Search by property

This page provides a simple browsing interface for finding entities described by a property and a named value. Other available search interfaces include the page property search, and the ask query builder.

List of results

• Dictionaries/chos rnam kun btus/3514  + (དེ་ཡང་། འདུས་བྱས་དང་འདུས་མ་བྱས་རྣམ་པར་ངེས་ … དེ་ཡང་། འདུས་བྱས་དང་འདུས་མ་བྱས་རྣམ་པར་ངེས་པ་ལས་བྱུང་བ་སྟེ། </br>1.བྱང་ཆུབ་སེམས་དཔའ་སྡོམ་པ་བླངས་པས་རྙེད་པ་དང་བཀུར་སྟི་ལ་མཆོག་ཏུ་ཞེན་པས་བདག་ལ་བསྟོད་པར་བྱེད་ཅིང་། གཞན་ལ་སྨོད་པར་བྱེད་པ་ནི་ཕས་ཕམ་པའི་ལྟུང་བར་འགྱུར་བ་དང་པོའོ། །</br>2.སྦྱིན་པར་བྱ་བའི་དངོས་པོ་ཡོད་པའམ་ཆོས་ངེས་པ་ཡོད་ཀྱང་སེར་སྣ་དྲག་པོས་ཟིལ་གྱིས་གནོན་པས་དོན་དུ་གཉེར་བ་ཡང་དག་པར་ཉེ་བར་གནས་པ་ལ་ནོར་དང་ཆོས་མི་སྟེར་ན་ཕས་ཕམ་པའི་ལྟུང་བར་འགྱུར་བ་གཉིས་པའོ། །</br>3.ཁྲོ་བ་དྲག་པོས་ཟིལ་གྱིས་ནོན་པས་གཞན་པས་བརྡེག་པ་ན་ཡང་དག་པར་གསོལ་བ་བྱེད་པ། ཤད་ཀྱིས་སྦྱང་བ་མི་ལེན་ཅིང་བཟོད་པ་མི་བྱེད་ན་ཕས་ཕམ་པའི་ལྟུང་བར་འགྱུར་བ་གསུམ་པའོ། །</br>4.ལྟ་བས་ཀུན་ནས་དཀྲིས་པ་ནི་མཆོག་གི་ཐེག་པ་ཆེན་པོ་སྐྱུར་བ་དང་སྤོང་བ་དང་། ཐེག་པ་ཆེན་པོའི་གཟུགས་བརྙན་ཆོས་གསལ་བར་མི་བྱེད་པ་ནི་ཕས་ཕམ་པའི་ལྟུང་བར་འགྱུར་བ་བཞི་པའོ། །་པ་ནི་ཕས་ཕམ་པའི་ལྟུང་བར་འགྱུར་བ་བཞི་པའོ། །)
• Dictionaries/chos rnam kun btus/6749  + (དེ་ཡང་། འཕགས་པ་དམ་པའི་ཆོས་དྲན་པ་ཉེ་བར་བཞག་ … དེ་ཡང་། འཕགས་པ་དམ་པའི་ཆོས་དྲན་པ་ཉེ་བར་བཞག་པ་ལས་བྱུང་བ་སྟེ།</br>1. ས་མཐོང་ནས་བག་མེད་པས་འཕྲོགས་པའི་སེམས་ཀྱིས་གཟུགས་བཟང་པོའམ། གཟུགས་ངན་པའམ། ནག་པོའམ། དཀར་པོའམ། དམར་པོའམ། རིང་པོའམ། ཐུང་ངུའམ། གྲུ་བཞིའམ། ཟླུམ་པོ་དག་གི་དེ་ཁོ་ན་ཉིད་ཁོང་དུ་མི་ཆུད་དོ། ། དེ་བཞིན་དུ་བག་མེད་པའི་ཕྲོགས་པའི་བློས། འཇིག་རྟེན་པའི་དེ་ཁོ་ན་ཉིད་ཀྱང་ཁོང་དུ་མི་ཆུད་ལ། བག་མེད་པས་ཕྲོགས་པའི་བློས་འཇིག་རྟེན་ལས་འདས་པའི་ཡང་ཁོང་དུ་མི་ཆུད་དོ། ། དེ་བཞིན་དུ་བག་མེད་པའི་ཕྲོགས་པའི་བློས་གཟུགས་དེ་ཉིད་མཐོང་ནས་ཇི་ལྟ་བ་བཞིན་ཁོང་དུ་མི་ཆུད་ལ། ལུས་ལ་ལུས་ཀྱི་རྗེས་སུ་ལྟ་བུར་ཡང་མི་འགྱུར་རོ། ། འཕགས་པའི་བདེན་པ་བཞི་ལ་མངོན་པར་ཞུགས་པའི་ཡིད་ཀྱི་གཟུགས་དེ་ལ་དཔྱོད་པར་མི་བྱེད། དེ་ཁོ་ན་ཚོལ་བར་མི་བྱེད་དོ། ། དེ་བཞིན་དུ་བག་མེད་པས་འཇིག་རྟེན་པའི་དོན་ཡང་མི་མཐོང་ལ། འཇིག་རྟེན་ལས་འདས་པ་ཡང་མི་མཐོང་ངོ་། །</br>2. དེ་བཞིན་དུ་བག་མེད་པས་ཕྲོགས་པའི་བློས་རྣ་བས་སྒྲ་ཐོས་ཀྱང་། གླུ་བླངས་པ་དང་། སྨྲས་པ་འདིའི་དོན་གང་ཡིན་པའམ། རང་གི་དོན་ནམ། དོན་མེད་པ་མི་ཤེས་ཏེ། དེ་ལྟར་འཇིག་རྟེན་པའི་དོན་མི་ཤེས་སོ། ། ཆོས་མདོའི་སྡེ་དང་། ཚིགས་སུ་བཅད་པའི་སྡེ་དང་། དབྱངས་ཀྱིས་བསྙད་པའི་སྡེ་དང་། ལུང་དུ་བསྟན་པའི་སྡེ་དང་། ཆེད་དུ་ བརྗོད་པའི་སྡེ་དང་། གླིང་གཞིའི་སྡེ་དང་། རྟོགས་པ་བརྗོད་པའི་སྡེ་དང་། དེ་ལྟ་བུ་བྱུང་བའི་སྡེ་དང་། སྐྱེས་པ་རབས་ཀྱི་སྡེ་དང་། ཤིན་ཏུ་རྒྱས་པའི་སྡེ་དང་། རྨད་དུ་ བྱུང་བའི་སྡེ་དང་། རྣམ་པར་གཏན་ལ་དབབ་པ་བསྟན་པའི་སྡེའཆད་པ་འདི་ནི་མི་ཤེས་ལ། དེས་བཤད་པ་དེའི་དོན་ཡང་ཤེས་པར་མི་འགྱུར་རོ། ། བག་མེད་པས་ཕྲོགས་པ་དེ་འཆི་བའི་དུས་ན་གཤིན་རྗེའི་མིའི་དབང་དུ་འགྱུར་རོ། །</br>3. བག་མེད་པས་ཕྲོགས་པའི་སེམས་ཀྱི་སྣས་དྲི་སྣོམ་པ་ན་དྲི་ཞིམ་པའམ། དྲི་ང་བའམ། མེ་ཏོག་གི་དྲི་མི་ཤེས་སོ། ། དེ་བཞིན་དུ་འཇིག་རྟེན་པའི་དྲིའང་མི་ཤེས་ལ། འཇིག་རྟེན་ལས་འདས་པའི་དྲིཡང་མི་ཤེས་སོ། ། བདུག་སྤོས་ཀྱི་དྲིའང་མི་ཤེས་ལ། དེའི་ཚེ་བག་མེད་པ་དེས་དཀོན་མཆོག་གསུམ་ལ་རེས་འགའ་ཡང་བདུག་སྤོས་དབུལ་བ་མ་ཕུལ་ཏེ། དེ་ལྟར་བག་མེད་པ་དག་དྲི་མི་ཤེས་སོ། །</br>4. བག་མེད་པས་ཕྲོགས་པ་དག་རོ་ཤེས་པར་མི་འགྱུར་ཏེ། རོ་མྱོང་བར་བྱེད་པ་ནའང་བློ་གཞན་དུ་ཞུགས་པས་རོ་འདི་མངར་བའམ། སྐྱུར་བའམ། ལན་ཚྭ་བའམ། ཚ་བའམ། ཁ་བའམ། བསྐ་བའམ། བ་ཚྭ་གང་ཡིན་པ་མི་ཤེས་པ་ནི་དེ་ལྟར་གཞན་དུ་ཕྲོགས་པའི་བློས་མི་ཤེས་སོ། ། བག་མེད་པས་ཕྲོགས་པའི་བློས་འཇིག་རྟེན་ལས་འདས་པའི་རོའང་མི་ཤེས་ལ་ཆོས་ཀྱི་རོའང་མི་ཤེས་སོ། །</br>5. བག་མེད་པས་ཕྲོགས་པའི་བློས་ལུས་ཀྱིས་རེག་པའང་མི་ཤེས་ལ། ལུས་ལ་རྟེན་པའི་ལས་ཀྱང་མི་བྱེད། ཁྱིམ་གྱི་ལས་ཀྱང་མི་ཤེས། ལས་ཀྱི་མཐའ་ལ་ཡང་མི་རྟེན། ལེགས་པར་བྱ་བ་ཡང་མ་བྱས། དེའི་ཁྱིམ་གྱི་ཡོ་བྱད་ཀྱང་མི་གསོག་པས་དེའི་ཁྱིམ་དབུལ་བར་འགྱུར་རོ། ། འཇིག་རྟེན་ལས་འདས་པའི་ལས་ཀྱང་མི་བྱེད། བླ་མ་རྣམས་ཀྱང་མི་བསྟེན་ཅིང་། གསོང་པོར་སྨྲ་བ་དང་། ཕྱག་འཚལ་བའི་ངོ་བོ་ཉིད་མ་ཡིན་ཏེ། བག་མེད་པས་ཕྲོགས་པའི་བློས་ནི་རེག་པའང་མི་ཤེས་སོ། །</br>6. དེ་བཞིན་དུ་ཡིད་ཀྱིས་གཙང་བ་དང་། མི་གཙང་བ་དང་། དགེ་བ་དང་། མི་དགེ་བ་དང་། ལུང་དུ་བསྟན་པ་དང་། ལུང་དུ་མ་བསྟན་པའི་ཆོས་རྣམས་མི་ཤེས་ལ། དེ་ཤི་ བའི་ཚེ་འཆི་བའི་ཆད་པས་ཉེན་ནས་ཤིན་ཏུ་སྡུག་བསྔལ་ཏེ། གཤིན་རྗེའི་མིའི་དབང་དུ་འགྱུར་རོ། ། དེ་ལྟ་བས་ན་ཆོས་གཅིག་ཅིག་སྤང་བར་བྱ་བ་ནི། བག་མེད་པ་ཡིན་ནོ། །ཅིག་ཅིག་སྤང་བར་བྱ་བ་ནི། བག་མེད་པ་ཡིན་ནོ། །)
• Dictionaries/chos rnam kun btus/11091  + (དེ་ཡང་། ཡན་ལག་བརྒྱད་པའི་སྙིང་པོ་ཞེས་བྱ་བའི … དེ་ཡང་། ཡན་ལག་བརྒྱད་པའི་སྙིང་པོ་ཞེས་བྱ་བའི་སྨན་དཔྱད་ཀྱི་བཤད་པ་ལས་བྱུང་བ་སྟེ།</br>1.ཚེ་རིང་བར་འདོད་ན་ཉིན་རེ་ཞིང་རྟག་ཏུ་ཇི་ལྟར་བྱ་བ།</br>2.ལོ་གཅིག་ཅིང་དུས་ཚིགས་ཐ་དད་པ་དྲུག་ཡོད་པ་ལ་ཁ་ཟས་ལ་སོགས་པའི་ཆོ་ག་དང་དཔྱད་ཇི་ལྟར་བྱ་བ།</br>3.རྟག་པར་བདེ་ཞིང་ནད་མེད་པར་བྱ་བ། </br>4.སྐོམ་ཅི་དང་ཅི་བཏུང་བ། </br>5.ཁ་ཟས་སོ་སོའི་བྱེ་བྲག་ཤེས་པར་བྱ་བ། </br>6.ཁ་ཟས་དང་། སྐོམ་ལ་སོགས་པའི་ནང་དུ་དུག་བཏབ་པ་ཐམས་ཅད་ལ་ཚོར་ཞིང་ངོས་ཟིན་པར་བྱ་བའི་ཐབས་བསྟན་ཏེ། ཟས་བསྡམས་པར་བྱ་བ་བཤད་པ།</br>7.ཟས་རན་པར་བཟའ་བའི་ཚོད་གཟུང་བ་བསྟན་པ།</br>8.-10.སྨན་སྣ་སོ་སོའི་མཐུ་དང་ཡོན་ཏན་དང་ཞུ་བའི་རྗེས་བསྟན་པ།</br>11.སྨན་གྱི་ཁུ་བ་མངར་བ་དང་། སྐྱུར་བ་དང་། ཁ་བ་ལ་སོགས་པའི་བྱེ་བྲག་རོ་ལ་གནས་པ་བསྟན་པ། </br>12.བད་ཀན་དང་རླུང་དང་མཁྲིས་པ་ལ་སོགས་པའི་ནད་ཤེས་པར་བྱ་བ། </br>13.ནད་དེ་དག་གི་སོ་སོའི་བྱེ་བྲག་དབྱེ་བ། </br>14.ནད་སོ་སོའི་གསོ་བའི་ཐབས་གཉིས་པ་བསྟན་པ། </br>15.རིད་པ་དང་སྐེ་ཞིང་ཉམ་ཆུང་བ་བརྟ་བའི་ཐབས། </br>16.སྣུམ་བག་དཔྱད་ཀྱི་ཆོ་ག་བྱ་བ།</br>17.སྐྱུག་སྨན་དང་བཀྲུ་སྨན་ལ་སོགས་པའི་ནད་སྦྱང་བར་བྱ་བ།</br>18.དུགས་དང་ལུམ་བྱ་བ།</br>19.མས་བཀྲུ་ཞིང་བསལ་བ་ལ་སོགས་པས་ལུས་བརྟན་པར་བྱ་བ།</br>20.སྣ་ནས་བཏང་བ་དང་། སྨན་གྱི་དུད་པ་བཏང་ཞིང་བརྔུབ་པ།</br>21.བད་ཀན་རྒྱས་སམ་སོ་འགུལ་ལམ་ན་བ་ལྟ་བུ་ལ་ཏིལ་མར་རམ་སྨན་གྱི་ཁུ་བ་ཁར་བླུགས་ཤིང་དོར་བ།</br>22.མིག་སྨན་བླུགས་ཤིང་མིག་ནད་བཀྲུ་བ། </br>23.མིག་ནད་བཀྲུས་ནས་མིག་གསོ་བའི་སྨན་གཏང་བ།</br>24.མདའ་ལ་སོགས་པའི་མཚོན་གྱིས་རྨས་ཏེ་མདེའུ་ཁོང་དུ་ལུས་པ་དང་། ཚེར་མ་ཟུག་པའམ། གྲེ་བར་སྣད་པའམ། གྲ་མ་ཆག་པར་དབྱུང་བའི་ཐབས། </br>25.གཙགས་བུ་དང་། གཙགས་ཁབ་ལ་སོགས་པ་སྣ་ཚོགས་ཀྱི་བྱེ་བྲག</br>26.ཙེའི་བྱེ་བྲག </br>27.མཚོན་ཁོང་དུ་ལུས་པ་དབྱུང་བའི་ཆོ་ག</br>28.གཏར་སྦྱངས་སོ་སོས་ནད་དམིགས་གང་དང་གང་ལ་གདབ་པ།</br>29.ཐལ་སྨན་སྔོན་པོའི་སྨན་གྱིས་བསྐུ་བ།</br>30.མེ་བཙའ་གདུབ་པའི་ལས་བྱ་བ་བཅས་སོ། ། (སྐབས་འདིར་གཞུང་དུ་རྣམ་གྲངས་རྣམས་དཀྱུས་གཅིག་ཏུ་གསུངས་པས་ཁག་དབྱེ་དཀའ་ཙམ་ལ་བརྟེན་འདིར་བཀོད་པའི་རྣམ་གྲངས་ཀྱི་དབྱེ་བ་འདི་དག་དོན་ལ་གནས་མིན་དཔྱད་པར་ཞུ།)ི་དབྱེ་བ་འདི་དག་དོན་ལ་གནས་མིན་དཔྱད་པར་ཞུ།))
• Dictionaries/chos rnam kun btus/2160  + (དེ་ཡང་། ཡན་ལག་བརྒྱད་པའི་སྙིང་པོ་ཞེས་བྱ་བའི … དེ་ཡང་། ཡན་ལག་བརྒྱད་པའི་སྙིང་པོ་ཞེས་བྱ་བའི་སྨན་དཔྱད་ཀྱི་རང་འགྲེལ་ལས་བྱུང་བ་སྟེ། </br>1.རླུང་ནད་དུ་གྱུར་པའི་ནད་གཞི་ནི། རོ་ཁ་བ་དང་། ན་ལེ་ཤམ་དང་། རོ་བསྐ་བའི་བག་ཟ་བ་དང་། ཁ་ཟས་ཆུང་ངུར་ཟ་བ་དང་། ཁ་ཟས་རྩུབ་པར་ཟ་བ་དང་། རྟག་ཏུ་ཁ་ཟས་ཚོད་བཟུང་སྟེ། དབུ་ཟུངས་ཟ་བ་དང་། བཤང་གཅི་འོང་ན་བཀག་པ་དང་། ཡང་ན་བཤང་གཅི་མི་འོང་བཞིན་དུ་ནན་གྱིས་བཙིར་བ་དང་། མཚན་མོ་ཐོག་ཐག་མི་ཉལ་བ་དང་། སྐད་ཆེན་པོ་དྲག་པར་སྨྲ་བ་དང་། བཀྲུ་སྨན་དང་། སྐྱུག་སྨན་ཧ་ཅང་མང་དུ་གཏོང་བ་དང་། འཇིགས་པ་དང་། མྱ་ངན་དང་། སེམས་ལས་དང་། དྲག་ཤུལ་རྩལ་བག་དང་། ལས་ཁུར་ཆེར་བྱེད་པ་དང་། བུད་མེད་ལ་ཧ་ཅང་ཐལ་དྲགས་པ་དང་། འདི་རྣམས་ལྟ་བུའི་གཞིས་དབྱར་ཟླ་ཐ་ཆུང་ཉ་བྲི་ཕན་ཆད་སྟོན་ཟླ་འབྲིང་པོའི་ཉ་ཚུན་ཆད་དུ་ནད་ཀྱིས་ཐེབས་པ་དང་། ཕྱིམ་འཕྲེད་དམ་ཐོ་རངས་ན་བ་དང་། ཁ་ཟས་ཟོས་པ་ཞུ་བའི་རྗེས་ལ་ན་བ་དེ་དག་ནི་རླུང་ནད་ཡིན་ནོ། །</br>2.མཁྲིས་པ་རྒྱས་པར་གྱུར་པའི་ནད་གཞི་ནི། ན་ལེ་ཤམ་དང་། སྒོག་པ་དང་། དབྱི་མོ་དང་། ཀྲུ་དྲུག་ལྟ་བུ་ཟོས་པ་དང་། སྐྱུ་རུ་ར་དང་། བལ་པོ་སེའུ་ལྟ་བུ་མ་གཏོགས་པར་སྐྱུར་བག་གོ་ཅོག་ཟོས་པ་དང་། རོ་རྣོ་བག་ལ་སྐེ་ཚེ་ལྟ་བུ་ཚ་བ་དང་། ཁ་ཟས་མ་འགྲང་པ་ཚ་ཆེས་པ་ཟོས་སམ་འཐུངས་པ་དང་། ཉི་ཚན་ནམ་མེའི་འོད་ཚ་ཆེས་པ་ལ་འདེ་བ་དང་། ཁྲོས་ཤིང་རྔམ་པ་དང་། ལུས་དང་ཁོང་ཚ་བར་འགྱུར་བའི་བག་འདི་རྣམས་ཀྱིས་ནི་སྟོན་ཟླ་འབྲིང་པོ་ཉ་བྲི་ཕན་ཆོད་སྟོན་ཟླ་ཐ་ཆུང་དང་དགུན་ཟླ་ར་བ་ཉ་ཚུན་ཆད་ནད་ཀྱི་བཏབ་པའམ། ཉི་མའི་གུང་ངམ། ནམ་ཕྱེད་ནའམ། དབྱར་ཟླ་ར་བ་དང་། དབྱར་ཟླ་འབྲིང་པོ་ཚ་བའི་དུས་སུ་ནད་ཀྱིས་བཏབ་ན་དེ་ནི་མཁྲིས་པའི་ནད་ཅེས་བྱའོ། །</br>3.བད་ཀན་གྱི་ནད་དུ་གྱུར་པའི་གཞི་ནི་བུ་རམ་གྱི་བག་དང་། འོ་མ་ལྟ་བུ་མངར་བག་དང་། ལན་ཚྭ་དང་། སྣུམ་བག་དང་། ཁ་ཟས་འཇུ་དཀའ་བ་སྟེ་ལྕི་བ་དང་། བད་ཀན་དུ་གྱུར་པའི་བག་དང་། བསིལ་བའི་བག་དང་། རྟོག་པར་མལ་གཅིག་ན་འདུག་པའི་བག་དང་། འཕྲེས་ཤིང་སྙེས་ཏེ་འདུག་པ་དང་། ཟས་མ་ཞུ་བ་དང་། ཉིན་པར་གཉིད་ལོག་པ་དང་། ཤ་སྐྱེ་ཞིང་སྦོམ་པར་འགྱུར་བ་འདི་རྣམས་ཀྱིས་ནི་ནད་རྒྱུས་པ་དྲངས་ཤིང་སློན་ཀྱང་མ་ཕྱིན་ཏམ། ཟན་ཟོས་མ་ཐག་པའི་རྗེས་ལ་ནའམ། དཔྱིད་ཟླ་འབྲིང་པོ་དང་། དཔྱིད་ཟླ་ཐ་ཆུང་གི་ངོ་ལ་ནའམ། སྔ་དྲོ་ནའམ། ནམ་སྟོད་ལ་ནད་ཀྱི་བཏབ་ན་དེ་ནི་བད་ཀན་གྱི་ནད་ཅེས་བྱའོ། །ད་ཀྱི་བཏབ་ན་དེ་ནི་བད་ཀན་གྱི་ནད་ཅེས་བྱའོ། །)
• Dictionaries/chos rnam kun btus/1895  + (དེ་ཡང་། ཡན་ལག་བརྒྱད་པའི་སྙིང་པོ་ཞེས་བྱ་བའི་སྨན་དཔྱད་ཀྱི་བཤད་པ་ལས་བྱུང་བ་སྟེ། 1.མངར་བའི་རང་བཞིན། 2.སྐྱུར་བའི་རང་བཞིན། 3.ཚ་བའི་རང་བཞིན་ནོ། །)
• Dictionaries/chos rnam kun btus/8701  + (དེ་ཡང་། ལུས་དྲན་པ་ཉེ་བར་བཞག་པ་ལས་བྱུང་བ་ཁྲ … དེ་ཡང་། ལུས་དྲན་པ་ཉེ་བར་བཞག་པ་ལས་བྱུང་བ་ཁྲག་ལས་སྐྱེས་པའི་སྲིན་བུའི་རིགས་ཤ་དང་ལྷན་ཅིག་པ་གནས་པ་བཅུ་སྟེ། </br>1. སྤུ་ཟ་བ། </br>2. སོ་སུ་ར།</br>3. ཛནྟུ་མཱནྡ་ར།</br>4. ཨུ་དུམ་ཝ་ར།</br>5. ཀུན་ཏུ་འཛིམ་པ། </br>6. སྤུའི་གླིང་། </br>7. ཁྲག་ལ་རབ་ཏུ་ཁྲོ་བ། </br>8. ཁྲག་ཟ་བ།</br>9. རབ་རབ་བྱེད་པ། </br>10 .སྐྱུར་པོ་དང་རྣམས་ཏེ། རྐང་པ་མེད་པ་དང་། ཐུང་ངུ་དང་། འཕེལ་བའི་དབྱིབས་ཅན་དང་། ཁྲག་ལས་སྐྱེས་པའི་སྲིན་དུ་གྱུར་པ་མིག་མེད་པ་དང་། གཡན་པའི་མཚན་ཉིད་དང་། འབིགས་བྱེད་ཀྱི་མཚན་ཉིད་དང་ལྡན་པ་རྣམས་སོ། །འབིགས་བྱེད་ཀྱི་མཚན་ཉིད་དང་ལྡན་པ་རྣམས་སོ། །)
• Dictionaries/chos rnam kun btus/9431  + (དེ་ཡང་། སངས་རྒྱས་གཙུག་ཏོར་དཔའ་བར་འགྲོ་བ་ཞེ … དེ་ཡང་། སངས་རྒྱས་གཙུག་ཏོར་དཔའ་བར་འགྲོ་བ་ཞེས་བྱ་བའི་མདོ་ལས་བྱུང་བ་སྟེ།</br>1. འདོད་པའི་བག་ཆགས་ནི། འདོད་པའི་བག་ཆགས་དང་འབྲེལ་བ་ནི། ཕན་ཚུན་དུ་ཞེན་པ་ལ་བསྐྱེད་པ་ཡིན་ལ་ཞེན་བཞིན་དུ་རྒྱུན་ཆགས་པའི་ཕྱིར་དེ་ལྟར་རབ་ཏུ་འབར་བའི་མེ་ལྕེ་ནང་ནས་འཕྲོ་ཞིང་འབྱུང་ངོ་། ། དཔེར་ན། མིའི་ལག་པ་ཕན་ཚུན་མཉེས་ན་དྲོ་བའི་མཚན་མ་འབྱུང་བ་ལྟར་བག་ཆགས་གཉིས་ཕན་ཚུན་དུ་ཞེན་པས་དེ་ལྟར་ལྕགས་ཀྱི་ཁྲི་དང་ཟངས་ཀྱི་ཀ་བ་ལ་སོགས་པའི་འབྲས་བུ་མྱོང་ངོ་། ། དེའི་ཕྱིར་ཕྱོགས་བཅུའི་དེ་བཞིན་གཤེགས་པ་རྣམས་འདོད་པའི་ལས་གཟིགས་ནས་འདོད་ཆགས་ཀྱི་མེ་ཞེས་གདགས་པར་མཛད་ཅིང་བྱང་ཆུབ་སེམས་དཔའ་རྣམས་འདོད་པ་ལ་གཟིགས་ནས་མེའི་དོང་བཞིན་དུ་བྱོལ་ནས་འགྲོའོ། །</br>2. བརྣབ་སེམས་ཀྱི་བག་ཆགས་ནི། བརྣབ་སེམས་ཀྱི་བག་ཆགས་ལས་རྟོག་ཅིང་སེམས་པ་ནི། རྔུབ་པའི་རྣམ་པ་བྱུང་ཞིང་རྔུབ་པ་རྒྱུན་ཆགས་པ་ཚིམ་པ་མེད་པས་དེ་ལྟར་ལྷགས་སྒང་གི་འཁྱགས་པའི་ནང་དུ་གྲང་ངད་ཀྱིས་གས་པར་འགྱུར་རོ། ། དཔེར་ན། མིའི་ཁ་ནས་དབུགས་ནང་དུ་རྔུབ་ན་གྲོང་བ་ཚོར་བ་དང་འདྲའོ། ། བག་ཆགས་གཉིས་ཕན་ཚུན་དུ་ཟིལ་གྱིས་མནན་པས་དེ་ལྟར་ཨ་ཆུ་དང་ཀྱེ་ཧུད་དང་སོ་ཐམ་ཐམ་ལ་སོགས་པའི་སྐད་འདོན་ཞིང་ཨུཏྤལ་དང་པདྨ་ལྟ་བུར་ཁ་དོག་འགྱུར་ཏེ་འཁྱགས་ཤིང་གྲང་བའི་སྡུག་བསྔལ་མྱོང་ངོ་། ། དེའི་ཕྱིར་ཕྱོགས་བཅུའི་དེ་བཞིན་གཤེགས་པ་རྣམས་ཀུན་ཏུ་ལེན་པར་འདོད་པ་དག་གཟིགས་ནས་བརྣབ་སེམས་ཀྱི་ཆུ་བོ་ཞེས་གདགས་པར་མཛད་ཅིང་བྱང་ཆུབ་སེམས་དཔའ་རྣམས་བརྣབ་སེམས་གཟིགས་ནས་དུག་གི་རླངས་པ་ཅན་གྱི་རྒྱ་མཚོ་ལྟར་བྱོལ་ནས་འགྲོའོ། །</br>3. མཐོན་པོའི་ང་རྒྱལ་གྱི་བག་ཆགས་ནི། མཐོན་པོའི་ང་རྒྱལ་གྱི་བག་ཆགས་ཀྱིས་ཟིལ་གྱིས་མནན་པ་ལས་ཕན་ཚུན་དུ་ཕྲག་དོག་པས་བསྐྱེད་པ་ཡིན་ཞིང་འདི་རྒྱུན་མ་འཆད་པས་འཕྱོ་ཞིང་འཕྱུར་ལ་འཁྲུགས་པ་ལས་ཆུ་བོ་འབྱུང་སྟེ། དཔེར་ན། ཁ་ནང་ན་ལྕེ་བསྒྱུར་ཞིང་འདྲིལ་ན་མཆིལ་མ་འབྱུང་བ་དང་འདྲའོ། ། བག་ཆགས་འཕེལ་བཞིན་པ་དེ་ལྟ་བུར་ཁྲག་གི་རླུང་དང་། ཐུལ་སྐྱའི་རླུང་། བྱེ་ཚན་དང་། དུག་གི་མཚོ་དང་། ཟངས་ཞུན་ཁར་ལྡུགས་པ་དང་མིད་པ་ལ་སོགས་པའི་སྡུག་བསྔལ་མྱོང་ངོ་། ། དེའི་ཕྱིར་ཕྱོགས་བཅུའི་དེ་བཞིན་གཤེགས་པ་རྣམས་མཐོན་པོའི་ང་རྒྱལ་ལ་གཟིགས་ནས་རྨོངས་བྱེད་ཀྱི་ཆུ་འཐུང་བ་དང་འདྲའོ། ། ཞེས་གདགས་པར་མཛད་ཅིང་བྱང་ཆུབ་སེམས་དཔའ་རྣམས་མཐོན་པོའི་ང་རྒྱལ་གཟིགས་ནས་འདམ་རྫབ་ཆེན་པོ་དང་འདྲ་བར་བྱོལ་ཞིང་འགྲོའོ། །</br>4. ཞེ་སྡང་གི་བག་ཆགས་ནི། ཞེ་སྡང་གི་བག་ཆགས་ཕན་ཚུན་དུ་འཚེ་བ་ནི། ཕན་ཚུན་མི་འདོད་པ་བསྐྱེད་པ་ཡིན་ཞིང་མི་འདོད་པས་འཆིང་བཞིན་དུ་མ་ཞི་ན་སེམས་གདུངས་ནས་མེ་འབར་ཏེ་ཁྲོ་བའི་རང་བཞིན་ལྕགས་ལྟར་འགྱུར་རོ། ། དེའི་ཕྱིར་རལ་གྲིའི་རི་དང་། ལྕགས་ཀྱི་དབྱུག་པ་དང་། ཤལ་མ་ལིའི་སྡོང་པོ་དང་། རལ་གྲིའི་འཁོར་ལོ་དང་། དགྲ་སྟ་དང་། མདུང་དང་། སོག་ལེ་ལ་སོགས་པ་དག་འབྱུང་ངོ་། ། དཔེར་ན། མི་དག་ཤ་འཁོན་དུ་གྱུར་ཏེ་ཕན་ཚུན་གསོད་པ་དང་། ཞེ་སྡང་བ་ལྟར་བག་ཆགས་གཉིས་ཀྱིས་ཕན་ཚུན་གསོད་པས་དེ་ལྟར་དཔལ་བཅོམ་སྟེ་མགོ་གཅོད་པ་དང་། དུམ་བུར་བྱེད་པ་དང་། འབུགས་པ་དང་། བསྣུན་པ་ལ་སོགས་པའི་སྡུག་བསྔལ་མྱོང་ངོ་། ། དེའི་ཕྱིར་ཕྱོགས་བཅུའི་དེ་བཞིན་གཤེགས་པ་རྣམས་ཞེ་སྡང་གཟིགས་ནས་རལ་གྲི་རྣོན་པོ་ཞེས་གདགས་པར་མཛད་ཅིང་བྱང་ཆུབ་སེམས་དཔའ་རྣམས་ཞེ་སྡང་གཟིགས་ནས་གསོད་པ་པོ་དང་འདྲ་བར་བྱོལ་ནས་འགྲོའོ། །</br>5. གཡོ་སྒྱུའི་བག་ཆགས་ནི། གཡོ་སྒྱུའི་བག་ཆགས་ཀྱིས་ཕན་ཚུན་བསླུ་བ་ནི། ཕན་ཚུན་གྱོད་སློང་བ་ལས་བསྐྱེད་པ་ཡིན་ཞིང་འཕེལ་ཞིང་རྒྱུན་ཆགས་པ་ལས་དེ་ལྟ་བུར་ཐག་པས་བཀྱིག་པ་དང་། ཤིང་གིས་བཅུ་བ་དང་། ནན་ཏུར་བྱེད་པ་ལ་སོགས་པ་འབྱུང་ངོ་། ། དཔེར་ན། ཞིང་ལ་ཆུ་དྲངས་ཏེ་རྩ་ཤིང་བསྐྱེད་པ་དང་འདྲའོ། ། བག་ཆགས་གཉིས་ཕན་ཚུན་དུ་འཕེལ་བས་དེ་ལྟར་རྐང་ལག་ལྕགས་སྒྲོག་དང་། བསྡོས་བསྐོན་པ་དང་། བེར་ཀ་དང་། ལྕགས་ཐག་གིས་བསྡམས་པ་དང་། ལྕག་ཚན་དང་། དབྱུག་པ་དང་། བེ་ཅོན་ལ་སོགས་པའི་འབྲས་བུ་མྱོང་ངོ་། ། དེའི་ཕྱིར་ཕྱོགས་བཅུའི་དེ་བཞིན་གཤེགས་པ་རྣམས་གཡོ་སྒྱུ་གཟིགས་ནས་གཡོ་ཅན་གྱི་རྐུན་པོ་ཞེས་གདགས་པར་མཛད་ཅིང་བྱང་ཆུབ་སེམས་དཔའ་རྣམས་གཡོ་སྒྱུ་ཅན་ལ་འཕར་བ་དང་འདྲ་བར་འཇིགས་ཤིང་སྐྲག་གོ །</br>6. རྫུན་གྱིས་བསླུ་བའི་བག་ཆགས་ནི། ཕན་ཚུན་རྫུན་གྱིས་བསླུ་བའི་བག་ཆགས་ནི། ཕན་ཚུན་དུ་ཅོ་འདྲི་བས་སྐྱོན་འདོགས་ཤིང་ཚུལ་དེ་མི་གཏོང་བར་གཡོ་སྒྱུའི་བསམ་པ་བསྐྱེད་པ་ལས་དེ་ལྟར་རྡུལ་དང་། བཤང་གཅི་དང་། དྲི་ང་བ་དང་། མི་གཙང་བ་སོགས་འབྱུང་ངོ་། ། དཔེར་ན། རླུང་གིས་རྡུལ་འཚུབས་ལངས་ཏེ་མི་མཐོང་བ་དང་འདྲའོ། ། བག་ཆགས་གཉིས་འཕེལ་ནས་དེ་ལྟར་འདམ་དུ་ལྷུང་ཞིང་འཕྱོ་བོ་དང་། སྐྱུར་བ་དང་། འཕུར་བ་དང་། འབབ་པ་དང་། རྒྱུན་གྱིས་འཁྱེར་བ་དང་། བྱིང་བ་ལ་སོགས་པའི་འབྲས་བུ་མྱོང་ངོ་། དེའི་ཕྱིར་ཕྱོགས་བཅུའི་དེ་བཞིན་གཤེགས་པ་རྣམས་གཡོ་སྒྱུ་བྱེད་པ་དང་བསླུ་བ་གཟིགས་ནས་ཆོམ་རྐུན་གྱིས་གསོད་པ་དང་འདྲ་ཞེས་གདགས་པར་མཛད་ཅིང་བྱང་ཆུབ་སེམས་དཔའ་རྣམས་གཡོ་སྒྱུ་གཟིགས་ནས་དུག་སྦྲུལ་རྐང་འོག་ཏུ་ཚུད་པ་དང་འདྲ་བར་སེམས་སོ། །</br>7. ཤ་འཁོན་གྱི་བག་ཆགས་ནི། ཤ་འཁོན་གྱི་བག་ཆོགས་ལས་ཕན་ཚུན་དུ་དོགས་པ་དང་མྱ་ངན་ལས་བསྐྱེད་པ་ཡིན་ཞིང་རྡོ་བ་འཕེན་པ་དང་། གྱོ་མོ་འཕེན་པ་དང་། སྒྲོམ་དུ་འཇུག་པ་དང་། ཤིང་རྟར་འཛུད་པ་དང་། རྫ་མར་འཇུག་པ་དང་། ཕད་བུར་བཅུག་ནས་བསྐྱུར་ཏེ་གསོད་པ་ལ་སོགས་པ་འབྱུང་ངོ་། ། དཔེར་ན། སྐྱེ་བོ་མ་རུངས་པ་གདུག་སེམས་བསྐྱེད་པ་དང་འདྲ་བར་བག་ཆགས་གཉིས་ཕན་ཚུན་དུ་འབྲེལ་བས་དེ་ལྟར་བརྡུང་བ་དང་། བསྐྱུར་བ་དང་། འཛིན་པ་དང་། འཁྱིག་པ་དང་། མདའ་སོགས་ཀྱིས་འདེབས་པ་དང་། གསོད་པ་དང་། བསྐྱུར་བ་དང་། ལུས་བསྒྲིལ་བ་ལ་སོགས་པའི་འབྲས་བུ་མྱོང་ངོ་། ། དེའི་ཕྱིར་ཕྱོགས་བཅུའི་དེ་བཞིན་གཤེགས་པ་རྣམས་ཤ་འཁོན་ཅན་གྱི་སྐྱེ་བོ་གཟིགས་ནས་ལོག་པར་གནོད་པའི་འདྲེ་ཞེས་གདགས་པར་མཛད་ཅིང་བྱང་ཆུབ་སེམས་དཔའ་རྣམས་ཤ་འཁོན་ཅན་གྱི་སྐྱེ་བོ་གཟིགས་ནས་དུག་གི་ཆང་འཐུང་བ་དང་འདྲ་བར་སེམས་སོ། །</br>8. ལྟ་བའི་བག་ཆགས་ནི། ལྟ་བའི་བག་ཆགས་ཀྱིས་ཕན་ཚུན་དུ་གསལ་བ་ནི། ངའོ་སྙམ་དུ་འཛིན་པ་དང་། ལྟ་བའི་འཛིན་པ་དང་། ཚུལ་ཁྲིམས་མཆོག་ཏུ་འཛིན་པ་དང་། འདུ་ཤེས་ལོག་པའི་རིགས་སྡིག་པའི་འབྲས་བུ་ཐམས་ཅད་ཕྱིན་ཅི་ལོག་ལས་བསྐྱེད་ནས་སོ་སོར་ཕྱུང་བ་ནི། ཕན་ཚུན་དུ་རྒོལ་བ་ལས་བྱུང་ངོ་། ། དེ་ལྟར་གཤིན་རྗེའི་ཕོ་ཉ་དང་ལས་བྱེད་པ་ཡི་གེ་དང་དཔང་རྒྱ་འཛིན་པ་དག་ཡོད་དོ། ། དཔེར་ན། ལམ་དུ་འགྲོ་བའི་མི་གཅིག་གིས་གཅིག་ལྟ་བ་དང་འདྲའོ། ། བག་ཆགས་གཉིས་ཕན་ཚུན་དུ་མཐུན་པས་དེ་ལྟར་དཔང་རྒྱ་འཛིན་པ་དག་གིས་གཡོ་སྒྱུ་ལ་རྟོག་པ་དང་། འདྲི་བ་དང་། ནན་ཏུར་བྱེད་པ་དང་། རྩ་བ་ཚོལ་བ་དང་།</br>ཕྲ་ཞིང་ཞིབ་པར་བྱེད་པ་དང་། ལེགས་ཉེས་འབྱེད་པའི་ལྷ་དང་འདྲེ་དག་གི་ལག་ཏུ་ཡི་གེ་བཟུང་ནས་སོ་སོར་འབྱེད་པ་དག་འབྱུང་བར་འགྱུར་རོ། ། དེའི་ཕྱིར་ཕྱོགས་བཅུའི་དེ་བཞིན་གཤེགས་པ་རྣམས་ལྟ་བ་ངན་པ་གཟིགས་ནས་ལྟ་བའི་དོང་ཞེས་གདགས་པར་མཛད་ཅིང་བྱང་ཆུབ་སེམས་དཔའ་རྣམས་འདི་ལྟ་བུ་བདེན་པ་མ་ཡིན་པའི་སྟོང་པ་ལ་ལོག་པར་བཟུང་བ་གཟིགས་ནས་དུག་གི་གཅོང་རོང་དང་འདྲ་བར་སེམས་སོ། །</br>9. བསྙོན་པའི་བག་ཆགས་ནི། བསྙེན་པའི་བག་ཆགས་ཕན་ཚུན་དུ་སྒྲོ་འདོགས་པ་ནི་བསྙོན་ཏེ་ངན་དུ་སྨྲ་བ་ལས་བསྐྱེད་པ་ཡིན་ཞིང་དེའི་ཕྱིར་རིས་བཙིར་བ་དང་། རྡོ་བས་བཙིར་བ་དང་། མཆིག་དང་རང་ཐག་གིས་འཐག་པ་ལ་སོགས་པའི་འབྲས་བུ་མྱོང་ངོ་། ། དཔེར་ན། སྐྱེ་བོ་མི་སྲུན་པས་སྐྱེ་བོ་རང་བཞིན་དྲང་པོ་ལ་ཉེས་པ་མེད་པར་བསྙོན་འཛུགས་པ་དང་འདྲའོ། ། བག་ཆགས་གཉིས་ཕན་ཚུན་འབྲེལ་བས་དེ་ལྟར་བསྲུང་བ་དང་། འཚེ་བ་དང་། བརྡེག་པ་དང་། ལྕིད་ཀྱིས་ནོན་པ་དང་། བཙིར་བ་དང་། དཔྱང་བ་ལ་སོགས་པའི་འབྲས་བུ་མྱོང་ངོ་། ། དེའི་ཕྱིར་ཕྱོགས་བཅུའི་དེ་བཞིན་གཤེགས་པ་རྣམས་གཤེ་ཞིང་བསྙོན་པ་དག་གཟིགས་ནས་མི་སྲུན་པ་ཞེས་གདགས་པར་མཛད་ཅིང་བྱང་ཆུབ་སེམས་དཔའ་རྣམས་བསྙོན་པ་དག་གཟིགས་ནས་ཐོག་ཕངས་པ་དང་འདྲ་བར་བལྟའོ། །</br>10 .ཤེར་སྦྱང་གི་བག་ཆགས་ནི། ཤེར་སྦྱང་གི་བག་ཆགས་ཕན་ཚུན་དུ་རྩོད་པ་ནི། གསང་ཞིང་སྦས་པས་བསྐྱེད་པ་ཡིན་ཞིང་དེའི་ཕྱིར་མེ་ལོང་སྟོན་པ་དང་། འོད་ཀྱིས་སྣང་བར་བྱེད་པ་དག་ཡོད་དེ། དཔེར་ན། ཉི་མའི་གྲིབ་མ་སྦེད་མི་ཐུབ་པ་དང་འདྲའོ། ། བག་ཆགས་གཉིས་ཕན་ཚུན་འབྲེལ་བས་དེ་ལྟ་བུ་ཤ་འཁོན་ཅན་གྱི་དགྲ་དང་གྲོགས་ངན་པ་དང་སྡིག་པ་སྟོན་པ་མེ་ལོང་དང་ནོར་བུ་སྒྲོན་མེས་རིང་ནས་བསགས་པའི་སྡིག་པ་རྣམས་རྣམ་པར་གསལ་བར་བྱས་ཏེ་མཚན་མ་སྟོན་པ་ལ་སོགས་པའི་འབྲས་བུ་མྱོང་ངོ་། ། དེའི་ཕྱིར་ཕྱོགས་བཅུའི་དེ་བཞིན་གཤེགས་པ་རྣམས་རང་སྐྱོན་གསང་ཞིང་སྦེད་པ་གཟིགས་ནས་རྐུན་མ་གཡོ་ཅན་ཞེས་གདགས་པར་མཛད་ཅིང་བྱང་ཆུབ་སེམས་དཔའ་རྣམས་སྦེད་པ་ལ་གཟིགས་ནས་རི་ཆེན་པོ་སྤྱི་བོར་ཁུར་ནས་རྒྱ་མཚོའི་ནང་དུ་གོམ་པ་འགོད་པ་དང་འདྲ་བར་བལྟའོ། །ཚོའི་ནང་དུ་གོམ་པ་འགོད་པ་དང་འདྲ་བར་བལྟའོ། །)
• Dictionaries/chos rnam kun btus/7058  + (དེ་ཡང་། སྐྱེ་མཆེད་བཅུ་གཉིས་ཀྱི་ནང་ཚན་ཏེ། 1. མངར་བ། 2. སྐྱུར་བ། 3. ཁ་བ། 4. བསྐ་བ། 5. ཚ་བ། 6. ལན་ཚྭ་བའོ། །)
• Dictionaries/chos rnam kun btus/6177  + (དེ་ཡང་། སྨན་དཔྱད་གཅེས་པ་གྲུབ་པ་ཞེས་བྱ་བ་ལེའུ་སོ་གཅིག་པ་ལས་བྱུང་བ་སྟེ། 1. ལྗང་སེར་ཞེས་བྱ་བ། 2. སྔོན་པོ་ཞེས་བྱ་བ། 3. བཙོད་ཁ་ཞེས་བྱ་བ། 4. ཐལ་ཁ་ཞེས་བྱ་བ། ། 5. ཁྲག་འདྲ་བ་ཞེས་བྱ་བ། 6. སྐྱུར་བ་ཚོས་པ་ཞེས་བྱ་བའོ། །)
• Dictionaries/chos rnam kun btus/6871  + (དེ་ཡོང་། ཡིན་ལག་བརྒྱད་པའི་སྙིང་པོ་ཞེས་བྱ་བའི་སྨན་དཔྱད་ཀྱི་བཤད་པ་ལས་བྱུང་བ་སྟེ། 1. མངར་བ། 2. སྐྱུར་བ། 3. ཚ་བྲོ་བ། 4. ཁ་བ། 5. ཚ་བ། 6. བསྐ་བའོ། །)
• Dictionaries/Brda dkrol gser gyi me long/1341  + (བད་ཀན་གྱི་ནད་མཆིལ་མ་སྐྱུར་མོ་སྐྱུགས་པའི་མིང་སྟེ།《བརྡ་སྦྱོར་རིན་ཆེན་གཏེར་ཁྱིམ》ལས། ཆུ་སྐྱེགས་ཞེས་པ་བད་ཀན་གྱི་ནད་མཆིལ་མ་སྐྱུར་པོ་སྐྱུགས་པ་ལ་ཟེར། ཞེས་གསུངས་པ་ལྟར་རོ།།)
• Dictionaries/sngas rgyas chos gzhung tshig mdzod/8875  + (མངར་བ་དང་། སྐྱུར་བ། ཁ་བ། བསྐ་བ། ཚ་བ་། ལན་ཚ་ཅེས་ལ་ཟེར། ཚིག་འདི་གསར་དུ་བཅོས་པ་ཡིན།)
• Dictionaries/Bod rgya shen sjar gyi shes jai rnam drangs kun btus tshig mdzod/1410  + (མངར་བ་དང༌། སྐྱུར་བ། ཁ་བ། བསྐ་བ། ཚ་བ། ལན་ཚྭ་བ་སྟེ་དྲུག)
• Dictionaries/Bod rgya shen sjar gyi shes jai rnam drangs kun btus tshig mdzod/1407  +
• Dictionaries/Bod rgya shen sjar gyi shes jai rnam drangs kun btus tshig mdzod/1443  + (མངར་བ། སྐྱུར་བ། ཁ་བ། བསྐ་བ། ཚ་བ། ལན་ཚྭ་བ་སྟེ་དྲུག་གོ)
• Dictionaries/chos rnam kun btus/10679  + (མཆིན་པ་ཚ་བའི་ནད་རིགས་བཅུ་གསུམ་ནི། 1.མཆིན་ … མཆིན་པ་ཚ་བའི་ནད་རིགས་བཅུ་གསུམ་ནི། </br>1.མཆིན་ནད་ལེ་བརྒན། </br>2.རྒྱས་པ། </br>3.ལྡེམ་བུ། </br>4.དུག་ཐབས།</br>5.ཆུ་ཤོར། </br>6.རྐུན་བུ།</br>7.འོར་ལྷང་།</br>8.ཁ་ལུད། </br>9.གཞུང་རེངས། </br>10.མཆིན་གྲུམ་ནག་པོ། </br>11.མཆིན་ནད་ཧལ་སྐེམ། </br>12.མཆིན་དྲི་དཀར་པོ། </br>13.གནད་མཆིན་རྩ་ལ་བྱེར་བ་བཅས་དང་། </br>མཆིན་པ་གྲང་བའི་ནད་ལྔ་ནི། </br>1.མཆིན་རླུང་། </br>2.མཆིན་རྒུད།</br>3.རླན་གྲང་། </br>4.གླང་དགུར། </br>5.གྲང་སྦོས་དང་ལྔ་བཅས་སོ། །</br>རྒྱ་ནི་ཚ་སྐྱུར་ཟས་དང་དྲག་ཤུལ་སྐྱེད། ། ཅེས་པ་སྟེ། འདིར་མཆིན་པའི་ནད་ཀྱི་རྒྱུ་ཞེས་དངོས་སུ་བསྟན་པ་འདི་དག་ནི་མཆིན་ནད་སྐྱེད་བྱེད་ཀྱི་རྐྱེན་རྣམས་ཡིན་པ་ལས་རྒྱུ་དངོས་ནི། སྤྱི་ཁྱབ་ཏུ་རླུང་མཁྲིས་བད་ཀན་དང་། ཁྲག་དང་། ཆུ་སེར་བཅས་ཡིན་ནོ། །ས་བད་ཀན་དང་། ཁྲག་དང་། ཆུ་སེར་བཅས་ཡིན་ནོ། །)
• Dictionaries/chos rnam kun btus/11172  + (མིག་མཆུའི་ནད་བདུན་ནི། 1.རླུང་ལས་གྱུར་པ། … མིག་མཆུའི་ནད་བདུན་ནི། </br>1.རླུང་ལས་གྱུར་པ། </br>2.མཁྲིས་པ་ལས་གྱུར་པ། </br>3.ཁྲག་ལས་གྱུར་པ། </br>4.བད་ཀན་ལས་གྱུར་པ། </br>5.འདུས་པ་ལས་གྱུར་པ། </br>6.སྲིན་བུ་ལས་གྱུར་པ། </br>7.མིག་ནད་སྒྲ་ངན་བཅས་དང་། </br>ཚག་པོར་དྲུག་ནི། </br>1.སྐམ་ཚག </br>2.གཤེར་ཚག</br>3.གདུང་གྱུར། </br>4.གདུང་གྱུར་དེ་ཉིད་རླུང་ལས་གྱུར་པ། </br>5.གདུང་གྱུར་མཁྲིས་པ་ལས་གྱུར་པ། </br>6.གདུང་གྱུར་བད་ཀན་ལས་གྱུར་པ་བཅས། </br>ལིང་ཐོག་བཞི་ནི། </br>1.ལིང་ཐོག་ལས་གྱུར་པ། </br>2.ལིང་ཐོག་མཁྲིས་པ་ལས་གྱུར་པ། </br>3.ལིང་ཐོག་བད་ཀན་ལས་གྱུར་པ། </br>4.ལིང་ཐོག་ཁྲག་ལས་གྱུར་པ་བཅས། </br>རབ་རིབ་བཞི་ནི། </br>1.རབ་རིབ་རླུང་ལས་གྱུར་པ། </br>2.རབ་རིབ་མཁྲིས་པ་ལས་གྱུར་པ། </br>3.རབ་རིབ་བད་ཀན་ལས་གྱུར་པ།</br>4.རབ་རིབ་ཁྲག་ལས་གྱུར་པ་བཅས། </br>འགྲིབ་བཅུ་གཉིས་ནི། </br>1.སྲོད་ལོང་གཅིག </br>2.ཕྱི་འགྲིབ་ལྔ། </br>3.ནང་འགྲིབ་གཉིས། </br>4.རབ་འགྲིབ་བཞི་བཅས་སོ། །</br>མིག་ནད་སྐྱེད་པར་བྱེད་པའི་རྒྱུ་རྐྱེན་གཞི་མཐུན་དུ་བསྟན་པ་ནི། མིག་ནད་ཡོད་དོ་ཅོག་འཁྲུག་པར་བྱེད་པའི་རྐྱེན་འཕྲད་པ་དང་ཁྱད་པར་དུ་ཤ་རུལ་བ་དང་། བཙོང་། སྒོག་པ། ཆང་སྐྱུར་པོ་སོགས་ཚ་སྐྱུར་རུལ་སུངས་ཀྱི་རིགས་ཀྱིས། མེ་ཡི་རང་བཞིན་ཅན་གྱི་མིག་ལ་གནོད་ཅིང་ནད་ སྐྱེད་པར་བྱེད་པ་སོགས་མདོར་ན། ཁྲག་མཁྲིས་ཚ་བ་སྐྱེད་པར་བྱེད་པའི་ཟས་ཀྱི་རིགས་བསྟེན་པ་ཡིས་ཚ་བ་སོགས་ཉེས་པ་སྐྱེད་པ་རྣམས་རྩ་ནང་འགྲིམས་པས་མིག་གི་ནད་སྐྱེད་པར་བྱེད་པའོ། ། སྤྱོད་ལམ་ཡང་དྲག་ཤུལ་གྱི་ལས་བྱ་བ་དང་། མི་ཐེག་པའི་ཁུར་པོ་ཁུར་བ་དང་། དུ་བ་དང་། བསེར་བུ། ཁ་བ། མཚོན་ལ་སོགས་པས་རྐྱེན་གྱིས་ཉེས་པ་ཕོག་པས་མིག་ནད་སྣ་ཚོགས་སྐྱེད་པར་བྱེད་པའོ། །ཕོག་པས་མིག་ནད་སྣ་ཚོགས་སྐྱེད་པར་བྱེད་པའོ། །)
• Dictionaries/Brda dkrol gser gyi me long/5444  + (ཟས་ཀྱི་དང་ག་འགག་པའི་མིང་སྟེ། 《བརྡ་གསར་རྙི … ཟས་ཀྱི་དང་ག་འགག་པའི་མིང་སྟེ། 《བརྡ་གསར་རྙིང་གི་རྣམ་གཞག་བློ་གསལ་ཡིད་འཕྲོག》ལས། ཡི་ག་འཆུ་ནི་ཁ་ཟས་ཀྱི་དང་ག་འགགས་པའི་མིང་ཡིན་ནོ། ། ཞེསགསུངས། དཔེར་ན། 《བཀའ་གདམས་བུ་ཆོས》ལས། དེ་དག་ལ་རྗེས་སུ་གནང་བ་ནི་དྲོན་ཆུང་ཞིང་ཡི་ག་འཆུས་པར་གྱུར་པ་ལ་ཁུ་བ་སྐྱུར། ཞེས་པ་ལྟ་བུའོ། །་པར་གྱུར་པ་ལ་ཁུ་བ་སྐྱུར། ཞེས་པ་ལྟ་བུའོ། །)
• Dictionaries/Brda dkrol gser gyi me long/3498  + (ཟས་སམ་ལན་ཚྭ་དང་ཚོད་མའི་མིང་སྟེ། 《བརྡ་གསར་ … ཟས་སམ་ལན་ཚྭ་དང་ཚོད་མའི་མིང་སྟེ། 《བརྡ་གསར་རྙིང་གི་ཁྱད་པར་ལས་བྱུང་བའི་མིང་གི་རྣམ་གྲངས》ལས། བྱ་ན་ནི་ཟས་སམ་ཟས་ཀྱི་ཁ་བསྒྱུར་བའི་ལན་ཚྭ་ལྟ་བུ། ཞེས་དང་། 《བརྡ་གསར་རྙིང་གི་ཁྱད་པར་བསྟན་པ་གསར་བུའི་བློ་གྲོས་སྐྱེད་བྱེད》ལས། བྱ་ན་སྐྱུར་རུམ་ཚོད་མའི་མིང་། ཞེས་གསུངས། དཔེར་ན། 《འདུལ་བ་ལུང་ཕྲན་ཚེགས་ཀྱི་གཞི》ལས། རྟ་བོ་ཐལ་དཀར་བང་བུལ་དང་། ། སྟོན་མོ་བྱ་ན་མེད་པ་དང་། ། བུད་མེད་གང་ཞིག་ཁྱིམ་སུན་འབྱིན། ། འདི་གསུམ་ཅིར་ཡང་མི་རུང་བའོ། ། ཞེས་པ་ལྟ་བུའོ། །ུམ་ཅིར་ཡང་མི་རུང་བའོ། ། ཞེས་པ་ལྟ་བུའོ། །)
• Dictionaries/Brda dkrol gser gyi me long/4690  + (ཟེ་མང་གི་ཟ་པོ་དང་སྐྱུར་བ་ནི་ཕྱེ་ཐུག་སོགས་ལ་ཟ་པོ་བརྒྱབ་པའམ་བཏབ་པའི་དོན་ཏེ། 《བཀའ་གདམས་པའི་གསུང་བགྲོས་ཐོར་བུ》ལས། སྟོང་པ་ཉིད་ཀྱི་དོན་གཤའ་མར་རྟོགས་ན་ལུས་ངག་ཡིད་གསུམ་རས་བལ་སྡོག་པས་མནན་པའམ་ཕྱེ་ཐུག་ལ་ཟེ་མང་སྐྱུར་བ་བཞིན་དུ་འགྲོ ། ཞེས་པ་ལྟ་བུའོ། །)
• Dictionaries/Brda dkrol gser gyi me long/2197  + (འཇིགས་སྐྲག་ཆེན་པོ་སྐྱེད་བཅུག་པའི་དོན་ཏེ།《མི་དབང་རྟོགས་བརྗོད》ལས། གཏིང་རྡོ་བཏགས་ཏེ་འབབ་ཆུ་གནོད་པ་ཅན་ལ་སྐྱུར་བས། ཕྱོགས་དེའི་སྐྱེ་བོ་མཐའ་དག་དོན་སྙིང་ལྐོག་མར་འབྱིན་པའི་འཇིགས་པ་སྦྱིན། ཞེས་པ་ལྟ་བུའོ།།)
• Dictionaries/Brda dkrol gser gyi me long/6181  + (འབྲས་དང་ཁྲེ་སོགས་བཙོས་ནས་རྩི་མེད་པར་བསྙལ་བའི་ཁུ་བ་སྐྱུར་པོ་ཙང་ཤུ་ཞེས་པ་སྟེ། འདི་ལ་ཕབ་མི་གཏབ་སྟེ་ཕབ་བཏབ་ན་ཆང་དུ་འགྱུར་བས་རབ་བྱུང་ལ་མི་རུང་ངོ་། ། ཞེས་གསུངས་པ་ལྟར་རོ། །)
• Dictionaries/Brda dkrol gser gyi me long/6393  + (རྣམ་པ་ཐམས་ཅད་དམ་རྩ་བ་ནས་བློ་གཏད་པའི་དོན་ཏེ། 《བརྡ་གསར་རྙིང་གི་བརྡ་ཆད་འགའ་ཞིག་གི་དྲིས་ལན》ལས། སྐྱིད་སྡུག་ཅི་བྱུང་རུང་ཁྱེད་ཤེས་ཀྱི་བློ་གཏད་ལིངས་སྐྱུར་བྱས་ན། རང་གི་ལེགས་ཚོགས་ཐམས་ཅད་འགྲུབ་ཅིང་། ཞེས་པ་ལྟ་བུའོ། །)
• Dictionaries/Brda dkrol gser gyi me long/7615  + (སྨན་ཁུ་སྐྱུར་པོའི་མིང་སྟེ། 《འདུལ་བའི་གླེང་འབུམ་གྱི་མིང་བརྡའི་རྣམ་བཤད》ལས། སྨན་རྩབ་ནི་རྩ་བ་དང་སྡོང་པོ་སོགས་ཀྱི་སྨན་ཆུས་སྦངས་ནས་བཙགས་པའི་ཁུ་བ་སྐྱུར་པོ་ལ་བཤད་དོ། ། ཞེས་གསུངས་པ་ལྟར་རོ། །)
• Dictionaries/Brda dkrol gser gyi me long/7027  + (（2）བཙོས་ནས་སྐྱུར་མོར་གྱུར་པའི་སྔོ་ཚོད་ཀྱི་ … （2）བཙོས་ནས་སྐྱུར་མོར་གྱུར་པའི་སྔོ་ཚོད་ཀྱི་མིང་སྟེ། 《ངག་སྒྲོན་གྱི་འགྲེལ་པ》ལས། སྐྱུ་རུམ་ཟས་ཀྱི་རོ་གསལ་བྱེད་ཚོད་མ། ཞེས་གསུངས། དཔེར་ན། 《འདུལ་བ་ལུང་རྣམ་འབྱེད》ལས། ཞལ་ཟས་ཀྱང་ཁ་དོག་དང་དྲི་དང་རོ་ཕུན་སུམ་ཚོགས་པ་དང་ལྡན་པ། སྐྱུ་རུམ་སྣ་ཚོགས་དང་བཅས་པ་བཤམས་པ། ཞེས་པ་ལྟ་བུའོ། །་སྣ་ཚོགས་དང་བཅས་པ་བཤམས་པ། ཞེས་པ་ལྟ་བུའོ། །)

• Dictionaries/Bod rgya shen sjar gyi shes jai rnam drangs kun btus tshig mdzod/1407  + (མངར་བ། སྐྱུར་བ། ཁ་བ། བསྐ་བ། ཚ་བ། ལན་ཚྭ་བའོ།)

• Dictionaries/Brda dkrol gser gyi me long/6391  + ((1) ལིངས་བསྒྱུར་དང་ལིངས་སྐྱུར་དོན་གཅིག་ཅིང་། བཅའ་ལག་སོགས་ཤེད་ཤུགས་ཀྱིས་མ་འདང་བར་ལག་ནས་ཤོར་བ་ལྟ་བུའི་དོན་ཏེ། 《མི་ལ་རས་པའི་རྣམ་ཐར》ལས། ཐང་ཆད་ནས་ཁྲེས་པོ་ལིང་བསྒྱུར་དུ་ཕབ་པས། ཞེས་པ་ལྟ་བུའོ། །)
• Dictionaries/Brda dkrol gser gyi me long/1231  + ((1) སྐྱུར་བའི་རོའི་མིང་སྟེ།《བརྡ་ཡིག་བློ་གསལ་མགྲིན་རྒྱན》ལས། ཅོ་རེ་ནི་སྐྱུར་བའི་རོའི་མི་དུ་བཤད། ཅེས་གསུངས།)
• Dictionaries/Brda dkrol gser gyi me long/7193  + ((1) སྒྱིད་ལུག་གམ་སྒྱིད་སྐྱུར་གྱི་མིང་སྟེ། 《མངོན་བརྗོད་ལེགས་བཤད་གསེར་གྱི་ལྡེ་མིག》ལས། སྙོམ་པ་དང་ནི་ཁོང་སྙོམ་པ།། སྒྱིད་ལུག་སྒྱིད་སྙོམ་སྒྱིད་སྐྱུར་མིང་། ཞེས་གསུངས།)
• Dictionaries/chos rnam kun btus/10208  + (1. ཁ་བ།། 2. སྐྱུར་བ། 3. ཚྭ་བ། 4. བསྐ་བ། 5. ལན་ཚྭ། 6. མངར་བ། 7. ཡིད་དུ་འོང་བ། 8. ཡིད་དུ་མི་འོང་བ། 9. གཉིས་ཀ་མ་ཡིན་པ། 10. ལྷན་ཅིག་སྐྱེས་པ། 11. སྦྱར་བ་ལས་བྱུང་བ། 12. གྱུར་པ་ལས་བྱུང་བ་བཅས་སོ། །)
• Dictionaries/chos rnam kun btus/9944  + (1. གཞུང་བཀའ་པོད་ལྔའི་སློབ་གཉེར་ཐབས་ལམ་གསར་ … 1. གཞུང་བཀའ་པོད་ལྔའི་སློབ་གཉེར་ཐབས་ལམ་གསར་དུ་གཏོད་པ།</br>2. སློབ་རྩོད་གཉིས་དུས་གཅིག་ཏུ་སྤེལ་བའི་ལམ་སྲོལ་གཏོད་པ།</br>3. དགེ་རྒན་སོ་སོའི་ཁྱད་ཆོས་ལ་གཞིགས་ཏེ་སློབ་ཁྲིད་ཀྱི་ལས་འགན་གཏན་འཁེལ་གནང་ནས་དགེ་རྒན་སོ་སོའི་ཁྱད་ནུས་འདོན་སྤེལ་གང་ལེགས་བྱེད་དུ་བཅུག་པ།</br>4. འཛིན་གྲྭ་བགོ་བའི་ལམ་ལུགས་གསར་ཏུ་གཏོད་ཅིང་། འཛིན་གྲྭ་སོ་སོའི་སློབ་ཡུན་གྱི་ལོ་ཚད་གཏན་འཁེལ་གནང་བ།</br>5. ལོ་གཅིག་གམ་སློབ་དུས་སོ་སོའི་ཆོས་ཐོག་གི་སློབ་ཚན་ནང་དོན་གཏན་འབེབས་གནང་བ།</br>6. འཛིན་གྲྭ་ཕན་ཚུན་གཏུགས་རེས་(འགྲན་བསྡུར་)བྱས་པའི་ཐབས་ལམ་གསར་དུ་གཏོད་པ།</br>7. ཆོས་ཐོག་སྐབས་བགྲོ་གླེང་གཙོ་བོ་དང་སློབ་ཁྲིད་ཞར་བྱུང་། ཆོས་མཚམས་སྐབས་སློབ་ཁྲིད་གཙོ་བོ་དང་བགྲོ་གླེང་ཞར་བྱུང་བྱ་རྒྱུའི་སྲོལ་གཏོད་པ།</br>8. སློབ་གཉེར་ལེགས་གྲས་རྣམས་རང་མོས་ཐོག་དགོན་པ་གཞན་དང་གྲྭ་ཚང་གཞན་ལ་གྲྭ་སྐོར་དམ་བཅའ་འགྲོ་བའི་སྲོལ་གསར་དུ་གཏོད་པ།</br>9. སློབ་གཉེར་ཐོན་པའི་རིགས་ལ་སློབ་གཉེར་གྱི་སྦྱངས་འབྲས་ལེགས་ཉེས་ལ་གཞིགས་ནས་མཚན་གནས་སྤྲོད་པའི་སྲོལ་གཏོད་པ།</br>10. ཚད་མ་རིག་པའི་གཞུང་རྣམས་ཀྱི་སྙིང་བཅུད་བསྡུས་པའི་《བསྡུས་གྲྭ》ཤ་ཆུང་འབྲིང་ཆེ་གསུམ་གསར་རྩོམ་མཛད་ཅིང་ དེ་ལྟར་སློབ་སྦྱོང་བྱེད་དགོས་རྒྱུའི་གཏན་འབེབས་གནང་བ།</br>11. མཚན་ཉིད་རྩོད་སྐབས་ཀྱི་དྲི་བ་དྲིས་ལན་འདེབས་ཚུལ་དང་། རྩོད་གླེང་བ།ཏོང་མཁན་གྱིས་འཛིན་གྲྭའི་དབུས་སུ་ལངས་ཏེ་ཐོག་མར་ཁས་ལེན་བཟུང་མཁན་ལ་གུས་འདུད་ཀྱི་རྣམ་འགྱུར་དང་བཅས་ཏེ། གཟན་སྐྱུར་འབེབས་ནས་སྐད་གསང་མཐོན་པོས་བགྲོ་གླེང་འགོ་ཚུགས་པའི་དྷི་སྐད་གཏོང་བ་དང་། དེ་ནས་གཟན་སྐེད་པར་དཀྲིས་ཏེ་སྐབས་སུ་བབས་པའི་གཞུང་ལས་འཕྲོས་པའི་ཁས་ལེན་དྲི་བ་དང་། ཐལ་འགྱུར་འཕེན་པ་དང་ཆབས་ཅིག་ལག་པས་ཐལ་མོ་རྡེབ་པ། ཁྱབ་མཐའ་འགོད་པ། རྒྱུ་མཚན་འདྲི་བ། འཁོར་གསུམ་བསྐོར་བ་སོགས་ཀྱི་དམ་བཅའ་ཁས་ལེན་དང་མཚན་ཉིད་རྩོད་པའི་ཐ་སྙད་དང་བྱ་ཐབས་བཅས་པའི་ངོ་མཚར་ཁྱད་དུ་འཕགས་པའི་སློབ་གཉེར་སྲོལ་ལམ་ཞིག་གཏོད་གནང་སྟབས་བོད་ཀྱི་གདན་ས་ཁག་ཏུ་ཁོང་གི་སྲོལ་གཏོད་དེ་དར་ཁྱབ་གོང་འཕེལ་ཤུགས་ཆེན་བྱུང་བ་མ་ཟད། ད་ལྟ་ཡང་ཁོང་གི་སློབ་གཉེར་ལམ་ལུགས་མ་ཉམས་གོང་འཕེལ་འགྲོ་བཞིན་ཡོད་པ་བཅས་ཡིན།གས་མ་ཉམས་གོང་འཕེལ་འགྲོ་བཞིན་ཡོད་པ་བཅས་ཡིན།)
• Dictionaries/chos rnam kun btus/10327  + (1. ཞོ་མ་ལངས་པ་དང་ཆང་གསར་མཉམ་དུ་ཟ་བ་མི་འཕྲོ … 1. ཞོ་མ་ལངས་པ་དང་ཆང་གསར་མཉམ་དུ་ཟ་བ་མི་འཕྲོད་པ།</br>2. ཉ་ཡི་ཤ་དང་འོ་མ་མཉམ་དུ་ཟ་བ་མི་འཕྲོད་པ།</br>3. འོ་མ་དང་ཤིང་ཏོག་གཉིས་མཉམ་དུ་ཟ་བ་མི་འཕྲོད་པ།</br>3. བྱ་ཡི་སྒོ་ང་དང་ཉ་ཤ་མཉམ་དུ་ཟ་བ་མི་འཕྲོད་པ།</br>4. སྲན་མའི་ཚོད་མ་དང་བུ་རམ་ཞོ་གསུམ་ལྷན་ཅིག་ཟ་བ་མི་འཕྲོད་པ།</br>5. ཤ་མོ་ཡུངས་དཀར་མར་ལ་བསྔོས་པ་དང་ཁྱིམ་བྱའི་ཤ་དང་ཞོ་བསྲེས་ཟ་བ་མི་འཕྲོད་པ།</br>6. སྦྲང་རྩི་མར་ནག་ཆ་མཉམ་ཟ་བ་མི་འཕྲོད་པ།</br>7. .མར་གསར་འཁར་བའི་སྣོད་དང་ཟངས་ཀྱི་སྣོད་དུ་ཞག་བཅུའམ་དེ་ལས་བརྒལ་ཏེ་བཞག་པ་ཟོ་བ་མི་འཕྲོད་པ།</br>8. སྐྱེར་པའི་མེ་ལ་ཧ་རི་ཏྲ་ཤ་སྟེ་བྱ་ལྗང་ནེ་ཙོ་བསྲེགས་པ་ཟ་བ་མི་འཕྲོད་པ།</br>9. ཅོང་ཞིའི་ཕྱེ་མ་ཟོས་རྗེས་ཤ་མོའི་རིགས་དང་དྲ་ཕྱེའམ་བག་ཕྱེ་མཉམ་དུ་ཟ་བ་མི་འཕྲོད་པ།</br>10. ཞུན་མར་ཟོས་རྗེས་དེ་མ་ཐག་ཆུ་གྲང་མོ་འཐུང་ན་མི་འཕྲོད་པ།</br>11. ཤ་རློན་པ་ལ་ཞོ་དང་ཆང་སོགས་སྐྱུར་གྱི་རིགས་དང་རྩོམ་པའི་དྲི་མ་ཕོག་པ་ཞག་ཏུ་ལུས་པ་ཟ་བ་མི་འཕྲོད་པ།</br>12. ཤ་བཙོས་པ་རླངས་བསྲུབས་བཏང་བ་ཞག་བདུན་ལུས་པ་ཟ་བ་མི་འཕྲོད་པ།</br>13. སྟར་བུ་སོགས་སྐྱུར་བའི་རིགས་དང་འོ་མ་མཉམ་དུ་ཟ་བ་མི་འཕྲོད་པ་བཅས་སོ། །གས་དང་འོ་མ་མཉམ་དུ་ཟ་བ་མི་འཕྲོད་པ་བཅས་སོ། །)
