Property:Tibetan-Definition
Jump to navigation
Jump to search
This is a property of type Text.
D
སྙན་ངག་གི་སྲོག་བཅུ་བདུན་དང་དོན་གཅིག +
སྔོན་བྱུང་གཏམ་དང་སྡེ་བཞི་སྟེ། 1. གྲོང་ཁྱེར། 2. རྒྱ་མཚོ། 3. རི། 4. དུས། 5. ཉི་ཟླ་འཆར་ནུབ་ལ་བསྔགས་པ། 6. སྐྱེད་ཚལ། 7. ཆུའི་རོལ་རྩེད། 8. ཆང་འཐུང་བ། 9. དགའ་སྟོན། 10. མ་ཚོགས་པ། 11. བག་མ་ལེན་པ། 12. གཞོན་ནུ་སྐྱེ་པ། 13. གཞོན་ནུ་འཕེལ་བ། 14. གྲོས་བྱེད་པ། 15. ཕོ་ཉ་བགྲོད་པ། 16. གཡུལ་འཐབ་པ། 17. མངའ་ཐང་དར་བ། +
1. རབ་ཏུ་བྱུང་བའི་གཞི། 2. གསོ་སྦྱོང་གི་གཞི། 3. དབྱར་གྱི་གཞི། 4. དགག་དབྱེའི་གཞི། 5. སྲ་བསྐྱང་གི་གཞི། 6. གོས་ཀྱི་གཞི། 7. ཀོ་ལྤགས་ཀྱི་གཞི། 8. རྩི་གཞི། 9. ལས་ཀྱི་གཞི། 10. ཕྱིར་བཅོས་པའི་གཞི།11. དུས་དང་དུས་མ་ཡིན་པ་དང་སྦྱར་བའི་གཞི། 12. ས་གཞན་དུ་སྤོ་བའི་སྤྱོད་པའི་གཞི། 13. ཡོངས་སུ་སྦྱངས་པའི་གཞི། 14. ལས་མི་མཐུན་པའི་གཞི། 15. འཁོར་ལོ་མི་མཐུན་པའི་གཞི། 16. རྩོད་པའི་གཞི། 17. མལ་ཆའི་གཞི། +
བསམ་གཏན་དང་པོའི་གནས་རིས་གསུམ་དང༌། གཉིས་པའི་གནས་རིས་གསུམ། གསུམ་པའི་གནས་རིས་གསུམ། བཞི་པའི་གནས་རིས་བརྒྱད་དེ་བཅུ་བདུན། དང་པོའི་གསུམ་ནི། ཚངས་རིས་དང་། ཚངས་པ་མདུན་ན་འདོན། ཚངས་པ་ཆེན་པོའོ། གཉིས་པའི་གསུམ་ནི། འོད་ཆུང་དང་། ཚད་མེད་འོད། འོད་གསལ་ལོ། གསུམ་པའི་གསུམ་ནི། དགེ་ཆུང་དང༌། ཚད་མེད་དགེ དགེ་རྒྱས་སོ། བཞི་བའི་བརྒྱད་ནི། སྤྲིན་མེད་དང་། བསོད་ནམས་སྐྱེས། འབྲས་བུ་ཆེ་བ། མི་ཚ་བ། མི་གདུང་བ། གྱ་ནོམ་སྣང་བ། ཤིན་ཏུ་མཐོང་བ། འོག་མིན་ཏེ་བརྒྱད་ལས་དང་པོ་གསུམ་སོ་སྐྱེའི་གནས་དང་། ཕྱི་མ་ལྔ་འཕགས་པ་ཁོ་ནའི་གནས་ཏེ་གནས་གཙང་ལྔ་ཞེས་གྲགས་སོ། +
ཞལ་ནས་གསུངས་པ། བྱིན་གྱིས་བརླབས་པ། རྗེས་སུ་གནང་བའོ། +
དང་པོ་སྐྱེ་བོའི་གནས་བཅུ་གཉིས་དང་། དེའི་སྟེང་འཕགས་པའི་གནས་གཞན་གཙང་གནས་རིགས་ལྔའོ། དང་པོ་སྐྱེ་བོའི་གནས་བཅུ་གཉིས་ནི། ཚངས་རིས་ཚངས་པ་མདུན་ན་འདོན། ཚངས་ཆེན་འོད་ཆུང་འོད་གསལ་དང༌། ཚད་མེད་འོད་དང་དགེ་ཆུང་དང་། ཚད་མེད་དགེ་དང་དགེ་རྒྱས་དང༌། སྤྲིན་མེད་བསོད་སྐྱེས་འབྲས་ཆེ་དང་བཅུ་གཉིས་སོ། གཙང་གནས་རིགས་ལྔ་ནི། མི་ཚ་མི་གདུང་གྱ་ནོམ་སྣང་། ཤིན་ཏུ་མཐོང་དང་འོག་མིན་ནོ། +
དེ་ལ་ཡུམ་དྲུག་ནི། 1. སྟོང་ཕྲག་བརྒྱ་པ་དང་། 2. སྟོང་ཕྲག་ཉི་ཤུ་རྩ་ལྔ་པ། 3. ཁྲི་བརྒྱད་སྟོང་པ་སྟེ་རྒྱས་པ་སྐོར་གསུམ་མོ། 4. ཤེས་རབ་ཁྲི་པ་དང་། 5. བརྒྱད་སྟོང་པ། 6. ཡོན་ཏན་རིན་ཆེན་སྡུད་པ་སྟེ་བསྡུས་པ་སྐོར་གསུམ་མོ། སྲས་བཅུ་གཅིག་ནི། 7. ཤེར་ཕྱིན་བདུན་བརྒྱ་པ་དང་། 8. ཤེར་ཕྱིན་སུམ་བརྒྱ་པ། 9. ཤེར་ཕྱིན་བརྒྱ་ལྔ་བཅུ་པ། 10. ཤེར་ཕྱིན་བརྒྱ་པ། 11. ཤེར་ཕྱིན་ལྔ་བཅུ་པ། 12. སྒོ་ཉེར་ལྔ་པ། 13. བ་རརྩལ་རྣམ་གནོན་གྱིས་ཞུས་པ། 14. ཀོའུ་ཤི་ཀས་ཞུས་པ། 15. ཡི་གེ་ཉུང་ངུ་མ། 16. རྡོ་རྗེ་གཅོད་པ། 17. ཤེས་རབ་སྙིང་པོའོ། +
1. རྣམ་ཤེས་ལྔའི་ལུས་མཚུངས་ལྡན་གྱི་ས། 2. ཡིད་ཀྱི་ས། 3. རྟོག་པ་ཡོད་པ་དང་དཔྱོད་པ་ཡོད་པའི་ས། 4. རྟོག་པ་མེད་པ་དཔྱོད་པ་ཡོད་པའི་ས། 5. རྟོག་པ་མེད་པ་དཔྱོད་པ་མེད་པའི་ས། 6. སམྦྷིཏོའི་ས། 7. སྨྶིཏོ་མིན་པའི་ས། 8. སེམས་ཡོད་པའི་ས། 9. སེམས་མེད་པའི་ས། 10. ཐོས་པ་ལས་བྱུང་བའི་ས། 11. བསམ་བྱུང་གི་ས། 12. སྒོམ་པ་ལས་བྱུང་བའི་ས། 13. ཉན་ཐོས་ཀྱི་ས། 14. རང་རྒྱལ་གྱི་ས། 15. བྱང་ཆུབ་སེམས་དཔའི་ས། 16.ལྷག་ཡོད་ཀྱི་ས། 17. ལྷག་མེད་ཀྱི་ས། +
