Search by property

This page provides a simple browsing interface for finding entities described by a property and a named value. Other available search interfaces include the page property search, and the ask query builder.

List of results

• Dictionaries/sgom sde tshig mdzod chenmo/11814  + (སོག་ཡུལ་དུ་སངས་རྒྱས་ཀྱི་བསྟན་པ་དར་བའི་ཚུལ་ … སོག་ཡུལ་དུ་སངས་རྒྱས་ཀྱི་བསྟན་པ་དར་བའི་ཚུལ་ནི། ཡུལ་འདིར་རྒྱ་གར་གྱི་པཎ་གྲུབ་སོགས་བྱོན་ནས་བསྟན་པའི་སྲོལ་ཕྱེ་བའི་ལོ་རྒྱུས་མི་སྣང་བས། ཆོས་ནི་ཐོག་མ་བོད་ནས་བྱུང་བ་ཡིན་ལ། དེ་ཡང་དང་པོ་བྱུང་བ་ནི། ས་སྐྱ་བའི་ཆོས་ལུགས་ཡིན་ཏེ། སྟོབས་ཀྱིས་འཁོར་ལོས་བསྒྱུར་བ་ཆིང་གི་སི་བོད་དུ་བྱོན། མངའ་རིས་སྐོར་གསུམ། དབུས་གཙང་རུ་བཞི། ལྷོ་ཁམས་སྒང་གསུམ་ཐམས་ཅད་དབང་དུ་བསྡུས། གཙང་དུ་མི་སྣ་བཏང་སྟེ་ས་ཆེན་ཀུན་དགའ་སྙིང་པོ་ལ་འབུལ་ནོད་སོགས་བགྱིས་ཤིང་མཆོད་ཡོན་དུ་གྱུར། སླད་ནས་སོག་ཡུལ་དུ་གདན་འདྲེན་པའི་ཞུ་བ་ཕུལ། རྟེན་གསུམ་འགའ་ཞིག་གདན་དྲངས། དེ་ལ་བརྟེན་ནས་སོག་པོ་ཐམས་ཅད་བསྟན་པ་ལ་དད་པར་གྱུར་ཏེ་དཀོན་མཆོག་མཆོད་པའི་མགོ་ཚུགས། དགེ་བསྙེན་སོགས་ཀྱི་སྡོམ་པ་ལེན་པའང་བྱུང་ནས་སངས་རྒྱས་ཀྱི་བསྟན་པའི་དབུ་བརྙེས་སོ། །འདི་སངས་རྒྱས་འདས་ལོ་ལྕགས་འབྲུག་ལ་འདོད་པའི་ལུགས་ལྟར་ན། ལོ་དེ་ནས་ཉིས་སྟོང་གྱ་བདུན་དང༌། མེ་ཡོས་ལ་འདོད་པ་ལྟར་ན་ལོ་ཉིས་སྟོང་ཞེ་གཅིག་པ་རབ་བྱུང་བཞི་པའི་མེ་ཡོས་ལོ་ཡིན་ལ། ལོ་དེ་ནས་རབ་བྱུང་བཅུ་གསུམ་པའི་ལྕགས་འབྲུག་བར་ལོ་ལྔ་བརྒྱ་དང་གསུམ་འདས་སོ། །ཆིང་གི་ཚ་བོ་གུ་ཡུག་དང་གུ་ཏན་སྤུན་གཉིས་ཀྱིས་ལང་གྲུའུ་ཕྱོགས་སུ་ཁམས་ཀྱི་རྒྱལ་པོ་བྱེད་སྐབས། གུ་ཏན་གྱིས་ས་སྐྱ་པཎ་ཆེན་གྱི་སྙན་པ་ཐོས་ནས་བོད་དུ་མི་སྣ་བཏང་སྟེ་སོག་ཡུལ་དུ་གདན་འདྲེན་པའི་ཞུ་བ་ཕུལ་བས། ས་པཎ་ལ་སྔ་མ་རྗེ་བཙུན་གྲགས་རྒྱལ་གྱིས། ཁྲའི་ཞྭ་དང་ཕག་སྣའི་ལྷམ་གྱོན་པའི་ས་མཐའི་མི་གདན་འདྲེན་པ་འོང་ཚེ། དེར་བྱོན་ན་བསྟན་འགྲོའི་དོན་འབྱུང་བའི་ལུང་བསྟན་ཡོད་པ་དང་འགྲིགས་པས་ཞལ་བཞེས་མཛད་དེ། དབོན་པོ་འཕགས་པ་དང་ཕྱག་ན་བཅས་བྱོན་པ་པ་རབ་བྱུང་བཞི་པའི་མེ་འབྲུག་ལོ་རྒྱལ་པོ་གུ་ཏན་དང་ཞལ་འཛོམས། རྒྱལ་པོ་ས་བདག་གི་ནད་ཀྱིས་ཐེབས་པ་ས་པཎ་གྱིས་སེང་གེ་སྒྲའི་སྒོ་ནས་ནད་ལས་སྒྲོལ་བར་མཛད། རྒྱལ་པོ་འཁོར་བཅས་ལ་དགྱེས་པ་རྡོ་རྗེའི་དབང་གནང་ཞིང༌། དེ་ཡན་ཆད་སོག་པོ་ལ་ཡི་གེ་མེད་པ་ལ། ས་པཎ་གྱིས་ཡི་གེ་གསར་པ་བཟོ་བར་བཞེད་པ་ན། བུད་མེད་ཅིག་གིས། པགས་པ་མཉེད་བྱེད་ཀྱི་ཤིང་སོག་ལེའི་ཁ་ལྟ་བུ་ཞིག་ཐོགས་པ་གཟིགས་ནས། སོག་ཡིག་དེའི་དབྱིབས་ཅན་བཟོས་ཏེ། ཨ་ཨེ་ཨི། ན་ནེ་ནི། ས་སེ་སི། ཧ་ཀེ་ཁི། གྷ་གྷེ་གྷི། མ་མེ་མི། ལ་ལེ་ལི། ར་རེ་རི། འ་འེ་འི། ཏ་ཏེ་ཏི། ཐ་ཐེ་ཐི། ཙ་ཙེ་ཙི། ཚ་ཚེ་ཚི། ཡ་ཡེ་ཡི། ཝ་ཝེ་ཝི་རྣམས་ཕོ་མོ་མ་ནིང་ངམ་སྒྲིམ་ལྷོད་ཞན་གསུམ་དུ་བསྡུས་ནས་ཀློག་པའི་སྲོད་བཏོད། ལྕགས་ཕག་ལོར་ས་པཎ་དང་རྒྱལ་པོ་གཉིས་ཀ་གཤེགས་པས། ས་པཎ་གྱི་སྐུ་གདུང་ལང་གྲུའི་མཁར་གྱི་ཕྱིའི་སྤྲུལ་པ་སྡེའི་མཆོད་རྟེན་གྱི་ནང་ན་བཞུགས་ཞེས་གྲགས་སོ། །བཀའ་བརྒྱུད་པ་དར་ཚུལདེ་རྗེས་མུང་ཁེ་རྒྱལ་པོའི་དུས་ཀརྨ་པཀྵི་སོགས་བྱོན། མུང་ཁེའི་གཅུང་ཧུ་པ་ལིའི་སྐབས་ས་པཎ་གྱི་དབོན་པོ་འགྲོ་དགོན་ཆོས་རྒྱལ་འཕགས་པ་བྱོན་ནས་ཆོས་དར་བར་མཛད་ཅིང༌། རྒྱལ་པོ་ཡང་ཐུགས་དགྱེས་ཤིང་དད་པས། རྒྱ་ནག་གི་སྐད་དུ་ཤིང་ཤིང་ཏཱ་ཀཽ་ཤྲཱི་སྟེ་ཁམས་གསུམ་ཆོས་ཀྱི་རྒྱལ་པོ་ཞེས་པའི་མཚན་གསོལ། གྲོང་ཁྱེར་ལི་ཤིམ་གྱི་ས་ཆ་ཡུལ་མི་དང་བཅས་པ་དང༌། ཕྱིས་སུ་རིམ་པས་བོད་ཆོལ་ཁ་གསུམ་ཡོངས་སུ་རྫོགས་པ་འབངས་སུ་ཕུལ། རྒྱལ་པོས་བོད་ཀྱི་བནྡེ་ཐམས་ཅད་ཆོས་ལུགས་ས་སྐྱ་པ་བྱེད་དགོས་པའི་ལུང་སྒྲོག་ཟེར་བ་ལ། འཕགས་པ་རིན་པོ་ཆེས། རང་རང་གི་སྔོན་ནས་དར་བའི་ཆོས་ལུགས་སུ་གནས་ན་ལེགས་ཚུལ་གསུངས་པས་བཏང་སྙོམས་སུ་བཞག་གོ། འཕགས་པ་རིན་པོ་ཆེ་ཤིང་གླང་ལོར་བོད་དུ་བྱོན། རབ་བྱུང་ལྡ་པའི་ས་སྦྲུལ་ལོར་སླར་ཡང་ཧོར་ཡུལ་དུ་ཕེབས། ལྕགས་རྟ་ལོར་སོག་ཡིག་འཁོར་མ་གྲུ་བཞི་བཟོས་ཤིང༌། འཆད་ཉན་དང་སྒོམ་སྒྲུབ་སོགས་བྱེད་པའི་སྲོལ་བཙུགས་ཏེ་བསྟན་འགྲོའི་དོན་རྒྱ་ཆེར་མཛད། རྒྱལ་པོས་རྒྱ་གར་ནས་སངས་རྒྱས་ཀྱི་རིང་བསྲེལ་སོགས་རྟེན་གསུམ་མང་པོ་སྤྱན་དྲངས་ཏེ་གཙུག་ལག་ཁང་བཞེངས་ཤིང་དགེ་འདུན་གྱི་སྡེ་བཙུགས་ནས་བསྟན་པ་དར་བར་བྱས་སོ། །འོན་ཀྱང་འཁོར་ཡིག་གི་སོག་སྐད་དུ་ཆོས་བསྒྱུར་མ་ཐུབ་པས། སོག་པོ་རྣམས་ཀྱིས་ཆོས་འདོན་པའི་ཚེ་ཡུ་གུར་སྐད་ཀྱིས་འདོན་པ་ལ། ཨོལ་རྗེའི་རྒྱལ་པོའི་དུས་སུ་ས་སྐྱ་པ་ཆོས་ཀྱི་འོད་ཟེར་བྱ་བ་བྱོན་ནས་སྔར་ས་པཎ་གྱིས་བཟོས་པའི་ཡི་གེ་ལ་ཡི་གེ་མཇུག་མ་ཅན་མང་པོ་བསྣན་ནས་ཆོས་བསྒྱུར་ཐུབ་པ་མཛད། ཕྱིས་སུ་ཧའི་སན་ཁུ་ལུག་རྒྱལ་པོའི་དུས་གཟུངས་གྲྭ་ལྔ་སོགས་བཀའ་བསྟན་སོག་སྐད་དུ་བསྒྱུར། དེ་རྗེས་ཞིག་ཀརྨ་པ་རང་བྱུང་རྡོ་རྗེ་བྱོན་ནས་ཧོར་གྱི་རྒྱལ་པོ་ཞིག་ལ་དབང་བསྐུར་ཟེར་ཏེ། ཅི་ཡ་ཐུ་རྒྱལ་པོ་ཡིན་ནམ་སྙམ། ཐོ་གྭན་ཐུ་མེར་གྱིས་ཀརྨ་པ་རོལ་པའི་རྡོ་རྗེ་གདན་དྲངས། ཆིང་གིར་ནས་ཨེརྟེ་ནི་ཆོག་ཐུའི་བར་རྒྱལ་པོ་བཅུ་བཞིའི་རིང་ལ་ས་སྐྱ་པ་དང་བཀའ་བརྒྱུད་པའི་བླ་མ་མང་དུ་བྱོན་འདུག་ཅིང༌། རྒྱལ་པོས་ཏིའི་ཤྲཱིར་བཀུར་བའང་ཁ་ཤས་བྱུང་འདུག (དགེ་ལྡན་པ་དར་ཚུལ) དེ་ནས་དགེ་ལྡན་པ་དང་མཆོད་ཡོན་དུ་འབྲེལ་ཚུལ་ནི། ཐུ་མེད་ཀྱི་ཨ་ལ་ཐན་ཧན་གྱི་དུས་རྒྱལ་དབང་བསོད་ནམས་རྒྱ་མཚོ་སོག་ཡུལ་དུ་བྱོན། སོག་པོ་རྣམས་ཀྱིས་ཨོ་གོྭང་མཆོད་པའི་ཆེད་དུ་སྲོག་གཅོད་མང་པོ་བྱེད་པའི་སྲོད་བཅད། ཞྭ་སེར་གྱི་བསྟན་པའི་སྲོལ་བཙུགས། རྒྱལ་དབང་དེ་ཉིད་སོག་ཡུལ་དུ་མྱ་ངན་ལས་འདས་པའི་སྤྲུལ་སྐུ་རྒྱལ་དབང་བཞི་པ་ཡོན་ཏན་རྒྱ་མཚོ་སོག་ཡུལ་དུ་སྐུ་འཁྲུངས་པས་ལྷག་པར་སོག་ཡུལ་དུ་བསྟན་པ་དར་བ་ལ་སྨན་པར་གྱུར། སོག་པོ་ཐམས་ཅད་དགེ་ལྡན་པའི་སྦྱིན་བདག་ཏུ་གྱུར། དེ་རྗེས་ཤི་རེ་ཐུ་གུ་ཤྲིས་ཡུམ་གསུམ་སོག་སྐད་དུ་བསྒྱུར། ཆ་ཧར་ལེགས་ལྡན་ཧུ་ཐོག་ཐུའི་དུས་ཀུན་དགའ་འོད་ཟེར་གྱིས་གཙོས་པའི་ལོ་ཙཱ་བ་མང་པོས་བཀའ་འགྱུར་ཡོངས་རྫོགས་སོག་སྐད་དུ་བསྒྱུར། སོག་པོའི་རྒྱལ་ཕྲན་ཐ་མ་ལེགས་ལྡན་གྱིས་རང་སྲིད་རང་གིས་ཉམས་པར་བྱས་ཏེ་ཧོར་གྱི་རྒྱལ་རབས་རྫོགས་པར་གྱུར་ནའང༌། བདེ་སྐྱིད་རྒྱལ་པོའི་དུས་སོག་ཡིག་གི་བཀའ་འགྱུར་ཞུ་དག་མཛད་ནས་སྤར་དུ་བསྒྲུབས། འཇམ་དབྱངས་གོང་མ་ཆེན་ལུང་རྒྱལ་པོའི་བཀས་བསྟན་འགྱུར་ཡོངས་རྫོགས་སོག་སྐད་དུ་བསྒྱུར་ནས་སྤར་དུ་བསྒྲུབས། འདི་དུས་ལྕང་སྐྱ་ཐམས་ཅད་མཁྱེན་པ་རོལ་པའི་རྡོ་རྗེས་སོག་སྐད་དུ་ཆོས་བསྒྱུར་བ་ལ་མེད་མི་རུང་གི་དག་ཡིག་མཁས་པའི་འབྱུང་གནས་ལྗགས་རྩོམ་མཛད་པ་ཕྱིས་ཀྱི་སྒྱུར་བྱེད་རྣམས་ལ་གསུང་རབ་ཀྱི་བརྡ་དོན་བལྟ་བའི་མིག་ཏུ་གྱུར་ཏོ། །ཡང་པཎ་ཆེན་བློ་བཟང་ཆོས་ཀྱི་རྒྱལ་མཚན་དང༌། རྒྱལ་དབང་ལྔ་པའི་སློབ་མ་ཛ་ཡ་པཎྜི་ཏ་བློ་བཟང་འཕྲིན་ལས་དང༌། ཨེར་ཏེ་ནི་པཎྜི་ཏ་བློ་བཟང་བསྟན་འཛིན་གཉིས་ཀྱིས་ཀྱང་དགོན་པ་བཙུགས་ནས་བསྟན་པའི་བྱ་བ་རྒྱ་ཆེར་མཛད། ཐུའུ་བཀྭན་བློ་བཟང་ཆོས་ཀྱི་ཉི་མའི་གསུང་ལྟར་བཀོད།བཀྭན་བློ་བཟང་ཆོས་ཀྱི་ཉི་མའི་གསུང་ལྟར་བཀོད།)
• Dictionaries/sgom sde tshig mdzod chenmo/11928  + (སྐུ་ཡི་སྐྱོན་སྤངས་མཚན་དང་དཔེ་བྱད་ལྡན། །གསུ … སྐུ་ཡི་སྐྱོན་སྤངས་མཚན་དང་དཔེ་བྱད་ལྡན། །གསུང་གི་སྐྱོན་སྤངས་ཀ་ལ་པིང་ཀའི་དབྱངས། །ཐུགས་ཀྱི་སྐྱོན་སྤངས་ཤེས་བྱ་མཐའ་དག་མཁྱེན། །བཀྲ་ཤིས་དཔལ་འབར་མ་ཡི་བཀྲ་ཤིས་ཤོག །ཅེས་པའི་ཚིགས་བཅད་གཅིག་པོ་འདི། ཇོ་བོ་རྗེ་དཔལ་ལྡན་ཨ་ཏི་ཤས་༼ འཕགས་པ་སྒྲོལ་མ་ལ་བསྟོད་པ ༽ཞེས་བྱ་བའི་བསྟོད་པ་འདིའི་དབུར་གསུངས་ཡོད། འདི་བསྟན་འགྱུར་རྒྱུད་༼ མུ ༽༣༢༣ན༡ན་བཞུགས་སོ། །་བསྟན་འགྱུར་རྒྱུད་༼ མུ ༽༣༢༣ན༡ན་བཞུགས་སོ། །)
• Dictionaries/sgom sde tshig mdzod chenmo/8110  + (སྐུད་པ་ཁེལ་དྲགས་ན་འཇུར་མདུད་ཡོང་བ་ལྟར། ཚེ་ … སྐུད་པ་ཁེལ་དྲགས་ན་འཇུར་མདུད་ཡོང་བ་ལྟར། ཚེ་འདིའི་སྣང་ཤས་དམ་དྲགས་ནས་རང་སེམས་བཅིངས་པའི་དོན་དུ་དབྱངས་ཅན་དགའ་བློ་སོགས་བཤད་ཀྱང་། དེ་ནི་དེ་ལྟར་ཡིན་ཏེ། དེ་ནི་གློད་རབ་ལ་སྒོམ་རབ། ཅེས་འབྱུང་བ་ལྟར། རིག་པའི་གཟེངས་ཀྱང་སྨད། ལེགས་པར་བསྒྲིམས་པའང་གློད་པའི་སེམས་མ་བཅོས་ལྷུག་པར་བཞག་པ་ལྟ་བུ་ལ་གོ་རྒྱུ་ཡིན་ནམ་སྙམ་སྟེ། དོ་ཧ་ལས། བྲམ་ཟེ་སྐུད་པ་འཁལ་བ་བཞིན། །རྣལ་འབྱོར་ཤེས་པ་གློད་ལ་ཞོག །འཇུར་བུས་བཅིངས་པའི་སེམས་ཉིད་འདི། །གློད་ན་གྲོལ་བར་ཐེ་ཚོམ་མེད། །ཅེས་གསུངས་སོ། །ཞིབ་པར་བཀའ་བརྒྱུད་པའི་ཕྱག་ཆེན་གྱི་གཞུང་ཀརྨ་པ་དགུ་པ་དབང་ཕྱུག་རྡོ་རྗེའི་ཕྱག་ཆེན་ངེས་དོན་རྒྱ་མཚོ་དང་། མ་རིག་མུན་སེལ། དག་པོ་བཀྲ་ཤིས་རྣམ་རྒྱལ་གྱི་ཕྱག་ཆེན་ཟླ་བའི་འོད་ཟེར། ཀོང་སྤྲུལ་ཡོན་ཏན་རྒྱ་མཚོའི་ཤེས་བྱ་མཛོད་སོགས་དང་། པཎ་ཆེན་བློ་བཟང་ཆོས་ཀྱི་རྒྱལ་མཚན་གྱི་ཕྱག་ཆེན་རྩ་འགྲེལ་རྣམས་སུ་གཟིགས་ན་ཤེས་པར་འགྱུར་རོ། །དོ་ཧའི་ཚིག་འདི་པཎ་ཆེན་བློ་བཟང་ཆོས་ཀྱི་རྒྱལ་མཚན་གྱི་ཕྱག་ཆེན་འགྲེལ་པར་དྲངས་ཡོད།ྱི་རྒྱལ་མཚན་གྱི་ཕྱག་ཆེན་འགྲེལ་པར་དྲངས་ཡོད།)
• Dictionaries/sgom sde tshig mdzod chenmo/13070  + (སྐུད་པས་དཀྲི་བ་སྟེ། ལམ་རིམ་གྱི་སྐབས་འདིར། སངས་རྒྱས་ཀྱི་སྐུ་གཟུགས་ལ་བྱ་སོགས་འབབ་ཅིང་བྱ་ཐལ་གཏོང་བ་སོགས་འགོག་ཆེད་སྐུད་པའི་དྲ་བ་འཐེན་པའི་དོན་ཏེ། དཔེ་འགར། སྲད་བུས་བྲེ་བ་ཞེས་འབྱུང་བ་ལེགས་ཏེ། བྲེ་བ་ནི་འཐེན་པའི་མིང་ངོ་། །ཞེས་དབྱངས་ཅན་དགའ་བློ་གསུང་ངོ་། །)
• Dictionaries/sgom sde tshig mdzod chenmo/12221  + (སྒྲ་གནས་ཀྱི་དེ་ཉིད་དམ་བསམ་གཏན་ནི། བྱ་རྒྱུད … སྒྲ་གནས་ཀྱི་དེ་ཉིད་དམ་བསམ་གཏན་ནི། བྱ་རྒྱུད་ཀྱི་བསམ་གཏན་གྱི་དེ་ཁོ་ན་ཉིད་ཀྱི་ནང་གསེས་ཤིག་སྟེ། སྙིང་གར་ཟླ་དཀྱིལ་གྱི་སྟེང་མེ་ལྕེའི་དབུས་སུ་ལྷའི་གཞིའམ། ཟླ་དཀྱིལ་སྔགས་འཕྲེང་གིས་བསྐོར་བ་ལ་གསལ་བར་དམིགས་ལ། དེ་ནས་དེ་ཡང་སྤངས་ལ་དྲིལ་བུའི་སྒྲ་ལྟ་བུའི་རང་བྱུང་གི་སྔགས་སྒྲའི་དབྱངས་ཙམ་གྲགས་པ་འབའ་ཞིག་ལ་བསམས་ལ་སྲོག་རྩོལ་བསྡོམས་ཏེ་བསྒོམ་པའི་བསམ་གཏན་ནོ། །ྲོག་རྩོལ་བསྡོམས་ཏེ་བསྒོམ་པའི་བསམ་གཏན་ནོ། །)
