Search by property

This page provides a simple browsing interface for finding entities described by a property and a named value. Other available search interfaces include the page property search, and the ask query builder.

List of results

• Dictionaries/chos rnam kun btus/7560  + (དེ་ཡང་། སྣང་བའི་དགའ་སྟོན་ལས་བྱུང་བ་སྟེ། 1 … དེ་ཡང་། སྣང་བའི་དགའ་སྟོན་ལས་བྱུང་བ་སྟེ། </br>1. ཉི་མ་གནམ་སྒོ་དར་ཡང་ཤིང་མི་བྱ། </br>2. ཟླ་བ་ཀླུ་སྒོ་དར་ཡང་ཧོམ་མི་སྤར།</br>3. མིག་དམར་གྲི་གཟའ་དར་ཡང་གྲི་མི་འདུལ། </br>4. ལྷག་པ་རབས་ཆད་དར་ཡང་དུར་མི་གདབ།</br>5. ཕུར་བུ་ཤིང་གཟའ་དར་ཡང་ཟོར་མི་འཕང་།</br>6. པ་སངས་ཕྱུག་གཟའ་དར་ཡང་ཕྱུགས་མི་སྐྱེལ། </br>7. སྤེན་པ་ས་གཟའ་དར་ཡང་ནོར་མི་གཏོང་། ཞེས་སོ། །སྤེན་པ་ས་གཟའ་དར་ཡང་ནོར་མི་གཏོང་། ཞེས་སོ། །)
• Dictionaries/Brda dkrol gser gyi me long/2428  + (ཕོ་བྲང་གི་སྡིངས་ཆའམ། ཐོག་གི་ཁང་པ་གྲུ་བཞིའི་དབྱིབས་ཀྱི་མིང་སྟེ།《བརྡ་གསར་རྙིང་གི་ཁྱད་པར་ལས་བྱུང་བའི་མིང་གི་རྣམ་གྲངས》ལས། པོག་རེའམ་བ་གམ་ནི་ཐོག་གི་སྤེན་པད་ལྟ་བུའམ་ཁང་པ་གྲུ་བཞིའི་དབྱིབས་ལའང་ཟེར། ཞེས་པ་ལྟར་རོ།།)
• Dictionaries/Bod rgya shen sjar gyi shes jai rnam drangs kun btus tshig mdzod/1113  +
• Dictionaries/chos rnam kun btus/7521  + (འདི་ལ་ཁག་གཉིས་ཡོད་པ་སྟེ། ཁག་དང་པོ། མདོ་རྒྱ … འདི་ལ་ཁག་གཉིས་ཡོད་པ་སྟེ།</br>ཁག་དང་པོ། མདོ་རྒྱུད་རིན་པོ་ཆེའི་མཛོད་དེབ་གཟུགས་གླེགས་བམ་གཉིས་པ་མདོ་རྒྱུད་རིན་པོ་ཆེའི་མཛོད་ཀྱི་རྒྱས་འགྲེལ་ལས་སྐབས་བཅུ་གཉིས་པ་སྐར་ཡིག་སྐོར་ལས་བྱུང་བ་སྟེ།</br>1. ཉི་མ་མེ་ཁམས་རྒྱལ་པོ་ཡི། ། བླ་གཟའ་རྒྱལ་སྲིད་སྦྱིན་སྲེག་སྨན། ། དབང་བསྐུར་རབ་བྱུང་བཟློག་པ་དང་། ། བུ་བཙས་ལྷ་གསོལ་དགེ་ལེགས་ཀྱི། ། བྱ་བར་བཟང་ཞིང་གཤིན་ལས་དང་། ། བག་མ་ཁྱིམ་འཛིན་རབ་གནས་དང་། ། ལམ་ཞུགས་ཤི་ན་བདུན་ལ་ཟློས། །</br>2. ཟླ་བ་ཆུ་ཁམས་བུད་མེད་གཟའ། ། སྨན་སྦྱོར་ཁྱིམ་འཛིན་ལྷ་མཆོད་དང་། ། རབ་གནས་བག་མ་གཡང་འགུགས་དང་། ། རྟེན་བཞེངས་ཞི་རྒྱས་ལས་སོགས་བཟང་། ། རབ་བྱུང་ཆོས་ཉན་ཕྱིར་གཏོང་གོས། ། སྲི་གནོན་རོ་འདོན་སྦྱིན་སྲེག་དམག ། དབང་དྲག་ལས་དང་ལམ་ཞུགས་ངན། ། ཤི་ན་ཟློས་མེད་སྐྱེས་ན་བཟང་། །</br>3. མིག་དམར་མེ་ཁམས་དམག་དཔོན་གཟའ། ། དམག་ལས་ཁ་མཆུ་སྦྱིན་སྲེག་ཟོར། ། བཟློག་གནན་མཐུ་གཏད་མེ་བཙའ་དང་། ། ཡུལ་འཛིན་དབང་དྲག་ལས་རྣམས་བཟང་། ། རྟེན་བཞེངས་རབ་གནས་རབ་བྱུང་རྩིས། ། སྨན་སྦྱོར་བག་མ་དགེ་ལས་དུར། ། གཏར་ཁ་སྟོན་མོ་ལྷ་མཆོད་སྐྱས། ། ལམ་ཞུགས་ཞི་རྒྱས་ལས་རྣམས་སྤང་། ། བུ་སྐྱེས་གསོ་དཀའ་བུ་མོ་ངན། །</br>4. ལྷག་པ་ཆུ་ཁམས་རྒྱལ་པོའི་གཟའ། ། ཆོས་འཆད་རྩོད་དང་དབང་སྡོམ་ལེན། ། རབ་གནས་ཚོང་བྱེད་སྔགས་ས་ལས། ། ཁྱིམ་འཛིན་དོན་གཉེར་གོས་རྟེན་བཞེངས། ། གཤིན་ལས་གཏར་སྲེག་གཉེན་སྦྱོར་གཡང་། ། ཞི་རྒྱས་ལས་དང་ལམ་ཞུགས་བཟང་། ། རབ་བྱུང་དུར་ནོར་གཏོང་ཉན་སྨན། ། བག་མ་བཟློག་དམག་དབང་དྲག་ངན། ། བུ་ངན་བུ་མོའི་ཕ་མ་དབུལ། ། མི་ནི་ཤི་ན་ལྔ་རུ་ཟློས། །</br>5. ཕུར་བུ་རླུང་ཁམས་བྱང་སེམས་དང་། ། བན་དྷེ་བློན་པོ་སྐྱེས་པའི་གཟའ། ། རབ་གནས་རབ་བྱུང་དབང་སྡོམ་གོས། ། སྦྱིན་སྲེག་གཏར་སྨན་རྩིས་ཁྱིམ་མཁར། ། སྔགས་བཟླ་རྟེན་བཞེངས་སྟོན་མོ་སྐྱས། ། སྲི་མནན་སྐྲ་འཁྲུ་མཐུ་བཟློག་པ། ། ལམ་ཞུགས་དབང་གི་ལས་ལ་བཟང་། ། བསྐྲད་ལས་ཟོར་འཕེན་ཐོག་འབུབ་དུར། ། དམག་སྐུ་གཤིན་ལས་སོགས་ལ་ངན། ། ཤི་ན་ཤུལ་ངན་བུ་སྐྱེས་ན། ། བློ་གསལ་བུ་མོ་ཚེ་རིང་ངོ་། །</br>6. པ་སངས་ས་ཁམས་རྒྱལ་བློན་དང་། ། བུད་མེད་བླ་གཟའ་ལྷ་གསོལ་དང་། ། ཆོས་འཆད་རབ་བྱུང་རབ་གནས་གཉེན། ། རྟེན་བཞེངས་བག་མ་ཁྱིམ་མཁར་སྐྲ། ། སྟོན་མོ་གཏར་སྲེག་གཤིན་ལས་དང་། ། སྨན་སྦྱོར་ལམ་ཞུགས་རྒྱས་ལས་བཟང་། ། ཡུལ་འཕོ་སྐྱེས་མགྲོན་དུར་མདོས་དང་། ། དྲག་ལས་ངན་ཅིང་བུ་སྐྱེས་ན། ། ཚེ་རིང་དབང་རྣོ་ཕྱུག་པ་ཡིན། ། བུ་མོ་ནད་འོང་མི་ཤི་ན། ། བདུན་ལ་ཟློས་པར་འགྱུར་བ་ཡིན། །</br>7. སྤེན་པ་ས་ཁམས་བྲན་བྱིས་གཟའ། ། ཁང་བཟུང་ནོར་སྒྲུབ་དམག་སྲི་གནོན། ། མཛོད་འཛིན་མིང་རྩིས་ས་བོན་བཟང་། ། རབ་བྱུང་རབ་གནས་ཁྲིམས་བཅའ་དང་། །</br>གཏར་སྲེག་སྨན་སྦྱོར་བཟློག་པ་དང་། ། གཤིན་ལས་སྟོན་མོ་རྟེན་བཞེངས་དང་། ། དགྲ་འཐབ་ལམ་ཞུགས་རྒྱས་དབང་ལས། ། ངན་ཅིང་བུ་སྐྱེས་འབྲིང་བུ་མོ། ། ཚེ་ཐུང་ཤི་ན་ཟློས་པ་མེད། །ས་འབྲིང་བུ་མོ། ། ཚེ་ཐུང་ཤི་ན་ཟློས་པ་མེད། །)
• Dictionaries/Bod rgya shen sjar gyi shes jai rnam drangs kun btus tshig mdzod/1721  + (ཤར་དུ་པ་སངས། ལྷོར་ཕུར་བུ། ནུབ་ཏུ་ཟླ་བ། བྱང་དུ་ལྷག་པ། ཤར་ལྷོར་མིག་དམར། ལྷོ་ནུབ་ཏུ་སྒྲ་གཅན། ནུབ་བྱང་དུ་ཉི་མ། བྱང་ཤར་དུ་སྤེན་པའོ།)
• Dictionaries/Brda dkrol gser gyi me long/7416  + (ཤིང་སྤེན་མའི་མདའ་ཡབ་ཀྱི་མིང་སྟེ།《བརྡ་ཡིག་བ … ཤིང་སྤེན་མའི་མདའ་ཡབ་ཀྱི་མིང་སྟེ།《བརྡ་ཡིག་བློ་གསལ་མགྲིན་རྒྱན》ལས། སྤེན་པད་ནི་མདའ་ཡབ་སྟེ་ཨ་མདོའི་སྐད་ལ་སྤེན་ཐོག་ཟེར། ཞེས་གསུངས། དཔེར་ན།《མི་ལ་རས་པའི་རྣམ་ཐར》ལས། འདིར་ངེད་ཀྱི་སྲས་མཁར་སྤེན་པད་དགོས་པ་བྱུང་བས། ཁྱེད་ཀྱིས་དེ་ནས་སྤེན་ཁུར་གྱི་འབུལ་བ་ཅི་ལྕོགས་ཅི་སྔོན་ལ་ཁྱེར་ཤོག ཅེས་པ་ལྟ་བུའོ།།ི་ལྕོགས་ཅི་སྔོན་ལ་ཁྱེར་ཤོག ཅེས་པ་ལྟ་བུའོ།།)
• Dictionaries/Brda dkrol gser gyi me long/7379  + (སྤེན་ཏོག་གི་མིང་སྟེ།《བོད་ཀྱི་བརྡ་སྐད་མིང་གཞི་གསལ་བར་སྟོན་པའི་བསྟན་བཅོས》ལས། སྤས་ཏོག་སྤེན་ཏོག་ཁང་པའི་རྒྱན་གྱི་དོན།། ཞེས་གསུངས་པ་ལྟར་རོ།།)
• Dictionaries/Brda dkrol gser gyi me long/2824  + (（2）ཁང་པ་གྲུ་བཞིའི་མིང་སྟེ། 《བརྡ་ཡིག་རེག་གཟིགས་གསར་བུའི་ཉེར་མཁོ》ལས། བགོ་རེ་སྤེན་བད་དམ་ཁང་པ་གྲུ་བཞིའི་མིང་། ཞེས་གསུངས་པ་ལྟར་རོ། །)

• Dictionaries/Bod rgya shen sjar gyi shes jai rnam drangs kun btus tshig mdzod/1113  + (མིག་དམར། ལྷག་པ། ཕུར་བུ། པ་སངས། སྤེན་པ་སྟེ་ལྔ།)

• Dictionaries/Brda dkrol gser gyi me long/2823  + ((1) སྤེན་བད་དང་།)
• Dictionaries/chos rnam kun btus/10108  + (1. ལུག་གི་ཁྱིམ་དང་ཏ་ཏལ་ལ། ། དབང་བསྐུར་རབ་བ … 1. ལུག་གི་ཁྱིམ་དང་ཏ་ཏལ་ལ། ། དབང་བསྐུར་རབ་བྱུང་འབད་རྩོལ་ལས། ། བྲན་བསྟེན་བཟོ་དང་སྐུ་སེན་འབྲེག ། དགྲ་འཐབ་དམག་ཇག་བར་འདུམས་རགས། ། ཁམས་སྦ་རང་གཞན་འབྲེལ་བ་བྱེད། །སྦྱིན་སྲེག་དགུག་དྲག་དྲག་ལས་བཟང་། ། རབ་གནས་ལྷ་ཁང་རྟེན་བཞིང་དང་། ༑ བག་མ་མཁར་ལས་གཏར་ཁ་རྒྱག ། མེ་བཙའ་ཚོང་བྱ་ཚར་དབབ་པ། ། གསོན་དགེ་མདུན་གྲོས་བཀྲ་ཤིས་ལས། ། རྫིང་ཡུར་ཁྲོན་འདྲི་ས་བོན་གདབ། ། ལྷ་གསོལ་སྐྱེ་ཤིང་མེ་ཏོག་འཛུགས། . །ཞི་དབང་རྒྱས་པའི་ལས་རྣམས་ངན། ། རྩོད་དང་ནོར་ནི་ཉམས་པ་དང་། །འཇིག་རྟེན་ཀུན་གྱི་མི་བསྙེན་དང་། ། མི་དགེ་སྒྲུབ་བྱེད་སྡུག་བསྔལ་བས། ། པྲ་ཏི་ཏ་ཡི་དུས་སྦྱོར་སྤང་། ། གཟས་བཟུང་དམག་མི་མགར་བར་ངན། ། སྐྱེས་པ་ཞག་བཅུ་ཟླ་བ་བཅུ། །ལོ་བཅུ་བཅོ་བརྒྱད་ཉི་ཤུའམ། ། སུམ་ཅུར་མ་ཤི་ལོ་མང་འཚོ། ། སྨིན་དྲུག་ཟླ་བའི་བཅུ་གསུམ་མམ། ། མིག་དམར་མེས་འཚིག་ནམ་ཕྱེད་འཆི། ། རྒྱལ་པོས་མཆོད་ཅིང་ཞིང་ལ་དགའ། ། བྱ་ཤེས་ཆོས་ལྡན་མགྲོན་ལ་ཡང་། ། ཚིག་གསལ་ཁོག་ཡངས་འདོད་ཆགས་ཆེ། ། ཁྲོ་གཏུམ་བསམ་པ་ངན་པ་ཡིན། ། ནད་ཀྱིས་བཏབ་ན་འཆི་བའི་ཉེན། ། བཙོན་ཚུད་མྱུར་དུ་ཐར་པ་ཡིན། །</br>2. གླང་གི་ཁྱིམ་དང་ཏ ཏྟཱལ་ལ། ། རབ་བྱུང་སྦྱིན་སྲེག་དབང་དྲག་ལས། ། རྒྱན་སྤྲོས་བག་མ་དྲ་གྱོན་བཟོ། གཏར་སྲེག་མོ་རྩིས་སྐྲ་སེན་འབྲེག ། ལྷ་གསོལ་བཟློག་རིམ་སྲི་མནན་བྱ། ། མཆོད་རྟེན་ལྷ་ཁང་རྟེན་བཞེང་དང་། ། མཆོད་དང་སྦྱིན་གཏོང་རབ་གནས་ཞུགས།་། མཁར་ལས་ཞིང་ཉོ་བང་མཛོད་བཅའ། ། མདུན་གྲོས་བཀྲ་ཤིས་གསོན་དགེའི་ལས། ། རྫིང་ཡུར་ཁྲོན་འདྲུ་ས་བོན་གདབ། ། སྦྲ་ཕྱར་འཚེམ་དང་བ་དན་འཛུགས། ། བྲན་གཡོག་བསྟེན་དང་གཉེན་སྦྱོར་ལས། ། མེ་ཏོག་ཤིང་འཛུགས་རྟ་གླིང་འདུལ། ། ཚོང་བྱ་ཁྱིམ་བཟང་ལྟད་མོ་བཟང་། ། ནོར་རྙེད་པ་དང་དཔལ་དང་ལྡན། ། སྐལ་པ་བཟང་ཞིང་སྙན་པ་ཆེ། ། མཆོད་དང་རིམ་གྲོ་བྱེད་པ་རྙེད། ། ཀཱ་ཤཱའི་དུས་སྦྱོར་བསྒྲུབ་པར་བྱ། ། གཟས་བཟུང་ཆོས་སྤྱོད་རྫི་བོ་ཉམས། ། སྐྱེས་པ་ཞག་པོ་ཉི་ཤུ་འམ། ། ཟླ་བ་ཉི་ཤུར་མ་ཤི་ན། །དགུ་བཅུ་འཚོ་ཞིང་དགུན་ར་འམ། ། མིག་དམར་བད་མཁྲིས་དགོང་མོ་འཆི། ། མིག་རྩ་དམར་ལ་ལེ་ལོ་ཆེ། ། མཁས་ཤིང་འཁོར་མང་སྙན་གྲགས་ལྡན། ༑ནད་ཀྱིས་བཏབ་ན་མྱུར་དུ་གྲོལ། ། བཙོན་ཆུད་བྲོས་པས་ཐར་མི་སྲིད། །</br>3. འཁྲིག་པའི་ཁྱིམ་དང་ཏ ཏལ་ལ། ། དབང་སྐུར་རབ་གནས་ཆོས་སྤྱོད་དང་། ། ལྷ་གསོལ་སྨན་སྦྱོར་ལྷ་ཁང་བརྩིག་རྟེན་བཞེང་རྒྱལ་མཚན་བ་དན་འཛུགས། ། བག་མ་དྲ་གྱོན་རྒྱན་སྤྲོས་བཟོ། །རྫིང་ཡུར་ཁྲོན་འདྲུ་སྐྲ་སེན་འབྲེག་ཚོང་དང་སྐྱེ་ཤིང་མེ་ཏོག་འཛུགས། ། ལྟད་མོ་གཏར་བསྲེག་སློབ་སོགས་དང་། ། མིང་འདོགས་སྒྱུ་རྩལ་རྒྱས་ལས་བཟང་། ། དབང་དྲག་ཞི་བའི་ལས་སྤྱི་དང་། །རབ་བྱུང་སྒྲུབ་ཅིང་མཁར་ལས་སྤང་། །བསམ་པ་གྲགས་སྙན་གྲོགས་ཀྱང་རྙེད། ། རྟག་ཏུ་ཇི་ལྟ་བར་ཡང་བྱེད། ། མ་བསམ་པ་ཡང་རྙེད་པ་འབྱུང་། ། ཀ་ཊི་བྷཾ་ཤ་འདི་ལ་བཟང་། ། གཟས་བཟུང་རྩིས་མཁན་ཆུང་མ་ཉམས། །འདི་ལ་སྐྱེས་པར་གྱུར་པ་ན། ། ཞག་ལྔ་ཟླ་བ་ཉེར་ལྔ་ལ། ། མ་ཤི་དགུ་བཅུ་རྩ་ལྔ་འཚོ། །རྒྱལ་ཟླའམ་ནབས་སོ་ལྷག་པ་ལ། ། བཅུ་དྲུག་སྔ་དྲོ་མཚོན་གྱིས་འཆི། །འབྱོར་ལྡན་འཇམ་ཞིང་ཆང་དད་ཆེ། ། བདེན་སྨྱུ་གཞན་གྱི་ཚིག་ལ་མཁས། ། ལྟད་མོ་ལ་དགའ་ཆགས་པ་ཆེ། ། འདི་ལ་ནད་བཏིབ་འཚོ་བར་སླ། ། བཙོན་ཚུད་བྲོས་པས་ཐར་མི་སྲིད། ། ནོར་གྱིས་བསླུས་ན་ལྷུངས་པ་སྲིད། །</br>4. ཀཱནྡྲའི་ཁྱིམ་དང་ཏངྐལ་ཤར། ། གྲུབ་བྱ་ཐོར་འདོན་སྲི་མནན་བྱ། ། རྫིང་ཁྲོན་ཆུ་བསྒྱུར་རྒྱས་པའི་ལས། ། ཆར་དབབ་གྲུ་གཟིངས་ཟམ་པ་འཛུགས། ། དམག་འདྲེན་གཡོ་བའི་ལས་སོགས་བཟང་། ། རབ་གནས་མཁར་ལས་དྲ་གྱོན་བཟོ། ། བཀྲ་ཤིས་མདུན་གྲོས་གསོན་དགེའི་ལས། ། བྲན་བསྟེན་སྐྲ་འཁྲུ་སྐྲ་སེན་འབྲེག ། ལྷ་གསོལ་རྟེན་བཞེངས་ས་བོན་གདབ། ། བང་མཛོད་བཅའ་དང་རྒྱལ་མཚན་འཛུགས། ། རྟ་གླིང་འདུལ་བ་རྟ་རྒྱུག་པ། ། སྨན་སྦྱར་དབང་ཞིའི་ལས་རྣམས་ངན། ། ངེས་པར་ནོར་དང་རྙེད་པ་ཉམས། ། རེག་པ་ཙམ་གྱིས་འཇིག་པར་བྱེད། །ཉོན་མོངས་རྩོད་དང་འཇིགས་པ་ཆེ། ། སྦལ་པའི་དུས་སྦྱོར་སྤང་བར་བྱ། ། གཟས་བཟུང་མུ་གེའི་འཇིགས་པ་འབྱུང་། ། འདི་ལ་བཙས་པའི་མི་དེ་ནི། ། ལོ་ཟླ་ཞག་ལྔ་བདུན་བཅུ་དྲུག ། སུམ་ཅུར་མ་ཤི་བརྒྱུད་ཅུ་འཚོ། །རྟ་ཟླའི་དཀར་ཕྱོགས་བཅུ་བཞི་དང་། ། མཆུ་དང་རེས་གཟའ་པ་སངས་ལ། ། ཞི་རྒྱས་དུས་སུ་དམུ་ཆུས་འཆི། ། བློ་ལྡན་ཤེས་རབ་གྲགས་སྟོབས་ལྡན། །བཟོད་སེམས་འགྲོ་དགའ་ཆོས་ལ་དཀར།། ། ནད་ཀྱིས་བཏབ་ན་ཡུན་ནས་འཚོ། ། བཙོན་དུ་ཆུད་ན་མྱུར་དུ་ཐར། །</br>5. སེང་གེའི་ཁྱིམ་དང་ཏངྐལ་འབྲས། ། རབ་བྱུང་ལྷ་ཁང་མཆོད་རྟེན་བཞེངས། ། ལྷ་གསོལ་སྦྱིན་སྲེག་ཞི་དབང་ལས། ། བཟློག་རིགས་མོ་རྩིས་སྲི་མནན་བྱ། ། རྒྱན་སྤྲོས་བག་མ་རྒྱལ་སར་འཇུག ། མཁར་ལས་ཐབ་བཅའ་སྦྲ་ཕྱར་འཚེམ། ། གོས་གྱོན་བཟོ་དང་སྐྲ་སེན་འབྲེག ། གསོན་དགེ་བཀྲ་ཤིས་མདུན་གྲོས་བྱ། ། ། བསྙེན་བཀུར་དབང་བསྐུར་བརྩོན་འགྲུས་དྲག ། གཞན་ལ་བསྟུན་པ་་པ་ལྟད་་མོ་དང་། ། རྟ་གླང་འདུལ་བ་རྟ་རྒྱུག་པ། །་དམག་འདྲེན་་འཁོར་བསྟེན་བ་དན་འཛུགས། ། ཚོང་འདུམས་ཆུ་རགས་སྐྱོར་བ་བཟང་། ། གདོན་རྣམས་ཉམས་ཤིང་བདེ་བར་འགྲོ། །བྱ་བ་ཀུན་ལ་འཇིགས་པ་མེད། ། རྒྱལ་པོས་མཆོད་ཅིང་བུད་མེད་ཐོབ། ། སི་དྷའི་དུས་སྦྱོར་བསྒྲུབ་པར་བྱ། ། ལུག་གི་འབྲས་བུ་རྣམས་ཀྱང་འབྱུང་། གཟས་བཟུང་རི་བྲག་པ་ལ་ངོན༑ ༑ འདི་ལ་བཙས་པར་གྱུར་པ་ན། ། བཅུ་གསུམ་ལོ་ཟླའི་ཞག་གྲངས་ལ། ། མ་ཤི་བདུན་ཅུ་རྩ་དགུ་འཚོ། ། མེ་བཞི་ས་སྐྱེས་བཅུ་དགུའི་ཚེས། ། ནག་ཕྱོགས་ཉི་ཕྱེད་གཏིབས་འོག་འཆི། ། སྟོབས་ལྡན་གཟུགས་བཟང་ང་རྒྱལ་ཆེ། ། ལྷ་མཆོད་བླ་མ་ལ་དགའ་ཞིང་། ། ནད་མང་ཚོང་ལ་དགའ་བ་ཡིན། ། བཙོན་ཆུད་ནོར་གྱིས་བསླུ་དགོས་ཡོང་། །ནད་ཀྱིས་བཏབ་ན་མྱུར་དུ་གྲོལ། །</br>6. བུ་མོའི་ཁྱིམ་དང་ཏཏྤལ་ལ། ། ལྷ་ཁང་སྐུ་གསུང་ཐུགས་རྟེན་བཞེང་། ། བག་མ་རྒྱུན་སྤྲོས་དྲ་གྱོན་བཟོ། ། སྐྲ་འཁྲུ་སྨན་སྦྱོར་གཏར་སྲེག་མཁར། །བསྡུམས་ལམ་མོ་རྩིས་སྒྲ་སེན་འབྲེག ། བཀྲ་ཤིས་གསོན་དགེ་མདུན་གྲོས་བྱེད། ། ཆུ་རགས་སྐྱོར་ཚོང་ཞི་རྒྱས་ལས། ། བརྟན་གཡོ་རྒྱལ་པོའི་ལས་རྣམས་བཟང་་། རབ་བྱུང་དམག་འདྲེན་དྲག་ལས་སྤང་། ། བུ་མོ་རྙེད་ཅིང་དགེ་བའི་གཟུགས། ། བསམ་པ་ཇི་བཞིན་འགྲུབ་པར་འགྱུར། ། སྐལ་བཟང་ནོར་རྣམས་ཕུན་སུམ་ཚོགས། །ཏཱ་ཊ་གླུ་ཡི་དུས་སྦྱོར་བསྒྲུབ། ། གཟས་བཟུང་སེམས་ཅན་ཀུན་ལ་འཚེ། ། སྐྱེས་ཞག་ཉེར་དགུ་ཟླ་ཕྱེད་བཅུ། ། ལོ་ནི་ཉེར་དགུ་མ་ཤི་ན། ། དྲུག་ཅུ་འཚོ་ཞིང་ས་ག་ཡི། ། ཚེས་ལྔ་ནག་པ་སྤེན་པའི་རེས། ། འགོ་བའི་ནད་ཀྱིས་མཚན་མོ་འཆི། ། མཁས་ནོར་དབང་ཆེ་སྐྱེ་བོ་མཐུན། ། བུ་མང་མེ་ཏོག་དྲི་ལ་དགའ། ། བཙོན་དུ་ཚུད་ན་ནོར་གྱིས་བསླུ། །</br>7. སྲང་ཁྱིམ་ཏཏྟཱལ་ཤར་བ་ན། ། སོ་ནམ་ཚོང་དང་ས་ཁ་དབྱེ། ། གྲུབ་བྱ་བརྟན་ལས་སྲང་ལ་གཞལ། ། མོ་རྩིས་ཆུ་རགས་དབང་ལས་བཟང་། ༑ རབ་གནས་རྟེན་བཞེང་བག་མ་བཟོ། ། བཀྲ་ཤིས་མདུན་གྲོས་གསོན་དགེ་བྱེད། ། སྐྲ་འཁྲུ་ཁྲུས་བྱེད་སྐྲ་སེན་འབྲེག ། མཁར་ལས་སྐྱེ་ཤིང་མེ་ཏོག་འཛུགས། ། ཆར་དབབ་རྒྱལ་མཚན་མིང་འདོགས་པ། ། བྲན་གཡོག་བསྟེན་པ་ལ་སོགས་པའི། ། ། ཞི་རྒྱས་ལས་རྣམས་ཕལ་ཆེར་ངན། །བསམ་པ་ལ་ནི་བར་ཆད་འབྱུང་། ། མཛའ་བའི་གནས་སུ་སྡུག་བསྔལ་བྱེད། ། དཀའ་བའི་རྙེད་པ་གཞན་རྙེད་དེ། ། ཀཱ་ཀཱ་ཙཉྩའི་དུས་སྦྱོར་སྤང་། ། གཟས་བཟུང་འབྲོག་བོད་རྣམས་ལ་ངན། ། འདི་ལ་སྐྱེས་པར་གྱུར་པ་ནི། ། ཞག་ནི་ལྔ་དགུ་ཟླ་ལྔ་དགུ། །ལོ་ནི་ཉི་ཤུར་མ་ཤི་ན། ། ། བརྒྱད་ཅུ་ད་པྱིད་ཟླ་དབྱར་ར་དང་། ། ནག་པའི་ཚེས་བརྒྱུད་མོན་གྲུ་དང་། ། མིག་དམར་འདུས་ནང་མཚན་མོ་འཆི། ། སྟོབས་ལྡན་ང་རྒྱལ་ཚིག་རྩུབ་སྨྲ། ། ཁོང་ཁྲོ་གཙང་སྦྲ་སོ་ནད་འབྱུང་། ། འདི་ལ་ནད་བཏབ་འཆི་བའི་ཉེན། ། བཙོན་ཚུད་མྱུར་དུ་འཆི་བ་ཡིན། །</br>8. སྡིག་པའི་ཁྱིམ་དང་ཏཏྟཱལ་ལ། །རབ་གནས་དབང་བསྐུར་འབད་རྩོལ་དང་། ། བཟློག་རིམ་སྲི་མནན་དགུག་པའི་ལས། ། རྒྱལ་པོ་བསྙེན་བཀུར་བརྟན་ལས་ཚོང་། ། དྲག་ལས་མཚོན་ཆ་ཁྲག་ལས་བཟང་། ། ལྷ་ཁང་རྟེན་བཞེང་རྒྱལ་སར་འཇུག ༑ ཆར་དབབ་གོས་དྲ་མཁར་ལས་བག ། མདུན་གྲོས་བཀྲ་ཤིས་གསོན་དགེའི་ལས། ། སྨན་སྦྱར་གཏར་སྲེག་སྐྲ་སེན་འབྲེག ། སྦྲ་ཕྱིར་འཚེམ་དང་བང་མཛོད་བཅའ། ། དམག་འདྲེན་སོ་ནམ་ས་བོན་གདབ། ། རྒྱལ་མཚན་བ་དན་འཕྱར་འཛུགས་དང་། ། ལྷ་གསོལ་མིང་འདོགས་བསྡུམ་བྱེད་པ། ། ཞི་རྒྱས་དབང་གི་ལས་རྣམས་ངན། ། ལམ་དུ་བགྲོད་པའི་བསམ་པ་ལ། ། འཇིགས་པ་དྲག་པོ་ཆེན་པོ་འབྱུང་། ། ནོར་རྣམས་ཉམས་ཤིང་ཡིད་སྐྱོ་བས། ། ཊུ་ནའི་དུས་སྦྱོར་སྤང་བར་བྱ། ། གཟས་བཟུང་གྲགས་པ་ཅན་ལ་ངན། ། སྐྱེས་པ་ཞག་བཅུ་ཟླ་བ་བཅུ། ། ལོ་བཅུར་མ་ཤི་ལྔ་བཅུ་འཚོ། ། དབྱར་འབྲིང་བཅུ་གཅིག་བཅུ་གཉིས་དང་། ། སྒྲོན་དང་གྲོ་བཞིན་མིག་དམར་རེས། །སྐྲངས་འབུར་ནད་ཀྱིས་སྔ་དྲོ་འཆི། ། མཐོན་པོས་བཀུར་སྟི་སྡིག་ལ་དགའ། ། ཁོང་གྱོང་འཁྲུག་པའི་ལས་ལ་བརྩོན། ། དབུལ་ཞིང་བུ་མོ་མང་བ་སྐྱེ། ། ནད་བཏབ་རིམ་གྱིས་འཚོ་བར་འགྱུར། ། བཙོན་ཚུད་ཐར་པ་མེད་པ་ཡིན། ། །</br>9. གཞུ་ཡི་ཁྱིམ་དང་ཏཏྟཱལ་ལ། ་། ལྷ་ཁང་རྟེན་བཞེང་སྲི་མནན་ལམ། བག་མ་རྒྱུན་སྤྲོས་རྒྱལ་སར་འཇུག ། གོས་གྱོན་སྨན་སྦྱོར་འཁོར་གཡོག་བསྟེན། ། མོ་རྩིས་བཟློག་རིམ་སྦྲ་ཕྱར་འཚེམ། །མཁར་ལས་རྫིང་ཁྲོན་ས་ཁ་དབྱེ། ། གསོ་བའི་ལས་དང་ཡོངས་སུ་བཟུང་། ནད་གསོ་རྟ་ཕྱུགས་འདུལ་སྦྱོང་དང་། ། གསོན་དགེ་མདུན་གྲོས་དགེ་ལེགས་བྱེད། ། ལྟད་མོ་རྒྱལ་མཚན་དམག་འདྲེན་མིང་། །རྐུ་ཇག་སྐྲད་ལས་ལ་སོགས་པ། ། ཞི་རྒྱས་དྲག་པོའི་ལས་རྣམས་བཟང་། ། ངེས་པར་འགྲོ་དང་འོང་བ་དང་། ། དཔའ་ཞིང་བསམ་གྲུབ་དགྲ་ཉམས་བྱེད། ། རྩོད་པ་ལས་ནི་རྒྱལ་བར་འགྱུར། ། དྷ་ནུའི་དུས་སྦྱོར་བསྒྲུབ་པར་བྱ། ། ཆུ་རགས་སྐྱོར་བ་ལྷ་གསོལ་བ། ། རབ་བྱུང་རོགས་རྩིག་ངན་པ་ཡིན། ། གཟས་བཟུང་འབྲུ་དང་བོན་པོ་ཉམས། ། སྐྱེས་པ་ལོ་ཟླ་ཞག་གི་གྲངས། ། བཅོ་བརྒྱད་མ་ཤི་བདུན་ཅུ་འཚོ། ། དབྱར་འབྲིང་ངམ་ནི་དགུན་ར་ཡི། ། ཚེས་ལྔ་ཁྲུམས་དང་པ་སངས་རེས། ། རིམས་དང་མཚོན་གྱིས་དགོང་མོ་འཆི། ། ཁྲིམས་ལྡན་བདེན་སྨྲ་ལོངས་སྤྱོད་ཆེ། ། བཙོན་དུ་ཚུད་ན་ཐར་བ་དཀའ། ། ནད་ཀྱིས་བཏབ་ན་འཚོ་བ་སླ། །</br>10. ཆུ་སྲིན་ཁྱིམ་དང་ཏཏྟཱལ་འབྲས། ། རབ་བྱུང་ཞིང་ལས་ས་བོན་གདབ། ། རྫིང་ཡུར་ཁྲོན་འདྲུ་བྲན་གཡོག་བསྟེན། ། ཆུ་ལས་རྒྱུ་འགྲུལ་བཅིངས་པ་འགྲོལ། ། བྲན་མོར་གཞག་དང་རྐང་བཞིའི་ལས། ། ལམ་ཞུགས་དོན་གཉེར་བརྟེན་པ་བཙལ། ། སྐུ་འཁྲུ་སྲི་མནན་སྐུ་ཇག་དང་། །མེ་ཏོག་ཤིང་འཛུགས་བསད་ལས་བཟང་། ། རབ་གནས་ལྷ་ཁང་རྟེན་བཞེང་བཟོ། ། དགེ་ལེགས་གསོན་དགེ་མདུན་གྲོས་བྱེད། ། སྦྱིན་སྲེག་བག་མ་རྒྱལ་སར་འཛུག ། སྨན་སྦྱོར་གཏར་སྲེག་སྐྲ་སེན་འབྲེག ། ལྷ་གསོལ་མཁར་ལས་སྦྲུ་ཕྱིར་འཚེམ། ། ཞི་རྒྱས་དབང་གི་ལས་ཕལ་ཆེར། ། འདུམས་དང་བ་དན་འཛུགས་པ་ངན། ། འཐབ་དང་རྩོད་པ་འབྱུང་བ་སོགས། ། སྙིང་པོ་ཉོན་མོངས་ཆེན་པོ་འབྱུང་། ། གཟའ་ཡི་གནོད་པ་ལ་སོགས་ཏེ། ། མོ་ནའི་དུས་སྦྱོར་སྤང་བར་བྱ། ། གཟས་བཟུང་ཆུ་ནང་སེམས་ཅན་འཚེ། ། འདི་ལ་སྐྱེས་པ་བཅོ་བརྒྱད་ཀྱི། ། ལོ་ཟླ་ཞག་ལ་མ་ཤི་ན། ། བརྒྱད་ཅུ་རྩ་བདུན་བར་དུ་འཚོ། ། གྲོ་བཞིན་ཟླ་བའི་བཅོ་ལྔ་ལ། ། སྐར་མ་མོན་གྲུ་སྤེན་པའི་རེས། །ཉི་ཕྱེད་གོང་དུ་སྐྲུན་གྱིས་འཆི། ། དཔའ་ཞིང་ཆོས་ལྡན་ལྟ་ན་སྡུག ། དྲི་སྤོས་གླུ་གར་རྩེ་ལ་དགའ། ། ཉམས་ཚོ་གཟི་བརྗིད་ཆགས་པོ་ཆེ། །རྒྱལ་བས་མཆོད་ཅིང་བུ་མིང་སྐྱེ། ། ནད་ཀྱིས་བཏིབ་ནི་ཡུན་ནས་འཚོ། ། བརྩོན་ཚུད་ཉེས་པ་པོའི་ཡོད་ཉེན་ཆེ། །</br>11. བུམ་པའི་ཁྱིམ་དང་ཏཏྟཱལ་ཤར། ། རབ་བྱུང་མཆོད་རྟེན་རྟེན་བཞེང་ཁྲུས། ༑ སྐུ་འཁྲུ་མཁར་ལས་ཁྱིམ་གསར་འཛིན། ། རྫིང་ཡུར་ཁྲོན་འདུ་ས་ཁ་དབྱེ། ། ཡི་གེ་རྩིས་དང་རིག་པ་བསླབ། ། བཀྲ་ཤིས་གསོན་དགེ་མདུན་གྲོས་བྱེད། ། ཞི་རྒྱས་བརྟན་པ་་པའི་ལས་ཕལ་ཆེར། ། ཐབ་བཅའ་བ་དང་བང་མཛོད་བརྩིག །གྲུ་བཟོ་ཆུ་སྦྱིན་གདབ་པ་དང་། ། མེ་ཏོག་ཤིང་འཛུགས་སྦྲ་ཕྱར་འཚེམ། །རྐུ་ཇག་མིང་འདོགས་ལ་སོགས་བཟང་། དཔལ་དང་རྒྱལ་སྲིད་ཐོབ་པ་དང་། ། ཕྱིས་ནས་ནོར་རྣམས་འོང་བར་འགྱུར། ། དགོས་འདོད་ཐམས་ཅད་ཕུན་སུམ་ཚོགས། ། ལྷ་ཊའི་དུས་སྦྱོར་བསྒྲུབ་པར་བྱ། །གཏར་ཁ་མེ་བཙའ་དྲག་ལས། ། དམག་འདྲེན་རྟ་རྒྱུག་ཚུ་རགས་སྤང་། ། ། གཟས་བཟུང་གྲོང་དང་རྐུན་མར་ངན། ། འདི་ལ་སྐྱེས་པར་བྱུང་བ་སྟེ། ། བཅོ་བརྒྱད་ལོ་ཟླར་མ་ཤི་ན། ། དབྱར་འབྲིང་བཅུ་གཉིས་ཆུ་སྟོད་དང་། ། རེས་གཟའ་ཉི་མ་ཉི་ཤར་དུས། ། རང་འཁྲུགས་ནད་ཀྱིས་འཆི་བ་ཡིན། ། བློ་ལྡན་མཁས་ཤིང་སྙན་པ་ཆེ། ། འཁོར་མང་ལོངས་སྤྱོད་མི་རབ་མགུ། །ང་རྒྱལ་ཆེ་ཞིང་གཞན་ཕན་བྱེད། ། ནད་ཀྱིས་བཏབ་ན་མྱུར་དུ་གྲོལ། ། འདི་ལ་འདི་ལ་བཙོན་ཚུད་མྱུར་དུ་ཐར། །</br>12. ཉ་ཡི་ཁྱིམ་དང་ཏཏྟཱ ལ་ལ། ། ཆོས་དང་རབ་བྱུང་སློབ་གཉེར་བྱེད། ། རྒྱན་སྤྲོས་བག་མ་རྒྱལ་སར་འཇུག ། གོས་དྲ་བཟོ་དང་སྐྲ་སེན་འབྲེག ། མཁར་ལས་ཐབ་བཅའ་བང་མཛོད་འབྱེད། ། སྨན་སྦྱར་གཏར་སྲེག་མོ་རྩིས་བྱ། ། སྐྲ་འཁྲུ་ཁྲུས་བྱེད་ས་ཁ་དབྱེ། ། སོ་ནམ་ཕྱུགས་ལས་ས་བོན་གདབ། །རྒྱུ་འགྲུལ་བཟའ་བར་རིག་པ་རྩོམ། ། ལམ་ཞུགས་དོན་གཉེར་སྦྲ་ཕྱར་འཚེམ། ། བསྡུམས་དང་སྐྱེ་ཤིང་མེ་ཏོག་འཛུགས། ། ལྟད་མོ་མིང་འདོགས་ལ་སོགས་པའི། ། ཞི་བ་སྐྲད་པའི་ལས་རྣམས་བཟང་། ། དགོས་པའི་གནས་ལ་སྙན་པ་ཐོབ། ། ལས་རྣམས་ཀུན་ལས་རྣམ་པར་རྒྱལ། ། ཤིན་ཏུ་དགའ་བའི་དོན་རྣམས་རྙེད། །ཛྭ་ཏིའི་དུས་སྦྱོར་བསྒྲུབ་པར་བྱ། ། མཆོད་རྟེན་ལྷ་ཁང་རྟེན་བཞེང་དང་། ། རྒྱལ་པོ་དྲག་པོའི་ལས་སྤྱི་དང་། ་། དམག་འདྲེན་ཆུ་རགས་སྦྱིན་སྲེག་སྤང་། ། གཟས་བཟུང་བོང་ར་རི་དྭགས་ཉམས། ། སྐྱེས་ཞག་བཅོ་བརྒྱད་ལོ་བཅུ་གཉིས། ། དེ་ལ་མ་ཤི་གོ་ལྔ་འཚོ། ། ཁྲུམས་དབྱུག་ཟླ་བའི་དཀར་ཕྱོགས་ཀྱི། ། བཅུ་གཉིས་བྲེ་དང་ཕུར་བུའི་རེས། ། རླུང་ནད་ཉི་མ་ཕྱེད་ཡོལ་འཆི། ། ནོར་ལྡན་སེར་སྣ་ཆེ་བ་དང་། ། ཉ་ཤ་འཁྲིག་པ་དག་ལ་དགའ།། ། ། ནད་བཏབ་མྱུར་དུ་གྲོལ་བརའགྱུར། ། བཙོན་དུ་ཆུད་ན་ནོར་གྱིས་བསླུ། །་བརའགྱུར། ། བཙོན་དུ་ཆུད་ན་ནོར་གྱིས་བསླུ། །)