དམིགས་པ་ཡུལ་གྱི་ཁམས་དྲུག་དང་། རྟེན་དབང་པོའི་ཁམས་དྲུག བརྟེན་པ་རྣམ་ཤེས་ཀྱི་ཁམས་དྲུག་སྟེ་བཅོ་བརྒྱད། དང་བོའི་དྲུག་ནི། གཟུགས། སྒྲ། དྲི། རོ། རེག་བྱ། ཆོས། གཉིས་པའི་དྲུག་ནི། མིག་གི་དབང་པོ་དང༌། རྣ་བའི་དབང་པོ། སྣའི་དབང་པོ། ལྕེའི་དབང་པོ། ལུས་ཀྱི་དབང་པོ། ཡིད་ཀྱི་དབང་པོ། གསུམ་པའི་དྲུག་ནི། ། མིག་གི་རྣམ་ཤེས་དང་། རྣ་བའི་རྣམ་ཤེས། སྣའི་རྣམ་ཤེས། ལྕེའི་རྣམ་ཤེས། ལུས་ཀྱི་རྣམ་ཤེས། ཡིད་ཀྱི་རྣམ་ཤེས་བཅས་བསྡོམས་པས་ཁམས་བཅོ་བརྒྱད་དེ་ཁམས་ཆེན་བཅོ་བརྒྱད་ཀྱང་ཟེར་རོ། +
སྙན་ངག་དཔག་བསམ་ལྗོན་ཤིང་དང་། མཛོད་ཀྱི་འགྲེལ་བཤད་ལས་བཅུར་བཤད་ཅིང་བསྟན་པ་སྔ་དར་གྱི་དུས་སུ་བྱུང་བའི་ཆོས་བརྗེད་བྱང་ཞེས་བྱ་བ་ལ་བརྒྱད་དེ་བཅོ་བརྒྱད་འབྱུང་བ་རིམ་པ་བཞིན་བསྡུས་ན། 1. གླང་ཆེན་མཇུག་མ་སྐར་ཁུང་འཐོག་པ་དང༌། 2. ཁྲོན་པས་མི་བསྙེགས། 3. ཕྱེ་དང་མུ་ཏིག་བརྗེ། 4. ངན་པའི་ཤིང་དང་ཙན་དན་མཉམ་དུ་བྱེད། 5. གླང་གི་ཕྲུ་གུས་གླང་ཆེན་གནས་ནས་སྐྲོད། 6. མི་གཙང་སྤྲེའུས་མི་གཙང་གཞན་ལ་བྱུག 7. སྤྲེའུ་མང་པོས་སྤྲེའུ་ངན་རྒྱལ་པོར་བསྐུར། 8. བཅོ་བརྒྱད་མི་ཡིས་རས་ཡུག་སོ་སོར་དྲས། 9. ར་བའི་མེ་ཏོག་འབྲས་བུ་རྐུན་པོས་ཁྱེར(ཆོས་བྱེད་ཀྱི་ནོར་མི་ཐུབ།）10. འཐབ་པར་མི་འོས(བརྗེད་བྱང་ལས། སྒྲ་བཤད་སིལ་བུར་འགྲོ་བར་བྱས་པའི）སྡེ་རིགས་ཕན་ཚུན་འཐབ། 11. མེ་ཏོག་དག་ནི་ཆོད་ཅིག་སེམས་ནི་བསྐུལ། (སྐྱེས་པས་བུད་མེད་གཉེར་བར་རིགས་མིན་པར་བུད་མེད་ཀྱིས་ཚུད་གཉེར་བ།） 12. རྫིང་བུ་གསུམ་ནི་བར་མ་སྟོང་བར་མཐོང་། 13. རྒན་པོ་སྤྱི་ཐེར་དུ་ནི་གནས་པ་དང༌། (ཆོས་དང་པོ་དར་བ་ནས་ནུབ་དུས་ཡང་དེར་ནུབ།） 14. རྟ་ཡི་ཁ་འཕགས་གཉིས་ཀས་ཟ་བ་དང་། (རྒྱལ་བློན་གཉིས་ཀ་ལ་བརྟེན་དགོས་པ་ལྟ་བུ།） 15. ཆེ་བའི་ཁྱི་བས་ཆུང་བ་ཁ་ནི་དྲག (སྐྱེས་པ་བས་བུད་མེད་ཁ་དྲག་པོ་ལྟ་བུ།） 16. བེའུ་སྐྱེ་མ་ཐག་ཏུ་བ་ལ་ནུ། (ནོར་རྫས་བུ་ལ་གཏད་ཅིང་བདག་ཀྱང་དེ་ལ་རེ་བ་ལྟ་བུའོ།） 17. སྔ་དྲོ་གཞོན་ནུ་ཕྱི་དྲོ་རྒས། (འདུས་བྱས་མི་རྟག) 18. སེང་གེའི་རོ་ནི་རང་གི་སྲིན་བུས་ཟོས་(ཆོས་འཇིག་ན་ཕྱི་རོལ་པས་འཇིག་ནང་པ་རང་མི་མཐུན་ནས་འཇིག་པའི་རྟགས།）བཅོ་བརྒྱད་རྨིས་པས་འོད་སྲུང་ལ་ཞུས་པས། བྲམ་ཟེའི་ཁྱིའུ་བླ་མ་འོང་བར་འབྱུང་བའི་ལྟས་ཞེས་གསུངས་སོ། ཡང་སྔོན་ཚེ་ལོ་སུམ་ཁྲིའི་དུས་སངས་རྒྱས་འོད་སྲུང་བྱོན་པའི་ཚེ་རྒྱལ་པོ་ཀྲི་ཀྲི་ལ་རྨིས་ལྟས་བཅུ་བྱུང་། རྒྱལ་པོ་དེ་ཉིད་ལ་ནང་པ་སངས་རྒྱས་དང་། ཕྱི་པའི་མཆོད་གནས་གཉིས་ཡོད་པ་ལས། རྨིས་ལྟས་རྣམས་ཕྱི་རོལ་པའི་སྟོན་པ་ལ་ཞུས་པས། ། འདི་ནི་རྒྱལ་པོ་འགྲོངས་པའམ། གྲོངས་པ་ལ་ཐུག་པར་གྱུར་པ་ཡིན་པས། སྙིང་དང་འདྲ་བ་ཞིག་ཀླུང་ལ་གཏོང་དགོས་སོ། ཞེས་ཟེར་རོ། དེ་ཡང་རྒྱལ་པོའི་བུ་མོ་གསེར་ཕྲེང་ཅན་བྱ་བ་སངས་རྒྱས་ལ་ཤིན་ཏུ་དད་པ་ཅིག་ཡོད་པ་དེ་ལ་སྙིང་ནད་བྱ་བར་བསམ་ནས་སྨྲས་སོ། དེ་ནས་རྒྱལ་པོ་ཐུགས་མི་བདེ་བར་འདུག་པ་ལ། བུ་མོས་དྲིས་པས་སྔར་གྱི་རྒྱུ་མཚན་རྣམས་གསུངས་པས། ཡབ་རྒྱལ་པོའི་སྐུ་སྲོག་ལ་ཕན་ན་བདག་འགུམ་པ་བླ་མོད་ཀྱི། ཕྱི་རོལ་པ་འདི་དག་མ་རིག་པའི་ལིང་ཏོག་གིས་སེམས་རྒྱུད་ལྡོངས་པས་མ་འོངས་པ་ལུང་སྟོན་པའི་མཐུ་མེད། ཡང་དག་པར་རྫོགས་པའི་སངས་རྒྱས་ནི་ཤེས་བྱ་ཐམས་ཅད་ལ་མངོན་སུམ་གྱི་སྤྱན་དང་ལྡན་པ་ཡིན་པས། དེ་ཉིད་ལ་ཞུ་བར་རིགས་སོ་ཟེར། རྒྱལ་པོ་དེ་ཉིད་འཐད་གསུངས་ནས་སངས་རྒྱས་འོད་སྲུང་ལ་ཞུས་པས། འདི་ནི་རྒྱལ་པོ་འཁོར་བཅས་ལ་ངན་པ་ཅུང་ཟད་ཀྱང་མེད་ཀྱི། མ་འོངས་པ་ནི་ཤཱཀྱ་ཐུབ་པའི་བསྟན་པ་ལ་ཉན་ཐོས་རྣམས་ལ་སྤྱོད་ཚུལ་ངན་པ་སྣ་ཚོགས་འབྱུང་བའི་རྨི་ལྟས་ཡིན་ནོ། ཞེས་ལུང་བསྟན་ཏོ།
