའི་ཕྱིར་འདི་ལྟར་ཡི་མུག་ཅིང་མི་དགའ་ཞེས་དྲིས་པ་དང་། ཞེས་པ་ལྟ་བུའོ། །ང་མི་དགའ་ཞེས་དྲིས་པ་དང་། ཞེས་པ་ལྟ་བུའོ། །)
Dictionaries/sngas rgyas chos gzhung tshig mdzod/1944 + (སྔར་གྲྭ་ཁོངས་སུ་འཇུག་པའི་བཙུན་ཁྲལ་ལ་ཟེར། ཚིག་འདི་གསར་དུ་བཅོས་པ་ཡིན།)
Dictionaries/bod rgya nang don rig pai tshig mdzod/1129 + (སྔར་གྲྭ་ཁོངས་སུ་འཇུག་པའི་བཙུན་ཁྲལ།)
Dictionaries/bod rgya nang don rig pai tshig mdzod/7373 + (སྔར་ཆོས་རྒྱལ་སྲོང་བཙན་སྒམ་པོའི་སྐུ་དུས་རྒྱ་ཕྱོགས་སུ་སྒོ་མིག་བསྟན་ཏེ་ལྷ་ཁང་བརྒྱ་རྩ་བརྒྱད་ཕྱག་བཏབ་པའི་མཐའ་མ་མདོ་སྨད་མི་ཉག་ས་ཁུལ་དུ་ཡོད་པའི་ལྷ་ཁང་ཞིག་སྟེ། ད་ལྟ་མི་ཉག་ལྷ་སྒང་དགོན་པ་ཞེས་སུ་འབོད་པ་དར་མདོ་རྫོང་ཁོངས་སུ་ཡོད།)
Dictionaries/sngas rgyas chos gzhung tshig mdzod/10245 + (སྔར་ཆོས་རྒྱལ་སྲོང་བཙན་སྒམ་པོའི་སྐུ་དུས་རྒྱ་ཕྱོགས་སུ་སྒོ་མིག་བསྟན་ཏེ་ལྷ་ཁང་བརྒྱ་རྩ་བརྒྱད་ཕྱག་བཏབ་པའི་མཐའ་མ་མདོ་སྨད་མི་ཉག་ས་ཁུལ་དུ་ཡོད་པའི་ལྷ་ཁང་ཞིག་སྟེ། ད་ལྟ་མི་ཉག་ལྷ་སྒང་དགོན་པ་ཞེས་སུ་འབོད་པ་དར་མདོ་རྫོང་ཁོངས་སུ་ཡོད།)
Dictionaries/bod rgya nang don rig pai tshig mdzod/8708 + (སྔར་དགོན་པ་ཁག་གི་ཁོངས་སུ་གཏོགས་པའི་སྡེ་འབངས།)
Dictionaries/bod rgya nang don rig pai tshig mdzod/5799 + (སྔར་བོད་ཀྱི་ཡུལ་དུ་དར་བའི་ཆོས་ལུགས་ཤིག་སྟེ … སྔར་བོད་ཀྱི་ཡུལ་དུ་དར་བའི་ཆོས་ལུགས་ཤིག་སྟེ། སྟོན་པ་གཤེན་རབ་ཀྱིས་སྲོལ་བཏོད། ཆོས་ལུགས་དེ་དར་ཆེ་བའི་སྐབས་སུ་བརྡོལ་བོན་དང་། འཁྱར་བོན། བསྒྱུར་བོན་གསུམ་དུ་ཕྱེ་ཞིང་། སྔ་དུས་སུ་ཆོས་སྤྱོད་གཙོ་བོ་ལྷ་འདྲེ་ལ་གསོལ་མཆོད་དང་། གདོན་སྲི་གནོན་པ་སོགས་ཀྱི་སྒོ་ནས་གཤིན་གསོན་རྣམས་ཀྱི་རྐྱེན་སེལ་ཁོ་ན་སྒྲུབ་པ་དང་། བོད་རྒྱལ་པུ་དེ་གུང་རྒྱལ་སྐབས་ནས་བཟུང་རྒྱལ་སྲིད་ཀྱི་འདུན་མའི་གྲོས་ཁོངས་ལ་དངོས་སུ་ཚུད་ནས་རྒྱལ་སྲིད་སྐྱོང་རོགས་བྱས། ཕྱིས་སུ་ཆོས་ལུགས་འདིར་ལྟ་སྤྱོད་སྒོམ་གསུམ་སངས་རྒྱས་ཀྱི་ཆོས་ལུགས་དང་འདྲ་བའི་རིག་གཞུང་མང་པོ་ཐོན། དེ་ནས་ཡང་དུ་ཅུང་ཟད་ཉམས་དམས་སུ་སོང་བའོ།།ན། དེ་ནས་ཡང་དུ་ཅུང་ཟད་ཉམས་དམས་སུ་སོང་བའོ།།)
Dictionaries/Bod rgya shen sjar gyi shes jai rnam drangs kun btus tshig mdzod/1182 + (སྔར་བོད་རྒྱལ་ཉེར་བཞི་པ་ཏོ་རེ་ལོང་བཙན་དང་། ཉེར་ལྔ་པ་ཁྲི་བཙན་ནམ། ཉེར་དྲུག་པ་ཁྲི་སྒྲ་དཔུང་བཙན། ཉེར་བདུན་པ་ཐོག་རྗེ་ཐོག་བཙན། ཉེར་བརྒྱད་པ་ཐོ་ཐོ་རི་གཉན་བཙན་ཏེ་རྒྱལ་རབས་ལྔ་བོའོ།)
Dictionaries/Bod rgya shen sjar gyi shes jai rnam drangs kun btus tshig mdzod/2152 + (སྔར་བོད་ས་གནས་སྲིད་གཞུང་སྐབས། མཚོ་སྣ་ཤན་ཁོངས་མོན་ཡུལ་གྱི་ཚོའམ་ལྡིང་སྟེ། ལེགས་པོ་ཚོ་བཞི། སྤང་ཆེན་ལྡིང་དྲུག དྭགས་པོ་ཚོ་བརྒྱད། ལ་འོག་ཡུལ་གསུམ། སྦྲང་ནང་ཚོ་དྲུག རོང་ནང་ཚོ་བཞི། ཤ་འུག་ཧྲོ་བྱང་དྭགས་བཅས་སོ་གཉིས་སོ།)
Dictionaries/bod rgya nang don rig pai tshig mdzod/4489 + (སྔར་ལྷ་ལྡན་སྨོན་ལམ་སྐབས་གདན་ས་གསུམ་གྱི་སྒྲིག་ཁོངས་ལ་དངོས་སུ་མ་འཛུལ་བའི་ཚོགས་ཁང་གི་མདོ་ན་བཞུགས་པའི་བཙུན་གྲལ།)
Dictionaries/Brda dkrol gser gyi me long/242 + (སྙིང་ཁོང་རུས་པའི་གཏིང་ནས་བཀའ་དྲིན་གཟོ་ཞིང་བྱས་པ་གཟོ་བའི་དོན་ཏེ། 《དབྱངས་ཅན་དགའ་བློའི་གསུང་འབུམ》ལས། ཁོངས་བཟོ་བ་ནི་ཁོངས་ནས་ཚུལ་དེ་སྐྱོང་བ་ལ་གཟོ་ཞིང་སྒྲིམ་པའམ་ཁོངས་དྲང་བ་དང་མཁས་པ་ལ་བྱའོ། །ཞེས་གསུངས་པ་ལྟར་རོ། །)
Dictionaries/Bod rgya shen sjar gyi shes jai rnam drangs kun btus tshig mdzod/2088 + (སྲོང་བཙན་སྒམ་པོའི་སྐབས་བོད་ཀྱི་ས་མི་དང་བཅས … སྲོང་བཙན་སྒམ་པོའི་སྐབས་བོད་ཀྱི་ས་མི་དང་བཅས་པ་བྲན་བདག་རྣམས་ལ་བགོ་བཤའ་བརྒྱབ་སྟེ་སྤྲད་པའི་མངའ་ཁོངས་ས་ཁུལ་བཅོ་བརྒྱད་ནི། 1. དབུ་རུ་ཤོད་ཆེན། 2. ཕོ་བྲང་སྟེ་ཆེ། 3. ཡར་ལུང་། 4. འཆིང་ང་། 5. བྱ་འུག 6. བྲད་དང་ཞོང་པ། 7. བྲག་རུམ་སྟོད་སྨད། 8. གཙང་སྟོད་སྨད། 9. ཀླུང་ཤོད་ནམ་པོ། 10. འཕན་ཡུལ། 11. ཉང་རོ་གྲམ་པ། 12. ཤངས་དང་གླེ་ཕྱི། 13. ཡུང་བ་ཆེ་ཆུང་། 14. ཞ་ག་སྡེ་གསུམ། 15. ནམ་ར། 16. ཆག་གོང་། 17. འདམ་ཤོད་དཀར་མོ། 18. མདོ་ཁམས། ཆག་གོང་། 17. འདམ་ཤོད་དཀར་མོ། 18. མདོ་ཁམས།)
Dictionaries/Brda dkrol gser gyi me long/7901 + (ཨ་བོ་དང་སྐྱ་བོ་ཞེས་པའི་བསྡུས་ཚིག་སྟེ།《བེའུ … ཨ་བོ་དང་སྐྱ་བོ་ཞེས་པའི་བསྡུས་ཚིག་སྟེ།《བེའུ་བུམ་སྔོན་པོའི་མིང་བརྡ་བཤད་པ》ལས། ཨ་སྐྱ་ནི་ཨ་བོ་སྐྱ་བོ་ཞེས་པ་སྟེ་མི་ནག་སྐྱ་བོའོ།། ཞེས་གསུངས། དཔེར་ན།《བེའུ་བུམ་སྔོན་པོ》ལས། ཡུང་ལུང་པའི་ཨ་སྐྱ་ཐམས་ཅད་ཀྱི་བདེ་བ་ཕྱོགས་གཅིག་ཏུ་བྱས་པ་བས། ཁམས་པ་ལུང་པའི་ཆོས་ཀྱི་བདེ་བ་ཆེ་བ་ཡིན། ཞེས་པ་ལྟ་བུའོ།།་ཆོས་ཀྱི་བདེ་བ་ཆེ་བ་ཡིན། ཞེས་པ་ལྟ་བུའོ།།)
Dictionaries/Brda dkrol gser gyi me long/358 + (（2）བག་མ་སྐྱེལ་བསུའི་མིང་སྟེ།《མ་ཎི་བཀའ་འབུམ》ལས། དེ་ནས་ཟླ་གཅིག་གི་ཁོངས་སུ་གཉའ་བོ་རྟ་པ་ལྔ་བརྒྱ་འཚོགས་སོ།། ཞེས་པ་ལྟ་བུའོ།།)

Dictionaries/Bod rgya shen sjar gyi shes jai rnam drangs kun btus tshig mdzod/1010 + (ཁལ་ཁ་ཨོ་རོད་ཟེར་བའི་ཁོངས་སུ་གཏོཊ་པའི་ཧོ་ཤོད་དང་། ཇུན་གར། ཨོལ་ལེད། ཐུ་མེད་བཅས་ཚོ་བ་བཞི་བོའོ།)

Dictionaries/Bod rgya shen sjar gyi shes jai rnam drangs kun btus tshig mdzod/1987 + (1. ཀྲོའུ་ཝུ་ཝང་། 2. ཀློའུ་ཁྲེང་ཝང་། 3. ཀྲོ … 1. ཀྲོའུ་ཝུ་ཝང་། 2. ཀློའུ་ཁྲེང་ཝང་། 3. ཀྲོའུ་ཁང་ཝང་། 4. ཀྲོའུ་ཀྲའོ་ཝང་། 5. ཀློའུ་མུའུ་ཝང་། 6. ཀློའུ་ཀུང་ཝང་། 7. ཀྲོའུ་དབྱི་ཝང་། 8. ཀྲོའུ་ཤའོ་ཝང་། 3. ཀྲོའུ་ཡི་ཝང་། 10. ཀྲོའུ་ལི་ཝང༌། 11. ཀྲོའུ་ཞོན་ཝང་། 12. ཀྲོའུ་ཡོའུ་ཝང༌། བཅས་ཀྱིས་སྤྱི་ལོའི་གོང་གི་1066-771 བར་ལོ་གྲངས་ 296རིང་སྲིད་དབང་བཟུང་། སྐབས་དེའི་ས་ཞིང་དབང་བའི་ལམ་ལུགས་ནི་སྐབས་དེའི་རྒྱལ་ཡོངས་ཀྱི་ས་ཞིང་རྣམས་བྲན་གཡོག་བདག་པོའི་རྒྱལ་པོ་ལ་དབང་བོ་དང༌། རྒྱལ་པོ་མངའ་འོག་གི་བློན་པོ་རྣམས་ལ་ས་ཞིང་བགོས་ནས་འདེབས་ལས་བྱེད་དུ་བཅུག་སྟེ། ཁོངས་གཏོགས་བློན་པོ་རྣམས་ཀྱིས་ས་ཞིང་རྣམས་རྒྱ་ཡིག་གི་ཡི་གེ་井གི་དབྱིབས་གཟུགས་ཅན་གྱི་ས་ཞིང་ཡིན་པ་དང༌། གླིང་གྲུ་བཞི་མ་རེ་རེའི་རྒྱ་ཁྱོན་ལ། དེང་སང་གི་མུའུ་གྲངས་ལྟར་རྩིས་ན་མུའུ་བརྒྱ་ཙམ་ཡོད། བྲན་གཡོག་རྣམས་ས་ཞིང་དེའི་ཐོག་ངལ་རྩོལ་བྱེད་པའི་དབང་ཆ་ཙམ་ལས་གཞན་གྱི་དབང་ཆ་གང་ཡང་མེད་ཅིང་། ཐ་ན་རང་ཉིད་ཀྱི་སྲོག་ཀྱང་བྲན་གཡོག་བདག་པོར་དབང་བ་ཡིན་པས། བྲན་གཡོག་བདག་པོས་བྲན་གཡོག་ཉེས་མེད་དུ་བསད་པའོ། བྲན་གཡོག་བདག་པོས་གཞན་དག་ལ་བཙོངས་པ་སོགས་གང་བྱས་ཀྱང་ཆོག་པ་ཡིན་པས་གཉའ་གནོན་བཤུ་གཞོག་གི་གདུག་རྩུབ་ཧ་ཅང་ཆེ་བ་ཡོད།་གནོན་བཤུ་གཞོག་གི་གདུག་རྩུབ་ཧ་ཅང་ཆེ་བ་ཡོད།)
Dictionaries/chos rnam kun btus/9383 + (1.ཀླུ་མེས་ཤེས་རབ། 2. འབྲིང་ཡེ་ཤེས། 3. རག … 1.ཀླུ་མེས་ཤེས་རབ། 2. འབྲིང་ཡེ་ཤེས། 3. རག་ཤི་ཚུལ་ཁྲིམས་འབྱུང་གནས།4. རྦ་ཚུལ་ཁྲིམས་བློ་གྲོས། 5. སུམ་པ་ཡེ་ཤེས་བློ་གྲོས་བཅས་དབུས་པ་མི་ལྔ། 6. ལོ་སྟོན་རྡོ་རྗེ་དབང་ཕྱུག 7. ཚོང་བཙུན་ཤེས་རབ་སེང་གེ །8. བོ་དོང་པ་ཨུ་པ་དེ་ཀར་བཅས་གཙང་པ་མི་གསུམ།9. 10.མངའ་རིས་པ་འོ་བརྒྱད་སྤུན་གཉིས་བཅས་སོ། །(སྐབས་འདིར་ཤེས་བྱ་ཀུན་ཁྱབ་ནང་དབུས་ནས་ཀླུ་མེས་ཚུལ་ཁྲིམས་ཤེས་རབ་སོགས་ལྔ། གཙང་ནས་ལོ་སྟོན་རྡོ་རྗེ་དབང་ཕྱུག་སོགས་ལྔ་ཞེས་སོགས་སྒྲའི་ཁོངས་སུ་བསྡུ་བ་མཛད་པ་འདིར་ཞིབ་ཆ་ཡོང་ཆེད་ཡོངས་གྲགས་ལྟར་ཁ་སྐོང་བྱས་པ་ལགས་སོ། །)་ཆེད་ཡོངས་གྲགས་ལྟར་ཁ་སྐོང་བྱས་པ་ལགས་སོ། །))
Dictionaries/chos rnam kun btus/925 + (1.གག་ལྷོག་དཀར་པོ། 2.གག་ལྷོག་ནག་པོ། 3.གག་ … 1.གག་ལྷོག་དཀར་པོ། 2.གག་ལྷོག་ནག་པོ། 3.གག་ལྷོག་ཁྲ་བོའོ། །གག་ལྷོག་གི་རྒྱུ་ནི་འགྲོ་བའི་ལུས་ལ་ལྷན་སྐྱེས་སུ་ཁྲག་ལ་གནས་པའི་དུག་ཅན་གྱི་སྲིན་བུ་བདུན་ཡོད་དེ། མདོག་ཟངས་ལྟར་དམར་ཞིང་དབྱིབས་མོ་ཁབ་ལྟར་ཟླུམ་ལ་ཕྲ་བ་བལྟས་པས་མི་མངོན་པ་སྟོབས་སྐད་ཅིག་མ་ལ་མགོ་ནས་རྐང་མཐིལ་བར་ཁྱབ་རྒྱུ་ནུས་པ། རྐྱེན་གྱིས་མ་བསྒྱུར་ན་སྒྱུ་རྩལ་སོགས་སྟོབས་སྐྱེད་ཀྱི་གྲོགས་བྱེད་ལ་བསྒྱུར་ན་ལུས་ཟུངས་ལ་ཟོས་པས་གནོད་པར་བྱེད་དོ། །ྱུར་ན་ལུས་ཟུངས་ལ་ཟོས་པས་གནོད་པར་བྱེད་དོ། །)
Dictionaries/chos rnam kun btus/5386 + (1.གནའ་བོའི་རོའོ་མའི་ལོ་རྩིས་བྱུང་ཚུལ། སྤྱི … 1.གནའ་བོའི་རོའོ་མའི་ལོ་རྩིས་བྱུང་ཚུལ། སྤྱི་ལོའམ་ཕྱི་ལོ་ཞེས་པའི་རྩིས་ལུགས་འདི་ནི་ཉིན་ཞག་མའི་ལོ་རྩིས་ཀྱི་རིགས་ཤིག་ཡིན་པ་དང་། དེང་སྐབས་འཛམ་གླིང་ཐོག་སྤྱི་མཐུན་དུ་བཀོལ་སྤྱོད་བྱེད་པའི་ལོ་རྩིས་ཤིག་ཏུ་ཆགས་ཡོད། འོ་ན་སྤྱི་ལོ་ཞེས་པའི་རྩི་སྟངས་དེ་གནའ་སྔ་མོའི་དུས་སུ་ད་ལྟ་ང་ཚོས་བེད་སྤྱོད་བྱེད་བཞིན་པའི་བཟོ་དབྱིབས་འདི་ལྟ་བུ་ཞིག་ཡིན་ནམ་ཞེ་ན་མིན་ཏེ། དེ་ལ་འཕེལ་རིམ་ལོ་རྒྱུས་ཅུང་ཟད་ཡོད་དེ་ཆེ་ལོང་ཙམ་བརྗོད་ན་འདི་ལྟར། སྤྱི་ལོའི་རྩི་སྟངས་འདི་དང་ཐོག་རོའོ་མ་ཞེས་པའི་གནའ་དུས་ཀྱི་རྒྱལ་ཁབ་ཆེན་པོ་ཞིག་ཏུ་བྱུང་བ་རེད། སྤྱི་ལོའི་སྔོན་གྱི་དུས་རབས་བརྒྱད་པའི་དུས་སྐབས་སུ་ལོ་གཅིག་ལ་ཟླ་བ་བཅུ་དང་ཉིན་ཞག་སུམ་བརྒྱ་བཅུ་མེད་བཞི་མ་གཏོགས་མེད་པ་དང་དགུན་དུས་ཀྱི་ཉིན་ཞག་དྲུག་ཅུ་ཐམ་པ་ཟླ་བའི་ཁོངས་སུ་མི་བརྩི་བར་ལོ་མཇུག་གི་ངལ་གསོའི་དུས་ལ་བརྩི་བའི་ལོ་རྩིས་ཤིག་ཡོད་པར་གྲགས། རོའོ་མའི་ལོ་རྩིས་ལུགས་ཀྱི་ཟླ་བ་བཅུ་སོ་སོའི་མིང་དང་ཉིན་གྲངས་ནི་གཤམ་གསལ། །2.ནོའུ་མའི་ལོ་རྩིས་བྱུང་ཚུལ། སྤྱི་ལོའི་སྔོན་གྱི་ལོ་713ལ་སླེབས་པའི་ཚེ་རོའོ་མའི་རྒྱལ་པོ་གཉིས་པ་ནོའུ་མ་ཞེས་པ་བྱུང་སྟེ་རྩི་ལུགས་དེའི་སྟེང་དུ་ཟླ་བ་གཉིས་བསྣན་ཏེ་ལོ་གཅིག་ལ་ཟླ་བ་བཅུ་གཉིས་ཀྱི་གྲངས་ཡོད་པར་བཅོས། དེ་ལ་ནོའུ་མའི་ལོ་རྩིས་ཟེར། འོན་ཀྱང་སྐབས་དེའི་མི་ཚོས་ཨང་ཀི་ཆ་གྲངས་ཅན་བཀྲ་མི་ཤིས་པར་བརྩི་བའི་རྣམ་རྟོག་གིས་ཟླ་བ་རེའི་ཉིན་གྲངས་ནི་ཕལ་ཆེ་བ་ཡ་གྲངས་ཡིན་པ་གཤམ་གསལ་རེའུ་མིག་ནང་བཀོད་པ་ལྟར་རོ། དེ་ལྟར་བརྩིས་པས་ལོ་གཅིག་ལ་ཉིན་ཞག་355མ་གཏོགས་མེད། ཉི་ལྡོག་གི་ལོ་གཅིག་གི་རིང་ཚད་དེ་ཉིན་ཞག་365རྗེས་འབྲངས་བཅས་དང་བསྡུར་ན་ཉིན་ཞག་10ཙམ་གྱི་ཉུང་སྐྱོན་འབྱུང་བས། ཁོང་ཚོས་ལོ་བཞི་རེའི་ནང་དུ་Makkedoniusཞེས་པ་ཁ་སྣོན་གྱི་ཟླ་བ་གཉིས་བསྣོན་རྒྱུ་བྱས། དེའི་སྣོན་སྟངས་དང་ཟླ་བའི་ཉིན་ཞག་གི་གྲངས་ནི་ལོ་གཉིས་པའི་ལོ་མཇུག་ཏུ་ཉིན་22ཅན་གྱི་ཟླ་བ་ཞིག་ཁ་སྣོན་རྒྱག་པ་དང་། ལོ་བཞི་པའི་ལོ་མཇུག་ཏུ་ཉིན་ཞག་23ཅན་གྱི་ཟླ་བ་ཞིག་ཁ་སྣོན་རྒྱག་པའི་གཏན་འབེབས་བྱས། དེ་ལྟར་བརྩིས་པས་ནོའུ་མའི་ལོ་རྩིས་ལུགས་ལ་ལོ་བཞི་རེའི་ནང་ལོ་སོ་སོའི་རིང་ཚད་ནི་འདི་ལྟར། ལོ་དང་པོར། ཉིན་གྲངས་355ལོ་གཉིས་པར། ཉིན་གྲངས་355+ཉིན་གྲངས་22(སྣོན་ཟླ་)=ཉིན་གྲངས་377 ལོ་གསུམ་པར། ཉིན་གྲངས་355 ལོ་བཞི་པར། ཉིན་གྲངས་355+ཉིན་གྲངས་23(སྣོན་ཟླ་)=ཉིན་གྲངས་378(355X4+23)÷4=366.25དེས་ན་ལུགས་འདིའི་ལོ་གཅིག་གི་ཆ་སྙོམས་རིང་ཚད་དངོས་ནི་ཉིན་གྲངས་366.25ཡིན། ཉི་ལྡོག་གི་ལོ་གཅིག་གི་རིང་ཚད་དངོས་ཉིན་ཞག་365.2422དང་བསྡུར་ན་མང་སྐྱོན་ཡོད། དེ་ལྟར་བརྩིས་པས་ལོ་སུམ་ཅུ་ལྷག་ཙམ་སོང་ཚེ་དུས་ཚིགས་སོགས་ཟླ་བ་གཅིག་གིས་ཁྱད་ཞུགས་འགྲོ་བ་དང་། ལོ་མང་སོང་ཚེ་མང་སྐྱོན་ཆེ་རུ་གྱུར་ཏེ་དུས་ཚིགས་ལ་ནོར་འཁྲུལ་འབྱུང་ངེས་ཡིན།3.འཇུ་ལེའི་ལོ་རྩིས། དེ་རྗེས་ཀྱི་དུས་རབས་ནང་རྩིས་མཁན་ཁ་ཤས་ཀྱིས་སྲིད་དབང་གི་དགོས་མཁོ་དང་བསྟུན་ནས་སྣོན་ཟླ་གང་བྱུང་གིས་བཏོན་པས་རྙོག་འཛིང་ཆེན་པོ་བྱུང་སྟེ་སྤྱི་ལོའི་སྔོན་གྱི་59ལོར་འཇུ་ལེ་ཁེ་ས་(Julius Caesarསྤྱི་ལོའི་སྔོན་གྱི་100─44 ) ཞེས་པའི་རྒྱལ་པོ་གསར་པ་ཞིག་གིས་སྲིད་དབང་བསྒྱུར་བའི་དུས་ཀྱི་ཚེ་དབྱར་དགུན་གོ་ལྡོག་པ་སོགས་དུས་ཚིགས་འཁྲུགས་པའི་གནས་ཚུལ་ཆེན་པོ་ལྷགས་ཡོད་པར་མངོན། དེར་བརྟེན་ཁོང་གིས་ཨེ་ཇིའི་གནམ་རིག་པ་སོ་སེ་ཇན་ནི་སི་(Sosigenes)སོགས་གདན་ཞུས་ཀྱིས་སྤྱི་ལོའི་སྔོན་གྱི་46ལོར་ལོ་རྩིས་སྒྱུར་བཅོས་དང་གཏན་འཁེལ་གསར་པ་བྱས་པའི་ནང་དོན་གཙོ་བོ་ནི་འདི་ལྟར། (1)ལོ་གཅིག་གི་ཆ་སྙོམས་ཀྱི་རིང་ཚད་དངོས་ནི་ཉིན་ཞག་365.25ཡིན་པར་གཏན་འཁེལ་བྱས། ལོ་བཞི་རིའི་ནང་དུ་བཤོལ་བའི་ལོ་གཅིག་རེ་བརྩི་བ་དང་། བཤོལ་བའི་ལོ་ལ་ཉིན་ཞག་366གི་ཚད་དང་རྒྱུན་ལྡན་གྱི་ལོ་ལ་ཉིན་ཞག་365ཡི་ཚད་བྱེད་རྒྱུ་གཏན་འཁེལ་བྱས།(2)Januariusཞེས་པའི་ཟླ་བ་དེ་ལོ་གཅིག་གི་ལོ་མགོ་སྟེ་ཟླ་བ་དང་པོར་བཞག སྒྱུར་བཅོས་མ་བྱས་གོང་གི་ཟླ་བ་དང་པོ་སྟེ་Martiusཞེས་པའི་ཟླ་བ་དེ་ཟླ་བ་གསུམ་པར་ཆགས། རྒྱུ་མཚན་དེས་སྤྱི་ལོའི་སྔོན་གྱི་ལོ་222ནས་བཟུང་རོའོ་མའི་སྲིད་འཛིན་དཔོན་ཆེན་གསར་པ་གདན་སར་འགོད་པའི་དུས་ཚོད་ནི་Martiusཟླ་བའི་ཚེས་15ཉིན་ཡིན་པར། སྤྱི་ལོའི་སྔོན་གྱི་153ལོ་ནས་བཟུང་Januariusཟླ་བའི་ཚེས་1ལ་བྱེད་པའི་སྲོལ་བྱུང་བ་ལོ་མགོ་དེ་ལྟར་བསྒྱུར་བས་ཟླ་བ་དང་པོའི་ཚེས་གཅིག་ཉིན་ལ་ཏག་ཏག་འཁེལ་ལོ། །(3)ལོ་གཅིག་ལ་ཟླ་བ་བཅུ་གཉིས་ཡོད་པ་དང་། ཟླ་བ་གཉིས་པ་མ་གཏོགས་པའི་ཟླ་བ་བཞི་པ་དང་དྲུག་པ་སོགས་ཟླ་བ་ཆ་གྲངས་རྣམས་ཀྱི་ཉིན་གྲངས་ནི་ཉིན་ཞག་31དང་། ཟླ་བ་དང་པོ་དང་གསུམ་པ་སོགས་ཟླ་བ་ཡ་གྲངས་རྣམས་ཀྱི་ཉིན་གྲངས་ནི་ཉིན་ཞག་30ཟླ་བ་གཉིས་པའི་ཉིན་ཞག་གི་གྲངས་ནི་རྒྱུན་ལྡན་གྱི་ལོ་ལ་ཉིན་ཞག་29དང་བཤོལ་བའི་ལོ་ལ་ཉིན་ཞག་30རེ་བྱེད་རྒྱུའི་གཏན་འཁེལ་བྱས། སྒྱུར་བཅོས་དེ་ལྟར་བྱས་པའི་མཛད་རྗེས་དེ་དྲན་གསོ་བྱ་ཆེད་འཇུ་ལེ་ཡི་འཁྲུངས་ཟླ་སྟེ་ཟླ་བ་བདུན་པའི་མིང་Quintilisཞེས་པ་དེ་རྒྱལ་པོ་ཁོ་རང་གི་མིང་Juliusཞེས་པ་ཟླ་བའི་མིང་དུ་བསྒྱུར།(4)ལོ་རྩིས་གསར་པ་དེ་རོའོ་མའི་ལོ་709སྟེ་སྤྱི་ལོའི་སྔོན་གྱི་45ལོའི་ཟླ་བ་དང་པོའི་ཚེས་གཅིག་ནས་ལག་ལེན་བསྟར་རྒྱུ་བྱས།(5)དེ་ལྟར་བརྩིས་པས་སྒྱུར་བཅོས་བྱས་པའི་ཕྱི་ལོ་སྟེ་སྤྱི་ལོའི་སྔོན་གྱི་45ལོ་ནི་བཤོལ་བའི་ལོ་རུ་བྱས། སྒྱུར་བཅོས་མཛད་པའི་ལོ་སྟེ་སྤྱི་ལོའི་སྔོན་གྱི་46ལོ་ནི་རྙོག་འཛིང་ཆེན་པོའི་ལོ་ཞིག་ཏུ་ཆགས། རྒྱུ་མཚན་ནི་སྐབས་དེར་ལོ་ཐོའི་ཚེས་གྲངས་དང་ཉིན་ཞག་མའི་ལོའི་དཀྱིལ་འཁོར་བར་དུ་ཉིན་ཞག་90ཙམ་གྱི་ཁྱད་ཤོར་པས་དུས་ཚིགས་གོ་ལོག དེས་ན་སྤྱི་ཟླ་3ཚེས་23ཉིན་དཔྱིད་ཚུགས་ཀྱི་ཉིན་མོར་འཁེལ་བར་བྱས་ཏེ་ཚེས་གྲངས་དང་དུས་ཚིགས་མཐུན་པར་འབྱུང་བའི་ཆེད་དུ་ཐབས་ཤེས་བཏང་བ་ནི་འདི་ལྟར། ལོ་དེའི་ཉིན་ཞག་གྲངས་355དང་ལོ་མཇུག་གི་ཉིན་ཞུག་23ཅན་གྱི་ཟླ་སྣོན་དང་བསྡོམས་པས་ཉིན་ཞག་378ཀྱི་ཁར། ཟླ་བ་བཅུ་གཅིག་པ་དང་བཅུ་གཉིས་པ་གཉིས་ཀྱི་བར་དུ་ཟླ་བ་ལྷག་མ་གཉིས་བཅུག་སྟེ་ཟླ་བ་གཅིག་ལ་ཉིན་ཞག་33དང་ཟླ་བ་གཅིག་ལ་ཉིན་ཞག་34ཡོད་པ་བཟོས། དེ་ལྟར་བཟོས་པས་ལོ་དེར་ཉིན་ཞག་445ཡོད་པར་ཆགས་སོ། ། ལོ་དེ་ནི་ལོ་རྒྱུས་སྟེང་གི་རྙོག་འཛིང་ཅན་གྱི་ལོ་རུ་གྲགས་པ་དེ་ཡིན།དེ་ལྟར་སྒྱུར་བཅོས་བྱས་པའི་ལོ་རྩིས་ལུགས་དེ་ལ་འཇུ་ལེའི་ལོ་རྩིས་ཞེས་གྲགས་པ་དང་དེའང་ཉིན་ཞག་མའི་ལོ་རྩིས་ཁོ་ན་ཡིན། དེའི་ལུགས་ཀྱི་ཟླ་བ་སོ་སོའི་མིང་དང་ཉིན་ཞག་གི་གྲངས་ནི་གཤམ་གསལ་རེའུ་མིག་ལྟར་རོ། །4.མོ་གྷོ་ཨོ་སི་ཐིས་ལོ་རྩིས་བསྒྱུར་བཅོས་བྱས་པའི་ཚུལ། གོང་དུ་བཤད་པའི་འཇུ་ལེའི་ལོ་རྩིས་ནི་དེང་རབས་འཛམ་གླིང་སྟེང་སྤྱི་ཁྱབ་བཀོལ་སྤྱོད་བྱེད་བཞིན་པའི་སྤྱི་ལོའི་རྩིས་ཀྱི་ཐོག་མའི་དབྱིབས་གཟུགས་དེ་ཡིན། དེའི་ལུགས་ལ་ཟླ་བ་གཉིས་པ་མ་གཏོགས་ཟླ་བ་གཞན་རྣམས་ཟླ་གྲངས་ཡ་ཅན་ལ་འཁེལ་དུས་ཉིན་ཞག་31དང་། ཆ་གྲངས་ལ་འཁེལ་དུས་ཉིན་ཞག་30ཡིན་པ་སོགས་ཡིད་ལ་ངེས་བདེ་བ་སོགས་ཀྱི་ཁྱད་ཆོས་ཡོད་མོད་ད་ལྟ་དེ་ལྟར་གནས་མེད་པའི་གནས་ཚུལ་གང་ལ་ཐུག་ཅེ་ན། དེ་ལ་ཡང་རྙོག་འཛིང་ཞིག་བྱུང་ཡོད་དེ། འཇུ་ལེ་ཡིས་ལོ་རྩིས་སྒྱུར་བཅོས་མཛད་ནས་ལོ་གཅིག་འགོར་རྗེས་ཁོ་རང་གཞན་གྱིས་བཀུམ། དེ་རྗེས་ཁོང་གིས་གཏན་འབེབས་བྱས་པའི་ལོ་རྩིས་ལུགས་ནི་མུ་མཐུད་ལག་ལེན་དུ་བསྟར་བ་ཡིན་མོད། འཇུ་ལེའི་ལོ་རྩིས་ལུགས་ཀྱི་ཉིན་བཤོལ་འདོན་ཚུལ་དངོས་ནི་ལོ་གསུམ་རེའི་རྗེས་ལ་ཉིན་བཤོལ་རེ་འདོན་པ་སྟེ་ལོ་བཞི་རེའི་ནང་དུ་ཉིན་བཤོལ་འདོན་པའི་གཏན་འཁེལ་བཟོས་ཡོད་པར། རྗེས་འཛིན་ལག་ལེན་བསྟར་མཁན་རྣམས་གྱིས་གོ་བ་ལེན་སྟངས་ནོར་ཏེ་ལོ་གསུམ་རེའི་ནང་དུ་ཉིན་བཤོལ་རེ་བཏོན། དེ་ལྟར་སྤྱི་ལོའི་སྔོན་གྱི་45ལོ་ནས་མགོ་བརྩམས་སྟེ་སྤྱི་ལོའི་སྔོན་གྱི་ལོ་9ལ་སླེབས་ཚེ་གཞི་ནས་ནོར་འཛོལ་ཡོད་པ་ཚོར་ཏེ་སླར་ཡང་སྒྱུར་བཅོས་བྱེད་དགོས་བྱུང་། དེའི་ལོ་རྒྱུས་ནི། འཇུ་ལེའི་ཞལ་ཆེམས་ནང་དུ་རྗེས་འཛིན་པ་ཨང་དང་པོ་ནི་ཁོང་གི་གཅེན་མོའི་བུ་ཨོ་ཏེ་ཁྲི་འབོད་པ་དེ་བཞག་ཡོད། ཁོང་གྲོངས་པའི་སྐབས་ཨོ་ཏེ་ཁྲི་ལོ་ཉི་ཤུ་ཟིན་མེད་པས་སྲིད་དབང་སྒྱུར་བའི་བྱ་གཞག་ལ་འགོག་རྐྱེན་ཆེན་པོ་འཕྲད་མོད་རིམ་གྱིས་སྟོབས་ཤུགས་ཆེན་པོར་ཆགས། ཁོང་ལྷག་པར་དུ་ཐབས་ལ་མཁས་ཤིང་བློ་རིག་དང་ལྡན་པས་སྤྱི་ལོའི་སྔོན་གྱི་30ལོར་སླེབས་དུས་རྒྱལ་ཁམས་ཡོངས་ལ་དབང་བསྒྱུར། སྤྱི་ལོའི་སྔོན་གྱི་27ལོ་ལ་ཨོ་གྷི་སི་ཐི་ཞེས་པའི་མཚན་གསོལ། ཨོ་གྷི་སི་ཐི་ཞེས་པ་ནི་ཆོས་ཀྱི་གོ་གནས་ཤིག་སྟེ་བླ་ན་མཐོ་བའམ་ཆེས་ཁྱད་དུ་འཕགས་པ་སོགས་ཀྱི་དོན་ཡིན་པར་བཤད། དུས་དེ་ནས་བཟུང་སྟེ་རྒྱལ་ཁབ་ཀྱི་སྲིད་དབང་མངའ་ཐང་ཆེས་ཆེར་རྒྱས་པར་གྱུར་ཏོ། གོང་དུ་བཤད་པ་བཞིན་རྗེས་འཛིན་རྣམས་ཀྱིས་གོ་བ་ལེན་སྟངས་ནོར་ནས་བརྩིས་པས་སྤྱི་ལོའི་སྔོན་གྱི་ལོ་9ལ་སླེབས་དུས་ཉིན་བཤོལ་ལྷག་མ་གསུམ་བཏོན། གཏན་འབེབས་ལྟར་བརྩིས་ན་སྤྱི་ལོའི་སྔོན་གྱི་ལོ་45ནས་སྤྱི་ལོའི་སྔོན་གྱི་ལོ་9བར་དུ་ཉིན་བཤོལ་འདོན་དགོས་པའི་ལོ་ནི་འདི་ལྟར་ཡིན། 45ལོ་དང་། 41ལོ། 37ལོ། 33ལོ། 29ལོ། 25ལོ། 21ལོ། 17ལོ། 13ལོ། 9ལོ་བཅས་ཁྱོན་བསྡོམས་ལོ་བཅུ་ནི་བཤོལ་བའི་ལོ་ཡིན། འོན་ཀྱང་ཁོང་ཚོས་ དངོས་སུ་ལག་བསྟར་བྱས་ཏེ་ཉིན་བཤོལ་བཏོན་པའི་བཤོལ་བའི་ལོ་ནི་འདི་ལྟར་45ལོ་དང་། 42ལོ། 39ལོ། 36ལོ། 33ལོ། 30ལོ། 27ལོ། 24ལོ། 21ལོ། 18ལོ། 15ལོ། 12ལོ། 9ལོ་བཅས་ཁྱོན་བསྡོམས་བཤོལ་བའི་ལོ་ནི་བཅུ་གསུམ་བྱུང་། དེ་ལྟར་ཞག་བཤོལ་ལྷག་མ་གསུམ་བཏོན་པའི་རྐྱེན་གྱིས་རྒྱལ་པོ་ཨོ་གྷི་སི་ཐིས་བཀའ་ཕབ་སྟེ་སྤྱི་ལོའི་སྔོན་གྱི་ལོ་8དང་1གཉིས། སྤྱི་ལོའི་རྗེས་ཀྱི་ལོ་4བཅས་ལོ་གསུམ་ནི་གཏན་འབེབས་ལྟར་ན་བཤོལ་བའི་ལོ་ཡིན་མོད་སྐྱོན་སེལ་བྱེད་ཆེད་བཤོལ་མེད་རྒྱུན་ལྡན་གྱི་ལོ་རུ་བསྒྱུར། དེ་རྗེས་མུ་མཐུད་ལོ་བཞི་རེའི་ནང་དུ་ཞག་བཤོལ་རེ་འདོན་རྒྱུ་བྱས། ཁོང་གིས་སྐྱོན་སེལ་དེ་ལྟར་བགྱིས་པའི་མཛད་རྗེས་དྲན་གསོ་བྱ་བའི་ཆེད་དུ། རྒྱལ་པོ་གོང་མ་འཇུ་ལེའི་བྱེད་སྟངས་ལྟར་རོའོ་མའི་རྒན་གྲོས་ཚོགས་པས་གྲོས་འཆམ་བཞུག་པ་ནི། ཟླ་བ་བརྒྱད་པ་སྟེ་ཨོ་གྷི་སི་ཐིས་རྒྱལ་ཁ་ཆེན་པོ་ཐོབ་པའི་ཟླ་བ་དེའི་མིང་དེ་Sextilisནས་Augusttusཨོ་གྷ་སི་ཐིར་བསྒྱུར། དེ་ལ་ཞག་གྲངས་30ལས་མེད་པས་ཟླ་བ་གཉིས་པ་ནས་གཞག་གཅིག་ཁ་སྣོན་རྒྱབ་སྟེ་ཉིན་ཞག་31ཡོད་པ་བཟོས། ཟླ་བ་གཉིས་པར་ཉིན་ཞག་28མ་གཏོགས་མེད་པ་ཆགས་(བཤོལ་བའི་ལོ་ལ་ཉིན་ཞག་29)དེ་ལྟར་བྱས་པས་ཟླ་བ་བདུན་པ་དང་བརྒྱད་པ་དགུ་པ་བཅས་ཟླ་བ་གསུམ་བསྟུད་མར་ཟླ་བ་ཆེ་བ་སྟེ་ཉིན་ཞག་31ཡིན་པས་མི་མཛེས་པའམ་སྟབས་མི་བདེ་བར་བསམ་སྟེ་ཟླ་བ་དགུ་པར་ཞག་གྲངས་30དང་། བཅུ་པར་31བཅུ་གཅིག་པར་30བཅུ་གཉིས་པར་31བཅས་སུ་བསྒྱུར་བ་ཡིན་ནོ། ། དེ་ལྟར་ཟླ་བའི་ཆ་གྲངས་ཡ་གྲངས་ཀྱི་གོ་རིམ་རྣམས་དཀྲུགས་པ་ལ་དགོས་མཁོ་མེད་པར་མ་ཟད་ཡིད་ལ་འཛིན་མི་བདེ་བ་སོགས་ཀྱི་སྐྱོན་ཡོད་མོད་རྒྱུན་འབྱམས་སུ་གྱུར་སྟེ་ལོ་ཉིས་སྟོང་ཕྱིན་རྗེས་ཀྱི་ད་ལྟའི་དུས་སུའང་དེ་ལྟར་བཀོལ་སྤྱོད་བྱེད་པའི་གནས་སུ་མཆིས་སོ། ། དེ་ལྟར་སྒྱུར་བཅོས་བྱས་རྗེས་ཀྱི་འཇུ་ལེའི་ལོ་རྩིས་ལུགས་ཀྱི་གནས་བབས་ནི་གཤམ་གསལ་རེའུ་མིག་ནང་དུ་བཀོད་པ་ལྟར་རོ། །5.ཀི་རུས་ཀོ་རིན་གྱིས་སྒྱུར་བཅོས་བྱས་པའི་ཚུལ།གོང་དུ་བརྗོད་པ་ལྟར་གྱི་འཇུ་ལེའི་ལོ་རྩིས་ལུགས་དེའི་ལོ་གཅིག་གི་ཚ་སྙོམས་རིང་ཚད་ནི་ཉིན་ཞག་365.25ཡིན། འོན་ཀྱང་ཉི་ལྡོག་གི་ལོ་གཅིག་གི་རིང་ཚད་དངོས་ནི་ཉིན་ཞག་365.2422ཡིན་པས་ལོ་རེར་ཉིན་ཞག་0.0078སྟེ་སྐར་མ་11དང་སྐར་ཆ་14ཙམ་གྱི་མང་སྐྱོན་འབྱུང་། མང་སྐྱོན་དེ་བསགས་ན་ལོ་128རེའི་ནང་ཉིན་ཞག་གཅིག་གིས་མང་སྐྱོན་འབྱུང་ཞིང་དཔྱིད་མཉམ་གྱི་ཉིན་མོ་དེ་ཉིན་ཞག་གཅིག་གིས་འཕྱི་འགྲོ། ལོ་བཞི་བརྒྱ་རེའི་ནང་ཉིན་ཞག་གསུམ་ཙམ་(0.0078= 3.12)གྱིས་མང་སྐྱོན་འབྱུང་བས་དེ་ཙམ་གྱིས་འཕྱི་འགྲོ་བ་ཡིན་ནོ། །སྤྱི་ལོ་325ལོར་ཡོ་རོབ་གླིང་གི་ཡེ་ཤི་མ་ཤི་ཀའི་ཆོས་ལུགས་ཚོགས་ཆེན་དེ་ནི་སི་ཞེས་པའི་སའི་ཆར་འཚོགས་པ་དང་། སྐབས་དེར་འཇུ་ལེའི་རྩིས་ལུགས་དེ་ཐུན་མོང་དུ་བཀོལ་སྤྱོད་བྱ་རྒྱུར་གྲོས་མཐུན་བྱུང་བ་ནས་བཟུང་ཏེ་སྤྱི་ལོའི་དུས་རབས་བཅུ་དྲུག་པའི་མཇུག་ལ་སླེབས་དུས་ལོ་ཆིག་སྟོང་ཉིས་བརྒྱ་ཙམ་སོང་ཟིན་པ་དང་། དུས་ཡུན་དེ་ཙམ་གྱི་རིང་ལ་སྐྱོན་སེལ་མ་བྱས་པས་སྐྱོན་ཕྲ་མོ་རིམ་གྱིས་བསགས་པས་ཉིན་ཞག་བཅུ་ཙམ་གྱིས་མང་སྐྱོན་བྱུང་བས་དཔྱིད་ཉིན་མཚན་མཉམ་པའི་ཉིན་མོ་དེ་ལོ་ཐོའི་ནང་བཀོད་པའི་དུས་ཚིགས་ལས་ཉིན་བཅུ་ཙམ་གྱི་སྔོན་ལ་བྱུང་བས་ཕྱི་རོལ་ཡུལ་གྱི་གནས་བབས་དང་མི་མཐུན་པ་བྱུང་། སྐབས་དེའི་རོའོ་མའི་ཆོས་གཙོ་ཀི་རུས་ཀོ་རིན་(Gregorian)སྐུ་ཕྲེང་བཅུ་གསུམ་པས་ལོ་རྩིས་སྒྱུར་བཅོས་ཀྱི་ཨུ་ཡོན་ལྷན་ཁང་ཆེད་བཙུགས་བྱས་ནས་སྒྱུར་བཅོས་ཀྱི་ཐབས་ལམ་འཆར་བཀོད་སྣ་ཚོགས་བཏོན་ནས་ཞིབ་དཔྱད་བྱས། མཐའ་མར་ཨི་ཏ་ལིའི་སྨན་པ་དང་ལས་ཞོར་གནུམ་རིག་མཁས་ཅན་ལི་ལི་ཨོ་ཡིས་སྤྱི་ལོ་1576ལོར་བཏོན་པའི་ལོ་བཞི་བརྒྱ་རེའི་ནང་བཤོལ་བའི་ལོ་གསུམ་ཉུང་དུ་གཏོང་བའི་འཆར་བཀོད་དེ་ལག་ལེན་བསྟར་རྒྱུ་གཏན་འཁེལ་བྱུང་སྟེ་སྤྱི་ལོ་1582ལོའི་ཟླ་3ཚེས་1ཉིན་ལོ་རྩིས་སྒྱུར་བཅོས་བྱེད་རྒྱུའི་བཀའ་ཕབ་ནས་བསྒྱུར་བཅོས་མཛད། དེ་ལྟར་སྒྱུར་བཅོས་བྱས་པའི་ལོ་རྩིས་ལུགས་ལ་ཀོ་རིན་ལོ་རྩིས་ཞེས་གྲགས་སོ། ། སྐབས་དེར་སྒྱུར་བཅོས་བྱས་པའི་ནང་དོན་མདོར་བསྡུས་ནི་འདི་ལྟར།(1)སྤྱི་ལོ་1582ལོའི་ཟླ་10ཚེས་4ཉིན་གྱི་ཉིན་རྗེས་མ་ནི་ཚེས་5མིན་པར་ཟླ་10ཚེས་15ཡིན་པར་བཅོས། དེ་ལྟར་བསྒྱུར་བས་སྤྱི་ལོ་325ལོ་ནས་སྤྱི་ལོ་1582བར་ཁྱོན་བསྡོམས་ལོ་1257ནང་བསགས་པའི་མང་ སྐྱོན་རྣམས་སྡེབས་གཅིག་ཏུ་སེལ་ཏེ་དཔྱིད་ཚུགས་ཀྱི་ཉིན་མོ་དེ་སླར་ཡང་ཟླ་3ཚེས་21ལ་འཁེལ་བར་བྱས་སོ། སྐབས་དེར་ཉིན་ཞག་བཅུ་མཆོངས་ཀྱང་རེས་གཟའ་རྒྱུན་ལྡན་ལྟར་དེད་པས་ཟླ་10ཚེས་4ཉིན་རེས་གཟའ་ཕུར་བུ་ཡིན་པ་དང་དེའི་ཕྱི་ཉིན་ཏེ་ཟླ་10ཚེས་15ཉིན་ནི་རེས་གཟའ་པ་སངས་ཡིན། དེའི་བར་གྱི་ཞག་བཅུ་ནི་ལོ་རྒྱུས་སྟེང་གཏན་ནས་མེད་པའི་ཚེས་གྲངས་འབའ་ཞིག་ཏུ་ཆགས་སོ། །(2)དེ་རྗེས་མ་འོངས་པའི་དུས་རབས་ནང་མང་སྐྱོན་སེལ་ཐབས་གཏན་འཁེལ་བྱས་པ་ནི། སྔར་བཞིན་མུ་མཐུད་ལོ་བཞི་རེའི་ནང་ཞག་བཤོལ་རེ་འདོན་རྒྱུའི་རྨང་གཞིའི་ཐོག འཇུ་ལེ་ལུགས་དང་མི་མཐུན་པའི་ཆ་ནི་སྤྱི་ལོའི་གྲངས་དེ་ཨང་ཀི་100ཡིས་བགོས་ན་ལྷག་མེད་འཆར་བའི་ལོ་ལ་འཁེལ་དུས་སུ་ཨང་ཀི་400ཡིས་བགོས་ནའང་ལྷག་མེད་འཆར་ཚེ་གཞི་ནས་བཤོལ་བའི་ལོར་འཇོག་དགོས་པར་གཏན་འཁེལ་བྱས། དེ་ལྟར་བྱས་པས་སྤྱི་ལོའི་གྲངས་1600ལོ་དང་། 1700ལོ། 1800ལོ། 1900ལོ། 2000ལོ་སོགས་ནི་འཇུ་ལེའི་ལོ་རྩིས་ལུགས་སུ་བཤོལ་བའི་ལོ་ཤ་སྟག་ཡིན་མོད། ཀོ་རིན་ལོ་རྩིས་ལུགས་ལ་1600ལོ་དང་2000ལོ་གཉིས་མ་གཏོགས་བཤོལ་བའི་ལོར་མི་བརྩི། དེ་ལྟར་བརྩིས་པས་སྤྱི་ལོ་1600ལོ་ནས་སྤྱི་ལོ་2000ལོ་བར་གྱི་ལོ་བཞི་བརྒྱ་ལ་མཚོན་ན་འཇུ་ལེའི་ལུགས་ལྟར་བརྩིས་པས་རྒྱུན་ལྡན་གྱི་ལོ་300དང་བཤོལ་བའི་ལོ་100འབྱུང་མོད། ཀོ་རིན་ལུགས་བཞིན་བརྩིས་པས་རྒྱུན་ལྡན་གྱི་ལོ་303དང་བཤོལ་བའི་ལོ་97འབྱུང་བ་ཡིན། དོན་གྱིས་ལོ་བཞི་བརྒྱ་རེའི་ནང་གི་བཤོལ་བའི་ལོ་གསུམ་མེད་པར་བཟོས་པས་ཕྱི་མ་ནི་སྔ་མ་ལས་ཞིབ་ཆ་ཆེ་བ་ཡིན་ནོ། །དེ་བཞིན་བརྩིས་པས་ཀོ་རིན་ལུགས་ཀྱི་ལོ་གཅིག་གི་ཆ་སྙོམས་རིང་ཚད་ནི་འདི་ལྟར། །ཉིན་ཞག་(365x303)+(366x97)÷400=ཉིན་ཞག་365.2425དེ་ལྟར་བརྩིས་པས་ལོ་གཅིག་གི་རིང་ཚད་ནི་ཉིན་ཞག་365དང་ཆུ་ཚོད་5སྐར་མ་49སྐར་ཆ་12བཅས་ཡིན། ཉི་མ་ལྡོག་པའི་ལོ་གཅིག་གི་རིང་ཚད་དངོས་དང་བསྡུར་ན་ད་དུང་ཉིན་ཞག་0.0003སྟེ་སྐར་ཆ་26ཙམ་གྱི་མང་སྐྱོན་ཡོད་ཀྱང་། སྐྱོན་དེ་ཆེས་ཕྲ་བའི་རྐྱེན་གྱིས་ལོ་3300རེའི་ཡུན་ལ་གཞི་ནས་ཉིན་ཞག་གཅིག་གིས་མང་ཁྱད་འབྱུང་བས་སྔར་གྱི་འཇུ་ལེ་ལུགས་ཀྱི་ལོ་རྩིས་དང་བསྡུར་ན་ཆེས་ཞིབ་ཏུ་ཕྱིན་པ་ཡིན་ནོ། ། དེ་ལྟར་སྒྱུར་བཅོས་མང་པོ་མཛད་དེ་བྱུང་བའི་ཀོ་རིན་ལུགས་ཀྱི་ལོ་རྩིས་དེ་ནི་ད་ལྟ་འཛམ་གླིང་སྟེང་ཡོངས་སུ་གྲགས་པའི་ཕྱི་ལོའམ་སྤྱི་ལོ་ཟེར་བའི་ལུགས་འདི་ཉིད་རང་ཡིན་ནོ། ། རྩིས་ལུགས་དེ་ནི་ཕྱི་ཕྱོགས་རྒྱལ་ཁབ་སྟེ་དེང་སང་ནུབ་ཕྱོགས་རྒྱལ་ཁབ་ཏུ་འབོད་པ་ལས་ཚུར་དར་འོང་བ་ཡིན་པས་རྩིས་ལུགས་དེ་ལ་ཕྱི་ལོ་ཞེས་གྲགས་པ་དང་། ཡང་ན་འཛམ་གླིང་སྤྱི་ཁྱབ་ཏུ་བེད་སྤྱོད་བྱེད་པའི་ལོ་རྩིས་ཤིག་ཏུ་ཆགས་པས་སྤྱི་ལོ་ཞེས་ཕར་བཏགས་པར་མངོན། འོན་ཀྱང་རྩིས་ལུགས་དེའི་མིང་དངོས་སམ་དབྱིན་ཇིའི་མིང་ངོ་མ་ནི་ཀོ་རིན་རྩིས་ལུགས་ཡིན་པ་ངེས་པར་དུ་མཁྱེན་དགོས་སོ། ། དེ་ལྟར་རོའོ་མའི་ཆོས་གཙོའི་བཀའ་བསྒྲགས་པ་བཞིན་རོའོ་མ་རྒྱལ་ཁབ་དང་། ཨི་ཏ་ལི། ཧྥ་རན་སི། སི་པན། པོ་ལན་རྒྱལ་ཁབ་བཅས་ཀྱིས་ལོ་དེ་གར་ཀོ་རིན་ལོ་རྩིས་སུ་གྲགས་པའི་རྩིས་ལུགས་གསར་པ་དེ་བེད་སྤྱོད་བཏང་བ་དང་། ཡོ་རབ་གླིང་གི་རྒྱལ་ཁབ་ཁག་ཅིག་གིས་ཀྱང་སྔ་ཕྱིར་ལག་བསྟར་མཛད། དབྱིན་ཇི་སོགས་ཆོས་ཀྱི་གྲུབ་མཐའ་མི་གཅིག་པའི་རྒྱལ་ཁབ་ཁག་ཅིག་གིས་དུས་ཕྱིས་བར་དུ་རྩིས་ལུགས་རྙིང་པ་འཇུ་ལེའི་ལོ་རྩིས་རང་སྤྱད་པ་རེད། དབྱིན་ཇི་ལ་མཚོན་ན་སྤྱི་ལོ་1752ལོར་སླེབ་དུས་གཞི་ནས་ཀོ་རིན་རྩིས་ལུགས་དེ་བེད་སྤྱོད་བྱེད་མགོ་བརྩམས་པ་རེད། སྐབས་དེ་དུས་ལུགས་གཉིས་ཀྱི་བར་ཉིན་ཞག་བཅུ་གཅིག་ཙམ་གྱི་ཁྱད་ཞུགས་ཡོད་པས་ལོ་དེའི་ཟླ་བ་དགུ་པའི་ཚེས་གསུམ་དེ་ཚེས་བཅུ་བཞི་རུ་བསྒྱུར་ནས་སྐྱོན་སེལ་བྱས་པ་ཡིན་ནོ། ། སུའུ་ལན་(དེང་གི་ར་ཞི་ཡ་)རྒྱལ་ཁབ་ལ་མཚོན་ན་1917ལོའི་ཟླ་བ་བཅུ་པའི་གསར་བརྗེའི་བར་དུ་རྩིས་ལུགས་རྙིང་པ་ཁོ་ན་བེད་སྤྱོད་བྱས། བཅུ་པའི་གསར་བརྗེའི་རྒྱལ་ཁ་ཐོབ་པའི་ཉིན་མོ་དེ་ལུགས་རྙིང་འཇུ་ལེའི་ལོ་རྩིས་ཀྱི་ཟླ་བ་10ཚེས་25ལ་འཁེལ་བ་དང་། ལུགས་གསར་ཀོ་རིན་ལོ་རྩིས་ཀྱི་ཟླ་བ་11ཚེས་7ཉིན་ལ་འཁེལ་འདུག་པས་དོན་གྱིས་ཟླ་བ་བཅུ་གཅིག་པའི་གསར་བརྗེ་ཐོབ་མོད་སྐབས་དེར་ད་དུང་རྩིས་ལུགས་རྙིང་པ་སྤྱོད་པའི་དུས་ཡིན་པས་ཡོངས་གྲགས་སུ་བཅུ་པའི་གསར་བརྗེ་ཟེར་བ་ཡིན། དེ་ནས་ཁོང་ཚོས་1918ལོ་ནས་བཟུང་ལུགས་གསར་ལྟར་བརྩི་མགོ་བརྩམས་པ་དང་དུས་དེར་སླེབ་དུས་ལུགས་གཉིས་ཀྱི་བར་ཉིན་གྲངས་བཅུ་གསུམ་ཙམ་གྱི་ཁྱད་ཞུགས་འདུག་པས་1918ལོའི་ཟླ་བ་2ཚེས་1དེ་ཚེས་བཅུ་བཞི་རུ་བསྒྱུར་བས་ཉིན་ཞག་བཅུ་གསུམ་གྱི་སྐྱོན་སེལ་སྡེབས་གཅིག་ལ་བྱས་པ་ཡིན། རྗེས་སོར་ལོ་རེ་བཞིན་བཅུ་པའི་གསར་བརྗེ་ལ་དྲན་གསོ་རྟེན་འབྲེལ་ཞུ་བའི་དུས་ཀྱང་ཟླ་བ་11ཚེས་7ཉིན་ལ་བྱེད་པ་ཡིན་ནོ། །དུས་ཀྱང་ཟླ་བ་11ཚེས་7ཉིན་ལ་བྱེད་པ་ཡིན་ནོ། །)
Dictionaries/chos rnam kun btus/7266 + (1.གཡའ་ཀྱི་མ། 2. སྟོང་ཟིལ། 3. གང་གཱ་ཆུང་། 4. ཧོང་ལེན། 5. ཏིག་ཏ། 6. བོང་དཀར། 7. སྤང་རྩི་དོ་བོའོ། །)
Dictionaries/chos rnam kun btus/1353 + (1.གསར་མ་ལ་གསུམ་སྟེ། (1)བྱ་སྤྱོད་ནི། བྱ་སྤ … 1.གསར་མ་ལ་གསུམ་སྟེ། (1)བྱ་སྤྱོད་ནི། བྱ་སྤྱོད་བྱང་ཆུབ་མཆོག་དང་སངས་རྒྱས་གསང་། ། ཕྱི་མའི་བཤད་རྒྱུན་མཉྫུ་ཤྲཱིས་སྤེལ། ། ཞེས་གསང་སྔགས་ཕྱི་འགྱུར་གསར་མའི་ལུགས་སུ་རྒྱུད་སྡེ་ཆེན་པོ་བཞིར་གྲགས་པའི་ཐོག་མ་བྱ་བ་དང་སྤྱོད་པའི་རྒྱུད་ནི། འཕགས་ཡུལ་དུ་སློབ་དཔོན་བྱང་ཆུབ་མཆོག་གི་སྐལ་པ་ཅན་དང་སངས་རྒྱས་གསང་བ་རྣམས་ནི་མཁས་པའི་ཕུལ་དུ་གྱུར་པས་སྔ་མས་བྱ་རྒྱུད་དང་། ཕྱི་མས་སྤྱོད་རྒྱུད་གཙོ་བོར་བཤད་སྒྲུབ་གཉིས་ཀ་རྩལ་འདོན་གྱིས་སྤེལ་བར་མཛད་ལ། གཞན་ཡང་ཛེ་ཏཱ་རི་ལ་སོགས་པ་རྣམས་ཀྱིས་ཀྱང་ཅི་རིགས་པར་མཛད་དོ། ། བོད་དུ་བསྟན་པ་སྔ་དར་གྱི་སྐབས་ཆོས་རྒྱལ་ཁྲི་སྲོང་ལྡེའུ་བཙན་གྱིས་སློབ་དཔོན་སངས་རྒྱས་གསང་བ་སྤྱན་འདྲེན་དུ་དབས་མཉྫུ་ཤྲཱི་སོགས་བཏང་ཡང་མ་བྱོན་པར་ཀྲི་ཡོག་སྡེ་གསུམ་བཤད་པ་ཉན། ཉིད་ཀྱི་འགྲེལ་པ་རྣམས་གནང་བ་ཁྱེར་ཏེ་སླར་འོངས་ནས་བཙན་པོ་ལ་ཕུལ། སློབ་མ་རྣམས་ལའང་བཤད་པས་དར་བར་གྱུར། དེའང་དཔུང་བཟང་དང་། གསང་བ་སྤྱིའི་རྒྱུད་དང་། བསམ་གཏན་ཕྱི་མ་ལ་སོགས་པ་དང་། སྤྱོད་པའི་རྒྱུད་ཀྱི་ཡང་རྣམ་པར་སྣང་མཛད་མངོན་པར་བྱང་ཆུབ་པའི་རྒྱུད་ལ་སློབ་དཔོན་སངས་རྒྱས་གསང་བའི་བསྡུས་དོན་གྱི་འགྲེལ་པ་དང་། སངས་རྒྱས་གསང་བའི་གསུང་ལོ་ཙཱ་བས་ལེགས་པར་བཟུང་སྟེ་ཡི་གེར་བྱས་པ་དང་། ཕྱག་ན་རྡོ་རྗེ་དབང་བསྐུར་བའི་རྒྱུད་ལ་འགྲེལ་པ་ཞིག་ཀྱང་འགྱུར་ཞིང་། དེ་ལ་སོགས་པ་ལ་བཤད་པ་དང་ཉན་པའི་རྒྱུན་ཡང་ཡོད་པར་སྣང་མོད། བསྟན་པ་ཕྱི་དར་གྱི་སྐབས་བ་རི་ལོ་ཙཱ་རིན་ཆེན་གྲགས་ཀྱིས་དབང་བཀའ་དུ་མའི་རྒྱུན་སྤེལ་བ་སོགས་སྐྱེས་མཆོག་དུ་མས་ལུགས་སྲོལ་ཅི་རིགས་པ་སྤེལ་ཡང་རྐང་ཚུགས་པའི་བཤད་རྒྱུན་ཆེར་མ་བྱུང་ཞིང་། ངོར་ཆེན་རྡོ་རྗེ་འཆང་ཀུན་དགའ་བཟང་པོས་ས་སྐྱའི་སྒོ་རུམ་དཔེ་ཁང་དུ་ལོ་གསུམ་སྐུ་མཚམས་བཅད་དེ་རྒྱུད་དང་རྒྱ་འགྲེལ་རྣམས་ལ་གཟིགས་རྟོག་དཔྱིས་ཕྱིན་པར་མཛད། བྱ་སྤྱོད་ཀྱི་སྤྱི་རྣམ་བརྩམས་ཤིང་བསྟན་པ་སྤེལ་བའི་ཐུགས་བརྩོན་ཆེན་པོ་གནང་ཡང་། དེང་སང་ནི་རྒྱུད་རྣམས་ཀྱི་ལུང་དང་། བྱ་རྒྱུད་རིགས་གསུམ་སྤྱི། དྲི་མེད་རྣམ་གཉིས། དམ་ཚིག་གསུམ་བཀོད། སྨན་བླ་ཞེ་བདུན་མ། དོན་ཞགས་ལྷ་མང་། མི་འཁྲུགས་པ་ལྷ་དགུ། བཅུ་གཅིག་ཞལ་ཀླུ་སྒྲུབ་ལུགས། ཕྱག་རྡོར་འགྲོ་བཟང་ལུགས་སོགས་ཀྱི་དབང་དང་། རྗེས་གནང་། རིག་གཏད། ལུང་སྦྱིན་པའི་རིགས་དུ་མ་དང་སྤྱོད་རྒྱུད་རྣམ་སྣང་མངོན་བྱང་ལྷ་བརྒྱ་དང་ཉེར་གཉིས་མཚན་མ་གཉིས་དང་བཅས་པ། འཇམ་དབྱངས་ཨ་ར་པ་ཙ་ལྷ་ལྔའི་དབང་གི་རྒྱུན་ཙམ་ལས་བཤད་རྒྱུན་ནི་མི་བཞུགས་སོ། །(2)རྣལ་འབྱོར་ནི༔ རྣལ་འབྱོར་རྒྱུད་ལ་མཁས་པ་རྣམ་གསུམ་སྲོལ། ། ཐོག་མར་ལོ་ཆེན་སྲས་བཞི་ཇོ་བོས་སྤེལ། ། བར་དུ་རྩ་སྣུར་འཛིམ་སོགས་ཆུ་ཕྲན་བརྒྱུ། ། ཐ་མ་བུ་སྟོན་མཁས་པའི་རྒྱ་མཚོར་འཁྱིལ། ། ཡོ་གའི་བསྟན་པ་རྨང་ནས་གསོ་བར་མཛད། ། ཅེས་རྣལ་འབྱོར་རྒྱུད་ནི། ཚིག་ལ་མཁས་པ་ཤཱཀྱ་བཤེས་གཉེན། དོན་ལ་མཁས་པ་སངས་རྒྱས་གསང་བ། གཉིས་ཀ་ལ་མཁས་པ་ཀུན་དགའ་སྙིང་པོ་གསུམ་གྱི་བཀའ་སྲོལ་འཕགས་ཡུལ་དུ་གྲགས་ཆེ་ཞིང་བོད་དུ་སངས་རྒྱས་གསང་བའི་བཀའ་སྲོལ་སྔ་དར་དུས་བྱུང་ཡང་ཕྱིས་སུ་རྒྱུན་མེད་ལ། ཕྱི་དར་ལ་ཀུན་སྙིང་ལུགས་ཁོ་ན་དར་བའི་ཐོག་མར་ལོ་ཆེན་རིན་ཆེན་བཟང་པོ་ཁ་ཆེར་བྱོན་ཏེ་བླ་མ་མང་པོ་བསྟེན། རྒྱུད་དང་གདམས་ངག་མང་པོ་ཉན་ནས་གསང་སྔགས་སྤྱི་དང་ཁྱད་པར་ཡོ་ག་ལ་ཤིན་ཏུ་མཁས། བོད་དུ་རྣལ་འབྱོར་གྱི་རྒྱུད་རྣམས་ཕལ་ཆེར་སྔར་ནས་ཡོད་མོད་ཀྱི་འགྲེལ་པ་དང་བསྟུན་ནས་གསར་དུ་བསྒྱུར། འགྲེལ་པའོང་དེ་ཉིད་བསྡུས་པའི་འགྲེལ་པ་དེ་ཉིད་སྣང་བ་སོགས་བསྒྱུར་ནས་འཆད་ཉན་གྱིས་ལེགས་པར་གཏན་ལ་ཕབ། ཕྱག་ལེན་ངེས་ཏིག་མཛད་དེ། ལོ་ཆུང་ལེགས་པའི་ཤེས་རབ། གུང་ཤིང་བརྩོན་འགྲུས་རྒྱལ་མཚན། གྲ་པ་གཞོན་ནུ་ཤེས་རབ། སྐྱི་ནོར་ཛྙཱ་ན་སྟེ་ཐུགས་སྲས་བཞི་གཙོ་བོར་གྱུར་པའི་སློབ་མ་མང་པོ་ལ་གནང་སྟེ་འཆད་ཉན་གྱིས་བརྒྱུད་པ་ཟིན་པ་ཤིན་ཏུ་མང་བར་བྱུང་། དེ་ནས་ཕོ་བྲང་ཞི་བ་འོད་ཀྱིས་པཎྜི་ཏ་ཀ་ལ་ཤ་སོགས་སྤྱན་དྲངས་ཏེ་འགྱུར་མང་དུ་མཛད་ཅིང་ཁྱད་པར་དཔལ་མཆོག་གི་ཧོར་ཀོང་བསབས། བཤད་རྒྱུད་རྡོ་རྗེ་རྩེ་མོ་སོགས་སློབ་མ་མང་པོ་ལ་བཤད། ཇོ་བོ་རྗེ་ཆེན་པོས་སྤྱོད་རྒྱུད་ཀྱི་དབང་དང་མན་ངག་གོ་མི་སྒོམ་ཆེན་སོགས་ལ་གནང་། དེ་ལས་སྐྱི་ནོར་ཛྷཱ་ན་དང་གཉལ་པ་ཉི་ཤེ་སོགས་རིམ་པར་བརྒྱུད་ཅིང་རྒྱ་ཆེར་སྤེལ། ཟངས་དཀར་ལོ་ཙཱས་ཀྱང་ཡོ་གའི་སྐོར་ལ་གསན་པ་རྒྱ་ཆེན་པོ་མཛད་ནས་སྨད་འགྲེལ་དུམ་བུ་གསུམ་ཡང་རྫོགས་པར་བསྒྱུར། གཉོལ་པ་ཉི་མ་ཤེས་རབ། མར་པ་རྡོར་ཡེས། གཉན་སྟོན་ཚུལ་འབར། སྤྱང་ཚང་པ་སེང་གེ་རྒྱལ་མཚན་ཏེ་ཟངས་དཀར་བུ་བཞིར་གྲགས་པ་སོགས་ལ་སྤེལ་ཞིང་བཤད་པས་ཆེས་དར་རོ། ། བར་དུ་རྩ་སྐྱ་བ་སྟོན་ཤཱཀ་གཉལ་པའི་སློབ་མ་སྣུར་ཉི་མ་འོད་ཟེར། འཛིམ་པ་བློ་ཆེན་གསུམ་གྱིས་འཆད་ཉན་གྱི་རྐང་གཙོ་བོར་བཟུང་། གཞན་ཡང་བལ་པོ་རེ་བེནྡྲ་ནས་མལ་ལོ་ཙཱ་བ་ལ་བརྒྱུད་པ་དང་། བི་བྷུ་ཏི་ཙནྡ་ནས་གཡག་སྡེ་ཟེ་དམར་བ་ལ་བརྒྱུད་པ་སོགས་སྲོལ་དུ་མ་བྱུང་། ཡང་ཕྱིས་སུ་རྒྱུན་མ་ནུབ་ཙམ་ལས་ཉག་ཤིན་ཏུ་ཕྲ་བར་གྱུར་པ་ལ། བརྒྱུད་སྲོལ་དེ་དག་གི་ཆུ་ཕྲན་བརྒྱ་རྩ་ཕྱི་མའི་ཐ་མར་རྣལ་འབྱོར་གྱི་རྒྱུད་ལ་བག་ཆགས་ལྷག་པར་སད་པ་བུ་སྟོན་མཁས་པའི་རྒྱ་མཚོ་ཆེན་པོར་འཁྱིལ་ཏེ། དེ་ཉིད་ཀྱིས་རྣལ་འབྱོར་རྒྱུད་ཀྱི་བསྡུས་པའི་དོན་འབྱུང་བའི་བཤད་པ་ཆེན་མོ། གཞན་རྣམས་ཀྱི་དཀྱིལ་ཆོག་སོགས་ཡིག་ཆ་མང་དུ་མཛད་ཅིང་རྣལ་འབྱོར་རྒྱུད་ཀྱི་བསྟན་པ་རྨང་ནས་གསོས་སོ། ། དེང་སང་བཤད་རྒྱུན་ནི་མི་བཞུགས་ལ། དཔལ་མཆོག་རིགས་བསྡུས། རྩེ་མོ་རིགས་བསྡུས། རྡོ་རྗེ་དབྱིངས་སོགས་དབང་བཀའ་ཆེ་ཆུང་བཅུ་གསུམ། རྒྱུད་ཀྱི་ལུང་། ཆ་མཐུན་ནམ་འཕྲོས་པའི་རྒྱུད་སྦྱོར་དཀྱིལ་བཅུ་གཉིས་ཀྱི་དབང་བཀའ་ཙམ་ཞིག་བཞུགས་སོ། ། འདི་ལ་ཡོ་ག་སྟོད་ལུགས་དང་སྨད་ལུགས་ཞེས་གྲགས་པ་ནི། ལོ་ཆེན་གྱི་སྐུ་ཚེའི་སྟོད་དུ་བཤད་པ་ཤཱཀྱ་བཤེས་གཉེན་དང་ལག་ལེན་ཀུན་སྙིང་ལུགས་ལྟར་མཛད་པ་ནི་སྐུ་ཚེའི་སྟོད་ལ་བྱུང་ཡང་ས་ཆ་སྨད་དུ་དར་བ་ལ་ཡོ་ག་སྨད་ལུགས་ཞེས་བྱ་སྟེ། ཉང་སྟོད་ཀྱི་རྒྱལ་པོ་ཆོས་བློ། རིན་སྤུངས་ཀྱི་སུམ་སྟོན། བོ་དོང་གི་སྦྱང་ག་འདང་ཆུང་རྣམས་ཀྱིས་སྲོལ་བཏོད་པ་རྣམས་ཡིན་ནོ། ། ཡོ་ག་སྟོད་ལུགས་ནི་ཕྱིས་ལོ་ཆེན་གྱིས་བཤད་པ་ལག་ལེན་གཉིས་ཀ་ཀུན་སྙིང་ལུགས་ལྟར་མཛད་པ་ནི་སྐུ་ཚེའི་སྨད་ལ་བྱུང་ཡང་། ས་ཆ་སྟོད་དུ་དར་བས་དེ་སྐད་ཅེས་བྱ་སྟེ། མལ་ལོ་ཙཱ་བ་ནས་བླ་མ་ས་སྐྱ་པ་ཆེན་པོ་སོགས་ལ་བརྒྱུད་དེ་སྙན་བརྒྱུད་དུ་བཞུགས་པ་རྗེ་བཙུན་ཆེན་པོ་གྲགས་པ་རྒྱལ་མཚན་གྱིས་ཕྱི་རབས་ཀྱི་གདུལ་བྱ་བློ་ཞན་ཅིང་བརྗེད་ངས་པས་སྙན་བརྒྱུད་འཛིན་མི་ནུས་པར་ནུབ་ཀྱིས་དོགས་ནས་གཞན་ཕན་སྐོར་གསུམ་སོགས་མཛད་པ་ལས་རིམ་གྱིས་མཆེད་ནས་སྦྱོང་རྒྱུད་ཀུན་རིག་གི་ཕྱག་བཞེས་གྲུབ་མཐའ་ཀུན་ལ་ད་ལྟའི་བར་དུ་དར་ཞིང་རྒྱས་སོ། ། (3)བླ་མེད་ལ་ཕ་རྒྱུད་དང་མ་རྒྱུད་གཉིས་ཏེ།[1]ཕ་རྒྱུད་ལ་གསུམ་སྟེ།<1>འདོད་ཆགས་ཀྱི་རིགས་ནི། འདུས་པ་ལུགས་སྲོལ་ཉི་ཤུ་རྩ་བཞིར་གྲགས། ། ཞེས་བླ་མེད་ཕ་རྒྱུད་གསང་བ་འདུས་པ་ལ་རྒྱ་གར་དུ་པདྨ་བཛྲ་ཆེན་པོ། ཡན་ལག་མེད་པའི་རྡོ་རྗེ། ཀླུ་སྒྲུབ། སྒེག་པའི་རྡོ་རྗེ། རྡོ་རྗེ་བཞད་པ། མགྲིན་གསུམ་དབང་པོ། དབྱངས་སྙན་སྐྱོང་བ། སངས་རྒྱས་ཡེ་ཤེས། ཤཱནྟི་པ། ཀུན་དགའ་སྙིང་པོ་སོགས་ལུགས་སྲོལ་ཉི་ཤུ་རྩ་བཞི་ཙམ་བྱུང་བར་གྲགས་པ་ལས། ཕྱི་མ་ནི་འཕགས་ཡུལ་གྱི་མཁས་པས་བཀྲལ་བ་ཡིན་ཀྱང་བླ་མེད་ཀྱི་རྒྱུད་ཡིན་ངེས་པ་ཞིག་རྣལ་འབྱོར་གྱི་རྒྱུད་དུ་བཀྲལ་བས་མི་འཐད་པར་བཞེད་དོ། ། བོད་དུ་བཀའ་སྲོལ་དྲུག་ཙམ་བྱུང་བ་ལས། ། གཙོ་བོ་འཕགས་དང་ཡེ་ཤེས་ཞབས་ལུགས་གཉིས། ། ཞེས་ལུགས་སྲོལ་དེ་དག་ལས་བོད་ཀྱི་ཡུལ་འདིར་འཕགས་ལུགས། ཡེ་ཤེས་ཞབས་ལུགས། ཤཱནྟི་པའི་ལུགས། རྡོ་རྗེ་བཞད་པའི་ལུགས། པདྨ་བཛྲ་གྱི་ལུགས། ཀུན་སྙིང་གི་ལུགས་བཅས་དྲུག་བྱུང་སྟེ། སྔ་དར་གྱི་སྐབས་སུ་ལྕེ་བཀྲ་ཤིས་ཞེས་བྱ་བས་བསྒྱུར་ཞིང་ཏནྟྲ་ཆེན་པོ་སྡེ་བཅོ་བརྒྱད་ལས་ཐུགས་རྒྱུད་གསང་བ་འདུས་པ་ཞེས་གྲགས། འགྲེལ་མཛད་བཤད་པའང་བྱུང་བ་ནི་རྡོ་རྗེ་བཞད་པའི་ལུགས་ཡིན་པས་མཚོན། འོན་ཀྱང་ཕྱི་མ་རྣམས་ཀྱི་དབང་བཤད་མན་ངག་རིང་དུ་མ་དར་ཞིང་། གཙོ་བོར་འཕགས་སྐོར་ཏེ་ཀླུ་སྒྲུབ་ལུགས་དང་། སངས་རྒྱས་ཡེ་ཤེས་ཞབས་ཀྱི་ལུགས་གཉིས་དབང་བཤད་མན་ངག་ཚང་བར་བྱོན་ཅིང་ད་ལྟའི་བར་དུ་གནས་པ་ཡིན་ནོ། ། སྔ་མ་མར་འགོས་ཇོ་བོ་ཆག་པཎ་ཆེན། ། ཕྱི་མ་རིན་བཟང་གཉན་རྭ་གཉོས་ཀྱི་ལུགས། ། ཞེས་དེ་ལ་སྔ་མ་འཕགས་ལུགས་ནི་ཕྱི་དར་གྱི་ཐོག་མར་ལོ་ཆེན་རིན་ཆེན་བཟང་པོས་འདུས་པའི་རྒྱུད་ཉིད་དང་། དེའི་འགྲེལ་པ་སྒྲོན་གསལ་སོགས་གཞུང་ཆེ་ཕྲ་མང་པོ་བསྒྱུར། དེ་དག་གི་དབང་དང་བཤད་པ་སོགས་ཀྱང་དཔྱིས་ཕྱིན་པར་གསན། གཞན་ཡང་ཕྱི་ནས་ལོ་ཙཱ་བ་མང་པོས་འཕགས་ཡུལ་ནས་ཉན་ཏེ་བསྒྱུར་བཤད་ཅི་རིགས་པར་མཛད་མོད་ཀྱི་གཙོ་བོར་མར་འགོས་ཀྱི་ལུགས་གཉིས་སུ་གྲགས་ཆེ། དེའང་མར་པ་ལོ་ཙཱ་ཆོས་ཀྱི་བློ་གྲོས་ཀྱིས་སློབ་དཔོན་ནཱ་རོ་པ་དང་ཡེ་ཤེས་སྙིང་པོ་ལ་སོགས་པ་བསྟེན་ནས་གསང་བ་འདུས་པའི་སྐོར་རྣམས་ཞུས། བོད་དུ་སློབ་མ་རྣམས་ལ་བསྟན་པ་ལས་སློབ་མའི་མཆོག་ཏུ་གྱུར་པ་ཀ་ཆེན་བཞི་ལས་ཁྱད་པར་དུ་མཚུར་སྟོན་དབང་ངེ་ལ་འདུས་པའི་སྐོར་ཡོངས་སུ་རྫོགས་པར་གནང་། དེས་ཁམས་པ་རོ་མཉམ་རྡོ་རྗེ་ལ་གནང་སྟེ། རོ་མཉམ་རྡོ་རྗེས་རྒྱ་གར་དུ་འདུས་པ་ཉན་པ་ལ་བྱོན་པའི་ཚེ་ལམ་དུ་རྒྱ་གར་པ་གཉིས་མར་པ་ལ་འདུས་པ་ཉན་དུ་འོངས་པ་དང་ཕྲད་ནས་ཚུར་བྱོན། མར་པ་གཤེགས་ཟིན་པས་མཚུར་སྟོན་ལ་འདུས་པ་གསན་པ་སོགས་ནས་ཉེ་བར་བརྒྱུད་དེ་མར་ལུགས་སུ་གྲགས་སོ། ། འགོས་ལུགས་ནི་ལོ་ཙཱ་བ་ཆེན་པོ་འགོས་ཁུག་པ་ལྷས་བཙས་ཀྱིས་སློབ་དཔོན་ཆེན་པོ་དཱི་པཾ་ཀ་ར་དང་། དེ་ཝཱ་ཀ་ར་ཙནྡྲ༌དང་། བིརྻ་བྷ་དྲ་སོགས་པཎྜི་ཏ་བདུན་ཅུ། མཁའ་འགྲོ་མ་གཉིས་རྣམས་ལས་གསང་བ་འདུས་པའི་དབང་རྒྱུད་འགྲེལ་མན་ངག་དང་བཅས་པ་གསན། བོད་དུ་སྔར་འགྱུར་བའི་རྒྱུད་འགྲེལ་ཕྲན་དང་བཅས་པ་རྣམས་ལ་འགྱུར་བཅོས་དང་ཞུས་དག་སོགས་ཤིན་ཏུ་ལེགས་པར་མཛད། སློབ་མ་རྣམས་ལ་རྒྱུ་ཆེན་བསྟན་པ་ལས་སློབ་མ་རྒྱུད་ཀྱི་ཀ་བ་ཚུགས་པ་བཞི། མན་ངག་གི་གདུང་མ་ཐེག་པ་བརྒྱད། ལས་ཚོགས་དང་ཕྲིན་ལས་ལ་མཁས་པ་དྲལ་ཕྱམ་གཤིབས་པ་ལྟ་བུ་གྲངས་མེད་ཀྱི་ནང་ནས་མར་རབ་སེང་གེ་རྒྱལ་མཚན་སོགས་སློབ་མའི་མཆོག་དྲུག་བྱུང་། དེ་དག་ལས་ཉེ་བར་བརྒྱུད་དེ་འདུས་པའི་སྐོར་ཤིན་ཏུ་དར་བ་བྱུང་བ་ཡིན་ཏེ་འགོས་ལུགས་སུ་གྲགས་སོ། ། ཡང་ཇོ་བོ་རྗེ་ཨ་ཏི་ཤས་ནག་ཚོ་ལ་གསུངས། དེས་རོང་པ་ཕྱག་སོར་པ་ལ་བཤད་པ་སོགས་ནས་ཇོ་བོ་ལུགས་སུ་གྲགས། ཡང་ཆག་ཆོས་རྗེ་དཔལ་གྱིས་པཎྜི་ཏ་རེ་བེནྡྲ་པ་སོགས་བསྟེན་ནས་འདུས་པ་གསན་པ། འུ་ཡུག་ཀུང་རབ་བླ་མ་དཔལ་སོགས་ལ་བཤད་པ་ནས་ཉེ་བར་བརྒྱུད་དེ་ཆག་ལུགས་སུ་གྲགས། ཡང་ཁ་ཆེ་པཎ་ཆེན་གྱིས་ས་སྐྱ་པཎྜི་ཏ་དང་། དཔྱལ་ཆོས་ཀྱི་བཟང་པོ་སོགས་ལ་གནང་བ་ནས་པཎ་ཆེན་ལུགས་སུ་གྲགས། དེའང་ས་པཎ་ནས་བརྒྱུད་པ་ལ་ས་ལུགས་དང་། ཆག་ལུགས་ཞེས་གཉིས་སུ་ཕྱེ་བས་འདུས་པ་ལུགས་སྲོལ་དྲུག་ཏུ་བགྲང་བར་མཛད། གཞན་ཡང་བཤད་སྲོལ་ཅུང་ཟད་འདྲ་མིན་ཡོད་པའི་རྒྱུན་སྣ་ཚོགས་པ་ཞིག་བྱུང་འདུག་གོ ། ཕྱི་མ་ཡེ་ཤེས་ཞབས་ལུགས་ནི་དང་པོར་ལོ་ཆེན་རིན་བཟང་ལས་རྐྱང་པོ་ཆོས་བློ་སོགས་ལ་དར་ཞིང་སྨྲི་ཏི་ཛྙཱ་ནས་ཀྱང་ཁམས་སུ་བཤད་པས་ཁམས་ལུགས་སུ་གྲགས་པ་བྱུང་། པཎྜི་ཏ་སུ་ན་ཡེ་ཤྲཱི་དང་གཉན་ལོ་ནས་བརྒྱུད་པས་ས་སྐྱ་པ་རྣམས་ལ་གྲགས་ཆེ་བས་ས་ལུགས་སུ་གྲགས་པ་དང་། པཎྜི་ཏ་པུཎྱེ་ཤཱི་སོགས་ལས་རྭ་ཆོས་རབ་ཀྱིས་གསན་ནས་དར་བ་རྭ་ལུགས་དང་། ཡང་གཉོས་འབྱུང་པོས་བ་ལིང་ཨཱ་ཙརྱ་བསྟེན་ཏེ་འདུས་པ་ཉན་པ་ནས་གཉོས་ལུགས་སུ་གྲགས་པ་སོགས་བྱུང་ངོ་། ། དེ་ལྟར་ལུགས་སྔ་ཕྱི་གཉིས་གའི་ཕྱོགས་ལ་བོད་ཡུལ་འདིར་ཊཱི་ཀ་དང་། སྒྲུབ་ཐབས་དཀྱིལ་ཆོག་དང་མན་ངག་གི་ཡི་གེ་སོགས་རྩོམ་མཁན་ནི་ཤིན་ཏུ་མང་པོ་ཞིག་བྱུང་བར་སྣང་ངོ་། །<2>ཞེ་སྡང་གི་རིགས་ནི། གཤིན་རྗེའི་གཤེད་ལ་དུས་ཀྱི་རིམ་པ་ལྔ། ། འདོད་པའི་དངོས་གྲུབ་སྤྱོད་པ་སྣ་ཚོགས་དང་། ། གནོད་ལྡན་དེས་སྤྱོད་ཆ་ཤས་ཅན་རྣམས་བྱུང་། ། ཞེས་དེ་ལྟར་དུས་ཀྱི་རིམ་པ་ལྔར་དར་ཡང་ཐུན་མོང་གི་གདུལ་བྱའི་སྣང་ངོར་རྒྱུད་ཀྱི་དབང་བཤད་དངོས་སུ་དར་བར་མཛད་པ་ནི་དང་པོར་སློབ་དཔོན་ལ་ལི་ཏ་བཛྲ་དང་། བར་དུ་སངས་རྒྱས་ཡེ་ཤེས་ཞབས་དང་། མཐར་བྲམ་ཟེའི་སློབ་དཔོན་དཔལ་འཛིན་གསུམ་ལ་རིམ་བཞིན་དང་པོ། བར་པ། ཐ་མའི་ཚུལ་དུ་གཤིན་རྗེ་གཤེད་པོའི་བཀའ་བབས་ཤིང་། དེ་གསུམ་ནི་དཀྱིལ་འཁོར་ཆེན་པོའི་རྡོ་རྗེ་སློབ་དཔོན་ཞེས་མཚན་གསོལ་ཏོ། ། ཁྱད་པར་གཤེད་སྐོར་ཀུན་འདུས་དཔལ་འཛིན་སོགས། ། རིམ་བརྒྱུད་ལྗོངས་འདིར་སྔགས་རྒྱུད་ཐོག་མར་བྱུང་། ། གཤེན་རྗེ་གཤེད་པོའི་ཆོས་སྐོར་ལ་འཕགས་ཡུལ་དུ་དུས་ཀྱི་རིམ་པ་ལྔར་བྱུང་སྟེ། བཀའ་བསྡུ་གསུམ་པའི་རྗེས་མི་རིང་བ་ནས་གཤིན་རྗེ་གཤེད་པོའི་སྔགས་རྒྱུད་དར་ཏེ་ལོ་ཉིས་བརྒྱ་ཙམ་ནི་དུས་དང་པོ་འདོད་པའི་དངོས་གྲུབ་གྱི་དུས་ཏེ་ཚོམ་བུ་སྟོང་ཕྲག་དུ་མ་ཕྱག་རྒྱ་ཆེན་པོའི་མཆོག་འབའ་ཞིག་གྲུབ།དུས་གཉིས་པ་སྤྱོད་པ་སྣ་ཚོགས་པ་གྲུབ་པ་ལོ་སུམ་བརྒྱ་ཙམ་བྱུང་སྟེ་དཀྱིལ་འཁོར་འདིར་ཞུགས་པ་ཐམས་ཅད་དོན་མ་གྲུབ་པ་ནི་གཅིག་ཀྱང་མེད་དེ་མཆོག་གྲུབ་པའང་ཤིན་ཏུ་མང་། དུས་གསུམ་པ་གནོད་པ་ཅན་ནི་ལོ་ལྔ་བརྒྱ་ལྷག་ཙམ་བྱུང་སྟེ་དངོས་གྲུབ་ཐོབ་པའང་མང་མོད་ནུས་པའི་སྒོ་ནས་མངོན་སྤྱོད་དྲག་ཤུལ་གྱི་སྦྱོར་བ་གཙོ་བོར་བྱེད་པ་བྲམ་ཟེ་ཙན་ཀ་སོགས་འདི་དུས་བྱུང་། །བཞི་པ་ངེས་པ་ལ་སྤྱོད་པ་ནི་སློབ་དཔོན་ལ་ལི་ཏ་བཛྲ་ནས་ཀ་མ་ལ་རཀྵིཏའི་བར་ཡིན་ཏེ་བསྐྱེད་རིམ་ཕྲིན་ལས་དང་བཅས་པ་ལ་ངེས་པར་སྤྱོད་ཅིང་གྲུབ་པའོ། །དུས་ལྔ་པ་ཆ་ཤས་ལ་སྤྱོད་པ་ནི། དེ་ནས་བརྩམས་ཏེ་ད་ལྟའི་བར་ཡིན་ལ་འཕགས་ཡུལ་དུ་མཁས་པ་སྒོ་དྲུག་ནས་ཨ་བྷ་ཡའི་དུས་ཀྱི་བར་ལོ་བརྒྱ་ཙམ་ལ་དར་ཞིང་ལས་གྲུབ་པ་མྱུར། དེ་ནས་གཤིན་རྗེ་གཤེད་དམར་དར་ཞིང་འཇིགས་མཛད་ཀྱི་ཆོས་སྐོར་ནུབ་པ་ནས་ཡུལ་དབུས་སུ་ཀླ་ཀློ་ཞུགས་པ་འདྲ་ཞིག་བྱུང་བས་ཀླ་ཀློའི་གཉེན་པོ་མཆོག་ཀྱང་སྤྱི་ཁྲོ་རྒྱས་ཡ་མནྟ་དང་སྒོས་རྡོ་རྗེ་འཇིགས་མཛད་ཆེན་པོ་ཉིད་ཡིན་ནོ། ། ལ་ལི་ཏ་དང་ཡེ་ཤེས་དཔལ་འཛིན་གསུམ། ། དང་པོ་བར་དང་ཐ་མའི་བཀའ་བབས་ཤིང་། ། དཀྱིལ་འཁོར་ཆེན་པོའི་རྡོ་རྗེ་སློབ་དཔོན་ནོ། ། ཁྱད་པར་གཤེད་སྐོར་དམར་ནག་འཇིགས་གསུམ་གྱི་རྒྱུད་དང་མན་ངག་གི་ཆུ་བོ་ཀུན་འདུས་པ་སློབ་དཔོན་ཆེན་པོ་དཔལ་འཛིན་སོགས་རིམ་པར་བརྒྱུད་དེ་བོད་ཡུལ་དུའང་ཅི་རིགས་པར་བྱུང་ཞིང་། ལྗོངས་འདིར་སྤྲུལ་པའི་རྒྱལ་པོ་སྲོང་བཙན་སྒམ་པོས་སྒྲུབ་ཐབས་མཛད་པར་གྲགས་པས་སྔགས་བྱུང་བའི་སྔ་ཤོས་ཡིན། རབ་ཏུ་བྱུང་བའི་སྡེ་དར་ཙམ་ན་གཤིན་རྗེ་གཤེད་རྣམ་པར་རྒྱལ་བའི་རྒྱུད་འབྱུང་། དབང་བཤད་མན་ངག་ལག་ལེན་བཅས་བྱུང་། གནུབས་ཆེན་སངས་རྒྱས་ཡེ་ཤེས་ཀྱིས་གཤིན་རྗེ་གཤེད་ཀྱི་ཆོས་སྐོར་མཐའ་ཡས་པ་སྤེལ་བས་རིག་སྔགས་གྲུབ་པ་དུ་མ་བྱོན་པས་མཚོན་སྔགས་རྒྱུད་རྣམས་ཀྱི་ཐོག་མ་ལྟ་བུར་བྱུང་ངོ་། ། ཕྱི་དར་ཅོག་གྲུ་ནག་ཚོ་རོང་ཟོམ་དཔྱལ། ། རྭ་སྐྱོ་ཞང་གཉོས་རྣམས་ལས་འཇམ་དཔལ་དངོས། ། རྭ་བའི་ལུགས་ཉིད་བཤད་སྒྲུབ་བླ་ན་འཕགས། ། བསྟན་པ་ཕྱི་དར་ལ་དང་པོ་ཅོག་གྲུ་ལོ་ཙཱ་བ་ཤེས་རབ་བླ་མས་གཤིན་རྗེ་གཤེད་ནག་གི་རྒྱུད་དང་། འཇིགས་བྱེད་རྟོགས་བདུན་གཉིས་དང་། འཇིགས་བྱེད་ཞེ་དགུ་མའི་སྒྲུབ་ཐབས་སོགས་བསྒྱུར། དགྲ་གདོང་འཇིགས་གསུམ་གྱི་དབང་དང་བཤད་པའང་དར་བར་མཛད། ནག་ཚོ་ལོ་ཙཱས་ཀྱང་ཇོ་བོ་དང་དམ་ཚིག་རྡོ་རྗེ་སོགས་ལ་གསན་ཏེ་རྒྱུད་འགྲེལ་བསྒྱུར། དབང་བསྐུར་བ་དང་རྒྱུད་བཤད་པ་སོགས་ལས་ཀྱང་མང་དུ་མཆེད། རོང་ཟོམ་ཆོས་བཟང་གིས་ཨུ་པ་ཡ་ཤྲཱི་མི་ཏྲ་ལ་བསྟེན་ཏེ་ནག་འཇིགས་གཉིས་ཀྱི་རྒྱུད་སོགས་བསྒྱུར་ནས་བཤད་པའང་མཛད་དོ། ། གཞན་ཡང་གཉོས་དང་རྭ་ལོ་དང་ཤུད་ཀེ་ལོ་ཙཱ་སོགས་མང་པོས་དམར་ནག་འཇིགས་གསུམ་སོགས་ཀྱི་རྒྱུད་གཞུང་མན་ངག་དུ་མ་གསར་དུ་བསྒྱུར་བ་དང་། འགྱུར་བཅོས་མཛད་པ་སོགས་ཤིན་ཏུ་མང་ཞིང་། ཁྱད་པར་སྲོལ་ཆེན་གཏོད་པ་པོ་ནི་དཔྱལ་ལོ་སོགས་བཞི་དང་། རྭ་སྐྱོ་ཞང་གསུམ་དང་། གཉོས་ཏེ་བརྒྱད་ཡིན་པ་ལས། སྔ་མ་ནི་གཤེད་དམར་ནག་གི་སྐོར་དེ་དཔྱལ་ལོ་ཆོས་དཔལ་བཟང་པོས་ནི་ཥྐ་ལངྐ་ལ་ཞུས་ནས་བོད་དུ་དར་བ་དང་། དཱ་ན་ཤཱི་ལས་ས་སྐྱ་པཎ་ཆེན་ལ་གནང་བ་དང་། ཆག་ལོས་ཀྱང་བི་རཱུ་པའི་གཞུང་སོགས་བསྒྱུར་ཅིང་བསྟན་པ་དང་། གློ་བོ་ལོ་ཙཱས་དརྤ་ཎ་ཨཱ་ཙ་རྱ་སོགས་ལས་གསན་ཅིང་སྤེལ་བ་རྣམས་ཏེ། དེ་དག་གི་རྒྱུན་ལས་གཤེད་དམར་གྱི་སྐོར་རྣམས་ཀྱི་དབང་ཁྲིད་མན་ངག་དང་བཅས་པ་བྱུང་བ་ཡིན་ནོ། །རྭ་ལུགས་ནི། རྭ་ལོ་རྡོ་རྗེ་གྲགས་ཀྱིས་བལ་པོ་འབའ་རོ་ཕྱག་རྡུམ་དང་། མེ་ཙ་ལིང་བ་གཉིས་བསྟེན་ནས་རྡོ་རྗེ་འཇིགས་བྱེད་ཀྱི་དབང་རྒྱུད་མན་ངག་དང་བཅས་པ་གསན། ཁྱད་པར་བལ་པོ་ཐུགས་རྗེ་ཆེན་པོ་ལ་དགྲ་གདོང་འཇིགས་གསུམ་སོགས་ཀྱི་སྐོར་རྫོགས་པར་གསན། བོད་དུ་ཆོས་འཁོར་ཆེན་པོ་མཛད་ཅིང་། གཤེད་སྐོར་གནང་བའི་སློབ་མ་ཁོ་ནའང་ཉིས་སྟོང་བྱུང་བར་གྲགས། གཙོ་བོར་རྭ་ཆོས་རབ་སོགས་ཏེ། དེ་དག་ལས་མཆེད་པའི་ཚུལ་ནི་སྨོས་ཀྱིས་མི་ལང་ངོ་། །སྐྱོ་ལུགས་སུ་གྲགས་པ་ནི། བླ་མ་སྐྱོས་ཨ་མོ་གྷ་བཛྲ་སོགས་ལས། རྡོ་རྗེ་འཇིགས་བྱེད་ཀྱི་སྐོར་རྣམས་གསན་ནས་དར་བར་མཛད་པ་ཡིན་ཞིང་།ཞང་ལུགས་ནི། གོང་གི་ཅོག་གྲུ་ལོ་ཙཱ་བ་དེས་དེ་བཱ་ཀ་ར་ཙནྡྲ་ལ་ནག་འཇིགས་གཉིས་གསན་པ་ནས་ཉེ་བར་བརྒྱུད་པ་རྣམས་ཀྱི་སྲོལ་ཡིན་ནོ། ། གཉོས་ལུགས་ནི། གཉོས་ལོ་ཙཱས་བ་ལིང་ཨཱ་ཙརྱ་སོགས་ལས་ནག་པོ་སྐོར་གསུམ་གསན་པ་ནས་མཆེད་པ་སྟེ། དེ་དག་རྣམས་ལས་འཇམ་དཔལ་རྡོ་རྗེ་འཇིགས་མཛད་བཤེས་གཉེན་གྱི་རྣམ་པར་དངོས་སུ་བྱོན་པ་རྭ་ལོ་ཆེན་པོའི་ལུགས་སྲོལ་ཉིད་བཤད་སྒྲུབ་ནུས་པའི་རྒྱུན་མ་ཆད་པས་ཕྲིན་ལས་གྲུབ་མཐའ་ཡོངས་སུ་ཁྱབ་ཅིང་བླ་ན་འཕགས་སོ། ། དེང་སང་ནི་རྒྱུད་བཤད་མི་བཞུགས་ལ། རྒྱུད་དང་རྭ་པོད་ཀྱི་ལུང་ལུགས་སྲོལ་མི་འདྲ་བ་བདུན་གྱི་དབང་བསྐུར་བའི་རྒྱུན་ངག་གི་ཁྲིད་རིམ་བཅས་བཞུགས། རྗེ་བརྒྱད་པས་ནི་འཇིགས་བྱེད་གཉོས་ལུགས་ལ་བསྔགས་པ་ཆེ་ཞིང་སྒྲུབ་དཀྱིལ་གྱི་ཡིག་ཆའང་མཛད། དེའི་དབང་ལུང་རྒྱུན་ཡང་མཆིས་སོ། །<3>གཏི་མུག་གི་རིགས་ནི། གཏི་མུག་རིགས་རྒྱུད་མཚན་བརྗོད་ལོ་ཆེན་འགྱུར། ། བཤད་བཀའ་མན་ངག་སྔ་ཕྱིའི་ལུགས་སྲོལ་གནས། ། ཞེས་ཕ་རྒྱུད་གཏི་མུག་རིགས་ཀྱི་རྒྱུད་འཇམ་དཔལ་སྒྱུ་འཕྲུལ་དྲྭ་བ་ཁྲི་དྲུག་སྟོང་པ་ཏིང་ངེ་འཛིན་དྲྭ་བའི་ལེའུ་ལས་ཕྱུང་བ་རྒྱུད་ཐམས་ཅད་ཀྱི་བདག་པོ་མཚན་ཡང་དག་པར་བརྗོད་པ་འདི་ཉིད་བྱང་ཆུབ་སེམས་དཔའ་རྣམས་ཀྱིས་དུས་འཁོར་ལུགས་སུ་བཀྲལ། སྒེག་པ་རྡོ་རྗེས་བླ་མེད་བརྒྱུད། འཇམ་དཔལ་གྲགས་པ་དང་འཇམ་དཔལ་བཤེས་གཉེན་གྱིས་ཡོ་གར། བོད་དུ་རྫོགས་ཆེན་དང་རྒྱ་གར་དུ་དབུ་མར་བཀྲལ་པའང་ཡོད་པར་བཤད་ཅིང་། ཐོག་མར་ལོ་ཆེན་རིན་བཟང་གིས་བསྒྱུར། ཕྱིས་ནས་ལོ་ཙཱ་བ་དུ་མས་འགྱུར་བཅོས། པཎ་ཆེན་སྨྲ་ཏི་ཛྙཱ་ན་ལས་བརྒྱུད་དེ་བཤད་པའི་བཀའ་དང་། དབང་རྒྱུན་མན་ངག་དང་བཅས་པ་རྔོག་སྟོན་ཆོས་སྐུ་རྡོ་རྗེས་སྐྱི་བྱེ་མ་ལུང་པ་ལས་གསན་པ་ཡོ་གའི་ལུགས་དང་། མར་སྟོན་ཆོས་ཀྱི་བློ་གྲོས་ཀྱི་ཞལ་སྔ་ནས་མེ་ཏྲི་པའི་བཀའ་སྲོལ་བླ་མེད་ལུགས་ཀྱང་ཞུས་པ་དེ་དག་གི་དབང་ལུང་རྒྱུན་ད་ལྟ་མ་ནུབ་པར་གནས་པ། བརྒྱུད་པ་སྔ་མའི་བཤད་རྒྱུན་ཀྱང་མཆིས་པ་རྒྱུད་ཀྱི་རྒྱལ་པོ་འདི་ལ་ངེས་པ་རྙེད་ན་བླ་མེད་ཀྱི་རྒྱུད་མཐའ་དག་ལ་ངེས་པ་རྙེད་པར་འགྱུར་ལ། རྒྱུད་འདིའི་དོན་མ་ཤེས་ན་བླ་མེད་ཀྱི་ལམ་གྱི་གནད་མི་ཤེས་པ་ནི། དྲི་མེད་འོད་ལས། སེམས་ཅན་རྣམས་ཐེ་ཚོམ་མེད་པར་བྱ་བའི་ཕྱིར་སྔགས་ཀྱི་ཐེག་པ་ཐམས་ཅད་ལས་བསྡུས་ནས། མཚན་ཡང་དག་པར་བརྗོད་པ་བཅོམ་ལྡན་འདས་ཀྱིས་ཕྱག་ན་རྡོ་རྗེ་ལ་ཡང་དག་པར་བསྟན་ཏོ། ། མཚན་ཡང་དག་པར་བརྗོད་པ་མི་ཤེས་པ་དེས་རྡོ་རྗེ་འཆང་གི་ཡེ་ཤེས་ཀྱི་སྐུ་མི་ཤེས་སོ། ། གང་རྡོ་རྗེ་འཆང་གི་ཡེ་ཤེས་ཀྱི་སྐུ་མི་ཤེས་པ་དེས་ནི་སྔགས་ཀྱི་ཐེག་པ་མི་ཤེས་སོ། ། གང་སྔགས་ཀྱི་ཐེག་པ་མི་ཤེས་པ་དེ་འཁོར་བ་སྟེ་ཐམས་ཅད་དུ་བཅོམ་ལྡན་འདས་རྡོ་རྗེ་འཆང་གི་ལམ་དང་བྲལ་བས་སོ། ། ཞེས་གསུངས་ཤིང་། མཚན་ཡང་དག་པར་བརྗོད་པའི་རྒྱུད་འདི་ནི་དཔག་བསམ་གྱི་ཤིང་དང་ཡིད་བཞིན་གྱི་ནོར་བུ་ལྟར་རང་གཞན་སེམས་ཅན་ཐམས་ཅད་ཀྱི་གནས་སྐབས་དང་མཐར་ཐུག་གི་འདོད་དོན་མཐའ་དག་སྟེར་བའི་བྱེད་པོར་གསུངས་ཤིང་། ཐ་ན་རྒྱུད་འདིའི་ཚིག་ཙམ་བཀླགས་པས་ཀྱང་སྡིག་སྒྲིབ་ཚབས་ཆེན་པོ་འདག་པ་དང་། རྗེ་བཙུན་འཇམ་དཔལ་དབྱངས་ཀྱི་བྱིན་རླབས་མྱུར་དུ་འཇུག་པ་སོགས་ཕན་ཡོན་མཐའ་ཡས་པ་འབྱུང་བ་འདིའི་ཕན་ཡོན་གྱི་ལེའུར་གསུངས་པ་ལྟར་རོ། ། འདིའི་ལུས་རྣམ་པར་གཞག་པའང་རིགས་ལྡན་པདྨ་དཀར་པོས་ལེའུའི་གཅོད་མཚམས་བཅུ་བཞིར་མཛད་པ་སྟེ། ཞུས་དང་ལན་བཏབ་རིགས་ལ་གཟིགས། ། སྒྱུ་འཕྲུལ་དྲྭ་བས་མངོན་བྱང་ཆུབ། ། རྡོ་རྗེ་དབྱིངས་དང་ཆོས་ཀྱི་དབྱིངས། ། མེ་ལོང་སོར་རྟོག་མཉམ་པ་ཉིད། ། བྱ་གྲུབ་གཤེགས་ལྔའི་ཡོན་ཏན་བསྟོད། ། ཕན་ཡོན་བསྔགས་དང་ཡི་རང་ངོ་། ། ཞེས་པ་སྟེ། དེའང་སྒྱུ་འཕྲུལ་དྲྭ་བའི་ལེའུ་རྒྱུད་འདིའི་རྩ་བ། ལེའུ་ཕྱི་མ་རྣམས་བཤད་རྒྱུད་དམ་ཡན་ལག་གི་ཚུལ་དུ་བསྡེབས་ཏེ་དྲང་དོན་དཀྱིལ་འཁོར་དྲུག་སྤྲོ་བ་དང་ངེས་དོན་ཐིག་ལེ་དྲུག་བཤད་པ་ལྟོ་སྦྱར། དེ་ལས་སོར་རྟོག་ལེའུ་ཁོ་ནས་སྨིན་གྲོལ་གྱི་འབྲས་བུ་རྫོགས་པར་སྟོན་ཅིང་། དེ་ལས་ཀྱང་འཇིག་རྟེན་གསུམ་ན་གཞོན་ལུས་སོགས་ཤློ་ཀ་གཅིག་གིས་རྒྱུད་དོན་ཚང་བར་སྟོན་པས་རྒྱུད་སྤྱིའི་མངོན་རྟོགས་ཀྱི་ཚུལ་དུ་བསྡེབས་ཏེ་འཆད་པར་མཛད་དོ། ། མཚན་བརྗོད་འགྱུར་འགོ་མང་ཡང་དོན་འདྲ་ཞིང་། ཡཀྵ་ཏན་དང་མི་མཚུངས་པ་ནི། ཐིག་ལེ་སྟོང་པ་ཡི་གེ་བརྒྱ། ། ཞེས་པ་རྣལ་འབྱོར་རྒྱུད་དང་། ཡི་གེ་དྲུག་ཅེས་པ་བླ་མེད་དུ་བྱེད་ནས་འགྲེལ་པའི་སྲོལ་གཉིས་ཡོད་དོ། ། [2]མ་རྒྱུད་རིགས་དྲུག་ལས་སྐབས་འདིར་གསུམ་སྟེ།<1>ཧེ་རུའི་ཀའི་རིགས་ནི། བདེ་མཆོག་ལུགས་སྲོལ་ཉི་ཤུ་རྩ་བདུན་ཙམ། ། འཕགས་པའི་ཡུལ་དང་འདིར་ཡང་ཕལ་ཆེར་བྱུང་། ། ཞེས་མ་རྒྱུད་ཡང་སྙིང་འཁོར་ལོ་བདེ་མཆོག་ནི་ལུགས་སྲོལ་རྐང་ཚུགས་པ་ཉེར་དྲུག་གམ་ཉི་ཤུ་རྩ་བདུན་ཙམ་འཕགས་པའི་ཡུལ་དུ་བྱུང་བར་གྲགས་ཤིང་། བོད་འདིར་ཡང་རྩ་བཤད་ཀྱི་དབང་ལུང་བཤད་བཀའ་ཕལ་མོ་ཆེ་བྱུང་བ་སྟེ། དེའང་རྒྱ་གར་གྱི་གྲུབ་ཐོབ་ཤས་ཆེ་བ་ཞིག་རྒྱུད་འདིའི་གྲུབ་ཐོབ་ཡིན་པས་སྤྱིར་ལུགས་སྲོལ་ཤིན་ཏུ་མང་མོད། གཙོ་བོར་ཉི་ཟླ་ལྟར་གྲགས་པ་ལཱུ་དྲིལ་ནག་གསུམ་གྱི་ལུགས་གསུམ། དཱ་རི་ཀ་པ་དང་། ཌྃ་བི་པ་དང་། ཨིནྡྲ་བྷཱུ་ཏི་ཆུང་བ་དང་། ལངྐ་རྒྱལ་བ་བཟང་པོ་དང་། མི་ཐུབ་ཟླ་བ་དང་། ཤར་ཕྱོགས་ལྭ་བ་པ་སྟོང་ཉིད་ཏིང་འཛིན་དང་། ཕྱག་རྡོར་སྟོད་འགྲེལ་ལུགས་དང་། བྷ་ལྭ་བྷ་དྲ་དང་། བྲམ་ཟེ་རིན་ཆེན་རྡོ་རྗེ་རྣམས་ཀྱིས་རྩ་བའི་རྒྱུད་དེ་ལ་ལུགས་སྲོལ་རྐང་ཚུགས་པ་རེ་རེ་ཕྱེས་ཤིང་། བོད་ཡུལ་འདིར་ཡང་འགྱུར་བ་ཡིན་ནོ། ། འཕགས་པའི་ཡུལ་དུ་གྲུབ་ཐོབ་གླུ་དབྱངས་མཁན་གྱི་ལུགས་དང་། ཞབས་གཡོན་བརྐྱང་དུ་མཛད་པ་ནག་པོ་རྡོ་རྗེའི་ལུགས་དང་། གཞན་ཡང་ཀ་ལ་ཧཾ་ས་ཀུ་མཱ་རའི་ལུགས་དང་། ལྷ་ཚོགས་ཐམས་ཅད་སྐུ་མདོག་ནག་པོར་ཡོད་པ་དྷརྨ་པ་ཡི་ལུགས་དང་། ལྷ་ཚོགས་ཐམས་ཅད་གདོང་བརྙན་ཅན་དུ་འདོད་པ་ཀུ་ཀུ་ཊི་པའི་ལུགས་དང་། ཡབ་ཡུམ་སྐུ་མདོག་མཚུངས་ཤིང་ལྷ་གཞན་ཐམས་ཅད་སྐུ་མདོག་མ་ངེས་པར་འདོད་པ་གྷུཎྚ་རི་བའི་ལུགས་དང་། གཞན་ཡང་ཙ་ཊི་པ་དང་། ནཱ་ཌི་པ་དང་། གྷནྡྷོ་ཏ་པ་རྣམས་ཀྱི་ལུགས་དང་། ལྷ་ཚོགས་ཐམས་ཅད་ཕྱག་གཉིས་པར་ཡང་འདོད་པ་བཱི་ཤ་པའི་ལུགས་དང་། གཞན་ཡང་ཏནྚ་པ་དང་། བྷ་དེ་པ་ཡི་ལུགས་དང་། ཏ་ཌ་ཀ་པ་དང་། ཀཾ་ཀ་ལ་པའི་ལུགས་དང་། ལྷ་ཚོགས་ཐམས་ཅད་སྐུ་མདོག་སེར་པོར་འདོད་པ་ཛ་ཡ་ནནྡི་པའི་ལུགས་རྣམས་ཏེ་དེ་ལྟར་གྲུབ་ཐོབ་ཆེན་པོ་བཅོ་ལྔ་པོ་དེ་ཡི་ལུགས་སྲོལ་རྐང་ཚུགས་པ་རེ་བྱེད་པའང་ཡོད་དོ། ། གཞན་ཡང་དུས་ཀྱི་འཁོར་ལོའི་རྒྱུད་ཕྱི་མ་ནས་ལུང་བསྟན་པའི་སློབ་དཔོན་བྱང་ཆུབ་རྡོ་རྗེའི་ལུགས་ནི་རྒྱ་གར་དུ་རིང་དུ་མ་དར་མོད་འགྲོ་ལྡིང་གི་ཡུལ་དུ་ད་ལྟའི་བར་དུ་ཡོད་ཅིང་། བཤད་པའི་རྒྱུད་རྣམས་ལས་དཀྱིལ་འཁོར་དུ་མ་ཞིག་བསྟན་ཅིང་དེ་དག་གི་སྨིན་བྱེད་བཤད་བཀའ་དང་ཡིག་ཆ་སོགས་ཀྱང་འཕགས་ཡུལ་དུ་རྒྱ་ཆེར་བྱུང་བ་ལས། བོད་དུ་ནི་བཤད་རྒྱུད་ཀྱི་དཀྱིལ་འཁོར་དྲུག་ཙམ་བྱོན་ནོ། ། གློག་སྐྱ་མལ་ལོ་དོ་པ་པུ་ཧྲང་པ། ། རོང་གཡག་རྣམ་གཉིས་སྦལ་སྣའི་ལུགས་སོགས་ལས། ། མར་དོ་ཁྱད་འཕགས་གཟེ་པ་སོགས་ཀྱིས་བསྐྱངས། ། ཞེས་བོད་དུ་ཕྱི་དར་གྱི་ཐོག་མར་ལོ་ཆེན་རིན་བཟང་དང་འགོས་ལོ་སོགས་ཀྱིས་རྒྱུད་དང་སྒྲུབ་ཐབས་འགྲེལ་པ་སོགས་བདེ་མཆོག་སྐོར་གྱི་གཞུང་མང་དུ་བསྒྱུར། གློག་སྐྱ་ཤེས་རབ་བརྩེགས་ཀྱིས། བལ་པོ་ཕམ་ཐིང་པ་སྐུ་མཆེད་ལ་བདེ་མཆོག་གི་ཆོས་སྐོར་རྣམས་གསན་ནས། མལ་ལོ་བློ་གྲོས་གྲགས་སོགས་ལ་གནང་བ་དང་། མལ་ལོ་ཉིད་ཀྱིས་ཕམ་ཐིང་པ་སྐུ་མཆེད་སོགས་མང་པོ་བསྟེན་ནས་ཞུས་པས། བདེ་མཆོག་སྐོར་ལ་མཁས་པར་གྱུར་པ་དེ་ལ་ས་ཆེན་གྱིས་གསན་པ་སོགས་ནས་ས་སྐྱ་པ་ཡབ་སྲས་བརྒྱུད་པ་དང་བཅས་པ་རྣམས་ལ་ཆེས་དར། མར་པ་ལོ་ཙཱས་ནཱ་རོ་པ་ལ་བདེ་མཆོག་གི་སྐོར་རྣམས་ཀྱི་ངེས་གསང་བླ་ན་མེད་པ་གསན་ནས་ཕྱིས་བོད་དུ་སློབ་མ་རྣམས་ལ་གདམས་པ་ལས། དབང་དང་ཁྲིད་ཀྱི་སྲོལ་ཁྱད་པར་བ་མང་པོ་མར་མིའི་བཀའ་བརྒྱུད་རྣམས་ལ་དར་བར་སྣང་ཞིང་། ཁྱད་པར་མར་པ་དོ་པ་ཆོས་ཀྱི་དབང་ཕྱུག་གིས། ནཱ་རོ་པའི་སློབ་མ་མེ་ན་ཀ་ཤྲཱི་སོགས་བླ་མ་མང་པོ་བསྟེན་ནས་ནཱ་རོའི་ལུགས་ཀྱི་བདེ་མཆོག་གི་དབང་། རྒྱུད་བཤད་པ་མན་ངག་དང་བཅས་པ་གསན་ཏེ་བདེ་མཆོག་གི་ཆོས་སྐོར་ལ་འགྱུར་ཡང་མང་པོ་མཛད། བོད་དུ་སློབ་མའང་མང་དུ་ཚར། ཡང་ཕམ་ཐིང་པ་སྐུ་མཆེད་གསུམ་སོགས་ལས་པུ་རོང་ལོ་ཆུང་དང་གཉོས་ལོ་སོགས་ཀྱིས་གསན་ནས་རྒྱུན་བྱུང་བའང་ཅི་རིགས་པར་ཡོད་ཅིང་། དེ་ལས་ཁྱད་པར་པུ་རོང་ལོ་ཆུང་ནས་བརྒྱུད་པ་རྣམས་ཀྱི་བཤད་སྲོལ་བཟང་ལ་ཡུན་རིང་བར་བྱུང་། ཇོ་བོ་རྗེས་ལོ་ཆེན་རིན་བཟང་དང་རོང་པ་མགར་དགེ་སོགས་ལ་གནང་ཞིང་། ཕྱི་མས་གཡག་སྡེ་ཟེ་དམར་བ་ལ་བརྒྱུད་དེ་བཤད་སྲོལ་སོགས་བྱུང་བ་དང་། ཡང་ཇོ་བོ་རྗེས་ནག་ཚོ་ལོ་ཙཱ་བ་ལ་གནང་། དེའི་རྒྱུན་ལས་སྦལ་སྤང་སྣ་བའི་རྒྱུན་ཞེས་གྲགས་པའང་བྱུང་ཞིང་། སོགས་ཁོངས་ནས་དེར་མ་ཟད་སུམ་པ་ལོ་ཙཱ་དྷརྨ་ཡོན་ཏན་གྱིས་པཎྜི་ཏ་ཛ་ཡ་སེ་ན་བསྟེན་ཏེ་བདེ་མཆོག་མཁའ་འགྲོ་རྒྱ་མཚོའི་རྒྱུད་འགྲེལ་ཡན་ལག་དང་བཅས་པ་གསན་ནས་འགྱུར་ཡང་མཛད་དེ། བོད་ཡུལ་དུ་དེ་དག་གི་དབང་བཀའ་དང་བཤད་སྲོལ་སོགས་ཆེས་དར། བཤད་རྒྱུད་གཞན་རྣམས་ནི་དབང་བཀའ་བཤད་བཀའ་ཡང་ཅི་རིགས་བྱུང་བ་ལས། མར་པ་དོ་པའི་ལུགས་སྲོལ་ཉིད་ཁྱད་དུ་འཕགས་ཤིང་། དེའི་སློབ་མ་གཙང་གི་མཁས་པ་རྒྱ་ནམ་དོ་གཟེ་པ་བློ་ལྡན་སོགས་ཀྱིས་ཆོས་རྒྱུད་ལེགས་པར་བསྐྱངས་ཏེ་བཤད་སྒྲུབ་ཀྱི་རྒྱུན་གྲུབ་མཐའ་ཀུན་ལ་འཕེལ། རྒྱུད་པ་དེ་དག་ལས་བུ་སྟོན་རིན་པོ་ཆེས་རྩ་རྒྱུད་དང་ཀུན་སྤྱོད་ལ་ཊཱི་ཀ་མཛད་པའི་བཤད་རྒྱུན་དགེ་ཕྱོགས་ལ་ད་ལྟའི་བར་དུ་བཞུགས་ཤིང་། དབང་བསྐུར་ཟུར་བཀའ་ཉི་ཤུ་ལྷག་ཙམ་དང་། ལཱུ་དྲིལ་ནག་གསུམ་གྱི་ཁྲིད། ཡུམ་བཀའི་བསྐྱེད་རྫོགས་ཀྱི་རིགས་མང་པོ་མ་ཆད་པར་བཞུགས་སོ། །<2>རྟག་པའི་རིགས་ནི། མཱ་ཧཱ་མཱ་ཡཱ་གདན་བཞི་སངས་རྒྱས་ཐོད་པ་ཡང་། ། མར་ལོ་གྱི་ཇོའི་དྲིན་ལས་རིང་དུ་དར། ། ཞེས་མ་ཧཱ་མཱ་ཡཱ་ནི། རྒྱ་གར་དུ་སློབ་དཔོན་འདུལ་བས་བྱིན་དང་རིན་འབྱུང་ཞི་བ་ལ་སོགས་པའི་བཀའ་སྲོལ་རྣམ་གྲངས་འགའ་ཞིག་བཞུགས་པའི་རྒྱུན་འགོས་ལོ་དང་ཇོ་བོ་རྗེ་གཉིས་ཀྱིས་འགྱུར་བཤད་དར་བར་མཛད་ཀྱང་ད་ལྟ་རྒྱུན་མི་སྣང་ལ། རྗེ་མར་པས་ཞི་བ་བཟང་པོ་ལ་གསན། དབང་བཤད་མན་ངག་བཅས་བྱུང་བའི་དབང་ཁྲིད་དང་རྒྱུད་འགྲེལ་ཇོ་ནང་རྗེ་བཙུན་ཆེན་པོས་མཛད་པ་ལས་ཁྲིད་ལུང་ཙམ་བཞུགས། རྟག་པའི་རིགས་རྡོ་རྗེ་གདན་བཞི་ནི་རྒྱ་གར་དུ་རྩ་རྒྱུད་ལ་བརྟེན་པ་ཨཱརྱ་དེ་བའི་ལུགས་དང་བསྡུས་རྒྱུད་ལ་བརྟེན་པ་སློབ་དཔོན་བྷ་བ་བྷ་དྲའི་ལུགས་གཉིས་བྱུང་། བོད་དུ་པཎྜི་ཏ་སྨྲི་ཏིའི་རང་འགྱུར་གྱི་སྐོར་འགོས་ཁུག་པའི་ལུགས། ག་ཡ་དྷ་ར་དང་འབྲོག་མི་དཔོན་སློབ་ཀྱིས་ཀྱང་འགྱུར་བཤད་མཛད་པ་ལས། གཙོ་བོར་རྗེ་མར་པས་ཌཱ་ཀི་མ་མི་རུས་ཀྱི་རྒྱན་ཅན་སོགས་ལས་གསན་ཏེ་དབང་བཤད་མན་ངག་ཆ་ཚང་བར་བྱུང་བ་ལས་ད་ལྟའང་དབང་དང་ཁྲིད་རྒྱུན་མ་ཆད་པར་བཞུགས། སངས་རྒྱས་ཐོད་པ་གྲུབ་ཆེན་ས་ར་ཧའི་མན་ངག་ལུགས་དང་། སློབ་དཔོན་ཨ་བྷ་ཡའི་ལུགས་གཉིས་ཀ་བོད་དུ་གྱི་ཇོ་ལོ་ཙཱ་བ་རང་སྤོང་ཞོ་གསལ་བ་གྲགས་རྣམས་ཀྱིས་བསྒྱུར་བཤད་མཛད་ཀྱང་ད་ལྟ་མར་པ་ལས་བརྒྱུད་པའི་དབང་རྒྱུན་ཙམ་བཞུགས། དེ་དག་གི་རྒྱུད་གསར་མ་རྒྱུད་འབུམ་གྱི་ཁྲོད་ན་གང་བཞུགས་རྣམས་ཀྱང་ལུང་རྒྱུན་ཡོད་དེ་མདོར་ན་ལོ་ཙཱ་བ་དེ་དག་གི་བཀའ་དྲིན་ལས་རྒྱུད་སྡེ་མང་པོའི་དབང་བཤད་གདམས་ངག་བཅས་ཡུན་རིང་པོའི་བར་དུ་དར་ཞིང་དེ་ལས་གྲུབ་པ་ཐོབ་པའང་མཐའ་ཡས་པ་བྱོན་མོད། ད་ལྟ་ནི་བཤད་སྒྲུབ་ཀྱི་ཉག་ཤིན་ཏུ་ཕྲ་བས་བསྟན་པ་ལ་དགོངས་པ་རྣམས་ཀྱིས་འབད་པ་ཆེན་པོས་ཆོས་ཟབ་མོ་འདི་དག་གི་རྒྱུན་འཛིན་པ་ལ་བརྩོན་པ་ཅི་ནས་ཞུའོ། ། གཞན་ཡང་རྟའི་རྒྱལ་པོའི་རིགས་སྒྲོལ་མའི་བྱུང་བ་དོན་དམ་པའི་རྒྱུད་ལ་ལཱི་ལ་བཛྲ་དང་ལོ་ཀ་པྲ་དའི་ལུགས་གཉིས་བྱུང་། དབང་རྒྱུད་བཤད་མན་ངག་བཅས་གྲུབ་ཆེན་ཞི་སྦས་ཞབས་ལས་བརྒྱུད་དེ་རྗེ་བཙུན་ཏཱ་ར་ནཱ་ཐས་བསྒྱུར་བཤད་མཛད་པས་དེང་སང་དབང་དང་མན་ངག་བཤད་ལུང་གི་རྒྱུན་ཙམ་བཞུགས་སོ། ། འདིར་རྟག་པའི་རིགས་གདན་བཞི་ཁོ་ན་ཡིན་ཀྱང་ཚིགས་བཅད་ཀྱི་དབང་གིས་ཞུས་པས་སྟོན་པའོ། །<3>རྡོ་རྗེ་སེམས་དཔའི་རིགས་ནི། དུས་འཁོར་གྱི་ཇོ་ཛ་མི་རྭ་འབྲོ་གཉིས། ། པཎ་ཆེན་ཆག་དཔྱལ་རོང་ལུགས་མང་བྱོན་པའི། ། སྒྲུབ་དང་བཤད་བཀའ་ཇོ་ཞལ་གཉིས་ལ་བབས། ། རྒྱུད་བཤད་སྲོག་རྩ་བུ་སྟོན་ཆེན་པོས་མཐུད། ། ཅེས་དུས་འཁོར་རྒྱ་གར་ཡུལ་དུ་ཤིན་ཏུ་དར་ཡང་རྒྱུད་དང་འགྲེལ་པ་གཉིས་ཀ་ཞལ་ཤིན་ཏུ་གསལ་བས་ལུགས་སྲོལ་མི་འདྲ་བ་མེད། སློབ་དཔོན་དུས་ཞབས་པ་ཆེན་པོ་འཇམ་པའི་རྡོ་རྗེ་དང་། སློབ་དཔོན་ཙི་ལུ་པ་དང་། པི་ཊོ་ཨཱ་ཙརྱ་གསུམ་སོ་སོས་རེ་རེ་ཞིང་ཤམྦྷ་ལ་ནས་སྤྱན་དྲངས་པ་ལ་ཤོ་ལོ་ཀ་རེ་རེ་གཉིས་གཉིས་མང་ཉུང་ཡོད་ཟེར། བོད་དུ་ཐོག་མར་པཎྜི་ཏ་ཤྲཱི་བྷ་དྲ་བོ་དྷི་དང་། གྱི་ཇོ་ལོ་ཙཱས་རྒྱུད་འགྲེལ་བསྒྱུར་ནས་དབང་བཤད་མན་ངག་གི་སྲོལ་བཏོད་པ་ཕྲོམ་ལོ་ཙཱ་བ་སོགས་ལས་བརྒྱུད་པ་གྱི་ཇོ་ལུགས། ཙ་མི་སངས་རྒྱས་གྲགས་ཀྱིས་དུས་ཞབས་པ་ལས་གསན་ཏེ་འགྲེལ་ཆེན་བསྒྱུར་ནས། རྒྱ་ལོ་སོགས་སློབ་མ་རྣམས་ལ་བཤད་པ་ཙ་མི་ལུགས་དང་། རྭ་ཆོས་རབ་ཀྱིས་བལ་པོ་པཎྜི་ཏ་ས་མནྟ་ཤྲཱི་ལས་རྒྱུད་འགྲེལ་གསན་ནས་བསྒྱུར་བ་ལས། རྭ་ཡེ་ཤེས་སེང་གེ་སོགས་ལ་མཆེད་པ་རྭ་ལུགས་དང་། འབྲོ་ལོ་ཙཱ་བས་ཁ་ཆེ་ཟླ་བ་མགོན་པོ་བསྟེན་ནས་མཆོག་མི་འགྱུར་གྱི་ལེའུ་མ་གཏོགས་རྒྱུད་འགྲེལ་རྫོགས་པར་བསྒྱུར། དབང་བཤད་མན་ངག་དང་བཅས་པ་མནོས། ཕྱིས་པཎྜི་ཏས་མཆོག་མི་འགྱུར་ལ་རང་འགྱུར་མཛད། པཎ་ཆེན་ལ་འཕན་ཡུལ་གྲབ་སྒོམ་གྱིས་ཐུག་སྟེ་དུས་འཁོར་ལ་མཁས་གྲུབ་གཉིས་ལྡན་དུ་གྱུར། དེས་སྒྲོ་སྟོན་ལ་བཤད་པ་སོགས་ནས་དར་བ་འབྲོ་འགྱུར་གྱི་སྟེང་ནས་བཤད་པ་བྱེད་པའི་སྲོལ་ཡོད་པས་འབྲོ་ལུགས་དང་། གཞན་ཡང་ཁ་ཆེ་པཎ་ཆེན་ཤཱཀྱ་ཤྲཱིས་ཆག་དགྲ་བཅོམ་དང་དཔྱལ་ཆོས་ཀྱི་བཟང་པོ་ས་སྐྱ་པཎ་ཆེན་གསུམ་ལ་གནང་བའི་ལུགས་སྲོལ་གསུམ་དང་། རོང་གླིང་ལོ་ཙཱ་བ་རྡོ་རྗེ་དབང་ཕྱུག སྟེང་ལོ་ཚུལ་ཁྲིམས་འབྱུང་གནས། ཤེའུ་ལོ་ཙཱ་དང་། སེ་ལོ་གཞོན་ནུ་ཚུལ་ཁྲིམས་སོ་སོས་ཀྱང་ཙ་མི་དང་ཨ་བྷ་ཡ་སོགས་ལ་ཞུས་ཏེ་སྤེལ་ཞིང་སྔ་མས་རོང་གླིང་སོག་ཀ་ཞེས་པའི་དགོན་བཏབ། ཆག་ལོ་ཆོས་རྗེ་དཔལ་གྱིས་རཱ་ཧུ་ལ་ཤྲཱི་བྷ་དྲ་དང་ཛི་ན་རཀྵི་ཏ་སོགས་ལས་དབང་བཤད་མན་ངག་ཆ་ཚང་བ་ཞུས་པ་ལས་ཆག་ལུགས་དང་། པཎ་ཆེན་བི་བྷཱུ་ཏི་ཙནྡས་བོད་ཀྱི་དགེ་བའི་བཤེས་གཉེན་དུ་མ་ལ་དབང་རྒྱུད་བཤད་ཁྲིད་བཅས་གནང་། ཁྱད་པར་ཀོ་བྲག་པ་སོགས་སློབ་མ་དམ་པ་དགུ་ལ་ཤ་བ་རིའི་ཉེ་བརྒྱུད་ཀྱི་སྦྱོར་དྲུག་གནང་བ་སོགས་ལུགས་སྲོལ་མང་དུ་བྱིན་ཅིང་རྒྱུད་ཀྱི་འགྱུར་འགོ་མི་གཅིག་པ་རང་ཡང་ཉེར་བཞི་ཙམ་ཡོད་པར་གྲགས་པ་ལས། རྭ་འབྲོ་ཆག་གསུམ་ཙམ་དང་པཎ་ཆེན་བི་བྷཱུ་ཏི་ཙནྡྲའི་ལུགས་བཅས་ལ་དབང་བཤད་མན་ངག་གི་བཀའ་ཚང་བར་བཞུགས། ལུགས་དེ་དག་ཕལ་ཆེར་ཀུན་མཁྱེན་རང་བྱུང་ཞབས་ཀྱིས་སྟེ་མདོ་ཀུན་དགའ་དོན་གྲུབ་ལས་གསན་ཏེ་སྤེལ་བ་སོགས་དར་རྒྱས་སུ་བྱུང་། ཁམས་ལེའི་དོན་རྩིས་ཀུན་བསྡུས་པ། ནང་ལེའི་དོན་ཟབ་མོ་ནང་དོན། དབང་ལེ་དང་སྒྲུབ་ལེའི་དོན་དབང་དང་སྒྲུབ་ཐབས། ཡེ་ལེའི་དོན་རྣལ་འབྱོར་གསུམ་གྱི་སྙིང་པོ་གསལ་བ་བཅས་མཛུབ་ཁྲིད་ལུང་རྒྱུན། རྫོགས་རིམ་ཡན་ལག་དྲུག་པའི་ཁྲིད་རྒྱུན་བར་མ་ཆོད་པས་དོན་གྱི་བཤད་རྒྱུན་ཀྱང་ད་ལྟའི་བར་དུ་བཞུགས་པ་ཡིན་ཀྱང་། གཙོ་བོར་འབྲོ་ལུགས་སྒྲུབ་པ་ཉམས་ལེན་དང་། རྭ་ལུགས་རྒྱུད་ཀྱི་བཤད་པའི་བཀའ་བབ་ཡིན་པས་དེ་དག་སོ་སོའི་རྒྱུན་ཇོ་ཞལ་གཉིས་ལ་སོ་སོར་བབས་པ་ལྟར་སྣང་ཞིང་། དེ་ལས་ཀྱང་རྒྱུད་བཤད་ནི་ཇོ་ནང་ཆོས་རྗེ་ཀུན་མཁྱེན་ཆེན་པོས་ཀྱང་བརྩོན་པས་འཆད་སྤེལ་མཛད་ཅིང་རང་འདྲའི་སློབ་མ་བཅུ་བཞི་ཕལ་མོ་ཆེས་རྒྱུན་བཟུང་ཡང་དེང་སང་མི་བཞུགས་ལ། བུ་སྟོན་རིན་པོ་ཆེས་རྭ་པའི་བཤད་རྒྱུན་ལས་གསན་ཅིང་རྒྱུད་བཤད་ལན་གྲངས་སུམ་ཅུ་རྩ་གཉིས་ཙམ་མཛད། རྒྱུད་ལ་ཕྱག་མཆན་བཏབ་པ་ལ་སྐྱོར་བ་དོན་ཡོད་དཔལ་བས་མཆན་པ་སྐྱོར་མཛད་པ་དང་། བཤད་ཐབས་རིན་ཆེན་གཅེས་པའི་ལྡེའུ་མིག་དང་། ངེས་དོན་སྙེ་མ། བཤད་སྦྱར་ཟབ་དོན་སྙིང་པོ་སྣང་བའི་འོད་ཟེར། ས་བཅད་དྲི་མེད་འོད་རྒྱན། རྩིས་ཀྱི་བསྟན་བཅོས་མཁས་པ་དགའ་བྱེད་ཡན་ལག་བཅས། ཐུགས་སྲས་ལོ་ཙཱའི་ཟིན་བྲིས་སོགས་ལ་བརྟེན་ཏེ་བཤད་རྒྱུན་ཞྭ་ལུ་རང་ལུགས་ད་ལྟའི་བར་མ་ཆད་པར་བཞུགས། བུ་སྟོན་སློབ་མ་གང་གསུམ་པ་བདེ་ཆེན་ཆོས་ཀྱི་དཔལ་བ་ལ་རྗེ་རིན་པོ་ཆེས་གསན། བཤད་རྒྱུན་ལན་ཅིག་ཁོ་ནར་སྤེལ་བའི་སྐབས་སྡེ་སྣོད་འཛིན་པ་མཐའ་ཡས་པ་འདུས་ཤིང་འགྲེལ་ཆེན་བྱེད་པའང་གསུམ་ཙམ་བྱུང་བ་ལས། མཁས་གྲུབ་དགེ་ལེགས་དཔལ་བའི་ཊཱི་ཀའི་གཤམ་ཞང་ཞུང་པ་ཆོས་དབང་གྲགས་པས་མཐུད་པ་ལས་འཆད་ཉན་གྱི་རྒྱུན་ད་ལྟའང་བཞུགས་ལ། ཇོ་ཞལ་གྱི་དབང་བཀའ་མན་ངག་ཟབ་ཅིང་རྒྱས་པའི་སྐོར་རྣམས་ཀྱང་རྒྱུན་མ་ཆད་པར་མཆིས་སོ། །2.རྙིང་མའི་བཤད་རྒྱུན་ནི། སྔ་འགྱུར་བཤད་སྲོལ་ད་ལྟའི་བར་གནས་པ། ། རྡོར་སེམས་སྒྱུ་དྭ་ཏནྟྲ་རྩ་བའི་རྒྱུད། ། རྒྱུད་ཀུན་སྤྱི་བོར་རྒྱལ་མཚན་ལྟ་བུར་འཕགས། ། ཞེས་སྔ་འགྱུར་གསང་སྔགས་རྙིང་མ་ལ་བསྟན་པ་སྔ་དར་གྱི་ལོ་པཎ་སྤྲུལ་པའི་སྐྱེས་མཆོག་རྣམས་ཀྱི་བཀའ་དྲིན་ལས། ཇོ་བོ་རྗེས་བསམ་ཡས་ཀྱི་རྒྱ་དཔེ་རྣམས་གཟིགས་པ་ན་སྔར་མ་གསན་པའི་རྒྱུད་དུ་མ་གཟིགས་པས་བོད་དུ་གསང་སྔགས་ཀྱི་བསྟན་པ་དར་བ་འདྲ་བ་རྒྱ་གར་དུའང་མ་བྱུང་བ་འདྲ་ཞེས་བསྔགས་པས་མཚོན་མདོ་སྔགས་ཀྱི་དབང་བཤད་མན་ངག་མཐའ་ཡས་པ་བྱུང་ཡང་། གསང་སྔགས་ནི་དེ་སྐབས་གསང་བ་ལྷུར་ལེན་པས་བཤད་གྲྭ་ལ་མཚན་ཉིད་ཐེག་པ་དང་སྒོམ་གྲྭ་ལ་སྔགས་ཉིད་རྩལ་དུ་འདོན་པས་གསང་སྔགས་ཕྱི་རྒྱུད་འགའ་ཞིག་མ་གཏོགས་ནང་རྒྱུད་སྡེ་གསུམ་གྱི་བཤད་གྲྭ་མ་བྱུང་བར་མངོན་ལ། དུས་དེ་ནས་བརྩམས་ད་ལྟའི་བར་དབང་བཤད་ཀྱི་བཀའ་མ་ཆད་པར་གནས་པ་ནི། རྡོ་རྗེ་སེམས་དཔའ་སྒྱུ་འཕྲུལ་དྲྭ་བ་གསང་བའི་སྙིང་པོ་དེ་ཁོ་ན་ཉིད་ངེས་པའི་རྒྱུད་ཀྱི་རྒྱལ་པོ་ཉིད་དེ་ཏནྡྲ་ཆེན་པོ་སྡེ་བཅོ་བརྒྱུད་ཀྱི་སྤྱིའམ་རྩ་བ་ལྟ་བུར་གྱུར་ཅིང་། རྒྱུད་ཀུན་གྱི་སྤྱི་བོར་རྒྱལ་མཚན་ལྟ་བུར་ཁྱད་པར་དུ་མས་འཕགས་པ་ཡིན་ནོ། ། སྒེག་རྡོར་ཉི་སེང་སངས་རྒྱས་གསང་བས་བཀྲལ། ། བི་མ་རྨ་གཉགས་རྣམས་ཀྱིས་བསྒྱུར་ཅིང་བཤད། ། རོང་ཟོམ་ཀློང་ཆེན་རིག་རལ་སོགས་ཀྱིས་སྤེལ། ། ཁྱད་འཕགས་ཟུར་པའི་བཀའ་སྲོལ་ཉག་ཕྲ་བ། ། སྨིན་གླིང་མཆེད་ཀྱིས་བསྟན་པའི་མེ་རོ་གསོས། ། ཞེས་རྒྱུད་རྒྱལ་དེ་རྣམས་རྒྱལ་པོ་ཛཿལས་བརྒྱུད་དེ་སྲས་མོ་ཀུ་ཀུ་རཱ་ཛ་ལས་སྒེག་པ་རྡོ་རྗེ་དང་སངས་རྒྱས་གསང་བས་ཞུས། སྔ་མས་འགྲེལ་པ་རིན་པོ་ཆེའི་སྤར་ཁབ་དང་། ཕྱི་མས་རྣམ་དབྱེ་འགྲེལ་མཛད། དེ་གཉིས་ཀྱིས་བི་མ་མི་ཏྲ་ལ་གནང་། དེས་འགྲེལ་པ་ཁོག་གཞུང་མཛད། གཞན་ཡང་ཙནྡྲ་གོ་མིའི་མདུད་འགྲེལ། ཉི་འོག་སེང་གེའི་རྒྱ་ཆེར་འགྲེལ། པདྨའི་རྣམ་བཤད་ཆེན་མོ་རྣམས་རྒྱ་གར་དུ་བྱུང་། བོད་དུ་པཎ་ཆེན་བི་མ་ལ་མི་ཏྲས་རྨ་རིན་ཆེན་མཆོག་དང་གཉགས་ཛྙཱ་ན་ཀུ་མཱ་ར་ལ་གནང་། རྨས་རྒྱུད་བོད་སྐད་དུ་བསྒྱུར། ཡང་སློབ་དཔོན་ཆེན་པོས་ཀྱང་གཉགས་ལ་གནང་། དེས་སོག་པོ་དཔལ་ཡེ། དེས་གནུབས་ཆེན་ལ་བཤད། རྨས་མདོ་ཁམས་སུ་གཙུག་རུ་རིན་ཆེན་གཞོན་ནུ་དང་གྱེ་རེ་མཆོག་སྐྱོང་ལ་བཤད། དེ་གཉིས་ཀས་དར་རྗེ་དཔལ་གྲགས་དང་ཞང་རྒྱལ་བའི་ཡོན་ཏན་ལ་བཤད། ཞུང་གིས་གནུབས་ཆེན་པོ་ལ་བཤད། ཡང་སློབ་དཔོན་བཻ་རོ་ཙ་ནས་ཁམས་འོར་རུ་བྱམས་ཆེན་གྱི་གཙུག་ལག་ཁང་དུ་ཉི་འོད་སེང་གེའི་འགྲེལ་པ་བསྒྱུར་བཤད་མཛད། གནུབས་ཆེན་ནས་རིམ་པར་བརྒྱུད་དེ་ཟུར་པ་མེས་དབེན་ལ་བཀའ་བབས་ཏེ་ཟུར་ལུགས་སུ་གྲགས་པ་དར། ལྷ་རྗེ་སྒྲོ་ཕུག་པའི་སློབ་མ་འཛོམ་འགྲོ་བའི་མགོན་པོ་ལ་རྒྱལ་བ་ཀཿཐོག་པ་དམ་པ་བདེ་གཤེགས་ཀྱིས་གསན། དེའི་བརྒྱུད་པ་ལས་བྱོན་པའི་བུ་འབོར་བ་ཡེ་ཤེས་རྒྱལ་མཚན་གྱིས་འགྲེལ་ཊཱིཀ་མཛད་པ་སོགས་བཤད་སྒྲུབ་ཀྱི་རྒྱུན་དབུས་སུ་ཡར་འཕེལ་བ་ལ་ཕྱིས་སྒྱུ་འཕྲུལ་ཁམས་ལུགས་སུ་གྲགས་པ་དང་། རོང་ཟོམ་ཆོས་ཀྱི་བཟང་པོ་ལ་པདྨ་བི་རོ་བི་མ་ལ་སོགས་ཀྱི་བརྒྱུད་པའི་བཀའ་ཐམས་ཅད་བབས། གསང་སྙིང་ལ་དཀོན་མཆོག་འགྲེལ་དུ་གྲགས་པ་མཛད་པ་རོང་ལུགས་དང་། ཀུན་མཁྱེན་ཀློང་ཆེན་རབ་འབྱམས་བཟང་པོས་འགྲེལ་པ་ཕྱོགས་བཅུ་མུན་སེལ་ཨ་ཏི་ཡོ་གའི་ལུགས་སུ་བཀྲལ་བ་དང་། རོག་ཤེས་རབ་འོད་ལ་སོ་ཟུར་སྐྱོ་ལུགས་སོགས་མང་དུ་འདུས་ཤིང་དེ་ལས་རོག་ལུགས་སུ་གྲགས་པ་བྱུང་། ཕྱིས་གསར་མའི་མཁས་པ་རྣམས་ཀྱིས་དགག་པ་བྱས་པ་ལ་བཅོམ་ལྡན་རིག་པའི་རལ་གྲིས་སློབ་དཔོན་པདྨའི་ཕྱག་དཔེ་རྒྱ་དཔེ་ངོ་མ་ཕྱག་ཏུ་རྙེད་པས་ཐར་ལོ་ལ་བསྒྱུར་བར་བསྐུལ་ཞིང་གསང་སྙིང་སྒྲུབ་པ་རྒྱན་གྱི་མེ་ཏོག་མཛད་པ་སོགས་ཀྱིས་སྤེལ་བས། ཕྱིས་ཀྱི་རྟོག་གེ་པ་རྣམས་ལའང་རྩོད་མེད་དུ་གྱུར་ཅིང་། ལུགས་སྲོལ་ཀུན་གྱི་ནང་ནས་ཁྱད་པར་དུ་འཕགས་པ་ཟུར་པའི་བཀའ་སློབ་ཕྱིས་སུ་ཉག་ཕྲ་བར་གྱུར་པ་ན། ལོ་ཆེན་བཻ་རོ་ཙ་ན་དང་རྒྱལ་མོ་གཡུ་སྒྲ་སྙིང་པོ་སྔ་འགྱུར་བསྟན་པའི་མེ་རོ་སློང་བ་ལ་བསམ་བཞིན་དུ་སྐྱེ་བ་བཞེས་པ་སྨིན་གླིང་སྐུ་མཆེད་གཉིས་ལས། གཏེར་ཆེན་རིན་པོ་ཆེས་རྒྱུད་རྒྱལ་འདི་ཉིད་ཀྱི་གཙོས་སྔ་འགྱུར་བཀའ་མའི་སྐོར་རྣམས་འབད་རྩོལ་དུ་མས་གསན་ཅིང་སོ་སོའི་སྒྲུབས་ཐབས་དཀྱིལ་ཆོག་གི་ཡིག་ཆ་ཁྱད་པར་ཅན་དུ་མ་མཛད་ཅིང་། སྒྱུ་འཕྲུལ་ཞི་ཁྲོ་ལའང་སྒྲུབ་དཀྱིལ་ཉུང་ལ་གསལ་བར་མཛད་ནས་དེ་དག་གི་སྒྲུབ་མཆོད་ལག་ལེན་གྱི་རྒྱུན་བཙུགས་པ་དང་། ལོ་ཆེན་དྷརྨ་ཤྲཱིས་རྒྱུད་རྒྱལ་གསང་བ་སྙིང་པོའི་སྤྱི་དོན་གསང་བདག་ཞལ་ལུང་། འབྲུ་འགྲེལ་གསང་བདག་དགོངས་རྒྱན། དེ་དག་གི་ཞལ་སློབ་རབ་འབྱམས་པ་ཉེར་གཅིག་བྱུང་བར་གྲགས་པའི་ནང་ཚན་རབ་འབྱམས་པ་ཨོ་རྒྱན་ཆོས་གྲགས་ཀྱི་ཟིན་བྲིས་རིན་ཆེན་ཕྲེང་བ་སོགས་ལ་བརྟེན་ཏེ་བཤད་པའི་རྒྱུན་ཁྱད་པར་དུ་འཕགས་པ་ད་ལྟའི་བར་དུ་བྱུང་བས་བསྟན་པའི་མེ་རོ་རྨངས་ནས་གསོས་པ་ཡིན་ནོ། ། 3.ཞར་ལས་འཕྲོས་པ་ནི། ཕྱག་རྒྱ་ཆེན་པོའི་བཤད་སྲོལ་རྣམ་བརྒྱད་དང་། ། ཀུན་བྱེད་རྒྱལ་སོགས་རྒྱུད་དང་གཞུང་གདམས་ཀྱི། ། བཤད་སྲོལ་གསར་རྙིང་ཕྲན་ཚེགས་སྨོས་མི་ལངས། ། ཞེས་གོང་དུ་བཤད་པ་དེ་དག་ད་ལྟའི་བར་དུ་རྒྱུན་བཞུགས་པ་ལས་ཡོངས་གྲགས་གཙོ་བོ་ཆེ་བ་རྣམས་སྨོས་པ་ཡིན་གྱི་གསར་མའི་ཕྱོགས་སུ་མཚན་ཉིད་ཀྱི་སྐོར་ལ། འདུལ་བ་མེ་ཏོག་ཕྲེང་རྒྱུད། དབུ་མ་རྩ་ཤེ། བྱམས་ཆོས་ལྷག་མ་གསུམ། བཤེས་སྤྲིང་དང་སྤྱོད་འཇུག་སོགས་གཞུང་ཆེ་ཕྲ་དུ་མའི་བཤད་སྲོལ་སྔར་བྱུང་ཞིང་ད་ལྟ་དེ་དག་གི་རྩ་བ་དང་འགྲེལ་པ་འགའ་རེའི་ལུང་རྒྱུན་ཙམ་ལས་མི་བཞུགས་ཀྱང་སོ་སོའི་རྩལ་བཤད་ཀྱིས་འཆད་པར་སྣང་བ་དང་། སྔགས་ཀྱི་ཕྱོགས་ལ་སྔོན་དུ་རྒྱུད་ཕལ་མོ་ཆེའི་བཤད་པ་བྱུང་ཞིང་། གདམས་ངག་ཕག་མོ་གཞུང་དྲུག་གིས་མཚོན་རྒྱ་གཞུང་མངོན་རྟོགས་ཀྱི་རིགས་མང་པོར་བཤད་སྲོལ་བྱུང་བ་དང་། ཕྱག་རྒྱུ་ཆེན་པོའི་བཤད་སྲོལ་རྣམ་པ་བརྒྱད་དུ་གྲགས་པ་སོགས་དང་། རྙིང་མའི་ཕྱོགས་སུ་སེམས་སྨད་བཅོ་བརྒྱད་ཀྱི་རྩ་བ་ཀུན་བྱེད་རྒྱལ་པོ། ཨ་ནུ་ལུང་གི་མདོ་བཞིའི་རྩ་བ་ཀུན་འདུས་རིག་པའི་མདོ། ། བཤད་རྒྱུད་དགོངས་པ་འདུས་པ་ལ་གནུབས་ཆེན་པོའི་འགྲེལ་པ་མུན་པའི་གོ་ཆ་སོགས་ཀྱིས་འཆད་པ་དང་། སངས་རྒྱས་གསང་བའི་ལམ་རྣམ་བཀོད། སྒེག་རྡོར་གྱི་དམ་ཚིག་གསལ་བཀྲ་སོགས་ལ་དུས་ཕྱི་མོའི་བར་དུ་བཤད་པའི་རྒྱུན་བྱུང་ཞིང་འགོས་ལོ་གཞོན་ནུ་དཔལ་བས་རྒྱུད་གཞུང་བཞི་བཅུ་ལྷག་གཅིག་གི་བཤད་ལུང་དེ་སྐབས་སུ་བཞུགས་པར་གསུངས་པས་མཚོན། རྒྱུད་གཞུང་ལུགས་གདམས་ངག་གི་བཤད་སྲོལ་གསང་སྔགས་གསར་རྙིང་ལ་བྱུང་བ་ཕྲན་ཚེགས་ནི་སྨོས་ཀྱིས་མི་ལངས་སོ། ། དེ་ལས་ཕྱག་རྒྱ་ཆེན་པོའི་བཤད་སྲོལ་ནི། ཐོག་མར་ཇོ་བོ་རྗེས་རྒྱུད་བླ་མ་བསྒྱུར་བཤད་དང་མཆིམས་ཕུར་དོ་ཧ་དང་སྒྱུ་འཕྲུལ་གྱི་སྐོར་གསུངས། དེ་ནས་རྗེ་མར་པས་གདམས་ངག་གི་བཤད་རྒྱུན་གནང་བ་ད་ལྟའི་བར་དུའང་མ་ཆད་པར་བཞུགས། དེ་ནས་ཀོ་ས་ལའི་པཎྜི་ཏ་ཆེན་པོ་བཻ་རོ་ཙ་ན་རཀྵི་ཏ་བོད་དུ་བྱོན་ནས་དོ་ཧ་སྐོར་གསུམ་བསྒྱུར་ཅིང་བཤད། དེ་ནས་སྐོར་ནི་རཱུ་པས་སྙིང་པོའི་དོན་རྒྱ་ཆེར་བཤད། དེ་ནས་རྒྱ་གར་ཕྱག་ན་སྟེ་སློབ་དཔོན་བཛྲ་པཱ་ཎིས་གྲུབ་པ་སྡེ་བདུན་དང་། སྙིང་པོ་དོན་གསུམ་ཞེས་དོ་ཧ་རྣམ་གསུམ་སྟེ་གྲུབ་སྙིང་ཕྲ་མོ་དང་བཅས་པའི་གཞུང་དང་། གདམས་ངག་མཚན་ཉིད་ཀྱི་རྗེས་སུ་འབྲང་བའི་བྲུལ་ཚོ་དགུ ཕ་རྒྱུད་ཀྱི་རྗེས་སུ་འབྲངས་པའི་བྲུལ་ཚོ་དགུ མ་རྒྱུད་ཀྱི་རྗེས་སུ་འབྲངས་པའི་བྲུལ་ཚོ་དགུ་སྟེ་ཉི་ཤུ་རྩ་བདུན་པོ་རྣམས་ལས་ཀྱི་ཕྱག་རྒྱ། ཆོས་ཀྱི་ཕྱག་རྒྱ། ཕྱག་རྒྱ་ཆེན་པོ། དམ་ཚིག་གི་ཕྱག་རྒྱ་སྟེ་ཕྱག་རྒྱ་བཞིས་བཅིངས་ཤིང་། ལྟ་བ་ལུང་རིགས་དང་འབྲེལ་བ། སྒོམ་པ་ཉམས་མྱོང་དང་འབྲེལ་བ། སྤྱོད་པ་དུས་ཚོད་དང་འབྲེལ་བ། འབྲས་བུ་གཞན་དོན་དང་འབྲེལ་བ། ལམ་དྲོད་རྟགས་དང་འབྲེལ་བ། དབང་གདམས་ངག་དང་འབྲེལ་བ་སྟེ་འབྲེལ་བ་དྲུག་ལྡན་དུ་གསུངས་པ་ལ་སྟོད་ལུགས་སུ་གྲགས། དེ་ནས་བལ་པོ་ཨ་སུས་དོ་ཧ་སོགས་བཤད་པས་རྒྱུན་འཛིན་པ་ཁྲི་ཕྲག་མང་པོ་བྱུང་བ་ལ་སྨད་ལུགས་སུ་གྲགས། དེ་ནས་རྗེ་རས་ཆུང་པས་ལུས་མེད་མཁའ་འགྲོའི་ཆོས་སྐོར་དང་ཨ་སུའི་གདམས་པ་སོགས་སྤེལ། དེ་ནས་མངའ་རིས་པ་ནག་པོ་ཤེར་དད་ཀྱིས་རྒྱ་གར་ཕྱག་ནའི་ཞལ་སྔ་ནས་སྐུ་གསུང་ཐུགས་ཀྱི་མཛོད་སོགས་ཡིད་ལ་མི་བྱེད་པའི་ཆོས་བཅུ་གསན་ཅིང་བསྒྱུར་བཤད་མཛད་པ་སྟེ་ད་ལྟ་ནི་དེ་དག་གི་ལུང་རྒྱུན་ཙམ་བཞུགས་པ་ཡིན་ལ། བཀའ་དེ་དག་ཐམས་ཅད་ཀྱང་བྲམ་ཟེ་ཡབ་སྲས་དང་མངའ་བདག་རྒྱལ་བ་མེ་ཏྲི་པ་ཁོ་ན་ལས་བརྒྱུད་པའོ། །ེ་དག་ཐམས་ཅད་ཀྱང་བྲམ་ཟེ་ཡབ་སྲས་དང་མངའ་བདག་རྒྱལ་བ་མེ་ཏྲི་པ་ཁོ་ན་ལས་བརྒྱུད་པའོ། །)
Dictionaries/chos rnam kun btus/7534 + (1.ངོ་བོ་ནི། ཡི་གེའི་ངོ་བོ་སྐད་གདངས་མིག་འཛུ … 1.ངོ་བོ་ནི། ཡི་གེའི་ངོ་བོ་སྐད་གདངས་མིག་འཛུམ་ཚད། གཅིག་གཉིས་གསུམ་ཡུན་ཐུང་རིང་ཤིན་ཏུ་རིང་། ། ཆ་ཤས་སྐད་ཅིག་རེ་རེ་གཞན་རྣམས་རྒྱུན། ། ལྡན་མིན་འདུ་བྱེད་ཉིད་དུ་མཛོད་ལས་བཤད། ། ཡི་གེའི་ངོ་བོ་སྐད་ཀྱི་གདངས་འབའ་ཞིག་ཡིན་ཏེ། རྣམ་འགྲེལ་ལས། ཡི་གེ་ཀུན་སློང་ཤེས་པ་ལས། ། སྐྱེ་ལ་ཤེས་པས་སྒྲ་སྐྱེའོ། ། ཞེས་སོ། ། དེའང་བརྗོད་འདོད་ཀྱི་དབང་གིས་རླུང་གཡོས། དེ་ལས་ཡི་གེའི་གདངས་སྐྱེ། དེ་ཉིད་མིག་འཛུམ་གྱི་ཚད་གཅིག་དང་། གཉིས་དང་། གསུམ་གྱི་ཡུན་ལ་རིམ་པར་ཐུང་ངུ་། རིང་པོ། ཤིན་ཏུ་རིང་པོའི་ཐ་སྙད་སྦྱར་བ་སྟེ། སྔ་མ་ལས། ཡི་གེའི་བདག་ཉིད་ཀུན་མཐའ་ཡང་། ། མིག་འཛུམ་ཚད་དུ་གནས་པ་ཡིན། ། ཞེས་སོ། ། དེ་ལ་ཡི་གེའི་ཆ་ཤས་ནི་སྐད་ཅིག་རེ་རེ་བ་ཡིན་ལ་གཞན་རྣམས་དེ་ཉིད་འདུས་པའི་རྒྱུན་ཏེ་བྱེ་མདོ་རྣམས་ཤེས་བྱའི་གཞི་རྣམས་ལས་ལྡན་མིན་འདུ་བྱེད་ཉིད་དུ་འདོད་པར་མཛོད་ལས་བཤད་དོ། །2. ངེས་ཚིག་ནི། ངེས་ཚིག་རང་བཞིན་འགྱུར་མེད་གསལ། ། དོན་རྣམས་རྗོད་བྱེད། ། ཅེས་པ་སྟེ། ཡི་གེའི་ངེས་ཚིག་ལེགས་སྦྱར་ལ་སྐད་དོད་གསུམ་ཡོད་པའི་ཨཀྵ་ར་ནི་མི་འགྱུར་བ་སྟེ། ཡུལ་སོ་སོའི་སྐད་འགྱུར་ཀྱང་དབྱངས་གསལ་གྱི་རང་བཞིན་འགྱུར་བ་མེད་པའམ། ཨའམ་ཀ་ལྟ་བུའི་གཟུགས་གཅིག་རྣམ་གྲངས་གཞན་དུ་མི་འགྱུར་བ་དང་། བྱཉྫ་ན་གསལ་བྱེད་དེ་མིང་ཚིག་ཐམས་ཅད་གསལ་བར་བྱེད་པ་དང་། བརྞ་རྗོད་བྱེད་དེ་དོན་ཐམས་ཅད་རྗོད་པར་བྱེད་པས་སོ། །3. རྣམ་པ་ནི། ཡིག་གཟུགས་ལཱཉྫ་སོགས་ཞེས་པ་སྟེ། ཡི་གེའི་གཟུགས་ནི་ཚངས་པའི་ཡི་གེ་ལཱཉྫ་སོགས་ཡིག་རིགས་དྲུག་ཅུ་རྩ་བཞི་གཙོ་བོར་གྱུར་པའི་ཡི་གེའི་དབྱེ་བ་མཐའ་ཡས་པ་རྣམས་སོ། །4. དབྱེ་བ་ལ་གཉིས་ཏེ། (1)ལེགས་སྦྱར་གྱི་ལུགས་ནི། དབྱེ་བ་ཐུན་མོང་ཙམ་དུ་འཕགས་ཡུལ་གྱི། ། སྐད་རིགས་བཞི་ཡི་གཙོ་བོ་ལེགས་སྦྱར་ལ། ། དབྱངས་ཡིག་མཚུངས་དང་མཚམས་སྦྱོར་གསལ་ བྱེད་ནི། ། སྡེ་པ་མཐར་གནས་དྲོ་བ་རྩ་བ་ཉིད། །ཨཱ་ལི་བརྒྱ་དང་སོ་གཉིས་ཀཱ་ཡི་ལ། ། རྐྱང་པ་སོ་བདུན་དབྱངས་བཅས་བཞི་སྟོང་དང་། ། སུམ་བརྒྱ་ང་དྲུག་དེ་དག་གནས་བརྒྱད་དང་། བྱེད་པ་རྩོལ་བ་ཕྱི་ནང་དག་ལས་སྐྱེ། ། ཡི་གེའི་དབྱེ་བ་སྒྲ་མདོ་སོ་སོའི་ལུགས་དང་ཐུན་མོང་མ་ཡིན་པའི་རྒྱུད་སྡེ་ལས་གསུངས་པའི་རྣམ་གཞག་མང་ཡང་ཐུན་མོང་ཙམ་དུ་འཕགས་ཡུལ་གྱི་སྐད་རིགས་ཆེན་པོ་བཞིར་གྲགས་པའི་གཙོ་བོ་ལེགས་པར་སྦྱར་བ་ལ་དབྱངས་དང་གསལ་བྱེད་གཉིས། དབྱངས་ལ་ཨ་ཨཱ་ནས་ལྀ་ལཱྀའི་བར་མཚུངས་པའི་ཡི་གེ་བཅུ། ཨེ་ཨཻ་ཨོ་ཨཽ་སྟེ་མཚམས་སྦྱོར་གྱི་ཡི་གེ་བཞི་བསྡོམས་པས་དབྱངས་བཅུ་དྲུག གསལ་བྱེད་ལ་ནི། ཀ་སྡེ་སོགས་སྡེ་པ་ལྔ། ཡ་ར་ལ་ཝ་སྟེ་མཐར་གནས་བཞི། ཤ་སོགས་དྲོ་བའི་ཡི་གེ་བཞི་སྟེ་སུམ་ཅུ་རྩ་གསུམ་དུ་བཤད་པ་ནི་རྩ་བ་ཉིད་ཡིན་ལ། དེ་ལས་འཕྲོས་པའི་དབྱེ་བ་ཙནྡྲ་པ་ལྟར་ན། ཨ་ཨི་ཨུ་རི་བཞི་ལ་ཐུང་ངུ་རིང་པོ་ཤིན་ཏུ་རིང་པོ་སྟེ་གསུམ་གསུམ། དེ་དག་རེ་རེ་ལའང་སྐད་གདངས་མཐོ་བས་བརྗོད་པ་ཨུ་དཱཏྟ། དམའ་བས་བརྗོད་པ་ཨ་དཱཏྟ། བར་མས་བརྗོད་པ་སྭ་རི་ཏ་གསུམ་གསུམ་སྟེ་སུམ་ཅུ་སོ་དྲུག་དེ་རྣམས་ལ་རྗེས་སུ་སྣ་ལྡན་ཅན་དང་རྗེས་སུ་སྣ་ལྡན་ཅན་མ་ཡིན་པ་གཉིས་གཉིས་ཕྱེ་བས་བདུན་ཅུ་རྩ་གཉིས། མཚམས་སྦྱོར་བཞི་ལ་ཐུང་ངུ་མེད་པས་རིང་པོ་དང་ཤིན་ཏུ་རིང་པོ་གཉིས་གཉིས། ལྀ་ལ་རིང་པོ་མེད་པས་ཐུང་ངུ་དང་ཤིན་ཏུ་རིང་པོ་གཉིས། དེ་དག་ལྔ་པོ་རེ་རེ་ལའང་། ཨུ་དཱཏྟ། ཨ་ནུ་དཱཏྟ། སྭ་རི་ཏ་དང་གསུམ་གསུམ་དུ་ཕྱེ་བས་སུམ་ཅུ། དེ་རྣམས་སྣ་ལྡན་སུམ་ཅུ། སྣ་མེད་སུམ་ཅུ་དང་བཅས་པས་དྲུག་ཅུ་སྟེ་གོང་དང་བསྡོམས་པས་ཨ་ལི་ལ་བརྒྱ་དང་སོ་གཉིས། ཀཱ་ལི་ལ་རྐྱང་པ་སུམ་ཅུ་རྩ་གསུམ། དེ་སྟེང་རྣམ་བཅད་ང་རོ། ལྕེ་རྩ་ཅན། མཆུ་ཅན་བཞི་བསྣན་པས་སུམ་ཅུ་སོ་བདུན། རྩ་བའི་གསལ་བྱེད་སོ་གསུམ་ལ། ཀ་གཅིག་པུ་ལའང་དབྱངས་བརྒྱ་དང་སུམ་ཅུ་སོ་གཉིས་ཞུགས་པ་སྟེ་བསྡོམས་པས་གསལ་བྱེད་བཞི་སྟོང་སུམ་བརྒྱ་ང་དྲུག་ཡོད་དོ། ། ཡི་གེ་དེ་རྣམས་ཀྱང་གནས་དང་བྱེད་པ་དང་རྩོལ་བ་རྣམས་ལ་བརྟེན་ནས་སྐྱེ་བ་ལས།ཡི་གེའི་གནས་དང་བྱེད་པ་རྩོལ་བ་གསུམ་ལས། གནས་ལ་ཡང་བརྒྱད་ལས། ། [1]བྲང་། [2]མགྲིན་པ། [3]སྤྱི་བོ།[4]ལྕེ་རྩ། [5]སོ། [6]སྣ། [7]མཆུ།[8]ཀན་དང་བརྒྱད་དོ། ། དེ་ཡང་། ཨ་དང་ཀ་སྡེ་དང་ཧ་ཡིག་དང་རྣམ་བཅད་རྣམས་མགྲིན་པའི་སྐྱེ་གནས་ཅན་ནོ། ཨི་ཨེ་ཨཻ་མགྲིན་པ་དང་རྐན་ནོ། ཨུ་ཨོ་ཨཽ་རྣམས་མགྲིན་པ་དང་མཆུའོ། རྀ་དང་ཊ་སྡེ་དང་ར་ཡིག་དང་ཥ་ཡིག་རྣམས་སྤྱི་བོའོ། ། ལྕེ་རྩ་ཅན་ནི་ལྕེ་ཡི་རྩ་བའོ། ། ལྀ་དང་ཏ་སྡེ་དང་ལ་ཡིག་དང་ས་ཡིག་རྣམས་སོའོ། ། རྗེས་སུ་ང་རོ་ནི་སྣའོ། ། ང་ཉ་ཎ་ན་མ་རྣམས་ནི་རང་རང་གི་མགྲིན་པ་སོགས་ཀྱི་རྗེས་སུ་སྣའོ། ། ཨི་དང་ཙ་སྡེ་དང་ཡ་ཡིག་དང་ཤ་ཡིག་རྣམས་རྐན་ནོ། ། ཨུ་དང་པ་སྡེ་དང་མཆུ་ཅན་གྱི་ཡི་གེ་ནི་མཆུའོ། ། ཝ་ཡིག་ནི་སོ་དང་མཆུ་དག་གོ ། འདིར་བྲང་ཞེས་པ་མགྲིན་བྱུང་གི་ཡི་གེ་རྣམས་བྲང་གི་གནས་ལ་ལྟོས་པ་དང་། ཡི་གེ་གཞན་རྣམས་ཀྱང་མགྲིན་པ་ལ་ལྟོས་ཤིང་དེ་ཉིད་ཀྱིས་བྲང་གི་གནས་ལ་ལྟོས་དགོས་པར་གྲུབ་པའི་ཕྱིར་བརྗོད་པའོ། ། བྱེད་པ་ལ། ལྕེ་རྩ་ཅན་རྣམས་ཀྱི་བྱེད་པ་ནི་ལྕེའི་རྩ་བའོ། ། རྐན་བྱུང་རྣམས་ཀྱི་བྱེད་པ་ནི་ལྕེའི་དབུས་སོ། ། སྤྱི་བྱུང་རྣམས་ཀྱི་ལྕེའི་རྩེ་མོ་དང་ཉེ་བའོ། ། སོ་བྱུང་རྣམས་ཀྱི་ལྕེ་རྩེའོ། ། ལྷག་མ་རྣམས་ནི་རང་གནས་ཀྱི་བྱེད་པ་ཅན་ནོ། ། རྩོལ་བ་ནི་ནང་དང་ཕྱི་རོལ་གཉིས་ཏེ། ནང་གི་རྩོལ་བ་ལའང་བཙུམས་པ་དང་། ཕྱེ་བ་དང་། ཕྲད་པ་དང་། ཅུང་ཟད་ཕྲད་པ་སྟེ་བཞིའོ། ། དེ་ལས་བཙུམས་པའི་རྩོལ་བ་ ཅན་ནི་ཨ་ཡིག་གོ ། ཕྱེ་བ་ནི་དབྱངས་གཞན་རྣམས་དང་དྲོ་བ་རྣམས་སོ། ། འདིར་དྲོ་བ་ཞེས་པ་ནི་འོག་ནས་འཆད་པ་ལྟར་རོ། ཕྲད་པ་ནི། སྡེ་པའི་ཡི་གེ་རྣམས་ཏེ་རྩོལ་བ་ཆེན་པོས་བཙིར་ནས་མཐོན་པོར་བརྗོད་པ་རྣམས་སོ། ། ཅུང་ཟད་ཕྲད་པ་ནི་མཐར་གནས་རྣམས་སོ། ། ཕྱིའི་རྩོལ་བ་ལའང་། སྒྲ་མེད་དང་། སྲོག་ཆུང་དང་། སྲོག་ཆེན་དང་། སྒྲ་ལྡན་དང་། དྲོ་བ་སྟེ་ལྔ་ལས་སྒྲ་མེད་པ་རྣམས་ནི་སྡེ་པ་རྣམས་ཀྱི་དང་པོ་དང་གཉིས་པ་རྣམས་དང་ཤ་ཥ་ས་རྣམས་དང་ལྕེ་རྩ་ཅན་མཆུ་ཅན་རྣམས་སོ། ། སྲོག་ཆུང་བ་ནི་སྡེ་པ་རྣམས་ཀྱི་དང་པོ་དང་གསུམ་པ་དང་ལྔ་པ་རྣམས་དང་མཐར་གནས་རྣམས་སོ། ། སྲོག་ཆེ་བ་རྣམས་ནི་སྡེ་པ་རྣམས་ཀྱི་གཉིས་པ་དང་བཞི་པ་རྣམས་དང་ཤ་ཥ་ས་ཧ་རྣམས་སོ། ། སྒྲ་ལྡན་ནི་སྡེ་པ་རྣམས་ཀྱི་གསུམ་པ་བཞི་པ་ལྔ་པ་རྣམས་དང་རྗེས་སུ་ང་རོ་ཅན་དང་བཅས་པ་རྣམས་དང་མཐར་གནས་དང་ཧ་ཡིག་རྣམས་སོ། ། དྲོ་བ་ནི་སྡེ་པ་རྣམས་ཀྱི་གཉིས་པ་དང་བཞི་པ་དང་ཤ་ཥ་ས་ཧ་རྣམས་ཏེ་གཞུང་གཞན་དུ་ཤ་ཥ་ས་ཧ་རྣམས་ཁོ་ན་ལ་དྲོ་བའི་ཡི་གེར་བཤད་དོ། ། སྐབས་འདིར་སྔགས་ཀྱི་བཀླག་ཐབས་ཉེ་བར་མཁོ་ཡང་ཚིག་ཉུང་ངུས་དོན་ལེགས་པར་སྟོན་མི་ནུས་པས་དམ་པ་སྔ་མ་རྣམས་ཀྱིས་མཛད་པ་ལས་རྟོགས་པར་བྱ་བ་ཁོ་ནའོ། །(2)བོད་སྐད་ཀྱི་ལུགས་ནི། བོད་སྐད་ཨཱ་ལི་མཚོན་བྱེད་ཨི་སོགས་བཞི། ། ཀཱ་ལི་སུམ་ཅུར་སྔོན་རྗེས་མིང་གཞི་དབྱེ། ། རྐྱང་འཕུལ་མགོ་ཅན་བརྩེགས་འདོགས་འཇུག་དང་བཅས། ། བོད་སྐད་དང་སྦྱར་བའི་བོད་ཀྱི་ཡི་གེ་ནི་རྩ་བ་ཨཱ་ལི་ཀཱ་ལི་སྟེ་ཨ་ཕྲེང་ཀ་ཕྲེང་གཉིས། དེ་ལ་ཨཱ་ལིའི་བྱ་བ་གསལ་བར་མཚོན་པར་བྱེད་པ་ཨི་སོགས་ཏེ་གི་གུ་ཞབས་ཀྱུ་འགྲེང་བུ་རྣ་རུ་བཞི། འདི་རྣམས་ཨ་ལ་སྦྱར་བ་ནི་རྐྱང་པ་བརྗོད་དུ་མེད་པས་སོ། ། ཀཱ་ལི་ཀ་ནས་ཨའི་བར་སུམ་ཅུ་ཐམ་པ་ཡོད་ཅིང་དེ་ལས་ག་ད་བ་མ་འ་སྟེ་སྔོན་འཇུག་ལྔ། ག་ང་ད་ན་བ་མ་འ་ར་ལ་ས་སྟེ་རྗེས་འདུག་བཅུ། འཕྲོས་མིང་གཞིའི་ཡི་གེ་ཉི་ཤུ་རྣམས་སུ་དབྱེར་ཡོད་ལ། དེའང་སྔོན་འཇུག་རྣམས་ནི་མིང་གི་སྔོན་དུ་འཇུག་ཅིང་། རྗེས་འཇུག་རྣམས་ནི་རྗེས་ཁོ་ནར་འཇུག་པ་དང་། མིང་གཞི་རྣམས་ནི་སྔོན་རྗེས་གང་དུའང་མི་འཇུག་པར་འཇུག་པ་རྣམས་ཀྱི་གཞིར་གྱུར་པའོ། ། ཡི་གེ་དེ་དག་གི་མིང་དུ་བསྒྲུབ་པ་ན་རྐྱང་པ་ཁོ་ན་ཡིན་པ་ཀ་བ་ལྟ་བུ། སྔོན་འཇུག་གིས་འཕུལ་བ་མགོ་བོ་ལྟ་བུ་རྐྱང་འཕུལ། དབྱེ་བ་ལྟ་བུ་འདོགས་འཕུལ། བསྒྲུབ་བྱ་ལྟ་བུ་བརྩེགས་འཕུལ་རྣམས་དང་། ར་ལ་སའི་མགོ་ཅན་གསུམ། ཡི་གེ་གསུམ་རེ་བརྩེགས་པ་སྒྲ་ལྟ་བུ། ཡ་ར་ལ་ཝའི་འདོགས་བཞི། རྗེས་འཇུག་བཅུ་ཞུགས་པ་རྟག་ལྟ་བུ་རྐྱང་འཇུག་དང་། རྟགས་ལྟ་བུ་ཡང་འཇུག་དང་བཅས་པ་རྣམས་སུ་ཡོད་དོ། །5. སྦྱོར་ཚུལ་ནི། རྣམ་དབྱེ་ཕྲད་སོགས་སྦྱོར་བས་དོན་སྟོན་ལ། ། བདག་གཞན་དུས་གསུམ་བྱ་བྱེད་སྒོ་ནས་འཇུག ། མིང་དེ་ལས་ཚིག་ཏུ་སྒྲུབ་པ་ན་སླར་བསྡུ་དང་ལ་དོན་ཨི་ལྡན་སོགས་རྗེས་འཇུག་ལ་ལྟོས་པའི་ཕྲད་རྣམ་དབྱེ་དང་བཅས་པ། དགར་དང་བརྣན་པ་ལ་འཇུག་པའི་ནིའི་སྒྲ་སོགས་ཕྲད་རང་དབང་ཅན་དྲུག་པོ་རྣམས་སྦྱོར་བས་དོན་དང་དོན་གྱི་ཁྱད་པར་སྟོན་པའི་ཚིག་ཏུ་གྲུབ་ལ། སྔོན་རྗེས་ཀྱི་སྦྱོར་བ་རྣམས་ནི་བདག་གཞན་དང་དུས་གསུམ་དང་བྱ་བྱེད་སྟོན་པའི་སྒོ་ནས་འཇུག་གོ ། དེའང་ཡི་གེ་དུ་མ་འདུས་པ་ལས་མིང་། མིང་དུ་མ་འདུས་པ་ལས་ཚིག་ཏུ་གྲུབ་སྟེ། དེ་དག་གི་བྱེད་ལས་ཀྱང་སློབ་དཔོན་བློ་གྲོས་བརྟན་པས། དོན་གྱི་ངོ་བོ་བརྗོད་པ་མིང་། ། དེ་ཡི་ཁྱད་པར་སྟོན་པ་ཚིག གང་ཡང་མི་སྟོན་ཡི་གེའོ། ། ཞེས་གསུངས་ཏེ། དཔེར་ན་བུམ་པ་བ་ལང་ཞེས་པ་ལྟ་བུ་དོན་གྱི་ངོ་བོ་སྟོན་པའི་མིང་། འདུས་བྱས་མི་རྟག་ཅེས་པ་དང་། ཟག་བཅས་སྡུག་བསྔལ་ཞེས་པ་ལྟ་བུ་དེའི་ཁྱད་པར་སྟོན་པའི་ཚིག་གོ ། ཨ་ཨཱ་ཀ་ཁ་ག་གྷ་ང་ཞེས་སོགས་གང་ཡང་མི་སྟོན་པ་ཡི་གེ་ཡིན་ནོ། ། ཚིག་གི་མཐར་རྣམ་དབྱེ་དང་ཕྲད་གང་རུང་མ་ཞུགས་པར་དོན་གྱི་ཁྱད་པར་རྫོགས་པར་སྟོན་མི་ནུས་ལ། རྣམ་དབྱེ་ཞེས་པའང་ལས་དང་བྱེད་པ་སོགས་དོན་དང་། གཅིག་གཉིས་མང་པོ་སྟེ་ཚིག་གི་རྣམ་གྲངས་རྣམ་པར་དབྱེ་བར་བྱེད་པས་དེར་བརྗོད། དེའང་རྣམ་དབྱེ་དང་ངོ་བོ་བརྗོད་པ་ནི། སངས་རྒྱས། ཆོས། ལྷ། བདག་ལྟ་བུ་དོན་གྱི་ངོ་བོ་ཙམ་ལས་ཁྱད་པར་མི་སྟོན་ཅིང་ལེགས་སྦྱར་ལ་རྣམ་དབྱེ་དང་པོའི་རྐྱེན་སྦྱོར་དུ་ཡོད་ཀྱང་བོད་སྐད་ལ་རྣམ་དབྱེ་དང་པོ་དང་མིང་རྐྱང་གཉིས་ལ་ཁྱད་པར་མེད་ལ། སངས་རྒྱས་ཞེས་པས་གཅིག་ཚིག སངས་རྒྱས་དག་ཅེས་པས་གཉིས་ཚིག སངས་རྒྱས་རྣམས་ཞེས་པས་མང་པོའི་ཚིག་མཚོན་ཏེ་གཞན་ལའང་དེས་འགྲེ་བར་ནུས་སོ། ། གཉིས་པ་ལས་སུ་བྱ་བ་ནི། སངས་རྒྱས་ལ་ཕྱག་འཚལ་ལོ། རྒྱ་གར་དུ་འགྲོ་ལྟ་བུ་ལ་དང་དུའི་སྒྲས་བྱ་བའི་ཡུལ་མཚོན་པ་དང་། གསུམ་པ་བྱེད་པ་པོ། སངས་རྒྱས་ཀྱིས་ཆོས་གསུངས། བདག་གིས་ལས་བྱ། ལྟ་བུ་ཀྱིས་དང་གིས་དག་གིས་བྱེད་པ་པོ་མཚོན་པ་དང་། བཞི་པ་ཆེད་དུ་བྱ་བ། སློང་མོ་ལ་ཟས་སྦྱིན། ཞིང་ལ་ཆུ་འདྲེན་ལྟ་བུ་བྱ་བ་དེས་ཡུལ་དེ་ལ་ཕན་འདོགས་པོ་ལའི་སྒྲས་གོ་བ་དང་། ལྔ་པ་འབྱུང་ཁུངས་སམ་གང་ལས་འབྲལ་བ། སངས་རྒྱས་ལས་ཆོས། རྒྱ་མཚོ་ནས་རིན་པོ་ཆེ་ལྟ་བུ་དངོས་པོ་དེ་བྱུང་བའི་ཁུངས་ལས་ནས་ཀྱི་སྒྲས་མཚོན་པ་དང་།དྲུག་པ་འབྲེལ་བ། སངས་རྒྱས་ཀྱི་སྐུ། སེམས་ཅན་གྱི་ཁམས་ལྟ་བུ་ཕན་ཚུན་རྟེན་བརྟེན་པ་སོགས་སུ་འབྲེལ་བའི་དོན་ཀྱི་དང་གྱི་སྒྲས་སྟོན་པ་དང་།བདུན་པ་གནས་གཞི། བརྟན་པར་བཞུགས། ཁྱིམ་དུ་མི་ལྟ་བུ་གནས་པའམ་རྟེན་པའི་གཞི་ར་དང་དུའི་སྒྲས་མཚོན་པའོ། ། དེ་ལ་གཉིས་པ། བཞི་པ། བདུན་པ་རྣམས་མཚོན་བྱེད་ཀྱི་སྒྲ་ནི་ལ་དོན་དྲུག་ཅེས་བྱ་སྟེ། ལ་ན་ཏུ་དུ་སུ་རུ་རྣམས་དང་། བྱེད་སྒྲ་ཀྱིས་གྱིས་ཡིས་འིས་ལྔ། འབྱུང་ཁུངས་ལས་ནས། འབྲེལ་སྒྲ་ཀྱི་གྱི་གི་ཡི་འི་རྣམས་སོ། ། དེ་དག་ལས་སྐབས་རེར་རྣམ་དབྱེའི་དོན་མི་སྟོན་པར་ཕྲད་ཙམ་ལ་འཇུག་པའང་ཡོད་ཅིང་། སླར་བསྡུའི་གོ་ངོ་སོགས་སྦྱོར་ཡུལ་ལ་ལྟོས་པའི་ཕྲད་རྣམས་སྦྱོར་ཚུལ་དང་བཅས་དཔེར་བརྗོད་པ་ནི། དག་ལ་གསལ་ན་ལེགས་མོད་ཀྱི། ། བསྟན་གྱི་འཇུག་གི་འཆད་བྱ་ཡི། ། མཁས་པར་བྱས་ནས་ཚུལ་བརྟག་གོ ། བྱ་བ་བཟང་པོ་ལེགས་བཀོད་དོ། ། འབྱོན་ནོ་གྲུབ་བོ་དོན་བསམ་མོ། ། བྱའོ་ཕྱར་རོ་ལྷ་རྒྱལ་ལོ། ། བལྟས་སོ་བསྟན་ཏོ་ལྷ་ཆོས་པ། ། སྒྲུབ་པོ་དགའ་བོ་གསར་མ་པ། ། མ་རྙོག་མི་ལྷུང་དགེ་བ་ཅན། ། ད་ནི་ཅི་ཕྱིར་ཀྱེ་ཀྱེ་བུ། ། ཀྭ་ཡི་གྲོགས་དག་བགྲོད་ཅིང་མཆིས། ། བདེ་ཞིང་དགྱེས་ཞེས་ཡོད་ཅེས་ཐོས། ། གསལ་ཞེས་མཛེས་ཞེས་ཞད་ཅིག་གདའ། ། ནམ་ཞིག་གྲོས་ཤིག་གདབ་ཅེའོ། ། སུ་ཡོད་ཅེ་ན་གང་ཞེ་ན། ། མ་བྱས་ཞེ་ན་བྱོས་ཤིག་གུ། ། འཁོད་ཀྱང་འགྲོ་བའང་དྲན་ན་ཡང་། ། རྒྱུག་གམ་འདོང་ངམ་སྡོད་དམ་ཅི། ། མདུན་ནམ་རྒྱབ་བམ་ལེགས་བསམ་མམ། ། བྱའམ་འཆར་རམ་ཅང་ཐལ་ལམ། ། རྒྱས་སམ་དེ་དག་དཔལ་འབྱོར་རྣམས། ། མཁས་ཏེ་འཆད་དེ་ཀུན་ཆུབ་སྟེ། ། ཇི་སྙེད་བདེ་དང་ལྡན་ནོ་ལོ། ། ལྟ་བུ་དང་།ཡང་སྦྱར་ཡུལ་ལ་མི་ལྟོས་པར་ཡང་རང་ཉིད་ཀྱི་བརྗོད་དོན་གསལ་བར་མཚོན་པ་ཅན་གྱི་ཕྲད་ནི། གང་། ཅི། འདི། སུ། ཡང་། ནམ། སླར། འོ་ན། ལ་ལ། ཇི། ཞེས་པ་ལྟ་བུ་ཕྲད་རྐྱང་པ་རྣམས་དང་། ཕྲད་གཉིས་གསུམ་སོགས་འདུས་པ། གང་དག དེ་དག གང་རྣམས། དེ་རྣམས། ཇི་སྙེད། དེ་སྙེད། ཅི་ནས་ཀྱང་ལྟ་བུ་མང་པོ་རྣམས་སོ། །ཡང་ལས་གང་ཞིག་བྱེད་པོ་གཞན་དང་དངོས་སུ་འབྲེལ་བའི་དབང་དུ་བྱས་ནས་བྱེད་པ་པོའི་དངོས་པོ་དེ་ཉིད་དང་དེའི་བྱེད་པ་དང་བཅས་པ་ལ་ནི་བདག་ཅེས་བྱ་ཞིང་། དེས་བསྒྲུབ་པར་བྱ་བའི་ཡུལ་གྱི་དངོས་པོ་བྱ་བ་དང་བཅས་པ་ལ་ནི་གཞན་ཞེས་བྱའོ། །དེ་བཞིན་དུ་བྱེད་པོ་གཞན་དང་དངོས་སུ་འབྲེལ་མ་འབྲེལ་ཇི་ལྟར་ཡང་རུང་བྱ་བ་བྱས་ཟིན་པ་ནི་དུས་འདས་པ་དང་། བྱ་བ་བྱེད་པར་འགྱུར་བ་ནི་དུས་མ་འོངས་པ་དང་། བྱ་བ་བྱེད་བཞིན་པ་ནི་དུས་ད་ལྟ་བ་ཡིན་ནོ། ། གཞན་དུ་བྱེད་པའི་ལས་དང་བྱ་བའི་ལས་ཞེས་ལས་ཀྱི་ཚིག་ལ་གཉིས་སུ་དབྱེ་བའང་དབྱེ་བ་དེ་དག་ཏུ་འདུས་ཏེ་དུས་གསུམ་གྱི་དབང་གིས་བྱེད་པའི་ལས་ནི་དུས་ད་ལྟ་བ་དང་། བྱ་བའི་ལས་ནི་དུས་མ་འོངས་པར་འདུ་ཞིང་བདག་གཞན་གྱི་དབང་གིས་བྱེད་པ་པོ་གཞན་དང་དངོས་སུ་འབྲེལ་བའི་བྱེད་པ་བདག་དང་བྱ་བ་གཞན་ཡིན་པ་བཤད་མ་ཐག་པར་ལྟར་རོ། ། དེས་ན་དུས་གསུམ་གྱི་དབྱེ་བས་ནི་བྱེད་ལས་དང་འབྲེལ་བའི་ངག་གི་སྦྱོར་བ་ཐམས་ཅད་ལ་ཁྱབ་ཅིང་། བདག་གཞན་གྱི་དབྱེ་བས་ནི་དེ་ཙམ་དུ་ཁྱབ་པ་མ་ཡིན་ཀྱང་། བྱེད་པ་པོ་དང་བྱ་བའི་ཡུལ་གྱི་སྒྲ་རྣམས་བསྡུ་བའི་ཕྱིར་བདག་གཞན་གྱི་དབྱེ་བ་ཟུར་དུ་བྱུང་བ་ཡིན་ནོ། །དེ་ལ་བྱེད་པ་པོ་བདག་གི་དངོས་པོའི་སྒྲ་ནི། སྒྲུབ་པ་པོ། ། སྟོན་པ་པོ། སྒྲུབ་བྱེད། སྟོན་བྱེད་ལྟ་བུ། དེའི་བྱེད་པའི་ཚིག་གསལ་བར་བྱེད་པ། སྒྲུབ་པར་བྱེད་པ། སྟོན་པར་བྱེད་པ། སྒྲུབ་བོ། སྟོན་ཏོ། ལྟ་བུ།བྱ་བའི་ཡུལ་གཞན་གྱི་དངོས་པོའི་སྒྲ། བསྒྲུབ་པར་བྱ་བ། བསྟན་པར་བྱ་བ། བསྒྲུབ་བྱ། བསྟན་བྱ་ལྟ་བུ། དེའི་བྱ་བའི་ཚིག་བསྒྲུབ་པར་བྱ། བསྟན་པར་བྱ། བསྒྲུབ་བོ། བསྟན་ནོ་ལྟ་བུ་དང་། དེར་མ་འདུས་པ་དུས་གསུམ་ལས་འདས་པའི་སྒྲ། བསྒྲུབས། བསྟན། གྲུབ་ལྟ་བུ། ད་ལྟ་བའི་སྒྲ། སྒྲུབ་བཞིན་པ། སྟོན་བཞིན་པ། འགྲུབ་པར་བྱེད། འཆད་པར་བྱེད་ལྟ་བུ། མ་འོངས་པའི་སྒྲ། འགྲུབ་པར་འགྱུར། འཆད་པར་འགྱུར། འགྲུབ་བོ། འཆད་དོ། འགྲུབ་པར་བྱ། འཆད་པར་བྱ་ལྟ་བུ་མང་པོ་རྣམས་སོ། ། དེ་ལ་ལྕགས་གསེར་དུ་བསྒྱུར་ལྟ་བུ་བྱེད་པ་པོ་དང་དངོས་སུ་འབྲེལ་བ་དང་། ལྕགས་གསེར་དུ་གྱུར་ལྟ་བུ་བྱེད་པ་པོ་དང་དངོས་སུ་མ་འབྲེལ་བའོ། །6. བཀླག་ཐབས་ནི། ཐོག་མར་ང་རོ་ཕྱིས་ནས་སྦྱོར་ཀློག་སྦྱང་། ། གནས་དང་བྱེད་རྩོལ་རང་མཐུན་དབྱུང་ཞིང་བརྗོད། ། བྱང་ནས་གང་ལ་གང་གིས་ཇི་ལྟ་བུར། ཅི་ཕྱིར་འཇུག་སོགས་ཐུ་མིའི་གཞུང་བཟང་བསླབ། ། བརྗོད་པའི་ཕྱི་མོ་སངས་རྒྱས་ཕྲིན་ལས་སོ། ། བསླབ་ཚུལ་གྱི་གོ་རིམ་ཡང་ཐོག་མར་ང་རོ་ལ་སྦྱང་བར་བྱ་སྟེ། ང་རོ་ཞེས་པ་སྒྲ་ཙམ་ལ་འཇུག་པས་ཡི་གེ་རྐྱང་པ་རྣམས་རང་རང་གི་སྐྱེ་གནས་དང་མཐུན་པ་དང་། དབྱངས་ལྡན་རྣམས་ཀྱང་སོ་སོའི་ང་རོ་དབྱུང་ཚུལ་བཅས་ཡི་གེ་རེ་རེ་ནས་ཀློག་པའི་སྒྲ་གདངས་ལ་སྦྱང་བར་བྱ་ཞིང་། དེ་ལ་གོམས་ནས་སྔོན་རྗེས་མིང་གཞི་གསུམ་ཚེག་བར་གཅིག་ཏུ་སྦྱོར་བའི་ཀློག་ཚུལ་སྦྱང་། དེ་དག་ཀྱང་གོང་སྨོས་ལེགས་སྦྱར་གྱི་རིགས་འདྲེས་ཏེ་སོ་སོའི་སྐྱེ་གནས་བྱེད་པ། ཕྱི་ནང་གི་རྩོལ་བ་རང་རང་དང་མཐུན་པར་དབྱུང་ཞིང་བརྗོད་དེ་ཞིབ་པར་རྗེ་བཙུན་བསོད་ནམས་རྩེ་མོའི་གསུང་རབ་ལ་སོགས་ལས་རྟོགས་པར་བྱའོ། ། ཀློག་ལེགས་པར་བྱང་ནས་སྔོན་རྗེས་ཀྱི་འཇུག་པ་རྣམས་ཡུལ་གང་ལ་འཇུག འཇུག་པོ་གང་གིས་འཇུག ཚུལ་ཇི་ལྟར་འཇུག་དགོས་པ་ཅིའི་ཕྱིར་འཇུག་པ་ལ་སོགས་པའི་རྣམ་གཞག་ཞིབ་མོ་ཐུ་མི་སཾ་བྷོ་ཊའི་གཞུང་བཟང་སུམ་ཅུ་པ་དང་རྟགས་ཀྱི་འཇུག་པ་ཐམས་ཅད་འབྱུང་བའི་ཕྱི་མོའམ་རྩ་བ་སངས་རྒྱས་ཀྱི་ཕྲིན་ལས་སུ་གྲུབ་པ་ཡིན་གྱི་གང་ཟག་གི་བློས་རྣམ་པར་བརྟག་པ་ཙམ་ནི་མ་ཡིན་ནོ། །7. འཇུག་པའི་གནས་བརྒྱད་ནི། ཀུན་ཀྱང་ཟིན་པའི་སྒྲ་དང་ཡུལ་གྱི་སྐད། ། ངོ་བོའི་མིང་དང་མཚོན་བྱེད་མཚན་མ་སྟེ། ། གོ་བྱེད་བརྡ་དང་ཐ་སྙད་ཤེས་བརྗོད་འཇུག ། ཚིག་དོན་གནས་བརྒྱད་སྒྲ་དོན་འདྲེས་འཛིན་བློ། ། དོན་དམིགས་སྒྲ་བྱུང་མཐུན་སྣང་ཐུན་མོང་གྲགས། ། མངོན་ཞེན་རིམ་པའི་ཆོས་ལྔ་ལྡན་པར་སྐྱེ། ། ཡི་གེས་དོན་སྟོན་པར་བྱེད་པ་ཀུན་ཀྱང་འཇུག་པའི་གནས་བརྒྱད་ལ་བརྟེན་པ་ཡིན་ཏེ། གནས་བརྒྱད་ནི། སྒྲ། སྐད། མིང་། མཚན་མ། བརྡ། ཐ་སྙད། ཚིག དོན་དང་བརྒྱད་དོ། ། དེ་ལས། (1)སྒྲ་ནི། འདིར་ཟིན་པའི་སྒྲ་སེམས་ཅན་དུ་སྟོན་ཅིང་ལུང་སྟོན་པའོ། །(2)སྐད་ནི། འཕགས་བོད་རྒྱ་ནག་ལ་སོགས་པ་རང་རང་གི་ཡུལ་གྱི་བརྡ་གོ་བར་བྱེད་པའོ། །(3)མིང་ནི་། ངོ་བོ་ཉིད་ཀྱི་ཚིག་བླ་དྭགས། ཆོས་མངོན་པའི་ལུགས་ཀྱི་ཡི་གེ་འདུས་པའི་བདག་ཉིད་ཅན་དང་། བརྡ་སྤྲོད་པའི་ལུགས་ཀྱི་རྣམ་དབྱེའི་མཐའ་ཅན། བུམ་པ། སེང་གེ་ལ་སོགས་པ་བརྗོད་པ་དེས་དོན་ལ་བློ་གཞོལ་བར་བྱེད་པས་ནཱ་མ་སྟེ་མིང་ཞེས་བྱ་ལ།(4)དོན་དེ་མཚོན་པར་བྱེད་ཅིང་སྣང་བར་ནུས་པའི་ཆ་ནས་མཚན་མ་ཞེས་བྱའོ། །(5)བརྡ་ནི། དོན་དེ་ལ་ཐ་སྙད་བྱ་བའི་ཕྱིར་ཐོག་མར་མིང་དུ་བཏགས་པ་སྟེ། གོ་བར་བྱེད་པ་དང་སྨྲ་བར་བྱེད་པའི་དུས་ཅན་ནོ། །(6)ཐ་སྙད་ནི། འཇུག་པར་བྱེད་པའི་བདག་ཉིད་ཤེས་བརྗོད་འཇུག་གསུམ་གྱི་རང་བཞིན་ཅན་ཏེ། དེའང་འདི་ཀ་བ་ཡིན་ནོ་སྙམ་པའི་ཤེས་པ་ནི་བཏགས་པའི་ཤེས་པ་དང་། ཀ་བ་ཞེས་སྨྲ་བར་བརྗོད་པ་ནི་བརྗོད་པ་དང་། ཀ་བ་ཡིན་པས་ཁང་ཁྱིམ་བྱེད་པར་རྩོམ་པ་ནི་འཇུག་པ་སྟེ། སྤྱི་དངོས་ལ་མེད་ཀྱང་འཇུག་ལྡོག་བྱེད་པའི་ཕྱིར་ནན་གྱིས་བཏགས་པ་སྟེ། གདུང་འདེགས་ཀྱི་ཤིང་ལ་ཀ་བ་ཞེས་བཏགས་པ་ལྟ་བུའོ། ། དེ་དག་ཀྱང་དོན་དེའི་ངོ་བོ་ཙམ་བརྗོད་པའི་ཆ་ནས་མིང་དང་། དོན་དེ་མཚོན་པར་བྱེད་པས་མཚན་མ་ཐ་སྙད་ཀྱི་ཕྱིར་སྔར་མེད་པ་གློ་བུར་དུ་འདོད་པས་སྦྱར་བ་བརྡ་དང་། དེ་ཉིད་འཇུག་ལྡོག་བྱེད་པའི་ཕྱིར་བརྗོད་པས་ཐ་སྙད་དོ། །(7)ཚིག་ནི་ཆོས་མངོན་པའི་ལུགས་ཀྱིས། མིང་འདུས་ནས་དོན་གྱི་ཁྱད་པར་བརྗོད་པ་སྟེ། འདུས་བྱས་མི་རྟག་ཅེས་པ་ལ་སོགས་པ་ལྟ་བུའོ། ། བརྡ་སྤྲོད་པའི་ལུགས་ཀྱིས་རྣམ་དབྱེ་ཏིདྲ་སུཔྲ་གང་རུང་གི་མཐའ་ཅན་དོན་གྱི་ངོ་བོ་དང་ཁྱད་པར་ཅི་རིགས་པ་བརྗེད་པའོ། །(8)དོན་ནི། ཆོས་རྣམས་ཀྱི་གནས་ལུགས་ཇི་ལྟར་གནས་པ་ཉིད་དོ། ། དེ་ལྟར་གནས་བརྒྱད་པོ་དེ་དག་ལ་ཡི་གེ་དག་ཇི་ལྟར་འཇུག་ན་སྒྲ་དང་དོན་གཅིག་ཏུ་བསྲེས་ནས་འཛིན་པའི་བློའི་དབང་གིས་འཇུག་སྟེ། བློ་དེ་སྐྱེ་བ་ལ་ཡང་། བརྡ་བྱེད་པའི་དུས་ན་ཤེས་པ་གཞན་ལས་ཁྱད་པར་བྱེད་པའི་ཆོས་ལྔ་དང་ལྡན་པ་དགོས་ཏེ། དོན་ལ་དམིགས་པ་དང་། སྒྲ་ལས་བྱུང་བ་དང་། མཐུན་པར་སྣང་བ་དང་། ཐུན་མོང་དུ་གྲགས་པ་དང་། མངོན་པར་ཞེན་པ་རྣམས་སོ། ། དེ་དག་སོ་སོའི་ནུས་པ་ཡང་། དོན་ལ་དམིགས་པས་ནི་དོན་སྤྱིའི་ནུས་པ་སྐྱེད་པར་བྱེད་དོ། ། སྒྲ་ལས་བྱུང་བ་ནི་སྒྲ་སྤྱིའི་རྣམ་པ་སྐྱེད་པར་བྱེད་དོ། ། མཐུན་པར་སྣང་བ་དང་། ཐུན་མོང་དུ་གྲགས་པས་ནི་ཞེན་པ་སྐྱེ་ཞིང་གཞན་ལ་གོ་བར་ནུས་སོ། ། མངོན་པར་ཞེན་པས་ནི་མིང་དང་མིང་ཅན་འབྲེལ་བར་བྱེད་དོ། ། དེ་ལྟར་རིམ་པར་སྐྱེ་བའི་ཆོས་དང་ལྡན་པ་ལས་མིང་ལ་སོགས་པ་སྐྱེ་བ་དང་། མངོན་པར་ཞེན་པའི་རིམ་པ་ལའང་བཞི་ལ་སོགས་པ་དབྱེ་བའི་ཚུལ་ཞིབ་མོ་ནི་གནས་བརྒྱད་རྩ་འགྲེལ་སོགས་ལས་རྟོགས་པར་བྱའོ། །ནས་བརྒྱད་རྩ་འགྲེལ་སོགས་ལས་རྟོགས་པར་བྱའོ། །)
Dictionaries/chos rnam kun btus/11468 + (1.ཆབ་མདོ་བྱམས་པ་གླིང་ནི། འཇམ་མགོན་བླ་མ་བཙོ … 1.ཆབ་མདོ་བྱམས་པ་གླིང་ནི། འཇམ་མགོན་བླ་མ་བཙོང་ཁ་པ་ཆེན་པོའི་དངོས་སློབ་ཆོས་རྗེ་ཤེས་རབ་བཟང་པོས་རབ་བྱུང་བདུན་པའི་ཤིང་བྱ་དང་མེ་སྦྲུལ་གཉིས་ཚོམ་བྱུང་ཡང་གྲགས་ཆེ་བ་ཕྱི་མའི་ལོ་ལ་བཏབ། ཚོགས་པ་སྟོང་ཕྲག་གཅིག་དང་ཉིས་བརྒྱ་སྐོར།2.ཆབ་མདོའི་དགོན་ལག་རྫོང་གློ་དགོན་ནི། གནས་པོ་བཏབ། དགེ་འདུན་སྐོར། 3.ཆབ་མདོའི་དགོན་ལག་རོ་ཁྲུ་ཕུའི་དགོན་ནི། རྗེ་དྲུང་ཤེས་རབ་དབང་པོའི་སློབ་མ་རྒྱ་ར་ཤེས་རབ་ཕུན་ཚོགས་ཀྱིས་བཏབ། དགེ་འདུན་བརྒྱད་ཅུ་སྐོར།4.ཆབ་མདོའི་དགོན་ལག་གཡོ་མདའ་དགོན་ནི། ཐོག་མ་སུས་བཏབ་དང་བླ་རབས་མ་བྱུང་། དགེ་འདུན་བཞི་བཅུ་སྐོར།5.ཆབ་མདོའི་དགོན་ལག་ས་སྒང་དགོན་ནི། འཇམ་མགོན་ཆོས་ཀྱི་རྒྱལ་པོའི་དངོས་སློབ་མཁའ་སྤྱོད་ནམ་མཁའ་རྒྱལ་མཚན་གྱིས་བཏབ། དགེ་འདུན་བརྒྱ་དང་ཉི་ཤུ་སྐོར།6.ཆབ་མདོའི་དགོན་ལག་རྨོ་མདའ་དགོན་ནི། འཛམ་མགོན་ཆོས་ཀྱི་རྒྱལ་པོའི་སློབ་མ་ཟླ་བ་གྲགས་པས་ཉ་ཁམས་དགོན་ཞེས་བཏབ་ཀྱང་ལོག་སྨོན་རྣམ་པར་བདོ་བའི་བསྟན་དགྲ་བེ་རི་དོན་ཡོད་ལ་བརྟེན་ནས་སྟོངས་པ་ཞི་བ་བཟང་པོས་རྨོ་མདར་སྤོས། དགེ་འདུན་བརྒྱ་དང་ཉི་ཤུ་སྐོར།7.ཆབ་མདོའི་དགོན་ལག་གྱང་སྟོད་དགོན་ནི། སྔར་ཀར་ལུགས། ཕྱིས་ཞལ་སྔ་བཀའ་བརྒྱུད་དུ་འགྱུར་ཞིང་གསང་འཇིགས་སོགས་དགེ་ལུགས་ཀྱི་ཆོས་སྤྱོད་འདོན་པར་གྲགས།8.ཆབ་མདོའི་དགོན་ལག་གཏེར་ཡོ་དགོན་ནི། སྔར་སུས་བཏབ་དང་བླ་རབས་མ་བྱུང་། དགེ་འདུན་ཉི་ཤུ་སྐོར། 9.ཆབ་མདོའི་དགོན་ལག་རྫོང་ཁ་དགོན་ནི། དགེ་འདུན་ཉི་ཤུ་སྐོར།10.སྤོ་བོ་ཆུ་མདོ་དགོན་ནི། རྩ་བའི་དགོན་པ་མགར་དམ་པས་རྨང་བཏིང་བ་ཕུ་ལུང་དུ་གྲགས། དེ་རྗེས་ཆུ་མོ་ཕག་གི་ལོ་ལ་འཕགས་པ་ལྷས་སྤོ་སྟོད་དང་ཡར་ལུང་གི་ཆུ་གཉིས་འདུས་པའི་མདོར་ཆོས་སྡེ་འདི་ཉིད་ས་གཞི་ལེགས་བཏིང་བས་སྤོ་བོ་ཆུ་མདོར་གྲགས། དགེ་འདུན་བདུན་བརྒྱ་སྐོར། 11.དཔག་ཤོད་དགའ་ལྡན་བསམ་གྲུབ་གླིང་དགོན་ནི། གཞོན་ནུ་དཔག་ཤོད་དུ་བླ་མ་རྒྱལ་མཚན་སེང་གེས་བཏབ། དགེ་འདུན་སུམ་བརྒྱ་སྐོར།12.སྤོ་བོ་ཆོས་རྫོང་དགོན་ནི། མཚུངས་མེད་ཆོས་རྗེ་རྒྱལ་མཚན་བཟང་པོའི་སློབ་མ་ཆོས་གྲགས་པས་བཏབ། དགེ་འདུན་ཕྱེད་ཉིས་བརྒྱ་སྐོར། 13.སྤོ་བོ་གསུམ་འཛོམ་དགོན་ནི། འབྲུ་ལ་བ་བྱང་ཆུབ་རྒྱལ་མཚན་གྱིས་བཏབ། དགེ་འདུན་བརྒྱ་དང་སུམ་ཅུ་སྐོར།14.དཔག་ཤོད་གནས་ཐང་དགོན་ནི། ལྷོ་པ་རྒྱལ་མཚན་སེང་གེས་བཏབ། དགེ་འདུན་བཞི་བཅུ་སྐོར། 15.གུང་རུ་དཔལ་འབར་ནི། རྗེ་བླ་མའི་ཡང་སྲིད་གོང་མ་འགྲོ་བའི་མགོན་པོ་ཆོས་རྒྱལ་འཕགས་པའམ་འཁོན་སྟོན་བློ་གློས་རྒྱལ་མཚན་དཔལ་བཟང་པོ་ཤར་རྒྱལ་པོའི་ཏི་ཤིར་བྱོན་སྐབས་ཞལ་བཀོད་ནང་ནས་གཙུག་ལག་ཁང་ཀུན་དགའ་ར་བ་དང་བཅས་བཏབ་ཅིང་། དཔལ་ལྡན་ས་སྐྱ་པའི་ཆོས་རྒྱུད་བཟུང་ནས་བླ་རབས་ཁ་ཤས་བར་སོང་བའི་ཚེ་གུང་རུ་རིན་ཆེན་བྱང་ཆུབ་པས་འཇམ་མགོན་བླ་མའི་རིང་ལུགས་རྨ་མེད་པ་འདི་ཉིད་ལ་ལྕགས་དང་གསེར་འགྱུར་གྱི་དཔེ་བཞིན་ལེགས་པར་བརྒྱུར། གྲྭ་པ་བརྒྱ་དང་སུམ་ཅུ་སྐོར།16.གུང་རུ་ཆོས་སྡེ་པུསྟི་མ་ནི། ཐམས་ཅད་མཁྱེན་པ་དགེ་འདུན་གྲུབ་པའི་དཔལ་གྱི་ཞལ་སློབ་དྲུང་རམས་པ་བསྟན་པའི་ཉི་མར་གྲགས་པས་ཐོག་མར་སེང་གེ་སྒང་དུ་མདོ་སྔགས་ཤུང་འབྲེལ་གྱི་གྲྭ་ཚང་བཙུགས། གྲྭ་པ་བརྒྱ་དང་ལྔ་བཅུ།17.བྱ་ཕུད་མདོ་སྔགས་དར་རྒྱས་གླིང་ནི། རོང་པོ་འབྲིང་ཚང་པ་གོ་ལས་ཕྱོགས་དེར་བཀའ་བརྒྱུད་པའི་བྱ་བྲལ་མང་པོ་ཡོད་པ་ཕུད་དེ་ཁམས་གསུམ་ཆོས་ཀྱི་རྒྱལ་པོ་བཙོང་ཁ་པ་ཆེན་པོའི་རིང་ལུགས་པ་བསྟན་པ་དཔལ་གྲུབ་སྤྱི་བོར་བཀུར་ནས་ཆོས་སྡེ་འདི་བཏབ། དགེ་འདུན་བརྒྱ་དང་བཅུ་སྐོར།18.རྫི་ཐོ་དགོན་ནི། ས་དགེ་འགལ་མེད་ཀྱི་རིང་ལུགས་འཆང་བ་རཏྣའི་མཚན་ཅན་གྱིས་བཏབ། དགེ་འདུན་ཕྱེད་སུམ་བརྒྱ་སྐོར། 19.ངོ་འདུ་དགོན་ནི། རྒྱ་ར་བ་སངས་རྒྱས་ཡེ་ཤེས་ཀྱིས་བཏབ། དགེ་འདུན་བརྒྱ་དང་སུམ་ཅུ་སྐོར། 20.ཆོས་ཁྲི་ཐང་དགོན་ནི། རོང་པོ་ཆུང་ཚང་གིས་སྦྱིན་བདག་བྱས་ཏེ་འཕགས་པ་ལྷས་བཏབ། དགེ་འདུན་ལྔ་བཅུ་སྐོར།21.ཇུ་ཤོད་དར་རྒྱས་དགོན་ནི། ཆབ་མདོའི་མཁན་ཐོག་བཅུ་པ་རྗེ་དྲུང་ཤེས་རབ་དབང་པོས་བཏབ། དགེ་འདུན་བརྒྱ་སྐོར། 22.དབྱར་ལྷས་དགོན་ནི། སློབ་དཔོན་གཞོན་ནུ་འོད་ཟེར་གྱིས་བཏབ། དགེ་འདུན་བཞི་བཅུ་སྐོར།23.སྣ་ཁོ་དགོན་ནི། སྔོན་ས་སྐྱ་པའི་དགོན་རོ་ཞིག་ལ་ཐམས་ཅད་མཁྱེན་པ་དགེ་འདུན་རྒྱ་མཚོའི་དངོས་སློབ་ཆབ་མདོའི་མཁན་ཐོག་བཅུ་པ་རྗེ་དྲུང་ཤེས་རབ་དབང་པོས་ཉམས་གསོ་མཛད་དེ་ཅི་བསམས་དགོན་དུ་བཏགས། དགེ་འདུན་སུམ་ཅུ་སྐོར།24.ལ་ཁ་དགོན་ནི། རྗེ་དྲུང་ཤེས་རབ་དབང་པོའི་སློབ་བུ་བསུ་རོང་པ་བཀྲ་ཤིས་རབ་བརྟན་གྱིས་བཏབ། འཕགས་པ་ལྷ་སྐྱེ་འཕྲེང་གཉིས་པས་དགོན་མིང་རི་བོ་ཆོས་འཕེལ་དུ་བཏགས། དགེ་འདུན་སུམ་ཅུ་སྐོར།25.ཀྱི་རོག་སྣང་ཁ་དགོན་ནི། ཀྱི་རིན་ཆེན་སྒང་ཞེས་ལོ་རྒྱུས་རྙིང་པ་འགར་བྱུང་ནའང་སྟོངས་པའམ་མིང་དོན་ངོ་མ་འཕྲོད་པ་ཇི་ལྟར་ཡིན་རུང་ད་ལྟ་འདི་ཡིན་མ་བྱུང་།26.སྟག་རྩེ་དགོན་ནི། ལྷ་སྟག་དཔལ་གསུམ་སོགས་ཀྱི་སྐབས་དར་རྒྱས་ཙམ་བྱུང་འདྲ་ཡང་། མདང་ནང་དཔལ་འབར་ནང་སོའི་མི་སེར་ཁྱིམ་པ་ཤ་སྟག་འདུག །27.ཟུར་ལྕམ་དགོན་ནི། དྲུང་དཔལ་གྲུབ་བཟང་པོས་བཏབ། དགེ་འདུན་བཅོ་ལྔ་སྐོར། 28.གླིང་ལིང་དགོན་ནི། འཇམ་མགོན་ཆོས་ཀྱི་རྒྱལ་པོའི་སློབ་མ་ཞང་ཞུང་པ་ཆོས་དབང་གྲགས་པས་བཏབ། དགེ་འདུན་བཞི་བཅུ་སྐོར། 29.ར་ཚག་དགོན་ནི། ཀར་དགོན་ཚ་རག་དགོན་ཡིན་ཚུལ་དང་། འགའ་ཞིག་ནས་དཔལ་འབར་དང་དོན་གཅིག་ཟེར་མི་སྣང་ཡང་། མཁར་ལོ་དཔལ་འབྱོར་རྒྱ་མཚོས་ཆོས་འབྱུང་བསྒྲིགས་སྐབས་ཚ་རག་དགོན་ཀར་ལུགས་ཤ་སྟག་དང་། གུང་རུ་དཔལ་འབར་གྲགས་ཆེ་ཞིང་ལོ་ཙཱ་བ་རང་ངོས་ཀྱི་བྱོན་པ་བཅས་འཁྲུལ་གཞི་དེ་ཙམ་ཡོང་དོན་མི་འདུག་ཅིང་། ཆོས་འབྱུང་དུ་དགོན་འདེབས་པ་པོ་རྗེ་དྲུང་ཤེར་དབང་། ས་ཡུལ་རྡོ་ཤོད་དུ་ཡོད་པར་བྱས་འདུག་པས། དོན་ཁམས་དབུས་ཀྱི་སྐད་བརྡ་ཅུང་ཟད་མ་གཅིག་པའི་ཚིག་ཟུར་ཕྲན་བུ་ཉམས་པ་ལས། དེང་སང་རྡོ་ཤོད་སྲིབས་བརྒྱུད་དུ་ཡོད་པའི་དགེ་དགོན་རྙིང་པ་ཡུལ་སྐད་དུ་ར་ཐག་ཟེར་བ་འདི་ཡིན། དགེ་འདུན་བཞི་བཅུ་སྐོར།30.རོང་པོ་དགོན་ནི། ཟླ་དཀར་སྟོང་དཔོན་གྱིས་སྦྱིན་བདག་བྱས་ཏེ་རྗེ་དྲུང་ཤེས་རབ་དབང་པོས་བཏབ་པ་ཡིན་ཀྱང་། ཡུན་ཧ་ཅང་མ་ལོན་པ་ནས་སྟོང་དཔོན་གྱིས་མངའ་རིས་རྣམས་བོན་ལུགས་ཀར་རུ་བས་བདག་པའི་རྐྱེན་ལས་དེང་སང་མི་ནག་གི་གྲོང་དུ་སོང་། 31.དབྱར་མ་དགོན་ནི་སྔར་གུང་རུའི་ས་ཁོག་ཏུ་ཡོད་ངེས་ཡིན་འདུག་ཀྱང་ཕྱིས་དེ་འཕྲོད་པ་མ་བྱུང་། 32.དགོན་ལུང་དགོན་ནི། འཇམ་མགོན་ཆོས་ཀྱི་རྒྱལ་པོའི་སློབ་མ་གཙང་པ་བརྩོན་འགྲུས་བཟང་པོས་བཏབ། དགེ་འདུན་བཞི་བཅུ་སྐོར།33.སྒོ་ཤར་དགོན་ནི། ས་སྐྱ་པ་དྲུང་ཀུན་དགའ་རྒྱལ་མཚན་གྱིས་བཏབ། ཕྱིས་ཤོ་མདོར་སྤོས་པ་འོག་ཏུ་གསལ། 34.རི་ཁྲོད་དགོན་ནི། དྲུང་བྱང་ཆུབ་བཟང་པོས་བཏབ། གཞན་མའི་རྒྱུ་མཚན་སྒོ་ཤར་དང་མཚུངས།35.ཀ་མཐོ་དགོན་ནི། གུང་རུ་སྟེང་པ་ཆོས་རྒྱལ་བཟང་པོས་བཏབ། དགེ་འདུན་སུམ་བརྒྱ་སྐོར།36.གོང་གི་དགོན་ལག་ལྟ་བུ་དཔའ་མགོ་དགོན་དང་། བྲག་ལུང་གཉིས་བར་སྐབས་ཉག་ཕྲ་ཡང་ཕྱིས་ཇེ་འཕེལ་གྱིས་ད་ལྟ་ལྷ་དབང་མགོན་པོས་སྐྱོང་། དགོན་ཁག་གཉིས་སྤྱིར་དགེ་འདུན་དྲུག་ཅུ་སྐོར།37.རྫོང་དཀར་དགོན་ནི། རྒྱ་སྟོན་པའི་ཆོས་ལུགས་འཛིན་པ་འཇིགས་མེད་གྲགས་པས་བཏབ། དགེ་འདུན་དྲུག་ཅུ་སྐོར།38.རྒྱང་ཤོད་ཆམ་རྫོང་དགོན་ནི། མཁན་ཆེན་ཆོས་ལེགས་པར་གྲགས་པས་བཏབ། དགེ་འདུན་དྲུག་ཅུ་སྐོར།39.དིལ་མགོ་དགོན་ནི། མཁན་ཆེན་ཆོས་ལེགས་པར་གྲགས་པས་བཏབ། དགེ་འདུན་བདུན་ཅུ་སྐོར།40.རྫོང་ཆུང་དགོན་ནི། མཁན་ཆེན་ཆོས་ལེགས་པར་གྲགས་པས་བཏབ། དགེ་འདུན་བདུན་ཅུ་སྐོར།41.མཛའ་ཤོད་དགོན་གསར། མཁན་ཆེན་བསོད་ནམས་པས་བཏབ།42.མོད་རོད་མག་དགོན་ནི། མཁན་ཆེན་བསོད་ནམས་པས་བཏབ།43.རས་རིས་དགོན་ནི། མཁན་ཆེན་བསོད་ནམས་པས་བཏབ། གོང་གསལ་དགོན་གསུམ་སྤྱིར་དགེ་འདུན་དགུ་བཅུ་སྐོར།44.དིང་ཐང་དགོན་ནི། དགོན་གསར་འདེབས་མི་དང་གཅིག་ཀྱང་། འབའ་རུ་དང་བྱ་ཆོས་པ་ནང་འཁྲུགས་སྐབས་སྟོངས། 45.བོང་དགོན་ནི། ཇོ་གྲོང་པ་བྱམས་མགོན་གྱིས་བཏབ། 46.ཇོ་དགོན་ནི། ཇོ་གྲོང་པ་བྱམས་མགོན་གྱིས་བཏབ། གོང་གསལ་དགོན་པ་གཉིས་ལ་དགེ་འདུན་བཞི་བཅུ་སྐོར།47.རྨེ་རུ་དཀྱིལ་མཁར་དགོན་ནི། དཀའ་བཅུ་པ་བསམ་གཏན་སེང་གེས་བཏབ། དགེ་འདུན་བརྒྱ་སྐོར།48.རྨེ་རུ་བསམ་གྲུབ་དགོན་ནི། བསམ་གཏན་སེང་གེས་བཏབ། དགེ་འདུན་དྲུག་ཅུ་སྐོར།49.ས་ཤོད་ལྷ་རྩེ་དགོན་ནི། རྒྱབ་སྣེ་བ་ཚུལ་ཁྲིམས་དབང་ཕྱུག་གིས་བཏབ། དགེ་འདུན་ལྔ་བཅུ་སྐོར།50.ལིག་ཆོས་རྫོང་དགོན་ནི། མངའ་རིས་པ་ཞང་ཞུང་ཆོས་དབང་གྲགས་པས་བཏབ། དགེ་འདུན་བཞི་བཅུ་སྐོར།51.བ་གྱོང་དགོན་ནི། འདེབས་མི་གོང་དང་མཚུངས། དགེ་འདུན་དྲུག་ཅུ་སྐོར།52.ལྕགས་ར་དགོན་ནི། བྲེས་གསར་རྙིང་དང་ཕུ་ཡུལ་བསུ་ས་ཡུལ་དང་མི་སྡེ་བཅས་འཕགས་པ་ལྷ་མཐོང་བ་དོན་ལྡན་ལ་ཕུལ་བས་གཞི་བྱས་སྦྱིན་བདག་སྡེ་པ་དབང་དྲག་གིས་བགྱིས་ཏེ་བཏབ། དགེ་འདུན་བརྒྱ་སྐོར།53.སྤར་ཆུ་མདོ་དགོན་ནི། སྔར་སུས་བཏབ་མ་བྱུང་། དགེ་འདུན་ལྔ་བཅུ་སྐོར།54.དབང་དགོན་ནི། དགེ་དགོན་ཕྱིས་འབྱུང་ཞིག་ཡིན་སྙམ། དགེ་འདུན་བཞི་བཅུ་སྐོར།55.ཡུལ་བཞིའི་དགོན་གསུམ་ནི། གསེར་པ་བ་རང་གི་གོང་མ་ཞིག་གིས་བཏབ་བམ། དགེ་འདུན་བཞི་བཅུ་སྐོར།56.འོ་ཆུང་དང་སམ་དབྲ་དགོན་གཉིས་ནི། ད་ལྟ་ལ་རྒྱུའི་ཁ་འཛིན་རྟ་ཚག་རྗེ་དྲུང་གིས་མཛད། དགེ་འདུན་དྲུག་ཅུ་སྐོར།57.ཧོར་འདྲ་ཁོག་ཡུལ་སྟེང་དགོན་གྱི་བླ་མ་ཆོས་སྤྱོད་གོང་དང་མཚུངས། དགེ་འདུན་སུམ་ཅུ་སྐོར།58.ཁྱུང་པོ་གྲོང་དཔལ་དགོན་ནི། ཚ་འཕོང་བླ་མ་ན་རིམ་གྱིས་སྐྱོང་། དགེ་འདུན་བཞི་བཅུ་སྐོར།59.རག་ཉག་ཕུན་ཚོགས་ཐེག་ཆེན་གླིང་དགོན་ནི། ལྡན་མ་ཤ་ཁྲིད་པས་ལུང་བསྟན་ཅིང་ཆོས་སྐྱོང་རྣམ་རྒྱལ་གྱིས་བཏབ། དགེ་འདུན་དྲུག་ཅུ་སྐོར།60.འགའ་ར་དགོན་ནི། མཁར་པ་བསོད་ནམས་རྒྱ་མཚོས་བཏབ། དགེ་འདུན་ལྔ་བཅུ་སྐོར།61.འབུམ་དིལ་དགོན་ནི། ཤེས་རབ་འོད་ཟེར་གྱིས་བཏབ། དགེ་འདུན་ལྔ་བཅུ་སྐོར།62.ཡུལ་ཤུལ་ཤ་ར་དགོན་ནི། དཀོན་ཅོག་གྲགས་པས་བཏབ། དགེ་འདུན་བཞི་བཅུ་ཞེ་དགུ་སྐོར།63.ཕུན་ཚོགས་ཐེག་ཆེན་གླིང་དགོན་ནི། ཆེ་ཆེན་ཆོས་རྗེས་བཏབ། དགེ་འདུན་ལྔ་བཅུ་སྐོར།64.ངོམ་ཚ་སྒང་སྐྱོགས་གདེང་དགོན་ནི། བསེད་སྦས་ཀྱིས་བཏབ། དགེ་འདུན་དྲུག་ཅུ་སྐོར།65.འབར་རྟ་དགོན་ནི། གླང་ཇོ་བཟང་པས་བཏབ། དགེ་འདུན་བཞི་བཅུ་སྐོར།66.གྲི་པ་དགོན་ནི། ཤེས་རབ་རྒྱལ་མཚན་གྱིས་བཏབ། དགེ་འདུན་ཉི་ཤུ་སྐོར།67.རྨ་འགྲིལ་དགོན་ནི། སྔར་གྱི་དགོན་རྙིང་ཞིག་རལ་དུ་སོང་བ་ཕྱིས་རབ་འབྱམས་པ་དགེ་འདུན་རྒྱལ་མཚན་གྱིས་ཞིག་གསོ་དར་རྒྱས་སུ་བགྱིས། དགེ་འདུན་སུམ་ཅུ་སྐོར།68.ཀར་ཕུ་དགོན་ནི། བཀའ་བཞི་པ་བྱང་ཆུབ་སེམས་དཔས་བཏབ། དགེ་འདུན་ཉི་ཤུ་སྐོར།69.ལྡན་མ་ཐུབ་བསྟན་ཆོས་འཁོར་གླིང་དགོན་ནི། ཉག་རོ་རྡོ་རྗེ་རྒྱལ་མཚན་གྱིས་བཏབ། དགེ་འདུན་ལྔ་བརྒྱ་སྐོར།70.ལྡན་ལུང་ཡུལ་དགོན་ནི། དགེ་འདུན་བརྒྱད་ཅུ་སྐོར།71.ག་ཤེ་ནང་དཀར་བུ་དགོན་མ་ལག་གཉིས་ལ། དགེ་འདུན་བདུན་ཅུ་སྐོར།72.གདོང་འཛོམ་དགོན་དགེ་འདུན་དྲུག་ཅུ།73.སྲིབས་སྨད་རྣམ་རྒྱལ་གླིང་དགོན་དགེ་འདུན་དྲུག་ཅུ།74.དམར་འགྲམ་བྱང་ཆུབ་གླིང་པ་དགོན་དགེ་འདུན་དྲུག་ཅུ། 75.ཟིན་ཞི་ཡུལ་དགའ་དགོན་དགེ་འདུན་བཞི་བཅུ། 76.རབ་ནང་དགོན་ཡགས་དགེ་འདུན་བཞི་བཅུ། 77.ཚེ་སྨན་ཡར་འགག་དགོན་དགེ་འདུན་སུམ་ཅུ། 78.ལྡང་ཆུ་ཁ་ཁྲ་མ་དགོན་དགེ་འདུན་སུམ་ཅུ། 79.ཟལ་དཀར་དགོན་མ་ལག་གསུམ་ནི། མཁར་ནག་ཆོས་འབྱུང་དུ་ཆོས་རྗེ་རྣམ་རྒྱལ་གྲགས་པས་ལྡན་སྟོང་ཚེ་དཀར་ཆོས་སྡེ་བཏབ་ནས་གཞུང་བཤད་མཛད་ཅེས་པ་དང་དོན་གཅིག་སྙམ། དགེ་འདུན་སུམ་བརྒྱ་སྐོར།80.ལབ་ཆོས་སྡེ་ནི། སྔར་སུས་བཏབ་མ་བྱུང་། དགེ་འདུན་བརྒྱ་དང་ཉི་ཤུ།81.ལབ་ཆོས་སྡེའི་དགོན་ལག་ཡུང་ཤུལ་ཕུན་ཚོགས་གླིང་ལ་དགེ་འདུན་བརྒྱད་ཅུ།82.ལབ་ཆོས་སྡེའི་དགོན་ལག་ཤ་རུ་དགོན་ལ་དགེ་འདུན་བརྒྱ།83.ལབ་ཆོས་སྡེའི་དགོན་ལག་ཇོ་གདན་དགོན་ལ་དགེ་འདུན་བདུན་ཅུ།84.བྱ་མོ་སྣ་དགོན་ནི། སྔར་སུས་བཏབ་མ་བྱུང་། དགེ་འདུན་བདུན་ཅུ་སྐོར། 85.ནགས་ཤོད་སྤུས་མདའ་རྣམ་རྒྱལ་དཔལ་འབར་དགོན་ནི། ཞང་ཞུང་ཆོས་དབང་གྲགས་པས་བཏབ། དགེ་འདུན་བདུན་ཅུ་སྐོར།86.རྟ་སྨོས་ཆོས་འཁོར་གླིང་དགོན་ནི། མཁར་ནག་ཆོས་འབྱུང་སོགས་སུ་ཆོས་རྒྱལ་སྲོང་བཙན་སྒམ་པོའི་བཙུན་མོ་རྒྱ་བཟའ་ཨོང་ཆུང་མདོ་ཁམས་བརྒྱུད་བྱོན་པའི་ཡར་ལམ་བཏབ་པར་བཞེད་ཀྱང་། ཆོས་རྒྱལ་དུས་ཕ་བོང་ཁ་དང་ཡེར་པར་གོས་དཀར་ལྕང་ལོའི་ཕྲེང་བ་ཅན་གྱི་སྒོམ་གྲྭ་ཚུགས་ཞེས་ལོ་རྒྱུས་རེ་གཉིས་མཆིས་ནའང་། གཞན་འདུས་སྡེ་ལ་སོགས་པ་བྱུང་བར་མ་བཤད་པས་ཐེ་ཚོམ་གྱི་གཞི། དགེ་འདུན་བརྒྱ་དང་སུམ་ཅུ་སྐོར།87.ར་ཁྱིམ་དགའ་ལྡན་དར་རྒྱས་གླིང་དགོན་ནི། ནགས་ཤོད་ལྷ་རྩེ་བ་བཀའ་བཞི་གྲགས་པ་རྒྱ་མཚོས་བཏབ། དགེ་འདུན་སུམ་ཅུ་སྐོར།88.འབྲོང་ང་དགོན་ནི། དྲུང་བློ་གྲོས་བཀྲ་ཤིས་ཀྱིས་བཏབ། དགེ་འདུན་ལྔ་བཅུ་སྐོར།89.ཤུག་ཐང་དགོན་ནི། འཇམ་མགོན་ཆོས་ཀྱི་རྒྱལ་པོའི་དངོས་སློབ་རྒྱ་སྟོན་བློ་བཟང་གྲགས་པས་བཏབ། དགེ་འདུན་དྲུག་ཅུ་སྐོར།90.སྟག་ལྡང་རི་བོ་དཔལ་འབར་དང་། གཡབ་བཀྲབ་རི་བོ་མདངས་ཅན་དགོན་གཉིས་ནི། སྟག་ཕུ་གུ་ཤྲི་དཔལ་ལྡན་དོན་གྲུབ་ཀྱིས་བཏབ། དགེ་འདུན་བདུན་ཅུ་སྐོར།91.རྨ་ལུག་དགོན་ནི། དགེ་བའི་བཤེས་གཉེན་སྣེའུ་ཟུར་པས་བཏབ། དགེ་འདུན་རྟ་སྨོས་ཀྱི་ཁོངས་སུ་འཐུས།92.ཀར་ཤོད་གོང་དགོན་ནི། འཇམ་མགོན་ཆོས་ཀྱི་རྒྱལ་པོའི་ཞལ་སློབ་བཀྲ་ཤིས་རྒྱ་མཚོས་བཏབ། དགེ་འདུན་བཞི་བཅུ་སྐོར།93.རྔུ་ཆུ་བརྒྱུད་ཁྲི་རྡོ་དགོན་ནི། ཞང་ཞུང་པ་ཆོས་དབང་གྲགས་པས་བཏབ། དགེ་འདུན་དྲུག་ཅུ་སྐོར།94.ངོམ་ཆུ་བརྒྱུད་སྐྱིད་པ་དགེ་འདུན་སྒང་དགོན་ནི། མཁར་ལོའི་ཆོས་འབྱུང་དུ་ཁྱིམ་བར་རིན་ཆེན་སྒང་ཞེས་པ་དང་དོན་གཅིག དགེ་འདུན་སུམ་ཅུ་སྐོར།95.གཡས་རུ་རེ་རྒྱབ་དགོན་དགེ་འདུན་བཅོ་ལྔ་སྐོར།96.ལྕམ་མདའ་དགོན་ནི། འཇམ་མགོན་ཆོས་ཀྱི་རྒྱལ་པོའི་དངོས་སློབ་མཁན་ཆེན་བཀྲ་ཤིས་རྒྱ་མཚོས་བཏབ། དགེ་འདུན་བརྒྱད་ཅུ་སྐོར།97.ཆ་འབོང་དགོན་ནི། ཐོག་མར་ཀར་ལུགས། དེ་རྗེས་དྲུང་དཔལ་ལྡན་བཟང་པོས་དགེ་ལུགས་སུ་བསྒྱུར་བར་གྲགས། དགེ་འདུན་བདུན་ཅུ་སྐོར། 98.སྒང་སྡེ་དགོན་ནི། འཇམ་དབྱངས་བཀྲ་ཤིས་དཔལ་ལྡན་གྱི་དངོས་སློབ་འབའ་རུ་བ་དགེ་འདུན་བཟང་པོས་བཏབ། དགེ་འདུན་བརྒྱད་ཅུ་སྐོར།99.རྗོད་ཨ་རིག་ཐང་དགོན་ནི། ཐམས་ཅད་མཁྱེན་པ་བསོད་ནམས་རྒྱ་མཚོའི་སྡེ་ལུང་བསྟན། རུ་ཤོད་པས་སྦྱིན་བདག་བགྱིས་ཏེ་བཏབ། དགེ་འདུན་བརྒྱ་དང་སུམ་ཅུ་སྐོར།100.བྱང་ལྷ་རི་འགོ་བདེ་ཆེན་གླིང་དགོན་ནི། གུ་ཤྲཱི་དཔལ་ལྡན་དོན་གྲུབ་པས་བཏབ། དགེ་འདུན་བརྒྱ་དང་བཅུ་སྐོར།101.འཇམ་སྣེ་འཛམ་གླིང་རྫོང་ཁ་དགོན་ནི། རྒྱུད་སྟོད་སྔགས་རམས་པ་རྒྱ་བོར་གྲགས་པས་བཏབ། དགེ་འདུན་དྲུག་ཅུ་སྐོར།102.སྐུ་འབུམ་བྱམས་པ་གླིང་དགོན་ནི། རྒྱལ་བའི་དབང་པོ་བསོད་ནམས་རྒྱ་མཚོའི་དཔལ་གྱིས་འདུས་སྡེ་གསར་སྐྲུན་གྱི་ཞལ་བཀོད་གནང་། དགེ་འདུན་སྟོང་ཕྲག་བརྒལ་བ།103.སྐུ་འབུམ་སྔགས་གྲྭ་ནི། ཟི་ན་ལེགས་པ་རྒྱལ་མཚན་གྱིས་བཏབ། དགེ་འདུན་སུམ་བརྒྱ་སྐོར།104.བྱ་ཁྱུང་བཤད་སྒྲུབ་གླིང་དགོན་ནི། རྩ་བའི་འདེབས་པ་པོ་འདི་ཞེས་དངོས་སུ་མ་བྱུང་། དགེ་འདུན་ཉིས་བརྒྱ་སྐོར།105.བྱམས་པ་འབུམ་གླིང་དགོན་ནི། རྒྱལ་བ་བྱམས་པའི་སྐུ་ཤིན་ཏུ་ཆེ་བ་བཞུགས་པའི་ལྷ་ཁང་གི་མདུན་དུ་དགེ་འདུན་གྱི་སྡེ་རིམ་པར་ཆགས། དགེ་འདུན་ལྔ་བརྒྱ་སྐོར།106.ཐང་རིང་བཤད་སྒྲུབ་གླིང་དགོན་ནི། དགེ་འདུན་རིན་ཆེན་པས་བཏབ། དགེ་འདུན་དགུ་བརྒྱ་སྐོར།107.གྲོ་ཚང་དགོན་ནི། འབྲས་སྤུངས་བསམ་བློ་རབས་འབྱམས་པ་ཤེས་རབ་མཆོག་ལྡན་པས་བཏབ། དགེ་འདུན་ལྔ་བརྒྱ་སྐོར།108.རྒྱལ་མཚན་བྲག་བཤད་སྒྲུབ་ཆོས་འཁོར་གླིང་དགོན་ནི། བསམ་བློ་ཨ་ཞང་མཉྫ་བྷིས་བཏབ། དགེ་འདུན་ལྔ་བརྒྱ་སྐོར།109.མཛོ་མོ་མཁར་ནི། སེ་ར་བྱམས་ཆེན་ཆོས་རྗེ་རྒྱུ་ནག་རྒྱལ་པོས་གདན་དྲངས་པའི་མར་ལམ་གཞི་འདིར་དགོན་པ་ཐེབས་ན་ལེགས་ཞེས་ལུང་བསྟན་ཅིང་། རྗེས་སོར་རྒྱ་ནག་ཏུ་ཞིང་ཁམས་འཕོས་ པའི་སྐུ་གདུང་ཡར་གདན་དྲངས་པའི་ཚེ། འདི་ཐད་ཤིང་རྟ་འདམ་དུ་ཟུག་པ་ལྟར་འགྲོར་མ་ཉན་པས་མར་ལམ་གྱི་གསུང་དྲན་ཏེ་རྒྱ་ནག་གཡུང་ལོ་རྒྱལ་པོས་ཁྲི་རྐྱེན་ཉུང་ཧྭ་ཞེས་པའི་མཁར་བརྩིགས་ཤིང་། གསེར་གདུང་ལ་སོགས་པའི་རྟེན་མང་པོ་བཞེངས། བུ་ཆེན་སེང་གེ་བཟང་པོ་གདན་སར་བཞག་ཅེས་གྲགས།110.དགོན་ཀླུངས་བྱམས་པ་གླིང་ནི། ཐམས་ཅད་མཁྱེན་པ་བསོད་ནམས་རྒྱ་མཚོས་ལུང་བསྟན་ཅིང་། རྒྱལ་སྲས་དོན་ཡོད་ཆོས་ཀྱི་རྒྱ་མཚོས་བཏབ། དགེ་འདུན་ཕྱེད་ཉིས་སྟོང་སྐོར།111.ཁ་ཐི་ཀ་ནི། རྒྱ་ནག་རྒྱལ་པོ་ཧུམ་ཨུ་ལུས་དྲུང་ཆེན་ཆོས་རྒྱལ་ལ་ཏ་གུ་ཤིའི་ལུང་ལས་དང་དགོན་གནས་འདེབས་ཡུལ་ཤེས་སུ་བཅུག་པ་ལྟར་བཏབ་པར་གྲགས། དགེ་འདུན་སུམ་བརྒྱ་སྐོར།112.དགའ་ལྡན་དམ་ཆོས་གླིང་ནི། སེ་ཆེན་ཆོས་རྗེ་ཤེས་རབ་རྒྱལ་མཚན་ལ་རྗེ་བླ་མ་མཆོག་གི་བཀའ་ཕེབས་ཏེ་བཏབ། དགེ་འདུན་ཉིས་བརྒྱ་སྐོར།113.ཆོས་ལུང་ཐོས་བསམ་གླིང་ནི། རྗེ་བླ་མ་སྲིད་ཞིའི་གཙུག་རྒྱན་དམ་པས་ལུང་བསྟན་པ་ལྟར་ཧོར་རབ་འབྱམས་པ་བློ་བཟང་དོན་གྲུབ་ཀྱིས་བཏབ། དགེ་འདུན་བདུན་ཅུ་སྐོར།114.བཤད་སྒྲུབ་གླིང་ནི། ཧོར་རབ་འབྱམས་པས་བཏབ། དགེ་འདུན་བཞི་བཅུ་སྐོར།115.ཆུ་བཟང་དགོན་མི་འགྱུར་གླིང་ནི། སྟོད་ལུང་ཆུ་བཟང་དཀར་ལེབ་པ་རྣམ་རྒྱལ་དཔལ་འབྱོར་གྱིས་བཏབ། དགེ་འདུན་བརྒྱ་སྐོར། 116.བཙན་པོ་དགོན་དགའ་ལྡན་དམ་ཆོས་གླིང་ནི། ཆོས་རྗེ་དོན་གྲུབ་རྒྱ་མཚོས་རབ་བྱུང་བཅུ་གཅིག་པའི་ས་གླང་ལོར་བཏབ། དགེ་འདུན་སྟོང་དང་སུམ་བརྒྱ་སྐོར།117.བཙན་པོའི་དགོན་ལག་འབྲི་གུ་དགོན་ནི། འདེབས་མི་གོང་དང་མཚུངས། དགེ་འདུན་ཉིས་བརྒྱ་སྐོར།118.བཙན་པོའི་དགོན་ལས་ཀུན་ཆེན་དགོན་ནི། འདེབས་མི་གོང་དང་མཚུངས། དགེ་འདུན་བརྒྱ་སྐོར། 119.ཅུའི་ཆོས་སྡེ་དང་། བསྐྱེད་རྫོགས་གླིང་གཉིས་ནི། ངག་དབང་འཕྲིན་ལས་ལྷུན་གྲུབ་པས་བཏབ། དགེ་འདུན་བརྒྱད་ཅུ་སྐོར།120.བསྟན་ལུང་དར་རྒྱས་དགོན་ནི། གཅན་ཚ་བཟང་པོ་བཀྲ་ཤིས་པས་བཏབ། དགེ་འདུན་བརྒྱ་དང་ལྔ་བཅུ་སྐོར།121.ཇ་གར་བྱང་ཆུབ་གླིང་ནི། ཐོག་མར་སུས་བཏབ་ངེས་པ་མ་བྱུང་། དགེ་འདུན་སུམ་བརྒྱ་སྐོར།122.གུར་དགོན་དགའ་ལྡན་རྣམ་རྒྱལ་གླིང་ནི། ལ་མོ་སྐུ་སྐྱེ་བློ་གྲོས་རྒྱ་མཚོས་ས་ཕོ་སྟག་གི་ལོར་བཏབ། དགེ་འདུན་ལྔ་བཅུ་སྐོར།123.བྱམས་པ་ཆོས་གླིང་ནི། ཚ་གན་ནོ་མིན་ཧན་ངག་དབང་བློ་བཟང་བསྟན་རྒྱུན་པས་བཏབ། དགེ་འདུན་ཉི་ཤུ་སྐོར།124.དགོན་རུང་རི་ཁྲོད་ནི། ཐོག་མར་རོང་པ་བློ་བཟང་བསྟན་རྒྱུན་པས་བཏབ། དགེ་འདུན་ཉི་ཤུ་སྐོར། 125.རོང་པོ་དགོན་གོང་ནི། དང་ཐོག་ས་ལུགས་ཕྱིས་དཀའ་བཅུ་པ་སྐལ་ལྡན་རྒྱ་མཚོས་འཆད་ཉན་བཙུགས། 126.ༀ་མདོའི་དགོན་ནི། བསམ་བློ་གྲགས་པ་རྒྱ་མཚོས་བཏབ།127.བཀྲ་ཤིས་འཁྱིལ་སྒྲུབ་སྡེ་ནི། རོང་ཆོས་པས་བཏབ། གཞན་ཡང་དེ་དང་ཁད་ཧ་ཅང་མི་རིང་བའི་སར་ཅོག་རོང་ཏྲེ་བོས་བཏབ་པའི་དགོན་པ་དང་། གོང་པ་དགོན། ཁ་སྐྱ། རྒན་རྒྱ་སོགས་དགོན་པ་ཆེས་མང་ངོ་། ། 128.ཀ་མ་ལོག་གི་དགོན་བསམ་གཏན་གླིང་ནི། རྗེ་བླ་མ་མཆོག་གི་བཀའ་བཞིན་སྐྱུར་པོ་བས་བཀོད་པས་ཁྱབ་པར་བྱས་ཏེ་དར་རྒན་ཆོས་རྗེ་ངག་དབང་དཔལ་འབྱོར་སོགས་ཀྱིས་སྟག་ལོར་བཏབ། དགེ་འདུན་སུམ་བརྒྱ་སྐོར།129.སྟོང་འཁོར་བ་ནི། དགོན་ཁག་རྣམས་ཀྱི་མིང་དང་འདོད་ཆོས་སོགས་ཀྱི་ས་བོན་མ་བྱུང་བས་འབྲི་བར་མ་སྤོབས་སོ། །130.ཐེག་ཆེན་ཆོས་འཁོར་གླིང་ནི། ཐམས་ཅད་མཁྱེན་པ་བསོད་ནམས་རྒྱ་མཚོས་བཏབ། 131.གཞན་ཡང་འོར་དུས་ཀྱི་རྒྱལ་པོ་བིན་དུས་ཡོན་བདག་བགྱིས་ཏེ་བཏབ་པའི་ཕུན་ཚོགས་གཞན་ཕན་བདེ། ཨལ་དཔལ་ནོ་ཡོན་གྱི་ས་ཆར་ཕུན་ཚོགས་རྣམ་རྒྱལ་གླིང་། སེ་ཆེན་དའི་ཆིང་གི་མངའ་ཞབས་སུ་ཕུན་ཚོགས་དར་རྒྱས་གླིང་ལ་སོགས་པ་དགེ་འདུན་གྱི་སྡེ་བསམ་གྱིས་མི་ཁྱབ་པ་བྱུང་བ་བཅས་སོ། ། (སྐབས་འདིར་གཅིག་ཆད་པ་དཔྱད།)ུང་བ་བཅས་སོ། ། (སྐབས་འདིར་གཅིག་ཆད་པ་དཔྱད།))
Dictionaries/chos rnam kun btus/7450 + (1.ཉམས་ནི། མཚན་དཔེ་ཞི་ཆགས་ཁྲོ་སྒེག་གར་གྱི་ཉ … 1.ཉམས་ནི། མཚན་དཔེ་ཞི་ཆགས་ཁྲོ་སྒེག་གར་གྱི་ཉམས། ། སྐུ་གཟུགས་དེ་དག་ཀྱང་སངས་རྒྱས་ལོངས་སྐུ་དང་སྤྲུལ་སྐུ་དག་ལ་མཚན་བཟང་སོ་གཉིས་དང་དཔེ་བྱད་བརྒྱད་ཅུ་ལས་དངོས་སུ་ཇི་ལྟར་འབྲིར་རུང་བ་ཐམས་ཅད་གསལ་ལ་རྫོགས་པ་དང་། གཤེགས་པ་སོགས་ལ་ཞི་ཞིང་འཛུམ་པའི་མདངས་ཅན། ལྷ་མོ་ཕལ་ཆེར་ཆགས་ཤིང་གཞོན་པའི་ཚུལ། ཁྲོ་བོ་རྣམས་རྔམས་ཤིང་མི་སྡུག་པ། རོལ་པའི་ཁྲོ་བོ་སོགས་ ཁྲོ་འཛུམ་སྒེག་པའི་ཉམས་ཅན། གཞན་ཡང་གར་གྱི་ཉམས་དགུ་དང་ལྡན་པ་ཞེས་འབྱུང་བ་ལྟར། (1)རྒྱན་དང་མདངས་ཀྱིས་སྒེག་པ། (2)འགྱིང་ལ་རོལ་པས་དཔའ་བ། (3)སྤྱན་ལོག་ཁྲོ་གཉེར་གྱིས་མི་སྡུག་པ།(4)འཛུམ་ཞིང་ཧ་ཧའི་སྒྲས་དགོད་པ། (5)ཧི་ཧི་ཧཱུཾ་ཕཊ་སྒྲོག་པས་དྲག་ཤུལ་དང་ལྡན་པ།(6)སོ་ཐམ་པ་དང་མགོ་གུག་ཅིང་མཚོན་ཆ་ཕྱིར་གདེངས་ཀྱིས་འཇིགས་སུ་རུང་བ།(7)སྤྱན་དམར་ཟིམ་ཟིམ་དང་གཞོན་ཤས་སྙིང་རྗེ།(8)ཞལ་གདངས་རྐན་རྡེབ་པས་རྔམ་པ།(9)གཉེན་ལྕུག་འཇམ་པའི་མིག་སྣ་རྩེར་བལྟས་པས་ཞི་བ་སྟེ། དེ་ལྟ་བུའི་གར་གྱི་ཉམས་དགུ་ལས་བཟོ་བོས་བསྒྲུབ་ཏུ་རུང་བ་རྣམས་དང་ལྡན་པར་བྱའོ། ། གཞན་ཡང་། ཞལ་གྱི་དབྱིབས་ནི་རྣམ་པ་བཞི། ། སྐྱེས་བུ་ཆེ་དང་ལྷ་མོ་ཡི། ། ཁྱིམ་བྱའི་སྒོ་ང་ཏིལ་གྱི་དབྱིབས། ། ཞེས་དང་། ཁྲོ་བོ་རྣམས་ཀྱི་རྣམ་འགྱུར་དབྱིབས། ། ཟླུམ་པོ་དག་དང་གྲུ་བཞི་སྟེ། ། ཞེས་གསུངས་པ་ལྟར་ཞལ་དབྱིབས་ཐ་དད་པ་དང་། ། སངས་རྒྱས་མཉམ་གཞག་སྤྱན་ནི་གཞུ་ཡི་དབྱིབས། ། མགྲོན་བུའམ་ནི་པདྨ་འདབ་མའི་དབྱིབས། ། པུཏྤ་ལ་འདྲ་ཞི་མ་ཁྲོ་ཡི་སྤྱན། ལྷ་མོ་ཞི་བའི་སྤྱན་ནི་ཉ་ལྟོ་འདྲ། ། གཡེམས་མའི་མིག་ནི་འོད་མའི་གཞུ་འདྲ་སྟེ། ། ཤིན་ཏུ་ཁྲོས་སྤྱན་ཟླུམ་དང་གྲུ་བཞིའོ། ། ཞེས་སྤྱན་གྱི་དབྱིབས་མི་འདྲ་བ་རྣམས་དང་། རྡོ་རྗེ་སྐྱིལ་ཀྲུང་ཡོངས་སུ་གྲགས། ། བྱིན་པ་གཡས་སྟེང་གཡོན་པ་བཞག ། པུས་མོ་སྨད་པ་པདྨའི་སྟབས། ། ལོང་བུ་བསྣོལ་ཏེ་མཐེ་བོང་དག ། རྩེ་མོ་སྤྲད་པ་ལ་ཡང་ཟེར། ། གཡས་པ་རྡོར་སྐྱིལ་ལྟ་བུ་ལ། ། གཡོན་པ་གཡས་པའི་བརླ་འོག་བཞག ། སེམས་དཔའི་སྐྱིལ་མོ་ཀྲུང་ཞེས་བྱ། ། གཡོན་པ་བཀན་པའི་སོར་མོ་རྣམས། ། གཡས་པའི་བརླ་ལ་མ་རེག་ཙམ། ། གཡས་པ་འགྱིང་སྟབས་བརྐྱང་བ་ནི། ། སྐྱིལ་ཀྲུང་ཕྱེད་པ་ཞེས་བྱའོ། ། གཡོན་བརྐྱང་བྲང་བ་གདན་ལ་བཙུགས། ། དེ་ཡི་བརླ་ལ་གཡས་མཐིལ་སྦྱར། ། བཞེངས་པའི་ཕྱེད་སྐྱིལ་གར་སྟབས་སོ། ། གཡོན་པའི་བྱིན་པ་བསྐུམ་པ་ལས། ། གཡས་པ་འགྱིང་བཅས་དོར་སྟབས་ཅན། ། གཡས་བརྐྱང་བཟློག་པ་གཡོན་བརྐྱང་ངོ་། ། སོར་མོ་མདུན་བསྟན་རྟིང་བར་དུ། ། ཁྲུ་གང་སོརགཉིས་བརླ་བྱིན་པ། ། དྲང་པོར་བསྲང་བ་ས་གའི་སྟབས། ། དེ་བས་ལུས་སྨད་པུས་མོའི་བར། ། ཁྲུ་དོ་ངང་པའི་གཤོག་པ་ལྟར། ལོགས་སུ་བརྐྱངས་པ་ཟླུམ་པོ་ཟེར། ། སོར་མོ་བཅུ་པོ་མདུན་དུ་བསྒྲིགས། ། དྲང་པོར་བཞེངས་པ་མཉམ་པའི་སྟབས། ། རྐང་གཉིས་ཁྲི་ལས་ཐུར་དུ་བརྐྱང་། ། སོར་མོ་མདུན་བསྟན་བཟང་པོའི་སྟབས། ། ཞབས་མཐིལ་ཁ་སྦྱར་བདེ་ལེགས་ཅན། ། ཙོག་པུར་རྐང་གཉིས་མཐོ་གང་བར། ། སྟན་ལ་བཀོད་པ་ཙོག་པུའི་སྟབས། ། གཡས་པའི་ཕྱེད་ཀྲུང་སོར་མོ་རྣམས། ། གཡོན་པའི་ལོང་བུར་གཏད་པ་ན། ། གཡོན་རོལ་ཡིན་ཞིང་གཡས་རོལ་བཟློག ། འདི་ནི་བཞེངས་པ་ལ་ཡང་སྦྱར། ། གཡོན་པའི་སྐྱིལ་ཀྲུང་ཕྱེད་པ་ལ། ། དེ་དང་ཉེ་བར་གཡས་པ་ཡི། ། པུས་མོ་དྲང་པོར་བཞག་པ་ནི། ། དཔའ་བོའི་འདུག་སྟངས་ཞེས་བྱའོ། ། གཡོན་པ་དེ་བཞིན་བྱས་པའི་སྟེང་། ། པུས་མོ་གཡས་པ་བསྙལ་བ་ལས། ། རྐང་གཡས་གཡོན་པའི་བརླ་མཐིལ་དུ། ། བཞག་པ་དཔའ་མོའི་འདུག་སྟངས་སོ། ། མི་མཉམ་རུས་སྦལ་བུང་བའི་སྟབས། ། དེ་སོགས་འདིར་ནི་མ་སྤྲོས་སོ། ། ཞེས་ཞབས་ཀྱི་སྟངས་སྟབས་ཁྱད་པར་སོགས་ཤིན་ཏུ་མང་པོ་རྣམས་ཀྱང་ཁོང་དུ་ཆུད་པར་བྱའོ། །2. རྒྱན་ནི། ཆོས་གོས་རིན་ཆེན་རྒྱན་བརྒྱད་དར་གོས་གཉིས། ། ཕྱག་རྒྱ་དུར་ཁྲོད་དཔལ་ཆས་བརྒྱད་དམ་བཅུ། ། སྤྲུལ་པའི་སྐུ་ཆགས་བྲལ་གྱི་རྣམ་པ་ཅན་རྣམས་ལ་ཆོས་གོས་རྣམ་པ་གསུམ། ། ལོངས་སྐུ་རྣམས་ལ་རིན་པོ་ཆེའི་རྒྱན་བརྒྱད་དེ།(1)དབུ་རྒྱན། (2)སྙན་རྒྱན།(3)མགུལ་རྒྱན། (4)དཔུང་རྒྱན། (5)དོ་ཤལ།(6)སེ་མོ་དོ། (7)གདུ་བུ། (8)སྐ་རགས་སམ་འོག་པགས་རྣམས་ལ་རྩ་བའི་རྒྱན་ཡང་ཟེར། དེ་སྟེང་སྙན་གོང་པུཏྤ་ལ། རྐང་གདུབ་གཡེར་ཁ་སོགས་ཉེ་བའི་རྒྱན་དུ་གྲགས་པ་རྣམས་ཏེ། དེ་དག་ཀྱང་སྔོན་གྱི་མཁས་པས། རྣ་རྒྱན་མགུལ་རྒྱན་ལག་གདུབ་གསུམ། ། ལྗི་ལྗི་འདྲ་ཞིག་དགོས་པ་ཡིན། ། དབུ་རྒྱན་དཔུང་རྒྱན་རྐང་གདུབ་སྐེད། ། ཡང་ཡང་འདྲ་ཞིག་འདོད་པ་ཡིན། ། ཅེས་སྨྲའོ། ། དར་གོས་གཉིས་ནི་སྟོད་གཡོགས་དང་སྨད་ཤམ་ཡིན་ལ། རྙིང་མ་བཀའ་མར་དར་གྱི་ཆས་གོས་ལྔར་གྲགས་ཏེ། (1)ཟི་ལྡིར།(2)ཅོད་པན།(3)གར་གྱི་ཕུ་རུང་།(4)གསང་ཁེབས།(5)ཚི་གུའི་སྨད་དཀྲིས་རྣམས་སོ། ། མ་རྒྱུད་གཙོ་བོར་གྱུར་པའི་རྒྱུད་སྡེའི་ལྷ་ཡབ་རྣམས་ལ།(1)སྤྱི་བོར་རུས་པའི་འཁོར་ལོ་རྡོ་རྗེ་ཕྱེད་པའི་ཏོག་དང་བཅས་པ།(2)རྣ་རྒྱན།(3)མགུལ་རྒྱན།(4)གདུ་བུ།(5)སྐ་རགས།(6)ཚངས་སྐུད་དམ་མཆོད་ཕྱིར་ཐོགས་ཏེ་ཕྱག་རྒྱ་དྲུག་དང་། དེའི་ཡུམ་རྣམས་ལ་ཚངས་སྐུད་སྤངས་པའི་ཕྱག་རྒྱ་ལྔའི་རྒྱན་བྱ་དགོས་ཤིང་། འདི་དག་གི་ཚད་དང་དག་པ་རྣལ་འབྱོར་མ་ཀུན་སྤྱོད་ཀྱི་རྒྱུད་དང་། རྡོ་རྗེ་མཁའ་འགྲོ་ནས་ཀྱང་གསུངས་སོ། །ཁྲོ་བོ་སྤྱི་ལ་དུར་ཁྲོད་ཀྱི་ཆས་བརྒྱད་དེ། དེ་ཡང་བགོ་བའི་གོས་གསུམ་ནི།(1)མི་ལྤགས་ཀྱི་གཡང་གཞི། (2)གླང་ཆེན་གྱི་ཀོ་རློན།(3)སྟག་ལྤགས་ཀྱི་ཤམ་ཐབས་རྣམས་སོ། ། གདགས་པའི་རྒྱན་གཉིས་ནི། (1)སྦྲུལ།(2)ཐོད་པ།རྒྱལ་རིགས་དཀར་ཁྲའི་དབུ་རྒྱན། རྗེའུ་རིགས་སེར་ཁྲའི་སྙན་རྒྱན། བྲམ་ཟེར་དམར་ཁྲའི་མགུལ་རྒྱན། བྲམ་ཟེར་དམར་ཁྲའི་མགུལ་རྒྱན། དམངས་རིགས་ནག་ཁྲའི་སྐ་རགས། ། གདོལ་རིགས་ལྗང་ཁྲས་ཕྱག་གདུབ་ཞབས་གདུབ་བྱས་པ་དང་། ཐོད་པ་སྐམ་པོས་དབུ་རྒྱན། རློན་པས་སེ་རལ་ཁ། ཚལ་བུས་དཔུང་རྒྱན་བྱས་པའོ། ། བྱུག་པའི་རྫས་གསུམ་ནི། སྨིན་མཚམས་ཐལ་ཆེན་གྱི་ཚོམ་བུ། མཁུར་ཚོས་ལ་རཀྟའི་ཐིག་ལེ། ལྐོག་མར་ཞག་གི་ཟོ་རིས་རྣམས་སོ། །རྙིང་མ་ལ་དཔལ་གྱི་ཆས་བརྒྱད་དུ་གྲགས་པ་ནི། ཇི་སྐད་དུ། གཟི་བརྗིད་འབར་བ་ཆུ་སྲིན་བརྗིད་པའི་ཆས། ། ཐབས་དང་ཤེས་རབ་ཟུང་འབྲེལ་ཉི་ཟླའི་ཆས། ། གདུག་པ་ཅན་སྲེག་ཡེ་ཤེས་མེ་ཡི་ཆས། ། སྐྱེ་ཤི་རྩད་གཅོད་མཆེ་བ་ཟླ་ཚེས་ཆས། ། ཁྱབ་མཛད་རེ་སྐོང་རྡོ་རྗེ་གཤོག་པའི་ཆས། ། མངའ་ཐང་ཡོངས་རྫོགས་རྡོ་རྗེ་གླག་པའི་ཆས། ། སངས་རྒྱས་སར་བགྲོད་དབང་གི་བསེ་ཁྲབ་ཆས། ། གནོད་གདུག་ཟློག་བྱེད་རྒྱ་བྱེའུ་ལྕགས་ཀྱི་ཆས། ། ཞེས་པ་ལྟར་བརྒྱད་དམ།མི་འགྱུར་སྤྱི་གཙུག་རྡོ་རྗེ་ཕྱེད་པ། གདུག་པ་ཐལ་འབྱིན་ཕུར་བུའི་ཤམ་ཐབས་གཉིས་བསྣན་པའི་དཔལ་གྱི་ཆས་བཅུར་ཡང་བཞེད་དེ། སྔ་མ་ནི་རྒྱུད་ཡེ་ཤེས་རྔམ་གློག་སོགས་དང་། ཕྱི་མ་བཀའ་བརྒྱད་ལས་གཙོ་བོར་བཤད་པ་སྟེ། འདི་དག་ལ་ཅུང་ཟད་འདྲ་མིན་འགའ་རེ་འབྱུང་ངོ་། །3. ཕྱག་མཚན་ནི། ཕྱག་མཚན་དང་པོའི་རྡོ་རྗེ་ཁ་ཊྭཱཾ་སོགས། ། མཁའ་འགྲོ་རྒྱ་མཚོ་སོགས་དཀྱིལ་འཁོར་གྱི་གཙོ་བོ་ཕྱག་མང་རྣམས་ལ་ཕྱག་མཚན་གྱི་དབྱེ་བའང་དུ་མར་བཤད་པ་ལས་གཙོ་བོར་གྱུར་པ་དང་པོའི་རྡོ་རྗེ་དང་། ཁ་ཊྭཱཾ་ག་ལ་སོགས་པ་སྟེ། ཕྱག་མཚན་ཅུང་ཟད་བསྡུ་ན། ཕྱག་མཚན་དང་པོའི་རྡོ་རྗེ་ནི། ། རྭ་བཞི་དབུས་ལ་མ་རེག་ཙམ། ། མདོག་དམར་ཁྲོ་བོའི་རྡོ་རྗེ་རྭ། ། ཕྱོགས་བཞིར་ཤིན་ཏུ་གྱེས་པའོ། ། ཁ་ཊྭཱཾ་རྡོ་རྗེ་མི་མགོ་གསུམ། ། བུམ་པ་རྒྱ་གྲམ་ཡུ་བ་བཅས། ། སྐུ་ཡི་སྲིད་ཚད་ཉིད་དང་མཉམ། ། དར་དཔྱངས་དྲིལ་བུ་ཅང་ཏེའུ་འཕྱང་། ། ག་དའི་དབྱུག་པ་དཔག་ཆེན་མདའི། ། ཝ་གཞུ་ཉིད་དང་མཚུངས་པའོ། ། བི་དྷི་པཱ་ལ་མདུང་རྩེ་རྣོ། ། རྨ་བྱའི་སྒྲོ་ཕོན་ཡུ་བར་ལྡན། ། རྡོ་རྗེ་རྩེ་ལྔའི་རྭ་བཞི་སྤངས། ། ཨ་ཀ་པུ་ཙི་ཀ་བཛྲ། ། མདུང་ཐུང་ཀ་ཎྵ་ཡ་ཞེས་པ། ། འདི་གཉིས་རྡོ་རྗེ་རྩེ་གཅིག་པ། ། ཐོད་ཚལ་རྩེ་ཐོད་ཌཱ་མ་རུ། ། དྲྭ་བ་ཅན་དང་དྲྭ་བ་མེད། ། རལ་གྲི་ཆུ་གྲི་པེ་ཊ་ཀ ། གྲི་གུག་དགྲ་སྟ་གཏུན་ཤིང་དང་། ། མདུང་རིང་མདུང་ཐུང་ཕུབ་རིགས་གསུམ། ། བྷོ་ཀེ་རྫ་རྔ་རྔ་ཟླུམ་དང་། ། རྔ་ཆེན་ཌཱ་ཀ་པ་ཊ་ཧ། ། རྡོ་རྗེ་དྲིལ་བུ་ལ་སོགས་པའོ། །4. ཁྲི་རྒྱབ་ནི།བྱང་ཕྱོགས་དག་པའི་ཁྲི་འགྱོགས་ལེ་ཚན་བདུན། ། ཕྱིན་དྲུག་ངོ་བོ་རྒྱབ་ཡོལ་རྒྱན་དྲུག་སོགས། ། བླ་མའི་ཡོན་ཏན་ཡོངས་གཟུང་གི་རྒྱུད་དོན་བཞིན་གདན་ཁྲི་རྒྱབ་ཡོལ་དང་བཅས་པ་ལ། བྱང་ཕྱོགས་ཀྱི་ཆོས་ཀྱི་སྡེ་ཚན་བདུན་དག་པའི་ཆོས་དང་སྦྱར་བ་ཁྲི་འགྱོགས་ལེ་ཚན་བདུན་དུ་གྲགས་པ་ནི། ཁྲི་གདན་ཁྲི་གདོང་ཁྲི་ཡི་རྐང་ཁྲི་རྨང་གཉིས་དང་བ་གམ་དང་ལན་ཀན་ཏེ་རྣམ་པ་བདུན་ནོ། ། འདེགས་བྱེད་སེང་གེ་གླང་པོ་རྨ་བྱ་ཤང་ཤང་རྣམས་དང་། ཉི་ཟླ་པདྨའི་གདན་རྣམས་ནི་རིམ་བཞིན་སྟོབས་དང་དབང་བཅུ། ། སྨོན་ནས་ཤེས་པ། བྱང་ཆུབ་ཀྱི་ཕྱོགས། དོན་དམ་ཨེ། ཀུན་རྫོབ་ཝྃ། སྒྲིབ་གསུམ་གྱིས་མ་གོས་པའི་ཡོན་ཏན་རྣམས་དང་སྦྱར་རོ། ། ཕྱིན་དྲུག་གི་ངོ་བོ་རྒྱབ་ཡོལ་ལ་རྒྱན་སྣ་དྲུག་ སྟེ། མཁའ་ལྡིང་། ཆུ་སྲིན་དང་། བྱིས་པ་དང་། གླང་པོ་ཆེ་དང་། ཤ་ར་བྷ་སྟེ་བསེ་ཁ་སྒོ་དང་། ཀླུ་ཕྲུག་རྣམས་ཀྱང་རིམ་བཞིན་ཤེས་རབ་དང་། བསམ་གཏན་དང་། བརྩོན་ འགྲུས་དང་། བཟོད་པ་དང་། ཚུལ་ཁྲིམས་དང་། སྦྱིན་པ་བཅས་ཕ་རོལ་ཏུ་ཕྱིན་པ་དྲུག་ལུགས་ལྡོག་པ་དང་སྦྱར་བའོ། ། སོགས་ཁོངས་ནས་ཁྲི་ལ་བརྩེགས་ཉི་ཤུ་རྩ་གཅིག་ལ་སོགས་པའི་སྤྲོས་པ་དང་། རྒྱབ་ཡོལ་རྒྱས་པ་ཕུབ་ལ་ཞོལ་བཏགས་པ་ལྟ་བུ། འབྲིང་པོ་ལ་པད་འདབ་ལྟ་བུ། བསྡུས་པ་ལྕགས་རྩེ་མ་དང་སྒང་གཟུགས་མ་ལ་སོགས་པ་རྒྱས་འབྲིང་བསྡུས་པའི་རྣམ་གཞག་མང་ཞིང་། འབྲིང་པོའི་ཚད་སྟག་ཚང་ལོ་ཙཱའི་དཔལ་འབྱོར་རྒྱ་མཚོ་ལས་ཞིབ་པར་འབྱུང་བ་དང་། ཕྱིས་སུ་ཁྲི་རྒྱབ་བྲིས་འབུར་གཉིས་ཀ་ལ་བཞེངས་པ་ཉུང་ཡང་གྲུབ་ན་བསོད་ནམས་རླབས་ཆེན་གྱི་རྒྱུར་འགྱུར་བ་ཡིན་ནོ། ། བོད་ཀྱི་མཁས་པ་མང་པོས་ཁྲི་དྲུག་འགྱོགས་འདི་རྒྱ་གར་ན་ལྷ་ཁང་གི་སྒོ་རྒྱན་དུ་ཡོད་པས་ལྷའི་རྒྱབ་ཡོལ་དུ་འཁྲུལ་ནས་བོད་དུ་དེའི་རྒྱུན་འབྱམས་པ་ཙམ་ལས་ཁུངས་ཡང་དག་མེད་པར་འདོད་ཅིང་། དེ་བཤད་པའི་ཁུངས་བླ་མའི་ཡོན་ཏན་ཡོངས་གཟུང་སོགས་ཙ་མིའི་རྒྱུད་གསུམ་པོ་ཡང་རྒྱུད་ཡང་དག་མ་ཡིན་པར་འཆད་མོད། འོན་ཀྱང་ཁྲི་རྒྱན་གྱི་བཀོད་པ་འདི་ལྟ་བུ་རྒྱ་གར་གྱི་བཟོ་ཡིན་ངེས་འགའ་ལའང་མཐོང་ཞིང་ཁུངས་ཀྱི་རྒྱུད་དེ་རྒྱུད་ཡང་དག་ཏུ་རང་བྱུང་ཞབས་བཞེད་པའི་ཕྱིར་ཁོ་བོ་ཅག་ནི་དེ་ལ་ཚད་མར་བྱེད་ཅེས་ཀུན་མཁྱེན་དྷརྨཱ་ཀ་རས་གསུངས་སོ། །5. སྐྱོན་སེལ་ནི། རིང་ཐུང་སྦོམ་ཕྲ་ཡོ་སོགས་སྐྱོན་མི་ལྡན། ། རྒྱུད་སྡོམ་པ་ལས། རིང་བ་གསུམ་ནི་སྐྱོན་ཆེ་སྟེ། ། ཨོས་ཀོ་མགྲིན་པ་བྱིན་པའོ། ། སྣ་དང་རྣ་བ་སོར་མོ་སོགས། ། གསུམ་པོ་ཐུང་བ་ཉེས་པ་ཆེ། ། བྱིན་པ་ཞབས་སོགས་མཁུར་བ་དག ། གསུམ་པོ་སྦོམ་པ་སྐྱོན་ཆེན་ཏེ། ། འགྲམ་པ་བྲང་དང་རྩིབས་ལོགས་གསུམ། ། ཞོམ་པ་ཉེས་པ་ཆེན་པོའོ། ། ནུ་མ་རྣ་བ་དཔྲལ་བ་གསུམ། ། འཁྱོག་པ་ཉེས་པ་ཆེན་པོ་སྟེ། ། བརླ་དང་དཀུ་དང་ནམ་ཚོང་གཉིས། ། གསུམ་པོ་ཞོམ་པ་སྐྱོན་ཆེའོ། ། ཞེས་སོགས་སྐྱོན་རེ་རེས་ཉེས་པ་ཆེན་པོ་སོ་སོར་སྐྱེད་པའི་ཚུལ་དང་། འདིར་ནི་སྤྱན་སོགས་ཡོ་བའམ། ། ཕྱག་རྒྱ་ཕྱག་མཚན་ནོར་གྱུར་ན། ། མྱ་ངན་སྡུག་བསྔལ་གྱིས་རབ་གདུང་། ། གཟུགས་བརྙན་སྐྱོན་སོགས་མཚན་ཉིད་དེ། ། དེ་ཕྱིར་སྐྱོན་བརྟགས་བཅོས་པར་བྱ། ། རྒྱབ་ཡོལ་གདུགས་དང་གདན་རྣམས་ཏེ། ། གསུམ་པོ་ཆུང་ཞིང་དོག་པའི་སྐྱོན། ། མཛའ་བོས་མི་སྙན་བརྗོད་པ་དང་། ། དཔལ་ཉམས་འཆི་བར་འགྱུར་བ་ཡིན། ། འདི་དག་ཉེས་པ་ཆེན་པོ་སྟེ། ། མཁས་པས་ལེགས་པར་བརྟག་པར་བྱ། ། ཞེས་སོགས་གསུངས་པའི་སྐྱོན་རྣམས་དང་མི་ལྡན་པ་ཤིན་ཏུ་གལ་ཆེ་ཞིང་། གཞན་ཡང་ཚད་དང་མི་ལྡན་པའི་ལྷར་ཡེ་ཤེས་སེམས་དཔའི་མི་འཇུག་པ་དང་། སྐྱོན་ཅན་གྱི་སྐུ་གཟུགས་དེ་གང་དུ་ཡོད་པའི་ས་ཕྱོགས་ཀྱི་བཟང་པོའི་དཔྱད་རྣམས་ཀྱང་ཉམས་པར་འགྱུར་བ་སོགས་མི་དགེ་བ་འབའ་ཞིག་འབྱུང་བར་གསུངས་པས་དེ་ལྟ་བུ་ནི་གཙང་མའི་སར་དོར་བར་བྱའོ། །6. ཚོན་མདངས་ནི། རྩ་བ་ཡན་ལག་ཚོན་སྦྱོར་མདངས་དང་བཅས། ཚོན་སྦྱོར་ལའང་རྩ་བའི་ཚོན། དཀར། སེར། དམར། སྔོ། ལྗང་གུ་ལྔ། ཡན་ལག་གི་ཚོན་འབྲིང་པོ། ། ལི་ཁྲི་ཤ་ཁ་ན་རོས་གསུམ། ། མོན་མ་དུད་ཁ་ས་ཁ་གསུམ། ། སྨུག་པོ་རུས་ཁ་གཡུ་ཁའོ། ། དེ་དག་རེ་རེ་ལའང་ནང་གསེས་མང་དུ་བྱར་ཡོད་ཅིང་། ། ཡན་ལག་རྒྱས་པ་སུམ་ཅུ་རྩ་གཉིས་ནི། ། དཀར་པོ་དཀར་སེར་དཀར་དམར་ཆུ་ཤེལ་མདོག ། སེར་པོ་སེར་སྐྱ་དམར་སེར་ལེ་ཁྲི་མདོག དམར་པོ་དམར་སྐྱ་དམར་སྨུག་རྒྱ་སྐག་མདོག ། སྔོན་པོ་སྔོ་སྐྱ་མཐིང་ནག་གཡུ་ཁ་མདོག ། ལྗང་གུ་ལྗང་སེར་ལྗང་སྐྱ་ལྗང་ནག་གོ ། ཤ་ཁ་ཇ་ཁ་མོན་ཁ་ཐལ་ཁ་དང་། ། སྨུག་པོ་སྨུག་ནག་ན་རོས་གློ་བ་ཁ། ། དུད་ཁ་རེ་ཁ་རུས་ཁ་མུན་མདོག་གོ ། ཞེས་པ་ཡོངས་གྲགས་ཀྱི་སྦྱོར་ཚུལ་ཏེ་ཚོན་གྱི་ཁྱད་པར་སོགས་ལས་ཀྱང་མཐའ་ཡས་པར་འགྱུར་རོ། ། གང་ལྟར་སྣུམ་བརྗིད་བཀྲག་གསུམ་འཛོམ་ན་ཚོན་སྦྱོར་ལེགས་པའི་ཚད་དུ་བཤད་དོ། ། མདངས་ལའང་བཙག་མདངས་ཡུངས་ཞི་བརྡལ་འདྲ། འབར་མདངས་ཀུ་ཤའི་རྩེ་འདྲེ། བཤལ་མདངས་འཇའ་ཚོན་ཡལ་འདྲ་རྣམས་དང་། བཅད་ཀྱི་ཚུལ་དང་བཅས་པ་རྣམས་ཀྱང་རེ་རེས་རེ་རེ་མ་བསླད་པར་དགོས་སོ། །7. རྣམ་འགྱུར་ནི། རྣམ་འགྱུར་ཡུལ་བཀོད་སོ་སོའི་ལུགས་མཐུན་ནོ། ། རྩ་བའི་པ་ཏྲ་རིགས་བརྒྱད། ། མེ་རི་རིགས་གསུམ་གྱིས་མཚོན་གཟུགས་དང་རྣམ་འགྱུར་མི་འདྲ་བའི་ཁྱད་པར་དུ་མ་རྣམས་དང་། ལྷག་པར་འཕགས་ཡུལ་རྒྱ་ནག་བོད་ཡུལ་སོགས་ཡུལ་བཀོད་སོ་སོའི་ལུགས་དང་མཐུན་པར་བྱ་སྟེ། ཇི་སྐད་དུ། ཁང་བཟང་ལ་སོགས་བྱང་ཆུབ་ཤིང་། ། མེ་ཏོག་སྣ་ཚོགས་མཆོད་པའི་སྤྲིན། ། རྟེན་འབྲེལ་རི་མོ་རིན་ཆེན་ཕྲེང་། ། བཟོ་མཐོའ་མ་འདྲེས་རང་རང་བརྒྱུད། ། རྒྱ་གར་བཟོ་ཡི་ཁྱད་ཆོས་ཡིན། ། མཛེས་ལྡན་རི་མོ་མདངས་ལྡན་པར། ། བཀྲ་ཤིས་གཟུགས་བརྙན་གོས་ཀྱི་རྒྱུད། ། ཁྲི་དང་མཚར་བའི་བྱེ་བྲག་རྣམས། ། རྒྱ་ནག་བཟོ་ཡི་ཁྱད་ཆོས་ཡིན། ། ཆུ་གནས་སྲོག་ཆགས་མཚོ་དང་རྫིང་། ། དྲི་ཞིམ་ནགས་ཚལ་ཀླུ་ཡི་རྫས། ། སྨན་སྤོས་ལྷབ་ལྷུབ་རི་མོ་རྣམས། ། ཁ་ཆེ་བཟོ་ཡི་ཁྱད་ཆོས་ཡིན། ། འབྱུང་བཞི་པ་ཏྲ་འཇའ་དང་སྤྲིན། ཤིང་ལྗོན་རིན་ཆེན་སྣལ་རིས་རྒྱན། ། ནམ་མཁའི་སྲོག་ཆགས་ལྷ་ཡི་རྫས། ། བལ་པོ་བཟོ་ཡི་ཁྱད་ཆོས་ཡིན། ། བྲག་དང་སྤང་རི་རི་དྭགས་དང་། ། བླ་བྲེ་ཆུན་འཕྱང་མཛེས་པའི་རྒྱན། ། སྣ་ཚོགས་གཟུགས་དང་གངས་རིའི་ཁྲོད། ། གངས་ཅན་བཟོ་ཡི་ཁྱད་ཆོས་ཡིན། ། ཅེས་བཤད་པ་སོགས་ཀྱི་རྣམ་འགྱུར་ལག་ཏུ་ལོངས་པ་དགོས་སོ། །སོགས་ཀྱི་རྣམ་འགྱུར་ལག་ཏུ་ལོངས་པ་དགོས་སོ། །)
Dictionaries/chos rnam kun btus/2050 + (1.ཐུགས་རྟེན་ནི། བཟོ་རིག་མཆོག་གྱུར་དཀོན་མཆོ … 1.ཐུགས་རྟེན་ནི། བཟོ་རིག་མཆོག་གྱུར་དཀོན་མཆོག་གསུམ་གྱི་རྟེན། ། ཀུན་གྱི་ཐོག་མར་པད་སྤུངས་མཆོག་རྟེན་བྱུང་། ། གཞན་དག་དད་ལྡན་རྣམས་ཀྱིས་རིམ་པར་བརྩིགས། ། བཟོ་གནས་ཐམས་ཅད་ལུས་ངག་ཡིད་གསུམ་དུ་འདུ་ཞིང་འདིར་བྱུང་བ་བརྗོད་པ་ནི་གཙོ་བོར་ལུས་ཀྱི་ལས་དང་། དེའང་བཟོ་རིག་པ་ཐམས་ཅད་ཀྱི་ནང་ནས་འཕྲལ་ཡུན་གཉིས་ཀར་ཕན་བདེ་ཟད་མི་ཤེས་པ་འཇོ་བ་ནི་དཀོན་མཆོག་གསུམ་དང་འབྲེལ་བའི་སྐུ་གསུང་ཐུགས་རྟེན་རྣམས་ཡིན་ཅིང་། དེའང་བསྟན་པ་འདི་ལ་རྟེན་གསུམ་ཀུན་གྱི་ཐོག་མར་ཐུགས་ཆོས་སྐུའི་རྟེན་ཉིད་བྱུང་སྟེ། སྟོན་པ་ལུམྦི་ནཱིའི་ཚལ་དུ་བལྟམས་པའི་ཚེ་རྒྱལ་པོ་ཟས་གཙང་མ་སོགས་ཀྱིས་པདྨ་སྤུངས་པའི་མཆོད་རྟེན་བརྩིགས། དེ་ནས་གཉིས་པ་བྱང་ཆུབ་མཆོད་རྟེན་སོགས་ཆ་བརྒྱུད་མཆོད་རྟེན་དུ་གྲགས་པ་རྣམས་དང་། གཞན་དག་དབུ་སྐྲ་དང་སེན་མོའི་མཆོད་རྟེན་གྱིས་མཚོན་སངས་རྒྱུས་ཀྱི་རྟེན་དང་ཉན་ཐོས་དགྲ་བཅོམ་པའི་མཆོད་རྟེན་མང་པོ་གཟུགས་ཅན་སྙིང་པོ་སོགས་དད་ལྡན་རྣམས་ཀྱིས་རིམ་པར་བརྩིགས་པར་བཤད་པའི་ཕྱིར་རོ། །2.སྐུ་རྟེན་བྱུང་ཚུལ་བཤད་པ་ལ་གསུམ་སྟེ། (1)འཕགས་ཡུལ་དུ་བྱུང་ཚུལ་ལ་གཉིས་ཏེ། [1]བྲིས་སྐུ་བྱུང་ཚུལ་ནི། རི་མོ་ཚེ་ལོ་འབུམ་པར་འཇིགས་ཐུལ་ལ། ། ཚངས་དང་བི་ཤུས་བསླབས་ཤིང་དེ་ནས་བརྩམས། ། ཐུབ་དབང་ཞེས་གཤེགས་པར་དངོས་སུ་འཁྲུལ་ནུས་བྱུང་། ། བྲིས་འབུར་གཉིས་ལས་རི་མོ་སྔ་བ་སྟེ་དྲང་སྲོང་ཨ་ཏྲེའི་བུས་སྦྱར་བའི་རི་མོའི་མཚན་ཉིད་ཚངས་པའི་ཆོད་ཡིག་ཅེས་བྱ་བ་ལས། སྔོན་བསྐལ་པ་དང་པོའི་མི་རྣམས་ཚེ་ལོ་འབུམ་ནས་བྲི་བའི་དུས་མིའི་བདག་པོ་འཇིགས་ཐུལ་བྱ་བ་བྱུང་། དེས་ས་འདི་ཆོས་བཞིན་དུ་བསྐྱངས་པས་ཚེ་ལོ་ཡང་འབུམ་དུ་འཕེལ་ཏེ་ཤིན་ཏུ་བདེ་བར་གྱུར། རྒྱལ་པོས་དཀའ་ཐུབ་ཀྱི་བརྟུལ་ཞུགས་སྤྱད་པས་དབང་ཕྱུག་གི་ཡོན་ཏན་བརྒྱད་ཐོབ། དེ་ལ་ཚངས་པས་བསྟན་བཅོས་ཐམས་ཅད་ཤེས་པ་དང་། ལྷའི་དམག་དང་མཚོན་ཆས་ཀྱང་མི་ཡུལ་དུ་མི་ཕེབས་པའི་མཆོག་བྱིན་ཏོ། ། དེའི་ཚེ་ནམ་ཞིག་བྲམ་ཟེའི་བུ་གཞོན་ནུ་གཅེས་པ་ཞིག་གློ་བུར་དུ་ཤི་བ་ལ། བྲམ་ཟེས་རྒྱལ་པོ་ལ་ཁྱོད་ཀྱིས་རྒྱལ་སྲིད་ཆོས་བཞིན་མ་བསྐྱངས་པས་འབངས་དུས་མིན་འཆི་བ་བྱུང་སྟེ་བདག་གི་བུ་ཤིའོ། ། གལ་ཏེ་བུ་སློང་མ་བསྩལ་ན་བདག་འདིར་ལྕེབ་བོ། ། ཟེར་བ་ལ་རྒྱལ་པོས་བྲམ་ཟེ་ཁྲིད་ནས་གཤིན་རྗེའི་རྒྱལ་པོ་ཉི་མ་ལྟར་གཟི་བརྗིད་འབར་བའི་དྲུང་དུ་ཕྱིན་ཏེ་ཕྱག་འཚལ་ནས་བྲམ་ཟེའི་བུ་རྩལ་དུ་གསོལ་བྱས་པས་བདག་གིས་མ་ལན་རང་རང་གི་ལས་སུ་ཟད་དོ། ། རྒྱལ་པོས་བྱིན་ཅིག་དང་། གཤིན་རྗེས་མི་རུང་ངོ་ཡང་ཡང་སྨྲས་ཏེ་མཐར་གཡུལ་བཤམས་ཏེ་ཕན་ཚུན་མཚོན་ཆའི་ཆར་ཕབ། རྒྱལ་པོས་ལྷའི་མཚོན་ཆའི་ཆར་གྱིས་གཤིན་རྗེའི་འཁོར་ཐམས་ཅད་ཕམ་པར་བྱས་པས་གཤིན་རྗེས་ཀྱང་དབྱུག་པ་ཐོགས། རྒྱལ་པོས་ཀྱང་དབྱུག་པ་ཚངས་མགོ་ཅན་ཐོགས་ཏེ་འཇིག་རྟེན་ཐམས་ཅད་དངངས་པ་ན་ལྷ་ཚངས་པ་བྱོན་ཏེ་སོ་སོའི་ལས་སུ་ཟད་ཀྱིས་གཤིན་རྗེས་མ་ཉེས་སོ། ། འོན་ཀྱང་བྲམ་ཟེའི་བུ་རི་མོར་བྲིས་ཤིག་ཅེས་པ་ལྟར་རྒྱལ་པོས་བྲིས་ཚངས་པས་གསོན་པོར་བསླངས་ཏེ་བྲམ་ཟེ་ལ་གཏད། ཡི་དྭགས་ལ་གཅེར་བུ་ཟེར་བས་དེ་ཐུལ་བ་ལེགས་སོ་ཞེས་རྒྱལ་པོ་ལ་གཅེར་ཐུལ་དང་། དང་པོར་རི་མོ་འབྲི་བ་པོ་ཡིན་པས་དང་པོར་བྲི་བ་ཞེས་བཏགས། ཚངས་པས་བསྒོས་ཏེ་རྒྱལ་པོས་ཀྱང་གཤིན་རྗེ་ལ་ཕྱག་དང་མཆོད་པ་བྱས་ཏེ་ཀུན་དགའ་བར་གྱུར། སླར་རྒྱལ་པོས་ཚངས་པའི་འཇིག་རྟེན་དུ་སོང་སྟེ་རི་མོ་འབྲི་ཚུལ་ཞུས་པས། རི་ཡི་མཆོག་ནི་རི་རབ་ཡིན། ། སྒོ་ང་ལས་སྐྱེས་རྣམས་ཀྱི་ནི། ། གཙོ་བོ་ནམ་མཁའ་ལྡིང་ཡིན་ནོ། ། མི་ཡི་གཙོ་བོ་ས་བདག་སྟེ། ། དེ་བཞིན་རི་མོ་སྒྱུ་རྩལ་གཙོ། ། ཞེས་སོགས་དང་། རྒྱལ་པོ་དེ་བཞིན་སྒྱུ་རྩལ་ཀུན། ། རི་མོའི་ལས་ལ་ཡང་དག་བརྟེན། ། ཞེས་སོགས་ཀྱི་བསྔགས་ནས་བི་ཤྭ་ཀརྨས་སྟོན་པར་ལུང་བསྟན་པ་བཞིན་དེས་འཁོར་ལོས་སྒྱུར་བའི་ཚད་གཙོ་བོར་བྱས་ཏེ་ཚད་དང་མི་ལྡན་པའི་ཉེས་པ། ལྡན་པའི་ཕན་ཡོན་སོགས་དང་། ལུས་ལ་མཛེས་པ་མ་ཚང་ན། ། ཚད་དག་གིས་ནི་ཅི་ཞིག་བྱ། ། ཞེས་མཛེས་དགོས་པའང་བསྟན། དེ་ནས་བརྩམས་ཏེ་མིའི་བཟོ་བོ་ལས་ཀྱི་འཕྲུལ་དང་ལྡན་པ་དག་གིས་བཟོའི་གནས་ངོ་མཚར་བ་བྱེད་པ་རྟག་ཏུ་བྱུང་ཞིང་། ཐུབ་དབང་གཤེགས་ཀྱི་བར་ཡང་གཟུགས་རི་མོར་བྲིས་པས་དངོས་སུ་འཁྲུལ་པ་སྐྱེས་ནུས་པ་བྱུང་བ་འདུལ་བ་ལུང་ལས་གསལ། སྟོན་པ་མྱ་ངན་ལས་འདས་ནས་ཀྱང་ལོ་བརྒྱ་ཙམ་གྱི་བར་དེ་འདྲ་ཤིན་ཏུ་མང་ངོ་། ། ཨུ་དྲ་ཡ་ན་མུ་ཏིག་འཁྲི་ཤིང་ལ། ། བསྐུར་བའི་བྲིས་སྐུ་ཆུ་ལོན་འོད་ཟེར་མ། ། བསྟན་འདིར་སྐུ་ཡི་རྟེན་ལ་སྔ་བར་གྲགས། ཞེས་ཨུ་དྲ་ཡ་ན་དང་མུ་ཏིག་འཁྲི་ཤིང་ཅན་གཉིས་ལ་བསྐུར་བའི་བྲིས་སྐུ་ཆུ་ལོན་མ་དང་འོད་ཟེར་མར་གྲགས་པ་ནི་བསྟན་པ་འདི་ལ་སྐུའི་རྟེན་རྣམས་ཀྱི་ནང་ནས་སྔ་བར་གྲགས་སོ། ། དེའང་མ་ག་དྷཱ་རྒྱལ་པོ་གཟུགས་ཅན་སྙིང་པོ་དང་སྒྲ་སྒྲོག་རྒྱལ་པོ་ཨུ་དྲ་ཡ་ན་གཉིས་མ་མཐོང་མཛའ་བོར་གྱུར་ཏེ་སྐྱེས་ཀྱིས་འགྲུལ་བ་ལས། སྒྲ་སྒྲོག་ནས་རིན་ཐང་མེད་པའི་ནོར་བུའི་ཁྲབ་བསྐུར་བའི་སྐྱེས་ལན་དུ་གཟུགས་ཅན་སྙིང་པོས་སྟོན་པའི་སྐུ་རས་ལ་བྲིས་ཏེ་བསྐུར་བར་བརྩམས་པ་ན། སྟོན་པའི་གཟི་བྱིན་མ་བཟོད་པས་བཟོ་བོས་བྲི་བར་མ་ནུས་པ་ལ་ཁྲུས་རྫིང་གི་འགྲམ་དུ་སྟོན་པ་བཞུགས་ཏེ་ཆུ་ནང་དུ་ཤར་བ་བཞིན་རས་ལ་བྲིས། སྟེང་འོག་ཏུ་རྟེན་འབྲེལ་ལུགས་འབྱུང་ལྡོག་སྐྱབས་འགྲོ་བསླབས་པའི་གཞི་ལྔ་ཕན་ཡོན་བཅས་བྲིས་ཏེ་བསྐུར་བས་ཨུ་དྲ་ཡ་ནས་བདེན་པ་མཐོང་བ་འདི་ལ་ཐུབ་པ་ཆུ་ལོན་མར་གྲུགས་ཟེར། ཡང་བཅོམ་ལྡན་འདས་སེར་སྐྱར་ཆོས་གསུངས་པའི་ཚེ་མིང་ཆེན་གྱི་ཆུང་མས་འབངས་མོ་རོ་ཧི་ཏ་དོ་ཤ་ལ་ལེན་དུ་བཏང་བ་ལམ་དུ་བ་དུས་མས་བརྡུངས་ཏེ་ཤི། དེ་སངས་རྒྱས་ལ་དད་པའི་རྒྱུས་དེ་མ་ཐག་སིངྒ་ལར་རྒྱལ་པོའི་བཙུན་མོའི་མངལ་དུ་ཞུགས། བཙས་པ་ན་མུ་ཏིག་གི་ཆར་བབས་པས་མིང་མུ་ཏིག་ཅན་ནམ་མུ་ཏིག་འཁྲི་ཤིང་དུ་བཏགས། དེས་ཡུལ་དབུས་ཀྱི་ཚོང་པ་ལས་སངས་རྒྱས་ཀྱི་གཏམ་ཐོས་པས་དད་དེ་ཕྲིན་ཡིག་བསྐུར་བ་ལ། སྟོན་པས་རས་ཀྱི་ངོས་ལ་འོད་ཟེར་བཀྱེ་བ་བཞིན་རི་མོ་བས་བྲིས། བཀའི་ཚིགས་བཅད་བཅས་སྐྱེས་ལན་ཏུ་བསྐུར་བ་མཐོང་བས་བུ་མོས་བདེན་པ་མཐོང་། འདི་ལ་ཐུབ་པ་འོད་ཟེར་མར་གྲགས་ཏེ་སྐྱེ་མཆེད་གཙང་ཞིང་ཡུལ་དབུས་དང་ཤར་གྱི་ལྷ་རིགས་རྣམས་འདི་ལས་མཆེད་པ་ཡིན་ནོ། །[2]འབུར་སྐུ་བྱུང་ཚུལ་ནི། གདུགས་ཚོད་གྲལ་གོང་མགོན་མེད་ཟས་སྦྱིན་ངོར། ། བཀས་གནང་རིན་ཆེན་འབུར་སྐུ་མང་དག་དང་། ། ལྷར་གཤེགས་ཚེ་ན་གསལ་ལྡན་རྒྱལ་པོ་ཡིས། ། ཙནྡན་སྐུ་བཞེངས་ད་ལྟ་རྒྱ་ནག་བཞུགས། ། ཁྱིམ་བདག་དད་སྦྱིན་གྱིས་གདུགས་ཚོད་ལ་དགེ་འདུན་སྤྱན་དྲངས་པར་སྟོན་པ་མོ་གཤེགས་པའི་ཚེ་གྲལ་གྱི་ཐོག་མ་མི་བརྗིད་པར་མཐོང་ནས། སྟོན་པས་གནང་ན་སྐུ་བགྱིད་དེ་བཞུགས་པར་གསོལ་ཞེས་མགོན་མེད་ཟས་སྦྱིན་གྱིས་ཞུས་པའི་ངོར་བཀས་གནང་སྟེ་རིན་པོ་ཆེ་ལས་བྱས་པའི་སྐུ་གཟུགས་མང་དུ་བྱུང་བ་དང་། བཅོམ་ལྡན་འདས་ལྷ་ཡུལ་དུ་གཤེགས་ཤུལ་གསལ་ལྡན་གྱི་རྒྱལ་པོས་མཆོད་ཡུལ་དུ་ཙནྡན་གྱི་སྐུ་འདྲ་བཞེངས། སླར་སྟོན་པ་ལྷ་ལས་བབས་པ་ན་སྐུ་དེས་གོམ་པ་དྲུག་ཏུ་བསུས། རྒྱ་ནག་གི་ཡུལ་དགེ་ཕྱིར་བཞུད་ཅེས་བཅོམ་ལྡན་འདས་ཀྱིས་བསྐུལ་བས་མཁའ་ལས་གཤེགས་ཏེ་ད་ལྟའང་རྒྱ་ནག་ཏུ་བཞུགས་པ་ཙནྡན་ཇོ་བོ་ཞེས་འདྲ་བཤུས་ཀྱི་སི་ཐང་ཡང་མང་དུ་འབྱུང་བ་སྟེ་འབུར་སྐུའི་ཐོག་མ་ནི་འདི་དག་གོ། དེ་རྗེས་ཀླུ་ཡི་ནོར་བུར་རཱ་ཧུ་ལས། ། གངས་ཆེན་མཚོ་བཞེངས་ཕྱི་ཡི་རྒྱ་མཚོར་བཞུགས། ། ཞེས་དེའི་རྗེས་སུ་སྟོན་པ་མྱ་ངན་ལས་འདའ་ཁར་བསྟན་པ་གནས་ཤིང་མུ་སྟེགས་འདུལ་ཕྱིར་ངའི་སྐུ་ཚབ་བཞེངས་ཤིག་པར་བཀའ་བསྩལ་བ་ལྟར་ཀླུའི་ནོར་བུ་དུ་མར་རྒྱུ་དང་རཱ་ཧུ་ལས་བཟོ་བྱས་ཏེ་ལོངས་སྐུ་རྣམ་སྣང་གངས་ཆེན་མཚོ་ཆུ་ཞེང་དཔག་ཚད་བརྒྱད་ཅུ་པ་བཞེངས་ནས་ཕྱིའི་རྒྱ་མཚོའི་ནང་དུ་བཞུགས་སོ། ། དབང་པོས་ནོར་བུ་དུ་མར་བརྒྱད་བཅུ་གཉིས། ། ཉེར་ལྔའི་སྐུ་ཚབ་ལས་སྣ་ཚོགས་པས་འཕྲུལ། ། ཕྱི་མ་ལྷ་དང་གཞན་གཉིས་བོད་ན་བཞུགས། ། དངོས་ཀྱིས་བྱིན་བརླབས་སྟོན་པ་ཉིད་དང་མཚུངས། ། ཞེས་དབང་པོ་བརྒྱ་བྱིན་གྱིས་ལྷ་དང་མིའི་ནོར་བུ་རིགས་ལྔ་དང་། འཆིང་བུ་ལྔ་བརྒྱ་རྩ་གཅིག་སྟེ་ནོར་བུ་དུ་མ་ལས་སྟོན་པའི་སྐུ་བཞེངས་པར་བརྩམས་ཏེ། བི་ཤྭ་ཀརྨས་སྟོན་པའི་ཞབས་ཀྱི་མཐེའུ་ཆུང་ལ་ཐིག་སྐུད་བཏགས་ནས་ཚད་གཞལ་བར་བརྩམས་པས་མ་ལོན་ཏེ་འོད་མདངས་དགའ་བའི་འཇིག་རྟེན་དུ་སངས་རྒྱས་དགའ་བའི་དཔལ་གྱི་དྲུང་ན་སླེབས། དེས་སྐུའི་ཚད་ལ་རྟོག་པ་ཞིག་ལ་རང་གི་སྟོན་པ་ཡིད་ལ་བྱོས་ཤིག་གསུངས་པས་དེ་མ་ཐག་སྟོན་པའི་སྤྱན་སྔར་སླེབས། དགུང་ལོ་བརྒྱད་དང་བཅུ་གཉིས་ཀྱི་སྐུ་ཚད་སྔོན་གྱིས་མ་མའི་ངག་བཞིན་དང་། ཉེར་ལྔ་པ་ཐུན་མོང་སྣང་བའི་སྐུ་ཚད་དངོས་དང་མཚུངས་པ་ལས་སྣ་ཚོགས་པའི་འཕྲུལ་གྱིས་སྐྲུན། སྟོན་པས་ཞལ་གྱི་འོད་ཟེར་སྤྲོ་བསྡུས་བྱིན་གྱིས་བརླབས་ཏེ་ཕྱི་མ་ཉེར་ལྔ་པའི་སྐུ་ཚད་བརྒྱ་བྱིན་གྱིས་ལྷ་ཡུལ་དུ་སྤྱན་དྲངས། གཞན་གཉིས་ལྷ་ཡུལ་ཨོ་རྒྱན་ཀླུ་ཡུལ་རྡོ་རྗེ་གདན་རྣམས་སུ་ལོ་གྲངས་མང་པོ་དང་། དེ་ནས་རྒྱལ་པོ་དེ་བ་པཱ་ལའི་དུས་བཅུ་གཉིས་པ་རྒྱ་ནག་དང་། བརྒྱད་པ་བལ་པོར་གདན་དྲངས། རིམ་གྱིས་བོད་དུ་བྱོན་ཏེ་འཕྲུལ་སྣང་དང་ར་མོ་ཆེར་བཞུགས་པའི་འདི་དག་ཡིན་ཏེ་སངས་རྒྱས་དངོས་ཀྱིས་བྱིན་གྱིས་བརླབས་པའི་ཕྱིར་སྟོན་པ་ཉིད་དང་བྱིན་རླབས་མཚུངས་པ་ཡིན་ནོ། །(2)བོད་དུ་བྱུང་ཚུལ་ནི། བོད་དུ་ཆོས་འཁོར་རྣམ་གསུམ་སྐུ་རྣམས་སྔ། ། བོད་ཡུལ་དུ་སྤྲུལ་པའི་རྒྱལ་པོ་སྲོང་་བཙན་སྒམ་པོའི་དུས་ཁྲ་འབྲུག་གི་རྟེན་གཙོ་རྣམས་རང་བྱོན་ཁོ་ནར་གྲགས་པ་དང་། ར་སའི་རང་བྱུང་ཐུགས་རྗེ་ཆེན་པོ་སོགས་དང་། ཁྲི་སྲོང་གི་དུས་འབུར་བཟོའང་རིམ་མཁས་གྱུར། ། ཅེས་རི་མོ་ནི་ཐོག་མར་བལ་རིས་ཁོ་ན་དར་སྲོལ་ཆེ་བ་ལས། ཇི་ཞིག་ནི་འཇམ་པའི་དབྱངས་མི་ཡི་ཡུལ་ཅན་སྨན་བླ་དོན་གྲུབ་ཞབས་ལྷོ་བྲག་སྨན་ཐང་དུ་སྐུ་འཁྲུངས་པ་དང་། ཡུལ་དེའི་མཚལ་ཁ་ཡང་བྱེ། ཆུང་མའི་རྐྱེན་གྱིས་ཡུལ་འཁྱར་ཏེ་གཙང་དུ་བྱོན་ནས་རྡོ་པ་བཀྲ་ཤིས་རྒྱལ་པོ་ལས་རི་མོ་གསན། སྐུ་སྐྱེ་བ་སྔ་མ་རྒྱ་ནག་ཏུ་འཁྲུངས་དུས་ཀྱི་རི་མོ་སི་ཐང་གཟིགས་པས་སྔོན་གནས་དྲན་ཏེ་སྨན་ཐང་ཆེན་མོར་གྲགས་པ་སོགས་ཕུལ་དུ་བྱུང་བའི་རི་མོའི་རྒྱུན་མཛད་ཅིང་སྲས་བརྒྱུད་དང་སློབ་བརྒྱུད་གཉིས་ཀྱི་རྒྱུན་བྱུང་། ཡང་མཁྱེན་བརྩེ་ཆེན་མོ་ཞེས་གོང་དཀར་སྒང་སྟོད་དུ་བྱུང་བ་དེས་ཀྱང་སྔ་མ་ལས་ཟུར་དུ་བཟོ་རྒྱུན་མཛད་དེ་སྨན་མཁྱེན་གཉིས་ཞེས་གངས་ཅན་དུ་ཉི་ཟླ་ལྟར་གྲགས་པའི་ཤིང་རྟའི་སྲོལ་སོ་སོ་བར་གྱུར། གཞན་ཡང་བཟོ་གནས་འདིའི་ཆེད་དུ་ངལ་བ་མེད་པར་ཉུལ་བས་སྤྲུལ་སྐུ་བྱིའུར་གྲགས་པ་རིག་རྩལ་བླ་ན་མེད་པས་བཟོ་རྒྱུན་སྔ་མ་གཉིས་ཀ་དང་མི་གཅིག་པ་ཚོན་མདངས་ནི་གཞོན་ལས་ཀྱང་ཁྱད་པར་འཕགས་པ་ཞིག་བྱུང་། ཕྱིས་སུ་གཙང་པ་ཆོས་དབྱིངས་རྒྱ་མཚོས་སྨན་གསར་གྱི་སྲོལ་བཏོད། དེ་སོགས་བཟོ་རྒྱུན་གཞན་དུ་མ་བྱུང་ཡང་གཙོ་ཆེར་སྔ་མ་དེ་དག་གི་ཁོངས་སུ་གཏོགས། ཡང་ཡར་སྟོད་དུ་སྤྲུལ་སྐུ་ནམ་མཁའ་བཀྲ་ཤིས་ཞེས་གྲུགས་པ་བྱུང་། རྗེ་མི་བསྐྱོད་ཞབས་ཀྱིས་ཉིད་ཀྱི་སྤྲུལ་པ་སྐུ་གཟུགས་ཀྱི་ཕྲིན་ལས་སྤྲེལ་བ་པོར་ལུང་བསྟན། ཞྭ་དམར་དཀོན་མཆོག་ཡན་ལག་དང་རྒྱལ་ཚབ་གྲགས་པ་དོན་གྲུབ་ཀྱིས་ཞལ་བཀོད་མཛད་དེ་ཨེ་ནས་སྐལ་ལྡན་ཤར་ཕྱོགས་པ་དཀོན་མཆོག་ཕན་བདེ་བྱ་བ་རྒྱལ་མོ་བཟའ་ཀོང་ཇོའི་སྤྲུལ་པར་གྲགས་པ་དེ་ལས་སྨན་རིས་ཀྱི་རྒྱུན་བསླབས། རུས་ཚུགས་རྒྱ་གར་ལི་མ་དང་སྨན་ཐང་ལུགས་གཞིར་བཞག་པ་ལ་ཏཱ་མིང་དུས་ཀྱི་སི་ཐང་བཞིན་ཡུལ་ལྗོངས་བཀོད་པ་སོགས་པ་དང་ཚོན་མདངས་མཛད་པ་ལ་སྒར་བྲིས་སུ་གྲགས་པའི་བྲི་རྒྱུན་འདི་བྱུང་། དེ་རྗེས་ཆོས་བཀྲ་ཤིས་བྱ་བ་ཞིག་བྱུང་བར་གྲགས་ཤིང་། ཕྱིས་སུ་ཀར་ཤོད་ཀརྨ་བཀྲ་ཤིས་ཞེས་རི་མོའི་ལམ་སྲོལ་ལ་འགྲན་ཟླ་བྲལ་བའི་རྒྱུན་ད་ལྟའང་གནས་པ་བཅས་མདོར་ན་བཀྲ་ཤིས་རྣམ་པ་གསུམ་གྱིས་སྒར་བྲིས་སྲོལ་རྒྱ་ཆེན་བཏོད། དེ་བཞིན་དུ་འབུར་ལ་ཕུལ་དུ་བྱུང་བ་ནི་སྤྲུལ་སྐུ་སླེའུ་ཆུང་པ་དང་། པདྨ་མཁར་པ་གཉིས་ཡིན་ལ། ཕྱིས་སུ་སྒར་ལུགས་མཁས་པ་དྭགས་པོ་སྒོ་པའི་ཞལ་ངོ་སྐུ་མདུན་ཀརྨ་སྲིད་བྲལ་ལམ་སྒོ་སྨྱོན་ཞེས་མཚུངས་པ་མེད་པའི་བློ་གྲོས་ཅན་རྗེ་བརྒྱད་པའི་སྐུའི་སྤྲུལ་པར་གྲགས་པ་དེ་དང་། གོང་ས་ལྔ་པ་ཆེན་པོའི་དུས་སུ་བྱུང་བའི་ཨེ་པ་ལྐུགས་པའམ་ཧོར་དང་ཅེས་པ་དང་། སྤྲུལ་སྐུ་བབ་ཕྲོ་ཞེས་སྤྲུལ་པའི་བཟོ་བོར་གྲགས་པ་དེ་དག་གི་རྒྱུན་ལས་ཕྱིས་སུ་འབུར་ལ་ཁྱད་པར་འཕགས་པ་འདོད་དཔལ་གྱི་བཟོ་རྒྱུན་སོགས་བྱུང་བར་ངེས་སོ། ། [3]ཞར་བྱུང་གཞུང་གི་ཁུངས་སྨོས་པ་ནི། དུས་འཁོར་སྡོམ་འབྱུང་ཤཱ་རིའི་བུས་ཞུས་མདོ། ། རྒྱ་བོད་གཞུང་ལུགས་ཆགས་ཚད་སྟོན་པ་མང་། ། ཞེས་དེ་དག་གི་ཁུངས་དང་རྣམ་གཞག་གང་ནས་བྱུང་ཞེ་ན། དཔལ་དུས་ཀྱི་འཁོར་ལོ་རྩ་འགྲེལ། སྡོམ་འབྱུང་རྩ་འགྲེལ། ཤཱ་རིའི་བུས་ཞུས་པའི་མདོ་རྣམས་དང་། ཀྲྀ་ཡ་ས་མུཙྪ། མཆོད་རྟེན་གྱི་ཆ་དབྱེ་བ། བརྒྱད་སྟོང་འགྲེལ་ཆེན། ཀོ་ས་ལའི་རྒྱུན་ལ་སོགས་པ་རྒྱ་གཞུང་དང་། སྨན་མཁྱེན་རྣམ་གཉིས། བུ་སྟོན་དང་རྗེ་མི་བསྐྱོད་ཞབས་ཀྱི་ཉི་མ་ཆེན་པོའི་མེ་ལོང་། ཕྱིས་སུ་རྒྱུགས་ཆེ་བའི་སྡེ་སྲིད་སངས་རྒྱས་རྒྱ་མཚོའི་གཡའ་སེལ་སོགས་བོད་ཀྱི་གཞུང་ལུགས་ཆག་ཚད་སྟོན་པའི་ཡི་གེ་ཤིན་ཏུ་མང་ངོ་། །3.གསུང་རྟེན་ཡི་གེའི་བྱུང་ཚུལ་ནི། ཡིག་རིགས་དུ་མ་སོ་སོའི་ཡུལ་ནས་བྱུང་། ། ཞེས་ཡི་གེ་ནི་སྒྲ་དང་སྐད་ཀྱི་རྗེས་སུ་འགྲོ་བས་ཡུལ་ཁམས་རེ་རེ་ལའང་སྒྲ་དང་ཡིག་རིགས་ཅུང་ཟད་ཅུང་ཟད་མི་འདྲ་བ་དུ་མ་འབྱུང་བས་མཐའ་གཅིག་ཏུ་རྣམ་པར་གཞག་པར་བྱུར་མ་མཆིས་ཤིང་། ཕྱི་རོལ་པ་རྣམས་ཀྱིས་བྱེད་པོ་ཉེར་བཞིར་འདོད་པའི་ནང་ཚན་ཡི་གེའི་བྱེད་པོ་ལྷ་རྟག་ཏུ་ཞི་བ་སྟེ་དབང་ཕྱུག་ཆེན་པོས་བྱས་པར་འདོད། དེའང་རྒྱ་གར་ནས་རྒྱ་གར་གྱི་ཡིག་རིགས་སོགས་སོ་སོའི་ཡུལ་ནས་འབྱུང་བ་དང་དེའང་སྔ་བ་ནུབ་ཅིང་གསར་པ་དར་བ་སོགས་མང་སྟེ། རྒྱ་གར་དུ་བསྟན་པ་གནས་པའི་ཚེ་ལཉྩ་དང་ཝརྟུ་ལ་ན་ག་ར་ཡིག་སོགས་གཙོ་བོར་དར་ལ་བསྟན་པ་ནུབ་ནས་ཀླ་ཀློའི་ཡི་གེ་ཁོ་ན་དར་བ་དང་། རྒྱ་ནག་ཏུ་དྷཱི་ལྔ་ལ་སོགས་པའི་དུས་སུ་བརྐོས་ཡིག་དང་འཕུལ་ཡིག་སོགས་བྱུང་ལ། ཕྱིས་སུ་བློན་ཆེན་ལི་ཙེས་དམག་ལ་སྡོད་པའི་སྐབས་རི་བོང་གི་མཇུག་མ་ལ་པིར། སྒྲོན་ཤིང་གི་དུ་བས་སྣག་ཚ་བྱས་ཏེ་བྲིས་ཡིག་བརྩམས་པར་བཤད་པ་སོགས་ཆེས་མང་ངོ་། ། གསུང་རྟེན་གླེགས་བམ་གྱི་ཐོག་མ་ནི། འཁོར་ལོ་བར་པ་བརྒྱ་བྱིན་གྱིས་གསེར་གྱི་གླེགས་བུ་ལ་བཻཌཱུརྻའི་ཞུན་མས་བྲིས་པ་དང་། རྒྱལ་མཚན་རྩེ་མོའི་དཔུང་རྒྱན་གླེགས་བམ་ལ་བྲིས་ཏེ་རྒྱལ་མཚན་གྱི་ཚེ་མོར་བཏགས་པས་ལྷ་མིན་གྱི་གཡུལ་བཟློག་པ་དང་། སྟོན་པའི་བཀའི་གླེགས་བམ་འཚོང་དུ་མ་གནང་ཞིང་མུ་སྟེགས་ཀྱི་གཞུང་གནང་བར་འདུལ་བ་ལུང་ལས་བཤད་པས་དེ་དག་བྱུང་བར་གྲུབ་ཅིང་། བཀའ་བསྡུའི་ཚེ་སྡུད་པ་པོ་རྣམས་ཀྱིས་རང་རང་གི་ཡུལ་དུ་སོ་སོའི་སྐད་ཀྱིས་བྲིས་པ་ལས་རིམ་པར་འཕེལ་བར་གྱུར་ཏོ། ། བོད་དུ་ཐོན་མིས་འཕགས་ཡུལ་མཁས་པ་ལས། ། སྒྲ་ཡིག་བསླབས་ལ་དཔེར་བྱས་ཡི་གེའི་གཟུགས། ། བོད་ལ་ཉེར་མཁོའི་འཕྲི་བསྣན་བཅས་པ་དང་། ། སུམ་རྟགས་ལ་སོགས་བརྡ་དག་གཞུང་བརྒྱུད་མཛད། གཡུ་ཁྲི་སུམ་པ་སོགས་ཀྱིས་དར་རྒྱས་སྤེལ། ། ཞེས་དེའང་དྲི་མེད་འོད་ལས། བོད་ཀྱི་ཡུལ་དུ་ཐེག་གསུམ་བོད་ཀྱི་སྐད་ཀྱིས་བྲིས་ཏེ་ཞེས་སོགས་གསུངས་པ་ལྟར་བོད་ཡུལ་ན་ཐོག་མར་ཡི་གེ་དང་བརྡ་ལེགས་པར་སྦྱོར་བ་མེད་པ་ལ། ཆོས་རྒྱལ་སྲོང་བཙན་སྒམ་པོའི་བློན་ཆེན་འཇམ་དབྱངས་རྣམ་འཕྲུལ་ཐུ་མི་སམ་བྷོ་ཊ་ལ་ཆོས་ཀྱི་རྒྱལ་པོ་བྱང་ཆུབ་སེམས་དཔའི་བཀས་བསྐུལ་བ་དང་རང་ཉིད་བྱང་ཆུབ་སྤྱོད་པའི་སྨོན་ལམ་ཁྱད་པར་ཅན་དུས་སུ་སད་པའི་མཐུས་འཁོར་བཅུ་དྲུག་དང་བཅས་འཕགས་ཡུལ་དུ་ཕྱིན་ཏེ་པཎྜི་ཏ་ལྷ་རིག་པའི་སེང་གེ་དང་། བྲམ་ཟེ་ལི་བྱིན་སོགས་མཁས་པ་རྣམས་ལས་སྒྲ་དང་ཡི་གེ་ཕུལ་དུ་ཕྱིན་པ་བསླབས་ནས་བོད་དུ་བྱོན། རྒྱལ་པོར་བྱ་དཀའི་ལམ་ནས་དྲངས་པའི་བསྟོད་པས་ཆེད་དུ་བརྗོད་པས་དགྱེས། སྐུ་མཁར་མ་རུར་ན་ག་ར་ཡིག་ལ་དཔེར་བྱས་ནས་བོད་ཡིག་གི་གཟུགས་གསར་དུ་མཛད་དེ་དེའང་བོད་སྐད་ལ་མི་མཁོ་བའི་དབྱངས་གསལ་རྣམས་དོར། ཉེ་བར་མཁོ་བའི་ཡི་གེ་དྲུག་བསྣན་ཏེ་མ་ཡིག་སུམ་ཅུ་བུ་དྲུག་དུ་གྲགས་པ་དང་བཅས་ཡི་གེའི་སྲོལ་གཏོད་པ་དང་། སུམ་ཅུ་པ་དང་རྟགས་ཀྱི་འཇུག་པ་སོགས་བརྡ་སྤྲོད་པའི་གཞུང་ལུགས་བརྒྱད་མཛད་པར་གྲགས་པ་ལས་སུམ་རྟགས་མ་གཏོགས་པའི་འཕྲོས་དྲུག་པོ་གླང་དར་སྐབས་སུ་ནུབ་པར་བཤད། དེའི་ཡིག་རྒྱུན་རིམ་གྱིས་བརྒྱུད་དེ་ཁྱུང་པོ་གཡུ་ཁྲི་དང་སུམ་པ་གནོད་སྦྱིན་སོགས་ཀྱིས་ལེགས་པར་གཏན་ལ་ཕབ་སྟེ་དར་རྒྱས་སུ་སྤེལ་བ་ཡིན་ནོ། །ར་གཏན་ལ་ཕབ་སྟེ་དར་རྒྱས་སུ་སྤེལ་བ་ཡིན་ནོ། །)
Dictionaries/chos rnam kun btus/2356 + (1.ཐོག་མར་སུ་ཞིག་གིས་དྲན་ཅིང་གང་ལས་བརྒྱུད་པ … 1.ཐོག་མར་སུ་ཞིག་གིས་དྲན་ཅིང་གང་ལས་བརྒྱུད་པ་ནི། ཚངས་པས་ཐོག་མར་ཚེ་ཡི་རིག་བྱེད་དྲན། ། བདུད་རྩི་བཙལ་ཞིང་གསོ་དཔྱད་འབུམ་པ་མཛད། དབང་པོར་རིམ་བརྒྱུད་དེ་སློབ་རྒྱུན་ཤེས་བུས། ། ཚངས་བཤད་བསྡུས་པ་ཞེས་བྱའི་གཞུང་ཆེན་བརྩམས། ། ཞེས་དེ་ལ་ཡང་དག་པར་ནི་རིག་བྱེད་རྟག་པ་ཚད་མའི་ལོ་རྒྱུས་དང་བཅས་ལ་ནང་པའི་རྒྱུད་གཞུང་རྣམས་ལས་རྒྱ་ཆེར་བཀག་ཀྱང་། རིག་ལམ་ཐུན་མོང་བའི་སྐབས་འདིར་རིག་བྱེད་ཀྱི་གཞུང་དུ་གྲགས་པ་སོར་བཞག་པ་སློབ་དཔོན་དཔའ་བོ་སོགས་ཀྱི་དགོས་པ་ལ་གནས་པའི་དབང་དུ་བྱས་ནས་སྔོན་རྫོགས་ལྡན་ཆེན་པོའི་སྐབས་ཚེ་ལོ་དཔག་མེད་ནས་ཅུང་ཟད་འགྲིབ་སྟེ་ལྷ་མི་རྣམས་ལ་འཆི་བ་ཡོད་པའི་སྐབས་ཤིག་ལ་ལྷ་རྣམས་ཀྱིས་མི་འཆི་བའི་ཐབས་བགྲོས་པ་ན། ཚངས་པའི་འཁུར་ཚོས་ལས་བྱ་རྩོལ་མ་བྱས་པར་རང་བྱུང་གི་སྒྲ་ༀ་ཨ་ཐ། ཞེས་བྱ་བ་བྱུང་བ་ཟླ་ཟེར་ལས་བཤད། རིག་བྱེད་ཀྱི་གཞུང་འགའ་ཞིག་ཏུ་ཞལ་ནས་རང་བྱུང་དུ་བྱུང་བར་བཤད་ཅིང་། གང་ལྟར་དེའི་རྗེས་ཐོག་ཏུ་ཞལ་བཞི་ལས་རིག་བྱེད་བཞི་བྱུང་བར་བཤད་དེ། ཇི་སྐད་དུ། གང་ཕྱིར་ཚངས་པ་ཡི་ནི་ཞལ། ། དབུས་མ་ནས་ནི་ཚེའི་རིག་བྱེད། ། སྙན་ཚིག་ངེས་བརྗོད་མཆོད་སྦྱིན་རྣམས། ། ཞལ་གཞན་ནས་ནི་གསུངས་པར་མཛད། ། ཅེས་པ་ལྟར་ཐོག་མར་ཞལ་དབུས་མ་ནས་ཚེ་རིག་སྟེ་གསོ་རིག་རང་བཞིན་གྱིས་དྲན་ནས་བྱུང་། གཞན་རྣམས་རིམ་བཞིན་བྱུང་སྟེ། དེ་བཞི་ཀའང་སུས་ཀྱང་མ་བྱས་པས་རྟག་པ། བྱ་རྩོལ་གྱིས་མ་བསླད་པས་རང་བྱུང་། ཐམས་ཅད་བརྗོད་དུ་རུང་བའི་ཚད་མ་སྟེ་ཆོས་གསུམ་ལྡན་དུ་འདོད། དེ་རྗེས་རྒྱ་མཚོ་ལས་བདུད་རྩི་བཙལ་བའང་མནྡ་རས་སྲུབ་ཤིང་། ནོར་རྒྱས་བུས་སྲུབ་ཐག་བྱས་ཏེ། ཚངས་པའི་འཇིག་རྟེན་གྱི་སྨན་དང་བཅུད་རྣམས་བཅུག་ནས་ཆེར་བསྲུབས་པ་ན། ཐོག་མར་ནག་པོ་བརྩེགས་པ་དོན་པ་ཚངས་པས་ཧཱུྃ་གིས་བསྡིགས་པས། རྒྱུ་བ་དང་མི་རྒྱུ་བ་ལ་ཐིམ་པ་ནི་དུག་ཅེས་གྲགས། དེ་ནས་དཔལ་མོ་རྟ་མཆོག་གླང་པོ་ཉི་ཟླ་སོགས་རིམ་པར་བྱུང་། ཆང་ཞེས་བྱ་བ་བྱུང་བའི་ཚེ་ཁ་ཅིག་འཇིགས་ནས་མ་འཐུང་བ་ལ་ལྷ་མ་ཡིན་དང་། འཐུང་ནུས་པ་རྣམས་ལ་ལྷར་གྲགས། མཐར་བདུད་རྩི་སྣོད་ཆེན་པོ་བརྒྱད་གང་བ་བྱུང་བ་ལྷ་མིན་གྱིས་འཕྲོགས། ཁྱབ་འཇུག་དང་བརྒྱ་བྱིན་གྱིས་བརྫུ་བག་ལ་བརྟེན་བརྐུས་ནས་སླར་ཐོབ་པ་ལྷ་རྣམས་ཀྱིས་འཐུངས་པས་ལྷ་ལ་འཆི་མེད་དུ་གྲགས། དེ་ནས་གསོ་དཔྱད་འབུམ་པ་ཞེས་བྱ་བའི་གཞུང་ཆེན་པོ་བྱུང་བ་ཚངས་པས་རང་གི་བུ་སྐྱེ་དགུའི་བདག་པོ་མྱུར་བ་ལ་བཤད། དེས་ལྷའི་སྨན་པ་ཐ་སྐར་གྱི་བུ་གཉིས། དེས་དབང་པོ་བརྒྱ་བྱིན་ལ་རིམ་པར་བརྒྱུད་ཅིང་བཤད། དེས་རྒྱུན་ཤེས་བུ་ཐང་ལ་འབར། དཀའ་གཉིས་སྤྱོད། མུ་ཁྱུད་འཛིན། འདྲོབས་སྐྱོང་གི་བྱ། བཤོལ་འགྲོ་སྐྱེས་རྣམས་ལ་བཤད། སྔ་མས་ཚངས་པའི་བཤད་པ་བསྡུས་པ་ཞེས་བྱ་བའི་གཞུང་ཆེན་པོ་བརྩམས་སོ། ། མེ་བཞིན་འཇུག་སོགས་ལྷ་ལས་མིར་བརྒྱུད་དེ། ། ཧ་རི་ཙནྡྲས་ཙ་ར་ཀ་ལ་སོགས། ། དྲང་སྲོང་མཁས་པས་སྨན་དཔྱད་གཞུང་མང་བརྩམས། ། ཞེས་སྨོས་མ་ཐག་པའི་དྲང་སྲོང་ཆེན་པོ་དེ་དག་གི་མེ་བཞིན་འཇུག ལུག་ནག་དང་རྒྱ་སྐྱེག་སྣ། མདའ་མཆོག་དང་ལཉྩའི་ལག་པ་སོགས་ལ་བཤད་ཅིང་དེ་དག་སོ་སོས་གཞུང་རྩིང་ཞིབ་སྣ་ཚོགས་བྱས། ལྷའི་དྲང་སྲོང་དེ་དགུ་ལས་རིམ་གྱིས་མིར་བརྒྱུད་ནས་བྱུང་སྟེ། དེ་ལྟར་ཡང་གཅེས་གྲུབ་ལས། ཚེ་འཛིན་པའི་རིག་བྱེད་འདི་ནི་ཚངས་པས་མཐོ་རིས་སུ་བཤད་དེ། རིམ་གྱིས་ཡུལ་ཀཱ་ཤིའི་རྒྱལ་པོས་མི་རྣམས་ལ་བཤད་དོ། ། ཞེས་འཕགས་ཡུལ་ཀཱ་ཤིའི་ལྗོངས་སུ་གསོ་དཔྱད་ཐོག་མར་བྱུང་བར་བཤད། དེ་ནས་རིམ་གྱིས་འཕེལ་ཏེ་སྨ་ཚོགས་ཀྱི་རིག་བྱེད་རྒྱ་མཚོ་འཛིན་པ་དྲང་སྲོང་གཞུང་ལ་སྐྱེས་ཀྱི་བུ། ཉི་མ་དང་། ཟླ་བའི་སྙིང་པོ། ཤཱ་ལི་ཧོ་ཏྲ། རི་བྱི་དང་། གནས་འཇོག་ལ་སོགས་དུ་མ་བྱུང་ནས་གཞུང་མང་པོ་བྱས། ཡང་རྒྱལ་པོ་དྲང་སྲོང་ཆེན་པོ་དཔལ་ལྡན་དགོད་པ་དང་བཅས་པས་མཚན་པ་དང་། རིག་བྱེད་ཀུན་གྱི་བདག་པོ་དྲང་སྲོང་ཧ་རི་ཙནྡྲའམ། མཐོ་བཙུན་ཙ་ར་ཀ་ཞེས་པ་བྱུང་བ་དེས་སྨན་དཔྱད་ཀྱི་བསྟན་བཅོས་ཙ་ར་ཀ་ཞེས་བརྩམས། དེའི་བུ་བརྒྱུད་ལ་སྨན་པ་ཆེན་པོ་དཔལ་ལྡན་ནག་པོ། རོལ་པས་སྒེག གདོང་ཅན་ཟླ་བ། རིན་ཆེན་འབྱུང་གནས། འཇུག་པ་བཅས་དཔལ་གྱི་མིང་དང་ལྡན་པ་བྱུང་། ཡང་དཔལ་ལྡན་ནག་པོའི་བུ་ཚངས་པ། དེའི་བུ་དབང་ཕྱུག་ཆེན་པོ་ས་སྟེང་ཉི་འོག་གི་མཁས་པ་ཆེན་པོར་གྲགས་པ་དེས་མངོན་བརྗོད་སྣ་ཚོགས་གསལ་བ་མཛད། གཞན་ཡང་དྲང་སྲོང་མཁས་པ་རྣམས་ཀྱིས་སྨན་དཔྱད་ཀྱི་གཞུང་མང་དུ་བརྩམས་ཏེ་རྒྱུན་ཤེས་པས་ཚངས་པས་བསྟན་པ་བསྡུས་པ། ལེགས་ཐོས་ཀྱིས་བྱེ་བྲག་བཅོས། མཐོ་བཙུན་དཔལ་འཕེལ་གྱིས་གཅེས་བཏུས་ལ་སོགས་པ་དུ་མའི་ནང་ནས་གྲགས་ཆེ་བ་བརྒྱུད་ཡོད་པར་བཤད་དོ། །2.བར་དུ་སྟོན་པས་ཇི་ལྟར་གསུངས་ཚུལ་ནི། སྟོན་པས་འདུལ་མདོ་རྒྱུད་སོགས་ཐོར་བུར་གསུངས། ། དེ་ཚེ་རྒྱུན་ཤེས་གཞོན་ནུས་གསོས་སོགས་བྱུང་། ། སྨན་གྱི་ནགས་སུ་རྒྱུད་བསྟན་ཁ་ཅིག་འདོད། ། ཅེས་བདག་ཅག་གི་སྟོན་པ་ཤཱཀྱའི་དབང་པོས་བཀའ་འཁོར་ལོ་དང་པོའི་སྐབས་སུ་འདུལ་བ་ལུང་གི་དུམ་བུ་གསུམ་པར་སྨན་ལུང་དུ། སྨན་དང་མས་བཏང་གི་དཔྱད་ལ་སོགས་པ་ཉུང་ཟད་ཙམ་བཤད། གཙོ་བོར་དགེ་སློང་རྣམས་ཀྱི་སྨན་རྣམ་པ་བཞི་པོ་དུས་སུ་རུང་བ་དང་། ཐུན་ཚོད་དུ་རུང་བ། ཞག་བདུན་པ་དང་། ཇི་སྲིད་འཚོ་བའི་བར་དུ་བཅང་བ་རིམ་པ་ལྟར་ལྡེ་གུ་སོགས་དང་། ཤིང་ཏོག་ཞོ་ཙམ་གྱི་བཏུང་བ་སོགས་དང་། བུ་རམ་ཞུན་མར་སོགས་དང་། རྩ་བའི་སྨན་ལ་སོགས་བཀའ་བསྩལ་པ་དང་དེའི་ཞར་དུ་འཚོ་བྱེད་གཞོན་ནུས་གསོས་ཀྱི་གླེང་གཞི་རགས་རིམ་བཅས་བྱུང་བ་ཡིན། དེ་ནས་མདོ་སྡེ་གསེར་འོད་དམ་པ་གསུངས་པའི་ཚེ་སྔོན་བྱུང་བ་འདས་པའི་དུས་ཀྱི་སངས་རྒྱས་རིན་ཆེན་གཙུག་ཏོར་ཅན་གྱི་བསྟན་པ་ལ་སངས་རྒྱས་ཉིད་ཚོང་དཔོན་གྱི་བུ་ཁྱེའུ་ཆུ་འབེབས་སུ་གྱུར་པའི་ཚེ་རང་གིས་སྨན་པ་ཆེན་པོ་རལ་པ་འཛིན་པ་ལ་ཁམས་ལ་མཁས་པར་བྱ་བ་དྲིས་པ་ལ། ཟླ་གསུམ་དབྱར་སྟེ་ཟླ་གསུམ་སྟོན་དུ་ཤེས། ། ཞེས་བྱ་བ་ལ་སོགས་གློ་ཀ་དགུ་དང་། ཆེ་བ་རྒྱ་ནག་ཏུ་འགྱུར་བ་ལས། ངས་དེར་སྔོན་གྱི་དྲང་སྲོང་གི ། ནད་ཀྱི་གསོ་དཔྱད་ལ་བསྟེན་ནས། ། ཞེས་སོགས་ཅུང་ཟད་རྒྱས་པ་དག་ཀྱང་སྔོན་ཕ་ཚོང་དཔོན་རལ་པ་འཛིན་གྱིས་དྲང་སྲོང་གི་ལུགས་ལྟར་བཤད་པའི་ཚིག་རྣམས་བསྒྱུར་ནས་གསུངས་པ་དང་། རྒྱུད་མཁའ་འགྲོ་རྒྱ་མཚོ་ལས། དེས་ན་སེམས་ཅན་ཀུན་ཕན་ཕྱིར། ། ཐམས་ཅད་སྙིང་པོར་བསྡུས་པ་ཡིན། ། ཞེས་སོགས་བཅུད་ལེན་གྱི་ཚུལ་དང་། འདས་པའི་དུས་སོགས་སྔོན་བྱུང་བའི། ། བདེ་ཆེན་བསྐལ་པ་དང་པོ་རུ། ། ཞེས་སོགས་དངུལ་ཆུའི་བྱུང་ཚུལ་སྦྱར་ཐབས་བཅས་པ་དང་། རོ་དྲུག་སོ་སོའི་སྡེ་ཚན། སྨན་དང་རིན་ཆེན་སྣ་ཚོགས་ཀྱི་སྐྱེ་ཡུལ་བཟང་ངན་སོགས་རགས་པ་ཙམ་དང་། ཤིན་ཏུ་འཁྱག་དང་སྤྲིན་འཁྲིགས་རུང་། ། ཁྱད་པར་དུ་ནི་སོ་གའི་མཐར། ། ཞེས་སོགས་དུས་བཞིར་ནད་གསོག་ལྡང་ཞི་བའི་ཚུལ་རགས་པ་ཙམ་གསུངས་སོ། ། དཔལ་དུས་ཀྱི་འཁོར་ལོ་ལས་ཀྱང་། ལུས་འདི་ལ་ནི་སེམས་ཀྱི་ཚོགས་རྣམས་མཐའ་དག་རོ་དྲུག་ཟོས་ཤིང་འཐུང་བ་དག་ལས་གྱུར་པ་སྟེ། ། ཞེས་སོགས་ལུས་ཆགས་པའི་ཚུལ་དང་། རླུང་འཇོམས་ལན་ཚྭ་སྐྱུར་པ་དག་ཏུ་རབ་ཏུ་འགྱུར་ཏེ་མངར་དང་ཁ་བ་དག་ནི་མཁྲིས་པའི་དགྲ། ། ཞེས་སོགས་ཕྱི་ནང་གི་སྨན་བསྟེན་ཚུལ་དང་། འཆི་བའི་འཇིགས་པ་སྟེར་བར་བྱེད་པའི་ཚེར་མ་ཅན་གྱི་གདོན་ནི་ངེས་འཇོམས་ཏེ། ། ཞེས་སོགས་འབྲུམ་པ་ལ་སོགས་པ་སྲུང་བ་དང་། གསོ་བའི་ཐབས་དང་བཅུད་ལེན་དང་། སྦྲུམ་མ་བདེ་བར་བཙའ་བའི་འཁྲུལ་འཁོར་སོགས་དང་། བླ་གནས་ཀྱི་འཕོ་ཚུལ་སོགས་གསུངས་པ་རྣམས་ཀྱང་ཚེའི་རིག་བྱེད་དང་། འདོད་པའི་བསྟན་བཅོས་སོགས་རིག་བྱེད་རྣམས་དང་གོ་བསྟུན་ནས་གསུངས་པ་ཡིན་ལ། གཞན་ཡང་གཤིན་རྗེ་གཤེད་དམར་པོའི་རྒྱུད་སོགས་ནས་ཀྱང་ཕྲན་ཚེགས་ཀྱི་ནད་གསོ་བ་དང་། བཅུད་ལེན་གྱིས་མཚོན་ཐོར་བུར་གསུངས་པ་མང་ངོ་། ། སྟོན་པ་ཞལ་བཞུགས་པ་དེའི་ཚེ་རྡོ་འཇོག་གི་རྒྱལ་པོ་པདྨའི་སྙིང་པོའི་བླ་སྨན་པ་རྒྱུན་ཤེས་ཀྱི་བུ་དང་། དེའི་སློབ་མ་འཚོ་བྱེད་ཆེན་པོ་གཞོན་ནུས་གསོས་ཞེས་མི་ལས་འདས་པའི་སྨན་པ་ཆེན་པོ་དེ་ལ་སོགས་པའང་བྱུང་ཡང་གཞུང་བརྩམས་པར་ནི་མ་གྲགས་སོ། ། ཡང་བྱེ་བྲག་ཏུ་བཤད་པ་ལས། སྨན་གྱི་ནགས་སུ་ལོ་བཞི་སྟེ། ། ཞེས་འབྱུང་བས་དེར་བཞུགས་པའི་ཚེ་དཔལ་ལྡན་རྒྱུད་བཞི་སོགས་བསྟན་ཏོ་ཞེས་ཁ་ཅིག་གི་འདོད་པའང་སྣང་ངོ་། རིན་ཆེན་སྤུངས་པའི་འཁྲུལ་ངག་ལ་བརྟེན་ནས། ། གླེང་གཞི་འདི་ལ་ཅལ་ཅོལ་མང་སྨྲ་ཡང་། ། ཟུར་མཁར་ཕྱི་མའི་གསུང་ཉིད་ལེགས་བཤད་དོ། ། ཚན་པ་ཤི་ལ་ཧ་སོགས་སྲས་གསུམ་གྱིས་བྱས་པར་དངོས་སུ་བཤད་པའི་རིན་ཆེན་སྤུངས་པའི་གཞུང་ཉིད་འགའ་ཞིག་གིས་བཀའ་རུ་འདོད་ཅིང་དེའི་འཁྲུལ་པའི་ངག་ཕལ་ཆེར་ལ་བརྟེན་ནས་གླེང་གཞི་འདི་རིགས་ལ་བོད་ཀྱི་མཁས་པར་གྲགས་པ་འགའ་ཞིག་ཅལ་ཅོལ་མང་དུ་སྨྲ་ཡང་། ཟུར་མཁར་ཕྱི་མ་ལེགས་བཤད་འཚོལ་གྱི་གསུང་སྨན་གྱི་ཁོག་དབུབ་ལ་སོགས་པར་དགག་སྒྲུབ་རྒྱས་པར་མཛད་པ་ཉིད་དོན་ལ་གནས་པའི་ལེགས་བཤད་དུ་རྗེ་བསྟན་པའི་ཉིན་བྱེད་ཡབ་སྲས་རྣམས་བཞེད་དོ། ། 3.