• Dictionaries/chos rnam kun btus/693  + (1.གནོད་བྱ་ཁམས་ཀྱི་མཚན་ཉིད་བཤད་པ་ལ་བདུན་ཏེ། … 1.གནོད་བྱ་ཁམས་ཀྱི་མཚན་ཉིད་བཤད་པ་ལ་བདུན་ཏེ། </br>(1)གནོད་བྱའི་དབྱེ་བ་ནི། གནོད་བྱའི་དབྱེ་བ་ཟུངས་དང་དྲི་མ་གཉིས། ། ལུས་ཟུངས་དྭངས་མ་ཁྲག་དང་ཤ་དང་ཚིལ། ། རུས་པ་རྐང་མར་ཁུ་བ་བདུན་དུ་བཤད། ། དྲི་མ་གཤང་གཅི་རྡུལ་ལ་སོགས་པའང་ཡིན། ཞེས་པ་སྟེ། གནོད་བྱ་ཁམས་དེ་ལ་ནང་གསེས་ཀྱི་སྒོ་ནས་དབྱེ་བ་ཕྱེ་ན་ལུས་ཟུངས་དང་དྲི་མ་གཉིས་ཡོད། ལུས་ཟུངས་ནི་ཁ་ཟས་ཟོས་པ་མྱགས་བཞུ་དྭངས་སྙིགས་ཕྱེས་པའི་དྭངས་མ་དང་། དེའི་དྭངས་མ་ཁྲག་དང་། དེའི་དྭངས་མ་ཤ་དང་། དེའི་དྭངས་མ་ཚིལ་དང་། དེའི་དྭངས་མ་རུས་པ་དང་། དེའི་དྭངས་མ་རྐང་མར་དང་། དེའི་དྭངས་མ་ཁུ་བ་དཀར་དམར་བཅས་རྣམ་པ་བདུན་དུ་ཕྱེས་ནས་བཤད་པར་བྱ་བའོ། ། དྲི་མ་ནི། དེ་དག་གི་སྙིགས་མ་སྟེ་བཤང་བ་དང་། གཅིན་དང་། རྔུལ་དང་གསུམ་ཡིན་ལ་གཞན་ཡང་སྣབས་དང་། ལུད་པ། མཆིལ་མ་ལ་སོགས་པའང་དྲི་མ་ཡིན་པ་ཤུགས་ལས་རྟོགས་པར་བྱའོ། །</br>(2)གནོད་བྱའི་བྱེད་ལས་ནི། དེ་ལ་དྭངས་མས་གནོད་བྱ་འཕེལ་བར་བྱེད། ། ཁྲག་གིས་བརླན་ཞིང་སྲོག་འཚོ་ཤ་ཡིས་གཡོགས། ། ཚིལ་གྱིས་སྣུམ་དང་རུས་པས་བརྟེན་པ་དང་། ། རྐང་གིས་བཅུད་འགྱུར་ཁུ་བས་མངལ་འཛིན་བྱེད ། བཤང་གཅིས་རྟེན་འདྲུལ་འབྱིན་པར་བྱེད་པ་སྟེ། ། རྡུལ་གྱིས་པགས་པ་མཉེན་ཞིང་བ་སྤུ་བརྟན། ། ཞེས་པ་སྟེ། དེ་ལ་མི་གང་ཞིག་གིས་ཟས་སྐོམ་ཟོས་པ་མྱག་བཞུ་དྭངས་སྙིགས་ཕྱེས་པའི་དྭངས་མ་དེས་ནི། ཁྲག་ལ་སོགས་པའི་གནོད་བྱ་ཕྱི་མ་རྣམས་རིམ་པར་འཕེལ་བའི་ལས་བྱེད་པ་དང་། ཁྲག་གིས་ནི་ལུས་ཀྱི་ཆ་ཐམས་ཅད་བརླན་ཞིང་སྲོག་འཚོ་བའི་ལས་བྱེད་པ་དང་། ཤ་ཡིས་ནི་རུས་པའི་ཕྱི་ནས་གཡོགས་པའི་ལས་བྱེད་པ་དང་། ཚིལ་གྱིས་ནི་ལུས་ཀུན་སྣུམ་པའི་ལས་བྱེད་པ་དང་། རུས་པས་ནི་ལུས་ཀྱི་གཞི་རྟེན་པའི་ལས་བྱེད་པ་དང་། རྐང་གིས་ནི་ལུས་སྣུམ་བཅུད་དང་ལྡན་པར་འགྱུར་བའི་ལས་བྱེད་པ་དང་། ཁུ་བ་དཀར་དམར་གྱིས་ནི་ལུས་ཀྱི་མདངས་སྐྱེད་པ་དང་། མངལ་འཛིན་པའི་ལས་བྱེད་པ་བཅས་ཟུངས་བདུན་སོ་སོའི་ཐུན་མིན་གྱི་བྱེད་ལས་དང་། ཟླ་ཟེར་ལས་ནི། ཁུ་བའི་དྭངས་མས་མངལ་འཛིན་པའི་ས་བོན་བྱེད་དོ་ཞེས་ཀྱང་བཤད། དྲི་མ་བཤང་གཅི་གཉིས་ཀྱིས་ནི་སྙིགས་མར་གྱུར་པའི་གོང་མ་རྣམས་ཕྱིར་འདོར་མ་རན་བར་དུ་བརྟེན་པའི་ལས་བྱེད་པ་དང་། དེ་དག་འདྲུལ་བར་བྱེད་པ་དང་། འདྲུལ་ནས་འདོར་རན་པ་ན་ཕྱིར་འབྱིན་པར་བྱེད་པའི་ལས་བྱེད་པ་སྟེ་གཉིས་ཀའི་བྱེད་ལས་མཐུན་ལ་རྡུལ་གྱིས་ནི་ལུས་ཀྱི་པགས་པ་མཉེན་པར་བྱེད་ཅིང་། བ་སྤུ་རྣམས་བརྟན་ཅིང་མི་འབྱི་བའི་ལས་བྱེད་པ་བཅས་དྲི་མ་གསུམ་སོ་སོའི་བྱེད་ལས་དེ་ལྟར་བྱེད་པ་ཡིན་ནོ། །</br>(3)མེ་དྲོད་བསྟན་པ་ནི། མེ་དྲོད་ཅེས་བྱ་འཇུ་བའི་གཞི་ཡིན་ཏེ། ། འཇུ་བར་བྱེད་པའི་མཁྲིས་པ་དེ་ལ་བཤད། ། ནད་དང་ལུས་ཟུངས་དྲི་མ་ཀུན་གྱི་དྲོད། ། དེ་ཡིས་ནད་མེད་བརྩོན་དང་གཟི་མདངས་དང་། ། ཚེ་དང་ལུས་ཟུངས་མེ་དྲོད་སྟོབས་འཕེལ་བྱེད། ། བཞུ་གནས་སྒོར་འཇུག་ཟས་ལམ་སྒོ་གཏན་ཡིན། ། དེ་སྟོབས་ལྡན་ན་བཞུ་ནས་ཐུར་འགྲོ་སྟེ། ། སྟོབས་ཞན་ཁ་ཟས་མ་སྨིན་ཉིད་ཕྱིར་འབྱུང་། ། མེ་དྲོད་དེ་ནི་ཟས་གང་ལུས་ཟུངས་མདངས། ། སྟོབས་རྒྱས་འཕེལ་བར་བྱེད་པའི་རྒྱུ་ཡིན་ཏེ། ། མ་བཞུ་དྭངས་སོགས་རྒྱས་པར་མི་འགྱུར་ཕྱིར། ། ཟས་སྐོམ་སྤྱོད་ལམ་ཡང་ལ་དྲོ་བ་ཡིས། ། འབད་དེ་མེ་དྲོད་བསྲུང་བར་གནས་གྱུར་ན། ། ལུས་ཀྱི་སྟོབས་དང་ཚེ་ནི་གནས་པར་འགྱུར། ། ཞེས་པ་སྟེ། སྤྱིར་ཕོ་བའི་མེ་དྲོད་ཅེས་བྱ་བ་དེ་ནི། ཟས་སྐོམ་གང་ཟོས་ཤིང་བཏུང་བ་ཐམས་ཅད་ཁོང་དུ་འཇུ་བར་བྱེད་པའི་གཞིའམ་རྩ་བར་གྱུར་པ་དེ་ཉིད་ལ་བཏགས་པ་ཡིན་ཏེ། འཆད་འགྱུར་ལྟར། ཁ་ཟས་གང་ཟོས་པ་རྣམས། ཐོག་མར་བད་ཀན་མྱགས་བྱེད་ཀྱིས་མྱགས་པར་བྱེད། བར་དུ་མཁྲིས་པ་འཇུ་བྱེད་ཀྱིས་བཞུ། མཐར་རླུང་མེ་མཉམ་གྱིས་དྭངས་སྙིགས་འབྱེད་པར་འགྱུར་བས་དེ་གསུམ་ཀ་ཁ་ཟས་འཇུ་བར་བྱེད་པའི་མེ་དྲོད་ཡིན་མོད། སྐབས་འདིར་གཙོ་བོར་མཁྲིས་པ་འཇུ་བྱེད་དེ་ལ་མེ་དྲོད་ཅེས་བཤད་པ་ཡིན། དེ་ཉིད་འཕེལ་ཟད་འཁྲུགས་པས་ནད་དུ་གྱུར་མ་གྱུར་གྱི་ཁྱད་པར་ལས། འོག་ཏུ་འཆད་པར་འགྱུར་བའི་ཡོན་ཏན་དེ་དག་འབྱུང་དང་མི་འབྱུང་གི་ཁྱད་པར་འབྱུང་བའི་ཕྱིར། དེ་ཉིད་མེ་དྲོད་ཀྱི་གཙོ་བོར་བཤད་པ་ཡིན་ལ། ནད་ཉེས་པ་གསུམ་དང་། ལུས་ཟུངས་བདུན་དང་། དྲི་མ་གསུམ་བཅས་ཀུན་གྱི་རང་རང་གི་དྲོད་མཐའ་དག་ཀྱང་གཙོ་བོའི་མེ་དྲོད་དེའི་ཆ་ཤས་ཡིན་པས་དེ་རྣམས་ཀྱང་མཁྲིས་པ་འཇུ་བྱེད་ཀྱི་མེ་དྲོད་ཡིན་པར་ཤེས་པར་བྱའོ། ། དེ་ལྟར་བཤད་པའི་མེ་དྲོད་སྤྱི་དང་། བྱེ་བྲག་དེ་ཉིད་ནད་དུ་མ་གྱུར་པར་སྐྱོན་མེད་དུ་གནས་ཤིང་། སྟོབས་དང་ལྡན་པར་གྱུར་ན་དེ་ཡི་ཡོན་ཏན་གྱིས་མི་གང་ཞིག་ནད་མེད་པ་དང་། བྱ་བ་གང་ལའང་བརྩོན་པ་བསྐྱེད་ནུས་པ་དང་། གཟི་བརྗིད་དང་། མདངས་དང་། ཚེ་རྣམས་འཕེལ་བར་བྱེད་པ་དང་། ལུས་ཟུངས་ཀྱི་སྟོབས་དང་། མེ་དྲོད་གཞན་རྣམས་ཀྱི་སྟོབས་དག་ཀྱང་མི་ཉམས་པར་འཕེལ་བར་བྱེད་ནུས་པ་ཡིན་ནོ། ། ཁྱད་པར་དུ་མེ་དྲོད་དེའི་བྱེད་ལས་ནི་ཁ་ཟས་གང་ཟོས་པ་རྣམས་མྱགས་བཞུ་དྭངས་སྙིགས་ལེགས་པར་ཕྱེས་ནས་བཞུ་ཟིན་པའི་སྙིགས་མ་རྣམས་བཞུ་བའི་གནས་ཀྱི་སྒོར་འགྲོར་བཅུག་པ་དང་། མ་བཞུ་བའི་ཁ་ཟས་དྭངས་མ་དང་བཅས་པ་ཕྲ་མོ་ཙམ་ཡང་ལམ་དེར་འགྲོ་བ་བཀག་ནས་སྒོ་གཏན་བྱེད་པ་ཡིན་པས། འགྲོ་བར་འོས་པ་རྣམས་གཏོང་། འགྲོ་བར་མི་འོས་པ་རྣམས་ནན་གྱིས་འགོག་པར་བྱེད་པའི་ཕྱིར། ཁང་པ་ལ་སྒོ་འགྲིག་པོ་བཅུག་ནས་བསྡམ་གཅོད་བྱེད་པ་དང་འདྲ་བས་དེས་ན་འདི་ལ་སྒོ་གཏན་གྱི་མེ་དྲོད་ཅེས་ཀྱང་བྱའོ། ། འགྲེལ་པ་འགར། འཛིན་འབྲིའི་མེ་དྲོད་ཅེས་བཏགས་པ་ནི། འཛིན་པར་འོས་པའི་དྭངས་མ་རྣམས་འཛིན། འབྲི་བར་འོས་པའི་སྙིགས་མ་རྣམས་ཕྱིར་འཕྲི་བས་ན་འཛིན་འབྲིའི་མེ་དྲོད་ཅེས་གསུངས་པ་འདྲ། འཇུ་བྱེད་ཀྱི་མེ་དྲོད་དེ་ཉིད་སྟོབས་དང་ལྡན་པ་ཞིག་བྱུང་ན། ཁ་ཟས་གང་ཟོས་ལེགས་པར་བཞུ་ནས་དྭངས་མ་བརྟན་ལ་སྙིགས་མར་གྱུར་པ་རྣམས་ཐུར་ཏེ་ཐུར་སེལ་རླུང་གི་བྱེད་པ་དང་འགྲོགས་ནས་འོག་སྒོ་གཉིས་ནས་དུས་དུས་སུ་བདེ་བར་འགྲོ་བ་ཡིན་ལ། སྟེ་ནི་འོག་མ་འདྲེན་པའི་སྒྲའོ། ། གལ་ཏེ་འཇུ་བྱེད་ཀྱི་མེ་དྲོད་དེ་ཉིད་སྟོབས་ཞན་པར་གྱུར་ན། ཁ་ཟས་གང་ཟོས་པ་རྣམས་མེ་དྲོད་དེས་མྱགས་བཞུ་དྭངས་སྙིགས་ལེགས་པར་ཕྱེ་བར་མི་ནུས་པས། ཐོག་མར་ཟོས་པའི་རྫས་ངོ་བོ་མ་སྨིན་པ་དེ་ཉིད་གྱེན་ཐུར་གྱི་ལམ་གང་རུང་ནས་རང་ཆས་སུ་བཤལ་བའམ་སྐྱུགས་ནས་ཕྱིར་འབྱུང་བར་འགྱུར་བ་དང་ཡང་ན་འགྱིངས་ནས་སྦོ་འཚིང་སོགས་བྱེད་པ་ཡིན་ནོ། ། དེ་བས་ན་མེ་དྲོད་དེ་ནི། ཟས་གང་ཟོས་པ་མྱགས་བཞུ་དྭངས་སྙིགས་ལེགས་པར་ཕྱེས་ནས་ལེགས་པར་སྨིན་པ་དེ་ཉིད་དྭངས་སྙིགས་སོ་སོའི་རང་ལམ་དུ་བདེ་བར་འགྲོ་རུ་འཇུག་པའི་ལས་བྱེད་པ་པོ་ཡིན་པར་བརྟེན། འཇུ་བྱེད་དེ་ནི་ལུས་ཟུངས་དང་། མདངས་དང་། ལུས་ཀྱི་སྟོབས་རྒྱས་ཤིང་འཕེལ་བར་བྱེད་པའི་རྒྱུའི་གཙོ་བོ་ཡིན་ཏེ། མེ་དྲོད་ཞན་པས་མ་བཞུ་བ་དང་། དྭངས་སྙིགས་ལེགས་པར་མ་ཕྱེས་པས་ན་སྙིགས་མ་དྭངས་མའི་གནས་སུ་ཤོར་བ་དང་། དྭངས་མ་སྙིགས་མའི་ནང་འདྲེན་པ་ལས་རིམ་གྱིས་ནད་དུ་འགྱུར་བས་དྭངས་མ་སོགས་ལུས་ཟུངས་དང་མདངས་སྟོབས་རྣམས་རྒྱས་པར་མི་འགྱུར་བའི་ཕྱིར་རོ། ། གཞུང་རྩ་བར། མ་ཞུ་དྭངས་སྙིགས་རྒྱས་པར་མི་འགྱུར་ཕྱིར་ཞེས་འདུས་ཀྱང་། གཞུང་སྤྱིའི་དགོངས་དོན་དངོས་དང་། སྙིང་པོ་བསྡུས་པར་མ་བཞུ་དྭངས་སོགས་ཞེས་འབྲི་དགོས་པར་སྣང་བས། འདིར་གཞུང་ཚིག་ཅུང་ཟད་བཅོས་ནས་འགྲེལ་བ་ཡིན་ནོ། ། དེས་ན་བདེ་བར་གནས་པར་འདོད་པའི་མི་གང་ཞིག་ལྕི་བསིལ་ལ་སོགས་པའི་མེ་དྲོད་གསོད་པར་བྱེད་པའི་ཟས་སྤྱོད་རྣམས་དུས་རྟག་ཏུ་སྤོང་ཞིང་ཟས་སྐོམ་སྤྱོད་ལམ་དང་བཅས་པ་ཡང་ལ་དྲོ་བའི་རིགས་རྒྱུན་བསྲིངས་པ་ཡི་སྒོ་ནས་འབད་དེ་བརྟེན་ནས་ཕོ་བའི་མེ་དྲོད་བསྲུང་བར་བྱ་བའི་ཚུལ་ལ་གནས་པར་གྱིས་ཤིག་དང་། དེ་ལྟར་སྤྱོད་པར་འགྱུར་ན་དེའི་འབྲས་བུ་ནི་མི་དེའི་ལུས་ཀྱི་སྟོབས་དང་མདངས་སོགས་འཕེལ་ཞིང་། ཚེ་ནི་ཡུན་རིང་དུ་གནས་པར་འགྱུར་བ་ཡིན་པས་རྟག་ཏུ་མེ་དྲོད་སྲུང་བའི་ཐབས་ལ་འབད་པ་ནི་ཤིན་ཏུ་གལ་ཆེ་བ་ཡིན་ནོ། །</br>(4)འཇུ་ཚུལ་བསྟན་པ་ལ་གཉིས་ཏེ། </br>[1]སྤྱིའི་འཇུ་ཚུལ་བསྟན་པ་ནི། མེ་དྲོད་དེ་ཡིས་ཁ་ཟས་འཇུ་ཚུལ་ནི། ། ཟས་སྐོམ་སྲོག་གི་རླུང་གིས་ལྟོ་བར་བཅུག་། སྐོམ་གྱིས་བཤིག་ཅིང་སྣུམ་གྱིས་མཉེན་པར་བྱེད། ། མེ་མཉམ་རླུང་གིས་མཁྲིས་པ་འཇུ་བྱེད་བུས། ། ཕོ་བའི་གནས་སུ་སྨན་ལྟར་སྐོལ་བར་བྱེད། ། ཅེས་པ་སྟེ། ཇི་སྐད་བཤད་པའི་མེ་དྲོད་དེ་ཡིས་ཁ་ཟས་ཟོས་པ་རྣམས་ཇི་ལྟར་འཇུ་བའི་ཚུལ་བསྟན་པ་ནི་འདི་ལྟ་སྟེ། མི་གང་ཞིག་གིས་ཐོག་མར་ཟས་སྐོམ་གང་ཟོས་པ་དེ་ཉིད་མགྲིན་པར་གནས་པའི་སྲོག་གི་རླུང་གི་བྱེད་པས་མིད་པ་བརྒྱུད་ལྟོ་བར་བཅུག་པ་དང་། ཟས་ཀྱི་ཐོག་མཐའ་བར་གང་དུ་བཏུང་བའི་སྐོམ་གྱིས་ཟས་དེ་བཤིག་ཅིང་། ལྷན་ཅིག་ཏུ་ཟོས་ཤིང་བཏུང་བའི་སྣུམ་གྱིས་ཁ་ཟས་ཟོས་པ་དེ་མཉེན་པར་བྱེད་པ་དང་། བཞུ་བའི་གནས་ན་གནས་པའི་མེ་དང་མཉམ་པའི་རླུང་གིས་བཞུ་མ་བཞུ་བར་ན་གནས་པའི་མཁྲིས་པ་འཇུ་བྱེད་ཀྱི་མེ་དེ་བུས་པས་ཚ་བའི་ནུས་པ་ཆེར་འབར་ནས་བད་ཀན་མྱགས་བྱེད་དང་བཅས་ཏེ་གང་ཟོས་པའི་ཟས་སྐོམ་དེ་དག་ཕོ་བའི་གནས་སུ་བཞུས་པས་འཇུ་ནུས་པ་སྟེ། དཔེར་ན་སྨན་པས་སྨན་མར་ལ་སོགས་བསྐོལ་བ་ལྟར་སྐོལ་བར་བྱེད་པ་ཡིན་ནོ། ། ཞེས་སྤྱིར་བསྟན་པའོ། །</br>[2]ཁྱད་པར་གྱི་འཇུ་ཚུལ་བསྟན་པ་ནི། དང་པོར་རོ་དྲུག་ཟས་སྐོམ་གང་ཟོས་པ། ། བད་ཀན་མྱག་བྱེད་དག་གིས་མྱགས་པར་བྱེད། ། རོ་མངར་ལྦུ་བ་ཅན་གྱུར་བད་ཀན་སྐྱེད། ། བར་དུ་མཁྲིས་པ་འཇུ་བྱེད་ཀྱིས་བཞུས་པས། ། རྣམ་པར་ཚ་བས་རོ་སྒྱུར་མཁྲིས་པ་སྐྱེད། ། ཐ་མར་མེ་མཉམ་རླུང་གིས་དྭངས་སྙིགས་ཕྱེ། ༐ ཚ་བར་འགྱུར་ཏེ་དེ་ཡིས་རླུང་སྐྱེད་འགྱུར། ། ཞེས་སོ། ། དེ་ཡང་། དང་པོ་རོ་དྲུག་གི་ཟས་སྐོམ་གང་དང་གང་ཟོས་པའི་རྫས་ངོ་བོ་དེ་ཉིད། ཐོག་མའི་སྐབས་སུ་བད་ཀན་མྱག་བྱེད་དག་གིས་མྱགས་པར་བྱས་ནས་ལྷན་ཅིག་ཏུ་འདྲེས་ཏེ་འདུར་འདུར་པོར་བྱེད་པ་དང་། གནས་སྐབས་དེར་ཐོག་མའི་རྒྱུ་རྫས་ཀྱི་དངོས་པོ་དེ་རོ་གང་ཡིན་ལ་མ་ལྟོས་པར་ཐོག་མར་མྱག་བྱེད་དེ་བད་ཀན་ས་ཆུའི་རང་བཞིན་ཡིན་པས་རྒྱུ་དང་མཐུན་པར་རོ་མངར་ཤས་ཆེ་བ་ཞིག་ཏུ་འགྱུར་བ་དང་ངོ་བོ་ཝུ་བ་ཅན་ཞིག་ཏུ་གྱུར་ཡོད་པ་དང་། དེ་ལྟར་གྱུར་ན་བད་ཀན་མྱག་བྱེད་རང་གི་ཐེངས་དེའི་ངོ་སྐལ་གྱི་བྱ་བ་དེ་སྒྲུབ་ཐུབ་པའི་སྟབས་ཀྱིས་བད་ཀན་མྱག་བྱེད་དེས་ཟས་སྐོམ་མྱགས་བཞིན་པའི་དུས་སྐབས་ལས་ངལ་གསོས་ཏེ་རང་ཉིད་ཀྱི་སྔར་གྱི་སྟོབས་ཤུགས་ཇི་ལྟར་ཡོད་པ་དེ་བཞིན་རང་སོར་སྐྱེད་དེ་འཕེལ་ཞིང་རྒྱུན་གཏན་བཞིན་ལེགས་པར་གནས་པར་བྱེད་པ་དང་། དེ་བཞིན་དུ་བད་ཀན་སྐྱེད། ཅེས་པའི་ཚིག་འདིར། མྱག་བྱེད་དེའི་སྟོབས་ཅུང་ཟད་སྐྱེད། ཅེས་པ་དང་། བད་ཀན་གྱི་ནད་བསླངས་ཤིང་དེའི་མཚན་ཉིད་ཅན་དུ་འགྱུར། ཞེས་སོགས་བཤད་ཚུལ་མི་འདྲ་བ་འགའ་མཆིས་རུང་། གཞུང་རྩ་བའི་དགོངས་པ་དང་མཐུན་དཀའ་བའི་ཕྱིར། རང་གི་བློ་ངོར་གོང་ལྟར་བཤད་ན་འཆར་བདེ་བས་དེ་ལྟར་བྲིས་པ་ཡིན་པས་གཟུར་གནས་བློ་ལྡན་དག་གིས་དཔྱད་པར་བྱའོ། ། བར་དུ་སྟེ་བར་གྱི་གནས་སྐབས་སུ་མཁྲིས་པ་འཇུ་བྱེད་ཅེས་པའི་མེ་དྲོད་ཀྱིས་ཟས་སྐོམ་ཟོས་པ་མྱག་བྱེད་ཀྱིས་མྱགས་ཟིན་པའི་རྫས་དེ་རྒྱུ་མར་སོང་ནས་མཁྲིས་པ་འཇུ་བྱེད་ཀྱིས་ལེགས་པར་བཞུས་པས། འཇུ་བྱེད་ཀྱི་མེ་དེ་རྣམ་པར་ཚ་བའི་རྒྱུ་མཚན་དང་། གོང་གི་མྱག་བྱེད་ཀྱི་སའི་ལྷག་མ་དང་བར་འདིའི་མེ་གཉིས་ལྷན་ཅིག་ཚོགས་པའི་རྒྱུས། གོང་གི་མངར་ཤས་ཆེ་བའི་རོ་དེ་འགྱུར་ནས་སྐྱུར་པོ་ཤས་ཆེ་བ་ཞིག་ཏུ་གྱུར་ཡོད་པ་དང་། འཇུ་བྱེད་རང་གི་ངོ་སྐལ་དུ་གྱུར་པའི་ལས་དེ་སྒྲུབ་ཐུབ་པར་བརྟེན། གོང་དུ་ཤུགས་ཀྱིས་བཞུ་བའི་དུས་ལས་ཅུང་ཟད་ངལ་གསོས་པ་ལྟ་བུ་མཁྲིས་པ་འཇུ་བྱེད་རང་གི་སྟོབས་ཀྱང་སྔར་བཞིན་རང་སོར་སྐྱེད་ཅིང་ལེགས་པར་གནས་པར་འགྱུར་རོ། ། ཐ་མའི་གནས་སྐབས་སུ། མཁྲིས་པ་འཇུ་བྱེད་ཀྱིས་བཞུས་པའི་ཁུ་བ་དེ་མེ་མཉམ་རླུང་གིས་དྭངས་སྙིགས་ལེགས་པར་ཕྱེས་ནས། གོང་གི་མཁྲིས་པའི་མེའི་ལྷག་མ་དང་། འདིའི་རླུང་གཉིས་ལྷན་ཅིག་ཏུ་འཚོགས་པའི་རྒྱུས། གོང་གི་སྐྱུར་ཤས་ཆེ་བའི་རོ་དེ་འགྱུར་ནས་འདིར་ཚ་བ་ཤས་ཆེ་བ་ཞིག་ཏུ་འགྱུར་བ་དང་། མེ་མཉམ་རང་གི་ངོ་སྐལ་དུ་གྱུར་པའི་ལས་དེ་སྒྲུབ་ཐུབ་པར་བརྟེན་དྭངས་སྙིགས་འབྱེད་བཞིན་པའི་གནས་སྐབས་ལས་ཅུང་ཟད་ངལ་གསོས་ཏེ་དྭངས་སྙིགས་འབྱེད་པའི་བྱེད་ལས་དེ་སྒྲུབ་ཐུབ་པའི་རྐྱེན་དེ་ཡིས་མེ་དང་མཉམ་པའི་རླུང་རང་གི་སྟོབས་ཤུགས་ཀྱང་སྔར་བཞིན་རང་སོར་སྐྱེད་ཅིང་། གནས་པར་འགྱུར་བ་ཡིན་ནོ། ། འདིར་འགྲེལ་པ་འགར། འདི་ནི་འབྲས་བུའི་གནས་སྐབས་ལ་དགོངས་པ་ཡིན་ཏེ། རྒྱུའི་དབང་དུ་བྱས་ན་འདིར་མེ་རླུང་ཤས་ཆེ་བས་རོ་ཚ་བར་འགྱུར་རིགས་ཀྱང་། ཚ་བས་རླུང་མི་སྐྱེད་ལ། ཁ་བས་རླུང་སྐྱེད་པའི་དབང་དུ་བྱས་པ་ཡིན་ཞེས་གསུངས་ཡོད། འདི་ཐད་《འགྲེལ་པ་འབུམ་ཆུང་》ལས་ཀྱང་། ཁ་བར་དོགས་སློང་དང་དགག་བཞག་མང་དུ་མཛད་པའང་འདུག ། དོན་ཏུ་ཚ་བར་འགྱུར་ཏེ་དེ་ཡིས་རླུང་སྐྱེད་འགྱུར། ཞེས་བཀླགས་ན་འབྲེལ་ཆེ་སྟེ། རྒྱུ་མེ་རླུང་ཤས་ཆེ་བས་སྐྱེད་པའི་འབྲས་བུའི་རོ་ཚ་བར་འགྱུར་བ་ནི་དངོས་པོའི་ཆོས་ཉིད་ཡིན་པའི་ཕྱིར་ན། དེ་ལ་དགོས་པ་དགོངས་གཞི་ཇི་འདྲ་ཞིག་བཤད་ནའང་དངོས་པོའི་རང་གཤིས་བསྒྱུར་ཐུབ་ཐབས་མེད་ལ་གོ་རྒྱུ་ཆུང་བ་དང་། ཚ་བས་རླུང་མི་སྐྱེད་ལ་ཁ་བས་རླུང་སྐྱེད་ཅེས་པ་དེའང་རྣམ་པར་གྱུར་པའི་ཉེས་པ་འབའ་ཞིག་སྐྱེད་རྒྱུའི་གཞིར་བཞག་ནས་གོ་བ་བླངས་འདུག་པ་གཞུང་དོན་དང་མི་འབྲེལ་ཏེ། དེ་ལྟར་ན་ཟས་ཟོས་ཚད་མེ་དྲོད་གསུམ་གྱིས་མྱགས་བཞུ་དྭངས་སྙིགས་མ་ཕྱེས་པ་མེད་པས་བྱེད་ལས་དེ་དག་ཚང་མ་ནད་སྐྱེད་པའི་རྒྱུ་འབའ་ཞིག་ཏུ་འགྱུར་བའི་སྐྱོན་མཆིས་སོ། ། དེའི་ཕྱིར་དཀྱུས་སུ་བསྟན་པ་ལྟར་ཚ་བར་འགྱུར་ཏེ་དེ་ཡིས་རླུང་སྐྱེད་འགྱུར་ཞེས་བཤད་ན་གཞུང་དོན་དངོས་ཡིན་པར་སེམས་སོ། །</br>(5)ཞུ་བའི་ཡོན་ཏན་བཤད་པ་ནི། འབྱུང་བ་ལྔ་ལྡན་ཟས་ཀྱི་ཡོན་ཏན་གྱིས། ། ལུས་ཀྱི་འབྱུང་བ་ལྔ་པོ་རྒྱས་པར་བྱེད། ། ཅེས་པ་སྟེ། དེ་ལྟར་བཤད་པའི་འབྱུང་བ་ལྔ་དང་ལྡན་པའི་ཕྱིའི་ཟས་སྐོམ་རྣམས་ཟོས་ཤིང་བཏུང་བ་མེ་དྲོད་གསུམ་གྱིས་མྱགས་བཞུ་དྭངས་སྙིགས་ལེགས་པར་ཕྱེས་པའི་ཁ་ཟས་ཀྱི་ཡོན་ཏན་གྱིས་ནི། ནང་ལུས་ཀྱི་འབྱུང་བ་ལྔ་པོ་འཕེལ་ཞིང་རྒྱས་པར་བྱེད་པ་ཡིན་ཏེ་(དེ་གཉིས་སྐབས་འདིར་བསྐྱེད་བྱ་སྐྱེད་བྱེད་ཀྱི་རྒྱུ་འབྲས་ཡིན་པའི་ཕྱིར།) དེའང་། ཟས་རྣམས་ཀྱི་འབྱུང་བའི་ཡོན་ཏན་ནི། བཤད་རྒྱུད་འགྲེལ་པ་《འབུམ་ནག་》དང་《འབུམ་ཆུང་》ཕག་སྟོན་ཤཱཀྱ་མགོན་པོ། སྤྱི་པ་དཔལ་མགོན་རྡོ་རྗེའི་འགྲེལ་པ་རྣམས་མཐུན་པར། ས་ཤས་ཆེ་བ་དང་པོ་སའི་ནུས་པར་ལྡན་པའི་ཟས་ཀྱིས་ཤ་རུས་རྒྱས་པར་བྱེད། དེ་བཞིན་དུ་ཆུ་ཡིས་ཁྲག མེ་ཡིས་དྲོད། རླུང་གིས་དབུགས། ནམ་མཁས་བུ་ག་རྒྱས་པར་བྱེད་པའོ། ། ཞེས་བཤད་པ་ལ་བྱང་པ་རིགས་ལྡན་ཆེན་པོས་དེ་དག་ལ་རྒྱ་ཆུང་བའི་སྐྱོན་ཡོད་ཅེས་བཀག་ནས་(རང་གིས་བདུད་རྩིའི་ཆུ་རྒྱུན་)ལས། གཞུང་གི་དོན་ས་ལ་སོགས་པ་འབྱུང་བ་ལྔའི་ནང་ནས་འབྱུང་བ་སྟོབས་ཆེ་བ་དང་གང་དག་ལྡན་པའི་ཟས་ཀྱི་ཡོན་ཏན་གྱིས་ལུས་ཀྱི་འབྱུང་བ་ལྔ་པོ་རྒྱས་པར་བྱེད་པ་ཡིན་ཏེ། དེའང་ཟས་ཀྱི་ཡོན་ཏན་སའི་ཁམས་ཤས་ཆེ་བ་རྣམས་ཀྱིས་ལུས་ཀྱི་སྲ་བའི་ཆ་རྣམས་དང་། ཆུའི་ཁམས་ཤས་ཆེ་བ་རྣམས་ཀྱིས་ལུས་ཀྱི་རླན་ཞིང་གཤེར་བའི་ཆ་རྣམས་དང་། མེའི་ཁམས་ཤས་ཆེ་བ་རྣམས་ཀྱི་དྲོ་ཚ་བའི་རྣམས་དང་རླུང་གི་ཁམས་ཤས་ཆེ་བ་རྣམས་ཀྱིས་ལུས་ཀྱི་ཡང་ཞིང་གཡོ་བར་བྱེད་པའི་ཆ་རྣམས་རྒྱས་པར་བྱེད་ཅིང་། ནམ་མཁས་ནི་བུ་ག་འགག་པ་རྣམས་སེལ་ཞིང་རྒྱས་པར་བྱེད་དེ། ལུས་གནས་ལེའུ་གསུམ་པའི་འགྲེལ་པ་《ཟླ་ཟེར་》ལས། ས་དང་ཆུ་དང་མེ་དང་རླུང་། ། ནམ་མཁའ་བཅས་པའི་དྲོད་ལྔ་པོ། ། རང་རང་ཡོན་ཏན་ཟས་ལྔ་པོ། ། ལ་སོགས་ཀྱིས་སྨིན་དེ་འོག་ཏུ། ། དེ་དག་རང་རང་ཇི་བཞིན་རྒྱས། ། སྨིན་འབྱུང་ཡོན་ཏན་ཐ་དད་ཡིན། ། ས་རུ་གཏོགས་པས་ས་ཉིད་དང་། ། ལྷག་མས་ལུས་གཏོགས་ལྷག་མ་རྒྱས། ། ཟས་དེ་ཞུ་བའི་ཚིགས་མ་དང་། ། དྭངས་མ་ཞེས་བྱ་གཉིས་སུ་འགྱུར། ། ཞེས་གསུངས་པ་ལྟར་རོ། །</br>(6)འགྱུར་ཚུལ་བསྟན་པ་ནི། འགྱུར་ཚུལ་ཞུ་རྗེས་དྭངས་སྙིགས་བྱེ་བ་ལས། ། སྙིགས་མ་རྒྱུ་མར་སྐ་སླ་གཉིས་སུ་བྱེད། ། སྐ་བ་བཤང་འགྱུར་སླ་བ་གཅིན་དུ་འགྱུར། ། དྭངས་མ་ལུས་ཟུངས་རང་རང་མེ་དྲོད་ཀྱིས། ། སྨིན་པར་འགྱུར་ཏེ་དྭངས་མ་ཕོ་བ་ནས། ། དྭངས་མ་ལེན་པའི་རྩ་དགུར་མཆིན་ལམ་བརྒྱུད། མཆིན་པའི་གནས་སུ་ཁྲག་འགྱུར་ཁྲག་ལས་ཤ ། ཤ་ལས་ཚིལ་འགྱུར་ཚིལ་ལས་རུས་པར་འགྱུར། ། རུས་ལས་རྐང་འགྱུར་རྐང་ལས་ཁུ་བར་འགྱུར། དེ་རྣམས་སྙིགས་མ་ཕོ་བའི་བད་ཀན་དང་། ། སྣོད་མཁྲིས་བུ་གའི་དྲི་མ་ཞག་དང་ནི། ། སོ་སེན་བ་སྤུ་བཤང་སྣུམ་མངལ་འཛིན་ཡིན། ། ལུས་ཟུངས་ཁུ་བའི་མཐར་ཕྱིན་མདངས་མཆོག་སྟེ། ། སྙིང་ལ་གནས་ཀྱང་ལུས་ཀུན་ཁྱབ་པ་དང་། ། ཚེ་གནས་གཟི་མདངས་བཀྲག་དང་ལྡན་པར་བྱེད། ། ཅེས་པ་སྟེ། སྐྱེས་བུ་རྣམས་ཀྱིས་ཟས་སྐོམ་ཟོས་ཤིང་འཐུང་པ་དག་དྭངས་སྙིགས་ལེགས་པར་ཕྱེ་ནས་དྭངས་མ་རྣམས་རིམ་བཞིན་ལུས་ཟུངས་སུ་འགྱུར་བ་དང་། སྙིགས་མ་རྣམས་རང་རང་གི་རྒྱུ་བའི་ལམ་ནས་ལུས་ཀྱི་ཕྱིར་དོར་བར་བྱེད་པའི་ཚུལ་བཤད་པ་ནི། ཟས་སྐོམ་གང་ཟོས་པ་མཐའ་དག་བད་ཀན་མྱག་བྱེད་ཀྱིས་མྱགས། མཁྲིས་པ་འཇུ་བྱེད་ཀྱིས་བཞུས། བཞུ་བའི་རྗེས་སུ་མེ་མཉམ་རླུང་གིས་དྭངས་སྙིགས་གཉིས་སུ་ཕྱེས་པ་ལས་སྙིགས་མ་རྣམས་ཀྱང་རྒྱུ་མའི་སྨད་ནས་རིམ་བཞིན་སྐ་སླ་གཉིས་སུ་བྱེ་ནས། སྐ་བ་རྣམས་ལོང་དུ་སོང་སྟེ་བཤང་བར་འགྱུར་བ་དང་། རིམ་བཞིན་འཕོངས་སྒོ་ནས་ཕྱིར་འབྱིན་པར་བྱེད་པ་དང་། སླ་བ་རྣམས་རྒྱུ་གྲོགས་སམ་རྒྱུ་མའི་ལྡེབས་ཀྱི་རྩ་ལམ་མང་པོ་བརྒྱུད་ནས་མཐར་མཁལ་མར་སོང་ནས་གཅིན་དུ་འགྱུར་བ་དང་། རིམ་བཞིན་ལྷང་པར་གསོག་ཅིང་གཅིན་ལམ་བརྒྱུད་ལུས་ཀྱི་ཕྱིར་འབྱིན་པར་བྱེད་པའོ། ། འདིར་སླ་བ་རྣམས་མཁལ་མར་སོང་ནས་གཅིན་དུ་འགྱུར་བ་དངོས་སུ་བསྟན་མེད་ཀྱང་མཁལ་མ་ནི་དྲི་ཆུའི་རྟེན་དང་དྲི་ཆུར་འགྱུར་བ་པོ་དངོས་ཡིན་པ་རྟོགས་ནུས་ཏེ། མན་ངག་རྒྱུད་ལས། མཁལ་མ་ཆུ་ཤོར་མཁལ་རྩ་འགྲམས་པའམ། ། མཆིན་ཁྲག་བཅས་པས་ཟགས་ཆུ་ཁྲག་ཏུ་འབྱུང་། ། ཞེས་དང་། མཁལ་མ་བསམ་བསེའི་རྩ་འགྲམས་ཁྲག་འཁྲུགས་པས། ཆུ་དམར་ཁྲག་རོ་བཅས་འབྱུང་རྒྱུ་ཞབས་ན། ། མཁལ་རྒྱས་ཆུ་སྲི་རྐང་བཤལ་མཁལ་རྐེད་གཟེར། ཆུ་དམར་ཚ་རླངས་མགོ་འཐོམ་རྣ་བ་འོན། ། ཞེས་པ་དང་། མཁལ་མར་གབ་ན་ཟགས་ཆུ་ཁྲག་ཏུ་འབྱུང་། ། ཞེས་པ་སོགས་མཁལ་མར་འགྲམ་འཁྲུགས་ཚ་བ་སོགས་ཀྱི་ནད་འགྱུར་བྱུང་ཚེ་དྲི་ཆུ་ཁྲག་ཏུ་འབྱུང་བ་སོགས་མཁལ་མ་ཆུ་ཡི་རྟེན་ཡིན་པ་དང་། མཁལ་མ་ལས་བྱུང་བའི་ཆུ་སྣང་པར་བསགས་ནས་མཐར་གཅིན་ལམ་ནས་ཕྱིར་འབྱིན་པར་བྱེད་པ་རྟོགས་སླ་བ་ཡིན། སྨན་དཔྱད་སོ་མ་རཱ་ཛ་ལས་ཀྱང་། མཁལ་མ་ལྷང་ཕུག་ཆུ་བབ་པས། ། ཆུ་ཡི་རྟེན་དང་སྣོད་ཡིན་ནོ། ། ཞེས་མཁལ་མ་ཆུ་ཡི་རྟེན་དང་། ལྒང་པ་ཆུ་ཡི་སྣོད་ཡིན་པ་དངོས་སུ་བསྟན་ཡོད། དེ་བཞིན་རྒྱུད་འགྲེལ་ཀླག་པས་ཀུན་ཤེས་ལས། སྙིགས་མ་དེ་ལ་གར་སླ་གཉིས་སུ་ཕྱེ་བའི་སླ་བ་དྲི་ཆུ་སྟེ་ཆུ་ཁམས་ཀྱི་སྙིགས་མ་དང་། མཁལ་མའི་ཆུ་སྙིགས་བསགས་པའི་ཕྱིར་ལྒང་པ་དང་མཁལ་མ་འབྲེལ་ཞེས་གསུངས་པ་ལྟར་རོ། །</br>(7)འབྲས་བུ་རྫོགས་པའི་དུས་བསྟན་པ་ནི། དེ་དག་འབྲས་བུ་རྫོགས་དུས་ཟས་ཟོས་པའི། ། དྭངས་མ་ཁུ་བར་འགྱུར་དུས་ཞག་དྲུག་སྟེ། ། རོ་ཙ་ལ་སོགས་འཕྲལ་དུ་ཁུ་བ་སྐྱེད། ། སྨན་རྣམས་ཕལ་ཆེར་ཞག་གཅིག་ལས་བྱེད་འགྱུར། ཞེས་པ་སྟེ། དེ་དག་ཅེས་གོང་དུ་ཟས་སྐོམ་གྱི་དྭངས་མ་ནས་ཁམས་དཀར་དམར་གྱི་ཁུ་བ་བར་རིམ་བཞིན་རང་རང་གི་འབྲས་བུ་རྫོགས་པའམ་འབྲས་བུ་སྨིན་པའི་དུས་བསྟན་པ་ནི། འདི་ལྟར་ཏེ། སྤྱིར་ཟས་སྐོམ་ཟོས་པའི་དྭངས་མའམ་བཅུད་དེ་ཉིད་ལུས་ཟུངས་སུ་འགྱུར་ཞིང་འབྲས་བུ་རྫོགས་པའི་དུས་ནི། ལུས་ཟུངས་བདུན་གྱི་ཐ་མ་ཁུ་བར་ཟས་ཟོས་ནས་ཞག་མ་དྲུག་ནས་འགྱུར་བ་ཡིན་ཏེ། འོན་ཀྱང་དམིགས་བསལ་དུ་རོ་ཙ་བར་བྱེད་པ་ལ་སོགས་ནུས་པ་རྣོ་མྱུར་དང་ལྡན་པའི་ཟས་སྨན་གྱི་རིགས་དག་ནི་འཕྲལ་མ་ཉིད་དུ་འབྲས་བུ་རྫོགས་པའམ་སྨིན་པར་འགྱུར་ཏེ། ཁུ་བ་སྐྱེད་པར་བྱེད་པའང་ཡོད། དེ་མིན་སྤྱིར་བཏང་གི་སྨན་ཕལ་ཆེ་བའི་ནུས་པ་ཐོན་ནས་རང་རང་གི་ཕན་པའི་ལས་བྱེད་པའམ་འབྲས་བུ་རྫོགས་པའི་དུས་ནི། ཕལ་ཆེར་ཞག་གཅིག་ནས་ནུས་པ་ཐོན་པའི་ལས་བྱེད་པར་འགྱུར་བ་ཡིན། འདིར་ཕལ་ཆེར་ཞེས་སྨོས་ནས་དམིགས་བསལ་གྱི་རིགས་ལ་ལས་ནི་ཞག་གཅིག་གི་སྔོན་ལ་ལས་བྱེད་པ་དང་། ལ་ལས་ནི་ཞག་གཅིག་ལས་མང་བའི་བར་ཡང་ལས་མི་བྱེད་པ་སོགས་མང་དུ་ཡོད་པའང་ཤེས་དགོས་སོ། །</br>2.གནོད་བྱེད་ཉེས་པའི་མཚན་ཉིད་བཤད་པ་ལ་ནང་གསེས་དབྱེ་བ་བརྒྱད་ཡོད་དེ།</br>(1)ཉེས་པའི་དབྱེ་བ་ལ་གཉིས་ཏེ།</br>[1]སྤྱིའི་དབྱེ་བ་ནི། དབྱེ་བ་རླུང་དང་མཁྲིས་པ་བད་ཀན་གསུམ། ། རྒྱུ་དང་ངོ་བོ་དཔེ་དང་འབྲས་བུ་དང་། ། གཉེན་པོའི་སྒོ་ནས་གྲངས་དང་གོ་རིམ་གྲུབ། ། རྣམ་པར་མ་གྱུར་ལས་གནས་གྱུར་པས་འཇོམས། ། ཞེས་པ་སྟེ། གནོད་བྱེད་ཉེས་པ་ལ་རྩ་བའི་དབྱེ་བ་རླུང་དང་མཁྲིས་པ་བད་ཀན་བཅས་རྣམ་པ་གསུམ་ཡོད་ལ། དེ་གསུམ་ཡང་རྒྱུ་འདོད་ཆགས་ཞེ་སྡང་གཏི་མུག་གསུམ། ངོ་བོ་ཚ་གྲང་བར་མ་གསུམ། དཔེ་མཐོ་དམན་བར་མ་གསུམ། འབྲས་བུ་རླུང་མཁྲིས་བད་ཀན་གསུམ། གཉེན་པོ་བསིལ་དྲོད་བཅུད་གསུམ་བཅས་སུ་ངེས་པས་ནི་དེ་དག་གི་སྒོ་ནས་ཉེས་པའི་གྲངས་ཀྱང་གསུམ་དང་། ཞར་ལ་གོ་རིམ་ཡང་རླུང་མཁྲིས་བད་ཀན་ཞེས་སུ་གྲུབ་པ་ཡིན། ཉེས་པ་དེ་གསུམ་རྣམ་པར་མ་གྱུར་པ་ཐ་མལ་དུ་གནས་ན་ལུས་གནས་པའི་གཞི་རྩ་ཡིན་ལ། འཕེལ་ཟད་འཁྲུགས་པས་རྣམ་པར་གྱུར་པས་ནི་ལུས་འཇོམས་པར་བྱེད་པའི་གནོད་བྱེད་དུ་འགྱུར་བ་ཡིན་ནོ། །</br>[2]བྱེ་བྲག་གི་དབྱེ་བ་ནི། རླུང་ལ་དབྱེ་ན་སྲོག་འཛིན་གྱེན་རྒྱུ་དང་། ། ཁྱབ་བྱེད་མེ་མཉམ་ཐུར་སེལ་རྣམ་པ་ལྔ། ། མཁྲིས་པའི་དབྱེ་བ་འཇུ་བྱེད་མདངས་སྒྱུར་དང་། ། སྒྲུབ་བྱེད་མཐོང་བྱེད་མདོག་གསལ་རྣམ་པ་ལྔ། ། བད་ཀན་དབྱེ་བ་རྟེན་བྱེད་མྱག་བྱེད་དང་། ། མྱོང་བྱེད་ཚིམ་བྱེད་འབྱོར་བྱེད་རྣམ་པ་ལྔ། ། ཞེས་པ་སྟེ། ཉེས་གསུམ་སོ་སོའི་ནང་གསེས་ལའང་རླུང་ལ་དབྱེ་བ་ཕྱེ་ན་རླུང་སྲོག་འཛིན་དང་། གྱེན་རྒྱུ། ཁྱབ་བྱེད། མེ་མཉམ། ཐུར་སེལ་བཅས་རྣམ་པ་ལྔ་ཡོད་པ་དང་། མཁྲིས་པའི་དབྱེ་བ་ལའང་འཇུ་བྱེད་དང་། མདངས་སྒྱུར། སྒྲུབ་བྱེད། མཐོང་བྱེད། མདོག་གསལ་བཅས་རྣམ་པ་ལྔ། དེ་བཞིན་བད་ཀན་གྱི་དབྱེ་བ་ལའང་རྟེན་བྱེད་དང་། མྱག་བྱེད། མྱོང་བྱེད། ཚིམ་བྱེད། འབྱོར་བྱེད་བཅས་རྣམ་པ་ལྔ་སྟེ་ཁྱོན་ནང་གསེས་ལ་དབྱེ་བ་རྣམ་གྲངས་བཅོ་ལྔ་ཡོད་དོ། །</br>(2)ཉེས་པ་དེ་ཉིད་མངལ་དུ་འཇུག་པའི་ཚུལ་ནི། དེ་ཉིད་མངལ་དུ་གྲུབ་པའི་ཚུལ་བསྟན་པ། ། སྐྱེ་བའི་དང་པོ་ཁུ་བ་ཁྲག་ལ་གནས། ། དཔེར་ན་དུག་ཅན་སྲིན་བུའི་དུག་བསྐྱེད་མཚུངས། ། ཞེས་པ་སྟེ། རླུང་མཁྲིས་བད་ཀན་གྱི་ཉེས་པ་དེ་ཉིད་སྐྱེ་བོའི་ལུས་ལ་རང་ཆས་སུ་ཡོད་པས་ཐོག་མར་ལུས་མངལ་དུ་ཆགས་པའི་ཚེ་ཇི་ལྟར་བྱས་ཏེ་གྲུབ་པའི་ཚུལ་བསྟན་པ་ནི། ལུས་ཅན་རྣམས་མ་ཡི་མངལ་དུ་ཁུ་ཁྲག་སེམས་གསུམ་མཉམ་དུ་ཚོགས་ནས་སྐྱེ་བའམ་ལུས་ཆགས་པའི་དང་པོ་ཐོག་མ་ཉིད་ནས་ཉེས་པ་གསུམ་པོ་རང་ཆས་སུ་ཡོད་པ་ཡིན་ཏེ་ལུས་ཀྱི་རྒྱུར་གྱུར་པའི་ས་བོན་ཁུ་བ་དང་ཁྲག་གཉིས་ལ་ཉེས་པའི་རང་བཞིན་རང་ཆས་སུ་གནས་པའི་ཕྱིར། དེ་ནི་དཔེར་ན་དུག་ཅན་གྱི་སྲིན་བུའི་ལུས་ལ་ཡོད་པའི་དུག་དེ། སྲིན་བུའི་ལུས་ལ་ལྷན་སྐྱེས་རང་བཞིན་དུ་ཡོད་པས། སྲིན་བུའི་ལུས་དང་མཉམ་དུ་དུག་ཀྱང་རང་ཆས་སུ་སྐྱེད་པ་དང་མཚུངས་པ་ཡིན་ནོ། །</br>(3)ལུས་ཀྱི་རང་བཞིན་ཇི་ལྟར་འབྱུང་བ་བསྟན་པ་ནི། ཁུ་ཁྲག་མངལ་གནས་ཟས་དང་སྤྱོད་ལམ་གྱིས། ། ཉེས་པ་ལྷག་གྱུར་རང་བཞིན་བདུན་དུ་འགྱུར། ། རླུང་ཆུང་མཁྲིས་པ་འབྲིང་ལ་བད་ཀན་ཆེ། ། འདུས་པ་མཆོག་ཡིན་ལྡན་གསུམ་བར་མར་འགྱུར། ། ཞེས་པ་སྟེ། ཁུ་ཁྲག་གཉིས་མངལ་དུ་འདྲེས་ཤིང་གནས་པའི་ཚེ་མངལ་ལྡན་མ་ཡི་ཟས་དང་སྤྱོད་ལམ་གྱི་དབང་གིས་མཐར་མངལ་གནས་བུ་ཡི་ལུས་ལ་ཡོད་པའི་ཉེས་པ་གསུམ་པོ་ལྷག་གྱུར་པ་སྟེ་ཤས་ཆེ་ཆུང་དུ་གྱུར་པའོ། ། དེའི་དབང་གིས་ལུས་བོངས་ཆེ་ཆུང་སོགས་ཀྱི་རང་བཞིན་ཡང་རྣམ་པ་བདུན་དུ་འགྱུར་བ་ཡིན་ཏེ། དེ་ཡང་རླུང་གི་རང་བཞིན་ཤས་ཆེ་ན་ལུས་བོངས་ཆུང་ཞིང་། མཁྲིས་པའི་རང་བཞིན་ཤས་ཆེ་ན་ལུས་བོངས་འབྲིང་བ། བད་ཀན་གྱི་རང་བཞིན་ཤས་ཆེ་བས་ནི་ལུས་བོངས་ཀྱང་ཆེ་བ། ཉེས་གསུམ་འདུས་པ་ཞེས་ཆ་སྙོམས་པར་འགྱུར་ན་ལུས་བོངས་ཀྱང་ཆེ་ཆུང་རན་ལ་མཆོག་ཏུ་གྱུར་པ་ཡིན། ཉེས་པ་གསུམ་ལས་གང་རུང་གཉིས་ཅུང་ཤས་ཆེ་བ་ལས་འབྱུང་བའི་ལྡན་པ་གསུམ་ལས་ནི། ལུས་བོངས་ཀྱང་བར་མར་འགྱུར་བ་ཡིན་ཞེས་པའི་དོན་ནོ། །</br>(4)ལུས་ཀྱི་མེ་དྲོད་ཇི་ལྟར་འགྱུར་བའི་ཚུལ་བསྟན་པ་ནི། དེ་བཞིན་ཕོ་བའི་མེ་དྲོད་བཞིར་འགྱུར་ཏེ། ། རླུང་གིས་མི་སྙོམས་མཁྲིས་པས་རྣོ་བ་དང་། ། བད་ཀན་ཆུང་ལ་འདུས་པ་མཉམ་པར་འགྱུར། ། ཞེས་པ་སྟེ། གོང་དུ་ཉེས་པའི་དབང་གིས་ལུས་སྤྱི་ཡི་རང་བཞིན་མི་འདྲ་བར་འགྱུར་བ་དེ་བཞིན་དུ། སྐྱེ་བོ་རང་རང་སོ་སོའི་ལུས་ལ་ཡོད་པའི་ཉེས་པ་ཤས་ཆེ་ཆུང་གི་དབང་གིས་ལུས་ཀྱི་མེ་དྲོད་ཀྱང་ཆེ་ཆུང་མི་འདྲ་བ་རྣམ་པ་བཞིར་འགྱུར་བ་ཡིན་ཏེ། དེ་ཡང་རླུང་གི་རང་བཞིན་ཤས་ཆེ་བས་ནི་མེ་དྲོད་མི་སྙོམས་པ་སྟེ་རེ་འགའ་ཆེ་ལ་རེ་འགའ་ཆུང་བར་འགྱུར་བ་དང་། མཁྲིས་པའི་རང་བཞིན་ཤས་ཆེ་བས་ནི་མེ་དྲོད་ཆེ་ལ་རྣོ་བར་འགྱུར་བ་དང་། བད་ཀན་གྱི་རང་བཞིན་ཤས་ཆེ་བས་ནི་མེ་དྲོད་ཆུང་བར་འགྱུར་བ། འདུས་པ་སྟེ་ཉེས་གསུམ་གྱི་རང་བཞིན་ཆ་མཉམ་རན་པར་འབྱུང་ན་མེ་དྲོད་ཀྱི་སྟོབས་ཀྱང་མཉམ་ལ་རན་པར་འགྱུར་བ་ཡིན། ཞེས་པའོ། །</br>(5)ལྟོ་བ་སྲ་སྙི་ཇི་ལྟར་འགྱུར་བའི་ཚུལ་བསྟན་པ་ནི། ལྟོ་བ་རླུང་གིས་སྲ་ལ་མཁྲིས་པས་སྙི། །བད་ཀན་གྱིས་ནི་ལྟོ་བ་བར་མར་འགྱུར། ། ཞེས་པ་སྟེ། ཉེས་པ་ཤས་ཆེ་ཆུང་གི་དབང་གིས་ལྟོ་བ་སྲ་སྙིའི་ཁྱད་པར་མི་འདྲ་བ་འབྱུང་བ་སྟེ། ལྟོ་བ་སྲ་སྙི་ནི་གཙོ་བོ་འཁྲུ་སྐྱེན་ལོས་ཀྱི་ཁྱད་པར་རོ། ། དེ་ཡང་ཉེས་པ་རླུང་ཤས་ཆེ་བའི་དབང་གིས་ལྟོ་བ་སྲ་བ་སྟེ་འཁྲུ་དཀའ་བ་དང་། མཁྲིས་པའི་རང་བཞིན་ཤས་ཆེ་བས་ནི་ལྟོ་བ་སྙི་བ་སྟེ་འཁྲུ་སྐྱེན་པ། བད་ཀན་གྱི་རང་བཞིན་ཤས་ཆེ་བས་ནི་ལྟོ་བ་སྲ་སྙི་བར་མར་འགྱུར་པ་སྟེ་རླུང་ཤས་ཅན་ལྟར་སྲ་བ་མིན་ལ་མཁྲིས་ཤས་ཆེ་བ་ལྟར་སྙི་བ་ཡང་མིན་པ་ཞིག་ཡིན་ཞེས་པའི་དོན་ནོ། །</br>(6)ཉེས་པ་གསུམ་གྱི་གནས་ས་བསྟན་པ་ནི། གནས་ས་ལུས་ཁྱབ་གྱུར་ཀྱང་སྙིང་ག་དང་། ། ལྟེ་བའི་འོག་བར་སྟེང་ན་མས་རིམ་གནས། ། ཞེས་པ་སྟེ། ཉེས་པ་གསུམ་གྱི་གནས་ས་ནི་སྤྱིར་ལུས་ཡོངས་ལ་ཁྱབ་པར་གྱུར་པ་ཞིག་ཡིན་མོད་ཀྱང་བྱེ་བྲག་ཏུ་སྙིང་གའི་ཐད་ནས་ཐིག་གཅིག་འཐེན་པའི་སྟེང་སྟེ་ཡན་ཆད་དུམ་བུ་གཅིག་དང་། ལྟེ་བའི་ཐད་ནས་ཐིག་གཅིག་འཐེན་པའི་འོག་སྟེ་མན་ཆད་བུམ་བུ་གཅིག་དང་། དེ་གཉིས་ཀྱི་བར་བཅས་གནས་གསུམ་ན་ལྟེ་བའི་ལྟེ་བའི་འོག་བར་སྟེང་བཅས་ན་མས་ནས་རིམ་བཞིན་དུ་གྱེན་དུ་རླུང་མཁྲིས་བད་ཀན་གསུམ་གྱི་གནས་ས་ཡིན་ནོ། ། </br>(7)ཉེས་པ་གསུམ་གྱི་ལས་བསྟན་པ་ལ་གཉིས་ཏེ།</br>[1]ཉེས་པ་གསུམ་གྱི་ལས་སྤྱིར་བསྟན་པ་ནི། ཉེས་པའི་ལས་ནི་རླུང་གིས་དབུགས་འབྱིན་རྔུབ། ། བསྐྱོད་དང་ལས་སྤྱོད་ཤུགས་འབྱིན་གནོད་བྱ་རྒྱུ། ། དབང་པོ་གསལ་དང་ལུས་རྗེས་འཛིན་པར་བྱེད། ། མཁྲིས་ལས་བཀྲེས་སྐོམ་ཟས་ལེན་འཇུ་བ་དང་། ། ལུས་དྲོད་མདངས་གསལ་སྙིང་དཔའ་བློ་ལྡན་བྱེད། ། བད་ཀན་ལུས་དང་བློ་བརྟན་གཉིད་ལོག་དང་། ། ཚིགས་འབྲེལ་བཟོད་ཅིང་ལུས་འཇམ་སྣུམ་པར་བྱེད། ། ཅེས་པ་སྟེ། ཉེས་པའི་བྱེད་ལས་བསྟན་པ་ནི་འདི་ལྟ་སྟེ། རླུང་གི་ནི་དབུགས་ཕྱིར་འབྱིན་པ་དང་ནང་དུ་རྔུབ་པ། ལུས་ངག་ཡིད་གསུམ་གྱི་འགུལ་བསྐྱོད་ཀྱི་བྱ་བ་བྱེད་པ་དང་། སྒོ་གསུམ་ལས་ལ་སྤྱོད་པ། ལུས་ངག་གི་ཤུགས་འབྱིན་པ། གནོད་བྱ་བཅུ་པོ་རང་རང་གི་ལམ་དུ་རྒྱུ་བར་བྱེད་པ། མིག་ལ་སོགས་པའི་དབང་པོ་རྣམས་གསལ་བར་བྱེད་པ་དང་ལུས་འདི་ཉིད་མི་ཞིག་མི་འཐོར་བར་རྗེས་སུ་འཛིན་པར་བྱེད་པའོ། ། མཁྲིས་པའི་བྱེད་ལས་ནི། ལྟོ་བ་བཀྲེས་རྒྱུ་ཡོད་པ་དང་། སྐོམ་རྒྱུ་ཡོད་པ། ཟས་སྐོམ་ཡི་གར་ལེན་པ། ཟས་ཟོས་པ་རྣམས་འཇུ་བར་བྱེད་པ་དང་། ལུས་ཀྱི་དྲོད་དང་མདངས་གསལ་བར་བྱེད་པ། སྙིང་དཔའ་བ་སྟེ་བློ་ཁོག་ཡངས་ཤིང་བློ་སྟོབས་ལྡན་པ། བྱ་བ་གང་ལའང་ཤེས་ཤིང་བློ་དང་ལྡན་པར་བྱེད་པའོ། ། བད་ཀན་གྱི་བྱེད་ལས་ནི་ལུས་དང་བློ་བརྟན་པར་བྱེད་པ་དང་གཉིད་ལོག་ཐུབ་པ་དང་། རྐང་ལག་གི་ཚོགས་རྣམས་འབྲེལ་ནས་ལྷུ་མི་འཆོར་བ། ནད༌དང་དཀའ་སྡུག་ངལ་བ་བཟོད་ཅིང་། ལུས་འཇམ་པ་དང་། སྣུམ་པར་བྱེད་པ་ཡིན། །</br>[2]ཁྱད་པར་གྱི་ལས་བྱེ་བྲག་ཏུ་བསྟན་པ་ལ་གསུམ་སྟེ།</br><1> རླུང་གི་བྱེ་བྲག་སོ་སོའི་གནས་དང་བྱེད་ལས་བསྟན་པ་ནི། ཁྱད་པར་སྲོག་འཛིན་རླུང་དེ་སྤྱི་བོར་གནས། ། གྲེ་བ་བྲང་གཞུང་རྒྱུ་ཞིང་ཟས་སྐོམ་མིད། ། དབུགས་རྔུབ་མཆིལ་འདོར་སྦྲིད་པ་སྒྲེག་པ་འབྱིན། ། བློ་དང་དབང་པོ་གསལ་ཞིང་སེམས་འཛིན་བྱེད། ། གྱེན་དུ་རྒྱུ་བའི་རླུང་ནི་བྲང་ལ་གནས། ། སྣ་ལྕེ་ལྐོག་མར་རྒྱུ་ཞིང་ཚིག་འབྱིན་ལ། ། སྟོབས་མདངས་ཁ་དོག་འབད་རྩོལ་དྲན་གསལ་བྱེད། ། ཁྱབ་བྱེད་རླུང་ནི་སྙིང་ལ་གནས་པ་སྟེ། ། ལུས་ཀུན་ཁྱབ་པར་རྒྱུ་ཞིང་འདེགས་འཇོག་འགྲོ། ། བརྐྱང་བཀུམ་འབྱེད་འཛུམ་བྱ་བ་ཕལ་རག་ལས། ། མེ་དང་མཉམ་པའི་རླུང་ནི་ཕོ་བར་གནས། ། ནང་གྲོལ་ཀུན་ཏུ་རྒྱུ་ཞིང་ཁ་ཟས་འཇུ། ། དྭངས་སྙིགས་འབྱེད་ཅིང་གནོད་བྱ་སྨིན་པར་བྱེད། ། ཐུར་དུ་སེལ་བའི་རླུང་ནི་གཞང་ལ་གནས། ། ལོང་དང་ལྷིང་པོ་གསང་བ་བརླ་ནང་རྒྱུ། ། ཁུ་ཁྲག་བཤང་གཅི་མངལ་ནང་འབྱིན་སྡོམ་བྱེད། ། ཅེས་པ་སྟེ། ཉེས་པ་གསུམ་ལས་ཁྱད་པར་ཉེས་པ་སོ་སོའི་བྱེ་བྲག་གི་གནས་དང་བྱེད་ལས་ནི། རླུང་གི་རིགས་སྲོག་འཛིན་ཞེས་བྱ་བ་ནི་གཙོ་བོ་སྤྱི་བོ་ལ་གནས་ཤིང་། ཡུལ་གྲེ་བ་བྲང་གཞུང་དུ་རྒྱུ་བ་དང་། བྱེད་ལས་ནི་ཟས་སྐོམ་མིད་པ་དང་། དབུགས་རྔུབ་པ། མཆིལ་མ་འདོར་བ། སྦྲིད་པ་དང་། སྒྲིག་པ་འབྱིན་པ་བློ་གྲོས་མིག་ལ་སོགས་པའི་དབང་པོ་གསལ་ཞིང་སེམས་མི་གཏོང་བར་རང་དང་ལྷན་ཅིག་ཏུ་འཛིན་པར་བྱེད་པ་ཡིན་ནོ།།གྱེན་དུ་རྒྱུ་བའི་རླུང་ནི་གཙོ་བོ་བྲང་ལ་གནས་ཤིང་ཡུལ་སྣ་ལྕེ་ལྐོག་མར་རྒྱུ་ཞིང་བྱེད་ལས་ཚིག་འབྱིན་པ་དང་། སྟོབས་མདངས་ཁ་དོག་རྣམས་རྒྱས་པར་བྱེད་པ་དང་། འབད་པ་དང་། རྩོལ་བ་བསྐྱེད་ཅིང་དྲན་པའི་དབང་པོ་གསལ་བར་བྱེད་པ་ཡིན། ཁྱབ་བྱེད་ཅེས་བྱ་བའི་རླུང་ནི་གཙོ་བོ་སྙིང་གར་གནས་ཤིང་། ཡུལ་ལུས་ཀྱི་ཆ་ཤས་ཀུན་ལ་ཁྱབ་པར་རྒྱུ་ཞིང་། བྱེད་ལས་རྐང་ལག་རྣམས་འདེགས་པ་དང་། འཇོག་པའི་ངང་ནས་འགྲོ་བ་དང་། བརྐྱང་བསྐུམ་དང་། ཁ་མིག་སོགས་འབྱེད་འཛུམ་བྱེད་པ་མདོར་ན་ལུས་ངག་ཡིད་བཅས་ཀྱི་བྱ་བ་ཕལ་ཆེར་འདི་ལ་རག་ལས་པའོ། ། ཕོ་བའི་མེ་དང་མཉམ་པའི་རླུང་ནི་གཙོ་བོ་ཕོ་བར་གནས་པ་དང་། ཡུལ་རྒྱུ་མ་སོགས་ནང་ཁྲོལ་ཀུན་ཏུ་རྒྱུ་ཞིང་བྱེད་ལས་ཁ་ཟས་རྣམས་འཇུ་བ་དང་དྭངས་སྙིགས་འབྱེད་ཅིང་ཁྲག་ལ་སོགས་པའི་གནོད་བྱ་གཞན་རྣམས་སྨིན་པར་བྱེད་པ་ཡིན་ནོ། ། ཐུར་དུ་སེལ་བའི་རླུང་ནི་གཙོ་བོ་གཞང་ལ་གནས་པ་དང་། ཡུལ་ལོང་དང་ ལྒང་པ་གསང་བའི་གནས་བརླ་ཡི་ནང་དུ་རྒྱུ་ཞིང་། བྱེད་ལས་ཁུ་ཁྲག་དང་བཤང་གཅི་རྣམས་དང་། མངལ་གནས་ཀྱི་བུ་ལ་སོགས་པ་འབྱིན་པ་དང་སྡོམ་པའི་བྱ་བ་བྱེད་པའོ། །</br><2>མཁྲིས་པའི་བྱེ་བྲག་སོ་སོའི་གནས་དང་བྱེད་ལས་བསྟན་པ་ནི། འཇུ་བྱེད་བཞུ་དང་མ་བཞུའི་བར་ན་གནས། ། ཟས་འཇུ་དྭངས་སྙིགས་འབྱེད་ཅིང་ལུས་དྲོད་དང་། ། ལྷག་མ་བཞི་ཡི་གྲོགས་དང་སྟོབས་སྐྱེད་བྱེད། ། མཁྲིས་པ་མདངས་སྒྱུར་མཆིན་པར་གནས་པ་སྟེ། ། དྭངས་མ་ལ་སོགས་ཁ་དོག་་མ་ལུས་སྒྱུར། ། མཁྲིས་པ་སྒྲུབ་བྱེད་སྙིང་ལ་གནས་པ་སྟེ། ། ཡིད་གཞུངས་ང་རྒྱལ་བློ་དང་འདོད་པ་སྒྲུབ། ། མཐོང་བྱེད་མིག་ལ་གནས་ནས་གཟུགས་མཐོང་བྱེད། ། མདོག་གསལ་པགས་གནས་པགས་མདོག་གསལ་བར་བྱེད། ། ཅེས་པ་སྟེ། མཁྲིས་པ་འཇུ་བྱེད་ཅེས་བྱ་བ་ནི་བཞུ་བའི་གནས་ལོང་དང་མ་བཞུ་བའི་གནས་ཕོ་བའི་བར་ན་གནས་པ་དང་། བྱེད་ལས་ནི་ཁ་ཟས་ཟོས་ཤིང་འཐུངས་པ་རྣམས་རབ་ཏུ་འཇུ་བ་དང་དྭངས་སྙིགས་ཀྱང་ཅུང་ཟད་འབྱེད་ཅིང་ལུས་དྲོད་ལྷག་པར་བསྐྱེད་པ་དང་། དེར་མ་ཟད་མཁྲིས་པའི་རིགས་ལྷག་མ་མདངས་སྒྱུར་སོགས་བཞི་ཡི་གྲོགས་དང་སྟོབས་ཀྱང་སྐྱེད་པར་བྱེད་པའོ། ། མཁྲིས་པ་མདངས་སྒྱུར་ནི་མཆིན་པ་ལ་གནས། བྱེད་ལས་ནི་ལུས་ཟུངས་ཀྱི་ཐོག་མ་དྭངས་མ་དེ་ཉིད་ཁྲག་ལ་སོགས་པ་དམར་པོར་བསྒྱུར་བ་དང་ལུས་ཟུངས་གཞན་རྣམས་ཀྱང་རང་རང་གི་རིགས་མཐུན་པའི་ཁ་དོག་ཏུ་སྒྱུར་བར་བྱེད་པ་ཡིན་ནོ། ། མཁྲིས་པ་སྒྲུབ་བྱེད་ཅེས་བྱ་བ་ནི་གཙོ་བོ་སྙིང་ལ་གནས་པ་དང་། བྱེད་ལས་ནི་བསྒྲུབ་པར་བྱ་བའི་དོན་ལ་ཡིད་གཞུངས། ང་རྒྱལ་བསྐྱེད་པ། བླང་དོར་གནས་ལ་སྤྱོད་པའི་བློ་གྲོས་དང་འདོད་པ་བསྒྲུབ་པ་ལ་བརྩོན་པར་བྱེད་པའོ། ། མཁྲིས་པ་མཐོང་བྱེད་ནི་གཙོ་བོ་མིག་ལ་གནས་པ་དང་བྱེད་ལས་ནི་ཕྱི་རོལ་གྱི་གཟུགས་ཀྱི་བྱེ་བྲག་མ་ལུས་པ་མཐོང་ཞིང་ཕྲ་མོ་ཙམ་ཡང་མི་ནོར་བ་འབྱེད་པར་བྱེད་པའོ། ། མཁྲིས་པ་མདོག་གསལ་ནི་གཙོ་བོ་པགས་པའི་རིམ་པ་ལ་གནས་པ་དང་བྱེད་ལས་པགས་པའི་རིམ་པ་ལ་གནས་པ་དང་བྱེད་ལས་པགས་པའི་ཆ་ཤས་ཡོད་དོ་ཅོག་གི་མདོག་གསལ་ཞིང་བཀྲག་མདངས་དང་ལྡན་པར་བྱེད་པ་ཡིན་ནོ། །</br><3>བད་ཀན་གྱི་བྱེ་བྲག་སོ་སོའི་གནས་དང་བྱེད་ལས་བསྟན་པ་ནི། བད་ཀན་རྟེན་བྱེད་བྲང་ལ་གནས་པ་སྟེ། ། ལྷག་མ་བཞི་ཡི་རྟེན་དང་ཆུ་ལས་བྱེད། ། བད་ཀན་མྱག་བྱེད་མ་བཞུ་བ་ལ་གནས། ། ཟས་སྐོམ་མྱག་ཅིང་འདྲུལ་བར་བྱེད་པ་ཡིན། ། བད་ཀན་མྱོང་བྱེད་ལྕེར་གནས་རོ་ཚོར་བྱེད། ། ཚིམ་བྱེད་མགོར་གནས་དབང་པོ་ཚིམ་པར་བྱེད། ། བད་ཀུན་འབྱོར་བྱེད་ཚིགས་དམིགས་ཀུན་ལ་གནས། ། ཚིགས་རྣམས་འབྱོར་ཞིང་བརྐྱང་བསྐུམ་བྱེད་པ་ཡིན། ། ཞེས་པ་སྟེ། བད་ཀན་རྟེན་བྱེད་ཅེས་བྱ་བ་ནི་གཙོ་བོ་བྲང་ལ་གནས་པ་དང་། བྱེད་ལས་ནི་བད་ཀན་མྱག་བྱེད་ལ་སོགས་པ་ལྷག་མ་བཞི་ཡི་རྟེན་བྱེད་པ་དང་། ཁྱད་པར་མ་འཐུངས་ངོམས་པ་ལ་སོགས་པ་ཆུ་དང་མཐུན་པའི་ལས་བྱེད་པའོ། ། བད་ཀན་མྱག་བྱེད་ཅེས་པ་ནི་གཙོ་བོ་ཕོ་བའི་སྟོད་མ་བཞུ་བའི་ཆ་ལ་གནས་པ་དང་བྱེད་ལས་ནི་ཟས་སྐོམ་རྣམས་མྱག་ཅིང་མྱུར་ལྡུར་ལྡུར་བོར་འདྲུལ་བར་བྱེད་པའོ། ། བད་ཀན་མྱོང་བྱེད་ནི་གཙོ་བོ་ལྕེ་ལ་གནས་པ་དང་བྱེད་ལས་ནི་རོ་དྲུག་གི་བྱེ་བྲག་རྣམས་ཚོར་ཞིང་མྱོང་བར་བྱེད་པའོ། ། བད་ཀན་ཚིམ་བྱེད་ནི་གཙོ་བོ་མགོ་བོ་ལ་གནས་པ་དང་བྱེད་ལས་ནི་མིག་ལ་སོགས་པ་དབང་པོ་རྣམས་ཡུལ་གཟུགས་ལ་སོགས་པ་ལ་སྤྱད་པས་ཚིག་པར་བྱེད་པའོ། ། བད་ཀན་འབྱོར་བྱེད་ནི་གཙོ་བོ་ལུས་ཁམས་ཀྱི་ཚིགས་དམིགས་ཀུན་ལ་གནས་པ་དང་བྱེད་ལས་ནི་ཚིགས་རྣམས་ཕན་ཚུན་འབྲེལ་ཅིང་འབྱོར་བར་བྱེད་པའོ། ། དེ་ལྟར་བཤད་པའི་ཉེས་པ་གསུམ་པོ་སོ་སོའི་བྱེ་བྲག་པ་རྣམས་ཀྱི་གནས་ས་དང་བྱེད་ལས་སོགས་ནི་གཙོ་ཆེ་བའི་ཆ་ཤས་ཀྱི་སྒོ་ནས་བཤད་པ་ཡིན་ལ་སྤྱིར་བཏང་དབང་དུ་བྱས་ན་ཉེས་པ་གསུམ་པོ་རྣམས་ལུས་ཀྱི་སྟོད་སྨད་ཕྱི་ནང་ཀུན་ཏུ་ཁྱབ་པར་གནས་པ་ཙམ་མ་ཟད། ཕན་ཚུན་གཅིག་ལ་གཅིག་བརྟེན་གྱི་སྒོ་ནས་ལུས་ཀྱི་བྱ་བ་མ་ལུས་པ་བྱེད་པས་ན་ལུས་འདི་ཉིད་ཡུན་དུ་འཚོ་ཞིང་གནས་པར་བྱེད་པའོ། །</br>(8)ཉེས་པའི་མཚན་ཉིད་བཤད་པ་ནི། ཉེས་པའི་མཚན་ཉིད་རླུང་མཁྲིས་བད་ཀན་གསུམ། ། རླུང་གི་མཚན་ཉིད་རྩུབ་ཅིང་ཡང་བ་དང་། ། གྲང་ཞིང་ཕྲ་ལ་སྲ་ཞིང་གཡོ་བ་ཡིན། ། མཁྲིས་པའི་མཚན་ཉིད་སྣུམ་བཅས་རྣོ་ཞིང་ཚ། ། ཡང་ཞིང་དྲི་མནམ་འཁྲུ་ཞིང་གཤེར་བ་ཡིན། ། བད་ཀན་མཚན་ཉིད་སྣུམ་ཞིང་བསིལ་བ་དང་། ། ལྕི་རྟུལ་་འཇམ་བརྟན་འབྱར་བག་ཅན་དུ་གནས། ། ཞེས་གསུངས་སོ། ། ཞེས་པ་སྟེ། དེ་ཡང་ཉེས་པ་རླུང་མཁྲིས་བད་ཀན་གསུམ་པོ་རྣམ་པར་མ་གྱུར་པའི་མཚན་ཉིད་དམ་རང་རང་གི་ངོ་བོ་ནི་རླུང་གི་མཚན་ཉིད་འཇམ་པ་ལས་ལྡོག་པ་རྩུབ་པ་དང་། ལྕི་བ་ལས་ལྡོག་པ་ཡང་བ་དང་། དྲོ་བ་ལས་ལྡོག་པ་གྲང་བ་དང་། སྦོམ་པ་ལས་ལྡོག་པ་ཕྲ་བ་དང་། སྙི་བ་ལས་ལྡོག་པ་སྲ་བ་དང་། བརྟན་པ་ལས་ལྡོག་པ་གཡོ་བ་བཅས་ཟུར་དྲུག་དང་ལྡན་པའི་མཚན་ཉིད་འདི་ནི་རླུང་ཁོ་ནའི་ཁྱད་ཆོས་ཡིན་གཤིས་རྣམ་པར་མ་གྱུར་པའི་སྐབས་རླུང་གི་རང་བཞིན་དང་། རླུང་གི་ལས་ལ་སོགས་པ་མཚན་ཉིད་དེ་རྣམས་དང་ཆོས་མཐུན་པ་དང་། རྣམ་པར་གྱུར་པའི་སྐབས་སུའང་ནད་ཀྱི་རྟགས་མཚན་ཉིད་དེ་དག་དང་ཆོས་མཐུན་པ་འབྱུང་བའི་ཕྱིར་རོ། ། མཁྲིས་པའི་མཚན་ཉིད་ནི་སྐྱ་བ་ལས་ལྡོག་པ་སྣུམ་པ་དང་བཅས་པ་དང་། རྟུལ་བ་ལས་ལྡོག་པ་རྣོ་བ་དང་། བསིལ་བ་ལས་ལྡོག་པ་ཚ་བ་དང་། ལྕི་བ་ལས་ལྡོག་པ་ཡང་བ་དང་། དྲི་མ་མེད་པ་རྣམས་དང་སྐམ་པའི་ལས་མི་ལྡན་པས་དྲི་མི་ཞིམ་པ་མནམ་པར་བྱེད་པ་དང་། ས་ཆུ་ཤས་ཆེ་བའི་ཟས་དང་སྨན་ཅུང་ཞིག་འཕྲད་པས་ཐུར་དུ་འཁྲུ་ཞིང་གཤེར་བའི་བྱ་བ་བྱེད་པ་སྟེ་ཟུར་བདུན་དང་ལྡན་པའི་མཚན་ཉིད་ནི་མཁྲིས་པ་ཁོ་ནའི་ཁྱད་ཆོས་ཡིན་གཤིས་རྣམ་པར་མ་གྱུར་པའི་སྐབས་མཁྲིས་པའི་རང་བཞིན་དང་མཁྲིས་པའི་ལས་ལ་སོགས་པ་མཚན་ཉིད་དེ་རྣམས་དང་ཆོས་མཐུན་པ་དང་། རྣམ་པར་གྱུར་པའི་སྐབས་སུའང་ནད་ཀྱི་རྟགས་མཚན་ཉིད་དེ་དག་དང་ཆོས་མཐུན་པར་འབྱུང་བའི་ཕྱིར་རོ། ། བད་ཀན་མཚན་ཉིད་ནི་སྐྱེ་བ་ལས་ལྡོག་པ་སྣུམ་པ་དང་། ཚ་བ་ལས་ལྡོག་པ་བསིལ་བ། ཡང་བ་ལས་ལྡོག་པ་ལྕི་བ། རྣོ་བ་ལས་ལྡོག་པ་རྟུལ་བ། རྩུབ་པ་ལས་ལྡོག་པ་འཇམ་པ། གཡོ་བ་ལས་ལྡོག་པ་བརྟན་པ་རྣམ་པ་འབྱར་བག་ཤིན་ཏུ་ཆེ་བ་བེ་སྣབས་ཅན་གྱི་ཚུལ་དུ་གནས་པ་སྟེ་ཟུར་བདུན་དང་ལྡན་པའི་མཚན་ཉིད་ནི་བད་ཀན་ཁོ་ནའི་ཁྱད་ཆོས་ཡིན་གཤིས་རྣམ་པར་མ་གྱུར་པའི་སྐབས་བད་ཀན་གྱི་རང་བཞིན་དང་། བད་ཀན་གྱི་ལས་ལ་སོགས་པ་མཚན་ཉིད་དེ་རྣམས་དང་ཆོས་མཐུན་པ་དང་རྣམ་པར་གྱུར་པའི་སྐབས་སུའང་ནད་ཀྱི་རྟགས་མཚན་ཉིད་དེ་དག་དང་ཆོས་མཐུན་པའི་ཕྱིར་རོ། །བས་སུའང་ནད་ཀྱི་རྟགས་མཚན་ཉིད་དེ་དག་དང་ཆོས་མཐུན་པའི་ཕྱིར་རོ། །)