• Dictionaries/chos rnam kun btus/10072  + (1. སྟག་ལ་ལྷ་གསོལ་ཇག་ཆོམས་སྐྱས། ། གཉེན་བྱེད … 1. སྟག་ལ་ལྷ་གསོལ་ཇག་ཆོམས་སྐྱས། ། གཉེན་བྱེད་སྨན་སྦྱོར་དབང་བསྐུར་ཁྲུས། ། གླུད་དང་བོན་ཆོག་མདོས་གཏོར་སྤང་། ། གཡང་ལོན་མཁར་ལས་བ་གུམ་གདགས། དམག་དྲང་བསད་ལས་དྲག་ཤུལ་ལས། ། དྲག་པོའི་མཚོན་བཟོ་མནན་པ་དང་། ། དོན་གཉེར་ཤར་དང་ནུབ་གཉིས་དགེ། ། བྱང་འབྲིང་རྒྱལ་ས་རྟེན་བཞེང་བ། ། ཧོམ་སྤོར་སྦྱིན་སྲེག་རབ་གནས་བཟང་། །ལྟད་མོ་སྒོ་གནས་ཐོན་བུར་ངན། ། སྒོ་བཏོན་ཡུལ་ལྷ་གནས་པའི་སར། ། མདའ་ལ་ལྷམ་སྐུད་བཏགས་ལ་འཛུགས། །</br>2. ཡོས་ལ་དམག་མཚོན་མཁར་ལས་གཉེན། ། ས་རྐོ་རྡོ་རློག་རྫིང་ཡུར་འཆོས། ། སྟོན་མོ་གཡང་སློན་རིམ་གྲོ་ཤིང་། ། ས་ཁ་འབྱེད་དང་ གླང་འདུལ་བ། ། འགྲམ་འདིང་ས་བོན་ཆུ་མིག་འདྲུ། ། རྨོས་བྱ་རྟ་འདུལ་དྲག་ཤུལ་ལྷས། །ཆུ་འགསོ་སྐྱས་དང་ཡོ་ལང་སྤང་། ། དོན་གཉེར་ལྷོར་ངན་གཞན་རུང་ཙམ། ། གཤིན་ལས་སྤྱི་དང་གླང་ལུག་ལས། ། ཞུ་གསོལ་རྒྱལ་ས་བཟུང་བ་བཟང་། ། མནན་པ་བྱེད་པ་ངན་པ་དང་། །གཡག་ཤིང་ལ་གནས་བུ་མོར་ངན། ། གཙོད་རུ་གཅིག་ལ་སྤྲང་པོའི་ཞྭ། ། བཏགས་ལ་སྦྱིན་བདག་ན་བཟའ་ཡང་། ། བོང་བུ་ལ་བཀལ་ཐུབ་པའོ། །</br>3. འབྲུག་ལ་གྲུ་རྫིངས་ཟམ་འཕྲད་འཆོས། ། གཏར་ག་མེ་བཙའ་རང་འཐག་འཛུགས། ། བརྐོ་རློག་བྱས་ན་ཀླུ་གཉན་གནོད། ། ཆར་དབབ་རོ་འདོན་མྱ་ངན་སྐད། ། ཕྱོགས་ནི་གང་དུ་ངན་པ་ལ། ། རྒྱལ་ས་དགེ་ལས་ཐོག་སེར་ནམ་འབེབས། ། རྟེན་བཞེང་དྲག་རིམ་སྲི་མནན་པ། ། ལྷ་གསོལ་དྲག་ལས་དགྲ་འདྲེ་འདུལ། ། རབ་བྱུང་སྒྲུབ་མཆོད་རབ་གནས་དབང་། ། ཡུལ་འཕྲོག་རྔ་ལྤགས་འབུབས་པ་བཟང་། ། རང་འཐག་ལ་གནས་ཞང་ཉེར་ངན། ། ལྟེ་ཕྱེ་གནམ་ལ་གཏོར་བས་ཐུབ། ། བག་ཟན་མི་ལུས་འབྲུག་མགོ་བཅོས། ། ནས་བྲེ་གང་དང་ཟོར་བ་དང་། ། མདའ་དར་སེར་པོ་དང་བཅས་པ། ། དེ་དག་འབྲུག་གི་ཐོག་ཏུ་འཛུགས། །</br>4. སྦྲུལ་ལ་ཤིང་ནགས་གཅོད་འདྲེན་གཤིན། ། སྨན་དཔྱད་ཧོམ་སྦྱར་དྲག་ལས་སྐྱེས། ། ནོར་འཇལ་རྒྱལ་པོ་བརྗེ་བོན། ། འཁོན་བྱེད་གཏར་བསྲེག་ཚེའུ་ལུམ། ། ཆུ་བསུབ་འཐབ་བཅའ་ས་ཁ་འབྱེད། – །་རྒྱལ་ས་བག་གཏོང་ལེན་དང་། ། མནན་པ་ཉོ་ཚོང་རིམ་གྲོ་འཛེམ། ། མྱ་ངན་བྱས་ན་རོ་ཟླ་ཡོང་། །ནད་པ་ཕྱོགས་འདོན་བསྐྱེལ་བསུ་བྱེད། །བུ་ལོན་ཕྱི་ལ་གཏོང་བ་དང་། །ཕྱུགས་གཏོང་ཀླུ་ཆོག་བྱ་བ་བཟང་། ། དོན་གཉེར་ལྷོར་བཟང་གཞན་རྣམས་ངན། ། ཐག་པ་ལ་གནས་རོ་ཁུར་ངན། ། གྲིས་གཏུབས་བག་མ་བྱ་དགོས་ན། ། བག་མའི་ཞྭ་ནང་ཁྱི་ལུད་བཅུག ། རྩིས་མཁན་གདན་འོག་མནན་པས་ཐུབ། །</br>5. རྟ་ལ་མཁར་ཁྱིམ་འབུབས་པ་དང་། ། དྲག་པོའི་མཚོན་བཟོ་གཤིན་གྱི་ལས། ། འཐབ་རྩོད་ཞལ་ཆེ་དོན་་གཉེར་སྨྱུང་། ། ཟེ་བ་འབྲེག་དང་རྟ་འདུལ་རྒྱུག ། ཆར་དབབ་རང་རྟའི་ཉོ་ཚོང་དང་། ་། བག་མ་གཏོང་ལེན་ངན་པ་ཡིན། ། རྩེ་ལྷ་གསོལ་དང་གསང་གྲོས་བྱེད། ། སྟོབས་འགྲན་གྲོས་གཞི་ལྟད་མོ་རྒྱུན། །གྲོགས་བཙལ་རྒྱལ་ས་མནའ་སྐར་བཟང་། ། སྒར་གནས་བང་ཆེན་ལ་ངན་པས། ། སྒ་མེད་ཞོན་ཅིང་ཡུལ་དཔོན་གྱི། །རྐང་རྗེས་ས་བླང་མལ་འོག་མནན། །</br>6. ལུག་ལ་སྡོམ་ལེན་གཏེར་སྲེག་དྲག ། འདུལ་ཁྲིམས་བསྣོན་པ་དམག་འདྲེན་སྐྱས།་། སྨན་སྦྱོར་དབྱུག་དཔྱད་དོན་གཉེར་བ། ། ཆར་དབབ་ལ་སོགས་སྤང་བ་ཡིན། ། ལྷ་གསོལ་མཁར་ལས་ལུག་རྫི་འཛུགས། ། ཟས་སྦྱོར་ལུག་རྫི་བཙལ་བོག་མ། ། ཕྱུགས་གཏོང་ཕྲུ་རློག་ལས་སྦྱོར་བརྟེན། ། བང་མཛོད་བཅའ་བ་བཟང་བ་ཡིན། ། གཞོན་པ་ཐོ་ཆས་་པ་ལ་གནས་ཟིན་རྫིར་ངན། ། སླ་ངར་རྫི་ཞིང་སྨན་གྱི་ཕུད། ། ལྷ་རྗེ་ལ་ངན་སྨན་ནད་པའི། ། འཕོངས་འོག་བཏོན་པས་ཉེས་པ་ཞི། །</br>7. སྤྲེལ་ལ་གོས་གསར་དྲ་གྱོན་མཚོན། ། སྦྲུ་བཙེམ་སྐྱེས་ས་གཞུག ། བཟོ་རིགས་མདུན་གྲོས་ཇག་སོགས་སྤང་། ། རྒྱན་སྤྲོས་བག་མ་སྐྱེ་ཤིང་འཛུགས། ། ཆོ་ལོ་མི་མངས་རྒྱུན་ཚོམས་རྒྱུག ། ལྟད་མོ་དོན་གཉེར་ཤར་བྱང་བགྲོད། ། ཆར་དབབ་མནན་པ་གཤིན་གྱི་ལས། ། ལྡུམ་ར་སྐྱེད་དང་རོལ་རྩེད་བཟང་། ། རྒྱལ་ས་ཆེ་འདོན་བྱ་བ་འཛེམ། ། གྲིར་གནས་མཁར་དང་ཤན་པར་ངན། ། མེ་ཡིས་བསྲེག་ཚུལ་ལན་གསུམ་བྱ། ། སྣམ་ནང་ཁྱི་ལུད་སྐམ་པོ་བཏགས། ། ནུབ་སྨད་ཕྱོགས་སུ་བསྐྱུར་བས་ཐུབ། །</br>8. བྱ་ལ་གསང་བགྲོས་སྟོན་མོ་དང་། །དྲག་པོའི་མཚོན་བཟོ་མནན་པ་བརྒྱག །དགེ་རྩ་སྦྱིན་གཏོང་ལྟད་མོ་ངན། ། ཚོང་བྱེད་ནད་པ་སྲི་འུ་ཡི། ། སྨན་དཔྱད་བྱས་ན་བདུད་རྩིར་འགྱུར། ། ཧོམ་དང་སྦྱིན་སྲེག་བྱ་བ་དང་། ། ཤིང་འཛུགས་ཆར་དབབ་དོན་གཉེར་བཟང་། ། སྡེར་མ་ལ་གནས་གློ་བུར་ཡོས། ། པད་སྡེར་བྱ་ཞིང་སྤང་ཐན་གཏད། ། སྒོམ་ཆེན་ཞྭ་ནང་དེ་ཕོ་བཅུག ། བཅུ་གཉིས་ལོ་ཡི་འཁོར་ལོ་གདགས། ། གྲལ་དཔོན་ཡས་ཟུར་བཞག་པས་ཐུབ། །</br>9. ཁྱི་ལ་བག་མ་དོན་གཉེར་བསྐྱས། ། གསར་གྲོས་བྱི་གཤོར་སྐྱེད་བུ་འཛུགས། ། སྐྲ་འཁྲུ་རྐུ་འཕྲོག་ཐབ་མཁར་ལས། ། ཆར་དབང་དྲག་པོའི་ལས་རྣམས་ངན། ། མགོ་བཀྲུས་བྱས་ན་་ཁ་སྨྲས་དང་། ། སེམས་ལ་སྡུག་བསྔལ་འབྱུང་བ་སྤང་། ། བཟོ་རིག་བུ་འབོགས་ཡོ་ལ་བརྟེན། ། བུ་མོ་བཛངས་དང་རི་དྭགས་རྔོན། ། རི་ལྟང་བསེ་རགས་ཁ་བཅིངས་སྨན། ། ཞལ་ཆེ་ཞུ་བ་གསོལ་གདབ་པ། ། བང་མཛོད་བཅའ་བ་བཟང་བ་ཡིན། ། མ་ཐེམ་ལ་གནས་མ་རེག་འགྲོ། ། ཁྱི་གཅིག་ལ་ནི་སླང་ཟན་བྱིན། ། གཅིག་ལ་མི་ཁའི་རྫས་བཀལ་ལ། ། གར་འགྲོའི་ཕྱོགས་སུ་ཁ་བསྟན་ཐུབ། །</br>10. ཕག་ལ་དུར་གདབ་རྡོ་སློག་དང་།་། བོན་ཆོག་མཁར་ལས་ས་ཁ་དབྱེ། ། མནན་པ་རིག་ཆོས་བསླབ་གླག་པ། ། རི་མོ་ཤིང་དང་ཁྲོན་འབྲུ་འཛེམ། ་། དགའ་སྟོན་བལ་སྐུད་བྱེད་དང་ཆོས་སྟོན་འདྲེན།། དབང་ལས་དབང་བསྐུར་བྱ་བ་དང་། ། ཁྲིམས་ནོད་བཙུན་པ་སྲི་མནན་པ། ། ཆར་པ་དཔོབ་པ་བཟང་བའོ། ། འཇོར་ལ་གནས་པས་ས་མི་བརྐོ། ། སྔ་མ་ཤ་རུས་བརྐོས་ན་ཐུབ། ། སྤེན་མི་ཉག་མ་གཅིག་དང་ནི། ། འཇིག་མ་གསུམ་པོ་བུད་མེད་ཀྱི། ། དོར་རྟ་ཚལ་པས་སྒྲིལ་བྱས་པ། །རྒྱུ་གྲུམ་ལམ་དུ་མནན་བྱས་ལ། ། དེ་ཁར་ཐོ་བརྩིགས་ཕ་ཚན་གྱི། །ཞྭ་མོ་གཡོགས་པས་ཐུབ་པའོ། །</br>11. བྱི་ཉིར་མོ་འདེབས་རྟ་རྒྱུག་པ། ། དྲག་པོའི་མཚོན་བཟོ་མནན་པ་རྒྱུག ། མི་བཙའ་རྒན་མིན་ཐག་རིང་དོན། ། དམར་ལས་བུ་སྲིང་རྫོངས་པ་ངན། ༈ སྒོ་འཛུགས་རྐུ་ཇག་བྱིས་པ་གསོ། ། དོན་གཉེར་བྱི་གཤོར་ནལ་ཕྲུག་བླང་། ། མཛོད་བཅའ་བུད་མེད་འཕྲོག་པ་དང་། ། ཚོང་བྱ་ཆར་དབབ་བཟང་བ་ཡིན། ། ཆང་རྫ་ལ་གནས་བྱིས་པར་ངན། ། ཡོལ་བ་བཏང་བས་ཉེས་པ་ཞི། ། ཁྱི་སྐེར་བཏགས་པས་ཐུབ། །</br>12. གླང་ལ་ཁ་སྨྲས་ཚོང་རིག་སློབ། ། རབ་བྱུང་འཆད་ཉན་མནན་པ་དང་། ། བག་མ་ནས་བང་ཁ་འབྱེད་པ། ། ཆར་པ་དབབ་པ་ངན་པ་ཡིན། །ཡུགས་ས་ཚུར་ལེན་བཟོ་དམག་འདྲེན། ། མཚོ་བཟོ་ཞལ་ཆེ་མགར་ཐབ་བཅའ། ། སེམས་ལས་ལུས་ཀྱི་སྡུག་བསྔལ་བཅོས། ། ཕྱུགས་ཉེ་མཁར་ལས་རྨང་འདིང་བཟང་། ། བང་བ་ལ་གནས་བྱན་ནོང་ངན། ། གཤམ་ལ་བུག་པ་བྱས་པས་ཐུབ། ། ས་སེར་བྲེ་གང་གསེབ་ཏུ་ནི། ། རང་ཉོའི་དངོས་པོ་སྤུ་མིང་གཞུག ། སྟག་སྤྲེལ་གཉིས་ལ་མདུན་ཁྲོམ་སྤང་། །བྱ་ཡོས་གཉིས་ལ་གཏད་སྟོན་སྤང་། །ཁྱི་འབྲུག་གཉིས་ལ་དམག་ཇག་སྤང་། ། ཕག་སྦྲུལ་ཤིད་དང་ས་བརྐོ་སྤང་། ། བྱི་རྟ་རྟ་རྒྱུག་དམར་བཤེས་སྤང་། ། གླང་ལུག་ཁྲི་བརྩིག་དར་འཕྱར་སྤང་། །ཉི་མའི་བཅོས་སྒྲིབ་རིམ་པ་རྣམས། ། ལས་དམིགས་གཙོ་བོར་ཤེས་པ་དགོས། །མ་པ་རྣམས། ། ལས་དམིགས་གཙོ་བོར་ཤེས་པ་དགོས། །)
• Dictionaries/chos rnam kun btus/1994  + (1.ཁྱིམ་ཞག རི་རྒྱལ་ལྷུན་པོ་དབུས་སུ་བཞག་པའི་ … 1.ཁྱིམ་ཞག རི་རྒྱལ་ལྷུན་པོ་དབུས་སུ་བཞག་པའི་ཁོར་ཡུག་གི་ནམ་མཁའ་སྟོང་པ་ལ་གོ་ལ་ཤར་ཕྱོགས་དུམ་བུ་གསུམ། ལྷོ་ཕྱོགས་དུམ་བུ་གསུམ། ནུབ་ཕྱོགས་དུམ་བུ་གསུམ། བྱང་ཕྱོགས་དུམ་བུ་གསུམ་བྱས་ནས། གཡས་བསྐོར་གྱི་བྱང་གི་དུམ་བུ་གསུམ་ལ་རིམ་བཞིན་གཞུ་ཆུ་སྲིན་བུམ་པ། ཤར་གྱི་དུམ་བུ་གསུམ་ལ་ཉ་ལུག་གླང་། ལྷོ་ཡི་དུམ་བུ་གསུམ་ལ་འཁྲིག་པ་ཀརྐ་ཊ་སེང་གེ ནུབ་ཀྱི་དུམ་བུ་གསུམ་ལ་བུ་མོ་སྲང་སྡིག ཅེས་ཁྱིམ་བཅུ་གཉིས་བཞག་གོ བྱང་གི་དུམ་བུ་དང་པོ་གཞུ་ཁྱིམ་ཐད་དུ་ཉི་མ་ཟླ་བ་གཅིག་ཐོགས་པས། ཉི་མ་གཞུ་ཁྱིམ་དུ་གནས་ཟེར་རོ། ། དེ་བཞིན་དུ་ཆུ་སྲིན་བུམ་པ་སོགས་ཁྱིམ་བཅུ་གཉིས་རྫོགས་པར་ལོ་གཅིག་གོ ། དེས་ན་ཁྱིམ་ཞག་ནི་ཁྱིམ་ཟླ་གཅིག་ལ་སུམ་ཅུར་བགོས་པའི་ཆ་གཅིག་ཁྱིམ་ཞག་ཡིན། དེ་ལྟར་ཡོང་བའི་རྒྱུ་མཚན་ནི་རི་རབ་ཀྱི་ཁོར་ཡུག་ཏུ་རླུང་གི་གོ་ལ་ཨ་ལོང་བཞིན་བསྐོར་ཡོད་པས་རླུང་ཉིན་ཞག་རེར་འཁོར་བས་ཉི་ཟླ་སྐར་གསུམ་དེ་ཡི་ཤུགས་ཀྱིས་ཁྱེར་བས་ཞག་རེར་འཁོར་ཀྱང་ཉི་མ་རང་གི་ཤིང་རྟའི་འགྲོས་ཀྱིས་ཁྱིམ་བཅུ་གཉིས་བགྲོད་པས་ལོ་གཅིག་ལ་བསྐོར་བ་གཅིག་ལས་མི་འཁོར་བས་དེ་ཡི་ཆ་ནས་ཁྱིམ་ཞག་བརྗོད་དོ། །</br>2.ཚེས་ཞག་ནི། ཟླ་བ་ནི་ཁྱིམ་བཅུ་གཉིས་བགྲོད་དེ་ཟླ་བ་གཅིག་ལ་རི་རབ་ལ་བསྐོར་བ་རེ་འཁོར་བ་དང་ཟླ་བ་ཡར་ངོ་མར་ངོ་འཕེལ་འགྲིབ་ཀྱི་ཆ་ནས་ཚེས་ཞག་བཞག་པའོ། །</br>3.ཉིན་ཞག་ནི། རྒྱུ་སྐར་རླུང་གི་སྟེང་ན་ཕྲ་བཏབ་པ་བཞིན་གནས་པའི་ཁྱིམ་བཅུ་གཉིས་ཀྱིས་ཉིན་ཞག་རེར་རི་རབ་ལ་བསྐོར་བ་རེ་འཁོར་ཞིང་གཟའ་དང་རྒྱུ་སྐར་འཕྲད་པ་ཡིན་ལ། མི་ལ་སྦྱར་ན་སྐྱེས་བུའི་དབུགས་ཁུག་པ་སུམ་བརྒྱ་དང་དྲུག་ཅུ་ཆུ་ཚོད་གཅིག་དང་། ཆུ་ཚོད་དྲུག་ཅུ་ལ་ཉིན་ཞག་ཟེར་རོ། ། སྐར་མ་ཐམས་ཅད་རི་རབ་ལ་བསྐོར་མི་དགོས་ཏེ། སྐར་མ་བརྟན་པ་དང་། སྨེ་བདུན་མཐོ་སར་གནས། རི་ཥིའམ་གདོལ་པ་དང་སྤེན་པ་དམའ་སར་གནས་པས་རླུང་གི་གོ་ལའི་སྟེང་ན་ཕྲ་བཏབ་པ་བཞིན་ཡོད་མི་དགོས་སོ། ། (སྐར་རྩིས་པས་ཉི་མ་ཁྱིམ་བཅུ་གཉིས་བགྲོད་པའི་ལོ་གཅིག་ལ་ཁྱིམ་ཞག་སུམ་བརྒྱ་དྲུག་ཅུ། ཚེས་ཞག་སུམ་བརྒྱ་བདུན་ཅུ་དོན་གཅིག་དང་འདོད་ཆ་གཅིག ཉིན་ཞག་སུམ་བརྒྱ་དྲུག་ཅུ་རེ་ལྔ་དང་ཆུ་ཚོད་བཅུ་དྲུག་ཆུ་སྲང་བཅུ་བཞི་དབུགས་གཅིག་འདོད་ཆའི་བཅུ་གཉིས་རི་མཁའ་རིའི་ཆ་བརྒྱ་དང་ཉེར་གཅིག་ཡིན་པར་ངོས་འཛིན་པ་ཡིན་ནོ། །)ྱ་དང་ཉེར་གཅིག་ཡིན་པར་ངོས་འཛིན་པ་ཡིན་ནོ། །))
• Dictionaries/chos rnam kun btus/9522  + (1.ཉི་མ། 2. ཟླ་བ། 3. མིག་དམར། 4. ལྷག་པ། 5. ཕུར་བུ། 6. པ་སངས། 7. སྤེན་པ། 8. སྒྲ་གཅན། 9. དུས་མེ། 10 .མཇུག་རིང་ངོ་། །)
• Dictionaries/chos rnam kun btus/11038  + (1.དབྱུག་གུ་སྐར་གསུམ་རྟ་མགོའི་མགུལ། ། རུས་ན … 1.དབྱུག་གུ་སྐར་གསུམ་རྟ་མགོའི་མགུལ། ། རུས་ནི་རྟ་འཇིག་ལྷ་དྲི་ཟ། ། ཟས་ཤ་སྦྲང་རྩི་རླུང་གི་ཁམས། ། དགྲ་སྐར་མི་བརྟན་རྐུན་པོའི་བླ། ། ཆོས་འཆད་རབ་བྱུང་སྡོམ་པ་འབེབས། ། ལྷ་གཡང་དགེ་ལེགས་དྲ་གྱོན་ཚོང་། ། སྲི་མནན་དམག་དང་རོ་འདོན་རྩོད། ། ཐབ་འཆའ་བ་དན་རྒྱལ་མཚན་འཛུགས། ། གཤིན་ལས་དུར་སྤོ་སྐྲ་སེན་འབྲེག སྐྲ་འཁྲུ་རྫིང་ཡུར་ཁྲོན་པ་འདྲུ། ། དོན་གཉེར་བོན་ཆོག་ཕྱུགས་འདུལ་བསྡུམས། ། མཆོད་བཟོ་ཕྱིར་འཇལ་ཁྱི་བསྟེན་ལམ། ། དགྲ་འདུལ་རྐུན་ཇག་ཡུལ་དབྱུང་བ། ། བཟློག་པ་བྱོལ་ཟོར་ཡུགས་ས་བོར། ། གྲ་སྒྲུབ་བོན་རྫོང་གཏམ་ཁུངས་བཅད། ། དམིགས་བསལ་མ་གཏོགས་ལས་བཞི་དང་། ། རིམ་གྲོ་ལྟད་མོ་མིང་འདོགས་བཟང་། ། བཙོན་ཚུད་ཞག་པོ་གསུམ་ན་ཐར། ། ས་དབྱེ་འདུ་ལོང་ཆེན་པོའི་ལས། ། རྒྱན་འདོགས་སྨན་སྦྱོར་གསོན་ལས་གཉེན། ། མཁར་ལས་གཏར་སྲེག་ཚེ་འགུགས་སྐྱས། ། རྩིག་རྨང་འདིང་དང་བག་མ་དང་། ། བུ་སྲིང་ཕྱིར་གཏོང་ལ་སོགས་ངན། ། གང་སྐྱེས་ལོ་ནི་དྲུག་ཅུ་ནུས། ། བརྒྱུད་ཅུའི་བར་འཚོ་ལྕེ་བདེ་ཞིང་། ། གཟུགས་བཟང་ཆོས་དཀར་སྨན་པའི་རིགས། ། གླུ་གར་རོལ་མོའི་སྒྲ་ལ་མཁས། ། བློ་ལུས་མི་བརྟན་སྡོད་མི་ཚུགས། ། ནད་བཏབ་འགྲུལ་དང་ཆུ་ཡི་ལས། ། གཅན་གཟན་གོས་ལོན་གཏོ་ཐབས་ལ། ། རྟེན་ཕྱེའི་རྟ་ཡི་གཟུགས་ཀྱི་ཁར། ། ཉ་སྐམ་དང་ནི་མེ་ཏོག་བཅུག ནད་པར་བསྐོར་ཞིང་བསྒྱུར་བས་གྲོལ། ། ཤི་ན་ཁྱིམ་མཚེས་དག་ལ་ངན། ། ལྟས་བྱུང་ནང་འཁྲུག་རླུང་ཆེན་ལྡང་། ། རིམས་ནད་སྔགས་བོན་རྣམས་ལ་ངན། ། འདི་ལ་ཆར་བབས་ཐོན་པ་འབྱུང་། ། སྐུར་ཆུང་དྲག་པོ་སྟོབས་ལྡན་ཞེས། ། དྲག་ལས་རོ་འདྲེན་ཤིན་ཏུ་བཟང་། ། སྒྲིབ་ན་རྟ་ཡི་ཐོད་པ་ནི། རང་གི་སྟེང་དུ་བཟུང་བས་ཐུབ། ། </br>2.བྲ་ཉེ་སྐར་གསུམ་མོ་མཚན་དབྱིབས། ། རུས་ནི་ཝན་ལྷོ་གཤིན་རྗེ། ། ཁ་ཟས་ཏིལ་འབྲས་མེ་ཡི་ཁམས། ། དམེ་སྐར་འཕུང་བྱེད་ར་ཡི་བླ། ། གནག་མཚོན་འཁོར་བསྟེན་རྟ་ཕྱུགས་ཉོ། ། ལིང་འདྲི་དགྲ་མནན་ཡུགས་སྐུ་འཁྲུ། ། ཟོར་འཕེན་འདྲེ་བསྐྲད་ར་ཕྱུག་ལེན། ། རང་འཐག་སྐྱེད་འཛུགས་ས་གཞི་ཚོང་། ། སྲི་མནན་ཀུན་མ་སྔགས་བཟླ་དང་། ། རིགས་ངན་ཤིང་བྱེད་དབང་དྲག་ལས། ། ཡུགས་ས་ཕོ་མོ་གསོ་བ་དང་། ། ལིངས་བྱེད་བྲེས་འཆོས་གཏད་སེལ་འཛུགས། ། རོ་བསྲེག་དབང་བསྐུར་མིང་འདོགས་བཟང་། ། ལྷ་གསོལ་མཁར་ལས་ས་བོན་གདབ། ། ལྷ་ཁང་རྟེན་བཞེང་རྒྱལ་སར་བསྐོ། ། དགེ་བཤེས་ཆེ་འདོན་ཆོ་ག་དང་། ། དྲ་གྱོན་མོ་རྩིས་བང་མཛོད་བརྩིག ། ཕྱིར་འཇལ་དུར་འདེབས་བཟློག་རིམ་བྱ། ། ཞལ་ཆེ་དམག་དྲང་ས་ཁ་དབྱེ། ། ར་འཇལ་ཚོང་བྱེད་གཉེན་སྦྱོར་ལམ། མི་ཤི་གསུམ་ཟློས་མོད་ལ་སྦ། ། ཞི་རྒྱས་ལས་དང་རབ་གནས་བྱ། ། གཡང་བསླན་སྐྱེ་ཤིང་འཛུགས་པ་དང་། ། སྨན་སྦྱོར་གཏར་སྲེག་སྦྱིན་སྲེག་གཏད། ། རྒྱལ་མཚན་བ་དན་འཕྱར་འཛུགས་དང་། ། དོན་གཉེར་ཚེ་ནོར་སྒྲུབ་པ་སོགས། ། དགེ་ལས་དཀར་ཕྱོགས་བྱ་བ་འཛེམ། ། བག་མ་གཏོང་ལེན་བུ་སྐྱེས་ངན། ། ཕོ་མོ་གང་སྐྱེས་སེམས་བརྟན་ཞིང་། ། ནད་མེད་བདེན་སྨྲ་སྙིང་རྗེ་ཆུང་། ། ཚེ་ལོ་སུམ་ཅུ་རྩ་དྲུག་གམ། ། རིང་ན་དགུ་བཅུ་རྩ་ལྔ་འཚོ། བཟོ་ལ་མཁས་ཤིང་བརྩོན་འགྲུས་ཆེ། ། སྙིང་རྗེ་ཤིན་ཏུ་ཆུང་བས་ན། ། ཕྱི་མ་དམྱལ་བའི་གནས་སུ་སྐྱེ། ། ནད་བཏབ་མྱ་ངན་སར་ཕྱིན་ལན། ། རྟེན་ཕྱེའི་གླང་གི་གཟུགས་ཀྱི་ནི། ། ཁ་དང་རྣ་བར་ཡུངས་ཀར་བླུག ནད་པར་བསྐོར་ཞིང་བཞི་མདོར་སྐྱུར། ། མི་ཤི་གསུམ་ཟློས་མོད་ལ་སྦ། ། ལྟས་བྱུང་མགོ་ནད་མིག་ནད་དང་། ། བད་ཀན་ནད་འབྱུང་འབྲུ་དཀོན་ཞིང་། ། གྲོང་ཁྱེར་མེས་ཚིག་རྒྱ་ནག་ངན། ། ཆར་བབས་སླར་ཡང་འབབ་པ་ཡིན། ། སྐར་ཆུང་ཕུང་རྒྱུབ་ཅན་ཞེས་པ། ། དགྲ་འདུལ་ཡུལ་ཕྱོགས་རྩོད་པ་སོགས། ། གཤིན་གྱི་ཆང་བཙོ་སྐྱེད་འཛུགས་འབྲིང་། ། སྒྲིབ་ན་གླང་ལུག་ཐོད་པ་ནི། ། རང་གི་ཕྱོགས་སུ་འཕྱར་བས་ཐུབ། །</br>3.སྨིན་དྲུག་སྐར་དྲུག་སྤུ་གྲིའི་དབྱིབས། ། རྗེ་རིགས་མེ་ལྷ་ཟས་ནི་ཞོ། ། མེ་ཁམས་ཟློས་སྐར་བུད་མེད་བླ། ། བཏང་སྙོམས་ཅན་ལ་དགེ་ཆོས་འགྲུབ། ། ཆོས་སློབ་ལྷ་ཁང་མཆོད་རྟེན་གསོ། ། རབ་གནས་ལྷ་གཡང་མངའ་གསོལ་བྱེད། ། སྦྱིན་སྲེག་ཡོན་འབུལ་སྨན་སྦྱོར་རྩིས། ། རྒྱན་འདོགས་སྐྱིད་སྟོན་རྒྱལ་སར་བསྐོ། ། ཐབ་འཆའ་ཚུར་ལེན་སྦྲ་ཁྱིམ་འབུབས། ། གཉེན་ཕྲད་རྟ་རྒྱུག་སྒ་རྒྱག་པ། ། ལྟད་མོ་སྐྲ་འཁྲུ་བཙོན་བཟུང་བ། ། རིན་ཆེན་བཟོ་དང་བུད་མེད་བསྟེན། ། ཆུ་རགས་དཀར་ཕྱོགས་བྱ་བ་བཟང་། ། མཁར་ལས་ཕར་འཇལ་ལམ་ཞུགས་ཤིང་། ། རྒྱལ་མཚན་བ་དན་བང་མཛོད་དབྱེ། ། རྫིང་ཡུར་ཞིང་འདེབས་ས་ཁ་དབྱེ། ། དྲ་གྱོན་དམག་ཇག་དྲག་ལས་སྐྱས། ། གཤིན་ལས་ཤིད་སྟོན་སྲི་གནོན་དང་། ། བག་མ་ཁྱོར་ངན་སྐྱེད་ཁ་འདྲེན། ། བུ་འབོགས་མེ་ཏོག་ཤིང་འཛུགས་འཛེམ། ། བུ་སྐྱེས་སྙན་གྲགས་ལོངས་སྤྱོད་འཕེལ། ། མཁས་ཤིང་དཔའ་བ་ཚེ་སྟོད་ངན། ། ཚེ་སྨད་བཟང་ཞིང་ཚེ་རིང་འགྱུར། ། བུ་མོ་སྐྱེས་ན་ངན་པའོ། ། ནད་བཏབ་མི་གཙང་མནོལ་གྱིས་ལན། ། རྗེན་ཕྱིའི་གཟུགས་ཁར་ཞོ་བླུག་པ། ། ནད་པར་བསྐོར་ཞིང་བསྒྱུར་ན་ཕན། ། མི་ཤི་དྲུག་ཟློས་མོད་ལ་སྦ། ། ལྟས་བྱུང་ཐན་པ་འགོ་ནད་དང་། ། མིག་ནད་འགྲོ་ཀུན་གྲོང་ཁྱེར་འཚིག ། འདི་ལ་ཆར་བབས་ཕྱིས་ནས་འཐེན། ། སྐར་ཆུང་མཐེབ་ཆུང་ཟུར་ཕུད་ཅན། ། ཉི་མ་རྩེ་ཤར་ཅི་ཡང་བཟང་། ། སྒྲིབ་ན་སྤྲེའུའི་ཐོད་པའི་གཟུགས། ། རང་གི་ཕྱོགས་ནས་བསྟན་ན་ཐུག ། </br>4.སྣར་མ་སྐར་ལྔ་ཤིང་རྟའི་དབྱིབས། ། རུས་ནི་གོ་འུ་ཏ་མ་ལ། ། ས་ཁམས་གཡང་གི་སྐར་མ་སྟེ། ། ཟས་ནི་ཞོ་སྦྲང་རབ་ཏུ་བརྟན། ། ཡུལ་མཁར་གནས་གཞི་བཟུང་རྒྱལ་ས། ། རབ་བྱུང་འཆད་ཉན་རབ་གནས་བྱ། ། སློབ་གཉེར་ལྷ་གསོལ་ཚེ་གཡང་སྐྱོབ། ། ཕྱུགས་སྦྱར་སྨན་སྦྱོར་ནོར་ཕྱུགས་ལེན། ། མདུན་གྲོས་མཁར་བརྩིག་བྲེས་འཆོས་པ། ། ཉོ་ཚོང་གཏར་སྲེག་དགྲ་ལ་རྒོལ། ། ས་བོན་རྟ་འདུལ་སྒོ་རྒྱག་རྒྱུག ། བུ་ལོན་སྙེག་དང་ཕོ་མོ་བཙས། ། ཀུན་ར་བརྩིག་དང་ཞི་རྒྱས་ལས། ། དྲ་གྱོན་སྐྲ་འཁྲུ་བང་མཛོད་བཅའ། ། དོན་གཉེར་ཤར་བཟང་ས་ཁ་དབྱེ། ། སྦྲ་ཁྱིམ་ཕྱི་ཐེར་འཚེམ་འབུབས་བཟང་། ། ལམ་ཞུགས་སྟོན་མོ་ཕྱུགས་ནོར་འཇལ། ། དམག་ཇག་འཕོ་སྐྱེས་རུས་བུ་སྤོ ། མི་ཤི་ནོར་ངན་ཕྱུགས་གཡང་སྐར། ། གཉེན་བྱེད་བཟློག་པ་སྐྲ་སེན་འབྲེག ། བུ་སྲིང་རྫོང་དང་གཤིན་ལས་འཛེམ། ། བག་མ་གཏོང་ལེན་གཉིས་ཀ་ངན། ། བུ་སྐྱེས་ཚེ་རིང་གཟུགས་བཟང་མཛེས། ། ཕྱུག་ཅིང་ཆོས་ལྡན་གཡོ་སྒྱུ་ཆུང་། ། དཔའ་ཞིང་ཕུན་ཚོགས་དགྲ་ལས་རྒྱལ། ། ནད་བཏབ་ཐབ་དང་གཞོབ་ཀྱིས་ལན། ། རྗེན་ཕྱེའི་ཁྱི་ ཡི་གཟུགས་ཀྱི་ཁར། ། མར་བཅུག་ནད་པར་བསྐོར་ལ་བསྐྱུར། ། ཕོ་མོ་གང་ཤི་ནོར་ལ་ངན། ། ལྷས་བྱུང་རྒྱལ་སྲིད་བདེ་བ་དང་། ། འབྲས་བུ་རྒྱས་ལ་འཁྲུག་པ་ཞི། ། ཆར་བབས་ཕྱིས་ཆེ་འབྲུ་མི་སྐྱེ། ། སྐར་ཆུང་ལྷ་མོ་གཡང་སྐྱོང་བྱེད། ། ཕྱི་རུ་དབང་བསྐུར་གཡང་ལོན་བཟང་། སྒྲིབ་ན་ཁྱི་ཐོད་རང་སྟེང་བསྟེན། ། </br>5.མགོ་ནི་སྐར་གསུམ་རི་དྭགས་མགོ ། རུས་ནི་བ་རབྷུ་ཛ་དང་། ། ལྷ་ནི་ཟླ་བ་ཟས་སུ་ནི། ། རི་དྭགས་ཤ་ཟ་རླུང་གི་ཁམས། ། མྱུར་བཟང་དམེ་སྐར་བཙད་པོའི་བླ་། ཆོས་འཆད་རབ་བྱུང་རབ་གནས་གཉེན། ། ཁྱིམ་གསར་སྒོ་འཛུགས་ལྷ་གསོལ་གཡང་། ། གསོན་ཆོས་རྒྱན་སྤྲོས་ཤིང་བཟོ་ཁྲོམ། ། ཞིང་ལས་གསོན་ལས་རྒྱལ་སར་བསྐོ། ། སྨན་སྦྱོར་བློ་གྲོས་གཞི་འདིང་བ། ། མཁར་ལས་ལྷ་ཁང་རྟེན་བཞེང་ཁྲུས ། དམག་ཇོག་དགྲ་འདུལ་མོ་རྩིས་བྱ། ། དྲག་ཅིང་རྩུབ་པའི་ལས་རྣམས་དང་། ། ཐབ་འཆའ་འདུ་ལོང་རྒྱལ་མཚན་འཛུགས། ། ནོར་བླང་དྲག་ལས་འདྲེ་འདུལ་བ ། བཟློག་པ་སྲི་མནན་ས་ཁ་དབྱེ། ། སྐྲ་སེན་འབྲེག་དང་རྟ་རྒྱུག་བཟོ། ། རྟ་བོང་དྲེའུ་སྒོ་རྒྱག་བཅོས། ། སྟོན་མོ་ཚོང་དང་མིང་འདོགས་ལྟད། ། ཕྱུགས་འདུལ་རྩེད་མོ་འདོད་དོན་སྒྲུབ། ། དྲག་རྒྱས་བཟང་ལ་དབང་ཞི་རུང་། ། དགེ་ལེགས་མེ་ཏོག་ཤིང་འཛུགས་བཟང་། ། མི་ནོར་ཕྱིར་གཏོང་ལམ་ཞུགས་ཤིང་། ། གཤིན་ལས་དུར་འདེབས་ཁ་སྨྲས་དང་། ། འཇམ་ལས་ཞལ་ཆེ་འཕོ་སྐྱས་བྱེད། ། དྲ་གྱོན་ཤི་བ་མགོ་འཆི་ངན། ། བག་མ་ཚུར་བཟང་པར་གཏོང་ངན། ། བུ་སྐྱེས་ཚེ་ལོ་ཉེར་བརྒྱུད་དམ། ། ཡང་ན་རེ་གཉིས་དགུ་བཅུ་འཚོ། ། ཆོས་ལྡན་སྡོམ་བརྩོན་བདེན་པར་སྨྲ། ། དཔའ་ཞིང་བློ་གསལ་ལོངས་སྤྱོད་ཆེ། ། བུ་མོ་བཙས་པ་ཁ་དྲག་ཟེར། ། ནད་བཏབ་འཁོན་དང་ཡུགས་ཀྱིས་ལན། ། རྗེན་ཕྱེའི་ཁྱི་ཡི་གཟུགས་ཀྱི་ཁར། ། རི་དྭགས་ཤ་བཅུག་ནད་བསྐོར་བསྐྱུར། ། ལྟས་བྱུང་འཁྲུག་རྩོད་རླུང་ཆེན་ལྡང་། ། རིམས་ནད་མང་ཞིང་སྔགས་བོན་དང་། ། འཕགས་ཡུལ་བར་ངན་ཆར་བབས་ཆེ། ། མགོ་ལག་བར་འདིར་སྐར་ཆུང་ཉིད། ། མེད་པར་རྒྱུད་སྡེ་ཕལ་ཆེར་བཤད། ། དུར་མཛོད་ཡོད་པར་བཤད་པ་ལྟར། ། སྐར་ཆུང་མ་ནམ་ཉི་དྲོས་ཡོང་། ། འདི་ལ་མི་ཤི་བྱུང་བ་ངན། ། སྒྲིབ་ན་ཝ་ཐོད་རང་སྟེང་འཕྱར། །</br>6.ལག་ནི་སྐར་གཅིག་ཐིག་ལེའི་དབྱིབས། ། རིགས་ནི་དམངས་པོ་ཟས་ཁྲག་ཆུ། ། ལྷ་ནི་གཏམ་དྲག་བཤན་པའི་བླ། ། ཆུ་ཁམས་མགྲོན་སྐར་འབྲས་བུ་ངན། །གཡང་ལོན་བཟོ་ཡི་ཞལ་ཆེ་གཅོད། ། རབ་བྱུང་རབ་གནས་དགེ་ལས་སྒྲུབ། ། རྒྱན་སྤྲོས་སྐྲ་འཁྲུ་ས་བོན་གདབ། ། རོ་ལམ་གཏོད་པ་འཇལ་ལེན་བྱེད། ། དམག་ཇག་དྲག་ལས་གསོད་གཅོད་རྐུ། ། འཐབ་རྩོད་དགྲ་ཡི་སྲི་སྒྲུབ་པ། ། ཚེ་འགུགས་བོན་ཆོག་སྲི་མནན་བྱ། ། མོ་འདེབས་བཟློག་པ་རྫིང་ཡུར་འཚོས། ། མཐོ་ལ་ཞུ་འབུལ་ཐུག་འགྱེད་པ། ། མེ་ཏོག་སྐྱེ་ཤིང་འཛུགས་པ་བཟང་། ། ལྷ་གསོལ་བ་དང་གཤིན་ལས་རིགས། ། གཉེན་དང་ཕྱུགས་འཇལ་དོན་གཉེར་སྐྱས། ། དྲ་གྱོན་ལམ་ཞུགས་རྒྱལ་ས་བསྡུམས། ། ལྷ་ཁང་རྟེན་བཞེང་བ་དན་འཛུགས། ། གཏར་ཁ་མེ་བཙའ་སྦྲ་ཕྱར་འཚེམ། ། ཐབ་བཅའ་ཆུ་རགས་རྒྱག་པ་དང་། ། ཞི་རྒྱས་དབང་དང་བཀྲ་ཤིས་ལས། ། སྦྱིན་སྲེག་བྱ་སོགས་ཕལ་ཆེར་ངན། ། བག་མ་བྱས་ན་ཁྱོ་ལ་ངན། ། གང་སྐྱེས་ཚེ་ལོ་སོ་ལྔའམ། ། རེ་ལྔ་ཆོམ་པོའི་ལས་ཀྱིས་འཚོ། ། གཏུམ་ཞིང་གཡོ་མེད་ལག་མི་བཟོ། ། དབུལ་ཞིང་ང་རྒྱལ་སྡིག་ལ་དགའ། ། ཁྱད་པར་བུ་སྐྱེས་རྩལ་ཆེ་བ། ། བུ་མོ་བལ་གྱི་ལས་ལ་སྐྱེན། ། ནད་བཏབ་འཁོར་མང་དབུས་ཕྱིན་ལོན། ། ལག་པར་ནད་ཡོང་རྟེན་གྱི་ནི། ། ཁྱི་གཟུགས་ཁ་ལ་ཁྲག་བླུག་པ། ། ནད་པར་བསྐོར་ལ་བསྐྱུར་བར་བྱ། ། ལྟས་བྱུང་ཆར་བབས་སྦྲུམ་མ་བདེ། ། ནད་མེད་སྨན་དང་རི་དྭགས་འཕེལ། ། ལོར་ངན་ཆར་བབས་ཕྱིས་ནས་འགྱངས། ། ཟེའུ་སྙིང་གབ་གུད་གཉིས་ཡོད། ། དེ་ལ་བྱ་བ་ཐམས་ཅད་བཟང་། ། སྒྲིབ་ན་བ་ཐོད་རང་སྟེང་འཕྱར། ། </br>7.