ཐ་མར་རྒྱ་བོད་དུ་ཇི་ལྟར་དར་བ་སྨོས་པ་ལ་གསུམ་སྟེ།(1)འཕགས་ཡུལ་དུ་དར་ཚུལ་ནི། དེ་རྗེས་ཉི་མ་སྲུང་བས་གཅེས་གྲུབ་དང་། ། འཕགས་པས་སྦྱོར་བ་བརྒྱ་པ་ལ་སོགས་མཛད། ། ཅེས་རྒྱལ་བ་འཇིག་རྟེན་ཏུ་བྱོན་པ་དེའི་རྗེས་སུ་འཕགས་ཡུལ་ནུབ་ཕྱོགས་རྟ་མཁན་གྱི་རིགས་ལས་བྱུང་པའི་སྨན་པ་ཉི་མ་སྲུང་བས་གཅེས་པར་གྲུབ་པའི་གཞུང་བྱས་ཀྱང་ཡན་ལག་བརྒྱད་ཇི་བཞིན་མ་ཚང་བས་འདི་ཤེས་པ་ལ་སྨན་པ་དང་། ཀ་ལཱ་པ་ཤེས་པ་ལ་སྒྲ་མཁན་ཏུ་མི་བརྩི་སྟེ། ཚིགས་སུ་བཅད་པའི་མཛོད་ལས། རྒྱུད་ཉུང་ཤེས་པའི་སྒྲ་མཁན་དང་། ། གཅེས་གྲུབ་ཤེས་པའི་སྨན་པ་དང་། ། དབྱིག་པ་ཐོགས་པའི་རལ་སྐོར་མཁན། ། འདི་གསུམ་འཇིག་རྟེན་བཞད་གད་གནས་། ། ཞེས་བཤད་དོ། ། འཕགས་པ་ཀླུ་སྒྲུབ་ཞབས་ཀྱིས་དྲང་སྲོང་གི་གཞུང་རྣམས་ལ་བརྟེན་ནས་སྦྱོར་བ་བརྒྱ་པ། སོགས་ཁོངས་ནས་འཚོ་བའི་མདོ་ཚིགས་སུ་བཅད་པ། རྩ་ཨ་ཝའི་ཆོ་ག སྨན་ཚན་པོའི་རིམ་པ། དངུལ་ཆུ་སྦྱོར་བ་རིན་ཆེན་ཕྲེང་བ། གསེར་འགྱུར་དང་དྲིའི་སྦྱོར་བ་རྣམས་མཛད་དོ། ། རྒ་ལོ་ལུགས་ཀྱི་ཕྱག་བཞི་པའི་ལོ་རྒྱུས་རྣམས་སུ། ཤར་ཕྱོགས་མྱ་ངན་མེད་པའི་ཡུལ། ཆོས་བཟང་སྤྲིན་གྱི་ཡང་རྫོང་རང་བྱུང་གི་མཆོད་རྟེན་ནས་ནག་པོའི་རྒྱུད་དང་། ལྷན་ཅིག་གསོ་བ་རིག་པའི་རྒྱུད་སོགས་འཕགས་པས་སྤྱན་དྲངས་པར་ཡང་བཤད་དོ། ། ཁྱད་པར་བསྟན་བཅོས་སྙིང་པོ་ལེགས་བསྡུས་པ། ། ས་གསུམ་དགེ་བའི་མཚན་ལྟས་བཅོ་བརྒྱུད་ཅན། ། ཡན་ལག་བརྒྱད་པ་ཕ་ཁོལ་མཛད་པ་ལ། ། ཟླ་བ་མངོན་དགས་འགྲེལ་པ་ཟླ་ཟེར་བྱས། ། ཞེས་གསོ་དཔྱད་ཀྱི་གཞུང་ཐམས་ཅད་ལས་ཁྱད་པར་དུ་གྱུར་ཅིང་ཚངས་པ་དང་དྲང་སྲོང་མང་པོའི་བསྟན་བཅོས་རྣམས་ཀྱི་ལེགས་པའི་ཆ་སྙིང་པོར་བསྡུས་པས། རྩོམ་པའི་ཚེ་འོག་ཀླུ་སྟེང་ལྷའི་ཡུལ་དུ་ངོ་མཚར་གྱི་ལྟས་གསུམ་གསུམ། བར་མིའི་ཡུལ་དུ་ལྟས་བཅུ་གཉིས་ཏེ་ས་གསུམ་དུ་དགེ་ཞིང་ལེགས་པའི་ལྟས་རྣམ་པར་འཕྲུལ་པ་བཅོ་བརྒྱད་དང་ལྡན་པ་ཡན་ལག་བརྒྱད་པ་ཞེས་བྱ་བའི་བསྟན་བཅོས་ལེའུ་བརྒྱ་དང་ཉི་ཤུ་ཡོད་པ་འདི་སྨན་པ་དགེ་འདུན་གསང་བའི་བུ་སྨན་གྱི་བུམ་པའམ། ཕ་ལ་གུས་པས་ཕ་ཁོལ་སོགས་མཚན་གྱི་རྣམ་གྲངས་དང་ལྡན་པ་དེས་མཛད།(2)རྒྱ་ནག་ཏུ་དར་ཚུལ་ནི། རྒྱ་ནག་ཡུལ་དུ་རྫོགས་ལྡན་མཇུག་ནས་བཟུང་། སྤྲུལ་པའི་རྒྱལ་བློན་རྣམས་ཀྱིས་རིམ་པར་བརྩམས། ། ཞེས་རྒྱ་ནག་གི་ཡུལ་དུ་རྫོགས་ལྡན་གྱི་མཇུག་ནས་བཟུང་སྤྲུལ་པའི་རྒྱལ་བློན་རྣམས་ཀྱིས་རིམ་པར་བརྩམས་པའི་ཚུལ་རྒྱ་ཆེར་རྒྱ་ནག་གི་སྨན་པ་མཁས་པས་མཛད་པའི་སྨན་གྱི་གླེང་གཞི་གསར་འགྱུར་ལས་བྱུང་སྟེ། འདིར་མཚོན་ཙམ་སྨོས་ན། རྒྱ་ནག་རྒྱལ་པོ་དྷི་ལྔ་ཡི་དང་པོ་སྤུ་ཧུ་ཧི་དྷཱིས་སྤར་ཁ་བརྒྱད་ཀྱི་ཕྱག་རྒྱ་བརྩམས། སྐུད་པའི་མདུད་པ་ལ་ཡི་གེའི་གཟུགས་བྱས་ནས་ཡི་གེ་ཐོག་མར་བྱུང་། མི་རྣམས་ཀྱིས་མི་ཤེས་པའི་དངོས་པོ་ནད་ཀྱི་རྒྱུ་མཚན་བསླབས། དེ་རྗེས་ཞིང་ཧུང་རྒྱལ་པོས་ཤིང་དང་རྩྭ་ལྡུམ་གྱི་རོ་མྱོང་ནས་སྨན་དཔྱད་ཀྱི་སྲོལ་བཏོད། དེ་རྗེས་ཧབ་ཏི་རྒྱལ་པོས་སློབ་དཔོན་ཁྱེ་ཕཱ་ཞེས་རྩ་ལྟ་བ་ལ་མཁས་པ་དེ་གོང་དུ་བཀུར་བས་ལྷ་རྗེ་ཞེས་གྲགས། དེས་རྩ་བ་དྲིས་པའི་མདོ་མཛད། དེ་ནས་གོང་མའི་བཀའ་ལྟར་ལུའི་ཀུང་སྨན་ལ་མཁས་པར་གྱུར་ནས་མདོ་ལེའུ་བཅུ་གཉིས་པ། ཁྲག་གཏར་བ་དང་མེ་བཙའི་ཡི་གེ་རྒྱས་པར་མཛད། དེ་རྗེས་ལྷ་རྗེ་ཝུའི་ཏི་ཞེས་ཤིན་ཏུ་མཁས་པ་དེས་མདོ་འགྲེལ་ཐེ་ཚོམ་རང་གྲོལ་ལེའུ་རྩ་གཅིག་པ་མཛད། གོང་མ་ཧྭན་ཅེས་བྱ་བའི་རིང་ལ་ཅུང་ཅུང་དང་ཧཱ་ཐོ་ཞེས་བྱ་བའི་སྨན་པ་ཡོངས་གྲགས་གཉིས་སོགས་སྔ་རྗེས་ཀུན་ཏུ་སྨན་པ་མཁས་པ་དང་གཞུང་ཆེ་ཆུང་དུ་མ་བྱོན་ཅིང་ཕྱིས་ཆིན་གྱི་རྒྱལ་རབས་བཞི་པ་གོང་མ་ཁྱེན་ནོང་ནས་སྨན་དཔྱད་ཀྱི་བསྟན་བཅོས་ཆེན་པོ་བརྩམས་པའང་ཀུན་མཁྱེན་ཆེན་པོའི་ཕྱག་ཏུ་བྱུང་བར་སྣང་ངོ་། །(3)བོད་དུ་དར་ཚུལ་ལ་ཡང་གསུམ་སྟེ། [1]བསྟན་པ་སྔ་དར་བྱུང་ཚུལ་ནི། སྲོང་བཙན་དུས་སུ་ལུགས་ཆེན་གསུམ་གྱི་གཞུང་། ། ཨག་ཚོམ་རིང་ལ་རྒྱ་བཟའི་ལུགས་རྣམས་དང་། ། ཧྭ་ཤང་བི་ཇི་སོགས་ཀྱིས་བསྒྱུར་བརྩམས་མང་། ། མཁས་མང་བགྲོས་པའི་སོ་མ་རཱ་ཛ་བྱུང་། ། ཞེས་སྲོང་བཙན་སྒམ་པོའི་སྐུ་རིང་ལ་འུན་ཤིང་ཀོང་ཇོས་སྨན་རྩིས་ཀྱི་གཞུང་བསྣམས་པ་ཧྭ་ཤང་མ་ཧཱ་དེ་བ་དང་དྷརྨ་ཀོཥ་གཉིས་ཀྱིས་བསྒྱུར། རྒྱ་གར་ནས་བྷ་ར་དྷྭ་ཛ། རྒྱ་ནག་ནས་ཧཱན་ཝང་ཧྭང་། ཏ་ཟིག་ནས་ག་ལེ་ནུས་ཞེས་བྱ་བའི་སྨན་པ་གསུམ་སྤྱན་དྲངས། འབུ་ཤག་མ་བུ་ཆེ་ཆུང་། རྒྱུ་དཔྱད་ཐོར་བུ། མགོ་སྔོན་བསྡུས་པ་སོགས་བསྒྱུར། སྨན་པ་གསུམ་བགྲོས་ནས་མི་འཇིགས་པའི་མཚོན་ཆ་ཞེས་བྱ་བ་ལུགས་ཆེན་གསུམ་གྱི་གཞུང་དུ་གྲགས་པ་བྱས། ག་ལེ་ནུས་ལ་འཛོ་རོ་ཞེས་སྨན་པའི་རིགས་བརྒྱུད་བྱུང་། མེས་ཨག་ཚོམ་གྱི་དུས་རྒྱ་མོ་བཟའ་གྱིམ་ཤིང་ཀོང་ཇོས་ཁྱེར་བའི་སྨན་རྩིས་ཀྱི་གཞུང་ལུགས་རྣམས་ཧྭ་ཤང་མ་ཧཱ་ཀྱིན་འདའ། ཁྱུང་པོ་ཙི་ཙི་དང་དོ་ཚུགས། རྒྱ་ཕྲུག་གར་མཁན། ཅོག་ལ་སྨོན་འབར་སོགས་ཀྱིས་བསྒྱུར། ཁྲོམ་གྱི་ཡུལ་ནས་བི་ཆེ་ཙན་པ་ཤེ་ལ་ཧ་བྱ་བའི་སྨན་པ་མཁས་པ་བཀུག་ནས་ལྷ་རྗེར་བཀུར་ཏེ་མ་གསུམ་བུ་བཅུ་བཞི། ཐུན་མོང་མིན་པའི་གསང་བའི་བུ་བཞི་སྟེ་རྒྱས་པའི་སྐོར་དང་། བེ་བུམ་སྨུག་པོ་ཏི་ཀ་ཡང་ཏིག་སྟེ་འབྲིང་པོ། བསྡུས་པ་ཡི་གེ་དམར་ཆུང་སོགས་བརྩམས། རྒྱ་ནག་གི་གཞུང་དུ་མ་བསྒྱུར། གཞན་ཡང་རྩོམ་རྒྱུད་སོགས་མང་དུ་བྱུང་བར་གྲགས་ཤིང་དེའི་བུ་བརྒྱུད་ལ་བི་ཇི་ཞེས་པའི་སྨན་པ་རྣམས་བྱུང་། ཧྭ་ཤང་དང་ཁྱུང་པོ་སོགས་མཁས་པ་མང་པོ་བགྲོས་ནས་གསོ་དཔྱད་གསར་འགྱུར་རྣམས་ཀྱི་དོན་སྙིང་པོར་བླངས་པ་སོ་མ་རཱ་ཛ་ཞེས་བྱ་བའི་གཞུང་ཆེན་བརྩམས། སྔ་ཕྱི་དེ་དག་ཕྱོགས་གཅིག་ཏུ་ཟ་འོག་གི་སྒྲོམ་བུར་བཞུགས་པ་ལ་བླ་དཔྱད་ཀྱི་གཞུང་འཚོ་བའི་མདོ་ཞེས་གྲགས་སོ། ། ཁྲི་སྲོང་དུས་ན་སྤྲུལ་པའི་སྲས་གསུམ་གཞུང་། ། པུ་སྟི་ཁ་སེར་རྒྱལ་བློན་དམངས་གསུམ་དང་། ། རྒྱ་ཞང་ཧོར་བོད་འ་ཞའི་མཁས་གཞུང་བཙུགས། ། ཞེས་ཆོས་རྒྱལ་ཁྲི་སྲོང་ལྡེའུ་བཙན་གྱིས་རྒྱལ་སྲིད་ཐོག་མར་སྐྱོང་བའི་དུས་སུ། རྒྱ་གར་ནས་དྷརྨ་རཱ་ཛ། རྒྱ་ནག་ནས་མ་ཧཱ་ཀྱིན་འདའ། ཏ་ཟིག་གམ་ཁྲོམ་ནས་ཙན་པ་ཤི་ལ་ཧ་སྟེ་སྨན་པ་ཆེན་པོ་གསུམ་ཞལ་འཛོམས་པ་ལ་སྤྲུལ་པའི་སྲས་གསུམ་གྲགས། དེ་གསུམ་བགྲོས་ནས་རྒྱལ་ཁམས་སོ་སོའི་ལུགས་དང་བསྟུན་པའི་སྨན་དཔྱད་ཀྱི་བསྟན་བཅོས་རིན་ཆེན་སྤུངས་པ་ཞེས་བྱ་བ་རྩ་བ་ཉི་ཟླའི་འཁོར་ལོ་འགྲེལ་པ་ཡན་ལག་དང་བཅས་པའི་གཞུང་ཆེན་པོ་བྱས། ཙན་པ་ཤི་ལ་ཧ་རང་ཡུལ་དུ་བྱོན་ཁར་སྲས་ལ་གདམས་པའི་སྐོར་ལ་མི་ཇིའི་པུ་སྟི་ཁ་སེར་དང་། དེ་རྒྱལ་པོ་ལ་ཕུལ་བས་རྒྱལ་པོའི་བླ་ཡིག་འོད་འབར་དུ་གྲགས། ཧྭ་ཤང་མ་ཧཱ་ཙེ་ཏས་རྒྱལ་བློན་དམངས་གསུམ་བསྡོམས་པ་རྩ་བ་རིན་པོ་ཆེའི་མཛོད་ལྔ། ཡན་ལག་མཛོད་ཆེ་འབྲིང་། སྤྱི་དོན་འགྲེལ་པ་ཕྱི་ལྟར་དམངས། ནང་ལྟར་བློན་པོ། གསང་བ་རྒྱལ་པོ་ལ་གདམས་པའི་སྐོར་གེགས་སེལ་དང་བཅས་པ་བསྒྱུར། སྐུ་ཚེའི་སྨད་ལ་མཐའ་བཞིའི་བླ་སྨན་དགུ་བྱོན་པ་སོགས་སྙིང་པོས་དབེན་པའི་བཤད་སྒྲོས་ཡིན་ལ། རྒྱལ་པོའི་ཆིབས་ཤིན་ཏུ་གཅེས་པ་ཞིག་ན་བས་དཔྱད་ལ་སྨན་པ་མཁས་དགུ་ཆོལ་ལ་ཁྲིད་ཤོག་ཅེས་བཀའ་བསྒོས་པས། རྒྱའི་ཕྲུ་གུ་ཟེའུ་ཐོ། ཞང་ཞུང་གི་ཁུ་ལོད་མུ་ཁན། ཧོར་གྱི་མུ་གན་ཁྲི་གཟིགས། བོད་ཀྱི་ཅོག་རོ་མང་པོ་གཟིགས། འ་ཞའི་ཐ་ན་ཆུ་སྐྱེས་ལྔ་བཀུག་སྟེ་ཆིབས་གསོས། རྒྱལ་པོའི་བཀའ་ལྟར་མཁས་པ་ལྔས་རྒྱལ་ཁམས་ལྔའི་མན་ངག་ཆིག་དྲིལ་གྱི་གཞུང་བརྩམས་ཏེ་རྗེ་ལ་ཕུལ་བ་དར་སྲོལ་བཙུགས། ཁྲི་སྲོང་གི་སྐུ་ཚེའི་མཇུག་ཏུ་བསྙུན་གྱིས་ཐེབས་པས་སླར་མཐའ་བཞི་ནས་སྨན་པ་བཀུག་པས་གཞན་མ་བྱོན། རྒྱ་ནག་ནས་སྟོང་གསུམ་གང་བ་བྱོན། ལམ་དུ་གསོ་བ་དཀར་པོ་ལམ་གྱི་སྒྲོན་མེ་བྱ་བ་བརྩམས་ནས་རྒྱལ་པོ་ལ་སྐྱེས་སུ་ཕུལ་ཞིང་བསྙུན་ཀྱང་གསོས། མཐའ་བཞི་ཀའི་གོ་མི་གཅིག་གིས་ཆོད་པས་མཐའ་བཞི་སྟོང་གསུམ་གང་བར་བཏགས། གཡེར་སྟོད་ས་ཆ་བྱ་དགར་གནང་བའི་བརྒྱུད་ལ་མཐའ་བཞིའི་སྨན་པ་རྣམས་བྱུང་ངོ་། ། བཻ་རོས་རྩིས་སྨན་བསྒྱུར་སོགས་གཏེར་མའི་སྒྲོས། ། འཛོ་རོ་བི་ཇི་མཐའ་བཞི་བླ་སྨན་བརྒྱུད། ། ཅེས་ལོ་ཆེན་བཻ་རོ་ཙ་ནས་ཆོས་བོན་རྩིས་སྨན་འདྲེས་མར་བསྒྱུར་རོ་ཞེས་སོགས་གཏེར་མ་ཁ་ཅིག་གི་ཚིག་སྒྲོས་ལ་ཁུངས་བཅོལ་ནས་བརྟག་པར་སླ་བའི་བོད་གཞུང་མང་པོ་བཻ་རོས་བསྒྱུར་བའི་རྒྱུ་གཞུང་དུ་བཟུང་བ་སོགས་ནི་དཔྱོད་ལྡན་མཁས་པ་རྣམས་ཀྱིས་བཀག་ཟིན་ཅིང་། དེ་བཞིན་དུ་བོད་སྨན་མཁས་པ་མི་དགུ་ཆོས་རྒྱལ་གྱི་དུས་སུ་བྱུང་བར་འཆད་པའང་ཤིན་ཏུ་ནོར་ཏེ་དེ་དག་ཕལ་ཆེར་བསྟན་པ་ཕྱི་དར་གྱི་སྐབས་སུ་བྱུང་བ་ཡིན་ལ། གོང་སྨོས་འཛོ་རོ། བི་ཇི། མཐའ་བཞི་གསུམ་པོ་ནི་ཆོས་རྒྱལ་བླ་སྨན་གྱི་བརྒྱུད་པ་མ་འཁྲུལ་བ་ཡིན་ནོ། །[2]ཕྱི་དར་ལ་བྱུང་ཚུལ་ནི། ཕྱི་དར་རྒྱ་གཞུང་སྔ་རྗེས་བསྒྱུར་མང་ཡང་། ། རིན་ཆེན་བཟང་པོས་བརྒྱུད་པ་སྤེལ་བ་ལས། ། པུ་ཧྲོང་སྨན་པ་མི་བཞི་ལས་བརྒྱུད་དོ། ། ཞང་ཞིག་དར་མགོན་གཡུ་ཐོག་པ་ལ་སོགས། ། བོད་ཀྱི་གཞན་ཕན་ཅན་རྣམས་ཐོག་མར་གྱེས། ། ཞེས་བསྟན་པ་ཕྱི་དར་ལྷ་བླ་ཡེ་ཤེས་འོད་ཀྱི་སྐུ་ཚེའི་སྟོད་ལ་སྙེ་བོ་ལོ་ཙཱ་བ་དབྱིག་གི་རིན་ཆེན་སོགས་ཀྱིས་ཡན་ལག་བརྒྱད་པའི་སྙིང་པོ་བསྡུས་པ་དང་རང་འགྲེལ། གཅེས་གྲུབ་བསྒྱུར་བ་སོགས་རྒྱ་གཞུང་སྔ་རྗེས་སུ་བསྒྱུར་སྤེལ་མཛད་པ་མང་ཡང་། གཙོ་བོར་སྐྱེས་མཆོག་རིན་ཆེན་བཟང་པོས་ཁ་ཆེའི་པཎྜི་ཏ་དྡྷཱ་ན་ལ་གསེར་སྲང་བརྒྱ་ཕུལ་ནས་ཡན་ལག་བརྒྱད་པ་བསླབས། གཞུང་དེ་དང་ཟླ་ཟེར་རྟ་དཔྱད་ཤ་ལི་ཏོ་ཏྲ་སོགས་བསྒྱུར་བཤད་ཀྱིས་སྤེལ་བའི་སློབ་མ་མང་དུ་ཡོད་ཀྱང་གཙོ་བོ་མྱང་འདས་སེང་གེ་སྒྲ། ཤོག་ཁྲི་ཡེ་ཤེས་འབྱུང་གནས། ཨོང་སྨན་ཨ་ལེ། མང་ལོ་སྨན་བཙུན་ཏེ་པུ་ཧྲོང་སྨན་པ་མི་བཞི་གྲགས་ཏེ། དེའི་ནང་ནས་ཀྱང་མང་ལོ་མཁས་ཤིང་ཕྲིན་ལས་ཆེ་བས་དབུས་གཙང་གི་སྨན་པ་ཕལ་ཆེར་གྱིས་གཏུགས། ཁྱད་པར་ཆེར་རྗེ་ཏི་པ་ལ་གཞུང་འགྲེལ་རྫོགས་པར་གནང་། སྲས་བརྒྱུད་བཞི་པ་ཆེར་རྗེ་ཞང་སྟོན་ཞིག་པོས་ཁོག་དབུབ་ས་བཅད་བཀའ་ཚོམས་འགྲེལ་པ་ལག་ལེན་སོགས་མཛད། སློབ་མའི་ནང་ནས་གཙང་སྟོད་དར་མ་མགོན་པོས་ཟིན་ཏིག་དང་ཡང་ཏིག་མཛད་དེ་བོ་དོང་ཕྱོགས་སུ་རྒྱུན་འཕེལ། ཡང་ལོ་ཆེན་སློབ་མ་ཞང་ཞུང་པ་ཤེས་རབ་འོད་ཀྱིས་རྒྱ་སྟོན་གྲགས་པ་ཤེས་རབ། དེས་གཡུ་ཐོག་རྒྱ་གར་རྡོ་རྗེ་ལ་བཤད། དེས་ཀྱང་ཡིག་ཆ་གསལ་བར་མཛད་ཅིང་གཡུ་ཐོག་བརྗིད་པོ་དང་ཁྱུང་པོ་ནས་གཡུ་ཐོག་ཡོན་ཏན་མགོན་པོ་ལ་བརྒྱུད། ཡང་ཞང་ཞུང་པས་རོག་བྱང་སྨན། གཡུང་དྲུང་འོད། གཡུ་ཐོག་གྲགས་སེ། དེས་ཀྱང་ཡོན་ཏན་མགོན་པོ་ལ་བརྒྱུད་དེ་མདོར་ན་ལོ་ཆེན་རིན་ཆེན་བཟང་གི་བཀའ་དྲིན་ལ་བོད་ཀྱི་སྨན་པ་གཞན་ཕན་ཅན་ཐམས་ཅད་ཐོག་མར་གྱེས་སོ། ། མཁས་པ་མི་དགུར་གྲགས་པའང་དེ་ལ་བརྟེན། ། བོད་ཀྱིས་བརྩམས་པའི་ཡིག་ཆ་མཐའ་ཡས་སོ། ། དུས་དེ་ཙ་ན་དབུས་གཙང་དུ་མཁས་པ་མི་དགུར་གྲགས་པ་བྱུང་སྟེ། སྨད་ཀྱི་མཁས་པ་གཡུ་རུ་གཡའ་གྱོང་པོ། སྟོད་ལུང་གི་ལྷ་རྗེ་སུམ་སྨན། དབུ་རུའི་མཐའ་བཞི། བར་གྱི་མཁས་པ་གཡུ་ཐོག་རྒྱ་གར་རྡོ་རྗེ། མི་ཉག་ཟླ་གྲགས། བྲང་ཏི་རྒྱལ་པོ། སྟོད་ཀྱི་མཁས་པ་བི་ཇི་ལྷན་ནེ། འུག་པ་ཆོས་སེང་། ཆེར་རྗེ་སྟག་ལ་དགའ་གསུམ་སྟེ་དེ་དག་ཀྱང་ལོ་ཆེན་གྱི་བཤད་རྒྱུན་ལ་བརྟེན་པ་ཡིན་ཅིང་། དེ་རྣམས་དང་གཞན་དག་བོད་ཀྱི་མཁས་པས་བརྩམས་པའི་ཡིག་ཆ་སྔ་ཕྱིར་བྱུང་བ་ནི་མཐའ་ཡས་སོ། ། ཞང་སྟོན་སྟོད་སྟོན་གཉིས་ཀྱང་འཕགས་ཡུལ་ཕྱིན། ། བརྒྱད་པ་ལ་མཁས་གཞུང་བརྩམས་ཕྲིན་ལས་རྒྱས། ། ཞེས་ཡར་ཀླུང་གི་ཞང་སྟོན་གཟི་བརྗིད་འབར་དང་། ཚ་ལུང་པ་སྟོད་སྟོན་དཀོན་མཆོག་སྐྱབས་གཉིས་ཀྱང་བོད་ཀྱི་སྨན་པ་ལ་མ་མགུ་ནས་རྒྱ་གར་དུ་ཕྱིན། སྔ་མས་ན་ལེནྡོར་དྲང་སྲོང་ཙནྡྲ་སི་བྱ་བ་དང་། ཕྱི་མས་ཐམས་ཅད་མཁྱེན་པ་ཤཱནྟི་པ་མཇལ། ཡན་ལག་བརྒྱད་པ་མཁས་པར་བསླབས་ནས་ཞང་གིས་གཞུང་དྲི་མེད་གཟི་བརྗིད་འགྲེལ་པ་ཟླ་བའི་འོད་ཟེར་སོགས་བརྩམས། སློབ་མ་ལྔ་ལས་མཁས་རྒྱུན་མ་ཆད་པར་བྱུང་། སྟོད་སྟོན་གྱིས་དཔྱད་བསྡུས་དོན་རིན་པོ་ཆེའི་ཕྲེང་བ་དང་གཞུང་མཆན་བཅས་མཛད་ནས་གཡུ་ཐོག་མགོན་པོ་ལ་གནང་སྟེ་ཕྲིན་ལས་རྒྱུས་སོ། ། འཁྱུད་དཔྱད་དངུལ་ཆུའི་སྦྱོར་བ་གཉན་བཅོས་སོགས། ། བཀའ་གཏེར་གདམས་པ་ཕྱིས་བྱུང་ཚད་ལྡན་མང་། ། ཞེས་གཞན་ཡང་གསོ་དཔྱད་ཀྱི་ཕྱོགས་སུ་གཏོགས་པ་ཕ་དམ་པའི་འཁྱུད་དཔྱད་དཀར་ནག་ཁྲ་གསུམ། ཁྲོ་ཕུ་ལོ་ཙཱའི་ཡེ་ཤེས་མཁའ་འགྲོའི་ནད་སེལ་གྱི་གདམས་པ། བལ་པོ་དེ་བ་ཙནྡྲའི་སྙན་བརྒྱུད་བདུད་རྩིའི་ཐིགས་པ། གྲུབ་ཆེན་ཨོ་རྒྱན་པའི་དངུལ་ཆུའི་སྦྱོར་བའི་གཞུང་སྐོར་གསུམ་སོགས་དང་། གཏེར་མའི་ཕྱོགས་ཤིན་ཏུ་མང་ཡང་ཅུང་ཟད་བསྡོམས་ན། རྡོར་འབུམ་ཆོས་གྲགས་བོན་པོ་དྲག་རྩལ་གྱི། ། བདུད་རྩི་བུམ་ཆེན་ལ་སྟོད་དམར་པོ་དང་། ། རྒྱུ་བན་རྡོར་འོད་བདུད་རྩིའི་བཅུད་ལེན་སྐོར། ། ཀུ་ས་སྨན་པ་བོན་པོ་ལྷ་འབུམ་དང་། ། ར་མོ་ཤེལ་སྨན་སྨན་རྫས་སྲུང་བའི་རིགས། ། སྣ་ནམ་སོག་སྨན་གཡུ་གཞེར་དུག་རྐེ་རྨ། ། གནུབས་སྟོན་ཞང་ཁྲོམ་བྱ་འདྲེ་ཁྱི་སྨྱོན་བཅོས། ། ཉང་རལ་ལྷ་གསུམ་ལས་ཚོགས་གསོ་དཔྱད་དང་། ། ཚེས་དབང་དྲང་སྲོང་སྙིང་ཐིག་སྨན་སྒྲུབ་སྐོར། ། རྒོད་ལྡེམ་པད་གླིང་བདུད་རྩི་བུམ་ཆུང་དང་། ། སངས་གླིང་མིག་སྨན་རིན་གླིང་དངུལ་ཆུའི་སྦྱོར། ། རཏྣའི་གཏེར་བུམ་ཁྱུང་རྒོད་བདུད་རྩི་བུམ། ། རྡོར་གླིང་ཆོས་འབར་པདྨ་གཅེས་ཕྲེང་དང་། ། ཐང་སྟོང་རྒྱལ་པོའི་རིལ་བུ་དེ་ཀོར་དམར་དང་། ། བྱུག་སྨན་བདུད་རྩི་འཆི་གསོས་ལས་འཕྲོ་གླིང་། ། བདུད་རྩི་ཚེ་བུམ་གནམ་ཆོས་སྔགས་སྨན་མང་། ། ཞེས་དེས་ན་བཀའ་གཏེར་གྱི་གདམས་པ་ཕྱིས་བྱུང་ཚད་ལྡན་ཤིན་ཏུ་མང་བས་འདིར་མཐའ་དག་སྨོས་སུ་མི་ལང་ངོ་། །[3]དཔལ་ལྡན་རྒྱུད་བཞི་ལ་བརྟེན་པའི་ཕྲིན་ལས་བྱུང་ཚུལ་ནི། བརྒྱུད་སྲོལ་ཀུན་འདུས་གཡུ་ཐོག་སྨན་གྱི་བླར། ། དཔལ་ལྡན་ཕྲེང་བས་གསང་མཛོད་དངོས་སུ་བསྩལ། ། ཡུལ་ཀུན་གདམས་པའི་བཅུད་བླངས་རྒྱུད་ཆེ་ཆུང་། ། ཐུན་མོང་ཁྱད་པར་ཆོས་འཁོར་བསྐོར་བ་ལས། ། ཞེས་ཡན་ལག་བརྒྱད་པའི་བཤད་རྒྱུན་གྱི་སྲོལ་ཀ་ཡོངས་སུ་རྫོགས་པ་གཡུ་ཐོག་པ་ཡོན་ཏན་མགོན་པོ་ལ་འདུས་ཤིང་བབས། དེའང་ཕྱི་ལྟར་ན་རིག་པའི་གནས་ལྔ་ལ་མཁས་པའི་པཎྜི་ཏ་ཆེན་པོ། ནང་ལྟར་འཕགས་པའི་ས་ལ་བཞུགས་པའི་རྡོ་རྗེ་འཛིན་པ་ཆེན་པོ། གསང་བ་ལྟར་ན་བོད་ཀྱི་གདུལ་བྱ་འདུལ་བའི་དོན་དུ་བཅོམ་ལྡན་འདས་སྨན་གྱི་བླ་མ་ཉིད་སྨན་པའི་གཟུགས་སུ་སྤྲུལ་པ་ཡིན་ལ། སྣང་ཚུལ་ཙམ་དུ་འཛམ་བུའི་གླིང་ཀུན་ཏུ་རྫུ་འཕྲུལ་གྱིས་ཕེབས། ཁྱད་པར་འཕགས་ཡུལ་དུ་ལན་དྲུག་ཕྱིན། ཨོ་རྒྱན་ནས་མཁའ་འགྲོའི་གཙོ་མོ་དཔལ་ལྡན་ཕྲེང་བས་ཡན་ལག་བརྒྱད་པ་དང་ལྕང་ལོ་ནག་པོའི་རྒྱུད་སོགས་གདམས་པའི་གསང་མཛོད་གཏད། གཞན་ཡང་ལྷ་དང་མིའི་དྲང་སྲོང་ཆེན་པོ་རྣམས་དངོས་སུ་མཇལ་ནས་གསོ་དཔྱད་ཀྱི་གདམས་པ་བསྩལ། འཛམ་གླིང་དང་སིངྒ་ལ་སོགས་གླིང་ཕྲན་དང་བཅས་པའི་ཡུལ་ཀུན་གྱི་མན་ངག་དང་མཁས་གྲུབ་རྣམས་ཀྱི་གདམས་པའི་བཅུད་བླངས་ནས་སྐུ་ཚེའི་སྟོད་ལ་ཡན་ལག་བརྒྱད་པའི་སྙིང་པོ་འདུས་པ་དང་ལེའུ་དང་པོའི་འགྲེལ་པ་སོགས་མཛད། སྐུ་ཚེའི་སྨད་ལ་རྫུ་འཕྲུལ་གྱི་བཀོད་པ་བསམ་གྱིས་མི་ཁྱབ་པ་དང་བཅས་ཆོས་ཀྱི་འཁོར་ལོ་བསྐོར་བ་ལས། གཞུང་ཐམས་ཅད་ཀྱི་དོན་བསྡུས་བདུད་རྩི་སྙིང་པོ་ཡན་ལག་བརྒྱད་པ་གསང་བ་མན་ངག་གི་རྒྱུད་ཆེན་བཞི། རྒྱུད་ཆུང་བདུད་རྩི་བུམ་པ། ཆ་ལག་འགའ་ཞིག་བཅས་མཛད། ཐུན་མོང་གསོ་དཔྱད་དང་། ཁྱད་པར་སྐལ་པ་མཆོག་དང་ལྡན་པའི་སློབ་མ་སུམ་སྟོན་ཡེ་ཤེས་གཟུངས་ལ་གསང་བ་སྙིང་ཐིག་གི་ཆོས་འཁོར་བསྐོར་ཏེ་རྒྱུད་བཞི་སྙིང་ཏིག་དང་བཅས་པ་ལོ་བཅུ་གཉིས་སུ་བཀའ་རྒྱས་བཏབ་ནས་བསྩལ། མཐར་སྐུ་ལུས་མ་སྤངས་པར་སྨན་པའི་རྒྱལ་པོའི་ཞིང་དུ་གཤེགས་སོ། ། དེ་ལྟར་རྒྱུད་བཞི་ལ་བཀའ་དང་བསྟན་བཅོས་གང་རུང་དུ་འདོད་པ། གཉིས་ཀར་འདོད་པ། བསྟན་བཅོས་ལའང་འདོད་ལུགས་མི་གཅིག་པ་དུ་མར་བྱུང་ཡང་། ཕྱི་ལྟར་ན་རྒྱལ་བའི་བཀའ། ནང་ལྟར་གཏེར་མའི་རྒྱུན། གསང་བ་ལྟར་ན་གཡུ་ཐོག་པ་ཉིད་ཀྱི་གསུང་དུ་འདོད་པ་ཉིད་ལེགས་པའི་ཕྱོགས་སུ་རྗེ་བསྟན་པའི་ཉིན་བྱེད་ཡབ་སྲས་སོགས་ཀྱིས་བཞེད་པ་ཡིན་ཏེ། དང་པོ་ནི་སྡུད་པ་ལས། རྒྱལ་བའི་ཉན་ཐོས་པ་དག་ཇི་སྙེད་ཆོས་སྟོན་སོགས་དང་། རྒྱུད་བླར། གང་ཞིག་རྒྱལ་བའི་བསྟན་པ་འབའ་ཞིག་སོགས་ཀྱི་ལུང་གིས་གྲུབ་ཅིང་། གང་ཟག་མཆོག་དམན་མེད་པར་ཕན་ཐོགས་ཤིང་རང་རྐྱ་ཐུབ་པའི་གཞུང་ལུགས་དཔལ་ལྡན་རྒྱུད་བཞི་དང་མཚུངས་པ་གངས་ཅན་གྱི་ལྗོངས་སུ་མ་བྱུང་བའི་ཕྱིར་དང་། གཉིས་པའང་བཻ་རོས་སྦས་པའི་གཏེར་གྲྭ་པ་མངོན་ཤེས་ཀྱིས་རྩ་བ་ཙམ་ཕྱུངས་ནས་གཡུ་ཐོག་པ་ལ་གཏད་པའང་མི་འགལ་ཏེ་འབྲེལ་ཆགས་པའི་ཕྱིར་དང་། གསུམ་པ་ནི་སྙིང་ཐིག་གི་ལོ་རྒྱུས་ངེས་ཤེས་འདྲེན་བྱེད་ལས་དངོས་སུ་གསུངས་པར་མ་ཟད་རྒྱུད་རང་ལ་བརྟགས་ན་དེ་ལྟར་འཐད་པར་གྲུབ་པའི་ཕྱིར་རོ། ། ལས་ཞེས་པ་ཕྱི་མ་འབྱུང་ཁུངས་ཀྱི་སྒྲའོ། ། སྨན་པའི་ཚང་བརྡོལ་བརྒྱུད་འཛིན་ཚད་མེད་ཀྱང་། ། བྱང་པ་ཡབ་སྲས་ཟུར་མཁར་ཁུ་དབོན་སྲོལ། ། ཕྱིས་ནས་གྲགས་ཆེ་སངས་རྒྱས་ཆོས་འབྱུང་གིས། ། དེ་བསྟན་གསལ་བས་བོད་ཁམས་ཉེར་འཚོར་མཛད། ། ཅེས་གཡུ་ཐོག་པ་ལ་སྐུ་ཚེའི་སྟོད་སྨད་བར་གསུམ་དུ་སློབ་མ་གནམ་གྱི་སྐར་མ་དང་སའི་དྲེག་པ་ལྟར་བྱུང་བའི་སྨན་པའི་ཚང་བརྡོལ་ཏེ་བརྒྱུད་འཛིན་གྲངས་དང་ཚད་མེད་ཀྱང་གཙོ་བོ་རྫ་སྨན་ལེབ་པོ། བྱང་སྨན་དཔལ་ལེ་སོགས་གྲགས་ཆེ་བ་བཅུ་གཅིག་གི་ནང་ནས་གདམས་པ་ཡོངས་སུ་རྫོགས་པ་སུམ་སྟོན་ཡེ་ཤེས་གཟུངས་ལ་རྒྱུད་བཞི་སྙིང་ཏིག་ཆ་ལག་དང་བཅས་པའི་བཀའ་བབས། གཡུ་ཐོག་འབུམ་སེང་། བི་ཇི་ལེགས་ལྡན་མགོན་པོ། བྲང་ཏི་དཔལ་ལྡན་འཚོ་བྱེད་སོགས་སྔ་ཕྱིར་རྒྱུད་ལ་འགྲེལ་པ་བྱེད་པ་དུ་མ་བྱུང་། ཁྱད་པར་ཕྱིས་སུ་བྱང་པ་ཡབ་རིགས་ལྡན་ཆེན་པོ་རྣམ་རྒྱལ་གྲགས་བཟང་། སྲས་མིའི་ཉི་མ། ལྷ་བཙུན་བཀྲ་ཤིས་དཔལ་བཟང་། བསོད་ནམས་ཡེ་ཤེས་རྒྱལ་མཚན་རྣམས་ཀྱིས་རྒྱུད་འགྲེལ་ཁོག་དབུབ་ལྷན་ཐབས་དུ་མ་མཛད་དེ་བྱང་ལུགས་ཞེས་པའི་སྲོལ་བཏོད། ཡང་ཟུར་མཁར་ཁུ་བོ་མཉམ་ཉིད་རྡོ་རྗེ་ལ་གཡུ་ཐོག་པས་དངོས་སུ་རྗེས་སུ་གནང་བ་ལྟར་རྒྱུད་བཞི་དག་ཐེར། བླ་སྒྲུབ་ཁ་སྐོང་། བྱེ་བ་རིང་བསྲེལ་སོགས་སྨན་གཞུང་མང་པོ་མཛད། སློབ་མ་བྱིན་རླབས་ཞུགས་པ་བརྒྱད་སོགས་དུ་མའི་ནང་ནས་གསོ་རིག་ལ་མན་ངག ཕྲིན་ལས། ལག་ལེན། བཤད་པ་མཐར་ཕྱིན་བཞི་བྱུང་བའི་རྒྱུན་ལས། ཀོང་སྨད་རྐྱེན་པ་བླ་རྟ་ཚེ་དབང་། མཚོ་སྨད་མཁན་ཆེན། བྱར་པོ་པཎ་ཆེན་སོགས་མཁས་པ་མང་པོས་ཡིག་ཆ་རྒྱ་ཆེར་མཛད། ཁྱད་པར་ཨ་བོ་ཆོས་རྗེའི་དབོན་ཟུར་མཁར་བློ་གྲོས་རྒྱལ་པོའམ་ཀརྨ་ལེགས་བཤད་འཚོལ་ལ་རྗེ་མི་བསྐྱོད་རྡོ་རྗེས་ལུང་བསྟན་པ་ལྟར་ཐུགས་བརྩོན་ཆེན་པོས་གསོ་རིག་གི་གཞུང་ལུགས་འཆད་སྤེལ་དང་། མེས་པོའི་ཞལ་ལུང་སོགས་ཡིག་ཆ་མང་པོ་མཛད། དེ་དག་གི་རྒྱུན་ལ་ཟུར་ལུགས་ཞེས་གྲགས། བྱང་ཟུར་གྱི་རིང་སྲོལ་འཛིན་པ་བར་མ་ཆད་དུ་བྱུང་བའི་ནང་ཕྱིས་ཀྱི་དུས་སུ་གྲགས་ཆེ་བ་སྡེ་སྲིད་སངས་རྒྱས་རྒྱ་མཚོས་རྒྱུད་འགྲེལ་བཻ་ཌཱུར་སྔོན་པོ། ལྷན་ཐབས་དུས་མིན་འཆི་ཞགས་གཅོད་པའི་རལ་གྲི་སོགས་མཛད་ཅིང་ལུགས་སྲོལ་གཙོ་བོ་བྱང་པའི་རྗེས་སུ་འབྲངས། ད་ལྟའི་བར་དུ་ཡིག་ཆ་དེ་དག་ཕྲིན་ལས་ཆེ། སྨན་གྱི་སློབ་གྲྭའང་བཙུགས། ཡང་ཀུན་གཟིགས་ཆོས་ཀྱི་འབྱུང་གནས་ཉིད་གསོ་བ་རིག་པ་ལ་སྔོན་སྦྱངས་སད་པ་ལྟ་བུས་ཀློང་བརྡོལ་གྱིས་ཁྱད་པར་དུ་མཁས་པར་གྱུར་ཅིང་། ཟུར་མཁར་ཕྱི་མའི་སློབ་བརྒྱུད་དཔོན་ཚང་ཡེ་ཤེས་དང་། འཕགས་ཡུལ་ནུབ་ཕྱོགས་ཕྲེང་གིའི་སྨན་པ་ཨེ་ཏྲི་སེ། རྒྱ་ནག་གི་སྨན་པ་མཁས་པ་རྣམས་ལས་བཤད་རྒྱུན་དང་དཀའ་གནད་འདྲི་མོལ་གྱིས་གཏན་ལ་ཕབ་སྟེ་སྨན་གྱི་བླ་མ་གཉིས་པའི་གོ་འཕང་བརྙེས། སློབ་མ་མཁས་པ་མང་དུ་བྱོན་ཅིང་ད་ལྟའི་བར་དུ་བཤད་པ་དང་ལག་ལེན་གྱི་རྒྱུན་མ་ཉམས་པས་བརྒྱུད་འཛིན་རྣམས་ཀྱང་སྨན་པ་གཞན་ལས་ཁྱད་པར་འཕགས་པ་ཡོངས་སུ་གྲགས་པས་མཚོན། མདོར་ན་དེ་དག་གིས་གསོ་བ་རིག་པའི་བསྟན་པ་གསལ་བས་བོད་ཁམས་ཐམས་ཅད་ཉེར་འཚོར་མཛད་པ་ཡིན་ནོ། །བས་བོད་ཁམས་ཐམས་ཅད་ཉེར་འཚོར་མཛད་པ་ཡིན་ནོ། །)
Dictionaries/chos rnam kun btus/7611 + (1.དགུང་ལོ་ཆུང་ངུར་རྒྱལ་སྲིད་བཞེས་ཤིང་ཕྱི་ན … 1.དགུང་ལོ་ཆུང་ངུར་རྒྱལ་སྲིད་བཞེས་ཤིང་ཕྱི་ནང་དུས་ཟིང་ལྷིང་འཇགས་སུ་བཏང་བ་སྟེ། སྲོང་བཙན་གྱི་ཡབ་མེས་སྟག་རི་གཉན་གཟིགས་ཀྱིས་སྲིད་དབང་བཟུང་རྗེས་བན་པ་རྗེ་དང་། འ་ཞ་རྗེ། བྲང་གར་རྗེ་སོགས་རུས་རྒྱུད་ཚོ་པའི་རྒྱལ་ཕྲན་འགའ་ཞིག་མངའ་འོག་ཏུ་བསྡུས་པའི་འགོ་ཚུགས་ཤིང་། དེའི་སྲས་གནམ་རི་སྲོང་བཙན་གྱི་དུས་སུ་འཕན་ཡུལ་གྱི་ཟིང་པོ་རྗེ་དང་། གཙང་གི་རྒྱལ་པོ་མར་མུན། དྭགས་པོ་ས་ཁུལ་བཅས་མངའ་ཞབས་སུ་བསྡུས་ཏེ། བོད་ས་གནས་ཀྱི་རུས་རྒྱུད་ཚོ་པ་རྣམས་གཅིག་གྱུར་བྱེད་པའི་རྨང་གཞི་བཟང་པོ་བཏིང་། འོན་ཀྱང་དབང་སྒྱུར་གྲལ་རིམ་ནང་ཁུལ་གྱི་སྲིད་དབང་འཕྲོག་རྩོད་ཀྱི་འཐབ་རྩོད་དེ་རྣོ་ངར་ཆེ་རྐྱེན། བོད་མེ་ཕག་(627) ལོར་སྲོང་བཙན་དགུང་ལོ་བཅུ་གསུམ་ཐོག་སྲིད་དབང་བཞེས་མ་ཐག་བློན་པོ་འགའ་ཞིག་གིས་ཡབ་གནམ་རི་སྲོང་བཙན་དུག་གིས་བཀྲོངས་ཤིང་འབངས་གྱེན་ལོག་ཚབས་ཆེན་བྱུང་། དེའང་ཏུན་ཧོང་ནས་ཐོན་པའི་བོད་ཡིག་གི་ལོ་རྒྱུས་ཤོག་དྲིལ་ནང་འཁོད་དོན། བཙན་པོ་སྲོང་བཙན་སྒམ་པོའི་རིང་ལ་ཡབ་འབངས་ཀྱིས་ནི་འཁུས། ཡུམ་འབངས་ནྱི་ངོ་ལོག གཉེན་ཞང་ཞུང་། འཛོ་སུམ་བྷ། ཉ་གཉི་དྭགས་པོ། ཀོང་པོ། ཉང་པོ་ཀུན་ངོ་ལོག ཡབ་གནམ་རི་སྲོང་བཙན་ལ་དུག་བོར་ནས་བཀྲོངས་སོ་ཞེས་གསལ་བ་ལྟར་སྲོང་བཙན་རྒྱལ་སྲིད་བཞེས་པའི་དུས་སྐུ་ན་ཕྲ་བའི་ཐོག་རྒྱལ་བློན་བར་གྱི་འཐབ་རྩོད། བློན་དང་བློན་བར་གྱི་འཐབ་རྩོད་བཅས་རྣོ་ངར་ཆེ་བའི་དུས་ལ་སླེབས་ཤིང་། ཡབ་གནམ་རི་སྲོང་བཙན་གྱིས་བཙུགས་པའི་རྨང་གཞི་བཟང་པོ་དེ་ཐོར་ལ་ཉེ་བའི་དུས་སུ་མཆིས་རུང་། ཤེས་རིག་ལྡན་ལ་བློ་སྟོབས་ཆེ་བའི་མི་རྗེ་འདིས། དང་ཐོག་རང་ཉིད་ལ་བློ་ཉེ་བའི་བློན་པོ་ཁག་དང་མནའ་འབྲེལ་བཙུགས་ནས་ཡབ་ལ་དུག་བཏང་མཁན་གྱི་བློན་པོ་རྣམས་ཚར་བཅད་ཅིང་དེ་དག་གི་ཁ་རྗེ་དབང་ཐང་ཡོངས་རྫོགས་མེད་པ་བཟོས་ཐོག དེ་སྔ་ཡབ་ཀྱིས་སྲིད་བསྐྱངས་པའི་རིང་ཡར་ལུང་ཁུལ་དང་སྐྱིད་ཆུའི་ཁུལ་ལ་སོགས་པའི་རྒྱལ་ཕྲན་ཁག་དང་རུས་རྒྱུད་ཚོ་པ་ཁག་དང་ལྷན་དུ་མནའ་སྐྱེལ་དམ་བཅའི་ཐོག་ནས་མངའ་ཞབས་སུ་བསྡུས་ཏེ་གཅིག་གྱུར་བྱུང་ཡོད་རུང་། དོན་དུ་ས་གནས་སོ་སོར་ཁ་འཐོར་དབང་བསྒྱུར་གྱི་ངོ་བོ་རང་སོར་གནས་པ་ལ་བརྟེན་ནས་ཕམ་ཉེས་བྱུང་བའི་དབང་བསྒྱུར་གྲལ་རིམ་གྱིས་གཅིག་གྱུར་མ་བྱུང་བའི་རྒྱལ་ཕྲན་དང་རུས་རྒྱུད་ཚོ་པ་ཁག་གཅིག་དང་ངན་འབྲེལ་བྱས་ཏེ་སླར་ཡང་བཙན་པོའི་སྲིད་དབང་ཐོར་ཞིག་ཏུ་གཏོང་རྒྱུའི་ཉེན་ཁའི་རང་བཞིན་གནས་ཡོད་པ་མཁྱེན་ནས། རྒྱལ་ཕྲན་ཁག་དང་། རུས་རྒྱུད་ཚོ་པ། རྒྱལ་བློན་བཅས་ཀྱི་བདག་དབང་ཇེ་ཆུང་དུ་བཏང་བ་དང་དབང་བསྒྱུར་རྙིང་པའི་སྟོབས་ཤུགས་མེད་པ་བཟོས་ཐོག མྱང་དབའས་མནོན་བཅས་ཀྱི་གཙོ་བོ་བྱས་པའི་དབང་བསྒྱུར་གསར་པའི་སྟོབས་ཤུགས་ལ་བརྟེན་པ་དང་། དེའི་གནས་བབས་ཇེ་མཐོར་བཏང་ནས་རུས་རྒྱུད་ཚོ་པའི་སྒེར་བཙན་དབང་བསྒྱུར་སྟོབས་ཤུགས་རྩ་བརླག་ཏུ་བཏང་བ་དེར་འབངས་མི་སེར་གྱི་རྒྱབ་སྐྱོར་མཐའ་གཅིག་ཏུ་ཐོབ་ཅིང་། མཐའ་བཞིའི་རྒྱལ་ཕྲན་ཚོ་ཡང་རིམ་བཞིན་དབང་འོག་ཏུ་བསྡུས་ཏེ་ཕྱི་ནང་ལྷིང་འཇགས་སུ་གྱུར་པ་དང་བོད་མི་རིགས་ཀྱི་ཁྱད་ཆོས་ཚང་བའི་པུར་རྒྱལ་དུས་སྐབས་ཀྱི་རྒྱལ་རབས་གསར་པ་ཞིག་རྩོམ་འགོ་ཚུགས།2. རྒྱལ་ས་ལྷ་སར་སྤོས་ནས་འཛུགས་སྐྲུན་རྒྱ་ཆེ་མཛད་པ་སྟེ། སྲོང་བཙན་སྒམ་པོས་ཕྱི་ནང་གི་དུས་ཟིང་ལྷིང་འཇགས་སུ་བཏང་ཟིན་རྗེས་རྒྱལ་ས་ལྷ་སར་སྤོས་གནང་བ་དེ་ནི་ཁོང་གི་རླབས་ཆེའི་མཛད་རྗེས་ཤིག་ཡིན། བོད་ཀྱི་མཁས་དབང་མང་ཆེ་བས་སྲོང་བཙན་གྱིས་བོད་ཆུ་སྦྲུལ་(633)ལོ་རྒྱལ་ས་ལྷ་སར་སྤོས་པར་བཞེད་པ་དེ་ཁུངས་དང་ལུང་བཙན་པར་སྣང་། སྲོང་བཙན་གྱིས་རྒྱལ་ས་ལྷ་སར་བཙུགས་པའི་དགོས་པ་ནི། བོད་ཀྱི་ལོ་རྒྱུས་མང་ཆེ་བའི་ནང“ཡང་མེས་ཐོ་ཐོ་རི་གཉན་བཙན་གྱིས་བསྟེན་པར་དབུ་རུ་ཤོད་ཆེན་ལྷ་ས་དམར་པོ་རི། གནས་དེར་བདག་གིས་འགྲོ་དོན་བྱུང་ཞེས་དགོངས་ནས་ཕོ་བྲང་གི་གདན་བཏེགས”ཞེས་དང་ཡང་རྒྱལ་པོའི་ཐུགས་ལ་ངའི་ཡི་དམ་གྱི་ལྷ་སྐུ་དངོས་བོད་ཁ་བ་ཅན་དུ་སྤྱན་འདྲོངས་པས། དེས་སེམས་ཅན་གྱི་དོན་མཛད་པ་ལ་ཚེགས་མེད་སྙམ་ནས་ཐུགས་རབ་ཏུ་དགྱེས་པར་གྱུར་ཏོ། ། དེ་ནས་ཡོང་ས་ཕྱོགས་གང་དུ་བསྡད་ན་སེམས་ཅན་གྱི་དོན་སྒྲུབ་དགོངས་ནས་བརྟག་ཞིབ་གནང་བར་ཡུལ་དབུ་རུ་སྐྱིད་ཤོད་ན་སྔོན་གྱི་མེས་པོ་ལྷ་ཐོ་ཐོ་རི་གཉན་བཙན་གྱིས་ལྷ་ས་དམར་པོ་རིའི་རྩེ་མོར་ཡུན་རིང་བཞུགས་པ་དང་། ཡབ་མེས་ཀྱིས་ཞབས་བཅགས་ནས་ས་གཞི་བྱིན་གྱིས་བརླབས་པ་བཀྲ་ཤིས་དགེ་མཚན་ལྡན་པའི་གནས་དེར། ངས་ཀྱང་ཕྱིན་ནས་སེམས་ཅན་གྱི་དོན་རྒྱ་ཆེན་པོ་འགྲུབ་པར་མཁྱེན་ནས་མཆོད་པའི་རྟེན་རྣམས་གྲུ་ལ་སྤྱན་དྲངས་ཞེས་ཐོ་ཐོ་རི་གཉན་བཙན་གྱིས་ཞབས་བཅགས་མྱོང་བར་བརྟེན་གནས་འདིར་སྤོས་པའི་སྐོར་འཁོད་འདུག་ཀྱང་། ཡབ་གནམ་རིའི་དུས་ཀྱི་ཕོ་བྲང་ལྟེ་བ་ནི་རྒྱ་མ་ཁྲི་སྒང་གི་ཕོ་བྲང་བྱམས་པ་མི་འགྱུར་གླིང་ཡིན་ཅིང་། དེར་སྲོང་བཙན་ཡང་སྐུ་འཁྲུངས་པ་བཅས་རྒྱ་མ་ནས་ལྷ་སར་ཕོ་བྲང་སྤོ་བར་མཛད་པ་པོ་ནི་སྲོང་བཙན་ཡིན་ལ་དུས་སྐབས་ནི་སྲོང་བཙན་གྱིས་སྲིད་དབང་བཞེས་ནས་ཡབ་འདས་རྗེས་སུ་ཡིན་པར་ངེས། དེའི་རྒྱུ་མཚན་ནི། ལྷ་ས་ནི་སྐྱིད་ཤོད་དུ་གནས་ཁར་སྐབས་དེར་བོད་ཡོངས་ཀྱི་དཀྱིལ་དབུས་སུ་གནས་ཤིང་། ཁུལ་དེ་དེ་སྔ་ཟིང་པོ་རྗེའི་གནས་གཞི་འཕན་ཡུལ་གྱི་ཁོངས་སུ་གཏོགས་པ་དང་། གནམ་རི་སྲོང་བཙན་གྱིས་བོད་ཡོངས་གཅིག་གྱུར་མ་བྱས་གོང་། ཟིང་པོ་རྗེའི་སྟོབས་འབྱོར་ནི་གཞན་ལས་ལྷག་ཅིང་རྒྱལ་ཕྲན་གཞན་མང་པོ་ཞིག་ཀྱང་དེའི་མངའ་ཞབས་སུ་བསྡུས་ཡོད་པས་ཆབ་སྲིད་དཔལ་འབྱོར་གྱི་རྨང་གཞི་བརྟན་པོ་ཡོད། ཡབ་གནམ་རི་སྲོང་བཙན་གྱིས་དེ་དག་མངའ་ཞབས་སུ་བསྡུས་རྗེས། བློན་འབངས་ཚང་མས་བཙན་པོར་བློ་རྩེ་གཅིག་གཏད་དང་བརྩི་བཀུར་མཐའ་གཅིག་ཏུ་ཞུས་ཀྱི་ཡོད་པས། སྲོང་བཙན་སྒམ་པོས་ནང་ཁུལ་གྱི་དུས་ཟིང་ལྷིང་འཇགས་གཏོང་སྐབས་གཙོ་བོ་ཁོང་ཚོའི་སྟོབས་ཤུགས་ལ་བརྟེན་པ་དང་དམག་ཤུགས་ཀྱི་ཡོང་ཁུངས་གཙོ་བོ་ཡང་དེ་དག་ཡིན། སྲོང་བཙན་གྱིས་སྲིད་དབང་བཞེས་རྗེས་འཕན་ཡུལ་བརྒྱུད་དུ་གཟིགས་ཞིབ་གནང་སྐབས་སྐྱིད་ཆུའི་གཡས་གཡོན་གྱི་ས་བབས་ཤིན་ཏུ་ལེགས་ཤིང་རྩྭ་ཆུ་བཟང་ལ་ཡངས་ཤིང་རྒྱ་ཆེ་ བའི་ཁར་དམར་པོ་རི་ནི་རྒྱ་མཚོ་ཆེན་པོའི་ཐོག་གི་གླིང་ཕྲན་ལྟ་བུ་བརྗིད་ཆགས་ཡིད་དུ་འོང་བ་དང་། ཕུ་འབྲོག་མདའ་ཞིང་གཉིས་ཀ་འཕེལ་རྒྱས་གཏོང་རྒྱུར་དགེ་མཚན་ཆེན་པོ་ཡོད་པ་གཟིགས་ནས་རྒྱལ་ས་འདིར་སྤོ་རྒྱུའི་གཏན་འབེབས་གནང་། ལྷ་སར་སྤོས་མ་ཐག་ལྷ་སའི་རྣམ་པ་གསར་ དུ་ཐོན་འགོ་ཚུགས་ཏེ་ལུང་པའི་མདར་མུ་མཐའ་མེད་པའི་ས་ཞིང་ཐོག་ལོ་ལེགས་ཀྱི་རྣམ་པས་ཁེངས་པ་དང་། རྩྭ་ཆུ་འཛོམས་པའི་རྩྭ་ཐང་ཐོག་དང་། ལུང་པའི་ཕུར་ཕྱུགས་རིགས་ཤ་ཤེད་ ཅན་གྱིས་ཁེངས་བཞིན་ཡོད། ལྷ་སར་སྤོས་རྗེས་དང་ཐོག་དམར་པོ་རི་སྟེང་དུ་ཕོ་བྲང་མ་བཞེངས་གོང་དུ་ཕ་བོང་ཁར་ཕོ་བྲང་དགུ་ཐོག་བསྐྲུན། བལ་བཟའ་དང་རྒྱ་བཟའ་བཙུན་མོར་གདན་དྲངས་རྗེས་དམར་པོ་རིའི་སྟེང་གི་ཕོ་བྲང་ཤུལ་དུ་སླར་ཡང་ཐོག་བརྩེགས་དགུ་ཡོད་པའི་བར་རྒྱ་ཆེར་བཏང་བ་དང་། ཇོ་ཁང་དང་། ར་མོ་ཆེ། དེ་བཞིན་མཐའ་འདུལ་ཡང་འདུལ་གྱི་གཙུག་ལག་ཁང་སོགས་དང་གྲོང་མིའི་གྲོང་བརྡལ་བཅས་རིམ་བཞིན་རྒྱ་སྐྱེད་བྱུང་བ་དེ་དག་ད་བར་ལོ་ངོ་ཆིག་སྟོང་སུམ་བརྒྱ་ལྷག་འདས་ཟིན་ཀྱང་། ངོ་མཚར་ཅན་གྱི་གནའ་བོའི་འཛུགས་སྐྲུན་གྱི་ཆ་ཤས་འགའ་ཞིག་དེང་གི་དུས་སུ་ཡང་ང་ཚོའི་མིག་ལམ་དུ་མཐོང་རྒྱུ་ཡོད་པ་དང་རྒྱལ་ཁབ་ཕྱི་ནང་གི་ཡུལ་བསྐོར་སྤྲོ་འཆམ་དང་ལྟ་སྐོར་ཕེབས་མཁན་ཚང་མས་གནའ་རབས་ཀྱི་ལོ་རྒྱུས་ཡུན་རིང་ལྡན་པའི་གྲོང་ཁྱེར་འདིར་ཕེབས་སྐབས་སྲོང་བཙན་སྒམ་པོའི་མཛད་རྗེས་རླབས་ཆེན་ལ་བསྟོད་བསྔགས་མི་བྱེད་མཁན་གཅིག་ཀྱང་མེད།3. འཛམ་གླིང་ཐོག་ཆེས་སྔོན་ཐོན་གྱི་གྲས་སུ་སླེབས་པའི་བོད་ཡིག་གསར་གཏོད་མཛད་པ་སྟེ། དེང་སྐབས་ང་ཚོས་བེད་སྤྱོད་བྱེད་མུས་ཡིན་པའི་བོད་ཡིག་འདིའི་གསར་གཏོད་མཛད་པ་པོ་ནི་ཐོན་མི་ཡིན་མོད། འོན་ཀྱང་ཐོན་མིས་སྲོང་བཙན་གྱི་དགོངས་པ་ལྟར་རྒྱ་གར་འཕགས་པའི་ཡུལ་དུ་ཕེབས་ནས་སྔོན་ཐོན་ཡིག་རིགས་མང་པོར་ཞིབ་འཇུག་བརྟག་དཔྱད་མཛད་རྗེས། བོད་རང་ཉིད་ཀྱི་སྐད་དང་མཐུན་པའི་སྒྲ་སྦྱོར་གྱི་བོད་ཡིག་འདི་གསར་གཏོད་མཛད་པ་ནི་རྒྱལ་པོ་སྲོང་བཙན་སྒམ་པོའི་རྒྱབ་སྐྱོར་དང་བསྐུལ་མ་རང་ལ་བརྟེན་ནས་བྱུང་བ་ཞིག་ཡིན་སྟབས་རྗེ་བློན་འདི་གཉིས་ཀྱི་བཀའ་དྲིན་ལ་བརྟེན་ནས་དེང་གི་བོད་ཡིག་འདི་བྱུང་བ་བཤད་མ་དགོས། སྐབས་དེར་བོད་ཡིག་གསར་གཏོད་མཛད་དགོས་པའི་རྒྱུ་རྐྱེན་ནི་རྒྱལ་པོ་སྲོང་བཙན་སྒམ་པོས་རྒྱལ་ས་ལྷ་སར་སྤོས་ནས་དམར་པོ་རིའི་སྟེང་ཕོ་བྲང་བཏབ་པས་དེ་ཡི་གྲགས་པ་ཡུལ་གྲུ་གང་སར་ཁྱབ་ནས་མཐའ་བཞིའི་རྒྱལ་པོ་མང་པོས་འབུལ་བ་དང་འཕྲིན་ཡིག་དུ་མ་འབྱོར་ཀྱང་སྐབས་དེར་ཆོས་སྲིད་གང་སར་ཁྱབ་ཆེ་ཞིང་ཆ་ཡོངས་སུ་ཚང་བའི་ཡོངས་གྲགས་ཀྱི་ཡི་གེ་གཅིག་མེད་སྟབས་མཐའ་ཡི་རྒྱལ་ཁབ་ཁག་གི་སྔོན་ཐོན་ལེགས་ཆ་ལེན་པར་བོད་མི་སྤྱིའི་སྐད་དང་འཚམས་པའི་བོད་ཡིག་ཅིག་མེད་ན་འགྲིག་ཐབས་མེད་པར་དགོངས་ནས་བློན་པོ་བློ་རིག་རྣོ་བ་འགའ་བཏང་ཡང་དོན་དེ་བསྒྲུབ་མ་ཐུབ་པས། རྒྱལ་པོས་སླར་ཡང་བློ་རིག་གཞན་ལས་ཁྱད་དུ་འཕགས་པའི་ཐོན་མི་སམ་བྷོ་ཊ་འཁོར་འགའ་ཞིག་དང་བཅས་པར་གསེར་མང་དུ་བསྐུར་ནས་རྒྱ་གར་དུ་མངགས་པ་ལ་ཁོང་རྣམ་པས་ཀྱང་དཀའ་བ་དུ་མ་ཁྱད་གསོད་དང་། ཐ་ན་རང་གི་སྲོག་ལའང་མི་འཛེམས་པར་རྒྱལ་པོའི་བཀའ་མངགས་བཞིན་དུ་བསྒྲུབས། དེ་དག་གི་ནང་ནས་སློབ་དཔོན་ཐོན་མིས་སྐབས་དེར་ཡོད་པའི་རྒྱལ་ཁབ་མང་པོའི་ཡིག་རིགས་ཁོང་དུ་ཆུད་པའི་རྨང་གཞིའི་ཐོག་བོད་རང་གི་སྐད་དང་མཐུན་པའི་བོད་ཡིག་གསར་དུ་གཏོད། རྒྱལ་པོ་སྲོང་བཙན་རང་ཉིད་ཀྱིས་དང་ཐོག་རང་དཔེ་གཞན་སྟོན་གྱིས་ཐོན་མི་སློབ་དཔོན་དུ་བསྟེན་ནས་བོད་ཡིག་དང་རིག་པའི་གནས་ཁག་ཚང་མ་ལེགས་པར་སློབ་སྦྱོང་མཛད་ཅིང་། བོད་ཡོངས་ཀྱི་བློན་འབངས་ལ་སྐུལ་སློང་གིས་སློབ་ཏུ་བཅུག རྒྱ་དཀར་ནག་དང་ཁ་ཆེ་བལ་པོ་སོགས་ཀྱི་པཎྜི་ཏ་དང་ལོ་ཙཱ་བ་འགའ་ཞིག་གདན་དྲངས་ནས་ནང་བསྟན་དང་། སྒྲ་རིག བཟོ་རིག གསོ་རིག སྐར་རྩིས་ལ་སོགས་པ་མང་དུ་བསྒྱུར་བཅུག་པ་དང་། བོད་མི་རིགས་རང་ཉིད་ཀྱི་མཁས་ཅན་དུ་མ་གསོ་སྐྱོང་མཛད་པས་སྐབས་དེའི་བོད་ཀྱི་ཤེས་རིག་དེ་ཐང་རྒྱལ་རབས་དང་འདྲ་བའི་གྲལ་དུ་སླེབས་ཐུབ་པ་དེ་དེང་གི་དུས་སུའང་སྤོབས་པ་བྱེད་འོས་པ་ཞིག་ཡིན་པ་དང་། མི་རིགས་རང་ཉིད་ཀྱི་སྐད་ཡིག་ལ་བརྟེན་ནས་འོད་སྟོང་འཕྲོ་བའི་བོད་ཀྱི་རིག་གནས་ཕུལ་བྱུང་གི་སྲོལ་རྒྱུན་བཟང་པོ་ཐོག་མར་འཛུགས་པར་མཛད་པའི་རྒྱུན་བཟང་པོ་ད་ལྟ་ཡང་གནས་ཐུབ་པ་འདི་ནི་མི་རྗེ་བཀའ་དྲིན་ཅན་འདི་ཉིད་རང་གི་མཛད་རྗེས་ལ་བརྟེན་ནས་བྱུང་བ་ཞིག་ཡིན་པ་ལོ་རྒྱུས་དེབ་ཐེར་ཡོངས་སུ་གྲགས་པ་ལྟར་རོ། །4. ཁྲིམས་སྲོལ་གཏན་ལ་ཕབ་ནས་རྒྱལ་ཁམས་བདེ་བར་བསྐྱངས་པ་སྟེ། སྲོང་བཙན་སྒམ་པོའི་གོང་དུ་རྗེ་བློན་འབངས་བཅས་ཕན་ཚུན་མནའ་དོན་འཇོག་པའི་སྲོལ་ལས་ཞིབ་ཆའི་ཁྲིམས་སྲོལ་གསལ་པོ་གཏན་འཁེལ་མེད་པའི་རྐྱེན་གྱིས་མངའ་འབངས་ཀྱི་གཅིག་གྱུར་དང་བདེ་འཇགས་ལ་སྐྱོན་ཚབས་ཆེན་པོ་ཕོག་གི་ཡོད། སྲོང་བཙན་གྱིས་རུས་རྒྱུས་ཚོ་པ་ཁག་གཅིག་གྱུར་མཛད་རྗེས་གསར་དུ་བཙུགས་པའི་སྲིད་དབང་སྲ་བརྟན་དང་། མངའ་ཁོངས་བདེ་འཇགས་སུ་འཁོད་ཆེད་ཆབ་སྲིད་དང་། དཔལ་འབྱོར། དམག་དོན་བཅས་ཀྱི་ཁྲིམས་སྲོལ་ཅུང་ཆ་ཚང་ཞིང་གོ་རིམ་ལྡན་པ་ཞིག་གཏན་འབེབས་མཛད་ཡོད་ཅིང་། སྐབས་དེར་ཐོག་མར་གཏན་འབེབས་མཛད་པའི་ཁྲིམས་སྲོལ་སྤྱིའི་མིང་ལ་ཁོད་སུམ་ཅུ་སོ་དྲུག་ཟེར། དེའང་བཀའ་ཡི་ཁྲིམས་ཡིག་ཆེན་པོ་དྲུག བཀའ་གྲོས་ཆེན་པོ་དྲུག ཡིག་ཚང་དྲུག་བཀའ་ཡི་ཕྱག་རྒྱ་དྲུག རྐྱེན་དྲུག དཔའ་མཚན་དྲུག་བཅས་ཡིན། བཀའ་ཡི་ཁྲིམས་ཡིག་ཆེན་པོ་དྲུག་པོ་སོ་སོར་ནང་གསེས་ཞིབ་ཕྲའི་དོན་ཆེན་ཁག་ཤིན་ཏུ་མང་བས་འདིར་གོ་བདེའི་དོན་གཙོ་བོར་བཀོད་པ་ལས། (1)ཁྲི་རྩེ་འབུམ་བཞེར་གྱི་ཁྲིམས་ནི་དམག་དོན་དང་སྲིད་འཛིན་ཟུང་འབྲེལ་གྱི་ལམ་ལུགས་དང་། སྒྲིག་གཞི། དཔོན་རིགས་ཁག་གི་གོ་གནས་བཅས་གཏན་འབེབས་བྱས་པའི་ཁྲིམས།(2)འབུམ་གསེར་ཐོག་ཤ་བ་ཅན་གྱི་ཁྲིམས་ནི་ཞིང་འབྲོག་ས་གནས་ཁག་གི་ཚོང་ལས་གོང་འཕེལ་དང་དེར་སྟབས་བདེ་ཡོང་ཆེད་བྲེ་སྲང་ཞོ་ཆ་སོགས་འཇལ་གཤོར་འདེགས་གསུམ་གྱི་ཚད་གཞི་གཅིག་གྱུར་བྱེད་པ།(3)རྒྱལ་ཁམས་དཔེར་བླངས་ཀྱི་ཁྲིམས་ནི་བྱེད་དགོས་པ་གསུམ་དང་། བྱེད་མི་ཆོག་པ་གསུམ། བསྟོད་བསྔགས་བྱེད་དགོས་པ་གསུམ། སྨ་འབེབས་བྱེད་དགོས་པ་གསུམ། མནར་གཅོད་བྱེད་མི་རུང་བ་གསུམ་བཅས་རྒྱལ་ཁྲིམས་བཅོ་ལྔ། ལྷ་ཆོས་དགེ་བ་བཅུ་དང་། མི་ཆོས་གཙང་མ་བཅུ་དྲུག་བཅས་ཏེ་བོད་འབངས་སྤྱིས་བསྔགས་བརྗོད་བྱ་མུས་ཀྱི་ཡུལ་སྲོལ་སྤྱོད་བཟང་དར་སྤེལ་གཏོང་རྒྱུའི་ཁྲིམས།(4)མདོ་ལོན་ཞུ་བཅད་ཀྱི་ཁྲིམས་ནི། ཕྱོགས་གཅིག་བདེན་པ་ཡོད་ལ་ཕྱོགས་གཅིག་བདེན་པ་མེད་པའི་གྱོད་གཞི་ཐག་གཅོད་བྱ་ཚུལ་ཁྲིམས།(5)དབང་ཆེན་བཅད་ཀྱི་ཁྲིམས་ནི་གྱོད་ཡ་ཕྱོགས་གཉིས་ཀར་ཉེས་པ་ཡོད་མཉམ་ཡིན་ཀྱང་རིམ་གྲས་མི་འདྲ་བར་གཞིགས་ནས་ཐག་གཅོད་བྱ་ཚུལ་གྱི་ཁྲིམས།(6)ཁབ་སོ་ནང་པའི་ཁྲིམས་ནི། ཕྱོགས་གཉིས་ཀར་ཉེས་པ་ཆེ་ཆུང་དང་ཡོད་མེད་འདྲ་བའི་ཉེས་ཅན་ལ་ཁྲིམས་གཅོད་བྱ་ཚུལ་བཅས་ཡིན། 5. སྲིད་འཛིན་ས་ཁུལ་གསལ་པོར་དབྱེ་བའི་ཁར། སྲིད་དང་དམག་གི་སྒྲིག་གཞི་དང་། དཔོན་རིགས་ཁག་གི་འགན་དབང་གཏན་ལ་ཕབ་པ་སྟེ། བོད་ས་གནས་ཀྱི་མངའ་ཁོངས་རྣམས་སྤྱི་ཁྱབ་སྲིད་འཛིན་ས་ཁུལ་རྣམས་རུ་སྡེ་ཆེན་པོ་ལྔར་དབྱེ་བ་ནི་དབུ་རུ། གཡོན་རུ། གཡས་རུ། རུ་ལག སུམ་པའི་རུ་བཅས་སྤྱི་ཁྱབ་རིམ་པའི་སྲིད་འཛིན་ས་ཁུལ་དུ་དབྱེ་ཞིང་། དེ་རྣམས་ལ་དབང་བསྒྱུར་བྱེད་པའི་དཔོན་རིགས་གོ་གནས་མཐོ་ཤོས་ནི་བློན་ཆེན་ཡིན། དེའི་འོག་ཏུ་དམག་དཔོན་རྒན་གཞོན་བཞི་དང་། དེའི་འོག་ཏུ་དམག་དཔོན་རྒན་གཞོན་བཞི་དང་། རུ་དཔོན་སྡེ་དཔོན། སྟོང་དཔོན། སྟོང་བུ་ཆུང་གི་རྗེ། ལྔ་བརྒྱ་ཆེན་པོ་སོགས་དཔོན་རིགས་རིམ་པ་ཤིན་ཏུ་མང་། སྤྱི་ཁྱབ་རིམ་པའི་སྲིད་འཛིན་ས་ཁུལ་ལྔ་པོ་ནི་དམག་སྲིད་གཅིག་གྱུར་གྱིས་དོ་དམ་བྱེད་པའི་ས་ཁུལ་ཡིན་ཅིང་། བྱ་ཐབས་དེ་ནི་གསར་དུ་བཙུགས་མ་ཐག་པའི་སྲིད་དབང་ལ་མཚོན་ན་དམག་སྲིདགཅིག་གྱུར་གྱིས་དོ་དམ་བྱེད་བདེ་བ་དང་། ལྷག་དོན་དུ་ས་རྒྱ་ཆེ་ལ་མི་གྲངས་ཉུང་བའི་ས་ཁུལ་ལ་འཚམས་པའི་བྱ་ཐབས་ཤིག་ཡིན་པར་སྣང་། ཡུལ་གྱི་དབང་རིས་རྣམ་པ་བཅོ་བརྒྱད་དུ་ཕྱེ་ཚུལ་ནི་རྒྱལ་བློན་དང་རིས་རྒྱུད་མི་འདྲ་བའི་དཔོན་རིགས་རྙིང་པ་རྣམས་སྒེར་བདག་ས་ཞིང་དང་། བྲན་གཡོག ནོར་ཕྱུགས་སོགས་འོས་འཚམས་ཤིག་དབང་ཆོག་པར་བྱས་པ་སྟེ། དེ་ནི་སྲོང་བཙན་སྒམ་པོས་བོད་ས་ཁུལ་གཅིག་གྱུར་མ་བྱས་གོང་དུ་རུས་རྒྱུད་ཚོ་པ་ཁག་གི་དཔོན་རིགས་མང་པོས་ས་ཁུལ་དུམ་བུར་བགོས་ནས་དབང་བསྒྱུར་བྱས་ཏེ། ཕན་ཚུན་གཅིག་འོག་གཅིག་ལ་མི་འདུས་པའི་ནང་འཁྲུག་རྒྱུན་མི་ཆད་པར་བྱུང་བར་བརྟེན། རུས་རྒྱུད་ཚོ་པ་ཁག་གཅིག་གྱུར་བཟོས་གནང་བ་དང་སྦྲགས། ཁོང་ཚོར་སྔར་ནས་དབང་བའི་ས་ཞིང་ནོར་ཕྱུགས་སོགས་སྒེར་བཟུང་གི་དབང་ཆ་ཚད་ངེས་ཅན་ཞིག་རྒྱུན་འཛིན་མ་བྱས་ན་སླར་ཡང་ཁོ་ཚོས་འཁྲུག་རྐྱེན་བསླངས་སྲིད་པ་དེ་རིགས་སྔོན་འགོག་བྱེད་ཆེད་ཁོ་ཚོས་སྲིད་གཞུང་གིས་གཏན་འབེབས་བྱས་པའི་ཁྲིམས་ལུགས་ལ་བརྩི་སྲུང་དང་། དཔྱ་ཁྲལ་མི་ཉུང་ཙམ་འབུལ་རྒྱུ་ཁས་ལེན་བྱེད་པའི་ཆ་རྐྱེན་འོག ས་ཞིང་དང་། ནོར་ཕྱུགས། བྲན་གཡོག་བཅས་སྒེར་བཟུང་གི་དབང་ཆ་འོས་འཚམས་ཤིག་སྤྲད་པ་མ་ཟད། གལ་ཏེ་ཁོ་ཚོས་བཙན་པོར་གྱེན་ལོག་བྱེད་པ་དང་། དཔོན་གཞན་འཚོལ་བྱེད་པ། ལྐོག་གཡོ་བཤམས་པ་སོགས་བྱུང་ན་ས་ཞིང་དང་། ནོར་ཕྱུགས། བྲན་གཡོག་བཅས་དབང་ཐང་ཡོངས་རྫོགས་གཞུང་བཞེས་བཏང་བའི་དབང་ཆ་ཡོད་པའི་གཏན་འབེབས་ཡོད། སྲིད་འཛིན་ལམ་ལུགས་ཐད། སྲིད་འཛིན་སྤྱི་ཁྱབ་རིམ་པའི་བློན་ཆེན་དགུར་ཕྱེ་བ་སྟེ། དགུང་བློན་ཆེ་འབྲིང་ཆུང་གསུམ་དང་། ནང་བློན་ཆེ་འབྲིང་ཆུང་གསུམ། བཀའ་ཡོ་གལ་འཆོས་པ་ཆེ་འབྲིང་ཆུང་གསུམ་བཅས་ཡིན་ཞིང་། དགུང་བློན་ནི་བློན་ཆེན་ནང་གི་གོ་གནས་མཐོ་ཤོས་ཡིན་ལ། ཞི་དྲག་གཉིས་ཀར་དབང་ཆ་ཡོད་པའི་སྤྱི་ཁྱབ་བློན་ཆེན་ཞིག་ཡིན། དེའི་ལས་འགན་ནི་བཙན་པོའི་བཀའ་ལྟར་གལ་ཆེའི་ཚོགས་འདུ་སྐོང་འཚོགས་དང་། ཚོགས་འདུའི་དབུ་བཞུགས་ཀྱི་འགན་ཁུར་བ། གཤམ་འོག་གི་བློན་པོ་གསར་བསྐོ་དང་། གནས་དབྱུང་། དོ་དམ་བཙོན་འཇུག་བྱེད་པ། དམག་གི་བཀའ་བརྡ་བསྒྲགས་པ། ས་ཁུལ་གྱི་དབྱེ་མཚམས་དང་དམག་དཔུང་བཅོས་སྒྲིག་བྱེད་པ། བཀའ་ཁྲིམས་གསར་པ་ཁྱབ་བསྒྲགས་བྱ་རྒྱུ་བཅས་ཀྱི་འགན་དབང་ཡོད། དགུང་བློན་གྱི་མི་གྲངས་མང་ཉུང་ངེས་པ་མེད་པ་སྟེ་རྒྱལ་པོ་སྲོང་བཙན་སྐབས་མགར་སྟོང་བཙན་དང་། ཐོན་མི་སམ་བྷོ་ཊ། འབྲི་སེ་རུ་གུང་སྟོན། ཉང་ཁྲི་བཟང་ཡང་སྟོན་བཅས་བཞི་དང་། ཁྲི་སྲོང་ལྡེ་བཙན་སྐབས་སུ་དགུང་བློན་དགུ། ཁྲི་ལྡེ་སྲོང་བཙན་སད་ན་ལེགས་ཀྱི་སྐབས་སུ་དགུང་བློན་ཆེན་པོ་དྲུག་བཅས་བྱུང་བ་ལྟར་རོ། ། ནང་བློན་ནི་སྲིད་གཞུང་ནང་ཁུལ་གྱི་གལ་ཆེའི་ལས་དོན་ཁག་ལ་བདག་གཉེར་བྱེད་མཁན་ཞིག་ སྟེ། དེའི་ནང་གསེས་ལ་ཆེ་འབྲིང་ཆུང་གསུམ་ཡོད། དེ་དག་གི་གོ་གནས་ནི་ནང་བློན་ཆེ་བ་དང་དགུང་བློན་འབྲིང་བའི་གོ་གནས་མཉམ་པ་དང་ནང་བློན་འབྲིང་བ་དང་དགུང་བློན་ཆུང་བའི་གོ་གནས་མཉམ་པ། ནང་བློན་ཆུང་བ་དང་བཀའ་བློན་འབྲིང་བའི་གོ་གནས་མཉམ་པ་བཅས་ཡིན། བཀའ་བློན་(བཀའ་ཡོ་གལ་འཆོས་པ་)ནི། རྒྱལ་བློན་གྱི་བཀའ་ལ་ཡོ་བསྲང་བྱེད་མཁན་ཞིག་སྟེ་དེ་ལ་ནང་གསེས་ཆེ་འབྲིང་ཆུང་གསུམ་ཡོད་ཅིང་། དེའི་ལས་འགན་ནི་རྒྱལ་པོ་དང་བློན་ཆེན་ཚོས་བཀའ་ཕབ་པ་རྣམས་ཁྲིམས་དང་མཐུན་མིན་དང་། ལག་ཆེན་དུ་བསྟར་འོས་མིན་བཅས་ལེགས་པར་བརྟགས་ནས་གལ་ཏེ་མི་འོས་པ་ཡོད་ཚེ། རྒྱལ་བློན་གྱི་ཚོགས་འདུ་ཆེན་པོའི་ཐོག་ཐད་ཀར་ཡོ་བསྲང་དང་སྐྱོན་བརྗོད་བྱེད་ཆོག་པའི་དབང་ཆ་ཡོད། ཕྱི་བློན་ནི་སྲིད་གཞུང་གི་ཕྱི་ཕྱོགས་ཀྱི་ལས་དོན་གལ་ཆེའི་རིགས་བདག་གཉེར་བྱེད་མཁན་ཞིག་སྟེ། དེའི་ལས་འགན་ནི། དགུང་བློན་ཆེ་འབྲིང་ཆུང་གསུམ་ལ་རོགས་རམ་བྱས་ཏེ་ས་མཚམས་ཀྱི་ཡུལ་སྡེ་དང་དམག་དཔུང་ལ་བཀོད་འདོམས་བྱེད་པ་དང་ཁྲིམས་ལུགས་ལག་ལེན་བསྟར་མཁན་ཡིན། སྲིད་འཛིན་ལས་ཚན་དམའ་བའི་དཔོན་རིམས་རིམ་པ་བཅུ་གཉིས་སུ་ཕྱེ་ཡོད་པ་སྟེ། ཡུལ་དཔོན་(རྩེ་རྗེ་)ནི་སྤྱི་ཁྱབ་སྲིད་འཛིན་ས་ཁུལོ་ལྔ་སོ་སོའི་མངའ་འོག་ཏུ་གཏོགས་པའི་ཡུལ་སྡེ་ཁག་གི་རྫོང་དཔོན་ལྟ་བུ་ཞིག་སྟེ། ལི་ཡུལ་ནས་ཐོན་པའི་ཤོག་དྲིལ་ནས་རྩེ་རྗེ་ཞེས་འཁོད་འདུག དམག་དཔོན་ནི་སྤྱི་ཁྱབ་བློན་ཆེན་གྱི་བཀོད་འདོམས་འོག་རུ་ཆེན་ལྔའི་དམག་དཔུང་ལ་བདག་གཉེར་བྱེད་མཁན་ཞིག་སྟེ། དེའི་ལས་འགན་ནི་རང་གི་ས་མཚམས་སུ་བདེ་འཇགས་སྲུང་སྐྱོབ་དང་། གཞན་གྱི་བཙན་འཛུལ་འགོག་རྒྱུ། རྒྱུན་དུ་ཞིང་འབྲོག་ཐོན་སྐྱེད་ལ་བཀོད་འདོམས་བྱ་རྒྱུ། དམག་མི་བསྡུ་ལེན་བྱ་རྒྱུ་བཅས་ཡིན། དེའི་གོ་གནས་རིམ་པ་ལ་རུ་དཔོན་དང་། སྟོང་དཔོན། སྟོང་བུ་ཆུང་གི་རྗེ། ལྔ་བརྒྱ་ཆེན་པོ་བཅས་བཞི་ཡོད་སྟེ། རུ་དཔོན་ནི་རུ་ཆེན་གཅིག་གི་དམག་དཔུང་ལ་བཀོད་འདོམས་བྱེད་མཁན་ཞིག་སྟེ། རུ་སྡེ་རུ་དཔོན་རྒན་པ་གཅིག་དང་གཞན་པ་གཉིས། རུ་སྡེ་རེར་དམག་མིའི་འབོར་གྲངས་སྟོང་སྡེ་བཅུ། སྟོང་སྟེ་རེར་དམག་མི་སྟོང་ཕྲག་བཅུ་དང་། རུ་སྡེ་གཅིག་ལ་དམག་མི་ཁྲི་བཅུ་ཡོད་པས། རུ་དཔོན་ནི་དོན་དུ་དམག་མི་འབུམ་གཅིག་གི་དམག་དཔོན་ཡིན། དེའི་རྒྱུ་མཚན་དང་ཁུངས་ནི་ཐང་བོད་སྔ་རྗེས་སུ་དམག་འཁྲུག་ཆེ་བ་ཐེངས་གསུམ་འཐབ་པའི་སྐོར་གྱི་བོད་ཀྱི་ལོ་རྒྱུས་དང་《ཐང་》དེབ་ནང་གསལ་ཡོད། སྟོང་དཔོན་ནི་རུ་དཔོན་གྱི་འོག་ཏུ་ཡོད་ཅིང་སྟོང་སྡེ་གཅིག་གི་དམག་དཔོན་ཡིན། དེའི་ཁོངས་སུ་དམག་མི་སྟོང་ཕྲག་བཅུ་ཡོད་པས་དོན་དུ་དམག་མི་ཁྲི་གཅིག་གི་ཁྲི་དཔོན་ཡིན། སྟོང་བུ་ཆུང་གི་རྗེ་ནི་སྟོང་དཔོན་གྱི་འོག་ཏུ་ཡོད་ཅིང་། དམག་མི་སྟོང་ཕྲག་འགའ་ཞིག་གི་དམག་དཔོན་ཡིན། སྟོང་བུ་ཆུང་ཟེར་བའི་གོ་དོན་ནི་དམག་དཔུང་སྟོང་སྡེའི་ཚད་གཞི་མ་ལོངས་ཤིང་། སྟོང་ཕྲག་ཁ་ཤས་ལས་མེད་པས་མིང་དེ་ལྟར་བཏགས། ལྔ་བརྒྱ་ཆེན་པོ་ནི། དམག་མིའི་འབོར་གྲངས་ལྔ་བརྒྱ་ཡས་མས་ཀྱི་དམག་དཔོན་ཞིག་སྟེ། ལི་ཡུལ་ནས་ཐོན་པའི་ཤོག་དྲིལ་ནང་བཤད་པ་ལྟར་ན། སྐབས་དེར་ལྔ་བརྒྱ་ཆེན་པོ་བསྐོས་པ་དང་སྐབས་རེ་ལྔ་བརྒྱ་ཆེན་པོ་དེ་སྟོང་བུ་རྗེར་བཅོས་ཞེས་འཁོད་འདུག རྒྱ་བོད་ལོ་རྒྱུས་ཀྱི་ཡིག་ ཆའི་ནང་འཁོད་པར་གཞིགས་ན་སྐབས་དེར་བོད་སྤྱིར་ཁྱོན་དམག་མི་ཁྲི་དྲུག་ཅུ་རེ་གཅིག་ཡོད་པར་སྣང་། དམག་དཔོན་ཕུད་ད་དུང་མངན་དཔོན་དང་། ཁྲུ་དཔོན། ཞིང་དཔོན། རྩིས་དཔོན། ཆིབས་དཔོན། ཁྲལ་དཔོན། གཟིམ་དཔོན། དྲང་དཔོན། ཁྲིམས་དཔོན་བཅས་སུ་ཕྱེ་ཡོད་པ་སྟེ། མངན་དཔོན་(རྔན་དཔོན་)ནི་འབྲུ་རིགས་དང་གསེར་དངུལ་སོགས་ནོར་སྲིད་དོ་དམ་མཁན་དང་། ཁྲུ་དཔོན་ནི་འབྲོག་ལས་ཐོན་སྐྱེད་ཀྱི་དཔྱ་ཁྲལ་དོ་དམ་མཁན། རྩིས་དཔོན་ནི་ནོར་སྲིད་གཏོང་ཡོང་དང་དཔྱ་ཁྲལ་བསྡུ་འབབ་ལ་ཞིབ་བཤེར་རྩིས་རྒྱག་བྱེད་མཁན། ཆིབས་དཔོན་ནི་རྒྱལ་བློན་གྱི་ཆིབས་རྟ་དང་དམག་རྟ་གཏོང་བསྡུ་དང་འགྲིམ་འགྲུལ་བདེ་འཇགས་བཅས་ལ་དོ་དམ་བྱེད་མཁན། ཁྲལ་དཔོན་ནི་སྲིད་གཞུང་གིས་ཆེད་མངགས་ས་གནས་ཁག་ལ་དཔྱ་ཁྲལ་བསྡུ་བར་བཏང་བའི་དཔོན་རིགས་ཤིག་སྟེ་བཀར་རྒྱ་ཡོང་སྡུད་པ་ཟེར་བ་དང་འདྲ། གཟིམ་དཔོན་ནི། བཙན་པོ་སྒེར་གྱི་ཕོ་བྲང་དང་། རྒྱུན་མཁོའི་འཚོ་བ། ཁོར་ཡུག་བདེ་འཇགས་བཅས་ལ་དོ་དམ་བྱེད་མཁན། སྣམ་ཕྱི་པ་ནི་བཙན་པོའི་སྐུ་སྲུང་མཁན། དྲང་དཔོན་ནི་ཞུ་གཏུགས་མཁན་དང་གྱོད་ཡའི་བར་ཉེས་པ་ཡོད་མེད་ལ་ཞིབ་དཔྱོད་བྱེད་མཁན་སྟེ་ལྕེ་པ་ཡང་ཟེར། ཁྲིམས་དཔོན་ནི་ཞལ་ལྕེ་པས་ཐག་བཅད་པའི་ཁྲིམས་ལྟར་ཁྲིམས་གཅོད་གཏོང་མཁན་ཡིན།6. ཞིང་འབྲོག་ཐོན་སྐྱེད་གོང་དུ་སྤེལ་བའི་བྱ་ཐབས་ལག་བསྟེར་བྱས་པ་སྟེ། རྒྱལ་པོ་སྲོང་བཙན་སྒམ་པོས་ཞིང་འབྲོག་ཐོན་སྐྱེད་གོང་དུ་སྤེལ་བའི་བྱ་ཐོབས་གཙོ་བོ་ནི་རུས་རྒྱུད་ཚོ་པར་དབང་བའི་ལམ་ལུགས་བསྒྱུར་བཅོས་བྱ་རྒྱུ་དེ་ཡིན། སྲོང་བཙན་གྱིས་སྐབས་དེའི་གནས་ཚུལ་དངོས་ལ་དམིགས་ཏེ་ཞིང་འབྲོག་གི་དབང་བའི་ལམ་ལུགས་ཐད། རྒྱལ་པོ་ལ་དབང་བའི་རིགས་གཉིས། བློན་པོ་ལ་དབང་བའི་རིགས་གཉིས། རུས་རྒྱུད་ཚོ་པ་ཚོར་དབང་བའི་རིགས་གཉིས་བཅས་དྲུག་ཏུ་དབྱེ་ཡོད། རྒྱལ་པོར་དབང་བའི་རིགས་དང་པོ་ནི་རྗེ་ཞིང་སྟེ་སྤྲོད་ལེན་གྱི་དབང་ཆ་བཙན་པོར་ཡོད་ཀྱང་དེའི་ཐོན་འབབ་དཔྱ་ཁྲལ་རྣམས་སྲིད་གཞུང་ལ་དབང་ཞིང་སྲིད་གཞུང་གི་ཡོང་འབབ་ཀྱི་ཁོངས་སུ་གཏོགས་པ་དང་། ས་ཞིང་བགོས་པའི་ཚད་གཞི་ནི་ཁྱིམ་མི་རེར་ས་ཞིང་དོར་གཅིག་(དོར་གཅིག་གི་ཚད་ནི་སྨོས་མཛོ་ཆ་གཅིག་གིས་ཉིན་གཅིག་རྨོ་ཐུབ་པའི་ས་ཞིང་རྒྱ་ཁྱོན་ལ་ཟེར་ཞིང་ཕལ་ཆེར་མུའུ་བཅུ་ལ་ཉེ་བ་ཡོད་)ཞིང་པའི་དཔྱ་ཁྲལ་འཇལ་ཚད་ནི་སྤྱིའི་ཐོན་ཚད་ཀྱི་དྲུག་ཆ་གཅིག་ཡིན་པར་སྣང་། འབྲོག་ཁུལ་དུ་ནོར་ཕྱུགས་རྣམས་སྲིད་གཞུང་དང་། བཙན་པོ། བློན་པོ། རུས་རྒྱུད་ཚོ་པ། འབྲོག་པ་སྒེར་བཅས་སོ་སོར་དབང་བའི་ཚད་གཞི་གསལ་པོ་མེད་ཀྱང་ཤ་ཁྲལ་བསྡུ་ལུགས་དང་། ནོར་ཕྱུགས་བརྗེ་ཚོང་བྱེད་པའི་རིན་ཐང་ནོར་ཕྱུགས་དང་འབྲུ་རིགས་བརྗེ་ཚོང་སྐོར་སོགས་ལི་ཡུལ་ནས་ཐོན་པའི་འཛིན་ཡིག་ལ་བལྟས་ན་འབྲོག་ཁུལ་དུའང་བཀས་བཀོད་རྒྱུད་འཛིན་གྱི་འབྲོག་ལས་དཔལ་འབྱོར་གྱི་མྱུ་གུ་ཐོན་འགོ་ཚུགས་ཟིན་པ་གསལ་པོ་བསྟན་ཡོད། བཙན་པོ་ལ་དབང་བའི་རིགས་གཉིས་པ་ནི། ས་ཞིང་རྣམས་བཙན་པོ་སྒེར་གྱི་ཁོངས་གཏོགས་བྲན་གཡོག་རྣམས་ལ་བགོས་ཏེ་འདེབས་ལས་བྱེད་དུ་བཅུག་ཐོག་དེའི་ཡོང་འབབ་རྣམས་བཙན་པོ་རང་ཉིད་ལ་དབང་ཞིང་། དེ་དག་རུ་སྡེ་ལྔ་ཀར་ཡོད་ཀྱང་གཙོ་བོ་དབུ་རུ་ཤོད་ཆེན་ཏེ་སྐྱིད་ཤོད་སྟོད་སྨད་ཀྱི་ས་ཞིང་དང་འབྲོག་སྡེ་རྣམས་ཡིན། བློན་པོར་དབང་བའི་ས་ཞིང་ལ་ཡང་རིགས་གཉིས་ཡོད་པ་སྟེ། དང་པོ་ནི་བློན་པོ་མཛད་རྗེས་ཆེ་བར་དམིགས་བསལ་གྱི་བྱ་དགར་སྤྲད་པ་རྣམས་ཕ་ཚ་བུ་རྒྱུད་དུ་སྒེར་ལ་དབང་ཞིང་སྲིད་གཞུང་ལ་དཔྱ་ཁྲལ་འབུལ་མི་དགོས། བློན་པོ་ལ་དབང་བ་གཉིས་པ་ནི་རྔན་ཞིང་ཟེར་ཞིང་། དེ་ནི་བློན་གྱི་གོ་གནས་བཟུང་རིང་ཐོན་འབབ་དཔྱ་ཁྲལ་མེད་པར་སྒེར་ལ་དབང་བ་ལས། གོ་གནས་བརྗེས་པའམ་གནས་དབྱུང་བཏང་རྗེས་གོ་གནས་གསར་པ་འཛིན་མཁན་ལ་རྩིས་སྤྲོད་དགོས་པས་དེ་ནི་བཀས་བཀོད་རྒྱུད་འཛིན་གྱི་དཔལ་འབྱོར་ལམ་ལུགས་ཀྱི་མྱུ་གུ་གསར་པ་ཞིག་གཏོད་པའི་མཚོན་རྟགས་ཡིན། རུས་རྒྱུད་ཚོ་པར་དབང་བའི་ས་ཞིང་དེ་ལའང་རིགས་གཉིས་ཏེ། དེའང་དང་པོ་རུས་རྒྱུད་ཚོ་པ་ཁག་ཐུན་མོང་ལ་དབང་བའི་ས་ཞིང་སྟེ། རུས་རྒྱུད་ཚོ་པ་དེ་རྣམས་ས་ཁུལ་གཅིག་ཏུ་འདུས་སྡོད་བྱེད་ཀྱི་ཡོད་པས་རྒྱལ་པོ་སྲོང་བཙན་སྒམ་པོས་ཁོ་ཚོར་དབང་བའི་ས་ཞིང་རྣམས་རང་འཇགས་སུ་གནས་པ་བྱས་ཐོག་དཔྱ་ཁྲལ་འོས་འཚམས་ཤིག་སྲིད་གཞུང་ལ་འབུལ་དགོས་པ། རུས་རྒྱུད་ཚོ་པར་དབང་བའི་ས་ཞིང་གི་རིགས་གཉིས་པ་ནི། རུས་རྒྱུད་ཚོ་པའི་ཁོངས་གཏོགས་ཞིང་པ་སྒེར་ལ་དབང་བའི་ས་ཞིང་ཏེ་ཁོང་ཚོ་རང་ཉིད་ཀྱིས་གསར་སྦོལ་བྱས་པའི་ས་ཞིང་དང་། ཚལ་ཞིང་། ལྡུམ་ར་སོགས་ས་ཞིང་གི་ཐོར་བཀོད་ནས་ལོ་རེ་དུས་ཚོད་ངེས་ཅན་གྱི་དཔྱ་ཁྲལ་(ལོ་ཐང་བླ་སྐྱེས་)མི་ཉུང་བ་ཞིག་ཕུལ་རྗེས་ས་ཞིང་དེ་དག་གི་ཐོན་འབབ་ཁོ་ཚོ་སྒེར་ལ་དབང་བ་ཡིན་པས་དེ་ནི་བཀས་བཀོད་རྒྱུད་འཛིན་གྱི་ས་ཞིང་དབང་བའི་ལམ་ལུགས་ཡིན་པ་དང་། ཁོང་ཚོ་ནི་རང་དབང་དང་དཔལ་འབྱོར་ཡོད་པའི་འབངས་མི་ཡིན། གོང་གསལ་ས་ཞིང་དབང་བའི་ལམ་ལུགས་རིགས་དྲུག་གི་ཐོག་ནས་བཀས་བཀོད་རྒྱུད་འཛིན་གྱི་མྱུ་གུ་ཐོན་ཟིན་པ་སྨོས་མེད་དང་། སྐབས་དེར་སྲོང་བཙན་གྱི་དཔལ་འབྱོར་སྲིད་ཇུས་དེས་ལྷག་ལུས་རུས་རྒྱུད་ཚོ་པ་དང་བྲན་གཡོག་བདག་པོ་རྣམས་ཀྱི་ཁེ་ཕན་ལ་ཕྱོགས་གཅིག་ནས་སྲུང་སྐྱོབ་དང་གཉིས་ནས་ཚོད་འཛིན་ཡོད་པའི་བྱ་ཐབས་ལ་བརྟེན་ནས་ཞིང་འབྲོག་རྣམས་ལ་སྒེར་གྱི་དཔལ་འབྱོར་དབང་བར་ཁས་ལེན་བྱས་ཏེ། དཔྱ་ཁྲལ་བསྡུ་བའི་ལམ་ལུགས་ལག་ལེན་བསྟར་བ་དེས་ཞིང་འབྲོག་ཐོན་སྐྱེད་ལ་གོང་འཕེལ་གསར་པ་བྱུང་བ་དང་། དེ་དང་ཆབས་ཅིག་ཏུ་མི་རིགས་རང་ཉིད་ཀྱི་ལག་ཤེས་བཟོ་ལས་དང་ཚོང་ལས་ལ་ཡང་སྔར་བས་ཡར་རྒྱས་བྱུང་ཡོད། །7. སྤུན་ཟླའི་མི་རིགས་དང་ཁྱིམ་མཚེས་རྒྱལ་ཁབ་བར་མཛའ་མཐུན་གྱི་འབྲེལ་བ་བཙུགས་ནས་མི་རིགས་རང་ཉིད་ཀྱི་དཔལ་འབྱོར་རིག་གནས་ཆོས་ལུགས་བཅས་གོང་དུ་སྤེལ་བ་སྟེ། རྒྱལ་པོ་སྲོང་བཙན་སྒམ་པོས་བོད་ཀྱི་དཔལ་འབྱོར་དང་། རིག་གནས། ནང་བསྟན་བཅས་དར་སྤེལ་གཏོང་བའི་ཆེད་དུ་སྔ་རྗེས་སུ་བལ་པོའི་རྒྱལ་པོའི་སྲས་མོ་བལ་བཟའ་ཁྲི་བཙུན་དང་། ཐང་རྒྱལ་རབས་ཀྱི་གོང་མ་ཐང་ཐའི་ཙུང་གི་ཚ་མོ་ཝུན་ཁྲེན་ཀོང་ཇོ་སོགས་སྤུན་ཟླའི་མི་རིགས་དང་ཁྱིམ་མཚེས་རྒྱལ་ཁབ་ནས་བཙུན་མོ་བླངས་ཏེ་ཁོང་ཚོའི་སྔོན་ཐོན་གྱི་ཉམས་མྱོང་དང་། རིན་ཐང་བྲལ་བའི་སྐུ་གསུང་ཐུགས་རྟེན་སོགས་རིག་དངོས་རྣམས་བོད་དུ་གདན་དྲངས་པ་དེས་གཅིག་ནས་མི་རིགས་ཕན་ཚུན་བར་དང་རྒྱལ་ཁབ་ཕན་ཚུན་བར་མཐུན་སྒྲིལ་མཛའ་བཤེས་ཀྱི་འབྲེལ་བ་བཙུགས་པ་དང་། གཉིས་ནས་བོད་ཀྱི་ཆབ་སྲིད་དང་། དཔལ་འབྱོར། ཆོས་ལུགས། རིག་གནས་བཅས་གང་གི་ཐད་ལའང་སྔར་ལས་ལྷག་པའི་གོང་འཕེལ་གསར་པ་ཞིག་ཡོང་རྒྱུར་སྐུལ་མ་ཐེབས་ཡོད།་འཕེལ་གསར་པ་ཞིག་ཡོང་རྒྱུར་སྐུལ་མ་ཐེབས་ཡོད།)