• Dictionaries/chos rnam kun btus/7077  + (1.གནོད་བྱེད་དགྲ་སྡང་བཏུལ་ཞིང་སླར་མང་བས། ། … 1.གནོད་བྱེད་དགྲ་སྡང་བཏུལ་ཞིང་སླར་མང་བས། ། ལོག་གནོན་བདག་འཛིན་གདུག་པ་འདུལ་བ་གནད། ། </br>2. འདོད་ཡོན་སྤྱད་ཅིང་ཞེན་པ་སླར་འཕེལ་བས། ། ལོག་གནོན་བཙན་གྱིས་ཞེན་པ་གཅོད་པ་གནད། །</br>3. དལ་ཚོགས་ལོང་གཏམ་སྨྲས་ཤིང་སླར་མང་བས། ། ལོག་གནོན་མི་སྨྲ་གཅིག་པུར་འདུག་པ་གནད། །</br>4. གཞན་སེམས་གཟུང་འཛིན་བྱར་དགོས་སླར་མང་བས། ལོག་གནོན་གར་བབས་ངང་ལ་སྐྱུར་བ་གནད། །</br>5. རང་སེམས་སྒྲིམས་ཤིང་འཇུར་བུ་སླར་མང་བས། ། ལོག་གནོན་རང་བབས་ངང་དེར་གློད་པ་གནད། །</br>6. བྱ་བྱེད་སྤྲོས་པ་བྱས་ཤིང་སླར་མང་བས། ། ལོག་གནོན་ཅོག་གཞག་རང་བབས་གཏོང་བ་གནད། ། འདི་རྣམས་ལྡན་ན་རེ་དོགས་གཉིས་འཛིན་འཇིག ། ཅེས་སོ། །ས་ལྡན་ན་རེ་དོགས་གཉིས་འཛིན་འཇིག ། ཅེས་སོ། །)
• Dictionaries/chos rnam kun btus/11468  + (1.ཆབ་མདོ་བྱམས་པ་གླིང་ནི། འཇམ་མགོན་བླ་མ་བཙོ … 1.ཆབ་མདོ་བྱམས་པ་གླིང་ནི། འཇམ་མགོན་བླ་མ་བཙོང་ཁ་པ་ཆེན་པོའི་དངོས་སློབ་ཆོས་རྗེ་ཤེས་རབ་བཟང་པོས་རབ་བྱུང་བདུན་པའི་ཤིང་བྱ་དང་མེ་སྦྲུལ་གཉིས་ཚོམ་བྱུང་ཡང་གྲགས་ཆེ་བ་ཕྱི་མའི་ལོ་ལ་བཏབ། ཚོགས་པ་སྟོང་ཕྲག་གཅིག་དང་ཉིས་བརྒྱ་སྐོར།</br>2.ཆབ་མདོའི་དགོན་ལག་རྫོང་གློ་དགོན་ནི། གནས་པོ་བཏབ། དགེ་འདུན་སྐོར། </br>3.ཆབ་མདོའི་དགོན་ལག་རོ་ཁྲུ་ཕུའི་དགོན་ནི། རྗེ་དྲུང་ཤེས་རབ་དབང་པོའི་སློབ་མ་རྒྱ་ར་ཤེས་རབ་ཕུན་ཚོགས་ཀྱིས་བཏབ། དགེ་འདུན་བརྒྱད་ཅུ་སྐོར།</br>4.ཆབ་མདོའི་དགོན་ལག་གཡོ་མདའ་དགོན་ནི། ཐོག་མ་སུས་བཏབ་དང་བླ་རབས་མ་བྱུང་། དགེ་འདུན་བཞི་བཅུ་སྐོར།</br>5.ཆབ་མདོའི་དགོན་ལག་ས་སྒང་དགོན་ནི། འཇམ་མགོན་ཆོས་ཀྱི་རྒྱལ་པོའི་དངོས་སློབ་མཁའ་སྤྱོད་ནམ་མཁའ་རྒྱལ་མཚན་གྱིས་བཏབ། དགེ་འདུན་བརྒྱ་དང་ཉི་ཤུ་སྐོར།</br>6.ཆབ་མདོའི་དགོན་ལག་རྨོ་མདའ་དགོན་ནི། འཛམ་མགོན་ཆོས་ཀྱི་རྒྱལ་པོའི་སློབ་མ་ཟླ་བ་གྲགས་པས་ཉ་ཁམས་དགོན་ཞེས་བཏབ་ཀྱང་ལོག་སྨོན་རྣམ་པར་བདོ་བའི་བསྟན་དགྲ་བེ་རི་དོན་ཡོད་ལ་བརྟེན་ནས་སྟོངས་པ་ཞི་བ་བཟང་པོས་རྨོ་མདར་སྤོས། དགེ་འདུན་བརྒྱ་དང་ཉི་ཤུ་སྐོར།</br>7.ཆབ་མདོའི་དགོན་ལག་གྱང་སྟོད་དགོན་ནི། སྔར་ཀར་ལུགས། ཕྱིས་ཞལ་སྔ་བཀའ་བརྒྱུད་དུ་འགྱུར་ཞིང་གསང་འཇིགས་སོགས་དགེ་ལུགས་ཀྱི་ཆོས་སྤྱོད་འདོན་པར་གྲགས།</br>8.ཆབ་མདོའི་དགོན་ལག་གཏེར་ཡོ་དགོན་ནི། སྔར་སུས་བཏབ་དང་བླ་རབས་མ་བྱུང་། དགེ་འདུན་ཉི་ཤུ་སྐོར། </br>9.ཆབ་མདོའི་དགོན་ལག་རྫོང་ཁ་དགོན་ནི། དགེ་འདུན་ཉི་ཤུ་སྐོར།</br>10.སྤོ་བོ་ཆུ་མདོ་དགོན་ནི། རྩ་བའི་དགོན་པ་མགར་དམ་པས་རྨང་བཏིང་བ་ཕུ་ལུང་དུ་གྲགས། དེ་རྗེས་ཆུ་མོ་ཕག་གི་ལོ་ལ་འཕགས་པ་ལྷས་སྤོ་སྟོད་དང་ཡར་ལུང་གི་ཆུ་གཉིས་འདུས་པའི་མདོར་ཆོས་སྡེ་འདི་ཉིད་ས་གཞི་ལེགས་བཏིང་བས་སྤོ་བོ་ཆུ་མདོར་གྲགས། དགེ་འདུན་བདུན་བརྒྱ་སྐོར། </br>11.དཔག་ཤོད་དགའ་ལྡན་བསམ་གྲུབ་གླིང་དགོན་ནི། གཞོན་ནུ་དཔག་ཤོད་དུ་བླ་མ་རྒྱལ་མཚན་སེང་གེས་བཏབ། དགེ་འདུན་སུམ་བརྒྱ་སྐོར།</br>12.སྤོ་བོ་ཆོས་རྫོང་དགོན་ནི། མཚུངས་མེད་ཆོས་རྗེ་རྒྱལ་མཚན་བཟང་པོའི་སློབ་མ་ཆོས་གྲགས་པས་བཏབ། དགེ་འདུན་ཕྱེད་ཉིས་བརྒྱ་སྐོར། </br>13.སྤོ་བོ་གསུམ་འཛོམ་དགོན་ནི། འབྲུ་ལ་བ་བྱང་ཆུབ་རྒྱལ་མཚན་གྱིས་བཏབ། དགེ་འདུན་བརྒྱ་དང་སུམ་ཅུ་སྐོར།</br>14.དཔག་ཤོད་གནས་ཐང་དགོན་ནི། ལྷོ་པ་རྒྱལ་མཚན་སེང་གེས་བཏབ། དགེ་འདུན་བཞི་བཅུ་སྐོར། </br>15.གུང་རུ་དཔལ་འབར་ནི། རྗེ་བླ་མའི་ཡང་སྲིད་གོང་མ་འགྲོ་བའི་མགོན་པོ་ཆོས་རྒྱལ་འཕགས་པའམ་འཁོན་སྟོན་བློ་གློས་རྒྱལ་མཚན་དཔལ་བཟང་པོ་ཤར་རྒྱལ་པོའི་ཏི་ཤིར་བྱོན་སྐབས་ཞལ་བཀོད་ནང་ནས་གཙུག་ལག་ཁང་ཀུན་དགའ་ར་བ་དང་བཅས་བཏབ་ཅིང་། དཔལ་ལྡན་ས་སྐྱ་པའི་ཆོས་རྒྱུད་བཟུང་ནས་བླ་རབས་ཁ་ཤས་བར་སོང་བའི་ཚེ་གུང་རུ་རིན་ཆེན་བྱང་ཆུབ་པས་འཇམ་མགོན་བླ་མའི་རིང་ལུགས་རྨ་མེད་པ་འདི་ཉིད་ལ་ལྕགས་དང་གསེར་འགྱུར་གྱི་དཔེ་བཞིན་ལེགས་པར་བརྒྱུར། གྲྭ་པ་བརྒྱ་དང་སུམ་ཅུ་སྐོར།</br>16.གུང་རུ་ཆོས་སྡེ་པུསྟི་མ་ནི། ཐམས་ཅད་མཁྱེན་པ་དགེ་འདུན་གྲུབ་པའི་དཔལ་གྱི་ཞལ་སློབ་དྲུང་རམས་པ་བསྟན་པའི་ཉི་མར་གྲགས་པས་ཐོག་མར་སེང་གེ་སྒང་དུ་མདོ་སྔགས་ཤུང་འབྲེལ་གྱི་གྲྭ་ཚང་བཙུགས། གྲྭ་པ་བརྒྱ་དང་ལྔ་བཅུ།</br>17.བྱ་ཕུད་མདོ་སྔགས་དར་རྒྱས་གླིང་ནི། རོང་པོ་འབྲིང་ཚང་པ་གོ་ལས་ཕྱོགས་དེར་བཀའ་བརྒྱུད་པའི་བྱ་བྲལ་མང་པོ་ཡོད་པ་ཕུད་དེ་ཁམས་གསུམ་ཆོས་ཀྱི་རྒྱལ་པོ་བཙོང་ཁ་པ་ཆེན་པོའི་རིང་ལུགས་པ་བསྟན་པ་དཔལ་གྲུབ་སྤྱི་བོར་བཀུར་ནས་ཆོས་སྡེ་འདི་བཏབ། དགེ་འདུན་བརྒྱ་དང་བཅུ་སྐོར།</br>18.རྫི་ཐོ་དགོན་ནི། ས་དགེ་འགལ་མེད་ཀྱི་རིང་ལུགས་འཆང་བ་རཏྣའི་མཚན་ཅན་གྱིས་བཏབ། དགེ་འདུན་ཕྱེད་སུམ་བརྒྱ་སྐོར། </br>19.ངོ་འདུ་དགོན་ནི། རྒྱ་ར་བ་སངས་རྒྱས་ཡེ་ཤེས་ཀྱིས་བཏབ། དགེ་འདུན་བརྒྱ་དང་སུམ་ཅུ་སྐོར། </br>20.ཆོས་ཁྲི་ཐང་དགོན་ནི། རོང་པོ་ཆུང་ཚང་གིས་སྦྱིན་བདག་བྱས་ཏེ་འཕགས་པ་ལྷས་བཏབ། དགེ་འདུན་ལྔ་བཅུ་སྐོར།</br>21.ཇུ་ཤོད་དར་རྒྱས་དགོན་ནི། ཆབ་མདོའི་མཁན་ཐོག་བཅུ་པ་རྗེ་དྲུང་ཤེས་རབ་དབང་པོས་བཏབ། དགེ་འདུན་བརྒྱ་སྐོར། </br>22.དབྱར་ལྷས་དགོན་ནི། སློབ་དཔོན་གཞོན་ནུ་འོད་ཟེར་གྱིས་བཏབ། དགེ་འདུན་བཞི་བཅུ་སྐོར།</br>23.སྣ་ཁོ་དགོན་ནི། སྔོན་ས་སྐྱ་པའི་དགོན་རོ་ཞིག་ལ་ཐམས་ཅད་མཁྱེན་པ་དགེ་འདུན་རྒྱ་མཚོའི་དངོས་སློབ་ཆབ་མདོའི་མཁན་ཐོག་བཅུ་པ་རྗེ་དྲུང་ཤེས་རབ་དབང་པོས་ཉམས་གསོ་མཛད་དེ་ཅི་བསམས་དགོན་དུ་བཏགས། དགེ་འདུན་སུམ་ཅུ་སྐོར།</br>24.ལ་ཁ་དགོན་ནི། རྗེ་དྲུང་ཤེས་རབ་དབང་པོའི་སློབ་བུ་བསུ་རོང་པ་བཀྲ་ཤིས་རབ་བརྟན་གྱིས་བཏབ། འཕགས་པ་ལྷ་སྐྱེ་འཕྲེང་གཉིས་པས་དགོན་མིང་རི་བོ་ཆོས་འཕེལ་དུ་བཏགས། དགེ་འདུན་སུམ་ཅུ་སྐོར།</br>25.ཀྱི་རོག་སྣང་ཁ་དགོན་ནི། ཀྱི་རིན་ཆེན་སྒང་ཞེས་ལོ་རྒྱུས་རྙིང་པ་འགར་བྱུང་ནའང་སྟོངས་པའམ་མིང་དོན་ངོ་མ་འཕྲོད་པ་ཇི་ལྟར་ཡིན་རུང་ད་ལྟ་འདི་ཡིན་མ་བྱུང་།</br>26.སྟག་རྩེ་དགོན་ནི། ལྷ་སྟག་དཔལ་གསུམ་སོགས་ཀྱི་སྐབས་དར་རྒྱས་ཙམ་བྱུང་འདྲ་ཡང་། མདང་ནང་དཔལ་འབར་ནང་སོའི་མི་སེར་ཁྱིམ་པ་ཤ་སྟག་འདུག །</br>27.ཟུར་ལྕམ་དགོན་ནི། དྲུང་དཔལ་གྲུབ་བཟང་པོས་བཏབ། དགེ་འདུན་བཅོ་ལྔ་སྐོར། </br>28.གླིང་ལིང་དགོན་ནི། འཇམ་མགོན་ཆོས་ཀྱི་རྒྱལ་པོའི་སློབ་མ་ཞང་ཞུང་པ་ཆོས་དབང་གྲགས་པས་བཏབ། དགེ་འདུན་བཞི་བཅུ་སྐོར། </br>29.ར་ཚག་དགོན་ནི། ཀར་དགོན་ཚ་རག་དགོན་ཡིན་ཚུལ་དང་། འགའ་ཞིག་ནས་དཔལ་འབར་དང་དོན་གཅིག་ཟེར་མི་སྣང་ཡང་། མཁར་ལོ་དཔལ་འབྱོར་རྒྱ་མཚོས་ཆོས་འབྱུང་བསྒྲིགས་སྐབས་ཚ་རག་དགོན་ཀར་ལུགས་ཤ་སྟག་དང་། གུང་རུ་དཔལ་འབར་གྲགས་ཆེ་ཞིང་ལོ་ཙཱ་བ་རང་ངོས་ཀྱི་བྱོན་པ་བཅས་འཁྲུལ་གཞི་དེ་ཙམ་ཡོང་དོན་མི་འདུག་ཅིང་། ཆོས་འབྱུང་དུ་དགོན་འདེབས་པ་པོ་རྗེ་དྲུང་ཤེར་དབང་། ས་ཡུལ་རྡོ་ཤོད་དུ་ཡོད་པར་བྱས་འདུག་པས། དོན་ཁམས་དབུས་ཀྱི་སྐད་བརྡ་ཅུང་ཟད་མ་གཅིག་པའི་ཚིག་ཟུར་ཕྲན་བུ་ཉམས་པ་ལས། དེང་སང་རྡོ་ཤོད་སྲིབས་བརྒྱུད་དུ་ཡོད་པའི་དགེ་དགོན་རྙིང་པ་ཡུལ་སྐད་དུ་ར་ཐག་ཟེར་བ་འདི་ཡིན། དགེ་འདུན་བཞི་བཅུ་སྐོར།</br>30.རོང་པོ་དགོན་ནི། ཟླ་དཀར་སྟོང་དཔོན་གྱིས་སྦྱིན་བདག་བྱས་ཏེ་རྗེ་དྲུང་ཤེས་རབ་དབང་པོས་བཏབ་པ་ཡིན་ཀྱང་། ཡུན་ཧ་ཅང་མ་ལོན་པ་ནས་སྟོང་དཔོན་གྱིས་མངའ་རིས་རྣམས་བོན་ལུགས་ཀར་རུ་བས་བདག་པའི་རྐྱེན་ལས་དེང་སང་མི་ནག་གི་གྲོང་དུ་སོང་། </br>31.དབྱར་མ་དགོན་ནི་སྔར་གུང་རུའི་ས་ཁོག་ཏུ་ཡོད་ངེས་ཡིན་འདུག་ཀྱང་ཕྱིས་དེ་འཕྲོད་པ་མ་བྱུང་། </br>32.དགོན་ལུང་དགོན་ནི། འཇམ་མགོན་ཆོས་ཀྱི་རྒྱལ་པོའི་སློབ་མ་གཙང་པ་བརྩོན་འགྲུས་བཟང་པོས་བཏབ། དགེ་འདུན་བཞི་བཅུ་སྐོར།</br>33.སྒོ་ཤར་དགོན་ནི། ས་སྐྱ་པ་དྲུང་ཀུན་དགའ་རྒྱལ་མཚན་གྱིས་བཏབ། ཕྱིས་ཤོ་མདོར་སྤོས་པ་འོག་ཏུ་གསལ། </br>34.རི་ཁྲོད་དགོན་ནི། དྲུང་བྱང་ཆུབ་བཟང་པོས་བཏབ། གཞན་མའི་རྒྱུ་མཚན་སྒོ་ཤར་དང་མཚུངས།</br>35.ཀ་མཐོ་དགོན་ནི། གུང་རུ་སྟེང་པ་ཆོས་རྒྱལ་བཟང་པོས་བཏབ། དགེ་འདུན་སུམ་བརྒྱ་སྐོར།</br>36.གོང་གི་དགོན་ལག་ལྟ་བུ་དཔའ་མགོ་དགོན་དང་། བྲག་ལུང་གཉིས་བར་སྐབས་ཉག་ཕྲ་ཡང་ཕྱིས་ཇེ་འཕེལ་གྱིས་ད་ལྟ་ལྷ་དབང་མགོན་པོས་སྐྱོང་། དགོན་ཁག་གཉིས་སྤྱིར་དགེ་འདུན་དྲུག་ཅུ་སྐོར།</br>37.རྫོང་དཀར་དགོན་ནི། རྒྱ་སྟོན་པའི་ཆོས་ལུགས་འཛིན་པ་འཇིགས་མེད་གྲགས་པས་བཏབ། དགེ་འདུན་དྲུག་ཅུ་སྐོར།</br>38.རྒྱང་ཤོད་ཆམ་རྫོང་དགོན་ནི། མཁན་ཆེན་ཆོས་ལེགས་པར་གྲགས་པས་བཏབ། དགེ་འདུན་དྲུག་ཅུ་སྐོར།</br>39.དིལ་མགོ་དགོན་ནི། མཁན་ཆེན་ཆོས་ལེགས་པར་གྲགས་པས་བཏབ། དགེ་འདུན་བདུན་ཅུ་སྐོར།</br>40.རྫོང་ཆུང་དགོན་ནི། མཁན་ཆེན་ཆོས་ལེགས་པར་གྲགས་པས་བཏབ། དགེ་འདུན་བདུན་ཅུ་སྐོར།</br>41.མཛའ་ཤོད་དགོན་གསར། མཁན་ཆེན་བསོད་ནམས་པས་བཏབ།</br>42.མོད་རོད་མག་དགོན་ནི། མཁན་ཆེན་བསོད་ནམས་པས་བཏབ།</br>43.རས་རིས་དགོན་ནི། མཁན་ཆེན་བསོད་ནམས་པས་བཏབ། གོང་གསལ་དགོན་གསུམ་སྤྱིར་དགེ་འདུན་དགུ་བཅུ་སྐོར།</br>44.དིང་ཐང་དགོན་ནི། དགོན་གསར་འདེབས་མི་དང་གཅིག་ཀྱང་། འབའ་རུ་དང་བྱ་ཆོས་པ་ནང་འཁྲུགས་སྐབས་སྟོངས། </br>45.བོང་དགོན་ནི། ཇོ་གྲོང་པ་བྱམས་མགོན་གྱིས་བཏབ། </br>46.ཇོ་དགོན་ནི། ཇོ་གྲོང་པ་བྱམས་མགོན་གྱིས་བཏབ། གོང་གསལ་དགོན་པ་གཉིས་ལ་དགེ་འདུན་བཞི་བཅུ་སྐོར།</br>47.རྨེ་རུ་དཀྱིལ་མཁར་དགོན་ནི། དཀའ་བཅུ་པ་བསམ་གཏན་སེང་གེས་བཏབ། དགེ་འདུན་བརྒྱ་སྐོར།</br>48.རྨེ་རུ་བསམ་གྲུབ་དགོན་ནི། བསམ་གཏན་སེང་གེས་བཏབ། དགེ་འདུན་དྲུག་ཅུ་སྐོར།</br>49.ས་ཤོད་ལྷ་རྩེ་དགོན་ནི། རྒྱབ་སྣེ་བ་ཚུལ་ཁྲིམས་དབང་ཕྱུག་གིས་བཏབ། དགེ་འདུན་ལྔ་བཅུ་སྐོར།</br>50.ལིག་ཆོས་རྫོང་དགོན་ནི། མངའ་རིས་པ་ཞང་ཞུང་ཆོས་དབང་གྲགས་པས་བཏབ། དགེ་འདུན་བཞི་བཅུ་སྐོར།</br>51.བ་གྱོང་དགོན་ནི། འདེབས་མི་གོང་དང་མཚུངས། དགེ་འདུན་དྲུག་ཅུ་སྐོར།</br>52.ལྕགས་ར་དགོན་ནི། བྲེས་གསར་རྙིང་དང་ཕུ་ཡུལ་བསུ་ས་ཡུལ་དང་མི་སྡེ་བཅས་འཕགས་པ་ལྷ་མཐོང་བ་དོན་ལྡན་ལ་ཕུལ་བས་གཞི་བྱས་སྦྱིན་བདག་སྡེ་པ་དབང་དྲག་གིས་བགྱིས་ཏེ་བཏབ། དགེ་འདུན་བརྒྱ་སྐོར།</br>53.སྤར་ཆུ་མདོ་དགོན་ནི། སྔར་སུས་བཏབ་མ་བྱུང་། དགེ་འདུན་ལྔ་བཅུ་སྐོར།</br>54.དབང་དགོན་ནི། དགེ་དགོན་ཕྱིས་འབྱུང་ཞིག་ཡིན་སྙམ། དགེ་འདུན་བཞི་བཅུ་སྐོར།</br>55.ཡུལ་བཞིའི་དགོན་གསུམ་ནི། གསེར་པ་བ་རང་གི་གོང་མ་ཞིག་གིས་བཏབ་བམ། དགེ་འདུན་བཞི་བཅུ་སྐོར།</br>56.འོ་ཆུང་དང་སམ་དབྲ་དགོན་གཉིས་ནི། ད་ལྟ་ལ་རྒྱུའི་ཁ་འཛིན་རྟ་ཚག་རྗེ་དྲུང་གིས་མཛད། དགེ་འདུན་དྲུག་ཅུ་སྐོར།</br>57.ཧོར་འདྲ་ཁོག་ཡུལ་སྟེང་དགོན་གྱི་བླ་མ་ཆོས་སྤྱོད་གོང་དང་མཚུངས། དགེ་འདུན་སུམ་ཅུ་སྐོར།</br>58.ཁྱུང་པོ་གྲོང་དཔལ་དགོན་ནི། ཚ་འཕོང་བླ་མ་ན་རིམ་གྱིས་སྐྱོང་། དགེ་འདུན་བཞི་བཅུ་སྐོར།</br>59.རག་ཉག་ཕུན་ཚོགས་ཐེག་ཆེན་གླིང་དགོན་ནི། ལྡན་མ་ཤ་ཁྲིད་པས་ལུང་བསྟན་ཅིང་ཆོས་སྐྱོང་རྣམ་རྒྱལ་གྱིས་བཏབ། དགེ་འདུན་དྲུག་ཅུ་སྐོར།</br>60.འགའ་ར་དགོན་ནི། མཁར་པ་བསོད་ནམས་རྒྱ་མཚོས་བཏབ། དགེ་འདུན་ལྔ་བཅུ་སྐོར།</br>61.འབུམ་དིལ་དགོན་ནི། ཤེས་རབ་འོད་ཟེར་གྱིས་བཏབ། དགེ་འདུན་ལྔ་བཅུ་སྐོར།</br>62.ཡུལ་ཤུལ་ཤ་ར་དགོན་ནི། དཀོན་ཅོག་གྲགས་པས་བཏབ། དགེ་འདུན་བཞི་བཅུ་ཞེ་དགུ་སྐོར།</br>63.ཕུན་ཚོགས་ཐེག་ཆེན་གླིང་དགོན་ནི། ཆེ་ཆེན་ཆོས་རྗེས་བཏབ། དགེ་འདུན་ལྔ་བཅུ་སྐོར།</br>64.ངོམ་ཚ་སྒང་སྐྱོགས་གདེང་དགོན་ནི། བསེད་སྦས་ཀྱིས་བཏབ། དགེ་འདུན་དྲུག་ཅུ་སྐོར།</br>65.འབར་རྟ་དགོན་ནི། གླང་ཇོ་བཟང་པས་བཏབ། དགེ་འདུན་བཞི་བཅུ་སྐོར།</br>66.གྲི་པ་དགོན་ནི། ཤེས་རབ་རྒྱལ་མཚན་གྱིས་བཏབ། དགེ་འདུན་ཉི་ཤུ་སྐོར།</br>67.རྨ་འགྲིལ་དགོན་ནི། སྔར་གྱི་དགོན་རྙིང་ཞིག་རལ་དུ་སོང་བ་ཕྱིས་རབ་འབྱམས་པ་དགེ་འདུན་རྒྱལ་མཚན་གྱིས་ཞིག་གསོ་དར་རྒྱས་སུ་བགྱིས། དགེ་འདུན་སུམ་ཅུ་སྐོར།</br>68.ཀར་ཕུ་དགོན་ནི། བཀའ་བཞི་པ་བྱང་ཆུབ་སེམས་དཔས་བཏབ། དགེ་འདུན་ཉི་ཤུ་སྐོར།</br>69.ལྡན་མ་ཐུབ་བསྟན་ཆོས་འཁོར་གླིང་དགོན་ནི། ཉག་རོ་རྡོ་རྗེ་རྒྱལ་མཚན་གྱིས་བཏབ། དགེ་འདུན་ལྔ་བརྒྱ་སྐོར།</br>70.ལྡན་ལུང་ཡུལ་དགོན་ནི། དགེ་འདུན་བརྒྱད་ཅུ་སྐོར།</br>71.ག་ཤེ་ནང་དཀར་བུ་དགོན་མ་ལག་གཉིས་ལ། དགེ་འདུན་བདུན་ཅུ་སྐོར།</br>72.གདོང་འཛོམ་དགོན་དགེ་འདུན་དྲུག་ཅུ།</br>73.སྲིབས་སྨད་རྣམ་རྒྱལ་གླིང་དགོན་དགེ་འདུན་དྲུག་ཅུ།</br>74.དམར་འགྲམ་བྱང་ཆུབ་གླིང་པ་དགོན་དགེ་འདུན་དྲུག་ཅུ། </br>75.ཟིན་ཞི་ཡུལ་དགའ་དགོན་དགེ་འདུན་བཞི་བཅུ། </br>76.རབ་ནང་དགོན་ཡགས་དགེ་འདུན་བཞི་བཅུ། </br>77.ཚེ་སྨན་ཡར་འགག་དགོན་དགེ་འདུན་སུམ་ཅུ། </br>78.ལྡང་ཆུ་ཁ་ཁྲ་མ་དགོན་དགེ་འདུན་སུམ་ཅུ། </br>79.ཟལ་དཀར་དགོན་མ་ལག་གསུམ་ནི། མཁར་ནག་ཆོས་འབྱུང་དུ་ཆོས་རྗེ་རྣམ་རྒྱལ་གྲགས་པས་ལྡན་སྟོང་ཚེ་དཀར་ཆོས་སྡེ་བཏབ་ནས་གཞུང་བཤད་མཛད་ཅེས་པ་དང་དོན་གཅིག་སྙམ། དགེ་འདུན་སུམ་བརྒྱ་སྐོར།</br>80.ལབ་ཆོས་སྡེ་ནི། སྔར་སུས་བཏབ་མ་བྱུང་། དགེ་འདུན་བརྒྱ་དང་ཉི་ཤུ།</br>81.ལབ་ཆོས་སྡེའི་དགོན་ལག་ཡུང་ཤུལ་ཕུན་ཚོགས་གླིང་ལ་དགེ་འདུན་བརྒྱད་ཅུ།</br>82.ལབ་ཆོས་སྡེའི་དགོན་ལག་ཤ་རུ་དགོན་ལ་དགེ་འདུན་བརྒྱ།</br>83.ལབ་ཆོས་སྡེའི་དགོན་ལག་ཇོ་གདན་དགོན་ལ་དགེ་འདུན་བདུན་ཅུ།</br>84.བྱ་མོ་སྣ་དགོན་ནི། སྔར་སུས་བཏབ་མ་བྱུང་། དགེ་འདུན་བདུན་ཅུ་སྐོར། </br>85.ནགས་ཤོད་སྤུས་མདའ་རྣམ་རྒྱལ་དཔལ་འབར་དགོན་ནི། ཞང་ཞུང་ཆོས་དབང་གྲགས་པས་བཏབ། དགེ་འདུན་བདུན་ཅུ་སྐོར།</br>86.རྟ་སྨོས་ཆོས་འཁོར་གླིང་དགོན་ནི། མཁར་ནག་ཆོས་འབྱུང་སོགས་སུ་ཆོས་རྒྱལ་སྲོང་བཙན་སྒམ་པོའི་བཙུན་མོ་རྒྱ་བཟའ་ཨོང་ཆུང་མདོ་ཁམས་བརྒྱུད་བྱོན་པའི་ཡར་ལམ་བཏབ་པར་བཞེད་ཀྱང་། ཆོས་རྒྱལ་དུས་ཕ་བོང་ཁ་དང་ཡེར་པར་གོས་དཀར་ལྕང་ལོའི་ཕྲེང་བ་ཅན་གྱི་སྒོམ་གྲྭ་ཚུགས་ཞེས་ལོ་རྒྱུས་རེ་གཉིས་མཆིས་ནའང་། གཞན་འདུས་སྡེ་ལ་སོགས་པ་བྱུང་བར་མ་བཤད་པས་ཐེ་ཚོམ་གྱི་གཞི། དགེ་འདུན་བརྒྱ་དང་སུམ་ཅུ་སྐོར།</br>87.ར་ཁྱིམ་དགའ་ལྡན་དར་རྒྱས་གླིང་དགོན་ནི། ནགས་ཤོད་ལྷ་རྩེ་བ་བཀའ་བཞི་གྲགས་པ་རྒྱ་མཚོས་བཏབ། དགེ་འདུན་སུམ་ཅུ་སྐོར།</br>88.འབྲོང་ང་དགོན་ནི། དྲུང་བློ་གྲོས་བཀྲ་ཤིས་ཀྱིས་བཏབ། དགེ་འདུན་ལྔ་བཅུ་སྐོར།</br>89.ཤུག་ཐང་དགོན་ནི། འཇམ་མགོན་ཆོས་ཀྱི་རྒྱལ་པོའི་དངོས་སློབ་རྒྱ་སྟོན་བློ་བཟང་གྲགས་པས་བཏབ། དགེ་འདུན་དྲུག་ཅུ་སྐོར།</br>90.སྟག་ལྡང་རི་བོ་དཔལ་འབར་དང་། གཡབ་བཀྲབ་རི་བོ་མདངས་ཅན་དགོན་གཉིས་ནི། སྟག་ཕུ་གུ་ཤྲི་དཔལ་ལྡན་དོན་གྲུབ་ཀྱིས་བཏབ། དགེ་འདུན་བདུན་ཅུ་སྐོར།</br>91.རྨ་ལུག་དགོན་ནི། དགེ་བའི་བཤེས་གཉེན་སྣེའུ་ཟུར་པས་བཏབ། དགེ་འདུན་རྟ་སྨོས་ཀྱི་ཁོངས་སུ་འཐུས།</br>92.ཀར་ཤོད་གོང་དགོན་ནི། འཇམ་མགོན་ཆོས་ཀྱི་རྒྱལ་པོའི་ཞལ་སློབ་བཀྲ་ཤིས་རྒྱ་མཚོས་བཏབ། དགེ་འདུན་བཞི་བཅུ་སྐོར།</br>93.རྔུ་ཆུ་བརྒྱུད་ཁྲི་རྡོ་དགོན་ནི། ཞང་ཞུང་པ་ཆོས་དབང་གྲགས་པས་བཏབ། དགེ་འདུན་དྲུག་ཅུ་སྐོར།</br>94.ངོམ་ཆུ་བརྒྱུད་སྐྱིད་པ་དགེ་འདུན་སྒང་དགོན་ནི། མཁར་ལོའི་ཆོས་འབྱུང་དུ་ཁྱིམ་བར་རིན་ཆེན་སྒང་ཞེས་པ་དང་དོན་གཅིག དགེ་འདུན་སུམ་ཅུ་སྐོར།</br>95.གཡས་རུ་རེ་རྒྱབ་དགོན་དགེ་འདུན་བཅོ་ལྔ་སྐོར།</br>96.ལྕམ་མདའ་དགོན་ནི། འཇམ་མགོན་ཆོས་ཀྱི་རྒྱལ་པོའི་དངོས་སློབ་མཁན་ཆེན་བཀྲ་ཤིས་རྒྱ་མཚོས་བཏབ། དགེ་འདུན་བརྒྱད་ཅུ་སྐོར།</br>97.ཆ་འབོང་དགོན་ནི། ཐོག་མར་ཀར་ལུགས། དེ་རྗེས་དྲུང་དཔལ་ལྡན་བཟང་པོས་དགེ་ལུགས་སུ་བསྒྱུར་བར་གྲགས། དགེ་འདུན་བདུན་ཅུ་སྐོར། </br>98.སྒང་སྡེ་དགོན་ནི། འཇམ་དབྱངས་བཀྲ་ཤིས་དཔལ་ལྡན་གྱི་དངོས་སློབ་འབའ་རུ་བ་དགེ་འདུན་བཟང་པོས་བཏབ། དགེ་འདུན་བརྒྱད་ཅུ་སྐོར།</br>99.རྗོད་ཨ་རིག་ཐང་དགོན་ནི། ཐམས་ཅད་མཁྱེན་པ་བསོད་ནམས་རྒྱ་མཚོའི་སྡེ་ལུང་བསྟན། རུ་ཤོད་པས་སྦྱིན་བདག་བགྱིས་ཏེ་བཏབ། དགེ་འདུན་བརྒྱ་དང་སུམ་ཅུ་སྐོར།</br>100.བྱང་ལྷ་རི་འགོ་བདེ་ཆེན་གླིང་དགོན་ནི། གུ་ཤྲཱི་དཔལ་ལྡན་དོན་གྲུབ་པས་བཏབ། དགེ་འདུན་བརྒྱ་དང་བཅུ་སྐོར།</br>101.འཇམ་སྣེ་འཛམ་གླིང་རྫོང་ཁ་དགོན་ནི། རྒྱུད་སྟོད་སྔགས་རམས་པ་རྒྱ་བོར་གྲགས་པས་བཏབ། དགེ་འདུན་དྲུག་ཅུ་སྐོར།</br>102.སྐུ་འབུམ་བྱམས་པ་གླིང་དགོན་ནི། རྒྱལ་བའི་དབང་པོ་བསོད་ནམས་རྒྱ་མཚོའི་དཔལ་གྱིས་འདུས་སྡེ་གསར་སྐྲུན་གྱི་ཞལ་བཀོད་གནང་། དགེ་འདུན་སྟོང་ཕྲག་བརྒལ་བ།</br>103.སྐུ་འབུམ་སྔགས་གྲྭ་ནི། ཟི་ན་ལེགས་པ་རྒྱལ་མཚན་གྱིས་བཏབ། དགེ་འདུན་སུམ་བརྒྱ་སྐོར།</br>104.བྱ་ཁྱུང་བཤད་སྒྲུབ་གླིང་དགོན་ནི། རྩ་བའི་འདེབས་པ་པོ་འདི་ཞེས་དངོས་སུ་མ་བྱུང་། དགེ་འདུན་ཉིས་བརྒྱ་སྐོར།</br>105.བྱམས་པ་འབུམ་གླིང་དགོན་ནི། རྒྱལ་བ་བྱམས་པའི་སྐུ་ཤིན་ཏུ་ཆེ་བ་བཞུགས་པའི་ལྷ་ཁང་གི་མདུན་དུ་དགེ་འདུན་གྱི་སྡེ་རིམ་པར་ཆགས། དགེ་འདུན་ལྔ་བརྒྱ་སྐོར།</br>106.ཐང་རིང་བཤད་སྒྲུབ་གླིང་དགོན་ནི། དགེ་འདུན་རིན་ཆེན་པས་བཏབ། དགེ་འདུན་དགུ་བརྒྱ་སྐོར།</br>107.གྲོ་ཚང་དགོན་ནི། འབྲས་སྤུངས་བསམ་བློ་རབས་འབྱམས་པ་ཤེས་རབ་མཆོག་ལྡན་པས་བཏབ། དགེ་འདུན་ལྔ་བརྒྱ་སྐོར།</br>108.རྒྱལ་མཚན་བྲག་བཤད་སྒྲུབ་ཆོས་འཁོར་གླིང་དགོན་ནི། བསམ་བློ་ཨ་ཞང་མཉྫ་བྷིས་བཏབ། དགེ་འདུན་ལྔ་བརྒྱ་སྐོར།</br>109.མཛོ་མོ་མཁར་ནི། སེ་ར་བྱམས་ཆེན་ཆོས་རྗེ་རྒྱུ་ནག་རྒྱལ་པོས་གདན་དྲངས་པའི་མར་ལམ་གཞི་འདིར་དགོན་པ་ཐེབས་ན་ལེགས་ཞེས་ལུང་བསྟན་ཅིང་། རྗེས་སོར་རྒྱ་ནག་ཏུ་ཞིང་ཁམས་འཕོས་ པའི་སྐུ་གདུང་ཡར་གདན་དྲངས་པའི་ཚེ། འདི་ཐད་ཤིང་རྟ་འདམ་དུ་ཟུག་པ་ལྟར་འགྲོར་མ་ཉན་པས་མར་ལམ་གྱི་གསུང་དྲན་ཏེ་རྒྱ་ནག་གཡུང་ལོ་རྒྱལ་པོས་ཁྲི་རྐྱེན་ཉུང་ཧྭ་ཞེས་པའི་མཁར་བརྩིགས་ཤིང་། གསེར་གདུང་ལ་སོགས་པའི་རྟེན་མང་པོ་བཞེངས། བུ་ཆེན་སེང་གེ་བཟང་པོ་གདན་སར་བཞག་ཅེས་གྲགས།</br>110.དགོན་ཀླུངས་བྱམས་པ་གླིང་ནི། ཐམས་ཅད་མཁྱེན་པ་བསོད་ནམས་རྒྱ་མཚོས་ལུང་བསྟན་ཅིང་། རྒྱལ་སྲས་དོན་ཡོད་ཆོས་ཀྱི་རྒྱ་མཚོས་བཏབ། དགེ་འདུན་ཕྱེད་ཉིས་སྟོང་སྐོར།</br>111.ཁ་ཐི་ཀ་ནི། རྒྱ་ནག་རྒྱལ་པོ་ཧུམ་ཨུ་ལུས་དྲུང་ཆེན་ཆོས་རྒྱལ་ལ་ཏ་གུ་ཤིའི་ལུང་ལས་དང་དགོན་གནས་འདེབས་ཡུལ་ཤེས་སུ་བཅུག་པ་ལྟར་བཏབ་པར་གྲགས། དགེ་འདུན་སུམ་བརྒྱ་སྐོར།</br>112.དགའ་ལྡན་དམ་ཆོས་གླིང་ནི། སེ་ཆེན་ཆོས་རྗེ་ཤེས་རབ་རྒྱལ་མཚན་ལ་རྗེ་བླ་མ་མཆོག་གི་བཀའ་ཕེབས་ཏེ་བཏབ། དགེ་འདུན་ཉིས་བརྒྱ་སྐོར།</br>113.ཆོས་ལུང་ཐོས་བསམ་གླིང་ནི། རྗེ་བླ་མ་སྲིད་ཞིའི་གཙུག་རྒྱན་དམ་པས་ལུང་བསྟན་པ་ལྟར་ཧོར་རབ་འབྱམས་པ་བློ་བཟང་དོན་གྲུབ་ཀྱིས་བཏབ། དགེ་འདུན་བདུན་ཅུ་སྐོར།</br>114.བཤད་སྒྲུབ་གླིང་ནི། ཧོར་རབ་འབྱམས་པས་བཏབ། དགེ་འདུན་བཞི་བཅུ་སྐོར།</br>115.ཆུ་བཟང་དགོན་མི་འགྱུར་གླིང་ནི། སྟོད་ལུང་ཆུ་བཟང་དཀར་ལེབ་པ་རྣམ་རྒྱལ་དཔལ་འབྱོར་གྱིས་བཏབ། དགེ་འདུན་བརྒྱ་སྐོར། </br>116.བཙན་པོ་དགོན་དགའ་ལྡན་དམ་ཆོས་གླིང་ནི། ཆོས་རྗེ་དོན་གྲུབ་རྒྱ་མཚོས་རབ་བྱུང་བཅུ་གཅིག་པའི་ས་གླང་ལོར་བཏབ། དགེ་འདུན་སྟོང་དང་སུམ་བརྒྱ་སྐོར།</br>117.བཙན་པོའི་དགོན་ལག་འབྲི་གུ་དགོན་ནི། འདེབས་མི་གོང་དང་མཚུངས། དགེ་འདུན་ཉིས་བརྒྱ་སྐོར།</br>118.བཙན་པོའི་དགོན་ལས་ཀུན་ཆེན་དགོན་ནི། འདེབས་མི་གོང་དང་མཚུངས། དགེ་འདུན་བརྒྱ་སྐོར། </br>119.ཅུའི་ཆོས་སྡེ་དང་། བསྐྱེད་རྫོགས་གླིང་གཉིས་ནི། ངག་དབང་འཕྲིན་ལས་ལྷུན་གྲུབ་པས་བཏབ། དགེ་འདུན་བརྒྱད་ཅུ་སྐོར།</br>120.བསྟན་ལུང་དར་རྒྱས་དགོན་ནི། གཅན་ཚ་བཟང་པོ་བཀྲ་ཤིས་པས་བཏབ། དགེ་འདུན་བརྒྱ་དང་ལྔ་བཅུ་སྐོར།</br>121.ཇ་གར་བྱང་ཆུབ་གླིང་ནི། ཐོག་མར་སུས་བཏབ་ངེས་པ་མ་བྱུང་། དགེ་འདུན་སུམ་བརྒྱ་སྐོར།</br>122.གུར་དགོན་དགའ་ལྡན་རྣམ་རྒྱལ་གླིང་ནི། ལ་མོ་སྐུ་སྐྱེ་བློ་གྲོས་རྒྱ་མཚོས་ས་ཕོ་སྟག་གི་ལོར་བཏབ། དགེ་འདུན་ལྔ་བཅུ་སྐོར།</br>123.བྱམས་པ་ཆོས་གླིང་ནི། ཚ་གན་ནོ་མིན་ཧན་ངག་དབང་བློ་བཟང་བསྟན་རྒྱུན་པས་བཏབ། དགེ་འདུན་ཉི་ཤུ་སྐོར།</br>124.དགོན་རུང་རི་ཁྲོད་ནི། ཐོག་མར་རོང་པ་བློ་བཟང་བསྟན་རྒྱུན་པས་བཏབ། དགེ་འདུན་ཉི་ཤུ་སྐོར། </br>125.རོང་པོ་དགོན་གོང་ནི། དང་ཐོག་ས་ལུགས་ཕྱིས་དཀའ་བཅུ་པ་སྐལ་ལྡན་རྒྱ་མཚོས་འཆད་ཉན་བཙུགས། </br>126.ༀ་མདོའི་དགོན་ནི། བསམ་བློ་གྲགས་པ་རྒྱ་མཚོས་བཏབ།</br>127.བཀྲ་ཤིས་འཁྱིལ་སྒྲུབ་སྡེ་ནི། རོང་ཆོས་པས་བཏབ། གཞན་ཡང་དེ་དང་ཁད་ཧ་ཅང་མི་རིང་བའི་སར་ཅོག་རོང་ཏྲེ་བོས་བཏབ་པའི་དགོན་པ་དང་། གོང་པ་དགོན། ཁ་སྐྱ། རྒན་རྒྱ་སོགས་དགོན་པ་ཆེས་མང་ངོ་། ། </br>128.ཀ་མ་ལོག་གི་དགོན་བསམ་གཏན་གླིང་ནི། རྗེ་བླ་མ་མཆོག་གི་བཀའ་བཞིན་སྐྱུར་པོ་བས་བཀོད་པས་ཁྱབ་པར་བྱས་ཏེ་དར་རྒན་ཆོས་རྗེ་ངག་དབང་དཔལ་འབྱོར་སོགས་ཀྱིས་སྟག་ལོར་བཏབ། དགེ་འདུན་སུམ་བརྒྱ་སྐོར།</br>129.སྟོང་འཁོར་བ་ནི། དགོན་ཁག་རྣམས་ཀྱི་མིང་དང་འདོད་ཆོས་སོགས་ཀྱི་ས་བོན་མ་བྱུང་བས་འབྲི་བར་མ་སྤོབས་སོ། །</br>130.ཐེག་ཆེན་ཆོས་འཁོར་གླིང་ནི། ཐམས་ཅད་མཁྱེན་པ་བསོད་ནམས་རྒྱ་མཚོས་བཏབ། </br>131.གཞན་ཡང་འོར་དུས་ཀྱི་རྒྱལ་པོ་བིན་དུས་ཡོན་བདག་བགྱིས་ཏེ་བཏབ་པའི་ཕུན་ཚོགས་གཞན་ཕན་བདེ། ཨལ་དཔལ་ནོ་ཡོན་གྱི་ས་ཆར་ཕུན་ཚོགས་རྣམ་རྒྱལ་གླིང་། སེ་ཆེན་དའི་ཆིང་གི་མངའ་ཞབས་སུ་ཕུན་ཚོགས་དར་རྒྱས་གླིང་ལ་སོགས་པ་དགེ་འདུན་གྱི་སྡེ་བསམ་གྱིས་མི་ཁྱབ་པ་བྱུང་བ་བཅས་སོ། ། (སྐབས་འདིར་གཅིག་ཆད་པ་དཔྱད།)ུང་བ་བཅས་སོ། ། (སྐབས་འདིར་གཅིག་ཆད་པ་དཔྱད།))
• Dictionaries/chos rnam kun btus/6977  + (1.ཆོས་ཕྱིར་དཀའ་སྤྱད་ཤི་ཡང་འགྱོད་པ་མེད། ། 2. དམན་པའི་ས་བཟུང་ཁ་ཉེན་འགྱོད་པ་མེད། ། 3. ཕ་ཡུལ་རྒྱབ་སྐྱུར་མདོ་ཆུང་འགྱོད་པ་མེད། ། 4. ཆོས་ཕྱིར་ནོར་བཏང་ལྟོགས་ཀྱང་འགྱོད་པ་མེད། ། 5. སྡིག་སྤངས་ངན་སོང་སོང་ཡང་འགྱོད་པ་མེད། ། (སྐབས་འདིར་དོན་ཚན་གཅིག་ཆད))
• Dictionaries/chos rnam kun btus/2356  + (1.ཐོག་མར་སུ་ཞིག་གིས་དྲན་ཅིང་གང་ལས་བརྒྱུད་པ … 1.ཐོག་མར་སུ་ཞིག་གིས་དྲན་ཅིང་གང་ལས་བརྒྱུད་པ་ནི། ཚངས་པས་ཐོག་མར་ཚེ་ཡི་རིག་བྱེད་དྲན། ། བདུད་རྩི་བཙལ་ཞིང་གསོ་དཔྱད་འབུམ་པ་མཛད། དབང་པོར་རིམ་བརྒྱུད་དེ་སློབ་རྒྱུན་ཤེས་བུས། ། ཚངས་བཤད་བསྡུས་པ་ཞེས་བྱའི་གཞུང་ཆེན་བརྩམས། ། ཞེས་དེ་ལ་ཡང་དག་པར་ནི་རིག་བྱེད་རྟག་པ་ཚད་མའི་ལོ་རྒྱུས་དང་བཅས་ལ་ནང་པའི་རྒྱུད་གཞུང་རྣམས་ལས་རྒྱ་ཆེར་བཀག་ཀྱང་། རིག་ལམ་ཐུན་མོང་བའི་སྐབས་འདིར་རིག་བྱེད་ཀྱི་གཞུང་དུ་གྲགས་པ་སོར་བཞག་པ་སློབ་དཔོན་དཔའ་བོ་སོགས་ཀྱི་དགོས་པ་ལ་གནས་པའི་དབང་དུ་བྱས་ནས་སྔོན་རྫོགས་ལྡན་ཆེན་པོའི་སྐབས་ཚེ་ལོ་དཔག་མེད་ནས་ཅུང་ཟད་འགྲིབ་སྟེ་ལྷ་མི་རྣམས་ལ་འཆི་བ་ཡོད་པའི་སྐབས་ཤིག་ལ་ལྷ་རྣམས་ཀྱིས་མི་འཆི་བའི་ཐབས་བགྲོས་པ་ན། ཚངས་པའི་འཁུར་ཚོས་ལས་བྱ་རྩོལ་མ་བྱས་པར་རང་བྱུང་གི་སྒྲ་ༀ་ཨ་ཐ། ཞེས་བྱ་བ་བྱུང་བ་ཟླ་ཟེར་ལས་བཤད། རིག་བྱེད་ཀྱི་གཞུང་འགའ་ཞིག་ཏུ་ཞལ་ནས་རང་བྱུང་དུ་བྱུང་བར་བཤད་ཅིང་། གང་ལྟར་དེའི་རྗེས་ཐོག་ཏུ་ཞལ་བཞི་ལས་རིག་བྱེད་བཞི་བྱུང་བར་བཤད་དེ། ཇི་སྐད་དུ། གང་ཕྱིར་ཚངས་པ་ཡི་ནི་ཞལ། ། དབུས་མ་ནས་ནི་ཚེའི་རིག་བྱེད། ། སྙན་ཚིག་ངེས་བརྗོད་མཆོད་སྦྱིན་རྣམས། ། ཞལ་གཞན་ནས་ནི་གསུངས་པར་མཛད། ། ཅེས་པ་ལྟར་ཐོག་མར་ཞལ་དབུས་མ་ནས་ཚེ་རིག་སྟེ་གསོ་རིག་རང་བཞིན་གྱིས་དྲན་ནས་བྱུང་། གཞན་རྣམས་རིམ་བཞིན་བྱུང་སྟེ། དེ་བཞི་ཀའང་སུས་ཀྱང་མ་བྱས་པས་རྟག་པ། བྱ་རྩོལ་གྱིས་མ་བསླད་པས་རང་བྱུང་། ཐམས་ཅད་བརྗོད་དུ་རུང་བའི་ཚད་མ་སྟེ་ཆོས་གསུམ་ལྡན་དུ་འདོད། དེ་རྗེས་རྒྱ་མཚོ་ལས་བདུད་རྩི་བཙལ་བའང་མནྡ་རས་སྲུབ་ཤིང་། ནོར་རྒྱས་བུས་སྲུབ་ཐག་བྱས་ཏེ། ཚངས་པའི་འཇིག་རྟེན་གྱི་སྨན་དང་བཅུད་རྣམས་བཅུག་ནས་ཆེར་བསྲུབས་པ་ན། ཐོག་མར་ནག་པོ་བརྩེགས་པ་དོན་པ་ཚངས་པས་ཧཱུྃ་གིས་བསྡིགས་པས། རྒྱུ་བ་དང་མི་རྒྱུ་བ་ལ་ཐིམ་པ་ནི་དུག་ཅེས་གྲགས། དེ་ནས་དཔལ་མོ་རྟ་མཆོག་གླང་པོ་ཉི་ཟླ་སོགས་རིམ་པར་བྱུང་། ཆང་ཞེས་བྱ་བ་བྱུང་བའི་ཚེ་ཁ་ཅིག་འཇིགས་ནས་མ་འཐུང་བ་ལ་ལྷ་མ་ཡིན་དང་། འཐུང་ནུས་པ་རྣམས་ལ་ལྷར་གྲགས། མཐར་བདུད་རྩི་སྣོད་ཆེན་པོ་བརྒྱད་གང་བ་བྱུང་བ་ལྷ་མིན་གྱིས་འཕྲོགས། ཁྱབ་འཇུག་དང་བརྒྱ་བྱིན་གྱིས་བརྫུ་བག་ལ་བརྟེན་བརྐུས་ནས་སླར་ཐོབ་པ་ལྷ་རྣམས་ཀྱིས་འཐུངས་པས་ལྷ་ལ་འཆི་མེད་དུ་གྲགས། དེ་ནས་གསོ་དཔྱད་འབུམ་པ་ཞེས་བྱ་བའི་གཞུང་ཆེན་པོ་བྱུང་བ་ཚངས་པས་རང་གི་བུ་སྐྱེ་དགུའི་བདག་པོ་མྱུར་བ་ལ་བཤད། དེས་ལྷའི་སྨན་པ་ཐ་སྐར་གྱི་བུ་གཉིས། དེས་དབང་པོ་བརྒྱ་བྱིན་ལ་རིམ་པར་བརྒྱུད་ཅིང་བཤད། དེས་རྒྱུན་ཤེས་བུ་ཐང་ལ་འབར། དཀའ་གཉིས་སྤྱོད། མུ་ཁྱུད་འཛིན། འདྲོབས་སྐྱོང་གི་བྱ། བཤོལ་འགྲོ་སྐྱེས་རྣམས་ལ་བཤད། སྔ་མས་ཚངས་པའི་བཤད་པ་བསྡུས་པ་ཞེས་བྱ་བའི་གཞུང་ཆེན་པོ་བརྩམས་སོ། ། མེ་བཞིན་འཇུག་སོགས་ལྷ་ལས་མིར་བརྒྱུད་དེ། ། ཧ་རི་ཙནྡྲས་ཙ་ར་ཀ་ལ་སོགས། ། དྲང་སྲོང་མཁས་པས་སྨན་དཔྱད་གཞུང་མང་བརྩམས། ། ཞེས་སྨོས་མ་ཐག་པའི་དྲང་སྲོང་ཆེན་པོ་དེ་དག་གི་མེ་བཞིན་འཇུག ལུག་ནག་དང་རྒྱ་སྐྱེག་སྣ། མདའ་མཆོག་དང་ལཉྩའི་ལག་པ་སོགས་ལ་བཤད་ཅིང་དེ་དག་སོ་སོས་གཞུང་རྩིང་ཞིབ་སྣ་ཚོགས་བྱས། ལྷའི་དྲང་སྲོང་དེ་དགུ་ལས་རིམ་གྱིས་མིར་བརྒྱུད་ནས་བྱུང་སྟེ། དེ་ལྟར་ཡང་གཅེས་གྲུབ་ལས། ཚེ་འཛིན་པའི་རིག་བྱེད་འདི་ནི་ཚངས་པས་མཐོ་རིས་སུ་བཤད་དེ། རིམ་གྱིས་ཡུལ་ཀཱ་ཤིའི་རྒྱལ་པོས་མི་རྣམས་ལ་བཤད་དོ། ། ཞེས་འཕགས་ཡུལ་ཀཱ་ཤིའི་ལྗོངས་སུ་གསོ་དཔྱད་ཐོག་མར་བྱུང་བར་བཤད། དེ་ནས་རིམ་གྱིས་འཕེལ་ཏེ་སྨ་ཚོགས་ཀྱི་རིག་བྱེད་རྒྱ་མཚོ་འཛིན་པ་དྲང་སྲོང་གཞུང་ལ་སྐྱེས་ཀྱི་བུ། ཉི་མ་དང་། ཟླ་བའི་སྙིང་པོ། ཤཱ་ལི་ཧོ་ཏྲ། རི་བྱི་དང་། གནས་འཇོག་ལ་སོགས་དུ་མ་བྱུང་ནས་གཞུང་མང་པོ་བྱས། ཡང་རྒྱལ་པོ་དྲང་སྲོང་ཆེན་པོ་དཔལ་ལྡན་དགོད་པ་དང་བཅས་པས་མཚན་པ་དང་། རིག་བྱེད་ཀུན་གྱི་བདག་པོ་དྲང་སྲོང་ཧ་རི་ཙནྡྲའམ། མཐོ་བཙུན་ཙ་ར་ཀ་ཞེས་པ་བྱུང་བ་དེས་སྨན་དཔྱད་ཀྱི་བསྟན་བཅོས་ཙ་ར་ཀ་ཞེས་བརྩམས། དེའི་བུ་བརྒྱུད་ལ་སྨན་པ་ཆེན་པོ་དཔལ་ལྡན་ནག་པོ། རོལ་པས་སྒེག གདོང་ཅན་ཟླ་བ། རིན་ཆེན་འབྱུང་གནས། འཇུག་པ་བཅས་དཔལ་གྱི་མིང་དང་ལྡན་པ་བྱུང་། ཡང་དཔལ་ལྡན་ནག་པོའི་བུ་ཚངས་པ། དེའི་བུ་དབང་ཕྱུག་ཆེན་པོ་ས་སྟེང་ཉི་འོག་གི་མཁས་པ་ཆེན་པོར་གྲགས་པ་དེས་མངོན་བརྗོད་སྣ་ཚོགས་གསལ་བ་མཛད། གཞན་ཡང་དྲང་སྲོང་མཁས་པ་རྣམས་ཀྱིས་སྨན་དཔྱད་ཀྱི་གཞུང་མང་དུ་བརྩམས་ཏེ་རྒྱུན་ཤེས་པས་ཚངས་པས་བསྟན་པ་བསྡུས་པ། ལེགས་ཐོས་ཀྱིས་བྱེ་བྲག་བཅོས། མཐོ་བཙུན་དཔལ་འཕེལ་གྱིས་གཅེས་བཏུས་ལ་སོགས་པ་དུ་མའི་ནང་ནས་གྲགས་ཆེ་བ་བརྒྱུད་ཡོད་པར་བཤད་དོ། །</br>2.བར་དུ་སྟོན་པས་ཇི་ལྟར་གསུངས་ཚུལ་ནི། སྟོན་པས་འདུལ་མདོ་རྒྱུད་སོགས་ཐོར་བུར་གསུངས། ། དེ་ཚེ་རྒྱུན་ཤེས་གཞོན་ནུས་གསོས་སོགས་བྱུང་། ། སྨན་གྱི་ནགས་སུ་རྒྱུད་བསྟན་ཁ་ཅིག་འདོད། ། ཅེས་བདག་ཅག་གི་སྟོན་པ་ཤཱཀྱའི་དབང་པོས་བཀའ་འཁོར་ལོ་དང་པོའི་སྐབས་སུ་འདུལ་བ་ལུང་གི་དུམ་བུ་གསུམ་པར་སྨན་ལུང་དུ། སྨན་དང་མས་བཏང་གི་དཔྱད་ལ་སོགས་པ་ཉུང་ཟད་ཙམ་བཤད། གཙོ་བོར་དགེ་སློང་རྣམས་ཀྱི་སྨན་རྣམ་པ་བཞི་པོ་དུས་སུ་རུང་བ་དང་། ཐུན་ཚོད་དུ་རུང་བ། ཞག་བདུན་པ་དང་། ཇི་སྲིད་འཚོ་བའི་བར་དུ་བཅང་བ་རིམ་པ་ལྟར་ལྡེ་གུ་སོགས་དང་། ཤིང་ཏོག་ཞོ་ཙམ་གྱི་བཏུང་བ་སོགས་དང་། བུ་རམ་ཞུན་མར་སོགས་དང་། རྩ་བའི་སྨན་ལ་སོགས་བཀའ་བསྩལ་པ་དང་དེའི་ཞར་དུ་འཚོ་བྱེད་གཞོན་ནུས་གསོས་ཀྱི་གླེང་གཞི་རགས་རིམ་བཅས་བྱུང་བ་ཡིན། དེ་ནས་མདོ་སྡེ་གསེར་འོད་དམ་པ་གསུངས་པའི་ཚེ་སྔོན་བྱུང་བ་འདས་པའི་དུས་ཀྱི་སངས་རྒྱས་རིན་ཆེན་གཙུག་ཏོར་ཅན་གྱི་བསྟན་པ་ལ་སངས་རྒྱས་ཉིད་ཚོང་དཔོན་གྱི་བུ་ཁྱེའུ་ཆུ་འབེབས་སུ་གྱུར་པའི་ཚེ་རང་གིས་སྨན་པ་ཆེན་པོ་རལ་པ་འཛིན་པ་ལ་ཁམས་ལ་མཁས་པར་བྱ་བ་དྲིས་པ་ལ། ཟླ་གསུམ་དབྱར་སྟེ་ཟླ་གསུམ་སྟོན་དུ་ཤེས། ། ཞེས་བྱ་བ་ལ་སོགས་གློ་ཀ་དགུ་དང་། ཆེ་བ་རྒྱ་ནག་ཏུ་འགྱུར་བ་ལས། ངས་དེར་སྔོན་གྱི་དྲང་སྲོང་གི ། ནད་ཀྱི་གསོ་དཔྱད་ལ་བསྟེན་ནས། ། ཞེས་སོགས་ཅུང་ཟད་རྒྱས་པ་དག་ཀྱང་སྔོན་ཕ་ཚོང་དཔོན་རལ་པ་འཛིན་གྱིས་དྲང་སྲོང་གི་ལུགས་ལྟར་བཤད་པའི་ཚིག་རྣམས་བསྒྱུར་ནས་གསུངས་པ་དང་། རྒྱུད་མཁའ་འགྲོ་རྒྱ་མཚོ་ལས། དེས་ན་སེམས་ཅན་ཀུན་ཕན་ཕྱིར། ། ཐམས་ཅད་སྙིང་པོར་བསྡུས་པ་ཡིན། ། ཞེས་སོགས་བཅུད་ལེན་གྱི་ཚུལ་དང་། འདས་པའི་དུས་སོགས་སྔོན་བྱུང་བའི། ། བདེ་ཆེན་བསྐལ་པ་དང་པོ་རུ། ། ཞེས་སོགས་དངུལ་ཆུའི་བྱུང་ཚུལ་སྦྱར་ཐབས་བཅས་པ་དང་། རོ་དྲུག་སོ་སོའི་སྡེ་ཚན། སྨན་དང་རིན་ཆེན་སྣ་ཚོགས་ཀྱི་སྐྱེ་ཡུལ་བཟང་ངན་སོགས་རགས་པ་ཙམ་དང་། ཤིན་ཏུ་འཁྱག་དང་སྤྲིན་འཁྲིགས་རུང་། ། ཁྱད་པར་དུ་ནི་སོ་གའི་མཐར། ། ཞེས་སོགས་དུས་བཞིར་ནད་གསོག་ལྡང་ཞི་བའི་ཚུལ་རགས་པ་ཙམ་གསུངས་སོ། ། དཔལ་དུས་ཀྱི་འཁོར་ལོ་ལས་ཀྱང་། ལུས་འདི་ལ་ནི་སེམས་ཀྱི་ཚོགས་རྣམས་མཐའ་དག་རོ་དྲུག་ཟོས་ཤིང་འཐུང་བ་དག་ལས་གྱུར་པ་སྟེ། ། ཞེས་སོགས་ལུས་ཆགས་པའི་ཚུལ་དང་། རླུང་འཇོམས་ལན་ཚྭ་སྐྱུར་པ་དག་ཏུ་རབ་ཏུ་འགྱུར་ཏེ་མངར་དང་ཁ་བ་དག་ནི་མཁྲིས་པའི་དགྲ། ། ཞེས་སོགས་ཕྱི་ནང་གི་སྨན་བསྟེན་ཚུལ་དང་། འཆི་བའི་འཇིགས་པ་སྟེར་བར་བྱེད་པའི་ཚེར་མ་ཅན་གྱི་གདོན་ནི་ངེས་འཇོམས་ཏེ། ། ཞེས་སོགས་འབྲུམ་པ་ལ་སོགས་པ་སྲུང་བ་དང་། གསོ་བའི་ཐབས་དང་བཅུད་ལེན་དང་། སྦྲུམ་མ་བདེ་བར་བཙའ་བའི་འཁྲུལ་འཁོར་སོགས་དང་། བླ་གནས་ཀྱི་འཕོ་ཚུལ་སོགས་གསུངས་པ་རྣམས་ཀྱང་ཚེའི་རིག་བྱེད་དང་། འདོད་པའི་བསྟན་བཅོས་སོགས་རིག་བྱེད་རྣམས་དང་གོ་བསྟུན་ནས་གསུངས་པ་ཡིན་ལ། གཞན་ཡང་གཤིན་རྗེ་གཤེད་དམར་པོའི་རྒྱུད་སོགས་ནས་ཀྱང་ཕྲན་ཚེགས་ཀྱི་ནད་གསོ་བ་དང་། བཅུད་ལེན་གྱིས་མཚོན་ཐོར་བུར་གསུངས་པ་མང་ངོ་། ། སྟོན་པ་ཞལ་བཞུགས་པ་དེའི་ཚེ་རྡོ་འཇོག་གི་རྒྱལ་པོ་པདྨའི་སྙིང་པོའི་བླ་སྨན་པ་རྒྱུན་ཤེས་ཀྱི་བུ་དང་། དེའི་སློབ་མ་འཚོ་བྱེད་ཆེན་པོ་གཞོན་ནུས་གསོས་ཞེས་མི་ལས་འདས་པའི་སྨན་པ་ཆེན་པོ་དེ་ལ་སོགས་པའང་བྱུང་ཡང་གཞུང་བརྩམས་པར་ནི་མ་གྲགས་སོ། ། ཡང་བྱེ་བྲག་ཏུ་བཤད་པ་ལས། སྨན་གྱི་ནགས་སུ་ལོ་བཞི་སྟེ། ། ཞེས་འབྱུང་བས་དེར་བཞུགས་པའི་ཚེ་དཔལ་ལྡན་རྒྱུད་བཞི་སོགས་བསྟན་ཏོ་ཞེས་ཁ་ཅིག་གི་འདོད་པའང་སྣང་ངོ་། རིན་ཆེན་སྤུངས་པའི་འཁྲུལ་ངག་ལ་བརྟེན་ནས། ། གླེང་གཞི་འདི་ལ་ཅལ་ཅོལ་མང་སྨྲ་ཡང་། ། ཟུར་མཁར་ཕྱི་མའི་གསུང་ཉིད་ལེགས་བཤད་དོ། ། ཚན་པ་ཤི་ལ་ཧ་སོགས་སྲས་གསུམ་གྱིས་བྱས་པར་དངོས་སུ་བཤད་པའི་རིན་ཆེན་སྤུངས་པའི་གཞུང་ཉིད་འགའ་ཞིག་གིས་བཀའ་རུ་འདོད་ཅིང་དེའི་འཁྲུལ་པའི་ངག་ཕལ་ཆེར་ལ་བརྟེན་ནས་གླེང་གཞི་འདི་རིགས་ལ་བོད་ཀྱི་མཁས་པར་གྲགས་པ་འགའ་ཞིག་ཅལ་ཅོལ་མང་དུ་སྨྲ་ཡང་། ཟུར་མཁར་ཕྱི་མ་ལེགས་བཤད་འཚོལ་གྱི་གསུང་སྨན་གྱི་ཁོག་དབུབ་ལ་སོགས་པར་དགག་སྒྲུབ་རྒྱས་པར་མཛད་པ་ཉིད་དོན་ལ་གནས་པའི་ལེགས་བཤད་དུ་རྗེ་བསྟན་པའི་ཉིན་བྱེད་ཡབ་སྲས་རྣམས་བཞེད་དོ། ། </br>3.