གཟུགས་མི་སྡུག་པ། སྐྲ་བྱི་བ། དཔྲལ་བ་ཆུང་བ། མདོག་སེར་སྐྱ། མིག་སེར་པ། སྨིན་མཚམས་འབྱར་བ། སྣ་ལེབ་པ། སོ་སྟོར་བ། དིག་པ། མིག་ཟླུམ་པ། མིག་ཆུང་བ། ཕྱི་ནང་དུ་སྒུར་བ། ལྟོ་བ་ཆེ་བ། དཔུང་པ་དང་རྗེ་ངར་ཐུང་བ། སྤུ་ཅན། ལག་པ་དང་རྐང་པ་མི་མཉམ་པ། ཚིགས་སྦོམ་པ། ཁ་དང་ལུས་ལས་དྲི་ངན་པ་འབྱུང་བ་སྟེ་ལུས་ལ་མི་སྡུག་པའི་ཉེས་པའམ་སྐྱོན་བཅོ་བརྒྱད། +
1. ནང་སྟོང་པ་ཉིད། 2. ཕྱི་སྟོང་པ་ཉིད། 3. ཕྱི་ནང་སྟོང་པ་ཉིད། 4. སྟོང་པ་ཉིད་སྟོང་པ་ཉིད། 5. ཆེན་པོ་སྟོང་པ་ཉིད། 6. དོན་དམ་པ་སྟོང་པ་ཉིད། 7. འདུས་བྱས་སྟོང་པ་ཉིད། 8. འདུས་མ་བྱས་སྟོང་པ་ཉིད། 9. མཐའ་ལས་འདས་པ་སྟོང་པ་ཉིད། 10. ཐོག་མ་དང་ཐ་མ་མེད་པ་སྟོང་པ་ཉིད། 11. དོར་བ་མེད་པ་སྟོང་པ་ཉིད། 12. རང་བཞིན་སྟོང་པ་ཉིད། 13. ཆོས་ཐམས་ཅད་སྟོང་པ་ཉིད། 14. རང་གི་མཚན་ཉིད་སྟོང་པ་ཉིད། 15. མི་དམིགས་པ་སྟོང་པ་ཉིད། 16. དངོས་པོ་མེད་པའི་སྟོང་པ་ཉིད། 17. ངོ་བོ་ཉིད་སྟོང་པ་ཉིད། 18. དངོས་པོ་མེད་པའི་ངོ་བོ་ཉིད་སྟོང་པ་ཉིད།། +
ཕལ་ཆེན་སྡེ་པ་ལྔ་དང་། གཞི་ཐམས་ཅད་ཡོད་པར་སྨྲ་བ་བདུན། གནས་བརྟན་པ་གསུམ། མང་བཀུར་བ་གསུམ་སྟེ་བཅོ་བརྒྱད། +
དབྱེ་ན། 1. ལྷ་དང༌། 2. ལྷ་མིན། 3. དྲི་ཟ། 4. ཀླུ། 5. གནོད་སྦྱིན། 6. ཚངས་པ། 7. སྲིན་པོ། 8. ཤ་ཟ་དང༌། 9. ཡི་དྭགས། 10. གྲུལ་བུམ། 11. བྱད་སྟེམས། 12. གཡེང་བྱེད་དམ། 13. རོ་ལངས། 14. མཚུན་ལྷ། 15. བླ་མ། 16. དྲང་སྲོང་། 17. རྒན། 18. གྲུབ་པ་ཞེས་བྱའི་གདོན་ཆེན་བཅོ་བརྒྱད་དོ་ཅེས་གསུངས་སོ། +