Dictionaries/chos rnam kun btus/1070 + (1.པུ་ཧྲེངས་(མ་ཕམ་གཡུ་མཚོ་ནས་རྩིས་པའི་ལྷོ་ང … 1.པུ་ཧྲེངས་(མ་ཕམ་གཡུ་མཚོ་ནས་རྩིས་པའི་ལྷོ་ངོས་) དང་། མང་ཡུལ་(དེང་སང་སྐྱིད་གྲོང་དུ་འབོད་པ། པུ་ཧྲེངས་ཀྱི་ཤར་དིང་རིའི་ནུབ་ངོས་སུ་ཐག་ཉེ་སར་ཡོད་) ཟངས་དཀར་(པུ་ཧྲེངས་ཀྱི་ནུབ་ཁུལ་དུ་ཡིན་ནམ་སྙམ་)བཅས་དེ་གསུམ་པོ་སྐོར་ཚོ་གཅིག2.ལི། བྲུ་ཤ། སྦལ་ཏི་གསུམ་སྐོར་ཚོ་གཅིག་སྟེ་དེང་སང་ཤིན་ཅང་ཡུ་གུར་རིགས་རང་སྐྱོང་ལྗོངས་ཀྱི་ཁོངས་སུ་ཡོད་དམ་སྙམ།3.ཞང་ཞུང་( མངའ་རིས་གུ་གེ་མཐོ་ལྡིང་ཡོད་སའི་བརྒྱུད་) དང་། ཁྲི་སྡེ་སྟོད། ཁྲི་སྡེ་སྨད་བཅས་སྐོར་འཚོ་གཅིག་གོ །ེ་སྟོད། ཁྲི་སྡེ་སྨད་བཅས་སྐོར་འཚོ་གཅིག་གོ །)
Dictionaries/chos rnam kun btus/3588 + (1.པུར་རྒྱལ་དང་བློན་ཆེན་གྱི་མི་རྒྱུད་དང་ས་ག … 1.པུར་རྒྱལ་དང་བློན་ཆེན་གྱི་མི་རྒྱུད་དང་ས་གནས་ཁག་གི་སྡེ་དཔོན་(བྲན་གཡོག་བདག་པོ་ཆེ་གྲས་)ཆེ་གྲས་ཀྱི་མི་རྒྱུད་སྟེ། དཔེར་ན། ཨེ་ལྷ་རི་ནི་པུར་རྒྱལ་གྱི་མི་རྒྱུད་ཡིན་སྐད་དང་། སྒེར་པ་ཆེན་པོ་རྣམ་སྲས་གླིང་ནི་རྒྱལ་པོ་གླང་དར་མའི་མག་པའི་མི་རྒྱུད་ཡིན་སྐད། སྒེར་པ་ཆེན་པོ་ཐོན་པ་ནི་ཆོས་རྒྱལ་སྲོང་བཙན་སྒམ་པོའི་བློན་ཆེན་གྲགས་ཅན་ཐུ་མི་སམ་བྷོ་ཊའི་མི་རྒྱུད་ཡིན་སྐུད། སྒེར་པ་ཆེན་པོ་རྡོ་རིང་དང་། མདོ་ཁར། བཤད་སྒྲ་སོགས་ནི་གནའ་བོའི་བོད་ཀྱི་ཡུལ་གྲུ་ཁག་གི་རྒྱལ་པོའི་མི་རྒྱུད་ཡིན་སྐད་བཅས་ལྟ་བུ། ཁོང་ཚོའི་མེས་པོ་མི་ཉུང་བ་ཞིག་ལ་མན་ཆིང་རྒྱལ་རབས་ཀྱི་དུས་འགོར་པེ་སི་དང་ཇུན་ཝང་གི་གོ་མིང་ཐོབ་ཡོད། །2.ཏཱ་ལའི་བླ་མ་སྐུ་ཕྲེང་རིམ་བྱོན་གྱིས་དཔོན་གནས་གནང་བའི་སྐུ་དྲག(1)ཏཱ་ལའི་བླ་མ་སྐུ་ཕྲེང་ལྔ་པའི་སྐུ་དུས་སུ་སྒེར་པ་བརྒྱ་དང་བདུན་ཅུ་དོན་ལྔ་དྲུང་འཁོར་གྱི་དཔོན་གནས་བསྩལ་ནས་སྐུ་དྲག་ཏུ་གྱུར། (2)ཏཱ་ལའི་བླ་མ་སྐུ་ཕྲེང་བདུན་པའི་དུས་སུ་སེར་མོ་བའི་དབང་ཆ་རྒྱ་ཆེར་གཏོང་ཆེད་ཡིག་ཚང་ལས་ཁུངས་བཙུགས་ནས་སེར་མོ་བ་ཕོན་ཆེན་ཞིག་སྲིད་གཞུང་གི་དཔོན་རིགས་སུ་བསྐོ་གཞག་གིས་ཁྱོན་བསྡོམས་རྩེ་དྲུང་བརྒྱ་དང་བདུན་ཅུ་དོན་ལྔར་དཔོན་གནས་བསྩལ་ནས་སྒེར་པ་སྐུ་དྲག་ཏུ་གྱུར། (3)མན་ཆིང་གོང་མས་ཏཱ་ལའི་བླ་མ་སྐུ་ཕྲེང་བདུན་པའི་ཡབ་ལ་གུང་གི་མིང་ཕུལ་བ་ནས་བཟུང་ཏཱ་ལའི་བླ་མ་སྐུ་ཕྲེང་རིམ་བྱོན་གྱི་ཡབ་ཚང་ལ་གུང་གི་གོ་མིང་སྤྱོད་སྲོལ་ཆགས་པ་མ་ཟད། ཡབ་གཞིས་དང་ཞིང་བྲན་འབོར་ཆེན་སྤྲད་ནས་སྒེར་པ་ཆེན་པོར་གྱུར་པ།(4)སྲིད་སྐྱོང་རྭ་སྒྲེང་དང་སྟག་བྲག་གི་དུས་སུ་ཚོང་རིགས་ཆེ་ཁག་ནས་སྒེར་པ་སྐུ་དྲག་གི་གྲས་སུ་ཚུད་པ་དཔེར་ན། སྤོམ་མདའ་ཡར་འཕེལ་དང་ས་འདུ་རིན་ཆེན་ལ་སོགས་ལྟ་བུ།(5)སྒེར་པ་ཆེན་པོ་ཕ་ལྷ་ནི་འབྲུག་པ་རྒྱལ་པོའི་མི་རྒྱུད་ཡིན་པ་དང་། སྒེར་པ་ཆེན་པོ་རྡོ་ཁྲ་ཕྲ་རིང་ནི་འབྲས་ལྗོངས་རྒྱལ་པོའི་མི་རྒྱུད་ཡིན་པ་ལྟ་བུ།(6)བཀའ་བློན་རིམ་བྱུང་གི་མི་རྒྱུད་སྟེ། དཔེར་ན། ཞོལ་ཁང་དང་། རམ་པ། ཟུར་ཁང་སོགས་ལྟ་བུ།3.པཎ་ཆེན་གྱི་ཡབ་གཞིས་དང་བཀྲས་ལྷུན་བླ་བྲང་གི་སེར་སྐྱ་དཔོན་རིགས་ནི་པཎ་ཆེན་ནང་སྒང་གི་ཁོངས་སུ་གཏོགས་པའི་གཙང་ཁུལ་གྱི་སྒེར་པ་སྐུ་དྲག་ཡིན། །4.ས་སྐྱ་བདག་ཆེན་དང་། ཆབ་མདོ་འཕགས་པ་ལྷ། བྲག་གཡབ་བློ་ལྡན་ཤེས་རབ། རི་བོ་ཆེའི་འཕགས་མཆོག་བཅས་དང་ཧོ་ཐོག་ཐུའི་ཡབ་ཚང་དང་དེ་ཚོའི་དཔོན་རིགས་གཙོ་གྲས་རྣམས་ཀྱང་ཁོང་ཚོའི་འཛིན་ཁོངས་ས་ཁུལ་དེ་གའི་སྐུ་དྲག་ཏུ་གཏོགས། རྒྱལ་རབས་རིམ་བྱུང་གིས་གོ་གནས་སྤྱད་ནས་སྒེར་པ་སྐུ་དྲག་གི་གདན་ཐོབ་བྱུང་བའི་དུད་ཚང་ཧ་ལམ་བཞི་བརྒྱ་ཡས་མས་ཡོད་ནའང་འགའ་ཞིག་མི་ཤི་ཁྱིམ་སྟོངས་སུ་གྱུར་པ་དང་། འགའ་ཞིག་རྒྱུ་ནོར་གཞུང་བཞེས་བཏང་བ། འགའ་ཞིག་ཆབ་སྲིད་འཐབ་རྩོད་ནང་གནས་དབྱུང་བཏང་སྟེ་སྐུ་དྲག་ནས་མི་སེར་དུ་ཕབ་པ་བཅས་ཀྱི་རྐྱེན་པས་དམངས་གཙོའི་བཅོས་བསྒྱུར་མ་བྱས་གོང་བོད་ས་གནས་སྲིད་གཞུང་ཁོངས་སུ་སྒེར་པ་སྐུ་དྲག་དུད་ཚང་བརྒྱ་དང་དགུ་བཅུ་གོ་བདུན་མ་གཏོགས་ལྷག་མེད། དེ་ཁོངས་སུ་སྒེར་པ་སྐུ་དྲག་ཆེ་གྲས་དུད་ཚང་ཉི་ཤུ་རྩ་ལྔ་དང་། སྒེར་པ་སྐུ་དྲག་འབྲིང་གྲས་དུད་ཚང་ཉི་ཤུ་རྩ་དྲུག སྒེར་པ་སྐུ་དྲག་ཆུང་གྲས་དུད་ཚང་བརྒྱ་དང་བཞི་བཅུ་ཞེ་དྲུག་བཅས་ཡོད། རྒྱུད་འཛིན་སྐུ་དྲག་དུད་ཚང་རེར་གཞིས་ཀ་གཅིག་ནས་བཅུ་ཕྲག་ཁ་ཤས་བར་དང་། ས་ཞིང་སོན་ཁལ་བརྒྱ་ཕྲག་སྟོང་ཕྲག་ནས་ཁྲི་ཕྲག་ཁ་ཤས་བར་དབང་ཡོད་པ་དཔེར་ན། སྒེར་པ་ཆེན་པོ་རྡོ་རིང་དུད་ཚང་གཅིག་པུས་ས་ཞིང་སོན་ཁལ་བཞི་ཁྲི་ལྷག་ཙམ་བཟུང་ཡོད། འབྲོག་ཁུལ་གྱི་རྒྱུད་འཛིན་སྟོང་དཔོན་ཡང་སྐུ་དྲག་གི་གྲས་སུ་གཏོགས། ཆབ་མདོ་དང་འབྲོག་ཁུལ་ས་ཆ་ཁ་ཤས་ལ་ད་དུང་རྒྱུད་འཛིན་དཔོན་ཁག་གཅིག་ཡོད་པ་དཔེར་ན། ལྡིང་དཔོན་དང་བརྒྱ་དཔོན་སོགས་དཔོན་རིགས་ཀྱིས་ས་གནས་དེ་གའི་བླ་བྲང་དང་རྫོང་གི་འགོ་འཛིན་འོག་ཡུལ་སྡེ་ཆུང་གྲས་འདྲ་བདག་བཟུང་བྱེད་ཀྱི་ཡོད་པས་ཁོ་ཚོར་ས་ཞིང་དང་་ཕྱུགས་ཟོག་ངེས་ཅན་ཞིག་དབང་བ་མ་ཟད། དམིགས་བསལ་དབང་ཆ་ཡང་གང་ཙམ་ཞིག་སྤྱོད་རྒྱུ་ཡོད། ས་གནས་སྲིད་གཞུང་གིས་ཁོ་ཚོ་སྒེར་པ་སྐུ་དྲག་ཏུ་མི་བརྩི་རུང་དོན་དངོས་ཐོག་སྒེར་པ་སྐུ་དྲག་ཆུང་གྲས་དང་ཁྱད་པར་མེད།་ཐོག་སྒེར་པ་སྐུ་དྲག་ཆུང་གྲས་དང་ཁྱད་པར་མེད།)
Dictionaries/chos rnam kun btus/704 + (1.བཀའ་སྲོལ་ངོས་བཟུང་བ་ནི། ཡེ་ཤེས་ཌཱ་ཀི་པཎ་ … 1.བཀའ་སྲོལ་ངོས་བཟུང་བ་ནི། ཡེ་ཤེས་ཌཱ་ཀི་པཎ་གྲུབ་བརྒྱ་ལྔ་བཅུའི། ། ཐུགས་མཛོད་མཐར་ཐུག་ལྔ་ལྡན་ཁྱུང་པོས་བླངས། ། བཤད་རྩོད་སྒྲུབ་པའི་ལམ་གསུམ་ཕྱི་མའི་བཅུད། ། གསེར་ཆོས་རྩ་བར་གྱུར་པའི་ཆོས་སྐོར་ལྔ། ། ཞེས་རྡོ་རྗེ་འཆང་དངོས་ལས་ཆོས་གསན་པའི་ཡེ་ཤེས་ཀྱི་ཌཱ་ཀི་ནི་གུ་མ་དང་། སུ་ཁ་སིདྡྷི་རྣམ་པ་གཉིས། ཁྱད་འཕགས་ཀྱི་བླ་མ་བཅུ་གསུམ། རྩ་བའི་བླ་མ་རྣམ་བཞི་སོགས་མཁས་གྲུབ་བརྒྱ་དང་ལྔ་བཅུའི་ཐུགས་བཅུད་ཆོས་ཀྱི་མཛོད་མ་ལུས་པ་མཐར་ཐུག་ལྔ་ལྡན་ཁྱུང་པོ་རྣལ་འབྱོར་གྱིས་བླངས། དེའང་མཁས་གྲུབ་ཁྱུང་པོ་རྣལ་འབྱོར་དེ་ཉིད་བོན་དང་རྙིང་མ་ལ་རིམ་གྱིས་མཁས་ཤིང་གྲུབ་པ་ཐོབ་ཀྱང་བྱང་ཆུབ་སྤྱོད་པའི་སྨོན་ལམ་དུས་སུ་སོན་པས་འཕགས་ཡུལ་ནས་མདོ་རྒྱུད་ཀྱི་ཟབ་ཆོས་བཙལ། གཏུམ་མོ་སྟོན་པའི་མཐར་ཐུགས་དགྱེས་མཛད། ལས་རྒྱ་མཐར་ཐུག་བདེ་མཆོག སྒྱུ་ལུས་འོད་གསལ་མཐར་ཐུག་གསང་འདུས། རྨི་ལམ་མཐར་ཐུག་མ་ཧཱ་མཱ་ཡཱ། ཕྲིན་ལས་མཐར་ཐུག་རྡོ་རྗེ་འཇིགས་མཛད་དེ་རྒྱུད་སྡེ་ལྔ་སྐུའི་གནས་ལྔར་དངོས་སུ་སྒྲུབ་པས་མཚོན་མདའ་བསྣུན་ཞབས་སོགས་ཡེ་ཤེས་ཀྱི་སྐུ་བརྙེས་པ་རྣམས་དང་མི་གཉིས་པའི་གྲུབ་པའི་ས་ལ་བཞུགས་པ་དེས་གཙང་གཡས་རུ་ཤངས་ཀྱི་ཞང་ཞོང་དུ་གདན་ས་མཛད་ནས་བླ་མི་ཤངས་པ་དང་། བརྒྱུད་འཛིན་རྣམས་ལ་ཤངས་པ་བཀའ་བརྒྱུད་དུ་གྲགས། དགུང་ལོ་བརྒྱ་དང་ལྔ་བཅུར་བཞུགས་ཤིང་བསམ་གྱིས་མི་ཁྱབ་པའི་ཆོ་འཕྲུལ་ཆེན་པོས་ཆོས་ཀྱི་འཁོར་ལོ་མཐའ་ཡས་པ་བསྐོར་བའི་ལམ་སྲོལ་དེ་དག་བསྡུ་ན། བཤད་པ། རྩོད་པ། སྒྲུབ་པའི་ལམ་རིམ་གསུམ་དུ་འདུ་བ་སྟེ། བཤད་པའི་ལམ་རིམ་ལ། མདོ་དང་དེའི་བསྟན་བཅོས། རྒྱུད་རྒྱུད་འགྲེལ་དང་བཅས་པ། མཚན་ཉིད་ཐེག་པ་ལ་གྲུབ་མཐའ་ཆེན་པོ་བཞི། རྡོ་རྗེ་ཐེག་པ་ལ་རྒྱུད་སྡེ་ཆེན་པོ་བཞི་ཚུལ་བཞིན་དུ་བཤད་པ་དང་། རྩོད་པའི་ལམ་རིམ་ལ་ཚད་མ་སྡེ་བདུན་སོགས་རྟོག་གེ་ཕྱི་རབས་པའི་ལུགས་ཀྱང་གསན་མོད། གཙོ་བོ་ཚད་མ་སྔ་རབས་པ་ལ་གྲགས་པ་ལྟར་གཏན་ཚིགས་ཆེན་མོ་བཞིས་མཚན་ཉིད་གསུམ་གཏན་ལ་ཕབ་ཅིང་། ཚད་མ་ཡང་མངོན་སུམ་རྗེས་དཔག་ཡིད་ཆེས་གསུམ་ཕྱེད་ནས། བརྒལ་ལན་རྣམ་པར་ངེས་པ་བྱེད་པ་དང་། སྒྲུབ་པའི་ལམ་རིམ་ལ་རྒྱུ་ཕར་ཕྱིན་ཐེག་པ་དང་། འབྲས་བུ་རྡོ་རྗེ་ཐེག་པ་གཉིས་ཀྱི་ཉམས་ལེན་མཐའ་དག བྱང་ཕྱོགས་སོ་བདུན་ཐུན་མོང་དང་ཁྱད་པར་གྱི་གནད་ཀྱིས་ཉམས་སུ་ལེན་ཚུལ་མན་ངག་ཏུ་དྲིལ་ནས་སྟོན་པས། གངས་ཅན་དུ་བྱོན་པའི་སྟོན་པ་ཞིག་ལ་ཆོས་ཀྱི་སྒོ་མཐའ་ཡས་པ་དང་། འགྲན་ཟླ་མེད་པའི་ཕྲིན་ལས་ཅན་ཡིན་པས་བསམ་གྱིས་མི་ཁྱབ་བོ། ། དེ་དག་ཐམས་ཅད་ལས་ཕྱི་མ་སྒྲུབ་པའི་ལམ་རིམ་གྱི་སྙིང་པོའི་བཅུད་ཙམ་ཞིག་དེང་སང་གི་བར་དུ་བཞུགས་པ་སྟེ། དེའང་ནི་དྷི་རྣམ་གཉིས་ཀྱི་གསེར་ཆོས་རྩ་བར་གྱུར་པའི་ཆོས་སྐོར་ལྔར་གྲགས་པ་སྟེ། ནི་གུ། སུ་ཁ། རྡོ་རྗེ་གདན་པ། མེ་ཏྲི་པ། རཱ་ཧུ་ལའི་སྐོར་ལྔ། མན་ངག་ཐོར་བུ་དང་བཅས་པ་རྣམས་སོ། །2.བརྒྱུད་པ་སོ་སོའི་ཚུལ་སྨོས་པ་ལ་བཞི་སྟེ། (1)རིང་བརྒྱུད་ནི། སྔ་ཕྱིའི་བུ་དྲུག་བཤེས་གཉེན་ཁྲི་བཅོ་བརྒྱད། ། སྨིན་ཅིང་གྲོལ་མཛད་ཆིག་བརྒྱུད་རྡོ་རྗེའི་རྒྱ། ། རིན་ཆེན་བདུན་པ་ཆོས་རྗེ་སྟོན་པས་བཀྲོལ། ། མཁས་གྲུབ་རྣམ་གསུམ་གནས་རྙིང་གདན་སློབ་བརྒྱུད། ། གྲུབ་ཆེན་ཁྱུང་པོའི་སྔ་བུ་ལྔ། ཕྱི་བུ་གཅིག་དང་དྲུག་གི་གཙོས་བཤེས་གཉེན་ཁྲི་ཕྲག་བཅོ་བརྒྱད་སོགས་ས་ཆེན་པོའི་རྡུལ་དང་མཉམ་པའི་གདུལ་བྱ་སྨིན་ཅིང་གྲོལ་བར་མཛད་པ་སྟེ། དེ་ལ་སྔ་བུ་ལྔ་ནི། དྲི་མེད་ཤེས་རབ་ཀྱི་སྡོང་པོ་རྨེའུ་སྟོན་པ། ཕན་སེམས་ཡལ་ག་གཡོར་པོ་རྒྱ་མོ་ཆེ། སྙིང་རྗེའི་ལོ་འདབ་དངུལ་སྟོན་རིན་དབང་། བྱམས་པའི་མེ་ཏོག་ལ་སྟོད་དཀོན་མཆོག་མཁར། འོད་གསལ་སྙིང་པོ་ཞང་སྒོམ་ཆོས་སེང་རྣམས་དང་། ཕྱི་བུ་གཅིག་ནི་སྒྱུ་ལུས་རྨི་ལམ་གྱི་འབྲས་བུ་སྨིན་པ་རྨོག་ལྕོགས་པ་རིན་ཆེན་བརྩོན་འགྲུས་ཏེ། རྡོ་རྗེ་འཆང་གི་གསང་ཚིག་ཆིག་བརྒྱུད་ཀྱི་བཀའ་ནི་རྨོག་ལྕོགས་པ་ཁོ་ན་ལ་བབས། དེ་ནས་རིམ་བཞིན་དབོན་སྟོན་སྐྱེར་སྒང་པ། སངས་རྒྱས་གཉན་སྟོན། འགྲོ་མགོན་སྟོན་པའི་བར་དུ་བརྒྱུད་དེ་རྡོ་རྗེ་འཆང་དང་ཡེ་ཤེས་ཌཱ་ཀིས་ལུང་བསྟན་པ་བཞིན་དུ་ཆིག་བརྒྱུད་རྡོ་རྗེའི་རྒྱ་རིན་ཆེན་བདུན་པར་གྱུར་པ་འགྲོ་མགོན་ཆོས་རྗེ་སྟོན་པས་བཀྲོལ་ཏེ་ཛམྦུའི་གླིང་དང་གླིང་ཕྲན་ཚུན་ཆད་གྲུབ་ཐོབ་ཀྱི་སློབ་མས་ཁྱབ་པ་ལས། གཙོ་བོ་གཙང་མ་ཤངས་སྟོན། བསམ་ལྡིང་པ་གཞོན་ནུ་གྲུབ། འཇག་ཆེན་རྒྱལ་མཚན་འབུམ་སྟེ་མཁས་གྲུབ་རྣམ་པ་གསུམ་གྱིས་བརྒྱུད་པའི་རྐང་བཟུང་ཞིང་གདམས་ངག་ཡི་གེར་བཀོད། ཤངས་སྟོན་སློབ་མ་ཁྱུང་པོ་ཚུལ་མགོན་སོགས་རིན་ཆེན་རྣམ་བདུན་ཕྱི་མར་གྲགས་པ་ངོ་མཚར་བའི་བརྒྱུད་པ་དང་། འཇག་བསམ་གཉིས་ཀྱི་གདན་ས་སློབ་བརྒྱུད་མཐའ་ཡས་པ་བྱོན་ཅིང་། གཞན་ཡང་རྗེ་སྟོན་པའི་དངོས་སློབ་གསེར་གླིང་པ་བཀྲ་ཤིས་དཔལ་ལས་གྱེས་པ་དང་། ཆེ་བ་བཅུ་དང་ལྡན་པ་ལ་སྟོད་གནས་རྙིང་གི་གདུང་རབས་ལ་སྤྱན་རས་གཟིགས་ཀྱི་རྣམ་འཕྲུལ་བརྒྱད་ཅུ་རྩ་བརྒྱད་བྱོན་ནས་བསྟན་འགྲོའི་དོན་བྱེད་པར་ལུང་བསྟན་པའི་ཐོག་མའི་རབས་སུ་གྱུར་པ་ལ་སྟོད་པ་དཀོན་མཆོག་མཁར་གྱི་གདན་ས་པ་རིམ་བྱོན་དང་སློབ་བརྒྱུད་ལས་གྱེས་པ་སོགས་མཐའ་ཡས་སོ། །(2)ཉེ་བརྒྱུད་ནི། ཐང་རྒྱལ་ནི་གུའི་བཀའ་བབས་སྔ་ཕྱི་གསུམ། ། ཞེས་ཀུན་མཁྱེན་དོལ་པོ་སངས་རྒྱས་ཀྱི་སྐུའི་སྐྱེ་བ་ཕྱི་མ་གྲུབ་ཆེན་བརྩོན་འགྲུས་བཟང་པོའམ་ཐང་སྟོང་རྒྱལ་པོ་སོགས་སྐུ་གཅིག་ལ་མཚན་ལྔ་ལྡན་པ་དེ་ཉིད་ཀྱིས། རིང་བརྒྱུད་མཁས་གྲུབ་ཤངས་སྟོན་གྱི་སློབ་མ་མུས་ཆེན་རྒྱལ་མཚན་དཔལ་བཟང་ནས་རི་གོང་སྟོད་བརྒྱུད་དུ་གྲགས་པའི་སྙན་བརྒྱུད་རྣམས་བྱང་སེམས་སྦྱིན་པ་བཟང་པོ་ལས་གསན་ནས་ཐུགས་ཉམས་སུ་བཞེས་པས་ཡེ་ཤེས་མཁའ་འགྲོ་དངོས་ཀྱིས་རྗེས་སུ་བཟུང་བའི་ཉེ་བརྒྱུད་རིམ་པ་གསུམ་བྱུང་སྟེ། དང་པོ་གཙང་གི་རི་བོ་ཆེར་ནི་གུ་མ་དངོས་སུ་བྱོན་ཏེ། ཆོས་དྲུག ཕྱག་ཆེན། ལམ་ཁྱེར། འཆི་མེད། བླ་མ་མགོན་པོ་དབྱེར་མེད་རྣམས་ཀྱི་ཁྲིད། གཉིས་པ་མདོག་སྨད་སྲིན་རྫོང་ཤུག་སྡོང་གི་རྩ་བར་དེ་དག་སོ་སོའི་དབང་། གསུམ་པ་མཁའ་སྤྱོད་ཀྱི་གདམས་པ་ཡི་གེ་མེད་པའི་བརྡ་ཐབས་སུ་བྱུང་བ་བཅས་བཀའ་བབས་སྔ་ཕྱི་བར་གསུམ་མང་མཁར་བ་བློ་གྲོས་རྒྱལ་མཚན་སོགས་ལས་སོ་སོར་བརྒྱུད་དེ་ད་ལྟའི་བར་བཀའ་བརྒྱུད་ཟམ་མ་ཆད་པར་བཞུགས་སོ། །(3)ཤིན་ཏུ་ཉེ་བརྒྱུད་ནི། ཉེ་རིང་ཉེར་ལྔ་གྲུབ་པའི་དཔའ་བོས་གསན། ཌཱ་ཀིས་རྗེས་བཟུང་ངོ་མཚར་ཉེ་བརྒྱུད་བཅས། ། གསང་བདག་སྒྲོལ་མགོན་བཀའ་སྲོལ་ཁྱད་པར་ཅན། ། ཞེས་ཉེ་བརྒྱུད་དག་པའི་སྣང་བར་རྡོ་རྗེ་བཙུན་མོ་ནི་གུཔྟས་ཞལ་དངོས་སུ་བསྟན་ཏེ་གདམས་ངག་ཁྱད་པར་ཅན་ལན་གཉིས་བསྩལ་བ་དང་། རིང་བརྒྱུད་འཇག་བསམ་གཉིས་དང་ཐང་རྒྱལ་སོགས་བརྒྱུད་པའི་རྣམ་གྲངས་ཉེར་བཞི་སྟེ། བརྒྱུད་སྲོལ་ཉེར་ལྔ་ཁྲིད་ཐེངས་བརྒྱ་ལྷག་བཅས་འཇམ་མགོན་གྲུབ་པའི་དཔའ་བོ་དཔལ་ལྡན་ཀུན་དགའ་གྲོལ་མཆོག་གིས་གསན། ཁྲིད་ཚུལ་ལན་གྲངས་བརྒྱ་ལྷག་བསྩལ་བས་སྐལ་ལྡན་དུ་མ་གྲུབ་པའི་ས་ལ་བཀོད། དེ་ལྟར་རིང་བརྒྱུད། ཉེ་བརྒྱུད་གཉིས། ཡེ་ཤེས་ཌཱ་ཀིས་གྲོལ་མཆོག་ཞབས་རྗེས་སུ་བཟུང་བའི་ངོ་མཚར་ཤིན་ཏུ་ཉེ་བརྒྱུད་བཅས་ཀྱི་བཀའ་བབས་ཤིང་། རྩ་བ་ཤངས་པའི་སྙན་བརྒྱུད་ཀྱི་གསེར་ཆོས་གཙང་མ་ལ། གདམས་ངག་རྣོ་སོ་ཉེ་བརྒྱུད་མཁའ་འགྲོའི་ཁ་རླངས་ཅན་གྱིས་ཟུར་བརྒྱན་པ་ཟབ་དོན་ཐོང་བརྡལ་མ་སོགས་གསང་བདག་སྒྲོལ་བའི་མགོན་པོའི་བཀའ་སྲོལ་ཁྱད་པར་ཅན་འདི་ནི་ད་ལྟའི་སྐབས་ཁྲིད་ཚུལ་གཞན་དག་ལས་རྣམ་པ་དུ་མས་ཁྱད་པར་དུ་འཕགས་པ་ཡིན་ ནོ། །(4)ཁྱད་པར་འཕགས་ཚུལ་བསྟན་པ་ནི། སྲིད་མཐའི་བྱང་སེམས་འབའ་ཞིག་ཕྲེང་བར་བརྒྱུད། ། མ་ནོར་མ་བསླད་ཌཱ་ཀིའི་རྡོ་རྗེའི་ཚིག ། དུས་ཀྱི་མཐར་ཡང་གྲུབ་པའི་འབྲས་བུ་སྨིན། ། ཞེས་བཀའ་བརྒྱུད་འདི་གཞན་ལས་འཕགས་པའི་ཁྱད་ཆོས་གསུམ་དང་ལྡན་པ་ཡིན་ཏེ། བརྒྱུད་འཛིན་ཁྱད་པར་དུ་འཕགས་པ་སྲིད་པ་ཐ་མ་བའི་བྱང་ཆུབ་སེམས་དཔའ་འབའ་ཞིག་ཕྲེང་བར་བརྒྱུད་པ་ལས་གང་ཟག་ཐ་མལ་པས་བར་དུ་མ་ཆོད་པ། གདམས་ངག་ཁྱད་པར་དུ་འཕགས་པ་དོན་མ་ནོར་ཞིང་ཚིག་མ་བསླད་པ་ཡེ་ཤེས་ཌཱ་ཀིས་ཐེམས་སུ་བཏབ་པའི་རྡོ་རྗེའི་ཚིག་རྐང་སོ་སྐྱེའི་བློས་བརྟགས་ཀྱིས་བཅོས་བསྒྱུར་དང་རྩོམ་པ་མ་ཕོག་པ། བྱིན་རླབས་ཁྱད་པར་དུ་འཕགས་པ་སྙིགས་མའི་དུས་ཀྱི་མཐར་ཐུག་འདིར་ཡང་བརྩོན་འགྲུས་ལྡན་ཅིང་དམ་ཚིག་མ་ཉམས་པ་ལ་གྲུབ་པའི་འབྲས་བུ་སྨིན་པ་མངོན་སུམ་དུ་མཐོང་བས་བཤད་ཚོད་ཙམ་དུ་མ་ལུས་པའོ། ། མྱུར་མཛད་ཕྲིན་ལས་ལ་སོགས་མཐའ་ཡས་སོ། ། མྱུར་མཛད་ཡེ་ཤེས་ཀྱི་མགོན་པོའི་སྐོར་ཁོ་ན་ལ་མཚོན་ན་སྔོན་དུས་སྟོད་ལུགས་པས་ཕལ་ཆེར་ལ་ཁྱབ། ཕྱིས་སུ་སྨད་ལུགས་རི་གོང་བརྒྱུད་པ་ཆེས་འཕེལ་ཏེ་གདན་སའི་བརྒྱུད་པ་ལས་ཕག་གྲུ། ཀཾ་ཚང་། ཚོགས་སྡེ་བཞི་སོགས་ལ་ཁྱབ་ཅིང་། བསམ་ལྡིངས་པ་ལས་ལྷོ་གཅོད་ཀྱི་བརྒྱུད་པ་སོ་སོར་འཕེལ་བ་དང་། འཇག་པ་ལས་སྟོད་བརྒྱུད་སྨད་བརྒྱུད་བར་བརྒྱུད་གསུམ་བྱུང་ཞིང་ཁྱད་པར་རྗེ་ཙོང་ཁ་པས་འཇག་ཆེན་བྱམས་པ་དཔལ་བ་དང་། རིག་པའི་དབང་ཕྱུག་དགེ་ལེགས་དཔལ་བས་མུས་ཆེན་ནམ་མཁའི་རྣལ་འབྱོར་ལས་གསན་ཏེ་དབུས་གཙང་ཁམས་གསུམ་རྒྱ་སོག་ཡན་ཆད་དུ་ཁྱབ། སོགས་ཁོངས་ནས་བརྒྱུད་པ་ཕྱི་མ་ལས་འོངས་པ་སྐྱེར་སྒང་ཐུགས་རྗེ་ཆེན་པོ་དང་རྟ་མགྲིན་གསང་སྒྲུབ། གཉན་སྟོན་པའི་འཆི་མེད་འཁྲུལ་འཁོར་སོགས་ཀྱིས་ཀྱང་གྲུབ་མཐའ་ཕལ་ཆེར་ཁྱབ་པ་སོགས་དཔལ་ལྡན་ཤངས་པ་བཀའ་བརྒྱུད་ཀྱི་ཕྲིན་ལས་ནི་མཐའ་ཡས་སོ། །ས་པ་བཀའ་བརྒྱུད་ཀྱི་ཕྲིན་ལས་ནི་མཐའ་ཡས་སོ། །)
Dictionaries/chos rnam kun btus/4774 + (1.བསྟན་བཅོས་རྩོམ་པ་པོ་ནི། དེའང་བསྟན་བཅོས་ར … 1.བསྟན་བཅོས་རྩོམ་པ་པོ་ནི། དེའང་བསྟན་བཅོས་རྩོམ་པ་པོ་མཚན་ཉིད་རབ་འབྲིང་ཐ་གསུམ་གྱི་ཚད་དང་ལྡན་པ་གསུམ་སྟེ།(1)རབ་ཀྱི་ཚད་དང་ལྡན་པ་ནི། ཆོས་ཉིད་ཀྱི་བདེན་པ་མཐོང་བ་སྟེ་ཀླུ་སྒྲུབ་དང་། འཕགས་པ་ལྷ། ཐོགས་མེད་ལ་སོགས་པ་པ་ལྟ་བུའོ། །(2)འབྲིང་གི་ཚད་དང་ལྡན་པ་ནི། ཡི་དམ་ལྷའི་ཞལ་གཟིགས་ཏེ་གནང་བ་ཐོབ་པ་ཐུགས་རྗེ་ཆེན་པོས་བྱིན་གྱིས་བརླབས་པ་ཙནྡ་པ་དང་། ཞི་བ་ལྷ་ལ་སོགས་པ་ལྟ་བུའོ། །(3)ཐ་མའི་ཚད་དང་ལྡན་པ་ནི། ཐ་མ་ཡང་རིག་པའི་གནས་ལྔ་ལ་མཁས་ཤིང་བླ་མ་བརྒྱུད་པའི་བཤད་པའི་གདམས་ངག་ཡོད་པ་སྟེ། སློབ་དཔོན་དཔལ་སྦས་དང་། ཡེ་ཤེས་སྙིང་པོ་དང་། ཤཱཀྱ་བློ་གྲོས་ལ་སོགས་པ་ལྟ་བུའོ། ། 2.བསྟན་བཅོས་ཀྱི་མཚན་ཉིད་ནི། རྒྱལ་བསྟན་དབང་བྱས། ། ཞེས་པ་སྟེ། རྒྱུད་བླ་མ་ལས། གང་ཞིག་རྒྱལ་བའི་བསྟན་པ་འབའ་ཞིག་གི ། དབང་བྱས་རྣམ་གཡེང་མེད་ཡིད་ཅན་གྱིས་བཤད ། ཐར་པ་ཐོབ་པའི་ལམ་དང་རྗེས་མཐུན་པ། ། དེ་ཡང་དྲང་སྲོང་བཀའ་བཞིན་སྤྱི་བོས་བླང་། ། ཞེས་བཤད་པ་ལྟར་དངོས་དང་བརྒྱུད་ནས་བདེ་བར་གཤེགས་པའི་གསུང་རབ་ཀྱི་དགོངས་པ་འགྲེལ་བའི་དབང་དུ་བྱས་ནས་རྩོམ་པ་པོ་ལྟ་བ་ངན་པ་དང་ཐེ་ཚོམ་སོགས་རྣམ་གཡེང་མེད་པའི་བློ་གྲོས་ཅན་གྱིས་བཤད་པའི་ངག་གང་ཞིག ། ཐར་པ་ཐོབ་པའི་ལམ་དང་རྗེས་སུ་མཐུན་པའོ། །3.བསྟན་བཅོས་ཀྱི་ངེས་ཚིག་ནི། འཆོས་སྐྱོབ་ཡོན་ཏན་ཅན། ། བསྟན་བཅོས་དེ་ནི་དྲུག་བྲལ་གསུམ་དུ་འདོད། ། མཚན་ཉིད་དེ་དང་ལྡན་པའི་བསྟན་བཅོས་ཀྱི་ངེས་ཚིག་ནི་ལེགས་སྦྱར་གྱི་སྐད་དུ་ཤཱ་སྟྲཱ་ཞེས་བྱ་སྟེ། དེའང་ཤཱ་ས་ན་འཆོས་པ། ཏྲ་ཡ་སྐྱོབ་པའི་ཕྱིར་བསྟན་བཅོས་ཞེས་བྱ་སྟེ། རྣམ་བཤད་རིགས་པར། ཉོན་མོངས་དགྲ་རྣམས་མ་ལུས་འཆོས་པ་དང་། ། ངན་འགྲོའི་སྲིད་ལས་སྐྱོབ་བྱེད་གང་ཡིན་པ། ། འཆོས་སྐྱོབ་ཡོན་ཏན་ཕྱིར་ན་བསྟན་བཅོས་ཏེ། ། གཉིས་པོ་འདི་དག་གཞན་གྱི་ལུགས་ལ་མེད། ། ཅེས་སོ། ། ཡང་ཤཱ་སྟྲཱ་ཞེས་པ་ངེས་པར་བསྟན་པ་དང་། གཞུང་ལུགས་ལ་འཇུག་པ་འཆི་མེད་མཛོད་དུ་བཤད་པ་ལྟར། ས་སྡེ་ལས། བསྟན་བཅོས་དྲུག་བྲལ་སྟེ། (1)དོན་མེད་པའི་བསྟན་བཅོས། (2)དོན་ལོག་པའི་བསྟན་བཅོས། (3)ཐོས་པ་ལྷུར་ལེན་པའི་བསྟན་བཅོས། (4)རྩོད་པ་ལྷུར་ལེན་པའི་བསྟན་བཅོས། (5)ངན་གཡོའི་བསྟན་བཅོས། (6)བརྩེ་བ་དང་བྲལ་བའི་བསྟན་བཅོས་བཅས་སོ། ། དོན་མེད་པའི་བསྟན་བཅོས་ནི། ། (1)རིག་བྱེད་བཞི་ལ་སོགས་པ་ཡང་དག་པའི་དོན་མེད་པའི་བསྟན་བཅོས། (2)དོན་ལོག་པའི་བསྟན་བཅོས་ནི། རྟག་ཆད་དུ་ལྟ་བ་ལ་སོགས་པས་གྲོལ་བ་འགྲུབ་པར་སྨྲ་བ་སོགས་དོན་ལོག་པའི་བསྟན་བཅོས།(3)ཐོས་པ་ལྷུར་ལེན་པའི་བསྟན་བཅོས་ནི། སྙན་ངག་ལ་སོགས་པ་ཐོས་པ་ལྷུར་ལེན་པའི་བསྟན་བཅོས། (4)རྩོད་པ་ལྷུར་ལེན་པའི་བསྟན་བཅོས་ནི། རྟོག་གེ་ལ་སོགས་པའི་རྩོད་པ་ལྷུར་ལེན་པའི་བསྟན་བཅོས།(5)ངན་གཡོའི་བསྟན་བཅོས་ནི། གཡུལ་ལས་རྣམ་པར་རྒྱལ་བ་ལ་སོགས་པ་ངན་གཡོའི་བསྟན་བཅོས།(6)བརྩེ་བ་དང་བྲལ་བའི་བསྟན་བཅོས་ནི། བ་གླང་ལ་སོགས་པའི་མཆོད་སྦྱིན་ཆོས་སུ་སྨྲ་བའི་རང་གཞན་ལ་འཚེ་བ་ཅན་བརྩེ་བ་དང་བྲལ་བའི་བསྟན་བཅོས་ངན་པ་དྲུག་དང་བྲལ་བའོ། ། སངས་རྒྱས་པ་དག་གི་བླང་བྱར་འདོད་པའི་བསྟན་བཅོས་གསུམ་སྟེ།(1)གནས་སྐབས་བདེ་ཞིང་མཐར་ཐུག་གྲོལ་བ་འགྲུབ་པའི་དོན་ཆེན་པོ་དང་ལྡན་པའི་བསྟན་བཅོས། (2)བྱང་ཆུབ་སྒྲུབ་པའི་བསྟན་བཅོས།(3)འཁོར་བའི་སྡུག་བསྔལ་མཐའ་དག་སྤྱོང་བའི་བསྟན་བཅོས་དང་གསུམ་མོ། །4.བསྟན་བཅོས་ཀྱི་དབྱེ་བ་ནི། དེ་ལ་གསུམ་སྟེ། (1)བྱེད་ལས་ཀྱི་སྒོ་ནས་དབྱེ་བ་ནི། དེ་ལ་གསུམ་སྟེ།[1]རྒྱུ་ཆེན་པོ་སྡུད་པའི་བསྟན་བཅོས་མངོན་པ་མཛོད་ལྟ་བུ།[2]ཟབ་མོ་རྣམ་པར་འབྱེད་པའི་བསྟན་བཅོས་མངོན་རྟོགས་རྒྱུན་ལྟ་བུ།[3]འཁྲུགས་པ་གོ་རིམ་དུ་སྡེབ་པའི་བསྟན་བཅོས་མདོ་སྡེ་རྒྱན་ལྟ་བུའོ། ། (2)བཤད་བྱའི་སྒོ་ནས་དབྱེ་བ་ནི། དེ་ལ་གཉིས་ཏེ། [1]བཀའ་སྤྱིའི་དགོངས་འགྲེལ་ནི། ཀ་ཙཱན་ལ་སོགས་བརྡ་སྤྲོད་པ་དང་། སྡེ་བདུན་སོགས་ཚད་མ་རིག་པའི་བསྟན་བཅོས་རྣམས་སོ། །[2]བྱེ་བྲག་གི་དགོངས་འགྲེལ་ལའང་འཁོར་ལོ་གསུམ་གྱི་ལྟ་སྤྱོད་འགྲེལ་པའི་དབྱེ་བས་ཐ་དད་པ་མང་དུ་འགྱུར་ཏེ། འཁོར་ལོ་དང་པོའི་ལྟ་བའི་ཆ་འགྲེལ་པ་ལ། ཉན་ཐོས་ཀྱི་མངོན་པ་སྡེ་བདུན། བྱེ་བྲག་བཤད་མཛོད་ཆེན་མོ། དེ་དག་གི་དོན་བསྡུས་མངོན་པ་མངོན་པ་མཛོད་ལ་སོགས་པའོ། ། སྤྱོད་པའི་ཆ་འགྲེལ་པ་ལ་འདུལ་བ་མདོ་རྩ་དང་མེ་ཏོག་ཕྲེང་རྒྱུད་ལ་སོགས་པའོ། །འཁོར་ལོ་བར་པའི་ལྟ་བའི་ཆ་འགྲེལ་པ་ལ། དངོས་བསྟན་སྟོང་ཉིད་ཀྱི་རིམ་པ་གསལ་བར་བྱེད་པ་དབུ་མ་རིགས་ཚོགས་དྲུག་སོགས་དང་། སྦས་དོན་མངོན་རྟོགས་ཀྱི་རིམ་པ་གསལ་བར་བྱེད་པ་མངོན་རྟོགས་རྒྱན་སོགས་སོ། ། སྤྱོད་པའི་ཆ་འགྲེལ་པ་ལ་བསླབ་པ་ཀུན་ལས་བཏུས་སོགས་དང་། ལྟ་སྤྱོད་གཉིས་ཆར་གྱི་འགྲེལ་པ་བྱང་ཆུབ་སེམས་དཔའི་སྤྱོད་པ་ལ་འཇུག་པ་སོགས་སོ། །འཁོར་ལོ་ཐ་མའི་ལྟ་བའི་ཆ་འགྲེལ་པ་ལ། མདོ་སྡེ་རྒྱུན་དང་རྣམ་འབྱེད་གཉིས། རྒྱུད་བླ་སོགས་སོ། ། སྤྱོད་པའི་ཆ་འགྲེལ་པ་ལ་སྡོམ་པ་ཉི་ཤུ་པ་སོགས་སོ། ། (3)བརྗོད་བྱའི་སྒོ་ནས་དབྱེ་བ་ནི། བརྗོད་བྱ་ཇི་སྙེད་པ་དང་ཇི་ལྟ་བ། ། ཐར་དང་རྣམ་མཁྱེན་གཙོ་བོར་སྟོན་རྣམས་ཏེ། ། བསྟན་བཅོས་རྣམས་བརྗོད་བྱའི་སྒོ་ནས་དབྱེ་བ་གསུམ་སྟེ། ཇི་སྙེད་པ་སྟོན་པ་དང་། ཇི་ལྟ་བ་སྟོན་པ་དང་། ཐར་པ་དང་ཐམས་ཅད་མཁྱེན་པ་སྟོན་པའོ། ། ཇི་སྙེད་པ་སྟོན་པའོང་ཕལ་པ་དང་མཆོག་གཉིས་ལས་སྔ་མ་ནི་ལུགས་ཀྱི་བསྟན་བཅོས་སོགས་དང་། ཕྱི་མ་ནི་རིག་པའི་གནས་ལྔའི་བསྟན་བཅོས་རྣམས་ཏེ། དེ་ལས་ནང་རིག་པ་སྟོན་པ་ནི་ཕུང་པོ་ལྔའི་རབ་བྱེད་སོགས་སོ། ། ཇི་ལྟ་བ་སྟོན་པ་བདེན་གཉིས་རྣམ་ངེས་དང་། སུམ་ཅུ་པ་དང་། དབུ་མ་རྒྱུན་སོགས་དང་། ཐར་པ་དང་ཐམས་ཅད་མཁྱེན་པ་སྟོན་པ་བྱུང་ས་དང་དགོངས་རྒྱན་ལ་སོགས་པའོ། །5.ཞར་བྱུང་བླང་དོར་གྱི་གནས་བཤད་པ་ནི། ས་བཅུའི་དབང་ཕྱུག་རྒྱན་དྲུག་ལ་སོགས་པའི། ། གཞུང་རྣམས་རྒྱལ་བའི་བཀའ་བཞིན་སྤྱི་བོར་བླང་། ། བོད་གཞུང་རྙིང་པ་རྣམས་ཀྱང་ཁྱད་འཕགས་སོ། ། བསྟན་པ་ནུབ་ཀ་མའི་སྐབས་འདིར་མི་རྣམས་བསོད་རྣམས་དང་བློ་གྲོས་ཆུང་བའི་དབང་གིས་རྒྱལ་བའི་བཀའ་ལས་བསྟན་བཅོས། དེའང་རྒྱ་གཞུང་ལས་བོད་གཞུང་། དེའང་སྔར་བྱུང་རྣམས་ལས་ཕྱིས་བྱུང་རྣམས་རིམ་གྱིས་རྩིས་སུ་བྱེད་དོ། ། དེ་ལ་འཇིག་རྟེན་གྱི་ཁམས་འདི་ན་ཚིག་གི་ནང་ནས་མཆོག་གམ་ཕུལ་དུ་གྱུར་པ་ནི་རྒྱལ་བའི་གསུང་རབ་རིན་པོ་ཆེ་དོན་མ་གོ་ཡང་ཚིག་ཀློག་པ་ཁོ་ན་ཙམ་ལ་བྱིན་རླབས་དང་དགོས་པ་བསམ་གྱིས་མི་ཁྱབ་པ་དང་ལྡན་པས་སྲོག་ལྟར་དུ་གཅེས་པར་བྱ་བ་ཡིན་ལ། དེའི་འོག་ཏུ་བྱམས་ཆོས་སྡེ་ལྔ། སེམས་འགྲེལ་སྐོར་གསུམ་སོགས་ས་བཅུའི་དབང་ཕྱུག་གི་གསུང་རྣམས་དང་། སངས་རྒྱས་གཉིས་པ་པདྨ་ཀ་རའི་རྡོ་རྗེའི་གསུང་ཡིན་ངེས་པ་རྣམས་དང་། འཛམ་གླིང་མཛེས་པར་བྱེད་པའི་རྒྱན་དྲུག ། སོགས་ཁོངས་ནས་ཆེན་པོ་བཞི། རྨད་དུ་བྱུང་བའི་སློབ་དཔོན་གཉིས། མཁས་པ་སྒོ་དྲུག ། ཇོ་བོ་རྗེ་དང་ཨ་བྷ་མཱ་ཀ་ར་སོགས་གྲུབ་པའི་སློབ་དཔོན་ཆེན་པོ་རྣམས་ཀྱིས་མཛད་པར་ངེས་པའི་གཞུང་རྣམས་ཀྱང་རྒྱལ་བའི་བཀའ་བཞིན་དུ་སྤྱི་བོར་བླང་བར་རིགས་ཤིང་། བོད་དུ་སྔ་འགྱུར་གྱི་ལོ་ཙཱ་ཆེན་པོ་རྣམས་དང་། ཕྱི་དང་བཤད་སྒྲུབ་ཀྱི་རྩ་བའི་ཤིང་རྟ་ཆེན་པོ་རྣམས་ཀྱི་བསྟན་བཅོས་ཕྱོགས་སུ་མ་ལྷུང་བ་རྣམས་ཀྱང་ཁྱད་པར་དུ་འཕགས་པ་ཡིན་པས་རྒྱ་གཞུང་རྩོད་མེད་རྣམས་དང་རྗེས་མཐུན་པར་བལྟ་ཞིང་དང་དུ་བླང་བར་བྱ་བ་ཡིན་ལ། པཎྜི་ཏ་ཕལ་པས་མཛད་པའི་རྒྱུ་གཞུང་དང་། བོད་ཀྱི་བསྟན་བཅོས་ཕྱོགས་རེའི་མིག་ཅན་དག་གིས་སྦྱར་བ་རྣམས་དང་། ཁྱད་པར་ཕྱི་རབས་ཀྱི་རྟོག་གེ་པ་རྣམས་དང་། བློ་གྲོས་རྨོངས་ཀྱང་གཡར་ཁྲལ་དུ་ལད་མོ་ཟླ་བ་རྣམས་དང་། ཆོས་ལུགས་སོ་སོའི་ཁ་འཛིན་ཅན་རྣམས་ཀྱིས་ཅི་ཐོད་དུ་སྦྱར་བའི་ཡིག་བྲིས་རྣམས་ནི་དུས་དང་བློ་གྲོས་གྲོན་པའི་རྒྱུ་དང་། དེ་ལྟ་བུས་མི་དགེ་བའི་བཤེས་གཉེན་བྱེད་པའི་ཉེན་ཡོད་པས་ཡིད་རྟོན་བྱ་བའི་ཡུལ་མ་ཡིན་ཏེ། རྗེ་བཙུན་ཐམས་ཅད་མཁྱེན་པ་སྒྲོལ་བའི་མགོན་པོས། ཕྱི་རབས་ཀྱི་གཏམ་ལ་མ་དགེས་ཤིག ། སྔོན་གྱི་མཁས་པ་གྲུབ་ཐོབ་ཡིན། ། དེང་སང་གི་མཁས་པ་མཁས་རྫུར་འདུག ། ཅེས་གསུངས་པ་བཞིན་ནོ། ། བསྟན་པ་དམ་པའི་ཆོས་ངོས་གཟུང་བའི་སྐབས་དང་པོའི་འགྲེལ་པའོ། །ཆོས་ངོས་གཟུང་བའི་སྐབས་དང་པོའི་འགྲེལ་པའོ། །)
Dictionaries/chos rnam kun btus/5120 + (1.བྱ་རྒྱུད་ནི། རྒྱུད་སྡེ་བཞི་ལས་བྱ་རྒྱུད་འ … 1.བྱ་རྒྱུད་ནི། རྒྱུད་སྡེ་བཞི་ལས་བྱ་རྒྱུད་འོག་མིན་དང་། ། རི་རབ་རྩེ་མོར་འཇམ་དཔལ་སོགས་ལ་གསུངས། ། གསང་སྔགས་རྡོ་རྗེ་ཐེག་པ་ལ་རྒྱུད་སྡེ་རྣམ་པ་བཞིར་གྲགས་པའི་ཐོག་མར་བྱ་བའི་རྒྱུད་ནི་གནས་འོག་མིན་དུ་དཀྱིལ་འཁོར་ལ་བཀོད་པ་དང་སངས་རྒྱས་བྱང་སེམས་དཔག་ཏུ་མེད་པའི་འཁོར་ལ་གཙོ་བོར་གསུངས་ཤིང་། རི་རབ་ཀྱི་རྩེ་མོ་སུམ་ཅུ་རྩ་གསུམ་དང་མི་ཡུལ་སོགས་སུ་འཇམ་དཔལ་སོགས་གཙོ་བོར་གྱུར་པའི་འཁོར་ལ་ཅི་རིགས་པར་གསུངས་པ་དང་། ། དཔུང་བཟང་གི་རྒྱུད་ལྕང་ལོ་ཅན་དུ་གསུངས་པར་བཤད་པ་སོགས་ཀྱང་ཡོད་དོ། ། དེའང་སྟོན་པས་ཞལ་ནས་གསུངས་པ་དང་། སྟོན་པའི་མཐུས་འཇམ་དཔལ། སྤྱན་རས་གཟིགས། ཕྱག་རྡོར་སོགས་ཀྱིས་བཤད་པ་དང་། འཇིག་རྟེན་པའི་ལྷ་ལ་སོགས་པས་སྨྲས་པ། སྟོན་པས་བྱིན་གྱིས་བརླབས་པ་སོགས་ཅི་རིགས་པར་མཆིས་སོ། །2.སྤྱོད་རྒྱུད་ནི། སྤྱོད་རྒྱུད་རྣམ་སྣང་ཞིང་དང་ཞིང་བར་མ། ། རྩ་གསུམ་སོགས་སུ་སྲས་བཅས་རྒྱལ་ལ་སྟེ། གསུང་བ་པོ་ནི་མཆོག་གི་སྤྲུལ་སྐུའོ། ། སྤྱོད་པའི་རྒྱུད་ནི་གནས་རྣམ་སྣང་སངས་རྒྱས་པའི་ཞིང་ཁམས་མེ་ཏོག་གི་སྙིང་པོའི་རྒྱུན་བཀོད་པ་དང་། དེའི་ཞིང་ཁམས་བར་མ་དང་ལྕང་ལོ་ཅན་ལ་སོགས་པའི་གནས་སུ་འཁོར་དཀྱིལ་འཁོར་ལ་བཀོད་པ་དང་སྲས་དང་བཅས་པའི་རྒྱལ་བ་རྒྱ་མཚོ་ལ་བསྟན་པ་སྟེ། བྱ་སྤྱོད་གཉིས་ཀའང་གསུང་བ་པོའི་སྟོན་པ་ནི་མཆོག་གི་སྤྲུལ་པའི་སྐུ་ཉིད་ཀྱི་རྣམ་པས་སོ། ། 3.རྣལ་འབྱོར་རྒྱུད་ནི། རྣལ་འབྱོར་རྒྱུད་ནི་སྟོན་པ་འོག་མིན་དུ། ། སངས་རྒྱས་ལས་སྤྲུལ་ལོངས་སྐུ་ཆུང་ངུ་ཡིས། ། རི་རབ་རྩེ་མོར་དཀྱིལ་འཁོར་སྤྲུལ་པ་དང་། ། གཞན་འཕྲུལ་དབང་བྱེད་ལ་སོགས་མ་ངེས་གསུངས། ། རྣལ་འབྱོར་རྒྱུད་ནི་སྟོན་པ་འོག་མིན་དུ་ལོངས་སྤྱོད་རྫོགས་སྐུར་སངས་རྒྱས་ནས་ལོངས་སྐུ་ཆུང་ངུའམ། སྤྲུལ་སྐུའི་རྣམ་སྣང་རི་རབ་ཀྱི་རྩེ་མོར་གཤེགས་ནས་དེ་བཞིན་གཤེགས་པའི་དཀྱིལ་འཁོར་ཆེན་པོར་སྤྲུལ་བཤད་མཛད་པའི་ཚུལ་གྱིས་གཙོ་བོར་གསུངས་ཤིང་། གཞན་ནི་གཞན་འཕྲུལ་དབང་བྱེད་ཀྱི་གནས་སོགས་སུ་མ་ངེས་པར་བསྟན་པར་མཛད་དོ། ། 4.རྣལ་འབྱོར་བླ་ན་མེད་པའི་རྒྱུད་ནི། བླ་མེད་གསང་འདུས་སྟོན་པས་བདུད་བཏུལ་རྗེས། དགའ་ལྡན་ཡང་ན་གཞན་འཕྲུལ་གནས་སུ་གཤེགས། ། དཀྱིལ་འཁོར་སྤྲུལ་ནས་མཁའ་ཁྱབ་འཁོར་ལ་གསུངས། ། ཨ་ལངྐཱ་ར་ཀུན་སྙིང་དག་གིས་བཞེད། ། རྣལ་འབྱོར་བླ་ན་མེད་པའི་རྒྱུད་རྣམས་ལས་ཕ་རྒྱུད་གསང་བ་འདུས་པ་ནི། སྟོན་པ་ནམ་ཕྱེད་ལ་སངས་རྒྱས་པའི་ཐོ་རངས་བདུད་བཏུལ་ཏེ་དགའ་ལྡན་དུ་བྱོན་ནས་དེར་སྐུའི་འབྱུང་བ་ཆེན་པོ་ལས་གཞལ་ཡས་ཁང་སྤྲུལ། ཕུང་ཁམས་སོགས་ལས་དཀྱིལ་འཁོར་བཀོད་པའི་ལྷ་རྣམས་སྤྲུལ་ཏེ་འཁོར་ནམ་མཁའ་ཁྱབ་པས་བཅོམ་ལྡན་འདས་ལ་གསོལ་བ་བཏབ་པས་འདོད་ཆགས་ཅན་རྗེས་སུ་བཟུང་བའི་ཕྱིར་གསུངས་པར་བཞེད་ཅིང་། རབ་ཏུ་སྒྲོན་གསལ་ལས་ཀྱང་དགའ་ལྡན་དུ་གསུངས་པར་བཤད། ཡང་ན་ཁྱབ་འཇུག་སོགས་ཀྱི་རྒྱུད་ལ་དགའ་བའི་སྐྱེ་བོ་འདོད་ཆགས་ཅན་རྣམས་ཀྱི་དོན་དུ་གཞན་འཕྲུལ་དབང་བྱེད་ཀྱི་གནས་སུ་གཤེགས་ནས་དཀྱིལ་འཁོར་སྤྲུལ་ཏེ་མཁའ་ཁྱབ་ཀྱི་འཁོར་ལ་གསུངས་པའང་བཤད་དོ། ། སྔ་མ་ནི་པཎྜི་ཏ་ཨ་ལངྐར་ལཱ་ཤ་དང་། ཕྱི་མ་ནི་ཡོ་གའི་ཤིང་རྟ་པ་ཆེན་པོ་སློབ་དཔོན་ཀུན་དགའ་སྙིང་པོ་དག་གིས་བཞེད་པ་ཡིན་ནོ། ། བོད་སོགས་སྟོན་པ་མཉན་ཡོད་བཞུགས་པའི་ཚེ། ། ཨིནྡྲ་བྷཱུ་ཏིས་གསོལ་བཏབ་ཨོ་རྒྱན་གཤེགས། ། སྤྲུལ་པའི་དལ་དུ་དབང་རྒྱུད་གནང་བར་གསུངས། ། བོད་ཀྱི་མཁས་པ་རྣམས་དང་སོགས་ཁོངས་ནས་རྒྱ་གཞུང་ཁ་ཅིག་ནས་ཀྱང་སྟོན་པ་མཉན་ཡོད་ན་བཞུགས་པའི་ཚེ་ཨོ་རྒྱན་གྱི་རྒྱལ་པོ་ཨིནྡྲ་བྷཱུ་ཏིས་བཅོམ་ལྡན་འདས་ཀྱི་ཆེ་བའི་ཡོན་ཏན་ཐོས་ནས་སྤྱན་འདྲེན་པའི་གསོལ་བ་བཏབ་པས་སྟོན་པ་འཁོར་བཅས་བྱོན་པ་ལ་མཆོད་དེ་སྲིད་པ་ལས་ཐར་པར་གསོལ་བ་ལས། རབ་ཏུ་བྱུང་ཞིག་གསུངས་པ་ལ་འདོད་ཡོན་སྤྱོད་བཞིན་དུ་འཚང་རྒྱ་བ་ཞིག་ཞུས་པས། སྟོན་པས་སྤྲུལ་སྐུའི་སྣང་བ་བསྡུས་ཏེ་དཔལ་གསང་བ་འདུས་པའི་དཀྱིལ་འཁོར་སྤྲུལ་ནས། ཨིནྡྲ་བྷཱུ་ཏི་སོགས་ཉན་པའི་སྐལ་པ་ཅན་རྣམས་ལ་དབང་བསྐུར་རྒྱུད་བསྟན་ནས་རྡོ་རྗེ་ཆོས་ལ་རྒྱུད་གཏད་པར་བཤད་དོ། །གཤེད་སྐོར་བདུད་དཔུང་འདུལ་ཚེ་གསང་གསུམ་གྱི། ། རྡོ་རྗེ་ལས་བྱུང་དཀྱིལ་འཁོར་སྤྲུལ་སོགས་མང་། ། གཤིན་རྗེ་གཤེད་ཀྱི་སྐོར་ནི། སྟོན་པ་མངོན་པར་བྱང་ཆུབ་པའི་དུས་བདུད་དཔུང་རྣམས་ཀྱིས་བར་དུ་གཅོད་པའི་ཚེ་སྟོན་པས་བདུད་ཆེན་པོ་ལས་མཆོག་ཏུ་རྒྱལ་བ་ཞེས་པའི་ཏིང་ངེ་འཛིན་ལ་བཞུགས་ཏེ། སྐུ་གསུང་ཐུགས་ཀྱི་རྡོ་རྗེ་ལས་ཁྲོ་བོ་གཤིན་རྗེ་གཤེད་ཕྱུང་ནས་དཀྱིལ་འཁོར་སྤྲུལ་ཏེ་བདུད་ཐམས་ཅད་བཏུལ་ནས་རྒྱུད་རྒྱས་པར་གསུངས། སོགས་ཁོངས་ནས་གཤེད་སྐོར་སོ་སོ་ལ་གླེང་གཞི་ཡོད་པས་མང་སྟེ། སྟོན་པ་གཤིན་རྗེ་གཤེད་ལྷ་བཅུ་གསུམ་དང་བཅས་པའི་འཁོར་ཚོགས་མང་པོ་དང་ཐབས་གཅིག་ཏུ་བཞུགས་ནས་བསྡུས་རྒྱུད་གསུངས། སྟོན་པ་རྡོ་རྗེ་བཙུན་མོའི་བྷ་ག་ཞེས་པ་ཆོས་འབྱུང་གི་ནང་གི་གཞལ་ཡས་ཁང་ན་གཏི་མུག་རྡོ་རྗེ་སོགས་དང་ལྷན་ཅིག་བཞུགས་པའི་ཚེ་ཕྱག་རྡོར་ལ་ཉན་པར་གདམས་པས་དེས་ཞུས་ནས་གཤེད་དམར་གསུངས་སོ། །དགྱེས་རྡོར་བདུད་འཇོམས་ཚེ་ན་ཆོས་འབྱུང་དུ། ། རྩ་བའི་རྒྱུད་བསྟན་བཤད་རྒྱུད་གཞན་དུའོ། ། མ་རྒྱུད་དགྱེས་པ་རྡོ་རྗེ་ནི། རྡོ་རྗེ་ཕྲེང་བའི་འགྲེལ་པར་གནས་ཛམྦུའི་གླིང་དུ་སྤྲུལ་པའི་སྐུས་མ་ག་དྷཱར་བདུད་བཞི་འཇོམས་པའི་དུས་གསུངས་པར་བཤད་ལ། དེ་ཡང་རྡོ་རྗེ་བཙུན་མོའི་བྷ་ག་ཞེས་པ་ཆོས་འབྱུང་སྟེ། དེའི་ནང་དུ་གནས་པའི་གཞལ་ཡས་ཁང་དུ་སྟོན་པ་བཅོམ་ལྡན་འདས་འཁོར་འཇིག་རྟེན་དང་འཇིག་རྟེན་ལས་འདས་པ་དུ་མས་བསྐོར་ཏེ་བཞུགས་པ་ལ། རྡོ་རྗེ་སྙིང་པོ་དང་བདག་མེད་མ་ལ་སོགས་ཀྱིས་ཞུས་ནས་རྩ་རྒྱུད་རྒྱས་པ་དང་བསྡུས་རྒྱུད་བརྟག་གཉིས་གསུངས། སྟོན་པ་གཞལ་ཡས་ཁང་གི་དབུས་སུ་འཁོར་ལོས་སྒྱུར་བ་ལྔའི་ལྷ་ཚོགས་དང་འཇིག་རྟེན་དང་འཇིག་རྟེན་ལས་འདས་པའི་འཁོར་དང་བཅས་ཏེ་བཤད་རྒྱུད་རྡོ་རྗེ་གུར་གསུངས་ཏེ་དུས་རྩ་རྒྱུད་ལས་གཞན་དུའོ། །བདེ་མཆོག་ཐོག་མ་མེད་ནས་རྒྱལ་བས་གསུངས། ། གཉིས་ལྡན་དུས་སུ་འབྲས་བུའི་ཧེ་རུ་ཀས། ། ཛམྦུའི་གླིང་དུ་འཁོར་ལ་བསྐྱར་ནས་བཤད། ། རྩོད་དུས་དྲག་པོ་ཆུང་མ་འཁོར་བཅས་ཀྱིས། ། གནས་ཡུལ་དུར་ཁྲོད་རྣམས་ལ་དབང་བྱེད་ཚེ། ། སྤྲུལ་པས་བཏུལ་ནས་དཀྱིལ་འཁོར་བཀོད་དེ་གསུངས། ། འཁོར་ལོ་བདེ་མཆོག་གི་རྒྱུད་རྣམས་ནི་ཐོག་མ་མེད་པའི་དུས་ནས་སངས་རྒྱས་ཐམས་ཅད་ཀྱིས་བསྟན་པར་བཤད་པ་དང་། ཐོག་མ་མེད་པར་སྟོན་པ་འདི་སངས་རྒྱས་ནས་བསྟན་པར་བཞེད་པ་དང་། གཉིས་ལྡན་གྱི་དུས་དྲག་པོའི་འཇིགས་བྱེད་བཏུལ་བའི་གནས་ཛམྦུའི་གླིང་འདིར་སྟོན་པ་སྤྲུལ་པའི་སྐུ་འབྲས་བུའི་ཧེ་རུ་ཀས་འཁོར་སངས་རྒྱས་བྱང་སེམས་རིགས་ལྔའི་དཔའ་བོ་དང་དཔའ་མོ། སྡུད་པ་པོ་གསང་བདག ། དྲག་པོ་འཇིགས་བྱེད་འཁོར་དང་བཅས་པ་རྣམས་ལ་དབང་བསྐུར་ཞིང་རྒྱུད་བསྐྱོར་ནས་བསྟན་པར་བཤད་པ་དང་། རྩོད་ལྡན་གྱི་དུས་དྲག་པོ་འཇིགས་བྱེད་དབང་ཕྱུག་ཆེན་པོ་ཞི་རྒྱས་དབང་དྲག་གི་སྐུ་བཞི་ཆུང་མ་དང་བཅས་པས་རི་རབ་ཀྱི་བྱང་ཤར་དང་དབུས་དང་གཞན་འཕྲུལ་དབང་བྱེད་དང་མ་ག་དྷཱ་རྣམས་སུ་གནས་ཏེ་ཡུལ་ཉེར་བཞི་དང་དུར་ཁྲོད་བརྒྱུད་རྣམས་དེའི་རྗེས་འཇུག་གི་ལྷ་དང་དྲི་ཟ་དང་གནོད་སྦྱིན་དང་སྲིན་པོ་དང་ཀླུ་དང་མི་མ་ཡིན་རྣམས་བཞི་བཞིར་དབྱེ་བས་ཉེར་བཞི་དང་། མིའམ་ཅི་བཞི་དང་ཕྲ་མེན་བཞི་སྟེ་བརྒྱད་ཀྱིས་བཟུང་ནས་ཛམྦུའི་གླིང་ཐམས་ཅད་དབང་དུ་བསྡུས་ཤིང་ལས་ལོག་པ་ལ་རང་ཡང་ཞུགས་ནས་གཞན་ཡང་འགོད་པར་བྱེད་པའི་དུས། སྟོན་པ་རྡོ་རྗེ་འཆང་བྱང་ཆུབ་པ་ལྔས་མངོན་པར་རྫོགས་པར་སངས་རྒྱས་ཏེ་ཆོས་ཀྱི་དབྱིངས་ཀྱི་ངང་ནས་འོག་མིན་དུ་སངས་རྒྱས་བྱང་སེམས་དཔག་ཏུ་མེད་པ་ལ་འོད་གསལ་ལྷན་ཅིག་སྐྱེས་པའི་ཆོས་བསྟན། དྲག་པོ་དབང་ཕྱུག་འཁོར་བཅས་འདུལ་བའི་དུས་ལ་བབ་པར་མཁྱེན་ཏེ་སྤྲུལ་སྐུའི་འབྲས་བུའི་ཧེ་རུ་ཀར་བཞེངས་ནས་རི་རབ་ཀྱི་རྩེ་མོར་བྱོན་པ་ལ་རིགས་ལྔའི་རྒྱལ་བས་གཞལ་ཡས་ཁང་དང་དཔའ་བོ་དཔའ་མོ་ལ་སོགས་པའི་ལྷ་རྣམས་སྤྲུལ་ཏེ་ཕུལ་བས་སྟོན་པ་ཉིད་ལོངས་སྐུའི་ཏིང་ངེ་འཛིན་ལ་བཞུགས་ནས་གདུལ་བྱ་ལ་གཟིགས་ཏེ་གླིང་བཞི་བྱེ་བ་ཕྲག་བསྒྱུར་དཀྱིལ་འཁོར་གྱི་འཁོར་ལོ་སྣ་ཚོགས་པ་སྤྲོས། ཛམྦུའི་གླིང་འདིར་བདེ་མཆོག་ཞལ་བཞི་ཕྱག་བཅུ་གཉིས་པར་སྤྲུལ་ནས་འཇིགས་བྱེད་དང་དུས་མཚན་ཞབས་འོག་ཏུ་མནན་ཞིང་བཏུལ། སྤྲུལ་པའི་འཁོར་རྣམས་ཀྱིས་ཀྱང་ཡུལ་ཉེར་བཞི་དང་དུར་ཁྲོད་བརྒྱད་བཟུང་བའི་མ་རུངས་པ་རྣམས་ཀྱིས་ཀྱང་ཡུལ་ཉེར་བཞི་དང་དུར་ཁྲོད་བརྒྱད་བཟུང་བའི་མ་རུངས་པ་རྣམས་བཏུལ། རི་རབ་ཀྱི་རྩེ་མོར་བཅོམ་ལྡན་འདས་གཞལ་ཡས་ཁང་དུ་འཁོད་དེ་འཁོར་དཀྱིལ་འཁོར་ལ་འཁོད་པ་དང་སངས་རྒྱས་བྱང་སེམས་རི་རབ་ཀྱི་རྡུལ་དང་མཉམ་པ་དང་། དྲག་པོའི་འཇིགས་བྱེད་འཁོར་བཅས་དང་། སྐལ་པ་དང་ལྡན་པའི་ལྷ་མི་དང་བཅས་པ་ལ་རྡོ་རྗེ་རྣལ་འབྱོར་མས་ཞུས་ཏེ་རྩ་རྒྱུད་དང་། ཕྱག་རྡོར་གྱིས་ཞུས་ཏེ་ངཤད་རྒྱུད་རྣམས་གསུངས་པར་བཞེད་པ་དང་། གཞན་ཡང་བཤད་ཚུལ་སྣ་ཚོགས་པ་སྣང་ངོ་། ། དུས་འཁོར་མྱ་ངན་འདས་པའི་སྔ་ལོགས་ཀྱི། ། ནག་ཉར་དཔལ་ལྡན་འབྲས་སྤུངས་མཆོད་རྟེན་གྱི། ། འོག་ཏུ་ཆོས་དབྱིངས་གསུང་དབང་སྟེང་མར་ནི། དཔལ་ལྡན་རྒྱུ་སྐར་དཀྱིལ་འཁོར་ལེགས་སྤྲུལ་ནས། ། ཟླ་བཟང་ལ་སོགས་སྐལ་ལྡན་འཁོར་ལ་གསུངས། ། དཔལ་དུས་ཀྱི་འཁོར་ལོ་ནི་སྟོན་པ་མྱ་ངན་ལས་འདས་པའི་ཚུལ་བསྟན་པའི་སྔ་ལོགས་ཀྱི་ལོར་ནག་པའི་ཉ་ལ་སངས་རྒྱས་ཀྱི་མཐུས་ལྷོ་ཕྱོགས་དཔལ་ལྡན་འབྲས་སྤུངས་ཀྱི་མཆོད་རྟེན་དུ་གཤེགས་ཏེ་འོག་ཏུ་ཆོས་དབྱིངས་གསུང་གི་དབང་ཕྱུག་དང་སྟེང་དུ་དཔལ་ལྡན་རྒྱུ་སྐར་གྱི་དཀྱིལ་འཁོར་ལེགས་པར་སྤྲུལ་ནས་རྡོ་རྗེ་སེང་གེའི་ཁྲི་ལ་བཞུགས་ཏེ་དཀྱིལ་འཁོར་ལ་བཀོད་པའི་འཁོར་རྣམས་དང་། ཞུ་བ་པོ་རྒྱལ་པོ་ཟླ་བ་བཟང་པོ་དང་གཞན་ཡང་རྒྱལ་པོ་དགུ་བཅུ་རྩ་དྲུག་ལ་སོགས་པ་སྐལ་པ་དང་ལྡན་པའི་འཁོར་རྣམས་ལ་རྩ་བའི་རྒྱུད་ཀྱི་རྒྱལ་པོ་སྟོང་ཕྲག་བཅུ་གཉིས་པ་གསུངས་སོ། ། འདི་ནི་ཀུན་མཁྱེན་རང་བྱུང་ཞབས་སོགས་བོད་ཀྱི་དུས་འཁོར་བ་ཡོངས་གྲགས་རྣམས་ཀྱི་ལུགས་ལྟར་བཤད་ཀྱི། ཇོ་ནང་རྗེ་བཙུན་ཆེན་པོ་རྗེས་འབྲངས་དང་བཅས་པ་རྣམས་ནི་སྟོན་པ་སངས་རྒྱས་པའི་ཕྱི་ལོར་གསུངས་པར་བཞེད་དོ། །5.གསུངས་ཚུལ་གཞན་དག་ནི། འབྲས་སྤུངས་ཁོ་ནར་རྒྱུད་སྡེ་མ་ལུས་པ། ། བསྟན་པར་བཞེད་དང་ཀུན་རྫོབ་དོན་དམ་གྱི། ། ཐ་དད་གནས་སུ་འཁོར་ལོའི་མགོན་པོའི་སྐུར། ། བཞེངས་ཏེ་སྟོན་འཁོར་དབྱེར་མེད་བདེ་ཆེན་དང་། ། ནཱ་དའི་དབྱངས་ཀྱིས་དུས་ཀུན་བསྒྲགས་པའོ། ། བཤད་མ་ཐག་པ་དེ་རྣམས་ཀྱང་ཕྱོགས་རེ་བའི་དབང་དུ་བྱས་པ་ཡིན་གྱི་གཞན་དུ་ན་ཐེག་པ་ཆེན་པོ་སོགས་གསང་སྔགས་ཀྱི་ཚུལ་ནི་ཟབ་པ་དང་རྒྱ་ཆེ་བའི་མཐར་ཐུག་པ་ཡིན་པའི་ཕྱིར། འདི་ཁོ་ནར་ཟད་ཀྱི་འདི་ལས་གཞན་མ་གསུངས་སོ་ཞེས་སྨྲ་བར་མི་ནུས་ཏེ། དཔལ་ལྡན་འབྲས་སྤུངས་ཀྱི་མཆོད་རྟེན་ཁོ་ནར་རྒྱུད་སྡེ་མ་ལུས་པ་རྫོགས་པར་བསྟན་པར་བཞེད་་པའང་ཡོད་ཅིང་དེ་ལའང་ཕྱོགས་འདིར་མ་བྱོན་པའི་རྒྱུད་སྡེ་དུ་མའི་ལུང་ཁུངས་གྲུབ་ཐོབ་བརྒྱུད་པའི་བཤད་རྒྱུན་ལས་བྱུང་བར་གྲགས་པ་དང་། འོག་མིན་དང་། དགའ་ལྡན་དང་། རི་རབ་ཀྱི་རྩེ་དང་། ཨཽ་ཊྱན་དང་། དཔལ་ལྡན་འབྲས་སྤུངས་ཀྱི་མཆོད་རྟེན་ལ་སོགས་པ་གནས་ཀྱི་བྱེ་བྲག་ཀུན་རྫོབ་པའི་དབྱེ་བ་བསྟན་པ་དང་། རྡོ་རྗེ་བཙུན་མོའི་བྷ་ག་དང་། བདེ་བ་ཆེན་པོའི་གནས་དང་། ཆོས་ཀྱི་འབྱུང་གནས་ཐར་པ་ཆེན་པོའི་ཕོ་བྲང་སོགས་སྤྲོས་མཚན་གྱི་ཡུལ་ཐམས་ཅད་ལས་འདས་པ་ཆོས་ཀྱི་དབྱིངས་འགྱུར་བ་མེད་པ་དོན་དམ་པའི་གནས་རྣམས་སུ་སྟོན་པ་དཔལ་འཁོར་ལོ་སྡོམ་པ་དང་། དགྱེས་པ་རྡོ་རྗེ་དང་། དུས་ཀྱི་འཁོར་ལོ་ལ་སོགས་པ་དཀྱིལ་འཁོར་རྒྱ་མཚོའི་འཁོར་ལོའི་མགོན་པོའི་སྐུར་བཞེངས་ཏེ། ཇི་སྐད་དུ། འཆད་པ་པོ་ང་ཆོས་ཀྱང་ང་། ། རང་གི་ཚོགས་ལྡན་ཉན་པ་ང་། ། འཇིག་རྟེན་སྟོན་པ་བསྒྲུབ་བྱ་ང་། ། འཇིག་རྟེན་འཇིག་རྟེན་འདས་པ་ང་། ། ཞེས་པ་ལྟར་སྟོན་འཁོར་ཐ་མི་དད་པ་བདེ་བ་ཆེན་པོ་གཅིག་གི་རང་བཞིན་ལས། རྡོ་རྗེ་ནཱ་ད་མི་ཤིགས་པའི་སྒྲའི་གསང་བ་ཆེན་པོས་ཆོས་ཀྱི་འཁོར་ལོ་དུས་རྟག་ཏུ་བསྐོར་ཞིང་བསྒྲུགས་པར་ཤེས་པར་བྱའོ། །རྟག་ཏུ་བསྐོར་ཞིང་བསྒྲུགས་པར་ཤེས་པར་བྱའོ། །)