ཐ་མར་རྒྱ་བོད་དུ་ཇི་ལྟར་དར་བ་སྨོས་པ་ལ་གསུམ་སྟེ།</br>(1)འཕགས་ཡུལ་དུ་དར་ཚུལ་ནི། དེ་རྗེས་ཉི་མ་སྲུང་བས་གཅེས་གྲུབ་དང་། ། འཕགས་པས་སྦྱོར་བ་བརྒྱ་པ་ལ་སོགས་མཛད། ། ཅེས་རྒྱལ་བ་འཇིག་རྟེན་ཏུ་བྱོན་པ་དེའི་རྗེས་སུ་འཕགས་ཡུལ་ནུབ་ཕྱོགས་རྟ་མཁན་གྱི་རིགས་ལས་བྱུང་པའི་སྨན་པ་ཉི་མ་སྲུང་བས་གཅེས་པར་གྲུབ་པའི་གཞུང་བྱས་ཀྱང་ཡན་ལག་བརྒྱད་ཇི་བཞིན་མ་ཚང་བས་འདི་ཤེས་པ་ལ་སྨན་པ་དང་། ཀ་ལཱ་པ་ཤེས་པ་ལ་སྒྲ་མཁན་ཏུ་མི་བརྩི་སྟེ། ཚིགས་སུ་བཅད་པའི་མཛོད་ལས། རྒྱུད་ཉུང་ཤེས་པའི་སྒྲ་མཁན་དང་། ། གཅེས་གྲུབ་ཤེས་པའི་སྨན་པ་དང་། ། དབྱིག་པ་ཐོགས་པའི་རལ་སྐོར་མཁན། ། འདི་གསུམ་འཇིག་རྟེན་བཞད་གད་གནས་། ། ཞེས་བཤད་དོ། ། འཕགས་པ་ཀླུ་སྒྲུབ་ཞབས་ཀྱིས་དྲང་སྲོང་གི་གཞུང་རྣམས་ལ་བརྟེན་ནས་སྦྱོར་བ་བརྒྱ་པ། སོགས་ཁོངས་ནས་འཚོ་བའི་མདོ་ཚིགས་སུ་བཅད་པ། རྩ་ཨ་ཝའི་ཆོ་ག སྨན་ཚན་པོའི་རིམ་པ། དངུལ་ཆུ་སྦྱོར་བ་རིན་ཆེན་ཕྲེང་བ། གསེར་འགྱུར་དང་དྲིའི་སྦྱོར་བ་རྣམས་མཛད་དོ། ། རྒ་ལོ་ལུགས་ཀྱི་ཕྱག་བཞི་པའི་ལོ་རྒྱུས་རྣམས་སུ། ཤར་ཕྱོགས་མྱ་ངན་མེད་པའི་ཡུལ། ཆོས་བཟང་སྤྲིན་གྱི་ཡང་རྫོང་རང་བྱུང་གི་མཆོད་རྟེན་ནས་ནག་པོའི་རྒྱུད་དང་། ལྷན་ཅིག་གསོ་བ་རིག་པའི་རྒྱུད་སོགས་འཕགས་པས་སྤྱན་དྲངས་པར་ཡང་བཤད་དོ། ། ཁྱད་པར་བསྟན་བཅོས་སྙིང་པོ་ལེགས་བསྡུས་པ། ། ས་གསུམ་དགེ་བའི་མཚན་ལྟས་བཅོ་བརྒྱུད་ཅན། ། ཡན་ལག་བརྒྱད་པ་ཕ་ཁོལ་མཛད་པ་ལ། ། ཟླ་བ་མངོན་དགས་འགྲེལ་པ་ཟླ་ཟེར་བྱས། ། ཞེས་གསོ་དཔྱད་ཀྱི་གཞུང་ཐམས་ཅད་ལས་ཁྱད་པར་དུ་གྱུར་ཅིང་ཚངས་པ་དང་དྲང་སྲོང་མང་པོའི་བསྟན་བཅོས་རྣམས་ཀྱི་ལེགས་པའི་ཆ་སྙིང་པོར་བསྡུས་པས། རྩོམ་པའི་ཚེ་འོག་ཀླུ་སྟེང་ལྷའི་ཡུལ་དུ་ངོ་མཚར་གྱི་ལྟས་གསུམ་གསུམ། བར་མིའི་ཡུལ་དུ་ལྟས་བཅུ་གཉིས་ཏེ་ས་གསུམ་དུ་དགེ་ཞིང་ལེགས་པའི་ལྟས་རྣམ་པར་འཕྲུལ་པ་བཅོ་བརྒྱད་དང་ལྡན་པ་ཡན་ལག་བརྒྱད་པ་ཞེས་བྱ་བའི་བསྟན་བཅོས་ལེའུ་བརྒྱ་དང་ཉི་ཤུ་ཡོད་པ་འདི་སྨན་པ་དགེ་འདུན་གསང་བའི་བུ་སྨན་གྱི་བུམ་པའམ། ཕ་ལ་གུས་པས་ཕ་ཁོལ་སོགས་མཚན་གྱི་རྣམ་གྲངས་དང་ལྡན་པ་དེས་མཛད།</br>(2)རྒྱ་ནག་ཏུ་དར་ཚུལ་ནི། རྒྱ་ནག་ཡུལ་དུ་རྫོགས་ལྡན་མཇུག་ནས་བཟུང་། སྤྲུལ་པའི་རྒྱལ་བློན་རྣམས་ཀྱིས་རིམ་པར་བརྩམས། ། ཞེས་རྒྱ་ནག་གི་ཡུལ་དུ་རྫོགས་ལྡན་གྱི་མཇུག་ནས་བཟུང་སྤྲུལ་པའི་རྒྱལ་བློན་རྣམས་ཀྱིས་རིམ་པར་བརྩམས་པའི་ཚུལ་རྒྱ་ཆེར་རྒྱ་ནག་གི་སྨན་པ་མཁས་པས་མཛད་པའི་སྨན་གྱི་གླེང་གཞི་གསར་འགྱུར་ལས་བྱུང་སྟེ། འདིར་མཚོན་ཙམ་སྨོས་ན། རྒྱ་ནག་རྒྱལ་པོ་དྷི་ལྔ་ཡི་དང་པོ་སྤུ་ཧུ་ཧི་དྷཱིས་སྤར་ཁ་བརྒྱད་ཀྱི་ཕྱག་རྒྱ་བརྩམས། སྐུད་པའི་མདུད་པ་ལ་ཡི་གེའི་གཟུགས་བྱས་ནས་ཡི་གེ་ཐོག་མར་བྱུང་། མི་རྣམས་ཀྱིས་མི་ཤེས་པའི་དངོས་པོ་ནད་ཀྱི་རྒྱུ་མཚན་བསླབས། དེ་རྗེས་ཞིང་ཧུང་རྒྱལ་པོས་ཤིང་དང་རྩྭ་ལྡུམ་གྱི་རོ་མྱོང་ནས་སྨན་དཔྱད་ཀྱི་སྲོལ་བཏོད། དེ་རྗེས་ཧབ་ཏི་རྒྱལ་པོས་སློབ་དཔོན་ཁྱེ་ཕཱ་ཞེས་རྩ་ལྟ་བ་ལ་མཁས་པ་དེ་གོང་དུ་བཀུར་བས་ལྷ་རྗེ་ཞེས་གྲགས། དེས་རྩ་བ་དྲིས་པའི་མདོ་མཛད། དེ་ནས་གོང་མའི་བཀའ་ལྟར་ལུའི་ཀུང་སྨན་ལ་མཁས་པར་གྱུར་ནས་མདོ་ལེའུ་བཅུ་གཉིས་པ། ཁྲག་གཏར་བ་དང་མེ་བཙའི་ཡི་གེ་རྒྱས་པར་མཛད། དེ་རྗེས་ལྷ་རྗེ་ཝུའི་ཏི་ཞེས་ཤིན་ཏུ་མཁས་པ་དེས་མདོ་འགྲེལ་ཐེ་ཚོམ་རང་གྲོལ་ལེའུ་རྩ་གཅིག་པ་མཛད། གོང་མ་ཧྭན་ཅེས་བྱ་བའི་རིང་ལ་ཅུང་ཅུང་དང་ཧཱ་ཐོ་ཞེས་བྱ་བའི་སྨན་པ་ཡོངས་གྲགས་གཉིས་སོགས་སྔ་རྗེས་ཀུན་ཏུ་སྨན་པ་མཁས་པ་དང་གཞུང་ཆེ་ཆུང་དུ་མ་བྱོན་ཅིང་ཕྱིས་ཆིན་གྱི་རྒྱལ་རབས་བཞི་པ་གོང་མ་ཁྱེན་ནོང་ནས་སྨན་དཔྱད་ཀྱི་བསྟན་བཅོས་ཆེན་པོ་བརྩམས་པའང་ཀུན་མཁྱེན་ཆེན་པོའི་ཕྱག་ཏུ་བྱུང་བར་སྣང་ངོ་། །</br>(3)བོད་དུ་དར་ཚུལ་ལ་ཡང་གསུམ་སྟེ། </br>[1]བསྟན་པ་སྔ་དར་བྱུང་ཚུལ་ནི། སྲོང་བཙན་དུས་སུ་ལུགས་ཆེན་གསུམ་གྱི་གཞུང་། ། ཨག་ཚོམ་རིང་ལ་རྒྱ་བཟའི་ལུགས་རྣམས་དང་། ། ཧྭ་ཤང་བི་ཇི་སོགས་ཀྱིས་བསྒྱུར་བརྩམས་མང་། ། མཁས་མང་བགྲོས་པའི་སོ་མ་རཱ་ཛ་བྱུང་། ། ཞེས་སྲོང་བཙན་སྒམ་པོའི་སྐུ་རིང་ལ་འུན་ཤིང་ཀོང་ཇོས་སྨན་རྩིས་ཀྱི་གཞུང་བསྣམས་པ་ཧྭ་ཤང་མ་ཧཱ་དེ་བ་དང་དྷརྨ་ཀོཥ་གཉིས་ཀྱིས་བསྒྱུར། རྒྱ་གར་ནས་བྷ་ར་དྷྭ་ཛ། རྒྱ་ནག་ནས་ཧཱན་ཝང་ཧྭང་། ཏ་ཟིག་ནས་ག་ལེ་ནུས་ཞེས་བྱ་བའི་སྨན་པ་གསུམ་སྤྱན་དྲངས། འབུ་ཤག་མ་བུ་ཆེ་ཆུང་། རྒྱུ་དཔྱད་ཐོར་བུ། མགོ་སྔོན་བསྡུས་པ་སོགས་བསྒྱུར། སྨན་པ་གསུམ་བགྲོས་ནས་མི་འཇིགས་པའི་མཚོན་ཆ་ཞེས་བྱ་བ་ལུགས་ཆེན་གསུམ་གྱི་གཞུང་དུ་གྲགས་པ་བྱས། ག་ལེ་ནུས་ལ་འཛོ་རོ་ཞེས་སྨན་པའི་རིགས་བརྒྱུད་བྱུང་། མེས་ཨག་ཚོམ་གྱི་དུས་རྒྱ་མོ་བཟའ་གྱིམ་ཤིང་ཀོང་ཇོས་ཁྱེར་བའི་སྨན་རྩིས་ཀྱི་གཞུང་ལུགས་རྣམས་ཧྭ་ཤང་མ་ཧཱ་ཀྱིན་འདའ། ཁྱུང་པོ་ཙི་ཙི་དང་དོ་ཚུགས། རྒྱ་ཕྲུག་གར་མཁན། ཅོག་ལ་སྨོན་འབར་སོགས་ཀྱིས་བསྒྱུར། ཁྲོམ་གྱི་ཡུལ་ནས་བི་ཆེ་ཙན་པ་ཤེ་ལ་ཧ་བྱ་བའི་སྨན་པ་མཁས་པ་བཀུག་ནས་ལྷ་རྗེར་བཀུར་ཏེ་མ་གསུམ་བུ་བཅུ་བཞི། ཐུན་མོང་མིན་པའི་གསང་བའི་བུ་བཞི་སྟེ་རྒྱས་པའི་སྐོར་དང་། བེ་བུམ་སྨུག་པོ་ཏི་ཀ་ཡང་ཏིག་སྟེ་འབྲིང་པོ། བསྡུས་པ་ཡི་གེ་དམར་ཆུང་སོགས་བརྩམས། རྒྱ་ནག་གི་གཞུང་དུ་མ་བསྒྱུར། གཞན་ཡང་རྩོམ་རྒྱུད་སོགས་མང་དུ་བྱུང་བར་གྲགས་ཤིང་དེའི་བུ་བརྒྱུད་ལ་བི་ཇི་ཞེས་པའི་སྨན་པ་རྣམས་བྱུང་། ཧྭ་ཤང་དང་ཁྱུང་པོ་སོགས་མཁས་པ་མང་པོ་བགྲོས་ནས་གསོ་དཔྱད་གསར་འགྱུར་རྣམས་ཀྱི་དོན་སྙིང་པོར་བླངས་པ་སོ་མ་རཱ་ཛ་ཞེས་བྱ་བའི་གཞུང་ཆེན་བརྩམས། སྔ་ཕྱི་དེ་དག་ཕྱོགས་གཅིག་ཏུ་ཟ་འོག་གི་སྒྲོམ་བུར་བཞུགས་པ་ལ་བླ་དཔྱད་ཀྱི་གཞུང་འཚོ་བའི་མདོ་ཞེས་གྲགས་སོ། ། ཁྲི་སྲོང་དུས་ན་སྤྲུལ་པའི་སྲས་གསུམ་གཞུང་། ། པུ་སྟི་ཁ་སེར་རྒྱལ་བློན་དམངས་གསུམ་དང་། ། རྒྱ་ཞང་ཧོར་བོད་འ་ཞའི་མཁས་གཞུང་བཙུགས། ། ཞེས་ཆོས་རྒྱལ་ཁྲི་སྲོང་ལྡེའུ་བཙན་གྱིས་རྒྱལ་སྲིད་ཐོག་མར་སྐྱོང་བའི་དུས་སུ། རྒྱ་གར་ནས་དྷརྨ་རཱ་ཛ། རྒྱ་ནག་ནས་མ་ཧཱ་ཀྱིན་འདའ། ཏ་ཟིག་གམ་ཁྲོམ་ནས་ཙན་པ་ཤི་ལ་ཧ་སྟེ་སྨན་པ་ཆེན་པོ་གསུམ་ཞལ་འཛོམས་པ་ལ་སྤྲུལ་པའི་སྲས་གསུམ་གྲགས། དེ་གསུམ་བགྲོས་ནས་རྒྱལ་ཁམས་སོ་སོའི་ལུགས་དང་བསྟུན་པའི་སྨན་དཔྱད་ཀྱི་བསྟན་བཅོས་རིན་ཆེན་སྤུངས་པ་ཞེས་བྱ་བ་རྩ་བ་ཉི་ཟླའི་འཁོར་ལོ་འགྲེལ་པ་ཡན་ལག་དང་བཅས་པའི་གཞུང་ཆེན་པོ་བྱས། ཙན་པ་ཤི་ལ་ཧ་རང་ཡུལ་དུ་བྱོན་ཁར་སྲས་ལ་གདམས་པའི་སྐོར་ལ་མི་ཇིའི་པུ་སྟི་ཁ་སེར་དང་། དེ་རྒྱལ་པོ་ལ་ཕུལ་བས་རྒྱལ་པོའི་བླ་ཡིག་འོད་འབར་དུ་གྲགས། ཧྭ་ཤང་མ་ཧཱ་ཙེ་ཏས་རྒྱལ་བློན་དམངས་གསུམ་བསྡོམས་པ་རྩ་བ་རིན་པོ་ཆེའི་མཛོད་ལྔ། ཡན་ལག་མཛོད་ཆེ་འབྲིང་། སྤྱི་དོན་འགྲེལ་པ་ཕྱི་ལྟར་དམངས། ནང་ལྟར་བློན་པོ། གསང་བ་རྒྱལ་པོ་ལ་གདམས་པའི་སྐོར་གེགས་སེལ་དང་བཅས་པ་བསྒྱུར། སྐུ་ཚེའི་སྨད་ལ་མཐའ་བཞིའི་བླ་སྨན་དགུ་བྱོན་པ་སོགས་སྙིང་པོས་དབེན་པའི་བཤད་སྒྲོས་ཡིན་ལ། རྒྱལ་པོའི་ཆིབས་ཤིན་ཏུ་གཅེས་པ་ཞིག་ན་བས་དཔྱད་ལ་སྨན་པ་མཁས་དགུ་ཆོལ་ལ་ཁྲིད་ཤོག་ཅེས་བཀའ་བསྒོས་པས། རྒྱའི་ཕྲུ་གུ་ཟེའུ་ཐོ། ཞང་ཞུང་གི་ཁུ་ལོད་མུ་ཁན། ཧོར་གྱི་མུ་གན་ཁྲི་གཟིགས། བོད་ཀྱི་ཅོག་རོ་མང་པོ་གཟིགས། འ་ཞའི་ཐ་ན་ཆུ་སྐྱེས་ལྔ་བཀུག་སྟེ་ཆིབས་གསོས། རྒྱལ་པོའི་བཀའ་ལྟར་མཁས་པ་ལྔས་རྒྱལ་ཁམས་ལྔའི་མན་ངག་ཆིག་དྲིལ་གྱི་གཞུང་བརྩམས་ཏེ་རྗེ་ལ་ཕུལ་བ་དར་སྲོལ་བཙུགས། ཁྲི་སྲོང་གི་སྐུ་ཚེའི་མཇུག་ཏུ་བསྙུན་གྱིས་ཐེབས་པས་སླར་མཐའ་བཞི་ནས་སྨན་པ་བཀུག་པས་གཞན་མ་བྱོན། རྒྱ་ནག་ནས་སྟོང་གསུམ་གང་བ་བྱོན། ལམ་དུ་གསོ་བ་དཀར་པོ་ལམ་གྱི་སྒྲོན་མེ་བྱ་བ་བརྩམས་ནས་རྒྱལ་པོ་ལ་སྐྱེས་སུ་ཕུལ་ཞིང་བསྙུན་ཀྱང་གསོས། མཐའ་བཞི་ཀའི་གོ་མི་གཅིག་གིས་ཆོད་པས་མཐའ་བཞི་སྟོང་གསུམ་གང་བར་བཏགས། གཡེར་སྟོད་ས་ཆ་བྱ་དགར་གནང་བའི་བརྒྱུད་ལ་མཐའ་བཞིའི་སྨན་པ་རྣམས་བྱུང་ངོ་། ། བཻ་རོས་རྩིས་སྨན་བསྒྱུར་སོགས་གཏེར་མའི་སྒྲོས། ། འཛོ་རོ་བི་ཇི་མཐའ་བཞི་བླ་སྨན་བརྒྱུད། ། ཅེས་ལོ་ཆེན་བཻ་རོ་ཙ་ནས་ཆོས་བོན་རྩིས་སྨན་འདྲེས་མར་བསྒྱུར་རོ་ཞེས་སོགས་གཏེར་མ་ཁ་ཅིག་གི་ཚིག་སྒྲོས་ལ་ཁུངས་བཅོལ་ནས་བརྟག་པར་སླ་བའི་བོད་གཞུང་མང་པོ་བཻ་རོས་བསྒྱུར་བའི་རྒྱུ་གཞུང་དུ་བཟུང་བ་སོགས་ནི་དཔྱོད་ལྡན་མཁས་པ་རྣམས་ཀྱིས་བཀག་ཟིན་ཅིང་། དེ་བཞིན་དུ་བོད་སྨན་མཁས་པ་མི་དགུ་ཆོས་རྒྱལ་གྱི་དུས་སུ་བྱུང་བར་འཆད་པའང་ཤིན་ཏུ་ནོར་ཏེ་དེ་དག་ཕལ་ཆེར་བསྟན་པ་ཕྱི་དར་གྱི་སྐབས་སུ་བྱུང་བ་ཡིན་ལ། གོང་སྨོས་འཛོ་རོ། བི་ཇི། མཐའ་བཞི་གསུམ་པོ་ནི་ཆོས་རྒྱལ་བླ་སྨན་གྱི་བརྒྱུད་པ་མ་འཁྲུལ་བ་ཡིན་ནོ། །</br>[2]ཕྱི་དར་ལ་བྱུང་ཚུལ་ནི། ཕྱི་དར་རྒྱ་གཞུང་སྔ་རྗེས་བསྒྱུར་མང་ཡང་། ། རིན་ཆེན་བཟང་པོས་བརྒྱུད་པ་སྤེལ་བ་ལས། ། པུ་ཧྲོང་སྨན་པ་མི་བཞི་ལས་བརྒྱུད་དོ། ། ཞང་ཞིག་དར་མགོན་གཡུ་ཐོག་པ་ལ་སོགས། ། བོད་ཀྱི་གཞན་ཕན་ཅན་རྣམས་ཐོག་མར་གྱེས། ། ཞེས་བསྟན་པ་ཕྱི་དར་ལྷ་བླ་ཡེ་ཤེས་འོད་ཀྱི་སྐུ་ཚེའི་སྟོད་ལ་སྙེ་བོ་ལོ་ཙཱ་བ་དབྱིག་གི་རིན་ཆེན་སོགས་ཀྱིས་ཡན་ལག་བརྒྱད་པའི་སྙིང་པོ་བསྡུས་པ་དང་རང་འགྲེལ། གཅེས་གྲུབ་བསྒྱུར་བ་སོགས་རྒྱ་གཞུང་སྔ་རྗེས་སུ་བསྒྱུར་སྤེལ་མཛད་པ་མང་ཡང་། གཙོ་བོར་སྐྱེས་མཆོག་རིན་ཆེན་བཟང་པོས་ཁ་ཆེའི་པཎྜི་ཏ་དྡྷཱ་ན་ལ་གསེར་སྲང་བརྒྱ་ཕུལ་ནས་ཡན་ལག་བརྒྱད་པ་བསླབས། གཞུང་དེ་དང་ཟླ་ཟེར་རྟ་དཔྱད་ཤ་ལི་ཏོ་ཏྲ་སོགས་བསྒྱུར་བཤད་ཀྱིས་སྤེལ་བའི་སློབ་མ་མང་དུ་ཡོད་ཀྱང་གཙོ་བོ་མྱང་འདས་སེང་གེ་སྒྲ། ཤོག་ཁྲི་ཡེ་ཤེས་འབྱུང་གནས། ཨོང་སྨན་ཨ་ལེ། མང་ལོ་སྨན་བཙུན་ཏེ་པུ་ཧྲོང་སྨན་པ་མི་བཞི་གྲགས་ཏེ། དེའི་ནང་ནས་ཀྱང་མང་ལོ་མཁས་ཤིང་ཕྲིན་ལས་ཆེ་བས་དབུས་གཙང་གི་སྨན་པ་ཕལ་ཆེར་གྱིས་གཏུགས། ཁྱད་པར་ཆེར་རྗེ་ཏི་པ་ལ་གཞུང་འགྲེལ་རྫོགས་པར་གནང་། སྲས་བརྒྱུད་བཞི་པ་ཆེར་རྗེ་ཞང་སྟོན་ཞིག་པོས་ཁོག་དབུབ་ས་བཅད་བཀའ་ཚོམས་འགྲེལ་པ་ལག་ལེན་སོགས་མཛད། སློབ་མའི་ནང་ནས་གཙང་སྟོད་དར་མ་མགོན་པོས་ཟིན་ཏིག་དང་ཡང་ཏིག་མཛད་དེ་བོ་དོང་ཕྱོགས་སུ་རྒྱུན་འཕེལ། ཡང་ལོ་ཆེན་སློབ་མ་ཞང་ཞུང་པ་ཤེས་རབ་འོད་ཀྱིས་རྒྱ་སྟོན་གྲགས་པ་ཤེས་རབ། དེས་གཡུ་ཐོག་རྒྱ་གར་རྡོ་རྗེ་ལ་བཤད། དེས་ཀྱང་ཡིག་ཆ་གསལ་བར་མཛད་ཅིང་གཡུ་ཐོག་བརྗིད་པོ་དང་ཁྱུང་པོ་ནས་གཡུ་ཐོག་ཡོན་ཏན་མགོན་པོ་ལ་བརྒྱུད། ཡང་ཞང་ཞུང་པས་རོག་བྱང་སྨན། གཡུང་དྲུང་འོད། གཡུ་ཐོག་གྲགས་སེ། དེས་ཀྱང་ཡོན་ཏན་མགོན་པོ་ལ་བརྒྱུད་དེ་མདོར་ན་ལོ་ཆེན་རིན་ཆེན་བཟང་གི་བཀའ་དྲིན་ལ་བོད་ཀྱི་སྨན་པ་གཞན་ཕན་ཅན་ཐམས་ཅད་ཐོག་མར་གྱེས་སོ། ། མཁས་པ་མི་དགུར་གྲགས་པའང་དེ་ལ་བརྟེན། ། བོད་ཀྱིས་བརྩམས་པའི་ཡིག་ཆ་མཐའ་ཡས་སོ། ། དུས་དེ་ཙ་ན་དབུས་གཙང་དུ་མཁས་པ་མི་དགུར་གྲགས་པ་བྱུང་སྟེ། སྨད་ཀྱི་མཁས་པ་གཡུ་རུ་གཡའ་གྱོང་པོ། སྟོད་ལུང་གི་ལྷ་རྗེ་སུམ་སྨན། དབུ་རུའི་མཐའ་བཞི། བར་གྱི་མཁས་པ་གཡུ་ཐོག་རྒྱ་གར་རྡོ་རྗེ། མི་ཉག་ཟླ་གྲགས། བྲང་ཏི་རྒྱལ་པོ། སྟོད་ཀྱི་མཁས་པ་བི་ཇི་ལྷན་ནེ། འུག་པ་ཆོས་སེང་། ཆེར་རྗེ་སྟག་ལ་དགའ་གསུམ་སྟེ་དེ་དག་ཀྱང་ལོ་ཆེན་གྱི་བཤད་རྒྱུན་ལ་བརྟེན་པ་ཡིན་ཅིང་། དེ་རྣམས་དང་གཞན་དག་བོད་ཀྱི་མཁས་པས་བརྩམས་པའི་ཡིག་ཆ་སྔ་ཕྱིར་བྱུང་བ་ནི་མཐའ་ཡས་སོ། ། ཞང་སྟོན་སྟོད་སྟོན་གཉིས་ཀྱང་འཕགས་ཡུལ་ཕྱིན། ། བརྒྱད་པ་ལ་མཁས་གཞུང་བརྩམས་ཕྲིན་ལས་རྒྱས། ། ཞེས་ཡར་ཀླུང་གི་ཞང་སྟོན་གཟི་བརྗིད་འབར་དང་། ཚ་ལུང་པ་སྟོད་སྟོན་དཀོན་མཆོག་སྐྱབས་གཉིས་ཀྱང་བོད་ཀྱི་སྨན་པ་ལ་མ་མགུ་ནས་རྒྱ་གར་དུ་ཕྱིན། སྔ་མས་ན་ལེནྡོར་དྲང་སྲོང་ཙནྡྲ་སི་བྱ་བ་དང་། ཕྱི་མས་ཐམས་ཅད་མཁྱེན་པ་ཤཱནྟི་པ་མཇལ། ཡན་ལག་བརྒྱད་པ་མཁས་པར་བསླབས་ནས་ཞང་གིས་གཞུང་དྲི་མེད་གཟི་བརྗིད་འགྲེལ་པ་ཟླ་བའི་འོད་ཟེར་སོགས་བརྩམས། སློབ་མ་ལྔ་ལས་མཁས་རྒྱུན་མ་ཆད་པར་བྱུང་། སྟོད་སྟོན་གྱིས་དཔྱད་བསྡུས་དོན་རིན་པོ་ཆེའི་ཕྲེང་བ་དང་གཞུང་མཆན་བཅས་མཛད་ནས་གཡུ་ཐོག་མགོན་པོ་ལ་གནང་སྟེ་ཕྲིན་ལས་རྒྱུས་སོ། ། འཁྱུད་དཔྱད་དངུལ་ཆུའི་སྦྱོར་བ་གཉན་བཅོས་སོགས། ། བཀའ་གཏེར་གདམས་པ་ཕྱིས་བྱུང་ཚད་ལྡན་མང་། ། ཞེས་གཞན་ཡང་གསོ་དཔྱད་ཀྱི་ཕྱོགས་སུ་གཏོགས་པ་ཕ་དམ་པའི་འཁྱུད་དཔྱད་དཀར་ནག་ཁྲ་གསུམ། ཁྲོ་ཕུ་ལོ་ཙཱའི་ཡེ་ཤེས་མཁའ་འགྲོའི་ནད་སེལ་གྱི་གདམས་པ། བལ་པོ་དེ་བ་ཙནྡྲའི་སྙན་བརྒྱུད་བདུད་རྩིའི་ཐིགས་པ། གྲུབ་ཆེན་ཨོ་རྒྱན་པའི་དངུལ་ཆུའི་སྦྱོར་བའི་གཞུང་སྐོར་གསུམ་སོགས་དང་། གཏེར་མའི་ཕྱོགས་ཤིན་ཏུ་མང་ཡང་ཅུང་ཟད་བསྡོམས་ན། རྡོར་འབུམ་ཆོས་གྲགས་བོན་པོ་དྲག་རྩལ་གྱི། ། བདུད་རྩི་བུམ་ཆེན་ལ་སྟོད་དམར་པོ་དང་། ། རྒྱུ་བན་རྡོར་འོད་བདུད་རྩིའི་བཅུད་ལེན་སྐོར། ། ཀུ་ས་སྨན་པ་བོན་པོ་ལྷ་འབུམ་དང་། ། ར་མོ་ཤེལ་སྨན་སྨན་རྫས་སྲུང་བའི་རིགས། ། སྣ་ནམ་སོག་སྨན་གཡུ་གཞེར་དུག་རྐེ་རྨ། ། གནུབས་སྟོན་ཞང་ཁྲོམ་བྱ་འདྲེ་ཁྱི་སྨྱོན་བཅོས། ། ཉང་རལ་ལྷ་གསུམ་ལས་ཚོགས་གསོ་དཔྱད་དང་། ། ཚེས་དབང་དྲང་སྲོང་སྙིང་ཐིག་སྨན་སྒྲུབ་སྐོར། ། རྒོད་ལྡེམ་པད་གླིང་བདུད་རྩི་བུམ་ཆུང་དང་། ། སངས་གླིང་མིག་སྨན་རིན་གླིང་དངུལ་ཆུའི་སྦྱོར། ། རཏྣའི་གཏེར་བུམ་ཁྱུང་རྒོད་བདུད་རྩི་བུམ། ། རྡོར་གླིང་ཆོས་འབར་པདྨ་གཅེས་ཕྲེང་དང་། ། ཐང་སྟོང་རྒྱལ་པོའི་རིལ་བུ་དེ་ཀོར་དམར་དང་། ། བྱུག་སྨན་བདུད་རྩི་འཆི་གསོས་ལས་འཕྲོ་གླིང་། ། བདུད་རྩི་ཚེ་བུམ་གནམ་ཆོས་སྔགས་སྨན་མང་། ། ཞེས་དེས་ན་བཀའ་གཏེར་གྱི་གདམས་པ་ཕྱིས་བྱུང་ཚད་ལྡན་ཤིན་ཏུ་མང་བས་འདིར་མཐའ་དག་སྨོས་སུ་མི་ལང་ངོ་། །</br>[3]དཔལ་ལྡན་རྒྱུད་བཞི་ལ་བརྟེན་པའི་ཕྲིན་ལས་བྱུང་ཚུལ་ནི། བརྒྱུད་སྲོལ་ཀུན་འདུས་གཡུ་ཐོག་སྨན་གྱི་བླར། ། དཔལ་ལྡན་ཕྲེང་བས་གསང་མཛོད་དངོས་སུ་བསྩལ། ། ཡུལ་ཀུན་གདམས་པའི་བཅུད་བླངས་རྒྱུད་ཆེ་ཆུང་། ། ཐུན་མོང་ཁྱད་པར་ཆོས་འཁོར་བསྐོར་བ་ལས། ། ཞེས་ཡན་ལག་བརྒྱད་པའི་བཤད་རྒྱུན་གྱི་སྲོལ་ཀ་ཡོངས་སུ་རྫོགས་པ་གཡུ་ཐོག་པ་ཡོན་ཏན་མགོན་པོ་ལ་འདུས་ཤིང་བབས། དེའང་ཕྱི་ལྟར་ན་རིག་པའི་གནས་ལྔ་ལ་མཁས་པའི་པཎྜི་ཏ་ཆེན་པོ། ནང་ལྟར་འཕགས་པའི་ས་ལ་བཞུགས་པའི་རྡོ་རྗེ་འཛིན་པ་ཆེན་པོ། གསང་བ་ལྟར་ན་བོད་ཀྱི་གདུལ་བྱ་འདུལ་བའི་དོན་དུ་བཅོམ་ལྡན་འདས་སྨན་གྱི་བླ་མ་ཉིད་སྨན་པའི་གཟུགས་སུ་སྤྲུལ་པ་ཡིན་ལ། སྣང་ཚུལ་ཙམ་དུ་འཛམ་བུའི་གླིང་ཀུན་ཏུ་རྫུ་འཕྲུལ་གྱིས་ཕེབས། ཁྱད་པར་འཕགས་ཡུལ་དུ་ལན་དྲུག་ཕྱིན། ཨོ་རྒྱན་ནས་མཁའ་འགྲོའི་གཙོ་མོ་དཔལ་ལྡན་ཕྲེང་བས་ཡན་ལག་བརྒྱད་པ་དང་ལྕང་ལོ་ནག་པོའི་རྒྱུད་སོགས་གདམས་པའི་གསང་མཛོད་གཏད། གཞན་ཡང་ལྷ་དང་མིའི་དྲང་སྲོང་ཆེན་པོ་རྣམས་དངོས་སུ་མཇལ་ནས་གསོ་དཔྱད་ཀྱི་གདམས་པ་བསྩལ། འཛམ་གླིང་དང་སིངྒ་ལ་སོགས་གླིང་ཕྲན་དང་བཅས་པའི་ཡུལ་ཀུན་གྱི་མན་ངག་དང་མཁས་གྲུབ་རྣམས་ཀྱི་གདམས་པའི་བཅུད་བླངས་ནས་སྐུ་ཚེའི་སྟོད་ལ་ཡན་ལག་བརྒྱད་པའི་སྙིང་པོ་འདུས་པ་དང་ལེའུ་དང་པོའི་འགྲེལ་པ་སོགས་མཛད། སྐུ་ཚེའི་སྨད་ལ་རྫུ་འཕྲུལ་གྱི་བཀོད་པ་བསམ་གྱིས་མི་ཁྱབ་པ་དང་བཅས་ཆོས་ཀྱི་འཁོར་ལོ་བསྐོར་བ་ལས། གཞུང་ཐམས་ཅད་ཀྱི་དོན་བསྡུས་བདུད་རྩི་སྙིང་པོ་ཡན་ལག་བརྒྱད་པ་གསང་བ་མན་ངག་གི་རྒྱུད་ཆེན་བཞི། རྒྱུད་ཆུང་བདུད་རྩི་བུམ་པ། ཆ་ལག་འགའ་ཞིག་བཅས་མཛད། ཐུན་མོང་གསོ་དཔྱད་དང་། ཁྱད་པར་སྐལ་པ་མཆོག་དང་ལྡན་པའི་སློབ་མ་སུམ་སྟོན་ཡེ་ཤེས་གཟུངས་ལ་གསང་བ་སྙིང་ཐིག་གི་ཆོས་འཁོར་བསྐོར་ཏེ་རྒྱུད་བཞི་སྙིང་ཏིག་དང་བཅས་པ་ལོ་བཅུ་གཉིས་སུ་བཀའ་རྒྱས་བཏབ་ནས་བསྩལ། མཐར་སྐུ་ལུས་མ་སྤངས་པར་སྨན་པའི་རྒྱལ་པོའི་ཞིང་དུ་གཤེགས་སོ། ། དེ་ལྟར་རྒྱུད་བཞི་ལ་བཀའ་དང་བསྟན་བཅོས་གང་རུང་དུ་འདོད་པ། གཉིས་ཀར་འདོད་པ། བསྟན་བཅོས་ལའང་འདོད་ལུགས་མི་གཅིག་པ་དུ་མར་བྱུང་ཡང་། ཕྱི་ལྟར་ན་རྒྱལ་བའི་བཀའ། ནང་ལྟར་གཏེར་མའི་རྒྱུན། གསང་བ་ལྟར་ན་གཡུ་ཐོག་པ་ཉིད་ཀྱི་གསུང་དུ་འདོད་པ་ཉིད་ལེགས་པའི་ཕྱོགས་སུ་རྗེ་བསྟན་པའི་ཉིན་བྱེད་ཡབ་སྲས་སོགས་ཀྱིས་བཞེད་པ་ཡིན་ཏེ། དང་པོ་ནི་སྡུད་པ་ལས། རྒྱལ་བའི་ཉན་ཐོས་པ་དག་ཇི་སྙེད་ཆོས་སྟོན་སོགས་དང་། རྒྱུད་བླར། གང་ཞིག་རྒྱལ་བའི་བསྟན་པ་འབའ་ཞིག་སོགས་ཀྱི་ལུང་གིས་གྲུབ་ཅིང་། གང་ཟག་མཆོག་དམན་མེད་པར་ཕན་ཐོགས་ཤིང་རང་རྐྱ་ཐུབ་པའི་གཞུང་ལུགས་དཔལ་ལྡན་རྒྱུད་བཞི་དང་མཚུངས་པ་གངས་ཅན་གྱི་ལྗོངས་སུ་མ་བྱུང་བའི་ཕྱིར་དང་། གཉིས་པའང་བཻ་རོས་སྦས་པའི་གཏེར་གྲྭ་པ་མངོན་ཤེས་ཀྱིས་རྩ་བ་ཙམ་ཕྱུངས་ནས་གཡུ་ཐོག་པ་ལ་གཏད་པའང་མི་འགལ་ཏེ་འབྲེལ་ཆགས་པའི་ཕྱིར་དང་། གསུམ་པ་ནི་སྙིང་ཐིག་གི་ལོ་རྒྱུས་ངེས་ཤེས་འདྲེན་བྱེད་ལས་དངོས་སུ་གསུངས་པར་མ་ཟད་རྒྱུད་རང་ལ་བརྟགས་ན་དེ་ལྟར་འཐད་པར་གྲུབ་པའི་ཕྱིར་རོ། ། ལས་ཞེས་པ་ཕྱི་མ་འབྱུང་ཁུངས་ཀྱི་སྒྲའོ། ། སྨན་པའི་ཚང་བརྡོལ་བརྒྱུད་འཛིན་ཚད་མེད་ཀྱང་། ། བྱང་པ་ཡབ་སྲས་ཟུར་མཁར་ཁུ་དབོན་སྲོལ། ། ཕྱིས་ནས་གྲགས་ཆེ་སངས་རྒྱས་ཆོས་འབྱུང་གིས། ། དེ་བསྟན་གསལ་བས་བོད་ཁམས་ཉེར་འཚོར་མཛད། ། ཅེས་གཡུ་ཐོག་པ་ལ་སྐུ་ཚེའི་སྟོད་སྨད་བར་གསུམ་དུ་སློབ་མ་གནམ་གྱི་སྐར་མ་དང་སའི་དྲེག་པ་ལྟར་བྱུང་བའི་སྨན་པའི་ཚང་བརྡོལ་ཏེ་བརྒྱུད་འཛིན་གྲངས་དང་ཚད་མེད་ཀྱང་གཙོ་བོ་རྫ་སྨན་ལེབ་པོ། བྱང་སྨན་དཔལ་ལེ་སོགས་གྲགས་ཆེ་བ་བཅུ་གཅིག་གི་ནང་ནས་གདམས་པ་ཡོངས་སུ་རྫོགས་པ་སུམ་སྟོན་ཡེ་ཤེས་གཟུངས་ལ་རྒྱུད་བཞི་སྙིང་ཏིག་ཆ་ལག་དང་བཅས་པའི་བཀའ་བབས། གཡུ་ཐོག་འབུམ་སེང་། བི་ཇི་ལེགས་ལྡན་མགོན་པོ། བྲང་ཏི་དཔལ་ལྡན་འཚོ་བྱེད་སོགས་སྔ་ཕྱིར་རྒྱུད་ལ་འགྲེལ་པ་བྱེད་པ་དུ་མ་བྱུང་། ཁྱད་པར་ཕྱིས་སུ་བྱང་པ་ཡབ་རིགས་ལྡན་ཆེན་པོ་རྣམ་རྒྱལ་གྲགས་བཟང་། སྲས་མིའི་ཉི་མ། ལྷ་བཙུན་བཀྲ་ཤིས་དཔལ་བཟང་། བསོད་ནམས་ཡེ་ཤེས་རྒྱལ་མཚན་རྣམས་ཀྱིས་རྒྱུད་འགྲེལ་ཁོག་དབུབ་ལྷན་ཐབས་དུ་མ་མཛད་དེ་བྱང་ལུགས་ཞེས་པའི་སྲོལ་བཏོད། ཡང་ཟུར་མཁར་ཁུ་བོ་མཉམ་ཉིད་རྡོ་རྗེ་ལ་གཡུ་ཐོག་པས་དངོས་སུ་རྗེས་སུ་གནང་བ་ལྟར་རྒྱུད་བཞི་དག་ཐེར། བླ་སྒྲུབ་ཁ་སྐོང་། བྱེ་བ་རིང་བསྲེལ་སོགས་སྨན་གཞུང་མང་པོ་མཛད། སློབ་མ་བྱིན་རླབས་ཞུགས་པ་བརྒྱད་སོགས་དུ་མའི་ནང་ནས་གསོ་རིག་ལ་མན་ངག ཕྲིན་ལས། ལག་ལེན། བཤད་པ་མཐར་ཕྱིན་བཞི་བྱུང་བའི་རྒྱུན་ལས། ཀོང་སྨད་རྐྱེན་པ་བླ་རྟ་ཚེ་དབང་། མཚོ་སྨད་མཁན་ཆེན། བྱར་པོ་པཎ་ཆེན་སོགས་མཁས་པ་མང་པོས་ཡིག་ཆ་རྒྱ་ཆེར་མཛད། ཁྱད་པར་ཨ་བོ་ཆོས་རྗེའི་དབོན་ཟུར་མཁར་བློ་གྲོས་རྒྱལ་པོའམ་ཀརྨ་ལེགས་བཤད་འཚོལ་ལ་རྗེ་མི་བསྐྱོད་རྡོ་རྗེས་ལུང་བསྟན་པ་ལྟར་ཐུགས་བརྩོན་ཆེན་པོས་གསོ་རིག་གི་གཞུང་ལུགས་འཆད་སྤེལ་དང་། མེས་པོའི་ཞལ་ལུང་སོགས་ཡིག་ཆ་མང་པོ་མཛད། དེ་དག་གི་རྒྱུན་ལ་ཟུར་ལུགས་ཞེས་གྲགས། བྱང་ཟུར་གྱི་རིང་སྲོལ་འཛིན་པ་བར་མ་ཆད་དུ་བྱུང་བའི་ནང་ཕྱིས་ཀྱི་དུས་སུ་གྲགས་ཆེ་བ་སྡེ་སྲིད་སངས་རྒྱས་རྒྱ་མཚོས་རྒྱུད་འགྲེལ་བཻ་ཌཱུར་སྔོན་པོ། ལྷན་ཐབས་དུས་མིན་འཆི་ཞགས་གཅོད་པའི་རལ་གྲི་སོགས་མཛད་ཅིང་ལུགས་སྲོལ་གཙོ་བོ་བྱང་པའི་རྗེས་སུ་འབྲངས། ད་ལྟའི་བར་དུ་ཡིག་ཆ་དེ་དག་ཕྲིན་ལས་ཆེ། སྨན་གྱི་སློབ་གྲྭའང་བཙུགས། ཡང་ཀུན་གཟིགས་ཆོས་ཀྱི་འབྱུང་གནས་ཉིད་གསོ་བ་རིག་པ་ལ་སྔོན་སྦྱངས་སད་པ་ལྟ་བུས་ཀློང་བརྡོལ་གྱིས་ཁྱད་པར་དུ་མཁས་པར་གྱུར་ཅིང་། ཟུར་མཁར་ཕྱི་མའི་སློབ་བརྒྱུད་དཔོན་ཚང་ཡེ་ཤེས་དང་། འཕགས་ཡུལ་ནུབ་ཕྱོགས་ཕྲེང་གིའི་སྨན་པ་ཨེ་ཏྲི་སེ། རྒྱ་ནག་གི་སྨན་པ་མཁས་པ་རྣམས་ལས་བཤད་རྒྱུན་དང་དཀའ་གནད་འདྲི་མོལ་གྱིས་གཏན་ལ་ཕབ་སྟེ་སྨན་གྱི་བླ་མ་གཉིས་པའི་གོ་འཕང་བརྙེས། སློབ་མ་མཁས་པ་མང་དུ་བྱོན་ཅིང་ད་ལྟའི་བར་དུ་བཤད་པ་དང་ལག་ལེན་གྱི་རྒྱུན་མ་ཉམས་པས་བརྒྱུད་འཛིན་རྣམས་ཀྱང་སྨན་པ་གཞན་ལས་ཁྱད་པར་འཕགས་པ་ཡོངས་སུ་གྲགས་པས་མཚོན། མདོར་ན་དེ་དག་གིས་གསོ་བ་རིག་པའི་བསྟན་པ་གསལ་བས་བོད་ཁམས་ཐམས་ཅད་ཉེར་འཚོར་མཛད་པ་ཡིན་ནོ། །བས་བོད་ཁམས་ཐམས་ཅད་ཉེར་འཚོར་མཛད་པ་ཡིན་ནོ། །)
• Dictionaries/chos rnam kun btus/10397  + (1.དགོས་ཆེད་བསྟན་པ་ནི། ཚེ་བསྐྱང་བ་སྟེ་ཚེ་ཡི … 1.དགོས་ཆེད་བསྟན་པ་ནི། ཚེ་བསྐྱང་བ་སྟེ་ཚེ་ཡི་བར་ཆེད་ལས་བསྲུང་ཞིང་གནས་པའི་ཐབས་སམ་སྤྱོད་ལམ་དེས་ནི། འཇིག་རྟེན་འདིར་དུས་རྟག་ཏུ་ལུས་སེམས་གཉིས་ཆར་ན་ཚ་དང་སྡུག་བསྔལ་མེད་པའི་བདེ་བ་ལོངས་སུ་སྤྱོད་པའི་ངང་ལ་གནས་པར་འདོད་ཅིང་། ཚེ་ཡུན་རིང་དུ་བསྲིང་བར་བྱ་བའི་ཕྱིར་འོག་ནས་འཆད་འགྱུར་གྱི་བསྒྲུབ་པའི་བསླབ་བྱ་རྣམས་ཀྱང་བསྟེན་པར་བྱའོ། །</br>2.བསྲུང་བ་བཅང་བ་ནི། དེ་ཡང་བསྲུང་ཞིང་འགོག་པར་བྱ་བའི་དོན་དུ་སྨན་གྱི་མཆོག་དངུལ་ཆུ་རིལ་བུའི་སྦྱོར་བ་དང་། ཨ་རུ་ར་རྣམ་པར་རྒྱལ་བ། དབང་པོ་རིལ་བུ། གུ་གུལ། ཡུངས་ཀར། ཤུ་དག་ཀུ་བེ་ར། ཚ་གྲང་རིན་པོ་ཆེའི་སྦྱོར་བའི་རིལ་བུ་སོགས་ནད་དང་གནོད་པ་སྲུང་ཞིང་ལུས་འཚོ་བར་བྱེད་པའི་མཐུན་རྐྱེན་དེ་དག་དཔུང་པ་གཡོན་པ་ལ་བཏགས་ཤིང་རིན་པོ་ཆེ་ནི། རྡོ་རྗེ་ཕ་ལམ་དང་། དཀར་ཁྲ་མན། བཻཌཱུརྨ། པདྨ་ར་ག གཟི་ཆུ་མིག་དགུ་པ། གསེར་ས་བྱུང་མ། མུ་མེན་དང་བྱུ་རུ་སོགས་དར་གྱིས་དྲིལ་ནས་གསེར་གྱི་པ་ཏྲའི་ནང་དུ་བཅུག་ལ་སྤྱི་གཙུག་ཏུ་བཅིང་བ་དང་དངོས་སུ་གྲུབ་པར་གྲགས་ཤིང་ནུས་པ་དངོས་སུ་ཐོན་པའི་རིག་འཛིན་རྣམས་ཀྱིས་ཚུལ་བཞིན་དུ་བསྒྲུབས་པའི་གསང་སྔགས་ཟབ་མོའི་སྲུང་བའི་འཁོར་ལོ་སོགས་མགུལ་དུ་བཏགས་ནས་ནད་གདོན་སྔོན་འགོག་གི་ཐབས་ལ་འབད་པར་བྱའོ། ། </br>3.ནད་མི་འབྱུང་བའི་བྱ་ཐབས་ནི། དེ་ཡང་ནད་སློང་བའི་རྐྱེན་རྣམས་ཀྱི་ནང་ནས་གཙོ་བོར་གྱུར་པ་ནི། ཟས་མི་འཕྲོད་པ་དང་། སྤྱོད་ལམ་མི་མཐུན་པ་གཉིས་པོ་དྲན་པ་དང་ཤེས་བཞིན་གྱིས་ཟིན་པར་བྱས་ནས་རྟག་ཏུ་སྤང་བར་བྱའོ། ། སྤྱིར་ནད་སློང་བར་བྱེད་པ་ལ་དུས་གདོན་ཟས་སྤྱོད་བཞི་ཡོད་ཀྱང་གདོན་ནི་གློ་བུར་བ་ཡིན་པས་སྤོང་མི་ནུས། དུས་ནི་ལོ་ལྟར་རྒྱུན་དུ་འབྱུང་བ་ཞིག་ཡིན་པས་སྤོང་མི་ནུས། དེ་བས་ན་ནད་སློང་བར་བྱེད་པའི་རྐྱེན་ཡིན་ལ་རང་ཉིད་ཀྱིས་སྤོང་ཡང་ནུས་པ་ནི། ཟས་དང་སྤྱོད་ལམ་གཉིས་ཡིན་པས་ནན་ཏན་གྱིས་སྤོང་བར་བྱའོ། ། མདོར་ན་དམན་ལྷག་ལོག་པའི་སྐྱོན་མེད་པ་ནི་རྐྱེན་སྤང་བའོ། ། དེ་བཞིན་དུ་ལུས་ཀྱི་ལས་འགྲོ་བ། ངག་གི་སྨྲ་བ། ཡིད་ཀྱི་བསམ་པ་བཅས་གསུམ་པོ་ཧ་ཅང་འགྲོ་ཆེས་པ། སྨྲ་མང་བ་རྟོག་དཔྱོད་ཐལ་དྲགས་པ་སོགས་རྩོལ་བ་ཤུགས་དྲག་གི་མཐར་ལྷུང་བ་སྤོང་ཞིང་ཧ་ཅང་མི་ངལ་བ་ཙམ་གྱི་ལས་ཡང་དག་པ་བསྟེན་པར་བྱའོ། ། ལྕེ་ལ་སོགས་པའི་དབང་པོ་རྣམས་རང་རང་གི་ཡུལ་ལ་ལོངས་མི་སྤྱོད་པའམ་ལུས་ངན་པའམ། ཡུལ་མ་རུངས་པར་ལོངས་སྤྱད་པས་ཡོངས་སུ་མནར་ཏེ་ཉམ་ཐག་པར་གྱུར་པའམ་དུབ་པ། ཡང་ན་རང་གི་ཡུལ་ཡིན་ཀྱང་ཉམས་གང་བདེར་ལོངས་སྤྱོད་དྲགས་པ་མ་ཡིན་པ་སྟེ་མཐའ་གཉིས་སུ་མ་ལྷུང་བར་རན་པར་སྤྱོད་པ་གནས་པར་བྱའོ། །</br>4.འགྲོ་འདུག་བྱ་ཐབས་ནི། བདེ་ཞིང་ཚེ་རིང་བར་འདོད་པའི་གང་ཟག་གིས་འགྲོ་འདུག་གི་སྤྱོད་ལམ་ཉེས་པ་མེད་པ་ལ་བསླབ་པར་བྱ་སྟེ། དཔེར་ན་ཆུ་ལས་བརྒལ་བའི་ཚེ་ཆུར་མི་བྱིང་བའི་ཆེད་དུ། བློས་མི་འཁེལ་བ་ཐེ་ཚོམ་དང་བཅས་པའི་གྲུའམ། རྒྱུད་མི་བསྲུན་པའི་བཞོན་པ་སྟེ་མ་བརྟུལ་བའམ། མ་ཐུལ་བས་ཁ་ལོ་མ་ལོབས་པའི་བཞོན་པ་ཞོན་པ། གསོད་ས་སྟེ་རྐུན་ཇག་དང་གཅན་གཟན་གཏུམ་པོ་སོགས་ཀྱིས་སྲོག་འཕྲོག་པའི་ཉེན་ཡོད་པའི་སར་མི་འགྲོ། དེ་བཞིན་གཏིང་ཚད་མ་ལོན་པའི་ཆུ་བརྒལ་བ། རྦ་རླབས་དྲག་ཏུ་རྒྱུག་པའི་ཆུ་ཆེན་ལ་རྐྱལ་བ། ནགས་ཚལ་དང་། ཁང་ཆེན་སོགས་མེ་ཤུགས་དྲག་ཏུ་འབར་བའི་མེ་ཕུང་གི་དཀྱིལ་དུ་འགྲོ་བ། དབྱར་གད་པ་ཆུས་བཅད་ཀྱི་སྟེང་དང་གཡང་ས་མཐོན་པོའི་རྩེ། དགུན་ཤིང་སྡོང་སྐམ་པོ་ཆག་སླ་བའི་རྩེར་འཛེགས་པ་སོགས་ལྷུང་བའི་ཉེན་ཁ་ཡོད་པས་བདེ་འཇགས་མ་ཡིན་པའི་སར་འཛེགས་པ་དང་འགྲོ་བ་སྤང་བར་བྱའོ། ། མདོར་ན་གནས་མལ་གང་དུ་སྡོད་པའི་ཚེ། ས་དགྲ་ཆུ་སྐྱོན་མི་དང་མི་མིན་གྱི་ཉེར་འཚེ་ཡོད་མེད་སྐྱོན་ཡོན་བརྟགས་ལ་སྐྱོན་དང་ལྡན་པ་ལ་ནི་ལྟ་ཅི་ཐེ་ཚོམ་དང་བཅས་པ་ལའང་སྡོད་པར་མི་བྱ། དེ་བཞིན་འགྲོ་བའི་ཚེའང་ལམ་ལ་ཞིབ་ཏུ་བརྟགས་ནས། འཚེ་བ་ཡོང་བའི་གཞི་ཐེ་ཚོམ་དང་བཅས་པའི་སར་མ་བརྟགས་པར་འགྲོ་བར་མི་བྱའོ། ། མཚན་མོ་ནི་ཉེས་དམིགས་དང་བྲལ་བའི་གནས་མལ་ལས་འདས་ཏེ་ཕྱོགས་གང་དུའང་འགྲོ་བར་མི་བྱའོ། ། གལ་ཏེ་དོན་ཆེན་པོ་དང་ལྡན་པས་ཅིས་ནས་ཀྱང་ཕྱི་རོལ་དུ་འགྲོ་དགོས་པ་བྱུང་ན། དེའི་ཚེའང་། ཆོམ་རྐུན་དང་གཅན་སྤྱང་ལ་སོགས་པའི་འཚེ་བ་དང་། དབང་པོ་དང་ཡན་ལག་བསྣད་པ་སོགས་མི་ཡོང་བའི་ཆེད་དུ་ལྷམ་སོགས་བགོ་བ་ལེགས་པར་བགོ་ཞིང་འཚེ་བ་ཟློག་ཕྱིར། དབྱུག་པ་སོགས་ལག་ཆ་དང་ལྡན་པའི་གྲོགས་བློས་ཐུབ་དང་དཔུང་བསྡེབས་ནས་འགྲོ་བར་བྱའོ། ། སྙིང་པོ་བསྡུས་པར། གསོད་ས་ཁང་སྟོང་འབྲོག་སྟོང་དང་། ། དུར་ཁྲོད་དུ་ནི་ཉིན་མོའང་མིན། ། ཅེས་གསུངས་པ་ལྟར་རོ། ། </br>5.གཉིད་ལོག་ཐབས་ནི། གལ་ཏེ་མི་གང་ཞིག་རྐྱེན་འགའ་ཞིག་གིས་མཚན་མོ་གཉིད་མ་ལོག་པར་གྱུར་པ་དེའི་ཚེ། གཉིད་ཆག་པ་དེ་ནི་ནུས་པ་རྩུབ་ཅིང་རླུང་སྐྱེད་པར་བྱེད་པས་སྡུག་བསྔལ་གྱི་ཚོར་བའི་རྒྱུར་འགྱུར་བའི་ཕྱིར་ཅིས་ནས་ཀྱང་གཉིད་བདེ་བར་ལོག་པར་བྱ་ཞིང་གལ་ཏེ་མཚན་མོ་གཉིད་ཆག་ན་དེའི་ཚེ་ནངས་པར་ཟས་མ་ཟོས་པར་སྨྱུང་བར་གནས་པར་བྱས་ཏེ། མདང་ནུབ་གཉིད་ཆག་པའི་ཡུན་དེའི་ཕྱེད་ཙམ་བར་དུ་གཉིད་ལོག་པར་བྱའོ། དེ་ནི་སྤྱིར་བཏང་བ་སྟེ་དམིགས་བསལ་དུ་ཆང་གིས་ར་རོ་བ་དང་། ལུས་ཀྱི་སྟོབས་ཟད་པ་མྱ་ངན་གྱིས་ནོན་པ་རྩོལ་བས་དུབ་པ་སྨྲ་བ་ཤིན་ཏུ་མང་བ། རྒས་པ་དང་། འཇིགས་ཤིང་སྐྲག་པའི་མི་རྣམས་ལ་ནི་ཟུངས་སྟོབས་ཉམས་པའི་འཇིགས་པས་མནར་ཞིང་ནམ་ཟླ་སོ་གའི་ཚེ་རྩུབ་ཅིང་ཡང་བའི་མཐུ་སྐྱེད་ཅིང་མཚན་མོའང་ཐུང་བ་ཡིན་པས་ན་དེས་ལུས་ཀྱི་སྟོབས་དང་གཟི་མདངས་འཕྲོག་ཅིང་རླུང་འཕེལ་བར་འགྱུར་བའི་ཕྱིར་ན་དེའི་སྐབས་སུ་ཉིན་པར་ཡང་གཉིད་ཅུང་ཟད་རེ་ལོག་ན་དེས་ནི་སྣུམ་ཞིང་ལྕི་བར་འགྱུར་བའི་ཡོན་ཏན་དང་ལྡན་པས་རླུང་འཇོམས་ཤིང་སྟོབས་དང་མདངས་ལ་ཕན་པའི་ཕྱིར་རོ། ། དེ་ལྟ་བུ་མ་ཡིན་པར་གཞན་དུ་ཉིན་པར་གཉིད་ལོག་ན་དེས་བད་ཀན་ལྷག་པར་དུ་སྐྱེད་ཅིང་སྐྱ་སོབ་ཏུ་སྐྲངས་པ་དང་མཁྲིས་པ་མང་བར་འགྱུར་ཞིང་། ཤེས་པ་རྨོངས་བག་ཏུ་འགྱུར་བས་མགོ་བོ་ན་ལ། སྐྱིད་པ་སྐྱུར་བ་དང་། ཆམ་པ་དང་རིམས་ལ་སོགས་པའི་ནད་ཀྱིས་འདེབས་པར་འགྱུར་བའི་ཕྱིར་སྤང་བར་བྱའོ། ། གལ་ཏེ་མི་གང་ཞིག་གཉིད་འཕེལ་ཏེ་གཉིད་ཆེ་དྲགས་པ་དེ་ཡི་ཚེ་ན་དེའི་རྒྱུ་བད་ཀན་ཟད་པར་བྱ་བར་ཕྱིར་དུ་སྐྱུག་གཏོང་བ་དང་སྨྱུང་བར་བྱ་བ་སྟེ་ཟས་འཕྲི་བ་དང་བུད་མེད་བསྟེན་པ་སོགས་བྱས་ན་གཉིད་སྲབ་པར་འགྱུར་རོ། ། ཡང་གཉིད་ཡེར་ཏེ་གཉིད་དུས་སུ་མི་འབྱུང་ཚེ་འོ་མ་དྲོན་མོ་དང་། ཤ་ཁུ་དྲོན་མོ་ཞོ་དང་ཆང་གར་མོ་སོགས། དྲོ་ཞིང་བཅུད་དང་ལྡན་པའི་བཏུང་བ་དང་ཏིལ་མར་ལ་སོགས་པའི་སྣུམ་གྱི་རིགས་མགོ་བོར་བསྐུ་ཞིང་། རྣ་བའང་སྣུམ་གྱིས་དགང་བར་བྱའོ། ། །</br>6.ཉལ་པོ་བྱ་ཐབས་ནི། སྐྱེ་བོ་གང་ཞིག་ཉལ་པོ་སྤྱོད་པར་འདོད་པ་ན། རང་རང་དང་རིགས་མི་མཐུན་པའམ་སྐྱེ་གནས་མི་མཐུན་པ་དུད་འགྲོ་སོགས་དང་བུད་མེད་ཡིན་ཡང་གཞན་གྱིས་བདག་ཏུ་བཟུང་བས་ཁྱིམ་ཐབ་ཅན་ཡིན་ན་བདག་པོ་ཅན་ཞེས་བྱ་ལ་འོག་གི་དམ་པ་ལྷ་ཆོས་ཀྱི་སྐབས་སུ། ལོག་པར་གཡེམ་པ་ཞེས་པ་གཉིས་ཟློས་པ་མིན་ཏེ། ཕྱི་མས་ནི་མི་དགེ་བ་ཡིན། བདག་པོ་ཅན་གྱི་བུད་མེད་ལ་སྤྱོད་པས་བདག་པོ་དེས་རང་བསད་པ་དང་བརྡུང་བ་ལ་སོགས་པའི་ཉེན་ཡོད་པའི་ཕྱིར་དེ་བསྲུང་བའི་ཕྱིར་གསུངས་པའོ། ། གཟུགས་ངན་ཞིང་སྙིང་དུ་མི་སྡུག་པ་དང་། སྦྲུམ་མ་དང་། བྱིས་པ་རྒན་དང་ཤུགས་ཞན་ཉེན། །གསུངས་པ་ལྟར། མ་སྨིན་པ་དང་། ཧ་ཅང་རྒས་ཤིང་རྒུད་པ་ཤིན་ཏུ་རིད་པས་ཤུགས་ཞན་པ། ནད་དང་སྡུག་བསྔལ་དྲག་པོ་སོགས་ཀྱིས་ལུས་རབ་ཏུ་ཉེན་པའི་བུད་མེད་ལ་མི་སྤྱོད་པ་དང་། ཟླ་མཚན་དང་ལྡན་པའི་དུས་བཅས་སུ་བུད་མེད་ལ་བཀན་པར་བྱེད་པའམ་འཁྲིག་པ་ཡོངས་སུ་སྤང་དགོས་པ་ཡིན་ནོ། །ཟླ་ཟེར་ལས། ཉལ་པོའི་ཆོས་ནི་སྤང་བར་བྱ། ། བཀན་མིན་ཟླ་མཚན་ལྡན་པ་དང་། ། སོགས་ཀྱི་སྐབས་སུ། དེའི་འགྲེལ་པར། བཀན་མིན་ཞེས་བྱ་བ་ནི། བཀན་པ་མ་ཡིན་པ་སྤང་བ་སྟེ། དོན་གྱིས་ན་བཀན་ཏེ་བསྟེན་པར་ཉན་པ་མ་ཡིན་ནོ། ། ཞེས་གསུངས་པ་ལྟར་རོ། བཤད་མ་ཐག་པའི་སྤང་བར་བསྟན་པ་དེ་དག་ལ་བསྟེན་ན། ལུས་དང་ཚེ་ལ་བར་དུ་གཅོད་ཅིང་བཀྲ་མི་ཤིས་པ་རྣམས་མང་དུ་འབྱུང་བའི་ཕྱིར་རོ། ། དེ་ལྟ་བུ་མ་ཡིན་པའི་བུད་མེད་ལ། དགུན་གྱི་དུས་སུ་སྐྱེས་པ་རོ་ཙ་བས་ཁུ་བ་ཆེར་འཕེལ་ཏེ་དྲེགས་པོ་དང་ལྡན་པའི་ཚེ་འཁྲིག་པ་ཡང་ཡང་སྤྱད་ཀྱང་བཀག་པ་མེད་ལ་བཀག་ཆེས་ན་ཁུ་བ་བཀག་པའི་ནད་དུ་འགྱུར་བས་སོ། ། སྟོན་དཔྱིད་གཉིས་ཉམས་སྟོབས་འབྲིང་གི་དུས་ཡིན་པས་ཞག་གཉིས་ལ་སྤྱད་དོ། ། དབྱར་སོས་གཉིས་ལ་ཉམས་ཆུང་བས་ཟླ་བ་ཕྱེད་ཕྱེད་ལ་སྤྱད། དེ་ལྟར་མ་ཡིན་པའི་གནས་སྐབས་གཞན་དུ་བུད་མེད་ལ་གང་བྱུང་དུ་ཞུགས་པ་ཡིན་ན། མིག་སོགས་དབང་པོ་ཉམས་ཤིང་མགོ་འཁོར་བ་སོགས་མི་བཟད་པའི་ནད་ཀྱིས་བཏབ་ནས་དུས་མིན་དུ་འཆི་བར་བྱེད་པ་ཡིན་པས་ན་སྤུང་བར་བྱའོ། །</br>7.བསྐུ་བྱུག་བྱ་ཐབས་ནི། དུས་རྟག་ཏུ་ལུས་ལ་སྣུམ་བསྐུ་ཞིང་བྱུག་པ་དང་མཉེ་བའི་ཆོ་ག་ལེགས་པར་སྤྱོད་པར་བྱེད་པ་དེས་ནི། རྒས་ཀ་སྲ་ཞིང་ཚེ་འཕེལ་བ། གཉིད་ཁུག་ཅིང་དབང་པོ་གསལ་བ། སྟོབས་རྒྱས་ཤིང་པགས་པ་འཇམ་པ། ལུས་ངལ་བའི་ནད་དང་། རླུང་གི་ནད་ཀྱང་འཇོམས་པར་བྱེད་པ་བཅས་ཡིན་ཞིང་། རྒྱུ་མཚན་དེས་ན། མགོ་བོ་དང་། རྐང་ལག་གི་མཐིལ་བཞི་ལ་རྩའི་སྣེ་མོ་ཡོད་པས་བསྐུ་ཞིང་བྱུག་པ་དང་། རྣ་བ་ཡང་རླུང་གི་གནས་ཡིན་པས་འབྲུ་མར་གྱིས་དགང་བ་སོགས་སྣུམ་གྱི་ཆོ་ག་ཡང་ཡང་བྱའོ། ། </br>8.རྩོལ་བ་སྤྱད་ཐབས་ནི། རྩོལ་བས་རན་པར་བཅག་པར་བྱས་ན། དེས་ནི་ལུས་ཁམས་ཡང་ཞིང་ཚིལ་འབྲི་བ་དང་། ལུས་ཀྱི་སྐབས་ཕྱེད་དེ་ལུས་ཀྱི་སྟོད་སྨད་ལ་སོགས་པའི་སྦོམ་ཕྲའི་ཆ་སྙོམས་པ་སྟེ། ཆ་རྣམས་སོ་སོར་འབྱེད་པས་ན་སྐྱེ་མཆེད་གཙང་ཞིང་ལྷག་པར་ཕོ་བ་ལ་སོགས་པའི་མེ་དྲོད་ཀྱི་ཆ་ཤས་ཐམས་ཅད་རྒྱས་པ་དང་མཁྲེགས་ཞེས་ལུས་སྲ་ཞིང་གྲིམ་ལ་བརྟན་པས་སྒོ་གསུམ་གྱི་ལས་གང་ཡང་བྱེད་ནུས་པ་སོགས་ཀྱི་རྒྱུ་ནི་གང་ལས་བྱུང་བ་ཡིན་ཞེ་ན་ལུས་ཀྱི་རྩོལ་བ་ཡང་དག་ལས་འབྱུང་བར་འགྱུར་བ་ཡིན་ནོ། །རྩོལ་བ་ཡང་དག་ཅེས་པ་ནི། མི་རྔུལ་བཅག་པ་སྤྱོད་ལམ་མཆོག་ཡིན་ནོ། ། ཞེས་པའི་དོན་ནོ། །ཧ་ཅང་ཐལ་དྲགས་པ་ནི་མ་ཡིན་པའོ། ། ཧ་ཅང་ཐལ་དྲགས་ན་ལོག་པའི་སྐྱོན་དུ་འགྱུར་བས་གོང་གི་ཡོན་ཏན་དེ་རྣམས་ལས་གཞན་དུ་གྱུར་ཏེ། ལུས་ཟུངས་ཟད་པ་དང་། ལོག་པའི་རྩོལ་བས་བརྡབ་ཆག་གམ་འགྲམས་འཁྲུགས་སྐྱེད་པས་ན་དེའི་ལུས་མ་རུངས་པར་འགྱུར་རོ། ། དམིགས་བསལ་དུ་རྒན་པོ་དང་བྱིས་པ་དང་། རླུང་གི་ནད་དང་། མཁྲིས་པའི་ནད་དང་། དེ་གཉིས་ཀ་ལྡན་པའི་ནད་ཅན་གྱི་མི་རྣམས་ཀྱིས། རྩོལ་བཅག་ཐལ་དྲགས་པ་དེ་སྤང་བར་བྱའོ། ། དེ་ལྟར་བྱིས་པ་སོགས་མ་ཡིན་པའི་མི་སྟོབས་དང་ལྡན་ཞིང་ཁ་ཟས་སྣུམ་བག་ཤས་ཆེར་ཟ་བ་རྣམས་གཞན་དགུན་དང་དཔྱིད་ཀའི་དུས་སུ་རྩོལ་བཅག་འབད་པས་བསྟེན་པར་བྱ་ཞིང་། ལྷག་པར་དུ་ནད་ཁམས་བད་ཀན་ཅན་གྱི་མིས་ནི་རྩོལ་བཅག་འབད་པ་ཆེན་པོས་བསྟེན་པར་བྱའོ། །</br>9.དྲིལ་ཕྱིས་བྱ་ཐབས་ནི། དེ་ལྟར་བསྐུ་བྱུག་དང་། རྩོལ་བཅག་བྱས་པའི་རྗེས་སུ། སྲན་ཕྱེ་སོགས་ཀྱིས་འཕུར་ཏེ་དྲིལ་ཞིང་ཕྱིས་པས་བད་ཀན་སེལ་ཞིང་ཚིལ་འཇུ་བར་བྱེད་པ་དང་། པགས་པའི་མདོག་ཀྱང་དྭངས་ཤིང་གསལ་བ་ཡན་ལག་རྣམས་ཀྱང་བརྟན་ཞིང་མཉེན་པར་བྱེད་པའི་མཆོག་ཡིན་པས་ན་དེ་ལྟར་བསྟེན་པར་བྱའོ། །</br>10.ཁྲུས་བྱ་ཐབས་ནི། ཆུ་གཙང་དྲོ་འཇམ་དུ་ཞུགས་ཏེ་ལུས་ཡང་ནས་ཡང་དུ་འཁྲུས་ཤིང་དག་པར་བྱེད་པ་དང་། ལྷག་པར་སྟོན་ཟླ་བརྒྱད་པ། སྐར་མ་རི་ཥི་འཆར་ནས་ཆུ་ཀླུང་ནུས་པ་ཅན་དུ་གྱུར་པའི་ཚེ་ན་ཁྲུས་བྱས་པས་རོ་ཙ་བ་དང་། ལུས་ཕྱི་ནང་གི་དྲོད་སྐྱེད་པ་དང་སྟོབས་ཆེ་ཞིང་། ཚེ་དང་གཟི་མདངས་སྐྱེད་པར་འགྱུར་ལ། པགས་པ་བད་ཀན་གྱིས་གཡའ་ཞིང་མཁྲིས་པས་རྡུལ་བས་ལུས་ལས་དྲི་ང་བ་བྲོ་བ་དང་། གཞན་ཡང་རླུང་གིས་དྲི་མ་ཆགས་ཤིང་ལུས་སྙོམས་པ་སྟེ་སྐྱིད་པ་སྐྱུར་ཏེ་ལུས་འགུལ་སྐྱོད་བྱེད་སྙིང་མི་འདོད་པ། ཁྲག་གིས་ཁ་སྐོམ་པ་དང་ལུས་ཀྱི་ཚ་བ་རྣམས་ཁྲུས་བྱས་པས་སེལ་བར་ནུས་པ་ཡིན་ནོ། ། འོན་ཀྱང་ཆུ་དྲོན་གྱིས་མགོ་བོ་བཀྲུས་པ་ཡིན་ན། སྐྲ་དང་མིག་གི་སྟོབས་འཕྲོག་པ་སྟེ། སྐྲ་བྱི་བ་དང་། མིག་གི་རྒྱལ་མོའི་མདངས་ཉམས་པ། འདིར་བཤད་པའི་ཆུ་དྲོན་ནི། གཙོ་བོ་རང་བྱུང་ཆུ་ཚན་གྱི་ནང་ལ། སྐུ་དང་མིག་གཉིས་བཀྲུ་མི་ཉན་པར་མ་ཟད། སྤྱིར་བཏང་གི་ཆུ་ཚ་བོས་ཀྱང་བཀྲུ་མི་ཉན་པར་བསྟན་པ་ཡིན། ཁྱད་པར་ཚད་པས་འཁྲུ་བ་དང་ལྟོ་བ་སྦོས་པའི་སྐབས་སུ་ཆུ་ཚ་གྲང་གང་གིས་ཀྱང་བཀྲུ་མི་རུང་། གཞན་ཡང་ཆམ་པ་ཕོག་པ། མ་ཞུ་བས་བཏབ་པ། སྣ་ནད་ཅན་དང་། མིག་ནད་ཅན་ཟས་ཟོས་མ་ཐག་པ་བཅས་ལ་ནི། མགོ་ཙམ་དུ་མ་ཟད་ལུས་ཀུན་ལ་ཁྲུས་བྱ་བ་སྤངས་དགོས་པར་བསྟན་པ་ཡིན་ནོ། །</br>11.མིག་ནད་སྦྱོང་ཐབས་ནི། མིག་ནི་མཆིན་པ་དང་འབྲེལ་འབྱོར་རམ་མེ་ཏོག་ཡིན་པའི་དོན་གྱིས་མེ་ཡི་ཁམས་སམ་རང་བཞིན་ཡིན་པས་དེས་གསལ་ཞིང་མཐོང་བའི་བྱ་བ་བྱེད་པ་ཡིན་མོད། མེའི་སྟོབས་ལྷག་པར་འཕེལ་དྲགས་པ་ཡིན་ན། དེས་བད་ཀན་ཚིམ་བྱེད་ས་ཆུའི་རང་བཞིན་དེ་འཇིག་ནས་སྐེམ་པར་བྱས་ཏེ། མིག་གི་སྐམ་ཚག་དང་གཉན་ཚད་རྒྱས་པར་བྱེད་པས་ན་མིག་གི་ནང་དུ་མཆི་མ་སྐྱེ་ཞིང་འཛག་ནས་མིག་གི་གཉན་ཚད་དང་སྐམ་ཚག་མི་སྐྱེ་བའི་ཕྱིར་དུ། མིག་སྨན་སྐྱེར་པའི་ཁཎྜ་ཆུ་གཙང་དུ་སྦྱངས་ནས་རྟག་ཏུ་ཞག་བདུན་རེ་ལོན་ཚེ་ཉིན་རེ་ཐེངས་རེ་བླུགས་ཏེ་མིག་གི་ནང་སྐམ་ཚག་དང་གཉན་ཚད་མི་ཡོང་བའི་སྔོན་འགོག་དང་། མིག་གི་བཅུད་ལེན་དུ་འགྱུར་བའི་ཐབས་ལ་འབད་པར་བྱའོ། ། དེའང་བསྡུས་པར། དེ་ནི་མེ་ཡི་རང་བཞིན་ཏེ། ལྷག་པར་བད་ཀན་ལ་འཇིགས་པས་(འདི་བོད་ཀན་ས་ཆུའི་རང་བཞིན་ལ་གནོད་པས། ཞེས་པའི་དོན་ཡིན་ནམ་སྙམ)། མཆི་མ་འཛགས་ཕྱིར་སྐྱེར་ཁཎྜ། ། ཞག་བདུན་རེ་ནི་བླུགས་པར་བྱ། ། ཞེས་གསུངས་པ་ལྟར་རོ། ། ཡང་གོ་བ་ལེན་ཚུལ་གཞན་ཞིག་དུ་མིག་ནི་མེ་ཡི་རང་བཞིན་ཅན་ཡིན་པས། དེ་དང་ཆོས་མི་མཐུན་པས། བད་ཀན་ས་ཆུའི་རང་བཞིན་ཅན་དེ་འཇིག་ཅིང་གནོད་པར་བྱེད་པས་བད་ཀན་དེ་མཆི་མའི་རྣམ་པས་ཕྱིར་འཛགས་པར་བྱེད་པའི་ཆེད་དུ་མིག་སྨན་སྐྱེར་པའི་ཁཎྜ་ཞག་བདུན་རེ་བཞིན་བླུགས་པར་བྱའོ། ། ཞེས་བཤད་པའང་ཡོད་དོ། །</br>12.ནད་ཀྱི་ཇག་པ་སྲུང་ཐབས་ནི། རྒྱུན་བསྲིངས་ནས་བཅོས་ལོང་མེད་ཅིང་། སྲོག་ལ་གློ་བུར་དུ་རྒོལ་བའི་དགྲ་བོ་མི་བཟད་པ་སྟེ། རྒྱུད་ཆུང་དུ། ཕོ་ལོག ཞྭ་ལོག གག་པ། ལྷོག་པ། སྣ་ཁྲག་མང་དུ་ཤོར་བ་ལྔ། བྱང་པས། ཐ་མའི་ཚབ་ཏུ། གཟའ་ནད། ཅེས་པ། གང་ལྟར་དེ་ལྟ་བུའི་ནད་ཀྱི་ཇག་པ་དགྲ་བོ་མི་བཟད་པ་ལྔ་པོ་དེ་སྲོག་གི་གཤེད་དུ་ནམ་འོང་ཆ་མེད་ཡིན་པས། དེ་རྣམས་སོ་སོའི་གཉེན་པོ་འགོག་བཅོས་ཀྱི་ཐབས་གཞུང་དང་མན་ངག་ཟབ་མོ་ལས་ཇི་ལྟར་བྱུང་བ་རྣམས་(སྨན་སྔགས་དཔྱད་ཆས་)དགྲ་བོ་ལ་འགོག་སྲུང་སྐྱེལ་མའི་ཚུལ་དུ་ལུས་ལ་བཅང་ཞིང་དུས་རྒྱུན་དུ་བསྟེན་པར་བྱའོ། ། ཡང་། སྙིང་པོ་བསྡུས་པར། འབྱུང་པོ་དུག་དང་རླུང་ དང་མེ། ། མཚོན་རྒྱས་ཆག་གྲུམ་བཙོག་འབྱུང་དང་། ། འདོད་ཆགས་ཞེ་སྡང་འཇིགས་སོགས་གང་། །གློ་བུར་ནད་ཡིན་འཛེམས་པར་བྱ། ། ཞེས་གསུངས་པའང་ཡོད། །</br>13.ཆ་མཉམ་སྤྱད་པར་གདམས་པ་ནི། དེ་ལྟར་བཤད་ཟིན་པའམ། འཆད་འགྱུར་གྱི་བྱ་བ་ཀུན་ཀྱང་། སྣེ་གཅིག་གམ། ཉི་མ་གཅིག་གཉིས་ཙམ་མ་ཡིན་པར། དུས་དང་རྣམ་པ་ཀུན་ཏུ་སྤང་བླང་གི་བྱ་བ་མ་འཛོལ་བར་སྙོམས་པར་ཏེ་ཕྱོགས་རིས་མེད་པར་སྤྱད་པར་བྱའོ། །</br>14.དེ་རྣམས་ཀྱི་ཕན་ཡོན་བསྟན་པ་ནི། དེ་ལྟར་བསྟན་པའི་སྤྱོད་ལམ་རྣམས་མ་འཛོལ་བར་ཇི་ལྟ་བ་བཞིན་དུ་བདག་རང་ཉིད་ཀྱིས་ནི་དུས་ཉིན་མོའམ་མཚན་མོ་སྤྱོད་ལམ་འགྲོ་བའམ་འདུག་པ་གང་བྱེད་ཀྱང་། ཐང་རེ་བ་མ་ཡིན་པར་རྟག་ཏུ་སྤང་བླང་གི་གནས་མི་བརྗེད་པའི་དྲན་པ་ལ་ཡིད་ཉེ་བར་འཇོག་ཐུབ་པ་བྱུང་ན། ནད་སོགས་སྡུག་བསྔལ་མཐའ་དག་རྒྱང་རིང་དུ་བསྲིང་བའི་བདེ་བའི་རང་བཞིན་ལ་ལོངས་སྤྱོད་པར་འགྱུར་རོ། ། གལ་ཏེ་དེ་དག་ལས་ཉམས་ན་སྐྱོན་ཐམས་ཅད་འབྱུང་བའི་ཚུལ། བཤེས་སྤྲིངས་ལས། དབང་ཕྱུག་ལུས་རྟོག་དྲན་པ་བདེ་གཤེགས་ཀྱིས། ། བགྲོད་པ་གཅིག་པའི་ལམ་དུ་ཉེ་བར་བསྟན། ། དེ་ནི་བསྒྲིམས་ནས་མངོན་པར་བསྲུང་བགྱི་སྟེ། ། དྲན་པ་ཉམས་པས་ཆོས་ཀུན་འཇིག་པར་འགྱུར། ། ཞེས་གསུངས་པ་ལྟར་རོ། །ཀུན་འཇིག་པར་འགྱུར། ། ཞེས་གསུངས་པ་ལྟར་རོ། །)