ནབས་སོ་སྐར་གཉིས་ཁྲི་ནང་དབྱིངས། ། ཉི་མའི་ལྷ་དེ་རུས་དབང་བྱེད། ། ཟས་འཁུར་རླུང་ཁམས་གཡང་སྐར་ཏེ། ། མྱུར་ཞིང་འགྱུར་བ་ལུག་གི་བླ། ། རང་བྱུང་རབ་གནས་ཆོས་འཆད་དབང་། ། ལྷ་གསོལ་གཡང་འགུགས་སྦྱིན་སྲེག་བྱ། ། སྒྲུབ་མཆོད་སློབ་གཉེར་དཀྱིལ་འཁོར་བྲི། ། ས་བོན་ཐོག་འབུབས་རྩིག་རྨང་འདིང་། ། སྐྱེད་འཛུགས་ཐུག་འབྱེད་བུ་ལོན་འཇལ། ། ཁ་སྨྲས་ཚུར་འགུགས་འཐབ་མོ་ཤིད། དོན་གཉེར་རྒྱན་སྤྲོས་རྒྱལ་སར་བསྐོ། ། སྨན་སྦྱོར་དྲ་གྱོན་མོ་རྩིས་བྱ། ། མཁར་ལས་ཁྱིམ་འཛིན་གྲོང་ཁྱེར་བརྩིག ། ལྷ་ཁང་རྟེན་བཞེང་བཟློག་པ་ཟོར། ། འཁོར་བསྟེན་ཕྲ་མོའི་ལས་རིགས་བརྩམ། ། ཕྱུགས་འཇལ་གཤིན་ལས་བང་མཛོད་བཅའ། ། ཞིང་འདེབས་ས་དབྱེ་སྦྲ་ཕྱིར་འཚེམ། ། ལམ་ཞུགས་ཚོང་དང་ལུག་ནད་ལེན། ། རྟ་བོང་སྒོ་རྒྱག་གཏར་སྲེག་བཅོས། ། ཞུ་བ་གསོལ་དང་མིང་འདོགས་པ། ། དབང་དང་རྒྱས་པ་ཞི་བའི་ལས། ། སྟོན་མོ་གསོན་པོའི་བྱ་བ་བཟང་། ། བུ་འབོགས་རོ་འདོན་འབྲིང་དུ་བྱེད། ། དམག་ཇག་ཕར་རྒོལ་ལུག་འཇལ་དྲག ། ནོར་གཏོང་ས་འཛིན་ལྷ་ཁང་བཤིག ། ཐབ་ཁོ་འཛུགས་དང་སྡིག་ལས་འཛེམ། ། བག་མ་ཕར་ངན་ ཚུར་ལེན་བཟང་། ། བཙས་པ་ལྔ་བཅུ་དྲུག་ཅུར་འཚོ། ། ཞིང་ས་ལོངས་སྤྱོད་ལྡན་པའམ། ། ཆོས་སྨྲ་ཁྲིམས་ལྡན་རང་བཞིན་གླེན། ། བློ་བརྟན་ནད་མེད་ཆོག་ཤེས་བྱ། ། བུ་མོ་བསྐྱིས་ནི་རྨེ་བ་བྱེད། ། ནད་བཏབ་མགྲོན་བཞུད་ཀྱིས་ལན་ཏེ། ། སྟོད་ན་རྗེན་ཕྱེའི་ཕག་གཟུགས་ཁར། ། འབྲས་གཏོར་བཅུག་ལ་ནད་བསྐོར་བསྐྱུར། ། འདི་ལ་མི་ཤི་མོད་ལ་སྦོ། ། ལྟས་བྱུང་འཁྲུག་རྩོད་ཚོང་པར་ངན། ། ཆར་བབས་སླར་ཡང་མྱུར་དུ་འབབ། ། སྐར་ཆུང་འོད་ཆུང་རྒྱལ་མོ་ཅན། ། ཉི་ཕྱེད་དུས་སུ་ཞལ་ཆེ་ངན། ། སྒྲིབ་ན་ཕག་ཐོད་རོང་སྟེང་འཕྱར། །</br>8.རྒྱལ་ནི་སྐར་གསུམ་རིལ་བའི་དབྱིབས། ། རུས་ནི་རྩྭ་ཤིང་གྱོན་པའི་རིགས། ། ཕུར་བུ་ལྷར་འཛིན་སྦྱང་ས་ཟས། ། མེ་ཁམས་འགྲུབ་སྐུར་ལུག་གི་བླ། ། མི་བརྟན་འགྱུར་ལ་རབ་བྱུང་དབང་། ། རབ་གནས་སྒྲུབ་མཆོད་ཡུལ་གསར་འཛིན། ། ཆོས་འཆད་མངའ་གསོལ་ཡོན་འབུལ་བ། ། རྒྱན་སྤྲོས་དྲ་གྱོན་རྒྱལ་སར་བསྐོ། ། ལྷ་གཡང་བཟློག་པ་དཀྱིལ་འཁོར་འབྲི། ། སྨན་སྦྱོར་མོ་རྩིས་འཁོར་བསྟེན་གཏར། ། ལམ་ཞུགས་ནོར་ཕྱུགས་ཚུར་ལེན་པ། ། ལྷ་ཁང་རྟེན་བཞེང་རྟ་གླང་འདུལ། ། སྒོ་རྒྱག་ཐབ་བཅའ་མཛོད་འཛིན་ལྟད། ། ཞི་རྒྱས་དབང་དང་བཀྲ་ཤིས་ལས། ། མྱུར་སྒྲུབ་གོང་མར་ཞུ་ནོར་འབུལ། ། མིང་འདོགས་ཆུ་རགས་རྒྱལ་མཚན་འཛུགས། ། གསོན་གཤིན་དོན་གཉེར་ཤིང་འཛུགས་བཟང་། ། ཚོང་དང་ཁ་མཆུ་ཕར་འཇལ་སྐྱས། ། རྔོན་རྐུ་ཞིང་འདེབས་མཁར་གྱི་ལས། ། གཡང་ཅན་མི་ཕྱུགས་ལུག་ཕྱིར་གཏོང་། ། སྟོན་མོ་སྲི་མནན་སྐུ་འཁྲུ་འཛེམ། ། ཤི་བ་ཟློས་མེད་བཟང་བ་ཡིན། ། བག་མ་ཕར་ངན་ཚུར་ལེན་བཟང་། ། ཁྱིའུ་གཡང་ཆེ་བརྒྱད་ཅུར་འཚོ། ། ཆོས་ལྡན་སྦྱིན་གཏོང་ལས་ལ་བརྩོན། ། གཟུགས་བཟང་ལྕེ་བདེ་ལོག་པ་བཟོ། ། བློ་ལུས་མི་བརྟན་སྡོད་མི་ ཚུགས། ། མཁས་ཤིང་ནོར་ལྡན་སྐལ་པ་བཟང་། ། ནད་བཏབ་ཕྲུ་རློག་ཆུ་ལས་ལན། ། ལུས་ཀྱི་སྨད་ལ་ནད་འབྱུང་ཞིང་། ། རྗེན་ཕྱེའི་ར་གཟུགས་ཁར་རུས་སྦལ། ། བཅུག་ལ་ནད་པར་བསྐོར་ནས་བསྒྱུར། ། ལྟས་བྱུང་བད་ཀན་ནད་ལྡང་ཞིང་། ། ཆར་བབས་ཐན་པ་འབྱུང་བ་དང་། ། སྐར་ཆུང་འགྲུལ་པོ་ནམ་ཕྱེད་འོང་། ། དེ་ལ་བྱ་བ་ཅི་ཡང་ངན། སྒྲིབ་ན་ར་མགོ་རང་སྟེང་འཕྱར། །</br>9.སྐག་ནི་སྐར་དྲུག་གདེངས་ཀའི་དབྱིབས། ། རིགས་ནི་སྨན་རྒྱུད་ལྷ་ལྟ་འགྲོ། ། ཁ་ཟས་སྦྲུལ་ཤ་མགྲོན་སྐར་ཏེ། ། ཆུ་ཁམས་འབྲས་ངན་ཁྱི་གཅན་བླ། ། དམག་ཇག་གསོད་གཅོད་གྲོང་ཁྱེར་འཇོམས། ། ཞུ་གསོལ་སྲི་མནན་གསེབ་གཏོང་ཚོང་། ། གཡོ་བསླུས་སྐབ་ཆོག་བུ་ལོན་འཇལ། ། རྫིང་ཡུར་ཆུ་རགས་སྐྱེ་ཤིང་འཛུགས། ། མི་ཤི་གཤིན་ཆོས་གྲོས་ཐག་གཅོད། ། དྲག་ལས་ཆུ་བོ་བསྒྱུར་རྣམས་བཟང་། ། ལྷ་གསོལ་རབ་གནས་སྨན་སྦྱོར་སྐྱས། ། དྲ་གྱོན་རྒྱན་སྤྲོས་རྒྱལ་སར་བསྐོ། ། ལྷ་ཁང་རྟེན་བཞེང་མོ་རྩིས་བྱ། ། མཁར་ལས་དོན་གཉེར་ཁྱིམ་གསར་འཛིན། ། ལམ་ཞུགས་ཕྱུགས་འདུལ་འབྲེལ་སྙེག་པ། ། ཐབ་བཅའ་སྦྲ་ཕྱར་གྲོང་ཁྱེར་རྩིག ། ཞི་རྒྱས་དབང་གི་ལས་རྣམས་དང་། ། བཀྲ་ཤིས་དགེ་ལེགས་དགེ་བའི་ལས། ། རྟ་བོང་སྒ་བཅོས་ར་ཕྱིར་གཏོང་། ། རྐུན་མ་ལྟད་མོ་ཐགས་ཁྲི་འཛུགས། ། རབ་བྱུང་འཆད་ཉན་དཀྱིལ་འཁོར་འབྲི། ། སློབ་གཉེར་བྱ་དང་དབང་བསྐུར་བ། ། དོན་གཉེར་ཚེ་ནོར་སྒྲུབ་པ་དང་། ། ཁ་མཆུ་དགེ་ཆོས་བརྟན་ལས་སྤང་། ཁྲི་གདན་ཕྱི་ལ་བཏང་ན་འཆི། ། རོ་འདོན་ངན་ལ་ཤིད་སྟོན་རུང་། ། བག་མ་གཏོང་ལེན་གཉིས་ཀ་འཛེམ། ། བུ་བཙས་ལྔ་བཅུ་རེ་གསུམ་འཚོ། ། གླེན་ལ་བུ་མོ་སྐྱིད་ཆུང་ཞིང་། ། བཞིན་མཛེས་མ་དང་འགྲོགས་ཡུན་ཐུང་། ། ཁྲོ་ཞིང་སྡིག་དང་གཡེམ་ལ་དགའ། ། སྲིད་ཆེ་སྟེར་ཕོད་ངན་ལས་བརྩོན། ། ནད་བཏབ་བྱེས་དང་ཟས་ངན་ལན། ། ཐབ་ནད་རྗེན་ཕྱེའི་པག་གཟུགས་ཁར། ། སྦྲུལ་པ་བཅུག་ལ་ནད་བསྐོར་བསྐྱུར། ། ལྟས་བྱུང་ཧོར་བོད་གཉིས་ལ་ངན། ། གཟས་གཟུང་ཆར་བབས་སྦྲུམ་མ་བདེ། ། ནད་མེད་སྐྱ་རྒྱལ་སྨན་དང་ལྡན། ། རིགས་སྔགས་འཕེལ་ཞིང་བདེ་ལེགས་ཐོབ། ། ཆར་བབས་ཕྱིས་ནས་འགྱང་ཞེས་ཟེར། ། སྐར་ཆུང་ཤེ་མོང་འདབ་སྐར་ཞེས། ནམ་གུང་བྱ་བ་ཅི་ཡང་ངན། ། སྒྲིབ་ན་བྱི་ཐོད་རང་ཐོག་འཕྱར། །</br>10.མཆུ་ནི་སྐར་དྲུག་ཆུ་བོ་འདྲ། ། ལྷ་ནི་སྤེན་པ་གསེར་སྐྱའི་རིགས། ། ཟས་ནི་ཏིལ་ཐུག་མེ་ཡི་ཁམས། ། བརྟན་པའི་དོན་འགྲུབ་གཏུམ་དྲག་ཅན། ། དགྲ་སྐར་ཕྱུགས་དང་ཇོག་པའི་བླ། ། རབ་བྱུང་དགེ་སྒྲུབ་འཆད་ཉན་དབང་། ། སློབ་གཉེར་སྒྲུབ་མཆོད་ལྷ་རྟེན་བཞེང་། ། མོ་རྩིས་ཡིག་སློབ་དཀྱིལ་འཁོར་འབྲི། ། མཐུ་བཟློག་སྲི་མནན་སྦྱིན་སྲེག་ཟོར། ། ཕར་རྒོལ་དམག་ཇག་དབང་དྲག་ལས། ། གཏར་བསྲེག་རྒྱས་ལས་སྨྲ་ལབ་འཛུགས། ཁྱིམ་གསར་ས་བོན་འཁོར་གཡོག་བསྟེན། ། ས་འཛིན་རྒྱུན་སྤྲོས་བང་མཛོད་དབྱེ། ། ནོར་ལེན་གཡང་ལོན་རྟ་ཕྱུགས་ཉོ། ། བཟོ་དང་ཞུ་བ་སྐྲ་སེན་འབྲེག ། དཀར་ཕྱོགས་ལས་འགོ་ཁྱི་བསྟེན་བཟང་། ། སྐྱེས་བྱ་རབ་གནས་རྒྱལ་སར་བསྐོ། ། མཁར་ལས་ལམ་ཞུགས་དོན་གཉེར་བ། ། ལྷ་གསོལ་སྟོན་མོ་ཐབ་བཅའ་བ། ། སྐྲ་འཁྲུ་བསྡུམས་བྱ་དྲ་གྱོན་ཤིང་། ། ཆུ་རགས་རྫིང་ཁྲོན་ས་ཁ་དབྱེ། ། རྟ་བོ་སྒོ་རྒྱག་འདུལ་བཅོས་བྱེད། ། དགེ་བཤེས་ཆེ་འདོན་བྱ་བ་དང་། ། ནོར་རྫས་ཕྱིར་གཏོང་སྦྲ་ཕྱར་འཚེམ། ། མོན་ཆོག་མེ་ཏོག་ཤིང་འཛུགས་པ། ། བ་དན་རྒྱལ་མཚན་འཛུགས་སོགས་འཛེམ། ། བག་མ་གཏོང་ལེན་བྱར་མི་རུང་། ། སྐྱེས་པ་ལོ་དགུར་མ་ཤི་ན། ། དགུ་བཅུ་གོ་ལྔའི་བར་དུ་འཚོ། ། བུ་སྐྱེས་ཕར་ངན་བུ་མོ་འཆི། ། རྫུན་དགའ་འཁོར་མང་ལོངས་སྤྱོད་ལྡན། ། བཟོ་མཁས་བཙུན་ཞིང་དགེ་བར་བརྩོན། ། ནད་བཏབ་རྡོ་དང་བྲག་བརྐོས་ལན། ། རྗེན་ཕྱེའི་ཕག་གཟུགས་ཁར་ཏིལ་བཅུག ། ནད་པར་བསྐོར་ཞིང་བསྐྱུར་བས་གྲོལ། ། མི་ཤི་བདུན་ཟློས་ཡུལ་མིར་ངན། ། ས་གཡོས་ལྟས་བྱུང་བྲན་གཡོག་འཚོ། ། གཟས་བཟུང་མི་ནད་འགོ་ནད་དང་། ། བད་ཀན་ལྡང་ཞིང་འབྲུ་ནོར་དཀོན། ། གྲོང་ཁྱེར་མེས་ཚིག་མཚན་མ་རྩུབ། ། ཆར་བབ་སླར་ཡང་མྱུར་དུ་འབབ། ། སྐར་ཆུང་སྲི་རྟ་རྐང་གཉིས་ཏེ། ། བྱ་བ་ཀུན་ལ་ངན་པས་འཛེམ། ། སྒྲིབ་ན་སྦྲུལ་ཐོད་རང་སྟེང་བསྟན། །</br>11.གྲེ་ནི་སྐར་གཉིས་ལྷ་ཁྱབ་འཇུག ། དབྱིབས་ནི་མི་རྐང་ལྟ་བུ་སྟེ། ། རུས་གཞོན་རྩི་མོའི་ཁྱིམ་ཐབ་རྒྱུད། ། ཟས་སུ་འབྲས་དང་ཏིལ་ཚིག་མ། ། མེ་ཁམས་དམེ་སྐར་ཇག་པའི་བླ། ། བརྟན་པའི་དོན་གྲུབ་སྐར་མ་སྟེ། ། གཉེན་སྦྱོར་ནོར་བླང་ཚེ་གཡང་མདོས། ། གཉན་ཕྲད་ཚུར་འགུགས་བང་མཛོད་དབྱེ། ། སྲུང་འགུག་གཞིས་ཚོང་ཕྱུགས་ནོར་ལེན། ། ལྷ་གསོལ་དབང་བསྐུར་ས་འཛིན་མཁར། ། དབང་ལས་རྒྱན་སྤྲོས་མོ་རྩིས་བྱ། ། ལུག་འཇལ་ཐུག་འགྱེད་ལྷོ་ནུབ་བགྲོད། ། བརྟན་ལས་ཐབ་བཅའ་ཆུ་རགས་རྒྱག རབ་བྱུང་འཆད་ཉན་དཀྱིལ་འཁོར་འབྲི། ། སྦྱིན་སྲེག་བྱ་བ་ལ་སོགས་བཟང་། ། རབ་གནས་གཤིན་ལས་སྟོན་མོ་ཤིང་། ། དགྲ་འདུལ་དྲག་ལས་རྟ་ཉོ་ལམ། ། བུ་ལོན་འཇལ་ཇག་སྨན་བཅོས་མཚོན། ། གཏེར་སྲེག་བོང་བུ་ནོར་རྫས་གཏོང་། ། རྟ་བོང་སྒ་བཅོས་ས་ཁ་དབྱེ། ། དྲ་གྱོན་སྐྲ་འཁྲུ་བང་མཛོད་བཅའ། ། རྒྱལ་མཚན་བ་དན་འཛུགས་པ་དང་། ། རྫིང་ཡུར་ཕྱུགས་འདུལ་མིང་འདོགས་པ། ། སྦྲ་ཕྱར་འཚེམ་དང་འབུབས་པའི་ལས། ། བག་མ་གཏོང་ལེན་འཁོར་བསྟེན་ངན། ། བཙས་པ་ལོ་བརྒྱད་མ་ཤི་ན། ། ལྔ་བཅུ་གོ་ལྔ་གང་རིགས་འཚོ། ། མ་ཤིའི་བར་དུ་རང་བཞིན་ངན། ། གཡོ་དང་འདོད་ཆགས་སེར་སྣ་ཆེ། ། བཟོ་མཁས་གོས་རྒྱན་གཏམ་ལ་དགའ། ། སྒོ་ལེགས་ཁ་འཇམ་ཟས་ལ་ཡང་། ། བུ་ཡིན་ཁ་དྲག་བུ་མོ་ཡིན། ། ནད་མང་འདི་ལ་ནད་བཏབ་ན། ། ཤིང་བཅད་ན་ཁ་རློག་པས་ལན། ། རྗེན་ཕྱེའི་སྤྲེའུའི་གཟུགས་ཀྱི་ཁར། ། ཤིང་ཏོག་བཅུག་ལ་ནད་པར་བསྐོར། ། བསྒྱུར་བས་ཉིན་གཅིག་དག་ལ་གྲོལ། ། མི་ཤི་བ་ནི་འབྲིང་དུ་བྱེད། ། ལྟས་བྱུང་རྒྱ་གར་ཤར་ཕྱོགས་ངན། ། གཟའ་བཟུང་འགོ་ནད་མིག་ནད་འབྱུང་། ། ཆར་བབས་སླར་ཡང་མྱུར་དུ་འབབ། ། སྐར་ཆུང་ཚོ་གཟའ་ཐེའུ་རྐང་ཞེས། ། ཉི་མ་ཕྱེད་ལ་ཅི་ཡང་ངན། ། སྒྲིབ་ན་བྱེལ་ཐོད་རང་ཕྱོགས་སྟོན། །</br>12.དབོ་ནི་སྐར་གཉིས་ཁྲི་ཡི་དབྱིབས། ། རུས་ནི་མ་ཧེ་ཁ་ཟས་ཁྲེ། ། ལྷ་ནི་གཤིན་རྗེ་རླུང་གི་ཁམས། ། རབ་ཏུ་བརྟེན་པ་ལུག་གི་བླ། ། དགྲ་སྐར་ཞེས་བྱ་འདི་ཉིད་ལ། ། ལྷ་གཡང་ཡུལ་གསར་གནས་གཞི་བཟུང་། ། ཚེ་སྒྲུབ་རབ་གནས་ཟོར་འཕེན་དང་། ། འཆད་ཉན་ལྷ་ཁང་རྟེན་བཞེང་བཟློག ། སྐྲ་འཁྲུ་རྒྱན་སྤྲོས་རྒྱལ་སར་བསྐོ། ། གཉེན་སྦྱོར་མོ་རྩིས་སྦྲ་ཕྱར་འཚེམ། ། ཆུ་རགས་མཁར་ལས་ཐབ་ཁ་བཅའ། ། སྐྱེད་འཛུགས་བུ་འབོགས་འཕོ་སྐྱས་བྱ། ། སྟོན་མོ་མིང་འདོགས་རྒྱལ་མཚན་འཛུགས། ། རྟ་བོང་སྒ་རྒྱག་བྲེས་བརྩིག་པ། ། རྩུབ་ལས་གསོད་གཅོད་དབང་དྲག་ལས། ། དགེ་ཞིང་བཀྲ་ཤིས་འཁོར་བསྟེན་པ། ། བརྟག་ཅིང་བརྟན་པའི་ལས་ཀྱི་རིགས། ། བག་མ་གཏོང་ལེན་ཞི་བའི་ལས། ། ནོར་རྫས་ཕྱིར་གཏོང་མདུན་གྲོས་བྱ། ། དོན་གཉེར་དུ་གྱོན་སྦྲ་ཁྱིམས་འབུབས། ། རྫིང་ཡུར་ཁྲོན་འདུ་དམག་དང་བསྡུམས། ། རང་དོན་ལྟ་ཕྱུགས་འདུལ་བ་བཟང་། ། ལམ་ཞུགས་སྤྱིར་ངན་ལྷོ་བྱང་དགེ། ། ཞིང་ལས་ས་བོན་ལ་ཁ་དབྱེ། ། མེ་ཏོག་ཤིང་འཛུགས་བུ་སྲིང་རྫོང་། ། འབྲི་གནག་ར་ལུག་ཕྱིར་གཏོང་དང་། ། བཟོ་དང་སྐྲ་སེན་འདྲེག་སོགས་འཛེམ། ། སྐྱེས་ལོ་བརྒྱ་འཚོ་ལོངས་སྤྱོད་ཆེ། ། ཁྲིམས་ལྡན་སྦྱིན་དགའ་བདེན་པར་སྨྲ། ། འགྲོ་དང་བསྙེན་གནས་ལ་དགའ་ཞིང་། ། ཅུང་ཟད་བླུན་ཅིང་དུག་གིས་འཆི། ། ནད་བཏབ་ཕྲུ་སློག་བྱས་པས་ལན། ། རྗེན་ཕྱེའི་ཕག་གི་གཟུགས་ཀྱི་ཁར། ། སྔོ་བཅུག་བསྐོར་ཞིང་བསྐྱུར་ན་གྲོལ། ། མི་ཤི་ཟློས་མེད་གཤིན་ལས་འབྲིང་། ། ལྟས་བྱུང་ཚོང་ངན་གཟས་བཟུང་ན། ། འཁྲུག་རྩོད་རླུང་ཆེན་རིམས་ནད་ལྡང་། ། སྔགས་པ་བོན་པོ་དག་ལ་ངན། ། ཆར་བབས་ཕྱིས་ནས་མང་དུ་འབབ། ། སྐར་ཆུང་མཚོ་གཟའ་ལྷམ་བུ་ཞེས། ། ས་སྲོས་ཟས་ནི་ཕྱིར་མི་གཏོང་། ། ཉི་ཕྱེད་མཚམས་སུ་ཅི་ཡང་ངན ། སྒྲིབ་ན་དོམ་ཐོད་རང་སྟེང་འཕྱུར། །</br>13.མེ་བཞི་སྐར་ལྔ་ལག་པའི་དབྱིབས། ། རུས་ནི་འོད་སྲུངས་ལྷ་མེ་ལྷ། ། བྱ་ཤ་སྲེ་དའི་ཁ་ཟས་ཟ། ། ཤིང་གི་སྐར་མ་རླུང་གི་ཁམས། ། མི་བརྟན་འགྱུར་བ་ལུག་གི་བླ། ། མཆོད་པ་རབ་བྱུང་རབ་གནས་དབང་། ། འཆད་ཉན་སྒྲུབ་མཆོད་དཀྱིལ་འཁོར་བྲི། ། སློབ་གཉེར་ལྷ་གཡང་སྡོམས་པ་འབོགས། ། མཁར་ལས་ཁྱིམ་གསར་རྒྱན་སྤྲོས་བཟོ། ། དྲ་གྱོན་སྨན་སྦྱོར་རྒྱལ་སར་བསྐོ། ། དུར་འདེབས་མོ་རྩིས་ས་བོན་གདབ། ། ཞིང་ལས་ཐབ་བཅའ་གྲོང་ཁྱེར་བརྩིག ། གཉེན་ཆོས་དགའ་སྟོན་མདུན་ཀློས་བྱ། ། སྣ་ལེན་གཤིན་ལས་རྒོད་ཕྱུགས་འདུལ། ། བསྡུམས་དང་ཤ་རགས་ས་ཁ་དབྱེ། ། དགེ་ལེགས་འབུལ་བ་གནག་ལུག་འཛུགས། ། རྟ་བོང་སྒ་རྒྱག་ཟེ་རྔོག་འབྲེག ། དོན་གཉེར་བ་དང་མྱུར་སྒྲུབ་ལས། ། ཕར་རྒོལ་དམག་ཇག་སྦྲ་ཕྱར་འཚེམ། ། ཕྱུགས་བསྲེལ་མནན་པ་སྐྲ་སེན་འབྲེག། ། ཡུལ་བཟུང་ཡིག་བསླབ་དམིགས་བསལ་ཡིན། ། དབང་དྲག་ཞི་རྒྱས་ལས་ཕལ་ཆེར། ། འདི་ཉིད་ལ་ནི་བཟང་བར་བཤད། ། ཕྱིར་འཇལ་སྦྲ་ཁྱིམ་རྐུན་མ་ལམ། ། ཤིད་རོ་བསྲེག་འདོན་རྫིང་ཁྲོན་འདུ། ། ལྷ་ཁང་རྟེན་བཞེངས་ལྟད་མོ་སྐྱེས། ། འབྲི་ནག་ལུག་གཏོང་ཕྱུགས་ནད་ལེན། ། གཉའ་སྲོ་བ་དང་ཐོག་འབུབས་པ། ། མེ་ཏོག་ཤིང་འཛུགས་ཚོང་བྱེད་སྤང་། ། མི་ཤི་ཟློས་འབྱུང་བག་མ་ངན། ། སྐྱེས་པ་མར་ངན་བརྒྱད་ཅུར་འཚོ། ། གཟུགས་བཟང་ལྕེ་བདེ་ལག་པ་བཟོ། ། སྤོབས་པ་ཤེད་ཆེ་སྡོད་མི་ཚུགས། ། ནོར་ལྡན་མཆོད་སྦྱིན་གཡོ་སྒྱུ་ཆེ། ། ཡང་ན་རྐུན་མ་སྐོམ་དད་ཅན། ། ནད་བཏབ་བྱེད་དངངས་དག་གིས་ལན། ། རྗེན་ཕྱེའི་མ་ཧེ་གཟུགས་ཀྱི་ཁར། ། པདྨའི་རྩ་བ་བཅུག་བྱས་ལ། ། ནད་པར་བསྐོར་ཞིང་བསྒྱུར་ན་ཕན། ། ལྟས་བྱུང་ཡིག་མཁན་རྫས་མཁན་ངན། ། གཟས་བཟུང་འཁྲུག་རྩོད་མང་བ་དང་། ། རླུང་ཆེན་རིམས་ནད་སྔགས་བོན་ངན། ། འདི་ལ་ཆར་བབས་ཕྱིས་ནས་འཐེན། ། སྐར་ཆུང་ལུ་གུ་སྣ་ཞེས་པ། ། སྣ་འབུགས་ར་ལེན་ལ་སོགས་བཟང་། ། སྒྲིབ་ན་མ་ཧེའི་ཐོད་པ་དེ། ། རང་གི་ཕྱོགས་སུ་བསྟན་པས་སྒྲིབ། །</br>14.ནག་པ་སྐར་གཅིག་པད་སྙེ་དབྱིབས། ། རིགས་ནི་སཱ་ལའི་ཤིང་གྲོང་རྒྱུད། ། ལྷ་ནི་ཉི་མ་ཟས་ཤིང་ཏོག ། ཟློས་སྐར་རླུང་ཁམས་གནག་དང་རའི། ། བླ་སྐར་མྱུར་ལ་བཟང་བ་དེ། ། རབ་བྱུང་རྟེན་བཞེང་དཀྱིལ་འཁོར་བྲི། ། དགེ་ལེགས་ཆོས་ཉན་མྱུར་ལས་སྒྲུབ། ། སྒྲུབ་མཆོད་དབང་བསྐུར་བཟློག་རིམ་བྱ། ། ཚེ་གཡང་རྒྱན་སྤྲོས་སྐུ་སེན་འབྲེག མདུན་གྲོས་དྲ་གྱོན་ནོར་ཕྱུགས་ལེན། ། སྨན་སྦྱོར་སྐྲ་འཁྲུ་རི་མོ་བཟོ། ། ཞིང་ལས་ས་བོན་ཁང་གསར་བཟུང་། ། གཡོས་བྱ་རྟ་རྒྱུག་མདོས་གཏོ་འཕང་། ། ཤིང་དང་ཕྱུགས་འདུལ་སྦྲ་ཕྱར་འཚེམ། ། ར་གནག་ཚུར་ལེན་དབང་རྒྱས་ལས། ། གསོན་ལས་དཀར་ཕྱོགས་བྱ་བ་བཟུང་། རབ་གནས་ལྷ་གསོལ་རྒྱལ་སར་བསྐོ། ། དགེ་བཤེས་ཆེ་འདོན་བྱ་བ་དང་། ། ཞུ་བ་ར་ཕྱུགས་ཕར་འཇལ་ལམ། ། དོན་གཉེར་མོ་རྩིས་སྦྲ་ཁྱིམ་འབུབས། ། ངན་ཞིང་གཞིས་ཀ་ཡིན་ན་དགེ། ། དུར་འདེབས་དུར་ཁ་འབྱེད་དང་སྐྱས། ། རྐུ་ཇག་རྫིང་ཡུར་བང་མཛོད་འབྱེད། ། རྒྱལ་སྲིད་བྱ་བ་ཞུ་བསྙེན་བསྐུར། ། དགྲ་འཐབ་གཤིན་ལས་ཞལ་ཆེ་གཅོད། ། ཞི་བ་དྲག་པོའི་ལས་ཕལ་ཆེར། ། ཆུ་རགས་ལྟད་མོ་མིང་འདོགས་ངན། ། བག་མ་བྱས་ན་བུ་མོ་འཆི། ། བཙས་པ་ཉེར་བརྒྱད་འཚོ་བ་སྟེ། ། གླུ་གར་རོལ་མོ་སྦྱིན་དགའ་མཛེས། ། ལྕེ་བདེ་འདོད་སྤྱོད་བློ་རྣོ་གྲགས། ། རྫུན་མེད་ངན་རྩུབ་འདོད་ཆགས་ཆེ། ། གཤིས་གྱོད་འགྱུར་མདོག་ཆེ་བ་དང་། ། སྣ་ཚོགས་གོས་གྱོན་ཕྲེང་བ་ཐོགས། ། ནད་བཏབ་ཟས་གྲིབ་ཅན་གྱིས་ལན། ། རྗེན་ཕྱེའི་སྟག་གི་གཟུགས་ཀྱི་ཁར། མངར་བའི་འབྲས་བཅུག་བསྐྱུར་བས་གྲོལ། ། མི་ཤི་ཟློས་ཆུང་མོད་ལ་སྦ། ། ལྟས་བྱུང་འབྲས་ངན་འཁྲུག་རྩོད་མང་། ། ཡིག་མཁན་རྗེ་མཁན་སོགས་ལ་ངན། ། ཆར་བབས་སླར་ཡང་མྱུར་དུ་འབབ། ། སྐར་ཆུང་བག་མ་སྣ་རུམ་ཞེས། ། ཕྱུགས་ར་རྩིག་དང་གཡང་བསློན་པ། ། བག་མ་རྣམས་ལ་ངན་པ་སྟེ། ། སྒྲིབ་ན་སྟག་ཐོད་རང་སྟེང་བསྟེན། །</br>15.ས་རི་སྐར་གཅིག་ནོར་བུ་དབྱིབས། ། རུས་ནི་རིན་ཆེན་ལྷ་རླུང་ལྷ། ། ཕྱེ་དང་ཏིལ་ཐུག་བལ་སྲིན་ཟ། ། རླུང་ཁམས་དགྲ་སྐར་བརྗེའི་འབྲུ། ། གནག་བླ་མི་བརྟན་འགྱུར་བ་སྟེ། ། རབ་བྱུང་རབ་གནས་བྱ་བ་དང་། ། དགེ་ལེགས་དཀྱིལ་འཁོར་སློབ་གཉེར་དབང་། ། སྨན་སྦྱོར་ལྷ་སྒྲུབ་འཆད་ཉན་བྱ། ། ལྷ་གཡང་ཞལ་གསོ་རྟེན་བཞེང་དང་། ། ཞིང་ལས་འབྲུ་འཐོར་ས་ཁ་དབྱེ། ། ཚེ་འགུགས་བཟློག་པ་སྲི་མནན་བསྡུམས། ། དྲ་གྱོན་རྒྱལ་ས་བང་མཛོད་འཛིན། ། ཞལ་ཆེ་ཆུ་བརྒལ་སྦྲ་ཁྱིམ་འབུབས། ། གཉེན་སྦྱོར་ལམ་ཞུགས་རྟ་གླང་འདུལ། ། སྟོན་མོ་བག་ཁྲུས་སྦྱིན་སྲེག་བྱེད། ། རྫིང་ཡུར་ཁྱིམ་གསར་སྦྲ་ཕྱར་འཚེམ། ། རྟ་བོང་དྲེའུ་སྒོ་རྒྱག་བཅོས། ། གཏར་བསྲེག་ཆུ་རགས་ལྡུམ་ར་གདབ། ། ཡུལ་མཁར་ཚུར་ལེན་གཤེ་བླང་སོགས། ། རྒྱུས་དབང་ཞི་བ་ཡིས་མཚོན་པའི། ། གསོན་གཤིན་ལས་རྣམས་ཕལ་ཆེར་བཟང་། ། མཁར་ལས་ས་ཞིང་ཡུལ་མཁར་གཏོང་། ། ཕར་འཇལ་དོན་གཉེར་འབྲུ་བང་འབྱེད། ། ལྟད་མོ་ལྟ་རྒྱུག་དུར་འདེབས་སྐྱས། ། རྐུ་ཇག་དྲག་ལས་ངན་པས་འཛེམ། ། བཙས་ན་ཉི་ཤུ་དྲུག་ཅུར་འཚོ། ། རྩིས་པ་འབྱོར་རྙེད་ཁྲོ་བར་མྱུར། ། གཡོ་སྒྱུ་སེམས་ནད་ལོངས་སྤྱོད་ལྡན། ། བཞིན་མཛེས་ཡས་བྱམས་མས་སྡང་ཞིང་། ། ཕྲག་དོག་སེར་སྣ་རང་བཞིན་མཉེན། ། གྲོས་བརྩམ་སྤྲོ་ཞིང་བླ་འདུལ་སྤྱོད། ། བུ་ཡིན་བཙན་ཐུབ་བུ་མོ་བཙན། ། ནད་བཏབ་ཞིག་རལ་སར་ཕྱིན་ལན། ། རྗེན་ཕྱེའི་མ་ཧེའི་གཟུགས་ཀྱི་ཁར། ། ཤ་མེ་བཅུག་ལ་ནད་པར་བསྐོར། ། མི་ཤི་ཟློས་མེད་མོད་ལ་སྦ། ། ས་གཡོས་སྡིགས་དང་གཟས་བཟུང་ངན། ། ལྟས་བྱུང་འཁྲུག་རྩོད་འཕེལ་བ་དང་། ། ཕུ་རལ་ངན་ཞིང་ཆར་བབས་ཞོད། ། སྐར་ཆུང་སྲིན་མོ་མེ་ཁྱེར་ཞེས། ། དབྱར་འབྲིང་ཉིད་དེ་སྟོན་ནམ་གུང་། ། དེ་ལ་ཡོ་ལང་བྱ་མི་རུང་། ། སྒྲིབ་ན་མནོལ་གྱི་ཐོད་པ་དེ། ། རང་སྟེང་བཞག་པས་གནོད་པ་ཞི། །</br>16.ས་ག་སྐར་བཞི་ར་མགོའི་དབྱིབས། ། རུས་མཚན་དབང་པོ་མེ་ལྷ་ལྷ། ། ཏིལ་ངང་མེ་ཏོག་རྒྱ་སྲན་ཟས། ། འགྲུབ་སྐར་མེ་ཁམས་ཞིང་གི་བླ། ། བཏང་སྙོམས་ཅན་ལ་དཀྱིལ་འཁོར་བྲི། ། རབ་བྱུང་རབ་གནས་དབང་བསྐུར་སྒྲུབ། ། སྦྱིན་སྲེག་འཆད་ཉན་སློབ་གཉེར་བྱ། ། གཉེན་སྦྱོར་དྲ་གྱོན་བུ་ལོན་འཇལ། ། བཟོ་དང་ཁྱིམ་གསར་བང་མཛོད་འཛིན། ། སྲི་མནན་རྟ་གླང་འདུལ་བ་དང་། ། ཞིང་ལས་ས་བོན་སྐྲ་སེན་འབྲེག ། ཆེད་བརྩིག་དོན་གཉེར་དབང་དྲག་ལས། ། ཆུ་རགས་དགྲ་འདུལ་ལས་རྣམས་བཟང་། དུར་གནག་ཞིང་བཙོང་བང་མཛོད་དབྱེ། ། ཁྱིམ་འབུབས་མཁའ་ལས་མགྲོན་འགྲོ་ལམ། ། ལྷ་གཡང་ཞུ་གསོལ་ཤིང་དང་ཚོང་། ། རྒྱལ་ས་ལྷ་ཁང་རྟེན་བཞེང་བ། ། སྨན་སྦྱོར་ཞི་དང་རྒྱས་པའི་ལས། ། འབྲུ་འཇལ་ཁ་མཆུ་བུན་གཏོང་སྐྱས། ། སྟོན་མོ་སྐྲ་འཁྲུ་མོ་རྩིས་བྱ། ། བསྡུམ་དང་མེ་ཏོག་ཤིང་འཛུགས་ངན། ། གསོན་པོའི་ལས་དང་ཞིང་ཉོ་འབྲིང་། ། བག་མ་ལེན་བཟང་གཏོང་བ་ངན། ། བཙས་པ་ཚེ་ལོ་བདུན་ཅུར་འཚོ། ། གཟི་བརྗིད་དཔལ་ཆེ་འཁོར་ནོར་ལྡན། ། དགྲ་འདུལ་ཤེས་རབ་བུད་མེད་འདུ། ། ཚེ་སྟོད་ངན་ལ་ཚེ་སྨད་བཟང་། ། ནད་བཏབ་མཚན་མོའི་འགྲུལ་གྱིས་ལན། ། རྗེན་ཕྱེའི་སྟག་གི་གཟུགས་ཀྱི་ཁར། ། བུ་རམ་བཅུག་ལ་བསྐོར་ཞིང་བསྐྱུར། ། མི་ཤི་དེ་ཡི་མོད་ལ་སྦ། ། ལྟས་བྱུང་འགོ་ནད་བད་ཀན་ལྡང་། ། འགྲོ་ཀུན་མེས་ཚིག་ཆོམ་རྐུན་འཆི། ། ཆར་བབས་དེ་ནས་སླར་ཡང་འབབ། ། སྐར་ཆུང་འབྲུ་མོ་ཐང་སྐྱོན་ཞེས། ། དེ་ལ་བྱ་བ་གང་ཡང་བཟང་། ། སྒྲིབ་ན་སྟག་ཐོད་རང་གནས་འཕྱར། །</br>17.ལྷ་མཚམས་སྐར་བཞི་གླང་པོའི་དབྱིབས། ། རིགས་དམངས་ལྷ་ཉི་ཟས་ཆང་དང་། ། སྨན་ཆུང་སྦྲང་རྩི་ས་ཡི་ཁམས། ། མྱུར་བཟང་ཟློས་སྐར་བནྡེའི་བླ། ། རབ་བྱུང་རབ་གནས་ལྷ་གཡང་སྨན། ། དགེ་ལས་ཆོས་སྟོན་མཆོད་རྟེན་གསོ། ། དྲ་གྱོན་རྒྱན་སྤྲོད་རྒྱལ་སར་བསྐོ། ། སྐྲ་འཁྲུ་གཏར་སྲེག་རི་མོ་བཟོ། ། དམག་དྲག་ཕར་རྒོལ་གཏད་དྲག་ལས། དབང་དང་རྒྱས་པའི་ལས་སྤྱི་དང་། ། ཚེ་བསྒྲུབ་ཞིང་ལས་ས་བོན་གདབ། ། ལམ་ཞུགས་རྩེད་འཇོ་མྱུར་སྒྲུབ་ལས། ། རྟ་བོང་དྲེའུ་སྒོ་རྒྱག་པ། ། ཞལ་ཆེ་གཤེ་སྡུར་སྐྲ་སེན་འབྲེག ། ཐག་རིང་བགྲོད་དང་བལ་གཡང་བསྐྱོན། ། རྙེད་ཚུར་ལེན་དང་བྱ་རི་དགས། ། གཤོར་ལ་དོན་གཉེར་ལྷོ་དང་ནུབ། ། ཡུལ་བཟུང་སློབ་གཉེར་ཚུར་ལེན་བཟང་། ། ཁྱིམ་འབུབས་གཤིན་ལས་ཕྱིར་འཇལ་དང་། ། གྲོས་མདུན་མཁར་ལས་ཁྱིམ་གསར་འཛིན། ། ཞི་ལས་སྟོན་མོ་ས་ཁ་དབྱེ། ། རྟ་བོང་དྲེལ་འདུལ་བཅོས་བྱེད་པ། ། བཟློག་པ་སྲི་མནན་གྲོང་ཁྱེར་བརྩིག ། ཞིང་རྨོ་བུ་འབོགས་ཐོབ་འཆའ་ངན། ། བག་མ་ཁྱོ་དང་འབྲལ་བས་འཛེམ། ། བུ་བཙས་ཚེ་ལོ་ཉེར་བརྒྱད་འཚོ། ། ཁྱིམས་ལྡན་ལྕེ་བདེ་གཟུགས་བཟང་ཕྱུག ། དབང་ངལ་ཆོས་ལྡན་བློ་གྲོས་ཆེ། ། བུ་མོ་བཙས་ན་ངན་པ་དང་། ། ནད་བཏབ་འཐབ་མོ་བར་ཞུགས་ལན། ། རྗེན་ཕྱེའི་རི་དྭགས་ཀྲིཎའི་ཁར། ། སྲན་མ་བཅུག་པ་ནད་བསྐོར་བསྐྱུར། ། མི་ཤི་ལྔ་ལ་ཟློས་པས་ངན། ། ལྟས་བྱུང་རྒྱལ་སྲིད་བདེ་བ་དང་། ། འབྲུ་བཏབ་རྒྱུས་ལ་འཁྲུག་རྩོད་མེད། ། ཆར་བབས་དེ་ནས་མྱུར་དུ་འབབ། ། སྐར་ཆུང་བུམ་ལྡན་ཞེས་བྱ་སྟེ། ། དེ་ལ་བྱ་བ་ཐམས་ཅད་འཛེམ། ། སྒྲིབ་ན་ཁྲི་སྙན་ཐོད་པ་ནི། ། རང་སྟེང་བཞག་པས་ཉེས་ཀུན་ཞི། །</br>18.སྣོན་ནི་སྐར་གང་ཐེམ་སྐས་དབྱིབས། ། ལྷ་དབང་པོ་དང་རུས་ལེགས་བྱད། ། ཁ་བྲས་འབྲས་དམར་འབྲས་ཐུག་ཟ། ། ས་ཁམས་མགྲོན་སྐར་ར་ཡི་བླ། ། གཏུམ་དྲག་ངན་ལ་གཡུལ་གཤོམ་དང་། ། མནན་གཏད་འཇོམས་འཕྲོག་དྲག་པོའི་ལས། ། ཕུར་སྒྲུབ་གཡུལ་འགྱེད་བསད་པའི་ལས། ། རྐུན་ཇག་ངན་འཐབ་ཞུ་བ་གསོལ། ། རབ་བྱུང་རབ་གནས་ཚེ་ཡང་འགུགས། ། ལྷ་གསོལ་བཀྲ་ཤིས་རྒྱལ་སར་བསྐོ། ། དགེ་ལེགས་སློབ་གཉེར་ས་བོན་གདབ། ། རྒྱུན་སྤྲོད་ནོར་བླང་བུ་ལོན་སྙེག ། སྐྱེ་ཤིང་ཟམ་འཛུགས་ཆུ་རྐ་ལེན། ། གཏར་སྲེག་རྟ་ཕྱུགས་ཁྱུ་ལ་གཏོང་། ། ལྷོ་དང་ནུབ་ལ་དོན་གཉེར་བ། ། གྲོང་ཁྱེར་གཞོམ་དང་སྲི་མནན་པ། མངོན་སྤྱོད་ཐུགས་འགྱེད་གསོན་ལས་བཟང་། ། མཁར་ལས་དྲ་གྱོན་ལམ་ཞུགས་བཟོ། ། སྨན་སྦྱར་མོ་རྩིས་རྟེན་བཞེང་འདུམས། ། གཤིན་ལས་བྲན་བསྟེན་ར་ཕྱུགས་གཏོང་། ། མིང་འདོགས་ཆུ་རགས་སྐྱོར་བཤས་བྱེད། ། ཤི་ཆོས་དོན་གཉེར་བུ་མོ་སྐྱེས། ། ཞི་རྒྱས་དབང་གི་ལས་རྣམས་དང་། ། བག་མ་གཏོང་ལེན་གཉིས་ཀ་ངན། ། སྐྱེས་པ་སོ་ལྔ་སྙིང་རྗེ་ཆུང་། ། དབུལ་ཞིང་འདོད་ཆུང་ངན་ལ་བརྩོན། ། མཆོད་སྦྱིན་འཕེལ་ཞིང་ཚེ་ཚད་ཐུང་། ། ཆོས་བྱས་མྱུར་དུ་ཁྲིམས་འཆལ་འགྱུར། ། ནད་བཏབ་མཚན་ལ་བྲོས་འུར་ལན། ། རྗེན་ཕྱེའི་སྤྲུལ་གཟུགས་བྱས་པའི་ཁར། ། རྒྱུ་ཡི་སྲན་མ་བཅུག་བསྐྱུར་ཐུབ། ། མི་ཤི་འབྲིང་ཡིན་བསྒྲུབས་ལ་སྦ། ། ལྟས་བྱུང་འབྲུ་རྒྱས་ནད་འཁྲུག་ཞི། ། ཆར་བབས་ཕྱིས་ནས་ཆུང་བ་ཡིན། ། སྐར་ཆུང་ཆེ་ནམ་ཞེས་བྱ་ནི། ། གོས་བཙེམས་ངན་ལ་གཡང་སྒོ་སྡོམ། ། སྒྲིབ་ན་སྤྲེལ་ཐོད་རང་སྟེང་བསྟན། །</br>19.