འཕགས་པ་གཞི་ཐམས་ཅད་ཡོད་པར་སྨྲ་བའི་སྡེ་ལ་རྣམ་པ་བདུན་ཏེ། 1. གཞི་ཐམས་ཅད་ཡོད་པར་སྨྲ་བའི་སྡེ། 2. འོད་སྲུང་བའི་སྡེ། 3. ས་སྟོན་སྡེ། 4. ཆོས་སྲུང་སྡེ། 5. མང་དུ་ཐོས་པའི་སྡེ། 6. གོས་དམར་སྡེ། 7. རྣམ་པར་ཕྱེ་སྟེ་སྨྲ་བའི་སྡེ། མང་པོས་བཀུར་པའི་སྡེ་ལ་རྣམ་པ་གསུམ་སྟེ། 8. ས་སྒྲོག་རི་ལ་གནས་པའི་སྡེ། 9. སྲུང་བ་པའི་སྡེ། 10. གནས་མ་བུ་པའི་སྡེ། ། ཕལ་ཆེན་སྡེ་ལ་རྣམ་པ་ལྔ་ཏེ། 11. ཤར་རི་ལ་གནས་པའི་སྡེ། 12. ནུབ་རི་ལ་གནས་པའི་སྡེ། 13. གངས་རིར་གནས་པའི་སྡེ། 14. འཇིག་རྟེན་འདས་པར་སྨྲ་བའི་སྡེ། 15. བཏགས་པར་སྨྲ་བ། གནས་བརྟན་པའི་སྡེ་ལ་རྣམ་པ་གསུམ་སྟེ། 16. རྒྱལ་བྱེད་ཚལ་ན་གནས་པའི་སྡེ། 17. འཇིགས་མེད་རི་ལ་གནས་པའི་སྡེ། 18. གཙུག་ལག་ཁང་ཆེན་ན་གནས་པའི་སྡེ། +
སྔར་བོད་རྗེ་མངའ་བདག་ཁྲི་རལ་པ་ཅན་གྱིས་བཀའ་བསྟན་བསྒྱུར་རྒྱུའི་སྐོར་ལ་མཛད་པའི་བཀའ་བཅད་ནི། ཕྱིན་ཆད་བོད་འདིར་གཞི་ཐམས་ཅད་ཡོད་པར་སྨྲ་བ་ལས་གཞན་པའི་སྡེ་པ་མི་འཛུགས་ཤིང། དེ་དག་གི་སྡེ་སྣོད་མི་བསྒྱུར། སྔགས་མ་རྒྱུད་རྣམས་མི་བསྒྱུར། བྲེ་སྲང་དང་ཞོ་ཆ་སོགས་འཇལ་ཆས་རྣམས་རྒྱ་གར་མ་ག་དྷའི་ཡུལ་གྱི་ཚད་དང་མཐུན་པར་འཆོས་དགོས་ཞེས་བཀའ་གཙིགས་ཀྱིས་བཅད་དོ། +
ཚེ་ལོ་བཅུ་པ་ནས་བརྒྱད་ཁྲི་བར་ཡར་འཕེལ་མར་བཅུ་བར་འགྲིབ་པའི་ཡར་མར་བར་ཁུག་བཅོ་བརྒྱད་ལ་བར་བསྐལ་བཅོ་བརྒྱད་ཀྱང་ཟེར། +
1. ཉེ་བར་མ་བསྟན་པའི་སྦྱིན་པ་ཅན་རྣམས། 2. ཉེ་བར་མ་བསྟན་པའི་ཚུལ་ཁྲིམས་ཅན་རྣམས། 3. ཉེ་བར་མ་བསྟན་པའི་བཟོད་པ་ཅན་རྣམས། 4. ཉེ་བར་མ་བསྟན་པའི་བརྩོན་འགྲུས་ཅན་རྣམས། 5. ཉེ་བར་མ་བསྟན་པའི་བསམ་གཏན་ཅན་རྣམས། 6. ཉེ་བར་མ་བསྟན་པའི་ཤེས་རབ་ཅན་རྣམས། 7. བསྡུ་བའི་དངོས་པོས་སེམས་ཅན་ཐམས་ཅད་སྡུད་པ་རྣམས། 8. ཡོངས་སུ་བསྔོ་བའི་ཆོག་ཤེས་པ་རྣམས། 9. ཐབས་ལ་མཁས་པས་སེམས་ཅན་ཐམས་ཅད་ཀྱི་སྤྱོད་པའི་དབང་གིས་ཐེག་པའི་མཆོག་གིས་འབྱུང་བ་བསྟན་པ་རྣམས། 