• Dictionaries/sgom sde tshig mdzod chenmo/9967  + (སྔགས་ཆེན་རྡོ་རྗེ་འཛིན་པ་དཀོན་མཆོག་རྒྱལ་མཚན … སྔགས་ཆེན་རྡོ་རྗེ་འཛིན་པ་དཀོན་མཆོག་རྒྱལ་མཚན་གྱི་གསུང་འབུམ་མཚན་ཐོ་ནི། བདེ་མཆོག་ལྷ་ལྔའི་བདག་མདུན་བུམ་བསྐྱེད་བདག་འཇུག་དང་བཅས་པ། བདེ་མཆོག་དྲིལ་བུ་ལུས་དཀྱིལ་གྱི་མངོན་རྟོགས་དགོས་འདོད་ཀུན་འབྱུང༌། འདི་ནི་འགྲན་ཟླ་ཀུན་དང་བྲལ་བ་རྒྱལ་དབང་སྐལ་བཟང་རྒྱ་མཚོས་རྒྱུན་དུ་གསུང་ཆོག་མཛད། འཇམ་དབྱངས་ཆོས་སྐོར་གྱི་ལྷ་རྣམས་ཀྱི་རྗེས་གནང་བྱ་ཚུལ་སྟོད་ཆ་རྗེ་ཉིད་དང་སྨད་ཆ་རྗེ་ཉིད་ཀྱི་གསུང་བཞིན་བློ་བཟང་མགོན་པོས་མཛད་པ། ལྷོ་སྒོའི་ཆོ་ག་ངན་སོང་རྒྱུན་གཅོད་ཐར་པའི་སྒོ་འབྱེད། སོ་སྐྱེ་ཐ་མལ་པའི་རུས་ཆོག་གཅོད་དབང་ནམ་མཁའ་སྒོ་འབྱེད་ཀྱི་བྱིན་རླབས་བྱ་ཚུལ། ཐུབ་པ་དམ་ཚིག་གསུམ་བཀོད་ཀྱི་སྒྲུབ་དཀྱིལ། ཀླུ་ཡི་བུམ་པ་འཇུག་པའི་ཆོ་ག་འཇིག་རྟེན་གཏེར་མཛོད། གསང་འདུས་ཀྱི་རྡུལ་ཚོན་ཆུ་ལ་གདན་དྲངས་ཇི་ལྟར་བྱ་བའི་ཚུལ། རབ་གནས་མདོར་བསྡུས་བྱ་ཚུལ། བདུད་རྩི་རིལ་བུ་སྒྲུབ་ཚུལ་ཉུང་ངུ། བློ་སྦྱོང་དོན་བདུན་མའི་འགྲེལ་པ། བློ་སྦྱོང་སྡུག་བསྔལ་ལམ་ཁྱེར། ལས་དང་པོ་བ་ལ་ཉེ་བར་མཁོ་བའི་བྱང་ཆུབ་བགྲོད་པའི་བདེ་ལམ་རྣམས་སོ། །ཁོ་བའི་བྱང་ཆུབ་བགྲོད་པའི་བདེ་ལམ་རྣམས་སོ། །)
• Dictionaries/sgom sde tshig mdzod chenmo/13280  + (སྙིང་གའི་ཨ་ཐུང་ལ་ཟེར། རྒྱུ་མཚན་ནི་སྙིང་གའི་སྔགས་འཁོར་གྱི་དབྱངས་གསལ་གྱི་ཡི་གེ་གཞན་རྣམས་ལས་འོད་གསལ་འཆར་བ་ལ་ཨ་ཐུང་ཉིད་མཆོག་ཡིན་པས་དེ་སྐད་ཅེས་བྱའོ། །རྗེའི་རིམ་ལྔ་གསལ་སྒྲོན་ལ་གཞི་བྱས།)
• Dictionaries/sgom sde tshig mdzod chenmo/13347  + (སྙིང་པོ། རྣལ་མ། ཡང་དག་པ་བཅས་ཀྱི་དོན། པཎ་ཆེ … སྙིང་པོ། རྣལ་མ། ཡང་དག་པ་བཅས་ཀྱི་དོན། པཎ་ཆེན་བློ་བཟང་ཆོས་ཀྱི་རྒྱལ་མཚན་གྱི་དྲིས་ལན་བློ་བཟང་བཞད་པའི་སྒྲ་དབྱངས་ལས། སྐྱབས་འགྲོའི་ངོ་བོ་ཨི་ཐི་བ། །བདག་ཉིད་ལྷག་པར་འཇིགས་པ་དང༌། །དཀོན་མཆོག་སྐྱོབ་པའི་ནུས་ལྡན་དུ། །ཤེས་ལས་བྱུང་བའི་སྐྱབས་འགྲོ་ལ། །ཐམས་ཅད་མཁྱེན་པ་ཁྱོད་ཉིད་བཞེད། །ཅེས་གསུངས་པ་ལྟར་རོ། །ེན་པ་ཁྱོད་ཉིད་བཞེད། །ཅེས་གསུངས་པ་ལྟར་རོ། །)
• Dictionaries/sgom sde tshig mdzod chenmo/287  + (སྙིང་རྗེས་མ་བཟོད་པ་དང་། ཡིད་ཤིན་ཏུ་སྡུག་པ་ … སྙིང་རྗེས་མ་བཟོད་པ་དང་། ཡིད་ཤིན་ཏུ་སྡུག་པ་དང་། ཉམ་ཐག་པ་སོགས་ཀྱི་ཚིག་གོ། ཞེས་བོད་རྒྱ་ཚིག་མཛོད་ཆེན་མོར་འབྱུང་བ་ནི། དབྱངས་ཅན་དགའ་བློའི་ལམ་རིམ་བརྡ་བཀྲོལ་༣༢ན༢ན་གསལ་བ་ལྟར་བཀོད་འདུག་ཅིང་། འདི་ “ཀྱི་ཧུད” དང་དོན་གཅིག་ཡིན་མིན་དང་། ཡི་གེ་དག་མ་དག་སོགས་ལ་དཔྱད་པར་བྱའོ། །ལམ་རིམ་ཆེན་མོ་ཞོལ་སྤར་མ་དང་། སྐུ་འབུམ་སྤར་མ། བཀྲ་ཤིས་ལྷུན་པོ་སྤར་མ་གསུམ་གར་ཡང་ (༡༧༠བ༥ན) “ཀྱི་ཧུད” ཅེས་སྣང་བས། “ཀྱེ་ཧུ” ཐ་སྙད་འདི་མ་དག་རྒྱུན་འབྱམས་སུ་སོང་བ་ཞིག་ཡིན་མིན་ལ་དོགས་སོ། །ུན་འབྱམས་སུ་སོང་བ་ཞིག་ཡིན་མིན་ལ་དོགས་སོ། །)
• Dictionaries/sgom sde tshig mdzod chenmo/10037  + (སྟོང་པ་ཉིད་དང༌། མཚན་མ་མེད་པ་དང༌། སྨོན་པ་མེ … སྟོང་པ་ཉིད་དང༌། མཚན་མ་མེད་པ་དང༌། སྨོན་པ་མེད་པ། མངོན་པར་འདུ་མི་བྱེད་པ་དང་བཞིའོ། །བུ་སྟོན་རིན་པོའི་དུས་ཀྱི་འཁོར་ལོའི་ཊཱི་ཀ་འདོད་འཇོ་ལས། སྟོང་པ་ཉིད་དང་མཚན་མ་མེད། །སྨོན་མེད་མངོན་པར་འདུས་མ་བྱས། །རྣམ་པར་ཐར་པའི་སྒོ་བཞི་ཡིས། །རྫོགས་པའི་སངས་རྒྱས་བསྒྲུབ་པར་བགྱི། །ཞེས་ལུང་འདྲེན་མཛད་འདུག ལུང་འདི་གང་གི་ཡིན་པ་མི་གསལ་ཡང༌། ཕལ་ཆེར་སློབ་དཔོན་རྟ་དབྱངས་ཀྱི་ཡིན་པར་སེམས་ཏེ། སྦྱིན་པའི་གཡབ་མོས་ལེགས་བོས་ནས། །ཞེས་སོགས་ཀྱང་གཞུང་དེ་གའི་ཁོངས་སུ་དེའི་གོང་ཙམ་དུ་དྲངས་འདུག་ཅིང༌། ཚིགས་བཅད་དེ་ནི་སློབ་དཔོན་རྟ་དབྱངས་ཀྱི་ཡིན་པར་རིགས་པའི་དབང་ཕྱུག་སེ་ར་རྗེ་བཙུན་ཆོས་ཀྱི་རྒྱལ་མཚན་གྱི་སྤྱི་དོན་ན་གསལ། རྣམ་ཐར་སྒོ་བཞིའི་ཐ་སྙད་འདི་རྗེའི་འདོད་འཇོ་ལས་ཀྱང་གསུངས་སོ། །ཞར་བྱུང༌། སྒྲོལ་དཀར་ཡིད་བཞིན་འཁོར་ལོའི་ཕྱག་ཞབས་ཀྱི་སྤྱན་བཞིས་རྣམ་ཐར་སྒོ་བཞི་མཚོན་ཞེས། པཎ་ཆེན་བློ་བཟང་ཆོས་ཀྱི་རྒྱལ་མཚན་གྱི་རྗེ་བཙུན་སྒྲོལ་མ་དཀར་མོའི་སྒྲུབ་ཐབས་སུ་གསུངས་ཏེ། དཔྲལ་བའི་དབུས་ན་ཡེ་ཤེས་ཀྱི་སྤྱན། ཕྱག་ཞབས་ཀྱི་མཐིལ་ན་རྣམ་ཐར་སྒོ་བཞི་མཚོན་པའི་སྤྱན་བཞི་མངའ་བ། ཞེས་གསུངས།ྒོ་བཞི་མཚོན་པའི་སྤྱན་བཞི་མངའ་བ། ཞེས་གསུངས།)
• Dictionaries/sgom sde tshig mdzod chenmo/11292  + (སྡོང་པོ་ལས་ཆུང་ཞིང་རྩ་བ་གཅིག་ལས་མང་པོ་གྱེས་ཏེ་རིམ་བཞིན་ཕྲ་བར་སྤུངས་ནས་སྐྱེས་པའི་མིང་དུ་བཤད། ཤིང་ཕྲན་ཕན་ཕུང་ངམ་ཚང་ཚིང་། སྤྱིར་གེལ་པ་ནི་ཡལ་ག་ལའང་བརྡ་རྙིང་དུ་བཤད་དོ། །ཞེས་དབྱངས་ཅན་དགའ་བློ་གསུང་།)
• Dictionaries/sgom sde tshig mdzod chenmo/10938  + (སྣང་སྟོང་གཉིས་ཡ་མ་བྲལ་བར་གཅིག་གྲོགས་གཅིག་ཏ … སྣང་སྟོང་གཉིས་ཡ་མ་བྲལ་བར་གཅིག་གྲོགས་གཅིག་ཏུ་སོང་ན་ལྟ་བའི་དཔྱད་པ་རྫོགས་པ་ཞེས་བྱའོ། །རྗེ་ཙོང་ཁ་པ་ཆེན་པོའི་ལམ་གཙོ་རྣམ་གསུམ་ལས་ཀྱང༌། སྣང་བ་རྟེན་འབྲེལ་བསླུ་བ་མེད་པ་དང༌། །སྟོང་པ་ཁས་ལེན་བྲལ་བའི་གོ་བ་གཉིས། །ཇི་སྲིད་སོ་སོར་སྣང་བ་དེ་སྲིད་དུ། །ད་དུང་ཐུབ་པའི་དགོངས་པ་རྟོགས་པ་མེད། །ནམ་ཞིག་རེས་འཇོག་མེད་པར་ཅིག་ཅར་དུ། །ངེས་ཤེས་ཡུལ་གྱི་འཛིན་སྟངས་ཀུན་འཇིག་ན། །དེ་ཚེ་ལྟ་བའི་དཔྱད་པ་རྫོགས་པ་ལགས། །ཞེས་གསུངས་པ་ལྟར་རོ། །དེས་ན་ལྟ་བ་རྙེད་ན་ལྟ་བའི་དཔྱད་པ་རྫོགས་པས་མ་ཁྱབ་ཅེས་སྨྲ་དགོས་སོ། །གཞན་ཡང་རྗེའི་གསང་རྣམ་རིན་པོ་ཆེའི་སྙེ་མ་ལས། ལྟ་བའི་དཔྱད་པ་རྫོགས་པའི་ཚད་ནི། ལུང་རིགས་ཀྱི་ལམ་ནས་དྲངས་པའི་ངེས་པ་རྙེད་ན་བློས་དེར་ཐག་བཅད་ཀྱང་གཏིང་ནས་མི་བདེ་བའི་རྣམ་པ་མེད་པ་ཞིག་འོང༌། དེ་དུས་དོན་དེ་ལ་དཔྱད་པ་རྫོགས་པ་ཡིན་ནོ། །ཞེས་མགོན་པོ་འཇམ་པའི་དབྱངས་ཀྱིས་གདམས་ཚུལ་གསུངས་པ་ལྟར་རོ། །ཞེས་རྗེའི་བསྟོད་པ་དོན་ལྡན་མའི་འགྲེལ་པར་གསལ།ེས་རྗེའི་བསྟོད་པ་དོན་ལྡན་མའི་འགྲེལ་པར་གསལ།)
• Dictionaries/sgom sde tshig mdzod chenmo/7606  + (སྣོད། ཆོས་གོས་ཀྱི་སྣོད། རིན་པོ་ཆེའི་སྣོད། … སྣོད། ཆོས་གོས་ཀྱི་སྣོད། རིན་པོ་ཆེའི་སྣོད། མངར་ཆའི་སྣོད། གའུ་སོགས་ཀྱི་མིང་ཡིན་པར་བཤད། སྒམ་ཁ་སྦྱར་གྱི་མིང་དུ་དབྱངས་ཅན་དགའ་བློ་གསུང་། ལུང་ཞུ་བའི་འགྲེལ་པ་ལས། ཆོས་གོས་ཀྱི་ཟ་མ་ཏོག་ནི་ཆོས་གོས་ཀྱི་བཞག་ཏུ་རུང་བའི་སྣོད་ཀྱི་ཁྱད་པར་འདམ་བུའི་རྩེ་མོའི་སྡོང་བུ་ཕྲ་ཞིང་མཉན་པ་ལ་སོགས་པ་ལས་བྱས་པ་ཟླུམ་པོ་ཞིག་གོ། ཞེས་གསུངས་པ་ལྟར་རོ། །ྱས་པ་ཟླུམ་པོ་ཞིག་གོ། ཞེས་གསུངས་པ་ལྟར་རོ། །)
• Dictionaries/sgom sde tshig mdzod chenmo/9190  + (སྤྱི་དང་བྱེ་བྲག་གམ། ཁྱད་གཞི་དང་ཁྱད་ཆོས་ལ་ག … སྤྱི་དང་བྱེ་བྲག་གམ། ཁྱད་གཞི་དང་ཁྱད་ཆོས་ལ་གོ དབྱངས་ཅན་དགྱེས་གླུའི་མཆན་འགྲེལ་༡༣༦ལས། རིགས་པའི་གཞུང་ལུགས་དང་སྙན་ངག་པ་རང་ལ་གྲགས་པའི་རིགས་དང་རྫས་གཉིས་སུ་བྱས་ཏེ། རིགས་ཅན་མང་པོ་ལ་ཁྱབ་པའི་སྤྱི་ལ་རིགས་དང༌། ནང་གསེས་དབྱེ་བ་མང་པོ་ལ་ཁྱབ་རྒྱུ་མེད་པའི་བྱེ་བྲག་ཅིག་ལ་རྫས། ཞེས་གསུངས་པ་ལྟར་རོ། །དཔེར་ན་སྙན་ངག་གི་སྐབས་སུ། རིགས་དང་རྫས་རང་བཞིན་བརྗོད་པ་ཞེས་འབྱུང་བ་ལྟར་རོ། །་རྫས་རང་བཞིན་བརྗོད་པ་ཞེས་འབྱུང་བ་ལྟར་རོ། །)
• Dictionaries/sgom sde tshig mdzod chenmo/13335  + (སྤྲ་བའི་མེ་ཏོག ཚེར་མའི་མེ་ཏོག ཐར་ནུའི་མེ་ཏ … སྤྲ་བའི་མེ་ཏོག ཚེར་མའི་མེ་ཏོག ཐར་ནུའི་མེ་ཏོག་རྣམས་དོན་གཅིག དམར་མཆན་ལས། ཚེར་མའི་རིགས་དང་དུག་གི་མེ་ཏོག་ཅེས་འབྱུང་། སྨན་གཞུང་དུ། ལྕམ་པ་ཕོ་རིགས་ལ། མེ་ཏོག་ཧ་ལོ་དང་། མོ་རིགས་ལ་རྒྱ་ལྕམ། མ་ནིང་རིགས་ལ་ཨརྐ་དང་། ཨརྫ་ཀ་ཞེས་བཤད་དོ། །ཞེས་དབྱངས་ཅན་དགའ་བློའི་ལམ་རིམ་བརྡ་བཀྲོལ་ལས་བཤད་དོ། །ཅན་དགའ་བློའི་ལམ་རིམ་བརྡ་བཀྲོལ་ལས་བཤད་དོ། །)
• Dictionaries/sgom sde tshig mdzod chenmo/4025  + (སྤྲིན་ནམ་མཁའ་ལ་ཡལ་བ་ན། ནམ་མཁའ་ལས་ལོགས་སུ་ཟ … སྤྲིན་ནམ་མཁའ་ལ་ཡལ་བ་ན། ནམ་མཁའ་ལས་ལོགས་སུ་ཟད་ཆ་མེད་པ་ལྟར། སྒྲིབ་པ་ཆོས་དབྱིངས་སུ་ཟད་པའི་ཆ་ཡང་ཆོས་དབྱིངས་ལས་གཞན་མེད་དོ། །ཞེས་གསུངས་སོ། །ཞེས་རྗེ་གུང་ཐང་པའི་སྐབས་དང་པོའི་མཆན་འགྲེལ་ལས་གསུངས་པ་ལྟར་རོ། །གཞན་ཡང་གསང་བསྐྱེད་མི་བསྐྱོད་ཞལ་ལུང་ལས། སངས་རྒྱས་པ་ན་རང་བཞིན་རྣམ་དག་དང༌། དྲི་མ་དང་བྲལ་བའི་གློ་བུར་རྣམ་དག་གཉིས་འདྲེས་ནས་སེམས་ཀྱི་ངོ་བོས་རང་བཞིན་ཆོས་ཉིད་ལ་སླར་མི་ལྡང་བའི་ཚུལ་གྱིས་སྙོམས་པར་ཞུགས་པས་ཉོན་མོངས་ཆོས་དབྱིངས་སུ་ཟད་པ་འགོག་བདེན་ལ་འཇོག་པའང་འདི་ལ་ཐུག་སྟེ། སྤྲིན་ནམ་མཁའ་ལ་ཟད་པ་ན་དགག་བྱ་ཐོག་རེག་བཀག་ཙམ་གྱི་སྟོང་སང་ལས་གཞན་མེད་པར་དྲི་མ་ཆོས་དབྱིངས་སུ་ཟད་པ་ན་ཆོས་ཉིད་ལས་ཟད་ཆ་གཞན་མེད་པས་སོ། །ཞེས་གསུངས། རྗེའི་འཇམ་དབྱངས་བསྟོད་སྤྲིན་རྒྱ་མཚོ་ལས། མཐའ་དག་འཛིན་པས་ནམ་ཡང་མི་རྫི་ཞིང་། །མ་ལུས་འཁྲུལ་སྣང་འཇོམས་ལ་ཐོགས་མེད་པའི། །ཏིང་འཛིན་ཀུན་གྱི་གཙོ་བོར་གྱུར་པ་གང་། །རྡོ་རྗེ་ལྟ་བུར་གྲགས་པའི་ཏིང་ངེ་འཛིན། །ཁྱོད་ཀྱིས་མངོན་དུ་མཛད་པ་དེ་ཡིས་མཐུས། །སྒྱུ་མ་ལྟ་བུའི་ཡུལ་གྱི་སྣང་བ་དང་། །རྨི་ལམ་ལྟ་བུའི་གསལ་ཞིང་རིག་པའི་བློ། །མྱོང་སྣང་མ་ལུས་ཆོས་ཀྱི་དབྱིངས་སུ་ཞུགས།། དེ་ཕྱིར་རྩ་བ་ཉམས་པ་ལྗོན་ཤིང་བཞིན། །མ་ལུས་འཛིན་པའི་ས་བོན་དྲུངས་ཕྱུང་བས། །སྐྱོབ་པ་ཁྱོད་ལ་ནམ་མཁའ་ཇི་སྲིད་དུ། །ཆོས་ཀྱི་སྐུ་ལས་གཡོ་བ་ག་ལ་ཞིག། ཅེས་གསུངས་པ་འདི་ཡང་དེ་དང་ཕྱོགས་འདྲ་བར་སེམས་སོ། །ུངས་པ་འདི་ཡང་དེ་དང་ཕྱོགས་འདྲ་བར་སེམས་སོ། །)
• Dictionaries/sgom sde tshig mdzod chenmo/13027  + (སྨོན་ལམ་བདུན་ཅུ་པ་འདི་སློབ་དཔོན་དཔའ་བོས་མཛ … སྨོན་ལམ་བདུན་ཅུ་པ་འདི་སློབ་དཔོན་དཔའ་བོས་མཛད་ཟེར་བ་དང་། སྡེ་དགེ་བསྟན་འགྱུར་སོགས་ཀྱི་དཀར་ཆག་ཏུ་འཁོད་པ་ལྟར། སློབ་དཔོན་དཔའ་བོ་ལས་ཕྱིས་བྱོན་པའི་སློབ་དཔོན་གཞན་ལ་ཕན་པའི་དབྱངས་དགོན་པ་བས་མཛད་ཟེར་བའི་བཤད་ཚུལ་གཉིས་སྣང་ངོ་། །སྨོན་ལམ་འདི་སྟོན་པ་ལ་ལྷག་པར་དད་དེ་རང་གི་ཁྲག་གིས་བྲིས་པར་ཏཱ་ར་ནཱ་ཐའི་རྒྱ་གར་ཆོས་འབྱུང་༡༠༠ལས་བཤད།པར་ཏཱ་ར་ནཱ་ཐའི་རྒྱ་གར་ཆོས་འབྱུང་༡༠༠ལས་བཤད།)