སྣུབས་ནི་སྐར་དགུ་སྡིག་པའི་དབྱིབས། ། ལྷ་ནི་རྔོན་པ་ཅན་དང་ནི། ། རུས་ནི་ཀ་ཏྱཱ་ཡ་ན་འོ། ། འོ་མ་ནགས་རྩ་སྟོང་འབྲས་ཟ། ། དམེ་སྐར་ཆུ་ཁམས་དམངས་པོའི་བླ། ། འབྲས་བུ་ངན་ལ་དམག་འདྲེན་མཚོན། ། བསད་དྲག་ངན་ཐབས་གྲོང་ཁྱེར་འཇོམས། ། རབ་གནས་ཚེ་གཡང་རྟེན་བཞེང་ཚོང་། ། ལྷ་གསོལ་ཞལ་གསོ་སྐྱས་བྱ་བ། ། མཁར་ལས་སྟོན་མོ་ས་བོན་གདབ། ། གཤིན་ལས་མོ་རྩིས་སྲི་མནན་བཟློག ། ཞི་ལས་སྒོ་འཛུགས་བང་བ་བརྩིག ། རྒྱུན་སྤྲོད་གཏམ་གཏོང་ཐུག་འགྱེད་པ། ། ནོར་རྫས་ཚུར་ལེན་ལས་ཕྲ་མོ། ། དབང་དྲག་ལ་སོགས་གསོན་པོའི་ལས། ། མདོས་དང་གཏོར་མ་བྲན་ལས་བཟུང་། ། ཕར་འཇལ་ལམ་ཞུགས་རྒྱལ་སར་འཇུག ། དོན་གཉེར་དྲ་གྱོན་ཤེ་མར་གཏོང་། ། སྒྲ་ཕྱིར་ཐབ་བཅའ་རྒྱལ་མཚན་འཛུགས། ། དུར་འདེབས་བསྡུད་ཁ་ཟ་འོག་འཇུག ། མིང་འདོགས་ཆུ་རགས་ཁྱིམ་གསར་འཛིན། ། སྦྱིན་སྲེག་བྱེས་བགྲོད་རྒྱལ་པོའི་ལས། ། ཞི་བ་རྒྱས་པའི་ལས་སྤྱི་དང་། ། མདུན་གྲོས་བཀྲ་ཤིས་དགེ་ལེགས་ལས། ། བག་མ་གཏོང་ལེན་ངན་པས་སྤང་། ། བཙས་པ་སོ་ལྔ་རེ་གསུམ་འཚོ། ། སྐལ་ལྡན་ཁང་ནོར་འབྲུ་ཡི་བདག ། བུ་མོ་བཙས་ན་སོས་པ་དཀའ། ། ང་རྒྱལ་སྲིད་དང་ངན་ལས་བརྩོན། ། ནད་བཏབ་མི་གཙང་ཤ་མར་ལན། ། རྗེན་ཕྱེའི་རྨ་བྱའི་གཟུགས་ ཀྱི་ཁར། ། ཏིལ་བཙུག་ནད་པར་བསྐོར་ཞིང་བསྐྱུར། ། མི་ཤི་ནོར་ངན་མོད་ལ་སྦ། ། ལྟས་བྱུང་ཞོད་ཆེ་སྦྲུམ་མ་བདེ། ། ནད་མེད་སྐྱ་རྒྱལ་སྨན་རིགས་དང་། རིགས་སྔགས་ཚོང་རྣམས་འཕེལ་བར་འགྱུར། ། ཚོང་བ་གྲུ་མཁན་དག་ལ་ངན། ། ཆར་བབས་ཕྱིས་ནས་འཐེན་ཞེས་ཟེར། ། སྐར་ཆུང་ཁྲུས་མོ་བུ་སྐྱེས་བྱ། ། དེ་ལ་བུ་སྲིང་རྫོང་པ་ངན། ། སྒྲིབ་ན་རྨ་བྱའི་ཐོད་པ་དེ། ། རང་ཐོག་འཕྱར་བས་ཉེས་པ་ཞི། །</br>20.ཆུ་སྟོད་སྐར་བཞི་ཀ་ཏྱའི་རིགས། ། ཆུ་ལྷ་ལྷར་འཛིན་མཆོད་རྟེན་དབྱིབས། ། ནྱ་གྲོ་ཏ་ནི་ཟས་སུ་ཟ། ། ཆུ་ཁམས་གཡང་སྐར་བརྟན་དོན་འགྲུབ། ། གཏུམ་དྲག་ཤ་མར་ནས་ཀྱི་བླ་། ། རང་བྱུང་རབ་གནས་ལྷ་གཡང་དབང་། ། གཉེན་སྦྱོར་རྒྱལ་ས་སྐྱེད་ཚལ་བཟོ། ། ཞལ་གསོ་འཁོར་དང་བུད་མེད་བསྟེན། ། ཞུ་གསོལ་ས་བོན་ནོར་ཕྱུགས་ལེན། ། རྒྱུན་སྤྲོད་སྐུ་འཁྲུ་ས་ཁ་དབྱེ། ། ལྟད་མོ་རྟ་ཕྱུགས་ཞིང་ཁང་ཉོ། ། བཟློག་རིམ་སྦྱིན་སྲེག་བང་མཛོད་བཅའ། ། མཁར་ལས་རྒྱལ་སར་བསྐོ་བ་དང་། ། ཚེ་སྒྲུབ་མིང་འདོགས་དྲག་ལས་ཤིད། ། ལམ་ཞུགས་སྦྲ་ཕྱར་འཚེམ་དང་ཚོང་། ། བཀྲ་ཤིས་དོན་གཉེར་ལྷོ་དང་ནུབ། ། རྨོས་འཛུགས་ངོ་བསྲོ་དགྲ་དང་འཐབ། ། གཉེར་གསར་བསྐོ་སོགས་གསོན་ལས་བཟང་། ། འབྲུ་ནོར་ཕྱིར་གཏོང་བང་ཁ་དབྱེ། ། དྲ་གྱོན་གཤིན་ལས་ཐབ་ཁ་འཆའ། ། འཕོ་སྐྱེས་སྟོན་མོ་རྟ་རྒྱུག་པ། ཞི་རྒྱས་ལས་དང་ཆུ་རགས་བརྩིག ། བག་མ་མི་རུང་ངན་པས་སྤང་། ། བཙས་ལོ་བརྒྱད་ཅུ་ཆོས་ལྡན་ཐོས། ། བཟོ་དང་བྱ་བ་ཀུན་ལ་མཁས། ། འཁོར་དུང་ང་རྒྱལ་ཆེ་ནའང་། ། ཚེ་རིང་ལྡན་པས་མཐོ་རིས་ཐོབ། ། བུ་མོ་སྐྱེས་ན་ངན་པར་འགྱུར། ། ནད་བཏབ་བྱུར་ཅན་ཡུགས་སས་ལན། ། རྗེན་ཕྱེའི་ཆུ་སྲིན་གཟུགས་ཀྱི་ཁར། ། ཤུ་ཐག་བཅུག་བསྒྱུར་ནད་ལས་གྲོལ། ། མི་ཤི་ནོར་ངན་ཕྱིར་དབྱུང་ངོ་། ། ལྟས་བྱུང་ཆར་བབས་སྦྲུམ་མ་བདེ། ། ནད་མེད་སྐྱ་རྒྱལ་སྨན་སྔགས་འཕེལ། ། མགར་བ་རྣམས་ལ་ངན་པ་ཙམ། ། ཆར་བབས་དེ་ནས་སླར་ཡང་འབབ། ། སྐར་ཆུང་ཁྱེའུ་རྒྱས་བྱེད་ལ། ། ལས་དང་བྱ་བ་གང་ཡང་བཟང་། ། སྒྲིབ་ན་ཆུ་སྲིན་གཟུགས་ཚང་བ། ། རང་སྟེང་བཟུང་བས་ཉེས་ཀུན་ཞི། །</br>21.ཆུ་སྨད་སྐར་བཞི་བྲེ་ལྷ་བུ། ། རིགས་ནི་རྟག་གུ་ལྷ་ཐམས་ཅད། ། ཁ་ཟས་སྦྱང་ཡོས་ས་ཡི་ཁམས། ། འགྲུབ་སྐར་རབ་བརྟན་འབྲུ་ཡི་བླ། ། རྒྱན་འདོགས་རབ་གནས་འཆད་ཉན་དབང་། ། བསྙེན་སྒྲུབ་སྡོམ་ལེན་བྲན་གཡོག་བསྟེན། ། འབྲུ་ནོར་ཚུར་ལེན་སྐྱེད་པོ་འཇུགས། ། རྟེན་བཞེང་དྲ་གྱོན་རྒྱལ་སར་འཛུག ། མཁར་ལས་ཡུལ་གསར་གནས་གཞི་བཟུང་། ། ལྷ་གཡང་ཚེ་སྒྲུབ་མོ་རྩིས་བྱ། ། སྐྱེ་ཤིང་མེ་ཏོག་སྐྲ་འཁྲུ་ཁྲུས། མདུན་གྲོས་བཀྲ་ཤིས་བྱ་བ་དང་། ། གཤིན་ལས་ས་བོན་བང་མཛོད་བཅའ། ། ཟློག་རིམ་སྦྲ་ཕྱར་འཕོ་སྐྱས་བསྡུམས། ། རྟ་བོང་དྲེའུ་སྒ་རྒྱག་བཅོས། ། རྒྱལ་མཚན་བ་དན་རྫིང་ཡུར་འཆོས། ། སྨན་སྦྱོར་བག་མ་གཏོང་ལེན་བྱ། ། དབང་དང་ཞི་རྒྱས་ལས་སྤྱི་དང་། ། མིང་འདོགས་གསོན་པོའི་བྱ་བ་བཟང་། ། ཕྱུགས་བཤུག་འབྲུ་འཇལ་མར་གཏོང་བ། ། རོ་བསྲེག་ལམ་ཞུགས་བང་མཛོད་དབྱེ། ། སྐྲ་སེན་ཆུ་རགས་དུར་སྦ་བཟོ། དྲག་ལས་མཛོ་མོ་ཕྱི་ལ་གཏོང་། ། སྦྲ་ཁྱིམ་འབུབས་དང་དོན་གཉེར་འཛེམ། ། བཙས་ན་བརྒྱད་ཅུ་རྩ་ལྔ་འཚོ། ། ཕྱུག་ཅིང་སྦྱིན་གཏོང་རྫུན་བྲལ་དྲང་། ། བུ་གྲོགས་མང་ཞིང་མཁས་རིག་བཟོ། ། ནད་བཏབ་ཞིང་རྨོས་ས་ཁས་ལན། ། རྗེན་ཕྱེའི་ཁྱུང་གི་གཟུགས་ཀྱི་ཁར། ། སྡོ་བཅུག་ནད་པར་བསྐོར་ལ་བསྐྱུར། ། ཤི་བ་ནོར་ལ་ངན་པ་ཡིན། ། ཆར་བབས་སླར་ཡང་ཆེ་བར་འབབ། ། ལྟས་བྱུང་རྒྱལ་སྲིད་བདེ་བ་དང་། ། ནང་འཁྲུག་རྩོད་ཅིང་འབྲུ་རྣམས་རྒྱས། ། མགར་བའི་རིགས་ལ་ངན་པར་བྱེད། ། སྐར་ཆུང་རྡེའུ་ཐོད་དཀར་ཞེས། ། བག་མ་ལེན་དང་ཤི་བ་བཟང་། ། སྒྲིབ་ན་དྲེད་ཐོད་རང་སྟེང་འཕྱུར། །</br>22.གྲོ་བཞིན་སྐར་གསུམ་བྲེ་ལྟ་བུ། ། རུས་ནི་མོའུ་གལ་ལྷ་ཁྱབ་འཇུག ། ཁ་ཟས་མར་གསར་བྱ་ཤ་ཟ། ། ས་ཁམས་མགྲོན་སྐར་བོན་པོའི་བླ། ། མྱུར་ཞིང་འགྱུར་ལ་བློ་གྲོས་གཞི། ། རྫིང་ཡུར་ཆུ་ལས་སོ་ནམ་ཚོང་། ། སྐྱིད་སྟོན་དགེ་ལེགས་ཚེ་གཡང་གཉེན། ། དྲ་གྱོན་རྒྱན་སྤྲོས་ཁྱིམ་གསར་འཛིན། ། རྟེན་བཞེང་བཟློག་རིམ་མོ་རྩིས་བྱ། ། སྨན་སྦྱོར་གཏར་སྲེག་ཕར་རྒོལ་བསྡུམ། ། ལྷ་གསོལ་འབྲུ་གདབ་ས་ཁ་དབྱེ། ། བཟའ་ཚང་ནོར་བཙལ་བང་མཛོད་དབྱེ། ། ལམ་ཞུགས་དོན་གཉེར་རྟ་གླང་འདུལ། ། བང་བརྩིག་ནོར་འཇལ་ལྟད་མོ་དང་། ། མི་གཡང་འགུགས་རྩེད་མྱུར་ལས་བཟང་། ། རབ་བྱུང་རབ་གནས་རྒྱལ་སར་བསྐོ། ། གསོན་ཆོས་བྱ་དང་བོན་ཆོག་བྱ། གཤིན་ལས་དམག་ཇག་བུ་ལོན་འཇལ། ། རྟ་བོང་བྱ་གཅོད་ཡོན་སྤྲོད་པ། ། སྲི་མནན་སྟོན་མོ་ཤིད་ལས་སྤང་། ། བག་མ་ལེན་ལ་ཤིས་པ་ཡིན། ། ཞི་དྲུག་ལས་རུང་དབང་རྒྱས་ངན། ། བཙས་ན་དྲུག་ཅུ་རྩ་གཉིས་འཚོ། ། ཤེས་ཡངས་སེམས་བཟང་རྒྱལ་པོ་བྱམས། ། དཔའ་ཞིང་ནད་དཀོན་དགྲ་ལས་རྒྱལ། ། ནད་བཏབ་འདོང་སྣ་འདྲེས་ཀྱི་སར། ། ཕྱིན་ལན་རྟེན་ཕྱེའི་མ་ཧེའི་གཟུགས། ། ཁ་རུ་ཁྲག་དྲུག་བསྐྱུར་ན་ཕན། ལྟས་བྱུང་ཆར་བབས་སྦྲུམ་མ་བདེ། ། སྐྱ་རྒྱལ་སྨན་དང་རིག་སྔགས་འཕེལ། ། ཆར་བབས་དེ་ནས་མྱུར་དུ་འབབ། ། སྐར་ཆུང་རྡེའུ་མགོ་དམར་ཞེས། ། གསོན་གཤིན་ལས་རྣམས་ཕལ་ཆེར་བཟང་། ། སྒྲིབ་ན་གླང་ཐོད་རང་སྟེང་འཕྱར། །</br>23.བྱི་བཞིན་སྐར་གསུམ་དབྱིབས་གླང་མགོ ། རུས་ནི་སོ་མ་ལྷ་ཚངས་པ། ། གཤིན་སྐར་རླུང་ཟ་ས་ཡི་ཁམས། ། མྱུར་ལ་འགྱུར་བའི་སྐར་མ་སྟེ། ། རབ་གནས་སྐྲ་བཞར་སེལ་བྱེད་པ། ། དགྲ་ལྷ་གསོལ་དང་དགྲ་ལ་རྒོལ། ། ཕྱིར་འཇལ་གསོན་དགེ་གཤིན་ལས་དང་། ། ཆང་བཙོ་མཁར་ལས་ས་བོན་འདེབས། ། སྲི་མནན་པ་དང་མོ་འདེབས་བཟང་། ། མདུན་གྲོས་དོན་གཉེར་རྒྱལ་སར་བསྐོ། ། དྲ་གྱོན་མཐུ་འགྱེད་གསེབ་གཏོང་བ། ། བཀྲ་ཤིས་དགེ་ལེགས་བྱ་བའི་རིགས། ། གཤིན་དང་ཚེ་ནོར་སྒྲུབ་པ་སོགས། ། དམིགས་བསལ་མ་གཏོགས་ཞི་རྒྱས་དབང་། ། དྲག་པོའི་ལས་རྣམས་ཕལ་ཆེར་ངན། ། འབྲས་བུ་བྱིངས་ནི་གྲོ་བཞིན་མཚུངས། ། བག་མ་གཏོང་ལེན་ཤཱ་རགས་སྤང་། ། སྐྱེས་པ་དྲུག་ཅུ་འཚོ་བ་དང་། ། ཐོས་ལྡན་མཁས་པ་ཆགས་སྲེད་ཆུང་། ། སེམས་བཟང་དགྲ་འདུལ་འབྱོར་སྟོབས་ལྡན། ། སྐར་ཆུང་ལྷ་ལྕམ་སྐར་གཅིག་ཅེས། ། ཤི་བ་སྦེད་ཅིང་གླུ་བྲོ་བཟང་། ། སྒྲིབ་ན་ཤ་ཐོད་རང་སྟེང་བསྟན། །</br>24.མོན་གྲེ་སྐུར་བཞི་བྱ་ལྷ་བུ། ། རུས་ནི་གནས་འཇོག་ལྷ་ནོར་ལྷ། ། ཁ་ཟས་རྒྱ་སྲན་བྱི་ལའི་ཤ། ། ཆུ་ཁམས་མགྲོན་སྐར་རྟ་བོང་བླ། ། མྱུར་ཞིང་འགྱུར་ལ་རབ་གནས་དབང་། ། རབ་བྱུང་གཡང་འགུགས་སྨན་སྦྱོར་ཚོང་། ། རྟེན་བཞེང་མཁར་ལས་ཁྱིམ་གསར་འཛིན། ། དྲ་གྱོན་རྒྱུན་སྤྲོས་རྟ་བོང་འདུལ། ། བྲེས་བརྩིག་ཞིང་འདེབས་ས་ཁ་དབྱེ། ། ལམ་ཞུགས་དོན་གཉེར་ཞུ་བ་གསོལ། ། དབང་དང་དྲག་པོའི་ལས་སྤྱི་དང་། ། གསོན་ལས་དམག་ཇག་ཆོས་སྟོན་འདྲེན། ། ལྷ་གསོལ་མདུན་མ་ཆད་པ་བརྩིག ། སྐྲ་འཁྲུ་རྟ་བཅོས་བྱེད་སོགས་བཟང་། ། གཤིན་ལས་ནོར་རྫས་རྟ་ཕྱུགས་གཏོང་། ། བཟློག་པ་སྲི་མནན་རྒྱལ་སར་འཇུག</br>རྟ་བོང་དྲེའུ་སྤུ་རྒྱུག་རྒྱུག ། ཞི་རྒྱས་འཕོ་སྐྱས་ཐབ་འཆའ་གཉེན། ། བག་མ་གཏོང་ལེན་ངན་པས་འཛེམ། ། བཙས་པ་ཉེར་ལྔའམ་དྲུག་ཅུར་འཚོ། ། སེམས་བཟང་སྨན་མཁས་བུ་ནོར་འཕེལ། ། ཁྲོ་ཞིང་བྱ་བརྩོན་རང་བཞིན་ངན། ། བློ་རྩིང་སྟར་ཕོད་གླུ་གར་མཁས། ། བླུན་ཞིང་ཆུ་ཡིས་འཆི་བ་འགྱུར། ། བུ་མོ་བཙས་པ་མཛེས་པར་ལྡན། ། སྐར་ཆུང་རྒྱལ་ནམ་གང་ཡང་བཟང་། ། ནད་བཏབ་འགུལ་ཕྱིན་ལན་པ་སྟེ། ། རྗེན་ཕྱེའི་མི་ཡི་གཟུགས་ཀྱི་ཁར། ། སྔོ་བཅུག་ནད་པར་བསྐོར་ལ་བསྐྱུར། ། ཤི་ན་གཅིག་ཟློས་མེད་དུར་སྦ། ། ལྟས་བྱུང་རྒྱལ་སྲིད་བདེ་བ་དང་། ། ནད་མེད་འཁྲུག་ཞི་འབྲུ་འཕེལ་བྱེད། ། རྟ་བོང་ངན་ལ་ཆར་བབས་ཞོད། ། སྒྲིབ་ན་རྟ་ཐོད་རང་སྟེང་འཕྱུར། །</br>25.མོན་གྲུ་མི་རིང་ལྟ་བུ་འམ། ། མེ་ཏོག་ཕུང་དབྱིབས་ལྷ་ཆུ་ལྷ། ། རུས་ནི་སྐར་མའི་བུ་ཡི་བརྒྱུད། ། ཁ་ཟས་ར་ཤ་ས་ཡི་ཁམས། ། གཡང་སྐར་རབ་བརྟན་རྟ་བོང་བླ། ། ཆོས་འཆད་རབ་གནས་རབ་བྱུང་དབང་། ། སྨན་སྦྱོར་ས་བོན་རྒྱལ་སར་བསྐོ། ། གཞན་གྱི་སློབ་དཔོན་གནས་གཞི་བཟུང་། ། རྟེན་བཞེང་མཛོད་བཅའ་ས་ཁ་དབྱེ། ། རྟ་བཅོས་རྟ་འདུལ་རྟ་ཕྱུགས་ཉོ། ། གཤིན་ཆོས་ལམ་ཞུགས་ཚུར་ལེན་བསྡུམས། ། ཉོ་ཚོང་ཡུལ་བཟུང་སྐྱེ་ཤིང་འཛུགས། ། དགེ་ལེགས་མདུན་གྲོས་གསོན་བརྟན་ལས། ། དོན་གཉེར་སྒྲུབ་མཆོད་གཡང་ལོན་ལྷ། ། དམག་ཇག་ས་འཛིན་ལྟད་མོ་སོགས། ། དམིགས་བསལ་མ་གཏོགས་ཞི་རྒྱས་དབང་། ། ལས་སྤྱི་བཟང་ལ་དྲག་ལས་རུང་། ། རྒྱུན་སྤྲོས་དྲ་གྱོན་རྫིང་ཡུར་འདུ། ། བཟློག་པ་བཟོ་དང་སྐྲ་སེན་འབྲེག ། རྟ་བོང་ནོར་གཏོང་སྣོད་ཁ་དབྱེ། ། མཁར་ལས་བྱ་དང་རྐུན་མ་ཤིང་། ། རྟ་རྒྱུག་སྦྲ་ཕྱིར་འཚེམ་ལ་སོགས། ། བག་མ་གཏོང་ལེན་གཉིས་ཀ་ངན། ། བཙས་པ་མྱུར་འཆི་ཁྲོ་རྒོད་ལྡན། ། ཕྱུག་ཅིང་གཟུགས་བཟང་སྟེར་ཕོད་བརྩོན། ། བབ་ཅོལ་ནད་མེད་སྙིང་ཡང་ཆེ། ། ནད་བཏབ་ཡུགས་སའི་ཟས་ཀྱིས་ལན། ། རྗེན་ཕྱེའི་མི་གཟུགས་བཟོས་པའི་ཁར། ། འབྲས་བཅུག་ནོད་པར་བསྐོར་ལ་བསྒྱུར། ། མི་ཤི་ཡུལ་ཚོགས་དེ་ལ་ངན། ། ལྟས་བྱུང་སྲིད་བདེ་འབྲུ་འཕེལ་ཞིང་། ། ནད་འཁྲུག་ཞི་ལ་ཆར་བབས་ན། ། སླར་འབབ་ཆུ་ནང་སེམས་ཅན་ངན། ། སྐར་ཆུང་ལྷ་མོ་གཡང་སྐར་ཞེས། ། ལྷ་གསོལ་གཡང་བསླན་ཚུར་ལེན་བཟང་། ། སྒྲིབ་ན་འུག་ཐོད་རང་སྟེང་བསྟན། །</br>26.ཁྲུམས་སྟོད་སྐོར་གཉིས་ཤིང་རྟའི་དབྱིབས། ། སྐྱེ་བོ་ལས་ཀྱི་རྒྱུད་ཡིན་ལ། ། ལྷ་ནི་འབའ་ཞིག་འཚོ་བ་སྟེ། ། ཁ་ཟས་ལུག་གི་ཤ་ཁྲག་སྤྱོད། ། གཤིན་སྐར་མེ་ཁམས་བརྗེའི་བླ། ། བརྟན་པའི་དོན་གྲུབ་སྐར་མ་སྟེ། ། དབང་བསྐུར་རབ་གནས་ཚེ་འགུགས་གཉན། ། ལྷ་གསོལ་སྦྱིན་སྲེག་མཁར་ལས་བསྡུམས། ། སྨན་སྦྱོར་གསོན་ལས་མདུན་གྲོས་སྐྱས། ། ཕྱུགས་མ་ཉོ་དང་རྟ་ཕྱུགས་འདུལ། ། ནོར་ལེན་ཐབ་བཅའི་རྒྱལ་མཚན་འཛུགས། ། ཤིང་འཛུགས་བྲན་བསྟེན་བཟོ་རིག་སློབ། ། གཤིན་ལས་སེལ་འཛུགས་གཞི་ཡི་ཚོང་། དགེ་བའི་ལས་དང་ཁྱི་བསྟེན་པ། ། ཤཱ་རགས་བརྩིག་སོགས་ཆུ་བོ་བསྲུང་། ། ས་བཟུང་སྦྲ་ཕྱར་མིང་འདོགས་བཟང་། ། ནོར་འཇལ་ཞལ་ཆེ་ཁ་སྨྲས་ལམ། ། དྲ་གྱོན་སྐྲ་འཁྲུ་རྫིང་ཡུར་འདུ། ། དོན་གཉེར་ཐག་རིང་ས་ཁ་དབྱེ། ། སོ་ནམ་འགོ་འཛུགས་ཤིང་རྐུ་ཇག ། རྨོས་འབྱེད་ཞིང་ལས་རྟ་རྒྱུག་པ། ། བག་མ་གཏོང་ལེན་ངན་པས་སྤང་། ། དབང་དྲག་ལས་རུང་ཞི་རྒྱས་ངན། ། བཙས་པ་གོ་ལྔ་གཤིས་ངན་བླུན། ། སྐུ་གསོད་དམག་ཇག་གཡོ་སྒྱུ་དགའ། ། གཉེན་བརྩེ་ནོར་ལྡན་ཕྱིར་མི་སྡང་། ། གཞན་ལ་གནོད་ཚེ་སྟེར་མི་ཕོད། ། ནད་བཏབ་རྟེན་འབྲེལ་མོན་གྲུ་བཞིན། ། མི་ཤི་མྱུར་དུ་བཏང་ན་བཟང་། ། ལྟས་བྱུང་མགོ་ནད་མིག་ནད་ལྡང་། འབྲུ་དཀོན་ནོར་འཚིག་བཤན་པར་ངན། ། བད་ཀན་ནད་མང་ཆར་བབས་ཞོད། ། སྐར་ཆུང་ལུ་ཁུ་གཉིས་ལྡན་ཞེས། ། ར་བ་འགྲོ་མཁར་གང་ཡང་ངན། ། སྒྲིབ་ན་རབས་ཆད་ཐོད་པ་ནི། ། རང་སྟེང་བསྟན་ན་ཉེས་པ་ཞི། །</br>27.ཁྲུམས་སྨད་སྐར་གཉིས་རྣ་བའི་དབྱིབས། ། ལྷ་ནི་སྦྲུལ་གཟའ་རུས་ནོར་རྒྱུས། ། ཁ་ཟས་པལ་སྲན་ཆུ་ཡི་ཁམས། ། གཤིན་སྐར་མྱུར་བཟང་དྲག་ཤུལ་ཆེ། ། རྒྱན་སྤྲོས་ལམ་སྨན་རི་མོ་བཟོ། ། རབ་གནས་ཕྱུགས་སྤེལ་འཇལ་ལེན་བྱེད། ། རྒྱལ་ས་འཆད་ཉན་དབང་སྡོམ་ལེན། ། དྲ་གྱོན་མདུན་མ་འབྲུ་ནོར་སྡུད། ། རྫིང་ཡུར་ཞིང་ལས་ས་བོན་གདབ། ། རྟེན་བཞེང་བཟློག་པ་སྲི་མནན་བྱ། ། གཤིན་ལས་བྲན་བསྟེན་སྐྲ་འཁྲུ་ཤིད། དབང་དྲག་མྱུར་ལས་དམག་བརྐུ་ཇགོ ། ཆང་བཙོ་ཉོ་ཚོང་ས་ཁ་དབྱེ། ། སྐྱེ་ཤིང་མེ་ཏོག་འཛུགས་པ་བཟང་། ། ལྷ་གསོལ་གཡང་འགུགས་འདུ་ལོང་བྱེད། ། མཁར་ལས་ཁྱིམ་འཛིན་གྲོང་ཁྱེར་བརྩིག་གཏར་སྲེག་ཐབ་བཅའ་སྦྲ་ཕྱར་འཚེམ། ། གསོན་ལས་དོན་གཉེར་སྟོན་མོ་བསྡུམས། ། མཐོང་འཛུགས་ཆུ་རགས་སྐྲ་སེན་འབྲེག ། ལྟད་མོ་བུ་མོ་བཙས་དང་ཤིང་། ། ཞི་རྒྱས་བག་མ་དུར་འདེབས་ངན། ། བུ་བཙས་ལྔ་བཅུའམ་དྲུག་ཅུར་འཚོ། གླུ་གར་རིགས་མཁས་ཆོས་སྦྱིན་བྱེད། ། ཕྱུག་ཅིང་སྦྱིན་དགའ་དྲང་པོར་སྨྲ། ། ཚུལ་ཁྲིམས་ཤེས་རབ་སྙིང་རྗེ་ལྡན། ། འཁོར་བསྟེན་འདུ་ཞིང་དགྲ་ལས་རྒྱལ། ། ནད་བཏབ་ཆང་བསིངས་འཐུངས་པས་ལན། ། རྗེན་ཕྱེའི་མི་ཡི་གཟུགས་ཀྱི་ཁར། ། སྔོ་བཅུག་ནད་པར་བསྐོར་ཞིང་བསྐྱུར། ། སྐར་ཆུང་སྐར་དྲུག་ཅེས་བྱ་བར། ། རྡེའུ་འགོ་དྲོས་ལས་མི་བྱེད། ། ལྟས་བྱུང་ཆར་བབས་སྦྲུམ་མ་བདེ། ། ནད་མེད་སྐྱ་རྒྱལ་སྨན་རིག་འཕེལ། ། བཟོ་བོའི་རིགས་ལ་ངན་པ་ཙམ། ། ཆར་བབས་མྱུར་འབབ་སྒྲིབ་པའི་ཚེ། ། སྦྲུལ་ཐོད་རང་སྟེང་བསྟན་པས་ཐུབ། །</br>28.ནམ་གྲུ་སྐར་མ་སུམ་ཅུ་གཉིས། ། གྲུ་དབྱིབས་རུས་ནི་སྐྱེས་པའི་བུ། ། ལྷ་ནི་ཉི་མ་ཕྱེ་ཤ་ཟ། ། ཆུ་ཁམས་འགྲུབ་སྐར་མི་བརྟན་འགྱུར། ། རབ་བྱུང་རབ་གནས་ཆོས་འཆད་དབང་། ། ལྷ་སྒྲུབ་སྡོམ་འབོགས་གོས་གསར་གྱོན། ། མཁར་ལས་ཞལ་ཆེ་རྒྱལ་སར་བསྐོ ། ལྷ་གཡང་སྨན་སྦྱོར་དགེ་ལེགས་ཚོང་། ། སྟོན་མོ་ཕྱུགས་འབྱེད་ས་བོན་གདབ། ། ཁྱིམ་འཛིན་སྐྲ་འཁྲུ་ས་ཁ་འབྱེད། ། གཤིན་ལས་རོ་དྲང་ཤིང་དང་སྐྱས། ། གཏར་སྲེག་མིང་འདོགས་སྐྲ་སེན་འབྲེག ། ཞུ་འབུལ་མདུན་མ་རང་དོན་སྒྲུབ། ། ཕྱུགས་འདུལ་ཁ་སྨྲས་རྐུ་བ་དང་། ། རྟ་དང་བོང་བུའི་བྱ་གཅོད་པ། ། གསོན་ལས་སྐྱེ་ཤིང་འཛུགས་པ་སོགས། ། དབང་ཞིའི་ལས་བཟང་རྒྱུས་པ་རུང་། ། གོས་དྲ་ལམ་ཞུགས་བུ་འབོགས་འགྱེད། ། དམག་དྲག་འཕྲོག་འཇོམས་བརྟན་ལས་དང་། ། བཟློག་རིམ་ཐབ་འཆའ་སྦྲ་ཕྱིར་འཚེམ། ། བསྡུམས་བྱ་ཆུ་རགས་བུ་མོ་འབོགས། ། ཐུག་འགྱེད་བྱ་དང་ཡུལ་འདོན་དང་། ། གསེབ་སྤྲོད་འབྲུ་ནོར་ཕྱིར་གཏོང་ངན། ། དོན་གཉེར་བྱེས་ངན་རང་ཡུལ་བཟང་། ། བག་མ་བྱེས་ན་བུ་མི་སྐྱེ། ། བཙས་ན་ཉེར་བརྒྱད་དགུ་བཅུ་འཚོ། ། རབ་མཛངས་འབྲུ་ནོར་འབྱོར་ལ་བརྩོན། ། མི་གཞན་དག་ལ་རབ་ཏུ་བཟང་། ། དབང་པོ་ཚང་ཞིང་དཔའ་བ་ཡིན། ། སྐར་ཆུང་ལས་སྣ་གྲོ་ལོད་ཅེས། ། ནམ་ཕྱེད་ཉི་ཕྱེད་ལས་མི་བྱེད། ། ནད་བཏབ་བུད་མེད་ཤི་བས་ལན། ། རྗེན་ཕྱེའི་མི་ཡི་གཟུགས་ཀྱི་ཁར། ། བུ་རམ་བཅུག་ལ་བཞི་མདོར་བསྐྱུར། ། དེ་ཡིས་ཞག་གསུམ་ནད་ལས་གྲོལ། ། མི་ཤི་རྩིས་མཁན་དག་ལ་ངན་། ། ལྟས་བྱུང་ཆར་བབས་སྦྲུམ་མ་བདེ། ། སྐྱ་རྒྱལ་སྨན་དང་རིག་སྔགས་འཕེལ། ། རྩིས་མཁན་ལ་ངན་ཆར་བབས་ཞོད། ། སྒྲིབ་ན་རབས་ཆད་མོ་ཡི་ཐོད། ། རང་གི་ཕྱོགས་བསྟན་ཉེས་པ་ཞི། ། དེ་རྣམས་རྒྱུ་སྐར་སོ་སོ་ཡི། ། སྒོས་ཀྱི་འབྲས་བུ་མདོ་ཙམ་བཤད། །སོ་སོ་ཡི། ། སྒོས་ཀྱི་འབྲས་བུ་མདོ་ཙམ་བཤད། །)
• Dictionaries/chos rnam kun btus/5191  + (1.མིག་དམར། 2.ལྷག་པ། 3.ཕུར་བུ། 4.པ་སངས། 5.སྤེན་པའོ། །)
• Dictionaries/chos rnam kun btus/5767  + (1.མིག༌དམར། 2.ལྷག༌པ། 3.ཕུར༌བུ། 4.པ༌སངས། 5.སྤེན༌པའོ། །)
• Dictionaries/chos rnam kun btus/10437  + (1.འགྲུབ་སྦྱོར་བདུན་པོ་སྤྱིར་་བཟང་ཡང་། ། དམ … 1.འགྲུབ་སྦྱོར་བདུན་པོ་སྤྱིར་་བཟང་ཡང་། ། དམིགས་བསལ་སྤང་བྱ་འདི་ལྟར་ཡོད། ། ཉི་མར་ཁང་ཕུབ་ཁྱིམ་དེ་ཕུང་། ། ཟླ་བར་དམག་ཇག་ཁ་ཉེས་འབྱུང་། ། མིག་དམར་མཛོ་ཕྱུགས་ཕྱིར་གཏོང་ངན། ། ལྷག་པར་བག་བྱས་ཁྱོ་བོ་ཤི། ། ཕུར་བུ་ཤིད་བྱས་མི་གཡང་ཉམས། ། པ་སངས་བག་བླངས་བུ་མི་འབྱུང་། ། སྤེན་པར་བུ་ཚ་ཕྱིར་གཏོང་ངན། །</br>2.ཟུང་སྦྱོར་བདུན་ལ་ཞི་རྒྱས་དབང་། ། བཟང་ཞིང་དྲག་པོའི་ལས་ལ་འཛེམ། །</br>3.བདུད་རྒྱལ་དགྲ་ལྷ་མཆོད་པ་དང་། དགྲ་མནན་ལ་སོགས་དྲག་ལས་བཟང་། །</br>4.གྲུབ་ཉི་གལ་ཆེའི་བྱ་བ་སྤྱི། ། ཁྱད་པར་བསྙེན་སྒྲུབ་མཆོག་ཏུ་བཟང་། །</br>5.བཀྲ་ཤིས་ཉི་མར་དབང་བསྐུར་དང་། ། རབ་གནས་ལྷ་གསོལ་དགེ་ལས་བཟང་། །</br>6.འཕེལ་ཉིར་ཡོན་ཏན་སློབ་པ་དང་། ། ཆུ་འབེབས་ཁྲོན་འདྲུ་ཞིང་ལས་དགེ། །།</br>7.ཆུབ་ཉི་བདུན་འདིའི་ཁྲུམས་སྟོད་ལས། ། ཟུང་སྦྱོར་དང་མཚུངས་བཟང་ལས་དགེ། །</br>8.མཐུན་ཉིར་བར་བསྡུམས་གཉེན་བཟོ་སོགས། ། ཕན་བྱའི་ལས་རྣམས་ཐམས་ཅད་བཟང་། །</br>9.སྦྱོར་ཉིར་ལྷ་གསོལ་ལྟས་སྟོན་དང་། དགེ་ལས་བཟང་ཞིང་དྲག་ལས་ངན། །</br>10.བདུད་ཉིར་བྱ་བ་སྤྱིར་ངན་ཞིང་། ། ཡོངས་འཇོམས་མཐུ་གཏད་ངན་བྱེད་བཟང་། །</br>11.འཆི་སྦྱོར་མཁར་ལས་ཚེ་སྒྲུབ་སོགས། ། ལས་དང་བྱ་བ་ཕལ་ཆེར་ངན། །</br>12.མི་ཕྲོད་ཉི་མར་ངན་ལས་བཟང་། ། སྨན་དང་མཐུན་སྦྱོར་ཕན་ལས་བཟང་། །</br>13.མི་མཐུན་ཉི་མར་ངན་བྱེད་བཟང་། ། བཟང་ལས་ཕལ་ཆེར་ངན་པས་སྤང་། །</br>14.འཇིག་ཉིར་བག་མ་ལམ་ཞུགས་སོགས། ། བྱ་བ་སྤྱིར་ངན་ངན་བྱེད་ཤིས། །</br>15.སྲེག་སྦྱོར་རམ་ནི་གཏན་སྤང་འདིར། ། གལ་ཆེའི་བྱ་བ་ཐམས་ཅད་དང་། ། ཁྱད་པར་གཏར་སྲེག་སྤང་བར་བྱ། ། ཞེས་སོ། །། ། ཁྱད་པར་གཏར་སྲེག་སྤང་བར་བྱ། ། ཞེས་སོ། །)
• Dictionaries/chos rnam kun btus/11044  + (1.ལྷོའི་དམར་པོ་འབར་བ་མཆེད་པའི་མཚན་ཉིད་ཅན་ག … 1.ལྷོའི་དམར་པོ་འབར་བ་མཆེད་པའི་མཚན་ཉིད་ཅན་གྱི་མཐུ་ལས་དུས་མེ། ཉི་མ། མིག་དམར། ཕུར་བུ། སྤེན་པ་སྟེ་དྲག་གཟའ་ལྔ་དང་གློག རྟ་གདོང་མེ་བཅས་བདུན། །</br>2.བྱང་གི་དཀར་པོ་འབར་བ་སྣང་བའི་མཚན་ཉིད་ཅན་གྱི་མཐུ་ལས་སྒྲ་གཅན། ཟླ་བ། ལྷག་པ། པ་སངས། མཇུག་རིང་སྟེ་ཞི་གཟའ་ལྔ་དང་། ཆར། རྒྱ་མཚོ་སྟེ་ཆུ་བདུན། །</br>3.ནུབ་ཀྱི་སེར་པོ་འབར་བ་རགས་པའི་མཚན་ཉིད་ཅན་གྱི་མཐུ་ལས་ས་ཕྲ་སྦོམ། རྡོ་ཕྲ་སྦོམ། སྐར་མ་ཕྲ་སྦོམ། འཇའ་ཚོན་ཏེ་བདུན།</br>4.དེ་ལྟར་ཤར་ནུབ་གཉིས་ས་རླུང་ཟུང་བདུན། ལྷོ་བྱང་གཉིས་མེ་ཆུ་ཟུང་བདུན་ནོ། ། (གཞན་ཤར་གྱི་ནག་པོ་འབར་བ་ཉེར་ཐོབ་ཀྱི་མཚན་ཉིད་ཅན་གྱི་མཐུ་ལས་ཕྱི་རོལ་གྱི་མཉམ་གནས་ལ་སོགས་པའི་རླུང་བདུན་ཞེས་བཀོད་དོ།།)ཉམ་གནས་ལ་སོགས་པའི་རླུང་བདུན་ཞེས་བཀོད་དོ།།))
• Dictionaries/chos rnam kun btus/8229  + (1.ཤར་དུ་པ་སངས། 2. ལྷོར་ཕུར་བུ། 3. ནུབ་ཏུ་ཟླ་བ། 4. བྱང་དུ་ལྷག་པ། 5. ཤར་ལྷོར་མིག་དམར། 6. ལྷོ་ནུབ་ཏུ་སྒྲ་གཅན། 7. ནུབ་བྱང་དུ་ཉི་མ། 8. བྱང་ཤར་དུ་སྤེན་པའོ། །)
• Dictionaries/chos rnam kun btus/1326  + (1.སྟོད་ཀྱི་དཔའ་སྡེ་བསྐོས་ལུགས་ནི། སྟོད་ཀྱི … 1.སྟོད་ཀྱི་དཔའ་སྡེ་བསྐོས་ལུགས་ནི། སྟོད་ཀྱི་དཔའ་སྡེ་སོ་བྲག་སྟག་པོ་རོང་ཡན་ཆད། མོན་ཁ་བཞི་མན་ཆད་དེ། ཡུལ་དེ་ན་གནས་པའི་གུག་ཅོག་སྡེ་ལྔ་ལ། འབྲོ། ཁྱུང་པོ། འགར། སྣུབས། གཉོན་འདྲེ་ལྔ་གནས་ཏེ། གུག་གེ་དང་གུག་ཅོག་གིས་དཔོན་བྱས་སྟེ། གྲུ་གུ་གསེར་མིག་ཅན་གྱི་ཆུང་མ་ཧོར་མོ་སྤྱིར་མདུང་ཅན། ནུ་མ་གཡས་པ་མེ་བཙས་བསྲེགས་ནས། མདའ་སྤུར་གསུམ་གྱི་མགོ་ཙམ་པ། རྡོ་ལེབ་ལའང་ཅུར་འབྱིན་པ་ལ་ཁ་བལྟས་ནས་འཐབ་པའི་ཚེ། དཔའ་མཚན་སྟག་གི་སྤྱིལ་པོ་ཕུབ། འོག་རྟ་གཡུལ་དུ་བསད། མགོའི་སྐྲ་བཤིག གདོང་པ་ཁྲག་གིས་བྱུགས། སླར་མི་ལྡོག་པའི་ཚུལ་བྱས་ནས་འཐབ་པའི་ན་དཔའ་བའོ། །</br>2.བར་གྱི་དཔའ་སྡེ་བསྐོས་ལུགས་ནི། རི་སྤེན་མ་ལུང་གིས་ཡར་བཅད། ཆགས་སྒོ་དང་པས་མར་བཅད་པའི་ཡུལ་དེ་ན་རྒྱལ་སྡེ་བཅུ་གཉིས་ལ། ནགས་ཤོད་སྟོང་བུ་ཆུང་གིས་དཔོན་བྱས་ཏེ། ལྗང་མོ་ཐག་མདུང་ཅན་གླང་པོ་ཆེའི་མདུང་ཁུར་ཏེ། དམག་དང་བཅས་ནས་འོངས་པ་ལ། འཐབ་པའི་ཚེ། དཔའ་རྟགས་སུ་རལ་གྲི་ལ་རི་མོ་བྲིས། དུར་རྒྱགས་ལྟོར་ཟོས། ཚ་ལེབ་རྒྱབ་ཏུ་གོན། སླར་མི་ལྡོག་པའི་བསམ་པ་དང་བཅས་ཏེ། དཔའ་བོའི་རལ་ཁ་བྱས་པས་ན་དཔའ་བའོ། །</br>3.སྨད་ཀྱི་དཔའ་སྡེ་བསྐོས་ལུགས་ནི། རྨའི་སྤོམ་རས་མར་བཅད། བཀའ་ཐང་ཀླུ་རྩེས་ཡར་བཅད། ལོམ་ཤི་རྒྱ་མཁར་ལ་སོ་མཚམས་གཏད་པའི་ཡུལ་དེ་ན། གནས་པའི་མཐོང་ཁྱབ་སྲིད་སྡེ་དགུའི་སྟེང་དུ་བཞི་ཞ་སྡེ་དྲུག་བསྣན་པ་ལ། རྒྱའི་སོ་མཁར་བྱང་གི་བར་ལ་རྟ་པ་དགུ་སྒྲིལ་རྒྱུག་ཏུ་བཏུབ་པའི་ནང་ན། མི་སྤེ་ཐུང་ཙམ་པས་དགྲ་སྟའི་ཁ་ཁྲུ་གང་རེ་ཙམ་ཐོགས་ནས་འཐབ་པའི་ཚེ། ལྡོང་སྟོང་གི་བུ་དོར་ཏེ་ཕྱུག་མཚམས་ཀྱིས་དཔོན་བྱས་ནས། དཔའ་རྟགས་སུ་རལ་གྲིའི་ཤུབས་བཅག། ཁ་ཆེམས་ཉེ་བ་ལ་བཞག བུ་སྨད་གྲོང་པ་ལ་བཅོལ་ནས། ཕྱིར་མི་ལྡོག་པའི་བསམ་པ་དང་བཅས་ནས། དཔའ་བོ་ཡི་མདུང་ཁ་བྱེད་པས་ན་དཔའ་བའོ། །་ནས། དཔའ་བོ་ཡི་མདུང་ཁ་བྱེད་པས་ན་དཔའ་བའོ། །)