• Dictionaries/chos rnam kun btus/770  + (1.དགོས་པ་དང་འབྲེལ་བའི་བཤད་བྱ་ངོས་བཟུང་བ་ནི … 1.དགོས་པ་དང་འབྲེལ་བའི་བཤད་བྱ་ངོས་བཟུང་བ་ནི། ལུས་སྲོག་གསོ་བའི་རིག་པ་ཀུན་གྱི་བཅུད། ། དཔལ་ལྡན་རྒྱུད་ཆེན་བདུད་རྩི་སྙིང་པོའི་ལུས། ། རྟེན་ལུས་དང་བརྟེན་པ་སྲོག་བཅས་མི་ན་བར་གནས་ཤིང་ན་བ་གསོ་བར་བྱེད་པའི་རིག་པ་སྟོན་པའི་གཞུང་ལུགས་མཐའ་ཡས་ཀྱང་། དེ་དག་ཐམས་ཅད་ཀྱི་བཅུད། དཔལ་ལྡན་བདུད་རྩི་སྙིང་པོ་ཡན་ལག་བརྒྱད་པ་གསང་བ་མན་ངག་གི་རྒྱུད་ཆེན་པོ་ཞེས་བྱ་བ། གོ་སླ། དོན་བཟང་། ཡན་ལག་བརྒྱད་ཀྱི་དོན་རྫོགས་པར་སྟོན་ཅིང་མཆོག་དམན་ཀུན་ལ་ཕན་པ་རླབས་སུ་ཆེ་བས་བོད་དུ་འགྱུར་བའི་བཀའ་དང་བསྟན་བཅོས་རྣམས་ཀྱི་ནང་ནས་ངོ་མཚར་རྨད་དུ་བྱུང་བ་འདིའི་ལུས་རྣམ་པར་གཞག་པ་རགས་པ་ཙམ་ཤེས་ན། གསོ་དཔྱད་ཀུན་གྱི་དོན་བདེ་བླག་ཏུ་མཐོང་བར་འགྱུར་བས་མདོ་ཙམ་བཤད་པར་བྱ་བ་ཡིན་ནོ། ། </br>2.གསོ་རིག་དངོས་ཀྱི་ཚུལ་བཤད་པ་ལ་གཉིས་ཏེ།</br>(1)རྒྱུད་བཞིའི་ལུས་མདོར་བསྟན་པ་ལ་བཞི་སྟེ། </br>[1]རྩ་རྒྱུད་ནི། རྩ་བ་གནས་ལུགས་ངོས་འཛིན་གསོ་བ་སྟེ། རྩ་བ་ཐུགས་ཀྱི་རྒྱུད་དུ་གསུངས་པ་གསུམ་སྟེ། </br><1>གནས་ལུགས་ནད་གཞི་ནི། རྣམ་པར་མ་གྱུར་པ་ལུས་ཆུ་ལྟ་བུ་དང་། རྣམ་པར་གྱུར་པ་ནད་ཆབ་རོམ་ལྟ་བུའི་སྡོང་པོ་གཉིས། ལུས་ཀྱི་ཡལ་ག་ནད་དང་ལུས་ཟུང་དྲི་མ་གསུམ། ནད་ལ་ སྲོག་འཛིན་སོགས་རླུང་ལྔ། འཇུ་བྱེད་སོགས་མཁྲིས་པ་ལྔ། སྟེན་བྱེད་སོགས་བད་ཀན་ལྔ། ཤ་ཁྲག་ཚིལ་རུས་རྐང་དང་ཁུ་བ་སྟེ་དྭངས་མ་བདུན། བཤང་གཅི་རྡུལ་བའི་དྲི་མ་གསུམ་སྟེ་ལོ་འདབ་ཉི་ཤུ་རྩ་ལྔ། ནད་ཀྱི་ཡལ་ག་རྒྱུ་རྐྱེན་འཇུག་སྒོ་རྟེན་གནས་རྒྱུ་ལམ་ལྡང་དུས་འབྲས་བུ་ལྡོག་རྒྱུ་མདོར་དྲིལ་བཅས་དགུ། རྒྱུ་དུག་གསུམ། རྐྱེན་དུས་གདོན་ཟས་དང་སྤྱོད་ལམ་བཞི། ཤ་པགས་རྩ་རུས་དོན་སྣོད་དེ་འཇུག་སྒོ་དྲུག གནས་ལུས་ཀྱི་སྟོད་སྨད་བར་གསུམ། ལུས་ཟུང་དྲི་མ་དབང་པོ་དོན་སྣོད་ལྔ་པོ་སོ་སོར་རླུང་མཁྲིས་བད་ཀན་རྒྱུ་བའི་ལམ་བཅོ་ལྔ། ན་སོ་གསུམ་ཡུལ་གསུམ་དུས་གསུམ་སྟེ་ལྡང་དུས་དགུ། འཚོ་བ་གསུམ་ཟད་པ་སོགས་འབྲས་བུ་སྲོག་གཅོད་ཀྱི་ནད་དགུ། རླུང་མཁྲིས་བད་ཀན་ཞི་མ་ཞི་གཉིས་གཉིས་བཞི་རུ་ལྡོག་པའི་རྒྱུ་བཅུ་གཉིས། དེ་དག་མདོ་དོན་དྲིལ་བ་ཚ་གྲང་གཉིས་སུ་འདུས་པ་སྟེ་ལོ་འདབ་དྲུག་ཅུ་རྩ་གསུམ། </br><2>ངོས་འཛིན་རྟགས་ནི། ལྟ་རེག་དྲི་བའི་སྡོང་པོ་གསུམ། ལྟ་བའི་ཡལ་ག་ལྕེ་དང་ཆུ་ལ་ལྟ་བ་གཉིས། དེ་རེ་རེ་ལ་ནད་གསུམ་གྱིས་དབྱེ་བས་ལོ་འདབ་དྲུག རེག་པའི་ཡལ་ག་ནད་གསུམ་དང་ལོ་འདབ་དེ་མཚུངས་གསུམ། དྲི་བའི་ཡལ་ག་སློང་རྐྱེན་ན་ལུགས་གོམས་པའི་སྒོ་ནས་དྲི་བ་གསུམ། ཡང་ལ་རྩུབ་པ། རྣོ་ཞིང་ཚ་བ། ལྕི་ལ་སྣུམ་པའི་ཟས་དང་སྤྱོད་ལམ་གྱིས་རིམ་བཞིན་རླུང་མཁྲིས་བད་ཀན་སློང་བ་སོགས་དྲི་བའི་དབྱེ་བས་ལོ་འདབ་ཉི་ཤུ་རྩ་དགུ།</br><3> གསོ་བྱེད་ཐབས་ཀྱི་རྩ་བ་ནི། ཟས་སྤྱོད་སྨན་དཔྱད་ཀྱི་སྡོང་པོ་བཞི། ཟས་ཀྱི་ཡལ་ག་ཟས་གསུམ་སྐོམ་གསུམ་སྟེ་དྲུག རླུང་ཟས་བཅུ་བཞི། མཁྲིས་ཟས་བཅུ་གཉིས། བད་ཀན་ཟས་སྐོམ་དགུ་སྟེ་ལོ་འདབ་སུམ་ཅུ་སོ་ལྔ། སྤྱོད་ལམ་གྱི་ཡལ་ག་རང་རང་དང་སྦྱར་བའི་གཉེན་པོ་གསུམ། རེ་རེ་ལ་གནས་དང་སྤྱོད་ལམ་གྱི་ཡལ་ག་རང་རང་སྦྱོར་བའི་གཉེན་པོ་གསུམ། རེ་རེ་ལ་གནས་དང་སྤྱོད་ལམ་གྱིས་དབྱེ་བའི་ལོ་འདས་དྲུག སྨན་གྱི་ཡལ་ག་རླུང་སྨན་སོགས་གསུམ་ལ་རོ་ནུས་གཉིས་གཉིས་དབྱེ་བས་དྲུག རླུང་ལ་ཁུ་བ་དང་སྨན་མར། མཁྲིས་པར་ཐང་དང་ཅུར་ནིས། བད་ཀན་ལ་རིལ་བུ་ཏྲེས་སམ་སྟེ་ཞི་བྱེད་དྲུག རླུང་འཇམ་རྩི། མཁྲིས་པ་བཤལ། བད་ཀན་སྐྱུགས་ཀྱིས་སྦྱོང་བ་སྟེ། སྦྱོང་བྱེད་གསུམ་བཅས་དྲིལ་བས་བཅོ་ལྔ། རླུང་ལ་རོ་མངར་སྐྱུར་ལན་ཚྭ་གསུམ། ནུས་པ་སྣུམ་ལྕི་འཇམ་པ་གསུམ་སོགས་གཞན་གཉིས་ལའང་དེ་བཞིན་སྦྱར་བས་བཅོ་བརྒྱད། ཁུ་བ་གསུམ། སྨན་མར་ལྔ། ཐང་དང་ཕྱེ་མ་བཞི་བཞི། རིལ་བུ་གཉིས། ཏྲེས་སམ་ལྔ། སྦྱོང་བྱེད་སྔ་མ་ལ་གསུམ། བར་མ་ལ་བཞི། ཕྱི་མ་ལ་གཉིས་ཏེ་དྲིལ་བས་དགུ། སྔ་ཕྱི་བསྡོམས་པས་ལོ་འདབ་ལྔ་བཅུ་ཐམ་པ། དཔྱད་ཀྱི་ཡལ་ག་རླུང་མཁྲིས་བད་ཀན་གྱི་དཔྱད་གསུམ། སྔ་མ་ལ་བཀུ་མཉེ་དང་ཧོར་གྱི་མེ་བཙའ་གཉིས། བར་མ་ལ་རྔུལ་དབྱུང་གཏར་ག་ཆུའི་འཕྲུལ་འཁོར། ཕྱི་མ་ལ་དུག་དང་མེ་བཙའ་བཅས་ལོ་འདབ་བདུན་ཏེ། མདོར་ན་གསོ་ཡུལ་ནད་གཞི་ལ་རྣམ་གྲངས་བརྒྱད་ཅུ་རྩ་བརྒྱད། ངོས་བཟུང་བརྟག་པ་ལ་སུམ་ཅུ་སོ་བརྒྱད། གསོ་བྱེད་གཉེན་པོའི་ཐབས་དགུ་བཅུ་རྩ་བརྒྱད་ཀྱི་ནང་དུ་གསོ་བ་རིག་པའི་དོན་མ་ལུས་པ་གཏན་ལ་དབབ་ནས་མྱ་ངན་མེད་པའི་ལྗོན་ཤིང་གི་དཔེ་དང་སྦྱར་བར་མཛད་དེ། དེ་ལྟར་ལེགས་པར་ཤེས་ཤིང་ལག་ཏུ་བླངས་པས་ནད་མེད་པ་དང་ཚེ་རིང་བ་གཉིས་མེ་ཏོག ཆོས་དང་ནོར་དང་བདེ་བས་འབྱོར་པ་འབྲས་བུའི་མཐུན་དཔེར་སྦྱོར་བ་ནི་རྒྱུད་ཉིད་ལས། རྩ་བ་གསུམ་ལས་འདྲིལ་བའི་སྡོང་པོ་དགུ། ། གྱེས་པའི་ཡལ་ག་བཞི་བཅུ་རྩ་བདུན་ཏེ། ། ལོ་འདབ་ཉིས་བརྒྱ་རྩ་བཞིར་རྒྱས་པ་ཡིན། ། གསལ་བའི་མེ་ཏོག་འབྲས་བུ་ལྔ་རུ་སྨིན། ། འདི་དག་རྩ་བའི་རྒྱུད་ཀྱི་སྡོམ་དུ་བཤད། ། ཅེས་གསུངས་སོ། །</br>[2]བཤད་རྒྱུད་ནི། གསོ་བྱ་གསོ་བྱེད་གསོ་ཚུལ་གསོ་བས་བཤད། ། ཅེས་བཤད་པ་སྐུ་ཡི་རྒྱུད་ཀྱི་བསྟན་བྱ་གསོ་རིག་ཐམས་ཅད་ཚུལ་བཞིར་དྲིལ་བ་ནི་འོག་ཏུ་ཅུང་ཟད་འཆད་པར་འགྱུར་རོ། ། </br>[3]མན་ངག་གི་རྒྱུད་ནི། ལུས་དང་བྱིས་པ་མོ་ནད་གདོན་མཚོན་དུག ། རྒས་པ་རོ་ཙའི་མན་ངག་ཡན་ལག་བརྒྱད། ། ཅེས་མན་ངག་ཡོན་ཏན་རྒྱུད་ལེའུ་དགུ་བཅུ་རྩ་གཉིས་ཡོད་པ་ལས། ལུས་ཀྱི་བཅོས་ལེའུ་བདུན། བྱིས་པ་དང་མོ་ནད་ལ་གསུམ་གསུམ། གདོན་དང་མཚོན་རྨ་ལ་ལྔ་ལྔ། དུག་ལ་གསུམ། རྒས་པ་གསོ་བའི་ཐབས་བཅུད་ལེན་ལ་གཅིག རོ་ཙ་དང་དེའི་ཡན་ལག་བུད་མེད་བཙའ་སྲུང་གི་ཐབས་ལ་གཉིས་བཅས་ཀྱིས་གསོ་བྱེད་གཉེན་པོའི་མན་ངག་རྫོགས་པར་བསྟན་པ་སྟེ། སྤྱིར་ལུས་ལ་སོགས་པ་དེ་རྣམས་གསོ་ཡུལ་གྱི་ཡན་ལག་བརྒྱད་དུ་ཡོངས་སུ་གྲགས་ཤིང་། གསོ་དཔྱད་ཆེ་ཆུང་ཐམས་ཅད་དེ་ལས་འཕྲོས་པ་ཤ་སྟག་གོ །</br>[4]ཕྱི་མ་རྒྱུད་ནི། ནད་དང་གཉེན་པོ་ཐབས་སུ་ཕྱི་མར་དྲིལ། ། ཞེས་རྒྱས་པར་བཤད་པ་དེ་དག་གསོ་ཡུལ་གྱི་ནད། གསོ་བྱེད་གཉེན་པོ་གསོ་བའི་ཐབས་གསུམ་ཞེས་ཕྱི་མ་ཕྲིན་ལས་ཀྱི་རྒྱུད་དུ་ལག་ལེན་སྙིང་པོར་དྲིལ་ནས་བསྟན་ཏེ། དེའང་གསོ་ཡུལ་ནད་ལ་རྒྱས་པར་སྟོང་དང་ཉིས་བརྒྱ། བསྡུ་ན་ཀུན་བརྟགས་གདོན། ལྟར་སྣང་འཕྲལ། ཡོངས་གྲུབ་ཚེ། གཞན་དབང་སྔོན་ལས་ཀྱི་ནད་གཞི་པོ་རེ་རེ་ལ་བརྒྱ་དང་གཅིག་སྟེ། བསྡོམས་པས་བཞི་བརྒྱ་རྩ་བཞི། དེ་ལས་ཀྱང་བཅོས་དགོས་ཤིང་བཅོས་སུ་ཡོད་པ་ཡོངས་གྲུབ་ཚེའི་ནད་བརྒྱ་རྩ་གཅིག གསོ་བྱེད་གཉེན་པོ་ལ་སྟོང་དང་རྩ་གཉིས། མདོར་བསྡུས་པས་སྨན་དཔྱད་ཟས་སྤྱོད་བཞི། སྨན་ལ་ཞི་བྱེད་སྦྱོང་བྱེད་གཉིས། ཞི་བྱེད་ལ་བསིལ་དྲོད། སྦྱོང་བྱེད་ལ་དྲག་དང་འཇམ་པ་གཉིས། དཔྱད་ལ་འཇམ་རྩུབ་གཉིས། ཟས་ལ་ཕན་གནོད་གཉིས། སྤྱོད་ལམ་དྲག་དལ་གཉིས་ཏེ་མདོར་དྲིལ་བའི་གཉེན་པོ་བཅུར་གསུངས་སོ། ། གསོ་ཐབས་ལག་ལེན་སུམ་བརྒྱ་དྲུག་ཅུ། མདོར་བསྡུས་བརྟག་ཐབས་གསོ་ཚུལ་བཅོས་ཐབས་གསུམ། དང་པོ་ལ་རེག་པ་རྩ། མཐོང་བ་ཆུ་ལ་བརྟག་པ་གཉིས། གཉིས་པ་གསོ་ཚུལ་རྣམ་པ་དགུ། གསུམ་པ་ལ། ཞི་བྱེད་ཐང་ཕྱེ་རིལ་བུ་ལྡེ་གུ་སྨན་མར་ཐལ་སྨན་ཁཎྜ་སྨན་ཆང་སྡེ་ཚན་བརྒྱད། དེའི་ལོག་གནོན་རིན་པོའི་ཆེའི་སྦྱོར་བ། ཐུག་ཕྲད་སྔོ་སྦྱོར་གྱི་སྡེ། སྦྱོར་བྱེད་སྔོན་འགྲོ་སྣུམ་འཆོས། བཤལ་སྐྱུགས་སྣ་སྨན་འཇམ་རྩི་ནི་རུ་ཧ་སྟེ་དངོས་གཞི་ལས་ལྔ། ལོག་གནོན་རྩ་སྦྱོང་སྟེ་བདུན། དཔྱད་ལ་གཏར་སྲེག་དུག་ལུམ་བྱུགས་པ། ལོག་གནོན་ཐུར་མའི་དཔྱད་བཅས་ཉི་ཤུ་རྩ་གསུམ། ཐལ་སྨན་སོགས་ཕྱི་མ་ལྔ་ཞི་བྱེད་རྩ་སྡེ་ཚན་ལྔར་འདུས་པས་ལག་ལེན་བཅོ་བརྒྱད་ཀྱི་གྲངས་སུ་དྲིལ་བ་ཡིན་ནོ། ། (2)གསོ་བའི་ཚུལ་བཞི་རྒྱས་པར་བཤད་པ་ལ་གཉིས་ཏེ།</br>[1]མདོར་བསྟན་ནི། གསོ་བྱ་གང་ཕྱིར་ལུས་དང་གང་གསོ་ནད། ། གསོ་བྱེད་སྤྱོད་ལམ་ཟས་སྨན་དཔྱད་རྣམས་ཏེ། ། གསོ་ཐབས་ནད་མེད་གནས་དང་རྣམ་གྱུར་གསོ། ། གསོ་མཁན་རྩ་བ་ཡན་ལག་བཅས་པས་བསྡུས། ། གོང་དུ་སྨོས་པའི་བཤད་པའི་རྒྱུད་ཀྱི་སྡོམ་ཉིད་གསོ་རིག་སྤྱིའི་མདོ་ཆིངས་ཆེན་པོ་ཡིན་པས་དེ་ཉིད་ཅུང་ཟད་བཀྲོལ་ན། གསོ་བྱའི་ཡུལ་ལ་གང་གི་ཕྱིར་གསོ་བ་ལུས། གང་ཞིག་གསོ་བ་དེ་ལས་འབྱུང་བའི་ནད་གཉིས། གསོ་བྱེད་ཀྱི་གཉེན་པོ་སྤྱོད་ལམ་ཟས་སྨན་དཔྱད་དང་བཞི། ནད་དེ་གཉེན་པོས་ཇི་ལྟར་གསོ་བའི་ཚུལ་ལམ་ཐབས་ལ་ནད་མེད་རིང་དུ་གནས་པ་དང་། རྣམ་གྱུར་གསོ་བའི་ཐབས་གཉིས། གསོ་བྱེད་ཀྱི་མཁན་པོ་སྨན་པ་རྩ་བ་བཞི་ལ་ཡན་ལག་བཅུ་གཅིག་ལྡན་པ་དང་བཅས་པས་གསོ་རིག་གི་ལུས་ཡོངས་སུ་རྫོགས་པ་བསྡུས་སོ། །</br>[2]རྒྱས་བཤད་ལ་བཞི་སྟེ། </br><1>གསོ་བྱ་ལ་གཉིས་ཏེ། </br>1)ལུས་ནི། ལུས་ལ་རྒྱུ་རྐྱེན་རྟགས་ཀྱིས་ཆགས་ཚུལ་རྟོགས། ། འདྲ་དཔེ་ཉམས་སྦྱར་ལུས་ཟུངས་རྩ་ཡི་གནད། ། བུ་གའི་གནས་ལུགས་གནོད་བྱ་གནོད་བྱེད་ཀྱི། ། མཚན་ཉིད་ལས་དབྱེ་འཇིག་ལྟས་གཏན་ལ་དབབ། ། གང་གི་དོན་དུ་གསོ་བ་ལུས་ལ་ཆགས་པའི་རྒྱུ་དཀར་དམར་རྣམ་ཤེས་གསུམ།</br>འཕེལ་བའི་རྐྱེན་ལྟེ་འཁོར་དང་བུ་སྣོད་ཀྱི་རྩ་ལས་བྱུང་བའི་བཅུད་བཙའ་བའི་རྟགས་དང་བཅས་པས་ཆགས་པའི་ཚུལ་རྟོགས། </br>རྟེན་ཁང་བཟང་བརྟེན་པ་རྒྱལ་བློན་འབངས་དང་བཅས་པའི་འདྲ་དཔེ་སྦྱར་བས་ལུས་གནས་ཀྱི་ཉམས་ཤེས། ནད་དང་དྭངས་སྙིགས་ཤ་རུས་ལ་སོགས་པའི་ལྡང་ཚད་ལུས་ཟུངས་ཀྱི་གནས་ལུགས། ཆགས་སྲིད་འབྲེལ་པ་ཚེ་སྟེ་འབྲེལ་པ་རྩའི་གནས་ལུགས། ཤ་ཚིལ་རུས་པ་ཆུ་རྒྱུས་དོན་སྣོད་རྩའི་གནས་བདུན་ཏེ་གཉན་པ་གནད་ཀྱི་གནས་ལུགས། ཕྱི་ནང་དྭངས་སྙིགས་ཟས་ཀྱི་རྒྱུ་ལམ་བུ་གའི་གནས་ལུགས་བཞིས་ལུས་ཀྱི་གནས་ལུགས་རྟོགས། </br>གནོད་བྱ་ཁམས་ལ་ལུས་ཟུངས་བདུན་དང་དྲི་མ་གསུམ། གནོད་བྱེད་ཉེས་པ་རླུང་མཁྲིས་བད་ཀན་ནང་གསེས་དབྱེ་བ་བཅོ་ལྔ་དང་བཅས་སོ། །</br>གྲུབ་ཚུལ་རང་བཞིན་མེ་དྲོད་ལྟོ་བ་གནས་པ་བྱེད་ལས་མཚན་ཉིད་ཀྱི་སྒོ་ནས་ལུས་ཀྱི་མཚན་ཉིད་རྟོགས། </br>སྤྱིར་སྒོ་གསུམ་དགེ་མི་དགེ་ལུང་མ་བསྟན་ལ་སྤྱོད་ཅིང་བྱེ་བྲག་དབང་པོ་ལྔ་ཡིས་རང་གི་ཡུལ་ལ་སྤྱོད་པ་ལུས་ཀྱི་ལས་དང་། རྟེན་ཕོ་མོ་མ་ནིང་། ན་ཚོད་རྒན་བྱིས་དར་མ། རང་བཞིན་ཉེས་གསུམ་སོ་སོའི་མི། ནད་རྣམ་པར་མ་གྱུར་པ་དང་གྱུར་པའི་དབྱེ་བས་དེ་དག་རྟོགས།</br>རིང་བ་ཉེ་བ་མ་ངེས་ངེས་པ་ཅན་བཞིས་ལུས་འཇིག་པའི་ལྟ་ས་གཏན་ལ་དབབ་པ་སྟེ་ནང་གསེས་དུ་མ་དང་བཅས་པའི་རྣམ་གྲངས་བདུན་གྱིས་གང་གསོ་བ་ལུས་ཀྱི་གནས་ལུགས་ལ་མཁས་པར་བྱའོ། །</br>2)ནད་ནི། དུག་གསུམ་ཉེས་གསུམ་ཉེས་གསུམ་ཉེ་རིང་རྒྱུ། ། སྐྱེ་མཆེད་གསོག་ལྡང་སློང་རྐྱེན་སྐྱེད་བྱེད་དེ། ། ལམ་དྲུག་ཞུགས་པའི་མཚན་ཉིད་འཕེལ་ཟད་འཁྲུགས། །རྒྱུ་དང་རྟེན་དང་རྣམ་པའི་སྒོ་ནས་དབྱེ། ། ཞེས་གང་གསོ་བ་ནད་ལ། རིང་རྒྱུ་མ་རིག་པ་ལས་བྱུང་བའི་དུག་གསུམ་དང་ཉེ་བའི་རྒྱུ་དེས་བསྐྱེད་པའི་ཉེས་པ་གསུམ་གྱི་ནད། དུས་དབང་པོ་སྤྱོད་ལམ་དམན་ལྷག་ལོག་པ་སྐྱེ་མཆེད་ཀྱི་རྐྱེན། རྒྱུ་ངོ་བོ་དུས་ཀྱི་སྒོ་ནས་གསོག་ལྡང་ཞི་གསུམ་བྱེད་པ་གསོག་ལྡང་གི་རྐྱེན། ཐུན་མོང་ཁྱད་པར་སྤོང་བའི་རྐྱེན་ཏེ་ནད་སྐྱེད་བྱེད་ཀྱི་རྐྱེན་གསུམ།</br>ཉེས་གསུམ་རང་གནས་འཕང་བྱའི་ཡུལ་ལ་འཕེན་བྱེད་ཀྱི་རྐྱེན་བཞིས་འཕངས་པ་འཇུག་སྒོའི་ལམ་དྲུག་ཏུ་ཞུགས་ནས་རང་གནས་སུ་རྟེན་པ་ནད་འཇུག་ཚུལ། </br>ཞུགས་ནས་ནང་ལུས་ཟུངས་དྲི་མ་གསུམ་པོ་ལྡང་ཚད་ལས་འཕེལ་བ་དང་ཟད་པ་དང་ཕན་ཚུན་འཁྲུགས་པ་གསུམ་པོ་ནད་ཀྱི་མཚན་ཉིད། སྔོན་གྱི་ལས། ཚེ་འདིའི་ཉེས་པ། དེ་གཉིས་འདྲེས་པ་ལས་འབྱུང་བ་སྟེ་རྒྱུའི་དབྱེ་བ་གསུམ། སྐྱེས་པ་བུད་མེད་རྒས་ཀུན་ཁྱབ་ཐུན་མོང་སྟེ་རྟེན་གྱི་དབྱེ་བ་ལྔ། ཕྱི་མ་ལ་ཉེས་པ་གཙོ་བོ་རིགས་དང་གནས་ཀྱི་དབྱེ་བ་གསུམ། ནང་གསེས་དང་བཅས་པ་གནོད་བྱ་ཉི་ཤུ་རྩ་ལྔ་ལ་རྐྱང་པ་ལྡན་འདུས་འདྲེས་པའི་རིགས་ཀྱི་རྣམ་པའི་སྒོ་ནས་དབྱེ་བ་གྲངས་མེད་པ་རྣམས་ནི་ནད་ཀྱི་དབྱེ་བ་སྟེ་རྣམ་གྲངས་ལྔ་ཡི་སྒོ་ནས་གསོ་བྱ་ནད་ཀྱི་མཚན་ཉིད་ལེགས་པར་རྟོགས་པར་བྱའོ། །</br>(2)གསོ་བྱེད་ཀྱི་ཚུལ་བཤད་པ་ལ། སྤྱོད་ལམ་རྒྱུན་སྤྱོད་དུས་སྤྱོད་གནས་སྐབས་ཏེ། ། ཟས་ཚུལ་བསྡམ་དང་ཟས་ཚོད་རན་པར་བཟའ། ། སྨན་ལ་རོ་ནུས་ཞུ་རྗེས་སྦྱོར་བའི་ཐབས། ། འཇམ་རྩུབ་དྲག་དཔྱད་དེ་ཡི་ཆ་བྱད་བཅས། ། ཞེས་གསུངས་པ་འདི་ལྟ་སྟེ། ནད་གསོ་བྱེད་གཉེན་པོ་རྣམས་ཀྱི་ཐོག་མར་གལ་ཆེ་བ་སྤྱོད་ལམ་གྱི་གནས་ལ། ཚེ་རྐྱང་འཇིག་རྟེན་པ་དང་དམ་པ་རྣམས་ཀྱི་རྒྱུན་དུ་སྤྱོད་པ། དུས་དྲུག་ཏུ་གསོག་ལྡང་གི་གཉེན་པོ་བསྟེན་པའི་དུས་སྤྱོད། ནད་མི་སྐྱེ་བ་དང་སྐྱེས་པ་ཞི་བའི་གནས་སྐབས་ཀྱི་སྤྱོད་ལམ་གསུམ།</br>1)འཚོ་བ་ཟས་ནི། བཟའ་བྱའི་ཟས་དང་བཏུང་བྱའི་སྐོམ་གྱི་ཚུལ་ལམ་རྣམ་གྲངས་ཤེས་པར་བྱ་བ། ལུས་ལ་མི་འཕྲོད་པ་བསྡམ་པར་བྱ་བ། ཟས་ཀྱི་ཚོད་རན་པར་བཟའ་བ་གསུམ།</br>2)སྦྱོར་བ་སྨན་ནི། རོ་དྲུག་ནུས་པ་བརྒྱུད་ལས་སྐྱེས་པའི་ཡོན་ཏན་བཅུ་བདུན་ཞུ་རྗེས་གསུམ་རྣམས་ནད་ཀྱི་འབྱུང་བའི་གཉེན་པོར་སྤྲད་པའི་རོ་བསྡེབས་སྦྱོར་བ་ལྔ་བཅུ་རྩ་བདུན་དང་རྐྱང་པ་དྲུག་བཅས་དྲུག་ཅུ་རྩ་གསུམ་ནི་སོ་སོར་འཕེལ་ཟད་བདུན་ཅུ་རྩ་བཞིའི་གཉེན་པོར་ཐབས་ལ་མཁས་པར་བྱ་བ། </br>3)ཆ་བྱད་ནི། འཇམ་པོའི་དཔྱད་དུག་ལུམ་པ་བྱུགས་པ། རྩུབ་པའི་དཔྱད་གཏར་སྲེག་དབུག་པ། དྲག་པོའི་དཔྱད་འདྲལ་གཅོད་འདྲུད་དང་འབྱིན་པ་བཞི། དེ་དག་གི་ཆ་བྱད་ཟུག་རྔུ་བརྟག་པའི་དཔྱད་ཁབ་མགོ་སོགས་བཅུ་བཞི། ཟུག་རྔུ་འབྱིན་པ་སེང་གེ་ཁ་སོགས་སྐམ་པའང་རིགས་དྲུག་ཤ་འདྲལ་ཁྲག་དབྱུང་བྱེའུའི་སྒྲོ་འདྲ་བ་སོགས་བཙག་བུའི་སྡེ་དྲུག བཙག་དབུགས་འདྲེན་དཔྱད་སྦུབས་ཐུར་སྨྱུ་གུ་ལ་སོགས་ཐུར་མ་དགུ གཅེའུ་རྔུབ་ར་བུམ་པ་ལ་སོགས་ཆ་བྱད་ཕྲན་བུ་དང་བཅས་པ་སྟེ། དེ་དག་གིས་རྣམ་པར་གྱུར་པའི་ནད་ཀྱི་རིགས་སྙིང་རྗེས་གསོ་བ་ལ་བརྩོན་པར་བྱའོ། །</br>(3)གསོ་ཐབས་ལ་གཉིས་ཏེ། </br>1)ནད་མེད་གནས་ཤིང་འཚོ་བ་ནི། ནད་མེད་བདེར་གནས་རྒས་པའི་ནད་ལས་བསྲིང་། ། རྣམ་པར་མ་གྱུར་པ་ནད་མེད་ཀྱི་ཐ་མལ་གྱི་ལུས་པོ་མི་ན་བར་གནས་པ་དང་རིང་དུ་འཚོ་ཞིང་བདེ་བར་གནས་པའི་ཐབས་མཆོག་ནད་ཀྱི་རྒྱུ་རྐྱེན་སྤང་བ་ལ་བསླབ། ལོ་ཟླ་མང་དུ་འདས་པས་ལུས་ཟུངས་ཀྱི་སྟོབས་འགྲིབས་ཏེ་རྟེན་རྙིང་ནས་རྒས་པས་ཚེ་ཟད་པར་ཉེ་བ་ལ་བཅུད་ལེན་གྱི་སྦྱོར་བས་སྟོབས་སྐྱེད་ཅིང་ཚེ་བསྲིང་བར་བྱའོ། །</br>2)ན་བ་གསོ་བ་ནི། ན་བ་རྒྱུ་དང་མཚན་ཉིད་ཕན་གནོད་བསྟེན། ། ངན་གཡོ་སྐྱོན་དང་སྤང་བླང་མུ་བཞིས་བརྟག ། སྤྱི་དང་བྱེ་བྲག་ཁྱད་པར་ཚུལ་གྱིས་གསོ། ། ཐུན་མོང་ཁྱད་པར་གསོ་བའི་ཐབས་ལྡན་བྱ། ། ཞེས་ན་བ་གསོ་བའི་ཐོག་མར་ངོས་བཟུང་རྟགས་ལ་མཁས་པར་བྱ་དགོས་པས། དེའང་སློང་བྱེད་རྒྱུ། མཚན་ཉིད་རྟགས། ཕན་གནོད་གོམས་པ་བསྟེན་པ་གསུམ་གྱིས་ཉེས་པ་དངོས་སུ་བརྟག ངན་གཡོ་སྐྱོན་ཏེ་ཐབས་ཀྱི་སྒོ་ནས་མི་ཤེས་པའི་གྲགས་པ་མི་ཕོག་པར་བརྟག ན་བ་ཐམས་ཅད་འཚོ་བ་མ་ཡིན་ཅིང་ཐམས་ཅད་འཆི་བའང་མ་ཡིན་པས་གསོ་སླ་བ་དང་གསོ་དཀའ་བ་དང་གསོ་རུང་བ་ཙམ་དང་སྤང་བར་བྱ་བ་སྟེ་སྤང་བླང་མུ་བཞིའི་སྒོ་ནས་བརྟག རྟོགས་ནས་ཇི་ལྟར་གསོ་བར་བྱེད་པ་ལ་གསོ་ཚུལ། གསོ་ཐབས་གཉིས། </br>①སྤྱིའི་གསོ་ཚུལ་ནི་གསུམ་སྟེ། ཉེས་གསུམ་གསོག་དུས་ཞི་བྱེད་དང་ལྡང་དུས་སྦྱོང་བྱེད་ཀྱིས་བཅོས་ཤིང་ཞི་བའི་སྐབས་སུ་མི་འཁྲུགས་པར་བྱ་བ་སྤྱིའི་གསོ་ཚུལ། མ་ཞུར་བཅས་པ་དང་རྐྱང་པ་དང་གཞན་དབང་ཅན་གསུམ་གང་མཚམས་སུ་བཅོས་པ་བྱེ་བྲག་གི་གསོ་ཚུལ་ལོ། ། དེ་ལ་ཡང་ནང་གསེས་གསོ་ཚུལ་དགུ་སྟེ། མ་རྟོགས་དོགས་པ་དང་བཅས་པ་ལ་སད་མདའ་བཏང་བ། ངོས་ཟིན་ངེས་པ་རྙེད་ནས་སྨན་དཔྱད་དངོས་སུ་སྦྱོར་བ། གཉེན་པོའི་ཐོག་ཏུ་མི་འབབ་པ་ལ་ནད་ལམ་དུ་གཟུང་བ། སྔར་བཅོས་དམན་ལྷག་ལོག་པ་ལ་གཉེན་པོ་བསྒྱུར་བ། ཤིན་ཏུ་སྟོབས་ཆེན་གྱི་ནད་ལོ་གཉེན་པོ་རྩལ་སྤྲུགས་པ། ནད་སྟོབས་ཆུང་ངུའི་རིགས་ལ་གཉེན་པོ་ཆ་ཡིས་བསྐྱེད་པ། ཉེས་གསུམ་རྐྱང་པའི་ནད་ལ་གཉེན་པོ་གཞན་གནོད་མེད་པ། ལྡན་པ་དང་འདུས་པའི་ནད་ལ་འདུ་བ་ཆ་སྙོམས་སུ་བཅོས་པ། ཐམས་ཅད་ལའང་བཅོས་བྱ་བཅོས་བྱེད་འཚམས་ཤིང་མ་ནོར་བ་སྟེ་ཁྱད་པར་གྱི་གསོ་ཚུལ་དགུ་ཡིས་ནད་རྣམས་གསོ་བར་བྱའོ། །</br>②གསོ་ཐབས་ནི། ཐུན་མོང་གསོ་ཡུལ་ཟུངས་ཟད་སོགས་བརྟ་བར་བྱ་བ་དང་། ཚོ་ཆེས་སོགས་ཉམས་དམད་པའི་ཐབས་གཉིས། ཁྱད་པར་ཚ་བ་བསིལ། གྲང་བ་དྲོད། རླུང་སྣུམ་སོགས་ཉེས་གསུམ་སོ་སོར་གསོ་བའི་ཐབས་དང་ལྡན་པར་བྱའོ། །</br>[4]གསོ་མཁན་ནི། སྨན་པ་རྒྱུ་དྲུག་མཆོག་གྱུར་ལས་ལ་མཁས། ། རང་གཞན་འཕྲལ་ཡུན་བདེ་ལེགས་འབྲས་བུར་སྤྱོད། ། ཞེས་གསོ་བའི་བྱ་བ་བྱེད་པའི་སྨན་པའི་མཚན་ཉིད་ཀྱང་རྒྱུ་དྲུག་དང་ལྡན་པ་སྟེ།</br><1>བློ་གྲོས་ཆེ་བ་བློ་བརྟན་པ་བློ་གཟེག་པ་སྟེ་བློ་དང་ལྡན་པ། </br><2>བྱམས་པ་དང་སྙིང་རྗེར་ལྡན་པ་བསམ་པ་དཀར་བ།</br><3>བློ་བཞག་དྲུག་གཟུང་བྱ་གཉིས་ཤེས་པ་གསུམ་སྟེ་དམ་ཚིག་དང་ལྡན་པ།</br><4>ལག་པ་བཟོ་ངག་ཚིག་སྙན་པ་རིག་པ་བཀྲ་བ་སྟེ་རྣམ་པ་བཟོ་བ། །</br><5>བདག་དོན་བསླབ་སྦྱོང་དང་གཞན་དོན་གསོ་དཔྱད་ལ་ལེ་ལོ་མེད་པས་བྱ་བ་ལ་བརྩོན་པ། </br><6>དམ་པའི་མཚན་ཉིད་ལྡན་ཅིང་ཐུན་མོང་གི་ཀུན་སྤྱོད་ལེགས་པ་སོགས་མི་ཆོས་ལ་མཁས་པ་དང་རྣམས་སོ། ། དེའང་རིགས་བརྒྱུད་མེད་ཅིང་མཐོང་གོམས་ཆུང་བ་སོགས་ཐ་མའི་སྐྱོན་བཅུ་གཉིས་སྤངས་ཤིང་མཆོག་གི་ཡོན་ཏན་རྣམས་དང་ལྡན་པ། ཐུན་མོང་སྒོ་གསུམ་གསོ་དཔྱད་ཀྱི་ལས་དང་ཁྱད་པར་ལྟ་སྒོམ་སྤྱོད་པའི་བྱ་བ་ལ་མཁས་པ་སྟེ། དེ་ལྟ་བུའི་ཚུལ་རྣམས་ཇི་སྐད་བཤད་པ་ལྟར་ཚད་དང་ལྡན་པར་འབྲེལ་བས་རང་གཞན་གཉིས་ཀ་འཕྲལ་དང་ཡུན་དུ་བདེ་ལེགས་ཀྱི་འབྲས་བུ་ལ་སྤྱོད་པར་འགྱུར་རོ། །ད་པ་ལྟར་ཚད་དང་ལྡན་པར་འབྲེལ་བས་རང་གཞན་གཉིས་ཀ་འཕྲལ་དང་ཡུན་དུ་བདེ་ལེགས་ཀྱི་འབྲས་བུ་ལ་སྤྱོད་པར་འགྱུར་རོ། །)
• Dictionaries/chos rnam kun btus/11038  + (1.དབྱུག་གུ་སྐར་གསུམ་རྟ་མགོའི་མགུལ། ། རུས་ན … 1.དབྱུག་གུ་སྐར་གསུམ་རྟ་མགོའི་མགུལ། ། རུས་ནི་རྟ་འཇིག་ལྷ་དྲི་ཟ། ། ཟས་ཤ་སྦྲང་རྩི་རླུང་གི་ཁམས། ། དགྲ་སྐར་མི་བརྟན་རྐུན་པོའི་བླ། ། ཆོས་འཆད་རབ་བྱུང་སྡོམ་པ་འབེབས། ། ལྷ་གཡང་དགེ་ལེགས་དྲ་གྱོན་ཚོང་། ། སྲི་མནན་དམག་དང་རོ་འདོན་རྩོད། ། ཐབ་འཆའ་བ་དན་རྒྱལ་མཚན་འཛུགས། ། གཤིན་ལས་དུར་སྤོ་སྐྲ་སེན་འབྲེག སྐྲ་འཁྲུ་རྫིང་ཡུར་ཁྲོན་པ་འདྲུ། ། དོན་གཉེར་བོན་ཆོག་ཕྱུགས་འདུལ་བསྡུམས། ། མཆོད་བཟོ་ཕྱིར་འཇལ་ཁྱི་བསྟེན་ལམ། ། དགྲ་འདུལ་རྐུན་ཇག་ཡུལ་དབྱུང་བ། ། བཟློག་པ་བྱོལ་ཟོར་ཡུགས་ས་བོར། ། གྲ་སྒྲུབ་བོན་རྫོང་གཏམ་ཁུངས་བཅད། ། དམིགས་བསལ་མ་གཏོགས་ལས་བཞི་དང་། ། རིམ་གྲོ་ལྟད་མོ་མིང་འདོགས་བཟང་། ། བཙོན་ཚུད་ཞག་པོ་གསུམ་ན་ཐར། ། ས་དབྱེ་འདུ་ལོང་ཆེན་པོའི་ལས། ། རྒྱན་འདོགས་སྨན་སྦྱོར་གསོན་ལས་གཉེན། ། མཁར་ལས་གཏར་སྲེག་ཚེ་འགུགས་སྐྱས། ། རྩིག་རྨང་འདིང་དང་བག་མ་དང་། ། བུ་སྲིང་ཕྱིར་གཏོང་ལ་སོགས་ངན། ། གང་སྐྱེས་ལོ་ནི་དྲུག་ཅུ་ནུས། ། བརྒྱུད་ཅུའི་བར་འཚོ་ལྕེ་བདེ་ཞིང་། ། གཟུགས་བཟང་ཆོས་དཀར་སྨན་པའི་རིགས། ། གླུ་གར་རོལ་མོའི་སྒྲ་ལ་མཁས། ། བློ་ལུས་མི་བརྟན་སྡོད་མི་ཚུགས། ། ནད་བཏབ་འགྲུལ་དང་ཆུ་ཡི་ལས། ། གཅན་གཟན་གོས་ལོན་གཏོ་ཐབས་ལ། ། རྟེན་ཕྱེའི་རྟ་ཡི་གཟུགས་ཀྱི་ཁར། ། ཉ་སྐམ་དང་ནི་མེ་ཏོག་བཅུག ནད་པར་བསྐོར་ཞིང་བསྒྱུར་བས་གྲོལ། ། ཤི་ན་ཁྱིམ་མཚེས་དག་ལ་ངན། ། ལྟས་བྱུང་ནང་འཁྲུག་རླུང་ཆེན་ལྡང་། ། རིམས་ནད་སྔགས་བོན་རྣམས་ལ་ངན། ། འདི་ལ་ཆར་བབས་ཐོན་པ་འབྱུང་། ། སྐུར་ཆུང་དྲག་པོ་སྟོབས་ལྡན་ཞེས། ། དྲག་ལས་རོ་འདྲེན་ཤིན་ཏུ་བཟང་། ། སྒྲིབ་ན་རྟ་ཡི་ཐོད་པ་ནི། རང་གི་སྟེང་དུ་བཟུང་བས་ཐུབ། ། </br>2.བྲ་ཉེ་སྐར་གསུམ་མོ་མཚན་དབྱིབས། ། རུས་ནི་ཝན་ལྷོ་གཤིན་རྗེ། ། ཁ་ཟས་ཏིལ་འབྲས་མེ་ཡི་ཁམས། ། དམེ་སྐར་འཕུང་བྱེད་ར་ཡི་བླ། ། གནག་མཚོན་འཁོར་བསྟེན་རྟ་ཕྱུགས་ཉོ། ། ལིང་འདྲི་དགྲ་མནན་ཡུགས་སྐུ་འཁྲུ། ། ཟོར་འཕེན་འདྲེ་བསྐྲད་ར་ཕྱུག་ལེན། ། རང་འཐག་སྐྱེད་འཛུགས་ས་གཞི་ཚོང་། ། སྲི་མནན་ཀུན་མ་སྔགས་བཟླ་དང་། ། རིགས་ངན་ཤིང་བྱེད་དབང་དྲག་ལས། ། ཡུགས་ས་ཕོ་མོ་གསོ་བ་དང་། ། ལིངས་བྱེད་བྲེས་འཆོས་གཏད་སེལ་འཛུགས། ། རོ་བསྲེག་དབང་བསྐུར་མིང་འདོགས་བཟང་། ། ལྷ་གསོལ་མཁར་ལས་ས་བོན་གདབ། ། ལྷ་ཁང་རྟེན་བཞེང་རྒྱལ་སར་བསྐོ། ། དགེ་བཤེས་ཆེ་འདོན་ཆོ་ག་དང་། ། དྲ་གྱོན་མོ་རྩིས་བང་མཛོད་བརྩིག ། ཕྱིར་འཇལ་དུར་འདེབས་བཟློག་རིམ་བྱ། ། ཞལ་ཆེ་དམག་དྲང་ས་ཁ་དབྱེ། ། ར་འཇལ་ཚོང་བྱེད་གཉེན་སྦྱོར་ལམ། མི་ཤི་གསུམ་ཟློས་མོད་ལ་སྦ། ། ཞི་རྒྱས་ལས་དང་རབ་གནས་བྱ། ། གཡང་བསླན་སྐྱེ་ཤིང་འཛུགས་པ་དང་། ། སྨན་སྦྱོར་གཏར་སྲེག་སྦྱིན་སྲེག་གཏད། ། རྒྱལ་མཚན་བ་དན་འཕྱར་འཛུགས་དང་། ། དོན་གཉེར་ཚེ་ནོར་སྒྲུབ་པ་སོགས། ། དགེ་ལས་དཀར་ཕྱོགས་བྱ་བ་འཛེམ། ། བག་མ་གཏོང་ལེན་བུ་སྐྱེས་ངན། ། ཕོ་མོ་གང་སྐྱེས་སེམས་བརྟན་ཞིང་། ། ནད་མེད་བདེན་སྨྲ་སྙིང་རྗེ་ཆུང་། ། ཚེ་ལོ་སུམ་ཅུ་རྩ་དྲུག་གམ། ། རིང་ན་དགུ་བཅུ་རྩ་ལྔ་འཚོ། བཟོ་ལ་མཁས་ཤིང་བརྩོན་འགྲུས་ཆེ། ། སྙིང་རྗེ་ཤིན་ཏུ་ཆུང་བས་ན། ། ཕྱི་མ་དམྱལ་བའི་གནས་སུ་སྐྱེ། ། ནད་བཏབ་མྱ་ངན་སར་ཕྱིན་ལན། ། རྟེན་ཕྱེའི་གླང་གི་གཟུགས་ཀྱི་ནི། ། ཁ་དང་རྣ་བར་ཡུངས་ཀར་བླུག ནད་པར་བསྐོར་ཞིང་བཞི་མདོར་སྐྱུར། ། མི་ཤི་གསུམ་ཟློས་མོད་ལ་སྦ། ། ལྟས་བྱུང་མགོ་ནད་མིག་ནད་དང་། ། བད་ཀན་ནད་འབྱུང་འབྲུ་དཀོན་ཞིང་། ། གྲོང་ཁྱེར་མེས་ཚིག་རྒྱ་ནག་ངན། ། ཆར་བབས་སླར་ཡང་འབབ་པ་ཡིན། ། སྐར་ཆུང་ཕུང་རྒྱུབ་ཅན་ཞེས་པ། ། དགྲ་འདུལ་ཡུལ་ཕྱོགས་རྩོད་པ་སོགས། ། གཤིན་གྱི་ཆང་བཙོ་སྐྱེད་འཛུགས་འབྲིང་། ། སྒྲིབ་ན་གླང་ལུག་ཐོད་པ་ནི། ། རང་གི་ཕྱོགས་སུ་འཕྱར་བས་ཐུབ། །</br>3.སྨིན་དྲུག་སྐར་དྲུག་སྤུ་གྲིའི་དབྱིབས། ། རྗེ་རིགས་མེ་ལྷ་ཟས་ནི་ཞོ། ། མེ་ཁམས་ཟློས་སྐར་བུད་མེད་བླ། ། བཏང་སྙོམས་ཅན་ལ་དགེ་ཆོས་འགྲུབ། ། ཆོས་སློབ་ལྷ་ཁང་མཆོད་རྟེན་གསོ། ། རབ་གནས་ལྷ་གཡང་མངའ་གསོལ་བྱེད། ། སྦྱིན་སྲེག་ཡོན་འབུལ་སྨན་སྦྱོར་རྩིས། ། རྒྱན་འདོགས་སྐྱིད་སྟོན་རྒྱལ་སར་བསྐོ། ། ཐབ་འཆའ་ཚུར་ལེན་སྦྲ་ཁྱིམ་འབུབས། ། གཉེན་ཕྲད་རྟ་རྒྱུག་སྒ་རྒྱག་པ། ། ལྟད་མོ་སྐྲ་འཁྲུ་བཙོན་བཟུང་བ། ། རིན་ཆེན་བཟོ་དང་བུད་མེད་བསྟེན། ། ཆུ་རགས་དཀར་ཕྱོགས་བྱ་བ་བཟང་། ། མཁར་ལས་ཕར་འཇལ་ལམ་ཞུགས་ཤིང་། ། རྒྱལ་མཚན་བ་དན་བང་མཛོད་དབྱེ། ། རྫིང་ཡུར་ཞིང་འདེབས་ས་ཁ་དབྱེ། ། དྲ་གྱོན་དམག་ཇག་དྲག་ལས་སྐྱས། ། གཤིན་ལས་ཤིད་སྟོན་སྲི་གནོན་དང་། ། བག་མ་ཁྱོར་ངན་སྐྱེད་ཁ་འདྲེན། ། བུ་འབོགས་མེ་ཏོག་ཤིང་འཛུགས་འཛེམ། ། བུ་སྐྱེས་སྙན་གྲགས་ལོངས་སྤྱོད་འཕེལ། ། མཁས་ཤིང་དཔའ་བ་ཚེ་སྟོད་ངན། ། ཚེ་སྨད་བཟང་ཞིང་ཚེ་རིང་འགྱུར། ། བུ་མོ་སྐྱེས་ན་ངན་པའོ། ། ནད་བཏབ་མི་གཙང་མནོལ་གྱིས་ལན། ། རྗེན་ཕྱིའི་གཟུགས་ཁར་ཞོ་བླུག་པ། ། ནད་པར་བསྐོར་ཞིང་བསྒྱུར་ན་ཕན། ། མི་ཤི་དྲུག་ཟློས་མོད་ལ་སྦ། ། ལྟས་བྱུང་ཐན་པ་འགོ་ནད་དང་། ། མིག་ནད་འགྲོ་ཀུན་གྲོང་ཁྱེར་འཚིག ། འདི་ལ་ཆར་བབས་ཕྱིས་ནས་འཐེན། ། སྐར་ཆུང་མཐེབ་ཆུང་ཟུར་ཕུད་ཅན། ། ཉི་མ་རྩེ་ཤར་ཅི་ཡང་བཟང་། ། སྒྲིབ་ན་སྤྲེའུའི་ཐོད་པའི་གཟུགས། ། རང་གི་ཕྱོགས་ནས་བསྟན་ན་ཐུག ། </br>4.སྣར་མ་སྐར་ལྔ་ཤིང་རྟའི་དབྱིབས། ། རུས་ནི་གོ་འུ་ཏ་མ་ལ། ། ས་ཁམས་གཡང་གི་སྐར་མ་སྟེ། ། ཟས་ནི་ཞོ་སྦྲང་རབ་ཏུ་བརྟན། ། ཡུལ་མཁར་གནས་གཞི་བཟུང་རྒྱལ་ས། ། རབ་བྱུང་འཆད་ཉན་རབ་གནས་བྱ། ། སློབ་གཉེར་ལྷ་གསོལ་ཚེ་གཡང་སྐྱོབ། ། ཕྱུགས་སྦྱར་སྨན་སྦྱོར་ནོར་ཕྱུགས་ལེན། ། མདུན་གྲོས་མཁར་བརྩིག་བྲེས་འཆོས་པ། ། ཉོ་ཚོང་གཏར་སྲེག་དགྲ་ལ་རྒོལ། ། ས་བོན་རྟ་འདུལ་སྒོ་རྒྱག་རྒྱུག ། བུ་ལོན་སྙེག་དང་ཕོ་མོ་བཙས། ། ཀུན་ར་བརྩིག་དང་ཞི་རྒྱས་ལས། ། དྲ་གྱོན་སྐྲ་འཁྲུ་བང་མཛོད་བཅའ། ། དོན་གཉེར་ཤར་བཟང་ས་ཁ་དབྱེ། ། སྦྲ་ཁྱིམ་ཕྱི་ཐེར་འཚེམ་འབུབས་བཟང་། ། ལམ་ཞུགས་སྟོན་མོ་ཕྱུགས་ནོར་འཇལ། ། དམག་ཇག་འཕོ་སྐྱེས་རུས་བུ་སྤོ ། མི་ཤི་ནོར་ངན་ཕྱུགས་གཡང་སྐར། ། གཉེན་བྱེད་བཟློག་པ་སྐྲ་སེན་འབྲེག ། བུ་སྲིང་རྫོང་དང་གཤིན་ལས་འཛེམ། ། བག་མ་གཏོང་ལེན་གཉིས་ཀ་ངན། ། བུ་སྐྱེས་ཚེ་རིང་གཟུགས་བཟང་མཛེས། ། ཕྱུག་ཅིང་ཆོས་ལྡན་གཡོ་སྒྱུ་ཆུང་། ། དཔའ་ཞིང་ཕུན་ཚོགས་དགྲ་ལས་རྒྱལ། ། ནད་བཏབ་ཐབ་དང་གཞོབ་ཀྱིས་ལན། ། རྗེན་ཕྱེའི་ཁྱི་ ཡི་གཟུགས་ཀྱི་ཁར། ། མར་བཅུག་ནད་པར་བསྐོར་ལ་བསྐྱུར། ། ཕོ་མོ་གང་ཤི་ནོར་ལ་ངན། ། ལྷས་བྱུང་རྒྱལ་སྲིད་བདེ་བ་དང་། ། འབྲས་བུ་རྒྱས་ལ་འཁྲུག་པ་ཞི། ། ཆར་བབས་ཕྱིས་ཆེ་འབྲུ་མི་སྐྱེ། ། སྐར་ཆུང་ལྷ་མོ་གཡང་སྐྱོང་བྱེད། ། ཕྱི་རུ་དབང་བསྐུར་གཡང་ལོན་བཟང་། སྒྲིབ་ན་ཁྱི་ཐོད་རང་སྟེང་བསྟེན། ། </br>5.མགོ་ནི་སྐར་གསུམ་རི་དྭགས་མགོ ། རུས་ནི་བ་རབྷུ་ཛ་དང་། ། ལྷ་ནི་ཟླ་བ་ཟས་སུ་ནི། ། རི་དྭགས་ཤ་ཟ་རླུང་གི་ཁམས། ། མྱུར་བཟང་དམེ་སྐར་བཙད་པོའི་བླ་། ཆོས་འཆད་རབ་བྱུང་རབ་གནས་གཉེན། ། ཁྱིམ་གསར་སྒོ་འཛུགས་ལྷ་གསོལ་གཡང་། ། གསོན་ཆོས་རྒྱན་སྤྲོས་ཤིང་བཟོ་ཁྲོམ། ། ཞིང་ལས་གསོན་ལས་རྒྱལ་སར་བསྐོ། ། སྨན་སྦྱོར་བློ་གྲོས་གཞི་འདིང་བ། ། མཁར་ལས་ལྷ་ཁང་རྟེན་བཞེང་ཁྲུས ། དམག་ཇོག་དགྲ་འདུལ་མོ་རྩིས་བྱ། ། དྲག་ཅིང་རྩུབ་པའི་ལས་རྣམས་དང་། ། ཐབ་འཆའ་འདུ་ལོང་རྒྱལ་མཚན་འཛུགས། ། ནོར་བླང་དྲག་ལས་འདྲེ་འདུལ་བ ། བཟློག་པ་སྲི་མནན་ས་ཁ་དབྱེ། ། སྐྲ་སེན་འབྲེག་དང་རྟ་རྒྱུག་བཟོ། ། རྟ་བོང་དྲེའུ་སྒོ་རྒྱག་བཅོས། ། སྟོན་མོ་ཚོང་དང་མིང་འདོགས་ལྟད། ། ཕྱུགས་འདུལ་རྩེད་མོ་འདོད་དོན་སྒྲུབ། ། དྲག་རྒྱས་བཟང་ལ་དབང་ཞི་རུང་། ། དགེ་ལེགས་མེ་ཏོག་ཤིང་འཛུགས་བཟང་། ། མི་ནོར་ཕྱིར་གཏོང་ལམ་ཞུགས་ཤིང་། ། གཤིན་ལས་དུར་འདེབས་ཁ་སྨྲས་དང་། ། འཇམ་ལས་ཞལ་ཆེ་འཕོ་སྐྱས་བྱེད། ། དྲ་གྱོན་ཤི་བ་མགོ་འཆི་ངན། ། བག་མ་ཚུར་བཟང་པར་གཏོང་ངན། ། བུ་སྐྱེས་ཚེ་ལོ་ཉེར་བརྒྱུད་དམ། ། ཡང་ན་རེ་གཉིས་དགུ་བཅུ་འཚོ། ། ཆོས་ལྡན་སྡོམ་བརྩོན་བདེན་པར་སྨྲ། ། དཔའ་ཞིང་བློ་གསལ་ལོངས་སྤྱོད་ཆེ། ། བུ་མོ་བཙས་པ་ཁ་དྲག་ཟེར། ། ནད་བཏབ་འཁོན་དང་ཡུགས་ཀྱིས་ལན། ། རྗེན་ཕྱེའི་ཁྱི་ཡི་གཟུགས་ཀྱི་ཁར། ། རི་དྭགས་ཤ་བཅུག་ནད་བསྐོར་བསྐྱུར། ། ལྟས་བྱུང་འཁྲུག་རྩོད་རླུང་ཆེན་ལྡང་། ། རིམས་ནད་མང་ཞིང་སྔགས་བོན་དང་། ། འཕགས་ཡུལ་བར་ངན་ཆར་བབས་ཆེ། ། མགོ་ལག་བར་འདིར་སྐར་ཆུང་ཉིད། ། མེད་པར་རྒྱུད་སྡེ་ཕལ་ཆེར་བཤད། ། དུར་མཛོད་ཡོད་པར་བཤད་པ་ལྟར། ། སྐར་ཆུང་མ་ནམ་ཉི་དྲོས་ཡོང་། ། འདི་ལ་མི་ཤི་བྱུང་བ་ངན། ། སྒྲིབ་ན་ཝ་ཐོད་རང་སྟེང་འཕྱར། །</br>6.ལག་ནི་སྐར་གཅིག་ཐིག་ལེའི་དབྱིབས། ། རིགས་ནི་དམངས་པོ་ཟས་ཁྲག་ཆུ། ། ལྷ་ནི་གཏམ་དྲག་བཤན་པའི་བླ། ། ཆུ་ཁམས་མགྲོན་སྐར་འབྲས་བུ་ངན། །གཡང་ལོན་བཟོ་ཡི་ཞལ་ཆེ་གཅོད། ། རབ་བྱུང་རབ་གནས་དགེ་ལས་སྒྲུབ། ། རྒྱན་སྤྲོས་སྐྲ་འཁྲུ་ས་བོན་གདབ། ། རོ་ལམ་གཏོད་པ་འཇལ་ལེན་བྱེད། ། དམག་ཇག་དྲག་ལས་གསོད་གཅོད་རྐུ། ། འཐབ་རྩོད་དགྲ་ཡི་སྲི་སྒྲུབ་པ། ། ཚེ་འགུགས་བོན་ཆོག་སྲི་མནན་བྱ། ། མོ་འདེབས་བཟློག་པ་རྫིང་ཡུར་འཚོས། ། མཐོ་ལ་ཞུ་འབུལ་ཐུག་འགྱེད་པ། ། མེ་ཏོག་སྐྱེ་ཤིང་འཛུགས་པ་བཟང་། ། ལྷ་གསོལ་བ་དང་གཤིན་ལས་རིགས། ། གཉེན་དང་ཕྱུགས་འཇལ་དོན་གཉེར་སྐྱས། ། དྲ་གྱོན་ལམ་ཞུགས་རྒྱལ་ས་བསྡུམས། ། ལྷ་ཁང་རྟེན་བཞེང་བ་དན་འཛུགས། ། གཏར་ཁ་མེ་བཙའ་སྦྲ་ཕྱར་འཚེམ། ། ཐབ་བཅའ་ཆུ་རགས་རྒྱག་པ་དང་། ། ཞི་རྒྱས་དབང་དང་བཀྲ་ཤིས་ལས། ། སྦྱིན་སྲེག་བྱ་སོགས་ཕལ་ཆེར་ངན། ། བག་མ་བྱས་ན་ཁྱོ་ལ་ངན། ། གང་སྐྱེས་ཚེ་ལོ་སོ་ལྔའམ། ། རེ་ལྔ་ཆོམ་པོའི་ལས་ཀྱིས་འཚོ། ། གཏུམ་ཞིང་གཡོ་མེད་ལག་མི་བཟོ། ། དབུལ་ཞིང་ང་རྒྱལ་སྡིག་ལ་དགའ། ། ཁྱད་པར་བུ་སྐྱེས་རྩལ་ཆེ་བ། ། བུ་མོ་བལ་གྱི་ལས་ལ་སྐྱེན། ། ནད་བཏབ་འཁོར་མང་དབུས་ཕྱིན་ལོན། ། ལག་པར་ནད་ཡོང་རྟེན་གྱི་ནི། ། ཁྱི་གཟུགས་ཁ་ལ་ཁྲག་བླུག་པ། ། ནད་པར་བསྐོར་ལ་བསྐྱུར་བར་བྱ། ། ལྟས་བྱུང་ཆར་བབས་སྦྲུམ་མ་བདེ། ། ནད་མེད་སྨན་དང་རི་དྭགས་འཕེལ། ། ལོར་ངན་ཆར་བབས་ཕྱིས་ནས་འགྱངས། ། ཟེའུ་སྙིང་གབ་གུད་གཉིས་ཡོད། ། དེ་ལ་བྱ་བ་ཐམས་ཅད་བཟང་། ། སྒྲིབ་ན་བ་ཐོད་རང་སྟེང་འཕྱར། ། </br>7.ནབས་སོ་སྐར་གཉིས་ཁྲི་ནང་དབྱིངས། ། ཉི་མའི་ལྷ་དེ་རུས་དབང་བྱེད། ། ཟས་འཁུར་རླུང་ཁམས་གཡང་སྐར་ཏེ། ། མྱུར་ཞིང་འགྱུར་བ་ལུག་གི་བླ། ། རང་བྱུང་རབ་གནས་ཆོས་འཆད་དབང་། ། ལྷ་གསོལ་གཡང་འགུགས་སྦྱིན་སྲེག་བྱ། ། སྒྲུབ་མཆོད་སློབ་གཉེར་དཀྱིལ་འཁོར་བྲི། ། ས་བོན་ཐོག་འབུབས་རྩིག་རྨང་འདིང་། ། སྐྱེད་འཛུགས་ཐུག་འབྱེད་བུ་ལོན་འཇལ། ། ཁ་སྨྲས་ཚུར་འགུགས་འཐབ་མོ་ཤིད། དོན་གཉེར་རྒྱན་སྤྲོས་རྒྱལ་སར་བསྐོ། ། སྨན་སྦྱོར་དྲ་གྱོན་མོ་རྩིས་བྱ། ། མཁར་ལས་ཁྱིམ་འཛིན་གྲོང་ཁྱེར་བརྩིག ། ལྷ་ཁང་རྟེན་བཞེང་བཟློག་པ་ཟོར། ། འཁོར་བསྟེན་ཕྲ་མོའི་ལས་རིགས་བརྩམ། ། ཕྱུགས་འཇལ་གཤིན་ལས་བང་མཛོད་བཅའ། ། ཞིང་འདེབས་ས་དབྱེ་སྦྲ་ཕྱིར་འཚེམ། ། ལམ་ཞུགས་ཚོང་དང་ལུག་ནད་ལེན། ། རྟ་བོང་སྒོ་རྒྱག་གཏར་སྲེག་བཅོས། ། ཞུ་བ་གསོལ་དང་མིང་འདོགས་པ། ། དབང་དང་རྒྱས་པ་ཞི་བའི་ལས། ། སྟོན་མོ་གསོན་པོའི་བྱ་བ་བཟང་། ། བུ་འབོགས་རོ་འདོན་འབྲིང་དུ་བྱེད། ། དམག་ཇག་ཕར་རྒོལ་ལུག་འཇལ་དྲག ། ནོར་གཏོང་ས་འཛིན་ལྷ་ཁང་བཤིག ། ཐབ་ཁོ་འཛུགས་དང་སྡིག་ལས་འཛེམ། ། བག་མ་ཕར་ངན་ ཚུར་ལེན་བཟང་། ། བཙས་པ་ལྔ་བཅུ་དྲུག་ཅུར་འཚོ། ། ཞིང་ས་ལོངས་སྤྱོད་ལྡན་པའམ། ། ཆོས་སྨྲ་ཁྲིམས་ལྡན་རང་བཞིན་གླེན། ། བློ་བརྟན་ནད་མེད་ཆོག་ཤེས་བྱ། ། བུ་མོ་བསྐྱིས་ནི་རྨེ་བ་བྱེད། ། ནད་བཏབ་མགྲོན་བཞུད་ཀྱིས་ལན་ཏེ། ། སྟོད་ན་རྗེན་ཕྱེའི་ཕག་གཟུགས་ཁར། ། འབྲས་གཏོར་བཅུག་ལ་ནད་བསྐོར་བསྐྱུར། ། འདི་ལ་མི་ཤི་མོད་ལ་སྦོ། ། ལྟས་བྱུང་འཁྲུག་རྩོད་ཚོང་པར་ངན། ། ཆར་བབས་སླར་ཡང་མྱུར་དུ་འབབ། ། སྐར་ཆུང་འོད་ཆུང་རྒྱལ་མོ་ཅན། ། ཉི་ཕྱེད་དུས་སུ་ཞལ་ཆེ་ངན། ། སྒྲིབ་ན་ཕག་ཐོད་རོང་སྟེང་འཕྱར། །</br>8.རྒྱལ་ནི་སྐར་གསུམ་རིལ་བའི་དབྱིབས། ། རུས་ནི་རྩྭ་ཤིང་གྱོན་པའི་རིགས། ། ཕུར་བུ་ལྷར་འཛིན་སྦྱང་ས་ཟས། ། མེ་ཁམས་འགྲུབ་སྐུར་ལུག་གི་བླ། ། མི་བརྟན་འགྱུར་ལ་རབ་བྱུང་དབང་། ། རབ་གནས་སྒྲུབ་མཆོད་ཡུལ་གསར་འཛིན། ། ཆོས་འཆད་མངའ་གསོལ་ཡོན་འབུལ་བ། ། རྒྱན་སྤྲོས་དྲ་གྱོན་རྒྱལ་སར་བསྐོ། ། ལྷ་གཡང་བཟློག་པ་དཀྱིལ་འཁོར་འབྲི། ། སྨན་སྦྱོར་མོ་རྩིས་འཁོར་བསྟེན་གཏར། ། ལམ་ཞུགས་ནོར་ཕྱུགས་ཚུར་ལེན་པ། ། ལྷ་ཁང་རྟེན་བཞེང་རྟ་གླང་འདུལ། ། སྒོ་རྒྱག་ཐབ་བཅའ་མཛོད་འཛིན་ལྟད། ། ཞི་རྒྱས་དབང་དང་བཀྲ་ཤིས་ལས། ། མྱུར་སྒྲུབ་གོང་མར་ཞུ་ནོར་འབུལ། ། མིང་འདོགས་ཆུ་རགས་རྒྱལ་མཚན་འཛུགས། ། གསོན་གཤིན་དོན་གཉེར་ཤིང་འཛུགས་བཟང་། ། ཚོང་དང་ཁ་མཆུ་ཕར་འཇལ་སྐྱས། ། རྔོན་རྐུ་ཞིང་འདེབས་མཁར་གྱི་ལས། ། གཡང་ཅན་མི་ཕྱུགས་ལུག་ཕྱིར་གཏོང་། ། སྟོན་མོ་སྲི་མནན་སྐུ་འཁྲུ་འཛེམ། ། ཤི་བ་ཟློས་མེད་བཟང་བ་ཡིན། ། བག་མ་ཕར་ངན་ཚུར་ལེན་བཟང་། ། ཁྱིའུ་གཡང་ཆེ་བརྒྱད་ཅུར་འཚོ། ། ཆོས་ལྡན་སྦྱིན་གཏོང་ལས་ལ་བརྩོན། ། གཟུགས་བཟང་ལྕེ་བདེ་ལོག་པ་བཟོ། ། བློ་ལུས་མི་བརྟན་སྡོད་མི་ ཚུགས། ། མཁས་ཤིང་ནོར་ལྡན་སྐལ་པ་བཟང་། ། ནད་བཏབ་ཕྲུ་རློག་ཆུ་ལས་ལན། ། ལུས་ཀྱི་སྨད་ལ་ནད་འབྱུང་ཞིང་། ། རྗེན་ཕྱེའི་ར་གཟུགས་ཁར་རུས་སྦལ། ། བཅུག་ལ་ནད་པར་བསྐོར་ནས་བསྒྱུར། ། ལྟས་བྱུང་བད་ཀན་ནད་ལྡང་ཞིང་། ། ཆར་བབས་ཐན་པ་འབྱུང་བ་དང་། ། སྐར་ཆུང་འགྲུལ་པོ་ནམ་ཕྱེད་འོང་། ། དེ་ལ་བྱ་བ་ཅི་ཡང་ངན། སྒྲིབ་ན་ར་མགོ་རང་སྟེང་འཕྱར། །</br>9.སྐག་ནི་སྐར་དྲུག་གདེངས་ཀའི་དབྱིབས། ། རིགས་ནི་སྨན་རྒྱུད་ལྷ་ལྟ་འགྲོ། ། ཁ་ཟས་སྦྲུལ་ཤ་མགྲོན་སྐར་ཏེ། ། ཆུ་ཁམས་འབྲས་ངན་ཁྱི་གཅན་བླ། ། དམག་ཇག་གསོད་གཅོད་གྲོང་ཁྱེར་འཇོམས། ། ཞུ་གསོལ་སྲི་མནན་གསེབ་གཏོང་ཚོང་། ། གཡོ་བསླུས་སྐབ་ཆོག་བུ་ལོན་འཇལ། ། རྫིང་ཡུར་ཆུ་རགས་སྐྱེ་ཤིང་འཛུགས། ། མི་ཤི་གཤིན་ཆོས་གྲོས་ཐག་གཅོད། ། དྲག་ལས་ཆུ་བོ་བསྒྱུར་རྣམས་བཟང་། ། ལྷ་གསོལ་རབ་གནས་སྨན་སྦྱོར་སྐྱས། ། དྲ་གྱོན་རྒྱན་སྤྲོས་རྒྱལ་སར་བསྐོ། ། ལྷ་ཁང་རྟེན་བཞེང་མོ་རྩིས་བྱ། ། མཁར་ལས་དོན་གཉེར་ཁྱིམ་གསར་འཛིན། ། ལམ་ཞུགས་ཕྱུགས་འདུལ་འབྲེལ་སྙེག་པ། ། ཐབ་བཅའ་སྦྲ་ཕྱར་གྲོང་ཁྱེར་རྩིག ། ཞི་རྒྱས་དབང་གི་ལས་རྣམས་དང་། ། བཀྲ་ཤིས་དགེ་ལེགས་དགེ་བའི་ལས། ། རྟ་བོང་སྒ་བཅོས་ར་ཕྱིར་གཏོང་། ། རྐུན་མ་ལྟད་མོ་ཐགས་ཁྲི་འཛུགས། ། རབ་བྱུང་འཆད་ཉན་དཀྱིལ་འཁོར་འབྲི། ། སློབ་གཉེར་བྱ་དང་དབང་བསྐུར་བ། ། དོན་གཉེར་ཚེ་ནོར་སྒྲུབ་པ་དང་། ། ཁ་མཆུ་དགེ་ཆོས་བརྟན་ལས་སྤང་། ཁྲི་གདན་ཕྱི་ལ་བཏང་ན་འཆི། ། རོ་འདོན་ངན་ལ་ཤིད་སྟོན་རུང་། ། བག་མ་གཏོང་ལེན་གཉིས་ཀ་འཛེམ། ། བུ་བཙས་ལྔ་བཅུ་རེ་གསུམ་འཚོ། ། གླེན་ལ་བུ་མོ་སྐྱིད་ཆུང་ཞིང་། ། བཞིན་མཛེས་མ་དང་འགྲོགས་ཡུན་ཐུང་། ། ཁྲོ་ཞིང་སྡིག་དང་གཡེམ་ལ་དགའ། ། སྲིད་ཆེ་སྟེར་ཕོད་ངན་ལས་བརྩོན། ། ནད་བཏབ་བྱེས་དང་ཟས་ངན་ལན། ། ཐབ་ནད་རྗེན་ཕྱེའི་པག་གཟུགས་ཁར། ། སྦྲུལ་པ་བཅུག་ལ་ནད་བསྐོར་བསྐྱུར། ། ལྟས་བྱུང་ཧོར་བོད་གཉིས་ལ་ངན། ། གཟས་གཟུང་ཆར་བབས་སྦྲུམ་མ་བདེ། ། ནད་མེད་སྐྱ་རྒྱལ་སྨན་དང་ལྡན། ། རིགས་སྔགས་འཕེལ་ཞིང་བདེ་ལེགས་ཐོབ། ། ཆར་བབས་ཕྱིས་ནས་འགྱང་ཞེས་ཟེར། ། སྐར་ཆུང་ཤེ་མོང་འདབ་སྐར་ཞེས། ནམ་གུང་བྱ་བ་ཅི་ཡང་ངན། ། སྒྲིབ་ན་བྱི་ཐོད་རང་ཐོག་འཕྱར། །</br>10.