• Dictionaries/sgom sde tshig mdzod chenmo/13089  + (སྲིན་འབུ་མེ་ཁྱེར་ལ་ཟེར་བར་སྙམ། དབྱངས་ཅན་དག … སྲིན་འབུ་མེ་ཁྱེར་ལ་ཟེར་བར་སྙམ། དབྱངས་ཅན་དགའ་བློས། སྲིན་གྱི་མེ་ནི། བསྡུ་བར་སྣར་ཐང་སྤར་མར། སྲིན་གྱི་སྡེ་ཞེས་འབྱུང་བ་ལྟར་འབུ་སྲིན་གྱི་ཚོགས་ལ་བྱ་དགོས་ལ། དམར་མཆན་དུ་སྡོམ་ཡིན་གསུང་། ཡང་དམ་པ་འགའ་ཞིག ཧོ་ཐོན་སོགས་ཀྱི་ས་ཆ་ན་ཡོད་པའི་འབུ་སྲིན་སྡོམ་འདྲ་བ་མི་ལ་སོ་བཏབ་ན་མི་རིང་བར་མྱོས་ནས་འཆི་བ་ཞིག་ཡོད་པས་དེ་ལ་ཟེར་བ་ཡིན་གསུང་ངོ་། །ཞེས་གསུངས། རྗེའི་ལམ་རིམ་ལས། གནོད་སེམས་ཀྱི་ནི། ཡམས་དང་གནོད་པ་དང་ནད་འགོ་བ་དང་འཁྲུག་པ་དང་ཕ་རོལ་གྱི་དམག་ཚོགས་ལས་འཁྲུག་ལོང་མང་བ་དང་སེང་གེ་དང་སྟག་ལ་སོགས་པ་དང་སྦྲུལ་གདུག་དང་སྡིག་པ་དང་སྲིན་གྱི་མེ་མང་བ་དང་གནོད་སྦྱིན་གདུག་པ་དང་ཆོམ་རྐུན་ལ་སོགས་པ་མང་བ་དང༌། ཞེས་གསུངས་པ་ལྟར་རོ། །ན་ལ་སོགས་པ་མང་བ་དང༌། ཞེས་གསུངས་པ་ལྟར་རོ། །)
• Dictionaries/sgom sde tshig mdzod chenmo/2398  + (སློབ་དཔོན་ཀླུ་སྒྲུབ་ཀྱིས་ཆོས་སྒྲ་ཆེན་པོ་ལན … སློབ་དཔོན་ཀླུ་སྒྲུབ་ཀྱིས་ཆོས་སྒྲ་ཆེན་པོ་ལན་གསུམ་དུ་བསྒྲགས་པར་བཤད་པའི་དང་པོ་ནི། དགེ་སློང་བདེ་བྱེད་ལ་སོགས་པའི་ཉན་ཐོས་སྡེ་པ་ཁ་ཅིག་ཚར་བཅད་པ་དང་། ཆོས་སྒྲ་གཉིས་པ་ནི་དབུ་མ་རིགས་ཚོགས་དྲུག་ལ་སོགས་པའི་ཟབ་མོ་སྟོང་ཉིད་སྟོན་པའི་བསྟན་བཅོས་བརྩམས་པ་དང་། ཆོས་སྒྲ་གསུམ་པ་ནི་རྔ་བོ་ཆེ་ལ་སོགས་པའི་མདོ་ལ་བརྟེན་ནས་བདེར་གཤེགས་སྙིང་པོའི་ཁམས་ཆོས་དབྱིངས་རྟག་པ་སེམས་ཅན་ཐམས་ཅད་ལ་ཁྱབ་པར་སྟོན་པའི་ཆོས་དབྱིངས་བསྟོད་པ་སོགས་བརྩམས་པ་ལ་བྱེད་པར་ཕྱོགས་གཞན་གྱིས་མཁས་པ་ཁ་ཅིག་གིས་བཤད་པ་ལ་ཀུན་མཁྱེན་འཇམ་དབྱངས་བཞད་པས་དེ་འཐད་ཕྱོགས་སུ་མཛད་ཅེས་ལྕང་སྐྱ་རོལ་པའི་རྡོ་རྗེ་གསུང་ངོ་། །ཛད་ཅེས་ལྕང་སྐྱ་རོལ་པའི་རྡོ་རྗེ་གསུང་ངོ་། །)
• Dictionaries/sgom sde tshig mdzod chenmo/6156  + (སློབ་དཔོན་དཔའ་བོ། རྟ་དབྱངས། ཐུབ་དཀའ། ཐུབ་དཀའ་ནག་པོ། མ་ཁོལ། ཕ་ཁོལ། ཆོས་ལྡན་རབ་འབྱོར། མ་ཏི་ཙི་ཏྲ་རྣམས་མཚན་གྱི་རྣམ་གྲངས་སུ་གསུངས། ཁོང་ཕ་མ་ལ་ཤིན་ཏུ་གུས་པས་མ་ཁོལ་དང་ཕ་ཁོལ་ཞེས་གྲགས་སོ། །འདིའི་ལོ་རྒྱུས་ཏཱ་ར་ནཱ་ཐའི་རྒྱ་གར་ཆོས་འབྱུང་༩༧ན་གསལ།)
• Dictionaries/sgom sde tshig mdzod chenmo/12077  + (སློབ་དཔོན་དཔའ་བོའམ་རྟ་དབྱངས་ཀྱིས་མཛད་པའི་ས … སློབ་དཔོན་དཔའ་བོའམ་རྟ་དབྱངས་ཀྱིས་མཛད་པའི་སྟོན་པའི་འཁྲུངས་རབས་སྟོན་པའི་བསྟན་བཅོས་ཤིག ཤླཽ་ཀ་སུམ་སྟོང་ཕྱེད་དང་བཞི། བམ་པོ་བཅུ་གཉིས་པ། རྒྱ་གར་གྱི་མཁན་པོ་བིདྱཱ་ཀ་ར་སིངྷ་དང་། ཞུ་ཆེན་གྱི་ལོ་ཙཱ་བ་མཉྫུ་ཤྲཱི་ཝརྨའི་འགྱུར། བསྟན་འགྱུར་༼ ཧི་པར ༽བཞུགས། འདི་བཀའ་འཁོར་ལོ་རིམ་པ་གསུམ་གྱི་ནང་ནས་ཅི་རིགས་པར་བཏུས་པའོ། །སྐྱེས་རབས་སོ་བཞི་པ་འདི་རྩོམ་འཕྲོ་ལུས་པར་གྲགས་ཏེ། སློབ་དཔོན་རྟ་དབྱངས་ལྷོ་ཕྱོགས་ནས་དབུས་སུ་བྱོན་པ་ན། ངོ་མཁྱེན་པ་ཐམས་ཅད་ནགས་སུ་བཞུགས་པའི་ཚེ་སྟག་མོ་ལ་སྐུ་ལུས་བཏང་བས་སྐྱེས་རབས་བརྩམས་འཕྲོ་ལུས་པར། ཆོས་འབྱུང་མཁས་པའི་དགའ་སྟོན་༡༤༥༣ན་གསལ།་པར། ཆོས་འབྱུང་མཁས་པའི་དགའ་སྟོན་༡༤༥༣ན་གསལ།)
• Dictionaries/sgom sde tshig mdzod chenmo/6894  + (སློབ་དཔོན་རྟ་དབྱངས་ཀྱིས་མཛད། བསྟན་འགྱུར་༼ ངེ་པ ༽༣༤བ༣ན་བཞུགས།)
• Dictionaries/sgom sde tshig mdzod chenmo/5603  + (སློབ་མ་བསྡུ་བའི་ཐབས་བཞི་སྟེ། མཁོ་བ་སྦྱིན་པ … སློབ་མ་བསྡུ་བའི་ཐབས་བཞི་སྟེ། མཁོ་བ་སྦྱིན་པ། སྙན་པར་སྨྲ་བ། དོན་སྤྱོད་པ། དོན་མཐུན་པ་དང་བཞིའོ། །ཇོ་བོའི་བསྟོད་པ་ལས། མཁོ་བ་སྦྱིན་དང་སྙན་པར་སྨྲ་བ་དང༌། །འཇིག་རྟེན་དོན་མཐུན་གདུལ་བྱའི་དོན་ལ་སྤྱོད། །བསྡུ་བའི་དངོས་པོ་བཞི་ཡི་དཔལ་འབྱོར་གྱིས། །གཞན་དོན་ལྷུར་མཛད་ཁྱེད་ལ་གསོལ་བ་འདེབས། །ཞེས་གསུངས། མཁོ་བ་སྦྱིན་པ་ནི། ཐོག་མར་གཞན་ལ་མཁོ་བའི་ཡོ་བྱད་སོགས་བྱིན་ནས་གདུལ་བྱ་རྣམས་འཁོར་དུ་བསྡུས་པའོ། །སྙན་པར་སྨྲ་བ་ནི། ཐབས་མཁས་ཀྱི་སྒོ་ནས་ཆོས་ཀྱི་གཏམ་བཤད་དེ་སྙན་པར་སྨྲ་བའོ། །དོན་སྤྱོད་པ་ནི། ཇི་ལྟར་བསྟན་པའི་དོན་དེ་རྣམས་ལ་གདུལ་བྱ་རྣམ་སྤྱོད་དུ་འཇུག་པའོ། །དོན་མཐུན་པ་ནི། གཞན་རྣམས་དོན་གང་ལ་སྦྱར་བ་དེ་ལ་རང་ཡང་གནས་ནས་དེ་དང་མཐུན་པར་སློབ་པའོ། །སློབ་དཔོན་རྟ་དབྱངས་ཀྱིས། སྦྱིན་པའི་གཡབ་མོས་ལེགས་བོས་ནས། །སྙན་པར་སྨྲ་བའི་གཏམ་བྱས་ནས། །དོན་སྤྱོད་པ་ཡིས་བག་ཕབ་སྟེ། །དོན་མཐུན་གྲོས་ཆེན་གདབ་པར་བགྱི། །ཞེས་གསུངས་པ་ལྟར་རོ། །གོང་གི་སློབ་དཔོན་རྟ་དབྱངས་ཀྱི་གསུང་འདི། བུ་སྟོན་རིན་པོ་ཆེའི་དུས་འཁོར་གྱི་འགྲེལ་པ་འདོད་འཇོ་དང་། རིགས་པའི་དབང་ཕྱུག་སེ་ར་རྗེ་བཙུན་ཆོས་ཀྱི་རྒྱལ་མཚན་གྱི་ཕར་ཕྱིན་སྤྱི་དོན་གཉིས་ཀར་སྣང་། རྗེའི་ལམ་རིམ་ཆེན་མོ་ལས། སྦྱིན་པ་འདུ་བ་ནི་སླ་ལ། ཚིག་སྙན་པ་ནི་ཕྱིན་དྲུག་ལས་བརྩམས་ཏེ་གདུལ་བྱ་ལ་འདོམས་པ་ཡིན་ཞིང༌། དོན་སྤྱོད་པ་ནི་གདམས་པའི་དོན་དེ་ལ་གཞན་བཀོད་པ་ཡིན་ལ། དོན་མཐུན་པ་ནི་རང་གིས་ཀྱང་གདུལ་བྱ་དང་འདྲ་བར་བསྒྲུབ་པ་ཡིན་པའི་ཕྱིར་རོ། །ཞེས་གསུངས། དེབ་སྔོན་སྨད་ཆ་༡༠༡༥ལས་ཀྱང་། བླ་མས་སློབ་མ་འཁྲིད་པ་ན་བསྡུ་བའི་དངོས་པོ་བཞིས་འཁྲིད་པར་གསུངས་པ་ལ་དོན་སྤྱོད་པ་ནི་སློབ་མ་ཐབས་ཇི་ལྟ་བུས་ལས་ལ་འཛུད་པའི་ཐབས་དེ་ལ་བྱ་ལ། དོན་མཐུན་པ་ནི་སློབ་མ་ལ་ལམ་གང་བསྟན་པའི་ལམ་དེ་ཉིད་ལ་བླ་མ་ཡང་གནས་པ་ལ་བྱ་བ་ཡིན་པའི་ཕྱིར། ཞེས་གསུངས།མ་ཡང་གནས་པ་ལ་བྱ་བ་ཡིན་པའི་ཕྱིར། ཞེས་གསུངས།)
• Dictionaries/sgom sde tshig mdzod chenmo/3574  + (ཨི། ཨུ། ཨེ། ཨོ་དང་བཞིའོ། །ཡང་ན། གི་གུ། ཞབས … ཨི། ཨུ། ཨེ། ཨོ་དང་བཞིའོ། །ཡང་ན། གི་གུ། ཞབས་ཀྱུ། འགྲེང་བུ། རྣ་རུའམ་གནའ་རུ་ད་བཞིའོ། །སུམ་ཅུ་པའི་རྩ་བར། ཡི་གེ་ཨཱ་ལི་ཀཱ་ལི་གཉིས། །ཨཱ་ལི་གསལ་བྱེད་ཨི་སོགས་བཞི། །ཀཱ་ལི་སུམ་ཅུ་ཐམ་པ་འོ། །ཞེས་གསུངས་སོ། །༼ གི་གུ ༽ ( ི ) བོད་ཡིག་དབྱངས་བཞིའི་དང་པོ་ཨི་ཡིག་མཚོན་བྱེད་ཡིན། དབྱངས་ཀྱི་གོ་དོན་ནི། ང་རོའི་རྣམ་པ་ཅན་གྱི་ཆ་ནས་བཞག་པའི་ཡི་གེ་དེ། དབྱངས་ཀྱི་མཚན་ཉིད། གསེར་ཏོག་སུམ་འགྲེལ་༢༩ལས། གནས་དང་བྱེད་པའི་རྣམ་འགྱུར་མི་གསལ་ཞིང་སྒྲའི་གདངས་ཙམ་དང་ང་རོ་ཙམ་ཤས་ཆེ་བའི་ཆ་ནས་བཞག་པས། ཡི་གེ་གཞན་ལ་མ་ཞུགས་པར་རང་སྟོབས་ཀྱིས་བརྗོད་པ་གསལ་བར་མི་ནུས་པས་ན་འདིར་བསྟན་དབྱངས་རྐྱང་ཞེས་བྱའོ། །ཞེས་གསུངས་སོ། །སྒྲ་བཤད་ནི། དབྱིབས་གུག་གུག་ཡིན་པའི་ཆ་ནས་གི་གུ་ཞེས་བཏགས། འདི་ལ་ “གི་གུ” དང་ “གུ་གུ” “གུག་གུ” ཞེས་ཀྱང་བྲིས་པ་ཡོད། ༼ ཞབས་ཀྱུ ༽ ( ུ ) བོད་ཡིག་གི་དབྱངས་གཉིས་པ་ཨུ་ཡིག་མཚོན་བྱེད། དབྱིབས་ལྕགས་ཀྱུ་ལྟར་གུག་ནས་ཡོད་པའི་ཆ་ནས་ཞབས་ཀྱུ་ཟེར། སྒྲ་བཤད་ནི། ཞབས་ནི་རྐང་པ། ཀྱུ་ནི་ཀྱོག་ཀྱོག་གི་དོན་ནོ། །ཀྱུ་དང་། ཀྱོ། ཀྱོག་ཀྱོག་རྣམས་དོན་གཅིག དཔེར་ན་ལྕགས་ཀྱུའམ། ལྕགས་ཀྱོ་ཞེས་པ་ལྟ་བུའོ། །༼ འགྲེང་བུ ༽ ( ེ ) བོད་ཡིག་གི་དབྱངས་གསུམ་པ་ཨེ་ཡིག་མཚོན་བྱེད། དབྱིབས་འགྲེང་བའམ་ཀེ་རེར་ལངས་ནས་ཡོད་པའི་རྣམ་པར་ཡོད་པས། འགྲེང་བུའམ་འགྲེང་པོ་ཟེར། འགྲེང་པོ་ཞེས་བྲིས་པའང་ཡོད།༼ རྣ་རུ ༽ ( ོ ) བོད་ཡིག་གི་དབྱངས་བཞི་པ་ཨོ་ཡིག་མཚོན་བྱེད། འདི་ལ་ཡོངས་གྲགས་སུ་ “ན་རོ” ཞེས་འབྲི་བར་བྱེད་ཀྱང་ “རྣ་རུ” དང་ “གནའ་རུ” ཞེས་བྲིས་ན་བཟང་ངོ་། །རྣ་རུའམ་གནའ་རུ་ཞེས་པ་ནི། རི་དྭགས་གནའ་བའི་རྭ་ཅོ་དང་དབྱིབས་འདྲ་བས་ན་དེ་སྐད་ཅེས་བཏགས་པའོ། །དེ་ཡང་ “རྣ” ནི་གནའ་ཡི་འབྲི་ཚུལ་གཞན་ཡིན་ལ། “རུ” རྭ་ཅོའི་མིང་ངོ་། །དཔེར་ན་བ་གླང་གི་རྭ་ཅོ་ལ། གླང་རུ་ཞེས་པ་ལྟ་བུའོ། །བསྟན་དར་ལྷ་རམས་པས། དེ་བཞིན་དུ་དབྱངས་བཞིའི་ཐ་མ་ན་རོ་ཞེས་བྲིས་པ་ལས་གནའ་རུའམ་རྣ་རུ་ཞེས་བྲིས་ན་སྒྲ་བཤད་དང་ལྡན་ནོ། །ཞེས་གསུངས་སོ། །དབྱངས་ལ་བཞིར་གྲངས་ངེས་པའི་ཁུངས་ནི། སུམ་ཅུ་པའི་རྩ་བ་ལས། ཡི་གེ་ཨཱ་ལི་ཀཱ་ལི་གཉིས། །ཨཱ་ལི་གསལ་བྱེད་ཨི་སོགས་བཞི། །ཞེས་གསུངས་ཤིང་། སི་ཏུ་འགྲེལ་ཆེན་ལས་ཀྱང་། འདི་སྐབས་འགྲེལ་བྱེད་སྔ་མ་ཁ་ཅིག་གིས། ཨ་ཡིག་ཨཱ་ལིར་བགྲངས་པའི་ཨཱ་ལི་ལྔ་དང་ཀཱ་ལི་ཉེར་དགུར་འདོད་པ་བྱུང་མོད་ཀྱི་མཁན་པོའི་དགོངས་པ་མ་རྟོགས་པར་གཟུ་ལུམ་བྱས་པར་སྣང་སྟེ་རྩ་བ་ལས་དངོས་འགལ་དུ་སྨྲས་པའི་ཕྱིར། ཞེས་གསུངས་སོ། །ལེགས་བཤད་ལྗོན་དབང་ལས་ཀྱང་། །དབྱངས་ཀྱི་བྱ་བ་གསལ་པོ་རུ། །བྱེད་པ་ཨི་ཨུ་ཨེ་ཨོ་བཞི། །ཞེས་གསུངས་པའི་ཕྱིར་རོ། །ས་པཎ་དང་དཔལ་ཁང་ལོ་ཙཱ་བ་སོགས་ཀྱིས་ཨ་ཡིག་བསྣན་ནས་དབྱངས་ལྔ་རུ་བཞེད་པའང་ཡོད་དེ། དེའི་སྐོར་གོང་དུ་དབྱངས་ལྔ་ཞེས་པའི་ཐད་དུ་གཟིགས།་སྐོར་གོང་དུ་དབྱངས་ལྔ་ཞེས་པའི་ཐད་དུ་གཟིགས།)
• Dictionaries/sgom sde tshig mdzod chenmo/3575  + (ཨི། ཨུ། ཨེ། ཨོ། ཨ་དང་ལྔའོ། །ཐོན་མིས་སུམ་ཅུ … ཨི། ཨུ། ཨེ། ཨོ། ཨ་དང་ལྔའོ། །ཐོན་མིས་སུམ་ཅུ་པའི་རྩ་བར་དབྱངས་བཞི་མ་གཏོགས་མ་གསུངས་ཀྱང་། ས་པཎ་སོགས་ཕྱིས་ཀྱི་མཁས་པ་མང་པོས་དབྱངས་ལ་ལྔ་རུ་བཞེད་དེ། དེ་ཡང་ས་པཎ་གྱིས་མཛད་པའི་མཁས་པའི་ཁ་རྒྱན་ལས། བོད་ཀྱི་དབང་དུ་མཛད་དེ་དབྱངས་རྣམས་ནི་ལྔའོ། །གསལ་བྱེད་རྣམས་ནི་ཉི་ཤུ་རྩ་དགུའོ། །ཞེས་དང་། (ཡང་ས་པཎ་གྱི་དག་པར་སྡེབ་སྦྱོར་རིན་ཆེན་རྒྱ་མཚོ་ཞེས་པར། དབྱངས་ཡིག་ཨི་ཨུ་ཨེ་ཨོ་བཞི། །གསལ་བྱེད་ཀ་སོགས་སུམ་ཅུ་ཡིན། །ཞེས་ཀྱང་གསུངས་པས། རང་ལུགས་གང་ཡིན་མ་ངེས་སོ) དེའི་རྗེས་སུ་འབྲངས་ནས་དཔལ་ཁང་ལོ་ཙཱ་བའི་དག་ཡིག་ངག་སྒྲོན་ལས། དབྱངས་ལྔ་ཡ་ར་ལ་ཝའི་འདོགས། ཞེས་འབྱུང་ཞིང་། ས་སྐྱ་ཨ་མྱེས་ཀྱི་མིག་དབང་རབ་གསལ་རྣམས་སུ་ཡང་། དེ་བཞིན་དུ་འབྱུང་བར། མཁས་དབང་ཚེ་ཏན་ཞབས་དྲུང་གིས་མཛད་པའི་སུམ་རྟགས་འགྲེལ་པ་ཐོན་མིའི་ཞལ་ལུང་ལས་གསུངས། །གཞན་ཡང་། བསྟན་དར་ལྷ་རམས་པའི་སུམ་རྟགས་འགྲེལ་པ་ལས། ཨ་ལ་དབྱངས་འཇུག་མེད་པས་ན། །གསལ་བྱེད་ཡིན་གྱི་ཨ་མ་གཏོགས། །ལྷག་མ་ཉི་ཤུ་རྩ་དགུ་ནི། །ཨ་ཡི་དབྱངས་ཀྱིས་བརྗོད་པའི་ཕྱིར། །ཨ་ཡང་དབྱངས་སུ་འདུ་བར་འདོད། །ཅེས་དང་། གསེར་ཏོག་སུམ་འགྲེལ་༣༢ལས། སྐབས་འདིར་བོད་ཀྱི་གསལ་བྱེད་སྲོག་མེད་དང་དེར་དབྱངས་ཞུགས་པ་ལ་སྲོག་ཏུ་ཞུགས་པའི་ཐ་སྙད་འདོགས་རྒྱུ་མེད་ཀྱང་། གསལ་བྱེད་ཉེར་དགུ་པོ་ལ་ཨ་དང་གུག་གུ་སོགས་གང་རུང་གི་གདངས་སམ་ང་རོ་ཡན་ལག་ཏུ་ངེས་པར་འཇུག་དགོས་པས་ན། དངོས་བསྟན་གྱི་དབྱངས་གུག་གུ་སོས་བཞི་དང་། གསལ་བྱེད་སུམ་ཅུར་ཨ་ཡིག་བཞག་པ་ནི་ཐ་མའི་གསལ་བྱེད་ཡིན་ཏེ། ཨའི་གདངས་ཞུགས་པས་ཀ་སོགས་འགྲུབ་པ་མཚོན་ཕྱིར་དུ་མཛད་པས་བོད་ཀྱི་དབྱངས་ཡིག་ལ་ལྔ་ཡོད་པར་འདོད་དགོས་སོ། །ཞེས་གསུངས་སོ། །འོན་ཀྱང་སུམ་ཅུ་པའི་རྩ་བར། ཨཱ་ལི་གསལ་བྱེད་ཨི་སོགས་བཞི། །ཀཱ་ལི་སུམ་ཅུ་ཐམ་པ་འོ། །ཞེས་དབྱངས་བཞི་དང་གསལ་བྱེད་སུམ་ཅུར་གསུངས་སོ། །སི་ཏུ་འགྲེལ་ཆེན་ལས་ཀྱང་། འདི་སྐབས་འགྲེལ་བྱེད་སྔ་མ་ཁ་ཅིག་གིས། ཨ་ཡིག་ཨཱ་ལིར་བགྲངས་པའི་ཨཱ་ལི་ལྔ་དང་ཀཱ་ལི་ཉེར་དགུར་འདོད་པ་བྱུང་མོད་ཀྱི་མཁན་པོའི་དགོངས་པ་མ་རྟོགས་པར་གཟུ་ལུམ་བྱས་པར་སྣང་སྟེ་རྩ་བ་ལས་དངོས་འགལ་དུ་སྨྲས་པའི་ཕྱིར། ཞེས་གསུངས་སོ། །རྩ་བར་དབྱངས་ལ་བཞིར་གསུངས་ལ། ས་པཎ་གྱིས་ལྔ་རུ་བཤད་པས། དེ་རྩ་འགལ་ཡིན་པས། བླུན་རྨོངས་འགས་སུམ་རྟགས་གཉིས་པོ་ས་པཎ་གྱིས་མཛད་ཟེར་བའི་མ་བརྟགས་བབ་ཅོལ་དུ་སྨྲ་བའི་ལོག་བཤད་ཀྱང་རང་ཤུགས་ཀྱིས་ཁེགས་སོ། །ྨྲ་བའི་ལོག་བཤད་ཀྱང་རང་ཤུགས་ཀྱིས་ཁེགས་སོ། །)