• Dictionaries/chos rnam kun btus/7522  + (ཁག་གཉིས་པ། 1. ཉི་མ་པད་གཉེན་ལྷ་སྐྱེས་པ། ། ལ … ཁག་གཉིས་པ།</br>1. ཉི་མ་པད་གཉེན་ལྷ་སྐྱེས་པ། ། ལྷ་དང་སྐྱེས་པའི་གཟའ་ཡིན་པས། ། རྒྱལ་པོའི་བླ་གཟའ་རྒྱལ་རིགས་ཡིན། ། ཞི་བ་དམར་སྐྱ་མེ་ཡི་ཁམས། ། རྒྱལ་སར་བསྐོ་དང་ཕོ་བྲང་གདབ། ། རྒྱལ་སྲིད་ལས་དང་མི་ཆེན་མཇལ། ། དངོས་ལེན་སྦྱིན་སྲེག་སྨན་སྦྱོར་ཁྲུས། དབང་བསྐུར་རབ་བྱུང་ཤིང་འཛུགས་མཚོན། ། ཐབ་འཆའ་བ་དན་རྒྱལ་མཚན་འཛུགས། ། འབྲུ་གདབ་རྐུན་ཇག་བཟློག་པ་བྱ། ། བུ་བཙས་རྟ་རྒྱུག་རྟ་ཕྱུགས་འདུལ། ། གཡང་ལོན་རྒྱལ་མིངམིང་འདོགས། ། ཆུ་རགས་རྟ་དྲེའུ་སྒ་རྒྱག་པ། ། གསེར་ཤིང་པགས་པ་རུས་པའི་བཟོ། ། འབྲོག་དགོན་འགྲོ་དང་མེ་ལས་བསངས། ། ཆོས་འདོན་ལྷ་གསོལ་ཞུ་འབུལ་བ། ། ཕྱག་བཙལ་སློབ་གཉེར་ནགས་ཁྲོད་འགྲོ། ། སྟོན་མོ་ཡོ་ལང་དྲི་བཟང་ལས། ། བཀྲ་ཤིས་དགེ་ལེགས་བྱ་བ་བཟང་། ། ཟླ་སྨད་ཉིན་མོ་སེང་ཁྱིམ་སྟོབས། ། མནའ་སྐྱེལ་གཤིན་ཆོས་ཤིད་རོ་འདོན། ། བཙོན་བཟུང་མི་ཐར་ཚིག་ངན་སྨྲ། ། ཞི་ལས་ནད་འབྲི་གཏར་སྲེག་བྱེད། ། ལྷ་ཁང་རྨང་འདིང་སྐྲ་སེན་འདྲེག ། གོས་འདྲ་གྱོན་པ་སྦྲ་ཕྱ་འཚེམ། ། ཁྱིམ་འཛིན་སྲི་མནན་གྲོང་ཁྱེར་རྩིག ། ཞིང་འདེབས་རྫིང་ཡུར་ས་ཁ་དབྱེ། ། བག་མ་རབ་གནས་མེ་ཏོག་འཛུགས། ། སྐྱས་བྱེད་གླང་འདུལ་བང་མཛོད་བརྩིག ། ནོར་གཡང་ཕྱིར་གཏོང་བསྡུམས་བྱེད་པ། ། ཁ་མཆུ་རྩོད་པ་སོགས་ལ་ངན། ལམ་ཞུགས་སྤྱིར་ངན་ཁྱད་པར་དུ། ། ལྷོ་བྱང་མཚམས་རྣམས་སྤང་བ་ཡིན། ཁྱེའུ་ཞག་ཟླ་བ་བདུན་བསོས་ན། ། བུ་ཕོ་ཚེ་རིང་མི་ཆེན་བྱམས། ། བུ་མོ་སྐྱེས་ན་ཕྱུག་ན་ཡང་། ། ཁྱིམ་གསོ་འདྲེན་ཅིང་སླར་བུ་མོ། ། སྐྱེ་བས་ངན་པར་བཞེད་པ་ཡོད། ། ཤི་ན་དགུ་འམ་བདུན་ལ་ཟློས། ། སྒྲ་སོགས་ལྟས་ངན་ཆར་པ་འབྲིང་། ། ནད་ཀྱིས་བཏབ་ན་དཀར་གྱི་ཕྱིར། ། འབྲངས་པའི་བདུད་བཙན་གྱི་བོ་གནོད། ། བཙན་མདོས་བདུད་མདོས་ཀླུ་བརྒྱད་དང་། ། ཆུ་གཏོར་ལོ་གྲངས་བྱིས་སྟོན་བྱ། ། ངར་གླུད་དྲི་ཅན་ནད་གོས་དྲིལ། ། ས་སྲོས་འདྲེ་ལྔ་ཕྱོགས་སུ་སྐྱེལ། ། རྐུན་མ་མིག་ཚག་གདོང་རྨེན་ཡོད། ། ཡང་ན་བན་བོན་བརྒྱུད་གསུམ་པ། ། སྒོ་ནི་ལྷོ་བལྟ་རིན་ཆེན་རིགས། ། མི་རྙེད་རྟ་ཕྱུགས་སྲོག་ཆགས་རྙེད། ། སྒྲིབ་ན་གྲོད་ནང་ཆུ་བླུག་ལ། ། ཉི་དཀྱིལ་བྲིས་ལ་ཕག་གི་ཐོད། ནམ་མཁར་འཕྱར་ཐུབ་ཕར་རྒོལ་ན། ། རྟ་སྤྲུལ་ལོ་པ་ཆས་གོས་དང་། ། མདུང་དར་དམར་ཁྱེར་ལྷོ་ནས་ནུབ། ། དམག་གི་སྣ་དྲངས་སྭོས་གདབ་བྱ། ། ཚུར་བྱུང་བྱི་ཕག་ལོ་པ་ཡིས། ། ཆས་གོས་སྔོན་གྱོན་ཆུ་ཕོར་གཏོར། ། </br>2. ཟླ་བ་བུད་མེད་ཀླུའི་བླ་གཟའ། ། རྗེ་རིགས་དཀར་སེར་ཆུ་ཁམས་ཞི། ། སྨན་སྦྱོར་ས་བོན་ཆང་བཙོ་ཁྲུས། ། ཆུ་ལས་བཀྲ་ཤིས་བྲན་གཡོག་བསྟེན། ། ཀླུ་སྨན་ཐབ་འཆའ་ཁྱིམ་གསར་འཛིན། ། ལྷ་མཆོད་རྫིང་ཡུར་ས་ཁ་འགྱེ། ། རབ་གནས་བག་མ་སྤོས་སྦྱོར་དྲི། ། གླང་འདུལ་ལྟད་སྟོན་བསྡུམ་བྱ་བ། ། སྐྲ་འཁྲུ་ཞི་བཟོ་སླ་སེན་འདྲེག ། བཅུད་ལེན་རྒྱན་འདོགས་ཕྱག་བྱ་བ། ། གཉན་སྦྱོར་གོས་འདྲ་འོ་མའི་ལས། ། རྟ་འདུལ་ཞིང་དང་ཤིང་འབྲས་དང་། ། མེ་ཏོག་འཕྲེང་གྱོན་འབྲས་འབྲུའི་ལས། ། གཏར་ཁ་མེ་བཙའ་བློན་མིང་འདོགས། ། བླ་ལ་ཡོན་འབུལ་གཡང་འགུགས་པ། ། བུ་རམ་ཤིང་དང་དངུལ་ཆུའི་ལས། ། ཞི་དང་རྒྱས་པའི་ལས་རྣམས་དང་། ། ལྷ་ཁང་རྨང་འདིང་རྟེན་བཞེངས་བཟང་། ། ཀརྚའི་ཁྱིམ་དང་མཚན་མོ་སྟོབས། ། ནོར་ལེན་གཡང་ཅན་ཕྱིར་གཏོར་ཤིང་། ། སྲི་གནོན་རོ་འདོན་དབང་དྲག་ལས། ། རབ་བྱུང་ཆོས་ཉན་ཁ་མཆུ་མང་། ། གོས་གྱོན་མཁར་ལས་དྲག་མཚོན་བཟོ། ། ཆུ་རགས་སྦྱིན་སྲེག་རྔོན་སོགས་ངན། ། ལམ་ཞུགས་སྤྱིར་ངན་ལྷོ་ནུབ་ངན། ། མི་ཤི་ ཟློས་མེད་བུ་སྐྱེས་ཕྱུག ། ཤིན་ཏུ་བཙན་པར་འབྱུང་བ་དང་། བུ་མོ་མཛེས་དུངས་ཡིད་དུ་འོང་། ། ཆར་བབས་སླར་ཡང་མང་དུ་འཕེལ། ། ལྟས་བྱུང་ཆུ་འཇིག་བོན་ལ་ངན། ནད་ཀྱིས་བཏབ་ན་ཡུགས་སའི་ཕྱིར། ། འབྲངས་པའི་ཀླུ་སྲིན་གཤིན་འདྲེ་གནོད། ། ཆུ་གཏོར་མ་མོའི་མདོས་ཀྱིས་བཅོས། ལུག་གྲོད་ཆུ་ཕོར་ལོ་གྲངས་བླུག ། ཉ་སྦྲུལ་གཟུགས་དང་གླུད་དྲི་ཅན། ། བླུག་ལ་ས་སྲོས་ཆུ་འཐབ་བསྐྱལ། ། ནོར་དོར་བྱུང་ན་ཁྱིམ་མཚེས་ཀྱི། ། བྱིས་པ་ཤ་དཀར་སྐུ་སེར་པོ། ། སྒོ་བྱང་ཁྱི་ནག་ཡོད་པས་ཁྱེར། ། སྒྲིབ་ན་ར་སྒྲེར་ས་སེར་བླུག ། ལུག་ཐོད་དར་སྣས་བརྒྱན་པས་ཐུབ། ། རྒོལ་ན་བྱི་ཕག་ལོ་པ་ཡིས། ། ཆས་དང་དར་མདུང་སྔོན་ཐོགས་ཏེ། ། བྱང་ནས་ལྷོ་ལ་སྭ་བཏབ་བྱ། ཚུར་བྱུང་གླང་ལུག་ལོ་པ་ཡིས། ། ས་སེར་གདོང་ལ་གཏོར་བར་བྱ། །</br>3. (མིག་དམར་)བཀྲ་ཤིས་ལྷ་མིན་སྐྱེས་སྤྱི་དང་། ། དམག་དཔོན་བླ་གཟའ་རྒྱལ་རིགས་ཡིན། ། དམར་ནག་དྲག་པོ་མི་ཡི་ཁམས། ། དམག་ལས་སྒྱུ་རྩལ་དམག་དཔོན་བསྐོ། ། དྲག་ལས་དགྲ་འཇོམས་རྒྱལ་སར་འཇུག ། ཞལ་ཆེ་ཁ་མཆུ་རྐུན་ཇག་འཕོང་། ། བཟློག་པ་སྲི་མནན་རྟ་རྒྱུག་པ། ། སྒ་རྒྱག་ཤྭ་རགས་བརྩིག་པ་དང་། ། སྦྱིན་སྲེག་ཟོར་འཕེན་མཐུ་གཏད་བྱེད། ། བུ་ལོན་སྙེག་དང་ཡུལ་གསར་འཛིན། ། ཁྱི་གསོ་མེ་བཙའ་ཆོ་ལོ་རྩེ། ། གསེར་དང་བྱུ་རུ་རལ་གྲིའི་ལས། ། ཡུལ་མཁར་གཞོམ་པ་བྱི་གཤོར་པ། ། དབང་དྲག་ལས་དང་དྲག་རིམ་བཟང་། ། ལུག་སྡིག་ཁྱིམ་དང་མཚན་དགུང་སྟོབས། ། རབ་བྱུང་རབ་གནས་བག་མ་ཁྲུས། ། རྒྱན་གདགས་དགེ་ལས་དབང་བསྐུར་མོ། ། དུར་ཤིང་གསང་གྲོས་བྲན་གཡོག་བསྟེན། ། མཁར་ལས་ལྷ་ཁང་རྟེན་བཞེངས་རྩིས། སྨན་སྦྱོར་བཟོ་དང་སྐྲ་སེན་འདྲེག ། ནོར་གཏོང་གཏར་ཁ་གྲོང་ཁྱེར་རྩིག ། འདུ་འཚོག་སྟོན་མོ་ས་བོན་གདབ། ། ལྷ་མཆོད་ཐབ་འཆའ་བང་མཛོད་འཛིན། ། རྫིང་ཡུར་ཞིང་ལས་ས་ཁ་འབྱེད། ། བཙོན་ཚུད་སྐྱེ་ཤིང་མེ་ཏོག་འཛུགས། ། གསོན་དགེ་བརྟན་པ་བཀྲ་ཤིས་ལས། ། ལྟད་མོ་བསྡུམས་བྱེད་གཡང་བསླན་ཚོང་། ། དྲ་གྱོན་ཕྱ་ཐེར་སྦྲ་འཚེམ་སྐྱས། ། ཞི་རྒྱས་དཀར་ཕྱོགས་ཕལ་ཆེར་ངན། ། ལམ་ཞུགས་སྤྱིར་ངན་ཁྱད་པར་དུ། ། ལྷོ་བྱང་མཚམས་རྣམས་ཤིན་ཏུ་ངན། ། བུ་བཙས་གསོ་དཀའ་སྡིག་ལ་སྤྱོད། ། དབྱེན་བྱེད་ང་རྒྱལ་ཁོང་ཁྲོ་ཆེ། ། བུ་མོ་སྐྱེས་ན་མྱུར་དུ་འཆི། ། ཆར་བབས་ཕྱིས་ཐན་ལྟས་བྱུང་ན། ། མཚོན་འཇིག་དམག་དཔོན་སྡིག་སྤྱོད་ངན། ། ནད་བཏབ་དམན་དང་བཤས་ཀྱིས་ལན། ། ཐབ་གཞོབ་མི་གཙང་ཕྱོགས་ངན་པའི། ། དམར་ཕྱིར་བཙན་དང་གྲེ་བོ་གནོད། ། གཟུངས་ཆོག་ལྷ་གསོལ་བཙན་ཆོག་བྱ། ། ནོར་དོར་མི་དམར་བོངས་ཐུང་བ། ། སྔར་ཉེ་ཕྱིས་དགྲ་སྒོ་ལྷོར་བལྟ། ། ཕྱུགས་དང་ཁྱི་དམར་ཡོད་པས་ཁྱེར། ། སྒྲིབ་ན་བྱི་བའི་ཐོད་ནང་དུ། ཆུ་བླུག་རླིད་བུ་ནམ་མཁར་འཕྱར། ། ཤི་ན་གསུམ་ཟློས་ཕར་རྒོལ་ན། ། རྟ་སྦྲུལ་ཆས་གོས་དམར་པོ་ཡིས། ། སྭ་གདབ་ལྷོ་ནས་ནུབ་ཏུ་འགྲོ། ། ཚུར་བྱུང་བྱི་ཕག་ཆུ་གཏོར་བྱ། །</br>4. ལྷག་པ་གནོད་སྦྱིན་མ་ནིང་གཟའ། ། རྒྱལ་པོའི་བླ་གཟའ་དམངས་ཀྱི་རིགས། ། ཞི་བ་སྔོ་ལྗང་ཆུ་ཡི་ཁམས། ། སྙན་ངག་སྒྲ་སློབ་བསྟན་བཅོས་རྩོམ། ། སྔགས་བཟླ་རིན་ཆེན་་ས་ལས་ཚོང་། ། སྡོམ་ལེན་རབ་གནས་ཡིག་རྩིས་སློབ། ། དབང་བསྐུར་ཆོས་སློབ་ཆུ་ཡི་ལས། ། བསྡུམས་དང་འབྲེལ་སྙེག་ཁྱིམ་གསར་འཛིན། ། རྒྱན་འདོགས་དྲ་གྱོན་དོན་གཉེར་བ། ། གཡང་ལོན་འཁོར་བསྟེན་ཞི་བའི་ལས། ། སྐྲ་འཁྲུ་ཡོན་འབུལ་བྱ་བ་དང་། ། མཁར་ལས་རྫིང་ཡུར་ཁྲོན་པ་འདྲུ། ། ལྷ་ཁང་རྟེན་བཞེངས་བང་མཛོད་འཛིན། ། འཕོ་སྐྱས་ཞིང་འདེབས་ས་ཁ་དབྱེ། ། བཟོ་དང་སྐྱེ་ཤིང་མེ་ཏོག་འཛུགས། ། ཕྱུགས་འདུལ་མོ་རྩིས་གཤིན་ལས་བྱ། ། རྟ་དྲེལ་སྒོ་རྒྱག་རང་དོན་སྒྲུབ། ། གཏར་སྲེག་གཉེན་དང་སྐྲ་སེན་འདྲེག ། རྒྱལ་པོའི་ཁྲུས་དང་མིག་འཁྲུལ་སྟོན། ། ནད་ལེན་དཀར་ཕྱོགས་དགེ་ལས་བཟང་། ། ལམ་ཞུགས་སྤྱིར་བཟང་ཤར་བྱང་དང་། ། མཚམས་སུ་ཕྱིན་ན་ངན་པ་ཡིན། །</br>དཀར་པོའི་སྟོད་དང་ནག་པོའི་སྨད། ། འཁྲིག་དང་བུ་མོའི་ཁྱིམ་སྟོབས་ཆེ། ། ཁྱད་པར་རྒྱས་པའི་ལས་ལ་ཤིས། ། རབ་བྱུང་ཆང་བཙོ་དུར་སྤོ་མདོས། ། ནོར་གཏོང་ཐབ་འཆའ་ཆུ་རགས་རྩིག ། ཆོས་ཉན་སྨན་སྦྱོར་བག་མ་ལེན། ། དབང་ལས་ཀུན་དང་བཟློག་རིམ་བྱེད། ། དགྲ་དང་རྩོད་དང་ཞལ་ཆེ་གཅོད། ། དམག་ཇག་རྐུན་མ་དྲག་ལས་ངན། ། དུར་འདེབས་བཀག་པར་བཤད་ཀྱང་ཡོད། ། བུ་སྐྱེས་ངན་ཅིང་ཨ་མ་རྩུབ། ། ནད་བུ་ཅན་དུ་འོང་བ་དང་། ། བུ་མོ་བཙའ་ན་ཕ་མ་དབུལ། ། མོ་རང་ཟས་ནོར་དབང་ཐང་ཆེ། ། མི་ཤི་ལྔར་ངན་བཙོན་མི་ཐར། ། ཆར་བབས་ཕྱིས་ཞོད་ལྟས་བྱུང་ན། ། རླུང་འཇིག་ཆུ་འགྲམ་གྲོང་ཁྱེར་དང་། ། སྐྱེས་པའི་ཚོགས་ལ་ངན་པར་བྱེད། ། ནད་བཏབ་བན་བོན་བྱད་ཁ་འམ། ། བུ་སྲིང་ཕྱིར་འབྲངས་ཀླུ་གནོད་པས། ། གྲིབ་སེལ་ཀླུ་ཆོག་བྱས་ན་བཟང་། ། ནོར་དོར་ཁྱིམ་ཚེས་བྲིས་པ་འམ། ། བུད་མེད་སྒོ་བྱང་ཁྱི་ནག་ཅན། ། ཁྱེར་ཞིང་སྒྲིབ་ན་གླང་ཐོད་པ། ། མཁར་འཕྱར་ལུག་ཐོད་ལག་ཏུ་བཟུང་། ། དམག་འདྲེན་བྱི་ཕག་ཆས་གོས་སྔོ། ། སྣ་དྲངས་ནུབ་ནས་ལྷོར་སྭོ་གདབ། ། ཚུར་བྱུང་གླང་ལུག་ས་སེར་གཏོར། ། </br>5. (ཕུར་བུ་)བླ་མ་བྱང་སེམས་བློན་པོ་དང་། ། བནྡེ་སྐྱེས་པའི་བླ་གཟའ་ཡིན། ། སྐུ་མདོག་སེར་པོ་བྲམ་ཟེའི་རིགས། ། ཞི་དྲག་འདྲེས་མ་རླུང་གི་ཁམས། ། རབ་བྱུང་དབང་བསྐུར་རབ་གནས་སྡོམ། ། བག་མ་དྲ་གྱོན་ས་བོན་གདབ། ། དགེ་ཕྱོགས་དཀྱིལ་འཁོར་སྦྱིན་སྲེག་བྱ། ། རིག་བསླབ་འཆད་ཉན་རྒྱལ་སར་འཇུག ། གཏར་ཁ་རྒྱག་དང་དབང་གི་ལས། ། མེ་བཙའ་སྨན་སྦྱོར་མོ་རྩིས་བྱ། ། མཁར་ལས་ཐབ་འཆའ་ཁྱིམ་གསར་འཛིན། ། ཆང་བཙོ་སྔགས་བཟླ་རྒྱན་འདོགས་ཚོང་། ། སྲི་མནན་ལྷ་ཁང་རྟེན་བཞེངས་བྱ། ། སྦྲ་ཕྱར་འཚེམ་དང་བ་དན་འཛུགས། ། ཤིང་ལས་འཕོ་སྐྱས་རྟ་གླང་འདུལ། ། རྟ་དྲེལ་སྒ་རྒྱག་འཁོར་བསྟེན་བསྡུམས། ། སྟོན་མོ་མེ་ཏོག་ཤིང་འཛུགས་བཟང་། ། སྐྲ་འཁྲུ་རིན་ཆེན་ལྔ་ཡི་ལས། ། བཟློག་པ་མཐུ་གཏད་ཧོམ་སྤར་བ། ། ཕ་མའི་དོན་དང་རྔ་ཡབ་ལས། ། མདུན་གྲོས་བརྟན་པའི་ལས་བྱ་དང་། ། གཤེགས་གསོལ་བཀྲ་ཤིས་བྱ་བར་བཟང་། ། ལམ་ཞུགས་སྤྱིར་བཟང་ནུབ་ཕྱོགས་སྤང་། ། བསྐྲད་ལས་ཉ་དང་གཞུ་ཁྱིམ་སྟོབས། ། ཐོག་འབུབས་དུར་འདེབས་མནའ་སྐྱེལ་དམག ། ནད་ཐེབས་ཕྱུགས་གཏོང་སྐྲ་སེན་འབྲེག ། མདོས་གཏོར་ཟོར་ཁ་འཕེན་པ་དང་། ། བཙོན་ཚུད་བཟོ་ཡི་བྱ་བ་ངན། ། གཤིན་ལས་ངན་ཀྱང་ཤིད་སྟོན་བཟང་། ། མི་ཤི་ཤུལ་ལ་ངན་པ་ཙམ། ། བུ་ཕོ་སྐྱེས་ན་བཞིན་ངན་ཅིང་། ། བློ་གསལ་མཁས་ཤིང་ཆོས་ཀྱང་བྱེད། ། བུ་མོ་ཚེ་རིང་གྲོགས་ཀྱང་བཟང་། ། ལྟས་བྱུང་ཐོག་འཇིགས་དགེ་སློང་དང་། ། རིག་བྱེད་མཁན་ལ་ངན་པར་བྱེད། ། ནད་བཏབ་མཚན་མོའི་འགྲུལ་གྱི་ཕྱིར། ། འབྲངས་པའི་ཀླུ་སྲིན་རྒྱལ་པོ་གནོད། ། ཟོར་མདོས་ཀླུ་བརྒྱད་བྱས་ན་ཕན། ། རྐུན་མ་སྔགས་བརྒྱུད་ལག་ཤེས་མཁན། ། སྤུན་གསུམ་ནུབ་ནས་ཤར་དུ་ཁྱེར། ། སྒྲིབ་ན་སྤྲེལ་ཐོད་ལྕགས་ཀྱི་མདའ། ། བྱའི་གསོབ་གཞུའི་ནང་བཅུག་ལ། ། ཕུར་པ་བཙོན་དུ་བཟུང་བས་ཐུབ། ། ཕར་རྒོལ་སྟག་ཡོས་ལོ་པ་ཡིས། ། ཆས་དང་རུ་ཚོན་ལྗང་གུ་ཡིས། ། ཤར་ནས་མཚམས་སུ་སྣ་འདྲེན་ཐོབ། ། ཚུར་བྱུང་བྱ་སྤྲེལ་ལོ་པ་ཡིས། ། ཆས་གོས་དཀར་གྱོན་ལྕགས་ཕྱེ་གཏོར། ། སྣ་ལ་རལ་གྲི་ཕྱར་བས་ཐུབ། །</br>6. (པ་སངས་)དཀར་པོ་སྟག་གཟིག་རྒྱལ་བློན་དང་། ། བུད་མེད་བླ་གཟའ་བྲམ་ཟེའི་རིགས། ། ཞི་བ་ས་མཁན་སྣ་ཚོགས་མདོག ། ལྷ་གསོལ་ཆོས་འཆད་རབ་བྱུང་གནས། ། དཀར་ཕྱོགས་རིམ་གྲོ་ལྷ་རྟེན་བཞེངས་། ། ཆང་བཙོ་གྲོགས་བཙལ་ས་བོན་གདབ། ། གཉེན་སྒྲིབ་མཛའ་བོ་བག་མ་ཚོང་། ། རྒྱན་འདོག་དྲི་སྦྱོར་སོ་ནམ་ལས། ། ལྷ་ཁང་ཁང་གསར་རྨང་གཞི་འདིང་། ། དྲ་གྱོན་མཁར་ལས་རྫིང་ཡུར་འདྲུ། ། ལྕགས་སོགས་རིན་ཅན་ལྷ་ཡི་བཟོ། ། གཏར་ཁ་རྒྱག་དང་རྒྱས་པའི་ལས། ། མེ་བཙའ་ཁྱིམ་འཛིན་ལྟད་མོ་དང་། ། འཁོར་བསྟེན་གཤིན་གྱི་བྱ་བ་སྤྱི། ། རྟ་རྒྱུག་རྩེད་མོ་ཐབ་ཁ་བཅའ། ། སྟོན་མོ་སྐྲ་འཁྲུ་སྐྲ་སེན་འབྲེག ། ས་དབྱེ་རྟ་དྲེལ་སྒ་རྒྱག་པ། ། མདུན་གྲོས་བརྟན་དང་བཀྲ་ཤིས་ལས། ། མོ་རྩིས་རིག་སློབ་སྨན་ཚོང་བསྡུམས། ། རྒྱལ་སྲིད་བྱ་བ་ཞལ་ཆེ་གཅོད། ། རྙེད་བཀུར་ཞུ་གསོལ་ཕྱག་མཆོད་འབུལ། ། ཆུ་རགས་བུད་མེད་བགྲོད་བཙོན་བཟང་། ། ལམ་ཞུགས་སྦྱིར་བཟང་ལྷོ་བྱང་དང་། ། ནུབ་ཀྱི་ཕྱོགས་སུ་ཕྱིན་ན་ངན། ། མར་ངོ་གླང་སྲང་དབང་ལས་འགྲུབ། ། བཤགས་འཁོན་འཕོ་སྐྱས་བུ་ལོན་འཇལ། ། དུར་སྦ་མགྲོན་འགྲོ་མདོས་གཏོར་འཕེན། ། ནད་ཐེབས་རྐུན་ཇག་འཁོན་པར་ས། ། དྲག་ལས་ལ་སོགས་ངན་པ་ཡིན། ། ཧོམ་སྤར་ངན་ཞེས་བཀག་ཀྱང་ཡོད། ། བུ་སྐྱེས་ཚེ་རིང་དབང་རྣོ་ཕྱུག ། བུ་མོ་ནད་འོང་དཔལ་ཀྱང་ཆེ། ། མི་ཤི་བདུན་ཟློས་ཆར་བབས་ལེགས། ། ལྟས་བྱུང་འབྲུ་འཕེལ་སློབ་དཔོན་དང་། བུད་མེད་ལ་ངན་ནད་བཏབ་ན། ། ཚོང་ཕྱིར་འབྲངས་པའི་རྒྱལ་བཙན་གནོད། ། ཀླག་འདོན་བསངས་སེལ་བཙན་ཆོག་བྱ། ། ནོར་དོར་ཡུགས་ས་སྒོ་ལྷོ་ནུབ། ། ཁྱི་དཀར་ཡོད་པ་ཞིག་གིས་ཁྱེར། ། སྒྲིབ་ན་སྤྲུལ་ཐོད་ནམ་མཁའ་འཕྱུར། ། རྔ་མོ་ཐོད་པ་བཙོན་དུ་བཟུང་། ། ཕར་རྒོལ་བྱ་སྤྲེལ་ལོ་པ་ཡིས། ། ཆས་གོས་དཀར་པོ་སྭ་གདབ་བྱ། ། ཚུར་བྱུང་རྟ་སྦྲུལ་ལོ་པ་ཡིས། ། མཛོ་ཞོན་ཆས་དམར་མེ་བསྲེག་བྱ། །</br>7. སྤེན་པ་དབུལ་པོ་མ་ནིང་བྲན། ། བྱིས་པའི་བླ་གཟའ་གདོལ་པའི་རིགས། ། བྲག་གཟའ་སེར་སྐྱ་ས་ཡི་ཁམས། ། ཁང་བཟང་ཞལ་བསྲོ་ནོར་སྒྲུབ་པ། ། ཚེ་གཡང་སྒྱེད་འཛུགས་ནོར་ཕྱུགས་ལེན། ། དམག་འདྲེན་ཞིང་ལས་གྲོང་ཁྱེར་གདབ། ། མེ་ཏོག་སྐྱེ་ཤིང་འཛུགས་པ་དང་། ། ལྕགས་ལས་རྫིང་ཁྲོན་ས་ཁ་དབྱེ། ། སྲི་གནོན་རྒྱལ་མཚན་བང་མཛོད་འཛིན། ། ཡུལ་མཁར་མིང་འདོགས་བུད་མེད་བགྲོད། ། མདའ་མཚོན་ནག་ལས་ཁྱི་གསར་གསོ། ། རྩིས་དང་(འགའ་ཞིག་ཏུ་)རྐུན་ཇག་ས་བོན་བཟང་། ། མཚན་མོ་ཟླ་བའི་མར་ངོ་དང་། ། ཆུ་སྲིན་བུམ་ཁྱིམ་བསད་ལོས་འགྲུབ། ། རབ་བྱུང་རབ་གནས་ཁྲིམས་འཆལ་ཆོས། ། གསོན་དགེ་མདུན་གྲོས་བཀྲ་ཤིས་བརྟན། ། དྲ་གྱོན་ཞི་བཟོ་སྐྲ་སེན་འབྲེག ། རྒྱས་དང་དབང་ལས་གཏར་ཁ་རྒྱག ། མེ་བཙའ་སྐྲ་འཁྲུ་སྨན་སྦྱོར་དང་། ། ཚོང་བྱེད་ཟློག་པ་ཕྲུ་རློག་བག ། ནོར་ཕྱུགས་ཕྱིར་གཏོང་སྦྲ་ཕྱིར་འཚེམ། ། བཙོན་བཟུང་ལོངས་སྤྱོད་ཐམས་ཅད་འཆོར། ། གཤིན་ལས་སྐྱས་དང་རྩེད་མོ་བྱ། ། ལྷ་ཁང་རྟེན་བཞེང་ཞིང་ཁང་ཚོང་། རྟ་དྲེལ་སྒ་རྒྱག་སྟོན་མོ་བསྡུམས། ། ལྷ་གསོལ་རྒྱན་འདོགས་རྒྱ་ལས་བཟུང་། ། རྒྱལ་པོ་བསྙེན་བཀུར་ཕྱག་མཆོད་འབུལ། ། རྒྱལ་སྲིད་བྱ་བ་ཞལ་ཆེ་གཅོད། ། དགྲ་འཐབ་འཁོར་བསྟེན་ལྟད་མོ་ངན། ། ལམ་ཞུགས་སྤྱིར་ངན་ཁྱད་པར་དུ། ། མཚམས་ཤར་ནུབ་རྣམས་སྤང་བྱ་ཡིན། ། སྐྱེས་པ་གཟུགས་བཟང་བསོད་ནམས་ཆུང་། ། བུ་འབྲིང་བུ་མོ་ཚེ་ཡང་ཐུང་། ། ཤི་ན་ཟློས་མེད་ཆར་བབས་ངན། ། ནད་ཀྱིས་བཏབ་ན་གཤིན་རྗེ་དང་། ། ས་བདག་ཐེའུ་བྲང་མ་མོ་གནོད། ། དུས་ཀྱི་ཆོ་ག་ཆག་པ་དང་། ། ཕྲུ་རློག་འཁུར་བ་གསུར་གྱིས་ལན། ། གཟུངས་འདོན་ཀླུ་བརྒྱད་ས་བདག་བཅོས། ། ནོར་དོར་བནྡེ་སྡོམ་ཉམས་སམ། ། ཡུགས་ས་མོ་རྒྱུད་གོས་དམར་ཅན། ། ཁྱི་སེར་ཡོད་པས་ལྷོ་ནུབ་ཁྱེར། ། སྒྲིབ་ན་གཅན་གཟན་ཐོད་པ་དང་། ། སྟག་སྤེགས་དར་སྣས་བརྒྱན་པས་ཐུབ། ། ཕར་རྒོལ་གླང་ལུག་ལོ་པ་ཡིས། ། ཆས་གོས་སེར་གྱོན་ནུབ་ཕྱོགས་ནས། ། བྱང་དུ་སྣ་བྱས་སྭ་བཏབ་བྱ། ། ཚུར་བྱུང་སྟག་ཡོས་ལོ་པ་ཡིས། ། ཤིང་ཞིག་ཀླད་དུ་བསྐོར་ལ་འཕངས། །</br>གཞན་ཡང་།</br>1. ཉི་མ་གནམ་སྒོ་དར་ཡང་ཤིང་མི་བྱ། །</br>2. ཟླ་བ་ཀླུ་སྒོ་དར་ཡང་ཧོམ་མི་སྤར།</br>3. དམག་དཔོན་གྲི་གཟའ་ངར་ཡང་གྲི་མི་འདུལ།</br>4. ལྷག་པ་རབས་ཆད་དར་ཡང་ཟོར་མི་འཕང་། </br>5. པ་སངས་ཕྱུགས་གཟའ་དར་ཡང་ཕྱུགས་མི་སྐྱེལ།</br>6. སྤེན་པ་ས་གཟའ་དར་ཡང་ནོར་མི་གཏོང་ཞེས་གསུངས་སོ། །་པ་ས་གཟའ་དར་ཡང་ནོར་མི་གཏོང་ཞེས་གསུངས་སོ། །)
• Dictionaries/Brda dkrol gser gyi me long/3850  + (ཁང་ཐོག་གི་སྤེན་བད་དམ་ཁང་པ་གྲུ་བཞིའི་དབྱིབས་ཀྱི་མིང་སྟེ། 《བརྡ་གསར་རྙིང་གི་ཁྱད་པར་ལས་བྱུང་བའི་མིང་གི་རྣམ་གྲངས》ལས། མགོ་རེའམ་བ་གམ་ནི་ཐོག་གི་སྤེན་བད་ལྟ་བུའམ་ཁང་པ་གྲུ་བཞིའི་དབྱིབས་ལའང་ཟེར། ཞེས་གསུངས་པ་ལྟར་རོ། །)
• Dictionaries/Bod rgya shen sjar gyi shes jai rnam drangs kun btus tshig mdzod/18  + (གཟའ་ཉི་མ་ནས་སྤེན་པའི་བར་ལ་ཚེས་གྲངས་བདུན་གཅིག་ཟེར།)
• Dictionaries/Bod rgya shen sjar gyi shes jai rnam drangs kun btus tshig mdzod/1826  + (གཟའ་བརྒྱད་ཀྱི་སྟེང་དུ་དུ་བ་མཇུག་རིང་བསྣན་པའོ། ཉི་མ་དང༌། ཟླ་བ། མིག་དམར། ལྷག་པ། ཕུར་བུ། པ་སངས། སྤེན་པ། སྒྲ་གཅན། དུ་བ་མཇུག་རིང་སྟེ་གཟའ་དགུ)
• Dictionaries/Bod rgya shen sjar gyi shes jai rnam drangs kun btus tshig mdzod/1073  + (གཟའ་མིག་དམར་དང་། ལྷག་པ། ཕུར་བུ། པ་སངས། སྤེན་པ་བཅས་ལྔས་ཉིན་ཞག་ལ་སྤྱོད་ཚུལ།)
• Dictionaries/Bod rgya shen sjar gyi shes jai rnam drangs kun btus tshig mdzod/405  + (གཟའ་མིག་དམར། ཕུར་བུ། སྤེན་པ་གསུམ།)
• Dictionaries/Bod rgya shen sjar gyi shes jai rnam drangs kun btus tshig mdzod/1906  + (ཉི་མ་དང༌། ཟླ་བ། མིག་དམར། ལྷག་པ། ཕུར་བུ། པ་སངས། སྤེན་པ། སྒྲ་གཅན། དུས་མེ། མཇུག་རིང་བཅས་བཅུ།)
• Dictionaries/Bod rgya shen sjar gyi shes jai rnam drangs kun btus tshig mdzod/1541  + (ཉི་མ། ཟླ་བ། མིག་དམར། ལྷག་པ། ཕུར་བུ། པ་སངས། སྤེན་པ་རྣམས་སོ།)
• Dictionaries/Bod rgya shen sjar gyi shes jai rnam drangs kun btus tshig mdzod/1204  + (ཉི་ཟླ་མ་གཏོགས་པའི་མིག་དམར། ལྷག་པ། ཕུར་བུ། པ་སངས། སྤེན་པ་སྟེ་ལྔའོ།)
• Dictionaries/chos rnam kun btus/8230  + (དེ་ཡང་། མདོ་རྒྱུད་རིན་པོ་ཆེའི་མཛོད་དེབ་གཟུ … དེ་ཡང་། མདོ་རྒྱུད་རིན་པོ་ཆེའི་མཛོད་དེབ་གཟུགས་གླེགས་བམ་གཉིས་པ་མདོ་རྒྱུད་རིན་པོ་ཆེའི་མཛོད་ཀྱི་རྒྱས་འགྲེལ་ནག་རྩིས་ལས་བྱུང་བ་སྟེ།</br>1 – 2.ཉི་མ་མིག་དམར་མེ་ཁམས་ལྷོ། </br>3. 4.ཟླ་བ་ལྷག་པ་ཆུ་ཁམས་བྱང་།</br>5. ཕུར་བུ་ཤིང་ཁམས་ཤར།</br>6. པ་སངས་ལྕགས་ཁམས་ནུབ།</br>7. སྤེན་པ་ས་ཁམས་མཚམས་བཞིའོ། །</br>8. ར་ཧུ་སྤྱི་ཁྱབ་འབྱུང་ལྔ་ཚང་། ། ཞེས་སོ། །8. ར་ཧུ་སྤྱི་ཁྱབ་འབྱུང་ལྔ་ཚང་། ། ཞེས་སོ། །)
• Dictionaries/chos rnam kun btus/7193  + (དེ་ཡང་། མདོ་རྒྱུད་རིན་པོ་ཆེའི་མཛོད་དེབ་གཟུ … དེ་ཡང་། མདོ་རྒྱུད་རིན་པོ་ཆེའི་མཛོད་དེབ་གཟུགས་གླེགས་བམ་གཉིས་པ་མདོ་རྒྱུད་རིན་པོ་ཆེའི་མཛོད་ཀྱི་རྒྱས་འགྲེལ་སྐར་རྩིས་རིག་པ་ལས་བྱུང་བ་སྟེ། </br>1. ལུག་དང་སྡིག་པའི་ཞིང་བདག་གཟའ་མིག་དམར། </br>2. གླང་སྲང་གཉིས་ཀྱི་ཞིང་བདག་གཟའ་པ་སངས། </br>3. འཁྲིག་པ་བུ་མོའི་ཞིང་བདག་གཟའ་ལྷག་པ། </br>4. ཀརྐའི་ཞིང་བདག་གཟའ་ཟླ་བ། </br>5. སེང་གེའི་ཞིང་བདག་གཟའ་ཉི་མ། </br>6. གཞུ་དང་སྲང་གི་ཞིང་བདག་གཟའ་ཕུར་བུ། </br>7. ཆུ་སྲིན་བུམ་པའི་ཞིང་བདག་གཟའ་སྤེན་པའོ། །7. ཆུ་སྲིན་བུམ་པའི་ཞིང་བདག་གཟའ་སྤེན་པའོ། །)