མཆུ་ནི་སྐར་དྲུག་ཆུ་བོ་འདྲ། ། ལྷ་ནི་སྤེན་པ་གསེར་སྐྱའི་རིགས། ། ཟས་ནི་ཏིལ་ཐུག་མེ་ཡི་ཁམས། ། བརྟན་པའི་དོན་འགྲུབ་གཏུམ་དྲག་ཅན། ། དགྲ་སྐར་ཕྱུགས་དང་ཇོག་པའི་བླ། ། རབ་བྱུང་དགེ་སྒྲུབ་འཆད་ཉན་དབང་། ། སློབ་གཉེར་སྒྲུབ་མཆོད་ལྷ་རྟེན་བཞེང་། ། མོ་རྩིས་ཡིག་སློབ་དཀྱིལ་འཁོར་འབྲི། ། མཐུ་བཟློག་སྲི་མནན་སྦྱིན་སྲེག་ཟོར། ། ཕར་རྒོལ་དམག་ཇག་དབང་དྲག་ལས། ། གཏར་བསྲེག་རྒྱས་ལས་སྨྲ་ལབ་འཛུགས། ཁྱིམ་གསར་ས་བོན་འཁོར་གཡོག་བསྟེན། ། ས་འཛིན་རྒྱུན་སྤྲོས་བང་མཛོད་དབྱེ། ། ནོར་ལེན་གཡང་ལོན་རྟ་ཕྱུགས་ཉོ། ། བཟོ་དང་ཞུ་བ་སྐྲ་སེན་འབྲེག ། དཀར་ཕྱོགས་ལས་འགོ་ཁྱི་བསྟེན་བཟང་། ། སྐྱེས་བྱ་རབ་གནས་རྒྱལ་སར་བསྐོ། ། མཁར་ལས་ལམ་ཞུགས་དོན་གཉེར་བ། ། ལྷ་གསོལ་སྟོན་མོ་ཐབ་བཅའ་བ། ། སྐྲ་འཁྲུ་བསྡུམས་བྱ་དྲ་གྱོན་ཤིང་། ། ཆུ་རགས་རྫིང་ཁྲོན་ས་ཁ་དབྱེ། ། རྟ་བོ་སྒོ་རྒྱག་འདུལ་བཅོས་བྱེད། ། དགེ་བཤེས་ཆེ་འདོན་བྱ་བ་དང་། ། ནོར་རྫས་ཕྱིར་གཏོང་སྦྲ་ཕྱར་འཚེམ། ། མོན་ཆོག་མེ་ཏོག་ཤིང་འཛུགས་པ། ། བ་དན་རྒྱལ་མཚན་འཛུགས་སོགས་འཛེམ། ། བག་མ་གཏོང་ལེན་བྱར་མི་རུང་། ། སྐྱེས་པ་ལོ་དགུར་མ་ཤི་ན། ། དགུ་བཅུ་གོ་ལྔའི་བར་དུ་འཚོ། ། བུ་སྐྱེས་ཕར་ངན་བུ་མོ་འཆི། ། རྫུན་དགའ་འཁོར་མང་ལོངས་སྤྱོད་ལྡན། ། བཟོ་མཁས་བཙུན་ཞིང་དགེ་བར་བརྩོན། ། ནད་བཏབ་རྡོ་དང་བྲག་བརྐོས་ལན། ། རྗེན་ཕྱེའི་ཕག་གཟུགས་ཁར་ཏིལ་བཅུག ། ནད་པར་བསྐོར་ཞིང་བསྐྱུར་བས་གྲོལ། ། མི་ཤི་བདུན་ཟློས་ཡུལ་མིར་ངན། ། ས་གཡོས་ལྟས་བྱུང་བྲན་གཡོག་འཚོ། ། གཟས་བཟུང་མི་ནད་འགོ་ནད་དང་། ། བད་ཀན་ལྡང་ཞིང་འབྲུ་ནོར་དཀོན། ། གྲོང་ཁྱེར་མེས་ཚིག་མཚན་མ་རྩུབ། ། ཆར་བབ་སླར་ཡང་མྱུར་དུ་འབབ། ། སྐར་ཆུང་སྲི་རྟ་རྐང་གཉིས་ཏེ། ། བྱ་བ་ཀུན་ལ་ངན་པས་འཛེམ། ། སྒྲིབ་ན་སྦྲུལ་ཐོད་རང་སྟེང་བསྟན། །</br>11.གྲེ་ནི་སྐར་གཉིས་ལྷ་ཁྱབ་འཇུག ། དབྱིབས་ནི་མི་རྐང་ལྟ་བུ་སྟེ། ། རུས་གཞོན་རྩི་མོའི་ཁྱིམ་ཐབ་རྒྱུད། ། ཟས་སུ་འབྲས་དང་ཏིལ་ཚིག་མ། ། མེ་ཁམས་དམེ་སྐར་ཇག་པའི་བླ། ། བརྟན་པའི་དོན་གྲུབ་སྐར་མ་སྟེ། ། གཉེན་སྦྱོར་ནོར་བླང་ཚེ་གཡང་མདོས། ། གཉན་ཕྲད་ཚུར་འགུགས་བང་མཛོད་དབྱེ། ། སྲུང་འགུག་གཞིས་ཚོང་ཕྱུགས་ནོར་ལེན། ། ལྷ་གསོལ་དབང་བསྐུར་ས་འཛིན་མཁར། ། དབང་ལས་རྒྱན་སྤྲོས་མོ་རྩིས་བྱ། ། ལུག་འཇལ་ཐུག་འགྱེད་ལྷོ་ནུབ་བགྲོད། ། བརྟན་ལས་ཐབ་བཅའ་ཆུ་རགས་རྒྱག རབ་བྱུང་འཆད་ཉན་དཀྱིལ་འཁོར་འབྲི། ། སྦྱིན་སྲེག་བྱ་བ་ལ་སོགས་བཟང་། ། རབ་གནས་གཤིན་ལས་སྟོན་མོ་ཤིང་། ། དགྲ་འདུལ་དྲག་ལས་རྟ་ཉོ་ལམ། ། བུ་ལོན་འཇལ་ཇག་སྨན་བཅོས་མཚོན། ། གཏེར་སྲེག་བོང་བུ་ནོར་རྫས་གཏོང་། ། རྟ་བོང་སྒ་བཅོས་ས་ཁ་དབྱེ། ། དྲ་གྱོན་སྐྲ་འཁྲུ་བང་མཛོད་བཅའ། ། རྒྱལ་མཚན་བ་དན་འཛུགས་པ་དང་། ། རྫིང་ཡུར་ཕྱུགས་འདུལ་མིང་འདོགས་པ། ། སྦྲ་ཕྱར་འཚེམ་དང་འབུབས་པའི་ལས། ། བག་མ་གཏོང་ལེན་འཁོར་བསྟེན་ངན། ། བཙས་པ་ལོ་བརྒྱད་མ་ཤི་ན། ། ལྔ་བཅུ་གོ་ལྔ་གང་རིགས་འཚོ། ། མ་ཤིའི་བར་དུ་རང་བཞིན་ངན། ། གཡོ་དང་འདོད་ཆགས་སེར་སྣ་ཆེ། ། བཟོ་མཁས་གོས་རྒྱན་གཏམ་ལ་དགའ། ། སྒོ་ལེགས་ཁ་འཇམ་ཟས་ལ་ཡང་། ། བུ་ཡིན་ཁ་དྲག་བུ་མོ་ཡིན། ། ནད་མང་འདི་ལ་ནད་བཏབ་ན། ། ཤིང་བཅད་ན་ཁ་རློག་པས་ལན། ། རྗེན་ཕྱེའི་སྤྲེའུའི་གཟུགས་ཀྱི་ཁར། ། ཤིང་ཏོག་བཅུག་ལ་ནད་པར་བསྐོར། ། བསྒྱུར་བས་ཉིན་གཅིག་དག་ལ་གྲོལ། ། མི་ཤི་བ་ནི་འབྲིང་དུ་བྱེད། ། ལྟས་བྱུང་རྒྱ་གར་ཤར་ཕྱོགས་ངན། ། གཟའ་བཟུང་འགོ་ནད་མིག་ནད་འབྱུང་། ། ཆར་བབས་སླར་ཡང་མྱུར་དུ་འབབ། ། སྐར་ཆུང་ཚོ་གཟའ་ཐེའུ་རྐང་ཞེས། ། ཉི་མ་ཕྱེད་ལ་ཅི་ཡང་ངན། ། སྒྲིབ་ན་བྱེལ་ཐོད་རང་ཕྱོགས་སྟོན། །</br>12.དབོ་ནི་སྐར་གཉིས་ཁྲི་ཡི་དབྱིབས། ། རུས་ནི་མ་ཧེ་ཁ་ཟས་ཁྲེ། ། ལྷ་ནི་གཤིན་རྗེ་རླུང་གི་ཁམས། ། རབ་ཏུ་བརྟེན་པ་ལུག་གི་བླ། ། དགྲ་སྐར་ཞེས་བྱ་འདི་ཉིད་ལ། ། ལྷ་གཡང་ཡུལ་གསར་གནས་གཞི་བཟུང་། ། ཚེ་སྒྲུབ་རབ་གནས་ཟོར་འཕེན་དང་། ། འཆད་ཉན་ལྷ་ཁང་རྟེན་བཞེང་བཟློག ། སྐྲ་འཁྲུ་རྒྱན་སྤྲོས་རྒྱལ་སར་བསྐོ། ། གཉེན་སྦྱོར་མོ་རྩིས་སྦྲ་ཕྱར་འཚེམ། ། ཆུ་རགས་མཁར་ལས་ཐབ་ཁ་བཅའ། ། སྐྱེད་འཛུགས་བུ་འབོགས་འཕོ་སྐྱས་བྱ། ། སྟོན་མོ་མིང་འདོགས་རྒྱལ་མཚན་འཛུགས། ། རྟ་བོང་སྒ་རྒྱག་བྲེས་བརྩིག་པ། ། རྩུབ་ལས་གསོད་གཅོད་དབང་དྲག་ལས། ། དགེ་ཞིང་བཀྲ་ཤིས་འཁོར་བསྟེན་པ། ། བརྟག་ཅིང་བརྟན་པའི་ལས་ཀྱི་རིགས། ། བག་མ་གཏོང་ལེན་ཞི་བའི་ལས། ། ནོར་རྫས་ཕྱིར་གཏོང་མདུན་གྲོས་བྱ། ། དོན་གཉེར་དུ་གྱོན་སྦྲ་ཁྱིམས་འབུབས། ། རྫིང་ཡུར་ཁྲོན་འདུ་དམག་དང་བསྡུམས། ། རང་དོན་ལྟ་ཕྱུགས་འདུལ་བ་བཟང་། ། ལམ་ཞུགས་སྤྱིར་ངན་ལྷོ་བྱང་དགེ། ། ཞིང་ལས་ས་བོན་ལ་ཁ་དབྱེ། ། མེ་ཏོག་ཤིང་འཛུགས་བུ་སྲིང་རྫོང་། ། འབྲི་གནག་ར་ལུག་ཕྱིར་གཏོང་དང་། ། བཟོ་དང་སྐྲ་སེན་འདྲེག་སོགས་འཛེམ། ། སྐྱེས་ལོ་བརྒྱ་འཚོ་ལོངས་སྤྱོད་ཆེ། ། ཁྲིམས་ལྡན་སྦྱིན་དགའ་བདེན་པར་སྨྲ། ། འགྲོ་དང་བསྙེན་གནས་ལ་དགའ་ཞིང་། ། ཅུང་ཟད་བླུན་ཅིང་དུག་གིས་འཆི། ། ནད་བཏབ་ཕྲུ་སློག་བྱས་པས་ལན། ། རྗེན་ཕྱེའི་ཕག་གི་གཟུགས་ཀྱི་ཁར། ། སྔོ་བཅུག་བསྐོར་ཞིང་བསྐྱུར་ན་གྲོལ། ། མི་ཤི་ཟློས་མེད་གཤིན་ལས་འབྲིང་། ། ལྟས་བྱུང་ཚོང་ངན་གཟས་བཟུང་ན། ། འཁྲུག་རྩོད་རླུང་ཆེན་རིམས་ནད་ལྡང་། ། སྔགས་པ་བོན་པོ་དག་ལ་ངན། ། ཆར་བབས་ཕྱིས་ནས་མང་དུ་འབབ། ། སྐར་ཆུང་མཚོ་གཟའ་ལྷམ་བུ་ཞེས། ། ས་སྲོས་ཟས་ནི་ཕྱིར་མི་གཏོང་། ། ཉི་ཕྱེད་མཚམས་སུ་ཅི་ཡང་ངན ། སྒྲིབ་ན་དོམ་ཐོད་རང་སྟེང་འཕྱུར། །</br>13.མེ་བཞི་སྐར་ལྔ་ལག་པའི་དབྱིབས། ། རུས་ནི་འོད་སྲུངས་ལྷ་མེ་ལྷ། ། བྱ་ཤ་སྲེ་དའི་ཁ་ཟས་ཟ། ། ཤིང་གི་སྐར་མ་རླུང་གི་ཁམས། ། མི་བརྟན་འགྱུར་བ་ལུག་གི་བླ། ། མཆོད་པ་རབ་བྱུང་རབ་གནས་དབང་། ། འཆད་ཉན་སྒྲུབ་མཆོད་དཀྱིལ་འཁོར་བྲི། ། སློབ་གཉེར་ལྷ་གཡང་སྡོམས་པ་འབོགས། ། མཁར་ལས་ཁྱིམ་གསར་རྒྱན་སྤྲོས་བཟོ། ། དྲ་གྱོན་སྨན་སྦྱོར་རྒྱལ་སར་བསྐོ། ། དུར་འདེབས་མོ་རྩིས་ས་བོན་གདབ། ། ཞིང་ལས་ཐབ་བཅའ་གྲོང་ཁྱེར་བརྩིག ། གཉེན་ཆོས་དགའ་སྟོན་མདུན་ཀློས་བྱ། ། སྣ་ལེན་གཤིན་ལས་རྒོད་ཕྱུགས་འདུལ། ། བསྡུམས་དང་ཤ་རགས་ས་ཁ་དབྱེ། ། དགེ་ལེགས་འབུལ་བ་གནག་ལུག་འཛུགས། ། རྟ་བོང་སྒ་རྒྱག་ཟེ་རྔོག་འབྲེག ། དོན་གཉེར་བ་དང་མྱུར་སྒྲུབ་ལས། ། ཕར་རྒོལ་དམག་ཇག་སྦྲ་ཕྱར་འཚེམ། ། ཕྱུགས་བསྲེལ་མནན་པ་སྐྲ་སེན་འབྲེག། ། ཡུལ་བཟུང་ཡིག་བསླབ་དམིགས་བསལ་ཡིན། ། དབང་དྲག་ཞི་རྒྱས་ལས་ཕལ་ཆེར། ། འདི་ཉིད་ལ་ནི་བཟང་བར་བཤད། ། ཕྱིར་འཇལ་སྦྲ་ཁྱིམ་རྐུན་མ་ལམ། ། ཤིད་རོ་བསྲེག་འདོན་རྫིང་ཁྲོན་འདུ། ། ལྷ་ཁང་རྟེན་བཞེངས་ལྟད་མོ་སྐྱེས། ། འབྲི་ནག་ལུག་གཏོང་ཕྱུགས་ནད་ལེན། ། གཉའ་སྲོ་བ་དང་ཐོག་འབུབས་པ། ། མེ་ཏོག་ཤིང་འཛུགས་ཚོང་བྱེད་སྤང་། ། མི་ཤི་ཟློས་འབྱུང་བག་མ་ངན། ། སྐྱེས་པ་མར་ངན་བརྒྱད་ཅུར་འཚོ། ། གཟུགས་བཟང་ལྕེ་བདེ་ལག་པ་བཟོ། ། སྤོབས་པ་ཤེད་ཆེ་སྡོད་མི་ཚུགས། ། ནོར་ལྡན་མཆོད་སྦྱིན་གཡོ་སྒྱུ་ཆེ། ། ཡང་ན་རྐུན་མ་སྐོམ་དད་ཅན། ། ནད་བཏབ་བྱེད་དངངས་དག་གིས་ལན། ། རྗེན་ཕྱེའི་མ་ཧེ་གཟུགས་ཀྱི་ཁར། ། པདྨའི་རྩ་བ་བཅུག་བྱས་ལ། ། ནད་པར་བསྐོར་ཞིང་བསྒྱུར་ན་ཕན། ། ལྟས་བྱུང་ཡིག་མཁན་རྫས་མཁན་ངན། ། གཟས་བཟུང་འཁྲུག་རྩོད་མང་བ་དང་། ། རླུང་ཆེན་རིམས་ནད་སྔགས་བོན་ངན། ། འདི་ལ་ཆར་བབས་ཕྱིས་ནས་འཐེན། ། སྐར་ཆུང་ལུ་གུ་སྣ་ཞེས་པ། ། སྣ་འབུགས་ར་ལེན་ལ་སོགས་བཟང་། ། སྒྲིབ་ན་མ་ཧེའི་ཐོད་པ་དེ། ། རང་གི་ཕྱོགས་སུ་བསྟན་པས་སྒྲིབ། །</br>14.ནག་པ་སྐར་གཅིག་པད་སྙེ་དབྱིབས། ། རིགས་ནི་སཱ་ལའི་ཤིང་གྲོང་རྒྱུད། ། ལྷ་ནི་ཉི་མ་ཟས་ཤིང་ཏོག ། ཟློས་སྐར་རླུང་ཁམས་གནག་དང་རའི། ། བླ་སྐར་མྱུར་ལ་བཟང་བ་དེ། ། རབ་བྱུང་རྟེན་བཞེང་དཀྱིལ་འཁོར་བྲི། ། དགེ་ལེགས་ཆོས་ཉན་མྱུར་ལས་སྒྲུབ། ། སྒྲུབ་མཆོད་དབང་བསྐུར་བཟློག་རིམ་བྱ། ། ཚེ་གཡང་རྒྱན་སྤྲོས་སྐུ་སེན་འབྲེག མདུན་གྲོས་དྲ་གྱོན་ནོར་ཕྱུགས་ལེན། ། སྨན་སྦྱོར་སྐྲ་འཁྲུ་རི་མོ་བཟོ། ། ཞིང་ལས་ས་བོན་ཁང་གསར་བཟུང་། ། གཡོས་བྱ་རྟ་རྒྱུག་མདོས་གཏོ་འཕང་། ། ཤིང་དང་ཕྱུགས་འདུལ་སྦྲ་ཕྱར་འཚེམ། ། ར་གནག་ཚུར་ལེན་དབང་རྒྱས་ལས། ། གསོན་ལས་དཀར་ཕྱོགས་བྱ་བ་བཟུང་། རབ་གནས་ལྷ་གསོལ་རྒྱལ་སར་བསྐོ། ། དགེ་བཤེས་ཆེ་འདོན་བྱ་བ་དང་། ། ཞུ་བ་ར་ཕྱུགས་ཕར་འཇལ་ལམ། ། དོན་གཉེར་མོ་རྩིས་སྦྲ་ཁྱིམ་འབུབས། ། ངན་ཞིང་གཞིས་ཀ་ཡིན་ན་དགེ། ། དུར་འདེབས་དུར་ཁ་འབྱེད་དང་སྐྱས། ། རྐུ་ཇག་རྫིང་ཡུར་བང་མཛོད་འབྱེད། ། རྒྱལ་སྲིད་བྱ་བ་ཞུ་བསྙེན་བསྐུར། ། དགྲ་འཐབ་གཤིན་ལས་ཞལ་ཆེ་གཅོད། ། ཞི་བ་དྲག་པོའི་ལས་ཕལ་ཆེར། ། ཆུ་རགས་ལྟད་མོ་མིང་འདོགས་ངན། ། བག་མ་བྱས་ན་བུ་མོ་འཆི། ། བཙས་པ་ཉེར་བརྒྱད་འཚོ་བ་སྟེ། ། གླུ་གར་རོལ་མོ་སྦྱིན་དགའ་མཛེས། ། ལྕེ་བདེ་འདོད་སྤྱོད་བློ་རྣོ་གྲགས། ། རྫུན་མེད་ངན་རྩུབ་འདོད་ཆགས་ཆེ། ། གཤིས་གྱོད་འགྱུར་མདོག་ཆེ་བ་དང་། ། སྣ་ཚོགས་གོས་གྱོན་ཕྲེང་བ་ཐོགས། ། ནད་བཏབ་ཟས་གྲིབ་ཅན་གྱིས་ལན། ། རྗེན་ཕྱེའི་སྟག་གི་གཟུགས་ཀྱི་ཁར། མངར་བའི་འབྲས་བཅུག་བསྐྱུར་བས་གྲོལ། ། མི་ཤི་ཟློས་ཆུང་མོད་ལ་སྦ། ། ལྟས་བྱུང་འབྲས་ངན་འཁྲུག་རྩོད་མང་། ། ཡིག་མཁན་རྗེ་མཁན་སོགས་ལ་ངན། ། ཆར་བབས་སླར་ཡང་མྱུར་དུ་འབབ། ། སྐར་ཆུང་བག་མ་སྣ་རུམ་ཞེས། ། ཕྱུགས་ར་རྩིག་དང་གཡང་བསློན་པ། ། བག་མ་རྣམས་ལ་ངན་པ་སྟེ། ། སྒྲིབ་ན་སྟག་ཐོད་རང་སྟེང་བསྟེན། །</br>15.ས་རི་སྐར་གཅིག་ནོར་བུ་དབྱིབས། ། རུས་ནི་རིན་ཆེན་ལྷ་རླུང་ལྷ། ། ཕྱེ་དང་ཏིལ་ཐུག་བལ་སྲིན་ཟ། ། རླུང་ཁམས་དགྲ་སྐར་བརྗེའི་འབྲུ། ། གནག་བླ་མི་བརྟན་འགྱུར་བ་སྟེ། ། རབ་བྱུང་རབ་གནས་བྱ་བ་དང་། ། དགེ་ལེགས་དཀྱིལ་འཁོར་སློབ་གཉེར་དབང་། ། སྨན་སྦྱོར་ལྷ་སྒྲུབ་འཆད་ཉན་བྱ། ། ལྷ་གཡང་ཞལ་གསོ་རྟེན་བཞེང་དང་། ། ཞིང་ལས་འབྲུ་འཐོར་ས་ཁ་དབྱེ། ། ཚེ་འགུགས་བཟློག་པ་སྲི་མནན་བསྡུམས། ། དྲ་གྱོན་རྒྱལ་ས་བང་མཛོད་འཛིན། ། ཞལ་ཆེ་ཆུ་བརྒལ་སྦྲ་ཁྱིམ་འབུབས། ། གཉེན་སྦྱོར་ལམ་ཞུགས་རྟ་གླང་འདུལ། ། སྟོན་མོ་བག་ཁྲུས་སྦྱིན་སྲེག་བྱེད། ། རྫིང་ཡུར་ཁྱིམ་གསར་སྦྲ་ཕྱར་འཚེམ། ། རྟ་བོང་དྲེའུ་སྒོ་རྒྱག་བཅོས། ། གཏར་བསྲེག་ཆུ་རགས་ལྡུམ་ར་གདབ། ། ཡུལ་མཁར་ཚུར་ལེན་གཤེ་བླང་སོགས། ། རྒྱུས་དབང་ཞི་བ་ཡིས་མཚོན་པའི། ། གསོན་གཤིན་ལས་རྣམས་ཕལ་ཆེར་བཟང་། ། མཁར་ལས་ས་ཞིང་ཡུལ་མཁར་གཏོང་། ། ཕར་འཇལ་དོན་གཉེར་འབྲུ་བང་འབྱེད། ། ལྟད་མོ་ལྟ་རྒྱུག་དུར་འདེབས་སྐྱས། ། རྐུ་ཇག་དྲག་ལས་ངན་པས་འཛེམ། ། བཙས་ན་ཉི་ཤུ་དྲུག་ཅུར་འཚོ། ། རྩིས་པ་འབྱོར་རྙེད་ཁྲོ་བར་མྱུར། ། གཡོ་སྒྱུ་སེམས་ནད་ལོངས་སྤྱོད་ལྡན། ། བཞིན་མཛེས་ཡས་བྱམས་མས་སྡང་ཞིང་། ། ཕྲག་དོག་སེར་སྣ་རང་བཞིན་མཉེན། ། གྲོས་བརྩམ་སྤྲོ་ཞིང་བླ་འདུལ་སྤྱོད། ། བུ་ཡིན་བཙན་ཐུབ་བུ་མོ་བཙན། ། ནད་བཏབ་ཞིག་རལ་སར་ཕྱིན་ལན། ། རྗེན་ཕྱེའི་མ་ཧེའི་གཟུགས་ཀྱི་ཁར། ། ཤ་མེ་བཅུག་ལ་ནད་པར་བསྐོར། ། མི་ཤི་ཟློས་མེད་མོད་ལ་སྦ། ། ས་གཡོས་སྡིགས་དང་གཟས་བཟུང་ངན། ། ལྟས་བྱུང་འཁྲུག་རྩོད་འཕེལ་བ་དང་། ། ཕུ་རལ་ངན་ཞིང་ཆར་བབས་ཞོད། ། སྐར་ཆུང་སྲིན་མོ་མེ་ཁྱེར་ཞེས། ། དབྱར་འབྲིང་ཉིད་དེ་སྟོན་ནམ་གུང་། ། དེ་ལ་ཡོ་ལང་བྱ་མི་རུང་། ། སྒྲིབ་ན་མནོལ་གྱི་ཐོད་པ་དེ། ། རང་སྟེང་བཞག་པས་གནོད་པ་ཞི། །</br>16.ས་ག་སྐར་བཞི་ར་མགོའི་དབྱིབས། ། རུས་མཚན་དབང་པོ་མེ་ལྷ་ལྷ། ། ཏིལ་ངང་མེ་ཏོག་རྒྱ་སྲན་ཟས། ། འགྲུབ་སྐར་མེ་ཁམས་ཞིང་གི་བླ། ། བཏང་སྙོམས་ཅན་ལ་དཀྱིལ་འཁོར་བྲི། ། རབ་བྱུང་རབ་གནས་དབང་བསྐུར་སྒྲུབ། ། སྦྱིན་སྲེག་འཆད་ཉན་སློབ་གཉེར་བྱ། ། གཉེན་སྦྱོར་དྲ་གྱོན་བུ་ལོན་འཇལ། ། བཟོ་དང་ཁྱིམ་གསར་བང་མཛོད་འཛིན། ། སྲི་མནན་རྟ་གླང་འདུལ་བ་དང་། ། ཞིང་ལས་ས་བོན་སྐྲ་སེན་འབྲེག ། ཆེད་བརྩིག་དོན་གཉེར་དབང་དྲག་ལས། ། ཆུ་རགས་དགྲ་འདུལ་ལས་རྣམས་བཟང་། དུར་གནག་ཞིང་བཙོང་བང་མཛོད་དབྱེ། ། ཁྱིམ་འབུབས་མཁའ་ལས་མགྲོན་འགྲོ་ལམ། ། ལྷ་གཡང་ཞུ་གསོལ་ཤིང་དང་ཚོང་། ། རྒྱལ་ས་ལྷ་ཁང་རྟེན་བཞེང་བ། ། སྨན་སྦྱོར་ཞི་དང་རྒྱས་པའི་ལས། ། འབྲུ་འཇལ་ཁ་མཆུ་བུན་གཏོང་སྐྱས། ། སྟོན་མོ་སྐྲ་འཁྲུ་མོ་རྩིས་བྱ། ། བསྡུམ་དང་མེ་ཏོག་ཤིང་འཛུགས་ངན། ། གསོན་པོའི་ལས་དང་ཞིང་ཉོ་འབྲིང་། ། བག་མ་ལེན་བཟང་གཏོང་བ་ངན། ། བཙས་པ་ཚེ་ལོ་བདུན་ཅུར་འཚོ། ། གཟི་བརྗིད་དཔལ་ཆེ་འཁོར་ནོར་ལྡན། ། དགྲ་འདུལ་ཤེས་རབ་བུད་མེད་འདུ། ། ཚེ་སྟོད་ངན་ལ་ཚེ་སྨད་བཟང་། ། ནད་བཏབ་མཚན་མོའི་འགྲུལ་གྱིས་ལན། ། རྗེན་ཕྱེའི་སྟག་གི་གཟུགས་ཀྱི་ཁར། ། བུ་རམ་བཅུག་ལ་བསྐོར་ཞིང་བསྐྱུར། ། མི་ཤི་དེ་ཡི་མོད་ལ་སྦ། ། ལྟས་བྱུང་འགོ་ནད་བད་ཀན་ལྡང་། ། འགྲོ་ཀུན་མེས་ཚིག་ཆོམ་རྐུན་འཆི། ། ཆར་བབས་དེ་ནས་སླར་ཡང་འབབ། ། སྐར་ཆུང་འབྲུ་མོ་ཐང་སྐྱོན་ཞེས། ། དེ་ལ་བྱ་བ་གང་ཡང་བཟང་། ། སྒྲིབ་ན་སྟག་ཐོད་རང་གནས་འཕྱར། །</br>17.ལྷ་མཚམས་སྐར་བཞི་གླང་པོའི་དབྱིབས། ། རིགས་དམངས་ལྷ་ཉི་ཟས་ཆང་དང་། ། སྨན་ཆུང་སྦྲང་རྩི་ས་ཡི་ཁམས། ། མྱུར་བཟང་ཟློས་སྐར་བནྡེའི་བླ། ། རབ་བྱུང་རབ་གནས་ལྷ་གཡང་སྨན། ། དགེ་ལས་ཆོས་སྟོན་མཆོད་རྟེན་གསོ། ། དྲ་གྱོན་རྒྱན་སྤྲོད་རྒྱལ་སར་བསྐོ། ། སྐྲ་འཁྲུ་གཏར་སྲེག་རི་མོ་བཟོ། ། དམག་དྲག་ཕར་རྒོལ་གཏད་དྲག་ལས། དབང་དང་རྒྱས་པའི་ལས་སྤྱི་དང་། ། ཚེ་བསྒྲུབ་ཞིང་ལས་ས་བོན་གདབ། ། ལམ་ཞུགས་རྩེད་འཇོ་མྱུར་སྒྲུབ་ལས། ། རྟ་བོང་དྲེའུ་སྒོ་རྒྱག་པ། ། ཞལ་ཆེ་གཤེ་སྡུར་སྐྲ་སེན་འབྲེག ། ཐག་རིང་བགྲོད་དང་བལ་གཡང་བསྐྱོན། ། རྙེད་ཚུར་ལེན་དང་བྱ་རི་དགས། ། གཤོར་ལ་དོན་གཉེར་ལྷོ་དང་ནུབ། ། ཡུལ་བཟུང་སློབ་གཉེར་ཚུར་ལེན་བཟང་། ། ཁྱིམ་འབུབས་གཤིན་ལས་ཕྱིར་འཇལ་དང་། ། གྲོས་མདུན་མཁར་ལས་ཁྱིམ་གསར་འཛིན། ། ཞི་ལས་སྟོན་མོ་ས་ཁ་དབྱེ། ། རྟ་བོང་དྲེལ་འདུལ་བཅོས་བྱེད་པ། ། བཟློག་པ་སྲི་མནན་གྲོང་ཁྱེར་བརྩིག ། ཞིང་རྨོ་བུ་འབོགས་ཐོབ་འཆའ་ངན། ། བག་མ་ཁྱོ་དང་འབྲལ་བས་འཛེམ། ། བུ་བཙས་ཚེ་ལོ་ཉེར་བརྒྱད་འཚོ། ། ཁྱིམས་ལྡན་ལྕེ་བདེ་གཟུགས་བཟང་ཕྱུག ། དབང་ངལ་ཆོས་ལྡན་བློ་གྲོས་ཆེ། ། བུ་མོ་བཙས་ན་ངན་པ་དང་། ། ནད་བཏབ་འཐབ་མོ་བར་ཞུགས་ལན། ། རྗེན་ཕྱེའི་རི་དྭགས་ཀྲིཎའི་ཁར། ། སྲན་མ་བཅུག་པ་ནད་བསྐོར་བསྐྱུར། ། མི་ཤི་ལྔ་ལ་ཟློས་པས་ངན། ། ལྟས་བྱུང་རྒྱལ་སྲིད་བདེ་བ་དང་། ། འབྲུ་བཏབ་རྒྱུས་ལ་འཁྲུག་རྩོད་མེད། ། ཆར་བབས་དེ་ནས་མྱུར་དུ་འབབ། ། སྐར་ཆུང་བུམ་ལྡན་ཞེས་བྱ་སྟེ། ། དེ་ལ་བྱ་བ་ཐམས་ཅད་འཛེམ། ། སྒྲིབ་ན་ཁྲི་སྙན་ཐོད་པ་ནི། ། རང་སྟེང་བཞག་པས་ཉེས་ཀུན་ཞི། །</br>18.སྣོན་ནི་སྐར་གང་ཐེམ་སྐས་དབྱིབས། ། ལྷ་དབང་པོ་དང་རུས་ལེགས་བྱད། ། ཁ་བྲས་འབྲས་དམར་འབྲས་ཐུག་ཟ། ། ས་ཁམས་མགྲོན་སྐར་ར་ཡི་བླ། ། གཏུམ་དྲག་ངན་ལ་གཡུལ་གཤོམ་དང་། ། མནན་གཏད་འཇོམས་འཕྲོག་དྲག་པོའི་ལས། ། ཕུར་སྒྲུབ་གཡུལ་འགྱེད་བསད་པའི་ལས། ། རྐུན་ཇག་ངན་འཐབ་ཞུ་བ་གསོལ། ། རབ་བྱུང་རབ་གནས་ཚེ་ཡང་འགུགས། ། ལྷ་གསོལ་བཀྲ་ཤིས་རྒྱལ་སར་བསྐོ། ། དགེ་ལེགས་སློབ་གཉེར་ས་བོན་གདབ། ། རྒྱུན་སྤྲོད་ནོར་བླང་བུ་ལོན་སྙེག ། སྐྱེ་ཤིང་ཟམ་འཛུགས་ཆུ་རྐ་ལེན། ། གཏར་སྲེག་རྟ་ཕྱུགས་ཁྱུ་ལ་གཏོང་། ། ལྷོ་དང་ནུབ་ལ་དོན་གཉེར་བ། ། གྲོང་ཁྱེར་གཞོམ་དང་སྲི་མནན་པ། མངོན་སྤྱོད་ཐུགས་འགྱེད་གསོན་ལས་བཟང་། ། མཁར་ལས་དྲ་གྱོན་ལམ་ཞུགས་བཟོ། ། སྨན་སྦྱར་མོ་རྩིས་རྟེན་བཞེང་འདུམས། ། གཤིན་ལས་བྲན་བསྟེན་ར་ཕྱུགས་གཏོང་། ། མིང་འདོགས་ཆུ་རགས་སྐྱོར་བཤས་བྱེད། ། ཤི་ཆོས་དོན་གཉེར་བུ་མོ་སྐྱེས། ། ཞི་རྒྱས་དབང་གི་ལས་རྣམས་དང་། ། བག་མ་གཏོང་ལེན་གཉིས་ཀ་ངན། ། སྐྱེས་པ་སོ་ལྔ་སྙིང་རྗེ་ཆུང་། ། དབུལ་ཞིང་འདོད་ཆུང་ངན་ལ་བརྩོན། ། མཆོད་སྦྱིན་འཕེལ་ཞིང་ཚེ་ཚད་ཐུང་། ། ཆོས་བྱས་མྱུར་དུ་ཁྲིམས་འཆལ་འགྱུར། ། ནད་བཏབ་མཚན་ལ་བྲོས་འུར་ལན། ། རྗེན་ཕྱེའི་སྤྲུལ་གཟུགས་བྱས་པའི་ཁར། ། རྒྱུ་ཡི་སྲན་མ་བཅུག་བསྐྱུར་ཐུབ། ། མི་ཤི་འབྲིང་ཡིན་བསྒྲུབས་ལ་སྦ། ། ལྟས་བྱུང་འབྲུ་རྒྱས་ནད་འཁྲུག་ཞི། ། ཆར་བབས་ཕྱིས་ནས་ཆུང་བ་ཡིན། ། སྐར་ཆུང་ཆེ་ནམ་ཞེས་བྱ་ནི། ། གོས་བཙེམས་ངན་ལ་གཡང་སྒོ་སྡོམ། ། སྒྲིབ་ན་སྤྲེལ་ཐོད་རང་སྟེང་བསྟན། །</br>19.སྣུབས་ནི་སྐར་དགུ་སྡིག་པའི་དབྱིབས། ། ལྷ་ནི་རྔོན་པ་ཅན་དང་ནི། ། རུས་ནི་ཀ་ཏྱཱ་ཡ་ན་འོ། ། འོ་མ་ནགས་རྩ་སྟོང་འབྲས་ཟ། ། དམེ་སྐར་ཆུ་ཁམས་དམངས་པོའི་བླ། ། འབྲས་བུ་ངན་ལ་དམག་འདྲེན་མཚོན། ། བསད་དྲག་ངན་ཐབས་གྲོང་ཁྱེར་འཇོམས། ། རབ་གནས་ཚེ་གཡང་རྟེན་བཞེང་ཚོང་། ། ལྷ་གསོལ་ཞལ་གསོ་སྐྱས་བྱ་བ། ། མཁར་ལས་སྟོན་མོ་ས་བོན་གདབ། ། གཤིན་ལས་མོ་རྩིས་སྲི་མནན་བཟློག ། ཞི་ལས་སྒོ་འཛུགས་བང་བ་བརྩིག ། རྒྱུན་སྤྲོད་གཏམ་གཏོང་ཐུག་འགྱེད་པ། ། ནོར་རྫས་ཚུར་ལེན་ལས་ཕྲ་མོ། ། དབང་དྲག་ལ་སོགས་གསོན་པོའི་ལས། ། མདོས་དང་གཏོར་མ་བྲན་ལས་བཟུང་། ། ཕར་འཇལ་ལམ་ཞུགས་རྒྱལ་སར་འཇུག ། དོན་གཉེར་དྲ་གྱོན་ཤེ་མར་གཏོང་། ། སྒྲ་ཕྱིར་ཐབ་བཅའ་རྒྱལ་མཚན་འཛུགས། ། དུར་འདེབས་བསྡུད་ཁ་ཟ་འོག་འཇུག ། མིང་འདོགས་ཆུ་རགས་ཁྱིམ་གསར་འཛིན། ། སྦྱིན་སྲེག་བྱེས་བགྲོད་རྒྱལ་པོའི་ལས། ། ཞི་བ་རྒྱས་པའི་ལས་སྤྱི་དང་། ། མདུན་གྲོས་བཀྲ་ཤིས་དགེ་ལེགས་ལས། ། བག་མ་གཏོང་ལེན་ངན་པས་སྤང་། ། བཙས་པ་སོ་ལྔ་རེ་གསུམ་འཚོ། ། སྐལ་ལྡན་ཁང་ནོར་འབྲུ་ཡི་བདག ། བུ་མོ་བཙས་ན་སོས་པ་དཀའ། ། ང་རྒྱལ་སྲིད་དང་ངན་ལས་བརྩོན། ། ནད་བཏབ་མི་གཙང་ཤ་མར་ལན། ། རྗེན་ཕྱེའི་རྨ་བྱའི་གཟུགས་ ཀྱི་ཁར། ། ཏིལ་བཙུག་ནད་པར་བསྐོར་ཞིང་བསྐྱུར། ། མི་ཤི་ནོར་ངན་མོད་ལ་སྦ། ། ལྟས་བྱུང་ཞོད་ཆེ་སྦྲུམ་མ་བདེ། ། ནད་མེད་སྐྱ་རྒྱལ་སྨན་རིགས་དང་། རིགས་སྔགས་ཚོང་རྣམས་འཕེལ་བར་འགྱུར། ། ཚོང་བ་གྲུ་མཁན་དག་ལ་ངན། ། ཆར་བབས་ཕྱིས་ནས་འཐེན་ཞེས་ཟེར། ། སྐར་ཆུང་ཁྲུས་མོ་བུ་སྐྱེས་བྱ། ། དེ་ལ་བུ་སྲིང་རྫོང་པ་ངན། ། སྒྲིབ་ན་རྨ་བྱའི་ཐོད་པ་དེ། ། རང་ཐོག་འཕྱར་བས་ཉེས་པ་ཞི། །</br>20.ཆུ་སྟོད་སྐར་བཞི་ཀ་ཏྱའི་རིགས། ། ཆུ་ལྷ་ལྷར་འཛིན་མཆོད་རྟེན་དབྱིབས། ། ནྱ་གྲོ་ཏ་ནི་ཟས་སུ་ཟ། ། ཆུ་ཁམས་གཡང་སྐར་བརྟན་དོན་འགྲུབ། ། གཏུམ་དྲག་ཤ་མར་ནས་ཀྱི་བླ་། ། རང་བྱུང་རབ་གནས་ལྷ་གཡང་དབང་། ། གཉེན་སྦྱོར་རྒྱལ་ས་སྐྱེད་ཚལ་བཟོ། ། ཞལ་གསོ་འཁོར་དང་བུད་མེད་བསྟེན། ། ཞུ་གསོལ་ས་བོན་ནོར་ཕྱུགས་ལེན། ། རྒྱུན་སྤྲོད་སྐུ་འཁྲུ་ས་ཁ་དབྱེ། ། ལྟད་མོ་རྟ་ཕྱུགས་ཞིང་ཁང་ཉོ། ། བཟློག་རིམ་སྦྱིན་སྲེག་བང་མཛོད་བཅའ། ། མཁར་ལས་རྒྱལ་སར་བསྐོ་བ་དང་། ། ཚེ་སྒྲུབ་མིང་འདོགས་དྲག་ལས་ཤིད། ། ལམ་ཞུགས་སྦྲ་ཕྱར་འཚེམ་དང་ཚོང་། ། བཀྲ་ཤིས་དོན་གཉེར་ལྷོ་དང་ནུབ། ། རྨོས་འཛུགས་ངོ་བསྲོ་དགྲ་དང་འཐབ། ། གཉེར་གསར་བསྐོ་སོགས་གསོན་ལས་བཟང་། ། འབྲུ་ནོར་ཕྱིར་གཏོང་བང་ཁ་དབྱེ། ། དྲ་གྱོན་གཤིན་ལས་ཐབ་ཁ་འཆའ། ། འཕོ་སྐྱེས་སྟོན་མོ་རྟ་རྒྱུག་པ། ཞི་རྒྱས་ལས་དང་ཆུ་རགས་བརྩིག ། བག་མ་མི་རུང་ངན་པས་སྤང་། ། བཙས་ལོ་བརྒྱད་ཅུ་ཆོས་ལྡན་ཐོས། ། བཟོ་དང་བྱ་བ་ཀུན་ལ་མཁས། ། འཁོར་དུང་ང་རྒྱལ་ཆེ་ནའང་། ། ཚེ་རིང་ལྡན་པས་མཐོ་རིས་ཐོབ། ། བུ་མོ་སྐྱེས་ན་ངན་པར་འགྱུར། ། ནད་བཏབ་བྱུར་ཅན་ཡུགས་སས་ལན། ། རྗེན་ཕྱེའི་ཆུ་སྲིན་གཟུགས་ཀྱི་ཁར། ། ཤུ་ཐག་བཅུག་བསྒྱུར་ནད་ལས་གྲོལ། ། མི་ཤི་ནོར་ངན་ཕྱིར་དབྱུང་ངོ་། ། ལྟས་བྱུང་ཆར་བབས་སྦྲུམ་མ་བདེ། ། ནད་མེད་སྐྱ་རྒྱལ་སྨན་སྔགས་འཕེལ། ། མགར་བ་རྣམས་ལ་ངན་པ་ཙམ། ། ཆར་བབས་དེ་ནས་སླར་ཡང་འབབ། ། སྐར་ཆུང་ཁྱེའུ་རྒྱས་བྱེད་ལ། ། ལས་དང་བྱ་བ་གང་ཡང་བཟང་། ། སྒྲིབ་ན་ཆུ་སྲིན་གཟུགས་ཚང་བ། ། རང་སྟེང་བཟུང་བས་ཉེས་ཀུན་ཞི། །</br>21.ཆུ་སྨད་སྐར་བཞི་བྲེ་ལྷ་བུ། ། རིགས་ནི་རྟག་གུ་ལྷ་ཐམས་ཅད། ། ཁ་ཟས་སྦྱང་ཡོས་ས་ཡི་ཁམས། ། འགྲུབ་སྐར་རབ་བརྟན་འབྲུ་ཡི་བླ། ། རྒྱན་འདོགས་རབ་གནས་འཆད་ཉན་དབང་། ། བསྙེན་སྒྲུབ་སྡོམ་ལེན་བྲན་གཡོག་བསྟེན། ། འབྲུ་ནོར་ཚུར་ལེན་སྐྱེད་པོ་འཇུགས། ། རྟེན་བཞེང་དྲ་གྱོན་རྒྱལ་སར་འཛུག ། མཁར་ལས་ཡུལ་གསར་གནས་གཞི་བཟུང་། ། ལྷ་གཡང་ཚེ་སྒྲུབ་མོ་རྩིས་བྱ། ། སྐྱེ་ཤིང་མེ་ཏོག་སྐྲ་འཁྲུ་ཁྲུས། མདུན་གྲོས་བཀྲ་ཤིས་བྱ་བ་དང་། ། གཤིན་ལས་ས་བོན་བང་མཛོད་བཅའ། ། ཟློག་རིམ་སྦྲ་ཕྱར་འཕོ་སྐྱས་བསྡུམས། ། རྟ་བོང་དྲེའུ་སྒ་རྒྱག་བཅོས། ། རྒྱལ་མཚན་བ་དན་རྫིང་ཡུར་འཆོས། ། སྨན་སྦྱོར་བག་མ་གཏོང་ལེན་བྱ། ། དབང་དང་ཞི་རྒྱས་ལས་སྤྱི་དང་། ། མིང་འདོགས་གསོན་པོའི་བྱ་བ་བཟང་། ། ཕྱུགས་བཤུག་འབྲུ་འཇལ་མར་གཏོང་བ། ། རོ་བསྲེག་ལམ་ཞུགས་བང་མཛོད་དབྱེ། ། སྐྲ་སེན་ཆུ་རགས་དུར་སྦ་བཟོ། དྲག་ལས་མཛོ་མོ་ཕྱི་ལ་གཏོང་། ། སྦྲ་ཁྱིམ་འབུབས་དང་དོན་གཉེར་འཛེམ། ། བཙས་ན་བརྒྱད་ཅུ་རྩ་ལྔ་འཚོ། ། ཕྱུག་ཅིང་སྦྱིན་གཏོང་རྫུན་བྲལ་དྲང་། ། བུ་གྲོགས་མང་ཞིང་མཁས་རིག་བཟོ། ། ནད་བཏབ་ཞིང་རྨོས་ས་ཁས་ལན། ། རྗེན་ཕྱེའི་ཁྱུང་གི་གཟུགས་ཀྱི་ཁར། ། སྡོ་བཅུག་ནད་པར་བསྐོར་ལ་བསྐྱུར། ། ཤི་བ་ནོར་ལ་ངན་པ་ཡིན། ། ཆར་བབས་སླར་ཡང་ཆེ་བར་འབབ། ། ལྟས་བྱུང་རྒྱལ་སྲིད་བདེ་བ་དང་། ། ནང་འཁྲུག་རྩོད་ཅིང་འབྲུ་རྣམས་རྒྱས། ། མགར་བའི་རིགས་ལ་ངན་པར་བྱེད། ། སྐར་ཆུང་རྡེའུ་ཐོད་དཀར་ཞེས། ། བག་མ་ལེན་དང་ཤི་བ་བཟང་། ། སྒྲིབ་ན་དྲེད་ཐོད་རང་སྟེང་འཕྱུར། །</br>22.གྲོ་བཞིན་སྐར་གསུམ་བྲེ་ལྟ་བུ། ། རུས་ནི་མོའུ་གལ་ལྷ་ཁྱབ་འཇུག ། ཁ་ཟས་མར་གསར་བྱ་ཤ་ཟ། ། ས་ཁམས་མགྲོན་སྐར་བོན་པོའི་བླ། ། མྱུར་ཞིང་འགྱུར་ལ་བློ་གྲོས་གཞི། ། རྫིང་ཡུར་ཆུ་ལས་སོ་ནམ་ཚོང་། ། སྐྱིད་སྟོན་དགེ་ལེགས་ཚེ་གཡང་གཉེན། ། དྲ་གྱོན་རྒྱན་སྤྲོས་ཁྱིམ་གསར་འཛིན། ། རྟེན་བཞེང་བཟློག་རིམ་མོ་རྩིས་བྱ། ། སྨན་སྦྱོར་གཏར་སྲེག་ཕར་རྒོལ་བསྡུམ། ། ལྷ་གསོལ་འབྲུ་གདབ་ས་ཁ་དབྱེ། ། བཟའ་ཚང་ནོར་བཙལ་བང་མཛོད་དབྱེ། ། ལམ་ཞུགས་དོན་གཉེར་རྟ་གླང་འདུལ། ། བང་བརྩིག་ནོར་འཇལ་ལྟད་མོ་དང་། ། མི་གཡང་འགུགས་རྩེད་མྱུར་ལས་བཟང་། ། རབ་བྱུང་རབ་གནས་རྒྱལ་སར་བསྐོ། ། གསོན་ཆོས་བྱ་དང་བོན་ཆོག་བྱ། གཤིན་ལས་དམག་ཇག་བུ་ལོན་འཇལ། ། རྟ་བོང་བྱ་གཅོད་ཡོན་སྤྲོད་པ། ། སྲི་མནན་སྟོན་མོ་ཤིད་ལས་སྤང་། ། བག་མ་ལེན་ལ་ཤིས་པ་ཡིན། ། ཞི་དྲུག་ལས་རུང་དབང་རྒྱས་ངན། ། བཙས་ན་དྲུག་ཅུ་རྩ་གཉིས་འཚོ། ། ཤེས་ཡངས་སེམས་བཟང་རྒྱལ་པོ་བྱམས། ། དཔའ་ཞིང་ནད་དཀོན་དགྲ་ལས་རྒྱལ། ། ནད་བཏབ་འདོང་སྣ་འདྲེས་ཀྱི་སར། ། ཕྱིན་ལན་རྟེན་ཕྱེའི་མ་ཧེའི་གཟུགས། ། ཁ་རུ་ཁྲག་དྲུག་བསྐྱུར་ན་ཕན། ལྟས་བྱུང་ཆར་བབས་སྦྲུམ་མ་བདེ། ། སྐྱ་རྒྱལ་སྨན་དང་རིག་སྔགས་འཕེལ། ། ཆར་བབས་དེ་ནས་མྱུར་དུ་འབབ། ། སྐར་ཆུང་རྡེའུ་མགོ་དམར་ཞེས། ། གསོན་གཤིན་ལས་རྣམས་ཕལ་ཆེར་བཟང་། ། སྒྲིབ་ན་གླང་ཐོད་རང་སྟེང་འཕྱར། །</br>23.བྱི་བཞིན་སྐར་གསུམ་དབྱིབས་གླང་མགོ ། རུས་ནི་སོ་མ་ལྷ་ཚངས་པ། ། གཤིན་སྐར་རླུང་ཟ་ས་ཡི་ཁམས། ། མྱུར་ལ་འགྱུར་བའི་སྐར་མ་སྟེ། ། རབ་གནས་སྐྲ་བཞར་སེལ་བྱེད་པ། ། དགྲ་ལྷ་གསོལ་དང་དགྲ་ལ་རྒོལ། ། ཕྱིར་འཇལ་གསོན་དགེ་གཤིན་ལས་དང་། ། ཆང་བཙོ་མཁར་ལས་ས་བོན་འདེབས། ། སྲི་མནན་པ་དང་མོ་འདེབས་བཟང་། ། མདུན་གྲོས་དོན་གཉེར་རྒྱལ་སར་བསྐོ། ། དྲ་གྱོན་མཐུ་འགྱེད་གསེབ་གཏོང་བ། ། བཀྲ་ཤིས་དགེ་ལེགས་བྱ་བའི་རིགས། ། གཤིན་དང་ཚེ་ནོར་སྒྲུབ་པ་སོགས། ། དམིགས་བསལ་མ་གཏོགས་ཞི་རྒྱས་དབང་། ། དྲག་པོའི་ལས་རྣམས་ཕལ་ཆེར་ངན། ། འབྲས་བུ་བྱིངས་ནི་གྲོ་བཞིན་མཚུངས། ། བག་མ་གཏོང་ལེན་ཤཱ་རགས་སྤང་། ། སྐྱེས་པ་དྲུག་ཅུ་འཚོ་བ་དང་། ། ཐོས་ལྡན་མཁས་པ་ཆགས་སྲེད་ཆུང་། ། སེམས་བཟང་དགྲ་འདུལ་འབྱོར་སྟོབས་ལྡན། ། སྐར་ཆུང་ལྷ་ལྕམ་སྐར་གཅིག་ཅེས། ། ཤི་བ་སྦེད་ཅིང་གླུ་བྲོ་བཟང་། ། སྒྲིབ་ན་ཤ་ཐོད་རང་སྟེང་བསྟན། །</br>24.མོན་གྲེ་སྐུར་བཞི་བྱ་ལྷ་བུ། ། རུས་ནི་གནས་འཇོག་ལྷ་ནོར་ལྷ། ། ཁ་ཟས་རྒྱ་སྲན་བྱི་ལའི་ཤ། ། ཆུ་ཁམས་མགྲོན་སྐར་རྟ་བོང་བླ། ། མྱུར་ཞིང་འགྱུར་ལ་རབ་གནས་དབང་། ། རབ་བྱུང་གཡང་འགུགས་སྨན་སྦྱོར་ཚོང་། ། རྟེན་བཞེང་མཁར་ལས་ཁྱིམ་གསར་འཛིན། ། དྲ་གྱོན་རྒྱུན་སྤྲོས་རྟ་བོང་འདུལ། ། བྲེས་བརྩིག་ཞིང་འདེབས་ས་ཁ་དབྱེ། ། ལམ་ཞུགས་དོན་གཉེར་ཞུ་བ་གསོལ། ། དབང་དང་དྲག་པོའི་ལས་སྤྱི་དང་། ། གསོན་ལས་དམག་ཇག་ཆོས་སྟོན་འདྲེན། ། ལྷ་གསོལ་མདུན་མ་ཆད་པ་བརྩིག ། སྐྲ་འཁྲུ་རྟ་བཅོས་བྱེད་སོགས་བཟང་། ། གཤིན་ལས་ནོར་རྫས་རྟ་ཕྱུགས་གཏོང་། ། བཟློག་པ་སྲི་མནན་རྒྱལ་སར་འཇུག</br>རྟ་བོང་དྲེའུ་སྤུ་རྒྱུག་རྒྱུག ། ཞི་རྒྱས་འཕོ་སྐྱས་ཐབ་འཆའ་གཉེན། ། བག་མ་གཏོང་ལེན་ངན་པས་འཛེམ། ། བཙས་པ་ཉེར་ལྔའམ་དྲུག་ཅུར་འཚོ། ། སེམས་བཟང་སྨན་མཁས་བུ་ནོར་འཕེལ། ། ཁྲོ་ཞིང་བྱ་བརྩོན་རང་བཞིན་ངན། ། བློ་རྩིང་སྟར་ཕོད་གླུ་གར་མཁས། ། བླུན་ཞིང་ཆུ་ཡིས་འཆི་བ་འགྱུར། ། བུ་མོ་བཙས་པ་མཛེས་པར་ལྡན། ། སྐར་ཆུང་རྒྱལ་ནམ་གང་ཡང་བཟང་། ། ནད་བཏབ་འགུལ་ཕྱིན་ལན་པ་སྟེ། ། རྗེན་ཕྱེའི་མི་ཡི་གཟུགས་ཀྱི་ཁར། ། སྔོ་བཅུག་ནད་པར་བསྐོར་ལ་བསྐྱུར། ། ཤི་ན་གཅིག་ཟློས་མེད་དུར་སྦ། ། ལྟས་བྱུང་རྒྱལ་སྲིད་བདེ་བ་དང་། ། ནད་མེད་འཁྲུག་ཞི་འབྲུ་འཕེལ་བྱེད། ། རྟ་བོང་ངན་ལ་ཆར་བབས་ཞོད། ། སྒྲིབ་ན་རྟ་ཐོད་རང་སྟེང་འཕྱུར། །</br>25.མོན་གྲུ་མི་རིང་ལྟ་བུ་འམ། ། མེ་ཏོག་ཕུང་དབྱིབས་ལྷ་ཆུ་ལྷ། ། རུས་ནི་སྐར་མའི་བུ་ཡི་བརྒྱུད། ། ཁ་ཟས་ར་ཤ་ས་ཡི་ཁམས། ། གཡང་སྐར་རབ་བརྟན་རྟ་བོང་བླ། ། ཆོས་འཆད་རབ་གནས་རབ་བྱུང་དབང་། ། སྨན་སྦྱོར་ས་བོན་རྒྱལ་སར་བསྐོ། ། གཞན་གྱི་སློབ་དཔོན་གནས་གཞི་བཟུང་། ། རྟེན་བཞེང་མཛོད་བཅའ་ས་ཁ་དབྱེ། ། རྟ་བཅོས་རྟ་འདུལ་རྟ་ཕྱུགས་ཉོ། ། གཤིན་ཆོས་ལམ་ཞུགས་ཚུར་ལེན་བསྡུམས། ། ཉོ་ཚོང་ཡུལ་བཟུང་སྐྱེ་ཤིང་འཛུགས། ། དགེ་ལེགས་མདུན་གྲོས་གསོན་བརྟན་ལས། ། དོན་གཉེར་སྒྲུབ་མཆོད་གཡང་ལོན་ལྷ། ། དམག་ཇག་ས་འཛིན་ལྟད་མོ་སོགས། ། དམིགས་བསལ་མ་གཏོགས་ཞི་རྒྱས་དབང་། ། ལས་སྤྱི་བཟང་ལ་དྲག་ལས་རུང་། ། རྒྱུན་སྤྲོས་དྲ་གྱོན་རྫིང་ཡུར་འདུ། ། བཟློག་པ་བཟོ་དང་སྐྲ་སེན་འབྲེག ། རྟ་བོང་ནོར་གཏོང་སྣོད་ཁ་དབྱེ། ། མཁར་ལས་བྱ་དང་རྐུན་མ་ཤིང་། ། རྟ་རྒྱུག་སྦྲ་ཕྱིར་འཚེམ་ལ་སོགས། ། བག་མ་གཏོང་ལེན་གཉིས་ཀ་ངན། ། བཙས་པ་མྱུར་འཆི་ཁྲོ་རྒོད་ལྡན། ། ཕྱུག་ཅིང་གཟུགས་བཟང་སྟེར་ཕོད་བརྩོན། ། བབ་ཅོལ་ནད་མེད་སྙིང་ཡང་ཆེ། ། ནད་བཏབ་ཡུགས་སའི་ཟས་ཀྱིས་ལན། ། རྗེན་ཕྱེའི་མི་གཟུགས་བཟོས་པའི་ཁར། ། འབྲས་བཅུག་ནོད་པར་བསྐོར་ལ་བསྒྱུར། ། མི་ཤི་ཡུལ་ཚོགས་དེ་ལ་ངན། ། ལྟས་བྱུང་སྲིད་བདེ་འབྲུ་འཕེལ་ཞིང་། ། ནད་འཁྲུག་ཞི་ལ་ཆར་བབས་ན། ། སླར་འབབ་ཆུ་ནང་སེམས་ཅན་ངན། ། སྐར་ཆུང་ལྷ་མོ་གཡང་སྐར་ཞེས། ། ལྷ་གསོལ་གཡང་བསླན་ཚུར་ལེན་བཟང་། ། སྒྲིབ་ན་འུག་ཐོད་རང་སྟེང་བསྟན། །</br>26.ཁྲུམས་སྟོད་སྐོར་གཉིས་ཤིང་རྟའི་དབྱིབས། ། སྐྱེ་བོ་ལས་ཀྱི་རྒྱུད་ཡིན་ལ། ། ལྷ་ནི་འབའ་ཞིག་འཚོ་བ་སྟེ། ། ཁ་ཟས་ལུག་གི་ཤ་ཁྲག་སྤྱོད། ། གཤིན་སྐར་མེ་ཁམས་བརྗེའི་བླ། ། བརྟན་པའི་དོན་གྲུབ་སྐར་མ་སྟེ། ། དབང་བསྐུར་རབ་གནས་ཚེ་འགུགས་གཉན། ། ལྷ་གསོལ་སྦྱིན་སྲེག་མཁར་ལས་བསྡུམས། ། སྨན་སྦྱོར་གསོན་ལས་མདུན་གྲོས་སྐྱས། ། ཕྱུགས་མ་ཉོ་དང་རྟ་ཕྱུགས་འདུལ། ། ནོར་ལེན་ཐབ་བཅའི་རྒྱལ་མཚན་འཛུགས། ། ཤིང་འཛུགས་བྲན་བསྟེན་བཟོ་རིག་སློབ། ། གཤིན་ལས་སེལ་འཛུགས་གཞི་ཡི་ཚོང་། དགེ་བའི་ལས་དང་ཁྱི་བསྟེན་པ། ། ཤཱ་རགས་བརྩིག་སོགས་ཆུ་བོ་བསྲུང་། ། ས་བཟུང་སྦྲ་ཕྱར་མིང་འདོགས་བཟང་། ། ནོར་འཇལ་ཞལ་ཆེ་ཁ་སྨྲས་ལམ། ། དྲ་གྱོན་སྐྲ་འཁྲུ་རྫིང་ཡུར་འདུ། ། དོན་གཉེར་ཐག་རིང་ས་ཁ་དབྱེ། ། སོ་ནམ་འགོ་འཛུགས་ཤིང་རྐུ་ཇག ། རྨོས་འབྱེད་ཞིང་ལས་རྟ་རྒྱུག་པ། ། བག་མ་གཏོང་ལེན་ངན་པས་སྤང་། ། དབང་དྲག་ལས་རུང་ཞི་རྒྱས་ངན། ། བཙས་པ་གོ་ལྔ་གཤིས་ངན་བླུན། ། སྐུ་གསོད་དམག་ཇག་གཡོ་སྒྱུ་དགའ། ། གཉེན་བརྩེ་ནོར་ལྡན་ཕྱིར་མི་སྡང་། ། གཞན་ལ་གནོད་ཚེ་སྟེར་མི་ཕོད། ། ནད་བཏབ་རྟེན་འབྲེལ་མོན་གྲུ་བཞིན། ། མི་ཤི་མྱུར་དུ་བཏང་ན་བཟང་། ། ལྟས་བྱུང་མགོ་ནད་མིག་ནད་ལྡང་། འབྲུ་དཀོན་ནོར་འཚིག་བཤན་པར་ངན། ། བད་ཀན་ནད་མང་ཆར་བབས་ཞོད། ། སྐར་ཆུང་ལུ་ཁུ་གཉིས་ལྡན་ཞེས། ། ར་བ་འགྲོ་མཁར་གང་ཡང་ངན། ། སྒྲིབ་ན་རབས་ཆད་ཐོད་པ་ནི། ། རང་སྟེང་བསྟན་ན་ཉེས་པ་ཞི། །</br>27.ཁྲུམས་སྨད་སྐར་གཉིས་རྣ་བའི་དབྱིབས། ། ལྷ་ནི་སྦྲུལ་གཟའ་རུས་ནོར་རྒྱུས། ། ཁ་ཟས་པལ་སྲན་ཆུ་ཡི་ཁམས། ། གཤིན་སྐར་མྱུར་བཟང་དྲག་ཤུལ་ཆེ། ། རྒྱན་སྤྲོས་ལམ་སྨན་རི་མོ་བཟོ། ། རབ་གནས་ཕྱུགས་སྤེལ་འཇལ་ལེན་བྱེད། ། རྒྱལ་ས་འཆད་ཉན་དབང་སྡོམ་ལེན། ། དྲ་གྱོན་མདུན་མ་འབྲུ་ནོར་སྡུད། ། རྫིང་ཡུར་ཞིང་ལས་ས་བོན་གདབ། ། རྟེན་བཞེང་བཟློག་པ་སྲི་མནན་བྱ། ། གཤིན་ལས་བྲན་བསྟེན་སྐྲ་འཁྲུ་ཤིད། དབང་དྲག་མྱུར་ལས་དམག་བརྐུ་ཇགོ ། ཆང་བཙོ་ཉོ་ཚོང་ས་ཁ་དབྱེ། ། སྐྱེ་ཤིང་མེ་ཏོག་འཛུགས་པ་བཟང་། ། ལྷ་གསོལ་གཡང་འགུགས་འདུ་ལོང་བྱེད། ། མཁར་ལས་ཁྱིམ་འཛིན་གྲོང་ཁྱེར་བརྩིག་གཏར་སྲེག་ཐབ་བཅའ་སྦྲ་ཕྱར་འཚེམ། ། གསོན་ལས་དོན་གཉེར་སྟོན་མོ་བསྡུམས། ། མཐོང་འཛུགས་ཆུ་རགས་སྐྲ་སེན་འབྲེག ། ལྟད་མོ་བུ་མོ་བཙས་དང་ཤིང་། ། ཞི་རྒྱས་བག་མ་དུར་འདེབས་ངན། ། བུ་བཙས་ལྔ་བཅུའམ་དྲུག་ཅུར་འཚོ། གླུ་གར་རིགས་མཁས་ཆོས་སྦྱིན་བྱེད། ། ཕྱུག་ཅིང་སྦྱིན་དགའ་དྲང་པོར་སྨྲ། ། ཚུལ་ཁྲིམས་ཤེས་རབ་སྙིང་རྗེ་ལྡན། ། འཁོར་བསྟེན་འདུ་ཞིང་དགྲ་ལས་རྒྱལ། ། ནད་བཏབ་ཆང་བསིངས་འཐུངས་པས་ལན། ། རྗེན་ཕྱེའི་མི་ཡི་གཟུགས་ཀྱི་ཁར། ། སྔོ་བཅུག་ནད་པར་བསྐོར་ཞིང་བསྐྱུར། ། སྐར་ཆུང་སྐར་དྲུག་ཅེས་བྱ་བར། ། རྡེའུ་འགོ་དྲོས་ལས་མི་བྱེད། ། ལྟས་བྱུང་ཆར་བབས་སྦྲུམ་མ་བདེ། ། ནད་མེད་སྐྱ་རྒྱལ་སྨན་རིག་འཕེལ། ། བཟོ་བོའི་རིགས་ལ་ངན་པ་ཙམ། ། ཆར་བབས་མྱུར་འབབ་སྒྲིབ་པའི་ཚེ། ། སྦྲུལ་ཐོད་རང་སྟེང་བསྟན་པས་ཐུབ། །</br>28.ནམ་གྲུ་སྐར་མ་སུམ་ཅུ་གཉིས། ། གྲུ་དབྱིབས་རུས་ནི་སྐྱེས་པའི་བུ། ། ལྷ་ནི་ཉི་མ་ཕྱེ་ཤ་ཟ། ། ཆུ་ཁམས་འགྲུབ་སྐར་མི་བརྟན་འགྱུར། ། རབ་བྱུང་རབ་གནས་ཆོས་འཆད་དབང་། ། ལྷ་སྒྲུབ་སྡོམ་འབོགས་གོས་གསར་གྱོན། ། མཁར་ལས་ཞལ་ཆེ་རྒྱལ་སར་བསྐོ ། ལྷ་གཡང་སྨན་སྦྱོར་དགེ་ལེགས་ཚོང་། ། སྟོན་མོ་ཕྱུགས་འབྱེད་ས་བོན་གདབ། ། ཁྱིམ་འཛིན་སྐྲ་འཁྲུ་ས་ཁ་འབྱེད། ། གཤིན་ལས་རོ་དྲང་ཤིང་དང་སྐྱས། ། གཏར་སྲེག་མིང་འདོགས་སྐྲ་སེན་འབྲེག ། ཞུ་འབུལ་མདུན་མ་རང་དོན་སྒྲུབ། ། ཕྱུགས་འདུལ་ཁ་སྨྲས་རྐུ་བ་དང་། ། རྟ་དང་བོང་བུའི་བྱ་གཅོད་པ། ། གསོན་ལས་སྐྱེ་ཤིང་འཛུགས་པ་སོགས། ། དབང་ཞིའི་ལས་བཟང་རྒྱུས་པ་རུང་། ། གོས་དྲ་ལམ་ཞུགས་བུ་འབོགས་འགྱེད། ། དམག་དྲག་འཕྲོག་འཇོམས་བརྟན་ལས་དང་། ། བཟློག་རིམ་ཐབ་འཆའ་སྦྲ་ཕྱིར་འཚེམ། ། བསྡུམས་བྱ་ཆུ་རགས་བུ་མོ་འབོགས། ། ཐུག་འགྱེད་བྱ་དང་ཡུལ་འདོན་དང་། ། གསེབ་སྤྲོད་འབྲུ་ནོར་ཕྱིར་གཏོང་ངན། ། དོན་གཉེར་བྱེས་ངན་རང་ཡུལ་བཟང་། ། བག་མ་བྱེས་ན་བུ་མི་སྐྱེ། ། བཙས་ན་ཉེར་བརྒྱད་དགུ་བཅུ་འཚོ། ། རབ་མཛངས་འབྲུ་ནོར་འབྱོར་ལ་བརྩོན། ། མི་གཞན་དག་ལ་རབ་ཏུ་བཟང་། ། དབང་པོ་ཚང་ཞིང་དཔའ་བ་ཡིན། ། སྐར་ཆུང་ལས་སྣ་གྲོ་ལོད་ཅེས། ། ནམ་ཕྱེད་ཉི་ཕྱེད་ལས་མི་བྱེད། ། ནད་བཏབ་བུད་མེད་ཤི་བས་ལན། ། རྗེན་ཕྱེའི་མི་ཡི་གཟུགས་ཀྱི་ཁར། ། བུ་རམ་བཅུག་ལ་བཞི་མདོར་བསྐྱུར། ། དེ་ཡིས་ཞག་གསུམ་ནད་ལས་གྲོལ། ། མི་ཤི་རྩིས་མཁན་དག་ལ་ངན་། ། ལྟས་བྱུང་ཆར་བབས་སྦྲུམ་མ་བདེ། ། སྐྱ་རྒྱལ་སྨན་དང་རིག་སྔགས་འཕེལ། ། རྩིས་མཁན་ལ་ངན་ཆར་བབས་ཞོད། ། སྒྲིབ་ན་རབས་ཆད་མོ་ཡི་ཐོད། ། རང་གི་ཕྱོགས་བསྟན་ཉེས་པ་ཞི། ། དེ་རྣམས་རྒྱུ་སྐར་སོ་སོ་ཡི། ། སྒོས་ཀྱི་འབྲས་བུ་མདོ་ཙམ་བཤད། །སོ་སོ་ཡི། ། སྒོས་ཀྱི་འབྲས་བུ་མདོ་ཙམ་བཤད། །)
• Dictionaries/chos rnam kun btus/6574  + (1.དོན་སྔ་ཕྱི་ཕྱོགས་གཅིག་ཏུ་སྡུད་པ་ནི། དཔེར … 1.དོན་སྔ་ཕྱི་ཕྱོགས་གཅིག་ཏུ་སྡུད་པ་ནི། དཔེར་ན། ནམ་མཁའ་དང་རླུང་དང་མེ་དང་ཆུ་དང་ས་ནི་འབྱུང་བའོ་ཞེས་པ་ལྟ་བུའོ། །</br>2. རྣམ་གྲངས་སོ་སོར་འབྱེད་པ་ནི། དཔེར་ན། ལྷག་པའི་བསླབ་པ་ནི། ཚུལ་ཁྲིམས་དང་ཏིང་ངེ་འཛིན་དང་ཤེས་རབ་བོ་ཞེས་པ་ལྟ་བུའོ། །</br>3. རྒྱུ་མཚན་སྟོན་པ་ནི། དཔེར་ན། ཆུ་སྐྱུར་ལྡིང་བ་དང་ཆུ་ཡོད་པར་ངེས་སོ་ཞེས་པ་ལྟ་བུའོ། །</br>4. ཚེ་སྐབས་སྟོན་པ་ནི། དཔེར་ན་ནམ་ཕྱེད་ཡོལ་བ་དང་ལངས་ནས་དགེ་སྦྱོར་བྱའོ་ཞེས་པ་ལྟ་བུའོ། །</br>5. གདམས་ངག་སྟོན་པ་ནི། དཔེར་ན་སློབ་གཉེར་གང་ལེགས་གྱིས་དང་མཁས་པར་འགྱུར་རོ་ཞེས་པ་ལྟ་བུའོ། །</br>6. ཚེ་སྒྲ་དང་དང་སྒྲ་དོན་གཅིག་ཏུ་འཇུག་པ་ནི། དཔེར་ན་དབང་ཡོད་པ་དང་ཀུན་གྱིས་བཏུད་ཅེས་པ་ལ། དབང་ཡོད་པའི་ཚེ་ཀུན་གྱིས་བཏུད་ཅེས་སྦྱར་རུང་བ་ལྟ་བུའོ། །ཚེ་ཀུན་གྱིས་བཏུད་ཅེས་སྦྱར་རུང་བ་ལྟ་བུའོ། །)
• Dictionaries/chos rnam kun btus/6869  + (1.མངར་བ། 2. སྐྱུར་བ། 3. ཁ་བ། 4. བསྐ་བ། 5. ཚ་བ། 6. ལན་ཚྭ་བའོ། །)
• Dictionaries/chos rnam kun btus/2164  + (1.མངར་བ། 2.སྐྱུར་བ། 3.ལན་ཚྭ་བའོ། ། དེའི་ནུས་པ་ནི། སྣུམ་པ། ལྕི་བ། འཇམ་པ་དང་གསུམ་མོ། །)
• Dictionaries/chos rnam kun btus/6531  + (1.མོས་གུས་དྲག་པོས་བླ་མ་མཁས་བསྟེན་ལ། ། ཐོས་ … 1.མོས་གུས་དྲག་པོས་བླ་མ་མཁས་བསྟེན་ལ། ། ཐོས་བསམ་རྒྱ་སྐྱེད་རྩ་བ་ཆོད་པ་ཡིན། །</br>2. བྱིན་རླབས་མགོན་སྐྱབས་མེད་ན་བར་མ་དོར། ། བར་ཆོད་བདུད་ཀྱིས་བསླུ་བས་དཀོན་མཆོག་ཁུར། །</br>3. དགྲ་གཉེན་ཡིད་འབྱུང་མ་སྐྱེ་ཉོན་མོངས་ཀྱི། ། འདམ་ལས་མི་ཐོན་ཆགས་སྡང་བདུད་ལས་ཁྲོལ། །</br>4. ཤེས་བཞིན་བྱ་རས་མ་ཟིན་ངན་སོང་གི ། གཡང་སར་སྐྱུར་བས་བག་ཡོད་རྒྱུན་དུ་བསྟེན། །</br>5. ཆོས་སྤྱོད་དཔུང་དང་མི་ལྡན་འཁོར་བ་ཡི། ། གཡུལ་ངོ་མི་བཟློག་གསོ་སྦྱོང་ལས་ལ་འབད། །</br>6. དམིགས་མེད་རྩིས་མ་ཟིན་ན་འདུས་བྱས་ཀྱི། ། དགེ་བས་བྱང་ཆུབ་མི་འགྲུབ་ཤེས་རབ་སྦྲེལ། ། དེ་ལྟར་བརྩོན་ན་བྱང་ཆུབ་མྱུར་དུ་འགྲུབ། ། ཞེས་སོ། །བརྩོན་ན་བྱང་ཆུབ་མྱུར་དུ་འགྲུབ། ། ཞེས་སོ། །)