10. ཐེག་ཆེན་ལས་མ་ཉམས་པ་རྣམས། 11. འཁོར་བ་དང་མྱ་ངན་ལས་འདས་པའི་སྒོ་སྟོན་པ་རྣམས། 12. ཟུང་དང་སེལ་ཞིའི་རྒྱུད་ལ་མཁས་པ་རྣམས། 13. ཡེ་ཤེས་ཀྱི་སྔོན་དུ་འགྲོ་བས་མངོན་པར་འདུ་མི་བྱེད་ཅིང་ཁ་ན་མ་ཐོ་བ་མེད་པའི་ཚེ་རབས་ཐམས་ཅད་དུ་མངོན་དུ་བཞུགས་པ་རྣམས། 14. ལུས་དང་ངག་དང་ཡིད་ཀྱི་ལས་ཀྱི་མཐའ་དགེ་བ་བཅུ་ལྡན་པ་རྣམས། 15. སྡུག་བསྔལ་གྱི་ཕུང་པོ་ཐམས་ཅད་བཟོད་པའི་ལུས་ལེན་པས་སེམས་ཅན་གྱི་ཁམས་ཐམས་ཅད་ཡོངས་སུ་མི་གཏོང་བ་རྣམས། 16. འགྲོ་བ་ཐམས་ཅད་མངོན་པར་དགའ་བར་སྟོན་པ་རྣམས། 17. བྱིས་པ་དང་ཉན་ཐོས་མི་བཟད་པ་ཇི་སྙེད་ཅིག་གི་ནང་ན་ཡང་དགེ་བ་མང་པོའི་རིན་པོ་ཆེའི་ཤིང་དཔག་བསམ་ལྟར་བརྟན་པའི་ཐམས་ཅད་མཁྱེན་པ་ཉིད་ཀྱི་སེམས་ཡོངས་སུ་མ་ཉམས་པ་རྣམས། 18. ཆོས་ཐམས་ཅད་ཀྱི་ཐབས་སྦྱིན་པའི་དབང་བསྐུར་བ་ཐོབ་པར་བྱ་བའི་ཕྱིར་སངས་རྒྱས་ཀྱི་ཆོས་རྩོལ་བ་བསྟན་པ་ལས་ཕྱིར་མི་ལྡོག་པ་རྣམས། +
འཁྲུལ་བ་མེད་པ། ཅ་ཅོ་མེད་པ། བསྙེལ་བ་མེད་པ། མཉམ་པར་མ་བཞག་པ་མེད་པ་མེད་པ། ཐ་དད་པའི་འདུ་ཤེས་མེད་པ། མ་བརྟགས་པའི་བཏང་སྙོམས་མེད་པ་སྟེ་སྤྱོད་པས་བསྡུས་པ་དྲུག་དང་། འདུན་པ་ཉམས་པ་མེད་པ། བརྩོན་འགྲུས་ཉམས་པ་མེད་པ། དྲན་པ་ཉམས་པ་མེད་པ། ཏིང་འཛིན་ཉམས་པ་མེད་པ། ཤེས་རབ་ཉམས་པ་མེད་པ། རྣམ་གྲོལ་ཉམས་པ་མེད་པ་སྟེ་རྟོགས་པས་བསྡུས་པ་དྲུག་དང་། སྐུ་གསུང་ཐུགས་ཀྱི་འཕྲིན་ལས་ཐམས་ཅད་ཡེ་ཤེས་ཀྱི་སྔོན་དུ་འགྲོ་བ་དང༌། རྗེས་སུ་འབྲང་བ་སྟེ་མཛད་པས་བསྡུས་པ་གསུམ། འདས་པ། མ་འོངས། ད་ལྟ་བཅས་དུས་གསུམ་ལ་ཡེ་ཤེས་ཀྱི་གཟིགས་པ་ཆགས་ཐོགས་མེད་པར་འཇུག་པ་སྟེ་དུས་ཀྱིས་བསྡུས་པ་གསུམ་བཅས་བསྡོམས་པས་བཅོ་བརྒྱད། +
ལུས་ཀྱི་མི་སྡུག་པའི་ཉེས་སྐྱོན་བཅོ་བརྒྱད་དང་དོན་གཅིག +