• Dictionaries/chos rnam kun btus/11296  + (དེ་ཡང་། སྐར་རྩིས་བརྟག་པ་སྣ་ཚོགས་ཀྱི་འབྲས་བ … དེ་ཡང་། སྐར་རྩིས་བརྟག་པ་སྣ་ཚོགས་ཀྱི་འབྲས་བཤད་མཐོང་བ་རབ་གསལ་ལས་བྱུང་བ་སྟེ།</br>1.ས་གཡོ་བ་བརྟག་པ་ནི། དང་པོ་ས་གཡོས་བརྟག་པའི་རྩིས། ། ཐ་སྐར་མཆུ་དང་ནབས་སོ་ལ། ། ས་འགུལ་ན་ནི་ཡུལ་དབུས་ཀྱི། ། རྐུན་མ་བབ་ཅོལ་བྱེད་ལ་གནོད། ། ལྷོ་ཕྱོགས་གནས་པའི་རྒྱལ་ཆེན་འཇིག ། བྲ་ཉེ་སྨིན་དྲུག་སྣར་མ་མགོ ། ས་འགུལ་འཇིག་རྟེན་འཇིགས་པ་ཆེ། ། དེ་ལ་དོགས་པར་རབ་ཏུ་འབྱུང་། ། ནུབ་ཕྱོགས་གནས་པའི་རྒྱལ་པོ་འཆི། ། ཀླ་ཀློ་རྐུན་པོས་འཚོ་རྣམས་དང་། །འབིགས་བྱེད་སྟེང་གནས་མི་དབང་བཅས། ། དེ་ཚེ་ནད་ཀྱིས་བརྒྱལ་ཞིང་གནོད། ། དེ་དག་ལ་ཡང་དགྲ་བྱུང་སྟེ། ། གཅིག་ལ་གཅིག་ནི་ཡུལ་འཕྲོག་འགྱུར། ། ལག་དང་རྒྱལ་སྐག་གྲེ་དང་དབོར། ། ས་འགུལ་ན་ནི་མི་བདག་ཀུན། ། མི་མཐུན་ཕན་ཚུན་གནོད་པ་བྱེད། ། གསོད་འཆི་གནོད་བྱེད་མུ་གེ་འབྱུང་། ། ནག་པ་ས་རི་ལྷ་མཚམས་སྣོན། ཁ་བ་ཅན་གནས་ཀླ་ཀློ་དང་། རྐུན་མ་ཀུན་ནས་གནས་པ་དང་། ། བལ་ཡུལ་གྱི་ནི་བདག་པོ་དང་། ཁ་ཤའི་ལུང་པར་གནས་པ་ཡི། ། མི་བདག་མ་ལུས་ཕན་ཚུན་རྩོད། ། སྒྲུབས་དང་ཆུ་སྟོད་ཆུ་སྨད་ལ། ། ས་འགུལ་ཤར་ཕྱོགས་མི་རྣམས་དང་། ། སེནྡྲ་ཨོ་རཱ་ཀ་མ་རུ། ། བྷཾ་ག་ལ་བདག་ངེས་པར་འཆི། ། གོ་ཌའི་བདག་པོ་དམག་གིས་བསྐོར། ། ཡང་ན་ན་འམ་འཆི་བར་འགྱུར། ། རྒྱ་མཚོ་གངྒའི་འགྲམ་གནས་པ། ། ཆུ་ཡིས་ཁྱེར་རམ་ནད་ཀྱིས་ཐེབས། ། གྲོ་བཞིན་མོན་གྲེ་མོན་གྲུ་དང་། ཁྲུམས་སྟོད་ཁྲུམས་སྨད་ནམ་གྲུའི་ཚེ། ། ཉིན་ཕྱེད་ས་གཞི་ཆེར་འགུལ་ན། ། བྱང་དང་ནུབ་དང་ལྷོ་ཡི་ཕྱོགས། ། ཕྱོགས་རྣམས་ཀུན་ལ་གནས་བྱེད་པའི། ། མི་བདག་རྣམས་ནི་ཕན་ཚུན་འཁྲུགས། ། སེམས་ཅན་རྣམས་ནི་གནོད་ཆེན་ལྡན། ། མུ་གེས་ཡུལ་འཁོར་འཇིག་པར་བྱེད། ། དུས་ནི་སྔ་ཕྱི་བརྟག་པ་ལ། ། ཐོ་རེངས་དུས་སུ་ས་གཡོས་པ། ། ལུས་ཅན་གཤིས་དྭངས་ཞི་བ་སྟེ། ། ཚེ་རིང་ནད་མེད་ལོ་ལེགས་བྱེད། ། གྲོང་ཁྱེར་གྱི་ནི་ཁོར་ཡུག་ཏུ། མེ་ཡི་འཇིགས་པ་འབྱུང་བར་ཤེས། ། ཉི་ཤར་དུས་ན་ས་འགུལ་བ། ། ཨ་ག་མ་ག་དྷར་བཅས་པའི། ། ཡུལ་དབུས་རྣམས་ལ་གནོད་འགྱུར་ཏེ། ། རྐུན་མས་འཚེ་ཞིང་ཞག་བདུན་ན། ། མ་ག་དྷ་རྒྱལ་འཆི་བར་འགྱུར། ། ཉིན་ཕྱེད་དམ་ནི་ཕྱི་དྲོ་འགུལ། ། ས་སྟེང་རབ་ཏུ་བྱུང་བ་ཀུན། ། ནད་དང་རིམས་དང་ཡི་ག་འཆུས། ། འབྲུམ་བུས་ཞག་བདུན་བཏབ་སྟེ་འཚོ། ། ཕྱི་དྲོའི་མཐའ་ལ་ས་འགུལ་ན། ། རིགས་བཞིའི་མཆོག་གི་བྲམ་ཟེ་དང་། ། ཉོན་མོངས་རྒྱལ་པོའི་བློན་པོ་ནི། ། འཆི་བར་འགྱུར་བ་ཐེ་ཚོམ་མེད། ། མདུན་ན་འདོན་ནི་ཆོས་ལྡན་དང་། ། བློན་པོའི་ཞམ་རིམ་གཙོ་བོ་དང་། ། སྔགས་རྒྱུད་ཤེས་པའི་བྲམ་ཟེ་འམ། ། རིགས་བཞི་བརྟན་མཁས་དགུ་དང་ནི། ། བསྟན་བཅོས་དེ་ཉིད་རིག་པ་དང་། ། གསོད་དམ་རབ་ཏུ་ཉམས་པའམ། ། དྲན་ལྡན་ཐོས་དང་དེ་ཉིད་ཤེས། ། སྔོན་བྱུང་གཏམ་ལ་བྱང་བ་དག ། མྱུར་དུ་ནད་ཀྱིས་འཇིག་འགྱུར་ཏེ། ། གནམ་ལྕགས་ཀྱིས་ནི་ཤིང་ཉམས་བཞིན། ། ཉི་མ་ནུབ་དང་དེ་ནས་ཡང་། ། ཅུང་ཟད་སོང་དང་ཕྱི་དྲོའི་མཐར། ། གལ་ཏེ་ས་ནི་རབ་ཏུ་འགུལ། ། སེམས་ཅན་འདྲེས་པ་དག་དང་ནི། ། དུད་འགྲོ་དག་གི་འགྲོ་བ་དང་། ། མི་ཡི་འཇིག་རྟེན་གཙོ་བོ་དག དེ་ཚེ་འགུལ་དང་རྣམ་པར་འཇིག ། མཚན་མོའི་ཐུན་གྱི་དང་པོར་འགུལ། ། སེམས་ཅན་འདྲེས་པ་སྣ་ཚོགས་དང་། ། དུད་འགྲོ་རྣམས་དང་མིའི་གཙོ་ལ། ། ཆད་ཆེན་རབ་ཏུ་འབྱུང་བར་འགྱུར། ། ཅུང་ཟད་ཐུན་དེ་བྲི་ནས་འགུལ། ། སླར་ཡང་ཆར་པའི་འཇིགས་ཆེན་འབྱུང་། ། དེ་ནས་ཐུན་དེ་ཟད་མཐར་འགུལ། ། མི་བཟད་ནུབ་ཕྱོགས་མི་བདག་གི་། ཕ་རོལ་དམག་ཚོགས་འབྱུང་བར་འགྱུར། ། ཐུན་ནི་གཉིས་པའི་དང་པོར་འགུལ། ། གཞན་གྱི་དམག་ཚོགས་ནད་དང་འཆི། ། ཁོང་པའི་ནད་ནི་མི་བཟད་འབྱུང་། ། མཁྲིས་པ་བད་ཀན་ལས་གྱུར་ནད། ། སྐྱེ་བོ་རྣམས་ལ་འབྱུང་བར་འགྱུར། ། འབྱུང་པོ་རྣམས་ནི་སྐྱོ་འགྱུར་ཏེ། ། དེ་ཚོ་ཕྱོགས་དང་ཕྱོགས་སུ་འགྲོ། ། གཉིས་པའི་ཐུན་དཀྱིལ་དུ་འགུལ་ན། ། རླུང་ཆེན་འབྱུང་འགྱུར་ཤིང་དང་ནི། ། ལྷ་ཁང་འགྱེལ་འགྱུར་ཡང་ཐོག་དང་། ། རོ་བ་རི་རྩེ་ངེས་པར་འཇིག ། གནས་དང་འདུག་གནས་བཟང་པོ་དང་། ཁང་པ་དང་ནི་རྟ་བབས་དང་། ། དུད་འགྲོ་རྣམས་ཀྱི་འདུག་གནས་ཀྱང་། ། ས་ལ་མྱུར་དུ་ལྟུང་བར་འགྱུར། ། མཚན་ཕྱེད་པ་ན་འགུལ་གྱུར་ན། ། ཤར་ཕྱོགས་མི་ཡི་བདག་པོ་འཆི། ། མུ་གེ་ཡང་ནི་འབྱུང་བར་སྟོན། ། བར་མའི་ཐུན་ནི་བྲི་གྱུར་ནས། ། ཐ་མར་ཉེ་ལ་འགུལ་བ་འབྱུང་། ། ས་རྣམས་དག་ནི་མ་ལུས་ལ། ། ཞི་ཞིང་ནད་མེད་ངེས་པར་སྟོན། ། མཚན་ཕྱེད་མཐར་གྱུར་ས་འགུལ་ན། ། གཤེར་ཆེ་ཡུལ་གྱི་དབུས་དག་ཏུ། ། མི་ཡི་བདག་པོ་ནད་ཀྱིས་གནོད། ། ཕན་ཚུན་མི་མཐུན་གྱུར་ནས་ནི། ། སྡུག་བསྔལ་མི་བཟད་འཆི་བར་འགྱུར། ། ཐུན་ནི་གསུམ་པར་ཕྱི་ནས་འགུལ། ། བྱིས་པ་རྣམས་ལ་བདེ་བ་འབྱུང་། ། སྦྲང་བུ་ཤ་སྦྲང་ཕྱེ་མ་ལེབ། ། རྐུན་པོ་རྣམས་ནི་འཇིག་པར་འགྱུར། ། </br>2.གཟའ་མཐོང་བ་བརྟག་པ་ནི། གཉིས་པ་གཟའ་རྣམས་མཐོང་བའི་རྩིས། ། ཉིན་ཕྱེད་དང་ནི་ཐོ་རངས་དང་། ། ཉི་མའི་མཐའ་ཡང་གཟའ་བཟང་པོ། ། དཀར་བ་ཟླ་བ་པ་ལ་སངས། ། སེར་བ་གཟའ་ལྷག་ཕུར་བུ་སྟེ། ། སྐྱེ་བོ་རྣམས་ཀྱིས་མཐོང་ན་ནི། ། འབྲས་བུ་འགྲུབ་ཕྱིར་ནུས་པ་ཡིན། ། ཉིན་ཕྱེད་འདས་སམ་ཉི་ནུབ་ན། ། མ་རུང་ཉི་མ་མིག་དམར་དང་། ། མཇུག་རིང་སྒྲ་གཅན་སྤེན་པ་དང་། ། གང་ཡང་གཟའ་ནི་གཙོ་བོ་དང་། ལས་ནི་ངེས་འཇོམས་སྐར་མདའ་ཅན། ། སྐར་མ་ཤིན་ཏུ་མི་བཟད་ཉིད། ། དེ་བཞིན་ནག་པོ་འཆི་ལྟས་སོགས། ། མ་རུང་གཟའ་མཐོང་གང་ཡིན་པ། ། དུས་མིན་འཆི་བ་ས་ལ་ནི། ། མི་བཟད་དེ་ཚེ་སྣང་བ་ཡིན། ། དུས་དང་མུན་པ་འགུལ་བྱེད་པ། ། སྐར་མདའ་ཅན་དང་གཟའ་ངན་དང་། ། འགུལ་བྱེད་སྒྲ་དྲག་དམར་བའི་མདོག ། གནམ་ལྕགས་ཉིད་ཀྱང་རབ་ལྟུང་བྱེད། ། དེ་བཞིན་རྡོ་རྗེ་འཆི་ལྟས་དང་། ། གཞན་ཡང་ཁྱིམ་སོགས་རབ་ཏུ་མཐོང་། ། སྐྱེ་བོ་ཀུན་གྱིས་སྒྲ་གཅན་ནི། ། མི་བཟད་རབ་ཏུ་མཐོང་འགྱུར་ནོ། ། མི་རྣམས་དབུལ་ཞིང་ཚུལ་ཁྲིམས་འཆལ། ། མགོན་མེད་སྡིག་སྤྱོད་སྡུག་བསྔལ་དང་། ། ནད་ཀྱི་གཞི་ནི་སྐྱེ་བར་འགྱུར། ། མཇུག་རིང་ལས་དང་སྐར་མདའ་དང་། ། གནམ་ལྕགས་དང་ནི་རྡོ་རྗེ་དང་། ། དུད་པ་ཕྱོགས་ནི་མཐའ་དག་ཏུ། ། དུ་བ་མཇུག་རིང་རབ་ཏུ་སྣང་། ། ཉི་ཟླའི་དཀྱིལ་འཁོར་མུན་པས་ཁེབས། ། ཉི་ཟླ་རྫུ་འཕྲུལ་ཆེན་པོ་དག ། བུག་པ་ཡོད་པར་སྣང་བ་སོགས། ། མུ་གེ་ཆེ་དང་ཡུལ་འཁོར་འཇིག ། མི་ཡི་བདག་པོ་འཆི་བ་དང་། ། སྡོམ་བརྩོན་འཇིགས་པ་ཆེན་པོ་འབྱུང་། ། འཇིག་རྟེན་དག་ནི་ཐམས་ཅད་ལ། ། དེར་ནི་འཇིགས་རུང་འབྱུང་བར་འགྱུར། ། འདིར་ནི་རྒྱུད་ཀྱི་གླེང་གཞི་ལས། ། རྡོ་རྗེ་འཆི་ལྟས་གནམ་ལྕགས་དུད། ། སྐར་ཡན་རྣམ་པར་འཆར་བར་གསུངས། ། </br>3.སྐར་མདའ་བརྟག་པ་ནི། གསུམ་པ་སྐར་མདའ་བརྟག་པའི་རྩིས། ། སྐར་མདའ་དཀར་པོ་འབར་གྱུར་ན། ། ས་འགུལ་སོགས་ཀྱི་ཉེས་པ་སེལ། ། རྟག་ཏུ་དགེ་ཞིང་རབ་ཏུ་བསྔགས། ། སྐར་མདའ་མི་བཟད་ཁ་དོག་དམར། ། མེ་ཡིས་འཚིག་པ་ཉེ་བར་སྟོན། དུད་ཁའི་མདོག་ཅན་ནག་པོ་ནི། ། རྒྱལ་པོ་འཆི་བར་སྟོན་པ་ཡིན། ། སེར་བའམ་ཡང་ན་སེར་སྐྱ་འམ། ། འདྲེས་མའི་མདོག་ནི་སྣང་གྱུར་ན། ། དེ་ཚེ་འདྲེས་མའི་ལས་འགྱུར་བ། ། སྐར་མདའ་ལྟུང་བས་རྣམ་པར་སྟོན། ། སྐར་མདའ་ཁོར་ཡུག་དག་ཏུ་ནི། ། གང་དག་ལས་ཀྱིས་བྱུང་གྱུར་པ། ། ཕྱོགས་ཀྱི་ཆར་ནི་རབ་སྣང་བ། ། གཉིས་དང་གསུམ་ནི་མི་བཟད་ཡིན། ། དེར་ནི་འཇིགས་ཆེན་འབྱུང་བར་འགྱུར། ། གཞན་ཡང་སྐར་མདའ་ཕན་ཚུན་འཁྲུགས། ། ཐན་པ་དང་ནི་རིམས་ནད་འོང་། ། སྐར་མདའ་སྒྲ་བཅས་ཚུར་ལྟུང་ན། ། གཟའ་ཀླུ་འཐབ་པའི་རྟགས་སུ་བཤད། ། ཐན་པས་རྩི་ཤིང་ཆུ་རྣམས་སྐམ། ། གཟའ་ཡིས་ཕབ་པའི་སེར་དྲག་འོང་། ། ནད་རིམས་མི་བདེའི་གནོད་མང་འབྱུང་། །</br>4.གནམ་གྲུམ་བརྟག་པ་ནི། བཞི་པ་གནམ་གྲུམ་པ་ཡི་རྩིས། ། གནམ་གྲུམ་སྒྲ་ཡི་ལྟས་དག་ཀྱང་། ། གར་བྱུང་ཡུལ་དེར་འབྲས་བུ་འབྱུང་། ། སྒྲ་སྙན་སྙན་པ་བྱུང་ན་ནི། ། བདེ་ཞིང་ནད་མེད་སྟོན་པར་བྱེད། ། རྔ་སྒྲ་ཡིས་ནི་དགེ་བ་སྦྱིན། ། འཇིགས་དང་ཤིན་ཏུ་འཇིགས་རུང་སྒྲས། ། དེར་ནི་མུ་གེ་འབྱུང་བར་སྟོན། །</br>5.ཁུག་སྣ་བརྟག་པ་ནི། ལྔ་པ་ཁུག་སྣ་འཁྲིགས་པའི་རྩིས། ཁུག་སྣའམ་སེར་བའམ་མཇུག་རིང་ནི། ། ཉི་མ་ལྔ་ཡི་བར་དུ་ཡོད། ། དེ་འོག་འཇིག་རྟེན་སེམས་ལས་འགྱུར། ། དོགས་དང་སྤྱོད་ཅིང་གནས་པ་ཡི། ། ཡུལ་མི་ཐམས་ཅད་འཇིག་པར་འགྱུར། ། ནད་ཀྱི་གཞི་ནི་འབྱུང་བ་ཡིན། ། བྱང་ཕྱོགས་གངྒཱའི་འགྲམ་གནས་པའི། ། རྒྱལ་པོ་དག་ནི་འཇིག་པར་འགྱུར། ། དེ་བཞིན་ཁ་བ་ཅན་གྱི་དབུས། ། བགྲོད་དཀའ་འཕྲད་ཁྲོད་ལ་གནས་དང་། ཁོ་ར་ཡུག་ཏུ་རྩི་རྫི་དང་། ། གངྒཱའི་འགྲམ་སྤྱོད་བདག་པོ་དང་། ། མྱ་ངན་གདུང་བ་དུ་མ་ཡིས། ། སྐྱེ་བོ་བདག་པོ་དེ་འཆི་འགྱུར། ། རྒྱུ་སྐར་གང་ལས་ས་འགུལ་བ་བབ། ། (གོང་གི་ས་འགུལ་སྐབས་ཀྱི་རྒྱུ་སྐར་གྱི་འབྲས་བུ་འདིར་ཡང་སྦྱར། མཆན།) དེ་ལ་ཁུག་སྣ་ཡང་དག་བསྟན། ། ཕྱོགས་རྣམས་མ་ལུས་ཁུག་སྣ་ནི། ། མི་བཟད་འོད་ནི་སྤང་བ་དང་། ། ཉི་མ་ལྔ་ཡི་བར་དུའམ། ། རྟག་ཏུ་ཉིན་ཞག་མང་པོ་ནི། ། ཕན་ཚུན་ཆོས་ནི་མི་མཐོང་ནང་། ། མི་རྣམས་ཕན་ཚུན་མི་མཐོང་བ། ། དེར་ནི་འཇིགས་ཆེན་འབྱུང་བར་ཤེས། ། རྒྱལ་པོ་ཡུལ་འཁོར་བཅས་ཏེ་འཇིག།</br>6.ཆར་འབབ་མིན་བརྟག་པ་ནི། དྲུག་པ་གྲུ་ཆར་འབབ་མིན་རྩིས། ། གྲོང་དུ་སྲོག་ཆགས་ཚང་འཆའ་ཞིང་། ། དེར་ནི་མི་གནས་རིང་དུ་འབྲོས། ། ཞག་བདུན་ནང་དུ་ཆར་ཆེན་འབབ། ། མཚོ་ལ་དྲོད་རྒྱུས་ཉ་ལྕིབས་དང་། ། ཉ་སོགས་མི་གནས་དེར་བབ་པའི། ། ཆུ་ཀླུང་ལ་ནི་གྱེན་དུ་རྒྱུ། ། དེ་ཚེ་ཞག་མ་ལྔ་ནང་བབ། ། ཀ་ཏྲི་ལ་དང་པུ་ཤུད་སོགས། ། ཟུར་ཕུད་ཅན་དག་སྒྲ་འབྱིན་ན། ། ཞག་མ་གསུམ་ནང་ཆར་པ་བབ། ། རི་སྐེད་ན་བུན་དཀར་པོ་ཡིས། ། སྐེ་རགས་རིམ་པ་གཉིས་སམ་གསུམ། ། བཅིངས་ན་དེ་ཚེ་ཆར་ཆེན་འབབ། ། ནམ་ལངས་ཤར་ཕྱོགས་སྤྲིན་དམར་པོ། ། ཐག་དམར་འཐེན་འདྲ་ནུབ་ཏུ་རྒྱུག ། ལྷ་ཡིས་ཕབ་ཆར་མྱུར་དུ་བབས། ། ཤར་ལྷོར་བལ་འདབ་རྩེ་འདྲ་ཡི། ། སྤྲིན་རྩ་འདབ་འབྲེལ་བུ་གུ་མེད། ། དེ་ཚེ་ཉིན་ཞག་གཅིག་ནས་འབབས། ། ཤར་དུ་ལུག་གི་ལྟོ་ཚིལ་འདྲའི། ། སྤྲིན་དཀར་འདབ་ལེགས་རྩེ་མོ་ན། ། མི་རིང་དཀར་པོའི་བལྟས་འདྲའི་གཟུགས། ། བྱུང་ན་ཉིན་མོ་དེ་མཐར་འབབ། ། དཀར་སེར་ཉི་མ་འཆར་ཁ་ཡི། ། ཕྱེ་མ་ལེབ་ཀྱི་གཤོག་བརྐྱང་བཞིན། ། འཇམ་སྤྲིན་སྙོམས་ལེགས་ཤར་ཕྱོགས་ཁེབས། ། དེ་ཚེ་མྱུར་དུ་ཆར་ཆེན་བབས། ། སྣ་ཚོགས་འཇའ་ཚོན་ཤར་དུ་ཟུག ། དེ་ཚེ་ཆར་འབབ་ནུབ་ཏུ་ཆད། ། དངུལ་ཆུའི་མདོག་འདྲ་ཟླ་བའི་ཁྱིམ། ། རིང་པོར་མི་ཐོགས་ཆར་ཆེན་འབབ། ། ཞིབ་པར་དགུན་གྱི་ཉི་ལྡོག་ནས། ། གཤེར་དང་ཁ་བ་གང་འབབ་པ། ། ཞག་རྩིས་མ་ནོར་རིམ་པ་ལྟར། ། དབྱར་གྱི་ཉི་ལྡོག་རྗེས་སྦྱར་ན། ། སྔར་གྱི་དྲུག་འགྱུར་འབབ་པར་བཤད། །</br>7.སེར་བ་བརྟག་པ་ནི། བདུན་པ་སེར་བ་བརྟག་པའི་རྩིས། ། ཤར་ཕྱོགས་མཁའ་ལ་སྤྲིན་དམར་རམ། ། སེར་ནག་ཆུང་ངུར་སྐྱེ་འཇིག་བྱེད། ། བཙན་རྣམས་གཡོས་པའི་སེར་བ་འབྱུང་། ། ནམ་ལངས་ཤར་ཕྱོགས་ནམ་མཁའ་ལ། ། ཕྱིང་དཀར་བཏིང་འདྲའི་སྤྲིན་པ་གསུམ། ། ཇི་ལྟར་བྱུང་ཡང་མྱུར་དུ་ནི། ། མཚོ་སྨན་འཁྲུགས་པའི་སེར་བ་འབབ། ། ལྷོ་ཕྱོགས་ས་བདག་གཟུགས་འདྲ་བ། ། གསུམ་སོགས་བྱུང་ཚེ་བདུད་སེར་འབབ། ། ནུབ་ཏུ་གོ་ཆ་གྱོན་འདྲའི་སྤྲིན། ། མ་མོ་ཁྲོས་པའི་སེར་ཀུན་འབབ། ། བྱང་དུ་སྤྲེའུ་ཙོག་པུའི་གཟུགས། ། དཀོར་བདག་གཡོས་པའི་སེར་བ་འབབ། ། དབུས་སུ་སྔོ་དམར་སྦུལ་འཁྱིལ་འདྲ་། ། ཆགས་ན་ཀླུ་ཡི་སེར་བ་འབབ། ། བར་སྣང་མགལ་བ་མེ་ཤོར་འདྲའི། ། སྤྲིན་བྱུང་ཐེའུ་རང་འཁྲུགས་སེར་བབས། ། མདོར་ན་ཁྱི་དཀར་གནམ་མཆོང་ངམ། ། སོག་ཐལ་གནམ་དུ་གཏོར་འདྲའམ། ། གཡག་རྔ་གནམ་དུ་གཟེངས་འདྲ་དང་། ། འཕྱར་ནག་གནམ་དུ་བཏིང་འདྲ་དང་། ། ཕྱོགས་ཀུན་ལེགས་པར་བཀྲམ་འདྲ་དང་། ཁམ་ནག་མཐའ་བཞི་ནོན་པའམ། ། དམར་ནག་ས་བདག་གཟུགས་འདྲ་སོགས། ། སེར་བ་འབབ་པའི་སྤྲིན་དུ་ངེས། ། དེ་ཡང་ཐོ་རངས་དུས་སུ་བརྟག ། སྤྲིན་མདོག་དམར་སྐྱ་དུམ་བུར་ཆད། ། མེ་འབྲུག་ཆད་མེད་འཁོར་བར་བསྒྲགས། ། དེ་ཚེ་གནམ་ལྕགས་འབབ་པར་བཤད། །</br>8.འཇའ་ཚོན་བརྟག་པ་ནི། བརྒྱུད་པ་འཇའ་ཚོན་བརྟག་པའི་རྩིས། ། ཆར་པ་འབབ་བཞིན་འཇའ་ཟུག་ན། ། ནམ་མཁའ་སྤྲིན་མེད་གསལ་བར་འགྱུར། ། ཕྱི་དྲོ་འཇའ་ཡི་དུམ་བུ་ཤར། ། ངེས་པར་གནམ་མདངས་འགྱུར་བར་བཤད། ། སྔ་དྲོ་འཇའ་ཡི་དུམ་བུ་ཤར། ། རླུང་འབྱུང་གྱུར་ཀྱང་འགལ་བ་མེད། ། ཉི་མར་འཇའ་ཚོན་ཤར་བའི་རྩིས། ། འབྱུང་བ་ཚ་གྲང་འཐབ་པའི་འོད། ། རླུང་གིས་བཅིངས་པའི་མཚན་མ་ལ། ། གྲོང་ཁྱེར་གང་དུ་འཇའ་མང་ཟུག ། དེ་དག་རིང་པོར་མི་ཐོགས་འཇིག ། གྲོང་ཁྱེར་དམག་གིས་བསྐོར་བའི་ཚེ། ། ཉི་མ་འཇས་ཁེབས་དམག་རྣམས་འཆི། ། གོ་ཆ་གྱོན་ནས་གཡུལ་འཇུག་ཚེ། ། ཉི་མ་མཉམ་པར་འཇའ་ཤར་བ། ། དེ་ཚེ་ཕན་ཚུན་གཉིས་ཀ་གསོད། ། གཡུལ་དུ་ཞུགས་ཚེ་གཡས་གཡོན་ནམ། ། མདུན་དུ་འཇའ་ཚོན་མང་བྱུང་འཆི། ། གང་དུ་འཇའ་ཁྱིམ་ས་གཡོས་བཅས། ། དེར་ནི་འཇིགས་པ་ཆེན་པོ་འབྱུང་། ། མཚན་མོའི་ཆ་ལ་འཇའ་ཚོན་ཤར། ། རྒྱལ་པོ་འཆི་ཞིང་འཐབ་རྩོད་དང་། ། ནད་དང་མུ་གེས་ཡུལ་འཁོར་འཇིག འཕྲུལ་དང་སྤྲུལ་པའི་འཇའ་ཆགས་འཇིག ། མཐོང་ན་གྲོང་དང་རྒྱལ་སྲིད་འཇིག ། འཇའ་གཟུགས་རྒྱལ་མཚན་ཤིང་རྟ་གདུགས། ། འཁོར་ལོ་དར་སོགས་རྣམ་པར་ཤར། ། ལོ་ལེགས་རྒྱལ་པོ་རྒྱལ་བྱེད་ཅིང་། ། དགེ་མཚན་དུ་མས་འཇིག་རྟེན་ཤིས། ། བུག་པ་གཏུན་ཤིང་མདུང་རྩེ་གཞུ། ། སྒྲོག་རུས་ལྟར་མཐོང་ཡུལ་འཁོར་འཇིག ། མགོ་ཐོད་དབྱུག་ཏོ་རུས་སྦལ་དང་། ། ཆུ་སྲིན་ལ་སོགས་ཆུ་གནས་གཟུགས། ། སྣང་ཚེ་མེ་ཆུའི་གནོད་པ་དང་། ། ནད་དང་མུ་གེའི་འཇིགས་པ་འབྱུང་། ཁ་དོག་རིམ་པ་དུ་མའི་འཇའ། ། ཆུ་ལ་ཤར་ན་ཆར་ཆེན་བབ། ། དཀར་པོའི་མདོག་མང་དགེ་སྦྱོང་འཆི། ། མེ་འོད་ལྟར་དམར་སེར་འོད་ཆགས། ། མེ་ཏོག་དམར་སེར་རྩ་སེར་ལྟར། ། གང་དུ་ཟུག་པའི་ཡུལ་དེ་འཇིག ། སྔོན་པོས་ལོ་ཏོག་མ་རུང་གྱུར། ། སྲོད་ལ་ཤར་དུ་འཇའ་ཟུག་པ། ། མི་བདག་འཆི་ལ་ནུབ་ཏུ་ཟུག ། མི་ཡི་གཙོ་བོ་དག་ལ་གནོད། ། འཇའ་ཚོན་ཁ་དོག་ལྔ་པ་ཅན། ། ཤར་ཟུག་ཆར་འབབ་ལྷོ་ནུབ་བྱང་། ། མཆོད་འོས་མཆོད་ལ་ལྷོ་ཕྱོགས་ནས། ། ནུབ་ཏུ་ཟུག་ན་རྒྱལ་པོ་དང་། ། རྗེ་འུ་ཤན་པའི་ཚོགས་ལ་གནོད། ། དུས་གསུམ་མཚམས་ཤར་ལོ་ལེགས་བདེ། ། གཟའ་སོགས་བཟང་པོའི་མཚམས་ཤར་ན། ། རྒྱལ་སྲིད་དགེ་ཞིང་རྐུན་པོ་འཇོམས། ། ཞག་བདུན་ཚུན་དུ་ཆར་བབས་ན། ། འབྲས་བུ་ངན་པ་དག་ཀྱང་ཞི། །</br>9.སྒྲ་སྐད་བརྟག་པ་ནི། དགུ་པར་རི་བོ་བར་སྣང་སོགས། ། མི་བཟད་སྒྲ་ཆེན་འབྱུང་བའི་རྩིས། ། ཉི་ཤར་སྒྲ་བྱུང་རྒྱལ་རིགས་འཆི། ། སྔ་དྲོ་རིགས་ངན་གུང་བྲམ་ཟེ། ། ཉི་ནུབ་རྗེ་བོའི་ཚོགས་ལ་གནོད། ། ཐོ་རངས་དུས་སུ་བྲན་གྱི་ཚོགས། ། ནམ་ཕྱེད་སྲིན་པོ་དག་ལ་ངན། ། ནམ་མཁའི་ཁམས་ནས་ཕྱོགས་གཉིས་སུ། ། ཕན་ཚུན་སྒྲ་འབྱུང་རྟ་གླང་འཆི། ། ནམ་ལངས་སྒྲ་བྱུང་མགྲོན་པོར་གནོད། ། དུས་གསུམ་མཚམས་སུ་བྱང་གི་ཕྱོགས། ། བཤེས་གཉེན་དགེ་སྦྱོང་དམ་པ་འདས། ། ལྷོ་ནུབ་མཚམས་བྱུང་མཐའ་འཁོབ་དང་། ། ལྷོ་དང་བལ་པོའི་ཡུལ་མི་དགེ། ། ཤར་ལྷོར་མེ་ཡིས་འཚོ་ལ་ངོན། ། རིང་པོར་སྒྲ་ཆེན་ཕྱོགས་མི་ཤིས། ། འཇིག་རྟེན་ནས་གནས་དཔའ་བོའི་ཚོགས། ། གོ་ཆ་གྱོན་པའི་དམག་དཔུང་འཆི། ། སྒྲ་སྙོམས་དལ་ཞིང་ཆུང་སྙན་དགེ། །</br>10.སྣ་ཚོགས་ལྟས་བརྟག་པ་ནི། བཅུ་པ་སྣ་ཚོགས་ལྟས་ཀྱི་རྩིས། ། ཁྱི་དང་བྱ་རོག་བཞི་མདོར་རྒྱུགས། ། ཅ་ཅོ་ཕ་རོལ་དམག་ཚོགས་ལྷགས། ། བྱ་རོག་བུང་བས་གྲོང་ཁྱེར་དུ། ། ཚང་འཆའ་གློ་བུར་འཇིགས་པ་འབྱུང་། ། སྦྲང་བུ་ཕྱེ་ལེབ་བྱིའུ་སོགས། ། ཡང་ཐོག་སྒོ་ཁང་རྒྱུག་ཅིང་འཛེགས། ཁྱིམ་དེ་དགྲ་ཡིས་འཇོམས་པར་དྲན། ། བྱི་ལ་ཝ་ཚོགས་དུས་མིན་འཁྲིག ། རྒྱལ་པོ་ཡུལ་འཁོར་དང་བཅས་འཇིག ། སེམས་ཅན་མངལ་སྒོ་ཕྱིན་ཅི་ལོག ། བྱུང་ན་ཡུལ་འཁྲུགས་རྒྱལ་པོ་འཆི། ། བྱ་རོག་དཀར་པོ་མཐོང་བ་ན། ། ཡུལ་དེར་ནོར་ནད་འཐབ་རྩོད་ལྡང་། ། སྲོག་ཆགས་ཁ་དོག་རིགས་མིན་གྱུར། ། ཡུལ་བདག་མི་དབང་བཅས་པ་འཆི། ། གྲོང་དབུས་བྱ་རོག་ཀུན་འདུས་ནས། ། ཕྱི་རོལ་འདོང་ན་སྐྱེ་བོས་དབེན། ། ཁྱིམ་དང་ར་བར་ཝ་སྐད་འབྱིན། ། ཡང་ན་ཉི་མ་ལ་བལྟས་ནས། ། རྟག་པར་བརྒྱལ་ན་སྐྱེ་བོ་དང་། རྒྱལ་པོ་ལས་གྱུར་ཉེས་མིང་འབྱུང་། ། གང་དུ་བྱ་རོག་ཁྱུ་རྣམས་ཀྱིས། ། ས་ལ་མཆུ་བཙུགས་སྒྲ་མི་གྲགས། ། ཡུད་ཙམ་འདུག་ནས་འཕུར་བ་ན། ། དེ་ཚོ་དམག་ཚོགས་རབ་ཏུ་འཕུང་། ། ཤ་ཟན་མཁའ་ལྡིང་ཁ་ནས་ཤ ། ལྷུང་(རྒྱལ་པོའི་ཆད་པ་འབྱུང་བའང་བཤད། མཆན།) ན་སྲོག་ལ་རྒོལ་ཉེས་འབྱུང་། ། བྱ་རྒོད་ལ་སོགས་མི་གཟན་བྱ། ཁང་སྟེང་སྒྲ་སྒྲོགས་མི་བདག་འཆི། ། ཉིན་དགུང་བ་གླང་བྲེས་དག་ཏུ། ། འུག་པ་སྣང་ཚེ་རྒྱལ་པོས་མནར། ། སྐྱེད་ཚལ་བྱ་རོག་ཐང་ལ་ནི། ། ངང་པ་རྩེ་ན་ཡུལ་དེ་འཇིག ། ཤིང་ལ་དུས་མིན་འབྲས་བུ་འབྱུང་། ། རྒྱལ་པོ་འཁོར་བཅས་དགྲ་ཡིས་གསོད། ། ཤིང་སྐམ་ཡལ་ག་ལོ་མ་སྐྱེ། ། ཡུལ་དེ་སྐྱེ་བོ་ཕན་ཚུན་འཁྲུགས། ། ལྗོན་ཤིང་ལོ་འབྲས་ཕྱིན་ཅི་ལོག ། དེ་ཡི་བདག་པོ་མྱུར་དུ་འཆི། ། ཤིང་སྡོང་འཆར་ནུབ་གྲིབ་མ་འཛོལ། ། དེ་དུས་རྒྱལ་པོ་འབངས་ཀྱིས་གསོད། ། ཡང་ན་ཡུལ་དེ་དམག་གིས་འཇོམས། ། མེ་ཏོག་ཤིང་ཏོག་འབྲས་བུ་ལས། ། སྔོན་མེད་ཁུ་བ་འཛག་པ་ན། ། རྒྱལ་ཚབ་ལ་གནོད་བཟའ་ཤིང་གི ། འབྲས་བུ་ལྷག་པར་ མདོག་ བཟང་ ངམ། ། ཡང་ན་ཁུ་བ་ཁྲག་འདྲ་འཛག ། ཡུལ་དེར་ནད་ མུག་འཇིགས་ཆེན་འབྱུང་། ། སྐྱེ་ཤིང་འགྲོ་ན་ཡུལ་དེ་འཇིག་ཆུ་ནང་སྲོག་ཆགས་རྒྱུ་བ་སྐམ། ། མི་རིང་ནད་དང་དམག་ཚོགས་འབྱུང་། ། རླུང་མེད་ཆུ་ཀླུང་འཁྲུགས་པའང་ངོན། ། ལུས་མེད་སྣ་ཚོགས་སྒྲ་འབྱིན་དང་། ། དོན་མེད་འོད་དང་དྲི་ངན་མནམ། ། མཚོན་ཆ་འགུལ་དང་མེ་ཆེན་མཐོང་། ། རས་ཀྱི་གྲོང་དྲོ་ལོག་པ་སོགས། ། ནད་དང་མཚོན་དང་ལོ་ཉེས་དང་། ། རྒྱལ་པོ་དམོགེ་བཅས་འཇིག་པར་འགྱུར། ། ཕྱུགས་ལ་མི་ནི་བཙས་གྱུར་ན། ། ཡུལ་དེའི་བུད་མེད་རྣམས་ལ་ངན། ། མངལ་ནས་བུ་སྨྲ་ངུ་འམ་རྒོད། ། ཡུལ་དེར་འཇིགས་པ་ཆེན་པོ་འབྱུང་། ། ཁྱེའུ་རྐང་གཅིག་རྐང་གསུམ་བཞི། ། མ་ནིང་མཚན་གཉིས་སྐྱེས་པ་ན། ། རྒྱལ་པོ་འཆིའམ་མུ་གེ་འབྱུང་། ། བྱོལ་སོང་སྐྱེས་སམ་མགོ་མང་དང་། ། མགོ་བོ་གཅིག་ལ་གདོང་གཉིས་སམ། ། མིག་གསུམ་པ་སྐྱེས་ཡུལ་དེ་སྟོང་། ། ཕག་མགོ་ཅན་ནམ་སོ་སྐྱེས་དང་། ། མགོ་མེད་ལག་པ་གཅིག་པ་འམ། ། མ་ཡིས་མ་ཚོར་མངལ་ནས་བཙའ། ། དེ་དག་གང་བྱུང་ཡུལ་ཁམས་དེར། ། ནད་དང་དམག་དཔུང་ཆེན་པོ་འབྱུང་། ། མཐར་ནི་དགོན་པར་འགྱུར་ཡང་སྲིད། ། སྐུ་གཟུགས་གདན་ལས་འཕོས་སམ་འགྱེལ། ། རྡུལ་ལམ་སྤྱན་ནས་མཆི་མ་འབབ། ། རྒྱལ་པོ་དང་བཅས་ཡུལ་འཁོར་དེ། ། རྒྱལ་ཁབ་གཞན་གྱི་དབང་དུ་འགྱུར། ། ཡང་ན་དཔའ་བོ་བུ་སྨད་བཅས། ། ཡུལ་ལྗོངས་གཞན་དུ་སྤྲུགས་པར་བཤད། ། དུད་འགྲོ་རྐང་མེད་རྐང་མང་སོགས། ། ཕྱིན་ཀ་ལོག་གྱུར་འཇིགས་ཆེན་འབྱུང་། ། ཉིན་པར་རམ་ནི་མཚན་མོ་ཡང་། ། ཁྱི་ནི་གྱེན་དུ་གདོང་བལྟས་ཏེ། ། ཡང་དང་ཡང་དུ་ཟུག་གྱུར་པ། ། གང་དུ་དེར་ནི་འཇིགས་ཆེན་བསྐྱེད། ། དེ་ལྟར་རྣམ་པ་དུ་མ་དང་། ། རྣམ་མང་གང་དུ་རབ་བརྟགས་པ། ། དེར་ནི་ཆར་མི་འབབ་པར་འགྱུར། ། རྒྱལ་པོའི་ཚོགས་ཀྱང་རྣམ་པར་འཇིག།</br>11.ཉ་དྲུག་འཛོམ་པ་བརྟག་པ་ནི། བཅུ་གཅིག་ཉ་དྲུག་འཛོམ་པའི་རྩིས། ། སྨིན་ཟླའི་བཅོ་ལྔར་ཟླ་བའི་སྔོན། ། སྨིན་དྲུག་བྱུང་ན་ལོ་ཉེས་དང་། ། ཕྱུགས་ཉེས་མི་ནད་དག་ཀྱང་འབྱུང་། ། ཟླ་བའི་རྗེས་བྱུང་འཁྲུགས་རླུང་འོང་། ། ལྷོར་བྱུང་ཐན་པ་ཆེ་བ་དང་། ། རྩྭ་ཤིང་དཀོན་ལ་མུ་གེ་འོང་། ། བྱང་བྱུང་ལོ་ལེགས་ཆར་པ་ཆེ། ། དུས་བདེ་སྐྱ་རྒྱལ་འབྱུང་བ་ཡིན། ། ཧྲིལ་གྱིས་འགྲོགས་ན་ཤིན་ཏུ་བཟང་། ། བཟང་། །</br>12.ཟླ་བའི་རྭ་བརྟག་པ་ནི། བཅུ་གཉིས་ཟླ་བའི་རྭ་ལ་བརྟག ། དཔྱིད་འབྲིང་ཉེར་དགུའི་ནམ་ལངས་སམ། ། དཔྱིད་ཐའི་ཚེས་གཅིག་མུན་མཚམས་སུ། ། ཟླ་བའི་གཡས་གཡོན་རྭ་གཉིས་པོ། ། ཤར་ནུབ་དྲོང་པོར་མཉམ་ན་དགེ། ། བྱང་ཕྱོགས་མཐོ་བར་གྱུར་པ་ན། ། མུ་གེ་འབྱུང་ཞིང་ཆར་མི་འབབ། ། ལྷོ་མཐོ་དགེ་ཞིང་ཆར་མང་འབབ། །</br>13.སྐྱོར་ཁ་བརྟག་པ་ནི། བཅུ་གསུམ་སྐྱོར་ཁ་བརྟག་པའི་རྩིས། ། མགོ་ཟླའི་ཉེར་བདུན་བཅུ་གཉིས་པའི། ། ཉེར་ལྔ་དང་པོའི་ཉི་ཤུ་གསུམ། ། ཐོ་རངས་སྐར་མ་ལག་སོར་གྱི། ། མཐེབ་མཛུབ་བར་དུ་ཟླ་བ་སོང་། ། དེ་ལ་ལྷ་མོ་འབྲུ་འཐོར་ཟེར། ། ལོ་ཏོག་རྩི་བཅུད་འབྲས་བུ་འཕེལ། ། མཛུབ་མོ་གུང་མོའི་བར་དུ་སོང་། ། དྲང་སྲོང་ནོར་སྡུད་ཅེས་བྱ་བ། ། ལོ་ཏོག་འབྲིང་འགྱུར་གུང་སྲིན་བར། ། བདུད་མོ་ཤ་ཟན་ལོ་ཉེས་དང་། ཁ་བ་ཆེ་ལ་རྟ་གླང་འཆི། ། སྲིན་ལག་མཐེའུ་ཆུང་བར་སོང་ན། ། གནོད་སྦྱིན་འབྲུ་སྡུད་མུ་གེ་དང་། ། རྟ་གླིང་བ་དང་བོང་བུ་འཆི། ། མཐེ་ཆུང་རྩེར་སོང་ལྷ་མོ་ནི། ། དོན་གཉེར་ཞེས་པ་འཇིག་རྟེན་ཀུན། ། དགེ་ལེགས་ཕུན་སུམ་ཚོགས་པ་འབྱུང་། ། གང་དུ་མཐེའུ་ཆུང་རྩ་བར་བབས། ། ནོར་ལྷ་འབྲུ་འཆག་ལོ་ཏོག་ལེགས། ། འཐབ་རྩོད་ཞི་ཞིང་མཁྲིག་མ་ཡི། ། ཕྱི་ཟུར་སྦྲུལ་མགོ་ཆུ་འཐོར་ཞེས། ། ཆར་ཆེན་འབབ་ལ་མཐེ་བོང་གི། །</br>རྐེད་པར་སོང་ན་ལྕགས་སྤྱད་རྒྱུག ། བ་གླང་འཛིན་ངན་ལོ་ཏོག་འབྲིང་། ། མཐེ་བོང་རྩ་བར་སྲིན་བུ་ནི། ། མེ་ཁྱེར་ཞེས་བྱ་ཐན་པ་འོང་། ། ལག་མཐིལ་ཡི་དྭགས་ཁྱིམ་འཕེལ་ཏེ། ། དེ་ཚེ་ངེས་པར་མུ་གེ་འབྱུང་། ། གདུབ་བུའི་གོང་བ་སོང་གཡང་རྒྱལ་ཡིན། ། ནོར་བུ་འབྲུ་དང་བདེ་ལེགས་འབྱུང་། ། གདུབ་བུའི་འོག་སོང་དབང་རྒྱལ་ཡིན། ། སྐྱེས་བུ་རྒྱན་གྱི་བསམ་པ་འགྲུབ། ། མཁའ་ལ་ཞག་ཆགས་ཉིན་མོ་དྲོ། ། ཀུན་ལ་དགེ་བར་བཤད་པ་ཡིན། ། ལག་པའི་སྒོ་སྨད་ཟན་བརྫི་ཞེས། ། ལོ་ལེགས་སྐྱ་རྒྱལ་དེ་ལས་འགྱངས། ། མས་འབྱམས་ཞེས་བྱ་ཆར་ཆུ་ཆེ། ། གང་དུ་མ་བབས་ལྡིང་བ་ན། ། འབྲས་བུ་ཆེར་མེད་བཏང་སྙོམས་སོ། ། ཟླ་བ་སྔོན་མ་གཉིས་བཟང་ན། ། སྔ་མ་ངན་ཀྱང་གསོ་བར་བཤད། ། གཞན་ཡང་སྔོན་རྗེས་བར་གསུམ་པོ། ། སྔོན་མས་སྔ་བཏབ་བར་མ་ཡིས། ། བར་བཏབ་རྗེས་མས་ཕྱི་བཏབ་དང་། ། སྦྱར་བའི་འབྲས་བུ་བརྗོད་པའང་ཡོད། །</br>14.