• Dictionaries/sgom sde tshig mdzod chenmo/1018  + (7 ཚབ། གོ་ས། འཇམ་དབྱངས་ཀྱི་གནས་སུ་འོད་དཔག་མེད་གསལ་གདབ་ཅེས་པ་ལྟ་བུ།)

• Dictionaries/sgom sde tshig mdzod chenmo/7471  + (( ུ ) བོད་ཡིག་གི་དབྱངས་གཉིས་པ་ཨུ་ཡིག་མཚོན་ … ( ུ ) བོད་ཡིག་གི་དབྱངས་གཉིས་པ་ཨུ་ཡིག་མཚོན་བྱེད། དབྱིབས་ལྕགས་ཀྱུ་ལྟར་གུག་ནས་ཡོད་པའི་ཆ་ནས་ཞབས་ཀྱུ་ཟེར། སྒྲ་བཤད་ནི། ཡི་གེའི་ཞབས་སམ་སྨད་དུ་འདོགས་ཤིང་དབྱིབས་ཀྱོག་ཀྱོག་ཡིན་པས་དེ་སྐད་ཅེས་བྱའོ། །དེ་ཡང་ཀྱུ་དང་། ཀྱོ། ཀྱོག་ཀྱོག་རྣམས་དོན་གཅིག་སྟེ། དཔེར་ན་ལྕགས་ཀྱུ་ལ་ལྕགས་ཀྱོ་ཞེས་འབྲི་བ་ལྟ་བུའོ། །་ལྕགས་ཀྱུ་ལ་ལྕགས་ཀྱོ་ཞེས་འབྲི་བ་ལྟ་བུའོ། །)
• Dictionaries/sgom sde tshig mdzod chenmo/4094  + (( ོ ) བོད་ཡིག་གི་དབྱངས་བཞི་པ་ཨོ་ཡིག་མཚོན་བྱེད། འདི་ལ་རྣ་རུདང་གནའ་རུཞེས་བྲིས་ན་བཟང་ངོ་། །རྣ་རུའམ་གནའ་རུ་ཞེས་པ་ནི། རི་དྭགས་གནའ་བའི་རྭ་ཅོ་དང་དབྱིབས་འདྲ་བས་ན་དེ་སྐད་ཅེས་བྱའོ། །ཞིབ་པར་རྣ་རུ་ལ་གཟིགས།)
• Dictionaries/sgom sde tshig mdzod chenmo/1420  + ((གསང་སྔགས) དཔལ་གསང་བ་འདུས་པའི་རྒྱུད་ཀྱི་འག … (གསང་སྔགས) དཔལ་གསང་བ་འདུས་པའི་རྒྱུད་ཀྱི་འགྲེལ་པ་རྒྱ་གར་མཁས་པའི་མཛད་པ་ལ། (སློབ་དཔོན་ཀླུ་སྒྲུབ་ཀྱིས་མཛད་པའི་འདུས་པའི་འགྲེལ་པ་བརྒྱད་ནི) གསང་བ་འདུས་པའི་རྒྱུད་ཀྱི་འགྲེལ་པ། (མནྟྲ་ཀ་ལ་ཤའི་རང་འགྱུར) སྒྲུབ་ཐབས་མདོར་བྱས། མདོ་བསྲེ། དཀྱིལ་འཁོར་ཆོ་ག་ཉི་ཤུ་པ། (གཞོན་ནུ་བུམ་པའི་རང་འགྱུར) རིམ་ལྔ། (རིན་ཆེན་བཟང་པོའི་འགྱུར) བྱང་ཆུབ་སེམས་ཀྱི་འགྲེལ་པ་ཚིགས་བཅད་མ། (པ་ཚབ་ཀྱི་འགྱུར) ཚིག་ལྷུག (མདོ་སྡེ་འབར་གྱི་འགྱུར) བཅས་བརྒྱད་པོ་རྣམས་སོ། ། (སློབ་དཔོན་འཕགས་པ་ལྷས་མཛད་པའི) སྤྱོད་པ་བསྡུས་པའི་སྒྲོན་མ། (རིན་ཆེན་བཟང་པོའི་འགྱུར) དེའི་བཤད་པ། (སློབ་དཔོན་ཤཱཀྱ་བཤེས་གཉེན་གྱི་མཛད་པ། པ་ཚབ་ཀྱི་འགྱུར) (སློབ་དཔོན་ཀླུའི་བྱང་ཆུབ་ཀྱིས་མཛད་པའི) དཀྱིལ་ཆོག (པ་ཚབ་ཀྱི་འགྱུར) (སློབ་དཔོན་འཕགས་པ་ལྷས་མཛད་པའི) སེམས་ཀྱི་སྒྲིབ་སྦྱོང་། (ནག་ཚོའི་འགྱུར) བདག་བྱིན་གྱིས་བརླབ་པའི་རིམ་པ་དང༌། མངོན་པར་བྱང་ཆུབ་པའི་རིམ་པ། (རིན་ཆེན་བཟང་པོའི་འགྱུར) ཡ་ར་ལ་ཝ་ལ་སོགས་པ་ཚུལ་བཞིར་བཤད་པ། གསང་བ་འདུས་པའི་རོ་སྲེག་གི་ཆོ་ག (རིན་ཆེན་བཟང་པོའི་འགྱུར) (སློབ་དཔོན་སྒྲ་གཅན་འཛིན་དཔལ་བཤེས་གཉེན་གྱིས་མཛད་པའི) དཀྱིལ་འཁོར་ཆོག་ག་ཟུང་འཇུག་གསལ་བ། (ས་ལོའི་འགྱུར) (སློབ་དཔོན་ཀླུའི་བློས་མཛད་པའི) བསྐྱེད་རིམ་རྣམ་གཞག་རིམ་པ། (རིན་ཆེན་བཟང་པོའི་འགྱུར) ལས་ཀྱི་མཐའ་རྣམ་པར་འབྱེད་པ། (ཆོས་རྗེ་དཔལ་གྱི་འགྱུར) (སློབ་དཔོན་སྒྲ་དབྱངས་བཅུ་གཅིག་པས་མཛད་པའི) རྡོ་རྗེ་འཆང་ཆེན་པོའི་ལམ་གྱི་རིམ་པ། (རིན་ཆེན་བཟང་པོའི་འགྱུར) (སློབ་དཔོན་ཀླུའི་བྱང་ཆུབ་ཀྱིས་མཛད་པའི) རིམ་ལྔའི་འགྲེལ་པ་ནོར་བུའི་ཕྲེང་བ། (ནག་ཚོའི་འགྱུར) (སློབ་དཔོན་ཀླུའི་བློས་མཛད་པའི) རིམ་པ་ལྔ་ཁོངས་སུ་བསྡུ་བ། (པ་ཚབ་ཀྱི་འགྱུར) (ནག་པོ་དམ་ཚིག་རྡོ་རྗེས་མཛད་པའི) རིམ་ལྔའི་དཀའ་འགྲེལ། (ནག་ཚོའི་འགྱུར) (སློབ་དཔོན་ཀླུའི་བྱང་ཆུབ་ཀྱིས་མཛད་པའི) རིམ་ལྔའི་དཀའ་འགྲེལ་དོན་གསལ་བ། (འདི་ཐེ་ཚོམ་གྱི་གཞིའོ་གསུང) (སློབ་དཔོན་བྷ་བྱ་ཀིརྟིའམ་སྐལ་ལྡན་གྲགས་པས་མཛད་པའི) རིམ་ལྔའི་དཀའ་འགྲེལ། (ཤཱཀྱ་བརྩོན་འགྲུས་ཀྱི་འགྱུར) (སློབ་དཔོན་ཨ་བྷྱ་ཀ་རས་མཛད་པའི) རིམ་ལྔའི་འགྲེལ་པ་ཟླ་བའི་འོད་ཟེར། (བི་བྷཱུ་ཏི་ཙནྡྲའི་རང་འགྱུར) (སློབ་དཔོན་བརྩོན་འགྲུས་བཟང་པོས་མཛད་པའི་) རིམ་ལྔའི་དཀའ་འགྲེལ་དོན་གསལ་བ། (ཤེས་རབ་བརྩོན་འགྲུས་ཀྱི་འགྱུར) (སློབ་དཔོན་ཟླ་བ་གྲགས་པས་མཛད་པའི) གསང་འདུས་འགྲེལ་པ་སྒྲོན་མ་གསལ་བ། (རིན་ཆེན་བཟང་པོའི་འགྱུར) རྡོ་རྗེ་སེམས་དཔའི་སྒྲུབ་ཐབས། (གཞོན་ནུ་འབར་དང་བ་རིའི་འགྱུར) (སློབ་དཔོན་ལེགས་ལྡན་འབྱེད་ཀྱིས་མཛད་པའི) སྒྲོན་གསལ་གྱི་དཀའ་གནད་བཤད་པ། (ཤཱཀྱ་བརྩོན་འགྲུས་ཀྱི་འགྱུར) (སློབ་དཔོན་སྒེག་པའི་རྡོ་རྗེས་མཛད་པའི) གསང་འདུས་གླེང་གཞིའི་བཤད་པ། བདེ་བ་ཆེན་པོའི་སྒྲུབ་ཐབས། (སློབ་དཔོན་ནག་པོ་པས་མཛད་པའི) གསང་འདུས་ཀྱི་དཀྱིལ་ཆོག་དང་རབ་གནས་གཉིས། (འགོས་འགྱུར) (ཤྲདྡྷཱ་ཀ་ར་ཝརྨས་མཛད་པའི) རྒྱན་བདུན་རྣམ་པར་དགྲོལ་བ། (རིན་ཆེན་བཟང་པོའི་འགྱུར) (ནག་པོ་པའི) རྡོ་རྗེ་སེམས་དཔའི་མཆོད་ཆོག (འགོས་འགྱུར) གསང་འདུས་གཏོར་ཆོག སྒྲུབ་ཐབས་མདོར་བྱས་ཀྱི་འགྲེལ་པ། (སློབ་དཔོན་ཤཱནྟི་པས་མཛད་པའི) རིན་ཆེན་ཕྲེང་བ་ (ཀརྨ་བཛྲའི་རང་འགྱུར) (སློབ་དཔོན་ཤྲདྡྷཱ་ཀ་ར་ཝརྨས་མཛད་པའི) དགོངས་པ་ལུང་སྟོན་གྱི་རྡོ་རྗེ་བཟླས་པའི་འགྲེལ་པ་དང༌། རྒྱུད་ཀྱི་དོན་ལ་འཇུག་པ་གཉིས། (རིན་ཆེན་བཟང་པོའི་འགྱུར) (སློབ་དཔོན་བྷ་བྱ་ཀིརྟིས་མཛད་པའི) སྒྲོན་གསལ་གྱི་ཊཱི་ཀ་དགོངས་པ་རབ་གསལ་སྟོང་ཕྲག་བཅུ་དང་དྲུག་པ། (ཀུ་མཱ་རའི་རང་འགྱུར) (སློབ་དཔོན་ཀུ་མཱ་རས་མཛད་པའི) སྒྲོན་མ་གསལ་བ་མདོར་བཤད་པ་སྙིང་གི་མེ་ལོང་། (ཤཱཀྱ་བློ་གྲོས་ཀྱི་འགྱུར) (སློབ་དཔོན་ཟླ་བ་གྲགས་པས་མཛད་པའི) གསང་བ་འདུས་པའི་མངོན་པར་རྟོགས་པ་རྒྱན་གྱི་འགྲེལ་པ་དང༌། སྒྲོན་གསལ་གྱི་འགྲེལ་བཤད། (སློབ་དཔོན་འཕགས་པ་ལྷས་མཛད་པ་འདི་གཉིས་ཐེ་ཚོམ་གྱི་གཞིའོ་གསུང) གསང་འདུས་འགྲེལ་པ། (སྨྲ་ཏིས་མཛད་ཅིང་རང་འགྱུར) སངས་རྒྱས་ཡེ་ཤེས་ཞབས་ཀྱི་འཇམ་དཔལ་གྱི་ཞལ་གྱི་ལུང་། (ལྷ་ཡེ་ཤེས་རྒྱལ་མཚན་གྱི་འགྱུར) ཞལ་ལུང་ཆུང་ངུ་དང༌། སྒྲུབ་ཐབས་ཀུན་བཟང་གཉིས། (རིན་ཆེན་བཟང་པོའི་འགྱུར) ཀུན་ཏུ་བཟང་མོའི་སྒྲུབ་ཐབས། (སྨྲ་ཏིའི་རང་འགྱུར) བདག་གྲུབ་པ་ལ་འཇུག (འགོས་འགྱུར) གྲོལ་བའི་ཐིག་ལེ། (ལྷ་ཡེ་ཤེས་རྒྱལ་མཚན་གྱི་འགྱུར) ཧེ་རུ་ཀའི་སྒྲུབ་ཐབས། (ཏེ་བདུན་སློབ་དཔོན་སངས་རྒྱས་ཡེ་ཤེས་ཞབས་ཀྱིས་མཛད་དོ) འཇམ་དཔལ་ཞལ་ལུང་གི་འགྲེལ་པ། (སློབ་དཔོན་སྨན་པའི་ཞབས་ཀྱིས་མཛད་པ) མཛེས་པའི་མེ་ཏོག (ལྷ་ཡེ་ཤེས་རྒྱལ་མཚན་གྱི་འགྱུར) སྒྲུབ་ཐབས་ཀུན་བཟང་གི་འགྲེལ་པ། (སློབ་དཔོན་དཔལ་འབྲས་རྡོ་རྗེ་དང༌། ཐ་ག་ནས་མཛད་པ་གཉིས་ རིན་ཆེན་བཟང་པོའི་འགྱུར) ཀུན་ཏུ་བཟང་པོའི་སྒྲུབ་ཐབས་ཀྱི་འགྲེལ་པ། (སློབ་དཔོན་ཀུན་ཏུ་བཟང་པོས་མཛད་པའི) སྙིང་པོའི་སྙེ་མ། (བློ་ལྡན་ཤེས་རབ་ཀྱི་འགྱུར) གྲོལ་བའི་ཐིག་ལེའི་འགྲེལ་པ། (སྨན་ཞབས་ཀྱིས་མཛད་པ་དང༌། དེས་མཛད་པའི) སྒྲུབ་ཐབས་དངོས་གྲུབ་འབྱུང་གཏེར་གཉིས། (ལྷ་ཡེ་ཤེས་རྒྱལ་མཚན་གྱི་འགྱུར) (སློབ་དཔོན་སྣང་མཛད་རྡོ་རྗེའི) སྦྱོར་བ་ཡན་ལག་དྲུག་གི་སྣང་བའི་རིམ་པ། (གཡུང་དྲུང་འོད་ཀྱི་འགྱུར) ཧེ་རུ་ཀའི་སྒྲུབ་ཐབས་ཀྱི་འགྲེལ་པ། (སློབ་དཔོན་མར་མེ་མཛད་བཟང་པོས་མཛད་པའི) དཀྱིལ་འཁོར་གྱི་ཆོ་ག (བཞི་བརྒྱ་ལྔ་བཅུ་པ་དང) དེའི་འགྲེལ་པ། (སློབ་དཔོན་དྲི་མེད་དཔལ་གྱིས་མཛད་པ་གཉིས་རིན་ཆེན་བཟང་པོའི་འགྱུར) (སློབ་དཔོན་སྨན་པའི་བུ་རྒྱལ་བས་བྱིན་གྱིས་མཛད་པའི) གསང་བ་འདུས་པའི་དཀའ་འགྲེལ། (སློབ་དཔོན་དྲི་མེད་སྦས་པས་མཛད་པའི) གསང་བ་འདུས་པའི་རྒྱུད་ལེའུ་བཅུ་བདུན་གྱི་འགྲེལ་པ་དང༌། (དེའི་སློབ་མ་སློབ་དཔོན་ཟླ་འོད་ཀྱིས་མཛད་པའི) ལེའུ་བཅོ་བརྒྱད་པའི་འགྲེལ་པ་དང༌། (དཔལ་རྒྱན་པས་མཛད་པའི) དེ་ཉིད་བཅུ་པ་དང་གསུམ། (དར་མ་གྲགས་ཀྱི་འགྱུར) (སློབ་དཔོན་རབ་ཏུ་ཞི་བའི་ཡེ་ཤེས་ཀྱིས་མཛད་པའི) གསང་འདུས་ཀྱི་འགྲེལ་པ་སློབ་མ་ལ་ཕན་པ། (སློབ་དཔོན་ཟླ་བའི་འོད་ཟེར་གྱིས་མཛད་པའི) རབ་ཏུ་གནས་པའི་ཆོ་ག (བསོད་ནམས་རྒྱལ་བའི་འགྱུར) (སློབ་དཔོན་སྣང་བྱེད་ཟླ་བས་མཛད་པའི) ཨརྐའི་ཆོ་ག་སྙིང་པོ་བསྡུས་པ་དང་རབ་ཏུ་གནས་པའི་ཆོ་ག་ཡེ་ཤེས་སྣང་བ་དང༌། (དཔལ་ཏིང་ངེ་འཛིན་རྡོ་རྗེས་མཛད་པའི) དུས་ཐ་མའི་ཆོ་ག་དང༌། གཤིན་པོ་བདེ་བར་གཤེགས་པའི་གནས་ལ་འགོད་པ་དང་གསུམ། (ཤེས་རབ་གྲགས་ཀྱི་འགྱུར) (སློབ་དཔོན་ཤཱནྟི་པས་མཛད་པའི) གསང་འདུས་བཤད་སྦྱར་སྙིམ་པའི་མེ་ཏོག (འགོས་འགྱུར) (སློབ་དཔོན་བི་ཤྭ་མི་ཏྲས་མཛད་པའི) ལེའུ་བཅོ་བརྒྱད་པའི་འགྲེལ་པ། (སློབ་དཔོན་ཙི་ལུ་པས་མཛད་པའི) གསང་འདུས་འགྲེལ་པ་རིན་པོ་ཆེའི་ལྗོན་ཤིང་། (ལྷ་ཡེ་ཤེས་རྒྱལ་མཚན་གྱི་འགྱུར) (སློབ་དཔོན་ཐ་ག་ནས་མཛད་པའི) གསང་འདུས་འགྲེལ་པ། (རིན་ཆེན་བཟང་པོའི་འགྱུར) (སློབ་དཔོན་རྡོ་རྗེ་བཞད་པས་མཛད་པའི) གསང་འདུས་ལེའུ་བཅུ་བདུན་གྱི་འགྲེལ་པ། (བཻ་རོ་ཙ་ནའི་འགྱུར) གསང་འདུས་རྒྱུད་ཕྱི་མ་དང་བཅས་པའི་འགྲེལ་པ། (སློབ་དཔོན་ཀུན་དགའ་སྙིང་པོས་མཛད་པའི) གསང་འདུས་དཀའ་འགྲེལ། (རིན་ཆེན་བཟང་པོའི་འགྱུར) འགྲེལ་ཆེན། (ཕྲ་རིང་གི་རང་འགྱུར་དུ་གྲགས་པ) ལྷ་མོ་བཞིས་ཞུས་ཀྱི་འགྲེལ་པ། (སློབ་དཔོན་ཡེ་ཤེས་སྙིང་པོས་མཛད་པ། སྨྲ་ཏིའི་རང་འགྱུར) ཀུན་ཏུ་བཟང་པོའི་སྦྱིན་སྲེག་གི་ཆོ་ག (མར་མེ་མཛད་ཡེ་ཤེས་ཀྱིས་མཛད་པའི) གསང་འདུས་སྒྲུབ་ཐབས། (རིན་ཆེན་བཟང་པོའི་འགྱུར) དེའི་རྣམ་བཤད། (ཀུན་ཏུ་བཟང་པོས་མཛད་པ། སུ་ག་ཏའི་རང་འགྱུར) (སློབ་དཔོན་བསོད་སྙོམས་པས་མཛད་པའི) གསང་འདུས་ཀྱི་དཀྱིལ་ཆོག་དང་སྒྲུབ་ཐབས་དང༌། (ཁ་ཆེ་རིན་ཆེན་རྡོ་རྗེས་མཛད་པའི) མི་བསྐྱོད་རྡོ་རྗེའི་སྒྲུབ་ཐབས་རྣམས། (རིན་ཆེན་བཟང་པོའི་འགྱུར) (སློབ་དཔོན་ངག་གི་དབང་ཕྱུག་གྲགས་པས་མཛད་པའི) གསང་འདུས་ཀྱི་དཀྱིལ་ཆོག་མདོར་བསྡུས། (ཆོས་ཀྱི་དབང་ཕྱུག་གི་འགྱུར) (སློབ་དཔོན་རྒྱལ་བས་བྱིན་གྱིས་མཛད་པའི) དཔལ་དགའ་བའི་སྒྲུབ་ཐབས། (སུ་ནྱ་ཤྲཱིས་མཛད་པའི) འཇམ་དཔལ་རྡོ་རྗེའི་སྒྲུབ་ཐབས་ (གཞོན་ནུ་འབར་གྱི་འགྱུར) གསང་འདུས་མི་བསྐྱོད་པའི་སྒྲུབ་ཐབས། (སྨྲ་ཏིའི་རང་འགྱུར) དཔལ་དགའ་བའི་རྡོ་རྗེའི་དབང་རབ་བྱེད། (བ་རིའི་འགྱུར) (སློབ་དཔོན་ངག་གི་དབང་ཕྱུག་གྲགས་པས་མཛད་པའི) ཡན་ལག་བདུན་ལྡན་དེ་ཁོ་ཉིད་རིན་པོ་ཆེ་སྣང་བ་རྩ་འགྲེལ། (འགོས་འགྱུར) (སློབ་དཔོན་འཕགས་པ་ལྷས་མཛད་པའི) དུག་ལྔ་སྦས་པའི་ལམ་མཆོག་ཏུ་གསང་བ་བསམ་གྱིས་མི་ཁྱབ་པ། རྡོ་རྗེ་སེམས་དཔའི་སྒྲུབ་ཐབས་ (ཨནྡྲི་བྷཱུ་ཏིས་མཛད་པ) དཔལ་བདེ་མཆོག་ཆེན་པོ་རྡོ་རྗེ་སེམས་དཔའི་སྒྲུབ་ཐབས། (སློབ་དཔོན་ཐུ་བོ་རཱ་ཧ་ཏིས་མཛད་པའི) རྡོ་རྗེ་སེམས་དཔའ་རྗེས་སུ་དྲན་པའི་ཆོ་ག (སློབ་དཔོན་རབ་འཇིགས་རྡོ་རྗེས་མཛད་པའི) སྦྱིན་སྲེག་གི་ཆོ་ག (རིན་ཆེན་བཟང་པོའི་འགྱུར) (སློབ་དཔོན་རཏྣ་ཀིརྟིས་མཛད་པའི) བསྟན་པའི་ནོར་ཐམས་ཅད་པའི་སྒྲུབ་ཐབས། རྡོ་རྗེ་སེམས་དཔའི་གསང་དོན། རྣམ་པར་སྣང་མཛད་ཀྱི་གསང་དོན། ཧེ་རུ་ཀའི་གསང་དོན། པདྨ་གར་དབང་གི་གསང་དོན། རིན་ཆེན་ཉི་མའི་གསང་དོན། རྟ་མཆོག་རོལ་པའི་གསང་དོན་རྣམ་པར་འགོད་པ་རྣམས། (སློབ་དཔོན་ཀུ་ཀུ་རཱ་ཛས་མཛད་པར་གྲགས་པ། ལྷ་རིན་པོ་ཆེའི་འགྱུར) (སྨྲ་ཏིས་མཛད་པའི) ལྷ་མོ་བཞིས་ཞུས་ཀྱི་འགྲེལ་པ། (དེའི་རང་འགྱུར) (སློབ་དཔོན་སྨན་པའི་ཞབས་ཀྱིས་མཛད་པའི) གསང་འདུས་ལེའུ་བཅོ་བརྒྱད་པའི་འགྲེལ་པ་ཡང་དག་རིག་བྱེད། (ལྷ་ཡེ་ཤེས་རྒྱལ་མཚན་གྱི་འགྱུར) སྦྱོར་བ་ཡན་ལག་དྲུག་པའི་འགྲེལ་པ། (སློབ་དཔོན་ཟླ་བ་གྲགས་པས་མཛད་པ་རིན་ཆེན་བཟང་པོའི་འགྱུར) སངས་རྒྱས་ཡེ་ཤེས་ཞབས་ཀྱི་སྦྱོར་བ་ཡན་ལག་དྲུག་གི་འགྲེལ་པ། (སྨྲ་ཏིས་མཛད་པ) ཡེ་ཤེས་ཞབས་ལུགས་ཀྱི་སྦྱོར་བ་ཡན་ལག་དྲུག་པ། (སློབ་དཔོན་མི་གནས་རྡོ་རྗེས་མཛད་པའི) གསང་འདུས་ལྷ་སུམ་ཅུ་རྩ་གཉིས་ཀྱི་བསྟོད་པ། (རིན་ཆེན་བཟང་པོའི་འགྱུར) (མར་མེ་མཛད་ཡེ་ཤེས་ཀྱིས་མཛད་པའི) གསང་བ་འདུས་པའི་བསྟོད་པ་ (རིན་ཆེན་བཟང་པོའི་འགྱུར) (སློབ་དཔོན་དགའ་བའི་རྡོ་རྗེས་མཛད་པའི) དབང་གི་བྱ་བ་མདོར་བསྡུས་པ་ལ། (མཻ་ཏྲི་པས་མཛད་པ) བཞི་པ་བཏགས་པ། (མཚུར་གྱི་འགྱུར) དབང་དེར་གཏད་པ་མདོར་བསྡུས་པ་སྟེ་ (བརྒྱ་དང་བཅུ་བཞིའོ) ཕྱི་མ་གཉིས་མ་ཚུད་དོ། །སློབ་དཔོན་སངས་རྒྱས་ཡེ་ཤེས་ཀྱིས་མཛད་པའི་ཡན་ལག་བཞི་པའི་སྒྲུབ་ཐབས་དང༌། དེའི་འགྲེལ་པ་གནས་ལྡན་དང༌། ཀུན་ཏུ་བཟང་པོས་སྦྱར་བ་དང་གསུམ་རྔོག་འགྱུར་མ་རྙེད་དོ། །ཞེས་བུ་སྟོན་རིན་པོ་ཆེའི་ཆོས་འབྱུང་ལས་གསུངས་པ་ལྟར་བཀོད།རིན་པོ་ཆེའི་ཆོས་འབྱུང་ལས་གསུངས་པ་ལྟར་བཀོད།)
• Dictionaries/sgom sde tshig mdzod chenmo/9972  + ((གསང་སྔགས) ཡོངས་གྲགས་ཀྱི་རྡོ་རྗེ་ལ་ཟེར། དེ … (གསང་སྔགས) ཡོངས་གྲགས་ཀྱི་རྡོ་རྗེ་ལ་ཟེར། དེ་ལ་ཕྱོགས་རེར་རྭ་ལྔ་ལྔ་སྟེ། བཅུ་ཡོད་ཀྱང་རྩེ་ལྔ་པ་ཞེས་པ་ནི། ལྔ་ཚན་དུ་འདྲ་བས་གཅིག་ཏུ་བགྲངས་སོ། །དཔེར་ན་ཤིང་ལོ་མ་བདུན་པ་བཞིན་ནོ། །ཞེས་རྗེ་ཙོང་ཁ་པ་ཆེན་པོའི་སྔགས་རིམ་ཆེན་མོ་དང༌། མཁས་གྲུབ་རིན་པོ་ཆེའི་རྣལ་འབྱོར་རོལ་པའི་དགའ་སྟོན་སོགས་མཁས་པ་མང་པོའི་གཞུང་དུ་རྡོ་རྗེ་རྩེ་ལྔ་པ་དང་རྩེ་དགུ་པ་གཉིས་ཚིག་གིས་བརྗོད་ཚུལ་ཙམ་ལས། དོན་གཅིག་ཡིན་པར་གསུངས་ཀྱང༌། (པཎ་ཆེན་བློ་བཟང་ཆོས་ཀྱི་རྒྱལ་མཚན་དང་ཀུན་མཁྱེན་འཇམ་དབྱངས་བཞད་པ་འཇིགས་བྱེད་བསྐྱེད་རིམ) སོགས་མཁས་པ་གཞན་དག་གིས་རྡོ་རྗེ་ལྔ་པ་ལས་ལོགས་སུ་རྩེ་དགུ་པ་ཡོད་པར་གསུངས། རྡོ་དྲིལ་གྱི་མཚོན་དོན་ལ་གཟིགས།ད་པར་གསུངས། རྡོ་དྲིལ་གྱི་མཚོན་དོན་ལ་གཟིགས།)
• Dictionaries/sgom sde tshig mdzod chenmo/1417  + ((གསང་སྔགས) རྗེའི་རིམ་ལྔ་གསལ་སྒྲོན་ལས། གང་ཞིག་རྟོགས་ན་མཐའ་དག་གསུང་རབ་ལ། །མི་འཇིགས་སྤོབས་པ་མཆོག་སྟེར་འདུས་པའི་ལམ། །ཇི་བཞིན་གསལ་མཛད་འཇམ་དབྱངས་བླ་མ་ཡི། །ཞབས་ཀྱི་པདྨར་རྟག་ཏུ་གུས་ཕྱག་འཚལ། །ཞེས་གསུངས་པ་ལྟར་རོ། །)
• Dictionaries/sgom sde tshig mdzod chenmo/1422  + ((གསང་སྔགས) རྡོ་རྗེ་འཆང་ནས། འཕགས་པ་ཀླུ་སྒྲུབ་སོགས་ལས་བརྒྱུད་པ་ལ། འདུས་པ་འཕགས་ལུགས་དང༌། རྗེ་བཙུན་འཇམ་དཔལ་དབྱངས་དང༌། སློབ་དཔོན་སངས་རྒྱས་ཡེ་ཤེས་ཞབས་ལ་སོགས་པ་ནས་བརྒྱུད་པ་ལ། ཡེ་ཤེས་ཞབས་ལུགས་ཞེས་ཡོངས་སུ་གྲགས་པ་རྣམ་པ་གཉིས་སོ། །)
• Dictionaries/sgom sde tshig mdzod chenmo/1445  + ((གསང་སྔགས) སྒེག་རྡོར་གྱི་སློབ་མ་སློབ་དཔོན་ … (གསང་སྔགས) སྒེག་རྡོར་གྱི་སློབ་མ་སློབ་དཔོན་ཆེན་པོ་ཡེ་ཤེས་ཞབས་ལ་རྗེ་བཙུན་འཇམ་པའི་དབྱངས་ཀྱིས་འདུས་པའི་དོན་བཤད་པའི་རིམ་པ་ལ་ནི་ཡེ་ཤེས་ཞབས་ལུགས་ཞེས་ཡོངས་སུ་གྲགས་སོ། །དེའི་ལམ་ལ་རིམ་པ་གཉིས་ལས་བསྐྱེད་པའི་རིམ་པ་ནི། འཇམ་པའི་རྡོ་རྗེས་གཙོ་མཛད་པའི་ལྷ་བཅུ་དགུའི་དཀྱིལ་འཁོར་ཏེ་བསྒྲུབ་ཐབས་ཀུན་བཟང་དང་བཞི་བརྒྱ་ལྔ་བཅུ་པར་བཤད་པ་ལྟར་རོ། །རྫོགས་པའི་རིམ་པ་ནི་རྗེ་བཙུན་གྱིས་གསུངས་པའི་ཞལ་ལུང་དང༌། སློབ་དཔོན་ཉིད་ཀྱིས་མཛད་པའི་གྲོལ་བའི་ཐིག་ལེ་ལས་འབྱུང་བ་ལྟར་རོ། །ཞེས་རྗེའི་རིམ་ལྔ་གསལ་སྒྲོན་ན་གསལ་ཞིང་རྒྱས་པ་དེ་ཉིད་དུ་གཟིགས།སལ་སྒྲོན་ན་གསལ་ཞིང་རྒྱས་པ་དེ་ཉིད་དུ་གཟིགས།)
• Dictionaries/sgom sde tshig mdzod chenmo/1742  + ((གསང་སྔགས) ༡ མགོན་པོ་ཀླུ་སྒྲུབ། ༢ ཨཱརྱ་དེ་ … (གསང་སྔགས) ༡ མགོན་པོ་ཀླུ་སྒྲུབ། ༢ ཨཱརྱ་དེ་བ། ༣ ལཱུ་ཡི་པ། ༤ པདྨ་བཛྲ། ༥ ས་ར་ཧ། ༦ མཚོ་སྐྱེས་རྡོ་རྗེ། ༧ ཌོཾ་བི་ཧེ་རུ་ཀ། ༨ བི་རུ་པ། ༩ བྷུ་སུ་ཀུ་པ། (འདི་རྒྱལ་སྲས་ཞི་བ་ལྷ་ཡིན) ༡༠ རྡོ་རྗེ་དྲིལ་བུ། ༡༡ ན་ལེནྡྲ་པ། ༡༢ ཀུ་ཀུ་རི་པ། ༡༣ སངས་རྒྱས་ཡེ་ཤེས། ༡༤ ནག་པོ་རྡོ་རྗེ། ༡༥ ཨིེནྡྲ་བྷཱུ་ཏི། ༡༦ ནཱ་རོ་པ། ༡༧ ཏོག་ཙེ་པ། ༡༨ ཏནྟྲ་ལ། ༡༩ ལ་བ་པ། ༢༠ ཙནྡྲ་གོ་མི། ༢༡ ཤཱནྟི་པ། (ཤཱནྟི་པ་འདི་སུ་ཡིན་དཔྱད་པར་འོས་སོ) ༢༢ མར་མེ་མཛད། ༢༣ ཏཻ་ལོ་པ། ༢༤ ནག་པོ་སྤྱོད་པ། ༢༥ ཕག་ཚང་པ། ༢༦ བཟང་པོ་པ། ༢༧ ཤ་བ་རི་པ། ༢༨ ད་རི་ཀ་པ། ༢༩ ནཱ་ག་བོ་དྷི། ༣༠ མར་མེ་ལྷ། ༣༡ ད་ཀི་བ། ༣༢ ཛཻ་ཏ་རི། ༣༣ ས་ར་ཀ་པ། ༣༤ ཤཱནྟི་པ། (སློབ་དཔོན་རཏྣ་ཨཱ་ཀ་ར་ཤཱནྟི་པའམ། རིན་ཆེན་འབྱུང་གནས་ཞི་བ་ཟེར་བ་དེ་ཡིན་ཞིང་། འདི་ཇོ་བོ་རྗེའི་བླ་མ་དང་ཡོངས་གྲགས་ཀྱི་ཤཱནྟི་པ་ཟེར་བ་དེ་ནི་ཡིན) ༣༥ ཐ་ག་པ། ༣༦ ཛཱ་ལིནྡྲ་ར། ༣༧ ཀ་མ་ལ། ༣༨ གསེར་གླིང་པ། ༣༩ བི་ར་ཡ་པ། ༤༠ ཀོངྐ་ན། ༤༡ པ་ཀ་པ་ལཱ། ༤༢ ཏཾ་པ་ཀ། ༤༣ བྷི་ན་ས། ༤༤ སུ་ཏ་ལོ་ཀི། ༤༥ དྷརྨ་ཀཱིརྟི། ༤༦ ཀུ་མཱ་ར། ༤༧ ཚེམ་བུ་པ། ༤༨ ནཱི་ལ་པ། ༤༩ པདྨ་ཀཱ་ར། ༥༠ སེངྷ་པ། ༥༡ མི་ན་ར་བ། ༥༢ སྤྲིན་གྱི་ཤུགས་ཅན། ༥༣ ཀ་རུ་པ། ༥༤ ད་སི་རི་པ། ༥༥ ཨ་ནནྟ། ༥༦ སེངྒེ་པ། ༥༧ ཟླ་བ་བཟང་པོ། ༥༨ ཀུན་དགའ་སྙིང་པོ། ༥༩ ཟླ་བ་གྲགས་པ། ༦༠ སྨད་དཀྲིས་པ། (མ་དཔེར་སྨད་དཀྲིས་པ་འབྱུང་ཡང་མཻ་ཏྲི་པ་དང་ནོར་མིན་དཔྱད) ༦༡ ཀརྞ་པ། ༦༢ ཨ་ཝ་དྷཱུ་ཏཱི། ༦༣ ཙརྱ་པ། ༦༤ ཤཱཀྱ་བཤེས་གཉེན། ༦༥ ཙནྡྲ་ལཱི། ༦༦ གླུ་དབྱངས་མཁན། ༦༧ བྷ་ག་ལ་ན། ༦༨ སྒྲ་མཁན་ཞབས། ༦༩ ཀོནཾྟ་ལི། ༧༠ ཙ་པ་རི། ༧༡ སི་ཡ་ལི། ༧༢ ཉི་མ་སྦས་པ། ༧༣ ངག་གི་དབང་ཕྱུག ༧༤ ཧི་ལ་པ། ༧༥ ཀ་ལ་ཀ། ༧༦ཀུ་བྷུ་ཅ། ༧༧ སེངྒེ་པ། ༧༨ འཕགས་པ་ཐོགས་མེད། ༧༩ ན་ཏ་པ། ༨༠ གླིང་བུ་མཁན། ༨༡ ས་ར་ཧ། ༨༢ ས་ར་སུ་ཀ། ༨༣ ཀ་ལ་ལཾ་གེ། ༨༤ བྷ་ཡ་ནི། ༨༥ མེ་ཏོག་པ། དོགས་གཅོད། སེངྒེ་པ་ལན་གཉིས་འབྱུང་བ་ལྟར་བྲིས་ན་གྲུབ་ཐོབ་བརྒྱད་ཅུ་རྩ་ལྔར་འགྱུར་རོ། །སློབ་དཔོན་མི་འཇིགས་པ་སྦྱིན་པ་དཔལ་གྱིས་མཛད་པའི་གྲུབ་ཐོབ་བརྒྱད་ཅུ་རྩ་བཞིའི་ལོ་རྒྱུས་ལས། མཎིབྷ་དྲ་དང་། མེཁལཱ། ཀན་ཁལཱ་ (འདི་མེ་ཁལཱའི་ནུ་མོ་ཡིན་པར་བཤད) ལཀྵ་མི་ཀ་ར་ (ཡུལ་ཨོ་རྒྱན་གྱི་སམ་བྷོ་ལ་ན་གར་ཞེས་པ་གྲོང་ཁྱེར་འབུམ་ཚོ་ཕྱེད་དང་གསུམ་གྱི་རྒྱལ་པོ་ཨིནྡྲ་བྷཱུ་ཏིའི་ལྕམ་སྲིང་མོ་ཡིན་པར་བཤད) བཅས་བཞི་པོ་འདི་བུད་མེད་དམ་གྲུབ་ཐོབ་མ་ཡིན་པ་གསལ་པོར་གསུངས་སོ། །འོན་ཀྱང་གྲུབ་ཐོབ་མ་བཞི་པོ་འདི་རྣམས་བརྒྱད་ཅུ་རྩ་བཞིའི་གསོལ་འདེབས་དང་སྦྱར་ནས་ངོ་སྤྲོད་གསལ་པོ་ཞིག་བྱ་ཐུབ་པ་དགོས་སོ། །ནས་ངོ་སྤྲོད་གསལ་པོ་ཞིག་བྱ་ཐུབ་པ་དགོས་སོ། །)
• Dictionaries/sgom sde tshig mdzod chenmo/10347  + ((གསོ་རིག) 1 གླ་རྩིའི་མིང་། བརྒྱད་སྟོང་པ་དང … (གསོ་རིག) 1 གླ་རྩིའི་མིང་། བརྒྱད་སྟོང་པ་དང་བློ་སྦྱོང་ཉི་མའི་འོད་ཟེར་སོགས་སུ་རྩི་མ་གྷི་ཞེས་བྲིས། གཞན་དུ་རྩི་མ་གི་ཞེས་ཀྱང་བྲིས་སྣང་། སྨན་གཞུང་ལས། གླ་རྩི་ལ་མ་གི་ཏ་ཞེས་འབྱུང་བས་ཕལ་ཆེར་གྱིས་རྩི་མ་གི་ཏ་གླ་རྩི་ཡིན་ཟེར། སྨན་གཞུང་དྲི་མེད་ཤེལ་ཕྲེང་ལས་གླ་རྩིའི་མིང་གི་རྣམ་གྲངས་ལ། མྲྀ་ག་མ། ཟེར་བ་ཞིག་འདུག་པ་དེ་ཡིན་ནམ་སྙམ། འཕགས་པ་བརྒྱད་སྟོང་པ་ལས། ཀཽ་ཤི་ཀ་རིགས་ཀྱི་བུའམ་རིགས་ཀྱི་བུ་མོ་གང་ཤེས་རབ་ཀྱི་ཕ་རོལ་ཏུ་ཕྱིན་་འདི་འཛིན་པ་དང་འཆང་བ་དང་ཀློག་པ་དང་ཀུན་ཆུབ་པར་བྱེད་པ་དང་རབ་ཏུ་འདོན་པ་དང་སྟོན་པ་དང་ཉེ་བར་སྟོན་པ་དང་ལུང་འབོགས་པ་དང་ཁ་ཏོན་དུ་བྱེད་པ་དེ་ཚེ་འདི་ལ་ཡོན་ཏན་འདི་དག་ཀྱང་ཡོངས་སུ་འཛིན་པར་འགྱུར་རོ། །ཀཽ་ཤི་ཀ་འདི་ལྟ་སྟེ་དཔེར་ན་རྩི་མ་གྷི་ཞེས་བྱ་བ་དུག་ཐམས་ཅད་རབ་ཏུ་ཞི་བར་བྱེད་པ་ཞིག་ཡོད་དེ་དེར་སྐྱེ་བོ་སྤྲུལ་གདུག་པ་བཀྲེས་ཤིང་ཟས་འདོད་དེ་ཟས་ཚོལ་བ་ཞིག་གིས་སྲོག་ཆགས་སུ་གྱུར་པ་འགའ་ཞིག་མཐོང་སྟེ་སྐྱེ་བོ་སྦྲུལ་གདུག་པ་དེས་ཟས་ཀྱི་ཕྱིར་བཟའ་བར་འདོད་ནས་སྲོག་ཆགས་སུ་གྱུར་པ་དེའི་དྲིའི་ཕྱོགས་སུ་འབྲང་ཞིང་བསྙགས་པ་དག་དེ་ནས་སྲོག་ཆགས་སུ་གྱུར་པ་དེ་རྩི་མ་གྷི་གང་ན་ཡོད་པ་དེར་སོང་ནས་ཕྱིན་ཏེ་འདུག་པ་དང་དེ་ནས་སྤྲུལ་དེ་རྩི་དེའི་དྲི་ཙམ་གྱིས་ཕྱིར་ལྡོག་གོ། །དེ་ཅིའི་ཕྱིར་ཞེ་ན། དེ་ལྟར་སྦྲུལ་གྱི་གདུག་པ་ཟིལ་གྱིས་གནོན་པ་དེ་ནི་རྩི་དེའི་སྨན་གྱི་ཡོན་ཏམ་དུ་བལྟ་བར་བྱ་སྟེ་རྩི་དེ་ནི་དེ་ལྟར་མཐུ་ཆེའོ། །ཞེས་གསུངས་པ་ལྟར་རོ། །དེའི་ཐད་ཀྱི་བརྒྱད་སྟོང་པའི་འགྲེལ་པ་སྙིང་པོ་མཆོག་ལས། རྩི་ཞེས་བྱ་བ་ལ་ཨུ་ཤ་ནི་བུས་པའོ། །དེ་འཛིན་པ་ནི་བུས་བ་འཛིན་པ་སྟེ་རྩི་མ་གིའོ། །ཞེས་གསུངས། 2 རྒྱ་གར་ལྷོ་ཕྱོགས་ན་སྦྲུལ་སྲུང་བྱེད་ཀྱི་སྔོ་ལྡུམ་དྲི་ཤིན་ཏུ་ངན་པ་རིང་ཐུང་ཁྲུ་གང་མ་ལོངས་ཙམ་པ་ཞིག་འདུག་པ་དེ་ཡིན་ཡང་སྲིད། སེ་རར་དུག་སྦྲུལ་ཤིན་ཏུ་མང་བས་ཁོ་བོས་ཀྱང་སྔོ་ལྡུམ་དེ་ཉོས་ཏེ་ཚལ་ཤིང་ནང་བཙུགས་ཤིང་། ཉིན་ཞིག་དུག་སྦྲུལ་ཞིག་གིས་སྦལ་པ་ཞིག་ཟོས་ཏེ་རྡོ་ཞིག་གི་འོག་ཏུ་སོང་། ངེད་ཅག་གིས་རྩེ་མཚར་གྱི་ཚུལ་དུ་སྔོ་ལྡུམ་དེ་དུག་སྦྲུལ་གྱི་སྣར་སུབ་སུབ་བྱས་པས་ཁོ་བཟི་སྟེ་གང་འཚམས་ཤིག་ནས་སྦལ་པ་དེ་ཡར་བསྐྱུགས་སོང་། ཕལ་ཆེར་སྔོ་ལྡུམ་དེ་ཡིན་ཤས་ཆེ། དབྱངས་ཅན་དགའ་བློའི་བློ་སྦྱོང་ཉི་མའི་འོད་ཟེར་གྱི་བརྡ་བཀྲོལ་ལས་ཀྱང་། ཡང་རྩང་དང་སྙག་ཟེར་བའི་སྔོ་སྨན་མ་གི་ཏ་སྐྱེས་སར་དུག་མི་སྐྱེ་ཞིང་སྦྲུལ་མི་འབྱུང་བར་བཤད་ཅིང་། སྡོང་པོ་བཀོད་པའི་མདོ་ལས། མཆུ་ཞེས་བྱ་བའི་རྩི་ཡོད་དེ། དེ་འཆང་ན་དྲི་ཚོར་བ་ཙམ་གྱིས་སྦྲུལ་ཐམས་ཅད་འབྱེར་རོ། །ཞེས་གསུངས་པའི་རྩི་མ་གི་ནི་དེ་འདྲའི་རྩི་སྨན་ཞིག་ཡིན་ནམ་སྙམ། ཞེས་གསུངས་སོ། །འི་རྩི་སྨན་ཞིག་ཡིན་ནམ་སྙམ། ཞེས་གསུངས་སོ། །)