Dictionaries/bod rgya nang don rig pai tshig mdzod/2223 + (1.མཚོ་སྔོན་ཞིང་ཆེན་ཁོངས་ཧུའུ་ཀྲུའུ་ཧོར་རིགས་རང་སྐྱོང་རྫོང་གི་དགོན་པ་ཞིག)
Dictionaries/chos rnam kun btus/872 + (1.འཁྱམས་པ་གྲྭ་ཚང་ནི། དབང་ཡེ་ཤེས་སེང་གེས་བཙ … 1.འཁྱམས་པ་གྲྭ་ཚང་ནི། དབང་ཡེ་ཤེས་སེང་གེས་བཙུགས་པར་གྲགས་ཤིང་ངོ་བོ་སྔགས་པ་གྲྭ་ཚང་ལ་ཚོགས་འདོན་དུ་གསང་འདུས། འཇིགས་བྱེད། ཀུན་རིག མགོན་པོ། ཆོས་རྒྱལ། རྣམ་སྲས་སོགས་ཀྱི་སྒྲུབ་མཆོད་དང་དུས་གཏོར་གཏོང་། མདོ་ཕྱོགས་ཀྱི་སློབ་གཉེར་རྭ་བ་སྟོད་དང་། དགོན་པ་རང་ཁོངས་ཀྱི་མཚན་ཉིད་གྲྭ་ཚང་ལ་འགྲོ་སྲོལ་ཡོད།2.ཕུ་ཁང་ནི། སྦལ་ཏི་དགྲ་བཅོམ་པའི་དབོན་བརྒྱུད་ཞིག་པོ་ཚུལ་ཁྲིམས་འོད་ཀྱིས་བཙུགས་ཤིང་། ཚོགས་འདོན་དུ་བདེ་མཆོག་གི་སྒྲུབ་མཆོད་དམིགས་བསལ་དུ་ཡོད་པ་ལས་གཞན་འཁྱམས་པ་གྲྭ་ཚང་དང་འདྲ།3.མཚན་ཉིད་གྲྭ་ཚང་ནི། ཐོག་མར་སྦལ་ཏི་དགྲ་བཅོམ་པ་སྐུ་དངོས་ཀྱིས་བཙུགས་ཤིང་རབ་བྱུང་བརྒྱད་པའི་དཀྱིལ་ཙམ་ནས་མཚན་ཉིད་ཀྱི་སློབ་གཉེར་བྱེད་སྲོལ་ནུབ་པར་བརྟེན་དགའ་ལྡན་ཁྲི་ཐོག་སུམ་ཅུ་པ་སྟག་ལུང་བྲག་པ་བློ་གྲོས་རྒྱ་མཚོས་དགོན་པ་འདིའི་མཁན་པོ་གནང་སྐབས་མཚན་ཉིད་གྲྭ་ཚང་སླར་ཡང་གསར་འཛུགས་མཛད་དེ། ཕར་ཕྱིན་གྱི་ཡིག་ཆ་ནི་ཏཱ་ལའི་བླ་མ་རིན་པོ་ཆེ་སྐུ་ཕྲེང་ལྔ་པས་མཛད་པའི་《 ཕར་ཕྱིན་བློ་བཟང་དགོངས་རྒྱན་》དང་། དབུ་མ་ནི་སེ་ར་རྗེ་བཙུན་ཆོས་ཀྱི་རྒྱལ་མཚན་གྱིས་མཛད་པའི་《དབུ་མ་ཐེག་ཆེན་རྒྱ་མཚོར་འཇུག་པའི་གྲུ་རྫིངས་》 མཛོད་ནི་རྩེད་ཐང་དྲུང་ཆེན་དངོས་གྲུབ་པས་མཛད་པའི་《བློ་གསལ་བློ་གྲོས་པདྨོ་ཁ་འབྱེད་》དང་སྐུ་ཕྲེང་ལྔ་པའི་གསུང་རྩོམ་《ཆོས་མངོན་རིན་ཆེན་འདྲེན་པའི་ཤིང་རྟ་》 འདུལ་བ་ནི་སེར་བྱེས་པཎ་ཆེན་བདེ་ལེགས་ཉི་མས་མཛད་པའི་《འདུལ་བ་སྐལ་བཟང་ནོར་བུའི་ཕྲེང་བ་》རྣམ་འགྲེལ་ནི་རྭ་བ་སྟོད་དྲུང་ཆེན་ལེགས་པ་བཟང་པོས་མཛད་པའི་《བློ་རིགས་》དང་གྲྭ་ཆུང་ཡོན་ཏན་རྒྱ་མཚོའི་《རྣམ་འགྲེལ་ལེའུ་བཞི་》བཅས་ཡིན། སྐྱོར་མོ་ལུང་འདི་དེ་སྔོན་བོད་དུ་དགེ་ལུགས་པའི་ཆོས་བརྒྱུད་མ་དར་གོང་གི་དབུས་གཙང་གདན་ས་ཆེན་པོ་དྲུག་ཅེས་གྲགས་པའི་ནང་གསེས་ཞིག་ཡིན། བར་ལམ་ཉམས་གུད་ཆེ་ཙམ་བྱུང་ཡང་རིམ་བཞིན་སླར་གསོ་བྱུང་སྟེ་དམངས་གཙོའི་བཅོས་བསྒྱུར་སྐབས་གྲྭ་གྲངས་བརྒྱ་དང་ཉི་ཤུ་ཙམ་ཡོད་པ་ནས་མདོ་སྔགས་ཀྱི་འཆད་ཉན་གནང་མུས་ཡིན།་ཡོད་པ་ནས་མདོ་སྔགས་ཀྱི་འཆད་ཉན་གནང་མུས་ཡིན།)
Dictionaries/chos rnam kun btus/2202 + (1.འཕེལ་བའི་རྒྱུ་ངོས་བཟུང་བ་ནི། དེ་ལྟར་ཆགས་ … 1.འཕེལ་བའི་རྒྱུ་ངོས་བཟུང་བ་ནི། དེ་ལྟར་ཆགས་ནས་འཕེལ་བའི་ཚུལ་བསྟན་པ། ། མངལ་ཆགས་འཕེལ་བའི་རྒྱུ་ནི་ལྟེ་བར་སྟེ། ། བུ་སྣོད་གཡས་གཡོན་རྩ་དང་ལྟེ་བ་འབྲེལ། རྩ་གཉིས་བསམ་བསེའུ་བཅུད་ཀྱི་རྟེན་དང་འབྲེལ། ། དེ་ཕྱིར་མ་ཡི་ཁ་ཟས་དྭངས་མ་ཡིས། ། རིམ་གྱིས་མངལ་དུ་རྣམ་པར་འཕེལ་འགྱུར་ཏེ། ། དཔེར་ན་རྫིང་ཡུར་ཆུ་ཡིས་ཞིང་སྐྱེད་འདྲ། ། ཞེས་པ་སྟེ། ཇི་སྐད་བཤད་པའི་རྒྱུ་རྐྱེན་རྟེན་འབྲེལ་དེ་རྣམས་ཚོགས་པ་ལས་ལུས་དེ་ལྟར་ཆགས་ནས་དེ་ཉིད་རིམ་པར་འཕེལ་ཞིང་ཆེར་སྐྱེད་པའི་ཚུལ་དཔེ་དོན་གཉིས་སུ་སྦྱར་ཏེ་མདོར་བསྡུས་ཀྱི་སྒོ་ནས་བསྟན་པར་བྱ་བ་འདི་ལྟ་སྟེ། དེ་ཡང་མངལ་དུ་ཆགས་པའི་ལུས་ཅན་དེ་ཉིད་རིམ་པར་ཆེས་ཆེར་འཕེལ་བར་བྱེད་པའི་རྒྱུའམ་གཞི་དངོས་ནི་མངལ་གནས་རང་ཉིད་ཀྱི་ལྟེ་བ་ཉིད་ཡིན་ཏེ། ཅི་ཕྱིར་ཞེ་ན། མའི་བུ་སྣོད་ཀྱི་གཡས་གཡོན་དུ་རྩ་གཉིས་ཡོད་པ་དེའི་སྣེ་མངལ་གནས་ཀྱི་ལྟེ་བར་ཟུག་ནས་ཆོས་ཉིད་ཀྱི་སྟོབས་ཀྱིས་འབྲེལ་བ་དང་། བུ་སྣོད་གཡས་གཡོན་གྱི་རྩ་གཉིས་པོ་དེའི་ཡས་སྣེ་གྱེན་ཕྱོགས་སུ་བསམ་བསེའུ་ཞེས་པ་ལུས་ཟུངས་ཐམས་ཅད་ཀྱི་དྭངས་མའི་བཅུད་ཀྱི་ཡང་སྙིང་གསོག་པའི་སྣོད་དམ་རྟེན་དེ་དང་འབྲེལ་ནས་ཡོད་པ་དེའི་ཕྱིར། མས་རོ་དྲུག་གི་ཁ་ཟས་གང་དང་གང་ཟོས་པའི་དྭངས་མའི་བཅུད་དེ་ཡིས་ཕོ་བའི་གནས་ནས་རིམ་པས་ལུས་ཟུངས་བདུན་པོ་སོ་སོར་རྒྱུན་མི་འཆད་པར་འཕེལ་བ་ལས་འབྱུང་བའི་ཐ་མའི་བཅུད་ཆེན་པོ་དེ་ཉིད་བསམ་བསེའུ་ནས་རྩ་གཉིས་པོར་བརྒྱུད་དེ་མངལ་གནས་ཀྱི་ལྟེ་བར་ཞུགས་པ་ཡིས་མངལ་གནས་དེ་ཉིད་ཀྱི་ཟུངས་སྟོབས་རིམ་གྱིས་རྣམ་པར་འཕེལ་བར་འགྱུར་བ་ཡིན་ཏེ། དཔེར་ན་ཆུ་རྒྱུན་ཤིན་ཏུ་ཕྲ་བ་ལས་རིམ་པར་བསགས་པའི་རྫོང་དང་འདྲ་བའི་བསམ་བསེའུ་ནས་ཡུར་བ་དང་འདྲ་བའི་རྩའི་སྦུབས་གཉིས་པོ་བརྒྱུད་ཆུ་དང་འདྲ་བའི་དྭངས་མའི་རྒྱུན་འབྱུང་བ་དེས་ཞིང་ས་དང་འདྲ་བའི་མངལ་གནས་དེའི་ལོ་ཏོག་དང་འདྲ་བའི་ཁམས་རྣམས་འཕེལ་ཞིང་སྐྱེད་པར་བྱེད་པ་ཡིན་ལ། བུད་མེད་རྣམས་མངལ་སྦྲུམ་པའི་རིང་ཟླ་མཚན་མི་འབྱུང་བ་ཡང་དེའི་རྐྱེན་གྱིས་ཡིན་པར་བཤད་དོ། །2.འཕེལ་ཚུལ་དངོས་བསྟན་པ་ལ་གསུམ་སྟེ། (1)ཟླ་བ་དང་པོའི་འཕེལ་ཚུལ་བཤད་པ་ནི། དེ་ཡང་བདུན་ཕྲག་སུམ་ཅུ་རྩ་བརྒྱད་ཀྱིས། ། རླུང་གིས་བསྒྱུར་ནས་ཟླ་དགུར་འཕེལ་འགྱུར་ཏེ། ། ཟླ་བ་དང་པོའི་བདུན་ཕྲག་དང་པོའི་དུས། ། འོ་མར་རུ་མ་བླུག་འདྲ་ཁུ་ཁྲག་འདྲེས། ། བདུན་ཕྲག་གཉིས་པར་ནུར་ནུར་པོ་རུ་འགྱུར། ། བདུན་ཕྲག་གསུམ་པ་ཞོ་ཆགས་ལྟ་བུར་སྣང་། ། ཞེས་པ་སྟེ། དེ་ཡང་ཞག་བདུན་ཕྲག་སུམ་ཅུ་རྩ་བརྒྱད་ལྷག་ཙམ་རིང་རླུང་རྣམས་ཀྱི་བྱེད་ལས་ཀྱིས་རིམ་པར་བསྒྱུར་ཏེ་ཟླ་བ་དགུ་ཡི་བར་དུ་འཚར་ཞིང་འཕེལ་བར་འགྱུར་བ་ཡིན་ཏེ། དེ་ཡང་བདུན་ཕྲག་སུམ་ཅུ་རྩ་བརྒྱད་ཀྱི་བར་དུ་ཇི་ལྟར་འཕེལ་ལམ་ཞེ་ན། མངལ་དུ་ཁུ་ཁྲུག་གཉིས་ལྷན་ཅིག་ཏུ་ཚོགས་པའི་སྐད་ཅིག་མ་དེ་ནས་བརྩིས་པའི་ཟླ་བ་དང་པོ་ལ་བདུན་ཕྲག་བཞི་ལྷག་ཙམ་ཡོད་པའི་ཁོངས་ནས་བདུན་ཕྲག་དང་པོའི་དུས་སུ་ཀུན་གཞིའི་རྣམ་པར་ཤེས་པ་ལས་ཆོས་ཉིད་ཀྱི་སྟོབས་ཀྱིས་སྲོག་ཆེན་པོའི་རླུང་ཞེས་བྱ་བ་ཞིག་འཕྲོས་ནས་དེའི་བྱེད་ལས་ཀྱིས་ཞོའི་དོན་དུ་འོ་མ་བསྐོལ་བར་རུ་མ་བླུགས་ཏེ་དཀྲུགས་པ་དང་འདྲ་བར་ཁུ་ཁྲག་གཉིས་ཀྱི་རྡུལ་ཐམས་ཅད་ཕན་ཚུན་དབྱེར་མེད་རོ་གཅིག་ཏུ་འདྲེས་པར་བྱེད་པ་དང་། བདུན་ཕྲག་གཉིས་པའི་སྐབས་སུ་ཀུན་ཏུ་སྡུད་པ་ཞེས་བྱ་བའི་རླུང་གི་བྱེད་ལས་ཀྱིས་སྔ་མ་ལས་ཅུང་ཟད་སྐ་ཞིང་ནུར་ནུར་པོར་འགྱུར་བར་བྱེད་པ། བདུན་ཕྲག་གསུམ་པ་ལ་མཛོད་ཀ་ཞེས་བྱ་བའི་རླུང་གི་བྱེད་ལས་ཀྱིས་གོང་གི་ནུར་ནུར་པོ་དེ་ཞོ་ཆགས་ཟིན་པ་ལྟ་བུར་སྣང་བ་སྐ་བའི་རང་བཞིན་ཅན་དུ་འགྱུར་བར་བྱེད་པ་བཅས་ཡིན་ནོ། ། (2)ལྟེ་བསྒྱུར་གྱི་ཐབས་བསྟན་པ་ནི། སྐྱེས་བུ་འདོད་པས་དུས་འདིར་ཐབས་བསྟེན་ཏེ། ། མཚན་མ་གསལ་བར་མ་གྱུར་གོང་དུ་བྱ། ། འདི་སྟོབས་ལྡན་པས་ལས་ཀྱང་ཟིལ་གནོན་ནུས། ། ཞེས་པ་སྟེ། དེ་ཡང་སྐྱེས་པ་བུ་ཕོ་སྐྱེ་བར་འདོད་པ་རྣམས་ཀྱིས་དུས་སྐབས་འདི་ཉིད་ཁོ་ནར་ལྟེ་བ་བསྒྱུར་བའི་ཐབས་བསྟེན་པར་བྱ་བ་ཡིན་ཏེ། ཅིའི་ཕྱིར་ཞེ་ན། ཐབས་འདི་ནི་མངལ་གནས་དེ་ལ་ཕོ་མོ་སོ་སོའི་མཚན་མ་གསལ་བར་མ་འགྱུར་བའི་གོང་དུ་བྱ་དགོས་པ་ལས་དེ་ལས་འདས་ན་བསྒྱུར་བར་མི་ནུས་པའི་ཕྱིར་རོ། ། ཞལ་ལུང་དུ་འདི་ལས་སྔ་བར་ཡང་བྱ་རུང་ངོ་ཞེས་གསུངས་སོ། ། དེས་ན་ལྟེ་བ་བཙན་ཐབས་སུ་བསྒྱུར་བའི་ཐབས་སམ་ཆོ་ག་འདི་ཉིད་འཆད་འགྱུར་གྱི་ལག་ལེན་རྣམས་ཚུལ་བཞིན་དུ་བྱས་ན་འདི་ཉིད་ཤིན་ཏུ་ནུས་སྟོབས་དང་ལྡན་པ་ཞིག་ཡིན་པའི་དོན་གྱིས་བུ་མོར་སྐྱེ་བར་འགྱུར་བའི་ལས་འཛོམས་ཡོད་དུ་ཟིན་ཀྱང་རྐྱེན་གྱི་སྟོབས་ལས་སྐྱེ་བ་གཅིག་གི་རིང་ལ་ལས་དེ་ཉིད་ཟིལ་གྱིས་གནོན་ནས་བུ་ཕོར་བསྒྱུར་ནུས་པ་ཡིན་ནོ། །བྱེ་བྲག་ལྟེ་བ་བསྒྱུར་བའི་ཐབས་ལ་ཡང་གསུམ་སྟེ། [1]རྟེན་འབྲེལ་དང་རྫས་ཀྱིས་བསྒྱུར་བ་བསྟན་པ། [2]སྨན་དང་སྲུང་བས་བསྒྱུར་བ། [3]མངལ་སྲུང་བའི་ཐབས་བསྟན་པའོ། ། (དེ་དག་གི་རྩ་འགྲེལ་ཡིག་ཐོར་གྱི་རྐྱེན་པས་རེ་ཞིག་བཏང་སྙོམས་བྱས་པ་ཞིབ་པར་མཁྱེན་འདོད་ན་གཞུང་འདིར་གཟིགས་པར་ཞུ་) (3)ཟླ་བ་གཞན་གྱི་འཕེལ་ཚུལ་བསྟན་པ་ལ་བཞི་སྟེ།[1]ཟླ་བ་དང་པོའི་མཇུག་ཏུ་མཚན་མ་དོད་ཚུལ་རྟགས་དང་བཅས་པ་བསྟན་པ་ནི། བཞི་པ་གོར་གོར་མེར་མེར་ནར་ནར་པོ། ། དེ་ལས་ཕོ་མོ་མ་ནིང་རིམ་པར་འགྱུར། ། དེ་རྟགས་དཀུ་ལྕི་ལུས་རིད་ཡི་ག་འགག ། གཡལ་རླུང་སྐྱིད་སྐྱུར་ནུ་མ་སྐྱེ་བ་དང་། ། སྐྱུར་ལ་དགའ་ཞིང་སྙིང་ལ་སྣ་ཚོགས་འདོད། ། དེ་བཀག་མངལ་འཇིག་གཟུགས་མི་སྡུག་པར་འགྱུར། ། དེ་བས་གནོད་པའང་ཕན་བསྲེས་ཅུང་ཟད་བྱིན། ། ཞེས་པ་སྟེ། བདུན་ཕྲག་བཞི་པ་ལ་རབ་ཏུ་འབྱེད་པ་ཞེས་པའི་རླུང་གི་བྱེད་ལས་ཀྱིས་སྔ་སོར་ཁུ་ཁྲག་གཉིས་ཞོ་ལྟར་ཆགས་པ་དེ་ལས་འགྱུར་ནས་གོར་གོར་རམ་ཅུང་ཟད་ས་ཞིང་འདྲིལ་བའི་རྣམ་པ་དང་། ཡང་ན་སླ་ཞིང་མེར་མེར་པོའི་རྣམ་པ། ཡང་ན་དབྱིབས་ནར་ནར་པོ་བཅས་གང་རུང་དུ་འགྱུར་བ་ཡིན་ཞིང་། དེ་དག་ལས་དང་པོར་འགྱུར་ན་བུ་ཕོ་དང་། གཉིས་པ་ལྟར་མེར་མེར་པོ་འགྱུར་ན་བུ་མོ། གསུམ་པ་ལྟར་ནར་ནར་པོར་འགྱུར་ན་མ་ནིང་བཅས་སུ་རིམ་པ་ལྟར་འགྱུར་བ་ཡིན་ལ་དེ་དག་གང་ཡང་རུང་བ་ཞིག་ཏུ་འགྱུར་བའི་ཚེ་ན་བུད་མེད་རང་ཉིད་ཀྱིས་ཤེས་ཤིང་གསལ་བར་འགྱུར་བ་ཡིན། ། དེའི་རྟགས་སུ་དཀུའམ་མངལ་ཁ་ཅུང་ལྷོད་ཅིང་ཚང་ར་སོགས་ལུས་སྨད་ལྕི་བ་དང་། ལུས་གློ་བུར་དུ་རིད་པ་དང་། སྐྱུགས་མེར་ལངས་ཏེ་ཟས་ཀྱི་ཡི་ག་འགགས་པ། གཡལ་མང་ཞིང་བུ་ཀླུང་ཡང་ཡང་བྱེད་འདོད་པ། འགྲོས་ཀྱིས་དུབ་པ་ལྟར་སྒྱིད་པ་སྒྱུར་བ། ནུ་མ་སྔར་བས་ཆེར་རྒྱས་པ། ཟས་སྐོམ་སྐྱུར་བའི་རིགས་ལ་ལྷག་པར་དགའ་ཞིང་། མདོར་ན་མངལ་གནས་ཀྱི་ལུས་ཅན་དེའི་དབང་གིས་བུད་མེད་དེ་ཉིད་སྙིང་ལ་ཟས་སྐོམ་སྣ་ཚོགས་བཟའ་འདོད་པ་ཞིག་འབྱུང་བ་ཡིན་ལ། ཇི་ལྟར་འདོད་པའི་ཟས་སྐོམ་རྣམས་མ་བྱིན་པར་བཀག་པར་འགྱུར་ན་མངལ་གནས་དེ་ཉིད་འཇིག་ཅིང་འཆི་བར་འགྱུར་ལ། གལ་ཏེ་འཆི་བར་མ་གྱུར་ནའང་དམུས་ལོང་དང་། སྒུར་པོ་སོགས་གཟུགས་མི་སྡུག་པ་སྣ་ཚོགས་སུ་སྐྱེ་བར་འགྱུར་བ་དེ་བས་ན་འདོད་པ་བྱེད་པའི་ཟས་སྐོམ་དེ་རིགས་བུད་མེད་དེ་ཉིད་ཀྱི་ནད་གཞིའམ་ལུས་ཁམས་ལ་གནོད་པ་ཞིག་སྣང་ཡང་། བཤུལ་ཆགས་དང་། མཛོ་རྟོལ་གྱི་ཤ་མ་གཏོགས་དེ་མིན་མ་བུ་གཉིས་ཀར་ཕན་ཞིང་འཕྲོད་པའི་ཟས་སྐོམ་འགའ་ཞིག་དང་མཉམ་དུ་བསྲེས་ནས་ཅུང་ཟད་རེ་བྱིན་པར་བྱ་དགོས་པ་ཡིན་ཏེ། ཟླ་ཟེར་ལས། འདི་ཡི་སྙིང་ནི་མ་ལས་སྐྱེས། ། མ་ཡི་སྙིང་ཡང་དེ་དང་ནི། འབྲེལ་བས་དེའི་ཕྱིར་སྦྲུམ་མ་འདིའི། ། སྲེད་པ་དགག་པར་མི་བྱའོ། ། ཞེས་གསུངས་པའི་ཕྱིར་རོ། །[2]དུས་རིམ་དང་པོའི་འཕེལ་ཚུལ་ནི། ཟླ་བ་གཉིས་པ་བདུན་ཕྲག་ལྔ་པ་ལ། ། མངལ་གནས་ལུས་ཀྱི་དང་པོ་ལྟེ་བ་ཆགས། ། དྲུག་པ་ལྟེ་བ་ལ་བརྟེན་སྲོག་རྩ་ཆགས། ། བདུན་པར་མིག་གི་དབང་པོ་གཟུགས་སུ་དོད། ། བརྒྱད་པ་དེ་ལ་བརྟེན་ནས་མགོ་དབྱིབས་ཆགས། ། དགུ་པ་ལུས་དབྱིབས་ཁོག་པ་སྟོད་སྨད་ཆགས། ། ཞེས་པ་སྟེ། ཟླ་བ་གཉིས་པ་ལ་སྔ་མའི་ཞག་ལྷག་མ་དང་བཅས་པ་བསྣན་པས་བདུན་ཕྲག་ལྔ་ཡོད་པ་དག་གོང་གི་སྟེང་དུ་བརྩེགས་པའི་བདུན་ཕྲག་ལྔ་པའི་སྐབས་སུ་ཡང་དག་པར་སྡུད་པའི་རླུང་ཞེས་པའི་བྱེད་ལས་ཀྱིས་མངལ་གནས་དེ་ཉིད་སྔར་གྱི་གོར་གོར་མེར་མེར་སོགས་གང་རུང་གི་རྣམ་པ་དེ་ལས་འདས་ནས་མཁྲེགས་ཤིང་མཁྲང་འགྱུར་གྱི་ཞག་ཅེས་བྱ་ཞིང་། དེ་ལྟར་མཁྲང་འགྱུར་གྱི་ཞག་འདིའི་སྐབས་སུ་མངལ་གནས་ཀྱི་སེམས་ཅན་དེའི་ལུས་ཀྱི་ཆ་ཤས་ཀྱི་ནང་ནས་དང་པོ་ཁོ་ནར་རྩ་རླུང་ཐམས་ཅད་སྐྱེད་པའི་རྩ་བ་ལྟ་བུར་གྱུར་པའི་ལྟེ་བའི་རྩ་འདབ་ཀྱི་རྣམ་པ་དེ་ཉིད་ཆགས་འགྱུར་གྱི་ཚིགས་པ་བཅུ་དྲུག་པའི་ཐད་དུ་ཆགས་པར་འགྱུར་བ་དང་། བདུན་ཕྲག་དྲུག་པར་ཟས་ཞེས་པའི་རླུང་གི་བྱེད་ལས་ཀྱིས་ལྟེ་བའི་རྩ་འདབ་ཀྱི་དབུས་དེ་ལ་བརྟེན་ནས་སྲོག་པ་རྩ་ཞེས་འཕར་རྩ་ཐམས་ཅད་ཀྱི་སྡོང་པོ་སྲོག་གི་རླུང་གི་རྟེན་དེ་ནི་དུས་ཀྱི་འཁོར་ལོ་དང་ཟབ་མོ་ནང་དོན་གྱི་དགོངས་པ་ལྟར་མེས་ཞལ་ལས་རང་སོར་ཕྱེད་དང་བཅུ་གསུམ་ཞེས་གསུངས་ཀྱང་དེ་ནི་འཁོར་ལོ་དྲུག་གི་དབང་དུ་བྱས་ཏེ་གསུངས་པ་ཡིན་ལ། འདིར་ནི་འཁོར་ལོ་བཞི་དང་ཤུགས་བསྟན་བཅས་ལྔ་ལས་མེད་ཕྱིར་མངལ་གནས་རང་ཉིད་ཀྱི་རང་སོར་བཅུ་དྲུག་བར་གྱེན་ཕྱོགས་སུ་གྱེས་པ་དང་འབྲེལ། དེའི་ཡར་སྣེ་ཚིགས་པ་བརྒྱུད་པའི་ཐད་དུ་སྙིང་ཁམས་ཀྱི་རྩ་འདབ་མ་བཞི་པའི་རྣམ་པ་དང་བཅས་པ་ཆགས་པ་དང་། བདུན་ཕྲག་བདུན་པར་འཁྱིལ་བར་བྱེད་པ་ཞེས་པའི་རླུང་གི་བྱེད་ལས་ཀྱིས་སྙིང་ག་ནས་སྲོག་པ་རྩ་དེ་རང་སོར་བཅུ་བཞི་ཚད་ཙམ་གྱེན་དུ་སོང་སྟེ་ཨན་སྟོང་ཚིགས་པ་དང་པོའི་ཐད་དུ་མགྲིན་པའི་རྩ་འཁོར་ཆགས་པ་འདིར་དངོས་སུ་མ་བསྟན་ཀྱང་ཤུགས་བསྟན་དུ་གོ་དགོས་པ་དང་། དེ་ནས་སླར་ཡང་རླུང་དེའི་བྱེད་ལས་ཀྱིས་གྱེན་ཕྱོགས་སུ་རང་སོར་བཅུ་དྲུག་བར་གྱེས་ཏེ་ཡར་སྣེ་སྤྱི་བོའམ་མགོ་བོའི་རྩ་འདབ་མིག་གི་དབང་པོ་དང་བཅས་པའི་གཟུགས་དབྱིབས་དོད་པ་དང་། དེ་དང་དུས་མཉམ་དུ་ལྟེ་བ་ནས་སྲོག་པ་རྩ་དེ་ཐུར་དུ་རང་སོར་བཅུ་བཞི་བར་གྱེས་ཏེ་མར་སྣེ་གསང་གནས་ཀྱི་རྩ་འདབ་དང་བཅས་པ་ཆགས་པར་འགྱུར་བ་དང་། བདུན་ཕྲག་བརྒྱད་པར་བཟློག་ཅིང་བསྒྱུར་བར་བྱེད་པ་ཞེས་པའི་རླུང་གི་བྱེད་ལས་ཀྱིས་མགོ་བོའི་རྩ་འདབ་མིག་གི་དབང་པོ་དང་བཅས་པ་ཆགས་ཤིང་། དེ་ལ་བརྟེན་ནས་མགོ་བོའི་དབྱིབས་ཙམ་ཆགས་པར་འགྱུར་བ་དང་། བདུན་ཕྲག་དགུ་པར་རྣམ་པར་འབྱེད་པ་ཞེས་པའི་རླུང་གི་བྱེད་ལས་ཀྱིས་ཡན་ལག་བཞི་པོ་རྣམས་མ་གཏོགས་པའི་ལུས་བྱིངས་ཀྱི་དབྱིབས་སམ་ཁོག་པ་སྟོད་སྨད་ཀྱི་རྣམ་པ་ཕལ་ཆེར་ཆགས་པར་འགྱུར། དུས་སྐབས་འདིའི་རིང་སྲོག་རྩའི་ནུས་པས་ལུས་དཀྱུས་གཅིག་ཏུ་ཆགས་པའི་ཐོག་མའི་རིམ་པའོ། །[3]དུས་རིམ་གཉིས་པའི་འཕེལ་ཚུལ་ནི། ཟླ་བ་གསུམ་པ་བདུན་ཕྲག་བཅུ་པ་ལ། ། དཔུང་པ་གཉིས་དང་དཔྱི་གཉིས་འབུར་དུ་དོད། ། བཅུ་གཅིག་དབང་པོ་དགུ་ཡི་གཟུགས་དབྱིབས་དོད། ། བཅུ་གཉིས་པ་ལ་དོན་ལྔའི་གཟུགས་དབྱིབས་དོད། ། བཅུ་གསུམ་པ་ལ་སྣོད་དྲུག་གཟུགས་དབྱིབས་དོད། ། ཟླ་བ་བཞི་པ་བདུན་ཕྲག་བཅུ་བཞི་ལ། ། དཔུང་རྐང་བརླ་རྐང་བཞི་ཡི་གཟུགས་དབྱིབས་དོད། ། བཅོ་ལྔ་པ་ལ་རྐང་ལག་རྗེ་ངར་དོད། ། བཅུ་དྲུག་པ་ལ་སོར་མོ་ཉི་ཤུ་དོད། ། བཅུ་བདུན་ཕྱི་ནང་འབྲེལ་བའི་རྩ་རྣམས་ཆགས། ། ཞེས་པ་སྟེ། ཟླ་བ་གསུམ་པ་ནས་ཞག་གསུམ་གོང་དུ་བཅད་པའི་ལྷག་མ་བདུན་ཕྲག་བཞི་ཡོད་པ་དག་གོང་གི་སྟེང་དུ་བརྩེགས་པའི་བདུན་ཕྲག་བཅུ་པར་སྲ་བར་བྱེད་པ་ཞེས་པའི་རླུང་གི་བྱེད་ལས་ཀྱིས་ཉའི་རྣམ་པ་དེ་ལས་དཔུང་པ་གཉིས་དང་དཔྱི་རུས་གཉིས་འབུར་དུ་དོད་པ་དང་། བདུན་ཕྲག་བཅུ་གཅིག་པར་རྡོ་རྗེ་ཞེས་པའི་རླུང་གི་བྱེད་ལས་ཀྱིས་དབང་པོའི་སྒོ་དང་བཅས་པའི་བུ་ག་དགུའི་གཟུགས་དབྱིབས་རྣམས་དོད་པ་ཡིན་ནོ། །འདིར་གཟུགས་དབྱིབས་ཞེས་པ་རྣམས་ནི་དེ་དང་དེའི་གཟུགས་དབྱིབས་ཀྱི་རྣམ་པ་ཙམ་ཆགས་པའི་དོན་ཡིན་གྱི་གཟུགས་དངོས་སུ་གསལ་བར་ཆགས་པའི་དོན་མ་ཡིན་ནོ། ། བདུན་ཕྲག་བཅུ་གཉིས་པ་ལ་ཡོན་པོའི་སྒོ་ཞེས་པའི་རླུང་གི་བྱེད་ལས་ཀྱི་དོན་ལྔའི་གཟུགས་དབྱིབས་རྣམས་དོད་ལ། བདུན་ཕྲག་བཅུ་གསུམ་པ་ལ་བཀྲེས་ཤིང་སྐོམ་པ་ཞེས་པའི་རླུང་གི་བྱེད་ལས་ཀྱིས་སྣོད་དྲུག་གི་གཟུགས་དབྱིབས་རྣམས་དོད་དོ། ། ཟླ་བ་བཞི་པ་ལ་བདུན་ཕྲག་བཞི་ལྷག་ཙམ་ཡོད་པ་རྣམས་གོང་གི་སྟེང་དུ་བརྩེགས་པའི་བདུན་ཕྲག་བཅུ་བཞི་པ་ལ་སྐུད་པའི་སྒོ་ཞེས་པའི་རླུང་གི་བྱེད་ལས་ཀྱིས་དཔུང་པའི་རྐང་གཉིས་དང་བརླའི་རྐང་གཉིས་ཏེ་རྐང་བཞི་པོའི་གཟུགས་དབྱིབས་རྣམས་དོད་པ་དང་། བདུན་ཕྲག་བཅོ་ལྔ་པ་ལ་པད་མ་ཞེས་པའི་རླུང་གི་བྱེད་ལས་ཀྱིས་རྐང་པ་དང་ལག་པའི་རྗེ་ངར་བཞི་པོའི་གཟུགས་དབྱིབས་རྣམས་དོད་ཅིང་། བདུན་ཕྲག་བཅུ་དྲུག་པ་ལ་བདུད་རྩི་འགྲོ་བ་ཞེས་པའི་རླུང་གི་བྱེད་ལས་ཀྱིས་རྐང་ལག་གཉིས་ཀྱི་སོར་མོ་ཉི་ཤུ་པོའི་གཟུགས་དབྱིབས་རྣམས་དོད་ལ། བདུན་ཕྲག་བཅུ་བདུན་པར་འབྲི་གདོང་ཞེས་པའི་རླུང་གི་བྱེད་ལས་ཀྱིས་ཡན་ལག་དང་བཅས་པའི་ལུས་ཁམས་ཀྱི་ཕྱི་ནང་དུ་འབྲེལ་ཞིང་མངོན་པའི་ཚུ་བཅུ་དྲུག་དང་། མི་མངོན་པའི་རྩ་གྲངས་མེད་པ་རྣམས་ཆགས་པ་ནི་བར་དུ་ཆགས་པའི་རིམ་པའོ། ། [4]དུས་རིམ་གསུམ་པའི་འཕེལ་ཚུལ་ནི། ཟླ་ལྔ་བདུན་ཕྲག་བཅོ་བརྒྱད་ཤ་ཚིལ་ཆགས། ། བཅུ་དགུ་པ་ལ་ཆུ་བ་རྒྱུས་པ་ཆགས། ། ཉི་ཤུ་པ་ལ་རུས་དང་རྐང་མར་ཆགས། ། རྩ་གཅིག་པ་ལ་ཕྱི་ཡི་པགས་པ་གཡོགས། ། དེ་ནས་ཟླ་དྲུག་བདུན་ཕྲག་རྩ་གཉིས་ལ། ། དབང་པོ་སྒོ་དགུའི་བུ་ག་རྣམ་པར་བྱེ། ། རྩ་གསུམ་སྐུ་དང་བ་སྤུ་སེན་མོ་སྐྱེ། ། རྩ་བཞི་པ་ལ་དོན་སྣོད་གསལ་བར་སྨིན། ། དེ་དུས་བདེ་དང་སྡུག་བསྔལ་ཤེས་པར་འགྱུར། ། རྩ་ལྔ་པ་ལ་རླུང་གི་རྒྱུ་བ་འབྱུང་། ། རྩ་དྲུག་པ་ལ་སེམས་ཀྱི་དྲན་པ་གསལ། ། དེ་ནས་ཟླ་བདུན་བདུན་ཕྲག་རྩ་བདུན་ནས། ། སུམ་ཅུའི་བར་གྱིས་ཐམས་ཅད་གསལ་རྫོགས་འགྱུར། ། ཟླ་བ་བརྒྱད་པ་བདུན་ཕྲག་སོ་གཅིག་ནས། ། སོ་ལྔའི་བར་གྱིས་ཐམས་ཅད་ཆེར་འཕེལ་བྱེད། ། མ་དང་བུ་གཉིས་ཐང་རེ་གཟི་མདངས་འཕོ། ། ཞེས་པ་སྟེ། ཟླ་བ་ལྔ་པ་ལ་བདུན་ཕྲག་བཞི་ལྷག་ཙམ་ཡོད་པ་དེ་དག་གོང་གི་སྟེང་དུ་བརྩེགས་པའི་བདུན་ཕྲག་བཅོ་བརྒྱད་པར་བརྟན་པར་འགྱུར་བ་ཞེས་པའི་རླུང་གི་བྱེད་ལས་ཀྱིས་ཤ་དང་ཚིལ་རྣམས་ཀྱི་ཆ་ཤས་ཕལ་ཆེར་ཆགས་པར་བྱེད་པ་དང་། སྲོག་གི་རླུང་ལས་དྲི་མ་མེད་པ་ཞེས་བྱ་བའི་རླུང་འཕྲོས་ནས་ཞེས་ཞལ་ལུང་དུ་གསུངས་པ་ལྟར་རམ། བདུན་ཕྲག་བཅུ་དགུ་པ་ལ་སྔ་མའི་རླུང་གི་སྟོབས་ཀྱིས་ཆུ་བ་ཆེ་ཆུང་དང་རྒྱུས་པའི་རང་བཞིན་རྣམས་ཆགས་ཤིང་། བདུན་ཕྲག་ཉི་ཤུ་པ་ལ་ཤིན་ཏུ་སྲ་བ་ཞེས་བྱ་བའི་རླུང་གི་བྱེད་ལས་ཀྱིས་རུས་པའི་བྱེ་བྲག་རྣམས་དང་རྐང་མར་གྱི་དབྱིབས་རྣམས་ཆགས་པར་བྱེད་ལ། བདུན་ཕྲག་ཉི་ཤུ་རྩ་གཅིག་པ་ལ་ཡང་དག་པར་སྐྱེད་པ་ཞེས་པའི་རླུང་གི་བྱེད་ལས་ཀྱིས་ཕྱིའི་པགས་པ་འོ་མ་བསྐོལ་བའི་སྤྲིས་མ་ལྟ་བུས་གཡོགས་པར་འགྱུར་རོ། ། དེ་ནས་ཟླ་བ་དྲུག་པ་ལ་སྔ་མའི་ཞག་ལྷག་མ་གཉིས་དང་ཕྱི་མའི་ཞག་གསུམ་ཡར་བསྣན་པས་བདུན་ཕྲག་ལྔ་བྱུང་བ་དག་གོང་གི་སྟེང་དུ་བརྩེགས་པའི་བདུན་ཕྲག་རྩ་གཉིས་པ་ལ་ཀུན་ཏུ་རྒྱལ་བ་ཞེས་པའི་རླུང་གི་བྱེད་ལས་ཀྱིས་དབང་པོ་ལྔ་དང་བཅས་པའི་སྒོ་དགུའི་བུ་ག་རྣམས་སོ་སོར་རྣམ་པར་བྱེ་བར་འགྱུར་བ་དང་། བདུན་ཕྲག་རྩ་གསུམ་པར་ཡོངས་སུ་དག་པར་འཛིན་པ་ཞེས་པའི་རླུང་གི་བྱེད་ལས་ཀྱིས་སྐྲ་དང་བ་སྤུ་སེན་མོ་བཅས་ཀྱི་དབྱིབས་རྣམས་སྐྱེ་བ་ཡིན་ཞིང་། བདུན་ཕྲག་རྩི་བཞི་པ་ལ་འཕྱོ་བའམ་སྤྲིན་འཛིན་ཞེས་པའི་རླུང་གི་བྱེད་ལས་ཀྱིས་སྔར་ཆགས་ཟིན་པའི་དོན་སྣོད་རྣམས་གསལ་བར་སྨིན་ཅིང་། དེའི་དུས་སུ་བདེ་བ་དང་སྡུག་བསྔལ་གྱི་རྣམ་པ་ཡང་ཚོར་ཞིང་ཉམས་སུ་མྱོང་བའི་སྒོ་ནས་ཤེས་པར་འགྱུར་རོ། བདུན་ཕྲག་རྩ་ལྔ་པ་ལ་གྲོང་ཁྱེར་འཛིན་པ་ཞེས་པའི་རླུང་གི་བྱེད་ལས་ཀྱིས་བུ་ག་རྣམས་ལ་རླུང་གི་རྒྱུ་བ་ཡང་འབྱུང་བ་(འབུམ་ནག་གསལ་སྒྲོན་ལས། རླུང་གི་རྒྱུ་བ་སྟེ་དབུགས་ཆགས་ཞེས་གསུངས་སོ་)དང་། བདུན་ཕྲག་རྩ་དྲུག་པ་ལ་སྐྱེ་བ་མངོན་པར་གྲུབ་པ་ཞེས་པའི་རླུང་གི་བྱེད་ལས་ཀྱིས་སེམས་ཀྱི་དྲན་པ་ཡང་ཅུང་ཟད་གསལ་བ་ཞིག་འབྱུང་ལ། དེ་ནས་ཟླ་བ་བདུན་པ་ལ་བདུན་ཕྲག་ བཞི་ཡོད་པ་དེ་དག་གོང་གི་སྟེང་དུ་བརྩེགས་པའི་བདུན་ཕྲག་རྩ་བདུན་ནས་རྩ་བརྒྱད་རྩ་དགུ་སུམ་ཅུའི་བར་དུ་རིམ་བཞིན་དུ་རླུང་སྨན་ཡོན་ཆེན་པོ་དང་། མེ་ཏོག་འཛིན། མེ་ཏོག་ཕྲེང་བ། ལྕགས་ཀྱི་སྒོ་ཞེས་པ་བཅས་ཀྱི་བྱེད་པས་སྔར་ཇི་ལྟར་ཆགས་པ་ཐམས་ཅད་མངོན་པར་གསལ་ཞིང་ཆ་ཤས་ཕྲ་མོ་རྣམས་ཀྱང་གྲུབ་སྟེ་ཡོངས་སུ་ཛོགས་པར་འགྱུར་རོ། ། ཟླ་བ་བརྒྱད་པ་ལ་ཕྱི་མའི་ཞག་ལྔ་ཡར་བསྣན་པས་བདུན་ཕྲག་ལྔ་ཡོད་པ་དག་གོང་གི་སྟེང་དུ་བརྩེགས་པའི་བདུན་ཕྲག་སོ་གཅིག་ནས་སོ་ལྔའི་བར་དུ་མེ་ཏོག་སྡུད་པ་ཞེས་བྱ་བའི་རླུང་གི་ནུས་པ་གཅིག་པུས་ཚིགས་ཟིན་པའི་ལུས་ཀྱི་ཆ་ཤས་ཐམས་ཅད་ཆེས་ཆེར་འཕེལ་བར་བྱེད་ལ་དུས་འདིའི་སྐབས་སུ་མའི་ཁ་ཟས་བཅུད་ཆེ་ཆུང་གི་དབང་གིས་མ་དང་བུ་གཉིས་ཐེངས་རེས་མོས་ཀྱིས་གཟི་མདངས་འཕོ་བ་སྟེ། སྐབས་འགར་མ་གཟི་མདངས་ཆེ་ལ་བུ་གཟི་མདངས་ཆུང་བ་དང་། སྐབས་འགར་བུ་གཟི་མདངས་ཆེ་ལ་མ་གཟི་མདངས་ཆུང་བ་བཅས་མ་བུ་ཕན་ཚུན་གཟི་མདངས་འཕོ་རེས་བྱེད་པར་འགྱུར་ཞིང་དུས་དེར་ཕལ་ཆེར་བཙའ་བའི་སྐབས་སུ་བབ་མེད་མོད། འོན་ཀྱང་རྐྱེན་འགའ་ཞིག་གིས་བཙས་པ་ཡང་སྲིད་པས་གལ་ཏེ་མ་གཟི་མདངས་ཆེ་བའི་སྐབས་སུ་བཙས་ན་མ་འཚོ་ཡང་བུ་འཆི་བ་དང་། བུ་གཟི་མདངས་ཆེ་བའི་སྐབས་སུ་བཙས་ན་བུ་འཚོ་ཡང་མ་འཆི་བ་དག་འབྱུང་བ་མ་ཟད་སྐབས་འདིར་མངལ་གནས་ཀྱི་ལུས་ཅན་དེའི་དབང་གིས་མ་ལ་ལུས་སྐྲངས་པ་སོགས་ཀྱི་ནད་རྣམ་པ་སྣ་ཚོགས་འབྱུང་བར་འགྱུར་བས་དེ་དག་གསོ་བའི་ཐབས་མན་རྒྱུད་ཀྱི་མོ་ནད་གསོ་བའི་སྐབས་དང་བསྡུས་པ་རྩ་འགྲེལ་སོགས་ལས་རྒྱས་པར་བསྟན་པས་དེར་ཤེས་པར་བྱའོ། །3.རྫོགས་པའི་དུས་བསྟན་པ་ནི། ཟླ་བ་དགུ་པ་བདུན་ཕྲག་སོ་དྲུག་ནས། ། མངོན་པར་མི་དགའ་སྐྱོ་བའི་འདུ་ཤེས་འབྱུང་། ། སོ་བདུན་པ་ལ་ལོག་པའི་འདུ་ཤེས་སྐྱེ། སོ་བརྒྱད་མགོ་མཇུག་ལོག་སྟེ་མངལ་ནས་འབྱིན། ། འོན་ཀྱང་ཁྲག་ཟགས་པ་ན་འཕེལ་མི་འགྱུར། ། མངལ་རྒྱས་ཟླ་བ་ཚང་ཡང་བཙའ་བར་དཀའ། ། རླུང་གིས་དཀུ་བཀབ་ཟླ་བ་ཚང་ཡང་འགོར། ། ཞེས་པ་སྟེ། ཟླ་བ་དགུ་པ་ནས་ཞག་ལྔ་གོང་དུ་བཅད་པའི་འཕྲོས་བདུན་ཕྲག་གསུམ་ལྷག་ཙམ་ཡོད་པ་དག་གོང་གི་སྟེང་དུ་བསྣན་པའི་བདུན་ཕྲག་སོ་དྲུག་པའི་ཉིན་ཞག་དང་པོ་ནས་བཟུང་མངལ་གནས་ཀྱི་བྱིས་པ་དེ་རང་གི་གནས་ལ་མི་གཙང་བའི་འདུ་ཤེས་དང་། དྲི་མི་ཞིམ་པའི་འདུ་ཤེས། མངོན་པར་མི་དགའ་བའི་འདུ་ཤེས་ཏེ་ཡོངས་སུ་སྐྱོ་བའི་འདུ་ཤེས་བཞི་ཡིད་ལ་འབྱུང་བར་འགྱུར་རོ། ། བདུན་ཕྲག་སོ་བདུན་པ་ལ་གནས་གཞན་དུ་འཕོ་བར་འདོད་ནས་མགོ་མཇུག་ལོག་པའམ་ཕྱིར་ཕྱོགས་པའི་འདུ་ཤེས་སྐྱེ་བར་འགྱུར་རོ། ། བདུན་ཕྲག་སོ་བརྒྱད་པར་ཐོག་མའི་རྐྱེན་ཞེས་པའི་རླུང་གི་བྱེད་ལས་ཀྱིས་མགོ་མཇུག་སྒྱུར་བའམ་ལོག་སྟེ་མངལ་གྱི་ཕུགས་ནས་ཕྱིར་འབྱིན་ཅིང་བཙའ་བ་ལ་མངོན་དུ་ཕྱོགས་པར་འགྱུར་རོ། ། འོན་ཀྱང་འདིར་བཙའ་བར་མི་ནུས་པའི་རྒྱུ་གསུམ་ཡོད་དེ་བྱིས་པ་དེ་ཉིད་མངལ་དུ་གནས་པའི་རིང་མའི་ལུས་ནས་ཁྲག་མང་དུ་ཟགས་པའི་རྐྱེན་བྱུང་ན་དེས་མངལ་གནས་ཀྱི་ལུས་ཁམས་འཕེལ་བར་མི་ནུས་པ་དུས་སུ་བཙའ་མི་ཐུབ་པ་དང་། ཡང་ན་མངལ་གནས་ཀྱི་ལུས་འཚོ་ཆེས་ཏེ་ཆེར་རྒྱས་པ་ན་ཟླ་བའི་གྲངས་ཚང་ཡང་བཙའ་དཀའ་བ་དང་། འགྲེལ་ཆེན་དག་ཏུ་བུད་མེད་དེའི་ལུས་ཧ་ཅང་འཚོ་ཆེས་པས་མངལ་གྱི་སྒོ་ཆེར་རྒྱས་པར་འགྱུར་བས་ཟླ་བ་དགུ་ཚང་ཡང་བཙའ་དཀའ་ཞེས་གསུངས་པ་ཡང་ཡོད་དོ། ། ཡང་ན་ཐུར་སེལ་རླུང་གིས་དཀུའམ་མངལ་གྱི་སྒོ་ནས་བཀག་པ་ན་ཟླ་བ་དགུ་ཡི་གྲངས་ཚང་ཡང་ཕྱིར་བཙའ་རུ་མི་འདོད་པར་ནང་དུ་འགོར་བ་བཅས་དེ་ལྟར་རྐྱེན་གསུམ་པོས་གེགས་བྱས་ཏེ་བྱིས་པ་དུས་སུ་བཙའ་བར་མི་ནུས་པ་དག་ཀྱང་ཡོད་དོ། ། སྙིང་པོ་བསྡུས་པ་ལས། ཟླ་དགུ་འདས་ནས་སྣུམ་བཅས་པའི། ། འབྲས་ཆེན་ཤ་ཁུ་བླུད་པ་བསྔགས། ། སྣུམ་མང་ནས་ཐུག་སྦྱིན་པའམ། ། སྔར་བཤད་པ་ཡི་འཇམ་རྩི་བཏང་། ། དེ་ཉིད་ལ་བཅུག་རས་བལ་ནི། ། མཚན་མར་རྟག་ཏུ་གཞུག་པར་བྱ། ། རླུང་འམ་འོ་མ་སྐོལ་བའི་ཆུ། ། གྲང་བས་ཉིན་རེ་བཀྲུས་ན་ཕན། ། བློ་དགུ་ཕན་ཆད་ལུས་ལ་ནི། ། སྣུམ་མེད་པར་ནི་མི་བཞག་གོ ། ཞེས་གསུངས་པ་ལྟར་སྐྱེ་བ་ལ་མངོན་དུ་ཕྱོགས་པའི་ཚེའམ་དེའི་གོང་ནས་ལག་ལེན་དེ་དག་བྱ་བ་དང་། ཡང་ན་རྟག་ཏུ་ལྟེ་བ་དང་། ཆུ་སོ། བརླ་ནང་སོགས་སུ་ཞུན་མར་བྱུག་ན་སྐྱེ་བའི་ཚེ་རླུང་འཇོམས་ཤིང་སྐྱེ་སླ་ལ་ཟུག་ཆུང་བ་ཡིན་ནོ། །ུང་འཇོམས་ཤིང་སྐྱེ་སླ་ལ་ཟུག་ཆུང་བ་ཡིན་ནོ། །)
Dictionaries/chos rnam kun btus/389 + (1.རིང་ལུགས་ངོས་བཟུང་བ་ནི། གཞི་ལམ་འབྲས་བུར་ … 1.རིང་ལུགས་ངོས་བཟུང་བ་ནི། གཞི་ལམ་འབྲས་བུར་མི་ཕྱེད་རྡོ་རྗེ་གསུམ། ། བསྙེན་སྒྲུབ་སྒྲུབ་ཆེན་ཡན་ལག་རྣལ་འབྱོར་མས། ། རིན་ཆེན་དཔལ་ལ་ཐུགས་ཀྱི་ཟུང་བསྩལ་བ། ། ཞེས་སྦྱང་གཞི་གཞི་ལམ་འབྲས་བུའི་གནས་སྐབས་གསུམ་དུ་རྒྱུན་ཆགས་པས་དབྱེར་མི་ཕྱེད་པའི་མཚན་ཉིད་ཅན་སྐུ་གསུང་ཐུགས་ཀྱི་རྡོ་རྗེ་གསུམ་པོ། སྦྱང་བྱ་ལུས་ངག་ཡིད་གསུམ་གློ་བུར་འཁྲུལ་འཛིན་གནས་སྐབས་བཞིའི་བག་ཆགས་དང་བཅས་པས་བསྒྲིབས་པ་དེ་ཉིད། སྦྱོང་བྱེད་སོར་བསམ་བསྙེན་པའི་ཡན་ལག སྲོག་རྩོལ་སྒྲུབ་པའི་ཡན་ལག་དྲན་ཏིང་སྒྲུབ་པ་ཆེན་པོའི་ཡན་ལག་གསུམ་གྱིས་སྦྱངས་འབྲས་དབང་རྣོན་བརྩོན་འགྲུས་ཅན་ཚེ་གཅིག་ལ་སྐུ་གསུམ་མངོན་དུ་བྱེད་པའི་མན་ངག་རྒྱལ་ཡུམ་རྡོ་རྗེ་རྣལ་འབྱོར་མ་དངོས་ཀྱིས་གྲུབ་ཆེན་ཨོ་རྒྱན་པ་རིན་ཆེན་དཔལ་ལ་ཐུགས་ཀྱི་ཟུངས་བཅུད་བསྩལ་བ་སྟེ། དེའང་གྲུབ་ཆེན་དེ་ཉིད་མདོ་སྔགས་ཀྱི་སྦྱངས་པ་མཐར་ཕྱིན། རང་ལུགས་ཀྱི་བརྒྱུད་འཛིན་དུས་འཁོར་བ་སངས་རྒྱས་རྡོ་རྗེ་ལས་དུས་ཀྱི་འཁོར་ལོའི་རྒྱུད་འགྲེལ་མན་ངག་དང་བཅས་པ་གསན་ཏེ་མཁས་པའི་ཕུལ་དུ་གྱུར། རྒྱལ་བ་རྒོད་ཚང་པ་ལས་རྟོགས་པ་མཐར་ཐུག་བརྙེས། ཛཱ་ལ་དྡྷ་ར་སོགས་གནས་ཡུལ་མང་དུ་བྱོན། ཁྱད་པར་ནུབ་ཕྱོགས་ཨོ་རྒྱན་གྱི་ཡུལ་དུ་ཕེབས། བར་ཆད་དང་འཇིགས་པ་ཆོ་འཕྲུལ་མཐའ་དག་ལྟ་བ་དང་བརྟུལ་ཞུགས་ཀྱི་སྤྱོད་པས་ཟིལ་གྱིས་མནན། ཡུལ་དབུས་གླདྷཱུ་མ་ཐ་ལའི་ཕྱོགས་བཞིར་རིགས་བཞི་མཁའ་འགྲོས་བྱིན་གྱིས་བརླབས། སྤྲུལ་པའི་མཛེས་མས་ལུང་བསྟན་པ་བཞིན་ཀ་བོ་ཀ་ཞེས་པའི་གྲོང་དུ་རྡོ་རྗེ་རྣལ་འབྱོར་མ་ཉིད་དང་པོ་སྨད་འཚོང་མའི་གཟུགས་སུ་བསྟན་ནས་བཟའ་བཏུང་དང་རེག་བྱའི་བདེ་བ་བསྩལ་བས་རྩ་མདུད་ཐམས་ཅད་གྲོལ། སྒྲ་དང་ས་གཡོ་སོགས་ལྟས་ཆེན་པོ་དང་བཅས་ཏེ་སླར་རྡོ་རྗེ་བཙུན་མོ་དངོས་སུ་སྣང་བས་གདམས་པ་འདི་རྫོགས་པར་གནང་། སྔར་གྱི་མཁའ་འགྲོ་བཞི་དང་སེང་གེའི་གདོང་ཅན་ལྔ་པོས་ཀྱང་གདམས་པ་སྣ་རེ་གནང་བས་གྲུབ་པ་ཆེན་པོའི་ས་ལ་གནས་པར་གྱུར་ཏོ། ། བོད་དུ་བྱོན་ནས་མཁའ་འགྲོའི་ལུང་བཞིན་ཐོག་མར་གཡའ་བཟང་པ། སྣུབས་འདུལ་བ་འཛིན་པའི་དབོན་པོ་རིན་པོ་ཆེ་མཁར་ཆུ་བས་གསོལ་བ་བཏབ་པའི་ངོར་གཞུང་ཡི་གེར་བཀོད་པར་མཛད་དོ།།2.བརྒྱུད་སྲོལ་བཤད་པ་ནི། མཁར་ཆུ་བ་དང་ཟླ་སེང་སྦུ་ཏྲ་བ། ། ཟུར་ཕུག་སྟེ་མདོ་སྐུ་མཆེད་སྲོལ་མང་ལས། ། རྒྱལ་བ་གཉིས་པ་རང་བྱུང་ཆོས་རྗེ་ཡིས། ། རྡོ་རྗེའི་ཚིག་བཀྲོལ་གདམས་པའི་ལམ་བཟང་གསལ། ། རིན་པོ་ཆེ་མཁར་ཆུ་བས་དམིགས་རྐང་རེ་ལ་གསེར་ཞོ་རེའི་མཎྜལ་ཕུལ་ནས་ཞུས་ཤིང་བརྗེད་ཐོ་བསྡུས་པའང་མཛད། ཁྲིད་གཉེར་པ་རྟོགས་ལྡན་ཟླ་བ་སེང་གེས་མན་ངག་རྣམས་གླེགས་བམ་དུ་བསྡོམས། ཕྱིས་ཀྱང་ཁྲིད་ལུགས་འདི་ལ་གཙོར་བྱེད། རྗེ་ཉིད་ལ་གོ་ལུང་པ་གཞོན་ནུ་དཔལ་གྱིས་དྲི་བ་ཞུས་པས་ལན་འདེབས་གནང་བ་ཁོང་གིས་ཡི་གེར་བཏབ་པ་དང་། སྦུ་ཏྲ་པ་མཁས་བཙུན་བསོད་ནམས་འོད་ཟེར་བ་ལ་ཡིག་ཆ་གསལ་བར་མ་ཐོས་ཤིང་། ཟུར་ཕུག་པ་རིན་ཆེན་དཔལ་བས་མཛད་པའི་ཊཱིཀ་ཆེན་དང་། མཁས་པ་ཤངས་སྟོན་དང་། སྙེ་མདོ་ཀུན་དགའ་དོན་གྲུབ་པས་རྡོ་རྗེའི་ཚིག་རྐང་གི་རྣམ་བཤད་མཛད་པ་བཞི་ལ་འགྲེལ་ཆེན་བཞི་ཟེར་ཞིང་། བསོད་འོད་ལས་ཆོས་རྗེ་གངས་པ་བརྒྱུད་དཔལ་ལྡན་བླ་མ་བསོད་ནམས་རྒྱལ་མཚན་གྱི་བར་དུ་བྱུང་བ་དང་། སྙེ་མདོ་སྐུ་མཆེད་ལས་ཀྱང་བརྒྱུད་པ་འཕེལ་བ་སོགས་སྲོལ་མང་དུ་བྱུང་བ་ལས། རྒྱལ་བ་གཉིས་པ་ཀུན་མཁྱེན་རང་བྱུང་ཆོས་རྗེས་གྲུབ་ཆེན་པ་ལས་གདམས་ངག་རྫོགས་པར་གསན་ཏེ་རྡོ་རྗེའི་ཚིག་གི་མདུད་འགྲོལ་དང་གདམས་ངག་གི་གནད་གཞན་ལས་ཁྱད་པར་འཕགས་པའི་ལམ་བཟང་པོ་གསལ་བར་མཛད་ཅིང་། རྗེ་རོལ་པའི་རྡོ་རྗེ་སོགས་སྐུའི་སྐྱེ་བ་ན་རིམ་སློབ་བརྒྱུད་དང་བཅས་པས་རྒྱ་ཆེར་སྤེལ་བར་མཛད་དོ། །ཕྲན་ཚེགས་བྱུང་བ་གཞན་སྨོས་པ་ནི། མི་ཏྲ་དམར་པོ་ཁ་རག་སྐོར་གསུམ་སོགས། ། ཚད་ལྡན་ཕྲན་ཚེགས་བྱུང་བ་མཐའ་ཡས་སོ། ། ངོ་མཚར་བའི་གཏམ་བཅོ་བརྒྱད་དང་ལྡན་པའི་གྲུབ་ཆེན་མི་ཏྲ་ཛོ་ཀི་དེ་ཉིད་ཁྲོ་ཕུ་ལོ་ཙཱ་བ་བྱམས་པའི་དཔལ་གྱིས་སྤྱན་དྲངས། ཟབ་ཆོས་ཞུས་པས་ཤེས་བྱའི་ཡན་ལག་ཏུ་བསྟན་པ་ཐུན་མོང་གི་སྐོར། ནང་སྒྲུབ་ཐབས་སུ་བསྟན་པ་ཉམས་ལེན་བྱེ་བྲག་གི་སྐོར། གསང་བ་བྱིན་རླབས་ཀྱི་འཇུག་པ་སྟོན་པ་ཁྱད་པར་གྱི་སྐོར་གསུམ་གནང་བ་ཁྲོ་ཕུ་པ་ལས་རིམ་པར་བརྒྱུད་པ་དང་། ས་ར་ཧས་གནང་བའི་ཕྱག་ཆེན་འཁོར་བ་རྒྱུན་གཅོད་ཀྱི་གདམས་ངག་དོན་མོ་རིར་མཚན་ལྡན་འཁྲུལ་ཞིག་ཆེན་པོ་ལ་གནང་། དེས་རྟོགས་ལྡན་གྲགས་སེང་ལ་གནང་བ་དང་། ཡང་བལ་རས་ཞེས་བྱ་བའི་རྣལ་འབྱོར་པར་བརྫུས་ནས་གྲགས་པ་སེང་གེ་ལ་མཁའ་སྤྱོད་བསྙེན་སྒྲུབ་གནང་བ་ཕྱི་མ་གཉིས་ལ་རྟོགས་ལྡན་མཁའ་སྤྱོད་དབང་པོས་ཡིག་ཆའང་མཛད་པ་དང་། དེས་མི་ཉག་གྲགས་རིན་དང་གུ་ཅོར་རྟོགས་ལྡན་ལས་བརྒྱུད་པ་དང་། རྡོ་རྗེ་ཕྲེང་བའི་དབང་བསྐུར་བརྒྱ་རྩ་པཎ་ཆེན་དོན་ཡོད་རྡོ་རྗེ་ལས་བརྒྱུད་པ་སོགས་བྱུང་། ཡང་སྤྲུལ་སྐུ་ལ་སྟོད་དམར་པོ་བ་ལ་རྡོ་རྗེ་གདན་པ་ཆེ་བས་གནང་བའི་ཐུགས་རྗེ་ཆེན་པོའི་ཆོས་སྐོར་དང་བསིལ་བ་ཚལ་དུ་མཁའ་འགྲོ་སྡེ་ལྔས་གནང་བའི་གདམས་ངག་གི་སྐོར་རྣམས་དང་། གཙང་ཁ་རག་སྒོམ་ཆུང་བློ་གྲོས་དབང་ཕྱུག་ལ་ཨ་རོ་ནས་བརྒྱུད་པའི་སེམས་ཕྱོགས་དང་། ཇོ་བོ་ནས་བརྒྱུད་པའི་བློ་སྦྱོང་གི་བཀའ་བབས། གདམས་པ་དེ་གཉིས་བསྲེས་པ་ལ་བྱང་ཆུབ་སེམས་སྦྱོང་ཞེས་བྱ་བའི་གཞུང་མཛད། ཕྱིས་ཁ་རག་སྐོར་གསུམ་དུ་གྲགས་ཏེ་ལྷོ་པ་དྷརྨ་སྐྱབས། བྱང་སྒོམ་མཆེད་གསུམ་སོགས་ནས་རྒྱ་ཆེར་འཕེལ། སོགས་ཁོངས་ནས་སྤྱན་རས་གཟིགས་ཀྱི་དམར་ཁྲིད་རིགས་བཞི། དུས་ཞབས་ཆེ་ཆུང་ནས་བལ་པོ་ཀཱ་ཡ་ཤྲཱི་སོགས་ལ་བརྒྱུད་པའི་ནམ་མཁའ་སྐོར་གསུམ། ཕྱག་རྒྱ་ཆེན་པོ་ཐིག་ལེའི་སྐོར། མན་ལུང་བའི་སྒོམ་རིམ་གཅིག་ཤེས་ཀུན་གྲོལ་སོགས་གདམས་ངག་གི་རིགས་དང་། ཨ་བྷ་ཡའི་རྡོ་རྗེ་ཕྲེང་བ་དང་སྒྲུབ་ཐབས་བརྒྱ་རྒྱམ། དརྦ་ཎ་ཨ་ཙརྱའི་བྱ་བ་བཏུས་པ་སོགས་དབང་དང་སྒྲུབ་ཐབས་ཀྱི་རིགས་ཚད་དང་ལྡན་ཅིང་སྒྲུབ་བརྒྱུད་ཀྱི་བཀའ་སྲོལ་ཟུར་པ་མེད་པའི་ཕྲན་ཚེགས་ཀྱི་བྱུང་བ་ནི་མཐའ་ཡས་སོ། །ེད་པའི་ཕྲན་ཚེགས་ཀྱི་བྱུང་བ་ནི་མཐའ་ཡས་སོ། །)
Dictionaries/chos rnam kun btus/150 + (1.རྒྱུད་སྟོད་གྲྭ་ཚང་ནི། རྗེ་ཀུན་དགའ་དོན་གྲ … 1.རྒྱུད་སྟོད་གྲྭ་ཚང་ནི། རྗེ་ཀུན་དགའ་དོན་གྲུབ་ཀྱིས་རབ་བྱུང་བརྒྱད་པའི་ཤིང་རྟ་(1474)ལོར་རྒྱུད་ཀྱི་བཤད་པ་བཙུགས་པ་ནས་དཔལ་ལྡན་སྟོད་རྒྱུད་གྲྭ་ཚང་དུ་གྲགས་པ་འདི་ཉིད་ཆགས་པ་ཡིན་ལ། དེ་ནས་འདུས་ཚོགས་ཀྱང་ཇེ་འཕེལ་དུ་སོང་། དུས་དེར་བྱམས་པ་གླིང་དང་ཆུམས་མདའ་སོགས་སུ་བཞུགས་ཤིང་། རྗེ་ཀུན་དགའ་དོན་གྲུབ་ཀྱི་སྐུ་ཚེའི་སྨད་ཙམ་ལ་ལྷ་སའི་སྐྱིད་ཆུ་རྒྱས་ནས་ཆུ་ལོག་གི་ཉེན་ཁ་ཆེན་པོ་བྱུང་ནས་སྡེ་པ་སྐྱིད་ཤོད་པས་རྗེ་ཀུན་དགའ་དོན་གྲུབ་ཆུ་བཟློག་ཏུ་ཕེབས་དགོས་ཚུལ་ཞུས་པ་ལྟར་ཆུ་བཟློག་མཛད་པར་ཕན་ནུས་མངོན་གསལ་ཐོན་ཏེ་ལྷ་སའི་གྲོང་མི་ཁྲི་སྟོང་མང་པོ་སྲོག་གི་འཇིགས་པ་ལས་སྐྱབས་པའི་ལེགས་འབུལ་དུ་རྒྱུད་སྟོད་ལྷ་སར་ཕེབས་སྐབས་ཀྱི་བཞུགས་གནས་སུ་ར་མོ་ཆེའི་འདུ་ཁང་དེ་ཕུལ་སྐད།། འདི་གར་ཐོས་བསམ་མཛད་པ་པོ་ནི་དབུས་གཙང་མདོ་ཁམས་སོགས་ནས་ཕེབས་པའི་གྲྭ་རྒྱུན་ཐོས་བསམ་སློབ་གཉེར་དོན་དུ་གཉེར་བ་རྣམས་ཡིན། ཁོང་རྣམས་ཐོག་མར་གྲྭ་ས་ཆེན་པོ་གསུམ་(སེ་འབྲས་དགེ་གསུམ)་གང་རུང་དུ་སྒྲིག་ཞུགས་གནང་ནས་གཞུང་ཆེན་བཀའ་པོད་ལྔར་སྦྱངས་པ་མཐར་ཕྱིན་གནང་སྟེ་ཐུན་མོང་ཕར་ཕྱིན་ཐེག་པ་ལ་ལེགས་པར་བསླབས། དེ་ནས་རྒྱུད་གྲྭར་འབྲས་བུ་རྡོ་རྗེ་ཐེག་པའི་མན་ངག་མཐར་ཐུག་རྣལ་འབྱོར་བླ་ན་མེད་པའི་རྩ་རྒྱུད་ཀྱི་དོན་རང་རང་བཤད་རྒྱུད་ཀྱིས་གསལ་བར་གཏན་ལ་ཕབ་པའི་པཎ་གྲུབ་ཀྱི་གཞུང་རྣམ་དག་རྣམས་ལ་འཆད་ཉན་གྱིས། གསང་སྔགས་སྒྲས་ཟིན་ཙམ་མ་ཡིན་པར་དགོངས་པ་ཅན་གྱི་གཞུང་ཚིག་གིས་ངེས་དོན་གྱི་སྙིང་པོ་སྦས་ཏེ་བསྟན་པ་རྣམས་ལ་སྒྲོ་འདོགས་ལེགས་པར་བཅད་དེ་རྒྱུད་སྡེ་རྒྱ་མཚོའི་ཚིག་དོན་ལ་མི་འཇིགས་པའི་གདེངས་ཐོབ་པའི་སྒོ་ནས་རྒྱུད་སྡེའི་སྙིང་པོ་ཉམས་བཞེས་གནང་གི་ཡོད། རྒྱུད་སྟོད་གྲྭ་ཚང་གི་སྒྲིག་གཞིའི་མི་སྣའི་ཁོངས་སུ་མཁན་པོ་དང་། བླ་མ་དབུ་མཛད། བྱང་འདྲེན་ཆེ་མོ། རྒྱུད་གཞུང་བྱང་འདྲེན། དགེ་སྐོས། བླ་མ་དཀོན་གཉེར། བླ་མ་ཞལ་བལྟ་བ། ལག་བདེ་དབུ་མཛད། ཚོགས་འདུ་བ་སྟེ་ལས་སྣེ་ཐོན་ཟིན། ཕྱག་མཛོད་སོགས་ཡོད། དེ་དག་གི་གནང་སྒོ་ནི་མཁན་པོས་ཆོས་ལུགས་ཀྱི་གཙོ་འགན་བཞེས་རྒྱུ་དང་། བླ་མ་དབུ་མཛད་ཀྱིས་སྒྲིག་ལམ་གནོན་འདོམས་དང་ཚོགས་འདུའི་འགོ་མཛད་རྒྱུ། བྱང་འདྲེན་གྱིས་འདོན་ཆོས་ཁག་གི་དབུ་བསྐུལ་དང་རྟ་འདུར་དབྱངས་སོགས་འཐེན་གཏོང་གནང་རྒྱུ། དགེ་སྐོས་ཀྱིས་རྒྱུན་གཏན་གྱི་སྒྲིག་ལམ་གནོན་འདོམས་ཐོག་རང་ཐག་མ་ཆོད་པ་རྣམས་བླ་མ་དབུ་མཛད་ལ་དགོངས་སྐོར་ཞུ་རྒྱུ་དང་། ཚོགས་སུ་སྐྱབས་ཞུ་དང་སྙན་སེང་། གྲོང་ཆོག་གཏོང་རྒྱུ་སོགས་གནང་དགོས། རྒྱུད་གཞུང་བྱང་འདྲེན་གྱིས་བྱང་འདྲེན་ཆེ་མོ་ཚོགས་སུ་ཕེབས་མེད་ན་འདོན་པ་སྐུལ་རྒྱུ་དང་། བྱང་འདྲེན་ཆེ་མོའི་ཕྱག་རོགས་ཞུ་རྒྱུ། ཕྱག་མཛོད་ལྔ་པོས་གྲྭ་ཚང་གི་དཔལ་འབྱོར་འདུ་འགོད་ཀྱི་འགན་འཁུར་རྒྱུ། ཆབ་རིལ་དང་། ཆོས་ར་དཀོན་གཉེར་གྱིས་དགེ་སྐོས་ཀྱི་ཕྱག་གཡོག་ཞུ་རྒྱུ། ཞལ་བལྟ་བས་ལག་བདེ་(ཇ་ཐུག་ཞུ་མཁན་)ཉི་ཤུ་རྩ་ལྔའི་འགོ་བྱེད་རྒྱུ་སོགས་ཡིན། གྲྭ་ཚང་གི་འོག་ཏུ་ཨ་མདོ་དང་། མི་ཉག རོང་པོ། ཕུ་ཁང་། གྲགས་པ་བཅས་ཁང་ཚན་ལྔ་ཡོད་པར་ཁང་ཚན་སོ་སོར་ཡང་ཁང་ཚན་དགེ་རྒན་རེ་དང་མི་ཚན་དགེ་རྒན་རེ་ཡོད། ལས་སྣེ་ཆེ་གྲས་བསྐོ་གཞག་དང་གྲྭ་ཚང་གི་ལས་དོན་གལ་ཆེའི་རིགས་ཚོགས་འདུ་བ་སྟེ་ལས་སྣེ་ཐོན་ཟིན་རྣམས་ཚོགས་འདུ་འཚོགས་ནས་གྲོས་བསྡུར་བྱས་རྗེས་བླ་མ་དབུ་མཛད་ཀྱིས་ཐག་གཅོད་གནང་དགོས་པ་ཡིན། གདན་ས་གསུམ་པོ་གང་རུང་ཞིག་ལ་སྒྲིག་ཞུགས་ཟིན་ནས་གཞུང་ཆེན་བཀའ་པོད་ལྔ་བརྒལ་བརྟག་ལེགས་པར་ཟིན་པའི་དགེ་བཤེས་དང་། ཡང་ན་གདན་སར་བཞུགས་ནས་མཚན་ཉིད་ལ་སྦྱངས་པ་མ་གནང་ཡང་རྒྱུད་དོན་ལ་སྦྱངས་བརྩོན་གནང་འདོད་མཁན་ཞིག་ཡིན་ན་རྒྱུད་གྲྭར་ཞུགས་ཆོག་པ་ཡིན་ཞིང་ཁོང་ཚོར་བསྐྱེད་རིམ་པ་ཞེས་ཟེར་ཞིང་། མཁན་པོ་དང་། བླ་མ་དབུ་མཛད། དགུན་ཆོས་དགེ་སྐོས་རྣམས་དགེ་བཤེས་ཀྱིས་གནང་དགོས་ལ། བྱང་འདྲེན་ཆེ་མོ་དང་། དགེ་སྐོས་གཞན་གཉིས་བསྐྱེད་རིམ་པས་གནང་དགོས། དགེ་སྐོས་བྱས་ཟིན་པའམ་ཡང་ན་དགེ་སྐོས་བླུས་པ་(གཏོང་སྒོ་བཏང་ནས་དགེ་སྐོས་བྱེད་མི་དགོས་པ་)རྣམས་ལ་ལས་སྣེ་ཐོན་ཟིན་ཞེས་དམིགས་བསལ་གནས་ར་འགའ་མ་གཏོགས་རྒྱུན་གཏན་ཚོགས་ལ་ཕེབས་མི་དགོས། གཞིས་ཁག་གི་སྡེ་པ་(གཞིས་ཀ་བླ་མ་ཟེར་)རྣམས་ཕྱག་མཛོད་ཁང་ནས་བསྐོ་གཏོང་བྱེད་ཅིང་། ཕྱག་མཛོད་ནི་འཇིག་རྟེན་གྱི་འགྲོ་སྟངས་ཅུང་མཁས་པ་ཞིག་འོས་འཛུགས་བྱས་ཏེ་ཁང་ཚན་རེ་ནས་གྲྭ་པ་འགའ་ཞིག་རེ་བསྡུས་ཐོག་མགོན་པོར་ཟན་བརྟག་ཕུལ་རྗེས་མི་ལས་འགན་འཁུར་བྱེད་དགོས་པ་དང་། ཕྱག་མཛོད་མི་ལྔ་ནས་མི་གསུམ་ལྷ་སར་གཏན་བཞུགས་དང་མི་གཅིག་གཙང་སྲིད་གཞིས་སྡོད། གཅིག་གིས་ཆོས་ཐོག་གཉེར་པ་བྱེད་དགོས། འགན་འཁུར་དུས་ཚོད་ལོ་ལྔ་རེ་ཡིན་པ་དེའི་རིང་ཕྱག་མཛོད་འཁྱུར་ནས་རྩིས་སྤྲོད་མ་ཟིན་བར་གྲྭ་ཚང་དང་འདོད་པ་གཅིག་ལྟ་བུ་ཡིན། ཕྱག་མཛོད་ཟུར་པར་ལས་སྣེ་ཐོན་ཟིན་གྱི་དམིགས་བསལ་མེད། འོན་ཀྱང་སྐབས་རེ་ལས་སྣེ་ཐོན་ཟིན་གྲས་ནས་ཕྱག་མཛོད་བྱེད་མཁན་ཡང་ཡོད། ཕྱག་མཛོད་ཁང་ནི་ཏཱ་ལའི་བླ་མ་སྐུ་ཕྲེང་བཅུ་གསུམ་པའི་སྐུ་དུས་སུ་གསར་འཛུགས་གནང་ཞིང་། དེའི་གོང་རྒྱུད་པའི་དཔལ་འབྱོར་དོ་དམ་དེ་བླ་བྲང་ཞེས་མཁན་པོ་ནས་གནང་སྲོལ་ཡོད་པར། བར་སྐབས་ཤིག་གཏོང་སྒོ་གཏོང་ཕྱོགས་དང་། སྤྱི་འཇོག་སོགས་ཀྱི་ཐད་འཐུས་སྒོ་ཚང་པོ་ཞིག་མ་བྱུང་སྟབས་མཁན་པོ་དང་བླ་མ་དབུ་མཛད་བར་ཐུགས་མ་མཐུན་ནས་གཞུང་གཏུགས་བྱས་པར་ཏཱ་ལའི་བླ་མ་སྐུ་ཕྲེང་བཅུ་གསུམ་པས་བཀའ་བཅད་གནང་དོན་དུ་མཁན་པོ་དང་བླ་མ་དབུ་མཛད་ལ་སྐལ་འཕར་འོས་འཚམས་ལས་རྒྱུད་གྲྭའི་དཔལ་འབྱོར་འདུ་འགོད་རྣམས་ཕྱག་མཛོད་ཁང་གསར་བཙུགས་ཀྱིས་ཁང་ཚན་ལྔ་པོ་སོ་སོ་ནས་མི་རེ་བསྐོ་གཏོང་བྱས་པ་དེ་ཚོས་ཕྱག་མཛོད་ཀྱི་འགན་འཁུར་ལོ་ལྔ་རེ་བྱེད་དགོས་པའི་རིང་ཕྱག་མཛོད་ཁང་དུ་གཏན་སྡོད་བྱ་དགོས་པ་ལས་རང་ཤག་ཏུ་བསྡད་མི་ཆོག་པ་དང་། བཟའ་བཏུང་ཚང་མ་ཕྱག་མཛོད་ཁང་རང་ནས་བྱེད་དགོས།ཕྱག་མཛོད་ཀྱི་ལས་འགན་གཙོ་བོ་ནི་ཆོས་གཉིས་དང་། ཆོས་ཐོག་ཁག་གི་གཏོང་རྩ་སྐྱེད་འབབ་གཏོང་བསྡུ། རྒྱུན་ཚོགས་དང་ཆོས་ཐོག་སོ་སོའི་གཏོང་སྒོ་གཏོང་རྒྱུ། ཆོས་ཕོགས་རྒྱག་རྒྱུ་སོགས་དཔལ་འབྱོར་འདུ་འགོད་ཀྱི་ལས་ཀ་རྣམས་བྱེད་དགོས་ཀྱི་ཡོད། ཕྱག་མཛོད་གསར་པའི་འོས་མི་རྣམས་མགོན་པོའི་མདུན་ཟན་བརྟག་ཞུས་ནས་གང་དོན་པ་དེར་བསྐོ་གཞག་བྱས་རྗེས་གསར་པ་དེས་ལས་འཁུར་བླངས་པ་དང་རྙིང་པ་རྣམས་བདེ་གསལ་ཞེས་པའི་ཁང་པ་དེར་སྤོ་སྡོད་ཀྱིས་རྩིས་སྤྲོད་མ་ཟིན་པར་ཕྱག་མཛོད་ཁང་དང་སྐྱིད་སྡུག་གཅིག་བྱེད་དགོས་ཤིང་། ཕྱག་མཛོད་རྩིས་སྤྲོད་ཟིན་རྗེས་རང་ཤག་ཏུ་བསྡད་ཆོག་པ་ཡིན་འདུག རྒྱུད་གྲྭར་ཞུགས་དུས་རྒྱུད་ཆས་དགེ་རྒན་དང་། སྙན་སེང་དགེ་རྒན། ཁྲིད་མཁན་དགེ་རྒན། དཔེ་ཆའི་དགེ་རྒན་བཅས་ཡོད་དགོས་ཤིང་། རྒྱུད་ཆོས་དགེ་རྒན་ནས་ཞྭ་གོས་ལྷམ་སོགས་རྒྱུད་ཆས་རྣམས་ག་སྒྲིག་དགོས་པ་སྟེ། རྒྱུད་གྲྭར་ཞུགས་པ་རྣམས་ལ་རྒྱུད་ཆས་ཞེས་གཟན་གཤམ་སྟོད་འགག་སོགས་གྲྭ་པ་སྤྱི་མཚུངས་ཐོག་ད་དུང་ཆབ་བླུག་གཟེར་བྱེད་ཤིང་གི་རལ་གྲི་དང་། རྒྱུད་གི། ཆབ་བླུག་གི་འདོགས་ལུང་ལ་ལྕགས་ཀྱི་ཐེལ་ཙེ་ཆུང་ངུ་ཞིག རྒྱབ་འཇོག་དང་མདུན་འཇོག་ཅེས་རྩམ་སྣོད་ཚོགས་ཁུག་གཉིས། གདིང་བ། འབོག་ཐགརྒྱུད་ཕོར། ཞྭ་མོ་རྩེ་ཞྭ། ཟླ་གམ། དགེ་སློང་ཚོར་ཆོས་གོས་སོགས་དགོས་པ་ཡིན་ལ། ལོ་རེ་རྒྱུད་ཆོས་རྒྱུག་སྤྲོད་ཅེས་གྲྭ་བགྲེས་གཞོན་དབྱེར་མེད་ཀྱི་རྒྱུད་ཆས་ལ་མཁན་པོ་དང་། བླ་མ་དབུ་མཛད། དགེ་སྐོས་བཅས་ནས་ཞིབ་བཤེར་ཐེངས་རེ་གནང་སྲོལ་ཡོད། གཞན་ཡང་སྙན་སེང་དགེ་རྒན་གྱིས་བྱ་སྤྱོད་ཚུལ་མཐུན་བྱ་རྒྱུའི་ཁག་ཐེག་བྱེད་དགོས་པ། ཁྲིད་དགེ་རྒན་གྱིས་སྒྲིག་ལམ་ཀུན་སྤྱོད་སློབ་སྟོན་བྱེད་དགོས། དཔེ་ཆའི་དགེ་རྒན་གྱིས་འདོན་ཆོས་རྟ་འདུར་དབྱངས་སོགས་བསླབ་དགོས་པ་ཡིན། དགེ་རྒན་ནི་རྒྱུད་དུ་ཞུགས་ནས་ལོ་བཞི་ཡན་ཕྱིན་པ་ཞིག་གིས་བྱེད་དགོས་ལ་གསར་ཞུགས་མ་བྱས་གོང་སྙན་སེང་དགེ་རྒན་དེས་གཟའ་འཁོར་གསུམ་གྱི་ནང་མཁན་པོར་སྙན་སེང་ཐེངས་གསུམ་འབུལ་དགོས། རྒྱུད་དུ་ཞུགས་པའི་ཆ་རྐྱེན་འཛོམས་མེད་ཚེ་སྙན་སེང་གསུམ་པ་མ་ཕུལ་གོང་སྙན་སེང་འཐེན་ཆོག ཚོགས་སུ་གདིང་བ་བཏིང་བའི་ཉིན་ནས་རྒྱུད་པའི་གྲས་སུ་ཚུད་པ་ཡིན། དེ་མིན་རྒྱུད་སྟོད་ཀྱི་སྒྲིག་ལམ་དང་ཆོས་ཐོག་གི་སྐོར་སོགས་ཞིབ་པ་《རྒྱུད་སྟོད་ཀྱི་སྒྲིག་ཡིག་གསེར་གྱི་ཐེམ་སྐས་》དང་། ཕུར་ལྕོག་ངག་དབང་བྱམས་པས་མཛད་པའི་《གྲྭ་ས་ཆེན་པོ་བཞི་དང་རྒྱུད་པ་སྟོད་སྨད་ཆགས་ཚུལ་》སོགས་ལ་གསལ།2. སྨད་རྒྱུད་གྲྭ་ཚང་ནི། རྗེ་ཙོང་ཁ་པའི་དངོས་སློབ་འཕྲིན་ལས་ནམ་མཁའ་དང་མཉམ་པའི་བུ་ཆེན་བཞིའི་ཡ་གྱལ་རྗེ་བཙུན་ཤེས་རབ་སེང་གེས་དངོས་སུ་འཆད་ཉན་གྱི་རྒྱུན་འཛུགས་པར་མཛད་པ་སྟེ། རབ་བྱུང་བདུན་པའི་ས་ཕག་(1419)ལོར་རྗེ་ཙོང་ཁ་པས་འགྲེལ་པ་བཞི་སྦྲགས་ཀྱི་གླེགས་བམ་ཕྱག་ཏུ་བསྣམས་ནས་ཁྱེད་ཅག་མཁས་པ་རྣམས་ཀྱི་ཁྲོད་ན་དཔལ་གསང་བ་འདུས་པའི་རྒྱུད་ཀྱི་བཤད་སྲོལ་འཛིན་ནུས་པ་སུ་ཡོད་ཅེས་བཀའ་ལན་འགའ་ཞིག་སྩལ་བ་ན། མཁས་པ་གཞན་སུས་ཀྱང་ཞལ་གྱིས་བཞེས་མ་ནུས་པའི་ཚེ་རྗེ་ཤེས་རབ་སེང་གེས་ཞལ་གྱིས་བཞེས་པར་མཛད་པས་རྗེ་ཙོང་ཁ་པ་ཤིན་ཏུ་དགྱེས་ཏེ་གསང་བ་འདུས་པའི་གསེར་སྐུ་དང་། འགྲེལ་པ་བཞི་སྦྲགས་ཀྱི་གླེགས་བམ། ཆོས་རྒྱལ་གྱི་ཞལ་འབག