འབྱུང་རྩིས་ཆར་ལྟས་བརྟག་པ་ནི། བཅུ་བཞི་འབྱུང་རྩིས་ཆར་ལྟས་ལ། ། དུས་བཞི་རྒྱུ་སྐར་སོ་སོའི་ཉིན། ། འཐིབས་དྭངས་རླུང་ཆར་ཡོད་མེད་རྩིས། ། མོན་གྲུ་མོན་གེ་ཁྲུམས་སྟོད་དང་། ཁྲུམས་སྨད་དག་ལ་རླུང་ཆར་མང་། ། ནམ་གྲུའི་ཉི་མར་གནམ་ཐང་འགྱུར། ། ཐ་སྐར་བྲ་ཉེར་རླུང་ཆེན་དང་། ། གྲང་ངད་ཆེན་པོ་འབྱུང་བར་འགྱུར། ། སྨིན་དྲུག་སྣར་མ་གཉིས་ཀྱི་ཉིན། ། གནམ་ཁད་འཇམ་ཞིང་ཤིན་ཏུ་དྭངས། ། མགོ་དང་ལག་དང་ནབས་སོ་དང་། ། རྒྱལ་གྱི་ཉི་མར་ཉི་མ་གསལ། ། སྐག་མཆུ་གྲེ་དབོ་ཉིན་དག་ལ། ། འཐིབས་ཀྱང་དྭངས་པར་འགྱུར་བ་ཡིན། ། མེ་བཞི་ནག་པ་གཉིས་ཀྱི་ཉིན། ། ཆར་པ་ཉུང་བར་འགྱུར་བ་དང་། ། རླུང་ཆར་རི་ཡི་སྐེད་པར་རྒྱུ། ། སྐར་མ་ས་རིའི་ཉི་མ་ལ། ། བྱེ་མ་འདྲེས་པའི་རླུང་ཆེན་ལྡང་། ། ས་ག་དང་ནི་ལྷ་མཚམས་དང་། ། སྒྲོན་སྣུབས་བཞི་ཡི་ཉི་མ་ལ། ། རླུང་སྒྲ་སྒྲོག་ཅིང་ཆར་པ་ཡོད། ། ཆུ་སྟོད་ཆུ་སྨད་གཉིས་ཀྱི་ཉིན། ། ཅུང་ཟད་འཐིབས་ལ་ཆར་པ་ཉུང་། ། གྲོ་བཞིན་བྱི་བཞིན་གཉིས་ཀྱི་ཉིན། ། ཅུང་ཟད་འཐིབ་ཅིང་ཆར་པ་ཡོད། ། འདི་ཡན་དཔྱིད་ཀྱི་དུས་ལའོ། ། མོན་གྲུ་མོན་གྲེ་ཁྲུམས་སྟོད་དང་། ཁྲུམས་སྨད་དག་ལ་ཅུང་ཟད་འཐིབས། ། ནམ་གྲུ་ཐ་སྐར་བྲ་ཉེའི་ཉིན། ། ཆར་པ་ཕྲན་བུ་ཕྲན་བུ་འབབ། ། སྨིན་དྲུག་སྣར་མ་གཉིས་ཀྱི་ཉིན། ། ཆར་པ་ཡོད་པར་འགྱུར་བ་ཡིན། ། མགོ་ལག་གཉིས་ཀྱི་ཉི་མ་ལ། ། ནམ་མཁར་སྤྲིན་པ་འཐིབས་པར་འགྱུར། ། ནབས་སོ་རྒྱལ་དང་སྐག་མཆུ་སྟེ། ། བཞི་ལ་འབབས་སམ་ཡང་ན་ཐང་།་ ། གྲེ་དབོ་མེ་བཞི་གསུམ་གྱི་ཉིན། ། སྤྲིན་མེད་ཤིན་ཏུ་དྭངས་པར་འགྱུར། ། ནག་པ་ས་རི་གཉིས་ཀྱི་ཉིན། ། ཉི་མ་མཐོང་བར་འགྱུར་བ་ཡིན། ། ས་ག་ལྷ་མཚམས་གཉིས་ཀྱི་ཉིན། ། རླུང་ཆེན་ཆར་ཆེན་འབྱུང་བར་འགྱུར། ། སྨོན་སྣུབས་གཉིས་ཀྱི་ཉི་མ་ལ། ། ཆར་པ་ངང་གིས་ཡོད་པར་འགྱུར། ། ཆུ་སྟོད་ཆུ་སྨད་གྲོ་བཞིན་དང་། ། བྱི་བཞིན་ལ་ནི་ཐང་པར་འགྱུར། ། འདི་ཡན་དབྱར་གྱི་དུས་ལ་འོ། ། མོན་གྲུ་མོན་གྲེ་ཁྲུམས་སྟོད་དང་། ཁྲུམས་སྨད་དག་ལ་འབྲུག་གི་སྒྲ། ། དྲག་པོ་སྒྲོག་པར་འགྱུར་བ་ཡིན། ། ནམ་གྲུ་ཐ་སྐར་བྲ་ཉེ་དང་། ། སྨིན་དྲུག་དག་ལ་ཆར་པ་ནི། ། ཤར་ཤར་སྒྲ་བཅས་འབབ་པར་འགྱུར། ། སྣར་མ་མགོ་ལག་ནབས་སོ་ལ། ། ཐང་རྗེས་ཆར་པ་ཡང་འབབ་འགྱུར། ། རྒྱལ་སྐག་གཉིས་ཀྱི་ཉི་མ་ལ། ། སྤྲིན་བསལ་མགྲོན་པོ་ལམ་དུ་འཇུག ། མཆུ་གྲེ་དབོ་དང་མེ་བཞི་ཡི། ། ཉི་མར་ཆར་པ་འབབ་མི་འགྱུར། ། ནག་པ་ས་རི་གཉིས་ཀྱི་ཉིན། ། ཆར་སྒྲ་རླུང་སྒྲ་འབྱུང་བར་འགྱུར། ། ས་ག་ལྷ་མཚམས་སྨོན་སྒྲུབས་ཀྱི། ། ཉི་མར་ཆར་པ་ངེས་པར་འབབ། ། ཆུ་སྟོད་ཆུ་སྨད་གྲོ་བཞིན་དང་། ། བྱི་བཞིན་བཞི་ཡི་ཉི་མ་ལ། ། ཆར་པ་སིལ་སིལ་འབབ་པར་འགྱུར། ། འདི་ཡན་སྟོན་གྱི་དུས་སུ་འོ། ། མོན་གྲུ་མོན་གྲེ་ཁྲུམས་སྟོད་དང་། ། ཁྲུམས་སྨད་དག་གི་ཉི་མ་ལ། ། རླུང་དང་ཆར་པ་མང་བ་ཡིན། ། ནམ་གྲུ་མཆུ་ཉིན་ཐང་པར་འགྱུར། ། ཐ་སྐར་བྲ་ཉེ་གཉིས་ཀྱི་ཉིན། ། ཆར་པ་སྒྲ་བཅས་གྲང་ངད་ཆེ། ། སྨིན་དྲུག་སྣར་མ་གཉིས་ཀྱི་ཉིན། ། ནམ་མཁའ་དྭངས་པར་འགྱུར་བ་ཡིན། ། མགོ་དང་ལག་པ་གཉིས་ཀྱི་ཉིན། ། འཕྲལ་དུ་ཐང་པར་འགྱུར་བ་ཡིན། ། ནབས་སོ་རྒྱལ་གྱི་ཉི་མ་ལ། ། ནམ་མཁའི་མདོག་ནི་སེར་པོར་འགྱུར། ། སྐག་གི་ཉི་མར་སྤྲིན་པ་ལྡང་། ། གནམ་གྲང་ཆར་རླུང་སད་འབབ་འགྱུར། ། གྲེ་དབོ་གཉིས་ཀྱི་ཉི་མ་ལ། ཆར་རླུང་རྗེས་སུ་ཉི་མ་མཐོང་། ། མེ་བཞི་ནག་པ་གཉིས་ཀྱི་ཉིན། ། མཚན་འབབ་ཉིན་མོ་ཐང་པར་གྱུར། ། སྐར་མ་ས་རིའི་ཉི་མ་ལ། ། བྱེ་མ་འདྲེས་པའི་རླུང་ཆེན་ལྡང་། ། ས་ག་ལྷ་མཚམས་སྨོན་སྣུབས་ཉིན། ། ཆར་རླུང་དག་གི་སྒྲ་ཐོས་འགྱུར། ། ཆུ་སྟོད་ཆུ་སྨད་གཉིས་ཀྱི་ཉིན། ། ཆར་པ་ཡོད་པར་འགྱུར་བ་ཡིན། ། གྲོ་བཞིན་བྱི་བཞིན་གཉིས་ཀྱི་ཉིན། ། ཤིན་ཏུ་འཐིབས་རྗེས་ཡང་ཐང་འགྱུར། ། འདི་ཡན་དགུན་གྱི་དུས་སུ་འོ། །</br>15.སྣར་མའི་ཆར་རྩིས་བརྟག་པ་ནི། བཅོ་ལྔ་ཆར་པ་བརྟག་པའི་རྩིས། ། སྣར་མའི་འཁོར་ལོ་ཞེས་བྱ་བ། ། གཡས་ཀྱི་དཔེ་རིས་ཆུང་བར་གཟིགས། ། ལོ་དེའི་ལུགས་འཕོའི་ཟླ་སྐར་སོགས། ། རྒྱུ་སྐར་ཉེར་བརྒྱད་རིམ་བཞིན་བཀོད། །</br>(圖表)</br>དང་པོའི་སྐར་མ་སྐྱེས་པ་སྟེ། དེ་རྗེས་སྐར་མ་ཟླ་བའི་མིང་། ། དེ་ནས་སྐར་གཉིས་རྒྱ་མཚོ་སྟེ། ། དེ་ནས་ངོགས་ལ་སྐར་མ་བཞི། ། རི་བོ་ལ་གཉིས་མཚམས་སྦྱོར་བཞི། ། སླར་ཡང་དེ་ཉིད་ལན་གཅིག་བལྡབས། སྣར་མ་གར་ཡོད་བརྟག་པར་བྱ། ། སྐྱེས་པར་ཆར་ཆེ་ཟླ་བར་དགའ། ། རྒྱ་མཚོར་ཤིན་ཏུ་ཆར་པ་ཆེ། ། ངོགས་ལ་ཆར་ལེགས་རི་བོར་ཉུང་། ། མཚམས་སྦྱོར་ཆར་པ་དུམ་བུར་འགྱུར། ། གཞན་ཡང་སྨིན་ཟླའི་ཡར་མར་གྱི། ། བཅུ་གཅིག་མཁའ་ལ་སྤྲིན་འདུས་ན། ། ཆུ་སྟོད་ཟླ་བ་འཆར་བའི་ཚེ། ། ཆར་པ་འབབ་འགྱུར་ཐེ་ཚོམ་མེད། ། མགོ་ཟླའི་ཚེས་བརྒྱད་གློག་འགྱུ་མཐོང་། ། གྲོ་བཞིན་ཟླ་བར་ཆར་འབབ་འགྱུར། ། སྨིན་ཟླ་མགོ་ཟླར་འཕོ་བ་ལ། ། ཆར་བབས་ཆར་ནི་འབྲིང་པོར་བཤད། ། རྒྱལ་ཟླའི་ནག་ཕྱོགས་ཚེས་བཅུ་ལ། ། ཆོར་བྱུང་ཁྲུམས་ཟླར་ཆར་ཆེན་འབབ། ། མཆུ་ཟླའི་བདུན་ལ་ཆར་བབས་ན། ། སྣོན་དང་སྣུབས་ལ་འབབ་མི་འགྱུར། ། ཆུ་སྟོད་ཟླ་བའི་དཀར་ཕྱོགས་ཀྱི། ། ཚེས་པ་གཉིས་ལ་ཆར་མེད་ན། ། ཟླ་བ་བདུན་པར་ཆར་པ་འབབ། ། ཚེས་གསུམ་ཤར་ནས་རླུང་ལྡང་ཞིང་། ། ཤར་ནས་སྤྲིན་གསར་འོང་གྱུར་ན། ། ཟླ་བ་བརྒྱད་པར་ཆར་ཆེན་འབབ། ། ཚེས་བཞིར་ཆར་བབས་ཆར་ཆེན་འབྱུང་། ། དེ་ཉིན་ལྷོ་ནས་རླུང་ལྡངས་ཤིང་། ། སྤྲིན་རྣམས་ཤར་དུ་འགྲོ་གྱུར་ན། ། ཟླ་བ་དགུ་པར་ཆར་པ་འབྱུང་། ། ཚེས་ལྔར་བྱུང་ནས་རླུང་ལྡངས་ཤིང་། ། ཆར་སྤྲིན་མཐོང་ན་བཅུ་པ་ལ། ། ངེས་པར་ཆར་པ་འབྱུང་བ་ཡིན། ། ཉ་ལ་ལྷོ་ནུབ་ནས་རླུང་ལྡངས། ། ཆར་མེད་ཁྲོན་པ་དང་བཅས་སྐམ། ། གྲོ་བཞིན་ཟླ་བའི་ཚེས་ལྔ་ལ། ། ཆར་བབས་ཆུ་ཡིས་ས་གཞི་ཁྱབ། ། རྒྱུ་སྐར་གང་ལ་ཆར་བབས་པ། ། དེ་ཚེ་ཁ་ཟས་ཕུད་རྣམས་ཀྱིས། ། ས་གཞི་མཆོད་པས་དགེ་བར་འགྱུར། །</br>16.ཉི་ཁྱིམ་དྲུག་ཅུ་བརྟག་པ་ནི། བཅུ་དྲུག་ཉི་ཁྱིམ་དྲུག་ཅུའི་རྩིས། ། ཤིང་ཕོ་བྱི་ཉིན་ཆར་བབས་ན། ། མེ་ཕོ་སྟག་ཉིན་ཆར་མཚམས་བྱེད། ། ཤིང་མོ་གླང་ཉིན་ཆར་བབས་ན། ། མེ་མོ་ཡོས་ཀྱི་ཉིན་ལ་ཆད། ། མེ་ཕོ་སྟག་གི་ཉི་མ་ལ། ། ཆར་བབས་འདི་ཉིན་འཆད་པར་འགྱུར། ། མེ་མོ་ཡོས་ཀྱི་ཉིན་འབབ་ན། ། ཡུན་མི་རིང་བར་འཆད་པར་འགྱུར། ། ས་ཕོ་འབྲུག་གི་ཉི་མ་ལ། ། ཆར་འབབ་མཚན་ཕྱེད་དུས་སུ་ཆད། ། ས་མོ་སྦྲུལ་གྱི་ཉི་མ་ལ། ། ཆར་པ་བབས་ཀྱང་འཕྲལ་དུ་ཆད། ། ལྕགས་ཕོ་རྟ་ཡི་ཉིན་བབས་ན། ། ལྕགས་མོ་ལུག་གི་ཉི་མར་ཆད། ། ལྕགས་མོ་ལུག་གི་ཉིན་བབས་ན། ། ས་ཕོ་སྟག་གི་ཉི་མར་ཆད། ། ཆུ་ཕོ་སྤྲེལ་གྱི་ཉི་མ་ལ། ། ཆར་བབས་དེ་མ་ཐག་ཏུ་ཆད། ། ཆུ་མོ་བྱ་ཡི་ཉིན་བབས་ན། ། ཤིང་ཕོ་ཁྱི་ཡི་ཉི་མར་ཆད། ། ཤིང་ཕོ་ཁྱི་ཡི་ཉི་མ་ལ། ། ཆར་པ་བབས་ན་མྱུར་དུ་ཆད། ། ཤིང་མོ་ཕག་གི་ཉི་མ་ལ། ། ཆར་བབས་དེ་ཉིན་འཆད་པར་འགྱུར། ། མེ་ཕོ་བྱི་བའི་ཉི་མ་ལ། ། ཆར་འབབ་འཕྲལ་དུ་འཆད་པར་འགྱུར། ། མེ་མོ་གླང་གི་ཉི་མ་ལ། ། ཆར་བབས་ཡུན་མི་རིང་བར་ཆད། ། ས་ཕོ་སྟག་གི་ཉི་མ་ལ། ། ཆར་བབས་དུས་དེ་ཉིད་ལ་ཆད། ། ས་མོ་ཡོས་ཀྱི་ཉི་མ་ལ། ། འབབ་པའི་ཆར་པ་འཕྲལ་དུ་ཆད། ། ལྕགས་ཕོ་འབྲུག་གི་ཉི་མ་ལ། ། ཆར་པ་འབབ་པ་འཕྲལ་དུ་ཆད། ། ལྕགས་མོ་སྦྲུལ་གྱི་ཉི་མར་བབས། ། ཆུ་མོ་ལུག་གི་ཉི་མར་ཆད། ། ཆུ་ཕོ་རྟ་ཡི་ཉི་མ་ལ། ཆར་བབས་དེ་མ་ཐག་ཏུ་ཆད། ། ཆུ་མོ་ལུག་གི་ཉི་མ་ལ། ། ཆར་བབས་ཤིང་ཕོ་སྤྲེལ་ཉིན་ཆད། ། ཤིང་ཕོ་སྤྲེལ་གྱི་ཉི་མ་ལ། ། ཆར་པ་བབས་པ་འཕྲལ་དུ་ཆད། ། ཤིང་མོ་བྱ་ཡི་ཉིན་བབས་ན། ། མེ་ཕོ་ཁྱི་ཡི་ཉི་མར་ཆད། ། མེ་ཕོ་ཁྱི་ཉིན་ཆར་བབས་ན། ། དུས་དེ་ཉིད་དུ་འཆད་པར་འགྱུར། ། མེ་མོ་ཕག་གི་ཉི་མ་ལ། ། དུས་དེ་ཉིད་དུ་ཆད་པ་ཆད། ། ས་ཕོ་བྱི་བའི་ཉིན་བབས་ན། ། ལྕགས་ཕོ་སྟག་གི་ཉི་མར་ཆད། ། ས་མོ་གླང་གི་ཉིན་བབས་ན། ། ཆུ་མོ་གླང་གི་ཉི་མར་ཆད། ། ལྕགས་ཕོ་སྟག་གི་ཉི་མ་ལ། ། ཆར་བབས་དུས་དེར་འཆད་པར་འགྱུར། ། ལྕགས་མོ་ཡོས་ཉིན་ཆར་བབས་ན། ། ཆུ་མོ་སྦྲུལ་གྱི་ཉི་མར་ཆད། ། ཆུ་ཕོ་འབྲུག་གི་ཉིན་བབས་ན། ། ལྕགས་མོ་གླང་གི་ཉིན་ལ་ཆད། ། ལྕགས་མོ་སྦྲུལ་གྱི་ཉི་མ་ལ། ། ཆར་བབས་ཡུན་མི་རིང་བར་ཆད། ། ཤིང་ཕོ་ལྟར་བབས་དུས་དེར་ཆད། ། ཤིང་མོ་ལུག་ལོ་ཆར་བབས་ན། ། མེ་མོ་བྱ་ཡི་ཉི་མར་ཆད། མེ་ཕོ་སྤྲེལ་བབས་འཕྲལ་དུ་ཆད། ། མེ་མོ་བྱ་ཡི་ཉི་མ་ལ། ། ཆར་བབས་ས་མོ་ཕག་ལ་ཆད། ། ས་ཕོ་ཁྱི་ལ་བབས་གྱུར་ན། ། ལྕགས་མོ་གླང་གི་ཉི་མར་ཆད། ། ས་མོ་ཕག་གི་ཉི་མ་ལ། ། ཆར་བབས་དུས་དེར་འཆད་པར་འགྱུར། ། ལྕགས་ཕོ་བྱི་བའི་ཉི་མ་ལ། ། ཆར་བབས་མེ་ཕོ་འབྲུག་ཉིན་ཆད། ། ལྕགས་མོ་གླང་ཉིན་ཆར་བབས་ན། ། ཆུ་ཕོ་སྟག་གི་ཉིན་ལ་ཆད། ། ཆུ་ཕོ་སྟག་གི་ཉི་མ་ལ། ། ཆར་བབས་དུས་དེར་འཆད་པར་འགྱུར། ། ཆུ་མོ་ཡོས་ཉིན་ཆར་བབས་ན། ། དེ་མ་ཐག་ཏུ་འཆད་པར་འགྱུར། ། ཤིང་ཕོ་འབྲུག་གི་ཉི་མ་ལ། ། ཆར་བབས་འཕྲལ་དུ་འཆད་པར་འགྱུར། ། ཤིང་མོ་སྦྲུལ་གྱི་ཉི་མ་ལ། ། ཆར་བབས་མེ་ཕོ་རྟ་ལ་ཆད། ། མེ་ཕོ་རྟ་ཡི་ཉི་མ་ལ། ། ཆར་བབས་དུས་དེར་འཆད་པར་འགྱུར། ། མེ་མོ་ལུག་གི་ཉི་མ་ལ། ། ཆར་པ་བབས་པ་མྱུར་དུ་ཆད། ། ས་ཕོ་སྤྲེལ་གྱི་ཉི་མ་ལ། ། ཆར་བབས་ལྕགས་ཕོ་ཁྱི་ལ་ཆད། ། ས་མོ་བྱ་ཡི་ཉི་མ་ལ་། ཆར་བབས་ལྕགས་མོ་ཕག་ལ་ཆད། ། ལྕགས་ཕོ་ཁྱི་ཡི་ཉི་མ་ལ། ། ཆར་བབས་དུས་དེར་འཆད་པར་འགྱུར། ། ལྕགས་མོ་ཕག་གི་ཉི་མ་ལ། ། ཆོར་བབས་ཆུ་མོ་གླང་ལ་ཆད། ། ཆུ་ཕོ་བྱི་བའི་ཉི་མ་ལ། ། ཆར་བབས་ཆུ་མོ་གླང་ལ་ཆད་། ། ཆུ་མོ་གླིང་གི་ཞི་ལ། ། ཆར་པ་བབས་པ་དུས་དེར་ཆད། ། ཤིང་ཕོ་སྟག་གི་ཉི་མ་ལ། ། ཆར་བབས་དེ་མ་ཐག་ཏུ་ཆད། ། ཤིང་མོ་ཡོས་ཀྱི་ཉི་མ་ལ། ། ཆར་བབས་མེ་ཕོ་འབྲུག་ཉིན་ཆེད། ། མེ་ཕོ་འབྲུག་ལ་བབས་གྱུར་ན། ། མེ་མོ་སྦྲུལ་ཉིན་འཆད་པར་འགྱུར། ། མེ་མོ་སྦྲུལ་གྱི་ཉི་མ་ལ། ། ཆར་བབས་དུས་དེར་འཆད་པར་འགྱུར། ། ས་ཕོ་རྟ་ལ་བབས་གྱུར་ན། ། དེ་མ་ཐག་ཏུ་འཆད་པར་འགྱུར། ། ས་མོ་ལུག་གི་ཉི་མ་ལ། ། ཆར་བབས་དུས་དེར་འཆད་པར་འགྱུར། ལྕགས་ཕོ་སྤྲེལ་ཉིན་བབས་གྱུར་ན། ། ཤིང་ཕོ་བྱི་བའི་ཉིན་ལ་ཆད། ། ལྕགས་མོ་བྱ་ཡི་ཉི་མ་ལ། ། ཆར་བབས་དུས་དེར་འཆད་པར་འགྱུར། ། ཆུ་ཕོ་ཁྱི་ཡི་ཉི་མ་ལ། ། ཆར་བབས་འཕྲལ་དུ་འཆད་པར་འགྱུར། ། ཆུ་མོ་ཕག་གི་ཉི་མ་ལ། ། ཆར་བབས་དེ་མ་ཐག་ཏུ་ཆད། །</br>17.ནམ་མཁའི་མདངས་བརྟག་པ་ནི། བཅུ་བདུན་ནམ་མཁའི་མདངས་བརྟག་པ། ། ཉི་ཤར་ཤར་ལྷོ་མདངས་ནག་ན། ། ཉིན་དགུང་སྔོན་དུ་ཆར་པ་ཡོད། ། ཉི་ནུབ་ནུབ་བྱང་མདངས་ནག་ན། ། མཚན་ཕྱེད་ཆར་པ་ཡོད་པར་འགྱུར། །</br>18.སྤྲིན་པ་བརྟག་པ་ནི། བཅོ་བརྒྱད་སྤྲིན་པ་བརྟག་པའི་རྩིས། ཉི་ཤར་སྤྲིན་པ་མེད་གྱུར་ན། ། ཉི་མ་འཆར་བ་མདངས་དང་ལྡན། ། ཉི་ནུབ་ནུབ་ཏུ་མདངས་གསལ་ན། ། ཕྱི་ཉིན་ནམ་མཁའ་དྭངས་པར་འགྱུར། ། རྒྱུ་ཐག་བར་སྣང་གཡེང་གྱུར་ན། ། རེ་ཞིག་ནམ་མཁའ་དྭངས་པར་འགྱུར། ། ཉི་ཤར་ཤར་ཕྱོགས་སྤྲིན་འཕགས་ན། ། རླུང་བཅས་ཆར་པ་མྱུར་དུ་འབབ། ། རླུང་དལ་ཚ་རླངས་འབྱུང་གྱུར་ན། ། སྤྲིན་འཐིབས་འབྲུག་སྒྲ་སྒྲོག་པར་འགྱུར། ། ཤར་རླུང་སྤྲིན་པ་ནུབ་ཏུ་རྒྱུ། ། ཆར་པ་དུས་ལས་ཡོལ་མི་འགྱུར། ། ཡོས་དུས་ཤར་ལྷོར་སྤྲིན་ཐོན་ན། ། སྦྲུལ་གྱི་དུས་སུ་ཆར་པ་ཡོད། ། ལྷོ་རིར་སྤྲིན་སྟུག་ཐོན་གྱུར་ན། ། འབྲུག་དུས་རླུང་དང་ཆར་པ་འབྱུང་། ། ཉི་ཤར་ཡོས་དུས་སྤྲིན་བྱུང་ན། ། ཆར་པ་མེད་ཀྱང་གནམ་འཐིབས་འགྱུར། ། རླུང་ཆར་སྤྲིན་པ་མགྱོགས་པར་རྒྱུ། ། མི་འགྱངས་རླུང་དང་ཆར་པ་ཆད། ། ཐད་ཀའི་སྤྲིན་རླུང་མཉམ་དུ་རྒྱུ། ། རླུང་ཆར་དུས་ཚོད་གཞན་དུ་འཕོ། ། ཉི་ནུབ་སྤྲིན་པ་ནག་པོས་བསུ། ། རླུང་དང་ཆར་པ་ངེས་པར་འབྱུང་། ། རི་བོ་སྤྲིན་པས་ཁེབས་གྱུར་ན། ། མཚན་སྦྲེལ་ཆར་པ་འབབ་པར་འགྱུར། ། འབྲུག་སྒོའི་ཕྱོགས་ནས་སྤྲིན་པ་ཐོན། ། རླུང་བཅས་ཆར་དྲག་འབབ་པར་འགྱུར། ། ནུབ་བྱང་སྤྲིན་པ་ནག་པོས་ཐོན། ། འབྲུག་སྒྲ་དང་བཅས་ཆར་པ་འབབ། ། སྤྲིན་པ་ཀ་ཁྲབ་འདྲ་བ་འབྱུང་། ། ཕྱི་ཉིན་རླུང་ཆེན་ལྡང་བར་འགྱུར། ། ཉི་མ་ཕྱེད་ཡོལ་དུས་ཙམ་དུ། ། སྤྲིན་པ་བསྒྲིགས་པར་གྱུར་པ་ན། ། རླུང་འབྱུང་མི་འབྱུང་ངེས་པ་མེད། ། དབྱར་དུས་སྤྲིན་པ་དཀྱིལ་དུ་ཐོན། ། སྟོན་རླུང་ཁད་ཀྱིས་འབྱུང་བར་འགྱུར། ། ནམ་ལངས་ཤར་ཕྱོགས་སྤྲིན་ཐོན་ན། ། ཆར་མེད་མཚན་མོར་སྤྲིན་པ་དག ། ནུབ་ཏུ་བྱུང་ཚེ་སྤྲིན་འཁྲུགས་ན། ། རླུང་དང་ཆར་པ་མི་ཉུང་འབྱུང་། ། རླུང་གིས་ཆར་པ་བདས་གྱུར་ན། ། ཆར་པ་ཤིན་ཏུ་ཆེ་བ་འབབ། ། སྤྲིན་པ་ཁད་ཀྱིས་ཉམས་གྱུར་ན། ། སྤྲིན་དམར་པ་དང་བཅས་ཉི་མ་ཤར། ། མགྲོན་པོ་ཤུལ་རིང་བགྲོད་མི་བྱ། །</br>ཉི་ནུབ་དུས་སུ་སྤྲིན་དམར་འབྱུང་། ། ཆར་པ་འབབས་སམ་མི་འབབ་ཅེས། ཁ་དམར་གདགས་པར་མི་ནུས་སོ། ། </br>19.རླུང་བརྟག་པ་ནི། བཅུ་དགུ་རླུང་ལ་བརྟག་པའི་རྩིས། ། སྟོན་དགུན་ཤར་ལྷོའི་རླུང་བྱུང་ན། ། དེ་ཉིན་ཆར་པ་འབབ་མི་འགྱུར། ། དཔྱིད་དབྱར་ནུབ་བྱང་རླུང་ལང་ན། ། ནམ་མཁའ་ངེས་པར་དྭངས་པར་འགྱུར། ། སྔ་དྲོ་རླུང་ལ་རྒྱུན་མི་རིང་། ། ཕྱི་དྲོ་རླུང་ལང་ཆར་པ་ཆེ། ། དཔྱིད་དབྱར་ཤར་ལྷོའི་རླུང་ལྡང་ན། ། གནམ་ལ་དྲི་བ་བྱ་མི་དགོས། ། སྟོན་དགུན་ནུབ་བྱང་རླུང་ལང་ན། ། ནམ་མཁའ་ངེས་པར་དྭངས་པར་འགྱུར། ། དབྱར་གྱི་དུས་སུ་རླུང་ཁད་འཇམ། ། གྲུ་བོ་ཆུ་བོར་བགྲོད་པ་བདེ། ། སྟོན་གྱི་དུས་སུ་རླུང་འབྱུང་བས། ། ཆུ་བོའི་རླབས་ཆེན་འཕྱུར་བར་འགྱུར། ། དབྱར་དུས་རླུང་ནི་མཚན་སྦྲེལ་ན། ། ཉིན་གྱི་སྔོན་དུ་རླུང་ཆགས་འགྱུར། ། ཆར་རྗེས་ཤར་ལྷོའི་རླུང་བྱུང་ན། ། ཕྱི་དྲོ་རླུང་ནི་ཆེས་ཆེར་ལྡང་། ། སྔ་དྲོའི་དུས་སུ་ཆར་རླུང་བྱུང་། ། རླུང་ཆེན་ཉམས་པར་འགྱུར་བ་ཡིན། ། ཚེས་གསུམ་རླུང་ཆེན་ལང་གྱུར་ན། ། ཚེས་བཞི་ལ་ཡང་རླུང་ལྡང་སྟེ། ། ཉི་ཤུ་གསུམ་གྱི་ཉི་མ་ལ། ། ཤིན་ཏུ་ཆེ་བའི་རླུང་འབྱུང་ངོ་། ། ཚེས་བདུན་ཚེས་པ་བརྒྱད་དག་ལ། ། ངེས་པར་རླུང་ཡོང་སྤྲིན་སྔོན་འབྱུང་། ། དཔྱིད་དུས་ཁ་བ་བབས་པའི་རྗེས། ། ཞག་པོ་བརྒྱ་དང་ཉི་ཤུ་ན། ། ངེས་པར་རླུང་ཡོད་སེམས་ལ་ཞོག ། ཟླ་བ་གཉིས་པར་ཆར་རླུང་མང་། ། མགྲོན་པོ་དག་གི་སེམས་ལ་ཞོག ། ཚེས་པ་བརྒྱད་དང་བཅུ་གསུམ་དང་། བཅུ་དགུ་དང་ནི་ཉི་ཤུ་གཅིག ཟླ་བ་གསུམ་པའི་ཚེས་བརྒྱུད་བཅས། ། ཆར་པ་ངེས་པར་འབབ་གྱུར་ན། ། ཟླ་བ་བཞི་པའི་བཅོ་བརྒྱད་ལ། ། ཆར་པ་འབབ་པར་འགྱུར་བ་ཡིན། ། རླུང་ཆར་འབྱུང་བའི་རླན་ཡང་འབྱུང་། ། གྲུར་ཞུགས་མིས་ཀྱང་བཤོལ་དུ་མེད། ། ཟླ་བ་ལྔ་པའི་ཚེས་ལྔ་ལ། ། རླུང་གི་ཉམས་ཤིག་བྱུང་གྱུར་ན། ། གཉིས་དང་དགུ་དག་ངེས་པར་བྱ། ། ནུབ་བྱང་ངོས་ནས་རླུང་ཆེན་ལང་། ། ལྷོ་རུ་རིམ་གྱིས་ཆེ་བར་འགྱུར། ། ཟླ་བ་དྲུག་པའི་ཚེས་བཅུ་གཅིག ། བཅུ་གཉིས་དག་ལ་འཛེམ་པ་གཅེས། ། ཟླ་བ་བདུན་པའི་ཡར་ངོ་ལ། ། རླུང་བྱུང་སྟོན་དུས་གྲུ་མི་གཏོང་། ། ཟླ་བ་བརྒྱད་པའི་དཀྱིལ་གྱི་དུས། ། ངེས་པར་རླུང་འབྱུང་ཆར་ལ་ཡོད། ། </br>20.ཉི་འོད་བརྟག་པ་ནི། ཉི་ཤུ་ཉི་མ་བརྟག་པའི་རྩིས། །</br>ཉི་མ་སྤྲིན་ནག་དང་འབྲེལ་ན། ། མྱུར་དུ་ཆར་པ་འཐིག་པར་འགྱུར། ། སྤྲིན་རུམ་ནས་ནི་ཉི་མ་གསལ། ། ནམ་མཁའ་ཤིན་ཏུ་དྭངས་པར་འགྱུར། ། སྔ་དྲོར་ཉི་དཀྱིལ་རྣ་ལུང་འབྱུང་། ། རླུང་དྲག་ལྡང་བར་འགྱུར་བ་ཡིན། ། སྤེལ་དུས་ཉི་དཀྱིལ་རྣ་ལུང་འབྱུང་། ། ཕྱི་ཉིན་ཆར་པ་འབབ་པའི་རྟགས། ། ཉི་མའི་རྣ་ལུང་གཅིག་པ་ནི། ། སྐར་མ་ཟུང་མིན་དག་ལ་འབྱུང་། ། ཉི་མའི་རྣ་ལུང་གཉིས་པ་ནི། ། སྐར་མ་ཟུང་ལ་འབྱུང་བ་ཡིན། ། ཉིན་དགུང་སྔོན་དུ་ཉི་མ་ནི། ། མི་གསལ་གྱུར་ཚེ་བྱང་རླུང་ལྡང་། ། ཉིན་དགུང་རྗེས་སུ་ཉི་མ་ནི། ། མི་གསལ་གྱུར་ཚེ་རླུང་འབྱུང་ངོ་། ། ཉི་དཀྱིལ་བསྒྲིབས་པ་བསལ་རྗེས་སུ། ། རླུང་ཤུགས་ཉམས་པར་འགྱུར་བ་ཡིན། ། སྔ་དྲོར་ཉི་མའི་མདོག་དཀར་ཞིང་། ཕྱི་དྲོར་མདོག་ནི་དམར་གྱུར་ན། ། བྱེ་མ་འདྲེས་པའི་རླུང་ལྡང་འགྱུར། ། ཉི་ནུབ་དུས་སུ་དམར་གྱུར་ན། ། ཆར་པ་མེད་ཅིང་རླུང་འབྱུང་ངོ་། ། སྔ་དྲོར་ནམ་མཁའ་དྭངས་གྱུར་ན། ། བསེར་བུ་ལྡང་བར་འགྱུར་བ་ཡིན། ། སྔ་དྲོ་ས་གཞི་དྭངས་གྱུར་ན། ། ཆར་འཇམ་འབབ་པར་འགྱུར་བ་ཡིན། ། མཚན་མོ་ནམ་མཁའི་མདངས་གསལ་ན། ། ཉིན་མཚན་སྦྲེལ་བའི་ཆར་པ་འབབ། ། ཉི་མའི་གཟི་བྱིན་རབ་གསལ་ན། ། རེ་ཞིག་ནམ་མཁའ་དྭངས་པ་འབྱུང་། ། ཉི་མའི་འོད་ཟེར་འཆར་སྔ་ན། ། ནམ་མཁའ་དྭངས་པ་རེ་ཞིག་ཙམ། ། ཉི་མའི་འོད་འགྱུར་སེར་པོར་གྱུར། ། ཕྱི་ཉིན་རླུང་དྲག་གཡོ་བར་འགྱུར། ། ཉིན་ཕྱེད་རྗེས་སུ་སྤྲིན་པ་ཡིས། ། ཉི་མ་བསྒྲིབས་ན་མཚན་ཆར་ཆེ། ། </br>21.སྨུག་པ་བརྟག་པ་ནི། ཉེར་གཅིག་སྨུག་པ་བརྟག་པའི་རྩིས། ། སྔ་དྲོར་སྨུག་པ་བྱུང་མ་ཐག ། སྡུད་པར་གྱུར་ན་གནམ་མཐོང་འགྱུར། ། སྔ་དྲོར་སྨུག་པ་རྒྱུན་རིང་འཐིབས། ། ཆར་པ་སིལ་བུ་འབབ་པར་འགྱུར། ། ཉིན་གསུམ་སྨུག་པ་སྟུག་པོར་འཐིབས། ། ངེས་པར་རླུང་ཆེན་ལྡང་བར་འགྱུར། ། འཇའ་དཀར་ཤར་བར་གྱུར་ན་ནི། ། སྨུག་པ་སྡུག་པོ་སྡུད་པར་འགྱུར། །</br>22.གློག་འོད་བརྟག་པ་ནི། ཉེར་གཉིས་གློག་འོད་བརྟག་པའི་རྩིས། ། ལྷོ་ནུབ་ཕྱོགས་སུ་གློག་འོད་འཁྱུགས། ། ཕྱི་ཉིན་ཚ་བ་འཐིབས་པར་འགྱུར། ། ནུབ་ཏུ་གློག་འོད་འཁྱུགས་གྱུར་ན། ། ཆར་པ་རྒྱུན་རིང་འབབ་པར་འགྱུར། ། འབྲུག་དུས་གློག་འོད་དྲག་པོ་འཁྱུགས། ། ངེས་པར་རླུང་ཆེན་ལྡང་བར་འགྱུར། ། གློག་འོད་འཆལ་བར་འཁྲུགས་གྱུར་ན། ། ཆར་མེད་རླུང་ཡང་འཇོགས་པར་འགྱུར། ། གློག་འོད་སིལ་བུར་འཁྱུགས་གྱུར་ན། ། ཆར་འབབ་རླུང་ཆེན་ལྡང་བར་འགྱུར། །</br>23.ལོ་ཏོག་ལེགས་ཉེས་བརྟག་པ་ནི། ཉེར་གསུམ་དུས་མཚམས་ཉེར་བཞི་ལ། ། ལོ་ཏོག་ལེགས་ཉེས་བརྟག་པའི་རྩིས། ། ཟླ་བ་དང་པོའི་ཚེས་གཅིག་ཉིན། ། སྔ་དྲོའི་དུས་སུ་ཕྱོགས་བཞི་འཐིབས། ཁ་བ་ཆེ་ཞིང་ཐན་པའི་ལོ། ། དཔྱིད་ཀྱི་དབུགས་ནི་ཐོབ་པའི་ཉིན། ། ཉི་ཤར་ནས་བཟུང་ཉི་ནུབ་བར། ། རླུང་མེད་ཁམས་འཇམ་བྱུང་གྱུར་ན། ། ཞིང་པས་དཀའ་ཚེགས་བྱེད་མི་དགོས། ། ཟླ་བ་གཉིས་པའི་དུས་སུ་ནི། ། འབུ་སྲིན་དག་གི་དབུགས་རྒྱུ་དུས། ། འབྲུག་གྲགས་འབྲུ་རྣམས་འདམ་བཞིན་འགྱུར། ། ཉིན་མཚན་མཉམ་པའི་ཉི་མ་ལ། ། ཆར་བབས་ལོ་དེར་ནད་པ་ཉུང་། ། ཟླ་བ་གཉིས་པ་འདི་ཡི་ནང་། ། ཡོས་ཀྱི་ཉི་མ་གསུམ་བྱུང་ན། ། གྲོ་སོགས་འབྲུ་རྣམས་སྨིན་པར་འགྱུར། ། ཟླ་བ་གསུམ་པའི་དུས་སུ་ནི། ། ཚེས་གཅིག་ནས་ནི་རླུང་ཆར་བྱུང་། ། རིམས་ཀྱིས་འདེབས་ཤིང་མི་རྣམས་སྡུག ། གནམ་དྭངས་ཞེས་བྱའི་ཉི་མ་ལ། ། ལྷོ་ཡི་ཕྱོགས་ནས་རླུང་བྱུང་ན། ། ངེས་པར་ཞིང་སའི་ལོ་ཏོག་སྨིན། ། ཟླ་བ་བཞི་པའི་དུས་སུ་ནི། ། དབྱར་གྱི་དབུགས་ཐོབ་ཉི་མ་ལ། ། ཤར་ནས་རླུང་འབྱུང་ནད་ཉུང་འགྱུར། ། ཟླ་བ་འདི་ཡི་ཚེས་བརྒྱད་ལ། ། ནམ་མཁའ་ཤིན་ཏུ་དྭངས་གྱུར་ན། ། ཤིང་ཏོག་རྣམས་ནི་སྨིན་པར་འགྱུར། ། ཤིང་ཕོ་བྱི་དང་ལྕགས་ཕོ་འབྲུག ། འདི་གཉིས་ཉི་མར་འབྲུག་གྲགས་ན། ། ཆ་གས་ལོ་ཏོག་ཟ་བར་འགྱུར། ། ཟླ་བ་ལྔ་པའི་དུས་སུ་ནི། ། སངས་རྒྱས་སྨན་བླའི་ཉི་མ་ལ། ། ཆར་བབས་ལོ་ཏོག་ལེགས་པར་སྨིན། ། མྱུར་འདེབས་ཞེས་བྱའི་དུས་ཀྱི་ཉིན། ། འབྲུག་སྐད་གྲགས་ན་ལོ་ཏོག་བཟང་། ། ཉི་མ་ལྡོག་ཉིན་ནུབ་བྱང་ནས། ། རླུང་བྱང་སྔོ་ཚོད་དག་ལ་ངན། ། ཟླ་བ་དྲུག་པའི་དུས་སུ་ནི། ། ཚད་དུས་གསུམ་གྱི་ཉིན་དག་ཏུ། ། ལྷག་པར་ཚ་ན་འབྲུ་མི་སྨིན། ། འདི་དུས་ནད་དག་མེད་གྱུར་ན། ། དགུན་ཟླ་གསུམ་ལ་ཁ་བ་ཆེ། ། ཟླ་བ་བདུན་པའི་དུས་སུ་ནི། ། སྟོན་དབུགས་ཐོབ་པའི་ཉི་མ་ལ། ། ཆར་པ་མེད་ན་སྡུག་བསྔལ་འབྱུང་། ། ལོ་ཏོག་ཕྱེད་ཙམ་སྨིན་པ་ཡིན། ། ཚ་བ་ཐོན་པའི་ཉི་མ་ལ། ། ཆར་པ་བབས་པར་གྱུར་ན་ནི། ། འབྲུ་རྣམས་ཐོགས་ཀྱང་ཕན་པ་མེད། ། ཟླ་བ་བརྒྱད་པའི་དུས་སུ་ནི། ། སྟོན་གྱི་ཉིན་མཚན་མཉམ་པའི་ཉིན། ། སྤྲིན་དཀར་མང་བྱུང་འབྲུ་རྣམས་སྨིན། ། ཉིན་མཚན་མཉམ་པའི་དུས་དེ་ལ། ། འབྲུག་གྲགས་གློག་འཁྱུགས་བྱུང་ན་ངན། ། དགུན་དུས་འབྲུ་རིན་ཆེ་བར་འགྱུར། ། ཟླ་བ་དགུ་པའི་དུས་སུ་ནི། ། ཚེས་གཅིག་སད་འབབ་ཞིང་པར་ངན། ། ཚེས་དགུ་ཆར་པ་མ་བབས་ན། ། དགུན་རིང་ཁ་བ་དཀོན་པར་འགྱུར། ། འདི་དུས་ཟླ་དབུས་དམར་ཐིག་འབྱུང་། ། མི་ལ་ན་ཚ་སྣ་ཚོགས་འབྱུང་། ། འདི་ཉིན་འབྲུག་གྲགས་སྔོ་ཚོད་རྣམས། ། རིན་ཆེ་དཀོན་པར་འགྱུར་བ་ཡིན། ། ཟླ་བ་བཅུ་པའི་དུས་སུ་ནི། ། ཆུ་ཕོའི་ཁམས་ཀྱི་ཉི་མ་ལ། ། དགུན་དབུགས་ཐོབ་པར་གྱུར་ན་ནི། ། ཕྱི་ལོའི་ཞིང་ལས་དོན་མེད་འགྱུར། ། འདི་ཉིན་ཆུ་ཕོ་བྱི་བར་འཕྲད། ། མི་ལ་ནད་ཀྱིས་འདེབས་པར་འགྱུར། ། ཟླ་བ་བཅུ་གཅིག་པ་ཡི་དུས། ། ཚེས་གཅིག་ནུབ་ནས་རླུང་ལང་ན། ། རྐུན་མ་མང་པོས་ལྗང་འགྱུར་ཞིང་། ཁ་བ་ཆེ་ལ་བར་ཆད་མང་། ། དགུན་ཉི་ལྡོག་པའི་ཉི་མ་ལ། ། གནམ་ཁད་འཇམ་ཞིང་ཉི་མདངས་བཟང་། ། ཕྱི་ལོར་མི་རྣམས་བདེ་བ་དང་། ། སྐྱ་རྒྱལ་འབྱུང་བས་བཟང་བ་ཡིན། ། ཟླ་བ་བཅུ་གཉིས་པ་ཡི་དུས། ། ཚེས་གཅིག་ཤར་རླུང་ལང་གྱུར་ན། ། ཕྱུགས་ལ་གོད་ཁ་འབྱུང་བར་འགྱུར། ། འདི་ཉིན་རླུང་དང་ཁ་བ་ཆེ། ། ཕྱི་ལོ་ཐུན་པའི་ལོ་རུ་འགྱུར། ། འདི་ཉིད་ནམ་མཁའ་དྭངས་བྱུང་ན། ། ཞིང་པ་སེམས་བདེར་བསྡད་པས་ཆོག།</br>24.རླུང་ཆར་འཐིབས་དྭངས་བརྟག་པ་ནི། ཉེར་བཞི་སྟག་ཟླའི་ཚེས་གཅིག་ཉིན། ། རླུང་ཆར་འཐིབས་དྭངས་བརྟག་པའི་རྩིས། ། ཟླ་བ་དང་པོའི་ཚེས་གཅིག་ལ། ། གནམ་གྱི་ཁད་ནི་འཇམ་གྱུར་ན། ། དུས་ཚོད་ཀུན་ཏུ་བཟང་བ་ཡིན། ། རྒྱལ་ཁམས་བདེ་ཞིང་འབངས་ཀྱང་སྐྱིད། ། འབྲུ་སྣ་ལྔ་རྣམས་ཤིན་ཏུ་འཕེལ། ། མི་ལ་ནད་ཉུང་དུད་འགྲོ་འཕེལ། ། རྐུན་མ་དག་ནི་ཉམས་པར་འགྱུར། ། འདི་ཉིན་ཆར་པ་བབས་གྱུར་ན། ། མི་ལ་ནད་འབྱུང་ཆར་ཞོད་ཆེ། ། དུད་འགྲོ་མི་འཕེལ་ཤིང་ཏོག་བྲུལ། ། འདི་ཉིན་གློ་བུར་རླུང་ཆེན་ལངས། ། ངེས་པར་ཀུན་མས་སྡང་བར་འགྱུར། ། གསར་རྨོས་སར་བཏབ་སྨིན་མི་འགྱུར། ། ཕྱུགས་ལ་ཕྱུགས་ནད་འབྱུང་བ་དང་། ཆར་དཀོན་ཐན་པ་འབྱུང་བ་ཡིན། ། སྔོ་ཚོད་དག་ཀྱང་ཉུང་བར་འགྱུར། ། འདི་ཉིན་ཁ་བ་ཆེར་བབས་ན། ། འབྲུ་རྣམས་འཕེལ་ཀྱང་ནོར་ལུག་ངན། ། ཤིང་ཐོག་སྡོང་པོར་མེ་ཏོག་ཉུང་། ། འབྲུ་རྣམས་མོད་པར་འགྱུར་བ་ཡིན། ། གོས་སྲིན་ཉུང་ཞིང་ཤིང་ཏོག་ཀྱང་། ། ཉུང་ལ་སྔོ་ཚོད་མང་བ་དང་། ། བུད་མེད་དག་ལ་ནད་རིམས་འབྱུང་། ། འདི་ཉིན་སྨུག་པ་ཆེར་འཐིབས་ན། ། ལོ་འདིར་སྐྱེས་པའི་བུ་ཆུང་ལ། ། ནད་འབྱུང་གོས་ཀྱི་སྲིན་བུ་འཕེལ། ། ཆར་པ་སྙོམས་པོ་འབྱུང་བ་ཡིན། ། འདི་ཉིན་ཆར་བབས་གློག་འགྱུ་ན། ། སྡུག་འདྲེ་རྐུན་མ་མང་བ་ཡིན། ། མི་ལ་རྨ་འབྱུང་གཡན་པ་འབྱུང་། ། ཟླ་བ་འདི་ལ་གློག་འཁྱུགས་ན། ། དུས་ཚོད་འཚོལ་བར་འགྱུར་བ་ཡིན། ། ཐབས་ཆ་ཤེས་ཆ་གོ་ལོག་ཡིན། ། ཚེས་མགོར་གློག་འགྱུ་མི་ལ་ངན། ། འདི་ཉིན་བྱེ་འདྲེས་རླུང་ཆར་བྱུང་། ། གོས་ཆེན་དཀོན་ཅིང་ཞིང་ས་སྟོང་། ། འདི་ཉིན་ཕྱོགས་བཞིར་མདངས་སེར་ན། ། ལོ་ཏོག་སྨིན་ཅིང་མདོག་དཀར་ན། ། ངན་ལ་མདོག་སྔོ་ཆ་ག་མང་། ། མདངས་དམར་ཐན་པ་འབྱུང་བ་ཡིན། ། མདངས་ནག་ཆར་ཞོད་ཆེན་པོ་འབྱུང་། ། འདི་ཉིན་སྔ་དྲོར་ནུབ་རླུང་འབྱུང་། ། འབུ་སྲིན་མང་བར་འགྱུར་བ་ཡིན། ། བྱང་རླུང་བྱུང་ན་སྲན་མ་འཕེལ། ། སྟོན་དུས་ཆར་པ་མང་བར་འགྱུར། ། ལྷོ་རླུང་བྱུང་ན་ཐན་པའི་རྟགས། ། ཟླ་བ་ལྔ་པར་ཁྲེས་དཀོན་འགྱུར། ། ལྷོ་ནུབ་རླུང་བྱུང་ས་རྨོ་རུང་། ། ནོར་ལུག་དག་ལ་ས་དུག་ཕོག ། འབངས་མི་དག་ལ་ནད་འབྱུང་ངོ་། ། གཞན་ཡང་དང་པོའི་ཚེས་གཅིག་གི ། སྔ་དྲོ་ནས་བཟུང་ཉིན་དགུང་བར། ། སྤྲིན་དང་ཆར་པ་མེད་གྱུར་ན། ། ལོ་ཏོག་སྔ་བར་སྨིན་པ་འབྱུང་། ། སྔ་དྲོ་ནས་བཟུང་ཉི་ནུབ་བར། ། སྤྲིན་དང་ཆར་པ་མེད་གྱུར་ན། ། མེ་ཏོག་འཕྱིས་པར་སྨིན་པ་འབྱུང་། ། ཤར་ཕྱོགས་རླུང་ནག་བྱུང་གྱུར་ན། ། དཔྱིད་ཀ་ཆར་པ་མོད་པ་ཡིན། ། སྤྲིན་སྔོན་བྱུང་ན་འབངས་རྣམས་ལྟོགས། ། མི་དག་མི་བདེ་སྡུག་བསྔལ་མང་། སྤྲིན་དཀར་བྱུང་ན་མྱ་ངན་འབྱུང་། ། ལྷོ་ཕྱོགས་སྤྲིན་ནག་བྱུང་གྱུར་ན། ། དབྱར་དུས་ཆར་པ་མང་བ་ཡིན། ། སྤྲིན་པ་དམར་པོ་བྱུང་གྱུར་ན། ། ཟླ་བ་ལྔ་པར་ཐན་པ་འབྱུང་། ། ཟླ་བ་དྲུག་པའི་ནང་དུ་ནི། ། ཆར་པ་ཚིམ་པར་འབབ་པ་ཡིན། ། ནུབ་ཏུ་སྤྲིན་ནག་ལང་གྱུར་ན། ། སྟོན་དུས་ཆར་པ་མང་པོ་འབབ། ། སྤྲིན་དཀར་སྟོན་དུས་མི་མི་བདེ། ། ནུབ་བྱང་སྤྲིན་ནག་བྱུང་གྱུར་ན། ། ཁ་ཆར་མང་པོ་འབབ་པར་འགྱུར། །</br>25.