• Dictionaries/sgom sde tshig mdzod chenmo/12467  + ((དབུ་མ) 1 ཆོས་རྣམས་ཀྱི་གནས་ལུགས་མཐར་ཐུག 2 … (དབུ་མ) 1 ཆོས་རྣམས་ཀྱི་གནས་ལུགས་མཐར་ཐུག 2 སྟོང་ཉིད་རྟོགས་པའི་ལྟ་བ། སྔགས་ཀྱི་སྐབས་སུ་སྟོང་ཉིད་ཅེས་པ། ཡུལ་སྟོང་པ་ཉིད་དང༌། ཡུལ་ཅན་སྟོང་ཉིད་རྟོགས་པའི་ཤེས་རབ་གཉིས་ཀ་ལ་འཇུག་སྟེ། རྗེ་ཙོང་ཁ་པ་ཆེན་པོའི་སྦས་དོན་ལྟ་བའི་མིག་འབྱེད་ལས། དེ་ལ་སྟོང་པ་ནི་དེ་ཁོ་ན་ཉིད་ཀྱི་ལྟ་བའམ། དེ་ཁོ་ན་ཉིད་དོ། །ཞེས་དང༌། ཀྱེ་རྡོ་རྗེའི་རྒྱུད་ལས། སྟོང་ཉིད་སྙིང་རྗེ་དབྱེར་མེད་པ། །བྱང་ཆུབ་སེམས་ཞེས་རབ་ཏུ་བརྗེོད། །ཅེས་གསུངས་པ་ལྟར་རོ། །མིང་གི་རྣམ་གྲངས་ནི། ཀ་དག ཀུན་གཞི། ཀུན་བཟང༌། ཀུན་ཏུ་བཟང་པོ། སྐྱེ་མེད། སྐྱེ་བ་མེད་པ། ངེས་དོན། ངོ་བོ་ཉིད་མེད་པ། མངོན་པར་འདུ་བྱེད་པ་མེད་པ། མངོན་པར་འདུ་མི་བྱེད་པ། ཆོས་ཉིད། ཆོས་དབྱིངས། བརྗོད་བྲལ། གཉིས་མེད། མཉམ་ཉིད། རྙེད་དོན་མཐར་ཐུག བསྟན་པའི་སྙིང་པོ། སྟོང་ཉིད། མཐར་ཐུག་དཔྱོད་པའི་རིགས་ཤེས་ཀྱི་རྙེད་དོན། མཐའ་བྲལ། འདུས་མ་བྱས། (གང་གིས་ཀྱང་འདུ་མ་བྱས་པར་གདོད་མ་ནས་ཆོས་རྣམས་ཀྱི་གནས་ལུགས་སུ་གནས་པའི་ཕྱིར་འདུས་མ་བྱས) དེ་ཁོ་ན་ཉིད། དེ་ཉིད། དེ་བཞིན་ཉིད། བདེན་པ། བདེན་སྟོང༌། བདེན་མེད། བདེན་འཛིན་གྱི་ཞེན་ཡུལ་མེད་པ། དོན་དམ་བདེན་པ། དོན་དམ་པའི་བཙུན་མོ། འདུག་ལུགས། འདུག་སྟངས། འདུག་ཚུལ། རྡོ་རྗེ། (རྡོ་རྗེ་ལ་སྟོང་ཉིད་ཅེས་པ་ནི། རྗེའི་འགྲེལ་པ་བཞི་སྦྲགས་ལས། མཉམ་སྦྱོར་ལས། རྡོ་རྗེ་སྟོང་པ་ཉིད་དུ་བརྗོད། །སེམས་དཔའ་ཡེ་ཤེས་ཙམ་ཉིད་དེ། །དེ་དག་བདག་ཉིད་གྲུབ་པ་ནི། རྡོ་རྗེ་སེམས་དཔའ་ཞེས་བརྗོད་དོ། །ཞེས་གསུངས་པ་ལྟར། རྡོ་རྗེ་སྟོང་པ་ཉིད་མཐར་ཐུག་པ་དང༌། སེམས་དཔའ་ཡེ་ཤེས་གཉིས་རོ་གཅིག་ཏུ་ཞུགས་པ་གྲུབ་པ་ལའོ། །ཞེས་གསུངས) སྡོད་ལུགས། ནམ་མཁའ། (ནམ་མཁའ་ཞེས་པ་སྟོང་ཉིད་ཀྱི་མིང་དུ་འཇུག་པའང་ཡོད་དེ། རྗེའི་འགྲེལ་པ་བཞི་སྦྲགས་ལས། ནམ་མཁའ་ནི་དེ་བཞིན་ཉིད་དེ་འོད་གསལ་ལོ། །ཞེས་དང༌། ཀུན་མཁྱེན་འཇམ་དབྱངས་བཞད་པའི་འཇིགས་བྱེད་ཆོས་འབྱུང་ལས་ཀྱང༌། ནམ་མཁའ་ནི་འོད་གསལ་ལ་བླ་མེད་ཀྱི་རྒྱུད་དུ་གྲགས་ཆེ་ཞིང༌། ཞེས་གསུངས) གནས་སྟངས། གནས་ལུགས། རྣམ་དག རྣམ་དག་ལམ་གྱི་དམིགས་པ་མཐར་ཐུག སྤྲོས་བྲལ། ཕྱག་ཆེན། བློ་འདས། (བློ་འདས་ནི་བོད་སྔ་རབས་པ་རྣམས་ཀྱིས་སྟོང་ཉིད་ཀྱི་མིང་དུ་བཤད) བྷ་ག (རྗེ་བཙུན་ཀུན་དགའ་དོན་གྲུབ་ཀྱི་རྒྱུད་ཊཱིཀ་ལས། ཡང་ཡུལ་སྟོང་པ་ཉིད་དེ་ལ་བྷ་ག་ཞེས་ཀྱང་བརྗོད་དེ། དེ་ལ་དམིགས་པས་སྒྲིབ་གཉིས་བག་ཆགས་དང་བཅས་པ་འཇོམས་པར་བྱེད་པའི་ཕྱིར། ཞེས་གསུངས) དབུ་མ། མ་སྐྱེས་པ། མ་འགག་པ། མ་བཅོས་གཉུག་མའི་གཤིས་ལུགས། མྱ་ངན་ལས་འདས་པ། མྱང་འདས། (ལང་གཤེགས་ཀྱི་མདོ་ལས། སྟོང་ཉིད་དང༌། མཚན་མ་མེད་པ་དང༌། མྱ་ངན་ལས་འདས་པ་ཞེས་སོགས་མྱ་ངན་ལས་འདས་པ་སྟོང་ཉིད་ཀྱི་མིང་གི་རྣམ་གྲངས་སུ་གསུངས) དམིགས་མེད། སྨོན་པ་མེད་པ། སྨྲ་བསམ་བརྗོད་མེད། མཚན་མ་མེད་པ། རྫོགས་ཆེན། ཞི་བ། ཟབ་པ། ཟབ་མོའི་དོན། གཟོད་མ་ནས་ཞི་བ། (གཟོད་མ་ནས་ཞི་བ་ནི་བོད་སྔ་རབས་པ་དག་གིས་སྟོང་ཉིད་ཀྱི་མིང་དུ་བཤད) འོད་གསལ། ཡང་དག ཡང་དག་མཐའ། ཡིན་ལུགས། ཡེ་འབྱམས། (ཡེ་བྱམས་ནི་བོད་སྔ་མ་དག་གིས་སྟོང་ཉིད་ཀྱི་མིང་དུ་བཤད) ཡོངས་གྲུབ། ཡོད་ལུགས། རང་སྟོང༌། རང་བཞིན་གྱིས་ཡོངས་སུ་མྱ་ངན་ལས་འདས་པ། རང་བཞིན་རྣམ་དག རང་བཞིན་མེད་པ། རང་བཞིན་མྱང་འདས། རང་བཞིན་ཤེར་ཕྱིན། གཤིས་ལུགས། སེམས་ཀྱི་རྡོ་རྗེ། (སེམས་ཀྱི་རྡོ་རྗེ་ནི་སྔགས་ལུགས་ཀྱི་སྟོང་ཉིད་ཀྱི་མིང་གི་རྣམ་གྲངས་ཤིག) གསང་བ། ཨ་མ། ཨ་ཧཾ། (ཨ་ཧཾ་ནི་སྟོང་ཉིད་ཀྱི་མིང་གི་རྣམས་གྲངས་སུ་ཀོང་སྤྲུལ་ཡོན་ཏན་རྒྱ་མཚོའི་གཞན་སྟོང་གི་ལྟ་ཁྲིད་ཤོག་གྲངས་༦རྒྱབ་ན་གསལ) ༼དཔལ་བཀའ་བརྒྱུད་པའི་སྟོང་ཉིད་ཀྱི་མིང་གི་རྣམ་གྲངས་འགའ་ཞིག༽ ཀུན་ཏུ་བཟང་པོ། ཀུན་ཏུ་བཟང་པོའི་སེམས། ཀུན་གཞིའི་ཡེ་ཤེས། མཁའ་ཁྱབ་ནམ་མཁའི་རྡོ་རྗེ། རྒྱུད་རྒྱུད། རྒྱུ་རྡོ་རྗེ་འཛིན་པ། ཆོས་ཀྱི་སྐུ། ཆོས་སྐུ་ཀུན་ཏུ་བཟང་པོ། ཆོས་ཉིད་ཀྱི་སེམས། མཆོག་ཏུ་མི་འགྱུར་བའི་བདེ་བ། གཉུག་མའི་ཡེ་ཤེས། ཐ་མལ་གྱི་ཤེས་པ། དང་པོའི་སངས་རྒྱས། བདག་གི་དེ་ཁོ་ན་ཉིད། བདེ་སྟོང་དབྱེར་མེད། བདེ་བ་ཆེན་པོ། གདོད་མའི་མགོན་པོ། གདོད་མའི་བྱང་ཆུབ་ཆེན་པོ། གདོད་མའི་མི་ཤིགས་པའི་ཐིག་ལེ་ཆེན་པོ། གདོད་མའི་སངས་རྒྱས། ནཱ་ད། ནང་གི་རིག་པ། རྣམ་ཀུན་མཆོག་ལྡན། སྣང་སྟོང་དབྱེར་མེད། རྣམ་གྲོལ་ཆེན་པོ། རྣམ་པ་ཐམས་ཅད་པ། དབང་པོ་ཐམས་ཅད་པ། བྱང་ཆུབ་ཀྱི་སེམས། ཕྱག་རྒྱ་ཆེན་པོ། གཞན་སྟོང༌། གཞིའི་ལྷན་སྐྱེས། གཞོམ་མེད་ཀྱི་ཧཾ་དང་ཐིག་ལེ། ཡིད་བྱེད་བྲལ་བ། ཡིད་བཞིན་ནོར་འདྲའི་སེམས། ཡེ་ཤེས་ཀྱི་རྩ་དང་རླུང༌། རིག་སྟོང་དབྱེར་མེད། རང་རིག རང་རིག་པ། རང་གིས་རང་རིག རང་བྱུང་ཡེ་ཤེས། རང་རིག་ཡེ་ཤེས། སེམས་ཉིད། སེམས་ཉིད་ལྷན་ཅིག་སྐྱེས་པ། གསལ་སྟོང་དབྱེར་མེད། ལྷན་སྐྱེས་ཡེ་ཤེས། ལྷན་ཅིག་སྐྱེས་པ། ཨེ་ཝཾ། ཨེ་ཝཾ་ཟུང་འཇུག་སོགས་བརྗོད་ཀྱིས་མི་ལང་བ་ཞིག་ཡོད་དོ། །གོང་གི་དེ་དག་ལས་བཀའ་རྙིང་ཐུན་མོང་བའི་ཐ་སྙད་ཀྱང་མང་དུ་སྣང༌། སྟོང་ཉིད་ཀྱི་སྒྲ་བཤད་ནི། དགག་བྱ་བདེན་གྲུབ་ཀྱིས་སྟོང་ཞིང་། རང་གི་གདོད་མའི་ངོ་བོ་ཇི་ལྟ་བ་ཁོ་ནར་གནས་པས་ན་ཉིད་ཅེས་བྱ་སྟེ། པཎ་ཆེན་དཔལ་ལྡན་ཡེ་ཤེས་ཀྱི་དམིགས་བརྩེ་མའི་ལས་ཚོགས་བཅུ་གཅིག་གི་དོན་ཞིབ་ཏུ་བཤད་པ་ཤོག་གྲངས་༥ན༦ལས། སྟོང་པ་ཉིད་ཅེས་པའི་སྟོང་པ་དང་ཉིད་ཀྱི་ཚིག་ལ་བརྟགས་ན། སྟོང་རྒྱུ་ནི་མི་མཐུན་ཕྱོགས་དང་དགག་བྱ་སྟོང་ཞིང་། དེ་ངོ་བོ་ཉིད་ལ་གནས་པས་ན་སྟོང་ཉིད་ཅེས་བྱ་ལ། ཞེས་གསུངས་སོ། །ཡང་ན། སྟོང་པ་ནི་མེད་པའམ་དབེན་པའི་དོན་ཡིན་ལ། གང་མེད་ན། ཆོས་དང་གང་ཟག་གི་བདག་གཉིས་སོ། །ཉིད་ནི་ཁོ་ནའམ་ཙམ་ཞེས་པའི་དོན་ཏེ། བདག་གཉིས་བཀག་ཙམ་མམ་མེད་ཙམ་ཞེས་པའི་དོན་ནོ། །སྤྱིར་སྟོང་པ་ཞེས་པ་མིན་པ་ལའང་འཇུག་སྟེ། དཔེར་ན་བུམ་མིན་པ་ལ་བུམ་པས་སྟོང་ཞེས་པ་ལྟ་བུའོ། །ཟབ་མོ་སྟོང་པ་ཉིད་ལ་མོས་པའི་ཕན་ཡོན་སྐོར། མཁས་གྲུབ་ཐམས་ཅད་མཁྱེན་པའི་སྟོང་ཐུན་སྐལ་བཟང་མིག་འབྱེད་༦ན༦ན་རྒྱས་པར་གསུངས་ཡོད་པས་དེར་བལྟ་བར་བྱའོ། །༦ན་རྒྱས་པར་གསུངས་ཡོད་པས་དེར་བལྟ་བར་བྱའོ། །)
• Dictionaries/sgom sde tshig mdzod chenmo/12494  + ((དབུ་མ) མང་པོ་ལས་ཉུང་ངུར་བསྡུས་པའི་དོན་ཡིན … (དབུ་མ) མང་པོ་ལས་ཉུང་ངུར་བསྡུས་པའི་དོན་ཡིན། སྒྲ་བཤད་ནི། སྟོང་དང་བརྒྱ་དང་ཁྲི་ཞེས་པ་གྲངས་ངེས་ཅན་ལ་མི་གོ་བར་མང་པོ་ཙམ་གྱི་དོན་ལ་གོ་དགོས་པའི་སྐབས་མང་པོ་ཡོད་པས། སྟོང་ནི་མང་པོའི་དོན་དང་། ཐུན་ཞེས་པ་སྤྱིར་ཆ་ཤས་ལ་འཇུག་པ་དཔེར་ན་མཚན་ཐུན་ཞེས་པ་ལྟ་བུ། ཡང་དུམ་བུར་བཅད་པ་ལ་འཇུག་པ་དཔེར་ན་སྨན་ཐུན་ཞེས་པ་ལྟ་བུ་དང་། ཡང་མང་པོ་ལས་ཉུང་ངུས་བསྡུས་པ་ལ་འཇུག་པ་དཔེར་ན་སྟོང་ཐུན་ཞེས་པ་ལྟ་བུའོ། །ཡང་འདི་སྟོང་པ་ལག་ཏུ་བླང་རྒྱུ་མེད་པ་དང་། ཐུན་ནི་གོ་བ་ཆེ་བ་གཡུ་ཐོག་ཡོན་ཏན་མགོན་པོས་བཤད་དོ། །བསྟན་དར་ལྷ་རམས་པའི་གསུང་ལ་གཞི་བྱས་ཏེ་བཀོད། དབྱངས་ཅན་དགའ་བློའི་དྲིས་ལན་བརྗོད་པ་མཁས་པའི་དགའ་སྟོན་༥བ༦ལས། སྟོང་ཐུན་ཞེས་པའི་སྒྲ་དོན་ནི། གཞུང་གཅིག་མཐར་ཆགས་སུ་བཤད་པ་མ་ཡིན་པར། གཞུང་མང་པོའི་དཀའ་གནས་བླངས་ནས་སྨན་ཐུན་ལྟ་བུར་ཚན་ཚན་དུ་བཏུས་ནས་བཤད་པས་ན་སྟོང་ཐུན་ཟེར་བ་ཡིན་ཞེས། བདག་ཅག་གི་བླ་མ་མཁས་གྲུབ་ཆེན་པོ་རྗེ་དྷརྨ་བཛྲའི་ཞལ་ནས་དངོས་སུ་གསུང་ངོ་། །དེས་ན་སྟོང་ནི་མང་ཚིག་དང་། ཐུན་ནི་སྨན་ཐུན་གཅིག་གཉིས་ཟེར་བའི་ཐུན་དེ་ཡིན་པས་འཕུལ་ཡིག་མེད་དོ།།ཞེས་གསུངས་སོ། །ཚེ་ཏན་ཞབས་དྲུང་གི་དག་ཡིག་ཐོན་མིའི་དགོངས་རྒྱན་ལས། སྟོང་ཐུན་ནི། གཞུང་ལུགས་ཀྱི་དཀའ་གནད་སྟོང་ཕྲག་དུ་མ་ཐུན་ཐུན་དུ་བསྡུས་པ་སྟེ་སྔོན་དུས་སྤྱི་དོན་ལའང་དེ་ལྟར་གྲགས། ཞེས་གསུངས་སོ། །་སྤྱི་དོན་ལའང་དེ་ལྟར་གྲགས། ཞེས་གསུངས་སོ། །)
• Dictionaries/sgom sde tshig mdzod chenmo/9847  + ((དབུ་མ) རྗེ་ཙོང་པ་ཆེན་པོས་མཛད་པའི་བསྟན་བཅོ … (དབུ་མ) རྗེ་ཙོང་པ་ཆེན་པོས་མཛད་པའི་བསྟན་བཅོས་ཤིག་སྟེ། སྟོན་པ་ཐུབ་པའི་དབང་པོ་ལ་ཟབ་མོ་རྟེན་འབྱུང་གསུངས་པའི་སྒོ་ནས་བསྟོད་པ་ལེགས་བཤད་སྙིང་པོ་ཆུང་བ་ཞེས་བྱ་བ་དེའོ། །འདི་ལ་ལོ་རྒྱུས་སྙན་པོ་ཞིག་ཡོད་པ་འདི་ལྟར། འདི་སྔོན་སྤྲང་པོ་གནས་སྐོར་བ་ཞིག་གིས་ངག་ནས་སྐྱོར་བཞིན་འགྲོ་བ་བོ་དོང་ཕྱོགས་ལས་རྣམ་རྒྱལ་གྱིས་གསན་ནས། དང་པོར་ཀླུ་སྒྲུབ་ཀྱིས་མཛད་དམ་སྙམ་པ་དང་། དེ་ནས་ཟླ་གྲགས་ཀྱིས་མཛད་སྙམ་པ་སོགས་བྱུང་བ་ན། མཇུག་ནས་རིམ་པར་ཀླུ་སྒྲུབ་དང་ཟླ་བའི་གཞུང་ལ་བརྟེན་ཚུལ་གྱི་གཞུང་ཚིག་ཐོས་པ་ན། དེ་དག་མིན་པར་མཁྱེན་ཏེ་སྤྲང་པོ་དེ་ལ་དྲི་བ་མཛད་པར། རྗེ་ཙོང་ཁ་པ་ཆེན་པོས་མཛད་ཅེས་ཟེར་བས་རྗེ་བླ་མ་ལ་དད་པ་ལྡོག་ཏུ་མེད་པ་སྐྱེས་ནས་མཇལ་བར་བྱོན་ཀྱང་རྗེ་བླ་མ་གཞན་དོན་དུ་དག་ཞིང་ལ་གཤེགས་ཟིན་པ་དང་ཐུག་སྟེ་མཇལ་མ་ཐུབ་ཀྱང་། མཇལ་རྟེན་གསེར་དངུལ་སོགས་ནམ་མཁར་གཏོར་ཏེ་སྨོན་ལམ་བཏབ་པས། དེ་དག་དགའ་ལྡན་གྱི་གདན་སར་བབས་པ་སོགས་ཀྱི་རྣམ་ཐར་ངོ་མཚར་བ་ཡོད་ཚུལ། ལམ་རིམ་རྣམ་གྲོལ་ལག་བཅངས་སུ་གསལ་ལོ། །མཁས་གྲུབ་ཆོས་རྗེས་མཛད་པའི་༼ རྗེའི་གསང་བའི་རྣམ་ཐར་རིན་པོ་ཆེའི་སྙེ་མ་ལས ༽ གཉལ་ཕྱོགས་སུ་བསྟན་པ་དང་སེམས་ཅན་གྱི་དོན་རྨད་དུ་བྱུང་བ་རྣམས་ལེགས་པར་མཛད་ནས་སླར་ཡང་འོལ་ཁར་ཕེབས། དེ་ནས་འོ་དེ་གུང་རྒྱལ་གྱི་ལྷ་ཞོལ་དབེན་གནས་ལྷ་སྡིངས་སུ་ལོ་གཅིག་བཞུགས་ཆོས་མང་དུ་གསུངས། དེ་ཡང་ཐལ་རང་གི་ལྟ་བའི་གནད་རྣམས་ལ། བྱ་བྲལ་ལ་འབྱོན་པའི་གོང་ཉིད་ནས་དེ་བར་དུ་དཔྱད་པ་ནར་མར་མཛད་ནའང༌། མཐར་ཐུག་པའི་གནད་ལ་མི་བདེ་བ་གཏན་ནས་ལོག་པའི་ངེས་པ་འདྲེན་མ་ཐུབ། གནས་དེར་བླ་མ་དང་རྗེ་བཙུན་འཇམ་པའི་དབྱངས་ཐ་མི་དད་དུ་བྱས་ཤིང་གསོལ་བ་དྲག་ཏུ་འདེབས་པ་དང༌། རིགས་པའི་དཔྱད་པ་ཞིབ་པར་མཛད་པས། བྱིན་གྱིས་བརླབས་པའི་མཚན་མ་ཁྱད་པར་ཅན་ཡང་བྱུང༌། སློབ་དཔོན་སངས་རྒྱས་བསྐྱངས་ཀྱི་འགྲེལ་པ་བུདྡྷ་པཱ་ལི་ཏ་ལ་ལེགས་པར་གཟིགས་པས་ཀྱང་མཚམས་སྦྱར་ཏེ། མགོན་པོ་ཀླུ་སྒྲུབ་ཡབ་སྲས་ཀྱི་ལྟ་བའི་གནད་མཐར་ཐུག་པ་དང་དགག་བྱའི་མཚམས་འཛིན་སོགས་ལ་སྔར་དང་མི་འདྲ་བའི་ངེས་པ་གཏིང་ཚུགས་པ་འཁྲུངས་ཤིང༌། མཚན་འཛིན་གྱི་དམིགས་གཏད་ཐམས་ཅད་ཞིག དེ་ཁོ་ན་ཉིད་ཀྱི་དོན་ལ་མཐའ་གཞན་དུ་དོགས་པའི་སྒྲོ་འདོགས་ལྷག་མ་མེད་པར་དྲུངས་ཕྱུང་བར་གྱུར་ཏེ། སྟོན་པ་ལ་ཤེས་ནས་དད་པ་ཐོབ་པའི་ཤུགས་ཀྱིས་དྲངས་པ། ཟབ་མོ་རྟེན་ཅིང་འབྲེལ་པར་འབྱུང་བ་གསུང་བའི་སྒོ་ནས་བསྟོད་པ་ལེགས་པར་བཤད་པའི་སྙིང་པོ་ཞེས་བྱ་བའང་མཛད་དོ། །ཞེས་གསུངས།པའི་སྙིང་པོ་ཞེས་བྱ་བའང་མཛད་དོ། །ཞེས་གསུངས།)