འཆམ་གོས། དབྱུག་ཏོ། ཞགས་པ་སོགས་གནང་ནས་སྔགས་ཀྱི་བསྟན་པའི་བདག་པོར་མངའ་གསོལ། དེ་ནས་ལོ་ཤས་རྗེས་གསང་ཕུ་མཐོང་སྨོན་གྲྭ་ཚང་གི་བླ་མའི་མཛད་འཁུར་དེ་རྗེ་དགེ་འདུན་གྲུབ་ལ་གཏད་དེ་རྗེ་ཤེས་རབ་སེང་གེ་ཉིད་གཙང་ཤོབ་སྟོད་ལྷུན་པོ་རྩེར་བྱོན་པས་སི་ཏུ་བསོད་ནམས་དཔལ་དང་བདག་མོ་ཤཱཀྱ་དཔལ་གྱིས་སྦྱིན་བདག་མཛད་དེ་རྗེ་ཙོང་ཁ་པའི་ཕྱག་ལེན་བཞིན་སྒྲུབ་དཀྱིལ་བཞེངས་མཆོད་དང་གསང་བ་འདུས་པའི་རྒྱུད་ཀྱི་བཤད་རྒྱུན་བཙུགས། སྲིད་རིན་ཆེན་རྩེ་པས་སྦྱིན་བདག་མཛད་དེ་སྲིད་གཞུང་དུ་དགའ་ལྡན་ཕོ་བྲང་ཞེས་པའི་གྲྭ་ཚང་བཏབ་པས་གཙང་གི་སྲད་རྒྱུད་ཅེས་རྒྱུད་སྟོད་རྙིང་པར་གྲགས་པ་བྱུང་། ལྷུན་པོ་རྩེའི་བླ་རབས་བཞི་པ་འཕགས་འོད་ཡོན་ཏན་རྒྱ་མཚོ་སོགས་ཀྱིས་ཆོས་ཞུས་ཤིང་ཞབས་ལ་གཏུགས་པར་ཆོས་རྒྱལ་གྱི་ཞལ་འབག་དང་། འཆམ་གོས་སོགས་ཀྱང་རྟེན་དུ་བསྩལ། སྲད་དགའ་ལྡན་ཕོ་བྲང་དུ་རྒྱུད་ཀྱི་རྒྱལ་པོ་གསང་བ་འདུས་པའི་འཆད་ཉན་འཛུགས་པར་མཛད་ནས་འདུལ་ནག་དཔལ་ལྡན་བཟང་པོ་འཆད་ཉན་པར་བསྐོ་གཞག་མཛད་དེ་རྗེ་ཙོང་ཁ་པས་གནང་བའི་འགྲེལ་པ་བཞི་སྦྲགས་ཀྱི་གླེགས་བམ་བསྩལ། དེ་ནས་དབུས་ཕྱོགས་སུ་ཕེབས་ཏེ་ཆུ་གླང་( 1433 ) ལོར་དགའ་ལྡན་དུ་རྒྱུད་ཀྱི་འཆད་ཉན་བཙུགས་པར་དབུས་ཀྱི་རྒྱུད་སྨད་ཅེས་སུ་གྲགས། དེ་ནས་བཟུང་རྗེ་ཤེས་རབ་སེང་གེ་དཔོན་སློབ་རྣམས་ཕྱོགས་ཕྱོགས་སུ་ཆོས་བར་བཏེགས་ནས་དབྱར་སོས་གཉིས་རྒྱུད་འགྲེལ་གྱི་བཤད་པ་དང་། སྟོན་དུས་གསང་བ་འདུས་པའི་རྫོགས་རིམ་རིམ་ལྔ་གདན་རྫོགས་ཀྱི་དམར་ཁྲིད་དང་། སྦྱོར་བ་ཡན་ལག་དྲུག་གི་ཁྲིད། ནཱ་རོ་ཆོས་དྲུག འཁོར་ལོ་སྡོམ་པའི་རྫོགས་རིམ་རྣལ་འབྱོར་ཆེན་པོའི་ཁྲིད། དེའི་རྫོགས་རིམ་རིམ་པ་ལྔའི་ཁྲིད། རྡོ་རྗེ་འཇིགས་བྱེད་ཀྱི་རྫོགས་རིམ་རྣལ་འབྱོར་བཞིའི་ཁྲིད་རྣམས་འདེབས་པར་མཛད་པ་འདི་རྣམས་ལ་ཁྲིད་ཆེན་དྲུག་ཏུ་གྲགས་པ་དང་། དེའི་སྟེང་འཁོར་ལོ་ཆེན་པོའི་རྫོགས་རིམ་གྱི་ཁྲིད་དང་། གསང་འདུས་ཡེ་ཤེས་ཞབས་ལུགས་ཏེ་འཇམ་དཔལ་རྡོ་རྗེའི་རིམ་གཉིས་ཀྱི་ཁྲིད་བསྣན་ནས་ཁྲིད་ཆེན་བརྒྱད་དུ་ཡང་གྲགས་པ་དེའི་སྟེང་བྱང་ཆུབ་ལམ་གྱི་རིམ་པའི་ཁྲིད་དང་། དབུ་མ་ཐལ་འགྱུར་བའི་ལྟ་ཁྲིད་ཀྱང་འདེབས་པར་མཛད། དེ་ལྟར་ལོ་བཅུ་གསུམ་བསྐྱངས་ནས་རྒྱུད་ཀྱི་འཆད་ཉན་སྦྱིན་པ་དཔལ་ལ་གཏད་དེ་རྗེ་ཙོང་ཁ་པས་གནང་བའི་གསང་འདུས་ཀྱི་གསེར་སྐུ་དེ་རྒྱུད་སྨད་གྲྭ་ཚང་གི་རྟེན་དུ་གནང་། རྗེ་ཤེས་རབ་སེང་གེ་འདས་རྗེས་དེའི་ཕྱག་སྲོལ་ཉམས་པ་མེད་པར་རྒྱུད་ཆེན་སྦྱིན་པ་དཔལ་དང་གྲགས་བཟང་སོགས་ཀྱིས་བསྐྱངས་ཏེ་ལོ་ལྟར་ཆོས་བར་བཏེགས་སྲོལ་ཡང་རབ་བྱུང་བཅུ་དྲུག་པའི་ས་ཕག་(1959)ལོ་བར་ཡོད། སྔོན་དུས་གནས་གཞི་གཙོ་བོ་དགའ་ལྡན་དུ་ཡིན་འདུག་ཀྱང་། སྤྱི་ལོའི་དུས་རབས་བཅུ་དྲུག་པའི་སྨད་ནས་གནས་གཞི་ལྷ་སར་ཆགས་པ་ཡིན་སྐད། འགའ་ཞིག་གི་གསུང་སྲོལ་ལ་ལྷ་ས་གཙུག་ལག་ཁང་གི་ནུབ་ངོས་སྡེ་དཔོན་དགའ་བཞི་བའི་ཁང་པ་རྡོ་རིང་ཞེས་པ་དེ་རྒྱུད་སྨད་འདུས་ཚོགས་བཞུགས་པ་རྗེས་སུ་ད་ལྟའི་རྒྱུད་ཁང་དུ་གཞི་ཕབ་སྐད་འདུག་ཀྱང་ཡིག་ཆ་མ་མཐོང་། ཡང་རེ་འགས་ལྷ་སའི་ཀླུ་སྦུག་སེང་གེ་ཤག་ཅེས་པ་དེ་ཐོག་མར་རྒྱུད་སྨད་ཀྱི་འདུ་ཁང་ཡིན་པ་དེ་ནས་ད་ལྟའི་རྒྱུད་ཁང་དུ་སྤོས་ཟེར་ཡང་ངག་འགྲོས་ཙམ་ཡིན། ད་ལྟའི་རྒྱུད་ཁང་ལྕང་ལོ་ཅན་ནི་སྤྱི་ལོའི་དུས་རབས་བཅུ་བདུན་པའི་ནང་དགའ་ལྡན་ཁྲི་ཐོག་ལྔ་བཅུ་པ་བྱ་བྲལ་དགེ་འདུན་ཕུན་ཚོགས་རྒྱུད་སྨད་ཀྱི་མཁན་པོ་གནང་སྐབས་བདེ་ཆེན་གསང་སྔགས་མཁར་གྱི་རྒྱུད་སྨད་ཆོས་ཐོག་འདུ་ཁང་དང་། ལྷ་སའི་རྒྱུད་སྨད་འདུ་ཁང་གསར་རྒྱག་མཛད་ཅེས་རྣམ་ཐར་དུ་གསལ་ཞིང་། རྒྱུད་སྨད་ལྷ་སར་གཏན་བཞུགས་གནང་ཡུལ་རྒྱུད་ཁང་ལྕང་ལོ་ཅན་གྱི་འདུ་ཁང་ཀ་བ་བཞི་བཅུ་ཞེ་གཉིས་(ཀ་རིང་བཞི་ཚུད་)གཙང་ཁང་ཐོག་ས་གསུམ་ལོན་པའི་ཀ་རིང་བརྒྱད་དང་ཀ་ཐུང་བརྒྱད་ཅན་ཡོད་པའི་ཤར་ངོས་མགོན་ཁང་ཀ་བ་དགུ། གཙང་ཁང་གི་ཐོག་ས་གཉིས་པའི་ཞལ་རས་ལྷ་ཁང་མདུན་སྒྲོལ་མ་ལྷ་ཁང་ཀ་ཐུང་དྲུག་ཅན། གཙང་ཁང་ཐོག་ས་བཞི་པའི་སྟེང་ནུབ་ངོས་རྒྱལ་བའི་གཟིམ་ཆུང་དང་། ཤར་ངོས་མཁན་པོའི་གཟིམ་ཆུང་ལེ་ལག་དང་བཅས་པ། དབུས་སུ་སློས་བླངས་ཁང་ཀ་བ་བརྒྱད་ལྡན། འདུ་ཁང་གི་མདུན་སྒོ་མཆོར་སྟེང་རབ་གསལ་ཀ་བ་གཉིས་ཡོད་པ་ནི་ཕྱག་མཛོད་ཁང་ཡིན། གྲྭ་ཁང་སྟེང་མཆོད་པ་ཁང་དང་། ཕྱག་མཛོད་ཁང་གི་རུང་ཁང་(ཐབ་ཚང་)མཛོད་ཁང་སོགས་ཁང་མིག་བཅུ་གྲངས་སྐོར། གྲྭ་ཁང་གི་ནུབ་ངོས་ཁྲི་ཐོག་ཁང་ཞེས་སྔོན་དུས་ལྕང་སྐུ་བཞུགས་གནས་ཐོག་ཚད་བཞི་ལྡན། གྲྭ་ཁང་གི་ཤར་ལྷོར་རུང་ཁང་། གྲྭ་ཁང་གི་མདུན་དུ་རྡོ་གཅལ། དེའི་ནུབ་ངོས་ཆོས་རྭ་སོགས་དང་། གྲྭ་ཁང་གི་ཕྱི་སྒོའི་ནུབ་ངོས་སུ་གྲྭ་ཤག་ཐོག་ས་གཉིས་ལྡན་ར་སྒོར་དང་བཅས་པ་གསུམ་བཅས་ཡོད་ལ་དེ་མིན་ཁྲོམ་གཟིགས་ཁང་གི་བྱང་(དེང་སྐབས་པེ་ཅིན་ལམ་གྱི་ལྷོ་)དུ་རྒྱུད་སྨད་ཁང་གསར་ཞེས་ཁང་པ་གསུམ་ཐོག་སྒོ་ར་དང་བཅས་ཡོད། འདུ་ཁང་གི་དབུས་སུ་མཁན་པོའི་བཞུགས་ཁྲི་དང་། དེའི་གཡས་ངོས་སུ་རྗེ་ཤེས་རབ་སེང་གེའི་འདྲ་སྐུ། མཁན་ཁྲིའི་གཡས་ཀྱི་ཀ་བའི་ངོས་སུ་རྗེ་ཙོང་ཁ་པས་རྗེ་ཤེས་རབ་སེང་གེར་གནང་བའི་གསང་འདུས་ཀྱི་གསེར་(ཟངས་)སྐུ་མཐོ་གང་ཙམ་བྱིན་ཅན། གདོང་གྲལ་གྱི་ནུབ་ངོས་གྲལ་འགོར་བླ་མ་དབུ་མཛད་ཀྱི་བཞུགས་ཁྲི། གཙང་ཁང་གི་སྒོ་གཡས་གཡོན་དུ་དངུལ་གདུང་གཉིས། འདུ་ཁང་གི་གྱང་ལྡེབས་ཤར་ནུབ་ཏུ་ཡི་དམ་གྱི་བྲིས་སྐུ་སྣ་ཚོགས་དང་། གཞུང་སྒོའི་ཤར་ངོས་སུ་རྣམ་སྲས་ཀྱི་བྲིས་སྐུ་གསུམ་དང་ནུབ་ངོས་མགོན་པོ་དང་ཆོས་རྒྱལ་ཕྱི་ནང་གི་བྲིས་སྐུ། དགེ་བསྐོས་ཀྱི་ཁྲི། སེང་གཡབ་ཀྱི་ངོས་སུ་ཐུབ་དབང་། རྗེ་ཙོང་ཁ་པ། རྗེ་ཤེས་རབ་སེང་གེ་སོགས་ཀྱི་བྲིས་སྐུ། གཙང་ཁང་ནང་རྗེ་ཡབ་སྲས་གསུམ་གྱི་སྐུ་བརྙན་ཐོག་ཚད་གསུམ་ཡོད་པ་དང་། རྣམ་སྲས་སྐུ་བརྙན། དེ་མིན་སྐུ་བརྙན་ཆེ་ཆུང་དུ་མ། བཀའ་འགྱུར་སོགས་གླེགས་བམ་དུ་མ་ཀུན་དགའ་ར་བ་དང་བཅས་པ་མགོན་ཁང་ནང་འཇིགས་བྱེད་ཐོག་ཚད་ཉིས་ལྡན་གཙོ་བཞུགས་ཀྱི་གསང་བདེ་མགོན་ཆོས་ལྷ་མོ་སོགས་ཀྱི་སྐུ་བརྙན། བར་ཐོག་སྒྲོལ་མ་ལྷ་ཁང་ནང་རྟེན་གཙོ་སྒྲོལ་ལྗང་གི་ལྡེབས་བྲིས་གསུང་བྱོན་མར་གྲགས་པ་དང་། ལྕང་སྐྱ་རོལ་པའི་རྡོ་རྗེའི་ཐུགས་དམ་རྟེན་བདེ་མཆོག་གི་ལི་སྐུ་སོགས་མང་པོ། ། ཐོག་ས་གསུམ་པའི་ཞལ་རས་ལྷ་ཁང་ནང་གྲུབ་དབང་བསམ་གྲུབ་རྒྱ་མཚོའི་དངུལ་གདུང་དང་འདྲ་སྐུ་སོགས། ཐོག་ས་བཞི་པའི་བློས་སླངས་ཁང་ནང་རྟེན་གཙོ་རྒྱལ་བ་བྱམས་པ་སྤྲུལ་སྐུའི་ཆ་ཆོས་ཀྱི་བཞུགས་སྟངས་ཅན་ཐོག་ཚད་མ་དང་འཁོར་ཉེ་སྲས་བརྒྱད་བཅས་ཀྱི་འཇིམ་སྐུ་དང་། རྟ་མགྲིན་ཁམས་གསུམ་ཟིལ་གནོན་དང་། འཇམ་དཔལ་ན་ག་རའི་འཇིམ་སྐུ་ཁྲུ་གང་ལྷག་ཙམ་རེ་སོགས་སྐུ་བརྙན་མང་པོ། ཀ་བའི་བར་དུ་གསེར་ཟངས་ལས་གྲུབ་པའི་གསང་འདུས་བློས་སླངས་དང་། ཙནྡན་དམར་པོ་ལས་གྲུབ་པའི་འཇིགས་བྱེད་དང་བདེ་མཆོག་གི་བློས་སླངས་བཅས་ཡོད། རྒྱུད་སྨད་གྲྭ་ཚང་གི་སྒྲིག་གཞིའི་ཐད། དབུ་འཛིན་གཙོ་བོ་མཁན་པོ་དང་། དེ་བཞིན་བླ་མ་དབུ་མཛད། བྱང་འདྲེན། དགེ་སྐོས། དཀོན་གཉེར། དུང་མཁན་བཅས་ཏེ་ལས་སྣེ་དྲུག་ཅེས་ཟེར། མཁན་པོས་ཆོས་ལུགས་ཀྱི་གཙོ་འགན་བཞེས་རྒྱུ་དང་། བླ་མ་དབུ་མཛད་ཀྱིས་བཅའ་ཡིག་བཞིན་སྒྲིག་ལམ་གནོན་འདོམས་དང་། གྲྭ་ཚང་ཚོགས་འདུའི་འགོ་འཛིན་སོགས་གནང་རྒྱུ། བྱང་འདྲེན་ཆེ་མོས་ཚོགས་གཞུང་དུ་འདོན་པ་རྟ་འདུར་དབྱངས་གསུམ་དང་རོལ་མོ་དཀྲོལ་རྡུང་སོགས་རྒྱུན་གཏན་དང་དམིགས་བསལ་ཆོས་ཐོག་ཁག་ལ་ཚོགས་ཐེངས་སོ་སོར་ཇི་ལྟར་རྒྱས་བསྡུས་དགོས་པ་རྣམས་དབུ་བསྐུལ་མཛད་རྒྱུ་དང་། བྱང་འ་དྲིན་གཞོན་པས་བྱང་འདྲེན་ཆེ་མོར་ཕྱག་རོགས་ཞུ་རྒྱུ། དགེ་སྐོས་ཀྱིས་རྒྱུན་གཏན་གྱི་སྒྲིག་ལམ་གནོན་འདོམས་ཐོག་རང་ཐག་མ་ཆོད་པ་རྣམས་བླ་མ་དབུ་མཛད་ལ་དགོངས་སྐོར་ཞུ་རྒྱུ། ཚོགས་སུ་སྐྱབས་ཞུ་དང་སྙན་སེང་ཞུ་རྒྱུ་སོགས་གནང་དགོས། དཀོན་གཉེར་དང་ཆབ་རིལ་གྱིས་དགེ་སྐོས་ཀྱི་ཕྱག་གཡོག་ཞུ་རྒྱུ། ཞལ་ལྟ་བས་ལག་བདེའི་འགོ་དང་ཇ་ཐུག་གཏོང་ཚོད་སོགས་ཡིན། གྲྭ་ཚང་གི་དཔལ་འབྱོར་འདུ་འགོད་བྱེད་རྒྱུ་སོགས་ཕྱག་མཛོད་ཁང་ནས་བྱེད་ཅིང་གཞིས་ཁག་སོ་སོར་གཞིས་ཀ་བླ་མ་(གཞིས་སྡོད་)གཏོང་རྒྱུ་དང་། ལོ་འཁོར་གཏོང་ཡོང་རྩིས་རྒྱག སྦྱིན་བདག་ཆེ་ཆུང་ལ་སྣེ་ལེན་ཞུ་རྒྱུ། གཞུང་གི་ལས་ཁུངས་ཁག་ནས་གཏོང་སྒོ་ཞུ་རྒྱུ་དང་རུང་ཁང་དུ་ཞལ་བལྟ་བར་རྩིས་སྤྲོད་རྒྱུ། གཞུང་གི་ཡིག་ཆ་འབྱོར་ནི་ཁུངས་སུ་སྐྱེལ་རྒྱུ། ཆོས་ཐོག་སོ་སོའི་གཏོང་སྒོ་ཞལ་བལྟ་བར་རྩིས་སྤྲོད་རྒྱུ་སོགས་ཡིན། ཕྱག་མཛོད་རྣམས་ནི་ཁང་ཚན་ལྔ་ནས་གྲྭ་པ་བསྐྱེད་རིམ་པ་ཕ་ཡུལ་དབུས་པ་ཡིན་པའི་མི་རེ་འཛུགས་དགོས་པ་དང་། འགན་འཁུར་དུས་ཚོད་ལོ་ལྔ་རེ་ཡིན་འདུག རྒྱུད་སྨད་གྲྭ་ཚང་ལ་ཁང་ཚན་ཚ་བ་དང་། གསེར་ཀོང་། ཨ་མདོ། ཏྲེ་ཧོར། རྒྱལ་རོང་བཅས་ལྔ་དང་། ཚ་བ་ཁང་ཚན་ལ་འབྲོག་མི་དང་། ལྡན་མ་སོགས་མི་ཚན་བཅུ་དྲུག་དང་། ཨ་མདོ་ཁང་ཚན་ལ་བྱ་ཁྱུང་དང་། གཙང་པ་སོགས་བཞི། ཏྲེ་ཧོར་ལ་དཀར་མཛེས་དང་། ལྔ་པ་སོགས། རྒྱལ་རོང་ལ་དར་མདོ་སོགས་མི་ཚན་ཡོད་ལ་ཁང་ཚན་སོ་སོར་ཁང་ཚན་སྤྱི་རྒན་ཞེས་གྲྭ་པ་རྒན་པ་རེ་ཡོད་པ་བཅས་སོ། །ྤྱི་རྒན་ཞེས་གྲྭ་པ་རྒན་པ་རེ་ཡོད་པ་བཅས་སོ། །)
Dictionaries/chos rnam kun btus/681 + (1.ལུགས་སྲོལ་ངོས་འཛིན་པ་ནི། བི་རཱུ་མཚོ་སྐྱེ … 1.ལུགས་སྲོལ་ངོས་འཛིན་པ་ནི། བི་རཱུ་མཚོ་སྐྱེས་ཞབས་སོགས་ལམ་སྐོར་དགུ། ། བླ་ཆེན་འབྲོག་མིར་བཀའ་བབས་གདམས་པའི་བཅུད། ། སྒོ་དྲུག་ཆོས་འབྲེལ་རྩ་བ་མེད་པ་དང་། ། ཉེ་བརྒྱུད་ལམ་སྦས་བརྡ་དོན་གསལ་རྣམས་ཀྱི། ། གཙོ་བོར་གསུང་ངག་ལམ་དང་འབྲས་བུར་བཅས། ། ཞེས་པ་ལས་ལམ་སྐོར་དགུ་ནི།(1)རྣལ་འབྱོར་དབང་ཕྱུག་འཇིགས་བྲལ་དཔལ་ལྡན་ཆོས་སྐྱོང་ངམ་གྲུབ་ཆེན་བི་རཱུ་པ་ཞེས་གྲགས་པ་དེ་ཉིད་རྡོ་རྗེ་བདག་མེད་མས་སྤྲུལ་པའི་དཀྱིལ་འཁོར་དུ་དབང་བསྐུར། ས་དྲུག་པའི་རྟོགས་པ་ཐོབ་ནས་ཀྱེེ་རྡོ་རྗེའི་རྒྱུད་གསུམ་ལ་བརྟེན་ནས་ཤར་ཕྱོགས་ནག་པོ་བའི་དོན་ཏུ་རྡོ་རྗེའི་ཚིག་རྐང་བསྩལ་ཞིང་ལམ་འབྲས་བུ་དང་བཅས་པའི་གདམས་སྐོར་མཛད། །(2)གྲུབ་ཆེན་མཚོ་སྐྱེས་ཞབས་ཀྱིས་རྩ་བརྒྱུད་བརྟག་གཉིས་ལ་བརྟེན་ནས་བསྐྱེད་རིམ་ཟབ་པའི་ཚུལ་དགུ།རྫོགས་རིམ་མང་པོའི་རྩེ་མོ་ལྟ་བུའི་ལམ་སྐོར་མཛད། །(3)སོགས་ཁོངས་ནས་འཕགས་པ་ཀླུ་སྒྲུབ་ཀྱིས་འདུས་པ་ལ་བརྟེན་ནས་བྱང་ཆུབ་སེམས་འགྲེལ་གྱི་ལམ་སྐོར་མཛད།(4)ཌོམྦི་པས་བརྟག་གཉིས་ལ་བརྟེན་ནས་ལྷན་ཅིག་སྐྱེས་གྲུབ་ཀྱི་ལམ་སྐོར་མཛད། (5)ཨིནྡྲ་བོ་དྷིས་རྒྱུད་ཡེ་ཤེས་ཐིག་ལེ་ལ་བརྟེན་ནས་ཕྱག་རྒྱའི་ལམ་ཡོངས་སུ་རྫོགས་པའི་ལམ་སྐོར་མཛད། (6)ཏོག་རྩེ་པས་རྒྱུད་ཁ་སྦྱོར་ལ་བརྟེན་ནས་བསམ་མི་ཁྱབ་ཀྱི་ལམ་སྐོར་མཛད།(7)ནག་པོ་བས་བདེ་མཆོག་ལ་བརྟེན་ནས་ཨོལ་པ་ཏིའི་ལམ་སྐོར་མཛད།(8)ངག་གི་དབང་ཕྱུག་གིས་གསང་འདུས་ལ་བརྟེན་ནས་ཕྱག་ཆེན་ཡི་གེ་མེད་པའི་ལམ་སྐོར་མཛད། (9)ནག་པོ་འཆི་བ་མེད་པས་མ་རྒྱུད་མཐའ་དག་ལ་བརྟེན་ནས་ཡོན་པོ་སྲོང་བའི་ལམ་སྐོར་མཛད། དེ་ལྟར་ལམ་སྐོར་དགུ་པོ་བླ་ཆེན་འབྲོག་མི་ལོ་ཙཱ་བ་ཤཱཀྱ་ཡེ་ཤེས་ལ་བཀའ་བབས་ཏེ། འབྲོག་གིས་ཐོག་མར་སློབ་དཔོན་ཤཱནྟི་པ་ལས་འདུལ་བ། ཕར་ཕྱིན། གསང་སྔགས་ཀྱི་ཆོས་ཐམས་ཅད་མཁས་པར་བསླབས། ལམ་སྐོར་སོགས་གདམས་ངག་རྣམས་ག་ཡ་དྷ་ར་དང་དཔའ་བོ་རྡོ་རྗེ་ལས་ཞུས་ཏེ་དེའང་བི་རཱུ་པས་རྒྱུད་ཀྱི་བཤད་པ་ཤིན་ཏུ་བསྡུས་པ་དང་། མན་ངག་སྙན་བརྒྱུད་ཉམས་ལེན་ཤིན་ཏུ་རྒྱས་པ་ཤར་ཕྱོགས་ནག་པོ་བ་ལ་གནང་། དེས་ཌཱ་མ་རུ་པ། དེས་ཨ་ཝ་དྷུ་ཏི་པ། དེས་ག་ཡ་དྷ་ར་ལ་གདམས། དེ་ཉིད་བོད་དུ་ལན་གསུམ་བྱོན་པའི་དང་པོའི་སྐབས་འབྲོག་མི་ལ་གདམས་ངག་ཡོངས་སུ་རྫོགས་པ་བྱིན་ཅིང་འདི་ནི་དགྱེས་རྡོར་མན་ངག་ལུགས་སུ་གྲགས་སོ། ། འདི་ལ་དེང་སང་ལམ་འབྲས་ཞེས་ཡོངས་སུ་གྲགས་ཤིང་། གོང་སྨོས་ཕྱི་མ་བརྒྱད་ལ་ལམ་འབྲས་ཕྱི་མ་ཞེས་གྲགས་སོ། ། སྤྱིར་མར་འགོས་འབྲོག་གསུམ་ཞེས་ཕྱི་དར་གསང་སྔགས་རྡོ་རྗེ་ཐེག་པའི་འབྱུང་ཁུངས་ཡིན་ཅིང་ཁྱད་པར་མར་འགོས་གཉིས་ཀྱིས་ཀྱང་ཐོག་མར་འབྲོག་མི་ལས་སྦྱངས་པ་མཛད་པ་དང་། བར་དོར་ཕྱག་རྒྱ་ཆེན་པོའི་མཆོག་བརྙེས་པར་གྲགས་པ་སོགས་ཁྱད་པར་འཕགས་པ་དེ་ལ་གདམས་ངག་རྒྱ་མཚོ་ལྟ་བུ་བཞུགས་པའི་ཟབ་བཅུད་ལམ་སྐོར་དགུ་པོ་དེ་རྣམས་དང་། རྒྱ་གར་ནས་བོད་དུ་བྱོན་པར་མཁས་པ་སྒོ་དྲུག་ལ་ཆོས་འབྲེལ་རེ་ཞུས་པའི་གདམས་ངག མདོ་རྒྱུད་བསྲེ་བ། ཕྱི་རོལ་གདོན། འབྱུང་བ་ལུས་འཁྲུགས། ཏིང་འཛིན་སེམས་ཀྱི་བར་ཆད་སེལ་བ་གསུམ། ཕྱག་ཆེན་སྡུག་བསྔལ་གསུམ་སེལ། གཉུག་མ་དྲན་གསལ་རྣམས་དང་། ཡང་མཐུ་སྟོབས་དབང་ཕྱུག་བི་རཱུ་པས་ཌོམྦི་པ་ལ་རྒྱུད་ཀྱི་བཤད་པ་ཤིན་ཏུ་རྒྱས་པ་དང་། མན་ངག་ཤིན་ཏུ་བསྡུས་པ་གནང་། དེས་ཨ་ལ་ལ་བཛྲ། དེས་ནགས་ཁྲོད་པ། དེས་གནྦྷ་རི་པ། དེས་ཛ་ཡ་ཤྲཱི། དེས་མི་ཐུབ་ཟླ་བ། དེས་དཔའ་བོ་རྡོ་རྗེ། དེ་ལ་འབྲོག་མིས་རྒྱ་གར་ཤར་ཕྱོགས་སུ་ཞུས་པ་ལ་རྩ་བ་མེད་པའི་ལམ་འབྲས་ཤིག་གནང་ཞེས་གྲགས་པ་དེའི་དོན་སྔ་མ་ལ་རྩ་བ་རྡོ་རྗེའི་ཚིག་རྐང་ཡོད་ཅིང་། འདི་ལ་མེད་པའི་དོན་ཡིན་ཅིང་དགྱེས་རྡོར་འགྲེལ་པ་ལུགས་སུ་གྲགས་སོ། ། རྡོ་རྗེའི་ཚིག་རྐང་ལ། འབྲོག་མི། གྱི་ཇོ། འབྲོམ་གསུམ་གྱིས་རྒྱ་དཔེ་དང་བསྟུན་ནས་བསྒྱུར། ཆ་གན་དང་ཇོ་ནང་ཀུན་སྤངས་པས་རྒྱ་དཔེ་ལ་མ་གཏུགས་པར་གོ་རིམ་དཀྲུགས་པའི་འགྱུར་བཅོས་མཛད་པ་དང་། གཟུངས་ཀྱི་དཔལ་བའི་ཡིག་ཆར་པཎྜི་ཏ་རཱ་ཧུ་ལའི་འགྱུར་ཡང་ཡོད་པར་གསུངས་པས་འགྱུར་འགོ་དྲུག་བྱུང་། གཞན་ཡང་ཕྱིས་སུ་ས་ཆེན་ལ་ཉེ་བརྒྱུད་བྱུང་བའི་ལམ་སྦས་བཤད་དང་གྲགས་རྒྱལ་གྱི་བརྡ་དོན་གསལ་བ་སོགས་གདམས་ངག་ཐམས་ཅད་ཀྱི་གཙོ་བོ་གསུང་ངག་རིན་པོ་ཆེ་ལམ་འབྲས་བུ་དང་བཅས་པ་ཡི་གེ་དྲུག་ཅུ་མན་ངག་ཕྲ་མོ་དང་བཅས་པ་ཉིད་དོ། །2.བརྒྱུད་པའི་རྣམ་གྲངས་བཤད་པ་ལ་གསུམ་སྟེ། (1)བརྒྱུད་སྲོལ་སྤྱིར་བཤད་པ་ནི། སྐུ་དང་ཐུགས་སྲས་སེ་ནས་འཕེལ་བ་གསུམ། ། ཕྱི་མར་ཐོབ་པ་རབ་འབྲིང་ཐ་གསུམ་ལས། འབྲིང་པོ་ཞ་མར་ཕོ་མོ་བསྲེས་བརྒྱུད་གསུམ། ། ཕོ་ལ་སློབ་སྲས་གཉིས་ཏེ་མོ་བརྒྱུད་གསུམ། ། བསྲེས་བརྒྱུད་ཀོ་བྲག་ཆ་གན་ཇོ་ནང་དང་། ། ལ་སྟོད་དབང་རྒྱལ་ལུགས་བཞི། ཞེས་པ་སྟེ། ། འབྲོག་མི་ལ་སློབ་མ་ཕོ་གསུམ་མོ་བཞི་སྟེ་གྲུབ་ཐོབ་བདུན། འཁོན་དཀོན་མཆོག་རྒྱལ་པོ་དང་གྱི་ཇོ་དབུ་དཀར་སོགས་གཞུང་རྫོགས་པ་བདུན། སེ་མཁར་ཆུང་བ། ཇོ་སྲས་ཨིནྡྲ་སོགས་མན་ངག་རྫོགས་པ་བཞི་སྟེ་བཅོ་བརྒྱད་བྱོན་པ་ལས་ལམ་འབྲས་ཀྱི་བརྒྱུད་སྲོལ་ནི། སྐུའི་སྲས་ཨིནྡྲ་དང་རྡོ་རྗེ། ཐུགས་ཀྱི་སྲས་འབྲོམ་དི་པ་སྟོན་ཆུང་། སེ་མཁར་ཆུང་བ་ནས་འཕེལ་བ་གསུམ། ཕྱི་མ་སེ་སྟོན་ལས་རབ་ཏུ་ཐོབ་པ་ཞང་སྟོན་མཆེད། འབྲིང་དུ་ཐོབ་པ་ཞ་མ་ལྕམ་དྲལ། ཐ་མར་ཐོབ་པ་བསེ་སྒོམ་བྱང་ཡེ་རྣམས་སུ་ཡོད་པ་ལས། འབྲིང་དུ་ཐོབ་པ་ཞ་མ་ལྕམ་དྲལ་ནས་འཕེལ་བ་ལ་ཕོ་བརྒྱུད་མོ་བརྒྱུད་བསྲེས་པའི་བརྒྱུད་པ་གསུམ། ཕོ་བརྒྱུད་ལའང་སློབ་སྲས་གཉིས་ཏེ། ཞ་མ་ཕོ་ནི་རྗེ་འཁོན་ཕུ་བ་ཆོས་ཀྱི་རྒྱལ་པོ་སྟེ། དེའི་སློབ་མ་སེ་སྒོམ་གྲགས་རྒྱལ་སོགས་ལ་བརྒྱུད་པ་དང་། སྲས་ཞ་མ་ཟླ་བའི་འོད་ཟེར་ནས་སྤང་རྗེ་ཉི་མ་གྲགས་ལ་འཕེལ་བ་གཉིས། མོ་བརྒྱུད་ནི་མ་ཅིག་ཞ་མ་རྣལ་འབྱོར་མའི་སློབ་མ་ཉང་སྒོམ། སྨོན་དཀར་པ་སྟོན་གཞུང་། དཔོན་མོ་ཤེར་ཚུལ་གསུམ་ལས་འཕེལ་བའི་ལུགས་གསུམ། བསྲེས་བརྒྱུད་ལ་ཞ་མ་ཕོ་མོའི་ལུགས་བསྲེས་པ་དུམ་བུ་ཀོ་བྲག་པའི་ལུགས། ཞི་མ་ཕོ་མོ་གཉིས་ས་ལུགས་བསྲེས་པ་ཆ་གན་གྱི་ལུགས། འབྲོག་མི་དང་གྱི་ཛོའི་ལུགས་གཉིས་བསྲེས་པ་ཇོ་ནང་ཀུན་སྤོང་བའི་ལུགས། ལམ་འབྲས་སྦྱོར་དྲུག་རྫོགས་ཆེན་གསུམ་བསྲེས་པ་ལ་སྟོན་དབང་རྒྱལ་གྱི་ལུགས་ཏེ་བཞིའོ། ། རབ་ཐོབ་པ། ཞང་བརྒྱུད་ཁྱད་འཕགས་ས་སྐྱའི་སྔ་བུ་ནི། ། ཕག་གྲུ་ལྕེ་སྒོམ་ཕྱི་བུ་ཉེ་རིང་གཉིས། ། མང་ལམ་ཞིང་ཕུག་ལུགས་ཏེ་བཅོ་བརྒྱད་ལས། ། ས་སྐྱ་ཞ་མའི་རྒྱུན་དར། ཞེས་པ་སྟེ། རབ་ཏུ་ཐོབ་པ་ཞང་སྟོན་ཆོས་འབར་གྱི་བརྒྱུད་པ་འཛིན་པ་ཁྱད་པར་དུ་འཕགས་པ་དཔལ་ས་སྐྱ་པ་ཀུན་དགའ་སྙིང་པོའི་སྔ་བུ་དཔལ་ལྡན་ཕག་མོ་ཟུང་དང་ལྕེ་སྒོམ་གྱི་ལུགས་གཉིས། ཕྱི་བུ་ཉེ་བརྒྱུད་རིང་བརྒྱུད་གཉིས། འབྲོག་ཇོ་སྲས་གཉིས་དང་ཞང་སྟོན་མཆེད་གཉིས་ཏེ་ལུགས་བཞིའི་གསུང་གི་གཅེས་མཛོད་བསྡུས་པ་མང་ལམ་ཞིག་པོའི་ལུགས། ཐ་མར་ཐོབ་པ་བྱང་ཆུབ་ཡེ་ཤེས་ཀྱིས་ཞིང་ཕུག་ པ་ལ་གདམས་པའི་ལུགས་ཏེ། དེ་ལྟར་སྐུ་སྲས་ཐུགས་སྲས་གཉིས། སེའི་བརྒྱུད་པ་ཞ་མ་ཕོ་ལ་སློབ་སྲས་གཉིས། མོ་ལ་གསུམ། བསྲེས་བརྒྱུད་བཞི། ས་ལུགས་བཞི། མང་ལམ་ཞིང་ཕུག་གཉིས། འཆད་འགྱུར་གྱི་ཆོ་ལུགས་བཅས་བསྡོམས་པ་ལ་ལམ་འབྲས་ལུགས་སྲོལ་བཅོ་བརྒྱད་ཅེས་གྲགས་སོ། ། དེ་དག་ལས་ས་སྐྱ་དང་ཞ་མའི་བཀའ་སྲོལ་གྱི་རྒྱུན་རིང་དུ་དར་ཞིང་། དེ་ལས་ཀྱང་ས་སྐྱ་པའི་བཀའ་སྲོལ་ནི་ད་ལྟའི་བར་དུ་ཤིན་ཏུ་དར་ཞིང་རྒྱས་སོ། །(2)ས་ལུགས་བྱེ་བྲག་ཏུ་བཤད་པ་ནི། ། ས་ལུགས་ཚོགས་བཤད་ངོར་རྫོང་གངས་དཀར་པ། ། སློབ་བཤད་ཚར་ཆེན་ཡབ་སྲས་འཛིན་སྐྱོང་སྤེལ། ། དགྱེས་རྡོར་བསྐྱེད་རྫོགས་དབྱར་གྱི་མཚོ་ལྟར་རྒྱས། ། ཁྱད་པར་དུའང་ས་ལུགས་ཞེས་གྲགས་པ་ནི་ཇོ་བོ་རྗེས་ས་དཀར་པོའི་ལོགས་ལ་དྷཱིཿབདུན། ཧཱུྃ་གཅིག་གསལ་བར་གཟིགས་པས་འཇམ་དབྱངས་བདུན་དང་ཕྱག་རྡོར་སྤྲུལ་པ་གཅིག་འབྱོན་པར་ལུང་གིས་བསྟན་པ་ལྟར་བྱོན་པའི་ཐོག་མར་དཔལ་བརྩེ་བ་ཆེན་པོ་ཀུན་དགའ་སྙིང་པོ་ལ་འབྲོག་མི་ནས་བརྒྱུད་པའི་ཀྱཻ་རྡོར་རྒྱུད་གསུམ། མལ་ལོ་ནས་བརྒྱུད་པའི་བདེ་མཆོག ལོ་ཆེན་རིན་བཟང་ནས་བརྒྱུད་པའི་ཡོ་ག་དང་མགོན་པོ། བ་རི་བ་ནས་བརྒྱུད་པའི་སྒྲུབ་ཐབས་བརྒྱ་རྩ་སོགས་ལོ་ཙཱ་ཆེན་པོ་བཞི་ནས་བརྒྱུད་པའི་གདམས་ངག་གི་བཀའ་བབས། ཁྱད་པར་དགུང་ལོ་ཞེ་བདུན་པ་ལ་རྗེ་བཙུན་བི་རཱུ་པ་གཙོ་འཁོར་ལྔ་ཆོས་སྒོ་སྐྱེལ་དུ་ཕེབས། ཟླ་བ་གཅིག་ཏུ་བཞུགས་ཏེ་ལྕགས་རིའི་ཁོངས་ལས་མི་འདའ་བའི་ཟབ་ཆོས་བཞི། རྒྱུད་སྡེ་བདུན་ཅུ་རྩ་གཉིས་ཀྱི་དབང་བཤད་མན་ངག ལམ་འབྲས་ཉེ་བརྒྱུད་སྦས་བཤད་བཅས་བསྩལ། བླ་མའི་ལུང་བསྟན་བཞིན་སློབ་མ་གྲུབ་པ་ཐོབ་པ་གསུམ། བཟོད་ཐོབ་བདུན། རྟོགས་པ་དང་ལྡན་པ་བརྒྱད་དུ་བྱོན། བདེ་བ་ཅན། པོ་ཏ་ལ། ཨོ་རྒྱན། བྱང་གསེར་མདོག་ཅན་དང་བཞིར་སྐུའི་བཀོད་པ་བཞིས་སྐལ་ལྡན་གྱི་དོན་མཛད་ཅིང་ད་ལྟའང་དངོས་སུ་བཞུགས་པར་གྲགས། དེས་རྗེ་བཙུན་བསོད་ནམས་རྩེ་མོ་དང་གྲགས་པ་རྒྱལ་མཚན་མཆེད་ལ་གདམས། སྔ་མ་སྐུ་ལུས་མ་སྤངས་པར་མཁའ་སྤྱོད་དུ་བཞུད། ཕྱི་མ་ནི་བོད་ཡུལ་ཙམ་ལ་ཆེ་བའི་རྡོ་རྗེ་འཛིན་པ་ཆེན་པོའི་རྣམ་ཐར་མངའ་ཞིང་དགུང་ལོ་ང་དྲུག་པར་ས་ཆེན་གྱི་ཡེ་ཤེས་སྐུའི་སྣང་བས་ལམ་འབྲས་ཤིན་ཏུ་ཉེ་བརྒྱུད་བརྡ་དོན་གསལ་བ་གནང་། དེ་ནས་འཇམ་དབྱངས་ས་སྐྱ་པཎ་ཆེན་དང་། འགྲོ་བའི་མགོན་པོ་ཆོས་རྒྱལ་འཕགས་པ་སོགས་རིམ་གྱིས་བརྒྱུད། དཔལ་ལྡན་བླ་མ་བསོད་ནམས་རྒྱལ་མཚན་གྱི་ཞལ་སློབ་ཡར་ཀླུངས་པ་སེང་གེ་རྒྱལ་མཚན་གྱི་དབོན་པོ་བསོད་ནམས་རྒྱལ་མཆོག་གི་སློབ་མ་གསུང་ངག་འཛིན་པའི་ཐུགས་སྲས་བརྒྱད་ལས་ངོར་རྫོང་བོ་དོང་དགེ་ལུགས་སོགས་ལའང་འཕེལ་ཞིང་བརྒྱུད་པའི་རྣམ་གྲངས་དུ་མར་གྱུར་པ་ལས་གཙོ་བོ་ཚོགས་བཤད་ནི་གྲུབ་ཆེན་བུདྡྷ་ཤཱི་ལས་ངོར་ཆེན་རྡོ་རྗེ་འཆང་ཀུན་དགའ་བཟང་པོས་གསན། བསྟན་འགྲོའི་དོན་རླབས་པོ་ཆེ་མཛད་པའི་ཕྲིན་ལས་ཀྱི་རྒྱུན་ད་ལྟའི་བར་དུ་རྒྱ་ཆེ་ལ་རྒྱུན་ཆགས་པ་ཡོངས་སུ་གྲགས་པ་དང་། སྔགས་འཆང་གཟུངས་ཀྱི་དཔལ་བ་ལས་བརྒྱུད་པ་ལ་ལམ་འབྲས་རྫོང་ལུགས་ཞེས་གྲགས་ཤིང་། དེའི་རྒྱུན་ལས་ཐམས་ཅད་མཁྱེན་པ་ཀུན་དགའ་རྣམ་རྒྱལ་བ་བྱོན་ཏེ་གངས་དཀར་བ་ཞེས་ཆོས་རྒྱུན་ཟུར་དུ་འཕེལ་བའི་ལུགས་འདི་ལ་ཕྱིས་རིག་འཛིན་ཚེ་དབང་ནོར་བུ་སོགས་ཀྱིས་ཀྱང་བསྔགས་པ་ཆེར་མཛད། སློབ་བཤད་ནི་བདག་ཆེན་བློ་གྲོས་རྒྱལ་མཚན་གྱི་སློབ་མ་རྡོ་རིང་ཀུན་སྤོང་བ་ཆེན་པོ་ལས་ཚར་ཆེན་བློ་གསལ་རྒྱ་མཚོས་གསུང་ངག་རིན་པོ་ཆེ་གསོན་ཏེ་ཚར་ལུགས་སློབ་བཤད་ཅེས་པའི་སྲོལ་ཟུར་དུ་ཕྱེས། ཐུགས་སྲས་ཉི་མ་ལྟ་བུ་འཇམ་དབྱངས་མཁྱེན་བརྩེའི་དབང་ཕྱུག ཟླ་བ་ལྟ་བུ་མང་ཐོས་ཀླུ་སྒྲུབ་རྒྱ་མཚོ་སོགས་བྱོན་ཏེ། མདོར་ན་མཁས་གྲུབ་ཆེན་པོ་དེ་དག་གིས་ས་ལུགས་ཀྱི་བསྟན་པ་འཛིན་སྐྱོང་སྤེལ་བར་མཛད་པས་དགྱེས་པ་རྡོ་རྗེའི་བསྐྱེད་རྫོགས་ཀྱི་ཕྲིན་ལས་ནི་དབྱར་གྱི་མཚོ་ལྟར་དུས་ཀྱི་ཐ་མ་འདི་ལྟ་བུར་ཡང་རྒྱས་པར་གྱུར་ཏོ། །(3)བརྒྱུད་སྲོལ་གཞན་ཞར་བྱུང་དུ་བཤད་པ་ནི། གྱི་ཇོའི་ལུགས་ཀྱང་ཀུན་སློང་ཆེན་པོར་འདྲེས། ། པཎ་ཆེན་ག་ཡ་དྷ་ར་བོད་དུ་ཕེབས་པའི་ལན་གཉིས་པར་འགོས་ལོ་དང་། གསུམ་པར་གྱི་ཇོ་དང་གཉོས་ལོ་ཙཱ་བ་རྣམས་ལའང་གསུང་ངག་གི་གདམས་པ་གནང་བར་བཤད་པ་ལས། གྱི་ཇོ་ཟླ་བའི་འོད་ཟེར་གྱི་སློབ་མ་ཞུ་འཁོར་ལོ། ཞུ་དར་མ་རྒྱལ་མཚན་ལ་སོགས་པ་བརྒྱུད་དེ་ཕྱིས་ཇོ་ནང་ཀུན་སྤངས་ཆེན་པོ་ལ་འབྲོག་མིའི་ལུགས་དང་ཆུ་བོ་གཅིག་འདྲེས་སུ་གྱུར་ཏོ། །ིའི་ལུགས་དང་ཆུ་བོ་གཅིག་འདྲེས་སུ་གྱུར་ཏོ། །)
Dictionaries/chos rnam kun btus/6965 + (1.ལུས་བཟོ་མཆོག་ནི། དེ་ལ་གསུམ་སྟེ། (1)སྐུ་ར … 1.ལུས་བཟོ་མཆོག་ནི། དེ་ལ་གསུམ་སྟེ།(1)སྐུ་རྟེན་ནི། རྒྱ་གར་དུ་སངས་རྒྱས་རང་ཉིད་ཀྱིས་གསུངས་པའི་《དུས་འཁོར་རྩ་རྒྱུད་》དང་། 《བདེ་མཆོག་སྡོམ་འབྱུང་།》《བཤད་རྒྱུད་སམ་བུ་ཊི།》《ཤཱ་རིའི་བུས་ཞུས་པའི་མདོ་》བཅས་ནས་སྐུ་རྟེན་བཞེངས་ཚུལ་གྱི་ཆ་ཚད་སྐོར་མང་དུ་གསུངས་ཤིང་། བོད་དུ་ཏཱ་ལའི་བླ་མ་སྐུ་ཕྲེང་དང་པོ་དང་དུས་ཐོག་མཉམ་པའི་ལྷ་བཟོ་མཁས་པ་སྨན་བླ་དོན་གྲུབ་པ་དང་སྐུ་འཕྲེང་ཁ་བ་དཔལ་ལྡན་བློ་གྲོས་བཟང་པོ་གཉིས་ཀྱིས་མཛད་པའི་《ལྷ་ སྐུའི་ཕྱག་ཚད་》ཤལས། ལྷ་སྐུའི་ཐིག་ཚད་རིགས་མི་འདྲ་བ་བརྒྱད་དུ་ཕྱེ་ནས་གསུངས་པའི་ནང་ནས། ཐིག་ཆེན་དང་པོ། སངས་རྒྱས་བཅོམ་ལྡན་འདས་སྤྲུལ་སྐུའི་རྣམ་པ་ཅན་ལ་བྲིས་སྐུ་དང་འབུར་སྐུའི་ཚད་མི་འདྲ་བ་གཉིས། ཐིག་ཆེན་གཉིས་པ། དྲུང་སྲོང་ཁྲོས་པའི་རྣམ་པ་ཅན་གྱི་ལྷ་སྐུ་འཁོར་ལོ་བདེ་མཆོག་ལ་སོགས་པའི་རིགས་ལ་བྲིས་སྐུ་དང་། འབུར་སྐུ་རིགས་མི་འདྲ་བ་གཉིས། ཐིག་ཆེན་གསུམ་པ། སྤྱན་རས་གཟིགས་ཞི་བའི་རྣམ་པ་ཅན་སོགས་བྱང་ཆུབ་སེམས་དཔའ་རྣམས་ཀྱི་སྐུ་ལ་བྲིས་སྐུ་དང་འབུར་སྐུའི་ཚད་མི་འདྲ་བ་གཉིས། ཐིག་ཆེན་བཞི་པ། རྗེ་བཙུན་སྒྲོལ་མ་ལྟ་བུའི་ལྷ་མོའི་རྣམ་པ་ཅན་གྱི་སྐུ་ལ་བྲིས་སྐུ་དང་འབུར་སྐུའི་ཚད་མི་འདྲ་བ་གཉིས། ཐིག་ཆེན་ལྔ་པ། གཤིན་རྗེ་གཤེད་དམར་ནག་ལ་སོགས་པའི་ཁྲོ་བོ་དང་ཁྲོ་མོའི་རྣམ་པ་ཅན་གྱི་ལྷ་སྐུ་ལ་བྲིས་སྐུ་དང་འབུར་སྐུའི་ཚད་མི་འདྲ་བ་གཉིས། ཐིག་ཆེན་དྲུག་པ། ཕྱག་རྡོར་འབྱུང་པོ་འདུལ་བྱེད་དང་ར་ཧུ་ལ་སོགས་པའི་མིའུ་ཐུང་ཁྲོས་པའི་རྣམ་པ་ཅན་གྱི་ལྷ་སྐུའི་རིགས་ལ་བྲིས་སྐུ་དང་། འབུར་སྐུའི་ཚད་མི་འདྲ་བ་གཉིས། ཐིག་ཆེན་བདུན་པ། སྤྱིར་བཏང་གི་མི་ཐ་མལ་པའི་རིགས་དང་། ཉན་ཐོས་དང་། རང་རྒྱལ་སོགས་ལ་བྲིས་དང་འབུར་གྱི་ཚད་མི་འདྲ་བ་གཉིས། ཐིག་ཆེན་བརྒྱུད་པ། ལྷ་སྐུ་རྣམས་ཀྱི་བཞུགས་སྟངས་མི་འདྲ་བ་བཅུ་དྲུག་དང་། རིགས་ལྔའི་དབུ་རྒྱན་དང་། རུས་པའི་རྒྱན། རིན་པོ་ཆེའི་རྒྱན། ཕྱག་མཚན་ན་བཟའ། བཞུགས་ཁྲི། རྒྱབ་ཡོལ་བཅས་ཀྱི་ཐིག་ཚད་རྣམས་ཡིན།(2)གསུང་རྟེན་ནི། གསུང་རྟེན་བྲིས་མ་དང་དཔར་མའི་རིགས་ཇི་ལྟར་བྱུང་ཚུལ་གྱི་ལོ་རྒྱུས་སྐོར་ཁོ་བོས་ཟུར་དུ་བྲིས་པའི་《བོད་ཀྱི་སངས་རྒྱས་ཆོས་ལུགས་ཀྱི་མཛེས་རྩལ་ བྱུང་རབས་》ཞེས་པ་ཞིག་ཡོད་པ་དེར་གནད་བསྡུས་ཙམ་དུ་བཀོད་ཟིན་པས་འདིར་བསྐྱར་ལྡབས་མ་བྱས་ཤིང་། འདིར་གསུང་རྟེན་ཡི་གེར་འབྲི་བའི་སྐབས་ཀྱི་ཡི་གེའི་ཐིག་ཚད་ཀྱི་སྐོར་ས་བོན་ཙམ་དུ་འཆད་ན་རྒྱ་གར་གྱི་ཡི་གེ་ལཉྪ་བྲིས་ཚུལ་སྐོར་ལ་ཞ་ལུ་ལོ་ཆེན་ཆོས་སྐྱོང་བཟང་པོའི་ཕྱག་སྲོལ་ལྟར་སྐྱོགས་ལོ་རིན་ཆེན་བཀྲ་ཤིས་ཀྱིས་ཟིན་བྲིས་སུ་འདེབས་པར་མཛད་ཅིང་། དེ་ཡང་ཡིག་གཟུགས་ཆེ་ཆུང་ཇི་ལྟར་འདོད་པའི་སྨྱུག་ལེབ་ལ་གསེག་ཆེ་ཙམ་བཅད་ནས་འབྲི་དགོས་ཤིང་། རིང་ཆ་ཅན་དང་། རྒྱབ་ལག་ཅན་གྱི་ཡི་གེ་རྣམས་ཕུད་པའི་ཡི་གེ་རེ་རེའི་ཞེང་ཚད་ལ་རང་ཁམ་གསུམ། དཀྱིལ་དུ་མཚམས་གྲོན་ཡོད་པ་ལ་ཁམ་ཕྱེད་དང་བཞི། མེད་པ་ལ་གསུམ། དཀྱིལ་དུ་མཚམས་གྲོན་ཅན་གྱི་ཡི་གེ་སྟེ། ཨ་ཨཱ། ཨི་ཨཱི། རི་རཱི། ལི་ལཱི། ཨེ་ཨཻ། ཨོ་ཨཽ། ཤད། ཚེག་དྲག པུ་ཏ། གསལ་བྱེད་ཀ་སྡེ། ཚ་ཛ་ཛྙ་ཉ་ཊ་ཎ། པ་ཕ་མ། ཡ་ཥ་ས་ཀྵ་བཅས་ཀྱི་བར་ཐག་ཁམ་ཕྱེད་དོ། དཀྱིལ་དུ་མཚམས་གྲོན་མེད་པ་སྟེ། ཡིག་མགོ། ཨུ་ཨུ། ཙ་ཥ་ཊ་དྷ། ཏ་ཐ་ད་དྷ་ན། པ་བྷ་ར་ཝ་ཤ་ཧ་རྣམས་ཀྱི་བར་ཐག་ཁམ་དོ། ཀ་ཚ་ཛ་ཁ་ཀྵ་བཅས་བརྩེགས་པ་མང་བའི་རིགས་མགོ་སྐེ་ཐིག་གོང་དུ་རིམ་པས་བསྐུམས་ནས་སྟེང་འོག་གཉིས་གཞི་མཐུན་དུ་བྲིས་ཆོག་པ་དང་། བརྩེགས་པ་བྱུང་ན་ཕྱིར་བསྲིངས་ཏེ་ཆ་སྙོམས་པར་བྱས་ཆོག་པ། ར་ཡིག་བརྩེགས་ཚེ་སྟེང་མ་གླང་སྣ་ལྟར་མཆུ་འཕྱང་། བྷ་ཤ་ས་གསུམ་འོག་གི་ས་སྟོང་འགེངས་ཚེ་མཆུ་འཕྱང་། ཀློག་པའི་སྐབས་གཟུགས་གཅིག་ཡིན་ཀྱང་སྐབས་ཐོབ་ཀྱི་དབྱེ་བ་ཤེས་དགོས་པ་ཨུ་དང་ཊ། ཝ་དང་བ། དྷ་མགོ་རོང་བཅས་སྟེང་དུ་ཡི་གེ་གཞན་བརྩེགས་ཚེ་ཟླ་བ་ཝ་གསུམ་གྱི་བཏགས་གཟུགས་ལ་ཁྱད་མེད་པ་དང་། རི་ཛྙ་གཉིས་དབྱེ་བ་ཅུང་ཟད་ལས་མེད་ཅིང་། ཥ་པ་གཉིས་ནི་དཀྱིལ་དུ་སྨྱུག་ཚག་ཡོད་མེད་ཙམ་ལས་ཁྱད་མེད་པ་དང་། དེ་བཞིན་ཡིག་གཟུགས་འདྲ་བའི་དབང་གིས་ནོར་ཉེན་ཡོད་པ། ཎ་ལ་བཏགས་དང་ཉ་བཏགས། ན་དང་ལ། ཌ་དང་ཌྷ་བཅས་དང་། ཡ་ང་ཙ་རྣམས་ལ་ཞབས་ཀྱུ་མི་འདྲ་ཞིང་ར་ལ་རྣམ་པ་ཀུན་ཏུ་ཞབས་ཀྱུ་མི་འདྲ་བ་སོགས་ཞིབ་ཆ་བྱེད་དགོས་པ་ཡོད་ལ་དེས་མཚོན་ནས་ཝརྟུ་དང་ནཱ་ག་ར་སོགས་བྲིས་སྟངས་རིགས་པས་དཔག་ནས་ཤེས་པར་བྱ་དགོས། བོད་ཡིག་གི་ཐོག་ཚད་ལ། འབྲུ་ཆེན་དང་། འབྲུ་ཆུང་གཉིས་ཀྱི་ཐིག་ཚད་ཇི་ལྟར་བྱུང་བའི་སྐོར་གཞན་དུ་བྲིས་བཤད་ཟིན་པས་བསྐྱར་ལྡབས་མ་བྱས་ཤིང་། འདིར་རྫབ་ཆེན་སྟེ་དབུ་ཅན་གྱི་ཐིག་རིས་རྒྱལ་པོ་ཁྲི་སྲོང་ལྡེ་བཙན་གྱི་དུས་ལོ་ཙཱ་བ་སྐ་བ་དཔལ་བརྩེགས་ཀྱི་ཕྱག་བཞེས་ལྟར་ཁྱུང་པོ་གཡུ་ཁྲིས་ཡིག་རིས་སུ་འདེབས་པར་མཛད་ཅིང་། རྗེས་སུ་རོང་པོས་ལྷན་ཐབས་བརྩམས་པ་གནང་བ་ལྟར་གནད་བསྡུས་ཏེ་བཤད་ན། [1]གདོན་པ་བཅུ་སྟེ། <1>སྒྲོས་སྦོ་ལྡེམས། <2>འཇམ་དཀར་སྣ། <3>གྲུང་ཟགས་མཆུ། <4>གཡེར་ཡར་འཕུལ།<5>ཟླུམ་ཕུབས་ཅན། <6>ཧུར་མིག་འཁིར། <7>དྲང་མར་འཕེན།<8>སྤྱང་ཁོག་པ། <9>ཧྲོམ་སྣག་སྣ། <10>གཉེན་བསྣོལ་མཚམས་བཅས་ཡིན། [2]གཅེས་པ་བརྒྱད་དེ།<1>སྣག་ལམ་ཟླུམ་ལ་སྒྲོས་ཆགས་པ། <2>ཚིག་འཁོར་སྐྱེས་ལ་དཔུང་ཐུང་བ། <3>སྔགས་པ་ཅན་ལ་ཟུར་ཐིག<4>སྟོད་ཕུབས་ཅན་ལ་ཕོ་བ། <5>སྨད་ཕུབས་ཅན་ལ་ཁོང་འདྲེན། <6>རྐང་པ་རྟར་ཞོན་ཕྱི་འབྲང་། <7>ཡར་འཕུལ་མཐར་རྒྱས་སྒྲོས་གནོན། <8>མིག་ཅན་ལ་སྐེ་གཙང་བ་བཅས་ཡིན། [3]མགོ་གསུམ་སྟེ། <1>མགོ་རབ་ཐག་ཟླུམ་གྲིས་བཅད། <2>མགོ་འབྲིང་ཀ་གཞུ། <3>ཐ་མ་ཚགས་མགོ་བཅས་ཡིན། [4]དཔུང་གསུམ་སྟེ། <1>དཔུང་རབ་ཐུགས་ཀར་རྡོར་འཛིན། <2>འབྲིང་མདའ་འཕེན། <3>ཐ་མ་ལག་ཆག་འཕྲེད་ཉལ་བཅས་ཡིན། [5]སྦོ་གསུམ་སྟེ། <1>སྦོ་རབ་སྒྲོས་ཆགས་གྲི་ལྟག་འདྲ་བ། <2>སྦོ་འབྲིང་སྤུ་ཐག་སྒྲིམ་འདྲ།<3>ཐ་མ་གྲོག་སྐེད་འདྲ་བ་བཅས་ཡིན།[6]ཟགས་མཆུ་གསུམ་སྟེ། <1>རབ་གསེག་སྦྱོར་ཐུང་རྣོ། <2>འབྲིང་དགྱེ་བོ་ཕག་སྣ།<3>ཐ་མ་སྒུར་པོ་གླང་སྣ་བཅས་ཡིན།[7]ཡར་འཐེན་གསུམ་སྟེ། <1>རབ་རྒྱ་ཁབ་བསླངས་འདྲ། <2>འབྲིང་རྔ་གདུགས་འཕྱང་འདྲ། <3>ཐ་མ་ལག་མགོ་བཅད་འདྲའོ། །[8]མར་འཐེན་གསུམ་སྟེ།<1>རབ་སྒྲོ་ལྕགས་རྐང་འདྲ། <2>འབྲིང་ཁྱི་གུའི་མཇུག་འདྲ། <3>ཐ་མ་འབུ་མཇུག་སྦྲ་རྐང་ངོ་། ། [9]མིག་གསུམ་སྟེ། <1>རབ་ཉ་མིག <2>འབྲིང་ནས་འདྲ།<3 >ཐ་མ་ཟུར་གསུམ་ཁྲོ་མིག་བཅས་ཡིན། གོང་གསལ་མགོ་གསུམ་ནས་མིག་གསུམ་བར་གྱི་ཉེར་གཅིག་ཡོད་པ་དེ་ལ་མ་ཆོས་ཉེར་གཅིག་ཟེར། [10]ན་རོའི་གསུམ་སྟེ། <1>གཉིས་ཚོད། <2>འཛུམ་ལ། <3>མཐོ་དམན་མེད་པ།[11]འགྲེང་བུའི་ཆོས་གཉིས་ཏེ། <1>གསེགས་ཀྱིས་གཞོལ་བ། <2>སྟོད་སྨད་ཕྱོད་པ། [12]གི་གུའི་གསུམ་སྟེ། <1>ཟླུམ་པ།<2>འགྲིལ་བ། <3>འཁྱུག་པ། [13]ཞབས་ཀྱུའི་ཆོས་གསུམ་སྟེ། <1>གདགས་པ་ཅན། <2>གདན་ཐབས་བརྐྱངས་པ། <3>མདུང་ཚུགས་གསུམ་སྦྲེལ་ལྡན་པ། [14]ར་བཏགས་ཀྱི་ཆོས་གཉིས་ཏེ། <1>རྟ་སྦྲེལ་བ། <2>འཕངས་མ་བསྐྱིལ་བ།[15]ཡ་བཏགས་ཀྱི་ཆོས་གསུམ་སྟེ། <1>འཁྱུག་པ།<2>འདེགས་པ།<3>དཀྱིལ་ཡངས་པ་བཅས་ཡིན། གོང་གསལ་ན་རོའི་ཆོས་གསུམ་ནས་ཡ་བཏགས་ཀྱི་ཆོས་གསུམ་བར་བཅུ་དྲུག་ཡོད་པ་དེ་རྣམས་ལ་བུ་ཆོས་བཅུ་དྲུག་ཟེར། [16]སྤྱི་ཆོས་གསུམ་སྟེ། <1>གཟུགས་དཀྱུས་སུ་མ་ཉོལ་བ། <2>དཀྱིས་ཚད་ནས་མ་ཡར་བ།<3>གཟུགས་དཀྱུས་ཤན་ཕྱེད་པ་བཅས་ཡིན། གོང་དུ་བཤད་པ་རྣམས་ཡིག་གཟུགས་སྤྱིའི་དབང་དུ་བྱས་ནས་རགས་བཤད་བྱས་པ་ཡིན་ལ། ཞིབ་པར་ཀ་ནས་ཨའི་བར་སུམ་ཅུ་པོ་རེ་རེའི་ཁྱད་ཆོས་དང་སྦྱར་ནས་འཆད་རྒྱུ་ཡོད། བོད་ཡིག་འབྲུ་ཆེན་ལ་ལི་ལུགས་དང་ལྡན་ལུགས་གཉིས་ཡོད་པའི་ནང་གི་ལི་ལུགས་ནི་རྒྱུན་ཆད་ཟིན་ཅིང་། ལྡན་ལུགས་ནི་ལྡན་མ་རྩེ་མང་གི་ལུགས་ཡིན་པས་རིམ་བཞིན་རྒྱལ་རྩེ་ཆོས་རྒྱལ་རབ་བརྟན་ཀུན་བཟང་གི་སྐབས་ལག་ལེན་ལྟར་ཐིག་ཚད་དང་ཐིག་དཔེར་བཏབ་ནས་སློབ་རྒྱུན་ཡོད་པ་བཞིན་རགས་བསྡུས་སུ་བཤད་ན། ཡི་གེ་རྣམས་ལ་གཞུང་ཐིག་དང་། འཕྲེད་ཐིག དཔངས་ཐིག མགོ་ཐིག ཁོག་ཐིག་བཅས་ལྔ་ཡི་སྒོ་ནས་ཡི་གེའི་གཟུགས་འགྱུར་གསལ་བར་བསྟན་ཅིང་། སྨྱུག་ཁམ་གསུམ་ལ་ཐིག་ཁོངས་རེ་བྱས་ཏེ་འགའ་ཤས་ལ་ཁམ་གང་། འགའ་ཞིག་ལ་ཁམ་ཕྱེད་ཀ་འགའ་ཞིག་ལ་ཁམ་ཟུར། འགའ་ཞིག་ལ་ཁམ་འབེབས་བཅས་ཡིག་གཟུགས་ཀྱི་རྣམ་འགྱུར་མི་འདྲ་བ་ཐོན་ཅིང་། འདྲ་དཔེ་རིགས་པའི་འཆད་ཚུལ་ནི། མགོ་བོ་གྲུ་བཞི་ཤོ་བསྒྲིགས་ལྟ་བུའི་ཡི་གེ་བཅུ་གསུམ། སྐེད་པའི་ཕྱི་ཉག་ལྷས་འཛུམ་ལྟ་བུའི་ཡི་གེ་ཉི་ཤུ། འབྲུ་གཤམ་ཟླུམ་པོ་སྒོ་ང་ལྟ་བུའི་ཡི་གེ་བཅུ་བདུན། ལག་འཛག་ཟླ་ཕྱེད་ལྟ་བུའི་ཡི་གེ་ལྔ། གཤམ་གྱི་ཧར་འཛུམ་རལ་གྲི་ལྟ་བུའི་ཡི་གེ་བཅུ། སྐེད་པ་འགྱེད་མཚམས་རྒྱ་གྲམ་ལྟ་བུའི་ཡི་གེ་བཅུ་གཉིས། འབྲུ་གཤམ་བྲ་བོ་ལྟ་བུའི་ཡི་གེ མིག་འགྲིལ་ཡི་གེ་ལྟ་བུའི་ཡི་གེ་བཅུ་གཅིག་ཅེས་བཅད་སྲོལ་ཡོད།(3)ཐུགས་རྟེན་མཆོད་རྟེན་ནི། མཆོད་རྟེན་གྱི་བཟོ་དབྱིབས་ཐད་རང་རྒྱལ་ནང་ས་དང་། རྒྱ་གར། འབར་མ་སོགས་ནང་པའི་ཆོས་ལུགས་དར་རྒྱས་ཆེ་བའི་རྒྱལ་ཁབ་ཁག་ཏུ་མི་འདྲ་བ་མང་པོ་ཡོད་ཀྱང་བོད་ལ་ཡོངས་སུ་གྲགས་པ་ནི་བདེ་གཤེགས་མཆོད་རྟེན་བརྒྱད་ཟེར་བ་དེ་ཡིན། (དེའི་སྐོར་གོང་དུ་བདེ་གཤེགས་མཆོད་རྟེན་བརྒྱད་ཅེས་པར་གཟིགས) གཞན་ཡང་གསང་སྔགས་རྒྱུད་སྡེ་བཞིའི་དཀྱིལ་འཁོར་བྲིས་ཐིག་དང་། བློས་བསླངས། ས་གར་དང་མཆོད་གར། སྒྲུབ་པ་བཀའ་བརྒྱད་ཀྱི་ཕུར་པའི་རྩ་འཆམ་དང་། འགྲུབ་འཆམ་སོགས་ཡོད།2. ཕལ་པ་ནི། རྒྱ་མཚོ་ཆེན་པོ་དང་ཆུ་ཀླུང་དུ་འགྲོ་བའི་གྲུ་གཟིངས་ཆེ་ཆུང་། ཁང་ཁྱིམ་དང་ཁང་བརྩེགས། བཟའ་བཏུང་གཡོས་སྦྱོར། གོས་རྒྱན་བཟོ་བ། ཐང་རྫོང་གཞིག་པ་རྡོའི་འཕྲུལ་འཁོར་ཏེ་སྒྱོགས། ཆུ་རྫོང་འཇོམས་པ་གྲུའི་འཕྲུལ་འཁོར། རི་རྫོང་འཇོམས་པ་མེའི་འཕྲུལ་འཁོར། རལ་གྲི་འཁོར་བ་གྲི་གུག་གི་འཕྲུལ་འཁོར། རྩེ་མོ་འབྱེད་པ་རླུང་གི་འཕྲུལ་འཁོར། རྩིག་པ་འཇིག་པ་གུར་གྱི་འཕྲུལ་འཁོར། གོ་ཆ་འཇིག་པ་ལྕགས་མདའི་འཕྲུལ་འཁོར། རང་ཕྱོགས་སྲུང་བར་རལ་གྲིའི་འཕྲུལ་འཁོར། རྒྱལ་རིགས་འཐབ་པ་ཤིང་རྟ་འཁོར་ལོའི་ཚད། ལྟད་མོའི་དོན་དུ་ཁང་བཟང་། དགའ་སྟོན་གྱི་དོན་དུ་ཁྱོགས་གྱི་མཚན་ཉིད། ལྡུམ་ར་གཅུ་བའི་ཆུ་འདྲེན་འཕྲུལ་འཁོར་སོགས་གནའ་རབས་ཀྱི་འཕྲུལ་འཁོར་རིགས་སྣ་ཚོགས་དང་། གཞན་ཡང་མདོ་སྡེ་ལས་བཤད་པའི་བཟོ་སྦྱང་བཅོ་བརྒྱད་དང་། སྒྱུ་རྩལ་དྲུག་ཅུ་རྩ་བཞི། བཟོ་ལ་སོགས་པར་གཏོགས་པ་སུམ་ཅུ་སོགས་ཚན་པ་སོ་སོར་འབྱུང་བ་རྣམས་ཡིན།3. ངག་བཟོ་མཆོག་ནི། གསང་སྔགས་རྒྱུད་སྡེ་བཞིའི་ཡི་དམ་དང་། ཆོས་སྐྱོང་གི་མཆོད་དབྱངས། ཆོས་བཤད་པ། གཏམ་བཤད་བྱེད་པ་སོགས་ཀྱི་སྐབས་སྤོབས་པ་མཐོ་བ་དང་། སྒྲ་གསལ་བ། གདངས་སྙན་པ། དོན་བཟང་བ། ཉན་པ་པོ་ཉན་སྤྲོ་བ་སོགས་ཡིན།4. ཕལ་པ་ནི། གླུ་ལེན་པ་དང་། གཤགས་འབྱེད་པ་འཕྲོས་གཏམ་སྨྲ་བ་སོགས་ཀྱི་ངག་རྩལ་རྣམས་ཡིན།5. ཡིད་བཟོ་མཆོག་ནི། ཐོས་བསམ་སྒོམ་གསུམ་གྱི་ཤེས་རབ་དང་རིག་གནས་ལ་མཁས་ཤིང་བྱང་ཆུབ་པས་གཞན་ལ་ལེགས་པར་བསྟན་ཤེས་པ་ལ་ཟེར་ཞིང་།6. ཕལ་པ་ནི། ས་གཞི་རིན་པོ་ཆེ་ལྗོན་ཤིང་། གོས། གླང་པོ་ཆེ། རྟ། སྐྱེས་པ། བུད་མེད་བརྟག་པ་བཅས་བརྒྱད་བཤད་པ་ནི་དུས་སྐབས་དེའི་མི་རྣམས་ཀྱིས་བརྟག་དཔྱད་བྱེད་ཐུབ་པའི་ཁྱབ་ཁོངས་ཁག་གི་སྡེ་ཚན་གཞིར་བཟུང་བ་མ་གཏོགས་འཛམ་གླིང་ཐོག་གི་ཞིབ་འཇུག་སྡེ་ཚན་ཡོད་ཚད་བརྒྱད་པོ་དེར་འདུས་པར་བཤད་པ་མིན།མས་ཡིན། 5. ཡིད་བཟོ་མཆོག་ནི། ཐོས་བསམ་སྒོམ་གསུམ་གྱི་ཤེས་རབ་དང་རིག་གནས་ལ་མཁས་ཤིང་བྱང་ཆུབ་པས་གཞན་ལ་ལེགས་པར་བསྟན་ཤེས་པ་ལ་ཟེར་ཞིང་། 6. ཕལ་པ་ནི། ས་གཞི་རིན་པོ་ཆེ་ལྗོན་ཤིང་། གོས། གླང་པོ་ཆེ། རྟ། སྐྱེས་པ། བུད་མེད་བརྟག་པ་བཅས་བརྒྱད་བཤད་པ་ནི་དུས་སྐབས་དེའི་མི་རྣམས་ཀྱིས་བརྟག་དཔྱད་བྱེད་ཐུབ་པའི་ཁྱབ་ཁོངས་ཁག་གི་སྡེ་ཚན་གཞིར་བཟུང་བ་མ་གཏོགས་འཛམ་གླིང་ཐོག་གི་ཞིབ་འཇུག་སྡེ་ཚན་ཡོད་ཚད་བརྒྱད་པོ་དེར་འདུས་པར་བཤད་པ་མིན།)
Dictionaries/chos rnam kun btus/11379 + (1.ལྷ་ས་གྲོང་ཁྱེར་གྱི་ཁོངས་རྫོང་རིམ་པའི་ས་ཁ … 1.ལྷ་ས་གྲོང་ཁྱེར་གྱི་ཁོངས་རྫོང་རིམ་པའི་ས་ཁུལ་ཁག་བརྒྱད་ནི།(1)ལྷ་ས་ཁྲེན་ཀོན་ཆུས། སྲིད་གཞུང་ཡོད་ས་ལྷ་ས། (2)སྟོད་ལུང་བདེ་ཆེན་རྫོང་། སྲིད་གཞུང་ཡོད་ས་ནམ་མཁའ་དངོས་གཞི།(3)མལ་གྲོ་གུང་དཀར་རྫོང་། སྲིད་གཞུང་ཡོད་ས་གུང་དཀར།(4)ལྷུན་གྲུབ་རྫོང་། སྲིད་གཞུང་ཡོད་ས་ཕོད་མདོ། (5)ཆུ་ཤུར་རྫོང་། སྲིད་གཞུང་ཡོད་ས་ཞོལ་གྲོང་། (6)སྟག་རྩ་རྫོང་། སྲིད་གཞུང་ཡོད་ས་བདེ་ཆེན། (7)སྙེ་མོ་རྫོང་། སྲིད་གཞུང་ཡོད་ས་དར་གྲོང་། (8)འདམ་གཞུང་རྫོང་། སྲིད་གཞུང་ཡོད་ས་འདམ་ཆུ་།2.ནག་ཆུ་ཀྲོན་ཆུས་ཀྱི་ཁོངས་རྫོང་རིམ་པའི་ས་ཁུལ་ཁག་བཅུ་ནི།(1)ནག་ཆུ་རྫོང་། སྲིད་གཞུང་ཡོད་ས་ནག་ཆུ་ཀྲེན། (2)ཨ་མདོ་རྫོང་། སྲིད་གཞུང་ཡོད་ས་བྲག་ནག (3) སྙན་རོང་རྫོང་(ཨ་རྫ་བེ་སོག)། སྲིད་གཞུང་ཡོད་ས་སེར་ཁང་།(4)སྦྲ་ཆེན་རྫོང་། སྲིད་གཞུང་ཡོད་ས་སྟར་ཐང་། (5)སོག་རྫོང་(སོག་ཙན་དན་དགོན)། སྲིད་གཞུང་ཡོད་ས་ཙན་དན་ཞོལ། (6)འབྲི་རུ་རྫོང་། སྲིད་གཞུང་ཡོད་ས་འབྲི་རུ་གཞུང་། (7)དཔལ་མགོན་རྫོང་(གནམ་རུ)། སྲིད་གཞུང་ཡོད་ས་ཕུ་བུ། (8)ལྷ་རི་རྫོང་(ལྷ་རི་མགོ)། སྲིད་གཞུང་ཡོད་ས་སྟག་མ། (9)ཤན་རྩ་རྫོང་། སྲིད་གཞུང་ཡོད་ས་ཇ་སྦྱོར་དེའུ་བུ། (10)ཉི་མ་རྫོང་། སྲིད་གཞུང་ཡོད་ས་ཉི་མ།3.ཆབ་མདོ་ཀྲོན་ཆུས་ཀྱི་ཁོངས་རྫོང་རིམ་པའི་ས་ཁུལ་ཁག་བཅོ་ལྔ་ནི།(1)ཆབ་མདོ་རྫོང་། སྲིད་གཞུང་ཡོད་ས་ཆབ་མདོ་ཁྲེང་ཀོན་ཀྲན་།(2)སྟེང་ཆེན་རྫོང་། (ཧོར་སྟེང་ཆེན། ཁྱུང་པོ་སྟེང་ཆེན) སྲིད་གཞུང་ཡོད་ས་རྒྱ་མོ་ཐང་།(3)དཔལ་འབར་རྫོང་། (སྟར་རྫོང་། དར་རྫོང་) སྲིད་གཞུང་ཡོད་ས་རྡོ་དམར་ཐོང་། (4)གོ་འཇོ་རྫོང་། (མགོ་འཇོ་རྫོང་) སྲིད་གཞུང་ཡོད་ས་ཨ་དཀར།(5)མཛོ་སྒང་རྫོང་། (ཚ་བ་མཛོ་སྒང་) སྲིད་གཞུང་ཡོད་ས་ཝ་མདའ།(6)བྲག་གཡབ་རྫོང་། སྲིད་གཞུང་ཡོད་ས་དབྱེན་འདུམ།(7)དཔའ་ཤོད་རྫོང་། (ཚ་བ་དཔའ་ཤོད་)སྲིད་གཞུང་ཡོད་ས་པད་མ། (8)ལྷོ་རོང་རྫོང་། སྲིད་གཞུང་ཡོད་ས་རྫི་ཐོ། (9)རི་བོ་ཆེ་རྫོང་། སྲིད་གཞུང་ཡོད་ས་ར་ཚ་ཁ། (10)སྨར་ཁམས་རྫོང་། སྲིད་གཞུང་ཡོད་ས་སྒར་ཐོག (11)འཇོ་མདའ་རྫོང་། (སྡེ་དགེ་འཇོ་མདའ་) སྲིད་གཞུང་ཡོད་ས་ཐང་ཕུ།(12)འབི་ཐོག་རྫོང་། སྲིད་གཞུང་ཡོད་ས་འབི་ཐོག (13)ཚྭ་ཁ་རྫོང་། སྲིད་གཞུང་ཡོད་ས་ཚྭ་ཁ།(14)མཛོ་མདའ་རྫོང་། སྲིད་གཞུང་ཡོད་ས་མཛོ་མདའ། (15)ཐོག་འབའ་རྫོང་། སྲིད་གཞུང་ཡོད་ས་ཐོག་འབའ།4.གཞིས་རྩེ་ཀྲོན་ཆུས་ཀྱི་ཁོངས་རྫོང་རིམ་པའི་ས་ཁུལ་ཁག་བཅོ་བརྒྱད་ནི། (1)གཞིས་ཀ་རྩེ་རྫོང་། སྲིད་གཞུང་ཡོད་ས་གཞིས་ཀ་རྩེ་ཀྲོན།(2)རྣམ་གླིང་རྫོང་། (ཤངས་རྣམ་གླིང་)སྲིད་གཞུང་ཡོད་ས་ནི་སྔོན། (3)གཏིང་སྐྱེས་རྫོང་། སྲིད་གཞུང་ཡོད་ས་གཟར། (4)ས་སྐྱ་རྫོང་། སྲིད་གཞུང་ཡོད་ས་ས་སྐྱ་ཞོལ། (5)ལྷ་རྩེ་རྫོང་། སྲིད་གཞུང་ཡོད་ས་ཆུ་ཤར།(6)དིང་རི་རྫོང་། སྲིད་གཞུང་ཡོད་ས་ཤེལ་དཀར། (7)གཉའ་ལམ་རྫོང་། སྲིད་གཞུང་ཡོད་ས་ཚོང་འདུས། (8)སྐྱིད་གྲོང་རྫོང་། སྲིད་གཞུང་ཡོད་ས་རྫོང་དགའ། (9)བཞད་མཐོང་སྨོན་རྫོང་། སྲིད་གཞུང་ཡོད་ས་དགེ་སྡིངས།(10)ངམ་རིང་རྫོང་། སྲིད་གཞུང་ཡོད་ས་ངམ་རིང་ཞོལ། (11)འབྲོང་པ་རྫོང་། སྲིད་གཞུང་ཡོད་ས་སྐྲ་བདུན། (12)ས་དགའ་རྫོང་། སྲིད་གཞུང་ཡོད་ས་སྐྱ་སྐྱ། (13)རྒྱལ་རྩེ་རྫོང་། (ཤེལ་དཀར་རྒྱལ་རྩེ་) སྲིད་གཞུང་ཡོད་ས་རྒྱལ་རྩེ་ཁྲེང་ཀོན་ཀྲན།(14) ཁང་དམར་རྫོང་། (མཁར་དམར་) སྲིད་གཞུང་ཡོད་ས་ཁང་དམར། (15)རིན་སྤུངས་རྫོང་། (རོང་བྱམས་ཆེན་)སྲིད་གཞུང་ཡོད་ས་བྱམས་ཆེན་ཞོལ།(16)གྲོ་མོ་རྫོང་། (གྲོག་མོ། གཉའ་གདོང་) སྲིད་གཞུང་ཡོད་ས་ཤར་སིང་མ། (17)པ་སྣམ་རྫོང་། སྲིད་གཞུང་ཡོད་ས་ནོར་བུ་ཁྱུང་རྩེ། (18)གམ་པ་རྫོང་། སྲིད་གཞུང་ཡོད་ས་གམ་པ་ཞོལ།5.ཉིང་ཁྲི་ཀྲོན་ཆུས་ཀྱི་ཁོངས་རྫོང་རིམ་པའི་ས་ཁུལ་ཁག་བརྒྱད་ནི།(1)ཉིང་ཁྲི་རྫོང་། སྲིད་གཞུང་ཡོད་ས་བརྒྱད་གཅིག་ཀྲན།(2)སྨན་གླིང་རྫོང་། སྲིད་གཞུང་ཡོད་ས་དུང་དོར། (3)མེ་ཏོག་རྫོང་། (པདྨ་བཀོད་)སྲིད་གཞུང་ཡོད་ས་མེ་ཏོག(4)རྫ་ཡུལ་རྫོང་། (གསང་སྔགས་ཆོས་རྫོང་) སྲིད་གཞུང་ཡོད་ས་སྐྱེ་སྒང་།(5)སྣང་རྫོང་། སྲིད་གཞུང་ཡོད་ས་སྣང་། (6)ཀོང་པོ་རྒྱ་མདའ་རྫོང་། སྲིད་གཞུང་ཡོད་ས་ང་ཕོད་ཟམ་པ། ཟམ་པ།(7)སྤོ་མེས་རྫོང་། (སྤོ་ཡུལ། ཀ་ནམ་) སྲིད་གཞུང་ཡོད་ས་སྤུ་རྨོག (8)སྣ་དཀར་རྩེ་རྫོང་། སྲིད་གཞུང་ཡོད་ས་སྣ་དཀར་རྩེ། 6.མངའ་རིས་ཀྲོན་ཆུས་ཁོངས་རྫོང་རིམ་པའི་ས་ཁུལ་ཁག་བརྒྱད་ནི།(1)སྒར་རྫོང་། (སྟོད་སྒར་) སྲིད་གཞུང་ཡོད་ས་སྒར་དགུན་ས།(2)རུ་ཐོག་རྫོང་། སྲིད་གཞུང་ཡོད་ས་རུ་ཐོག (3)རྩ་མདའ་རྫོང་། སྲིད་གཞུང་ཡོད་ས་མཐོ་ལྡིང། (4) སྤུ་ཧྲེང་རྫོང་། སྲིད་གཞུང་ཡོད་ས་བེར་ག (5)དགེ་རྒྱས་རྫོང་། སྲིད་གཞུང་ཡོད་ས་སྣ་ཕུག (6)སྒེར་རྩེ་རྫོང་། སྲིད་གཞུང་ཡོད་ས་ལུ་མ་རིང་པོ། (7)མཚོ་ཆེན་རྫོང་། སྲིད་གཞུང་ཡོད་ས་སྨན་སྟོང་། (8)ལུང་དཀར་རྫོང་། སྲིད་གཞུང་ཡོད་ས་ལུང་དཀར།7.ལྷོ་ཁ་ཀྲོན་ཆུས་ཁོངས་རྫོང་རིམ་པའི་ས་ཁུལ་ཁག་བཅུ་གཉིས་ནི།(1)སྣེ་གདོང་རྫོང་། (ཡར་ལུང་སྣེ་གདོང་། སྣེའུ་གདོང་) སྲིད་གཞུང་ཡོད་ས་སྣེ་གདོང་།(2)གོང་དཀར་རྫོང་། (གོང་རི་དར་པོ། གཞིས་ཀ་གོང་དཀར་) སྲིད་གཞུང་ཡོད་ས་རྭ་སྨད། །(3)གྲ་ནང་རྫོང་། སྲིད་གཞུང་ཡོད་ས་གྲ་ཐང།(4)ཟངས་རི་རྫོང་། སྲིད་གཞུང་ཡོད་ས་ཟངས་རི། (5)རྒྱ་ཚ་རྫོང་། སྲིད་གཞུང་ཡོད་ས་བྲུམ་པ།(6)འཕྱོངས་རྒྱས་རྫོང་། (ཕྱིང་དབར་སྟག་རྩེ་) སྲིད་གཞུང་ཡོད་ས་འཕྱོངས་རྒྱས།(7)ཚུ་གསུམ་རྫོང་། (ལྷ་རྒྱ་རི།། ཨེ་ལྷ་རྒྱ་རི་) སྲིད་གཞུང་ཡོད་ས་ཆུ་གསུམ།(8)མཚོ་སྣ་རྫོང་། (མོན་མཚོ་སྣ་) སྲིད་གཞུང་ཡོད་ས་ཞོལ་ཤར།(9)ལྷོ་བྲག་རྫོང་། (དོ་བ་རྫོང་) སྲིད་གཞུང་ཡོད་ས་དཀར་པོ།(10)ལྷུན་རྩེ་རྫོང་། (གཉལ་ལྷུན་རྩེ་)སྲིད་གཞུང་ཡོད་ས་སྐྱིད་ཐང།(11)མཚོ་སྨད་རྫོང་། (གྲི་གུ་གཞིས་) སྲིད་གཞུང་ཡོད་ས་གཏམ་ཞོལ།(12)སྣ་དཀར་རྩེ་རྫོང་། སྲིད་གཞུང་ཡོད་ས་སྣ་དཀར་རྩེ་བཅས་སོ། །ྫོང་། སྲིད་གཞུང་ཡོད་ས་སྣ་དཀར་རྩེ་བཅས་སོ། །)

Search by property

List of results

Navigation menu

Search