• Dictionaries/chos rnam kun btus/7023  + (1.ཞེན་པ་རང་ལོག་རོ་གོས་གཡང་སྐྱུར་འདྲ། ། 2. … 1.ཞེན་པ་རང་ལོག་རོ་གོས་གཡང་སྐྱུར་འདྲ། །</br>2. སྙིང་རྗེས་རྒྱུད་བརླན་བུ་གཅིག་མ་དང་འདྲ། ། </br>3. ཡོན་ཏན་ཤུགས་སྐྱེས་དབྱར་ཀའི་ས་གཞི་འདྲ། ། </br>4. བརྩོན་པ་རྒྱུན་རིང་རལ་གྲིའི་འཁོར་ལོ་འདྲ། ། </br>5. འཁྲུལ་སྣང་རང་གྲོལ་སྦྲུལ་གྱི་མདུད་པ་འདྲ། །</br>6. གནས་ལུགས་ངང་ཕྱིན་དེད་དཔོན་ཡུལ་སླེབས་འདྲ། ། དེ་འདྲའི་ཚད་ལྡན་སྐྱེས་མཆོག་གོང་མ་ལགས་སོ། ། ཞེས་སོ། །ད་ལྡན་སྐྱེས་མཆོག་གོང་མ་ལགས་སོ། ། ཞེས་སོ། །)
• Dictionaries/chos rnam kun btus/2202  + (1.འཕེལ་བའི་རྒྱུ་ངོས་བཟུང་བ་ནི། དེ་ལྟར་ཆགས་ … 1.འཕེལ་བའི་རྒྱུ་ངོས་བཟུང་བ་ནི། དེ་ལྟར་ཆགས་ནས་འཕེལ་བའི་ཚུལ་བསྟན་པ། ། མངལ་ཆགས་འཕེལ་བའི་རྒྱུ་ནི་ལྟེ་བར་སྟེ། ། བུ་སྣོད་གཡས་གཡོན་རྩ་དང་ལྟེ་བ་འབྲེལ། རྩ་གཉིས་བསམ་བསེའུ་བཅུད་ཀྱི་རྟེན་དང་འབྲེལ། ། དེ་ཕྱིར་མ་ཡི་ཁ་ཟས་དྭངས་མ་ཡིས། ། རིམ་གྱིས་མངལ་དུ་རྣམ་པར་འཕེལ་འགྱུར་ཏེ། ། དཔེར་ན་རྫིང་ཡུར་ཆུ་ཡིས་ཞིང་སྐྱེད་འདྲ། ། ཞེས་པ་སྟེ། ཇི་སྐད་བཤད་པའི་རྒྱུ་རྐྱེན་རྟེན་འབྲེལ་དེ་རྣམས་ཚོགས་པ་ལས་ལུས་དེ་ལྟར་ཆགས་ནས་དེ་ཉིད་རིམ་པར་འཕེལ་ཞིང་ཆེར་སྐྱེད་པའི་ཚུལ་དཔེ་དོན་གཉིས་སུ་སྦྱར་ཏེ་མདོར་བསྡུས་ཀྱི་སྒོ་ནས་བསྟན་པར་བྱ་བ་འདི་ལྟ་སྟེ། དེ་ཡང་མངལ་དུ་ཆགས་པའི་ལུས་ཅན་དེ་ཉིད་རིམ་པར་ཆེས་ཆེར་འཕེལ་བར་བྱེད་པའི་རྒྱུའམ་གཞི་དངོས་ནི་མངལ་གནས་རང་ཉིད་ཀྱི་ལྟེ་བ་ཉིད་ཡིན་ཏེ། ཅི་ཕྱིར་ཞེ་ན། མའི་བུ་སྣོད་ཀྱི་གཡས་གཡོན་དུ་རྩ་གཉིས་ཡོད་པ་དེའི་སྣེ་མངལ་གནས་ཀྱི་ལྟེ་བར་ཟུག་ནས་ཆོས་ཉིད་ཀྱི་སྟོབས་ཀྱིས་འབྲེལ་བ་དང་། བུ་སྣོད་གཡས་གཡོན་གྱི་རྩ་གཉིས་པོ་དེའི་ཡས་སྣེ་གྱེན་ཕྱོགས་སུ་བསམ་བསེའུ་ཞེས་པ་ལུས་ཟུངས་ཐམས་ཅད་ཀྱི་དྭངས་མའི་བཅུད་ཀྱི་ཡང་སྙིང་གསོག་པའི་སྣོད་དམ་རྟེན་དེ་དང་འབྲེལ་ནས་ཡོད་པ་དེའི་ཕྱིར། མས་རོ་དྲུག་གི་ཁ་ཟས་གང་དང་གང་ཟོས་པའི་དྭངས་མའི་བཅུད་དེ་ཡིས་ཕོ་བའི་གནས་ནས་རིམ་པས་ལུས་ཟུངས་བདུན་པོ་སོ་སོར་རྒྱུན་མི་འཆད་པར་འཕེལ་བ་ལས་འབྱུང་བའི་ཐ་མའི་བཅུད་ཆེན་པོ་དེ་ཉིད་བསམ་བསེའུ་ནས་རྩ་གཉིས་པོར་བརྒྱུད་དེ་མངལ་གནས་ཀྱི་ལྟེ་བར་ཞུགས་པ་ཡིས་མངལ་གནས་དེ་ཉིད་ཀྱི་ཟུངས་སྟོབས་རིམ་གྱིས་རྣམ་པར་འཕེལ་བར་འགྱུར་བ་ཡིན་ཏེ། དཔེར་ན་ཆུ་རྒྱུན་ཤིན་ཏུ་ཕྲ་བ་ལས་རིམ་པར་བསགས་པའི་རྫོང་དང་འདྲ་བའི་བསམ་བསེའུ་ནས་ཡུར་བ་དང་འདྲ་བའི་རྩའི་སྦུབས་གཉིས་པོ་བརྒྱུད་ཆུ་དང་འདྲ་བའི་དྭངས་མའི་རྒྱུན་འབྱུང་བ་དེས་ཞིང་ས་དང་འདྲ་བའི་མངལ་གནས་དེའི་ལོ་ཏོག་དང་འདྲ་བའི་ཁམས་རྣམས་འཕེལ་ཞིང་སྐྱེད་པར་བྱེད་པ་ཡིན་ལ། བུད་མེད་རྣམས་མངལ་སྦྲུམ་པའི་རིང་ཟླ་མཚན་མི་འབྱུང་བ་ཡང་དེའི་རྐྱེན་གྱིས་ཡིན་པར་བཤད་དོ། །</br>2.འཕེལ་ཚུལ་དངོས་བསྟན་པ་ལ་གསུམ་སྟེ། </br>(1)ཟླ་བ་དང་པོའི་འཕེལ་ཚུལ་བཤད་པ་ནི། དེ་ཡང་བདུན་ཕྲག་སུམ་ཅུ་རྩ་བརྒྱད་ཀྱིས། ། རླུང་གིས་བསྒྱུར་ནས་ཟླ་དགུར་འཕེལ་འགྱུར་ཏེ། ། ཟླ་བ་དང་པོའི་བདུན་ཕྲག་དང་པོའི་དུས། ། འོ་མར་རུ་མ་བླུག་འདྲ་ཁུ་ཁྲག་འདྲེས། ། བདུན་ཕྲག་གཉིས་པར་ནུར་ནུར་པོ་རུ་འགྱུར། ། བདུན་ཕྲག་གསུམ་པ་ཞོ་ཆགས་ལྟ་བུར་སྣང་། ། ཞེས་པ་སྟེ། དེ་ཡང་ཞག་བདུན་ཕྲག་སུམ་ཅུ་རྩ་བརྒྱད་ལྷག་ཙམ་རིང་རླུང་རྣམས་ཀྱི་བྱེད་ལས་ཀྱིས་རིམ་པར་བསྒྱུར་ཏེ་ཟླ་བ་དགུ་ཡི་བར་དུ་འཚར་ཞིང་འཕེལ་བར་འགྱུར་བ་ཡིན་ཏེ། དེ་ཡང་བདུན་ཕྲག་སུམ་ཅུ་རྩ་བརྒྱད་ཀྱི་བར་དུ་ཇི་ལྟར་འཕེལ་ལམ་ཞེ་ན། མངལ་དུ་ཁུ་ཁྲུག་གཉིས་ལྷན་ཅིག་ཏུ་ཚོགས་པའི་སྐད་ཅིག་མ་དེ་ནས་བརྩིས་པའི་ཟླ་བ་དང་པོ་ལ་བདུན་ཕྲག་བཞི་ལྷག་ཙམ་ཡོད་པའི་ཁོངས་ནས་བདུན་ཕྲག་དང་པོའི་དུས་སུ་ཀུན་གཞིའི་རྣམ་པར་ཤེས་པ་ལས་ཆོས་ཉིད་ཀྱི་སྟོབས་ཀྱིས་སྲོག་ཆེན་པོའི་རླུང་ཞེས་བྱ་བ་ཞིག་འཕྲོས་ནས་དེའི་བྱེད་ལས་ཀྱིས་ཞོའི་དོན་དུ་འོ་མ་བསྐོལ་བར་རུ་མ་བླུགས་ཏེ་དཀྲུགས་པ་དང་འདྲ་བར་ཁུ་ཁྲག་གཉིས་ཀྱི་རྡུལ་ཐམས་ཅད་ཕན་ཚུན་དབྱེར་མེད་རོ་གཅིག་ཏུ་འདྲེས་པར་བྱེད་པ་དང་། བདུན་ཕྲག་གཉིས་པའི་སྐབས་སུ་ཀུན་ཏུ་སྡུད་པ་ཞེས་བྱ་བའི་རླུང་གི་བྱེད་ལས་ཀྱིས་སྔ་མ་ལས་ཅུང་ཟད་སྐ་ཞིང་ནུར་ནུར་པོར་འགྱུར་བར་བྱེད་པ། བདུན་ཕྲག་གསུམ་པ་ལ་མཛོད་ཀ་ཞེས་བྱ་བའི་རླུང་གི་བྱེད་ལས་ཀྱིས་གོང་གི་ནུར་ནུར་པོ་དེ་ཞོ་ཆགས་ཟིན་པ་ལྟ་བུར་སྣང་བ་སྐ་བའི་རང་བཞིན་ཅན་དུ་འགྱུར་བར་བྱེད་པ་བཅས་ཡིན་ནོ། ། </br>(2)ལྟེ་བསྒྱུར་གྱི་ཐབས་བསྟན་པ་ནི། སྐྱེས་བུ་འདོད་པས་དུས་འདིར་ཐབས་བསྟེན་ཏེ། ། མཚན་མ་གསལ་བར་མ་གྱུར་གོང་དུ་བྱ། ། འདི་སྟོབས་ལྡན་པས་ལས་ཀྱང་ཟིལ་གནོན་ནུས། ། ཞེས་པ་སྟེ། དེ་ཡང་སྐྱེས་པ་བུ་ཕོ་སྐྱེ་བར་འདོད་པ་རྣམས་ཀྱིས་དུས་སྐབས་འདི་ཉིད་ཁོ་ནར་ལྟེ་བ་བསྒྱུར་བའི་ཐབས་བསྟེན་པར་བྱ་བ་ཡིན་ཏེ། ཅིའི་ཕྱིར་ཞེ་ན། ཐབས་འདི་ནི་མངལ་གནས་དེ་ལ་ཕོ་མོ་སོ་སོའི་མཚན་མ་གསལ་བར་མ་འགྱུར་བའི་གོང་དུ་བྱ་དགོས་པ་ལས་དེ་ལས་འདས་ན་བསྒྱུར་བར་མི་ནུས་པའི་ཕྱིར་རོ། ། ཞལ་ལུང་དུ་འདི་ལས་སྔ་བར་ཡང་བྱ་རུང་ངོ་ཞེས་གསུངས་སོ། ། དེས་ན་ལྟེ་བ་བཙན་ཐབས་སུ་བསྒྱུར་བའི་ཐབས་སམ་ཆོ་ག་འདི་ཉིད་འཆད་འགྱུར་གྱི་ལག་ལེན་རྣམས་ཚུལ་བཞིན་དུ་བྱས་ན་འདི་ཉིད་ཤིན་ཏུ་ནུས་སྟོབས་དང་ལྡན་པ་ཞིག་ཡིན་པའི་དོན་གྱིས་བུ་མོར་སྐྱེ་བར་འགྱུར་བའི་ལས་འཛོམས་ཡོད་དུ་ཟིན་ཀྱང་རྐྱེན་གྱི་སྟོབས་ལས་སྐྱེ་བ་གཅིག་གི་རིང་ལ་ལས་དེ་ཉིད་ཟིལ་གྱིས་གནོན་ནས་བུ་ཕོར་བསྒྱུར་ནུས་པ་ཡིན་ནོ། །</br>བྱེ་བྲག་ལྟེ་བ་བསྒྱུར་བའི་ཐབས་ལ་ཡང་གསུམ་སྟེ། </br>[1]རྟེན་འབྲེལ་དང་རྫས་ཀྱིས་བསྒྱུར་བ་བསྟན་པ། </br>[2]སྨན་དང་སྲུང་བས་བསྒྱུར་བ། </br>[3]མངལ་སྲུང་བའི་ཐབས་བསྟན་པའོ། ། (དེ་དག་གི་རྩ་འགྲེལ་ཡིག་ཐོར་གྱི་རྐྱེན་པས་རེ་ཞིག་བཏང་སྙོམས་བྱས་པ་ཞིབ་པར་མཁྱེན་འདོད་ན་གཞུང་འདིར་གཟིགས་པར་ཞུ་) </br>(3)ཟླ་བ་གཞན་གྱི་འཕེལ་ཚུལ་བསྟན་པ་ལ་བཞི་སྟེ།</br>[1]ཟླ་བ་དང་པོའི་མཇུག་ཏུ་མཚན་མ་དོད་ཚུལ་རྟགས་དང་བཅས་པ་བསྟན་པ་ནི། བཞི་པ་གོར་གོར་མེར་མེར་ནར་ནར་པོ། ། དེ་ལས་ཕོ་མོ་མ་ནིང་རིམ་པར་འགྱུར། ། དེ་རྟགས་དཀུ་ལྕི་ལུས་རིད་ཡི་ག་འགག ། གཡལ་རླུང་སྐྱིད་སྐྱུར་ནུ་མ་སྐྱེ་བ་དང་། ། སྐྱུར་ལ་དགའ་ཞིང་སྙིང་ལ་སྣ་ཚོགས་འདོད། ། དེ་བཀག་མངལ་འཇིག་གཟུགས་མི་སྡུག་པར་འགྱུར། ། དེ་བས་གནོད་པའང་ཕན་བསྲེས་ཅུང་ཟད་བྱིན། ། ཞེས་པ་སྟེ། བདུན་ཕྲག་བཞི་པ་ལ་རབ་ཏུ་འབྱེད་པ་ཞེས་པའི་རླུང་གི་བྱེད་ལས་ཀྱིས་སྔ་སོར་ཁུ་ཁྲག་གཉིས་ཞོ་ལྟར་ཆགས་པ་དེ་ལས་འགྱུར་ནས་གོར་གོར་རམ་ཅུང་ཟད་ས་ཞིང་འདྲིལ་བའི་རྣམ་པ་དང་། ཡང་ན་སླ་ཞིང་མེར་མེར་པོའི་རྣམ་པ། ཡང་ན་དབྱིབས་ནར་ནར་པོ་བཅས་གང་རུང་དུ་འགྱུར་བ་ཡིན་ཞིང་། དེ་དག་ལས་དང་པོར་འགྱུར་ན་བུ་ཕོ་དང་། གཉིས་པ་ལྟར་མེར་མེར་པོ་འགྱུར་ན་བུ་མོ། གསུམ་པ་ལྟར་ནར་ནར་པོར་འགྱུར་ན་མ་ནིང་བཅས་སུ་རིམ་པ་ལྟར་འགྱུར་བ་ཡིན་ལ་དེ་དག་གང་ཡང་རུང་བ་ཞིག་ཏུ་འགྱུར་བའི་ཚེ་ན་བུད་མེད་རང་ཉིད་ཀྱིས་ཤེས་ཤིང་གསལ་བར་འགྱུར་བ་ཡིན། ། དེའི་རྟགས་སུ་དཀུའམ་མངལ་ཁ་ཅུང་ལྷོད་ཅིང་ཚང་ར་སོགས་ལུས་སྨད་ལྕི་བ་དང་། ལུས་གློ་བུར་དུ་རིད་པ་དང་། སྐྱུགས་མེར་ལངས་ཏེ་ཟས་ཀྱི་ཡི་ག་འགགས་པ། གཡལ་མང་ཞིང་བུ་ཀླུང་ཡང་ཡང་བྱེད་འདོད་པ། འགྲོས་ཀྱིས་དུབ་པ་ལྟར་སྒྱིད་པ་སྒྱུར་བ། ནུ་མ་སྔར་བས་ཆེར་རྒྱས་པ། ཟས་སྐོམ་སྐྱུར་བའི་རིགས་ལ་ལྷག་པར་དགའ་ཞིང་། མདོར་ན་མངལ་གནས་ཀྱི་ལུས་ཅན་དེའི་དབང་གིས་བུད་མེད་དེ་ཉིད་སྙིང་ལ་ཟས་སྐོམ་སྣ་ཚོགས་བཟའ་འདོད་པ་ཞིག་འབྱུང་བ་ཡིན་ལ། ཇི་ལྟར་འདོད་པའི་ཟས་སྐོམ་རྣམས་མ་བྱིན་པར་བཀག་པར་འགྱུར་ན་མངལ་གནས་དེ་ཉིད་འཇིག་ཅིང་འཆི་བར་འགྱུར་ལ། གལ་ཏེ་འཆི་བར་མ་གྱུར་ནའང་དམུས་ལོང་དང་། སྒུར་པོ་སོགས་གཟུགས་མི་སྡུག་པ་སྣ་ཚོགས་སུ་སྐྱེ་བར་འགྱུར་བ་དེ་བས་ན་འདོད་པ་བྱེད་པའི་ཟས་སྐོམ་དེ་རིགས་བུད་མེད་དེ་ཉིད་ཀྱི་ནད་གཞིའམ་ལུས་ཁམས་ལ་གནོད་པ་ཞིག་སྣང་ཡང་། བཤུལ་ཆགས་དང་། མཛོ་རྟོལ་གྱི་ཤ་མ་གཏོགས་དེ་མིན་མ་བུ་གཉིས་ཀར་ཕན་ཞིང་འཕྲོད་པའི་ཟས་སྐོམ་འགའ་ཞིག་དང་མཉམ་དུ་བསྲེས་ནས་ཅུང་ཟད་རེ་བྱིན་པར་བྱ་དགོས་པ་ཡིན་ཏེ། ཟླ་ཟེར་ལས། འདི་ཡི་སྙིང་ནི་མ་ལས་སྐྱེས། ། མ་ཡི་སྙིང་ཡང་དེ་དང་ནི། འབྲེལ་བས་དེའི་ཕྱིར་སྦྲུམ་མ་འདིའི། ། སྲེད་པ་དགག་པར་མི་བྱའོ། ། ཞེས་གསུངས་པའི་ཕྱིར་རོ། །</br>[2]དུས་རིམ་དང་པོའི་འཕེལ་ཚུལ་ནི། ཟླ་བ་གཉིས་པ་བདུན་ཕྲག་ལྔ་པ་ལ། ། མངལ་གནས་ལུས་ཀྱི་དང་པོ་ལྟེ་བ་ཆགས། ། དྲུག་པ་ལྟེ་བ་ལ་བརྟེན་སྲོག་རྩ་ཆགས། ། བདུན་པར་མིག་གི་དབང་པོ་གཟུགས་སུ་དོད། ། བརྒྱད་པ་དེ་ལ་བརྟེན་ནས་མགོ་དབྱིབས་ཆགས། ། དགུ་པ་ལུས་དབྱིབས་ཁོག་པ་སྟོད་སྨད་ཆགས། ། ཞེས་པ་སྟེ། ཟླ་བ་གཉིས་པ་ལ་སྔ་མའི་ཞག་ལྷག་མ་དང་བཅས་པ་བསྣན་པས་བདུན་ཕྲག་ལྔ་ཡོད་པ་དག་གོང་གི་སྟེང་དུ་བརྩེགས་པའི་བདུན་ཕྲག་ལྔ་པའི་སྐབས་སུ་ཡང་དག་པར་སྡུད་པའི་རླུང་ཞེས་པའི་བྱེད་ལས་ཀྱིས་མངལ་གནས་དེ་ཉིད་སྔར་གྱི་གོར་གོར་མེར་མེར་སོགས་གང་རུང་གི་རྣམ་པ་དེ་ལས་འདས་ནས་མཁྲེགས་ཤིང་མཁྲང་འགྱུར་གྱི་ཞག་ཅེས་བྱ་ཞིང་། དེ་ལྟར་མཁྲང་འགྱུར་གྱི་ཞག་འདིའི་སྐབས་སུ་མངལ་གནས་ཀྱི་སེམས་ཅན་དེའི་ལུས་ཀྱི་ཆ་ཤས་ཀྱི་ནང་ནས་དང་པོ་ཁོ་ནར་རྩ་རླུང་ཐམས་ཅད་སྐྱེད་པའི་རྩ་བ་ལྟ་བུར་གྱུར་པའི་ལྟེ་བའི་རྩ་འདབ་ཀྱི་རྣམ་པ་དེ་ཉིད་ཆགས་འགྱུར་གྱི་ཚིགས་པ་བཅུ་དྲུག་པའི་ཐད་དུ་ཆགས་པར་འགྱུར་བ་དང་། བདུན་ཕྲག་དྲུག་པར་ཟས་ཞེས་པའི་རླུང་གི་བྱེད་ལས་ཀྱིས་ལྟེ་བའི་རྩ་འདབ་ཀྱི་དབུས་དེ་ལ་བརྟེན་ནས་སྲོག་པ་རྩ་ཞེས་འཕར་རྩ་ཐམས་ཅད་ཀྱི་སྡོང་པོ་སྲོག་གི་རླུང་གི་རྟེན་དེ་ནི་དུས་ཀྱི་འཁོར་ལོ་དང་ཟབ་མོ་ནང་དོན་གྱི་དགོངས་པ་ལྟར་མེས་ཞལ་ལས་རང་སོར་ཕྱེད་དང་བཅུ་གསུམ་ཞེས་གསུངས་ཀྱང་དེ་ནི་འཁོར་ལོ་དྲུག་གི་དབང་དུ་བྱས་ཏེ་གསུངས་པ་ཡིན་ལ། འདིར་ནི་འཁོར་ལོ་བཞི་དང་ཤུགས་བསྟན་བཅས་ལྔ་ལས་མེད་ཕྱིར་མངལ་གནས་རང་ཉིད་ཀྱི་རང་སོར་བཅུ་དྲུག་བར་གྱེན་ཕྱོགས་སུ་གྱེས་པ་དང་འབྲེལ། དེའི་ཡར་སྣེ་ཚིགས་པ་བརྒྱུད་པའི་ཐད་དུ་སྙིང་ཁམས་ཀྱི་རྩ་འདབ་མ་བཞི་པའི་རྣམ་པ་དང་བཅས་པ་ཆགས་པ་དང་། བདུན་ཕྲག་བདུན་པར་འཁྱིལ་བར་བྱེད་པ་ཞེས་པའི་རླུང་གི་བྱེད་ལས་ཀྱིས་སྙིང་ག་ནས་སྲོག་པ་རྩ་དེ་རང་སོར་བཅུ་བཞི་ཚད་ཙམ་གྱེན་དུ་སོང་སྟེ་ཨན་སྟོང་ཚིགས་པ་དང་པོའི་ཐད་དུ་མགྲིན་པའི་རྩ་འཁོར་ཆགས་པ་འདིར་དངོས་སུ་མ་བསྟན་ཀྱང་ཤུགས་བསྟན་དུ་གོ་དགོས་པ་དང་། དེ་ནས་སླར་ཡང་རླུང་དེའི་བྱེད་ལས་ཀྱིས་གྱེན་ཕྱོགས་སུ་རང་སོར་བཅུ་དྲུག་བར་གྱེས་ཏེ་ཡར་སྣེ་སྤྱི་བོའམ་མགོ་བོའི་རྩ་འདབ་མིག་གི་དབང་པོ་དང་བཅས་པའི་གཟུགས་དབྱིབས་དོད་པ་དང་། དེ་དང་དུས་མཉམ་དུ་ལྟེ་བ་ནས་སྲོག་པ་རྩ་དེ་ཐུར་དུ་རང་སོར་བཅུ་བཞི་བར་གྱེས་ཏེ་མར་སྣེ་གསང་གནས་ཀྱི་རྩ་འདབ་དང་བཅས་པ་ཆགས་པར་འགྱུར་བ་དང་། བདུན་ཕྲག་བརྒྱད་པར་བཟློག་ཅིང་བསྒྱུར་བར་བྱེད་པ་ཞེས་པའི་རླུང་གི་བྱེད་ལས་ཀྱིས་མགོ་བོའི་རྩ་འདབ་མིག་གི་དབང་པོ་དང་བཅས་པ་ཆགས་ཤིང་། དེ་ལ་བརྟེན་ནས་མགོ་བོའི་དབྱིབས་ཙམ་ཆགས་པར་འགྱུར་བ་དང་། བདུན་ཕྲག་དགུ་པར་རྣམ་པར་འབྱེད་པ་ཞེས་པའི་རླུང་གི་བྱེད་ལས་ཀྱིས་ཡན་ལག་བཞི་པོ་རྣམས་མ་གཏོགས་པའི་ལུས་བྱིངས་ཀྱི་དབྱིབས་སམ་ཁོག་པ་སྟོད་སྨད་ཀྱི་རྣམ་པ་ཕལ་ཆེར་ཆགས་པར་འགྱུར། དུས་སྐབས་འདིའི་རིང་སྲོག་རྩའི་ནུས་པས་ལུས་དཀྱུས་གཅིག་ཏུ་ཆགས་པའི་ཐོག་མའི་རིམ་པའོ། །</br>[3]དུས་རིམ་གཉིས་པའི་འཕེལ་ཚུལ་ནི། ཟླ་བ་གསུམ་པ་བདུན་ཕྲག་བཅུ་པ་ལ། ། དཔུང་པ་གཉིས་དང་དཔྱི་གཉིས་འབུར་དུ་དོད། ། བཅུ་གཅིག་དབང་པོ་དགུ་ཡི་གཟུགས་དབྱིབས་དོད། ། བཅུ་གཉིས་པ་ལ་དོན་ལྔའི་གཟུགས་དབྱིབས་དོད། ། བཅུ་གསུམ་པ་ལ་སྣོད་དྲུག་གཟུགས་དབྱིབས་དོད། ། ཟླ་བ་བཞི་པ་བདུན་ཕྲག་བཅུ་བཞི་ལ། ། དཔུང་རྐང་བརླ་རྐང་བཞི་ཡི་གཟུགས་དབྱིབས་དོད། ། བཅོ་ལྔ་པ་ལ་རྐང་ལག་རྗེ་ངར་དོད། ། བཅུ་དྲུག་པ་ལ་སོར་མོ་ཉི་ཤུ་དོད། ། བཅུ་བདུན་ཕྱི་ནང་འབྲེལ་བའི་རྩ་རྣམས་ཆགས། ། ཞེས་པ་སྟེ། ཟླ་བ་གསུམ་པ་ནས་ཞག་གསུམ་གོང་དུ་བཅད་པའི་ལྷག་མ་བདུན་ཕྲག་བཞི་ཡོད་པ་དག་གོང་གི་སྟེང་དུ་བརྩེགས་པའི་བདུན་ཕྲག་བཅུ་པར་སྲ་བར་བྱེད་པ་ཞེས་པའི་རླུང་གི་བྱེད་ལས་ཀྱིས་ཉའི་རྣམ་པ་དེ་ལས་དཔུང་པ་གཉིས་དང་དཔྱི་རུས་གཉིས་འབུར་དུ་དོད་པ་དང་། བདུན་ཕྲག་བཅུ་གཅིག་པར་རྡོ་རྗེ་ཞེས་པའི་རླུང་གི་བྱེད་ལས་ཀྱིས་དབང་པོའི་སྒོ་དང་བཅས་པའི་བུ་ག་དགུའི་གཟུགས་དབྱིབས་རྣམས་དོད་པ་ཡིན་ནོ། །</br>འདིར་གཟུགས་དབྱིབས་ཞེས་པ་རྣམས་ནི་དེ་དང་དེའི་གཟུགས་དབྱིབས་ཀྱི་རྣམ་པ་ཙམ་ཆགས་པའི་དོན་ཡིན་གྱི་གཟུགས་དངོས་སུ་གསལ་བར་ཆགས་པའི་དོན་མ་ཡིན་ནོ། ། བདུན་ཕྲག་བཅུ་གཉིས་པ་ལ་ཡོན་པོའི་སྒོ་ཞེས་པའི་རླུང་གི་བྱེད་ལས་ཀྱི་དོན་ལྔའི་གཟུགས་དབྱིབས་རྣམས་དོད་ལ། བདུན་ཕྲག་བཅུ་གསུམ་པ་ལ་བཀྲེས་ཤིང་སྐོམ་པ་ཞེས་པའི་རླུང་གི་བྱེད་ལས་ཀྱིས་སྣོད་དྲུག་གི་གཟུགས་དབྱིབས་རྣམས་དོད་དོ། ། ཟླ་བ་བཞི་པ་ལ་བདུན་ཕྲག་བཞི་ལྷག་ཙམ་ཡོད་པ་རྣམས་གོང་གི་སྟེང་དུ་བརྩེགས་པའི་བདུན་ཕྲག་བཅུ་བཞི་པ་ལ་སྐུད་པའི་སྒོ་ཞེས་པའི་རླུང་གི་བྱེད་ལས་ཀྱིས་དཔུང་པའི་རྐང་གཉིས་དང་བརླའི་རྐང་གཉིས་ཏེ་རྐང་བཞི་པོའི་གཟུགས་དབྱིབས་རྣམས་དོད་པ་དང་། བདུན་ཕྲག་བཅོ་ལྔ་པ་ལ་པད་མ་ཞེས་པའི་རླུང་གི་བྱེད་ལས་ཀྱིས་རྐང་པ་དང་ལག་པའི་རྗེ་ངར་བཞི་པོའི་གཟུགས་དབྱིབས་རྣམས་དོད་ཅིང་། བདུན་ཕྲག་བཅུ་དྲུག་པ་ལ་བདུད་རྩི་འགྲོ་བ་ཞེས་པའི་རླུང་གི་བྱེད་ལས་ཀྱིས་རྐང་ལག་གཉིས་ཀྱི་སོར་མོ་ཉི་ཤུ་པོའི་གཟུགས་དབྱིབས་རྣམས་དོད་ལ། བདུན་ཕྲག་བཅུ་བདུན་པར་འབྲི་གདོང་ཞེས་པའི་རླུང་གི་བྱེད་ལས་ཀྱིས་ཡན་ལག་དང་བཅས་པའི་ལུས་ཁམས་ཀྱི་ཕྱི་ནང་དུ་འབྲེལ་ཞིང་མངོན་པའི་ཚུ་བཅུ་དྲུག་དང་། མི་མངོན་པའི་རྩ་གྲངས་མེད་པ་རྣམས་ཆགས་པ་ནི་བར་དུ་ཆགས་པའི་རིམ་པའོ། ། </br>[4]དུས་རིམ་གསུམ་པའི་འཕེལ་ཚུལ་ནི། ཟླ་ལྔ་བདུན་ཕྲག་བཅོ་བརྒྱད་ཤ་ཚིལ་ཆགས། ། བཅུ་དགུ་པ་ལ་ཆུ་བ་རྒྱུས་པ་ཆགས། ། ཉི་ཤུ་པ་ལ་རུས་དང་རྐང་མར་ཆགས། ། རྩ་གཅིག་པ་ལ་ཕྱི་ཡི་པགས་པ་གཡོགས། ། དེ་ནས་ཟླ་དྲུག་བདུན་ཕྲག་རྩ་གཉིས་ལ། ། དབང་པོ་སྒོ་དགུའི་བུ་ག་རྣམ་པར་བྱེ། ། རྩ་གསུམ་སྐུ་དང་བ་སྤུ་སེན་མོ་སྐྱེ། ། རྩ་བཞི་པ་ལ་དོན་སྣོད་གསལ་བར་སྨིན། ། དེ་དུས་བདེ་དང་སྡུག་བསྔལ་ཤེས་པར་འགྱུར། ། རྩ་ལྔ་པ་ལ་རླུང་གི་རྒྱུ་བ་འབྱུང་། ། རྩ་དྲུག་པ་ལ་སེམས་ཀྱི་དྲན་པ་གསལ། ། དེ་ནས་ཟླ་བདུན་བདུན་ཕྲག་རྩ་བདུན་ནས། ། སུམ་ཅུའི་བར་གྱིས་ཐམས་ཅད་གསལ་རྫོགས་འགྱུར། ། ཟླ་བ་བརྒྱད་པ་བདུན་ཕྲག་སོ་གཅིག་ནས། ། སོ་ལྔའི་བར་གྱིས་ཐམས་ཅད་ཆེར་འཕེལ་བྱེད། ། མ་དང་བུ་གཉིས་ཐང་རེ་གཟི་མདངས་འཕོ། ། ཞེས་པ་སྟེ། ཟླ་བ་ལྔ་པ་ལ་བདུན་ཕྲག་བཞི་ལྷག་ཙམ་ཡོད་པ་དེ་དག་གོང་གི་སྟེང་དུ་བརྩེགས་པའི་བདུན་ཕྲག་བཅོ་བརྒྱད་པར་བརྟན་པར་འགྱུར་བ་ཞེས་པའི་རླུང་གི་བྱེད་ལས་ཀྱིས་ཤ་དང་ཚིལ་རྣམས་ཀྱི་ཆ་ཤས་ཕལ་ཆེར་ཆགས་པར་བྱེད་པ་དང་། སྲོག་གི་རླུང་ལས་དྲི་མ་མེད་པ་ཞེས་བྱ་བའི་རླུང་འཕྲོས་ནས་ཞེས་ཞལ་ལུང་དུ་གསུངས་པ་ལྟར་རམ། བདུན་ཕྲག་བཅུ་དགུ་པ་ལ་སྔ་མའི་རླུང་གི་སྟོབས་ཀྱིས་ཆུ་བ་ཆེ་ཆུང་དང་རྒྱུས་པའི་རང་བཞིན་རྣམས་ཆགས་ཤིང་། བདུན་ཕྲག་ཉི་ཤུ་པ་ལ་ཤིན་ཏུ་སྲ་བ་ཞེས་བྱ་བའི་རླུང་གི་བྱེད་ལས་ཀྱིས་རུས་པའི་བྱེ་བྲག་རྣམས་དང་རྐང་མར་གྱི་དབྱིབས་རྣམས་ཆགས་པར་བྱེད་ལ། བདུན་ཕྲག་ཉི་ཤུ་རྩ་གཅིག་པ་ལ་ཡང་དག་པར་སྐྱེད་པ་ཞེས་པའི་རླུང་གི་བྱེད་ལས་ཀྱིས་ཕྱིའི་པགས་པ་འོ་མ་བསྐོལ་བའི་སྤྲིས་མ་ལྟ་བུས་གཡོགས་པར་འགྱུར་རོ། ། དེ་ནས་ཟླ་བ་དྲུག་པ་ལ་སྔ་མའི་ཞག་ལྷག་མ་གཉིས་དང་ཕྱི་མའི་ཞག་གསུམ་ཡར་བསྣན་པས་བདུན་ཕྲག་ལྔ་བྱུང་བ་དག་གོང་གི་སྟེང་དུ་བརྩེགས་པའི་བདུན་ཕྲག་རྩ་གཉིས་པ་ལ་ཀུན་ཏུ་རྒྱལ་བ་ཞེས་པའི་རླུང་གི་བྱེད་ལས་ཀྱིས་དབང་པོ་ལྔ་དང་བཅས་པའི་སྒོ་དགུའི་བུ་ག་རྣམས་སོ་སོར་རྣམ་པར་བྱེ་བར་འགྱུར་བ་དང་། བདུན་ཕྲག་རྩ་གསུམ་པར་ཡོངས་སུ་དག་པར་འཛིན་པ་ཞེས་པའི་རླུང་གི་བྱེད་ལས་ཀྱིས་སྐྲ་དང་བ་སྤུ་སེན་མོ་བཅས་ཀྱི་དབྱིབས་རྣམས་སྐྱེ་བ་ཡིན་ཞིང་། བདུན་ཕྲག་རྩི་བཞི་པ་ལ་འཕྱོ་བའམ་སྤྲིན་འཛིན་ཞེས་པའི་རླུང་གི་བྱེད་ལས་ཀྱིས་སྔར་ཆགས་ཟིན་པའི་དོན་སྣོད་རྣམས་གསལ་བར་སྨིན་ཅིང་། དེའི་དུས་སུ་བདེ་བ་དང་སྡུག་བསྔལ་གྱི་རྣམ་པ་ཡང་ཚོར་ཞིང་ཉམས་སུ་མྱོང་བའི་སྒོ་ནས་ཤེས་པར་འགྱུར་རོ། བདུན་ཕྲག་རྩ་ལྔ་པ་ལ་གྲོང་ཁྱེར་འཛིན་པ་ཞེས་པའི་རླུང་གི་བྱེད་ལས་ཀྱིས་བུ་ག་རྣམས་ལ་རླུང་གི་རྒྱུ་བ་ཡང་འབྱུང་བ་(འབུམ་ནག་གསལ་སྒྲོན་ལས། རླུང་གི་རྒྱུ་བ་སྟེ་དབུགས་ཆགས་ཞེས་གསུངས་སོ་)དང་། བདུན་ཕྲག་རྩ་དྲུག་པ་ལ་སྐྱེ་བ་མངོན་པར་གྲུབ་པ་ཞེས་པའི་རླུང་གི་བྱེད་ལས་ཀྱིས་སེམས་ཀྱི་དྲན་པ་ཡང་ཅུང་ཟད་གསལ་བ་ཞིག་འབྱུང་ལ། དེ་ནས་ཟླ་བ་བདུན་པ་ལ་བདུན་ཕྲག་ བཞི་ཡོད་པ་དེ་དག་གོང་གི་སྟེང་དུ་བརྩེགས་པའི་བདུན་ཕྲག་རྩ་བདུན་ནས་རྩ་བརྒྱད་རྩ་དགུ་སུམ་ཅུའི་བར་དུ་རིམ་བཞིན་དུ་རླུང་སྨན་ཡོན་ཆེན་པོ་དང་། མེ་ཏོག་འཛིན། མེ་ཏོག་ཕྲེང་བ། ལྕགས་ཀྱི་སྒོ་ཞེས་པ་བཅས་ཀྱི་བྱེད་པས་སྔར་ཇི་ལྟར་ཆགས་པ་ཐམས་ཅད་མངོན་པར་གསལ་ཞིང་ཆ་ཤས་ཕྲ་མོ་རྣམས་ཀྱང་གྲུབ་སྟེ་ཡོངས་སུ་ཛོགས་པར་འགྱུར་རོ། ། ཟླ་བ་བརྒྱད་པ་ལ་ཕྱི་མའི་ཞག་ལྔ་ཡར་བསྣན་པས་བདུན་ཕྲག་ལྔ་ཡོད་པ་དག་གོང་གི་སྟེང་དུ་བརྩེགས་པའི་བདུན་ཕྲག་སོ་གཅིག་ནས་སོ་ལྔའི་བར་དུ་མེ་ཏོག་སྡུད་པ་ཞེས་བྱ་བའི་རླུང་གི་ནུས་པ་གཅིག་པུས་ཚིགས་ཟིན་པའི་ལུས་ཀྱི་ཆ་ཤས་ཐམས་ཅད་ཆེས་ཆེར་འཕེལ་བར་བྱེད་ལ་དུས་འདིའི་སྐབས་སུ་མའི་ཁ་ཟས་བཅུད་ཆེ་ཆུང་གི་དབང་གིས་མ་དང་བུ་གཉིས་ཐེངས་རེས་མོས་ཀྱིས་གཟི་མདངས་འཕོ་བ་སྟེ། སྐབས་འགར་མ་གཟི་མདངས་ཆེ་ལ་བུ་གཟི་མདངས་ཆུང་བ་དང་། སྐབས་འགར་བུ་གཟི་མདངས་ཆེ་ལ་མ་གཟི་མདངས་ཆུང་བ་བཅས་མ་བུ་ཕན་ཚུན་གཟི་མདངས་འཕོ་རེས་བྱེད་པར་འགྱུར་ཞིང་དུས་དེར་ཕལ་ཆེར་བཙའ་བའི་སྐབས་སུ་བབ་མེད་མོད། འོན་ཀྱང་རྐྱེན་འགའ་ཞིག་གིས་བཙས་པ་ཡང་སྲིད་པས་གལ་ཏེ་མ་གཟི་མདངས་ཆེ་བའི་སྐབས་སུ་བཙས་ན་མ་འཚོ་ཡང་བུ་འཆི་བ་དང་། བུ་གཟི་མདངས་ཆེ་བའི་སྐབས་སུ་བཙས་ན་བུ་འཚོ་ཡང་མ་འཆི་བ་དག་འབྱུང་བ་མ་ཟད་སྐབས་འདིར་མངལ་གནས་ཀྱི་ལུས་ཅན་དེའི་དབང་གིས་མ་ལ་ལུས་སྐྲངས་པ་སོགས་ཀྱི་ནད་རྣམ་པ་སྣ་ཚོགས་འབྱུང་བར་འགྱུར་བས་དེ་དག་གསོ་བའི་ཐབས་མན་རྒྱུད་ཀྱི་མོ་ནད་གསོ་བའི་སྐབས་དང་བསྡུས་པ་རྩ་འགྲེལ་སོགས་ལས་རྒྱས་པར་བསྟན་པས་དེར་ཤེས་པར་བྱའོ། །</br>3.རྫོགས་པའི་དུས་བསྟན་པ་ནི། ཟླ་བ་དགུ་པ་བདུན་ཕྲག་སོ་དྲུག་ནས། ། མངོན་པར་མི་དགའ་སྐྱོ་བའི་འདུ་ཤེས་འབྱུང་། ། སོ་བདུན་པ་ལ་ལོག་པའི་འདུ་ཤེས་སྐྱེ། སོ་བརྒྱད་མགོ་མཇུག་ལོག་སྟེ་མངལ་ནས་འབྱིན། ། འོན་ཀྱང་ཁྲག་ཟགས་པ་ན་འཕེལ་མི་འགྱུར། ། མངལ་རྒྱས་ཟླ་བ་ཚང་ཡང་བཙའ་བར་དཀའ། ། རླུང་གིས་དཀུ་བཀབ་ཟླ་བ་ཚང་ཡང་འགོར། ། ཞེས་པ་སྟེ། ཟླ་བ་དགུ་པ་ནས་ཞག་ལྔ་གོང་དུ་བཅད་པའི་འཕྲོས་བདུན་ཕྲག་གསུམ་ལྷག་ཙམ་ཡོད་པ་དག་གོང་གི་སྟེང་དུ་བསྣན་པའི་བདུན་ཕྲག་སོ་དྲུག་པའི་ཉིན་ཞག་དང་པོ་ནས་བཟུང་མངལ་གནས་ཀྱི་བྱིས་པ་དེ་རང་གི་གནས་ལ་མི་གཙང་བའི་འདུ་ཤེས་དང་། དྲི་མི་ཞིམ་པའི་འདུ་ཤེས། མངོན་པར་མི་དགའ་བའི་འདུ་ཤེས་ཏེ་ཡོངས་སུ་སྐྱོ་བའི་འདུ་ཤེས་བཞི་ཡིད་ལ་འབྱུང་བར་འགྱུར་རོ། ། བདུན་ཕྲག་སོ་བདུན་པ་ལ་གནས་གཞན་དུ་འཕོ་བར་འདོད་ནས་མགོ་མཇུག་ལོག་པའམ་ཕྱིར་ཕྱོགས་པའི་འདུ་ཤེས་སྐྱེ་བར་འགྱུར་རོ། ། བདུན་ཕྲག་སོ་བརྒྱད་པར་ཐོག་མའི་རྐྱེན་ཞེས་པའི་རླུང་གི་བྱེད་ལས་ཀྱིས་མགོ་མཇུག་སྒྱུར་བའམ་ལོག་སྟེ་མངལ་གྱི་ཕུགས་ནས་ཕྱིར་འབྱིན་ཅིང་བཙའ་བ་ལ་མངོན་དུ་ཕྱོགས་པར་འགྱུར་རོ། ། འོན་ཀྱང་འདིར་བཙའ་བར་མི་ནུས་པའི་རྒྱུ་གསུམ་ཡོད་དེ་བྱིས་པ་དེ་ཉིད་མངལ་དུ་གནས་པའི་རིང་མའི་ལུས་ནས་ཁྲག་མང་དུ་ཟགས་པའི་རྐྱེན་བྱུང་ན་དེས་མངལ་གནས་ཀྱི་ལུས་ཁམས་འཕེལ་བར་མི་ནུས་པ་དུས་སུ་བཙའ་མི་ཐུབ་པ་དང་། ཡང་ན་མངལ་གནས་ཀྱི་ལུས་འཚོ་ཆེས་ཏེ་ཆེར་རྒྱས་པ་ན་ཟླ་བའི་གྲངས་ཚང་ཡང་བཙའ་དཀའ་བ་དང་། འགྲེལ་ཆེན་དག་ཏུ་བུད་མེད་དེའི་ལུས་ཧ་ཅང་འཚོ་ཆེས་པས་མངལ་གྱི་སྒོ་ཆེར་རྒྱས་པར་འགྱུར་བས་ཟླ་བ་དགུ་ཚང་ཡང་བཙའ་དཀའ་ཞེས་གསུངས་པ་ཡང་ཡོད་དོ། ། ཡང་ན་ཐུར་སེལ་རླུང་གིས་དཀུའམ་མངལ་གྱི་སྒོ་ནས་བཀག་པ་ན་ཟླ་བ་དགུ་ཡི་གྲངས་ཚང་ཡང་ཕྱིར་བཙའ་རུ་མི་འདོད་པར་ནང་དུ་འགོར་བ་བཅས་དེ་ལྟར་རྐྱེན་གསུམ་པོས་གེགས་བྱས་ཏེ་བྱིས་པ་དུས་སུ་བཙའ་བར་མི་ནུས་པ་དག་ཀྱང་ཡོད་དོ། ། སྙིང་པོ་བསྡུས་པ་ལས། ཟླ་དགུ་འདས་ནས་སྣུམ་བཅས་པའི། ། འབྲས་ཆེན་ཤ་ཁུ་བླུད་པ་བསྔགས། ། སྣུམ་མང་ནས་ཐུག་སྦྱིན་པའམ། ། སྔར་བཤད་པ་ཡི་འཇམ་རྩི་བཏང་། ། དེ་ཉིད་ལ་བཅུག་རས་བལ་ནི། ། མཚན་མར་རྟག་ཏུ་གཞུག་པར་བྱ། ། རླུང་འམ་འོ་མ་སྐོལ་བའི་ཆུ། ། གྲང་བས་ཉིན་རེ་བཀྲུས་ན་ཕན། ། བློ་དགུ་ཕན་ཆད་ལུས་ལ་ནི། ། སྣུམ་མེད་པར་ནི་མི་བཞག་གོ ། ཞེས་གསུངས་པ་ལྟར་སྐྱེ་བ་ལ་མངོན་དུ་ཕྱོགས་པའི་ཚེའམ་དེའི་གོང་ནས་ལག་ལེན་དེ་དག་བྱ་བ་དང་། ཡང་ན་རྟག་ཏུ་ལྟེ་བ་དང་། ཆུ་སོ། བརླ་ནང་སོགས་སུ་ཞུན་མར་བྱུག་ན་སྐྱེ་བའི་ཚེ་རླུང་འཇོམས་ཤིང་སྐྱེ་སླ་ལ་ཟུག་ཆུང་བ་ཡིན་ནོ། །ུང་འཇོམས་ཤིང་སྐྱེ་སླ་ལ་ཟུག་ཆུང་བ་ཡིན་ནོ། །)
• Dictionaries/chos rnam kun btus/8084  + (1.རང་ལ་ཤེས་ཡོན་སློབ་མཁན་གྱི་སློབ་དཔོན་དང་། … 1.རང་ལ་ཤེས་ཡོན་སློབ་མཁན་གྱི་སློབ་དཔོན་དང་། ཕ་མ། མེས་པོ་བཅས་ལ་གུས་བཀུར་གཙོ་ཆེ་ཤོས་ཞུ་དགོས་པ། ཐོག་མར་མཇལ་བའམ་རང་ཁྱིམ་དུ་ཕེབས་པ་དང་བཞུགས་པ་བཅས་ཀྱི་སྐབས་སུ་ལུས་ཀྱི་རྣམ་འགྱུར་མགོ་བོ་སྒུར་ཏེ་གྲྭ་པ་ཡིན་ཚེ་ལག་གཉིས་ཐལ་མོ་སྦྱར་བའམ་ཡང་ན་པུས་མོའི་སྟེང་དུ་བཞག་ནས་བློན་པོ་ཆེན་པོས་རྒྱལ་པོའི་བཀའ་ཉན་པ་ལྟར་བྱ་དགོས་ཤིང་། ཚུར་གསུང་བའི་བཀའ་མོལ་མ་རྫོགས་བར་དུ་གུས་པས་ཉན་ནས་རང་ཉིད་ཀྱི་ཞུ་ལན་རྣམས་ཞེ་ས་དང་བཅས་ཏེ་ཞུ་དགོས་པ་ལས་མཚན་རྗེན་པར་བོས་ནས་ཞུ་མི་རུང་བ་དང་། རང་གི་བློ་ལ་མི་བབས་པའི་བཀའ་ཞིག་གནང་ཡང་རྗེས་སུ་གོ་སྐབས་བསྟུན་ནས་རིམ་བཞིན་འཇམ་པོའི་ངག་གིས་ཞུ་བ་མ་གཏོགས་སྤུན་མཆེད་ཕན་ཚུན་དང་བཟའ་ཚང་ཕན་ཚུན་ཁ་རྩོད་རྒྱག་པ་ལྟ་བུའི་སྐབས་ཐོག་ཐད་ཀར་ཞུ་མི་རུང་བ་ཡིན། སློབ་དཔོན་དང་ཕ་མ་མེས་པོ་བཅས་དང་མཉམ་དུ་བཟའ་བཏུང་བྱ་དགོས་བྱུང་ཚེ་ཁོང་རྣམ་པས་མ་བཞེས་གོང་དུ་རང་གིས་ལོངས་སྤྱོད་མི་རུང་བ་དང་། བཟའ་བཏུང་སྐབས་ཅག་སྒྲ་དང་ཧུ་སྒྲ་སྒྲོགས་པ། མདུན་ཅོག་ཐོག་ལག་པ་གཉིས་བཀན་ནས་བཟའ་བ། ཁ་མ་བཀབ་པར་སྐད་སངས་ཆེན་པོས་གློ་རྒྱག་པ་དང་། ཧབ་སྦྲིད་རྒྱག་པ། སྣབས་ལུད་དོར་བ། ལག་པ་ཡ་གཅིག་གིས་སྣོད་སྤྱད་ཕར་འཇོག་ཚུར་ལེན། ཕར་ཚུར་འགྲོ་སྐབས་དང་སྐས་ཀྱི་གདང་བུར་ཡར་འཛེག་མར་བབས་བྱེད་སྐབས་རྐང་ཤུགས་ཆེན་པོས་རྡིག་སྒྲ་དང་བཅས་ནས་འགྲོ་བ། ལམ་དུ་འགྲོ་བའི་ཚེ་ན་དགེ་རྒན་དང་ཕ་མའི་རྗེས་དང་གཡོན་ངོས་ཀྱི་ཟུར་ནས་འགྲོ་བ་མ་གཏོགས་མདུན་དང་གཡས་ངོས་ནས་འགྲོ་མི་རུང་བ། རྟ་བཞོན་པ་དང་འཁོར་ལོའི་ནང་དུ་འགྲོ་སྐབས་དགེ་རྒན་དང་ཕ་མ་གཉིས་ཆིབས་རྟ་དང་འཁོར་ལོར་ཕེབས་གྲུབ་རྗེས་གཞི་ནས་རང་ཉིད་རྟ་ཞོན་པའམ་འཁོར་ལོར་བསྡད་ནས་འགྲོ་དགོས་པ་དང་བབས་སྐབས་ཀྱང་སྔོན་ལ་རང་ཉིད་རྟ་དང་འཁོར་ལོ་ནས་འབབས་དགོས་པ་སོགས་གུས་ཞབས་ཞུ་ཚུལ་མང་པོ་ཡོད།</br>2. སྤྱི་ཚོགས་ཐོག་གི་རྒན་རབས་དང་ཡོན་ཏན་ཅན་ཞིག་ཡིན་ཕྱིན་ལུས་ཀྱི་རྣམ་འགྱུར་གུས་ཞབས་དང་ངག་གི་རྣམ་འགྱུར་འཇམ་པོའི་སྒོ་ནས་གཏམ་གླེང་སྨྲ་དགོས་པ་ལས་བཟའ་ཚང་སྤུན་མཆེད་ལྟར་བྱེད་མི་རུང་། ཚོགས་འདུ་འཚོགས་སྐབས་གཏམ་གླེང་འགོ་རྒན་རིམ་ནས་འཛུགས་དགོས་པ་དང་གཞོན་པ་རྣམས་ཀྱིས་རྒན་རབས་ལ་ཐད་ཀར་ཁ་རྩོད་རྒྱག་མི་རུང་བར་གཏམ་གླེང་གོ་སྐབས་རང་ལ་ཁེལ་བ་དང་བསྟུན་ནས་གནས་ཚུལ་བབས་གསེད་འཇམ་མཁས་ཀྱི་ཐོག་ནས་ཞུ་དགོས་ལ་གལ་ཏེ་རང་གི་ནོར་འཛོལ་འདྲ་བྱུང་ཡོད་ན་རྒན་རབས་རྣམས་དགོངས་པ་དྭངས་པ་ཞུ་དགོས་པ། ཕར་འགྲོ་ཚུར་ཡོང་གི་ལམ་བརྒྱུད་དུ་རྒན་རབས་དང་ཡོན་ཏན་ཅན་སོགས་མཇལ་བ་བྱུང་ཚེ་རང་གིས་ངོ་ཤེས་པ་ཞིག་ཡིན་ན་མཚམས་འདྲིའི་གུས་བཀུར་ཞུ་བའི་ཚིག་ཁ་ཤས་ཞུ་དགོས་པ་དང་ངོ་མི་ཤེས་པ་ཞིག་ཡིན་ནའང་ལུས་ཀྱི་རྣམ་འགྱུར་གུས་པའི་སྒོ་ནས་མགོ་སྒུར་ཙམ་བྱེད་དགོས་པ་སོགས་ཡིན།</br>3. རང་ཁྱིམ་དུ་སྐུ་མགྲོན་ཕེབས་སྐབས་གུས་ཞབས་ཞུ་སྲོལ་ཐད་མི་རིགས་ཁག་སོ་སོར་ལུགས་སྲོལ་མི་འདྲ་བ་ཡོད་ཅིང་། དེ་མ་ཤེས་པར་རང་གི་མི་རིགས་ཀྱི་ལུགས་སྲོལ་ལྟར་བྱས་ན་རང་ངོས་ནས་གུས་ཞབས་ཡིན་རུང་ཕར་ཕྱོགས་ངོས་ནས་གུས་ཞབས་མེད་པ་ལྟ་བུར་མཐོང་གི་ཡོད་པ་དཔེར་ན་བོད་མི་རིགས་ཀྱི་ལུགས་སྲོལ་ལ་གཡས་གྲལ་ནི་གྲལ་མགོ་དང་གཡོན་གྲལ་ནི་གྲལ་མཇུག་ཡིན་པས་རང་ལས་མཐོ་བའི་སྐུ་མགྲོན་ཞིག་ཕེབས་ན་གུང་གྲལ་ལ་བཞུགས་ཐོག་རང་ཉིད་གཡོན་གྲལ་དུ་སྡོད་དགོས་རྒྱུ་དང་། རང་དང་མཉམ་པའི་སྐུ་མགྲོན་ཞིག་ཕེབས་ན་གུས་ཞབས་མཚོན་བྱེད་དུ་སྐུ་མགྲོན་གཡས་གྲལ་དུ་བཞུགས་སུ་འཇུག་དགོས་པ་ཡིན་རུང་རྒྱ་རིགས་དང་མན་ཇུ་རིགས་ཀྱི་ལུགས་སྲོལ་ནི་དེ་ལས་ལྡོག་ཏེ་གཡོན་གྲལ་ནི་གྲལ་འགོ་དང་གཡས་གྲལ་ནི་གྲལ་མཇུག་ཡིན་སྟབས་དེ་སྔ་བོད་ས་གནས་སུ་བཞུགས་པའི་ཨམ་བན་རྣམས་ཏཱ་ལའི་བླ་མའི་མཛད་སྒོར་ཕེབས་སྐབས་གྲལ་འགོ་གྲལ་མཇུག་གི་ལུགས་སྲོལ་བོད་ལུགས་ལྟར་མ་བྱས་པར་རྒྱ་དང་མན་ཇུའི་ལུགས་སྲོལ་ལྟར་གཡོན་གྲལ་གྱི་འགོར་བོད་བཞུག་ཨམ་བན་གྱི་ཁྲི་དང་གཡས་གྲལ་གྱི་འགོར་བོད་རྗེ་སྲིད་སྐྱོང་གི་ཁྲི་བརྒྱབ་སྟབས་བོད་ཀྱི་མི་ཚོས་བལྟས་ན་སྲིད་སྐྱོང་གྲལ་འགོ་དང་ཨམ་བན་གྲལ་མཇུག་ཏུ་ཡོད་ཅིང་། རྒྱ་དང་མན་ཇུའི་དཔོན་རིགས་ཚོས་བལྟས་ན་ཨམ་བན་གྲལ་འགོ་དང་སྲིད་སྐྱོང་གྲལ་མཇུག་ཏུ་ཡོད་པར་མཐོང་གི་ཡོད། དེ་བཞིན་མི་རིགས་གཞན་དག་སོག་ཡུལ་དུ་སྐུ་མགྲོན་ལ་ཕེབས་སྐབས་སོག་པོའི་མི་རིགས་ཀྱི་ལུགས་སྲོལ་མ་ཤེས་པར་སྦྱིན་བདག་གི་གྲལ་དུ་སྐུ་མགྲོན་བསྡད་ན་སོག་པོའི་མི་རིགས་ཀྱི་ཡུལ་གོམས་གཤིས་ལུགས་ལ་མ་བརྩིས་པར་མངོན་གྱི་ཡོད་པ་བཅས་སྦྱིན་བདག་གིས་སྐུ་མགྲོན་ལ་གུས་ཞབས་ཞུ་སྟངས་དེ་སྦྱིན་བདག་གི་ལུགས་སྲོལ་ལྟར་བྱེད་དགོས་དང་ཡང་ན་སྐུ་མགྲོན་སོ་སོའི་ལུགས་སྲོལ་ལྟར་བྱེད་དགོས་མིན་ཐད་གནས་ཚུལ་དངོས་དང་བསྟུན་དགོས།</br>4. གུས་འདུད་མཚོན་བྱེད་ཀྱི་ཕྱག་འབུལ་ཞུ་སྟངས་དེ་ལ་གྲྭ་པ་དང་ཁྱིམ་པ་ཕོ་མོ་བཅས་ཀྱི་གུས་ལུགས་མི་འདྲ་བ་ཡོད། གྲྭ་པ་རྣམས་ཀྱིས་བླ་དཔོན་གོང་རིམ་རྣམས་ལ་གཟན་སྐྱུར་རྫོགས་འབེབས་ཞེས་པ་ལག་པ་གཡས་པས་གཟན་གྱི་སྣེ་མོ་ནས་བཟུང་སྟེ་རྒྱབ་ངོས་ནས་ལག་པ་གཡོན་པའི་སྟེང་དུ་བཞག་སྟེ་ཕབ་དགོས། དེ་ལས་རིམ་པ་དམའ་བ་དགོན་པའི་ཆོས་ཁྲིམས་པ་དང་དབུ་མཛད་ལྟ་བུར་གཟན་སྐྱུར་ཕྱེད་འབེབས་ཞེས་ལག་པ་གཡས་པས་གཟན་གྱི་སྣེ་མོ་ནས་བཟུང་སྟེ་རྒྱབ་ངོས་ནས་དཔུང་པ་གཡས་པའི་སྟེང་དུ་བཞག་ཙམ་བྱས་པས་འཐུས་པ་དང་། དེ་ལས་ཀྱང་རིམ་པ་དམའ་བ་དགེ་བཤེས་བགྲེས་པ་དང་། ཚོགས་འདུ་བ་སྐུ་བགྲེས། ལས་སྣེ་ཟུར་པ། དགོན་པའི་ནང་བགྲེས་ཤོས་མཚན་ཐོ་དང་པོ་བཅས་ལ་གཟན་སྐྱུར་ཕབ་མི་དགོས་པར་གཟན་གྱི་སྣེ་མོ་ཡ་གཅིག་ལག་པ་གཡས་པས་བཟུང་སྟེ་ལག་པ་གཡས་པའི་འོག་ནས་མདུན་ཕྱོགས་སུ་འཐེན་ཙམ་བྱས་པ་དང་ཆབ་ཅིག་གཟུགས་པོ་སྒུར་ཙམ་བྱས་ན་འགྲིག གཞན་ཡང་བླ་མའི་དྲུང་དུ་ཆོས་ཞུ་བ་དང་། དགེ་རྒན་གྱི་སར་སློབ་ཁྲིད་ཉན་པ་བཅས་གང་གི་སྐབས་སུ་ཡང་ཐོག་མར་བླ་མ་དང་དགེ་རྒན་གྱི་སྒོ་འགྲམ་དུ་སླེབས་པ་དང་ལྷམ་ཕུད་དེ་གཟིམས་སྒོ་དལ་བུས་རྡུང་ཐོག་ནང་དུ་ཡོང་ཆོག་པའི་གནང་བ་ཞུས་ནས་ཞལ་བཞེས་ཐོབ་པ་དང་ནང་དུ་འཛུལ་རྗེས་ཕྱག་འཚལ་དགོས་པ་དང་གཟིམས་ཁང་གི་སྒོ་ཐོན་ཁར་སྐུ་མདུན་ནས་གོམ་པ་གསུམ་ཙམ་བར་ཕྱི་འགྲོས་ཀྱིས་ཡོང་རྗེས་གཞི་ནས་ཁ་ཕྱིར་སློགས་ཏེ་སྒོ་འགྲམ་ནས་སྒོ་དལ་བུས་ཕྱིར་འཐེན་ཐོག་ལྷམ་གྱོན་ནས་གཟིམ་ཁང་མིག་གིས་མ་མཐོང་བའི་སར་མ་སླེབས་བར་དུ་གུས་ཞབས་དང་ལྡན་པའི་ངང་ནས་འགྲོ་དགོས་ཤིང་།</br>དེ་ནས་རང་མོས་ལྟར་སོང་ཆོག་པ་སོགས་ཆོས་ལུགས་ཀྱི་གུས་སྲོལ་བྱེད་སྒོ་མཚོན་བྱེད་ཙམ་ལས་ཞིབ་ཕྲ་འདིར་བཀོད་པར་དགོས་པ་མི་ཆེ་བས་བྲིས་མེད། ཁྱིམ་པ་ཕོ་མོ་རྣམས་ཀྱིས་བླ་དཔོན་གོང་རིམ་རྣམས་མཇལ་སྐབས་ཞྭ་མོ་གྱོན་ཡོད་ན་ཞྭ་མོ་ཕུད་དེ་ལག་པ་གཡས་པས་མདུན་ངོས་སུ་བཟུང་ཐོག་མགོ་སྒུར་ལྕེ་བསྣར་བྱེད་དགོས་ཤིང་། ཞྭ་མོ་གྱོན་མེད་ན་ལག་པ་གཡས་པས་སྐྲའི་ལྕང་ལོ་ནས་བཟུང་སྟེ་རྒྱབ་ངོས་ནས་མདུན་ཕྱོགས་སུ་འཐེན་ནས་ཕྱག་འབུལ་ཞུ་དགོས། བུད་མེད་རྣམས་ཀྱིས་ཞྭ་མོ་ཕུད་དགོས་ཤིང་ཞྭ་མོ་མིན་པར་སྤ་ཕྲུག་གྱོན་ཡོད་ན་སྐྲའི་ལྕང་ལོ་གཡས་པ་རང་གི་མདུན་ཕྱོགས་སུ་འཐེན་པ་ལག་པས་བཟུང་ནས་ལག་པ་གཡས་གཡོན་གྱི་སོར་ མོ་ལྔ་ཕན་ཚུན་འབྲེལ་བ་དང་བཅས་པའི་ཕྱག་འབུལ་ཞུ་དགོས། མདོར་ན་བླ་དཔོན་དང་། གྲྭ་བཙུན། ཁྱིམ་པ་ཕོ་མོ་སུ་ཡིན་ཀྱང་རང་ལས་མཐོ་བ་ལྟ་ཅི་རང་དང་མཉམ་པ་རྣམས་ལ་ཡང་ལུས་ངག་གི་ཐོག་ནས་གུས་བཀུར་གང་ཆེ་བྱ་སྲོལ་ཡོད། གཞན་ཡང་ཚུར་བསུ་ཕར་སྐྱེལ་དང་། སྣེ་ལེན། གདན་བཟོས་བཅས་ལ་གུས་ཞབས་ཞུ་སྟངས་རྣམ་གྲངས་མང་བ་འདིར་མ་བཀོད།</br>5. མིང་འབོད་སོགས་ཀྱི་ཞེ་སའི་ཚིག་དཔེར་ན་མགོ་ལ་དབུ་དང་། ཁ་ལ་ཞལ། གཉིད་ལ་མནལ། སྤྲད་པ་ལ་གནང་བ། སྐྱེ་བ་ལ་འཁྲུངས་པ་སོགས་ཤིན་ཏུ་མང་ཞིང་། གུས་བཀུར་འོས་པའི་རིགས་ཚང་མར་ཞེ་ས་ཐོབ་པ་ཡིན་པས་དེ་རིགས་ལ་ཟོ། འཐུང་། སྡོད། ཉོལ། རྒྱུག ཤོག་ཅེས་པ་ལྟ་བུ་གུས་ཞབས་མེད་པའི་ཚིག་གིས་བརྗོད་མི་རུང་བ་ཤེས་གསལ་ཡིན། </br>6. མགྲོན་འབོད་དང་ཟ་འཐུང་སྐབས་གུས་སྲོལ་མང་པོ་ཡོད་ཅིང་། དེ་སྔའི་དཔོན་རིགས་ཆེ་ཁག་ལ་ཐོབ་ཐང་ཚད་གཞི་མི་འདྲ་བའི་བྱེད་སྲོལ་མང་པོ་ཡོད་པ་འདིར་བཀོད་མེད་ཀྱང་། སྤྱིར་བཏང་བོད་རིགས་མི་དམངས་ཀྱིས་ལོ་གསར་དང་། གཉེན་སྒྲིག་གླིང་གཏོང་སོགས་ལ་དགའ་ཉེ་སྤུན་མཆེད་མགྲོན་འབོད་དང་དགའ་འཛོམས་བྱེད་སྐབས་ངེས་པར་དུ་མགྲོན་བརྡ་སྐྱེལ་རྒྱུ་དེ་གནངས་བརྡ་དང་། གཞེས་བརྡ་ཞེས་ཉིན་གཉིས་གསུམ་གྱི་སྔོན་ནས་གདན་ཞུའི་བརྡ་སྐྱེལ་རྒྱུ་དེ་ནི་གུས་ཞབས་མཚོན་བྱེད་ཡིན། མགྲོན་པོ་རྒན་རབས་དང་དེ་མིན་བཀུར་འོས་ཀྱི་མི་སྣར་སྦྱིན་བདག་སྒོ་ཁར་ཡོང་ནས་བསུ་སྐྱེལ་དང་གདན་ལས་ལངས་པ་སོགས་བབས་བསྟུན་གྱིས་གུས་ཞབས་མཚོན་པར་བྱེད། ཟ་ཆས་དང་ཇ་ཆང་གང་ཡིན་ཀྱང་མགྲོན་པོའི་ཞལ་དཀར་ལ་སྟེགས་ཁེབས་རང་འགྲིག་གཙང་ཞིང་ཆག་གྲུམ་མེད་པ་ཡིན་དགོས་ལ། ངེས་པར་ལག་གཉིས་ཀྱིས་བཏེགས་ནས་ཕུལ་རྗེས་སྦྱིན་བདག་གམ་ངོ་ཚབ་ཀྱིས་གུས་ཞབས་ལྡན་པའི་སྒོ་ནས་མགྲོན་པོར་ཟ་འཐུང་གནང་རོགས་ཞུ་དགོས། རྒྱུན་གཏན་སོ་སོའི་ཁྱིམ་ཚང་གི་རྒན་རབས་རྣམས་ལའང་ཟ་འཐུང་གི་དཀར་ཡོལ་སྔོན་ལ་འབུལ་དགོས། དགའ་འཛོམས་ཀྱི་དུས་སུ་སྨོས་ཅི་རྒྱུན་གཏན་ནང་དུ་ཕྱི་མི་ཡོང་མཁན་ལ་ཆང་དྲངས་སྐབས་ངེས་པར་དུ་གསུམ་སྒྲོན་མཉེས་དག་ཞེས་དཀར་ཡོལ་ཐེངས་གསུམ་སྦྲེལ་ནས་སྦྱིན་བདག་གིས་བླུགས་དགོས་ལ་མགྲོན་པོས་ཀྱང་འཐུང་དགོས་ཤིང་། དང་གཉིས་ནས་ཧུབ་གང་རེ་དང་གསུམ་པ་གཙང་དག་འཐུང་དགོས། ཇ་ཡིན་ན་གང་འཐུང་མི་རྒྱག་པར་ཉུང་མཐར་ཇ་དཀར་ཡོལ་དོ་བླུགས་དགོས་ལ་མགྲོན་པོས་ཀྱང་འཐུང་དགོས། དེ་ནི་མགྲོན་སྦྱིན་གཉིས་ཐད་ནས་ཕན་ཚུན་གུས་ལུགས་མཚོན་པ་ཡིན།</br>7. དེ་སྔོན་བོད་རིགས་རང་གི་གུས་སྲོལ་ལྟར་གོང་ལ་འབུལ་བྱེད་ཡི་གེ་དང་། ཕན་ཚུན་གཏོང་ཡིག་སོགས་འབྲི་དུས་གནས་བབ་མཐོ་དམན་ལ་གཞིགས་ཏེ་ཡི་གེའི་ཐོག་ཆེ་བསྟོད་དང་། མིང་བྱང་སོགས་འབྲི་སྟངས་དང་། བོད་བཟོས་ཤོག་བུ་བྲེ་ཁ་མའི་ཐོག་ཐོབ་ཐང་མི་འདྲ་བར་མགོ་ཤོག་དང་བར་ཤོག་སྟོང་ཆོ་འཇོག་ཚུལ་སོགས་ཆེད་སྒྲིག 《ཡིག་སྐུར་རྣམ་བཞག》ཤ་ནང་ཞིབ་ཏུ་བཀོད་ཡོད་པ་དེང་སྐབས་དེ་ལྟར་ལག་བསྟར་བྱེད་མཁན་མེད་ཀྱང་། བོད་རིགས་མི་དམངས་ཀྱི་འཚོ་བའི་ཁྲོད་དུ་གོང་རིམ་དང་། ཕ་མ། དགེ་རྒན། གྲོགས་ཕོ་མོ་སོགས་ལ་ཞུ་ཡིག་དང་གཏོང་ཡིག་འབུལ་གཏོང་བྱ་རྒྱུ་ནི་རྒྱུན་གཏན་ཞིག་དང་བྲལ་ཐབས་མེད་པ་ཞིག་ཡིན་པས་དེའི་ཐད་ལའང་གུས་ཞབས་ཀྱི་རྣམ་པ་མཚོན་རྒྱུ་ཡོད། ཞུ་ཡིག་དང་གཏོང་ཡིག་འབྲི་སྐབས་གོང་རིམ་དང་། ཕ་མ། དགེ་རྒན་སོགས་འབུལ་ཡུལ་ལ་རྒྱས་བསྡུས་གང་རུང་གི་ཆེ་བསྟོད་དང་འབྲེལ་བའི་མཚན་གྱི་མཐར་དྲུང་དུ་དང་མཆོག་ལ་སོགས་བཀོད་ཐོག་དྲུང་འོག་གམ་སེག་འབེབས་ཀྱིས་གུས་ཕུལ་དང་ཆེད་གསོལ་སོགས་འོས་འཚམས་ཀྱིས་བྲིས་ནས་འབུལ་མཁན་དེའི་གུས་ཞབས་མཚོན་པར་བྱེད། </br>8. མིང་འབོད་ཚུལ་ཐད་ཕྱོགས་གཞན་དག་དང་འདྲ་བའི་གུས་ཞབས་མཚོན་པའི་ཚིག་དང་ཞེ་སའི་འབོད་ཚུལ་མང་པོ་ཡོད་པ་ན་མཚན་ངོ་མའི་རྗེས་སུ་རིན་པོ་ཆེ་ཞེས་སྦྱར་ནས་འབོད་པ་དང་། དེ་སྔའི་སྐུ་དྲག་རྣམས་ལ་སྐུ་ངོ་དང་། ལྕམ། སྲས་དང་སྲས་མོ། དེ་མིན་གུས་པར་འོས་པ་སེར་སྐྱ་གང་རུང་ལ་སྐུ་ཞབས་ཟེར་བ་སོགས་མིང་ལ་སྦྱར་ནས་འབོད་ཀྱི་ཡོད། ལགས་ཞེས་པའི་ཚིག་ནི་སྐྱེ་བོ་ཕོ་མོ་རྒན་གཞོན་སུ་ལའང་བེད་སྤྱོད་ཆོག་པའི་ཞེ་སའི་འབོད་ཚུལ་ཞིག་ཡིན། གཞན་ཡང་བོད་སྐད་ལ་སྐད་རིགས་གཞན་ལས་ལྷག་པའི་གུས་པ་མཚོན་པའི་ཞེ་ས་ཧ་ཅང་ཕུན་སུམ་ཚོགས་པོ་ཡོད་པས་མིའི་འཚོ་བའི་ཁྲོད་དུ་སྤྱོད་པའི་མིང་ཚིག་མང་པོར་མཐོ་དམར་གཞིགས་ནས་བེད་སྤྱོད་བྱ་རྒྱུའི་ཚིག་མི་འདྲ་བ་བརྗོད་ཀྱིས་མི་ལངས་པ་ཡོད།ྱུའི་ཚིག་མི་འདྲ་བ་བརྗོད་ཀྱིས་མི་ལངས་པ་ཡོད།)