• Dictionaries/sgom sde tshig mdzod chenmo/1262  + ((ཕར་ཕྱིན) ཆོས་རྣམས་ཀྱི་ཚིག་དོན་མི་བརྗེད་པར … (ཕར་ཕྱིན) ཆོས་རྣམས་ཀྱི་ཚིག་དོན་མི་བརྗེད་པར་འཛིན་ནུས་པས་གཟུངས་དང༌། དྲི་བ་ཀུན་ལ་ལན་ལྡོན་པར་ནུས་པས་སྤོབས་པ་ཞེས་བྱ་སྟེ། རྗེའི་འཇམ་དབྱངས་བསྟོད་སྤྲིན་རྒྱ་མཚོ་ལས། ཆོས་ཀུན་ཚིག་དོན་མི་བརྗེད་དྲན་པས་གཟུངས། །དྲི་བ་ཀུན་གྱི་ལན་ལྡོན་སྤོབས་པ་མཆོག །ཅེས་གསུངས་པ་ལྟར་རོ། །གཞན་ཡང་རྗེའི་བདེ་ཅན་སྨོན་ལམ་ལས། སྐྱེ་བ་ཐམས་ཅད་དུ་ཀུན་ནས་ཉོན་མོངས་པ་དང་རྣམ་པར་བྱང་བའི་ཚུལ་ཇི་ལྟ་བ་བཞིན་དུ་ཁོང་དུ་ཆུད་ནས་མཐར་ཕྱིན་པའི་ཡན་ལག་ཆོས་རྣམས་ཀྱི་ཚིག་དོན་མ་ལུས་པ་མི་བརྗེད་པར་འཛིན་པའི་གཟུངས་ཕུན་སུམ་ཚོགས་པར་ཐོབ་པར་གྱུར་ཅིག རང་ཉིད་ཀྱིས་བཟུང་བ་བཞིན་དུ་གཞན་ལ་སྟོན་པ་ལ་ཐོགས་པ་མེད་པའི་སྤོབས་པ་རྣམ་པར་དག་པ་ཐོབ་པར་གྱུར་ཅིག ཅེས་གསུངས་པ་ལྟར་རོ། །དག་པ་ཐོབ་པར་གྱུར་ཅིག ཅེས་གསུངས་པ་ལྟར་རོ། །)
• Dictionaries/sgom sde tshig mdzod chenmo/3391  + ((ཕར་ཕྱིན) དཔུང་མགོ་ནི་ཕྲག་པའི་མིང་། དཔུང་མ … (ཕར་ཕྱིན) དཔུང་མགོ་ནི་ཕྲག་པའི་མིང་། དཔུང་མགོའི་སྐད་དོད་སྐནྡྷ་ནི་དཔུང་པའམ་ཕྲག་པའི་དོན་ཡིན་པའི་ཕྱིར་རོ། །རྗེའི་འཇམ་དབྱངས་བསྟོད་རྒྱ་མཚོ་ལས། དཔུང་པའི་མགོ་ནི་ལེགས་པར་ཟླུམ་པའི་ཕྱག །གླང་པོའི་རྒྱལ་པོའི་སྣ་ལྟར་རིང་ཞིང་མཛེས། །ཞེས་གསུངས་པ་ལྟར་དང༌། ཐུབ་པ་དགོངས་རྒྱན་ལས་ནི། ཤིན་ཏུ་ཟླུམ་པ་རྩའི་དྲ་བ་མི་མངོན་པ་ནི་གང་གི་དཔུང་མགོ་སྟེ། གསེར་གྱི་བུམ་པའི་མགྲིན་པ་ཡོངས་སུ་ཟླུམ་པའི་མགྲིན་པ་ལེགས་པར་འབྲེལ་འབྱོར་བ་ཅན་ནོ། །ཞེས་གསུངས་པ་ལྟར་རོ། །བྲེལ་འབྱོར་བ་ཅན་ནོ། །ཞེས་གསུངས་པ་ལྟར་རོ། །)
• Dictionaries/sgom sde tshig mdzod chenmo/6721  + ((ཕར་ཕྱིན) མཚན་དང་དཔེ་བྱད་གཉིས་ཀྱི་ཁྱད་པར་ཡ … (ཕར་ཕྱིན) མཚན་དང་དཔེ་བྱད་གཉིས་ཀྱི་ཁྱད་པར་ཡོད་དེ། མཚན་བཟང་རྣམས་གཙོ་བོ་དང༌། དཔེ་བྱད་རྣམས་འཁོར་ཡིན་པས་གཙོ་འཁོར་གྱི་ཁྱད་པར་ཡོད་པའི་ཕྱིར། གཙོ་འཁོར་དུ་འགྱུར་ཚུལ་ཡང་ཡོད་དེ། །སེན་མོ་ཟངས་མདོག་ནས་སོར་མོ་བྱིན་གྱིས་ཕྲ་བའི་བར་གྱི་དཔེ་བྱད་དྲུག་ནི། ཕྱག་སོར་རིང་བའི་མཚན་གྱི་འཁོར་དང༌། དབུ་རྒྱས་པ་དང༌། དབུ་སྐྲ་བུང་བ་ལྟར་གནག་ནས་དྲི་ཞིམ་པ་དང་ལྡན་པའི་བར་གྱི་དཔེ་བྱད་དྲུག་དང་བདུན་ནི། གཙུག་ཏོར་དང་སྤུ་གྱེན་དུ་ཕྱོགས་པ་དང༌། སྤུ་གཡས་སུ་འཁྱིལ་པའི་མཚན་གྱི་འཁོར་དང༌། དཔྲལ་བ་འབྱེས་པ་དང་དབྱེས་ཆེ་བ་གཉིས་དང་ཤངས་མཐོ་བ་དང་དག་པ་གཉིས་ཏེ་བརྒྱད་ཀྱི་དཔེ་བྱད་རྣམས་ནི་མཛོད་སྤུའི་མཚན་གྱི་འཁོར་དང༌། སྤྱན་ཡངས་སོགས་སྤྱན་གྱི་དཔེ་བྱད་བཞི། སྨིན་ཚུགས་རིང་བ་སོགས་བཞི་དང་བརྒྱད་ནི་སྤྱན་མཐོན་མཐིང་ལྟ་བུའི་མཚན་གྱི་འཁོར་དང༌། རྫི་མ་སྟུག་པའི་དཔེ་བྱད་ནི་རྫི་མ་བའི་རྫི་མ་ལྟ་བུའི་མཚན་གྱི་འཁོར་དང༌། གཟིགས་པ་སྒྲིབ་མེད་དག་པ་ལ་སྤྱན་མཛེས་པར་འཛུམ་པ་ཞེས་ཟེར་རོ། །སྙན་མཉམ་སོགས་གཉིས་ཀྱི་དཔེ་བྱད་ནི་འགྲམ་པ་སེང་གེའི་འདྲ་བའི་འཁོར་དང༌། ཞལ་ཧ་ཅང་མི་རིང་བ་སོགས་གཉིས་དང༌། ལྗགས་མཉེན་སོགས་གསུམ་སྟེ་ལྔ་ནི་ལྗགས་རིང་བ་དང་རོ་བྲོ་བའི་མཆོག་མཁྱེན་པ་གཉིས་ཀྱི་འཁོར་དང༌། གསུང་འབྲུག་གི་སྒྲ་དང༌། འཇམ་མཉེན་རྣམས་ཚངས་དབྱངས་ཀྱི་འཁོར་དང༌། མཆེ་བ་ཟླུམ་པ་སོགས་མཆེ་བའི་ལྔ་ནི་ཤིན་ཏུ་དཀར་པ་སོགས་ཚེམས་ཀྱི་མཚན་བཞིའི་འཁོར་དང༌། རྩ་མི་མངོན་པ་དང༌། མདུད་པ་མེད་པ། ལོང་བུ་མི་མངོན་པ། སྐུ་གཞོན་ཤ་ཅན། ཕྱག་འཇམ་པ་ཕྱག་རིས་ཀྱི་གསུམ་སྟེ་བརྒྱད་ནི། ཕྱག་ཞབས་འཇམ་ཞིང་གཞོན་ཤ་ཆགས་པ་དང་ཞབས་ལོང་མི་མངོན་པའི་འཁོར་དང༌། ཞབས་མཉམ་པ་ནི་བྱིན་པ་ཨེནྱའི་འདྲ་བ་དང༌། རུས་སྦལ་ཞབས་ཀྱི་འཁོར་དང༌། སེང་གེ་སོགས་གཤེགས་སྟབས་བདུན་དང་གོམ་སྙོམས་དང་བརྒྱད་ནི་སོར་མོ་དྲ་བས་འབྲེལ་བ་དང་རྟིང་པ་ཡངས་པ་གཉིས་ཀྱི་འཁོར་དང༌། སྐུ་འཁྲིལ་བག་ཆགས་པ་ནས། དག་པའི་བར་བདུན་དང༌། མཚན་རྫོགས་པ། ཁོ་ལག་ཡངས་པ། སྐུ་མ་ཞུམ་པ་སོགས་གསུམ་དང༌། ཡན་ལག་རྣམ་འབྱེས་སྐུ་ཟླུམ་པ་ནས། ཕྱལ་ཕྱང་ངེ་བའི་བར་བཞི་དང༌། ཀུན་ནས་ལྟ་ན་སྡུག་པ་ནས། སྨེ་བ་གནག་བག་མེད་པའི་བར་གསུམ་སྟེ་བཅུ་དགུ་ནི། སྐུ་ཆེ་ཞིང་དྲང་བ་བདུན་མཐོ་བ། གསེར་མདོག་འདྲ་བ། ལྤགས་པ་སྲབ་པ། དཔུང་མགོ་ཟླུམ་པ་ཐལ་གོང་རྒྱས་པ། རོ་སྟོད་སེང་གེ་འདྲ་བ་ཆུ་ཞེང་གབ་པ་རྣམས་ཀྱི་འཁོར་དང༌། ལྟེ་བ་ཟབ་པ་དང༌། གཡས་སུ་འཁྱིལ་པ་གཉིས་གསང་གནས་སྤུབས་སུ་ནུབ་པའི་འཁོར་དང༌། ཕྱག་རིང་ཞིང་རྒྱས་པ། ཕྱག་རིང་ཞིང་མཛེས་པའི་འཁོར་དང༌། དཔལ་བེའུ་དང་བཀྲ་ཤིས་ཉ་གཡུང་དྲུང་འཁྱིལ་པ་སོགས་ནི་འཁོར་ལོའི་མཚན་དང་དྲ་བས་འབྲེལ་བའི་འཁོར་ཡིན་པའི་ཕྱིར། ཞེས་སེ་ར་རྗེ་བཙུན་ཆོས་ཀྱི་རྒྱལ་མཚན་གྱི་སྐབས་བརྒྱད་པའི་སྤྱི་དོན་རོལ་མཚོ་ལས་འབྱུང་བ་ལྟར་རོ། །མཚན་དང་དཔེ་བྱད་ཀྱི་གོ་དོན་རང་རང་གི་ཐད་དུ་གཟིགས།ང་དཔེ་བྱད་ཀྱི་གོ་དོན་རང་རང་གི་ཐད་དུ་གཟིགས།)
• Dictionaries/sgom sde tshig mdzod chenmo/6727  + ((ཕར་ཕྱིན) མཚན་བཟང་སོ་གཉིས་འདྲེན་ཚུལ་ལ་ལུགས … (ཕར་ཕྱིན) མཚན་བཟང་སོ་གཉིས་འདྲེན་ཚུལ་ལ་ལུགས་་མི་འདྲ་བ་གཉིས་ཡོད་དེ། ཤེར་ཕྱིན་གྱི་མདོ་དང་མངོན་རྟོགས་རྒྱན་ལས་གསུང་ཚུལ་དང༌། བུ་མོ་རིན་ཆེན་གྱིས་ཞུས་པའི་མདོ་དང་རྒྱུད་བླ་མ་ལས་གསུང་ཚུལ་གཉིས་ཡོད་པ་ལས། 1 རང་གི་བདག་རྐྱེན་དུ་གྱུར་པའི་བསམ་གཏན་གྱི་དངོས་གཞི་ལ་བརྟེན་ནས་དེ་བཞིན་གཤེགས་པ་རྣམས་སྐྱེས་བུ་དམ་པར་མཚོན་པར་བྱེད་པའི་རྣམ་དཀར་གྱི་ཡོན་ཏན། སངས་རྒྱས་ཀྱི་མཚན་བཟང་གི་ཡོན་ཏན་གྱི་མཚན་ཉིད། དེ་ལ་དབྱེ་ན། ཕྱག་ཞབས་འཁོར་ལོས་མཚན་པ་དང༌། ཞབས་མཐིལ་མཉམ་པ་དང༌། སོར་མོ་དྲ་བས་འབྲེལ་བ་དང༌། ཕྱག་ཞབས་གཞོན་ཤ་ཆགས་ཤིང་འཇམ་པ་དང༌། སྐུའི་བདུན་མཐོ་བ་དང༌། སོར་མོ་རིང་བ་དང༌། རྟིང་པ་ཡངས་པ་དང༌། སྐུ་ཆེ་ཞིང་དྲང་བ་དང༌། ལོང་བུ་མི་མངོན་པ་དང༌། བ་སྤུ་གྱེན་དུ་ཕྱོགས་པ་དང༌། བྱིན་པ་ཨེ་ནེ་ཡ་ལྟ་བུ་དང༌། ཕྱག་རིང་བ་དང༌། འདོམས་ཀྱི་སྦ་བ་སྦུབས་སུ་ནུབ་དང༌། པགས་པ་མདོག་གསལ་བ་དང༌། པགས་པ་འཇམ་པ་དང༌། སྤུ་རེ་རེ་ནས་སྐྱེས་ཤིང་གཡས་ཕྱོགས་སུ་འཁྱིལ་བ་དང༌། མཛོད་སྤུ་དང༌། རོ་སྟོད་སེང་གེ་འདྲ་བ་དང༌། དཔུང་འགོ་ཟླུམ་པ་དང༌། ཐལ་གོང་རྒྱས་པ་དང༌། རོ་བྲོ་བ་མཆོག་དང༌། སྐུ་ཆུ་ཞེང་གབ་པ་དང༌། གཙུག་ཏོར་དང༌། ལྗགས་རིང་བ་དང༌། ཚངས་པའི་དབྱངས་དང༌། འགྲམ་པ་སེང་གེའི་འདྲ་བ་དང༌། ཚེམས་དཀར་བ་དང༌། ཚེམས་མཉམ་པ་དང༌། ཚེམས་ཐགས་བཟང་བ་དང༌། གྲངས་བཞི་བཅུ་ཐམ་པ་ཚང་བ་དང༌། སྤྱན་མཐོན་མཐིང་དང༌། ཁྱུ་མཆོག་གི་རྫི་མ་ལྟ་བུ་སྟེ་གཉིས་ཤེར་ཕྱིན་གྱི་མདོ་ལས་བཤད་པ་ལྟར་ཡིན་ཞིང༌། །མངོན་རྟོགས་རྒྱན་ལས་ཀྱང༌། ཕྱག་ཞབས་འཁོར་ལོའི་མཚན་དང་རུས་སྦལ་ཞབས། །ཕྱག་དང་ཞབས་སོར་དྲ་བས་འབྲེལ་བ་དང༌། །ཕྱག་ནི་ཞབས་བཅས་འཇམ་ཞིང་གཞོན་ཤ་ཆགས། །འདི་ཡི་སྐུ་ནི་བདུན་དག་མཐོ་བ་དང༌། །སོར་མོ་རིང་དང་རྟིང་ཡངས་སྐུ་ཆེ་དྲང༌། །ཞབས་འབུར་མི་མངོན་སྤུ་ནི་གྱེན་དུ་ཕྱོགས། །བྱིན་པ་ཨེ་ན་ཡའི་འདྲའི་ཕྱག་རིང་མཛད། །འདོམས་ཀྱི་སྦ་བ་སྦུགས་སུ་ནུབ་པའི་མཆོག །པགས་པ་གསེར་མདོག་པགས་པ་སྲབ་པ་དང༌། །སྤུ་རེ་རེ་ནས་གཡས་ལེགས་འཁྲུངས་དང༌། །ཞལ་མཛོད་སྤུས་རྒྱན་རོ་སྟོད་སེང་གེའི་འདྲ། །འདི་ཡི་དཔུང་པའི་མགོ་ཟླུམ་ཐལ་གོང་རྒྱས། །འདི་ལ་རོ་མི་ཞིམ་པའང་རོ་མཆོག་སྣང༌། །སྐུ་ནི་ནྱ་གྲོ་དྷ་ལྟར་ཆུ་ཞེང་གབ། །གཙུག་ཏོར་དབུར་ལྡན་ལྗགས་རིང་མཛེས་པ་དང༌། །ཚངས་དབྱངས་འགྲམ་པ་སེང་གེའི་འདྲ་དང་ཚེམས། །ཤིན་ཏུ་དཀར་དང་ཚད་མཉམ་ཐགས་བཟང་དང༌། །གྲངས་ནི་བཞི་བཅུ་ཐམ་པ་ཚང་བ་དང༌། །སྤྱན་ནི་མཐོན་མཐིང་སྤྱན་རྫི་བ་མཆོག་གི། འདྲ་བ་འདི་དག་སུམ་ཅུ་རྩ་གཉིས་མཚན། །ཞེས་གསུངས་པ་ལྟར་མཚན་བཟང་སོ་གཉིས་སོ། །2 གཉིས་པ་ནི། ཐེག་པ་ཆེན་པོའི་རྒྱུད་བླ་མ་ལས། བུ་མོ་རིན་ཆེན་གྱིས་ཞུས་པའི་མདོའི་རྗེས་སུ་འབྲངས་ནས། ལེགས་གནས་འཁོར་ལོས་མཚན་པ་དང༌། །ཡངས་ཤིང་ཞབས་ལོང་མི་མངོན་དང༌། །སོར་མོ་རིང་དང་ཕྱག་ཞབས་ནི། །དྲ་བ་ཡིས་ནི་འབྲེལ་བ་དང༌། །པགས་འཇམ་གཞོན་ཤ་ཅན་ལེགས་ཉིད། །སྐུ་ནི་བདུན་དག་མཐོ་བ་དང༌། །བྱིན་པ་ཨེ་ན་ཡ་འདྲ་གསང༌། །གླང་པོ་བཞིན་དུ་སྦུབས་སུ་ནུབ། །རོ་སྟོད་སེང་གེ་འདྲ་བ་དང༌། །ཐལ་གོང་བར་མེད་རྒྱས་པ་དང༌། །དཔུང་འགོ་ལེགས་ཟླུམ་ཕྱག་འཇམ་དང༌། །ཟླུམ་ཞིང་མཐོ་དམན་མེད་པ་དང༌། །ཕྱག་རིང་ཡོངས་སུ་དག་པའི་སྐུ། །འོད་ཀྱི་དཀྱིལ་འཁོར་དང་ལྡན་དང༌། །མགྲིན་པ་དྲི་མེད་དུང་དྲ་དང༌། །འགྲམ་པ་རི་དྭགས་རྒྱལ་པོ་འདྲ། །ཚེམས་ནི་བཞི་བཅུ་མཉམ་པ་དང༌། །རབ་ཏུ་དྭངས་དང་ཚེམས་ཚགས་བཟང༌། །རྣམ་དག་ཚེམས་མཉམ་ཉིད་དང་ནི། །མཆེ་བ་རབ་མཆོག་དཀར་བ་ཉིད། །ལྗགས་རིང་མཐའ་མེད་བསམ་མེད་དང༌། །རོ་བྲོ་བ་ཡི་མཆོག་ཉིད་དང༌། །རང་བྱུང་ཀ་ལ་པིངྐ་ཡི། །སྒྲ་དང་ཚངས་པའི་དབྱངས་ཉིད་དང༌། །སྤྱན་བཟང་ཨུཏྤལ་ཁྱུ་མཆོག་རྫི་འདྲ་དང༌། །ཞལ་མཛེས་དྲི་མེད་མཛོད་སྤུ་དཀར་ལྡན་དང༌། །གཙུག་ཏོར་དབུར་ལྡན་དག་ཅིང་སྲབ་དང༌། །པགས་པ་གསེར་གྱི་མདོག་ལྡན་སེམས་ཅན་མཆོག །བ་སྤུ་ལེགས་ཕྲ་འཇམ་ཞིང་རེ་རེ་ནས། །སྐུ་ཡི་གྱེན་དུ་གཡས་ཕྱོགས་འཁྱིལ་བ་དང༌། །དབུ་སྐྲ་དྲི་མེད་རིན་ཆེན་མཐོན་མཐིང་བཞིན། །ནྱ་གྲོ་རྫོགས་པའི་ལྗོང་ཤིང་དཀྱིལ་འཁོར་འདྲ། །སྲེད་མེད་བུ་ཡི་སྟོབས་མངའ་མཁྲེགས་པའི་སྐུ། །ཀུན་ཏུ་བཟང་པོ་དཔེ་མེད་དྲང་སྲོང་ཆེ། །བསམ་མི་ཁྱབ་འབར་སུམ་ཅུ་རྩ་གཉིས་པོ། །འདི་དག་སྟོན་པས་མི་དབང་མཚན་དུ་གསུངས། །ཞེས་གསུངས་པ་ལ་རྩ་བའི་དངོས་ཟིན་གྱི་གྲངས་སུ་སུམ་ཅུ་རྩ་གཉིས་ལས་ལྷག་པ་བྱུང་ཡང༌། ཕན་ཚུན་དུ་བསྡུས་ནས་འཇོག་ཅིང༌། དེའི་ཕལ་ཆེར་སྔ་མ་དང་འདྲ་བ་ལ། སྐུ་འོད་ཀྱི་དཀྱིལ་འཁོར་དང་ལྡན་པ་དང༌། མགྲིན་པ་དྲི་མེད་དབྱིབས་དུང་དང་འདྲ་བ་གཉིས་སྔ་མར་མི་འབྱུང་བའི་མཚན་སོ་སོར་བགྲང་བར་བྱ་བ་ཡིན་ལ། གཞན་ཡང་རྒྱལ་ཚབ་ཐམས་ཅད་མཁྱེན་པའི་རྒྱུད་བླ་དར་ཊཱིཀ་རུ། མདོ་སྡེ་ཁ་ཅིག་ནས་སྐུ་བདུན་མཐོ་བ་མེད་པར་པགས་པ་དག་ཅིང་སྲབ་པ་དང༌། གསེར་གྱི་མདོག་འདྲ་བ་གཉིས་ཕྱེ་ནས་སུམ་ཅུ་རྩ་གཉིས་སུ་བཤད་དོ། །ཞེས་འཇམ་དབྱངས་བསྟོད་སྤྲིན་རྒྱ་མཚོའི་འགྲེལ་པ་༧རྒྱལ་དབང་བདུན་པ་བསྐལ་བཟང་རྒྱ་མཚོས་མཛད་པ་ལས་གསུངས་པ་ལྟར་བཀོད་དོ། །སྒྲ་བཤད་ནི། རང་རྒྱུད་ལྡན་གྱི་གང་ཟག་སྐྱེས་བུ་ཆེན་པོར་མཚོན་པས་ན་མཚན་ནམ། མཚན་མ། རྟགས་མཚན་ཞེས་བྱའོ། །ན་པས་ན་མཚན་ནམ། མཚན་མ། རྟགས་མཚན་ཞེས་བྱའོ། །)