གནམ་གྱི་ཁམས་བཅུ་བརྟག་པ་ནི། ཉེར་ལྔ་གནམ་གྱི་ཁམས་བཅུའི་རྩིས། ། ཟླ་བ་དང་པོའི་ཚེས་གཅིག་ཉིན། ། ཤིང་ཕོ་འབྲུ་མོད་མི་མི་བདེ། ། ཤིང་མོ་འབྲུ་དཀོན་མི་ནད་འབྱུང་། ། མེ་ཕོ་ཞག་པོ་བཞི་བཅུ་འམ། ། ཟླ་བཞིའི་བར་དུ་ཐན་པ་འབྱུང་། ། མེ་མོ་སྐུད་པ་སྲོ་མ་དཀོན། ། ས་ཕོ་འབྲུ་གྲོ་ཉ་ཚྭ་དཀོན། ། ཐན་པ་འབྱུང་ཞིང་ས་མོ་འཕྲད། གོས་སྲིན་འབྲུ་དཀོན་རླུང་ཆར་མང་། ། ལྕགས་ཕོ་ལྕགས་ཉུང་ལོ་ཏོག་འཁྲུངས། ། མི་ལ་ནད་འབྱུང་ལྕགས་མོ་ལ། ། ཏིལ་འབྲུ་དཀོན་ལ་ལོ་ཏོག་སྨིན། ཆུ་ཕོ་དང་འཕྲད་འབྲུ་གྲོ་མོད། ། དར་རས་སྲན་དཀོན་ཆུ་མོ་ལ། ། ལོ་ཏོག་དག་ལ་གནོད་པ་འབྱུང་། ། མི་ལ་ནད་དང་ཆར་པ་མང་། །</br>26.ཁམས་ལྔའི་བྱི་བ་བརྟག་པ་ནི། ཉེར་དྲུག་ཁམས་ལྔ་བྱི་བའི་བརྟག ། ཟླ་བ་དང་པོའི་ཡར་ཚེས་ལ། ། ཤིང་བྱི་བྱུང་ན་ལོ་ཏོག་བཟང་། ། མེ་ཕོ་བྱི་བར་ཐན་པ་འབྱུང་། ། ས་ཕོ་བྱི་བར་ཆ་ག་མང་། ། ལྕགས་བྱི་ལ་ནི་སོས་མི་བདེ། ། ཆུ་ཕོ་བྱི་བར་ཆར་ཞོད་ཆེ། །</br>27.གླང་འབྲུག་མང་ཉུང་བརྟག་པ་ནི། ཉེར་བདུན་གླང་འབྲུག་བརྟག་པའི་རྩིས། ། དང་པོའི་གཅིག་ནས་བཅུ་གཉིས་ཚུན། ། སྔོན་དུས་ཉུང་ལ་རྗེས་མ་མང་། ། གླང་ནི་ས་ནི་གསོས་ཡིན་ཕྱིར། ། ཇི་ཙམ་མང་བ་སོས་བུད་སྔ། ། ས་བཅུད་འཕེལ་ཞིང་དགེ་བར་ཐོས། ། སྟོན་འཇུག་རིང་ལ་འབྱོར་པ་རྒྱས། ། བརྒྱད་ཕྱིན་རབ་ལ་བཞི་ཚུན་ཐ། ། འབྲིང་པོ་བར་གྱི་རིགས་པས་ཤེས། ། འདི་ཡིས་ས་ཆ་སྟོད་སྨད་དང་། ། སོས་བུད་སྔ་ཕྱི་བར་ཡང་རྟོགས། ། འབྲུག་ནི་གནམ་ལྷ་གནམ་གྱི་གསོས། ། རྒྱ་མཚོ་ལས་ནི་ཆུ་འཐུངས་ནས། ། མཁའ་ལས་ཆར་པ་འབེབས་ཞེས་གྲགས། ། ཇི་ཙམ་མང་བ་ཆར་ཚེ་ཡང་། ། ས་བཅུད་མཁའ་ལ་འཁུར་བས་ངན། ། བརྒྱད་ཕྱིན་ལྕེ་འབབ་སེར་བས་འཇིག ། ལྔ་ཚུན་ཆར་དཀོན་དྲུག་བདུན་སྙོམས། །</br>28.དུས་བཞིའི་ཆར་འབེབས་བརྟག་པ་ནི། ཉེར་བརྒྱད་དུས་བཞི་ཤིང་བྱིའི་རྩིས། ། དཔྱིད་ཀྱི་ཤིང་བྱིར་ཆར་བབས་ན། ། ཆར་འབེབས་ནོར་ལུག་འཁྱགས་པས་འཆི། ། ཆུ་དམར་དཔག་ཚད་སྟོང་ཕྲག་འཕྱུར། ། དབྱར་གྱི་ཤིང་བྱིར་ཆར་བབས་ན། ། ཆར་པ་རབ་ཆེ་ལམ་སྲང་དུ། ། གྲུ་གཏོང་དགོས་འོང་སྟོན་དུས་ཀྱི། ། ཤིང་བྱིར་ཆར་འབེབས་འབྲུ་མི་སྨིན། ། དགུན་ཀར་ཤིང་བྱིར་ཆར་བབས་ན། ཁ་བ་ས་ལེ་བར་སྟོང་འབབས། ། གླང་ལུག་ལྷག་པས་འཆི་བའང་བཤདོ། །</br>29.འབྲུག་སྐད་བརྟག་པ་ནི། ཉེར་དགུ་འབྲུག་སྐད་བརྟག་པའི་རྩིས། ། འབྲུག་སྐད་ཐོག་མར་བྱང་ཤར་བྱུང་། ། འབྲུ་མོད་ཤར་ཕྱོགས་ལོ་ཏོག་བཟང་། ། ཤར་ལྷོར་གྲགས་ན་འབུ་སྲིན་མང་། ། ལྷོ་ཕྱོགས་ནས་གྲོགས་ཐན་པ་འབྱུང་། ། ལྷོ་ནུབ་གྲགས་ན་ཆ་ག་མང་། ། ནུབ་ཏུ་གྲགས་ན་གསེར་ལྕགས་དཀོན། ། ནུབ་བྱང་ནས་གྲགས་རྒྱལ་ཁམས་རྣམས། ། བདེ་ཡང་མི་ནད་འབྱུང་བར་ཐོས། ། བྱང་དུ་གྲགས་ན་ཆར་པ་མང་། ། གཞན་ཡང་དང་པོར་འབྲུག་གྲགས་ན། ། མི་ལ་མི་དགའ་དུ་མ་འབྱུང་། ། སྟོན་དུས་འབྲུག་མང་འབྲུ་མི་སྨིན། ། དགུན་དུས་འབྲུག་གྲགས་འབྲུ་སྨིན་ཡང་། ། མི་ལ་ངན་ཅིང་དམག་འཁྲུག་འབྱུང་། །</br>30.དཔྱིད་ཀྱི་དབུགས་ཐོབ་བརྟག་པ་ནི། སུམ་ཅུ་དཔྱིད་ཀྱི་དབུགས་ཐོབ་བརྟག ། དཔྱིད་དབུགས་ཐོབ་པའི་ཉི་མ་ལ། ། ནམ་མཁའ་དྭངས་ན་རྩི་བཅུད་འཁྲུངས། ། འདི་ཉིན་གནམ་འཐིབས་ཆར་བབས་ན། ། ཆར་ཞོད་ཆེ་ལ་ཤར་ཕྱོགས་སུ། ། ལང་ལོང་སྤྲིན་བྱུང་ལོ་ཏོག་བཟང་། ། ཤར་རླུང་འབྲུ་མོད་མི་རྣམས་བདེ། ། ནུབ་ནས་རླུང་བྱུང་ཐན་པ་འབྱུང་། ། འབྲུ་དཀོན་རྐུན་པོ་དག་ཀྱང་མང་། ། ལྷོ་རླུང་བྱུང་ན་དུད་འགྲོ་བདེ། ། བྱང་ནས་རླུང་བྱུང་ཆུ་བོར་ནུབ། ། ཁྱད་པར་དཔྱིད་ཀྱི་དབུགས་ཐོབ་ཉིན། ། ཉི་མ་ཁམས་འཕྲད་བལྟ་བར་བྱ། ། ཤིང་ཕོའམ་ཤིང་མོ་དང་འཕྲད་ན། ། ལོ་ཏོག་ཡོངས་སུ་སྨིན་པ་འབྱུང་། ། མེ་ཕོ་མེ་མོ་དང་འཕྲད་ན། ། ལོ་ཏོག་ལ་ནི་ཐན་པ་འབྱུང་། ། ས་ཕོ་ས་མོ་དང་འཕྲད་ན། ། ལོ་ཏོག་ལ་ནི་གནོད་པ་འབྱུང་། ། ལྕགས་ཕོ་ལྕགས་མོ་དང་འཕྲད་ན། ། མི་རྣམས་ལ་ནི་བདེ་བ་མེད། ། ཆུ་ཕོ་ཆུ་མོ་དང་འཕྲད་ན། ། ཆར་ཞོད་ཆེན་པོ་འབྱུང་བ་ཡིན། །</br>31.དཔྱིད་ཀྱི་ཉིན་མཚན་མཉམ་པ་བརྟག་པ་ནི། སོ་གཅིག་དཔྱིད་དུས་མཉམ་པའི་རྩིས། ། དཔྱིད་ཀྱི་ཉིན་མཚན་མཉམ་པའི་ཉིན། ། ཤར་ཕྱོགས་སྤྲིན་སྔོན་གྲོ་འཕེལ་ལ། ། སྤྲིན་མེད་གནམ་ཐང་འབྲུ་མི་རྒྱུས། ། མི་ལ་ཚ་བའི་ནད་ཀྱང་འབྱུང་། ། ནུབ་རླུང་གྲོ་དཀོན་ཐན་པས་ཉེན། ། ཤར་རླུང་གྲོ་མོད་འབྲུ་གཞན་འབྲིང་། ། ལྷོ་རླུང་བྱུང་ན་སྣོན་ཟླའི་ནང་། ། སྔོན་དུ་ཆར་ཆེ་རྗེས་སུ་འཚིག ། བྱང་ནས་རླུང་བྱུང་འབྲུ་རྣམས་དཀོན། །</br>32.དབྱར་གྱི་དབུགས་ཐོབ་བརྟག་པ་ནི། སོ་གཉིས་དབྱར་དབུགས་ཐོབ་པའི་བརྟག ། འདི་ཉིན་ཤིན་ཏུ་གནམ་མཐོང་ན། ། ལོ་འདིར་ངེས་པར་ཐན་པ་འབྱུང་། ། ཤར་རླུང་བྱུང་ན་འབྲུ་རྣམས་སྨིན། ། མི་ཡང་བདེ་ཞིང་ལྷོ་རླུང་བྱུང་། ། མི་ལ་ནད་འབྱུང་མྱུ་གུ་སྐམ། ། ནུབ་རླུང་ནོར་ལུག་ནད་ཡམས་འབྱུང་། ། བྱང་རླུང་ཆུ་བོར་ཉ་སྲིན་མང་། ། ཡང་ན་སྦྲུལ་དུས་ཤར་ནུབ་རླུང་། ། ཉིན་བཅུ་མཁའ་མདངས་སྔོན་པོ་འཆར། ། ཤར་ལྷོར་རླུང་བྱུང་ལོ་འདིར་ཚ། ། མཁའ་མདངས་སྔོན་པོ་མ་ཤར་ན། ། ལོ་འདིར་རླུང་ཆེན་མང་བར་བཤད། ། ཉིན་བཅུའི་ནང་དུ་ངེས་པར་འབྱུང་། ། འབྲུ་དག་ལ་གནོད་བྱ་རླུང་བྱུང་། ། ཆུ་མིག་ལུད་ཅིང་ས་འགུལ་འབྱུང་། ། མི་ལ་ནད་མང་ནུབ་རླུང་བྱུང་། ། ཆ་ག་མང་འཕེལ་མི་ནད་འབྱུང་། ། ཤར་རླུང་བྱུང་ཞིང་འབྲུག་གྲགས་ན། ། དུས་མ་ཡིན་པར་ཐོག་ཀྱང་འབབ། །</br>33.དབྱར་གྱི་ཉི་ལྡོག་བརྟག་པ་ནི། སོ་གསུམ་དབྱར་གྱི་ཉི་ལྡོག་རྩིས། ། འདི་ཉིན་མེ་སྟག་ཉི་མ་འམ། ། མེ་ཡོས་འཕྲད་ན་འབྲུ་རྣམས་དཀོན། ། ཉིན་དགུང་རྟ་དུས་ལྷོ་ངོས་སུ། ། སྤྲིན་དམར་རྟ་ཡི་དབྱིབས་ཅན་བྱུང་། ། དེ་ལ་ལི་ཡི་དཀྱིལ་འཁོར་གྱི། ། རང་མདངས་ཞེས་ཟེར་འབྲུ་སྣ་ལྔ། ། མང་དུ་འཕེལ་ཞིང་སྤྲིན་དམར་པོ། ། རྟ་ཡི་དབྱིབས་དེ་མ་བྱུང་ན། ཁྲེས་རིགས་ལྔ་པོ་སྨིན་མི་འགྱུར། ། མི་ལ་མིག་ནད་ཐན་པ་འབྱུང་། ། ལྷོ་རླུང་བྱུང་ན་ཚ་བ་ཆེ། ། བྱང་ནས་རླུང་བྱུང་རི་ཁ་ཡི། ། ལོ་ཏོག་རྣམས་ནི་ཐོན་པས་གདུང་། ། ལྷོ་ནུབ་རླུང་བྱུང་མི་ནད་དང་། ། ཆུ་སྟོད་ཟླ་བར་ཆར་ཞོད་ཆེ། ། ནུབ་རླུང་སྟོན་དུས་ཆར་པ་ཆེ། ། ཤར་རླུང་ཟླ་བ་བརྒྱད་པའི་ནང་། ། མི་ལ་ན་ཚ་འབྱུང་བའི་ལྟས། ། བྱང་རླུང་འབྲུ་རྣམས་ཤིན་ཏུ་དཀོན། ། ནམ་གྱི་གང་དེར་རླུང་ཆར་བྱུང་། ། ཕྱི་ལོར་འབྲུ་རྣམས་དཀོན་པར་འགྱུར། །</br>34.སྟོན་གྱི་དབུགས་ཐོབ་བརྟག་པ་ནི། སོ་བཞི་སྟོན་དབུགས་ཐོབ་པའི་རྩིས། ། འདི་ཉིན་འབྲུག་གྲགས་ལོ་མི་སྨིན། ། ཆར་པ་བབས་ན་སྔོ་ཚོད་བཟང་། ། ཤར་རླུང་ནད་འབྱུང་རྩྭ་ལྡུམ་བཟང་། ། ལྷོ་རླུང་སྟོན་དུས་ཐན་པ་འབྱུང་། ། ནུབ་ནས་རླུང་བྱུང་ཆར་པ་ཆེ། ། བྱང་རླུང་བྱུང་ན་ཆར་སྤྲིན་མང་། ། སྤྲེལ་གྱི་དུས་སུ་ལྷོ་ནུབ་ནས། ། སྤྲིན་དམར་བྱུང་ན་འབྲུ་འབྲིང་ཙམ། ། སྤྲིན་པ་མེད་ན་འབྲུ་མི་སྨིན། ། ས་འགུལ་ཕྱི་ལོར་ནོར་ལུག་འཆི། ། སད་འབབ་པ་ཡི་ཉིན་རྗེས་མར། ། གལ་ཏེ་སད་ནི་བབས་པ་ན། ། དགུན་ཉི་ལྡོག་རྗེས་ཁ་ཆར་དང་། ། རླུང་དང་གྲང་འཁྱག་འབྱུང་བར་འགྱུར། ཁྲུམས་ཟླའི་ཚེས་གཅིག་གནམ་འཐིབས་ན། ། ཕྱི་ལོར་ལོ་ཏོག་ཤིང་ཏོག་ལེགས། ། དེ་ཡི་རྗེས་ལོར་ཐན་པ་འབྱུང་། ། སྟོན་གྱི་བྱི་བའི་ཉི་མ་ལ། ། ཆར་པ་བབས་ན་སྟོན་དུས་དེར། ། ཞག་མ་དྲུག་ཅུའི་བར་དུ་འབབ། ། ཟླ་བ་དགུ་པའི་ཚེས་དགུའི་ཉིན། ། ཆར་པ་སྡུད་པའི་དུས་ཡིན་ཀྱང་། ། འདི་ཉིན་ཆར་བབས་ཕྱི་ལོར་བཟང་། །</br>35.སྟོན་གྱི་ཉིན་མཚན་མཉམ་པ་བརྟག་པ་ནི། སོ་ལྔ་སྟོན་གྱི་ཉིན་མཚན་མཉམ། ། གནམ་མཐོང་བྱུང་ན་འབྲུ་མི་སྨིན། ། ཉུང་ངུར་འབབ་ཅིང་འཐིབས་ན་བཟང་། ། འདི་ཉིན་བྱ་ཡི་དུས་ཚོད་ལ། ། རླུང་ལྡང་སྤྲིན་དཀར་ལུག་གི་དབྱིབས། ། བྱུང་ན་རང་མདངས་ཤར་བ་ཡིན། ། འབྲས་རྣམས་འཁྲུངས་སོ་མདངས་དཀར་པོ། ། འཁྲུག་ཅིང་མི་གསལ་གྱུར་ན་ཏིལ། ། འཁྲུངས་པར་བཤད་ལ་སད་འབབ་ན། ། ཕྱི་ལོའི་དབོ་ཟླར་མི་ནད་མང་། ། ཤར་རླུང་འབྲུ་རྣམས་མི་སྨིན་དཀོན། ། ནུབ་རླུང་མི་དང་ལོ་ཏོག་རྒྱས། ། ནུབ་བྱང་རླུང་བྱུང་འབྲུ་འཕྲོག་འགྱུར། ། ཤར་ལྷོར་རླུང་བྱུང་རླུང་དྲག་གཡོ། ། མགོ་ཟླར་རྒྱུན་པར་གནམ་འཐིབས་འགྱུར། ། བྱང་ནས་རླུང་བྱུང་གྲང་ལྷགས་ཆེ། ཚེས་གཅིག་ལྷོ་རླུང་བྱུང་ན་ངན། ། ནུབ་རླུང་བྱས་ན་ས་ལས་བཟང་། །</br>36.དགུན་གྱི་དབུགས་ཐོབ་བརྟག་པ་ནི། སོ་དྲུག་དགུན་དབུགས་ཐོབ་པའི་རྩིས། ། འདི་ཉིན་མེ་ཁམས་དང་འཕྲད་ཅིང་། ཁ་ཆར་མེད་ན་ལོ་འདིར་དྲོ། ། ཕྱི་ལོར་ཐན་པ་དག་ཀྱང་འབྱུང་། ། ཤིང་ཁམས་སམ་ནི་ཆུ་ཁམས་འཕྲད། ། ཕྱི་ལོར་དཔྱིད་དུས་ཆར་པ་མང་། ། ཤིང་ཏོག་སྡོང་པོར་མེ་ཏོག་ཤར། ། དེ་ཡི་རྗེས་ལོར་ཐན་པ་དང་། ། ཤར་རླུང་དག་ཀྱང་འབྱུང་བར་བཤད། ། ལྷོ་རླུང་བྱུང་ན་ཕྱི་མའི་ལོར། ། ཟླ་བ་ལྔ་པར་མི་ནད་འབྱུང་། ། ནུབ་རླུང་ངན་ཅིང་བྱང་རླུང་བྱུང་། ། དུད་འགྲོ་འཁྱག་འཆི་ཁ་བ་ཆེ། ། ནུབ་བྱང་སྤྲིན་དཀར་རྟའམ་འབྲུག ། དབྱིབས་ཅན་བྱུང་ན་ཏིལ་རྣམས་སྨིན། ། རྟ་འབྲུག་ལྟ་བུའི་སྤྲིན་མེད་ན། ། ཕྱི་ལོའི་ཟླ་བ་བཞི་པ་ལ། ། གྲང་ལྷག་ཆེ་ཞིང་མི་ནད་འབྱུང་། ། དགུན་དུས་འབྲུག་གྲགས་དེ་ཡང་ངན། །</br>37.དགུན་ཉི་བྱང་བགྲོད་བརྟག་པ་ནི། སོ་བདུན་དགུན་ཉི་བྱང་བགྲོད་རྩིས། ། འདི་ཉིན་ཆུ་ཕོ་དང་འཕྲད་ན། ། ས་ལ་བར་སྟོང་ཐན་པ་འབྱུང་། ། དེ་ཡི་ཕྱི་ཉིན་ཆུ་ཁམས་དང་། ། འཕྲད་ན་ཐན་པ་ཆུང་བ་ཡིན། ། ཉི་མ་གསུམ་པར་ཆུ་ཁམས་དང་། ། འཕྲད་ན་ཐན་པ་ཆེ་བ་ཡིན། ། བཞི་པར་ཆུ་ཁམས་ཁྲེས་རིགས་སྨིན། ། ལྔ་པར་ཆུ་ཁམས་ཆུ་ཀླུང་ཆུང་། ། དྲུག་པར་ཆུ་ཁམས་ཆུ་རྣམས་ཆེ། ། བདུན་པར་ཆུ་ཁམས་ཆུ་བོ་ལུད། ། བརྒྱད་པར་ཆུ་ཁམས་རྒྱ་མཚོ་ལུད། ། དགུ་པར་ཆུ་ཁམས་ཚ་བ་ཆེ། ། ཉི་མ་བཅུ་དང་བཅུ་གཅིག་དང་། ། བཅུ་གཉིས་རྣམས་ལ་ཆུ་ཁམས་ཡོད། ཁྲེས་རིགས་ལྔ་པོ་སྨིན་མི་སྲིད། ། གལ་ཏེ་དགུན་ཉི་ལྡོག་པའི་ཉིན། ། རླུང་དང་གྲང་ལྷག་ཆེ་བ་ན། ། ཕྱི་ལོར་འབྲུ་བཅུད་ཤིན་ཏུ་བཟང་། ། ཤར་རླུང་བྱུང་ན་མི་ནད་དང་། ། བ་གླང་མང་པོ་འཆི་བར་འགྱུར། ། ལྷོ་རླུང་འབྲུ་དཀོན་བྱང་རླུང་ལ། ལོ་ཏོག་སྨིན་ཅིང་ནུབ་རླུང་བྱུང་། ། ལོ་ཏོག་རབ་སྨིན་མི་རྣམས་བདེ། ། བྱུང་ན་སྤྲིན་པ་སྔོན་པོ་ཡོད། ། ཕྱི་ལོར་འབྲུ་ལེགས་སྤྲིན་མེད་ངན། ། སྤྲིན་དམར་བྱུང་ན་ཐན་པའི་རྟགས། ། སྤྲིན་ནག་ཡོད་ན་ཆར་ཆུ་ཆེ། ། སྤྲིན་དཀར་ལ་ནི་མི་ནད་འབྱུང་། ། སྤྲིན་སེར་ཨར་པོ་བྱེད་པ་བཟང་། །</br>38.མིག་འགུལ་བ་བརྟག་པ་ནི། སོ་བརྒྱད་མིག་གཉིས་འགུལ་བའི་རྩིས། ། བྱི་དུས་གཡོན་འགུལ་མི་ཆེན་འཕྲད། ། གཡས་པ་འགུལ་ན་བཟང་བཏུང་རྙེད། ། གླང་དུས་གཡོན་པ་མྱ་ངན་འོང་། ། གཡས་པས་གཞན་གྱིས་རང་ལ་སེམས། ། སྟག་དུས་གཡོན་པར་ཐག་རིང་གི། ། མགྲོན་པོ་འོང་ལ་གཡས་བཀྲ་ཤིས། ། ཡོས་དུས་གཡོན་པ་ཡ་རབས་ཀྱི། ། མགྲོན་པོ་འོང་ཞིང་གཡས་པ་འབྲིང་། ། འབྲུག་དུས་གཡོན་པར་རིང་མགྲོན་འོང་། ། གཡས་པ་རྐྱེན་ངན་འཚེ་བའི་ངོ་། ། སྦྲུལ་དུས་གཡོན་པ་བཟའ་བཏུང་ཐོབ། ། གཡས་པ་འགུལ་ན་བཀྲ་མི་ཤིས། ། རྟ་དུས་གཡོན་པར་ཟས་ཆང་དང་། ། འཕྲད་ཅིང་གཡས་པར་འཚེ་བ་འབྱུང་། ། ལུག་དུས་གཡོན་པར་བཀྲ་ཤིས་ཤིང་། ། གཡས་པར་དགའ་བ་ཆུང་ངུར་འོང་། ། སྤྲེལ་དུས་གཡོན་པར་ནོར་རྫས་ཐོབ། ། གཡས་པས་བུད་མེད་རང་ལ་སེམས། ། བྱ་དུས་གཡོན་པར་མགྲོན་པོ་འོང་། ། གཡས་པ་ལ་ཡང་ཉེ་དུ་འོང་། ། ཁྱི་དུས་གཡོན་པར་མགྲོན་པོ་སླེབས། ། གཡས་པར་མི་མང་འདུ་ཚོགས་འོང་། ། ཕོག་དུས་གཡོན་པར་མགྲོན་བཟང་འོང་། ། གཡས་པར་དཔོན་པོའི་དོན་ཞིག་འོང་། ། (ཆད་ལས་འོང་སྣང་།)</br>39.རྣ་བ་ངུ་བ་བརྟག་པ་ནི། སོ་དགུ་རྣ་བ་ངུ་བའི་རྩིས། ། བྱི་དུས་རྣ་བ་གཡོན་པ་ངུ་། ། བུད་མེད་ཀྱི་ནི་རང་ལ་སེམས། ། གཡས་པ་ངུ་ན་སྟོར་བརླག་འོང་། ། གླང་དུས་གཡོན་པར་ཁ་མཆུའི་ངོ་། ། གཡས་པ་ལ་ཡང་རྩོད་པའི་ངོ་། ། སྟག་དུས་གཡོན་པར་བོར་སྟོར་ངོ་། ། གཡས་པར་དུ་ན་བྲེལ་བ་འོང་། ། ཡོས་དུས་གཡོན་པར་སེམས་སྡུག་འོང་། ། གཡས་པ་ལ་ནི་མགྲོན་པོ་སླེབས། ། འབྲུག་དུས་གཡོན་པར་ཐག་རིང་དུ། ། འགྲོ་དགོས་གཡས་པར་མགྲོན་པོ་འོང་། ། སྦྲུལ་དུས་གཡོན་ངན་གཡས་པ་དགེ། ། རྟ་དུས་གཡོན་པར་རིང་མགྲོན་འོང་།(ཐག་རིང་སྐད་ཐོས་མཆན)། གཡས་པ་ལ་ནི་གཉེན་བཤེས་འོང་། ། ལུག་དུས་གཡོན་པར་བཟའ་བཏུང་དང་། ། གཡས་པར་ཐག་རིང་མི་གཅིག་འོང་། ། སྤྲེལ་དུས་གཡོན་པར་འགྲོ་དགོས་འོང་། ། གཡས་པ་ལ་ནི་དགའ་བ་ཐོབ། ། བྱ་དུས་གཡོན་པར་སྟོར་བརླག་འོང་། ། གཡས་པ་ལ་ནི་དགེ་བར་བཤད། ཁྱི་དུས་གཡོན་པར་ཤ་ཆང་འོང་། ། གཡས་པ་ལ་ནི་མགྲོན་པོ་སླེབས། ། ཕག་དུས་གཡོན་པར་བཀྲ་ཤིས་འབྱུང་། ། གཡས་པ་ལ་ཡང་ཟས་ཆང་ཐོབ། །</br>40.རྣ་བ་ཚ་བ་བརྟག་པ་ནི། བཞི་བཅུ་རྣ་བ་ཚ་བའི་རྩིས། ། བྱི་དུས་ཧྭ་ཤང་གྲོས་ཁ་བྱེད། ། གླང་དུས་བཀྲ་ཤིས་སྟག་ཟས་ཆང་། ། ཡོས་དུས་ཐག་རིང་མགྲོན་པོ་འཕྲད། ། འབྲུག་དུས་ནོར་རྙེད་སྦྲུལ་དུས་ལ། ། ནོར་སྟོར་བྱ་བའི་ལས་མི་འགྲུབ། ། རྟ་དུས་བཀྲ་ཤིས་ལུག་དུས་སུ། ། མགྲོན་པོ་འོང་ནས་ཞུ་བ་བྱེད། ། སྤེལ་དུས་དགའ་སྟོན་འཚོགས་པའི་ངོ་། ། བྱ་དུས་གཉེན་བྱེད་ཀྱི་དུས་འཐབ། ། ཕག་དུས་ལ་ནི་གཏུག་བཤེར་ངོ་། །</br>41.གདོང་པ་ཚ་བ་བརྟག་པ་ནི། ཞེ་གཅིག་གདོང་ལ་ཚ་དྲོད་སྐྱེ། ། བྱི་དུས་བཀྲ་ཤིས་ནོར་ཡང་རྙེད། ། གླང་དུས་མྱ་ངན་སྟག་གི་དུས། ། ཐག་རིང་མགྲོན་འཕྲད་ཡོས་དུས་ལ། ། ཕྱི་ཡི་མི་འོང་ཟས་ཆང་ངོ་། ། འབྲུག་དུས་ཐག་རིང་མགྲོན་དང་ཐུག ། སྦྲུལ་དུས་གལ་ཆེའི་མི་དང་འཕྲད། ། རྟ་དུས་ཉེ་དུ་དང་མཉམ་དུ། ། འདུ་བའི་ངོ་ཡིན་ལུག་གི་དུས། ། གཏུག་བཤེར་སྤྲེལ་དུས་མི་བཟང་འཕྲད། ། བྱ་དུས་མི་བཟང་ཚུར་འཕྲད་འོང་། ། ཁྱི་དུས་ཟས་ཆང་སྐྱེལ་མཁན་འོང་། ། ཕག་དུས་གཏུག་བཤེར་མི་བདེ་འབྱུང་། །</br>42.ཤ་འཕྲིག་པ་བརྟག་པ་ནི། ཞེ་གཉིས་ལུས་ཀྱི་ཤ་འཕྲིག་བརྟག ། བྱི་དུས་མཐོན་པོའི་མི་འོང་བཟང་། ། གླང་དུས་རང་ལུས་བདེ་བ་འོང་། ། སྟག་དུས་འཚེ་བ་མི་མངོན་ཏེ། ། སླར་བཟང་ཡོས་དུས་ནོར་རྫས་ཐོབ། ། འབྲུག་དུས་ནད་ངོ་སྦྲུལ་རོགས་འཕྲད། ། རྟ་དུས་སེམས་ལས་ཐེ་ཚོམ་འབྱུང་། ། ལུག་དུས་ནོར་རྙེད་བཀྲ་ཤིས་ངོ་། ། སྤྲེལ་དུས་གྱོད་ངོ་འཛེམས་ན་བཟང་། ། བྱ་དུས་ནོར་སྟོར་འཚེ་བའི་ངོ་། ། ཁྱི་དུས་ཐག་རིང་མགྲོན་འོང་བཟང་། ། ཕག་དུས་བྱ་བ་བཀྲ་ཤིས་དགེ། །</br>43.གློ་བུར་སེམས་འཁྲུགས་པའི་བརྟག་པ་ནི། ཞེ་གསུམ་གློ་བུར་སེམས་འཕར་བརྟག ། བྱི་དུས་བུད་མེད་ཀྱིས་དྲན་ལེགས། ། གླང་དུས་བཀྲ་ཤིས་སྟག་དུས་ལ། ། མགྲོན་པོ་འོང་ནས་བཟའ་བཏུང་བྱེད། ། ཡོས་དུས་མགྲོན་འོང་བཟའ་བཏུང་ངོ་། ། འབྲུག་དུས་དོན་གྲུབ་མཐུན་པ་འབྱུང་། ། སྦྲུལ་དུས་བུད་མེད་རང་ལ་སེམས། ། རྟ་དུས་ཟས་ཆང་ལུག་དུས་ཀྱང་། ། བུད་མེད་ཀྱིས་དྲན་སྦྲེལ་དུས་ཤིས། ། བྱ་དུས་གཞན་ནས་འཕྲིན་སྙན་སྐྱེལ། ། ཁྱི་དུས་མི་ཆེན་མྱུར་སླེབས་བཟང་། ། ཕག་དུས་རྨི་ལམ་ངན་པའི་ངོ་། །</br>44.སྦྲིད་པའི་བརྟག་པ་ནི། ཞེ་བཞི་སྦྲིད་པ་བརྟག་པའི་རྩིས། ། བྱི་དུས་དགའ་སྟོན་བྱེད་པའི་ངོ་། ། གླང་དུས་མགྲོན་པོས་ཞུ་བ་བྱེད། ། སྟག་དུས་བུད་མེད་ཟས་ཆང་འཕྲད། ། ཡོས་དུས་ནོར་རྫས་དོན་རྣམས་ལེགས། ། འབྲུག་དུས་ཟས་ཆང་མང་པོ་འབྱུང་། ། སྦྲུལ་དུས་མི་བཟང་ནོར་སློང་འོང་། ། རྟ་དུས་མགྲོན་པོའི་བཟའ་བཏུང་བྱེད། ། ལུག་དུས་ཟས་ཆང་འཕྲད་ཅིང་དགེ། ། སྤྲེལ་དུས་རྨི་ལམ་ཟས་བཅས་ངན། ། བྱ་དུས་བུད་མེད་གཏམ་འདྲིར་འོང་། ཁྱི་དུས་བུད་མེད་དང་འཕྲད་བཟང་། ། ཕག་དུས་འཇིགས་ཀྱང་ཕྱི་ནས་བཟང་། །</br>45.གོས་བཀལ་ཟགས་པའི་བརྟག་པ་ནི། ཞེ་ལྔ་གོས་བཀལ་ཟགས་པའི་རྩིས། ། བྱི་བའི་དུས་ལ་སྐྱེས་པའི་གོས། ། གདང་ལས་ལྷུང་ན་ཟས་ཆང་ངོ་། ། བུད་མེད་ལ་ནི་གཉེན་བྱེད་ངོ་། ། གླང་དུས་ཐེ་ཚོམ་ནོར་སྟོར་འོང་། ། སྟག་དུས་མྱ་ངན་འབྱུང་ན་ཡང་། ། སྐྱོན་མེད་ཙམ་དང་ཡོས་དུས་ལ། ། ཟླ་གྲོགས་འཚོགས་ནས་དགའ་སྟོན་བྱེད། ། འབྲུག་དུས་ནོར་སྟོར་མྱ་ངན་ནད། ། སྦྲུལ་དུས་བུད་མེད་གཞན་ལ་སེམས། ། རྟ་དུས་ནོར་རྙེད་རིང་མགྲོན་འོང་། ། ལུག་དུས་ཁྲུག་ངོ་ཆེ་ཡང་དྲག ། སྤྲེལ་དུས་གློ་བུར་ནོར་རྙེད་བཟང་། ། བྱ་དུས་མགྲོན་འོང་ནོར་འཆོར་ངན། ། ཁྱི་དུས་གྱོད་ངོ་ནོར་ཡང་རྙེད། ། ཕག་དུས་དཔོན་དང་མཇལ་ཏེ་བཟང་། །</br>46.ཐབ་ཀྱི་ཟངས་སྐད་བརྟག་པ་ནི། ཞེ་དྲུག་ཐབ་ཀྱི་ཟངས་སྐད་བརྟག ། བྱི་དུས་རྟ་ནོར་བདེ་ཞིང་བཟང་། ། གླང་དུས་ཕྱུག་པོར་འགྱུར་ཏེ་བཟང་། ། སྟག་ཡོས་གཉིས་ལ་ཁྱིམ་དུ་ངན། ། འབྲུག་དུས་ལོ་ཏོག་སྨིན་ཅིང་ཕན། ། སྦྲུལ་དུས་ནོར་དང་བཀྲ་ཤིས་འབྱུང་། ། རྟ་དུས་རྒྱལ་ཁྲིམས་ལ་ཐུག་པའི། ། བྱ་བ་ཚར་བས་དེ་ཡང་བཟང་། ། ལུག་གི་དུས་ལ་འཚེ་བའི་ངོ་། ། སྦྲེལ་དུས་ཐག་རིང་མགྲོན་འོང་བཟང་། ། བྱ་དུས་ཐག་རིང་སོང་བ་སླེབས། ། ཁྱི་དུས་ཟས་དང་གོས་ཀྱི་ངོ་། ། ཕག་དུས་གཞུང་གི་དོན་ལ་བཟང་། །</br>47.ཐབ་ཀྱི་མེ་ལྕེ་བརྟག་པ་ནི། ཞེ་བདུན་ཐབ་ཀྱི་མེ་ལྕེའི་བརྟག ། བྱི་གླང་དུས་སུ་མེ་ལྕེ་མཆེད། ། བུད་མེད་སྐྱེས་པ་གཞན་ལ་སེམས། ། སྟག་དུས་ནོར་རྫས་རྙེད་དེ་བཟང་། ། ཡོས་དུས་ནོར་ཐོབ་ལམ་དུ་རྒྱུག ། འབྲུག་དུས་མྱ་ངན་བུ་ཆུང་ངན། ། སྦྲུལ་དུས་ལས་བཟུང་བྲས་ཆང་འདུ། ། རྟ་དུས་རྩོད་དམ་མེ་ཡིས་འཇིག ། ལུག་དུས་ནོར་རྙེད་རྟག་པར་ཤིས། ། སྤྲེལ་དུས་ནོར་དང་དོན་རྣམས་འཁོར། ། བྱ་དུས་ན་ཚ་ཁྱི་དུས་སུ། ། མྱ་ངན་བྱུང་ཡང་སྐྱོན་མེད་དོ། ། ཕག་དུས་ན་ཞིང་སྐྱོན་མི་སྲིད། ། </br>48.སྐྱ་ཀའི་སྐད་བརྟག་པ་ནི། ཞེ་བརྒྱད་སྐྱ་ཀའི་སྐད་བརྟག་པ། ། བྱི་དུས་ཐག་རིང་མགྲོན་སླེབས་བཟང་། ། གླང་དུས་ལ་ཡང་ཤིན་ཏུ་དགེ། ། སྟག་དུས་གཏུག་བཤེར་ཡོས་དུས་ལ། ། ནོར་དང་ཟས་ཆང་རྙེད་དེ་བཟང་། ། འབྲུག་དུས་ཐག་རིང་མགྲོན་པོ་འཁོར། ། སྦྲུལ་དུས་བཀྲ་ཤིས་འབྱུང་བ་ཡིན། ། རྟ་དུས་ནད་འབྱུང་ལྷ་གསོལ་བྱོས། ། ལུག་དུས་ཕྱུགས་ལ་གཏོར་བརླག་འོང་། ། སྤྲེལ་དུས་བཟང་ཞིང་བྱ་དུས་ལ། ། བྱ་བ་མི་བདེ་བ་ཞིག་འབྱུང་། ། ཁྱི་དུས་ནོར་འདུ་དོན་རྣམས་འགྲུབ། ། ཕག་དུས་ལ་ནི་འཐབ་རྩོད་ངོ་། །</br>49.ཁྱི་ངུ་བའི་བརྟག་པ་ནི། ཞེ་དགུ་ཁྱི་དུ་བརྟག་པའི་རྩིས། ། བྱི་དུས་བུད་མེད་འཐབ་རྩོད་བྱེད། ། གླང་དུས་སེམས་ལ་མྱ་ངན་སྐྱེ། ། སྟག་ཡོས་དུས་སུ་བདག་པོ་ལ། ། བལྟས་ནས་ངུ་ན་ནོར་རྙེད་བཟང་། ། འབྲུག་དུས་ནོར་ཐོབ་སྦྲུལ་དུས་ལ། ། གཉེན་གྱིས་གླེང་དང་འཕྲིན་གྱི་ངོ་། ། རྟ་དུས་སྟོན་མོ་ལུག་དུས་ལ། ། བུད་མེད་ཁྱོ་གཞན་དག་ལ་སེམས། ། ནོར་སྟོར་འབྱུང་ཞིང་སྤྲེལ་དུས་སུ། ཁྱིམ་གྱི་བུ་ཆུང་དག་ལ་ངན། ། བྱ་དུས་ཟས་གོས་གོ་ས་འཕར། ཁྱི་ཕག་དུས་སུ་ཁ་མཆུའི་ངོ་། ། གཞན་ཡང་ཁྱི་རྣམས་རྟེན་འབྲེལ་གྱི། ། མ་རིག་ཉི་མར་རིང་མགྲོན་འོང་། ། འདུ་བྱེད་རྒྱལ་པོའི་བྱ་བ་འབྱུང་། ། རྣམ་ཤེས་ཟས་རྙེད་རྐུན་པོའང་འོང་། ། མིང་གཟུགས་ངོ་ཤེས་མི་གཅིག་འཆི། ། སྐྱེ་མཆེད་འཐབ་རྩོད་ཅ་ཅོ་འབྱུང་། ། རེག་པ་ཤེས་རབ་ཚོར་བ་འཁྲུགས། ། སྲེད་ལེན་རྩོད་ཅིང་སྲིད་པ་ལ། ། འགོ་བའི་ལྷ་ཁྲོས་སྐྱེ་བར་དགེ། ། རྒ་ཤི་དག་ལ་བྱ་བ་ལྡང་། །</br>50.སྤྱི་བོ་ཀན་ཟ་བརྟག་པ་ནི། ལྔ་བཅུ་སྤྱི་བོར་རྐན་ཟ་བ། ། མ་རིག་པ་ཡི་ཉི་མ་ལ། ། སྤྱི་བོ་རྐན་ཟ་འཐབ་མོ་འབྱུང་། ། འདུ་བྱེད་ནོར་རྙེད་རྣམ་ཤེས་ལ། འཇིགས་སྐྲག་དངངས་སྐྱེད་མིང་གཟུགས་ལེགས། ། སྐྱེ་མཆེད་དྲུག་ལ་བྱ་བ་ལྡང་། ། རེག་པས་ཕ་མར་སྐྲག་པ་འབྱུང་། ། ཚོར་བས་གཞན་སོང་མྱུར་དུ་བཟློག ། སྲེད་པས་འཇིགས་འབྱུང་ལེན་པ་ལ། ། མགྲོན་འོང་སྲིད་པར་བདེ་ལེགས་བྱེད། ། སྐྱེ་བས་དངངས་སྐྲག་རྒ་ཤི་ལ། ། རྒན་རབས་སྤྱོད་ཚུལ་སེམས་པར་འགྱུར། ། ཞེས་སོ། །ན་རབས་སྤྱོད་ཚུལ་སེམས་པར་འགྱུར། ། ཞེས་སོ། །)
• Dictionaries/chos rnam kun btus/8615  + (དེ་ཡང་། སྟག་རྣའི་རྟོགས་པ་བརྗོད་པ་ལས་བྱུང་བ་སྟེ། 1. པ་སངས། 2. གཟའ་ལྷག་པ། 3. སྤེན་པ། 4. ཕུར་བུ། 5. མིག་དམར། 6. སྒྲ་གཅན། 7. མཇུག་རིང་། 8. ཉི་མ། 9. ཟླ་བའོ། །)