• Dictionaries/chos rnam kun btus/4321  + (1.རྒྱུའི་ཡན་ལག་ཚོགས་པ་ལས་ལུས་ཆགས་པའི་དཔེ་ད … 1.རྒྱུའི་ཡན་ལག་ཚོགས་པ་ལས་ལུས་ཆགས་པའི་དཔེ་དོན་བསྟན་པ་ནི། དང་པོ་ཕ་མའི་ཁུ་ཁྲག་སྐྱོན་མེད་པ། ། རྣམ་ཤེས་ལས་དང་ཉོན་མོངས་ཀྱིས་བསྐུལ་ནས། ། འབྱུང་ལྔ་ཚོགས་པ་མངལ་དུ་ཆགས་པའི་རྒྱུ། ། དཔེར་ན་གཙུབ་ཤིང་དག་ལས་མེ་འབྱུང་མཚུངས། ། ཞེས་པ་སྟེ། ཐོག་མར་ལུས་ཆགས་པའི་ཉེར་ལེན་གྱི་དངོས་རྒྱུ་ཡིན་པའི་ཕའི་ཁུ་བ་དང་མའི་ཁམས་དམར་རམ་ཁྲག་དེ་གཉིས་ལ་རླུང་མཁྲིས་བད་ཀན་རྐྱང་པ་ལྡན་འདུས་ཀྱི་ཉེས་པ་མ་སྙོམས་པའི་ནད་ཀྱི་སྐྱོན་མེད་པ་དང་། བར་མ་དོར་རྒྱུ་བའི་རྣམ་པར་ཤེས་པ་མངོན་དུ་གྱུར་ཅིང་སྐྱེ་བའི་གནས་ཡོངས་སུ་འཚོལ་བ་དང་དེ་ཉིད་འདུ་འཕྲོད་དུ་ཞུགས་པའི་ཕ་མ་དེ་གཉིས་ཀྱི་བུར་སྐྱེ་བའི་ལས་ཀྱི་འཕྲོ་དང་ལྡན་པས་ལས་ཀྱི་རླུང་ཤུགས་དྲག་པོས་རབ་ཏུ་བསྐུལ་ནས་ཕ་མ་གཉིས་འདུ་འཕྲོད་བྱུང་བའི་གནས་དེར་ལྷན་ཅིག་ཏུ་འཛོམས་ནས་འགའ་ཞིག་ནི་འཇིགས་པས་སྐྱབས་འཚོལ་བ་དང་། འགའ་ཞིག་ནི་དགའ་སྤྲོས་འཇུག་པར་འདོད་པ་བཅས་མངལ་དུ་འཇུག་པ་ལ་མངོན་པར་ཕྱོགས་པ་དང་། ཕ་མའི་ཁུ་ཁྲག་ལ་རང་ཆས་སུ་ཡོད་པའི་ཤིན་ཏུ་ཕྲ་བའི་འབྱུང་བ་ལྔའི་ཆ་ཤས་བཅས་རྒྱུ་རྐྱེན་མཐའ་དག་གནས་གཅིག་ཏུ་ཚོགས་ཤིང་འདུས་པ་ལས་མངལ་དུ་བུ་ཆགས་པ་ཡིན་ཏེ། དགའ་བོ་མངལ་འཇུག་ལས། དགའ་བོ་འདི་ལྟ་སྟེ་དཔེར་ན་མེ་འདོད་པའི་སྐྱེས་བུས་མེ་ཤེལ་ཕྱུང་ནས་ཉི་མ་ལ་བཞག་སྟེ་བ་ལང་གི་ལྕི་བ་སྐམ་པོའི་སྟེང་དུ་བཞག་ན་གདོད་མེ་འབྱུང་བ་བཞིན་དུ་ཕ་མའི་ཁུ་ཁྲག་རྒྱུ་རྐྱེན་འདུས་པ་ལ་བརྟེན་པའི་ཕྱིར་གདོད་མ་ལ་མངོན་པར་གྲུབ་བོ། ། ཞེས་འབྱུང་བ་ལྟར་རོ། ། མངལ་དུ་ཞུགས་པ་དེ་ལའང་ལས་དང་། བག་ཆགས། སྐྱེ་གནས་ཀྱི་ཁྱད་པར་དང་། རྒྱུ་རྐྱེན་རྟེན་འབྲེལ་ལས་གཟུགས་རྣམ་པ་སྣ་ཚོགས་དག་ཀྱང་འབྱུང་བ་འགྱུར་བ་ཡོད་དེ། སྙིང་པོ་བསྡུས་པའི་རང་འགྲེལ་དུ། དེ་ལ་རྣམ་པར་ཤེས་པ་དབང་པོའི་ཡུལ་ལས་འདས་པ་མའི་མངལ་དུ་ཇི་ལྟར་འཇུག་ཏུ་རུང་ཞེ་ན། དེ་ནི་མངོན་སུམ་གྱིས་དཔེས་བསྟན་ཏེ། ཇི་ལྟར་མེ་ཤེལ་ལ་ཉི་མའི་འོད་ཟེར་གྱིས་ཕོག་པའི་དབང་གིས་རྩྭ་དང་ཤིང་ལ་སོགས་པ་བསྲེག་པར་སྣང་བ་ཡང་། ཤིང་ཡང་མེ་ཤེལ་ལ་རེག་པར་མི་སྣང་ལ། མེ་ཤེལ་ཡང་ཤིང་ལ་རེག་པ་མ་མཐོང་མོད་ཀྱང་ཚིག་པར་སྣང་བ་བཞིན་དུ། རྣམ་པར་ཤེས་པ་མའི་མངལ་དུ་ཞུགས་པའང་མི་སྣང་བའི་སྒོ་ནས་ཞུགས་པ་ཡིན་ནོ། །</br>དེ་ལ་འབྱུང་བ་ཆེན་པོ་ལྔ་ནི། སེམས་ཅན་སྐྱེ་བའི་རྒྱུར་གཅིག་ན་སྐྱེ་བ་རྣམ་པ་དུ་མར་སྣང་བ་ཅིའི་ཕྱིར་ཞེ་ན། མཐུན་པའི་དཔེས་བསྟན་ཏེ་ཇི་ལྟར་སྤྲ་ཚིལ་དང་། ཟངས་མོ་ལ་སོགས་པའི་རྒྱུ་གཅིག་ལས་གཟུགས་ཐ་དད་པ་སྣ་ཚོགས་དགའ་མགུར་བྱར་ཡོད་དེ། ཅིར་ཡང་སྣང་བ་དང་འདྲ་བར་རང་བཞིན་གཅིག་པ་ལས་ཀྱང་ཐ་དད་པ་སྣང་རུང་ངོ་། ། ཞེས་གསུངས་པ་ལྟར་རོ། ། དཔེར་ན་ཕོ་ཤིང་གཙུབས་ཤིང་མེ་ལྕགས་དང་། མོ་ཤིང་གཙུབས་གཏན་མེ་རྡོ། སྤྲ་བ་དུལ་མ་རླན་མེད་པ། སྐྱེས་བུའི་ལག་པས་དེ་དག་རྡེབ་པའི་རྩོལ་བ་བཅས་ལྷན་ཅིག་ཏུ་ཚོགས་པ་དེ་དག་ལས་མེ་འབྱུང་བ་དང་རྣམ་པ་དུ་མའི་སྒོ་ནས་འདྲ་བ་ཡིན་ཏེ། སྙིང་པོ་བསྡུས་པའི་འགྲེལ་པར། དང་པོ་ཕ་མའི་ཁུ་ཁྲག་ལ་རླུང་ལ་སོགས་པའི་ནད་ཀྱི་སྐྱོན་མེད་པ་དང་། ལས་དང་ཉོན་མོངས་པ་དང་ལྡན་པའི་རྣམ་པར་ཤེས་པ་དང་། དེ་དང་ལྷན་ཅིག་ཏུ་ནམ་མཁའ་ལ་སོགས་པའི་འབྱུང་བ་ཆེན་པོ་ལྔ་ཤིན་ཏུ་ཕྲ་བ་དབང་པོའི་ཡུལ་ལས་འདས་པ་རྣལ་འབྱོར་གྱི་ཡུལ་དུ་གྱུར་པ་དེ་དག་སྐད་ཅིག་མངལ་དུ་ཚོགས་ཤིང་འདུས་པ་ནི་རུམ་དུ་ཆགས་པ་ཞེས་བྱ་སྟེ། དཔེར་ན་གཙུབས་ཤིང་དང་། གཏན་པ་དང་། སྤྲ་བ་དང་། སྐྱེས་བུའི་ལག་གི་རྩོལ་བ་བཅས། འདི་དག་ཚོགས་པ་ལས་མེ་འབྱུང་བ་ཡིན་ནོ། ། ཞེས་གསུངས་པ་ལྟར་རོ། །</br>2.རྒྱུའི་ཡན་ལག་མ་ཚོགས་པ་ལས་ལུས་མི་ཆགས་པར་བསྟན་པ་ལ་གསུམ་སྟེ།</br>(1)ནད་ཡོད་ན་འབྱུང་ལྔ་ཚོགས་ཀྱང་རྒྱུར་མི་འགྱུར་བར་བསྟན་པ་ནི། ཁུ་ཁྲག་རླུང་གིས་རྩུབ་ནག་རོ་བསྐ་ལ། ། མཁྲིས་པས་རོ་སྐྱུར་མདོག་སེར་དྲི་མ་མན་མ། ། བད་ཀན་སྐྱ་འབྱར་རོ་མངར་བསིལ་བ་སྟེ། ། ཁྲག་གིས་རུལ་ཏེ་བད་རླུང་དུམ་བུར་ཆད། ། ཁྲག་མཁྲིས་རྣག་འདྲ་བད་མཁྲིས་མདུད་པ་ཅན། ། རླུང་མཁྲིས་སྐམ་ཞིང་འདུས་པ་བཤང་གཅི་འདྲ། ། འདི་དག་སྐྱོན་རེས་ས་བོན་བྱེད་མི་ནུས། ། ཞེས་པ་སྟེ། བུའི་ཉེར་ལེན་དུ་གྱུར་པའི་ཕ་མའི་ཁུ་ཁྲག་གཉིས་ལ་རྣམ་པར་གྱུར་པའི་རླུང་གི་ནད་ཀྱིས་སྐྱོན་དུ་བྱས་པ་ཞིག་ཡིན་ན་དེའི་རྟགས་སུ་ཁུ་ཁྲག་གཉིས་ཀྱི་རེག་བྱ་རྩུབ་པ་དང་། ཁ་དོག་ནག་པ། རོ་བསྐ་བ་བཅས་འབྱུང་བ་དང་། རྣམ་པར་འགྱུར་བའི་མཁྲིས་པའི་ནད་ཀྱི་སྐྱོན་ཡོད་པའི་རྟགས་སུ་སྐྱུར་བ་དང་། མདོག་སེར་བ། ཉ་རུལ་བ་ལྟ་བུའི་དྲི་མནམ་པ་བཅས་འབྱུང་བ། རྣམ་པ་འགྱུར་བའི་བད་ཀན་གྱི་ནད་ཀྱི་སྐྱོན་ཡོད་པའི་རྟགས་སུ་ཁ་དོག་སྐྱ་བ། ངོ་བོ་འབྱར་བག་ཆེ་བ། རོ་མངར་བ། རེག་བྱ་བསིལ་བ་བཅས་འབྱུང་བ་ཡིན་ཅིང་། དེ་ལྟར་འབྱུང་བའི་རྒྱུ་མཚན་ནི། རླུང་མཁྲིས་བད་ཀན་གསུམ་སོ་སོས་རང་གི་མཚན་ཉིད་དང་རྗེས་སུ་མཐུན་པའི་བྱ་བ་བྱེད་པའི་དོན་གྱིས་ཡིན་ལ། དེ་བཞིན་དུ་ཁྲག་གི་ནད་ཀྱི་སྐྱོན་ཡོད་ན་རུལ་ཞིང་མྱུག་པ་ལྟར་གྱུར་པ་དང་། བད་རླུང་གཉིས་ལྡན་གྱི་སྐྱོན་ཡོད་ན་དུམ་བུ་དུམ་བུར་ཆད་དེ་གཅིག་ཏུ་མི་འདུ་བ་དང་། ཁྲག་མཁྲིས་གཉིས་ལྡན་གྱི་སྐྱོན་ཡོད་ན་རྣག་སྨིན་པ་དང་འདྲ་བ་ཤིན་ཏུ་ཉོག་པར་འགྱུར་བ། བད་མཁྲིས་གཉིས་ལྡན་གྱི་སྐྱོན་ཡོད་ན་མདུད་པ་ཅན་ཏེ་གོང་བུ་གཅིག་ཏུ་འདྲིལ་བ། རླུང་མཁྲིས་གཉིས་ལྡན་གྱི་སྐྱོན་ཡོད་ན་ཁུ་ཁྲག་གཉིས་རང་རང་གི་གནས་སུ་སྐམ་པའི་རྣམ་པའམ་ཟད་པར་འགྱུར་ནས་མི་འབྱུང་ལ། ཉེས་པ་དེ་དག་ཐམས་ཅད་འདུས་པའི་སྐྱོན་ཡོད་ན་བཤང་གཅི་གཉིས་ཀྱི་དྲི་དང་འདྲ་བ་བཅས་འབྱུང་བ་ཡིན་ནོ། །</br>མདོར་ན་ཇི་སྐད་བཤད་པའི་སྐྱོན་དེ་དག་རེ་རེ་ཙམ་ཡོད་པས་ཀྱང་དབང་པོ་ཡན་ལག་ཚང་ཞིང་ཁམས་དང་སྐྱེ་མཆེད་དྭངས་པའི་བུའི་ས་བོན་གྱི་དོན་ཚུལ་བཞིན་བྱེད་མི་ནུས་སོ། །</br>དེའི་ཕྱིར་བུ་འདོད་པའི་ཕོ་མོ་དག་གིས་དེ་དག་ལྷན་ཅིག་མ་འདུས་པའི་སྔོན་རོལ་དུ་ཁུ་ཁྲག་གཉིས་ལ་ནད་ཀྱི་སྐྱོན་ཡོད་མེད་ལེགས་པར་བརྟགས་ནས་ཉེས་པའི་སྐྱོན་ཡོད་ན་དེ་རྣམས་སེལ་བར་བྱ་དགོས་པ་སྟེ། འདིར་སེལ་ཐབས་དངོས་སུ་མ་བསྟན་ཀྱང་། སྙིང་པོ་བསྡུས་པར། རླུང་ལ་སོགས་པས་གནོད་གྱུར་པ། ། རང་གི་སྨན་གྱིས་གསོ་བར་བྱ། ། ཞེས་གསུངས་པ་ལྟར་མན་རྒྱུད་ཀྱི་གསང་ནད་གསོ་བའི་སྐབས་སུ་ཇི་སྐད་བཤད་པ་བཞིན་དུ་གསོ་བར་བྱ་དགོས་སོ། །</br>(2)ལས་མ་འཛོམས་ན་རྒྱུར་མི་རུང་བར་བསྟན་པ་ནི། ལས་མ་འཛོམས་ན་རྣམ་ཤེས་མི་འཇུག་སྟེ། ཞེས་པ་སྟེ། ཉེར་ལེན་གྱི་རྒྱུར་གྱུར་པའི་ཁུ་ཁྲག་གཉིས་ལ་ནད་ཀྱི་སྐྱོན་དེ་དག་མེད་ནའང་བར་མ་དོའི་སྲིད་པ་དེས། སྤྱིར་མི་རུ་སྐྱེ་འགྱུར་གྱི་ལས་བསགས་ཡོད་པ་དང་། བྱེ་བྲག་ཏུ་འདུ་འཕྲོད་དུ་ཞུགས་པའི་ཕ་མ་དེ་གཉིས་ཀྱི་བུར་སྐྱེ་འགྱུར་གྱི་ལས་བསགས་ཡོད་ན་ནི་ལས་འཛོམས་པ་ཡིན་པས་མངལ་དུ་འཇུག་པར་འགྱུར་ལ་དེ་ལས་བཟློག་སྟེ་ཕ་མ་དེ་གཉིས་ཀྱི་བུར་སྐྱེ་བའི་ལས་མ་འཛོམས་ན་ནི། ཕོ་མོ་འདུ་འཕྲོད་ལ་ཞུགས་ཤིང་། བར་སྲིད་མངོན་དུ་གྱུར་ཀྱང་རྣམ་པར་ཤེས་པ་དེ་མངལ་དུ་མི་འཇུག་སྟེ་དེ་གཉིས་ཀྱི་བུར་སྐྱེ་བའི་ལས་ཀྱི་རྒྱུ་མ་ཚང་བའི་ཕྱིར། མདོ་ལས། འཇིག་རྟེན་འདི་དག་ནི་ལས་ཀྱི་སྐྱེས་པ། ལས་ཀྱི་བགོ་སྐལ་ལ་སྤྱོད་པའོ། ། ཞེས་དང་། མཛོད་ལས། འཇིག་རྟེན་སྣ་ཚོགས་ལས་ལས་སྐྱེས། ། ཞེས་དང་། སྐྱེས་རབས་ལས་ཀྱང་། ལས་མེད་ན་ནི་སྐྱེ་བའི་མཚམས་མི་སྦྱོར། ། ཞེས་གསུངས་པ་ལྟར་ལས་མ་འཛོམས་ན་མངལ་དུ་ཆགས་པ་མི་འགྱུར་རོ། ། </br>(3)འབྱུང་ལྔ་མ་འཛོམས་ན་རྒྱུར་མི་འགྱུར་བའི་ཚུལ་བསྟན་པ་ནི། ས་མེད་མི་འགྲུབ་ཆུ་མེད་སྡུད་མི་ནུས། ། མེ་མེད་མི་སྨིན་རླུང་མེད་འཕེལ་མི་འགྱུར། ། ནམ་མཁའ་མེད་པར་འཕེལ་བའི་གོ་མི་འབྱེད། ། ཅེས་པ་སྟེ། ཁུ་ཁྲག་གཉིས་ལ་ནད་ཀྱི་སྐྱོན་མེད་པ་དང་ལས་འཛོམས་ནའང་ས་སོགས་འབྱུང་བ་ལྔ་ཀ་མ་ཚང་ན་ཡང་ལུས་ལྷན་ཅིག་པའི་རྒྱུ་རྐྱེན་མི་འགྲུབ་པ་སྟེ། ཁུ་ཁྲག་གཉིས་ལྷན་ཅིག་ཏུ་ཚོགས་པ་དེའི་ཚེ་དེར་འབྱུང་བ་ཆེན་པོ་རྣམས་ཀྱི་ནང་ནས་སའི་རང་བཞིན་གྱི་ནུས་པ་དེ་མེད་ན་འབྱུང་བ་གཞན་རྣམས་ཡོད་ཀྱང་ལུས་སུ་མི་འགྲུབ་སྟེ། ལུས་ཀྱི་སྲ་བ་སོགས་གཟུགས་ཀྱི་རང་བཞིན་ཕལ་ཆེར་ས་ལས་གྲུབ་པའི་ཕྱིར་དང་། དེ་བཞིན་དུ་ཆུའི་རང་བཞིན་གྱི་ནུས་པ་དེ་མེད་ན་འབྱུང་བ་གཞན་རྣམས་ཡོད་ཀྱང་གཅིག་ཏུ་བསྡུ་བར་མི་ནུས་ཏེ་གོར་གོར་མེར་མེར་སོགས་ཆུ་ཡིས་བསྡུས་པའི་ཕྱིར་རོ། ། དེ་བཞིན་དུ་མེ་ཡི་རང་བཞིན་གྱི་ནུས་པ་དེ་མེད་ན་འབྱུང་བ་གཞན་རྣམས་ཡོད་ཀྱང་རིམ་པར་མི་སྨིན་ཏེ་སྨིན་པ་ནི་མེ་ཡིས་བྱེད་པའི་ཕྱིར་རོ། ། དེ་བཞིན་དུ་རླུང་གི་རང་བཞིན་གྱི་ནུས་པ་དེ་མེད་ན་འབྱུང་བ་གཞན་རྣམས་ཡོད་ཀྱང་ལྕི་ཞིང་འཐས་པར་གནས་ནས་ཆེར་སྐྱེས་ཅིང་འཕེལ་བར་མི་ནུས་ཏེ་སྐྱེས་ཤིང་འཕེལ་བ་ནི་རླུང་གིས་བྱེད་པའི་ཕྱིར་རོ། ། དེ་བཞིན་དུ་ནམ་མཁའ་སྟོང་པའི་ཆ་ཤས་ཀྱི་རང་བཞིན་དེ་མེད་ན་འབྱུང་བ་གཞན་རྣམས་ཡོད་ཀྱང་ཆེར་འཕེལ་བར་མི་འགྱུར་ཏེ་འཕེལ་ཞིང་རྒྱས་པའི་གོ་སྐབས་མི་འབྱེད་པར་བཀག་པའི་ཕྱིར་རོ། ། </br>3.ཁུ་ཁྲུག་སྐྱོན་མེད་པ་ལས་མངལ་ཇི་ལྟར་ཆགས་ཚུལ་བསྟན་པ་ལ་དྲུག་སྟེ།</br>(1)ཁུ་ཁྲག་སྐྱོན་མེད་ཀྱི་མཚན་ཉིད་བསྟན་པ་ནི། ཁུ་བ་དཀར་ལྕི་མངར་ལ་མང་བ་དང་། ཟླ་མཚན་ཚོས་ཁུ་རི་བོང་ཁྲག་འདྲ་བ། ། བཀྲུས་ན་དག་འགྱུར་སྐྱོན་མེད་མངལ་ཆགས་བྱེད། ། ཅེས་པ་སྟེ། སྐྱེས་པའི་ཁུ་བ་མདོག་སྦྲང་རྩི་ལྟར་དཀར་ཞིང་འོད་འཚེར་བ། ངོ་བོ་ལྕི་ཞིང་རོ་བསྐ་མངར་དང་ལྡན་པ། བོངས་མང་དུ་འབྱུང་བ་བཅས་དང་། བུད་མེད་ཀྱི་ཟླ་མཚན་དེ་ཡང་རེས་འགའ་རྒྱ་སྐྱེགས་ཀྱི་ཁུ་བ་ལྟར་སྨུག་པ་དང་། ཡང་ན་རེས་འགར་རི་བོང་གི་ཁྲག་དང་འདྲ་བར་མདོག་དམར་ལ་ངོ་བོ་དྭངས་པར་གོས་ལ་འགོས་པ་རྣམས་ཆུ་གྲང་གིས་བཀྲུས་ན་ཁྲག་གི་ཤུལ་མེད་ཅིང་དག་པར་འགྱུར་བ་བཅས་ནི་ཁུ་ཁྲག་གཉིས་ཀ་ལ་ནད་ཀྱི་སྐྱོན་མེད་པའི་རྟགས་ཡིན་པས་དེས་མངལ་ཆགས་པའི་ས་བོན་གྱི་དོན་ཚུལ་བཞིན་དུ་བྱེད་ནུས་པ་ཡིན་ནོ། །</br>དེ་ཡང་མན་རྒྱུད་དུ། མོ་གཤམ་ཟླ་མཚན་མང་ལ་མདོག་མི་འགྱུར། ། ཞེས་བཤད་པས་འདིར་ཟླ་མཚན་སྨུག་པོ་དང་དམར་པོ་རེས་མོས་ཀྱི་འབབ་པར་བཤད་པ་ནི་མངལ་ཆགས་པའི་ས་བོན་སྐྱོན་མེད་ཡིན་ན། ཟླ་མཚན་གྱི་མདོག་འགྱུར་བ་ཅན་ཞིག་ཡིན་དགོས་པར་བསྟན་པ་ཡིན་ནོ། ། </br>(2)ཟླ་མཚན་འབྱུང་བའི་དུས་བསྟན་པ་ནི། བུད་མེད་བཅུ་གཉིས་ལོན་ནས་ལྔ་བཅུའི་བར། ། དྭངས་མ་ལས་བྱུང་ཟླ་རེར་བསགས་པའི་ཁྲུག རྩ་ཆེན་གཉིས་ནས་ནག་ཅིང་དྲི་བྲལ་བ། ། རླུང་གིས་མངལ་གྱི་སྒོར་འབྱིན་ཞག་གསུམ་འཛག ། ཅེས་པ་སྟེ། དེ་ལྟར་བཤད་པའི་ཟླ་མཚན་དེ་ཡང་སྦྲུམ་མ་མ་གཏོགས་བུད་མེད་རྣམས་སྤྱིར་བཏང་ཙམ་དུ་ལོ་ན་བཅུ་གཉིས་ལོན་པའི་དུས་ནས་སམ། བྱེ་བྲག་ཏུ་བུད་མེད་སོ་སོའི་ལུས་ཟུངས་དང་། རྩ་རླུང་གི་སྟོབས་ནམ་རྫོགས་མཚམས་ནས་ལོ་ངོ་ལྔ་བཅུ་ཡས་མས་ལུས་ཀྱི་སྟོབས་འབྲི་བ་ལ་ཕྱོགས་པའི་པར་ཟས་སྐོམ་གྱི་དྭངས་མ་རྣམས་ལས་རིམ་བཞིན་བྱུང་བའི་ཐ་མ་ཁམས་དཀར་དམར་གྱི་ཆ་ཤས་གཉིས་སུ་ཡོད་པའི་དམར་ཆ་དེ་བསམ་བསེའུ་ནས་བུ་སྣོད་གཡས་གཡོན་དུ་འབྲེལ་བའི་རྩ་ཆེན་གཉིས་པོ་བརྒྱུད་ཟླ་བ་རེ་རེ་བཞིན་མངལ་ལམ་བུ་སྣོད་ཀྱི་ནང་དུ་(མེས་ཞལ་དང་བི་སྔོན་ལས་བསམ་བསེར་གསོག་པའི་ཁྲག་ཡིན་ཞེས་གསུངས་)རིམ་པར་གསོག་པ་ཁྲག་ཐུམ་དུ་གྱུར་ནས་སླར་དུས་ལ་བབས་པ་ན་ཁྲག་ཐུམ་དེ་ཉིད་བུ་སྣོད་ནས་རྣག་སྨིན་པ་ལྟ་བུར་རྡོལ་ཏེ་ཐོག་མར་ཁ་དོག་ཀྱང་ཅུང་ཟད་གནག་ཅིང་(བཀླགས་པས་ཀུན་ཤེས་ལས། རྣག་པ་ལྟ་བུའི་ཚུལ་གྱིས་ཞེས་བཤད།)དྲི་མ་དང་བྲལ་བ་ཞིག་ཐུར་སེལ་རླུང་གིས་མངལ་གྱི་སྒོར་འབྱིན་ནས་ཞག་གསུམ་མམ་ལྔའི་བར་འཛག་པ་ཡིན་ཅིང་། ཁམས་དམར་དེ་ཉིད་ཟླ་བ་རེ་རེ་བཞིན་དེ་དང་དེའི་དུས་ཚིགས་སུ་ནད་ཀྱི་སྐྱོན་མེད་ན་ངེས་པར་འབྱུང་བས་ན་དེར་ཟླ་མཚན་ཞེས་བྱ་ཞིང་། གཞན་ཡང་སྙིང་པོ་བསྡུས་པར། བུད་མེད་ཀྱི་ཟླ་མཚན་ཟླ་བ་གཅིག་ལ་ལན་གསུམ་འབྱུང་ཞེས་གསུངས་འདུག་ཀྱང་དེ་ནི་རང་ལུགས་དང་མི་མཐུན་པས་ཡིག་ནོར་མིན་ནམ་སྙམ། ཡིག་ནོར་མ་ཡིན་ཟེར་ན་ཡུལ་ལུང་སོ་སོའི་ཁྱད་པར་གྱི་རྐྱེན་བྱེད་པའམ། ཡང་ན་གནམ་གཤིས་སོགས་ཀྱི་ཁྱད་པར་ལས་བྱུང་བ་ཡོད་སྲིད་པ་ཡིན་ནམ་སྙམ། དེའང་བུ་མོ་ལོ་ན་བཅུ་གཉིས་མ་ལོན་གོང་དུ་དྭངས་མ་རྣམས་རང་རང་གི་གསོ་སྐྱེད་ཀྱི་བྱ་བས་མངལ་དུ་གསོག་པའི་སྐབས་མེད་ལ། ལོ་ན་ལྔ་བཅུ་ཐལ་ནས་འབྱུང་བ་ཉམས་ཏེ་ལུས་སྟོབས་བྲི་ཞིང་གསོལ་པའི་རྒྱུ་མེད་པའི་དབང་གིས་ཟླ་མཚན་མི་འབྱུང་ལ་བུ་ཆགས་པའི་ནུས་པའང་མེད་དོ། ། འདི་ཐུན་མོང་སྤྱི་ཙམ་གྱི་དབང་དུ་བྱས་ནས་གསུངས་པ་ཡིན་གྱི་མཐའ་གཅིག་ཏུ་བཅུ་གཉིས་དང་ལྔ་བཅུ་ཁོ་ནར་ཟླ་མཚན་འབྱུང་བ་དང་ཚད་པ་ཡི་ངེས་པ་མེད་ཏེ། བུད་མེད་སོ་སོའི་ལུས་ཁམས་སྟོབས་ཆེ་ཆུང་གི་ཁྱད་པར་ལས་མི་འདྲ་བའི་ཁྱད་པར་ཡང་མང་དུ་འབྱུང་ངོ་། །</br>མན་རྒྱུད་ལས། ལུས་ཟུངས་ཕྱི་མ་ཁུ་བ་དཀར་དམར་གཉིས། ། ཟླ་མཚན་དམར་པོ་བཅུ་གསུམ་ལོན་ནས་འཛགས། ། མངལ་ནང་ཁུ་བ་འཛིན་ཅིང་ཤ་ལུས་སྐྱེད། ། ཅེས་བཅུ་གསུམ་གསུངས་པ་ནི་མངལ་ཆགས་ནས་འགོ་འཛིན་པ་དང་། འདིར་བཅུ་གཉིས་ཞེས་པ་སྐྱེས་ནས་འགོ་འཛིན་པའི་ཁྱད་པར་ཡིན་པ་ལས་དོན་གཅིག་གོ །</br>(3)དེའི་རྟགས་བསྟན་པ་ནི། དེ་རྟགས་ཉམས་ཆུང་བཞིན་རས་ངན་པ་དང་། ། ནུ་མ་རྐེད་པ་འགུལ་བ་མིག་དཀུ་གཡོ། ། སྐྱེས་པ་འདོད་པ་ཟླ་མཚན་ལྡན་པའི་རྟགས། ། ཞེས་པ་སྟེ། བུད་མེད་རྣམས་ལ་ཟླ་མཚན་དེ་ལྡན་པའི་རྟགས་སུ་ལུས་ཀྱི་ཉམ་ཤེད་དེ་ནམ་རྒྱུན་ལས་ཆུང་ཞིང་བཞིན་རས་ཅུང་ཟད་རིད་པས་མདོག་ངན་པར་སྣང་བ་དང་། ནུ་མ་ཆེར་སྐྱེ་བ། རྐེད་པ་འགུལ་ཞིང་ན་བ། མིག་ལྕིབས་དང་། དཀུ་ཞེས་པ་རྐེད་པ། ཚང་ར། ལྟོ་བ། རྒྱུ་ཞབས། མངལ་བཅས་ཀྱི་མིང་ཡིན་ལ་སྐབས་ཐོབ་སྦྱར་དགོས་པས་ད་ལམ་འདིར་མངལ་ཁ་གཡོ་ཞིང་སྦོས་པ། ཆགས་པས་གཟིར་ཏེ་སྐྱེས་པ་དང་འཁྲིག་པར་འདོད་པ་བཅས་ནི་ཟླ་མཚན་ལྡན་པའི་རྟགས་ཡིན་ནོ། ། པར་གཞིའི་དཀྱུས་སུ། ཟླ་མཚན་ལྡན་པ་སྐྱེས་པ་འདོད་པའི་རྟགས། ། ཞེས་བྱུང་ཡང་། དེ་ནི་ཡིག་ནོར་ཡིན་པ་མངོན་ཏེ་ད་ལྟ་འདིར་སྐྱེས་པ་འདོད་པའི་རྟགས་འཆད་པ་མ་ཡིན་ལ། ཟླ་མཚན་ལྡན་པའི་རྟགས་འཆད་པའི་སྐབས་ཡིན་པའི་ཕྱིར་གོང་ལྟར་བཤད་ན་བདེ་བར་སེམས་ལ་སྐྱེམས་འགྲེལ་ལས་ཀྱང་དེ་ལྟར་བཤད་པ་ཉིད་ལེགས་པར་བཤད་པའོ། །</br>(4)མངལ་ལེན་པའི་དུས་དང་ཕོ་མོའི་འགྱུར་ཚུལ་བསྟན་པ་ནི། དང་པོའི་ཞག་གསུམ་བཅུ་གཅིག་བུ་མི་ལེན། ། མངལ་ཁ་བྱེ་ནས་ཞག་ནི་བཅུ་གཉིས་བར། ། གཅིག་གསུམ་ལྔ་བདུན་དགུ་ལ་བུར་འགྱུར་ཏེ། ། གཉིས་དང་བཞི་དྲུག་བརྒྱད་ལ་བུ་མོར་འགྱུར། ། ཉི་མ་ནུབ་པའི་པད་མའི་ཁ་ཟུམ་བཞིན། ། བཅུ་གཉིས་འདས་ནས་ཁུ་བ་མངལ་མི་སྡོད། ། ཅེས་ཚིགས་རྐང་སྔ་ཕྱི་ཅུང་ཟད་བསྒྱུར་ནས་འཆད་ན་གོ་བདེ་བས་དང་པོའི་ཞག་གསུམ་སྟེ་ཟླ་མཚན་ལྡན་བཞིན་པའི་ཞག་གསུམ་ལ་བུ་མི་ལེན་ཞེས་མངལ་ཆགས་པར་མི་འགྱུར་ལ། སྐབས་དེར་འཁྲིག་པ་སྤྱོད་པའང་སྨད་དེ་ཕ་མ་གཉིས་ཀའི་ལུས་ལ་གནོད་པས་སྐབས་དེར་འཁྲིག་པ་སྤྱོད་མི་རུང་ཞིང་སྤྱད་ཀྱང་བུ་མི་ལེན་པ་སྟེ་མངལ་ཆགས་པར་མི་འགྱུར་ལ་སྤྱིར་བཏང་ཞག་གསུམ་ཟླ་མཚན་ཕྱིར་བབས་ཟིན་ནས་ཀྱང་། ད་དུང་དེ་ནས་བརྩིས་པའི་ཞག་བཅུ་གཅིག་བར་དུ་ལའང་བུ་མི་ལེན་ཞེས་མངལ་ཆགས་པར་མི་འགྱུར་བ་སྟེ་བུའི་ས་བོན་ཁམས་དམར་དེ་ད་དུང་ཐོག་མར་གསོག་བཞིན་པའི་གསར་པ་ཡིན་པས་མ་སྨིན་པའི་ཕྱིར་མདོར་ན་ཟླ་མཚན་ལྡན་ནས་ཞག་བཅུ་བཞིའི་རིང་ལ་མངལ་ཆགས་པར་མི་འགྱུར་ཞིང་། ཞག་བཅུ་བཞི་འདས་ནས་མངལ་ཁ་བྱེ་བ་སྟེ་བུའི་ས་བོན་ཁམས་དམར་དེ་ཤེད་ཡོངས་སུ་རྫོགས་ནས་སྨིན་པའི་དུས་ཡིན་སྟབས་དེ་ནས་བརྩིས་པའི་ཞག་བཅུ་གཉིས་ཀྱི་རིང་བུ་ཆགས་པའི་དུས་ཡིན་པས་རིགས་རྒྱུད་འདོད་པ་དག་གིས་སྐབས་འདིར་ཕ་མ་གཉིས་ཀས་ཟས་སྤྱོད་ལེགས་པར་བསྟེན་ལ། ཁྲུས་དང་གཙང་སྦྲ་ལེགས་པར་བྱས་ཏེ་ཕོ་མོ་གཉིས་འདུ་འཕྲོད་ལ་ཞུགས་ན་དུས་དེའི་ནང་མངལ་ཆགས་པར་འགྱུར་བས་དེ་ལྟར་བུ་ལེགས་པར་འདོད་པ་རྣམས་ཀྱིས་ཇི་ལྟར་བྱ་བའི་ཐབས་བཞིན་ཚུལ་བཞིན་དུ་སྤྱད་པར་བྱའོ། ། ཞག་བཅུ་གཉིས་ཀྱི་དུས་དེ་འདས་ནས་འཁྲིག་པ་སྤྱད་ཀྱང་ཁུ་བ་མངལ་དུ་མི་སྡོད་པ་སྟེ་མངལ་ནང་ཁམས་དམར་དེ་རྙིང་ནས་ཁྲག་རོ་བསགས་པ་དེ་མང་དུ་སོང་ནས་ཞག་བཞི་ལྔའི་མཚམས་ནས་ཕྱིར་རྡོལ་རན་པས་ཁུ་བ་དེ་མངལ་དུ་འཛིན་པའི་ནུས་པ་ཡོངས་སུ་བྲལ་བས་ཕྱིར་དོན་པར་འགྱུར་རོ། ། དཔེར་ན་ཉི་མར་བསྟེན་ནས་ཁ་འབྱེད་པའི་མེ་ཏོག་པད་མའི་ཁ་ཉི་མ་ནུབ་པ་དང་ཟུམ་འགྲོ་བ་བཞིན་དུ་ཞག་གྲངས་བཅུ་གཉིས་པོ་འདས་ནས་མངལ་གྱི་ཁ་ཟུམ་པར་འགྱུར་བའོ། ། འདིར་བཅུ་གཉིས་འདས་ནས་མངལ་ཁ་ཟུམ་པར་གསུངས་པ་ནི་སྤྱི་ཙམ་དུ་གསུངས་པ་ཡིན་ལ། བྱེ་བྲག་བུད་མེད་སོ་སོའི་ལུས་ཁམས་ཀྱི་ཁྱད་པར་མི་འདྲ་བ་ལས་མངལ་ཁ་ཟུམ་པའི་ཞག་གྲངས་ཀྱང་མི་འདྲ་བ་རེ་ཡོད་པ་སྟེ། ལ་ལར་ཞག་བཅུ་གཉིས་མ་ཚང་གོང་ནས་མངལ་ཁ་ཟུམ་འགྲོ་བ་དང་འགའ་ཞིག་ཞག་བཅུ་གཉིས་འདས་ཀྱང་མི་ཟུམ་པ་དག་ཀྱང་ཡོད་དོ། ། འདིར་ཟླ་མཚན་ཐོག་མར་བབས་པ་ནས་ཞག་བཅུ་བཞིའི་རིང་བུ་མི་ལེན་པ་ཞེས་གཅིག་ཏུ་མི་བརྗོད་པར་དང་པོའི་ཞག་གསུམ་དང་ཞིག་བཅུ་གཅིག་གཉིས་སོ་སོར་ཕྱེ་ནས་བརྗོད་པར་དགོས་པ་ཅི་ཡོད་སྙམ་ན་དང་པོའི་ཞག་གསུམ་དམིགས་བསལ་དུ་བཤད་པ་ནི་ཟླ་མཚན་འབབ་བཞིན་པའི་དུས་ཡིན་པས་སྐབས་དེར་མངལ་མི་ཆགས་པར་མ་ཟད་འཁྲིག་པ་སྤྱོད་པའང་སྨད་ཅེས་བཤད་ལ་མངལ་ཆགས་ནས་ཕོ་མོའི་འགྱུར་ཚུལ་བསྟན་པ་ནི་དེ་ལྟ་བུའི་ས་བོན་ཁམས་དམར་དེ་མ་སྨིན་པའི་ཞག་བཅུ་བཞི་ཡོལ་ནས་བརྩིས་པའི་ཞག་དང་པོ་དང་གསུམ་པ་ལྔ་པ་བདུན་པ་དགུ་པ་རྣམས་སུ་འཁྲིག་པ་སྤྱད་ཚེ་བུ་ཕོར་འགྱུར་བ་དང་། དེ་བཞིན་ཞག་གཉིས་པ་བཞི་པ་དྲུག་པ་བརྒྱུད་པ་རྣམས་སུ་འཁྲིག་པ་སྤྱད་ན་བུ་མོར་འགྱུར་བ་ཡིན་ནོ། ། ཞེས་འདིའི་སྐབས་བུ་ཕོར་འགྱུར་བ་དང་བུ་མོར་འགྱུར་བ་ནི་རང་རང་གི་རྒྱུ་རྐྱེན་སྣ་ཚོགས་པ་ཞིག་འཛོམས་དགོས་པ་ལས་རྒྱུ་རྐྱེན་རེ་རེ་ཙམ་གྱིས་ཕོ་མོར་འགྱུར་ནུས་པ་མིན་ཏེ་གཙོ་བོ་ཕ་མའི་ཁམས་དཀར་དམར་ལ་ཁུ་བའི་ཆའམ་བུར་འགྱུར་བའི་ཁམས་མང་ན་བུར་འགྱུར་བ་དང་། ཟླ་མཚན་ནམ་བུ་མོར་འགྱུར་བའི་ཁམས་མང་ན་བུ་མོར་འགྱུར་བ་ཡིན། ཞག་གྲངས་ཁོ་ནས་ཕོ་མོར་འགྱུར་བའི་ངེས་པ་བྱེད་མི་ཐུབ་ཀྱང་རྒྱུ་རྐྱེན་རྟེན་འབྲེལ་རྣམས་འཛོམས་ན་འཁྲིག་པ་སྤྱོད་དུས་དེ་ལྟ་བུས་ཀྱང་རྒྱུ་རྐྱེན་གཞན་དང་ལྷན་དུ་ཕོ་མོར་འགྱུར་བའི་རྐྱེན་བྱེད་ནུས་པ་ལས་མཐའ་གཅིག་ཏུ་གཅིག་གསུམ་ལྔ་བདུན་དགུར་བུར་འགྱུར་བ་དང་གཉིས་དང་བཞི་དྲུག་བརྒྱུད་པར་བུ་མོར་འགྱུར་བའི་ངེས་པ་མེད་དོ། ། </br>(5)སྐྱེ་གནས་ཀྱི་འགྱུར་ཚུལ་བསྟན་པ་ནི། ཁུ་བ་མང་བ་བུ་རུ་སྐྱེ་འགྱུར་གྱི། ། ཟླ་མཚན་མང་བ་བུ་མོར་སྐྱེ་བར་འགྱུར། ། ཆ་མཉམ་མ་ནིང་བྱེ་ལས་མཚེ་མར་སྐྱེ། སྐྱེ་གནས་མི་མཐུན་པ་དང་གཟུགས་མི་སྡུག ། འདི་དག་གནོད་པའི་དྲི་མས་སྐྱེ་བར་འགྱུར། ། ཞེས་པ་སྟེ། མངལ་དུ་ཕ་མ་གཉིས་ཀྱི་ཁུ་ཁྲག་ལྷན་ཅིག་ཏུ་ཚོགས་པ་དེའི་ཚེ་བུའི་རྒྱུར་གྱུར་པའི་ཁུ་བའི་ཆ་མང་ན་བུ་ཕོ་རུ་སྐྱེ་བར་འགྱུར་ལ། ཟླ་མཚན་སྟེ་བུ་མོར་གྱུར་པའི་ཁུ་བའི་ཆ་མང་ན་བུ་མོར་སྐྱེ་བར་འགྱུར་བ་དང་། ཁུ་ཁྲག་མང་ཉུང་ཆ་མཉམ་པའི་ཚེ་མ་ནིང་སྟེ་མཚན་མེད་མ་ནིང་དང་། མཚན་གཉིས་མ་ནིང་དང་། འགྱུར་བ་མ་ནིང་སོགས་གང་ཡང་རུང་བར་འགྱུར་བ་དང་། ཁུ་ཁྲག་གཉིས་གཅིག་ཏུ་འདྲེས་པས་མེར་མེར་པོ་དེ་ཉིད་རླུང་གི་བྱེད་པ་འགའ་ཞིག་གིས་དུམ་བུ་གཉིས་སམ་གསུམ་དུ་ཕྱེས་པ་ལས་གྲངས་ཇི་ཙམ་བྱེ་བ་ལས་ནི་དེ་ཙམ་གྱི་མཚེ་མར་འགྱུར་བ་ཡིན་ཞིང་། དེ་ཡང་གཉིས་ཀར་ཁུ་བའམ་ཁམས་དཀར་གྱི་ཆ་ཤས་ཆེ་ན་མཚེ་དཀར་དང་། གཉིས་ཀར་ཁམས་དམར་གྱི་ཆ་ཤས་ཆེ་ན་མཚེ་ནག གཅིག་ཁམས་དཀར་གྱི་ཆ་ཤས་ཆེ་བ་དང་། གཅིག་ཤོས་ཁམས་དམར་གྱི་ཆ་ཤས་ཆེ་བ་ལས་མཚེ་ཁྲ་ཞེས་ཕོ་མོ་གཉིས་སུ་འགྱུར་བ་ཡིན་ཏེ། སྙིང་པོ་བསྡུས་པ་ལས། ཁུ་ཁྲག་རླུང་གིས་དུ་མར་ཕྱེ། ། ཇི་ལྟ་བ་ལས་མཚེ་མར་འབྱུང་། ཞེས་གསུངས་པ་ལྟར་རོ། །</br>(6)མངལ་ཆགས་པའི་རྟགས་བསྟན་པ་ནི། མངལ་ཆགས་མཚན་མས་ས་བོན་འཛིན་པ་དང་། ། འདོད་པ་ངོམས་ཤིང་ལུས་སྙོམས་ལྕི་བ་ཡིན། ། ཞེས་པ་སྟེ། ཇི་སྐད་བཤད་པའི་ས་བོན་དང་ལྷན་ཅིག་ཏུ་བར་མ་དོའི་སྲིད་པ་དེ་ཉིད་མངོལ་དུ་ཆགས་ཤིང་གནས་པའི་མཚན་མའམ་རྟགས་ནི་འདི་ལྟ་སྟེ། ཕོ་མོ་གཉིས་འཁྲིག་པར་ཞུགས་པ་ལས་བྱུང་བའི་ས་བོན་དེ་ ཉིད་མངལ་གྱི་ནང་དུ་འཛིན་ནས་ཕྱིར་མི་འབྱུང་བ་དང་། དེས་བུད་མེད་དེ་རེ་ཞིག་འདོད་པ་ངོམས་ཤིང་ཚིམ་པ། གློ་བུར་དུ་བྱ་བ་གང་ལ་ཡང་མི་སྤྲོ་བར་སྐྱིད་པ་སྐྱུར་བ་སྟེ་ལུས་སྙོམས་པ་དང་། ལུས་སྔར་ལས་ལྕི་ཞིང་དུབ་པ། ཡན་ལག་འདར་བ། སྙིང་གི་འཕར་གྲངས་ཅུང་མགྱོགས་སུ་འགྲོ་བ། བ་སྤུ་ལྡང་བ་སོགས་ཀྱི་མངོན་རྟགས་དེ་རྣམས་ལྡན་པར་གྱུར་ན་མངལ་ཆགས་པའི་རྟགས་ཡིན་པ་ཤེས་པར་བྱའོ། །</br>4.རྒྱུ་ལས་འབྲས་བུ་སྐྱེད་ཚུལ་བསྟན་པ་ནི། ཕ་ཡི་ཁུ་བས་རུས་པ་ཀླད་གཞུང་སྐྱེད། ། མ་ཡི་ཟླ་མཚན་ཤ་ཁྲག་དོན་སྣོད་སྐྱེད། རང་གི་སེམས་ལས་དབང་པོའི་རྣམ་ཤེས་འབྱུང་། ། ས་ལས་ཤ་དང་རུས་པ་སྣ་དྲི་སྐྱེད། ། ཆུ་ལས་ཁྲག་དང་ལྕེ་རོ་རླན་པ་སྐྱེད ། མེ་ལས་དྲོད་དང་མདོག་གསལ་མིག་གཟུགས་སྐྱེད། ། རླུང་ལས་དབུགས་དང་པགས་པ་རེག་བྱ་སྐྱེད། ། མཁའ་ལས་བུ་ག་རྣ་བ་སྒྲ་སྐྱེད་འགྱུར། ། གོམས་པས་བྱ་བ་ལ་འཇུག་སྣང་བ་མཆེད། ། རྒྱུ་རྐྱེན་རྟེན་འབྲེལ་འཛོམས་པས་ལུས་སུ་འགྲུབ། ། ཅེས་པ་སྟེ། སྤྱིར་རྒྱུ་ཐམས་ཅད་ཚོགས་པ་ལས་གྲུབ་ནའང་གང་ཤས་ཆེ་བའི་དབང་གིས་གཙོ་བོར་སྨོས་པ་ནི། མངལ་དུ་ཆགས་པའི་ཁུ་ཁྲག་སེམས་གསུམ་དང་། དེའི་རང་བཞིན་འབྱུང་བ་ལྔ་པོ་རྣམས་ཀྱི་ནང་ནས་ཕ་ཡི་ཁུ་བ་དེས་མངལ་གནས་དེ་ཉིད་ཀྱི་རུས་པ་དང་། ཀླད་པ། གཞུང་པ་བཅས་སྐྱེད་པར་བྱེད་པ་དང་། དེ་བཞིན་མ་ལས་བྱུང་བའི་ཟླ་མཚན་ནམ་ཁམས་དམར་དེས་ཤ་དང་། ཁྲག དོན་སྣོད་རྣམས་བཅས་སྐྱེད་པར་བྱེད་པ། མངལ་དུ་གནས་པའི་སེམས་ཅན་རང་གི་སེམས་ཀུན་གཞིའི་རྣམ་པར་ཤེས་པ་ལས་མིག་ལ་སོགས་པའི་དབང་པོ་ལྔ་དང་། དེ་ལ་བརྟེན་པའི་རྣམ་པར་ཤེས་པ་ཚོགས་དྲུག་སྐྱེད་ཅིང་འབྱུང་བ་ཡིན་ནོ། ། གོང་དུ་ཟླ་མཚན་ཆད་པའི་དུས་ནས་ཞག་ཡ་དང་ཟུང་གི་ཁྱད་པར་ལས་བུ་དང་བུ་མོ་འབྱུང་བར་བཤད་ནས་དེ་མ་ཐག་འདིར་ཁུ་བ་མང་བ་ལས་བུ་དང་། ཟླ་མཚན་མང་བ་ལས་བུ་མོར་འགྱུར་ཞེས་པ་འདི་ལ་གོ་བ་ཇི་ལྟར་ལེན་དགོས་སམ་སྙམ་ན། འདི་གཉིས་ཀ་ལ་རྒྱུ་རྐྱེན་དུ་འགྱུར་བའི་ནུས་པ་ཁྱད་པར་ཅན་རེ་ཡོད་པས་གསུངས་པ་ཡིན་མོད་ཀྱང་། གོང་མ་ནི་རྐྱེན་ཙམ་ཡིན་པས་གཙོ་བོ་མ་ཡིན་ལ། འདིར་གསུངས་པ་ནི་དངོས་རྒྱུ་ཉེར་ལེན་ཡིན་པས་ཕྱི་མ་ཉིད་གཙོ་ཆེ་བ་ཡིན་ཏེ། བུ་འབྱུང་བའི་ཐབས་རོ་ཙ་གསུངས་པ་ཐམས་ཅད་ཀྱང་ཁུ་བ་འཕེལ་བའི་ཐབས་འབའ་ཞིག་ཏུ་འབྱུང་བའང་དོན་འདིའི་གནད་ཀྱིས་སོ། ། འོན་ཀྱང་འདི་གཉིས་ག་ལས་ནི་ལས་ཉིད་དབང་བཙན་པ་ཡིན་ཏེ། བསགས་པའི་ལས་ཀྱི་ཆུ་ཀླུང་བཟློག་མི་ནུས་པའི་ཕྱིར་ནའོ། དེ་དག་འབྱུང་བ་རྣམས་ཀྱི་ངོས་ནས་མཚོན་ན། སའི་རང་བཞིན་གྱི་ཡོན་ཏན་དེ་ལས་ལུས་ཁམས་ཀྱི་ཤ་དང་རུས་པ་སོགས་སྲ་བའི་ཆ་ཤས་རྣམས་དང་། ཁྱད་པར་དུ་སྣ་དྲི་འཛིན་གྱི་དབང་པོའི་རྟེན་གཟུགས་དབྱིབས་ཟངས་ཀྱི་མོ་ཁབ་གཤིབས་པ་ལྟ་བུ་རྣམས་སྐྱེད། ཆུའི་རང་བཞིན་གྱི་ཡོན་ཏན་དེ་ལས་ལུས་ཁམས་ཀྱི་ཁྲག་དང་ཆུ་སེར་དང་། ཁྱད་པར་དུ་ལྕེ་རོ་འཛིན་གྱི་དབང་པོའི་རྟེན་གཟུགས་དབྱིབས་ཟླ་བ་བཀས་པ་ལྟ་བུ་དང་། རླན་ཞིང་གཤེར་བའི་ཆ་ཤས་རྣམས་སྐྱེད་པ། མེའི་རང་བཞིན་གྱི་ཡོན་ཏན་དེ་ལས་ལུས་ཁམས་ཀྱི་དྲོད་ཀྱི་ཆ་ཤས་ཀུན་སྐྱེད་ཅིང་མདོག་དང་མདངས་ཀྱང་རབ་ཏུ་གསལ་བར་བྱེད་པ་དང་། ཁྱད་པར་དུ་མིག་གཟུགས་འཛིན་པའི་དབང་པོའི་རྟེན་གཟུགས་དབྱིབས་ཟར་མའི་མེ་ཏོག་ལྟ་བུ་སྐྱེད་པ། རླུང་གི་རང་བཞིན་གྱི་ཡོན་ཏན་དེ་ལས་ཕྱི་ནང་དུ་རྒྱུ་བའི་དབུགས་དང་དབུགས་ཀྱི་ཆ་ཤེས་རྣམས་དང་། ཁྱད་པར་དུ་ལུས་བྱ་འཛིན་གྱི་དབང་པོའི་རྟེན་གཟུགས་དབྱིབས་ཀྱི་རེག་བྱ་རེག་ན་འཇམ་གྱི་པགས་པ་ལྟ་བུ་སྐྱེད་པ། ནམ་མཁའི་རང་བཞིན་གྱི་ཡོན་ཏན་དེ་ལས་སྲོག་ཟུངས་རྒྱུ་བའི་ལུས་ཕྱི་ནང་གི་བུ་ག་རྣམས་དང་། ཁྱད་པར་དུ་རྣ་བ་སྒྲ་འཛིན་གྱི་དབང་པོའི་རྟེན་གཟུགས་དབྱིབས་གྲོ་གའི་མཛེར་བུ་བཅུས་པ་ལྟ་བུ་དང་། ནང་གི་ཁོང་སྟོང་པ་རྣམས་སྐྱེད་པར་བྱེད་དོ། ། དེ་དག་ནི་འབྱུང་བ་སོ་སོའི་མཚན་ཉིད་གཅིག་པའི་དབང་པོའི་རྟེན་སྐྱེད་པ་སྟེ། རྒྱུ་དང་འབྲས་བུ་དང་། རྟེན་དང་བརྟེན་པ་སྦྱར་བའི་དོན་ནོ། ། དེ་དག་གི་བྱེད་ལས་རྣམས་ཀྱང་སྐྱེ་བ་གཞན་དུ་ཡང་ཡང་གོམས་ཤིང་འདྲིས་པའི་བག་ཆགས་ཀྱི་མཐུ་ཇེ་གསལ་སུ་སོང་བ་ལས་སེམས་ཅན་དེ་ཉིད་མངལ་དུ་གནས་པའི་དུས་སུའང་ཚོར་བ་བདེ་སྡུག་སོགས་ལ་བླང་དོར་གྱི་བྱ་བ་ལ་འཇུག་པའི་སྣང་བ་རྣམ་པ་སྣ་ཚོགས་པ་འབྱུང་ཞིང་སྐྱེ་བ་དང་། དེ་ཉིད་རིམ་གྱིས་ཇེ་གསལ་དུ་འཕེལ་ཞིང་མཆེད་པ་བཅས་རྒྱུ་རྐྱེན་རྟེན་འབྲེལ་དེ་རྣམས་གེགས་མེད་པར་ལྷན་ཅིག་ཏུ་འཛོམས་ཤིང་འདུས་པ་ལས་མངལ་དུ་ལུས་ཡོངས་སུ་གྲུབ་པ་ཡིན་ནོ། །ས་པ་ལས་མངལ་དུ་ལུས་ཡོངས་སུ་གྲུབ་པ་ཡིན་ནོ། །)
• Dictionaries/chos rnam kun btus/11375  + (1.རྨ་བྱ། 2.གོང་མོ། 3.སྲེག་པ། 4.སྐྱུང་ཀ … 1.རྨ་བྱ། </br>2.གོང་མོ། </br>3.སྲེག་པ། </br>4.སྐྱུང་ཀ </br>5.བྱ་ནག</br>6.ནེ་ཙོ།</br>7.ཁུ་བྱུག </br>8.ཐི་བ། </br>9.སྐྱ་ཀ</br>10.འཇོལ་མོ། </br>11.བྱིའུ། </br>12.ཤ་བ། </br>13.གླ་བ། </br>14.དགོ་བ། </br>15.གཉན། </br>16.རི་བོང་། </br>17.རྣ་བ། </br>18.གཙོད། </br>19.རྒྱུ། </br>20.ཁ་ཤ </br>21.ར་རྒོད། </br>22.ཕག་རྒོད། </br>23.མ་ཧེ། </br>24.བསེ་རུ། </br>25.སྨུག</br>26.རྐྱང་། </br>27.གཡག་རྒོད། </br>28.མཛོ་རྒོད། </br>29.སེང་གེ། </br>30.སྟག</br>31.གཟིག</br>32.གུང་། </br>33.དོམ།</br>34.དྲེད། </br>35.མི་རྒོད། </br>36.གསའ། </br>37.སྤྱང་ཀི </br>38.གཡི། </br>39.ཝ། </br>40.འཕར་བ། </br>41.སྦྲེ།</br>42.བྱ་རྒོད། </br>43.གླག </br>44.གོ་བོ། </br>45.ཁྭ་ཏ། </br>46.རླག་མོ། </br>47.ནེ་ལེ། </br>48.བྱ་རོག</br>49.འུག་པ། </br>50.རྒྱ་ཁྲ། </br>51.བྱིའུ་ཁྲ། </br>52.མཛོ། </br>53.གཡག</br>54.རྔ་མོང་། </br>55.བ། </br>56.གླང་། </br>57.བོང་བུ། </br>58.ར། </br>59.ལུག </br>60.ཁྱི། </br>61.ཕག</br>62.ཁྱིམ་བྱ། </br>63.བྱི་ལ། </br>64.འཕྱི་བ། </br>65.བྱི་ཐུར། </br>66.བྱི་བ། </br>67.སྦལ་པ།</br>68.སྦྲུལ། </br>69.གྲུམ་པ། </br>70.རྨིག་པ། </br>71.སྐྱུར་མོ། </br>72.སྲམ། </br>73.ཉོ་དང་དོན་གསུམ་ཞེས་དེ་དག་གི་རྭ། རུས་པ། ཤ ཁྲག སྤུ། རྐང་། རྒྱུས་པ། ཀླད་པ། ཚིལ། པགས་པ། སེན་མོ། མཆུ། བྲུན་སོགས་རང་རང་སོ་སོ་སྦྱོར་བར་དགོས་སོ། ། བྲུན་སོགས་རང་རང་སོ་སོ་སྦྱོར་བར་དགོས་སོ། །)
• Dictionaries/chos rnam kun btus/1232  + (1.རླུང་འཁྲུགས་པའི་རྟགས་བསྟན་པ་ནི། འཁྲུགས་ར … 1.རླུང་འཁྲུགས་པའི་རྟགས་བསྟན་པ་ནི། འཁྲུགས་རྟགས་རླུང་གི་རྩ་ནི་སྟོང་ལ་རྐྱལ། ། ཆུ་ནི་ཆུ་འདྲ་དྭངས་ལ་ལོག་རྗེས་སླ། ། འགྲོ་འདོད་ཤུས་འདེབས་ཤེས་པ་ཡང་ལ་འཕྱོ། ། མགོ་བོ་ཟི་འཁོར་རྣ་བ་འུར་ལ་འཁྲོག ། ལྕེ་སྐམ་དམར་རྩུབ་ཁ་རོ་བསྐ་བ་བྲོ། ། གཟེར་འཕོ་གྲང་འདར་འགུལ་ཁྱབ་ཟུག་དང་སྙོམ། ། རེངས་འཁུམས་བྱེ་ཆག་འབྱིན་དང་དཀྲིས་སྙམ་བྱེད། ། འགུལ་ན་ཟུག་ཆེ་སྤུ་བརྩེ་ཕྲུམ་སེར་ཁྱེར། ། གཉིད་མེད་གཡལ་འདིར་རྐྱོང་འདོད་ཚིག་པ་ཟ། ། དཔྱི་རྐེད་རུས་ཚིགས་མ་ལུས་བརྡུངས་སྙམ་བྱེད། །ལྟག་པ་བྲང་དང་མུར་འགྲམ་ཟུག་ཅིང་གཟེར། ། རླུང་གསང་རྣམས་ནི་ཁ་བྱེ་མནན་ན་ན། ། སྟོང་སྐྱུགས་བྱེད་ཅིང་ཐོ་རངས་ཝུ་གསོབ་ལུ། ། སྦོ་འཁྲོག་དགོང་དང་ཐོ་རངས་ཞུ་རྗེས་ན། ། ཞེས་པ་སྟེ། གོང་དུ་འཕེལ་ཟད་ཀྱི་རྟགས་བསྟན་ཟིན་ནས། ད་ནི་འཁྲུགས་པའི་རྟགས་བསྟན་པ་ལ། ཐོག་མར་རླུང་འཁྲུགས་པའི་རྟགས་ལ་རླུང་གི་རྩ་ནི་གྲོགས་ཁྲག་གི་ཆ་བྲི་བས་མནན་མི་བཟོད་པར་སྟོང་ལ། ཡང་གཡོའི་ཆ་དེས་སྟེང་དུ་རྐྱལ་བའི་ཉམས་བྱེད་པ་དང་། ཆུ་ནི་ལུ་མའི་ཆུ་དང་འདྲ་བར་སྔོ་ལ་དྭངས་ཤིང་ཕལ་ཆེར་མི་ལྡོག་ལ། གལ་ཏེ་ལོག་ཀྱང་དེའི་རྗེས་སླ་བ་སྟེ། དེ་ནི་མེ་མཉམ་གྱིས་དྭངས་ཤིང་ཕལ་ཆེར་མི་ལྡོག་ལ། གལ་ཏེ་ལོག་ཀྱང་དེའི་རྗེས་སླ་བ་སྟེ། དེ་ནི་མེ་མཉམ་གྱིས་དྭངས་སྙིགས་ལེགས་པར་ཕྱེས་ནས་རླུང་གི་གྲང་བ་དང་སྲ་བ་ལུས་ཐམས་ཅད་དུ་ཁྱབ་པས་བད་ཀན་སྐོངས་ཤིང་ཁྲག་མཁྲིས་ཀྱི་མཚན་ཉིད་བཅོམ་པའི་རྒྱུ་མཚན་གྱིས་སོ། ། རླུང་ཡང་གཡོའི་མཚན་ཉིད་དང་མཚུངས་པར་གནས་གཅིག་ཏུ་སྡོད་མི་འདོད་པར་འགྲོ་སྙིང་འདོད་པ་དང་། རླུང་ལ་ཡང་གཡོ་རྩུབ་སོགས་ཀྱི་མཚན་ཉིད་དང་ལྡན་པས་སེམས་ཀྱང་མི་བདེ་བས་ཐང་ཆད་པའི་སྐབས་ལྟར་ཤུས་འདེབས་པ་དང་། ཤེས་པ་ཡང་ལ་སེམས་འཕྱོ་བ་དང་། རླུང་ཀླད་པ་དང་རྣ་བའི་བུ་གར་ཞུགས་པའི་སྟོབས་ཀྱིས་མགོ་བོ་ཟི་འཐོམ་དང་འཁོར་བའི་རྣམ་པས་འགྱེལ་བུབ་ལ་སོགས་པ་བྱེད་པ་དང་། རྣ་བས་འུར་འུར་ཤང་ཤང་དང་། ཁྲོག་ཁྲོག་འཁྲོག་པ་ལ་སོགས་ཀྱི་སྒྲ་མེད་བཞིན་དུ་ཐོས་པ་དང་། རླུང་གིས་ཁྲག་དྲག་ཏུ་བུས་པའི་དབང་གིས་ལྕེ་སྐམ་ཞིང་དམར་ལ་རྩུབ་པ་དང་། ཅི་ཡང་མ་ཟོས་ཀྱང་ཁ་ལ་རོ་བསྐ་བ་བྲོ་བ་དང་། གཟེར་བ་ངེས་མེད་དུ་འཕོ་ཞིང་ལུས་སྲུང་ལ་བརྩེ་འདར་བྱེད་པ་དང་། ཤ་སྣ་འགུལ་འཕྲུག་བྱེད་ཅིང་ན་ཟུག་ལུས་ཀུན་ལ་ཁྱབ་པ་དང་། འདིར་འགྲེལ་པ་ཁ་ཅིག་ཏུ་མགུལ་རྒྱབ་དང་། འགུལ་རྒྱབ་ཅེས་པའི་རྩ་བ་ཡོད་ཀྱང་། སྙིང་པོ་བསྡུས་པ་རྩ་འགྲེལ་དང་། སྔ་འགྲེལ་ཕལ་མོ་ཆེ་དང་མི་མཐུན་པས་ཡིག་ནོར་ཡིན་པར་སེམས་སོ། ། ཟུག་པ་སྟེ་ཡན་ལག་བརྡུངས་པ་ལྟར་ན་བ་དང་། སྙོམ་པ་སྟེ་སྐྱིད་ལུག་པ་དང་། ལུས་དང་ཡན་ལག་ཤིང་ལྟར་རེངས་པའམ་ཡང་ན་གྱོང་ལྟར་འཁུམས་པ་དང་། ཤ་དང་པགས་པའི་བར་བྱེ་སྙམ་པ་དང་། རུས་པ་རྣམས་ཆག་གོ་སྙམ་པར་བྱེད་པ་དང་། མིག་སོགས་ཕྱི་རུ་འབྱིན་སྙམ་བྱེད་པ་དང་། ལུས་ཡོངས་སུ་ཐག་པ་ལྟ་བུས་དཀྲིས་སྙམ་བྱེད་པ་དང་། འགུལ་བསྐྱོད་བྱས་ཚེ་གཟེར་ཟུག་ལྷག་པར་ཆེ་བ་དང་། བ་སྤུ་བརྩེ་ཞིང་ཕྲུམ་སེར་ཁྱེར་བ་སྟེ་གྲང་ཤུམ་བྱེད་པ་དང་། མཚན་མོ་ཡང་གཉིད་མེད་ཅིང་གཡལ་མང་ལ་ལུས་འདར་བར་བྱེད་པ་དང་། རྐང་ལག་ཤུགས་ཀྱིས་རྐྱོང་བར་འདོད་པ་དང་། དོན་མེད་དུ་ཚིག་པ་ཟ་བ་དང་། དཔྱི་དང་རྐེད་པ་དང་རུས་ཚིགས་མ་ལུས་པ་རྡོ་དབྱུག་སོགས་ཀྱིས་བརྡུངས་པ་དང་འདྲ་བ་སྙམ་དུ་བྱེད་དེ་ན་བ་དང་། ལྷག་པར་དུ་ལྟག་པ་དང་བྲང་དང་མུར་འགྲམ་རྣམས་སུ་ཟུག་ཅིང་གཟེར་བ་དང་། ཨན་སྟོང་ཚིགས་པ་དང་པོ་ལ་སོགས་པའི་རླུང་གསང་རྣམས་ནི་ཁ་བྱེ་ཞིང་མནན་ན་ལྷག་པར་ན་བ་དང་། སྟོང་སྐྱུགས་བྱེད་ཅིང་ལྷག་པར་ཐོ་རངས་ཀྱི་དུས་སུ་ཝུ་གསོབ་ལུ་བ་དང་། ཁོང་པ་སྦོ་ཞིང་འཁྲོག་པ་དང་། ལྷག་པར་དུ་དགོང་མོ་དང་། ཐོ་རངས་དང་། ཁ་ཟས་ཞུ་བའི་རྗེས་སུ་ནད་ལྡང་ནས་ན་བ་བཅས་ནི་རླུང་འཁྲུགས་པའི་རྟགས་སོ། །</br>2.མཁྲིས་པ་འཁྲུགས་པའི་རྟགས་བསྟན་པ་ནི། མཁྲིས་པ་འཁྲུགས་རྟགས་རྩ་རྒྱས་ཕྲ་གྲིམས་མགྱོགས། ། ཆུ་མདོག་དམར་སེར་དྲི་དུགས་རླུངས་པ་ཆེ། ། མགོ་ན་ཤ་ཚ་ཁ་རོ་སྐྱུར་ལ་ཁ། ། ལྕེ་སྟེང་བད་ཀན་ཆེ་ལ་སྣ་སྒོ་སྐམ། ། མིག་སྤྲིན་དམར་སེར་གཟེར་བ་གཅིག་ཏུ་འདྲིལ། ། ནུབ་གཉིད་ཆུང་ལ་ཉིན་པར་གཉིད་མི་ཐུབ། ། ལུད་པ་དམར་སེར་ཚ་བྲོ་སྐོམ་དད་ཆེ། ། ཁྲག་མཁྲིས་འཁྲུ་སྐྱུག་རྔུལ་ཆེ་དྲི་མ་མནམ། ། ཁ་དོག་དམར་སེར་སྨིན་ཅིང་འདུལ་བར་བྱེད། ། ཉིན་དགུང་མཚན་དགུང་ཞུ་བའི་དུས་ན་ན། ། ཞེས་པ་སྟེ། མཁྲིས་པ་འཁྲུགས་པའི་རྟགས་ལ་རྩ་སྟོང་པ་མ་ཡིན་པར་མནན་མི་བཟོད་པར་རྒྱས་ཤིང་རྟ་རྔ་བསྒྲིལ་བ་ལྟར་ཕྲ་ལ་གྲིམས་པ་དང་། གྲངས་མགྱོགས་པར་འཕར་བ་དང་། ཆུ་མདོག་དམར་པོའམ་སེར་པོར་སྣང་བ་དང་། མཁྲིས་པའི་མཚན་ཉིད་དྲི་མནམ་པ་དང་རྗེས་སུ་མཐུན་པར་དྲི་དུགས་ཤིང་ངན་པ་དང་། མཚན་ཉིད་ཚ་བ་དང་མཚུངས་པར་རླངས་པ་སྔར་བས་ཆེ་བ་དང་། མཁྲིས་ཚད་སྨད་ན་གནས་ཀྱང་སྟོད་དུ་འབར་བས་མགོ་བོ་ན་ཞིང་། མཚན་ཉིད་ཚ་བས་ཤ་ཡི་དྲོད་ཚ་བ་དང་། ཁ་ལ་རོ་ཁ་བ་བྲོ་བ་དང་ལྕེའི་སྟེང་དུ་བད་ཀན་གྱི་རྣམ་པ་སྐྱ་སེར་འབྱར་བག་ཅན་ཆེ་ལ་སྣའི་སྒོ་སྐམས་པ་དང་། རྟེན་ཁྲག་དང་བརྟེན་པ་མཁྲིས་པའི་ཁ་དོག་དང་མཚུངས་པར་མིག་སྤྲིན་དམར་སེར་དུ་འབྱུང་བ་དང་། གཟེར་བའི་གནས་གཅིག་ཏུ་འདྲིལ་བ་དང་། ནུབ་གཉིད་ཆུང་ལ་ཉིན་པར་གཉིད་བཀག་ཀྱང་མི་ཐུབ་པར་ཁུག་པ་དང་། ལུད་པ་ཁྲག་དང་འདྲེས་པའི་དམར་པོའམ་ཁ་དོག་སེར་པོ་འབྱུང་ཞིང་ཁ་ལ་ཚ་བྲོ་བ་དང་། ཚ་བས་བརླན་ཞིང་གཤེར་བ་རྣམས་སྐེམ་པས་སྐོམ་དད་ཤིན་ཏུ་ཆེ་བ་དང་། ཁྲག་གམ་མཁྲིས་པའི་རང་བཞིན་ཅན་ཐུར་དུ་འཁྲུ་བའམ་ཡང་ན་གྱེན་དུ་སྐྱུགས་པ་དང་། ལུས་ལ་རྔུལ་ཆེ་ཞིང་དྲི་མི་ཞིམ་པ་མནམས་པ་དང་། ལུས་ཀྱི་ཁ་དོག་དམར་སེར་གྱི་རྣམ་པ་སྣང་ཞིང་ལུས་ཀྱི་ཆ་ཤས་རྣམས་སྨིན་ཅིང་འདུལ་བར་བྱེད་པ་དང་། ཉིན་གུང་དང་མཚན་གུང་དང་ཟས་ཞུ་བའི་དུས་ན་ལྷག་པར་དུ་ན་བར་བྱེད་པ་ཡིན་ནོ། །</br>3.བད་ཀན་འཁྲུགས་པའི་རྟགས་བསྟན་པ་ནི། བད་ཀན་འཁྲུགས་རྟགས་རྩ་ནི་བྱིང་རྒུད་དལ། ། ཆུ་ནི་མདོག་དཀར་དྲི་དང་རླངས་པ་ཆུང་། ། ཁ་མངལ་ལྕེ་རྙིལ་སྐྱ་ལ་མིག་དཀར་སྐྲང་། ། སྣབས་ལུད་མང་ཞིང་མགོ་འཐོམ་ལུས་སེམས་ལྕི། ། དང་ག་མི་བདེ་དྲོད་མེད་འཇུ་སྟོབས་ཆུང་། ། མཁལ་རྐེད་ན་ཞིང་ལུས་སྦོ་ལྦ་བ་སྐྱེ། ། ཁ་ཟས་བད་ཀན་སྐྱུག་ཅིང་འཁྲུ་བ་དང་། ། དྲན་པ་མི་གསལ་གཉིད་ཆེ་སྐྱིད་པ་སྐྱུར། ། གཡའ་མཁྲུང་ཚིགས་དམ་ཤ་རྒྱས་ལས་མཐའ་རིང་། ། ནམ་ཞོད་སྲོད་དང་སྔ་དྲོ་ཟོས་ཐོག་ལྡང་། ། ཞེས་པ་སྟེ། བད་ཀན་འཁྲུགས་པའི་རྟགས་ལ་རྩ་ནི་གཏིང་དུ་བྱིང་ཞིང་འཕར་ཚུལ་ཡང་རྒུད་ལ་དལ་བ་དང་། བད་ཀན་རང་མདོག་དབང་གིས་དྲི་ཆུ་ནི་མདོག་དཀར་བ་དང་། བསིལ་བས་དྲི་དང་རླངས་པ་ཆུང་བ་དང་། ཁ་མངལ་བ་སྟེ་ཁ་ལ་རོ་མི་གསལ་བ་དང་། ཁྲག་ཟད་པའི་དབང་གིས་ལྕེ་དང་རྙིལ་སྐྱ་ལ་མིག་སྤྲིན་སྔར་བས་དཀར་བ་དང་། ཆུ་ཁམས་འཕེལ་བས་བྱད་བཞིན་སྐྲང་ཞིང་སྦོས་པ་དང་། སྣབས་དང་ལུད་པ་སོགས་ལྗན་ལྗིན་རིགས་ཤིན་ཏུ་མང་ཞིང་མགོ་བོ་འཐོམ་པ་དང་། ལྕི་བརྟན་དབང་གིས་ལུས་སེམས་གཉིས་ཀ་ལྕི་བ་དང་། མེ་དྲོད་ཀྱི་སྟོབས་བྲི་བས་དང་ག་མི་བདེ་ཞིང་ལུས་ཀྱི་ཕྱི་ནང་ཀུན་གྱི་དྲོད་ཆུང་ལ་ཟས་སྐོམ་འཇུ་སྟོབས་ཀྱང་ཆུང་བ་དང་། ཆུ་ཁམས་ཀྱི་རྟེན་མཁལ་རྐེད་ལ་བད་ཀན་འཕེལ་བས་དེ་རུ་ན་ཞིང་ལུས་ཀུན་སྦོ་ལ་ལྦ་བ་ལྷག་པར་དུ་སྐྱེ་བ་དང་། མེ་དྲོད་ཉམས་པས་ཁ་ཟས་གང་ཟོས་ཀྱང་དེ་ཉིད་རང་མདོག་མ་ཉམས་པར་སྐྱུག་པའམ་འཁྲུ་བ་དང་། ཡང་ན་བད་ཀན་གྱི་བེ་སྣབས་ལྗན་ལྗིན་ལ་སོགས་པ་གྱེན་དུ་སྐྱུག་ཅིང་འགའ་ཞིག་ཐུར་དུ་འཁྲུ་བ་དང་། སྙིང་གི་རྩ་སྦུབས་སུ་བད་ཀན་གྱི་རྒྱུ་རྨོངས་པ་འཕེལ་བས་དྲན་པ་མི་གསལ་བ་དང་། གཉིད་ཆེ་བ་དང་། མཚན་ཉིད་ལྕི་བས་སྒྱིད་པ་ཤིན་ཏུ་སྐྱུར་བ་དང་། པགས་པ་རྣམས་གཡའ་བ་དང་། ས་ཡི་རང་བཞིན་སྲ་བ་དང་མཚུངས་ལྡན་དུ་ཡན་ལག་དང་ཉིང་ལག་རྣམས་སྲ་ཞིང་མཁྲང་བ་དང་། འབྱར་བག་གིས་ཚིགས་མཚམས་དམ་ཞིང་བརྐྱང་བསྐུམ་དཀའ་བ་དང་། རྟེན་ཤ་ཡིན་པས་དེ་རྒྱས་པ་དང་། ལས་མཐའ་རིང་བ་སྟེ་ལྕི་རྟུལ་འཇམ་བརྟན་དབང་གིས་ནད་ཀྱི་གསོག་ལྡང་དང་། བཅོས་ནས་ཞི་བའི་བར་ཡུན་རིང་དུ་འགོར་བ་དང་། རླན་གཤེར་ཆེ་བའི་ནམ་ཟླ་ཆར་ཞོད་ཆེ་བའི་དུས་དང་། སྲོད་དང་སྔ་དྲོ་དང་ཟས་ཟོས་མ་ཐག་ཏུ་བད་ཀན་ལྡང་སྟེ་འཁྲུགས་པར་བྱེད་དོ། ། མཉམ་པའི་མི་མཐུན་པ་རྣམས་ཕན་ཚུན་འཐབ་པ་ལ་འཁྲུགས་པའི་ཐ་སྙད་བཞག་ལ། འདིར་ཉེས་པ་གསུམ་པོ་རྣམ་པར་གྱུར་ནས་ནད་འཁྲུགས་པ་ལས་གང་སྟོབས་ཆེ་བ་དེའི་རྟགས་གཙོ་བོར་སྨོས་པའོ། ། ཞེས་གསུངས་པ་ལྟར་རོ། །་གཙོ་བོར་སྨོས་པའོ། ། ཞེས་གསུངས་པ་ལྟར་རོ། །)
• Dictionaries/chos rnam kun btus/5649  + (1.རླུང༌སེལ༌བ༌སྔོ༌ལ༌མངར༌བ། 2.མཁྲིས༌པ༌སེལ༌བ༌ … 1.རླུང༌སེལ༌བ༌སྔོ༌ལ༌མངར༌བ།</br>2.མཁྲིས༌པ༌སེལ༌བ༌སེར༌ལ༌ཁ༌བ།</br>3.བད༌ཀན༌སེལ༌བ༌སྐྱ༌ལ༌སྐྱུར༌བ།</br>4.ཁྲག༌སེལ༌བ༌དམར༌སྐམ༌པ།</br>5.ཆུ༌སེར༌སེལ༌བ༌སྨུག༌ལ༌ཚ༌བའོ། །</br>ཡང༌ན། ཅོང༌ཞི༌རིགས༌ལྔ༌དག༌ལས༌འབྱུང༌།</br>1.སྐྱུར༌ཞིང༌ལན༌ཚས༌བད༌རླུང༌སེལ།</br>2.སྐྱུར༌མངར༌ལྡན༌པས༌བད༌མཁྲིས༌སེས།</br>3.སྐྱུར༌ཚས༌བད༌ཀན༌རྐྱང༌པ༌སེལ།</br>4.སྐྱུར་ཁས་བད་ཀན་ཁྲག་ནད་སེལ། </br>5.སྐྱུར༌བསྐས༌བད༌སྨུག༌སེལ༌བའོ། །ག་ནད་སེལ། 5.སྐྱུར༌བསྐས༌བད༌སྨུག༌སེལ༌བའོ། །)