• Dictionaries/sgom sde tshig mdzod chenmo/9973  + ((ཕར་ཕྱིན) རྒྱུན་མཐའི་བར་ཆད་མེད་ལམ། ཏིང་ངེ་ … (ཕར་ཕྱིན) རྒྱུན་མཐའི་བར་ཆད་མེད་ལམ། ཏིང་ངེ་འཛིན་འདི་ལ་རྡོ་རྗེ་ལྟ་བུ་ཞེས་པ་ནི་དེ་ལ་བདེན་འཛིན་གྱིས་ནམ་ཡང་ཚུར་ལ་གནོད་པར་མི་ནུས་ཤིང༌། གཉིས་སྣང་འཁྲུལ་བའི་བག་ཆགས་མ་ལུས་པར་འཇོམས་པ་ལ་ཐོགས་པ་མེད་པའི་རྒྱུ་མཚན་གྱིས་དེ་སྐད་ཅེས་བྱའོ། །དེ་ཡང་རྗེ་ཙོང་ཁ་པ་ཆེན་པོའི་འཇམ་དབྱངས་བསྟོད་སྤྲིན་རྒྱ་མཚོ་ལས། མཐའ་དག་འཛིན་པས་ནམ་ཡང་མི་རྫི་ཞིང༌། །མ་ལུས་འཁྲུལ་སྣང་འཇོམས་ལ་ཐོགས་མེད་པའི། །ཏིང་འཛིན་ཀུན་གྱི་གཙོ་བོར་གྱུར་པ་གང༌། །རྡོ་རྗེ་ལྟ་བུར་གྲགས་པའི་ཏིང་ངེ་འཛིན། །ཞེས་གསུངས་པ་ལྟར་རོ། །གས་པའི་ཏིང་ངེ་འཛིན། །ཞེས་གསུངས་པ་ལྟར་རོ། །)
• Dictionaries/sgom sde tshig mdzod chenmo/7883  + ((ཕར་ཕྱིན) ལོ་ཙཱ་བས་བཀའ་དང་བསྟན་བཅོས་བོད་སྐ … (ཕར་ཕྱིན) ལོ་ཙཱ་བས་བཀའ་དང་བསྟན་བཅོས་བོད་སྐད་དུ་བསྒྱུར་བའི་ཚེ་བར་ཆད་ཞི་བ་དང་འགྱུར་མཐར་ཕྱིན་པར་བྱ་བའི་ཕྱིར་ཕྱག་འཚལ་བ་ལ་འགྱུར་ཕྱག་ཟེར། མངོན་པའི་སྡེ་སྣོད་ལ། འཇམ་དཔལ་གཞོན་ནུར་གྱུར་པ་ལ་ཕྱག་འཚལ་ལོ། །ཞེས་མངོན་པའི་སྡེ་སྣོད་ཀྱི་བརྗོད་བྱ་ལྷག་པ་ཤེས་རབ་ཀྱི་བསླབ་པའི་ཡུལ་རང་སྤྱིའི་མཚན་ཉིད་ཇི་ལྟ་བ་བཞིན་དུ་འབྱེད་པའི་ཤེས་རབ་ནི་འཇམ་པའི་དབྱངས་ལ་རག་ལས་པས་དེ་ལ་འགྱུར་ཕྱག་བྱ་བ་དང་། འདུལ་བའི་སྡེ་སྣོད་ལ། ཐམས་ཅད་མཁྱེན་པ་ལ་ཕྱག་འཚལ་ལོ། །ཞེས་འདུལ་བའི་སྡེ་སྣོད་ཀྱི་བརྗོད་བྱ་ལྷག་པ་ཚུལ་ཁྲིམས་ཀྱི་བསླབ་པའི་བཅས་པ་མཛད་པ་པོ་སངས་རྒྱས་ཡིན་པ་དང་། དེའི་བླང་དོར་གྱི་གནས་ཕྲ་ཞིང་ཕྲ་བ་རྣམས་སངས་རྒྱས་ཁོ་ནའི་མངོན་སུམ་གྱི་སྤྱོད་ཡུལ་ཡིན་པས་སྟོན་པ་སངས་རྒྱས་ལ་ཕྱག་འཚལ་བའོ། །མདོ་སྡེའི་སྡེ་སྣོད་ལ། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། །ཞེས་མདོ་སྡེའི་སྡེ་སྣོད་ལས་སངས་རྒྱས་དང་བྱང་སེམས་ཀྱི་མཛད་པ་དང་། ཉམས་ལེན་རྣལ་འབྱོར་གྱི་རིམ་པ་གཙོ་བོར་སྟོན་པ་དང་། དེ་རྣམས་ཏིང་ངེ་འཛིན་གྱི་བསླབ་པ་ལ་མངའ་བརྙེས་པའི་གང་ཟག་གི་གཙོ་བོ་ཡིན་པས་སངས་རྒྱས་དང་བྱང་ཆུབ་སེམས་དཔའ་ལ་ཕྱག་འཚལ་བ་སྔོན་གྱི་ཆོས་རྒྱལ་རྣམས་ཀྱི་བཀས་བཅད་པ་དང་མཐུན་པར་མཛད་པ་ཡིན་ནོ། །ས་ཀྱི་བཀས་བཅད་པ་དང་མཐུན་པར་མཛད་པ་ཡིན་ནོ། །)
• Dictionaries/sgom sde tshig mdzod chenmo/10230  + ((བརྡ་རྙིང) ནས་ཀྱི་བརྡ་རྙིང་། ཡོངས་འཛིན་ཁྲི་ཆེན་ངག་དབང་སྙན་གྲགས་དཔལ་བཟང་པོས། རྨེའུ་ནི་ནས་ཀྱི་བརྡ་རྙིང་ཡིན་གསུང་ངོ་། །ཞེས་དབྱངས་ཅན་དགའ་བློའི་ལམ་རིམ་བརྡ་བཀྲོལ་ལས་གསུངས་སོ། །)
• Dictionaries/sgom sde tshig mdzod chenmo/12690  + ((བརྡ་རྙིང) སྣམ་ཕྱིས་དང་འདྲ། དབྱངས་ཅན་དགའ་བློས་སྣམ་ཕྱིངས་ཞེས་བྲིས་ཡོད།)
• Dictionaries/sgom sde tshig mdzod chenmo/4904  + ((བརྡ་རྙིང) ཁོན་འཛིན་བྱེད་པའི་དོན། ཁྲོ་བའམ་ … (བརྡ་རྙིང) ཁོན་འཛིན་བྱེད་པའི་དོན། ཁྲོ་བའམ་སྡང་བའི་དོན་དུ། དབྱངས་ཅན་དགའ་བློ་གསུང་། སྤྱོད་འཇུག་ལས། གལ་ཏེ་གཞན་ལ་འཚེ་བྱེད་པ། །བྱིས་པ་རྣམས་ཀྱི་རང་བཞིན་ན། །དེ་ལ་ཁྲོ་བར་མི་རིགས་ཏེ། །བསྲེག་པའི་རང་བཞིན་མེ་བཀོན་འདྲ། །འོན་ཏེ་སྐྱོན་དེ་གློ་བུར་ལ། །སེམས་ཅན་རང་བཞིན་ངེས་པ་ན། །འོ་ནའང་ཁྲོ་བར་མི་རིགས་ཏེ། །མཁའ་ལ་དུད་འཐུལ་བཀོན་པ་བཞིན། །ཞེས་གསུངས་སོ། །འ་ལ་དུད་འཐུལ་བཀོན་པ་བཞིན། །ཞེས་གསུངས་སོ། །)
• Dictionaries/sgom sde tshig mdzod chenmo/3109  + ((བརྡ་སྤྲོད) ཐོན་སྔ་ཤོས་ཀྱི་དག་ཡིག་ཅིག དཔལ་ … (བརྡ་སྤྲོད) ཐོན་སྔ་ཤོས་ཀྱི་དག་ཡིག་ཅིག དཔལ་ཁང་ལོ་ཙཱ་བའམ། (རྒྱལ་དབང་ལྔ་པ་ཆེན་པོའི་རང་རྣམ་དུ་ཀཱུ་ལའི་གོས་བཟང་དུ་དཔལ་སྒང་ལོ་ཙཱ་བ་ཞེས་དག་ཆ་མི་འདྲ་བ་སྣང) མཚན་གཞན་དཔལ་ཁང་ཆོས་མཛད་དམ། མཚན་དངོས་ངག་དབང་ཆོས་ཀྱི་རྒྱ་མཚོ་དབྱངས་ཅན་སྙེམས་པའི་སྡེ་ཞེས་བྱ་བས་མཛད། རྒྱལ་དབང་བསོད་ནམས་རྒྱ་མཚོ་དང༌། ཀརྨ་པ་མི་བསྐྱོད་རྡོ་རྗེ་རྣམ་གཉིས་དང་སྐུ་དུས་མཚུངས་པར་བྱོན། དུས་མཚུངས་སུ་བྱོན་སྐོར་རྒྱལ་དབང་ལྔ་པ་ཆེན་པོའི་རང་རྣམ་དུ་ཀཱུ་ལའི་གོས་བཟང་དུ་ཟུར་ཙམ་གསལ དེའི་འགྲེལ་པ་ཁུ་ནུ་བླ་མ་བསྟན་འཛིན་རྒྱལ་མཚན་ནས་མཛད། དག་ཡིག་ངག་སྒྲོན་རྩ་འགྲེལ་ནི། དག་ཡིག་གསར་བསྒྲིགས་དང༌། བོད་རྒྱ་ཚིག་མཛོད་ཆེན་མོ་གཉིས་མ་བརྩམས་གོང་སྙན་གྲགས་དང་དར་ཁྱབ་ཆེ་ཤོས་ཀྱི་དག་ཡིག་ཅིག་ཡིན། ཁུ་ནུ་བླ་མ་རིན་པོ་ཆེས། ཐོན་སྔ་བའི་དག་ཡིག་ཅིག་ལ་བརྗོད་བྱ་འདི་འདྲ་ཐོན་པ་ངོ་མཚར་དང་རྩ་བ་ཆེན་པོ་རེད་ཅེས་བསྔགས་བརྗོད་ཡང་ཡང་མཛད་སྐོར་བདག་གི་བླ་མ་རིན་པོ་ཆེ་དགེ་བཤེས་བཀྲ་ཤིས་འབུམ་གྱི་ཞལ་སྔ་ནས་དངོས་སུ་ཐོས་སོ། །ཀློང་རྡོལ་བླ་མ་རིན་པོ་ཆེ་དང༌། མཁས་དབང་བསྟན་དར་ལྷ་རམས་པས། འོན་ཀྱང་རྩོད་བྲལ་གཞུང་ཆེན་ཟ་མ་ཏོག །ངག་སྒྲོན་མཚོན་པའི་དག་ཡིག་བརྡའི་བསྟན་བཅོས། །བཅུ་ཕྲག་གཉིས་ལས་བརྒལ་བའི་གཞུང་མང་ལ། །གཟུ་དཔང་བཅོལ་ཏེ་དེ་ཙམ་སྨྲ་ལ་སྤྲོ། །ཞེས་ངག་སྒྲོན་འདི་མཁས་པ་ཀུན་གྱིས་རྩོད་བྲལ་གྱི་གཞུང་དུ་འཛིན་པར་མཛད་དོ། །ྱིས་རྩོད་བྲལ་གྱི་གཞུང་དུ་འཛིན་པར་མཛད་དོ། །)
• Dictionaries/sgom sde tshig mdzod chenmo/8737  + ((བརྡ་སྤྲོད) དབྱངས་གསལ་གྱི་ཡི་གེ་རྣམས་སྦྱར་ … (བརྡ་སྤྲོད) དབྱངས་གསལ་གྱི་ཡི་གེ་རྣམས་སྦྱར་ནས་མིང་ཚིག་བསྒྲུབ་ཚུལ་དང་དེ་དག་ལ་ཕྲད་སོགས་སྦྱོར་ཚུལ་གྱི་རྣམ་གཞག་ལ། ཡི་གེའི་སྦྱོར་བ་ཟེར་བར་སྙམ། སུམ་ཅུ་པའི་རྩ་བ་ལས། བསླབ་པ་ཀུན་གྱི་གཞི་འཛིན་ཅིང་། །རིག་བྱེད་སྨྲ་བ་རྣམས་ཀྱི་རྒྱུ། །མིང་ཚིག་བརྗོད་པ་ཀུན་གྱི་གཞི། །ཡི་གེའི་སྦྱོར་བ་བཤད་པར་བྱ། །ཞེས་གསུངས། སྒྲ་བཤད་ནི། འདུལ་བ་རྣམ་པར་འབྱེད་པའི་ཚིག་རྣམ་པར་བཤད་པ་༼ ཚུ ༽༣༤ན༧ལས། ཡི་གེ་ཞེས་བྱ་བ་ནི་ཨ་ལ་སོགས་པ་ཡི་གེའི་སྒྲར་བརྗོད་པ་དག་གོ། སྦྱོར་བ་ཞེས་བྱ་བ་ནི་ཡི་གེ་བསྡུས་པ་སྟེ། གང་གིས་ཡུལ་དང་དུས་ལ་སོགས་པ་ངེས་པར་མ་ཆད་པའི་དོན་གྱི་བདག་ཉིད་རྗོད་པར་བྱེད་པ་དཔེར་ན་བུམ་པ་ཞེས་བྱ་བ་ལ་སོགས་པར་ཡིག་འབྲུ་སྦྱར་བའོ། །ཞེས་གསུངས་པ་ལྟར་རོ། །་ཡིག་འབྲུ་སྦྱར་བའོ། །ཞེས་གསུངས་པ་ལྟར་རོ། །)
• Dictionaries/sgom sde tshig mdzod chenmo/11611  + ((བརྡ་སྤྲོད) བོད་ཀྱི་བརྡ་སྤྲོད་པའི་གཞུང་ལུགས་ཀུན་གྱི་ཕྱི་མོ་སུམ་ཅུ་པ་དང་རྟགས་ཀྱི་འཇུག་པ་གཉིས། འཇམ་དབྱངས་རྣམ་འཕྲུལ་ཐོན་མི་སཾ་བྷོ་ཊས་མཛད།)
• Dictionaries/sgom sde tshig mdzod chenmo/3015  + ((བརྡ་སྤྲོད) བོད་ཀྱི་ཡི་གེ་དང་བརྡ་སྤྲོད་ཀྱི … (བརྡ་སྤྲོད) བོད་ཀྱི་ཡི་གེ་དང་བརྡ་སྤྲོད་ཀྱི་གཞུང་སྲོལ་གཏོད་པ་པོ། འཇམ་དབྱངས་རྣམ་འཕྲུལ་ཐོན་མི་སཾ་བྷོ་ཊ་ཞེས་བྱ་བ་ཆོས་རྒྱལ་སྲོང་བཙན་སྒམ་པོའི་ནང་བློན་ཞིག་སྟེ། ཕྱི་ལོ་ (༦༡༩) ལ་ལྷོ་གཉལ་བ་ཞེས་པའི་སའི་ཆར་སྐུ་འཁྲུངས། དགུང་གྲངས་བཅོ་ལྔ་བཞེས་པའི་དུས་སུ་ (ཕྱི་ལོ་༦༣༣ལོར) རྒྱལ་པོའི་ (དེ་དུས་སྲོང་བཙན་སྒམ་པོ་དགུང་ལོ་བཅུ་བདུན་ཡིན་ཟེར) བཀའ་བཞིན་ཐོན་མི་ཨ་ནུ་ལ་འཁོར་བཅུ་དྲུག་དང་བཅས་པ་རྒྱ་གར་དུ་ཡི་གེ་སློབ་ཏུ་བཏང་ནས། པཎྜི་ཏ་ལྷ་རིག་པའི་སེང་གེ་སློབ་དཔོན་དུ་བསྟེན་ཏེ་ལོ་བདུན་དུ་ཀ་ལཱ་པ་དང་ཙནྡྲ་པ་ལ་སོགས་པའི་སྒྲའི་བསྟན་བཅོས་རྣམས་ཆ་ཚང་བར་བསླབས་ཤིང་། ནང་པའི་མདོ་རྒྱུད་ཀྱི་ཆོས་རྣམས་ཀྱང་མཁས་པར་སྦྱངས་ཏེ། བོད་དུ་ཕྱིར་འཁོར་ནས་བོད་ཀྱི་ཡི་གེ་དང་བརྡ་དག་གི་གཞུང་གི་སྲོལ་བཏོད་ཅིང་། མདོ་སྡེ་ཟ་མ་ཏོག་བཀོད་པ་དང༌། དཔང་སྐོང་ཕྱག་བརྒྱ་པ་དང༌། མདོ་སྡེ་དཀོན་མཆོག་སྤྲིན་ལ་སོགས་པ་བསྒྱུར། ད་ལྟ་བཀའ་འགྱུར་བསྟན་འགྱུར་སོགས་གླེགས་བམ་ཁྲི་ཚོགས་བརྒལ་བར་ཡོད་པ་དང༌། གཞན་ལ་འགྲམ་ཆུ་ལྡང་མི་དགོས་པའི་བོད་ཀྱི་ཐུན་མོང་མ་ཡིན་པའི་རིག་གཞུང་བཟང་པོ་ཡོད་པ་ཡང༌། སློབ་དཔོན་འདིའི་ཐུགས་རྗེ་ཉག་གཅིག་གི་མཛད་ཡིན་པས། ཁ་བ་གངས་ཅན་པ་སོགས་ཧ་མ་ལ་ཡའི་རི་བརྒྱུད་པ་ཀུན་ལ་སྐུ་དྲིན་ཤིན་ཏུ་ཆེ་བ་ཡིན་ནོ། །ཐོན་མི་ཉིད་ཀྱི་ཞལ་ནས། ང་དྲིན་ཅན་གྱི་བློན་པོ་ཐོན་མི་ངས། །ལམ་བགྲོད་པར་དཀའ་བའི་རྒྱ་གར་དུ། །ལུས་ཚ་གྲང་ཆེ་ཡང་བཀའ་བ་སྤྱད། །ཁོང་མཁས་པ་བྲམ་ཟེ་ལི་བྱིན་ལ། །ཡིད་གུས་པའི་ཚུལ་གྱིས་མོས་གུས་བྱས། །ཞེས་སོགས་དང༌། ཡུལ་མཐའ་འཁོབ་བོད་ཀྱི་རྒྱལ་ཁམས་འདིར། །མི་མཁས་པ་སླེབས་པའི་སྔ་མ་ཡིན། །ང་མུན་པ་སེལ་བའི་སྒྲོན་མེ་ཡིན། །རྗེ་རྒྱལ་པོ་ཉི་ཟླའི་ཚུལ་དུ་བཞུགས། །གྲོགས་བློན་པོའི་ཁྲོད་ན་ང་ཙམ་མེད། །བོད་ཁ་བ་ཅན་པའི་མི་རྣམས་ལ། །ང་ཐོན་མི་བཀའ་དྲིན་མི་ཆེའམ། །ཞེས་སོགས་གསུངས་པ་ལྟར་རོ། །སྒྲ་བཤད་ནི། ཐུ་མིའམ་ཐོན་མི་ནི་རུས་ཀྱི་མིང་དང༌། སཾ་ནི་ལེགས་སྦྱར་གྱི་སྐད་དེ་ཡང་དག་པའམ་བཟང་པོ། བྷོ་ཊ་ནི་བོད་དེ། བོད་བཟང་པོ་ཞེས་རྒྱ་གར་བ་རྣམས་ཀྱིས་ཀྱང་ཆེས་ཆེར་བསྔགས་པར་མཛད་པས་དེ་སྐད་ཅེས་བྱའོ། །ཐོན་མི་སཾ་བྷོ་ཊ་ཡང་ཟེར།་དེ་སྐད་ཅེས་བྱའོ། །ཐོན་མི་སཾ་བྷོ་ཊ་ཡང་ཟེར།)